شبكة روايتي الثقافية

شبكة روايتي الثقافية (https://www.rewity.com/forum/index.php)
-   منتدى الروايات العربية المنقولة المكتملة (https://www.rewity.com/forum/f516/)
-   -   زواج بالإكراه -[ عامية مصرية ] -الكاتبة //سارة مجاهد-مكتملة* (https://www.rewity.com/forum/t397836.html)

Just Faith 07-12-17 12:46 PM

زواج بالإكراه -[ عامية مصرية ] -الكاتبة //سارة مجاهد-مكتملة*
 







https://upload.rewity.com/upfiles/RZx88645.png





السلام عليكم ورحمة الله وبركاته
صباحكم فل منور ومساكم عطر مزهر
اليوم معكم بناء على طلب الغالية لامار
برواية تسألتم عنها كثيرا
رواية زواج بالإكراه (المغرور والعنيدة)
بقلم سارة مجاهد
التي اجادت برسم شخصيات الرواية
وجعلتنا نتذوق انتقام العنيدة من المغرور
يالا معاً نبحر بالرواية حتى نتمتع بها معاً
ونتذوق الحب من انامل الكاتبة سارة مجاهد



https://upload.rewity.com/uploads/1513341663851.jpg



المقدمة



ايها المغرور المتعجرف
اقتحمت حياتى فجأه
لم ادرى من حيث اتيت الي
ف انا لا اريدك ف حياتى
اخرج منها وارحل....فان لم تخرج من حياتى
سوف اكسر غرورك وكبريائك هذا ولكن...بعد ان اتزوجك بالاجبار






Just Faith 07-12-17 01:01 PM

البارت(1)

كانت تجلس ف غرفتها ممسكه ف يدها روايه تقراها ف صمت وياتى لها اتصال علي هاتفها وتجدها صديقتها المقربه(بسنت)فتمسك بهاتفها لترد عليها وهى مبتسمه: بسبس حبيبتى

بسنت: بسبس حبيبتك!! ايه ياوحشه ماجيتيش الشغل النهارده ليه دكتور معتز سال عليكى

فترد هى: والله صحيت لقيت دماغى هينفجر من الصداع يابسنت ماقدرتش اتحرك من مكانى وكملت نوم

بسنت: اه حضرتك تنامى وانا ادبس مكانك ماهو دكتور معتز ادانى الحاله بتاعتك اتابعها بدالك النهارده

......: ههههه حبيبتى يابسبس والله نردهالك ف الافراح ياقلبي ودكتور معتز ده سكر بس المهم مش هيدينى جزا ولا حاجه علي غيابي ده

بسنت: لا ياختى مش هيديكى ماتخافيش..بس قوليلي ايه اللي خلي دماغك مصدع اووى كدا...استنى اوعى تقولي برضو سهرانه طول الليل بتقرى ف روايات ..وبالذات ف الروايه اللي بقالك قرن وماخلصتهاش دى صح

.....: هههههه ايووه شطووره حبيبتى فعلا كنت سهرانه بقرا الروايه اللي بقالي قرن ماخلصتهاش دى اصل روايه(انت لي)دى طويله اووى وانا بحب رومانسيه رغد ووليد فيها اووى ومش عاوزه اخلصها ابدا

بسنت:افضلي انتى اقراى ف قصص وروايات وتتخيلي فارس الاحلام ف حد فيهم لحد ماهتقعى علي جدور رقبتك ف واحد صالونات وهيكون اقرح وتخين وبكرش كمان هههههه

.......:ياسلاام لا طبعا انتى عارفه ان انا ضد جواز الصالونات وبشده كمان ..ما انكرش انه بينجح ف اغلبيه الحالات بس انا مش حباه...انا حابه اعيش قصه حب بجد زى اللي بقراها ف الروايات دى وبرضو ده حقي وانا بقي مش هتنازل عن حقي ده وماحدش هيقدر يغصبنى علي حاجه

بسنت:امممم انا عارفه انى مش هعرف اخد منك لا فايده ولا عايده..يلا اقفلي بقي صدعتينى

......: انا برضو اللي صدعتك هو مين اللي متصل اساسا انا هسكت مش هتكلم..يلا انتى اقفلي عشان هنزل اتعشي بقي

بسنت:ماااشي بالف هنا...بس ماتغيبيش بكره بقي

........:من عنيا...سلام يامزتى

وتغلق الخط وتمسك بروايتها وتسمع بعدها صوت ينادى عليها من الاسفل ويكون والدها(المتعصب الشديد)فتغلق الروايه وتهندم من ملابسها وتهبط للاسفل

سمير الشهاوى والدها..رجل يبلغ من العمر 55عاما ذو هيبه كبيره من صفاته الجديه والتعصب الشديد

سمير: ايه ياحوريه بنادى عليكى بقالي كتير مانزلتيش بسرعه ليه كنتى بتعملي ايه

وتتجه حوريه ناحيته بادب: انا اسفه يابابا اصل كنت بكلم بسنت ولما لقيت حضرتك بتنادى قفلت معاها ونزلت ع طوول

سمير: طيب اتفضلي اقعدى عشان نتعشي مش هنفضل واقفين كتير يعنى

فتنصاع حوريه لكلام والدها فهى تحترمه بشده او تخشاه بشده ولا تعصي له امرا مهما كان

ناديه والده حوريه امراه تبلغ من العمر 50عاما طيبه وحنونه لكن تخشي سمير بشده وتنصاع لاوامره هى الاخرى ولا تعصي له امرا

ناديه: ايه يا حبيبتى لسه دماغك مصدع

حوريه: لا ياماما الحمدلله بقيت كويسه

سمير وهو يلوك الطعام ف فمه: اول واخر مره يحصل غيابك من الشغل كدا انتى دكتوره وعندك مرضي والدكتور لازم يكون قد المسئوليه..ودكتور معتز كتر خيره مااتكلمش وادا شغل النهارده لبسنت فاماتاخديش علي الدلع ده كتير...مفهووم

حوريه وتبتلع طعامها بشده: والله يابابا كنت تعبانه خالص وماقدرتش اروح ودكتور معتز بيعتبرنى زى بنته بالظبط يعنى اكيد مازعلش

سمير: ماهو مش عشان الراجل بيعتبرك زى بنته تقومى تدلعى

ناديه: ماخلاص ياسمير اهو يوم وعدى ومش هتتكرر تانى مش كدا يا حوريه ياحبيبتى

وتهز حوريه راسها لها بالايجاب

سمير: اتمنى كدا واللي حصل ما يتكررش تانى ...انا طالع انام تصبحو علي خير

ناديه: وانت من اهله

حوريه: وحضرتك من اهله

ويصعد سمير غرفته ويتبقي ناديه وحوريه

ناديه: حبيبتى معلش ماتزعليش انتى عارفه ابوكى

حوريه: ما المصيبه انى عارفاه...انا ياماما بقيت بترعب اكتر من الاول لما بتكلم مع بابا مش عارفه هو ليه عصبي وشديد اووى كدا

ناديه: هو طبعه كدا من صغره واخد طبع جدك بالظبط

حوريه: يلا امرنا لله...طيب ياماما انا هطلع انام بقي مش عاوزه حاجه

ناديه بخبث: هتنامى برضو ولا هتقعدى تقري ق رواياتك اللي فوق دى

حوريه: هههههه يافهمانى انتى..لا بصي انا هطلع اقرا ساعه بالظبط وانام عشان الشغل وعشان اللي حصل ده مايتكررش تانى(قالتها وهى تقلد والدها)

ناديه: طب حاسبي بقي لا يسمعك ههههه....يلا ياحبيبتى تصبحى علي خير

حوريه: وانتى من اهله ياماما

وتصعد حوريه غرفتها وتمسك بروايتها وبعد وقت قليل تجد نفسها تنام والروايه بجانبها
*****************
تانى يوم ف منزل اخر سنذهب له والجميع يتواجدون علي السفره لتناول وجبه الفطار ماعدا شخص واحد فقط

مجدى العوامى: ايه ياهويدا اومال مروان فين مانزلش ليه

هويدا: مش عارفه وخليت سهيله تطلع تصحيه وهى كمان لسه مانزلتش

مجدى: انا مش عارف العيال دى طالعه متعبه كدا لمين

هويدا بخبث: يعنى مش عارف..طب بلاش انت تتكلم بقي

مجدى: ههههه ماشي ياهويدا انا فاهم انتى بترمى علي ايه.....وبعدها ينظر ف ساعته...لااااا دا كدا كتيير انا هطلع للعيال دى

وياتيه صوتهم وهم يهبطون من علي الدرج ومروان يحاوط سهيله بذراعيه

مروان: والله ماانت قايم ياحاج احنا نازلين اهو ماتتعبش نفسك

ويعود مجدى مكانه: يعنى كل ده تاخير..اتاخرنا يابنى علي الشركه وانتى ياسهيله كل ده بتصحيه

سهيله: والله يابابا هو اللي ماكانش راضي يصحى...انا معتش هصحيه بعد كدا اصلا انا جايلي من كدا ايه ادينى اتاخرت علي الكليه ودى اخر سنه المفروض اركز وانتظم ف الحضور عشان اجيب تقدير

مروان: اه يعنى ف الاخر عاوزه تقولي لو سقطى هكون انا السبب مش كدا ياست سهيله

هويدا: فال الله ولا فالك انت هتفولي عليها ولا ايه يامروان

مروان: انا يادودو مااقدرش والله انا بناغشها بس
مجدى: اه انت تناغشها وهى تناغشك وتبقو عاملين زى القط والفار وانا ادور علي حبوب الضغط بقي

فينظر مروان وسهيله لبعضهم وينفجرون ف الضحك

وبعد الانتهاء
مجدى: يلا يامروان عشان اتاخرنا عالشركه
عشان لسه هفوت علي صاحبي عشان الصفقه الجديده

مروان: يلا يابابا

ويستقلون سيارتهم وهو ف السياره

مجدى: ياريت يامروان ماتبقاش تتاخر بالليل اديك بتطفح اختك وهى بتصحيك

مروان: يابابا انت ليك انى بروح الشغل ف ميعاده ومخلي الشركه بتاعتنا اشهر من النار عالعلم وشغلنا زى الفل يبقي اتاخر مااتخرش دى حاجه ترجعلي انا
بقي

مجدى: وصحتك يابنى انا خايف عليك

مروان: ماتخافش احااج الصحه حدييد

مجدى: ياما نفسي تتجوز وتجيب واحده تلمك بقي

مروان: ههههه تلمنى مين دى اللي تلمنى طب تكلمنى كلمه بس وهتشووف...وبعدين انا مابفكرش ف الجواز دلوقتى انا حابب اعيش حياتى براحتى

مجدى: هقول ايه...ربنا يهديك يابنى

مروان: ايوه يابابا ادعيلي وربنا يستجيب منك

ويذهبو للشركه
*******************
عند حوريه ف المستشفي

كانت تلبس البالطو الابيض وواضعه يدها فيه وتسير مع بسنت ف طرقه المستشفي

بسنت: خلاص ياحوريه ماهو باباكى بقاله كام سنه كدا جايه تشتكى دلوقتى المفروض تكونى اخدتى علي كدا خلاص

حوريه: مانا اخدت ع كدا يابسنت بس كل واحد وله طاقه وانا طاقتى خلاص اوشكت علي النفاذ وبابا التعامل معاه بقي صعب اووى

بسنت: ربنا يهديهولك يا حبيبتى

حوريه: يارب يا بسبس ياارب.....ويوقفهم من سيرهم زميلهم الدكتور مهيب

مهيب:اذيك ياحوريه اذيك يابسنت

بسنت: الحمدلله اذيك انت يامهيب

حوريه: تمام..اذيك يامهيب

مهيب: انا الحمدلله كويس.....حوريه كنت عاوزك ف كلمتين ممكن

حوريه: طيب يامهيب اتفضل...ثوانى يابسبس

بسنت: ماشي ياحبيبتى مستنياكى

وتذهب حوريه مع مهيب: خير يادكتور ف حاجه
مهيب بتوتر: اه في....بصراحه كدا ياحوريه ومن غير لف ودوران ..انا..انا بحبك وعاوز اتجوزك
فتندهش حوريه من طلبه المفاجئ: انت..انت بتقول ايه يامهيب انت فاجئتنى بالطلب ده

مهيب: انا عارف بس كلي عشم انك ماترفضيش

حوريه: مهيب بصراحه مش عارفه اقولك ايه انا مابفكرش ف الجواز دلوقتى خالص

مهيب: طيب فكرى ياحوريه ماترديش دلوقت

حوريه: انا اسفه يامهيب حتى لوفكرت هيكون نفس الرد انا بعتبرك زى اخويا صدقنى

مهيب بخيبه امل: يعنى مافيش امل ياحوريه

حوريه: انا اسفه يامهيب ربنا يسعدك مع واحده تانيه ..بعد اذنك..وتتركه ف حزنه وتذهب لبسنت

بسنت: خير يا رورو مهيب كان عاوزك ف اييه

حوريه: مش هتصدقي كان طالبنى للجواز

بسنت باندهاش: لا بتهزرى..طيب وقولتيله ايه

حوريه: رفضت طبعا قولتله انى مابفكرش ف الموضوع ده دلوقتى

بسنت: طول عمرك فقريه ومش وش نعمه ودماغك ناشفه

حوريه: هههههه خلانالك انتى الدماغ الطريه ياختى...يلا بقي ورانا شغل الدكتور معتز هيرفدنا

بسنت: ههههههه يلا بينا
************
عند مجدى العوامى يذهب الي صديقه ف الشركه
سمير: اهلا اهلا يامجدى نورتنى والله

مجدى: بنورك ياسمير والله ..يعنى ياراجل لولا ان شوفنا بعض صدفه ماكناش اتقابلنا تانى

سمير: الدنيا تلاهي يامجدى وادينا اهو هنشتغل مع بعض

مجدى: اه انا قولت اجى نتكلم ف الصفقه الجديده هنا الاول وبعد كدا نبقي نعمل الاجتماعات المعتاده دى

سمير: والله عملت خير تشرب ايه

مجدى: ولا حاجه نتكلم ف الشغل الاول

وياتى لسمير اتصال وتكون حوريه:..ثوانى يامجدى هرد علي حوريه بنتى......الوو..ايوه ياحوريه...خلصتى شغل..خلاص روحى دلوقتى بقي..وخلي بالك من نفسك ..يلا مع السلامه
مجدى بتفكير سريع: حوريه...زمانها كبرت وبقت عروسه..اهى دى اللي تنفع مروان ابنى وتخليه يتهد بقي عن اللي بيعمله..انا لازم اخد خطوه واحطه قدام الامر الواقع

سمير: ها كنا بنقول ايه يامجدى

مجدى: كنت بقول ان انا طالب ايد بنتك حوريه لمروان ابنى
***************
دا البارت الاول يارب يعجبكم وعاوزه اعرف رايكو فيه وتقولولي تمام كدا اكمل القصه ولا لا
ويارب الاقي تشجيع منكم
مستنيه رايكم يابنات
........................


