آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
12-05-15, 08:27 PM
| #1 | ||||||||||||
| مشرفة منتدى البرامج والحاسوب ومصممه في الروايات والقصص المنقولة وكاتب فلفل حار و فراشة متالقة بالقسم الازياء وشاعرة متألقة وساحرة واحة الأسمر بقلوب أحلام  
|  عندما تضٌيء الشموع بيد الحُزن / الكاتبة : شمس ورى الغيم , كاملة  / مـــــســــــاء الـــخـــيـــرات عـلـيـكـم حـبـيـابـتـي \\عندما تضٌئ الشموع بيد الحُزن\\ أيُ حزن وسئم بتلك العيون أيُ جريرة أقترفت تلك البريئة . . . قد يصنع الحزن الفرح و يهديه بلا مقابل كما تذاب الشموع لتُنير الدروب شموع تضئ بيد الأمل و شموع تضئ بيد الحزن فـ أيها أدوم فرحآ....الفوارق الإجتماعية و الطبقية قد تحدث إختلافات في تكوين الشخصية الإنسانية و تحد من التأقلم بين الأفراد مهما كانت الروابط بينهما قويه و محكمه تضل أصول التربية الأولية هي من تعزز في الشخص قيمة و طريقة تعاملة مع الأخر و أن أتسع الفارق تستطيع بعض القلوب إحتواء الأخر بطرق سهلة و ميسرة و كما جبلت عليها فطرتها.......  / قراءة ممتعة لكم جميعاً....... / التعديل الأخير تم بواسطة لامارا ; 27-05-15 الساعة 11:49 AM | ||||||||||||
|  |
|
12-05-15, 08:28 PM
| #2 | ||||||||||||
| مشرفة منتدى البرامج والحاسوب ومصممه في الروايات والقصص المنقولة وكاتب فلفل حار و فراشة متالقة بالقسم الازياء وشاعرة متألقة وساحرة واحة الأسمر بقلوب أحلام
|  الجزء الأول إهتزت أركان إحدى البيوت الصغيرة و المتواضعه كـ قلوب ساكنيها بتلك الصرخه التي أصبح يعتاد عليها كل ركن و يتخذ له ملجاء و ملاذ لكي يصم أذنيه من قوتها و حجم ما تحمله من ألم لا تستطيع تلك الأركان الشوامخ حملها... أسرعت نحو سريرها تحاول جاهده أن تهديها بإنه مجرد كابوس و أنتهى وسط وجود أب بداء يحمل هم تلك الزهرة التي قتلت في عمر الربيع و أم خط الوهن و العجز نحو فلذة كبدها خطوط وسئمت بالشيخوخه في وجهها فجر و هي تحضنها\ أريج قولي بسم الله خلاص حلم وراح أم أريج\ أشربي مويه خلاص إحنا كلنا جمبك ما في شي كان صدرها يعلو و يهبط بسرعه مثل إلي يتلاحق نفسه ما يروح كانت تحاول تنطق تصرخ أكثر لأكنها خلاص رجعت للواقع كان مجرد حلم عاشته حقيقه في يوم صار يطاردها حتى بالمنام أسترخت في حضن فجر و حاولت تحبس دموعها و آهاتها ما تنسمع بقلب محترق صفقة يدينها بحسرة و قلة حيلة أم أريج\ البنت راح تروح من يدي يا عبدالرحمن لو بقيت كذا أبو أريج\ وش تبيني أسوي معاد في يدي شي أم أريج\ لازم تشوف حد يقراء عليها أخاف تصير عندها حالة نفسية بعدين معاد تتعالج منها همسة بتعب أريج\ خلاص يمه أنا بخير لا تقلقين ما كان عاجبها كلام أمها بالمره على أختها هي ما هي مجنونه أو مريضه لجل تتكلم عنها كذا فجر\ خلاص يمه الكلام هذا الأن ماله داعي روحي أنتي و أبوي ناموا و أنا بجلس عند أريج أبو أريج\ بس أنتي عندك مدرسة يبه فجر\ بنام مع أريج يبه لا تخاف طلعوا أبو أريج و أم أريج لغرفتهم و بقيت فجر عند أختها\ شو الأن أنتي بخير ؟ أريج\ أدري أقلقتكم بس كل شي صار مر قدامي و ربي معاد أستحمل فجر\ عارفه و مصدقتك إلي مريتي فيه مو سهل أريج و هي تأشر على صدرها\ كان هنا فجر وجهه منكب على صدري ملك الموت كان بيني و بينه نزع روحه و خلاني فجر\ هو يومه بعدين أنتي مؤمنه و عارفه إن الموت له ساعة كانت له مو لك أريج\ يمكن لو أخذني كمان بكون إرتحت من الدنيا فجر\ أستغفري ربك ما أتعودت عليك كذا ما فكرتي في حال أمي و أبوي بعدك أريج\ بينسون مع الوقت فجر\ ليه تظنين هو إلي يموت أهله ينسونه بسرعه ؟ أريج\ شوفيهم جيراننا أكبر مثال نسوا ولدهم فجر\ ما تدرين عن إلي بقلوبهم يمكن هم يمثلون قدامنا نسيانه لجل إلي سواه فيك أريج\ هو ما سوى شي هذا قدر ربي فجر\ ترى تقهريني لمن تقولين ما سوى شي لو لا إستهتارة و لعبه بالسيارة ما كان صار لك كذا أريج\ هو مات و ما تعلمت أحقد على شخص ميت فجر\ هو مات وأستراح و أنتي دفعتي ثمن غلطته أريج\ و بضل أدفعها يا فجر طول عمري بدون ذنب شو بيدي يعني الأن معاد فيني أرجع و أعدل شي خلاص أنا راضية بقضاء ربي علي ما أني أول و لا أخر وحده بـ الدنيا ما تمشي....... (( سكتت و هي تتذكر تفاصيل ذاك اليوم قبل أربع سنوات و كأنه صاير أمس كان يوم أربعاء و هي طالعة من مدرستها المتوسطة بنفس الحي كانت قريبه من بيتهم لدرجة إنها تروح المدرسة و ترجع البيت مشي مع بنات الحي كان يوم في فصل الشتاء و الجو غيم و في مطر خفيف و الشارع مبلول كانت تمشي بحذر منتبهه لكل السيارات إلي تمر بإستثناء سيارة إعتلت الرصيف بيد مراهق ما ملك السيطرة عليها مع هذا الجو كانت تغريه تصفيقات و تصفير الشباب له إنه بيكون مفحط محترف لكنه قدره و قدر أريج إلي إنحرمة نعمة المشي على رجولها بعد ذاك اليوم )) ********** في حي أخر أرقى بكثير من حي بيت أبو أريج و بـ أحد أفخم القصور دخل و هو يدندن بأغنية محمد عبده يا ليل خبرني عن أمر المعانه هي من صميم الذات و إلا أجنبيه ياليل خبرني هي هاجس يسهر عيوني و لا بأت أو خفقتن تجمع ابقلبي عصيه أو صرختن تمردت فوق الأصوات أو ونتن وسط الضمائر خفيه و ياليل خبرني عن أمر المعاناه شافته يطلع الدرج و شكله مبسوط و ما كان عندها أدنى شك لتفكير إنه ممكن يكون شارب و جاي البيت مرام\ شو هـ الوناسة مع الفجر ؟ إلتفت تحته مشعل\ آووه سكنية البيت صاحيه أنتي ما وراك كلية دراسة مستقبل ؟ مرام\ تعودت أروح مواصلة أصلا وش وراها الدراسة و التعب هذا أنا ما أني محتاجه أتوظف بعد التخرج مشعل و هو يحرك يده\ في هذي صدقتي مالها داعي الشهادة من الأساس بس أبوك و تفكيرة مرام\ إيه بأخذها مثل بعض ناس بتقدير جيد و أعلقها بالغرفه و أعيش حياة الهياته و الدجه مشعل\ أحلا كلام يالله لا تعكرين مزاجي تراي مبسوط و وراي سفرة المغرب أبي أنام مرام بكل وقاحه\ إيه شكلك شارب و جاي كيف ما تكون مبسوط طالعها بإحتقار و كمل طريقه مشعل\ حتى لو شي ما يخصك رفعت جوالها لإذنها مرام\ وجع قمة الإستهتار لكن الطرف الأخر على الخط كان حالم لبعد الحدود مها\ اووووه يا قلبي فديت الصوت ياناس مرام\ نفسي أفهم وش محببك فيه كله على بعضه ما أبلعه برغم إنه أخوي مها\ قلتيها أخوك يعني ما تطالعينه بنظرتي له مرام\ هههههههههه صايرة فاسخه الحياء مره وحده مها بثقه\ بالنهاية بيكون زوجي ليه الحياء مرام\ أكيد بس الله يعينك على أسفاره ما تخلص مها\ هذا الأن بكره رجلي على رجله بنلف العالم.. في الدور الثاني و بـ إحدى الأجنحه كانت نائمه على ظهرها و حاضنه الدبدوب و تعيش في عالم أخر من الإحساس الزائف عادل\ ريوم حبيبي و الله مشتاق لك لا تحرمين عيوني منك ريم بدلع\ عدول لا تصير طماع يوم الخميس كنت معك عادل\ و اليوم الثلاثاء شوفي كم يوم ريم\ طيب تعرف المدرسة الأن وقت مراجعه قبل الإختبارات و أنا أصلا فيه أشياء مو فاهمتها ما أقدر أغيب عادل\ يالله بلا دلع أنا أذاكر لك بعدين إنتي في مدرسة خاصه يعني ما راح ترسبين ريم\ طيب بس الأربعاء أطلع معك مو بكره عادل\ و ليش مو بكرة ؟ ريم\ اممممم لو أنك ناسي بزعل عادل و هو يتذكر\ عيد ميلادك هابي بيرنث دي حبيبي ريم\ دخلت الـ 17 سنه عادل\ يا عمري كتكوتتي كبرت سنه زين وشو تبين هديه ؟ ريم\ على ذوقك حياتي عادل بخاطره بدل ما تقول ما يحتاج إلي مثلها مو ناقصه شي\ خلاص خليها على ذوقي...... ***************** أبطال القصة بيت أبو أريج أبو أريج ( عبدالرحمن ) إنسان على قد حاله قنوع جدا من الدنيا متقاعد و كان مدرس تاريخ متزوج و عنده بنتين أريج و فجر على الرغم من إن زوجته ما جأبت له ولد لكنه ما تزوج عليها ورضى بالي كتبه له ربه.. أم أريج ( هدى ) إنسانه حدها من الدنيا بيتها و زوجها و بناتها ما تحب الطلعات و الجمعات النسائيه تحسها مضيعه للوقت تعليمها ثانوي و أتزوجة و ما كان عندها وقت تكمل.. أم عبدالله ( شيخه ) و هي أم عبدالرحمن حرمة كبيره بالسن لكنها متزنه و عقلها راجح و كلامها مسموع عند عيالها.. أريج عمرها 19 سنه و هي مثل ما ذكرنا تعرضت لحادث قبل أربع سنوات وكان عمرها 15 سنه من وقتها ما خلت مستشفى في السعودية أو بالخارج إلا زارته بدون فائدة لين إقتنعت بحكم ربها عليها مع كذا هي ما أستسلمت لوضعها كملت دراستها لين الثانوي تحب الرسم و تتقنه بشكل فضيع و عندها مرسم مليان بالوحات طبعا ملامحها كانت عادية جدا و إلي يميزها إبتسامتها الحلوه و الغمازات الي تطلع لمن تضحك.. فجر عمرها 17 سنه و هي ثالث ثانوي أخر العنقود هالبنت طالعه على جدتها الدنيا و ظروف إختها خلتها أكبر من عمرها بكثير إكتسبت رجاحة عقل و فكر واضح بالمقارنه مع إلي بعمرها ملامحها كانت أحلى من أريج و دائم تقولها أعطيني إبتسامتك و أنا أكون آحلا وحده بالعائلة.. بيت أبو مشعل أبو مشعل ( عبدالله ) إنسان متواضع على الرغم من كل فلوسه إلا أنها مأثرت في تعامله مع الناس عكس زوجته و عياله إلي صارت الفلوس هي إلي تحد علاقاتهم و هو يصير أخو عبدالرحمن أبو أريج طبعا ما كمل دراسته بعد الثانوي أشتغل و كون ثروة.. أم مشعل ( حصه ) إنسانه أقل ما يقال عنها إنها خاوية المشاعر نحو عيالها و كل همها أخر الماركات و الموضه و السفر تعتمد على الشغالات في كل شي حتى في حاجتها الخاصة.. مشعل عمره 28 سنه إنسان عديم المسئولية نحو أي شي و لا إهتمام غير أصحابه و السهر و السفر و أكره شي عنده بالدنيا حد يقوله إشتغل أو أتزوج يحس العمل شي ماله داعي معتمد على فلوس أبوه و الزواج أو وجود المراه كبت لحريته.. مرام عمرها 21 سنه صورة طبق الأصل لأمها في كل شي ما تهتم لمشاعر أخوانها و دائم ضنها في مشعل السوء أما ريم فهي ما تعترف فيها أبد كل وقتها لبنت خالتها مها إلي همها الوحيد هو مشعل و الزواج منه و يدرسون الثنتين في الكلية قسم الغة العربية.. ريم عمرها 17 سنه أخر العنقود و الزاوية المهمله في البيت مالها شغل في أحد ولا أحد يسأل عنها تمر أيام ما تشوف أمها إلي تتحجج بالجمعات النسائية و ريم إلي تتحجج بالدراسة و إنها أخر سنه و تبي تجيب معدل لكن في الحقيقة هي كل وقتها لعادل و هي بنفس عمر بنت عمها فجر لكن الفرق بينهم كبير جدا.. بيت أم مها أم مها ( ليلى ) تصير أخت حصه معتمده عليها في كل شي من الناحية المادية بحكم أنها مطلقة و أبو مها ما يصرف عليهم و حصة تسمع كلامها في كل شي و تتبع شورها.. مها عمرها 21 سنه تحب مشعل بشكل جنوني و تحلم فيه و السبب أمها و خالتها إلي من فتحت على الدنيا و هم يقولوا مها لمشعل لكن في الحقيقه مشعل ما عنده أي رغبه في الزواج و من مها بشكل خاص.. فيه بعض الشخصيات إلي راح تطلع مع الأجزاء و راح أعرف عليهم في وقتهم ممكن أولهم عادل\ عمره 23 سنه مجرد شاب مستهتر من بنت لبنت دون خوف من الله و لا إهتمام لمشاعر البنات إلي يكلمهم همه يشبع رغباته وبس.. ************ الجزء الثاني دخلت البيت و هي ترمي الشيله عن رأسها الصيف بالمنطقة الشرقية حار بشكل ما هو طبيعي و هي رافضه أي محاولة من أبوها إنه يأخذها كل يوم من المدرسة و تفضل تجي مشي للبيت.. فجر\ سلام أم عبدالله\ و عليكم السلام هلا ببنتي أريج بضحكة\ هلا بالميك آب الوردي فجر و هي ترمي كتبها على الكنب و تجلس\ تطنزين أنتي و غمازتك هذي أريج\ محد قالك تعالي مشي في الحر هذا أم عبدالله\ أي والله صادقه أختك يمه لو الله يهديك و تخلين أبوك يجيبك بدل ما توصلين و أنتي منتهيه من الشمس كذا فجر\ و وينه أبوي الأن سيارته ما هي برى ؟ أريج\ طلع القطيف من الصبح فجر بخيئبه\ لا تقولين راح سوق السمك ؟ أريج\ ههههههههههه إلا فجر\ يالله و أنا منبهه عليه ألف مرة أني بروح معه أريج\ وع وش يعجبك بسوق السمك و الروائح فجر\ منظرها و هي تتحرك روعه أنواع و أشكال شي خيال أريج\ الله لا يبلانا فجر\ أحسن من روائح الألوان إلي عندك المهم وين وردة البيت ما أشوفها ؟ أم عبدالله إبتسمت و هي متأكدة إن فجر صدق بتنقهر\ في القطيف فجر\ أقوى أنواع الخيانه رايحين الأثنين بدوني أريج\ خليهم يعيشون حياتهم فجر قامت جهة التلفون\ ما هو على فجر.. ************** في الكلية تاركين المحاضرة و جالسين بزاوية من الكفتريا يسولفون بدون أي إهتمام للمستقبل أو لصواتهم العاليه مها\ ياربي يعني ما قالك وين مسافر ؟ مرام\ لا ما قال ولا يهمني أعرف مها\ بس أنا يهمني أعرف مرام\ وش بتستفيدين لما تعرفين يعني بتفرق معه هي كلها سفره و بنات مها\ مرام لا تقهريني مرام\ يا ماما مافي شاب يسافر إلا لجل البنات و مشعل بالذات من هـ النوعيه مها\ طيب و أبوك و خالتي ليش ما يمنعونه بكره يجيب لنفسه مرض من برى مرام\ عجزوا منه بعدين هو يقول قدامهم أنا أسافر أغير جو ما يقول لجل البنات مها\ طيب يمكن أنتي ظالمته و هو مو حق بنات مرام\ أقولك لو داخله محاضرة المصرية أبرك من سوالف هـ المشيعل مها\ مشيعل في عينك هذا شعولي أنا وبس مرام\ الله يهنئيك به بس فكينى منه و قومي نمشي رجولي تعبت من الجلسة مها\ يالله طيب..... **************** تأفف و هو يسكر المنبه ثالث أكره شي عنده بالدنيا يحب ينام و يصحى براحته لكنه حطه مجبر عشان ما تروح عليه الرحله و الوناسة أخذ ملابسه و شاور على السريع و نزل تحت يدور الشغاله تحط له قهوة أو شي يأكله جلس وين ما كانت أمه جالسة و تكلم في التلفون إلي سكرته بمجرد ما شافت مشعل أم مشعل بإستغراب واضح تطالع ساعتها\ مشعل صاحي الأن وش صاير بالدنيا ؟ مشعل و هو يأخذ الجريدة\ و الله عاد أنتم ما يعجكم شي مني لا نائم و لا صاحي أم مشعل\ و أنت من متى تسوي شي يستاهل إن الواحد ينعجب بك ؟ مشعل بخاطرة ( ما ينفع معهم شي هـ البيت )\ ما أحتاج حد ينعجب بي دام رأسي مرتاح هـ الحظة جت الشغالة و حطة الفطور لمشعل\ ناني روحي غرفه حقي سوي ملابس في شنطة حق أسبوع ناني\ اوكيه مستر أم مشعل\ و على وين إن شاء الله مشعل\ لبنان أم مشعل\ و أنت ما عندك غير الهياته من بلد لبلد هـ الـ لبنان كم مرة رايح لها مشعل\ ما هو مهم كم مره المهم إني أرتاح لها أم مشعل\ بدل هـ السفر لو تمسك الشركة مع أبوك و إلا تتزوج و نشوف عيالك أبرك مشعل اللهم طولك يا روح ترك الأكل و الجريدة من يده و قام\ أبوي لسى فيه شده لشغله بعدين هو أفهم مني فيه و الزواج مره لا تحطونه ببالكم أم مشعل\ بس بنت خالتك كبرت و الناس بدوا يتكلمون عليها مشعل أعوذ بالله من هـ الطاري\ بقولك من الأخير شفتي لو أتزوج وحده من هذيلا إلي يشتغلون عندنا بنت أختك ما أخذتها خلوها تروح في حالها و لا تعلقونها فيه....... ************** دخلت غرفتها و على المرسم على طول البيت الهادي بعد ما ناموا جدتها و فجر و الجو كان يهيئي لها عالمها الخاص أخذة الفرشه و بدت ترسم أحيان تحس إنها ترسم بلا هدف مجرد رسم عشواي و تضيعة وقت مو أكثر طالعت في لوحاتها كل وحده لها معها قصه و مشاعر خاصة هذي رسمتها في عز ضيقتها بدون أمل ورده مكبلة بالسلاسل و الثانيه رسمتها بيوم فرحها في حفلة تخرج فجر من المتوسط قطع عليها ذكرياتها صوت التلفون تركت من يدها كل شي و حركة كرسيها جهته أريج\ الوو أم أريج\ أريج يمه أريج\ هلا يمه أم أريج\ يمه أنا و أبوك بنتأخر شوي لين العصر أريج\ ما عليه يمه خذوا راحتكم أم أريج\ زين تغديتوا يمه ؟ أريج\ إيه يمه خلاص أم أريج\ و أختك وين ؟ أريج\ فجر و جدتي ناموا بعد ما تغدوا أم أريج\ و أنتي جالسه لوحدك أريج\ شو قلنا في هـ السالفة يمه مو أتفقنا تنسينها أم أريج\ زين زين يمه بس لا تزعلين أجل أنتبهي لنفسك و إن بغيتي شي الشغاله عندك أريج\ أبشري و حاولوا تجون قبل تصحى فجر والله ياهي متوعده لكم وعد أم أريج\ ههههههههه الله يعينى عليها قفلت أريج من أمها و على طول رن التلفون مره ثانيه بخاطرها متأكده إنها أمها من عرفت إنها جالسة لوحدها و هو يبدى شغل القلق عندها أريج\ هااه يمه شو نسيتي كمان ؟ \ يعني مستنيه مكالمة من أمك أقفل أريج بقمة الحرج\ هلا عمي هلا لا والله بس توي مقفله منها و قلت يمكن نست شي أبو مشعل\ إيه و وينها الوالده ما شاء الله أريج\ طلعت مع الوالد للقطيف أبو مشعل\ إيه موسم هجرة السمك هـ الأيام عاد أبوك من يومه يحب الصيد و البحر أريج\ و أنا أقول فجر طالعه على من ؟ أبو مشعل\ و أمي و فجر راحوا معهم ؟ أريج\ لا جدتي تقول يتعبها الطريق و فجر عندها مدرسة أبو مشعل\ إيه و رسامتنا كيفها وش أخر رسوماتها ؟ أريج\ الله يهديك عمي أنا هاوية مو رسامه محترفه أبو مشعل\ لا تقللين من قدرك يا بنتي شفتي الرسمه إلي أخذتها منك و قلت لك حطيتها في المكتب أريج\ إيه أبو مشعل\ إستقبلت في مكتبي رجال أعمال من ماليزيا و قالوا لي من وين مشتري اللوحة لأنها أعجبتهم و يبونها لكني قلت لهم أنها هدية من وحده غالية على قلبي أريج\ الله يخليك عمي بس لا تكبر رأسي عليكم الأن أبو مشعل\ ههههههه لا أجل معاد نبيك رسامة أريج\ إيه كذا أحسن رسوماتي حدها حد غرفتي أبو مشعل\ زين يبه أنا داق أطمئن عليكم و كنت بكلم الوالده لكن دامها نائمة خليها لين تصحى و تكلمني أريج\ أبشر عمي و تسلم الله يخليك على سؤالك ما تقصر... ***************** أخذ شنطته و نزل ما بقى على وقت الطيارة شي و أصحابه ينتظرونه برى بخاطرة يدعي إنه ما يشوف أحد و لا يسمع كلام يعكر عليه جو الوناسة إلي عائشه شافه ينزل بالشنطه معناته مسافر بدون حتى ما يخبره أبو مشعل\ على وين ما شاء الله ؟ مشعل إلي ما كان يتمنى يشوف أبوه بذات هـ الحظة ترك من يده الشنطه و نزل سلم على رأسه\ هلا يبه أبد سفره قريب مع الشباب كم يوم بس أبو مشعل\ و على وين هـ المره ؟ مشعل\ هنا لبنان أسبوع و رأجعين أبو مشعل\ يا يبه أنت متى بتعقل عن هـ السفر بدل ما تساعدني في الشركة أنا كبرت خلاص و أبي إلي يعاوني مشعل\ أنت لسى شباب يبه و فيك الخير بعدين أنا ماني مطول كلها أسبوع أبو مشعل\ الله يهديك يا ولدي مشعل\ زين يبه الشباب برى ما أبي أتاخر عليهم توصي على شي ؟ أبو مشعل بقلب الأب الحاني\ الله الله في نفسك يبه و الصلاة لا تنساها مشعل\ أبشر يالله مع السلامة..... ************* تطالع فيها و تغالب ضحكتها لا تطلع شكلها و هي معصبه على شي ما يستاهل يموت من الضحك و شكل أبوها إلي مستسلم لها و يحاول يراضيها فجر\ طبعا بتتحجج لي بالمدرسة لو تباني أروح كان رحتوا الخميس و إلا الجمعه أبو أريج\ الخميس عمك و أهله بيزورنا و الجمعه صلاة و ذكر أروح بيت الله و رائحه سمك فجر\ طيب لو غبت يوم ما يأثر أبو أريج\ أنتي ثالث ثانوي و أنا أبي نسبه ترفع الرأس كيف تغيبين ؟ أريج\ هههههههه بعدين شو تكتبين سبب الغياب ذهبت مع والدي إلى سوق السمك فجر\ خلك ساكته أزين لك أريج\ أبشري طال عمرك أبو أريج\ الله يصلحكم يا بناتي أريج\ يبه أدع لفجر أنا شو دخلني ما قلت بروح سوق السمك و لا أحبه فجر\ سوق السمك أرحم من روائح الألوان بغرفتك قسم بالله من أدخل تسبب لي ضيق بالنفس من قوتها أنتي كيف مستحملتها تنامين معها أم أريج\ صدق والله يمه أنا خائفه تسبب لك ربو و إلا تنخنقين و أنتي نائمه أريج\ عاد الرسم في دمي ما أقدر أتركه أبو أريج\ أجل أجهز لك غرفة الملحق إلي بالحوش مرسم محد يستخدمها أستفيدي أنتي منها أريج\ خلاص موافقه فجر بهمس لأختها\ بس عاد لا تعيشين هناك تراها مقابله لمجلس الرجال أريج\ يعتمد على حسب نوعية زوار أبوي فجر\ هههههههههه مالت كلهم شياب أريج\ مراقبتهم الأخت ؟ فجر\ شوي بس....... ************* الإهمال من إلي حولها معطيها الفرصة تعيش الجو مع عادل في كل شي من جوال لطلعات لمسن و كام بدون أي إدراك أو توجيه إن طريقها هذا غلط و بيجر لها مصائب جالسة معه بالمسن و سوالف حب ما تنتهي من طرفها تصديق و براءة و من طرفه كذب و خداع عادل\ ما أني مصدق بكره ريوم حبيبي بتبقى معي من الصبح لين الظهر ريم\ عاد مهي أول مره عادل\ بس بكره طعمها غير ريم\ ليش ؟ عادل\ بس مفاجئه ريم\ لا ما أحب المفاجئات قول ليش ؟ عادل\ لا خليها بكره تشوفيها بنفسك ريم\ طيب عادل\ طيب حبيبي أنا الأن بطلع و أنتي روحي نامي ما أبي بكره تنامين علي أبيك مصحصحه ريم بخجل\ طيب بس أنت وين بتطلع بدري ؟ عادل و هو يحاول يألف كذبه\ بروح أجلس مع أمي شوي و بعدين أنام عشانك الليلة حتى الشباب ما راح أطلع لهم الإستراحة ريم\ أحبك عادل\ يا روحي على هـ الكلمه منك  نـــهـــايــه الجزء الثاني بانتظار تعليقاتكم التعديل الأخير تم بواسطة فيتامين سي ; 30-05-15 الساعة 08:17 PM | ||||||||||||
|
| |
|
12-05-15, 08:29 PM
| #3 | ||||||||||||
| مشرفة منتدى البرامج والحاسوب ومصممه في الروايات والقصص المنقولة وكاتب فلفل حار و فراشة متالقة بالقسم الازياء وشاعرة متألقة وساحرة واحة الأسمر بقلوب أحلام
| الجزء الثالث في أحد أفخم الفنادق في مدينة بيروت فتح شنطته و هو محتار شو يلبس لازم يكون كاشخ مشعل من يومه يحب يكون مميز و الأنظار كلها حوله و يحس بالغيره من أصحابه في كل شي لدرجة لو واحد منهم يشتري سيارة و مشعل توه مشتري جديده لازم يبيعها و يأخذ أكشخ منها طلع له تيشرت أسود و بنطلون جينز مع جاكيت طويل أسود هـ اللون يعطيه رونق و ميزه خاصه في خاطره كان يطالع جواله محد فكر يسأل عنه وصل أو لا ظاهريا كان يمثل أن الموضوع ما يهمه و كذا أريح له لكنه من جوى كان فاقد شي فاقد الإهتمام من الأهل فاقد حنان الأم و شدة الأب فاقد معنى كلمة أخ أو أخت سمع الباب يدق فـ أستعجل في لبسه و طلع مشعل\ هلا فيصل\ اتأخرت كل هذا لبس ؟ مشعل\ خلاص خلصت وين الشباب ؟ فيصل\ نزلوا تحت ينتظرونا مشعل\ أمشي يالله فيصل\ على الوناسة مشعل\ عليييييهاا... ( فيصل وأحد من أصدقاء مشعل إنسان يمشي ورى إلي معه الريال مستعد يعطيه أي شي لحظتها بس يعيش الوناسة و أول ما يحصل إلي أغنى من أصحابه يمشي معهم و يتركهم و لا كانه عرفهم بيوم ) **************** دخلت للغرفه إلي حاجزها بإسمها في أفخم فندق بالخبر مغمضه عيونها مثل ما طلب منها بعد ما تأكد إن كل شي جاهز مثل ما طلب عادل\ خلاص أفتحي عيونك فتحتها شوي شوي و هي تصرخ من الفرحه كل هذا لها عادل كان مجهز الغرفه لعيد ميلادها بلونات و شموع و كيكه كاتب عليها أحبك ريوم ريم\ كل هذا لي ؟ عادل و هو يبتسم بخبث\ أجل لمن ؟ ريم من فرحتها إن حد مهتم فيها حضنته\ الله يخليك لي حبيبي عادل\ أعجبتك المفاجئه ؟ ريم\ كثير فوق ما تتخيل عادل مسكها من يدها\ تعالي أول طفئ الشموع و أتمني أمنيه بعدين أعطيك هديتك غمضت عيونها و أتمنت ريم\ خلاص أطفيها ؟ عادل\ أول قولي شو تمنيتي ؟ ريم\ لا سر عادل\ سر على حبيبك ريم\ امممم زين تمنيت إن ربي ما يحرمني منك عادل\ و لا منك يا روحي أجل طفئ الشموع على أحلا أمنيه نفخت ريم على الشموع و إنطفت على أمنيه أكثر ما نقول عنها أمنية لحظه بين أحضان شياطن من شياطين البشر إلي عرفوا كيف يستغلون ضحاياهم و يجرونهم لطريق الهلاك... ******************* شافتها مع الشباك كيف مندمجه بترتيب اللوحات و الألون و مستمتعه بعملها فدخلت عليها تبارك لها المرسم الجديد فجر\ أش الحماس هذا يا ناس ؟ أريج\ بسم الله هو أنتي جيتي ؟ فجر\ لا لسى أنا خيال أيه وش شايفه أنتي ؟ أريج\ ما تضحك تصدقين فجر و هي تقلب بالألوان\ نقلتي كل عفش الرسم حقك أنتي ؟ أريج\ طبعا فجر\ مستعجله أريج\ ما أحب أجل عملي فجر\ زين الأن بعد ما شلتي أغراض الرسم صارت الغرفه أكبر و أكبر من غرفتي شو رأيك نتبادل الغرف ؟ أريج\ هذا بعدك يا حلوه فجر\ طماعه عندك غرفتين الأن أريج\ أنا أريج مو فجر فجر\ مالت بس إلا أقول ما شفتي مزيون دخل المجلس اليوم يفكني منك ؟ أريج\ هههههههههه روحي بس ما جاء إلا أبو صالح فجر\ زينة الشباب والله أتزوجيه و فكينا أريج\ هو إلي ناقصني أتزوج بس فجر\ وليه لا فكري فيه محرومه أكون عمه بتحرميني أكون خاله أريج\ صيحتيني تصدقين روحي بس تغدي و نامي أحسلك فجر\ و أنتي ما تبين تتغدين ؟ أريج\ لأخلصت ترتيب فجر\ أقول أمشي بس أريج\ فجر بعدي أنا ما أستحمل أطلع في الشمس الأن فجر\ من متى أنتي هنا ؟ أريج\ ثمان الصبح فجر بهتت من ثمان و ألان الساعة وحده و نص و هي هنا قربت و قفلت الفرامل الخلفية للكرسي ( معروف إن نوعيه من الكراسي الكهربأيه تكون فراملها صغيرة في أسفل أخر الكرسي و مو أي شخص يستخدم الكرسي يقدر يوصل لها و أريج ما تقدر فكل ما ترفض تسوي شي فجر تقفلها عنها لأجل ما تقدر تتحرك من مكانها ) أريج\ فجروه أفتحيها فجر\ لا أول تقولين بروح أتغداء أريج\ يالله منك زين بروح بس فكيها كيف أروح و هي مقفله ؟ أخذتها فجر و دفتها قدامها\ أنا أوديك للبيت و خذي شنطتي حطيها عن الشمس يا رقيقه...... **************** نزلت معها اليوم بيتهم تحب تجي بيت خالتها كثير و تنام أحيان عندها هنا تحس بطعم للحياة مختلف عن بيتهم إلي قل ما يجتمعون فيه على سفره وحده عكس هنا خالتها تنتظر مها لين ترجع من الكلية و تتغداء معها أم مها\ حيالله مرام مرام\ هلا بك خالتي أم مها\ وينك معاد تنزلين مع مها ؟ مرام\ والله خالتي حوسة إختبارات وقل نوم أم مها\ أجل ما لك مني اليوم فكه بكرى ما وراكم كليه نامي عندنا مرام بدون نفس\ وين بكره بنروح بيت عمي واذا ما رحت جدتي تسويها علي سالفه أم مها\ عارفه جدتك من يومها قويه أحسها ماسكه بنت عمك فجر بكل شي مرام\ هذيك من يفتك من لسانها مها\ عكس أريج مرام\ لا يغرك صح أريج هادئه و رايحه بحالها لكنها تنقلب وحش لو أحد لمسها بسوء أصلا عمي مربيهم زي الأولاد كل شي يبونه يسونه و إلي قاهرني جدتي ما تقلهم شي لكن من تشوفنى أنا و ريم تستلمنى ليش هـ الملابس القصيرة و ليش هـ العدسات و ليش و ليش أم مها حبت تهديها\ ما عليك فيهم أنتي سوي إلي تبين و ألبسي إلي نفسك فيه و لارحتي عندهم دوري لك شي حشيم يسكت حلوقهم عارفه كنت بتصل في مها تنزلك معها اليوم مسويه لكم الغداء إلي تحبونه مها\ لا تقولين برياني دجاج أم مها\ إلا هو و سلطة حاره بعد مرام\ اممم جوعتيني خالتي أم مها\ أجل روحوا غسلوا و تعالوا بجهز لكم السفرة..... ************ بعيد عن الكل أخذ له زاويه في الملهى مع وحده لبنانيه إسمها إلين كانت شبه عاريه تطالعه و تبتسم له من أول ما دخل مع أصحابه إلين\ شو ما تعرفنا ع أسمك ؟ مشعل\ مشعل إلين\ كتير حلو خليجي مااه ؟ مشعل\ سعودي إلين\ أحلى ناس بحب السعوديه كتير مشعل بباله طبعا عائشه من خيرهم\ الله يخليك إلين و هي توقف\ شو النوعيه يلي بتشرب جيبلك ؟ مشعل\ لا لا إجلسي مشكوره ما أشرب أنا إلين\ ما بيصير إشي خفيف بجيبلك مأبياسر مشعل\ سوري بس ما أشرب إلين\ إيه من شأني صويا بس مشعل اللهم طولك ياروح\ تبين تشربين روحي لطاولة ثانيه أنا ما أشرب و لا أحد يغصبني على شي مابيه إلين و هي تجلس\ إيه روق ما حكينا إشي خلاص مابدي أشرب أنا كمان مشعل\ كذا أحسن نسولف وبس إلين مبهته\ ما فهمت ؟ مشعل و هو يولع سيجاره في فمه\ يعني حدي معك سوالف هنا وبس لا تحلمين بشي أكثر تبين فلوس بعطيك إلين قامت من عنده بدون أي كلمة ما هو هذا إلي تبيه أحسن شي تقوم أدور لها على صيده ثانيه أما مشعل فهذا هو طبعه إلي محد يعرفه عنه حتى أهله و أصحابه كل ضنهم فيه السوء و إنه حق شرب و بنات لكن الحقيقة مشعل ما عمره شرب و حده من البنات لمسه أو ضمه في أندر حالاته و حسب مزاجه هو..... ************** طلعت من غرفتها كاشخه هي ما تكره أحد لكن بنات عمها و خصوصا مرام تقهرها تحس فيهم غرور مرت غرفة أريج و ما حصلتها بخاطرها متوعده لها الويل لو كانت بالمرسم و لسى ما لبست مرت الصالة و حصلتها جالسة مع جدتها و تسولف عليها فجر\ عارفه إن ربي رحمك أريج\ ليش ؟ فجر\ مريت الغرفه أشوفك ما حصلتك قلت لو كنتي بالمرسم و مالبستي بذبحك أريج\ وليش عاد لي ساعة لابسه و جالسة مع جدتي ما هو مثل بعض ناس يلبسون من أربع ساعات فجر\ و بذمتك ما أني حلوه ؟ أريج\ بس ماله داعي كل هـ الكشخه فجر\ عاد لازم أكون أحلى وحده و إلا لا يا جدتي ؟ أم عبدالله\ أنتي أحلى يمه بملامحك ما هو مثل بنات عمك ما يخلن شي على وجيهن إلا حاطنه تقول من رسمات أريج أريج\ ههههههههههههههه قويه جدتي فجر و هي تقوم ناحية الباب بعد ما سمعت الجرس\ إيه تعجبيني جدتي..... **************** في المرسم طلعوا البنات مع أريج يشوفون أخر رسوماتها إلي تعجب ريم و ترفع ضغط مرام ريم و هي تطالع لوحه زيتيه ما كانت تميز هي شو بالضبط\ غريبه هـ اللوحة أريج شو تعني ؟ مرام\ أحسها مزيج ألوان بدون هدف أريج\ ما في شي بالدنيا أسمه بدون هدف الرسم مشاعر تترجمها الريشه شوفي اللوحة بمشاعرك و تميزينها ريم أخذة تطالع و سرحت في الرسمه و عادل فـ تكلمت بدون وعي\ الخوف من فقد مصدر الأمان و الفرحه بحياتي أريج\ فعلا الخوف من الفقد هو إلي تترجمه هـ اللوحة و اللون الرمادي هو حالة الإحساس ذيك اللحظة بين الصدمه و محاولة تقبل الوضع فجر\ تصدقي شفت هـ اللوحة أكثر من مره لكن اليوم أشوفها بإحساس مختلف و كله من سؤالك يا ريم مرام\ ما أشوف فيها شي من إلي تقولونه فجر\ منتي خايفه تفقدين شي ؟ مرام بلا مبالاه\ لا فجر\ أجل ما عندك شي تستاهلين تعيشين عشانه مرام\ وش قصدك يا فجر يعني أموت أحسن بس عشاني ما أني خايفه من لوحه ؟ فجر\ لا لإنك منتي مهتمه للي حولك و لنعمه إلي عايشتها لو خايفه تفقدينها بتفهمين معنى اللوحه و بتكون حياتك سعاده أبسطها لو صحيتي يوم و أبوك و إلا أمك بعيد الشر يعني في غيبوبه ما يدري عن شي مو بتندمين على كل لحظة ما كنتي معهم و تتمنين إن الأيام ترجع بس عشان تكونين معهم مرام\ هذا في علم الغيب ما يندرى يمكن أموت أنا قبلهم فجر\ في علم الغيب ما قلنا شي و كل شي بيد الله بس عاد الواحد يخاف يفقد اللحظات الحلوه و يعيش الحزن عشان كذا لازم يكون قريب من أحبابه و يحمد ربه على نعمته ريم كانت تسمعهم و هي في عالم أخر فجر تتكلم كذا لإنها تحس بمعنى الحب من أمها و أبوها عكسها تماما عمرها ما حست من أمها إلا البعد و الصد و من أبوها سد الحاجة المالية لحد الغرق في الفلوس إلي خلتها ضحيه لعادل إلي صار يجري وراها بس عشان تسديد فواتيره و هدايها له.. ************** بعد ما راحوا أهل عمها رجعت غرفتها و هي متعبه اليوم صحت من بدري و لا قدرت تنام الظهر بثقل رفعت نفسها من الكرسي لسرير و تمددت عليه سمعت الباب يدق و قبل ماتنطق دخلت فجر أريج\ طيب أنتظري حد يرد عليك يمكن ما أبيك تدخلين فجر و هي تدخل معها في الفراش\ حلوه ذي ما تبيني أدخل أنا جايه أنام معك أصلا أريج\ زين أنا تعبانه و مرهقه خلي وجهك الجهة الثانيه و لا تتحركين و ترافسين و أنتي نائمه فجر\ و أنتي الله يخليك لا تتحلمين و تصارخين ترى أبي طبلتي وراي مستقبل دراسي أريج\ طيب خلاص أسكتي دقيقة صمت فجر\ أريج أريج\ هممم فجر\ أنا ما أبي أفقدك أريج\ و لا أنا فجر\ طيب ليش رسمتي ذيك اللوحه ؟ أريج\ إحساس الفقد مو شرط بالموت أو المرض مثل ما تفكرين في ناس عايشين تحت سقف وأحد و فاقدين معنى الحب بينهم و أنا عشان أريحك فاقده إحساس المشي فوق الأرض لجل كذا رسمت اللوحه فجر\ أحس بيت عمي كذا ما في بينهم حب أريج\ ممكن فجر\ تبين الصراحة ما يعجبوني فيهم غرور أريج\ ممكن مرام مغروره معك حق بس ريم أحسها طيوبه فجر\ ريم بعيده عنهم أما مرام نسخه من أمها أريج بتعب\ زين خلي الناس في حالهم و نامي بكره جمعه أبوي يصحينى من الساعه عشر الصبح... *************** الجزء الرابع بسرعه مر عليه هـ الإسبوع كان يتمنى يبقى أكثر بس لبنان صغيرة و أسبوع كافيه عليه فيها عادة مشعل يبقى أكثر بسفراته خصوصا لدول الأوربيه يجلس شهر و أحيان أكثر يعشق الحركة و الجو و الأثار القديمه بأسبانيا و أيطاليا و قلاع فرنسا و النمسا الشامخه نزل من السياره للبيت الوقت الأن العصر و أكيد أخواته نائمات و أمه خارجه مثل العادة و أبوه في الشركة يعني محد بيهتم لجيته نزل شنطته عند الباب و نادى على ناني برغم إن عندهم أربع شغالات في البيت إلا إن ناني الوحيده إلي تدخل غرفة مشعل و ما يسمح لأي وحده تدخلها حتى لما تسافر ناني\ يس مستر مشعل\ ماما موجود ؟ ناني\ نو روح مع مدام أم مها مشعل\ و لا بابا ؟ ناني\ نو ما فيه حط يدينه في جيب بنطلونه بملل ما فيه نوم الأن شو يسوي و البيت جوه كئيب مشعل\ طيب ودي شنطه غرفه حقي ناني\ سوي أكل ؟ مشعل بخاطره الله يا الدنيا الشغاله مهتمه لي أكثر من أمي\ لا شكرا بيروح طلع مشعل من البيت بملل أصحابه أكيد مع أهلهم طبعا مشتاقين لهم أسبوع ما شافوهم لكن هو لو يغيب سنه محد يشتاق له أسبوع مر عليه محد أتصل و سأل عنه كان إتصال واحد من أمه و ياليته له بس لمجرد تذكره يجيب لها مجلات أزياء خطأه قادته لبيت عمه وقف السياره و ألتفت ما شاف سيارته بخاطره تملل أكثر (( بس يالله وصلت لين هنا خلني أنزل أسلم على جدتي )) طلع العطر و بخ على نفسه جدته تكره فيه رائحة الدخان فهو دائم يغطيها بربع زجاجة العطر على ملابسه نزل و دق الجرس في داخل البيت ما كان فيه إلا الشغاله في السطح تنشر ملابس و لا تسمع الجرس و فجر إلي كانت في سابع نومه و مستحيل يصحيها الجرس الباب كان قدامه مفتوح شوي و بيت عمه بالعادة يكون الباب مفتوح إذا فيه ضيوف بمجلس الرجال دفه بهدوء و دخل لكنه أتصنم في مكانه .. أريج مطلعه لوحه في الحوش قدام باب المرسم تبيها تجف من الهواء كانت جالسه تتأملها و معطيه الباب ظهرها و لابسه بدي وردي بدون أكمام مع بنطلون جينز باهت و شعرها مجمعته و رافعته بشباصه يعني مشعل يشوف رأسها و الرقبه و جزيئه من ظهرها أما الباقي من جسمها فكان يغطيه الكرسي.. رجع وأخذ الباب في يده مثل ما كان ( هذي من إلي في بيت عمي تستخدم كرسي متحرك من يا مشعل؟ اووه صح إلي صار لها الحادث بس هي الكبيرة و إلا الصغيرة ؟ ) لا شعوريا طلع المفتاح من جيبه ودق به الباب أريج كل تفكيرها في فجر إلي نائمه جوى لو صحاها الجرس بترتكب جريمه في إلي داق بسرعه حركة كرسيها جهة الباب\ مين ؟ مشعل ما عرف شو يقول هو متأكد إنها هي إلي شافها\ عمي موجود ؟ أريج\ لا والله طالع مشوار مشعل\ زين نادي لي جدتي بسلم عليها أريج من الأساس ما كانت عارفه الصوت بس لمن قال جدتي حست إنه مشعل\ والله جدتي راحت مع أمي للمسجد فيه محاضره بخلي لك الباب مفتوح و تفضل المجلس خلاص هذا وقتهم يرجعون مشعل بإحراج\ تسلمين والله أرجع مره ثانيه خلاص المغرب بيأذن يالله مع السلامه أريج\ تلاقي خير مشعل وقف في مكانه يستوعب كلمتها (( تلاقي خير )) عمره محد قاله هـ الكلمه متعود يسمع ما يجي من وراك خير لكن حد يقوله تلاقي خير حس فيها شي كبير... ***************** صحت على صوت الجوال إلي أقلقها و سبب لها الصداع ( اففف الواحد حتى بنومه ما يتهنى ) لكنها أبتسمت أول ما شافت الرقم ريم\ هلا حبيبي عادل و إلي كان يمثل الضيقه\ هلا ريوم نائمه ؟ ريم\ شو فيه صوتك كذا ؟ عادل\ و لا شي لا تهتمي كملي نومك و لاصحيتي كلميني ريم\ لا قول شو فيك خلاص صاحيه عادل\ متضايق بس ريم\ ما تعيش الضيقه و ريوم موجوده قلي حبيبي شلي مضايقك عادل\ الدنيا كلها ريوم أحسها فوق رأسي ريم\ ليش ؟ عادل\ اليوم صاحب البيت بيجي على وعدي له الشهر الي راح و أنا ما دبرت ربع الإجار و هو متحلف يا يأخذه كله يا نطلع من البيت ريم\ تطلعون وين ترحون ؟ عادل\ الشارع يا ريم ريم\ إش الظلم هذا طيب الي ما عندهم فلوس وين يعيشون ؟ عادل\ خليها على ربك بس ريم\ طيب كم إلي ناقصك ؟ عادل\ لا ريوم أنا ما أقولك عشاني أبي منك فلوس أقولك بس عشان أفضفض لك و أرتاح أنا من لي غيرك ريم\ و أنا كمان مالي حد غيرك و إذا ما ساعدتك ما أحس إنا واحد مثل ما تقول عادل\ أنا بطقاق أعيش لو في سيارتي بس المشكلة أمي و أخواتي وين يرحون ؟ ريم\ خلاص أجل قولي كم ناقصك عشانهم مو عشانك هـ المره عادل\ بس المبلغ كبير ريم\ طيب كم ؟ عادل\ عشره الألف ريم\ بس توقعتك بتقول ثلاثين أربعين خلاص نص ساعة بس أبدل و أطلع المكتبه أشوفك هناك و أعطيك الفلوس عادل\ الله لا يحرمني منك حبيبي و بإذن الله أول ما أشتغل أرجعها لك...... **************** وقف يرحب فيه من زمان ما جاء الشركة و هـ المره مستغرب جيته فجاءه كذا ياسر (( سكرتير مكتب أبو مشعل ))\ أهلين إستاذ مشعل منور الشركه مشعل\ تسلم والله الوالد موجود ؟ ياسر\ هو في إجتماع بس دقيقه و بيخلص مشعل\ زين بنتظره في المكتب ياسر\ تشرب شي ؟ مشعل\ يا ليت كوب شاهي ياسر\ حاضر دخل مشعل المكتب الرئيسي لأبوه و جلس يتأمله أخر مره دخله قبل ثلاث شهور كثير متغير عن اليوم الأثاث صاير أفخم لون الجدران منسق بطريقه رهيبه شدته لوحه خلف كرسي أبوه مباشره وقف يتأملها ما يدري ليش جأت أريج ذيك اللحظة في باله و شكلها و هي منسجمه تتأمل الوحة أبو مشعل\ عاجبتك اللوحة أنت كمان ؟ مشى جهة أبوه و بأس يده و رأسه مشعل\ رهيبه والله فيها شي مختلف أبو مشعل\ طبعا هذي رسمت أريج مو أي كلام مشعل\ إلي راسمتها أسمها أريج أول مره أسمع فيها أبو مشعل و هو يضحك\ أريج بنت عمك عبدالرحمن هي إلي راسمتها و أنا أخذتها منها هـ البنت رسامة لكن رافضه تنشر رسمها أجل هي أريج إلي شفتها والله و أرسلك ربي من السماء لي يا أريج... ************** رمت الكتاب من يدها بقرف اليوم مشعل يجي كيف تشوفه أو حتى تسمع صوته مشتاقه له يا ناس و محد فاهمها طلعت لأمها و خالتها الصاله و هي مخططه على ألي برأسها مها\ خالتي ما تدرين متى تصحى مرام ؟ أم مشعل\ هـ البنت ما تصحى قبل الساعة إحدى عشر ليش يمه تبين منها شي ؟ مها\ فيه أوراق لإختبار بكره عندها و أبي أذاكرها أم مشعل\ خلاص أجل أمشي معي البيت و أجلسي ذاكري فيها لين مرام تصحى و يرجعك السواق بعدين مها كانت تطالع أمها و تنتظر منها الموافقه أم مها\ بس الحين المغرب و أبو مشعل يرجع أم مشعل\ و هو بيأكلها هي زي بناته بعدين هو حتى لو يجي البيت يدخل مكتبه و يكمل شغله هناك ماله شغل في أحد مها\ يمه الله يخليك والله الإختبار صعب أم مها\ زين بس ما تتأخرين قبل عشره تكونين عندي مها و هي تبؤسها\ أبشري يا آحلى أم........... *************** رجعت للبيت بعد ما نشفت اللوحة غسلة يدينها و أتؤضاة و صلت المغرب أمها و جدتها تأخروا الظاهر بيصلون المغرب و يجون أحسن لمشعل أنه ما جلس و إلا كان أتملل بصدق أم أريج و هي داخله\ السلام عليكم أبوك لسى ما رجع ؟ أريج\ و عليكم السلام لا يمه لسى أم أريج\ و أختك وينها ما صحت ؟ أريج\ لا أم أريج\ خل أروح أصحيها من بيسهر معها الليلة أريج\ هااه جدتي كيف المحاضرة ؟ أم عبدالله\ ما شاء الله المسجد ما بقى فيه مكان إلا أمتلى بشر و إلا إلي سوت المحاضرة سبحان الله وجها منور بالطاعة أريج\ ترى مشعل جاء يدورك قبل شوي أم عبدالله\ و ليه ما جلس بالمجلس لين أجي ؟ أريج\ قلت له قالي بيروح و يرجعلك مره ثانيه.. ******************* دخل البيت و هو واصل حده من التعب خلاص بس يدور على السرير البيت بنفس هدوء العصر شي يجيب الكأبه طلع على جناحه و قبل يوصله شافها واقفه بالممر صار يحس بالغثيان البنت هذي ما عندها أي ذرة أخلاق تطلع كذا قدامه بدون حجاب و تسوي نفسها ما تدري و في الأصل هي مستقصده و هو متأكد من كذا تنفس بعمق و طلع جواله و مثل أنه يكلم و بصوت عالي عشان تسمعه مشعل\ ياروح مشعل أنتي هو أنا أقدر ..... هههههه ... شايفه بس جيتك قبل أهلي والله وربي أمي ما شفتها لسى بس على فكره ترى ألون الوردي روعه عليك ( مشعل ما يدري ليش قال هـ ألون و ليش بالذت جأت أريج في باله هـ اللحظة غمض عيونه يحاول يتذكر ملامحها و هي طفله ) آماا مها فحست بقهر و غيض بقلبها مشعل يحب؟؟؟ حبست دموعها و دخلت غرفة مرام منجدها الوحيد..... نــــــهـــــايـــه الـــــجــــزء الـــرابــع | ||||||||||||
|
| |
|
12-05-15, 08:29 PM
| #4 | ||||||||||||
| مشرفة منتدى البرامج والحاسوب ومصممه في الروايات والقصص المنقولة وكاتب فلفل حار و فراشة متالقة بالقسم الازياء وشاعرة متألقة وساحرة واحة الأسمر بقلوب أحلام
