جننتني بجنانها وجمالها وحظني يبيها / للكاتبة Zooba. مكتملة

[لامارا]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته نقدم لكم رواية جننتني بجنانها وجمالها وحظني يبيها. للكاتبة Zooba. قراءة ممتعة للجميع۔۔۔۔۔

[لامارا]

بسم الله الرحمن الرحيم

السلام عليكم ورحمة الله وبركاته

شخباركم شلونكم ان شاءالله تكونون بخير اشتقت لكم يا احلئ بنوووووتااات طبعا اليووووم بنزل ثاني رواية / بقلمي من بعد روايتي الاولى : (( قلبي تعلق فيها ياناس )) الي ماقرا روايتي الاولى يقراها وطبعا اليوم بنزل اول بارت من روايتي الثانية بقلمي / بعنوان : جننتي بجنانها وجمالها وحظني يبيها ..

[لامارا]

بسم الله الرحمن الرحيم

(( البارت الأول ))

جلست من النوووم على صوت المنبه وكانت الساعة 1 الظهر . دخلت الحمام ((عزكم الله )) واخذت شور سريع وطلعت من الحمام ولبست زي كذا :



ونزلت تحت ودخلت المطبخ :

زينه وهي تتثاوب : صباح الخير ..
ام نايف بنفعال : وش الي صباح الخير واحنا الحين في عز الظهر وبعدين ليه قافله علئ نفسك الباب من الساعه 9 وانا اطق عليك الباب وجعع.
زينه والنوم في عيونها : يمه قفلت الباب لاني عارفه حركاتك بتجين وتزعجيني قومي وقومي ..
ام نايف : وليه ماقعدتي الصبح ها ؟؟
زينه وهي تغسل الكوب عشان بتسووي لها قهوة : وش اسووي مانمت الا الفجرر ..
ام نايف : وانتو ماتسمعون الكلام كم مرة اقوووول لكم اجلسوو مبكر من النوم انتو تعرفون ابوكم وش يسوي اذا جاه خبر انكم تجلسوون هالوقت والله بيقلب البيت من عصبيته ..
زينه وهي تدور القهوة : يمه ابووي مايدري ان حنا نجلس هالوقت لانه مسافر وبعدين انا ماصدقت على الله يسافر عشان انام ... وجلست على الكرسي ...

ام نايف : انتو ماتفهموون يعني ماتعرفون ابوكم اذا عصب لازم اكرر الكلام والله راح يفصل علينا كلنا راح يصرخ وراح يعصب وراح يقول ليش هاذي توها جالسه وليش هاذي ماسوت كذا وليش وليش وبيجلس يقوول كلام وبيقووو...........
زينه وهي تطنش امها وتقوم تدور السكر : اف وين السكر ...
ام نايف بعصبية : وجع مين اكلم انا ...؟
زينه وهي تفتح الدولايب عشان تدور السكر وتسلك حق امها : يمه خلاص فهمت ..
ام نايف وهي تلحق بنتها وتعيد نفس الكلام : اي صدقت انك فهمتي حبيبتي انتي لازم تفهمين ان ابوووك مرة عصبي ولازم كلنا نسمع كلامه ولابيقلب البيت فووق روسنا عشان كذا اقولك اجلسي مبكر وسمعي كلامه ولا .......
زينه قفلت معاها ومسكت وجه امها بيدينها وقالت : يمه خلاص وربي اني فهمت كلامك يمه حبيبتي مو كل يووم تسمعيني نفس الكلام وتكررين نفس الاسطووانه يمه الله يخليك ويحفظك اجلسي على الكرسي واتكلمي مو كل مرة تلحقيني وانا اسووي القهوة وتكررين نفس الكلام وتحنين يمه تكفين ابي بس مرة اسوووي قهوتي وانا مروقه واشربها بدون حنتك وكلامك تكفين يمه اسكتي شووي اسكتي ........ ورجعت تدور السكر
ام نايف بنفس الحنة وهي تلاحق زينه : اسكت ؟؟ هذا جزاتي احذرك من ابووك و.......... وقبل لاتكمل كلمتها رن جوالها : ام نايف وهي تبتسم وتشهق من الفرحة : ابوووو عيالي حبيبي صدق انه ولد حلال .

زينه : طيب يمه شوي شوي لايصر فيك شي .
ام نايف وهي تدلع شوي : الوو هلا والله بأبو نايف كيفك شخبارك ..... اي والله احنا بخير وكلنا مشتاقين لك .
زينه وهي تسوي وجهها حق امها زي كذا :




وتقوول : مادري وين مشتاقين له ..
ام نايف وهي تعطي زينه كف خفيق : اسكتي ...... اي اسمعك ..... وشهقت : هااااااااااا
زينه وهي تكلم امها بصوت واطي : شفيك يمه ؟؟؟
ام نايف : ها لا اسمعك ..... لا تفاجأت شووي اي ننتظرك .... يلا مع السلامة ...
زينه بنفعال : يمه وش فيك ؟؟ وقالت بفرح : ابوي قال بيطول في السفره ؟؟


ام نايف بنفعال : وجععع انطمي قوووووومي قعدي اختك واخوك ابووك جاي في الطريق ..
زينه بنفعال : احلفي طيب ليش يجي الحين مو المفروض يجي بكرا ؟
ام نايف بتوتر وهي تحوس بالمطبخ : مادري قووومي بسرعه حتى الغدا مادري وش اسووووي ..
زينه : طيب يمه هدي ماصار شي ..
ام نايف بتوتر : كيف ماتبيني اتوتر وابوك جاي في الطريق ...يلا روحي جلسي اختك واخوووك بسرعه ..
زينه : طيب طيب ... حسستيني ولي العهد فيي الطريق

صعدت زينه فووووق ورفست باب غرفة اختها : تخيلو شكلها

زينة بنفعال وتوتر : العنووود العنوووووود ..
العنود وهي نايمة : همممم ...
زينة : قوووومي ابوي بعد شووي جاي البيت واذا شافك نايمة بيذبحك ...
العنود وهي للحين نايمة : خلاص اوكي بعد شوي بيجب لك السماعات .
زينة بصراخ : وش سماعاته يا غبية قوومي ابووي جاي الحين...
العنود استوعبت ونقزت : هااااا جاي الحين وليه يجي الحين !! مو المفروض بكرا ...؟؟؟؟؟
زينه : اي بس مدري وش جابه الحين قوومي لا يسووي لنا مشكلة ...
العنود هي تقوم : طيب طيب مدري وش هالعيشة الي عايشينها حتى النووم مايخلووونا ننام ....
زينة وهي فيها الضحكه علئ شكل اختها شعرها طاير من النوم : ههههههههههههههههه وجععع وش هالشعر قومي خلصي بس.
العنود اخذت المرايه وانفزعت من الكشيش : ااااااااه وش فيه شعري الحبيب ...
زينه وهي تضحك : ههههههههه قومي تروشي ..
العنود وهي تناظر المرايه : خلاص روحي باخذ شور وبنزل ..
زينه : اوك
ستووووووووب نعرف العايلة الكريمة :

(( عايلة ابو نايف ))

ابونايف : (( بدر )) رجال صااااااااااارم مره مره مره وعصبي مره كلمته هي الي تمشي يتحكم في كل شي ماينقال له كلمة لا ومعيش عياله في رعب من عصبيته عمره 50

ام نايف : حرمه طيبه مره تحب زوجها مرررررررره وتحترمه وماتقووله كلمة لا وزنانه وتحب تنصح وتكرر الكلام اكثر من مره واذا كررته عيالها كلهم يطنشونها عمرها 45

(( عيالهم ))

نايف : شاب جميل مره شعره اسوود بشرته بيضا عيوونه خضر يحب خواته ودايم يستهبل معاهم يشتغل في شركة ابووه عمره 25

زينه : (( بطلتنا )) بنت مرررره جميله وفلاويه تطيح الميانة بسرعه مرجوووجة بس طيبه وتنحب بسرعه تخاف من ابوها لانه متحكم في كل شي وتسمي ابوها ولي العهد بسبب تحكمه في حياتها وكل شي وصفها : بشرتها بيضاء ووجها طفولي ويجنن الكل يشوفها يقولها ياطفله خشمها سلة سيف شفايفها صغار بس مليانين ووردين شعرها طوويل واسووود وناعم جسمها روعه عيونها كبار و خضر نفس اخوها نايف و تحب شي اسمه نووووووم و تعشقه بشكل مو طبيعي عمرها 21 اخر سنه جامعه

العنود : بنت مرجوجه وحلوه وصفها : بشرتها بيضا شعرها يوصل لين كتفها عيونها وسط مو مبار ولا صغار لونهم عسلي اول سنه جامعه عمرها 19

لمياء :بنت جميلة مرررره شعرها قصير ومتزوجه من ولد عمها عمرها 26

طبعا هم عايلة غنية وبيتهم كبير مره ...

((في بيت ثاني في نفس المنطقة منطقة الرياض ))

ام مشعل وهي تكلم : الله يسلمك حبييتي تعالي بكرا انتي والحريم اي انا عازمتكم حبيبتي انتظركم يلا مع السلامة ...
ابو مشعل : السلام عليكم ..
ام مشعل : وعليكم السلام كأنك تأخرت؟
ابو مشعل : اي والله كان عندنا اجتماع وشفت ابو جاسم واخذتنا السوالف... الا مين كنتي تكلمين ؟؟
ام مشعل : كنت اكلم ام رهف توها راجعه من السفر اتصلت عليها اتحمد لها بالسلامة وقلت لها تجي بكرا ...
ابوومشعل : اها ... طيب العيال وينهم ؟؟
ام مشعل : مشعل في غرفته وعبير في المطبخ ...
ابو مشعل : طيب يلا خليهم يحطوون الغدا تراني مره جوعان ...
ام مشعل : ان شاءالله .

في غرفة مشعل كان جالس يكلم..

بشويش : فديتك تعشقيني هالكثر ..
رهف : اي مره والله احبك واموت فيك .
مشعل وهو يتنهد : دامك تحبيني ليه ما اخطبك ونتزوج .
رهف بتوتر : لااا مابي الحين بعدني صغيرة .
مشعل بجديه : رهف انتي من جدك ولا ايش ترا كبرتي خلاص عمرك 23 تقريبا شوفي يارهف هاذي عاشر مرة اقولك ابي اخطبك وانتي ترفضين متئ يعني؟
رهف بتوتر اكثر وهي تضيع السالفه : مدري مشعل مابي الحين خلاص سكر المووضوع تو الناس.
مشعل بعصبية خفيفه : رهف ترا صار لنا 4 سنين واحنا نكلم بعض الئ متئ يعني اليوم بخلي امي تخطبك .
رهف خافت من عصبيته وبدت تتوتر اكثر : مشعل والله مابي الحين توني صغيره خلاص وش ذا الحنه وبعدين انا مستحيل اتزوج غيرك وانت مستحيل تتزوج غيري صح؟

مشعل بتعب : صح المهم اتركينا من ذا الكلام كيف سفرتك؟
رهف : امممم حلوووه بس مكة زحمه مرررره وبالموت طفت حول الكعبه زحمة مرره
مشعل : بسمم الله عليك اكيد الناس اعفسووك.
رهف بدلع : هههههههه لا مو مره.
مشعل : فديت ذا الضحكة المهم رهف فكري بكلامي خلينا نتزوج وبلا ذا العناد .
رهف وهي تطنش مشعل : افف مشعل خلاص بفكر بس لاتضغط علي ..

مشعل عصب منها تعب وهو يقولها يبي يخطبها وهي بس جالسه وترفض : طيب براحتك ..

وفجأ ها سمعت صوت باب غرفته..

مشعل : اقووول رهفوتي شووي واكلمك ..... ادخل ..
عبير وهي فاصله : وجععع انشاءالله مين تكلم صار لي ساعه اتصل فيك ..
مشعل : وجع يووجع العدووو وليه تتصلين علي .؟
عبير : كنت بقوولك غدا يلا انزل ... وقالت بخبث : كنت تكلم رهف ..
مشعل وهو مو هامه كلامها : اي عندك مانع ؟ وانشاءالله قريب بتزوجها ..
عبير بصدمة : ايششششششش؟؟ يع لا لا مشعل ما نبيها ..
مشعل بصدمة ؛ وليه انشاءالله وش فيها البنت طايحه من عينك؟
عبير : لا مين قال كذا بس انا ما احبها اكرهها
مشعل بعصبية : وانا وش دخلني ؟ حبيتها ولا كرهتيها بكيفك ويلا اطلعي برا .

عبير بعصبية وقهر : طيب ..



مشعل انسدح وضم الجوال : اه يارهووف متئ يروح العناد من راسك ونتزوج .

في غرفة الطعام :

مشعل : السلام عليكم .
الكل : وعليكم السلام .
ابو مشعل : وينك انت ساعة على ماتنزل .
مشعل : اسف يبه بس كان عندي شغل ..
عبير بمسخره : شغل .
مشعل وهو يسكت عبير : اي شغل ..
ابو مشعل : وبعدين ليه ماجيت داومت في الشركة ؟
مشعل بتوتر : كنت تعبان شووي ...
ابو مشعل : طيب يلا سمو.. ..

ستوووب نعرف العايلة الجديدة


((عايلة بو مشعل))

ابو مشعل : (( عامر )) رجال طيب بس يحب شي اسمه فلوووس مستعد يبيع كل شي عشان الفلووس للعلم انه غني وعنده شركات بس للأسف للفلوس عاميته عصبي شووي عمره50
ام مشعل : حرمة طيبه وتحب عيالها عمرها 46


(( عيااااااالهم))

مشعل : (( بطلنا)) شااب جميل مررررره مرجوج شووي يحب يستهبل بس اذا عصب عصب يحب بنت تعرف عليها كانت تجي هي و امها بيت ام مشعل وهي صديقة امه وناوي يخطبها بس كل مايقول لها ترفض وصفه : بشرته بيضا فيه سكسوكة روعه وفيه غمازة وشعره اسوود وجسمه معضل ... عمره 27



عبير بنت جميلة مره و مرجوجة ثاني سنة جامعه عمرها 20


((في بيت بونايف ))

دخل ابونايف وقال : احمم ياعيال يا ام نايف ..

طلعت ام نايف والفرحة مو شايلتها : هلا وغلا توه مانور البيت .
ابو نايف وهو يجلس : هلا فيك وش اخبارك ياام نايف واخبار العيال .؟
ام نايف : الحمد الله كلنا بخير انت وش اخبارك .
ابونايف : تمام الحمدالله ... الااقوول وين البنات ونايف ؟؟؟
ام نايف : ها اي البنات فووق ونايف بعد فووق .
ابونايف : ناديهم ولا مايبون يشووفون ابوهم .
ام نايف بكذب : لا ياابونايف البنات مشتاقين لك مررة وماتصدق العنود وزينه جلسو من الصبح مثل ماقلت لهم ..
ابونايف : صدق .. زين الحمدالله عشان يتعودون اذا تزوجو يجلسوون الصبح ..
ام نايف وهي تقوم : وانت صااادق ..... اجل اروح اناديهم ..

صعدت ام نايف ودخلت غرفة زينه وشافتها جالسه على السرير ومشغله جوالها :

ام نايف بعصبية شوي : وجعععع زوينه قووومي ترا ابووك جا ويسأل عنك وعن اختك واخوك ...
زينه وهي تقووم وبطفش : طيب ليه متوترة كذا ؟.... يلا امشي ..
ام نايف بنفعال : وين وين ..
زينه : وشو الي وين توك تقولين ابووي يسأل عنا بروح اسلم عليه ..
ام نايف : وبتنزلين له بالبجامه؟ ...
زينه : اي وش فيها عادي ترا انا نازله اشووف ابووي مو ولي العهد ..
ام نايف وهي تضرب زينه بخفيف : استحي على وجهك وش هالخرابيط هذا ابوووك يعني تاج راسك يعني اذا .. ........ .
قاطعتها زينه وقالت بنفعال : بس بس لاتكملين لاالحين تفتحين لنا محاضرة فضائل الابوة خلاص انزلي وانا الحقكك ..
ام نايف : طيب البسي شي عدل فهمتي ..
زينه بطفش : طيب ..

طلعت ام نايف وزينة قفلت الباب عشان بتلبس :

زينه وهي تتسند على الكرسي : اه يارب يمر اليوووم بدون عصبية ابووي وصراخه وتحكمه فينا ياااااااااارب




وبسسسسسسسسس انتهى البارت اتمنى عجبكم البارت الاول يلا ابي ردودكم الحلوه ....

[لامارا]

سلااام اليوم بنزل لكم البات الثاني . وان شاءالله راح يكون تنزيل البارتات الاثنين والثلاثاء والاربعاء


(( الباااارت الثاني ))

دخلت ام نايف غرفة نايف :

ام نايف : نايف نايف ..
نايف وهو نايم : همممممم
ام نايف : يلا قوووم صارت الساعة 2 الظهر وبعدين ابووك جا ممن السفر قوم يلا ..
نايف وهو نايم : يمه فيني نووووم امس مانمت الا الفجرر .
ام نايف : ليش حبيبي مانمت الا الفجر السهر موهب زين بعدين تقول جسمي يعورني ..
نايف وهو يسلك : يمه خلاص لاتحنين بعد شووي بقووم ..
ام نايف : طيب لا تتأخر ..
نايف وهو فيه النووم : طيب ..

طلعت زينه والعنود من الغرفه ونزلو تحت وسلمو :

زينه والعنود : السلام عليكم...
ابو نايف : وعليكم السلام ..
زينه وهي تبووس راس ابوها : الحمدالله على السلامة توه مانور البيت ..

والعنود نفس الشي تحمدت له بالسلامة ..

ابو نايف : وش اخبارك يازينه .. ؟
زينه : بخير الحمدالله ..
ابونايف : وانتي ياالعنود وش اخبارك ؟
العنود : الحمدالله يبه ..
ابو نايف : اقول يا ام نايف وين نايف انا ما قلت لك خليه يجي ؟
ام نايف : والله ياابونايف توني دخلت غرفته وجلسته كان نايم بروح اشوف اذا جلس ..
ابو نايف بنفعال : لا لا تركيه نايم اكيد تعبان ..
زينه وهي تهمس حق العنود : شفتي ابووك يموت على هالنايف ويخليه ينام على راحته واحنا بس نتأخر ساعه يقوم الدنيا ومافيها اه بس يالتني نايف .
العنود يضحك وبنفس الهمس : ههههههه اسكتي لا يسمعك ..


(( في بيت ابو عبدالله ))

دخل ابو عبدالله وسلم :

ابوعبدالله : السلام عليكم .
لمياء وام عبدالله : وعليكم السلام ..
ابوعبدالله : وش اخبارك يابنيتي ..
لمياء : بخير الحمدالله ..
ابو عبدالله : صح ابوك جا من السفر..
لمياء : اي عندي خبر اختي زينه قالت لي ..
ام عبدالله : اي صح وش اخبار امك وخواتك من زمان ماشفتهم عساهم بخير ؟
لمياء : الحمدالله ياخالتي يسلمون عليك ..

