11-01-19, 07:08 PM
| #861 | ||||
|  اللهم صلي وسلم وبارك على سيدنا محمد صلى الله عليه واله وصحبه وسلم تسليما كثيرا وجزيت بالخيرات اللهم صلي على سيدنا محمد عدد خلقه ورضا نفسه وزنة عرشه ومداد كلماته اللهم صلي على سيدنا محمد عدد ماخلق وذرأ وبرأ وعدد ماكان وسيكون وعدد الحركات والسكون ننتظرك ياكل الغلا . | ||||
|  |
|
14-01-19, 08:46 AM
| #865 | ||||
| السلام عليكم ورحمة الله وبركاته ... روايتك جميله جدا فيها الاكشن والكوميدي والدرما..... اعجبتني الشخصيات جدا خاصة شادن تلك الطفله البريئة برغم تعديها لمرحله الطفوله بس برائتها وسذاجتها وودتها بداهية.... لقد اضحكتني من قلب واحزنتني من قلب طبعا ذلك يدل عل مهارتك وابداعك في سيناريو الشخصيات وكتابتهم بدقة كانهم شخوص حقيقية تقف امامنا سلمت اناملك الذهبية يا اخية انت ابداع واذا كان لك رويات سابقة ارجو وضع روابطها او أسمائها كي استطيع قرائتها.... طبعا لا ننسى اصايل ومجنونها وقصتهم معا اني انتظر الجزء القادم عل احر الجمر... دمتي بود وابداع دائم وسعادة | ||||
|
| |
|
16-01-19, 12:30 AM
| #869 | ||||||||
| مراقبة عامة ومشرفة منتدى الروايات المنقولة  
| استغفرك ربي لا إله إلا أنت اللهم صل وسلم على نبينا محمد (صلو عليه ) @ @ {45 } @ @ رفعت الجوال وقالت بهمس ( أبـــوك ) قرب منها وأخذ.. الجوال وهو متوتر..أكثر منها ..همس :هذا الي مابيه طالعها وقال ليتش صحيتني يوم شفتني نايم كان قدرت اوصل له قبل الزفت عمش يدق عليه شافها ابتعدت للنهاية الغرفة وهي تقول بخوف :لا لا لا والله مارجع ياسر وجلست بالأرض تكفى تكفى ماتخليني ...تكفى لا ترجعي له ياسر قرب منها وجلس على ركبه قدامها وقال وهو يهدي عليها : اوششش هدي هدي بتصرف لا تخافين ورجعه لعمش والله على جثتي ماترجعين طالعت عيونه حست بصدق كلامه ابتسم لها يطمنها ورجع طالع .. جواله الي رجع يدق هز رأسه وقال :خلاص شدن هدي خليني أعرف اكلمه فتح الخط ...وقفل عيونه منتظر ..صراخ أبوه عليه بس تنهد براحه يوم قال : مقلقنا عليك من أمس وماترد على جوالك وأمك هنا مسويه حفله وينك أنت من الفرحه وده يصيح طالعها وابتسم نسي ابوه على الجوال بس فز يوم صرخ عليه وهو يقول : وينك فيه يالله تعال أمك دوختنا عليك رفع رأسه لفوق وهو يأخذ نفس قوي وقال :انشغلت شوي وكنت ماسك مكان خويي و الحين جاي البيت قال بحده : خذي اسمعي صوته ماغير مأكله عقلنا به الله يأخذ عقل عدوش أخذت الجوال وقالت بحنان : ياسر وينك يمه نور تقول ماترد عليها وامس كان طول اليوم جوال مقفله ليه كذا تقلقني عليك ابتسم ياسر وهو يسمع صوت أمه قال بحزن عليها : فديتش والله قريب يمه جاي الحين لا تقلقي علي ويعصب الشايب ويعطيني من الي مايحبه قلبش يرضيش وقتها