آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
27-04-18, 03:52 AM
| #11 | ||||||||
| مراقبة عامة ومشرفة منتدى الروايات المنقولة  
|  الحلقة العاشرة ************** فوزية والدموع بتنزل على وشها وبتدعى ربنا يشفى جوزها ويقوم الدكتور أول ماخرج من الاوضة هجمت عليه طمنى يادكتور جوزى عامل ايه دلوقتى الدكتور: جوز حضرتك أتعرض لصدمة جامدة أثرت على جزء من الدماغ المسئول عن الوعى فوزية : بص انا مفهمتش ولا كلمه ..انا كل اللى عايزه اعرفه هو هيفوق ويبقا كويس الدكتور: ايوه ياستى هيفوق ويبقا كويس ومشى لما دخلت الاوضة شافت جمال جسمه عليه اسلاك وجهاز رسم القلب شغال وايديه متركبه فيها الكانيولا وحامل المحلول جنب السرير والمحلول بينزل نقطة نقطة مسكت الكرسى وقربته من السرير وبصوت واطى قالت : انا بحبك وأوعا تموت وتسبنى وخف بسرعة وأنا أوعدك معملش أى حاجة تزعلك ..أنا هكلم نور عشان تيجى أنا عارفة أن الوقت مش مناسب خالص بس أنا عارفة أنك أول ماتسمع صوتها هتفوق وتفتح عينيك علطول طلعت التليفون من الشنطة لقيته فاصل شحن هو ده وقته ..بس مش على فوزية وراحت مطلعة الشاحن وبصت يمين وشمال على مكان تحط فيه الشاحن ملقتش بس شافت فيشة قريبة من التليفزيون فقالت لنفسها انا مش محتاجة التليفزيون فى حاجة ..المهم أشحن التليفون وشالت الفيشة وحطت الشاحن وركبت فيه التليفون وراحت مشغلها علطول واتصلت بنور الممرضة أول مادخلت الاوضة لقيت نبضات القلب وقفة على الجهاز فضغطت على جهاز الانذار بسرعة وقربت من المريض عشان تتأكد وقبل ماتقرب منه فوزية وهى ماسكة التليفون فى ايديها وهى مخضوضة من تصرفات الممرضة فقالت بزعيق: فى ايه الممرضة: جوز حضرتك مات فوزية كل اللى على لسانها بابكى مات يانور وأغمى عليها الدكتور فى الاوضة وفوزية على الارض : حصل أيه الممرضة : انا قولت ليه ان جوزك مات راحت فضلت تعيط وتصرخ وف الاخر أغمى عليها الدكتور قرب من جمال ولاقى ضغطه ونبضه تماما والقلب بيدق بص على فيش الجهاز لاقها مش فى مكانها وبدالها شاحن تليفون وهو بيزعق : مين اللى شال فيشة الجهاز الممرضة بخوف : والله ماأنا بس باين عليها المدام الدكتور: انتى حسابك معايا عسير وخصم يومين ليكى عشان عدم مسئوليتك وتصرفاتك الهبلة زى المدام المرميه على الارض الممرضة: ليه بس يادكتور أنا عملت أيه الدكتور : عملت كتيير المفروض أنك تتأكدى قبل ما لسانك ده يتكلم..انتى هتفضل واقفه كتيير وسيبة الست مرميه على الارض وديها أى أوضة لحد ماتفوق __________________________________________________ _______________________________________ نور ورمزى وافقين مع الدكتور وحكى ليهم كل حاجة ولما خلص كلامه رمزى دخل فى نوبه ضحك: هههههههه هههههههههههه منك لله ياخالتى تشيلى فيشة جهاز القلب وتحطى الشاحن مش قادر هموت من كتر الضحك نور بصت ليه بزعل: عيب عليك اللى بتعمله وأمسك نفسك شوية رمزى سكت ومحاولش يتكلم الدكتوروهو بيحاول ميضحكش هو كمان : اللى عملته ماماتك أول مرة أشوفه طول سينين خدمتى فى المستشفى نور: وهى عامله أيه دلوقتى الدكتور: هى فاقت بس مش عايزه تخرج من الاوضة ..حاولى تخليها تخرج وياريت تروحى معاها وتفضلى معاها عشان اعصابها تعبت شوية وبالخصوص لما عرفت أنها مسئولة عن اللى حصل نور : حاضر يادكتور وراحت عند باباها ورمزى واقف على جنب : متزعليش .. أنا هسيبك شوية مع باباكى وسابها وخرج نور فضلت واقفة تبص لباباها من بعيد خايفة تقرب منه خايفة يبعد عنها وتكون دى أخر مرة تشوفه وفى الاخر قربت منه وراحت بايسه على خده ومررت صوابعها على كل مكان فى وشه وهى مسكه دموعها بالعافية قالت: أنت لازم تفوق ..أوعا تستلم ..فوق عشان أنا محتاجاك أوى اليومين دول ..أنت الوحيد اللى بتفهمنى يابابا والله محتاجاك أوى أنا بتعذب يابابا بتعذب أنت عارف لو جرالك حاجة أنا ممكن أموت أمووووت فيها الحاجة الوحيدة المتأكده منها دلوقتى أنى عايزاك جمبى طول العمر وابتدت الدموع تنزل من عينيها فى صمت جمال فتح عينيه وأول حاجة شافها هى دموعها مالك ياحبيتى بتعيطى ليه؟؟ راحت مسحه دموعها وبضحكة ممزوجة بالحزن والقلق قالت: دى دموع الفرح عشان فتحت عينيك وراحت موطية وبايسه كف أيده وقالت : أنا بحبك أوى أوووى وأوعا تعمل كده تانى أوعا تخضنى عليك أحسنلك بدل ماتلاقينى معاك فى أى اوضة جمبك جمال: بعد الشر عليكى نور: أنا هنادى الدكتور يطمنى عليك الدكتور بعد ماشاف كل مؤشرات جمال الحيوية وأطمن قال: هو احسن دلوقتى بس هيفضل فى المستشفى كام يوم لحد مانطمن أنه هيبقا كويس جمال: انا عايز أخرج النهاردة مبحبش قعدة المستشفيات الدكتور: للاسف حضرتك مينفعش تخرج النهاردة ياريت حضرتك تقنعيه وسابهم وخرج ودخل رمزى رمزى: الحمد لله أنك فوقت وطمنتنا عليك ..نور لما سمعت أنك فى المستشفى كانت هتروح فيها بس الحمد الدكتور لسه مطمنى عليك وقال مرحلة الخطر فاتت وهتخرج كمان يومين جمال: انا مقدرش اقعد أكتر فى المستشفى أصل مبحبش ريحة المستشفيات أنا هموت لو قعدت فيها كمان ساعة نور: بعد الشر عليك يابابا معلش عشان خاطرى لازم تسمع كلام الدكاتره وانا هتلاقينى لزقلك طول اليوم أنا مش هسيبك خالص جمال: مينفعش أنتى لسه عروسة والناس يقولو ايه عليكى نور: انا ميهمنيش كلام الناس ..المهم عندى رمزى أنه يوافق أقعد معاك طول اليوم وراحت بصه لرمزى تترجاه بعيونها أنه ميرفضش طلبها موافق ياحبيبى رمزى تنح وهو واقف مكانه وحس بقلبه بيدق جامد : انتى قولت ايه دلوقتى نور: موافق افضل مع بابا اليومين الجايين فى المستشفى رمزى: الكلمة اللى بعد موافق. . لو قلتيها كمان مرة طبعا موافق من غير نقاش نور: موافق ياحبيبى رمزى :طبعا موافق بس ياريت اسمع منك كلمة حبيبى علطول نور: اوف بقا بلاش الكلام ره قصاد بابا جمال وهو بيدعى فى صمت ان بنته تكون سعيدة مع رمزى هو متأكد من حبه ليه وبيدعى انها تحبه ويعيشو مع بعض مبسوطين ..منك لله يافوزية علطول مصيبك ملهاش نهاية بس أعمل أيه فى قلبى بحبك بردو فين ماماتك يانور هيا مش موجودة ليه؟؟ نور وشها جاب ألوان وهى مترددة قالت : مااااما لما سمع بنته صوتها فيه نبرة تردد حس بمصيبة حصلت : قوليلى فوزية فين؟؟ نور فضلت ساكته ومش عايزه تتكلم فرمزى قال : أنا هقولك أصل خالتى خايفة تيجى الاوضة جمال: فوزيه خايفة تيجى ..هو حصل أيه بالظبط رمزى حكى كل اللى فوزية عاملته لحد ماأغمى عليها جمال: طب هيا كويسة دلوقتى رمزى: بومب ياعمى بس هيا محرجة وحسه بالمسئولية جمال: خلاص مادام هيا كويسه خليها تحس بالذنب عالله تعقل شوية رمزى: احنا هنسيبك دلوقتى وهنجى ليك بكرا من أول النهار ..لسه حنحاول نطلع خالتى من الاوضة اللى حبسه نفسها فيها وبعدين هنوديها الشقة بص على نور لاقها واقفة مبتتحركش فقال بصوت عالى : يلى يانور نور قربت من جمال وباسته: خلى بالك من نفسك وهتوحشنى من النهاردة لبكرا نور ورمزى راحو عند فوزية ألاوضة وتحايلو عليها أنها تخرج وتروح شقتها وفى الآخر بعد تعبو معاها واقفت تمشى من المستشفى وفى الشقة عند فوزية وكله قاعد فى الصالون نور قالت لرمزى: خليك قاعد مع ماما شوية لحد ماأجهز ليها الحمام عشانأعصابها تهدى وتنام علطول ودخلت على اوضة ماماتها وفتحت الدولاب تجيب هدوم ..بتمد أيديها شافت تليفونها وتليفون اول مرة تشوفه وهى مستغربة : هو تليفونى بيعمل ايه فى دولاب ماما ..عادى يمكن لما نسيته فماما قالت تخلي معاها وهى مسكة التليفون لقيته مقفول فضعطت عليه عشان يشتغل وأول ماأتفتح وصلت ليها كمية رسايل كتير ورا بعض فمهتمتش ولسه هتحطه من أيديها لفت نظرها نمرة حاتم فتحت الرسايل ويارتها مافتحت شافت كميه رسايل لوم وعتاب وأنها أزاى تخونه وتتجوز واحد غيره والحب اللى بينهم راح فين وليه هى مكنتش بترد على اتصالاته ولا على رسايله وأنه أتخدع فيها وهى متستحقش حبه وأنها واحدة خاينه نور رمت جسمها مرة واحدة على السرير ورمت التليفون على الارض وابتدت تبكى جامد فوزية لما بنتها أتأخرت دخلت ليها شافتها رميه نفسها على السرير وعماله تبكى وتتشنج بصوت مكتوم قربت منها بقلق ورفعت راسها : مالك يابنتى نور رفعت راسها والدموع بتنزل بغزارة : ممكن تقوليلى حكاية الرسايل الموجودة على تليفونى واشارت بأيديها ناحية التليفون المرمى على الارض فوزية وشها جاب ألوان : تليفون ورسايل حاتم أيه اللى بتقولى عليها نور بصت ليها باتهام: أنا مقولتش رسايل حاتم ولا جبت أسم حاتم على لسانى فوزية: لآ قولتى نور: بالله عليكى ياماما بلاش كذب أنا قولت رسايل بس ..بالله عليكى ياماما قوليلى الحقيقة ايه اللى خلى حاتم يبعتلى الرسايل ديه ومين اللى بعت الرسالة المكتوب فيها انى أتجوزت وبلاش يتصل ولا يرن تانى قوليلى بصراحة انتى اللى عملتى كده ولا بابا فوزية ابتدت تبكى: باباكى عمره ماهيعمل كده بلاش تظلميه نور: أنت اللى عملتى كده؟؟ فوزية : أيوه أنا نور أبتدت تبكى جامد وقلبها بيتقطع من خيانه أقرب الناس ليها: ليه ؟؟ ليه عملتى كده؟؟ أنتى دبحتينى عارفه يعنى أيه أم تدبح بنتها فوزية بتحاول تدافع عن نفسها: انا كنت خايفه عليكى كنت عايزه مصلحتك ..أنا مدبحتكيش نور : دبحتينى من جو وأشارت على قلبها ..أنا قلبى بينزف دم قوليلى تقدرى ترجعيلى قلبى زى الاول ياامااام تصدقى لسانى مش قادر ينطقها وبصوت الحزن ساكن جواه ليه كده بس ؟؟ ليه حرام عليكى ؟؟ أنا طول عمرى كنت ليكى البنت المطيعة اللى بتسمع كلامك علطول وراحت قعدة على الارض وضمت رجليها ومسكت راسها ودفنتها بين رجليها جامد واببتدى جسمها يتشنج من البكاء فوزية قعدة على الارض قريب من نور وبندم قالت: سامحينى أنا أفتكرت لو عملت كده وبعدتك عن حاتم هيبقا فى مصلحتك نور وهى لسه دفنه راسها وبين شهقات بكائها: أنت دمرتنى ودمرتى رمزى معايا قوليلى أزى هقدر أعيش معاه بعد اللى عرفتى بعد ماعرفت ان حاتم بيحبنى وعمره مانسانى يوم وكان كل يوم بيتصل بيا قوليلى أزاى هعيش مع رمزى ولو كنت قابلت بالواقع زمان وقولت أحاول أعيش حياتى وأحاول أبقا مبسوطة مع رمزى خلاص انا قررت أطلق من رمزى فوزية بزعيق: لآ متقوليش الكلمة دى على لسانك ..جمال لو عرف هيموت فيها ده لما عرف باللى عملته دخل فى غيبوبة عشان بيحبك وخاف عليكى لما تعرفى ولو بتحبيه بلاش تقوليلو حاجة نور رفعت راسها وبعينين حمرا : بابا أغمى عليه ودخل المستشفى بسبب الموضوع ده فوزية: أيوه هو أول ما عرف طب ساكت على الارض .. لو بتحبى باباكى بلاش سيرة الطلاق الفترة الجاية ولو صممتى على الطلاق ممكن أطلق فيها أنا كمان ويبقا كده جمال أدمر من كل النواحى من بنته ومن مراته اللى هى السبب فى كل المشاكل نور: طب ورمزى هقوله أيه فوزية: أقولى ليه اللى يريحك.. أنا خلاص مش هدخل فى حياتك خالص نور بضحكة هستيرية : هههههههههه مش هتدخلى فى حياتى ماكان من الاول الكلام ده بعد مادمرتى حياتى وحياة رمزى معايا بتقولى مش هتتدخلى فوزية: خلاص يابنتى نور: وماتقوليش يابنتى عشان مفيش أم بتعمل مع بنتاها كده فوزية والدموع فى عينيها قالت : خلاص طيب حاولى تتمساكى اليومين الجايين قصاد باباكى عشان مش عايزه أخسره زى ماخسرتك وهدعى ربنا ان تسامحينى فى يوم من الايام يابنتى نور: أرجوكى متقوليش يابنتى دى تانى فوزية: حاضر مش هقول ياااابنت وراحت صرخة لآ مش هقدر أقولها ودخلت على الحمام جرى وقفلت الباب وراها وسندت بايديها على الحوض وفضلت تبكى بحرقة على الاذى اللى صاب أعز الناس على قلبها بسببها __________________________________________________ ____________________________________ حاتم : انا خلاص قررت هعمل ايه عشان اريح ضميرى ساره: ههههههههه وانت فاكر ان ضميرك هيرتاح لما تتجوزنى انا عمرى ما هسامحك ابدا عمرى ماهسامحك انت كسرت قلبى وكسرتنى عز اول مادخل المكتب قال: هتمضى على العقد الجواز ولا لآ حاتم : همضى عز نادى على فهمى وزميله فى المكتب : كل واحد يجيب بطاقته كل واحد يطلع البسبورويمضى على العقد الموجود على المكتب ..