25-12-18, 08:12 AM
| #843 | ||||||||
| مراقبة عامة ومشرفة منتدى الروايات المنقولة  
|  السلام عليكم مساء الفل وشلونكم اسفه والله طولت عليكم واجد مدري وش فيني كل ماجيت أكتب ماقدر والله وارجع واقفل الجهاز مدري وش فيني أول مره تصير معي بس ان شاءالله بحاول وبضغط على نفسي وبنزل لكم خلال هاليومين استودعتكم الله &نـــونـي بنت الجنوب & | ||||||||
|  |
|
28-12-18, 05:49 AM
| #847 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
| استغفر الله وسبحان الله والله أكبر اللهم صل وسلم على نبينا محمد ( صلوو عليه ) @ @ @ { 44 } آسفه حبايبي لو فيه أخطاءإملائيه والله نزل بدون مراجعه ولا لي مزاج ابد للمراجعه ويالله كملته هالمره كتبته بدون نفس الله يستر بس لا تزعلون مني وتقولون ليتش يانوني هجدتي ولا نزلتي هالبارت هههههههه @ @ طالعته بصدمه... من نطقه لاسمها ..شدت على يدها بقهر ...يوم تقدم منها وكأنه باقي ماهو مصدق بوجودها قالت بعصبيه وحقد :بعض مرات اشك انها العروس الجديدة عناد طالعها وتوه يستوعب .. ورجع طالع الشموخ الي أختفت من قدامهم ودخلت غرفتها تعوذ من إبليس وقال بحده : عبير ياليت شوية أحترام مهما كان الشموخ زوجتي مثل ماأنتِ زوجتي ياليت تعرفي حدودك عبير بعصبيه قاطعته : عناد الحين جاي لي وأنت تدري بحالتي وشلون ونفسيتي بعد وفاة عمتي بدل ماتهدي علي وتطيب خاطري جاي تعلمني حدودي تصدق الحجه ماهي عليك الحجه علي الي رضيت أجي بمكان هي فيه بس كذبت علي وقلت ماهي فيه عناد زفر بضيق وقال : ماكذبت وأكبر دليل اني تفأجت بوجودها قدامك عبير بقهر : تفأجت ولا ضاعت علومك يوم شفتها أكيد حبيبة القلب عنا قاطعها :عبير أنتِ تعبانه الحين وماتدري وش تقولين وتعالي لغرفتك وبعدها نتفاهم عبير بقهر : على وشهوو نتفاهم على وجودي وجودها بنفس البيت عناد لا تجنني معاها مراح اسكن وش يحدني بالله عناد عض شفته وقال : عبير من الحين أقولك راضيه تعيشي معي وأنتِ ساكنه بذي الشقه وكلنا مع بعض اهلاً واسهلاً عندك غير ذا الكلام من الحين أقولك الله يستر عليك وماهو عناد الي تمشيه مره ترى أكثر وحده عارفه انتِ جبتك اجيب بدالك ولا سأل في وحده فيكم عبير عضت شفتها وهي تحاول تمسك نفسها فعلاً يسويها ..حاولت تمسك نفسها شوي وهي قادره تلعب عليه وتخليه يطردها من حياتهم قالت بخبث وهي تقرب منه : على أمرك وأسفه بس عناد من حقي أغار عليك وبذات يوم تنادي اسمها كذا احس بشي من التملك ياليت قدامي ماتنطقه بذي الطريقه شافته بيتكلم قالت وهي تمسك يده بتملك :اغار لا تلومني عناد زفر بضيق ..وسب نفسه مليون مره مايدري يرضي مين فيهم ..بس مثل العاده قلبه سيره اعطاها ظهره ...واتجهه لغرفة الشموخ اخذ نفس مافيه على نظرات عيونها ... الي تبدلت من شموخ لانكسار مهما حاولت تخفي هالشيء واضح عليها بذات تذبحه نظرة العتاب الي يشوفها ...سم بالله وفتح الباب ودخل شافها قدامه متمدده على السرير ..أول ماشافته غطت رأسها بالمفرش ..عض شفته يوم حس انها تصيح قرب وجلس على السرير ومد يده يبي يبعد المفرش بس رفعت يدها تحاول تمنعه ..قال بهمس :مادريت بجيتك كان ماجبتها اليوم الشموخ حاولت تمنعه مايسحب المفرش ماتبيه يشوف دموعها ...هي تعبانه من سفر أهلها وهذا جاء كمل عليها ...حاولت تمنع شهقتها توصل له يوم بدأ يبرر لها ..ودها تصرخ وتقوله ..وش راح تفرق لو جبتها اليوم ولا بعدين ..ماهو في الأخير راح تجيبها وراح تذبحها ....يوم رجع يحاول يسحب المفرش قالت بصوت مخنوق : عناد خلاص خلني تكفى يكفي سفر أهلي وحدتي بعدهم مافيني اتحمل شيء ثاني منك عقد حواجبه مصدوم وقال: سفر أهلك الشموخ بغصه :افرح جاك الي تبيه الحين استفرد فيني وسوي الي يبرد قلبك مافي أحد بيوقف لك عناد نزل نفسه شوي وقال بصوت واطي : ودي أكسرك أكثر بس والله يعز علي وسكت ماقدر يكمل مافيه يجرحها مثل أول يحس قلبه معاد يقوى مهما حاول الشموخ قفلت عيونها مصدومه من الكلام الي يقوله أبد ماتوقعت تسمعه بذات هالوقت وهذي حالتها توقعت على الأقل يطيب خاطرها شوي من باب الا نسانيه صرخت وهي تبعد المفرش عن وجهاا : عناد برااا وضربته على صدره بقهر اطلع مابي أشوفك وصرخت أكثر وهي منهاره أنا استاهل مارحت مع أهلي إلا أبوي عرض علي انفك منك ومن حياتي معك وبقهر رجعت تضربه على صدره يوم شافته يطالعها بدون مايتكلم ...ليه ليه جايبها لبيتي تبي تقهرني تبي تكسرني على قولك برفووو عليك وصلت لمبتغاك كسرتني وش تبي أكثر عشان ضميرك يرتاح عناد رفع يده وهو يحاول يكتفها وقال بحده : خلاص اهدي شوي الشموخ صرخت وهي منهاره :تبيني اهدى بعد وشهوو بعد ماحطمتني سحبت يدها من يدينه وضمت نفسها وهي ترفع رجولها ونزلت رأسها وقالت بغصه :عناد تكفى طلقني الله يخليك وخلني الحق أهلي واعيش براحه وسلام خلاص والله انتقمت مني على الأخر شافته بيتكلم هزت رأسها وقالت كنت بروح معاهم من غير ماتدري بس ماقدرت والله ماقدرت ونزلت رأسها على ركبتها تصيح بصوت يقطع القلب عناد تطلب منها يطلقها ذي ناويه تذبحه هو لو يقدر كان طلقها من زمان ..