شبكة روايتي الثقافية

شبكة روايتي الثقافية (https://www.rewity.com/forum/index.php)
-   منتدى الروايات العربية المنقولة المكتملة (https://www.rewity.com/forum/f516/)
-   -   رواية بدوية الرحيل -[فصحى&عامية مصرية] -الكاتبة //ألاء محمود مكتملة (https://www.rewity.com/forum/t397837.html)

Just Faith 07-12-17 12:58 PM

رواية بدوية الرحيل -[فصحى&عامية مصرية] -الكاتبة //ألاء محمود مكتملة
 



https://upload.rewity.com/upfiles/RZx88645.png


السلام عليكم ورحمة الله وبركاته
صباحكم فل وريحان ومساكم عطر ومسك
اليوم معكم بناء على طلب حبيبة قلبي لامار
برواية تسألتم عنها كثيرا
رواية بدوية الرحيل
بقلم ألاء محمود
التي اجادت وابدعت باسلوب راقي منمق
يالا معاً نبحر بالرواية حتى نتمتع بها معاً
ونتعرف على بدوية الرحيل وهل الرحيل له بداوه وشراسة ما
حسب انتماء كل فرد منا
لنرى المغزى خلف الأسم
مع الغلاف

https://upload.rewity.com/uploads/1512640313241.jpg

مع المقدمة

https://upload.rewity.com/uploads/1512640313262.jpg

https://upload.rewity.com/uploads/1512640313273.jpg




Just Faith 18-12-17 12:30 PM

بـــــــــــدويــــــــــ ــــــــــــــــة الـــــــــــــرحــيـــــ ــــــــــــــــــــل
مــــــقــــــــــدمـــــ ـــــــــــــة
في قلبي تسكن بدوية
سوداء الشعر خمرية
عينيها بحورٍ عسلية
قالو عنها هي رجعية
ملبسها خيامٍ قَــــــــبَـــــــلِيَّة
تخفي به ألف خطية
قالوا تجهل العيش بمدنية
فلنشنق تلك البدوية
بحبالِ بهتانٍ عتية
فلترحل عنا البدوية
ما وهنت يومًا لفرية
بل رحلت بالحب قوية

Just Faith 18-12-17 12:31 PM

الجزء الأول
رحيــــــل الـبــــدايــــــــــــــ ــــــة (رحلة الذكريات)
أحيانًا نظن أننا أقوياء... أن أحلامنا في متناول يدنا... أننا لو فقط ننفرد بأنفسنا قليلاً... ستخرج قريحتنا أفضل ما في الوجود، لكن... بمجرد أن نختلي بأنفسنا.. يهاجمنا ذلك الرعب الدفين.. الرعب من الوحدة.. الرعب من المجهول... الرعب من تلك النفس التي تحتل جسدك و تشاركك وحدتك...! فنجلس في أماكننا غير قادرين على عمل أي شئ سوى تعليق أحلامنا على شماعة الغد الذي لا يأتي أبداً... فيمر بنا قطار العُمر يحملنا ونحن نشاهد العالم من خلف نافذة زجاجية فاغري الفاه نمني أنفسنا بغدٍ أفضل... لكن... تلك النفس لا تتحرك... لا تحاول مد يدها كي تصل إلى هذه النقطة من الضوء التي طالما حلمت بها.
آلاء محمود

Just Faith 18-12-17 12:34 PM

https://www.rewity.com/forum/data:im...lFTkSuQmCCAA==




أوركـــــــــــــــــــيـ ـــــــــــــــــــدة بـــــــيــــــــضـــاء

-1-

24 نوفمبر 2011،

الساعة 14:45

مطار جون إف كينيدي، نيويورك

تتحرش رائحة القهوة بذاكرتها حد الجنون ... فعندما تهرب من ذكريات واقعية ولَّت ... تختلق رائحة القهوة بداخلها ذكريات وأماكن لم تكن ... تذكرها بمقهى الشانزليزيه وفتيات باريس .... وعشق عابر في أروقة روما ... ويوم غائم على أعتاب لندن ... تذكرها بصلاة لم تقمها في القدس ... ورحلة حج مزعومة إلى مكة ... وطفلة جميلة ذات جدائل ذهبية...!!!

تحتضن كوبها بين أناملها بقوة علَّه يبعث في أوصالها دفئًا يشملها حتى ترحل عن تلك المدينة الباردة المقبضة، إلا أنها تدري أن برد هذه المدينة المجنونة الذي يصل تحت الصفر أحيانًا قد جمد شرايين دمائها وأنها ستحمل تلك البرودة معها أينما حلت. ترفع كوب القهوة السوداء إلى فمها ترتشف رشفة منها فتعود القهوة لتتلاعب بذاكرتها ... تتسلل الرائحة إلى عقلها تقلب في جنون في ملفات وصور حاولت جاهدة طيها في بئر الذاكرة الذي ظنته سحيقًا، إلا أنها كل حين وآخر تكتشف أنها كانت مخطئة ... وهاهي ذاكرتها تعانق رائحة القهوة وتمارس ألاعيبها مجددًا على قلبها المنهك.

20 يونيو 2003

أحد الأحياء الشعبية، القاهرة

... وكأنها ترى تلك الصبية تسير بحزم على جانب هاك الحارة الضيقة وقد عقدت حاجبيها تحاول تذكر ما خطته منذ قليل .. أكان صوابًا أم تراها وقعت في الخطأ سهوًا..؟ تسير ناظرة إلى الأرض دون تلفُّت وحارتها البسيطة الصغيرة التي تقطن بها تشيعها بالروائح المختلفة التي جمعت بين رائحة البن المطحون النابعة من محل البن الصغير ذاك ورائحة الفول والطعمية من عربة عم سيد ورائحة دخان الشيشة الصادر من ذاك المقهى الذي يحتل ناصية حارتها حيث اختلطت أصوات الباعة الجائلين ورواد المقهى وشباب ونساء يتحدثون بصوت مرتفع، إلا أنها لم تلق السمع فقد كانت شاردة في عالمها الخاص. تصل إلى البناية المتهالكة التي تسكن بها، تصعد بضع درجات من السلم و...

- "نوووور ... هااه .. عملتي إيه النهاردة..؟"

ترفع عينيها إلى محدثها ثم لم تلبث أن تخفضهما مجددًا في غضب وتنطلق دون أن ترد عليه فيقول بتهكم: - "براحة طيب أحسن يطق لك عرق .. أنا باسألك عن الامتحان مش عن لون شعرك..!"

صعدت درجات السلم مسرعة وقد ملأها الغيظ من ذلك الجار الذي لا يكل من توجيه الحديث إليها على الرغم من ثقته من أنها لن تقف لتتناقش معه عما خطته في اختبارها أو أي أمر من الأمور، و...

- "اااه... أ ... أ... أنا آسفة"

قالتها نور وهي تصطدم بشخص ما كان واقفًا أمام باب منزله قريبًا من الدرج الذي كانت منطلقة عليه، رد عليها:

- "لا ولا يهمك.. اتفضلي يا آنسة.."

لم تدر نور أنه كان يراقب الموقف الحاصل منذ قليل، لتصعد إلى أعلى البناية وتفتح منزلها ثم تدلف إلى منزل بسيط مرتب نظيف رغم تهاوي طلاء الجدران بفعل الرطوبة ورغم الأثاث غاية في البساطة المتناثر في أرجائه.

- "مالك يا نور فيه إيه..؟ الامتحان كان صعب والا إيه..؟"

تُقى ... تُقى الصغيرة الكبيرة التي تملأ المنزل فرحًا بمزحاتها ونكاتها وضحكاتها ... نعم هي شقيقتها الصغرى إلا أنها تحب كثيرًا أن تلعب دور امها منذ أن وطأت قدمي نور مرحلة الثانوية العامة وتُقى تتحمل عنها وعن امهما اعباء المنزل بجانب مذاكرتها. نعم تُقى شقيقتها الأصغر منها إلا أن قامتها النحيفة تتخطاها طولاً وبشرتها القمحية تميل إلى البياض بعكس نور التي تميل بشرتها الحنطية إلى السمار. تُقى التي لم تتعد الخمسة عشر عامًا تقف في قلق تسألها عن الامتحان وكأنها هي الأكبر..! حاولت نور طمأنتها بأنها أبلت بلاءًا حسنًا بالامتحان إلا أن تقى أصرت أن تعرف سر تغير ملامح نور التي لا تجيد إخفاء انفعالاتها، فوجهها مرآة صافية لروحها. لم يكن حديثًا جديدًا على تقى التي اعتادت تطفل الجيران واقتحامهم لحياتهن فقط لأنهن ... متحفظات منغلقات على أنفسهن ... نور وتقى وأمهما، فأقتضبت نور في ذكر ما حدث لها منذ قليل من جارٍ لا يراع حق الجوار ويصر على التعرض لها كلما طلعت أو نزلت...

- ما انت عارفة يا تقى رخامة اللي اسمه وليد ده .. في الطالعة والنازلة لازم يستهبل ..

قالت تقى بتأهب:

- عمل لك إيه البني آدم ده..؟

أعادت تقى ابتسامة شقيقتها إلى شفتيها بطريقتها في السؤال وكأنها ستقوم من فورها لتقضي عليه أو لتعاتبه، نعم .. هذه هي تقى .. شديدة الانفعال بصدد أي شيء يمس اسرتها لدرجة جعلت نور تقول لها يومًا ما "أنت يا تقى عصفوري الحارس، صحيح عصفورة صغننة بس أنت اللي بتاخدي بالك مني.." تحب أن تعرف تفصيل كل موقف لا تكتفي بالمختصر أو الكلام المبتور ... تحب تقى الاستفاضة في الأمور كلها. ولأن نور تدري أنها لن تتركها إلا بعد أن تعرف كل شيء قصت عليها حرفيًا الموقف الذي مرت به ثم فركت يدها في توتر وأكملت : - غاظني جدًا لدرجة أني وأنا طالعة خبطت في حد كان خارج من بيت طنط قدرية من غير قصد..

سألت تقى باهتمام: - مين اللي خبطتي فيه..؟

قالت نور: - مش فاكرة كان عمو حمدي واللا محمود طبعًا مابصيتش .. أنا اعتذرت وطلعت جري..

حاولت تقى تخمين هوية الشخص الذي اصطدم بنور ..

- أنا أقولك .. وانت طالعة كان دورهم ريحته مفحفحة بارفان كدة وتشرح والا عادي..؟

ضيقت نور عينيها متذكرة وهي تقول : - أيوة صح .. كان فيه ريحة بارفان على ما أتذكر... وبعدين أحنا مالنا بارفان واللا ما بارفان...

قالت تُقى وقد اتسعت ابتسامتها: - يبقى حضرتك يا عيني طيرتي الدكتور محمود..

الدكتور محمود حمدي جارهم الذي يقطن بالدور الثاني ابن صديقة امهما الوحيدة وهي من الثلة القليلة التي تحترم خصوصية جيرانها ولا تقحم نفسها قسرًا في حياة الآخرين كدأب الغالبية العظمى من الجيران ... الست قدرية.

- برافو عليكي ... ولا المفتش كولومبو ... بطلي فزلكة بقى وادخلي شوفي وراكي إيه قبل ما ماما ترجع من الشغل...

شهقت تقى قائلة: - هااااه... يانهااااار ... الرز...

هرولت تقى إلى المطبخ الذي امتلأ برائحة الأرز المحترق وقالت باكية: - منك لله يا نور.. قعدت ارغي معاكي ونسيت اوطي عالرز.. أهو شاط...

وقفت نور على باب المطبخ قائلة وهي تخرج لسانها: -أحسسسسن..

قذفت تقى عليها كوبًا بلاستيكيًا خفيفًا وهي تقول: - ماشي ماشي ... ليكي يوم.. ماهو انت مش هاتفضلي تمتحني ثانوية عامة على طول وسايباني شايلة البيت على راسي لوحدي.. بكرة تخلصي امتحانات وهاوريكي يا نور...

تعالت ضحكات نور الصافية النابعة من القلب وقتها التي عندما تطوف بذاكرتها تراها وكأنها محض خيال بعد أن صارت ضحكاتها كضحكات إنسان آلي.

***

24 نوفمبر 2011،

الساعة 15:00

مطار جون إف كينيدي، نيويورك

تأملت كوب القهوة الذي شردت عنه فبرد سريعًا.. رفعت عينيها المثقلتين بالهموم فاصطدمت بعينيه السوداوين العميقتين وحاجبيه المعقودين مع شفتيه المزمومتين، فأشاحت بوجهها سريعًا، فقد كان آخر ما ينقصها هو ذلك الشخص الذي لا يقل برودة عن تلك البلد. أما هو فقد ابتسم بسخرية قائلاً في نفسه:

- أقنعة ... كل ما ترتديه حتمًا أقنعة...

قالها متأملا حجابها الأبيض الفضفاض ووجهها الشاحب الخالي من أي مساحيق حيث كانت كائنًا غريبًا في مطار جون إف كينيدي الممتلئ بكل الأشكال والألوان والذي صار مزدحمًا بصورة زائدة نظرًا لإجازة عيد الشكر. غضب عندما وجد نفسه يتطلع إليها بتفحص وهي شاردة، حتى رفعت عينيها واكتشفت ذلك .. لمح في وجنتيها حمرة خفيفة قبل أن تعاود النظر في كوب القهوة الخاص بها مرة أخرى، كما لمح التماعة غير عادية في عينيها. لم يدر لماذا قفزت في ذهنه كلمة "أوركيد" وقتها...!! أشاح بوجهه وهو يعقد ذراعيه على صدره في غضب ليجد فتاة شقراء طويلة تجلس بجواره على مقعد من مقاعد انتظار الطائرات بتلك الساحة الفسيحة، كان يبدو أنها تتأمله باهتمام وقد اقتربت جدًا منه دون أن يلحظ ذلك.

- يو أر إيجيبشان...؟

خفض عينيه ونهض قائلاً: - إكسكيوز مي

ثم وجه حديثه إلى نور قائلاً: - هاشوف البوردينج هايبدأ أمتى.

وضع قدح القهوة الخاص به الذي كان قد انتهى من ارتشافه ثم انطلق مسرعًا، نهضت الشقراء بدورها، لم تنظر نور إلى حيث اتجه فهي تعرف دأب أغلب الرجال.. طاف بذاكرتها ذاك المقهى في نيويورك وتلك النادلة الشقراء الفاتنة التي تعمل به والتي كانت فيما يبدو تجني أضعاف راتبها من بعض سفهاء العرب الذين يقفون معها لالتقاط صورًا وهم يحتضنونها ويجزلون لها العطاء في مقابل صورة سيعرضونها بتفاخر على أقرانهم أو يضعونها على الفيس بوك أو تويتر بفخرٍ شديد ليروون للعالم السيناريو الخاص بهم والحكايا التي لفقوها عن علاقة كل منهم بتلك المخلوق الفضائي الفاتن رغم أنهم في استطاعتهم تركيب آلاف من تلك الصور بواسطة الفوتوشوب إلا أنها عقدة الخواجة العتيدة. غشت عينيها سحابة من الادمع المتجمدة وهي تذكر غزوات الشقراوات في عقر دارها و...

- "لـ...لكنني لا أؤمن بسانتا"

قاطع صغيرها استرسالها في ذكرياتها الموجعة بتلك الكلمات القلائل اللاتي نطقهن بتوتر، قالها لطفلٍ أمريكي في نفس عمره أو أكبر قليلاً، قال الطفل الآخر: - يا إلهي..! ولكن لماذا...؟ يمكنك أن تطلب منه أن يعيد والدك إلى الحياة..!

عبس صغيرها قائلاً: - لـ... لقد توفى أبي ولـ...لا يمكن أن يعود إلى الحياة...

قالها وهو ينظر إليها في شك.. فأومأت برأسها له في حنوٍ وألم بالغين تؤيد كلامه الذي علمته إياه ...

فأكمل :

- سـ...ـسانتا ليس الله سبحانه وتعالى ... ولا يمكننا أن نتوجه بالدعاء لأي شـ..شخص ليعطينا أي شيء... فـ.. فقط ندعو الله..

هو الوحيد الذي يستطيع أن يرسم على وجهها تلك الابتسامة المنحوتة والتي اتسعت عندما رأته لا يزال حافظًا ما علمته من أسس العقيدة.. أسعدها حديثه وتعبيره عن معتقده ... لقد ساهمت الأشهر الهادئة الأخيرة في حل عقدة لسانه إلى حدٍ ما حيث خفت لجلجته بنسبة كبيرة.

- لكن من هو الله..؟ أتعني المسيح..؟

تسائل الطفل الأمريكي حائرًا عن الله الذي يتحدث عنه صغيرها، هم ابنها أن يجيبه، إلا أن أم الصبي الأمريكي جاءت وحملته بعنف مطلقة عدة سبات ولعنات على أولئك المسلمين المتخلفين ..!!

توجه صغيرها إلى أحضانها، فقالت له بحب :- برافو عليك...

رفع رأسه إليها في سعادة فأردفت وهي تداعب شعره الأسود الناعم: - أنا بحبك أوي يا .. عيسى..

