أجنحة بلا ريش / للكاتب طارق لبيب ، سودانية مكتملة

[لامارا]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته نقدم لكم رواية أجنحة بلا ريش للكاتب / طارق لبيب قراءة ممتعة للجميع......

[لامارا]

بسم الله الرحمن الرحيم

السلام عليكم ورحمة الله وبركاته

أجنحة بلا ريش

للكاتب / طارق لبيب

[لامارا]

رابط لتحميل الرواية

https://www.rewity.com/forum/t337373.html#post10855780

الحلقة 1 ..
...
.. كيف الحال ياجماعة كيف احوالكم ..
معاكم شمس الدين احمد . 28 سنة .. اتحصلت شهادة بكلوريوس من اداب الاسلامية . وطبقتها وختيتها في دولاب امي مع فتايل الريحة . ودقشت السوق . واتزوجت واستقريت بدون شهادة . واتعوضت الله في سنيني الضيعتهن فوق الكنب ..
المهم القصة ومافيها ..
سنة 2002 تقريبا في شهر سبعة . الوكت داك انا كنت متزوج لي سبعة شهور من زوجتي الفاضلة نادية .
نحن كنا عايشين في احسن حال .. وحياتي ماشة زي السلام عليكم ..
كنت شغال في شركة بتاع مواد غذائية . وشغلي كويس شديد ..
ومؤجر نص بيت في الحاج يوسف .. شارع واحد .. واسرتي الكبيرة.
ساكنين في دار السلام المغاربة .
امي وابوي .. واخواتي سارة وسناء . واخواني .. صالح والطيب ..
انا بالرغم من اني اوسط الاولاد .. اتزوجت قبل اخوي الكبير صالح
لانو كان مغترب . ورجع من السعوديه بعد ما اتعرض لي مشاكل هناك .. ورجع بي ايديهو فاضية.
وده كمان كانت عندو قصة اغرب من الخيال .. اولا كان في السعودية اشتغل هناك 12 سنة
وكان همو يكون راس مال لي مشروع .. وفعلا كون راس مال .. فكر يستثمر قروشو في السعودية ... وطبعا في السعودية وفي دول الخليج الشغالة بي نظام الكفالة .. بصفة عامة مابتقدر تمتلك موسسة او شركة الا تكون مواظن . ولا قطعة ارض فاضية ..
المهم صالح اخوي عمل شركة ادوية بي اسم الكفيل .. لكن الكفيل كان انسان عديم الضمير .. ونكر اخوي واكل حقو .. وطبعا القانون ماعليهو الا بالاوراق الثبوتية .. وحقوق اخوي راحت (قالب تلج في برميل موية ساخنة ) .. ورجع صفر اليدين ..
ورجع بي حالة نفســـية خلت البيت كلو عايش سنين من الالم والاحـزان ..
وانا اوضاعي كانت كويسه . وفكرت اقيف مع اخوي الكبير واساعدو يستقر ويتزوج . بس لانو حالتوالنفسية ما مستقرة ومامؤهل لي انو يتزوج . ابوي رفض وقال لي تتزوج انت .. وصالح خليهو للايام. لامن تبرى جروحو ..
المهم انا اتزوجت من البت الكنت بحبها تلات سنة . كانت من جيرانا في دار السلام وبعرفها وبعرف اسرتها كويس .. انسانة ممتازة واهلها ممتازين جدا .. اسمها نادية (تبلدي) . ده لقب ابوها ..
واستاجرت هنا وسكنت انا وزوجتي .. واتعرفنا علي الجيران .. وزوجتي كونت صداقات مع الحريم .. وانا كونت صداقات مع الشباب.
المنطقة دي هنا خليط من كل اطياف الشعب السوداني .. ممكن تلقى زول من اقصى الغرب .. والتاني من اقصى الشرق .. والتالت من الشمال وكدا يعني ..
والبرنامج كان ماشي طبيعي .. انا بجي من الشغل زي الساعة 4 بتغدى وبمرق كدا يا على ميدان الكورة .. يا بنقعد انا واصحابي في ضل العمارة القدام في الزلط دي .. ونتونس جم حياة ست الشاي ونمشي
ومرات بمشي الميدان نتفرج ساي .. انا اصلا مابلعب كورة لكن بحب اتفرج ..
وبجي راجع قريب المغرب .. المهم يازول نادية ماكانت رضيانة وكل يوم تتكلم معاي .. يا شمس انت بتجي من الشغل تعبان .. ودمك فاير .. المفروض ترقد في السريرده .. تاخد لك هجسة وتدي جسمك ده راحة .. وياشمسي وياشمسي .. طواااالي كدا ..
نادية سمراء فاتحة . اوقول قمحية عيونا كحييلة طبعة . فارعة وطويلة جسمها مليان عز الطلب ..
حنينة وبكاية . تبكي في الهينة والقاسية .
تتخيل يوم نحن قاعدين . قعدت تبكي براها .. قلت ليها بتبكي مالك يانادية ؟؟
قالت لي لالا بس اتذكرت حاجة .. ماتشغل بالك مافي حاجة .. هسي اكان كلمتك بتقول لي ياعويرة ..
قلت ليها الحاجة شنويانادية ؟
قالت لي اتذكرت المشهد بتاع استشهاد الطفل الفلسطيني محمد الدرة طبعا"الولد ضربو الاسرائيلين قبل سنتين في سنة 2000 وكان محتمي في ضهر ابوهو .. ماعارف نادية الخلاها تتذكرو شنو؟
وبعدين قعدت تبكي بكا حاااار .. التقول بالله الولد مقتول قدامها هسي .. يعني والله عندها حاجات انا ذاتي بستغرب فيها ..
نادية كانت جد رهيبه ..
وقلبها الصادق ودود ..
شايلة من طبع الملايكة ..
وفيها من عبق الورود ..
فيها اشواق صادقة ديمة .
وفيها وجنات في الخدود .
عندها الاحلام بتضحك ..
وعندها المفقود بعود ..
البعيش يوم عندو نادية.
عاش سعيد عمر الخلود.
.
في يوم من ايامنا السعيدة ..دخلت البيت وانا زهجان وقرفان من الشغل . وكانت عندي مشكلة مع واحد زعطة كدا .. في مكان الشغل ..
جات قعدت جمبي .. وقالت لي حبيبي مالك؟
قلت ليها مافي حاجة يا بت ..
قالت لي لو بتعزني تكلمني .. الحصل عليك شنو؟ انت ماطبيعي ..
قلت ليها عليك الله يانادية تحلي عن افكاري .. انا هسي مافاضي ليك .. وقافلة معاي ..
حسيت بيها انقرصت واتحرجت .. لامن بلعت ريقها .. وعيونها خلاص .. بدن يتملن دموع ..
قامت خشت جوة تاني ما اتكلمت معاي ..
انا حسيت باني احرجتها .. وتضايقت جدا .. دخلت ليها جوة لقيتها مقبلة على القبلة وبتدعي .. انا خفتا قلت يمكن بتدعي علي .. لقيتها بتقول ياربي تخفف عليهو وتحميهو ..
طوالي جيتها من وراها وحضنتها من نصها .. وقلت ليها اسف اسف ياحبي اسف ..
اتلفتت علي .. وابتسمت ودمعتها في عينها .. وضمتني عليها ضمة نسيت كل الدنيا من حولي .. بس برضو حاسس بالضيق .. براحة اتخلصت منها .. وقلت ليها سوي الغدا سريع يانادية .. انا عندي مشوار مهم ..
قالت لي كويس بس بشرط ..
سوقني معاك ياشمسي.
قلت ليها بس ماينفع .. انتي تطلعي معاي .. انا ماشي لي ناس كلهم شباب .. وقعدتنا فيها لعب كشتينة .. وسجاير بيع وشراء .. ونسة رجال .. ماينفع تقعد معانا مرة ..
قالت لي خلاص بقعد في محل الحريم .. انتو موش في بيت عوائل ؟
قلت ليها يا نادية اسمعي الكلام عليك الله ..
قالت ليه خلاص خلاص .. ماتهيج فيني .. خلاص خليتك ..
قلت خلاص بمشي .. بس انتي تاني ماتتلايقي كدا.. قالت لي طيب .
واتغديت طلعت .. وكانت بتتبسم وبتعاين لي .. ووصلت معاي لغاية الباب
وقفلت الباب بي وراي ..
كتير مرات بحس اني انا حقير .. ومابستاهل نادية ..
المهم يا حبايب . طلعت مشيت لي اصحابي .. طلعنا على الكورة لغاية المغرب .. ورجعنا الفرن .
بنقعد في حوش بتاع فرن .. في الحلة قريب للشارع . بنفرش مفرشة .. ونخت سيرمس الشاي .. ونجرها لعب كشتينة من المغرب مرات لغاية الساعة واحدة .. وهي تنتظرني لغاية ماتنعس . وتنوم .
مرات اجي القاها نايمة في الكنبة . ومرات القاها بتكنس في البيت عشان ماتنعس ..
ولمن تتكلم معاي في التاخير .. مابرضى وبهيج فيها كتير .. تاني خلتني بي مزاجي ..
لاني قلت ليها اسمعي يانادية .. ماتنتظريني .. وكت اتأخر نومــي ولاتشتغلي بي ..
بقت تتربس الباب من جوة .. عشان لامن اجي انا .. هي تصــــحى وتخت لي العشـــــــــاء وهي بين نايمة وصاحية ..
وانا ماقادر ادرك تعبها .. ولاشغال بالموضوع ده كتير .. بس اهم حاجة .. اعمل الفي راسي وخلاص ..
اها يوم من الايام اتصلو علي ناس البيت بالليل . في دار السلام قالو لي صالح اخوك عامل مشكلة في البيت .
وكانت بتتكلم معاي الوالدة .. قالت لي صالح اخوك ده الا جنا .. لازم تجي نشوف ليهو مستشفى ولا مصيبة زمان .
قلت ليها كدي يا امي اهدي شوية .وفهميني الحصل شنو الكلام ده يمكن قريب الساعة واحدة بالليل ..
قالت لي سارة اختك مشت مناسبة مع صاحباتها ماريا وسمية بتعرفن ؟ قلت ليها ايوة اها وبعدين؟
قالت لي اول من سارة جات .. مع انو البنات وصلوها .. لاعن خشم الباب .
قام صالح وهاج وضربها فوق خشمها لامن رعفت . وبقى يفتش للسكين قال يضبحها .. هسع والله قافلنها منو في الاوضة . وانا وابوك حارسين الباب . عليك الله ياشمس الدين تعال سريع ..
قلت ليها يا امي هسع اجي بي شنو؟.. لافي مواصلات ولا عربية ..
قالت لي المهم تتصرف ياشمش الدين ..
طبعا نادية صحت من النوم .. وبقت تسأل فيني . الحاصل شنو حبيبي ؟؟
قلت ليها ده صالح اخوي عامل مشكلة في البيت .
قالت لي اها ح تمشي ليهم؟
قلت ليها لازم امشي طبعا" .. قالت لي اها انا اقعد براي هنا؟
بخاف لازم امشي معاك .
قلت ليها انتي اصبري انا بتصرف ..
اها عندي صاحبي اسمو سالم .. ساكن في الشارع الورانا .. عندو موتر . مشيت دقيت ليهو الباب .. قلت ليهو ياسالم انا محتاج ليك في حاجتين شديد وهسي .. اولا عايزك توصلني بيتنا بالموتر .. وتانيا عايز ربيعة اختك .. تجي تقعد مع نادية .. لغاية مانرجع ..
سالم زول واجبات وقلبو حديد .. من منطقة في الشايقية اسمها القرير .. قال لي امشي اجهز .. انا هسع بجيب ربيعة وبجيك ..
رجعت وكلمت نادية .. قالت لي خلاص ربنا يوفقك .. اعمل حسابك حبيبي .. صالح ده وكت يكون هايج مابشوف قدامو .. بضرب بي اي حاجة قدامو ..
قلت ليها ماتشيلي هم انا بتصرف ..
وجاء سالم وجاب ربيعه معاهو دخلناهن جوة وقفلنا عليهن الباب من برة . ومشينا ..
وتعال شوف الراجينا في البيت ..
لاحول ولاقوة الا بالله ..

الى اللقاء ..

[لامارا]