خلاص كل واحد مضى فيكم فهمى وزميله فى نفس واحد : أيوه مضينا ياسيادة السفير عز: أطلع يافمهى برا ومشى اللى معاك وخليك مستنى هنادى عليك تانى وأول ماخرجو قال لحاتم هات البسبور بتاعك يااا حاتم : من غير شتيمه حاتم طلع البسبور ورماه على المكتب عز: أمضى على عقد الجواز وتعالى يازفته أمضى أنتى كمان حاتم وساره مضو هما الاتنين على عقد الجواز حاتم: حضرتك عايز حاجة تانى عز: مش عايز حاجة من وشك بس اول مع العقد يروح مصرلتسجيل واقعة الزواج بالمركز الرئيسى للأحوال المدنية بالعباسية ويتسجل هطلق بنتى يعنى بعد شهرين من دلوقتى حاتم : حاضر حضرتك تؤمرنى بحاجة تانى عز وهو بيبص لحاتم نظرات قاتلة: انت هتستنى كام ساعة لحد ما أخلص الاجراءات وبعدين هديك البسبور وبعد ماتاخد البسبور تسافر علطول مش عايز أشوف وشك تانى قصادى حاتم مشى وطلع على أوضته يجهز شنطته قبلمايسافر النهاردة وطول السكة وهو رايح اوضته وهو عمال يشتم ويسب فى نفسه عز لبنته وبصوت حزين مكسور: أطلعى على أوضتك وياريت مش وشك خالص الفترة الجاية ساره لما شافت نظرة الانكسار والحزن فى وش باباها صعب عليها وقررت تعترف وتقول الحقيقة ولسه هتنطق وتتكلم : بابا عز بزعيق: أمشى أمشى من وشى بدل ما أقتلك وأخلص عليكى ساره خرجت من الاوضه واحساس بالذنب مسيطر عليها وبتقول خلاص وقت الندم فات أتبسطى أنت أنتقمتى من حاتم وخلتيه يتجوزك غصب ..بس بابا ذنبه أيه تعملى فيه كده ؟؟ اللى حصل حصل ماأنا حاولت أقوله الحقيقة وهو مدنيش فرصة ..من حقه يطردك ويخلص عليكى بعد اللى عملتيه وطلعت أوضتها وقفلت على نفسها الباب واحساسها بالذنب مش عايز يفارقها ونامت على السرير وراحت فى النوم وهى نايمة سمعت الباب بيدق فتحت عينيها وبتبص فى الساعة لقيت الدنيا بقيت ليل قامت من على السرير وفتحت الباب لقيت حاتم قصادها حاتم : ممكن أدخل عايز أتكلم معاكى كلمتين ساره: أسفة مش هتدخل والكلام من على الباب حاتم بنبرة أسف: أنا أسف مرة تانية على اللى عملته معاكى ..أنا خلاص مسافر دلوقتى وعايز أقولك كلمتين قبل ما أسافر ساره: أتفضل أقول الكلمتين المحشورين فى زورك اللى أجلت سفرك كام دقيقة عشان تقولهم حاتم وهو مش وافق على بعضه ومتردد يتكلم ساره: أوف بقا هتتكلم ولا أقفل الباب فى وشك حاتم: بصى من الاخر وقطع الكلام واقف ساكت يبص ليها ساره حاولت تقفل الباب راح حط رجله فمعرفتش تقفله فقالت بغضب : شيل رجلك بدل ماأكسرهلك حاتم: مش هتفقلى الباب اللى لما أخلص كلامى ساره: أقول بقا أنت عايز أيه عشان بجد أنا تعبت حاتم: انا عايز أقولك لو فى حاجة حصلت نتيجة الليلة اللى فاتت ياريت تقوليلى وطلع كارت من جيبه فى نمرة تليفونه وقالها الكارت ده فى كل نمر تليفوناتى أتصلى بيا لو فى حاجة ساره وشها جاب ألوان : مش فاهمة انت تقصد أيه بالظبط حاتم : يعنى لو حصل حمل هتقوليلى عشان هتبقى مسئولة منى واللى فى بطنك كمان ساره: ههههههههه فين المسئولية لما حاولت تتهجم عليا ...دلوقتى عايز تبقا مسئول حاتم: لو حصل حمل تبقى تقوليلى مع أنى بدعى من دلوقتى الليلة دى تعدى من غير تداعيات ساره : طب أحب أقولك مفيش حاجة هتحصل ولا فى حمل هيحصل حاتم : وأيه اللى مخليكى متأكده كده ساره : عشان عشان | ||||||||
|  |
|
27-04-18, 03:53 AM
| #12 | ||||||||
| مراقبة عامة ومشرفة منتدى الروايات المنقولة
| الحلقة الحادية عشر ************** ساره: عشان عشان أنت واحد حيوان وامشى من وشى مش عايزه اشوفك مرة تانية حاتم: بجد بتمنى أن يجى يوم وتسامحينى عذرى الوحيد أنى مكتنش فى وعى ساره ردت عليه بسخرية : امبارح مكنتش فى وعيك وقبل كده لما ضحكت عليا ومثلت عليا الحب بردو مكنتش فى وعيك حاتم : شغلى والمهمة اللى اتكلفت بيها كانت بتحتم عليا أعمل كده أنتى كان تحتك مية علامة استفهام وكنا بنشك أن ليكى علاقة بالتنظيم الإرهابى فكنت هعمل أى حاجة عشان إعرف إذ كنتي بريئة ولا متهمة أنا مش هعتذر على تمثلي عليكى أنى بحبك بس الحاجة الوحيدة اللى هعتذر عليها اللى عملته امبارح ساره بقلب مجروح وبصوت حاولت تخليه متماسك : أنت كنت بتمثل عليا الحب بس أنا حبيتك بجد بس أنت عرفت تموت حبى ليك وكل اللى بينا أنتهى.. ده أصلا لو كان فى حاجة بينا وقفلت الباب وسندت ظهرها عليه وبكيت بصوت عالى هو كان لسه واقف متحركش وسمع صوتها وهى بتبكى فى اللحظة دى حس قد أيه أنه ظلمها معاها معاها وهى مكنتش تستحق منه كده وفضل يلعن ويسب الظروف المسؤلة عن تحطيم أنسانة بريئة مشفش منها حاجة وحشة ساره وهى لسه بتبكى سمعت التليفون كل شوية بيرن والمتصل مش بيزهق ومصمم يرن ..مسكت التليفون ولما شافت اسم جوليا حست أنها محتاجة تتكلم معاها وتحكيلها فقالت بصوت باكى : ألو جوليا جوليا:مالك ساسو أنتى باين من صوتك أنك زعلانة وزعلانة أوى ساره: أنا أتجوزت حاتم جوليا : ودى حاجة تزعل أنا عارفة أنك بتحبى حاتم أوى وكان نفسك تتجوزيه بتعيطى ليه؟؟ أكيد بتعيطى من الفرحة جوليا ساكتت شوية وقالت بس معتقدش ده عياط فرحة قوليلى ساره حصل ايه مخليكى حزينة لدرجة دى ساره بحزن وهى بتتكلم بسرعة: أنا عملت مصيبة جولى بس هو يستاهل هو السبب هو اللى خلانى اكذب عليه انا سمعته بينطق اسمها وبيقول بحبك يانور يعنى كنت أسكت ما انا كان لازم أنتقم وأخليه يحس بالذنب جوليا: واحدة واحدة وأتكلمى براحة عشان مفهمتش منك ولا كلمة وخدى نفس عميق الاول وبعدين أحكيلى ساره : أبتدت تحكى الحكاية من ألاول لحد اللى حصل ألنهاردة وهى بتحكى الدموع كانت بتنزل على وشها جوليا صعبت عليها ساره فقالت ليها بصوت كله حزم : بطلى عياط وأمسحى دموعك أنت قوية مش ضعيفة عشان تعيطى هو يستاهل يتعمل فيه اكتر من كده مشاعرك مش لعبة والحب مش لعبة بس بصراحة ياساسو أنا مش عايز أوجعك أكتر بس باباكى صعبان عليا أوى انا مش متخيله هو عامل ايه دلوقتى حاولى تقولى ليه الحقيقة هو أكيد متدمر ساره: أنا حاولت أقوله الحقيقة بس مدنيش فرصة وطردنى من مكتبه ومش عايز يشوف وشى تانى جوليا : لما يهدى حاولى تكلميه وتقوليله الحقيقة ساره: حاضر ياجولى ححاول أقوله الحقيقة جوليا: قوليلى بصراحة ساره انتى لسه بتحبى حاتم ساره سكتت شوية وقالت بصوت كله ألم : أيوه لسه بحبه وعايزه أكرهه مش قادرة مش قادرة وصوتها ابتدى نبرته تعلى مش قادرة جولى مش قادرة أقتل حبى ليه مع أنى متأكده أنه بيحب واحدة غيرى أسمها نور جوليا: قولتلك أهدى شوية وانا هلاقى حل لمشكلتك مع حاتم بس الاول حرام تسيبى عز فى الحالة دى واحكى ليه على كل حاجة وسيبى ليا حاتم ساره : بس بابا قال لحاتم بعد ما العقد يتسجل فى مصروالوثيقة تطلع يبقا يطلقنى جوليا: انت لما تحكى الحقبقة ليه وتقوليلوه أنك متقدريش تعيش من غيره وبلاش يطلب من حاتم انه يطلقك ساره: من غير ما بابا يطلب هو هيطلقنى على طول عشان هو متجوزنى غصب عنه جوليا جوليا : وأنتى عايزاه يطلقك ولا تفضلى متجوازها ساره فضلت ساكته جوليا: ردى ساره أنتى عايزاه يفضل متجوزك ساره ردت عليها بنبرة حادة: أيوه أيوه جولى جوليا : يبقا تسيبى الموضوع ده عليا ساره : هتعملى ايه جولى جوليا: سيبنى أفكر الاول وهبقا أقولك هنعمل أيه ..أروفوار ساره ساره: أستنى جولى متقفليش الا لما تقوليلى هتعملى ايه جوليا: بعدين ساره أروفوار ساره: ارفوار جولى __________________________________________________ ________________________ نور أول ماخرجت من الاوضة قررت هى هتعمل أيه بالظبط وبوجه حزين قربت من رمزى وهو أول ما شافها قام من على الكرسى وقرب منها وقال: متزعليش ياروحى وأن شاء الله عمى هيخف ويقوم ..الدكتور لسه مطمنه على صحته وكلها كام يوم ويخرج من المستشفى وبلاش نظرة الحزن الموجودة فى عينيكى بزعل لمابشوفك حزينة أنا وعدت نفسى أنى أخليكى ديما مبسوطة وبتضحكى نور وبصوت كله حزن قالت: أرجوك بلاش الكلام ده أنت كده بتصعب عليا الكلام اللى هقوله رمزى: مالك يانور وموضوع ايه اللى عايزه تتكلمى فيه معايا نور: ممكن نقعد الاول رمزى بعد ما قعد على الكرس ونور قعدة هى كمان قال: أنا سمعك نور وبتردد قالت: أنا عايزه ننفصل بهدوء من غير مشاكل بس مش دلوقتى بعد مابابا يخف رمزى حس انه قلبه وقف من الصدمة وبصوت حاول يخليه ثابت: يعنى ايه ننفصل؟؟؟ نور: يعنى نطلق رمزى : عايز أعرف سبب طلبك وليه فى الوقت ده بالذات نور: بصراحة يارمزى أنا عشان بقدرك مقدرش أظلمك معايا نور مقدرش يمسك نفسه وبسخرية مريرة قال: هو كل اللى بينا تقدير وبس ..مفيش ولا حظة ولا حتى دقيقة حستى فيها أنك بتحبينى ههههههههه بتقدرينى نور صعب عليها رمزى أوى وشعور بالعجز سيطر عليها ومعرفتش أزاى تقلل من جرحها ليه فقالت بصوت حزين : أنا مبحبكش ومش عايزه أظلمك معايا رد عليها بصوت مشبع بالالم : ليه دلوقتى بالذات أنا عارف كويس أنك مبتحبنيش وقولت لنفسى كفاية أنها وفقت على الجواز وقولت لنفسى أكيد هيجى يوم وتحبنى زى مابحبها..ليه دلوقتى ؟؟ أيه اللى جد فى علاقتنا؟؟ نور: عايز تعرف؟؟ رمزى غصب على قلبه أنه يقول: لو عايزه الطلاق يتم يبقا لازم تكونى صريحة معايا نور: أنا أكتشفت دلوقتى أن حاتم كان بيتصل بيا باستمرار وماما كانت مخبيه عليا وبابا لما عرف دخل فى غيبوبة من الصدمة رمزى: وأنتى لما عرفتى الحقيقة قررتى تطلبى الطلاق نور: أيوه رمزى وقلبه بيتقطع مليون حته : وبعدين هتروحى ليه تطلبى منه أنه يسامحك عشان اتجوزتى راجل غيره أنت فاكره أنه ممكن ينسى ولا يسامح نور: لو مسامحنيش يبقا ده نصيبى وبعد ماعرفت الحقيقة مقدرش أكمل معاك ولو كملت هبقا بخونك فى أفكارى ويبقا كده بظلمك معايا وأنا عمرى ماهكون خيانة حتى لو كانت الخيانة مجرد أفكار بس لو هتقولى أيه اللى جد فى علاقتنا ؟؟زمان كنت بحسب حاتم خاين ومش بيحبنى فقولت أتجوزك وأديك وأدى نفسى فرصة للحب من أول وجديد بس بعد ماعرفت الحقيقة مش هقدر أكمل حياتى معاك سامحنى سامحنى يارمزى وهو بيحاول يمسك أعصابه فقال بنبرة تبان هادية بس من جواه بركان بيغلى : انا أتجوزتك عشان كنت متأكد أنك مسحتى حاتم من قلبك وهتدى نفسك فرصة أنك تحبى من أول وجديد بس دلوقتى خلاص أنا موافق أطلق نور : بجد يارمزى هطلقنى نور بسخرية: أيوه بجد نور : معلش أنا ليا طلب كمان بلاش الطلاق يتم دلوقتى رمزى : أمال عايزه أمتى نور: كمان كام شهر تلات أو أربع شهور لحد مابابا يخف خالص وأكون مهدت ليه موضوع الطلاق رمزى: حاضر يانور ..فى حاجة تانى نور بأحراج قالت : أحنا هنفضل عايشين مع بعض فى نفس الشقة بس كل واحد هينام فى أوضة لوحده وياريت تبين قصاد بابا أننا مبسوطين وبلاش يحس أن فى مشاكل بينا لدرجة دى وصل بنور انها تطلب منى نعيش مع بعض وكل واحد فى أوضة لوحده أه أه منك ياقلبى فقال بصوت حزين : من غير ماكنتى تقولى ده اللى كنت هعمله وأى طلبات تانيه نور وهى زعلانة من جرحها لرمزى بس غصب عنها ده هو الحل الوحيد : لآ مفيش حاجة تانى رمزى : أنا عندى طلب واحد لآ هو أمر مش طلب نور: أطلب منى أى حاجة وهنفذها علطول رمزى: طول ماأنتى مراتى وعلى ذمتى حاتم متحاوليش تتكلمى معاه خالص لحد ماتتطلقى نور: من غير ماتقول ده اللى كنت هعمله رمزى : يبقا أتفقنا خلاص وسابها ومشى وقفل باب الشقة وراه بمنتهى العنف ووقف على السلم فترة ودموعه اللى كنت محبوسة أبتدت تنزل بهدوء | ||||||||