Just Faith 07-12-17 01:02 PM


البارت(2)

سميرباندهاش: ايييييه..تطلب ايد حوريه بنتى لمروان ابنك

مجدى: ايوه ياسمير واتمنى انك ماترفضش طلبي ده

سمير: يامجدى انت فاجئتنى بالطلب ده وخصوصا انك داخل تتكلم ف الشغل

مجدى: مااحنا هنتكلم ف الشغل برضو..بس اما نخلص موضوع حوريه ومروان الاول

ويفكر سمير سريعا ف ميزه هذه الزيجه..اولا مجدى صديقه ..ثانيا بينهم صفقات وشغل وهذه الزيجه ستسهل عليهم كل شئ..وثالثا ان الاوان لحوريه بان تتزوج(كفايه عليها دلع لحد كدا تتجوز وتشيل المسؤليه بقي)

سمير: وهو كذلك وانا موافق يامجدى انا مش هلاقي احسن من مروان ابنك لحوريه بنتى

مجدى: علي خيره الله..نقرا الفاتحه ولا هتسال حوريه الاول

سمير ويضع يده ف يد مجدى: ماعندناش بنات تقول اه او لا يامجدى..بسم الله الرحمن الرحيم

وبعد ان انتهو صدق الله العظيم..مبروك يامجدى الف مبروك

مجدى:الله يبارك فيك ياسمير ..خلاص ان شاء الله هجيب مروان وهويدا وسهيله الاسبوع اللي جاى عشان يتعرفو ع بعض ونتفق علي كل حاجه

سمير: هتنورونا يامجدى والله

مجدى: بنورك ياسمير...يلا بقي نتكلم ف الشغل
****************
وتعود حوريه لمنزلها وتجد والدتها ف المطبخ وتدخل لها:الله الله علي الروايح الحلوه دى عاملالنا ايه بقي النهارده يانونو

ناديه: عاملاكو ياحبيبتى ملوخيه بالارانب ايه رايك بقي

وتتنطط حوريه مثل الاطفال ف فرح:هييه ملوخيه انا بمووت فيها ربنا يخليكى ليا ياحبيبتى ياارب

ناديه:ويخليكى ليه ياقلبي..يلا اطلعي غيري هدومك بقي عبال ما بابا يجى

فتتلاشي ضحكتها ليحل محلها العبوس: ماشي ياماما بعد اذنك....
وتصعد لغرفتها وتبدل ملابسها وتتوضئ وتصلي وبعدها تستلقي علي السرير وتمسك بروايتها المفضله وتبدا بالقراءه وبعد وقت ليس بقليل تسمع صوت والدها الجهورى ينادى عليها فتنتفض من سريرها وتهبط الدرج مسرعه: ايوه يابابا انا نزلت اهو

سمير: هتقوليلي برضو كنت بكلم بسنت

فتخفض حوريه بصرها ف الارض: اسفه يابابا كنت بقرا روايه

سمير: والله عال كل حياتنا بقت روايات ف روايات مش عارف هتاخدى من ده كله ايه اهو بتمققي عينك وبتضعفي نظرك وخلاص

ناديه: ماتسبها ياسمير هى وراها ايه يعنى اهى بتيجى من شغلها بتسلي نفسها ف اللي بتحبه

سمير: لا ماهى خلاص من النهارده هيبقي وراها

ناديه: تقصد ايه

وتركز حوريه فيما سيقوله

فيتنحنح سمير: انا النهارده قريت فاتحه حوريه علي ابن واحد صاحبي

فتندهش حوريه وتنتفض من مكانها:اييييييه...ايه اللي انت بتقوله ده يابابا

سمير بهدوء : زى ماسمعتى

ناديه:ايه ياسمير الكلام ده طب مش تاخد راى حوريه الاول

سمير: انا خلاص وافقت وقريت فاتحه وبدام انا موافق يبقي حوريه موافقه...وينظر لحوريه نظره ناريه..ولا ايه رايك ياحوريه ف الكلام ده

حوريه والدموع ف عينيها: لا يابابا انا بقي مش عاجبنى الكلام ده ومش موافقه

سمير: انتى بتعصي كلامى ياحوريه

حوريه: اسفه يابابا انا اول مره اعصيك بس دى حياتى اللي جايه وحضرتك عاوز تتحكم فيها مش كفايه اتحكمت ف اللي فاتت سيبلي بقي حريه الاختيار ف الانسان اللي هيكون جوزى

ويقف سمير وهو غاضب بشده ويمسك حوريه من احد ذراعيها ويضغط عليه بقوه: انتى فيه ف حياتك حد تانى يابنت

حوريه تتاوه من كثره الالم: ااه سيب دراعى يا بابا اااه

ناديه تحاول ان تبعد سمير عنها: حراام عليك ياسمير دراع البنت وبعدين انت عارف حوريه مش بتاعه الكلام ده

سمير ويوجه كلامه لحوريه وهو ضاغط ع ذراعيها: ردى عليا انتى فيه ف حياتك حد

حوريه من بين دموعها: لا يابابا والله مافيش سيب دراعى ارجووك اااه

فيترك سمير ذراعيها: خلاص وحتى لو كان فيه انا خلاص قريت فاتحه مع الراجل وهيجى هو ومراته وولاده كمان اسبوع...خلاص كلامى انتهى..انا طالع اوضتى حصليينى يانااديه

ويصعد سمير ويترك حوريه ف بكاؤها وناديه تهدئ من روعها

ناديه: اهدى ياحبيبتى ماتعمليش ف نفسك كدا انا هطلع اتكلم معاه واخليه يصرف نظر عن الموضوع ده

حوريه من بين بكاؤها وشهقاتها: وتفتكرى ياماما بابا ممكن يسمع كلامك بابا قري الفاتحه خلاص وادا للراجل كلمه عاوزاه يرجع ف كلامه معاه ويطلع مش راجل..انا متاكده ان بابا له مصلحه ف موضوع جوازى ده..ماهو يعنى مازهقش منى للدرجه دى عشان كدا عاوز يجوزنى وبسرعه كدا..وتبكى بشده

ناديه بحزن: لا حول ولا قوه الا بالله ...ياحبيبتى يابنتى انا ويلي ويلين لا عارفه اعملك حاجه ولا عارفه اصلا اتكلم معاه

حوريه وتمسح دموعها: انتى مالكيش ذنب ف حاجه ياماما اتفضلي اطلعى انتى عشان مايزعقلكيش وانا هطلع اوضتى..بعد اذنك

وتصعد غرفتها وترتمى علي السرير وتبكى من مراره حياتها مع والدها ياله من اب قاسي القلب لا يعرف عن الحنيه والاحتواء اى شئ

اما عند سمير وناديه

ناديه: حرام عليك ياسمير اللي بتعمله ف حوريه ده ..ده كل حاجه بالخناق الا الجواز بالاتفاق

سمير: خلاااص ياناديه انا اديت كلمه للراجل وقرينا فاتحه

حوريه: طب وحوريه مش تشوف رايها الاول

سمير: ملهاش راى طول ما ابوها موجود وبعدين هى هتعوز ايه احسن من كدا نااس كويسين ومحترمين جدا وف مركز كويس جدا جدا والولد شاب محترم وزى القمر بنتك بتتبطر ياناديه عقليها مش تعصيها..يلا تصبحى علي خير

ناديه بتهيدة حزن: وانت من اهله
********
وبعد وقت ليس بقليل تهدا وتعتدل ف فراشها وتمسك بهاتفها وتتصل بصديقه العمر التى تهون عليها كل شئ

حوريه بدموع: بسنت...الحقيينى

بسنت بفزع:خير ياحوريه ف ايه ماالك

حوريه ببكاء: بابا يابسنت

بسنت بخضه: عمو سمير ماله..انطقي

حوريه: بابا قرا فاتحتى النهارده علي واحد ابن صاحبه

بسنت بارتياح: ياشيخه خضتينى فكرت جراله حاجه..الحمدلله

حوريه بغضب:هو ماجرالوش لكن انا اللي جرالي وبيجرالي انا كدا اتحكم عليا بالاعدام يابسنت انتى اكتر واحده عارفه انى ضد انى اتجوز بغير رغبتى يقوم بابا يحطنى قدام الامر الواقع كدا ويقرا فاتحتى داانا حتى مااعرفش اسمه ايه

بسنت: خلاص ياحوريه اهدى ولو علي الاسم ياستى ابقي اساليه بكره

حوريه: انتى بتهزرى يابسنت انا فعلا حاسه انى بمووت بالبطئ اصلك مش عارفه احساس الواحده بيبقي عامل ازاى لما تحس انها هتتجوز واحد غصب عنها..وبعدها تنزل دموعها

بسنت وتصعب عليها صديقتها: خلاص ياحوريه اهدى طيب ماتخلي طنط تتكلم معاه يمكن يرجع ف كلامه

حوريه ببكاء:لا يابسنت مهما عملنا ابويا مش هيرجع ف كلامه انتى ماتعرفيهوش دا قرا فاتحه والناس هتيجى الاسبوع الجاى انا بجد مش عارفه اعمل ايه

بسنت: خلااص بطلي عياط بقي وقومى خدى شاور بارد يفوقك واتوضي وصلي وانتى هتهدى ونامى بقي عشان عندنا شغل الصبح بدرى وربنا يحلها من عنده بقي

حوريه: حاضر يابسنت..سورى يابسنت مصدعاكى بمشاكلي بس والله ماليش غيرك اتكلم معاه وافضفضله

بسنت: عشان تعرفي انا مستحملاكى ازاى دا انا ليا الجنه......بطلي هبل ياحوريه احنا اخوات قبل مانكون صحاب يلا ياحبيبتى قومى اعملي اللي قلتلك عليه ونامى وارتاحى

حوريه: اوك يا حبيبتى تصبحى علي خير

بسنت: وانتى من اهله ياقلبي

وتغلق الخط وبعدها تنصاع لكلام بسنت وتدخل تاخد شاور وتخرج تصلي وتدعى ربها بان يقف بجانبها ف هذه المحنه وبعدها تتسطح علي السرير لتذهب ف ثبات عميق فهى ليست بالمود لتقرا روايتها اليوم
****************
اما عند مجدى

مجدى: هو مروان لسه ماجاش من بره برضو

هويدا: ايوه ماانت عارف ابنك عاد بيتاخر كتيير بره..والله نفسي يتجوز ويتلم بقي

مجدى: هيحصل ماتخافيش

هويدا وتهللت اساريرها: بجد والنبي يامجدى

مجدى: وجوزك من امته بيهزر ف الحاجات دى

هويدا: طب حصل ازاى

وسرد لها مجدى كل شئ وطلبه ليد حوريه من سمير لابنه مروان

هويدا: وفكرك مروان هيسكت وهيوافق بالكلام ده

مجدى: لا مانا عاوز اخطط لحاجه كدا عشان احطه قدام الامر الواقع واخليه يوافق

هويدا: اما نشوووف
***********
وينتهى الليل وتشرق الشمس بخيوطها الذهبيه فتستيقظ حوريه مبكرا وترتدى ملابسها وتذهب الي عملها دون علم احد وهناك تتصل بناديه لتبلغها بانها فضلت بان لا تلتقي بوالدها اليوم

اما عند مروان يستيقظ ويهبط للاسفل ليجد والده ووالدته علي السفره يتناولون الفطار ويجلس معهم وبعد الانتهاء

مجدى:تعالي يامروان ورايا عاوزك ف كلمتين...ويذهب مجدى الي مكتبه

مروان: ماتعرفيش بابا عاوزنى ف ايه ياماما

فترفع هويدا كتفيها بحركه لا اراديه بانها لا تعرف شئ

مروان: مااشي هفطر وادخله....اومال البت سهيله فين مش شايفها يعنى

هويدا: نايمه ماانت عارف اليوم اللي مابيبقاش عليها كليه فيه بتنام براحتها

مروان: يابختهاا

هويدا: ماانت لو بتيجى بدرى وتنام بدرى وتصحى فايق مش هتقول كدا اموووت واعرف بتسهر فيين كل ده

مروان: ماخلاص بقي ياماما..انا داخل المكتب لبابا ..بعد اذنك

هويدا: ادخل ياحبيبي ادخل..وف سرها..دا انا فرحانه فيك فرح هههه

ويدق مروان الباب فتأتيه الاجابه بالدخول فيدخل ويجلس امامه: خير يابابا حضرتك عاوزنى ف ايه

مجدى وهو شابك اصابعه ف بعضهم: اكيد يامروان انت عارف اننا دخلنا ف شغل جديد مع واحد صاحبي

مروان: ايوه عارف

مجدى: وكنا عاوزين ان الشغل ده يستمر ويكبر مابينا من غير اى مشاكل فا فكرنا ف الحاجه الوحيده اللي هتخلي الشغل يستمر وهنكون حبايب دايما وزى ماانت عارف الصفقه دى مش سهله

مروان بعدم فهم: برضو مش فاهم حضرتك تقصد ايه بكل ده

مجدى:اقصد ان انا وسمير قرينا فاتحتك انت وبنته لان هو ده الحل الوحيد اللي هيخلي الشغل يستمر ويكبر

فينتفض مروان بغضب: نععععم حضرتك بتقول اييه قريت فاتحتى انا وعلي مين علي واحده مااعرفهاش ولا عمرى شوفتها

مجدى:مااحنا هنروحلهم كمان اسبوع عشان تتعرفو علي بعض

مروان: كماااان حددتو معاد اروحلها فيه..لا يابابا انا اسف مش مروان العوامى اللي يتلوى دراعه ويتحط قدام الامر الواقع

مجدى بغضب: ولد..اتأدب انت بتكلم ابوك انت نسيت نفسك ولا اييه

مروان: يابابا ماهو اللي انت بتقوله ده ماينفعش...ازااى اتجوز واحده مااعرفهاش وبعدين انا مش حاطت الموضوع ده ف دماغى حاليا
مجدى: خلاااص يامروان كتر الكلام مافيش منه فايده الموضوع خلصان وجهز نفسك الاسبوع الجاى عشان هنروحلهم..يلا اتفضل روح عالشركه وانا جاى وراك..........اتفضل

فيهم مروان بالوقوف وهو غاضب ويخرج يستقل سيارته ويذهب بها الي مكان ما ولكن ليس بالشركه

عند مجدى وتدخل له هويدا: هاا ايه الاخبار

مجدى بانتصار: عيب عليكى كله تمام

هويدا بسعاده: ياما انت كريم ياارب
***************
يقف امام عماره ويصعد علي ادراجها ويخرج المفتاح ويضعه ف مكانه ويدور به ليفتح الباب ويدخل ويغلقه ورائه فتسمع هى صوت الباب فتذهب اليه مسرعه وهى تحتضنه:حبيبي وحشتنى اووى اخص عليك كل دى غيبه

........: اسف ياحياتى مشغول شويه

تاليا: مشغول عن تولي مراتك حبيبتك دا انا كل يوم اقعد اقول هيجى النهارده لا هيجى بكره وبرضو مابتجيش هونت عليك ماوحشتكش

.....: بجد غصب عنى

تاليا: مالك يامروان ف اييه

مروان بتنهيده: ف مصييبه ياتاليا

تاليا بخضه: مصيبه ايه اتكلم

مروان: ابويا عاوز يجوزنى وقرا فاتحه مع واحد صاحبه

وتقف تاليا غاضبه:اييييه يجوزك ده ايه وانا ..انا هتعمل معايا ايه انت مش قلتلي انك قريب اووى هتعلن جوازنا وتخليه رسمى انت كنت بتضحك عليا يامروان

مروان: ولا بضحك عليكى ولا حاجه انا اتفاجئت زى زيك بالظبط والله

تاليا: وناوى علي ايه بقي ان شاء الله هتتجوزها...الا اسمها ايه صحيح

مروان: هتصدقينى لو قلتلك مااعرفش انا اتحطيت قدام الامر الواقع ومش عارف اعمل ايه

تاليا: اتصرف يامروان انا مش هسكت لوحصل

مروان: ماتخافيش ياتاليا مش هيحصل

تاليا: اما نشوووف

ويتركها ويغادر ويستلقي سيارته ويذهب للشركه وهو ف طريقه يظل سارح ويفكر ف كم المشاكل التى قذفت عليه من حيث لا يدرى وهو ف قمه تفكيره ينحدر عن الطريق لتتصدم السياره ف جزع شجره وتتصدم راسه بالدركسيون ويفقد الوعى
**************
ف المستشفي عند حوريه

حوريه بدموع: انا خلااص يابسنت معتش مستحمله بجد همووووت

بسنت: اهدى ياحوريه وفكرى بالراحه العياط مش هيفيد بحاجه

حوريه: تعرفي انى فكرت اهرب

بسنت: ههههه تهربي...تهربي ايه بس دى عادت موضه قديمه اووى..طب بدل ماتفكرى تهربي فكرى ازاى تطفشيه ياهبله

حوريه وعجبتها الفكره: ازاى يابسنت....ليسمعو بعدها صوت ندائهم ورجل الاسعاف يقول حادثه عربيه لتجرى عليه حوريه وبسنت
******************

Just Faith 07-12-17 01:03 PM

البارت(3)

ليسمعو صوت يناديهم ورجل الاسعاف يقول حادثه عربيه لتجرى عليه حوريه وبسنت ويجروه بالتوريلي

حوريه: الحمدلله الحاله مش خطيره اووى

بسنت: ايوه بس يلا ناخده عالاشعه

وبعد ان فحصو حالته بالاشعه

بسنت: كويس مافيش حاجه خطيره شويه كدمات وشروخ ف ايده وراسه مفتوحه هياخد كام غرزه وخلاص

حوريه: اه فعلا كويس انها جت علي اد كدا وماحصلوش نزيف داخلي ولا حاجه

ليسمعو صوته وهو يفيق ويتاوه

بسنت: اهو فاق اهو خليكى انتى معاه عبال ما اروح اشوف الحاله بتاعتى معادى امر عليها دلوقتى

حوريه: اوك....وبعدها تتركها بسنت وحدها معه

حوريه: استاذ..يا استاذ انت شايفنى

....: اااااه ...وينظر حوله ..انا فين

حوريه: انت ف المستشفي عملت حادثه بسيطه وجابوك ع هنا

....: اااه راسي بتوجعنى اووى وجسمى متكسر

حوريه: اكييد ده من اثر الحادثه...بص انا هبدا اخيط الجرح دلوقتى وهديك بنج موضعي بس برضو هتحس بوجع بسيط ياريت تستحمل بقي

هو وبصوت عالي نسبيا: خلصي طيب انتى قاعده ترغي من الصبح وما عملتيش حااجه

حوريه بضيق: وحضرتك بتعلي صوتك ليه بقي دلوقتى مش كنت مستنياك اما تفوق ما انت كمان اصلا حالتك مش خطيره للدرجه دى يعنى

ليقول بغضب: طب اتفضلي شوفي شغلك بقي

حوريه وهى تستشاط غضبا وبدات ف عملها وهى تكاد تنفجر من ذلك المغرور المتعجرف

هو وبنفاذ صبر: هاا كل ده ولسه ماخلصتييش انتى شكلك لسه مبتدئه باين عليكى

حوريه بغيظ: مبتدئه!! روح اسال ف المستشفي كلها علي الدكتوره حوريه وهيقولولك مبتدئه ولا لا

ليقول لها بتريقه: حوريه!! حد لسه عاد بيسمى حوريه اسم قدييم اووى

حوريه ونفذ صبرها وتركت مابيدها: انت بنى ادم قليل الذوق وانا غلطانه انى ضيعت وقتى معاك بجد انسان مغرور ولا يطاق

.....: انتى بتقوليلي انا الكلام ده!!

