09-03-19, 08:56 PM
| #962 | ||||||||
|  الذين يشاهدون محتوى الموضوع الآن : 70 ( الأعضاء 9 والزوار 61) mansou, Golden rule, ريما الشريف, Sōym sd, بتلات الورد, حنيني ليك, عذاري1998, شيماء انس, HMalhajri | ||||||||
|  |
|
09-03-19, 09:31 PM
| #964 | ||||||||
| مراقبة عامة ومشرفة منتدى الروايات المنقولة  
| سبحان الله وبحمده سبحان الله العظيم اللهم صل وسلم على نبينا محمد صلو عليه حبيباتي الروآيه لا تلهيكم عن الصلاة والذكر اللهم بلغت اللهم فاشهد @ @ @ (48 ) @ @ اللي يقول البارت قصير بنتحر وترتاحون من نوني ومن الروايه بس رآح تأخذون ذنبي ماراح اسامحكم هههههه طالعتهم يوم نزلوو ...يركضون من السلم على صراخها قالت بصياح كله تمثيل : شفته شفته الي تقولين عنه ياأصايل وأشرت لغرفتها سمعت صوت قربت من الدريشه وفتحتها شفته قدامي خطف قدام الدريشه وجلست تزفر بسرعه وهي ترتجف وتلخبط بالكلام عشان يصدقونها وطالعت اصايل وقالت وهي تسمك يدها دوبني صدقتك ي أصايل يوم قلتي شفت حد طب الحوش وعينها من مصعب يوم سب بصوت عالي وركض من غير ماتكمل كلامها ابتسمت بخبث يوم اصايل سحبت يدها قالت : تصدقين ذا يصير فينا بسبة مين يوم شافتها ماردت قربت منها وقالت :بنروح فيها بسبة زوجك واعطتها ظهرها ودخلت الغرفة وقفلت الباب وسندت على الباب وهي تضحك حطت يدها على فمها وهي تكتم ضحكتها وهمست :اغبياااااااء أجل تقولين الحرامي من وراي يالقرويه وتخلين المجنون ذا يشك فيني ...رمت نفسها على السريرررر وهي تطالع السقف ..همست ..ماشفت شي مصعب والله لا اخليك تدور حول نفسك ومصيرك مثل أمك ولا ماكون الجوهرة ....قلبت على جنبها وهي تقول بحقد :هانت ورفعت جوالها ودقت رقمه أول ماسمعت صوته قالت بأمر:أجل المهه الي طلبتها منك هالفتره اوك : وشلون قفلت عيونها بصبر وقالت :نفذ الي اطلبه منك وخلي كبيرك يرسل لي واحد غيرك :ليه طيب يرسل غيري قامت السرير وقفت جنب الدريشه وفتحها على خفيف وعينها من مصعب الي يدور حول البيت ابتسمت بخبث وقالت:اللعبه الجديده ماتصلح لك ولا سألت ثاني الحين بدق على كبيرك ويعرف وشلون تسأل ثاني مره او تعترض وقفلت ورمت الجوال قرف على غبائه باقي يسأل ..رجعت طالعت مصعب دورته بعيونها ماله أثر قفلت الدريشه ورجعت تمددت على السرير ...وهي تفكر وشلون تنفذ الفكرة الجديده بدون مايكون عليها اي دليل لأنها خلاص تبيها القاضيه والنهايه لهذي المهزله خلاص تعبت معاه ....وماراح ترتاح إلا بهذي الخطه لو تمت بدون مايكون عليها ممسك ..تبي واحد قلبه قوي ...... اصايل كنت الف بالصالة..رايحه جايه ...انتظر مصعب حسيت بتعب ... جلست على الكنبه وأنا اطالع جهة الدرايش الكبيرة الي بالصالة احس برعب وخوف ودي مصعب ...يرجع بسرعة طالعت ناحية غرفتها ..مدري ليه احس انها تكذب ...وكأنها تبعد التهمه عنها ...بس شكلها كيف خايف وترجف وتصيح مثل الي كأنه صدق صار هالشيء معاها هزيت رأسي ..وأنا بنجن احسني ..ماهو قادرة اصدقها ولا هو قادرة بعد اكذبها لأني بعيني شفت الي قفز ومعقول صدق مثل ماقالت من وراء مصعب الي يصير فينا أخذت نفس عميق وأنا ادعي ... الله يحمينا من الي جاي ...احس بمصايب جايه أكبر وأكبر من الي حنا فيه ..طالعت الباب بقلق ..أحسه تآخر حيل ..عضيت شفتي وانا اهمس :وين راح هالمجنون ... شفت الخادمة طالعه من غرفتها ... أشرت لها قربت مني وقالت بنفس خايسه : نعم مدام الحين صاحي من نوم اففف كله تعال كله روح .... عضيت شفتي وأنا ودي ارميها بهالتحفه قدامي قلت بقهر : يحق لتس تكلميني تسذا مدام وراتس وحده مثل الجوهرة فتحت عيني بصدمه يوم تتأففت وهي تقول : انت مفروض اسم مشاكل صرخت بقهر : تقلعي الله لايوفقتس يا****** الحين انا الي مفروض اسمي مشاكل طالعتها بتحدي وقالت : انا فيه يشتم مثل انت بس أنا محترم مثل ماما جوجو اصايل احسي بقطع شعري من القهر قلت وأنا ودي اقوم لها : انتِ وجوجو تبعتس فاهمين الاحترام غلط واشرت لها بيدي عشان تبعد يالله يالله فارقي ماهو ناقصني إلا انتِ الحين صغرت عيوني بقهر يوم قالت وهي تعطيني ظهرها : بابا مصعب كيف يتزوج أنت حرام والله ياناس اقوم لها هذي شكلها تبي طق عمتها جوجو تعوذت من إبليس وجلست أستغفر بصوت عالي عشان مابي اعصب زود (أستغفرالله أستغفرالله أستغفرالله ) اروح اخدم نفسي بنفسي رقيت الدرج وأخذت جوالي ودقيت مارد ..رجعت نزلت وجلست على الكنبه وأنا عيني من الباب ...حسيت بظهري وجعني من الجلسه تمددتتت ..وأنا عيني مره من الباب ومره من الشباك ..احسني مرعوبه وذا بعد طول حيل ..الله يستر لا لحق عليه وتهاوش معاه والله ماغير يذبحه اليوم ...جلست وأنا اتخيل انه يقتل مصعب والحين مصعب غرقان بدمه مرمي بالشارع صرخت بفزع يمه .بلعت ريقي بخوف وأنا اقول لا لا يارب انك تحفظه من شر هالرجال ومن شر نفسه يارب .... ودي اطلع الحوش بس خايفه صراحه ...رجعت تمددتت وأنا اذكر اذكارالصباح وأستغفر....فزيت جالسه يوم سمعت صوت مقبض الباب يتحرك بسرعة فزيت وأنا اقرب منه يوم شفته داخل علي قلت بخوف : الحمدلله ماصار فيك شيء وربي خفت لا يذبحككك ومافيك حد حولك الناس باقي نايمين مصعب بعصبيه :اصايل كم مرة قلت لك لا تفلمين على راسي وابعدها عنه وهو معصب وجلس على الكنبه وحط رأسه بين يدينه وهو يقول بقهر : أموت واعرف مين لفيت الشارع كله ماحصلت أثر له ... رفع رأسه وطالعها وقال :أموت لو ضرني فيك اصايل كنت مقهورة ومعصبه حدي من تعامله معي قبل شوي بس يوم قال تسذا حسيت بفرحة بقلبي قربت منه وجلست وقلت :الله الحافظ لا تخاف وهو قادر يبعده عنا مصعب طالعها وقال :أنتِ شايفته والزفته الثانية شايفته وش ناوي عليه ذا آه أصايل بموت والله من القهر مرتين بنفس اليوم يتهجم على بيتي وأنا ماقدر أوصل له كثير والله ..وشلون أجل الحين وشلون أقدر اطلع وأنا مطمن عليك اصايل حسيت برعب من كلامة قلت بسرعة :اليوم مستحيل تروح الشركة مصعب عض شفته وقال : وشلون واليوم عندي مواعيد كثيرة مع رجال اعمال عشان المشروع الجديد انتظره من شهر ويجي موعده ومااااروح صعب اصايل رفعت يدي بخوف : لا لا مصعب خايفه وربي اليوم بذات حاول تأجل كل شيء مصعب وقف بدون مايرد عليها اصايل وقفت وبسرعة لحقته وقالت :ماراح تروح صح طنشها ودخل الغرفة جلس على السرير وهو مقهورر طالعها واقفه قدام الباب وهي تطالعه قال بضيق : ليه زادت علي المشاكل يوم تزوجتك كنت أنا القوي وأنا المحرك والمرعب لهم بهالبيت ليه بسرعة كل شيء انقلب ضدي وتقوت شوكتهم علي وانا ضعت وهمي صار بس كيف حمايتك اصايل فتحت عينها بصدمه من كلامه قالت بعصبيه : حتى في ذي بترجعها علي الحين خاف ربك فيني حرام والله على العذاب الي عايشته معك والرعب والقلق والانتقام والجوو المشحون بينكم الي كله خبث وساخة من بداية الأم للأب سكتتتتتتت وهي تشوف يفز بسرعة وهو مصدوم ويردد كلمتها :من بداية الأم لا يكون تقصدين أمي اصايل بلعت ريقي بخوف يوم شفت وجههه وشلون تغير وقلب أحمر من العصبيه يالله احسني بموت بيده اليوم من هالغلطه قلتها بس هوو الي حدني بذات صورة أمه وهي تسرق رأفضه تروح من بالي والحين يوم قهرني بكلامة مدري اشلون فقدت اعصابي وقلت تسذا فزيت من صرخته :أشوفك تجمدتي قلت بسرعة وأنا أحاول أرخي يده الي ماسكه رقبتي :أقصد الجوهرة أمك حاشاها حسيت بيده ترتخي شوي بس باقي نظرته نفسها كلها عصبيه نزلت عيوني مابيه يكشف كذبي فكني وقال بقرف واضح بصوته :الحين ال****هذيك تقولين عنها أم لي ورجع مسك رقبتها وقال بجنون :هالمرة بعديها بس المره الثانية لسانك ذي الي مايعرف ينطق كلام مثل الناس أقطعه لك وهزها وقال بتأكيد : اسويها يا أصايل واحذري ثاني مرة تغلطين كذا الزفته هذي ماهي أمي فاهمه ولا أتشرف أنا أمي النايفه فاهمه النايفه اصايل هزيت رأسي برعب وخوف ...