آخر 10 مشاركات
587 - امرأة تائهة - راشيل فورد - ق.ع.د.ن ... حصريااااااا (الكاتـب : dalia - )           »          112 - دمية وراء القضبان - فيوليت وينسبير - ع.ق (الكاتـب : بنوته عراقيه - )           »          مشاعر على حد السيف (121) للكاتبة: Sara Craven *كاملة* (الكاتـب : salmanlina - )           »          إلَى السماءِ تجلت نَظرَتِي وَرَنـت (الكاتـب : ميساء بيتي - )           »          16- انت وحدك - مارغريت ويل - كنوز احلام القديمة (الكاتـب : Just Faith - )           »          سيدة قلبه (35) للكاتبة: Deborah Hale .. كاملة .. (الكاتـب : * فوفو * - )           »          الدخيلة ... "مميزة & مكتملة" (الكاتـب : lossil - )           »          497- وحدها مع العدو - أبي غرين -روايات احلام جديدة (الكاتـب : Just Faith - )           »          نبضات حرف واحاسيس قلم ( .. سجال أدبي ) *مميزة* (الكاتـب : المســــافررر - )           »          الرزق على الله .. للكاتبه :هاردلك يا قلب×كامله× (الكاتـب : بحر الندى - )


العودة   شبكة روايتي الثقافية > قسم الروايات > منتدى قصص من وحي الاعضاء > القصص القصيرة (وحي الاعضاء)

إضافة رد
 
LinkBack أدوات الموضوع انواع عرض الموضوع
قديم 12-09-17, 11:28 PM   #1

منى عزت

كاتبة بمنتدى قصص من وحي الاعضاء

 
الصورة الرمزية منى عزت

? العضوٌ??? » 400670
?  التسِجيلٌ » May 2017
? مشَارَ?اتْي » 355
?  نُقآطِيْ » منى عزت has a reputation beyond reputeمنى عزت has a reputation beyond reputeمنى عزت has a reputation beyond reputeمنى عزت has a reputation beyond reputeمنى عزت has a reputation beyond reputeمنى عزت has a reputation beyond reputeمنى عزت has a reputation beyond reputeمنى عزت has a reputation beyond reputeمنى عزت has a reputation beyond reputeمنى عزت has a reputation beyond reputeمنى عزت has a reputation beyond repute
افتراضي خادمته ولكن *مميزة*