وبعد نص ساعه نزلت جود :

جود : السلام عليكم .
الكل : وعليكم السلام .
ابو عبدالله : وينك يابنتي ماتبينين كله في غرفتك انا ابي اعرف وش فيها الغرفه مافيها الا الجدران ..
ام عبدالله بمزح : والله يا ابو عبدالله الغرفة مافيها شي بس في شي اسمه جوال كله حاطه عيونها عليه .
جود : يمه يعني ماعندي شي اسوويه هالأسبوع ذا مافيه داوم في الجامعه
ابو عبدالله : طيب ياجود انزلي وساعدي امك .
جود : يبه الله يهديك الخدم مايقصرون.
ابوعبدالله : طيب متئ بتداومين؟
جود : اسبوع الجاي انشاءالله.
ابو عبدالله : وزينه بنت اخوي معك ؟
جود : اي معي بتداوم ..
لمياء : اي ياعمي ماتعرف انهم صديقات وكل شي نفس بعض حتئ الجامعه
جود بثقه : وش زينا نهبل الثنائي المرح.
لمياء : عشتووو .
جود وهي تضحك : انتي وش فيك علئ المسلسلات الكويتيه اكيد من امي هي الي دايم تشووف كوتيين .

ام عبدالله : وش فيهم الكوتيين طايحين من عينك والله انهم شحلاتهم وش زينيهم يوسعون الصدر .
لميااء : صادقة خالتي والله اني حبيتهم.
جود بمسخره : بالله عليك وش الحلو فيهم اكثر المسلسلات طلقني ولا اذا طلقها تبكي خلني ساكته بس.
لميااء :ا ي اسكتي احسن لك .... بقوم اشوف عبود
جود : يلا بدت الرومنسيه ..
لمياء : هههههههههه




(( عايله ابو عبدالله ))


عبدالله : رجال طيب وحنون وهو يصير اخو ابو نايف .
ام عبدالله : حرمة طيبه وتحب عيالها.

عبدالله : شااب جميل ومتزوج لمياء بنت عمه عمره 28

جود : بنت حلوه ومرجوجه تحب زينه صديقتها الصدوقه عمرها 21


(( يوووووم جديد ))



((في بيت ابو مشعل))

في غرفة مشعل : جلس من النووم وناظر الساعه وكانت 8

مشعل وهو مفزوع : اوه تأخرت صارت الساعة 8 ............. قام مشعل من السرير ودخل الحمام (( عزكم الله)) واخذ شور سريع ولبس ثووبه وشماغه وتعطر ولبس ساعته ونزل تحت وصبح على امه وباس راسها :

مشعل ببتسامه : صباح الخير ياالغاليه.
ام مشعل : هلا يمه صباح النور اجلس افطر .
مشعل وهو يناظر ساعته : لا يمه تراني مره متأخر.
ام مشعل : طيب اذا وصلت الشغل افطر ..
مشعل وهو يفتح باب البيت : طيب .


طلع مشعل ولبس نظارته الشمسية وشكلها زي كذا :





وركب سيارته وبعد نص ساعة وصل الشركة ..

مشعل : سلااااام ممدوح بدا الاجتماع ؟


ممدوح السكرتير .

ممدوح : لا لسه
مشعل : كم باقي له ؟
ممدوح : تقريبا 6 دقايق .
مشعل تنهد براحه : طيب احد سأل عني ؟
ممدوح : اي استاذ نواف سأل عنك .
مشعل : اف الحين بيزعجني طيب خليهم يجيبون لي عصير برتقال
ممدوح : ابشر.


دخل مشعل المكتب وفتح جواله وشاف 10 مكالمات من نواف ..... واتصل عليه .

نواف بصراخ : الووو !
مشعل وهو يبعد الجوال عن اذنه : وجععععع فجرت اذني تراني ابيها .
نواف بعصبية خفيفه : وينك ياورع من الساعه 7 وانا اتصل عليك ؟!
مشعل : ياخي كنت نايم ..
نواف بصدمه : حيوان انت نايم للحين قوووم ترا وراك اجتماع . يلا ماباقي شي بسرعة ..
مشعل : انا جييت من شووي انت وينك ؟
نواف : انا في قسم التصميم يلا بجيك الحين ..
مشعل : طيب ..

وبعد 5 دقايق دخل نواف :

نواف : سلااااام ..
مشعل : وعليكم السلام .
نواف وهو يجلس : شدعوة وش هالنوم الي ذابحك ..
مشعل : كل زق تراني مانمت الا الفجر .
نواف : حيوان انت وليه نايم الفجر دامك عارف ان عندك اجتماع الصبح ! اي اي بس عرفت اكيد كنت تكلم حبيبة القلب وغمز له ..

مشعل وهو يتسند على الكرسي : اه يانواف احبها والله احبها ..
نواف وهو يقلد كلامه : احبها احبها دامك تحبها ليه ماتخطبها وتفكنا ..؟
مشعل بتعب : والله تعبت وانا اقولها ابي اخطبك بس مو راضيه ..
نواف بستغراب : طيب ليه ؟ .
مشعل : مدري عنها تقول توني صغيرة .
نواف : طيب اصبر عليها شوي .المهم تدربت علئ الشرح ؟
مشعل : اي تدربت بس تعال مين الي بيشرح بعدي ؟؟
نواف : الي بيشرح بعدك طلال ...... وفجأه رن جوال نواف : الووو .... اها اوكي .. يلا جاي .. وسكر : يلا الاجتماع بدا قوووم ..
مشعل : اوكي ..

اعرفكم على صديق مشعل :

نواف : شاب جميل ومملوح صديق مشعل من الروح لروح من ايام الطفولة .. عمره 26


في غرفة الاجتماع :

خلص مشعل من الشرح وبدا طلال يشرح وباهالحظة رن جوال مشعل بعنوان : (( قلبي )) وطبعا عطاها مشغووول وكل شوي تتصل ويعطيها مشغول لانه كان في غرفه الاجتماع ومايقدر يرد .

وبعد ساعه خلص الاجتماع واتصلت رهف على مشعل ..

رهف بعصبية : الووو
مشعل : هلا بالهصوووت ..
رهف بعصبية : مشعل ليه تعطيني مشغووول وليه ماترد وين كنت ها .؟؟
مشعل : اسف حبيبتي كنت في اجتماع مهم جدا .
رهف بعصبية : لا تكذب علي وين كنت ها اعترف ..
مشعل بعصبيه شووي : رهف قلت لك كان عندي اجتماع مهم وش فيك!
رهف بعصبية ونذاله : عندك اجتماع ؟؟؟؟ ومن وين جا هالاجتماع طوول عمرك بطالي وكسوول ..
مشعل خلاص عصب وقفلت معاه : رهف احترمي نفسك وش هالكلام ! بس تعرفين كيف انا الغلطان الي جالس ابرر لك ..... وسكر في وجهها..

خلووني اعرفكم على رهف :
بنت حلوووه شعرها قصير وكيرلي وبشرتها برونزي دلوعه ومغرورة شووي عمرها 23

(( في بيت ابو نايف الساعه 10 وتحديدا في المطبخ ))

زينه وهي تغسل الصحون : يمه ابوي ليه مايجيب لنا خدم يساعدونا يعني احنا عندنا خير وفلوس .
العنود وهي تقطع خس : اي يمه وهي صاادقه البيت مرره كبير ولازمه تنظيف وهذا غير الطبخ وغسيل الملابس وترتيب الغرف ..
زينه بتعب : وغسيل الحمامات (( عزكم الله ))
ام نايف وهي تتمسخر : لا والله وانتو وش فايدتكم لا شغله ولا مشغله وبعدين ابووكم مايحب يجيب خدم في البيت ..
العنود بنفعال وتعب : ليش يمه ليش وش فيهم الخدم ها ؟
ام نايف : يقووول مايحبهم من كثر مايسمع عنهم ان هاذي الخدامه قتلت ولد فلانه وان هاذي الخدامه سرقت ذهب فلانه ..
زينه : اي بس يمه مو كل الخدم كذا في خدم طيبين وخدومين وعندهم ذمه وضمير وفيه خدم حقيرين ..
العنود : وهي صادقه يمكن الخدامه الي بنجيبها تطلع طيبه ..
ام نايف : والله عاد تبوون خدامه قولو حق ابوكم روحو وقولو له مو كل شي علي .
زينه : لا والله عشان يعطينا كف يطيرنا المريخ ..
ام نايف : اجل خلاص اسكتي واشتغلي .

زينه وهي تمسح الطاوله : وقالت بالسوري : ايه راح نسكوت ونشوف اخرته

العنود رمت الفوطه علئ زينه وضحكت علئ كلامها

(( في شركة ابو نايف ))
طلع ابونايف من الشركة ..

وركب ابو نايف سيارته ومشى وبدون ماينتبه صدم السيارة الي قدامه . نزل صاحب السيارة وكان معصب :


وانصدمم ابو نااايف من الي شافه ..


(( في شركة ابو مشعل ))

كان مشعل جالس على الكرسي وكان
عقله مليان افكار يفكر في كلام رهف القاسي وفجأه دخل نواف .

نواف بفرح : والله انك سبع شرحت العرض بالتفصيل كفوو والله .
مشعل بضيقه خلق : تسلم ..
نواف بستغراب : وش فيك ؟
مشعل بنفس الضيقه : مافيني شي .
نواف : لا والله وجهك منفس وكله حزن قوول شفيك .. بس بس اكيد متزاعل انت وحبيبة القلب صح ؟
مشعل بتعب : صح .
نواف : ليه وش السبب ؟


مشعل قاله كل شي .

نواف : طيب انت قلت لها انك كنت في اجتماع ؟
مشعل : اي قلت لها وجلست تقول من وين جا هالاجتماع طوول عمرك كسوول ومدري ايش وانا عصبت وانقهرت من كلامها وسكرت في وجهها .
نواف : والله الصراحه هي الغلطانة وبعدين ليه تشك في كلامك مافيه ثقه بينكم ؟؟؟
مشعل : انا من ناحيتي اثق فيها ثقه عمياء بس من ناحيتها ماظنتي انها تثق فيني
نواف : طيب والحل .
مشعل : غبي انت انا المفروض اقولك وش الحل ..
نواف وهو يفكر : اممممم ...... اي مافيه حل غير انكم تتصالحون .
مشعل بنفعال وقهر : بس انا مستحيل اصالحها هي الغلطانة !
نواف : اذا انت ماتبي تصالحها وهي ماتبي تصالحك اجل مستحيل تنحل المشكلة .
مشعل : طيب طيب هالمرة انا بتصل ولو اني مو انا الغلطان بس وش اسوي احبها ومابي اخسرها .
نواف : هههههههه طيب انا بمشي البيت تبي شي .
مشعل : خلك هينا نتغدئ مع بعض .
نواف بلهفه: لاا امي اليوم مسويه كبسه لحم ..
مشعل : هههه بالعافية .
نواف : الله يعافيك.




نرجع حق ابونايف والحادث ..

وانصدم ابونايف من الي شافه :

ابونايف بفرح : عامر صح ؟
ابو مشعل بفرح : وانت بدر .

ابونايف : هلا والله . .....وباس خشمه ...... عامر كيفك شخبارك
ابومشعل : هلافيك انا تمام الحمدالله انت كيفك عساك طيب .
ابونايف : انا بخير الحمدالله . والله كبرت وحلويت يامطلق كم سنة ماشفتك ؟
ابومشعل : هههههه تقريبا 25 سنة .
ابونايف : لا والله اكثر ... اي صح انا اسف والله مانتبهت ..
ابومشعل : لا لا عادي كله خدش بسيط ..
ابونايف : اجل لازم اصلحها لك .
ابو مشعل بنفعال : لا لا والله ماتصلح منها شي خلاص ماصار الا الخيرر ..
ابونايف : اجل تعال معي البيت نشرب شاهي ونسوولف .
ابو مشعل : خلاص صار . والله اني مشتاق لك .
ابو نايف : وانا اكثر يلا اركب سيارتك ووقفها في مكان وتعال اركب معي ..
ابو مشعل : خلاص تم.

(( في بيت ابو نايف ))


دخل ابو نايف ووراه ابو مشعل ومنبهر من البيت :

ابو نايف : تفضل ياعامرالبيت بيتك .
ابو مشعل : مشااءالله بيتك كبير وحلو .
ابونايف : تسلم . تفضل المجلس بروح النطبخ اقول لهم يجهزون لنا الشاهي.


طلع ابونايف من المجلس :

ابو مشعل وشوية حسد : الحين بدر الحافي المنتف عنده هالبيت الكبير .


دخل ابو نايف المطبخ : السلام عليكم .
ام نايف وزينة والعنود : وعليكم السلام .
ام نايف : جاي مبكر اليووم .
ابونايف : اي خلصنا شغل مبكر وطلعت . المهم اسمعو اليووم عزمت صديقي على الغدا يعني ابيكم تزيدون الغدا ومابي اي شي ناقص فاهمين ..
ام نايف : حاضر من عيوووني ..
ابونايف : واسمعو ابيكم تسوون شاهي وتحطون شوية مكسرات مفهووم ؟
زينه : انشاءالله يبه ..

وطلع من المطبخ :
زينه بعصبية : ياربي ابووي ليه ماقال من البداية انه بيعزم صديقه بعصب!
العنود بطفش: اي والله الحين متى بنزيذ الغدا اف ..
ام نايف كالعاده وهي متوترة : اقوول انتي وياها اشتغلو وبلا هذرة زايدة ..
زينه : طيب يمه وش فيك متوترة ؟ من يجي ضيف عندنا تتوترين ..
ام نايف بتوتر : اف اشتغلي وانتي ساكته خلاص ..
زينه : طيب طيب ..



في المجلس :

ابو نايف : حيا الله عامر توه مانور الببت .
ابو مشعل : منور بوجودك .. الا اقوول انت تزوجت صح ؟
ابو نايف : طبعا تزوجت وجبت ولد الي هو نايف و 3 بنات
ابومشعل : اي الله يحفظهم ويخليهم ..
ابونايف : تسلم ... وانت عساك تزوجت ؟؟
ابوومشعل : اي تزوجت وجبت مشعل و وبنت وحده ..
ابونايف : حيا الله ابو مشعل ..
ابو مشعل : يحيك .مشااءلله اجل وش تشتغل ..؟؟
ابو نايف : انا عندي شركة والحمدالله الشغل فيها ماشي ..
ابو مشعل : شركة ؟ يعني كيف فتحتها ؟
ابونايف : ابووي الله يرحمه قبل لايتوفى ترك لنا ورث 70 مليون ريال . .
ابو مشعل بصدمه : 70 مليوون ؟
ابونايف : اي وانت وش تشتغل ؟؟
ابومشعل : انا بعد نفسك عندي شركة ..
ابونايف : وش اسم شركتك ؟؟
ابو مشعل : شركة ال ..........
ابونايف : اي عرفتها انشااءالله الشغل فيهاماشي ؟
ابومشعل : اي الحمدالله ..

(( في بيت ابومشعل الساعه 2 الظهر وتحديدا غرفة الطعام ))

نزل مشعل وجلس على طاولة :

ام مشعل : يلا سموو ..
مشعل : ابوووي مايبي يتغدا ؟؟
ام مشعل : ابوك اتصل وقال بيتغدى بيت صديقه ..
مشعل : اها ..


(( في بيت ابوو نايف وتحديدا في المجلس ))

ابو نايف : يلا يا ابومشعل سم .
ابو مشعل : سم الله عدوك شكله الغدا حلو ..
ابونايف : تسلم يلا سم لايبرد .

واكل ابومشعل لقمة من الغدا وبسرعة رماها من فمه وجلس يسعل .. .

ابو نايف بخوف : بسم الله عليك .امسك اشرب ماي .
ابومشعل : ياابونايف الرز مافيه نقطة ملح ..
ابو نايف وهو يذوق العيش : اي والله حسبي الله على هالبنات مايعرفوون يطبخون لكن انا اوريك فيهم ..
ابومشعل بنفعال : لالالا ماصار شي ...
ابونايف بعصبية : ماصار شي ؟؟ والرز مافيه ملح ...
ابو مشعل خلاص ياابو نايف حصل خير .

عند البنات في الغرفة الثانية ...



ام نايف وهي تاكل : وجعععع الرز مافيه ملحح .
زينه بصدمة : نصااااابه .. .......وجربته وشهقت : اي والله مافيه .
ام نايف بتوتر : ياربي ليه ماحطيتي ملح الحين بتفشلونا مع الرجال ..
العنوود بخووف : يمه فكري في ابووي بعد مايروح الرجال ..
زينه وهي ناشفه من الخوف : يمه يمه وش اسوي الحين ..

وبعد نص ساعة طلع ابومشعل من البيت واول ماطلع قام ابونايف وفتح الباب بقوه وكلهم انقزو من مكانهم ..

زينه بخوف : بسم الله ..
ابو نايف بعصبية : تعالووو قدامي بسرعه.

كلهم قامو من الخووف زينه وام نايف العنود ..

ام نايف بخوف بكذب : وش صاير يا ابونايف ؟؟
ابونايف بعصبية: مين فيكم طابخه الرز..؟
زينة وهي ترجف من الخووف : ا ا انا يبه ليش وش فيه ..؟
ابونايف بعصبية اكثر : تعالي هينا ..
زينة تمشي وترجف في نفس الوقت : ا ا ا مر ي يبه ...
ابونايف بعصببة : اكلتي من الرز ؟؟
زينه والارض مو شايلتها من الخوف وبكذب : ل لا ما ااكلت ..

طلع ابونايف وجاب الرز ومعاه ملعقه :

ابونايف بعصبية : اكلي ..
زينه بخووف : ل ل ليش ..
ابونايف بنفاذ صبر وعصبية وصراخ : اكلي ..


اكلت زينه شوي من الرز وبعدين رمته من فمها وقالت بخووف : م م مافيه ملح ..
ابونايف بعصبية اكثر : دامك عارفه انه مافيه ملح ليه جبتيه لنا هاا! فشلتني قدام الرجااااال .......

كان ابونايف بيضرب زينه بس ام نايف وقفته ..

ام نايف بخووف : ابونايف حصل خير امسحها بوجهي .
ابونايف بعصبية وصراخ : حصل خيرر؟ وهالبنت فشلتني قدام صديقي !اجل في حرمه عاقله ماتحط ملح في الاكل !
زينه بخووف وهي ترجف : يبه اسفه نسيت احط الملح ..
ابو نايف بصراخ : نسيتي ؟؟؟؟ اجل اذا تزوجتي وش بتسوين ها ! زوجك بيطلقكك من اول ليله ..
ام نايف وهي تهديه : خلاص ياابونايف اهدا عشان صحتك تعال ارتاح داخل ..
ابونايف بصراخ : استغفرالله .

