18-04-20, 11:03 PM
| #1782 | ||||||||
| مراقبة عامة ومشرفة منتدى الروايات المنقولة  
|  البارت الرابع والستين تابع يوسف بنفزه : لا حنينه بسم الله عليك بعد اسنتين من اختفائها جايه تساعدين... البنت اخذت المقسوم وش ماكان والاعاد يمدينا عليها : وش دراك يمكن للحين في بيت خالي ونقدر نساعدها صرخ عليها بانفعال : مساعدتها تعني انكشاف قصتها :وتنكشف المهم نلحق على البنت يمديها اكلت من العذاب لحد ماشبعت : انتي مستوعبه انها بنت اخو امي فكرتي امي وش بيصير فيها اذا اعرفت سواد وجه بنت اخوها! ماعطاها فرصه ترد وكمل بعصبيه : خبر مثل ذا ممكن يدخل امي المستشفى ....والاتنسين ابوي وجدي وش بيكون موقفهم اذا عرفو بفضيحة خالي تتوقعين يتجاهلون الموضوع والاكنه صار شي ردت بقهر :ياسلام وابوك وجدك ماعندهم بدال الولد اثنين كلهم سوو نفس الفضايح :اوك انا وممدوح سوينا نفس الشي بس مسرع نسيتي محاضرتك الي شقيتي راسي فيها عن الفرق بين سمعة الولد وسمعة البنت ...شافها بتعترض صرخ عليها :هذي حقيقه محد يقدر ينكرها ولاحتى نقدر نغيرها بين يوم وليله لاتستبعدين ان امي تتطلق بسبب فضيحة ريماس وانا ماعندي استعداد اضحي بأمي لاعلشان ريماس والاحتى علشانك .... غرور بدت تقلب الامور في راسها بأنانيه مماثله لانانية يوسف ...فعلا ماهو من مصلحتهم ان ريماس تنفضح امها بتروح فيها ...وابوها وعمامها رغم انه لهم عيال دشير بس والله انهم ليشهرون في خالها ويخلونه مايسوى جزمه ....غير ال شعوان الي مايفصلها عنهم الا شهرين زمان كيف بينظرون لها اذا عرفو تاريخ بنت خالها الاسود ......يوسف شاف كيف سكتت وحس انها بدت تقتنع كمل : ريماس انسيها ابوها قال زوجتها خلاص اعتبريها تزوجت وسافرت زي ماقال وانسيها نهائي مالنا علاقه فيها ذنبها في ارقبة امها وابوها تدخلنا بيهدم حياة امي وبس والاراح يفيد ريماس بشي لاتنسين ان لها سنتين مختفيه يعني خالك سوا الي في راسه وخلص والي سواه غالبا فضيحه ثانيه العن من فضيحة ريماس .....سكري هالسالفه والاتصيرين سبب في تدمير امك واضح ! غرور تحس بالذنب تجاه ريماس وفي نفس الوقت ماتبي تغامر بحياتها وحياة امها على شان وحده قصتها غالبا منتهيه يعني هم بيتضررون واهي ماراح تستفيد شي ...اصلا وش يقدرون يسوون مع خالها ...ماراح يسمع لهم والاراح يعطيهم فرصه يتدخلون بينه وبين بنته ! يوسف حس ان المعلومه استقرت في راسها تكلم بأمر : البسي عباتك ويالله نطلع لو احد عرف انا رجعنا للبيت ماراح نخلص من الاسئله والتحقيقات غرور التفتت على عباتها المرميه في الارض لمتها هي ونقابها وطرحتها ورمتها في سلة الملابس الوصخه واخذت لها عبايه ثانيه ولبستها بسرعه وطلعت مع يوسف بروح جديده اكثر جمود اكثر صلابه وصمود اكثر انانيه .... بعد ماطلعو من البيت راحو لمنتزه مفتوح معروف انه يضم عدد من المطاعم والكافيهات ....الجو كان جميل والخضار منتشر حولهم والناس في كل مكان كانو يمشون في ممرات المنتزه ساكتين ويتفرجون على الناس من حولهم ..مع المشي والاجواء المنعشه ....بدو يسولفون ....مع الوقت تطور الوضع وانبسطو فعليا بوقتهم وصارو يرسلون سنابات للعائله المجتمعه في المطعم الراقي ....احيانا مشاعرنا السلبيه ماتحتاج اكثر من قرار عقلاني ينهيها واحياناً حياة احد الاشخاص تنتهي بسب قرار اناني من اشخاص اخرين فحواه (مالنا دخل حياتنا اهم ) في المطعم السعاده المطلقه عنوان الجلسه خاصه بعد ماوصلتهم سنابات غرور ويوسف وتأكدو ان سالفة السوق مجرد تمويه وانهم رايحين يتمشون في المنتزه المعروف ! كانو جالسين حول طاوله مستطيله انيقه ..الرجال جلسو كلهم في جهه والحريم في جهه ...بروق مقابلها الجد جنبها غزل مقابلها ابو نادر بعدها ام نادر مقابلها نادر وجنبها ثائر مقابله جواد والمقصد من هالترتيب ان بروق تكون مقابله لمحارمها علشان تاكل براحتها ....سكرة الجوال ولفت بوجهها لنادر : تكفى اخذ بنتك رعد انجن عليها كل شوي داق يكلمني عنها نادر بضحكه :هههه بعد قلبي الي خاذتن قلوب خوالها ام نادر : ياملحها من بنت بعذرهم يحبونها غزل بضحكه :هههههه انتم مافهمتوها تراها ذابحتها الغيره خايفه بنتنا المزيونه تاخذ الاضواء من ابو خدود : لاعاد كله والاابو خدود واثقه محد يغطي عليه نادر :ابو خدود معاملن رعد ويوسف معاملت الخويا يجيك يرقل شوي يمشي وشوي يطيح لين يجلس بينهم واستلم الجوالات ابو نادر :لاتنادونه ابو خدود تلصقون الاسم فيه ابو جابر : اي نعم الالقاب هذي مامنها فود تنشب في الواحد ويبتلش فيها نادوه باسمه :قلهم ياجدي محد يسمعني ثائر :يوسف الي سماه جواد : انا ودي اعرف هالبزارين وشهم لاقين في يوسف بنيت طارق يزوغ عقلها لاشافته واخوانها نفس الشي خاصه النتفه سميه :هههه غنى تخوف شكلي بدورلها عريس قبل ابتلش فيها ضحكه جماعيه :هههههههههههه غزل : شكلها بتصير ضرتك بروق تشد ظهرها بغرور :مايسويها يسوفياني ثائر بمزح : انا افكك منها بس توسطيلي عندهم : وين توديك يالشايب : ماني اشيب من يوسف ابو جابر : يوسف يعميها عن شيبه غلاه بروق شرقت ضجو بالضحك على شرقتها وغزل تضحك وتخبط ظهرها ...