***

Just Faith 18-12-17 12:37 PM

-2-
24 نوفمبر 2011،
مطار جون إف كينيدي، نيويورك
الساعة 15:14
أحكم إغلاق معطفه الجلدي ثم عقد ذراعيه على صدره وهو يقف بقامته الفارعة مستندًا إلى مدخل بوابة الطائرة التي طال انتظارها، فقد بدأ البدوي الذي بداخله يتململ من كل تلكم الجدران الحديدية... أغمض عينيه بشدة.. لكم يفتقد بلده ومزرعته..! فتح عينيه لتقعا على نور عبر صالة المطار الجالسة في مكانها تحتضن ابنها ولازالت نظراتها معلقة ببقايا كوب القهوة الذي تمسكه بيدها غير الممسكة بعيسى.
عيسى..!! ياللمفارقة ... شتان بين أم المسيح الطاهرة البتول وتلك التي ...
- يور وايف..؟
تسائلت الشقراء الفارعة التي كانت تجلس بجواره منذ قليل وقد جائت لتقف حيث وقف تراقب نظراته إلى نور معتقدة أنها زوجته..! لم يكن شديد الوسامة إلا أنه كان يمتلك بشرة خمرية ملوحة وملامح رجولية واضحة وعينين سوداوين عميقتين يعلوهما حاجبين كثيفين.. لم ينظر إليها إلا أن رائحة عطرها النفاذة تسللت إليه، شعر بالاشمئزاز والنفور رغم فتنة وجمال الفتاة وجاذبية عطرها إلا أنه يشمئز من كل ما هو رخيص مبتذل.
- Good afternoon passengers. This is the pre-boarding announcement for flight 89B to Cairo. We are now inviting those passengers with small children, and any passengers requiring special assistance, to begin boarding at this time. Please have your boarding pass and identification ready. Regular boarding will begin in approximately ten minutes time. Thank you.
أنطلق ذلك النداء في أركان المطار يدعو الركاب ذوي الاطفال أو الاحتياجات الخاصة بالصعود إلى الطائرة. ابتعد عن الشقراء وتوجه إلى نور التي لم تتحرك من مكانها بعد حيث يبدو أن شرودها أخذها بعيدًا فلم تسمع النداء بالصعود إلى الطائرة، ناداها...
- ياللا لو سمحتي خلاص البوردينج بدأ..
لم تجبه فربت على كتفها.. – ياللا...
انتفضت وازاحت يده قائلة بحدة : - فيه إيه..؟
قال: - أنتِ اللي فيه إيه..؟ ياللا البوردينج بدأ..
زفر في عنف وهو يتسائل كيف سيُمضي أكثر من عشر ساعات معها في الطائرة، بل كيف سيُمضي ...!
إلا أنه طرد من رأسه التفكير فيما هو آتٍ كي لا يُجن من الموقف الذي وُضع به رغمًا عنه.
- بـ... بجد يا ماما أ.. أنا مبسوط أوي إني هاشوف مصر أخيرًا ..
قالها الصغير وهو يصفق فرحًا متخذًا مقعده في الطائرة وسطهما، ربطته أمه بإحكام فهمس لها:
- مـ... ماما ... د..دعاء السفر..
نظر إلى الصغير بدهشة وحدة ثم رفع نظره رغمًا عنه إلى أمه التي ابتسمت له بحنو قائلة:
- حاضر حبيبي مش هانسى ... مش أنت حافظه..؟ يالا قوله..
قال في نفسه: - يا ترى أنتِ اللي حافظاه واللا ....!
أنطلق الصغير يردد الدعاء بصوت منخفض متلجلج إلى حدٍ ما.
ثم رفع الصغير رأسه نحوه قائلاً: - عـ... عمو زين ... قـ...قلت دعاء السفر..؟
حاول أن يبتسم له إلا أن ملامحه ظلت جامدة وهو يقول: - آه يا عيسى .. قلته.
ابتسم الصغير ذو الخمس سنوات في رضا وهو يهز رجليه.
***
25 يونيو 2003
منزل نور وتقى ، القاهرة
كان الجو خانقًا شديد الحرارة وقد زاد الفرن من حرارة ذلك المطبخ الصغير الذي وقفت به نور تُشكل معجنات وتضعها بالفرن الساخن عندما سمعت صوت جرس الباب، وصوت أمها: - أهلاً أهلاً إحسان اتفضلي..
وبعد قليل دخلت عليها أمها وكانت امرأة ناحلة تبدو في العقد الخامس من العمر كما يبدو على وجهها آثار جمال ذابل قالت لها: - حبيبتي... طنط إحسان برة ... يا ريت تقدمي لها حاجة..
قبلتها نور قائلة: - عيوني يا ماما..
ابتسمت أمها قائلة: -تسلم لي عيونك يا نور حياتي وعُمري..
خرجت أمها ثم انهمكت نور في إعداد بعض الشاي عندما دخلت تُقى المطبخ قائلة:- يا الله .. إيه الحر ده...! بتاع مين الشاي ده يا نور..؟
قالت نور وهي تضع بعض المخبوزات الساخنة في طبق: - طنط إحسان..
قالت تُقى: - طنط إحسان..؟ يا بنتي قولي إفساد ... إظلام ... أي حااااجة تانية غير إحسان ... والله اللي سماها كدة ظلم الاسم..!
قالت نور موبخة: - حرام عليكي يا تقى ... مالناش دعوة بيها ...
قالت تقى: - يا نور أصل الست دي فظيعة .. حشرية أوي وكل شوية تنط لنا ..
قالت نور: - ياللا ياللا أديها حسناتك ... أهيه عمالة دلوقتي تاخد في حسناتك...
قالت تقى: - حسناتي..؟ لطنط إحسان...؟ لأ يا رب ... استغفر الله العظيم..
قالت نور وهي تحمل الصينية: - اللهم اغفر لنا ولها... ياللا يا توتة الصحون في انتظارك.. الدور عليكي النهاردة...
- لأاااا... انت تعجني وتخبزي وترمي عليا الغسيل..
قالت نور:- يا بنتي مانا كان الدور عليا امبارح وغسلت المهرجان اللي عملتيه بعد الكيك.. ياللا خلصي بسرعة عشان ماما ماتفكرش تيجي تعمل حاجة.. أنت عارفة هيا تعبانة قد ايه..
قالت تُقى بتبرم: - حاضر بس هاجيب المروحة عشان الجو حر جدا..
خرجت نور إلى صالة منزلهم حيث كانت تجلس أمها مع امرأة أربعينية بدينة ابتسمت السيدة لنور قائلة:
- يا أهلاً يا أهلاً بست العرايس إيه الحلاوة دي يا نور..؟ تعالي يا حبيبتي اقعدي جنبي ..
قدمت لها نور الشاي والمخبورزات فتناولتها قائلة: - اللللله ... حلو أوي تسلم الأيادي ... نَفَسكوا في الأكل حلو أوي يا بنات...
ثم التفتت إحسان إلى أم نور قائلة: - حاجات بناتك أحلى من أيتها مخبز أو حلواني .. هتلاقي سوق كبير.. الناس بتطلب منها بالاسم ...
قالت الأم: - أنا سايباهم يتسلوا في الصيف كدة لحد ما الدراسة تبدأ..
قالت إحسان بحماس: - عارفة ممكن يعملوه مشروع و...
قاطعتها الأم بحزم قائلة: - ربنا يسهل يا إحسان ربنا يسهل ..
التفتت إحسان إلى نور قائلة: - بس إيه يا نور ... الأكل الحلو ده مش قادر يتخنك شوية..؟ عايزينك كدة تتخني وتتدوري عشان تعجبي العريس ...
تضرج وجه نور بالحمرة ونهضت قائلة: - بعد إذنك يا طنط هاروح أشوف تُقى..
وبعد رحيل نور انحنت إحسان على أم نور قائلة: - إيه يا عُلا .. بنتك مش نِطْلة كدة ليه..؟ بناتك مش نطلين ومدردحين كدة..
قالت عُلا: - الحمد لله أنهم كدة يا إحسان ... ربنا يزيدهم ..
أشاحت إحسان بيدها قائلة: - يزيدهم إيه بس يا عُلا ...! معلش ياختي ... أنت حبيبتي وأحب أنصحك .. كدة مش هايخبط بابكم حد .. يعني لا مؤاخذة لا بناتك عندهم الجمال الرائع ولا المال ولا الحسب والنسب.. يعني لازم يتدردحوا ويبقوا لِونين كدهو عشان الشباب تاخد بالها منهم .. مش بنتك الخايبة تجري وتسيب الواد وليد واقف قفاه يأمر عيش ولا ترد عليه اما سألها عن الامتحان ... ينفع كدة يعني ..؟ والله أم وليد واخدة على خاطرها جدًا ..!
تنهدت علا قائلة: - يا إحسان .. اللي عايز يتجوز بنت من بناتي لازم يتجوزها عشان حاجتين مافيش غيرهم ... دينها وأخلاقها .. ولو عندنا الجمال الرائع واللا المال والحسب والنسب مش هانقبل أي حد يجي لبناتي عشان جمالهم واللا مالهم واللا حسبهم ونسبهم .. ولو كان أبوهم مات الله يرحمه، فأنا دايمًا أقولهم أن ولي أمرهم هو ربنا لأنه سبحانه وتعالى قل في القرآن ( إن وليي الله الذي نزل الكتاب وهو يتولى الصالحين)... وبعدين نور حكيت لي على موقف وليد اللي حصل من كام يوم ساعة امتحان الفيزيا ... البنت ماغلطتش في حاجة وهيا أصلا لا بتكلم شباب ولا بتاخد وتدي معاهم يقف يكلمها ليه وهوا عارف كدة كويس...؟!!
لوت إحسان شفتيها وهي تقول : - والله يا عُلا أنك متشددة زيادة عن اللزوم وهاتعنسي البنات ...
ضحكت علا قائلة: - يا سيتي خليها على الله .. المهم سيبك أنت .. أخبار بناتك إيه ...؟
ابتسمت إحسان وهي تقول في سعادة: - الحمد لله ... كلام في سرك ... البت إيمان اتخطبت إمبارح عارفة لمين..؟
التمعت عيناها وهي تنحني عليها أكثر هامسة: - علي السعدني ... المهندس ده اللي ساكن في البرج الجديد ... خدنا أمبارح وفرجنا على شقته اللي هايتجوز فيها ... شقة تشرح القلب أربع مطارح حلللوة..
ابتسمت علا في سعادة: - ألف ألف ألف مبروك يا حبيبتي ربنا يقدر لها الخير كله ...
أخذت إحسان تُنهي طبقها وتشرب الشاي قائلة: - ياللا مش هاعطلك ... أنا عارفة أن عندك نبطشية بعد شوية الله يكون في عونك ... شقيانة يا حرام ..
قالت علا ولم تفارق الابتسامة شفتيها: - آه فعلا عندي نبطشية بعد نص ساعة ... الحمد لله يا إحسان أحنا في نعم كثيرة منَّ الله بها علينا ننام ونصحى آمنين في بيوتنا معافين في أجسادنا وعندنا قوت يومنا .. لأ .. مش يومنا بس .. عندنا قوت يومين تلاتة كمان .. وكأننا ملكنا الدنيا كلها زي ما قال رسول الله صلى الله عليه وسلم...
تمتمت إحسان بصوت منخفض في غيظ: - معافين في أجسادنا ..!
ثم حاولت النهوض من على تلك الأريكة المرتفعة يملئها الغيظ من تلك المرأة الصابرة السعيدة التي لا يغيظها شيء ولا يبدو عليها الحزن من أي ظروف تمر بها، نهضت إحسان وعانقت علا قائلة: - مع السلامة يا حبيبتي مع السلامة يا علا .. وأكيد هاتبقي معزومة في فرح إيمان..
قالت علا: - أكيد هاجي دي زي بنتي بالظبط ربنا يتمم لها بخير..
بعد خروج إحسان .. توجهت علا إلى غرفتها تستعد كي تذهب إلى عملها تتابعها عيني نور في قلق بالغ.
***
-3-
24 نوفمبر 2011، في الطائرة
الساعة 15:30
بدأت الطائرة ترتفع مودعة نيويورك التي اخذت في الابتعاد حتى تحولت إلى مجموعه من الجزر تبدو بها مربعات صغيره من اللون الاحمر القانى تحيط بها مساحات واسعه من اللون الاخضر ... شعرت نور بقبضة غريبة تعتصر قلبها وهي تستفيق من ذكرى باسمة بعيدة مودعة أخرى مؤلمة قريبة ومنطلقة إلى المجهول ..!
- مـ... ماما الجريدة..
ناولها صغيرها الجريدة التي وزعتها المضيفة لتوها ثم انهمك في التلوين بكتاب الرسومات والألوان الذي في يده. تأملت نور الأخبار في قلق ... فقد كانت على العكس من ابنها تخشى العودة إلى مصر بعد الأحداث الفجائية المتلاحقة بها منذ ثورة يناير حتى أحداث محمد محمود التي لم يمض عليها سوى عدة ايام..
" أهم تداعيات أحداث محمد محمود:
* استقالة حكومة الدكتور عصام شرف
* تكليف الدكتور كمال الجنزوري بتشكيل حكومة إنقاذ وطني
* إعلان المجلس الأعلي للقوات المسلحة عن تسريع الجدول الزمني لنقل السلطة في مصر بأن تتم انتخابات بحد أقصى منتصف عام 2012، على أن يتم وضع الدستور والاستفتاء عليه قبل ذلك في غضون شهرين من أول اجتماع مشترك لمجلسي الشعب والشورى في أبريل 2012."
كانت عناوين الأخبار تزيد من قلقها وتوترها ... حتى الصحافة الأمريكية تصف كل ما يجري على أرض مصر. أغلقت النيويورك تايمز وأخذت تستغفر سرًا ... علَّ الله ينزل على قلبها الوجل مما ينتظره من مصير مجهول سكينة تغشاه فيسكن ويهدأ .. لكم مر عليها من ليالٍ صعبةٍ وأيام طوال شعرت فيها وكأنها بين شقي رُحى يدور دون توقف لكنها استعانت بالله واعتصمت بحبله فهون عليها ووهبها ضوءًا وسط الظُلمة. فعندما تأتي الرياح بما لا تشتهي السفن ... يجب على السفن تغيير اتجاها لتواتي الريح العاصفة وإلا ستتحطم وتتناثر كالهباء المنثور، فكم أتت الرياح بما نشتهي .. كم كانت الرياح مواتية والظروف... سعيدة.
***
15 يوليو 2003
المستشفى الإسلامي، القاهرة
- إيه يا مدام علا .. شكلك مش مركزة النهاردة.. أنت كويسة..؟
قالتها الدكتورة هالة لعُلا التي بدا عليها الشرود، قاومت عُلا زغللة عينيها وشدت قامتها ورسمت ابتسامة على شفتيها قائلة: - أصل نور راحت النهاردة تجيب النتيجة ولسة ماطمنتنيش عليها .. فتلاقيني سرحت فيها واللا حاجة...
قالت الدكتورة هالة: - نور بنتك دي ما شاء الله عليها نبيهة جدًا وإن شاء الله تطلع من المتفوقات وتدخل كلية الطب وساعتها أنا اللي هاساعدها في كل اللي تحتاجه..
قالت علا:- ربنا يكرمك يا دكتورة ويبارك فيكي ويحقق لنور اللي هيا عايزاه قادر يا كريم..
قالت هالة: - طيب ياللا انت شوفي المريضة اللي في غرفة 55 واكتبي لي تقرير عن حالتها وممكن تروَّحي بعدها تطمني على بنتك ..
قالت علا: - مافيش داعي يا دكتورة انا اتفقت مع نور تيجي على هنا على طول تطمني ..
قالت هالة في حزم: - خلاص لما تيجي خديها وروَّحوا احتفلوا ..
هنا سمعا أصوات فتيات يتحدثن بسعادة وقد وصلت إليهما أصواتهن فاستدارا ليجدا نور وتقى ومعهما فتاة ثالثة، اقبلن الفتيات على علا والدكتورة هالة، ابتدرتهن تقى بقولها: - بنتك دي ركبت لي الهسهس هيا وصحبتها الست نهى ...
قالتها وهي تنظر إلى الفتاة الثالثة التي لم تقل ملابسها حشمة عن نور وتقى ولم يقل حجابها طولاً عنهما، ثم أردفت تقى: – طول ما احنا مستنيين النتيجة وهما شغالين توتر ... حتى الاذكار بقوا يقولوها بتوتر ... لا يا ماما انا مش هاروح معاهم في حتة تاني ...
قالت عُلا بقلق وهي تنظر إلى نور: - طيب طمنوني الأول عملتوا ايه..؟
قبل ان تنطق نور قالت تقى: - يا أمي كفاية اقولك ان الفرَّاش اللي كان بيجيب لنا النتيجة ماكانش عايز ياخد اقل من 50 جنيه... بس على مين انا قلت له هما 20 تاخدهم والا نمشي .. وخدهم ورجله فوق رقبته..
قالت نور :- اسكتي شوية يا بنتي خلينا نفرح ماما ..
قالت تقى وهي تضع يدها على فمها بطريقة مسرحية: - اهوه اتخرست اتفضلي يا ست الموس..
قبلت نور يدي امها قائلة: - تمانية وتسعين ونص في المية ...
دمعت عينا علا واحتضنتها قائلة: - يا حبيييبتي يا حبيبتي يا حبيبتي... اللهم لك الحمد يا رب .. اللهم لك الحمد كما ينبغي لجلال وجهك وعظيم سلطانك ...
ثم خرت علا ساجدة بينما باركت الدكتورة هالة لنور قائلة:- يالا يا نور شدي حيلك المستشفى في انتظارك..
ضحكت نور قائلة: - حاضر يا دكتور هما سبع تمن تسع سنين كدة واجيلها على طول ...
ضحكت الدكتورة قائلة: - ربنا يوفقك ...
نهضت علا ماسحة ادمعها وسألت نهى قائلة: - وانت يا نهى يا بنتي عملتي إيه...؟
قالت تقى: - يا ماما دي التوأم بتاعة اختي ... الاختين الحلوين نور ونهى زي ما بيقولوا عليهم في المدرسة ... يعني الاتنين موووووس ... مستنية منها ايه يعني ...!!
وكزتها امها برفق قائلة: - يا توتة خلي البنت تتكلم .. ها يا حبيبتي عملتي ايه..؟
قالت نهى مبتسمة: - جبت أربعة وتسعين في المية يا طنط ..
احتضنتها علا قائلة: - الف مبروك يا حبيبتي ... اكيد ماما وبابا فرحانين اوي ... ماقعدتيش معاهم ليه تفرحوا سوا ...؟
تلاشت ابتسامة نهى للحظة وبدا عليها التوتر ثم ابتسمت ابتسامة مصطنعة وهي تقول: - اااه .. منا مروحة على طول ان شاء الله ..
قالت الدكتورة هالة في حسم: - ياللا يا علا روَّحي مع بناتك ياللا وماتنسوناش في الشربات ..
قالت علا في امتنان: - متشكرة اوي يا دكتورة..
ثم توجهت مع بنتيها ونهى إلى مكتب الممرضات قائلة: - سلام عليكم ...
كان هنالك ممرضتين من نفس عمر علا وأخرتين تبدوان في مقتبل العمر يرتدين جميعهن ملابس التمريض وقد وضعن طرحة صغيرة اسفل قبعة الممرضات وقد بالغت كل منهن في وضع مساحيق التجميل حتى إن الناظر لوجوههن يعتقد أنه ينظر إلى لوحة زيتية ثرية الألوان.
- وعليكم السلام ورحمة الله وبركاته ايه الاخبار يا علا ..؟ نور عملت إيه..؟
قالتها إحدى زميلات علا وكانت تدعى فوزية، فردت علا: - الحمد لله يا فوزية جابت تمانية وتسعين في المية بفضل الله ..
اتسعت ابتسامة صفراء على وجه فوزية والسيدة الأخرى بينما قالت فوزية: - الف الف مبروك يا نور يا حبيبتي ..
قالت زميلتها الأخرى – وكانت تدعى نعمت- بنفس الابتسامة الصفراء: - مبروك يا علا .. مبروك يا نور عقبال العريس ...
واتسعت الابتسامة الصفراء، قالت نور بخجل: - الله يبارك فيكوا..
فرقعت إحدى الممرضتان الأصغر سنًا العلكة التي تلوكها في فيها قائلة بسخرية: - وانتي بقى عايزة تدخلي كلية إيه..؟ يكونش عايزة تدخلي كلية طب..؟
نظرت إليها نور قائلة بحيرة: - آه يا ابتسام نفسي من زماان أدخل كلية طب إيه المشكلة...؟
ضحكت ابتسام ساخرة وأشاحت بيدها قائلة: - لا مافيش مشكلة ولا حاجة بس ...
قاطعتها زميلتها الأخرى قائلة:- مبروك يا حبيبتي والله فرحت لك يا نور...
قالتها ثم قبلت نور التي قالت لها: - الله يبارك فيكي يا أسماء ...
وجهت علا كلامها إلى أسماء قائلة: - أسماء عايزاكي تمري على أوضة 55 وتغيري للمريضة على الجرح وتحطي محلول جديد لو القديم خلص وتعلقي لها المضاد الساعة 7 .. ماشي..؟
قالت أسماء مشيرة إلى عينيها: - عنيا يا أبلة علا ...
قالت علا: - تسلم عنيكي يا سمسمة .. وابقي كمان ...
إلا أنها قطعت حديثها عندما سمعت زرغودة قصيرة انطلقت من خلفها فنظرت بسرعة لتجد ..
- أم هشااام .. هشششش ... يا أم هشام احنا في مستشفى ...
أقبلت عاملة نظافة بسيطة تبدو على وجهها إمرات السعادة الحقة وهي تقول: - الف مليون مبروك لست البنات حبيبة قلبي نور يا ست علا..
قالت علا: - الله يبارك فيكي يا أم هشام بس بلاش زغاريد في المستشفى الله يكرمك .. فيه عيانين محتاجين راحة ..
قالت أم هشام:- عايزة افرَّح الآنسة نور زينة البنات ...
لوت كل من فوزية ونعمت وابتسام أفواههن في امتعاض، بينما قالت علا: - هاستناكي عندي في البيت نهيص وتعملي اللي نفسك فيه بس مش في المستشفى .. اتفقنا..؟
قالت أم هشام: - أكيد طبعا يا ست علا هوا أنا ديك الساعة أما تنجح الآنسة نور لازمن أجي وأزغرد وابل الشربات كمان عقبال ما تفرحي بيها ..
"أنا سمعت صوت زغاريد خلصت اللي في أيدي وجيت هوا ..؟ فيييه إيييه..؟"
التفتت علا قائلة : - أهلا أهلا يا محمود يا ابني الحمد لله نور ونهى نجحوا بتفوق ...
قالت نعمت بسرعة وقلق مصطنع: - دعواتك يا دكتور محمود لمنى بنتي لسة ما اطمنتش عليها ..
كان قد انضم إليهم الدكتور محمود حمدي جار علا وبنتيها وقد كان شابًا رياضي الجسم متوسط القامة غاية في الوسامة ذو عينين برسيميتين وشعر بني نحاسي كما كان لديه لحية خفيفة، وجَّه نظراته إلى نور قائلاً: - جبتي كام يا نور..؟
لم تنظر إليه، ثبتت نظرها إلى الأرض قائلة بصوت منخفض وقد تضرجت وجنتاها بالحمار: - تمانية وتسعين ونص في المية ..
قالت علا لنعمت التي لم يرد محمود عليها: - ربنا يطمنك على منى يا نعمت..
كان يبدو على نعمت الغيظ الشديد، هنا أقبلت فتاة تسبقها رائحة عطرها الثقيل ترتدي بنطالا من الجينز الضيق وبلوزة ضيقة وتغطي بعض شعرها بقطعة قماش صغيرة و-على غرار امها- لم تسلم رقعة صغيرة من وجهها من الأصباغ الصارخة.
- " ماماااا ... باركيلي مش مصدقة بجد ... إيه ده انت هنا يا محمود ..؟ ازيك يا باشا .. وانا اقول مكتب التمريض منور كدة ليه وريحته حلوة ... أموت واعرف البارفان بتاعك ده نوعه ايه..؟"
قالت نعمت : - تعالي يا حبيبتي عملتي إيه..؟
قالت منى: - نجحت الحمد لله بس ماحدش يسألني عن المجموع..
ثم أعقبتها بضحكة رنانة..
قال محمود: - مبروك يا منى
قالت علا: - مبروك يا منى يا حبيبتي ... عقبال الجامعة...
قالت نعمت وهي تعانق ابنتها : - مبروك يا منى عقبال ما افرح بيكي بقى ...
باركت لها فوزية وابتسام وأسماء ثم باركت لها نور قائلة: - ألف مبروك يا منى ...
قالت منى : - الله يبارك فيكم..
هنا استأذنت نور قائلة: - عن إذنكم .. هاسبقكم أنا يا ماما...
قالت علا وهي تجمع اشيائها: - ماشي يا حبيبتي ..
قالت نور لأم هشام: - تعالي يا أم هشام كنت عايزة اسألك على حاجة ...
قالت أم هشام: - عنيا يا ست البنات كلهم ..
أخذتها نور إلى آخر الرواق بعيدًا عن كل الأعين، إلا أنها لم تلحظ تلك العينين اللتين تابعتها ورأت ما تدسه نور في يد أم هشام لترتفع تلك اليد داعية لها بسعادة.
***
- "طبعًا .. لازم تجيب تمانية وتسعين في المية.."
كذا قالت فوزية لنعمت بعد رحيل الجميع عاداهما مع ابتسام وأسماء، فقالت نعمت مستفهمة: - قصدك إيه يا فوزية..؟ عايزة تقولي أن بنت عُلا بتعرف تذاكر وتتفوق وبنتي لأ..؟
انحنت فوزية عليها هامسة: - لأ طبعًا مين دي اللي بتعرف تذاكر ... دي بتعرف بس تعمل حركات تانية عشان توصل .. آه ... ماهي نسخة من امها ...
قالت نعمت بحقد: - اه طبعا ... أكيد اللي اسمها علا دي مقضياها سرمحة مع الدكاترة عشان يقدروها وينزلوا لها دايمًا حوافز كدة وأكيد بيساعدوا بنتها في المذاكرة ...
أضافت ابتسام في غل: - واللي اسمها نور دي أكيد برضه مقضياها مع المدرسين ... يعني إزاي تجيب مجموع كدة وهي لا بتاخد دروس خصوصية ولا بتشتري ملازم ...! وقال إيه عايزة تدخل كلية الطب ... أهم هايظهروا على حقيقتهم ... هاتجيب منين الست علا مصاريف كلية الطب لبنتها ومرتبها يادوب مكفيهم أكل وشرب..!
قالت أسماء: - لأ لأ يا جماعة ... حرام أحنا ماشوفناش على أبلة علا حاجة وحشة ..!
مصمصت فوزية شفتيها قائلة: - حاجة وحشة ..؟ أبسط حاجة ... تقدري تقولي لي ماتجوزتش ليه لحد دلوقت..؟ احنا ماشفنلهاش جوز من ساعة ما جت بعد ما اختفت شوية ورجعت جارة العيلتين دول في إيديها وقال ايه اتجوزت وجوزها مات ... طب نفرض انه مااات ... ماتجوزتش ليه تاني..؟ دي كان بيجيلها عرسان قد كدة، واللي اسمها علا دي حلوة ورفيعة كدة وتبان أصغر من سنها وتعجب ... ماتجوزتش راجل يلمها هيا وبناتها ليه بقى إن شاء الله إلا إذا كان الموضوع فيه إنة...؟
شردت أسماء، فقالت نعمت بسرعة: - آه ... والأدهى بقى أن إحسان أم إيمان صاحبتنا تبقى جارتها ومتابعاها ولا عمرها شافت حد من عيلة جوزها اللي بتحكي عنه ده لا جه ولا هوب ناحيتهم..! وتقولك قاعدة في حالها كدة ومقفلة وكأنها بتخبي حاجة كبيرة ...
قالت فوزية: - ياما تحت الساهي دواهي ...
قالت ابتسام: - آه ماهي بترسم الإيمان والتقوى ادامنا هيا وبناتها وفي الدرا بقى ... يالهوييي يا أبلة... مش بعيد أصلا بناتها دول يعني ... تكون جابتهم من غير جواز ولا يحزنون ... ماهي قادرة وعايشة لوحدها ومالهاش لا عيلة ولا كبير ولا راجل ...!
قالت نعمت وهي ترفع رأسها في ورع مصطنع: - خلاص يا جماعة .. ربنا يستر على ولايانا ...
قالتها ... لكن قالتها متأخرًا جدًا .. فالهواء يحمل الكلام والجدران لها آذان ... وبعض البشر بطبعهم يحبون الحكايا والقصص المشوقة حتى لو كانت قصصًا تمس أعراض أشخاصًا آخرين..!
***