وصعدت زينه فوووق ودخلت غرفتها ووراها العنود :


زينه بعصبية وقهر : انا ابي اعرف وش سوويت هاا؟ بس لاني نسيت ماحط الملح في الاكل ..
العنود : خلاص ياقلبي انتي تعرفين ابووي هدي شوي .
زينه بقهر : انا الي قاهرني ان ابووي يعصب على اتفه الاسباب يعني وش سويت . بس لاني نسيت احط الملح عادي بني آدم ينسى والله من كثر الشغل نسيت. اول شي جلست من النوم وبعدين رتبت الغرف وغسلت الحمامات (( عزكم الله )) ولا فوق هذا كله زدنا الاكل عشان الضيف الكريم .
العنود : خلاص حبيبتي هدي ماصار الا الخير ومرة ثانية انتبهي ..
زينه : استغفرالله بس ..



وبسسسسسسس انتهى البارت اتمنى عجبكم يلا ابي اشووف ردوكم

[لامارا]

سلام شخباركم؟ اليوم بنزل البارت الثالث

(( البات الثالث ))

دخلت ام نايف غرفة زينة :

ام نايف بعصبية شوي : انتي مجنوونة ليه ماحطيتي ملح في الرز !
زينه بعصبية وقهر : يمه نسيت كم مره اقوول والله اني نسيت ماذكرت يمه خلاص ماصاارت كلها رز .
ام نايف : الحين ابووك معصب عليك وبنفس الوقت متضايق من الي سويتيه .
العنود : يمه يعني البنت نست خلاص طيب نعيد الساعات مثلا .
ام نايف : انتي اسكتي انا ماكلمتك .... زينه حبيبتي قوومي اعتذري من ابووك وبوسي راسه ..
زينة بنفعال : نعم !يمه اسمحلي لي انا ماغلطت ولا سويت شي غلط عشان اعتذر واذا على الرز انا نسيت بني آدم ينسى ..
ام نايف بعصبية : المعنى ؟
زينة بعناد : المعنى واضح مارح اروح اعتذر لاني ماسويت شي غلط ..
ام نايف بعصبية : يعني تبين اقو ل حق ابوووك تعال بوس راس زينه واعتذر منها !
زينه : يمه خلاص ماله داعي اعتذر وبعدين كلها يووم يومين وبينسئ الي صارر .
ام نايف بالستسلام : والله ماظنتي بينسى هالمرة عصب عصبية قوية .
زينة : يمه لاتخوفيني انشاءالله بينسى.

وطلعت ام نايف ..

زينه بقهر : والله ابووك بيجننني يوم من الايام.
العنود وهي تغني : وجنني وجنني .

زيمه بعصبية : وجعع انا وين وانتي وين صدق غبيه روحي انقعلي .
العنود : لا لا خلاص ..
زينه ؛ نننننننن.

(( في بيت بوو مشعل وتحديدا غرفة مشعل ))

مشعل كان يكلم نواف : هلا نوووواف . بخير انت اخبارك ؟
نواف : تمام الحمدالله ... اسمع وش رايك نروح الشاليه مع العيال؟
مشعل : اي والله فكرة حلووة . خلاص صار اوك.
نواف : اي صح تصالحت انت وحبييبة القلب ؟؟
مشعل : اي اتصلت عليها من شوي وصالحتها تصدق ولا اعترفت بغلطتها تقوووول بفكر اذا بسامحك ولا .
نواف بصدمه : نعم ؟؟ مجنونه هاذي مشعل اسف على الي بقوله بس احسها بزره ..
مشعل عصب شووي : لا عاد مو لهدرجه هي صحيح بعض الاوقات تسوي حركات بزاريين بس تراها فاهمه ..
نواف : المهم ماعلينا منها .... اسمع انا بكلم العيال والساعه 7 تكون موجود.
مشعل بمزح : طيب يلا انقلع ..
نواف : ههههههههههه يلا تلايط باي
مشعل : باي .

سكر مشعل وتسند على السرير وتنهد تنهيدة ضيق يحس للحين زعلان من حبيبته ... يحس مايحبها مثل قبل بسبب تصرفاتها ...

(( يووووووم جديد ))

(( في شركة ابو مشعل وتحديدا غرفة ابو مشعل وكان موجود فيها السكرتير الخاص حق ابو مشعل ))

طبعا السكرتير اسمه عايض وهو وابو مشعل زي الاخوان تقريبا ..

ابو مشعل : البارح شفت صديقي القديم بدر ..
عايض وهو يتذكر : اي اي تذكرته طال عمرك وين شفته ؟؟

طبعا ابو مشعل قاله عن الحادث وان ابو نايف دخله بيت والى اخره ...

ابومشعل : والله ان بيته كبير مره ..
عايض : طيب وش يشتغل ؟؟
ابو مشعل بحسد : عنده شركة كبيرة ... وتصدق كم وراث من ابوه ..
عايض بنفعال : كم ؟؟
ابومشعل بحسد اكثر : 70 مليووون ..
عايض بصدمه : اووووووف ..
ابو مشعل : عشان كذا ابي شي يقربني منه يعني اصير شريكه .
عايض وهو يفكر : طال عمرك اذا تبي تصير شريكه لازم تناسبه .
ابومشعل : اي والله جبتها .
عايض : هو عنده بنات صح ؟
ابومشعل : اي عنده ..
عايض بنفعال : اجل خلاص تكلم مع مشعل وقوله يخطب بنت من بناته وكذا تناسبه في كل شي ..
ابوومشعل بفرح : اي والله كفو عليك . خلاص اليوم اكلم مشعل ..




(( في بيت ابو نايف في المطبخ الساعه 10 الصبح ))

دخلت زينه المطبخ وشافت امها تحوس في المطبخ :

زينه بستغراب : يمه وش فيك تحوسين ؟؟
ام نايف بتوتر : شفيك نستي اليووم الخميس ..
زينه بالستهبال : حلفي يمه يعني اول مره يصير الخميس ؟
ام نايف : بلا اهبال انا قصدي ان لميااء اختك وزوجة عمك بيجون يتغدون عندنا .
زينه : اها . يمه لمياء بتجي بس تقول ام زوجها مابتجي تعبانه شوي
ام نايف بتعب : طيب ليه ماقلت لي من اول ..
زينه : يمه انتي سألتيني .؟؟؟ بس هاذا انتي من يجي الخميس تتوترين وتسوين اكل الدنيا الحمدالله اني قلت لك ..
ام نايف : طيب روحي رتبي الغرف والحم......... قاطعتها زينه ...

زينه وهي تعد علئ اصابعها : يمه رتبت الغرف وغسلت الملابس واختي العنود غسلت الحمامات (( عزكم الله )) ومسحت الارضية . يعني بالعربي البيت يلق لق .
ام نايف : طيب ..
زينه : يمه انتي الحين موطلبتي مني اغسل وارتب؟
ام نايف : المعنى ؟
زينه : المعنى انا لبيت طلبك صح ؟
ام نايف : صح .
زينة اجل انا عندي طلب ولازم تسوينه ..
ام نايف وهي تتمسخر : وش طلب الامييرة .
زينة وهي تمسك ايد امها : تعالي معي .
ام نايف بستغراب : وين وين ؟؟
زينة : انتي تعالي معي .

دخلت زينة غرفة ام نايف .

زينة وهي تفتح الدولاب حق الملابس : يمه تعالي .
ام نايف بستغراب : وش تبين وليه فاتحه الدولاب ؟؟؟
زينه : يمه ابيك تلبسين احلى شي عندك ..
ام نايف بمسخره : وليه انشااءالله ؟؟
زينه : يعني يمه مو كل يوم تلبسين قمصان البيت . يمه ابيك تلبسين لبسه حلووه عشان ابووي يشوفك ولا يشوف غيرك .
ام نايف بخجل : وجع وش هالكلام استحي على وجهك . وبعدين ابوك عاجبه لبسي ومايبني اغير شي يعني يحبني مثل ما انا ..
زينة بترجي : عاارفة يمه بس اكيد ابووي زهق من شكلك وخجلان يقوولك عشان كذا ابيك تغيرين من شكلك شووي وتفتحين شعرك مو كله رابطته تراه ناعم مو كشه ..
ام نايف بنفعال : لا والله تبيني افتح شعري عشان يطيح في الاكل وابوك يسوي لنا مصيبه .
زينه بتعب :ياليل ... يمه حبيبتي انا ماقلت افتحي شعرك وقت الاكل او قت الطبخ افتحيه اذا كنتي مع ابووي في الغرفه او اذا كنا جالسين نسوولف ..
ام نايف بخجل : لا لا مابي استحي .
زينة بتعب : يمه حبيبتي بس اليوم عشاني لا لا مو عشاني عشان ابوووي ..
ام نايف بالستسلام : اذا عشان ابوك طيب.
زينه بفرح : واخيرا والله عشاني عشان ابوي مايهم اهم شي انك سمعتي الكلام يلا خلينا نختار احلى شي عندك ..

ولبست ام نايف احلى شي عندها وفتحت شعرها وبعد ترجي من زينه حطت لها مكياج خفيف جدا

زينه بفرح : اي يمه كذا شكلك يرد الروح ..
ام نايف بعصبية شوي : وجع انشااءالله ليه انا شكلي قبل مو حلو ..
زينه بنفعال : لا يمه شكلك قبل يهبل بس الحين احلى ..

(( في شركة ابو نايف ))


كان ابو نايف جالس على مكتبه وفجإه طق الباب :

ابو نايف : تفضل ..
السكرتير : طال عمرك في رجال يبي يقابلك اسمه عامر .
ابونايف بفرح : صدق خله يدخل .
السكرتير : حاضر ..... تفضل ..
ابو نايف بفرح : هلا والله بأبو مشعل توه مانور المكتب .
ابو مشعل : هلا فيك والله المكتب منور بوجودك يا ابونايف .
ابونايف : تسلم .... وش تشرب ؟؟
ابومشعل : قهوة ساده بدون سكر اذا مافيه مانع ..
ابو نايف : لا طبعا مافيه مانع ...... رفع السماعة وطلب 2 قهوة سادة ..


ابو مشعل : الصراحة انا جايك اليوم ابي اكلمك بموضوع ...
ابو نايف : موضوع ؟؟؟ تفضل قول ناقصك شي محتاج شي .؟؟
ابو مشعل : لا موناقصني شي الحمدالله بس انا يابو نايف ابي اخطب حق ولدي مشعل بنت من بناتك . ابيك تكون نسيبي ..
ابو نايف بفرح : والله هاذي الساعه المباركه ونعم النسب . والله ما اقول لا واكيد مشعل طالع على ابوه ..
ابومشعل : اكيد تربيتي ..
ابونايف : ونعم التربية خلاص ابشر .

ابومشعل : بس ماعليك امر نبي اكبر وحده ..
ابونايف : خلاص تم .



(( في بيت ابومشعل الساعه 2 ))

كان الكل جالس علئ طاولة الطعام :

ابو مشعل : مشعل بعد ماتخلص غدا ابيك انت وامك في مووضوع .
مشعل بستغراب : طيب ..

وخلص الغدا :
في المجلس كان موجود فيه ابومشعل ومشعل وام مشعل :

ابومشعل : اكيد تتسأل وش هالموضوع صح ؟؟
مشعل : اي صح ..
ابو مشعل : اسمع يامشعل انت الحين كبرت ومشاءالله تشتغل وموناقصك شي ولازم الرجال اذا كون نفسه يكمل نص دينه وانت مشاءالله كبرت ولازم تكمل نص دينك وتتزوج ..
مشعل : اي بس يبه انا ماعندي فلوس كافيه حق الزواج و...... قاطعه ابومشعل ...
ابومشعل : انا مستعد اتكلف بصاريف العرس والمهر والشبكة والدبله.


مشعل انصدم صدمه كبيرة ابووه الي يموووت على الفلوس بيتكلف بمصاريف ......
مشعل بفرح !: صدق يبه .!
ابومشعل : اي صدق .
مشعل في قلبه : اجل الحين بتزوج رهف بدون ما اتسلف من البنك بس كيف وهي مو راضيه ؟ راح اقنعها .

مشعل بفرح : خلاص يبه انا مستعد لزواج دامك بتدفع كل شي .
ابومشعل : كفووو وبنت الحلال انا اخترتها لك ..
مشعل بصدمه : ها! اي بس يبه انا حاط عيني على وحده بنت حلال وناس .
ابومشعل : لا يامشعل هالبنت هاذي بنت صديقي ابو نايف يعني بنت ناس وعز وفلوس ..
مشعل بصدمة : فلوس ..!!!!
ابومشعل : اي فلووس صديقي وراث من ابوه 70 مليوون ..
مشعل بعصبية : يبه تبي تبيعني عشان الفلوووس ..
ابومشعل بعصبية : استح على وجهك ولاتطول صوتك وانا ماقلت ببيعك انت بعظمة لسانك قلت انك مستعد انك تتزوج ..
مشعل بعصبية : اي بس يايبه هالزواج مصلحة صح ؟؟ مو عشاني ولا عشان سعادتي كله عشان الفلووووس .
ابومشعل بنذاله : ياغبي هاذي 70 مليون .
مشعل بعصبية وهو يقوم : اسمع يبه عاد 70 مليون 80 ملييون مايهمني زواج من بنت صديقك ماني متزووج ........... وصعد فوق.
ابومشعل بصراخ وعصبية : صدق انك ماتستسحي على وجهك بتاخد بنت ابونايف غصبن عنك فاااهم ..
ام مشعل باصبية : ابونايف مايصير الي تسوويه ولدك مايبي بنت صديقك صديقك ليه تغصبه !
ابومشعل : يالغبية هاذي 70 مليووون يعني فلووس ..
ام مشعل بعصبية خفيفه : واذ فلووس احنا وش ناقصنا ! .مالت على الفلوس و ساعتها عمرها ماكانت الفلوس حل كانت كلها دمار ..
ابو مشعل بعصبية : اقوووول بلا هذرتك الزيادة وروحي قنعي ولدك لان غير بنت صديقي مارح ياخذ فااااهمة ..
ام مشعل : لاحول ولا قوة الا بالله ..

(( في بيت بونايف ))

كان الكل جالس في المجلس ويشربون شاهي .
ابونايف : ام نايف كأنك طالعه اليوم احلئ من قبل؟

زينة ناظرة امها وابتسم..

ام نايف خجل وهي تنزل راسها؛ عيونك الحلوه. هاذي زينه الله يهديها حطت لي شوي مكياج.

ابونايف تذكر كلام ابو مشعل وحط الاستكانه علئ الطاوله وقال : اسمعووو دام كلكم مجتمعين ابي اقووولكم شي مهم ..
ام نايف : تفضل قوول .
ابونايف : اليوووم صديقي ابو مشعل جاني المكتب وقال يبي يخطب زينه حق ولده مشعل ..

اما زينه كانت تشرب شاهي ولماسمعت الخبر شرقت ..

زينه وهي تسعل : وش .؟؟ يبه وش قلت ؟
ابونايف : قلت مشعل ولد صديقي يبي يخطبك .
ام نايف بتوتر : اي بس يا ابو نايف كلنا عارفين ان زينه محجوزه حق ولد اختي خالد.
ابونايف بعصبية : لا والله ؟ تبيني اوقف نصيب بنتي عشان ولد اختك الي سافر ولا سأل عنها.
ام نايف : اي بس خالد اول مايرجع بيخطبها رسمي .
ابونايف : يخطبها ؟ انتي عارفه كم سنه ممرت من قال ذا الكلام؟
ام نايف : اي بس.............قاطعها ابو نايف.
ابونايف قفلت معاه وعصب : بس خلاص انا مو مستعد اوقف نصيب بنتي عشان السيد خالد .


زينه حست بحزززن خصوصا انها تموت علئ خالد .

زينه بخوف : يبه انا مابي اتزوج الحين وبعدين انا عندي احلام وابي احققها مابي اتزوك بالهسرعه .
ابونايف بعصبية : لا والله ؟ وانشاء تبيني اخذ رايك ؟وبعدين اي احلام اي خرابيط البنت مالها غير بيتها وعيالها.
زينه بعصبية : يبه هذا كان قبل البنت مالها الا بيتها وعيالها اما الحين الزمن تغير كل شي صار غير .
ابونايف بعصبية : لا ماتغير ... اقول بلا هذرة زايدة وتزوجي خلاص انتي كبرتي ..
زينه خلاص حست بعصبية وأول مره ترفع صوتها في وجه ابوها : يبه زواج ماني متزوجه خلاص تعبت طووول هالسنين واحنا ساكتين لك وانت جالس تتحكم في حياتنا وتعصب على اتفه االاسباب وونسكت ونقول هاذا مهما كان ابووونا بس خلاص ماعاد اقدر اتحمل وهالايام مافيه شي غصب .
ابونايف عصب عصبية قوية : ترفعين صووتك بوجهي ..... .....وعطا زينه كف قووووي ...... والكل شهق .
ام نايف بخوف : ابو نايف قوول لاإله إلا الله .
نايف بتوتر : يبه اجلس خلاص .

زينه بعصبية وهي ماسكه خدها : والله لوتعطني مليوون كف مارح اتزوج ..... وصعدت فوووق ولحقوها العنود ولمياء.
ابو نايف بعصبية وصراخ : صدق انك ماتستحين على وجهك انا الغطان الي مدلعك ..
نايف بعصبية خفيفه : يبه ليه سويت كذا البنت ماتبي تتزوج !
ام نايف : وهو صادق ابونايف فكر بالموضوع شوووي .
ابونايف بعصبية : بتتزوج يعني بتتزوج انا عطيت الرجال كلمة ..
نايفف بعصبية : يبه كيف تعطيه كلمه وانت ماشاورت زينه كيف ..
ابونايف : ليه احنا من متى نشاور البنت اذا بتتزوج وبعدين خلاص هي كبرت واذا علئ الشغل تشتغل بعد دراتها لان الشغل مو عيب بس بعد ماتتزوج.

نايف : اي بس ........ قاطعه ابونايف : لاتحاولون لاني مارح اتراجع عن قراري ...... وطلع .

(( في بيت ابومشعل وتحديدا غرفة مشعل ))

كان جالس ومنقهر مره من كلام ابوه وفجأه دخلت ام مشعل .



ام مشعل : مشعل ..... حبيبي ابوك يبي مصلحتك ..
مشعل بمسخره : مصلحتي ؟؟؟؟؟ يمه انتي متأكده انه يبي مصلحتي؟ انتي ماسمعتيه وش يقول؟ صديقه وارث 70 مليوووون يعني يبي يبعني بس عشان الفلوووس ما كأني من لحمه ودمه.
ام مشعل : مشعل حبيبي طيب انت وش بتخسر اذا تزوجتها دام ابوك بيتكفل في كل شي وانت قلت انك مستعد حق الزواج ..
مشعل بعصبية : صحيح انا مستعد بس مابي بنت صديقه ... وانا اقوول اول ماقال انه بيتكفل في كل شي قلت مستحيل ابوي يتكفل في كل شي الا اذا كان فيه شي .والحين يبي يبيعني بس عشان الفلووس ماكأني ولده ..
ام مشعل : طيب اذا ماتبي بنت صديق ابووك اجل مين تبي ؟؟؟
مشعل : يمه انا حاط عيني على وحده وهي بنت ناس محترمين وانتي تعرفينها.
ام مشعل : والله مدري وش اقوووولك شوفت عينك انا كلمة ابوك بس هو مو راضي .
مشعل : يمه خلاص انا برتاح شووي . وبكلمه بكرا يمكن يتراجع ..
ام مشعل بحزن علئ ولدها : على راحتك حبيبي يلا اخليك ....وطلعت .
مشعل بقهر : استغفرالله ..