ابتسمت وهي تطالعه : لا والله مايرضيني ان يوم يهاوشك ماغير قلبي ينوجع الحين تعال وخلك قريب من خالك ومن عمتك الليله ملكتهم ياسر فتح عينه بصدمه وقال : ايششش ملكه بهالسرعه أم ياسر : بسم الله عليك ليه ينتظرون عض شفته وقال وهو يطالع شدن الي ماتدري بشيء للحين :يمه وش هالسرعة تقولين شباب توهم سارحين أم ياسر وهي تضحك :لا يمه قول شياب ويخافون مايمديهم عاد التأخير ماهو بصالحهم أنت لا تتأخر بس وخلني الحين اروح اكمل الي علي اللليله ملكة أخوي يا فرحتي هيا يمه تعال لاتبطي هز رأسه وعينه من شدن الي يشوف فرحة أمه يقول ماقد عرس خاله قال بضيق : تمام يمه جاي ونزل الجوال وقفله وهو يشوف دموعها وترجف حزن عليها حالتها أبد ماتطمن قال بهمس : ليه كل ذا الخوف أنا وش وعدتش به ماراح يصير لش شيء مدام أنا معش لا تخافين شدن مسحت دموعها وقالت بفضول : طيب مين الي يبي يملك ياسر انصدم توها ترجف وبتموت من الخوف والحين تسأل ضحك من قلب وقال وهو يضحك :حتى وأنتِ بهالحالة واللقافه ذابحتش هز رأسه مستحيل تتتوبين ورجع يضحك وهو يشوفها نزلت رأسها متفشله ههههههههه شدن عضت شفتها مالها وجهه تطالعه بس مافيها اللقافه بتذبحها رجعت رفعت رأسها وقالت : صدق ملكة مين لا يكون نور وافقت على سامي ياسر هز رأسه وقال بضيق : لااااااااا المهم الحين بروح شدن وقفت وقربت منه وقالت بخوف : بترجع صح ياسر هز رأسه وقال وهو يخربط شعرها المنكوش : ايه برجع بس تكفين سرحي شعرش شدن رفعت يدها السليمه لشعرها وهي متفشله ترتبه وقالت بتوتر :طيب بس مدري وشلون أقدر بيد وحده ليت الكسر جاء باليد الايسر عشان اقدر اتصرف باليمين ياسر ابتسم بحزن عليها وقال وهو يهدي عليها :شوي شوي وتتعودي عليها ورفع يده شوفي أنا ايسر خليش مثلي شدن طالعت يده وقالت :أنت ربي كذا خلقك ايسر ومعتمد عليها وتسوي كل شيء بالايسر سهل عليك بس انا ونزلت رأسها ماتبيه يشوفها دموعها ياسر مد يده ومسك يدها المكسوره بحنان وقال : ماعليه اهم شيء ماتوجعش والمسكن جايب مفعول شدن بغصه : شوي أحسن من أول ياسر عض شفته بقهر وقال : والله لو ماهو صياحش وخوفش كان ذبحته لو تطير رقبتي حلال أهم شيء أبرد قلبي فيه الخايس صغر عيونه وسأل :فيه اثار ثانيه غير الكسر ذا شدن بتوتر قالت : لا لا وبنفسها آه لو تشوف كيف شوهه ظهري بالسوط وجسمي كله ياسر حس بكذبها قال : شدن قولي شدن ودموعها تنزل : خلاص ياسر مابي اتذكر ورجعت تصيح ياسر قال وهو يهدي عليها : خلاص اسف ذكرتش به هالواطي شدن طالعته : ياسر خلاص لا تسبب تأخذ ذنب عليه وهو مايستاهل ياسر عض شفته بقهر : طيب الحين أنتِ ريحي وقبل اروح البيت بجيب لش أكل عشان تأخذي المسكن ونامي تمام ماوصيش ريحي نفسش وانسي الي صار خلاص واعتبريه شيء وانتهى شدن طالعته وقالت بهمس :طيب وأخرتها ايش ياسر طالعها هوو بنفسه مايدري قال بضيق : الله كريم وطلع من الشقه ... @ @ @ نزل الدرج وهو مبسوط ...