آخر 10 مشاركات
فتاه ليل (الكاتـب : ندي محمد1 - )           »          وريف الجوري (الكاتـب : Adella rose - )           »          لك بكل الحب (5) "رواية شرقية" بقلم: athenadelta *مميزة* ((كاملة)) (الكاتـب : athenadelta - )           »          445 - غرباء في الصحراء - جيسيكا هارت ( عدد جديد ) (الكاتـب : ^RAYAHEEN^ - )           »          الجبلي .. *مميزة ومكتملة* رواية بقلم الكاتبة ضي الشمس (فعاليات رمضان 1436) (الكاتـب : قصص من وحي الاعضاء - )           »          دين العذراء (158) للكاتبة : Abby Green .. كاملة مع الروابط (الكاتـب : nagwa_ahmed5 - )           »          لقاء الخريف / الكاتبة : طرماء و ثرثارة ، كاملة (الكاتـب : taman - )           »          لا تتحديني (165) للكاتبة: Angela Bissell(ج2 من سلسلة فينسينتي)كاملة+رابط (الكاتـب : Gege86 - )           »          Caitlin Crews - My Bought Virgin Wife (الكاتـب : silvertulip21 - )           »          رافاييل (50) للكاتبة: ساندرا مارتون (الجزء الأول من سلسلة الأخوة أورسيني) .. كاملة.. (الكاتـب : Gege86 - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات الطويلة المنقولة الخليجية المكتملة

Like Tree20Likes
إضافة رد
 
LinkBack أدوات الموضوع انواع عرض الموضوع
قديم 15-10-19, 02:03 AM   #1441

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي




سبحان الله والحمدلله والله أكبر

اللهم صل وسلم على نبينا محمد
( صلو عليه )




( البارت الجاي احتمال بيكون ماقبل الآخيراو الي بعد )

(62)



طلقهاااااا....بعد كل ذي التضحيات والصبر يطلقها بذنب مالها يد فيه ...حست الدنيا لفت فيها تمسكت بيد أختها ...وهي تحس عمرها ضعيفه حيل قدامه ....بعد الصبر والمعاناة ...وفي الآخير
تكون كذا نهايتهااااا ...فراق عاد مره وحده فراق يامصعب ..وأنا الي كنت ارتجي بعد كل ذا الصبر حبك ... حاولت تقوي نفسها
وتصرخ عليه وتقوله مايهمها ...وهذا أفضل شيء
سواه لها ...بس ماقدرت تنطق إلا بداخلها صراخات وكلام كثير بس مافيها.. الصدمة قويه عليها ...حطت عينها بعينه تدور الندم ...بعد ماطلقها ..بس مع الآسف ماشافت ...إلا نظرته المعتاده كلها خبث ...وإجرام ...وبرود مستفز ..صدق ماعنده قلب ...طالعت أختها شمسه يوم صرخت :البعد عنك غنيمه واللحين اعطها ولدها وقلعتك والله ماعليك حسوفه

حسدت أختها على قوتها ودها تصرخ كذا بوجهه ودها تأخذ حقها منه ... بس مع الآسف روحها مهزومه على الأخر قدامه ..

مصعب وجهه نظره لأصايل وهو ينطق بحده : اصايل قولي لأختك تحشم وتحترم حالها للحين مسوي قدر للعشره اللي بيني وبينك ومابي أغلط فيكم

أصايل كررت كلمتة ...مقدر العشره اللي بيني وبينك ...ودي أصرخ بوجهه وأقوله .. أنت تومن بشيء أسمه تقدير

شمسه بعصبيه : هذا وأنت مقدر العشرة اللي بينكم وهذي سواتك ياقوة قلبك ياشيخ وشلون تحرمها من ضانها ...ولا أقولك صدق أنت محتاج من يمسح بخشتك الآرض أنت ماينفع معك إلا عواد وطلعت جوالها من الشنطه ...

مصعب أشر بسخريه : ياشيخة من أول تهددي بذا العواد وحنا ماشفناه أبتسم بخبث يوم شافها رفعت الجوال ورجعت طالعته مد جواله بوقاحه : كمل رصيدك خذي جوالي مفوتر

شمسه عصبت زود يوم شافت يده الممدوده بالجوال حاولت تطنش سخريته هذا سفيهه ...رجعت دقت على عواد وهي تلعن جوالها إلا علق فجأة ...


اصايل
احس لساني انربط زياده ..يوم تحدى شمسه برجلها وبعدها جلس يستفزها بسخريته .. تخيلت عواد ومصعب مع بعض لا لا ...وجهت نظري لها وأنا أحذرها ... مابيها تتجادل مع مصعب ...عارفه قد ايش هو ( وقح ) بردوده ..ومافي أحد يغلبه .. وأنا خلاص بنسحب من ذي المعركه الخسرانة ...لآني عارفة مليون من عواد مايقدرون بمصعب لا قال كلمة ..ولدي وتأكدت الحين اني خسرته ...آه يا وجع قلبي ...عليه عرف وشلون يقهرني بس والله ماستاهل هالشيء منه ...


أول ماسمعها تقول الو ابتسم بسخرية : أخيراً وصلتي له ... ورجع لوراء وهو ويتسند على عكازه وجلس على أول كنبه قدامه وهو يسمعها
تقول : عواد تعال بسرعة ايه ادخل عل طول أقولك لا تسأل وتعال تعرف ايش فيه..... ايه ايه تعال على طول ادخل اقولك يالله عواد بسرعة ...ماهو بوقت أسألتك ...

وجهه نظره ...لاصايل توقع ... تصرخ ..تنهار مثل عادتها ...وتحاول فيه يغير رأيه ..مثل انهيارها من شوي ..بس أبد فجأة انخرس لسانها وتحولت لصنم ..ماغير ماسكه بأختها كأنها تبي حمايتها مني ..حس بقلبه وجعها عليها ...بس بسرعة انقهر يوم سمع أختها تقوله أدخل على طول وجهه نظرته لاصايل اللي غطت وجها بنقابهااا ..هز رأسه بستهزاء :يالله والله ماهو مستعد لزيارة عواد ذا ..بس ماعليه حنا قدها وختم بسخرية لاذعه تجي عليه يعني ....

عواد
طول الوقت أنتظرهم بالسيارة مثل ماقالت لي شمسه بتنزل لأختها وتجيبها معاها ..بس كلها دقايق ورجعت دقت وماسمع إلا صراخها وتطلب منه ينزل ويدخل أول شيء استنكر وشلون يدخل بيت به حريم ..تسذا بدون اذن صاحب البيت ..بس يوم حس ان المشكله كبيره ولازم تدخله ...على طول نزل وقف قدام الباب الرئيسي وهو مصدوم ... زوجته وأختها وبعد زوج أختها جالس وهي مطوله لسانها عليه ...انقهر حده بعصبيه : عسى خير

مصعب حرك عيونه صوب باب المدخل أشرعليه بسخرية : هذا عواد

عواد وجهه نظرته له وأبد ماحب نبرة صوته بحده : عسى ماهو بعاجبك بس

مصعب رفع يدي بستسلام : لا وش دعوه بس حبيت أتاكد من الشخص اللي قدامي هوو عواد
لانهم من أول يطلبون فزعة عواد بس مدري ليه اشغلوك والسالفة مايبي لها ...منتهيه خلاص


عواد بعصبية ...طالع شمسه .. اللي اقبلت عليه وهي تصرخ بعصبيه نقد ..عليها وشلون تسذا تتتكلم قدام رجآل غريب عليها :عواد بيحرمها من ضناها تصرف حرام اصايل بتموت والله تكفى طلبتك خليه يعطيها ولدها ونطلع من هنااااا

أصايل رجعت مسكت بيد أختها وهي تقول برعب يوم شافت عواد ومصعب قدام بعض صعب صعب ذولا لو يتصادمون مع بعض متأكده واحد فيهم روحه بتطلع : شمسه تكفين كلمي عواد مايسوي مشاكل معاه لا تحصل مصيبه ...

عواد سمعها وهي تترجى أختها حاول يمسك نفسه عشانها إلا وده يربي رجلها بحده : ولا يهمتس يابنت عمي ماهو مسوي مشاكل معاه وجهه نظره لشمسه خذي أختس وروحي للسيارة وأنا بتفاهم معه وطالع مصعب بعصبية :لو رجآل اطلع عن مكان به نسوان وتفاهم معي

مصعب وده يقوم يذبحه يوم وجهه الكلام لاصايل بس ابتسم بسخرية يوم سمع كلامه :السالفه مايبي لها مرجله وفرد عضلات كل مافي الموضوع ان مافي نصيب بينا وطبعاً بينا طفل وأنا أب مستحيل اتخلى عن ولدي غلطت بشيء لا سمح الله

حس الدنيا سودت بوجهه من وقاحة هذا الشخص
قدامه يبي له صدق تربيه وعصب زود يوم شافهم باقي موجودين ورافضين يطلعون صرخ بعصبيه : تأخذ ولدها باي قانون صدق انه مانت ب كفووو عمي يزوجك وحده من بناته ...هذي آخر الثقه ياحيف

مصعب ميل فمه وابتسم وقال بتستفزاز : مابي أغلط والله فيك كذا من الله افترض احترامي لك إلا أنا سفيهه ومافكر باللي قدامي

عواد عصب حده وطالع شمسه اللي ماسكه في أختها ورافضه تسمع كلامه وتطلع : وقفتس وقفتها بينا تسذا ماهي سنعه

شمسه انقهرت حدها طالبه من عواد فزعته تبيه يسطره بكم كف وكاد سبدها يبرد ..بس لا قهرها جالس يأخذ ويعطي معه بالكلام ...ونفذ طلب اصايل ..وبعد والغيره ذابحته ومخلي الموضوع الأساسي..بس شكلي انفذ اللي طلبه مني مسكت بيدها وهمست : يالله ياقلبي نطلع ولدتس بيجيبه عواد

اصايل
يوم سمعت طلب عواد أن نطلع .. ماقدرت اتحرك قلبي مايطاوعني اقدم خطوه بدون ولدي ... طالعت عمي يوم طلع من غرفتة مفزوع يطالعنا : اللهم أجعله خيرررر

مصعب صفق يد بيد :كملت وأشر تعال حياك يبه كان ناقصك التجمع الحلوو هذا

أبو مصعب صرخ بعصبيه : مصعب ايش فيه وهو يطالع في الجميع يبي مين يفهمه ...

مصعب ميل فمه بسخرية : مافي شيء يبه لا تشغل بالك كل مافي الموضوع ..طلقت بنتهم وأخذت ولدي وهم حابين يسووون أكشن وأنا والله ماهو فايق لهممم ذا الوقت رجآل مكسر وحالتي البلا وأشر على رجله المجبسه ...

أبو مصعب انصدم : طلقتها

مصعب هز رأسه وهو يمثل البرود إلا وده يقوم يحرق البيت وبلي فيه....مافي حد يدري بحرقة قلبه
والي يحس فيه ......