حوريه بغضب: ايوه بقولك انت ..انت مفكر نفسك مين يعنى عشان تكلم الناس بالاسلوب ده ...وبعدها تخرج من الغرفه وتنادى علي الممرضه......صفاء ياصفاء.....لتاتى لها تلك الممرضه السمينه القبيحه ذات الصوت الذي يشبه لصوت الرجال

صفاء: ايوه يادكتوره حوريه

حوريه : اتفضلي ادخلي للاستاذ اللي جوه كمليله بقيت الغرز وف شويه شروخ ابقي شوفيهم...لتنظر له وتقول بتعالي: اصل الحاله دى ماتستاهلش دكتوره حوريه تعملها بنفسها يلا شوفي شغلك ياصفاء

لتنظر له صفاء وتحدق به(ياخرااابي ايه الحلااوه دى ياولاد هو ف كدا) لتدخل عليه وهى مبتسمه ابتسامه تظهر منها اسنانها القبيحه الغير متساويه

ليقول لنفسه(ايييه البلدوزر اللي داخل عليا ده يعنى كان لازم اطفش الدكتوره ...يعنى ياربى بعد الملاك اللي كان واقف من شويه تقوم دى تيجى تخيطلي الجرح.....الصبر يارب)

صفاء وهى تخيط الجرح وهى مبتسمه بشده كادت ان توصل شفتيها لاذنيها: الا حضرتك اسمك ايه يا اووستاااذ

ليقول وهو يتحاشي النظر لوجهها وهو يتمتم(اعوز بالله من الخبث والخبائث) اسمى مروان ولو سمحتى خلصينى انا مش فاااضي

صفاء: حااضر يا اوستاذ بالراحه علينا مش كدا....اااااه يالهووى عالجمال والحلاااوه

اما مروان كاد ان يبكى من ذلك الوضع ويتمنى ان يذهب لتلك الطبيبه الحسناء ويقبل يدها لتعفو عنه وتأتى له بدلا من ذلك الرجل المتخفي ف شخص يدعى (صفاء) ولكن كبرياؤه وغروره يمنعه ولابد بان يستحمل صفااء

وبعد ان انتهت....

صفاء بهيمان: خلاص يا اووستاذ مروان كله تمام....ابقي بعد كدا خلي بالك وانت سايق لا يحصل حاجه تانيه بعد الشر عليك يعنى

مروان وكاد ان يتقيئ من منظر صفاء الغير انثوى بالمره: ان شاء الله هخلي بالي عشان حاجه واحده بس عشان مااجيش هنا واشوف خلقتك تانى ياصفاء..اوعى من وشي كدا....وابعدها عن طريقه وغادر وهو يسير ف طرقه المشفي يلمح حوريه وهى واقفه مع بسنت فيذهب لها وف غرور: الكلام اللي انتى قولتيه جوه ده هتتحاسبي عليه مش انا اللي بت زيك تكلمنى كدا..انتى فاااااهمه

حوريه بغضب: بت اما تبتك انت بنى ادم قليل الادب وقليل الذوق ومغرور مااعرفش علي ايه

مروان: انا قليل الادب!!

حوريه بعند: ايوه ..واتفضل بقي من هنا بدل ما اجيب الامن هما اللي يطردوك برره

مروان ويتوعد لها: مااااشي

ويذهب من امامها

بسنت: يخربييييتك ايه كميه الشتيمه اللي قولتيها للراجل دى يا حوريه..وبعدين هو حصل ايه لكل ده

حوريه: بنى ادم لا يطاق مغرور اووى وقليل الذوق

بسنت: تقومى تهزقيه بالشكل ده..دا حتى الواد حليوه وامور وعليه جمال يا خرابي لا ولا عنيه العسلي دى تهبل يخربيته هو ف كدا

كان مروان يمتاز بوسامه غير عااديه فانه رياضي مفتول العضلات طويل القامه بشره قمحاويه وعينين عسليتين وشعر بنى غزير

فتنظر حوريه الي بسنت بطرف عينيها: كل ده لاحظتيه ف الدقيقه اللي واقفها دى هتفضلي طول عمرك هبله ياماما مش بالشكل اهو شكله يهبل زى مابتقولي بس اخلاقه زفت وتعامله مع الناس سيئ جداا

بسنت: طيب يا حبيبتى مش هزقتى الراجل وارتاحتى ومش هو بيستحلفلك روحى شوفي شغلك بقي

حوريه: يستحلفلي ....مين ده اللي يستحلفلي وبعدين هو هيشوفنى فين تانى يبقي يقابلنى بقي هعع

بسنت: ههههه طيب ياختى انا هروح امر عالحالات دلوقتى ....تيجى معايا

حوريه: مااشي...وقبل ان يذهبو ينادى عليهم دكتور معتز(مدير المستشفي) ويعتبر حوريه مثل ابنته

دكتور معتز: حوريه..بسنت..عاملين ايه

حوريه: تمام يادكتور

بسنت: كويسين يادكتور

دكتور معتز: هاا ياحوريه خلصتى الحاله اللي جت ف حادثه من شويه

فتنظر حوريه وبسنت لبعضهم ويكتمون ضحكهم

حوريه: ااه يادكتور خلصتها وصفاء ساعدتنى

دكتور معتز: صفاء اعوز بالله ليه كدا يابنتى انا كنت سامع انه شاب وجاى ف حادثه عربيه ..ليه تدخليله صفاء كدا مش هيجى عندنا تاانى

لينفجرو جميعهم ف الضحك

حوريه: لا يادكتور ماهو الصراحه يستاهل صفاء

دكتور معتز: هههه مااشي بدام انتى شايفه كدا خلاص

حوريه: ماشي يادكتور..بعد اذنك هنروح نمر عالحالات

دكتور معتز: اتفضلوو

ويذهبو ليباشرو عملهم
**************
يستقل سيارته وهو غاضب بشده ويسب ويلعن طول الطريق ف هذه العنيده

مروان: بقي حته بت زى دى تكلمنى بالاسلوب ده وتشتمنى كدا ..دا لا عاش ولا كان اللي يكلم مروان العوامى بالشكل ده..دا مفيش بنت تشوفنى الا وتجيلي راكعه...ونفسها ف بصه منى او انى اعبرها..تقوم دى تيجى وتعمل فيا كدا وتبهدلنى بالشكل ده...مااااشي ما ابقاش انا مروان العوامى ان مارفدتك من المستشفي دى وساعتها هتجيلي راكعه وتتمنى انى ارجعك تانى...وظل يضرب بيده علي دركسيون السياره من شده غضبه.......ويصل الي المنزل وتستقبله هويدا

هويدا: ايه يامروان كنت فين ابوك قالب الدنيا عليك وتليفونك مقفول انت ماروحتش الشركه ليه وبع...فتلاحظ ان ع طرف جبينه يوجد اكثر من غرزه وبعض الكدمات ف يده

هويدا بخضه: مرواان مالك ياحبيبي ف اييه..ايه اللي حصل

مروان ويجلس علي اقرب كرسي ويرجع براسه للوراء: مافيش ياماما وانا رايح الشركه عملت حادثه بالعربيه

هويدا وتضع يدها علي صدرها: حادثه!! طب انت كويس ياحبيبي مش حاسس بحاجه

مروان: لا ياماما الحمدلله انا كويس...خدت كام غرزه بس ف قورتى وفيه شويه كدمات ف دراعى

هويدا: طيب الحمدلله انها جت علي اد كدا قوم يا حبيبي خد شاور وارتاح انت وانا ان بابا اتكلم هقوله

مروان: ماشي ياماما انا طالع بعد اذنك

ويصعد لغرفته وبعدها يتصل مجدى ليسال عليه فتبلغه هويدا بكل شئ فيحزن علي ابنه ويعطيه اسبوع اجازه من العمل

ويمر الاسبوع بسرعه البرق وياتى اليوم الذي سيذهب فيه(المغرور) ليقابل (العنيده)

مروان: انا مش عارف هروح النهارده ازااى وانا وشي متشلفط خالص كدا

مجدى: ولا متشلفط ولا حاجه دا كام غرزه ف قورتك مش باينين ودراعك خف خاالص

مروان: يابابا انت لسه مصمم اننا نر

مجدى: تااااااااانى يامروان مااحنا خلاص قفلنا الموضوع ده ..الناس مستنينا بالليل حاول تجهز بدرى عشان مانتاخرش....ويتركه ويغادر

مروان بتافف: اوووووف صبرنى يااارب
*****************
ناديه: حوريه..سيبك بقي من الروايه اللي ف ايدك دى وقومى اجهزى

حوريه بضيق: اجهز ايه بس احنا لسه العصر

ناديه: مااشي يا حبيبتى ما الناس جايه بعد العشا..يعنى قومى اعملي ماسك ف وشك كدا ولا حاجه..مع انك الله اكبر عليكى زى القمر مش محتاجه حاجه

حوريه كانت تمتاز ببشره بيضاء وعينين تمتاز باللون الاسود القااتم وواسعه بشده وشعرها قصير كوستنائي وكانت قصيره وجسمها ممشوق

حوريه: اديكى قولتى مش محتاجه حاجه يبقي خلاص ..وحتى لو كان شكلي مش ولابد برضو مش هعمل حاجه انا لازم اطفشه باى طريقه عمرى ما هقدر اتجوز غصب عنى ياماما انا الموت عندى اهون من اللي بيحصلي ده... وبدات تنساب دموعها بشده..فتاخذها والدتها ف حضنها

ناديه: خلاص يا حوريه اهدى ياحبيبتى واللي فيه الخير يقدمه ربنا

وياتى وقت العشاء وياتى مجدى واسرته الي منزل حووريه
ويستقبلهم سمير وناديه استقبال حميم جدا وبعد وقت قليل

مجدى: اومال فين عروستنا مش شايفها يعنى

ناديه: ثوانى وهناديلها....فتصعد لغرفه حوريه لتجدها كما تركتها من عده ساعات

ناديه: يالهووى..بت ياحوريه انتى لسه مالبستيش حرام عليكى يابنتى هتفضحينا قدام الناس كدا..قومى الله يرضي عليكى البسي

حوريه بضيق: طيب طيب....لو سمحتى اخرجى عبال ما البس بس

ناديه: طيب..ربنا يهديكى ياارب

وتخرج ناديه وترتدى حوريه ملابسها

فستان وردى من قمشه الستان طويل وباكمام طويله ويزينه حجابها الصغير البسيط ولم تضيف اى مساحيق تجميل فهى بدونها كانت اجمل وارق...وبعدها تهبط الدرج وتتنحنح فيذهب لها والدها

سمير: حوريه تعالي ياحبيبتى..فيقدمها لهم...مجدى احب اقدملك الدكتوره حوريه الشهاوى بنتى

فيرفع بصره لتلك الاسم الذي مر علي مسامعه من قبل وترفع هى الاخرى بصرها لترى تلك البغيض الذي جاء لخطبتها بغير رغبتها لتتلاقي الاعين لتحل الدهشه والصدمه مكانها
****************

Just Faith 07-12-17 01:05 PM

البارت(4)

فيرفع بصره لتلك الاسم الذي مر علي مسامعه من قبل وترفع هى الاخرى بصرها لترى تلك البغيض الذي جاء لخطبتها بغير رغبتها لتتلاقي الاعين لتحل الدهشه والصدمه مكانها
لتتصدم حوريه من رؤيته وها هو الاخر يكون مصدوم من رؤيتها

مجدى: ماشاء الله زى القمر ياحوريه

هويدا: فعلا يامجدى زى القمر ماشاء الله..تعالي يا حبيبتى تعالي

فتذهب لها حوريه وتسلم عليها وبعدها تسلم علي مجدى

سهيله: امووره اووى يامروان اذيك يا حوريه انا سهيله اخت مروان الصغيره

حوريه: اهلا ياحبيبتى اذيك..وتسلم عليها

سمير: روحى ياحوريه سلمى علي مروان عريسك

لتغتاظ من هذه الكلمه..وتذهب ناحيته وتنظر له نظرات ناريه..وتسلم عليه

هويدا: تعالي ياحبيبتى اقعدى هنا...وتذهب وتجلس بجانب هويدا

سمير: مروان ياحوريه بيشتغل مع باباه ف الشركه ويعتبر شريك فيها

فتبتسم له حوريه ابتسامه(من تحت الضرس)

مجدى : انا سامع انك دكتوره شاطره اووى ياحوريه

حوريه: ده من زوقك بس ياعمو

هويدا: ربنا يحميكى ياحبيبتى يااارب

مجدى: طيب نسيب حوريه مع مروان شويه عشان يتعرفو ع بعض اكتر

سمير: فعلا معاك حق اتفضلو معانا

ويذهبو جميعا الي مكان اخر ويتركو حوريه مع مروان بمفردهم...فترفع حوريه بصرها له لتبدا ف توبيخه بعد ما اطمئنت ان الجميع بعيدا عنهم

حوريه: انت يابنى ادم انت ايه اللي جابك هنا..جاى عشان تخطبنى مش كفايه التهزيق اللي خدته قبل كدا..شكلك حبيته ونفسك تتهزق تانى

مروان: لالالا لحد هنا وتعملي استوب انا عديتهالك قبل كدا لكن مش هعديهالك المره دى..اوعى تفتكرى انى لما شوفتك ف المستشفي دوبت ف العنين السوده دى وقولت لا هى يا بلاش وروحت قولت لاهلي وجينا نخطبك...لا اللي انتى ماتعرفهوش ان انا جاى هنا غصب عنى يعنى مغصوب عالجوازه دى ولو عليا انا مش عاوزك ومش عاوز الجوازه دى تتم..وكمان انا اتفاجئت دلوقتى انك انتى العروسه انا لو كنت اعرف ماكنتش جيت من الاول دى صفاء برقبتك....ويقول ف نفسه......سامحنى يارب