|
| |
|
27-04-18, 03:54 AM
| #13 | ||||||||
| مراقبة عامة ومشرفة منتدى الروايات المنقولة
| الحلقة الثانية عشر ************* حاتم أول مافتح باب الشقة ودخل شاف ماماته قعدة على الكرسى وبتتفرج على التليفزيون ولما شافته قامت من مكانه بسرعة وجريت عليه وأخدته بالحضن وأبتدت تبكى شهيرة: واحشتنى أوى أووووى ياقلبى حاتم : طب أنتى بتعيطى ليه دلوقتى بطلى عياط بالله عليكى واضحكى شهيرة مسحت دموعها وضحكت : واحشتنى حاتم : وأنتى كمان واحشتينى ياست الكل شهيرة : أوعا تسافر تانى عشان بجد واحشتنى أوى مش كفايه أخوك بعيد عنى حاتم: أنا أوعدك الفترة الجايية مش هسافر وحازم كلها كام شهر وبعثته تخلص ويبقا فى حضنك شهيرة : يارب أنتو الاتنين ترجعو فى حضنى تانى حاتم : يارب ياست الكل شهيرة : نفسك اعملك أكل ايه على الغداء ..أعملك مكرونه بالشاميل ولا أعملك ملوخية بالجمبرى ولا أعملك لازانيا ولا أاا وهو بيضحك قال: واحدة واحدة عليا وأى حاجة من أيديك حلوة شهيرة: مقولتش هتتغدا أيه ؟؟ وهو بيتحرك ناحية اوضته قال : ماأنا قولت أى حاجة ياجميل ودخل أوضته وقفل الباب وشهيرة فضلت واقفه فى مكانها زعلانه على أبنها لما يعرف بجواز نور ومحتارة تقوله دلوقتى ولا بعدين فقررت تقوله دلوقتى ..دقت على باب أوضته ودخلت شافته قاعد على السرير ومخبى وشه بأيديه الاتنين شهيرة : مالك يابنى؟؟ رفع راسه لما سمع صوت أمه : مفيش يأمى راحت مقربه وقعدة جنبه على السرير وقالت بحنيه: شكلك فى حاجة مزعلاك ..هو أنا لسه هعرفك ولما أقول فى حاجة مزعلاك يبقا فى حاتم : هقولك بعدين لما أرتاح الاول ..بس قوليلى انتى شكلك عايزا تقولى حاجة شهيرة بان عليها التوتر: لآمفيش حاجة حاتم: عليا بردو ده أنا حفظك ياجميل قولى ومتتكسفيش منى أنا بردو زى أبنك شهيرة: أوف ياحاتم عليك ..أنا كنت عايز أقولك حاجة ورجعت فى كلامى حاتم أخد شهيرة فى حضنه : مش عيب عليكى تقولى رجعت فى كلامى وراح ضحك وقال خلاص أنا عرفت.. جالك عريس ياجميل شهيرة ضربت حاتم باليد على كتفه وهى بتحاول تمسك نفسها عن الضحك : أه جالى عريس موافق حاتم بان على صوته الجدية : أنتى بتتكلمى جد ولا بتهزرى ..قوليلى يبقا مين ؟؟ومن عيلة مين ؟؟ أنا مش موافق شهيرة: ومش موافق ليه؟؟ مش يمكن يطلع أبن ناس وتوافق عليه حاتم: ابن ولا مش أبن ناس مش موافق وده كلامى النهائى شهيرة وهى بتحاول تكتم ضحكتها: الحمد لله أنك فتحت الموضوع لوحدك بجد أنا كنت محتارة أكلمك ولا أفتح معاك الكلام بأنه طريقة حاتم : أنا كنت بهزر بهزررر وخلاص أقفلى على السيرة دى عشان متعصبش شهيرة: انا متأكدة لما تعرف العريس هتوافق علطول حاتم وهو متعصب: وأنا قولت لآ شهيرة ضحكت بصوت عالى ..حاتم بص ليها بأستغراب وقال: ممكن أعرف بتضحى ليه شهيرة: أصل انا مبسوطة أوى حاتم : نعمممم وأيه اللى يبسط فى الموضوع ده شهيرة: شكلك حلو وأنت غيران عليا ..بص من الاخر انا كنت بهزر ومفيش عريس ولا حاجة بس حبيت أنكشك شوية حاتم : مش أمى ولو مغرتش عليكى هغير على مين..بس الحمد لله انك كنتى بتهزرى عشان أنا كنت هعمل جريمة وكنت هموت العريس الوهمى شهيرة بصت لابنها وبحب قالت: وانت صدقت أنى ممكن أتجوز بعد أبوك الله يرحمه وابتدت تسرح وعينيها لمعت بالدموع ..أبوك مكنش فى زيه كان الطيبة والحنية والجدعنة والرجولة وكمان كان زى القمر طول بعرض حاجة تملى العين وتنهدت بصوت عالى ..كانت أحلى أيامى بس للأسف عمر ماالحاجة الحلوة بتفضل علطول حاتم: أيه ده كله ..أيه ده كله أنتى ناقص تكتبى قصيدة شعر شهيرة: صدق فكره حلوة أنا مش هكتب فيه قصيدة شعر أنا هكتب فيه ديوان شعر حاتم : ديوان مرة واحدة لدرجه دى كنتى بتحبى بابا شهيرة: أنا مكنتش بحبه ..أنا كنت بعشقه كلمة حب قليله عليه ..أنت عارف لما مات ساب قلبى مجروح وكل يوم بصبر نفسى وأقول يارب أمتى يجى اليوم اللى هقابله فيه ونعيش مع بعض من تانى ..يبقا أزاى ممكن افكر فى راجل تانى أبوك كان عشقى الوحيد وألاخير حاتم كان أول مرة يسمع ماماته تتكلم كاعاشقة وأول مرة يحس قد أيه هى لسه موجوعة ومجروحة بموت جوزها وهو بيبص ليها شاف وجه حزين فقال: أنا باين عليا قلبت عليكى المواجع وأحنا بقا ياست الكل ملناش شوية من العشق ده شهيرة : انت واخوك كل حياتى وأبوك كمان حاتم: لا بقا كده كتير ..أنا كده بجد هغير يعن لازم أنا وأبوكم كمان شهيرة بابتسامة خفيفة: أيوه عشان هو الاساس حاتم : خلاص براحتك عشان باين عليا مش هخلص من قصيدة الغزل والعشق وقال بصوت فيه شوية حزن أنا نفسى واحدة تحبنى زى حبك لبابا ..حب عمره مايموت أبدا شهيرة مش عارفة ترد تقوله ايه : عايزه أقولك حاجة حاتم : وأنا مستنى من ساعة مادخلتى الاوضة ..ماأنا عارفك ياقمر بؤك ده مبيعرفش يخبى حاجة شهيرة شجعت نفسها : بص انا عايزاك متزعلش وتعرف أن كل شىء قسمة ونصيب حاتم : وبعدين شهيرة اتكلمت بسرعة : نور أتجوزت أول أمبارح وراحت بصت لآبنها بتركير تشوف تأثير الخبر عليه حاتم بوجه جامد خالى من الانفعال قال: أنا كنت عارف شهيرة وهى مستغربة : عرفت ؟؟ طب عرفت أزاااى؟؟ حاتم : بالله عليكى يأمى أعفينى من الاجابة شهيرة : خلاص يابنى مش عايز أعرف وأن شاء الله ربنا يرزقك ببنت الحلال اللى تحبك وتحبها ومتزعلش ياحبيبى وخليك متأكد أن نصيبك لسه مجاش وقامت من جمبه وقالت أروح بقا أعمل الغدا وسابته لوحده مع حزنه وفقدانه لعشقه __________________________________________________ ___________________________ نور كانت قعدة مع ماماته فى الشقة ومكنتش بتكلمها خالص وحتى جمال كان رافض يشوف فوزية نهائى وكان رمزى طول اليومين اللى فاتو كان يبنام فى شقته وأول ما يطلع النهار يروح ياخد نور يوديها المستشفى وأول مايدخلو لجمال يرسمو هما الاتنين ابتسامة السعادة المزيفة رمزى دق على باب الشقة فتحت ليه نور رمزى كل مايشوفها بيحاول يتكلم معاها عادى وبيحاول يخبى جرح قلبه : نور: ..أنت هتفضل واقف برا ماتدخل أعملك فطار الاول وبعدين نروح لبابا رمزى: أنا فطرت خلاص نور: أنا عملت الفطار خلاص رمزى: بعدين أنا قولت بعدين يانور ..أنتى جهزتى ولا لسه نور: خلاص براحتك أنا هجيب الشنطة وبتاعتى وهجى بسرعة ..ماتدخل وتقفل الباب لحد مااجيب شنطتى وهو فضل واقف مكانه مش بيتحرك فقالت براحتك ودخلت تجيب شنطته من اوضته فوزية وعلى وشها علامات الارهاق : باباكى عامل أيه دلوقتى ..هو هيخرج النهاردة ماتردى عليا انتى ساكته ليه نور صعبت عليها ماماتها بس غصب عنها مش قادرة تسامحها فردت عليها بكلمة واحدة: ايوه وسابتها رمزى : خلاص يلى بينا نمشى نور: يلى بينا وهما فى العربية فى طريقهم للمستشفى رمزى وهوبيسوق قال: عمى هيخرج النهاردة نور: أنا مبسوطة أوى أن بابا خف وهيخرج النهاردة رمزى: وبعد ما يخرج هنفضل على الوضع ده ولا هيتغير نور : بعد مانطمن على بابا هروح معاك الشقة وزى ماتفقنا يارمزى بلاش بابا يحس بحاجة رمزى بصوت بيحاول يخليه ثابت : أنا وعدتك وعمرى ماهرجع فى كلمتى نور : أنا مش عايزاك تزعل منى رمزى : وأنا عمرى ماهزعل منك عشان أنتى روحى نور وهى زعلانه من نفسها: مابلاش الكلام ده ..خليك أخ وصديق ليا رمزى: انا نفذتلك كل طلباتك ..متحجريش كمان على كلامى وحكاية خليك أخ وصديق متنفعش عشان انا عمرى مابصيت ليكى على انى أخ أوصديق وبعد ماننطلق ومقدرش يقول كلمة طلاق وقال وبعد ماننفصل كل واحد هيبقا فى حاله وبعدين اعملى اللى انتى عايزاه ..أنا بفكر أصفى كل اعمالى وأسافر برا تانى نور: حرام أسمك أبتدى يكبر فى السوق رمزى : بصراحة يانور أنا رجعت واستقريت فى مصر عشانك وبعد ماننفصل أنا مش هقدر اقعد ساعة معاكى فى نفس البلد ..ده مجرد تفكير مش قرار نهائى نور كلام رمزى دبحها وبتقول لنفسها هى مبحتش رمزى ليه كان هو الاولى بحبها ففضلت ساكته طول السكة لحد ماوصلو للمستشفى فى الاوضة عند جمال جمال: أنا خلاص زهقت أمتى همشى من هنا يانور نور: هانت ياجميل لما الدكتور يجى الاول يكشف عليك ويمضى على أذن خروجك من المستشفى رمزى: كلها ساعة أو ساعتين بالكتير وتروح شقتك وهو بيتكلم قرب من نور ومسك ايديها وشبك صوابعه فى صوابعها وضغط عليها جامد وبص ليها بيتحدها انها تقدر تشد أيديها تحت نظرات جمال المتركزة عليهم نور شافت نظرات باباها ليهم خافت تشد ايديها فقالت لباباها: معلش أصبر شوية الباب دق والممرضة دخلت : الدكتور هيجى دلوقتى ..لو سمحت حضرتك ممكن تنام على السرير عشان الدكتور لما يجى يعرف يكشف عليك جمال: وفى ايه لما يكشف عليا وأنا واقف ردت عليه الممرضة: مينفعش الدكتور يشوف نبضات قلبك والضغط وانت واقف لو سمحت نام على السرير وبعد فترة من المجادلة جمال نام على السرير والدكتور كشف عليه وقال: انا كتبت ليك أذن الخروج بس اهم حاجة أبعد نفسك عن أى توتر اليومين الجايين وطلع دفتر الروشتات وكتب ليها على علاج بص العلاج ده تستمر عليها شهر بانتظام عشان متحصلش ليك أى مضاعفات نور أخدت الروشته من الدكتور : حاضر وانا هتأكد أنه هياخد العلاج بأنتظام بنفسى وبعد ما الدكتور مشى قالت غير لبس المستشفى وألبس عشان نروحك على البيت ..أبسط ياسى بابا خلاص هتاخد أفراج __________________________________________________ __________________________________ أول ماجمال دخل الشقة مع نور ورمزى شاف فوزية واقفة بتبص ليه وعينيها بتترجاه انه يسامحها رمزى : أنا هروح الشركة ولو أحتجتى أى حاجة أتصلى بيا وأخر النهار هعدى عليكى عشان نروح سوا شقتنا ..هتوحشينى الكام ساعة دول ياقلبى نور وهى بتحاول ترسم أبتسامة على وشها : وأنت كمان ياحبيبى هتوحشنى موووت جمال كان مبسوط بالحب اللى أبتدا يكبر بين بنته ورمزى وبيدعى ربنا أنها متعرفش باللى عملته فوزية وكمل طريقه باتجاه أوضة نور نور: دى أوضتى يابابا جمال : أنا ناوى انام فيها نور: وأضتك مالها جمال: أنتى عارفة أن أمك بتشخر بصوت عالى والدكتور قالى راحة تامة وهدوء اعصاب ومعتقدش أن شخير أمك هيهدى أعصابى فاأنا هنام فى أوضتك اليومين الجايين نور كانت عارفة كويس هو عايز ينام ليه فى أوضتها : بس كده ماما تزعل ..أنا قولتلك كتير خليها تعمل عملية اللحمية عشان ترتاح من شخيرها بس انت مرضتش أستحمل بقا جمال: يارتنى كنت خلتها تعملها كان زمانى ارتحت منها أقصدى أرتحت من شخيرها فوزية : عايزنى أعملك أى حاجة جمال رد عليها ببرود: لآ مش عايز أتعبك معايا هبقا أقول لنور ولو أحتجت حاجة فوزية دخلت فى أوضتها وفضلت تعيط وكانت عايز تتكلم مع أى حد ..جاه فى بالها صاحبتها أبتسام مسكت التليفون ورنت عليها: أزيك يا ابتسام واحشتنى أبتسام : وأنتى كمان واحشتنى فوزية بصوت حزين : أنا تعبانه أووووى أبتسام حست بحزن صديقة الطفولة: مالك يافوفو ومين يقدر يزعل القمر فوزية: أنا عملت مصيبة وخايفة جمال يطلقنى فيها أبتسام وهى بتضحك: لآ أنتى بتهزرى أنتى ياما عملتى مصايب وجمال كان بيسامحك ..