السلام عليكم ورحمة الله وبركاته

حبيت اشارككم قصتى القصيره ( خادمته ولكن ) والتى سبق نشرها من قبل

اتمنى تعجبكم


خادمته ولكن

بقلم منى عزت




قمر .....فتاه رقيقة الحال تعيش فى احدى الحارات ....وحيده فقد فقدت ابويها منذ سنوات لتواجه الحياه وحدها بدونهم ....كانت تعمل كخادمه فى احدى القصور التى يقطنها علية القوم ..لم تتذمر يوما او تلوم قدرها الذى جعل منها خادمه ولكنها فقط تحلم ....وتحلم كل ليله ...تواجه واقعها بمحاوله ساذجه للنسيان لتكن احلامها هى المتنفس الوحيد لها بالحياه
كانت قمر قد انهت عملها اليومى وعادت لمنزلها منهكه للغايه فقد كان هناك حفل كبير بالقصر وقد استنفذت قواها تماما ولكنها كانت تحمل معها لفافه تحوى كل ما لذ وطاب من بقايا الطعام وكم كانت تحتاج لهذا الطعام فقد استنفذ ايجار المسكن المتأخر كل راتبها فلم يتبقى لها ما تنفقه ..دخلت الى بيتها ووضعت اللفافه فى حرص على المائده المتهالكه وجلست مطلقه تنهيدة الم كبيره فقد كانت اطرافها كلها تؤلمها وقد اصرت كوثر هانم وهى سيدة القصر وصاحبته على ان تنهى قمر كل اعمال التنظيف مع باقى الخدم قبل ذهابها ....فتحت اللفافه ونظرت الى الطعام بنهم ولكنها كانت تتألم وتحتاج الى الراحه فازاحته وذهبت الى فراشها الصغير لتلقى بجسدها المنهك عليه ...كانت تنظر الى سقف الحجره المتهالك وتفكر به ......سيف بيه ابن اكرم بيه صاحب القصر لقد كان اليوم فى قمة وسامته وكانت كل فتيات الحفل تتهافت عليه بينما هو لا يعيرهم اى انتباه ....ابتسمت وهى تتذكر عندما احضرت له مشروبه المفضل لقد ابتسم لها قائلا : شكرا ...يا قمر
كادت ان تطير من سعادتها وهو يناديها باسمها ...اذن هو يعرفها جيدا بالرغم من ان عملها فى القصر كان من فتره قصيره ...ابتسمت مره اخر وهى تقول تحدث نفسها : يا سلام يا قمر لو سيف بيه يحبك ويتجوزك زى ما بنشوف فى الافلام
قالتها وتثائبت بقوه واغمضت عينيها هامسه : تصبح على خير يا سيف
راحت بعدها فى ثبات عميق وقد بلغ منها التعب مبلغه ولكنها سرعان ما انتفضت بقوه على صوت دقات على بابها فتسائلت بخوف : ياترى مين اللى ممكن يجى دلوقتى ؟ ربنا يستر
اتجهت الى الباب بتردد وقالت بصوت عالى : مين بيخبط ؟
سمعت صوت رجالى يقول : افتحى يا قمر
كان الصوت منخفض فلم تميزه جيدا فقالت : انت مين ؟
اجابها : افتحى يا قمر ....انا سيف.
ارتفع حاجبيها فى دهشه وقالت : سيف مين ؟
اجاب بنفاذ صبر : انا سيف بيه يا قمر ....افتحى بسرعه
فتحت الباب بسرعه بالفعل وهى لا تصدق عينيها ما ان رأته امامها وتساءلت : خير يا سيف بيه
ابتسم لها بموده واجاب : ماتخافيش يا قمر ...مافيش حاجه ..انا بس جيت عشان اطمن عليكى و.......اشوفك
كررت بدهشه : تطمن عليا وتشوفنى
اجابها وعلى وجهه ابتسامه تضاعفت معها وسامته : ايوه يا قمر ....تعرفى انك كنت اجمل بنت فى الحفله انهارده
كانت مذهوله فلم تستطع الرد فتابع : بصراحه انا ماكنتش شايف غيرك انهارده ...كنتى زى الاميره
تحرر لسانها اخيرا وقالت بصوت يشوبه المراره : اميره مره واحده ..ده انا مجرد خدامه عندكم فى القصر
امسك يدها واقترب منها قائلا : اوعى تقولى على نفسك كده ..انتى احسن منهم كلهم وبكره لما نتجوز هتكونى اميره فعلا
نظرت له بذهول وقالت : بتقول ايه ياسيف بيه ...معقول انت تتجوزنى انا
اجابها وفى عينه نظرة عشق اسرتها : اياكى تقللى من نفسك تانى ...انتى اللى كتير عليا ...انا حبيتك من يوم ما دخلتى القصر عندنا وهكون اسعد انسان فى الدنيا لو بقيتى مراتى ...ولا انتى فى حد تانى فى حياتك؟
اجابته بسرعه : لا ابدا والله يا سيف بيه ...ده انا حتى عمرى ما اتمنيت فى حياتى غير حضرتك