Just Faith 18-12-17 12:40 PM

-4-
14 أغسطس 2003
صباح خميس صيفي مبهج ... حمل معه رائحة الأمل ... وطعم الإنجاز الذي شعرت به مع ذلك النداء المصحوب بتصفيق من يدي صاحبه ...
- "نور الهدى سليمان رحيل العربي ... بوووسطاااا"
هاقد وصل مفتاح البوابة السحرية ... جاء أخيرًا ... الخطاب الذي كانت تنتظره على أحر من الجمر ... نهضت نور وارتدت حجابها سريعًا ... فتحت الباب مهرولة لاستلام الخطاب بيدين مرتعشتين موقعة حيث أشار لها ساعي البريد ثم دخلت المنزل تفتح الخطاب في لهفة مغلقة الباب بقدمها، ثم ...
- "ماااااماااااااا .... تقى ...."
أسرعت نور إلى غرفة أمها تكاد تطير من على الأرض فرحة تبعتها تقى قائلة:
- إيه يا نور ..؟ لاقيتي كنز واللا إيه ..؟
متكئةٌ في إنهاك تحاول التماسك وتناسي صراخ خلاياها المحتلة بقرائة كتابٍ ما ... حتى دخلت صغيرتها التي رغم بلوغها السبعة عشر ربيعًا إلا أنها في عينيها ستبقى دائمًا تلك الصغيرة الهادئة ذات الابتسامة الساحرة ... دخلت تمسك بيدها ورقة وتخلع عنها غطاء رأسها ليتناثر شعرها الأسود الناعم حول وجهها .. عيناها تلتمعان بسعادة تشع لتبتلع آلامها وأرقها ... سعادة تنبئها أن ابنتها وقفت على أعتاب الحلم ... حلم الصغيرة الذي تضخم بداخلها فقط من أجلها ...!!!
مرت بعينيها على الكلمات التي فجرت ينبوعًا من الفرحة بقلب صغيرتها وابتسمت بدورها محتضنة ابنتها ... لكن ابتسامتها لم تكن بهاك الصفاء ... كانت مختلطة بحسابات وأرقام ومراجعات للنفس ... وسؤال يتردد بداخلها ... هل ستصمد أم ستتوقف فرحتها عند أسطر هذا الخطاب ...!
وكأنها قرأت أفكار أمها ... رفعت صغيرتها رأسها من بين ذراعيها ... نظراتها تخبرها في إصرار أنها ستتحدى كل الظروف والحسابات والأرقام ولن يخذلها القدير ... لقد بات الحلم قريبًا يا أمي ...
" فيه إيه يا جدعان ما تفهمونا .." قالتها تقى منتزعة الورقة من يد أمها، ثم استطردت عقب قرائتها:
- اااه بقيتي دكتورة رسمي ... ماحدش هايقدر يكلمك يا ست نور.. وأخيرًا جه جواب التنسيق المنتظر اللي كل شوية تسألينا عنه ...
وكزتها نور قائلة: - أديكي داخلة ثانوية عامة أهوه شيدي حيلك وحصليني..
صاحت تقى: - أحصلك فين يا اختي ... أنا لا بتاعة دح ولا طب ... وبعدين انا خلاص كتبت أدبي في الرغبات ... أنا باحب التاريخ والتدريس ... يا سلام لو أدخل آداب قسم تاريخ أو تربية .. كدة مية مية... مش طب وبتاع ...خليكي أنت في الطب ...
وكأن غيث السعادة لا يهطل إلا وتصحبه سحب الحزن القاتمة ..
وكأن فرحها الأبلج مولود بتوأم ملتصق من بؤس معتم ...
فكما كان باب منزلها بوابة للسعادة منذ دقائق... جاء رنينه يحمل صدى روحًا تتألم لم تجد سواه لتعبره بعذاب يضنيها منذ سنوات.
- "نهى..؟؟؟!"
كانت صديقتها نهى تقف بالباب يبدو عليها الإرهاق والتعب.
- "أهلا يا نهى جالك التنسيق واللا إيه..؟ اتفضلي اتفضلي ..." قالتها نور لصديقتها والقلق يعتصرها من هيئتها غير الطبيعية..! دخلت نهى وجلست في إرهاق على أول مقعد من مقاعد طاولة الطعام العتيقة القريبة من باب المنزل، كانت علا قد لحقت بابنتها وساورها القلق ذاته من هيئة نهى، فسألتها باهتمام:
- مالك يا بنتي ..؟ أنت تعبانة واللا حاجة...؟
قالت نور: - أنت جالك جواب التنسيق..؟ كنت لسة هاكلمك ...
قالت نهى بوهن: - أيوة جالي .. طب بيطري ..
ضحكت تقى قائلة: - وده اللي مزعلك أوي كدة..؟؟؟ ولاااا تزعلي نفسك ... هانبقى نخلي عم سيد اللي بيقف على عربية الفول يسمح لك أنك تكشفي على الحمار بتاعه ... أي خدمة ...
ابتسمت نهى ابتسامة سريعة باهتة وهي تقول: - بالعكس أنا مش زعلانة من التنسيق ... دي كانت رغبة من رغباتي الأوائل ...
أمسكت نور بيدها قائلة في قلق: - أمال مالك يا نهى ..؟ تحبي نقعد في أوضتي شوية و...
إلا أن نهى أجهشت بالبكاء قائلة: - خلااااص مش قااادرة يا نور ... تعبت ونفسيتي اتحطمت ... مش قادرة حتى أفرح بنتيجة التنسيق ولا نتيجة الثانوية العامة ...!
أخذت نور تربت على كتفها قائلة: - أهدي بس وقولي لي ايه اللي حصل ..؟؟؟
وبدأت نهى تقص على أسماعهن وسط شهقاتها وبكائها مأساتها. أخذت تخبرهن كيف أن أمها قد تركت المنزل منذ ما يزيد على الشهر وأنها هي التي تتحمل أعباء البيت ومطالب أبيها واخوتها الصغار ..
- طول عمرهم بيبتخانقوا وبتروح وترجع بس طولت أوي المرة دي... والضغط الكبير عليا أني أراضي في ده وده ...
بكت وهي تحكي عن أخاها الأكبر الذي صار يخرج من المنزل ولا يعود إلا في وقت متأخر وأحيانًا لا يرونه ولا يعرفون مكانه..! خرج صوتها من براثن انهيارها يخبرهن عن شقيقتها الصغرى التي لا تكف عن البكاء وقد تدمرت نفسيتها ... أما أخاها الأصغر ذو الأحد عشر عامًا ... فعاد للتبول اللاإرادي.
- مش عارفة أعمل إيه ... مش عارفة ... على طول صدى خناقاتهم اللي مابتخلصش في وداني ... على طول ألفاظ شتايمهم واتهامات كل واحد فيهم للتاني بتقطع في قلبي زي السكاكين...
بكت نهى بحرارة كأنها ترى إحدى خلافات أبويها النموذجية ... حيث يبدأ الأمر باختلاف حول المال .... عندما تطلب أمها أموالاً ويتمنع أباها متعللاً بأنه ليس معه حتى يتطور الأمر إلى تطاول بالألسن وأحيانًا بالأيدي من طرف أبيها. تضع نهى يديها على وجهها وكأنها تحاول منع ما تعرضه عليها ذاكرتها من ألغام يومية مدفونة بمنزلها بين أمٍ وأبٍ كطرفي سلكٍ عارٍ لا ينفك أن ينغرس بين ثنايا روحها محدثًا زلزالاً ضخمًا بكيانها. لكن الذكرى لم تكن تُعرض أمام عينيها، بل تثقل عقلها وقلبها فلم تملك نهى إلا أن تحرك بها لسانها علَّها تخف من وطئتها عليها...
- مد أيد بابا على ماما بيقطع فيا وحكايات ماما على مغامرات بابا النسائية وأنه غير أهل للمسئولية وعمره ما شال مسئولية بيتعبني ودايمًا حاسة بالقرف ...
صمتت نهى مستمرة في نشيج موجوع، فقالت تقى: - ثانية واحدة يا نهى عشان أنا مش فاهمة حاجة ... إزاي مامتك وباباكي بيتخانقوا عالفلوس وانتوا أصلا من الناس المحسودة في حتتنا ... يعني شقتكوا واسعة وعلى الشارع الرئيسي مش حارة زينا ومفروشة أحسن حاجة وعندكوا عربية وكماليات ... وبعدين مين ده اللي عنده علاقات نسائية ..؟ باباكي الحاج إسماعيل اللي بيصلي في المسجد...؟
صوبت علا نظرة عتاب إلى ابنتها تقى لتصمت، لكن نهى أخبرتها في حزن أن "كل هذا قشووور ..."، أخبرتها عن انعدام الحكمة في انفاق الأموال عندما يكون معهم بعضًا منها ... أخبرتها أن أباها يعمل يومًا ويجلس بالبيت عشرة لأنه "مش لاقي شغلانة تليق بجنابه" ... وإذا حدث ووجد وظيفة معقولة يبدد كل ما اكتسب على شراء سيارة أو تجديد ديكورات بالمنزل أو... أو ... أو... "ونرجع نعيش على الشحاتة تاني وفلوس الزكاة والصدقة". كانت موجوعة وكان الوجع هو المتحدث بلسانها.
- ... ماما اشتغلت شوية وماستحملتش تكمل شغل فاستسهلت مد الإيد لقرايبها وبابا خد على كدة ... ودايما خناقاتهم من هنا بتبدأ وبتطور ... أما حكاية بيصلي في المسجد دي... فمش عارفة إزاي إنسان يصلي في المسجد ويسب ويضرب كدة ...!! إزاي واحد ظاهره الدين كدة مطنش ابنه ومش حريص على دينه وسايبه يضيع ... قلبي واجعني على أخويا أوي... أ.. أنا بقيت أشد شعري ...
رفعت عينيها الزائغتين إليهم مكملة وهي تخلع حجابها: - بشد شعري فعلا من التعب من التفكير شوفي شعري مقطع ازاي ... بقيت من تعب تفكيري بأذي نفسي ... شوفي إيدي عاملة ازاي ... مش قادرة أكلمهم وأصارحهم أني تعبت من مشاكلهم ... مش قادرة أنطق يا جماعة ... طول عمري ممنوع أقول رأيي .. طول عمري أمي بتجاوب عني وبتتكلم عني لحد ما بقيت خرسة لا بعرف أعترض ولا أتكلم ....
أقولكوا سر ... مرة ركبت أتوبيس وجه واحد قذر حاول يقف بطريقة مش مظبوطة ورايا خفت أوي واترعبت وماعرفتش أتكلم حاولت أبعد عنه وخلاص ... طول عمري لعبة في إيديهم مش باعرف اتصرف ... حتى صوتي سرقووه ...
أخذتها عُلا بين ذراعيها وقد تأثرت بكلامها وأخذت تمسح على رأسها قائلة: - أهدي يا بنتي أهدي يا حبيبتي ...
رفعت نهى عينيها إلى علا هامسة: - من ساعة ما وعيت على الدنيا وهما بيتخانقوا ومافيش أي ذرة احترام شوفتها بينهم إلا الاحترام الزائف اللي بيمثلوه قدام الناس ... طيب ليه يخلفونا ...؟ حاسة أنهم كانوا واخدين موضوع الخلفة ده تسلية اما مايلاقوش حاجة يعملوها يخلفوا عيل ورا التاني عشان يرموه في نار خلافاتهم اللي مابتنتهيش وينتهي بيه الأمر في الشارع زي أخويا بالظبط ....!!!
كانت نهى تنتفض بشدة بين ذراعي علا التي ساندتها لتنهض قائلة: - قومي تعالي معايا جوة نتكلم براحتنا..
سارت معها تجر قدميها بينما قالت علا لابنتها: - نور لو سمحت أعملي لصاحبتك عصير ليمون ..
قالت نور بسرعة وقد دمعت عينيها لحال صديقة عمرها: - حاضر يا ماما ...
جلست علا على الفراش وأخذت نهى بين ذراعيها ووضعت يمناها على جبهتها وبدأت في قراءة آية الكرسي حتى انتهت. طرقت نور باب الغرفة ثم دخلت وضعت كوب العصير بجوار أمها التي نظرت إليها نظرة معناها أن تتركهما بمفردهما فخرجت نور على الفور من الغرفة بينما أكملت علا قرائة المعوذتين وسورة الإخلاص ثلاث مرات على رأس نهى التي بدأت تهدأ وتسكن ويخفت نشيجها المتألم.
أعتدلت علا في جلستها وساعدت نهى على الجلوس باعتدال قائلة بابتسامة خفيفة: - ها عاملة إيه دلوقتي..؟
خفضت نهى عينيها وقد أدركت ما تفوهت به منذ لحظات وكأنها قالته في غفلة من العقل أو تحت ضغط كبير جعلها تخرج عن صمتها وتلجأ لصديقة العمر، قالت نهى: - أحسن الحمد لله ... أنا بس كنت حاسة بيأس و..
قاطعتها علا وهي تناولها العصير: -حاسة بيكي يا حبيبتي ... حاسة بمدى ألمك وحزنك وأنت عايشة في بيت مش لاقية فيه أقل الاحتياجات الأساسية من الأمان والثقة من أهم أشخاص في حياتك .. بابا وماما وأخواتك ... كل واحد فينا محتاج اللي يثق فيه ويحبه بدون شروط ... أنا عارفة أنك أكيد بتحلمي أن يتغير ما بين ماما وبابا وتبقى العلاقة مثالية لكن يا نهى يا حبيبتي التغيير ده مش فرض عليكي أنتِ ... ومهما تمنيتِ التغيير فلازم يكون منهم هما ... وبعدين خلاص هما أختاروا أنهم يعيشوا بالصورة المحزنة دي، لكن هل لازم أنت كمان تختاري كدة..؟
أنزلت نهى كوب العصير بعد أن أخذت رشفة منه ونظرت إلى علا بغير فهم، فقالت تلك الأخيرة موضحة: - حبيبتي .. علاقة بابا وماما تجربة حية تتعلمي منها رغم الألم وتكتسبي منها مهارات تعينك كزوجة إن شاء الله .
ابتسمت نهى بسخرية قائلة: - زوجة ..؟؟؟!!!!
ربتت علا على يدها قائلة: - آه زوجة يا حبيبتي .. عارفة أن علاقة بابا وماما المتوترة ممكن تخنق جواكي أي علاقة مستقبلية حميمية مع رجل يحل مكان بابا لأن مكان بابا وصورته داخلك مشوشة وسلبية جدًا، وأكيد هاتأثر على رؤيتك لكل الرجال، والتجارب السيئة اللي بتحصل لك برة البيت مع المشاكل اللي جواه أكيد هزت ثقتك بنفسك وده اللي أنا عايزة أركز عليه معاكي دلوقتي ... الحقيقة اللي عايزاكي تفهميها كويس جدًا أن ماحدش يقدر يغير حد ... الشخص الوحيد اللي أقدر فعلاً أغيره ... هوا أنا ...
استمعت نهى إلى أم صديقتها باهتمام، فأكملت علا: - أنا مسئولة عن تغيير نفسي وتحدي كل الظروف اللي حوليا..
قالت نهى بإحباط: - إزاي بس ..!!
قالت علا: - هاقولك يا نهى ... أولا يا حبيبة قلبي أشتغلي على علاقتك مع ربنا اللي أكبر من الكل ويمتلك قلوب كل البشر ... قوِّي علاقتك بالله لأنه ربنا هوا السند اللي انت محتاجة له ... ربنا عايزك تكوني قوية تنجزي حاجات رائعة في حياتك بإذن الله. التزمي بالعبادات من صلاة وقيام وصوم .... والدعاء، الدعاء، الدعاء يا نهى فهو فرصتك للكلام مع ربنا تقولي له كل اللي في قلبك الصغير من حزن وتسأليه العون على تقبل اللي ما تقدريش على تغييره وتطلبي منه المساعدة في تغيير نفسك...
بدأ شبح ابتسامة مرتاحة يرتسم على شفتي نهى، بينما تكمل علا: - حبيبتي ركزي على تنمية ثقتك بنفسك وبناء شخصية خاصة بنهى اللي هيا مش زي ماما ومش زي حد... الشخصية اللي تشبه نهى بس.... وبعدين أنت ما شاء الله عليكي رغم الظروف الصعبة جايبة مجموع عالي وهاتدخلي كلية كبيرة كانت رغبة من رغباتك زي ما قلتي ... ركزي بقى كويس في دراستك لأن دراستك يا نهى جزء كبير منك ... وحاولي تتعرفي على صديقات جدد في الجامعة وتشتركي في أنشطة ... حبي اخواتك الصغيرين وقدمي لهم اللي تقدري عليه واحتسبي الأجر عند الله .. وطبعًا ده برضه هايكون له مردود لما تتجوزي وتخلفي إن شاء الله .. هايبقى عندك خبرة من رعاية اخواتك وهاتربي ولادك أحسن تربية ... وبعدين أبقي روحي مع نور وتقى حلقة الحفظ اللي في المسجد اللي في الشارع اللي ورانا المعلمات هناك رائعات وحفظ القرآن هايخلي قلبك دايمًا في سعادة وطاير بآيات القرآن حتى لو عندك هموم الدنيا كلها ... لأنك هاتكوني مع ربنا وهاتبعدي عن الشيطان اللي بيفرح اوي لما يحزن المؤمن .. فأحب شيء إلى الشيطان: أن يحزن العبد ليقطعه عن سيره ويوقفه عن سلوكه، عشان كدة هانبطل حزن ونغير من نفسنا ونركز في دراستنا ونحفظ قرآن ...
صمتت علا قليلا متأملة إمارات الراحة التي بدأت تذيب التوتر والوجل الذي كان مرتسمًا على ملامح نهى منذ قليل، ثم أردفت: - وعايزاكي تحطي في دماغك يا نهى أن جسمك كللله أمانة ربنا أدهالك ... يعني ماينفعش نشد شعرنا الجميل ده تاني ولا نجرح نفسنا عشان نحافظ على الأمانة اللي أئتمنا عليها ربنا ... أتفقنا..؟
أومأت نهى برأسها إيجابًا، فقالت علا: - حاجة كمان ... على قد ما تقدري ما تشتكيش إلا لربنا ... صلي في الثلث الأخير من الليل وتملقي ربنا وأحمديه وأشكريه وأدعيه وأشتكي له وكلميه ... هتلاقي نفسك مرتاحة جدا ومش محتاجة تشتكي لحد من البشر أبدًااا ... وطبعًا لو احتجتي حاجة أنا تحت أمرك يا قمر ..
ابتسمت نهى ونهضت محتضنة علا قائلة: - متشكرة ... متشكرة أوي يا طنط ... يياااه ... حضرتك عندك طاقة إيجابية قادرة على تغيير الإنسان اللي قدامك 180 درجة ... يا بخت بناتك بيكي ...
ابتسمت علا وهي تربت على كتفيها قائلة: - يا حبيبتي يا نهى أنت اللي جواكي طاقة حلوة تقدر تقهر أي صعوبات في الحياة بدليل تفوقك وتدينك رغم كل اللي انت فيه ... وعايزاكي تفهمي كويس أن كل انسان وعنده مشكلة في حياته ... ربك بيقسم الرزق بالتساوي بين عبيده يعني اللي عنده رزق أن أهله كويسين بيبقى ابتلاءه في حاجات تانية واللي عنده رزق أن معاه فلوس بيبقى ابتلاءه في حاجة تانية وهكذا ... المهم أن الإنسان يرضى عن ربنا ويحمده ويشكره ويعرف نعم الله عليه اللي لو حاول عدها .... مش هايعرف. ياللا بقى ادخلي الحمام اتوضي وظبطي حجابك عشان تنزلي مع نور وتقى تصلوا العصر في المسجد وتبدأي في حلقة حفظ من النهاردة ... ماشي.
قالت نهى بحماس: - ماشي ...
خرجت نهى من غرفة علا وكأنها إنسانة أخرى .. مبتسمة تقول في مرح: - أنا هاروح أتوضا عشان أروح معاكوا المسجد يا نور ...
وعندما دخلت دورة المياه كانت الدهشة تغمر نور وتقى فهمست تلك الأخيرة لأمها: - إيه يا ماما .. أنت سحرتي لها واللا إيه..؟ ده أنا كنت حاسة أنها أما دخلت معاكي كانت بتموت يا حرام ...
قالت علا: - خلاص يا تقى .. البنت كانت حزينة وفضفضت وارتاحت خلاص ...
قالت نور شاردة: - مسكينة أوي نهى ...