جمال بيعشقك يافوفو فوزية : أنا خايفة المرة دى ميسامحنيش أبتسام : طب أحكيلى حصل أيه بالظبط فوزية أبتدت تحكى وبعد ماخلصت كلام قالت ومن يوم مادخل المستشفى ولاعايز يشوفنى ولا عايز يكلمنى أبتسام: يامصيبتك يافوزية وعايزاه يكلمك فوزية وهى بتبكى بحرقة: جوزى مش طايق يبص فى وشى ومش طايق يكلمنى أبتسام : بصراحة يافوفو الراجل عنده حق.. أنت باين عليكى أتحسدتى فوزية: يالهووووى أنا كان قلبى حاسس أنى أتحسدت طب قوليلى أعمل أيه دلوقتى أبتسام : فى واحدة قريبتى كان عندها مشاكل مع جوزها وكان هيطلقو راحت لشيخ عمل ليها حجاب لزيادة المحبة وأنا سمعت أن الراجل ده واصل أوى وفى ناس كتير بتعتمد عليه زى رجال الاعمال ولاعيبة الكرة وكمان النائب عبد الحميد بتاع مجلس الشعب راح ليه وعمله حجاب ونجح فى الانتخابات .. أيه رأيك تروحى ليه فوزية وهى مستغربة من كلام صحبتها: أنت مؤمنة بالحاجات دى يابتسام أبتسام: سمعت أن فى ناس كتير راحو ليه وطلباتهم أتنفذت ..فيه أيه لو جربتى فوزية : بصى يابتسام أنا مش مؤمنة بالحاجات دى ومفيش شيخ بيعمل حجاب وكونه بيعمل حجاب يبقا ده عمل من أعمال الشرك بالله عشان الدين نهى عن استعمال الطلاسم والحجابات والتمائم قال النبي الكريم صلى الله عليه وسلم : ( من علق تميمة فلا أتم الله له) أبتسام: ومن أمتى العقل ده كله ..كان فين زمان فوزية : انا كده هزعل منك ومش هكلمك تانى أبتسام : بهزر والله معاكى بس أستغربت من ردك الدينى عليا فوزية : أناا مش جاهلة بأبسط أمو دينى وأقدر اميز بين الدجال والشيخ وده يبقا دجال أه أنا فيا عيوب كتير بس مش مستعدة أرتكب جريمة الشرك بالله أبتسام: بجد أفحمتينى يافوفو بالعقل اللى نزل عليكى مرة واحدة فوزية: هقفل السكة فى وشك أبتسام: خلاص خلاص مش هقول حاجة تزعلك تانى ..أيه رأيك تتصلى بشيخ من الموجودين فى القنوا ت الدينية الفضائية يقولك رقية شريعة للحسد فوزية : فكرة حلوة هبقا اشوف شيخ ثقة وأتصل بيه يقولى أعمل أيه أبتسام : وعندى فكرة كمان أيه رأيك تغيرى من شكلك وتعملى نيولوك جديد تخلى الراجل يتجنن عليكى ويقول حقك عليا فوزية: جمال يدوب صالب نفسه بالعافية أبتسام : عليا بردو الكلام ده جوزك بسم الله ماشاء الله مش باين عليه سن خالص حاجة أخر شياكة فوزية: الراجل تعبان خاااالص ابتسام وهى بتضحك : عليا بردو يافوفو فوزية : ماهو أروكم ده اللى جبنا لى ورا أبتسام : أنا هديكى أسم بيوتى ستنر يجنن هتطلعى منه ولا مارلين مونرو وهقولك علي اسم مول روحي دلعي نفسك فيه عايزاكى تجننى الراجل بس مش دلوقتى أستنى شوية لما يخف عشان ميروحش فى أيدك فوزية: صدقى أنا نفسيتى أرتحت شوية لما أتكلمت معاكى وهعمل كل اللى قولتى عليه أبتسام : يلى بقا سلام عشان توفيق بينادى عليا سلام يافوفو فوزية: مع السلامة يابتسام وقفلت السكةوبسمة خفيفة أترسمت على وشها وقررت هتعمل أيه مع جمال __________________________________________________ __________________________________ ساره: يابابا أسمعنى بس أدينى فرصة أتكلم معاك عز وهو بيزعق: قولتلك أطلعى برا مش عايز أشوف وشك قدامى تانى والدموع بتنزل على وشها وبصوت بيرتجف : أبوس أيديك أدينى فرصة أقولك الحقيقة عز: أنتى عارفة لو مخرجتيش بالذوق هجيب الامن يخرجك بالعافية فأخرجى بالذوق أحسنلك ساره : طب بصلى وبلاش تدينى ضهرك وأنا بكلمك ..يابابا بصلى بس وهى بتتكلم كانت بتبكى بصوت عالى عز : أبصلك أزاى وانا مش طايق أبص فى وشك ساره قربت منه ومسكت أيديه وباستها : سامحنى يابابا عز شد أيديه وضربها بالقلم على وشها ومن شدة القلم وقعت على الارض ساره وهى فى حالة صدمة: أنت أول مرة تم أيدك عليا عز بحزن: ويارتنى كنت مدتها عليكى من زمان بس أنا معرفتش أربى ياخسارة تربيتى فيكى ياخسارة ياخسااارة عز : أقومى من على الارض وأطلعى برا ساره: مش هطلع ألا لما تسمعنى الاول وهى بتحاول تقف أرجوك يابابا أسمعنى عز أتصل بالامن حارس الامن : أفندم ياعز بيه عز شاور على بنته وقال : طلعها برا المكتب الحارس : أفندم أطلع مين عز وهو متعصب : أنت مش بتفهم طلعها برا مكتبى دلوقتى الحرس : حاضر وقرب من ساره وقال لو سمحتى أطلعى معايا وبيحاول يشدها عشان توقف ساره زقت أيده : أنا هقف لوحدى وهى بتتحرك بالعافية ناحية الباب عشان تخرج بصت لعز نظرة كلها ألم وقبل ماتخرج من الباب وقعت على الارض | ||||||||
|
| |
|
27-04-18, 03:56 AM
| #14 | ||||||||
| مراقبة عامة ومشرفة منتدى الروايات المنقولة
| الحلقة الثالثة عشر ************** عز جرى على بنته أول ماوقعت على الارض وبيحاول يفوقها مفيش استجابة وبصوت كله قلق قال للحارس : هات الدكتور بسرعة وشال ساره وطلع بيها على أوضتها عز: بنتى مالها يادكتور طمنى عليها الدكتور: أجهاد وقلة تغذية ..أنا حعلق ليها محاليل مغذية وكمان اهكتب ليها مجموعة فيتامينات وهى محتاجة راحة وأكل صحى مغذى وكلها كام يوم وترجع نشيطة زى الاول وبعد ما الدكتور علق المحلول قاال لعز: أنا هبعتلك ممرضة فى خلال ساعة هتكون موجودة هتاخد بالها من بنت حضرتك لحد عز: شكر ليك يادكتور ..ووصل الدكتور لحد باب الاوضة عز مسك كرسى وقربه من السرير وفضل يبص لساره بحزن ساره لما فتحت عينيها شافت عز نايم على الكرسى وبصوت ضعيف : بابا عز مكنش عايز يروح فى النوم وصحى على صوت ساره فقال بقلق : انتى كويسه ساره : هكون كويسة لو سامحتنى عز ملامح وشه اتغيرت من القلق للغضب: مش وقته الكلام فى الموضوع ده ومن الاخر مش عايزك تفتح السيرة دى تانى ساره بنبرة توسل : أدينى خمس دقايق بس مش عايزا غيرهم وبعد كده مش هفتح السيرة دى تانى عز بعد محاولات ساره أنه يسمعها قال بوجه كئيب : خمس دقايق بس وبص فى ساعته ساره: اخيرا هتسمعنى وقبل ماتخلص الخمس دقايق ساره قالت كل حاجة عز وهو مش مصدق : أنتى أزاى تعملى كده وتخلينى أفكر فيكى بالطريقة دى ومقولتيش الحقيقة ليه وصوته ابتدى يعلى من الغضب أنتى عارفة كان أحساسى عامل أزاى أنا كنت بموت فى اليوم مية مرة لما بفتكر أن بنتى حصل معاها كده ساره: أنا مقدرتش أخبى عنك الحقيقة وبنبرة توسل سامحنى أرجوك سامحنى عز: طب قوليلى ليه كذبتى عليا من الاول ؟؟ ليه ؟؟ ساره: كنت عايزا أنتقم منه عز: عشان عايزا تنتقمى منه تشوهى سمعتك ساره: كان عقلى ملغى ومعرفتش افكر كويس كان كل همى أنتقم منه بعد ماعرفت أنه بيحب واحدة تانية وكان بيمثل عليا الحب وابتدت تبكى عز: أرتحتى لما أنتقمتى ياساره وهى بتبكى جسمها ابتدى يتشنج : لآ مرتحتش مرتحتش عشان لسه بحبه بحبه يابابا وغابت عن الوعى عز: فوقى ياساره ..أنا مسامحك .. أوعى تضيعى منى أنا مش هستحمل كفاية عليا موت والدتك أنا ممكن أموت فيها لو جرالك حاجة __________________________________________________ ___________________________ جمال : أنا بقيت كويس وموضوع أنك تيجى ليا كل يوم وتقضى معايا طول النهار وتروحى على أخر الليل خلاص أنتى لسه عروسة وكتر خير رمزى أنه أستحمل كل ده وقبل بالوضع نور وعينيها مليانه دموع : أنت بتطردنى يابابا جمال وهو بيحاول يكون شديد معاها: لو هتخدى كلامى بالمعنى ده يبقا أيوه بطردك نور: انا عايز أفضل معاك لما تخف خالص جمال: وأنا بقولك بقيت كويس وخلاص مش محتاجك معايا نور: بس يابابا جمال: يابنتى أسمعى كلامى مينفعش تهملى جوزك وهو عشان ساكت ومش بيتكلم أعمل نفسى مش شايف أنه زعلان ومضايق من الوضع الحالى نور: هو أشتكى ليك وقالك أنه مضايق جمال: يابنتى الراجل ولا أكلم ولا فتح بؤه وقال حاجة ومش محتاج يتكلم ..يابنتى انتى لسه مكملتيش شهر جواز وطول النهار ومعظم الليل معايا وهو راجل محتاج مراته تبقا معاه محتاجك معاه نور: رمزى مش مضايق وهو موافق على الوضع ده جمال : أستغفر الله العظيم يابنتى أسمعى الكلام تعبتينى معاكى نور: طب أيه رأيك أجى كل يوم أقعد معاك ساعتين بس جمال: يابنتى عصبتينى ولا حتى خمس دقايق ومن الاخر انتى هتيجى هنا مرة واحدة فى الاسبوع نور: كده والله حرام عليك طب مينفعش تخليها جمال قاطع كلامها : الكلام أنتهى وقام وقف ومشى ناحية أوضتها ومن غير مايبص ليها عشان ميضعفش قال: ويلى من غير مطرود على بيت جوزك نور وهى بتعيط : أنا بتطردنى خلاص أنا ماشية وهجى ليك بعدين زى مانت قولت كمان أسبوع ومن هنا لآخر الاسبوع هتوحشنى وتبقا تطمنى عليك نور راحت على شقتها وأول ماقفلت باب الشقة فقدت السيطرة على اعصابها وقعدة على أقرب كرسى ودفنت راسها بين أيديها ودخلت فى نوبة بكاء شديدة رمزى كان لسه خارج من الحمام ولسه هيلبس سمع صوت فطلع من اوضة النوم عشان يشوف مصدر الصوت جاى منين شاف نور قعدة على الكرسى وبتبكى بصوت عالى قرب منها وبصوت كله قلق : مالك يانور نور من بين دموعها ومن غير ماترفع راسها : بابا طردنى وقالى مش عايز أشوفك رمزى قعد جنبها وأخدها فى حضنها :ششش شششش وفضل يطبطب عليها لحد مابقتيت هادية واستكانت فى حضنه قوليلى حصل أيه بالظبط وهى دفنه راسها فى حضنه: بابا مش عايزنى أروح ليه كل يوم وبيقول كفاية مرة واحدة فى الاسبوع عشان انا لسه عروسه وبيقول كمان أن الوضع مضايقك وأنت مش حابب تتكلم وأنت صعبان عليه رمزى وهو بيتنهد: العياط ده كله عشان كده بس نور هزت راسها وقالت: أيوه رمزى: متزعليش نفسك أنا هبقا أكلمه وهقول ليه أنى مبسوط وأنك تروحى كل يوم ده شىء كويس عشان هبقا طول النهار فى الشغل وأنتى هتكونى قعدة لوحدك فأنا هبقا خايف عليكى تقعدى لوحدك لفترة طويلة أيه رأيك يا فى حجتى اكيد هيقتنع علطول كلمة رنت فى دماغها وخلتها تفوق وتاخد بالها أنها فى حضنه وكمااان هو تقريبا مكنش لابس حاجة وكان كل اللى مغطيه فوطة ملفوفة على وسطها وشها أحمر وجاب ألوان فحاولت تبعد عنه وكل ماتشد نفسها يقربها منه أكتر نور وهى متوترة حاولت تتكلم مقدرتش فرفعت راسها وشافت نظرات الرغبة فى عينيه وشها أحمر اكتر رمزى حضنها أكتر وراح موطى راسه نور وصوتها بيخرج بصعوبة : أنت هتعمل أيه رمزى بصوت مبحوح: أنتى مراتى وهى بتترجاه: وأنت وعدتنى رمزى : وأنا عايز أرجع فى كلامى نور: أرجوك بلاش أنت وعدتنى رمزى كانت رغبته فيها مخلايه أعمى أنه يسمع توسلاتها ورجائها ليه وبصوت كله رغبة قال: أنتى مراتى نور أبتدت تبكى وهى مستسلمه للمساته وهو بين الوعى ولا وعى حس بطعم مالح بين شفايفه فتح عينيه فشاف دموعها بتنزل بهدوء على خدها فاأتصدم من منظر دموعها وده خلاه يفوق من رغبته واشتياقه ليها ويرجع للواقع وحقيقته القاسية أن نور مش بتحبه رمزى بنبرة مهدئة: أنا أسف مش عارف أنا عملت كده أزاى بس عذرى الوحيد أنى بحبك وأشتقت ليكى وأوعدك أن دى هتكون أخر مرة أحاول أفرض نفسى عليكى بالغصب نور حست بالذنب من أعتذاره هو فى الاخر جوزه وليه حق وهى منعته من حقه وبتقول لنفسها : يارب سامحنى نور بتحاول تتكلم بشكل طبيعى : أنا عايزاك أنتى اللى تسامحنى ..