قال وهو يرفع رأسها : ماقدرتي عشان خايفه لا افضحك مدام ماهو قد تصرفاتك ليه تخطين كذا وتخلينا كلنا نتعذب بذي الطريقه الشموخ رجعت نزلت رأسها وصاحت بقهر مافيها ترد عليها وش تقوله عن تصرفاتها الطائشه بس حاولت تستجمع نفسها شوي يوم تذكرت وجود عبير والحين أكيد رآح تسمعهم وتفرح بس عضت شفتها يوم قال :الحمدلله وانتِ مارحتي كان الله العالم وش تكون رد فعلي قالت بثقه :أنت رجال ماراح تسويها ومارحت ماهو خوف بس مابي أغدر فيك واروح بدون ماتدري أبيك بنفسك توصلني عناد رفع حاجب وقال :لا توثقين كثير ي الشموخ فيني وقف وقبل يطلع قال : جهزي نفسك بوديك لميمتك مثل ماكان تبين بس اودي عبير لأهلها الشموخ تفأجت ماتوقعت أبد يعرض عليها انه يوصلها الي تذكر انه اعترض على روحتها لميمتها هزت رأسها بدون صوت أفضل شيء يسويه انه يبعدها عن جو الشقه هذي الي بتخنقها بذات مع وجود عبيرر الي ماتدري اشلون تتقبل وجودها بنفس الشقه بس بتحاول تقنع عناد يشوف حل لو رفض يطلقها .... طلع من الغرفة ...وهو ضايق ...حده ندمان حده انه جاب عبير معه للبيت ليته تركها الحين وش يقول لها بردك لأهلك أكيد ماراح ترضى وبتزعل ومن حقها ...شافها قدامه بالصاله جالسه على الكنبه وهي تهزز رجولها بعصبيه ... أفضل شيء مايقولها ارد لبيت أهلك قال بضيق : يالله نحجز فندق حتى افرش لك الغرفه الثانيه عبير بقهر وقفت وقابلته : يعني كنت ناوي اليوم تخليني انام على سريرها ... عناد فعلاً وشلون كان بيخليها تجلس بغرفة الشموخ اخ وشلون راحت عنه هالفكرة بس والله كله من أمه هي الي الحت عليه وطول الوقت تعاتبه ليه مخليها ليته ماطاوعها بذات الليله ماقدر يبرر لها قال بحده : عبير قدامي وانتِ ساكته مافيني أخذ وأعطي معك أكثر عبير تحركت معه وهي معصبه ... وتدعي عليه وعليها ... وش الي خلاها توافق عليه مدام كذا قلبه متعلق بمرته بس على مين مستحيل تخليها تنتصر بتحارب وراح تفوز قالت قبل يحرك السياره : وصلني بيت أهلي والليله تجي لي ونروح نختار غرفة لي ولك هز رأسه بدون صوت ... وصلها لبيت أمها وبعدها رجع الشقه شافها جالسه بعبايتها قدامه بالصالة تنتظره ابتسم بألم لهالدرجة تبي فرقاه .. أخذ الشنطه عنها وتحرك قبلها ..طول الطريق وهو ساكت وهي ساكته طالعها ورجع طالع الطريق وسألها بفضول :ليه أهلك قرروا يرجعون جدة غريبه ماتوقعت سفريتهم تكون بهالسرعة الشموخ طالعته وقالت بقهر وهي تدعي على مصعب : بسبة مشكله صايره بينه وبين مصعب ال.... وسكتت يوم شافت عروق يده وضحت لها يوم شد على الدركسون وقال وهو صاك على سنونه : خلاص مابي أعرف الشموخ عضيت شفتي بندم ..وشلون اذكر اسمه قدامه كان ضروري أقول ..بس هو الي سأل ماعلي فيه ..صديت وأنا اتذكر سواته فيني من شويه وجيته مع عبير لبيتي أول ماوصلنا قال بنزل معك بسلم على جدتك الشموخ ابتسمت بحزن يوم شافت جدتها بستقبالها ومثل العادة طاحت ...بعناد تغزل ابتسمت بدون شعور يوم شافت عناد منحرج : الشموخ ماهو كأن زوجك يستحي بزيادة الشموخ طالعت عناد الي تحسه فعلاً منخرج من جدتها وكلامها ... ابتسمت لها وقلت وانا اهمس لها : استلمتي الرجآل الحمدلله وجدي ميت كان طلقك اليوم وريحتي فيها ابتسمت وقالت : كاني اشم ريحة غيره الشموخ ابتسمت لها وأنا اضمها ابتعدت عنها يوم عناد وقف وقال : يالله استودعتكم الله وطالعني ورجع صرف نظره لجدتي قرب منها وسلم فوق رأسها وقفت وهي معترضه : افااا وانا ام سطام تطلع بدون ماتأخذ واجبك لا والله مايصيرر وطالعت الشموخ روحي عجلي على الخدم خليهن يعجلن بالغدا عناد : اعذرني وراي خط و... أم سطام بزعل وحده : والله ان تمرح قبل تأخذ واجبك ماغير بزعل منك وعاد زعلي كايد وطالعت الشموخ ورفعت عصاها اجلس اجلس ترى قلبي مغبون منك ومن الي سويته في بنتي الحين الشموخ تستاهل تجيب عليها شريكه بس قلت قبل احكم عليه وازعل منه بسمعه يمكن يقنعني بعذره وطالعت الشموخ الي نزلت رأسها عضت شفتها بقهر من حالتها بس حاولت تقويها وهي تقول عاقله وهي بقت على ذمتك طالعه مثل ميمتها جاب فوقي ثلاث وفي الاخير رد لي ومصيرك ترد لها بس بنتي وكاد قلبها يتحمل مثل ميمتها ماتصد وتعرف وقتها وش خسرت عناد حس بكلامها قوي زعلانه منه وبنفس الوقت تعاتبه بلطف ...طالع الشموخ الي ..صدت وطلعت من الغرفة ..وخلته معاها لحاله ..