ﺍﻟﺤﻠﻘﺔ 2
..
ﻭﺻﻠﻨﺎ ﺑﻲ ﺍﺧﺮ ﻧﻔﺲ ﺳﺎﻟﻢ ﺳﺎﻳﻖ ﺍﻟﻤﻮﺗﺮ .. ﻭﺭﺍﺩﻓﻨﻲ ﻭﺭﺍﻫﻮ .. ﺳﺎﻟﻢ ﻭﺍﻟﻠﻪ ﺯﻭﻝ ﻭﺍﺟﺒﺎﺕ .. ﻳﻌﻨﻲ
ﺗﺼﺤﻲ ﻟﻴﻚ ﺯﻭﻝ ﺍﻟﺴﺎﻋﺔ 2 ﺍﻻ ﺭﺑﻊ .. ﻋﺸﺎﻥ ﻳﻤﺸﻲ ﻣﻌﺎﻙ .. ﻓﻲ ﺍﻟﺰﻣﻦ ﺍﻟﻌﻠﻴﻨﺎ ﺩﻩ ﺻﻌﺒﺔ .. ﺍﻧﺎ ﺑﺮﺍﻱ
ﻛﺎﻥ ﻓﻲ ﺯﻭﻝ ﺩﻗﺎ ﻟﻲ ﺍﻟﺒﺎﺏ ﻓﻲ ﺍﻟﻮﻗﺖ ﺩﻩ.. ﺑﻌﻤﻞ ﺭﺍﻳﺢ ﻃﻮﺍﻟﻲ ..
ﻟﻜﻦ ﻓﻲ ﻧﺎﺱ ﺍﻟﻬﻤﺔ ﻭﺍﻟﺮﺟﺎﻟﺔ ﻣﺄﺻﻠﺔ ﻓﻲ ﺍﻃﺒﺎﻋﻬﻢ .. ﻧﻌﻢ ﺍﻟﺼﺪﻳﻖ ﻭﺍﻟﺼﺎﺣﺐ ﺳﺎﻟﻢ . ﻭﺍﻟﻤﻮﻗﻒ ﺩﻩ ﻣﺎ
ﺡ ﺃﻧﺴﺎﻫﻮ ﻟﻴﻬﻮ ﻃﻮﻝ ﻋﻤﺮﻱ . ﺯﻱ ﻣﺎﻗﺎﻟﻮ ﺍﻟﺮﺟﺎﻝ ﻣﻮﺍﻗﻒ .
ﻭﺻﻠﻨﺎ ﺍﻟﺒﻴﺖ .. ﻭﻭﻗﻔﻨﺎ ﺍﻟﻤﻮﺗﺮ ﺑﺮﻩ .. ﻭﻗﻠﺖ ﻟﻲ ﺳﺎﻟﻢ ﺍﻧﺘﻈﺮﻧﻲ ﻫﻨﺎ ﺑﺮﺓ ﻻﻣﻦ ﺍﻧﺎﺩﻳﻚ ..
ﺩﺧﻠﺖ ﺟﻮﺓ ﻟﻘﻴﺖ ﺍﺑﻮﻱ . ﻣﺎﺳﻚ ﻟﻴﻬﻮ ﻋﺼﺎﻳﺔ ﻗﻌﺮ ﻣﻜﻨﺴﺔ ﻛﺪﺍ .. ﻭﺧﺎﺕ ﻛﺮﺳﻴﻬﻮ ﻗﺪﺍﻡ ﺍﻭﺿﺔ ﺍﻟﺒﻨﺎﺕ .
ﻭﻣﻘﻔﻮﻻﺕ ﺟﻮﺓ .. ﻭﺍﻣﻲ ﻗﺎﻋﺪﺓ ﻫﻨﺎﻙ ﻓﻮﻕ ﻃﺮﻑ ﺳﺮﻳﺮ .. ﻭﺻﺎﻟﺢ ﻫﺎﻳﺞ .. ﻗﺎﻋﺪ ﻓﻲ ﺍﻟﺰﻗﺎﻕ ﺍﻟﻐﺮﺑﻲ
ﺑﺮﺍﻫﻮ ﻓﻲ ﺳﺮﻳﺮ ﺑﺪﻭﻥ ﻟﺤﺎﻑ . ﺩﻩ ﺍﻟﺴﺮﻳﺮ ﺑﺘﺎﻉ ﻏﺴﻴﻞ ﺍﻟﻌﺪﺓ . ﺍﻣﻲ ﻟﻤﻦ ﺗﺠﻲ ﺗﻐﺴﻞ ﺍﻟﻌﺪﺓ ..
ﺑﺘﻜﻔﻲ ﻓﻮﻗﻮ ﺍﻟﻤﻮﺍﻋﻴﻦ .. ﻭﻫﺴﻲ ﻓﻲ ﺍﻟﻘﻌﺪﺓ ﺩﻱ .. ﺻﺎﻟﺢ ﺟﻨﺒﻮ ﺻﺤﻨﻴﻦ ﻭﻛﻤﺸﺔ .
ﺟﻴﺖ ﻗﻠﺖ ﻟﻲ ﺍﺑﻮﻱ .. ﻳﺎﺑﺎ ﺍﻟﺤﺎﺻﻞ ﺷﻨﻮ؟ . ﻗﺎﻝ ﻟﻲ ﺍﻟﺰﻭﻝ ﺩﻩ .. ﺍﻻ ﺍﻧﺎ ﺍﺳﺠﻨﻮ .. ﻭﺍﻟﻠﻪ ﺧﻼﺹ
ﺯﻫﺠﺖ ﻣﻨﻮ ﻛﻠﻮ ﻛﻠﻮ ..
ﻗﻠﺖ ﻟﻴﻬﻮ ﻳﺎ ﺍﺑﻮﻱ ﺻﺎﻟﺢ ﻛﻼﻣﻮ ﺻﺎﺡ .. ﻛﻴﻒ ﻳﻌﻨﻲ ﺍﻟﺒﺖ ﺗﺠﻲ ﺩﺍﺧﻠﺔ ﺍﻟﺒﻴﺖ ﺍﻟﺴﺎﻋﺔ ﻭﺍﺣﺪﺓ؟؟ .. ﻭﺍﻧﺘﻮ
ﺍﻻﺗﻨﻴﻦ ﻗﺎﻋﺪﻳﻦ ﻓﻲ ﺍﻟﺒﻴﺖ؟؟ .. ﺍﻟﺤﻜﺎﻳﺔ ﺩﻱ ﻏﻠﻂ ..
ﻗﺎﻝ ﻟﻲ ﻳﺎﻭﻟﺪﻱ ﺍﻟﺒﺖ ﻣﺸﺖ ﻣﻊ ﺭﻓﺎﻗﺘﻬﺎ ..
ﻗﻠﺖ ﻟﻴﻬﻮ ﻳﺎ ﺍﺑﻮﻱ ﺭﻓﺎﻗﺔ ﺷﻨﻮ؟ ﻫﻮ ﺍﻟﺒﺠﻴﺐ ﺍﻟﻤﺼﺎﻳﺐ ﺷﻨﻮ ﺑﻼ ﺍﻟﺮﻓﺎﻗﺔ ﺩﻳﻞ؟ ..
ﺍﻟﺒﻠﺪ ﺑﻘﺖ ﻛﻌﺒﺔ ﻭﺍﻟﻠﻪ .. ﻭﺻﺎﻟﺢ ﻣﻌﺎﻫﻮ ﺣﻖ ..
ﺻﺎﻟﺢ ﻗﺎﻋﺪ ﺑﻲ ﻏﺎﺩﻱ ﺳﻤﻊ ﻛﻼﻣﻲ .. ﻃﻮﺍﻟﻲ ﺟﺎ ﺑﻲ ﺟﺎﻱ .. ﻗﺎﻝ ﻟﻴﻬﻮ ﺃﻫﺎ ﺷﻔﺘﺎ ﻳﺎ ﺣﺎﺝ ؟.. ﺍﻧﺖ
ﻗﺎﻳﻞ ﺷﻤﺲ ﺍﻟﺪﻳﻦ . ﺑﺴﻤﻊ ﻛﻼﻡ ﺍﻟﺤﺮﻳﻢ ؟
ﺍﻧﺎ ﻃﺒﻌﺎ ﺍﺗﻀﺎﻳﻘﺖ ﻣﻦ ﻛﻼﻡ ﺻﺎﻟﺢ .. ﻗﻠﺖ ﻟﻴﻪ .. ﻳﺎﺻﺎﻟﺢ ﺍﺣﺘﺮﻡ ﻧﻔﺴﻚ ﺍﻧﺖ ﺑﺘﺘﻜﻠﻢ ﻣﻊ ﺍﺑﻮﻙ .
ﻗﺎﻝ ﻟﻲ . ﻗﺒﻞ ﻣﺎﺗﺘﻜﻠﻢ ﻣﻌﺎﻱ ﺍﻧﺎ .. ﺍﺗﻜﻠﻢ ﻣﻊ ﺍﺑﻮﻙ .. ﻭﺍﻟﻠﻪ ﺍﻧﺎ ﻟﻮ ﻣﺎﻛﻨﺖ ﻗﺎﻋﺪ ﻓﻲ ﺍﻟﺒﻴﺖ ﺩﻩ ..
ﺍﻟﺒﻴﺖ ﺩﻩ ﻛﺎﻥ ﺿﺎﻉ ..
ﺍﺑﻮﻱ ﻗﺎﻝ ﻟﻴﻬﻮ ﻳﻀﻴﻊ .. ؟ ﻭﻣﺎﻟﻮ ﺍﻟﺒﻴﺖ ﻣﺎﺿﺎﻉ ﻗﺒﻞ ﺍﻧﺖ ﻣﺎﺗﻜﺒﺮ ﻭﺗﺮﺑﻲ ﻟﻴﻚ ﻓﻘﺮﺓ ﻭﺳﻜﻨﻜﻴﺘﺔ؟؟ ..
ﺍﻟﺴﻜﻨﻜﻴﺘﺔ ﺩﻱ ( ﺳﻨﺎﻡ ﺍﻟﺘﻮﺭ ﺍﻟﺒﻜﻮﻥ ﻓﻮﻕ ﺍﻟﻜﺘﻔﻴﻦ. )
ﺻﺎﻟﺢ ﺩﺍﻳﺮ ﻳﺘﻜﻠﻢ .. ﺍﻧﺎ ﺣﺎﻭﻟﺖ ﺍﺳﻜﺘﻮ .. ﻗﻠﺖ ﻟﻴﻬﻮ ﻟﻮ ﺳﻤﺤﺖ ﻳﺎﺻﺎﻟﺢ .. ﺍﺳﻜﺖ ..
ﻭﺍﺑﻮﻱ ﻟﺴﻊ ﻣﻮﺍﺻﻞ ﺑﺘﻜﻠﻢ .. ﻗﺎﻝ ﻟﻲ ﺑﺲ ﺍﻟﺰﻭﻝ ﺩﻩ .. ﻣﻦ ﺍﻟﻠﻴﻠﺔ ﻣﺎﻳﻘﻌﺪ ﻣﻌﺎﻱ ﻓﻲ ﺍﻟﺒﻴﺖ ﺩﻩ ..
ﺷﻮﻑ ﻟﻴﻬﻮ ﺻﺮﻓﺔ .. ﻭﻻ ﺍﻧﺎ ﻭﺍﻟﻠﻪ ﺑﺠﻴﺐ ﻟﻴﻬﻮ ﺍﻟﺒﻮﻟﻴﺲ ..
ﻗﻠﺖ ﻟﻴﻬﻮ ﻟﻜﻦ ﻳﺎ ﺍﺑﻮﻱ ﻳﻌﻨﻲ ﺻﺎﻟﺢ ﻳﻤﺸﻲ ﻭﻳﻦ .؟
ﻗﺎﻝ ﻟﻲ ﻣﺎ ﺑﻌﺮﻑ .. ﺑﺲ ﻣﺎﻳﻘﻌﺪ ﻣﻌﺎﻱ ﻫﻨﺎ ﻭﻻﺩﻗﻴﻘﺔ ..
ﺍﻧﺎ ﺍﺗﻠﻔﺖ ﻋﻠﻰ ﺻﺎﻟﺢ .. ﻗﻠﺖ ﻟﻴﻬﻮ ﺷﻔﺖ ﻳﺎﺻﺎﻟﺢ ﻣﻌﺎﻟﺠﺔ ﺍﻟﻤﻮﺍﺿﻴﻊ ﺑﺎﻻﺳﻠﻮﺏ ﺍﻟﻐﻠﻂ .. ﻣﺎ ﺑﺘﻌﺎﻟﺞ ﺍﻟﻐﻠﻂ
ﺍﺻﻼ "
ﻳﻌﻨﻲ ﺍﻧﺖ ﻣﻦ ﺍﻟﻠﻴﻠﺔ ﺣﺘﻜﻮﻥ ﺑﺮﺓ ﺍﻟﺒﻴﺖ .. ﻭﺳﺎﺭﺓ ﻭﻏﻴﺮﻫﺎ ﻳﺸﺘﻐﻠﻦ ﺑﻲ ﻣﺰﺍﺟﻦ ..
ﺍﺑﻮﻱ ﻋﺎﻳﻦ ﻟﻲ ﻛﺪﺍ .. ﻭﻗﺎﻝ ﻟﻲ ﺩﻩ ﺍﻧﺖ ﺍﻟﺠﺎﺑﻮﻙ ﻓﺰﻉ ؟
ﺍﻧﺘﻮ ﺷﺎﻳﻔﻴﻨﻲ ﺍﻧﺎ ﻣﻴﺖ ﻭﻻ ﻣﺎﺭﺍﺟﻞ .. ﺳﻮﻕ ﺍﺧﻮﻙ ﺩﻩ ﻭﺍﻃﻠﻌﻮ ﻣﻦ ﻫﻨﺎ ..
ﺍﻧﺎ ﻗﻠﺖ ﻟﻴﻬﻮ ﺩﻗﻴﻘﺔ ﻳﺎ ﺍﺑﻮﻱ ﺍﻫﺪﺃ .. ﺧﻠﻴﻨﻲ ﺍﺗﻜﻠﻢ ﻣﻊ ﺳﺎﺭﺓ ..
ﺩﺧﻠﺖ ﻟﻘﻴﺘﻬﺎ ﺭﺍﻗﺪﺓ ..
ﻭﺍﺧﺘﻬﺎ ﻗﺎﻋﺪﺓ ﻓﻲ ﻃﺮﻑ ﺍﻟﺴﺮﻳﺮ .. ﻭﺧﺎﻳﻔﺔ ..
ﻗﻠﺖ ﻟﻴﻬﺎ ﺳﺎﺭﺓ ﺩﻩ ﺷﻨﻮ ﺍﻟﺒﺘﻌﻤﻠﻲ ﻓﻴﻬﻮ ﺩﻩ؟؟ ﻟﻴﻪ ﻣﺎ ﺳﻘﺘﻲ ﻣﻌﺎﻙ ﺍﺧﺘﻚ؟؟
ﻭﻟﻮ ﻛﻠﻤﺘﻲ ﺻﺎﻟﺢ ﻛﺎﻥ ﻣﺸﻰ ﻣﻌﺎﻙ .. ﻭﺟﺎﺑﻚ ﺭﺍﺟﻌﺔ .. ﻭﺩﻩ ﻛﻠﻮ ﻣﺎﻛﺎﻥ ﺣﺼﻞ ..
ﺍﺑﺖ ﺗﺮﺩ ﻋﻠﻲ ..
ﻗﻠﺖ ﻟﻴﻬﺎ ﻳﺎﺑﺖ ﺍﻧﺎ ﺑﺘﻜﻠﻢ ﻣﻌﺎﻙ ..
ﻗﺎﻣﺖ ﺳﻨﺎﺀ ( ﺍﺧﺘﻲ ﺍﻻﺻﻐﺮ ) ﻗﺎﻟﺖ ﻟﻲ ﻣﻦ ﻗﺒﻴﻞ ﺑﺘﻜﻠﻢ ﻣﻌﺎﻫﺎ ﻣﺎﺑﺘﺮﺩ ..
ﻃﻮﺍﻟﻲ ﺍﻧﺎ ﻗﺮﺑﺖ ﻋﻠﻴﻬﺎ .. ﻭﻟﻜﺰﺗﻬﺎ ﻛﺪﺍ ﻣﻦ ﻛﺘﻔﻬﺎ .. ﻭﺑﻘﻮﻝ ﻟﻴﻬﺎ ﺍﻧﺎ ﺑﺘﻜﻠﻢ ﻣﻌﺎﻙ .. ﻭﻫﻲ ﺯﻱ
ﺍﻟﻤﺎﻭﺍﻋﻴﺔ ﻛﺪﺍ ..
ﻗﻠﺒﺘﻬﺎ ﺟﺎﻱ ﻭﻗﻠﺒﺖ ﻫﺎﻱ ﻟﻘﻴﺘﻬﺎ ﺷﺒﻪ ﻣﻴﺘﺔ .. ﺑﺲ ﺑﺘﺘﻨﻔﺲ ﺑﻲ ﺳﺮﻋﺔ .. ﻭﻗﺒﻠﺒﻬﺎ ﺑﻀﺮﺏ ﺑﺴﺮﻋﺔ ﺷﺪﻳﺪﺓ
..
ﺟﻴﺖ ﺑﺮﺓ ﻟﻲ ﺍﺑﻮﻱ ﺑﻲ ﺳﺮﻋﺔ .. ﻗﻠﺖ ﻟﻴﻬﻮ ﺍﺑﻮﻱ ﺗﻌﺎﻝ ﺷﻮﻑ ﺍﻟﺒﺖ ﺩﻱ ﻣﺎﻻ .. ﺍﻣﻲ ﻣﻦ ﻫﻨﺎ ﻗﻤﺰﺕ