| الجزء الخامس من صحت صلت الفجر و هي ما هي قادره تنام في إحساس بداخلها مختلف ما هي عارفه كيف تميزه ما عندها إلا فجر بما إن اليوم خميس راحة لها الغرفه و صحتها فجر\ يالله صباح خير الساعة خمس و نص دوام مدرسه أريج\ قومي و بلا كسل و ربي ملانه فجر\ على حسابي روحي أرسمي أريج\ مالي نفس و نص الألوان مخلصه فجر\ يووووه أريج\ قومي نطلع الحوش الجو حلو فجر\ إذا بتخلين أبو صالح يجيب لنا فطور أريج\ هههههه سخيفه مسويه سندوتشات لبنه و زعتر فجر\ مغريه أريج\ يالله قومي طيب فجر\ بس عشانك كسرتي قلب معدتي طلعوا أريج و فجر الحوش الجو كان خيال على بداية الشروق و فيه سحب بسيطه فجر\ فعلا الجو رهيب أريج\ و أول ما تبين تقومين فجر\ لو عندنا أخو بس أريج\ ليش ؟ فجر\ كان طلعنا الأن يا ذكيه أريج\ ضحكتيني تلقينه لسى ما رجع البيت و إلا توه ينام فجر\ يعني زين ما كفخني أريج\ قلتيها فجر و هي تطالع الباب\ و لا كلمة شوفي المشهد بس أبو أريج\ وش عندهم بناتي جالسات هنا ؟ فجر\ هلا يبه ما شاء الله من وين جأي ؟ أبو أريج\ المسجد فجر\ إيه تفضل أفطر معنى الجو رهيب أريج كانت تطالع فجر مبهته هي متأكده أن تحت رأسها شي أبو أريج\ إيه بس ما قلتولي ليش صاحيات و أنتي بالذات يا فجر العاده الخميس تعوضين نوم أسبوع ؟ فجر\ الملل يا يبه كله نوم و دراسة نوم و دراسة ما فيه تغيير روتين ممل أبو أريج\ ما باقي لك إلا ثلاث أسابيع و تخلصين الدراسة بعدين الدراسة و التعليم هي إلي ترفع قدر الإنسان بدل ما يكون جاهل بس يأكل و يشرب و ينام فجر بهمس\ تكلم الإستاذ عبدالرحمن أبو أريج\ وش تقولين ؟ فجر\ أقول كلامك صحيح طال عمرك بس يضل لترفيه و الترويح عن النفس دور في العطاء و التفوق أبو أريج\ إيه و المطلوب ؟ فجر\ كلك مفهوميه إستاذ أبو أريج\ و أنا أقول فجر ليش صاحيه تبين تطلعين ؟ فجر\ أنا و المزيونه إلي جنبي يعني فطور على البحر لفتين بالسياره و نرجع ما نطول أريج\ من قال أني بروح ؟ فجر\ و غصب عن غمازاتك بعد بعدين ترى الفنانه ألوانها مخلصه و مستحيه تطلب أريج\ لا يبه بس تعرف إذا بروح المكتبه لازم تكون فاضي تعرفني أطول شوي فجر\ و أبوي الأن فاضي و المكتبه أحلى شي الصباح تلقينها فاضيه و تأخذين راحتك أبو أريج\ أجل فجر دارستها صح فجر\ تلميذتك طال عمرك أبو أريج\ خلاص ما أردكن قومن ألبسن و تعالن السياره فجر\ فديتك يا أحلى أبو بالدنيا أريج\ مشكور يبه..... ************* صحى و طالع الساعة شافها عشر و نص بدري على أي شي ممكن يسويه حاول يرجع يكمل نومه لكنه كان مكتفي نام أمس من الساعة سته و نص المغرب يعني له ست عشر ساعة نائم تأفف و دخل الحمام [ أكرمكم الله ] بدل ملابسه و طلع الدور الثاني كان هادئ بدون و لا حركة و الدور الأول نفس الهدوء مع حركة خفيفه من الشغالات أخذ الجريدة في يده و طلع السياره رماها جمبه على السيت [ المقعده ] و ولع سيجارة و مشى ما كان عارف وين بيروح بس أهم شي يطلع من جو البيت إلي يسبب له الضيق أمس قبل ينام جلس فتره يفكر في أريج و الخطه إلي برأسه كيف ينفذها؟ و كيف يقنع أمه و أبوه ؟ بس يالله إلي برأسك يا مشعل لازم يمشي و في أقرب وقت لو شو ما صار أخذ لفة البحرين و مشى بطريقه.... ************* في المكتبه أخذة كل إلي تحتاجه من فرش و ألوان و التفتت أدور فجر إلي كانت منسجمه مع الكتب هـ البنت تحب تقراء روايات بشكل جنوني أريج\ يالله تأخرنا على أبوي ترى فجر\ شو رأيك أخذ هـ الروايه و إلا هذي ؟ أريج\ أظنك ثانويه عامه و الأن قريب أختبارات يعني ما هو وقت الروايات فجر\ ما راح أقراها إلا بعد الإختبارات وعد بس أيت أحلى ؟ أريج\ و أنا شو عرفني قالولك قريتها فجر\ من العنوان يا فنانه أريج أشرت لها على وحده\ هذي فجر\ اوكيه أجل بأخذها و قولي إنها لك عشان أبوي تكفين أريج\ أبشري بس بخبيها لين بعد الإختبارات فجر\ اوكيه.... ************** دخل البيت و هو مقرر يكلم أبوه اليوم خلاص أحسن شي يدق الحديد و هو حامي شافهم مجتمعين بالصالة و هذي نادرا ما تكون بس هي فرصته أم مشعل أول ما شافته أستلمته\ أنت من وين جأي الشغالات يقولون شافوك تطلع من الصبح وين رحة لين الحين العصر ؟ مشعل\ طلعت مشوار صغير مرام\ يالله صباح خير مشعل\ خلك في حالك أنتي بس أبو مشعل\ طيب أحترموا وجودي أنا و أمكم بينكم على الأقل مشعل قام من مكانه و جلس جمب أبوه\ على رأسي أبو مشعل كان يعرف له هذي حركاته من هو صغير لبغى يطلب شي\ وش طلبك فلوس ما في توك صارف بلبنان مبلغ يكسر الظهر مشعل\ الله يطول لي عمرك هو الطلب فيه فلوس بس ما هو سفر أبو مشعل\ وش هو ؟ مشعل بدون مقدمات\ أبي أتزوج لحظة صمت يستوعبون الكلام مشعل بيتزوج !! أم مشعل بفرح\ و أخيرا بتريح قلبي يمه خلاص يا عبدالله بكره تروح لأبو مها و تخطب البنت منه و الله لسويلك فرح تتكلم فيه الشرقيه كلها مشعل تجهم وجهه من هـ المها\ وش مها ما مها ألف مره قلت هـ البنت ما أبيها أم مشعل\ بس أنا مكلمه أختي من زمان أني أبيها لك بتكسر كلامي يا مشيعل مشعل\ والله ما قلت لك كلميها قبل ما تأخذين رأيئ أبو مشعل\ لحظه يا حصه هبيتي في الولد يمكن هو بخاطره وحده نخطبها له مشعل\ هذولا الناس الفاهمه وصلت يا أبو مشعل أبو مشعل\ و من بنته ؟ أم مشعل\ و تسأله بعد أكيد وحده من الشارع ضاحكه عليه مرام لا شعوريا فكرت بالكلام إلي قالته لها مها و المكالمه إلي سمعتها أبو مشعل\ خلي الولد يوفي هرجه يا حصه مشعل\ ماهي من الشارع يمه ريحي رأسك البنت كلكم تعرفونها أبو مشعل\ و من هي ؟ مشعل\ أريج بنت عمي عبدالرحمن أم مشعل ما أستوعبت\ أريج لا عاد هذي إلي ناقصني بعد أنت أكيد منت صاحي مرام\ أنت عارف من هي أريج .؟ مشعل\ إيه عارف و أنا ولد عمها و أولى بها من الغريب مرام\ أي غريب هذي ممكن تتزوج واحد قد أبوها و ممكن ما تتزوج من الأساس مشعل\ ليش وش ناقصها مهي من لحم و دم زيك و إلا أنتي و بنت خالتك مطليات بذهب ريم\ مشعل أنا ما أني مستوعبه يمكن لو قلت فجر يهون مرام\ جأتك الثانيه وش فجر بعد أم مشعل\ من بنات عبدالرحمن ما أنت متزوج و لا حتى تفكر من أول ساكت و يسمعهم كيف يتكلمون في أريج ممكن رافضينها عشان إعاقتها بس الأن الرفض شامل حتى فجر\ وش فيهم بنات أخوي ماهم عجباتك ؟ أم مشعل\ أنا ما قلت فيهم شي و صراحة من الأخير بنات أخوك ماهم من مستوانا أبو مشعل بعصبيه\ أجل بنت أختك من مستوانا و إلا ناسيه من أبوها و إلا ليش طلق أختك أم مشعل\ البنت أختي إلي ربتها و نعرف أخلاقها أبو مشعل\ و يعني بنات أخوي إلي ما تعرفون أخلاقهم و الله أنهم يسون بناتي بأدبهن و إحترامهن لبوهن أم مشعل\ أدبهم لهم ولدي ما يأخذ منهم لو ما يتزوج أبو مشعل كان يحب أريج و يتمنى لها الخير لكنه عارف إنها ما راح تكون سعيده مع مشعل لإن طبعها تتقبل كل شي بصدر رحب و ما تحب تناقش\ أريج ما تصلح لك تبي فجر أروح أخطبها لك الليله رمى الشماغ على كتفه وقام مشعل\ والله عاد قلت لكم أبي أريج و أنتم ما تبونها أجل بطلنا ما نبي زواج و تذكروا أنا ألي جيت من نفسي و قلت لكم بتزوج قال كلامه و مشى عنهم للإستراحة مع الشباب و تركهم وسط تفيكر أبو مشعل في ردت فعل أخوه لو عرف أنهم رافضين بنته و أم مشعل وشو بتقول لأختها ولدي ما يبي بنتك....!!! ***************** طلعت لمرسمها بعد ما صلت المغرب من أمس ما رسمت بسبب نقص الألوان فيها رغبه قويه ترسم شي مميز أخذة الفرشاه و مزجة ألون الأحمر بالأصفر طلع لها لون تحبه كثير وتتفأل فيه بدت تخط خطوط لشمس لنور الأمل مهما كانت الحياه قاسيه و صعبه تدرك أن الله ما يأخذ من الأنسان شي إلا يعوضه بأفضل منه حب أمها حنان أبوها علاقتها القويه مع أختها فجر قلب جدتها كلها أشياء الله عوضها فيها و تعيشها بسعاده و رضاء و ما تبي أكثر من كذا أبتسمت و كملت لوحتها فجر\ بسم الله شو هـ الإبتسامه ؟ أريج\ بسم الله منك متى جيتي ؟ فجر\ من سبع عشرة سنه أريج\ هههههه سخيفه تعالي أحضنيني فجر\ عيب بقول لماما عنك أريج\ هههههههههه ما تقدري بتخاصمك أنتي لأني أبي أحضنك بحب و أنتي لا جأت لها فجر وحضنتها\ أحبك يا الدبى..... ***************** من طلع مشعل و هي القهر بيذبحها كيف تقنعه يتزوج مها و كيف طلعت أريج في رأس هـ الولد فجاءه أبو مشعل\ تراك صدعتي برأسي خلاص سكري الموضوع أم مشعل\ كيف أسكره ولدك ما يجي من وراه خير مرام\ أصلا مستحيل أصدق أنه يبي أريج أكيد قال كذا لانه عارف ما راح نوافق فـ يسكر على موضوع الزواج أم مشعل\ بيدخل الثلاثين بعد سنتين و هو ما يعرف مصلحته أبو مشعل\ خلاص سكروا السالفه الأن و أنا أتفاهم معه بكره و لا أسمع كلمه تطلع من هـ البيت..... *************** الجزء السادس للمره المليون دقت على رقمه مقفل رمت الجوال بقهر و غيض ممزوج بخوف منه و عليه من وقت شافته بالمكتبه و أعطته الفلوس قالها أكلمك أول ما أرجع البيت و لا عاد دق و جواله ما أنفتح من ثلاث أيام حاولت تأخذ كتابها تذاكر شوي لكن تركيزها كان مشتت تركته و طلعت من الغرفه شافت مشعل يدخن في البلكونه و راحت جهته ريم\ لو أدري السيجارة تريح كان أخذة وحده مشعل بإستخفاف\ تبين ريم\ بس قرف الرائحه ما أحبها مشعل\ ههههههه عادي تعودين ريم\ اممم مشعل مشعل\ هلا ريم\ أنت ليش تبى تتزوج أريج ؟ مشعل\ لإنها بنت عمي ريم\ بس أمي و أبوي ماهم موافقين مشعل\ و أنتي ؟ ريم\ هي طيبه و أنا أحبها و أحب رسمها بس سمعتها مره تقول إنها ما تفكر تتزوج مره مشعل حس بالإحباط و سحب الدخان لصدره بقوة و طلعه\ ممكن لمن تعرف من خطبها تغير رأيها ريم\ بقولك سر مشعل\ قولي ريم\ أنا موافقه تأخذ أريج بس لا تفكر تأخذ مها مره ما أحبها أصلا أريج أحلى منها مشعل لو تدرين أني أكرهها أكثر منك و حافظ ملامحها\ أجل أقنعيهم معي أخذ أريج دخلت عليهم الشغاله و قطعت كلامهم سليسا\ مستر مشعل بابا يبغى أنت في مكتب... ***************** ليوم الجمعه طعم مختلف في بيت أبو أريج كله نشاط و حركه كانوا مجتمعين على الغداء و بين السوالف و الضحك أبو أريج\ هااه يا فجر ختمتي المناهج ؟ فجر\ باقي بس الفيزياء و الإنجليزي أبو أريج\ أسمن المواد هذي متى بتبدينها ؟ فجر\ فيه وقت يبه لا تهتم أم عبدالله\ بنيتي شاطره ما شاء الله عليها فجر\ فديتك جدتي بس دعواتك هذي عاد خلاص أخر سنه أبو أريج\ مذاكرتك قبل شدي حيلك أنتي و ربي يوفقك فجر\ أبشر بس عاد حضر لي هديه تستاهل النسبه أبو أريج\ خليني أشوف النسبه أول و بعدين نقرر الهديه وش تكون فجر\ من فوق الـ 95 سفره أريج\ هههههههه أحلى التخطيط على وين ؟ فجر\ أفكر باريس عشان تتعلمين لرسم زين أم أريج و هي تتذكر سفراتهم لعلاج أريج\ الله لا يعودنا لها بلاد الكفار... *************** دخل المكتب و سكر الباب وراه عيون أبوه فيها كلام و هو كأنه واثق وش بيقول مشعل\ هلا يبه بغيتني ؟ أبو مشعل\ إيه أجلس جلس مقابل لأبوه مشعل\ و هذي جلسه أبو مشعل\ أنت صادق بكلامك إلي قلته أمس .؟ مشعل\ أي كلام ؟ أبو مشعل\ زواجك من بنت عمك مشعل\ إيه و مستغرب ليش رافضين أبو مشعل\ يعني لو وافقنا ما راح تغير رأيك و تقول معاد أبيها ؟ مشعل\ و ليش أغير رايئ يا يبه أريج وش ناقصها هذي هي عائشه من كم سنه و ما ماتت عشان ما تمشي عادي أنا راضي و إذا على البيت أنا بحط لها لفت [ مصعد ] و بدل الشغاله ثنتين و بنعيش أبو مشعل\ و أنت ليش تبيها إلا هي ليش ما تأخذ فجر و إلا بنت خالتك أو أي وحده نخطبها لك ؟ مشعل\ يبه بنت خالتي أنا ما أواطن خلقتها مستحيل أخذها و فجر لسى صغيره بيجيها نصيبها لكن أريج لو ما أتزوجتها أنا ولد عمها إلي فاهم وضعها و مقدره لمن بتجلس ؟ لواحد يأخذها حرمه ثانيه ما ترتاح معه بعدين أنت فكر بعمي عبدالرحمن أكيد شايل همها و نفسه يتطمئن عليها أبو مشعل\ و أنت بتريحها يعني يا يبه أريج مهي زي أخواتك و إلا بنت قابلتها قبل هـ البنت و ضعها غير و طبعها ما تتكلم و لا تشكي قوة صبرها عن ألف رجال مشعل إستانس على كلام أبوه و أتشجع أكثر\ و أنا ما راح أطالبها بأي شي إلي تقدر عليه تسويه أبو مشعل\ خلني أفكر في الموضوع لكن حط بالك أمك ما هي موافقه و أنا ماراح أروح لأخوي و يسمع بعدين إنا ما نبي بنته..... ************* طلعت بكتابها من الغرفه تدور على أريج تسمع لها مرت غرفتها و ما حصلتها ( هـ البنت ما تجلس في البيت من فتحوا لها الملحق مرسم تطلع من الصبح و ما ترجع إلا لللأكل أو النوم ) فجر\ يمه وين أريج ؟ أم أريج\ أكيد بمرسمها فجر\ بروح لها تسمع لي أم أريج\ لا تطلعين أبوك عنده ضيوف فجر\ و أريج كيف جالسه هناك ؟ أم أريج\ هي من أول هناك و لا طلعت فجر\ طيب و أنا من بيسمع لي قواعد النحو ؟ أم أريج\ هاتيه أسمع لك فجر\ بس عاد خلك زي أريج تلمح إذا نسيت شي أم أريج\ أنتي ما مدلعك غير أريج أنا ما عندي غش بسمعلك و خل أشوفك منتي حافظه بس....... ************* متمدد على السرير و كل تفكيره كيف يقنع أمه توافق يحس أبوه بداء يلين معه و في أمل يقنعه لكن المشكله الأكبر أمه و رأسها اليأبس و مها كيف يزيحها من طريقه قطع عليه أفكاره صوت الجوال مشعل\ هلا والله سلطان\ هلا بك وينك فيه الشباب كلهم بالإستراحه إلا أنت ؟ مشعل\ فيه قريب جأي لكم بعد شويه سلطان\ فيك شي ؟ مشعل\ لا والله بس تعرف اليوم جمعه و الوالد موجود سلطان\ اهااا أجل ننتظرك لا تطول قفل مشعل من سلطان و أخذ مفتاح سيارته و البوك [ المحفضه ] و طلع بطريقه شاف مرام هـ الإنسانه تنقهر من مشعل في كل شي و لازم يتخاصمون بشكل دائم مرام\ طالع ؟ مشعل\ يس مرام\ طبعا وش هامك رفعت ضغط أمي و لا حتى سألت عنها مشعل\ رفعت ضغطها بشو ؟ مرام\ بسالفة زواجك من هـ الأريج مشعل\ بكره بينخفض عادي مرام\ شو هـ الأمبالاة إلي عندك أنت ؟ مشعل\ تشبه تطفلك في أشياء ما تعنيك مرام\ أصلا ما يعنيني لو ما تتزوج طول عمرك لكن أمي هي إلي تبي تفرح فيك مشعل\ و هذا أنا أبي أتزوج ليش ما تفرح ؟ مرام\ كيف تفرح و أنت كاسر كلمتها و مصغرها قدام أختها ؟ مشعل\ إيه قولي إنك بتؤصلين هنا أسمعيني من الأخر البنت إلي ما عندها حياء و تتكشف قدامي هنا و هناك ما يشرفني إنها تدخل بيتي فاهمه..... ( سلطان عمره 28 سنه صديق مشعل المقرب من أيام الجامعه يشبهه في كل تصرفاته و هو أكثر واحد يرتاح له مشعل لأنه متأكد إن صداقتهم ما هي لأجل فلوس و المركز مثل باقي أصحابه إلي يتقربون منه ) **************** خلاص صارت تحس بالإختناق من كم ساعة و هي بين أربع جدران ما طلعت و الظاهر ضيوف أبوها مطولين تأففت بملل و تركة الفرشاه من يدها لازم تجيب للمرسم وسائل ترفيه أكثر تذكرت الروايه إلي أشترتها فجر أمس من المكتبه أخذت الكيس و هي تدعي ربها أن فجر ما أخذتها غرفتها (( الحمدلله الروايه موجوده خلني أجلس أقراءها و أضيع وقتي لين يرحون الضيوف )) | ||||||||||||
|
| |
|
12-05-15, 08:30 PM
| #5 | ||||||||||||
| مشرفة منتدى البرامج والحاسوب ومصممه في الروايات والقصص المنقولة وكاتب فلفل حار و فراشة متالقة بالقسم الازياء وشاعرة متألقة وساحرة واحة الأسمر بقلوب أحلام