وخيم عليهم صمتٌ مثقل بالأفكار...
فقد أدركتا أن هنالك مصائب أكبر من غياب الأب ...
أحيانًا وجوده يكون هو المعضلة ...!!
***
24 نوفمبر 2011، في الطائرة
الساعة 19:00
عاد إلى مقعده بعد أن نهض ليتمشى قليلاً بالطائرة فلم يجد أيًا من نور أو عيسى، رفع عينيه ليراهما قادمين من الناحية الأخرى لممر الطائرة ... كانت تنحني نحو صغيرها .. تتحدث معه لا تبتسم إلا له .. لا تمل من لهجته الممطوطة ولعثمته واسئلته المتكررة حول كل شيء ... ظل واقفًا ليسمح لهما بالمرور فجلسا وعاد عيسى إلى ثرثرته ثم هتف قائلاً له بفخر: - عـ...عارف يا عمو .. الصلاة على الطيارة حـ... حلوة أوي ...
أنحنى زين نحو عيسى قائلاً: - أنت صليت امتى على الطيارة...؟
هتف عيسى: - د...دلوقتي يا عمو أنا وماما اتوضينا وروحنا عند الستارة اللي هـ... هناك دي صلينا عندها المغرب والعشاء ... هـ... هيا الطيارة كانت بتتهز شوية ... بس أنا ماخفتش وكملت صـ... صلاة مع ماما..
رفع عينيه إلى نور التي كانت منهمكة بإحكام ربط حزام المقعد حول ابنها قائلاً:
- وانتوا عرفتوا تحسبوا توقيت الصلاة...؟
رغم أنها لم ترفع رأسها نحوه قط إلا أنها عرفت أنه يقصدها بسؤاله ذاك، فأجابت بصوت لا يكاد يُسمع وهي تُخرج شيء ما من حقيبتها:
- المغرب مش محتاجة حسابات فلكية أو جغرافية يا باشمهندس ... احنا في السما ... قرب الشمس اللي اختفت من شوية بديهي جدًا انها غربت وحان وقت المغرب ... ولأننا على سفر وعشان ما اتلخبطش بحسابات وقت العشاء والفجر، جمعت العشاء مع المغرب ...
قالتها بكل بساطة ثم أخرجت كتابًا ما من حقيبتها وانهمكت في قرائته بينما عاد صغيرها إلى التلوين وتركيب بعض قطع الأحاجي التي أخرجتها له منذ قليل. كان زين على علم بتلك المعلومة وقد قام بالفعل بأداء الصلاة لكنه لم يتخيل أنها قد تحرص على الصلاة في الطائرة "تمثيليات ... بتأفلم وتعمل تمثيليات...!" ترددت تلك الكلمات في ذهنه ... تذكر كل ما قيل عنها وعن ... "أوركيد" ... تعود تلك الكلمة لتطغى على تفكيره مربكةً إياه..! فيمسك بكوب القهوة الذي عاد به بعد الصلاة و يرتشف منه متأملاً عيسى الصغير الذي يحاول جهده الحديث رغم تأتأته الواضحة التي لم تخف لغته العربية السليمة رغم ولادته ومعيشته الأمريكية، حدَّث زين نفسه أن عيسى لا يشبه أباه أبدًا فالفتى ذو الشعر الاسود الفاحم الناعم المنسدل حول وجهه الأبيض وهاك العينين العسليتين المتقدتين ذكاءًا لا يمتان بصلة لأبيه، أرجع زين رأسه إلى الوراء شابكًا يديه خلف رأسه وقد مرت به أطياف أعوام مضت ... أعوام تزيد عن عمر ذلك الصبي بعام أو اثنين.
***
يناير 2004، الواحات البحرية
في تلك البقعة من الواحات البحرية التي تقع جنوب غرب القاهرة وتبعد عنها بحوالى 360 كم، خاصة تلك المزرعة الشاسعة التي تحدها من كل صوب أشجار شاهقة الارتفاع، أخذ زين يجد السير وهو يتصبب عرقًا... يتفقد المزروعات يزيل بعض الأعشاب التي يصادفها حتى التقى بشاب طويل يرتدي جلبابًا واسعًا، قال له: - بدر .. الله يكرمك زي ما قولتلك ممنوع استخدام المبيدات الكيميائية ... ممنوع استخدام الأسمدة الكيميائية ... وممنووووع عزيق للأرض... فهمتني ..؟
قال بدر باسمًا: - فهمان عليك يا ولد عمي .. متخافش ما في ذرة سماد كيماوي هاتقرب من الزرع ... أني متابع المزرعة زين ..
ربت زين على كتفه قائلاً: - تسلم يا بدر ... برضه نبه على طلال والرجالة اللي معاكوا ... أنا هدفي ان المزرعة دي كلها تبقى أورجانيك بمعايير الجودة اللي أحنا متفقين عليها مع المستوردين في فرنسا وامريكا وشركات التوزيع في مصر هنا ... وزي ما وعدت الچدة هانطلع محصول من أفضل ما خرجته أرضنا في يوم من الأيام ..
قال بدر: - ما تعتل هم يا زين، أطمن يا خوي ...
قال زين وهو يستدير راحلاً: - أنا مطمن يا بدر بس كنت باأكد عليك ... ياللا أنا في مكتبي لو احتجت حاجة كلمني ..
وعندما رحل زين لم يلحظ اقتراب أحدهم من بدر قائلاً بصوت أجش وهو يعقد حاجبيه: - على إيش يؤمر ويتأمر سي زين ..؟ زيه زيينا في المزرعة ... واللا لأجل دراسته وعلامه هايعمل علينا سي الأستاذ...!!!!
التفت بدر قائلاً: - يا طلااال بزيااادة بقى ولا عاد تحط زين في راسك ... مش ابكيفك ولا بكيفي ولا حتى بكيفه اللي بيحصول أهنه ... كل أشي ابترسم له الچدة وأحنا ما علينا إلا التنفيذ ... فالأحسن يا خوي أنشوف شغلنا ومانشغل بالنا بحاجة ماإلنا فيها يد ...
شرد طلال قائلاً: - ما إلنا يد فيها ..! راح تشوف يا خوي كيف ما إلنا يد فيها..!
أما زين فقد دخل منهكًا إلى مكتبه في المزرعة الموجود في مبنى متوسط السعة مكون من طابق واحد ومدخلين، كان المدخل إلى المكتب هو المدخل الخلفي، دخل زين ليفاجأ بوجود شخص ما في مكتبه يجلس على المقعد خلف المكتب ويمد رجليه على المكتب الذي أمامه عابثًا ببعض الأقلام، قال له زين في دهشة:
- زكريا...؟؟؟ أنت رجعت من القاهرة امتى..؟؟؟
قال زكريا مبتسمًا: - أنا هنا من الفجر يا باشا ...
قال زين: - أنت امتحاناتك خلصت يا ابني عشان تيجي ..؟ مش عندك امتحان بكرة..؟ كنت تخليك في القاهرة لحد ما تخلص امتحانات ... أنت عارف أنت بقالك اد ايه مش عارف تاخد تالتة تجارة...؟ يا ابني اخلص بقى ...
ضحك زكريا ضحكة طويلة ونهض قائلاً: - يا عم أنسى الجامعة والكلية والامتحانات ... أنا خلاااص .. عرفت طريقي ...
قالها ثم أخرج سيجارة وشرع في إشعالها، فأوقفه زين بصرامة قائلاً: - مش هنا يا زكريا ... أطفيها من فضلك ...
اطفأ زكريا سيجارته في عصبية قائلاً: - هوا لا هنا ولا في البيت الكبير...! إيه الخنقة دي..!
قال زين مغيرًا الموضوع: - مش فاهم تقصد إيه بأنك هاتنسى الجامعة والامتحانات، وطريقك إيه بقى اللي أنت عرفته ...؟؟
قال زكريا: - مش الچدة امبارح قررت معاك انها هاتفتح مكتب صغير في أمريكا يبقى تبعنا ويتولى التعاقد مع الشركات الأوروبية والأمريكية وتوزيع منتجاتنا اللي بتطلب بالاسم مننا...؟
اتسعت عينا زين قائلاً بدهشة شديدة: - أنت عرفت منيين الكلام ده..؟ الموضوع ده لسة حاصل امبارح ومايعرفش بيه إلا أنا وأبوك والچدة... ده حتى امك ماتعرفش...!!!
ضحك زكريا وقال وهو يضع يده على كتفي زين: - زين يا حبيبي انت صحيح أخويا الكبير ... بس أنا داير عنك يا معلم وأعرف أجيب المعلومة اللي عايزها من المكان اللي عايزه ..
قال زين: - والله ..؟ طيب يا عم الداير والفاهم .. إيه دخل ده بامتحاناتك...؟
أمسك زكريا بياقتيه بكلتا يديه قائلا بزهو: - ماهو أخوك هوا اللي هايمسك الشغل هناك بأمر الله .. أنت نسيت الكام سنة اللي قضيتهم في أمريكا واللا إيه .. يااااه على أمريكا ومزز أمرييكا ... احلى فكرة فكرت فيها يا اخويا اننا نفتح مكتب يدير شغلنا هناك...
قال زين بامتعاض: - مُزز..؟؟؟ يا اخي انتقي الفاظك وخاف ربنا شوية ...
هتف زكريا: - لااااا يا باشمهندس بلاش انت تبدأ في التنظير ... انت نسيت انا شوفتك في الجامعة واقف مع مين واللا ايه..؟ حتة مزة تحل من على حبل المشنقة ... بلونداية كدة بعيون زرق وقوام رشيق ولا مزز امريكا ... فامتبصليش انا في ...
قاطعه زين بحدة: - زكريا لو سمحت انا ماسمحلكش ... البنت دي بنت الدكتور عمر هجرس المشرف على رسالة الماجستير بتاعتي وكانت في مكتب باباها وانا عنده وحصل اني نسيت الرسالة بتاعتي واوراقي عند الدكتور عمر في المكتب فجت ورايا تديهالي بس .. ولا اعرفها ولا شوفتها قبل كدة ...
ربت زكريا على كتف اخيه قائلا: - بس هنيالك يا زين البنت قمرررر...
ازاح زين يده بحدة قائلا: - يعني ايه هنيالي..؟؟ باقولك اول مرة اشوفها..
قال زكريا:- وانا باقولك من نظرة خبير ان نظراتها ليك بعيونها الزُرق دول معناها انه هنيالك يا عم وبكرة تقول زيكو اخويا الله يمسيه بالخير هوا اللي بشرني، اصلا يا عم دي ماتتسابش لو ماكنتش مرتبطة..
صمت زين لحظات ثم قال: - طيب خلصني عايز ايه مني دلوقتي عشان ورايا شغل ومذاكرة كتير..
قال زكريا:- عايز فلوس بصراحة ...
اتسعت عينا زين في دهشة قائلاً: - فلوس إيه ...؟ بتهرج صح..؟
قال له زين: - لا طبعا مش باهرج ... انت عارف أبوك الشيخ سليم رحيل العربي ... شيخ العرب ... هو والچدة مابيدوش إلا في حدود التكلفة بس ... يعني خنقة ... وأمريكا محتاجة وجاهة وشوية مصاريف زيادة وحبشتكنات وكدة ...
نظر إليه زين مليًا ثم قال: - ماتطلب من أبوك ...
قال زكريا:- ييي .. مانا باقولك مش هايديني حاجة .. طلبت منه وقالي اللي معاك كفاية للشغل... وطيب انا يا حاج ومصاريفي طززز شوية فكة ماينفعوش.. ياللا يا زين بقى أديني مبلغ كدة محترم وهاردهولك اما اشتغل في امريكا..
تردد زين قليلا، ثم قال: - شوف يا زكريا .. انا أولا مش هاقدر اديك مبلغ كبير ثانيا لو اديتك فلوس اوعدني انك مش هاتصرفهم في حاجة تغضب ربنا.. يعني لا سجاير ولا حاجة من دي ...
قال زكريا بسرعة: - طبعًا طبعًا يا زيزو ... أنت فاكر ايه .. انا عايز اجيب كام طقم زيادة كدة لزوم الأناقة انت عارف اخوك مابيجبش إلا الماركات الجامدة ...
أخرج زين من درج مكتبه مبلغًا ماليًا أعطاه لأخيه قائلاً: - اتفضل يا سيدي اتمنجه براحتك ..
اختطف زكريا الأمول من أخيه ثم ارتدى منظارًا شمسيًا قائلا وهو يدور على عقبيه راحلاً: - متشكر اوي يا أخووووي تسلم يا عم زين ... ياللا اسيبك انا بقى تكمل شغل ومذاكرة .. سلاااااام
جلس زين على مقعد مكتبه وابتسم بجانب فمه الأيسر كعادته لتبدو غمازة طويلة بجانب فمه وهو يتمتم:
- عمرك ما هتتغير يا زكريا .. ربنا يهديك ...
أما زكريا فقد خرج من مكتب أخيه وقفز في سيارة جيب مكشوفة قادها عابرًا أراضي زراعية شاسعة ممتلئة بالنخيل حتى وصل إلى بوابة حديدية ضخمة فتحها له غفير ما فدخل مسرعًا حيث تراءى على جانبي الطريق حديقة رائعة الجمال ذات نخيل باسقة ومساحات خضراء حتى انتهى به المطاف أمام منزل يقع على مساحة كبيرة من الأرض مكون من طابق واحد غير الأرضي، دار حول المنزل وأوقف السيارة خلفه، أخرج سيجارة أشعلها ثم أخذ ينفث دخانها وهو يعد ما معه من أموال.
لم يكن ثمة أتفاق في الشكل أو الشخصية بين الأخوين سوى القامة الطويلة فقط، حيث كان زكريا شديد النحافة بينما يتمتع زين بجسد متناسق، كما كان زكريا أسمر البشرة ذو شعر مجعد أسود بينما كان زين ذو بشرة خمرية ملوحة وشعر اسود ناعم قصير وملامح رجولية منحوتة.
- "بسسسس ... بسسسسس"
انتفض زكريا وهو يسمع تلك الهمسات، أخذ يبحث حوله عن مصدرها حتى رأى شبح لشخص ما يتوارى خلف أحد الأبواب، ترجل زكريا من سيارته المكشوفة مبتسمًا في مكر وهو يتجه نحو الصوت..
- و ... حـ ... شـ ... تـ ... يـ ... نـ ... ـي..
قالها وهو ينفث دخان سيجارته نحو حسنائه البرونزية التي أطلت من خلف الباب بجديلتيها الممسكتين بعقال شعر حالك مموج طويل لم يفلح ذاك الوشاح الذي القته على رأسها كيفما اتفق في تغطيتهما تمامًا أو تغطية خصلاتها السوداء الثائرة التي انسدلت نحو عينين لوزيتين سوداوين كحيليتين.
- "لا والله ما هو باين اهه .. من ساعة ما نزلت مصر ما عاد نشوفك و لا اتكلمنا ... ورجعت الفجر وكمان لا شفتك ..." كذا همست تلك الفتاة، فتناول زكريا يدها الباردة كالثلج قائلاً: - يا حبيبتي يا حسناء أنتِ الأصل يا قمر ...
سرت ببدنها قشعريرة باردة وقالت وهي تسحب يدها من بين يديه: - لا يا ولد خالي .. ماهو لو أنا الأصل كيف ما بتحكي كنت سألت علي وحاولت تشوفني زي ما بعمل المستحيل عشان اشوفك ..
قال زكريا ممعنًا النظر في عينيها: - حبيبتي يا سنسن أنا كنت عايز اقابلك لوحدنا عشان انت ليكي هدية عندي كنت عايز اديهالك في جو رومانسي جميل مكافئة ليكي على اللي عملتيه عشان خاطر حبيبك زيكو، أنا خلاص يا حسناء مسافر أمريكا هاشتغل هناك ...
عبست حسناء قائلة: - أمريكا ...؟؟!! يالهوي ... أمريكا مرة واحدة يا ولد خالي .. ده انت بتروح مصر ببقى هاتجنن ومابعرف أشوفك اتروح أمريكا ..؟؟ يا خيبتك يا حسناء يا ريتني ما اتجسست ولا سمعت كلام الچدة وخالي سليم مع اخوك ولا قلتهولك .. أنا اللي استاهل .. أنا اللي ..
قاطعها زكريا: - اييه اييه انت هاتندبي واللا إيه ... يا بت افهمي .. أنا خلاص لا ورايا دراسة ولا مذاكرة ولا هاستنى اتخرج عشان نتجوز ... أنا هاروح اظبط شقة الزوجية بتاعتنا يا قمر وارستأ نفسي وكلها كام شهر واجي اخطفك على امريكا وانت مراتي حبيبتي .. هاجي نتجوز ونسافر على طوول .. جهزي نفسك بقى من دلوقتي يا حسناء مفهوم..
قالها مداعبا ارنبة انفها بسبابته، فخفق قلبها والتمعت عينيها بأمل زائف ثم قالت: - صوح..؟ صوح فعلاً يا زكريا ..؟
قال زكريا :- أنا عمري وعدتك بحاجة ومنفذتهاش..؟
هزت رأسها يمينًا ويسارًا أن لا، فقال: - أهوه .. أديكي قلتي .. يبقى نجهز نفسنا عشان كلها كام شهر بالكتير وانزل عشان نتجوز يا حبيبتي وتروحي أمريكا معايا .. هاتتبسطي في أمريكا أوي يا حسناء .. هاتلبسي اللي انت عايزاه وتروحي الاماكن اللي عايزاها ... هاظبطك هناك ... ودلوقتي بقى ماتنسينيش .. غمضي عنيكي عشان أديكي هديتك ..
أغمضت حسناء عينيها وقلبها يكاد يزغرد من الفرحة .. يكاد يقفز من مكانه وهي تشعر بذراعي زكريا يحيطان عنقها ثم يداعبان شعرها من الخلف، ثم يقول:- فتح يا جمييييل...فتحت عينيها لتجد قلادة فضية يتدلى منها قلب قد احاط زكريا عنقها بها، قال لها في وله: - خلي بالك من قلبي واوعي تشيليه من رقبتك أبدًا..
شعرت حسناء بسعادة بالغة ... شعرت وكأنها تعيش في فيلم من الأفلام الأبيض والاسود التي تدمنها.. أومأت له في استسلام قائلة: - حاضر..
إلا أن عينيها اتسعت في رعب وهي تنظر خلف كتفي زكريا ورفعت وشاح رأسها تغطي وجهها وهي تقول منصرفة: - سلام بقى يا زكريا احسن ياسر اخوي جاي من هناك اهوه .. اخاف يشوفني ..
أمسكها زكريا من ذراعها قائلاً: - ماتنسيش ... تبعتي لي كل شيء بيدور في البيت هنا . كل دبة نملة زي ما علمتك على النت مفهوم يا حسناء..؟
قالت بسرعة: - ما تقلق يا زكريا مش هانسى بس سيبني اخويا قرب منينا ..
اطلق زكريا سراحها لتجري مسرعة بينما يلقي هو بسيجارته أرضًا داهسًا إياها بقدمه عندما أقبل عليه شابًا في منتصف العشرينات متوسط القامة ذو بشرة بيضاء يرتدي عوينات طبية، قال له زكريا:
- ازيك يا دكترة ..
عدل ياسر من وضع عويناته وهو ينظر خلف زكريا قائلاً: - أهلا يا زكريا، هوا ... انت واقف عند باب المطبخ كدة ليه ..؟؟
قال زكريا: - مافيش يا سيدي كان في ايدي سيجارة قلت أخلصها هنا قبل ما ادخل وعمك الشيخ سليم يقفشني ... وأديني رميتها اهوه ... أنت بقى ايه اللي بيدخلك من باب المطبخ يا خبيييث..؟
قال ياسر: - أنا بحب أول ما أدخل أشوف أمي ... وهيا بتبقى قاعدة في المطبخ مع زينب أغلب الوقت، فبدخل اسلم عليها وأطلع أوضتي ...
قال زكريا: - ماشي يا عم ياللا بينا وأهي فرصة اسلم على عمتي قبل ما امشي ...
قالها ثم دلف كل منهما إلى داخل البيت الكبير.
***
-5-
”الشجاعة هي أن لا نخاف من لحظات خوفنا. درّب قلبك على مجابهة الأشياء التي تخيفه“
محمد الرطيان، وصايا
***
24 نوفمبر 2011، في الطائرة
الساعة 19:30
من نيويورك إلى القاهرة ... آلاف الأميال .. تجلب إلى الذاكرة المنهكة آلاف الذكريات ... وتجتاح مخيلتك آلاف الأفكار، أثني عشر ساعة كاملة بين السماء