ماحس إلا بالضربه على كتفه عقد حواجبه وقال : تعوذي من ابليس وش زينك من تووو وش قلبك كذا الله يهديك ام سطام بقهر وعتب : الحين بالله وشلون يطاوعك قلبك تكسر قلب الشموخ كذا انا عارفه ان بنت بنتي عوبه شوي ولسانها طويل بس مهما كان لازم كان تصبر عليها شوي لما تفهمها وتراى زعلانه منك حدي بس ماوضحت قدامها واستقبلتك وانا قلبي ضايق منك حيل على ان أول ماشفتك قلبي انفتح لك وفرحت انها صارت من نصيبك وربي فكها من ولد عمها بس بالأخير تسذا تصدمني يوم تضيمها ليه وش سوت حق ذا كله وبذات وأنتم ماكم لكم معرسين عناد قاطعها بضيق وقال : ماسوت شيء ماغير الشرع حلل لي وقلت بجرب وأنا رجآل مقتدر ماعلي قاصر أم سطام بقهر وعصبيه :ي مخبول الي يتزوج يبي يجرب على قولك الي له سنوات مع مرته ماهو أنت ماكمل لكم السنه لا منك اعطيتها فرصه تفهمك ماغير كسرت قلبها عناد اعطاها ظهره وطلع وهو يقول : اترخصك شاف قدامه الشموخ جايه يمهم قال بضيق : يومين نفسيتك تزين وبرجع أخذك شافها بتعترض قال وهو رافع حاجب ولا ماهو ناويه تكملين جامعتك لا تنسين الاسبوع الجاي تبدأ الشموخ نزلت رأسها وقالت : تمام عناد قرب منها وقال :انتبهي على نفسك الشموخ هزت رأسها وقالت : طيب اجلس طيب خاطر جدتي بتزعل منك يوم ترفض عزيمتها بذات والسفرة جاهزه عناد ابتسم بسخريه وقال :هي زعلان من غير خليني انسحب بكرامتي أفضل الشموخ عقدت حواجبها بفضول ودها تعرف وش صار بغيابها :ايش صار من توو وهي طايحه فيك حب عناد هز رأسه وقال : مافيه شيء لا تشغلي بالك وماوصيك انبسطي وانسي كل شيء حتى عناد تمام الشموخ ابتسمت بألم اسمعوو مين يوصيها جلادها شافته وهو يبي يطلع همست بدون شعور الله يحفظك طالعها وابتسم لها ارتبكت معقول سمعها ... حضرت الفطور .. على الطاولة ..وسحبت كرسي وجلست ..أخذت شطيره ومسحت عليها بالجبن طالعته يوم دخل المطبخ ..وسحب كرسي وجلس مقابلها ...رجعت طالعت الأكل مد يده للأكل من غير مايتكلم ولا يوجهه لها اي كلمة مدت يدها وسكبت له كوب شاي ومدته له ورجعت تأكل بهدوء .. قال بسخريه : فطور ولا غدا رفعت حاجب عارفه انه يتمسخر عليها ليه تأخرت بنومتها وتأخر الفطور ..عن موعده ... طنشته وكملت أكلها وماردت عليه ..بس طالعته بصدمه يوم قال :ياليتس على الأقل هديتي عليها شوي بدل ماخليتيها وهي حالتها تسذا ...عشان تحس بس ان كلنا بصفها بلعت اللقمه بصعوبه الي حسيتها وقفت ببلعومي وقلت بقهر : عواد سامع وشلون هدت علي وأنا ماتكلمت أجل وشلون لو قلت لها شيء والله ماغير تأكلني بلسانها قاطعها عواد :لو حست انتس بصفها صدقيني ماراح تحس بشماتس عليها شمسه فتحت عيني بصدمه أكثر وأشرت على نفسي : حتى أنت مصدق اني شمتانه فيها عواد بضيق : شمسه لا نكذب على بعض كلنا نعرف وشلون علاقتس مع حياة شمسه أخذت نفس وأنا احاول اهدي نفسي وقفت وأنا ادعي يارب اعطني صبر على صبري .. أخذت صحني وحطيته على المغسله طالعته يوم قال بحده :خبري أمي وأمتس مايقومون ورجاجيلهم باقي مقد كملو أكلهم قفلت عيوني بصبر وقلت وأنا اسحب الكرسي واجلس :آسفه تفضل كم أكلك عواد وقف وقال بحده :هي كلمة وحده ي شمسه حياة من اليوم ورايح جالسه معانا خلاص أتمنى ماتجرحيها بكلمه ورفع حاجب وقال بتهديد ومابي اسمعها تشكي.....صدقيني ماهو بصالحتس أبد شمسه وقفت وقابلته وانا معصبه حدي هذا سكت له واجد وهو ماقصر زودها : عواد ماهو مستعده اتحملها اوك لو غلطت علي ماراح اسكت عن حقي وانت وقتها..... قاطعها عواد بعصبيه : وانا وقتها بالطقاق في حريقه صح مايهمتس أبد رضاي شمسه رفعت حاجب وقالت :مثل ما تحب افهمها وماراح ابرر ولا اوضح لك غلطت علي تأخذ جزاها كفت شرها ماراح اجي صوبها وأنت أكثر واحد عارف اني ماعمري احتكيت فيها ماغير هي ماتخلي فرصه ماغير ترمي حكي مثل وجهااا عواد صرخ بعصبيه : شمسه احترميني شوي وش ذا الكلام شمسه طنشته واعطته ظهرها وأخذت الصحون من على الطاولة وهي معصبه حدها طالعته بسخريه يوم قال وهو يطالع يدها وهو عاقد حواجبه : من وشهوو متعوره شمسه ابتسمت بسخريه :دجه ومطفوقه ماعرف انتبهه لنفسي وشوف وش نهايته تعورت استاهل عواد رفع حاجب وهو يحس بسخريتها انسحب من المطبخ وهو يقول : عازم حياة على الغدا بمطعم ابي نفسيتها تتغير تجهزي كلنا بنروح شمسه عضيت شفتي بقهر وقلت :مشكور مابي اروح معاكم انتم روحوو وخذو راحتكم ورفعت الكاس وهي تغسله وبسخريه صدقني لو شافتني معاكم نفسيتها بتشين وطالعته وقالت وأنت طبعاً هالشيء مايرضيك لحبيبة قلبك عواد بتطنيش لكلامها قال: معك ساعتين تكفيتس على ماظن وشغل الغيرة ذا خليه أبد ماهو بلايق عليتس أختي ولها حق وطلع وخلاها شمسه من القهر شدت على الكاس ماحست فيه إلا ينكسر بيدها طيحته بالمغسله وهي تطالع يدها والدم ينزل بغزاره ..عضت شفتها وهي تتألم آه يدها كلها متعوره سحبت فاين وجففت الدم وطلعت للصاله شافته متمدد على الكنبه ومنشغل بجواله انسحبت لغرفتة ..وانشغلت بتنظيفها تبي تشغل نفسها ماتبي تجلس ...معاه ويرجع يغثها بتوصيته لأخته ...جلست على السرير بعد ماسحبت فاين ورجعت تجفف هالدم الي رافض يوقف بذات مع تحريك يدها ...أخذت نفس وهي تطالع الغرفة تكرها هالغرفة حيل ..طالعت المكان الي تحطمت كل حياته فيه ..تعوذت من ابليس وقفت لو جلست زيادة بالغرفة بتتعب نفسيتها زود ..