خبره محمود .:ان عمه أخذ كل أغراضه ..الي تخصه بالشركة.. صدق جبان يفتكر لو ابيه مقدر اوصل له يعني شاف عدوته وابوه قدامه استغرب وجودأبوه قال له بيسافر ..ايش الي أخره كذا .. قرب من أبوه وسأل بستفسار : مفروض سفرتك من ساعتين أبو مصعب بجمود : أجلتها آخر الليل مصعب ابتسم بخبث :ليه طيب أبو مصعب بقهر كله بسبة سوسو قايله اليوم مشغوله مع بنتها ومسويه لها مفأجاة ماتقدر تخليها قال بحده : مالك دخل مصعب وهو يأخذ فنجان قهوه ويصب له : افااا صقور معصب ليه طيب وطالع الجوهرة وابتسم يوم أبوه توتر جلس مقابل الجوهره وجلس يشرب من فنجانه وأخذ قطعة حلى وهو يتلذذ وعينه عليها وعلى أبوه الي متوتر حده ابتسم بخبث حده مستمتع بالوضع فرصته يحرق دمها ويوتر أبوه شوي قال :ليه ماتسافرين معه توسعت ابتسامته يوم أبوه طالعه بتهديد..... الجوهرة رفعت حاجب وقالت : ليه اسافر وأنا عارفه سفرية أبوك كلها شغل بشغل اضيق على عمري ليه ومسكت يد صقر وقالت بس صقور وعدني الشهر الجاي بيسفرني ونعيد شهر العسل مصعب رفع حاجب وقال بتلاعب :ليه تأجليها للشهر الجاي صقور هالسفريه فاضي وماعنده شغل سكت يوم طالعت أبوه بستفسار وقالت : صدق فاضي صقر ابتسم بمكر ..و أخذ رشفه من الفنجان وهو مكيف ايه يبيها تولع بينهم طالع أبوه الي قال وهو متوتر ومعصب منه : وش فاضي لا تصدقينه ذا ماعنده سالفه حدي مشغول بس وش اقول يفتكر الكل مثله لا شغل ولا شيء وحضرته ماهو مهتم بالمشاكل الي بالشركة هالفتره مصعب ضحك بصوت عالي وقال : اوه اسف نسيت ان الشركة تغرق تغرق أبو مصعب بقهر منه : ايه البركه فيك ماتمسك شيء إلا تسوي مشاكل يكفي مشاكلك مع عمك باقي لي كلام معك فيها صدقني ماراح يعدي الموضوع كذا مصعب ابتسم وقف وقال :طيب طيب اي وقت أنا فاضي للحساب ولا تعصب ماهو حلوو وراك سفريه وغمز له وطالع الجوهرة ونزل نفسه شوي وهمس لها وقال( لا تفوتك هالسفرية نصيحه) ورفع نفسه وهو يقول وعاد أنتِ كيفك الجوهرة انقهرت حدها تحسه يتمسخر عليها رفعت رأسها وطالعته وقالت : طيب وش رايك نخليها عائليه وتجوون أنت واصوله إلا وينها ماشوفها رجعت معك بينكم شيء لا قدر الله مصعب اعطاها ظهره وقال وهو يلبس النظاره :لا قدر الله | ||||||||
|
| |
|
16-01-19, 12:31 AM
| #870 | ||||||||
| مراقبة عامة ومشرفة منتدى الروايات المنقولة