أبو مصعب عصب حده من اللي قاله
طالع الشخص الي واقف ويحسه ماسك نفسه بالعافية قال والعصبيه واضحه بصوته : ولدك ماحشم ولا قدر اللي معطيه بنته واللحين ياعم بأخذ بنت عمي بس ولدها قبلها ولا مافي شيء يعجزنا ....ورفع حاجب مثل اللي ناوي عليه

أبو مصعب صرخ معترض : وش تأخذها معاكم لا والله مايصير وبيردها على ذمته غصب عنه
وأنتم مالكم إلا القدر والحشيمه

عواد بقهر : والله ان ولدك ماخلى فيها حشيمه

مصعب بستفزاز : يالله ايش ذا التبلي والله اني ماجيت صوبك

أبو مصعب صرخ عليه : تكلم مثل الرجآل ولا انكتم
وطالع عواد
تفضل للمجلس وهو يرفع نفسه بيسلم عليه فوق رأسه بس عواد رفض :لا والله محشوم

أبو مصعب همس وهو منكسر من سوات ولده : آسف يبه والله اني متفشل منك وتكفى خلك أعقل من ولدي وتصرف بحكمه ...ذا مجنون وماينشرهه عليه و...


عواد هز رأسه وهو يمنعه يكمل كلامه ويسلم فوق رأسه : قدرك غالي والله ياعم والحين خليه يعطي الولد لأمه ونتسهل مانبي مشاكل

صقر بقهر طالع مصعب اللي يطالعهم ببرود ..وكأن السالفة ماتخصه صرخ بعصبيه : مصعب بتردها على ذمتك غصب عنك ولدكم يتربى معاكم الآثنين

اصايل
من أول وشمسه تحاول فيني امشي معاها بس أنا رافضه همست بحده : وقفتنا بينهم مالها داعي وماغير بتكبر السالفة

طالعتها وأنا فاقده الآمل اني أخذ ولدي محد عارف ...مصعب مثلي والله لا عواد ولا غيره يقدرون فيه .. ...كنت اشوف عمي يصارخ عليه ويقول ردها على ذمتك وبعد عواد ..معصب من كلام مصعب اللي رماه عليه وكان كله سخرية واستهزاء للي قدامه ..بس حسيته فجأة كذا هجد ...وياخوفي من هدوئه ذا ..مايطمن أعرفه مايهجد كذا إلا بعدها يسوي مصيبه ويحرق البيت بلي فيه ويضعينا كلنا بجنونه والسالفة بتعقد زود ..فكيت يد شمسه اللي تجرني تبيني اروح للسياره .. و همست لها :خذي عواد واطلعوووا

قاطعتني معترضه : وشلون لايكون بترضين بكلام أبوه وتخلينه يردتس لذمته بعد الي قاله بذبحتس
اصايل هذا مايتساهل ترجعين على ذمته ولا حابه تعشين مذلوله له طول عمرتس

أبو مصعب سمعها : يابنتي خيلك محضر خير
ولدي بيردها على ذمته والللي صار بينهم لحظة شيطان وتحصل في كثير بيوت

عواد عصب حده من شمسه :خذيها واطلعوا بسرعة
شمسه رجعت تجر أختها بس رافضه تطلع معاها
همست لها : اصايل يالله
.....
اصايل
هزيت راسي بلااااا وأنا عاجزه .. اقنع شمسه تطلع بدوني ..طالعت عواد وأنا مستحيه بس مابيه يعلق أكثر مع مصعب وعندي أمل اني اقدر ارد ولدي لي بطريقتي لان ..مع عشرتي لمصعب اثبت لي ان التعصيب ..والعناد والمشاكل ..ماتنفع معاه هذي متعته وملعبه ومافي أحد يقدر يغلبه فيها نزلت رأسي وقلت : عواد لو ماعليك أمر تكفى خذ شمسه واطلعوا وانتظروني برأ

عواد وهو حزين عليها وشلون بنت عمه تسذا عايشه مع هذا الشخص قال بحترام لها : ابشري ومسك يده شمسه اللي معترضه بس سحبها معاه بعصبيه ..وطلعوووا
أول ماركبوا السيارة وجهه نظرها لها بعصبيه : وشلون جالسة تأخذي وتعطي تسذا بدون حيا لهالدرجة ماوراتس رجآل

شمسه بقهر : هذا وقته عواد تكفى أجل غيرتك اللحين

عواد بعصبيه : صدق ماهو بوقته بس والله ياشمسه السالفة مانقفلت هنا

شمسه بعصبيه : أنت لو شفت حالة أختي وقت مادخلت كان عذرتني

عواد وهو صاك على سنونه : وراتس رجآل وش بتخسرين لو دقيتي على طول وأنا بطلع حق أختس

شمسه بقهر : ايه اشوفك طلعت حقها الحين شوف طلعت وساحبني وراك وخليناها بلحالها الله أعلم وش مسوي الكلب فيها

عواد بعصبيه صرخ : شمسه وش تبيني اسوي مدام هي طلبت نطلع ..وبعدين والله ان اختس أعقل منتس وبتعرف وشلون تتفاهم معاه ..ولو مانفع وقتها صدق بتصرف ماهو بعواد اللي يشوف بنت عمه تنضام ويسكت ..بس فيها قبلها تفاهم وعقل نتحكم فيه

شمسه بغبن : حسبي الله ونعم الوكيل
وشلون يحرمها ضناها تسذا بس كله من أبوي هو السببب لللي يصير فينا يمشي ويرمي في بناته
ومايدري مين الكفووو ومين الردي بس تستاهل اصايل رخصت عمرها حيل من الأول ماعرفته قدره ...والله بموت من قهري عليها يوم يهدد يأخذ ولدها ويطلقها ..وهي ساكته له...وانخرست فجأة
وش ذا البرود عليها . والله لو انه لا انط بوجهه واكسر عينه ..بس هين أنا وراها والله لا اسنعها وأخليها تعرف وشلون تأخذ حقها الغبيه

عواد انقهر من كلامها حسها تقصده : اللحين مفروض ماتسمعين أختس ذا الكلام وتزودين عليها ياتهدين عليها بشيء يطيب الخاطر
ياتفكينها من طول لسانتس تراها ماهي بناقصه
وترى ماعمر طول اللسان تجيب فايده حطي ذا الشيء في بالتس

شمسه بعصبيه : عواد ماتدري وش اللي بقلبي لا تحكي اوكيه والله لو انها أختك ماكان رد فعلك تسذا وطالعته وهي تذكره وشلون تصرف مع رجل حياة يوم طلقها ....

عواد سكت مارد عليهااااا ....مايبي يطولها معاه
أبد ماهو بوقتها بيشوف بنت عمه وش يصير معاها وبعدها يعرف وشلون يحاسبها ...على كلامها

شمسه بدون حس فتحت الباب وهي تقول :مقدر مقدر اصبر أجلس انتظر ومدري وش مسوي فيها

عواد بسرعة مسك يدها وقال بتحذير : شمسه صدقيني حق أختس مايضيع وراها رجآل بس .... مابي اتهور على طول واوعدتس والله ماتطلع من هنا إلا بولدها معاها بس خلينا نشوف وش يطلع معاها ...وصرخ بعجز منها اركدي شوي



اصايل
من وقت ماشمسه وعواد طلعوا وعمي جالس يهاوشه ...ويلومه ...ويستفسر آيش سبب الطلاق
سألني وسأله بس ولا واحد فينا تكلم ..ودي اقوله خليني معاه لحالي عندي أمل كبير اقنعه ...يعطيني عادل ...
حسيت عمي قرب مني ..بيرجع يسألني ... بس رفعت يدي امنعه بسرعة ..:فهم مني ... وطلع وهو يقول لا حول ولا قوة إلا بالله
حاولت استجمع قوتي وماوضح له انكساري وان الكلمة اللي قالها ماحطمتني ...قربت منه وأنا عيني بعينه وقلت بغصه :والله مو زعلانه منك عشان طلقتني
تدري ليه ..لانك ماعمرك عشمتني وعدتني اعيش معاك للأبد بالعكس كنت من فتره لفتره تذكرني انك بأي وقت بتطلقني وان ذا الزواج كان مفروض عليك ومحدن يلومك الحب والغلا ماهو على كيف راعيه ..ومقدره وضعك واعرف وجع الغصيبه ..بس كلنا رحنا ضحيه بسبب أبوي الله يسامحه ...بس تكفى خليك احسن مني واعطني ولدي لأنه ماله ذنب يعيش بدون أم وأنت أكثر واحد مجرب هذا الشعور وشلون يوجع طلبتك لا تعيده بعادل ..

قاطعها بندم : اصايل لا تطوليها وهي قصيره
وأنتِ أكثر وحده تدرين بغلطك وولدي ماراح أقصر معه

هزت رأسه وهي عاجزه منه مسحت دموعها اللي رافضه توقف : والله مدري ايش الذنب الي اقترفته عشان تحرمني من ولدي وتنفيني من حياته يعلم الله ماتسببت بشيء يجرحك ولا جاك مني شيء يكسر عينك مثل ماتقول بس الله لا يسامح اللي تسبب بأذيتنا حنا الآثنين وراح سبتها طفل ماله ذنب

مصعب بقهر شد على يده : اصايل كم مره حذرتك وماسمعتي كلامي الحين شوفي لوين وصلنا بسبب كذبك تحملي أجل ...مدام غلطتي تحملي العقاب بدون ماتشرهين علي

هزت رأسها بلااااا : بتحمله صدق لو غلطت فعلاً بس والله يوم خبيت عنك ماهو خوف منك لا والله خوف عليك خفت تتهور وتضيع نفسك وأفقدك بس مع الآسف مافكرت ان الطريق واحد ونهايتنا فراق بكل الحالات ..واللحين اعطني ولدي يامصعب ولا تكسر قلبي وخليني اتسهل من حياتك

شافته يطالعها بدون مايتكلم عرفت ان الكلام معاه ضايع .: مهما قلت ومهما حكيت عارفة قلبك ماراح يلين وتعطيني ضناي ومعاد أقول إلا حكم القوي الله المستعان أمنتك الله عليه

قال وهو يذكرها بتهدديها وتهديد أختها : معقول بتنازلي كذا وين القانون والمحاكم اللي صجتوني فيه أنتِ وأختك

اصايل سوت نقابها واعطته ظهرها وهي تحس روحها بتطلع ماهي قادره تتحمل تطلع بدون ولدها
قالت بدون ماتطالعه : لو ربي كاتب لنا اللقاء بشوفه بالمحاكم ولا بغيره ... رجعت طالعته ..ولو ربي ماكتب تكفى لا تقسي قلبه علي وتفهمه اني أنا اللي تركته ...خليك منصف بحقي لو مره ..ومعاد أقول إلا آه ياغبني عليه
وتحركت بتمشي بس وقفت يوم قال : اصايل

وقفت بدون ماتطالعه ...حست فيه يقرب منها وقف وراها ..حست بتوتر ... مد يده ولفها له وهو يحاول يتسند على العكاز : خذي عادل معاك ورفع حاجب ورفع اصبعه بوجهااا اعتبريه معروف واتمنى ماتنسينه لي

فتحت عينه بصدمة ماتوقعت واحد بالمية راح تأخذه معاها مسحت دموعها : والله مانسى لك هالمعروف يامصعب