يالله كلامه يوجع ويخوف بنفس الوقت ..حسيت ان فيه إجرام فعلاً وماعنده قلب أبد ...اعطيته ظهري بطلع من الغرفة بس وقفت يوم صرخ وقال : انثبري بهالغرفة ماهو ناقص كلام من الزفته وقلق طول الوقت خليك هنا على الأقل قدام عيني قفلت عيوني بقهر توك تحس بدري بس طنشت وجيت بطلع بس وقفت يوم تعداني وقفل الباب بعصبيه وقال : أشوف كيف تعاندين زفرت بقهر وجلست على السرير ...اعطاني ظهره وتوجهه للحمام وقال قبل يدخل :ياليت ماتوسوس لك نفسك وتطلعين من الغرفة وطالعها ورفع حاجب وقال : ضمان لنفسك اتركي العناد مع مصعب خسرانه بكل الحالات ...... ردتت كلمته فعلاً خسرانه بكل الحالات ...سحبت المفرش وغطيت نفسي ..وأنا أحاول اكتم عصبيتي كلها نص ساعة وطلع بعد مأخذ شور ... سويت نفسي نايمة ..شفته واقف قدام التسريحه يعني بيروح وبيخليني مع الجوهرة ومع سالفة الحرامي ذا وشلون أقدر اجلس ..اصايل خلاص يكفي تذلين عمرتس له أكثر ..الله يحفظني فعلاً مثل ماحسيت كشخ بالشماغ وأخذ جواله والمحفظه وطلع ..بس كلها ثواني وسمعت صوت المفتاح جلست وأنا مصدومه يقفل علي ..وصلت لهنا لا لا مستحيل .... وش هالطريقة الجديدة بالله .... بسرعة أخذت جوالي ودقيت رقمه جأني صوته بأخر رنه :نعم صرخت بقهر :الله لاينعم عليك وشلون تقفل علي الغرفة وش هالحركة الجديده عصبت زود يوم قال بستفزاز :خايف عليك من الحرامي صرخت وأنا بصيح : مصعب ارجع وافتح الباب مستحيل اجس وأنا احس عمري تسذا محبوسه قاطعها ببرود يقهر :رجآل وخايف على مرتي في وشهوو غلطت بالله قالت بقلق وخوف : مصعب لا تنجن أكثر افرض صار فيني شيء لا سمح الله وأنا محبوسه هنا مصعب بيرود : ماراح يصير فيك شيء ام سبع ارواح حسيت أني بفقد عقلي صرخت بعصبيه : مصعب ارجع وافتح الباب احسن بك قال بحده : صدقيني مصعب لو رجع ماراح بس يفتح الباب راح يفتح قبرك بعد قفلت بوجهههه وإنا اسبه ( حقيرررر) ابعدت المفرش بعصبية وقمت اتجهت للحمام الله يكرمكم ...توضيت وطلعت وفرشت سجادتي وصليت الضحى ...وبعدها مسكت القران وجلست أقرا .......بعد ماكملت وردي اليومي حسيت عمري شوي هديت ... | ||||||||
|
| |
|
09-03-19, 09:31 PM
| #965 | ||||||||
| مراقبة عامة ومشرفة منتدى الروايات المنقولة
| طالع أبوه يوم قال : كله بسبة فعايلك الحين أمك بين الحياة والموت بسبة هالغريبه ضافها عندك يالي ماتستحي وأشر لحور ونور وهم يصيحون شوف خواتك وش حالهم من يوم أمهم طاحت بسببك الحين تدبر رقم خالها ذا الي كان موجود بجدة وتقلعها معاه قال بضيق : بتواصل معاه لا توصي ابو ياسر : عجل ولا تصرفت ولا أقولك أنا بدبر رقمه وبكلمه بنفسي ابتعدوهو متضايق شاف عمته نوفه وخاله داخلين قربت منه عمته وقالت بقلق : ان شاءالله فاقت ياسر نزل رأسه وقال : فاقت شوي بس رجعت تعبت والدكتور يقول كله بسبة الضغط مرتفع حيل عليها طالع خاله يوم قال : ودي افهم وش الي صار بالضبط وصلها لهالحالة الحين اليوم الثاني وهذا حالها ... ياسر مارد عليه نوفه حطت يدها على كتفه وقالت : تصبر وأنا أمك ربي قادر يشفيها ... وطالعت رجلها ماعليه ياسعود ربك كريم .... .....لحقت ياسر يوم ابتعد بيطلع قالت بسرعة : ياسر وقف وطالعها قالت بغصه : وشلونها بنتي ياسر مايبي لقاها مع عمته أبد عارف لو لقتها بتصير مشكله أكبر وأكبر مع أبوه قال : لو تبي راحة شدن تكفين هالفتره بس ابعدي عنها ماهو ناقص ي عمه مشاكل مع أبوي يكفي أمي مرميه بالعناية بسبة هالشيء واوعدش بس تطلع واطمن عليها بوصلش لشدن بس الحين صعب بذات وأبوي عينه علي نوفه انوجعت من كلامه .وقالت :ليت ربي يهدي مبارك ويعتق هالبنت الضعيفه طالعت رجلها الي سند على الجدار ركضت يمه وهي مفزوعه : علامك قال بحسره : حالة اختي ماتسر طلعيني من هنا ماااااقدر اتحمل شوفتها كذا حست به بيطيح عليها بسرعة نادت ياسر يساعدها فيه ...... طالعت أخوها الي جاي يركض يمهم وهو يقول الكل بيروح فيها بسبتك ياسر عرفت وش يقصد فعلاً أفضل شيء تنفذ كلام ياسر وماتجيب سيرة شدن حتى أخوها يهدا يمكن تقدر تجتمع معاها من ثاني .... @ @ @ @ @ طالعت الباب بحسره متى حضرته بيرجع ويفك اسرها ...من الصبح وهذا حالها والحين شوي وياذن العشاء لأكلت شيء ومن اصله نفسها منسده من كل شيء . ..رفعت رأسها وهي تقول يالله صبرني حست عمرها ودها تصيح من القهر الي هي فيه ...بس لازم تأكل شيء ولا بتطيح اتجهت للثلاجة الي بالزاويه فتحتها صغرت عيونها بقهر الخايس مدلع نفسه على الآخر من ذي أخذت سنكرس وأخذت كولا وجلست أكل وعيني على الباب ودي يرجع بسرعه عشان ابرد قلبي فيه ...وقفت وأخذت واحد ثاني وأكلته وبعدها ثالث وفي الأخير أكلت نص الشكولاتات الي موجوده ابتسمت بسخريه على نفسها أجل وهذا وانا نفسي منسده طالعت مقبض الباب يوم تحرك فيه صوت المفتاح قلت بقهر يوم دخل : اخيراً شرفت رماها بالشماغ وهو يقول بنفس خايسه : اوشش ... اصايل ابعدت الشماغ عن وجها بقهر و تخطته وجت بتطلع من الغرفة بس بسرعة وقف بوجهاا وقال : وين وين اصايل قفلت عيونها بصبر : مصعب يكفي من الصبح حابسني هنا لا أكل ولا شرب مثل الناس مصعب طالع جهة الطاوله الي عليها غلاف الشكولاتات الفاضيه وقال بسخريه : ايه مره لأكل ولا شرب اصايل طالعت مكان مايطالع رفعت حاجب وطنشته بتطلع بس نفس الحكايه وقف بوجهااوقال بحده :معاد لك نزول إلا معي اصايل بصدمه فتحت عينها : وشهوووو لا كذا انهبلت رسمي مصعب ببرود تخطاها وقال : مثل ماسمعتي انا هنا تنثبري معي انزل لتحت تنزلي بس لحالك مستحيل حتى اعرف مين دخل البيت اصايل حاولت اطول بالي شوي وقلت : طيب خليني انزل المطبخ أسوي اي شيء ابلعه ميته جوع مصعب : خليك مكانك والحين وحده من الخدم تجيب لك أكل هنا ... وأخذ ملابس ودخل يأخذ شور اصايل حسيت بقهر وش ذي الحياة أجلس مقابلته عز الله مت ناقصه عمر ...أخذت جوالي ورسلت لسميرة : اخبارتس اليوم وأخبار رجلتس ابتسمت يوم ردت عليه (الحمدلله ورجلي يارب ان أموره تمام أخوه الكبير جاء من الشرقيه ويقول الأمور ان شاءالله بصالحه وانا واثقه لانه مظلوم ي اصايل ) ابتسمت بحزن على حالنا وكتبت لها ( الله يقر عينتس به يا عمررري ) حطيت الجوال يوم شفت مصعب طلع وهو ينشف شعره ..