ﺯﻱ ﺣﺎﺭﺱ ﺍﻟﻤﺮﻣﻰ ﺍﻟﻨﻄﻪ ﻓﻮﻕ ﺿﺮﺑﺔ ﺟﺰﺍ. ﺟﺎﺕ ﺟﺎﺭﻳﺔ . ﻭﺩﺧﻠﻨﺎ ﺟﻮﻩ .. ﻭﺻﺎﻟﺢ ﻭﺍﻗﻒ ﺑﺮﻩ ﻫﻨﺎﻙ
ﺟﻤﺐ ﺍﻟﺤﻴﻄﺔ .. ﺑﺘﻜﻠﻢ ﺑﺮﺍﻫﻮ .. ﻣﺎﻻ ﻛﻤﺎﻥ؟ ﻣﺎ ﻣﺴﺘﻬﺒﻠﺔ .. ﻭﺑﺘﻤﺜﻞ ﺍﻧﻲ ﻋﻮﻗﺘﻬﺎ ..
ﺩﺧﻠﻨﺎ ﻋﻠﻴﻬﺎ ﻭﻓﻌﻼ ﺍﻟﺒﺖ ﺧﺎﺷﺔ ﻓﻲ ﻏﻴﺒﻮﺑﺔ ﺍﻟﻠﻪ ﻳﺴﺘﺮ ..
ﻭﺑﻘﻴﻨﺎ ﻧﻜﻮﺭﻙ ﻟﻴﻬﺎ .. ﻭﻧﺮﺵ ﻓﻴﻬﺎ ﺑﺎﻟﻤﻮﻳﺔ .. ﻭﻻﺣﻴﺎﺓ ﻟﻤﻦ ﺗﻨﺎﺩﻱ .. ﺍﻣﻲ ﺑﻘﺖ ﺗﺴﻜﻠﺐ .. ﺍﻟﻠﻴﻠﺔ
ﻭﺍﺳﻮﺍﺩﻱ ﻭﺍﺭﻣﺎﺩﻱ .. ﺑﺘﻲ ﻳﺎﻳﻤﺔ ﺑﺲ ﻋﻴﻦ ﻭ ﺟﺎﺗﻬﺎ ﻓﻲ ﺍﻟﻌﺮﺱ .. ﺧﻼﺱ . ﺍﻟﻠﻴﻠﺔ ﺳﺎﺭﺓ ﺍﻧﻔﺼﺖ
ﻭﺍﻧﻘﺼﺖ .. ﺍﺑﻮﻱ ﻗﺎﻝ ﻟﻴﻬﺎ ﻳﺎﻣﺮﻳﻢ ﺍﻟﻠﻪ ﻳﺨﻠﻴﻚ.. ﻣﺎﺗﺘﺸﺎﻭﻣﻲ ﻓﻮﻗﻨﺎ .. ﺍﺻﺒﺮﻱ ..
ﺍﻣﺸﻲ ﻳﺎﺷﻤﺲ ﺍﻟﺪﻳﻦ ﺍﻟﺰﻟﻂ .. ﺷﻮﻑ ﻟﻴﻚ ﺍﻱ ﻋﺮﺑﻴﺔ ﻧﻮﺩﻳﻬﺎ ﺍﻟﻤﺴﺘﻮﺻﻒ ..
ﻭﻟﻼ ﺍﻗﻮﻝ ﻟﻴﻚ ﺩﻗﻴﻘﺔ .. ﺧﻠﻴﻨﻲ ﺍﻟﻨﻤﺸﻲ ﻟﻲ ﺍﻟﻨﻮﺭ . ﺍﻟﻨﻮﺭ ﺩﻩ ﻋﻤﻚ ﺻﺎﺣﺐ ﺍﺑﻮﻱ .. ﺳﺎﻛﻦ ﻓﻲ ﺍﻟﺤﻠﺔ
.. ﻋﻨﺪﻭ ﺑﻮﻛﺴﻲ ﺍﺑﻮﻱ ﻛﺸﺖ ﺳﻔﻨﺠﺘﻮ ﻭﻣﺸﻰ ﻟﻴﻬﻮ . ﻭﺍﻧﺎ ﻣﺮﻗﺖ ﻋﻠﻰ ﺳﺎﻟﻢ ﺑﺮﺓ . ﻭﺧﻠﻴﺖ ﺍﻣﻲ ﻣﻊ
ﺍﻟﺒﺖ ﺟﻮﺓ . ﻛﻠﻬﺎ ﺧﻤﺲ ﺩﻗﺎﻳﻖ ﻭﺍﻟﺒﻮﻛﺴﻲ ﻭﻗﻒ .. ﻏﺎﻳﺘﻮ ﺍﻟﺒﻠﺪ ﺩﻱ ﻓﻴﻬﺎ ﺭﺟﺎﻝ ..
ﻭﺭﻓﻌﻨﺎﻫﺎ ﺍﻧﺎ ﻭﺍﺑﻮﻱ ﻭﻣﺮﻗﻨﺎ ..
ﻭﻟﺴﻊ ﺻﺎﻟﺢ ﻭﺍﻗﻒ ﻓﻲ ﺣﺘﺘﻮ .. ﻭﻳﻨﻘﻨﻖ . ﺩﻱ ﺑﺘﻤﺜﻞ ﻣﺎﺗﺼﺪﻗﻮﻫﺎ .. ﻟﻜﻦ ﺍﻧﺎ ﺑﻄﻴﺮﻫﺎ ..
ﺍﺑﻮﻱ ﻗﺎﻝ ﻟﻴﻬﻮ ﺍﻭﻋﻚ ﺗﻨﺘﻈﺮﻧﻲ ﻓﻲ ﺍﻟﺒﻴﺖ ﺩﻩ .. ﺑﺮﺗﻜﺐ ﻓﻴﻚ ﺟﺮﻳﻤﺔ ..
ﺭﻛﺒﻨﺎ ﺍﻟﺒﻮﻛﺴﻲ ﻭﻣﺸﻴﻨﺎ .. ﻭﻭﺻﻠﻨﺎ ﻭﻟﻘﻴﻨﺎ ﺍﻟﻤﺴﺘﻮﺻﻒ ﻓﺎﺍﺍﺿﻲ ﻭﺍﻟﺪﻛﺘﻮﺭ ﻣﺎﻓﻲ .. ﻓﻲ ﻣﻤﺮﺿﺔ ..
ﻗﺎﻟﺖ ﻟﻴﻨﺎ ﺍﻣﺸﻮ ﺍﻟﺤﻮﺍﺩﺙ ﻃﻮﺍﻟﻲ .. ﺍﻟﺒﺖ ﺩﻱ ﺍﻟﻈﺎﻫﺮ ﻋﻨﺪﻫﺎ ﻧﺰﻳﻒ ﺩﺍﺧﻠﻲ .. ﻣﻦ ﻭﺷﻬﺎ ﺑﻌﺮﻓﻮ ﺍﻧﺎ ..
ﻭﺩﻳﻨﺎﻫﺎ ﺍﻟﺤﻮﺍﺩﺙ .. ﻭﺍﻟﺴﺎﻋﺔ ﻣﺎﺷﺔ ﻋﻠﻰ ﺗﻼﺗﺔ ﻭﺷﻮﻳﺔ .. ﻭﺳﺎﻟﻢ ﺍﺑﺎ ﻳﺮﺟﻊ ﺍﻟﺒﻴﺖ .. ﺑﻘﻰ ﺑﺎﺭﻳﻨﺎ
ﺑﺎﻟﻤﻮﺗﺮ ﻟﻐﺎﻳﺔ ﺑﺤﺮﻱ .
ﻭﺍﻟﺪﻛﺎﺗﺮﺓ ﺍﺳﻌﻔﻮﻫﺎ .. ﻏﺎﻳﺘﻮ ﻭﺍﻛﺴﺠﻴﻦ ﻭﺟﻮﻃﺔ ﻛﺒﻴﺮﺓ ﻭﻋﺮﻳﻀﺔ .. ﻭﻓﻌﻼ ﺳﺎﺭﺓ ﺣﺼﻞ ﻟﻴﻬﺎ ﻧﺰﻳﻒ ﻓﻲ
ﺍﻟﺮﺍﺱ .. ﻻﻧﻮ ﺻﺎﻟﺢ ﺿﺮﺑﻬﺎ ﺑﻮﻧﻴﺔ ﻓﻲ ﻭﺷﻬﺎ ﻭﺭﺍﺳﻬﺎ ﺿﺮﺏ ﻣﻊ ﺍﻟﺤﻴﻄﺔ ..
ﻭﺭﻗﺪﻭﻫﺎ ﻃﻮﺍﻟﻲ . ﻭﻗﺎﻟﻮ ﺍﻥ ﺷﺎﺀ ﺍﻟﻠﻪ ﻣﺎﻓﻲ ﺧﻄﻮﺭﺓ . ﻻﻧﻮ ﺍﻟﻨﺰﻳﻒ ﺑﺴﻴﻂ ﻭﻫﺴﻲ ﻭﻗﻒ . ﻟﻜﻦ ﺻﺮﺍﺣﺔ
ﺍﻧﺎ ﺣﺎﺳﻲ ﻓﻲ ﻋﻴﻮﻥ ﺍﻟﺪﻛﺘﻮﺭ ﻏﻴﺮ ﻛﺪﺍ ﺧﺎﻟﺺ .. ﻭﺍﺣﺘﻤﺎﻝ ﺳﺎﺭﺓ . ﻓﻲ ﻣﺮﺣﻠﺔ ﺧﻄﺮ .. ﻭﻫﻮ ﻣﺎﻋﺎﻳﺰ ﻳﻘﻄﻊ
ﺍﻻﻣﻞ ﻣﻦ ﻗﻠﻮﺑﻨﺎ .. ﻏﺎﻳﺘﻮ ﻗﺎﻟﻮ ﺑﺤﺎﻭﻟﻮ ﻳﺘﺼﺮﻓﻮ ﻣﻊ ﺍﻟﻨﺰﻳﻒ . ﻭﻛﺘﺒﻮ ﻟﻴﻨﺎ ﺣﻘﻦ ﻭﺣﺒﻮﺏ ﻭﺣﺎﺟﺎﺕ .
ﺍﻟﻤﻬﻢ ﻳﺎﺯﻭﻝ ﻧﺤﻦ ﻟﻐﺎﻳﺔ ﺍﻟﺴﺎﻋﺔ 8 ﺻﺒﺎﺣﺎ " ﻣﻊ ﺍﻟﺒﺖ . ﻭﻣﺎ ﻭﻋﺖ .
ﻗﻠﺖ ﻟﻲ ﺍﺑﻮﻱ.. ﺍﻧﺖ ﻳﺎ ﺍﺑﻮﻱ ﺍﻟﻄﻴﺐ ﺍﺧﻮﻱ ﻭﻳﻦ؟ (ﺩﻩ ﺍﺻﻐﺮ ﺍﺧﻮﺍﻧﻲ ﺍﺻﻐﺮ ﺯﻭﻝ ﻓﻲ ﺍﻟﺒﻴﺖ )
ﻗﺎﻝ ﻟﻲ ﺍﻟﻄﻴﺐ ﻓﻲ ﺍﻟﻌﻴﻠﻔﻮﻥ .. ﻣﻊ ﺍﺻﺤﺎﺑﻮ ﻋﻨﺪﻫﻢ ﻣﺬﺍﻛﺮﺓ . ﺑﺠﻲ ﺍﻟﻠﻴﻠﺔ
..ﺧﻼﺹ ﺍﻧﺘﻮ ﺍﻣﺸﻮ ﻳﺎ ﺷﻤﺲ ﺍﻟﺪﻳﻦ . ﺍﻣﺸﻲ ﺷﻮﻑ ﺍﺧﺒﺎﺭ ﺑﻴﺘﻚ ﺷﻨﻮ ..
ﻭﺗﻌﺎﻝ ﻟﻴﻨﺎ ﺑﻌﻴﺪﻳﻦ ﺍﻟﻨﻬﺎﺭ . ﻣﺎﻓﻲ ﺣﺎﺟﺔ ﺗﻘﻌﺪ ﻟﻴﻬﺎ .
ﻗﻠﺖ ﻟﻴﻬﻮ ﻛﻴﻒ ﺍﺧﻠﻴﻚ ﺑﺮﺍﻛﻢ ﻳﻌﻨﻲ ﺍﻧﺖ ﻭﺍﻣﻲ؟ ..
ﻗﺎﻝ ﻟﻲ ﻻﺯﻡ ﺗﻤﺸﻲ . ﺑﺲ ﺍﻧﺎ ﻃﺎﻟﺐ ﻣﻨﻚ ﻃﻠﺐ .. ﺗﻤﺸﻲ ﺍﻭﻝ ﺣﺎﺟﺔ ﺍﻟﺒﻴﺖ . ﻓﻲ ﺩﺍﺭ ﺍﻟﺴﻼﻡ ..
ﻭﺗﺸﻮﻑ ﻟﻲ ﺍﺧﻮﻙ ﺍﻟﻜﻠﺐ ﺩﻩ ﺻﺮﻓﺔ . ﻻﻧﻲ ﺍﻧﺎ ﻟﻮ ﺭﺟﻌﺖ ﻟﻘﻴﺘﻮ ﻓﻲ ﺍﻟﺒﻴﺖ . ﻣﺎ ﺑﺨﻠﻴﻬﻮ ﻭﺍﻟﻠﻪ .. ﺑﻌﻮﻗﻮ
..
ﻗﻠﺖ ﻟﻴﻬﻮ ﺣﺎﺿﺮ ﺍﺑﻮﻱ ..
ﻭﺭﻛﺒﺖ ﻣﻊ ﺳﺎﻟﻢ ﺍﻟﻀﻮ ﺭﻛﺎﺯﺓ ﺍﻟﻘﺒﻴﻠﺔ .. ﻭﻣﺸﻰ ﻧﺰﻟﻨﻲ ﻓﻲ ﺩﺍﺭ ﺍﻟﺴﻼﻡ .. ﻭﻭﺍﺻﻞ ﻃﻮﺍﻟﻲ ﻋﻠﻰ ﺍﻟﺤﺎﺝ
ﻳﻮﺳﻒ .
ﺍﻧﺎ ﺩﺧﻠﺖ ﺍﻟﺒﻴﺖ ﻟﻘﻴﺖ ﺻﺎﻟﺢ ﻧﺎﻳﻢ . ﺻﺤﻴﺘﻮ ﻭﻗﻠﺖ ﻟﻴﻬﻮ .. ﺳﺎﺭﺓ ﺍﺧﺘﻚ ﻋﻨﺪﻫﺎ ﻧﺰﻳﻒ ﺩﺍﺧﻠﻲ . ﻭﺍﺣﺘﻤﺎﻝ
ﺗﻤﻮﺕ . ﻭﺍﻧﺖ ﺗﻜﻮﻥ ﻗﺎﺗﻞ ﻧﻔﺲ .. ﺍﺳﺘﻌﺪ ..
ﻋﺎﻳﻦ ﻟﻲ ﻛﺪﺍ ﻋﻴﻮﻧﻮ ﺣﻤﻤﻤﻤﺮ ﻣﻦ ﺍﻟﺴﻬﺮ ﻭﻣﻮﺭﻣﺎﺕ ﻣﻦ ﺍﻟﻨﻮﻡ .. ﻭﻗﺎﻝ ﻟﻲ ﺍﻭﻋﺎ ﺗﻜﻀﺐ .. ﻗﻠﺖ ﻟﻴﻬﻮ
ﻭﺍﻟﻠﻪ ﺿﺮﺑﺔ ﺍﻟﺤﻴﻄﺔ ﻋﻤﻠﺖ ﻟﻴﻬﺎ ﻧﺰﻳﻒ . ﻭﻟﻐﺎﻳﺔ ﻫﺴﻲ ﻓﻲ ﻏﻴﺒﻮﺑﺔ ..
ﺍﻟﺰﻭﻝ ﺩﻩ ﻳﺎﺩﻭﺏ ﺻﺪﻕ ﺍﻧﻮ ﺍﺧﺘﻮ ﻣﺎ ﺑﺘﻤﺜﻞ .. ﻭﻃﻴﺮ ﻋﻴﻮﻧﻮ ﻣﻦ ﺭﺍﺳﻮ ﻭﺧﺎﻑ ﺧﻮﻓﺔ ..
ﻗﺎﻝ ﻟﻲ ﻟﻜﻦ ﺍﻧﺎ ﻣﺎﻗﺎﺻﺪ ﺍﺫﻳﻬﺎ ﻗﺪﺭ ﺩﻩ .. ﺑﺲ ﺩﺍﻳﺮ ﺍﺩﺑﻬﺎ ..
ﻗﻠﺖ ﻟﻴﻬﻮ ﻗﺎﺻﺪ ﻭﻻ ﻣﺎ ﻗﺎﺻﺪ .. ﺍﺫﺍ ﻣﺎﺗﺖ ﺩﻩ ﺍﺳﻤﻮ ﺍﻟﻘﺘﻞ ﺍﻟﻌﻤﺪ ..
ﻭﺑﺘﻤﺸﻲ ﻭﻳﻦ ﺗﺎﻧﻲ ﻣﻦ ﺍﻟﻤﺠﺘﻤﻊ؟؟ ﻛﺎﻥ ﻗﺎﻟﻮ ﺩﻩ ﺻﺎﻟﺢ ﺍﻟﻜﺘﻞ ﺍﺧﺘﻮ ..