(( في بيت ابو نايف ))

دخلت زينه الغرفة وهي مره معصبة ووراها العنود ولمياء.

زينه بعصبيه : بفصل وربي العباد . وش فيه ابووي كل شي يبيه غضب وبكيفه !
العنوود : زينه انتي ماخفتي لما طولتي صوتك في وجه ابووي ..
زينه بعصبية : لا ماخفت خلاص الى متى بنسكت ..
لمياء وهي تهديها : زينه حبيبتي هدي شووي .
زينه بعصبية : كيف تبيني اهدئ وابوووي يبي يزوجني غصب .
لمياء : طيب يمكن ابوووي يبي مصلحتك وهو عارف ان ذا الرجال الي بيسعدك في حياتك ..

وفجأه دخلت ام نايف ...

ام نايف : شدعوة كل هالعصبية عشان بتتزوجين ..
زينه بعصبية : يمه الحين انتي معاي ومع ابوووي .؟!
ام نايف : انا مع الحق .
زينه بعصبية : يمه اي حق وابوي يبي يزوجني غصب .
ام نايف : يابنتي يعني بيني وبينك انتي خلاص كبرتي والبنت مالها غير زوجها عيالها ..
زينه عصبت من هالجملة : يمه لا تقولين هالجملة تراها تنرفزني ..
لمياء : زينه طيب انتي ليه ماتبين تتزوجين ها ..؟
زينه سكتت شوي وقالت بكذب : ماااابي عندي احلام وابي احقهها واذا تزوجت مارح اقدر احققها ..
لمياء وهي عاوفه ان مو هذا السبب: حبيبيتي شووفيني حالك حالي انا ابوووي غصبني على ولد عمي وكنت كارها الموووضوع بس الحين شووفت عينك عايشين احلى عيشة .
ام نايف : وهي صادقة. زينه فكري شوي لا ترفضين بدون تفكير .
زينه : لا انتي هذاك الوقت ماكان عندك احلام كنتي بقرة .
لمياء : بقرة تاكلك ...
ام نايف : زينه فكري في الموووضوع وبعدين عطينا رايك .
زينه : وش بستفيد ... فككرت ولا مافكرت ابوي بيزوجني غصب .
ام نايف : مع ذلك لازم تفكرين احنا الحين بنطلع وانتي فكري ععلى راحتك وبكرا الصبح نكلم ابوك مرة ثانية لعلى وعسى يتراجع . يلا قومو .... طلعت العنوم وام نايف وبقت لمياء .


زينه وهي شوي وتبكي : وانتي يلا وراهم ..
لمياء بشك : زينه حطي عينك بعيني انتي ماتبين تتزوجين عشان عندك احلام ولا عشانن .......
زينه بخوف : عشان ايش ؟
لمياء : عشان خالد ولد خالتي ..
زينه بعصبية : لا مين قال اصلا انا نسيي ...........وقاطعتها لمياء بعصبية : لا والله صدق نسيتيه؟ وانا قبل اسبووع شايفتك مطلعه صورته ..
زينه بعصبية : اي مانسيته وانا مستحيل انساه ومستحيل اتزووج غيره لاني احبه افهمي احبه واموت فيه و.............وقاطعتها : تحيينه ؟؟؟ وصار لك 3 سنين تنظرينه والله لو يحبك كان جا لك من زمانن مو سافر وخلاك مربطه هينا خدعك بكم كلمه وقالك بتزوجك بعد ما ارجع من فرنسا وشوفي الحين مرت 3 سنين ..
زينه بعصبيه : انا مستعدة انتظره 10 سنين مو بس 3 سنين وبعدين انا واثقه فيه وهو وعدني ..
لمياء بعصبية : وعدك وعد كذب سافر هو وخالتي فرنسا ونسو اهلك ولا سألو عنك ... طيب قولي لي انتي مره سمعتي خالتي اتصلت عليك او علئ امي او سمعتي عنهم شي ؟؟
زينه بحزن : لا
لمياء بحنيه : زينه حبيبتي خلاص انسيه وشوفي حياتك الئ متئ بتجلسين تتنظرينه خلاص ..
زينه بعصبية ودمووع : ما ابي انساه لوو شنو يصير مابي انساه انا احبه ومتعلقه فيه ..
لمياء بعصببة وهي تقوم : بطقاق الي يطقك لاتنسيه ولا تتزوجين بعد اجلسي وعنسي عليه .... وطلعت .

زينه جلست تبكي من القهر ...


نعرفكم علئ خاااااالد ....

خالد : ولد خالت زينه طبعا رينه تحبه منذو الصغر وتموت فيه وقبل 3 سنين قال حق امه تحجزها له وطبعا زينه مره انبسطت لانها بتتزوجه و خالد سافر فرنسا واخذ امه معاه عشان يكمل دراسته وقال لهم بيرجع بعد سنه والحين مرت 3 سنين ولا رجع ولا يسمعون عنه شي وزينه متعلقه في مره ..



وبسسسس انشاءالله البارت عجبكم يلا ارئكم وتوقعاتكم

[لامارا]

سلااام شخباركم؟ قلت دامني فاضية انزل بارتين


(( البااارت الرابع ))

(( يووووووووم جديد في بيت ابو نايف الساعة 10 ))

دخلت ام نايف غرفة زينه وشافتها جالسه على السرير وحاطه يدها على خدها وعافسه وجهها وتفكر
ام نايف : زينه قووومي سووي..... ...وماكملت كلامها وقالت .: وش فيك ؟؟؟
زينه بقهر : يعني وش فيني يمه وش فيني؟ انتي عارفه .
ام نايف وهي تجلس على السرير : انتي للحين زعلانة لانك بتتزوجين ؟؟؟
زينه بحزن : اي يمه . والله مابي اتزوج مابي حرام عليكم ..
ام نايف بحزن على بنتها : حبيبتي والله اني امس قبل لا انام كلمته بس مو راضي يتراجع تعبت معاه ..
زينه بترجي : يمه الله يخليك كلميه مره ثااااانية ووعد مني اذا تراجع عن فكرة الزواج بسووي كل شغل البيت لمدة سنة .
ام نايف : ههههههههههههههههههههههههه ه
زينه : يمه ليه تضحكين مو وقتك انا بمصيبة الحين .
ام نايف : الله.. الحين الزواج سويته مصيبه ..
زينه بقهر : اي يمه مصيبة ..
ام نايف : خلاص حبيبتي مافيه امل ابوووك اذا حط شي براسه مايتراجع عنه زوجي واعرفه .. المهم انا بقووم اطبخ الغدا واليوم انتي لا تسوين شي بعطيك اجازة ..
زينه بحزن : طيب .

وطلعت ام نايف .. وفجأه رن جوال زينه بأسم جويد ..

زينة بطفش : الوو ..
جود بصدمة : الووو زوينه صدق الي سمعته من اختك ؟
زينة بقهررر : اي صدق
جود : طيب قولي وش صار؟

زينه : اسمعي وشرايك تجين اليوم العصر واقولك كل شي ..
جود : طيب خلاص اوك.
زينه : اوكي انتظرك .

(( في شركة ابو مشعل وتحديدا مكتب مشعل ))

كان جالس ويفكر بالي قاله ابوه امس وبنفس الوقت مقهوور مرة وفجأه انتفح الباب بقوة ..

نواف : صبااااح الخير ياورع ..
مشعل بعصبية شووي : بسم الله انت ماتعرف تفتح الباب شوي شوي ....!!
نواف بستغراب : طيب وش فيك عصبت وبعدين انا كل مرة افتح الباب زي كذا . قوولي وش فيك؟؟ متزاعل انت وحبيية القلب ؟
مشعل : لا مو متزاعلين .
نواف : اجل وش فيك ؟؟؟
مشعل : امس ابوي بعد الغدا قالي بكلمك بموووضوع وقالي اني كبرت ولازم اكمل نص ديني واتزوج وقال انه بيتكلف بكل مصاريف العرس ..
نواف بفرح : حلوووو خلاص اتزوج حبيبة القلب . بس تعال غريبة ابوك بيدفع كل مصاريف العرس وش الطاري ؟؟
مشعل بسخرية : تخيل قلت اني مستعد لزواج وقال ان بنت الحلال انا بختارها لك .
نواف بصدمة : نععم ؟؟ طيب مين هي ؟؟؟؟
مشعل : بنت صديقه .
نواف : طيب وش قلت له ؟؟
مشعل : طبعا رفضت ... وبعدين انت عارف اني احب رهف . و انا اول ماقالي استغربت انه بيدفع كل مصاريف العرس انا حسيت السالفه فيها شي وصح ماكذب احساسي .
نواف بنفعال : ليه وش السالفة ؟؟؟
مشعل : تخيل يقوول ان ابوها وراث 70 مليوون وابوي يبي يصير نسيبه..
نواف بصدمة : يعني كل هذا عشان فلوس ؟؟؟؟؟ يعني زواج مصلحة ..
مشعل : اي يبي يبيعني والله اني مقهوور.
نواف : لا حول !! طيب وش ناوي تسووي ...؟..
مشعل وهو يمسك وجهه : والله مدري بس اكيد اليوووم برجع اكلمه عشان يتراجع ..
نواف : الله يهديك ياعمي ..


(( في بيت ابو عبدالله وتحديدا في المجلس وكان موجود فيه لمياء وام عبدالله ))

لمياء : لا حول ..
ام عبدالله : وش فيك ؟؟
لمياء : امس ابوووي قال انه في رجال يبي يخطب زينه ..
ام عبدالله بفرح : صدق .
لمياء : اي يس زينه ماتبي تتزوج الحين وابووووي انتي تعرفينه ياخالتي غاصبها ..
ام عبدالله : غاصبها ؟؟؟ اي بس يابنيتي محد يغصب بناته على الزواج هل ايام ..
لمياء : عارفة ياخالتي بس ابووي انتي تعرفينه ..
ام عبدالله : طيب حاولو معاه انه يتراجع .
لمياء : بقووول حق امي تكلمه يمكن الله يهديه ويتراجع ..
ام عبدالله : انشاءالله ..

(( في بيت ابو نايف الساعة 4 العصر ))

دخلت جود غرفة زينه ..

زينه : توووو الناس .... وضمتها ..
جود : وش اسووي علئ ماقام اخوي ... المهم وش السالفة قوولي .
زينه : طيب ماتبين اجيب لك ماي ؟؟
جوود : لا مابي شي يلا قووولي وش صاير ؟!
زينه : طيب اسمعي ... البارح بعد ماخلصنا الغدا جلست انا والعايلة الكريمة نشرب شاهي .. وبعد دقايق تكلم الوالد العزيز وقال ان فيه رجال خطبني عاد انا في هذيك اللحظة كنت جالسة اشرب الشاهي ولما سمعت هالخبر جلست اسعل المهم وقلت حق الوالد انا مابي اتزوج الحين بعدي صغيرة جلس يقووولي صغيرة ؟؟ الي كبرك الحين جابو 10 اولاد ومدري ايش وانتي كبرتي وطول وعرض ومدري ايش المهم انا في هذيك اللحظة عصبت مره وأول مره ارفع صوتي في وجهه ..
جود بنفعال : طيب وبعدين وش صار ؟
زينه : الي صار اني رفعت صوتي في وجهه عصب ونرفز وعاطني كف محترم ..
جود وهي تشهق : احلفييييي !
زينه : والله .. وبعدين قلت له لوتعطيني اكثر من كف مارح اتزوووج وصعدت غرفتي وسمعته يقووول غصبن عليك بتتتزوجينه ..
جود بصدمه : تمزحين صح ؟؟؟
زينه بعصبية شوي : فاضية لك انا امزح ..... المهم ابي احل مابي اتزوج ..
جوود : طيب انتي ليه ماتبين تتزوجين .؟؟
زينه بحزن : خالد.
جوود بعصبية خفيفه : مالت عليك انتي لسا تفكرين فيه هالغبي والله لويبيك كان جا وتزوجك مو يسافر ويجلس 3 سنين .
زينه بعصبية : انتوو شفيكم ليه كذا ماتصبرون يمكن الولد ماقدر يجي صار عنده ظرف.
جود بعصبية : والله حبيبتي لو يبك كان جا لك من زمان مدري وش هالظرف.
زينه : المعنى ؟؟؟؟
جود : المعنى يابنت العم لازم تنسينه .
زينه بعصبية وهي شوي وتبكي : مستحيل اتزوج واحد غيره انتي ماتحسين ..
جود : والله حاسه فيك ياقلبي ... طيب واذا مرت سنه وخالد ماجا وش بتسوين؟
زينه بحزن : بحاول انساه بس الله يخليك ساعديني مابي تتزوج الحين.
جود : والله مدري وش اقوولك طيب انتي عندك حل ؟؟
زينة بعصبية : لوو عندي ماسألتك .
جوود وهي تفكر : اممممممممممممم
زينه بنفعال : بسسسسسسسس لقيت الحل ..
جود بنفعال : وشووووو ؟؟؟؟
زينه : اسمعي الحل هو اني اكلم الرجال الي بيخطبني واشرح له المووضوع واقوله اني مغصووبه واكيد هو بيتفهم الموضوع وبيتراجع ها وش رايك ؟؟؟
جود : فكرة حلووووه .... بس تعالي انتي تعرفين رقم الرجال او حتى اسمه ؟؟
زينه وهي تتذكر: اسمه كأنه اممم اي تذكرت مشعل بس رقمه ماعرفه

جود : غبيه اجل شلوون بتكلمينه ؟؟؟
زينه بتعب : اف مدررريي ..
جود بنفعال : اسمعي مافيه غير حل واحد عشان تتواصلين معاه ..
زينه بنفعال : وش هووو .؟
جود : الحل هو انك توافقين على الزواج ..
زينه بنفعال وصراخ : نعم !!!!
جود : وجعععع خليني اكمل ..
زينه بعصبية : كملي ..
جود : اسمعي الحين تروحين حق ابوووك وتقولين له انك موافقه وطبعا اكيد الرجاال بيشوفك ششوفه شرعيه صح ؟؟
زينه : والله مدري بس اتوقع.
جوود : اجل خلاص وقت الشووفه قولي له انك مغصوبه ..
زينه بحزن : اي بس ابووي مابخليني اتكلم معاه الا اذا ملكنا .
جود : اي صحح شلون نسيت هالنقطة ..
جود بنفعال : طيب وش رايك بعد ماتملكون تكلمينه وتشرحين له وضعك ..؟؟
زينه بصدمة : غبيه انتي بكون متزوجه.
جود : طيب عادي بعد ماتشرحين له وضعك واذ تفهم الوضع قولي له تفكون الخطبه.
زينه وهي تفكر ومو مقتنعه : ها لا لا ما احس الفكرة دخلت راسي.
جود : ياغبييه مافيه غير هل حل بسرعه فكري الحين ..

زينه جلست تفكر وتفكر وتذكرت خالد تذكرت الايام الحلوه الي بينهم تذكرت انها ماتقدر تعيش بدونه ولا لحضه .

جود : ها وش قلتي ؟
زينه وهي تتنهد : طيب .
جود : يلا قومي كلمي ابوك.
زينه بصدمه : الحين!
جود بعصبية : ها اجل متئ؟ قومي يلا.
زينه بحزن :طيب.

(( في بيت ابو مشعل ))

دخل مشعل البيت ..

ام مشعل : مشعل ابوك يبيك في المجلس ضروري
مشعل بتعب : طيب.

دخل مشعل المجلس ..

مشعل : السلام عليكم .
ابومشعل : وعليكم السلام .
مشعل : امي تقوووول تبيني فيه شي ؟
ابو مشعل : اي فكرت بالموضوع الي قلتك البارح ؟
مشعل : اي فكرت وجوابي مابي اتزوج بنت صديقك .
ابو مشعل بعصبية : شووف عاد طالة وشمخت خلاص ترا انا صار لي مدة ساكت لك .. اسمع عاد بتتزوج بنت صديقي يعني بتتزوجها اذا مو بطيب بالغصب فاهم .
مشعل بعصبية : لاييبه مابي اتزوجها والي تبي تسوويه سوه .
ابو مشعل بعصببة : اجل اسمع والله ثم والله ثم والله اذا ماتزوجت هالبنت وربي اني لا أتبرا منك ليوم الدين ..
مشعل بصدمة : يبه انت من جدك تتبرأ مني . لهدرجة الفلوس تهمك ؟
ابومشعل بحقار وعصبية : ومو بس كذا بطردك من البيت ومن الشركة وبقطع عنك المصروووف ..
ام مشعل : ياابومشعل وش هالكلام !
ابومشعل بعصبية : انتي مالك شغل وخلك علئ جنب ..ها يامشعل وش تختار انك تتزوج البنت ولا تتشرد في الشوارع ؟


اما مشعل عصب وصعد غرفته ..

ام مشعل بعصبية : يابو مشعل حرام الي تسوويه والله حرام ..
ابومشعل : حرام علي لاني ابي مصلحته ؟؟؟
ام مشعل بسخرية : مصلحته ؟؟؟ متأكد ؟
ابومشعل : اقوول روحي قنعيه ولا والله اخليه يتشرد في الشوارع وانا حلفت بالله .


صعدت ام مشعل ودخلت غرفة مشعل ..

ام مشعل : مشعل ..
مشعل بعصبية : يمه اذا بتتكلمين عن زواجي من هالبنت فأرجوك اسكتي .
ام مشعل : مشعل خلاص تزوج هالبنت واترك البنت الي حاط عينك عليها تروح في سبيلها .
مشعل بنفعال : مستحيل يمه انا ابيها .
ام مشعل : عااارفه بس مافيه حل ثاني انت ماسمعته وش يقووول ؟؟ بيتبرا منك وبيقطع عنك المصروف وبيطردك من البيت والشركة يعني تبي تتشرد ها؟
مشعل بحزن وقهر : اي بس ......
ام مشعل : مشعل فكر عدل طيب نقول انك رفضت الزواج من هالبنت وابوك طردك من البيت والشركة . كيف ببتزوجها من وين بتجيب المهر والبيت ها ؟


اما مشعل خلاص حس كل الدنيا صارت ضده مو عارف وش يسوي اذا اختار الشوارع مارح يقدر يتزوج حبيبة قلبه ومارح يقدر يخطبها ..