مصعب صرخ بصوته كله : نانووو جيبي عادل

اصايل بسرعة طرت لها يوم شفتها طلعت من الغرفة وهي حاملته.. وهو يصيح ... اخذته منها وانا قلبي يدق خايفه يرجع يغير كلامه.. بوسته بكل مكان بوجهه وأنا احاول اسكته : خلاص ياروح ماما بس زاد بصياحه ضميته وأنا اهمس ياعمري خلاص طالعت مصعب اللي يطالعني واحس بعيونه حكي همست له : ماتدري قد ايش فرحت قلبي

نزل رأسه وهمس : أبيك توعديني

اصايل قلبي دق بخوف : قول

مصعب حط عينه بعينها :ياليت يوم أجي اشوفه ماتسوون فيها مشاكل أنتِ وأهلك ترى وقتها بااحوسكم وأنا مابي أوجعك ياصايل

اصايل
ماتبي توجعني يعني فيه وجع أكثر من هذا الوجع أنا فيه ..ودي اصرخ بوجه وأقوله ..أنت دمرتني على الآخر وش بقي عاد ..بس مسكت نفسي وقلت : اوعدك وقت ماتبي تشوفه حياك ومافي أحد يقدر يمنعك من شوفته ولك كل الحق ... وجهت نظري لعمي اللي طلع من الغرفة على صياح عادل
قرب مني وقال وهو يسلم فوق رأسي : آسف يبه يعز علي تطلعي من بيتي بهذي الطريقه والله انها وجعت قلبي حيل ويعلم الله ان لك غلا بقلبي مايعلم فيها غير ربي حتى لو ماوضحت لك هذا الشيء بس من وقت ماشفتك قلت هذي اللي تصلح لمصعب وتبعده عن طريقه اللي ماشيء فيه طالعه وهو متحسف مع الآسف ضيعت نفسك وضيعت عائلتك ..وخسرت الللي حولك كلهم

اصايل طالعت مصعب بترقب خايفه من رد فعله بعد كلام عمي الحين همني عادل مابي شيء ينرفزه ويقلب ويرجع يأخذ ولدي مني قلت وأنا ودي اطلع بسرعة : ماعليه ياعم مابينا نصيب ولدك ماقصر معي بس ماقدرت اكمل الغصه ذبحتني وصوتي بدا يرجف اعطتيهم ظهري وانا اقول نانووو روحي نزلي اغراضي وجيبي بعد جوالي انتظرتس بالسيارة

أبو مصعب بقهر وهو يطالعه : والله انك ضيعتها وهي ماتستاهل بس هذا أنت من ضياع لضياع ....... وطلع وراهااااااا ....

مصعب تراجع لوراء وهو يحس بروحه تطلع منه
ليت فيه يقدر يرجع بقراره...
شاف نانوو نازله وبيدها شنطتها ...
ضرب على الجدار اللي وراه بقهر .وهو يصرخ ب آآه مكتومه ..أخذ نفس وهو يرفع رأسه لفوق .. لازم يبعد عن البيت ولا بينخنق ..طلع شافهم باقي واقفين وأبوه بعد واقف يكلم ..عواد اتجهه لسيارته وركب فيها حط رجله وهو يصغط عليها طنش الوجع ..مهما وصل وجعه مايوصل لوجع قلبه وبيسوق والي فيها فيها مايهمه اهم شيء الحين يبتعد عن المكان ... حرك بسرعة جنونيه

اصايل
من وقت ماطلعت السيارة ولدي معي شموس طايحه تحقيق معي ..وشلون قليلة الادب ذا رضي
وتسيف قدرتي تقنعيه ...

اصايل مافيني ارد عليها مخنوقه حيل بس يوم شتفه طلع ...وعلى طول شموش صرخت : اصايل شكله رجع بكلامه الله يستر

حسيت قلبي طاح وخفت بس حسيته طالعنا وبسرعة اتجهه لسيارته وهو يتسند على عكازه
وركب وحرك صرخت بخوف : مجنون وشلون يسوق ورجله تعوره بيروح فيها ياليت عمي منعه

شمسه بقهر صرخت عليها وهي ترميها بعلبه الفاين : باقي قلبتس عليه صدق مابتس حيااا

اصايل سكتتت وهي تلوم نفسها صدق وشلون باقي قلبها عليه ..بس غصب عنها تقلق ..عليه وشلون يسوق ويقدر يتحمل يدوس على رجله .. قلبي غصب ينوجع عليه ...مسحت دموعي اللي رافضه توقف

شمسه وهي تسمع شهاقتها اللي تحاول تكتمها : لا تصيحي وراه ياصايل لا اذبحتس والله مايستاهلتس مدري وشلون قلبتس ذا والله لو اني مكانتس لا ادوسه ولا أفكر .. وصرخت بقهر اففف بعد ذا الشايب نشب لنا مدري وش يقول لعواد كل ذا الوقت

اصايل
كنت اسمع كلام اصايل ولومها علي ياناس هذولا اشلون يفهمون ان علاقتي مع مصعب ماهي علاقة زوجه بس ...إلا بعد أم له... ومهما غلط ولدها تدور له عذر ..بس هالمرة صدق ماله عذر أول ماشفت عواد قرب من السيارة حاولت امنع صياحي ...طالعت ولدي بحضني وانا اطبطب عليه وبالي راح لأبوي ايش يتكون رد فعله ياترى وهو يشوف عطيته ترجع له ولا معي ولد ... آه يامصعب حرقت قلبي طالعت عمي يوم فتح الباب وقال وهو يبوس عادل :انتبهي عليه ومصرفك ومصرفه وكل شيء أنا متكفل فيه
ولا تزعلي نفستس مافي خسران غيره ومعاد نقول إلا الله يصلحه ويرده لصوابه ومصيره يندم يوم بيفقدنا جميع خليه اللحين يستمتع في بطشه وغروره

قلبي عورني يوم قال بيفقدنا جميع ياترى حتى هو بيطلع من حياته ...كان ودي اقوله مصعب ماهو مغرور مصعب ضايع والسبب أمه ..إلا الله العالم تكون الظالمة او المظلومة ...همست بغصه : ان شاءالله وماتقصر مسك الباب وقال وهو يقفله : درب السلامة ..الله يحفظكم ...

أول ماحرك عواد السيارة طالعت جهة الفلة
يالله على هذي النهاية ....ماتوقعت بتكون موجعه تسذا ياما حلمت بعيشه مع مصعب تكون هاديه بس مع الآسف كان أمل وماتحققق ..تذكر يوم جلس يتمسخر عليها ويقولها : خليك من حبك لي ترى بديت انخنق يومها زعلت وجاء يراضيها
دفته عنها وهي تصرخ : ابعد عني ولا تتأمل كثير بحبي لك اوكيه
طالعها بغرور وقال : ايه خليك راكده لاني (صعب المنال ) ..مسحت دمعتها وهي تكرر كلمته صعب المنال صدقت والله ماوصلت لقلبك بس ليتك طلعتني من حياتك من غير ماتظلمني هاللون ....



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 15-10-19, 02:14 AM   #1442

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



( الجنوب )
قالت بحده : سلمى اعطيني مفتاح بيتي الي موجود عندش

أم ياسر بقلق : نوفه تعوذي من إبليس
وشلون تأخذيها معش كذا تدرين الحين ياسر بيعصب ويمكن توقع بينه وبين أبوه زود

نوفه أخذت عباية شدن وقربت منها وساعدتها تلبس : ماعليه فيهم الآثنين ضحيت في بنتي بما فيه الكفاية بسبتهم ... الله لا جابه يوم كانت من نصيب ولدش

نور قربت من شدن وهمست لها قبل تطلع : شدن حرام ياسر وش ذنبه تخلينه والله بيزعل منش

شدن وهي مجروحه : خلي أمل تنفعه

نور عضت شفتها : آكثر وحده انتِ عارفة
وضع ياسر لا تزيديها عليه حرام والله يحبش

شدن عضت شفتها لو يحبها صدق ماتركها وراح مع أبوه ..كان سوى المستحيل مثل عادته ..قدر يسوي اشياء كثيره وقدر يكسر كلمة أبوه ...وشلون بذا الموضوع وقف عاجز ..إلا هو راضي عنه
مسكت بأمها وهي تدور الآمان اللي فقدته
ومدام أمها معاها ...ماراح تعيش تحت رحمة مبارك ولده ...
أول مادخلوا بيتهم حست بسعاده بقلبها اخيراً رجعت للمكان اللي حلمت ترجع له بس سعادتها ناقصه بدونه
طالعت أمها اللي ترحب فيها ...رجعت صاحت : يمه .....
بسرعة ضمتها نوفه وهي تهمس لها: عيون امش
وش قلت لش لا توجعين قلبش بسبته وهو لو يبيش يرجع يدورش

شدن وهي تصيح بحضنها :مقدر يمه قلبي محروق
نوفه: شدن ياروح امش صياحش ذا كله مايفيد
وابعدتها شوي وهي تمسك وجهاا بيدينها وتمسح دموعها :خليش ثقيله مثلي وصدقيني ياسر بيتصرف
هزت رأسها بطفوله : صدق يمه تتوقعين ياسر يتصرف
نوفه وهي مغبونه على الحال الي وصلت لها بنتها
الله يسامحك يامبارك ماغير قهرت قلب ذي اليتيمه
قالت بمكابره : يالله امسحي وجهش وقدامي شوفي البيت وشلون حالته شافتها رجعت تصيح همست وش قلنا ياشدن رجعت رمت نفسها بحضنها ...
رجعت ابعدتها وهي تمسكها من كتوفها :اللحين تصحين ليش قلتش ساعديني بشغل البيت صح

شدن هزت رأسها بلاااا بدون ماتتتكلم ...
رجعت ضمتها وهي تسمي عليها وتهدي عليها ....


...
@
@
@

في مجلس أبو سعود
معصب حده ..طول الوقت ينتظر أبوه يقول عن وجود شدن معاه ..مثل ماقاله بالسيارة عشان مايسمع من غيره ..عنده أمل يغير رأيه يوم يدري .. ...
بس لا جالس يسمع ...طلبات أبو سعود ولا المهر اللي طلبه ..يقال بنته بنت أمير ....وهي كلها بنت مسفر ..واللي قهره أكثر ان أبوه جالس ..يتمم على طلباته ...

مافيه عاد يمسك نفسه قال وهو عارف ان يمكن أبوه يقوم ويثور فيه : يبه قبل تتمم على طلباته لازم يكون بالصورة ترى ياعم مسفر زوجتي باقي على ذمتي وبنتك لو ربي كتب تعتبر زوجة ثانية
وأنت من قبل قلت ماترضاها عشان كذا مابي نخدعك رضيت اهلاً وسهلاً وعلى عيني ورأسي مارضيت اسمنا عادنا على البر بقوم افلح من مجلسك وتنتهي السالفة

أبو سعود بعصبيه : وش اللي تقوله ياولد واي زوجة اللي باقي على ذمتك وهو يطالع أبو ياسر الللي قاله انه طلقها ...