| الديرة أصايل طالعت اختها وقالت بحسرة وهي ترجع ظهرها على الكنبه : احمدي الله عواد يحبتس يا الخبله وأنتِ بس خليتس مشغله بالتس بحياة وضيعيه من يدتس آه ليت همي مثل همتس يا شمسه شمسه بقهر: الله يعيني بس عليها والله ماغير لاعبه بحسبة عواد لعب وعضت شفتها والقهر وين يقولي تحمليها وقدري وضعها اخ مستفز بقوه وتعالي قولي وش همتس بالله يالدلوعه الولد شخصيته تسذا غامض وش تبين يسويه لتس وخلي عنتس دلع النسوان الي بس تشرهه اصايل قالت بغصه : مايحبني شمسة : صدقيني يحبتس والله بس مثل ما تقولين انه مطرب كل مرة بشخصية والسبب اللي مر فيه مثل ماشرحتي لي الي صار مع أمه اصايل تمددت وحطيت رأسي على رجولها وطالعتها وقلت : لا تشرهي علي ناقصه شوية حنان شمسه ابتسمت : بتحملتس شوي بس وبعدها برميتس أنتِ وهالدبه قدامتس اصايل قفلت عيونها وقالت: عارفه مااهون عليتس شمسه حطت يدها على شعرها وجلست تمسده لها بحنان اصايل بهمس :فقدت صوتس شمسه هزت رأسها برفض :نامي بس اصايل ابتسمت لها ...وفتحت عينها وقالت عشاني سكتت يوم شمسه بدت تغني بصوتها تحس الكلمات وجعتها حيل ...وقلبت عليها المواجع قالت بهمس :شمسه حبيبي طلبت منتس كلمات تريحني ماهو تزودي ضيقتي أنتِ وهالأغنيه شمسه ابتسمت ورجعت تغني لها بس سكتت يوم اصايل فتحت عينها وقالت وعيونها مغرقه دموع : قبل يطلع قال بتوصلتس ورقة طلاقك شمسه عقدت حواجبها وقالت بحده: وش ذا الكلام اصايل وش طلاقه الحين اصايل شهقت تصيح : مدري ليه يسوي تسذا فيني دايم يحب يضرني عكسي أنا شمسه حست قلبها وجعها حيل ..ماتوقعت أختها لهالدرجة متعذبه كذا ..من أول تقط كلام وتحاول تهدي عليها ماتوقعت واصله بينهم للطلاق قالت بقهر : طيب ليه تصحين الحين لو يبي يطلق بستين داهيه خليه يطلق قلعته اصايل هزت رأسها :أنا ماهو مثلتس شمسه مقدر اتحمل فراقه شمسه بعصبيه : اصايل ليه ترخصي نفستس له مدام بيطلق عساه الموت بعد الخايس اصايل تحس بندم انها قالت لها وبدن حس قالت: لا تدعي عليه وتسبينه شمسه فتحت عينها بصدمه : بعدتس تدافعي عنه صدق مخبوله مابتس عقل واحد يبي يطلقتس وش تبين فيه اصايل وقفت وقالت :ماهو بيدي وخلاص اسكتي شمسه وقفت وقابلتها :لاجابه من حب يذل والله ماغير ادوس على قلبي مدام بيرخصني افهمي وخليتس مرفعه قدر نفستس ولا ترخصينها عشانه اصايل : أنتِ ماهو فاهمه شيء شمسه بقهر : وش الي ماهو فاهمته تقولين قالتس اي وقت توصل ورقة الطلاق وش تبين فيه لو محلتس أنا الي اطلبه ماهو انتظر أجلس واندب حظي اصايل : من توو تدافعي عنه وش قلبتس تسذا شمسه قاطعتها : دافعت عنه يوم حسيت انه مزعلتس بأمر هين قلت عادي تحصل بين اي رجال ومرته بس يقولتس بيطلق لا والله مااخليتس تترخصين له ذا مايستاهل خليتس مثلي قويه اصايل صرخت عليها : وشلون مثلتس ماهو في النهايه رجعتي لعواد مافي فرق بيني وبينتس ترى حتى أنتِ ضعيفه قدام عواد مهما مثلتي القوه والكلمه الي يبيها تمشي غصب عنتس شمسه بلعت ريقها وقالت بغصه:مثل ماتقولين غصب عني إلا لو بيدي مارجعت له ماهو مثلتس تدورين وراه وحالتس بالأرض بدونه اصايل :وانا بعدتزوجته مغصوبه شمسه قاطعتها : بس لو يجي الحين ترجعين له اصايل طلعت من الغرفه ...