قالتها واحمر وجهها خجلا فاقترب منها اكثر قائلا بسعاده : يعنى انتى موافقه تبقى مراتى؟
اجابت بسرعه: طبعا ...ده حلم نفسى يتحقق لكن ......
شعر بترددها فسالها : لكن ايه يا قمر ؟
اجابته بحزن : اكرم بيه وكوثر هانم ..عمرهم ما هيوافقوا
قال بحسم : ما تفكريش فى اى حاجه ممكن تضيع سعادتنا ...احنا هنتجوز دلوقتى ونحطهم قدام الامر الواقع مستحيل اضيعك من ايدى بعد ما لقيتك
كانت تنظر اليه بحب وهمت بقول شئ ما ولكن اختنقت الكلمات بداخلها عندما رأت اكرم بيه وزوجته خلف سيف وكوثر هانم ترمقها بنظرات تحرقها قائله : يعنى عملت اللى فى دماغك برده يا سيف وجيت للحثاله ديه من ورانا
اجابها سيف بغضب : لو سمحتى يا ماما ما تقوليش عليها كده ...ديه هتبقى مراتى
هتف به والده : انت اتجننت يا ولد ...تتجوز خدامه حقيره
صاح سيف بغضب : لو سمحتم ..ديه حياتى وانا اللى لازم اخترها ....انا بحبها وعمرى ما هتجوز غيرها
صاح به والده : يعنى بتعصى امرى يا سيف ....انت عارف انا ممكن اعمل فيها ايه
قالها وهو يجذبها من شعرها فتألمت بشده ولكن سيف تدخل سريعا وخلصها من ايدى ابيه هاتفا بغضب : مش هتقدر تمسها ....انا هدافع عنها بحياتى وعشان تأذيها لازم تأذينى انا الاول .
صاحت والدته : انت اتجننت خلاص يا سيف .....انت لو صممت على اللى فى دماغك تنسانا نهائى ...فاهم
تابع والده كلامها قائلا : مش كده بس ...انت مش هتشوف منى مليم وهحرمك من كل ثروتى ..وابقى اشتغل معاها سفرجى ولا سواق
رد عليه سيف بثبات : هى عندى اهم من كل ثروتك
تبادل والده ووالدته نظرات غاضبه قبل ان ينصرفا ليبقى سيف فى مكانه ينظر اليها بحب بينما انسابت دموعها وهى لاتدرى ان كانت دموع الفرح ام دموع الحزن لاجله ولكنها ورغم سعادتها كانت تتألم ولم تعرف موضع المها الا عندما فتحت عيونها فجأه لتجد قطتها رفيقة وحدتها بجانبها تلكزها بقوه تحاول ايقاظها فجلست على فراشها وضمتها بقوه قائله بحزن : كان حلم برده ..مش كده ؟
تمرغت القطه بين ذراعيها وكأنها تحاول مواساتها فتابعت: اكيد لازم يبقى حلم .....لان ده ما بيحصلش غير فى الاحلام
تنهدت بقوه ثم ابتسمت قائله : سيبك من الاحلام بقى ...ويالا بينا ناكل ده انا هموت من الجوع ....لا وايه جايبالك اكل من بتاع الاغنيا كمان
قالتها ونهضت تضم قطتها ووضعتها على المنضده وقدمت لها الطعام وكذلك اكلت هى حتى انهيا الط
عام كاملا فنظرت ضاحكه لقطتها التى امتلا بطنها على اخره وقالت : ماتأخديش على كده بقى .....لكن اوعدك كل ما يكون فى حفله هخبى شويه من بواقى الاكل واجيبهم معايا ...مهو مش معقول كل الخير ده يترمى واحنا مش لاقيين ناكل ..صح ولا ايه ؟
كانت القطه تنظر اليها بتكاسل وقد اثقلها الطعام فابتسمت لها قمر وقالت : نامى بقى وارتاحى وانا كمان هكمل نومى ...عندى شغل الصبح بدرى ويارب ما احلمش المره ديه
سرحت بخيالها فى سيف وتابعت: نفسى اخر حلم ده يفضل فى بالى علطول وياسلام لو يبقى حقيقه
