26-08-17, 07:27 PM
| #1 | ||||||||||
  
|  ذنبي إني لقيط / للكاتبه الـ ج ـوري حينمآ تقسو آلقلوب.. وتمتلئ آلصدور بنآر آلآنتقآم.. وآلضحية طفولة بريئة.. وضيآع هوية.. في زمن قآسي.. وآنآس لآ ترحم.. أهلآ وسهلآ بكم في آولى روآيآتي ~ " ذنبي إني لقيط " ~ ـ : ألف مبرووك يا ناصر تستاهل والله ناصر: الله يبارك فيك الكل يبارك له الترقية، صارت له من بين 4 موظفين.... صار له 3 سنوات يشغل هنا والحين صار رئيس قسم.... المنافسين اللي معه باركوا له.... بس واحد منهم كان يناظره بحقد.... طلع من الغرفه اللي هم فيها وراح لمكتب المدير.... دخله السكرتير ع المدير.... سعيد: السلام عليكم أبو فايز: وعليكم السلام... خير يا سعيد سعيد: أنت ظلمتني يا أبو فايز أبو فايز: ليش سعيد: ساويتني بناصر... كل الموظفين قالوا إني أنا اللي أستحق أكون رئيس قسم... لأني أشتغل هنا من 3 سنوات أبو فايز بطولة بال: حتى ناصر من 3 سنوات وهو هنا سعيد: أنا قبله بكم شهر و... أبو فايز: أسمع ناصر يستاهل ذا المنصب لأنه أحسن منك... وأنا حطيتكم في أكثر من أختبار بس أنت للاسف مو قد ذا الحمل سعيد يحاول يضبط أعصابه: ليش الظلم... عشان ناصر يقرب لك أبو فايز: حتى لو ناصر أخوي ما أظلم الناس عشانه بـ... قاطعه سعيد: خلاص يبو فايز... أنا من اليوم بقدم استقالتي أبو فايز: سعيد... لا تخلي شي مثل هذا يدمر مستقبلك سعيد: أصلا أنا من زمان ناوي أترك العمل... مع السلامة طلع سعيد وهو مقهور.... شاف ناصر يسولف مع الموظفين وهو مبسوط.... ناظره بحقد" هين يا ناصر.. أنا اللي بحرق قلبك ".... قدم استقالته وطلع وبراسه ألف فكرة.... انتهى الدوام وطلع ناصر.... راح لبيته ودخل وشاف عياله محمد وأحمد لحالهم.... شالهم وحطهم ع الأرض وجلس قبالهم.... مو قادر يفرق بينهم إلا بالوان ملابسهم.... باسهم وقال: هلا بحبايب بابا... حمودي حمتوو شلونكم جات الجازي: كويسين... شلون أبوهم ناصر: ههههههه أنا مبسوووط... بطير من الفرحة جلست الجازي جنبه: إن شاء الله دوم... بس فرحني معك ناصر والفرحة مو ساعيته: باركي لي صرت رئيس قسم فرحت الجازي: جد؟؟... مبرووك ألف ألف مبروك ناصر: الله يبارك فيك الجازي: وش تطلعاتك ناصر: أفكار كثيره في راسي... ما بعد أرتبها وقفت الجازي: على ما ترتبها... قم بدل ملابسك وأنزل تغدا ناصر: افااا بس غمزة له الجازي وقالت: العزومة في الليل ناصر: أنتي تختارين المطعم وأنا أدفع الحساب... أي عزومة هذي الجازي: هههههههه وش أسوي منيب موظفة ناصر: ما عندي مانع... تدرين دق علي ريان وقالي أقولك أنه يبي يطلع مع العروسة قبل يوم العرس الجازي: على ايش مستجعل أخوك... بكرة لولو عنده وقف ناصر: طيب والكتاكيت وين بيروحون اليوم... لا تقولين معنا للمطعم الجازي وهي تروح للمطبخ: لا بخليهم عند العروس... تفكر فيهم بدل ما تفكر في بكرة ابتسم ناصر وهو يناظر الجازي.... راح فوق وهو يحس براحه أنا أخوه أختار ليلى أخت الجازي.... أكيد ريان بيرتاح مع ليلى مثل ما هو مرتاح مع الجازي.... بعد يومين.... رجعوا من القاعة اللي كانت فيها الصباحية.... سوو الصباحية عشاء عشان العروسين.... دخل ناصر وزوجته مع الخدامة والعيال.... الجازي خذت عيالها من الخدامة ونومتهم.... دقايق إلا الكل نايم من التعب.... ناظرت الخدامة الساعة 2 ونص.... قامت وراحت لعند باب غرفة ناصر والجازي.... مثل ما فهمهما سعيد اللي شافها تطلع زبالة البيت.... وقالها الخطة وأغراها بملبغ ما تحلم فيه.... فتحت الباب، كان الهدوء سيد المكان خصوصا أنه وقت شتاء.... مشت بخفة لعند أسرة التوام اللي عمرهم 7 أشهر.... شالت الطفل محمد بحذر رفعت راسها للأوظة.... وشافت أسوارة ذهب، فكرة أنها تسرقها.... عشان يصير عندها فلوس أكثر مع فلوس سعيد.... راحت لها وخذتها حطتها على بطن محمد.... ولفته وطلعت لأنها خافت إنا حد يصحى ويشوفها.... نزلت تحت وخذت عباية الجازي ولبستها وغطت وجهها بالحجاب أنها سعودية.... دخلت محمد تحت العباة ومن خوفها نست تاخذ الأسوارة.... طلعت من البيت وركبت السيارة اللي تنتظرها.... ووصلتها للمكان المطلوب نزلت وراحت للرجال اللي واقف عند سيارته.... ناظر عيسى بالحرمة اللي جايه له.... استغرب قالوا له خدامة مو سعودية.... وقفت الخدامة قباله وكشفت وجهها وقالت: جيب فلوس مال أنا ابتسم عيسى بخبث: وين الولد طلعت محمد من تحت العباية وقالت: وين فلوس مد لها الفلوس وخذ محمد وركب سيارته ومشى.... بغى يغمى ع الخدامة لما شافت الفلوس 10 الاف ريال في يدها.... التفتت تمشي بس تذكرت الأسوارة.... والتفتت لعيسى وشافته مشى.... أنقهرت راحت عليها فلوس الأسوارة.... مشى عيسى وهو منزعج من صوت صياح محمد.... " يا الله ايش ذا البلوى.. كيف أسافر للرياض بالطيارة وهذا معي.. ما لي إلا القطار ما يدققون كثير.. وأختي أنا أعرف أتفاهم معها ".... دخل عيسى الشقه وقال: السلام عليكم أخته خولة: وعليكم السلام... وينك من 2 طالع وايش هذا اللي معك عيسى: اللي معي قطوو... بعد ايش شايفه ولد صغير خولة: من ولده جلس عيسى وحط محمد جنبه: هذا الله يسلمك ولد صديقي... هو جاي هنا مع زوجته وصار لهم حادث... سبحان الله ربي سلم الولد... ودق علي صديقي عشان أخذ الصغير لأهلهم في الرياض لأنهم ممكن يطولون هنا عشان العلاج شالته خولة بحنان: يا حياتي... ايش أسمه عيسى بدون تفكير: إبراهيم خولة: الحين مو صديقك أسمه إبراهيم ارتبك عيسى: هااه لا هذا واحد ثاني... - وقف: عموما بنمشي بعد ساعة للرياض و... قاطعته خولة: عيسى ناظر أسوارة استغرب عيسى بس قال بسرعة: يمكن حقت أمه... أسمعي لا تغيري له ملابسه... خليه يروح لأهله بها الملابس خولة: اوكيه ناظر عيسى أخته وهي تسكت الصغير.... تذكر بنتها اللي ماتت من كم أسبوع وهي بعمر ها الولد.... وهو جاب أخته هنا عشان ترفه شوي عن الحزن.... دخل غرفة وهو يسب نفسه لأنه سوي جريمة بشعة.... بس عشان كم ريال.... صحت الجازي من صوت صياح ولدها.... ناظرت الساعه 3 الفجر.... وش عنده ولدها يصيح ذا الوقت.... وبعد دقايق يصيح أخوه معه.... قامت وهي تغالب النوم وشالت أحمد من السرير: حمتوو حبيبي ليش تصيح... -هزته وهي تقرب الرضعة من فمه: بس حبيبي الحين يصحى حمودي التفتت لسرير محمد وما شافته ظنت أنا النوم لاعب فيها.... شغلت نور بسيط وما شافت محمد.... انقبض قلبها محمد مو موجود.... طلعت من الغرفة وبيدها أحمد.... راحت لغرفة الخدامة ومن غيرها بيشيله.... بس طاح قلبها لما اختفت الخدامة .... دارت في البيت وقلبها مقبوض.... المطبخ، الحمام، الغرف ما فيها احد.... رجعت لغرفتها ووجها غرقان دموع.... وقفت عند جهة ناصر وقالت: ناصر... ناصر أصحى يللا قم ناصر مقهور وين تجيه الراحة مع توأم.... واحد يصيح ويصيح الثاني معه.... قال وهو مغمض عيونه: خييير الجازي بصياح: الخدامة عطاها ظهره وقال: ايش فيها الجازي وهي تصرخ: الخدامة خذت محمد... خذت محمد... - كررت الجملة عشان يستوعب.... لف عليها وقال: ايش تخربطين الجازي بقهر: يا ربي منك... قم الخدامة خذت ولدك وهربت جلس ناصر: دوريها عدل الجازي صياح أحمد واختفاء محمد وترها.... سحبت الغطا عنه لأنه مدفي نفسه فيها.... قالت بعصبية غريبة عليها: تحرك دق ع الشرطة... أنا دورتها وما لقيتها... قم لا تسوي فيه شي أخيرا قام ناصر وقال: أنتي متأكدة جلست الجازي ع السرير وهي تصيح: إيه لبس ناصر البيجامة وطلع بنفسه يدورها.... ما شافها حتى بالتهوية والشارع ما لها أثر.... لأنها هربت من بدري.... دخل البيت ودق ع الشرطة.... الإزعاج في كل مكان وتجمهورا الجيران.... والكل يطلع سالفة على كيفه.... خذت الشرطة جواز الخدامة عشان الصورة.... وطلبوا أحدث صورة لمحمد.... وأحدث صورة له وجه اخوه أحمد.... الشهود شافوا حرمة طلعت من البيت الساعة 2 ونص.... بس ما كان معها ولد.... ناصر خمن أنها الخدامة وأكيد أنها مخبية الولد تحت العباية.... وصل عيسى مع أخته ومحمد لبيتهم.... عيسى وهو يفصخ البالطوا: أسمعي أنا بطلع أنام... ما أبغى أي إزعاج خولة: ومتى تاخذ الولد لأهله عيسى وهو رايح فوق: لا صحيت أخذته لأهله خذت خولة محمد معها للغرفة ونومته.... ناظرت السرير الفاضي وعرفت إنا زوجها في العمل.... حطت راسها ونامت لأنها تعبانة.... . . . يتبع | ||||||||||
|  |
|
26-08-17, 07:31 PM
| #2 | ||||||||||
| صحت الجازي بعد الإنهيار العصبي.... ناظرت الغرفة هي بغرفتها.... الجازي بتعب: ناصر التفت لها ناصر والتعب واضح عليه: سلامتك يا حياتي ما تشوفين شر الجازي بخوف: وين أحمد ناصر: لا تخافين عليه هو بخير سحبت الجازي نفسها: ومحمد ناصر: نسيتي يا الجازي... محمد أخذته الخدامة صرخت الجازي وضربت صدره: أبي عيالي، رجع لي عيالي... كله منك أنت رجع لي عيالي مسك يدينها لأنها ألمته.... ضمها لأنه يعاني مثلها: لا تخافين أحمد عند الجيران... والشرطة بترجع لنا محمد لا تخافين الجازي تقاومه وتصيح وما على لسانها إلا عيالها.... الدكتورة هالة بنت جيرانهم اللي كانت جايه تشوفها سمعت صراخها.... دخلت وأشرت لناصر يمسك الجازي وبيدها أبرة المهدئ.... ثواني وارتخت يد الجازي عن ناصر ونامت وراسها على صدره.... مددها ع السرير ووقف.... ناظرها لثواني وهز راسه بأسف وطلع.... نزل تحت وتمدد ع الكنبة والتفلون جنبه.... نزلت الدكتورة وشافت ناصر.... الدكتورة هالة بخجل: لو سمحت أخوي ناصر ناصر: هلا هالة: ترا مو زين كل شوي الجازي تنهار وتاخذ مهدئ... حاول معها عشان مصلحتها ناصر: طيب هالة: لا تتركها لحالها خلك جنبها ناصر: دقايق وأنا عندها... مشكورة يا هالة ما قصرتي هالة: العفو ما سويت الا واجبي... وإذا صار شي دق على بيتنا ناصر: إن شاء الله هالة: مع السلامة طلعت هالة وظل ناصر يفكر.... " وش اللي خلا الخدامة تخطف ولدي.. أنا عمري ما تدخلت بشغلها.. والجازي تعاملها زين والدليل أنها ولا مرة شكت لي من الجازي ".... نام وهو على أفكاره وما انتبه إلا الساعة 10 الصباح.... رن التلفون.... رد بسرعة أكيد مسكوا الخدامة: الوو أخوه ريان: هلااا ناصر، وش فيك نايم يا الحبيب... هذا اللي واعدني توصلي للمطار أنا والمدام تذكر ناصر أخوه وسفره وقال: اووه سوري راحت علي نومه ونسيتك ريان: ما الومك... التوأم ما يخلون أحد ينام غرقت عيون ناصر وقال: آآه من التوأم... أنت وينك فيه ريان: ببيت أهل ليلى تعال لنا ننتظرك ناصر: طيب... دقايق وأجيك طلع ناصر لتهويه مسك مسكة الباب والتفت ورا.... ناظر نافذة غرفته وهو يفكر كيف يترك زوجته لوحدها.... بس تراجع عشان أخوه وطلع.... صحت الجازي من النوم ناظرت الغرفة الفاضية.... لا عيالها ولا زوجها وتذكرت إنا هالة بنت جيرانهم كانت هنا عشانها.... قامت ودخلت للحمام تتروش.... طلعت وهي لافه الروب عليها.... جلست ع الكرسي قدام الأوظة.... ناظرت وجهها كيف تغير في ليلة وحده بس.... أصفر وشاحب وعيونها متورمة.... ناظرت الاوظة وتذكرت شي.... أمس لما رجعت من القاعة فصخت اسوارتها وحطتها هنا.... والحين مالها أثر.... قامت وفتحت دولابها وطلعت صندوق ذهبها.... دورتها مالها أثر.... خذت جوالها ودقت على ناصر.... وصل ناصر لبيت أهل زوجته.... دق على أخوه.... ريان: مرحبا ناصر: مرحبتين... شلونك حط ريان يده حول رقبة ليلى وقال: مبسووووووط ومرتاااح ناصر: هههههههه دوم يا رب... أقول يا حلو أنا برة انتظرك أم الجازي: إذا هذا ناصر... خله يدخل شوي ريان: نصور تقولك عمتي أدخل ناصر: طيب ثواني ودخل ناصر: السلام عليكم الكل: وعليكم السلام أم الجازي: بسم الله عليك يا ناصر... وش فيك وجهك أصفر ومخطوف ارتبك ناصر: لااا ما فيني شي يتهيئ لك... شلونك عمتي أم الجازي: أنا بخير... شلونك أنت والجازي وعيالكم بلع ناصر ريقه وقال: كلنا بخير ونسأل عنك أم الجازي: ورا ما جبت الجازي والعيال معك ناصر: هااه... الجازي نايمة انفجعت أم الجازي: للحين نايمة... يا قردي على ها البنت ابتسم ناصر مجاملة: هي تعبانة... تعرفين العيال تعبوها وكل شوي قايمة لواحد... - والتفت لأخوه وزوجته وقال: عقبالكم ريان: آآمين... هاه عمتي من هو أحسن واحد فينا... أنا ولا ناصر ابتسمت أم الجازي: اثنينكم فيكم الخير والبركة رن جوال ناصر وخاف لأن الجازي هي المتصلة.... وقف وقال: عن أذنكم طلع لبرة التهوية ورد بخوف: الوو الجازي حياتي ايش فيك الجازي: ناصر اسوراتي ناصر: أي اسوارة الجازي: الاسوارة اللي عطيتني إياها يوم صباحيتنا ناصر: إيه عرفتها... ايش فيها الجازي: أمس لما رجعنا من القاعة... حطيتها ع الأوظة والحين ما شفتها ناصر: دورتيها كويس الجازي: إيه دورتها وما لقيتها... أكيد الخدامة خذتها ناصر: الجازي متأكدة أنها وصلت البيت أمس... ما طاحت عليك بالقاعة الجازي: إيه متأكدة... ناصر أكيد الخدامة خذتها مع محمد خاف ناصر أنها تنهار: طيب... طيب أنتي أهدي الحين وأنا بدق ع الشرطة الجازي: طيب... ناصر أبي ولدي أبي أحمد ناصر: وأنا جاي أجيبه لك... يللا مع السلامة مشى ناصر وبيطلع.... بس صوت ريان وقفه.... ريان اللي شك بأخوه من دخل عليهم.... ما حب يسأله بوجود زوجته وأمها.... لما طلع لحقه وسمع المكالمة.... ريان: ناصر... ايش فيكم ناظره ناصر وقال بارتباك: ما فينا شي قرب ريان: مو علي أنا... ايش فيكم شرطة وخدامة ومدري ايش غرقت عيون ناصر وراح وجلس ع الدرج وقال: سامحني يخوي... بخرب عليكم سفرتكم جلس ريان جنبه وقال: ما عليك منا... قلي وش فيكم نزل ناصر عينه وقال: الخدامة... - نزلت دمعة خاينة ومسحها: الخدامة خذت ولدي محمد وهربت ريان بصدمة: كيف؟؟... شلون صار ومتى... وأنتوا وينكم عنها حكى ناصر لريان كل شي.... ريان: والشرطة ما لقتها ناصر: لا ريان: والجازي ليش متصلة ناصر: تذكر الاسوارة اللي شريتها وقلت إني بعطيها الجازي بيوم صباحيتنا ريان: إيه أذكرها ناصر: تقول الجازي أنها كانت لابستها أمس... ولما رجعنا حطتها ع الأوظة والحين ما شافتها ريان: أكيد الـ..