ليتها ماتكلمت وطلعت الي بينهم ..ندمانه حدها ..شمسه تنقد عليها تفتكر هي راضيه بالي يصير معاها ماتدري انها تحب مصعب وبنفس الوقت تشفق عليه شفقه مثل الأم على ولدها ...كذا غصب عنها ماهو بيدها مافي اي أحد له حق ينقد عليها وهو مايدري وش بينهم من مواقف صارت ..مصعب أكثر من مره شافت دموعه ولحظه ضعفه وأكثر من مره شافته بحالة جنونه وعصبيته وجبروته .. طالعت جوالها ...تدور اتصال منه ...مثل العادة ماحصلت منه اي اتصال اورساله رمت الجوال بقهر...وهي تقول صادقه شمسه وش لي بحب ينزل قدري ..طالعت الجوال يوم رن عقدت حواجبي يوم شفت الرقم غريب ...استغربت فتحت الخط وقلت بقلق : الوو قالت بخبث :اوه وحشني هالصوت كذا قطعتي فجأة ونسيتي ان بينا عيش وملح.... اصايل عقدت حواجبي يوم عرفت صوتها قلت بسخريه :اممم تصدقين ماذكر ان بينا عيش وملح على ان سكنا بيت واحد الجوهرة حطت رجل على رجل وقالت :خساره والله المهم وشلونك وشلون أمك انصدمت يوم شفت مصعب رجع بدونك وكان شكله مره تعبان سألته عنك قال خلاص اصايل انتهت من حياتي تصدقين انقهرت وحزنت قلت ياحرام بعد هالتضحيات كلها تنتهي بهالسهوله والحين داقه عليك بقولك أنا وعمك صقر راح نجي لكم ونحل الموضوع بس أنتِ ادعي الله مصعب يوافق يجي معنا لأنه حلف على أبوه وقال سيرة اصايل معاد تنذكر بالبيت وعمك صقر زعلان مره يقول حرام وش ذنب حفيده الي جاي اصايل كنت اسمعها وأنا مقهوره...العقرب هذي وش تبي توصل له ناسيه أخر موقف بينا ولا ايش ..والحين بعد توصل لي كلام مصعب ..وانه خلاص طلعني من حياته .. قلت بعصبيه :مافي احد طلب منتس تصلحين بيني وبينه ومدام هو قال انه انتهى الي بينه وبينه خلاص قلعته وقلعتس معه وقفلت بوجهاا ... وهي معصبه حدها ليه ليه يقول لها هي ناقصه شماتتها وفرحتها فيها حست بحقد عليه وبدون حس مسكت جوالها ودقت عليه رد عليها من أول رنه وقال بتلاعب : مين فتحت عينها بصدمه من جحدته لها بهالطريقه حتى معاد عرفها قالت بعصبيه : المسكينه الي ابتلت فيك ضحك وقال بروقان : هلا والله ليه كذا قاطعه انتظر اتصالك من أول ماهو كأنك ابطيتي هالمره دايم مقلقتني ..... مصدومه حدها بلعت ريقها وهزت رأسها أكثر من مره عشان تستوعب الي الكلام الي يقوله بس تذكرت ليه هي داقه وصرخت بقهر : منتظر اتصالي حضرتك خلاص تعودت تسوي المصيبيه وتنساها قاطعها وقال بخبث : ليه ماتقولين ماهو من النوع الحقود مثلك الي بس يشيل بقلبه اصايل لا لا ناوي عليها هذا أكيد قالت بعصبيه : لا تلهيني عن الي داقه عشانه مصعب ابتسم وقال بثقه : مافي شيء غير انك داقه عشان تتطمني علي مثل العاده قاطعته بقهر : لا هالمره مع الأسف داقه بقولك عيب عليك ي الرجآل ي المحترم على طول تروح وتنقل الي بينا لأهلك كذا وبعد قايل اني انتهيت من حياتك على الأقل بعد مايصير الطلاق ...