شافته داخل عليها وهو يقول :مافي وقت شمسه تجهزي البنات جاهزين شمسه اعطيته ظهري وقلت وأنا أخذ الملابس الي يبي لها غسيل : مابي اروح عواد مسكها من عند كتوفها ولفها له وهو يقول بزعل:تردي عزيمتي شمسه طالعته وقالت : ماهي لي هالعزيمه لأختك وجودي ماله داعي بينكم عواد بضيق : نفسي يوم اقول شيء ماتعاندي فيه شمسه بضيق ودها تصرخ عليه وتذكره بكلامه من شوي بس كبرت عقلها وقالت : عواد خلاص روح لا تتأخر عليهم عواد قال بعناد :شمسه تجهزي لا تخليني اعصب الحين شمسه هذا وشلون يفهم راح تنكد علي أخته وبذات وهم جالسين مع بعض قالت بقهر :عواد والله تعبانه مافيني خلاص لا تغصبني على شيء مابيه عواد قال بهمس :شمسه والله ماراح ارتاح بالطلعه وانتِ ماهو معي شمسه رفعت حاجب بسخريه الي يسمعه الطلعه لها ماهو لست حياة قالت :صدقني بترتاح مدام حياة موجوده ولا راح تجيب خبري عواد بقهر : وش قايل من تووو أنا صراحه غيرتتس من أختي ي شمسه أوفر توقعت أنتس اعقل من تسذا بس جالسه تصدميني أكثر فيتس شمسه بعصبيه صرخت عليه : الحين أنا الي اغار منها عواد ثمن كلامك معي عواد : أجل وشهو الي افهمه من تصرفاتك وأكبر دليل رفضتس للعزيمتي ولا متضايقه عشان بس عرمت خواتي معانا شمسه فتحت عيني بصدمه من تحريف الكلام والله هذا حرام أكلمه ولا اعيد وازيد معه طلعت من الغرفة وأنا اسمعه يقول والله لو ماتجهزتي صدقيني ماراح يصير شيء يرضيتس شمسه حسيت فعلاً يدور مشاكل اليوم أفضل شيء ادق على أبوي واخليه يوديني لبيت سميره اندق باب الشقه اتجهت له وفتحته شفت ابتسام واقفه وقالت وهي تطالعني من فوق لتحت : باقي بلبس البيت ليه ماتجهزتي ومن شوي عواد مرسل لنا يقول على وشك تجهزين شمسه حسيت بفشله وش اقولها يعني رافضه اروح تخاف تفهمها غلط مثل أخوها قلت وأنا احاول ابتسم : والله بروح لخواتي وسكت وأنا اسمع عواد يقول من ورأي أجل تجهزي امر بتس على طريقنا حسيت بقهر منه بذات يوم احرجني تسذا قدامها شفته يعطني ظهره وهو يقول :تجهزووا وانزلوو لا تأخذكم السواليف انتظركم بالسيارة طالعت ابتسام الي تطالعني وهي عاقده حواجبها وقالت :لا تقولين متهاوشين مع بعض وانا توني انا وبسام امس محتفلين بسبب تراضيكم شمسه بقهر ضربتها على كتفها : وش دخلتس تحتفلي أنتِ ورجلتس عشانا ابتسام مسكت مكان الضربه وقالت : يقال مشاركه منا بس صدق مابتس خير ولا تعرفين معروف حد واجبه الي يقدمه لتس شمسه صغرت عيوني بقهر ..وقلت :طيب ي راعية الواجب انثبري هنا لما اغير ملابسي بالصالة قال بضيق وحزن على حالها : خلاص قلت لتس طلعيه من حياتس والحين يالله راح تطلعين وتفكين عن نفستس وتنسينه قليل المرجله أم عواد بعتب : لاتخرب بيت أختك ي عواد بدل ماتهدي بينهم وتعرف ماشاءالله لسان أختك أكيد ماهي مقصره فيه وحدته على الي سواه حياة بقهر :اسمع ياعواد يعني الحين أنا الي خليته ينقلع يتزوج علي ويجيب على رأسي مره عواد طالع أمه بعتب أبد ماهو وقت كلامها بذات وهو يالله قدر يطيب خاطرها شوي وقف وقال :يالله يمه خليني اساعدتس تطلعين السياره أم عواد وهي معترضه : يمه مالي بهالروحه والله ولا لي ب المطاعم عواد ابتسم : افاااا تبيني ازعل منتس يمه يوم تردي عزيمتي أم عواد حطت يدها على كتفه : مالي بهالروحه بس عشان خاطرك وخاطر ابتسام مابيها المسكينه تجلس معي لو جلست عواد مسكها من يدها وهو يمشيها وساعدها تركب السياره وطالع أخته حياة وهمس لها : وأنا أخوك مهما قالت أمي حاولي توسعي قلبتس صديقني ماتبي غير مصلحتس لا تفهميها شيء ثاني عشان خاطري ي حياة حياة : على أمرك ي خوي والله يطول لي بعمرك ولا يحرمني منك ي عزوتي عواد ابتسم لها بحب شال بنتها لفوق وهو يبوسها وركبها جنب أمها وركب مكانه وعينه على البوابه ينتظر ابتسام وشمسه ...شوي وشافهم طالعين زفر بضيق بسبة عنادها أخرتهم ...اول ماركبووا حرك السيارة .... وهو معصب ... شمسه كنت اراقب الطريق أحسه أبد ماهو الي يودي لبيت أختي قلت بقهر : عواد لا تنسى وصلني بيت اختي عواد رفع نظره بالمرايا وطالعها وقال :تغدي وبعدها اوصلتس شمسه عصبت من قلب ودي اعطيه كم كلمة بس طالعت خالتي يوم قالت : ايه يمه تغدي وبعدها يوديتس وبعتب بان بصوتها على ان مفروض اليوم تجلسي مع رجلتس عين أمه مسافر وأختس ملحقه عليها عضيت شفتي بقهر أكرههه نقدها لي عشان ولدها رفعت عيني وطالعته بالمرايا حسيت ابتسامته اترسمت على وجههه ..