بروق تنحنح وتاخذ كوب الماء تشرب لحد ماستعادت وضعها الطبيعي : جدي قل خير يرحم والديك القضاء موكل بالمنطق ابو جابر بابتسامه : ماقلت الا الصدق بروق التفتت على ثائر : ابشر بالواسطه ثائر بضحكه : طمنتيني بعد ظ،ظ¤ سنه خليك عند كلمتك بروق بمزح مماثل :ماعليك عند كلمتي جواد رفع حاجبه :ياكبر طمعتكم .... ابونادر التفت على نادر : تمايم بنتك متى بتسويها نادر : الاربعاء الجاي تكمل اسبوعين وبحط تمايمها عندك يبه :على خير ان شاء الله ام نادر لبروق :انتي متى بتروحين لاهلك بكره :الصبح بدري ان شاء الله : ورا ماتخلينه العصر نروح كلنا سواء : مقدر ياخاله واحشني طايل ماتخيل يوصل اهلي الصبح واقعد انا للعصر ماشفته :اجل الله يستر علك وحنا العصر ان شاء نجيكم ارجعو اهل المطعم في وقت مبكر نوعاً ما اما يوسف وغرور مارجعو الا على الساعه ثنعش ونص بعد منتصف الليل ...كون بداية طلعتهم كانت ثقيله واخذو وقت لحد مانشرحت انفسهم وانبسطو بوقتهم ...تعشو في احد مطاعم المنتزه ...وطلعو منه على حدعش ونصف مرو احد محلات الايس كريم اشترو منه وكملو تمشيه على السياره ......دخل يوسف جناحه واهو حده منهك من التعب والمشي الطويل في المنتزه ....شاف بروق جالسه على السرير لابسه قميص نوم وتتصفح جوالها ابتسم لها :مساء الخير ردت له الابتسامه :هلا والله مساء الخيرات فتح دولابه يطلع ملابسه : توقعت القاك نايمه بروق نزلت جوالها على الدرج جنبها : دوبني مخلصه ترتيب شنطتي والحين انام يوسف اتجه للحمام : راحت عليك مانمتي قبل اجي الحين مايمديك على النوم بروق قامت للتسريحه تجدد عطرها .... ____________________ نزلت عباتها على الكنب واهي تلتفت على خزام :الله يهداك ماخليتني اروح مع خالتي للكوفي خزام جلس على الكنب ونزل شماغه وعقاله على الكنب جنبه وابتسم لها : افا وانا اقول فرصه ان امي داومت اليوم اجلس مع خلودي حبي واكحل عيوني بالزين خلود عطته ظهرها رايحه للمطبخ :بسوي قهوه وشاهي في وقت ثاني كان ممكن تطير من الفرحه بهالكلام بس هي عارفه ان التزلف ذا كله علشان يراضيها صار لهم اسبوعين من ارجعو من المزاحميه ثاني يوم لرجعتهم وداها سوق الذهب وشرالها طقمين ذهب بالشي الفلاني رضاوه ....ماعتذر بالكلام بس طول الاسبوعين يعتذر لها بافعاله ...شغله صار يخلص اكثره بالتلفون علشان يقعد معها اكثر وقت ممكن ....يوسلف معها بكثره ...يتغزل فيها ويقولها كلام حب بعمرها ماحلمت فيه منه ......واهي والله تحبه وشفقانه على الكلمه الحلوه منه ....بس الي مخلي كل محاولاته مثل عدمها السجه الي اخذته في البر وكأنه فاقد عقله وكله من شوفته لبروق هذا هو الحب الصدقي مستحيل يحبها وكل هالحب في قلبه لغيرها بس ماتدري ليه متعب نفسه يمثل عليها ...ماتدري هو جبر خاطر ومرجله والا حاس بالذنب والا وش قصته ...... خزام كشر يوم شافها تجاهلت كلامه وراحت للمطبخ ...اسبوعين مرت ماخلا شي ماسواه علشان يرضيها واهي ساحبه عليه .....الي قاهره انها ماتغيرت في معاملتها معه تسولف معه تضحك تخدمه وتسويله كل الي يبي الا الحب الي كانت تظهره له في كل كلمه وكل نظره وكل حركه كفته عنه مره وحده وكأنها كرهته فجأه ..... قام راح للغرفه اخذ لابتوبه جابه للصاله نزله على طاولة الخدمه وقربها منه وشغل الابتوب وبدى يخلص اشغاله عليه .......خلود جابت القهوه والشاهي وحلا ومكسرات ......صبت له فنجان قهوه ومدته عليه ...اخذه ونزله على الطاوله قدامه ورجع يشتغل ...صبت خلود لنفسها قهوه ورفعت راسها لخزام : احرجتني خالتي ماكان له داعي تدخلني معها شريكه وبالنص بعد وزودن عليها تسجل عقود شراكه بينا في المحكمه واهي راعية الحلال ..... هي عارفه انها قايمه بالشغل على اكمل وجه خاصه ان خالتها ماعاد تداوم الا ساعه ساعتين في اليوم كله علشان طايل ...بس حتى ولو اي موظفه عاديه تقدر تسوي نفس الي هي تسويه بمرتب اساسا هي تاخذ من خالتها مرتب اعلى من رواتب كل الموظفات الي يشتغلون معها اما انها تشاركها في الكوفي بالمناصفه كثير مره كثير ! خزام تكلم ببساطه واعتقاده ان كلامه بيخليها تفهم السبب ويزيل احساس الحرج من نفسها : امي سجلت نص الكوفي لتس لان النصف الثاني تبيه لطايل والنص حقتس لعدي ان جابه ربي سالم خلود توسعت عيونها بدهشه وش هالظلم ! هي شافته كثير عليها ....بس لاصارت الدعوا تقسيم بين طايل وعدي فهذا ظلم طايل واحد واهي ان شاء الله ان ربي يرزقها وتجيب عيال وبنات غير عدي ...لو ربي رزقها مثلا اربعه والا خمسه وين العدل في ان واحد ياخذ نص وعيالها هي بربطتهم ياخذون النص الثاني .....احباط غير طبيعي لمتى والكل يخططون لمستقبل طايل وعيالها مسحوب عليهم .... خزام مندمج في شغله ومانتبه لوجهها الي انخطف لونه من الي سمعته .....تكلم واهو ياخذ فنجاله يرشف منه وعينه على الابتوب : ترا امي بتسوي لطايل جناح كامل غرفة نوم وغرفة جلوس فيها ركن مكتبه وطاولة دراسه وغرفه واسعه مره للالعاب ودامنا بناخذ الدور الي فوق كله وامي وطايل تحت انا اقول انسوي لعدي نفسه خلود ضاق صدرها من مبالغتهم : وينهو عدي يوم تسويله جناح خزام رفع راسه لها باستغراب وماطرا على باله طايل ابد : عدي في بطنك والله يسلمه من كل شر ويجيبه لنا متاعفي .... :امين الله يجيبه متعافي مير وش حاجة البزر في جناح وش كبره : بيت ذا يبنى في العمر مره وحده يعني لازم نحسب حساب احتياجاتنا واحتياجات اعيالنا العمر الجاي ....