Just Faith 18-12-17 12:42 PM

يجب ان ترد لمشاهدة المحتوى المخفي

Just Faith 18-12-17 12:43 PM

-6-
“إياك ان تحلم إلى الدرجة التي تنسى فيها الواقع، وإياك أن يحاصرك الواقع إلى الدرجة التي تنسى فيها أحلامك.”
محمد الرطيان – وصايا
******
28 يونيو 2004، الساعة العاشرة مساءًا
القاهرة
رُغم قصر لياليه، إلا أن تلك الليلة من شهر حزيران بدت طويلة كأمد الدهر! فهاهو القمر يكشف عن شيء من وجهه الناصع باديًا وسط الغمام وكأنه ينظر إليها مشفقًا، يتأمل خطواتها البطيئة المحملة بأطنان أحلام تمطت وتحركت من مكمنها كجني مصباح حيث كان ما رأته اليوم من أحداث كفيل بفرك هاك الفانوس الصدئ بداخلها مطلقًا العنان لكل أحلامها المكبوتة التي حبستها في قمقم الاستحالة وألقته بإهمال بغياهب جُب معاناتها اليومية؛ إلا أن مياه البئر الآسنة فاضت وطفى الفانوس على سطحها لتمتد ذكرى ما حدث اليوم فتفركه بعنف لينطلق المارد من محبسه ويسيطر على وجدانها بأسره فلا تجد مفرًا من تعاطي شيء من هاك المخدر الشرعي. صوَّر لها ماردها فارس... يعشق كل تفصيلة بها... يذيبها بمعسول كلامه وشجاعة إقدامه.. يحارب العالم من أجلها... ينتشلها من بئر معاناتها الآسنةُ مائه إلى محيطٍ برحابة كون. تسير في أحد الأزقة الخلفية المقفرة لحي بولاق الدكرور.. تتأمل واحدة من تلك البنايات العشوائية التي تم وقف بنائها والتي دائمًا ما كانت تغيظها.. إلا أن أشباح الليل وغيوم القمر جعلت ماردها يصورها قصرًا تبصر به حياة هانئة بينها وبين رجل قلبه أكثر خضارًا من عينيه. أرتسمت ابتسامة صغيرة على شفتيها لم تلبث أن تختفي وينقبض قلبها وهي تفتح باب منزلها عندما وصلها صوت غليظ يصيح "يعني إيييه مافيييش أكل..؟؟؟ عايز أتنيل أطفح ..!"
دخلت وأغلقت الباب وقد تبددت أحلامها كفقاقيع هواء خاوية ليصلها صوت أمها.. "والله عايز تاكل سيب فلوس أشتري بيها أكل.. قال أطبخي يا جارية يا سيدي كلف.. ويا ريتني محصلة جارية... ده أنا باخدم فيك انت وولادك ولا باخد منكم لا كلمة حلوة ولا أي حاجة عدلة.."
صاح أبيها.. "هوا أنا مش لسة سايب لك خمسين جنيه أمبارح يا ولية أنت..؟"
قالت أمها بسخرية.. "خمسييين جنيه..؟؟ ودول يقضوا إيه بقى إن شاء الله..؟؟ فطار واللا غدا واللا عشا لعيالك..؟ ما انا جبت...
- قلت لك دبري نفسك معيييش فلوس اليومين دول... لكن تدبري إيه... ما هو لو أنت ست زي بقيت الستات كان زمانك عارفة تدبري عيشتك.. لكن طول عمري عايش في القرف ده.. لا بلاقي لقمة عدلة ولا بيت متنيل نضيف... ماوراكيش غير الرغي مع الجارات وفلانة عملت وعلانة سوت...
- يا راجل اتقي الله وبوس إيدك وش وضهر إني رضيت أرجعلك أنت وعيالك.. وبدل ما تصرف فلوسك على السرمحة ورا النسوان تعالى اقعد في بيتك وحاجي على عيالك.. شوف أخواتك بيعملوا إيه مع عيالهم واتعلم منهم... ممعاكش فلوس وانت بتخرج كل يوم من صباحية ربنا لحد بالليل وقال إيه في الشغل..؟ شغل إيه ده اللي مابيأكلش عيش حاف..؟؟
صاح أبيها بغلظة أكبر: - أحترمي نفسك يا ولية احسن ليلتك مش فايتة... مين ده اللي بيتسرمح ورا النسوان..؟؟ الحق عليا إني باخرج الف على شغل هنا وهنا عشان أصرف عليكم...!!
- هي هيء.. شغل..؟ سلامات يا بو شغل.. ده أنا اللي شايلة مصاريف البيت ده من زماان.. دايمًا ذاللني وحاوجني ومخليني أمد إيدي للي يسوى واللي مايسواش لحد ما خلاص مابقاش حد يديني حاجة ولا يبص في وشي..
حاولت نهى سد أذنيها وكتم ادمعها بداخل المقل... تمنت لو تمتلك ترف فقدان الوعي... تمنت لو طار عقلها أو فقدت القدرة على الاستيعاب.. إلا أنها لازال صوت أبيها الغليظ المرتفع يصلها وهو يصرخ:
- ما تهرتليش في الكلام وتكذبي على نفسك... طول عمري وأنا باصرف عليكم... ولمي نفسك وقولي يا مسا احسن لك...
- لا والله..؟ ناوي تعمل فيا إيه أكتر من كدة..؟ كل يوم طولة لسان وشتيمة وإهانة وأنت المفروض تحمد ربنا وتبوس ايدك وش وضهر انك متجوز واحدة زيي ماتطولهاش ولا حتى في أحلامك... أحسن منك ويتمنى لي الرضا أرضى بس أعمل إيه في قسمتي...
صاح أبيها بهياج: - مين ده اللي أحسن مني..؟ أنطقي ...
صرخت أمها: - بترفع إيدك عليا .. ياللا كملها وأضربني اضربني يا إسماعيل ..
انتفضت نهى لصراخ أمها وخرجت من غرفتها التي لاذت بها مسرعة لتجد أخاها الأكبر قد أمسك بذراع أبيهم المرفوعة على أمهم محاولاً تهدئته وهو يقول : - خلاص يا حج بقى خلاص حقك عليا كبر دماغك...
دفعه أبيه بعنف ليسقط على الأرض ويصيح به: - مين ده اللي يكبر دماغه ياض يابن الـ***... أحترم نفسك وكلم أبوك عدل ..
ثم قام أبوها بخلع حزام بنطاله وهوى به على أخيها صارخًا: - مش بكفاية عمال تسقط لي في الكلية اليتيمة اللي قبلتك وولا هامك.. عامل زي العجل ماوراكش غير الأكل والشرب يا ***.. أكل ومرعى وقلة صنعة... وفي الآخر جاي تقولي كبر دماغك يا ابن الـ***....
جرت اختها الصغرى هاتفة: - يا بابا سيب أخويا حرام عليك... كفاية كدة بقى...
دفعها أبوها هي الأخرى بقوة لتسقط أرضًا فأخذت أمهم تصرخ وهي تلطم وجهها: - ألحقوووني يا ناااس هايضيع لي عيالي... يا مصيييبتيييي.... منك لله يا إسماعيل...
نهض أخوها مهانًا وعيناه تطق شرارًا ثم توجه مهرولاً نحو بابا المنزل، أسرعت نهى بارتداء حجابها مرة أخرى لتخرج من المنزل جريًا وراء أخيها خوفًا من أن يصيبه مكروه بعد ما فعله به أباه، وجدته ينضم إلى زمرة أصدقاء، فاقتربت أكثر دون أن يراها تحاول الاطمئنان عليه..
- ماااجد باشا أزيك يا اسطى... مستنينك من بدري... كنت فين..؟
قال أخوها ماجد : - مافيش.. أبويا بس كان في البيت.. المهم جبت الحاجة..؟
أخرج احدهم ورق ما أخذ يلف بداخله مسحوق لم تتبينه جيدًا قائلاً: - أمسك يا معلم .. أضرب دي وهاتنسيك نفسك.. مش سيجارة عادية دي... أمسك يا غالي... ولع له ياض يا عدلي...
أمسك أخوها السيجارة بين أصبعيه وقام آخر بإشعالها وهو يقول: - تعالى معانا بقى نعرفك على البت ناني صاحبة جي جي صاحبتي... بت صاروخ وهاتعجبك..
ضحك ماجد قائلاً وهو يسير معهم: - ياللا بينا على نااااانيييي ... أاناااني ...
سار مبتعدًا عنها وهو يصيح بطريقة غريبة مع أولئك الأشخاص... لا... بل مع أولئك الشياطين. فاضت عيناها بالدمع وقد أشتعل قلبها بنيران تلك السيجارة. إنها تشهد شقيقها ينزلق في هوة سحيقة ولا توجد ثمة يد تمتد لتخرجه منها. دومًا هارب من بيت يلفظه بكل من فيه ليتسكع في الطرقات تتقاذفه الأزقة الضيقة يبحث عن حياة.. أي (حياة) يهرب بها من موتٍ في صورة بيت. وأول حياة وقع في براثنها يبدو أنه وجدها مع تلكم الرفقة التي اتسعت لطيبته وسذاجته وصار هو يعلق عليهم كما يبدو سعادته.
عادت أدراجها إلى المنزل وهي تفكر ماذا عساها أن تفعل..؟ أتخبر أباها الذي لن يعرف سوى ضرب شقيقها الذي تخطى العشرين من العمر..؟ أم تخبر أمها التي لا تملك أن تفعل شيئًا ولن يزيدها هذا الأمر سوى المزيد من الحزن وندب الحظ السيء..؟!! صعدت السلم متحاشية النظر إلى تلك الجارة.. لا تريد أن تعرف هل تنظر إليها بشفقة أم بشماتة..! فتحت باب منزلها ودخلت لتجد أن أصوات أبويها قد اختفت ليحل محلها الصوت المرتفع للتلفاز الذي جلس أمامه أبيها وناداها قائلاً: - بت يا نهى.. أنتِ يا بت يا نهى..
ذهبت إلى أبيها قائلة بوجع: - نعم يا بابا...
قال لها: - كنتي فين..؟
أجابته: - كنت بحاول اطمن على ماجد..
صاح أبيها في حدة: - ماتجيبيليش سيرته خالص الواد ده.. ولا تجبي لي سيرة البت بنت الـ*** التانية دي اللي لسانها مترين زي أمها مش عايز اشوفها ولا أشوف أمك الساعة دي.. ولية هم وغم ونكد لازم على طول ترفع لي الضغط ...
ردت عليه بصمت موجوع وعين يكسرها الألم، فقال بحدة: - فهمتي..؟
كادت تصرخ به كيف تريدني ألا أتحدث معك عن ابنائك وزوجتك..؟ رعيتك..!! كيف تريد أن تنسى ابنك الذي ستُسأل عنه يوم القيامة..؟ كيف ستقف أمام رب العباد..؟ ماذا ستقول له عندما يسألك عن برك بأبنائك...؟ إلا أنها تمتمت بخفوت: - أيوة..
أسند ظهره إلى الأريكة قائلاً بكلمات كالخناجر تمزق قلبها: - كويس.. روحي بقى شوفي لي أي طفح أطفحه.. حسبي الله ونعم الوكيل في امك مش عاملة لقمة عدلة ناكلها... هاتي لي أي حاجة إن شاالله لقمة بجبنة وشوية فول ماكلتش من صباحية ربنا....
حبست أدمعها وهي تقول بخفوت: - حاضر...
سارت مبتعدة عنه ودخلت تطمئن على أخيها الأصغر لتجده منزويًا في سريره يبكي ويئن وقد التف على نفسه متخذًا وضع الجنين، لم تجد بها القدرة على أن تحتضنه وتربت على كتفه في حين تحتاج هي إلى من ترتمي في حضنه وتبكي بكاءًا طويلاً.. تحتاج إلى من يربت على كتفها هي فقد امتلأ قلبها عن آخره بالألم والوجع والحسرة. أنطلقت إلى غرفة أمها المغلقة تفتحها لتجد اختها تربت على كتف أمها الباكية التي تولول: - معلش يا ولاد... أنا السبب.. أنا اللي وكستكوا بأب مبيعرفش يشيل مسئولية.. راجل ميهمهوش غير بطنه وشهواته وبس.. حسبي الله ونعم الوكيل فيه... ربنا ينتقم منه...
خرجت بهدوء وأغلقت الباب مرة أخرى ذاهبة إلى المطبخ.. حاولت الإمساك بالأطباق أو الطعام إلا أن يداها المرتعشتان أخبرتاها أنها لن تستطيع منعها أكثر من ذلك.. فالهطول آتٍ لا محالة... فتهاوت على الأرض في زاوية من المطبخ وضمت رجليها إلى صدرها وأخذت تبكي بكاءًا مريرًا وتنتفض. أخذت جاهدة تحاول طرد ما سمعته ورأته منذ قليل من مخيلتها، أخذت تضرب رأسها بكلتا يديها بقوة علَّ تلك الأفكار تختفي ... إلا أنها انتفضت عندما جاءها صوت أبيها يصيح بغلظة:
- أنت يا بت يا نهى... فيييين الأكللل...؟؟
نهضت بسرعة تعد لأبيها الطعام بيد مرتعشة، متمنية أن ترحل في أقرب وقت عن هذا المنزل.. كانت تبكي دون توقف حتى أن الطعام قد امتزج ببعض دموعها الحارة.
*******
29 يونيو 2004، الساعة الثانية فجرًا
منزل نور وتقى، القاهرة
أخذت نور تذرع الردهة بمنزلهمن جيئة وذهابًا في توتر حتى سمعت من يفتح الباب فهرعت نحو تقى التي دخلت لتوها لاهثة ثم بادرتها قائلة: - كنت فين كل ده..؟
- بادور على الحقنة ماحدش راضي يديهاني ...
صاحت نور بحدة: - يعني إيه ماحدش راضي يديهالك..؟ ماتروحي للصيدلية بتاعة الدكتور يعقوب..!
قالت تقى: - والله روحت بس الدكتور يعقوب مش موجود.. وكل الصيدليات التانية اللي فاتحة دلوقت بيقولوا لي المُسكن ده مابيتباعش إلا بروشتة... تعالي نروح لأي دكتور في المستشفى يكتب لنا روشتة وخلاص...
قالت نور بقلق: - دكتور مين اللي هايكتب على مسكن زي ده دلوقتي من غير كشف..؟ أقولك .. ياللا نجيب تاكسي ونشيل ماما عالمستشفى ...
كانت تقى خائفة جدًا فأخذت تبكي قائلة: - طب لحد ما نروح المستشفى عايزين نلحق نديها حقنة مسكن..
هتفتت نور بعصبية: - هانعمل إيه يعني إذا كانوا مش راضيين إلا بوصفة عليها إمضاء وختم طبيب والروشتة بتاعة ماما مش لاقيينها... نجيب روشتة منين دلوقت..؟ خلينا نوديها المستشفى ...
صاحت تقى: - روشتة.. روشتة... أنا هانزل عند طنط قدرية اخلي محمود يكتب لنا روشتة مش هوا دكتور...؟ وممكن كمان يكون عنده الحقن أصلاً...
قالت نور في تردد: - ماشي.. ياللا بسرعة وانا هادخل أطمن على ماما...
دخلت نور إلى أمها التي وضعتها منذ قليل في فراشها؛ كان ذعرهما شديدًا عندما سمعتا صوت ارتطام خارج غرفتيهما فخرجتا لتجدا أمهما فاقدة الوعي، حملتها نور بين ذراعيها ووضعتها على أقرب فراش، كانت أمها خفيفة الوزن إلى حد كبير فمنذ أصابها ذلك الداء اللعين وهي تخسر وزنها شيئًا فشيئًا حتى صارت نحيفة جدًا.
جلست نور جوار عُلا على فراش تلك الأولى تمسح على رأس أمها المغطى بالحجاب متأملة وجهها الأبيض الشاحب وتنشج في صمت.. أدمعها تنهمر كغيثٍ مالحٍ على صفحة هاك الوجه شديد الامتقاع أمامها بينما لسانها لا يفتر عن دعاء واستجداء ممن وحده بيده الشفاء بعدم طي صفحة العُمُر الآن. حاولت استدعاء أمانيها الخائفة.. وبث شيء من الأمل بأحلامها التالفة، إلا أن مساعيها كانت تُمنَّى بالفشل القاتل كلما حانت منها ألتفاتة إلى أمها المسجاة والتي يبدو جليًا عليها كم أرتشف المرض من وجنتي روحها. لم تجد سوى أن ترفع رأسها وترسل بصرها خارج النافذة حيث جنح الليل الهادئ... تبتهل في سكون... أنا في رحابك يا إلهي ضعيفةٌ... مأسورةٌ بخوفٍ عقيم، فهب لي رحمةً يا ربِ ونجها من هاك المرض المرير.
نعم.. فعُلا يسري عبد العال ليست مجرد أم بل هي دائمًا شمسٌ مشعةٌ عَشِقَت الحياة رغم آلامها فبددت كل الظلمات التي قد تكتنف طريقها أو طريق فتاتيها.. هي قلبٌ محبٌ يمنحهما شعورًا بالأمان.. صدرٌ واسعٌ يبتلع كل همومهما ومخاوفهما.. روحٌ تصيخ السمع لنبض قلبيهما كل صباح وتلف روحيهما بالدعاء والصلاة عند المساء.
من لي سواكِ يا أماه يكون لي قلبًا راحمًا كلما أشتد البلاء؟ من ذا يدللني كطفلةٍ صغيرةٍ مهما كبرتُ وسار بي طيف الحياة؟ من من شأنه يسابقني في صيامٍ ودعاءٍ وصلاة..؟
لم تملك سوى قلبها الذي توضأ بمزن المآقي وأرتفع فوق حدود الغيوم والقمر، وأطلق سهام دعائه حارة.. صادقة..
.. ترتفع صوت طرقات على باب المنزل.. تعجبت.. إن تقى تملك مفتاحًا فمن عساه يطرق بابهن في ذلك الوقت...؟؟ سارت نحو الباب في حذر متسائلة: - مين...؟
أتاها صوت تقى قائلة: - أنا تقى يا نور..
فتحت الباب قائلة: - ايه يا بنتي مش معاكي المفتـ....
قاطعتها تقى وهي تمسك بالباب تمنعه من أن يُفتح: - معايا ناس البسي الحجاب..
ارتدت نور عبائتها الفضفاضة المخصصة للصلاة بسرعة ثم فتحت الباب لتجد تقى يقف معها جارهن الدكتور محمود مرتديًا منامة سوداء وخف منزلي يقف على مسافة معقولة من تقى ناظرًا إلى الأرض. عقدت حاجبيها في شدة فقالت تقى بتوتر: - الـ.. الدكتور محمود أما عرف اللي حصل صمم أنه يجي يشوف ماما بنفسه ويكشف عليها ..
بسرعة البرق دارت بعقلها معادلات المكان وحيثيات الجيران.. فتاتان وأم لا يعلم بمرضها القاتل أحد وحدهن وشاب يقبل عليهن بجنح الليل والنتيجة.. سيرتهن هي قصة السمر لهذا الصيف تلوكها ألسنة قاطني وقاطنات حيهن الشعبي. سمحت نور لاختها بالدخول ثم قالت لمحمود في حزم: - أنا آسفة يا دكتور... حضرتك ممكن تديني الحقن لو موجودة معاك أنا باديهالها على طول؛ أو تكتب لي روشتة بيهم. هيا أكيد فقدت وعيها من الألم لأنها بصراحة بقالها كام يوم مابتنامش ولا بتاكل كويس من ساعة جلسة الراديوثيرابي..
رفع محمود رأسه نحوها قائلاً وقد لفت انتباهه عيناها الحمراوين وقد بدا عليهما أثر البكاء:
- معلش يا دكتورة.. لازم أفحصها الأول قبل ما اكتب الدوا.. انتِ عارفة انه مورفين.. مش حاجة بسيطة..
قالت بعند وهي تنظر أرضًا:
- خلاص مش مشكلة أحنا هناخدها المستشفى.. آسفين عالإزعاج.. سلام عليكم...
نعم.. عنيدةٌ هي ورأسها يابس، تلك التي يحفظها كظهر يده.. فكم حملها وهي ابنة العامين عندما عادت عُلا عقب وفاة زوجها إلى بيت أمها. تذهب عُلا إلى العمل.. تهتم الجدة بالرضيعة ويهتم هو بصغيرته ذات الجدائل الطويلة يأخذها ليبتاع لها حلوى فلا يعجبها شيء وتجعله يدور على كل المتاجر حتى تجد بُغيتها؛ هو فتى العاشرة الذي كان يحكي لها الأقاصيص متقمصًا دور الكبار، أصبح بعد ثلاثة أعوام فقط ينبهر بخيالها وهي تقف بشرفتها - المجاورة لشرفة منزله غير أنها أعلى- تحكي له حكايا من نسج خيالها عن أميرة جميلة دون أمير... عن سندريلا لم تفقد حذائها.. عن فتاة العسل التي لا تفقد جرتها الأثيرة من العسل مهما واجهت من صعاب ومن شدة عشقها للعسل ورثت عينيها لونه الصافي وتبعثرت بشعرها الحالك خصلاتٍ تلبست بنفس اللون، وتلك كانت حكايته لها التي حفظتها عن ظهر قلب. نعم.. نور طفلته التي بدأت تنأى في خجل كلما كبرت حتى باتت تختبئ خلف ألف حاجز شيدته حول ذاتها، لكنها – بالنسبة له - مجرد حواجز زجاجية غاية في الشفافية.. لقد كبرت على يديه، مهما اختبأت.. سيعرف متى تكون غاضبة.. خائفة... بل متى تقول "لا" وبداخلها ألف نعم..!
كادت تغلق الباب إلا أنه أمسك به قائلاً في صرامة: - أستني يا نور... ماينفعش تنزلوا لوحدكوا كدة الساعة دي... ماتتحركيش من مكانك.. هانزل أصحي ماما ونطلع .. ماشي..؟
تعلقت عينيه بها وهي تومئ في استسلام قائلة دون أن ترفع نظرها إليه: - ماشي.. متشكرة أوي ..
وما هي إلا دقائق معدودة حتى كانت طرقات الباب تتناهى إلى سمعيهما، فتحت تقى لتدخل جارتهن قدرية بوجهها الأبيض المستدير وجسدها الممتلئ إلى حد ما واضعة حجابًا كيفما أتفق على جلبابها منزلي وقد كان القلق باديًا على وجهها الذي لازالت آثار النعاس متعلقة به.
- "كفى الله الشر يا بنتي سلامة ماما ألف سلامة.." كذا بادرت قدرية تُقى محتضنة إياها، ثم تبعتها هي وابنها حيث قادتهما تقى إلى غرفتها هي ونور حيث تستلقي أمها على سرير تلك الأخيرة. شعر محمود بمدى معاناة نور التي كانت تجلس جوار أمها بنظراتٍ تائهة ممسكة بيدها، لم يملك سوى أن يحتضنها بعينيه مع امه التي احتضنتها فعليًا قائلة: - تعالي يا حبيبتي تعالي يا بنتي خير إن شاء الله.. دلوقت محمود يكشف عليها وتفوق وتبقى زي الفل..
أفسحت نور المجال ليمر محمود ويضع حقيبته مخرجًا سماعته الطبية وجهاز قياس الضغط ويبدأ في فحص أمها، وعندما انتهى قال: - النبض ضعيف جدًا والضغط منخفض... لازم نعلق محلول الأول ونشوف كدة هل هاتحتاج تتنقل للمستشفى واللا لأ.. أنا هانزل اشتري اللازم وأرجع فورًا..
نهضت نور توصله إلى باب المنزل المفتوح أصلاً، فاستدار قبل أن ينزل ونظر إليها بعمق قائلاً بصدق:
- ماتخافيش يا نور..
حانت منها التفاتة لتلمح عيناه الخضراوان اللتان طالما سخرت منهما وهي صغيرة...
عيناه اللتان كانتا منبعًا للأمان بالنسبة لطفلة لا أب لها ولا أخ، طفلة لم تجد في حياتها سواه يحنو عليها..
عيناه اللتان عادتا يشملانها بنظراتٍ عميقة حاولت تلاشيها منذ زمن إلا أن تلك الألتفاتة السريعة كانت كافية...
كافية ليعاودها شعور الطفلة ذات الخمس سنوات المتشبثة بيد محمود الكبيرة في أمان..
كافية لتبدد جبال الجليد التي انتشرت بكيانها وتهبها دفئًا عجيبًا، حيث أخذت بقايا الأمل المحطمة بداخلها تنفض عن نفسها البرد وتزدهر في هذا الدفئ المفاجئ. قرع قلبها طبول الإنذار، فخفضت رأسها في خجل متمتمة: - شكرًا..
هبط الدرج بسرعة مُخلِّـفًا بقايا عطره لتعود إلى أمها محملة بها، تنظر إليها ثم تنحني إلى أذنها هامسة:
- "قلتي لي أثق في سهام الليل يا أمي.. وأنا واثقة.. أنك راجعة... مطمنة.. وهاطمنك.."
***