مبسوط ال****** صديت بقهر بدون مارد .... طالعت ابتسام الي همست لي : تجيبي الكلام لنفستس ليه شمسه شديت على يدها بقهر الخايسه صرخت بصوت عالي فتحت عيني بفشله فضحتني بذات يوم خالتي قالت وهي مفزوعه : بسم الله يمه وش فيتس وقف عواد وقف انزل وشوف أختك عواد هدا السرعه و لف وجهه يطالعهم بستفسار طالعت ابتسام بترجي لا تفشلني بس قفلت عيوني براحه يوم قالت :لا يمه مافي شيء بس بنت حياة داست على رجلي والبنت متعافيه شوي وتفرمها حياة بقهر : بسم الله على بنتي من عينتس و لا تتبلي عليها إلا قولي طفاقه منتس ومن الي جنبتس تقولون صغار ماتحشمون شمسه ياناس أحذفها من السيارة حد بيلومني .. زفرت بقهر وأنا احاول أكتم غيضي بذات يوم قال الملقوف ذيل أخته :مفروض اي شيء من حياة وبنتها تتحملونه لان الراعي الرسمي للطلعه هم ابتسام طالعت شمس وقالت : شموس وش رايتس ننزل من السيارة ونأخذ لنا لموزين بدل هالذل صراحه زودوها محسسينا انا ثقال عليهم شمسه بصدق : ياليت والله نريحهم ونرتاح أم عواد بحده : من متى عندنا بنات يطلعن مع رجاجيل ماهو محرمين عليهم ابتسام بقهر : يمه الحين الي يسمعتس يقول واقفين على السكه نأشر أم عواد بعصبيه أكثر : بعد توقفين وتأشرين عواد وهو يضحك : فديت اللي مهجدتهم ورفع عينه لشموس قال ايش يأخذون لموزين فوضه هي ياأم عواد كلها دقايق وصلوا المطعم ..نزلوو وعواد ساعد أمه .تنزل أول ماابتسام مسكت يد أمه قرب من شمسه وقال بهمس : آسف لا تلوميني أبيتس معي شمسه طالعته بعتب ماحب يوم يحطني بالأمر الواقع مشيت معه طالعته يوم قال وهو مبتسم : عواد غلط عليك واجد اليوم وراه حساب وعقاب منتس شمسه تلفت يمين ويسار وقلت وأنا صاكه على سنوني :ربي رحمك انا بمكان عام عود ابتسم لها وقال وهو متفشل وهو يطالع أمه وخواته واقفين ينتظرونهم : آه نسيت أهلي الله يسامحتس بس ... كل مايتذكر حالتها ..وشلون كانت منهارة ... ويالله قدر يقنعها انه يستأجر لهم ...عشان بس يبيها ترتاح شوي ..وفرح يوم أكلت ونامت بدون ماتحس بنفسها ...ناوي يرجع لعمها ..مدام باقي قريب منه ..مستحيل يتركه ويأخذها من دون مايأخذ حقها ... ماهو جبان عشان يسكت عن الي سواه فيها حزين عليها حده نايمه بعمق ...قدامه حط يده على رأسه وزفر بضيق ..مايدري وش يسوي ..بذات وهو يتذكر كلام أبوه ...حالف يتبرى منه ويغضب عليه لو خلاها على ذمته ..وبنفس الوقت مايبي يتركها وهو أكثر واحد ...عارف بحاجتها له ..حتى عمها الي كان عنده فيه أمل طلع عكس توقعه وقف وقرب منها وجلس قريب منها ..وهو يطالع يدها المتورمه عقد حواجبه ...توه ينتبه لها وشلون مانتبهه لها من أول .. مد يده ومسك يدها بخفيف مايبيها تحس عليه وتصحى ..بس على طول صرخت بالم :آه وهي تسحب يدها عض شفته بقهر وقال وهو معصب :وصلت فيه لكذا وبعدك تحلفين مارجع له واكسر رأسه ماهو يده بس مثل ماسوى شدن جلست وهي تتألم ومفزوعه بنفس الوقت قالت بخوف :ياسر الله يخليك مابي مشاكل معه خايفه منه لا يرجعني له وشوف شوف ماتعورني وهي تحاول تحركها كتمت صرخة بداخلها ياسر كشر بوجهه يوم شاف أثار الوجع على ملامحها مد يده ومسك يدها :مجنونه لا تحركيها كذا ويالله تجهزي خلينا اشوف اي مستشفى قريب من الفندق يشوفها لك عض شفته وهو يشوف وشلون متورمه رفع نظره لها وقال ادعي انه ماهو كسر إلا وقتها والله مافي احد بيرحمه من يدي شدن قفلت عيونها وقالت بتعب : ياسر خلاص الله يخليك ياسر صرخ بقهر:شدن خلي هالخوف عنش معي مافي أحد يقدر يأخذش شدن وقفت وقابلته رفعت عينها وطالعت عيونه وقالت بصوت مخنوق :ياليت فعلاً تخليني معاك وتحميني منهم كلهم قالت كذا وهي قاصده أبوه بعد وهمست نخيتك ياسر ماتخليني ياسر عض شفته وهو مقهور قدامه وتنخاه ولا هو قادر يسوي شيء هز رأسه وقال بسرعه : يالله الحين نشوف وضع يدش وبعدها يصير خير شافها باقي خايفه قال وهو يطمنها : تطمني ماراح أخليش شدن نزلت رأسها بيأس وخوف تحسه بيساعدها بس خايف من رد فعل أبوه ..سوت مثل ماقال لها لبست العبايه ومشت معه ...وعلى طول اتجهووا للمستشفى ..وطلع كسر بيدهاجبروا يدها ..وهي عينها من ياسر الي شكله معصب وطول وقته يهددد بتحاول تقنعه ..بقدر ماتقدر ... أول ماطلعوا من المستشفى ..ركبو السيارة أول ماحرك قال وهو معصب : وشلون بس قدرتي تتحملي الوجع هالمده كلها عارفه ايش كسر يعني لو مالحقت يدش الحين مدري وش راح يصير لش كان ليه من أمس ماقلتي عنها شدن : ياسر الله يخليك هدي شوي مافيني شيء شوفني بخير لا تكبرها قاطعها وهو يصرخ بقهر : شدن اسكتي خلاص ومستحيل اسكت على الي صار معش مسافة الطريق بس وبعرف وشلون اربيه الشايب شدن بلعت ريقها بخوف وقالت : ياسر تكفى ماترجع جدة مصدقت وأنت تطلعني منها الله يخليك مابي كانت تصرخ تبيه يغير رأيه بس صامل ورافض صاحت منهاره ...وهي تترجاه صرخ بقهر وهو يسمع صياحها : بموت شدن بموت لو مااخذت حقش منه فاهمه ماراح ارتاح شدن مسكت يده : ياسر وصلني ابها وبعدها ارجع له بس مابي أكون معك الله يخليك ياسر هز رأسه برفض : والله ماهو برجال لو طلعت من جدة وأنا مااخذت حقش وقدامش بعد يكسر يدش أجل ال******** هين اخليه شدن صاحت لما حست بعمرها بتموت خلاص وهذا باقي رافض ...يسمع كلامها ..