### سارقتها... - وقف: قم نروح لبيت أبوي أذكر أنك مصور الاسوارة... وأكيد أنها بالبيت وقف ناصر وقال: قل لليلى تجي عشان تروح لأختها ريان: طيب أركب السيارة وانتظرني جايك دخل ريان داخل.... ريان: ليلى البسي عباتك يللا بنطلع أم الجازي: وش فيك أنت وأخوك وجيهكم مخطوفة... الجازي فيها شي ولا عيالها ناظرها ريان قلب الأم يحس بضناه.... قال: لا ما فيهم شي... بس بناجل السفر أم الجازي قلبها ناغزها: لا فيكم... أجل كذا فجاة ما فيه سفر ريان: عمتي لا تخافين... بس ناصر عنده مشاكل بالشغل وأنا بشوف وش السالفة سكتت أم الجازي وهي مو مقتنعة.... وقفت ليلى وهي متغطية وقالت: يللا طلعوا وطول الطريق ريان يسب ويلعن بالخدامة.... وناصر مركز بالسواقة.... وليلى مستغربة من تغير ريان ويسب بوحده ما تدري من هي.... وصلوا وبدل ما يفتح ناصر باب بيته راح لبيت الجيران.... ريان: ناصر وين رايح ناصر: دقيقة دق الجرس وقالوا: من بالباب ناصر: أنا ناصر هاتو لي أحمد دقايق وأنفتح الباب.... هيثم لما تأكد أنه ناصر أخذ أحمد من أخته اللي جنبه.... هيثم: شلونك ناصر ناصر: نحمده على كل حال هيثم وهو يمد أحمد لأبوه: ما لقيتوا الخدامة ناصر وهو ياخذ ولده: لا والله ما بعد يمسكوها هيثم: الله يرجع لك ولدك قل آمين ناصر: آمين... مشكورين ما قصرتوا تعبانكم معنا هيثم: شدعوة احنا جيران ناصر: تسلم... يللا بالأذن رجع ناصر لأخوه وزوجته وعطى ليلى ولده وقال: ليلى... ترا الجازي منهارة ومحتاجه لك ليلى مو فاهمة شي بس قالت: لا تخاف أنا معها... - التفتت لزوجها وقالت: ريان وين بتروحون ريان: بنروح الشرطة... - تذكر إنا زوجته ما تعرف السالفة: الجازي تفهمك... يللا يا ناصر دخلت ليلى لبيت أختها.... الصالة فاضية راحت فوق وطقت باب الغرفة.... الجازي اللي كانت جالسة ع السرير.... سمعت صوت الباب ينطق.... استغربت لأن لو هو ناصر كان دخل على طول.... الجازي بتعب: ادخل دخلت ليلى وبيدها أحمد: الجازي وقفت الجازي: ليلى... - ركضت لها وضمتها وهي تصيح: ليلى ولدي... الخدامة خذته ليلى أول مرة تشوف أختها الكبيرة منهارة.... حاولت تهديها وهي مو فاهمة شي.... جلستها ع السرير وأحمد جنبها.... لفت الروب على جسم أختها تسترها.... ليلى: الجازي حبيبتي... أهدي شوي والبسي لك شي... أنا انتظرك برة لأني مو فاهمة شي شالت ليلى ولد أختها وطلعت.... جلست بالصالة اللي فوق وهي تفكر.... دقايق وطلعت لها الجازي وعلى طول حكت لها كل شي.... وصل ناصر وريان لمركز الشرطة.... اللي من دقايق مسكوا الخدامة.... خاب أمل ناصر وريان لأن الولد مو مع الخدامة.... لكن اللي ريحهم إنا الاسوارة مع محمد.... ومع التحقيق مع الخدامة اعترفت بكل شي.... تفاجئ ناصر لما قالوا له إنا سعيد هو راس البلا.... ريان: من هو سعيد ناصر: زميلي بالعمل وكان منافسي على رئاسة القسم... - سكت لأن فكر إنا ممكن يكون هذا السبب ورا الإختطاف.... طلعوا من مركز الشرطة وراحوا للبيت.... جلس ريان بالصالة أما ناصر راح فوق.... تنحنح ناصر وهو ع الدرج لأنه سمع صوت ليلى.... كمل طريقه ودخل للصالة الفوقية.... ناصر: السلام عليكم ليلى: وعليكم السلام قرب ناصر من الجازي لأنها ترضع ولدها وهي تصيح.... أخذ أحمد وقال: الجازي أنا كم مرة قلت لك لا ترضعينه وأنتي تبكين... مو زين له الجازي بكت زيادة.... وأحمد بكى لأنه جوعان.... ناصر وهو يعطي ليلى ولده: أخذي يا ليلى وأتصرفي معه ليلى: وين ريان ناصر: اووه نسيته... ريان تحت بالصالة وقفت ليلى وبيدها ولد أختها: أنا نازلة نزلت ليلى تحت وجلس ناصر جنب الجازي.... مسح دموعها وقال: الجازي الشرطة مسكت الخدامة التفتت الجازي: ايش... ومحمد هز ناصر راسه: للأسف مو معها الجازي: وينه ناصر: ما أدري... بس الخدامة قالت أنها أعطته لرجال واستلمت فلوس الجازي ضربت خدها: يا قردي باعوا الولد ناصر: استغفر الله لا تقولين كذا... الخدامة ما سوت كذا إلا من تحت راس واحد... والشرطة تدوره الجازي بدت مناحتها: أبي ولدي رجع لي ولدي ناصر: لا حول ولا قوة إلا بالله تحت ريان وليلى بعد ما تكلموا شوي.... سكتوا وهم يتحسرون على اخوانهم وعيال اخوانهم.... والأثنين غارقين بأفكارهم.... رن التفلون ورد ريان.... ريان: الوو ـ : السلام عليكم ريان: وعليكم السلام من معي ـ : هذا بيت الأخ ناصر الـ.. ريان: إيه... وأنا أخوه ريان من معي ـ : معك الشرطة... ونبي نبلغكم إنا.............. ريان: طيب... مسافة الطريق واحنا عندكم سكر ريان الخط وقال: ليلى روحي فوق ونادي لي ناصر وقفت ليلى وبيدها أحمد وقالت: ايش اقوله ريان على أعصابة: الشرطة داقين يبونه خليه يجي راحت ليلى فوق ما شافت حد بالصالة وراحت لعند باب الغرفة.... طقت الباب وفتح لها ناصر.... ناصر: خير يا ليلى ايش فيه ليلى مستحية: يقول ريان الشرطة داقين ويبونك ناصر: طيب... أنتي خليك مع أختك نزل ناصر بسرعة وشاف أخوه واقف على أعصابة.... ناصر بتوتر: ريان ايش فيك... ايش يبون الشرطة ريان: ناصر يقولون مسكوا سعيد استغرب ناصر: بها السرعة؟؟ ريان: إيه لأنه كان يبي يروح الرياض... ومسكوه بالمطار ناصر: اجل يللا مشينا وصلوا لمركز الشرطة اللي حفظوا أشكالهم.... وأخيرا قابل ناصر سعيد.... ناصر: سؤال واحد بس ونفسي أعرف جوابه... ليه سويت كل هذا سعيد: عشان تعرف كيف ظلمني ولد عم أبوك ناصر: وأنا ايش ذنبي سعيد: أنت اللي أخذت مني رئاسة القسم اللي أنا أستحقها... ومثل ما حرقت قلبي ع الترقية هذا أنا حرقت قلبك على ولدك لف ناصر جسمه عنه وقال: أنت ما ينفع معك ذا الطريقة... وأنا بتفاهم معك بطريقتك... - لف عليه وعطاه بوكس بأنفه.... طاح سعيد ع الأرض.... صرخ ناصر بوجهه وقال: حـ.##... ترمي الولد بالشارع وتخليه يعيش لقيط بس عشان ترقية ريان بعصبية وقفه وهو ماسكه من جيبه: وينه ولد أخوي... وينه سعيد بقلة حيلة: عند عيسى ناصر: من عيسى سعيد: هذا اللي المفروض يسلمني الولد ريان لصقه للجدار وقال: أسمع تراني واصل حدي... تتكلم عدل وإلا والله لأحفر قبرك بيدي سعيد: وش تبي ريان: أبي أسم عيسى الكامل وعنوان بيته سعيد: هو عيسى بن.... وساكن بالرياض عند منطقة.... ناصر: وش كنت بتسوي بالولد لو هو عندك هاا... بتاجر فيه سعيد: لااا ولا شي... بس كنت بخليه يكرهك ويحقد عليك... والله ما كنت ناوي أبيعه ولا أضره بشي تركه ريان وطلع هو وناصر بعد ما تفاهموا مع سعيد والشرطة.... راحوا لبيت ناصر وجلسوا بالصالة.... ناصر: خلاص يا ريان... خذ زوجتك وسافروا وما عليكم منا ريان: تبيني أسافر وأنا مو متطمن عليك ناصر: يخوي أنا بسافر مع الجازي للرياض ونتابع المصيبة... انت سافر مع زوجتك حرام هي مالها ذنب ريان: والله محمد ولد أختها مثل ماهو ولد أخوي ناصر: أدري... بس أنت سافر وأنا بدق عليك إذا أستجد شي ثاني... ولا تخاف إذا أحتجتك ما بتردد وبدق عليك ريان: خلاص يا ناصر... سفر أنسى تنهد ناصر من غير ما يرد.... يعرف أخوه عنيده وما منه رجا.... صحت خولة على صوت طفل.... استغربت بس تذكرت إبراهيم ولد صديق أخوها.... قامت له وطلت عليه بسرير بنتها.... خولة مبتسمة: صباح الخير بيهوو محمد يحرك يدينه ورجوله بعشوائية.... مع أصوات وضحكات عفوية.... شالته وباسته وقالت: يللا ع الحمام يا شاطر فصخته ملابسه وحممته واحتارت وش تلبسه.... فتحت دولابها وشافت فستان أحمر كانت شاريته لبنتها.... بس ماتت قبل ما تلبسها إياه.... لبسته لمحمد وسرحت له شعره على جنب.... ناظرته وقالت: يحليلك يا برهوم... ناقصك حلق وتصير رغوده نزلت تحت وحطت محمد ع السرير وراحت للمطبخ.... كل شوي تطل عليه وتشوفه ساكت.... ويحرك يدينه وكأنه يحاول يمسك الألعاب اللي مثبته ع السرير.... خلصت شغلها وطلعت للصالة.... جلست ع الكنبة وتناظر التلفزيون.... لف محمد عليها ويحرك يدينه لها عشان تشيله.... وهي منطشته تضايق وبدا يصيح.... قامت له وشالته وبدت تلعبه.... بعد دقايق بدا يصيح.... بعفوية منها فتحت أزرار بلوزتها ورضعته.... وهي تغني له وهو يرضع بهدوء.... دخل زوجها حسام واستغرب لما شاف خولة ترضع بنت.... تذكر بنته اللي ماتت مختنقة بالسيارة وبسبب اهماله.... حسام وهو يقرب منها: السلام عليكم رفعت خولة راسها: وعليكم السلام جلس جنبها وقال: من بنته ذا الصغيرة ابتسمت خولة: هذا برهوم ولد صديق عيسى رفع حواجبه: برهوم؟؟ خولة وهي تحط محمد على كتفها وتطبطب على ظهره: أمس أهله صار لهم حادث بالشرقية... ودق أبوه على عيسى عشان ياخذه لأهلهم هنا حسام: وليه ملبسينه فستان خولة: أنا اللي غيرت له ملابسه عشان أغسلهم... وما لقيت غير ملابس رغد له حسام: خولة ليه ترضعينه... مو من حقك ترضعينه وأهله ما يدرون خولة: عارفة... بس الشرع قال 5 رضعات مشبعات وخلال سنتين... وهذي مرة وحدة ما تغير شي... - وقفت وقالت: يللا رح غير ملابسك على ما أحط الغدا حسام: إلا وين عيسى خولة وهي تحط محمد ع السرير: نايم وما يبي أي إزعاج ناظرها حسام كيف تغيرت نفسيتها بوجود طفل معها.... راح يكلمها مرة ثانية بموضوع العيال عشان تنسى حزنها.... وصل ناصر وريان والجازي وليلى مع الصغير أحمد للرياض.... وبدا البحث من جديد عن عيسى الـ... | ||||||||||
|
| |
|
26-08-17, 07:33 PM
| #3 | ||||||||||
| وصل ناصر وريان والجازي وليلى مع الصغير أحمد للرياض.... وبدا البحث من جديد عن عيسى الـ... صحى عيسى ع الساعه 8 العشاء.... نزل تحت وشاف أخته وزوجها يلعبون بنت.... عيسى برواقه: مساء الخير ع الحلوين حسام: مساء النووور... بدري ليه صاحي الحين عيسى: كان بودي بس عندي أمانة لازم أوصلها لأهلها... - ناظر البنت وانفجع: ايش هذا خولة: ما فيها شي حممته ولبسته اللي عندي عيسى ما زال مفجوع: وملابسه رميتيهم خولة: لا غسلتهم وأكيد جفوا عيسى: والذهب خولة: الإسوارة بالدرج حسام: وش فيك مفجوع عيسى حس على نفسه: لااا ما فيني شي بس أبغى أسلمه مثله ما أخذته حسام بشك: تسلمه؟؟ ارتبك عيسى: أقصد... أقصد أسلمه لأهله... - وقف يهرب وقال: عموما أنا بروح أصلي وبجي أخذه... لبسيه ملابسه وغطيه بالغطا حقه وما أبي أي شي زيادة... حتى الإسوارة لا تنسينها خولة: طيب طلع عيسى والتفت حسام لخولة: تصدقين أنا أحس إنا عيسى... مخبي شي عن ها الولد خولة: لا عادي وقف حسام: لا صدقيني ها الولد فيه شي... أما أنه ولد حرام أو أنه... أنه ما أدري بس فيه مشكلة وأنا اللي بعرفها خولة ناظرت الولد: الله يستر... وين بتروح حسام: بروح أصلي وإذا تبين شي دقي علي بعد الصلاة جا عيسى وشاف محمد نايم بالسرير.... شاله وقال بصوت عالي عشان تسمع أخته اللي بالمطبخ: خولة أنا باخذ الولد طلعت خولة من المطبخ: الحين؟؟ عيسى: إيه... إلا وين حسام خولة: طلع يصلي وللحين ما جا عيسى بصوت واطي: اشوا... يللا أنا طالع ركضت خولة: دقيقة... - فتحت الدرج وطلعت الاسوارة: خذ هذي مو حلوه يظن صديقك أنك سرقتها عيسى" الحمد لله.. أنك ما تدرين أنا الولد هو المخطوف ": زين ما نسيتيها... يللا مع السلامة طلع وركب السيارة ومشى ألف.... لأنه عرف أنا حسام شك فيه.... وقف سيارته بمكان بعيد عن الموقع المطلوب.... نزل وشال محمد اللي كان نايم مع أنا الجو بارد.... مشى ومشى ووقف لما شم ريحة دخان.... التفت وشاف مجموعة شباب جالسين حوالين نار.... كمل طريقه وريحت الدخان ذكرته بيوم وفاة زوجته اللي كانت حامل.... جا من العمل وشاف المطافئ واقفة عند العمارة اللي هم ساكنين فيها.... وبعد محاولات أنطفت النار وأكتشف أنا زوجته ماتت بسبب حروقها بالمستشفى.... حس بحقارة نفسه وهو يناظر محمد النايم.... غير طريقه وبخاطره" ما أبغى فلوسك يا سعيد.. ما أبغها ".... راح لعمارة بالزاوية قريب تنتهي من البناء.... أخذ كرتون من أغراض العمال... حط محمد فيه بعناية.... باسه وقال: سامحني يا ولدي أنا غلطان... أنت لك أخو توأم ويشبهك... إن شاء الله بتقابله وبتعرف منه أهلك... وهذي اسوارة معك مدري من وين جابتها خدامتكم... بس أكيد أنها حقت أمك وإن شاء الله ترجع لها... الله يرجعك لحضن أمك وأبوك... يارب قام ومسح يدينه بملابسه وطلع وهو يسب نفسه.... قطع الشارع عشان يرجع لمكان سيارته.... بس طلع له مراهق يسوق السيارة بسرعة جنونية.... ما قدر المراهق يتحكم بالسيارة لما شاف واحد يقطع الشارع.... وصدمه، ارتفع عيسى لسقف السيارة وتدحرج لين وصل الأرض.... نزل المراهق وهو مرعوب.... ارتجف لما شاف جثة عيسى وكله دم.... ركب سيارته وفحط ومشى.... الشاهد الوحيد رجال بالثلاثين شاف الحادث وبس.... عرف شكل السيارة ورقم اللوحة.... دق ع الاسعاف والشرطة.... وصل حسام البيت: السلام عليكم خولة جالسه لوحدها: وعليكم السلام جلس حسام: اجل وين الولد خولة بهدوء: خذه عيسى لأهله تذكر حسام: آآخ شلون نسيت خولة: وش نسيت حسام: كنت ناوي الحق أخوك عشان أعرف إذا السالفة صدق وإلا لا خولة: ليه أنت شاك فيه حسام: مدري بس قلبي ناغزني دق الجرس وراح حسام وفتح الباب.... استغرب 2 من الشرطة ومعهم رجالين وحرمتين.... واستغرب لما شاف الطفل هو نفسه اللي كان عندهم.... الضابط: لو سمحت هذا بيت عيسى الـ... حسام: هذا بيتي وعيسى ساكن عندي الضابط: ممكن تناديه حسام: هو طلع قال أنه راح يودي... - أشر على أحمد: ها الولد لأهله الجازي بهمس: ايــش ناصر خذ أحمد من أمه وقرب من حسام.... وقال: ها الولد حسام: إيه نفسه أو يشبه له... بس ملابسه تختلف حتى كان معه اسوارة ذهب ريان: كيف وصل ولد أخوي عندكم الضابط: ممكن تفهمنا الموضوع بعد حسام ومد يده: تفضلوا داخل وأنا أشرح لكم بعد ربع ساعه ضرب حسام يده بالجدار: الـ..## كنت عارف إنا وراه بلا ريان: وش تقصد حسام: لأنه كان يوصي أخته ع الاسوارة لا تضيع... وملابسه لا ترميهم ناصر: ليه أخو زوجتك يسوي كذا... حرام عليه تعاطف حسام معه: ما أدري والله... بس أنت تقول إنا الخدامة استلمت فلوس لما عطته الولد... أكيد حتى هو بيستلم فلوس على فعلته الجازي وليلى وخولة مسوين مناحه على محمد.... وأم الجازي كل شوي دقت على بناتها تسأل لقوه وإلا لا.... الضابط اللي كان عند سيارته بلغ المركز عن السالفة.... دخل المجلس مستعجل.... الضابط: أخ ناصر... أخ ريان الكل التفت.... ناصر: هلا الضابط: وصل لنا بلاغ إنا عيسى بالمستشفى لأنه مسوي حادث نص ساعة والكل عند باب غرفة العمليات.... تجمعوا الناس ليه هذول جايين ومعهم شرطة وش القضية.... هذي كانت الهمسات.... الجازي تروح وتجي وفي خاطرها تردد" مات.. أكيد مات وأختفى معه مكان ولدي ".... جلست ع الكرسي جنب أختها.... اللي كانت تسقي أحمد الحليب.... أهملته عشان أخوه خذته من أختها وضمته.... خايفة تفقده مثل أخوه.... بس يرجع لها محمد لاتحطهم اثنينهم بعيونها.... طلع الدكتور ونزل الغطا عن وجهه والكل على أعصابه.... ريان قطع الصمت وقال: ايش صار يا دكتور الدكتور: نجحت العملية الكل تنهد براحه.... ناصر: نقدر نشوفه الدكتور: لا طبعا... ما راح يصحى إلا الصباح بعد دقايق الكل رجع لبيته وشايل همه.... يتبع..... | ||||||||||
|
| |
|
26-08-17, 07:34 PM
| #4 | ||||||||||
| طلع الدكتور ونزل الغطا عن وجهه والكل على أعصابه.... ريان قطع الصمت وقال: ايش صار يا دكتور الدكتور: نجحت العملية الكل تنهد براحه.... ناصر: نقدر نشوفه الدكتور: لا طبعا... ما راح يصحى إلا الصباح بعد دقايق الكل رجع لبيته وشايل همه.... طلع عبد الله من بيت صديقه.... هو جا من القصيم مخصوص له لأنه مسوي عملية.... ركب سيارته ومشى وتذكر إنا زوجته أمل تبي أغراض.... وقف سيارته عند العمارة.... نزل من سيارته وهو يفرك يدينه من البرد.... دخل للبقالة القريبة واشترى اللي يبيه.... رجع لسيارته وفتح الباب بس صوت غريب وقفه.... لف لجهة العمارة " أكيد هذي بسه ".... سمع الصوت من جديد" لا هذي مو بسه.. هذا " راح لداخل العمارة ومثل ما توقع طفل يصيح.... حاول يتبع الصوت.... وشاف شي يتحرك بوسط الكرتون.... رفع الغطا عن وجه محمد وزاد محمد صياحه.... كأنه فرحان إنا في أحد سمع صوته.... شاله عبد الله بحنان وهو يتحسر على حاله.... 4 سنين مرت على زواجه وزوجته كلما حملت مات الجنين ببطنها.... بسبب جرثومة تقتل الجنين قبل ما يتكمل نموه.... العلاج غالي على واحد راتبه 1200.... يتمنى طفل واحد، واحد بس يملي حياته.... وهذا الطفل رموه أهله لأنه عار عليهم.... ناظر الولد وتنهد: لا حول ولا قوة إلا بالله حاطينه هنا وبالبرد... كأن الدولة ما فيها دار رعاية طلع من العمارة وماله إلا يسأل الجيران.... راح لأول بيت ودق الجرس.... ردت حرمه من ورا الباب: من بالباب عبد الله: السلام عليكم الحرمه: وعليكم السلام خير يخوي عبد الله: الخير بوجهتس... بس بغيت اسألتس أنا لقيت ولد بالعمارة اللي قبال بيتكم... ملفوف بغطا أبيض وأزرق ومعه اسوارة ذهب... تعرفين من ولده الحرمه بخوف: لااا الله يستر علينا... مو ولدنا سأل البيت الثاني رد الرجال من التفلون.... ونفس الإجابة والبيت الثالث والرابع وكلهم نفس الإجابه.... وقف عند آخر بيت ودق الجرس.... وفتح له ولد عمره 13 سنة.... هذول أول ناس يفتحون الباب أما الباقي يا من التلفون أو من ورا الباب.... عبد الله: السلام عليكم عادل: وعليكم السلام... نعم عبد الله: ايش أسمك عادل: أنا عادل عبد الله: اهاا يا عادل... تعال ناظر الولد ناظره عادل ببراءة وقاله عبد الله: تعرفه عادل: لا عبد الله: يعني ما يقرب لك ولا ولد واحد من أهلك عادل: لا هذي أول مرة أشوفه... حتى أنه مو ولد الجيران... ليه وين أهله أشر عبد الله بيده: شفت العمارة اللي بالزاوية عادل: إيه ايش فيها عبد الله: أنا سمعت صوته يصيح وهو داخل استغرب عادل: ومن هو جابه هناك عبد الله قال وهو يساير الولد: يمكن أهله جايين يشوفون العمارة... ولأنهم كثير نسوه وطلعوا عادل: اهاا يمكن نسوه... طيب ايش بتسوي فيه عبد الله: بأخذه بيتي وبربيه مثل ولدي عادل: وإذا جو أهله يدورونه عبد الله وهو ينزل من الدرج: لا ما راح يدورونه لأنهم ما يبونه... أدخل داخل عن البرد تسمر عادل بمكانه لأن أفكارة تشوشت.... " كيف أهله ما يبونه وهم نسوه بالعمارة ".... ارتجف من البرد ودخل وطنش السالفة.... رجع عبد الله لسيارته وحط محمد فيها.... وسكر الباب عن البرد وراح للبقالة واشترى حليب بالفراولة.... رجع لسيارته وركب ومشى ودور أقرب صيدلية.... نزل واشترى رضعه صب الحليب فيها.... وحط محمد بحضنه وبدا يسقيه.... بعد فتره، شبع محمد وبدا يبتسم لعبد الله ويحرك يدينه ورجوله.... ضحك عبد الله: ههههههه يا حياتي شبعت... - شاله وهو يحاول يوقفه، باسه وقال: يا حلو يا بطل... - مدده بحضنه وقال: يللا عن الشطانه وخلني أسوق زين وصل عبد الله شقته والفرحة مو ساعيته.... خلاص محمد دخل قلبه وما راح يتخلى عنه.... دخل الشقة المؤقته وقال: السلام عليكم أمل: وعليكم السلام... - قربت لما شافت محمد: يسلم قلبه من ولده جلس عبد الله بعد ما خذته أمل: لقيط تفاجاءت أمل: لقيط؟؟ يعني جبته من دار الرعاية عبد الله: لا والله... أنا شفته في عمارة لحاله يعني أكيد لقيط أمل: يعني بيعيش عندنا هذا اللي كان خايف منه عبد الله لأن العيب في أمل.... وهو ما يبي يجرحها ويأخذ طفل يتيم ويربيه.... قال بتردد: إذا ما عندتس مانع ابتسمت أمل وهي تناظر الولد.... ياما حاولت فيه يتزوج لأنه من حقه يكون عنده ولد.... بس هو مو راضي وقال لها تسكر الموضوع.... وخافت أنه يتضايق إذا طلبت طفل يتيم يملي عليهم حياتهم.... فرح عبد الله لما شافها تناظر الولد وهي مبتسمة.... بشارة خير، قرب منها وباس الولد.... وقال: إذا ما تبينه الحين آخذه لدار الرعاية أمل بسرعة: لااا وش دار الرعاية... خله عندنا واحنا بنفذ وصية الرسول اللهم صلي وسلم عليه وبنهتم فيه... بس هو ولد ولا بنت هز عبد الله كتوفه: مدري بس شكله ولد... لأن بيجامته كلها رسوم سيارات جلست أمل ع الأرض وجلس عبد الله يراقبها كيف متحمسة.... فتحت أمل الحفاضة: يا حياتي هذا ولد... - ناظرت محمد وابتسمت: لا وجايب لنا هدية عبد الله: ههههههههه ما دريت كان شريت له معي حفايض وقفت أمل وهي شايله محمد: ما عليك في وحده عبد الله: من وين أمل وهي تروح الحمام: من شوي جت جارتي السورية مع عيالها... ونست شنطتها وأنا بستعير منها حفاضة وحدة عبد الله وهو يلحقها.... يجذبه ذا الولد اللي يضحك له: خلاص أخذي وحده عشان أرجعها لهم أمل وهي تفتح الموية: إلا ما قلت لي وش نختار له أسم عبد الله واقف عند الباب: وش رايتس بمازن أمل وبدت تغسل محمد: إيوه حلو أسم مازن... - لصقت وجها وبوجه محمد وقالت وهي تناظر المرايا: ها يا مازن... حلو أسمك صح انبسط مازن وهو يدخل يده بفمه.... كل يوم يشوف ناس جدد ويتعرف ع اللي حوله.... عبد الله كان يناظرها وهو مبسوط.... ما توقع أنا أمل تحب الأطفال كذا.... وأخيرا جا الولد اللي ينتظرونه.... عبد الله: يللا أستعجلي عشان نلحق نشتري له أغراض... لأن الفجر بنمشي القصيم طلعت أمل وهي لافه الفوطة على مازن.... راحت عند شنطة جارتها ومن كثر الأغراض اللي فيها كانت مفتوحة.... خذت حفاضة ولبستها مازن.... أمل: تصدق أخاف يجي أحد يسال عنه عبد الله: لا ما أظن، أهله ما رموه بالعمارة... إلا لأنهم ما يبونه... - طلع من جيبه اسوارة: ناظري لقيتها معه خذتها أمل: بحفظها عندي حتى ملابسه.... وإن شاء الله يجي أحد يسأل عنه عبد الله: ولو إني ما أظن بس إن شاء الله... - قطع كلامه لما دق الجرس.... قام وفتح الباب.... حنان: السلام عليكوم عبد الله: وعليكم السلام حنان: أنا جارتكوم ايجيتكوم من شوي... ونسيت شنطايتي فيني آخدا عبد الله: أكيد تفضلي دخلت حنان: مرحبا أمل وقفت أمل: مرحبتين... وش أخبارتس حنان: منيحه... كيفك أنتي ومين النونو ابتسمت أمل: أنا بخير... والنونو ولد أختي جابته وطلعت عندها مشوار... عاد سامحيني يا أم رامي أختي نست الحفايض وأنا أخذت وحدة من حفايض بنتتس سـ... قاطعتها حنان: شو ها الحكي حنا إخوات... وولاد خيتك هنن ولادي أمل: تسلمين حنان: فيني آخد شنطايتي... أبو رامي عم يستنى أمل: أكيد... - رفعت الشنطة وقالت: تفضلي ومشكورة ما قصرتي حنان وهي رايحة: ولو ما عملت شي... يللا سلام عليكوم أمل: وعليكم السلام طلعت حنان وقال عبد الله: أي أخت تقصدين... اللي ف حايل وإلا اللي بالقصيم أمل: هههه لا أختي الوهمية... يللا خلني البس عباتي وخذ مازن معك وأسبقني عبد الله: طيب... لا تنسن تقفلين الشقة ركبت أمل السيارة وخذت مازن من عبد الله.... شغل عبد الله السيارة ومشى.... أمل ناظرت بمازن وقالت بتفكير: تصدق أحس أنا مازن مو لقيط عبد الله: ليه أمل: يعني لو هو لقيط كان شفته أصغر من كذا... هذا كبير شوي يعني يمكن عمره 6 أو 8 أشهر... كيف يربونه فترة وبعدها يرمونه عبد الله: تصدقين توني انتبه لها الشي... تتوقعين مخطوف ولا بايعينه خافت أمل من ها الأفكار: أعوذوا بالله كل شي جايز... بس ما أدري مانيب قادرة أفكر... صحيح مازن نساني اسألك عن صاحبك وش أخباره عبد الله: لا الحمد لله هو بخير... ومن يومين طالع من المستشفى... والله انبسط إني جيت له وصلوا لسوق يناسب فلوسهم.... وفرحانين وهم يختارون ملابس لمازن.... ويراعون الأسعار لأنهم فقراء.... وقبل ما يرجعون راحوا لدار الرعاية وبلغوا عن مازن.... بس ما يدرون ليه كذبوا بسالفته يمكن عشان محد يأخذه منهم.... وقدروا يكفلون مازن.... وبعدها رجعوا لشقتهم ومن الفجر مشوا للقصيم.... يتبع......... | ||||||||||
|
| |
|
26-08-17, 07:37 PM
| #5 | ||||||||||
| صحى من النوم، ناظر حوله، هو وينه فيه.... مبين أنه في مستشفى بس ليه.... تذكر وش صار له أمس الولد والحادث.... تنهد وهو يحس بألم في راسه ورجله المكسورة.... دخل الدكتور وتطمن عليه.... وقال للممرضه تجيب له الأكل.... بدا يأكل وهو يغصب نفسه.... بعد ساعة انفتح الباب ودخلوا جماعة.... ناظرهم وهو مستغرب شرطيين وحسام وأخته عرفها من عيونها.... ومعهم رجالين أول مرة يشوفوهم وحرمتين.... شد نظره للولد اللي شايلته أمه.... الكل انتبه لنظرته لأحمد لأنه أكيد عرفه.... حط ناصر يده على شعر أحمد.... قال وهو يناظره بحقد: أعرفك... هذا ولدي أحمد وين محمد ما قدر عيسى يرد لأنه خايف من الجاي.... ريان كنه شي وانفجر: لا يكون صابك صمم يا جعلك المرض... أنطق لأ... قاطعه الضابط: هدي يا أخ ريان... راعي أنه مريض ريان بعصبية: وليه هو ما راعى البزر اللي خذه... - ناظره بتهديد: أنطق لأحفر قبرك بيدي... - دايما ها الجملة على لسانه إذا كان معصب.... أخيرا نطق عيسى وقال: حطيته عند............... بعد ما عرفوا العنوان.... طلع ناصر وريان وزوجاتهم ومعهم الضابط.... اللي أشر لأثنين من العساكرة يجون معه.... بالحي العادي بعد هدوء ممل.... إزعاج سيارات الشرطة.... الكل تجمهر حول السيارات الثلاث 2 للشرطة ووحدة لريان وناصر.... نزلوا 2 من الشرطة ودخلوا للعمارة المقصودة.... ناصر وريان واقفين مع الضابط.... الجازي وليلى يناظرون من نافذة السيارة.... جو العسكريين وقالوا بنفس الوقت: ماله أثر الضابط: متأكدين العسكري: إيه دورناه كويس وما في شي يدل عليه.... حتى اسأل المهندس المهندس المصري: أنا قيت مع العمال من الساعة 6 الصبح... وما لئيناش أي طفل أبدا واحد من الموجودين سأل العسكري اللي مانعهم يدخلون: لو سمحت يا الأخو... وش صاير كأنكم تدورن شي العسكري: في واحد خطف طفل من أهله... ولما مسكناه قال أنه حطه في ذا العمارة... بس الظاهر أنهم ما لقوه تذكر الرجال: صح... أمس الليل جا رجال بيتنا وقال أنه لقى ولد في ذا العمارة العسكري: متى الرجال: تقريبا 9 ونص الليل العسكري راح للضابط اللي واقف مع ريان وناصر.... وقالهم عن الرجال.... راحوا له.... وفعلا سألوا الموجودين.... الضابط: محد منكم شاف الرجال واحد: لا أنا رديت من تلفون البيت ثاني: أختي ردت من ورا الباب وما شافته ثالث: بس لهجته شوي قصيمية ناصر: يمكن هو قصيمي وساكن الرياض ريان: ويمكن جاي زيارة ورجع الضابط: راح نرسل رجال لدار الرعاية... لأن أحتمال أنه أخذه لهناك بعد ما خلص عادل فطوره.... قام بعد ما حنوا عليه خواته يشوف وش سالفة الشرطة والناس المتجمعة.... ندم أنه طلع لأن الجو بارد بس هو عارف خواته.... طلع لشارع وما قدر يشوف شي.... يمكن حد ميت بس مو مهم.... قرب من سيارة وبدا يرتب جاكيته وهو يناظر النافذة.... شاف الولد اللي بحضن الحرمه.... هو نفسه اللي جابه الرجال وسأله إذا يقرب له ولا لا.... فتح باب السيارة بدون أذن وقال: مبروك يا خالة أخيرا لقتي ولدك ليلى: أي ولد عادل ببراءة: هذا الصغير... أمس جا رجال بيتنا وعنده ذا الولد... قالي أنكم جيتوا أمس تشوفون عمارتكم ونسيتوا ولدكم داخل صح... يحليله أمس يصيح والحين يضحك طياري الجازي دقت على ناصر.... ناصر: الوو الجازي: الحق يا ناصر في ولد يقول أنه شاف رجال ومعه محمد ناصر بصدمة: ايش الجازي: تعال أسمع وش قال ناصر وهو يناظر حوله.... وريان والضابط يناظرونه.... قال ناصر: أي ولد وينه الجازي: عندي بالسيارة ناصر: طيب جاي ريان: ايش فيهم ناصر بتوتر: تقول الجازي جاي لها ولد يقول أنه شاف رجال... ومعه ولدي محمد راح ناصر وريان والضابط.... ناظرهم عادل وخاف لما شافهم جايين له بعد عنهم خطوتين.... الضابط: تعال يا ولدي لا تخاف قرب عادل: نعم الضابط: أنت شفت أمس رجال ومعه ذا الولد عادل: إيه... هو جا بيتنا وأنا فتحت له الباب وقالي إذا أعرف الولد ولا لا ريان: وبعدين عادل: قالي أنكم جيتوا عمارتكم ونسيتوا ولدكم فيها عرفوا أنا الرجال قال كذا عشان عادل صغير.... الضابط: وما قالك وين بيودي الولد عادل ببراءة: هذا هو عند أمه الضابط بطولة بال: لا هذا أخوه التوأم... أنت شفت التوأم الثاني عادل: اهاا توأم... قالي أنه بيأخذ الولد عنده وبربيه مثل ولده تنهد ناصر وحس بإحباط.... أختفى ولده منه للأبد.... وماله داعي يجلس هنا والشرطة أكيد راح تكمل البحث.... أشر لأخوه ريان وركبوا السيارة ومشوا بهدوء تـام.... يتبع....... | ||||||||||
|
| |
|
26-08-17, 07:38 PM
| #6 | ||||||||||
| مر يوم.... . . وشهر.... . . وسنة.... . . بعد 13 سنة.... وصل مازن للبيت.... دخل يده بجيبه وطلع المفتاح.... فتح باب البيت ودخل للصالة.... شاف أخته أروى { سنتين } نايمه ودموعها بخدها كالعادة.... هذا حالها من توفت أمها أمل.... عبد الله يروح للعمل ومازن للمدرسة ويتركونها لحالها بالبيت الين يجيها مازن.... حط مازن كتبه بمكان ما توصل له أروى وراح المطبخ.... فتح الثلاجة وأخذ الجبن والمربى.... أخذ له الخبز ومسح الجبن والمربى فيه وبدا ياكله.... ناظر الخبز بحسرة، طفش منها لأنها الوجبة الرئيسية بالنسبة لهم.... ما يدري ليه فجأة ارتفعت الأسعار وخلتهم على بساط الفقر.... طلع من المطبخ وراح للصالة.... أخذ كتاب العلوم وفتحه ويفر فيه.... مر في باله موقف قديم.... دمعت عيونه وهو يناظر أروى النايمة.... لأنه تذكر المدرس اللي قاله بحقيقته.... مقهور من أهله اللي جابوه بالحرام ورموه بالشارع.... الين جا عبد الله ورباه عنده وهو مو مجبر يصرف عليه.... بعد ساعة ونص.... وصل أبو مازن بيته ودخل وشاف مازن يضرب أروى وهي تبكي.... أبو مازن: مااازن... ايش هذا ركضت أروى لأبوها وهي تصيح.... شالها أبوها وقرب مازن وقال: يبه... أرووه شقت كتابي جلس أبوه: وليه ترمي كتبك بالأرض مازن: نمت وأنا أكتب صحيت وشفت أرووه شقته أبوه: تستاهل عشان مرة ثانية ترفع كتبك بعيد عن أروى... يللا شل أغراضك لغرفتك راح مازن وشال كتبه وهو مقهور.... راح غرفته وحطهم ع المكتب.... طلع لما سمع أبوه يناديه.... مازن: نعم يبه أبوه: خذ أروى وغير حفاضها أنقهر مازن تشق كتبه ويغير حفاضها.... مسكها وراح فيها للحمام نزل لمستواها حتى يفتح الحفاض.... أروى تبي تنتقم منه ضربته على وجهه.... عصب منها وقرصها وقال: يحماره صرخت أروى وجا أبوها وقال: مازن وبعدين معك مازن مقهور: ليه تضربني أبوه بعصبية: وأنت تحط عقلك بعقل بزره... قم أطلع برة... يللا قم ناظره مازن وهو مصدوم.... هو عارف إنا عبد الله مو أبوه لأن المدرس قاله.... وهو واجه عبد الله وصار كلام المدرس صحيح.... قال وهو يرتجف: و..وين أروح استغرب أبو مازن من تغير مازن.... نزل لمستواه وقال: مازن وش فيك دمعت عيون مازن وقال: أنا عارف أنك مو أبوي وأنت قلت أطلع برة... أطلع برة البيت وين أروح تذكر أبو مازن إنا مازن عارف بحقيقته.... وطبيعي يتحسس من أي كلمة.... ضمه وقال: مازن أنا قلت لك أطلع برة... يعني أطلع من هنا، رح الصالة أو غرفتك... مو أطلع من البيت ولا تجي بكى مازن على صدره وقال: يبه لا تطردني أنا ما أعرف أحد... إذا كبرت أنا بطلع لحالي... بس لا تطردني والله ما أضرب أروى مسح أبوه ظهره وقال: أنا ما أبيك تطلع حتى لو كبرت... وبعدين أروى من ينتبه لها... هذي أختك الصغيرة ومالها إلا احنا... - بعده عنه وقال: يللا قم أغسل وجهك وهات كتابك الصالة مع لزقه... عشان أعدله لك مازن وهو يمسح دموعه: طيب ناظر أبو مازن بنته وبدا يغير حفاضها.... تنهد لأن ها الشغلة مو له ولا لولده.... هذي شغلة الأم وبما أنا أمل توفت من كم شهر.... ماله إلا يكلم جارهم عشان يقول لزوجته تدور له عروس.... في الخبر ببيت ناصر.... نزل أحمد { 13 سنة } من الدرج وهو مبسوط.... دخل الصالة وما كان فيها أحد.... راح لمكتب أبوه ودخل.... أبو أحمد كان جالس بالمكتب ومندمج بالعمل.... قرب أحمد منه وقال: بابا... متى تعلمني السواقة رفع أبو أحمد راسه عن الأوراق وناظر ولده.... تذكر محمد وأنفطر قلبه، كان المفروض يكونون اثنينهم حوله.... ضم أحمد وبخاطره" وش تسوي يا محمد.. وكيف عايش".... أحمد قرا أفكار أبوه وقال: بابا إن شاء الله محمد بيرجع استغرب أبو أحمد وبعد ولده عنه وقال: من قالك عنه أحمد: ماما قالت لي عن أخوي محمد... ورتني صورته يشبهني مرره تنهد أبوه: الحمد لله على كل حال... وش عندك جاي أحمد: أبغى تعلمني السواقة أنت وعدتني أبوه: إيوه بس مو اليوم أحمد: لا تلعب علي بابا لف أبوه عنه: أحمد أطلع بره أنقهر أحمد ودمعت عيونه وقال: ليه تكذب علي أبوه: أحمدووه والله منيب رايق... أقصر الشر وأطلع نزلت دموع أحمد وقال: ليه ما تحبني أنا مو ولدك... ليه تقول شي وما تسويه لا.... لا الا دموع أحمد لا تنزل.... لأنها غالية على أبوه، مو مكفي محمد مفقود وما يدري عنه.... ويخاف يفقد أحمد مثل أخوه.... مسح دموع ولده وقال: افاا حمتوو ليه ها الدموع أحمد بصوت باكي: قل أنك ما تبي تعلمني السواقه... يا ليت الخدامة قتلتني وسرقت محمد أبو أحمد خلاص عوره قلبه لأن ولده يدعي على نفسه.... ضمه وقال: خلاص أحمد لا تصيح... بعد الغدا آخذك المزرعة وأعلمك السواقة... وش تبي بعد أحمد بشك: وعد أبوه: ايه وعد... تبي شي ثاني ابتسم أحمد: لا... شكرا انبسط أبو أحمد لما ابتسم ولده وقال: يللا رح قل لأمك تحط الغدا أحمد: طيب طلع أحمد أما أبوه ظل يفكر.... أحمد غالي عليه لأنه يذكره بمحمد.... كل طلبات أحمد مجابة لأنهم ببساطة يخافون عليه حتى من نسمة الهواء.... راح أحمد المطبخ وقال: هاااي ماما التفتت أم أحمد له وابتسمت: هلا حبيبي قرب أحمد: وش غدانا اليوم أمه: سويت لك السمك اللي تحبه دخلت بنتهم غزلان اللي عمرها 8 سنوات.... دخلت وبيدها عروستها.... أحمد: ماما متى تحطين الغدا... بابا بياخذني المزرعة عشان يعلمني السواقة أمه: من عيوني ناظر أحمد أمه وهي تحط الغدا.... شاف أخته غزلان تسرح شعر عروستها.... راح لها وخذ عروستها.... غزلان: أحمدوووه عطني لعبتي أحمد كان يسوي حركات بوجهه حتى يقهرها.... وقال: إذا تبينها تعالي أخذيها حاولت تاخذها وما قدرت.... ركض أحمد وركضت وراه.... وانتهى اللعب على صياح غزلان لأن أحمد ضربها.... محد يقوله شي لأنه ببساطة مدلل.... في بيت أبو مازن.... خلال 3 اسابيع لقى أبو مازن بنت الحلال اللي رضت فيه.... من عايلة عادية لكن دكتورة وتصرف على أمها وأبوها.... أخوها الكبير عاق بس أنه يسرح ويمرح في دول شرق اسيا.... بعد الزواج.... دخلت بدور بيت زوجها أبو مازن وهي مبسوطة.... صحيح كانت تحلم بدكتور مثلها.... لكن بسبب أخوها تأخرت بالزواج الين وصلت لـ 36 سنة.... والحين تزوجت وصانت نفسها بغض النظر عن فرق العمر بينها وبين أبو مازن.... مازن: خالتي بدور: هلا مازن مازن: انتي بتسكنين معنا على طول ابتسمت بدور: إيوه مازن: وتنتبهين لأروى بدالي بدور: ههههههه أكيد ضحك مازن واخيرا بيرتاح من مسؤلية أروى.... أبو مازن: بس يا مازن... خالتك تروح العمل من 6 الصباح وما ترجع إلا المغرب... يعني أنت اللي تنتبه لأروى مازن: بس أنا بكون بالمدرسة... وتصير أروى لحالها بالبيت مثل قبل بدور: لا ما راح أتركها لحالها بالبيت... باخذها عند أمي وإذا رجعت أنت من المدرسة... تاخذها معك طيب مازن: طيب بعد شهر.... رجع مازن من المدرسة.... فتح باب بيتهم ودخل ومعه أروى من بعد ما أخذها من بيت أهل بدور.... حط مازن كتبه بمكان ما توصل له أروى.... شغل التلفزيون لأروى وتمدد ع الجلسة، حتى ينام.... دخل أبو مازن وبيده الغدا لعياله.... صحى مازن وأروى وجلسوا ياكلون غداهم.... بما أنا بدور بالمستشفى وما بعد ينتهي دوامها.... بعد الغدا تمدد أبو مازن حتى يرتاح لأن عنده دوام 4 العصر.... العصر، بعد ما طلع أبو مازن صحت أروى وراحت لأخوها وهي تصيح.... أروى وهي تصيح: أأأ... أأ رفع مازن راسه عن كتبه وقال: هااه يا أروى وش فيتس أروى تحاول تنطق ودموعها بخدها: مااا..