اذا ربي عطانا عمر موب قاعد بزر دايم بيكبر ويحتاجه : انا ابي لعيالي غرفتين اوساع وحده للبنات ووحده للعيال غرف نوم ومجلسهم ومذاكرتهم معنا انا اجيبهم عندي في الصاله واخليهم يذاكرون على عيني اسهل لي ولهم خزام ماعجبه كلامها : واذا جو يقولون سويت لطايل والاسويت لنا على الاقل احط لهم غرفة العاب مشتركه ياخذون راحتهم فيها والا يغارون من اخوهم خلود باعتراض : حط لهم مراجيح وزحاليق في الحوش من ورى والالعاب الي يشترونها يلعبون فيها في الصاله والا في الحوش انا ابي عيالي دايم قدام عيني خزام ماعجبه كلامها كان ناوي يسوي لعدي نفس جناح طايل بالضبط بس دامها معترضه بيسوي غرفة العاب وماعليه من كلامها بكره لو يتهاوشون مع طايل ويطردهم عن غرفته قالو وحنا وين غرفتنا ودامها تبيهم تحت عينها يحط لهم ركن مذاكره في صاله جانبيه تكون جلسه ونشاطات يوميه ______________________ جالس متربع ومجلس طايل قدامه وماسك في يده كيس فش فاش ومقرب وجهه لطايل : قل يوسف واعطيك ذا طايل مد يده بياخذ الفش فاش وانكسح يوم يوسف بعد يده :قل يوسف ...يو..يو..سف ...يوسف طايل يناظر في فمه كيف ينطق الكلمه ويحاول يقلده واهو فاهم انه ماراح ياخذ الفشفاش لين يقول ذا الكلمه صار يجمع شفايفه يحاول يقول زيه : او ..او ....سفف : سفف في عين العدو شف شف يو ....يو ...يوسف : وو ..وو ..سفف :لاتجنني يوسف يوسف يوسف :سفف ...فسس :لا لا خلنا على سفف بروق كانت واقفه عند الباب تراقبهم بصمت ويوم قال خلنا على سفف فرطت ضحك يوسف ناظرها بحقد : هين والله ان قال اسمك احسن من اسمي مايطب يده ذا بروق انفجعت : يوسف خير منت صاحي ترا انا امه لاتعلمه يناديني باسمي يوسف سحب عليها وبدى يعلم طايل اسمها على طول : بروق ..برو ...برو ...بروق : بو ...بو :ههههههههههههه صح صح بو ياسلام عليك قاله واهو يشيله ويحضنه ويبوس خدوده ثم جلسه في حضنه وفتح له الفش فاش وحطه في يده بروق ضحكت معه غصب ثم قربت منهم ودفت راسه بيدها بشويش : خربت البزر بذا الخرابيط الي تجيبها اله : لاتحشرين نفسك بينا طايل مد ليوسف حبة فش فاش واكلها يوسف من يده الي مليانه سعابيل بروق مستغربه كيف ماتعوف نفسه الاكل من يد البزر وكلها سعابيل هي اذا مد لها طايل اكل تتحايل عليه وتسوي انها اكلته وتخبيه في يدها طايل انبسط لان يوسف اكل من يده ماهو فاهم صلته فيه بس اكثر واحد يعرف هو وش يبي يعطيه الاشياء الي يحبها ...ياكل معه ....مايبعد يدينه عنه الباقين يلخبطونه مرات يخلونه يلمسهم ومرات يبعدون يدينه ومايدري ليه يسوون كذا وسفف مايرده عن شي انتبه ان هذا هو اسمه من امه الي قاعده تناديه حب يجرب نادا :سفف يوسف قرب وجهه منه : عيون سفف طايل ضحك بسعاده انه عرف يناديه ومد له حبة بفك مكافئه يوسف اكلها من يده وباس خده وطايل رجع يكرر اسمه :سفف سفف داخل البيت ريم جالسه على السرير في نفس الغرفه الي تنفست فيها بروق قبل وترضع بنتها من صدرها .....دخلت عندها امها شايله في يدها كوب شاهي اعشاب حطته على الدرج الي جنب السرير :ام نادر كلمتني بيجون العصر : ادري قايلي نادر من البارح وحتى بروق تقوله حريم عمامي بيجون : ايه اكيد بيجون :يوسف وش عنده جاب حرمته وقابلها :يبي طايل :وين راحت علوم بنتك الي ماتبي احد يقرب من ولدها اشوف زوجها متحضن الولد واهي فازعه تهايط على الناس في بيتهم : تعوذي من ابليس وقولي الله لايفرق بيني وبين بنتي بروق مانيتها هياط ولانيت قشر ومن حقها تخاف على ولدها وتحرص عليه ويوسف كثر خيره معامل الولد على انه اولده :ودي والله ان خزام يشوفه متحضن اولده ام مشاري عقدت حواجبها بحده : انتي وش فيك متغيره على اختك وكأنك متكاثره عليها تعيش مرتاحه ريم شحب لونها ماهي متكاثره الراحه على اختها بس كثير من افكار اختها ماتعجبها وتشوف الكل معطينها على الكيف ومهما غلطت محد يحاسبها :الله يسعدها يمه ماابيلها الا الزين بس خزام لو يدري انها مسلمه ولده ليوسف واهي تشرط عليهم وماتبي خلود تمسك طايل بيسوي لنا سالفه : ماعليك من خزام اخذن حقه بالطول والعرض ولاتقدر بروق تفرض عليه شي والاندري اصلا اذا زوجته تمسك طايل او لا ______________________________ بعد مرور ثلاثه شهور ابو ريماس (خال يوسف ) غادر البلاد مهاجر لأحد الدول الاوربيه بعد ماصفى جميع اعماله داخل البلاد وباع ممتلكاته بما فيها البيت الي كان يسكنه .......وبعد مرور اربعه اشهر سكن المالك الجديد البيت ......خدم الساكن الجديد رفضو السكن في الملحق لوجود رائحه كريهه تنبعث منه .....مالك المنزل جاب شركة نظافه لتطهير الملحق والبحث عن مصدر الريحه الصدمه كانت في وجود منطقه معينه في ارضية الملحق الرخام فيها مختلف بدرجه بسيطه عن باقي رخام الغرفه ....التغاير البسيط في اللون شكك العمال في كون هالبقعه معاد تبليطها ...بلغو صاحب المنزل بشكوكهم ...خاف من عواقب تكسير البلاط وحفر ماتحته ...بلغ الجهات المختصه حتى يخلي مسؤليته .....تم تكسير البلاط وحفر ماتحته من قبل الشرطه والكارثه كانت في اكتشاف جثه متعفنه تم وضعها في طبقات من اكياس الزباله وربطها عليها ثم دفنها في ارضية الملحق واعادته لوضعه الطبيعي .......مع التحقيقات والتحري الطويل وتحليل الدي ان اي ثبت ان الجثه تعود لريماس بنت مالك المنزل الاول ....السلطات قامت بواجبها في ملاحقة والد المقتوله واهو المتهم الاول بقتلها وبشهادة ام ريماس ......تم القبض على المجرم وتم ايقاع العقوبات القانونيه بحقه ....... ماحدث ان ابو ريماس اقنع ام ريماس انه زوجها لمدير احد افرع شركاته زواج مدفوع الثمن وطلب منه ابعادها عن السعوديه للابد وهدد الام ان لم تقبل باأبعاد ابنتها خارج البلاد وللابد يسقتلها ...