وتغتاظ حوريه: صفاء..صفاااااء.....علي اساس ان انا كنت هوافق عليك لو جايلي بمزاجك وعلي فكره بقي انا كمان مغصوبه عالجوازه دى ولو حصل هيبقي بغير رضايا وهتبقي الجوازه باطله

مروان: خلاص ارفضينى..قوليلهم ان ماحصلش قبول مابينا وارفضي

حوريه بحزن: ياريت اقدر اعمل كدا كان زمان ماكنتش انت قاعد هنا اساسا لكن للاسف ماقدرش...لكن انت راجل واكيد مش هيجوزوك غصب عنك يعنى قولهم انت انك ماارتحتليش وارفضنى

مروان: برضو مش هينفع ابويا حاططنى قدام الامر الواقع مش هقدر ارفض

حوريه بعصبيه: لا بقي انت لازم تشوفلك حل...مانا لايمكن اتجوز بالطريقه دى وبالذات ليك انت..انت لو اخر واحد ف الدنيا انا لا يمكن اوافق عليك ..انت فااهم

مروان بغضب: ليه بقي ان شاء الله ناقصلي ايد ولا ناقصلي رجل

حوريه: ناقصلك تواضع واخلاق واسلوب كويس تتعامل بيه مع الناس...انت بنى ادم مغرور ومش هامك اى حد ومابتعرفش تتعامل مع الجنس اللطيف...انا لايمكن اوافق عليك الموت عندى اهون من انى اتجوزك

مروان واستشاط غضبا من كلامها: علي اساس ان انتى ملاك يعنى مانتى عنيده ولسانك متبري منه اوعى تكونى مفكره نفسك من الجنس اللطيف بلسانك ده...وعلي فكره بقي انتى كمان لو اخر واحده ف الدنيا لا يمكن اتجوزها بمزااجى...بس اعمل ايه ابويا جابرنى عالجوازه دى..مضطررر

حوريه : خليك راجل وارفض

مروان بغضب: انا راجل غصب عنك..احترمى نفسك يابت انتى

حوريه: بت اما تبتك تانى مره تقولهالي...احترم نفسك احسنلك

مروان: وان مااحترمتش نفسي هتعملي ايه يعنى

حوريه: ماتزعلش بقي من اللي هيحصل

مروان بحزم: انتى اللي ماتزعليش من اللي هيحصل.......وينادى علي والده...بابا يابابا

وياتيه مجدى وسمير ويليهم ناديه وهويدا وسهيله

مجدى: خير يا حبيبي اتكلمتو مع بعض

مروان: ايوه يابابا خلاص

سمير: وايه الاخبار بقي ياحوريه

حوريه: يابابا انا كن.........ويقاطعها مروان.......خلاص ياعمى ماتكسفهاش بقي احنا اتكلمنا مع بعض والحمدلله تمام ...ها نقرا الفاتحه بقي...لا دا انا نسيت انكو قريتوها قبل كدا خلاص نحدد معاد الخطوبه..ايه رايكو

كان وهو يتكلم تنظر له حوريه وهى مندهشه ومذهوله من كلامه فاها هو الاخر يضعها امام الامر الواقع فلا تجد لنفسها مخرج من هذا المأزق

مجدى: انا ماعنديش مانع ايه رايك ياسمير نحدد المعاد دلوقتى

سمير: وهو كذلك خلاص يبقي علي يوم الخميس اللي جاى ان شاء الله..يناسبكم المعاد ده

مروان: تمام ياعمى

مجدى: علي خيره الله..ربنا يتمم لكو بخير يا ولاد

وبعدها يطلق ناديه وهويدا الزغاريط ف ارجاء المنزل..وكادت حوريه ان تدمع من هذا الموقف كانت تود ان تصرخ..تصرخ بكل قوتها وتوقف هذه المهزله هذه الزيجه الغير مرغوب فيها وتطرد هذا البغيض الذي جاء لخطبتها بدون رغبتها هذا البغيض الذي لا تطيقه

فاستاذنت حوريه وصعدت للاعلي قبل ان يلاحظ احد دموعها التى حبستها وبمجرد ان دلفت لغرفتها ارتمت علي سريرها وبدات بالبكاء والنحيب

فياتيها اتصال من بسنت فترد عليها وهى ف قمه بكاؤها : الوو..ايوه يابسنت

بسنت بخضه: حوريه مالك يا حبيبتى انتى بتعيطى كدا ليه..هو ف اييه

حوريه ببكاء وتعتدل ف جلستها: خلاص يابسنت الخطوبه الخميس الجااى

بسنت: يانهاار اسوود بالسرعه دى..ايه ماعرفتيش تطفشيه ولا ايه

حوريه: لا هزقته بس...وقالي هو كمان مغصوب عالجوازه دى زيي بالظبط

بسنت: لالا كدا الموضوع كبير اووى يعنى انتو الاتنين دلوقتى مغصوبين عالجوازه دى..لا لازم تشوفلكو حل

حوريه: لا وخدى التقيله بقي....عارفه العريس طلع مين

بسنت: ايه ده هو احنا نعرفه...قولي قولي يا مصيبه طلع مين

حوريه: فاكره الشاب اللي جالنا الاسبوع اللي فات ف حادثه عربيه وانا دخلتله وبعدها دخلتله صفاء وجالنا واحنا واقفين وانا هزقته

بسنت: لا اوعى تقولي ان هو ده العريس

حوريه: اااااه هو يابسنت هو

بسنت: يخربعقلك ياحوريه هو جاى عشان ينتقم ولا ايه ههههه

حوريه: لا هو جاى ومايعرفش ان انا العروسه

بسنت: يا واجعه مربربه شكل ايامك اللي جايه مطينه بطين يا حبيبتى

حوريه ببكاء طفولي: ماتفكرنيش يابسنت انا خايفه اووى ومش عارفه ايه اللي هيحصل...المشكله انى مش طايقاه بجد مغرور وشايف نفسه اووى وقليل الذوق وفيه كل العبرر

بسنت: فعلا انتى اكتر حاجه بتكرهيها ف حياتك هى الغرور...طب يا حوريه ماتحاولي تتأقلمى معاه يمكن تحبيه دا حتى الواد اووز يابت

حوريه: يغور باوزه ولوزه انا مش عاوزاه مايهمنيش وسامته دى...انا باخد الراجل بشهامته وجدعنته وتواضعه وطبعا باخلاقه انما ده مافيش فيه اى حاجه من اللي انا عاوزاها

بسنت:ياشيخه اتقي الله دا انتى لو طفيتى النور عليه هينور ف الضلمه وربنا هههههه

حوريه: بسنت انتى بتضحكى ليكى نفس تضحكى وصاحبه عمرك شايفاها هتجوز غصب عنها

بسنت: حوريه يا حبيبتى انتى شايفاه جايب المازون دلوقتى ..اهدى كدا

حوريه: يعنى ايه مش فاهمه

بسنت: افهمك..مش انتو لسه هتتخطبو ولسه علي بال ماتجهزو نفسكو وتحضرو للفرح لسه مواال طويل مش كدا

حوريه: تماام

بسنت: بااااس ف الفتره دى بقي تخترعي اى حاجه تقرفيه ف عيشته وتطلعي فيه القطط الفطسه زى ما بيقولو

حوريه بقرف: اييه ده هما بيقولو كدا

بسنت: باين ياختى والنبي مانا عارفه ههههه

حوريه: دا انتى بتجيبي امثال شكلك

بسنت: ههههه اعمل ايه ف المستشفي بشووف العجب وبسمع الاعجب

حوريه: طيب سيبك من كل ده وقوليلي اعمل اييه

بسنت: يابنتى انتى هتجننينى ماقولتلك اتخطبيله عاادى وبعد الخطوبه هنتكتكله بقي

حوريه: ماشي يابسنت اما نشوف اخرتها اييه

بسنت: تراهنيني اخرتها دبلتين وبدله سوده وفستان ابيض وهنعمل لولولولولولولي فرررح ههههههه

حوريه بنرفزه: انا غلطانه انى اتكلمت معاكى اساسا..اقفلي يابسنت اقفلي....وتغلق ف وجهها الخط...لترمى بسنت الفون وتقع علي الارض من كثره الضحك

اما حوريه فكانت تجلس وحدها ف الغرقه تفكر ف كلام بسنت ويدخل عليها والدها وهو غاضب

سمير: انتى ازاى يابنت تقومى وتسيبي الناس لوحدهم كدا..انتى حرجتينى مع الناس

حوريه: مانا سيباك انت وماما معاهم

سمير: ولو..ماينفعش برضو اييه يقولو علينا ايه غاصبينك علي الجوازه ولا ايه

فتتعجب حوريه منه وتنظر له باستغراب: ماهو فعلا ده اللي بيحصل يابابا انت بتجوزنى غصب عنى هما مش هيقولو هما اكيد متأكدين انى مغصوبه عالجوزاه دى...انت يابابا طوول عمرك قاسي عليا وعمرك ماكنت حنين معايا وانا مش معترضه علي كدا..بس اللي انا بطلبه منك انك تدينى حريه اختيار شريك حياتى داحقي

سمير: دك كسر حوقك ياحوريه...مافيش عندنا بنات تقول اتجوز مين ومااتجوزش مين..انتى تجهزى نفسك خطوبتك الخميس الجاى والفرح بعدها........بشهرر

وتنتفض حوريه من مكانها: ايييييييييييه شهر!!..لا يابابا حرام عليك شهر دا قليل اووى انا عاوزه اقل حاجه سنه

سمير: سنه!! بقولك ايه انا اتفقت مع الناس ومش جاى اخد رايك لا انا جاى ابلغك بس ويلا نامى عشان تصحى بدرى عشان مروان وسهيله اخته هيفوتو عليكى بكره عشان تجيبو الفستان ولوازم الخطوبه

حوريه بغضب: ما لسه بدرى هو مستعجل علي ايه

سمير: الولد ماطلبش انا اللي طلبت كدا ويلا بقي ناامى...تصبحى علي خيير

حوريه بحزن: وحضرتك من اهله

وبعدها تقوم من علي سريرها وتدخل المرحاض وتبدل ملابسها وتأخذ شاور بارد وتخرج تستلقي علي سريرها وهى تفكر ف احداث اليوم القادم كيف سيكون...ليقاطع شرودها صوت رنين الهاتف ليعلن عن اتصالا من رقما غريبا بدون اسم..فاوضعت الهاتف علي وضع الصامت بلامبالاه ..واخذت تفكر مره اخرى فيقطع شرودها شاشه الهاتف وهى تعلن عن وجود اتصال بنفس الرقم فترد من الحاح المتصل

حوريه: الوو

الشخص: الوو...ها نمتى ولا اييه

فتنظر حوريه للهاتف باستغراب وترد: مين معايا

الشخص: اييه لحقتى تنسينى ولا اييه...لا فوقي كدا انا مش ناقص

فتعرفه من صوته لا بل عرفته من اسلوبه وقله زوقه ف الحوار التى اعتادت عليها:ااه هو انت ..عاوز ايه وبعدين جبت رقمى منين

مروان ببرود: من عمى..وبعدين انا مش بكلمك دلوقت عشان اقعد احب ف سيادتك ف التليفون انا بكلمك عشان اعرفك انى هفوت عليكى بكره انا وسهيله عشان نجيب فستان الخطوبه وامرى لله

حوريه: بس ماتقولش فستان خطوبه وانت عارف اللي فيها وبعدين بابا قالي من شويه ...خلاص قولت اللي انت عاوزه بعد اذنك بقي عشان عاوزه انام...وتغلق الهاتف ف وجهه

مروان: يابنت ال..... مااشي انتى اللي بداتى اللعب يا حوريه استحملي بقي وماترجعيش تعيطى ماهو مش مروان العوامى اللي بت زيك تقفل السكه ف وشه..ماااااشي
*****************
وياتى تانى يوم ويذهب مروان وسهيله منزل حوريه ويستقبلهم سمير وناديه بترحاب شديد جدا ويسالو عن حوريه لتصعد لها ناديه لتجدها نائمه

ناديه: حوريه بت يا حوريه

حوريه: اممم ايه ياماما ف اييه

ناديه: يابنتى قومى خطيبك تحت هو واخته مستنيينك

لتنتفض بغضب: ماتقوليش خطيبك ماتقوليليش الكلمه دى تانى انا بكرهه بكرهه انتى فاهمه بكرهه

ناديه: خلاص ياحوريه وطى صوتك لايسمعو يابنتى

حوريه: مايسمعو تحبي انزل اقولهم كدا ف وشهم

ناديه: لا يا حوريه خلاص..البسي بس انتى عشان ماتتاخريش عليهم اكتر من كدا

فتقوم علي مضض: حاضر..انتى عارفه لولا انى عندى اجازه من الشغل النهارده انا ماكنتش روحت مع حد............وبعدها تدخل المرحاض وتغتسل وتخرج تصلي وترتدى ملابسها وكانت عباره عن فستان قطنى يحمل اللونين الاسود والاحمر وطرحه سوداء وشنطه وجزمه حمراء....وبعدها تهبط للاسفل وتدخل وتسلم علي سهيله بود وحب فهى بالفعل احبتها مثل اختها وسلمت عليه هو الاخر

مروان: طيب يلا نمشي احنا بقي

حوريه: اوك

ويذهبو ليستقلو السياره وتفتح حوريه الباب الخلفي للسياره فتمسك يدها سهيله: اييه يا جميل بتعملي ايه مكانك مش هنا مكانك قدام جمب خطيبك...وكأن حوريه لم تسمعها وتفتح باب السياره وتركبها.......لا ياسهيله انا مكانى الصح هنا اركبي انتى قدام

فتستغرب سهيله من رد فعلها ويغتاظ مروان من ردها: خلاص يا سهيله اركبي انتى جمبي يا حبيبتى...وبعدها ينطلق بالسياره الي احد المولات

وبدات حوريه وسهيله يلفون ع بعض المحلات وكان مروان معهم

سهيله: الله دا حلو اووى يا حوريه هيبقي تحفه عليكى

مروان: فعلا جميل اوى يا سهيله

حوريه بعند: لا ياسهيله مش عاجبنى....دا احلي هاخده

سهيله: واااااااو دا جميل اوى يا حوريه ازاى ماشوفتوش دا احلي من اللي انا اختارته زوقك حلو اووى..خلاص يلا ادخلي قيسيه

حوريه: اوك

وتدخل حوريه البروفه لتقيس الفستان....اما ف الخارج

سهيله : مرواان

مروان: نعم ياسهيله

سهيله: هو انا ليه حاسه ان التعامل بينك وبين حوريه مش طبيعي يعنى مش زى اى اتنين مخطوبين ..طب انت وعارفين انك مغصوب عالجوازه دى طب هى اسلوبها ف الرد عليك ناشف اووى تفتكر هى كمان ممكن تكون مغصوبه عليك

مروان: علمى علمك ياسهيله ابقي اسأليها

سهيله: اسألها ايه بس يا مروان هروح اقولها انتى مغصوبه علي اخويا زى ماهو مغصوب عليكى ..لا طبعا ماينفعش

مروان: طب خلاص نقطينا بسكاتك بقي ومش كل شويه تفكرينى بالمصيبه اللي انا فيها دى مااشي

فتضع سهيله يدها ع فمها لتكتم ضحكتها وبعدها تخرج حوريه وهى ترتدى الفستان لا نبالغ عندما نقول انها كانت تشبه للملاك ف هذا الوقت كانت ترتدى فستان تايبست ضيق من الاعلي لتحت الركبه وواسع من عند الزيل وكان باللون السيمونى وكانت اكمامه طويله وضيقه
وشفافه لتظهر ذراعيها

عندما شاهدها مروان فتح فمه وسهيله كانت غير مصدقه من جمال حوريه البالغ

حوريه: ايه يا سهيله متنحه كدا ليه شكلي مش حلو فيه

سهيله: مش حلو فيه ايه بس دا انتى تجننى تهبلي هو ف كدا..مروان ايه رايك

ويظل مروان سارح ولا يدرى باى شئ حوله

سهيله: مروان انا بكلمك...ايه رايك ف الفستان

ويفيق مروان من شروده: ها..ايه يا سهيله بتنادى

سهيله: ايوه بقولك ايه رايك ف الفستان

مروان: اه حلو حلو..يلا خلصونى بقي

وتغتاظ حوريه من اسلوبه: علي العموم حتى لو ماكانش حلو هو عاجبنى وهاخده...انا هدخل اغير ياسهيله