ﻣﻦ ﺯﻣﺎﻥ ﺍﻧﺎ ﺑﻘﻮﻝ ﻟﻴﻚ ﻣﺎﺗﻔﻘﺪ ﺍﻋﺼﺎﺑﻚ .. ﻭﺧﻠﻴﻚ ﻫﺎﺩﻱ ﺣﻞ ﺍﻟﻤﺴﺄﺋﻞ ﺑﻲ ﺑﺮﻭﺩ ..
ﺑﻌﺪﻳﻦ ﻫﺴﻲ ﺍﺑﻮﻱ ﻗﺎﻝ ﻟﻴﻚ ﻣﺎﺗﻨﺘﻈﺮﻧﻲ ﻓﻲ ﺍﻟﺒﻴﺖ .. ﺍﺭﺡ ﻣﻌﺎﻱ .
ﻗﺎﻝ ﻟﻲ ﺍﻣﺸﻲ ﻣﻌﺎﻙ ﻭﻳﻦ ؟
ﻗﻠﺖ ﻟﻴﻬﻮ ﺗﻤﺸﻲ ﻣﻌﺎﻱ ﺑﻴﺘﻲ .. ﻣﻮﺵ ﺍﻧﺖ ﺍﺧﻮﻱ؟.. ﺍﺧﻠﻴﻚ ﻛﻴﻒ؟ ﻭﺣﺘﻤﺸﻲ ﻭﻳﻦ ؟ ﻟﻮ ﺍﻧﺘﻈﺮﺕ ﺍﺑﻮﻱ
ﻫﻨﺎ ﻭﻫﻮ ﺯﻋﻼﻥ ﻛﺪﺍ .. ﻣﺎﺑﺤﺼﻞ ﺧﻴﺮ ..
ﻗﺎﻝ ﻟﻲ ﺍﻧﺎ ﻣﺎﺷﻲ ﺍﻟﻤﺴﺘﺸﻔﻰ ..
ﻗﻠﺖ ﻟﻴﻬﻮ ﻻﻻ ﻳﺎﺻﺎﻟﺢ . ﻣﺎﺗﻤﺸﻲ ﺗﻌﻠﻤﻠﻮ ﻟﻴﻨﺎ ﻓﻀﺎﻳﺢ ﻓﻲ ﺍﻟﻤﺴﺘﺸﻔﻰ ﺍﻧﺖ ﻭﺍﺑﻮﻱ ..
ﻗﻠﺖ ﻟﻴﻚ ﺍﺭﺡ ﻣﻌﺎﻱ ﺍﻟﺒﻴﺖ ..
ﻗﺎﻝ ﻟﻲ ﻳﺎ ﺷﻤﺲ ﺍﻟﺪﻳﻦ ﺍﻧﺖ ﺑﻴﺘﻚ ﺿﻴﻖ ﻭﻣﺎﺷﺮﻋﻲ .. ﺗﺨﺘﻨﻲ ﻭﻳﻦ ﻳﻌﻨﻲ ؟
ﻗﻠﺖ ﻟﻴﻬﻮ ﺍﻧﺖ ﻣﺎﻟﻚ ﺍﻧﺎ ﺑﺘﺼﺮﻑ ..
ﺍﻟﻤﻬﻢ ﻟﻤﻪ ﻫﺪﻭﻣﻮ .. ﻭ ﺳﻘﺘﻮ ﻭﻣﺸﻴﻨﺎ ﺍﻟﺤﺎﺝ ﻳﻮﺳﻒ .. ﻭﻟﻘﻴﺖ ﻧﺎﺩﻳﺔ ﺑﺘﻨﻀﻒ ﻓﻲ ﺍﻟﺒﻴﺖ .. ﻃﺒﻌﺎ ﺳﺎﻟﻢ
ﺟﺎ ﻗﺒﻠﻨﺎ . ﺳﺎﻕ ﺭﺑﻴﻌﺔ ﺍﺧﺘﻮ ﻭﻣﺸﻰ ..
ﻭﺣﻜﻴﻨﺎ ﻟﻲ ﻧﺎﺩﻳﻪ ﺍﻟﺤﺎﺻﻞ .. ﺍﻇﻨﻮ ﺳﺎﻟﻢ ﻣﺎﻗﺎﺑﻠﻬﺎ .. ﻃﻮﺍﻟﻲ ﺭﻣﺖ ﺍﻟﻤﻜﻨﺴﺔ .. ﻭﻗﻌﺪﺕ ﻓﻲ ﻧﺺ
ﺍﻟﺴﺮﻳﺮ .. ﻗﻌﺪﺕ ﺗﺒﻜﻲ ﻋﻠﻰ ﺳﺎﺭﺓ .. ﻭﻗﻠﺒﺖ ﻟﻴﻨﺎ ﺍﻟﺒﻴﺖ ﺑﻴﺖ ﺑﻜﺎ ..
ﻟﻐﺎﻳﺔ ﻣﺎ ﻧﺪﻣﻨﺎ ﺍﻧﻮ ﺣﻜﻴﻨﺎ ﻟﻴﻬﺎ .. ﺍﺻﻼ ﻧﺎﺩﻳﺔ ﺑﺘﺤﺐ ﺳﺎﺭﺓ ﺷﺪﻳﺪ ﻭﺻﺎﺣﺒﺘﻬﺎ .. ﺑﻲ ﺣﻜﻢ ﺍﻧﻬﻢ ﻗﺮﻳﺒﻴﻦ ﻓﻲ
ﺍﻟﻌﻤﺮ ﻟﻲ ﺑﻌﺾ .. ﺍﻫﺎ ﻗﻠﺖ ﻟﻴﻬﺎ ﻳﺎﻧﺎﺩﻳﺔ .. ﺻﺎﻟﺢ ﺣﻴﻘﻌﺪ ﻣﻌﺎﻧﺎ ﻫﻨﺎ ﻓﻲ ﺍﻟﺒﻴﺖ .. ﻟﻐﺎﻳﺔ ﻣﺎﻳﺪﺑﺮ ﺍﻣﻮﺭﻭ
.. ﻋﺸﺎﻥ ﺍﺑﻮﻱ ﺯﻋﻼﻥ .. ﻭﻣﺎﺩﺍﻳﺮ ﻳﺸﻮﻓﻮ ﻓﻲ ﺍﻟﺒﻴﺖ ..
ﻗﺎﻟﺖ ﻟﻲ ﺧﻴﺮ .. ﺍﻟﺒﻴﺖ ﺑﻴﺘﻮ ﻭﺍﻟﻠﻪ ﺍﺷﻴﻠﻮ ﻓﻮﻕ ﺭﺍﺳﻲ .. ﻃﻮﺍﻟﻲ ﺩﺧﻠﺘﻮ ﺍﻟﻐﺮﻓﺔ ﺍﻟﻘﺪﺍﻣﻴﺔ .. ﻭﺩﺧﻞ
ﻫﺎﻧﺒﺎﻛﻮ ﺗﺤﺖ ﺍﻟﺴﺮﻳﺮ ..
ﻃﺒﻌﺎ ﺑﻴﺘﻲ ﺷﻜﻠﻮ ﻛﺎﻻﺗﻲ .. ﻏﺮﻓﺘﻴﻦ ﻓﺎﺗﺤﺎﺕ ﻓﻲ ﺑﺮﻧﺪﺓ .. ﻭﻣﻘﺒﻼﺕ ﺷﻤﺎﻝ ..
ﻭﺍﻟﺤﻮﺵ ﺫﺍﺗﻮ ﻓﻲ ﺍﻟﻨﺎﺣﻴﺔ ﺍﻟﺸﻤﺎﻟﻴﺔ .. ﻭﺍﻟﺒﺎﺏ ﻓﺎﺗﺢ ﺷﻤﺎﻝ .. ﻭﺍﻟﺤﻤﺎﻡ ﻭﺍﻟﻤﻄﺒﺦ ﻓﻲ ﺍﻟﻨﺎﺣﻴﺔ ﺍﻟﻐﺮﺑﻴﺔ ..
ﺍﻫﺎ ﻟﻤﻦ ﻳﺠﻴﻨﻲ ﻭﺍﺣﺪ ﻣﻦ ﺍﺻﺤﺎﺑﻲ . ﻭﻻ ﺍﻱ ﺭﺍﺟﻞ .. ﺑﻘﻌﺪﻭ ﻓﻲ ﺍﻟﻐﺮﻓﺔ ﺍﻟﺸﺮﻗﻴﺔ ﺩﻱ .
ﻭﻧﺎﺩﻳﺔ ﺑﺘﺴﺘﺨﺪﻡ ﺍﻟﻐﺮﻓﺔ ﺍﻟﻐﺮﺑﻴﺔ ..
ﻟﻜﻦ ﺍﻟﺰﻭﻝ ﻟﻮ ﺍﺣﺘﺎﺝ ﻟﻠﺤﻤﺎﻡ ﻻﺯﻡ ﻳﻤﺮ ﺑﻲ ﻏﺮﻓﺔ ﻧﺎﺩﻳﺔ ..
ﻳﻼ ﻫﺴﻲ ﻓﻲ ﻣﺸﻜﻠﺘﻴﻦ .. ﺍﻭﻻ .. ﻻﺯﻡ ﻧﺎﺩﻳﺔ ﺗﻜﻮﻥ ﻻﺑﺴﻪ ﺗﻮﺑﺎ ﻭﺭﺍﺑﻄﺔ ﺭﺍﺳﻬﺎ ﺍﻻﺭﺑﻌﺔ ﻭﻋﺸﺮﻳﻦ ﺳﺎﻋﺔ
.. ﻭﻣﺎﺡ ﺗﻠﻘﻰ ﺭﺍﺣﺘﻬﺎ ﻓﻲ ﺑﻴﺘﻬﺎ ﻧﻬﺎﺋﻲ
ﺗﺎﻧﻴﺎ ﻣﺎﻓﻲ ﻃﺮﻳﻘﺔ ﻧﺒﻴﺖ ﻓﻲ ﺍﻟﺤﻮﺵ .. ﻻ ﻧﺤﻦ ﻭﻻ ﺻﺎﻟﺢ ..
ﻏﺎﻳﺘﻮ ﺩﻱ ﻣﺸﻜﻠﺔ ﺩﻱ . ﻭﺍﻧﺎ ﺫﺍﺗﻲ ﻣﺎﻋﺎﺭﻑ ﺍﺗﺼﺮﻑ ﻛﻴﻒ .. ﻭﻧﺎﺩﻳﺔ ﺍﺻﻼ ﻣﺎ ﺍﺗﻜﻠﻤﺖ ﻓﻲ ﺍﻟﻤﻮﺿﻮﻉ
ﺩﻩ.. ﻟﻜﻦ ﺍﻧﺎ ﻣﺘﺄﻛﺪ ﺍﻧﻬﺎ ﺑﺘﻜﻮﻥ ﺳﺄﻟﺖ ﻧﻔﺴﻬﺎ ﺳﺘﻴﻦ ﺳﺆﺍﻝ ..
ﻋﻠﻰ ﻛﻞ ﺣﺎﻝ .. ﺍﻧﺎ ﻟﺒﺴﺖ ﻋﺸﺎﻥ ﺍﻣﺸﻲ ﻟﻲ ﻧﺎﺱ ﺍﻟﺸﻐﻞ . ﻭﺍﻛﻠﻤﻬﻢ ﺑﺎﻟﺤﺎﺩﺙ .. ﻋﺸﺎﻥ ﻳﺪﻭﻧﻲ ﺍﺫﻥ
ﺍﻣﺸﻲ ﻻﺑﻮﻱ ..
ﺻﺎﻟﺢ ﻟﻤﻦ ﺷﺎﻓﻨﻲ ﻃﺎﻟﻊ .. ﻗﺎﻝ ﻟﻲ ﺍﻧﺎ ﺫﺍﺗﻲ ﻋﻨﺪﻱ ﻃﻠﻌﺔ ﻭﺟﺎﻱ ..
ﺍﻧﺎ ﻗﻠﺖ ﻟﻴﻬﻮ ﺍﻳﻮﺓ ﺍﻣﺮﻕ ﻓﺮﻕ ﺷﻮﻳﺔ .. ﺍﺻﻼ ﺍﻟﺤﺒﺴﺔ ﻭﺍﻟﻔﺮﺍﻍ ﺩﻩ ﻏﻴﺮ ﻣﺎﻳﺠﻴﺐ ﺍﻻﺳﺘﻴﺎﺀ ﻣﺎﺑﺴﻮﻱ ﺷﻲ
..
ﻧﺤﻦ ﻃﺎﻟﻌﻴﻦ ﻛﺪﺍ .. ﻧﺎﺩﻳﺔ ﺟﺎﺕ ﻃﺎﻟﻌﺔ ﺍﻟﻤﻄﺒﺦ ﻟﻠﻐﺮﻓﺔ .. ﻭﺻﺎﻟﺢ ﺷﺎﻓﻬﺎ .. ﻣﺎ ﻛﺎﻧﺖ ﻣﺘﻮﻗﻌﺔ ﺍﻧﻮ ﻧﺤﻦ
ﻃﺎﻟﻌﻴﻦ .. ﻛﺎﻧﺖ ﻻﺑﺴﺔ ﻓﺴﺘﺎﻥ ﺍﻟﺒﻴﺖ . ﻭﺍﻟﺤﻨﺔ ﺩﻱ ﻟﻲ ﻧﺺ ﺍﻟﺴﺎﻕ . ﻭﺳﻴﻘﺎﻧﻬﺎ ﺍﺻﻼ ﺯﻱ ﺳﻮﺍﺭﻱ
ﺍﻟﺮﺧﺎﻡ .. ﻭﺷﻌﺮﻫﺎ ﻧﺎﺯﻝ ﻓﻮﻕ ﺿﻬﺮﻫﺎ ﺯﻱ ﺳﺒﻴﺐ ﺍﻟﺨﻴﻞ .. ﻭﻃﺒﻌﺎ" ﺟﺴﻤﻬﺎ ﻣﻘﺴﻢ ﺗﻘﺴﻴﻢ ﺍﻟﻬﻲ ..
ﻭﻣﺸﻴﺘﻬﺎ ﺫﺍﺗﻬﺎ ﻣﺎﺑﺘﺸﺒﻪ ﺍﻻ ﻣﺸﻴﺔ ﺍﻻﻭﺯﺓ .. ﻣﺎﺷﺎﺀ ﺍﻟﻠﻪ ﺗﺒﺎﺭﻙ ﺍﻟﻠﻪ ..
ﺍﻧﺎ ﻓﻲ ﺍﻟﻮﻛﺖ ﺩﺍﻙ .. ﺣﺴﻴﺖ ﺑﺎﻟﻐﻴﺮﺓ ﻣﻦ ﺍﺧﻮﻱ ﻭﺩ ﺍﻣﻲ ﻭﺍﺑﻮﻱ ..
ﺧﻠﻴﺘﻮ ﻃﻠﻊ ﻟﻐﺎﻳﺔ ﺍﻟﺸﺎﺭﻉ .. ﻭﺟﻴﺖ ﻟﻴﻬﺎ ﺭﺍﺟﻊ ﻋﺸﺎﻥ ﺍﺗﻜﻠﻢ ﻣﻌﺎﻫﺎ .. ﻟﻘﻴﺘﻬﺎ ﺑﺘﺮﺟﻒ ﻣﻦ ﺭﺍﺳﻬﺎ ﻟﻲ
ﻛﺮﻋﻴﻬﺎ .. ﻗﺎﻟﺖ ﻟﻲ .. ﺍﺍﻭﺏ ﻋﻠﻲ ﻳﺎﺷﻤﺲ.. ﺻﺎﻟﺢ ﺷﺎﻓﻨﻲ ﺑﻲ ﻓﺴﺘﺎﻥ ﺍﻟﺒﻴﺖ .. ﻫﺴﻊ ﻳﻘﻮﻝ ﻋﻠﻲ
ﺷﻨﻮ؟ .
ﺍﻭﻝ ﻣﺮﺓ ﻳﺸﻮﻓﻨﻲ ﻛﺪﻱ ..
ﻗﻠﺖ ﻟﻴﻬﺎ ﺍﻧﺘﻲ ﻏﻠﻄﺎﻧﺔ .. ﻟﻴﻪ ﺗﺤﻮﻣﻲ ﻛﺪﺍ .. ﻣﻮﺵ ﻋﺎﺭﻓﺎﻫﻮ ﻗﺎﻋﺪ .. ﻗﺎﻟﺖ ﻟﻲ ﻭﺍﻟﻠﻪ ﺍﻧﺎ ﻣﺎﻛﻨﺖ
ﻣﺘﻮﻗﻌﺎﻫﻮ ﻃﺎﻟﻊ ﻣﻌﺎﻙ .. ﺑﺎﻟﻤﻨﺎﺳﺒﺔ ﻳﺎﺷﻤﺲ ﺍﻧﺖ ﻣﺎﺷﺎﻳﻒ ﺍﻟﺒﻴﺖ ﺩﻩ ﺷﻜﻠﻮ ﻛﻴﻒ ؟
ﻗﻠﺖ ﻟﻴﻬﺎ ﺷﺎﻳﻔﻮ .. ﻭﻻﺯﻡ ﻧﺴﺘﺤﻤﻞ ﺻﺎﻟﺢ ﻣﻌﺎﻧﺎ .. ﺑﺲ ﻳﻮﻣﻴﻦ ﺗﻼﺗﺔ ﻟﻐﺎﻳﺔ ﻣﺎﻳﺸﻮﻓﻠﻮ ﺻﺮﻓﺔ ﺑﺮﺍﻫﻮ ..
ﺳﻜﺘﺖ ﺳﺎﻱ .. ﻟﻜﻦ ﺷﻜﻠﻬﺎ ﻣﺎﺭﺿﻴﺎﻧﺔ ﺍﻟﻮﺿﻊ ..