الام تعرف بسجن البنت في الملحق لمده طويله وتعذيبها لكن ماتعرف شي عن قتلها لان طلاقها تم اثناء وجود البنت كسجينه في الملحق وكان الاب متفق مع الام قبل طلاقه لها على خطة تزويج ريماس بعد الطلاق قام بأيهام الام انه توقف عن تعذيب ريماس وانه يوفر لها العلاج في ملحقها الي سجنت فيه وان الاكل يصل لها في وقته لانه يبيها تتعافى ويرسلها لزوجها في الخارج ...حاولت الام مقابلت بنتها وقوبلت محاولاتها بالرفض التام من الاب وهددها ان حاولت الاتصال فيها راح تتسبب في موتها ...حاولت الام الدخول للبيت عدت مرات لكن الحرس المنتشرين في السور الداخلي للفيلا منعها من الدخول ....ابو ريماس اتصل بام ريماس فيما بعد واقنعها ان الزواج تم وريماس بخير وطول ماهي متكتمه على موضوعها بتبقى بخير ....الام اما انها اقتنعت بكلام الاب او انها تظاهرةبالاقتناع الارضاء ضميرها .....انتشرت الفضيحه زي ماتوقع يوسف وغرور وكانت ام نادر اكثر المتضررين من هالفضيحه ...صدمتها باخوها ...صدمتها الثانيه بفساد بنت اخوها والي كانت تعدها وحده من بناتها وتعبت كثير واهي تبحث عنها ومالقت لها اي خبر وفي النهايه تكتشف انها مقتوله وعلى يد ابوها صدمه مريعه خلتها تلتزم بيتها لسنتين كامله ماتجاوزت فيها باب البيت والاحتى للمستشفى الي خالف توقعات يوسف وغرور ..موقف ابو نادر وابو جابر وجواد وزوجات عيالها والمقربين جدا منها الي كانو ملتفين حولها ويدعمونها ويحاولون يخففون عنها مصيبتها ...ولابد من وجود شامتين وحاقدين وناس ترمي حكي وتنغز ...لكن في مثل هالمصايب العظيمه اكثر مايهم الانسان الحلقه الضيقه المحيطه به احاطة السوار بالمعصم وهم الاهل والاصدقاء المقربين ان لقى منهم الدعم والمواساه مرت عليه المصيبه بكل مافيها من وجع وبيرجع اقوى واصلب من قبل وان خذلوه لن ينجيه من المصيبه الا عمق ايمانه بالله وتوكله عليه وان افلس من الايمان سينهار ويتحطم بقسوه لامثيل لها ... ______________________ بعد مرور سنه من حادثة اكتشاف جثة ريماس متجمعين عليه عياله في المستشفى واهو يهذي بكلام احرق قلوبهم هذيان على ابواب الموت ياظامي ...ياظامي ..ظامي ياخوي وين انت ظامي عياله يتصددون بحرقه من حال ابوهم ومنوخ جالس جنبه على السرير يبكي بوجع متمسك في يد ابوه يذكره بالله وعنده يقين ان ابوه مودع : يبه تكفى قل لاالله الا الله اذكر الله اذكر الله :ظامي ياخوي ظامي منوخ انفطرة كبده على ابوه الي مانسى ظامي لحظه وحده حتى واهو على فراش المرض يهذيبه عيال مشعان يناظرون في بعض يصبرون بعضهم على مايشوفون من حال ابوهم بنظراة مواساه صامته رجع مشعان ينادي :ظامي ....ياظامي .....ياخوك انت ورا ماترد علي ..ظامي ....ياظامي ظامي الولد تحرك من جنب مزيد الي ماعاد ينعرف وجهه من الحزن على جده ...سحب ابو مزيد من فوق السرير وجلس مكانه مقابل لوجه ابوه نطق بوجع ودموعه تصب من الحرقه على حاله : انا هنيا ياخوك هنيا امرني وش بغيت عيون اخوانه توسعت بدهشه من حركته وبدو يترقبون ردت فعل ابوهم وكل خوفهم ان حركة ظامي تعجل بموته مشعان دبت الحياه في عروقه واهو يشوف اخوه قدامه زي ماعرفه طول عمره ماتغير والاكبر حط كل قوته الواهنه في يدينه وتجود في يدين ظامي :سامحني ياخوك سامحني ماقدرت اخذ ثارك ماقدرت شهق ظامي بغصه تتفجر في حلقه انحنى على كفوف ابوه يقبلها : مسموح ياخوي مسموح بنلتقي عند الله وكلن ياخذ حقه ابي حقي من ربي ياخوي مابيه منك تريح انت...ريح بالك والاتشيل همي عيال مشعان واحفاده الحاظرين تفطرت كبودهم من الغبنه على ابوهم واهم يسمعون حوار ظامي معه انتحب مشعان بحرقه واهو يشد على يدين ظامي في هذيان بين الوهم والحقيقه :قهرني قهرني ياظامي احرق تسبدي شاكن فيك الوصخ ....والله ماسامحه والله ماسامحه على شكه فيك .. نطق ظامي بحرقه واهو يزيد من تقبيل يدين ابوه الي تشد عليه بوهن :الله لايحله والايبيحه بنقابله عند ربي وناخذ حقنا منه كله.. مشعان شهق بوهن : طلقت اخته ...طلقتها ... ظامي حس انه يخبره بهالكلام كمعلومه يفترض انه مايعرفها تماشى معه في الكلام : ليه طلقتها مشعان رد عليه بقهر : هذي الي ذبحك علشانها تبيني اخليها في بيتي الله لايخليني ان خليتها ظامي بتأييد : قلعتها الله لايردها شهق مشعان بضعف :مير انها قلعت قلبي معها حسبي الله عليها :الله حسيبها رجع مشعان يتكلم بضعف : ام منوخ ازعلتها تهقى انها لهالحين زعلانه منوخ سحب يدين ابوه من كفوف ظامي وطاح عليها يقبلها : ان شاء الله انها راضيه ..راضيه امي راضيه مشعان سكن وانهبلو عياله مايدرون هو نام هو غشي عليه هو! افتراضيه يشوفنها بعيونهم تحوم على راس ابوهم بس مايقدرون يفكرون فيها مايبون يصدقونها وهذا الي خلاهم يقربون من سريره برعب ومنوخ بدى يتحسس نبضه وظامي يتفقد انفاسه اشر لهم منوخ بخنقه : طيب طيب ماغير نفس حاله من امس يغفي شوي ويقوم شوي ... بقى مستكن في فراشه يجي نص ساعه ورجع يستفيق بدى صحوته بكحه موجعه ومنوخ يقرب منه يعدله المخده ويمسح فمه بمنديل .... بدى يستفيق من هذيانه وبدت تتضح قدامه الرؤيه رغم تشويشها شاف اولده منوخ وولده ظامي جالسين عنده تلفت يمين ويسار وشاف ضولة عياله حوله والاقدر يميز من منهم موجود تكلم بضعف :سامحوني ياعيالي سامحوني كل من اخطيت عليه يسامحني ارتفعت اصوات عياله من حوله :مسموح يبه ..