ماا مازن: يا ربي... وش تبين يا أروى ضربته أروى لأنه مو فاهم عليها.... عصب مازن ومسك يدها.... لكن تفاجئ من حرارة جسمها.... حط يده على جبهتها ويده الثانية على جبهته يقيس حرارتها.... صحيح أروى تعبانة.... وش يسوي أخته تعبانة وأبوه في العمل.... ناظر كتبه بكرة المدرس بيصحح دفتره ولازم يكمل دروسه.... بس هو عارف إنا عبد الله مو أبوه.... وكثر الله خيرة اللي سكنه في بيته.... وقف ولبس ثوب المدرسة ولبس جزمته.... راح لأروى اللي نامت لأن الحرارة هدت حيلها.... قرب منها وشالها وراح المستشفى.... دخل المسشتفى وراح لنافذة الإستقبال.... شاف رجال ثلاثيني.... مازن: عمي... عمي أختي تعبانة ناظره الرجال واستغرب: وين أمك عنها مازن: أمي ماتت وأبوي بالعمل... بس خالتي دكتورة هنا الرجال: وش أسم البنت مازن: أروى عبد الله الـ... تفاهم الرجال مع الممرضة اللي جايه تأخذ اوراق.... طلعت الممرضة وقالت: أنتا ولد تئالي راح مازن وراها وهو شايل أروى.... أشرت الممرضة وقالت: أنتا يجلس هنا... بئدين يسمئ نيم بيبي في قوم ما فهم مازن وش تقول غير أنه يجلس وينتظر.... جلس ع الكرسي والكل يناظره.... التفت الشايب لما شاف الولد اللي جلس جنبه.... الشايب: يا ولدي... وين أمك عن أختك مازن: أمي ماتت الشايب: الله يرحمها وأبوك مازن: أبوي بالعمل الشايب: لا حول ولا قوة إلا بالله... وين عماتك وخالاتك مازن: خالتي تشتغل دكتورة هنا وأنا باخذ أختي لها طلعت الممرضة وبيدها ورقة المريض الثاني.... ما تعرف تقرا عربي وقالت للسكيورتي ينادي.... أخذ السكيورتي الورقة وقال: أروى عبد الله الـ... أروى عبد الله الـ.. قام مازن وراح له وقال: أروى أختي أنا السكيورتي ظنه يتسهبل وقال: لا والله... وينها أشر مازن بيده: هناك نايمة ناظر السيكورتي وتفاجئ لما شاف بنت صغيرة نايمة.... ع الكرسي وجنبها شايب.... وقال: هذي أروى مازن: إيوه... أروح أجيبها السيكورتي: إيوه عشان يدخلونها ع الدكتورة راح مازن وشال أخته وجا.... السيكورتي فهم الممرضة وراحت ومازن وراها.... طلبت منه يجلس وينتظر الين يسمع أسم أخته.... جلس مازن وأروى بحضنه.... ناظر حوله كلهم نسوان وعندهم بزارينهم.... تعب مازن من أسلئة اللي حوله عن أمه وأهله.... أنتظر الين سمع أسم أخته.... وقف وضغط على كتوفه.... مدد أيدينه بالهواء وشال أروى ودخل ع الدكتورة.... استغربت بدور لما شافت مازن جاي ومعه أروى.... وقفت بدور: مازن... وش فيها أروى مازن: تعبانه حرارتها مرتفعة خذتها منه وفحصتها.... ارتاحت لأنها حرارة عادية.... راحت لمكتبها وكتبت بالأوراق اللي قبالها.... بدور: مازن اسمعني كويس... خذ أروى الحين ورح البيت وسو لها كمادة... تعرف شلون توسي كمادة مازن: إيوه... أخذ قماش وأغطه في موية باردة... وأحطها على جبهتها صح بدور: صح... وخلك جنبها زين وانا بعد ساعة بجي طيب مازن: طيب طلع مازن وهو شايل أروى.... أما بدور بعد دوامها خذت الادوية لأروى ورجعت البيت.... وشافت مازن يسوي مثل ما قالت له.... ابتسمت لأنها تحس بالاستقرار بعد زواجها.... بنفس الوقت.... ضمت أم أحمد ولدها أحمد وقالت: انتبه لنفسك يمه أحمد مبسوط بالسفر: طيب ماما لا تخافين أمه ودموعها بخدها: أتصل فيني كل يوم زين أحمد: أكيد أبو أحمد: كل ها الصياح ليه... مو أنتي تبينه يدرس بأمريكا أم أحمد باست ولدها: هذا الغالي حمتوو... وأبيه يجيب معه الشهادة الكبيرة أحمد: طيب ماما بذاكر كويس... بس لا تبوسيني أنا مو صغير أبوه: يللا... مشينا راح أبو أحمد مع ولده للمطار حتى يسافر لأمريكا ويدرس مع خاله وعيال خاله.... بعد ما ودع أبو أحمد ولده راح لبيت أخوه ريان.... وبدوا يتكلمون عن مشروعهم الجديد مع شريكهم.... بعد ما طلع زوجها وولدها ناظرت بالفيلا.... صارت خالية من بعد أحمد حبيبها.... وغزلان بنتها في بيت عمها.... وهي لحالها بالقصر الكبير.... راحت لجناحها وجلست ع السرير.... ناظرت بصورة عيالها أحمد ومحمد.... آخر صورة لهم مع بعض.... باست وجه محمد بالصورة ونزلت دموعها.... قالت وهي تناظر محمد: وش تسوي يا حمودي صاحي ولا نايم... جوعان ولا لا بردان ولا لا ما تدري كم مر من الوقت وهي تكلم صورة ولدها.... رفعت راسها لما حست بحد مسح شعرها.... شافت زوجها يناظرها وهو مبتسم بألم.... مع أنهم دايما يتهاوشون لكن غياب محمد هو اللي يجمعهم.... مسح أبو أحمد دموعها وقال: لا تخافين... إن شاء الله بيرجع زادت دموع أم أحمد: مدري كيف عايش مع العايلة... مدري هم يمنون عليه ولا يحبونه... مدري هم فقارى ومحرومين ولا أغنية وكل شي عندهم جلس أبو أحمد جنبها: ما يصير إلا اللي الله كاتبه له أم أحمد: تدري كلما شفت أحمد يمشي أتخيل محمد يمشي معه.... كلما شفته يلعب أتخيل محمد... - غطت وجهها بيدها وقالت وهي تبكي: قلبي يعورني وأنا أشوف واحد ومدري عن الثاني حط أبو أحمد يده على كتفها وهو يهديها لأنه إذا تركها لحالها بالبيت تبكي على ولدها.... بعد كم شهر.... ركب جاسم السيارة ومشى الف، لأنه مقهووور.... كيف أخته الدكتورة تزوجت.... واي عريس واحد فقير ما عنده الا شهادة ابتدائي.... وهو اللي حرم أخته من الزواج حتى يتمتع براتبها.... قلب البيت على أمه وأبوه لما عرف انها تزوجت.... وهذا هو رايح لها حتى يدفنها هي وزوجها.... وصل البيت ودق الجرس.... فتح مازن الباب واستغرب من الرجال اللي جا لعندهم.... دفه جاسم بقرف ودخل البيت.... أنصدم لما شاف أخته جالسة جنب رجال وبحضنها بنت.... يعني الكلام صحيح.... جاسم بصدمة: بـ..بدور وقفت بدور وقال جاسم: وش تسوين هنا بدور: هذا بيتي وبيت زوجي فتح جاسم عيونه: زوجك؟؟ بدور: إيوه زوجي ولا تظن إني بظل أصرف عليك وعلى أشكالك عصب جاسم: أيا الـ### يا مـ###... - قرب منها ورفع يده بيضربها.... بس هي مسكت يده وقالت: لا تمد يدك لأكسرها عطها كف بيده الثانية: يا .###... - جر شعرها بقسوة وقال: وأنت طلقها ناظر أبو مازن بدور اللي تناظره برجاء وقالت: لا يا عبد الله ما عليك منه ضرب جاسم رجلها وقال: كلي تبن... وأنت وش فيك ساكت، طلقها لأمسح فيك الأرض أبو مازن: أأ..أنتي ط..الق طلع جاسم مع أخته وهو يجرها من شعرها وعم السكون المكان.... ناظر أبو مازن بعياله وشاف الخوف بعيونهم.... قرب مازن من أبوه وقال: يبه من هذا مسح أبو مازن شعره: هذا أخوها بعد 3 ايام دق الجرس وفتح مازن الباب وأنصدم لما شاف بدور.... مازن: خالتي بدور: مازن وين أبوك مازن: داخل دخلت بدور وتفاجئ أبو مازن لما شافها ووجهها مخطوف: بدور؟؟ بدور: عبد الله لازم نطلع من هنا وقف أبو مازن: ليه... أنتي هربتي بدور: إيوه... يللا ضروري نطلع راحت لغرفتها وحطت لزوجها شويت ملابس... وراحت لغرفة مازن وأروى وحطت لهم ملابس.... استغرب أبو مازن لكن قرر يسايرها.... ركبوا السيارة ومشوا لحي ثاني.... أشرت بدور بيدها: وقف عند ذا العمارة وقف أبو مازن وقال: ايش فيه بدور: راح نسكن هنا فتره بعيد عن جاسم الين يسافر ويفكنا أبو مازن: بدور اللي تسوينه غلط... وبعدين أنا طلقتس ما يصير أكون معتس ببيت واحد ناظرت بدور بعيونه وقالت: عبد الله أنا حـ..حامل تفاجئ أبو مازن: ايش بدور بفرح: أنا حامل يا عبد الله حامل ابتسم أبو مازن: مبروك يا بدور ابتسمت بدور: الله يبارك فيك أبو مازن: يللا ننزل أسبوع واحد ودق الجرس.... فتح مازن الباب ودفه جاسم بقرف.... دخل الصالة وقال: يا الـ## ويا الـ## بدور بعصبية: اسكت واللي يعافيك... أنا متزوجة بالحلال مو أنت تسرح وتمرح لا حسيب ولا رقيب أنقهر جاسم وطلع المسدس من جيبه: أن ما أنكتمتي يا بدور... أقسم بالله لأكون مفرغ ها المسدس براسك بدور بصراخ: ما يهمني أبو مازن خاف على عياله وقال: مازن خذ أختك وأدخل الغرفة مازن تسمر مكانه وهو يناظر المسدس.... قرب منه أبو مازن ودخله للغرفة هو وأروى.... رجع الصالة وقال: هدي يا جاسم وأبعد ذا المسدس ناظره جاسم ووجه المسدس عليه: أسكت أنت ولا كلمة... حتى ما أحترمت شيباتك ومتزوج وحده خبلة وكبر بناتك سكت أبو مازن لأن عياله بيضيعون بعده.... ناظر جاسم أخته: بلا هبال يا بدور وأمشي معي بدور: على جثتي نفذ صبره: بـدووور ترا والله لأقتلك هنا يا حـ### بدور بتحدي: أقتلني وش اللي مانعك... مطلع رجولتك علي وناسي نفسك... ولا حلال عليك أنت تتزوج و.... سكتت لأن الرصاصة اخترقت جبينها.... طاحت ع الأرض وأسلمت روحها لباريها.... نزل أبو مازن لعندها ومسك يدها ودموعه بعيونه.... أستوعب جاسم اللي سواه، قرب ببطئ وقال: ببـ..ـدو..ر شافها ما تحركت نزل لعندها وبدا يهزها: بدور... بدور أصحي... - نزل راسه على صدرها وبكى: سامحيني يا بدور أنا أحبك أنتي أمي وأختي وحبيبتي... وماابي أحد ياخذك مني... سامحيني يا أختي سامحيني الجيران بلغوا الشرطة عن صوت طلق مسدس.... داهموا الشرطة الشقة وحطوا الأصفاد على جاسم وأبو مازن.... والغطاء على جثة بدور.... أبو مازن: لو سمحت يا الأخو الضابط: خلك ساكت أبو مازن: عيالي... عيالي بالغرفة دخل الضابط للغرفة وشاف الأثنين ضامين بعضهم ودموعهم بعيونهم.... الضابط: يللا يا عيال تعالوا مازن وهو يرتجف: لا... الحين يقتلنا المجرم الضابط: مسكنا المجرم... يللا تعال أنت وأختك ارتاح مازن لأن هذول الشرطة.... وقف ومشى مع الضابط وأروى متمسكه فيه.... ناظر جاسم وأبوه ويدهم وراهم.... في حد متمدد ع الأرض وعليه الغطا.... ناظر حوله يدور بدور وما شافها.... أكيد أنها بغرفتها لأنها تتغطى من الرجال.... الضابط: خذوهم لدار الرعاية ناظر مازن أبوه وقال: يبه أبو مازن هز راسه يطمنه: رح معهم بعد فتره طلعت براءة أبو مازن.... تنازل عن حق زوجته لأنه ما يبي مشاكل.... طلع من مركز الشرطة بعد ما أخذ عياله.... ركب سيارته ومازن وأروى معه.... مازن: يبه وين خالتي بدور... من ذاك اليوم وما شفناها تنهد أبو مازن: مازن... بدور توفت مازن: أخوها قتلها صح هز أبو مازن راسه وكمل طريقه..... . . يتبع...... | ||||||||||
|
| |
|
26-08-17, 07:39 PM
| #7 | ||||||||||
| يوم العيد.... طلع أبو أحمد من غرفته بيروح يصلي صلاة العيد.... مر عند غرفة ولده أحمد حتى ياخذه معه.... بس الغرفة كانت فاضية، ناظر الغرفة وتحسر.... كل سنة يتمنون وجود محمد معهم.... وها السنة أحمد مسافر وفضى البيت بعده.... تنهد وطلع..... بعد الصلاة.... جاء من المسجد ودخل الصالة وشاف زوجته تبخر البيت.... التفتت أم أحمد لما شافت زوجها دخل وراحت له وعايدت به.... أبو أحمد: بخرتي المجلس أم أحمد: إيوه أبو أحمد: كويس أخوي وعيال عمي جايين هذي العادة السنوية يا ببيته أو ببيت أخوه.... نص ساعة وامتلا البيت من الأهل.... أم أحمد كلما شافت زيد ولد أختها تناديه.... وتتذكر أنا أحمد مو موجود وتسكت والكل ملاحظ وعارف السبب.... رن التلفون.... قامت أم أحمد ترد: الوو ـ :............... دمعت عيونها: يا هلا والله بالغالي... شلونك يمه ـ :.................... أم أحمد بصوت باكي: وأنت بخير... وش مسوي مبسوط ـ :............. أم أحمد: الحمد لله... خالك جنبك ـ :................ أم أحمد: عطني أكلمه وبعد ما سكرت أبتسمت أهم شي أنها تطمنت على أحمد.... بنفس الوقت بالرياض.... طلع من المسجد هو وأبوه.... ناظر حوله الرجال يعايدون ببعض والعيديه تزوع ع العيال الا هو.... لأنه واقف ورا أبوه وكأنه يتخبى عنهم.... شاف الأولاد مبسوطين وهم يعدون عيديتهم.... وبعدها راح مع أبوه لبيت عيال عم أبو مازن.... الكل يعايد بالثاني والكل مبسوط.... ناظر أبوه لما ناداه.... مازن: نعم يبه أبو مازن: رح العب مع الأولاد مازن: طيب وين أروى أبو مازن: عند خالاتك داخل طلع مازن للشارع.... ناظر الأولاد اللي كبره وهم يلعبون بالألعاب النارية.... كلهم لابسين ثياب جديدة والجزم وغيره وغيره.... وهو ما عنده شي يفرح فيه غير عيديته.... واحد من الأولاد قال: مازن تعال العب معنا انبسط مازن بس قال ثاني: لا... أمي تقول لا تلعبون مع مازن لأنه جاي من الشارع الأول: يعني شلون من الشارع الثالث: أمي تقول أهل مازن ما يبونه لأنه يفشلهم... عشان كذا حطوه بالشارع وجا عمي عبد الله وخذه دمعت عيون مازن وما قال شي لأنه عارف أنا كلامهم صحيح.... اخترع لما سمع صوت انفجار وراه.... الكل ضحك على شكل مازن، ناظرهم مازن وقال: ما يضحك ناظر ثوبه وأنقهر ما يكفي أنه قديم.... بعد احترق بسبب الألعاب النارية..... التفت لما سمع وحده من البنات تناديه: نعم البنت: تعال خذ أروى لأنها تبكي داخل دخل داخل وندم لأنه شاف نظرات كره له.... طنشهم ودور أروى حوله وما شافها.... ناظرته زوجة خاله بشفقه" رحتي يا أمل وتركتي ها المسكين يعاني".... زوجة خاله: مازن ناظرها مازن وقال: نعم زوجة خاله: أفتح ذا الدرج تلقى فيه مشط هاته فتح مازن الدرج وبدا يحوس.... ما حس الا بحد يجر شعره لورا.... تألم مازن وقالت خالته: وش عند تحوس بالبيت... بتسرق صح مازن يتألم: لا خالتي قالت لي أجـ... قاطعته وهي تشد شعره: لا تكذب أنا شفتك تسرق جرته من شعره وطلعت به للتهوية من جهة المطبخ.... فتحت باب الشارع اللي ورا ودفته.... طاح مازن بالأرض وانجرحت يده.... خالته بعصبية: أن شفتك داخل البيت بسكر رجلك فاهم... ما بقى الا أولاد الشوارع يسرقون... لا بارك الله فيك من ولد جلس مازن الدرج بالشارع يناظر حوله.... دمعت عيونه، ليه يكرهونه عشان محد يعرف أهله.... سمع خالته تنادي العيال عشان الغدا.... ظل بمكانه الين جا له أبو مازن وبيده أروى.... أبو مازن: مازن وش تسوي هنا وقف مازن: خالتي طردتني بره تفاجئ أبو مازن: جد نزلت دموع مازن وضم أبوه: إيوه... قلت لك ما أبغى أجي هنا لأنهم ما يحبوني... حتى عيالهم يقولون مانبي نلعب معك لأنك ولد شوارع تحسر أبو مازن على حال ولده ومسح شعره وقال: خلاص يا مازن... أمسح دموعك ومنيب جايبك هنا مرة ثانيه ثالث أيام العيد.... وصل أبو أحمد وزوجته وبنته الرياض الصباح وبعد ما ارتاحوا بشقتهم قرروا يتمشون بالرياض.... راحوا الحديقة وبعدها راحوا المجمع عشان الملاهي والمطعم.... أم أحمد تناظر بنتها اللي مبسوطه باللعب.... وما تدري ليه تحس أنها بتشوف ولدها اليوم.... تناظر حولها وكأنها تدوره بين مئات الناس.... أبو أحمد وهو ماسك بيد بنته: الجازي يللا خلينا نروح المطعم أم أحمد: إيوه... خلنا نشتري من كودو راحوا لجهة المطاعم