قلت بقهر : يالله دق على الخدم سكتت يوم طالعني بعصبيه وقال :لا ي شيخه تبيني اخدمك بعد وبقهر أشر على التلفون انطقي دقي بنفسك بوزت بقهر وقالت : مايسمعون كلامي مصعب عقد حواجبه وقال : ايشش طالعته وقلت بتردد خايفه لا ينزل ويبتلي فيهم : لا اقصد ماعرف اتعامل معاهم مصعب رفع حاجب وقال : ماتعرفي تتعاملي معاهم ولا الزفته محرشتهم عليك اصايل ماهو ناقصه الحين مشاكل مع الخدم بعد قلت : لا لا وخلاص انا بدق اففف واخذت السماعة بس سحبها من يدي وبسرعه قال بحده : خمس دقايق الأكل قدامي واي شيء ماما اصايل تقوله يتنفذ مفهوم ولا والله قلعتكم انتِ وهي على أول طيارة وقفل وقال بسخريه الحين يارب عاد تعرفي تتعاملي معاهم ومد يده ولف وجهااا وقال أنتِ وهالوجهه مسببه لي قلق اصايل بقهر : ازين منك والله طالعها بسخريه وابتسم .وقال : مين مكذب عليك أنك حلوة اصايل رفعت حاجب وقالت بثقه : مااحتاج شهادة أحد واثقه من نفسي ومن جمالي مصعب : طيب ي الواثقه ممكن بعد ماتطفحي ماسمع لك صوت عشان دايخ حدي وبنام وضحك بسخريه أبوي هالمرة المدام لاعبه بحسبته عشان بنتها دق علي من شوي يشكي وضحك بصوت عالي وقال بحقد يارب تأخذ حق أمي كله منه ومن ال****** وهز رأسه بقهر يبي ينبسط يقال رفعت عيني للدولاب وأنا اتذكر السيدي ...طالعته وقلت :يوم الجوهرة تزوجت أبوك أمك كم جلست وتوفت بعدها سكت يوم طالعني بنظرة تخوف وقال : ليه تسألي بلعت ريقي بخوف وقلت : على رأحتك لا تجاوب بس نزل رأسه وقال : تزوج قبلها اخت زوجة عمي وبعدها بفتره بسيطه توفت بسبب المرض الي صار فيها وطالعها توقعي يوم مرضت حطو اللوم علي أهلها والوحيده الي وقفت معي ودافعت يوم اختها جت وتكلمت مع أخوها أمي يومها وقفت بوجهه الكل صح انا ماهو راضي كان على زواجها من أبوي واطفشها دوم واسوي مشاكل معاها بس والله كانت ارحم من الجوهرة اصايل : يعني الجوهرة تزوجها يوم ماتت زوجته الثانية مصعب بضيق من هالسالفة أخذ نفس وقال : ايه بعد فتره من موتها تزوج الزفت وقتها عرفت ان تهاني معاها ولا شيء وسكت شوي وقال بغصه :وامي بعدها جلست فترة ثلاث سنوات بس وتوفت طالعها وقال بحزن هالثلاث سنوات قضتها كلها عذاب في عذاب أكثر من العذاب الي كانت عليه قبل قالت عنها سارقه وبعدين مجنونه لدرجة الخبيثه دخلتها السجن بتهمه ماهي فيها لليوم ندمان اني ماكنت جنبها بس غصب عني سافرت مع أبوي يومها وجينا ودريت بحبسها طلعت الزفته مبلغه عليها قال ايش سرقة ذهبها اصايل يوم استرسل في الكلام حبيت أسكت وماتكلم أبد هزيت رأسي ابيه يكمل ودي افهم هاالنقطه بالذات ....يوم جاب سيرة السرقة فعلاً شفتها بعيني يوم أخذت الإسواره يعني الجوهرة ماكذبت أبد .... أخذ نفس قوي وقال والضيقه واضحه بصوته :بس يومها قلبت عليهم البيت وخليتها تلغي بلاغها وتتنازل وبعدها أبوي خويه ماقصر معه وطلع أمي صح الي قضته بالسجن يوم بس اقسم بالله بتثمنه الجوهرة من عمرها ولا ماكون مصعب ...وسكتت وهو متضايق وطالع الباب وقال تأخروا بالأكل صح .. مابيه يسكت او يغير السالفة ودي افهم كل شيء مدام كذا تجاوب شكلي بسأله عن السيدي الي كان ماسكه عن الجوهرة بس ترددت خايفه يعصب وبذات يوم الباب انطق وقف أخذ الصينيه منها وقربها مني وقال وهو يطالع عيوني :ماهو مستعد لا اي سؤال ثاني اصايل رفعت حاجب وأنا مقهورة من نفسي وشلون أنا كذا مكشوفه قدامه أخذت الملعقه وقلت : مين قالك أني بسأل طالعته يوم جلس مقابلني وسحب الملعقه من يدي وقال :كذابه بعيونك اسأله ماهو سؤال بس اصايل صغرت عيوني بقهر : مأخذ ملعقتي وبعد تسبني مصعب ابتسم بستفزاز وقال : قلة ذوق الله وكيلك اصايل أستغفرت بصوت مسموع وأخذت الملعقه الثانيه وأنا متنرفزه حدي وقلت : ماهو قلت ماتبي تأكل مصعب رفع حاجب وقال : أكل من مال أبوك اصايل ميلت فمها وقالت بصوت واطي : وقح مصعب ابتسم وقال : وغيره اصايل فتحت عينها وقالت : وشهووو مصعب : من كلماتك الي ترسلينها الي كلها أدب وذوق وهز راسه وقال واضح التربية ربيت يا أبومحمد ماقصرت اصايل طنشته وبدت تأكل بس غصت بالأكل يوم قال :للحين ماحاسبتك على الي صار منك قدام أبوك اصايل بقهر : ليته سمعني بس وعلى الحساب مالك حق لأني ماظلمتك او افتريت عليك مصعب قال ببحه : تبينه كان يقوم معك عشان تتخلصين مني اصايل حطيت الملعقه بقهر وقلت :. مصعب أنت أكثر واحد عارف وشلون حياتنا وشلون أنت ماهو متقبلني بحياتك لا تسوي فيها الحين مصعب طالعها بدون مايرد وقف وقال :لاتطلعين يوم انام اوكيه لمصحلتك عاد اصايل انقهر منه كذا يوم يغير السالفة فجأة كان ودي يرد عليه بشي على الأقل يطيب خاطري طنشته ورجعت أكل كذا بالعافية بس أبي اوضح له انه مايهمني بس انصدمت يوم قال وهو ينشف يده بعد ماغسلها : اوه نسيت ولد خالك دق علي يقول يبي وظيفه بشركة معقول أبوك اعطاه رقمي ولا مين اصايل بصدمه : ولد خالي مين فيهم مصعب وهو يتذكر اسمه : امم قال اسمه عبد العزيز اصايل طاحت الملعقه من يدها برعب يوم قال عبد العزيز وش يبي يتوظف عند مصعب ..اذكره صايع ماهو حق وظايف ماغير وراه المصايب السكير طالعته يوم قال بشك : ليه كل هالتوتر الحين هزيت راسي بلااا: ماني متوتره مصعب ميل فمه وقال : امممم طيب مين الي دله على رقمي أخذت الملعقه من الأرض و قلت بتوتر : وش يدريني دق على أبوي واسأله أكيد هو الي معطيه مصعب هز رأسه وقال : ماله داعي بشوف له وظيفه مدام محتاجها ودق علي شخصياً والله مارده اصايل بسرعة : لا وشلك فيه توظفه خله يدور بعيد عن شركة أبوك لا تبتلش معاه مصعب بشك : ليه طيب اصايل وقفت وأنا احمل الصيينه : كيفك سوي الي تبي وطالعته وقالت بنزلها ولا هذي بعد ممنوعه مارد عليها اعطتها ظهرها وطلعت من الغرفة أخذت نفس عميق ...يالله وش يبي عزيز يتوظف بشركتهم ...خلي بس مصعب ينام وبعرف أخذ الاخبار من شموس .... هي ناقصه مصايب عشان هذا الصايع يدخل حياتهم .... | ||||||||
|
| |
|
09-03-19, 09:32 PM
| #966 | ||||||||
| مراقبة عامة ومشرفة منتدى الروايات المنقولة