ﺍﻟﻰ ﺍﻟﻠﻘﺎﺀ ..

[لامارا]

الحلقة 3

..
صالح لمن طلع من بيتي كان مقلق ومرتبك اكتر من الاول .. قلت ليهو يا صالح ماتشيل هم .. ان شاء الله ربنا يمرقها من النزيف ده وتقوم بالسلامة ..
قال لي انا بمشي المستشفى لازم ..حتى لو حاولت اتخفى من ابوي ..
اناقلت ليهو طيب ياصالح ..انت امشي انتظرني في كوبر . انا بمشي الشركة وبجي القاك اسوقك معاي . ومايحصل الا الخير ..
انا ملاحظ حاجة ..ماعارف دي وسوسة مني ولا حقيقة .. طول المشوار الانا ماشي مع صالح .. صالح بعرق وبجف .. ويطلع المنديل يقش جبهتو .. ويتنحنح ..
انا يتخيلي الزول ده اتخلع من شوفة نادية .. لانو بالمنطق كدي . اذا كانت الحالة دي من وضع سارة .. يعني شفقان عليها وكدا . المفروض يكون من الاول ..قبل مانجي بيتي حتى .. صح؟
المهم ماعلينا ..
احسن ما اقعد اسوس في الفاضي.. واتشكك في اقل قليلة . اتخيلي دي غيرة ساي.. لاني بحب زوجتي جدا .. وعاجباني شديد بتخيل انو الناس كلها بتعجبها ..
المهم مشيت الشركة ..واخدت الاذن ..وجيت راجع وصورة نادية مابتفارق مخيلتي .. بالجد انا متيم بي نادية شديد.. لكن انا زول اهبل . ومابقدر اعبر ليها عن الجواي .. وما مديها وقتها الكافي ..
والغريبة في الموضوع.. اني لمن اكون في البيت بكون عادي . وتلقاني بعاين للتلفزيون . وللا ماسك لي جريدة . ونفسي اطلع لي اصحابي . اوالميدان والفرن والنادي . لكن لمن اكون بعيد منها بشتاق ليها شديد .. زي ماقالو البعد حن ..
اها لقيت صالح منتظرني في كوبر.. جمب السينما القديمة . مع واحد من معارفنا كدا .
نزلت ليهو ..وسلمت على الزول وركبنا انا وصالح ومشينا المستشفى.. الكلام ده زي الساعة 12 الا شوية نهار .
الحمد لله لقيت سارة وعت شوية .. بس لسه ما مجمعة ..ومدروخة كدا بطريقة مخيفة . انا شخصيا اطمأنيت عليها جدا ..
طبعا صالح واقف برة ..انا قبل ما ادخل قلت ليهو دقيقة.. اكلم ابوي اشوف مويتو كيف .. اها وكت دخلت على ابوي.. وشفت سارة وحمدت ليها السلامة .. وكت شافتني بكت .. سارة بتريدني اكتر من اخوانا الاتنين .. انا مع اني زول سخن ..لكن حنين على اخواتي ..وما برضى فيهم حاجة .. ودمعات سارة كانها بتشتكي لي من صالح ..
اها قلت لي ابوي يا ابوي صالح جا معاي . سألتك بالله يابوي ما تسألو
هو هسي ندمان وماعارف يقابل سارة كيف .
عليك الله ما تتكلم معاهو ..ابوي مربع ايديهو ..وصرا وشو وقبل غادي . انا حسيت بي انو ماعندو مانع .. مشيت ناديت صالح من برة يجي يشوف سارة .. وسارة لسه راقدة ..وفي عيونها في زي دم متقطع كدا .. وعيونا من تحت مورمة شوية وفيها سواد كدا .. ..
بالله التقول ضربتها كراكة .. يعني دي ماكانت بونية دي .. صالح زول فقر ..
اول من صالح جا داخل .. قال السلام عليكم.. لا امي ولا ابوي ولاسارة مافي زول رد عليهو نهائي .. جا ماشي على سارة كدا داير يشوفها.. سارة قبلت بي وشها على الحيطة ..وابت تعاين ليهو نهائي .
طوالي بقى متخارج ..
صالح اخوي عمرو زي 34 سنة . وهو اكبر زول في البيت .. واكبر مني كتير يمكن بي ستة سنة .
وهو كان متسلط فينا نحن تسلط شديد.. لكن انا بعد كبرت بقيت بشخت ليهو عادي.. بس بحترمو . حنك اخوي الكبير وكدا ... لكن لو داير اقصقصو بقصقصو .. نحن الاتنين بي نفس الطول والحجم .
والكتوف اتلاحقت زمان ..
عشان كدا لمن يعمل حركات.. ناس البيت بستنجدو بي ..
تلفوني ضرب . عاينت لقيتها دي نادية . قالت لي انت وين ياشمسي ؟ قلت ليها انا في المستشفى .. قالت لي انا دايرة اركب اجيكم رايك شنو؟ انا عايزة اشوف سارة ..
قلت ليها اصبري ماتجي ..سارة بقت كويسة احتمال للمساء كدا يخرجوها ونمشي ليهم في البيت..
قالت لي عيب اليابا ياشمس الدين ..هسي ناس امك يقولو شنو؟ عليك الله خليني اجي ..
قلت ليها عليك الله يانادية سيبي اللياقة ..انا هسي مافاضي .. انا بكلم امي ..بقول ليها نادية كانت جاية وانا حميتها..
قالت لي خلاص ..بس جنك تقول لي سيبي اللياقة.. انا اصلا" ماشة وين؟ موش لي اختك؟ .. يلا مع السلامة ..
انا كلمت امي ..قلت ليها يا امي دي نادية ..كانت جاية براها وانا حميتها .. امي قالت لي عملت كويس .. سارة هسي ماعندها عوجة
انا رجعت طلعت بره.. لقيت صالح قاعد وتاكل ضهرو على الحيطة ومحتار .. وموعارف يرضي الناس ديل كيف .. لكن هو زول شوم اصلو مابتعترف بي غلطو ولا بعتذر ..
بعدين الحق يقال .. صالح زول دوغري اكتر من اللازم ..وجنو صلاة ..وماعندو علاقات مع البنات ولا فاضي .. ماعندو نفسيات اساسا لي تسلية وكلام فاضي .. يعني اصلا عايش في حالة نفسية جاي بيها من بره .. وهسي مشكلتو مع ابوي بي سبب سارة تمت الناقصة ..
انا قعدت جمبو .. قلت ليهو غايتو الحمد لله جات على خير .. سارة كويسة .. وابوي زاتو كونو ما اتكلم معاك.. ده تنازل وتقدم ملحوظ
بس انا كنت دايرك تعتذر لي سارة ..
عاين لي كدا ..وقال لي اعتذر ليها؟؟ اعتذر ليها ليه ؟؟ انا غلطان ولا غلطانة هي ؟
هي الارتكبت الغلط ..وتستحق العقاب .. فهمت ولا اوضحك ليك الفهم .
انا قلت ليهو ماعايز اتجادل معاك ..لكن اسلوبك في معالجة الغلط كان غلط .قال لي اسمع انا ماشي الخرطوم ..عندي اصحابي ديك الفي جبرة ماشي ليهم .. ولا انتظر ردي .. قام على حيلو ونفض بنطلونو وفات .. انا بقيت بطمش واطفش من هنا لي هنا ..غايتو العصرية كدا زي اربعة ونص خرجونا ورجعنا البيت .. وانا مشيت لي بيتي ..
لقيت نادية قاعدة في الحوش برة وبتعمل ليها في فوطة بتاعة طربيزة
اصلا هي بتعمل النقوش فوق القماش.. دي هوايتها من زمان ..
ولابسة احسن لبس.. وفي كامل الشكل المطلوب دوليا واقليميا.
اول من شافتني اتبسمت .. وقالت لي عارفاك الليلة حتجي بدري ..
مشتاقة ليك موت .. قلت ليها عليك الله هسي خليهو الشوق .. نحن ح نطلع بعد شوية اوديك لي ناس بيتنا ..
صالح ماجا هنا؟ .. قالت لي ابدا من طلعة الصباح معاك .
هو مشى وين؟؟ ياحليلو والله ..صالح ده مسكين.. وانتو ماحاسين بيهو ..
المفروض الناس تقدر ظروفو .. والله كان بتكلم قبيل ..وظاهر عليهو التاثير والندامة ..
قلت ليها عليك الله يا نادية قومي اعملي حاجة اكلها ..عشان نطلع سريع ..
قالت لي في مكرونة باللحمة المفرومة تاكل ايدك وراها .. دقايق بس حبيبي .. قامت تسوي الغدا وانا طبعا بعاين ليها من فوق لي تحت .. ولمن تتلفت علي ..بقبل على جيهة تانية ..
ماعارف ليهانا بعمل كدا ؟؟ .. جواي احساس بقول لي.. ما توريها انك مكسر فيها ..
واحساس تاني بقول لي ..لو المراة عرفت انو راجلها ميت فيها ..بتستبد عليهو وبتطغى .. بس معارف المعلومات دي جاياني من وين .. يعني بس حياتي كلها معاها اوامر ونواهي .. وكلام رسمي..
الكلام الحلو الكان قبل العرس داك كلو.. بقيت مابقدر اقولو خالص ..
مرات كتيرة بقول لي نفسي انا محظوظ بوجود نادية في حياتي .. وكتير بقول انا مابستاهل نادية لاني مابشبها لافي شكلي لا اخلاقي.
بصراحة عندي علاقات مع بنات مابساون ضفرها . ولا يبقو خدامات ليها ..
وجوه احساسي انا ماراضي من روحي . ..
بس تقول شنو . طيش وكلام فاضي .. مع انو علاقات بتاعة ونسات ساي . الحمد لله انا مابعمل حرام نهائي . لكن بتونس . وبكضب عليهن زي بقية الشباب ..
والله مرات بكون بتكلم مع الواحدة في التلفون.. لمن اتذكر نادية بكرهـ روحي .. وكم مرة بتشاكل مع الواحدة بدون سبب عشان اقطع علاقتي بيها ..عشان ريدة نادية ..
والغريب في الامر ..ولا يوم ماحصل نادية شكت فيني .. ماحصل يوم قالت لي الرسالة دي من منو؟ ولا فتحت تلفوني بالغلط ..
يعني المشاكل البسمعا عند اصحابي بتعملا ليهن الحريم .. حكايات تحنن .. انا ماعندي نهائي ..
اها بعد المغرب طلعنا انا ونادية ومشينا بيت ناس ابوي .. ولقينا سارة كويسة ..
ونادية مسكتها واتقالدن يبكن.. وقالت ليها انتي ياسارة ماعارفة صالح احمق .. كان تكلميهو قبل تطلعي .. بعدين تمشي تجي الساعة واحدة ليه يعني؟ .. اي زول في محلو بفقد اعصابو ..
قالت ليها والله يانادية عارفة نفسي غلطانة.. بس تقولي شنو؟ ما انتبهت للبحصل . ونحن اصلا كان المفروض نجي بدري.. لكن العروس اتأخرت .. وصاحباتي اصرن ينتظرنها لمن تجي .. المهم الحصل حصل انتي كيف ؟
ومالك يادي ما بتجينا ؟ طولت مننا طول شديد . يعني هسي ليك اكتر من اسبوعين ماجيتينا ..
طبعا انا بعاين ليهن الاتنين بتكلمن مع بعض ..
نادية قالت ليها ..عمي احمد وينو ياسارة؟ قالت ليها طلع المسجد صلاة العشاء بجي هسي .. قالت ليها انا عايزة اتكلم معاهو.. واتوسط لي صالح عشان يرضى عنو ..ويخليهو يجي البيت ..
قالت ليها والله مااا أظنو.. لانو ابوي من ما جاء البيت.. بتحلف ويتجزم ..قال والله تاني مايعتب البيت ده ..
طبعا" انا حاسي انو نادية ما مرتاحة لي قعدة صالح معانا في البيت ..لانها حتكون مقيدة .. في بيتها . ولو ابوي رضا منو ..وخلاهو يجي البيت . بتكون نادية ضربت عصفورين بي حجر .. واحد نالت شرف الاصلاح بين الوالد وولدو .. وتانيا ارتاحت من ضيق صالح معانا في البيت .. ده طبعا" المنطق بقول كدا ..
اها يازول ابوي جا وسلم عليها بي كل ترحاب.. وقالت ليهو الف سلامة عليها ياعمي ..
قال ليها الله يسلمك يابتي .. مصايب الدنيا تقولي شنو؟ قالو التجي من السماء تتحملا الواطا .. نسوي شنو عاد قدرنا كدي ..
قاات ليهو ياعمي انت كلك نظر.. عارف انو صالح ماكان قاصد يأذى اختو . بس ايدو فلتت .. انت لازم تبقى قلبك كبير ..وما تفقد ولدك الكبير بي سبب غلطة هو ما قاصدها .
قال ليها ماقاصدها كيف يا نادية؟؟ الولد بضرب في البت قدام امها وابوها .. يعني انا ميت مثلا؟؟
نادية قالت ليهو بس ياعمي هو مازول غريب ..هو اخوها الكبير..
قال ليها اخوها الكبير لمن اكون انا مافي ..
المهم بقو يتناقشو هي وابوي . وانا عرفت انهم ما حيتوصلو لاي نتيجة .. لانو ابوي مقوي راسو ..
اخدنا قعدتنا معاهم ..وشربنا الشاي.. ورجعنا البيت .. في الشارع
نادية قالت لي انت قلت لي صالح مشى وين؟
قلت ليها قال ماشي لي اصحابو في جبرة ..واصحابو ديل وكت يمشي ليهم ..بقعد معاهم 3 اربعة يوم ..يعني مابجي الليلة ..
نادية قالت لي يعني الليلة عندنا برنامج ؟ قلت ليها ياريت .
قالت لي بس بشرط ..انت الليلة ماتطلع تاني ..هسي بتقول لي ماشي لاصحابي.. وتجيني الساعة مية بالليل تلقاني دايخة ..
قلت ليها لالا الليلة ما ماشي اي حتة ..ولاعندي اخلاق اطلع .
نادية صلت البيت.. وولعت الحفرة ..وقجت البيت كلو زي كمينة الطوب . وقامت اتزينت ..بي كامل زينتها .. واتعطرت ولبست ملابس النوم.. والحوش ده كلو بقى عطور . انا اشك انو الجار الرابع شامي الريحة بتاعة الخمره ..
وجهزنا السراير برة ..
اول من جات قعدت جمبي ... الباب كوكو .. كوكو ..
وصوت صالح من برة يكورك .. يا شمس الدين .. افتح الباب ..