| الجزء الثامن الخبر نزل عليها مثل الصاعقه أخر شي توقعته بالدنيا تسمع هـ الكلام من أمها الأن في أسوا حالاتها كانت تظن بتسمع شي زي كذا و هي على أبواب الثلاثين لكن تسمعه الأن و هي لسى ما وصلت العشرين...!! أريج\ يمه أنتي وش تقولين ؟ أم أريج\ يمه مشعل ولد عمك و هو ما طلب شي حرام يبي يتزوجك على سنة الله و رسوله وش فيها ذي أريج\ بس أنا ما أبي أتزوج أم أريج\ وش إلي ناقصك ما تتزوجين هذا أنتي ما شاء الله بنت زي القمر و ولد عمك تارك البنات و جأيك أريج\ جأيني شفقه قولوا له أريج ما تبي تتزوج من أي حد و مشكور لأنك فكرت فيها أم أريج\ ما ظنيت بسمع منك هـ الكلمه يوم يا أريج أنتي منتي مقطوعه من شجرة عشان يشفق عليك أريج\ يمه أنا أسفه ما هو قصدي إلي فهمتيه بس مشعل هذا من متى صار يفكر يتزوج و يبيني أنا من بين هـ الناس كذا فجأه أم أريج\ و الله عاد هذا كلام أبوك أنتي فكري و لا تستعجلين برفضك يمكن ربي كاتب لك معه نصيب ما تدرين.. ************** في السياره تراقبها و هي شاكه أن فيها شئ من الصباح و هي تحس إن في عيونها كلام ما هي عارفه كيف تقوله مها\ أنزلي معي مرام\ لا والله تعبانه بروح أنام مها\ نامي عندنا وش ورآك الإختبارات و خلصناها ؟ مرام\ عشان كذا بنام و ما أظمن متى بصحى مها\ يالله عاد بلا حجج واهيه مرام\ معليه مهاوي مالي نفس مها\ يعني ما بتقولين وش فيك ؟ مرام\ ما فيني شئ مها\ عيونك فيها كلام مرام\ تتؤهمين مها\ أتمنى يالله وصلت أكيد أمي تنتظرني عند الباب عادتها كل أخر أختبار و لو حسيتي أنك تبين تتكلمين تعرفين جوالي نزلت مها لبيتهم و كملت مرام طريقها و كل تفكيرها في مها و خالتها لسمعوا بخبر خطبة مشعل شو بيصير لهم..... *********** ألتفت له ماهو مستوعب صديقه وش يقول أكيد أنجن صحيح بنت عمه ما قلنا شئ بس هو كيف غير رأيه عن فكرة الزواج به السرعه و قرر الإرتباط بوحده ظروفها مختلفه سلطان\ أنت متأكد أنك صاحي ؟ مشعل\ طبعا سلطان\ ما أظن مع أحترامي يعني بس بنت عمك ما راح تريحك و يبي لها زوج بمواصفات خاصه ما تنطبق عليك مشعل\ من قال أني أدور عندها راحه ؟ سلطان\ و ليش متزوجها لا تقولي الكلام إلي مسمعه عمك و أبوك ترى أن مشى عليهم ما يمشي علي مشعل\ شوف الزواج هم و مسئوليه و حرمه تقعد لك على الرايحه و الجايه وين رايح؟ ليش تأخرت؟ لين متى بتسهر؟ ليش أتعب نفسي بكل هذا و بنت عمي فيه ما راح تفتح فمها بكلمه بتعيش حياتها في بيتها معززه مكرمه و بعيش أنا حياتي زي ما أبي و محد بيقولي يا مشعل أتزوج سلطان\ توقعت منت خاطبها للـه بس عشان تسكتهم بس تخيل ما توافق مشعل\ وين بتلقى مثلي سلطان\ بدينا بالغرور عاد يا سيدي ربنا يهنيئك و يسلم المسكينه من شرك.... ************ بغرفتها مندمجه بالمذاكره لإختبار بكره هـ الماده بالذات تكرها و ناقصها درجات كثير فيها عشان تنجح قطع عليها صوت الجوال أخذته بدون نفس و طالعت الشاشه و أبتسمت أخيرا ريم\ أنت وين رحة حرام عليك كيف قدرت تسوي فيني كذا و ربي زعلانه عادل\ أول شئ السلام عليكم و معك حق تزعلين بس أسمعيني و بعدين أحكمي ريم\ شو ؟ عادل\ تذكري اليوم إلي قابلتك فيه بالمكتبه ريم\ إيه عادل\ أنا طلعت و صار لي حادث ريم بخوف\ حااااادث عادل\ و من يومها و أنا بالمستشفى أمس إلي طلعت ريم\ يا روحي و ربي كنت حاسه فيك شي طيب ليش ما طمنتني من يومها و الحين أنت بخير فيه شئ يعورك ؟ عادل\ ما بغيت اقلقك و أنتي داخله على إختبارات و ما كان عندي جوال لأنه أتكسر و اليوم صديقي إلي طلع لي الشريحه ريم\ أنا دقيت على رقم صديقك إلي عندي كمان مقفل عادل تلعثم و كمل كذبته\ إيه هو كان معي بالسياره ريم\ طيب أنت الأن بخير عادل\ والله مكسر و تعبان بس سمعت صوتك سرت كأني حصان ريم\ أيوه بكش علي عادل\ افى حبي صار بكش بدل ما تجبرين بخاطري لجل الكسر إلي بيدي هنا ريم صاحت كسر يعني عادل يتألم عادل\ ريوم ليش الصياح حبيبي خلاص و الله أنا بخير ريم\ كيف و أنت يدك مكسوره عادل\ أسبوعين و أفتحها و كأنه ما صار شئ ريم\ و ما راح تسوق و لا تطلع من البيت أسبوعين فاهم عادل\ من عيوني حبيبي خلاص أنتي الأن ذاكري و أنا بنام شوي و بكره أكلمك ريم\ طيب سكرت ريم و هي تطبع بوسه على الجوال الأن فيها ترتاح بعد ما تطمنت عليه ... في الجهة الثانيه عند عادل أرتفع صوت الضحك عمر\ صدقة عادل\ أكيد عمر\ تكفى عويدل عطنيها فترة شكلها صيده ما تعوض عادل\ لا عاد هذي صيدتي الملكيه أنا أكلمها و بس عمر\ مالت بس دبر لنا كم ألف من عندها خل نسافر نعيش الحياه عادل\ أركد عاد تونا راجعين تبي أبوي يفتح لي قضيه على هـ الفلوس عمر\ عادي قوله أعرف وحده فلوسها زايده بلا رقيب و لا حسيب.. ************** مجتمعين على العشاء بإستثناء أريج إلي رافضه تأكل بحجة أن مالها نفس و جالسه بمرسمها من العصر لوحدها أم عبدالله\ و ينها أريج ؟ أم أريج\ تقول ما تبى أكل هـ الحين يا خالتي أم عبدالله\ و ليش ما تبي هي وين من العصر ما شفتها ؟ أم أريج\ بالمرسم برى أم عبدالله\ روحي يا فجر هاتيها حنا ما تعودنا نجتمع على سفره ناقصين أبو أريج\ ما عليه يمه خليها على راحتها هـ المره فجر\ إيه جدتي خليها يمكن بتفكر براحتها أم عبدالله\ تفكر بشنو حد يشاورها على قصاص هذا ولد عمها و يبيها زوجتن له أبو أريج\ إيه يمه بس هي لها حق توافق و إلا ترفض خلوها تفكر براحتها لا أحد يضغط عليها أريج عاقله و تعرف مصلحة نفسها... ************ في المرسم كانت ترسم و تمزق رسوماتها بشكل عشواي و تفكير مشتت الغرفه كلها أوراق و ألوان على الأرض دخل و شاف حالها كيف مبهذل أبو أريج\ أروجه يبه وشفيك قالبه الغرفه مزبله ؟ أريج\ هلا يبه لا بس ما أني قادره أرسم الأن أرتبها أبو أريج جلس على الكنبه و أشر لأريج\ تعالي هنا عندي أريج حركة كرسيها جهة أبوها\ نعم يبه أبو أريج\ أظن أمك كلمتك في موضوع زواجك صح ؟ أريج\ أيه أبو أريج\ أسمعيني يبه و فكري بكلامي زين أنا و أمك لا يمكن نغصبك على شئ ما تبينه حتى لو كنى نشوف فيه مصلحه لك أريج\ أعرف يبه أبو أريج\ لكنى نتمنى اليوم إلي نشوفك فيه في بيتك و عندك عيال يعزونك لأكبرتي أريج\ بس أبو أريج\ خليني أكمل يبه أريج\ أسفه يبه أبو أريج\ الواحد لاصار أب وإلا أم و شاف عياله يكبرون قدامه تكبر أحلامه معهم و أكبر حلم أنه يشوفهم متزوجين و يجيبون لهم أحفاد أريج\ يبه فجر بتتزوج بعد كم سنه و تجيب لكم أنا .... أبو أريج\ أنتي شو إلي ناقصك ما تجيبين يا يبه اليوم إلي أشوفك في بيتك هو أسعد يوم في حياتي لأني بكون مرتاح و متطمئن عليك قبل أموت أريج\ لا يبه لا تقول كذا أن شاء الله يومي قبل يومك أبو أريج\ أنتي عارفه أن الموت حق علينا جميع أريج\ إيه يبه بس لا تفكر فيه الأن الله يخليك تبيني أتزوج مشعل أتزوجه بس لا تجيب طاري الموت أبو أريج\ ما قول لك هـ الكلام أغصبك تتزوجين يبه بس أبيك تعرفين ما في شئ بيريحني زي يوم أشوفك مع رجال يحفظك و يصونك و مشعل ما هو غريب علينا نعرفه و من دمنا أريج\ و ليش يباني إلا أنا ؟ أبو أريج\ وش قاصرك أنتي ما يبيك هذا النصيب أريج\ ما أعرف شو أقول يبه أبو أريج\ لا تقولين شئ فكري زي ما تبين و تعالي قوللي لقررتي.... **************** جالسه مع أمها و كل تفكيرها في مرام اليوم أبد ما كانت طبيعيه مها تعرف لها و تفهم عليها من وقت هم صغار دوم عيونها تفضحها أم مها\ وشفيك أنتي اليوم سرحانه على طول ؟ مها\ أفكر في مرام اليوم مره ما كانت طبيعيه أم مها\ سألتيها طيب ؟ مها\ تقول ما فيني شئ بس عيونها فاضحتها أم مها\ غريب حتى خالتك اليوم ما جأتني زي العاده دقيت عليها تقول تعبانه مها\ يعني فيهم شئ ؟ أم مها\ لا أن شاء الله ربي يستر مها\ يمه قلبي ما هو مرتاح أم مها\ تعوذي من أبليس ما فيهم إلا الخير | ||||||||||||
|
| |
|
12-05-15, 08:31 PM
| #6 | ||||||||||||
| مشرفة منتدى البرامج والحاسوب ومصممه في الروايات والقصص المنقولة وكاتب فلفل حار و فراشة متالقة بالقسم الازياء وشاعرة متألقة وساحرة واحة الأسمر بقلوب أحلام
| الجزء التاسع رمت الروايه من يدها و صرخت بعجب هـ الإنسانه أكيد تخبلت و ما هي مستوعبه إلي تقوله فجر\ صاحيه أنتي بتدقين عليه تقولين له بالله ليش بتتزوجني ؟ أريج\ هدي صوتك لأحد يسمعك فجر\ خلهم يسمعون بنتهم العاقله وش بتسوي أريج\ يعني إلي يطلبه هو عقل فجر\ إيه عقل و ستين ألف عقل يبي يتزوجك تفهمين معنى زواج أريج\ يعني حياه مشاركه في كل شئ و أنا ما عندي شئ أشارك فيه مشعل فجر\ و بترفضين ؟ أريج\ أبوي قالي كلام نسيت بعده معنى الرفض فجر\ كلامه صحيح أريج لا تعذبين أمي و أبوي يبون يشوفنك مرتاحه أريج\ مدري فجر\ وشو مدري بعدين تراك طولتي على الناس لك أسبوعين خلاص يا أختي قولي إيه و فكينا خليني أستمتع بالبيت شوي أريج و هي ترمي المخده عليها\ سمعت خالتي تقول فجر خلصت ثانوي بنزوج ماجد هـ الصيفيه فجر\ لسى ما طلعت النتيجه و هو خليه يخلص جامعه أول أريج\ أستحي مستعجله على عرس و وجع رأس فجر\ أحسن من بعض ناس موافقين و يتغلون يا ستي وين بتحصلين عريس زي مشعل و إلا عمه زي حصه أريج\ مشعل ما أعرفه عشان أحكم عليه بس عمه سُكره فجر\ خذي دروس من جدتي في كيفية قهرها قبل تروحين أريج\ إلي يسمعك وافقت أنا عاد..... ************* دخل البيت و هو مواصل و واصل حده تعب و طفش ماله نفس يكلم أحد و إلا حتى يشوف أحد كانت طالعه من غرفتها و شافته مرام\ اوووه مراحب تصدق من أمس ما شفتك مشعل\ عادي مرام\ طبعا عادي مشعل\ طيب وخري من خلقتي بنام مرام\ شو هـ النفسيه العدم من مضايقك ؟ مشعل بدون نفس\ مواصل مرام\ اهااا عبالي عشان أريج مشعل ألتفت لها بنظره\ شو فيها أريج ؟ مرام\ لا بس مو تحسها طولتها هو خلقه مقهور من هـ السالفه لأنها فعلا طولت مشعل\ براحتها مرام\ مدري أحسها تتغلى و إلا وين بتحلم بواحد زيك مشعل وهو معصب\ أطلعي من خلقتي لأسوي لك معلم بوجهك طول العمر...... ************** من اليوم إلي عرفة بخطبة مشعل و هي لا تأكل و لا تكلم أحد كل أحلامها ماتت قلبها أنجرح مشعل فضل عليها وحده معاقه شلي ناقصها هي قدام أريج هي أحلى منها هي جامعيه و مع كذا مشعل تركها و خطب أريج أم مها\ مها يمه خلاص لا تعذبيني قومي كلي لك شئ مها\ مالي نفس أم مها\ يا يمه الزواج قسمه و نصيب بكرة يجيك إلي يسوى مشعل مها\ و ينه يمه هااه حتى مشعل الأمل الوحيد راح أنا محد يبيني لأن أبوي خريج سجون أم مها\ أنتي ألف وأحد يباك وش ناقصك جمال و تعليم بعدين أريج لسى ما وافقت خليه بكره بيجيك ندمان لعاش مع أريج و شافها كيف ما تقدر تريحه مها بمكابره\ ما أبيه يرجع لي و خلي أريج تنفعه بكره يشوف من هي مها أم مها\ خلاص يمه خلك أكبر منه إلي ما يبيك مره لا تبينه عشر..... **************** يا كثر ما توصي أمها لبغت تطلع مكان تحس برأسها بينفجر كل كلمة تقولها صارت حافظتها عن ظهر قلب أريج\ طيب فهمت يمه و الله حافظه كل إلي بتقولينه فجر\ هههههههه و ربي معك حق أم أريج\ هذي جزاة خوفي عليك يا يمه أريج\ لا ياست الكل بس أنا جالسه مع جدتي و الشغاله يعني ما أني لوحدي ليش كل هـ القلق عليه أم أريج\ و ذكر أن الذكرى تنفع المؤمنين أريج\ حاضر كل إلي قلتيه بسويه بالحرف الواحد بس أنتي أنبسطي و لا تفكرين فيه أم أريج\ لو بس الله يهديك و تروحين معنى فجر\ يالله أريج عشان خاطر خالتي المره الأخيره لمن جأتنا وعدتيها تروحين لها أريج\ معليه هـ المره حيل تعبانه و الطريق لين الجبيل طويل أم أريج\ طيب أنتي هالحين حرارتك نزلت يوم نروح عنك أخذة أريج يد أمها و حطتها على جبينها\ ألمسيني بنفسك و الله صرت زينه أم أريج\ زين لو بغيتي شئ و إلا حسيتي إنك تعبانه أتصلي فيني على طول أريج\ أبشري من عيوني فجر\ اممم تبين أجلس معك ؟ أريج\ ضرابة العصر وين راحت عنك فجر\ هههههههه زين يمه منك خلاص بروح أريج\ طيب يالله يا حلوات أبوي مل بالسياره...... ************** هـ المره كابرت على إحساسها و دخلت بيتهم الكل عارف إن إنقطاعها عنهم بسبب خطبة مشعل لكنها اليوم قررت تقهر مشعل و تبين له إنه ما يعني لها شئ في الحوش الكبير كانوا جالسات على العشب بين سوالف و ضحك ريم إلي من فتره ما خالطة حد مها\ منتي طبيعيه اليوم ؟ ريم\ ليش إن شاء الله عادي الضحك ببلاش مرام\ بس بسبب ريم\ مبسوطة مها\ من شو ؟ ريم\ سر مها\ الله يهنيئك ريم\ أكيد مرام\ افف الجو حر تعالوا ندخل جوا مها\ بالعكس حلو ملينى من جو البيت ريم\ لي أول مره بحياتي بتفق معك يا مها الجو هنا و نااااسه مرام\ لو رحنا مع أمي و خالتي السوق أبرك مها\ يمكن لقينى مزيون يطير عقلك مرام\ أنا يطير عقلي بسبب رجال ما جأبته أمه لسى ريم\ معقده مرام\ نعم شنو قلتي ؟ مها\ هههههه و هي صادقه يا ماما الحب شئ حلو بس محد يصونه مرام\ يعني ليش أجرح قلبي بلا حب بلا هم ريم\ مو كل حب نهايته تعيسه مرام\ أيه حب الأفلام و بس . . . . . بالدور الثاني كان يتقلب بملل من وقت دخل الغرفه و تفكيره في هـ الأريج إلي ما جاء منها خبر خاطره يطلع يشغل سيارته و على بيت عمه على طول يشوف وش قضيتها معه رمى الفراش عنه بقهر ( مشعل لما يعصب تكون تصرفاته بدون تفكير و نتائجها سلبيه 100\100 ) بدل على السريع و نزل و هو معزم يروح يسأل عمه عن رأي أريج و ليش طولت كذا طلع و هو يسمع أصواتهم و ضحكهم بخاطره ماله أي نفس يشوف هـ المها أو يسمع كلام مرام إلي يقهره نأدى على ريم بصوت بأين فيه الغضب\ ريم أبي طريق لسياره مها و بدون أي مبالأه رمت الشيله على شعرها و أعطت الباب ظهرها\ خليه يمر متغطيه مرام\ متغطين خذ طريقك مشعل كان يمشي لسيارته و بخاطرة لو يروح يكفخ مها كف يعلمها الأدب سيارته ما كانت بعيده عن جلستهم فقط كم متر يعني متأكد إنها تتفحصه بوقاحه هـ اللحظة رن جواله و أبتسم و هو يشوف المتصل أكيد معها البشاره مشعل\ هلا بالغاليه فديتها للحظة تجهم وجه مشعل و أرتفع صوته\ أريج .... شو.. طيب طيب خلاص هدي أنا جأيك .. لا مسافة الطريق بس هذا ألي سمعوه و بعدها صوت سيارة مشعل إلي أرتفع و كأنه يمشي بسرعة 190 بدون ما يفهمون شئ مها\ أريج تكلم مشعل ؟؟ لحظة صمت ريم\ لا مستحيل ما تسويها الظاهر فيهم شئ مها\ سمعتيه بنفسك قال أريج ريم بقهر منها\ قال أريج يعني مو شرط تكون هي إلي على الخط...... | ||||||||||||