| عضت شفتها يوم شافت رقمه ..همست أكيد أبوي خبره ...فتحت الخط وقالت :هلا قال بفرحة : حامل ي الشموس أخذت نفس وقالت بهدوء : ايه قال وهو ماهو قادر يتمالك نفسه من الفرحة : والله مدري وش اسوي ودي اصارخ ودي الحين اطير واجي لكم مبرووك علينا حنا الأثنين شمسه ماتوقعت كل هالفرح بيفرحه تذكرت كلام أخته حياة عشان موضوع الخلفه وكيف تشمتت فيها وهو ماتكلم ماغير يعطي اعذار لها ابتسمت بسخريه يوم سمعت عتبه عليها : ليه ماخبرتيني بنفستس خليتي عمي هو الي يدق يخبرني .... شمسه : وش تفرق أنا ولا أبوي ماهو طول عمره يقولك كل شيء عواد بضيق : هذا الخبر غير ودي كان اسمعه منتس بس ماعليه نعوضه بالثاني الحين خبريني وشلونتس وشلون ولد ابوه يارب بس يطلع لي صرخت معترضه : لا ان شاءالله وسكتتتت فعلاً ماتبيه يطلع له ماهي ناقصه حد ثالث بحياتها يكفي ابوها وعواد نفس الشخصيه كلها استبداد وتحكم عواد بزعل قال : الله يجيبه سليم معافى يالله بحفظ الله وقفل بدون مايعطيها فرصه ترد.... طالعت الجوال ...فعلاً هالمرة تحس نفسها غلطت كثير بحقه ..بس صدق هي ماتبيه يطلع له ماتدري ليه قلبها عورها عليه ..كل ماتذكر فرحته أول مادق عليها والحين قفل وهو زعلان رجعت دقت عليه مارد ...شافت خالتها يوم دخلت قربت منها وجلست وقالت وهي تحط يدها على كتفها : يمه لاتعاندي وتحطي راستس براس عواد والله ماغير الجفاوه بتزيد بينكم ..احمدي ربتس عواد يبيتس بس خاطره مكسور وتصرف تصرف غلط والحين خليتس احسن منه وحسسيه انتس قابلته بعيوبه وبكل شيء فيه والله يخليتس ملكه فوق رأسه بس عناد منتس وعناد منه ماغير تعب وجع طول عمركم ...وش بتسفيدين ولاهو بعد ابتسمت بسخريه وهي تسمع كلامها :مافيه فرق بينه وبين أبوي واشوفك ماقدرتي تكسبيه ... مسكت يدها وشدت عليها وهي تقول: احلف لتس أبوتس حاله نادره مافي مثله أنتِ بس خليتس اعقل منا كلنا واكسبي رجلتس والحين مدام ربي أكرمتس بذا الحمل افرحي وانسي الي صار كله ولا تضحكي عليتس أحد وأنتِ عارفه مين أقصد ...وقفت وقبل تطلع طالعتها وقالت : تغاضي يمه عشان تعيشين سعيده بس بشرط لا يدوس على كرامتس شمسه بغصه : ماهو داس ام سميرة :صدقيني ندمان حده واعطيه فرصه بس وشوفي وشلون كل شيء يتغيرررر أول ماطلعت تمددت على السرير ..وهي تفكر بكلامها فعلاً هي تعبت من الشد والعناد ولذة الانتصار الي تدورها ماحصلتها أبد ..بالعكس بعض مرات ينحرق دمها زود ماهو محروق حطت يدها على بطنها وقالت ...راح تتغير حياتي معاك ياماما ..وبعطي أبوك هالي مايستحي فرصه ونشوف ...الحين ليته يرد بس أخذت جوالها ودقت عليه مايرد فتحت الواتس وكتبت (خلاص بيطلع لك ولا تزعل ) انتظرت رده ...بذات يوم فتح الرساله كلها ثواني وصلتها رسالته (وغصب عنتس بيطلع لي ) رفعت حاجب وبعدها كتبت (اممم متى جاي ) ارسلها لها ( معقول الشموس تسأل متي جاي وش تغير بالدنيا وحط فيس مصدوم ) ابتسمت ورسلت له(قول الحمدلله على هالتطور ) رسل لها ( اللهم لك الحمد واللهم زيد وبارك ) ضحكت من قلب على كلامه الي مرسله كتبت له ( يالله لا تخليني الحين اصيح ) رسل لها ( تتمسخرين شموس والله عشان عساف بس إلا كانت اعطيتس الي يحبه قلبتس ومتعوده عليه ) فتحت عينها بصدمه ورسلت له( لحظه لحظه مين عساف ) رسل لها ( بكل فخر ولدي ) رسلت (ولدي اسمه أمير ويالله لا تحاول ماراح اغير الأسم ) رسل لها ( ماعليه الثاني أمير والأول عساف انتهى النقاش ) صغرت عيونها بقهر بعد انتهى النقاش ...جلست وهي تفكر ليه ماترجع تدق عليه وكاد يرد عليها ماتدري وش هالاحساس الي تحس فيه تحسها محتاجته حيل جنبها دقت رقمه أول مافتح الخط قالت :آسفه حس بسعادة تغمره قلبه الشموس بنفسها تتأسف منه قال بثقل :اممممم ماعليه بنقبل آسفك هالمره صرخت بقهر : عواد لا تكلمني كذا ماحب هالأسلوب ضحك من قلب وقال :ابشري ولا يهمتس لو تدرين اني شوي واناقز من الفرحه يوم سمعتس تتأسفين شمسه ابتسمت بسعادة وقالت : طيب متى جاي عواد عقد حواجبه على هالسؤال الي تكرر اليوم قال بقلق : شمسه اول مره تسذا تسألي فيتس شيء محتاجه شيء شمسه بصدق تحس قلبها مقبوض ودها تشوفه قالت : مدري بس ابيك تجي عواد ابتسم : أبشري بحاول أخذ لو اسبوع واجي ............ @ @ @ @ قالت بقهر بعد ماقفل : الحين ولدتس ذا شوي ويطلع من الجوال كل ذا فرحة يمه ليته امسى بس طالعتها بحده وهي معصبه : بسم الله عليه من شرتس حاسده اخوتس على فرحته وهو مايرضى عليتس ويفرح لفرحتس والله انتس عدوو ماهو أخت قالت بعصبيه : يمه بفرح لو جاه الضنا من غير ذي المقروده عزالله نشبت الحين فينا اففففف وقت حملها الحين ... طلعت من المجلس سمعت كلام أختها عن شمسه حست بقهر قربت منها وقالت بعصبيه : صدق ماتستحين وشلون قلبتس أنتِ حياة طالعتها بستخفاف : ارجعي بس لرجلتس واعطيه من ذا الحلى وخليه يزلطه وقولي له مافي عشاء لا تنتظر على الفاضي وسندت ظهرها وقالت بسخريه : والله حالة صلحت له الجلسه كل يوم جاي يبلع ويروح والشيب شوي ويغطي رأسه وهو بعد ماتتمم ذا العرس خليه يطلقتس وتأخذين غيره ماهو هذا شكله لا وراه ولا قدامه ابتسام بقهر من كلامها : مالتس دخل فاهمه وطالعت أمها الي شكلها معصبه من كلام حياة سكتت ماتبي تأخذ وتعطي معاها في الكلام وتكبر السالفة ...وماغير تتعب امهم بسبتهم قالت : يمه بسام يبتس يبي يتشاورتس على القاعة عشان العرس حياة بسخريه وهي ترفع الفنجان : أخيراً مابغينا والله هالمفهي يتحرك طنتشها و اتجهت للمطبخ وهي تسمعها تقول : ماغير يجيب على راستس وحده تخليتس تتحسرين على ذا الغلبه مغلبه بها عمرتس وضحكت بسخريه افرحي بس اليوم وبعدها شوفي النكد على اصوله وذوقيه مثل ماحنا ذقناه طالعتها وقالت : ماهو كل الحريم مثلتس ولا كل الرجآل مثل رجلتس حياة وقفت وهي معصبه بس حاولت ماتوضح غيرتها من أختها : يالله افلحي ونشوف وش يطلع معتس ي الزوجة المثالية ....وطالعت بنتها الي تلعب يالله ماما نروح للغرفة ام عواد بعصبيه ضربت بعصاها بالأرض : واخترتها معتس ي حياة ليه ماتخلين أختس ورجلها بحالهم ولا ناويه عليهم مثل عواد وشمسه حياة بحقد قالت : ايه ماهو انا طول عمرتس بنظرتس الشينه والعيبه طايلتني أم عواد : خلي عواد ومرته واختس بحالهم حياة بقهر : الحين وش دخلني بعواد ومرته أم عواد بحسره : نسيتي وش سويتي وخليتي اخوتس يطاوعتس بدون حق والحين مغبونه من حملها بدل ماتدعين لها يتم حياة بكرهه لشمسه : انا نصحته منها هالخبيثه بس مع الآسف ماسمع كلامي وراح وأخذها وصرخت وهي تنادي بنتها : يالله قدامي ومسكتها من يدها وجرتها بعنف وهي تصرح بقهر الكل الحين ضدي أكيد يمه خلاص مالنا قدر بعد ماابوتس رمانا تسذا ام عواد هزت رأسها وهي تدعي لها :الله يصلح حالتس يمه وطالعت ابتسام وهي تقول يالله يمه وديني لرجلتس والله يكملتس بعقلتس يمه اخصريها ولا تردين عليها ثاني مرة .... ابتسام : ابشري يمه ........ | ||||||||
|
| |
|
09-03-19, 09:33 PM
| #967 | ||||||||
| مراقبة عامة ومشرفة منتدى الروايات المنقولة