كانت واقفه قريب من زوجها اللي يطلب عشاء.... انتبهت بحد صدم فيها.... ناظرته الا هو ولد صغير.... فتحت عيونها ع الآخر لما شافت ولدها يقول: آسف يا خاله... آسف الصدمة الجمتها، هذا ولدها محمد النسخه الثانيه من أحمد.... كان احساسها صادق وقلب الأم يحس بضناه.... ناظرته وشافته شال البنت اللي تركض ويناظرون الدبدوب بالمحل.... مشت له وكأنها مبرمجة وحست بيد على كتفها.... التفتت وقال أبو أحمد: وش فيك وين رايحه ناظرته وقالت: محمد هنا أبو أحمد بصدمه: ايش التفت لجهة ولدها وهي تقول: ناظر هنا واقف ناظر وين ما ناظرت وشاف رجال واقف شايل بنت ومعه زوجته.... التفتت أم أحمد واستغربت لأنها متأكده إنا اللي شافته ولدها.... أبو أحمد: الجازي... الظاهر أنك تتوهمين تلفتت أم أحمد يمين وشمال وقالت: لا أنا متأكده... كان هنا مع بنت صغيرة أبو أحمد: الجازي... من شوقك لولدك صرتي تشوفينه بكل مكان أم أحمد: بس أنا... قاطعها زوجها: وبعدين، ترا هذي ثاني مره تصير... يللا العشا جهز خلينا نمشي مشت معه وهي مستغربه من نفسها.... معقوله اللي شافته وهم، كيف وهم وهو كلمها.... ظلت طول الوقت تدور عليه بدون فايدة.... بنفس المجمع.... أبو مازن عشان العيد قرر يجازف بـ300 ريال عشان ينبسطون عياله.... جابهم لها المجمع عشان الملاهي اللي بوسطه.... واصلا هو ما يدري عن وجود المجمع الا من زوجته بدور.... دخل هو مع مازن وأروى وعلى طول عند الملاهي.... تركهم يلعبون على راحتهم.... وبعد رجع مازن وأروى لأبوهم اللي كان جالس ع الكراسي.... مازن: يبه خلنا نرجع البيت أبوه: ليه مازن: جوعان أبغى عشاء ابتسم أبو مازن وقال: من أي مطعم تبي مازن: جد!! بنشتري من مطعم أبو مازن: أكيد... هاه أي مطعم تبي مازن: كنتاكي يبه... ربعي يقولون حلو مره راحوا لجهة المطاعم.... وقف أبو مازن عند كتناكي وطلب العشاء.... حط أروى بالأرض لأنه تعب وهو شايلها.... ناظرت أروى حولها وشافت الدبدوب المعروض بواحد من المحلات وراحت له.... شافها أبوها وقال: مازن الحق أختك راح لها مازن وما انتبه للحرمه اللي صدم فيها.... ناظرها وقال: آسف يا خاله آسف راح لأروى وما درا أنها أمه.... شال أروى ويفرجها ع الدب وقال: ناظري يا أروى دبدوب أروى مبسوطه: داا داا التفت مازن لما سمع أبوه يناديه.... شافه شايل كيس المطعم ويأشر له تعال وراح له.... مرت الأيام.... حط مازن الصينية اللي عليها أطباق.... واحد فيه مربى والثاني فيه الجبن والزيتون.... وقف عند الفرن وهو يسخن الخبز ويتكلم بهمس.... ما كان يهمس بشي إلا بآيات قرآنية لأن عنده إختبار فقه.... وجالس يراجع الآيات المطلوبة.... حط الخبز بالكيس وبدا يسوي العصير.... حالف على نفسه يتولى شغل البيت عشان ما يمن عليه أبوه.... لما جهز العصير قال بأعلى صوته: أروى... يا أروى جت أروى وقالت: نعم مااسن مازن: روحي قولي لبابا عشا طلعت أروى أما مازن شال الصينية وراح الصالة .... توه بينادي أبوه إلا أبو مازن جا.... أبو مازن: جهز العشا... ما قصرت يا ولدي بارك الله فيك ابتسم مازن: ما سويت شي ولما خلصوا العشا قام مازن وشال الصحون وراح المطبخ.... لبس المريلة ووقف عند المغسلة وبدا يغسل اللي قباله.... دخل أبو مازن وقال: مازن التفت مازن: سم يبه أبوه: أنا ما قلت لك طلع قيمة الأكل اللي تأكله ابتسم مازن: عادي يبه أبوه: طيب نام ساعة وبعدها كمل شغلك مازن: خلاص ما بقى شي بعد ما خلص شغله طلع من المطبخ وعلى طول راح يتروش.... تمدد بالصالة وأخذ له غفوة.... شـوقٌ يـدفـعـنـي لأراهـا.... أمـي ذكـرى لا أنـسـاهـا.... فتح مازن عيونه على صوت التلفزيون العالي.... التفت وشاف أروى تتابع سبيس تون بإهتمام.... بدور هي اللي شرت لهم الريسيفر والأجهزة الكهربائية.... خذتهم لسوق وشرت لهم ملابس.... دخلتهم لمجمعات وملاهي ما يحلمون يدخلون فيها.... لكن كل هذا ما دام أكثر من 5 أشهر.... تنهد مازن بداخله لما تذكر نهايتها" رحمة الله عليك يا بدور ".... ناظر ساعته 11 الليل قام لغرفته.... وجلس ع السرير وكتاب الفقه بحضنه.... التفتت أروى وخافت لما أختفى مازن.... وقفت وراحت غرفته وارتاحت لما شافته يقرا كتاب.... رجعت تناظر التلفزيون.... ابتسم مازن لما شاف أروى طلت عليه وراحت.... لأنه عارف أنها خايفه تفقده مثل أمها.... اليوم الثاني.... سكر مازن ورقة الإجابات.... طفش وهو يراجعها لأنه متأكد من إجاباته.... ناظر الورقة اللي قباله وتذكر يوم عرف أنه لقيط.... قبل كم سنة، قرا مازن أوراق تخصه.... واستغرب لما قرا كلمة مجهول الوالدين.... راح لبيت أستاذه وسأله عن المعنى.... المدرس كان يكره مازن لأنه لقيط.... ولأن أخته غلطت وتوه من يومين تخلص من العار اللي جابته.... قال لمازن بقسوة: تعرف معنى مجهول الوالدين... يعني محد يعرف منهم أبوك وأمك... لأن أمك حملت فيك من غير ما تتزوج... جابتك أمك بالحرام... عشان كذا رموك بالمسجد بالحديقة أو حتى بالشارع.... ما يبونك لأنك عار عليهم الصدمه خلت مازن ساكت.... المدرس: لا تظن أنا عبد الله أبوك أو زوجته أمك... لا أنت مو ولدهم، أهلك رموك وأنت عالة على عبد الله وزوجته... - طلعه من بيته وقال: يللا فارق ولا أبي أشوف وجهك هنا فاهم جا أخو المدرس وقال: مشاري وش فيك ع الولد مشاري: هذا لقيط... لقيط مثل البلا اللي جابته أختك جعلها الموت اللي يفكنا منها تعاطف أخو مشاري مع مازن وقاله بهدوء: رح يا ولدي... رح لبيتكم راح مازن وهو مصدوم ودخل البيت.... كانوا عبد الله وأمل جالسين قبال التلفزيون.... أمل: هلا وغلا بالغالي... تعال يمه قرب وهو يناظرهم كيف هذول مو أمه أو أبوه.... كيف وهم يحبونه ويحاولون يجيبون له أي شي يبيه.... جلس جنب أمل وحط راسه بحضنها وقال: يمه أمل: نعم يمه مازن بصوت غريب: يمه صحيح أنا لقيط أمل بصدمة: هااه مازن: صحيح أنا ولد حرام عبد الله جلس قباله: ومن قالك ها الكلام عدل مازن جلسته وقال: أستاذ مشاري هو اللي قالي عبد الله: وليه يقولك دمعت عيون مازن: أنا سألته عن معني مجهول الوالدين... وهو قالي أنا أمي وأبوي جابوني من غير ما يتزوجون... ورموني في الشارع لأني أفشلهم عبد الله: وليه ما سألتني أنا... ليه تسال أستاذك مازن وهو يرتجف: خفت أنك تعصب علي... بس قلي كلام الأستاذ صحيح عبد الله ما قدر يسوي شي.... مازن عرف بحقيقته بقسوة.... قال: إيه كلامه صحيح ضم مازن أمل وبكى.... ضمته أمل ودمعت عيونها: حبيبي مازن احنا نحبك... وما نقدر نعيش بدونك مازن وهو يدفن وجهه في حضنها أكثر: ليه تحبوني وأنا مو ولدكم سحبه عبد الله من حضن أمل وضمه: أنت ولدنا يا مازن وما عليك من كلام الناس مازن ناظر عبد الله وقال: وين لقيتني فيه... في الشارع عبد الله: لا لقيتك في عمارة يبنونها بس ف الليل حاول مازن يبعد ها الذكرى عن باله.... لأن دموعه تجمعت.... ناظر ساعته وتنهد متى يطلع من قاعة الإختبار.... نزل راسه ع الطاولة وتذكر لما حملت أمل.... كثير فرحوا هي وعبد الله.... عبد الله جمع مبلغ مو سهل عشان العلاج.... والحمد لله ولدت وهي مبسوطة.... تحس أنها صارت حرمه مثلها مثل غيرها.... تحمل وتولد وترضع مولودها.... تذكر لما زارها بالمستشفى ومعه عبد الله.... كانت متمددة ع السرير وبنتها بحضنها.... قرب منها عبد الله وباس جبهتها.... عبد الله بحنان: الحمد لله على سلامتتس أمل بتعب: الله يسلمك ناظر عبد الله بنته الصغيرة وباسها: يسلم قلبها صغيرة ابتسمت أمل: لازم صغيرة مولودة بالشهر السابع... - رفعت راسها وشافت مازن واقف بعيد.... قالت: مازن حبيبي تعال ناظر أختك حبيبي... أختك، ها الكلمتين سحروه وخلوه يقرب.... ويناظر أخته الصغيرة.... باسها وقال: تجنن... وش أسمها أمل: ما بعد نختار... - ناظرت عبد الله وقالت: وش رايك باسم أروى ابتسم عبد الله: خلاص إذا عجبتس أسم أروى... أسميها أروى سنتين عاشتهم أروى مع أمها.... وبعدها أكتشفوا السرطان بمعدة أمل.... تذكر مازن كيف كانت تعاني.... دايما تعبانة وتستفرغ وبعد فترة.... شافها تلبس الحجاب لأن شعرها تساقط مع مفعول الكيماوي.... آخر مرة كلمها مازن كانت توصيه على أروى.... وبعدها ساءت حالتها ودخلت المستشفى وما طلعت منها إلا جثه.... رفع مازن راسه وناظر المشرف اللي واقف عليهم.... ناظره المشرف وقال: لا تستعجل ورقة التوقيع جايه... بس أنت راجع إجابتك طفش من كلمة راجع إجابتك طول الأسبوعين وهو يسمعها.... ناظر ورقته وتذكر أقسى موقف مر عليه.... لما كان هو و4 من ربعه معروفين بالعربجة والهواش والفزعة.... فجاة قاله واحد منهم: مازن... حنا مانيبك معنا مازن: ليه الثاني قاله: والله احنا ما نصادق أولاد شوارع قال الثالث: قصدك أولاد حرام مازن بصدمة: من قالكم الاول قال: أبوي قالي... أكيد تعرفه أستاذ مشاري مدرس العربي ف أبتدائي سكت مازن ليه الدنيا قاسية عليه.... هذا المدرس والمتعلم عامله بها الطريقة كيف الناس.... بدوا ربعه يتجهمون عليه بالكلام.... مشى وتركهم وهم يعايرونه بشي ماله ذنب فيه.... انتهت العطله المشؤمة ودخلوا لمدرسة الثانوية.... أغلب زملائهم اللي بمتوسط صاروا معهم بالثانوية.... استغربوا أنا الخمسة صاروا 4 واللي أختفى مازن.... شافوه جالس لحاله معقوله مازن هو اللي تركهم.... سألوه الطلاب وما قال غير: هم ما يبوني وأنا تركتهم كيف ما يبونه وهو أكثر واحد يحبونه.... هو اللي يجمعهم وهو يصالحهم إذا تهاوشوا.... واكثر وأحد يزورهم إذا حصل لهم شي.... فجاة ما يبونه.... سألوا الأربعه وكانت المفاجاة.... مازن لقيــط.... بعض الطلاب عاتبوهم لأنه تركوه بسبب شي هو ماله ذنب فيه.... والبعض كان موافق على تصرفهم.... أنتشر الخبر وأغلبية الطلاب عرفوا أنه لقيط.... ناس تناظره باشمئزاز وكنه شي نجس ومقزز.... وناس تناظره بشفقه لأنه ماله أحد.... كره المدرسة وكره الرياض كلها.... وأخيرا جا الفرج ووصلت له ورقة التوقيع.... سلم ورقته ووقع حط أقلامه في جيبه وقام وطلع.... طلع من الفصل والمدرسة بكبرها وهو يتحاشى يناظر حد.... هذا آخر يوم من الإختبارات النهاية.... وراح يجي هنا عشان يأخذ نتيجته.... وبعدها بينقلون للخبر ويكمل الفصل الثاني فيها.... مشى مسافة طويلة وبعدها وقف وهو يناظر مركز التموين.... قاله عبد الله من سنين كان هنا في عمارة يبنونها.... وأنا لقيتك فيها في الليل.... يحب كل سكن تحت البناء لأنه مكانه الأصلي.... ناظر المركز وتنهد" يا ترا جيت هنا يا يبه ودورتني.. ولا خوالي هم اللي رموني ".... دخل واشترى حلويات لأخته أروى.... في بيت أبو أحمد.... أم أحمد وأبوه في بيتهم وبينهم نقاش حاد.... غزلان بنتهم بأولى متوسط.... متعودة ع النقاش الودي هذا.... وكله بسبب الأخ أحمد ودراسته.... ناظرت أختها لينا اللي بسريرها وتعلب بالعابها.... أبو أحمد: لا يعني لا أم أحمد: ليش يا ناصر أبو أحمد: ما أبغى ولدي يعيش بغربه لحاله أم أحمد: أي غربه... أنت ناسي أنا أخوي وزوجته عايشين هناك أبو أحمد: ولو أبيه يعيش تحت عيني... مو مكفي الثاني ما أدري وين أرضه من سماه سكتت أم أحمد واصلا رد زوجها سكتها.... كانت تظن إنا أبو أحمد مو مهتم بس صار العكس.... متضايق على ولده، كيف وهو يشوف نسخة وحدة بس... وما يدري عن الثاني.... أبو أحمد كمل كلامه: خلاص تكفي متوسطة في امريكا... وثانوي يدرسها هنا حاله حال ولد أخوي بعد أسبوع.... دخل مازن البيت وقال: يبه نجحت فرح أبو مازن: ألف مبروك يا ولدي... وعقبال الثانوية والجامعة ابتسم مازن: يبه هذا الفصل الأول... باقي الفصل الثاني أبو مازن: الله كريم... ما قلت لي وش تقديرك مازن: ممتاز... - صرخ: يا أروى... أروى جت أروى اللي عمرها 5 سنوات: ماااااااسن شالها مازن: يا عيون ماسن أنتي... شريت لتس بسكوت اوريو باسته وقالت: ثكرا أبو مازن: يللا يا مازن... الحين بنسلم البيت مازن: يللا ركبوا لسيارة أبو مازن الكراسيدا.... وكان السكوت سيد المكان إلا من أروى وحركتها.... مرة قدام بحضن مازن ومرة تجلس ورا.... ناظر أبو مازن ولده وشافه يناظر النافذة وهو سرحان.... أبو مازن عشان مازن باع بيته وقدم استقالته وهاجر للخبر.... لأنه عرف إنا مازن خسر ربعه لأنهم تركوه بعد ما عرفوا أنه لقيط.... هذا اللي قاله له ولد جيران إنا كل المدرسة تدري عن مازن.... وعشان كذا جاب ممتاز وإلا العادة هو واحد من 10 الأوائل بالفصل.... طبعا مازن ما يدري عن سبب الإنتقال للخبر.... بس فكرة النقل خلته ينبسط.... وصلوا الخبر وأجروا لهم شقة مؤقته على ما يلاقون لهم بيت.... بعد أيام حصلوا البيت المناسب.... في حي فقير لأن أبو مازن مراعي إنا الفلوس اللي طلعت له من بيته القديم هي اللي بقت له.... راح أبو مازن وعياله واشتروا أثاث مستعمل للبيت.... كان جالس مع ربعه اللي أغلبهم عيال الجيران.... كل أهتمامهم جوال، بلوتوث، مقاطع فيديوا.... وهو ما يهتم بها الأشياء لأنها تافه بنظره.... يتيم الأب ومسؤل عن جده وأمه وأخته المطلقة مع ولدها الصغير وأخته الثانية.... قرب منه واحد من ربعه وبيده جوال.... قال: علاوي شف الفيديوا ناظر علي الفيديوا.... قال وهو يهز راسه: مسكينه الله يستر عليها الولد: ههههههههه فنانه صح وقف علي: جد أنك زاحف... وش استفد يوم شفتها... تخيل أنها أختك ما أتوقع أنك بتضحك صح عصب الولد وهو يطفي السيجارة : روح يا بابا عامل فيها شريف مكة ناظره علي باحتقار وطلع " مجمع زبااالة.. صحيح شر لا غنا عنه ".... طلع من المكان وراح لبيته وقف وهو يشوف ناس واقفين عند البيت اللي جنبهم.... هو كان معروض للبيع والحين في ناس ينزلون أغراضهم.... قرب منهم عشان يشوف الجيران الجدد.... رجال كبير مع بنت صغيرة وولد بعمره.... سكر مازن باب السيارة والتفت وناظر بعلي اللي يناظره وهو مصدوم.... ما أهتم مازن بشي ودخل البيت.... أما علي لما شاف مازن قال بهمس: أحمد؟؟ والأفكار تدور به يمين وشمال" أحمد بن ناصر ساكن هنا.. وش السالفة " راح لبيتهم وجلس مع أمه وأخواته وهو يفكر بأحمد.... تمدد مازن ع السرير وهو يناظر الاسوارة.... توه من شوي عطاه إياها أبو مازن وقال أنها كانت معه.... رفعها وهو يفكر فيها وفي صاحبتها.... حطها على يده وهو يفكر" كيف كانت يد أمي.. بيضا ولا سمرا سمينة ولا نحيفة.. يمكن أنا أشبة أبوي مو أمي ".... نام وهو على أفكارة.... يتبع..... | ||||||||||
|
| |
|
26-08-17, 07:41 PM
| #8 | ||||||||||