سهيله: اتفضلي يا حبيبتى.... وبعدها...مروان ليه كدا الفستان فعلا شكله تحففففه

مروان: وانا اتكلمت مانا قولت حلو

سهيله: اسلوبك يامروان هو اللي ماكانش عاجبنى خالص

مروان: انا كدا بقي واللي عاجبه

فتسمع حوريه اخر جمله قالها وهى علي وشك الخروج فتتوعد له وتخرج: خلاص انا خلصت

مروان: اوك...هاتى الفستان بقي اما احاسب عليه ....ويذهب مروان ليدفع تمن الفستان وعند الانتهاء يجد اخر شخص يتوقع وجوده هنا فيأخذ الفستان ويذهب لحوريه وسهيله سريعا: يلا بينا احنا لازم نمشي دلوقتى حالا
***************



Just Faith 07-12-17 01:06 PM

البارت(5)

مروان: اوك...هاتى الفستان بقي اما احاسب عليه ....ويذهب مروان ليدفع تمن الفستان وعند الانتهاء يجد اخر شخص يتوقع وجوده هنا فيأخذ الفستان ويذهب لحوريه وسهيله سريعا: يلا بينا احنا لازم نمشي دلوقتى حالا

سهيله: يلا ايه بس دا لسه الطرحه والجزمه والاكسيسوريز بتاع الفستان والطرحه لسه لسه كتير يا مروان

مروان: مش وقته هنيجى يوم تانى

حوريه بعند: انا بقي مش فاضيه بقيت الاسبوع ومش هاجى هنا تانى انا ورايا شغل ومش همشي من هنا غير لما اجيب كل حاجه..ماشي..وتعقد زراعيها امامها

مروان بغضب: مش وقت عند يا حوريه بقولك لازم نمشي دلوقتى حالا

سهيله: ليه يا مروان ماتفهمنا

مروان: مش لاز......ولم يكمل جملته يجدها اتيه عليه وعلي فمها ابتسامه خبث ف شر مكتوم

.......: اذيك يا مروان عامل اييه

مروان يجول بنظره بين سهيله وحوريه: ها..الحمدلله اذيك انتى يا...تاليا

تاليا: تمام..ايه مش هتعرفنا ولا ايه

مروان وهو يبتلع ريقه بصعوبه: ااه ..دى سهيله اختى ودى حوريه

تاليا: اها..اهلا وسهلا وحوريه دى اختك برضو

مروان: ها..لا مش اختى دى تبقي...تبقي..

سهيله: ايه يا مروان مالك ف ايه...حوريه يا حبيبتى تبقي خطيبته

تاليا وتنظر له نظره خبث: خطيبته....اه اهلا يا حبيبتى ..مبروك يا..قولتيلي اسمك ايه

حوريه بتعالي لتغيظها: اسمى حوريه...الدكتوره حوريه الشهاوى

تاليا: اه مبروك يا دكتوره

حوريه: الله يبارك فيكى يا........اه يا تاليا

سهيله: ايه يا مروان مش هتقولنا الانسه تبقي مين

مروان لنفسه: يااادى المصييبه السوده اعمل اييه بس....ويقول بتوتر.......دى تبقي ..تبقي

تاليا: انا تاليا اخت صاحب مروان.....بقي كدا يا مروان ماتسألش عن صاحبك اسبوع بحاله دا زعلان منك اووى ياريت تبقي تسأل عليه وتروحله لانه عاوزك ضرورى اووى

مروان: ماشي يا تاليا قوليله انى هجيله النهارده بالليل...اوك

تاليا: اوك هقوله واخليه يستناك بس ماتتأخرش زى عوايدك بقي

مروان: اوك مش هتأخر

تاليا: طيب يا جماعه enjoy بقي..يلا باى ياميرو.......فتنظر لها حوريه بطرف عينها فتلاحظها تاليا......لا يا دكتوره اوعى تكونى بتغيري اصل انا واخده علي ميرو اووى اصله صاحب اخويا من زمان وبيجى البيت عندنا ع طوول

حوريه: لا يا حبيبتى مش الدكتوره حوريه اللي تغير انا واثقه ف نفسي جدا وبسيب الغيره دى للستات اللي ثقتهم مهزوزه ف نفسها مش انا اللي اغيير

تاليا:fantastic ياريت كل الستات زيك كدا ماكانش ف كل المشاكل دى كلها...طيب انا ماشيه بقي يا جماعه ..علي معادنا بقي يا ميرو هاا..وتغمز له....يلا بااى...وتتركهم وتذهب

سهيله: ايه يا مروان البت المتسهوكه دى

مروان: بت متسهوكه! ايه يا سهيله ماتحسنى الفاظك شويه..دى تاليا اخت واحد صاحبي بنت رقيقه جدا مش متسهوكه زى ماانتى بتقولي

سهيله: لا بقي ف فرق بين الرقه والسهوكه..طب مانا اهو رقيقه رقه مااقولكش بس مش متسهوكه كدا..دى شكلها رخم اووى انا ماارتحتلهاش

مروان: مش مهم ترتاحيلها انتى هتناسبيها يعنى

سهيله: لا اناسبها ايه معاتش حد عندى للجواز ابويا ومتجوز امى وانت وخطبت واحده زى القمر والرقه اللي بجد ها مش دى

مروان: ااه مانا واخد بالي..يلا بقي نجيب بقيت الحاجه

سهيله: الله!! مش بتقول لازم نروح دلوقتى ايه يامروان يا حبيبي مالك فيك ايه

مروان: غيرت رأيي ياستى عندك مانع....يلا بينا

فيذهبو جميعا وطول الوقت وحوريه لم تتكلم وكانت تفكر ف هذه البغضاء التى تدعى تاليا فهى الاخرى لم ترتاحلها وتراها متسهوكه كما قالت سهيله ههههه

وبعد الانتهاء

حوريه: ااااه انا تعبت ورجلي وجعانى اووى

سهيله: مين سمعك يا حوريه انا كمان معتش قادره وهمووت من الجوع...لم تجد اى رد فعل من مروان..فتعلي صوتها اكثر...يا ناس ياللي فوق بنقول هنموت من الجووع...فهى الاخرى كانت قصيره مثل حوريه هما الاثنان بالكاد تصل رأسهم لكتف مروان

فيبتسم مروان وهو ينظر امامه: من غير ماتعلي صوتك سمعتك والله ومن اول مره ومن غير ماتطلبي انا كدا كدا كنت هعزمكو عالغدا

سهيله بفرحه: ايوه كدا يا ميرو يا حبيبي هتأكلنا اييه بقي

مروان: هأكلكو بيتزا ايه رأيك

سهيله: ايوه بقي احبك وانت فاهمنى

حوريه: طيب يا سهيله انا لازم امشي بقي لانى تعبانه وعاوزه انام

سهيله: تمشي ازاى لا طبعا احنا هنروح نتغدا وبعد كدا نوصلك بالحاجات دى ماينفعش تمشي كدا وبعدين هتروحى ازااى

حوريه: عادى هاخد تاكسي وبعدين انا مش جعاانه

مروان: يلا يا سهيله اركبي...يلا يا دكتوره اركبي انتى كمان

حوريه: قولت انا مش جعانه وهروح

مروان: وانا قولت يلا اركبي هنروح نتغدا وبعد كدا نوصلك

حوريه: بس انا مش جعانه

مروان ببرود: مش مشكله اقعدى اتفرجى علينا بس مش هتروحى لوحدك زى ما خدتك هرجعك...ويعلي صوته...يلا اركبي بقي

فتنصاع حوريه له وهى تزفر بضيق وتركب بالخلف وسهيله ف الامام ويذهبو للمطعم ويطلب 3 بيتزا

حوريه: قولت مش جعانه طلبتلي ليه

مروان ببرود تاام: كلي اللي تقدرى عليه وسيبي الباقي

حوريه بضيق: اووووف..وتنظر امامها

ويأتى النادل بالبيتزا ويبدأ مروان وسهيله بتناول الطعام وحوريه تنظر لهم وتشتم رائحه البيتزا...وبعد وقت قليل..لم تقدر ان تمسك نفسها اكثر من ذلك فهى بالفعل ستمووت من الجوع فتضعف حوريه وتمسك بالبيتزا وتبدأ بتناولها فتجدها حقا لذيذه فتبدأ تأكل بنهم شديد فيلاحظها سهيله ومروان ويكتمون نفسهم عن الضحك لكى لا يتسبب ذلك ف احراجها وبعد ان انتهو مرون وسهيله يجدو حوريه مستمره ف الطعام فيظلو ينظرون اليها وهم واضعين ايديهم اسفل وجنتيهم لتنتهى هى وتنظر لهم لتجدهم ف هذا الشكل فتؤحرج بشده فتتنحنح: احم اييه بتبصولي كدا ليه

مروان: ولا حاجه اصلك فعلا مش جعانه خالص

حوريه باحراج: احم..اه انا فعلا مش جعانه بس كان شكلي وحش اووى وانتو قاعدين بتاكلو وانا قاعده بتفرج عليكو فاقولت اكل ولو حته صغيره يعنى

فينظر مروان وسهيله ف طبقها ليجدوه فاارغ تماما فينفجرو ف الضحك بعدها

حوريه: طيب مرسي اووى....ممكن تروحونى بقي ولا اقوم اخد تاكسي

سهيله: ايه يا حبيبتى انتى زعلتى ولا ايه احنا بنهزر معاكى

مروان: وبعدين كل الاكل ده بيروح فين ها قوليلي بيروح فين وانتى معصعصه كدا

حوريه:معصعصه!! ايه الالفاظ دى..وبعدين انا حابه شكل جسمى كدا..ماااشي

مروان: مااشي...قومى بقي عشان اروحك وبعدها اروح انااام لانى تعبت

سهيله: ااه عشان بالليل تروح لصاحبك انت نسيت ولا ايه

مروان: لا مانستش يا لمضه يلا بقي...وينادى علي النادل ليعطيه الحساب ويذهبو جميها الي منزل حوريه

فتهبط حوريه من السياره وهى تحمل الشنط: ايه مش هتنزلو

سهيله: لا ياقلبي مره تانيه لانى خلاص فصلت ومش قادره وعاوزه انام

مروان وهو ينظر امامه ويده علي دركسيون السياره والاخرى علي وجنتيه وهو ساندها علي باب السياره: وانا كمان تعبان ومش قادر وعاوز انام

فتغتاظ حوريه من رده الغير عابئ لها: عالعموم براحتك ياسهيله باى يا حبيبتى

سهيله: سلام ياقلبي

وتدخل حوريه وينطلق هو بالسياره ويذهبو لمنزلهم

ناديه: ايه يا حوريه جيبتى كل حاجه يا حبيبتى

حوريه: ايوه ياماما...بقولك ايه انا هطلع انام بقي مش قادره

ناديه: استنى بس قوليلي عامله ايه انتى ومروان مع بعض..كويسين

حوريه: كويسين!! لا بقي بصي ياماما الخطوبه دى هتم عشان بابا عاوز كدا مش اكتر وكمان لانى محطوطه قدام الامر الواقع وانتى اكتر واحده عارفه بالكلام ده لكن وحيااتك عندى الجوازه دى مش هتم ابدا لا يمكن ارتبط بالبنى ادم ده طول حيااتى دا انا اموت نفسي ولانى اتجوزه ابدا

ناديه: ليه كدا يابنتى دا لو شيطان مش هتقولي عليه كدا وبعدين مروان مافيهوش اى عيب شاب زى القمر واخلاق وعنده شركه وشكله كدا بدأ يحبك الصراحه الراجل مايتعيبش

حوريه لنفسها: يااااه ياماما داانتى مش عارفه اللي فيها خاالص قال بدأ يحبنى قال...........هو كدا بقي ياماما مابطيقهووش

ناديه: طب استهدى بالله كدا واطلعى اوضتك ارتاحى دلوقتى

حوريه: اوك...وتحمل الشنط وتصعد لغرفتها
******************
اما عند مروان

هويدا: ايه يا حبايبي مالكو

سهيله: خلاص مش قادره ياماما رجليا بتفقفق

مروان: بتفقفق!! انتى بتجيبي الالفاظ دى منين بس

سهيله: الفاظ!! طب بلاش انت تتكلم يابتاع يا معصعصه قال الفاظ قال ههههه

مروان: ااه طب حطى لسانك ف بوئك بقي واسكتى

سهيله: هههه حاضر اهو

هويدا: ماتفهمونى يا ولاد ف اييه

مروان: ولا حاجه ياستى احنا جبنا كل حاجه بس لفينا كتير عشان كدا فاصلين ومش قادرين خالص

هويدا: طيب اتغدو واطلعو ريحو فوق

سهيله: لا ياماما احنا كلنا بره انا هطلع اخد شاور وانام

مروان: وانا كمان خدينى معاكى ياسهيله..بعد اذنك ياماما

هويدا: اتفضلو ياولاد

ويصعدو لغرفهم وكلا منهم يأخذ شاور ويذهب ف ثبات عميق
*****************
ف الليل

يستيقظ مروان من نومه علي صوت رساله اتيه له ليفتحها ليجدها من تاليا ويقرأ محتواها
(مستنياك علي نار يابتاع حوريه)

ليقول لنفسه: اااه قابل بقي ياسي مروان..عديهاا ياااارب

ويترك سريره ويدخل المرحاض ليغتسل ويخرج يرتدى ملابسه بنطلون بيج علي قميص لبنى وبرازر كحلي وحذاء كحلي ويرش عطره الجذاب مع تسريحه شعره الجميله حقا كان وسيما بشده..ويهبط للاسفل ليجد مجدى وهويدا وسهيله يشاهدون التلفاز

مجدى: ايه خارج برضو

مروان: ايوه يابابا خارج شويه وجاى

هويدا: ورايح علي فين بقي ان شاء الله

سهيله: اقولك انا ياماما رايح لواحد صاحبه ما سألش عليه الوحش اسبوع بحاله وصاحبه زعلان منه اووى فاهو بقي رايحله صح يا ميرو

مروان: صح ياختى...انا خارج ويمكن اتأخر شويه سلام

مجدى: مااشي يامروان كلها شويه وتتظبط

ويخرج ويستقل سيارته ويذهب لها ويصعد العماره ..وهو يتمتم...استقبل بقي يامروان ...ويفتح باب الشقه ليجد جو رومانتيكى جنان عشاء وحوله شموع مضيئه وصوت مزيكا هادئه لتخرج هى من غرفه النوم وهى ترتدى لانجيري لونه اسود وقصير للغايه ومفتوح من كل اتجاه وعلي فمها ابتسامه حب

فيفتح مروان فمه لما يراه فهذا عكس ماتوقعه تماما

تاليا: ايه مالك متنح كدا ليه اول مره تشوفنى وانا كدا

مروان: لا مش اول مره اشوفك كدا بس انا جاى ومستنى عقاب غير كدا خاالص

تاليا: لا ماهو مافيش مفر هتتعاقب يعنى هتتعاقب....فتقترب منه وتمسك بوجهه وبعدها تلتهم شفتيه بشده وتظل لدقائق علي هذا الحال وبعدها تبتعد عنه قليلا وقد تورمت شفتيهم من ذلك

مروان باندهاش: لو كل العقاب يبقي كدا كل الناس هتحب تتعاقب

تاليا: تؤ مش كل الناس بتعاقب زى مانا بعاقبك ايه رأيك تاكل ولا......ترقص

مروان بابتسامته الجذابه: لا اكل ايه دلوقتى بقي انا اصلا مش جعان اكل انا جعان حاجات تانيه... ويغمز لها....بس تعالي نرقص الاول

تاليا: اوك..استنى اما اغير المزيكا الاول....وتذهب لتغير المزيكا وهو يقوم بخلع سترته ويفتح ازرار قميصه .... وتأتى له وتلف يدها حول عنقه وهو يضع يده حول ظهرها ليلتصقو ف بعض بشده ويبدأو ف تبادل بعض القبلات السريعه