| صحيت من النوم ...وأنا احس ظهري ورقبتي توجعني ...من نومة الكنبه ..وقفت وقربت من الغرفة الي كان فيها ياسر كانت فاضية أكيد رآح لأمه ...الله يستر ويلطف بحالها ... لا يصير فيها شيء وينرد اللوم ...علي في الآخير طولت وهي مرقده بالمستشفى .... رحت وغسلت وجهي وتوضيت وصليت الظهر وبعدها حسيت بشوية دوخه ...أكيد من قلة الأكل هالفترة كلها قلق وتفكير وخوف ... اتجهت للمطبخ ..أخذت عصير ..وبعدها قفزت ورفعت نفسي وجلست على الكاونتر ...كلها دقايق وسمعت صوت الباب ..وعلى طول دخل المطبخ وبيده أغراض للمطبخ ...حسيته انصدم من وجودي ..قال :ليه جالسة هنا نزلت نظري لمكاني ورجعت طالعته وقلت :ولا شيء بس حسيت بشوية دوخه قلت اتنشط كذا واقفز عشان الدم يتحرك بجسمي ياسر رفع يده وقال وهو يسكتها : بس الحين معش دوخه وتقومي تجلسي كذا بذا المكان المرتفع وصغر عيونه بقهر مين معطيش هالنصائح بالله شدن هزيت راسي وقلت : ولا أحد من نفسي عارفه وش الصح واسويه ياسر أشر لها تنزل وقال : انزلي بس وتكفين الصح الي يخطر براسش لعاد تسوينه واتجههه للثلاجة وأخذ مويه وطلع حبوب بندول من جيب ثوبه وأخذ حبه طالعها بعد باقي جالسه بمكانها طالعته وقالت بتردد حسه بصوتها : وشلون أمك الحين يارب احسن ياسر زفر براحه : لا الحمدلله الحين أفضل بكثير وأخذو عنها الأجهزة كلها والحين بس مخلينها بالملاحظه لما بكره وينقلونها لقسم التنويم وكلها يومين وبإذن الله تطلع شدن نزلت وهي تقفز بفرحه وهي تقول : اسرع غيبوبه الحمدلله يارب ياسر قال بعصبيه : شدن وش ذا الكلام شدن ابتعدت بخوف ليه كذا عصب عليها فجأة بس يوم قال :تتمسخرين حضرتش هزيت رأسي وقلت : لا والله بس فرحانه يوم انها فاقت بسرعة بس ماعرفت اعبر وعضيت شفتي بخجل من نفسي قال بقهر : يعني تبينها تجلس سنه بالغيبوبه ولا ايش شدن وأنا متفشله : لا فهمتي غلط اعطاها ظهره وقال :كل كلمة تطلع من فمش غلط بغلط يارب اعطيني الصبر بس حسيت بقهرررر ...ايش فيه كذا متغير علي الحين يعني انا غلطانه هذا جزاتي اني فرحانه ومن الفرحه مدري وش اقول ....طلعت من المطبخ وأنا اطالع الغرفة بحزن ....أفضل شيء ارجع أفتح معه موضوع السفر ...عشان يعرف اني ماهو لهالدرجة راميه نفسي عليه ...طالعته يوم طلع من الغرفة وقال :تواصلت مع خالش الي بجدة فتحت عيني بصدمه ..يالله توني يقال بفتح معه الموضوع ...ماتوقعت أنه مستعجل كذا وبعد متى امداه مع وضع أمه لهالدرجة يبي الفكه هزيت رأسي وقلت بغصه : حلووو ياسر قرب منها وقال :وحب يجي ويأخذش لها بنفسه بس أنا رفضت قلت له لا انا بنفسي بوديها بس أنتظر الوقت المناسب .... رفعت رأسي وطالعته وقلت وأنا ماسكه دموعي مابيها تفضحني : عادي لو خليته يجي هو بنفسه يوديني ياسر هز راسه برفض وقال بضيق : لا بعد عمش معاد أضمن أحد لازم أنا اطمن عليش بنفسي بس خلي أمي تطلع من المستشفى وبعدها بفتره وكاد ربي يهدي ابوي شدن نزلت راسها وقالت :ولو رفض ياسر عض شفته وقال : بحجز لش وبوديش لأمش وخالش يقول ملهوفه على شوفتش وبتفرح كثير شدن هزيت رأسي بدون صوت حاولت ابلع الغصه نزلت عيوني وأنا اداري دموعي آه ودي ارفع يديني واسد اذوني مابي اسمع منه اي شيء ودي يسكت بس طالعته يوم قال بصوت واطي :طريقنا أبد مارح يكون واحد ي شدن فيه عقبات لا أنا اقوى عليها ولا أنتِ راح تتحملينها ....ومهما كابرنا مافيني اقدر أحميك أكثر من كذا قلت وأنا اقاطعه :ياليت تعجل بالحجز ياسر ولا تنتظر شيء متأكده ان أبوك راح يرفض جلوسي هنا وبعد تأكد مقدره كل شيء سويته عشاني وسكتت يوم الجرس رن ..طالعني وقال وهو مستغرب : مين الي جاي الحين وهمس اللهم أجعله خير قلت بخوف : لا يكون أبوك وبسرعه ركضت ناحية الغرفة خايفه مافيها تقابله ياسر همس بتوتر :الله يستر أبد مافيه الحين على المواجهه مع أبوه يكفي الي صار بالمستشفى ي دوبه فرحانه بتحسن حالة أمه علق معاها والحين بس معطيه فرصه عشان يسفرها ولا يبي يتصرف بنفسه .... فتح الباب انصدم يوم شاف عمته قدامه قالت وهي تتخطاه وتدخل : رفضت تعطيني العنوان خليت السواق يراقب مكانك وطالعته على فكره ماغلطت بهالتصرف أم وقلقانه على بنتها وأنت لك فترة تماطل وأنا تعبت ..... شدن انصدمت يوم سمعت صوت أمها طلعت وهي تسمع آخر كلمه قالتها قالت بوجع :بنتش خلاص رايحه لأمها الي مهما صار ومهها بنتها غلطت ماراح تصدها نوفه بسرعه قربت منها وهي تحس بكلماتها قويه عليها حيل بس ماقدرت غير إنها تأخذها بحضنها وهمست وهي تصيح :لاتذبحيني بكلامش ترا حدي موجوعه شدن حاولت وكابرت عشان ماتصيح بس مافيها وهي بحضن أمها نوفه هذا الحضن الي تبيه وتدوره من مده وماتبي غيره صاحت وهي تتمسك فيها وتصيح منهاره :يمه مابي غيرش وربي ابي عيشتي معش مابي اسافر مابي ياسر مابي أحد يبعدني عنش تكفين يمه خلينا نرجع مثل قبل واوعدش معاد بسوي شيء يضايقش مني والله يمه مازعلش أبد بس خذيني من هنا مابي هالعيشه أبد نوفه زادات بصياحها يوم سمعت كلامها وهي تحس بقلبها بينشطر عليها همست لها : يجعلني قبلش والله ماغير قلبي منفطر عليش يعلم الله بحالتي بعدش وبأخذش ي قلبي معي وأنا بقدر احميش منهم كلهم ياسر كان متعاطف معاها بس يوم سمع كلامها بذات يوم قالت مابي ياسر ...حس بضيق وقهر بنفس الوقت جالس يضيع نفسه عشانها وهي ماتستاهل باعته من أول لقاء مع عمته ...بس حاول يكبر عقله والي سواه معاها ماهو حب لها ماغير مرجلته حكمت عليه ..جلس على الكنبه ومايدري ليه حاب ينتقم شوي من شدن وقال وهو يذكرهم الثنتين : ي عمه لايكون خالي برا ينتظرش نوفه طالعته وقالت : ايه برا ينتظرني شدن حسيت اني توني افوق يوم قال ياسر خالي فكيت نفسي من حضن أمي ومسحت دموعي وأنا اردد بنفسي خلاص شدون امش معادها لش لوحدش فيه مين يشاركش بها ...طالعت ياسر حسيت بنظرة غريبه بعيونه ماقد شفتها ...من يوم ردني من جدة ...هالنظرة كنت أكرها حيل ..... والحين نفس النظرة يطالعني فيها .... طالعت أمي يوم قالت : يالله يمه خذي اغراضش وبتروحين معي واوعدش كل شيء بيتغير طالعت ياسر الي ساكت ولا قال شيء وكأن الموضوع مايهمه أبد ..هزيت راسي برفض وأنا ماتخيل وجودي مع رجلها لاهو محرم علي ولا شيء واخاف يطلع جبير أكثر من عمي ومن خالي مبارك أفضل شيء اجلس هنا حتى ياسر يسفرني قلت :لا لا مقدر صعبه بوجود زوجش خلاص يمه لا تقلقي علي أنا هنا ياسر ماراح يقصر معي سكتت يوم ياسر ابتسم بسخريه واضحه وهز رأسه عقدت حواجبي فيه شيء بس مدري ايش بالضبط ماهو فاهمه نوفه تحسها خجلانه منها مافيها تتكلم او تبرر لها طالعت ياسر تبيه يتكلم يقول شيء عنها وينقذها شوي من نظرة اللوم هذي بعيونها بس أبد ولا فتح فمه بكلمه طالعت شدن وقالت بغصه :مثل أبوش اعتبريه يمه شدن نزلت رأسها رقالت بغصه : أبوي مات خلاص يمه روحي لا ينتظر أكثر ياسر يقولي تعبان حرام نتعبه زود نوفه طالعت ياسر وقالت :الليله بنام هنا عند بنتي ياياسر ياسر قاطعها وقال بسخريه : لا لا اخاف خالي يدعي على شدن .... وطالعها ورفع حاجب مثل الي يقول لها بتكوني ثقيله عليهم شدن حسيت بقهر من كلام ياسر الي كله سخريه طالعت امي وقلت : فعلاً وش ذنبه تتركيه لحاله وهو محتاجش أكثر مني نوفه بزعل من ياسر :خالك ي ياسر عاقل وأكبر من هالتفاهات تقولها ..... ياسر وقف وقال وهو يسلم فوق راسها :أجل البيت بيتش وحياش لو ماتشيلش الأرض تشيلش عيوني نوفه بسخريه : توك تتذكر الواجب ياولد مبارك ياسر ابتسم بسخريه وقال : بروح اشوف خالي وكاد مايقدر يتسغني عنش ويرفض نومش جنب بنتش وطالع شدن مثل الي يقول لها مثل ماجحدتني من تووو تذكري مالش غيري ...... شدن طنشت نظرات ياسر ونغزاته بالكلام يوم امها سحبتها لصدرها وهمست لها :فقدتش وربي والحين مافي قوه تبعدش عني رفعت رأسها من حضنها وطالعتها وقالت بغصه : خالي مبارك اقوى مني ومنش نوفه همست لها وهي ترجع تضمها : الله اقوى يمه | ||||||||