طالع أبوه اللي يطالعه بعصبية : زوجتي بنت منصور اللي على ذمتي وهذ العلم وصلك وعاد عندك الخيار ...

أبو سعود بعصبية وقهر طالع مبارك : وش ذا الكلام يقوله ولدك يامبارك هذا اتفاقنا من الأول

أبو ياسر وهو معصب حده من تصرف ياسر
قال وهو يتحلف فيه :والله يأبوسعود
حنا جاين وحنا نشري نسبكم ومانبي نفترق بسبب شيء انفرض علينا ولدي قدر الله زوجته حملت والحين صعب يخليها ..وغير كل شيء كان ناوي عليه
وحنا مستعدين لكل طلباتكم ومافي شيء بيقصر على بنتك ومن ناحية زوجتة الأولى لا تخاف
مالها إلا مسكن ومصرف بس هذا اللي عنده لها
....

ياسر قال وهن مقاطع كلام أبوه : لا والله يبه لها عدل بكل شيء وجهك نظره لأبو سعود مثل ماهو لبنتك ياعم بيكون لبنت منصور مثلها ..وهذا اللي عندي

قاطعه بحده : وش ذا الكلام يامبارك تسمع ولدك وش يقول وهذا وأنت قلت لي انه طلقها ومسفرها لأهل أمها ...وجيت وخطبت واللحين تقول حامل ولدك بعده يبي يعدل

ياسر وده يصفقه على كلامه وشوفة نفسه ..بس خايف من أبوه ...يكفي اللي بيصير له من اللي قاله ...بس ماقدر يمسك نفسه يوم ختم كلامه وقف بعصبيه : اي والله بعدل أنا رجال اخاف الله وباقي على زوجتي الأولى ...وطالع الجماعه اللي بالمجلس غلطت بشيء ياجماعه قولوا وله الحق لو غلطت

الكل هتف : لا والله ربي بيعاقبك لو ماصار هالشيء منك وأنت يامسفر خلك عاقل تبي تتم ذي الخطبه
ولا ماله داعي كثرة الحكي

رفع حاجب وطالع أبو سعود وهو يقول : سمعت بنفسك ماله داعي تكثر بالحكي

وقف وهو معصب وتوسط المجلس :يعز على ارد طلبكم ياجماعه بس بنتي قلتها من قبل ماتجي على ضره ولا هي بحمل مشاكل مع بنت منصور معروف بلسانها
ويالله ياجماعة الخير اقلطوو على العشاء وذي السالفة ماتت هنااااا

ياسر
لا لا لهنا مايقدر يصبر قرب منه وهو يمسكه من ياقة ثوبه: والله يابنت منصور تسوى بنتك ياقليل الخاتمة وشلون كذا تحكي عليها وأنت بوسط الرجاجيل ... بسرعة أبوه فز وبعد من الللي جالسين فكوو أبو سعود من يده ..
ياسر صرخ بقهر وهو مكتف : فكوني عليه


أبو ياسر بعصبيه : ياسر اسبقني للسياره وجهك نظره لأبو سعود والله مالك حق تجيب سيرة بنت منصور حنا جاين نخطب بنتك مالي داعي تغلط في بنتنا

طالع أبوه ماهو مصدق انه دافع عن شدن وقام بصفه توقع يمردغه قدامهم بذات بعد تهبيبه أول بالحكي وبعد بتطويل يده عليه ...الحين فعلاً عرف انه انفك من ذي السالفة بيطير من الفرحة
طالع أبوه وحبه على خشمه من سعادته انه دافع عنها : أنا بسبقك يبه للسيارة وطلع بسرعة وهوو ودها يختلي في أبو سعود ذا ويفرك بوجهه الأرض بس أبد ماعطوه فرصه ..بس بنفس الوقت ..سعادته ماتوصف انه انفك ... جلس ينتظر أبوه بالسيارة ...
كلها دقايق ...وشاف أبوه طالع وهو معصب
بسرعة نزل وسلم فوق رأسه بتوتر : يبه السموحه بس شوفة عينك رجآل شايب ولسانه طويل ..

أشر له يبعد عنه : ماهو بوقت المعاتب امش بس وطلع السياره وقفل الباب بعصبيه

ياسر عض شفته مايبيه يرجع البيت وهو معصب كذا وشدن تتأثر أكثر ...جاء بيتكلم بس سكت يوم صرخ عليه : ولا كلمة سواتك ماتنغفر هالمره

ياسر بتردد : يبه الله يهداك قلت لي بتقوله بس حسيت ان الموضوع بيتم وهو ماعنده خبر
وخفت لو يدري بعدين مثل ماقلت ويحوسنا تدري بطول لسانه وبيني وبينك يبه هالعائله مابي اناسبها من الأول وشفت وشلون قل أدبه ولا حشمنا ...
سكت مصدوم من رد أبوه

: أجل ندور غيره عشان نناسبهم ..

عض شفته هذا إلا ماحسب حسابه
زفر بقهر : يبه حالياً ماهو مستعد

قاطعه بصرخه : أكيد مانت مستعد مدام البزر لاعبه بعقلك لعب حسبي الله عليها ودي اعرف وشلون بس لعبت بحسبتك وخلتك كذا .... لدرجة ضربت الرجآل بوسط مجلسه بسبتها ولا حشمت عمره ...

ياسر بدون حس : احبها لا تنقد علي بس سكتتت يوم ابوه صرخ : وقف بسرعة الله لايبارك فيك ياللي ماتسحتي
كتم ضحكته على تحلطم أبوه : وشلون انزلك بالشارع

صرخ بعصبيه : ماهو بشغلك

ياسر : يبه

قاطعه بقهر : نزلتي نزلني بسرعة وأنا بدبر عمري

ياسر برفض : لا والله ماهو منزلك ارتاح يوم شافه سكت وماعلق أول موصلوا البيت على طول
نزل وهو شارد من أبوه خايف منه .بس ارتاح يوم شافه راح لبيت الشعر ...وهو يهاوش ..دخل الصالة وكان أمه وخواته موجودين ...طالع جهة غرفته وهو وده يطير لها ويبشرها ...وجه نظره لأمه اللي القلق واضح عليها : أبوك ماهو معك وينه وايش صار معاكم بشر

ياسر جلس قريب من أمه ومسك يدها ورفعها لشفته وباسهاااا : تطمني انفكيت من أمل وأبوهاااا الله يأخذه وهو لسانه الزفر ..

أم ياسر بصدمة وهي تحط يدها على صدرها وعينها من الباب خايفه من زوجها لا يجي ويذبحه : وش صار

ياسر عض شفته وهو يطالع جهة الباب الرئسي ينتظر أبوه متى يدخل يهاوشه : والله يمه يادوب أقول ان شدن على ذمتي هب فينا ..يقال ميتين على بنته وبعدها كنت بعطيه المقسوم بس جماعته وأبوي وقفووا بوجهي الله يسامحهم وخلوها بنفسي ..

قاطعته بخوف : كنت بتضربه ياسر انجنيت كبر أبوك
ياسر رفع كتوفه بدون مبالاة : أنا عندي مبدأ اللي يغلط علي يتكفخ .. حتى لهو كبر جدي


بقلق صفقت على وجهااا وهي تسمع كلامه : بلشتنا مع أبوك الله يسامحك بس

ياسر بقلق : الله أعلم وش يصيرر الحين راح لبيت الشعر وجالس فيه بس بعدها مدري على وشهوو ناوي ...

وقفت بقلق : قلت لي في بيت الشعرر ولا جاء وراك للحين خليني ارووح له

مسك يدها وهو خايف عليها : لا يمه خليه وأنا اعرف اتفاهم معاه وقف واتجهه لغرفته

قالت بخبث وهي تشوفه معطيهم ظهره :شدن راحت مع عمتي

طالعها بصدمه ورجع طالع أمه : اللي تقوله حور صدق

أم ياسر طالعت حور بعتب : ايه يمه البنت منهاره حدها وجت نوفه وقالت بتاخذها شافت وجه قلب من العصبيه قالت تهدي عليه : يمه في بيت عمتك نوفه هني ماهو بيت خالك تطمن

حس بشوية رآحه يوم دري انهم في بيت عمته
بسرعة طلع وهو معصب ومقهور وشلون تروح كذا
بدون مايدري ..اتجهه للباب الفاصل دفه يوم حصله مفتوح
ودخل وهو ينادي بصوته كله عليها ...

شدن
كانت ملتهيه تنظف مع أمها ...وكان ودها تنسى شوي وتسوي مثل ماقالت لها أمها ..وتخليه يحس بفقدها ..يوم تثقل عليه
أول ماسمعت صوته طيحت المنفصه ..من يدها بدون شعور ..وقربت من أمها ... خايفه منه ومن رد فعله ...يوم عرف انها تركت البيت ..بدون مايدري بس تطمنت يوم
شافته دخل وطالعها بعتب رد السلام

نوفه بزعل : عليكم السلام تفضل
تفضل وهي تنظف له المكان معليش البيت مغبرر
تدري لنا مده منه ...

ياسر وهو عينه من شدن اللي رابطه على شعرهاااااا وشكلها نكته من فوق لتحت غبار .. رفع حاجب وقال :يعني يانوفه انتِ كذا كل ماجيتي تسحبين زوجتي وراش علامش حاقده علي كذا

نوفه بعتب :والله قلت ماهو فاضي الليلة قلت أخذ بنتي عندي ونخلي لك الجووو مع الي تبيها ورايح متعني لها ..

ياسر بزعل من كلامها ومايبي شدن تصدق فيه : الله يهبها في وجهي لو كنت رايح وأنا قاصد ومتعني ماغير تدرين بالظروف
نوفه طالعته بتعب : ولووو ماتقهر بنتي


وش مسلط عمته عليه اليوم وجه نظره لشدن اللي تطالعه بزعل : بنتش ذي ماقدر اجيب على رأسها مره كذا انكتب علي اجلس ماقابلها طول عمري وابتسم يوم شاف وجهه عمته وشدن مصدومين ضحك وهو يشوف شدن جايه يمه وهي تنط بفرحه قدامه : تقولها صادق

مسكها وقال بفرحه أكثر من فرحتها : اي والله اني صادق

شدن للحين ماهي مصدقه : وشلون

ياسر : وشلون عاد كل مافي الموضوع صرفتهم بس تصريقه قويه شوي وضحك وهو يتذكر وشلون رفع الشايب بيده وغمز لها تدرين بزوجك بطل ومايرده شيء

شدن رجعت نطت بفرحة وهي تصرخ :يسسسسسسس والله انك بطل وكفووو

ابتسم وهمس لها وعينه من عمته : بشويش ولدنا لا يطيح ومسك ضحكته وهو يشوف صدمتها بالحكي الي قاله

شدن فتحت عينه بصدمه باقي ذا مصدق للحين كذبته
بس مسكت فيه وهي تبي تتأكد : ياسر صدق يعني خلاص مافي أمل وشلون قولي بالتفصيل
تعال تعال أجلس خليني أعرف وش سويت يابطل