وفعلاً نفذ الي في باله يوم شافت انها رجعت دخلت جدة ماتت من رعبها تحس جسمها كله يرتجف وهذا مارحمها قالت وهي تصيح : حتى أنت ياياسر مثلهم وماعندك قلب أقولك مابيك ترجع لعمي وأنت رافض وأنت أكثر واخد عارف وشلون طلعت من بيته ياسر قاطعها وهو يقول : صدقيني لو ماخذت حقش بموت والله من قهري خليني ابرد قلبش وقلبي شدن تكرهه عصبيته ذي صرخت بقهر : مابيك تأخذه مسامحته وترى مافيه فرق بينه وبين أبوك سمع مثل ما أبوك سمع وصدق وحكم ولا تنسى أنت الي فضحتني قدامهم والي فيه أنا بسبك ياسر طالعها بحزن فعلاً هو سب الي هي فيه بس هز رأسه بقهر وقال : مقدر مقدر شدن لازم افرك خشته الأرض وبعدها ارتاح شدن صرخت وهي تبيه يفهم انه بهالطريقه بيألمها أكثر : صدقني بتتورط وبتدخل السجن وانا باااا ارجع لهم وقتها ياسر افهم الله يخليك بس أبد ماهو يمها ماغير يهدد ويتوعد ومطنش كلامها وصياحها خلاص العصبيه معميته تحمد الله ورشاشه بعيد كان الحين استلم فيه عمها ... أول مادخلو الحي الي ساكن به عمها حست قلبها بيوقف ..حاولت فيه بقدر ماتقدر مايقرب من بيتهم بس ماقدرت تغير رأيه ..صرخ عليها عشان تسكت وقف قدام بيتهم وقال وهو يحذرها : لا تنزلي من السيارة وانا بصفي حسابي معاه الكلب وبرجع لش ونزل وقفل الباب بعصبيه وقهررر شدن صرخت منهار ه تصيح ...وهي تضرب بوجهااا مصيبه راح تصير الحين يالله ليه ماسمع كلامها ورحمها...شافته يدق الجرس ويرجع يدق البوابه حست قلبها وقف يوم السواق فتح الباب وماتدري وش قال له و رجع دخل وكلها ثواني وشافت عمها طلع وقف قلبها يوم ياسر سحبه من ياقة ثوبه وطرحه بالأرض وطاح فيه ضرب صرخ بعصبيه : ي الرخمه تمد يدك على بنت أخوك كذا وطاح فيه ضرب أبو خالد كان مفزوع حده بذات يوم جاء السواق قاله حد يبيه افتكر فيه حد بيخبره بمكان شدن ولا مصيبه صايره لشدن بنت أخوه الي من امس هاربه من البيت ومافي أحد يدري عنها قلب عليها جدة كلها ومايبي يبلغ عن فقدها وينفضح بالحي ..جالس ينتظر مثل ماوعده ولده خالد انه يدورها ومارح يرجع يوم يحصلها ..والحين هذا بوجههه جاء ..أول ماشافه افتكر الخبر وصلهم وجاي عشانها بس يوم صدمه بضربه وكلامه عرف وين هي فيه يعني معاه بس وشلون وصلت له صرخ بعصبيه وهو يحاول يبعده عنه : وينها وينها عشان صدق تعرف وشلون امد يدي عليها ال**** ياسر بقهر وعصبيه اعطاه بوكس على فمه طيح سنوننه : بعدك تبي تمد يدك عليها صرخ أبو خالد وهو متألم بس ياسر مافكر ماغير طايح فيه ضرب بدون رحمه بذات جسم ياسر ساعده مع نحف وقصر أبو خالد السواق حاول يفكه من يده بس ماقدر بسرعه ركض للبيت وهو يصرخ بصوته كله قال للخدامه الي طلعت له علمها وبسرعة ركضت لأم خالد تخبرها بسرعة لبست العباية وطلعت وهي تصرخ مفزوعه وهي تشوف رجلها بالأرض وهذا يضربه طالعت الحي الي فاضي مافي أحد بذات وقت الظهريه مين بيطلع الكل نايم والي بدوامه ..بسرعة صرخت على الخدامه تدق على خالد عشان يجي قربت منه وهي تحاول تضربه عشان يفك رجلها بس أبد معمي من العصبيه شافت شدن الي نزلت من السيارة انصدمت ماتوقعت تكون معاه أبد كيف راحت معه وصلت له ..وهم من امس وهم قالبين عليها المكان وشلون قدرت توصل له صرخت بقهر بصوتهاكله وهي ودها تذبحها : يالله سوي شيء بعد ما شيشتي رأسه على عمك ي الظالمه مايفيد فيك معروف شدن طالعتها بخوف ورعب اي معروف مسوينه لها قربت من ياسر وقالت وهي تصيح : ياسر خلاص بيموت بيدك والله ياسر حاولت تسحبه بس وين تقدر مع حجمها جسم ياسر عريض وطويل ويبي له واحد به قوه وبذات جالسه تحاول ومعمتده على يد وحده صرخت : تعالي ساعدني ام خالد صرخت بقهر وهي تقرب من زوجها وتحاول في ياسر يبعد : ال*** كله منك والله مدري وش قايله للرجال عليه بس هين الحين بتجي الشرطة ياسر صرخ بعصبيه يوم سمع كلامها : والله لو ماتكفي لسانك ماغير اطرحش جنب رجلش ولا علي في أحد أم خالد بخوف ابتعدت وهي تهدد: الحين الشرطة تجي لك وتعرف وشلون تتهجم علينا كذا شدن صرخت بصوتها كله : ياسر بتجيب الشرطة تكفى تكفى خلنا نمشي من هنا الله يخيلك والله تسويها ياسر طالعها وطالع عمها الي على الأرض قال بتهديد : والله ثم والله لو بس ماهو عشانها كان ذبحتك بمكانك ولا فكرت وتفل عليه وتحرك شاف سيارة خالد توقف نزل منها وهو معصب بذات يوم شاف أبوه مرمي بالأرض قرب من ياسر وأعطاه بوكس وهو يصرخ : ال***** وشلون تتجرأ تمد يدك عليه ياسر رجع له البوكس بسرعه خلى خالد ينثني بمكانه من الالم وصرخ بعصييه : لو فيك خير ماتخليه يستقوي عليها وتسكت عن ظلمه لها البنت متدمره بسبة أبوك أم خالد صرخت وقربت من ولدها وهي تصرخ بقهر يوم شافت جارهم طلع : الله يكسر يدك ويأخذك يارب تقلع وفكنا سمعت فينا الناس شدن بسرعة يوم شافت خالد بيرجع يرد له الضربة صرخت وهي توقف بينهم وتمنعهم مايوصلون لبعض ياسر صرخ بقهر : روحي للسياره وأنا بتافهم معه هالرمه خالد صرخ من القهر هالمره ماراح يسمح لأحد يبعدها عنه حتى لوزوجها :ماراح تروح معك فاهم وبتطلقها غصب عنك الحين وبأخذها أنا وبعيشها أحسن من العيشه معك وطالع شدن وصرخ لاتروحين اوعدك بسوي الي تبينه ياسر طالعه بصدمه ورجع يطالع شدن الي بسرعة ابتعدت بخوف وهي تهز رأسها ان مالها دخل