| اليوم الثاني.... رن الجرس وفتح مازن الباب.... الرجال: السلام عليكم مازن: وعليكم السلام الرجال: أنا جاركم أبو خالد سلم مازن عليه: يا هلا فيك... - بعد عن الباب وقال: حياك عمي تفضل أبو خالد: لا يا ولدي أنا أبي أبوك... ما قلت لي وش أسمك مازن: مازن جا أبو مازن: مازن من جا مازن: جارنا أبو خالد سلم عليه أبو مازن: يا هلا فيك يبو خالد طنشهم مازن ودخل وجلس يتفرج ع التلفزيون.... دقايق ودخل أبو مازن.... أبو مازن: مازن مازن: سم يبه أبو مازن: أنا بروح أجلس مع الرجال مازن: من بيته أبو مازن: مو بيت أحد... هم كلهم جالسين بالشارع مازن: توكل على الله يبه... وأروى معي طلع أبو مازن ودخلت أروى وبيدها تفاحة: مااسن وين بابا مازن: بابا طلع أروى: أبي بابا فكر مازن أنه يجلس شوي بالشارع.... قام وفتح الدرج وأخذ الفرشاة.... وبدا يسرح شعر أخته على طريقته.... ناظرها وجهها نظيف وشعرها مو مرتب بس هذا اللي يقدر عليه.... وفستانها جااارت عليه الدنيا بس كان نظيف.... طلع معها وجلس عند درج بيتهم وأروى واقفه جنبه.... ناظر حوله الشياب جالسين يسولفون ولمح معهم أبوه.... التفت لما سمع ضحك صغار وشاف أربع بنات من عمر أروى وأكبر.... ممسكين بيد بعضهم ويدورون.... ناظر أروى اللي تناظر البنات" تتعودين يا أروى وتعلبين معهن".... ناظر الشباب اللي قباله.... وهو مستغرب أنهم يناظرونه ويتهامسون ويضحكون.... التفت لأروى لما سمعها تناديه: وش فيتس أروى: أبي بابا تنهد مازن ما له إلا يوديها وإلا بتزن على راسه.... وقف وقال: تعالي راحوا لعند الشياب واضطر يسلم عليهم كلهم ويبوس روسهم.... بعدها قرب من أبوه وقال: يبه أروى تبيك ابتسم أبو مازن لبنته: وش فيتس يا بابا أروى: أبي أدلس معك قال واحد من الرجال: روحي لعند أمك أروى: ماما بالدنة انحرج الرجال وقال: سامحني يبو مازن ما دريت عن أم مازن أبو مازن: ما عليك معذور... أروى روحي العبي مع البنات أروى: ما أبي أحاف الشايب بصوت عالي: ساره... يا ساره وقفوا البنات اللعب وتقدمت بنت: نعم جدي الشايب: أخذي الصغيرة معك ساره: تعالي لعبي معنا أروى: مابي ساره قربت منها وقالت: ايش أسمك أروى ببراءة: الوى ساره: أروى تعالي لعبي معنا... شوفي أخوك جالس وأبوك جالس... يللا تعالي ارتاحت أروى وراحت معها وبدوا يدورون وهم ماسكين بعض.... ويصفقون ويسون حركات وهم يغنون.... أروى كانت خايفة وكل شوي تلتفت لأبوها.... راح مازن لبيتهم بس وقف لما تقدموا له الشباب.... واحد قال: افاا يا أحمد... بعد ها العمر تجي تسكن هنا الثاني: أحسن عشان ما يناظر الناس من طرف خشمه... الدنيا ما تصفى لأحد استغرب مازن وقال: شكلكم تقصدون واحد ثاني مهوب أنا الثالث: لا ثاني ولا ثالث... آآه الزمن غدار يا أحمد بس أنا ما أحب الشماته تكتف مازن وابتسم وقال: إذا تأكدت إني أنا أحمد تعال أحكي... باي مشى عنهم ودخل البيت.... أكثر شي مخلي باله مرتاح أنا ما فيه حد يدري أنه لقيط.... عشان كذا النظرات له عاديه لا كره ولا شفقه.... دخل الصالة وجلس مازن قبال التلفزيون .... وبعد دقايق دخل أبو مازن وأروى.... أبو مازن: السلام عليكم مازن: وعليكم السلام... ها يبه انبسطت مع الرجال جلس أبو مازن: إيوه الحمد لله كلهم طيبين... حتى أنهم شاروا علي أوصل بنات أو مدرسات للمدرسة مازن: إذا ها الشي يريحك توكل على الله أبو مازن: إن شاء الله... مثل منت عارف الدارسة باقي لها أسبوع... وأنا بدور لي باصن زوين وأخذه مازن: وأروى ناظر أبو مازن أروى اللي تتابع التلفزيون: الصبح بتكون نايمة والنهار أخذها معي... أو أنت موجود دق الجرس وقام مازن: عن أذنك يبه راح وفتح الباب.... استغرب لما شاف علي وبيده صينية كبيرة وعليها 4 أطباق.... بنفس الوقت.... ببيت علي.... علي: يمه قلت لك ما أبغى أروح أمه: علاوي ما يصير... هذول جيران جدد، أكيد هم تعبانين من السفر... يللا قم ود العشاء لهم خلنا نقوم بالواجب معهم علي بطفش: يمه ترا عندهم خير مو محتاجين لنا أمه: لو هم مو محتاجين كان ما سكنوا هنا... يللا قبل ما يبرد العشاء علي: يمكن جارت الدنيا عليهم... لأن ولدهم كان معنا بابتدائي وأولى متوسط... ومبين أنه ولد عز أمه: بتودي العشاء ولا شلون علي يفكر بصوت عالي: الحين أحمدووه يدرس بأمريكا... وبالآخر ساكن مع فقرا... هه على قولتهم الدنيا ما تصفى لأحد طفشت أمه منه وراحت لأبو زوجها وقالت له.... جا أبو فهد وقال: علاوي انتبه علي: هلا يبه أبو فهد: ليه ما تبي تودي العشاء للجيران علي: ولدهم مغرور يبه وما ابغى أشوفه أخته وضحى: ها الكلام لما كان هو بابتدائي... الحين ما تدري يمكن تغير علي: أي تغير... من فتره لما صار عنده إجازه جا وتهاوش مع شباب وطار لأمريكا أبو فهد: عيب عليك يا علي... الجيران أمهم متوفيه وما عندهم من يطبخ لهم... رحمت عليك يا فهد رحت و.. قاطعه علي لما وقف وقال: خلاص يا يبه لا تكمل... بودي العشاء وأمري لله راح لبيت أبو مازن ودق الجرس.... وهو يجهز الكلام اللي بيقوله لو سمع أي تعليق من أحمد.... فتح مازن الباب واستغرب.... ناظره علي: السلام عليكم مازن: وعليكم السلام علي: جدي قال لأمي إنا أمكم متوفيه الله يرحمها... وأمي حسبتكم ع العشا... - مد الصينيه وقال: تفضل ابتسم مازن: ليه مكلفين على نفسكم... والله ماله داعي استغرب علي وبعفويه ابتسم: ولو الجار للجار... خذ بس خذ خذها مازن وقال: ما قصرتوا... بس وين بيتكم عشان أرجع الأغراض لكم أشر علي ع الجدار: هذا بيتنا يللا بالأذن مازن: أذنك معك رجع علي للبيتهم وهو مستغرب" هذا وينه وين أحمد... صحيح يتشابهون بس كأن أحمدوه أعرض وأسمن.. مدري وش سالفة الأخلاق اللي نازله عليك يا ولد ناصر ".... دخل مازن وريحة الطبخ سابقته.... طبخ من زمان ما ذاقوه.... أبو مازن: من بالباب مازن: هذول الجيران جايبين لنا عشا أبوه: ما قصروا... هذا العشم والله جلس مازن: إيه والله... أروى تعالي كلي عشاء يللا أروى مشغولة: مابي وقف مازن وراح لها وشافها تلون بدفتر التلوين.... شالها وقال: كلي قبل وبعدين كملي أبداعتس بوزت أروى: ما أحبك ابتسم مازن لما شاف أروى تاكل.... ناظرها وسرح" وش بتسوين يا أروى إذا عرفتي إني لقيط.. ومالي أحد".... انتبه أبو مازن وقال: مازن التفت مازن: سم يبه أبوه: وش فيك تناظر أروى نزل مازن عينه ع الطبق وقال: أفكر بأروى يمكن تكرهني لما تعرف إني لقيط وساكن ببيت أبوها تنهد أبو مازن: إذا كنت تفكر كذا صدقني ما راح تتحمل تعيش هنا... لا تفكر بشي علمه عند الله، ما تدري يمكن يلقونك أهلك سكت مازن وما رد " ومن قال أنهم يدوروني ".... . اليوم الثاني، دق مازن الجرس.... وفتح علي الباب.... مازن: مرحبا علي: مرحبتين... هلا والله مازن: هلا فيك... - مد الأغراض وقال: تفضل مشكورين وكثر الله خيركم والباقي أنت تعرفه علي: العفو وهذا واجبنا والباقي أنت تعرفه ضحكوا اثنينهم وكل واحد عرف بنفسه.... وهذا أول صديق لمازن.... . مرت الأيام وبدا الفصل الدراسي الثاني.... شغل أبو مازن الباص وعنده مدرستين يوصلهم للمدرسة.... دخل مازن المدرسة اللي فضت من الطلاب.... تعمد يجي متأخر بس كذا لعانه.... راح لغرفة الإدارة وعرف بنفسه.... الإداري ناظر مازن وناظر أوراقه.... رفع راسه وقال: أنت متربي عند عايله مازن: إيوه... وياليت محد يدري لأنه سبب نقلتي للخبر>> هذا تخمينه.... الإداري: لا تخاف محد راح يدري... وما يسوي كذا إلا أنذال مازن في خاطره" وأنا أشهد ".... الإداري ما شاف رد وقال: عموما فصلك الشعبة الخامسة الدور الثالث طلع من عند الإدارة وراح لدور الثالث.... وقف عند فصله وطق الباب اللي كان مفتوح.... الكل التفت حتى المدرس.... مازن: السلام عليكم المدرس وبعض الطلاب: وعليكم السلام المدرس: نعم مازن: أنا طالب جديد قالوا لي فصلي هنا المدرس: من وين أنت مازن: من الرياض المدرس: طيب أدخل ناظر المدرس مازن حتى يعرف وين بيجلس.... ومن المعروف اللي يجلسون ورا مو وجه دارسة بعكس اللي قدام.... جلس مازن ثاني كرسي" عسى ما يكون مكان واحد غايب ".... المدرس ما كان يشرح درس بس كان يتكلم عن المنهج.... والأغلبية مو مهتمين سمع مازن 3 من اللي حوله.... ـ : سعد الحق هذا بو حميد ـ : وش جابه بمدارس الحكومة ـ : يمكن جارت عليهم الدنيا وخسروا فلوسهم... هذا اللي جابه هنا ـ : مالت عليه... هو من متى درس بمدارس أهلية ـ : أنا سامع أنه بأمريكا ـ : قلت لك خسروا فلوسهم ـ : والله ما أنسى حركاته الشهر اللي راح ـ : عمل عمايلة ورجع أمريكا ـ : آآخ نفسي أبقس وجهه ها الـ..### استغرب مازن من هو أحمد اللي لاحقه.... بالحارة والحين بالمدرسة.... طلع دفتر وقلم وبدا يتفنن بخطه عشان يضيع وقت.... صفرت الحصة وهو مو مهتم.... علي اللي كان يراقبه لأنه شاك فيه.... بس تأكد أنه مازن لأن أحمد مغرور ويناظر الناس بتعالي.... صفرت الحصة وقام راح لعند مازن.... علي: يخي عطنا وجه رفع مازن راسه: علي؟؟ علي: ههههههه وش مجلسك هنا قم أجلس جنبي وقف مازن: وين علي ياشر بيده: هناك قبل الآخر مازن: أسمح لي مكانك ما يحمس لدراسة علي: تكفى يا الدافوووووور مازن: أكيد دافور والله إني كل سنة أخذ من العشرة الأوائل علي: صادق والدليل ماخذ الـ 13 ع الفصل... بالفصل الأول تذكر مازن السبب وقال: ظروفي حدتني علي ظن أنه يقصد وفاة أمه.... قال يغير الموضوع: عموما هذا مكان واحد من الطلاب... وشكله غايب مازن: هذا اللي كنت خايف منه... والظاهر مالي إلا أنت علي: ما عليك... - أشر بيده لمكان جنب الجدار وقال: شف ذا الكراسي واحد لمصري رجع مصر... والثاني الله يرحمه... وش رايك نجلس فيه مازن: اوكيه جلسوا وكملوا سوالف وضحك واستهبال.... الطلاب استغربوا وش ها التواضع اللي نزل على أحمد.... ويكلم واحد فقير.... وأسأله كثيرة تدور الجواب.... يتبع....... | ||||||||||
|
| |
|
26-08-17, 07:43 PM
| #9 | ||||||||||
| بعد يومين.... وقف مازن مع اثنين من الطلاب عند مكتب المرشد.... لأنهم صادوهم يتضاربون ورا المدرسة.... المرشد: من فيكم اللي بدا أشر مازن على الطلاب وقال: ذول الأول: كذاب أنت اللي بديت الشر... - ناظر المرشد وقال: استاذ هذا بالفصل الأول وسخ سيارتي بطين وماي وفرغ إطارات السيارة وطار لأمريكا... والحين خذت حقي منه مازن: أي تراب ومويه... مهوب أنا المرشد: أنتوا تعرفون بعض مازن: لا الثاني: هه الحين ما تعرفنا يا أحمدووه مازن: قلت لك أنا مازن منيب أحمد هذا... الى ها الدرجه أنتم عميان وما تفرقون بيني وبين ها الأحمد الأول: سلامات من متى مغير أسمك مازن: فوضى أغير أسمي المرشد: أسكت أنت وياه... مازن قلي تعرف هذول مازن: لا يا استاذ... أقسم بالله إني ما أعرفهم أنا حياتي كلها عشتها بالقصيم والرياض... وصار لي أسبوع من نقلت للشرقيه... توي ما خذت إلا يومين من داومت بالمدرسة كيف أعرفهم انتبه المرشد على لهجة مازن وقال: خلاص تقدر تروح فصلك الأول: بس يا استاذ المرشد: أسكتوا... ويللا اتصلوا على أولياء أموركم دخل مازن الفصل وجلس.... ناظره علي، وجهه فيه علامات ضرب وقلاب ثوبه مفتوح.... مع شوية غبار بثوبه.... علي: هههههههههههههههههه... أثاريك راعي هواشات وأنا مدري مازن بطفش: واللي يعافيك... أنا مازن أتهاوش مع طلاب بالمدرسة علي: عادي منت أول واحد ولا آخر واحد مازن: الظاهر مدرستكم هذي مشؤمه... إذا أول اسبوع لي رحت عند المرشد... والأسبوع الجاي عند المدير ويعطيني فصل علي: أنا من رايي إذا جا أحمد من أمريكا تكفخه وتاخذ حقك منه مازن: وش دعوه الى ها الدرجة ما تفرقون بيننا علي: أكيد... والله أنكم متشابهين مره... لو أدري أنا بيجي واحد يشبه له كان صورته ووريتك الصوره مازن: والله حاله... هذا شكله نذل وله سوابق والظاهر أنا اللي باكلها بعد المدرسه لما راح البيت وشافه أبوه.... فتح معه ملف تحقيق وقاله كل شي.... مازن: والله مهوب أنا يا يبه... كيف أتهاوش مع ناس وأنا مالي أحد... وما أبغى أحطك بموقف محرج... بس وش أسوي إذا هم يظنون إني واحد ثاني أبو مازن: لا تسوي شي... أنا ما أبيك تحتك بأحد أخاف يسون لك شي... ومثل منت شايف حنا مالنا حد هنا وقف مازن: طيب يبه... عن أذنك بروح أتروش بعد كم اسبوع.... يوم الأربعاء الظهر.... أبو مازن وهو يوصل الأربع مدرسات لبيتهم.... تذكر أخوه الصغير عبد اللطيف.... مات أبوهم وهم صغار وترك أبو مازن الدراسة وأشتغل.... عشان يصرف على نفسه وعلى أخوه وأخواته.... عبد اللطيف من صغره وهو يحب التجارة.... وبعد ما تخرج من ثانوي وبفضل الله ثم مساعدة عيال عمه فتح له شركه تجارية.... والشركة تكبر وتكبر وانتقل للخبر عشان يتوسع.... وبسبب الشغل نسى أخوه أبو مازن.... واللي ذكر أبو مازن بأخوه وجود زوجته معه.... كانت أخر حرمه يوصلها بيتها.... دخل بالباص لفيلا أخوه ومن سوء حظه كان أخوه توه واصل.... نزلت أم إبراهيم من الباص وقالت: دقيقة يبو مازن... خلني أخذ الفكة من أبو إبراهيم راحت لعند زوجها: عبد اللطيف أبو إبراهيم وهو ينزل من السيارة: هلا أم إبراهيم: رح حاسب الرجال... ما عندي فكة أبو إبراهيم ناظر الشايب بطرف عينه وقال: إنا لله وإنا إليه راجعون... أبي أعرف السايق موجود ليه تروحين مع شايب أم إبراهيم: سوالف السواقين تخوف... خلني مع ذا السعودي أحسن أبو إبراهيم ما يقدر يقول شي.... لأن مصلحته عند أهل زوجته.... قال بطفش: وكم حسابه أم إبراهيم وهي تدخل: 300 ريال راح أبو إبراهيم لعند الشايب اللي جايب معه بنت صغيرة.... قرب من النافذة وطلع 200 ريال.... رماهم في وجه أخوه وقال: هذا اللي عندي... تبيهم ولا بجهنم الحمرا صدمته باخوه خلته ينزل من الباص.... قرب من أخوه وهو يناظره بحقد.... دخل الميتين في جيب أبو ابراهيم وقال: خذها جعلي ما أطرك يا عبد اللطيف... بس ما أقول إلا حسبي الله ع الفلوس اللي خلتك ..## كذا أبو إبراهيم وكأنه حد عطاه كف: عبد الله أخـ.. قاطعه أبو مازن: لا تقول أخوي... أخوي مات من ترك القصيم ركب الباص ومشى وهو مقهور.... بعد كل اللي سواه لأخوه صار يعامله كذا.... أخذ جواله ودق على كل المدرسات وأعتذر لهم أنه ما راح يوصلهم.... وأولهم زوجة أخوه.... أبو إبراهيم من الصدمة ناظر الباص الين أختفى عن عينه.... دخل داخل وهو يتذكر معامله أبو مازن له.... لو أبوهم عايش ما حبه مثل أخوه وف الآخر هذي جزاته.... أبو إبراهيم بصوت عالي: هيفاء... يا هيفاء جت بنته الكبيرة: يبه وش فيك أبو إبراهيم بعصبية: وين أمتس عرفت بنته أنه مصعب لأنه ما يتكلم قصيمي إلا إذا عصب.... قالت بخوف: أمي فوق بغرفتها راح فوق ودخل غرفته وسمع زوجته تحكي جوال.... أم إبراهيم: طيب على راحتك... مع السلامة أبو إبراهيم: مع من تحتسين عرفت أم إبراهيم أنه معصب وقالت: مع أبو مازن... قال أنه ما عاد يبي يوصلني أبو إبراهيم: دقي عليه أبغي أحكي معه دقت عليه وعطاها مشغول: مشغول أبو إبراهيم وعارف أخوه: عطيني رقمه أم إبراهيم مستغربه: ****** دق أبو إبراهيم عليه.... أبو مازن على نيته رقم غريب رد عليه.... أبو مازن: الوو أبو إبراهيم بهلفه: عبد الله أبو مازن عرف أنه أخوه وقال: خير جلس أبو لإبراهيم ع السرير وزوجته تراقبه: سامحني يخوي والله مو قصدي... والله إني ما نسيتك أنت دايما في بالي أبو مازن: وبعدين دمعت عيون أبو إبراهيم: وش بعدين هاوشني يخوي... أصرخ علي ولا تسوي فيني تسذا أبو مازن: وش تبي أبو إبراهيم وخلاص بيذبح نفسه: أبيك أنت أبي رضاك... أبي رضى أبوي اللي رباني... وين أنت ساكن فيه والله لأجي لك زحف أبو مازن: وش تبي فيني ترا ما عندي عمارات ولا وراي مصلحه لك ما قدر أبو ابراهيم يرد ويضميره يقتله.... قال بهمس: محتاجك يخوي... محتاجك أبو مازن: رح لأهل زوجتك هم أخوانك مهوب أنا... يللا أنا تعبان ولا عاد تدق علي مرة ثانيه... فمان الله سكر الخط وهو يحس براحة من زمان فاقدها.... دخل بيته وابتسم لما شاف مازن يضحك مع علي ولد جيرانهم.... وأروى صايرة مرتبة لأن أخوات علي مهتمين فيها بغض النظر عن ملابسها القديمة.... بعد كم يوم.... وقف مازن عند البيت الفخم.... هذا قراره اللي فكر فيه من زمان.... خصوصا إنا أبو مازن ترك توصيل المدرسات.... واشتغل تاكسي يعني فلوسه تعتمد ع الناس اللي يوصلهم.... دق الجرس وفتحت الخدامة الباب.... شهقت لما شافته: أهممد!! ابتسم مازن: لهنا لاحقني أحمد... وين بابا فتحت الباب كله وقالت: بابا فيه سالة دخل مازن وتفاجئ لما شاف البيت.... فخم وفيه مسبح والدليل منظره من برة... شاف الخدامة بتدخله الصالة..... مازن: مهبولة ذي... أنتي تعالي وين المجلس أشرت الخدامة بيدها وراح له.... قال بصوت عالي: نادي بابا دخل المجلس وما استغرب فخامته.... جلس وهو مرتبك مررررة.... دخلت الخدامة للصالة اللي كان أبو أحمد جالس فيها مع أم أحمد وبنتهم لينا.... قربت الخدامة وقالت: بابا التفت أبو أحمد وقالت الخدامة: أهمد ولد أنتا في يبي أبو أحمد: ع التلفون الخدامة: لا هذا ولد في مجلس أبو أحمد: وش يسوي بالمجلس أم أحمد: أصلا من قال أنه جا... أمس هو أتصل وقال باقي له كم شهر وقف أبو أحمد: أما هذا واحد يستهبل... ولا ها الخدامة عميه وما تشوف عدل راح أبو أحمد للمجلس.... وقف وكأنه كب عليه موية باردة.... شاف عيونه الكحيله ويناظر الأرض.... ويدينه بحضنه ويفرك فيهم.... ما فيه فرق بينه وبين أحمد بس الثوب.... لأن أحمد ما يحب الثوب أبدا ونادر ما يلبسه.... وأحمد أسمن منه لأن مازن ضعفان شوي.... والإنكسار واضح بعيونه بعكس أحمد الواثق.... دخل أبو أحمد وقلبه يدق.... قال وهو جامد الملامح: السلام عليكم التفت مازن وبان الشبة بينه وبين أحمد.... قال مازن وهو مرتبك: و.. وعليكم السلام جلس أبو أحمد جنبه لكن بينهم مسافه: خير يا ولدي قالوا أنك تبيني ناظره مازن" يا الله هذا شكله ما يساعد " ندم أنه جا لكن ما يفيد الندم: إيوه أنا أبغى... أبغى ابتسم أبو أحمد كل تصرفاته تثبت أنه مو أحمد: ايش تبي أخذ نفس عميق وقال: أبي أشتغل عندك استغرب أبو أحمد: ايش مازن" لاااا زين طلعت معي ذا الجملة.. وتقول ايش ": أبي أشـ..