|
| |
|
09-03-19, 09:35 PM
| #968 | ||||||||
| مراقبة عامة ومشرفة منتدى الروايات المنقولة
| بعد مرور فترة زمنيه مرت على ابطال روايتي == == ياسر وشدن له فتره جالس عند أمه بعد ماطلعت من المسشفى ..وطلب من أبوه يعطيه فرصه بس عشان أمه ... لأنه خلاص معاد فيه يتحمل وكل ماشافه حط اللوم عليه ..... وموضوع سفر شدن لمصر مسبب له قلق .... وأبد ماهو مرتاح صح مجروح منها ...وبذات يوم ماحست بالي قالته وطنشت ..حتى اعتذار ماعتذرت منه ...وخلاها تروح مع عمته نوفه عشان ماهو فاضي بيجلس مع أمه ومايبي يجلس قلقان عليها ... يحس نفسه بين نارين ..أهله ولا زوجته .....ولا موضوع السفر الي يأجله بس الحين خلاص لازم يحسم الموضوع لأن مايضمن رد فعل أبوه ..وبذات مع صياح أمه وترجيها له يطلقها ويبعدها من هنا ولا المشاكل الي صايره بين خاله وأبوه بسبة شدن ...ومتأكد مهما أجل موضوع السفر أبوه ماراح يغير رأيه شدن هالفترة كلها قضتها عند أمها الي تحاول تعوضها ..كل مره بتقول لها عن موضوع السفر بس تخاف وتردد ماتبيها تزعل ... ...وهالفترة ياسر جالس مع أمه والي مريحها خالها مبارك معاد جاء تذكر سوى مشكله يوم دري بوجودها بيت أمها بس زوج أمها وقف له وقتها حست فعلاً بحب له وقدرته وحست بحنانه عليها على انه ماهو محرم عليها بس وقف معاها وصار لها الأب فكرت تكلم ياسر وتخليه يلغي فكرة السفر... بس خافت لاتكون حمل عليهم ...وتصير مشكله أكبر بين أمها وخالها مبارك وهي عارفه وشلون أمها تقدر أخوها وماتبي تزعله ...والحين كل يوم تنتظر الوقت الي يقول لها يالله بسفرك لأمك خايفه حيل من هاليوم ولاتوقفها من الدراسه حاول ياسر فيها بس رفضت وقالت ليه تدرس وهي مسافره خلاص بتكمل حياتها هناك وبالاصح ماتبي تقابل حور ونور خايفه منهم وبذات والكل حاط عليها الي صار لأمهم .... وحتى نور توقعت ترجع علاقتها معاها بس مع الاسف أبد لا كلمتها ولا جت طول فترة جلوسها مع أمها حتى ياسر له فتره مقد شافته وتحسه متغير عليها ويكملها بدون نفس مثل قبل .... بس هي خلاص وعدت نفسها تعز حالها من الكل وتسوي لنفسها حياة بعيده عنهم كلهم بس تنتظر متى يجي اليوم الي تسافر وتبعد عنهم والله ماتفرق معاها إلا كيف بتقدر تعيش بدون أمها نوفه ... ===== عناد والشموخ وعبير الشموخ بعد آخر موقف بينهم معاد تكلمت مع عناد مجرد تروح الجامعه وتجي مع السواق الي للحين ماهي مصدقه ان عناد وافق يخليها تروح معاه .وأكثر من مره تصادف مع عبير بس ماتعطيها وجهه وتطنش الكلام الي تحذفه عليها ... وبعد قطعت علاقتها مع ...صديقتها أخت سلطان خايفه من المشاكل ولا شيء يوصل لعناد ... وهي مظلومه أكيد فيه ....ويحرمها من الجامعه الشيء الوحيد الي ماتبي تنحرم منه يكفي الي صار معاها ..... وعبير هالفترة مأخذها راحتها على الآخر مع عناد بذات مع زعل الشموخ ... وهو بعد مايجيب سيرة الشموخ أبد تحس بداية الخير قربت ...وتنفك منها للأبد ..وتطبق الكلام الي تقوله لها أمها وخالتها جوجو عشان تقرب عناد منها ...وللحين تحس كلامهم جايب فايده وهالفترة عناد متغير معاها وتحسه بصفها وهذا الي تنبيه وعناد هالفترة كلها مبتعد عنها ويشوف الأفضل كذا لهم الاثنين ...حتى يقرر وش يبي لأنه بهذي الطريقه ماهو قادر يتحمل .... الضغط والمشاكل الي صايره بينهم ..بذات مع وجود عبيرر ...يحس بضغط أكثر ..... ============= اصايل تأقلمت على هالعيشه طول الوقت منثبره بالغرفة وبنفس الوقت تحس عمرها شوي انفكت من المشاكل مع الجوهرة ...وحتى مشاكلها مع مصعب خفت .......والحين طول وقتها تفكر في الولادة الي كل ماقربت تموت من الخوف كلمت مصعب تروح عند أمها وتولد هناك بس رافض ...ماتدري وش قلبه كذا فجأة صاير حاب هالولد جاي ومتحمس أكثر منها لقدومه ....ماصارت تعرف له هالآدمي ومصعب اللي للحين مقهور من الي يصير معاه وإلا أبوه الي مطنش الشركة والي يصير فيها وطايح لي مع سوسو ...ومخلي كل شيء على رأسه هو غرضه يوم دخل هالشركة يخسر عمه بس بس صار العكس ..أبوه اعتمد عليه بكل شيء ... والحين تورط بشغل مع بعض رجال الاعمال ولازم يتم الي بينهم ومتفقين عليه ...ولا بتكون قضايا على الشركة ..ولا خوفه على اصايل من ذا كله يصير معاه ..يموت لو يضرونه فيها آه شوي وينجن من كثر التفكير والقلق الي عايش فيه .....بس الحين الي شوي مطمنه وجود عزيز جنبه ...شايل عليه شيله بالشركة ...صح في البداية خاف منه وكان حذر في تعامله بس بعدين اكتشف انه إنسان يعتمد عليه ...اخيراً شوي حصل واحد يغطي شوي مكان عادل ..إلا للحين متألم من خيانته له ولو ماسوى هالشيء كان الحين قدر يتغلب على الجوهرة ....فكر يضر الجوهرة بولدها عناد ..بس تذكر ان أبوه بيكون ضده وبيطلع عناد من الي يصير فيه وماغير حرقة قلب له ...أكثر وأكثر ...... بس الشيء الوحيد الي مسعده هالفترة انتظاره لولادة اصايل .....صح في البدايه ماحب يرتبط بعيال او يمكن ماهو متقبل انه يخلف منها وبذات بسبب طريقة زواجهم الي أبد ماتوقع يتقبلها بس صار العكس الحين مافي أحد يهمه مثلها مايدري اشلون قدرت تكسب قلبه كذا وهو صعب صعب حد يقدر يوصل له بسهوله ... ====== قالت وهي معصبه : خالتوو كلهم راح يجيون صديقاتي افف مابي يشوفونها الجوهرة بقهر من سيرة الشموخ : ماعليه ماما هي بغرفتها ماراح تطلع صدقيني وأنتِ الشقه كلها لك والحين الخدم الي عندي برسلهم لك عبست بوجها بقرف : لا مابيها وخايفه أقول لعناد يعصب علي تعرفين وشلون يعصب لو أحد يجيب سيرتها وأنا هالفترة مابي أخرب الي بيني وبينه الجوهره :خلاص أنا بدبرها قالت بحقد :خالتووو ماوصيك تكفين الجوهرة هزت رأسها وقالت : تمام يالله قفلي قلبوو خليني اشوف صرفه لهذي المصيبه ابلشنا فيها عناد قفلت من عندها وطالعت جهة الباب وهي تبتسم بخبث كل ماتذكر وش سوت فيهم وخلت مصعب طول هاالفترة كلها وهو يدور حول نفسه وماهمه إلا مين الي تهجم على البيت ..وانفك عنها شوي هو ومصايبه ..ولا البومه مرته معاد لها أثر انفكت منها بعد ...نادر لو تنزل صارت ...توسعت ابتسامتها وتحولت لضحكه عاليه وهي تقول : باقي باقي ماقد شفتوو شيء ... أخذت نفس ودقت رقم عناد بس مارد عليها .... وقفت وطلعت من الغرفة صاحت بصوتها كله : سميحه جت تركض وهي تقول : يس ماما جلست على الكنبه وقالت بتسأل : مصعب رجع سميحه : لا مافي يرجع الجوهرة طالعت الدرج وقالت بحقد : والزفته هذيك نزلت ولا هي بعد باقي معتكفه بغرفتها سميحه : كله مافي ينزل حضرت غداء بعدين شيل مصعب مافي يرجع واصايل حضر غدا بس يرفض يقول تعبان مايبي الجوهرة بقهر : عشتووو من متى تحضرون لهم بالله سميحه بخوف : بابا مصعب يعصب لو مافي يجي أكل لمدام لما غرفة الجوهرة حاست بوزها وقالت :طيب طسي عن وجهي وروحي حضري غداي وكلمي الخدم بعدها عشان نروح لبيت عناد ....