غصب عنى أنى أمنع نفسى عنك رمزى بيحاول يدارى زعله: اللى حصل دلوقتى خليكى متأكده أنه مش هيحصل تانى وقام ودخل على أوضته لبس هدومه وخرج من الشقة من غير مايتكلم __________________________________________________ ______________________________________ جمال طول الفترة اللى فاتت كان بيحاول يتجنب فوزية ولاحظ عليها أنها غيرت من شكلها وبقت أحلى من الاول وهو بيحاول يخلى نفسه ثابت على مبدئه ومبدئه كان أنه يفضل بعيد عنها ويتبع أسلوب التجاهل وعدم الكلام عقابا ليها فوزية لما شافت جمال قاعد لوحده وسرحان مع أفكاره قربت منه وقالت بدلع : أيه رأيك فى القميص ده ياجوجو أنا لسه مشتريها أمبارح وهى بتلف حوالين نفسها يجنن عليا جمال: أتلمى شوية وأبعدى عن وشى ..وأيه حركات المراهقين اللى بتعمليها أنتى فاكرة نفسك صغيرة فوزية وهى بتضحك : أيوه صغيرة أنا عندى واحد وأربعين يعنى لسه شباب ..الدور عليك أنت ياحرام عجزت وراحت عليك هههههه ياحرام بص لنفسك وبصلى شايف الخدود الحمرا طبيعى ولا الشعر مفيش ولا شعرة بيضا ولا شايف الجسم ..بص لنفسك بقا عجزت وكل شعرك أبيض جمال وهو سرحان بيقول : هى أحلوت ولا أنا اللى بيتهيئالى فوزية : بتقول حاجة ياجوجو جمال: جوجو فى عينيك ومين ده اللى راحت عليه ..أنت عارفة لو ملمتيش نفسك همد أيدى عليكى فوزية: ههههههههه طب ورينى هتمد أزاى ..ده أنت بتقوم وتقف بالعافية جمال: الكلام ده موجه ليا طب أنا هوريكى همد أزاى فوزية: خلاص متعصبش نفسك ولا تنرفز نفسك عشان صحتك أنت لسه تعبان جمال: بلاش استفزاز وأنتى السبب فى كل الزعل اللى بينا ..أنت بتصرفاتك غير المسئولة بتموتى حبى ليكى فوزية: أنا عايزاك تسامحنى مش كفاية بقالك أكتر من أسبوعين مش عايز تبص فى وشى وتأسفت ليك بدل المرة مية مرة وبردو مصمم تعاقبنى ببعدك عنى ..انا بحبك وبخاف عليك جمال: أنت مش بتحبينى أنتى عايزا تموتنى وتشوفى حياتك فوزية زعلت من كلامه : أنا بردو عايزاك تموت عشان أشوف حياتى ..أنت ياجمال كل حياتى ومقدرش أعيش من غيرك متزعلش منى أنا كنت بهزر معاك كنت عايز أكلمك بأى طريقة ..كنت عايزاك تسامحنى وسابته ومشيت جمال حس بالندم عشان متأكد أن مراته بتعشقه وأنها عمرها ماتتمنى ليه الموت بس الحل أيه؟؟ هى بتجرحنى باستمرار ومش قادر أستحمل ومش عارف هعمل أيه معاها ؟؟ أنا هسيب الايام تداوى الجراح عشان نقدر نكمل حياتنا مع بعض __________________________________________________ _________________________________ جوليا : أيه أخر الآخبار وسيادة السفير عامل معاكى أيه ..لسه بردو الكلام قليل بينكم ساره: أحسن من الاول بابا مكنش بيتكلم معايا خالص جوليا : كويس أنك قولتى الحقيقة ساره: قوليلى جوليا لقيتى حل لمشكلتى مع حاتم جوليا: أيوه لقيت بس جاوبينى الاول أنتى لسه بتحبى حاتم وهى مترددة قالت : أيوه بحبه ومش قادره أكرهه جوليا : يبقا تنفذى اللى أقولك عليه بالحرف الوحيد ساره : هنفذ ايه بالظبط جوليا : أصبرى عليا واسمعنى كويس ..أول حاجة تحاولى تقنعى عز أنك تسافرى مصر ساره قاطعت جولى : أزاى هقنع بابا أسافر مصر جوليا : دى مشكلتك ياساره ..أعملى أى حاجة المهم أنك تسافرى مصر ساره : ححاول جوليا : قوليلى أكيد ساره: خلاص جولى أكيد هسافر وبعدين هعمل أيه؟؟ جوليا قربت منها وطلعت من شنطتها ورقة وقالت: خدى الورقة دى وأول ماتروحى مصر خلى حاتم يشوفها ساره: الورقة مكتوب فيها أيه جوليا : شوفى أنتى فيها أيه ساره مسكت الورقة وبصت فيها وهى مصدومة قالت: يانهار أبيض جوليا: أكلمى بصوت واطى ساره وهى بتهمس : أفرضى عرف الحقيقة مش هفرض ده أكيد هيعرف أنى بكذب عليه جوليا : أنتى وشطارتك بقا تخليها ميقدرش يستغنى عنك ساره : بس دى مغامرة نسبة الخسارة فيها كبيرة جوليا : أنا عندى تغامرى وتجربى حظك بدل ماتفضلى قاعدة هنا تبكى على حبك ليه خليكى مغامرة وجربى يمكن تفوزى ساره: ولو خسرت جولى جوليا: يبقا على الاقل جربتى حظك وعشتى يومين معاه ساره: انا خايفة اوى أعمل المصيبة دى جوليا : ساره خايفة ده أنتى ياما عملتى مصايب وعامله فيها راجل ساره : أنا خايفة عشان بحبه ومش عايزه يكرهنى جوليا: يبقا حاولى تخليه يحبك ..خليه يشوف ساره الحقيقة ساره الجوهرة ساره اللى مفيش زيها ساره وهى متأثرة من كلام صحبتها : هو أنتى شايفنى جوهرة جوليا: أنتى أكتر من كده أنتى صديقتى الوحيدة ساره أخدت جوليا فى حضنها : مش عارفة من غيرك كنت هعمل أيه ..أنا بحبك أوووى جوليا وعينيها بتلمع بالدموع : وأنا كمان وابعدى شوية عنى أنا مش بحب جو النكد ده أنا همشى دلوقتى ساره: خليكى قعدة شوية معايا جوليا: شغلى متعطل وكفاية الوقت اللى ضاع عليكى بس مش خسارة فى صحبتى وقامت وقفت وقالت : أروفوار ساره ساره: أروفوار جولى وبعد ماجوليا مشيت ...ساره راحت لعز المكتب عز وهو متعصب من كلام ساره قام من على الكرسى وخبط بأيديه الاتنين على المكتب وقال: أنتى عايزا تسافرى ل حاتم ساره كانت كانت متوقعة رد فعل عز فحاولت تتكلم بنبرة هادية: يابابا أنا بحب حاتم وهو جوزى أيه المشكله أنى أسافر مصر عز: المشكله أن حاتم مش بيحبك وهى بتتوسل ليه : بس أنا بحبه ومقدرش أعيش من غيره عز : حرام عليكى أنتى كده بتدمرى حياتك ساره: انا مش عايزا أطلق منه أنا عايزا أفضل مراته عز: أنتى مش عايزا تطلقى وهو عايزا يطلقك هتغصبى عليه أنك تفضلى مراته وأفرضى عرف أنه مقربش منك هتعملى أيه ؟؟ ساره: هكون عرفت أخليه يحبنى عز: وأفرضى يابنتى محبكيش ساره: يبقا نصيبى وعلى الاقل جربت عز: وأنا مش موافق أنك تدمرى نفسك ساره كانت مصممة تقنع عز بسافرها وبعد وقت طويل من الاقناع عز وافق ان ساره تسافر مصر وفى النهاية ساره سافرت وأخدت عنوان حاتم من باباها وهى واقفة على باب شقة حاتم أخدت نفس عميق أوى ودقت على الباب مشيرة فتحت الباب: أيوه يابنتى عايزا مين ساره : عايزا حاتم .. هو حضرتك مين مشيرة: أنا مامت حاتم وأنتى تبقى مين يابنتى ساره بتحاول تدارى خوفها وبتحاول تتكلم بهدوء : أنا ساره ممكن أقابل حاتم مشيرة : وعايزاه ليه ساره: ممكن أدخل الاول عشان لسه جايه من المطار على هنا وتعبانة من السفر مشيرة: أتفضلى يابنتى ساره مسكت شنطتها ودخلت بيها جوا الشقة مشيرة: أتفضلى أقعدى يابنتى عقبال ماأقول لحاتم ساره قعدة على الكرسى وهى متوترة منتظرة حاتم يخرج فى أى لحظة وبتحاول تهيىء نفسها لرد فعل حاتم لما يشوفها ولما تقولوه على السبب اللى جابه هنا فى شقته مشيرة فى الاوضة عند حاتم حاتم : خير ياست الكل مشيرة وهى مضايقة: فى بنت برا عايزاك وقولى من أمتى فى بنات بيجو ليك الشقة يسألو عليك خلاص مبقاش عندك أخلاق وهو مستغرب قال : فى بنت موجودة برا بتسأل عليا أنا ..متأكدة أنها عايزانى مشيرة : البنت طلبتك بالآسم حاتم : هى قالتلك أسمها مشيرة : بتقول أسمها ساره عز وهو مصدوم وبعدم تصديق قال: قولتى أسمها ساره عز وتبقا مستنيه برا مشيرة: أيوه متأكده حاتم : يامصيبتك ياحاتم لو اللى فى بالى حصل مشيرة قلقت من رد فعل حاتم : مالك ياحاتم وبتقول ليه كده والبنت دى تبقا مين؟؟ حاتم خرج بسرعة من غير مايرد ساره أول ماشافته رمت نفسها عليه ومشيرة كانت واقفه مصدومة من رد فعل البنت حاتم حاول يبعد ساره عنه وهى مسكه فيه جامد مشيرة: مين دى ياحاتم ؟؟ ساره رفعت راسها من حضنه وبصت ليها وقالت: أنا مراته | ||||||||
|
| |
|
27-04-18, 03:57 AM
| #15 | ||||||||
| مراقبة عامة ومشرفة منتدى الروايات المنقولة
| الحلقة الرابعة عشر *************** مشيرة فى الاوضة عند حاتم حاتم : خير ياست الكل مشيرة وهى مضايقة: فى بنت برا عايزاك وقولى من أمتى فى بنات بيجو ليك الشقة يسألو عليك خلاص مبقاش عندك أخلاق وهو مستغرب قال : فى بنت موجودة برا بتسأل عليا أنا ..متأكدة أنها عايزانى مشيرة : البنت طلبتك بالآسم حاتم : هى قالتلك أسمها مشيرة : بتقول أسمها ساره عز وهو مصدوم وبعدم تصديق قال: قولتى أسمها ساره عز وتبقا مستنيه برا مشيرة: أيوه متأكده حاتم : يامصيبتك ياحاتم لو اللى فى بالى حصل مشيرة قلقت من رد فعل حاتم : مالك ياحاتم وبتقول ليه كده والبنت دى تبقا مين؟؟ حاتم خرج بسرعة من غير مايرد ساره أول ماشافته رمت نفسها عليه ومشيرة كانت واقفه مصدومة من رد فعل البنت حاتم حاول يبعد ساره عنه وهى مسكه فيه جامد مشيرة: مين دى ياحاتم ؟؟ ساره رفعت راسها من حضنه وبصت ليها وقالت: أنا مراته مشيرة وهى مش مصدقة : الكلام ده صح ياحاتم .. ماترد أنت ساكت مش بتتكلم ليه حاتم وهو متردد يتكلم : أيوه صح ساره تبقا مراتى مشيرة الصدمة خلتها مش قادرة تقف ف حاتم حاول يسندها فشدت أيده من عليها وقعدت على أقرب كرسى وقالت بحزن: تتجوز من ورايا ومن غير ماتقول..ياخسارة تربيتى ليك ياخسارة حاتم: غصب عنى الظروف هى اللى أضطرتنى للجوازه دى مشيرة : كنت قولى مش تخلينى على عمايا أعرف بالصدفة وابتدت تدمع أنا كان نفسى أحضر فرحك أنت جرحتنى جامد وهو حاسس بالندم قال: سامحينى ياأمى غصب عنى والله مشيرة: أنت متكلمنيش تانى ولا لسانى هيخاطب لسانك من النهاردة حاتم نظر لساره بكراهية : أنتى أيه اللى جابك هنا ساره حاولت تبان متماسكة ومتضعفش وتكمل التمثلية لحد النهاية : أنا محتاجاك أوى ومش عارفة أعمل أيه؟؟ حاتم نسى تماما وجود ماماته وقال: أنت حامل؟؟ مشيرة صرخت بصوت عالى: يامصيبتك السودة يامصيبتك السودة يامشيرة حاتم : أهدى ياماما شوية ..ماتردى ياسارة ساره بصوت خافت : لآ مش حامل حاتم أتنرفز علىها جامد : ومادام مش حامل جيتى ليه ساره : عشان محتاجاك ومش عارف أعمل أيه حاتم : وأنا مش عايز أساعدك أطلعى برا بالذوق ساره: طب أسمعنى ألاول من فترة أغمى عليا روحت كشفت خوفت أكون حامل عملت تحاليل وكانت النتيجة أنى مصابة بالكانسر وفى مرحلة متأخرة والعلاج فى المرحلة دى مش هيجيب نتيجة حاتم صعبت عليه ساره وحاول يتكلم معاها بهدوء: شوفى دكاتره تانى يمكن تلاقى علاج لمرضك وتخفى ساره نزلت دمعتين بالغصب : أنا بعت التحاليل لآشهر وكانت النتيجة واحدة مفيش أمل وراحت مطلعة ورق التحاليل والاشعة وقالت : خدهم ياحاتم وشوف الدكاتره هيقولو أيه حاتم : وأخدهم ليه؟؟ ساره: تاخدهم عشان أنا مراتك ومسئولة عنك حاتم بيحاول يراعى مرضها وبيكلمها بهدوء: أنتى عارفة ظروف جوازنا وكمان انتى مسئولة من عز ساره:بابا ميعرفش بموضوع مرضى ومش ناويه أقوله حاتم: ومش عايزه تقولى لعز ليه ساره : مش عايزاه يتعذب لما يعرف الحقيقة لما يعرف ان بنته الوحيدة هتموت حاتم : ماهو أكيد هيعرف سارة: انا عندى يعرف بعدين عشان ميتألمش من أنتظار اليوم اللى هموت فيه كلام ساره لمس أحساسه بعمق وحس بالضعف ولكنه بسرعة دفن ضعفه وقال: وبعدين أنتى بتقولى ليا الكلام ده ليه؟؟ ساره : عشان بحبك وعايزه أعيش الباقى من عمرى مع الانسان اللى حبيته حاتم : وأنا مش عايز أظلمك معايا عشان عمرى قلبى ماهيكون ليكى ..أنا قلبى ملك واحدة تانية ساره حست بضربة قاسية أتسددت لقلبها: وأنا مش بطلب قلبك ..كل اللى بطلبه أنى أكون معاك أكون بالقرب منك أشوفك كل يوم كتير عليا؟؟ لآمش كتير انا سامحتك على اللى عملته فيه وأنا بطلب منك المقابل عشان سامحتك حاتم بيحاول يكون حازم فى موقفه: وأنا مش موافق مش هقدر صدقينى تعالى معايا أوصلك اى فندق تنامى فيه وبيحاول يمسك أيديها عشان يخرجها من الشقة ساره وهى بتخبط برجلها بشدة على الارض: أنا مراتك فاهم يعنى ايه مراتك يعنى هنام فى شقة جوزى حاتم صوته أبتدى يعلى : وأنا بقول أطلعى برا مشيرة طول الوقت كانت ساكته وبتسمع الحوار الداير بينهم وأتعاطفت مع ساره وحست من طريقة كلامها ونظراتها لآبنها أن هى بتعشقه مشيرة بصوت عالى : أسكتو أنتو الجوز وكلامى هيتفذ وبصت لحاتم وقالت مش كفاية أتجوزت من ورايا عايز مراتك تبات فى فندق لوحدها وشقة جوزها موجودة وبغض النظر عن ظروف الجوازة دى دلوقتى هى مراتك ومحتاجاك حاتم حاول يتكلم : بس ياأمى مشيرة : قسم بالله لو ماسمعتش كلامى لا أنت أبنى ولا أعرفه حاتم وهو ماسك أعصابه بالعافية : حاضر ياأمى اللى تشوفيه صح أعمليه وخرج بسرعة من الشقة وقفل الباب وراه بعنف مشيرة الدنيا لفت بيها وحست أنها هتغيب عن الوعى فقالت لساره : هاتيلى بسرعة برشام الضغط موجود على التسريحة فى أوضة نومى وشاورت ناحية أوضتها ساره جريت على أوضتها وجابت برشام الضغط بسرعة ووحطيت برشامه الضغط فى بؤ مشيرة وفضلت ساره واقفه جنبها لحد مافاقت ساره : عاملة أيه دلوقتى مشيرة : الحمد لله أحسن ساره وهى حسه بتأنيب الضمير: بجد أسفه على اللى حصل بس عذرى أنى بحب حاتم فوق ماتتخيلى مشيرة : قلبى حس بحبك الكبير ليه ساره: وياريته حاسس مشيرة : معلش يابنتى أصل كان خاطب وكان بيحب خطيبته وخطيبته سابته واتجوزت ساره كانت هتطير من الفرحة لما عرفت أن نور أتجوزت وكده أول عقبة أتزاحت من طريقها فقالت وهى مبسوطة : بجد نور أتجوزت مشيرة : أنتى عارفتى منين أسمها ساره : ممكن تعفينى من الاجابة مشيرة : براحتك بس أنتى صعبانه عليا أوى ..صعبان عليا شبابك ما تحاولى تانى وشوفى أكتر من دكتور يمكن تلاقى علاج يخليكى تخفى ساره حست بالذنب ناحية مشيرة وحست بطبيتها ومرتضتش تكذب عليها وقررت تقولها الحقيقة فقالت : بصراحة أنا مش مريضة مشيرة وهى مذهولة: أزاى يعنى ساره : كل ده كان تمثيل والتحاليل مزورة ..هتقولىلى عملت ليه كده؟؟ هقولك الحب هو السبب حبى لحاتم السبب فى كذبى عليكم مشيرة : أنتى مش خايفة أقول لحاتم على الحقيقة ساره : بجد مش عارفة ايه اللى خلانى أقولك الحقيقة .. مشيرة : أنا هقولك ليه قولتلى ..عشان قلبك وعقلك فكرو كويس وكانو متأكدين أنى مش هقول حاجة عشان شوفت فى عينيكى كمية حب لآبنى تغطى عالم وأنا متأكدة أنك هتكونى أنسب زوجة لآبنى ساره: وأيه اللى مخليكى واثقة فيا مشيرة : قلبى هو اللى بيقول وزى ماأنتى كنت واثقة لما قولتلى الحقيقة ..أنا كمان واثقة من أحساسى ساره من فرحتها حضنت مشيرة وقالت : هتصدقينى لو قولتك أنى حبيتك أوى مشيرة ضحكت : هصدقك متخافيش وتعالى بقا نعمل خطة محكمة تخلى حاتم يلف حوالين نفسه ونشوف هنوقعه فى حبك أزاى بس قبل مانعمل الخطة عايزاكى تحكيلى عن نفسك وأزاى قابلتى حاتم ؟؟ وأزاى أتجوزتم ؟؟ ساره : حاضر وابتدت تحكى مشيرة وهى مش مصدقة: معقولة حاتم أبنى أهتجم عليكى ساره راسها وقالت : أيوه بس مكنش فى وعيه باين عليه كان واخد حاجة مشيرة: أنتى بتحاولى تلاقى ليه عذر ..ده عذر أقبح من ذنب وأنتى كمان غلطانه ياساره أنك تروحى ليه أوضته ساره: محصلش حاجة مشيرة : أنتى تحمدى ربنا أن محصلش حاجة ..بصى ياساره أنا هجهز ليكى أوضة حازم أخو حاتم هتنامى فيها وأول ماحاتم يجى أنا هخليه يقول حقى برقبتى ساره بفضول: هاااا هتعملى أيه مشيرة: عايز تعرفى ساره : أيوه قوليلى بقا مشيرة:أنا متأكدة أنك بتحبى حاتم وأنك هتبقى زوجة مناسبة ليه وبعدين مادام محصلش حاجة بينكم وأنتم مكتوب كتابكم هخليه يعملك فرح وفستان وكوشة ساره من فرحتها قامت حضنت مشيرة أوى وهى مش عارفة تتكلم من الفرحة : أناااا مش عارفة أشكرك أزاى أاانتى طيبة.. ليه بتعملى كده معايا؟؟ مشيرة وهى متأثرة: أول ماشوفتك عرفت أنك أنسانه طيبة ولما كنتى خايفة عليا وجريتى وجبتى دوا وأديتهولى ومحبتى وتقدير ليكى زاد لما أعترفتى بالحقيقة عشان صعبت عليكى تشوفينى مقهورة وزعلانه أنتى عارفة لو خبيثة ولئيمة مكنتيش أعترفتى ليا بالحقيقة وضحيتى بكل اللى عملتيه عشان تقابلى حاتم ساره: أنا مستحقش الكلام الحلو اللى بتقوليه عنى أنا واحدة كذابه مشيرة : أنتى عاشقة والعاشق ممكن يعمل أى حاجة عشان يفوز بقلب حبيبه وأوعى تستسلمى مهما حاتم كان قاسى معاكى عايزاكى تفضلى تحاربيه علطول لحد ماتفوزى بحبه ساره عينيها دمعت : أنا مش عرفه أشكرك أزاى بس عايزه أقولك حاجة انا بحبك مشيرة : خلاص مادام بتحبينى وأنا بحبك يبقا تقوليلى ياماما ساره: أنتى متأكده أنك عايزانى أقولك ياماما مشيرة: مش مرات أبنى تبقى بنتى ..تعالى عشان أوريكى الاوضة يلى ساره حضنت مشيرة وهى بتبكى: حاضر ياماما حاتم رجع الشقة بعد الفجر وكانت مشيرة قعدة مستنياه حاتم : خير ياأمى أول مرة أرجع متأخر الاقيكى مستنيه مشيرة وهى قاعدة فى مكانها قالت: أنت عارف أنا مستنياك ليه ..الحوار اللى حصل من كام ساعة لسه منتهاش حاتم : وأنا راجع مهلك وتعبان ومش قادر اتكلم مشيرة بلهجة أمر: أقعد ياحاتم عشان عايز أتكلم معاك حاتم وهو مضطر قعد جنب أمه: أنا سمعك يأمى أتكلمى مشيرة : أنا الكلام اللى هقوله دلوقتى مش باخد رأيك فيه ..أنا خلاص قررت وأنت هتسمع كلامى وتنفذه حاتم وهو متوجس قال: انا كده قلقت وحاسس أن كلامك مش هيعجبنى مشيرة : بص يابنى ساره طيبة وبنت ناس وحكتلى على كل اللى عملته معاها وده ميرضيش ربنا وكمان البنت بتحبك وبتموت فيك وكمان مش هتعيش كتير وسكتت شوية حاتم : وبعدين مشيرة : ومن حقها تفرح وأنت ظلمتها معاك فأنا قررت أنك هتعمل ليه فرح حاتم : ده على جثتى مشيرة: متقاطعش كلامى والشقة بتاعتك اللى فوق هتعيش فيها أنت ومراتك حاتم: بس دى كانت شقة نور مشيرة: ونور اتجوزت خلاص ومن حقك أنك تتجوز وتعيش حياتك حاتم وهو متنرفز : أعيش حياتى مع واحدة بتموت لدرجادى مش بتحبينى مشيرة : أنا عشان بحبك بعمل كده ولو مسمعتش كلامى مش عايزه أشوف وشك تانى وشوفلك مكان تانى تعيش فيها وتنسى أن ليك أم وده أخر الكلام وأنا هسيبك النهاردة مع نفسك تفكر كويس فى كلامى وهسمع ردك بكرا الصبح عشان ألحق أجهز كل حاجة ومشيت وسابته لوحده حاتم كانت هينفجر من الغضب ومش عارف يعمل أيه قصاد تصميم أمه وبعد فترة مرهقة وطويلة من التفكير قرر أنه يسمع كلام أمه __________________________________________________ _______________________________ فوزية وهى بتتكلم بحزن: هتفضل لآمتى زعلان منى جمال: لما أسامحك الاول فوزية: أنا تعبت ومش قادرة أستحمل الوضع أكتر من كده خلاص مش قادرة جمال : وأنا أكتر منك بس أنتى السبب فوزية: عارفة أنا السبب وأعتذرت ليك كتير وأنت مصصم تتجاهلنى ومصمم متكلمنيش جمال : مش قادر أسامحك زى كل مرة فوزية: أنت متجوزنى وعارف أن دى شخصيتى وطبعى وكملنا حياتنا مع بعض فأنا كده وهفضل كده بس أوعدك أنى أتحكم فى طبعى وححاول على قد ماقدر أنى معملش حاجة تزعلك بس ده مش أكيد عشان دى شخصيتى ومستحيل أنى أتغير دلوقى ..كنت أتغيرت من زمان جمال: أنت ولو مرة حاولت تغيرى نفسك بجد فوزية وهى حزينة والدموع فى عينيها: أنا بقالى أكتر من أسبوع بنام وأنا بعيط لحد ماأعصابى تعبت ومش قادر أستحمل أكتر من كده أنا عرفة كويس انى كل عيوب وحاولت بجد أتغير بس كل مرة بفشل وفى كل مرة بجرحك فاأنا قررت أننا ننفصل بهدوء عشان بحبك أتصدم جمال من كلامها : أنتى أتجننتى فوزية : أنا فكرت كويس فى كلامى قرب منها ومسكها من كتفها وهزاها جامد: لو كنت عايز أطلقك كنت طلقتك من زمان فوزية وهى بتبكى : أنا بحبك ومش عايزه أجرحك تانى جمال: وأنا بحبك بس لازم نشوف حل فوزية : وأنا مش لاقيه حل لجرحى ليك باستمرار جمال وهو بيتنهد : هنلاقى ان شاء الله ولو ملقتش حل يبقى ده نصيبى وهرضى بيه عشان بحبك ومش هلاقى واحدة بطيبتك ولا بحنيتك فوزية : أنا مقدرش أعيش من غيرك جمال: ولا أنا أقدر أعيش من غيرك ..الاسابيع اللى فاتت كانت بالنسبة ليا حجيم فوزية رمت نفسها فى حضنه وهى بتحاول تضحك : وأنا كمان جمال: مش ناوية تفطرينى ولاناوية تجوعينى فوزية : من عيونى هعملك أحلى فطار وجريت على المطبخ جمال وهو بيتنهد وبيقول لنفسه : أمرى لله ..لسه بردو بحبك __________________________________________________ ________________________________ نور كانت واقفه وهى ماسكه كوبايه النسكافيه سرحانه مع أفكارها حزينه من الوضع اللى فيها وبتقول لنفسها حرام عليكى رمزى بيحبك وميستحقش منى المعاملة دى ..رمزى بيعاملنى بمنتهى الرقة والحنية ومن أخر مرة حاول يقرب منى وأنا رفضته محاولش تانى يقرب منى رمزى : نور أتخضت ف كوبايه النسكافيه أتدلقت على أيديها وبصريخ : أااااه يأيدى رمزى شال نور بسرعة وجرى بيها على الحمام وفتح الميه على أيديها وقال : خلى أيديك تحت الميه لحد ما أجيب ليكى تلج وطلع يجرى وجاب التلج وحطها على أيديها وبنبرة خوف قال : أيدك عاملة أيه دلوقتى نور بألم : بتوجعنى جامد وراح شالها بين أيديه ودخل بيها أوضة النوم وقعدها على السرير وقال: ورينى أيديك وبعد ماشافها قال الحمدلله الحرق بسيط نور: بس بيوجعنى جامد رمزى: أنا هنزل أجيب ليكى مرهم للحروق بس خلى التلج على ايديك لحد ماأجى نور: مش هتلاقى صيدلية فاتحة بدرى رمزى : أنا هتصرف وبعد عشر دقايق بالظبط كان رمزى مع نور فى الاوضة وبيحط المرهم على ايديها بتركيز وهى بتبص ليه وشايفة نظارات الخوف والقلق فى عينيه وبعد ماخلص رفع راسها وبص ليها بحب: الالم أخباره أيه؟؟ نور أتحرجت وقالت بصوت خافت: الحمدلله احسن رمزى : قوليلى اتخضيتى ليه من شوية لما قولتلك نور : كنت سرحانه ومش مركزة ف اتخضيت لما أتكلمت رمزى: خلاص المرة الجاية لما أقرب منك هبقا أخبك برجلى جامد على الارض ولا أصفرلك أحسن نور: هههههه مش مستاهلة رمزى: أيوه كده أضحكى وبص فى ساعته وقال ياااااا أنا أتاخرت أوى على الشركة معلش مضطر أسيبك لو محتاجة أى حاجة أتصلى بيا علطول نور: حاضر فى شركة رمزى رمزى وهو بيزعق : أحنا مش قفلنا الكلام فى الموضوع ده ليه بتفتحه تانى حسام : أصل الشركة الاجنبية عرضت علينا عرض جديد هيكسب الشركة ملايين كتير رمزى: وأنا هقولك لو العرض بتاعهم بقا بالمليارت بردو لآ وياريت تبلغهم برفضى حسام : طب قولى أيه السبب لرفضك ده رمزى: عشان دى شركة أنا بشك فيها وخلاص مش هتكلم تانى فى الموضوع ده وأقفل على السيرة دى حسام: خلاص براحتك وأنت حر __________________________________________________ ___________________________________ مشيرة فى الاوضة عند ساره مشيرة: يابنتى ساره : ياماما مشيرة: أقومى وظبطى نفسك والبسى حاجة حلوة ساره: ليه؟؟ مشيرة : ركزى معايا شوية ..أحنا من النهاردة هنتبدى على حاتم الحرب لحد مايسلم ويرفع الرايه البيضا بصى أنا حضرت الفطار لحاتم عايزاكى توديه انتى الاوضة بنفسك وتفضلى معاه بس فى الحدود ساره : مش فاهمة مشيرة : يعنى تشوق ولا تدوق ساره : مش فاهمةبردو مشيرة : لآ ركزى شوية بصى خليه يحس بقيمة الزوجة فى حياتها ..خليه يحس أنه محتاج واحدة فى حياته ساره : وانا عايزاه يحبنى مش مجرد أحتياج راجل للست مشيرة: أنتى لما تبقى مراتى مع الايام هيحبك ..هيبقا فى بينكم حب العشرة اللى بيقا وده الحب اللى بيعيش ساره : نفسى يحبنى زى مابحبه مشيرة : هيحبك بس لما غشاوة حبه لنور تنتهى ..أنتى بقا وشطارتك تنسيه حبه لنور ويخليه يحبك ساره: ولما يكتشف كذبى تفتكرى مش هيكرهنى ويسبنى مشيرة : وأنا رحت فين ..أنا مش هسيبك وهفضل جنبك ساره وهى متأثرة من كلام مشيرة : أنا حسه أنك أمى بجد مش عارفه من غيرك كنت هعمل أيه مشيرة : وانتى بنتى اللى مخلفتهاش ومتخافيش هفضل معاكى ..خدى الصينية الفطار ورحى لحاتم عايزاكى تصدميه ساره: ههههههه ده أنا هخليه يطب ساكت منى مشيرة : بعد الشر عليه ساره : عندك حق بعد الشر عليه ده يبقا حبيبى ساره دخلت الاوضة عند حاتم وحطت صينية الفطار على الكمودينو وقعدة على السرير وقربت راسها من راس حاتم وباسته على خده حاتم صحى وهو مذهول : أنتى بتعملى أيه فى أوضتى ساره بابتسامة واسعة : بقول لجوزى وراحت بيسها مرة تانية حاتم : أبعدى شوية ومتلزقيش فيا كده ولا أقولك أطلعى برا حسن ساره: تؤ تؤ ميصحش تطرد مراتك وماماتك هى اللى قايلى ليا أدخلك الفطار حاتم بصوت خافت : كده يأمى ومن أمتى وأنا بفطر على السرير ساره: بتقول حاجة ياحبيبى حاتم: بت انتى متعصبنيش على الصبح وأنزاحى شويه عايز أقوم ساره: ماتقوم ياحبيبى هو أنا ماسكه فيك حاتم : يعنى مش عايزه تقومى ساره وهى بتهز راسها : تؤ تؤ حاتم : يبقا انتى اللى جبيته لنفسك ساره: لا أنا كده خفت حاتم ومرة واحدة بدل ماساره كانت قعده جنبه لقيت نفسها على السرير وهى تحت وهو فوق ووشه قريب من وشها وقال بقسوة : أنا هخليكى تندمى عشان تبطلى تستفزنى تانى ساره بصوت خافت : وأنا عايز أشوف هتخلينى هندم أزاى ومتبقاش متأكد أوى وراح ماسك أيديه الاتنين ومثبتها وهوبيجز على سنانه قال بغضب : أنا هوريكى | ||||||||