ياسر هز رأسه وهو مبتسم بستفزاز : ايه مافي أمل بس يمكن فيه غيرها ..بس مسكها بسرعة يوم شافها ابتعدت عنه : والله اسف
ومد يده وسحب الربطه من على شعرها وهو يضحك على شكلهااااااا

شدن تحس نفسها بحلم وشلون بلحظه صارت كذا بقمة سعادتها يارب لك الحمد فرحانه حدها يالله يعني خلاص ياسر لها بلحالها ومعاد في حد بيشاركها فيه ماتدري وشلون تعبر عن فرحتها ....بس قلبها وجعها يوم أمها قالت
: أبوك بيسكت

ياسر عض شفته بقهر أبد ماهو وقت كلام عمته بذات مع فرحة شدن :ماعليه أبوي علي .. عرفت اخارج نفسي من أبو سعود ماراح يصعبون على الباقي .. المهم الحين يالله اوصلش لبيتش قبل خالي يزعل ويدق على أبوي ويرجع يحط علي وعلى مرتي وحنا السبب ومن هالكلام ترى ودنا نعيش كذا لو يومين مرتاحين من مشاكلكم وهو يشبك يده بيدها

شدن وهي تشاركه بستهباله : اي والله شكلهم يغارون منا ياسررر ناشبين لنا

ياسر ضحك بقوه وهو يشوف صدمة عمته من كلامهم : وش رأيش نرجع نهج ونخليهم يأكلون بنفسهم من الغيرة

نوفه وهي للحين قلقانه بسرعة مسكت يد شدن وسحبتها يمها : تسهل الليلة بنتي بتبات عندي وخالك عاقل ولا هوو خفيف عشان يشكيني عند أخوي

شدن طالعت أمها مصدومة من حكيها بس يوم شافتها تحذرها بعيونها قالت بتردد : ايوه بجلس مع أمي الليله

ياسر صغر عيونه بقهر ذي ماتفهم يعني وهو يبي يحط أبوه بالأمر الواقع تقوم تبعد عشان أبوه يحصلها فرصه عليهم .تكتف بزعل : يعني شلون ...

نوفه وهي ودها تربيه عشان تخليه يعرف وشلون يحافط عليها وبعد تبي تعرفهم كلهم قيمة بنتها.. عشان مافي أحد يفكر يتطاول عليها ويشوفنها.. رخيصه يكفي الي صار بسبتهم ..

: يعني تسهل وقت مابنتي بترضى ترجع لك
تعال ...وأشرت للباب يالله خلينا نكمل شغلنا ..شوفة عينك البيت يقلب يضرب ...من مبطي عنه ...

شدن عضت شفتها يوم طالعها بعتب وبعدها يوم اعطاهم ظهره بدون مايتكلم تحسه زعل بس صح كلام أمها لازم تثقل شوي .. وبعد مافيها اليوم ترجع تخاف من أبوه يسمعها كم كلمة وبذات وهو معصب بعد اللي صار ...
وأفضل شيء تبعد شوي ...هذي الفتره حتى أبوه يهجد عنهم ... بسرعه لحقته : ياسر
طالعها بدون مايتكلم

قربت منه وهمست : آسفه

بزعل: هذا الوعد اللي بينا وش حنا متفقين عليه هااا ولا مسرع نسيتي يوم شفتي عمتي نوفه هذا انتِ ياشدن ماراح تتغيرين بس أنا استاهل ..واللحين خلي عمتي نوفه تنفعش ..وطلع وهو معصبب ..مسك نفسه بالعافية مايبي يغلط بعمته ...وشلون تمنعه من زوجته وبعد وشلون شدن ترضى تخليه وهو جالس يتحمل كل شيء من أبوه عشانها .... وبعد جاي يمها فرحان عشان يبشرها تقوم تسوي معاه كذا .... اول مادخل بيتهم شاف أبوه جالس مع أمه وخواته همس يالله صبرني ...

طالعه بسخرية وهوو يشوفه جاي بدونها على ان أمه مخبرته انه رايح يجيب شدن : ياحيف عمتك والبزر مشو كلمتهم عليك

ياسر اللهم طولك ياروح : يبه كل مافي السالفة تبي تجلس الليلة عند عمتي تدري كم لهم من بعض

صرخ بقهر : قلعتك والله مدام راضي تمشي وراء شورهم مثل الخروف وشلون ترضى تبات بعيده عنك

ياسر مافهم أبوه أبد الحين يهاوشه ليه شدن مارضت تجي معه يالله بس عض شفته بتوتر يوم قال : وبعد وشلون تكسر كلمتي قدام الجماعه وتفشلني يوم قمت بتضرب أبو سعود حتى عشاء ماقدرت اتعشى معاهم بعد اللي صار سودت وجهي

نور همست لحور : احس ان ابوي مقهور على العشاء الله يهداك ياسر كان اجلت حتى يتعشى أبوي يمكن عصبيته تكون اهون ... عن كذا

حور بقهر : ياشينش صدق انش غثيثه مثل خويتش
الله يأخذها كل مشكله طايح فيها أخوي بسبتها

نور بقهر : يمه قلبش على أخوش مره الحين تقلعي بس وخليني اشوف وشلون يويسر يحلها

حور صغرت عيونها : ايه عشان تنقليها لحبيبة قلبش

نور رفعت حواجبها وهي تقهرها : ايه

حور مقهوره حدها يعني ايش السالفه خربت ومعاد ياسر بيتزوج لا مستحيل بخبث وهي تطالع ياسر : يبه خلاص أبو سعود رفض فيه مليون يشرون نسبنا
واقهر أبو سعود وروح اخطب لياسر وخلى بنته على قلبه تجلس

ياسر طالعها بعصبيه وصرخ : يازفته مالك دخل فاهمه وقرب منها وهو ناوي عليها بس وقف يوم ابوه صرخ بعصبيه : يالله هاا حط على أختك
وهي ماقالت غير الصدق فيه مليون يشرون نسبنا
وبقهر أبوسعود وبخليه يعرف مين خسر

ياسر وش ذي المصيبه الثانية بعد ...صرخ بعصبيه : يبه عشان تقهره اروح اخطب عند غيره
والله يبه ذي المره أقولها لك ماراح امشي بشورك

أبو ياسر : أجل تعصاني عشانها

ياسر جاء بيتكلم أمه وقفت بوجهه و هي تطالع حور بعصبيه :يمه روح غرفتك وهمست له ماعليك والله لا اربيها لك أنت بس روح الحين تكفى لا تكبر بينك وبين أبوك أكثر تراه حاقد عليك حده
وتطمن أنا بحاول فيه يصرف نظر بس أنت ابعد اللحين ...


ياسر ابتعد وهو يتحلف بحور والله لا يربيها ويخليها تثمن كلامها ناقص عشان تولعها زيادة .. ب

نور بقهر ضربتها على كتفها : ماعمري شفت أخبث منش

حور صرخت : يبه شوف نور

أبو ياسر بحده : أقول تقلعي عن وجهي ذي الساعة
ولعاد اسمعش تدخلين بعلوم مالش بها فاهمه واللحين الله فكش من يده لاني موجود ولا والله كان ذبحش
أم ياسر بعصبيه : والله إنها تستاهل ...

نور ابتسمت بتشفي وهي تشوف صدمة حور وقفت وهي تقول : ربي أخذ حق شدن وياسر منش ...
ربي مايرضى بخراب البيوت



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 15-10-19, 02:18 AM   #1443

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



كملت نظافة واخذت شور ورمت نفسها جنب أمها
تفكر ب ياسر ...مهما فرحت خايفه من أبوه مستحيل يستسلم ويرضى خلاص متأكده بيرجع يفتح الموضوع ...رفعت رأسها وهي تطالع السقف وبدت ..تشيل بصوتها ...

اجبرو محبوبي بقوه وفرقو ما بيني وبينه
بيننا حب نشأ توه دوم عيني تبكي حزينه
فرقو ما بين المخوه الحسود نفسوهم شينه
ضاع قلبي في هواه نوه يوم قفى وطالع بعينه
نار قلبي تشتعل ضوه من عقب هم نفسي رهينه


نوفه قلبها وجعها عليها يوم سمعت كلمات الشيله الللي تقولها قالت وهي ماتبيها تنقهر وتنغبن أكثر : يمه صدعتي رأسي خلاص

شدن وهي متأثرة بالكلمات : يمه تحكي حالي
هالشيله

نوفه حطت يدها على شعرها وهي حزينه عليها :خلاص ياسر ورجع لش وش له توجعين قلبش ...

شدن بضحكه : باقي أنتِ ناشبه لنا

نوفه بقهر دفته : والله انش صدق ماتستحين

شدن رجعت قربت منها ورمت نفسها بدلع وهي تحط رأسها بحضنها : امزح امزح معش يمه ورفعت نظرها لها وقالت كان تنبسطين لا بديت اشيل بصوتي شكله غيرش الشايب ذا أبو سكسوكه مصبوغه

نوفه رفعت حاجب على سخريتها : بنت وضربتها على كتفهااا على خفيف

شدن بوزت : يمه على الحب المولع بينكم ..

نوفه : مالش شغل ..قومي عني سوي لنا أكل

شدن اعتدلت بجلستها وبضحكه :صدق يمه خليه يخفف من ذي الصبغه شايب لو يموت واضح ترى لا تلعبين عليه وهو مايغير يشيل ويدبغ من ذي الصبغه ...حتى حواجبه ماسلمت ...

فزت واقفه وركضت وهي تضحك يوم أمها رفعت يدها تبي تضربهاا رفعت يدها بستسلام : آسفه يمه اسفه خلاص وش زينه شايبش

وسكتت شوي وسألت أمها بتردد : يمه الحين توقعين ياسر زعلان

نوفه قلبها موجوع عليه : والله يعز علي زعله بس أبيه يتأدب لو أبوه طلبه مره ثانية مايروح كذا وراه

شدن بقهر : مايموت ونرتاح منه

نوفه طالعتها بصدمة : تدعين على ياسر قدامي

شدن بسرعة : لا لا بسم على رجلي أقصد أبوه

نوفه عضت شفتها بقهر : وأبوه ماهو أخوي

شدن بلعت ريقها ورفعت يدها تبررر:والله اسفه يمه نسيت أنه أخوش توبه معاد ادعي قدامش

نوفه بحده : ولا من وراي

شدن ابتعدت شوي : من وراش ماقدر اوعدش

نوفه صرخت بعصبيه : شدن

شدن بقهر : وش اسوي نشب لي إلا يزوج رجلي ولا تقولين هذي ماتقهر وربي بموت يمه قلبي شاب علي وبهمس يهبها الله في وجه

نوفه : احمدي ربش والله اني قلت معاد بشايفتش
للحين ماهو مصدقه انش قدامي قلت رحتي مرواح النايفه بس صدق انش مظلومه وربي ماضيع حقش وردش لي بس النايفه الله يسامحها ويغفر لها غلطت بحق نفسها وحقنا كلنا ....وجعت قلوبنا بحسرتنا عليها

شدن انصدمت من كلام أمها يعني أختها ماهي مظلومه رجعت جلست جنبها وسألت بفضول ودها تعرف وش قصة ذي النايفه اللي محظور حتى ذكر أسمها حتى ياسر يوم سألته عصب عليها ورفض يقول لها : يمه وش قصتها

