آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
02-07-18, 09:50 PM
| #41 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  . -نرجع لكندا؛ نواف دخل القصر وعينه تدور ع ابو مازن تقدم ناحيته واحد من الخدم وبيده الخمر ومد كاس لنواف : please enter "تفضل." نواف طالع فيه بقرف : No thanks , وابتعد عنه ورفع راسه من سمع صوت الاغاني الاجنبيه وابتسم بسخريه وهو يشوف كل اثنين سوا ويرقصون سلو , حس بيد تنحط ع كتفه والتفت وهو عاقد حواجبه نزلت يدها وغمزت والابتسامه مرسومه ع وجهها : Do you want to do it?. " هل تريد ان نفعل ذلك ." نواف بتجهم : No عقدت حواجبها : why?. " لماذا " نواف صد عنها وهو يتنهد وبهمس : يارب تعدي الليله ع خير . وقفت قدامه وعدلت ياقته وهمست بدلع : my name is karine ,what about you?. " اسمي كارين , ماذا عنك ؟." نواف مسك معصمها وبعد يدها عنه وبتصريفه : i dont speak English,i’m sorry . " انا لا اتحدث الانجليزيه , انا اسف ." كارين طالعت فيه بعدم تصديق : you are lying " انت تكذب " نواف بعد عنها وبعدم اهتمام : عساك ماتصدقين يالنشبه ولمح ابو مازن وتقدم لناحيته ورفع صوته : يابو مازن ابو مازن رفع راسه وطالع فيه وباابتسامه : هلا بو سلطان , تو انتبه انك جيت نواف بملل : هلا فيك , انا مليت بطلع! ابو مازن رفع حواجبه : بس مااتفقنا ع كذا ! نواف طالع فيه بجديه : ايش بستفيد من الحفل ذا انا ؟ ابو مازن : شوي وبنعلن عن المشروع وطبعا لازم يكون متواجد واحد منكم انت او ياسر رؤساء شركة الـ***** نواف تأفف بملل : متى ينتهي الحفل؟ ابو مازن : الساعه 11 وربع نواف طالع ف ساعة يده ومشى متجه لوحده من الطاولات الفاضيه , جلس ع الكرسي وطلع جواله وهو يتصفح مواقع التواصل , رفع راسه لما حس بالفلاش ع عينه وطالع ف المصور وهو عاقد حواجبه المصور باابتسامه : Do you allow me to photograph you? " هل تسمح لي بتصويرك؟" نواف باابتسامه جانبيه : yes , no problem المصور بعد ماالتقط عدة صور عقد حواجبه وهو يتأمل ملامحه : Looks familiar " تبدو مألوفا ." نواف وعينه ع جواله : oh really?. " اوه حقاً؟" المصور طالع فيه : yes .. Sorry, can you tell me who you are?. " اجل .. عذراً , هل يمكنك اخباري من انت؟." نواف فتح ع حسابه ف التويتر ومد الجوال للمصور : Do you know me ? " هل تعرفني؟" المصور اتسعت حدقة عينه بصدمه من عدد المتابعين والصح الازرق الي بجنب اسمه : you are famous " انت مشهور !" نواف : Somewhat " نوعاً ما ." , قطع عليهم حديثهم جوال نواف الي دق , طالع ف الاسم ورد وقام بيطلع وطالع ف المصور : Excuse me " اعذرني ." ورفع الجوال لااذنه وتكلم : هلا محمد محمد عقد حواجبه من صوت الاغاني : مشغول؟ نواف طلع للحديقه وجلس ع الجلسات الخارجيه وارخى ربطة العنق بضيق : لا محمد : المهم ترا ابوي طلع نواف ابتسم بفرحه : كيف صحته ؟ محمد : الحمدلله احسن بكثير نواف تنهد براحه : الحمدلله , سلم لي عليه محمد : يوصل نواف انتبه لواحد من رجال ابو مازن يناديه : دقيقه محمد , ورفع راسه وطالع فيه : نعم ؟ الرجال : اعتذر ع ازعاجك استاذ نواف , الاستاذ مقرن " ابو مازن " يبغاك نواف تافف بملل وقام : طيب بجي , ورفع جواله وتكلم : اذا رجعت الاوتيل كلمتك محمد : تمام , انتبه لنفسك نواف انتبه للرجال الي يأشر له وتكلم وهو عاقد حواجبه : طيب مع السلامه وقفل جواله وحطه بجيبه الرجال تقدم لناحية نواف : بسرعه لو سمحت نواف عدل ربطة العنق وهو يمشي للداخل : ايش فيه؟ الرجال : مدري نواف كتم غيضه واسرع بخطواته وابعد عن الرجال وتوجه لاابو مازن : ايش فيه يابو مازن؟ ابو مازن طالع ف نواف وهو عاقد حواجبه : وين كنت يانواف ؟ بنتكلم عن المشروع الحين ولازم تلقي كلمتك بما ان بيننا شراكه ف المشروع ذا نواف : تكلمت عنه ولا لسا؟ ابو مازن : الا انتهيت , دورك الحين واشر له ع المنصه ؛ نواف طالع ف المكان الي يأشر عليه وتقدم لناحيته ووقف ع المنصه وبباله شيء وحيد - وش المطلوب مني اني اقوله؟- , وافق ع الصفقه بسرعه بدون ادنى تفكير وكان بباله انو ممكن يعوضون بالصفقه ذي الخساره الي صارت , تمنى انو سمع لياسر ورفضوها لكن بعد ايش؟ , زفر بضيق وبهمس : يارب ينتهي ع خير , رفع راسه ومسك المايك وفتح فمه بيتكلم وقطع عليه صوت الحارس الي بجنبه : استاذ نواف , تكلم عن المشروع ببساطه , وكلامك بينعرض بث مباشر . نواف هز راسه وتنحنح وبدا يتكلم باللغه الانجليزيه بطلاقه : اهلاً .. انا نواف الماجد احد رؤساء شركة الـ***** , ارحب بكم جميعاً ...... وشكرا لكم واعتذر ع الاطاله , ونزل من المنصه وراح لاابو مازن : اقدر اطلع دحين صح ؟ ابو مازن ابتسم بفرحه وهو يشوف مشروعه يتكلل بالنجاح : ايه خلصنا نواف طلع برا وركب سيارته وسحب ربطة العنق ونزلها وحطها ع جنب ونزل الجاكيت الرسمي ورماه ورا وفتح اول زرين من ازرار القميص وحرك سيارته ومشى مبتعد عن المكان بسرعه ورفع جواله الي يدق ورد : هلا تكلم وهو مبتسم بفخر : ماعرفتك يالي طالع ف بث مباشر نواف بضحكه : عسى ماجبت العيد بس ؟ ياسر ضحك : ف البدايه حسيتك مضيع شوي بس الباقي كله تمام نواف باابتسامه جانبيه : اهم شيء افتكينا منه , مره ثانيه اذا جاء واحد كذا ووافقت ع الصفقه كفخني ياسر بضحكه : ليه ؟ نواف بملل : ياخي طفشت ولما فكرت ف الموضوع ماحسيت بنستفيد مره وبتفرق! ياسر : قلت لك بس ماسمعت نواف رجع شعره ع ورا : المهم ماعلينا خلنا نكنسل امريكا ابغى ارجع . . ، -المملكة العربيه السعوديه,جده- -جامعة الملك عبدالعزيز - ساره رفعت راسها وطالعت ف الجوري : جوري شوفي التويتر الجوري رجعت شعرها لورا اذنها وعينها ع الاوراق الي قدامها وبيدها قلم : بعدين ساره رجعت بظهرها ع ورا وعينها ع جوالها : بكيفك بس ترا عن نواف زوجك الجوري رفعت راسها ونزلت النظاره وحطتها ع الطاوله وطالعت فيها وهي عاقده حواجبها : شفيه نواف؟ ساره : شوفي انتي الجوري سحبت جوالها فتحت ع حساب نواف ف التويتر : حسابه ؟ ساره : لا عندي حساب اتابعه تكلم عنه , اكتبي ف السيرش اسمه وبيطلع لك الجوري دخلت ع اخر تغريده وهي تقرا الكومنتات ورفعت حاجبها بااستنكار وهي تقرا تغريده من بنت : وش قلة الادب ذي! ساره طالعت فيها وهي عاقده حواجبها : ايش؟ الجوري لفت الجوال ع ساره : شوفي الوقحه ذي ساره قرت كلامها وضحكت : معليك منها الجوري عدلت الجوال وهي تطالع ف كلامها بقهر " ف البث طالع رزه وحلو بزياده 🧡🧡." , عضت ع شفتها بغيره وردت عليها :" يدري انو رزه وحلو , مو محتاج رايك " , عقدت حواجبها ورفعت راسها , تو تستوعب " اي بث؟" , راحت للسيرش وكتبت -نواف الماجد- وطلعت لها تغريده برابط " حديث نواف الماجد بحفل كندا , كامل هنا " , لبست السماعات وفتحت الرابط , وابتسمت بخفه وهي تشوفه واقف ع المنصه يتكلم بكل ثقه , شافت المقطع كامل وحفظته عندها , ورجعت للتويتر وهي تكمل تصفح , انتبهت لصور -الي صورها المصور الاجنبي- واتسعت ابتسامتها وهي تتامله ساره طالعت ف تعابير وجهها وابتسمت بخفه : وش سر الابتسامه الحلوه ذي؟ الجوري ضحكت بخفه وعينها ع صورته : خقيت ع شكله بالبدله الرسمـ.. قطع عليها اليد الي انحطت ع كتفها والصوت الي صدر بااعجاب : واو الجوري قفلت جوالها والتفتت وهي عاقده حواجبها : سديم؟ سديم رفعت حواجبها : ليه قفلتي ؟ بشوف معك ! ذا نواف الماجد قريبك صح ؟ الجوري حطت اغراضها بشنطتها وقامت : مايخصك ومشت مبتعده عنها . سديم ابتسمت بخفه : يوه يالغيره ماتوقعتها كذا ساره طالعت فيها بطرف عينها : حركتك سامجه مالك داعي سديم جلست جنب ساره وبعدم اهتمام : هي حساسه , زوجها معروف يعني بتتعب كثير مع غيرتها ذي ساره اخذت اغراضها وقامت : لا تعيدينها ماارضى ع الجوري ترا سديم بوزت بملل : نفسيات ياربي ساره طالعت فيها بطرف عينها ومشت متجاهلتها . . ، حطت يدها ع مقبض الباب وفتحته ودخلت وباابتسامه : محمد جـ.. تلاشت ابتسامتها وبهتت ملامحها بصدمه وعدم تصديق وهي تشوفه ماسك بنت وحاط يده ع فكها وهي متعلقه برقبته : مـ محمـ..د !! محمد التفت وطالع فيها بيبرر لها وبتوتر : ليالي لا تفهمين غلـ.. ليالي تجمعت الدموع بعيونها ورمت الملف وضرب بصدره وطاح ع الارض وببحه : توقعتها من الكل الا انت يامحمد! وطلعت من المكتب بسرعه ودموعها تنزل ع خدها محمد كان بيطلع يلحقها ووقفته اليد الي مسكت يده وشدت عليه , التفت عليها وهو عاقد حواجبه ..: لا تروح ! محمد طالع فيها بقهر وسحب يده بقوه وطلع بسرعه يبغى يلحق ليالي , طلع برا المستشفى وشافها ركبت سيارة السواق الي مشت بسرعه , رفع جواله ودق ع السواق واول ماوصله الرد تكلم بسرعه : صابر ارجع !! صابر بتوتر : بس الانسه ليـ.. محمد بحده : قلت لك ارجع! صابر تنهد بضيق : اوكي , وديور ورجع وقف السياره قدام المستشفى ؛ محمد تقدم ناحية السياره وفتح الباب الخلفي ومسك يدها وسحبها وطلعها من السياره ليالي تأوهت بألم وسحبت يدها منه وبحده : لا تلمسني! محمد مسك يدها وشد عليها اكثر بعناد وسحبها لناحية سيارته وفتح الباب وركبها وراح لجهة الباب الثاني وركب وحرك السياره ومشى بسرعه ؛ ليالي مسحت دموعها الي مو راضيه توقف وهمست بوجع : ليـ..ه ؟ ليه تكسرني يامحمد؟ ليه تخذلني وتقهرني كذا؟ ليه قلت لي اجي واشوفك بذاك المنظر؟ محمد عض ع شفته بقهر يكره نبرتها هذي والود وده مايسمعها ابد ليالي طالعت فيه بنظره اخيره تبغاه يبرر يقول شيء حتى لو كذب بس ماتبغى صورته الحلوه بالنسبه لها تتشوه , همست بصوت متقطع : اذا روحـ..ك خانتك مين بيوفـ..ي لك ؟ سكتت شوي وكملت وهي تشهق : اوجعت لي قلبي يـ..ا محمـ.. وبدى صوتها يختفي محمد التفت عليها بخوف واول ماشافها مسنده راسها ع القزاز وقف السياره ع طول وحط يده ع رقبتها يتحسس النبض وبخوف : ليال !! ليالي ردي ععلي!!! اتسعت حدقة عينه بصدمه لما ماحس بنبضات قلبها حط يده ع قلبها وصرخ بجنون : لييياالليي!!! ردي علي لا تفجعيني فيكك !!! للييييااالليييي , حرك السياره وداس ع البنزين بقوه وتوجه بسرعه ع المستشفى , وقف بنص الشارع ونزل بسرعه وراح لجهتها وشالها وركض متجه لداخل المستشفى وهو يصرخ ف الممرضين : بسسرعععهه لاا تتمممووتتت!!! . . . ، | ||||
|  |
|
06-07-18, 06:55 PM
| #43 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| . . ، ، -قبل ربع ساعه - فتح الدرج وهو يدور ع واحد من الملفات ومالقيه , رفع جواله ودق واول ماوصله الرد تكلم وهو لسا يدور ف الادراج : ليالي وينك ؟ ليالي عقدت حواجبها : ف البيت اشبك؟ محمد : فاضيه ؟ ليالي : ايه امر؟ محمد اسند ظهره ع الكرسي بتعب : فيه ملف ابغاه ضروري شوفي اذا موجود ف مكتبي ليالي : الاسود؟ محمد : ايهه هو جيبيه لي بالله ليالي ابتسمت : طيب محمد رفع راسه وطالع ف الي داخل وعقد حواجبه : استناك ليالي : طيب جايتك وقفلت . محمد حط جواله ف جيبه وطالع فيها : نعم دكتوره خلود؟ خلود قربت لناحيته ومدت له ورقه ـوبدلع عفوي : محمد شف نتيجة التحليل هذي واشرت لكلمة : هنا مافهمت وش اسـ.. محمد بحده : دكتور محمد , وبعدين كيف مافهمتي ؟ خلود قربت منه اكثر : مدري توترت لما شفت نتيجة التحليل وقلت اسألك بما انك اكثر خبره مني . محمد بتجاهل : اسألي دكتور عزام بيساعدك او عندك دكتوره نادين خبره 20 سنه ماشاءالله ومابتقصر معك خلود ابتسمت : رحت لهم بس دكتور عزام مشغول ودكتوره نادين خلص دوامها ف قلت مالي الا انت محمد اخذ الورقه بملل : هات اشوف وطالع ف السطر الي كانت تتكلم عنه وعقد حواجبه وهو يشوف نتيجة التحليل كلها من البدايه خلود طالعت فيه كيف مركز يقرا التحليل وجلست ع طرف فخذه وطبعت قبله سريعه ع رقبته محمد اتسعت حدقة عينه بصدمه ودفها بقوه وقام ورمى ورقة التحليل وهو يطالع فيها بعصبيه : ببببرررررااا!!! خلود قامت عن الارض وحطت يدها ع ظهرها بوجع وطالعت فيه وهي مبوزه : شفيك انت ماتتقبل المزح؟ بعدين عادي ترا اعتبرك خويي يعني محمد بحده : اطلعي برا !! لااشوفك قدامي لاارتكب فيك مصيبه !!! خلود قربت منه وابتسمت بخفه وغمزت له : ترا زواجي الشهر الجاي وابغى اسوي بروفـ. محمد حط يده ع فكها وشد عليه بقوه اوجعتها ولصق ظهرها بالجدار وبعصبيه واضحه بوجهه : شكلك مستغنيه عن مستقبلك ووظيفتك!! اعقلي ياخلود ولا والله لاافصلك وابن ابوه وقتها يوظفك عنده , يقلع شكلك ماتستحين ع وجهك انتي!!!! خلود حست بااحد بيدخل وابتسمت بخفه وحاوطت رقبته بيدينها وتعلقت فيه محمد اتسعت حدقة عينه بصدمه , فاق من صدمته لما سمع صوت الباب انفتح وسمع صوت ليالي تكلمه ." . . ، -بعد 18 ساعه ونص- -مطار الملك عبدالعزيز الدولي بجده- نواف نزل من الطياره وهو حاط يده ع رقبته بألم , خرج لبرا المطار وانتبه لسيارة ياسر موقفه ع جنب راح له وفتح الباب وركب واسند ظهره ع المقعد بتعب : السلام عليكم ياسر قفل الجوال وحطه بجيبه والتفت : هلا هلا وعليكم السلام عقد حواجبه بااستغراب : تعورك رقبتك؟ نواف وهو مغمض عيونه : ايه شوي ياسر حرك السياره : ان شاءالله كلها يومين بالكثير وتخف , طبيعي مع السفر والطياره وكذا نواف فتح عينه وابتسم ابتسامه جانبيه : مو من السفر من قبل وطلع جواله من جيبه ودق ع ابوه ؛ ياسر عقد حواجبه : من ايش اجل؟ نواف : حادث ووصله صوت ابوه وابتسم بشوق : هلا هلا بو محمد , شخبارك , الحمدلله , ايه وصلت قبل شوي , نص ساعه وانا عندك , ابشر , عقد حواجبه : وش فيها , تقوم بالسلامه يارب , طيب بشوف اكلم محمد وارد منك .. معالسلامه وقفل ياسر طالع ف نواف وهو عاقد حواجبه : عسى ماشر ؟ نواف دق ع محمد وحط الجوال ع اذنه : مدري والله يقول زوجة محمد ف العنايه ياسر : الله يشفيها ويقومها بالسلامه نواف : امين وكشر لما شاف محمد عطاه مشغول وحط الجوال بجيبه ياسر طالع ف نواف بطرف عينه ورجع يطالع ف الطريق : اوديك المستشفى عنده؟ نواف : لا وديني البيت بنام , وطالع ف ساعته الي كانت تشير للساعه -7:28AM- : بروح له العصر ياسر توجه لبيت ابو محمد : تمام . . . ، -5:55pm- انتبه لااخوه جالس ع الارض قدام العنايه المركزه , وقرب منه وحط يده ع كتفه : محمد ! محمد رفع راسه وطالع فيه بضيق نواف عقد حواجبه بقلق : شفيه وجهك كذا ! كم لك مانمت!! محمد تجاهل سؤاله وقام اول ماشاف الدكتور ه طلعت وببحه تعب : تهاني د.تهاني التفتت ع محمد وطالعت فيه : هلا دكتور محمد محمد : كيفها ؟ تحسنت؟ د.تهاني : كل شيء تمام بس الي بقي انها تقوم من غيبوبتها محمد بضيق : ومتى بتقوم ؟ د.تهاني تنهدت بضيق : العلم عند الله , ادخل عندها وتكلم معها وان شاءالله كلها يومين بالكثير وتقوم محمد حس بدوخه وحط يده ع كتف نواف :تمام شكرا لك د.تهاني وهي ماشيه : واجبنا نواف عقد حواجبه وهو يطالع ف محمد : محمد رح البيت نام وخلي عمتي وخواتها يجون انت ارتاح شوي محمد غمض عيونه بقوه وتنهد بضيق , وفتح عيونه وبعد عن نواف : مابطلع الا وهي معي ودخل عندها نواف تنهد بضيق وانتبه لجواله الي يدق ورد : هلا . . . ، -بيت ابو تركي- عبدالله جالس جنب امه الي بدت ترجع لها قدرتها ع الكلام : يمه وش رايك اوديك الرياض؟ ماودك؟ ام تركي : لا تـ..عب عليك عبدالله سحب يدها وباسها : مو تعب ولا شيء , اذا تبغين بوديك والليله بعد تركي جلس جنب امه وسحب يدها من يد عبدالله وحاوط كتفها بيده اليمين : وخر عن امي عبدالله طالع فيه بطرف عينه : امك لحالك ؟ تركي : ايه امي من قبل ماتصير امك بشاير تطالع فيهم بصدمه : بزارين انتوا !!!! وش الي امك لحالك وامي من قبل ماتصير امك!!! عبدالله ضحك : مدري عنه اخوك الاهبل ذا تركي طلع علبه صغيره من جيبه وفتحها وطلع منها عقد الماس ولبسه امه وباس راسها ام تركي مسكت العقد بيدها بفرحه وطالعت فيه والابتسامه مرسومه ع وجهها : ماله داعـ..ي تـ.. تركي قاطعها : وش الي ماله داعي ؟ اعتبريه عيدية بس جات متاخره عبدالله طالع فيه بصدمه : بسم الله!! تركي طالع فيه وهو رافع حاجب : وشو بعد عبدالله طلع علبه من جيبه وفتحها وكان فيها خاتم الماس تركي طالع ف عبدالله بصدمه لثواني وبعدها ضحك بقوه : ههههههههههههههههههههههههه ههههههههههههههههههههههههه ههههههههههههههههههه عبدالله لبس امه بيدها اليسار : اذا ماعجبك قولي لي وبوديك تشترين ع ذوقك ام تركي تجمعت الدموع بعيونها بفرحه , عيالها حولها وباريّن فيها ويدورون ع رضاها وش تبغى اكثر من كذا؟! : الله يحفظـ..كم ويرزقني شوفة عيالكم واحفـ..ادكم . . . ، -المستشفى- محمد طلع من العنايه المركزه وماحس الا باليد تسحبه مع ياقته , ابعد عنه وبحده : خير ياطلال! طلال -ولد عمه ,اخو ليالي- بحده : وش مسوي ف اختي يالكـ** نواف سحب طلال مع بلوزته من ورا وبحده : طلال ادخل شف اختك بهدوء ولا انقلع بيتكم طلال لف عليه وبصراخ : ومين انت عشان تعلمني وش اسوي؟ نواف بملل : نواف بن سلطان , صوتك لا يعلى ف المستشفى!! ابو طلال سحب طلال وبهدوء : طلال اهدى! وطالع ف محمد : شفيها؟ محمد نزل عيونه وبتهرب : مدري ابو طلال طالع ف نواف الي واقف ع جنب ولا فكر يسلم عليه : متى وصلت انت؟ نواف بدون مايطالع فيه : اليوم الصباح ابو طلال : طيب مابتجي اسلم؟ نواف طالع فيه بطرف عينه وصد وهو كارهه بقوه بعد موقفه معه لما طاح ابوه , وطالع ف محمد الي باين عليه الهم والضيق : محمد انا بروح تبغى شيء؟ محمد طالع فيه : لا نواف وهو ماشي : تمام اذا احتجت شيء كلمني وطلع من المستشفى وطلع جواله ودق وبعد رنتين وصله الرد واتسعت ابتسامته : ههلا هلا الجوري قفلت كتابها وحطته ع جنب : هلا نواف عقد حواجبه : شفيك زعلانه؟ الجوري عدلت جلستها : ولا شيء عندي اختبار بعد يومين وشايله همه نواف : ايش الماده؟ الجوري : محاسبه اداريه نواف ابتسم بخفه : الله يسلمك , عاد المحاسبه الاداريه لعبتي وش الي مو فاهمته فيه ؟ الا صح وينك ؟ الجوري عقدت حواجبها : ف بيت جدتي نواف : دحين اجيك وافهمك وقفل جواله وحطه بجيبه ومشى لسيارته وحرك متجه لبيت جده ؛ . . ، الجوري فزت وبصدمه : ججاء ججاء رجع السعوديه!!! رنا طالعت فيها بااستغراب : بسم الله مين شسالفه؟ الجوري : نواف وطالعت ف لبسها الي كان جينز اسود وتيشيرت اصفر ورفعت راسها لرنا : لبسي حلو ولا اغير؟ وشعري اخليه كذا ولا افتحه؟ رنا طالعت فيها للحظات وضحكت : لا كله تمام بس غيري التيشيرت الجوري طالعت ف رنا : وش البس؟ رنا قامت وفتحت الدولاب وطلعت لها بلوزه مقلمّه ازرق وابيض وفيها تطريز ع شكل ورد بالازرق وطلعت لها بنطلون ابيض : غيري لبسك كله ذا احلى احس وطلعت : انا برجع بيتنا الجوري لحقتها : ليه بتروحين؟ رنا : باخذ فلوس من ابوي وبروح المكتبه تبغين شيء؟ الجوري : لا بس اسأل , ورجعت للغرفه وقفلت الباب وغيرت لبسها بصعوبه بسبب يدها , فتحت شعرها الي كان ذيل حصان ونزلت وراحت للمطبخ وشافت سيرا جالسه ع الطاوله ومعطيتها ظهرها: سيرا وين ماما؟ سيرا : راحت الجوري تقدمت لناحيتها : طيب ارفعي لي شعري واعطتها ظهرها سيرا وقفت واخذت الربطه منها ورفعت شعرها ذيل حصان بشكل مرتب : كذا كويس؟ الجوري ابتسمت : ايه شكرا وطلعت لغرفتها وسحبت عطرها من التسريحه وتعطرت وحطت مرطب وردي وسمعت جوالها يدق واخذته وردت : هلا .. طلعت من الغرفه بسرعه وهي نازله تحت : جيت ؟ طيب دحين اجي افتح لك .. لا مافي احد حتى جدتي راحت , فتحت الباب واتسعت ابتسامتها لما شافته نواف قفل الجوال وحطه بجيبه وتقدم لناحيتها الجوري عطته ظهرها وهي متوجهه للمطبخ : ثواني بجيب لك مويا بارده واجـ.. وبترت كلمتها بشهقه نواف سحب يدها السليمه ولفها لجهته وسحبها لحضنه وشد عليها ودفن وجهه بشعرها وبهمس : اشتقت لك الجوري توترت من قربه وحمر وجهها وبااحراج : نواف مو هنا , يمكن يجي احد ويشـ.. نواف قاطعها : زوجتي ماسويت شيء غلط دخل وقفل باب البيت الي تركوه الجوري ونواف مفتوح وتكلم وهو طالع لغرفته : ترا اخواني بعد شوي بيجون انتبهوا حبايبي نواف تجاهله وحط يده ع فك الجوري وعقد حواجبه وهو يتأمل وجهها : وش فيه وجهك كذا ؟ وحط يده ع جبهتها يتحسس حرارتها ونزلها لرقبتها وهو يتحسس الحراره وبقلق : جبهتك حاره شوي , اخذتي مضاد؟ الجوري مسكت معصمه ونزلت يده : لا مـ.. نواف قاطعها وهو يمسك يدها وسحبها معه لغرفة الجلوس ورفع صوته وبشبه صراخ : سيرا جيبي مضاد ومويا , وسحب الجوري وجلسها ع الكنب وبعتاب : ليه ماتهتمين بصحتك؟ الجوري : تعب بسيط وماله داعي المضاد حتى! نواف تجاهلها مارد ولما شاف سيرا جات اخذ المضاد وعلبة المويا منها واخذ حبه ومدها للجوري : خذيها ولا تنسين تاخذين حبه كل 12 ساعه ولمده خمس ايام عشان ماتنتكس حالتك وتتعبين اكثر بعدين الجوري ابتسمت بملل : اوكي اوامر ثانيه دكتور نواف؟ نواف ابتسم بخفه : ايه جيبي كتابك اشرح لك الي مو فاهمته الجوري قامت : طيب , تبغى قهوه؟ نواف كان يطالع بجواله ورفع راسه وطالع فيها : ايه تكفين الجوري ابتسمت : بسكر ولا بدون؟ نواف : لا بدون الجوري طلعت : اوكي نواف انتبه لجواله يرن ورد : هلا , عقد حواجبه بااستغراب لما سمع الصوت وبعد الجوال عن اذنه وطالع ف الرقم الي كان دولي وتنحنح وتكلم : yes I’m nawaf , who are you?. " اجل انا نواف , من انت؟." تكلمت بصوت غليض مغبون : i’m not speak English , who said this?. " انا لا اتحدث الانقليزيه , من قال هذا ؟" نواف استوعب وضحك بقوه : ههههههههههههههههههههههههه ههههههههههههههههههههههههه ههههههههههههههههههههههههه ههههههههه وش تبغين يالبلشه كارين عقدت حواجبها بعدم فهم : what ? نواف قفل بوجهها وحضر رقمها ورمى جواله ع جنب بملل واول ماانتبه للجوري دخلت ابتسم وقام اخذ الصحن الي فيه اكواب القهوه وحطه ع طاولة الضيافه الصغيره , وطالع فيها : وين كتابك؟ الجوري : ف الصاله بروح اجيبه نواف : تمام الجوري طلعت جابت كتابها واغراضها ورجعت وجلست قريب منه نواف حاوط خصرها بيده وسحبها لناحيته : اذا كنتي بعيده كذا كيف افهمك؟ ونزل يده وسحب كتابها : ايش الي مو فاهمته ؟ ولا تبغيني اشرحه لك من البدايه؟ الجوري فتحت الكتاب من النص وقلبت الصفحات لين ماوصلت للي تبيه : من هنا لين هنا ماني فاهمته نواف عقد حواجبه وهو يقرا بتركيز وبعد خمس دقايق لف عليها وسحب القلم من يدها واخذه وهو يكتب لها ع جنب ويشرح : شوفي هنا . . ، بيت ابو تركي؛ جناح عبدالله وجواهر؛ جواهر سمعت صوت الباب انقفل وقامت وراحت له : عبدالله عبدالله لف لها وابتسم : ياعيونه ؟ جواهر بضيق : متى بنرجع الرياض؟ عبدالله عقد حواجبه : ليه فيه احد مضايقك؟ جواهر بملل : لا بس اشتقت لااهلي عبدالله : تمام بشوف وخلال اليومين ذي نروح لهم راضيه كذا؟ جواهر ابتسمت بخفه : ايه شكرا عبدالله ابتسم ودخل لغرفته جواهر دخلت وطالعت فيه : عبدالله تبغى اكل؟ عبدالله فصخ تيشيرته ورماه ع الارض وانسدح ع السرير بتعب : لا بنام جواهر شتت نظرها عنه بااحراج : بقي شوي ع المغرب لا تنام! عبدالله : صحيني اذا اذن جواهر طالعت فيه بحده : عبدالله! مابقي شيء ترا اصبر! لو نمت مابتقوم! عبدالله تأفف وجلس وطالع فيها بملل : مين مسلطك علي انتي؟ جواهر بعناد : احسن قوم لا تنام الا اذا صليت ! عبدالله حك شعره بضيق وطالع ف ساعته وبعدها طالع فيها : سويلي قهوه طيب وجيبيها جواهر وهي طالعه : طيب لا تنام لو نمت بصحيك! عبدالله رمى عليها المخده الصغيره وبقهر : طيب مابنام انقلعي بس جواهر رجعت ورمت المخده ع وجهه وبقهر : انا ارتب وانت تحوس؟ وبعدين معك؟ وبعدين خير تقول انقلعي؟ ترا والله مااسويلك!!! عبدالله حط راسه بين يدينه : انا متزوج حرمه ولا بزر؟؟ وطالع فيها وبجديه : كم عمرك بالله؟ جواهر عقدت حواجبها : اتوقع الشهر الي راح صرت 17 عبدالله شهق وبصدمه : احححلففييي!!! يعني توك ماخلصتي الثانوي!! جواهر طالعت فيه بطرف عينها : للاسف ولا خلصت اول ثانوي حتى عبدالله عقد حواجبه بااستغراب : مو مفروض تكونين ثاني دحين! جواهر مشت متوجهه للمطبخ التحضيري : مفروض بس بركاتك عبدالله فز ومشى وراها : طيب دحين ماسجلتي ف المدرسه الي هنا قريبه ؟ جواهر وهي تسوي لها اندومي : لا لان انا اصلا بس بقي لي ف اول ثانوي الترم الثاني واذا رجعت الرياض بروح للمدرسه الي كنت فيها وبشرح لهم وضعي وان شاءالله يوافقون يختبروني عبدالله بثقه : غصباً عنهم يوافقون اصلا جواهر طالعت فيه بطرف عينها : ياواثق! عبدالله بحماس : اقولك حولي انتساب وخلينا نسافر برا نفر العالم ونرجع اوقات اختباراتك عشان تختبرين ولو خلصتي نكمل رحلتنا! جواهر سوت له قهوه ومدت له الكوب وجلست ع الكرسي وعيونها ع الاندومي : لا ياحبيبي ماني مسافره معك برا عبدالله بملل : شدعوه للحين ماتثقين فيني يعني؟ جواهر : للاسف وسمعت اذان المغرب وطالعت فيه : اذن رح صلي عبدالله طالع فيها بصدمه : تو اذن شفيك ! جواهر عقدت حواجبها : وش تنتظر طيب؟ شوي ويكبر الامام ويمكن يسجد وانت لسا ماوصلت! وبكذا تروح عليك ركعه , وتروح عليك تكبيرة الاحرام انك ماكبرت مع الامام! عبدالله وهو طالع ومتوجه للحمام "يكرم القارئ" : طيب طيب بروح خلاص اصه جواهر طالعت ف ظهره وتنهدت بضيق : الله يهديك , واخذت الاندومي وحطته ف صحن واخذت شوكه وحطت الصحن ع طاوله صغيره وشغلت الشاشه وشغلت السوني عبدالله طلع من الحمام " يكرم القارئ " بعد ماتوضى وطالع فيها وهو رافع حاجب : قومي صلي انتي جواهر طالعت فيه وبتوتر : هاه ؟ اي صـ.. اقصد بصلي بعد شوي عبدالله طلع بعدم اهتمام جواهر عضت ع شفايفها بااحراج واخذت يد السوني وبدت تلعب فورت نايت . . ، قطع عليه شرحه دخول خاله رفع راسه وقام والابتسامه مرسومه ع وجهه : هلا ههلا وقرب منه وسلم ع راسه : علومك؟ ابو حسام : هلا بك , بخير الحمدلله الجوري تقدمت لما شافت نواف بعد عن خالها وسلمت ع راسه : كيفك خالي جاسم؟ ابو حسام طالع فيها بطرف عينه وصد : الحمدلله وقال وهو طالع : خوالك جو يانواف؟ الجوري عقدت حواجبها بااستغراب من كرهه لها الي بدون سبب واضح بالنسبه لها نواف : لا وطالع ف ساعته ولف ع الجوري والكتاب بيده : نكمل بعد المغرب الجوري سحبت الكتاب من يده : خلاص معليك فهمت , روح اقعد مع خالي عيب نخليه كذا لحاله نواف طالع فيها للحظات وابتسم : اوكي وطلع وانتبه لخاله جالس بالصاله وتقدم لناحيته وجلس قدامه ابو حسام طالع ف نواف : وين جدتك ؟ نواف : مدري جيت وهي برا ابو حسام عقد حواجبه : يعني انت وبنت عبدالله بس هنا؟ نواف عقد حواجبه بااستغراب من معاملته للجوري : انا والجوري وسلمان ابو حسام : وينه سلمان؟ نواف : فوق ابو حسام : شيسوي؟ نواف : مدري عنه ابو حسام انتبه للجوري الي اتجهت للدرج طالعه لجناحها : وين امك انتي؟ الجوري وهي مكمله طريقها وبدون ماتطالع فيه : ف اسبانيا ابو حسام عقد حواجبه : وش وداها هناك؟ الجوري وقفت وطالعت فيه بطرف عينها ومشت وهي تحاول تكتم غيضها ابو حسام بصوت جهوري حاد : ابغاك بموضوع , انتظريني ف الصاله الي عندك نواف قفل جواله وطالع ف ابو حسام وهو عاقد حواجبه ابو حسام قام وطلع فوق الجوري طالعت ف خالها وهي واقفه عند باب جناحها : ايش موضوعك؟ -بعد خمس دقايق- نزل ابو حسام ومشى متجه لخارج البيت نواف طالع فيه وقام لما سمع اذان المغرب واتجه لغرفة سلمان وفتح الباب وشغل اللمبات وطفى المكيف وبصوت عالي : سلمان قم اذن المغرب سلمان غطى وجهه بالبطانيه باانزعاج وببحه نوم : نواف انقلع برا نواف تقدم لناحية التسريحه وفتح واحد من الادراج وسحب له كاب ولبسه : قوم اقول خلينا نلحق الصلاه سلمان بعد البطانيه عنه وقام وتوجه للحمام -يكرم القارئ- وتكلم بدون مايطالع فيه : رجع الكاب مكانه نواف وهو طالع من الغرفه : تحلم , استناك تحت وانتبه للجوري داخله جناحها وتقدم لناحيتها وسحب ربطة شعرها وبعثر شعرها الي انساب ع ظهرها وغطاه : عندك موعد اليوم صح ؟ الجوري رجعت شعرها ع ورا والتفتت عليه : ايه اتوقع اليوم او بكره نواف فتح جواله ع الملاحظات وقفله بعد ماشاف الي يبيه : اليوم , خليك جاهزه بعد المغرب اوديك الجوري : معليك بروح مـ.. نواف قاطعها وطالع فيها بحده : جوري وبعدين؟ الجوري شتت نظرها وسكتت بتوتر نواف مسح ع شعرها وابتسم : لين متى بتبقين تستحين مني؟ الجوري بهمس : مااستحي نواف : وش تسمين ذا اجل ؟ الجوري بضيق : نواف انا اسفه تعبتك معي و نواف طالع فيها وبصدمه : جوري وش ذا الكلام! عقد حواجبه وبشك : وش قالك خالي جاسم ؟ الجوري همست وعيونها ع الارض : ولا شيء نواف حط يده ع فكها ورفع راسها وقبّل جبينها : الكلام ذا لااسمعه مره ثانيه , وبعدين اذا مارحتي مع زوجك تروحين مع مين ؟ الجوري نزلت راسها وتجمعت الدموع ف عيونها وهي تتذكر كلام خالها نواف رفع راسها وانتبه لدموعها ومسحها وهو مقهور من خاله : راسك يبقى مرفوع طول ماراسي يشم هوا ! وابو حسام هذا انا اوريك فيه وضمها لصدره ومسح ع شعرها بحنيه : لا تفكرين ف كلامه وجهزي ع بال مااروح اصلي طيب؟ الجوري بعدت عنه ومسحت دموعها : طيب . سلمان طلع من غرفته وطالع فيهم بطرف عينه : انتوا ايش قصتكم اليوم؟ نواف ابتسم بخفه : مايخصك وخر خلني اراضيها سلمان طالع فيه وشهق : زعلتها يالوصخ ! ولف ع الجوري وشمر اكمامه : اكفخه لك ؟ الجوري طالعت فيهم وصدت ودخلت لجناحها بدون ماتنطق بحرف سلمان عقد حواجبه وطالع ف نواف : اشبها! نواف وهو عاقد حواجبه بغضب : مدري اخوك وش قايل لها سلمان رفع حواجبه وصفر لا ارادياً : اوهه اخذ راحته بما ان امي ودلال ماهم موجودين نواف طالع فيه : ليه يعاملها كذا ؟ سلمان رفع اكتافه بعدم اهتمام : مدري اتوقع بينه وبين ابوها شيء نواف بقهر : وهي شدخلها يحط حرته فيها؟ سلمان وهو نازل مع الدرج : مريض المهم بسرعه خلنا نلحق شوي وتقيم الصلاه نواف نزل وراه وهو يسرع بخطواته ؛ . . ، حست بااحد يشد ع يدها ويتكلم معها , فتحت عيونها بتعب وطالعت ف اليد الي شاده ع يدها ورفعت عينها تطالع بصاحب اليد , طالعت فيه للحظات ورجعت غمضت عيونها وفقدت الاحساس بالي حولها . . ، بيت ابو محمد؛ ام محمد طلعت من المطبخ وطالعت ف مها الي جالسه ع الارض وبحضنها اللاب توب ولابسه السماعات ومو حاسه باالي حولها , نطقت بنبرة حاده : مهاا !! كم لي اناديك!! مها حست فيها ووقفت الفلم ونزلت السماعات ع رقبتها وطالعت ف امها : ناديتيني يمه؟ ام محمد تنهدت : ايه قومي مها رفعت اللاب توب وحطته ع الكنب وحطت السماعات جنبه : وين ام محمد مدت لها القهوه : روحي حطيها عند ابوك عمامك بيجون عنده مها اخذتها وتكلمت وهي رايحه للمجلس : بناتهم بيجون؟ ام محمد : مااتوقع مها : اها وتقدمت لداخل المجلس وشافت ابوها جالس وقدامه عمها بدر القت السلام وحطت القهوه ع الطاوله وتقدمت لناحية عمها الي رد السلام وسلمت ع راسه : شخبارك ياعم؟ بدر : الحمدلله والتفت ع ابو محمد يكمل كلامه : هاه ياسلطان شرايك ؟ ابو محمد بعقلانيه : والله يابدر اشوف انك تتركه ع حاله وتفك نفسك من المشاكل بدر : قولك كذا؟ ابو محمد هز راسه : ايه مها قاطعته : ابوي تبغى شيء ثاني؟ ابو محمد التفت عليها وابتسم : لا مها : طيب وطلعت من الباب الخارجي الي يطلع ع الحديقه وانتبهت لباب الملحق مفتوح وعقدت حواجبها بااستغراب : غريبه مفتوح نواف مستحيل يخليه كذا , وتقدمت لناحيته وانتبهت لـ اللمبات شغاله وحطت يدها ع الزر بتقفلها ..: لا تقفليـن!! مها اتسعت حدقة عينها بصدمه وطالعت فيه برعب , لحظات واستوعبت الوضع وطالعت فيه بحده : وش مدخلك هنا! قفل الدرج برجله ومشى مبتعد عنه ورفع المفتاح : هذا مها تقدمت لناحيته وسحبت المفتاح من يده وبحده : اطلع برا! تقدم بيطلع برا ووقفته يد مها الي سحبته مع كتفه وطالع فيها بطرف عينه : مو قلتي اطلع؟ وش تبغين دحين؟ مها طالعت فيه بحده : نادر وش اخذت؟ نادر ابتسم : مايخصك مها : والله اعلم نواف ترا! نادر ابتسم بسخريه : المفتاح ماخذه من نواف اصلا وداري اني هنا وسحب المفتاح من يدها وحطه بيجيبه وطلع مها طالعت فيه بكره نادر : اخلصي اطلعي خليني اقفل مها طلعت ومشت متوجهه لداخل البيت ووقفت لما شافته واقف قدام الباب ويكلم ومعطيها ظهره ومايدري عنها , اخذت نظره ع الي حولها وانتبهت لعلبه بيبسي فاضيه ع جنب واخذتها ورمتها عليه وجات ع كتفه الايسر ودخلت لداخل البيت بسرعه وقفلت الباب نادر حط يده ع كتفه بوجع وانتبه لباب البيت الي انقفل بقوه وضحك بخفه وطلع وركب سيارته ومشى مبتعد عن البيت ؛ . ، انتهى | ||||
|
| |
|
20-07-18, 11:36 AM
| #45 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| -مااحلل القراءة بدون لايك- -لا اله الا الله- . . ، -عايلة ابو سيف؛ فهد الحـامد , 56 سنه حصه الحـامد , زوجته وبنت عمه -متوفيه من 24 سنه- عياله ؛ سيف الحـامد , 28 سنه , دكتور مخ واعصاب . سعود الحـامد , 24 سنه , محامـي.- . . ، بعد 6 ساعات ؛ -اسبانيا,برشلونه- خارج المطار؛ ابتسم وهو يتذكر : كنا نبغاها بعد اسبوعين من سفرة روما ضحك ع الطاري : وصارت 3 شهور , طلع جواله من جيبه وكان طافي : اقول نواف معك شاحن متنقل؟ نواف طلعه من جيبه ومده له وهو يمشي متجه للسياره الي تنتظرهم وحط يده ع رقبته بألم : ليتني سحبت عليك ياسر ركب السياره واشر للسواق يمشي : افا يرضيك اني اسافر لحالي ؟ وعقد حواجبه لما انتبه ليده الي ع رقبته : لا تجلطني وتقول ان رقبتك من وقت الحادث تعورك؟ نواف ابتسم بسخريه : للاسف ياسر طالع فيه بقهر : وش اسوي فيك علمني؟ نواف بملل : امزح معك , بس طبيعي توجعني من الطياره والسفر الطويل , ماارتحت زين بعد كندا ياسر طالع ف السواق وتكلم بأمر : روح لااقرب صيدليه السواق الي كان يفهم عربي هز راسه وتوجه للصيدليه القريبه جدا من المطار نواف طالع ف ياسر بطرف عينه : ع كيفك؟ ياسر تجاهله ولما انتبه للسياره وقفت نزل ودخل الصيدليه , دقيقتين وطلع وبيده شاش ورماه ع نواف : لفه ع رقبتك نواف : ماابغاه ياخي ياسر طالع فيه : ترا لو لفيته لك بخنقك لاني مااعرف له نواف تأفف بملل واخذه : طيب اذا وصلنا بسويه ياسر : اهم شيء تسويه ماتسحب نواف عقد حواجبه بتفكير وسكت للحظات وطالع ف ياسر وابتسم بخفه : اخر سفره لي قبل الزواج ياسر طالع فيه بطرف عينه : بيتغير شيء يعني؟ نواف هز راسه بتأكيد : طبعاً , ولا ع بالك بعد مااتزوج بصير اخليها لحالها واسافر معك! ياسر وهو يطالع بجواله بعدم اهتمام لكلام نواف : ادري بك من دحين بديت تسحب كيف عاد لو تزوجت؟ ياشيخ الي اعرفه ان البنت هي الي تسحب اذا تزوجت مو الـ.. نواف حط يده ع رقبته وضغط عليها شوي : شقصدك اعرفك ماتقول شيء الا وانت قاصد شيء به ياسر بعد يده وضحك : ولا شيء وخر بس . . ، -بعد اسبوع ويومين ؛ الساعه -9:25pm- وقفت قدام المرايا وهي تتأمل شكلها بفرحه , كانت لابسه روب التخرج بلون بنفسجي فاتح والوشاح كان بلون سكرِي ومكتوب اسمها باللون الذهبي -الجوري بنت عبدالله- انتبهت لصاحبتها ريناد دخلت والتفتت عليها باابتسامه شاقه وجهها : احس مو قادره استوعب انو خلاص تخرجنا! ريناد لبست عبايتها والتفتت عليها ورفعت راسها بفخر : جدد اخيرا احس اني سويت شيء عظيم ! الجوري وهي تطالع بقبعتها البنفسجيه الي بيدها : كان مفروض نكون خريجات 2017 ريناد ضحكت : من اول مادخلنا الجامعه واحنا شادين حيلنا وناخذ صيفي عشان نخلص بدري بس سبحان الله ربي مقدر انو نتخرج قبل دفعتنا بترم بس .. طالعت فيها وعقدت حواجبها : ترا ماكأنك حاطه بلاشر خفيف مره زيدي عليه الجوري فتحت شعرها الطويل الواصل لااخر ظهرها وكانت مسويته تكسير , وخلخلت اصابعها بخصلات شعرها ولبست القبعه وتكلمت وهي تحط بلاشر : اهم شيء تخرجنا وافتكينا الحمدلله , وحطته ع جنب وطالعت فيها : كذا تمام؟ ريناد هزت راسها : ايه وابتسمت بخبث وهي تشوف الجوري ترفع جوالها وتصور سناب : ترا سمعت ان ياسر بيجي اليوم الجوري عقدت حواجبها وتكلمت بدون ماتطالع فيها : يوصل بالسلامه , بس شدخلني فيه؟ ريناد رفعت حاجب والابتسامه لسا مرسومه ع وجهها : مسويه ماتدرين ان نواف معه يعني؟ الجوري حطت الجوال ف شنطتها وطالعت فيها وهي توها تستوعب : تستهبلين انتي! رحلة نواف بكره! ريناد طالعت فيها بطرف عينها وقالت وهي طالعه : ايهه شكل لين الفاهيه سمعت غلط .. كتمت ضحكتها وبنفسها " اوه شكله بيسوي سبرايز وانا كنت بخرب وبفضحه ." الجوري طلعت وراها وطالعت فيها : بدري بتروحين؟ ريناد : ايه خالتي بيجونها جاراتها وبساعدها الجوري : اها سلمي لي عليها ريناد ربطت نقابها وباست خد الجوري : يلا ياحلوه اشوفك ع خير , وغمزت لها : حللي الروب لا تفصخينه اليوم الجوري ضحكت : شيء اكيد ريناد انتبهت لجوالها الي يدق وشافت الاسم وقفلت : يلا تأخرت ع مشاري , مع السلامه الجوري : فمان الله ريناد ابتسمت بخفه وطلعت الجوري دخلت لداخل البيت وانتبهت لاامها تناديها وراحت لها : هلا يمه؟ ام الجوري مدت لها البخور : تبخري واذا خلصتي حطيه ف المجلس شوي الجوري اخذت البخور وقالت وهي تبخر شعرها : عندك مكان نروحه؟ ابغى احلل كشختي ام الجوري ضحكت : بتجينا نجلاء الجوري طالعت ف امها : متى جات ؟ ام الجوري : قبل يومين الجوري عضت ع طرف شفتها السفليه بخفه : اوه ياويلي منها اجل , لها يومين هنا ومارحت لها ام الجوري ابتسمت : معليك منها روحي ودي البخور بس الجوري : اوكي اخذت البخور ومشت متجهه للمجلس , دخلت وعقدت حواجبها لما شافت اللمبات والمكيف شغاله! مااهتمت كثير وتقدمت وحطت البخور ع الطاوله وتقدمت لناحية دورة المياه وهي تهف بيدها ع عينها وطالعت ف المرايا وهي تتأفف بضيق من العدسات , نزلت القبعه وحطتها ع جنب ورجعت شعرها لورا ورفعت نصه وتركت الباقي مفتوح حست بيد تنحط ع يدها وتسحب ربطتها بحيث يصير شعرها مفتوح كله , شهقت ورفعت راسها الي كانت منزلته والتفتت ع ورا بخوف خلخل اصابعه بخصلات شعرها وحط يده ع مؤخرة رأسها ونزل راسه لمستواها بحيث يكون "جبهته ملاصقه لجبهتها وانفه ملاصق لاانفها" ابتسم بحيث تبان غمازاته : مبروك ياروح نواف , عقبال الدكتوراه الجوري ضربته ع صدره بخفه وبقهر : ليه كذا؟ نواف والابتسامه مرسومه ع وجهه : بتسفهيني يعني ومابتردين؟ الجوري عضت ع شفتها وبصوت اقرب للهمس : يبارك فيك نواف وهو يلعب بشعرها : مااشتقتي؟ الجوري طالعت فيه بطرف عينها وهي للحين مقهوره من حركته : لا نواف رفع حاجبه للحظات بتعجب وطالع فيها : اح زعلانه ؟ الجوري بعدت عنه وسحبت ربطة شعرها من ايده : لا بس انفجعت وبعد قلت لي بجي بكره نواف خبص شعرها بيده : قلت بكره بكون ف السعوديه ماكذبت يعني الجوري طالعت فيه بطرف عينها وصدت : تفضل اجلس وانا بروح انادي امي نواف مسك يدها : سلمت ع خالتي تعالي , وكان فيه بوكس ورد ع الطاوله اخذه ومده لها : هديتك الجوري طالعت ف البوكس الي بيده وكان فيه ورد ومتوسطه علبة سوداء مخمل صغيره , اخذت البوكس وطالعت فيه باابتسامه : ماكان له داعي , تكفيني شوفتك نوف طلع جواله الي يدق وطالع ف الاسم : قليله بحق تعبك , تستاهلين اكثر بما انك متخرجه بمرتبة الشرف , لكن مامداني اشتري شيء وماكنت عارف ايش اجيب قطع عليهم حديثهم دخول نجلاء , ابتسمت وهي تشوفهم كيف منسجمين مع بعض : الي اعرفه ان العرسان مايشوفون بعض شهر قبل الزواج نواف طالع فيها وابتسم : لا يكون سويتيها ف عبدالرحمن المسكين؟ نجلاء كتمت ضحكتها : ماكانت شهر والله شهرين ونص . نواف طالع فيها بصدمه وضحك : خبله انتي نجلاء طالعت فيه بطرف عينها : شف اسحب كلمتك ولا بخرب عليك وبخلي الجوري تأجل الزواج شهر وماتخليك تشوفها ولا تكلمها! الجوري طالعت فيها وبمزح : نجلاء لا تدخلين لو سمحتي نجلاء شهقت وطالعت فيها بصدمه : افا وطالعت ف نواف بنص عين : وش مسوي ف بنت اختي ؟ نواف حس بجواله يهز بجيبه وطلعه وطالع ف الجوري للحظه وابتسم ورجع يطالع بجواله : وش مسوي ؟ نجلاء طالعت فيه بطرف عينها : بريئ الله يحفظك نواف : امين , عن اذنكم وطلع برا ورد ع المتصل الي كان ابوه ؛ . . ، -الرياض- الساعه -7:14pm- بيت الجد -ابو عبدالرحمن- طالع ف حفيده بعدم تصديق : كيف! عبدالله مل من كثر مايعيد الي صار او بمعنى اصح كذبته الي اختلقها : المستشفى لخبطوا وانتوا صدقتوا ع طول ماشفتوا الجثه حتى الجد التفت ع جواهر وطالع فيهم بحده : كيف تزوجت بنت عمك طيب؟ عبدالله بااختصار شديد : بعد ماطلقت الجوري تزوجت جواهر الجد ضربه بعكازته ع فخذه : سالفة بنت عمك عبدالله لنا كلام ثاني فيها , والتفت ع جواهر وبحنيه : مرتاحه معه يابنتي؟ جواهر ودها تقول الي بقلبها وتتكلم بس ماتقدر تنكر ان لولاه بعد الله كان ماقدرت ترجع بيت اهلها , هزت راسها : الحمدلله عبدالله طالع فيها ورفع حاجبه الايسر باابتسامه الجد طالع فيها وهو عاقد حواجبه بشك : ماعليك منه قولي الي بقلبك مايقدر يسوي شيء جواهر ابتسمت بخفه : جد الحمدلله مرتاحه معه ومو مقصر علي بشيء الجد ارتاح من ابتسامة جواهر وزفر براحه : زين اذا زعلك ولا سوا لك شيء لا يردك الا الباب واشر ع باب المدخل بعصاته عبدالله بمزح : اجل انا باخذها من دحين وبنمشي ع جده الجد ارتسمت ع شفاته طيف ابتسامه : وانا شكلي من الحين باخذها ومابخليك تاخذها ابد عبدالله ضحك بقوه : امزح يايبه وشفيك اخذت الوضع بجديه ؟ وحاوط كتف جواهر بيده اليمين وشدها لناحيته وسلم ع راسها : وانت تظن انو يطاوعني قلبي ازعلها؟ جواهر حمر وجهها وبعدت يده عنها بااحراج وقامت : انا بروح اشوف جدتي الجد طالع فيها : روحي يابنتي وقولي لهم يسوون شاهي نعناع جواهر : ابشر وطلعت متوجهه للصاله وانتبهت لبشاير وبيان جالسين حول جدتها : . . ، طلع من المسجد متوجه لبيتهم ووقفه صوت خاله الي يناديه , التفت عليه وابتسم وتقدم لناحيته : هلا هلا تو مانورت الرياض , متى جيتوا من جده؟ ابو تركي باابتسامه : منوره بااهلها , وصلنا ع المغرب جراح : الحمدلله ع سلامتكم ابو تركي : الله يسلمك .. علم امك ان فيه عشا ف بيت ابوي بعد يومين جراح عقد حواجبه : بكره زواج الجوري وبنقعد يومين ف جده ابو تركي بلا مبالاه : عاد كلام ابوي مايتغير تعرفه انت جراح : بمناسبة وشو طيب؟ ابو تركي باابتسامه واسعه : سلامة عبدالله ولدي جراح اتسعت حدقة عينه بصدمه وبهتت ملامحه : شكلك تعبان من السفـ.. ابو تركي قاطعه ومشى وهو يتكلم : اصح منك الحمدلله , وزي ماسمعت ولدي عبدالله بخير والحمدلله طلع خطا طبي ولخبطه . . ، -جده- بيت عبدالله الماجد ؛ قفل جواله بعد ماانهى مكالمته ورفع عينه وطالع ف زوجته الجالسه مقابل له : بعد بكره فيه عشا لولد عبدالرحمن ف بيت ابوي ام الجوري عقدت حواجبها : غريبه ؟ ابو الجوري : لعبدالله مو تركي ام الجوري بعدم تركيز : ايه ا .. شهقت وطالعت فيه بصدمه : تستهبل ياعبدالله!! ابو الجوري : مااستهبل عبدالله ولد اخوي عبدالرحمن طلع حي ام الجوري بعدم اهتمام لتفاصيل قصته : طيب لايكون تبغاني اروح؟ ابو الجوري ابتسم يعرف زوجته من سابع المستحيلات تروح : لا حبيت اعطيك خبر بس مع اني عارف مستحيل تسوينها ام الجوري كشرت بضيق من سيرته : اكيد , لسا بعقلي ماانهبلت ابو الجوري طاحت عينه ع الي واقفه بنص الدرج وابتسم : هلا هلا بعروستنا الجوري بخوف : كيف حـ..ي!! ابو الجوري قام ومشى لناحيتها وحط يده ع كتفها وشد عليها : معليك منه تعالي اقعدي معنا الجوري طالعت ف ابوها بتردد ابو الجوري ابتسم بحنيه : تتوقعين بخليه يتجرئ ويسوي لك شيء ؟ او حتى يطالع فيك ؟ لو شفته طالع فيك بنظره سريعه او جاب طاريك ع لسانه والله مايردني عنه شيء ام الجوري تقدمت لناحيتها وابتسمت : حتى لو فكر مجرد تفكير بس تتوقعين نواف يخليه يسوي الي بباله؟ وسحبت الجوري لحضنها ومسحت ع شعرها بحنيه : روقي ولا تخلين شيء يعكر مزاجك , عروستنا لازم تكون مبسوطه ومروقه ابو الجوري عقد حواجبه : ع الطاري , خلصتي كل شيء! الجوري ابتسمت براحه وخجل من كلام امها وبعدت عنها وسلمت ع راسها ولفت ع ابوها : ايه ابو الجوري : كويس وتكلم وهو طالع : لكم عشر دقايق ماجيتوا سحبت عليكم ام الجوري طالعت فيه وهي عاقده حواجبها : وين؟ ابو الجوري طلع جواله ودق ع رقم وطالع فيها وغمز : مفاجأه وانتبه ان الي دق عليه رد : معكم خمس دقايق ورفع جواله وتكلم : خالد جهز لي الازرق الشرقي وطلع الجوري طالعت ف امها وهي عاقده حواجبها : ايش ذا ؟ ام الجوري ابتسمت بخفه : مدري البسي عباتك سريع ويلا نلحق ابوك ترا يسويها جد ويسحب علينا ومشت متجهه لغرفتها الجوري دخلت غرفتها وسحبت عبايتها ولبستها بسرعه واخذت شنطة يد صغيره وحطت جوالها والشاحن فيها ونزلت بسرعه وهي تلف الطرحه وتتنقب وركبت السياره وقفلت الباب ابو الجوري طالع فيهم وحرك السياره ومشى متجه للازرق الشرقي : دلال ام الجوري : طيب وطلعت جوالها ودخلت ع الواتس اب وارسلت رساله للشخص المعني . الجوري نطت ف النص وطالعت ف امها بزن : يييممهه ععلميني توك تقولين مدري ام الجوري كتمت ضحكتها : ايش اعلمك؟ الجوري : وين رايحين؟ ام الجوري : للـ.. الجوري قاطعتها : ادري الازرق الشرقي لكن ايش ذا ؟ ام الجوري رفعت اكتافها : مدري ابو الجوري ابتسم : دقايق ونوصل وترضين فضولك الجوري تكتفت بملل : طيب -وخلال دقايق فعلا كانوا قدام الازرق الشرقي الي كان بالاساس شاليه خاص- الجوري نزلت من السياره وطالعت فيه : يبه هو ذا! ابو الجوري هز راسه وهو متجه لداخل الشاليه : تعالي ام الجوري مسكت يدها وسحبتها معها لداخل الشاليه , كان فيه فيلا صغيره متوسطة الشاليه , دخلوا بعد ماشافوا ابو الجوري دخل . الجوري عقدت حواجبها وهي تشوف الفيلا مظلمه ظلام معتم ام الجوري دفت الجوري من وراها بخفه بحيث انها تتقدم شوي الجوري شهقت بخوف : يـ.. بترت كلمتها وهي تشوف اربع شموع كبيره اشتعلت كلها بلحظه وحده وكان قدامها بالضبط طاوله بيضاء خشبيه دائريه بنمط غريب لكن حلو وعليها قاتوه كبير على شكل عروسه وحول القاتوه اربع شموع صغيره وفيه ظرف ع طرف الطاوله , جات عينها ع الكلام الي ع قاعدة القاتوه " جوريّة قلبي , الف مبروك ." وفتحت الظرف الي كان بداخله صك ملكيّه الشاليه وكان بااسمها , تجمعت الدموع بعيونها وعضت ع شفتها السفليه والتفتت ع امها وابوها الي كانوا واقفين وراها ام الجوري كتمت ضحكتها : لا عاد قلنا نجيبك هنا تروقين وتنبسطين مو تبكين ! وكأن كلمة امها كانت ابكي , رمت نفسها ع صدر امها وهي تبكي ابو الجوري بمزح : اف لا يكون مو عاجبتك هدايا زواجك ؟ ام الجوري بضحكه : عبدالله ترا غرت ابغى زيها ! ابو الجوري كتم ضحكته وطالع ف الجوري الي تمسح دموعها : اذا قالت الجوري مااقولك لا ام الجوري غمزت لها وهي تمسح ع شعرها وبهمس واضح : قولي له ايه الجوري بصوت اقرب للهمس : هونت ام الجوري عقدت حواجبها : هاه ؟ الجوري رفعت صوتها : هونت معد ابغى اتزوج ابو الجوري طالع فيها بصدمه وضحك بقوه ام الجوري كتمت ضحكتها وطالعت فيها : يعني نقول لنواف كذا؟ الجوري هزت راسها : ايه ابو الجوري بضحكه : لو قلنا له كذا بيروح ويتزوج غيرك عادي ؟ الجوري وفكرة انها بتترك اهلها وتعيش بعيد عنهم حتى لو كان يفرق بينهم كم شارع بس واجعه لها قلبها وبقوه : لا يجي بيتنا هو ام الجوري ضحكت وحاوطت كتفها بيدها : معليك من نواف الحين , روحي غسلي وجهك وتعالي اقطعي الكيكه ونروح بعدها نشوف الشاليه كله الجوري هزت راسها ووقفت وطالعت ف ابوها ابو الجوري اشر بيده ع الجهه اليمين : هناك دورة المياه الجوري مشت متجهه لها ام الجوري لما شافتها ابتعدت لفت ع ابو الجوري : والله شكلي انا الي هونت وبخليها تقعد عندي ابو الجوري ضحك : لا تسمعك وتهون من جد . . ، -الرياض- دخل لمجلس جده وانتبه لولد خاله او بمعنى اصح اكثر شخص يكرهه كشر وبعد نظره عنه بقرف ومشى لناحية جده وسلم ع راسه : انا وامي بنمشي ع جده , تجي معانا؟ الجد : لا , ع الفجر بمشي جراح اعتدل بوقفته وصد : براحتك , يلا فمان الله الجد طالع فيه بحده : وين رايح؟ جراح التفت ع جده بااستغراب : هاه ! الجد اشر ع عبدالله : سلم ع ولد خالك وتحمد له بالسلامه جراح بدون مايلتفت : يخسى والله ماسلمت الجد بحده : جـــراح!!! -انتهى- | ||||
|
| |
|
29-07-18, 08:36 PM
| #47 | |||||||
| مشرفة الحوار الجاد وقسم افتح قلبك 
| اقتباس:
الرواية مكتملة والكاتبة تنزل البارت كل فترة تتأخر شوي بس الحمدلله يعني الرواية ان شاء الله تنزل كاملة 😊😊 | |||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