شتغل هنا ععـ..عندك أبو أحمد: أي ظروف اللي تخلي ولد كبرك يشتغل بالبيوت بدا مازن يحكي عن ظروفه وفي داخله ندمان.... أم أحمد استغربت إنا زوجها تأخر بالمجلس.... راحت وطلت من ورا الباب.... وشافت زوجها مغطي وجه الولد.... بس لما وقفوا بان وجه مازن، بان نسخة أحمد.... حتى ما في وجهه إلا كم شعره مثل أخوه.... تجمعت الدموع بعيونها وهي تشوفه.... أبو أحمد: خلاص يا مازن إذا تحب من بكرة تعال مازن والفرحة بعيونه: مشكور يا عمي ما قصرت... يللا بالأذن طلع أبو أحمد من المجلس وهو مبتسم.... كيف الدنيا صغيرة اللي خلت ولده المفقود جا لعنده.... ما شاف أم أحمد بالصالة أكيد أنها فوق.... دخل جناحهم وشافها تصيح وهي تضم ملابس محمد.... رفعت راسها ولما شافته بكت أكثر: محمد... هو محمد صح راح لها وقالها كل شي قاله مازن.... طلع مازن من بيت أبو أحمد وتنهد" بدا مشوار المذلة ".... راح للبيت وهو واعد نفسه ما يقول لأبوه أي شي.... 5 دقايق ودق الجرس، فتح مازن الباب وشاف علي جاي ومعه صينيه عليها كاسين شاي.... مازن: ههههههههههههه وش ذا الضيف اللي جاي وجايب ومعه الشاي علي: كل تبن ودخلني... لأكبه عليك مازن: لا يبو الشباب ولا تكته علي ولا شي... حياك تفضل دخلوا المجلس وجلسوا بالجلسه.... أخذ مازن كاس شاي وقال: جايب الشاي ويمن عليه علي: وإذا ما تبيني أمن جب لي شي آكله معه... لأني ما أحب أشرب الشاي لحاله وقف مازن وقال: ما عندنا الا تمر... أجيبه هز علي راسه: الحمد لله والشكر أنت عندك الجنسية السعودية مازن: ههههههههه وليه سحبت الجنسيه مني علي: بذمتك في أحد يشرب شاي مع تمر مازن: طيب بجيب لك شي ثاني راح وأخذ بسكوت مالح وحطه بصحن وجاء.... حطه قدام علي وجلس وقال: ما عندنا الا هذا تبيه ولا بجهنم الحمرا علي: ههههههه حتى أنت تمن علي ببسكوتك... هذا إذا ما صارت منتهيه صلاحيته مازن: ههههههههههههههه يمكن... أقول أروى عندكم علي: لا أبوك أخذها معه من شوي... الحين قلي سويت اللي قلت لي عنه أمس مازن: إيوه رحت والحمد لله الرجال قالي أجي من بكرة علي: بس يا مازن... آآف ما أدري وين راح تفكيرك مازن: ليه وش فيك علي: يخي كيف تروح تشتغل بالبيوت مازن: نفسي أساعد أبوي بشي... ما يكفي أنه تحملني كل ها السنين علي: أنت ولده ولازم يصرف عليك ويتحملك تفاجئ من رد علي وتذكر أنه ما يدري أنه لقيط وقال: والله يا علي أنا فكرت اشتغل شي ثاني... بس حنا صغار ع الشركات وأنا مالي بشغل السيارات ولا كان رحت لأي ورشه... وبما أمي متوفيه صرت أنا اللي أقوم بالبيت وبأختي أروى... يعني أقدر أشتغل بالبيوت علي: مازن تعرف معنى أنك تشتغل بالبيت عند ذا الرجال... أول شي بيطلع قيمة الفلس اللي تأخذه من عيونك... وبيذلك مثل الخدامة اللي ببيته أنا ما أدري كيف تفكر مازن: عادي خله يذلني... والله لو أنك عايش مثلي كان اشتغلت زبال مو بس بالبيوت علي: ماني أحسن منك بشي... هذا احنا لو ما الجمعيات الخيريه ولا كان بعنا بيتنا ونمنا بالشارع... أسمع لما قلت لأمي إني أبغى اشتغل عشان أساعدها تقول... أدرس وأتعب على نفسك وبشهادتك بتساعدنا... يا حسره ما درت أنا الشهادة تتعلق والواسطة توظف مازن: عارف بس علي: لا تبسبس ولا شي... أنا ما نصحتك الا عشان أبي الخير لك... وأنت براحتك مازن: ما تقصر... بس أصحى أبوي يدري علي: اوكيه... مازن ممكن سؤال مازن: تفضل علي: أنت تقول أنا أمك توفت من ثلاث سنوات... يعني أروى صغيرة مرررة من كان يقوم فيها مازن: أنا من بيكون غيري... لا تقول خالاتي أو عماتي لأن كلهن ساكنات بالقصيم علي: اهاا وليه أبوك ما تزوج مازن: الا تزوج ودكتورة بعد علي: دكتورة!! مازن: إيوه... تعرف معنى دكتورة تدخل فجأة بيتكم... يعني يتغير كل شي بحياتكم... صحيح خالتي كان تصرف على أمها وأبوها بس راتبها كان قوي وما نستني أنا وأروى... دخلتنا لما مجمعات وملاهي ما ندري بوجودها... ها المطاعم اللي نشوفها بالشوارع ما دخلناها الا معها... حتى الكراتين، أذكر أني أسمع ربعي يتكلمون عنها... وأنا ما أعرف غير هايدي اللي تجيبه السعوديه علي: ههههههههههههه استح على وجهك تتابع هايدي مازن: ههههههه وش أسوي ما كان عندنا رسيفير... وما جابته الا خالتي الله يرحمها تفاجئ علي أنها ميته وقال: الله يرحمها سمعوا الباب يفتح ودخلت أروى مع أبوها اللي راح الصالة.... دخلت أروى المجلس وراحت لمازن وقالت: مااااسن ناظر ناظر مازن أظافرها اللي فيهم مناكير.... وقال: حلوويين من حط لك هذا أروى: عمه نهات علي: ههههه نهات عاد... هذي أختي على قولتها تحب البنات... وما عندها الا ولد أختي عزوز تلبسه فساتين بنات وتحط له مناكير مازن: وهذا أروى جت لها مجانا خذت أروى حبة بسكوت ورمت نفسها بحضن أخوها.... قال مازن: شوي شوي يا الدفشه علي: ههههههه طالعه على أخوها مازن: هههههههه تكفى يا الناعم علي: قصدي طبيعي تصير دفشه... لأنها عايشه مع رجال مازن: إيوه والله... كنت أغصبها تلعب معي كورة وقف علي وقال: يللا أنا ماشي وقف مازن: وين تونا علي: بروح البيت وعلى فكره كاسات الشاي نبيهم لا تفكر أنهم هدية مازن: ههههههههه دام طلبتهم تعال أخذهم علي: دام كذا تمتع فيهم يومين وبعدين بجي آخذهم... باي يتبع......... | ||||||||||
|
| |
|
26-08-17, 07:44 PM
| #10 | ||||||||||
| اليوم الثاني بعد المدرسة.... راح لبيتهم وقال لأبوه أنه بيطلع.... راح لبيت ناصر ودق الجرس.... أم أحمد اللي كانت متأكده أنه مازن.... قامت بنفسها وفتحت الباب.... قالت بصدمة: أحمد؟؟ مازن" يا ها الأحمد ": لا... أنا مازن جيتكم أمس و... قاطعته أم أحمد: إيه عرفت... تعال دخلت أم أحمد ونفسها تلتفت للي يمشي وراها وتضمه.... مسكت نفسها لا تقول شي لأن زوجها موصيها ما تنطق بكلمة، وتتعامل معه عادي.... ولما سألته عن السبب اقتنعت بكلامه.... استغرب وهو يمشي ورا أم أحمد" الحين هذي ليه ما تغطت مني.. شكلهم فررري ".... دخلوا الصالة اللي جالس فيها أبو أحمد مع بنته غزلان.... قفزت غزلان لما شافت مازن.... ركضت له وقالت: أحمـــد... - ضمته وقالت: ولهت عليك حيييل انحرج مازن لأنه مراقب.... قال وهو يبعدها عنه: أي أحمد أنا مازن غزلان: وأنا أقول أحمدوه ما يطيق الثوب... طيب ايش تسوي هنا مازن: أنا اشتغل هنا غزلان: صح أمي قالت لي أمس ميل مازن فمه" يلعن الحاجة ".... أبو أحمد: غزلان... خذي مازن للجلسة راحت غزلان وراح معها مازن.... دخلوا لغرفة فيها جلسة عربية ومرتبة.... وقريبة من المطبخ.... غزلان: أمي قالت أنك بتجلس هنا الين ينادونك جلس مازن وقال: اوكيه غزلان: دقيقة وجايه سند مازن راسه" يا ليتني جايب معي كتاب التوحيد ".... قام لما سمع أم أحمد تناديه.... أم أحمد كانت تكلم أختها بالتفلون: صدقيني نسخة أحمد أم زيد: نفسي أشوفه بس مدري كيف أم أحمد: أنا بخليه يجيب لك أغراضك أم زيد: طيب أنا بنتظره أم أحمد: مع السلامة... - سكرت الخط وقالت: مازن... يا مازن جا لها مازن: نعم عمتي أم أحمد مدت له ميه وقالت: رح البقالة وجب لنا خبز مازن: طيب... كم كيس تبون أم أحمد: ثنتين... - شافته بيمشي قالت: دقيقه يا مازن... ميري.. تعالي يا ميري جت الخدامة: نئم مدام أم أحمد: هاتي أغراض ليلى هنا جابتهم الخدامة وقالت أم أحمد: مازن خذ الأغراض ودهم بيت أختي ليلى مازن: بس أنا ما أعرف وين بيتها أم أحمد: السواق يعرفه... قله بيت أم زيد مازن: اوكيه... تبين شي ثاني نزلت غزلان بسرعة وقالت: بتروح البقالة صح... بابا بروح معه أبو أحمد: رورحوا بس لا تتأخرون عشان الغدا طلعوا لبرة التهوية.... قال مازن: أنتي وش أسمتس غزلان: غزلان مازن: طيب يا غزلان وش أسم سواقكم غزلان: مفيد ركبوا مع السواق وراحوا البقالة وبعدها لبيت أم زيد.... دق مازن الجرس وفتحت أم زيد الباب.... ناظرها مازن تشبه أختها بس أم أحمد أكبر.... " ياهوو العايلة كلها فرري ".... أم زيد بصدمة: أحمد؟؟ غزلان: هههههههه خالتي أحمد في أمريكا هذا مازن... يشتغل عندنا مازن بخاطره" بدت المذلة ": يا خاله... عمتي أم أحمد قالت لي أوصلتس أغراضتس أم زيد كانت تناظره صحيح يشبه أحمد بس هذا أضعف.... خذت الأغراض وهي ساكته.... غزلان: مازن أنا بجلس هنا... قل لأمي وأبوي إني بتغدا بيت عمي مازن بسرعة: غزلان وش ها الحتسي... يللا تعالي معي غزلان: عادي بتغدا هنا توهق مازن: وش تبيني أقول لأمتس وأبوتس سمع صوت جهوري وراه: قلهم بتتغدا عندي التفت مازن للرجال وقال: اوكيه على راحتكم... فمان الله رجع مازن مع السواق.... أما أبو زيد دخل مع أم زيد وغزلان.... أبو زيد: وش فيك يا ليلى ما دخلتي ولد أختك داخل غزلان: عمي هذا مو أحمد هذا مازن يشتغل عندنا أبو زيد: أي مازن... هذا نسخة ثانية من أحمد أم زيد: ومن هو نسخة أحمد استوعب أبو زيد: جد أم زيد: هذا اللي قالوه ناصر والجازي أبو زيد: أنا بدق على ناصر واسأله بعد فتره سلموا الأخوان على بعضهم وجلسوا.... أبو زيد: الحين تقولي... كيف وصل محمد عندك بدأ أبو أحمد يتكلم عن اللي قاله مازن.... وبعدها قال: أي حياة اللي محمد عايش فيها... مع أنا الظروف خلته يتحمل مسؤليه أخته وهو صغير... بس تحس أنه مكسور من داخل ومحروم من أشياء تافهة أبو زيد: الحمد لله على حال... وهذا اللي الله كاتبه له... بس ما قلت لي كم ناوي تعطيه أبو أحمد: محتار والله، أخاف أعطيه كثير... ويظن إني أتصدق عليه ويطلع... وكيف أعطيه قليل وأنا عارف أنه محتاج لأكثر أبو زيد: أنت حط له مبلغ معين... وكل فتره عطه زياده 50 أو 100 أبو أحمد: بشوف... - سند راسه ع الكنب وناظر فوق وقال: ما تتصور وش قد أنا مبسوط بشوفتي له... ارتاح بالي، هم وأنزاح عن صدري لأن كل وقتي أفكر فيه وفي حياته... والحمد لله ربي استجاب دعواتي ورجع لي ولدي أبتسم أبو زيد لأخوه وقال: قرت عينك يخوي أبو أحمد: تسلم أبو زيد: ليه ما قلت له أنك أبوه أبو أحمد: فكرت أقوله بس خفت أنه ما يدري أنا اللي ربوه مو أهله... ما أبي أصير نذل لأن مو شي سهل يكتشف الواحد أنا الناس اللي عايش عندهم مو أهله أبو زيد: صح كلامك الساعة 9 الليل.... طلع مازن من بيت أبو أحمد وراح لبيت أبوه.... دخل والبيت فاضي يعني أبوه ما بعد يجي.... وأروى عند الجيران.... راح لبيت الجيران ودق الجرس.... فتح علي الباب: اهلين مازن... حياك تفضل مازن: لا يا شيخ... بس ما عليك أمر ناد لي أروى علي: أي أروى خلها تلعب مع عزوز... وبعدين أدخل وقلي ايش صار في بيت ناصر مازن: اوكيه دام أبوي ما جا دخلوا المجلس وقال علي: دقيقة دخلت أروى: مااااسن ضمها مازن: اهلين رورو... وش أخبارتس ولهت عليتس كثيييير دخل علي وبيده صينية العشاء: حتى أنا ولهت عليتس أكثر مازن: هههههههههههههه لوعت تسبدي علي: ههههههههههه يا حلو لهجت أهل القصيم مازن: دام يا حلوها وش يضحكك علي: لأني أول مرة أسمعها ع الطبيعة... دايما أسمعها بالتلفزيون مازن: علاوي ايش هذا علي: عشا مازن: والله ماله داعي علي: أقول بلا هذره بس وسم بالرحمن مازن: مو مكفي غدانا وعشانا عليكم والحين عازميني علي: اهاا شكلك تاكل وما تدري... أسمع أبوك أتفق مع جدي أنه يعطي أمي فلوس وهي تطبخ لكم مازن: على كذا أحسن... - مد يده: بسم الله بعد يومين بعد المدرسة راح مازن لبيت أبو أحمد.... دق الجرس فتحت الخدامة الباب.... دخل وجلس عند الزرع وهو يضغط على ركبته.... مازن وهو يكلم نفسه: آآآآه طاحت رجلي كفاية مشوار المدرسة... بعد مشوار ذا البيت أبو أحمد اللي سمعه: دام تعب عليك قل للسواق يجيبك هنا وقف مازن وهو منحرج: لا ما له داعي ابتسم أبو أحمد:عادي قل لسواق ياخذك ويجيبك هنا مازن" عشان ينفجع لاشاف بيتنا ": ما عليه إن شاء الله بتعود دخلوا داخل مازن راح للجلسة أما أبو أحمد جلس بالصالة.... فتح مازن كتاب الأدب اللي معه وبدا يقرا.... غالبه النوم لأن الغرفة باردة وهادية.... تمدد وحط كتابه بحضنه.... طاح الكتاب ونام.... نزلت غزلان وراحت لعند أبوها: بابا عندك صورة لأحمد أبو أحمد: إيه بغرفته غزلان: طيب صورته وهو صغير مع التوأم أم أحمد: ليه تسألين غزلان: أبغى مازن يشوفهم... عشان يعرف كيف أحمد يشبه له عجبت أبو أحمد الفكرة وقال: روحي أخذيهم... في البوم الصور استغربت غزلان صور التوأم ممنوع اللمس.... بس خافت يغير أبوها رايه.... طياري راحت فوق خذت الصور ونزلت تحت.... راحت للجلسة وشافت مازن نايم رجعت للصالة وجلست مبوزة.... أبو أحمد: وش فيك جيتي غزلان: مازن نايم أم أحمد بصوت واطي: يا حياتي تعبان غزلان: يبه أروح أصحيه أم أحمد بسرعة: لا خليه يرتاح شوي... ما وراه شي الحين أبو أحمد: أكيد تعبان من بعد المدرسة الساعة 4 العصر راح أبو أحمد للجلسة وابتسم لما شاف مازن نايم.... قرب منه تأملة ثواني وهزه.... أبو أحمد: محـ..- قطع كلمته وقال: مازن... يا مازن أصحى فتح مازن عيونه وانفجع.... جلس وهو مرتبك: عمي ناصر... آآسف والله ما حسيت بنفسي ابتسم أبو أحمد: عادي... أنا ما أبي أتعبك وإذا تعب عليك بعد المدرسة... نام ببيتكم وتعال العصر مازن بسرعة: جد... يعني أقدر أجي العصر أبو أحمد: أكيد... وأنا مراعي إنا أبوك ما يدري وأكيد تبي تجلس معه الظهر... عشان كذا اقولك اذا طلع أبوك تعال... - وقف وقال: عموما جهز نفسك بعد صلاة المغرب مازن ما يدري وش السالفة بس قال: اوكيه طلع أبو أحمد بس وقف عند الباب لما شاف غزلان تدخل على مازن.... وبيدها صور أحمد وقف حتى يعرف رد مازن.... دخلت الخدامة ورا غزلان وبيدها لينا.... جلست بعيد عنهم وهي تعطي لينا الحليب.... غزلان: مازن شف صورة أخوي... عشان تعرف كيف هو يشبه لك ناظر مازن الصورة وضحك: هههههههههه إيوه والله هذا أنا وكني ولد عز ابتسم أبو أحمد.... لان مازن نفس أسلوب عمه ريان على كل شي يعلق.... غزلان: والله كأنك توأمه مازن: إيوه هين غزلان: شف صورة أحمد مع أخوه التوأم ناظر مازن الصورة وقال: أحمد له أخو توأم غزلان: إيه... بس مو موجود مازن: ليه مات غزلان: لا... أمي وأبوي يقولون إنا خدامتنا القديمة سرقته سكت مازن وما حط في باله أنه هو التوأم المفقود.... لأن عبد الله لقاه بالرياض وهذول بالخبر.... رفع راسه وناظر الخدامة اللي تعطي لينا الحليب.... " انسرق ولدهم ومع كذا بنتهم عند خدامتهم ".... فكر بالولد المفقود اكيد أنه لقيط مثله.... دخل يده بجيبه ورفع الاسوارة وناظرها.... " ولد ناصر مفقود وإن شاء الله بيرجع له.. لكن أنا اللي أمي رمتني.. وحطت معي ذهب حتى أبيعه وأصرف على نفسي ".... انتبه من أفكاره لما سمع غزلان: واااااااو ايش هذا ابتسم مازن: هذي اسوارة أمي غزلان: ممكن أشوفها عطاها إياه وقال: خليها عندتس... - وقف وقال: ثواني بس أروح آكل شي وأجي جا أبو أحمد عشان يقول لمازن أنهم بيرحون المخازن الكبرى.... توه بيدخل شاف الاسوارة، هي نفسها اللي كانت مع محمد.... انتبه لما خذتها غزلان ووقف مازن بيطلع.... طلع مازن من الغرفة وما انتبه لأبو أحمد.... دخل أبو أحمد وراح لبنته: غزلان عطيني إياها غزلان وهي تمد الاسوارة: بابا هذي حقت أم مازن خذها أبو أحمد وهو يناظرها نفسها هي الاسوارة.... اللي شراها أيام خطوبته حفظ شكلها من كثر ما ناظرها.... وعنده صورة لها وخصوصا أنا الناس اللي اهتموا بمحمد.... قالوا أنا معه اسوارة... الحين تأكد أنا مازن هو محمد.... طلع مازن وما انتبه لأبو أحمد ودخل المطبخ وفتح الثلاجة.... التفتت أم أحمد لما سمعت حد فتح الثلاجة.... وهي كانت جايه تشوف الأغراض الناقصة.... شافت مازن فتح الثلاجة وطلع الجبن.... وأخذ خبز ومسح فيه الجبن وبدا ياكله.... استغربت أم أحمد: ايش هذا انفجع مازن لما شاف أم أحمد وحط الخبر ع الطاولة.... ارتبك وقال: آ.