|
| |
|
12-05-15, 08:32 PM
| #7 | ||||||||||||
| مشرفة منتدى البرامج والحاسوب ومصممه في الروايات والقصص المنقولة وكاتب فلفل حار و فراشة متالقة بالقسم الازياء وشاعرة متألقة وساحرة واحة الأسمر بقلوب أحلام
| الجزء العاشر في السياره كان يمشي بسرعه متجاوز كل السيارات بطريقه وهو يراقب جدته إلي بداء صوت أنينها يطلع صار خائف عليها هـ الحظة أكثر و خايف على أريج إلي بقت في البيت لوحدها و كيف كان باين في صوتها الخوف لمن كلمته يجي يشوف جدته و كيف كانت محرجه و هي تكلمه طلع جواله و أتصل على ريم كانت لسى جالسه معهم و صوت ضحكاتها الهستيريه مسيطرة على المكان ريم\ هذا مشعل غريب مرام\ ردي طيب ريم\ هلا مشعل مشعل\ ريم روحي لبيت عمي عند أريج تراها جالسه لوحدها جدتي تعبانه و أخذتها للمستشفى و هي حلفت إلا أخذ الشغاله معها تساعدها ريم\ و وين أمها و فجر ؟ مشعل معصب\ راحوا الجبيل مو وقت تحقيق الأن روحي عندها البنت لوحدها ريم\ طيب هـ الحين أروح بس طمني على جدتي مشعل\ طيب قفلت ريم و طالعة مها بإحتقار\ جدتي تعبانه و لما قال هلا بالغاليه أكيد لإنه رقمها و طلعت أريج تبيه يجي يشوفها مرام\ ليش عمي وين ؟ ريم\ يقول مشعل طالعين الجبيل أنا بروح عند أريج البيت تروحين معي ؟ مرام\ لا روحي أنتي و بعدين أنا أروح أشوف جدتي...... ********** في البيت لوحدها سمعت الباب يدق بخاطرها ( معقول رجعوا بذي السرعه ) أخذت شيلتها إحتياط من مشعل أريج\ مين ؟ ريم\ أنا ريم أريج فتحت الباب و دخلتها\ هلا ريم تفضلي ريم\ مشعل أتصل فيه أجي عندك أريج\ ما قالك شئ عن جدتي ؟ ريم\ قال بيطمنى بعد مايشوفها الدكتور لا تخافين بإذن شئ بسيط أريج\ يأرب لإني أعطيتها الحبوب و ضغطها مثل ما هو ما نزل و الله خفت عليها ريم\ الله ييسرها أريج\ صراحه ما عرفت شو أسوي محرجه من مشعل لكن أبوي في الجبيل يبيله وقت لين يؤصل و عمي جواله مقفل ما لقيت نفسي إلا داقه عليه تعرفين جدتي مالها أحد تكشف عليه ريم\ لا ما عليك أصلا هو في البيت ما عنده شئ و أبوي تلقينه في إجتماع و مقفل جواله أريج\ بس ممكن عنده شئ مهم ؟ ريم\ أقولك بس أنسي السالفه خليني أروح أصلي العشاء لسى ما صليته أريج\ أوكيه خذي راحتك البيت فاضي ريم\ أصلا حلاة بيتكم أنه فاضي من الأولاد أريج\ ههههههه فجر تتمناهم لطق فرأسها مشوار راحت ريم تصلي فرضها و بقت أريج بمكانها تدعي الله إن إرتفاع الضغط المفاجئي على جدتها يعدي على خير و ما يسبب لها مضاعفات.. ********** بالمستشفى و بعد ما تطمئن على جدته و إنها أزمة و عدت على خير و راح تطلع معه أول ما يخلص المغذي و الفضل بعد الله كله لأريج إلي كانت منتبهه لها و أعطتها الحبوب قبل يرتفع أكثر ضحك على نفسه كيف كان مرتبك قدامها و هو يأخذ جدته طلع جواله و أتصل على جوال جدته إلي متأكد إنه بيكون مع أريج هـ الحظة .. في الجهة الثانيه كانت ماسكة الجوال و تنتظر أي شئ يطمنها على جدتها أول ما سمعته يدق و مكتوب بالشاشه (( مشعل )) نست أريج موضوع الخطبه نست إنها بتكلمه لثاني مره اليوم أريج\ هلا مشعل\ هلا أريج ريم جأت عندك ؟ أريج\ إيه تصلي طمني كيف جدتي ؟ مشعل\ الله يهديك خرعتيني و خرعتي نفسك جدتي بخير و الدكتور يقول لو أنتظرتوا بعد الحبه عشر دقائق و قستوا ضغطها بتشفون أنه بداء ينزل قمة الإحراج و صلت لها أريج ذيك الحظة\ السموحه بس خفت عليها لأنه أول مره يرتفع عندها كذا و الوالد ما هو موجود مشعل\ ما عليه أنا ما أني غريب خلاص هي الأن بخير بس أعطوها مغذي أول ما يخلص نرجع البيت أريج\ تسلم والله ما قصرت مشعل\ افى عليك جدتي هذي بعد بس عاد على الله يشفع لنا إلي سويناه عند بعض ناس هي متأكده أنه يقصدها بكلامه و ما عندها أي جرأه ترد عليه في هذا الموضوع أحسن طريقه تغير السالفة و تهرب منها أريج\ السموحه التلفون يدق أكيد الوالده فمأن الله..... ************** بعد إتصال ريم تطمنها على صحة جدتها و إنها بترجع البيت إذا تبى تجي تشوفها قامت و نفضت الغبار من ملابسها بقرف مرام\ هذي ريم تقول جدتي بخير ورجعت البيت مها\ كنت حاسه مدري ليه مرام\ ممكن أريج خافت لإنها لوحدها مها\ بس عاد ما هو تدق على مشعل صراحه مستغربه ليش ما دقت على أبوها أو أبوك أو حتى واحد من خوالها مرام\ تعرفين خوالها كلهم بالجبيل و عمي عندهم اليوم و أبوي أكيد مارد أو جواله مقفل مها\ مدري بس ما عجبني إنها تدق على مشعل و هو خاطبها و لسى ما ردت عليكم خبر مرام\ يا ستي ما علينا شو رأيك نطلع نتعشى برى ؟ مها\ اوكيه يالله.... ************** دخلت معها الغرفه تسندها تمشي لين السرير نيمتها و غطتها ريم\ هااه جدتي كيفك هـ الحين .؟ أم عبدالله\ الحمدلله يمه بخير ريم\ خوفتينا عليك الله يهديك أم عبدالله\ كله من هـ البنت تروح و تجي بجهاز الضغط هذا رفعته غصب إلا وينها هي ؟ ريم\ فـ غرفتها جدتي أم عبدالله\ خل أشوفها بس مشعل\ ما سوت كذا إلا لأنها خايفه عليك و الحمد لله تطمنى عليك هـ الحين أم عبدالله\ الله يصلحها بس دخلتني المستشفيات و أنا ما أداني ريحتها مشعل\ ههههههه شكلها مستقويه عليك جدتي أم عبدالله\ مسيره البيت كله زي ما تبي هذي مشعل\ الله يقويها زين جدتي أنا بروح هـ الحين تبين شئ ؟ أم عبدالله\ أجلس يمه تعشى معنى مشعل\ الله يخليك جدتي والله مواصل و أبي أنام أم عبدالله\ الله يحفظك يمه مشعل و هو يكلم ريم\ بترجعين معي ؟ ريم\ مدري لسى بشوف أريج لو تبي شئ أم عبدالله\ خلك يمه أنتي و أختك ما كن لكن جده قاطعاتني مره وحده ريم\ خلاص أبشري بجلس عندكم كمان شوي مشعل\ أجل تعالي شوفي لي طريق بطلع أم عبدالله\ روح يمه البيت فاضي و أريج ما هي طالعه قبل ريم تناديها أبي ريم تشوف لي هـ العلاج كيف أخذه مشعل سمع كلام جدته و طلع مشى بالممر بين غرفتين جمب بعض كان بداخله متأكد إن وحده منهم غرفة أريج و الثانيه لفجر كان بيغامر و يدق باب وحده منهم لكن الباب أنفتح قبل يلمسه و طلعت سيلا\ مستر دقيقه يجيب قهوة مشعل حس بداخله بالإحباط\ لا يبي يروح سيلا و الي كانت واقفه على الباب و شوي منه مفتوح\ أريج قول لازم أشرب قهوة بعدين روح مشعل\ أريج هنا ؟ سيلا\ يس مستر مشعل رفع صوته لها\ ما عليه مره ثانيه نشرب قهوتك أعذريني مواصل والله يأدوب أشوف طريقي للبيت أريج\ السموحه كلفة عليك مشعل\ تمونين يالله أستاذنك و ترى لسى عندي لك حق ما وصلني.... *************** بعد ما تطمئن على أمه و إنها بخير طلع بعد ما تركها نائمه و مرتاحه في فراشها أبو أريج\ كفو بنتي عرفت لجدتها توديها للمستشفى أريج\ هههههههه تراها لسى متوعدتني خلوها تنسى لا تذكرونها ريم\ أريج بغت تطمئن عليها ما قصرت فجر و هي تغمز لها\ إيه متأكدين طبعا أريج\ بلا حركات فجروه ريم بضحكه و هي فاهمه لفجر\ لا حرام بعد هو ما قصر لو شفتي وجهه بعد الإتصال أبو أريج\ فجر قومي بس عن أختك عاد فجر\ أبشر عاد دلوعتك ريم\ يالله أنا أستأذنكم بروح البيت أبو أريج\ مع منو بتروحين يبه ؟ ريم\ السواق ينتظرني برى عمي أبو أريج\ لا يبه بنتي ما تطلع هـ الوقت مع السواق خليه يروح و أنا أوصلك للبيت ريم\ لا عمي ما أبي أتعبك و أنت جأي من الجبيل هو خلاص برى عادي بروح معه أبو أريج\ لا يبه الوقت متأخر و أنا أخاف عليك أم أريج إلي كانت جايه من المطبخ\ معه حق عمك يا ريم خلاص دقي عليه يروح و نامي الليلة عندنا ما وراك شئ فجر\ جأبتها الشيخه هدى والله أحلى وناسة ننام مع بعض ريم بإحراج من إهتمامهم الي بالأصل مفتقدته\ أخاف أثقل عليكم و ما قلت لأمي أم أريج\ أتصلي فيها يمه ما أظن بتقولك لا هذا بيت عمك مو غريب أريج\ بعدين شو تثقلين علينا غرفة فجر فاضيه فجر\ شوفي البنت و غرفتك أكبر أم أريج\ بس فضحتونا ريم\ هههههه عادي خالتي أنام مع جدتي أريج\ هههههه يا قلبي بتنامين معي فجر\ و أنا بنت البطه السوداء لوحدي خلاص بنام معكم أريج\ السرير ما يكفي إلا أثنين فجر\ خليك أنتي على سريرك و أنا و ريم ننام تحت ريم بهتت و طالعة فيها اما أم أريج ضربتها بخفه على كتفها\ بتنيمين البنت على الأرض فجر\ عادي إحساس جميل و جديد عليها صح يا ريم ؟ ريم هزت رأسها مبتسمه بمعنى إيه فجر\ شفتي يمه قامت و أخذة ريم من يدها وراها لغرفة أريج فجر\ إلحقينى يا حلوه لغرفتك أريج\ بعد تدخلون غرفتي قبلي ؟ أم أريج و هي تمشي وراهم\ فجر أعقلي وش نومة الأرض الي طلعت لك اليوم فجر\ إحساس حلو يمه بس للعزاب المتزوجات ممنوع ريم ضحكة من قلبها\ وش عزاب إحنا مو شباب فجر\ مدري عوانس أجل أريج\ هههههههههههههه عوانس لسى ما وصلتوا العشرين كيف تجي ؟ فجر\ لا تعقدونها عاد خلوها تمشي ريم\ طيب أنا أبى بيجامه أريج\ الكبت مفتوح لك شيك بدون رصيد فجر أخذة الفراش و عدلته على الأرض تتذكر هـ النومات قبل أريج تتعرض للحادث كانت بنت 12 سنه كل ما حست بالوحشه في غرفتها أخذة مخدتها و جأت غرفة أريج فرشوا الأرض و ناموا بهدوء..... ريم مر عليها هـ اليوم بشكل مختلف كانت مبتسمه فيه طول وقتها عاشت معنى الأخوة و الحب و الترابط الأسري فكم ساعة عاشت تجربه جديده بإحساس مختلف لأول مرة في حياتها تنام على الأرض تحس بالصله الكبيرة بينها و بين التراب إحساس المساواة بين الغني و الفقير أبتسمت بسعاده و أخذة جوالها و كتبت رسالة لعادل إلي حست اليوم إنها ما هي محتاجه له مثل في بيتهم إنها ماراح تكلمه أخر الليل مثل ما وعدته..... ************ | ||||||||||||
|
| |
|
12-05-15, 08:33 PM
| #8 | ||||||||||||
| مشرفة منتدى البرامج والحاسوب ومصممه في الروايات والقصص المنقولة وكاتب فلفل حار و فراشة متالقة بالقسم الازياء وشاعرة متألقة وساحرة واحة الأسمر بقلوب أحلام
| الجزء الحادي عشر بين تخوف و أمل جديد و فرحه كبيره شافتها في عيون أغلى ناسها حطة رأسها على صدرها بحب و إطمئنان و خوف من البعد عنها حتى لو كانت المسافة قصيرة أريج\ يمه هذي أخر ليله لي في هـ البيت أم أريج\ لا يمه هذا بيتك و مفتوح لك في كل وقت أريج\ بس خلاص من بكره بيكون لي بيت ثاني أم أريج\ هذي سنة الحياه يمه و كل بنت يجيها يوم تطلع من بيت أهلها لبيت زوجها و الحمد لله بيتك قريب منا شوفيني كم سنه عائشه بالخبر و أهلي بالجبيل أريج\ يمه تعالوا عندي على طول لا تخلوني بروحي أم أريج\ محد مخليك يمه بعدين زوجك عندك ماراح يقصر فيك بس أهم شئ مثل ما وصيتك أبي بنتي ترفع رأسي و تسمع كلمة رجلها أريج\ إن شاء الله يمه أم أريج و هي تبوسها على رأسها\ الله يسعدك يا يمه و يكتب لك الذريه الصالحه.... ************* بالمكتب دخل معه بعد ما طلبه بكلام لوحده بعيد عن عصبية أمه و لقافة أخواته جلس و هو مستغرب شو يبي منه بعد ما خلصوا كل شئ و كلها كم ساعة و بيكون مع أريج في بيت واحد مشعل\ أمر يبه أبو مشعل\ جهزت كل شئ قاصرك شئ يبه ؟ مشعل\ لا يبه خيرك سابق حتى ملابسي حطيتها هناك في البيت أبو مشعل\ و الشغالات راحوا البيت ؟ مشعل بضحكه\ بعد ضرابه فزت على أمي و أخذة ناني و الثانيه لها يومين هناك بس ما تعرف عربي لسى و ناني أنا أرتاح لها صراحه أبو مشعل مد يده على درج المكتب و طلع ظرف أعطاه لمشعل مشعل\ شو هذا يبه ؟ أبو مشعل\ أسمعني يبه أنا وعدت أخوي بنته ما يقصرها شئ وهذا الظرف فيه عماره بأسمك و حساب إجارها لك لا تقصر في أريج بشئ كل إلي تبيه خلها يجيها قبل تطلبه مشعل قام من مكانه و بأس أبوه على رأسه هذا إلي يباه من زمان و محتاجه إنه يستقل بدخل بعيد عن أبوه يحس بالإستقلاليه شوي و الظاهر أريج هي مفتاحه\ الله يطول لي بعمرك يبه بإذن الله ما ينقصها شئ من هـ الجهه أبد تطمئن أبو مشعل\ الله يطمنك يبه و يريحك,...... ************* به الليله كل القلوب نامت و إرتاحة إلا قلب عاش قصة حب من طرف واحد و بنى أحلام و أماني على شخص فجاء تحولت لرماد هبة عليه ريح الذنب ما كان ذنبها في يوم لإن أحيان الحب سهوم يطلقها القلب بدون تهديف إنقتلت أمانيها ذيك الليله و أضمرت كره لإنسانه بريئه ما كان لها أيد في مصيرها أو مصير مها.... ************** دخلت عليها و هي تغالب دموعها لا تنزل و تفضحها صحيح هي سعيده لها لكنها بتفتقدها و بيخلى البيت عليها بدونها فجر\ آووه عروستنا ليش مبوزه ؟ أريج\ عادي تتوهمين فجر\ لا عاد كله و لا مشعل يشوفك زعلانه خلك مبتسمه أغريه بغمازاتك الحلوه أريج\ لا يا شيخه فجر\ إي والله الإبتسامه أحلى أريج\ أحلى للي مبسوط مو لي فجر\ و ليش إن شاء الله ما تكونين مبسوطه ؟ أريج\ إحساس عاد ماني مبسوطه و أنا بتركم ما تعودت كيف بصحى ما أشوف أبوي و ما أشوف ضحكة أمي كيف بصحى بدون صوت جدتي و ضراباتي معك فجر\ أصيح يعني ؟ أريج\ شئ راجع لك لكن فعلا فجر ما قدرت تمسك نفسها أكثر و صاحت و حضنة أريج إلي ما أستوعبت صياح فجر المفاجئ و شاركتها الصيحه فجر\ والله بفقدك أريج\ ما راح تنبسطين على الجو الخالي في البيت يعني ؟ فجر\ بيكون موحش بدونك أريج حاولت تهديها\ كم يوم و بتعودين لا تنسين غرفتي أكبر أكيد بطلع من هنا بتنقلين عفشك فيها من هنا فجر\ لا والله ماراح أسويها دخلت عليهم و هم على هـ المنظر حاضنات بعض و يبكون أم عبدالله\ فجر و شفيكن ؟ فجر و هي تمسح دموعها\ لاجدتي ما فينا شئ أم عبدالله\ و ليش هـ الصياح الله لا يحزنا أريج\ ههههه هذي فجروه صيحتني تخيلي جدتي تقول توها حست إنها بتفقدني فجر\ دبى أم عبدالله\ الله لا يفقدكن بعض يا بناتي فجروه هذا و أنتي العاقله فجر\ و العاقله ما تصيح لأحست إنها مو كل يوم بتشوف أختها و صديقتها و حبيبتها أرووجه أريج\ الله لا يحرمني منك يا شيخه بيتي مفتوح لك كل يوم فجر ضحكة من قلبها\ جدتي سمعتي إلي أسمعه ما تخيلت في يوم أريج تقول بيتي أريج بإحراج\ ما عندك سالفه...... ************** بالجهة الثانيه مشعل كان في بيته بعد ما رتب كل شئ و جهزه على دخلت أمه و أخواته أم مشعل\ بسم الله ما شاء الله البيت بعد الأثاث صاير أحلى و أوسع مشعل\ طبعا ذوقي الخاص مرام\ ما كنى نشوف هـ الذوق من قبل هـ الإنسانه لين متى بتم معي كذا إسلؤبها يجبرني أقهرها مشعل\ ما كان في القلب وحده تستاهل هـ الذوق ريم\ أحلى عاد يالرومانسيه بعد أم مشعل\ و متى بتجي ست الحسن بيتها ؟ مشعل\ المغرب يمه مرام\ حشى مأتم ماهو عرس أم مشعل\ وش نقول بس مشعل\ أظن مطلوب منكم السكوت ريم بدت تكره أسلؤب أمها و أختها مع أخوها فـ حبت تبدل السالفه\ أقول مشعل الأشياء الي طلبتها وصلت ؟ مشعل بضحكة\ يا الشيطانه هو أنتي الي طالبتها و أنا فكرتها جأيتني بالغلط ريم\ هههههههه زين وين حطيتها ؟ مشعل\ في الغرفه فوق ريم و هي توقف\ لا فيها أشياء لازم تكون في الثلاجه ما تطلع إلا لوقتها مشعل\ و أنا وش عرفني ؟ ريم\ زي تعال تشوفها و نرتبها مشعل\ يالله....... *************** هـ الخبر لازم يوصلها طول عمره يكره مشعل و ما يتمنى له الخير و فرصته هالمره جأته بكل راحه دق رقمها إلي تعود عليه الفتره الأخيرة كثير و جأه صوتها الي من شأفها و هو يحلم فيه لكن مشعل فاز بها من بينهم بطريقه محد فكر فيها ....\ مرحبا فيصل\ هلا والله شخبارك ؟ ....\ تمام أخبارك أنت ؟ فيصل\ الحمد لله ....\ غريب إتصالك فيصل هـ الوقت فيصل\ مشغوله أقفل ؟ ....\ زوجي على وصول حاول تختصر فيصل\ اوكيه بس كنت بقولك إن مشعل أتزوج اليوم ....\ شوووو فيصل\ كنت متأكد أنك بتتفاجئ و إنه ما خبرك ....\ هو من وقت أتزوجة ما كلمني لكن مشعل مستحيل يتزوج أصلا أنا زواجي ما راح يطول و هو عارف كذا فيصل\ عاد والله هذا إلي صار ....\ و من إلي أتزوجها ؟ فيصل\ بنت عمه..... *************** بعد ما طلع الكل من عندها لأخر لحظة حابسه دموعها و تطالع أمها برجاء إنها تبقى معها أكثر من كذا تنفسة بعمق و هي تسمع الباب ينفتح (( أريج خلك طبيعيه لا تسمحين لدموع من أولها كل شئ بيمر عادي )) مشعل\ السلام عليكم أريج ردت بهمس و صوت مخنوق\ و عليكم السلام مشعل للحظة جلس بجنبها ساكت ما هو عارف شو يقول\ مبروك أريج أريج\ يبارك فيك مشعل\ امممم ما فيه مبروك لي أنا كمان و إلا ما أستاهلها ؟ أريج\ مبروك مشعل\ يبارك فيك و إن شاء الله أني أقدر أريحك معي أريج\ و أنا كمان مشعل\ أنتي كمان شو ؟ أريج بإحراج\ أقدر أريحك مشعل\ بالي تقدرين عليه أريج لا تجهدين نفسك عشاني أريج هزت رأسها بمعنى طيب و سكتت أماا مشعل كان مرتبك و ما يدري كيف يبدا كلامه معها ما توقع أنه بيكون متوتر قدامها لهـ الدرجه فحب يتكلم في أي شئ معها بس ما يضلون ساكتين في صوتها نغمة بحه تعجبه مشعل\ شفتي البيت ؟ أريج\ مو كله مشعل\ هو دورين و مجلس الرجال برى و فيه لفت [ مصعد ] يوصل لين السطح تقدرين تستخدمينه أريج ( ذكي طيب أنا كيف وصلت الدور الثاني )\ إنشاء الله مشعل\ الأثاث أنا الي أخترته و رتبته لو ما أعجبك قول لي أبدله أريج\ إن شاء الله مشعل\ أخر الممر فيه غرفه لك مرسم أريج\ شكرا مشعل\ شفت لوحتك إلي بمكتب أبوي قلت له أبيها بس رأسه يأبس لأزم ترسمين لي وحده مثلها أريج\ صعب ما أعرف أرسم الوحه مرة ثانيه بنفس الإحساس مشعل بباله إستانس إنها بدت تتكلم غير كلمة إن شاء الله\ عاد أنا الحين زوجك و الرسمه إلي أباها ترسمينها لي أريج\ طيب أحاول مشعل\ تسلمين طيب تعالي نتعشى أنا قلت لشغالات يحضرون الأكل أريج\ بس أبا أبدل أول مشعل ما عرف شو لازم يقول لكنها طلعت عفويه\ أساعدك ؟ أريج بإحراج\ لا شكرا أقدر لوحدي مشعل و هو يوقف\ أوكيه أنتظرك أنا في الصاله.... *************** | ||||||||||||
|
| |
|
12-05-15, 08:34 PM
| #9 | ||||||||||||
| مشرفة منتدى البرامج والحاسوب ومصممه في الروايات والقصص المنقولة وكاتب فلفل حار و فراشة متالقة بالقسم الازياء وشاعرة متألقة وساحرة واحة الأسمر بقلوب أحلام
| الجزء الثاني عشر صباحها اليوم مختلف البيت بدون ضحكة أريج ماله طعم دخلت غرفتها و هي تمسح دموعها كل شئ مثل ما تركته فراشها ملابسها حتى الكوب إلي شربة فيه الكافي قبل أمس بمكانه محد لمسه خاطرها لو تدق عليها و تسمع صوتها الأن بس أكيد هي نائمه طلع من الغرفه يدور عليها أمس طول الليل تتقلب و ما نامت و الأن من بدري ما هي بفراشها أبو أريج\ هدى وش الي مدخلك هنا ؟ أم أريج حاولت تمسح دموعها قبل يشوفها و تعللت بالكوب\ هـ الكوب ناقص و من أمس أدوره هو فاهم لها أبو أريج\ الكوب و إلا الي شاربه هـ الكوب ؟ أم أريج\ هذا أول يوم لها بعيد عني يا عبدالرحمن أبو أريج\ و هي وينها فيه عند رجلها ما بيصير لها شئ هذا بدل ما تفرحين لها جالسه بغرفتها تصيحين ؟ أم أريج\ غصب عني والله أبو أريج قرب من زوجته و مسح على رأسها بحنان\ إدعيلها بالسعاده يا هدى حنا ما صدقنا إنها وافقت و تطمنى عليها قبل نموت على أخر كلمة سمعوا صوتها من ورى الباب\ يا جماعه أدخل و إلا لسى في لحظات ممنوعه ؟ أم أريج\ هـ البنت مدري متى بتعقل فجرووه تعالي هنا فجر مثلت البراءه و مشت جهة أمها مؤطيه رأسها و مشبكه أصابعها\ نعم يمه مسكتها من إذنها أم أريج\ وش مصحيك هـ الحين هااه ؟ فجر\ آآآآي تعوريني الي مصحيني أني بطمنك على بنتك أم أريج\ يا فضيحتي دقيتي عليها ؟ فجر\ لا هي أرسلت على جوالي رسالة الفجر تقول طمني أمي إني بخير.... **************** طالعت الساعة و فزت من مكانها عمرها ما نامت لهـ الوقت للحظة كانت بتفكر ليش أمها ما جأت تصحيها لكنها أنتبهت للفراش أنشد لجهة اليسار ( مشعل يالله كيف نسيته أمس ما قدرت أنام و هو السبب حركته كثيرة و يلف الفراش على جسمه زي الشرنقه غريب ما يحس بالإختناق طيب الأن أنا كيف راح أتحرك ألحق على صلاة الظهر بيطلع مني صوت و يصحى يارب نومه ثقيل ما يحس فيني يارب ) تحركة أريج بهدوء و نزلت رجولها من السرير بإستخدام يدها طبعاً و قربت الكرسي منها و قبل ترفع نفسها تفاجئات بيده تلف حول بطنها و ترفعها للكرسي و رجع رمى نفسه مكانها بكسل و حضن المخده أريج\ صحيتك ؟ مشعل\ لا أنا صاحي من أول أنتي ليش صاحيه الحين ؟ أريج بضحكة غصب عنها\ من البرد كل ما تغطيت إختفى الفراش مشعل\ ههههههه محد قالك نامي على حافة السرير كأن حد بيأكلك أريج\ ما تحس بالإختناق زي الشرنقه ؟ مشعل\ لا تعودت كذا خلاص أريج\ غريب مشعل\ وين بتروحين أنتي .؟ أريج\ بلحق صلاة الظهر مشعل\ أذن ؟ أريج\ من عشر دقائق مشعل و هو يقوم\ زين بروح أغسل من الحمام الثاني و تعالي نفطر لأصليتي أريج\ طيب مشعل و هو عند الباب\ على فكره أريج إبتسامتك و الغمازات حلوه أبى أشوفها على طول ( الله يسامحك يا فجر الله يسامحك ) ************** نزلت مع الدرج تدور عليه خلاص المدارس و خلصت و مشعل و أتزوج ما بقى عنده حجه ثانيه كان جالس في الصالة و يقراء الجريدة لوحده و هذي فرصتها ريم\ سلام يا أغلا بابي أبو مشعل\ هلا ببنتي إلي ما تنشاف ريم\ و الله ما عندي شركة و مكتب في البيت ما يخلي حد يشوفني أبو مشعل\ ههههههه ما تنصادين ريم\ بنت أبوي إلي ناسي شئ مهم أبو مشعل\ لا وش ناسي ؟ ريم\ يعني حتى مبروك ما سمعتها بعد النتيجه أبو مشعل\ عاد أبوك مباركته لازم تختلف عن الناس روحي المكتب و تلقينها ريم طارت للمكتب بدون كلام و فتحت الظرف إلي فوق المكتب و صرخة بفرح و رجعت لأبوها و باسته على رأسه ريم\ بابي أسبانيا مره وحده أبو مشعل\ تستاهل بنتي ريم\ وااااااو زين ما شفت تذاكر لمشعل و أريج ؟ أبو مشعل\ خليهم براحتهم لو يبون يسافرون يرحون لوحدهم ريم\ صح زين باقي أسبوع على السفر يالله بروح أحضر شنطتي أبو مشعل\ هههههه من الحين ؟ ريم و هي تطلع الدرج\ يس عشان لو ناقصني شئ أروح السوق...... ************* بالجهة الثانيه كانت فرحة فجر بالنتيجه مختلفه و بسيطه لكنها مميزة لإنها أخذتها بكفاح و جداره تختلف عن ريم أبو أريج و هو يطالع في الشهادة بفخر\ إيه هذي النتائج إلي ترفع الرأس فجر\ تربيتك يبه أبو أريج\ ما خيبتي ظني والله يا فجروه عاد الحين لك الهديه الي تطلبينها فجر\ واصل يبه تكفيني فرحتك أم أريج\ وين رأح السفر ؟ فجر\ طار مع بنتك الي طارت أبو أريج\ بس عاد النتيجه تستاهل السفر و أمك من زمان تبى تزور أخوها الي بالكويت أشوفها فرصه لك بعد فجر\ الي تشوفونه طال عمركم حاضرين أم أريج\ الله يخليك لنا يا عبدالرحمن أبو أريج\ و لا يحرمني منكم إلا ما قلتي لي يا فجر وش ناويه تدخلين ؟ فجر\ و الله يبه أنا قلبي رقيق ما يستحمل البعد عنكم يعني مالنا إلا الكليه أبو أريج\ وشو تبين تتخصصين ؟ فجر\ رياضيات طبعاً..... *************** بباله كان يقول آآه يا دنيا كيف تفرقين بين الناس كذا بفلوسها رحة كم يوم سوريا و حسيت بالفرق بين حياتي و حياتها و الأن هي رايحه أسبانيا يعني يا عادل وش سوريا و مصاريفها قدام أسبانيا عادل\ كم بتبقين هناك حياتي ؟ ريم\ مدري بابي ما قال عادل\ بس لا تطولين تعرفين بشتاق لك أنا ريم\ بتصل عليك حبيبي أكيد عادل\ عاد إنبسطي هناك أهم شئ ريم\ طبعاً أكيد عادل\ زين كـ تقدير منك كم بتبقون هناك ؟ ريم\ مو أقل من شهر عادل\ شهر لا عاد أنا ما أستحمل كل هـ المده ما أشوفك لازم أشوفك قبل تسافرين أجل ريم\ أكيد حبيبي خلاص أنا أشوف متى و أدق عليك عادل\ اوكيه حياتي....... ************** شاف الرقم بالشاشة (( يتصل بك )) و تجمدت أحاسيسه قدام أريج شو راح يقول أو كيف بيتكلم بدت أعصابه تثور الظاهر هذي يبي لها حد يعلمها الأدب قام من مكانه مشعل\ عن إذنك واحد من الشباب و لا حتى أنتظر رد أريج طلع على البلكونه على طول و سكر الباب وراه و رد بدون نفس مشعل\ نعم ....\ مشعل مشعل\ إيه ....\ صحيح الكلام إلي سمعته ؟ مشعل\ أي كلام ....\ أنك أتزوجة مشعل\ اوووه الظاهر أخباري تجيك طازجه على طول ....\ ليش مشعل أنا أخر من يعلم ؟ مشعل\ وش بتستفيدين أخر وحده و إلا أول وحده ؟ ....\ لا هذا مو مشعل إلي عرفته سرت قاسي نسيتني من أكون ؟ مشعل\ ماضي و مات إنتهى خلاص و أظن الحين أنك وحده متزوجه المفروض تصونين زوجك و بيتك ....\ بس أنا لسى أحبك مشعل بضحكه من قلبه\ ههههههههههه تحبيني تصدقين صدقتك خلاص أقولك يا بنت الناس الحب هذا روحي ألعبي به على واحد غيري مو أنا .. أنا مشعل ناسيه من مشعل و إلا أذكرك ....\ أنت ما تنسي في حياتي مشعل\ طبعاً لإني الوحيد الي قدرتك و أعطيتك أكبر من حجمك و يكون في علمك عاد أنا لا حبيتك و لا هم يحزنون يعني لو سمحتي سكري الخط بأدب و أمسحي رقمي و لا عاد أسمع صوتك و إلا والله ورب البيت لتشوفين شئ بحياتك ما تحلمين به و أظن تعرفيني لعصبة من أحد وش أسوي قال كلامه و سكر الخط في وجهها و قفل الجوال و وقف بزاويه يدخن بشراهه ( شلي طلعها ذي في حياتي مره ثانيه و في هـ الوقت اوووف لا تخرب علي حياتي و تكشف المستور الحين مو ناقص ) بعد ما دخن نص البكت و رمى الثاني في السله قهر رجع لها الصاله وقف بعيد و جلس يتأملها تطالع التلفزيون بهدوء حتى لما طول ما فكرت تقتحم خصوصيته و تجيه تنفس بعمق يهدي نفسه و قرب منها مشعل\ تعالي أجلسي على الكنب أحسن أريج\ كذا أنا مرتاحه مشعل و هو يرفعها\ لا تعالي أجلسي هناك مدي رجولك شوي أريج\ مشعل مشعل وقف و جلس يتأمل وجهها إلى كان قريب منه و هي بين يدينه\ هلا أريج\ أنا ما أحب ريحة الدخان تقدر ما تدخن في البيت مره ثانيه ؟ مشعل بدون شعور\ تبينه أبطله ؟ أريج بخجل\ ياليت مشعل\ أبشري أحاول...... *********** دخلت المطبخ مع أمها تساعدها شوي و تبي تتكلم معها لجل ترتاح من التفكير فجر\ يمه أم أريج\ هلا يمه فجر\ بقولك شئ بس خلك طبيعيه في النقاش لا تعصبين أم أريج\ وش تحت رأسك يا فجروه ؟ فجر\ أقول يعني يعني لو قدمة أوراقي في الجامعه عادي أجلس بالسكن أم أريج\ وين إلي قلبها رقيق و ما تقدر تبعد عنا ؟ فجر\ اممم هي مجرده فكره للمستقبل شو رأيك ؟ أم أريج\ ما أني موافقه طبعاً لإني مقدر أخليك تروحين الأحساء و إلا الرياض إلا إذا رحة معك و ما أقدر أترك أختك هنا لوحدها فجر\ يعني ما فيه إلا كليه ؟ أم أريج\ الشاطر في كل مكان ينجح فجر\ نجرب أم أريج\ فيه من صديقاتك بيرحون للجامعه ؟ فجر\ بس بشرى بتروح الرياض لإن خوالها هناك أم أريج\ و الله إني حسيت إنها ورى سيرة الجامعه ذي فجر\ هههههههه كاشفني يا جميل أم أريج\ روحي بس حضري السفرة تأخرنا على جدتك بالعشاء فجر\ يمه جدتي بتروح معنى الكويت ؟ أم أريج\ والله مدري يمه ما فيه حد تجلس عنده عمك بيسافر فجر\ و أريج ؟ أم أريج\ مدري هـ البنت من تزوجة إختفت علومها فجر\ ههههههه توها يمه لها يومين خل تعيش حياتها..... *************** فز من مكانه على صوت صرختها صحيح عمه قاله إن كابوس الحادث لسى يزورها بالمنام بس ما توقع تكون صرختها بكل هـ الألم ولع الأبجواره و لمها كلها في حضنه ( أريج كان جسمها ضئيل جداً بالمقارنه مع مشعل ) و صار يبوسها بشكل عشوأي على جبينها و بين عيونها يحاول يهديها مشعل\ قولي بسم الله خلاص شوفي أنا معك طالعي أنا مشعل ما في أحد خلاص حلم هو بس أريج هـ المره كان إنفعالها أكثر كانت تبكي بشكل هستيري و تتمسك في مشعل بخوف مشعل\ أروجه حبيبي قولي بس بسم الله خليني أسمعها أنا معك ما راح أخليك حاولت تتكلم تنطق بس خلاص كل شئ قدام عيونها صور ضبابيه و دم و بإذنها آهاات و صراخ مشعل بخاطره ( أحسن شئ أخليها تتكلم بالي تشوفه عشان تفرغ و ترتاح )\ طيب قولي لي أنتي شو تشوفين الأن ؟ أريج\ كل شئ مشعل أنا ما كنت في غيبوبه كنت أشوف الدم وأحس الألم صوت الناس و الإسعاف صوته أهاته حتى صوت روحه و هو يحتضر أنا سمعتها و شفتها تطلع كان يقول سامحيني قولي لأبوي يسامحني بس أنا ما كنت أقدر أنطق لساني كان ثقيل ما قدرت أحركه ما قدرت حتى أريحه قبل يموت و أقوله سامحتك مشعل كأن يسمعها و بداخله يحس بالذنب ما شافة شئ سهل عشان أزيدها أنا كمان\ خلاص هو مات و أنتي قلتي لأبوه وصيته معاد بقى عليك شئ الأن إلا إنك تنسين و تدعيله أريج إسترخة بعد ما طلعت الي تحس فيه أماا مشعل لمها لصدره أكثر و جلس يهديها و يمسح على شعرها لين نامت ( الظاهر كنت أظن إلي سويته شئ سهل لكنها من ثاني يوم بدت تبدل فيني كل شئ لا يا مشعل لا خلك عادي معها مو أكثر لا تتمأدى بعلاقتك معها بدون تفكير ) كان بيرجعها لمكانها بعد ما نامت لكنه إنتبه ليدها متمسكه بطرف بيجامته بكل قوة و كأنها تنشده الأمان تنهد و هو يطالع شكلها كيف كان طفولي بحضنه مددها بهدوء جمبه و مسح حبات العرق في جبينها و نام و هو يتأمل ملامحها و يدها متمسكه فيه..... . . تكفين يا دنيا لا تحمليني زود هموم ترى قلبي ضعيف و لو كابر على الونه يضل فيني من دموع العيون سموم و يبقى لي بوسط الروح من النغم آهاه ***************** | ||||||||||||