تنهدت بعمق ونظرت لقطتها التى استسلمت للنوم بالفعل
لتسمع فجأه دقات عنيفه على الباب فانتفضت بقوه وقالت : مين ؟
سمعت صوت رجالى يصيح بها : افتحى يا بت ..بدل ما اكسر الباب
فتحت الباب لتجد سيف امامها وترافقه احدى الفتيات رأتها فى حفل الليله فقالت بتلعثم : خير يا سيف بيه ....فى حاجه
جذبها من شعرها بعنف فتأوهت بالم وقال : يعنى مش عارفه انتى عملتى ايه ؟ ولا نسيتى انتى سرقتى ايه وانتى ماشيه وكنتى مخبياه فى اللفه اللى معاكى
قالت من وسط دموعها وهى تحاول تخليص شعرها من يديه : انا اسفه يا سيف بيه ...والله ما كانش قصدى
جذبها من شعرها اكثر وقال : اسفك ده ما يلزمنيش ...خشى هاتيها بسرعه
قالت بالم : احنا كلنا الاكل كله انا وبوسى ...والله ماكنت اعرف انه ممنوع وبعدين الهانم قالت نرميه
ترك شعرها ونظر اليها بدهشه قائلا : انتى بتتكلمى على ايه
قالت بانهيار : بواقى الاكل اللى اخدتها وانا ماشيه .....انا اسفه والله انا مش حراميه .
نظر اليها طويلا قبل ان يقول : اكل ايه اللى بتتكلمى عنه ...انا بتكلم عن اسورة يارا هانم اللى ضاعت منها انهارده فى الحفله واحنا فتشنا كل مكان وكل الخدم اللى فى البيت وانتى الوحيده اللى بتروحى اخر اليوم وكلهم شهدوا انك كان معاكى لفه وانتى ماشيه
نظرت له بذهول وقالت : انا ما شفتش اى اسوره .....والله يا هانم ما اعرف حاجه عنها ..انا عمرى ما مديت ايدى على حاجةحد
زفرت الفتاه بضيق وقالت موجهه كلامها لسيف : سيف مش معقول هنضيع وقتنا مع البنت ديه ...بلغ البوليس وهى هتطلعها
ركعت قمر على ركبتها اماىسيف وقالت بتوسل : ابوس رجلك يا سيف بيه ...والله ما اخدت حاجه
نظر اليها سيف بتعاطف وقال ليارا : يارا انتى متأكده انك ما نسيتهاش فى اى مكان
قالت بضيق : اوف بقى يا سيف ...مش فاكره
ارتفع رنين هاتفه فى تلك اللحظه فالتقطه ليجد ان المتصل هى والدته فرد عليها : ايوه يا ماما ..احنا فى بيت قمر
اجابته : خلاص يا سيف ...احنا لاقينا الاسوره فى الحمام
زفر بارتياح وقال : طيب الحمد لله ...كنا هنظلم البنت الغلبانه ديه
قالها واغلق الخط ووجه كلامه ليارا قائلا بغضب : الاسوره كانت فى الحمام يا يارا
ضربت على رأسها برفق وقالت بلامبالاه:اوووه نسيت خالص انا فعلا قلعتها هناك ...يالا ماحصلش حاجه يالا بينا
نظر اليها بغضب وقال : والبنت الغلبانه اللى ظلمناها
قالت ببرود : نعملها ايه يعنى .....ارميلها قرشين وخلاص ..ديه مجرد خدامه
كانت قمر تستمع اليها بالم بينما كانت على وضعها منحنيه امام سيف فانسابت عبراتها فى صمت وقامت بصعوبه قائله : شكرا يا هانم ....وفرى القرشين لحد تانى .....مع السلامه
نظرت لها يارا باحتقار ثم تحركت الى الباب وقالت لسيف : يالا يا سيف
قال : اسبقينى انتى يا يارا وانا هحصلك
نظرت له بضيق ثم خرجت بينما التفت سيف الى قمر قائلا : انا اسف يا قمر .....كان لازم اتأكد الاول