آسف بس أنا كنت جو..جوعان و... قاطعته أم أحمد: مازن... أنا ما قلت ليه تأكل من وراي... بس يوم أنك جوعان ليه ما قلت للخدامة تحط لك غدا... في أحد ياكل جبن وخبز عن غدا ناظر مازن لجهة اليمين وقال: الخبز والجبن هم فطوري وغداي وعشاي ناظرته أم أحمد وانفطر قلبها على ولدها.... عايش مع ناس فقراء هذا اللي قاله لها زوجها.... من وين بياكلون والأب تاكسي والأم متوفيه.... ومافيه غير ولدها وبنت صغيرة.... قالت بهدوء: عموما الخدامة شالت لك غدا على جنب... قلها تسخنه طلعت أم أحمد وناظر مازن خيالها اللي راح.... وقال: ما تطاوعني نفسي أكل شيء... أبوي وأختي محرومين منه سمعته أم أحمد لأنها وقفت شوي تمسح دموعها.... زادت دموعها لما سمعته لأن ولدها محروم من أشياء بسيطة.... أكل مازن الخبز وشرب عصير وطلع من المطبخ.... راح للجلسة وجمد مكانه لما شاف أبو أحمد يناظر شي بيده.... لمح لمعت الاسوارة وتذكر أنه تركها عند غزلان.... والحين هي بيد أبو أحمد.... أكيد بيظن أنه سارقها.... التفت أبو أحمد له وهو مبتسم.... قرب منه وحط الاسوارة في يده.... أبو أحمد: خذها ولا تجيبها هنا... أنت ما تدري عن اليد الخفيفة فهم مازن أنه يقصد الخدامة اللي عندها لينا.... حطها بجيبه بحذر.... حط أبو أحمد يده على كتفه وقال: حافظ عليها أكيد هذي ذكرى من أمك هز مازن راسه وهو سرحان من فكرة السرقة.... وعد نفسه أنها ما تطلع من البيت أبدا.... بعد صلاة المغرب.... جت الخدامة له وقالت: مازين رفع مازن راسه عن الكتاب وقال: خير الخدامة: مدام في يبي انتا قام مازن وراح الصالة وشاف أم أحمد تلبس حجابها.... وأبو أحمد يعدل شماغه عند المرايا وغزلان جالسة تلعب لينا.... " شكلهم بيطلعون وش يبون فيني ".... التفت أبو أحمد وقال: مازن... تجهز بتروح معنا للمخازن مازن: طيب دقايق والكل بسيارة أبو أحمد.... بعد مسافة قفزت غزلان لعند مازن اللي جالس ورا أبوها.... مازن نسى وين هو فيه: وش عندتس ناطتن عندي غزلان: الحمد لله والشكر وش فيك فاتح النافذة... من زين الجو برة ابتسم مازن: السيارة باردة وأنا بسرعة أبرد مسكت غزلان يده وشافتها باردة وضحكت: ههههههههه من جدك بردان ابتسم مازن لما شاف البحر.... وأخيرا شافه ع الطبيعه.... أبو أحمد قصر ع التكييف عشان مازن.... انتبهت غزلان لمازن وقالت: وش فيك تشوف البحر وفرحان مازن: لأني أول مرة أشوفه قدامي غزلان: ليه ما عندكم بحر بالرياض مازن: ههههههههه من وين يا حظي أشرت غزلان بيدها: شف مازن ذا المجمع هذا احنا دايما نشتري ملابسنا منه هز راسه من غير ما يرد.... غزلان ومبسوطة إنا مازن معطيها وجه: شف ذا المجمع يسون تخفيضات... بس مالت عليهم يسونها على خلاقين مازن" وش بتقولين إذا شفتي ملابس أروى": أنتي تقولين خلاقين غيرتس يقول لا... الناس أذواق غزلان: ليه أنت تتكلم كذا مازن: هذي لهجة أهل القصيم... وأنا عشت فيها 10 سنين وطبيعي أني أحتسي مثلهم غزلان: وبعدين عشتوا في الرياض صح مازن: إيوه غزلان: والحين جيتوا هنا... وناسة كل شوي لكم بيت جديد... ياليتنا مثلكم مازن: بيت أبوتس أحسن لتس من الأجار طول الطريق غزلان تحكي وتسولف وكأنها مرشد سياحي.... أما مازن كان يسمعها لأنه ما يدل شي بالخبر.... أبو أحمد وأم أحمد مبسوطين وهم يسمعون لهجت أهل القصيم من مازن.... لأنهم يذكرون إنا آخر رجال كان معه ولدهم قصيمي من كلام الشهود.... وهم يذكرون تفاصيل كل شي وكأنه صار أمس.... وصلوا ونزلوا.... أم أحمد: مازن الله يعافيك... طلع عربية لينا من السيارة مازن: طيب نزلها من السيارة وحطت أم أحمد بنتها فيها ومشت مع غزلان.... بس أبو أحمد اللي يكلم جوال أشر لمازن ينتظر.... سكر أبو أحمد الخط وفتح بوكه.... مد أبو أحمد فلوس لمازن وقال: خل هذي معك استغرب مازن: ليه أبو أحمد: بعد شوي بتروح الملاهي مع غزلان خذهم مازن وفتح بوكه" سوري يا بوكي العزيز.. أكيد بتفزع من الخمس مية اللي دخلت فيك ".... أخذ أبو أحمد عربية للأغراض ومشى ولحقه مازن.... انبسط مازن لما دخل وهذا أول مركز كبير يدخله.... ركضت له غزلان ودخلوا لقسم الملابس.... أبو أحمد وأم احمد شافوهم عند الملابس راحوا معهم.... انفجعت غزلان لما شافت مازن يتفحص قميص شبابي: تشتري ملابسك من هنا ابتسم مازن: لا... بس أناظر الأسعار غزلان: احنا ما نشتري من هنا... نشتري من المجمعات حتى أخوي أحمد مثلنا ما رد بس هز راسه.... شاف بنطلون أسود خذه ووقف عند المرايا وحطه عليه.... جت غزلان وقال مازن: حلو صح غزلان: إيه حلو بتشتريه مازن: وأنا لاقي قيمته عشان أشتريه غزلان: إذا تبيه بابا يشتريه لك مازن: حلوه بس لا تعيدينها رفعت غزلان بيجامة رجاليه وقالت: شف البيجامة تجنن حط مازن البنطلون على الرف وقرب منها وقال: بالله عليتس ناظري خشتي... هذي خشة واحد يلبس بيجامة... ثوب بيت ويخب علي غزلان: هههههههههههههههههه مسك أبو أحمد ضحكته لأنه سمعه.... أم أحمد ابتسمت: يا الله نفس أخوك ريان على كل شي يعلق أبو أحمد: وأنا أشهد شافوا مازن يروح لقسم الأطفال واستغربوا.... غزلان شافته يناظر فستان.... قالت: ليش تناظر فساتين بنات مازن وهو يرفع واحد: يمكن يناسب أختي غزلان: عندك خوات مازن: وحدة بس غزلان: وكم عمرها مازن: 5 سنوات غزلان: بتشتري لها ذا الفستان تنهد مازن من يمسك شي قالت بتشتريه... قال بطفش: وأنتي ليه شايله همي غزلان: عشان أقول لبابا يشتريه لك... بس شكلك ما تبيه عشان كذا يللا خلنا نروح الملاهي مشى مازن وراها وفي خاطره" خسارة يا أروى كان نفسي في ذاك الفستان لتس.. بس سامحيني يوخيتي اللي معي مو لي.. وما عندي الا 30 ريال ".... دخل الملاهي وغزلان تلعب وتضحك.... تمنى تكون أروى تلعب معها.... جت له غزلان وزنت على راسه يلعب معها تصادم السيارات.... لعب معها وهو حاط في باله أنا محد يعرفه.... أنبسط بها اللعبة وخصوصا أنه من زمان ما دخل ملاهي.... طلعوا من الملاهي وراحوا لعند أبو أحمد وأم أحمد اللي متقدمين عليهم.... عند المحاسبة غزلان خذت لها تويكس وبيبسي.... أما مازن كان يناظر الشوكولاتات والحلويات.... محروم م من ها الأشياء من صغره.... والثلاثين اللي عنده مصروفه للمدرسة.... أذن العشاء وبعد ثواني أبو أحمد راح يصلي.... ابتسمت أم أحمد لما شافت مازن راح مع زوجها.... بعكس أحمد اللي بالزووور يروح يصلي.... تركت لينا عند أختها وراحت تصلي.... طلعوا وراحوا لواحد من المطاعم.... أم أحمد وبناتها دخلوا لقسم العوائل.... أبو أحمد يطلب لهم اللي يبونه وواقف معه مازن.... راح أبو أحمد وجلس مع زوجته وبناته أما مازن جلس على طاولة فاضية لحاله.... أبو أحمد وهو يسكر الحاجز: وين مازن عنكم غزلان: جالس لحاله ف الطاولة اللي ورانا قام أبو أحمد وراح له.... وقال: مازن رفع مازن راسه من على القائمة وقال: نعم عمي ابتسم أبو أحمد: قلنا تشتغل عندي... بس أنت مو هندي عشان ما تجلس معنا مازن: بس أنا..... قاطعه أبو أحمد: يللا قم بلا كلام فاضي جلس معهم وهو مرتبك وبعدها وصل الطلب.... الكل ياكل بتلذذ الا مازن ماسك الشوكة.... ويناظر طبقه وهو يقطع الدجاج لقطع صغيرة.... أبو أحمد: مازن وش فيك ما كلت شي رفع مازن راسه وابتسم: شبعان... وما أبغى شي وقفت غزلان وقالت: الحمد لله... مازن تجي معي عند الألعاب وقف مازن يهرب وقال: يللا طلعوا مازن وغزلان أما أبو أحمد قال: أبي أعرف ليه ما يأكل شي... الخدامة تقول حتى صحن الغدا ما يلمسه أم أحمد: يا حياتي يا ولدي سمعته قال... ما يطاوعني قلبي آكل شي أهلي محرومين منه أبو أحمد: لا وحول ولا قوة الا بالله... يحب اللي ربوه وما يبي يكون أحسن منهم... حتى الفلوس اللي عطيته اياه عشان لعب غزلان رجعهم لي أم أحمد: هو ما يأكل الا خبز وجبن بس أبو أحمد: ايش أم أحمد: اليوم شفته ياكل خبز وجبن ولما سألته... قال هذا فطوري وغداي وعشاي... يعني ايش رايك متى ناوي تقوله... حتى اسوارتي شفتها معه أبو أحمد: أخاف أنه ما يدري أنا اللي ربوه مو أهله... ما أبي أكون أنا النذل تنهدت أم أحمد: نفسي أضمه وأعتذر منه لأني أنا اللي أهملته سكت أبو أحمد وبدون ما يعلق بشي.... اليوم الثاني.... وقف مازن مع علي بالسور اللي بوسط المدرسة.... وهم يناظرون الطلاب اللي تحت.... علي: مازن مازن: هلا علي: أسمع أنا قررت أقولك عن سر من أسراري مازن: قول حمستني علي: شكلك مو وجه أسرار مازن: سرك في بير... بس لا تضمن إني ما راح أضحك ابتسم علي وهو واثق في مازن كثير.... قال بصوت واطي: أنا أحب بنت عمي مازن: ههههههههههههههه الله يخس إبليسك... أي وحدة علي: ضحكت بلا ضروس يا الشايب... وشنوو أي وحدة أستح هذي زوجة المستقبل مازن: سوري... بس كم عمرها علي: توها في 6 ابتدائي مازن: حسبي الله على إبليسك... تحب وحدة بسادس إبتدائي علي: أكيد أحبها... أصلا من يوم هي صغيرة أبوي الله يرحمه... قالي بنت عمك بتكون زوجتك سكت مازن وابتسم يعني هذي بعمر غزلان.... علي: وش فيك سكت مازن: ولا شي بس تذكرت غزلان بنت ناصر علي بسرعة: تحبها؟؟ مازن: ههههههههه قال أحبها قال... أنا أحب بزر تنطط وتلعب علي: ما ردها بتكبر وتعقل... آآآه يا بنت عمي صحيح قريب تتغطى مني لكن أنا أتخيل شكلها لكبرك وش بتكون... بالعربي بنيت احلامي معها هز مازن راسه وقال: لا حالتك صعبه علي: وش فيك ما فيها شي إذا حبيت بنت عمي تنهد مازن: أسمع يا علي لا تبني أحلام كبيرة... لأنها أكيد بتطيح على راسك علي: ايش مازن: أنا ما عرفتك الا من كم شهر... لكني شفت فيك الاخ اللي انحرمت منه... علي البنت الحين صغيرة وراح تكبر... ولما تخطبها لا تنصدم إذا رفضتك علي: وش تخربط مازن: علاوي في ذا الزمن صار من حق البنت... ترفض أو تقبل اللي متقدم لها... مو مثل قبل يزوجونها بدون ما ياخذون رايها والسلام... عشان كذا أنا أقولك لا تبني أحلام ممكن تكون سراب على مصدوم من رد مازن: تصدق حطمتني مازن: مهوب قصدي أحطمك... أنا أبي أحطك بالصورة أبيك تحط كل الاحتمالات في بالك... حتى ما يصير لك شي إذا ما صار بينكم نصيب سكت على ثواني وهو يفكر بكلام مازن... فعلا راي منطقي.... علي: ايش ها الكلام... اللي يسمعك يقول أكبر من عمرك مازن يستهبل: الدراسة تعلم علي: هههههههههه مانبي دراسه ولا تعليم مازن: أنا قايل أنت مو وجه دراسة... بس أهم شي اقتنعت علي: وأنا أقدر أسمعك ولا أقتنع... يللا قلي سر من أسرارك مازن: قلت لك سر وش تبي أكثر علي: مالي شغل... أبيك تقولي أكبر أسرارك ناظر مازن لبعيد وقال بألم: أكبر أسراري هو سبب نقلتي للخبر... وربعي تركوني بسببه... أخاف إني أقولك وأخسرك مثل ما خسرت غيرك علي: وش ها السر هذا اللي تركوك ربعك عشانه مازن: سر كبير خسرت 4 من ربعي وأنا أعرفهم من إبتدائي الين متوسط... ولما عرفوه تركوني وبسبب واحد نذل فضحني... لكن ما أقول الا الله يسامحه سكت علي وما حب يضغط عليه.... لكن نفسه يعرف وش هالسر اللي قلب نفسية مازن فجاءة.... مازن لما شاف علي سكت ظن أنه زعل منه.... حط يده على كتفه وقال: لا تظني إني مو واثق فيك... لو إني مو واثق فيك كان ما دخلت أروى بيتكم... لأنها عمرها ما دخلت لبيت واحد من ربعي... بس يا علي راح يجي اليوم اللي بقولك عنه... بس مو الحين علي يغير جو: هههههههههههههه خلاص يا بابا مو لازم... - ضربه على كتفه بخفيف وقال: صاير لي فيلسوف زمانك انتهت الفسحة ودخلوا الفصل.... وهم جالسين يسمعون مدرس القرآن اللي يقرا.... جا واحد وطق الباب وقال: مازن بن عبد الله الـ... موجود مازن: أنا مازن الطالب يكلم المدرس: المدير يبغاه المدرس: تقدر تروح يا مازن علي بهمس: وش مسوي جايب مخدرات وقف مازن: كل تبن طلع مازن وراح لغرفة المدير طق الباب ودخل.... وتفاجئ لما شاف عمه أبو إبراهيم.... وقف المدير: أخليكم على راحتكم طلع المدير وجلس مازن قبال عمه: وش أخبارك يا عمي أبو إبراهيم: بخير... واخيرا لقيتك يا مازن مازن: ليه وش بغيت أبو إبراهيم: أبي أشوف أخوي مازن: أبوي بالبيت أبو إبراهيم: أبيك تأخذني له مازن: بس باقي لي حصة وأطلع أبو إبراهيم: خلاص أنا بنتظرك... لا تروح البيت الا وأنت معي مازن: اوكيه صفرت الحصة الأخيرة وطلعوا الطلاب.... مازن وعلي وهم رايحين عند سيارة علي يضحكون.... علي: لا تلومهم يفكرونك أحمد مازن: يا ها الأحمد اللي ما شفته... تصدق دورت عليه بالتلفزيون وبالجرايد والمجلات وما شفته علي: هههههههه والله ما أدري وش بتسوون إذا تقابلتوا ناظر مازن سيارة عمه وقال: يووه نسيت عمي... علاوي بروح معه اوكيه علي: اوكيه... بس لا تنسى تجيب معك الأخبار مازن وهو رايح: هذا همك راح مازن وركب السيارة وهو يقول لعمه الطريق.... وصلوا ونزلوا لحارة قديمة أنقرف منها أبو إبراهيم.... كملوا طريقهم مشي الين وصلوا عند بيت مرررة قديم مثل اللي حوله.... طلع مازن من جيبه مفتاح البيت.... وفتح الباب وسمع عمه يقول: ايش ها الخرابة اللي ساكنين فيها مازن بهدوء لأنه متعود على أسلوب عمه: حياك عمي تفضل دخل أبو إبراهيم وكأنه يشم ريحة كرية جلس وهو قرفان حاله: رح ناد لي أخوي مازن: اوكيه دخل داخل وما شاف حد.... راح المطبخ وجاب كاس موية.... راح لعمه ومده له الموية: تفضل عمي أبو إبراهيم: ما أبي منك شي... وين أخوي جلس مازن: أبوي ما بعد يجي أبو إبراهيم: وش يشتغل مازن: تاكسي أبو إبراهيم وهو يناظر ساعته: يا الله وراي أشغال مازن: إذا أنت مشغول توكل على الله وأنا أقوله أنك جيت أبو إبراهيم: تاكل تبن ما بقى الا عيال الشوارع يتكلمون دخل أبو مازن: ودام أولاد الشوارع مو عاجبينك... وش جابك عندي وقف أبو إبراهيم: عبد الله أبيك بموضوع أبو مازن: مازن خلنا لحالنا وقف مازن وقال: اوكيه... بس يبه ترا غزلان عند الجيران استغرب أبو مازن: من غزلان مازن استغرب من نفسه كيف قال أسمها.... يمكن صار يحبها مثل ما قال علي.... ابتسم على أفكاره وقال: قصدي أروى... عن أذنكم رايح أنام جلس أبو مازن وجلس جنبه أبو إبراهيم.... أبو إبراهيم طلع من جيبه شيك ومده لأخوه.... ناظر أبو مازن الشيك مبلغ مو سهل ويعيشه حياة محترمة.... لكن مو أبو مازن اللي ياخذ فلوس" يبي يراضيني بفلوسه ": ايش هذا أبو إبراهيم: ها المبلغ لك تقدر تعيش منه أحسن من القرف هنا... ما يصير الناس تعرف أنا أخوي عايش في خرابة أبو مازن: وليه الناس تدري إني أخوك... مو لازم تقولهم لأن هذا مستواي وما راح أغيره أبو إبراهيم ما عنده اسلوب يعتذر فيه.... هو معروف بطمعه وجشعه ما عمره تنزل وأعتذر من أحد.... لكن هذا أبو مازن أبوه اللي رباه.... أبو إبراهيم: ما عليك من الناس... أهم شي أنك تقدر تشتري أي شي يضمن مستقبل بنتك أو هذا اللي معك أبو مازن حط الشيك بجيب أخوه وقال: خذه ما أبي منك شي... مو أنا ما أستاهل غير جهنم الحمرا سكت أبو إبراهيم وهو عارف أخوه.... رن جواله وكان شريكه يقوله إنا موعد طيارتهم قريب.... عندهم مشروع تجاري في دبي وراح يغيب لمدة 6 اشهر.... أبو إبراهيم: يعني خلاص ما راح ترضى علي أبو مازن: أنا مو أمك ولا أبوك عشان تدور رضاي... رح دور رضى اللي مصلحتك عندهم أبو إبراهيم: مدري وش سوت فيك الدنيا اللي خلتك قاسي كذا أبو مازن: مثل ما خلتك خسيس... وعبد عند الفلوس وقف أبو إبراهيم وقال: أنا مسافر اليوم... لكني برجع لك حتى لو تروح الصين أبو مازن: توكل على الله لا يطير عليك المشروع طلع أبو إبراهيم وهو حالف على نفسه أنه بيرجع.... لكن بعد ما ينتهي من المشروع الضخم اللي من سنتين مخططين له.... يتبع........ | ||||||||||
|
| |
 |
| الكلمات الدلالية (Tags) |
| محمد, لقيط, احلى, ذنبي, رواية |
| أدوات الموضوع | |
| انواع عرض الموضوع | |
|
|
2Likes
.png)
العرض العادي