ماهو كذا على طول تخليها تشمت فيني لدرجة جايه هي وأبوك عشان تصلح الي بينا الحين يقال همها ماغير ودها تشمت الحقيره وصرخت بقهر كله منك والله اعطيتها الكنز الي تنتظره ... مصعب كان يسمعها تتكلم قال بعد ماطلعت الي بقلبها حده عصب من الجوهره وهو متى قال لها ان بينهم شيء بس قال بسخريه :فيها الخير والله أنتِ ليه زعلانه كذا كله عشان ماتبين ترجعي لي اصايل ذا بجيب أجلها أكيد صرخت بقهر : مصعب أنت عارف ايش صار بينا في أخر موقف مصعب ميل فمه وقال : ماذكر ايش صار ممكن لو ماعندك مانع تذكريني لاتشرهي علي الذاكره لك عليها اصايل بقهر صرخت : ايه من كثر المشاكل الي تسويها ماتدري عاد تذكر ايش ولا ايش مصعب ابتسم : حرام والله مظلوم دايم اصايل بعصبيه : لا تبدأ اوكيه بحركاتك المستفزه وأنا استاهل داقه عليك افتكرت بكلم رجال عاقل واعي للي صار بينا مصعب قفل عيونه وقال وهو يسند رأسه على المرتبه وهمس بضيق : وش تبين طيب اصايل بقلق من صوته الي فجأة تغير : وش فيك تعبان مصعب ابتسم بدون شعور يكذب لو يقول مايحب خوفها عليه صح بعض مرات تزودها بس يستمتع : ايه اصايل بخوف : أكيد حالة الربوو صح ايه اسمع صوت نفسك ماهو طبيعي شكلك مزود الدخان ذبحت عمرك مصعب عض شفته بمكر : وش اسوي من حرقة قلبي ماعندي إلا ادخن يقال انسى الواقع المره اصايل عجزت ترد عليه وش تقوله الي وصله وصلها لهالحاله هو سببه بس سكتت تخاف يعصب ويتعب زيادة عضت شفتها يوم قال : اخبارها حبيبة أبوها اصايل عقدت حواجبها وقالت : مين مصعب عض شفته وقال بقهر : مايذبحني غير غبائك النايفه في حد غيرها اصايل طالعت بطنها : هااا النايفه ماعليها بس لو تسلم جنون أبوها بتكون بخير مصعب رفع حاجب وقال : طيب يالعاقله خلاص اكتفيتي بشوفة أهلك اجي لك اصايل مصدومه ياناس هذا الآدمي بيجننها أكيد ماهو طبيعي قايل لها بنفسه ان الي بينهم انتهى وبعد رايح وقايل لأهله والحين يقول بيجي لها قالت بقهر : لا تجي اوك ونفذ الي طلبته منك مصعب ابتسم بسخريه وقال :طلبك مانتي قده وعشان كذا عارف ومقدر حالتك وماراح أنفذه اوكيه اصايل أخذت نفس وقالت وهي تحاول تطول بالها : مصعب مصعب قاطعها وقال : اصوله شوي وادق عليك الكلب طلع من بيته بنزل اتفاهم معاه اصايل فزت بخوف : مصعب مع مين هالمره بتعلق مصعب بقهر : مين غيره الخاين عادل اصايل بسرعه قالت : مصعب لا لا ...