اجابته بحزن : مش مهم يا سيف بيه ....وانا ايه اكون عشان حضرتك تعتذرلى
احس بتأنيب الضمير يقتله فاخرج بعض النقود من جيبه ومد يده اليها بهم فنظرت ليده الممدوده وقالت : انا فعلا يمكن اكون محتاجه الفلوس ديه جدا ...لكن ما وصلتش لسه لمرحلة انى ابيع كرامتى بالفلوس
قال بسرعه : ما تعتبيرهاش كده ..اعتبريها اعتذار مننا عشان ظلمناكى
قالت بثبات : الاعتذار اللى بالفلوس ده بيكون للانسان الرخيص بس يا سيف بيه وانا لسه غاليه عند نفسى جدا
اتفضل حضرتك وما تشغلش بالك ..الطبيعى انى اتظلم واتهان لانى لوحدى فى الدنيا
شعر بالمها فاستدار متجها الى الباب ولكنه توقف والتفت اليها متسائلا : انتى عايشه هنا لوحدك؟
اجابته بحزن : ايوه ....بابا وماما ماتوا فى حادثه من سنه تقريبا
سالها بدهشه : ومين بوسى اللى قلتى عليها
ابتسمت بشحوب واجابته : بوسى ديه القطه بتاعتى واحنا الاتنين مالناش غير بعض
نظر اليها. بتمعن وقد شعر كم هى فتاه مختلفه فسالها مره اخرى : انتى معاكى اى شهاده يا قمر
اجابته : انا كنت فى كلية الاداب فى سنه تانيه لكن سبت الكليه خلاص وكان لازم اشتغل خصوصا بعد ما اتراكمت عليا الديون
سالها باستنكار : معقول طالبه جامعيه وتشتغل خدامه
اجابته بالم : انا اشتغلت فى كذا مكان وفى كل مره كان اصحاب الشغل بيضايقونى ولما بعترض بيكون مصيرى الطرد لحد ما جارتنا جابتلى الشغلانه ديه لان بنتها بتشتغل هى كمان فى القصر وبصراحه انا كنت محتاجه المرتب جدا والا كان هيبقى مصيرى الشارع بعد ما اتراكم عليا ايجار البيت
كان يتفحصها اثناء حديثها ..كيف لم يلاحظ من قبل .انها جميله جدا او بمعنى اكثر دقه فاتنه فلها وجه اقرب الى الملائكه منه الى البشر واخيرا فاق لنفسه بعد ان لاحظ الصمت المخيم عليهم وكذلك احمرار وجهها بعد ان لاحظت نظراته الجريئه اليها فقال بسرعه : انتى من بكره مش هتشتغلى فى القصر
شحب وجهها وقالت : لكن يا سيف بيه حضرتك اتأكدت انى ما سرقتش حاجه ..وانا محتاجه الشغل ....ارجوك
قال بهدوء: ماتقلقيش .،.انتى من بكره هتشتغلى عندى فى الشركه وهتبقى سكرتيرتى الخاصه
نظرت له بذهول وقالت : حضرتك بتتكلم بجد
اجابها بحسم :انا مابهزرش فى الشغل ....لكن فى شرط
نظرت له بخوف وسالته بتردد : ايه هو الشرط ده ؟
اجابها : شرطى الوحيد انك ترجعى تكملى دراستك وانا ....هساعدك
انسابت دموعها رغما عنها وهى تقول : انا مش عارفه اقول لحضرتك ايه
قال بحسم اكثر :ماتقوليش حاجه ....تكونى عندى فى الشركه الساعه ٨. مفهوم
اومأت براسها بالايجاب فابتسم بهدوء قائلا : تصبحى على خير
قالها وخرج بينما وقفت هى تتساءل هل هى تحلم كعادتها ام ان القدر تبسم لها اخيرا فضربت على رأسها بقوه لتتأوه ضاحكه وهى تهتف : انا صاحيه ......انا صاحيه مش بحلم
كانت تقفز كالاطفال بفرح بينما كان سيف واقفا بالخارج فابتسم ابتسامه واسعه وهو لا يدرى لما فعل معها ذلك هل تعاطف معها حقا ؟ ام ان خفقات قلبه التى تتزايد لها معنى اخر ؟