اليوم فيه حفلة لعبير ابيكم تبيضون وجهي معاها هزت راسها وقالت : يس مدام أشرت لها بيدها تروح وطالعت جوالها الي رن شافت رقم ولدها ردت ببرود: لا فيك الخير وأنت رجعت دقيت عناد : هلا يمه بغيتي شيء أمري الجوهرة بوقاحه : قلع الشموخ من البيت الليله عبير جاين أهل أمها وصديقاتها وبنسوي لها حفله بسيطه ومابي يدرون بوجود الشموخ معاها بنفس البيت عناد فتح عينه بصدمه من كلام امه قال بقهر : ليه الشموخ شيء الواحد يستعير منه يمه وش ذا الكلام الجوهرة بقهر : ولد اسمع الكلام خذ زوجتك وروح فيها الليله ان شاءالله فندق بعد مالي دخل وين توديها بس صرفها لاتصير مشاكل مع أهل عبير واحمد ربك والبنت رضت تسكن بنفس البيت مع ضرتها عناد قفل عيونه بصبر : ترا ذليتيني على هالاسطوانه كل ماجت سالفة قلتي احمد ربك وهي سكنت بنفس البيت الي فيه مرتك تحمد ربها هي قبل وبعدين وش اصرفها وش ذا الكلام الي مايدخل العقل بزر هي وأنا مدري الجوهرة بعصبيه : والله ياعناد لو ماسويت الي اطلبه منك بسوي شيء يزعلك عناد بحده : يمه الشموخ زوجتي ولها في البيت مثل عبيرر وأكثر بعد وماراح تطلع واهلها وصديقاتها بيجيون حياهم وهي موجوده ماراح يجيون عساهم ان شاءالله حريقه تحرقهم جميع وانتهى الكلام الجوهر بقهر : يعني هذا اخر كلام عندك ي عناد عناد : يمه انا مو فاضي لهالتفاهات اخذ البنت عشان البيت يفضي لعبير وأهلها وهم يدرون كلهم انها جايه زوجه ثانية ويالله بحفظ الله وقفل وهو معصب ...حده من طلب أمه ... سند ظهره على الكرسي ...وقفل عيونه بتعب وضيق ... تعبان حده وضايق بذات آخر موقف صار بينهم كان صعب حيل..ويجي الحين عشان يصرفها وعبير تأخذ راحتها ......... @ @ @ @ طلعت من غرفتها وهي واثقه من الجوهره انها بتقلعها من البيت ..دقت وحجزت الضيافه وطلبت ورد بعد ..مابقي إلا الخدم يجيون عشان يرتبون كل شيء ..طالعت الصاله وشلون تغيرت بعد ماأخذت اثاث ابتسمت بتعالي ..كل شيء قدرت تغيره بهالبيت وصار كل شيء بلمساتهع هي ..باقي بس تقلع الشموخ ... طالعت مكان عناد المعتمد بالجلسه حست بقهر يوم تذكر كيف يجلس هنا وعينه على بابها مهما حاول يوضح عليه وطلوعه آخر الليل من غرفتها ويعسكر هنا ويفضل طول الليل جالس حارس للهانم ...طالعت باب غرفتها بمكر ...وخبث وهي تذكر كلام أمها وشلون تقدر تخليها تنقلع من حياتها وتصير مع عناد لوحدها بدون عذول لازم تطفشها ماراح تخلي لها راحتها بهالبيت .... قربت من الباب ودفت الباب ودخلت بوقاحه .... طالعتها بصدمه وهي تجلس على السرير وهي مفزوعه توقعت عناد بس انصدمت يوم شافت عبير قدامها قالت بصرخه وهي ترفع شعرها عن وجهاا : خير خير كذا مدرعمه عبير ابتسمت على جنب وقالت بخبث وهي تقرب منها :آه بيتي وأنا حره أدخل المكان الي أحبه ويالله قدامي للمطبخ نظفيه مدام الخدم للحين مقد جووو وبعدها روحي لوحده من صديقاتك على اني اشك ان حد يعطيك وجهه يالله يالله تقلعي الليله عندي حفلة مابي اشوفك قدامي الشموخ بصدمه صرخت : الكلام ذا لي عبيرر وهي تتسند على الباب : ياي ي المصدومه أقول يالله قبل اتلك من شعرك واقلعك برا البيت الشموخ وهي تدف المفرش : تتلين مين ي بنت ال********** عبير ركضت بسرعة بس الشموخ اسرع كان ومسكتها وطاحت فيها ضرب وطلعت غيضها كله منها الدلوعه ومن عناد بس ماحست إلا بيد عناد وهي ترفعها وهو يصرخ : ي مجنونه وش تسويننننن عبير يوم شافته صرخت : الحقني بموتتتتت الشموخ وهي تدفه وناويه ترجع لها : ابعد عني خلني اربيها ال******* عبير وهي تصيح مصدومه من الي صار ماتوقعت كذا تضربها صرخت وهي منهارة : عناد طقتني ذبحتني والله وأنا ماسويت لها شيء آآه رجعت تصيح منهاره الشموخ صرخت بقهر وهي تفك نفسها من عناد : لا تحلفين كذب ي الكذابه جايه ومطوله لسانك علي وتبيني اسكت عنك عبير وهي تصيح : عناد مقدر اتحمل أكثر تخيل بس قلت لها حابه اعزمك لحفلتي طاحت فيني طق وقالت كلام ماينقال عنك وعني الشموخ ضحكت بقهر وهي تشوفه يطالعها بعصبيه : ايوه يالله أنت اكيد بتصدقها الحين عبير : أكيد يصدقني لانه عارف اني ماكذب ورجعت تصيح وهي تنادي امها ماما وينك تشوفين وش صار فيني الشموخ صرخت بقهر : بعد تبين أمك ابشري والله وقربت منها وهي ناويه عليها بس عناد مسكها بعصبيه وهو يصرخ : صدق يبي مين يربيك بعد تبي تطقيها قدامي ودفها عنه وقرب من عبير وساعدها تقوم وقال بأسف : خلاص حقك علي وراح اخذلك حقك منها بس اسكتي الحين الشموخ صرخت بقهر وهي تشوفه يهدي عليها : تأخذ حق مين مني والله تبطي أنت وهي عناد بعصبيه صرخ : الشموخ والنهايه تقلعي غرفتك عبير وهي تصيح وترفع يدها : شوف شوف كيف خربشت يدي وعدمت جسمي كله وشلون الحين بقابل صديقاتي وشلون يروح آه ليه كذا ي عناد تخليني مع هالمتوحشه عنادطالع الشموخ بقهر وقال بعد ماشاف اثار اظافيررالشموخ على يدها : الحين ليه تضربيها كذا وش مسويه لك عشان ذا كله الشموخ رفعت حاجب وقالت : اسألها ليه وطالعت عبير ثاني مره اشوف تدخلين غرفتي ذبحتك وهالضرب كله ولا شيء ياخطافة الرجاجيل عناد رفع حاجب من كلمتها الآخيرة وابتسم على جنب ...طالع عبير يبي استفسار للي قالته عبير صرخت وهي تكذب كلامها : كذابه كنت بحالي جالسه بالصالة ارتب الإكسسوارات الي أخذتها جديده وفجأة هذي طلعت قلت لها حياك لحفلتي الليله وبعدها هجمت علي وقامت طق فيني وأنت بعينك دخلت وشفت ورجعت تصيح عناد طالع الشموخ بقهر وقال :أبد ماله داعي حركات المبزره هذي ياليت معاد تتكررر ماني فاضي أبد لا لك ولا لها طالع عبير يوم زاد صياحها من كلامه قال بآسف : خلاص ياعبير وحقك بأخذه لك الشموخ بقهر : الحين صدقتها خلاص أكيد أنا بنظرك الكذوب عناد رفع حاجب وقال : والله مافي حد يعرف بكذبك مثلي يالله تقلعي لغرفتك وطالع عبير يالله بوديك لغرفتك وتجهزي وراك معازيم وحفلة وطالع الشموخ بتهديد ..... الشموخ انسحبت لغرفتها وهي تسمع صياحها المبالغ فيه ...جلست على السريررر وهي معصبه حدها ...أبد مالها في شغل الضراير ذا ولا لها طاقة عشان ذا كله ...لازم تسوي شيء وتطلع من حياة عناد وعبير ...أبد هالعيشه ماتصلح لها ...مسحت دموعها الي نزلت ...والله ماتخليهم يهزمونها وهي بتعرف وشلون تنسحب من هالحياة وتنفك من كل شيء وقفت وأخذت بجامه ...ومنشفه ....اتجهتت للحمام الله يكرمكم ...وأخذت شور ..وبعدها بدقايق طلعت وهي لافه المنشفه على شعرها ...انصدمت من وجود عناد جالس على السرير ينتظرها سفهته وقربت من التسريحه ...