Just Faith 18-12-17 12:44 PM

- 7-
"أحب فجازته الخلائق بالأسى
وفى فأجابته الخلائق بالغدر
إذا قال: أهوى كذبته تجارب
مخضية بالحزن والألم المر
- غازي القصيبي"
*****
24 نوفمبر 2011، بالطائرة
الساعة 22:30
أستيقظ من غفوته القصيرة ليجد نفسه مازال بالطائرة.. نظر عن يمينه ليجد نور قد غفت بدورها مستندة إلى نافذة الطائرة محتضنة ابنها بكلتي يديها، غفا عيسى على صدرها وقد تساقط شعره الأسود الناعم على حجاب أمه. تأمل زين ما يبدو له من وجهها وهو يتذكر مجددًا ما سمعه عنها؛ بدا وجهها هادئًا رقيقًا تغشاه سحابة من الألم تبدو في زمة شفتيها الدقيقتين والانعقاد الخفيف لحاجبيها.. تمعن في وجه عيسى ليجده يحمل شيء من ملامح أمه إلا أنه يتمتع ببشرة بيضاء وحاجبين كثيفين بالنسبة لعمره وغمازة ذقن. لم يلبث أن استهجن ما يفعله فأشاح بوجهه عنها في سرعة لترتفع عيناه نحو الشاشة التي أمامه حيث يتم عرض خط سير الطائرة التي مرت في أجواء إيطاليا وشمال بعض الدول الأوروبية حتى اقتربت من اليونان. "اليونااان.." تمتم زين وقد استدعت اليونان بعض الذكريات التي لازالت خنجرًا مغروسًا بين أضلعه. هاهو يزورها من علوٍ شاهق مع امرأة أخرى، نظر بطرف عينه إلى نور الغافية بهدوء ثم ابتسم بسخرية بجانب فمه الأيسر كعادته متمتمًا: - كلهم وااااحد ... مايفرقوش عن بعض ...!
أستند بمرفقه إلى ذراع مقعده بالطائرة ثم أسند جانب جبهته على أنامله بينما الذكريات تدور بجنون داخل رأسه كطيرٍ حبيس. هاقد أتت ذكراها ترفرف حوله للمرة التي أقسم أن يجعلها الأخيرة.. سيطردها... سيلقي بها من هذا الارتفاع لترقد للأبد حيث كان من المفترض أن تكون بداية حياة.. اليونان.
***
يناير 2005،
كلية الزراعة، جامعة القاهر
كان يومًا من أيام شهر يناير الباردة.. ارتدى زين معطفه الجلدي الأثير وشملة صوفية زادت من أناقته وهو يعبر ممرات كلية الزراعة جامعة القاهرة في سرعة متوجهًا إلى مكتب الدكتور عمر هجرس ليناقش معه التعديلات النهائية برسالته التي شارفت على الانتهاء، لذا انتقل زين إلى الإقامة بالمنزل الذي أثثه له أبوه بالقاهرة حتى يحين موعد مناقشة رسالته. وصل زين إلى مكتب الدكتور عمر وطرق الباب بخفة حتى سمع الدكتور يسمح له بالدخول. دلف زين إلى المكتب الفخم المؤثث بعناية. كان الدكتور عمر هجرس رجلاً وسيمًا في العقد السادس من العمر طويل القامة ذو شعر فضي وقور يرتدي دائمًا حُلل أنيقة ويضع منظارًا بسيط وأنيق. صافح زين قائلاً: - أهلاً بتلميذي النجيب.. أول مرة تتأخر عن موعدك 5 دقائق...
صافحه زين وهو يقول بأدب: - آسف جدًا يا دكتور.. المحور كان مقفول تمامًا و...
"خلاص يا پاپي.. ماجتش من 5 دقايق.. أنت عارف الدنيا زحمة قد إيه..."
جاء ذلك الصوت من خلفه.. يعلم هو مصدره جيدًا، فمنذ أن رآها أول مرة وهو يراها في كل مرة يأتي فيها إلى مكتب الدكتور عمر. أستدار زين وقال خافضًا بصره إلى الأرض : - معلش يا آنسة كارمن ما أخدتش بالي أنك...
أرتسمت ابتسامة واثقة على شفتيها الورديتين المكتنزتين وهي تنظر إلى الدهشة الشديدة التي يطالعها بها زين الذي تعجب جدًا من ذلك التغير في طريقة ملبسها. شرد زين لحظات وهو يذكر تلك الفتاة التي قابلها أول مرة في مكتب الدكتور عمر والتي عرَّفها له الدكتور عمر بقوله... "كارمن بنتي... تانية إدارة أعمال إيه يو سي" كانت أول نظرة خاطفة كفيلة بجعل زين يتعمد تحاشى النظر إليها تمامًا طوال تلك المرات التي قابلها بها في مكتب الدكتور عمر، فذلك الجينز القصير الضيق جدًا الذي يبدي أكثر مما يخفي وهاك البلوزة الضيقة بدورها ووجهها الفاتن بشفتيها الورديتين اللتين ترفضا اللقاء حيث ترتفع الشفة العليا دائمًا مُشَكِّلة قوس صغير على الشفة السفلى وذلك الأنف الدقيق المرتفع وجسدها الطويل الرشيق ذو الملامح الأنثوية الصارخة والذي تبدو كل تفصيلة فيه بوضوح أسفل ملابسها الضيقة، كل ذلك جعله شديد التمسك أكثر من ذي قبل بالنظر إلى الأرض حين تحادثه وشديد الصرامة حين تحاول المزاح معه وعندما مدت يدها لتصافحه عند التعارف أخبرها صراحة وهو ينظر إلى الأرض "أنا مابسلمش" وقتها لم ير زين تلك النظرة العجيبة التي اشتعلت في عينيها الزرقاوين... نظرة كانت تجمع بين الدهشة والغضب والسخرية. أما اليوم فهاهي ذي كارمن بقامتها الممشوقة الفارعة تقف بجوار نافذة المكتب لتسقط أشعة شمس الشتاء الناعسة على ذلك الثوب الأبيض الطويل المزدان بزهورٍ دقيقة ذات لون أزرق فاتح وهذا الحجاب الأبيض المائل للزرقة الملفوف حول وجهها مخفيًا شعرها الذي كان يتناثر حول وجهها كسلاسل من الذهب. لم يكن حجابًا جدًا فضفاضاً لكنه كان يُعتبر تغييرًا جذريًا بالنسبة لكارمن.
- "هيييه يا باشمهندس.. روحت فين..؟"
قالها الدكتور عمر ضاحكًا.. فاستدار له زين قائلاً في حرج: - معاك يا دكتور... الـ.. التعديلات اللي حضرتك قلت عليها عملت بحث و...
- سيبك من ده دلوقتي يا زين ... أنا عايزك في موضوع تاني وبعدين نبقى نتناقش في تعديلات الرسالة..
نظر زين باهتمام إلى الدكتور عمر قائلاً: - اتفضل حضرتك يا دكتور أنا تحت أمرك...
أشعل الدكتور عمر سيجارًا فاخرًا ثم قال وهو يضعه بين شفتيه: - "كنت عايز..." صمت قليلًا ثم نفث دخان السيجار مكملاً بتمهل: - كنت عايز اشتري أرض عندكوا في الواحات ...
"وااااو يا پاپي... ونروح نعيش هناك...؟؟؟"
هتفت كارمن في فرح ... عقد الدكتور عمر حاجبيه قائلاً: - روكي ... من فضلك ماتقاطعينيش وانا باتكلم... ولو كنت خلصت الموضوع بتاعك اتفضلي انت..."
قالت كارمن في تذمر مصطنع : - بس يا پاپي انت عارف ان عربيتي اتعطلت برة... مش عارفة اعمل إيه وعندي معاد مهم مع اصحابي بعد ساعتين... استناك واللا..؟
الدكتور عمر: - لا ساعتين إيه... أنا لسة عندي شغل كتير ماقدرش أمشي دلوقت...
ثم استدار إلى زين قائلاً: - ممكن تبقى توصل روكي معاك يا زين..؟
عقد زين حاجبيه وهو يقول بتردد:- حاضر يا دكتور...
استدار الدكتور عمر إلى ابنته قائلاً: - خلاص يا روكي... ممكن بقى تستني زين برة لحد ما نخلص كلامنا..؟
قالت: - آه يا پاپي منا هستناه مع هايدي صاحبتي برة...
ثم نظرت إلى زين بثبات مردفة: - ماهي هاتيجي معايا...
قالتها ثم خرجت، فقال الدكتور عمر: - خلينا في موضوعنا... كنت عايز اشتري أرض في الواحات استثمرها...
قال زين: - بصراحة يا دكتور... الموضوع مش بالسهولة دي...
تسائل الدكتور عمر: - ليه يا زين..؟
أجابه: - لو رحت اشتريت قطعة ارض فى الواحات لازم تدفع اتاوه للعرب هناك علشان يسيبوا لك الارض ده متعارف عليه... ومش بالساهل يسيبوها كمان... طلباتهم صعبة أوي...
ضيق الدكتور عمر عينيه قائلاً: - مش مشكلة... انا ليا معارفي في...
قاطعه زين: - الحكومة والجيش والداخليه ميقدروش يعملوا معاهم حاجه وكمان بيكبروا دماغهم طلما القبائل دى مش بتلعب سياسه... النظام هنا بيسايسهم جامد...
نفث الدكتور عمر دخان سيجاره قائلاً: - انت مش عارف إن أنا النظام واللا إيه...؟؟؟
قالها ثم قهقه بصوت مرتفع أردف بعدها: - انت كل اللي عليك أنك ترشح لي قطعة أرض كويسة ويا ريت تكون بعيدة عن الناس...
قال زين:- مادام كدة.... ماشي...
قال الدكتور عمر: - تمام ... خلينا بقى نتكلم في الرسالة...
أما كارمن فقد خرجت من مكتب أبيها لتجد صديقتها تجلس على مقعد في إحدى الحدائق على مقربة، نهضت هايدي نحوها قائلة:- انت فين يا روكي... كل ده...!
جلست كارمن قائلة: - إيه يا دودي مانت عارفة أنا فين... كنت عند پاپي في المكتب...
قالت صديقتها : - خلاص يعني..؟ ما ياللا بينا ...
وضعت كارمن ساقًا فوق الأخرى قائلة: - اقعدي يا هايد ... انا عربيتي باظت ..
نظرت إليها صديقتها قائلة بدهشة: - امتى ده..؟ ماهي كانت كويسة وواصلين بيها وهيا زي الفل...!!
غمزت لها كارمن قائلة: - ماهو زين هايوصلنا..
صاحت هايدي: - يو آر كرييزي... أنت واحدة مجنونة يا روكي ... مش عارفة إيه سر إعجابك بالشخص ده... مش هاندسم يعني ولا ستايل ولا أي حاجة.... اللي يخليكي تغيري ستايلك كدة ولابسة هدوم بتجرجر في الأرض و تغطي شعرك... فين روكي الروشة بتاعة زمان...؟ يا بنتي ده انت كل يوم بيحاول شباب أحلى وأغنى وأشيك منه مليون مرة أنهم بس يتعرفوا عليكي ...
قالت كارمن شاردة: - فيه حاجة شداني أوي ليه... تحسي كدة أن فيه رجولة مش موجودة في أي شاب من الشباب اللي بتتكلمي عنهم دول... رجولة في كلامه.. رجولة في عينيه اللي مابتقابلش عيني إلا ويبعدها... رجولة كدة أول مرة أشوفها واتعرف عليها...
قالتها ثم نظرت إلى صديقتها مردفة: - ومش أنا راهنتك إني ألفت نظره جامد وأجبره إنه يبص لي...! أهو النهاردة بس كسبت الرهان يا هايدي وهاتشوفي بعنيكي...
قالت هايدي: - ماشي يا روكي اديكي كسبتي الرهان... فكك منه بقى.. وارجعي روكي الروشة اللذيذة اللي اعرفها..
قالت كارمن: - أرجع إيه ... ده أحنا لسة بنقول يا هادي ...
ثم التمعت عينيها مردفة: - أنا قلت عايزاه... وهاخده... وأنا عمري ما طلبت حاجة وحد منعها عني... أما زين... فهايبقى ليا وهاتشوفي.
******
مارس 2005،
كلية الزراعة، جامعة القاهرة
الجامعة ... ذلك المدرج الذي امتلأ تقريبًا ... الإعلان على الرسالة ..
"تعلن كلية الزراعة عن مناقشة رسالة الماجستير
المقدمة من الدارس/ زين العابدين سليم رحيل العربي
المسجل لدرجة الماجستير (محاصيل)
وعنوان رسالته
(استراتيجيات الزراعة المستدامة في مصر)"
ظل زين واقفًا على باب القاعة في انتظارها على أمل أن تظهر... لم تخلف وعدًا قطعته على نفسها قط.... لم يتخيل أن تتركه وحيدًا وقد كانت تشجعه على المضي قدمًا في الرسالة وتقدم له كل ما يطلب من عون في سبيل تجاربه.
"إيه يا زين.. ياللا ادخل المناقشة هاتبدأ... فيه إيه..؟؟"
كذا هتفت كارمن من خلفه وهي قادمة نحوه من داخل القاعة، استدار إليها في يأس... شق طريقه نحو المنصة وأحداث الأيام الفائتة تحدث ضجة في رأسه منذ أن أبدى رغبته في الارتباط بكارمن. لم يدر زين لمَ هو منجذب بقوة إليها..! لم تكن كارمن يومًا قريبة من أفكاره، إلا أنه انجذب إليها عندما شعر فيها خيرًا عندما غيرت من طريقة ملبسها وحديثها.. ظن أنه قد يأخذ بيدها رغم كل شيء. لمَّح للدكتور عمر الذي لم يبدر منه أي اعتراض.. لمَّح لأبويه ثم أخبرها. نظر إلى حيث يجلس أفراد اسرته... مقعدها في الصف الأول خالٍ، إنها غاضبة... حتمًا غاضبة.
مارس 2005،
الواحات البحرية
وبينما انهمك زين في مناقشة رسالته، كانت هي في غرفتها بدار الشيخ رحيل العربي... تتأمل من على فراشها ضوء الشمس الراحل مقبٍّلاً النخيل الباسقة المنتشرة بأراضيهم... أراضي الشيخ رحيل..! لم تخرج من غرفتها منذ عدة ليال... يأتيها طعامها حيث هي لا تقابل أو تتحدث مع أحد سوى زينب التي تعمل عندهم. لقد وعدته أن تشهد مناقشته لرسالته رغم إنها نادرًا ما تخرج من دارها، إلا أن زين أعاد تأجيج نارًا ظنت أنها خمدت في صدرها. هاهو يسلك نفس الدرب، هاهو ذا يصدمها بخطأ فراستها..! لقد انتظرتها من أي حفيد... إلا الحبيب القريب زين... الذي يفهمها من نظرة عينيها... انتظرتها من زكريا... من الدكتور ياسر... حتى إنها قد تتوقعها من طلال أو بدر، لكن زين... زين العاقل الراسي الذي ترى فيه المرحوم الشيخ رحيل العربي يقع فريسة لسحر بنات مصر..؟؟ نهضت من على فراشها بقامتها النحيفة لتقف أمام النافذة تتأمل الغروب في حزن. إنها الجدة حنة... سيدة نساء الواحات خاصة نجع العربي التي يشورها الكل ويأخذ برأيها تسلبها بنات مصر رجلين من عائلتها..؟ لقد رحل الغالي عن الدنيا وهو بعيد... هل يسلك زين درب عمه..؟ هل يبعد ويبعد حتى يحفر أخاديد تتحول لبحور من البعد والجفاء والريبة...؟ تنهدت في عمق وأغلقت عينيها وهي تعيد التفكير في الأمر مرارًا كحالها منذ أن اخبرها زين بنيته. سليم وعتمان والغالي الراحل... لم تر في أيٍ من ابنائها صفات الشيخ رحيل، وعندما بدأ زين يشب... صارت وكأنها ترى زوجها الراحل يعود للحياة... ورث زين عن جده الصلابة والعناد والرجولة والغيرة والطموح المتقد والعمل الدؤوب والذكاء الحاد، حتى قسمات وجهه تشي بجده في شبابه لكنه أيضًا ورث عنه الاندفاع والتسرع اللذين كانت تهذبهما في قرارات وحياة زوجها بحكمتها وتريثها في الأمر كله. ومن قلب الحزن المحفور على وجهها نبتت شبه ابتسامة وهي تذكره عندما كانت ابنة الأربعة عشر ربيعًا... ابنة الجارية كما تحب زوجات أبيها نعتها.. الناقة النافرة التي لم تُجد أعمال النساء من الطبخ والخبز فأرسلنها إلى الحقول تجمع نوار القطن... تذكر هاك اليوم جيدًا عندما سقط الحزام المنتفخ بنوار القطن من على وسطها بعد ان افزعها ركب جمال مهيب مر من أرضهم... يتقدمه رجل ضخم على فرسه لم تنس نظرته التي صوبها إليها قبل أن يرحل وينصب خيامه على مقربة من أرضهم، وتدور الحكايا بين زوجات أبيها عن شيخ العرب وجماله المترحلة بتجارة ضخمة بين الشرق والغرب... لم تنكر أنها كانت منبوذة... كمالة عدد.. ابنة الزوجة الرابعة التي ماتت عقب ولادتها فكانت تتلقى معاملة الخادمات من زوجات أبيها، لذا هي على الدوام نافرة من البيت إما تعمل بالحقل وإما تدور في أرجاء القرية تتسمع أخبارها، لكنها تلك الليلة لا تدري لماذا قادها فضولها إلى تلك الخيام المنصوبة جوار التلال بقريتها.. جذبها صوت الحادي الذي ارتفع بأغنية ذات أصل عربي قبل أن تُنسب للتراث النوبي ..
" خضارك زى جنينة وطرحت تينات
عودك فى مشيتة عاملّو منحنيات
عضامك لينة لايقين على التنيات
تانية واتنين تلاتة واربع خمس تنيات
يا ام عقدين دهب تلاتة وتلاتين طارة
ما عيناً رأت ما وردت على بكارة
يوم طلت علينا الكل وقعو سكارى
سقطت فى الحليب ما بينتلو عكارة"
تذكر تجولها بعينيها بين أولئك الجالسين حول النيران حتى اصطدمت بعينيه الحادتين.. قامته فارعة.. شاربه مفتول... سماره لامع... يعرف موقعها ويتأملها دون أن يرمش بينما الحادي يكمل ليسمر الرجال.
" يا ست البنات ماحلى الجمال الفيكي
مهما اعمل واسوّي ف الوصف ما يكفيكي
الروح والجسد تاخدي وما يكفيكي
بسْ خلي العيون علشان تعاين فيكي
رايد اكلمك كل ساعة ف وَسَعتنا
من بعد الضُهُر نركب ضهَر ناقتنا
قالت نعمل ايه لو العرب شافتنا
قولي وليد عمي وساقته جار ساقتنا.."
تذكر أنها تعثرت أكثر من مرة وهي تجري بسرعة وقلبها ينتفض.. لم تذق غمضًا.. حتى خرجت فجرًا لتعاود جمع القطن ليفاجئها شيخ العرب بمروره من جوارها بغطرته وعقاله... يمسكها من ذراعها ويحملها على فرسه هامسًا: - اللي مثلك يا ست البنات ما انخلقت لتعمل في الأرض... اللي مثلك انخلقت لتكون معززة مصانة... لتكون مرت شيخ العرب...
تذكر شهقتها المصدومة... تذكر أباها الكهل ينظر بسعادة لصرة المال التي ألقاها إليه شيخ العرب رحيل.. تذكر كيف تزوجها في القرية وكيف دللها وكيف رغم حدة طباعه حافظ عليها من أعين البشر أكثر حتى من أبيها. تذكر عندما انتفخ بطنها بولدها البكر كيف مال شيخ العرب لحياة الاستقرار ونبذ الترحال... تذكر كيف وصلوا إلى الواحات واستقروا عند عين ماء سخية بجوار أحد جبال الواحة المهيبة فاستشعروا بركة المكان وسخائه فدقوا أوتاد الخيم ثم تعلموا أصول الفلاحة من حنة التي تعلمت الكثير من عملها بالأرض مع أبيها... وطاب لهم الاستقرار بعد أن كبر النخيل ونمت الزروع ووضعت حنة ولدها سليم بالغرفة البدائية التي بناها لها زوجها... كبرت أراضيه وصار المكان يُنسب إليه بنجع العربي... شيد الشيخ رحيل العربي بيتًا شاسعًا عندما حملت امرأته للمرة الثانية ووضعت حنة ولدها عتمان... كانت فرحة الشيخ رحيل لا توصف بولديه وعندما هفت نفسه لبنية تحنو عليه جادت له الأقدار بسنية التي لم تكد تبلغ عامها الثاني حتى رحل عنها وعن ابنيه وعن ثالث كان ينمو بأحشاء حنة... حنة التي كان عليها إلقاء احزانها على حبيب روحها بأعمق بئر والوقوف بصلادة لتذود عن إرثه حتى يشب أولادها عن الطوق ويستلمون الراية منها. منذ ذلك الحين وهي الست حنة الصلبة القوية التي لا يجرؤ أي شخص يعمل عندها على تعدي أوامرها خاصة وأنها قد عرفت بحكمتها وعقلها، ووضعت حنة الصغير سليمان الذي ولد في غياب الأب ليكون ثمرة فؤادها، لكنه ابتعد عنها.. سافر ليدرس ويتزوج بعيدا حتى التهمه الردى.
ثم أتى زين ليرمم بعض روحها التي تصدعت بعد موت عمه بعيدا عنها... زين الذي تعلقت به أكثر من أي ابن أو حفيد... تولَّت تعليمه الحكمة وإرشاده إلى الصواب، كانت تسقيه خبرة السنين التي رسمت أخاديد على وجهها وصبغت شعرها باللون الأبيض... لكن... وياللمفارقة... هاهو ذا وكأنه لم يسمع منها حرفًا.. الجدة حنة التي يتمنى الجميع الحديث إليها ويحسدونه على قربه منها حيث أنها لم تكن كثيرة الكلام، يُلقي زين بكل نصائحها وإرشادتها عرض الحائط.
- "لا .. زين ما هو سليمان...!"
كذا حدثت نفسها ... نعم..! زين طباعه تختلف عن الغالي الراحل... سليمان كان أحن ابنائها.. لا تدري من أين تعلم تلك الرقة وهاك الحنان الفائض وهي التي ربتهم تربية قاسية، فلم تكن تبتسم ولا تبكي إلا في ما ندر... وجاء صغيرها مفرط في الضحك مفرط في البكاء... شديد الحساسية.. عاطفي... يكتب الشعر.... ذهب ليتعلم في مصر حتى سقط ضحية السحر الذي تمارسه النساء هناك..!!! تعترف أنها افتقدت حنوه عليها وحبه المتقد الذي كان يعبر عنه لها دائمًا بعكس اخويه سليم وعتمان حتى شقيقتهم ابنتها الوحيدة سنية كانت على غرار امها في الشدة والقسوة. أما زين... ليس بالشخصية الخيالية العاطفية الذي قد تسحبه بحار الهوى بعيدًا عن موطنه، إن زين كالسمك ومزرعته وبلده بالنسبة له هي المياه التي إن خرج منها يموت. لا.. لن تتركه يضيع منها بدوره... لن تخنقه بإرادتها.. فلتنتظر وترى، ستقف متفرجة عليه يخوض تجربة اختارها بإرادته الحرة لا يدري أحد كيف ستكون عواقبها. سمعت الجدة طرقًا على الباب ثم أتاها صوت ابنها سليم:
- ممكن أدخل يا أم..؟
- تعال يا سليم..
فتح الشيخ سليم الباب وقد كان رجلاً في نهاية الخمسينات من العمر ذو لحية مشذبة قصيرة يشوبها بعض الشيب يرتدي جلبابًا أبيضًا عليه معطف أسود وطاقية رأس سوداء ممسكًا بيده سبحة.
- إيش سوى زين اليوم...؟
سليم: - والله زين حالته حاله وزاد حزنه لما مالاقاكيش جيتي معانا ...
الجدة: - قصر الحديث يا ولدي ... إيش تبغى...؟
سليم: - زين يا أم رجع على غرفته ولا وكل ولا شرب وحالته لا تسر عدو ولاحبيب رغم تفوقه في مناقشة الرسالة اليوم إلا إنه جد حزين.. أنا باقول يا أم انسايسه لحين ما...
قاطعته الجدة حنة قائلة في صرامة: - شوف متى بده يتقدم لها البنية وعلى بركة الله..
لم يصدق سليم نفسه، التمعت عينيه فرحًا وقبَّل يد أمه ثم قال: - ربنا يبارك فيكي يا أم ... بروح أبشره .. ربنا يبارك فيكي يا أم ...
كان سليم يتألم لألم ابنه... لأن زين ما كان في يوم من الأيام متطلبًا كأخيه... كان بسيطًا مريحًا يعمل في صمت ونادرًا ما يطلب أمرًا ما، لذا ود الشيخ سليم تحقيق أول مطلب يصر عليه ابنه هكذا حتى وإن خالف رغبته، كان سليم يثق في زين وفي رجاحة عقله، لذا شعر بسعادة غامرة أن مشكلة زين قد تم حلها أخيرًا، فذهب سريعًا إلى غرفة ابنه يبشره بالخبر.
******
25 نوفمبر 2011، بالطائرة
الساعة 00:05
كان قد وضع على عينيه قناع حجب الضوء محاولاً النوم كي يفر من ذكرى تمزقه كلما طافت على ذاكرته، تذكره بكذبة كبرى وقع بها كالغُر الساذج؛ إلا أنه لم يستغرق بالنوم كدأبه كلما سافر... لذا شعر بها عندما نهضت بهدوء ووقفت قليلاً في حيرة ثم همست...
- "عن إذنك لو سمحت.."
رفع زين قناع النوم ونظر إلى يمينه حيث كانت نور قد نهضت من على مقعدها بالطائرة ووسدت عيسى الغافي على مقعديهما بعد أن رفعت يد الكرسي التي بينهما ودثرته بغطاء ما. رفع أحد حاجبيه ونظر إليها متسائلاً فقالت بهدوء مشيرة إلى الشاشة الكبرى في مقدمة الطائرة: - احنا حاليًا فوق اليونان والفجر بأقصى توقيت لليونان أذن من نص ساعة...
تطلع زين إلى ساعة يده فوجدها تشير إلى الثانية عشر وخمس دقائق ليلاً بتوقيت نيويورك مما يعني انها الآن السابعة وخمس دقائق صباحًا بتوقيت أثينا... إنها على حق... لم يتبق الكثير على شروق الشمس كما لم يتبق الكثير على نهاية رحلتهم.
أوركيدة..
أوركيدة..!!!!
تثائب زين ثم نهض مفسحًا لها الطريق حيث توجهت إلى دورة المياه الموجودة في آخر الممر بالطائرة، وبعد قليل خرجت وتحدثت إلى المضيفة قليلاً ثم اختفت خلف ستارة ما. عادت نور بعد عدة دقائق إلى مقعدها فنهض زين مفسحًا لها الطريق لتحمل صغيرها بحنو بالغ ثم تجلس واضعة رأسه على رجلها متمتمة ببعض الهمهمات غير المفهومة وهي تمسح على شعره الفاحم ثم تخرج من جيب المقعد الذي أمامها الكتاب الذي كانت تقرأ فيه مع بداية الرحلة مكملة قراءته.
رفع زين أحد حاجبيه في تعجب ناظرًا إلى نور التي بدت في عالم آخر مستغرقة تمامًا في الكتاب الذي بين يديها، حاول زين قراءة ما كتب على الغلاف... "أوراق الورد". تعجب من تلك الشخصية الممتلئة بالمتناقضات...! "أوركيدة" لم يدر سببًا لإصرار تلك الكلمة على ذهنه، لكنه تناساها ونهض يصلي بدوره فقد اقترب شروق الشمس ولم يؤد صلاة الفجر بعد. وقف في آخر الطائرة يحدد القبلة عن طريق البوصلة الموجودة بهاتفه الذكي ثم صلى ركعتي الفجر اتبعهما بركعتي الصبح. ولازالت الشاشات تشير إلى تحليقهم فوق اليونان ... ابتسم في سخرية .... لكم شهدت تلك البلد على حماقته...!!
*******
أبريل 2005،
فيلا الدكتور عمر هجرس، القاهرة
"يا أهلاً يا أهلاً بالشيخ سليم وأهلاً بالجدة أهلاً يا جماعة.. اتفضلوا.."
دلف كل من الشيخ سليم ومعه زوجته نجاة والجدة وزين إلى تلك الفيلا شديدة الأناقة حيث كان في استقبالهم الدكتور عمر هجرس مرحبًا هو وزوجته السيدة سوزان الإفرنجي. أتخذ كل منهم مجلسهم في غرفة الصالون الفخم حيث بدأت نظرات كل من الاسرتين تستكشف الأسرة الأخرى قبيل الكلمات. كانت والدة كارمن سيدة بشوشة... عند رؤيتها تدرك من أين اتت كارمن بعينيها الزرقاوين وشعرها الأشقر، إلا أن كارمن لم ترث ملامح أمها الضخمة إلى حدٍ ما. كانت السيدة سوزان ترتدي بنطالاً من الجينز عليه قميصًا ذو خطوط طولية وقد التف شعرها الأشقر المجعد حول وجهها دون قيد.
- كيف ما بتعرف يا داكتور عمر... هيذي أمي الجدة حنة أم سليم... وهيذي زوجتي أم زين..
قالها الشيخ سليم، فقال الدكتور عمر: - يا أهلاً وسهلاً نورتونا... دي بقى يا سيدي –مشيرًا إلى زوجته- المدام.. الدكتورة سوزان الإفرنجي... طبيبة...
قاطعته زوجته ضاحكة: - لااا يا عمر هلأ ماني طبيبة ولا إشي...
وأمام نظراتهم المستفهمة أكملت: - أنا تركت الطب من زمن بعيد... واتفرغت لهوايتي... أنا بالأصل رسامة وكتير عملت معارض في أمريكا وهون بمصر... أكيد بافرجيكن اشي من لوحاتي..
قال الدكتور عمر موضحًا: - سوزان فلسطينية أمريكية قابلتها في أمريكا وانا بادرس الدكتوراه هناك...
وهنا جاءت كارمن تتهادى في مشيتها وقد ارتدت تنورة سوداء وقميص وردي اللون ووضعت على شعرها حجابًا أسود أبرز بياض بشرتها بينما تناغمت شفتيها الورديتين مع لون قميصها قالت كارمن بهدوء: "مساء الخير.."
كانت تتبعها خادمة ما تدفع عربة تقديم الشاي امامها قدمت لهم الشاي مع بعض الحلوى، وبينما انهمك الجميع في تناول الشاي كانت الجدة تتأمل كارمن مليًا بعين انهكها الزمن ورأت كثيرًا حتى صارت تستشف الشخص الذي أمامها.. وقع في نفسها أن ثمة شيئًا غير صحيح في كل ما تفعله كارمن.. شيء زائف.. إلى أقصى حد..!!
كان الدكتور عمر منهمك مع الشيخ سليم في الحديث عن الواحات والأراضي بينما أخذت كل من أم كارمن وأم زين تتعارفا على بعض بشكل أعمق...
- زين هذا ابني الكابير بعده زكريا في كلية تجارة وبعدين فاطمة الزهراء أو زهرة كيف ما بناديها والصغيرة زهوة..
كذا قالت ام زين، فقالت سوزان: - واو... زهوة هيدا اسم تبعنا نحنا الفلسطينين.. هههه.. هيدي أكيد علامة... لك شوفي أنا ما جبت إلا بنتين الله يخلي لي ياهن يا رب ... كلارا الكبيرة بأمريكا عم تشتغل في مجال الإنشورانس.. التأمين يعني...
قاطعتها أم زين مستنكرة:- لحالها ..؟
ضحكت سوزان قائلة:- ههههه .. لا .. هيا مع أمي وبيي... عندنا هنيك بيت كبير فيه أمي وبيي ونحنا كل ما نروح عا أمريكا بننزل عندهن حتى كارمن كل شوي عم بتسافر لهم تضل شي كام يوم وترد..
أما زين فقد خفق قلبه بشدة عندما جلست كارمن على المقعد المجاور له... رفع عينيه عمدًا لأول مرة نحوها ليجدها هي تنظر إلى الأرض.. يالله.. لكم تغيرت.. لقد اختفت نظراتها الجريئة التي كانت تضايقه... لقد تبدلت بحق... إنه يريد ان يختطفها من ذلك المجتمع الآسن الذي تحيا فيه ليزرعها في عالمه ويرويها بدقات قلبه التي ستقُبلها صباحًا ومسائًا... لتنمو زهرةً جميلةً في حديقة عمره له وحده فقط دون رجال الأرض... يريد أن ينعزل بها عن ذلك العالم الصاخب حولهما... يبعدها عن جواذب الشر التي أحاطت بها يومًا... يُنسيها تاريخها ويخط بحبه الطاهر لها تاريخًا جديدًا نقيًا لمستقبلٍ أحلى... نعم.. إنها هي.... هي التي سيهبها كل مشاعره التي حفظها يومًا لأجل امرأة واحدة فقط... تلك التي ستكون زوجته.
- نفسي أعرف إجابة على سؤال واحد بس...
سألها هامسًا... فرفعت عينيها الزرقاوين اللتين قد ارتسم على صفحتيهما كل إمارات البراءة متسائلة، فأردف:
- ليه...؟
- ...........!
- ليه التغير الجامد المفاجيء ده...؟ إيه الشرارة اللي خلتك تتغيري كدة...؟ انت تقريبًا اتغيرتي 180 درجة..!
تمتمت : - وده تغير للأحسن...؟
قال بسرعة: - آه طبعًا... طبعًا للأحسن... صحيح لسة ناقص شوية حاجات بس مش مهم تيجي مع الوقت.. المهم أن انت اتغيرتي عن قناعة تامة مش عشان حاجة او شخص...
شردت بعينيها بعيدًا قائلة: - مش عارفة... حسيت إني عايزة أعمل كدة فمشيت ورا إحساسي...
هم أن يقول شيء ما، إلا أن والدتها هتفت في مرح وهي تنهض: - ياللا اتفضلوا تافرجيكن لوحاتي..
نهض الدكتور عمر قائلاً: - ياللا بينا اتفضل يا شيخ سليم...
نهض سليم فنهضت زوجته ونهض زين بدوره إلا أن الجدة استندت على عصاها قائلة:
- أنا ماليش في الحديت هاد.. روحوا انتوا واني ناظرتكوا اهنه...
خرج الجميع من الغرفة فرفعت كارمن رأسها بحدة نحو الجدة، كانت تدري جيدًا أنها تراقبها طوال فترة جلوسها لكنها لم تشأ أن تنظر إليها كي لا يلاحظ زين شيئًا.. تحولت نظرات كارمن الحانية إلى نظرات حادة وكأنها ترسل برسائل صامتة إلى الجدة... تخبرها أنها ستحظى به رغمًا عن كل شيء وقد نجحت تقريبًا في ذلك. عندها أدركت الجدة كنه السحر الذي تم ممارسته على حفيدها الحبيب القريب... لقد تمكنت تلك المصراوية من إتقان اللعبة ولف الحبل جيدًا حول عنق زين لتجذبه نحوها. وضعت الجدة جبهتها على يديها المستندتين على عصاها في يأس.. فما من مفر من تلك الزيجة... نعم... ما من سحر يبطل سحر تلك الفتاة سوى الدعاء.
***
أبريل 2005،
منزل زين بمدينة السادس من أكتوبر، القاهرة
- "شوف يا ولدي... أنا عندي كلمتين بدي أقولهم لك عشان أخلص ذمتي.."
كذا قالت له أمه في غرفته بذلك المنزل الذي ابتاعه له أباه في مدينة السادس من أكتوبر حيث قضوا جميعًا ليلتهم به بعد أن أنتهوا من زيارة الدكتور عمر التي تمت كما يشاء زين... لقد أبدى الجميع موافقتهم ورغم أن الدكتور عمر أخبرهم أنه سيشاور ابنته ثم يرد عليهم إلا أنها بدت موافقة والدكتور عمر يعرف زين جيدًا ويبدو سعيدًا بتلك الزيجة. كاد زين يطير من الفرحة طوال طريق عودته حتى وصل إلى المنزل وجلس على فراشه يحلم بذاك اليوم حتى دخلت عليه أمه. أعتدل زين في جلسته قائلاً: - اتفضلي يا أمي...
- زين يا وليدي... هادي البنت هيا وعيلتها عالم تاني غير عالمنا... لا هما متربيين في طيننا ولا مسقيين من ميتنا.. تقاليد مختلفة وعادات غيرنا.... حياتك أنت وهيا تمام كيف خطوط السكة الحديد... هيذا في طريق وهيذا في طريق تاني... مستحيل يتلاقوا....
ابتسم زين وأمسك بيد أمه قائلاً: - وأهم أتلاقوا يا ست الكل والمستحيل حصل... ماشوفتيهاش ازاي هيا مختلفة عن أهلها وموافقاني في كل حاجة...؟
ابتسمت امه بطيبة قائلة: - أنا مقدرة يا زين كيف انت متعلق بيها بس كل اللي ابغاه انك تفكر زين قبل ما تكمل هيدا الطريق لأن الرجوع صعب يا وليدي... الطريق هادا وعر والرجوع بعد الخطى فيه هايجرح ويسبب الألم لكل واحد فيكوا... أنت عادتك انك تدرس وتفكر في كل خطوة قبل ما تخطيها... فكر يا ولدي... فكر زين... يا زين...
ضحك زين قائلاً: - حاضر يا أمي... هافكر مرة واتنين وتلاتة... بس أنا عارف النتيجة مقدمًا... وماتقلقيش انت يا ست الكل وادعي لي بس...
نظرت إليه بقلق وحسرة وهي تقول: - داعيالك يا ولد بطني ليل نهار داعيالك... ربنا يوفقك ويسدد خطاك ويبعد عنك ولاد الحرام...
قبل زين يدها قائلاً بسعادة: - أيوة كدة يا ست الكل ... ركزي انت بس في الدعاء وكل شيء هايبقى تمام التمام إن شاء الله..
***