|
| |
|
27-04-18, 04:00 AM
| #16 | ||||||||
| مراقبة عامة ومشرفة منتدى الروايات المنقولة
| الحلقة الخامسة عشر والآخيرة *********************** ساره بصوت خافت : وأنا عايز أشوف هتخلينى هندم أزاى ومتبقاش متأكد أوى وراح ماسك أيديه الاتنين ومثبتها وهوبيجز على سنانه قال بغضب : أنا هوريكى ساره : أوعى تفتكر نفسك انك تقدر عليا ..لو كانت أستسلمت المرة اللى فاتت دى كانت لحظة ضعف منى والصدمة شلت أفكارى وراحت شده أيد ومسددة لكمه فى أنفه حاتم : أااه وفى اللحظة دى قدرت تهرب منه وتفتح باب أوضته ف هو حاول يمسكها سمع صوت ماماته : عايزه حاجة ياسارة ساره: لا مش عايزه حاجة كنت بدخل شوية هوا عشان الجو بقا خنقة شوية وبصت لحاتم مش بردو كلامى صح ياحبيبى وهو بيحاول يسيطر على غضبه : أيوه صح مشيرة : ههههه عندك حق ياساره وبعدين قالت لحاتم متزعلش ساره دى عمله ليك الفطار مخصوص ولو أحتاجتينى فى أى حاجة ياساره نادى عليا أنا قعدة قريب منك ساره: هتفضل واقف كتير يلى بينا عشان أفطرك بأيدى ياجوزى ياحبيبى حاتم بعد مادخل الاوضة : نفسى أتسددت عن الاكل ساره : ماماتك لسه موصياك عليا أطلع برا أقوله أنك زعلتنى ومش عاجبك فطارى حاتم: أنا نفسى أعرف أنتى عملتى أيه لآمى خلتيها توقف معاكى وتبقا فى صفك ..ضحكتى عليا وقولتلها أيه ساره: معملتش حاجة وماماتك أنسانه طيبه وعرفت أنى بحبك بجد ..قولى هتفطر ولا أطلع أقول لماماتك حاتم سكت شوية وبيقول لنفسه : أنت ليه قاسى على ساره هى ذنبها أنها حبيتك وأمى واقفه معاها يبقا أكيد فى حاجة موجودة فى ساره أنا ماشوفتهاش لحد دلوقتى وهى كمان مش صعبانه عليك ..فوق وبطل تبقا أنانى وحاول على الاقل تعاملها كويس عشان خاطر ماماتك على الاقل وبص ليها وقال: هفطر وقعد على السرير وغمس التوست فى المربى وابتدى ياكل وساره وافقه مستغربة من رد فعله ..فمسكت الكرسى وقربته من السرير وراحت قعدة قصاد حاتم وهى ساكته مش بتتكلم بتتفرج عليه وبعد ماخلص أكل قربت منه ومدت صبعها ناحية شفايفه حاتم : بتعملى أيه ساره: بمسح المربى ومدت صبعها قصاده عشان يشوف المربى وراحت لحسه المربى الموجودة على صبعها وقالت : يمممممم صدق المربى طعمها لذيذ أوى حاتم بص ليها مذهول : أيه اللى عملتيه ساره وهى مستمتعة بطعم المربى : صدق المربى طعمها لذيذ وقربت منه وباسته بالقرب من شفايفه اتصدم من تصرفاتها بعد ماكانت هى الضحية الادوار اتعكست وبقا هو الضحية بعد ماكان هو المسيطر حاتم: أنتى أتجنتتى ساره وهى بتبص ليه بحب: أيوه أتجننت بحبك حاتم : أنتى باين معاكى الكلام زى قلته وسابها ودخل الحمام ساره خرجت برا الاوضة مشيرة : قوليلى عملتى أيه ساره : بعد ماحاول يفرض نفسه بس انا اللى استفزته مشيرة : هو حاول يتهجم عليكى ساره هزت راسها : بس وجودك برا عمل فرق كبير وبعد مافطر بوسته .. كان نفسى أصورلك منظر وهو فتح بؤه مذهول مكنش متخيل أنى أعمل كده ..بعد ماكان هو اللى بيهددنى أنا اللى بقيت بهدده ..أنا فرحانه أنا حسه أنى أثرت فيه شوية مشيرة : ولسه مع الايام الجاية ولو تأثر دلوقتى شوية بكرا شويتن ومع الايام أكيد مشاعره هتتغير ناحيتك ساره: يارب ومر شهر وساره كل يوم مع حاتم بتدخل ليه بالفطار وكانت بتهزر معاه وتخليه يضحك ولما يرجع من الشغل كان بيلاقيها مستنياه وكانت مهتميه بيه كزوجة بتخاف على زوجها وساره كانت بتحاول تغريه بأى طريقة عشان تخليه يحس بقيمة الزوجة فى حياته وفى يوم صحى حاتم وأستنى ساره تدخل ليه بالفطار زى كل يوم وفضل مستنى وأخر مازهق قام وخرج برا أوضته مشيرة: عايز حاجة حاتم وهو متردد : فين ساره؟؟ مشيرة : بتسأل ليه؟؟ حاتم : بسأل ياماما هو السؤال حرام مشيرة : أصل أنا مستغربة ..من أمتى وأنت بتسأل عليها حاتم : من النهاردة مشيرة : أًصلها تعبانة شوية وقالت هترتاح حاتم وهو قلقان : تعبانة عندها أيه مشيرة : أنت بجد نسيت ولا عامل نفسك ناسى أن ساره مش هتعيش كتير وكويس أنك أبتديت تسأل عليها وحاول تهتم بيها شوية البنت بتحبك حاتم : أنا هدخل أطمن عليها مشيرة شافت أبنها ماشى ناحية أوضة ساره وبتقول لنفسها باين عليه قلقان أوى وبتدعى يارب يحبها ويعيشو مبسوطين مع بعض والخطة لحد دلوقتى ماشية تمام حاتم بقلق : مالك ياساره ومجبتيش الفطار ليه؟؟ ساره قامت من على السرير وقعدة عليه: أصل عندى شوية أرهاق وبصت ليه بحزن حاتم : أنا لو سكت الاول على الوضع اللى أنتى فيه دلوقتى مش هسكت أنتى لازم تتعالجى ساره: الاحساس اللى حسته من كلامك صح ..أنت خايف عليا وابتدت عينيها تلمع بالدموع وقالت انت لو مرة حسستنى انك خايف وقلقان عليا أرجوك قولى أن أحساسى صح حاتم : أيوه أنا خايف عليكى ولازم تشوفى دكاتره تانية يمكن تلاقى علاج قامت جرى وحضنته جامد : أنت قلقان عليا بجد ورفعت راسها وبصت ليه بحب وعينيها بتقول بحبك لاقى نفسه لاشعوريا بيحنى راسه وغابو هما الاتنين عن الدنيا ومافيها مشيرة دخلت الاوضة واللحظة الحالمة اللى بينهم انكسرت حاتم أتحرك بعيد عنى ساره وأتحكم فى مشاعره بسرعة : أنا خارج مشيرة بعد ماحاتم خرج ضحكت : ده أنتو مكنتوش حاسين بالدنيا ..أنا خبطت على الباب كتير ساره كانت محرجة تتكلم : بلاش بقا الاحراج مشيرة : أخير أبنى أبتدى يحس بيكى ..أنا لما قولت ليه انك تعبانة شوية دخل على اوضتك جرى عشان يطمن عليكى ولسه مع الايام اللى جاية ان شاء الله يحبك ساره : يارب ياماما __________________________________________________ _____________________________________ جمال:انا زعلان منك رمزى: ليه ياعمى جمال: مبقتش بشوفك كتير زى الأول رمزى : غصب عني أنا اليومين دول مشغول وفى مشاكل كتير فى الشركة ومش فاضى خالص وبعد أذنكم أنا هاضطر أسيبكم عشان عندى أجتماع ضروري فى الشركة فوزية: أنت ملحقتش تقعد وبصت لابنتها قولي لجوزك يقعد شوية رمزى بص لنور منتظر ردها بس فضلت ساكته جمال: خلاص خليه براحته يافوزية رمزى : بعد مااخلص شغل هاجى على بالليل أخدك ونروح شقتنا بعد مارمزى مشى جمال بص لبنته وقال : جوزك ماله ؟؟ أنتى زعلتيه فى حاجة؟؟ نور: أبد مزعلتهوش جمال: أمال ماله رمزى.. الأول كان الضحكة مش بتفارق وشه وبقاله فترة بشوفه حزين ومش بيضحك زى الأول قوليلى بصراحة فى مشاكل بينكم وانتى مخبياه عنى نور وهى حسه بالذنب : أبدا يابابا أحنا مبسوطين مع بعض بس هو زى ماأقلك مشاكل فى الشركة فوزية كان قلبها بيتقطع على بنتها عشان عارفة أن نور ورمزى بيمثلو السعادة قصاد جمال وأنهم أتفقو على الانفصال بعد ماجمال يخف وبصت لابنتها نظرات رجاء والعيون اتكلمت حاولى تسامحينى نور بصت ليها بحزن وعينيها أتكلمت مش قادرة وبصت للناحية التانية جمال : مالكم بتبصو لبعض ليه كده؟؟ كأن فى حاجة مخبيانها عليا فوزية قامت من مكانها وقالت وهى بتحاول تضحك : وأحنا من أمتى بنعرف نخبى عنك حاجة ..أنا دخله الاوضة أريح شوية جمال : مالك فى حاجة تعباكى فوزية: مش عارفة حسه أنى مرهقة علطول جمال مسك التليفون : انا هتصل بالدكتور يجى دلوقتى فوزية: مش مستهلة لما أنام شوية هرتاح جمال طب خدينى معاكى نرتاح احنا الاتنين شوية فوزية مدت أيديها لجمال ومسكت أيده وقالت : يلى بينا جمال : عايز حاجة يانور قبل ماندخل ننام شوية نور؛: لأ يابابا عايزه سلامتك وسابو نور قعدة لوحدها حزينة مع أفكارها ومشاعرها المضطربة وأخر ماتعبت قالت : يارب ساعدنى أنا مش عارفة مالى بعد ماكنت متأكدة من مشاعرى ناحية رمزى دلوقتى مش عارفة مش عارفة مالى .. يارب نور بصيرتى عشان تعبت ومش عارفة أنا عايزه أيه وبعد فترة جالها أتصال:ألو مين معايا معاكى مستشفى الامل حضرتك نور نور قلبها أتقبض : أيوه حضرتك تعرفى شخص أسمه رمزى صاحب شركة النور للبرمجيات نور وهى خايفة : أيوه رمزى يبقا جوزى هو عمل حادثة عربية نور أول ماسمعت حادثة التليفون وقع من ايديها وجرية خبطت على أوضة باباها جمال فتح وقبل مايتكلم نور قالت :رمزى عمل حادثة وقبل ماتخلص كلامها جريت على الصالون مسكت شنطتها ولسه هتخرج من باب الشقة جمال بصوت عالى:أستنى دقيقة ألبس أوصلك نور أتكلمت بسرعة : مش هقدر .. مستشفى الامل وخرجت فى المستشفى رمزى كان جسمه كله مجبس وكان نايم وأول مانور دخلت الاوضة وقعدة على الكرسى ومسكت أيديه فتح عينيه رمزى بصوت ضعيف : أنتى حقيقة مش خيال نور: شششش متتكلمش كتير عشان متتعبش رمزى والبنج ماأثر على تركيزه : خليكى معايا أوعى تسبينى أبدا نور : مش هسيبك خالص وهفضل معاك طول العمر وبين الوعى ولا وعى قال: بجد هتفضلى معايا طول العمر نور: أيوه بجد وغمض عينيك ونام ولما تصحى هتلاقينى موجودة رمزى غمض عينيه ونام رمز جمال وفوزية وصلو المستشفى بسرعة ودخلو عند رمزى شافو نور بتعيط من غير صوت ورمزى نايم جمال: نور نور قامت من على الكرسى ورمت نفسها فى حضنه ومن بين دموعها قالت: رمزى كان هيموت ومكنتش هشوفه تانى يابابا كان هيموت جمال: والحمدلله ربنا كتبله عمر جديد وممتش .. وبطلى عياط شوية فوزية وعينيها بتدمع : تعالى فى حضنى يانور وراحت مقربة من جمال وشدت نور فى حضنها وقالت وحشنى حضنك أوى يابنتى نور بصوت خافت أوى: وأنا أكتر..سامحينى ياماما على قسوتى عليكى وأدعى أن رمزى يخف فوزية : هيخف وهيقوم أمينة أول مادخلت صرخت وزعقت لنور: أنتى السبب هو من ساعة ماأتجوزك وحاله أتغير وأنتى اللى خلتيه يعمل الحادثة ماهو أكيد مكنش مركز بسبب النكد أللى معيشاه فيه جمال مسك أيد أمينة وبصوت صارم : الزعيق والصوت العالى مكانه برا المستشفى وخرجها برا الاوضة أمينة وهى بتبكى : أبنى كان هيموت وبنتك هي السبب جمال بيحاول يهدى فيها : قدره أنه يعمل حادثة وكل شيء مقدر ومكتوب وتحمدى ربنا أنه هيقوم من غير مضاعفات أمينة: بنتك هى السبب جمال: أهدى شوية عشان متقوليش كلام تندمى عليه بعدين وتعالى نروح الكافتيريا نشرب ليمون يهدى أعصايك __________________________________________________ ______ حاتم بعد ماخرج من عند سارة قرر انه يعرض تحاليل وأشعة على أكبر الدكاترة المتخصصة فى مجال الأورام حاتم: فى أمل انها تخف يادكتور الدكتور: الورم فى القولون ومش هينفع معاه الجراحة عشان فى مرحلة متأخره وسكت شوية وقال بس العلاج الكيماوى ممكن يجيب نتيجة وأهم حاجة أنها تبتدى العلاج الكيماوى بسرعة حاتم : هى رافضة انها تتعالج الدكتور : حاول تقنعها أن فى فرصة لشفائها حاتم وهو فى المستشفى شاف نور ف حس بمجموعة مشاعر مختلفة ناحيتها قرب منها وقال : أزيك يانور نور أتصدمت وحست أن قلبها مبقاش يدق أول ماتشوفه وتأكدت أن حبها لحاتم أنتهى قالت : الحمد لله ..