بعد عشر سنوات

سيف .....يا سيف يالا عشان الغدا جاهز
هكذا هتفت قمر تنادى زوجها الذى كان يجلس بهدوء على الشاطئ محتضنا ابنته مريم التى نامت بين ذراعيه بينما كانت قمر تعد الغداء بالشاليه الخاص بهم فقام من مكانه واتجه اليها حاملا ابنته فالتقطتها منه بهدوء ووضعتها فى فراشها وجلست بجوار زوجها على مائدة الطعام ومعهم ابنهم الاكبر ..اكرم
فنظرسيف الى المائده المرتبه بعنايه وقال : تسلم ايدك يا قمرى
ابتسمت له بحب وقالت : بالهنا والشفا يا حبيبى .....كل سنه واحنا مع بعض ..مش قادره اصدق اننا بقالنا ٨ سنين متجوزين ...تصدق انى لسه بفتكر انى بحلم زى زمان
امسك يدها بحب قائلا :حبيبتى انتى اديتينى فيهم سعادة ٨٠ سنه ..ربنا يخليكى ليا .
اتسعت ابتسامتها وقالت : على فكره مامتك اتصلت وبتسلم عليك كتير ....انا مش مصدقه انها اخيرا رضيت عنى ده انا كنت فقدت الامل
ابتسم لها قائلا : حبيبتى ...استحاله حد يعرفك عن قرب وما يحبكيش وبابا وماما كانوا محتاجين شوية وقت مش اكتر وبعدين انتى ناسيه انك خلصتى كليتك واخدتى الماجستير كمان وبقيتى بمجهودك مديرة العلاقات العامه بالشركه
تنهدت وهى تنظر له بحب قائله :كل ده بفضلك انت يا سيف ...لولاك مش عارفه كان ممكن يحصلى ايه
اقترب منها وضمها لصدره قائلا : ماتقوليش كده يا قمرى ....انتى الحب اللى كنت بدور عليه طول عمرى وكفايه انك ادتينى الحب والسعاده والولاد ...ربنا يخليكى ليا
كانا يسترجعا لحظات حبهما الصادقه حتى سمعا صوت ابنهما اكرم البالغ من العمر ٧ سنوات يقاطعهما قائلا : انا هنا على فكره
التفت اليه سيف وضمه بذراعه الاخرى بحب بينما كانت قمر تدفن رأسها فى صدره وهى مازالت لا تصدق ان احلامها تحققت .......كلها


تمت بحمد الله





التعديل الأخير تم بواسطة كاردينيا الغوازي ; 19-06-18 الساعة 01:17 PM
منى عزت غير متواجد حالياً   رد مع اقتباس
قديم 13-09-17, 02:46 AM   #2

modyblue

نجم روايتي

alkap ~
 
الصورة الرمزية modyblue

? العضوٌ??? » 321414
?  التسِجيلٌ » Jun 2014
? مشَارَ?اتْي » 19,073
?  نُقآطِيْ » modyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond repute
افتراضي

اقترب منها وضمها لصدره قائلا : ماتقوليش كده يا قمرى ....انتى الحب اللى كنت بدور عليه طول عمرى وكفايه انك ادتينى الحب والسعاده والولاد ...ربنا يخليكى ليا

السلام عليكم ورحمة الله وبركاته وااااااااااااااااو مش مصدقة مني في ثوبها الجديد ونهايات سعيدة واحلام جميلة تتحقق طبعا متفاجاءة
وبوسي فين بقي هههه
بس جميلة جدا احيييك والنهاية حالمة خايفة اخد علي كده ههههه موفق بإذن الله ... لك مني أجمل تحية .