Just Faith 18-12-17 12:45 PM

- 8 –

" قد يكون أدق خيط من خيوط آمالنا، هو أغلظ حبل من حبال أوهامنا ...! "

مصطفى صادق الرافعي، أوراق الورد

***

24 نوفمبر 2011، في الطائرة

الساعة 00:30

رفعت رأسها عن تلك الكلمات التي كلما قرأتها طارت بها دون الحاجة إلى طائرة، تنظر من النافذة لتطالعها أولى خيوط الشمس الغضة التي تجاهد لاختراق السحب المنشرة حول الطائرة كحقول بيضاء خرافية، نظرت نور إلى وجهها المنعكس بزجاج النافذة على هاك المشهد الساحر لتشعر وكأن روحها قد حررتها تلك الكلمات الفياضة بالمشاعر والأحاسيس وتخطت حدود الطائرة لترفرف بالخارج حتى أنهت آخر كلمة من كلمات الرافعي الذي كلما قرأت له كتابه هذا انتشلها من تكابل الأحزان وشيء من اليأس يتسلل إلى قلبها، أغلقت الكتاب وهبطت رحلتها الجوية الخاصة في فلك الرافعي إلى عالم الواقع. صغيرها لا يزال يغط في سبات عميق على رجليها ومقعده... أما مقعد زين فيبدو شاغرًا، لم تدر متى نهض لكنها تمكنت من التطلع إلى الطائرة الضخمة وبعض ركابها. الكثير من البشر بمختلف الجنسيات والتوجهات والأعمار قد اجتمعوا في مكانٍ واحد إلى وجهة واحدة، وأخذ كل منهم يزجي وقته بطريقته الخاصة.. منهم من يقرأ كتابًا ومنهم من يطالع جريدة ومنهم من انهمك باللعب على جواله ومنهم من راح في سبات عميق ومنهم... ومنهم من هما في عالم آخر على ما يبدو. كان يبدو أنهما زوجين شابين حديثي الزواج... كان يحيط كتفيها بذراع ويمسك بيده الأخرى كفها بينما أسندت رأسها على كتفه تتحدث حديثًا لا يسمعه إلاه. الخاتم الذهبي يتلألأ بخنصرها حيث يضغط عليه بيده ليبدو خاتمه الفضي بدوره. ارتسمت على شفتي نور ابتسامة باهتة... ابتسامة مريرة.. بينما تنهمر الذكرى كالمطر على قلبها المعبأ بالهموم.. ذكرى أول خاتم طوق خنصرها.

***

1 أبريل 2005،

منزل نور وتقى، القاهرة

الدوار.. الإغماء.. التوهان... الآلام المبرحة... كلها صارت روتينًا يوميًا لعلا التي بدأ المرض الخبيث ينتشر بجسدها ويستولي على كل منطقة به رافعًا راية الألم. تركت العمل ولم تغادر فراشها منذ أن عالجها الدكتور محمود جارهن حيث إنها لم تخرج من دوامة الآلام والإغماءات. كان قلقها على بنتيها كبير وهي تعلم يقينًا أن أيامها في الحياة صارت معدودة.. تعلم جيدًا أن الله أحن منها عليهما، فكانت تستودعهما الله وتدعو لهما أن يرزقهما من عبيده من يكون سندًا لهما في حياتهما. حتى جاء اليوم الذي ظنت به علا أن دعواتها قد استجابت عندما دخل عليها الغرفة محمود ومعه امه قدرية للاطمئنان عليها.

- لاااا شكلك أحسن النهاردة يا علا وشك منور باسم الله ما شاء الله ...

قدرية بخمارها الرمادي وعبائتها الكحلي ووجهها الأبيض الممتلئ المبتسم الذي لم يكف عن الإطلال عليها بين الحين والآخر، ابتسمت علا لتلك الجارة والصديقة التي كانت تثبت استمرارية تطبيق القاعدة التي تقتضي الحب بين الجيران والاصدقاء دون منفعة او مصلحة تذكر بعد أن كثر شواذ تلك القاعدة حتى ليظن المرء أن البعد والجفاء وعلاقات المصالح صارت هي القاعدة وأن المشاعر الطيبة لامرأة مثل قدرية هي شواذها.

- الحمد لله على كل حال وفي كل الأوقات على السراء والضراء...

انتهى محمود من فحص علا ثم قال: - ربنا يرفع عنك يا خالتي ويجعل ايامك كلها سرور..

قالها ثم جلس على مقعد مجاور للفراش بجوار أمه ناظرًا إلى الأرض، فقالت قدرية بسعادة: - لا إن شاء الله تبقى الأيام الجاية كلها فرح وسرور وشربات وزغاريد...

نظرت إليها علا بعينين منهكتين مستفهمة ثم قالت: - مش فاهمة يا قدرية قصدك إيه...؟!

ضحكت قدرية ثم وكزت ابنها وهي تقول: - ما تتكلم يا دكتور... قول لخالتك الشعر اللي سمعتهولي امبارح...

نهض محمود قائلاً: - أ ... أنا هامشي دلوقتي وهاستناكي تحت يا أمي...

ضحكت قدرية بينما قالت علا: - فيه إيه يا قدرية ماتفهميني...

- على بلاطة كدة يا علا محمود ابني عايز يخطب نور بنتك... قلتي إيييه..؟

صمتت علا وقد غمرتها الفرحة... نعم... إنها لا تتمنى لنور أكثر من ذلك... إنها تعرف محمود منذ أن كان طفلاً صغيرًا... تعرف عنه الكثير هو واسرته الطيبة... كانت تخشى أن تتزوج إحدى بناتها من شخص غريب تمامًا وتخوض تجربة مريرة لا تريد علا لأي من بنتيها أن تقع فيها بدورها، لكم جاهدت كي تحفظ قلبيهما الصغيرين كي لا يخفقا إلا للشخص الصحيح في الإطار الصحيح... وهاهو محمود... لن تطلب منه سوى أن يحافظ على ابنتها وتوقن جيدًا أنه لن يخذلها.. ستعقد آمالها عليه، فهو كما تعتقد.. رجلٌ يُعتمد عليه وهي أهم خصلة فيمن تريده زوجًا لابنتها. أبدت علا لجارتها عدم ممانعتها لطلبها، إلا أنها يجب أن تسأل ابنتها قبل أن تعطيهم ردًا نهائيًا.

وعرفت علا رد نور عندما عادت من الكلية وعرضت الأمر عليها فتورد خديها بحمرة الخجل ونظرت إلى الأرض وكادت علا أن تسمع ضجيج دقات قلبها.

- يعني موافقة..؟

لم ترفع نور عينيها من على الأرض وهي تتمتم: - اللي حضرتك تشوفيه يا ماما ...

هتفت تقى متنغمة بمرح: - اللي حضرتك تشوفيه يا ماما.. إيه ده يا ختي ده... ماهي واضحة اهه زي الشمس... مـ و ا فـ قـ ـة...

ضحكت علا قائلة: - بطلي بقى يا غلباوية عقبالك كدة ونشوف هاتقولي إيه أما حد يتقدم لك...

قالتها ثم شردت مردفة في ألم: - ده لو ربنا أحياني لحد ما اشوف اليوم ده..

هرعت كل من نور وتقى إلى أمهما يحتضناها وقالت تقى بسرعة: - ربنا يبارك في عمرك ويديكي الصحة وطولة العمر لحد ما تشوفي ولادنا وولاد ولادنا كمان...

دمعت عينا نور وهي تقول: - ربنا يخليكي لينا يا ماما..

مسحت علا الأدمع الهاربة رغمًا عنها من عينيها وهي تقول: - إيه ده.. أحنا هانحول الفرح لدموع واللا إيه..؟ ياللا يا نور صلي استخارة وبلغيني بردك النهائي عشان أبقى أرد على أم محمود أصلها موصياني أبلغها بالرد أوام أحسن الدكتور قاعد تحت على نار...