أسفة مش هقدر أتكلم معاك ولسه هتسيبه وتمشى حاتم : أستنى شوية أنا عايز أقولك حاجة نور: قول بس بسرعة حاتم: عايز أقولك عيشى حياتك عشان اللى بينا لو كان حب حقيقى كان أتحدى الظروف واستمر نور: عندك حق وأنا خلاص قررت أعيش حياتى مع الشخص اللى حبنى واكتشفت أنى حبه هو جوزى حاتم : أنتى حبيتى نور: ومستغرب ليه ..أيوه أكتشفت أنى بحبه لما عمل حادثة وكان هيموت وفى الوقت ده عرفت أنى مقدرش أعيش من غيره ..ياما أستحمل أنانيتى ومشفوفتش منه كلمه وحشه أيوه بحبه وأنا اللى هقولك دلوقتى عيش حياتك واتمسك بالشخص اللى بيحبك عشان عمره ماهيتعوض وسابته ومشيت وقفلت صفحة حاتم من حياتها نهائى حاتم وهو سرحان فى كلام نور وبيقول لنفسه: هى عندها حق أنا عمرى ماحبته وهى كمان محبتنيش وأفكاره راحت لساره وافتكر ضحكها معاه وأزاى كانت بتحاول تخليه مبسوط وهى بقيت فى الفترة اللى فاتت محور أفكاره كله ... ولما روح البيت مشيرة شافته سرحان : مالك ياحاتم حاتم : أبدا مفيش حاجة مشيرة: لآ فى وقول وريحنى حاتم : أنا قابلت نور النهاردة مشيرة قلبها أتقبض : وبعدين حاتم: أول ماشافتها مش عارف أيه اللى جرالى مقدرتش أحدد حقيقة مشاعرى ناحيته أذ كانت حب ولا لآ بس مبقتش أفكر فيها زى ألاول وساره علطول شغله بالى وكنت فى المستشفى النهاردة بعرض حالته على دكتور ..مش عارف أعمل أيه مشيرة : عايزاك تجاوبنى بسرعة من غير ماتفكر ..أنت بتحب نور دلوقتى؟؟ حاتم بسرعة قال : لآ مشيرة: بتحب ساره؟؟ حاتم بسرعة قال: أيوه مشيرة : أهو أنت جاوبت بنفسك لما سبت قلبك يتكلم الاول حاتم : بس يأمى حب مكتوب عليه الموت مشيرة : وليه بتقول كده ؟؟ أنت هتدخل فى علم الغيب حاتم بحزن: ساره بتموت ورفضه العلاج مشيرة: ساره بتحبك ومستعدة تعمل أى حاجة عشان تسمع كلمه بحبك منك حاتم : لو قلت ليها تتعالج هتوافق مشيرة: لو قلت ليها أى حاجة هتوافق بيها علطول ..أدخل قولها أنك بتحبها وفرح قلبها حاتم دق على أوضة ساره ودخل وفضل ساكت يبص ليها كأنه أول مرة يشوفها وبيقول لنفسه: أيوه أول مرة أشوفها بنظرة العاشق لما الغشاوة تتشال من على قلبه ويشوف الحب الحقيقى ساره وهى مستغربة من نظراته وسكوته : فى حاجة؟؟ محتاج منى أى حاجة؟؟ حاتم قرب من ساره : أنا بحبك ساره : هااااا أنت قولت أيه دلوقتى حاتم أخدها فى حضنه وقال : بحبك ياسارة ساره اتصدمت وفضلت ساكته مش بتنطق حاتم : ساكته ليه؟؟ ومرة واحدة ساره دموعها أبتدت تنزل على وشها حاتم وهو بيمسح دموعها : طب بتعيطى ليه ؟؟ ساره الكلام بيخرج منها بالعافية : أناااا مش مصدقه نفسى أخيرااا قولت بحبك ..أنا كنت يأست أنى أسمع كلمة بحبك ..أنا فرحاااانة أووى حاتم : وأنا حزين ساره : هو حبك ليا حاجة تزعل حاتم بصوت حزين : عشان أول ماأكتشفت أنى بحبك أفتكرت أن أيامك فى الحياة معدودة أنا باين عليا مش مكتوب ليا أحب وأعيش العمر كله مع الانسانه اللى حبيتها ساره : كل الكلام الحلو ده ليا ..قولى من أمتى حبتنى حاتم : من خمس دقايق بس ساره: مش فاهمة ..طب أزاى حاتم : لما سألتنى أنت بتحب ساره لقيت نفسى من غير مافكر بقول ساره معرفش لسانى أزاى نطق أسمك أنا كنت بكابر وعاند وبحاول اقنع نفسى أنى بحب نور ومش هحب تانى..جيتى أنتى من غير مااحس سكنتى قلبى ساره : مشيرة طلعت حتة سكره ربنا يخليه ليا حاتم : أنا كلمت دكتور النهاردة عن حالتك وقالى ممكن تخفى على العلاج الكيماوى أرجوكى وافقى على العلاج ساره وهى مترددة تتكلم : انا عايزه أقولك حاجة بس أوعدنى أنك متزعلش منى حاتم : أوعدك مزعلش ساره : أنا مش مريضة ولا حاجة والتحاليل دى مزورة وصحبتى جوليا هى اللى مفبركها ليا ..زعلان منى؟؟وبصت ليه منتظرة رد فعله حاتم ساكت شوية وراح أخدها فى حضنه وفضل يبوس فيها لحد مانفسه راح وقال وهو بيضحك بعد فترة : أعتقد أنى رديت على سؤالك ساره: عايزا اسمعها منك حاتم : أزاى متوقعة أنى هكون زعلان أنى مبسوط أنك سليمة وكل ده عملتيه عشانى ساره هزت راسها : أيوه أنا كنت مستعدة أعمل أى حاجة عشان بحبك __________________________________________________ ________________________________ رمزى كان كل مرة يفتح عينيه يشوف ساره قاعدة معاه وكان بيفوق ثوانى ويروح فى النوم علطول نور كانت مسكه صوابع رمزى السليمة : أنا بحبك وعايزاك تسامحينى رمزى وهو مش مصدق: أنتى بتقولى أيه؟؟ نور : أنت صاحى مش نايم رمزى : هو النايم بيتكلم ده بردو بسؤال.. مردتيش على سؤالى نور قررت أنها تعترف بحقيقة مشاعرها : أنا بحبك ومن غير ماتسألنى وتقول أمتى حبتنى؟؟ أنا عرفت أنى بحبك ومقدرش أستغنى عنك لما عرفت أنك عملت حادثة وممكن تموت عرفت فى اللحظة دى أنى مقدرش اعيش من غيرك وأتاكدت من حقيقة مشاعرى أكتر لما شوفت حاتم فى المستشفى رمزى بغيرة : انا قولتلك متكلمهوش وكان بيعمل أيه فى المستشفى ؟؟ نور: بصراحة معرفش ومهتمتش أساله كان بيعمل أيه وهو اللى أبتدى الكلام معايا وأقول ماشوفته عرفت أنى خلاص مبقتش بحبه وأعتقد أنى عمرى ماحبيته وأنا بحبك أنت رمزى وهو متأثر: تعرفى أنا أستنيت اللحظة اللى بتقولى فيها بحبك من أمتى؟؟ نور: من أمتى ؟؟ رمزى : من زمان أوى ..أنتى تعرفى لو كنت سليم كنت عملت حاجات كتير نور: هههههههههه كنت عملت أيه رمزى : أول حاجة كنت هاخدك فى حضنى وأفضل أبوس فيكى من هنا لتانى يوم بس زى ماأنتى شايفه متجبس ومش قادر أحرك حتى صوابعى نور قربت منه وباسته على خده : أهو حلو كده رمزى : لا طبعا هى دى بوسه ..دى بوسه أخوية أنا عايز البوسه اللى مش أخويه نور وشها أحمر من الكسوف: عيب عليك رمزى : ده طلب بسيط أوى وأهون عليكى تكسرى بخاطرى نور : لآ متهونش وراحت بيسها من شفايفه برقة رمزى : أااه ياقلبى نور بخوف : ماله قلبك رمزى: بيتنطط من الفرحة ودى مش بوسه دى تصبيرة بس أستنى لما أفوق هوريى البوسه الحقيقة أزاى وكمان هعمل شهر عسل نور بكسوف: مش لازم شهر عسل رمزى : لازم ونص أنتى مش متخيله أنا فرحان قد أيه ولازم شهر عسل عايز نفضل مع بعض لوحدنا فترة طويلة وأعوض يومين البصل اللى عيشتنى فيهم نور : يومين بصل بردو رمزى: الايام اللى فاتت كانت بالنسبة ليا جحيم نور وهى حسه بالذنب : سامحنى يارمزى ومتزعلش منى رمزى : أنا عمرى ماهزعل من ..ممكن أطلب من حاجة نور: اقول وأنا هنفذ علطول رمزى وهو بيضحك: مادام هتنفذى علطول يبقا أبتدى أستغل فيكى من دلوقتى هاتى بوسة كمان نور بتمثل أنها زعلانة : أنت عارف أنك كده بتستغلنى عشان مش هقدر أقولك لآ رمزى: بالنظام ده هفضل أستغل فيكى لكام أسبوع قدام وبعدين نور : وبعدين أيه ؟؟ رمزى : هبقا أقولك بعدين أنا هفضل مستنى كتير نور باسته بحب على شفايفه رمزى بحب: أهى دى البوسه ولا بلاش..أمتى أخف وأخلص حقى منك خليكى متأكده مش هسيبكوهخلص حقى منك بس لما أخف نوروشها أحمر من الكسوف: اسكت شويه وبلاش تحرجنى رمزى بخبث : مفيش غير طريقة واحدة تقدرى تسكتنى بيها نور : أنهو طريقة دى بقا اللى هقدر أسكتك بيها رمزى: قربى وأنا أقولك نور قربت وشها من وشه وقالت : أنا مستنيا أقول بقا رمزى : هاتى كمان بوسه نور : أنت بتتكلم جد ..أنت مش شايف شكلك ومنظرك عامل ازاى رمزى: خلاص مش هسكت ومش هنام الا لما اتنفذى اللى قولت عليه نور قربت ووطت راسها والباب اتفتح وجمال وفوزية وأمينة شافو نظرات الحب بين نور ورمزى وكل واحد بيبص للتانى ومش شايف غير نفسه فى عين حبيبه وكان منظرهم جميل كمشهد من روايه حب والباب أتفقل عليهم من غير ماحتى ياخدو بالهم أنه أتفتح من الاساس __________________________________________________ _______________________ عزفت الموسيقى لحن الزفاف أستعداد لدخول العروسين بين هاله من الدخان ومر العروسان من خلالها وارتفعت شهقات الاعجاب حاتم كان لبس بدله سودا وساره بفستان من الدنتيل وكانت ماسكه فى أيد حاتم وسعادة الدنيا مرسومة على وشها عز والدموع فى عينيه: أخيرا شوفتها متجوزة ..شوفتى يامشيرة الضحكة اللى على وشها كأنها ملكت الدنيا مشيرة وهى متأثرة : شوفت لايقين على بعض أوى وهى بتتكلم سمعت صوت كان نفسها تشوفى من زمان حازم أخد مشيرة فى حضنه : واحشتنى ياست الكل أنا جيت من السفر على هنا علطول أنا هروح ابارك للعرسان الاول وبعدين هجيلك ياجميل مشيرة وهى بتدمع وبتقول لعز : ده حاتم اخو حازم أبنى ..أخيرا فرحتى وسعادتى أكتملت النهاردة وكانت رقصة العروسين على لحن فى منتهى الرومانسية عين ساره دمعت وبهمس قالت: أنا حسه انى عايشه فى حلم جميل ومش عايزه أفوق منه حاتم لمس وشها بحنيه وبهمس قال: ده حقيقة مش حلم .. حقيقة أنك هتكونى معايا العمر كله نور همست بحب: أنا مش مصدقه أنى بقيت مراتك ولبسه فستان فرح وبنرقص مع بعض حاتم : أنا حظى حلو عشان أتجوزتك نور: أنا اللى حظى أحلى وأخيرا بقيت ملكى حاتم حس بخبط على كتفه وحازم بيقوله : اللحن خلص من زمان روحتو فين ويلى عشان تقطعو التورته ساره وشها أحمر من الاحراج ف حاتم مسك أيديها وضغط عليها بحنيه وقال ليها : يلى بينا والموسيقى ابتدت تعزف لحن جديد وحازم ناول حاتم السكينة عشان يقطع التورته حاتم مسك أيد ساره وهما الاتنين قطعو التورته مع الحان الموسيقى الهادية والكل فرحان ومبسوط حاتم همس فى ودان ساره : يلى بينا نمشى ساره: ميصحش الفرح لسه فى اوله حاتم : هتلاقى كل مشغول فى البوفيه وخرج العروسان على الحان الموسيقى وقصاد باب الشقة حاتم شال ساره بين أيديه ودخل بيها وقفل برجله الباب وهى دافنه راسها بين كتافه قالت بكسوف : نزلنى بقا حاتم بضحك خبيثة: تؤ ياقمر أنا مش هنزلك هنا أنا هنزلك جو فى أوضتنا حاتم أول ما دخل أوضة النوم خلها تقف على رجلها وشدها فى حضنه ساره رفعت راسها وكانت عينيها مليانه بالدموع حاتم بحنيه :طب قوليلى زعلانه ليه دلوقتى ساره : أنا بحبك أوى وفى سر مخبياه عنك حاتم : سر أيه اللى مخبياه عنى ساره: أصل أصل أنا حاتم : قلقتنى فى أيه ساره: أصل أنا كذبت عليك لما فهمتك أن فى حاجة حصلت بنا ..أنت أغمى عليك ومحصلش حاجة حاتم : أنتى بتتكلمى جد ساره: أيوه وأنا لسه vierge ..أنت زعلان حاتم وبضحكة عاليه : معقولة هزعل من كده أنا فرحان وشال ساره وفضل يلف بيها لحد ماداخ ووقعو هما الاتنين على السرير ساره : يعنى مش زعلان منى حاتم : أنتى كده تبقى عبيطة لو أفتكرتى أنى زعلان أنى مراته لسه زى ماهيا ساره وهى بتمثل الزعل : أنا عبيطة بردو وحاولت تقوم من على السرير حاتم: أنتى رايحة فين وراح شدها وقربه منه وبص ليه بحب : بحبك وساره بهمس : بحبك وغابو هما الاتنين فى عالم تانى ..عالم كله شوق وحب وهيام ***النهاية *** جرح العشاق بقلم سلمى محمد | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
.png)
العرض العادي