مشعل بحزن وغصه وقهر مامان يبي ينطق هالكلمة : يمه انا موافق .
ام مشعل بفرح : صدق الحمدالله.




(( في بيت ابونايف ))

نزلت زينه تحت ودخلت المجلس وكان موجود فيه ابوها ..وقبل لاتدخل : اه يارب ساعدني .. وتنهدت.

زينه بتوتر : السلام عليكم .
ابو نايف بعصببة شوي : وعليكم السلام خير وش تبين جايه ؟
زينه: يبه انا جايه اعتذر منك وابوس راسك ... واقولك اني موافقه على الزواج ..
ابوناف بفرح : صدق ...كفوو والله هاذي زينه الي اعرفها .... بس ليه لما قلتك في البدايه عارضتي ؟؟
زينه بتوتر : يعني يبه تعرف هذا زواج مو لعبه ولازم افكرر ..
ابو نايف : كفووو والله وووعد مني يازينه بكرا بشتري لك ايفون 7 ..
زينه بحزن : تسلم .


طلعت زينه من المجلس ودخلت غرفتها ..

جود بنفعال : ها وش صار ؟
زينه بحزن : وش صار يعني .. قلت له اني موافقه وانبسط كأنه هو الي بيتزوج .و الله احس اني ندامنه لاني وافقت .
جود : ندامنه ؟؟؟
زينه بنفعال : اي .. انا بروح اقوله انا مو موافقه ............ وقامت.
جود بنفعال وهي تمسك زينه : هييي مجنونة انتي نسيتي الي بنسوويه ..
زينه بحزن : والله مقهورة مرررررره ..
جود : عاارفة حبيبتي ..انتي صبري حتئ تتكلمين معه وشرحي له وضعك وانك مغصووبة وانشاءالله يتفهم الوضع ...
زينه بحزن : الله يسمع منك .

(( في بيت ابو مشعل وتحديدا غرفة مشعل ))

مشعل وهو يكلم رهف : رهف افهمي الله يخليك انا مغصوب مغصبوووب.
رهف بعصبية : لا مو مغصوب اصلا انا كنت حاسة انك كنت تلعب علي ..
مشعل بترجي : رهف لهدرجة ماتثقين فيني يعني معقولة بجلس العب عليك4 سنين.
رهف : اي لانك واحد حقير وخاين صدق والله كنت حاسه تفوو عليك ........... وقفلت الخط .
مشعل : الوووو رهف الووووو ... رمئ مشعل الجوال بكل قوووتته
.

(( يووووم جديد ))
دخل ابونايف وهو مره مبسوط وقال :

زينه يا ام نايف ..

ام نايف بخوف : لبيه ..
ابو نايف بفرح : وين زينه روحي قولي لها تجي ..
ام نايف : من عيوني ..

دخلت ام نايف غرفة زينه بقوة وشافتها جالسه علئ السرير وتفكر .

زينه نقزت : بسم الله ... يمه شفيك ؟؟
ام نايف : ابووك يبيك ضروري . .
زينه وهي تتنهد : طيب ..

نزلت زينه تحت ودخلت المجلس ..

زينه : امر يبه ؟؟
ابو نايف بفرح : اليووم جاني ابوومشعل ....


اما رينة بس سمعت اسم ابو مشعل قلبه دق من الخووووف ..

ابونايف : جاني وقال ان الملكة اسبوع الجاي يوم الخميس .

زينه حست كأن احد كب عليها ماي بارد : هاا !!

ام نايف بفرح : صدققق مبروك حبيبتي ... وباست بنتها .

زينه نزلت دمعتها غصب ونزلت راسها وقالت بحزن : الله يبارك فيك ..

ابونايف : امسكي يابنيتي هاذي 3000 الاف ريال اشتري فيهم كل شي لازمك للخطبه ..
زينه بحزن : مشكور يبه ..
ابونايف : اي صح ام نايف قوولي حق جود بنت اخوي تروح تتسوق معاها لاني عارف انهم صديقات .
ام نايف : من عيوني ..

(( في بيت ابو مشعل ))

كان مشعل جالس يناظر التلفزيون وبعد 6 دقايق دخل ابوه ..

ابوومشعل : السلام عليكم .
مشعل وهو يناظر التلفزيون : وعليكم السلام ..
ابومشعل : مشعل اليوووم قلت حق ابونايف ان الملكة يوم الخميس اسبوع الجاي ..
مشعل بعصبية وصدمة : نعممم ؟؟؟؟ وليه ماقلت لي وليه ماستشرتني ؟؟؟
ابو مشعل : ماله داعي ..
مشعل بعصبية : ماله داعي ؟؟؟؟ ليه مين الي بيتزوج انا ولا انت ..؟
ابومشعل بعصبية : استح على وجهك ولاتكلمني بالهطريقة .
مشعل بعصبية : يبه كفاية انك تبي تزوجني غصب والحين قررت يوم الملكة بكيفك ..
ابومشعل بعصبية : والله يامشعل اذا قلت كلمة زيادة بدق على ابونايف وبقووله يقدم الملكة ...

اما مشعل عصب وصعد غرفته ..

(( في بيت ابو نايف الساعه 4 ))

دخلت جود وشافت زينه جالسه علئ السرير ومعصبة ..

جود : زويز .
زينه صحت من تفكيرها : بسم الله انتي من وين جيتي ؟؟؟
جود بعصبية خيفيفه : انا ابي اعرف وين جوالك تعبت وانا اتصل عليك ؟؟
زينه : جوالي طافي ومالي خلق اشحنه .... طيب انتي غريبه وش جابك ؟؟
جود : امك اتصلت علي وقالت اجي اتسوق معك اليووم ..
زينه بحزن وقهر : اها ..
جود : اف خلاص عاد بسك نكد .
زينه انفجرت عصبية وشوية دموع ماقدرت تكتم اكثر : اصلا انتي مو حاسه فيني لو كنتي مكاني وش بتسوين ها قووولي .
جود وهي تضم زينه : زينه حبيبتي والله اني حاسه فيك وحاسه انك منقهرة ومو متقبله .
زينه بعصبية : المشكلة ان ابووي مبسوط مررره ولا كانه صاير شي مو حاس فيني تصدقين حتى امي مبسوطة مو حاسه فيني ..
جود : لا يازينه لا تقولين كذا اكيد امك حاسه فيك وتبي تجلس معاك وتواسيك بس ماتبي تبين لك انها زعلانه عشان ما تخليك تبكين ..
زينه صارت عيونها حمر من الدموع : صدق ..
جود وهي تمسح دموع زينه : اي حبيبتي اصلا مافيه ام في الدنيا ماتخاف على بنتها بس امك مو قادرة تسووي شي بسبب عمي . وبعدين لاتنسن الي بتسوينه بعد الملكة انشاءالله اذا كلمتيه بيتفهم الوضع ..
زينه بحزن : انشاءالله ..
جود : اي صح اسمعي ... انا قلت حق السواق يودينا السوق بعد صلاة المغرب. زينه بستهبال : وش رايك اروح له بالبجامه ..
جود وهي تضحك : هههههههههههههههه مجنونه احين انتي زعلانه وتمزحين .
زينه : هههههههههههههه طيب نبي نخلص كل الاغراض في يووم لاني مابي ارجع مرة ثانيه .
جود : انشاءالله ..

ك(( في البحر ))

كان مشعل جالس على الرمل يفكر وبعد ثلاث ساعات جا نواف .

نواف : السلام عليكم ..
مشعل : وعليكم السلام ..
نواف وهو يجلس جمب مشعل : ها وش عندك جالس عند البحر ؟
مشعل وهو يتنهد بقوة : ااااااااااه تصدق من اشوف البحر نفسيتي ترتاح ..
نواف وهو يناظر البحر : اي والله بس المشكلة ان الرياض مافيها بحر ولازم نسوق ثلاث ساعات عشان نشوفه ... سبحان الله ........ المهم قوولي وش صار ؟؟؟؟؟؟
مشعل بقهر : تصدق اليوووم الظهر جا ابووي ويقول ان الملكة اسبوع الجاي يوم الخميس والي قاهرني انه ماقالي ولا شي كأنه هو الي بيتزوج مو انا .
نواف : لا حول ... طيب ورهف وش صار عليها قلت لها ؟؟؟
مشعل بحزن : رهف ؟ اصلا رهف سكرت بوجهي لما قلتها ..
نواف : اكيد بتسكر بوجهك ..
مشعل : المشكلة انها ماسمعتني وش بقووول ما خلتني افهمها ..
نواف وهي يحط ايده على كتف مشعل : ماعليه وش تسوي بعد ..
مشعل بقهر : اسمعع انا قررت اذاا تزوجتها شهر او شهرين وبطلقها ..
نواف بصدمة : مجنوون انت وش ذنبها البنت حرام .
مشعل بحقاره : والله مو مشكلتي محد قالها توافق انا اوويها بس ..
نواف : مشعل بلا هالكلام الفاضي ! وش دخل البنت !
مشعل بعصبية : نواف تراني مقهور ومعصب لا تخليني اطلع كل حرتي فيك .
نواف : استغفرالله .

(( في السووووق الساعه 7 ))

العنود : زيونه وش رايك بذا الفستان ؟؟
زينه وهي مالها خلق : ها . اي اي حلو .
جود : حلو ؟؟ اصلا انتي شفتيه ناظري الفستان ..
جود بعصبية : خلاص قلت لكم حلووو ..
العنود : وجع اسكتي فشلتينا .
جود : اقووول العنود اختاري انت لها الفستان وبعد ماتخلصين تعالي ذا الكافيه ..
العنود : طيب ..

طلعت جود وزينه من المحل ودخلو كافيه ..

جود : زينه وش فيك ؟
زينه وهي شوي وتبكي : اه ياجود احس اني بختنق مو قادرة اكمل .
جود : اسم الله عليك حبيبتي ماعليه تحملي كلها كم يوووم وانشاءالله نقدر نكلمه .
زينه : انشاءالله ..
جود : تبين اطلب لك عصير يبرد علئ قلبك ؟
زينه وهي مالها خلق : لا مالي نفس شي .
جود بمزح : طيب قوومي نشوووف وش سوووت اختك في الفستان لا الحين تختار لك شماطيط ..
زينه : هههههههههههههه مجنونه ضحكتيني وانا ما ابي اضحك ..
جود : اي حبييتي ضحكي انشاءالله هالمشكلة بتنحل ..
زينه بترجي : اه انشاءالله يارب انها تنحل والله ياجود اذا نحلت هالمشكلة بصوووووم 5 ايام وبصلي ركعتين ..
جود : وانابعد .... يلا قووومي ..
زينه : يلا ..



وبسسسسس ان شاءالله البارت عجبكم ردروكم وتوقعاتكم

[لامارا]

(( البارت الخامس ))


يووووم جديد وابطالنا كل واحد
مو طايق الثاني حتئ قبل مايشووفو بعض ..

((في بيت ابو نايف ))

دخل ابونايف وهو ينادي :

ايو نايف : ياعيال يا ام نايف وينكم .
ام نايف وهي تركض : لبيه امر ؟
زينه والعنود : هلا يبه .
ابو نايف : اسمعو اليووم جايين اهل ابومشعل عشان يخطبون زينه رسمي

اما زينه اول ماسمعت هالخبر حست بغصه وكأنه احد كاب ماي بارد وجمدها من الخوف والقهر .

ام نايف بفرح : صدق هاذي الساعه المباركه..
ابونايف : متئ تبينهم يجون العصر ولا المغرب ؟
ام نايف : لا المغرب افضل ..
ابونايف : خلاص تم ..

اما زينه بسرعه صعدت فووق وورها العنود :

زينه دخلت غرفتها :

زينه وهي تبكي : يعني خلاص بتزوج خلاص .
العنود زعلانه علئ : ياحبيبتي لاتزعلين والله لو اقدر اسوي لك شي كان سويت لك .
زينه. هي للحين تبكي : طيب لييه كذا ابوووي يغصبني علئ شي انا مابيه ليه ليه ..
العنود وهي تضم اختها :حبيبتي وش نسوي بعد تحملي يابعدي وبعدين ماتدرين يمكن هالرجال بيسعدك .
زينه وهي ترفع وجهها وعيونها مليانه دموع وقالت بكل صراحه وحب : محد بيسعدني غير خالد ..
العنود انصدمت : وشووو !!!! انتي مانسيته هالحقير تركك وراه ولا يدري عنك .
زينه وهي تبكي : العنود اترجاك لا تقولين كذا عن الولد طيب يمكن عنده ظروفه .

اما العنود عورها قلبها علئ زينه وسكتت وفجأه سمعت امها تناديها :

العنود : طيب يمه جايه ... حبيبتي لاتبكين اسمعي كلامي هالمره وانسي خالد وعيشي حياتك ....وطلعت .

اما زينه انهارت وهي تبكي وتذكرت الذكريات الي مع خالدد انها ماتقدر تعيش من دوونه صار لها 3 سنين تنتظره وفتحت الدرج وطلعت صوورته وقالت : وينك يا خالد ابووي بيزوجني غصب وينك تعال اخذني مابي غيرك وضمت الصوره ودموعها تنزل .


نجي الئ بيت ثاني ولامره نطينا علئ سطحه

اميره : يمه طفش ياخي خلينا نروح خالتي وبعدين اشتقت حق زووين والعنود واختهم لمياء ..
بيادر بشتياق : اي والله يمه مره اشتقت لهم خلينا نزورهم ونبارك حق زوز علئ خطبتها.
ام ياسر : ااف وش هالحنه اسكتوو شوي خلاص بكرا اشوف اتصل علييهم .
بيادر بفرح : صدق اوك ..
اميره : اه قد ايش مشتاقه حق زوينه والعنود .
بيادر : اي والله اشتقت حق هبالنا مره ..
اميره : هههههههههههههه اي والله اتذكر شكل زووينه وانا اطقق عليها وهي تشووف الافلام الهندية والمسلسلات الكوريه.
بيادر : ههههههههههههههههههههههه عاد زووووينه تموت علئ الافلام الهندية والمسلسلات الكووريه اكثر ..
اميره : هههههههههههه اي والله بس تصدقين البارح لما كلمتها حسيتها مو طبيعية ..
بيادر : كيف يعني؟؟
اميره : مدري احسها مو علئ طبيعتها .
بيادر بشك : اكيد فيها شي زوين واعرفها .
اميره ؛: والله مدري اذا رحنا بكرا اسألها .
بيادر : اوك .

المغرب الساعه 8 :


(( نعرف العايلة الجديده ))

ابوياسر : رجال متزوج وعنده بنتين وولد. عمره 48
ام ياسر : (( نسرين )) اخت ام نايف طيبه وحنونه عمرها 44

(( عيالهم ))

ياسر : ولد جميل شعره اسود عمره 25
اميره: بنت حلووه شعرها كيرلي عمرها 22
بيادر : بنت حلوه ومرجوجه عمرها 20

(( في بيت ابو مشعل ))
نزلت ام مشعل وهي لابسه العبايه ومعاها عبير.


مشعل : يمه وين رايحة ؟
ام مشعل : بنروح نششوف زوجتك المستقبليه .

اما مشعل لما سمع طاريها تضايق وقال : ياشين ماطريتي .
ام مشعل : عيب يمه هاذي بتصير زوجتك .
مشعل بعصبية : وانتي قلتيها بتصير يعني للحين ماصارت يعني كيفي اسبها بس خلها تجي عندي والله لاوريها هي الي جنت علئ نفسها .
عبير بقهر من كلام اخوها : شنو يعني وش بتسوي فيها بتضربها .!
ام مشعل ؛ مشعل خلاص .
مشعل : وليه اسكت ابووي غاصبني علئ شي انا ما ابيه ..... وصعد .
عبير : يمه كيف بنروح نخطب له البنت وهو كارها مجننون ترا .
ام مشعل وهي زعلانه : والله وش اسووي مو بيدي الشي هذا شور ابوك وبعدين لا تخافين انشاءالله بيعقل اذا تزوج .
عبير في قلبها : والله ماظنتي بيعقل دام هالمغروره وراه ....يلا يمه السايق بره .
ام مشعل : يلا .

دخلت ام نايف وورها جود غرفة زينه وهي الئ الان مالبست :

ام نايف بعصبية: وجععع زوين الحين بتجي ام مشعل وانتي للحين مالبستي !
زينه بعصبية وهي تقلد امها : ام مشعل حتئ اسمه خاييس مثل وجهه اكيد .
ام نايف بنفاذ صبر : اقوول بلا فلسفه وقومي البسي واستحي علئ وجهك .. جود حبيبتي ساعدي هالغبية بروح اشووف القهوة.......... وطلعت .
زينه بعصبية : بس هاذا الي يهمك القوه والشاهي اما انا لا ..
جود وهي تضرب زينه بخفيف : هيي استحي علئ وجهك هاذي امك ..
زينه بعصبية : لان محد عاجبه هالوضع الي زي الخرا ..
جود : عارفه ان محد عاجبه انك تتزوجين بالغصب بس وش نسووي غصبن عنا وبعدين انتي شفيك كل شووي ولك راي نسيتي الي بنسوويه تفألي بالخير خلاص واصبري.
زينه حست علئ نفسها : اه طيب بالصبر وبشوووف وش اخرتها .
جود : طيب حبيبتي يلا قوومي البسي .
زينه وهي تبتسم وتتنهد : طيب.

عند مشعل وهو للحين جالس يتصل علئ ست الحسن رهف ..

مشعل : الووو رهف واخيرا رديتي رهف اسمعيني الله يخليك انا مغ.......قاطعته بنذاله : طيب خلاص لا تعيد لي الاسطوانه المهم اذا تبيني اسامحك عندي شرط ..
مشعل : انا موافق قوولي وش شرطك ؟؟
رهف بحقاره : بعد مايمر ثلاث شهور تطلقها ..
مشعل : من عيووني اصلا انا من قبل قلت بس يمر ثلاث شهور وبطلقها بس انا تزوجتها عشان ابووي غاصبني ولا والله انا مابيها ها للحين زعلانه ؟
رهف بحقاره : اي تبيني ارضا .
مشعل : اكيددد .
رهق بحقاره : ابيك تشتريلي طقم ذهب لان الي سويته فيني مو شوي.

مشعل استغرب من طلبها بس موكثير لان هي مو اول مره تطلب طقم او خاتم .
مشعل : من عيوني عشر دقايق ويكون عندك ..
رهف بفرح ؛ اوك ..

عند زينه :

جود : واو طالعه جنااان ..
زينه : اي بس مو كأنه الفستان مبالغ فيه وبعدين نسيتي ان احنا بنفركش السالفه ..
جود : اششش اسكتي لحد يسمعك عارفه ان احنا بنفركش السالفه بس امك هي الي قالت البسك احلئ شي وبعدين الفستان مو مبالغ فيه يجنن وماعليه كلام ..

زينه بمزح : قلت لك اروح بالبجامه ازين
جود وهي تضحك : ههههههههههههههههههههههعهه ههههههههههه بلا غباء ..