تاليا: مروان

مروان: ياقلب مروان

تاليا:هتعلن جوازنا امته يا حبي

مروان: ودا وقته برضو يا تاليا ...ويقترب منها ويضع قبله علي شفتيها

تاليا: ايوه يا مروان وقته...ها هتعلن جوازنا امته بقي

مروان: مش عارف....الدنيا متلخبطه معايا اليومين دول خطوبتى الخميس الجاى والفرح بعدها بشهر

تاليا بغضب وتبتعد عنه: نعععععم بعد شهر...وانا يامروان انا هتعمل معايا اييييه

ويقترب منها مروان ويضع يده حول ظهرها ويقبلها: انتى حبيبتى وحياتى ماتخافيش حتى لو اتجوزت حوريه هتفضلي حبيبتى وعمرى كله

تاليا: علي جثتى الجوازه دى تتم ... جواازنا هتعمل ف ايه يامرواااااان

مروان: ماتخافيش هعلنه بس مش دلوقت

تاليا لنفسها: (مووت ياحمار مااشي يامروان انت اللي بدأت استحمل بقي كل اللي هيجرالك)

تاليا بحنان: خلاص يابيبي وانا مصدقاك بقولك ايه ماتيجى اوريك عملت ايه ف اوضه النوم

مروان بسعاده: ايوه بقي هو ده الكلام

ويدلفون الي غرفه النوم

مروان: وااو ايه القلوب والورد ده كله لا دانا هغلط ع طوول عشان تعاقبينى بالشكل ده

تاليا: اغلط يا حبيبي براحتك وانا اعاقبك بطريقتى ..وتضع قبله علي وجنتيه فيذوب هو فيها ويلقيها علي السرير ويخلع قميصه....استعنا عالشقا بالله

وتسكت شهرزاد عن الكلام
الغير مباح

وبعد وقت كبيير يدخل المرحاض ليستحم وهى كانت تلملم ملابسها المبعثره ف ارجاء الغرفه وترتديها وبعدها تجذب كرسي وتقف عليه وتمد يدها لتأخذ شئ ما كان متخفي فوق الدولاب وتمسك به (ماشي يامروان انت اللي بدأت بالغدر استحمل بقي)
********************



Just Faith 07-12-17 01:08 PM

البارت(6)

وبعد وقت كبيير يدخل المرحاض ليستحم وهى كانت تلملم ملابسها المبعثره ف ارجاء الغرفه وترتديها وبعدها تجذب كرسي وتقف عليه وتمد يدها لتأخذ شئ ما كان متخفي فوق الدولاب وتمسك به (ماشي يامروان انت اللي بدأت بالغدر استحمل بقي اللي هيجرالك ماهو مش انا اللي تضحك عليها وتفضل تعشمنى بالجواز طول الفتره اللي فاتت دى كلها وف الاخر هتسبنى وتروح تتجوز واحده تانيه..انا بقي هفضل ساكته واشووف اخرتها معاك ايه لكن لو عملتها معايا...وتنظر امامها نظره شر...يبقي عليا وعلي اعدائي يامروان)

فيخرج هو من المرحاض وهو يلف الباشكير حول جسمه..فتسرع هى وتخبئ ما كان بيدها وتذهب له

تاليا بحنان: خلاص يابيبي خلصت

مروان: اه يا روحى ادخلي انتى بقي خدى الشاور بتاعك عبال مااعملنا حاجه نشربها والبس هدومى

تاليا: تلبس ليه بقي

مروان: عشان امشي ياحبيبتى انا اتاخرت اووى

تاليا بحنان ودلع يذوب الحجر: تؤ تؤ انت بتاعى النهارده ووووبس مش هتمشي من هنا غير بكره الصبح ميروو انا لسه ماشبعتش منك ياحبي..وتضع قبله علي شفتيه

مروان: خلاص مش مروح وقاعدلك هنا ياجميل طوول الليل

تاليا: حياتى ياناس والله ...روح انت بقي اعملنا حاجه نشربها علي بال مااخد شاور..وتقبل احد اصابعها وتضعه علي شفتيه

مروان: ماشي ياقلبي

وتدخل تاليا لتأخذ شاور وتخرج ترتدى ملابسها وتذهب له ف الليفنج وهو ينهى مكالمه مع شخص ما

مروان: يابنت ال........

تاليا: ايه ده بتشتم مين يامرواان

مروان: هاا مافيش ياحبيبتى دا.. دا واحد صاحبي

تاليا: اممممم واحد صاحبك وبتقوله يابنت ال..... كنت بتكلمها هى صح

مروان وحس ان كذبه مكشوف: حبيبتى والله غصب عنى ابويا كل شويه يقولي كلمها اطمن عليها حسسها انك فرحان بيها وهى اساسا مش طايقانى بس هعمل ايه مضطررر

تاليا:مش طايقااك!!! ازاى

مروان: عشان هى كمان مش عاوزانى وباباها غصبها عليا زى مانا مغصوب عليها بالظبط.....تاليا حبيبتى وحيااتى عندك ماتزعلييش

تاليا: خلاص ياحبيبي مش زعلانه عشان عارفه انه مش بايدك وان انا بس اللي هنا ..وتشاور علي قلبه....مش كدا يابيبي

مروان: كدا ياروحى

وتضحك له ضحكه خبيثه وتأخذ مج النسكافيه وترشف منه وهى تفكر: يعنى كمان مش طايقاك ياسي مرواان لاااااا دا كدا اللعبه احلوت اوووى وهى ماهتصدق بقي يحصل اى حاجه عشان تفركش الجواازه...بس لااا اهدى شويه ياتاليا مش بدرى كدا دا حتى لسه مااتخطبوش بس بت غبيه اووى حد يبقي متقدمله مرواان الاووز ده ويرفضه او تجوزه غصب عنها...يووه يا تاليا هو ده وقته خلينا ف المصيبه الكبيره....مااشي ياسي مروان هصبر واشوف هتروح بينا علي فين
******************
ف نفس الوقت ف مكان اخر كانت تجلس علي سريرها وتحدث نفسها.....لا دا فعلا قليل الادب لا دا قليل الذوق لا دا ماعندوش ذووق خاالص يووووووه ....ويأتيها مكالمه من بسنت فترد عليها بغضب: ايه عاوزه ايه انتى كمان

بسنت: ايه ايه ف ايه انا عملت ايه

حوريه وتهدأ قليلا: لا مافيش معلش كنت متعصبه شويه

بسنت: متعصبه تقومى تطلعى عصبيتك فيا انا..ذنبي ايه انا..اهئ اهئ اهئ

حوريه: ماخلاص بقي انتى كمان هتضحكينى وانا بجد متعصبه

بسنت: هههههه طب ايه اللي اتجرأ وعصبك بس ياوحش

حوريه: هو ف غيره اللي بيعصبنى ياارب يموت ياارب يتشل ياارب يطرش ياارب ي....

بسنت: بس بس بس ايه ياشيخه الافترا دا كله حرام عليكى دا زمان الراجل جراله حاجه بسببك دلوقتى

حوريه: ياريييييييت

بسنت: ليه بس هو ايه اللي حصل

حوريه: مافيش كنت قاعده دلوقتى بقرا روايه

فلاااش باااك

عند مروان بعد ان دلفت للمرحاض ذهب للمطبخ واحضر 2 كوب من النسكافيه وذهب لغرفه الليفنج وبعدها اعلن هاتفه عن اتصال من والده

مروان: الوو...ايوه يا بابا

مجدى: ايه ياسي مروان مش هتيجى بقي كفايه سهر لحد كدا

مروان: يابابا انا مش صغير عشان تتصل بيا وتقولي ارجع امته وماارجعش امته وبعدين انا..انا قاعد مع اصحابي مش هينفع اسيبهم واجى دلوقتى انا ممكن ابات هنا معاهم وهاجى عالشركه ع طوول

مجدى: طيب يامروان اما نشوف اخرتها معاك ايه.....بالحق ابقي رن ع خطيبتك اسأل عليها انت ماكلمتهاش من ساعه ماكنتو بره حسسها انك فرحان بيها البنت كويسه جدا يامروان ماتضيعهاش من ايدك يابنى

مروان وبدا الضيق يظهر عليه: اوك يابابا..ف حاجه تانيه

مجدى: لا خلاص مافيش بس ماتتأخرش بكره عشان عندنا شغل مهم

مروان ونفذ صبره: حاااضر يابابا حااااضر

مجدى: مع السلامه

مروان: سلاام...وبعد ما اغلق الخط
حوريه حوريه حوريه زى مايكون مكتوبه عليا ..اساسا لا هى طايقانى ولا انا طايقها هكلمها ازااى دى..خلاص انا هعصر ع نفسي شكاااره ليمون واكلمها صبرنى بقي ياارب لحد مااكلمها عشان مااتغاباش عليها........وبعدها يجرى اتصال بها فيأتيها الاتصال وهى جالسه علي السرير وتقرأ ف روايتها

حوريه: اووووف بقي هو ده وقتك دا خلاص كان هيعترفلها بحبه..هييه طب والله مانا رده بس..........وبعدها يعود الاتصال مره واثنين وثلاثه

حوريه: لا بقي دا انت رزل ..اما ارد وامرى لله........الوو

مروان بعصبيه: مابترديش ليه ياهانم كنتى فين كل ده برن عليكى من بدرى

حوريه ببرود تاام: كنت بقرأ روايه وماكانش ليا مزاج ارد وصوتك ده مايعلاش عليا تانى انت ملكش انك تزعقلي دى يدوب قرايه فاتحه يعنى حتى مش خطوبه يعنى تتكلم بأدب احسنلك..مااشي

مروان: انا اتكلم زى مانا عاوز ياحوريه مش انتى اللي هتعلمينى اتكلم ازااى ومااتكلمش ازاى..ماشي انتى

حوريه بصوت منخفض: مشش ف ركبك

مروان: هاا بتقولي حاجه ياماما

حوريه: لا مابقولش ببرطم عندك مانع وبعدين ايه ماما دى اكونش خلفتك ونسيتك مثلا

مروان بنفاذ صبر: اللهم طولك يارووح

حوريه: وبدام اللهم طولك يارووح بتتصل بيا ليه دلوقتى عاوز ايه

مروان: والله انا مجبور اكلمك دلوقتى زى مانا مجبور عليكى اصلا

حوريه وبدا عليها الضيق: مااشي مانا كمان مجبوره انى ارد عليك ع فكره واظن انك عارف كدا

مروان: اه عارف بس هنعمل ايه لازم نمثل الدور كويس والله انا نفسي التمثيليه دى تخلص من اولها كدا عشان خلااص انا زهقت

حوريه: اللي احنا فيه ده مش تمثيليه للاسف دى حقيقه واهلي عارفين انى مغصوبه عليك بس مايعرفوش انك مغصوب عليا والعكس برضو اهلك عارفين انك مغصوب عليا لكن مايعرفوش انى مغصوبه عليك

مروان ويلوى شفتيه: ااه ولفي بينا يادنيا مش كدا

حوريه واستشاطت غضبا بحديثه الغير عابئ لأى شي: علي فكره انت قليل الذوق ودى غلطتى انى برد عليك اساسا انا هقفل عشان عندى حاجات اهم منك بكتير عاوزه اعملها ومن غير سلام يامروان...وتغلق ف وجهه الخط.......يابنت ال.......

باااااااك

حوريه: بس وقفلت السكه ف وشه وقعدت اكلم نفسي لحد مالقيتك اتصلتى...بس شوفتى هو اللي بيبدأ بقله الادب انا ببقي قاعده ف حالي وهو اللي بيتصل ويجرجر

بسنت: امممممم شكل مروان مش سهل وايامك معاه هتبقي صعبه اووى يا حوريه

حوريه: فعلا يا بسنت انا خايفه منه اووى وبحس انه بيستحلفلي وبيحوشلي عما نتجوز وبعد كدا يطلعه عليا بقي

بسنت: قلبي عندك ياحوريه بجد

حوريه: بس انا عمرى ما هسكتله يا بسنت

بسنت: حوريه يا حبيبتى انتى مش شايفه نفسك جمبه اد ايه وبعدين طول عمرك هاديه وكيووت دا احنا كنا مسمينك القطه السيامى عشان هاديه ومابيطلعلكيش صوت هتيجى انتى فين جمب مروان ده عشان ماتسكتيلوش

حوريه: اهى القطه السيامى دى مش هتبقي هاديه من هنا ورايح القطه دى طلعلها ضوافر وبقت تخربش من يوم ما ظهر مروان ف حياتها فجأه انا مش عاوزه ابان قدامه ضعيفه يابسنت عاوزه ابان دايما قويه

بسنت: طب وانتى من جوه ايه بقي ياحوريه

حوريه بتنهيده: اضعف واحده علي وجه الارض لو نفخ فيا هيطيرنى اساسا بس انا اللي بحب اعانده واغيظه وعمرى ماهخليه يجى عليا ابدا

بسنت: ربنا معاكى ياحوريه

حوريه: يارب يابسنت يااارب
*****************
تانى يوم ف الشركه عند مجدى

مجدى ف مكتبه ويتصل بسكرتيره مرواان

مجدى: ايوه ياريناد مروان جه

ريناد: لا لسه يافندم استاذ مروان ماجاش

مجدى: طيب اما يجى خليه يجيلي ع طوول ياريناد

ريناد: اوك يافندم

وبعدها يأتى مروان ويدخل مكتبه وبعدها تدخل له ريناد بفنجان القهوه

مروان: جيتى ف وقتك ياريناد كنت محتاج للقهوه دى فعلا دلوقتى دماغى هيتفرتك

ريناد: سلامتك يافندم....علي فكره مجدى بيه اتصل بحضرتك اكتر من مره وسأل عليكى وقالي ان اول ماحضرتك تيجى تروحله علي مكتبه ع طوول

مروان: اااه استلم بقي يامرواان..ماشي يا ريناد روحى انتى علي مكتبك وهاتيلي ورق الثفقه الجديده وانا هروح اشوف بابا عاوز ايه

ريناد: حااضر يافندم

ويذهب مروان لوالده وهو مستعد اتم الاستعداد ليسمع ما لذ وطاب من توبيخ والده له بسبب تأخيره

مجدى: اخييرا شرفت يابيه مالسه بدرى جاى علي نفسك ليه كدا يامروان

مروان: انا اسف جدا يابابا انا صحيت من النوم متأخر والطريق كمان كان زحمه يعنى مش بايدى

مجدى: لكن بايدك بعد كدا تباات ف بيتك وتصحى ف مواعيد شغلك مفهووووم

مروان بحرج: احم مفهوم يابابا مش هتتكرر تانى

مجدى: طب اقعد خلينا نشوف المصيبه دى كمان

مروان: خير يابابا ف ايه

مجدى: مش خير يا مروان مش خير طلعلنا منافس مااعرفش من انهى داهيه ونازل السوق بتقله

مروان: طب وايه يعنى يابابا ما كل يوم ويطلعلنا واحد واول ما بينافس مروان العوامى بيجيب ارض ع طوول

مجدى: لا المره دى شكلها مش سهله بيقولو انه شرانى ومستعد يعمل اى حاجه عشان ما يخسرش اى مناقصه

مروان: هو اسمه ايه يابابا

مجدى: اسمه عبدالله المنشاوى

مروان باستغراب: عبدالله المنشاوى!! انا اول مره اسمع عن الاسم ده

مجدى: مش بقولك جديد ف السوق وشكله مش سهل

مروان: طيب يابابا ادينى وقتى وانا هجبلك قراره

مجدى: ازاااى؟

مروان: لا دى مصادرى بقي....بعد اذنك يابابا

مجدى: مااشي اما نشووف

ويذهب مروان لمكتبه وبعدها تدخل له ريناد بالورق المطلوب

ريناد: اتفضل يافندم الورق كله جاهز

مروان: ماشي ياريناد متشكر اووى...بقولك ايه صحيح

ريناد: اؤومر يافندم

مروان: عاوزك تروحى تشوفيلي ياسين فين وتجبيهولي من تحت الارض لان برن عليه تليفونه مقفول