مسموح تكلم يوصيهم : خلو امهاتكم يسامحني مالي طوقه في الذنوب خلوهن يسامحني ردو عياله باصوات متفاوته : ان شاء الله وابشر كمل وصيته : اوصيكم على امهاتكم وخواتكم لايذوقن الضيم من بعدي انحنى عليه منوخ يربت على كتفه ويقبل يديه :ابشر ابشر كلهن في عيوني وارتفعت اصوات باقي عياله يطمنونه انهم بيحفظون الوصاه كمل يوصي : ام عايد عندك يامنوخ لاتطلع من بيتك وحطو باسمها بيت لاعتازته تلقاه لاتطلع من بيتك يامنوخ واخوانها مالهم عليها وليه تكلم منوخ يطمنه : في عيوني ومثل امي ونفسي دونها كمل وصاته : تراها شيختكم وكلمتها كلمتي وامرها امري وطاعتها طاعتن لي لاحد يحس خاطرها بشي ارتفعت اصوات عياله :ابشر ابشر كمل يوصي : طايل سمي ابوي وقطعه من قلبي وانتم عزوته جابته امه تبيه يتقوى من قوتكم ويعتز بسمعتكم ويشد ظهره بكثرتكم ان بغيتو تبروني بشي احسنو له وخلوه مثل الغالي من عيالكم عندكم ...وامه راعيت معروف ..ان سمعتو انها في ضيق واجبن عليكم تفزعون لها ...وانتم خلوكم مثل اصابع اليد الوحده مايفرقكم الا الموت ...لاتفرقون من بعدي ...خلوكم عون لبعضكم ...خلوكم قلبٍ واحد ويدٍ وحده ..خلو دربكم واحد ...وديرتكم وحده ...لاتبعادون في البيوت تباعد القلوب ...خلوكم مع بعض ول بعض لايفرقنكم الحريم ...والايشتتونكم رخوم الرياجيل ...والايدخل بينكم راعي فتنه والاتعطون سمعكم حاقد والانمام والاتصدقون في بعض العلوم الشينه ...ابشرو اني راضن عنكم جميع وابيكم تسامحوني ....صاحو من بين شهقاتهم :مسموح مسموح بدت تشتد قبضة يدينه على كفوف ظامي ومنوخ الي كل واحد منهم ماسك يد من يدينه وارتفعت اصوات عياله بخوف : نادو الدكتور ....اضغط زر الطواري ...اختلطت الاصوات تعددت ردات الفعل والمسجى على السرير بدى صوته يتحشرج وجسمه ينفض بقوه وعيونه شخصت وحلت النهايه ...ومات مشعان _________________ * * * | ||||||||
|  |
|
19-04-20, 04:38 AM
| #1786 | ||||||
| نجم روايتي وفراشة الروايات المنقولة  
| امممممم يا نبض تكفين روايتك قوية اعطي بروق ويوسف حقهم من الحياة بلااش من التختيم السريع والقفزات البراشوتيه حبه حبه ترا مصخوها خزام وخلود وريم غيري القناة على يوسفاني الاشقراني ودي اعرف كيف بتصرف لو قالوا بروق حامل والا بروق ولدت وجابت لك......... ودمتي بخير وعافية ومبارك عليك شهر رمضان بصحة وعافية انت والجميع 🌹♥ | ||||||
|
| |
|
19-04-20, 09:18 AM
| #1787 | ||||
| السلام عليكم ورحمة الله وبركاته يعطيك العافية نبض وتسلم يدك في الحقيقة لو تسمحي لي أنا لي شهرين ماسكة نفسي عن بروق لكنها ما تبغى تجيبها البر وللآن ما راح أسامحها على البامية اللي طبختها ونسيت أحط فيها الثوم والزنجبيل بسببها🤣🤣 المهم اللي مزعلني حقيقة هو تعاطف الأغلب وحبهم لبروق ويوسف رغم أغلاطهم بل وتبرير أنانيتهم وسعيهم لتحقيق مصالحهم وتحريم نفس أفعالهم على خلود وريم رغم انهم ما غلطوا لمن عملوها وخلوني أشرح لكم مقصدي الله يرضى علينا وعليكم ❤❤ نبدي من الأول ماشي؟ بروق فيها خصلة مو حلوة وما احد يقدر ينكر وهي الاعتداد الزايد بالنفس لاحظوا قلت الزايد ليش لأنه بدون ما تحس يخليها ما تشوف غير نفسها في الصورة وان حصل وشافت فهي تشوف نفسها بشكل أكبر مشكلتها مع سياف كانت بتسلطه عليها لكن هذا التسلط كان في طريقته بينما كلامه كان فيه جزء كبير جداً من الصواب بس طريقته اللي ضايقتها وسكوت أهلها له ولانها ما تقدر عليه زائد الأنا المتضخمة عندها خلتها ترتكب غلطة كان ممكن تروح فيها ساعتها وهي روحتها للغار لوحدها كله عشان تمشي كلامها وتحس بالانتصار ولو فيها موتها وهذا بصراحة تصرف غير حكيم أبداً ويعكس خلل في سلامة تفكيرها كان في امكانها تمشي كلامها لو تبغى بس بدون مضرة كانت تقدر تستعين برعد مهو الأقرب لها وعمال يجاملها في الطالعة والنازلة لكن لا ، وراحت وتورطت بس الحمدلله ربي لهمها تتصرف بس لازم تندم على نفسها وراحت معربة عن كرهها لسياف ومحملته نتيجة ما حصل لها قال ايه لو ما قهرها كانت ما عاندته ! بالله هذا منطق؟ جاها يوسف وهنا ما راح أغلطها في أي شيء سوته في التعامل معاه لانه فعلاً كان مجرم نجي لزواجها منه برضو راهنت بطريقة شنيعة على نفسها معاه وكله عشان تهرب من سياف ! انا مستغربة واحدة تتشدق بقوتها في الطالعة والنازلة تروح ترضى بواحد عاصي لربنا ومجاهر الله يهديه وشايفة نفسها عليه عشان مو قادرة تواجه ابوها وعيلتها بالرفض مهي وقفت في وجه ابوها في امور ابسط من كذا ايش معنى يعني؟ هذا غير اغترارها بصلاحها حتى لو ما كانت تقصد انت اللي اخذتيه بارادتك الحرة وهذا ما ارتضيتيه لنفسك كيف تجي وتعملي نفسك عليه؟ مفروض تنظري له بعين الاشفاق صحيح كنت تدعي له بس في داخلك كنت شايفاه بوساخة ذنوبه هذا غير سخريتك من شكله وانه شبه البنات لوسامته كان في امكانك تعبري عن رأيك بلطف وتقولي له احب العوارض احسها حتعطيك هيبة مثلاً لكنك دائماً تختاري خصوصاً وقت شوفة نفسك أغلظ طريقة للتعبير واللي يكون فيها غالباً تقليل من شأن اللي أمامك على حساب تعظيمك لنفسك نقطة ثانية وهي تحسب لك وضدك في نفس الوقت وهي سرعة الاشتباك والانتماء للعلاقة كيف يعني؟ يعني مثلاً لمن جات سيرة يوسف بالعاطل دافعت عنه لانك مدينة له وهذا كويس بس هل هذا دافعك الوحيد طبعا ً لا بل لانك تنتمي له قدام الناس فالتقليل منه تقليل منك وهذا ما لن تسمحي به طيب هل هذا شيء خاطئ؟ لا طبعاً بل شيء جميل لكنه يصير غير مفهوم لمن تكوني بينك وبينه تشوفيه بنظرة الناس فعلاً معناها انت حول نفسك وحول نفسك فقط كمان في زواجك من خزام مرة ما كانت حلوة حركة انه يكون همك الأول في يوم فرحك هو اسم آل مشعان لا و ترقصي على اسم أهله بهذه الطريقة خصوصاً انك العروسة معليش يعني من متى المعرفة؟ كله عشان نفسك لانك رابطة نفسك بهم يعني ولدهم اللي من لحمهم ودمهم ما فكر ربع مرة فيهم تجي انت عاشقتهم ؟ طيب صدقنا انك فعلاً تحبيهم كان في طريقة ثانية تحققي فيها مطلبك بدون ما تباني فجة على الكوشة بس للأمانة الغلط يتقاسمه معاك هنا وفي كل مرة اثنين وهما ابوك جاسر وامك نرجس اللي بصراحة كانوا متهاونين معاك اكثر مما يجب وحازمين معاك اقل مما ينبغي انت يا جاسر عارف بنتك تقدس العوايل والروابط العائلية تروح تزوجها واحد مقاطع اهله وكمان مخبي عليها الصراحة شيء غير مفهوم بس دامك زوجتها واحد بالمعاصي الكبيرة دي عشانها أصرت ايش أرجي منك؟ ولا تقول لي عشان أنقذها لا والله ليه ما بعت اياها ببلاش أحسن ؟ كان في امكانك على الأقل تشرط عليه يتوب ويثبت توبته لكن سقطاتك كثيرة يا جاسر وبصراحة مو عارفة أفسرها ؟ نجي لحاجة ثانية لا تغتفر وهي تباسط بروق الشنيع من أخوان وعم زوجها ولا احد يقول لي جالسة بحجابها ! يا سلام كل المزح والكركرة هذه مو معاصي يعني احتقرت يوسف على معاصيه وشافت نفسها عليه من جهة وتروح تعصي من جهة ثانية الذنوب كثيرة مو بس اللي بنوع ذنوب يوسف يا بروق ! وكله كوم وتغليطها لريم وتبريرها لها بانه ذول صاروا عيلتها وهو ذنب آخر يمكن يكون اكبر من ذنب تباسطها معاهم! الله يهديها ويهدينا كمان حركتها وعلاقتها مع خزام خزام شخصية فيها كلاكيع وفيها العنجهية والغرور اللي في بروق بس يفرق عنها في حاجة انه يحاول قد ما يقدر انه ما يواجه لو حب الشخص يفضل يمشي كلامه بسكات ومن تحت لتحت عشان ما يجرحه او يزعله لكن لو حقد ما تنتبه لطعنته الا بعد ما تشوف نفسك تنزف عشان يوريك انت تلعب مع مين وهو ناسي انه بحركته ذي هو يشوف نفسه زعيم مافيا محنك بس مو منتبه انها في الواقع قد تكون خسة ودناءة بروق غلطت انها تسرعت في مصالحته مع اهله رغم انها حاولت كم مرة بس كانت محتاجة تدرس شخصيته أكثر عشان تتحرك صح لكن اللي غشى قلبها انها مو شايفة غير نفسها وولدها وتبغى تضمن له العيلة طيب أسألكم بالله ايهم أهم العيلة الأساسية ولا العيلة الممتدة؟ ضيعت على ولدها انه يعيش بين أمه وابوه عشان الجد والأعمام اللي رغم اهميتهم ما يجوا بلحظة استقرار في أحضان الام والاب وخزام اثبت انه لا يقل عنها في سوء التدبير وانعدام الحكمة وراح عمل حركته اللي ما ابغى اقول نذلة وراح تزوج خلود المسكينة اللي ما لها اي ذنب غير انها بسيطة ومختلفة ما حد قدرها وقدر كل الخير والطيبة اللي فيها وهنا انا حاقدة بصراحة على مشعان بالذات اللي حتى وهو يموت ما كلف على خاطره حتى يدعي لها ولا يوصي عليها هذا وهي الأقرب له شايل لي هم طايل اللي لا راح ولا جاء وام طايل عشان جميلها عليه طيب معليش يعني انت مستأثم انك ساهمت في خراب بيت ام طايل بالله ما استأثمت في خلود اللي رميتها انت وابوها الرمية ذي وهي يا غافلين لكم الله غلطتها انها وثقت فيك وفي ابوها لكن بالله يا بشر اذا ما اعطت الأمان لذول حتعطيه لمين؟ يستمر مسلسل غياب الحكمة مع بروق بعد معرفتها بنية خزام وطلبها لسياف دوناً عن غيره وكله عشان انتقامها لنفسها طيب في خضم شوفتك لنفسك ما انتبهت انك عصيت الله بخلوتك معاه بدون عذر شرعي وانت عندك اب واخوان وعزوة ؟ لا ما كان حيشفي غليلك لانك تبغي تطعنيه بنفس النصل المسموم حتى لو كان فيها مخالفة شرعية وهذا شبيه باللي عمله الشيطان حين رفض ان يسجد لادم لانه ما تصور له انه عزة نفسه تمنعه وهذا اللي خلاه يعصي الله وكانت عاقبته انه لعن الى يوم يبعثون فنحن لازم ما ننظر لصغر المعصية ولكن ننظر الى من عصينا طيب وقفت عنجهيتها مع قرينها فيها هنا لا طبعاً كان لازم تسيء لخلود في ردها عليه وهي تشبهها بالقمرية او الحمرية على سبيل الانتقاص وليس التشبيه المحض ليه؟ كان في امكانها تمدح نفسها بايش ما تبغى وتخليه يتحسر عليها بدون ما تجيب سيرة البنت ففي التهاية بسببها هي وزوجها وعيلة امه وابوه خلود تدبست فيه ولا هي يا حبة عيني حتى ما كانت تدري انه زوجك وانت مقطعتك الغيرة كذا! ما كفاها انها جابت سياف كمان عشان تبين انه نفسها رقم واحد وما بعدها احد خلت الطلاق يقع وهنا ما راح اعطيها موعظة ولا احاول اقنعها انها تضحي عشان ولدها هذا قرارها وهي حرة طالما انه البداية غلط اكيد غالباً النهاية حتكون غلط وبصراحة بعد ما تفاضحوا قدام اللي له علاقة واللي ماله فأحس لهم كل واحد يروح في حتة بس لا يدخلوا الولد في مشاكلهم في نقطة نسيت أنوه لها وهي اختلافها مع خزام في بعض الامور اللي لمن جات تكرهه خلتها عيوب له وهي منعه لها من النزول في الاستراحات او الذهاب بنفسها للعوائل ، معليش ابغى أسأل بروق فين عايشة؟ معقول هي مصدقة نفسها وهي تتهم خزام انه حرصه عليها ومنطقيته في النقطة ذي هي محض حب تملك وتسلط وقلة ثقة؟ كم سمعنا عن حوادث اغتصاب واختطاف وخداع راح ضحيتها ناس حبوا يعملوا خير؟ الرجال مهما بلغت عيوبه فيه خير ولها بالذات قال لها مستعد يعمل لها كل شيء بس كان حريص على سلامتها في نفس الوقت بروق مو قادرة تطلع شوية من ملكوتها حتى لمن تجيها لحظات تحاول تلاقيها تندم على نفسها ولا تلبث ان تعود له من جديد نكمل تطلقت وصارت المواجهة العصبية بين نرجس وعذبة اللي تم اثبات انها نسخة عروب بعد التحديث واخذت اغراضها وكالعادة تعاملوا مع كلام ريم العقلاني بكل تسفيه وغضب عشان خاطر زعل بروق مدعين انهم يراعوا نفسيتها وبروق قامت تبرر لنفسها وتشد عليها عشانها حبت واحد زي ذا متناسية انه زوجها وانها ما غلطت بس في قانون اعتدادها بنفسها كانت هذه جريمة لا تغتفر فتعبت وتعبت الناس معاها جاها عرض يوسف وافقت عليه بس عشان تقهر خزام ولا يوسف حتى بعد التوبة مو فارق معاها بعدين تعال يا يوسف بعد كل اللي عملته رحت تحمل أبوك الذنب ! حرام عليك والله ايش سوى لك ابوك حاول معاك بس انت ما كنت تبغى اللي خلاك تلين هو حبك لبروق بس اللي خلاك تقرر هو النقطة اللي وصلتك انك كنت ممكن تقتلها بس جات في اختك وهنا طلع لك جاسر ولا معليش طارق اصعب من ابوك مليون مرة هذا لو اعتبرنا ابوك صعب ومع ذلك قدرت تتعامل معاه زي الحلاوة ولا تقول انك كنت تبغى اهتمام من ابوك لانك والله ما جبت خبره بس ما لقيت شماعة تعلق عليها أغلاطك رحت حطيتها على ابوك زيك زي بروق اللي مخلية سياف شماعتها كنت انت زعلان انه ابوك فقد الأمل فيك بسرعة عيني في عينك تقدر تلومه؟ تقدر تلومه ؟ الله حسيبك لو كذبت نكمل تزوجت يوسف من هنا وراحت بكل قواااية عين وارجع اقولها قوووواية عين لبيت طليقها بدون محرم الا العاملة اللي خلتها في السيارة وشالت ولد لسى يرضع عشان تحطه عند ابوه لانها بتتزوج طيب تزوجي لو تبغي بس على الاقل خذي فترة تهدي فيها وتضبطي امورك مع ولدك لا ما تبغى نفسها اهم وايش معنى هو ؟ اعتبارات ما لها داعي ومع ذلك حنقول قرارها وتتحمله لكن اللي ما لها حق فيه لو ايش ما كان انها تدخل البيت اللي صار بيت خلود وتتهجم عليها بالأسلوب ذا خصوصاً وهي طيبة ومحترمة معاها وقدام عذبة اللي ما انكرت حتى وكأنها مؤيدة للي حصل قال ايش ما تبغى تشيل ولدها جميلة احد ! عفواً بروق انت سامعة نفسك؟ انت اول واحدة ما حسبتِ مصلحة ولدك صح من رحمة الله بك انه الشعاوين هه نقدر نقول عليهم عيال ناس والله لو طلعوا اي كلام كان عرفت قد ايش انت جنيت على ولدك وبعدين الحكمة والقوة مو كذا الصح كان انك تكسبي خلود في صفك عشان ولدك خصوصاً وهي طيبة وانت ناوية ترمي وارجع اقول ترمي ولدك عندها في البيت واحترمي نفسك هذا بيت ابوه وزوجها وولد عمها وابو ولدها يعني بيتها اكثر مما هو بيتك انت وولدك وانت الغريبة فيا غريب كن أديب وبعدين لا تكذبي وتقولي انها جالسة تغيظك بحملها البنت اصلاً ما كانت تدري انك جاية لهم زي القضاء المستعجل ويا دوب كل اللي قالته لك احطه في عيوني رحت رادة عليها بوقاحة انت وعيون عذبة معاك وفوقها رايحة لهم لوحدك زي ما قلنا حتقولي كنت ابغى ولدي ما ينسى اني كنت معاه حاقول لك مو مبرر كان تقدري تروحي مع ابوك او امك او اخوك بس مو لوحدك انت رحت عشان تتواقحي زي ما تحبي بدون ما تضطري تحترمي وجود ابوك او امك قدام الناس لكن عشان تعرفي انك ما انت حقانية وما تتشطري الا على اللي تشوفيه أضعف زي ما قالت ريم لله درها وانا استغرب من تفسير البعض انه غيرة من بروق نعليش تغار على ايش؟ عشان بروق مفضلة عليها عن اهل زوجها ؟ ريم افضل منها عند ربي ان شاء الله بالتزامها لاوامره وحرصها على الحق فمين أحسن؟ وهي صادقة عند يوسف ما عرفت تتكلم وقاعدة تتشطر على خلود اللي مو قادرة تعيش زي الناس ملاحقتها زي اللعنة وكأنه عذبة وخزام والعيلة كلها مو مكفينها ؟ ايش معنى حرص بروق على مصلحتها ومصلحة عيالها من يوسف وكمان حرص غرور ويوسف على امهم مبرر بينما حرص خلود على وضعها وعيالها لا وصارت شريرة ؟ خلود ما ظلمت طايل ولا تفكر تظلمه مو لانها خايفة من بروق بل لانها تخاف الله بينما بروق ما همها غير انه عيالها ياكلوا الجو على غيرهم ويكونوا هم الأحسن بالله هذه مو انانية ايش لك في الناس احرصي انه عيالك يرضوا الله ويكونوا كما يحب مو كل همك انهم يكونوا الاحب والاقرب والاغلى على اهلهم ويكوشوا على كل شيء بعدين بمنتهى الانانية ما حبت تزرع فتنة بين طايل واخوانه من يوسف في حين انها دمرت علاقته باخوانه من ابوه من قبل ما تبدأ وهم الاقرب له واللي حيكون عايش معاهم ومع امهم اغلب الوقت والمشكلة عذبة وخزام عايشين الدور انه خلود مجرمة وقاعدين يحموا الولد منها والله مرة صعبت علي والكل مستلمها يشخط فيها عشان الولد حتى ابوها رفض يسلم عليها !! لا واللي يضحك انه خزام مانعها تلمسه او تسوي اي شيء يخصه بس هذا ما منعه يخليها تدخل على الناس وهي شايلة شنطة ولده ! عجبي والله لا ويخلي عمته تعمل الحليب للولد بينما خلود لا هي هذه مو جميلة يا بروق؟ ولا الحرمانية بس على خلود اللي ارجع واقول ما لها ذنب وبليز لا احد يقول مرة الاب مجرمة حتى لو طيبة لانه زوج الام اكثر اجراماً لو يبغى والقصص واجد وبعدين اتحدى اي واحدة عايشة وضع خلود او تتخيل نفسها مكانها وما تصير تفكر مثلها من المبالغة في تمجيد طايل وتمييزه معليش يعني تخيلي نفسك ولدك يسألك ليه اخويا وانا لا؟ ايش تردي ؟ والله عشان ابوك يحب امه ولا عشان هم يحبوه اكثر ؟ ولا تصرخي له ولا تضربيه طيب بلاش تخيلي بكرة يتضاربوا الاخوان مع بعض وتجي تفرعي بينهم يروحوا يقولوا لك ما لك دخل عشان سي طايل وغالباً حيضيع حق ولدك حتى لو سكتوا وهم صغار غالباً حيتذابحوا وهم كبار هذا غير انه طايل من صغره معتبرها حارس الله يستر لو كبر غالباً ما راح يحترمها والله اعلم بعدين بروق بالله اسبوع عندك وثلاثة اسابيع عند ابوه ليه ان شاء الله؟ ليه مو اسبوعين اسبوعين؟ لانك ما تقدري صح صعبة تسيبي بيتك اسبوعين طيب بالله وانت ترمي طايل على جدته يعنني فجأة عجبتك تربيتها ترى تربيتها خزام وعروب اللي انت بنفسك جربتي خسته ووطولة لسانها وقلة أخلاقها اااه نسيت انت مأملة على بقية اللي عاجبك في عذبةالبي قبل ما تصالحي ولدها على اهله كان اللي مو عاجبك فيها هو اللي طافي ما علينا الرؤية تختلف حسب المصلحة صح يا برق؟ نبض انا أعرف انك والكثيرات تحبوا بروق ويوسف بس هذه الحقيقة خلود انظلمت وبغض النظر عن جمالها او انه بروق زعلانة منها البنت ما لها ذنب يعني طالعة من المولد بلا حمص دي حتى ما لحقت تدخل المولد أساساً لا وخزام عامل لي نفسه عادل وهي اللي تبغى تخرب على عيالها الله المستعان بس، البنت طيبة ومحترمة وتخاف الله وعلى نياتها مو معقول كل الضعط النفسي والعاطفي اللي تتعرض له وبرضو نستكثر عليها شوية شرارات من هنا وهناك بروق فجرت قنابل ومفرقعات وجابت طوام ومع ذلك اعذلرها سابقتها والتبريرات والتصفيقات شغالة لها والله صدق المثل حبيبي ابلع له الزلط حتى يوسف تم التغافل عن ذنوبه من قبل كثير حتى قبل التوبة بينما خلود نادر جداً تلاقي احد حاول يفهمها وبالعكس يتم التبرير لعدم التعاطف معها بانها ضعيفة وبدون شخصية بالعكس شخصيتها حلوة وخصبة جداً بالتأكيد ليست كاملة لكنها لو سطعت ستلمع واكثر من بروق بروق في داخلها ترى تعبانة شخصيتها متعبة هذه مو قوة فيها اشياء حلوة ما حد ينكر بس في اشياء مرة ما هي مقبولة وخصوصاً لمن تتسمى بغير مسمياتها وفعلاً اللي يعيش معاها لازم يتنازل او يتضارب معاها غالباً وهذا اللي تشوفوه مع سياف وابوها وخزام ويوسف يوسف مكمل معاها لانه هواه وافق هواها او تلاقوه يتنازل او يعصب بينما سياف كان ما يتنازل فرفضته وخزام كان يوافق بشروط او يرفض وهذا ما ناسبها اعطوني مرة تنازلت فيها ؟ ما في اما تنازل مشروط او تؤجل المسألة او تمشي كلامها او لازم المسألة تناسب هواها غالباً وشيء ثاني بالله يا بروق هذا ادب يوم ترفسي يوسف؟ والله ما هي كياتة؟ حتى لو نفسك ترفسيه ارفسيه بنعومة برقة مو بدفاشة! والله لو يعملها فيك انك ما ترضي ليش كذا ما ادري ؟ والله احياناً احسك تتعمدي تختاري اصعب واسوأ رد فعل عشان تعمليه القوة الحقيقية هي اني احفظ حقي بدون ما اظلم او اغلط على احد مهي قوة اني اخربها واقعد على تلها الله يهدينا ويهديك يا بروق نبض ومحبات بروق انا ما اقصد اضايقكم او ازعل اي احد فيكم لا سمح الله كلكم على راسي من فوق بس هذه كلمة حبيت اوجهها لبروق لانه ما في احد في القصة يبغى يوصل لها هي كما يجب وبالعكس الكثير معجب بها لدرجة تبرير اخطائها وقلبها مميزات بس في الواقع اللي زي بروق وخصوصاً لو اصروا على اغلاطهم غالباً مو مرتاحين ولا مبسوطين العزة بالنفس حلوة بس حتكون اكبر سبب للهلاك في الدنيا والاخرة لو زادت عن حدها للدرجة اللي تخلي الانسان ما يحسب حساب لاحد الا نفسه او عشان نفسه حقكم علي والله لاني اشوف نفسي لو تسمحوا لي زي اختكم الكبيرة ومن حقكم علي اوضح لكم عشان لمن نتعلم من القصص نتعلم صح وكمان انا في صغري كنت احسب القوة كذا بس خصوصاً بعد وفاة والدي تعلمت انه القوة اعمق بكثير من صراخ او طولة لسان او مدة ايد واغلب القوة تاتي مع الهدوء والصمت المغلف بالحكمة وبالسياسة لازم ادافع عن نفسي وما اظلمها بس في نفس الوقت لازم اعمل حساب غيري لا ضرر ولا ضرار وشغل التبرير هذا حتى في الغلط ما راح يسمح للمعادلة ذي انها تتحقق فلازم ننتبه ودائماً نسأل الله التوفيق والسداد 🤚🏻🤚🏻✋🏻✋🏻❤❤ نبض الحمدلله أولاً ثم الشكر لك إنك بعد ربي منحتيني الفرصة أشارككم في الرواية وأرجو أن أكون خفيفة لطيفة ظريفة عليكم ما شاء الله يمكن هذا اطول تعليق اكتبه من يوم ما دليت طريق المنتديات🤣❤ كله من قهري على البامية سامحك الله يا بروق وربنا يرزق خلود من واسع فضله الجئي لله يا خلود واطلبي منه يحفظ اولادك ويرزقك بدون حساب والله يحنن قلب طايل عليك وينصرك على الوضع اللي انت فيه ولا تفكري في افعالهم استودعي الله حقك وحق عيالك الان ركزي فيهم وفي تشكيل علاقة ممتازة بينهم وبين اخوهم الله يبعد نعرة ابوه وامه وجدته عنه وعنك وعن عيالك وسلامتكم❤❤ | ||||
|
| |
|
19-04-20, 07:47 PM
| #1788 | ||||
| السلام عليكم الروايه رائعه وحداثهامتسلسله بطريقه ذكيه ابداعت الكاتبه من اوال بارت اللى اخره وهذايدال عل تمكنها في الروايات لكن !!!!!!!!!!!!!. النهايه اللى هي الخاتمه للقصه لااريد لاأقلال من شاءن الكاتبه ولكنها كنت سريعه جدا جدا من الافضل انها بعد ذكر موته ان توضح جمله وهي ام طايل سوت معروف.... سمعت انه في ضيقه افزعولها ايش هي الضيق تخص يوسف تخصها بختصار (ايش صارلها ). من خلال الراويه( من كثر ما يوسف يعلمه نطق اسمه واسم بروق اتوقعت انه بيجي طايل بعد وقت وينطقه قدام خزام وينجن زيده بيكون اكشن رائع )بروق موضحت او متطرقتي لحياته كثر هل راح تتعلق اكثر بيوسف لو لا عل بتجيب اولاد منه واذا جابو بنشوف سعادت يوسف وانه يعوضها بعمل تمائم لطفالهم بدال ماحزنت في تمائم طايل سر( ام خزام ) منكشف او يمكن انكشف بس مالحضت انا . السؤال الاخير هل هي هذي النهاية للروايه ولا في جزاء ثاني اتمنا ان تجاوب الكاتبه الله يعطياها الف عافيه على تعبها ويبارك بيها بس لو مستعجلت في ختم الروايه بهذي الطريقه | ||||
|
| |
 |
| أدوات الموضوع | |
| انواع عرض الموضوع | |
|
|
51Likes
.png)
.png)
العرض العادي