الى اللقاء ..

[لامارا]

ﺍﻟﺤﻠﻘﺔ 4
..
ﻃﺒﻌﺎ ﻻﻣﻦ ﺳﻤﻌﻨﺎ ﺩﻕ ﺍﻟﺒﺎﺏ ..ﻭﺻﻮﺕ ﺻﺎﻟﺢ ﺑﻨﺎﺩﻱ ..ﺍﺗﺒﺸﺘﻨﺎ ﺑﺸﺘﻨﺔ ﺷﺪﻳﺪﺓ ﺧﻼﺹ .. ﻭﺑﻘﻴﻨﺎ ﻣﺘﻮﺗﺮﻳﻦ
. ﻣﻦ ﺍﻟﺮﻳﺤﺔ ﻭﺍﻟﻮﺿﻊ ﻋﻤﻮﻣﺎ . . .. ﻧﺎﺩﻳﺔ ﻗﺎﻟﺖ ﻟﻲ .. ﺍﻣﺸﻲ ﻟﻴﻬﻮ ﺑﺮﺓ ﺍﺷﻐﻠﻮ ﺷﻮﻳﺔ .. ﻗﺒﻞ ﻳﺪﺧﻞ ..
ﺍﻧﺎ ﺍﺩﺧﻞ ﺍﻟﻤﺮﺍﺗﺐ ﺩﻳﻞ ﺟﻮﺓ .. ﻭﺑﻌﺪﻳﻦ ﺧﻠﻴﻬﻮ ﻳﺪﺧﻞ ﻓﻲ ﺍﻻﻭﺿﺔ . ﻭﺷﻐﻞ ﻟﻴﻬﻮ ﺍﻟﻤﺮﻭﺣﺔ ..
ﺍﻧﺎ ﻣﺎ ﺍﺷﺘﻐﻠﺖ ﺑﻲ ﻛﻼﻡ ﻧﺎﺩﻳﺔ .. ﻛﻮﺭﻛﺖ ﻟﻲ ﺻﺎﻟﺢ .. ﻗﻠﺖ ﻟﻴﻬﻮ ﺩﻗﻴﻘﺔ ﻳﺎﺻﺎﻟﺢ ﺟﺎﻳﻴﻚ .. ﻭﺩﺧﻠﺖ
ﻣﻌﺎﻫﺎ ﺍﻟﻤﺮﺍﺗﺐ .. ﻭﺭﺗﺒﻨﺎ ﺍﻟﺤﺘﺔ ﻛﻮﻳﺲ ..
ﻭﻫﻲ ﻗﻌﺪﺕ ﺟﻮﺓ ﻭﻗﻔﻠﺖ ﺍﻟﺒﺎﺏ ..
ﻭﺍﻧﺎ ﻣﺸﻴﺖ ﻓﺘﺤﺖ ﺍﻟﺒﺎﺏ ﻟﻲ ﺻﺎﻟﺢ .. ﻃﺒﻌﺎ ﺍﻧﺎ ﺧﺠﻠﺖ ﺷﺪﻳﺪ ﻣﻦ ﺻﺎﻟﺢ ..
ﻭﻣﺎ ﻛﻨﺖ ﻣﺘﻮﻗﻌﻮ ﻳﺠﻲ .. ﻳﻌﻨﻲ ﻓﻌﻼ ﺍﻟﻮﻛﺖ ﺍﺗﺄﺧﺮ . ﻟﻜﻦ ﺍﻧﺎ ﻛﻨﺖ ﺧﺎﺗﻲ ﺍﻧﻮ ﺡ ﻳﺒﻴﺖ ﻋﻨﺪ ﺍﺻﺤﺎﺑﻮ ﻓﻲ
ﺟﺒﺮﺓ . ﻣﺎﺣﺼﻞ ﻳﻮﻡ ﻣﺸﻰ ﻟﻴﻬﻢ ﻭﺟﺎ ﻓﻲ ﻧﻔﺲ ﺍﻟﻴﻮﻡ ..
ﻣﺸﻴﺖ ﻟﻲ ﻧﺎﺩﻳﺔ .. ﻗﻠﺖ ﻟﻴﻬﺎ ﺍﻋﻤﻠﻲ ﻟﻴﻬﻮ ﻋﺸﺎﺀ . ﻓﻲ ﺑﺎﻗﻲ ﻓﻮﻝ ﻭﻻ ﺃﻱ ﺣﺎﺟﺔ؟ .. ﻗﺎﻟﺖ ﻟﻲ ﺍﻳﻮﺓ ﻓﻲ
..ﺍﻟﻔﻮﻝ ﻭﺍﻟﻌﻴﺶ ﻛﻠﻮ ﻣﻮﺟﻮﺩ .. ﺑﺲ ﺩﻗﺎﻳﻖ ﺍﻋﻤﻞ ﻟﻴﻬﻮ ﺑﻴﺾ ﺑﺎﻟﻄﻮﺓ . ﺑﺲ ﺍﺣﺘﻤﺎﻝ ﻳﻜﻮﻥ ﻣﺘﻌﺸﻲ .
ﻗﻠﺖ ﻟﻴﻬﺎ ﻭﺍﻟﻠﻪ ﻣﺎﻋﺎﺭﻓﻮ ﻭﻻ ﺳﺄﻟﺘﻮ .. ﺍﻧﺎ ﺑﻀﺎﻳﻖ ﻣﻦ ﺣﻜﺎﻳﺔ ﺗﻘﻮﻝ ﻟﻠﺰﻭﻝ .. ﻧﺠﻴﺐ ﻟﻴﻚ
ﻋﺸﺎ؟ ..ﻭﺗﺴﺄﻟﻮ ﺗﻘﻮﻝ ﻟﻴﻬﻮ ﻣﺘﻌﺸﻲ ؟ ﺩﻱ ﻫﺒﺎﻟﺔ ﻭﺑﺨﻞ . ﺗﻤﺸﻲ ﺗﺠﻴﺐ ﺍﻛﻠﻚ .. ﻛﺎﻥ ﺍﻛﻞ ﺍﻛﻞ .. ﻛﺎﻥ
ﻣﺎ ﺃﻛﻞ ﺍﻻﻛﻞ ﻳﺮﺟﻊ .
ﺍﺭﺡ ﻳﺎﻧﺎﺩﻳﺔ ﺳﻮﻱ .. ﻟﺒﺴﺖ ﺗﻮﺑﺎ .. ﻭﻧﻮﺭ ﺍﻟﺤﻮﺵ ﻛﺎﻥ ﻣﻮﻟﻊ .. ﻭﺩﺧﻠﺖ ﺍﻟﻤﻄﺒﺦ . ﻭﺍﻧﺎ ﻣﺸﻴﺖ ﺑﺘﻮﻧﺲ ﻣﻊ
ﺻﺎﻟﺢ.. ﻭﻛﻠﻬﺎ ﻋﺸﺮﺓ ﺩﻗﺎﻳﻖ ﻭﺍﺳﻤﻊ ﻟﻴﻚ ﻧﺎﺩﻳﺔ ﻛﻮﺭﻛﺖ .. ﻳﺎﺷﻤﺴﻲ ﺗﻌﺎﻝ ﺷﻴﻞ ﺍﻟﻌﺸﺎﺀ ..
ﻣﺸﻴﺖ ﺷﻠﺘﺎ ﺍﻟﻌﺸﺎ ﺟﺒﺘﻮ .. ﻭﺻﺎﻟﺢ ﻏﺴﻞ ﺍﻳﺪﻳﻬﻮ ﻭﺍﺗﻌﺸﻰ .. ﻭﻣﺎﺳﺄﻟﺘﻮ ﻋﻦ ﺍﺻﺤﺎﺑﻮ .. ﻭﻟﻴﻪ ﺟﺎ ﺭﺍﺟﻊ
.. ﻣﺎﻇﺮﻳﻔﺔ ﻳﻌﻨﻲ .. ﻋﺸﺎﻥ ﻣﺎﻳﻘﻮﻝ ﺍﺧﻮﻱ ﻣﺘﻀﺎﻳﻖ ﻣﻨﻲ .. ﺑﻌﺪ ﺍﺗﻌﺸﻴﻨﺎ .. ﺍﻧﺎ ﻣﺸﻴﺖ ﻟﻲ ﻧﺎﺩﻳﺔ ﻗﻠﺖ
ﻟﻴﻬﺎ ﻧﻮﻣﻲ ...
ﺻﺒﺎﺣﺎﺕ ﺍﻟﻠﻪ ﺑﻲ ﺧﻴﺮﺍ .. ﻏﺎﻳﺘﻮ ﺍﻧﺎ ﺣﺎﺳﻲ ﺑﺎﻟﻀﻴﻖ ﻭﺍﻟﻤﺮﺍﺭﺓ ﺍﻟﻔﻲ ﻗﻠﺒﻬﺎ ﻓﻲ ﺍﻟﻠﺤﻈﺔ ﺩﻱ ..ﻟﻜﻦ ﻋﺎﻣﻞ
ﺭﺍﻳﺢ ﻃﺒﻌﺎ ..
ﻣﺸﻴﺖ ﻋﺎﻳﺰ ﺍﻧﻮﻡ ﻓﻲ ﺍﻟﻐﺮﻓﺔ ﺍﻟﺸﺮﻗﻴﺔ ﻣﻊ ﺻﺎﻟﺢ .. ﺻﺎﻟﺢ ﻗﺎﻝ ﻟﻲ ﺍﻧﺖ ﺩﺍﻳﺮ ﺗﻨﻮﻡ ﻫﻨﺎ ﻟﻴﻪ ؟ .. ﻗﻠﺖ
ﻟﻴﻬﻮ ﺍﻧﺖ ﺍﻭﻝ ﻳﻮﻡ ﺗﺒﻴﺖ ﻣﻌﺎﻱ ﻓﻲ ﺍﻟﺒﻴﺖ .. ﺍﻟﻠﻴﻠﺔ ﺧﻠﻴﻨﻲ ﻣﻌﺎﻙ ..
ﻗﺎﻝ ﻟﻲ ﺍﻧﺖ ﺍﻫﺒﻞ ؟؟ ﺗﺨﻠﻲ ﻣﺮﺗﻚ ﺭﺍﻗﺪﺓ ﺑﺮﺍﻫﺎ .. ﻭﺗﺠﻲ ﺗﺮﻗﺪ ﻣﻌﺎﻱ ﺍﻧﺎ ؟ ﻗﺎﻟﻮ ﻟﻚ ﺍﻧﺎ ﺑﺨﺎﻑ ﻭﻻ
ﺷﻨﻮ؟
ﻗﻮﻡ ﺍﺗﻠﻤﻠﻢ ﺍﻣﺸﻲ ﻋﻠﻰ ﻣﺮﺗﻚ . ﻭﻗﻌﺪﺕ ﺍﺗﻨﺎﻗﺶ ﻣﻌﺎﻫﻮ .. ﺣﺴﻤﻨﻲ ﺑﻲ ﻛﻠﻤﺔ .
ﻗﺎﻝ ﻟﻲ ﻣﺎﺗﺤﺴﺴﻨﻲ ﺍﻧﻲ ﻋﺐﺀ ﻋﻠﻴﻚ . ﻭﺍﻧﻲ ﺑﻘﻠﺐ ﻟﻴﻚ ﺣﻴﺎﺗﻚ . ﺧﻠﻴﻚ ﻃﺒﻴﻌﻲ .. ﻭﺍﺗﻌﺎﻣﻞ ﻋﻠﻰ ﺍﺳﺎﺱ
ﻛﺪﺍ . ﻗﻠﺖ ﻟﻴﻬﻮ ﺧﻼﺹ ﻳﺎﺻﺎﻟﺢ ﺍﺗﻮﻧﺲ ﻣﻌﺎﻙ ﺷﻮﻳﺔ ﻭﺍﻣﺸﻲ .. ﻗﺎﻝ ﻟﻲ ﻣﺎﻋﺎﻳﺰ ﻭﻧﺴﺔ .. ﺍﻧﺎ ﻧﻌﺴﺎﻥ
ﺩﺍﻳﺮ ﺍﻧﻮﻡ ..
ﻗﻠﺖ ﻟﻴﻬﻮ ﻃﻴﺐ ﺗﺼﺒﺢ ﻋﻠﻰ ﺧﻴﺮ .. ﻭﺭﺟﻌﺖ ﻟﻲ ﻧﺎﺩﻳﺔ .. ﻗﻠﺖ ﻟﻴﻬﺎ ﺣﻤﺎﻧﻲ ﺍﺑﻴﺖ ﻣﻌﺎﻫﻮ .. ﻗﺎﻟﺖ ﻟﻲ
ﻃﺒﻌﺎ " ﻣﺎ ﺣﻴﺨﻠﻴﻚ .. ﺑﻘﻴﻨﺎ ﺑﺎﻳﺘﻴﻦ ﺍﻧﺎ ﻭﻣﺮﺗﻲ ﻓﻲ ﺍﻟﻐﺮﻓﺔ ﺍﻟﻐﺮﺑﻴﺔ .. ﻫﻮ ﻓﻲ ﺍﻟﻐﺮﻓﺔ ﺍﻟﺸﺮﻗﻴﻪ ..
ﻭﺍﻟﺼﺒﺎﺡ ﻃﻠﻊ ﻣﻌﺎﻱ . ﻣﺎﺳﺄﻟﺘﻮ ﻣﺎﺷﻲ ﻭﻳﻦ؟ ﺍﻧﺎ ﺭﻛﺒﺖ ﺍﻟﺨﺮﻃﻮﻡ .. ﻭﻫﻮ ﺭﻛﺐ ﺑﺤﺮﻱ . ﻗﺎﻟﻲ ﻳﻼ
ﻧﺘﻼﻗﻰ ﺍﻟﻤﺴﺎﺀ .
ﻭﺍﻟﻤﺴﺎﺀ ﻣﺎﺟﺎﺀ . ﺍﻧﺎ ﺑﻌﺪ ﺍﻟﻤﻐﺮﺏ ﻃﻠﻌﺖ ﻋﻠﻰ ﺍﻟﻔﺮﻥ .. ﺯﻱ ﺍﻟﺴﺎﻋﺔ 9
ﺩﻗﻴﺖ ﻟﻴﻬﻮ ﺗﻠﻔﻮﻧﻮ ﻣﻘﻔﻮﻝ . ﺑﻌﺪ ﻧﺺ ﺳﺎﻋﺔ ﺟﺎﻧﺎ ﻓﻲ ﺍﻟﻔﺮﻥ .. ﻗﺎﻝ ﻟﻲ ﻣﺸﻴﺖ ﻟﻴﻚ ﻓﻲ ﺍﻟﺒﻴﺖ ..
ﻭﻧﺎﺩﻳﺔ ﻗﺎﻟﺖ ﺍﻧﻚ ﻫﻨﺎ .
ﻗﻌﺪﻧﺎ ﻳﺎﺯﻭﻝ ﻟﻐﺎﻳﺔ 11 ﻛﺪﺍ ﻭﺭﺟﻌﻨﺎ ﺍﻟﺒﻴﺖ .. ﺩﻗﻴﺖ ﺍﻟﺒﺎﺏ ﻟﻲ ﻧﺎﺩﻳﺔ . ﻋﺸﺎﻥ ﺗﺘﻠﻤﻠﻢ .. ﻟﻜﻦ ﻫﻲ
ﻣﺎﺑﺘﺘﻮﺻﻰ .. ﻗﺎﻋﺪﺓ ﺑﻲ ﺗﻮﺑﺎ ﻣﺘﻮﻗﻌﺎﻧﺎ ﻓﻲ ﺍﻱ ﻟﺤﻈﺔ ﻧﺠﻲ .. ﻓﺘﺤﺖ ﺍﻟﺒﺎﺏ ﻭﺍﻟﻌﺸﺎ ﺟﺎﻫﺰ ...
ﻭﺍﺗﻌﺸﻴﻨﺎ ﻭﻧﻔﺲ ﺍﻟﻘﺼﺔ .. ﻫﻮ ﺑﺎﺕ ﺑﻴﻐﺎﺩﻱ ﻭﻧﺤﻦ ﺑﻲ ﺟﺎﻱ .. ﻭﺍﻟﺼﺒﺎﺡ ﻃﻠﻌﻨﺎ ﺳﻮﺓ ﻭﺍﻟﺘﺮﺗﻴﺐ ﺍﺳﺘﻤﺮ
ﺑﺎﻟﻄﺮﻳﻘﺔ ﻛﻢ ﻳﻮﻡ ..
ﻭﺑﻘﻰ ﻣﺎ ﺑﺠﻴﺐ ﺳﻴﺮﺓ ﻧﺎﺱ ﺍﻟﺒﻴﺖ .. ﻭﻳﻈﻬﺮ ﺍﻧﻮ ﻣﺮﺗﺎﺡ ﺟﺪﺍ ﻣﻌﺎﻱ ﻓﻲ ﺑﻴﺘﻲ .. ﻭﺍﻧﺎ ﻣﺎﺣﺎﺳﻲ ﺍﻧﻮ
ﻣﺸﻜﻞ ﻟﻴﻨﺎ ﻓﺎﺭﻕ ..
ﺑﺲ ﺍﻟﺸﻲ ﺍﻟﻤﻘﻠﻘﻨﻲ ﺍﻟﻨﻬﺎﺭ ﺩﻩ ﻛﻠﻮ ﺍﻟﺰﻭﻝ ﺩﻩ ﺑﻤﺸﻲ ﻭﻳﻦ؟ .. ﻭﻓﺘﺮﺓ ﻣﺎﻗﺎﺩﺭ ﺃﺳﺎﻟﻮ ..
ﺍﻟﻤﻬﻢ ﻳﻮﻡ ﻣﻦ ﺍﻻﻳﺎﻡ ﺳﺄﻟﺘﻪ .. ﻗﻠﺖ ﻟﻴﻬﻮ ﺍﻧﺖ ﻳﺎﺻﺎﻟﺢ ﺍﺻﺤﺎﺑﻚ ﺍﻟﻔﻲ ﺟﺒﺮﺓ ﺩﻳﻞ ﻭﻳﻦ .. ﺍﻧﺎ ﻋﺎﻳﺰ ﺍﻣﺸﻲ
ﻣﻌﺎﻙ ﻳﻮﻡ ﻟﻴﻬﻢ .. ﻭﺍﺗﻌﺮﻑ ﻋﻠﻴﻬﻢ ..
ﻗﺎﻝ ﻟﻲ ﻛﻮﻳﺲ .. ﻟﻤﻦ ﺍﻛﻮﻥ ﻣﺎﺷﻲ ﻟﻴﻬﻢ ﺑﻜﻠﻤﻚ .. ﻳﻌﻨﻲ ﻣﻌﻨﺎﻫﺎ ﻣﺎﻗﺎﻋﺪ ﻳﻤﺸﻲ ﻟﻴﻬﻢ .. ﻃﻴﺐ ﻳﺎﺭﺑﻲ
ﻗﺎﻋﺪ ﻳﻤﺸﻲ ﻭﻳﻦ؟؟..
ﺍﻧﺎ ﻻﺣﻈﺖ ﺣﺎﺟﺔ ﻓﻲ ﺍﻟﻔﺘﺮﺓ ﺩﻱ .. ﻓﻲ ﺍﻱ ﻟﺤﻈﺔ ﺍﺻﺤﻰ ﺑﺎﻟﻠﻴﻞ ﺍﺩﺧﻞ ﻋﻠﻴﻬﻮ ﺑﻠﻘﺎﻫﻮ ﺻﺎﺣﻲ .. ﺷﻜﻠﻮ
ﺍﻟﻠﻴﻞ ﻛﻠﻮ ﻣﺎﺑﻨﻮﻡ .. ﻭﻳﻨﺨﺲ ﻓﻲ ﺗﻠﻔﻮﻧﻮ .. ﻭﺑﻘﻰ ﻳﺴﺮﺡ ﻛﺘﻴﺮ .. ﻭﻣﺮﺍﺕ ﺑﻘﻰ ﻳﻨﻮﻡ ﺑﺪﻭﻥ ﻣﺎﻳﺼﻠﻲ
ﺍﻟﻌﺸﺎﺀ . ﻭﻳﻄﻠﻊ ﺑﺪﻭﻥ ﻣﺎﻳﺼﻠﻲ ﺍﻟﺼﺒﺢ .. ﻭﻣﺮﺍﺕ ﻓﻮﻕ ﺍﻻﻛﻞ ﺩﻩ ﻳﻮﺩﻱ ﺍﻟﻠﻘﻤﺔ ﻋﻠﻰ ﺧﺸﻤﻮ ﻭﻣﺎﺑﻮﺻﻼ
ﺧﺸﻤﻮ .. ﻳﺴﺮﺡ ﻣﺴﺎﻓﺔ .. ﻟﻐﺎﻳﺔ ﻣﺎ ﺍﻧﺒﻬﻮ ﺍﻗﻮﻝ ﻟﻴﻬﻮ ﻣﺎﻟﻚ ﻣﺎﺑﺘﺎﻛﻞ ﻳﺎﺻﺎﻟﺢ؟ ..
ﺍﻟﺤﻜﺎﻳﺔ ﺩﻱ ﺍﺗﻜﺮﺭﺕ ﻛﻢ ﻣﺮﺓ ﻛﺪﺍ .. ﻭﺗﻠﻘﺎﻫﻮ ﻃﻮﺍﻟﻲ ﻣﺘﻤﺤﻦ .. ﻟﻜﻦ ﻃﺒﻴﻌﻲ .. ﺑﺘﻜﻠﻢ ﻋﺎﺩﻱ .. ﻣﺎﻓﻲ
ﺣﺎﺟﺔ ﻛﺪﺍ ﺗﻘﻮﻝ ﺍﻟﺰﻭﻝ ﺩﻩ ﻋﻴﺎﻥ ﻭﻻ ﺣﺎﺟﺔ ..
ﺍﻧﺎ ﻣﺎ ﺍﻫﺘﻤﻴﺖ ﺑﺎﻟﻤﻮﺿﻮﻉ .. ﻗﻠﺖ ﻟﻮ ﻗﻤﺖ ﺍﺗﻜﻠﻤﺖ ﻣﻌﺎﻫﻮ ﻳﻌﻤﻞ ﻟﻲ ﻣﻮﺿﻮﻉ ..
ﺍﻧﺎ ﻗﻠﺖ ﻳﻤﻜﻦ ﺍﻟﺤﺎﻟﺔ ﺩﻱ ﻣﻦ ﺍﻟﻔﺮﺍﻍ ﺍﻟﻌﺎﻳﺶ ﻓﻴﻬﻮ .. ﺑﻘﻴﺖ ﺑٍﺴﺄﻝ ﻓﻲ ﺍﺻﺤﺎﺑﻲ ﻭﻧﺎﺱ ﺍﻟﺸﻐﻞ .. ﻋﻦ
ﺍﻱ ﺷﻐﻼﻧﺔ ﻟﻲ ﺻﺎﻟﺢ ﺍﺧﻮﻱ .
ﻟﻼﺳﻒ ﻣﺎﻟﻘﻴﺖ ﺍﻱ ﺣﺎﺟﺔ .. ﺍﻟﺒﻠﺪ ﺍﻏﻠﺒﻴﺔ ﺷﺒﺎﺑﻬﺎ ﻋﻄﺎﻟﺔ .. ﺭﺑﻨﺎ ﻳﻬﻮﻥ .