ريناد وتهللت اساريرها: حااضر يافندم حاضر هشوفه حالا بعد اذنك

مروان: اتفضلي......وبعد ما تذهب ...ههههه شكلك ياريناد واقعه زى الواد ومداريه

وذهبت ريناد لتبحث عن ياسين بقلبها قبل عيونها الي ان وجدته

ريناد: استاذ ياسين

ويلتفت لها ياسين ليجدها ريناد فيبتسم لها قلبه قبل فمه: ايوه يا انسه ريناد ف حاجه

ريناد: اه هو حضرتك تليفونك مقفول

ياسين: ااه للاسف فاصل شحن ليه هو ف حاجه

ريناد وترتبك حينما تنظر ف عينيه الزرقاوتين: ااه ..لا ..اه لا هو استاذ مروان عاوزك حالا ف مكتبه...بس

ياسين بخبث: بس كدا

ريناد: ااه بس

ياسين: متاكده

ريناد: اه متاكده بعد اذنك بقي

ياسين: اتفضلي......
يا خرابي عليه ياناس لما بيتكسف..اكتبهالي يارب بس ف الحلال اه....وبعدها يذهب لمروان ف مكتبه

ياسين: مروان بااشاا

مروان: ايه يا ياسين فينك وتليفونك مقفول ليه بقي

ياسين: فاصل شحن يامروان ليه ف ايه

مروان: عاوزك ف مهمه بس مهمه ياياسين مش لعب

ياسين: ومالقتش غيري يعنى يعملهالك يا مروان

مروان: ياسين انت مدير حساباتى وصاحبي وانا مابثقش غير فيك

ياسين: خيير ياعريس اشجيينى

وكاد مروان ان ينطق ف عندما سمع هذه الكلمه بحث بعينيه عن اى شئ حوله ليضرب به ياسين ف الحال

مروان: ياسين وربنا هقوم اضربك دلوقتى حالا انا مجنون واعملها

ياسين: هههههه خلاص خلاص اهدى قول بقي عاوزنى ف ايه

مروان بجديه: ف واحد اسمه عبدالله المنشاوى صاحب شركه..........عاوزك تجبلي كل حاجه عنه يا ياسين كل المعلومات اللي تقدر تجبهالي هاتها وتكون عندى النهارده بالكتير بكره

ياسين: ومين عبدالله المنشاوى ده

مروان: دا منافس طلعلنا ف المقدر جديد وبيقوله انه شرانى وبتاع فانا بقي عاوزك تجبلي كل المعلومات عنه مفهووم يا ياسين

ياسين: مفهووم يا اخويا مانا قدرى انك تبقي صاحبي اعمل ايه بقي حكم ربنا

مروان: انت تطول ياض ان انا اكون صاحبك

ياسين: لا ياخويا اطول واطول اطول من كدا كمان

مروان:طب خليك بس تطول اللي قاعده بره دى الاول وبعدين ابقي اتكلم

ياسين: ااه يامروان ماتفكرنيش انا نفسي اقولها بس باجى اكلمها لسانى بيقف وبعدين انا مااعرفش مشاعرها من نحيتى عامله ازااى مش متاكد منها يعنى

مروان: لا اتاكد ياخويا ريناد بتحبك وبتحبك اووى كمان

ياسين بلهفه: وعرفت ازاى ها قولي والنبي عرفت ازااى مروان انا صاحبك حبيبك عرفت ازاى ماتنطق يااض عرفت ازااى

مروان: هو انت عاطينى فرصه اتكلم اتهد بقي شويه واسكت....ياسيدى عرفت من عنيها لما بتسمع اسمك من فرحتها لما بخليها تيجى تناديلك لا وخلي بالك ساعات بقولها انى بتصل بيك بلاقي تليفونك مقفول عشان اخليها تروح تناديلك وانا ببقي ساعتها مااتصلتش بيك اصلا افتكر الجمايل دى بس

ياسين: ياعم فاكرها بس تيجى بفايده بس..بقولك ايه يابرنس

مروان: اااه بدام فيها برنس يبقي ليك طلب اؤومر ياحبوب

ياسين: احيات ابوك ياشيخ احيات عيالك اللي لسه ماجوش...اطلب منها اى طلب دلوقتى خليها تدخل نفسي اشوفها دلوقتى ياجدع

مروان: يااض هى مش لسه كانت مناديالك دلوقتى وشوفتها

ياسين: بتوحشنى ياجدع الله

مروان: ههههه حااضر ياياسين اما نشوف اخرتها معاك...ويدق لها الجرس فتقف وتهندم من ملابسها وتدخل له ف الحال

ريناد: ايوه يافندم

مروان: معلش ياريناد اطلبيلي اى حاجه اشربها انا وياسين

ريناد: طب تحبو تشربو ايه

مروان: انا هاتيلي نسكافيه وشوفي ياسين يشرب ايه

ريناد: احم.. تشرب ايه يا استاذ ياسين

ياسين بهيمان: ريناااااااد

ريناد: افندم!!

ويوكزه مروان ف كتفه: اااااه اقصد يعنى هاتيلي قهوه ياريناااد

ريناد: ااه حاضر يافندم...بعد اذنكو

ياسين: وسندوتشين اصل مافطرتش

ريناد: حااضريافندم..بعد اذنكو

ياسين: استنى...واحد فول وواحد طعميه

ريناد: فول وطعميه!! حاااضر يافندم..بعد اذنكو

ياسين: استنننننى انتى مستعجله ليه بس....بصي هاتيلي مايه انا عايز مايه ياريناد

ريناد: حاااضر يافندم....وتظل واقفه مكانها

ياسين: خلاص انتى واقفه ليه

ريناد: لايكون ف طلبات تانى ولا حاجه

ياسين بحرج: لا كفايه كدا خلاص ولو افتكرت حاجه هبقي اقولك

ريناد بابتسامه: بعد اذنكو

ياسين برومانسيه: اتفضلي

وبعدها تذهب لاحضار الطلبات

مروان: تصدق بالله يا ياسين انت واد لامؤاخذه

ياسين: ليه بس يابرنجى

مروان: برنجك!! حرجت البنت ياياسين ياتقولها انك بتتنيل تحبها يا اما تخرس خالص وماتتكلمش

ياسين: ماهو ياعم بقي تؤ خلاص

مروان: ولا انا فاهم منك حاجه ..قووم ياياسين من وشي واعمل اللي قولتلك عليه

ياسين: طب الفول والطعميه

مروان: قوم يا ياسين ..فاتح انا مطعم فول وفلافل قوووووم وبكره بالكتير يكون عندى اللي طلبته

ياسين: اوامرك يابرنس
*****************
وياتى تانى يوم ف الشركه ايضا ويتصل ياسين بمروان ويذهب له مكتبه

مروان: ها ياياسين عملت اللي قولتلك عليه

ياسين: حصل ياكبير

مروان: ها وايه الاخبار

ياسين: الراجل طلع يامعلم كل شغله مشبوه ومابيشتغلش ف السليم وشرانى واللي يقربله يقول ع نفسه يارحمن يارحيم

مروان: ااه يعنى فعلا زى مابيقولو مش سهل

ياسين: لا وخد الكبيره بقي

مروان: ها ايه تانى؟
*************************



Just Faith 07-12-17 01:11 PM

البارت(7)

وياتى تانى يوم ف الشركه ايضا ويتصل ياسين بمروان ويذهب له مكتبه

مروان: ها ياياسين عملت اللي قولتلك عليه

ياسين: حصل ياكبير

مروان: ها وايه الاخبار

ياسين: الراجل طلع يامعلم كل شغله مشبوه ومابيشتغلش ف السليم وشرانى واللي يقربله يقول ع نفسه يارحمن يارحيم

مروان: ااه يعنى فعلا زى مابيقولو مش سهل

ياسين: لا وخد الكبيره بقي

مروان: ها ايه تانى؟

ياسين: مش هو صاحب الشركه الاصلي

مروان: يعنى ايه مش فاهم وضح يا ياسين

ياسين: يعنى من الاخر هو يدوب منظر قدامنا انه صاحب الشركه بس انا بعلاقاتى طبعا قدرت اوصل ان ف راس كبيره هى اللي بتمشي كل ده وهو يدوب بينفذ بس

مروان: انت متاكد ياياسين من الكلام ده

ياسين: طبعا يامروان والا ماكنتش جيت قولتلك

مروان: طب وعرفت مين هو الراس الكبيره ده

ياسين: للأسف ده اللي معرفتش اوصله صعب اووى نعرف هو مين

مروان وينظر امامه: ماشي يا ياسين روح انت شوف شغلك دلوقتى

ياسين: انت ناوى علي ايه يا مروان

مروان: مش عارف ياياسين بس انا مش هسكت ومش هرتاح غير لما اعرف هو مين

ياسين: مروان انا خايف عليك يا صاحبي الناس دى شكلها مش سهله

مروان: ماتخافش ياياسين وسيبها علي الله...المهم جهز نفسك انت الخطوبه كمان يومين وعاوزك معايا....قال هذه الجمله وهو يلوى شفتيه

ياسين: بجد يامروان انا لولا ان كنت مسافر الاسبوع اللي فات وماحضرتش الكلام ده ماكنتش مصدقك لما قولتلي

مروان: والكلام ده ف هزار يا ياسين

ياسين: وتاليا يامروان هتعمل معاها ايه

مروان: ششششش وطى صوتك يا ياسين هتفضحنا محدش يعرف الكلام ده غير انت ويوسف ابن عمى عشان انتو اللي شاهدين عالعقد....تاليا اتفهمت الموضوع اى نعم لما عرفت ان الجواز بعد شهر ماسكتتش وقلبت الدنيا بس بعدها هديت لما قولتلها انى هعلن جوازنا بس شويه كدا

ياسين: والله ماعارف اقولك ايه والغلبانه التانيه دى كمان صعبانه عليا اووى

مروان: قصدك حوريه اللي غلبانه هههههه لاااا دا انت اللي غلبان يا ياسين..وهى كمان زى ماانت عارف مش عاوزه الجوازه دى بس هنعمل ايه زى ما بيقولو يا اخويا
..زواج بالاكراه..

ياسين: مايمكن يامروان تحبها بعد الجواز وهى كمان تحبك

مروان بسرحان: تفتكر؟

ياسين: افتكر ونص وانا اهو وانت اهو وبكره تقول ياسين قال...بس بقولك صحيح هو يوسف جاى امته من لبنان

مروان: هيجى علي اخر الاسبوع عشان يحضر الخطوبه كمان بس مش عارف هيسافر تانى امته

ياسين: طيب تمام يجى بالسلامه...انا هقوم بقي اشوف ورايا ايه..سلام يابرنجى

مروان: سلام ياقدرى

ويخرج ياسين من مكتب مروان ليجد ريناد تجلس ع مكتبها مثل الملاك البريئ فهى كانت جميله حقا وهدوئها زادها جمالا فوق جمالها

فاخذت ريناد بالها من ياسين الواقف منذ دقائق وهو يتأملها

ريناد: ف حاجه يا استاذ ياسين

ياسين فحس ببعض الحرج: ها اه فيه لا مافيش بصي اه فيه

فتبتسم ريناد: اه فيه ولا لا مافيش

ياسين: لا هو فيه

ريناد: طب ايه

ياسين: ايه

فتكتم ريناد ضحكاتها من تصرفات ياسين ابو دم خفيف: ايه انت

ياسين ويخترع اى شئ ليجاريها ف الكلام: اه صحيح هتيجى خطوبه مروان

ريناد: هى امته وهتبقي فين

ياسين: كمان يومين ف بيت العروسه

ريناد: بس استاذ مروان ماقاليش لسه وماعزمنيش

ياسين: لا ماتخافيش هيقولك وبعدين انا مش كفايه ولا ايه ..وينظر لها نظره حنان

فتنظر له ريناد نفس نظرته وتبتسم له:اكيد حضرتك كفايه

ياسين: ممكن اطلب منك طلب ياريناد

ريناد وهى فرحه بحديثه معها: اكيد اتفضل

ياسين:ممكن بلاش حضرتك دى واستاذ والكلام ده بلاش القاب دا احنا شغالين ف شركه واحده ونعتبر زمايل ولا انتى ايه رأيك

ريناد: بس....

ياسين: بلاش بسبسه عشان خاطرى خلاص

ريناد بابتسامه: حاااضر يا ياسين

ياسين: ايوه بقي هو ده الكلام ...انا هروح اشوف شغلي بقي مش عاوزه حاجه

ريناد: لا سلامتك

ياسين: مااشي سلام ياقمر...ويذهب من امامها وهو يقول لنفسه بحبك يابنت الاييييييه

اما ريناد بعد ما ذهب تقول لنفسها:سلام ياحبيبي...سلاام ياحب عمرى كله...بحبك يا ياسين بحبك اووى بحبك من اول مره شوفتك فيها ياااااه ياما نفسي يجى اليوم اللي تعزم فيه لخطوبتنا زى مابتعزم كدا لمروان ..بس ..بس ياترى يا ياسين بتحبنى زى مابحبك كدا...وبعدها تطلق تنهيده حزن وتتابع شغلها
*******************
عند حوريه ف المشفي

بسنت تغنى: يا عروسه ياعروسه انا العريس..ايوه بقي كلها يومين والدبله تنور ف ايدك ياعروره ههههههه

فتنظر لها حوريه بطرف عينها:هش هش

بسنت: هش ايه انتى كمان بتهشي دبانه ولا ايه

حوريه: مانتى بتستفزينى بكلامك يابسنت

بسنت: الله!! وانا بجيب حاجه من عندى يعنى مش بغنيلك ياعروره هههههه

حوريه وبدأت تغضب: غوووورى من وشي يابسنت

فيأتى لها دكتور معتز ويستمع لاخر جمله قالتها

دكتور معتز: ايه يابسنت مزعله عروستنا ليه

حوريه بضيق: انت كمان يادكتور معتز هتتريق عليا

دكتور معتز: واتريق ليه ياحوريه مش خطوبتك كمان يومين افرحى ياحوريه واتبسطى انتو هتتجوزو كل يوم ياولاد ولا ايه

بسنت: قولها يادكتور والنبي قولها

دكتور معتز: عقبالك انتى كمان يابسنت

بسنت: ياارب يادكتور ياارب

دكتور معتز: شكلك مستعجله اوووى يا بسبس

بسنت: لا يادكتور مش مستعجله ولا حاجه بس المتنيل علي عينه اتأخر اووى عيييب مش كدا دا احنا كمان بنام بدرى يعنى

دكتور معتز: هههههههه الله يحظك يابسنت ضحكتينى

بسنت: تدوووم يادكتور

دكتور معتز:عقلي صاحبتك يابسنت مش كدا

بسنت: حاضر يادكتور هعقلها

حوريه: دكتور مش هتخطب غير لما تيجى

دكتور معتز: ياسلام ياست حوريه يعنى الخطوبه واقفه عليا انا خلاص من الصبح هكون عندك ياستى ولا تزعلي نفسك وبعدين سمير عازمنى وانا كمان مش محتاج عزومه احنا عندنا كام حوريه

حوريه: تسلم يادكتور

دكتور معتز: مااشي يا ولاد هروح انا اشوف شغلي بقي..بعد اذنكو

حوريه وبسنت: اتفضل يادكتور

بسنت: سمعتى الدكتور بيقول ايه افرحى ياختى افرحى قال يعنى هنتجوز كل يوم

حوريه: انتى عارفه يابسنت ان جوازتى غير اى جوازه...اقولك بلييييز غورى من وشي الساعه دى ممكن

بسنت: اكيد ممكن باااى

حوريه: شيت قفلتينى يابسنت...وبعدها يأتى لها دكتور مهيب: اذيك ياحوريه

حوريه: اه مهيب انا كويسه اذيك انت

مهيب وينظر لها نظره ذات معنى: انا كويس مبروك ياحوريه..الف مبروك

حوريه لنفسها: ااااه انت بتلمح يامهيب بقي............اه الله يبارك فيك يامهيب عقبالك

مهيب: لا والله اصل مش بفكر ف الموضوع ده حاليا

حوريه لنفسها: لا دا انت مش بتلمح دا انت بتلقح بقي.........اه طيب عن اذنك بقي يا مهيب

