آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
29-03-17, 06:31 PM
| #1 | |||||||||
| كاتبة , و قلم مشارك بمنتدى قلوب أحلام 
|  ضابط إيقاع -نوفيلا زائرة-للكاتبة المبدعة:منى لطفي(احكي ياشهرزاد)*كاملة&الروابط*  السلام عليكم آل روايتي الكرام، ورجعنا بحكاية جديدة من حكاوي شهرزاد، وموعدنا مع رواية بعتبرها شكل جديد لكتابتي بشكر أيمي حبيبة قلبي Just faith أنها أتاحت لي عرض روايتي على أروقة هذا الصرح الادبي العملاق.. روايتي... وبشكر ام توفي فنانة فعلا ام توفي ربنا يحميكي يارب، وأناملك الماسية.. بترككم مع الغلاف مع تمنياتي بقراءة ممتعة ولا تحرموني من أرائكم وتوقعاتكم..    الكتابة والتدقيق :منى لطفي التصميم للغلاف والفواصل :ام توفي التصميم للقالب الداخلي:ام توفي التعبئة: Just Faith تنزيل الفصول: الأسيرة بأفكارها  الفصل الأول الفصل الثاني الفصل الثالث الفصل الرابع الفصل الخامس الفصل السادس الفصل السابع و الأخير الخاتمة  على الميديا فاير  أستودعكم الله الذي لا تضيع ودائعه  التعديل الأخير تم بواسطة الأسيرة بأفكارها ; 28-03-18 الساعة 05:29 PM | |||||||||
|  |
|
26-03-18, 09:18 PM
| #4 | |||||||||||
| مشرفة اسرة حواءوذات الذوق الانيق وفراشة متألقة،ازياء الحب الذهبي ..طالبة مميزة في دورة الخياطة جزء1وأميرة فستان الأحلام ولؤلؤة بحر الورق وحارسة وكنزسراديب الحكايات و راوي القلوب  
|  السلام عليكم ورحمة الله وبركاته اشو حكاية ضابط ايقاع؟ بانتظارها | |||||||||||
|
| |
|
28-03-18, 05:17 PM
| #5 | ||||||
| مشرفة سابقة بمنتدى قلوب أحلام وافتح قلبك، نجم روايتي، حارسة وأسطورة سراديب الحكايات  
| (1) يسير بخطى واثقة يرفع يده بين كل حين وآخر يرد التحية العسكرية لمن يقابله، قبل ان يبطأ أمام باب إحدى المكاتب ليطرق مرتين سريعا قبل أن يدلف وهو يلقي السلام بصوته الجهوري، لينتبه الآخر الجالس خلف مكتبه فينهض قائلا ببشاشة عكس الوجه المتجهّم الذي يقابله: - صباحو سيادة المقدم، وجاي بنفسك؟.. طب كان ألو صغيرة هاتلاقيني عندك في ثانية.. ليتحدث صاحب الوجه المتجهم قائلا: - بس بس خلاص، جيت وخلاص، ايه الرغي دا اللي ع الصبح... قلب صديقه عيناه وهمس بخفوت: - ربنا يستر ويعدي اليوم دا على خير، من أولها كدا!!!! قطب الآخر وقال بريبة: - انت بتقول ايه؟.. حازم بابتسامة مهادنة: - يا عم بقول صباحك فل، ها.. ما قولتليش اي ريح ألقت بك إلينا؟!! سليم بعدم رضا: - الزمخشري هيشتغل بقه، بطّل تهريج وقولي عملت ايه في اللي طلبته منك؟.. لتختفي شخصية حازم المرحة في ثوان ويحل بدلا منها شخصية الضابط الجديّ وهو يقول بجدية شديدة: - كله تمام، الخيوط كلها في ايدينا، مشى فاضل غير أننا نتحرك.. سليم بهدوء: - تمام، ياللا بينا بقه نروح لشوقي بيه وأنا متأكد أنه قبل النهار ما يخلص بكر الشوّاف هيكون مشرّف في الزنزانة.. *********************** **بعد أيام** "يعني ايه خرج منها؟.. كله الادلة ضده!.. أنا كنت متأكد أنه مش هياخد أقل من تأبيدة أن ماكنش اعدام كمان!!".. حازم محاولا تهدئة صديقه: - هدّي نفسك يا سليم، هو خرج بكفالة والقضية لسّه شغالة، معنى كدا.. هدر سليم بعنف: - معنى كدا أنه ممكن جدا يخرج منها، كفالة ازاي لواحد تاجر مخدرات وسلاح وما خفي كان أعظم!!.. تقدم من حازم مردفا بغضب شديد: - انت بنفسك كنت معايا خطوة خطوة واحنا بنجمع الادلة اللي تلف حبل المشنقة حوالين رقبته، يبقى ازاي؟.. حد يفهمني!!.. كان من سابع المستحيلات انه يطلع بكفالة لانه القضية لابساه لابساه، كدا ممكن جدا يهرب برّه البلد!! حازم محاولا اقناع نفسه قبلا: - يا بني ما هو ممنوع من السفر، مش هيعرف يخرج برّه مصر، لا بر ولا بحر ولا جو!! سخر سليم قائلا: - يا سلام، ودا حاجة صعبة عليه؟.. بكر