بس ماقدرت تكمل وش تقول له قفل الخط بوجهاا نزلت الجوال وجلست تدور رايحه جايه بالغرفة هي ناقصه عشان تقلق زيادة الحين ... قال بزعل يوم شافه نزل من سيارته وقرب منه : ايش باقي مقد قلته وجاي تكمله الحين مصعب ابتسم بوقاحه وقال وهو يتسند على السياره :وحشتني تصدق عادل ابتسم بقهر وقال :مصعب ابعد شرك عني أبد ماهو فاضي أمي تعبانه ومرقده والحين رايح لها المستشفى مصعب اعتدل بوقفته وقال :سلامتها ماتشوف شر طيب الحين روح وبعدها نتفاهم عادل بقهر : على وشهوو بالضبط خلاص انتهى مصعب مصعب قرب منه ومسكه من ياقة ثوبه : على خيانتك لي ولا تفكر جاي حب بوجهك لا ابي السيدي الي عندك صالح يقول موجود معك عادل مسك يده وابعدها بقوه وقال :ماهو عندي وصالح ذا خله يقولك وش صار بالضبط مدام اني خاين بنظرك فتح باب السياره وطلع وحرك بسرعه طالع بالمرايه شافه باقي واقف يطالعه صرخ بقهر وهو يضرب الطاره غبي غبي وبيظل غبي ...... مصعب كور يده بقهر ..وده يعرف بس ليه غدر فيه حرك السيارة واتجهه للديره ...مستحيل يقدر يفارقها صح تغثه ..بعض مرات بسألتها وخوفها المبالغ فيه بس بنفس الوقت يحتاجها بذات يوم دري ان الجوهرة داقه وتشمت فيها ...حلف لا يصدمها الليله يوم يجيبها معه ... طالع جواله يوم رن شاف رقم منيف فتح الخط وقال : هلا قال بسرعه : وينك فيه مصعب :رايح للديره بجيب أهلي منيف بتوتر : مصعب ماتقدر الليله تأجل روحتك ومن بكره روح مصعب عقد حواجبه وقال : ايش فيه منيف : تعال بسرعه حنا بالإستراحه ومسوي لك مفأجاة وطلبتك ماتردني وقفل مصعب حس بقلق معقول عرف شيء عن الموضوع ...غير اتجاهه للإستراحه أول ماوصل ..شاف الشله كلها متجمعه طالع منيف الي قرب منه وهو يرحب قال بحده :لو الموضوع الي مرجعني له يطلع سخيف ذبحتك منيف طالع عامر بتوتر : لا لا تفضل بس أجلس تقهوى وشوي ونحط العشا وماراح يصير الي يحبه قلبك مصعب جلس وقال وهو يدور بعيونه صالح : ليه ماعزمت صالح منيف بضيق : صالح ذا ماارتاح له اللي يدفع له أكثر يروح بسكته لا تثق فيه مصعب انتبه مصعب بقهر : منيف لا تحسسني انك تفهم احسن مني منيف : مصعب أنت الحقد معميك وماتدري مع مين تتعامل .... عامر : ي جماعه موكذا اهدوو شوي مصعب بطفش : يالله اخلص علي بس وقول ليه جايبني .... منيف وقف وقال : اصبر يارجآل وابتعد عنه ،،، دق على عادل .. بيشوفه ليه تآخر بس تعذر انه جالس مع أمه وشوي وجاي .... وفعلاً كلها ساعه وجاء ... حس بتوتر يوم شافه داخل بسرعه فز واستقبله وهو يأشر لمحمد يقرب منه وهمس له : الهيه شوي لا تخليه يدخل المجلس طيب ويقابل مصعب الحين شوي بس خليني امهد لمصعب مابي اصدمه ورد فعله تكون عكس الي نبي وبعد عادل لا يحس بشيء محمد هز رأسه واستقبل عادل مع منيف وحط يده على كتفه وقال : عادل تعال ابيك شوي بعيد عند الدوشه بتشاورك في موضوع الوظيفه الجديده عادل قال : ابشر والله ومشى معه منيف دخل وهو متوتر ..