ﻓﻲ ﻳﻮﻡ ﻓﻲ ﺍﻟﻔﺘﺮﺓ ﺩﻱ ﺫﺍﺗﻬﺎ . ﻛﺎﻥ ﻓﻲ ﻭﺍﺣﺪﺓ ﻣﻦ ﺍﻟﺒﻨﺎﺕ ﺍﺳﻤﻬﺎ ﺃﻳﻪ ﻛﺎﻧﺖ ﺯﻣﻴﻠﺘﻨﺎ ﻓﻲ ﺍﻟﺸﻐﻞ ﺑﺪﺭﻱ
.. ﻭﻛﺎﻥ ﺑﻴﻨﻲ ﻭﺑﻴﻨﻬﺎ ﻓﻲ ﻋﻼﻗﺔ . ﻭﺧﻠﺖ ﺍﻟﺸﻐﻞ ﺑﺲ ﻣﺎﻋﺎﺭﻓﻬﺎ ﻟﻘﺖ ﺗﻠﻔﻮﻧﻲ ﻭﻳﻦ . ﺑﻘﺖ ﺗﺘﺼﻞ ﻋﻠﻲ
ﻛﺘﻴﺮ ﻭﺗﺮﺳﻞ ﻟﻲ ﺭﺳﺎﻳﻞ .. ﻭ ﻣﺼﺮﺓ ﺗﻼﻗﻴﻨﻲ .. ﺣﻘﻴﻘﺔ ﺍﻧﺎ ﻛﺎﻥ ﻧﻔﺴﻲ ﺍﻻﻗﻴﻬﺎ ﻻﻧﻲ ﻃﻮﻟﺖ ﻣﻨﻬﺎ ..
ﻣﻊ ﺍﻧﻲ ﺣﺎﺳﻲ ﺑﺎﻧﻲ ﻣﺎﻋﻨﺪﻱ ﻟﻴﻬﺎ ﺣﺎﺟﺔ .. ﻟﻜﻦ ﺑﺲ ﻛﺪﺍ ﺩﺍﻳﺮ ﺍﻻﻗﻴﻬﺎ ..
ﻗﻤﺖ ﻳﻮﻡ ﻋﻤﻠﺖ ﻣﻌﺎﻫﺎ ﻣﻮﺍﻋﻴﺪ ﻋﻠﻰ ﺍﺳﺎﺱ ﻧﺘﻼﻗﻰ ﻓﻲ ﺍﻣﺪﺭﻣﺎﻥ
ﻓﻲ ﻣﺤﻞ ﻛﺪﺍ ﻓﻲ ﺷﺎﺭﻉ ﺍﻟﻌﺮﺿﺔ . ﻣﺤﻞ ﺑﺘﺎﻉ ﻣﺸﻮﻳﺎﺕ ﺍﻟﻤﻬﻢ ﺍﺗﻔﻘﻨﺎ ﻧﺘﻼﻗﺎ ﻓﻴﻬﻮ .. ﺯﻱ ﺍﻟﺴﺎﻋﺔ 3
ﻭﻧﺲ ﻋﺼﺮ ..
ﻓﻲ ﻧﻔﺲ ﺍﻟﻤﻮﺍﻋﻴﺪ ﺍﻻﻧﺎ ﺿﺮﺑﺘﻬﺎ ﻣﻌﺎﻫﺎ .. ﻗﺒﻞ ﺍﻟﻠﻘﺎﺀ ﺩﻩ ﺑﻲ ﻧﺺ ﺳﺎﻋﺔ ﺍﺗﺼﻠﺖ ﻋﻠﻲ ﻧﺎﺩﻳﺔ ﻣﻦ ﺍﻟﺒﻴﺖ
.. ﻭﻗﺎﻟﺖ ﻟﻲ ﺍﻧﺖ ﻭﻳﻦ؟ . ﺟﺎﻱ ﻋﻠﻴﻨﺎ ﻓﻲ ﺍﻟﺸﺎﺭﻉ؟
ﻗﻠﺖ ﻟﻴﻬﺎ ﻻ ﻣﺎﻟﻚ ﻓﻲ ﺷﻨﻮ؟
ﻗﺎﻟﺖ ﻟﻲ ﻻﻧﻮ ﺻﺎﻟﺢ ﺩﻩ ﺟﺎ ﺍﻟﺒﻴﺖ ﻭﺷﻜﻠﻮ ﻋﻴﺎﻥ ..
ﻗﻠﺖ ﻟﻴﻬﺎ ﻣﺎﻟﻮ ؟ ﻗﺎﻟﺖ ﻟﻲ ﻫﻮ ﻗﺎﻝ ﻣﺎﻋﻨﺪﻭ ﺣﺎﺟﺔ ﻟﻜﻦ ﺷﻜﻠﻮ ﻣﻮﻋﺎﺟﺒﻨﻲ
ﻗﻠﺖ ﻟﻴﻬﺎ ﺧﻼﺹ ﺧﻠﻴﻬﻮ ﺍﻋﻤﻠﻲ ﻟﻴﻬﻮ ﻛﺒﺎﻳﺔ ﻟﻴﻤﻮﻥ ﻣﺴﺎﻓﺔ ﺍﻟﺴﻜﺔ ﻭﺍﻧﺎ ﺑﺠﻲ ﻋﻠﻴﻜﻢ ..
ﺍﺗﺼﻠﺖ ﻋﻠﻲ (ﺍﻳﺔ) .. ﻋﺸﺎﻥ ﺍﻟﻐﻲ ﻣﻮﺍﻋﻴﺪﻱ ﻣﻌﺎﻫﺎ .. ﻗﺎﻟﺖ ﻟﻲ ﺍﻧﺎ ﻣﻨﺘﻈﺮﺍﻙ ﻓﻲ ﺍﻟﻤﺤﻞ ﻟﻲ ﻧﺺ
ﺳﺎﻋﺔ .. ﺷﻔﺖ ﺍﻟﺸﻔﻘﺔ ﺩﻱ ﻛﻴﻒ ﻳﺎﺷﻤﺲ .. ﻗﻠﺖ ﻟﻴﻬﺎ ﻃﻴﺐ ﻛﻮﻳﺲ ﻋﺸﺮﺓ ﺩﻗﺎﻳﻖ ﻭﺍﻧﺎ ﻣﻌﺎﻙ .. ﺍﻟﻮﻛﺖ
ﺩﻩ ﺍﻧﺎ ﻛﻨﺖ ﺍﺻﻼ ﻣﺎﺷﻲ ﻋﻠﻰ ﺍﻣﺪﺭﻣﺎﻥ ﻓﻲ ﺍﻟﻜﺒﺮﻱ ..
ﺍﻟﻤﻬﻢ ﺍﻳﺔ ﻣﻨﺘﻈﺮﺓ ﻟﻴﻬﺎ ﻧﺺ ﺳﺎﻋﺔ ﻣﺎﻗﺪﺭﺕ ﺍﻗﻮﻝ ﻟﻴﻬﺎ ﺍﻧﺎ ﻣﺎﺷﻲ ﺍﻟﺒﻴﺖ
ﺍﻭ ﺍﺧﺘﻠﻖ ﻟﻴﻬﺎ ﻋﺬﺭ .. ﺣﺘﺘﻌﻘﺪ ﻃﻮﺍﻟﻲ .. ﻻﻧﻬﺎ ﺍﻧﺎ ﻣﻤﺎﺟﻴﺖ .. ﺑﺘﺴﺄﻝ ﻓﻴﻨﻲ .. ﺍﻧﺎ ﺷﻜﻠﻲ ﺍﺗﻐﻴﺮ
ﻳﺎﺷﻤﺲ ﺍﻟﺪﻳﻦ؟ ﺑﻘﻴﺖ ﺷﻴﻨﺔ ﻣﻮﺵ ﻛﺪﺍ؟
ﺍﺳﺎﺳﺎ ﻋﻨﺪﻫﺎ ﻫﻮﺱ ﺍﻧﻬﺎ ﺍﺗﻘﺪﻣﺖ ﻓﻲ ﺍﻟﺴﻦ .. ﻭﻣﺘﻮﻗﻌﺎﻧﻲ ﺍﻋﺰﻣﻬﺎ ﻏﺪﺍ ﻭﻛﺪﺍ ..
ﻏﺎﻳﺘﻮ ﻗﻮﻳﺖ ﻗﻠﺒﻲ ﻭﻗﻌﺪﺕ ﻣﻌﺎﻫﺎ .ﻣﻊ ﺍﻧﻲ ﻣﻘﻠﻖ ﺍﻧﻮ ﺻﺎﻟﺢ ﻋﻴﺎﻥ ﻓﻲ ﺍﻟﺒﻴﺖ . ﻭﻧﺎﺩﻳﺔ ﻣﺎ ﻣﻌﺎﻫﺎ ﺯﻭﻝ ..
ﻭﺻﺎﻟﺢ ﺍﺻﻼ ﻣﺎﺑﺪﺧﻞ ﺑﻴﺘﻲ ﻭﺍﻧﺎ ﻣﺎﻓﻲ .. ﻻﻧﻮ ﻋﺎﺭﻑ ﻧﺎﺩﻳﺔ ﺑﺮﺍﻫﺎ ﻣﻌﻨﺎﻫﺎ ﻓﻌﻼ ﺍﻟﺰﻭﻝ ﺩﻩ ﻣﺎﻛﻮﻳﺲ ..
ﻃﻠﺒﺖ ﻏﺪﺍ ﻭﻋﺼﻴﺮ .. ﻭﻗﻌﺪﺕ ﺑﺘﻮﻧﺲ ﻣﻊ ﺍﻟﺒﺖ . ﻭﺑﻨﺎﻛﻞ . ﺗﺎﻧﻲ ﻧﺎﺩﻳﺔ ﺍﺗﺼﻠﺖ
ﻋﺎﻳﻨﺖ ﻟﻠﺘﻠﻔﻮﻥ ﺑﻲ ﺗﺤﺖ ﺍﻟﻄﺮﺑﻴﺰﺓ ﻛﺪﻱ ﻭﻗﻔﻠﺘﻮ .. ﻭﺍﻟﺒﺖ ﺷﻐﺎﻟﺔ ﺗﺮﻏﻲ
ﻭﺗﻬﻀﺮﺏ ( ﻭﺍﻟﻠﻪ ﺍﻟﻌﻈﻴﻢ ﺍﻧﺎ ﺧﻄﺒﻮﻧﻲ ﻣﺮﺗﻴﻦ .. ﻭﺍﻻﺗﻨﻴﻦ ﺍﺑﻴﺘﻬﻢ ﺑﺮﺍﻱ .. ﻳﻌﻨﻲ ﻟﻴﻪ ﺍﺗﺰﻭﺝ ﻟﻲ ﻭﺍﺣﺪ ﺍﻧﺎ
ﻣﺎﺑﺤﺒﻮ .. ﻏﺎﻳﺘﻮ ﻓﻲ ﺍﻟﺪﻧﻴﺎ ﺩﻱ ﺍﻟﺒﺘﺮﻳﺪﻭ ﻣﺎﻳﺮﻳﺪﻙ .. ﻭﺍﻟﺒﺮﻳﺪﻙ ﻣﺎﺑﺘﺮﻳﺪﻭ .. ﺍﻟﺒﻨﺪﻭﺭﻭ ﻳﺎﺑﺎﻧﺎ .. ﺍﻟﻨﺎﺑﺎﻫﻮ
ﻳﺪﻭﺭﻧﺎ ..
ﻗﻠﺖ ﻟﻴﻬﺎ ﻫﺴﻲ ﺍﻟﻜﻼﻡ ﻣﻮﺵ ﻣﻌﻨﺎﻫﻮ ﺯﻱ ﺑﻌﺾ؟
ﻗﺎﻟﺖ ﻟﻲ ﺍﻳﻮﺓ ﺑﺲ ﻟﻠﺘﺄﻛﻴﺪ ﻳﻌﻨﻲ .. ﺍﻧﺖ ﻳﺎ ﺷﻤﺲ ﻗﻠﺖ ﻟﻲ ﺍﺣﻮﺍﻟﻚ ﺷﻨﻮ ﻭﺟﺪﻳﺪﻙ؟ ..
ﻗﻠﺖ ﻟﻴﻬﺎ ﻃﺒﻌﺎ ﺍﻧﺘﻲ ﻋﺎﺭﻓﺎﻧﻲ ﺍﺗﺰﻭﺟﺖ . ﻗﺎﻟﺖ ﻟﻲ ﺍﻳﻮﺓ ﺳﻤﻌﺖ .. ﺍﻫﺎ ﻛﻴﻒ ﺍﻟﻤﺪﺍﻡ ﺍﻥ ﺷﺎﺀ ﺍﻟﻠﻪ ﻛﻞ
ﺣﺎﺟﺔ ﺗﻤﺎﻡ ..
ﻗﻠﺖ ﻟﻴﻬﺎ ﻭﺍﻟﻠﻪ ﻛﻮﻳﺴﻴﻦ ﺍﻟﺤﻤﺪ ﻟﻠﻪ ﻏﺎﻳﺘﻮ ﻋﺎﻳﺸﻴﻦ ﺍﻫﻮ ..
ﻗﺎﻟﺖ ﻟﻲ ﻣﻦ ﺧﻼﻝ ﻛﻼﻣﻚ ﻳﻈﻬﺮ ﺍﻧﻚ ﻣﺎﺳﻌﻴﺪ ﻓﻲ ﺣﻴﺎﺗﻚ .. ﻗﻠﺖ ﻟﻴﻬﺎ ﻭﺍﻟﻠﻪ ﻳﺎ ﺍﻳﺔ ﺍﻟﺴﻌﺎﺩﺓ ﺩﻱ ﺷﻲ
ﺗﻘﺪﻳﺮﻱ .. ﻣﺎﻓﻲ ﺯﻭﻝ ﺑﻜﻮﻥ ﺳﻌﻴﺪ ﻣﻴﺔ ﺍﻟﻤﻴﺔ .. ﻭﻻﻓﻲ ﺯﻭﻝ ﺑﻜﻮﻥ ﺗﻌﻴﺲ ﻣﻴﺔ ﺍﻟﻤﻴﺔ ..
ﻏﺎﻳﺘﻮ ﺍﻟﺒﺖ ﺗﻨﻘﺮ ﻓﻲ ﺍﻻﻛﻞ ﺑﻲ ﺍﻃﺮﺍﻑ ﺍﺻﺎﺑﻌﻴﻬﺎ .. ﻭﺍﻧﺎ ﻣﻘﻠﻖ ﻭﻣﻀﺎﻳﻖ ﻭﻣﺎﻋﺎﻳﺰ ﺍﺯﻋﺰﻋﻬﺎ .. ﻭﻫﻲ
ﻣﺎﺧﺪﻩ ﺭﺍﺣﺘﻬﺎ ﺗﺐ .. ﻭﺍﻟﻠﻪ ﻣﺎﻓﻀﻞ ﻟﻲ ﺍﻻ ﺍﻛﺸﺢ ﻟﻴﻬﺎ ﺍﻟﻄﺮﺑﻴﺰﺓ ﻓﻲ ﻭﺷﻬﺎ .. ﻣﻦ ﻗﺒﻴﻞ ﺑﺘﻠﻒ ﻭﺗﺪﻭﺭ ..
ﺩﺍﻳﺮﺍﻧﻲ ﺍﻗﻮﻝ ﻟﻴﻬﺎ ﻣﺎﺳﻌﻴﺪ ﻓﻲ ﺣﻴﺎﺗﻲ .. ﻋﺸﺎﻥ ﺗﻠﻘﻰ ﻟﻴﻬﺎ ﻣﺪﺧﻞ .. ﻭﺗﺎﻧﻲ ﺗﺴﻜﻨﻲ ﺳﻜﺔ ﺍﺑﺘﺴﺎﻡ ﻟﻲ
ﻋﺎﻳﺪ ﻭﺩ ﺭﻗﻴﺔ .
ﻣﺎ ﺡ ﺍﻓﺘﺢ ﻟﻴﻬﺎ ﺍﻱ ﺑﺎﺏ .. ﻫﻲ ﺫﺍﺗﻬﺎ ﻛﺒﺮﺕ ﻭﺑﻘﺖ ﺷﻴﻨﺔ ﻭﻻﺑﺘﺘﻘﺎﺑﻞ ..
ﻛﺎﻥ ﺯﻣﺎﻥ ﻟﻤﻦ ﻛﺎﻧﺖ ﺯﻱ ﺍﻟﺘﻔﺎﺣﺔ .. ﻫﺴﻲ ﻳﺎﺣﻠﻴﻼ ﺍﺗﻜﺮﻣﺸﺖ ..
ﻭﻛﻤﺎﻥ ﺑﺘﻘﻮﻝ ﻟﻲ ﺭﻓﻀﺖ ﻓﻼﻥ ﻭﺭﻓﻀﺖ ﻓﻼﻥ ..
ﺍﻳﻮﺓ ﺍﻟﻮﺍﺣﺪﺓ ﻓﻴﻜﻦ ﻭﻛﺘﻬﺎ ﺍﻟﺴﻤﺤﺔ ﺗﺮﻓﺾ ﺍﻟﻌﺮﺳﺎﻥ .. ﻭﻟﻤﻦ ﺗﻌﻨﺲ ﺗﺒﻘﻰ ﻛﺎﻳﺴﺔ ﻟﻲ ﺭﺟﺎﻝ ﺍﻟﻨﺴﻮﺍﻥ
.. ﺯﻱ ﻣﺎﺑﺘﻘﻮﻝ ﻣﺮﻳﻢ ﺑﺖ ﻋﻤﺮ ( ﺍﻣﻲ) .. (ﺗﺎﺑﺎﻫﺎ ﻣﻤﻠﺤﺔ ﺗﻜﻮﺳﻠﻬﺎ ﻗﺮﻭﺽ) ..
ﻳﺎﺯﻭﻝ ﻭﻛﺖ ﻟﻘﻴﺖ ﺍﻟﺒﺖ ﻛﺎﺗﻠﺔ ﺣﻴﻼ.. ﻭﻣﺎﻋﺎﻳﺰﺓ ﺗﺘﻠﺤﻠﺢ ﻋﺸﺎﻥ ﺍﻗﻮﻡ .. ﺍﻧﺘﻈﺮﺗﻬﺎ ﺑﻲ ﻓﺮﻕ ﺍﻟﺼﺒﺮ .. ﻟﻤﻦ
ﻛﻤﻠﺖ ﺍﻛﻠﻬﺎ .. ﻭﻗﻠﺖ ﻟﻴﻬﺎ ﺍﺳﻤﻌﻲ ﻳﺎ ﺍﻳﺔ
ﺍﻧﺎ ﻧﺎﺱ ﺍﻟﺒﻴﺖ ﺿﺮﺑﻮ ﻟﻲ ﺍﻛﺘﺮ ﻣﻦ 13 ﻣﺮﺓ .. ﻭﺍﺑﻴﺖ ﺍﺭﺩ ﻋﻠﻴﻬﻢ ﻋﺸﺎﻥ ﻣﺎﺗﻘﻮﻟﻲ ﺷﻤﺲ ﺍﻟﺪﻳﻦ ﻋﺰﻣﻨﻲ
ﻟﻠﻐﺪﺍ ﻭﺯﺍﻍ ﻣﻨﻲ ..
ﻟﻜﻦ ﻭﺍﻟﻠﻪ ﺍﺧﻮﻱ ﺻﺎﻟﺢ ﻋﻴﺎﻥ .. ﻭﺭﺍﻗﺪ ﻓﻲ ﺍﻟﺒﻴﺖ ﻭﻧﺎﺱ ﺍﻟﺒﻴﺖ ﻣﺎ ﻣﻌﺎﻫﻢ ﺭﺍﺟﻞ ﻻﺯﻡ ﺍﺟﺮﻱ ﺍﺷﻮﻑ
ﺍﻟﺤﺎﺻﻞ ﺷﻨﻮ ..
ﻗﺎﻟﺖ ﻟﻲ ﺧﻼﺹ ﻳﺎﺷﻤﺴﻲ .. ﺍﻧﺎ ﻳﻮﻡ ﺍﻟﻠﻴﻠﺔ ﺩﻩ ﻣﺎ ﺑﺤﺴﺒﻮ ﻟﻴﻚ ﻻﺯﻡ ﺗﻌﻮﺿﻨﻲ ﻣﺮﺓ ﺗﺎﻧﻴﺔ .. ﻗﻠﺖ ﻟﻴﻬﺎ ﺍﻥ
ﺷﺎﺀ ﺍﻟﻠﻪ ..
ﻣﺸﻴﺖ ﻏﺴﻠﺖ ﻭﻣﺴﺤﺖ ﺧﺸﻤﻲ .. ﻭﺳﺮﻳﻊ ﺍﺗﺨﺎﺭﺟﺖ .. ﺧﻠﻴﺘﻬﺎ ﻻﻫﺴﻊ ﺗﺘﻤﺤﺮﻙ ﻭﺗﺰﺣﺰﺡ ﻓﻲ ﺍﻟﻜﺮﺍﺳﻲ
ﻋﺸﺎﻥ ﺗﻘﻮﻡ ﺗﻐﺴﻞ ..
ﻗﻮﻣﻲ ﻟﻔﻲ ﻋﻠﻴﻚ ﺍﻟﻠﻪ ﺑﻼ ( ﺧﻼﻝ ﻛﻼﻣﻚ ﻳﻈﻬﺮ ﺍﻧﻚ ﻣﺎﺳﻌﻴﺪ ﻓﻲ ﺣﻴﺎﺗﻚ )
ﺩﻱ ﻋﺒﻴﻄﺔ ﺍﻧﺘﻲ ﻭﻻﺷﻨﻮ؟
ﺍﻧﺎ ﻣﺎﺷﻲ ﻋﻠﻲ ﺍﻟﺒﻴﺖ .. ﺯﻱ ﺍﻟﻜﺎﻧﻲ ﺷﺎﻳﻒ ﺍﻟﻌﺮﺑﻴﺔ ﺩﻱ ﻣﺎﺷﺔ ﻟﻲ ﻭﺭﺍ .
ﺟﻮﺍﻱ ﺍﺣﺴﺎﺳﻴﻦ ﻣﺨﺘﻠﻔﻴﻦ .. ﻭﻣﺎﻋﺎﺭﻑ ﺍﻓﻜﺮ ﻓﻲ ﺷﻨﻮ ﻭﻻ ﺷﻨﻮ . ﺍﻭﻻ ﻣﺎﻋﺎﺭﻑ ﺻﺎﻟﺢ ﺍﻟﺤﺎﺻﻞ ﻟﻴﻬﻮ
ﺷﻨﻮ .. ﺗﺎﻧﻴﺎ ﻧﺎﺩﻳﺔ ﺑﺘﻜﻮﻥ ﺍﺗﺒﺸﺘﻨﺖ . ﻻﻧﻬﺎ ﺑﺘﺘﺠﺮﺱ ﺷﺪﻳﺪ ﻟﻤﻦ ﺗﺸﻮﻑ ﻟﻴﻬﺎ ﺯﻭﻝ ﻋﻴﺎﻥ ..
ﻭﻓﻲ ﺗﻔﻜﻴﺮ ﺷﻴﻄﺎﻧﻲ ﻗﺎﻋﺪ ﻳﺠﻴﻨﻲ ﻓﻲ ﺭﺍﺳﻲ ﻣﺮﺓ ﻣﺮﺓ .. ﻛﻞ ﻣﺮﺓ ﺑﻄﺮﺩﻭ ﻣﻦ ﺭﺍﺳﻲ .. ﻫﻮ ﺑﺪﺍﻓﻊ
ﺍﻟﻐﻴﺮﺓ ﻣﺎ ﺍﻛﺘﺮ .. ﻟﻜﻦ ﺛﻘﺘﻲ ﻓﻲ ﻧﺎﺩﻳﺔ .. ﻭﺛﻘﺘﻲ ﻓﻲ ﺻﺎﻟﺢ ﺍﺧﻮﻱ .. ﺑﺘﺨﻠﻴﻨﻲ ﺍﻃﺮﺩ ﺍﻻﻓﻜﺎﺭ ﺍﻟﺴﻮﺩﺍ ..
ﺍﻟﻤﻬﻢ ﻳﺎﺯﻭﻝ ﻭﺻﻠﺖ ﺍﻟﺒﻴﺖ ﻣﺎﻋﺎﺭﻑ ﻭﺩﻗﻴﺖ ﺍﻟﺒﺎﺏ ..