طبعا زينه كانت لابسه كذا :





ومسويه شعرها ويع¤ وحطت مكياج خفيف وحمرت خدودها وروج لحمي ..

عند ام نايف :
كانت تتنتظر ام مشعل وفجأه سمعت الجرس وراحت افتحت الباب ...

ام نايف : يا هلا ومرحبا توه مانور البيت .
ام مشعل : يا هلا فيك البيت منور بأصاحبه الا انتي ام نايف .
ام نايف : اي انا وانتي ام مشعل ..
ام مشعل : اي حبيبتي انا وهاذي بنتي عبير ..
ام نتيف وهي تبوس عبير : هلا حبيبتي تفضلوو تفضلوو .
ام مشعل : زاد فضلك .
ام نايف : الله يسلمك طمنيني كيفك وكيف عيالك .
ام مشعل : والله كلنا بخير .... مشاءالله بيتكم جميل ..
ام نايف : تسلمين .
ام مشعل : عاد سامحينا اذا جينا في وقت غير مناسب ..
ام نايف : لا وش هاالكلام انتو تشرفونا بأي وقت ومن هالحظة اعتبرو ان البيت بيتكم ..
ام مشعل : اي عاد الحين بنصير نسايب .


وجلسووو يسوولفون ربع ساعه :

ام مشعل : اجل وين عروستنا ماتبي تبين الا وش اسمها .؟
ام نايف : هههههه اسمها زينه .. بقوم اشوفها .

صعدت ام نايف ودخلت غرفة زينه :

ام نايف : يلا ام مشعل و.........ماكملت .

ام نايف وهي منبهرة من جمال بنتها : مشاءالله تبارك الرحمن...... وباست بنتها طالعه ملاك عقبال ما اشوفك عرووس .

زينه : تسلمين يمه ..
جود : خالتي وصلت ام مشعل ؟
ام نايف : اي وصلت .. يلا زينه تعالي ..
جود : يلا روحي ..
زينه وهي تتنهد : اوك

نزلت زينه مع امها وهي منزلها راسها وخلهالها الي حاطته في رجلها يرن مع نزلتها الناعمه.... وفي نص النزله كانت بتطيح بس ام مشعل مسكتها


ام مشعل انبهرت من جمالها وعبير بعد انبهرت وماصدقت جمالها الطفوولي البريئ ..

ام مشعل : مشاءالله تبارك الرحمن ملاك ...... وباست زينه وقالت : كيفك يابنتي عساك بخير.
زينه بخجل وهي مفتشله لانها كانت بتطيح : بخير الحمدالله ..
عبير : كيفيك زوجة اخوووي المستقبله .

زينه في قلبها : انشاءالله مابكون زوجة اخوك .... بخير .
ام مشعل : تعالي اجلسي جمبي ...

وجلست زينه :

ام مشعل : مشاءالله جميله مثل الملاك وين كنتي مخبية بنتك عنا ..
ام نايف : ههههههههه تسلمين حبيبتي انتي احلئ ..
ام مشعل بمزح : لا انا شبابي راح الباقي حق بناتنا ..
ام نايف : اي والله صدقتي ..
ام مشعلل : بس لا والله مشاء الله بنتك مثل القمرر مشعل بيموت فيها .

زينه اول ماسمعت اسمه لاعة كبدها وقالت : يعععع

عبير : قلتي شي ؟
زينه : ها لا ماقالت شي .
عبير : بس والله انك ملاك .
زينه : تسلميييين ..من ذوقكك .
عبير : المهم انا عبير .
زينه : تشرفنا وانا زينه .
عبير : تشرفنا .... وش تدرسين ؟

زينه : انا اخر كورس في الجامعه .
عبير بصدمة : احلفيييي والله فكرتك في اول ثانوي وجهك طفولي .
زينه : يوو حتئ انتي ليه تقولين وجهي طفوولي انتي واخوي وخواتي .
عبير انبسط علئ كلامها : ههههههههههههههههههههههههه هه والله وجهك طفوولي .
زينه : نننننننننن
عبير انفجرت ضحك علئ حركتها : ههههههههههههههههههههههه
زينه وهي تضحك : هههههههههه طيب انتي وش تدرسين ؟
عبير : انا ثاني سنة جامعه .
زينه : اها بالتوفيق .
عبير : وياك حبيبتي بس والله بدون مجاملة انتي مره مره مره حلوه ..
زينه بخجل : تسلمين عيوونك الحلوه ..

وجلسووو يسووولفون وصارت الساعه 11

ام مشعل : يلا احنا نستأذن السايق بره .
ام نايف : توه الناس اجلسوو والله ان قعدتكم ماتنمل .
ام مشعل : والله انتو اكثر والله انكم ناس طيبين وانا مره مبسطوة لان احنا بنكون نسايب وخصوصا ان البنت مثل الملاك الحمدالله ان حنا شفناها قبل غيرنا.
ام نايف : تسلمين وانتو بعد تهبلوون.
ام مشعل : تسلمين..... ولفت علئ زينه :

اه متئ يجي اليووم الي تدخلين البيت وتكونين زوجة مشعل ..
زينه في قلبها : انشاءالله مارح اصير ..

ام مشعل : ههههههههه استحت الجميله وباستها .... اي صح اسمعوو الملكة يووم الخميس ها زييونه شريتي اغراض الخطبه ؟
زينه ببتسامه : اي شريت امس .
ام مشعل : اي الحمدالله ... يلا احنا نستأذن يلا عبير ..

عبير وهي تسلم علئ زينه : يلا باي ولاتنسين تضيفيني واتسس اوكك
زينه : هههههههه اوك ولا يهمك .

طلعت ام مشعل وركبت السياره مع عبير :

ام مشعل بفرح : والله انهم ناس طيبين وعلئ نياتهم ولا زيونه تهبل مشاءلله مثل الملاك يابخت مشعل فيها .
عبير : اي والله وانتي صادقه بس انشاءالله مشعل يحس بقيمة زينه والله انها بنت جميله واسلوبها اجمل .
ام مشعل : لا انشاأالله بيعقل اذا شافها ..


عند زينه في الغرفه ::

جود : هااااا بشرري !!
زينه بخووف : بسم الله انتي مارحتي ؟
جود : لا مارحت قوولي وش صار ؟؟؟
زينه وهي تفصخ حلقها : ماصار شي .
جود بحماس : هيييي يلا عاد قولي .
زينه : ههههههههههه طيب والله امه واخته يهبلووون ناس طيبين ويجننون
واخته اجمل تهبل هبله مثلنا و انشاءالله اخوهم يطلع حبوووب مثلهم ويفهم موقفي.

جود : لا انشاء الله بيطلع مثلهم . المهم وش راي امه فيك ؟
زينه وهي تسرح شعرها : اووه امه خاقه علي وكل شووي تقوول جميله وملاك ومدري ايش.
جود : واوو يعني خقت عليك .
زينه : مررره قلت لك اروح لهم بالباجمه اطلق ..
جود : هههههههههههههه غبيه ..المهم قولي وش اسم اخته وش سولفتو عنه ووين تدرس يلا قولي .
زينه : وجعع شوي شوي وش فيك متحمسه ؟؟؟
جود والحماس بيقتلها : يلا قولي ..
زينه : ههههههههههههههههههه طيب البنت اسمها عبير وووووووو.....



وجلسوووو يسوولفون

(( في بيت ابو عبدالله ))

لمياء وهي تكلم امها : ها يمه بشري وش صار ؟؟
ام نايف : ماصار شي جات ام مشعل وشافت زينه ومااتت عليها بس والله انها حرمه ونعم فيها اسلووب وذوق مشاءالله عليها ..
لمياء : طيب وزينه وش ردت فعلها ؟
ام نايف : والله مدري اول ماراحو صعدت فووق. اي صح عطيني ام عبدالله بقوولها عن خطبة زينه .
لمياء : اوك .... خالتي امي تبي تكلمك.
ام عبدالله : الوووو هلا والله ام نايف كيفك شخبارك ؟
ام نايف : بخيررر الحمدالله . اسمعي اليووم جات ام مشعل وشافت زينه والملكة يوم الخميس ابيكم تتفضلون .
ام عبدالله : صدققق مبرروك حبيبتي وعقبال العنود ونايف ..
ام نايف : تسليمن حبيبتي وعقبال جود... المهم تعالو كلكم الملكه وعزمي خواتك والي يعز عليك وخليهم يجوون ..
ام عبدالله : انشاءالله من عيووني .
ام نايف : يلا ماطول عليك مع السلامة ..


(( في بيت ابو مشعل ))

دخلت ام مشعل وعبير البيت وشافو مشعل جالس. .

ام مشعل : ها حبيبي قاعد .. المهم اسمع والله ياوليدي ان البنت مثل الملاك وتجننن ومافيه مثلها عسل عسل مشاءالله عليهاا تهبل الله يحفظها مثل القمر .

مشعل مستغرب اول مره امه تمدح بنت كذا :

مشعل بمسخره : شدعووة حسستيني انجلينا جولي.
نقزت عبير : والله ثم والله انها احلئ من انجلينا وبدن ماتحس قالت : واحلئ من رهف مليوون مره. .
ام مشعل : مين رهف ؟؟

مشعل عطا اخته نظره قوويه بمعنئ اسكتي ..

عبير خافت ؛ ها يمه رهف الممثله.
ام مشعل : المهم مشعل والله البنت مثل الملاك أدب واخلاق مشاءالله عليها .
مشعل بعصببة : يمه والله لو كانت البنت اجمل وحده مابيها لاني مغصووب عليها وراح اكرها طوول عمري ...... وصعد غرفته ..
عبير في قلبها : مالت عليه كله من هالحقير ة عاميته وعاميه قلبه اه بس ليتني ماعزمتها علئ بيتنا هذاك اليوم مدري وش خق عليه اه بس ابيه يشوووف زينه وتصرفاتها الحلوه واخلاقها مو مثل هالحقير اخلاقها زفت بس انا اوريها هالزلابه هاذي .
.ام مشعل : الله يهديك بس .

دخل مشعل الغرفة وسكر الباب بقوة ....

مشعل بعصبيه : ليه يصير كذا ليه انا وش سويت في حياتي ليه تغصبني علئ شي انا ما ابيه لييييه ... هين والله لاذبح بنت صديقكك هاذي الي زاعجني عليها مارح اخليها تتنهئ في حياتها.





وبسسسسسسسس انتهئ البارت ان شاءالله عجبكم. .. يلا توقعاتكم

[bobosty2005]

روايه جميله منتظرين القادم لنرى حكايه زينه و مشعل بالتوفيق عزيزتى👍

[لامارا]

(( البارت السابع ))

فتحت زينه الباب وتفاجأة من الي شافته :

زينه بفرح بشهقة مو مصدقه من زمان مو شايفتهم : ماصدق ....هلا والله بخالتي وبناتها ..
بيادر وهي تضم زينه : هلا فيكً يابعد قلبي اشتقت لك يازق ..
ام ياسر : وجع استحي علئ وجهك وابعدي عنها خلني اسلم عليها .... وباست خد زينه شخبارك حبيبتي عساك طيبه مبروكك الخطبه ..
زينه فيي قلبها : لا حوول انشاءالله يصير شي يخرب هالخطبة ابلشوني فيها اف ..... الله يبارك فيك ..
جات اميرة وضمت زينه : شخبارك والله اني اشتقت لك مبروووك حبيبتي ..
زينه : هههه الله يبارك فيك يابعدي وانا بعد اشتقت لك مره ... تفضلو

ودخلو داخل وجلسو يسولفون وشوي وجات العنود وسلمت عليها وجابو الشاي والقهوة والحب والمكسرات ..



ام نايف : اقول ام ياسر وش اخبار ام ناصر ؟؟
ام ياسر : يووه ياشين ماطريتي ..
زينه بنفعال : اي والله صدقتي ياخالتي. يمه وش تبين تسألين عنها هالحرمه ماتنبلع انا ماصدقت ان احنا افتكينا منها واقفه هينا..... واشرت علئ حلقها ..
العنود بنفعال : اي والله لازقه لزقه مو طبيعه والله اشكر ربي واحمده الف مرره عشان انتقلنا من بيتنا القديم اف كنا عايشيين في ضيمم وظلايم ..
ام نايف : هههههه لا مسكينة الحرمة ماسوت شي. .
العنود بنفعال : ايششششش !! يمه حرام عليك وش مسكينة اه من اتذكرها تلوع كبدي ..
اميرة بنفعال : ليه وش تسوي . ؟
العنود بنفعال : اوه اوه اوه قولي وش ماتسوي ... زينه قولي لهم وش تسوي مابي ابي اعور قلبي ..
زينه وهي تحط الشاهي وتتربع وتحرك ايدها : اسمعي يابنت الحلال اول شي كانت تجي عندنا كل صبح وتزعجنا وتفطر عنددنا وتتغدئ وبعد ماتخلص غدا تقول متئ بتضيفونا ..

اميرة وبيادر : ايشششششش ..!!!!
بيادر : ليه الفطور والغدئ ماكفها ؟؟ صدق طراره وتتشرط.
العنود : لا ياختي بلاعه مشاءالله عليها ولا طريقة اكلها .... استغفرالله مدري وش اقول اكره اكل معاها ..
زينه : ولا والي قاهرني اكثر ان امي تعطيها وجهه ..
ام نايف : يعني وش تبيني اسوي اطرد؟ الحرمة مسكينة وبعدين هاذي جارتنا ما اقدر اقولها شي ..
البنات : ليه !!!!!
بيادر : ليه ياخالتي الي مثلها المفروض تطريدينهم ياخي لزقة كيف تحمليتيها طول هالسينين ..
ام نايف بنفعال : يووه تبيني اطردها؟ والله ولا اتجرأ اسويها. .
اميره : ليه ياخالتي ..
زينه : انا اقوووولك ليه يابنت الخالة اذا امي طردت الملكة ام ناصر اولا بتعصب وبتطفش امي وبتسمعها كلام يجرح. ثانيا اول ماتطلع من بيتنا بتروح حق الجيران كلهم وبتقول لهم ان امي اطردتها من بيتنا وبتحط كلام زود من عندها يعني بتزيد بهارات في الكلام وبتقول لهم كلام امي اساسا ماقالته عشان كذا امي تحملتها كل هالسنين ...
اميره بصدمه : وجععععع عليها من حرمة الحمدالله انك افتكيتي منها ياخالتي ..
ام ياسر : اي والله كانت مطفشتك ومطفشه اهلك ياختي الحمدالله ان الله عطاكم بيت هينا وافتيكتو منهاووبيني وبينك زين انك ماطردتيها كان الحين سوت لك مشكلة ماً لها اول ولا اخر ..
زينه : اي والله ياخالتي كانت عباره عن كابوس ..
العنود : اي والله وهالكابوس كان كل يوم يجينا كل صبح ومايطلع الا في الليل ..
اميره وبيادر : ههههههههههههههههههههههههه ههههههههههههههههههههه .
ام نايف : اي الحمدالله افتكينا منها ... بقول لكم شي بس لاتعصبون ..
الكل ؛ وشو ؟؟
ام نايف : انا عزمتها علئ خطبت زينه .
الكل : ايشششششششش !!!!
زينه بنفعال : تمزحيين صح ؟؟؟؟؟؟؟
ام ياسر بنفعال : وليه عزمتيها والله الحين بتلزق فيك مثل قبل ..
ام نايف : انا ماكنت ابي اعزمها بس امس كنت طالعه رايحه بيت ام ابراهيم عاد انتو تعرفون بيتها جمب بيت ام ابراهيم وانا داخله شفتها هناك وعزمت ام ابراهيم وهي اسمعتني وقلت لها تفضلي.
زينه وهي تمسك وجهها : اه يمه بتذبحيني ...
ام نايف : وجهعع وش هالاكلام خلاص عزمتها يعني تبوني اتصل عليها واقول لها لاتجين ..
ان ياسر : لا لا خلاص ماعليك منهم اصلا مب تقدر تجي بيتكم كل يوم لان بيتها بعيد مره عن بيتكم المهم اسمعي .... وجلسوو يسولفون ..

بيادر : المهم اتركونا من ام ناصر .. اقوول زوز ..
زينه وهي تاكل حب : لبيه.
بيادر : لبئ قلبك شريت اغراض الخطبه ؟
زينه في قلبها : اه هالخطبه مره ثانيه ....
اي الحمدالله خلصت وانتو ؟
بيادر : اي امس طلعت انا واميره السوووق يالبيه والله الفساتين مرررره حلوه ..
اميره : اي والله تجنننن انشاءالله في عرسك بشتري من هناك ..
زينه في قلبها : هههه اذا صار عرس في الاساسس ..

اميره : واو ما صدق الخطبه بعد بكرا ...
زينه في قلبها : يعععع الله يعين ...اي الوقت يمر بسرعه ..
العنود بنفعال : بنااااااااات .
الكل : هلا ..
العنود وهي ماسكه الجوال : شوفو ذا المكياج مررررره ناعم انشاءالله راح اسويه في عرس زوين ..
زينه بمسخره وبين نفسها : هذا اذا استمر .. اه متئ بس ينتهي هالشي اف احسه خانقني .... وصحت علئ صوت العنود..

العنود : زينه زينه ..
زينه : ها هلا ..
العنود : شوفي المكياج ..
زينه وهي تضحك بخفيف : اي ها اشوف ..
بيادر : مرره حلووو يجنن ناعم ..
زينه حبتتغير الجو البيض : بنات قومو نرقص هندي .
بيادر : ههههههههههههههه وجع وش هالشطحه انصاف اليالي وبًعدين انا ما اعرف ارقص هندي ..
زينه : اولا ياحبيبتي الحين الساعه 9 مو نص الليل ثانيا اذا ماتعرفين تتعلمين ..
اميره : ترا انا بعد ماعرف انا خليني اظبط الرقص العادي عشان ارقص هندي .
العنود : والله انا تعودت من كثر ما اشوفها ترقص وتحرك خصرهاا وجع خصر. .
زينه بنفعال : وجعععع قولي مشاءالله لاتعطيني عين ..
العنود : هههههههههههههه مشاءالله تبارك الرحمن تف تف .
زينه : عليك وعلئ االي عرفني عليك . امزح امزح .. الزبده يلا قومو غرفتي .
العنوود : هههههههههههههههههه وجع وش الي عليك وعلئ الي عرفني عليك انا ماتفلت عليك يالغبيه من وين جايبه هالسبه ..
زينه : ههه سر المهنه .. المهم قومو يلا .
بيادر : ياابوي ما اعرف ..
زينه : تتعلمين انا اعلمك قومي يلا ...

وراحو الرباعي المرح يرقصون هندي.. انصحكم تيم ون اغنية هندية عشان تعيشون الجو حبيت احط لكم بس ماعرفت كيف (( الي تعرف كيف احط مقطع صوتي تعلمني يابنات وشكرا

الزبده بدت الزينه تحرك خصرها يمين ويسار وايدها ورقبتها ...