modyblue غير متواجد حالياً  
التوقيع
[imgr]https://scontent.cdninstagram.com/t51.2885-15/e35/13381174_1031484333594500_1155395635_n.jpg?ig_cach e_key=MTI3NDU2NTI5NjAzNjMwNzM2OQ%3D%3D.2[/imgr]

رد مع اقتباس
قديم 13-09-17, 08:22 AM   #3

lolitaas

? العضوٌ??? » 396995
?  التسِجيلٌ » Apr 2017
? مشَارَ?اتْي » 199
?  نُقآطِيْ » lolitaas has a reputation beyond reputelolitaas has a reputation beyond reputelolitaas has a reputation beyond reputelolitaas has a reputation beyond reputelolitaas has a reputation beyond reputelolitaas has a reputation beyond reputelolitaas has a reputation beyond reputelolitaas has a reputation beyond reputelolitaas has a reputation beyond reputelolitaas has a reputation beyond reputelolitaas has a reputation beyond repute
افتراضي

جميلةوهادية
تسلم ايديكى


lolitaas غير متواجد حالياً   رد مع اقتباس
قديم 14-09-17, 03:25 PM   #4

منى عزت

كاتبة بمنتدى قصص من وحي الاعضاء

 
الصورة الرمزية منى عزت

? العضوٌ??? » 400670
?  التسِجيلٌ » May 2017
? مشَارَ?اتْي » 355
?  نُقآطِيْ » منى عزت has a reputation beyond reputeمنى عزت has a reputation beyond reputeمنى عزت has a reputation beyond reputeمنى عزت has a reputation beyond reputeمنى عزت has a reputation beyond reputeمنى عزت has a reputation beyond reputeمنى عزت has a reputation beyond reputeمنى عزت has a reputation beyond reputeمنى عزت has a reputation beyond reputeمنى عزت has a reputation beyond reputeمنى عزت has a reputation beyond repute
افتراضي

اقتباس:
المشاركة الأصلية كتبت بواسطة modyblue مشاهدة المشاركة
اقترب منها وضمها لصدره قائلا : ماتقوليش كده يا قمرى ....انتى الحب اللى كنت بدور عليه طول عمرى وكفايه انك ادتينى الحب والسعاده والولاد ...ربنا يخليكى ليا

السلام عليكم ورحمة الله وبركاته وااااااااااااااااو مش مصدقة مني في ثوبها الجديد ونهايات سعيدة واحلام جميلة تتحقق طبعا متفاجاءة
وبوسي فين بقي هههه
بس جميلة جدا احيييك والنهاية حالمة خايفة اخد علي كده ههههه موفق بإذن الله ... لك مني أجمل تحية .
هههههههه لا ما تأخديش على كده ديه كانت لحظة رومانسيه وراحت لحالها
مبسوطه انها عجبتك


منى عزت غير متواجد حالياً   رد مع اقتباس
قديم 17-09-17, 03:03 AM   #5

فجر حرية

? العضوٌ??? » 394024
?  التسِجيلٌ » Feb 2017
? مشَارَ?اتْي » 11
?  نُقآطِيْ » فجر حرية is on a distinguished road
افتراضي

رواية جميلة جدا جدا

فجر حرية غير متواجد حالياً   رد مع اقتباس
قديم 18-10-17, 11:30 PM   #6

madhubala
عضو موقوف

? العضوٌ??? » 399415
?  التسِجيلٌ » May 2017
? مشَارَ?اتْي » 50
?  نُقآطِيْ » madhubala is on a distinguished road
افتراضي

