السلام عليكم ورحمة الله وبركاته فصل رائع بجزئيه الجزء الاول حزين جدا اوجعنى قلبى على فرح وخصوصا ان شادى لا يستحق فعلا مهما بلغ مقدار تقبلنا لكل حساباته لكن كسر القلوب صعب جدا الحسره التى ملئت قلبها وعلمها انه ذهب ولن يعود ولو عاد فهناك شىء انكسر لم تكن الخيار الاول لم تكن كافيه الفروق الاحتماعيه والماديه شىء مبالغ فيه امام احكام القلب والرجل حين يحب حقا فلا وجود لمثل هذه الفروق والنماذج فى حياتنا كثيره ولهذا خساره فى شادى حزنها ودموعها فالحسره يجب ان تكون من اجل من يستحق وهو لم يعطيها اى أمل فى حب أو حتى تقدير لحبها بل ابتعد مجبرا بعد تهديد ماهر وهو ملىء بالنوايا الخبيثه والان حين راى مؤيد يحوم حولها اصبح قلقا من ان يصل الى ما فشل فى الوصول اليه واكثر ما يحزننى هو شعوره بالخوف فهل من تحب حقا تميل لأغواء شخص تعلم تماما انه لا يريد الا العبث شادى ملىء بالعقد اكثر مما اعتقدت وفى انتظار المبارزات الجميله بين االاربعه فزوجه شادى سيكون لها دور فى المناوشات القادمه اما شاهنده وعصام فمشهدهم كوميدى عاطفى هههههههههههههه عصام هيشوف ايام لوز مع شوشو الرقيقه الهشه صاحبه اللسان الحاد وولعت كان نفسى الفصل ما يخلصش كان ممتع جدا ما تدورى كده يكون فيه جزء وقع منك ولا حاجه عموما تحفه تسلم ايدك |
لا أنكر أن الرواية جميلة والأسلوب محترف وهناك متعه وتشويق في قراءتها بس بصراحه الأبطال اخلاقيتهم زبالة خرجتينا عن المألوف العادى البطل أو البطلة شخصيات مثاليه تتعاطفى معاهم لكن دول يستاهلوا الحرق حتى فرح ضعيفة ومستفزة |
مساء الورد رواية ممتعة و احداثها فيها من الواقع كتير شادي نموذج لناس كتير تعاملت معاهم بشغلي يعجب بالبنت الهادية البريئة عديمة التجارب و لكن وقت الجواز يختار المركز و المال و النفوذ بعد ما علق الغلبانه مؤيد بيحاول هو كمان ياخد لفة معاها بس فرح مش من التوع ده هي فعلا حبت شادي و صدقته ليلى و علاقتها بماهر حاسة ان فيها مشتكل هتظهر مع الوقت اخت شادي شخصية عايزة ضرب الجزمة برغم انها بتصعب عليا لعقدتها من الرجالة لكن تصرفتها و نظرتها الدونية لليلي و اهلها مخلياني عايزة اضربها على دماغها بانتظار فصل جديد و بالتوفيق |
اقتباس:
شكرا على متابعتك الجميله و الدقيقه كل توقعاتك في التعليق ده صح زي ما هنشوف مع بعض إن شاء الله دمت في حفظ الله و رعايته |
اقتباس:
السلام عليكم ورحمة الله وبركاته ايوه فعلا شادي أخطأ بس قراره ما كانش متسرع هو عايش حياته كده و ده المنحنى الوحيد الي المفروض تسير فيه لكن هنشوف إن كان هياخد منحنى تاني أو هيستمر كده شكرا على المتابعه |
اقتباس:
السلام عليكم ورحمة الله وبركاته حبيبتي شكرا على حماسك في المتابعه شادي كان مستقر و ابتدى يتخبط و ده الي حبيت أوصله و فرح هي نفسها لسه متخبطه و هنشوف كل ده هيرسي على إيه |
اقتباس:
السلام عليكم ورحمة الله وبركاته اهلا بيكي تاني و تالت و رابع كل فصل بستنى تعليقك عشان أعرف هل أنا قدرت أوصل الي نفسي فيه أو لأ و الحمد لله لحد الآن ماشيه مظبوط و فعلا شادي فيه عقد أكتر مما يبدو و أتمنى كلماتي ما تخونيش في القادم الحمد لله إن الفصل طلع فيه كوميديا رغم الظروف و ده الي أنا عاوزه إني أوصله للقراء : طاقه إجابيه بالنسبه للحاجات الي وقعت كان فيه فعلا لكن فضلت أخليها للفصل الي جاي عشان ما اتخرش عليكو أكتر شكرا حبيبتي جدا على تفاعلك الصادق تسلمي من كل شر |
اقتباس:
رغم إن تعليقك قصير إلا أني هرد عليه باستفاضه شويه عشان معظم القراء زيك عاوزه أوضحلك إن فيه نوعين من الروايات : نوع الأبطال فيه بيكونوا مثاليين و يخلو القارئ نفسيا عاوز يتماهى معاهم و بكده يتغلغل جدا جوه حكايتهم و فيه نوع تاني الأبطال بيكونوا بعاد جدا عن المثاليه و أحيانا مستفزين زي الروايه دي مثلا فالقارئ بيكون عامل زي المتفرج الغير راضي بس في نفس الوقت عاوز يشوف حكايتهم هترسي على ايه. و للتوضيح أنا ككاتبه مش بختار أو بالأحرى مش بسيطر على شخصيات روايتي ، هما بينطوا في خيالي و يجبروني اكتب عنهم زي ما هما يمكن عشان الواقع الي بنعيش فيه بعيد كل البعد عن المثاليه ، بقول يمكن. فأنا زيي زيكو معظم شخوص الروايه بتسفزني فيما عدا عصام أخيرا شكرا على إطرائك على الرواية و على الأسلوب |
اقتباس:
اهلا بيكي مشرفتنا الجميله نورتي الروايه الحمد لله إن الروايه عجبتك أولا و إنك لقيتي فيها شيء من الواقع فرح فعلا حبت شادي بجد و هنشوف آخره الحب ده ايه و شاهيندا هي فعلا شخصيه مثيره للجدل بس الأكيد انها عاوزه ضرب بالجزمه. شكرا مره تانيه على مرورك الجميل |
السلام عليكم ورحمة الله وبركاته سألقي بكلمتي الختامية و التي لا أقصد من وراءها إيذاء أي كان . أشكر كل من شجعني ، كل من أدلى بتعليق كلماتكم كانت بلسما . لكني للأسف لا أجد المتابعة أو كمية التعليقات حافزا بما يكفي لأستمر لذلك أعتذر |
الساعة الآن 08:46 AM |
Powered by vBulletin®
Copyright ©2000 - 2024, vBulletin Solutions, Inc.