والبنات يحاولون يقلدونها بس مو عارفين كيف ..

بيادر بنفعال : وجععععع كيف تعرفين تحركين خصررك .
اميره : صادقه ماعرف .
زينه وهي تحرك خصرها وترفع ايدها وترقص : كذا شووووفو حروكوه يمين ويسار . ترا سهل.
العنود : صعبببب .

زينه بدت تحرك خصرها بقوة وترقص والبنات مو عارفين كيف وزينه عايشه جوها وترقص وترحك جسمها في عالم ثاني
اميره بدت تجرب بس ماعرفت وبيادر شوي. .. وكملو رقص واستهبال وضحك وتسدح من الضحك و وو و و



اه وخلص اليووووم بعد رقص وتعب وضحك وحش .. اطلعت ام ياسر وبناتها.وراحو بيتهم وزينه والعنود بعد مارتبو الصالة والمجلس والبيت وغسيل مواعيين راحو ينامون بعد تعب طوويل ....وارهاق . ونجي حق مشعل لاهي مع حبيبته وسكر منها وانسدح وتذكر صوت زينه الطفولي بس مقهور من داخله لانه بيتزوج غصب عنه بدا يفكر وش بيصر خلال الخطبة هل في شي بيوقفها او لا؟ كان عقله مليان افكار وش بتكون مشاعر رهف اذا تزوج هل بتتغير ولا ؟ وجلس يتوعد في زينه مسكينة ... (صدق مايستحي قوات عينه بعد) نجي حق لمياء لاهيه مع زوجها عبدالله الي كل يوم داخل البيت وجايب مععاه هدية حق زوجتته وجود تتمسخر علئ رومنسيتهم نجي حق ام فهد الي مو عارفه شلون تعقل ولدها الطايش مسكينه تعبت معاه نشوف فهد الي جالس و عقله مليان شر والاعيبب ويبي يخرب زواج زينه عشان ينتقم من الكف ......كل شخص عقله مليان افكار كثيره .. نروح حق زينه جالسه علئ السرير وتفكر بلي راح يصير يوم الخميس بتقدر انها تلغي زواجها ؟ من مشعل وتتزوج خالد ؟؟ كانت هذيك الليله عقلها مليان افكاررر ....


في غرفة زينه الساعه 12 ونص.

ام نايف دخلت غرفة زينه عشان تاخذ مفتاح غرفتها ...


زينه نقزت من السرير لما شافت امها تاخذ المفتاح ..

زينه بنفعال : ليه ليه ليه تاخذين المفتاح .!!
ام نايف ؛ عشان ماتقفلين عليك الباب ..
زينه : وليه ما اقفله .!!! غرفتي وكيفي.
ام نايف : عشان بكرا خطبتك وانا عارفه اذا جيت اجلسك من النووم بيكون الباب مقفل ..
زينه بطفش : لا حوووول وش دخل ام ام الخطبة ! يمه جيبه ..
ام نايف وهي ترفع المفتاح ؛ ابعدي ماني معطتك اياه يلا روحي نامي بس ...وكانت بتطلع ومسكتها زينه ..
زيمه : يمه حبيبي تكفيين جيبه وبعدن انا بلبس بجامة شوورت يعني فرضا ابوي دخل علي ها ؟
ام نايف : لا حبيبتي ابووك مايدخل غرفتك ونايف نفس الكلام مايدخل الا نادرا فا روحي نامي ولا تكثرين كلام يلا . .... وطلعت

زينه بعصببة وقهر : يمه ... وجلست تناقز من العصبية ... بعصب بعصب انشاءالله كذااا يصير شي يخرب هالخطبة وافتكككككك افففف ابتلشت والله ابتلشت ..

(( يووووووووووم الخطبه او الملكة اليوم المنتظرر لابو مشعل عشان النسب والفلوس ولابو نايف عشان انه صديقه وصديق عمره وعشان بنته واليوم الخايس وغير المنتظر لزينه ومشعل الي كل واحد كاره الثاني الي يتمنون يصير شي بس عشان يوقف هاليوم وتنلغي الخطبة لان زينه تبي خالد وماتبي غيره لان مشاعرها متعلقه فيه وقلبها يبه ومايبه غيره ومشعل يبي رهف ))

(( في بيت ابوو نايف الساعه 1 الظهر ))

دخلت ام نايف غرفة زينه عشان تجلسها لان اليوم خطبتها وشافت غرفتها ثلج وظلام وزينه غاطه في النووووم وخصوصا انها تموت علئ النوم ...

ام نايف بيعصبية وهي تطفي التكيف وتفتح النوافذ : وجعععععععع زويننه قووووومي اليوم خطبتك يالغبيه قومي عشان تروحين المشغل بسرعه. .

زينه من تحت البطانيه : خلاص يمه روحي وانا بالحقكك ..

ام نايف قفلت معاها وتدري لو راحت مارح تقوم زينه من النوم : اروح وبتلحقيني !... مشت ام نايف وسحبت البطانيه من زينه بقوة ..
زينه وهي منسدحه وفيها النوووم : يمهه جيبيها ..
ام نايف : مارح اجيبها قومي بسرعه ..
زينه بعناد : مابيي اقووم لابوها لابو خطوبه وانسدحت .
ام نايف بعصبية : طيب انا اوريك وصرخت بصوت عالي ..... ياابونايف تعال .
زينه انقزت من سرير وسدت فم امها بأيدها : يمه خلاص خلاص بقوووم بس اسكتي الله يخليك .
ام نايف : يلا ..

وزينه بتعب وقهر وملل: اف ابي انام ياالله. .
ام نايف وهي تضحك : مايفيد معك الا ابوك يلا..


(( عند مشعل صحئ من النوم واخذ شور سريع وراح الشركة ومو هامه موضوع الخطبه ))

دخل الشركة وشاف نواف في وجهه ..

نواف بنفعال : وين وين وين ؟؟
مشعل بطفش : وين يعني بدخل داخل مكتبي ..
نواف : لا ياحبيبي اليوم خطبتك والا انت ناسي ..؟؟
مشعل بطفش : لا مو ناسي بس اصلا الخطبة بكربها مو هامتني .. ابعد
نواف بنفعال وهو يوقف قدام مشعل عشان مايدخل : لا لا لاتدخل ابوك قالي امنعك من الشغل اليومم يلا اطلع وتعالي معي ..
مشعل بعصبية : اقوول ابعد عن طريقي لا والله مايحصل لك خير هذا الي ناقص اوقف شغلي عشان وحدة ماتسوئ.
نواف وهو. يجر مشعلل برا : اقول تعال معي بلا هذرتك يلا.
نواف جالس يجر مشعل بره : ووين ..
نواف : تعالي وتعرف يلا ..


ركبو السيارة ..

مشعل بعصبية : وجعع وين بتاخذني ..
نواف وهو يشغل السيارة : الحلاق عشان نحلق كشتك ..

مشعل كان بينزل بس بحركة سريعه قفل نواف الباب ..

مشعل بعصبية : افتح الباب ..
نواف وهو يسووق : في احلامك ..
مشعل : استغفرالله نواف وش هاالكحركات ..
نواف : يارجال اليوم خطبتك وماتبي تحلق وش تبي تقول زوجتك عنك.
مشعل بعصبية : اولا انا ما اعتبرها زوجتي ثانيا الخطبة كلها مو هامتني . تقول الي تقوله.
نواف بتعب : اه مشعل خلاص انت الحين بتخطب وانشاءالله بتتزوج خلاص يعني بيكون عندك زوجه انسئ بنت الناس ...
مشعل بعصبية : مستحيل انساها تبني انسئ حب حياتي تبني انسئ البنت الي حبيتها لمدة 4 سنوات ؟؟ والله انا مو مستعد انساها عشان وحده ماتسوئ واذا علئ البنت الي بخطبها كلها شهور وبطلقها و طول ماهي عندي مارح تشوف غيير العذاب والظلم بحرق قلبها مثل ماحرقت قلبي ..
نواف : وش فيك انت مجنون؟ طيب البنت وش دخلها عشان تعذبها ومدري ايشش ..
مشعل : خلاص سكر الموضوع ومالك شغل ..
نواف : الله يهديك بس.


(( في بيت ابو عبدالله عند جود ))

جود وهي تكلم زينه : خلاص جايه ياقلبي اي اي يلا بس انتظر لمياء ..... باي
جود : يلا لمياء ..

(( في المشغل كانت موجوده زينه وبيادر واميره والعنود وبعد ربع ساعه وصلت جود ولمياء وسلموو ))

لمياء : هاا زوز وش بتسوين شعرك ؟؟
زينه وهي مالها خلق : مدري اي شي .

جود حست في زينه وكانت تبي تكلمها تهديها شوي وقالت : اقوول لمياء روحي عند الكوافيره قبلي مابي اسوي شعري الحين .
لمياء : اوك ..

طبعا بيادر والعنود اميره راحو يسون مكياج داخل وزينه وجود في غرفة الشعر ...

جود : و شفيك ياقلبي ؟
زينه بحزن : اه وش فيني يعني متضايقه ..
جود : بسم الله عليك من الضيقه لا تقولين كذا انشاءالله تنجح الخطة لاتقلقين ولا يهمك شي بس الي ابيه منك تكونين قويه وتصبريين وتفألي بالخير تجديه ياقلبي.
زينه ببتسامه : ان شاء الله .. اقولك شي.
جود : قولي ..
زينه بمزح : وش رايك اقول لهم يسون شعري كشه ويحطون لي مكياج ملحجه عشان يتروع الرجال ويفك مره وحده

جود ؛ ههههههههههههههههههههه مجنونه عشان يخترع ويقول مين هالجنية هاذي . يلا بس وش بتسوين شعرك وش رايك تسويت ويع¤ي بيطلع يجنن

زينه : اوك ..

طبعا زينه خلصت شعرها وحطت مكياج خفيف مره وروج لحمي وكان فستانها زي كذا :


ولبست كعب فضي وطقم فضي يعني بالعربي صارت تجنن ..

بيادر بصدمة : يااااازقه تجننين ...
جود : تهبلين يازقه مشااءالله تف تف ..
لمياء وهي تحضن اختها : اسم الله عليك ملاك قمررررررر وقالت بمزح : لا تسبون اختي العزيزة ..
زينه بخجل : تسلمووون عيونكم الحلوه ..

جود : لا حبيبتي تراه مو بس اختك حتئ انا اختي وصديقتي وحبيبتي وكل شي ..وحضنتها ..
زينه : حبيبتي وانتي بعد مو بس اختي انتي عندي كل شي في الحياه ..
اميره : هيييي وانا يانعل ..
زينه : وانتي بعد كلمم خواتي ..
بيادر : بنات حضن جماعي ..

وكلهم حضنو بعض ï؟½ï؟½ï؟½ï؟½..

عند مشعل حلق شعره في الحلاق وعدل في سكسوكته شوي وراح البيت ودخل غرفته وهو ماله نفسس شي وجلس يفكر في رهف خايف عليها وعلئ ماشاعرها كان وده رهف تكون مكان زينه كان وده تكون معاه في هاليوم الي انتظره لمده اربع سنوات بس عشان يخطبها بس للأسف الوقت ضاع ومانقدر نرجع الوقت .... لبس ثوبه وشماغه بطفش ومملل ..

مشعل وهو يتنهد : اه انتظريني رهف كلها سبع شهور وبطلقها وبتزوجك ..

(( في بيت ابو نايف في صاله الحفلات طبعا هم عندهم صالة حق الحفلات كبيرة مرة ))

الساعه 8 ... الحريم والبنات جاو الحفله وكل شوي تجي حرمه وبنتها وتسلم علئ ام نايف وام نايف الفرحه مو شايلتها كانت مبسوطه لان خطببة بنتها ...

في غرفة زينه كانت جالسه جمبها العنود وجود والباقي تحت ..

زينه كانت مرررره متوتره وخايف وحزينه بنفس الوقت لانها رافضة هالزواج بكبره ..

جود : العنود روحي جيبي ماي حق زينه لانها بتموت من التوتر باين عليها ..
زينه بنفس التوتر : اه اي والله بموت روحي جيبي ماي.
العنود : اوك ..... طللعت .
جود : اهدي حبيبتي ليه كذا متوترة ..؟
زينه بتوتر وبنفعال وبسرعه : اف مو عارفه كيف ابدا الكلام معاه واقوله اني ما ابيه مو عارفه كيف و .....
جود : اهدي وش فيك شوي شوي حبيبتي اولا سلمي وقولي له بشويش مو بسرعه مثل عادتك بشويش اوك ؟؟
زينه وهي تتنهد : اوك ..

ام نايف دخلت : يلا انزلي الحريم وصلو ..
زينه : اه اوك ..

نزللت زينه من الدرج وكانت جزمتها تدق مع كلل نزله وخلخالها كان يرن كانت تنزل بكل رقه وهدوء وخجل والناس منبهرين من جمالها الطفولي ومن جسمها كان الفستان متناسق مع جسمها كان طالع عليها جناااااااااااااااان ومكياجها الناعم كان مناسب مع وجهها الطفولي البرئ .. وشعرها الطويل كانت كل خصله من شعرها تتحرك مع نزلتها الخجوله ..


عبير وهي تحضن زينه : زويز ماصدق تهبليننننننن مشاءالله ....لا لا مو زويز زوجه اخوي .
ام مشعل منبهرة : مشاءالله تبارك الرحمن لاإله الا الله عليك حبيبتي تهبلين طالعه ملاك .....
زينه بخجل : تسلمون عيونكم الحلوه ..

نجي حق الرجال : الكل كان يبارك حقً ابونايف وابو مشعل ومشعل ...

ابونايف وهو يبوس خشم مشعل : مبروووك ياوليدي ..
مشعل : الله يبارك فيك ياعمي. .
نواف وهو يحضن مشعل : مبروك..
مشعل : الله يبارك فيك ترا ماله داعي كم شهر وبطلقها.
نواف بعصبية : اص اسكت لحد يسمعك خل هالموضوع بعدين ..
فجاءه دخل فهد بنذاله وغرور كان يبي يشووف مشعل كان يبي يشوف وجهه ..

فهد بخبث : السلام عليكم مبروك
مشعل : الله يبارك فيك ..بس مين حضرتك ؟
فهد بحقارة وكان يناظر مشعل بطريقة مقززه : اووه انا ولد عم زينه اقصد زوجتك ..
مشعل مارتاح له : تشرفنا ..



وبعد نص ساعه اتصل نايف علئ لمياء عشان تقول حق زينه تجي المجلس مشعل بيشوفها ..

وبسسسسسسسس توقعاتكم وش بيصير ولاتحرموني من ردوكم

[لامارا]

تسجيلل دخووول مروق اليوم بنزل البارت الثامن

(( البارت الثامن ))