نوفه بحده : شدن قلت لش قومي سوي لنا عشاء وخليش من الحكي اللي ماله داعي

شدن بتعب : افف بعد ذا الكرف كله تبيني بعد اسوي عشاء

نوفه هزت رأسها بعصبيه : يالله فارقي عني

شدن وقفت وهي تذمر: ليتني عند يوويسر كان الحين جاب لي احسن عشاء بدون تعب وجهد رفعت يدها بتهديد : من بكره الصبح ترجعين بيتش وأنا برجع لرجلي اللي يدلعني

صغرت عيونها :الله يالدنيا الحين ياسر الي يدلعش وأنا طلعت الظالمة

هزت رأسها وهي تضحك : ايه

صرخت بقهر : شدددن

ركضت وهي تقول :الحقيقه دايم تزعل

نوفه توترت حدها من ...سؤالها وشلون قالت قدامها كذا ..بس صدق .. ماهي مظلومة ياشدن ..زفرت بحسره وشريط الماضي كله ينعاد قدامها ..
آه يأما حذرتها بس كان الشيطان معميها آه الله لاجابها من سكنه سكنوها قريب منهم ولا أخوها صادق ولدهم ...
ماتنسى هذاك اليوم اللي حصلت مكتوب لها كاتبته بخط يدها وكان كله ..تهديد له .. لو مايجي ويخطبها بتفضحه وتقول لأخوها ..
يومها ماصدقت وأبوها ينام والبيت يهجد وأخوها يروح لشغله ...
راحت لها الغرفة وقالت وهي ماسكه الورقه بيدها : وش ذي يالنايفه

وقفت بتوتر قدامها ومدت يدها تحاول تسحب المكتوب من يدها :مالش دخل

قربت منها وصرخت بقهر : وشلون ناويه تحطين سمعتنا بالأرض

: قلت لش مالش دخل ولا مقهورة مني لآني أحسن منش ومافي حد فكر يحبش للحين وبصرخه اعطيني هي

مدت يدها وضربتها على وجهااا وهي تحاول ماترفع صوتها عشان أبوها مايسمع :والله اذبحش فاهمه لو تمردتي على سلومنا

النايفه صرخت وهي تدفها : ليه غيرانه مني كذا
راشد يحبني وأخته قالت لي ذا الكلام بنفسها

نوفه بقهر رفعت الرسالة : يحبش وأنت مرسله له تهديد يال **** وبعد وشلون تسمعي كلام أخته والله من بكره بقطع رجلها من بيتنا وأنتِ اشوفش رايحه لههم ذبحتش فاهمه

: روحي زين معاد إلا هي تمنعيني منهم ومالش دخل تهديد ماهو تهديد اطلعي منها ياوجه البومة وابعدي بنحسش بعيد عني


انصدمت من كلامها بس كبرت عقلها وقالت وهي تبيها تفوق على عمرها ومن اللي مقبله عليه : يالنايفه عارفة سلومنا وعارفة مين أبوي وعارفة مين مبارك وعارفة جماعتنا لا تفضحينا فيهم وتنزلين سمعة أخوش مع خويه الخاين طلعت وهي ثايرة ومعصبه من تمرد أختها ...فكرت تروح تكلم أخته وتحذرها.. تبعد عن أختها ..ولو صادق يجي يطلبها بدل الشيء الحرام اللي يسووونه ...وبالفعل راحت

بس صدمتها يوم قالت : لا والله أن اختك ظلمتني وماعمري وصلت مكتوب بينهم ماغير قلت لها احترمي حالك يقولك أخوي وفهمتا انه صرف نظره عنها ومايبيها بس هي ماغير ناشبه لي وله وحنا مانبي مشاكل لا أنا ولا أخوي مع أهلك
وصدق اخوي غلط يوم ضعف قدامها يوم حطت له مكتوب بسيارته

وقتها انصدمت من جرأة أختها ومن حقارتهم هي وأخوها يوم جحدوها قالت بعصبيه : الله فكها منه واللحين ياللي ماتستحين أنتِ واخوش ماتبون مشاكل بعد ايش ماعلقها فيها

حست الدنيا لفت فيها يوم قالت : ترى والله اني مظلومه ومالي دخل بينهم وعلى كلام أخوي يقول أختك اللي بدت اعطت الضوء الأخضر وهو ماقصر
بس لما موضوع الزواج ورفض وبعد يقول ماقدر يكمل عشان خويه مايبي يخونه ولا هوو برجآل يآخذ وحده مثلها

صرخت فيها وهي تمنعها تكمل : اقطعي ياقليلة الحيا الله يأخذش أنتِ وأخوش الحين حطيتوها فيها وطلعتي نفسش من السالفة وأنتِ ماغيرش توصلي بينهم

قالت بصدق : لا والله أختك تبلت علي حسبي الله عليها وأخوي قالي انها رسلت له أكثر من رسالة تهدده فيها وبتفضحه ...

صعقت حدها من الحقائق ... اللي تسمعها مافيها تتكلم النايفه فعلاً متمرده من يوم هي صغيرة وكم مره حذرتها ...من عواقب اللي تسويه ...انسحبت وراحت يم أختها وقالت لها كل شيء صار عشان عقلها يرجع لها ..بس همست لها وهي تحس الحقد بصوتها : تفتكري النايفه تطلع منهها خسرانه لا والله يخسى وبيأخذني غصب عنه

مسكتها وهي تصرخ مرعوبه : وش ناويه عليه وبعدين وشلون تغصبين رجآل عليش وهو مايبيش


النايفه بخبث : شوفي بنفسش وشلون اخليه تحت رجلي مسكين يوم لعب مع النايفة..ليه مارفض من البداية مثل اللي قبله

نوف وقفت بوجهاا وهي تقول مصدومة : مين اللي قبله الله يأخذش

النايفه بدون مبالاة : ماعليش سالفة وانتهت وصرخت بأسم أخوها مبارك يامبار ك

نوفه مسكين فيها : والله ماغير روحش تغدي

النايفه ابتسمت وهي تقول : لا وأنا اختش ماغير انزف له الليله واكسر عينه أجل انا يعشمني كذا وبعدها يصحى ضميره وينه ضميره يوم استلم رسالتي وردها لي ...

صدمتها بكلامها حاولت تمنعها بس فلتت من يدها ركضت يم المجلس وطاحت يم أخوها وقالت وهي تضرب على وجهااا : الحقني يامبارك خويك غدر فيك وتعرض لي والله اني صادقه ونوفه تشهدد وأشرت عليها

وقتها مبارك فز بعصبيه وطالع نوفه :وش تقول ذي

قالت بخوف من المصيبه اللي وقعت نفسها فيها ورطتها معاها : والله ياخوي جاهل لا تأخذ بكلامها وتظلم الرجآل ..وأنا مدري بشيء

النايفه بسرعة وهي تناوله الرسالة : شوف ياخوي لو اني كذوب

أخذها منها وهو مصدوم قرأ الي فيها فعلاً شاف المكتوب وكان من راشد قال بعصبية وجسمه ينتفض : لو انش مظلومة وشلون قبلتي رسالته

قالت بخبث : ماقبلتها بس أخته جت وعطتني هي ويادوب تطلع جيت به لك على طول والحين شوف شغلك معاه ..

قرب منها وضربها وقال وهو يصرخ عليها بعصبيه : أموتش ولا تفضحينا

صرخت النايفة وهي تحت يده : يأخوي أنا مالي ذنب ولو صدق بفضحك ماجيت وخبرتك بموضوع المكتوب ...وصرخت نوفه قولي له ان أخته اللي اعطتني قدامش وأنا طردتها

نوفه حاولت تفك أختها منه وهي تضرخ :أنا في وجهك يامبارك انك تفكها ..... طالعت أختها وشلون ذي الجرأة فيهااا تكذب وتلفق بنفس الوقت تطلع نفسها ....

مبارك افلتها وراح يم بيتهم بسرعة نوفه لبست العباية وهي تدعي عليها وعلى المصيبه اللي وقعت أخوهم فيها ..لحقته شافت راشد تحت يدين مبارك طايح فيه طق ..
بس تدخل أبو رأشد .. وهو يصرخ عليه
يبيه.. يبعد عن ولده .. ويفهم ايش السبب

مبارك وهو يرجف من العصبيه : تبي تعرف السبب هال*** وجعني بأهلي وتعرض لهن
والله ماغير أخذ روحه ومافي قوه الليلة تخليني اغير الللي ناوي عليه فلا تقرب

أبو رأشد بصدمه : والله لو كنت صادق فاروحه ترخص لك ويستاهل اللي يجيه منك

راشد قام صرخ بعصبية وهو يمسح الدم عن خشمه : قبل تجي وتهجم علي وسط بيتي وتتبلى علي اعرف الحقيقه أختك متبليه علي وأختها تشهد ان وصيت أختي تقولها وبسرعة راح وجاب رسايلها
وفضحها مثل مافضحته هذي ماتستاهل حد يستر عليها ...

مبارك حس الدنيا سودة بوجهه وهو يشوف رسايل أخته ركض لبيتهم وهو يحلف أن روحها تطلع قبل روحه ....
نوفه قربت من أبو راشد : تكفى ياعم ان تكف ذي المصيبه اليوم طلبتك مبارك جنن والاثنين بيروحون فيهاطلبتك تصرف ....

أبو رأشد وهو تحت تأثير الصدمه والمصيبه اللي وقعت عليهم : امشي يبه والله يقدرني اني اقنعه عن الللي ناوي عليه وطالع ولده اختفي حتى ازهم وراك ...

راح معاها شاف مبارك بوجهه حامل المسدس وهو يدق على باب أخته اللي مقفله على عمرها وقف بوجهه وصرخ : خاف ربك
تغضبه عشان سفهين مثل راشد وأختك إلا حكم عقلك واستر سمعتك والليلة حنا بمجلسك نملك لهم وقلعتهم الاثنين متبرين منهم ولعاد لهم جلوس بينا ... ويكون العلم بينا أفضل مايغدون تحت يدك وفضيحتنا يدري بها القاصي والداني

نوفه قربت منه وأنا أكد كلام الشايب : تكفى ياخوي استر علينا ولا تخرب سمعتنا بين جماعتنا وسوي اللي يقوله أبوه وبعدها كلنا معاك يوم تبعدهم عنا ... حسيت براحه يومها وأنا اشوف مبارك هدي شوي ...وفرحت من قلب ان الشايب قنعه لا يبلي عمره فيهم قال وهو يرجف من العصبيه : الليلة يملك ولا والله العظيم ماتشرق عليهم شمس

ابو راشد : الليلة

وفعلاً تجمعوا الليل بالمجلس ..بس بعدها صار
اللي مافي حد يتوقعه ..ان راشد رفضها بين الجماعه وسود وجهنا ..وفزع أخوه بداله وأخذها ويومها أنجت ..يوم درت ..ان راشد رفضها وزوجوها صقر ...وبعدها طردها مبارك ..وحلف على
أبو راشد ..وعياله لو بعد هم ..مايعزلون من الجنوب إلا يذبح راشد ..لو يحصله بيوم ... بعدها عزلوا عن الجنوب خايفين على ولدهم من بعد ذي المشكله تسببت فيها .. النايفه صحت على صوت شدن وهي تفرش السفرة : يمه شكلي بروح انادي ياسر

نوفه صفقت يد بيد : عز الله أخذ قلبش وعقلش ذا الياسر يابنت اثقلي شوي وخليه يعرف وشلون يفقدش ويدور رضاش

شدن ميلت فمها : الله يستر وش نهاية ذا الثقل ورفعت يدها بتهديد والله يمه لو صار العكس لا انشب لش انتِ وأبو سكسوكه ..وعاد أنا حذرتش


ضحكت على خبالها ..فرحانه وهي تشوف روحها رجعت لها ... فكرت فعلاً تدق على ياسر ويجي يتعشى معاهم ..وكاد بعد يطيب خاطره
رفعت الجوال ودقت عليه بس مارد .... نزلت الجوال وهي تقول زعلان ياولد مبارك ...




فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 15-10-19, 02:46 AM   #1444

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


طول الوقت جالسة.. على اعصابها ...وتدعي الله
يهدي أبوها يغير رأيه ...خايفه حدها وكل ماقرب
الموعد المحدد الي قال بيوصل فيه تموت برعبها ...تتمنى عناد.. يرجع بسرعة ..عشان تقدر تسمتد قوتها منه وماتواجهههه ... أبوها بلحالها .. وبنفس الوقت خايفه وشلون تكون المواجهه بينه وبين عناد ..وبذات عارفة ... وشلون أبوها راح يجرحه ...بالكلام ..وعناد محترم ماهو من النوع الللي يرد ...ليتهم يرحمونه والله معاد يقوى اللي فيه يكفيه ...قلبها يتقطع على حاله ...جلست تستغفر الله وتدعي الله يقويها على اقناع أبوها ..
بدون مشاكل وزعل بينهم ...أول ماسمعت حركة بالصالة عرفت ان عناد وصل طلعت من غرفتها ...
دورته بالصاله ماله أثر طالعت جهة غرفة مكتبه شافت الباب مفتوح عرفت انه دخل مكتبه مشت بتردد ...ودخلت شافته متمدد على الكنبه ..وحاط يده على عيونه قربت منه وجلست وهمست : هااا بشر عساك حصلت خبر عنهاااا

هز رأسه بلااااا بدون مايتكلم ...

بشفقه على وضعه همست : عناد احط لك شيء تأكله لك يومين ما أكلت شيء ...

أبعد يده وطالعها بنظره مكسوره همس بتعب : مين له نفس يأكل روحي جيبي لي بس بندول رأسي بموت منه ...

عضت شفتها بحزن عليه ...راحت جابت له بندول مثل ماطلب ..أخذها منها وشربها ورجع تمدد ..احترمت سكوته وجلست ساكته مرت نص ساعة ...تتمنى ينام ويرتاح ودها تقول له روح للغرفة عشان ترتاح أكثر بس متردده ...ماتبي تضيق عليه مدام جا هنا فهو حاب يجلس لحاله... أفضل شيء تطلع وتخليه يرتاح ...بس قلبها وقف يوم مسك يدها يمنعها تقوم طالعته همس لها بوجع : تتوقعين أقدر احميها

مدري وش ارد عليه ...وشلون يقدر يحميها
وهي مرتكبه جريمة قتل ...وسرقة : الله كريم عناد

ابتسم بوجع :شوفي كيف القدر أنا محامي
وأمي ...ماقدر يكمل الغصه ذبحته ..

يالله دموعي نزلت على وضعه ...ونبرة صوته اللي ذبحتني ...بس فزيت يوم رن جرس الشقه ...
فك يدها همس بضيق : أبوك وصل

هزيت رأسي بدون صوت وهمست : الله يستر

عنادأخذ نفس بضيق ..أبد ماله حيل يتحمل يأخذها من عنده بس بعد حرام يكون اناني ومايبي مشاكل : شموخي تكفين لا تزيديها علي اطلعي معاه بدون مشاكل ...
والله مافيني أتحمل أي كلمة يحذفها ...علي
ارفقي بحالي على الأقل أنتِ

الشموخ بصدمة : تبيني ارفق بحالك واروح معاه لهالدرجة عناد ماتبيني بحياتك

عنا عض شفته بقهر فهمته غلط آه ليتها تدري وش اللي بخاطره بتبرير : مابي اي شيء اسمعه يوجعني إلا فراقك صعب علي وسكتتت مايبي يتكلم أشر لها تروح تفتح الباب ....
بس شافها واقفه ورافضه تتحرك وقف على حيله ومره من عندها وهمس بغصه : مهما حاولنا الليلة ليلة فراق مسكها من عند كتوفها وحط عينه بعينها آه ياكبر القهر لا صار ماباليد حيله

تحس كلامه ذبحها بس يوم ابعدها عنه بسرعة وقفت بطريقه تمنعه يروح يفتح لهم : لا تفتح

عناد عقد حواجبه :وشلون مافتح ناسيه ان اللي وراء الباب أبوك

الشموخ مسكت فيه ماتبيه يتفح صعب صعب عليها تتحمل يأخذها ويبعدها عن عناد ...
بس عناد فك يدها وتحرك ناحية الباب .. طلعت وراه ...وهي ميته رعب ...ابتعدت يوم شافت عمها بعد معاه لا لا ناوين عليها صدق على طول أبوها قال وهو معصب حتى ماسلم عليه وجهه الكلام لي وكأن الشخص اللي فتحه له ماله تقدير : ياليت تكوني عاقله لو مره وتمشي معي بدون مشاكل مع اللي مايتسمى

طالعت عناد اللي نزل رأسه وهو منكسر ... ودي اصرخ وأقوله اللي مايتسمى يبه ...تراه رفع رأسك بوسط مجلسك ...بعد ما ولد أخوك نزله
وصان بنتك ولا فضحها بعد ماقهرته إلا لو رجآل غيره كان رماها وتجلس طول عمرك منزل رأسك من مصيبتها اللي سوتها أشرت للمجلس : تفضل يبه حياك وخذ ضيافتك وبعدين نتكلم ..

صرخ بعصبية : أنا ماهو جاي اتضيف جاي أخذك معي ونقفل هالباب

قالت برعب وخوف : يبه أنت وعمي أقلطوا الحين للمجلس وراح نتفاهم بطريقة احسن من كذا وطالعت عناد تبيه يتكلم يساعدها بلي هي فيه

أبو مصعب بحده : السالفة مايبي لها تفاهم أبوك يقولك تروحين وتلمين أغراضك وتطلعين معاه
طالع عناد اللي طالعه بنظره كأنه ..مصدوم يكذب لو يقول قلبه ماوجعه ...عليه بس لازم يسوي كذا
عشان يقفل هذي السالفة وعلاقتهم تنقطع بعناد وأمه ..وماعنده إلا كذا عشان يحافظ على سمعة العائلة ...

الشموخ بقهر من عمها ماهي ناقصه يشوش أبوها زود : عم أنت أكثر واحد تعرف مين يكون عناد لا تنسى ان أنت مربيه بعد

أبو مصعب نزل رأسه ومارد فعلاً يعرف عناد زين
قال بمكابرة : مهما كان وأنا عمك لازم تنتهي العلاقة خلاص مانبي شيء من طرفهم افهي عاد ويالله توكلي مع أبوك يكفي فضايح تعبنا كل ذي السنين من المشاكل

الشموخ بسرعة صرخت : لا تبلون على عناد بمشاكلكم ياعم مشاكللكم من مبطي زوجتك من قبل وبعدها ولدك كمل الناقص بس سكتت يوم ابوها فأجاها بكف اخرسها :يال***** كذا تكلمين عمك وعشان مين بالله وطالع عناد بتحقير

عناد بسرعة قرب منها وهو يمسكها ويقربها منه طالعه بنظرة كلها عصبيه ولوم : أنت جاي تأخذها من بيتي اوكيه على عيني ورأسي بس تمد يدك عليها لااااااا والله هذا اللي مارضى فيه
الشموخ ماتنذل قدامي حتى لو كان الشخص اللي قدامي أبوها

أبو أميرة عصب حده من كلامه : مابيني وبينك كلام اللي ابيه بنتي تمشي معي الحين وأنا اعرف وشلون اعيد تربيتها واخليها تحترم مين يكون اللي قدامها

الشموخ وهي تحس خدها شاب نار عليها
طالعت عناد وهمست له:هدي تكفى لاتتعصب وخليني أنا اتفاهم معاهم

عناد من أول ماسك نفسه على كلام أبوها وتهديده بس والله مأثر فيه... مثل كلام عمه صقر ..انصدم فيه صدمة عمره ..هذي آخرتها يعني ..الكل صاير ضده طيب ايش ذنبه ..بس عشانها أمه ... حاول يقوي نفسه ومايوضح لهم ضعفه طالع خدها وشلون أحمر قلبه وجعه عليها حاول فعلاً يمسك نفسه ومايعصب مثل ماطلبت منه قال : الشموخ السالفة منتهيه اسمعي كلام أبوك صدقيني يبي مصلحتك

الشموخ صرخت بعصبيه : خلاص كلكم صايرن عارفين مصلحتي صدقوني مافي أحد يعرف مصلحتي غير نفسي ومصلحتي معاك تكفى لا تضعف لهم تكفى مابي نفترق قولي وش ذنبنا ...

أبو مصعب بحده : لا تنسي قبلها طالبه فزعتي وتبي فرقاه وش اللي جد اللحين

الشموخ طالعت عمها مصدومه ورجعت وجهت نظرها لأبوها اللي طالع أخوه يبي يعرف ايش صار
:ياعم كل اثنين تصير بينهم مشاكل وسكتت وهي تصيح مافيها تتكلم الموقف كبير عليها وهي تحس نفسها مهزومه قداهم

صقر وقف ماقدر يتحمل صياح بنت أخوه صدق وش ذنبهم ..وبعد نظرات عناد ذبحته طلع
من الشقه ...ويخلي أبوها يتفاهم معاهم

أبو الشموخ فقد اعصابه وهو يشوفها منهاره تصيح قرب منها وهو ناوي عليها صرخ بعصبيه : لا لا يالشموخ ماهو مثل كل مره راح ارضخ لكلمتك واضعف قدام دموعك ...