|
| |
|
12-05-15, 08:35 PM
| #10 | ||||||||||||
| مشرفة منتدى البرامج والحاسوب ومصممه في الروايات والقصص المنقولة وكاتب فلفل حار و فراشة متالقة بالقسم الازياء وشاعرة متألقة وساحرة واحة الأسمر بقلوب أحلام
| الجزء الثالث عشر تحرك الشوكة في صحنها يمين و شمال بدون هدف تذكر ليلة أمس و كيف مرت عليها عن ألف ليلة ألم كيف تبررها له و هو إلي ما فتح لها سيره و كأن الموضوع مر عليه بشكل عادي كان منتبه لشرودها و حركة الشوكة العشوايه أخذها من يدها و حطها في الصحن مشعل\ الشوكة مالها ذنب تلعبين بها إذا ما تبين تأكلين نزليها أريج حاولت تستجمع شجاعتها و نطقتها\ أنا أسفه مشعل\ على شو ؟ أريج\ إلي صار أمس بالليل مشعل سوى نفسه ما هو فاهم شئ\ وشو إلي صار أمس ؟ يستهبل هذا أريج\ يعني لما صحيتك و و و ...... مشعل\ ترى أنا لما أصحى من النوم و أرجع بعدين أكمل نوم أنسى وش صار بينهم أريج طالعت فيه بإمتنان و أبتسمت و بادلها البسمه هي متأكده إنه ما هو ناسي بس يبي ينسيها مشعل\ أريج حنا من تزوجنا ما طلعنا مكان ما تبين تروحين مكان ببالك ؟ أريج\ ما تعودت أطلع كثير أنا مشعل\ بس فيه مره شفتك أنتي و أختك أظن يوم خميس مع عمي الصباح في الإشاره أريج\ رحنا المكتبه بس كنت أحتاج ألوان مشعل\ طيب أنتي ما جبتي أغراض الرسم حقتك ما أشتقتي لها ؟ أريج بخجل ممزوج بضحكه\ فيه ناس متوعدتني لو أخذتها قبل أسبوع مشعل\ من ؟ أريج\ فجر مشعل\ اهااا ما عليك فيها لو تبينها أرسلي السواق يجيبها لك أريج\ إن شاء الله مشعل\ طيب ما تبين نسافر مكان ؟ أريج لا شعورياً\ بتسافر معي ؟ مشعل\ مو أول كنتِ تسافرين للعلاج عادي أريج\ إلا مشعل\ طيب نفسه سفر بس نغير جو أريج\ امممم نفسي أروح مكه مشعل\ بس مكه حر هالحين أنا أقصد نسافر برى المملكة شهر عسل على ما يقولون أريج\ مدري براحتك مشعل\ نشوف يصير خير..... ************** لازم تطلع اليوم لجل تشوف عادل لكن المصيبه مرام تبي السوق كمان يعني بتروح معها يالله يعني بتشوفه من بعيد و خلاص حاجه تقهر مرام\ يالله أمشي ريم\ اووووف لسى حر خلي بعد المغرب مرام\ بروح الكوافيره أصبغ شعري العشاء ما يمدي ريم\ طيب روحي الأن أنتي و أنا المغرب مرام\ السواق واحد يا بعدي و إلا نسيتي إن الست أريج أخذة الثاني و نحن ننتظر الفيزا الجديده و عاد لين يفهم عربي و يدل الطريق ريم\ لو أتصلت على مشعل أباه ما بيقول لا مرام\ والله كان ما كفخك هذا من تزوج ما رفع علينا الخط تقول أخذ ملكة جمال ريم\ هو عريس المفروض حنا نروح له بعدين نفسي أفهم أنتي ليش تكرهين أريج ؟ مرام\ ما أكرها ريم\ أصلا أنتي ما تحبين أحد أشك أنك تكرهين حتى نفسك مرام\ تكلموا البزارين هالحين تبين تروحين و إلا أروح خلاص ريم\ بروح اوووف أنتظري أجيب عباتي مرام\ أنا في السياره....... ************* بالبلكونه كانت جالسة معه و منتبه لنظراته الي كانت شارده لبعيد و مركزها في زاوية محدده يا ترى وش الي يفكر فيه حتى جواله الي كان صامت على هزاز ما أنتبه له أريج\ مشعل جوالك مشعل\ هلا أريج\ جوالك يدق من أول مشعل أرتبك و طالع الشاشة\ هذا واحد من الشباب لحظة برد مشعل\ هلا سلطان\ مرحبا كيفك مشعل ؟ مشعل\ بخير والله شخبارك أنت ؟ سلطان\ ما أني بخير مشعل\ افى ليش ؟ سلطان\ ما هو زواجك سوى تغيير في الكون و لأول مرة في حياتي أصدم بالسيارة مشعل\ لا يا شيخ تمزح ؟ سلطان\ والله و عاد قلت لازم أقولك قبل أموت يمكن زواجك يقتلني مشعل\ ههههههههههههه سخيف زين أنا لازم أشوفك قبل تموت سلطان\ طبعاً و ليش داق مشعل\ اوكية بس أبدل و أجيك يالله فمان الله مشعل\ هذا صديقي مسوي حادث و يقول يحس أنه بيموت و السبب زواجي بروح أشوفه أريج أستغربة كلامة وشو يقصد بالسبب زواجي بس فضلة تسكت\ طيب مشعل و هو يوقف\ يالله تبين شئ ؟ أريج\ لا سلامتك.... ************** وقفت عند الباب مصدومه هـ الإنسانه ما ينفع معها التهديد من ثالث يوم تبي أغراض الرسم لا و تهدد بعد بمشعل و الله صار لك سند يا أروجه طيب أنا أوريك فجر و هي تكلم السواق\ شوف غرفه جمب مجلس فيها أغراض أنت يخلص لا يروح دق جرس عشان يبى يعطي مدام حاجه السواق\ اوكيه خلاص رجعت فجر للبيت مسرعه تشوف حل مع هـ الأريج أم أريج\ من يا فجر ؟ فجر\ سواق أريج يبي أغراض الرسم حقتها أم أريج\ قلتي له يستنى لخلص ؟ فجر\ طبعاً لإني لازم أوريها كيف تكسر كلامي لا و تتحامى بمشعل خذي أغراضك و ما عليك فيها أم أريج\ الله يسعدهم مدام هو قالها هاتيها خليهم براحتهم خليني أروح أحط لها أكل تلقينها ما تأكل أكل الشغالات فجر\ كمان والله معاد لك سوق يا فجر أم أريج\ عن الدلع يالله عاد أختك ما تعودت إلا على طبخي... *********** تأففت بقرف و ملل و هي تنزل ما توقعت إنها بتزورهم بذي السرعه كله من ريم مسكة يدها قبل تدق الجرس مرام\ أسمعي أنا بروح و أنتي أدخلي ريم\ بلا حركات بزارين وصلتي لين هنا بعدين حنا راح نسافر يعني ما بنزورهم أكثر من شهر خلصت كلامها ودقة الجرس ثواني و جأتهم الشغاله دخلتهم و خبرت أريج إلي نزلت لهم الصاله و هي مبتسمه إن أحد فكر يزورها أريج\ هلا والله ريم\ هلا بك يا عروسه أش الجمال هذا يا هوو ؟ أريج\ عيونك الحلوه حبيبتي الله يحييكم بجد فرحة لما قالت لي الشغاله إنكم تحت ريم\ جأين من السوق و قلنا نمرك على السريع أريج\ البيت بيتكم مرام\ وينه مشعل ما أشوفه ؟ أريج\ طلع مشوار مرام\ من الحين صار يطلع ؟ أريج أستغربة منها شو تقصد فكرة لأنه عريس قصدها ما يطلع\ هو له يومين عادي ما طلع بس دق عليه واحد من أصحابه مسوي حادث و راح يشوفه ريم\ اهااا مرام\ أصلا هو ما هو متعود على جلسة البيت معجزة جلس يومين بدون ما يطلع تلقين نفسيته عدم أريج\ لا عادي مرام\ غريب ما أظن مشعل يتغير كم يوم و بتشوفين كلامي حتى نوم برى البيت متعود ريم\ بس عاد الأن عنده بيت و زوجه مرام\ ما تفرق عنده قبل كان عنده بيت و أهل ريم\ عاد كان عزابي و الأن زوج و مسئول مرام و هي متناسيه وجود أريج\ أي مسئول لو كان يبي هـ المسئوليه كان أتزوج وحده غير أريج . . . كان أتزوج وحده غير أريج كان أتزوج وحده غير أريج كان أتزوج وحده غير أريج ترددت هـ الكلمات بداخلها و سمعت لها صدى تحطيم أغلقة بوجهه ألف باب و أنسحبت بهدوء أريج\ عن إذنكم بشوف القهوة شو صار عليها.... ********** بمرسمها الجديد دخلت ترتب أغراضها بروح سمعت لها صدى تكسير ( شو كان ناقصني أنا لجل أزيد عذاب نفسي لهدرجه مالي أي قيمه مو بشر كنت سعيده بوجودي بين ناس متأكده إنهم يحبوني ليش أغامر بمشاعري و أدخل عالم ثاني ليش ؟ صرت أفتقد الوجوه الي أحبها و أعايش وجوه مغلفه بالكذب و الخداع يأرب أرحمني من هـ الدنيا يأرب بس لازم ما تنزل دموعي لجلهم لازم أكون أقوى من ما يتخيلون متزوجني لجل يأخذ حريته اوكيه ما بيكون لي أي خص فيه و بعيش حياتي زي ما أبى كمان ) غمضة عيونها و هي تسمعه ينأدي عليها و تمتمة في نفسها ( خلك طبيعيه معه كأنك ما تعرفين شئ ) مشعل\ أنتي هنا اوووه جبتي أغراضك ؟ أريج\ إيه جبتها مشعل\ أش فيه صوتك مبحوح كذا ؟ أريج\ لا بس ريحة الألوان من كم يوم ما شميتها كيفه صديقك ؟ مشعل\ لا تمام طلع البيت بس كسر بيده و خدوش بسيطه أريج\ الحمد لله مشعل\ ليش ترتبين أغراضك لوحدك وين الشغالات ؟ أريج\ ما أحب حد يلمس أغراض الرسم حقتي برتبها على راحتي مشعل و هو يمد يده على واحد من الأكياس\ و لا حتى أنا ؟ أريج كانت بترد عليه لكنها أنصدمة من صوت ضحكته المفاجئ و الورقه الي بيده مشعل من بين ضحكاته\ ههه خذي ههههه الظاهر من أختك ههههه أريج أخذة الورقه تقراها بإستغراب ( أسمعي عاد كسرتي كلامي و أخذتي أغراضك قبل أسبوع و إتحاميتي بمشعل قلنا ما عليه يمكن طلع زوجها رومانسي و يبيها ترسمه في وضعيه معينه لكن ما تزورينا و لا تباركين لي النسبه لا و لا تجيبين لي هدية النجاح هذي ما تمشي علي صحيح بتقولين أنا ما جبت لك هدية الزواج و أنتي أتزوجتي قبل تطلع النتيجه بقولك إنا بروح الكويت الخميس و بأخذ لك هديه من هناك شفتي ماجد ما نساني أختي بس أنتي مشعل نساك أمك ) سرعان ما تبعتها بضحكة ممزوجه بخجل على جنان هـ البنت أريج\ ما تعقل هـ البنت مشعل و إلي كان فاتح حافظة الأكل و يأكل و هو مستمتع\ اممم طباخه أمك ما شاء الله أريج قربت ناحيته و أبتسمت فقط لشئ فيه ريحة أمها\ طيب أنتظر نحطه بصحون مو تأكل كذا مشعل فأجاها بأنه حط قطعة بطاطس في فمها\ عادي أنتي كلي و ما عليك و مد يده للحافظة الثانيه فتحها مشعل\ وااااااو مفلّق أموت فيه الله يرحمها جدتي كانت تسويه لي على طول عاد هذا لازم له ملعقه ثواني بروح أجيب و أرجع لك.... [ المفلّق أكله مشهورة بالمنطقه الشرقية و هي أكله حساويه مكوناتها الرئيسيه الجريش و الروبيان ] **************** رمت جوالها على الكنبه بقهر و تأفف مها\ ياربي يمه ليش مالنا حظ بالدنيا ؟ أم مها\ ليش يمه الحمد لله عايشين أحسن من غيرنا مها\ وين يمه عايشين الناس بالصيفيه تسافر تشم هواء مو تقعد في الحر شوفي أختك وين بتروح أسبانيا أم مها\ أختي الله معطيها من خيره و زوجها فلوسه ما تنعد مها\ أخوات و حظوظكم ما هي مثل بعض أم مها\ الدنيا كذا يمه حتى أخو زوج خالتك عائش على قده مها\ اااه يمه لا تذكريني مرام تقول راحوا لأريج اليوم أم مها\ حتى خالتك ؟ مها\ لا بس هي و ريم هـ البنت أخذة العز كله مره وحده و من قواة حضها مشعل ما عنده أخوان يعني في النهاية كل العز لها أم مها\ الشكوى لله عاد النصيب مها\ إلا والله الحظ المصدي..... ****************** اليوم بالذات إبتسامتها حقيقه و الوجوه الي تقابلها تبادلها إبتسامه بحب و شوق متأكده منه فجر\ يعني أخيرا فكرتي إن عندك أهل أريج\ أسكتي أنتي بس فضحتيني أمس مع مشعل يكون في علمك قراء رسالتك قبلي فجر\ شووو و حضرتك وين ؟ أريج\ وش عرفني إنك بترسلين لي رساله مهببه كذا فجر\ يالله طاح وجهي أريج\ أحسن عشان تعقلين أم أريج\ وش مهببه لأختك ؟ فجر\ لا بس قلت لها إنا بنروح الكويت أم أريج\ بس فجر\ طبعاً بس أم أريج\ أشك فجر\ يمه تراك تكشفين الحين على مشعل ليش ما تروحين تجلسين معه ؟ أم أريج\ راح مشعل لأهله لإنهم بكره مسافرين فجر\ اهااا و جدتي وين ؟ أم أريج\ بدل ما تضيعين السوالف يمين و شمال روحي المطبخ هاتي القهوة لإختك فجر\ ههههههه طيب قولي إنك تبين تجلسين معها لوحدك و أنا أفهمها أريج\ يمه الأن بترحون الكويت نصيحة عقلي بنتك قبل و إلا ولد أخوك غسل يده منها و بطل العرس أم أريج\ أي والله يمه بس عاد هذا طبع فجر ما يتغير فجر\ الي يباني يأخذني مثل ما أنا بعدين هو لو لف الكويت و السعودية و العالم بيت بيت ما يلقى مثلي أم أريج\ بسألك الكويت و السعودية ما هم من باقي العالم ؟ أريج\ ههههههه الظاهر بعالم مستقل فجر و هي تقوم عنهم\ أي عاد الأن أريج صارت حرمة و سوالفها تجيب الصداع أروح أشوف دحومي أبرك أم أريج\ شوفي البنت أن ما قلت لأبوك أنك ما تحترمينه من وراه فجر\ ليش تعدية حقوق الدلع حقة هدهوده ؟ أم أريج قامت وراها تتحلف لها و تركوا أريج بمكانهم تتمنى لحظة بس ترجعها تمسح خطين خربشتهم بكتاب أنهى معنى الفرح بحياتها.... تولد الأحزان و تكبر حتى أصبحت تقتات على أفراحي .. أرى سنابلي تذروها الرياح قبل يوم الحصاد حتى يستعصي علي جمعها و أنا مكبلة بين ألم يضيق له الكون و كأس أمل فارغ.... *********** دخل البيت و حس بالقرف كان بيرجع وراه لو لا إن ريم شافته و نادت عليه ريم\ مشعل هلا حياك مشعل وهو في مكانه\ أدخل ؟ ريم\ لحظة ,, و كملت كلامها لمها \ مشعل يبي يدخل مرام\ يالله فوق مها مها\ يالله ريم\ خلاص أدخل مشعل دخل مشعل و سلم على أمه و خالته و جلس بينهم أم مشعل\ حيالله الي من تزوج قطع أمه مره وحده مشعل\ توي من أربع أيام متزوج لحقت أكون قاطع أم مشعل\ والله عاد الي زيك وحيد أمه المفروض يزورها كل يوم أم مها\ ما عليه يا يمه كان دقيت عليها و لا تزعلها مشعل عاد من متى أمي تهتم لي\ أصلا محد زعلان كثري متزوج و لا أحد رفع لي خط و إلا دق جرس قالي مبروك حتى أمي أم مها\ والله يمه خاطري أزورك في البيت بس مدري عن وضع زوجتك أخافها تتضايق منا مشعل\ أريج يا عمري هي كل يوم تسالني ليش أهلك ما يزورونا ما شاء الله عليهم خالاتها في الجبيل و من ثاني يوم إتصالات و عمتي حتى الغداء و العشاء ترسله لنا أم مشعل\ و أنا معطيتك أحسن شغاله عندي و وينها هـ الأريج ما جات معك ما تقول أم زوجي بتسافر أشوفها قبل متى تفهمين إن الشغالات ما يسوون مكانك مشعل\ إيه ما قصرتي و أريج عند أهلها لأنهم كمان مسافرين و على فكرة دقة على جوالك العصر و ما رديتي أم مها حبت تغير السالفه بينهم\ هااه يمه و أنتم بتسافرون مكان ؟ مشعل\ والله مدري أريج تبى الحرم بشوف الوضع أم مشعل\ سبحان الله و بتوديها ؟ مشعل\ وليش لا ما طلبت غالي..... ******** | ||||||||||||
|
| |
|
| أدوات الموضوع | |
| انواع عرض الموضوع | |
|
|
2Likes
.png)
العرض العادي