بكلامة بسرعة رجع هجم عليه وطاح فيه ضرب وهو يصرخ بقهر : تأخذ مين تقول ي ال****** وقدامي بعد توعدها يالي ماتستحي أم خالد صرخت بخوف وهي تشوف ولدها تحت يده يتصرع من قوة الضرب الي يجيه شافت رجلها الي قدر يوقف قالت بسرعة وهي تصيح على جارهم الي يطالعهم بدون مايفزع : تكفى بيموت بيده سوي شي تعال وصرخت على السواق دق مره ثانيه على الشرطة وعجل عليهم وركضت لشدن عشان تقدر تفكه مثل ما فكت عمها من يده شدن نزلت وهي متردده بس لو ماسوت شيء متأكده( ياسر للسجن وخالد للقبر ) قربت من ياسر بخوف وهي تحاول فيه عشان يهدا ويفكه من يده بذات يوم شافت عمها قرب منهم قالت بصرخة : ياسر عشان أمك لا تفجعها فيك ماراح تحمل وتدري بقلبها وشلون ياسر حاول يمسك نفسه ابتعد عنه وهو يقول بقهر : والله لو اسمعك تعيد الي قلته توو اعرف هالمرة مافي أحد بيفكك من يدي ومسك يدها بتملك وقال : تنسونها فاهمين وصرخ بصوته كله تنسونهااااااا أبو خالد يالله قدر يوقف قرب منهم وهو يقول بقهر وعصبيه : خذها الله لا يردك لا أنت ولا هي ولو رديتها لي بذبحها هالمرة وصرخ على زوجته : ادخلي والغي البلاغ مانبي فضايح يكفي الفضايح بين الجيران الحين ياسر تحرك وهو مساكها بعصبيه ركبها السيارة وقفل الباب ورفع يده بتهديد :تمنيت موتكم على يدي والله بس حرام اضيع عمري بناس مثلكم وركب السيارة وحرك بسرعة ..وهو يسمعها تصيح حاول يهدي نفسه شوي ..وينسى كلام ولد عمها الزفت بس ماقدر دمه يغلي وشلون يحط عينه عليها وهي على ذمته صدق ماهو رجآل طالعها وقال : خلاص لا تصحين وهالكلب مابي ابتلي فيه إلا كان ذبحته وصرخ بقهر وشلون يتجرأ يقول كذا قدامي وأنتِ على ذمتي وعقد حواجبه بشك وقال :شدن لا يكون اعطيته ضوء شدن طالعته بصدمه ماتوقعت يشك فيها قالت بغصه وهي تقاطعه : لا ياسر توك فازع لي والحين بتحط علي تكفى لا ياسر هز رأسه وهو يستغفر : استغفر الله بس هال*** طير العقل الي فيني الحين وشلون يقولها كذا بوجهي أكيد وعض شفته وهو يتعوذ مايبي يشك فيها شدن حسيت بخوف أكثر الله يأخذك يا خالد مثل ماقلب علي كذا ياسر ..طالعته وقلت وأنا اصيح : والله ماعمري قلت له شيء ولا هو بعد تعرض لي لا تصدقه الله يخليك ياسر ماعندي غيرك والله بعد ربي تكفى لا تردني وتخيب أخر أمل لي شفت بعينك وش مسوي فيني وأشرت على يدها المجبره وقالت جسمي كله شووهه بضربه لي ياسر حاول يمسك نفسه تعوذ من إبليس وقال بضيق : خلاص هدي ماراح اخليش مثل ماوعدتش شدن تنهدت براحه ...طالعته وقالت بغصه :تتوقع أمي تستقبلني ولا بتصد عني وتطردني مثل ماصار قبل ياسر طالعها وش يقولها أمش بتعرس الحين ولعاد بتسأل عنش تنهد وقال : هالفتره ماراح اردش لعمتي حتى الأمور تهدا شوي شدن بلعت ريقها وقالت : قصدك تبي تخفيني عن أهلك بعد وعن أمي عشان مشاكلك مع أبوك ياسر هز رأسه وقال :لمصلحتش شدن هالوقت بذات مافي أحد يدري بوجودش معي ادعي بس ان عمش مايدق على أبوي ويشكي مني شدن بلعت ريقها بخوف :قلت لك لا ترجع له ويدري بجودي معك ياسر بقهر : ال**** كان راح يدري مهما كان مستحيل يسكت وهو مايدري انتِ وين اراضيش بالعقل هي ياشدن ومنها بعد بردت قلبي فيه ومسك يدها وقال ثقي كل هالثقه ماراح اتخلى عنش إلا أنا متأكد انش بمكان آمان شدن ارتجف قلبها وقالت: يعني بيجي يوم وتخليني لو امنت لي المكان ياسر طالعها ومايدري وش يقول لها شد على يدها وقال وهو يطمنها : الحين ارتاحي وربك كريم وخلي كل شيء بظروفه لا تستبقي الاحداث ربك قادر يغير الحال بالمستشفى وقف وهو مفزوع : وين وين على الله طالع خويه ببرود : خلاص مافيني شيء بطلع منيف وقف معترض طريقه : مصعب أمس كانت حالتك حاله والحين الدكتور قال لازم يشوف وضعك وبعدها يكتب لك خروج مصعب رفع حاجب وقال :مافيني شيء الي يسمعك يقول أول مره اتعب منيف : طيب خلي الدكتور يشوفك قبل وصدقني بيكتب لك خروج بس خلنا نتطمن مصعب اعطاه ظهره وقال : خلاص أنت تمدد بدالي وأنتظر الدكتور وقولي وش يقول بعدين وطلع وهو يسمع اعتراضه طالعه وقال :لو حاب المستشفى كثير كذا اعطني المفتاح حق سيارتك وأنت مثل ماقلت لك ارجع خلك بالغرفة منيف بقهر : الحين عذرت عادل يوم يشكي من عنادك مصعب بحقد : لا تجيب لي سيرته الخاين وخلاص فارق أنا اعرف ادبر نفسي منيف هز رأسه بقهر منه ومن تصرفاته قال : قدامي بس قدامي والله يصبرني عليك مصعب تحرك وهو مقهور من سيرة عادل معاد يبي يسمع عنه شيء ...أول ماركب السيارة عدل ظهره على المقعده وقفل عيونه وقال :مابي اروح الفله ودني بيت أمي منيف طالعه بصدمه : مصعب من جدك وحالتك كذا وتبي بعد تجلس بذاك البيت الخرابه الي ماغير بيزيد حالتك مع الغبار الي فيه مصعب بعصبيه : منيف وقف السيارة منيف رفض بس مصعب صرخ : منيف وقف بسرعه منيف وقف وقال بعصبيه : صدق مجنون الحين ليه هالعصبيه كلها لمصلحتك والله خايف عليك مصعب طالعه وقال بقهر : تصدق أكرهه ماعلي حد يدبل سبدي كذا وقفل الباب بقوه منيف عض شفته بقهر ..