مهيب: ايه مش هتعزمينى يا حوريه ولا ايه

حوريه: لا ازاى دا انت تشرفنى يامهيب ياريت تيجى هكون مبسوطه بوجودك

مهيب: هاجى ان شاء الله هاجى..بعد اذنك ياحوريه

حوريه: اتفضل يامهيب....وتقول لنفسها..كانت نقصاك انت كمان يا مهيب ..بس انا عذراك والله يعنى ابقي من اسبوعين ارفضك بحجه انى مابفكرش ف الجواز ودلوقتى بعزمك علي خطوبتى..الله يسامحك يابابا ..وتتذكر مروان ..وياخدك يامروان ..وبعدها تذهب لتتابع شغلها
*******************
وتمر الايام القليله وياتى اليوم الموعود وهو يوم الخطوبه...وتذهب بسنت لحوريه مبكرا

بسنت: هاى يا طنط صباح الخير يا حبيبتى

ناديه: صباح النور يا بسبس جيتى ف وقتك والله

بسنت: ليه ف ايه وحوريه فين كدا مش شايفاها يعنى

ناديه: ماهو انا بقولك علي كدا حوريه نايمه ومش راضيه تصحى لحد دلوقتى

بسنت: نايمه ازاى دى الساعه 11 ياطنط واحنا ورانا حاجات كتير اووى عاوزين نعملها

ناديه: طب ينوبك ثواب بقي يابسبس اطلعي صحيها يابنتى اليوم هيعدى بسرعه ومش هتلحق تعمل حاجه والناس هيبتدو يجو عالمغرب كدا

بسنت: حاضر يا حبيبتى ماتشيليش هم انا هطلعلها دلوقتى..بعد اذنك

ناديه: اتفضلي يا حبيبتى

وتصعد بسنت لحوريه لتجدها ذاهبه ف ثبات عميق

بسنت: يخربعقلك يا حوريه...حوريه يا حوريه انتى يابنتى..انتى موتى ولا ايه هههههه

حوريه بنوم: اممممم ايه يابسنت جايه توزعى لبن ولا ايه

بسنت: اوزع لبن الساعه 11 الصبح ياحوريه

حوريه وتفتح عيناها ببطئ: ايه ده هى الساعه 11 دلوقتى

بسنت: اه ياختى تصورى..يلا قومى بقي ورانا حاجات كتييره اووى عاوزين نعملها

حوريه: لا اما تيجى 12 هقوم وغورى بقي عاوزه اكمل نوم

بسنت: تكملي نوم!! لا انتى مش هتيجى غير بكدا بقي...وتذهب بسنت وتفتح الشباك لتدخل منه اشعه الشمس وتتسلط علي وجه حوريه

حوريه: يييييييييييه يابسنت اقفلي الشباك بقي

بسنت بضحك: لاا انتى لسه شوفتى حاجه استنى عليا..وتذهب ناحيه الثلاجه وتأخذ منها زجاجه مياه باارده جدا وتدلقها علي حوريه

حوريه مصدوومه: هيييييييه اييه ده حرام عليكى يابسنت المايه ساقعه اوووى

بسنت: احسن..يلا بقي قوومى طلعتى عينى

حوريه وتخرج لها لسانها: برضو لا

بسنت: طاااااايب ماشي يا حوريه انتى اللي جبتيه لنفسك ودى اخر محاوله ليكى وهتجيب اخرك...وتفتح بسنت باب الغرفه وتنادى باعلي صوتها: عمووسميير ياعمووو عمووو

لتنتفض حوريه من عالسرير وتذهب لبسنت وتضع يدها ع فمها وتسحبها للداخل وتغلق الباب

حوريه: لا يابسنت لا كله الا بابا حرام عليكى خلاص انا قومت اهو

بسنت وتفتح فمها وتنظر لحوريه من اسفل لاعلي ومن اعلي لاسفل

حوريه: مالك يا بسبس مبحلقالي كدا ليه

بسنت: اصل بصراحه يعنى كدا من الاخر يابخته

حوريه: مين ده؟

بسنت: هيكون مين سي مروان طبعا

حوريه: ماله سي زفت ويابخته ع ايه بقي ان شاء الله

بسنت: حوريه انتى مش شايفه نفسك انا اول مره اشوفك لابسه كدا تعالي بصي لنفسك ف المرايه ياحبيبتى تعالي..........ها بصيتى

حوريه: اه مالي بقي ف ايه

بسنت: انتى تعرفي انك صاحبتى من ابتدائي واول مره اشوفك لا بسه كدا

حوريه: ااه قصدك ع الهوت شورت ده يعنى

بسنت: اه قصدى ع الهوت شورت ده يعنى

حوريه: اسكتى دى لو ماما عرفت انى لبسته مش عارفه هتعمل فيا ايه

بسنت: ليه..اشمعنى يعنى

حوريه وتلوى شفتيها: اصلها ياستى خدتنى امبارح عالمولات وتقولي قال ايه انتى فرحك بعد شهر وهننسي نجيب حاجات كتير تعالي اما نروح نشترى شويه هدوم للفرح ونعينهم وراحت اشترت كل الهدوم البيتى وقالتلي يبقي كدا فاضل الخروج بس وكل بقي اما تيجى علي حاجات مين دى او لانجيرى او اى حاجه افضل ازعق وبرضو ف الاخر بتجبهم

حوريه: وااو تحفه...بس سؤال يا رورو انتى لبستيه ليه من دلوقتى

حوريه: هو انتى عاوزانى البس الحاجات دى قدام اللي مايتسمى لا طبعا انا بعد ماطلعت امبارح طلعتهم من الشنط وعينتهم ف الدولاب بتاعى عشان البسهم هنا ف اوضتى براحتى بس من غير ما ماما تعرف

بسنت: بس شكلك مزه فيهم يابنت الايه تهبلي بجد دا لو مروان شافك كدا اقسملك بالله ممكن يخليها دخله مش خطوبه ههههههه

حوريه: هيييه خفه تصدقي..اوعى بقي من وشي عشان اخد الشاور بتاعى

بسنت: اه صحيح هى beauty expert هتيجى امته

حوريه: قالتلي انها هتجيلي عالساعه 3 او 4 كدا

بسنت: ياااه متاخر ليه كدا

حوريه: اصلها اول ما شافتنى قالتلي انتى جميله ماشاء الله ومش محتاجه حاجه يعنى مش هتحتاجى وقت خالص فا عشان كدا هتيجى متاخر

بسنت: ماشي ياعم الجميل انت خلصي بقي دا انتى بالك طويل

حوريه من الحمام: اوك يا بسبس
***************
ف فيلا مروان العوامى كان الجميع يقف علي قدم وساق فاليوم هو خطوبه مروان اليوم الذي كان الجميع ينتظره بفروغ الصبر وحيث كان الجميع منشغل انتهز مجدى الفرصه ودخل مكتبه واتصل بسمير: الو..ايوه ياسمير عملت اللي اتفقنا عليه...لا انا ماقولتش لمروان وانت كمان ماتقولش لحد عندك...ايوه خلاص تمام وربنا يسترها بقي...ماشي سلام ......وتدخل عليه هويدا: بتكلم مين يا مجدى

مجدى: ها دا سمير ياهويدا

هويدا: ليه ف حاجه ولا ايه

مجدى: ها لا مافيش يا حبيبتى

هويدا: علي هويدا برضو انا بعرفك لما بتخبي عليا حاجه....قولي ومش هقول لحد خالص والله

مجدى: اممم وعد يا دودو

هويدا: وعد يا مجدى ..ها بقي ايه الموضوع
********************
ف الاعلي عند مروان

ياسين: ياعريس ياعريس

مروان: يا خفه يا خفه اتلم عشان مش طايق نفسي بجد

ياسين: ليه بس ياميرو

مروان: خايف من تاليا..تاليا مجنونه وممكن تيجى الخطوبه وتعمل مصيبه

ياسين: امممم وانت واثق انها ممكن تيجى يامروان

مروان:مش واثق لا دا انا متاكد

ياسين: ماتخافش لو جت انا هفضل متابعها بعينى لو هيحصل اى هجمه مرتده هلحقها علي طوول

مروان: هههههههه يخربعقلك يا ياسين

ياسين: الا صحيح الحلاق هيجيلك امته

فيأتى لهم صوت رجولي يدخل الغرفه: اسمه barber ياجاهل

وينظرو ناحيه هذا الصوت وف فرحه وعدم تصديق

مروان وياسين: يوووووسف

ويحتضنه مروان بشده: وحشتنى يايوسف وحشتنى اووى

يوسف: وانت كمان يامروان واحشنى اووى يا ابن عمى...اذيك ياواد يا ياسين

ياسين: واد ف عينك يا يوسف ايه ياض مش شايف قدامك راجل ملو هدومه ولا ايه

يوسف: لسه لمض زى ماانت يا ياسو...ويحتضنو بعض بشده

ياسين: عامل ايه يا يوسف ليك واحشه والله

يوسف: انتو اكتر يا رجاله والله

مروان: وناوى تقعد اد ايه هنا بقي يا معلم

يوسف:مش هتصدقو

ياسين: اييه

يوسف: مقيييييم خلاص خلصت كل حاجه ف لبنان وهستقر هنا

مروان: كمااااان لاا دا كل الحاجات الحلوه بتيجى ورا بعضها بقي

ياسين: وااه وكله كوم والحاجات الحلوه اللي مستنياك بالليل كوم تانى ههههه

مروان: قوم يا ياسين قوم بدل ما اتغابي عليك قوم دا انت رزل رزاله يا اخى

ياسين: مش بفكرك يا كبير

يوسف: هو ف ايه طيب فهمونا طيب

ياسين ويغمز له: بفكره بالعروسه

يوسف: اااه هو الموضوع علي كدا.. صحيح يامروان انا كلمت عمى من لبنان بما فيه الكفايه لما عرفت انك رافض الجوازه دى وبرضو ماعرفتش اقنعه وصمم عاللي ف دماغه

مروان: انا يابنى كان ناقص اقلبله قرد وبرضوو مافيش فايده

يوسف: طب وتاليا يا مروان هتعمل معاها ايه

مروان: اللي ربنا عاوزه هيكون بقي يا يوسف انا تعبت بجد

ياسين: لا والكبيره بقي يا يوسف ان العروسه هى كمان مغصوبه علي صاحبنا ومش عاوزاه

يوسف: كمااان..لاا دا الموضوع كبير اووى يا مروان

مروان: اوى اوى يا يوسف

ياسين: بس قولي يا كبير الا مالقيناك داخل علينا بحته لبنانى كدا ولا حاجه ايه الحكايه

يوسف: ولا حكايه ولا روايه انا ربنا تاب عليا الحمدلله وناوى استقر برضو بس اما اطمن علي مروان والاقي بنت الحلال

مروان: تطمن علي مروان!! ليه شايفنى بنت اختك ولا ايه ياض دا انا اكبر منك ياض

يوسف: هههههه مانا عارف ياخويا وبعدين هى سنه يتيمه اللي بينا يعنى مش هتكبر عليا اوى يا ميرو

ياسين: وانا كمان صحيح اكبر منك بسنه برضو يعنى تحترمنى من هنا ورايح فااهم

يوسف: ايه القاعده اللي هيقلبوها احترام دى لا انا نازل اشوفهم بيعملو ايه تحت عما الحلاق يجيلك

ياسين: حلاق ايه يا جاهل اسمه barber

مروان: هههههههههه
********************
ويمر الوقت بسرعه ويقترب ميعاد وصول عائله العوامى لمنزل سميرالشهاوى وتبدأ المعازيم بالتوافد واحد تلو الاخر ..وتصعد ناديه لترى ابنتها بعد ان ذهبت لها .......ال beauty expert وبلغتها بانها قد انتهت من عملها فصعدت ناديه ودلفت لغرفه النوم لتجد حوريه نعم فهى حوريه من الجنه ف ثوبها السيمون وطرحتها وتاجها الذي جعلها ملكه متوجه فهى كانت تشبه للملاك بملامحها البريئه والجميله...فبدأت دموع ناديه بالنزول

حوريه: ماما انتى بتعيطى

ناديه بدموع: من فرحتى ياحبيبتى مش مصدقه حوريه البنوته اللي كنت بلبسها واسرحلها واحميها بايدى خلاص كبرت وبقت عروسه وبتتجوز

بسنت: اهئ اهئ اهئ

حوريه: ماما بتخطب يا حبيبتى مش بتجوز

ناديه: كدا ياحوريه..فصلتينى

بسنت: هههههههه وربنا انا اللي فصلت ضحك ههههه

حوريه: اخرسي يابنت

بسنت: اوك رورو

ناديه: يلا جهزى نفسك زمان مروان علي وصول

حوريه بضيق: اووف طيب
*******************
عند مروان

هويدا: ماشاء الله يا حبيبي زى القمر

مروان: تسلميلي ياماما يارب

هويدا: عقبالك يا ياسين انت ويوسف يارب وافرح بيكو ياولاد

يوسف: حبيبتى يا مرات عمى يخليكى لينا

ياسين: ايوه يا دودو بقي ادعى ربنا يخليكى لينا

مجدى: يلا يا مروان اتأخرنا عالناس..ماشاء الله زى القمر يا مروان

كان مروان وسيما حقا ف حلته السوداء وقميصه الابيض وجرافات تحمل نفس لون فستان حوريه

وتأتى لهم سهيله: يلا بقي يا جماعه اتأخرنا

يوسف: ايه يابت الحلاوه دى كبرنا اهو وبقينا مزز

سهيله: طبعا يابنى اومال انت فاكر ايه بس

ياسين: والله يابنتى لو ماكانتش عينى محطوطه علي حد معين كدا كنت فكرت فيكى بس سورى my heart مشغول جدا

سهيله: هش روح العب بعيد يا ياسين روح

مروان: ههههه يا كسفتك يا ياسوو هههه

يوسف: شكلك بقي وحششش هههههه

ياسين: عجبك كدا طب والله مانا سايبك

سهيله وتجرى من امامه: ههههه لا يا ياسين حرمت خلاص

ياسين: ابدا..خدى هنا يابت ..وظل يجرى ورائها والجميع يضحك عليهم........وبعدها يذهبو الي منزل حوريه

بسنت: حوريه حوريه العريس جه يا حوريه الحقي مروان جه ياحوريه

حوريه: خلاااااص عرفنا ان زفت جه اخرسي بقي وترتيييينى

بسنت: لا بقولك ايه افردى وشك كدا ابوكى هينفخنا لو فضلتى كدا

حوريه: ماشي اسكتى بقي

وبعدها يصعد سمير لها : يلا يابنتى عشان تنزلي عريسك جه والمعازيم كلهم تحت

حوريه بضيق: اوك.......وبعدها تهبط الدرج مع والدها مع صوت المزيكا الهادئه ومروان المنتظر ف نهايه الدرج وبعدها تهبط له وتتأبط ذراعيه ويذهبو ليجلسو ف الكوشه ولا ننكر ان مروان قد سحره جمالها ف فستانها الرقيق

مروان بعد ان جلسو: بس تصدقي طلعنا حلوين اهو

حوريه: احترم نفسك وخليك ف حالك

مروان: طب مافيش حتى ايه الحلاوه دى يا مروان

حوريه: اكدب يعنى

مروان: عادى اكدبي زى مانا كدبت ايه المشكله

حوريه بغضب: انت حيوان يا مروان

مروان بغضب هو الاخر: اتلمى بدل ما المك يا بنت الشهاوى

حوريه: لما تلم نفسك الاول يا ابن العوامى

ويأتى الاصدقاء ليسلمو عليهم

مروان: اسكتى بقي عشان الناس اللي جايه علينا دى

حوريه بضيق: اوك

ونتركهم ونذهب لسمير ومجدى

مجدى: ها ياسمير وصل

سمير:خلاص الامن بيقول انه بقي عالبوابه اهو

مجدى: طيب استر يارب

وبعد وقت قليل

سمير: اهو وصل اهو.....اهلا وسهلا شرفتنا اتفضل

لينظر له حوريه ومروان وفي نفس واحد: يانهااااااااااار اسووووووود
*********************



Just Faith 07-12-17 01:15 PM

يجب ان ترد لمشاهدة المحتوى المخفي

Just Faith 07-12-17 01:18 PM

يجب ان ترد لمشاهدة المحتوى المخفي


الساعة الآن 12:57 PM

Powered by vBulletin®
Copyright ©2000 - 2024, vBulletin Solutions, Inc.