نايف اتصل علئ لمياء يقوول لها تقول حق زينه مشعل يبي يشوفها ..
لمياء وهي تهمس حق زينه : يلا قومي .
زينه بخوف وتوتر : وشو وين؟
لمياء : قومي خطيبك يبي يشووفك .
زينه زاد خوفها : ها؟ اي يلا .
طلعت لمياء ووراها زينه.
لمياء : وجعع ليه واقفه وراي تعالي قدامي.
زينه بخوف اكثر : لا لا خليني كذا اطلق.
لمياء بتعب : اه منك .
ومشووو وبعد ثواني وصلو المجلس وطبعا نايف كان بره المجلس ينتظرهم ..
نايف بنبهار : هلا والله بالجمال كله ..
زينه وهي تناظر يمن ويسار وخايفه ومتوترة وتهز بخفيف : هلا فيك .
لمياء : وجع وش فيك تناقزين اهجدي .
نايف وهو ميت ضخك علئ حركات اخته : هههههههههه مجنونه وش فيك هدي شوي المهم يلا ادخلي .
زينه وهي ناشفه من الخوف : ها؟ الحين لا لا مابي. .. وكانت بتمشي بس لمياء مسكتها ..
لمياء : يالمجنوونه امشي اخلصي لا تفشلينا قدام الرجال ..
نايف وهو ميت ضحك : ههههههههههههه امشي خلصينا الرجال ينتظر ..
دخل نايف داخل وزينه كانت ورا نايف يعني ماتبين
نايف : السلام عليكم ..
مشعل مستغرب لانه مايشوف زينه جلس يناظر بس بعدين لاحظ انها وراه : هلا وعليكم السلام.
نايف وهو يهمس حق زينه : يلا تعالي اجلسي .
زينه بخوف وهمس : اقوول خلاص مو لازم تعال خلنا نطلع. .
مشعل بسخرية : وش فيها اختك ليه ماتبي تبين عساها شينه بس .
زينه انصدمممممممت..
نايف : لا لا افا عليك اختي مثل القمرر بس هي خجلانه شوي ..
اما نايف سحب زينه بقوة وحطها قدامه عشان يشوفها مشعل ..
اما مشعل كان منزل راسه ورفع راسه يبي يشووف وش ذا الي جا فجأه قدام وجهه.. رفع راسه وشاف بنت لابسه فستان احمر وجسمها نحيف رفع عيونه وناظر وجهها وانبهرررر من الي شاافه جلس يناظر في وجهها الطفولي وشفايفها صغارر وعيونها الكبار وشعرها الطويل كان يناظر كل شي فيها خصووصا وجها الطفولي ..
نايف : هيي يانسيب وش فيك.
مشعل مو مصدق : لحضه انت متأكد هاذي اختك ؟
نايف : اي والله هاذي اختي اقول ناظر فيها عذل وغمز له ...يلا انا استأذن ..
زينه وهي تقوم وقالت بصوت ناعم وخايف : وين وين.
اما مشعل خق علئ صوتها الناعم وعيونها الي شوي وتبكي ..
وقال بدون مايحس : خلاص روح وخل اختك هينا ..
زينه انصدمت وخايفه بنفس الوقت ..
وطلعععع نايف وزينه قاعده في الكنب الي جمب الباب كانت خايف وناشفه وقعادة تقرا المعوذات في قلبها اول مره تجلس جمب رجال ..
مشعل جلس يناظر فيها وحس انها خايفه ..
ماقدر وقام من مكانه وجلس جنبها ..
اما زينه انقزت من مكانها بسرعه.
مشعل وهو يضحك : وش فيك انتي تراني من اول مادخلت وانا ملاحظ عليك انتي تنقزين تراني ما اكل.
زينه في قلبها : ياربي كيف ابدأ معاه خلني اطلع احسن ... وتوها بتطلع بس مشعل سحبها بقوه وجلسها جمبه .
مشعل : وين وين لسا ماخلصت كلامي ياطفله ..
زينه عصبت : بعدد انت ياربي ليش تقولون لي طفله ليش انا مو طفله ترا انا عمري 21
اما مشعل خق عليها وعلئ عصبيتها : وش فيك ترا ماقلت شي غلط اي والله انه وجهك بنت في ابتدائي ..
زينه حمر وجهها وحست انه احمر وقالت بتوتر : ا انا انا.....
مشعل بهمس : انتي ايش ؟
زينه بخوف وتوتر : اول شي ممكن تبعد عني عشان اقدر اتكلم .
مشعل حس انها بتموت من الخجل : اوك ........ وبعد عنها شوي .
زينه ناظرت في وجهه وقالت : اسمع انا بقول لك شي مهم ترا انا مغصوبه عليك .
مشعل بصدمة : ايششششش؟
زينه بالنفس الخوف : اي انا مغصوبه انا ما ابي اتزوج الحين بس ابوي الله يهديه غصبني لانك ولد صديقه المقرب عشان كذا ابي اقولك نفك خطبتنا .
مشعل انصدم من كلامها ما توقع انها مغصوبه : يعني الي افهمه من كلامك انك مغصوبه ؟
زينه : اي
مشعل قال في قلبه : لازم اقول لها اني انا بعد ما ابيك واني احب رهف .
مشعل تذكر رهف وتذكر انه ابوه غاصبه وحقد علئ زينه وقال : اجل اسمعي انا احب وحده وابي اتزوجها وانا اتفقت معاها ا اول مايمرر 7 شهور بطلقك لانك ولا شي عندي ..... وقال في قلبه : الله يعين الحين بتجلس تبكي ومدري ايش.
زينه نزلت راسها شوي وبعدين رفعته وقالت بفرح : صدددددق يعني انت تحب وحده ومغصووب بعد .
مشعل بصدمه : يعني مارح تبكين ؟
زينه : وليه ابكي ؟؟ باالعكس انا مره مبسووطه لانك مغصووب مثلي بس بنفس الوقت حزينه لانك بتتزوج وحده غير حبيبتك ترا انا اعرف ذا الشعور..
مشعل وهو للحين مصدوم : لا انتي جالسه تتكلمين من جدك ولا تمزحين .
زينه : والله ما امزح .. طيب ليه ماتروح وتقول حق ابوك انك تبيها
مشعل بعصبية : كيف اقول وانا مغصوب عليك ياغبيه ..
زينه بعصبية : وجععع غبي انت وامثالك وليش تقول غبيه حسن الفاظك انا جالسه اكلمك بأدب. ولا عاد انا الي ميته عليك من زينك ومن زين خشتك انت حتئ كومار السواق احلئ من خشتك.
مشعل بعصبية : اقووول السانك مابيه يطوول لا الحين اسوي شي مايعجبك ! قليلة ادب .
زينه وتي تقوم : نننننن مالت عليك . انت حتئ حبيبتك تخليت عنها عشان ابوك غاصبك لانك غبي وشخصيتك ضعيفه.
مشعل حس بإهانه قام ومسك زينه ولصقها في الجدار : ماسمح لك تتكلمين عني وتقولين شي وانتي ماتعرفين وش صار فااااهمة وثانيا انا ماتخليت عن حبيبتي انا وافقت عليك عشان ابووي قالي كلام اول مره اسمعه منه عشان كذا واقفقت علئ وحده حقيرة مثلك لكن هين يازينه والله لأوريك خلينا نتزوج بس لاني مو انا مشعل الي ينقالي ذا الكلام .
اما زينه حست بالخوف بس ماهمها وقالت : نشووف ياالعاشق الولهان ..ودفته بقووه وطلعت ..
مشعل بعصبية : هينن يابنت امك انا اوريك والله لأعشيك في ضيم وظلايم اجل انا شخصيتي ضعيفه اوك نشووف من الي شخصيته ضعيفه .
طلعت زينه وهي فاصله وقالت : قليل ادب مايستحي علئ وجهه ولا وانا الي اقوول انه رجال .. ......وشافت ام ناصر تكلم اختها و العنود كانت ماسكه بطنها تبي تروح الحمام
ام ناصر : اي حبيبتي والله انك صرتي احلئ من قبل.
العنود وهي ماسكه بطنها وتناقز تبي تروح الحمام وعافسه وجهها : تسلمين شووي وراجعه .
ام ناصر وهي تمسك يد العنود : اصبري شووي وش فيك حبيبتي لحضه ماخلصت ابي اسولف معك اكثر .
اما زينه كانت ميته ضحك علئ شكل اختها كانت ماسكه بطنها ووجهها احمر
العنود بنفاذ صبر موو قادره تمسك نفسه : ام ناصر الله يخليك 5 دقايق وراجعة لك .
عند زينه طلعت جوالها وصورت اختها وبعدين راحت لهم ( فاضية )
العنود ماصدقت احد يجي : زينه زينه يرحم امك اخذي ام ناصر تبيك .. وطيران الحمام .
ام ناصر : يوه وش فيها العنود. هلا زيونه هلا بالعروسه بس انا زعلانه منك .
زينه ابتلشنا والله : ههههههه ليه ؟
ام ناصر بدفاشه : يعني معقوله ماتتصلين علي صار لك 5 سنين وانا مثل امك ..
زينه : هههههههه اشغال ياخالتي المهم تعالي داخل فيه حلا واكل تعالي. .
ام ناصر : اها تعالي بس مارح اترركك ابي اسولف معاك .
زينه في قلبها : افف ياذا اللزقه الله يعين بس .
دخلت زينه هي وام ناصر ..
بيادر : بنااات بنات شووفو زينه وكيف ام ناصر ماسكه ايدها .
اميره : هههههههههههههههههههههه والله باين انها تسلك لها ..
بيادر : اوه تلاقين زينه متورطه معاها .
جود : هههههههههههه بروح انقذها من اللزقه لحضه ..
زينه وهي تسلك حق ام ناصر : اي اي صحيح ..
جود : خالتي ام ناصر .
ام ناصر : هلا جوود تعالي حبيبتي قعدي بكلمك .
جود : لا لا خالتي امي تبيك ضرووري جدا .
ام ناصر وهي تقوم : صدق يلا خلكم هينا لاتروحون ...
زينه وهي تتنهد بقووه : اففففف تعبت وانا اسلك ..
جود : ههههههههههههههههههه اي باينن عليك .. المهم خلينا منها وش سويتي ؟
زينه بعصبية : حقيير والله حقيررر
جود بصدمة : بسمم الله الرحمن الرحيم وش فيه ؟
زينه : اسمعي اول مادخلت هالزق يقول وش فيها اختك متخبية عساها شينه .
جود بصدمه : ايششششششش!!
زينه : ولا مو بس كذا تره مغصووب .
جود بفرح : احلفي حلووو طيب انتي قلت له انك مغصوبه ؟
زينه : اي وقال لي انه يحب وحدة ويبي يتزوجها وتراه بيطلقني بعد 7 شهور
جود بصدمه : ايشششش حقير ذا ؟ دامه يحب بنت ابليس ليه ييتزوجك خلاص فكوو الخطبه وش يبي فيك.
زينه وهي تقلد علئ صوته : قلت له وقالي كيف نفك الخطبه وانا مغصوب عليك يالغبية .
جود بصدمه : قالك غبية ؟؟
زينه : ايي هالمنحط ..
جود : طيب وش قلتي له ؟
زينه : والله ماسكتت قلت له انت الغبي وامثالك .
جود بصدمه : يمه يمه مجننونه انتي ؟؟
زينه : وشو يعني تبينه يقولي غبيه واسكت ؟
جود بغصبية : اوك لا تسكتين بس مو كذا ترا الرجايل كلاب طيب وش قالك بعد ذا السبه ؟
زينه : قالي انا اوريك ومدري ايش.
جود : والله انك غبيه ليه تسبينه ليه .؟
زينه بعصبية : ياخي انقهرت مرره وش تبين اسوي .... اف بعدي عني بروح اكل جوعانه ..
جود : مو هامك المووضوع ؟؟
زينه : لا طبعا بس الحين ابي افك الخطبه ما ابيه وش اسوي ؟؟
جود وهي تفكر : اففف والله مدري انتي ليتك ماقلتي له غبي كان الحين قدرنا نحل المووضوع تلاقينه حاطك في راسه ..
زينه وهي تقوم : والله عاد يحطني في راسه في رجله مايهمني فكري كيف نخرب الخطبه الخرا..... ومشت ..
عند مشعل : طلععع من المجلس ودخل مجلس الرجال .
نواف : هاا بشررر كيف البنت .
مشعل بعصبية : لا تكلمني عنها. .
نواف : ليه وش صار لحضه لحضه امسك اشرب ماي .
مشعل وهو يشرب : اه اسمع البنت تراهي حلووه يعني مابي انكر اول ماشفته مابعدت عيوني عنها بس اسلوبها زق .
نواف : كيف يعني زق؟
مشعل : انا قلت لها اني مغصوب عليك وقالت لي غبي .
نواف بصدمة : نعم! يعني كذا فجأه سبتك بدو سبب ولا انت قلت لها شي.
مشعل : اسمع انا من العصبية قلت لها غبيه .
نواف : وليه تقول لها اكيد بتعصب تراهي ماغلطت انت الي غلطت اجل في رجال يقول حق زوجته اول مره يشوفها غبيه. .
مشعل : قهرتني ..
نواف : طيب قلت لها انك تحب بنت غيرها ؟
مشعل : اي .
نواف : وش قالت اكيد جلست تبكي ..
مشعل : لا والله انبسطت ..
نواف بصدمة : ايشش؟
مشعل : اي والله تقول انا مره مبسوطه لانك مغصوب مثلي ..
نواف : يعني هي مثلك مغصووبه ؟
مشعل : اي وقالت وانا حزينه عليك لانك ببتزوج وحده غير حبيبتم.
نواف منصدم : من جدك انت ولا تمزح ؟
مشعل : لا والله من جدي .
نواف : طيب ماتخاف تقول حق ابوها .
مشعل بسخريه : ههههههههههه ياليت تقوله اصلا هاذا اذا صدق قولي ليه؟
نواف : ليه ؟
مشعل : لان ابويي قايل حق ابوها اني رجال وماعندي هالحركات وطبعا ابوها سأل عني عند كل الرجاجيل والرجاجيل كلهم امدحوني ..
نواف : اي والله طيب بتتزوجها ؟
مشعل : اي انا اوريها اجل انا تقولي غبي ولا قالت كلام اهاني بس انا اوريها مسويه نفسها قويه تصبر بس .
وطبعااااا خلصت الحفلة والكل راح بيته الا ام ياسر وبناتها وام عبدالله ولمياء وجود ...
ام نايف بتعب : افف يمه رجولي تكسرت .
ام ياسر : اي عاد انتي يا اختي ماقعدتي كل شوي تقومين توزعين ماي وعصير وكيك ماقعدتي كلشش وانا كل ما اقوم اساعدك تقولين مافيه داعي .
ام نايف : لا والله ياختي مابيك تتعبين .
ام ياسر : حبيبتي بس والله الحفله مره حلووه وزيونه احلئ .
زينه بخجل : تسلمين .
بيادر : يمه .
ام ياسر : نعم .
بيادر : بسألك سؤال ..
ام ياسر بتعب : اه وش هالسؤال ؟
بيادر وهي تتربع : يمه الحين انتي وخالتي مو عندكم اخت الي هي ام خالد .
زينه اول ماسمعت اسم ام خالد حست نفسها بتبكي وجود لاحظت عليها ومسكت ايدها بمعنئ اهدي وبتسمي .
زينه ابتسمت بخفيف .
ام ياسر : اي وش فيها ..
بيادر : يعني اقول هي مو اختكم ليه ماجات الخطبه ؟
ام نايف : هي صحيح اختنا بس مو من ام وحده .
الكل : ايشششش!
لمياء بصدمة : كيف يعني ؟
ام نايف : يعني مو من بطن واحد انا وام ياسر من ام وحده بس هي من ام ثانيه .
اميره : يعني جدي الله يرحمه كان متزوج 2 ؟
ام ياسر : اي كان متزوج قبل لا يتزوج امي .
ام عبدالله : اي اتذكرها اختكم كانت طيبه كأنكم من بطن واحد كانت تحبكم
ام نايف : اي والله صدقتي يا ام عبدالله .
ام ياسر : اي والله من سافرت مع ولدها وما سمعنا عنها اي شي اختفت مره وحده
زينه قالت بغصه : طيب ليه ماتتصلون عليها ؟
ام نايف : مين قالك ان احنا ماتصلنا عليها اول ما سافرت هذيك السنه كنا نتصل عليها مره في الاسبوع وكنا نسولف وفجأه يوم من الايام اتصلنا عليها ولقنيا جوالها مقفل وجلسنا فترة كل مانتصل عليها ونشوف جوالها مقفل استغربنا مره المره الاولئ قلنا يمكن جوالها مافيه شحن جلسنا اسابيع وشهور واحنا نتصل بس دايم مقفل واتصلنا علئ خالد نفس القصه مقفل. .
اميره بستغراب : يوه ليه طيب ؟
ام ياسر : والله ماندري تعبنا واحنا نتصل وكله مقفل وبس والله من ذاك الوقت الئ الحين ماندري وينها .
ام نايف : اي والله شكلها نستنا لا وهي قالت لي سنه وحده و بتجي وبتخطب زينه حق خالد وماشفنا شي ..
ام ياسر : لا ياختي تلاقينها حبت الحياة في فرنسا ونستنا والحمدالله ان زينه توفقت في حياتها وشوفيها تهبل واليوم خطبتها الله يحفظها .
ام نايف : حبيبتي امين ويبلغك ففي بناتك.
اما زينه حست بغصه ماقدرت تكمل وتسمع كلام عنهم حست ان قلبها بينفجر من كثر مايدق وقالت في قلبها : معقووله خالد نساني ؟ نسئ ذكرياتنا نسئ وعده لي ؟ لا لا اكيد فيه شي اكيد هو مشغول اكيد ..وقامت : انا استأذن .
صعدت زينه وجود وراها.
دخلت زينه غرفتها وبدت تبكي بقوة وترمي الاغرض في الارض .
زينه بعصبية وهي تبكي : ليههه ليه ليه يصر فيني كذا ليه .
جود وهي تمسك زينه وتهديها : خلاص حبيبتي هدي ..
زينه بنفس الصراخ : ليه اهدي ليه ؟ ابيه والله و.. ....وحست بكف في وجهها
جود بعصبية : ليه تبكين عشانه ليه ؟ والله مايستهال دمعه من عيونك لاتبكين عشانه قلتلك هذا واحد حقير ومنحط .
زينه وهي تبكي : لا مو حقير لا تتكلمين عنه كذا الله يخليك ....... وطاحت علئ الارض منهاره .
جود بعصبية وشوية دموع : تدافيعين عنه بعد ؟ بعد ماوعدك وعد كذب تدافعين عنه.
زينه وهي تبكي وتمسك قلبها وتقول : اااااااااه تعبت والله تعبت من حبه تعبت انا انا ابي انساه بس مو قادره والله مو قادره اطلعه من عقلي والله ..
اما جود ضمت زينه بقوة : حبيبتي حاولي ياقلبي انسيه مو عشاني عشانك طلعيه من عقلك ولا تفكريين فيه ..
زينه وهي تبكي : حاولت والله حاولت.
جود وهي تبعد عن زينه : انا عندي حل ارمي صوره كلها واي شي يذكرك فيه وصدقيني بتنسينه .
زينه وهي تمسح دموعها : بس...
جود : بس ايش ؟ خلاص ارمي كل شي يذكرك فيه ..والحين .
زينه وهي تبكي : المشكلة مو في الصور ولا الذكريات المشكلة في قلبي ((مسكت قلبها)) الي موراضي ينساه تعبت. .
جود وهي مو عارفه وش تسوي : خلاص حبيبتيي بسك لا تبكين ..... يلا قومي غسلي وجهك خلينا ننزل مانبيهم يشكون في شي ..
زينه وهي تمسح دموعها : اوك اطلعي وبجيكم ..
جود : اوك ... وباست خدها .... وطلعت
قامت زينه من مكانها وفتحتت الدرج وطلعت صورته : ليه ؟ ليه ماجيت ؟ ليه تعور قلبي ليه ؟ ...وقامت ناظرت المرايه وقالت : معقوله اقدر انساه .. وتذكرت مشعل وقالت : اف وش يخلصني منه الحين لازم افركش الخطبه ما ابيه .
عند مشعل الي دخلت غرفته و تذكر الي سوته زينه وينقهرر ويتوعد وفجأه رن جواله (( قلبي ))
مشعل : الووو هلا رهف.
رهف : ها حبيبي بشر وش سويت شلون طلقيتك المستقبيله اكيد شينه ..
بالهلحضة سكت مشعل ماقدر يتكلم ماقدر يقول انها مثل القمرر وانها احلئ من رهف .
رهف : الووو الوو .
مشعل صح من تفكيره : هلا .
رهف : وشو الي هلا قولي حلوه ولا ؟
مشعل بكذب : لا طبعا اصلا انا ماقدت اناظر في وجهها من كثر ماهي شينه ومو حلووه ..
رهف بسخريه وغرور : شكلها العايله كلها شينه اصلا مافيه عايله احسن من عايلتنا .
مشعل بتعب : هههه .
رهف : طيب حبيبي بطلب طلب .
مشعل : اطلبي يابعدي .
رهف : ابي غلاق حق جوالي الجديد .
مشعل بصدمة : ايشش ؟ بس انا مع الجوال شاري لك 5 اغلفه ..
رهف بتوتر وكذب : اي بس عطيتهم بنت خالتي.
مشعل بعصبية خفيفه : ايشش ؟ ليه تعطينها وانا شاريه لك؟
رهف : اوه مشعل خلاص يعني كانو بخاطرها وبعدين بتبخل... قاطعها .
مشعل بضيقه : خلاص خلاص بكرا اجيب لك يلا باي ...
سكر مشعل منها وتذكر كلام نواف : احسها جالسه تستغلك ..... وصحه من تفكيره وقال : لا لا لا مستحيل شدعوه تراهي مو من هالنوع واكيد طلبات البنات كذا واكيد اذا تزوجت الغبية زينه بتكون طلباتها اكثر من كذا اه والله كل ما اتذكر كلامها انقهر انا اوريك .... اي صح انا ماعندي رقمها .....رفع مشعل جواله واتصل علئ نايف .
نايف : هلا والله بالنسيب امر .
مشعل : هلا فيك ما يأمر عليك عدو بطلب منك طلب .
نايف : امر وش طلبك يالحبيب ؟
نايف : ابي رقم خطيبتي اليوم من كثر ماهي خجلانه نسيت اعطيها الرقم.
مايف : هههههههههههههههه امداك حبيتها .
مشعل بخبث : اي والله حبيتها من كل قلبي وابي اكلمها اشتقت لها مره
نايف : هههههههه يمه منك خلاص برسله لك علئ الوتس ..
مشعل : اوك بس تعال لاتقول لها اني ابي رقمها ابي اسويها مفاجأه .
نايف : هههههههههههههههههه اوك يالعاشق.
مشعل : هههههههه باي .... وسكر .... والله لأوريك يازينه .
وبسسسسسسسس يلا ردودكم الجميله وتوقعاتكم ...... وبعد شوي بنزل البارت التاسع