السلام عليكم ورحمة الله وبركاته

madhubala غير متواجد حالياً   رد مع اقتباس
قديم 24-10-17, 12:27 PM   #7

HaDoSh_HudHud

نجم روايتي ولؤلؤة بحر الورق

 
الصورة الرمزية HaDoSh_HudHud

? العضوٌ??? » 354827
?  التسِجيلٌ » Oct 2015
? مشَارَ?اتْي » 3,206
?  نُقآطِيْ » HaDoSh_HudHud has a reputation beyond reputeHaDoSh_HudHud has a reputation beyond reputeHaDoSh_HudHud has a reputation beyond reputeHaDoSh_HudHud has a reputation beyond reputeHaDoSh_HudHud has a reputation beyond reputeHaDoSh_HudHud has a reputation beyond reputeHaDoSh_HudHud has a reputation beyond reputeHaDoSh_HudHud has a reputation beyond reputeHaDoSh_HudHud has a reputation beyond reputeHaDoSh_HudHud has a reputation beyond reputeHaDoSh_HudHud has a reputation beyond repute
افتراضي

قصه رائعه أحببتها 😍

HaDoSh_HudHud غير متواجد حالياً   رد مع اقتباس
قديم 22-12-17, 12:43 PM   #8

طارق صلى

? العضوٌ??? » 325837
?  التسِجيلٌ » Sep 2014
? مشَارَ?اتْي » 1,527
?  نُقآطِيْ » طارق صلى has a reputation beyond reputeطارق صلى has a reputation beyond reputeطارق صلى has a reputation beyond reputeطارق صلى has a reputation beyond reputeطارق صلى has a reputation beyond reputeطارق صلى has a reputation beyond reputeطارق صلى has a reputation beyond reputeطارق صلى has a reputation beyond reputeطارق صلى has a reputation beyond reputeطارق صلى has a reputation beyond reputeطارق صلى has a reputation beyond repute
افتراضي

موفق بإذن الله ... لك مني أجمل تحية .

طارق صلى غير متواجد حالياً   رد مع اقتباس
قديم 19-02-18, 11:38 PM   #9

Mokka2

? العضوٌ??? » 417987
?  التسِجيلٌ » Feb 2018
? مشَارَ?اتْي » 127
?  نُقآطِيْ » Mokka2 is on a distinguished road
افتراضي

اتمنى لك التوفيق دائما

Mokka2 غير متواجد حالياً   رد مع اقتباس
قديم 22-02-18, 08:09 PM   #10

Asma-

نجم روايتي وكاتبة في قصص من وحي الاعضاء وفراشة متالقة بعالم الازياء

alkap ~
 
الصورة الرمزية Asma-

? العضوٌ??? » 294445
?  التسِجيلٌ » Apr 2013
? مشَارَ?اتْي » 4,916
? الًجنِس »
? دولتي » دولتي Iraq
? مزاجي » مزاجي
?  نُقآطِيْ » Asma- has a reputation beyond reputeAsma- has a reputation beyond reputeAsma- has a reputation beyond reputeAsma- has a reputation beyond reputeAsma- has a reputation beyond reputeAsma- has a reputation beyond reputeAsma- has a reputation beyond reputeAsma- has a reputation beyond reputeAsma- has a reputation beyond reputeAsma- has a reputation beyond reputeAsma- has a reputation beyond repute
?? ??? ~
قد لا يكون الوطن أرضاً .. فقد يكون قلباً .. أو قلماً .. أو أرواح قريبة منا .
افتراضي



عندك الافكار فعلا ...
وهذه ممكن اسميها اقصوصه لانك اختصرت فيها احداث كثيره
مشروع الكتابه لروايه ليس ببعيد عن افكار انسيابيه عندك
احببت النظرة الواقعيه لديك عن تلك اافروقات التي تخلقها الظروف والماده فقط
موفقه حبيبتي



Asma- غير متواجد حالياً  
التوقيع


بسم الله الرحمن الرحيم
" فأن تولوا فقل حسبي الله ربي لا اله الا هو عليه توكلت وهو رب العرش العظيم"


من يتعذر انه لا يوجد وقت لقراءة القرأن
أجعل هذه العباره نصب عينيك :
ما زاحم القران شيء إلا باركه
د أحمد عيسى
رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 08:59 AM



Powered by vBulletin®
Copyright ©2000 - 2024, vBulletin Solutions, Inc.