طالعته يوم وقف وراها وقال بعصبيه : مين مفكرة نفسك عشان تضربيها كذا ابتسمت ببرود وقالت: تستاهل عشان ثاني مره تعرف مع مين تتعامل الحشره هذي مسك يدها ولفها بقوه خلاها تطالعه قال بعصبيه : والله ماحشره غيرك اسمعي يالشموخ هي كلمتين وخليها براسك هي الداخله وانتِ الطالعه وهي الي لها القدر والحشميه وانتِ وجودك هنا بس مجرد حرقة قلب لك وعكسه لي وتأكدي من انه راح يجي اليوم الي راح تطلعين من حياتي ومن هالبيت مجرد وقت فاهمه فااحترمي حالك أفضل لك والمشاكل هذي وشغل البلطجه تسنيه فاهمه الشموخ حست بألم بكتفها بس طنشت وجعها وحطت عينها بعينه بكل قوه وقالت :مين قال لك انه حرقة قلب لي لا بالعكس مبسوطه وأنا اشوفك ماهو قادر تتخلى عني قال ايش تبي تنتقم روح يا شيخ فاهم الأنتقام غلط سكتتت يوم مسك فكها بيده وقال وهو ينتفض : مهما استفزيتني بكلامك ماراح اخلصك مني بسهوله وأعيد وأكرر إلا عبير يا الشموخ لا تختبري صبري فيها فاهمه إلا عبيرررر الشموخ دفته بقوه وهي تصرخ : الله يأخذك أنت وعبيرك ذي الي فرحان فيها وصرخت بعصبيه اطلع من غرفتي مابيك فاهم مابي اشوفك ودفته بقوه تبيه يطلع بس هو واقف بثبات مسكها وهو يكتفها وبعدها دفها بقرف على السرير وطلع من الغرفة وهو معصب حده ...تستفزه وتطلعه من طوره تخليه يقول كلام مايبي يقوله لها ======= == أول ماسمعت صوت الجوهرة وهي تصارخ على الخدم ...وبعدها بشوي سمعت صوت السماعه تردح لما غرفتها حست بضيق .. ليتها تطلع من هنا بذات الليله مافيها تتحمل هالجوو طالعت جوالها ومدت يدها بترددد دقت رقمه أول ماجاها صوته قالت بغصه : طلعني من هنا تكفى سوى فيني هالمعروف حس بقلبه وجعه عليها قال بسرعة : ابشري تجهزي والحين جاي مسافة الطريق بس بسرعة حرك جهة البيت ...وصل ونزل أول مادخل الشقه شاف أمه وعبير والخدم يحسوون قدامه سلم على أمه الي قالت :وش رايك بعبير قمرر الليله طالعها وابتسم مجامله ودخل غرفة الشموخ شافها جالسة بالعباية تنتظره قلبه وجعه عليها فعلاً يحسها مكسورة وغريبه بينهم وخايفه مهما وضحت قوتها قال ببحه : يالله وقفت بسرعة من غير ماترد فيها ضيقه مايعلم فيها إلا الله .... طلعت شافت أمه وعبير قدامها بسرعة طلعت وهي تسمع أمه تقول :آخيراً عقلت و قلعتها من هنا طالع أمه بعتب وقال : هي طلبت تطلع عبير بغيره : وين بتروح معاها عناد طنشها بس عبير وقفت بطريقه وقالت : برجع اعزمهع عشانك وطالعتها بقهر وقالت مهما الي صار بينا تفضلي حفلتي حياك الشموخ ابتسمت بوجع وقالت بكبرياء مكسور : مايشرفني عبير قربت من عناد ومسكت يده بتملك وقالت وهي ناويه تخليها تجلس وماتروح مع عناد :عزمتها للمره الثانيه ياعناد عشانك مابيك تزعل والحين شوف ردها علي ... عناد طالع الشموخ وقال : ماقصرتي والحين يالله حفلة سعيدة انبسطي وماعليك فيها وابتسم ماوصيك انبسطي تمام عبير ودها تذبحه طالعت الشموخ وقالت : الله لا يحرمني منك عناد ابتسم ولا منك وطالع الشموخ الشموخ ميلت فمي بقهر وقلت : يالله يا عصافير الحب صرت شجره بمكاني اخلصو علي بس سكت يوم شفت ابتسامة عناد الي كلها خبث انقهرت من نفسي ليه قلت كذا ..الحين يفتكر شيء ثاني طلعت من الشقه أفضل شيء انتظره برا عبير انقهرت وعصبت يوم عناد طلع وراها وقفل الباب .... الجوهرة بقهر : عبير ماعرفت لك بنفسك قلتي ماتبيها تحضر وتبي تصرفيها من هنا والحين تعزمينها انهبلتي لدرجة مقدرت احكي يوم فشلتني كذا قدامها عبير بعصبيه : ماعندي مشكله بجلوسها بس بشرط ما تطلع من غرفتها ... بس تقوم تطلع مع عناد لا هذا الي ماحسبت حسابه .... الجوهرة : أنا بنفسي دقيت على عناد وقلت له يصرفها بس ماتوقعت يسمع كلامي وحطت رجل على رجل ولدي وماينزل لي كلمة عبير بقهر وهي تأكل اظافيرها : ليتك ماقلتي له اففف مافكرت راح تقولي له وبقهر وشلون يعني الحين بتكون معه وأنا منطقه هنا الجوهرة ابتسمت وهي تقربها منها :فديتك خليك منهم الحين وانبسطي اللليله بحفلتك عبير : آه ليتني سويتها في بيت ماما وخليت الزفته هذي منطقه بالشقه ولا تروح مع عناد .... أول ماحرك السيارة قال : ليت تتعلمي منها الذوق شوي وكاد تقدرين تكسبيني الشموخ عضيت شفتي بقهر وقلت :ليه اتعلم وأنا مابي اكسبك خليتك لها تتهنىء فيك عناد شد بيده بقهر اكيد ماراح تفرق معاها ... الشموخ طالعته وقالت : مابي ارجع البيت بذات الليله ي عناد عناد طالعها بدون مايرد عليها الشموخ حسيت بضيقه وقهر وغبنه الحين ليه هالذل كله ...يصير فيني ...ميلت رأسي بدون مارد عليه ...وقف جنب كوفي وأخذ قهوه وسألني لو ابي شيء معين رفضت بش طلب لي على كيفه ناولني رفضت حتى أمد يدي ماغير صديت وهو فهم ونزل يده ..وزفر بقهر بعدمسافه دخل مكان مظلم طالعته بخوف ...وين بتوديني مارد عليه قلت مره ثانيه : عناد وش ناوي عليه طالعها وقال بسخريه : لا تخافين بوديك لشهاب ولنايفه وانتي بنفسك طلبتي هالطلعه اسكتي لا تعترضي لي مكان اوديك له قلت بخوف : وشلون طالعها مستغرب :وش فيك قالت بخوف وهي تطالع قدامها : مين هذولا الناس بتوديني لهم ابتسم وقال بحزن : هذولا حبايبي هم الوحدين الي ماعندهم نفاق وكذب مثل الي عند البشر ومتأكد راح ترتاحين معاهم الشموخ كنت مرعوبه من المكان ومن الي يقوله ذا يالله احفظني ...طالعته وبغيت اسأله أكثر عشان أفهم أكثر بس ترددت ...يالله وش بتفرق يعني كله محصل بعضه واهم شيء عندي الحين اني طلعت وانفكيت ....... طالعته يوم قال : لاتخافين صح المكان مظلم بداية الطريق بس لما نوصل كل شيء تمام وراح تنبسطي من المزرعه طالعته وهي مصدومه : عندك مزرعة هز رأسه بدون مايتكلم @ @ @ طول اليوم وهي تحس بألم يروح ويجي والي خايفه منه لا يكون ولادة ..وهي توها تدخل التاسع مثل ماهي حاسبه ...كلمت أمها وقالت لها كذا الشهر الأخير كله الم مغص يروح ويجي تطمنت شوي ...بس لا حست بالالم تتقوى أكثر وأكثر ..وقفت يوم طق الباب ...ومشت غصب فتحت الباب شافت الخدامه وبيدها صينية العشاء مسكت بالباب وهي تقول لها :مصعب رجع هزت رأسها بلااااا...عضت شفتها وهي تقول وينه مايرد حضرته ذا بعد وفجأة حست بألم قوي صرخت منه وهي تمسك بالباب وتشوف الأرض بخوف الخدامه قربت منها وهي تقول بخوف :أكيد هذي ولادة ماما ......... كتتتتتتت "" "" &نونــي بنت الجنوب & استودعتكم الله الذي لا تضيع ودائعه ( الوتر حبيباتي ) "الله يرحمك يأمن وجعني فراقك " البارت ونزل ويارب يكون قد الانتظار قراءة ممتعه للجميع | ||||||||
|
| |
|
09-03-19, 10:04 PM
| #969 | ||||||||
| مراقبة عامة ومشرفة منتدى الروايات المنقولة
| الذين يشاهدون محتوى الموضوع الآن : 94 ( الأعضاء 15 والزوار 79) فيتامين سي*, Hajar88 r, ام^عزووز, مفااهيم الخجل, تأملات, Lazy4x, دات الرمال, ام توتا, عذرا فلا أحد يشبه أمي, Savia, نبض قلبه, لين عبد, بتلات الورد, HMalhajri, ريمي انا قراءة ممتعة لكم ..... وردود ممتعه لنا ...... وللغاليه نوني ....... | ||||||||
|
| |
 |
| أدوات الموضوع | |
| انواع عرض الموضوع | |
|
|
20Likes
.png)
العرض العادي