الشواف اخطبوط له دراعات في كل مكان.. أراهنك أنه في خلال كم يوم هنسمع انه قدر يهرب برّه مصر، زي كتير غيره ما عملوا وبعد ما خربوا البلد هربوا ومحدش قدر يوصلهم!! همّ حازم بالحديث عندما قاطعه صوت الهاتف ليجيبه وما هي الا لحظات حتى كان يقول باحترام شديد: - تحت أمرك سيادتك.. لينهي المكالمة وينظر الى سليم قائلا: - شوقي بيه عاوزنا في مكتبه حالا!!.. وما أن دلفا الى مكتب الاخير حتى أخبرهم أن سيادة اللواء قد أمر بعقد اجتماع طارئ وفورا!!.. ------------------------ وفي مكتب اللواء.. جلس الاخير حول طاولة الاجتماعات وبجانبه جلس العميد شوقي وكلا من سليم وحازم، بادر اللواء قائلا: - أنتم أكيد عرفتوا أنه بكر الشواف خرج بكفالة؟. زفر سليم بضيق في حين هتف حازم قائلا: - ايوة يا فندم، وبصراحة استغربنا جدا.. اللواء بجدية شديدة: - بكر عنده محامي من عتاولة المحامين، تعلب قانون زي ما بيقولوا، وقدر يستغل بعض الثغرات في القضية ويخليه يخرج بكفالة، وأعتقد كلنا عارفين مين هو توفيق الصاوي!! سليم ببرود: - طبعا عارفين، ريحته فايحة في كل مكان، المهم عنده الفلوس وبس، حتى لو كان المتهم جاسوس مش تاجر مخدرات!!!!!.. تحدث شوقي قائلا: - بعد إذن حضرتك، لكن احتمال هربه برّه مصر موجود وبقوة.. يعني لازم ناخد كافة احتياطاتنا.. اللواء بنظرة غامضة: - ما تقلقش يا سيادة العميد، فيه خطة لو اتنفّذت صح، بكر مش هيتحرك خطوة واحدة بره البلد، بالعكس دا في مدة بسيطة هيرجع يشرّف في أبو زعبل.. بس أهم حاجة التنفيذ!! حازم بحماس: - واحنا فدا البلد يا فندم.. ابتسم شوقي قائلا بينما اكتفى سليم بدور المستمع وان كانت التقطيبة لم تفارق جبينه المعقود دوما: - سعادتك حازم وسليم من أكفأ رجالتنا، وهما اللي تولوا قضية الشواف من الاول.. اللواء بفهم: - عارف، وعشان كدا طلبتهم انهرده.. احنا بنسابق الوقت، ولازم نلحق نوقع الشواف قبل ما ينجح انه يهرب.. ودلوقتي عاوزكم تبصّوا كويس للصورة اللي هيعرضها البروجكتور دي.. وقام بتشغيل جهاز اليكتروني صغير موضوع أمامه، ليعرض على الشاشة البيضاء الكبيرة خلفه صورة كبيرة، التفت الرجال الاربعة اليها، في حين قال اللواء شارحا: - عشان نقدر نوصل للشواف.. لازم ندخله من نقطة ضعفه، واللي قودامنا دي تعتبر نقطة ضعفه الوحيدة... وأمامهم كانت صورة بالحجم الطبيعي، لشابة تبدو في آواخر العشرينيات، ترتسم ابتسامة واسعة على شفتيها، بينما ما جعل علامة الاستفهام ترتسم على الوجوه الثلاثة بخلاف اللواء كانت ثياب تلك الفتاة، فما ترتديه يعرف بـ "بدلة الرقص الشرقي"... بينما تتخذ الفتاة وضعية الراقصة تماما، فيما شعرها الأسود الغجري فيسافر على طول جسدها وحتى نهاية خصرها، أما نظرة عيناها فقوية.. متحدية.. وكأنها تتحدى من يراها إلا يركع أسفل قدميها.. فيكفي ضحكتها المغوية كي تنحني لها أعتى الشوارب.. وأقوى الرجال، وكان حازم أول من خرق الصمت هامسا ببلاهة: - ايه دا؟.. هي الدنيا حررت ولا أنا اللي سخنت؟!!! ليوكزه سليم بقدمه من أسفل الطاولة في ساقه فتأوه بألم قبل أن يقول اللواء شارحا: - دي.. ليال.. أو لوليتا.. دي نقطة ضعف الشواف واللي هندخله منها!!!!!!!!.. شوقي بانتباه: - الخطة ايه يا فندم؟. اعتدل اللواء في جلسته، ونقل نظراته بين الوجوه المقابلة له وهو يقول بجدية شديدة: - هقولكم.. بس طبعا مش محتاجين أنبّه أنه ما فيش مخلوق برّه المكتب دا هيعرف كلمة واحدة.. خطتنا بتعتمد على السرية المطلقة.. حازم وسليم في صوت واحد: - تمام يا فندم.. اللواء بحزم: - ودلوقتي اسمعوني كويس أوي وافهموا اللي هقوله بالحرف الواحد.. *************** | ||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
شـكــ وبارك الله فيك ـــرا لك ... لك مني أجمل تحية . 
.png)
.png)
العرض العادي