أبد ماهو شايل هم عادل عارف بشخصية عادل وشلون هادئ خايف من رد فعل مصعب والله ماغير يقلب عليهم الإستراحه ابتسم له يوم قال: منيف ماهو طولت مفأجتك يالله اخلص علي وراي طريق منيف طالع اخوياه بتوتر وقال : بعد العشا ويالله ي جماعه الأكل جاهز تفضلوو اقلطوو الكل طلع الحوش مكان ماهو الأكل مفروش أول ماطلع مصعب شاف عادل بوجههه ..انصدم طالع منيف بقهر ...وقال بعصبيه : هذي مفأجتك الحين أبد تافههه ومالها داعي وخويك ذا لو يموت ماعاد اعطيته وجهه وقول له يجيب السيدي قبل ماقلب عليكم المكان ذا كله واحوسه حوس عادل ماهو أقل صدمه منه ماتوقع ان منيف عازمه عشان يقابل بينه وبين مصعب من شوي شايفه وجع قلبه ..والحين فشله بين اخوياه كلهم كان يسمع الكل يقول تعوذ من إبليس يامصعب عيب عليك تسوي بخويك كذا .... طالع منيف وقال :قول له السيدي الي يدوره ماهو عندي وطالع مصعب لا تقلب عليهم المكان وتخرب جمعتهم مخلي لك المكان بكبره وضرب على كتف منيف مشكور على العزيمه شافه بيتكلم قال وهو يقاطعه عارف بنيتك كلها خير مصعب بقهر : نيته خير الحين يوم يبي يجمعني بواحد مثلك ماهو كفووو عادل طنش مصعب وهو ماسك نفسه بالقوه تحرك بيطلع بس اعترضه منيف و سلم فوق رأسه وقال وهو متفشل :والله نيتي خير بس جت عكس ماتمنيت عادل بغصه توجع : عارف وطالع مصعب وهز رأسه وهو متحسر أبد ماتوقع توصل بينهم لكذا يطالع اخوياه الي كلهم مصدومين صداقتهم كان تضرب بهالمثل ..... مصعب حس على عمره طالع اخوياه وهو ندمان ليه ماقدر يمسك نفسه قدامهم ..صدق لو عصب معاد يشوف قدامه مسك منيف من ياقة بلوزته وقال بعصبيه : اقسم برب العزه حركتك ذي ماراح تعدي كذا ودفه بقوه وهو يصرخ مالك دخل بينا فاهم أنا وعادل نحلها مع بعض منيف صرخ بعصبيه : قلعتك والله ماتتساهل صدق والله فك عادل منك يالمريض مصعب حرك يده وقال : ايوه ايوه طلع الي بقلبك يالله يالله ...وهجم عليه وهو يضربه بكل عصبيه وقهر الكل كان يحاول يفك منيف من يده بس القهر معميه مايشوف قدامه ... أول ماحاولو يرفعونه من على منيف دفوه بعيد عنه صرخ بعصبيه وهو يمسح خشمه : ابعدوو خلوو المريض يعرفهه قدره هالقذر .... محمد على طول مسك مصعب وطلعه من الإستراحه :مصعب مو كذا الله يهديك بهالطريقه بتخسرهم جميع مصعب دف يده وقال بعصبيه : ابعد عني ركب سيارته وحرك بسرعه جنونينه حس بنفسه يرجع يضيق عليه وقف بنص الطريق ماقدر يكمل ...فتح الدرج وطلع بخاخ الربوو وبخ أكثر من مره ..سند جسمه على المرتبه وقفل عيونه ...هالفتره صايره تجيه نوبات قويه حيل من اقل شيء يسويه يتعب .... أول ماحس بنفسه شوي انتظم ....حرك سيارته للبيت أبد ماهو قادر يمسك طريق ويروح للديرة .... | ||||||||
|
| |
 |
| أدوات الموضوع | |
| انواع عرض الموضوع | |
|
|
20Likes
.png)
العرض العادي