طالعه وهو يمشي ويدق بجواله ...عارف لو جلس بيعصب عليه زود أفضل شيء ينسحب وهو يدبر نفسه مثل مايبي خلاص عجز منه مصعب مشى شوي ...اول ماشاف لموزين.. أشر له وصف له المكان بالعافيه وافق يوصله ..كان متخوف من الحاره القديمه ... وصل البيت ..ودخل الصاله ..حس براحه وهو يطالع المكان حوله جلس على الكنبه ..تذكر أخر مره جاء هنا كانت معاه ..ابتسم بدون ..شعور وهو يتذكر خوفها منه والدرما الي عاشتها وقتها ...بس اتمسحت الابتسامه من وجهه يوم تذكر كلامها ..وأخر موقف بينهم تمدد وحط يده على رأسه وقفل عيونه وده ينام .... يبي يرتاح شوي تعب من التفكير ومن كل شيء حوله ... @ @ @ @ ( الديرة ) رفعت الفنجان ومدته لها وهي تقول :سمي أخذته منها وقالت بلقافه :عساتس بس زيارة جايه لأمتس ماهو مثل أختس يوم طلقها وهي عروس أم سميرة بحده : بسم الله على بنتي رجلها مافي مثله واختها الحمدلله على ذمته الحين وربي يسعدهم اصايل قلبها وجعها آه يمه لو تدرين بالي راح يصير حست بضيق من جوهم وقفت وهي تطالع سميرة الي شكلها متضايق وهذولا بدل مايجيون يطيبون خاطرها يزودنها ..راحت للغرفة الثانيه وأخذت جوالها ابتسمت بسخريه على حالها وش يعني تتوقع يدق ولا يسأل ..تمددت وهي حزينه على حالها ..ودها تقدر تقول لأمها بس خايفه تنصدم ..يكفي سميره قلبها موجوع عليها ..أفضل شيء تخليها بظروفها وابتسمت بحزن من أصله يوم يرسل ورقة طلاقها الكل بيدري .... فتحت صورته ..الي صورته وهو مايدري كان ملتهي بجواله ..فتحت الثانية ..وهو مندمج يلعب بلاستيشن ..تذكرت يومها جاء للغرفة عندها وقال بقهر : سارقه التلفاز بعد والله عناد فيك بلعب هنا رمته بالخداديه بقهر وهي تصرخ : برااا مصعب رفع حاجب وهو يقول :استحي صايره تطرديني كثير اصايل بقهر تكتفت وقالت :مين المعلم ورفعت يدها تعال تعال نحسب كم مره طردتني مصعب رفع اليد وقال : يالله تتحدين بهزمك اليوم اصايل قالت بصدق : ماعرف مصعب ابتسم وأشر لها تقرب تجلس جنبه وبدأ يعلمها .. بس طفش وطردها جلست طول الوقت تطالعه وهو يلعب وكانت من وقت لوقت تهاوشه عشان يطلع ويخليها تنام بس عاند وجلس يلعب .ضحكت عليه ومثلت انها متضايقه منه ..بس بداخلها كان طايره من الفرحة حست بدموعها تنزل مسحتها وقالت بهمس وهي تطالع ملامح وجهه (الله يقدرني واطلعك من قلبي ) @ @ @ أول ماوصلوو ابها حجز لها شقه وقال لها لازم يرجع البيت عشان يشوف وضع أبوه خايف من عمها لا يكلمه ويخلي أبوه يعصب قالت بتردد قبل تنزل : ياسر ودي بشوفة أمي وبعدها رجعني الشقه ياسر طالعها وقال بضيق : مقدر شدن حتى عمتي مايصير تدري بوجودش معي لمصلحتش شدن فتره بس شدن هزت رأسها وهمست : طيب ونزلت معه وهي تحس براحه نفسيه أخيراً رجعت للجنوب ولهواء الجنوب ماهي مصدقه حالها أبد لو تموت ماراح تنسى هالمعروف لياسر ..دخلت معاه الشقه طالعتها بفرحه وقالت بصدق : والله مدري وشلون ارد جميلك معي صدق رجال الله يجعلني أخذ ضيمك ياسر بصدمه من كلامها قال وهو مبتسم :والله وصرنا نعرف نحكي شدون من متى شدن نزلت رأسها وقربت منه بتردد وقالت : ممنونه لك ياسر وصاحت وهي تقول ماني مصدقه ياسر الي أنا فيه الحين عذبني حيل ماتوقعت بتفزع لي توقعت بعيش بالعذاب طول عمري ذبحني والله ياسر مسكها وجلسها على الكنبه وقال بحزن وهو ينزل طرحتها ويطالع وجههه بتأمل كانت عيونها تحتها هالات سودة بزياده والضرب واضح على وجهاا ساعدها تنزل عبايتها وقال بغصه : ذبحتش قبله الله ياخذ حقش مني بعد شدن رفعت يدها السليمه وهي تمنعه يكمل : لا تدعي على نفسك أستاهل الي صار لي كذبت فيك وحصلت عقابي وطالعت يدها المكسوره كذبت وقلت انك حرقتني الحين شوف وش صار لي وصاحت بس والله مادريت انه بيصير كذا بالاخير كان ما سويت كذا بس والله ...... ياسر همس لها: اوششش لا تكملين يالله بوديش الغرفه ابيش تنامين حتى بس ارجع البيت واشوف الوضع وبعدها برجع لا تخافين شدن وقفت ومشت معه للغرفة ابتسمت له يوم ساعدها تمددت على السرير ..ماتوقعت أبد يكون بهالحنيه..معاها جلس جنبها وقال : تطمني ماراح اروح لما تنامين ... شدن هزت رأسها براحه وقفلت عيونها ... حاولت تنام ماقدرت ...طول الطريق وهي نايمه فتحت عين شافته نايم بعمق ..ابتمست براحه ماتبيه يروح كان والحمدلله نام بدون مايحس على نفسه ..طالعته بتأمل سبحان الله مين قال ان الي بيوقف معاها بالأخير ياسر .... فزت بخوف يوم جواله رن ..بسرعة وقفت وأخذته وكانت ناويه تطلع الصاله عشان ماتزعجه بس وجهاا بهت يوم شافت الأسم ( أبوي الغالي ) قلبها طاح رفعت نظرها لياسر الي فز يطالعها رفعت الجوال وقالت وقلبها بيوقف ( أبوك ) ==== كتتتت &نوني بنت الجنوب & سبحان الله وبحمده سبحان الله العظيم الوتر أحبتي " الله يرحمك يامن اوجعني فراقك " | ||||
|
| |
 |
| أدوات الموضوع | |
| انواع عرض الموضوع | |
|
|
20Likes
.png)
العرض العادي