ازداد احمرار وجه نور وأشاحت بعينيها متمتمة: - حاضر يا ماما

بينما قالت تقى: - أيوة يا عم ماشية معاااك...

استأذنت نور أمها ثم خرجت من الغرفة وقلبها يخفق بجنون كطبول إفريقية.. لم تدر أهي سعيدة أم خائفة.. لكنها كانت متأكدة من شيء واحد فقط... إنها مطمئنة... مطمئنة بقلبها وعقلها معًا... محمود الذي حملها طفلة وأحاطها برعايته سيستمر في ذلك... محمود يعرف حالة أمها ولن يمانع من بقائها بجوارها أبدًا... كما إنه طبيب وسيساعدها على إتمام دراستها التي تعشقها. ذهبت نور للتوضأ كي تستخير الله في ذلك الأمر وتسأله أن يقدر لها الخير حيث كان... ويرضها به.

***

25 إبريل 2005،

منزل نور وتقى، القاهرة

وهاهي ذي نور بحجابها المحتشم الأنيق تجلس في ردهة منزلها البسيطة التي تم تزيينها ببساطة يلتف حولها أمها واختها وصديقة عمرها نهى وصديقات الكلية الجدد وجارتها إحسان وبعض الممرضات زميلات علا فوزية ونعمت واسماء وابتسام وأم هشام عاملة النظافة... بينما تجلس بجوار نور الست قدرية يليها ابنها محمود ثم أبيه الأستاذ حمدي واخته رحاب وعمته القادمة من بلدتهم بالمنصورة.

"جمع ووفق... بنت الأصول لابن الأصول

جمع ووفق.... طيب وينول طيبة وتنول

عيلة ونسب وجمال وحسب... جمع ووفق

وكفاية الاتنين عندهم الدين... ويا رب يوفق

يا رب يوفق ..."

انسابت الأناشيد العذبة من جهاز تسجيل قريب بينما تحيط أم محمود أصبع نور بخاتم الزواج الذهبي ثم تستدير لتضع في اصبع ابنها خاتمه الفضي وتطلق أم هشام الزغاريد وتقدم الشربات.

"من بين بنااات وبناات وبنااات

حبها هيا الوحيدة

وإن شالله يجيبوا صبيان وبنات

صبيان وبنات

ويعيشوا في دنيا سعيدة

جمع ووفق .."

كان الجميع يصفق مع الأناشيد ويبتسم لكن ما كانت تحمله تلك الابتسامات من مشاعر هو الأهم.. فبعضهم كان يبتسم فرحًا حقًا والبعض يبتسم حسرة وآخرون يبتسمون غلاً وحسدًا.. لم تتمكن أي من نور أو علا اكتشاف كنه تلك الوجوه الباسمة التي تحيط بهم والتي قد تصير ابتسامتها لاحقًا.. خنجرًا مسمومًا.

انتهى حفل الخطبة وبعد تناول العصير والشاي والكيك والمخبوزات التي أعدتها كل من نور وتقى رحل الجميع ثم نهضت اسرة محمود تستعد للرحيل فأخذت علا تودعهم، إلا أن محمود لم ينهض ونظر إلى نور عبر مكان أمه الفارغ بالأريكة قائلاً: - مبروك يا عروسة...

ابتسمت نور في خجل وهمست مطرقة برأسها: - الله يبارك فيك..

عبس مازحًا وهو يقول بغضب مصطنع: - كان نفسي تلبسيني الدبلة...

لم تحر نور جوابًا إلا أن خديها زادا اشتعلاً، فأردف: - خلاص يا ستي.. ملحوقة.. بعد كتب الكتاب إن شاء الله مش هاقبل إلا أنك تلبسيني دبلتي وانا البسك دبلتك...

أومأت نور في خجل شديد ألجم لسانها وجعلها غير قادرة على تبادل الحديث معه، حين نادته أمه قائلة:

- ياللا يا عريس .. والا انت ناوي تقعد هنا للصبح..؟

نهض وعينيه لازلتا معلقتين بنور قائلاً: - مع السلامة يا أحلى حاجة في حياتي.. أبقي بصي كويس على سريرك قبل ما تنامي... تصبحي على خير..

قالها ثم رحل فنهضت نور مسرعة إلى فراشها لتجد باقة ورد جميلة عليها بطاقة مكتوب عليها "إلى أجمل وردة رأتها عيناي.. تصبحي على ورد وريحان"

عقدت حاجبيها في تعجب ثم نظرت متسائلة إلى تقى التي دخلت الغرفة لتوها وهي تقول: - الواحد هلك عشان خطوبة الست نور ولاااا كأني في تالتة ثانوي ولا اي حاجة و...

قطعت حديثها عندما رأت نظرات الاستغراب على وجه نور فضحكت قائلة: - عارفة هاتسأليني إزاي وصل الورد لهنا... سي روميو بتاعك أول ما وصل قالي أحطه على سريرك من غير ما تاخدي بالك.. ممكن تسيبيني ارتاح شوية بقى..؟؟

كاد قلب نور يطير من الفرحة.. لأول مرة تتذوق طعم السعادة هكذا.. لقد جُنت دقات قلبها الرزينة وصارت تدوي بعنف من فرط السعادة. استلقت على فراشها محتضنة باقة الزهور تحلم بحياتها القادمة الممتلئة بالسعادة مع زوج يحبها ويبادلها ودًا ورحمة.

***

25 يونيو 2005،

مجمع محال أثواب الزفاف، القاهرة

الآن صارت الحياة ترتدي أروع حُللها...

الآن اختلف مذاق كل شيء... وصارت مخاوفها أشباحًا حمقاء لا تخيف دمية...

الآن لم يعد يفصلها عن أن تكون في كنف فارسها سوى أيام قليلة...

ذلك الفارس الذي أرسله القدر فجأة لتتمثل به آمالها وينتشلها من دوامة القلق والخوف الأبدية...

نعم كان محمود "على قد حاله" كما يقول وأنها ستعيش مع أبويه واخته في نفس البيت... لكن من قال أنها حلمت يومًا بكنوز كسرى أو قصور قيصر..؟؟ فكل ما تمنته من الحياة أن يرزقها الله برجل يتقيه ويحافظ على حدوده ويمكِّنها من رعاية أمها وأختها وإكمال دراستها... وهاهو محمود يأتي ويسكنها حيث أمها واختها لن يفصلها عنهم سوى بضع درجات. كانت نور تحلق في عالم من السعادة وردي اللون مخملي الملمس. منذ خطبتهما ولم يكف محمود عن محاولاته للتعبير عن مشاعره لها... كل الأفعال الصبيانية منها والمتعقلة أتاها... ورغم صدودها عنه إلا أنه كان دائمًا ما ينتزع ابتسامة شفتيها وقلبها.

- "ياللا يا نور قرري أنا تعبت من اللف والله ..."

قالتها نهى بملل.. صديقة العمر التي تقف معها دائمًا ولا تتركها لحظة... كانت ترافقها وهي تبحث في محلات إيجار أـثواب العرس لتستأجر ثوبًا لعقد زواجها الذي أصر محمود أن يتم بعد أن تنهي نور اختبارات هذا العام التي ستنتهي بعد أيام معدودة، أما تقى فقد كانت مع أمهما ترعاها بجانب استذكارها فهي في مرحلة الاختبارات بدورها.

- مش عارفة يا نهى مش لاقية حاجة شداني... الفساتين كلها مكشوفة أوي ومبالغة في الزينة...

قالت نهى: - مكشوفة أوي..؟؟ أحب افكرك يا دكتورة أن العقد هايبقى في مسجد يعني النساء في مكان والرجال في مكان تاني...

- عارفة المعلومة دي والله يا دكتورة... برضه حتى قدام النساء مايصحش العري الزائد ده... بالإضافة إلى أنه أصلاً الأذواق كلها مش عاجباني أنا بحب البساطة وكل المحلات اللي شوفناها مبالغة أوي في أشكال الفساتين وأسعارها ...

قالت نهى: - أممممم... طيب... تعالي نكلم شروق بنت عمي.. كانت مأجرة فستان بسيط وروعة في فرحها وكان سعره كويس... صحيح احنا مقاطعينهم بس عشان خاطر عيونك يا قمر أكلمهالك...

تمتمت نور: - الله يهديكي يا نهى.... ليه بس كدة..؟

قلبت نهى شفتها وهي تقول: - ماعدناش عارفين سر القطيعة بينا وبين أغلب قرايبنا... هما بابا وماما مقاطعينهم وخلاص... ما علينا... تعالي نتكلم في التليفون من الكُشك ده...

أخذت نهى العنوان من ابنة عمها ورافقت نور إليه وبالفعل كان محلاً جديدًا في منطقة بعيدة إلى حد ما وكان يحتوي على أثواب تناسب أغلب الأذواق وبأسعار مناسبة... استقرت نور على فستان و...

"تدفعي إيجاره وتسيبي بطاقتك حضرتك ... " كذا قالت البائعة لنور

ضحكت نهى قائلة: - حضرتك مافهمتينيش واللا إيه..؟ باقولك دي العروسة يعني محتاجة بطاقتها... اتفضلي بطاقتي أنا يا ستي..

احتضنت نور ثوبها الرائع الذي كان كريمي اللون في سعادة بالغة بعد أن نقدت البائعة ثمن استئجاره ورحلت مع نهى قائلة: - يااللا بسرعة عشان الحق اراجع شوية... عندي امتحان شفوي بكرة ...

وصلت إلى البيت.. دلفت مع نهى إلى مدخل بنايتها.. ثم صعدت الدرج... لم تدر نور وهي تمر محتضنة ثوبها الكريمي اللون من أمام منزل جارتها إحسان بالدور الأرضي أي حديثٍ يدور هنالك... بل أي شوكٍ يُزرع باقتدار بأيدٍ خبيثة حاقدة.

***

"مع السلامة يا نعمت ... آنستي ونورتي يا حبيبتي .."

قالتها إحسان مودعة ضيفتها التي خرجت لتوها من باب منزلها وكادت ترحل، إلا أنها توقفت ثم استدارت إلى إحسان قائلة : - والله ياختي ماكنت ناوية أفتح بقى بكلمة لولا أنها أمانة وشهادة حق لوجه الله... وحياة بنتي أنا قلبي بيتقطع وأنا بحكي لك كل كلمة...

عقدت إحسان حاجبيها في تأثر مصطنع وقالت تجاريها في تلك التمثيلية: - عارفة ياختي والنبي عارفة.... يوووه هوا أنت عشرة امبارح يا أم عصام... دي عشرة عمر... يعني هوا أنا اللي هاين عليا أسمع الكلام ده..؟ بس نقول إيه بقى أهي شهادة حق هانتحاسب عليها.. أدينا بنعمل الخير ونرميه البحر..

بدا شبح ابتسامة على وجه نعمت وهي تقول: - يعني... هاتبلغيهم...؟

رفعت إحسان أحد حاجبيها الرفيعين قائلة: - أكيد...

أومأت نعمت في رضا ثم قالت: - طيب.. أما امشي أنا بقى الحق أعمل الغدا قبل ما أبو عصام يرجع..

ودعتها إحسان ثم أخرجت مفتاح باب منزلها وأغلقت الباب خلفها و... صعدت الدرج حيث يقبع منزل محمود وأسرته. طرقت إحسان الباب لينفتح وتطالعها رحاب شقيقة محمود التي تصغره بأربعة أعوام، هتفت رحاب: - طنط إحساااان... أهلاً يا طنط... اتفضلي... اتفضلي...

قبلتها إحسان في حرارة وهي تقول كلماتها المعتادة على غرار "والله كبرتي واحلويتي... ايه الحلاوة ديه.. عقبى لما نفرح بيكي... "

- اتفضلي في الصالون على ما أنادي ماما...

دلفت إحسان إلى غرفة الضيوف التي تحوي صالونًا مغطى بكسوة صفراء وجلست متمتمة: "والله البيت شرح وبرح ومفروش أحلى من أيوها بيت في العمارة... خسارة فيها..."

- "أهلاً وسهلاً يا أم إيمان نورتينا والله.. عاش من شافك..."

أقبلت قدرية بملابس الصلاة ووجها المستدير الباسم مرحبة بجارتها في حرارة.. فقالت إحسان:

- يا سلام... ماهو لو أنا ماسألتش مابتسألوش...

ضحكت قدرية قائلة: - أعذريني والله يا أم إيمان أنت عارفة بقى كتب كتاب محمود كمان كام يوم وكنا محتاسين ببنبيض أوضته عشان أوضة النوم الجديدة هاتوصل من دمياط بعد اسبوع وبنستعد لكتب الكتاب عقبى لبناتك يا رب...

تغيرت ملامح إحسان وهي تتمتم: - ماهو أنا جايالك عشان الموضوع ده...

عقدت قدرية حاجبيها في غير فهم قائلة: - موضوع إيه..؟ كتب الكتاب ... انت طبعًا أول المعازيم.. ده أنت صاحبة الفرح يا إحسان..

زفرت إحسان قائلة: - والله ما أنا عارفة أبدأ منين واللا منين الموضوع زي صخرة تقيلة على صدري بس لازم تعرفي...

دخلت رحاب تحمل صفحة عليها أكواب عصير قائلة: - اتفضلوا..

إلا أن أحدًا لم يلتفت إليها، حيث قالت أمها في قلق: - هاتقلقيني ليه يا إحسان..؟ مالك ياختي ..؟ انت كويسة والبنات كويسين..؟

قالت إحسان بسرعة: - أحنا الحمد لله... أنا جاية اكلمك على بنت تانية مش حد من بناتي كفالله الشر...

جلست رحاب وقد شعرت بفضول لتعرف أي موضوع تحمله إحسان، فهي كلما أتت كانت تتحدث عن أهل الحارة كلهم وتعرف عنهم أسرارًا لا يعرفها أحد وكانت رحاب تستمتع بحكاياها.

- بنت مين ديه اللي جاية تتكلمي عنها يا إحسان..؟ ماتوضحي كلامك وبلاش ألغاز...

وضعت إحسان يدها على رجل قدرية قائلة: -أيوااااا... عليكي نور... بنت مين... أنت تعرفي هيا بنت مين واللا أصلها وفصلها إيه...؟

زفرت قدرية قائلة: - اللهم طولك يا روح... أنت بتتكلمي عن مين يا إحسان والله مانا فاهمة حاجة...

أرجعت إحسان ظهرها واستندت إلى ظهر الأريكة وعقدت ذراعيها على صدرها ثم مصمصت شفتيها قائلة: - الدكتورة... عروسة ابنك يا قدرية...

اقتربت رحاب تستمع في اهتمام بينما توتر وجه قدرية وهي تقول: - بتقولي إيه...؟ قصدك إيه..؟ مالها نور..؟

عادت إحسان تنحني نحو قدرية الجالسة على الكرسي المجاور لها وتهمس بلهجة توحي بالخطورة: - أنتوا تعرفوا مين أبوها...؟ مين عيلتها...؟

قالت قدرية وقد زاد توترها: - ما الكل عارف أن ابوها ميت وكان فيه مشاكل بينه وبين أهله فـ...

قاطعتها إحسان: - لا.. لا... سيبك من الحكاية الفارغة دي اللي ماتقنعش عيل صغير وفكري معايا بالعقل... الست علا كانت عايشة مع الحاجة أمها فوق وفجأة.. اختفت... سمعنا كام زغرودة كدة وقالوا اتجوزت... ورجعت جارة عيل تعيش مع امها تاني وبدأت تشتغل في المستشفى وبعدها برضه فجأة... أختفت وسابت الشغل شوية صغيرين ورجعت البيت والشغل وكان معاها بنتين والعيل الأولاني مالوش أثر... كانوا بناتها وقتها واحدة حتة لحمة حمرا والتانية سنتين واللا زيادة حاجة بسيطة وأسمع أن كان فيه راجل أستغفر الله العظيم بيشوفوه أحيانًا طالع ونازل من عندها و...

- ما يمكن يكون جوزها ...!

كانت هذه هي رحاب التي قالت تلك الجملة، فاستدارت إليها المرأتان وكأنهما يلاحظا وجودها لأول مرة، همت قدرية على تعنيف بنتها وإخراجها من الغرفة، إلا أن إحسان ربتت على فخذ رحاب وهي تقول:

- لا يا حبيبتي ... جوزها كان أبيض وقمر إيمة وسيمة وطول بعرض ناس من الحتة أول مرة بعد الزغرودتين شافوهم مع بعض وعرفتهمم عليه أنه جوزها إنما دوكها... بيقولوا أسمر ومش طويل...

قالتها ثم ألتفتت إلى قدرية مكملة: - وماتت الحاجة أم علا وقعدت علا لوحدها مع البنات وكان اللي يسألها على جوزها تقول أنه مات وما رضيتش تتجوز أبدًا...

بُهتت قدرية ولم تستطع أن تنبس ببنت شفة، بينما أكملت إحسان وقد اسعدها أثر حديثها على وجه جارتها:

- الكل في المستشفى بيجمع أنها كل الدكاترة والعمال بيعملولها حساب وهيا أصلاً على قدها في الشغل... احتاروا في تفسيره... لحد ما أكتشفت زميلتها نعمت والبت ابتسام أنها بتراضي كل دكتور وموظف شويتين عشان تمشي حالها... وإلا تفسري منين انها تدخل بنتها كلية طب اللي محتاجة مصاريف ياما ومرتبها أصلا ما بيكفيهمش لحد آخر الشهر أكل وشرب..؟؟

تمتمت قدرية بصوت مبحوح: - تمشي حالها...؟ تراضي كل دكتور...؟

وخزتها إحسان بيدها قائلة: - يوووه يا ختي تمشي حالها... أفهميها بقى البت قاعدة...

ضحكت رحاب قائلة: - يعني تصاحبهم يعني يا ماما وتمشي معاهم وممكن تبات معاهم...

أخرجت قدرية كل ما يفتعل في صدرها وصبت جام أنفعالاتها على ابنتها وهي تصرخ بها: -أمشي أطلعي برة يا قليلة الحيا ... أمشي من هنا وأقفلي الباب وراكي وإلا هاوريكي...

نهضت رحاب في ميوعة وهي تقول: - حاضر حاضر ماتزقيش...

وضعت قدرية يديها على رأسها وهي تقول لإحسان: - شوية شوية عليا يا إحسان أحسن دماغي لفت والله..

تناولت إحسان كوبًا من العصير وأخذت ترشف منه عدة رشفات ثم قالت: - إيه اللي يأكد لك أن بناتها دول بنات حلال مصفي...؟ إيه اللي يأكد لنا أنها اتجوزت أصلاً..؟؟ ليه دايمًا مقفلة على نفسها وبناتها كدة..؟ خايفة الناس تعرف إيه عنهم..؟ ليه ترفض عرسان تتمناهم أي بنت مش أرملة..؟!! أي واحدة طبيعية مكانها كانت أتجوزت راجل يحاجي عليها وعلى بناتها... لكن دي... أبدًا... طبعًا... ماهي عايزة تبقى حرة... المشي البطال بيكسب أكتر...

كادت عيني قدرية تدمع وهي تقول: - يا إحسان... الست مريضة مرض قاتل...

مصمصت إحسان شفتيها قائلة: - أهي دي أخرة المشي البطال... ربنا يمهل ولا يهمل...

تسائلت قدرية وهي تكاد تجن: - طب والحجاب والصلاة ..؟

هتفت إحسان: - كل ده تمثيل في تمثيل... تمويه كدة بس عشان تاخد راحتها في اللي بتعمله في السر... ياختي باقولك كانوا بيشوفوا راجل غريب طالع نازل عندها... أستغفر الله العظيم... الواحد جسمه بيقشعر أما يفكر ايه اللي عملته ده في بيت الحاجة امها الله يرحمها..!

لم تستطع قدرية أن تتحدث... هربت منها الكلمات أمام تلك الصدمات، أكملت إحسان عصيرها قائلة:

- أنا قولت أبلغك بس من باب الأمانة ده جواز يا أختي آه أمال إيه... الست نعمت الله يبارك فيها وفي بنتها القمر منى وعيتني وفطمتني على سيرة اللي اسمها علا دي في المستشفى...

قالتها ثم نهضت مكملة: - أسيبك أنا بقى يا أم محمود... فتك بعافية...

صافحتها قدرية بحركة آلية ومازالت واجمة لا تتكلم... حتى إنها لم ترافقها إلى الباب فتوجهت إليه إحسان وفتحته لتجد محمود أمامها ينظر إليها بعينيه البرسيميتين وابتسامته المشرقة فقال حيث رآها: - أهلاً أزيك يا خالتي أنت ماشية واللا إيه..

قالت في توتر: - أ.. أه يا محمود يا بني عن إذنك...

قال لها: - أكيد جيتي تشوفي لون دهان أوضة نومي الجديد مافيش حاجة تخفى عليكي طبعًا... حلو جدًا مش كدة..؟ ده ذوق نور اللي هاتبقى في خلال يومين مراتي حبيبتي... طبعًا أنت جاية كتب الكتاب يا خالتي مش محتاجة عزومة... شوفي أنا جبت البدلة خلاص..

كان يرفع يده إلى كتفه يحمل بها جرابًا أنيقًا يتدلى خلف ظهره به حُلة العرس على ما يبدو، أنسلت إحسان من الباب وتمتمت وهي تخرج: - إن شاء الله ... ربنا معاك.. آ.. آ... مبروك..

ثم هرولت تنزل درجات السلم نحو منزلها، دخل محمود متعجبًا وهو يقول: - مالها دي..؟

وقع نظره على أمه الجالسة في الصالون القريب فذهب إليها وهو يضحك قائلاً: - مالها الست إحسان يا أمي..؟ مش على بعضها كدة وبتتكلم كلام مش مفهوم...

أنتبه محمود إلى الحالة التي عليها أمه من الوجوم وملامح وجهها التي يبدو عليها الحزن وآثار الدموع بمقلتيها، فهتف في قلق: - ماما... مالك فيه إيه..؟ أنت كويسة يا أمي..؟

رفعت عينيها إليه غير قادرة على النطق، فعاد يتسائل: - يا ماما.. أرجوكي قولي لي مالك يا حبيبتي...؟؟ إيه اللي حصل لك..؟

"أصلها عرفت قصة الست هانم اللي هاتبقى مراتك يا دكتور..."

كذا قالت رحاب التي كانت واقفة بجوار باب الغرفة تضع يدًا على خاصرها وترفع الأخرى مستندة إلى الباب وقد عقدت رجليها وأرتسمت في عينيها نظرات التشفي.

*****


الساعة الآن 02:40 PM

Powered by vBulletin®
Copyright ©2000 - 2024, vBulletin Solutions, Inc.