وقف بوجهه عناد وهو يمنعه يوصل لها بحده : قلت لك مافي حد يقدر يمده يده عليها وأنا موجود وخلاص اتركني معاها شوي وبنتك بتروح معاك اوعدك

دفه عنه وهو معصب : ابعد لا تنسى أني أبوها ولي حق حتى اكسر عظامها وصرخ تحركي قدامي قبل اذبحك هنااااا

الشموخ بسرعة رجعت تمسكت بعناد وصرخت : والله اهون علي روحي تطلع تحت يدك ولا تاخذني من بيتي ومن رجلي وأنت ياعناد والله ماسامحك لو تسمع كلامهم

عناد يالله ماتوقع ان الشموخ كذا ..معقول كل ذي الفرص جتها عشان تبعد عنه وفي الآخير كذا يكون موقفها ...كل مره تثبت له انها فعلاً اصيله .. وتكبر بعينه بس ليت الظروف معاهم ....
وبعد ماهو اناني لهالدرجة يخليها تخسر أهلها عشانه وبعد ايش ذنبها تتحمل واحد مثله والمشاكل الجايه وحياته اللي ضاعت بسبب أمه ....همس بوجع : يالشموخ أسمعي كلام أبوك

صرخت وهي تبعد :لا تحاول تقنعني ماراح اروح وصرخت خلاص كفايه جبت أقصاي منكم تعبت والله تعبت افهمووو

عناد
آه ليته يقدر بس ينفذ اللي يطلبونه منه ويقولها ويريحها بس كأنها حست فيه بسرعة رفعت يدها تمنعه : عنادددد لاااا ااااااا والله أموت فاهم ايش أموت مقدر اعيش بدونك افهم عاد أنت لو هم رافضين يفهمون و يحسووون فيني حس أنت تكفى عناد لا تضعف ...قدامهم ونخسر بعض

صرخ أبوها معترض اللي تقوله : للمره الثانية تفضلينه علينا يالشموخ وتبعينا كلنا عشانه

الشموخ صرخت منهاره : مافضلت أحد على أحد يبه أنتم أهلي وهذا زوجي وكلن له قدر وهذا اللي جاي تبي تأخذني من عنده ... والله لو ايش ماحصل مثله مافي حد تحمل بنتك على مصايبها غيره فاهم مافي حد يتحملني غيره وتبيني اخليه وهو بذي الضيقه وبعدين بعرف وش الذنب اللي اقترفه
عشان تحطوون عليه كلكم

عناد
أول ماسمع كلامها عرف انها خلاص منهارة يخاف تقول شيء تندم عليه يدري فيها لو انهارت تقط الأول والآخير بسرعة قرب منها وهو يحاول يمسكها ويهديها همس لها : عشاني انتبهي لكلامك ..وسكت وهو يطالع عيونها..ذبحته دموعهااااا تذكر كل شيء سواه فيها ضربه تجريحه لها وبالآخير طلعت اوفى منه ...وقفت بصفه حتى وهي عارفة بغلط أمه ...همس لها بوجع :روحي معاه وماعليك فينني أنا رجآل واقدر اتحمل اللي جاي

الشموخ هزت رأسها برفض وعينها بعينه :عناد غيابك يشعل بقلبي نار تكفى لاتكون أنت بعد علي معاهم ارحمني تعبت وأنا اترجاك

أبو أميرة بقهر وهو يشوفها وشلون متعلقه فيه وناسيه وجوده ولا ضاربه له حساب قال بتحذير لها: والله يالشموخ بتندمي هالمرة لو ماطلعتي معي
صدقني لو طلعت من هالباب بدونك والله معاد لي بنت اسمها الشموخ والحين اختاري مين أنا ولا هووووو


الشموخ صعقها كلام أبوها بسرعة قربت منه وهي تصيح خايفه تخسرهم وهي روحها متعلهم فيهم طاحت عند رجوله وهي تترجاه : بابا حرام لا تقول كذا ولا تغصبني على شيء مابيه تكفى بابا حس فيني والله احبكم بس مقدر مقدر اخليه


أبو أميرة طنش كلامها وطالع عناد وبقهر: مفروض بعد سوات أمك أنت اللي تتركها ولا تبينا نشيل معاك السمعه الشينه انا رجآل مابي سمعتي تخرب بسبة مصايب أمك ....يكفي سواتها بأخوي وسمعته اللي راحت
واللحين بعد وصلت فيك تبي بنتي تخسرني بسبتك
وش ذا البرود اللي عليك يارجآل طلقها وخلينا نتسهل


الشموخ الكلام الللي قاله أبوها كبير وأكيد رد عناد بيكون الطلاااااق قربت من عناد وهي تصرخ منهارة: طلبتك لاااااااا

كتتتتتت

& نونـي بنت الجنوب &

( سبحان الله وبحمده سبحان الله العظيم )
( الوتر أحبتي )
" الله يرحمك يامن وجعني فراقك "



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 15-10-19, 09:05 AM   #1445

ss1408

? العضوٌ??? » 453084
?  التسِجيلٌ » Aug 2019
? مشَارَ?اتْي » 43
?  نُقآطِيْ » ss1408 is on a distinguished road
افتراضي

اتوقع عناد ماراح يطلق .... و مصعب بيلحق اصايل وبيسكن عندهم ف القريه ( خيالي واسع 😂)

ss1408 غير متواجد حالياً   رد مع اقتباس
قديم 15-10-19, 01:50 PM   #1446

نور علي عبد
 
الصورة الرمزية نور علي عبد

? العضوٌ??? » 392540
?  التسِجيلٌ » Feb 2017
? مشَارَ?اتْي » 944
?  نُقآطِيْ » نور علي عبد has a reputation beyond reputeنور علي عبد has a reputation beyond reputeنور علي عبد has a reputation beyond reputeنور علي عبد has a reputation beyond reputeنور علي عبد has a reputation beyond reputeنور علي عبد has a reputation beyond reputeنور علي عبد has a reputation beyond reputeنور علي عبد has a reputation beyond reputeنور علي عبد has a reputation beyond reputeنور علي عبد has a reputation beyond reputeنور علي عبد has a reputation beyond repute
Rewitysmile9

يعطيك العافية🌸
اخر شيئ كنت اتوقعه ان تكون النايفه بهذا السوء ولو مصعب عرف عنها هالسلوكيات الي اتوقع انه بيشوفها في السيدي الي شافته زوجته فيها وهي تسرق قبل يخليه يسامح اصايل لان جرم امه اكبر

عناد ووجع قلبه على امه كان وجود الشموخ بلسم لجروحه اتوقع انه ما بيفرط فيها ابدا وما بيطلقها

الجوهرة لا حس ولاخبر هل ماتت او لا
لازالت الاحداث متعبه ريح الله بالك يا جميله ننتظر النهايه بالتوفيق 🌼🌼


نور علي عبد غير متواجد حالياً   رد مع اقتباس
قديم 15-10-19, 07:31 PM   #1447

داليا انور
 
الصورة الرمزية داليا انور

? العضوٌ??? » 368081
?  التسِجيلٌ » Mar 2016
? مشَارَ?اتْي » 1,195
?  نُقآطِيْ » داليا انور is on a distinguished road
افتراضي

والله موقف العنود وعناد صعب

داليا انور غير متواجد حالياً   رد مع اقتباس
قديم 16-10-19, 04:38 PM   #1448

اسرار امي

? العضوٌ??? » 421584
?  التسِجيلٌ » Apr 2018
? مشَارَ?اتْي » 159
?  نُقآطِيْ » اسرار امي has a reputation beyond reputeاسرار امي has a reputation beyond reputeاسرار امي has a reputation beyond reputeاسرار امي has a reputation beyond reputeاسرار امي has a reputation beyond reputeاسرار امي has a reputation beyond reputeاسرار امي has a reputation beyond reputeاسرار امي has a reputation beyond reputeاسرار امي has a reputation beyond reputeاسرار امي has a reputation beyond reputeاسرار امي has a reputation beyond repute
افتراضي

بااااارت و لا اروع
الحمد لله مصعب حن ع اصابل و اعطاها ابنها طلاقه الها بصالحها عشان ترتاح من جنانه لانه سمي و موتي بالحياه الزلمهالي بعتبر الضرب و الاهانه بثبت رجولته
ان شالله شدن و ياسر يرتاحوا بحياتهم
النايفه حسبي الله ونعم الوكيل فيها ضيعت حالها و ضيعت ابنها و ربته ع الحقد و الكراهية و هي اساس البلى
و الشموووووخ آآآه يا الشموخ حياتها عذاب بعذاب و الاولى انها تظل مع عناد لانه طاعة الزوج مقدمه على طاعة الاب و هو ما اله ذنب بيلي عملته امه و ان شاء الله ما يطلقها

يعطيك العافية نوني متألقه دوما
بارت مشوق و قفله بتخلي الواحد ع اعطابه
تسلمي فيتو ع النقل
♡♥♡♥♡♥♡


اسرار امي غير متواجد حالياً   رد مع اقتباس
قديم 17-10-19, 08:08 AM   #1449

نوني الجنوب

كاتبةفي منتدى الروايات والقصص المنقولة


? العضوٌ??? » 455013
?  التسِجيلٌ » Sep 2019
? مشَارَ?اتْي » 61
?  نُقآطِيْ » نوني الجنوب is on a distinguished road
افتراضي

صباح الورد حبيبات نوني
امممم احس ذا البارت علقتم عليه
بدون نفس وكذا كأنه جبر خاطر لي

اممم اتوقع من صدمتكم في أم مصعب وماجاءعلى توقعكم أبد وعشان كذا حصل لكم تبلد ياجمهوره هههههههه
توقعتم انها مظلومه ومن هالكلام ماتدرون ان الولد طالع لأمه ..اللحين لو سمحتووا صحصحو معي واجلدوه .. تكفير لذنبكم من اللي سويتوه فيني طول الروايه وأنا محتمله منكم .. و مابي اختمها وأنا حاقد عليكم وبعد نصفي القلوب من ناحية بعض


نوني الجنوب غير متواجد حالياً   رد مع اقتباس
قديم 18-10-19, 11:49 AM   #1450

Amazing-girl

? العضوٌ??? » 446799
?  التسِجيلٌ » Jun 2019
? مشَارَ?اتْي » 32
?  نُقآطِيْ » Amazing-girl is on a distinguished road
افتراضي

اقتباس:
المشاركة الأصلية كتبت بواسطة نوني الجنوب مشاهدة المشاركة
صباح الورد حبيبات نوني
امممم احس ذا البارت علقتم عليه
بدون نفس وكذا كأنه جبر خاطر لي

اممم اتوقع من صدمتكم في أم مصعب وماجاءعلى توقعكم أبد وعشان كذا حصل لكم تبلد ياجمهوره هههههههه
توقعتم انها مظلومه ومن هالكلام ماتدرون ان الولد طالع لأمه ..اللحين لو سمحتووا صحصحو معي واجلدوه .. تكفير لذنبكم من اللي سويتوه فيني طول الروايه وأنا محتمله منكم .. و مابي اختمها وأنا حاقد عليكم وبعد نصفي القلوب من ناحية بعض
ههههههههههه… بصراحة ما توقعت ام مصعب بهالحقاره، متشوقة اعرف شعور مصعب لما يكتشفها على حقيقتها، وفي الأخير اللي كسر خاطري هو صقر، وقف مع أصايل، وضحى منشان اخوه ويداري على الفضيحة، والنايفة ما قصرت فيه كرهت ولده فيه. اصايل احسن لها ترتاح من ظلم مصعب ومشاكله، ويااااااارب ان عناد ما يطلق الشموخ، هالاثنين وشدن وياسر بس اللي يستحقوا يظلو مع بعض.


Amazing-girl غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 03:06 PM



Powered by vBulletin®
Copyright ©2000 - 2024, vBulletin Solutions, Inc.