ﺍﻟﻰ ﺍﻟﻠﻘﺎﺀ ..

[لامارا]

ﺍﻟﺤﻠﻘﺔ 5 ..
..
ﻓﺘﺤﺖ ﻟﻲ ﺍﻟﺒﺎﺏ ﻧﺎﺩﻳﺔ .. ﺳﻠﻤﺖ ﻋﻠﻴﻬﺎ ﻭﻗﻠﺖ ﻟﻴﻬﺎ ﻛﻴﻔﻚ ﻳﺎﻧﺎﺩﻳﺔ ؟ ﺍﻫﺎ ﻣﺎﻟﻮ ﺻﺎﻟﺢ ﺍﺧﻮﻱ .. ﻗﺎﻟﺖ ﻟﻲ
ﺍﻧﺎ ﺷﺎﻳﻔﺎﻫﻮ ﺯﻱ ﺍﻟﻌﻴﺎﻥ .. ﻟﻜﻦ ﻫﻮ ﺑﻘﻮﻝ ﺍﻧﺎ ﻛﻮﻳﺲ .. ﺧﺶ ﻟﻴﻬﻮ ﻓﻲ ﺍﻭﺿﺘﻮ .. ﺩﺧﻠﺖ ﻋﻠﻴﻬﻮ ﻃﻮﺍﻟﻲ
ﻟﻘﻴﺘﻮ ﺭﺍﻗﺪ ..
ﺳﻠﻤﺖ ﻋﻠﻴﻬﻮ ﻗﺎﻡ ﻟﻘﻴﺘﻮ ﻟﻴﻚ ﻋﻴﻮﻧﻮ ﺣﻤﺮ ﻭﺻﻐﺎﺍﺍﺭ .. ﻭﺷﻜﻠﻮ ﻣﺎ ﻣﺮﻛﺰ .. ﻗﻠﺖ ﻟﻴﻬﻮ ﺍﻧﺖ ﻳﺎﺻﺎﻟﺢ
ﻣﺎﻟﻚ؟ .. ﺍﻧﺖ ﻋﻴﺎﻥ ﺍﻭﺩﻳﻚ ﺍﻟﺪﻛﺘﻮﺭ؟ ..
ﻗﺎﻝ ﺍﻧﺘﻮ ﻳﺎﻧﺎﺱ ﻣﻮﺍﻫﻴﻢ ﻭﻻﺷﻨﻮ؟؟ .. ﻣﺎﻟﻜﻢ ﺩﺍﻳﺮﻳﻦ ﺗﻮﻫﻤﻮﻧﻲ ؟.. ﺍﻧﺖ ﻭﻣﺮﺍﺗﻚ . ﺍﻧﺎ ﻛﻮﻳﺲ ﺟﺪﺍ ﺯﻱ
ﺍﻟﻔﻞ .
ﻃﺒﻌﺎ ﺍﻧﺎ ﻋﻠﻰ ﺣﺴﺐ ﻓﻬﻤﻲ ﻭﺧﺒﺮﺗﻲ ﺍﻟﺒﺴﻴﻄﺔ .. ﻓﻲ ﺍﻟﺴﻔﺎﻫﺔ ﻭﺍﻟﻬﻠﺲ . ﺻﺎﻟﺢ ﺩﻩ ﺑﻜﻮﻥ ﺿﺮﺏ ﻟﻴﻬﻮ
ﺳﺠﺎﺭﺓ ﺑﻨﻘﻮ ..
ﻣﺸﻴﺖ ﻃﻮﺍﻟﻲ ﺑﻴﻐﺎﺩﻱ ﻟﻲ ﻧﺎﺩﻳﺔ ﻓﻲ ﻏﺮﻓﺘﻬﺎ .. ﻟﻘﻴﺖ ﻣﻌﺎﻫﺎ ﻭﺍﺣﺪﺓ ﻣﻦ ﺍﻟﺠﻴﺮﺍﻥ . ﺍﺳﻤﻬﺎ ﻣﻮﺩﺓ .
ﺻﺤﺒﺘﻬﺎ ﺷﺪﻳﺪ . ﻭﻧﺎﺩﻳﺔ ﻃﻮﺍﻟﻲ ﺑﺘﻤﺸﻲ ﻟﻴﻬﺎ ﻭﻫﻲ ﺑﺘﺠﻲ ﺍﻟﺒﻴﺖ ..
ﺳﻠﻤﺖ ﻋﻠﻴﻬﻦ .. ﻗﺎﻟﺖ ﻟﻲ ﺍﺳﻮﻱ ﻟﻴﻚ ﺣﺎﺟﺔ ﺗﺎﻛﻠﻬﺎ .. ﻗﻠﺖ ﻟﻴﻬﺎ ﻻﻻ ﺍﻧﺎ ﻛﻨﺖ ﺟﻴﻌﺎﻥ ﺷﺪﻳﺪ ﻭﺍﻛﻠﺖ ﻣﻦ
ﺍﻟﺸﺎﺭﻉ ..
ﻗﺎﻟﺖ ﻟﻲ ﻳﻌﻨﻲ ﻣﺎﻋﻨﺪﻙ ﺻﺒﺮ ﻳﻮﺻﻠﻚ ﺍﻟﺒﻴﺖ .. ﺍﻧﺎ ﻣﺎ ﻗﻠﺖ ﻟﻴﻚ ﺍﻛﻞ ﺍﻟﺸﺎﺭﻉ ﺩﻩ ﻣﺎﺻﺤﻲ .. ﻗﻠﺖ ﻟﻴﻬﺎ
ﺧﻼﺹ ﻗﻮﻡ ﺳﻮﻱ ﻟﻲ ﻛﺒﺎﻳﺔ ﺷﺎﻱ .
ﻗﺎﻣﺖ ﺧﺸﺖ ﺍﻟﻤﻄﺒﺦ .. ﻣﺸﻴﺖ ﻭﺭﺍﻫﺎ ﺍﻟﻤﻄﺒﺦ ..
ﻗﻠﺖ ﻟﻴﻬﺎ ﻣﻮﺩﻩ ﺟﺎﺕ ﻣﺘﻴﻦ؟ .. ﻗﺎﻟﺖ ﻟﻲ ﺍﻧﺎ ﺍﺻﻼ ﻛﻨﺖ ﻣﺎﺷﺔ ﻟﻴﻬﺎ . ﻟﻤﻦ ﺻﺎﻟﺢ ﺟﺎﺀ ﺍﻧﺎ ﻛﻨﺖ ﻓﻲ ﺍﻟﺒﺎﺏ
ﻃﺎﻟﻌﺔ .. ﻣﺸﻴﺖ ﻧﺎﺩﻳﺘﻬﺎ ﻭﺟﻴﺖ . ﻋﺸﺎﻥ ﻣﺎﻳﻨﻔﻊ ﺍﺧﻠﻴﻬﻮ ﺑﺎﻟﺤﺎﻟﺔ ﺩﻱ ﺑﺮﺍﻫﻮ .. ﻭﺍﻣﺸﻲ ﺍﻗﻐﺪ ﻣﻌﺎﻫﺎ ﻓﻲ
ﺍﻟﺒﻴﺖ ..
ﻃﻴﺐ .. ﻋﻠﻰ ﺣﺴﺐ ﻓﻬﻤﻲ ﺍﻧﻮ ﻧﺎﺩﻳﺔ ﻣﺎﻋﺎﻳﺰﺓ ﺗﻘﻌﺪ ﻣﻊ ﺻﺎﻟﺢ ﺑﺮﺍﻫﺎ .. ﺍﺣﺘﻤﺎﻝ ﺧﺎﻓﺖ ﻣﻨﻮ .. ﻟﻜﻦ
ﻣﺎﻋﺎﻳﺰﺓ ﺗﺤﺴﺴﻨﻲ ﺑﻲ ﻛﺪﺍ ..
ﺑﺘﺤﺎﻭﻝ ﺗﺒﺮﺭ ﻭﺟﻮﺩ ﻣﻮﺩﺓ ﻓﻲ ﺍﻟﺒﻴﺖ .. ﻭﺍﻧﺎ ﻋﻘﻠﻲ ﺍﻟﻜﺎﻥ ﺑﻮﺩﻱ ﻭﻳﺠﻴﺐ .. ﻳﺎﺩﻭﺏ ﺭﻗﺪ ..
ﻭﺑﻘﺖ ﺟﻮﺍﻱ ﻃﻤﺄﻧﻴﻨﺔ ﺍﻧﻮ ﻧﺎﺩﻳﺔ ﺑﺖ ﺣﺮﺓ ﻭﺍﺻﻴﻠﺔ .. ﻭﻣﺎﺑﺘﻔﺮﻁ . ﻻﻧﻮ ﺻﺎﻟﺢ ﺩﻩ ﺑﻘﻰ ﻣﺎ ﻣﻀﻤﻮﻥ ﻭﺍﻟﻠﻪ
.. ﻭﺍﻧﺎ ﻻﺯﻡ ﺍﺗﺼﺮﻑ ﻭﺍﺧﺎﺭﺟﻮ ﻣﻦ ﺍﻟﺒﻴﺖ ﺩﻩ ﻟﻜﻦ ﻛﻴﻒ ؟ ..
ﺍﻫﺎ ﻳﺎﺯﻭﻝ ﺑﻘﻴﺖ ﺍﻧﺎ ﻣﺎﺷﻐﺎﻝ ﺑﻮﺟﻮﺩ ﺻﺎﻟﺢ ﻭﻋﺪﻣﻮ .. ﻟﻜﻦ ﻣﺸﻐﻮﻝ ﺍﻛﺘﺮ ﺑﺎﻟﺘﻐﻴﻴﺮ ﺍﻟﺴﻠﻮﻛﻲ ﺍﻟﻤﻔﺎﺟﺊ
ﺍﻟﺤﺼﻞ ﻟﻴﻬﻮ .. ﻭﺑﺎﻱ ﻃﺮﻳﻘﺔ ﺩﺍﻳﺮ ﺍﺷﻮﻓﻮ ﺑﻤﺸﻲ ﻭﻳﻦ ﻭﺑﻌﻤﻞ ﺷﻨﻮ ..
ﺍﻫﺎ ﻛﺎﻥ ﻋﻨﺪﻱ ﺻﺎﺣﺒﻲ ﻣﻦ ﺍﻟﺠﻤﺎﻋﺔ ﺍﻟﺒﻘﻌﺪﻭ ﻣﻌﺎﻧﺎ ﻓﻲ ﺍﻟﻔﺮﻥ . ﻛﺎﻥ ﺯﻣﺎﻥ ﻓﻲ ﺍﻟﺒﻮﻟﻴﺲ ﻫﺴﻲ ﻋﺎﻃﻞ
ﻭﺯﻭﻝ ﺗﻔﺘﻴﺤﺔ ﺷﺪﻳﺪ.. ﺍﺳﻤﻮ ﺣﺴﻮﻧﺔ ﻳﻮﻡ ﺍﺗﻔﻘﺖ ﻣﻌﺎﻫﻮ ﻳﻼﻗﻴﻨﻲ ﺍﻟﺼﺒﺎﺡ ﻓﻲ ﺍﻟﻤﺤﻄﺔ .. ﻭﻳﺮﻛﺐ ﻣﻊ
ﺻﺎﻟﺢ ﻳﺘﺎﺑﻌﻮ ﻳﺸﻮﻓﻮ ﺑﻤﺸﻲ ﻭﻳﻦ . ﻭﺑﺪﻳﻬﻮ ﺣﻘﻮ ..
ﻣﺎﺩﺍﻳﺮ ﺍﻛﻠﻒ ﺳﺎﻟﻢ ﺍﻟﺸﺎﻳﻘﻲ ﺻﺎﺣﺒﻲ.. ﺑﺎﻟﻤﻮﺿﻮﻉ ﺩﻩ ﻻﻧﻮ ﺻﺎﻟﺢ ﺑﻌﺮﻓﻮ .. ﻟﻜﻦ ﻣﺎﺑﻌﺮﻑ ﺣﺴﻮﻧﺔ
ﻭﻻﺷﺎﻓﻮ .. ﻭﺣﺴﻮﻧﺔ ﺑﻘﺪﺭ ﻳﺘﺰﺍﻭﻍ ﻭﻣﺎﻳﺨﻠﻴﻬﻮ ﻳﺤﺲ ﺑﻲ ﺍﻧﻮ ﻣﺮﺍﻗﺐ ..
ﺍﻫﺎ ﻛﺎﻟﻌﺎﺩﺓ ﻃﻠﻌﻨﺎ ﺍﻟﺼﺒﺎﺡ ﺍﻧﺎ ﻭﺻﺎﻟﺢ .. ﻭﻣﺘﻮﺍﺻﻞ ﺑﺎﻟﺘﻠﻔﻮﻥ ﻣﻊ ﺣﺴﻮﻧﺔ .. ﺣﺴﻮﻧﺔ ﻃﻠﻊ ﺍﻟﺸﺎﺭﻉ ﻣﻌﺎﻧﺎ
.. ﻟﻜﻦ ﻭﺍﻗﻒ ﺑﻌﻴﺪ ﺳﻼﻡ ﻣﺎﺳﻠﻢ ﻋﻠﻲ .. ﺑﺲ ﻏﻤﺰ ﻟﻲ ﺑﻲ ﻋﻴﻨﻮ ﻛﺪﺍ .. ﻭﺍﻧﺎ ﺃﺷﺮﺕ ﻟﻴﻬﻮ ﻋﻠﻲ ﺻﺎﻟﺢ
.. ﻭﺧﻼﺹ ﺍﺗﺄﻛﺪ ﻣﻨﻮ .. ﺍﻭﻝ ﻣﻦ ﺟﺎﺕ ﺣﺎﻓﻠﺔ ﺑﺤﺮﻱ .. ﺻﺎﻟﺢ ﻧﻂ ﻓﻴﻬﺎ ﻭﺣﺴﻮﻧﺔ ﻧﻂ ﻭﺭﺍﻫﻮ .. ﻭﻣﺸﻮ .
ﺣﺴﻮﻧﺔ ﺿﺮﺏ ﻟﻲ ﻫﻮ ﻓﻲ ﺍﻟﺤﺎﻓﻠﺔ .. ﻗﺎﻝ ﻟﻲ ﻣﺎﺗﺘﺼﻞ ﻋﻠﻲ ﻛﺘﻴﺮ ﺍﻻ ﺍﺭﺟﻊ ﻟﻴﻚ ﺍﻧﺎ ﺑﺮﺍﻱ .. ﻳﻘﻮﻡ
ﺍﻟﺰﻭﻝ ﺩﻩ ﻳﺸﻚ ﻛﻤﺎﻥ ..
ﺍﻟﻤﻬﻢ ﺯﻱ ﺍﻟﺴﺎﻋﺔ ﻋﺸﺮﺓ ﻛﺪﺍ .. ﺍﺗﺼﻞ ﻋﻠﻲ ﺣﺴﻮﻧﺔ ﻗﺎﻝ ﻟﻲ ﺍﺳﻤﻊ ..
ﺍﻟﺰﻭﻝ ﺩﻩ ﻧﺰﻝ ﻓﻲ ﺳﻮﻕ ﺑﺤﺮﻱ . ﻭﺩﺧﻞ ﺍﻟﺴﻮﻕ ﺟﻮﺓ ﻭﻗﻌﺪ ﻣﻊ ﺟﻤﺎﻋﺔ ﺍﻟﻈﺎﻫﺮ ﺍﺻﺤﺎﺑﻮ ﺷﺪﻳﺪ ..
ﻭﻗﺎﻋﺪﻳﻦ ﺑﺘﻮﻧﺴﻮ .. ﻭﻫﺴﻲ ﺭﺳﻠﻮ ﺯﻭﻝ ﻳﺠﻴﺐ ﻟﻴﻬﻢ ﺍﻟﻔﻄﻮﺭ ..
ﻗﻠﺖ ﻟﻴﻬﻮ ﺣﻠﻮ .. ﺧﻠﻴﻚ ﻣﺘﺎﺑﻊ .. ﺍﻟﻠﻴﻠﺔ ﻳﻮﻣﻴﺘﻚ ﻣﻌﺪﻟﺔ .. ﻣﺎﺗﺸﻴﻞ ﻫﻢ ..
ﻗﺎﻝ ﻟﻲ ﻳﻮﻣﻴﺔ ﺷﻨﻮ ﻳﺎﺷﻤﺲ .. ﺩﻱ ﺷﻜﻠﻬﺎ ﺳﻬﺮﺓ ﻋﺪﻳﻞ .. ﻻﺯﻡ ﺗﺼﻠﺢ ﻟﻲ ﺍﻟﻮﺿﻊ ..
ﻗﻠﺖ ﻟﻴﻬﻮ ﻣﺎﻳﻬﻤﻚ ﺑﺲ ﺍﻧﺖ ﺗﻌﺎﻝ ﻟﻲ ﺑﻲ ﻧﺘﻴﺠﺔ .. ﻗﺎﻝ ﻟﻲ ﺟﺪﺍ ﻳﺎﺯﻭﻝ ﺍﻧﺘﻬﺖ ﺍﻟﻤﻜﺎﻟﻤﺔ ..
ﻭﺍﻧﺘﻬﻰ ﺍﻟﻴﻮﻡ ﺩﺍﻙ ﻭﺍﻟﺴﺎﻋﺔ 3 ﺟﺎﺕ .. ﺍﺗﺼﻠﺖ ﺍﻟﺒﺖ ﺍﻻﺳﻤﻬﺎ ﺍﻳﺔ ﻋﻠﻲ ﺗﻠﻔﻮﻧﻲ .. ﻭﺍﺑﻴﺖ ﺍﺭﺩ ﻟﻴﻬﺎ ..
ﻭﻛﺘﺮﺕ ﺍﻟﻠﻴﺎﻗﺔ .. ﺭﺩﻳﺖ ﻟﻴﻬﺎ ﻗﻠﺖ ﻟﻴﻬﺎ
ﺍﻟﺤﺎﺻﻞ ﺷﻨﻮ ﻳﺎ ﺍﻳﺔ؟ .. ﻛﻴﻔﻚ ﻳﺎﺷﻤﺲ؟ .. ﻗﻠﺖ ﻟﻴﻬﺎ ﺗﻤﺎﻡ ﺍﻟﺤﻤﺪ ﻟﻠﻪ ..
ﻫﻲ : ﻣﺸﺘﺎﻗﻴﻦ ﻭﺍﻟﻠﻪ ..
ﺍﻧﺎ : ﻟﻴﻬﺎ ﺍﻟﻠﻪ ﻳﺒﺎﺭﻙ ﻓﻴﻚ ..
ﻗﺎﻟﺖ ﻟﻲ ﻣﺎﺑﻘﻮﻟﻮ ﻛﺪﺍ .. ﺑﻘﻮﻟﻮ ﻛﺘﻴﺮ .. ﺑﺎﻻﻛﺘﺮ .. ﺍﻱ ﺗﻌﺒﻴﺮ ﻳﻌﻨﻲ ..
ﺍﻧﺎ ﻗﻠﺖ ﻟﻴﻬﺎ ﻃﻴﺐ .. ﺍﺣﺴﻦ ﺑﺎﻻﻛﺘﺮ ﻭﻟﻼ ﺍﺣﺴﻦ ﺍﻟﻠﻪ ﻳﺒﺎﺭﻙ ﻓﻴﻚ؟؟ ..
ﻗﺎﻟﺖ ﻟﻲ ﺳﻴﺐ ﺍﻟﻔﻠﺴﻔﺔ .. ﺍﻧﺎ ﻋﺎﻳﺰﺍﻙ ﻻﺯﻡ ﻧﺘﻼﻗﺎ ﺍﻟﻠﻴﻠﺔ .. ﺍﻧﺎ ﻋﻨﺪﻱ ﻣﻮﺿﻮﻉ ﻣﻬﻢ ﻋﺎﻳﺰ ﺍﻗﻮﻟﻮ ﻟﻴﻚ ..
ﻗﻠﺖ ﻟﻴﻬﺎ ﻣﺎﺑﻘﺪﺭ ﻭﺍﻟﻠﻪ .. ﻋﻨﺪﻱ ﺷﻐﻼﻧﺎﺕ ﻣﺎﻻ ﺍﻭﻝ ﻭﻻ ﺍﺧﺮ ..
ﻗﺎﻟﺖ ﻟﻲ ﺍﻧﺖ ﻳﺎ ﺷﻤﺲ ﺍﻟﺪﻳﻦ ﺷﻜﻠﻚ ﻣﺎﺑﺘﺤﺒﻨﻲ .. ﻭﻣﺮﺍﺕ ﺑﺘﺤﺴﺴﻨﻲ ﺍﻧﻲ ﻓﺎﺭﺿﺔ ﻧﻔﺴﻲ ﻋﻠﻴﻚ .. ﻃﻴﺐ
ﻭﻛﺖ ﻣﺎﺑﺘﺤﺒﻨﻲ ﻣﺎﻟﻚ ﺑﺘﺠﻴﻨﻲ ﻭﺗﻌﺰﻣﻨﻲ .. ﻭﺗﻘﻌﺪ ﻣﻌﺎﻱ ؟.
ﻗﻠﺖ ﻟﻴﻬﺎ ﻫﺴﻲ ﺍﻧﺎ ﻣﺮﺍﺕ ﺑﻌﺰﻡ ﻭﺩ ﺧﺎﻟﺘﻲ.. ﻭﺑﻌﺰﻡ ﺍﺻﺤﺎﺑﻲ .. ﻭﺑﻌﺰﻡ ﺍﻟﻤﺪﻳﺮ .. ﺑﺮﺿﻮ ﺑﺤﺒﻮ . ؟؟
ﺍﻟﻤﻬﻢ ﺧﻠﻴﻬﺎ ﻭﻛﺖ ﺗﺎﻧﻲ ﻳﺎ ﺁﻳﻪ .. ﻗﺎﻟﺖ ﻟﻲ ﻻﻻ ﻻﺯﻡ ﺍﻟﻠﻴﻠﺔ ﻭﻻ ﺍﻧﺎ ﺑﻤﻮﺕ .. ..
ﻗﻠﺖ ﻟﻴﻬﺎ ﻳﺎﺧﻲ ﺗﻤﻮﺗﻲ.. ﺗﻨﺘﺤﺮﻱ .. ﺗﺤﺮﻗﻲ .. ﺗﻐﺮﻗﻲ .. ﺑﻲ ﻃﺮﻳﻘﺘﻚ ﻣﺎﺗﺘﻼﻳﻘﻲ
ﺍﻧﺎ ﺍﻟﻠﻴﺎﻗﺔ ﻣﺎﺑﺮﺿﺎﻫﺎ ﻣﻦ ﻣﺮﺗﻲ.. ﺍﺟﻲ ﺍﺗﺤﻤﻠﻚ ﺍﻧﺘﻲ؟؟
ﻋﻠﻴﻚ ﺍﻧﻘﻠﻌﻲ .. ﻭﻗﻔﻠﺖ ﺍﻟﺨﻂ .. ..
ﺍﺻﻼ ﻣﻦ ﺍﻟﻤﺮﺓ ﺍﻟﻔﺎﺗﺖ ﺍﻧﺎ ﻣﺘﻀﺎﻳﻖ ﻣﻨﻬﺎ ﻭﺑﻘﻴﺖ ﻟﻤﻦ ﺍﺗﺬﻛﺮﻫﺎ ﺳﺎﻱ ﺑﺤﺲ ﺑﻐﻤﺔ ﻓﻲ ﺻﺪﺭﻱ .. ﺩﻱ ﺷﻨﻮ
ﻳﺎﺧﻲ ﺍﻟﻠﺼﻘﺔ ﺩﻱ ؟؟
ﺻﺮﺍﺣﺔ ﺑﻘﻴﺖ ﺑﻤﺸﻲ ﺍﻟﺒﻴﺖ ﺑﺪﺭﻱ .. ﻋﺸﺎﻥ ﺍﻧﺘﻈﺮ ﺻﺎﻟﺢ . ﻳﺎ ﻗﻌﺪﻧﺎ ﺍﻻﺗﻨﻴﻦ ﺳﻮﺍ ﻓﻲ ﺍﻟﺒﻴﺖ ﻳﺎ ﺍﻣﺎ
ﻃﻠﻌﻨﺎ ﺳﻮﺍ ..
ﻣﺮﺕ ﻛﻢ ﺷﻬﺮ ﺑﺎﻟﻄﺮﻳﻘﺔ ﺩﻱ ..
ﺍﻫﺎ ﺍﻧﺎ ﻓﻲ ﺍﻟﺸﺎﺭﻉ ﻣﺎﺷﻲ ﻋﻠﻰ ﺍﻟﺒﻴﺖ .. ﺍﺗﺼﻞ ﻋﻠﻲ ﺣﺴﻮﻧﺔ ﻗﺎﻝ ﻟﻲ ﺍﻧﺎ ﻓﻲ ﺟﺒﺮﺓ .. ﺍﻟﺰﻭﻝ ﺩﻩ ﺭﻛﺐ
ﻣﺸﻰ ﺟﺒﺮﺓ ﻭﺍﻧﺎ ﻓﻲ ﺧﻄﺮﺍﺗﻮ .. ﻭﻋﺮﻓﺖ ﻟﻴﻚ ﻭﺻﻒ ﺍﻟﺒﻴﺖ ﺍﻟﻤﺸﻰ ﻟﻴﻬﻮ .. ﺍﻧﺎ ﻗﻠﺖ ﻟﻴﻬﻮ ﻣﺎﺑﺘﻘﺪﺭ ﺗﺨﺶ
ﺑﺎﻱ ﺣﺠﺔ ؟؟
ﻗﺎﻝ ﻟﻲ ﻣﺎﺑﻘﺪﺭ ﻭﺍﻟﻠﻪ ﻳﻌﻨﻲ ﺍﺧﺶ ﺍﻗﻮﻝ ﺷﻨﻮ؟ ﺍﻧﺎ ﺣﺪﻱ ﻭﻗﻒ ﻫﻨﺎ ﻳﺎﺷﻤﺲ . ﺟﻬﺰ ﻟﻲ ﺍﻟﻤﻴﺔ ﺍﻟﻘﻠﺘﻬﺎ
ﻟﻲ .. ﻗﻠﺖ ﻟﻴﻬﻮ ﺧﻼﺹ ﺗﻌﺎﻝ ﺭﺍﺟﻊ ﻧﺘﻼﻗﺎ ﻓﻲ ﺍﻟﻔﺮﻥ ﺑﻌﺪﻳﻦ ﺑﺎﻟﻠﻴﻞ ..
ﻗﺎﻝ ﻟﻲ ﺧﻴﺮ ﻭﻗﻔﻠﻨﺎ..
ﺍﻟﻤﻬﻢ ﺍﻧﺎ ﺍﻟﻔﻜﺮ ﺷﺎﻟﻨﻲ ﺗﺐ .. ﻭﺑﻘﻴﺖ ﺑﻔﻜﺮ ﺍﻧﺎ ﻻﺯﻡ ﺍﻋﺮﻑ ﺍﺻﺤﺎﺑﻮ ﺩﻳﻞ ﺍﺣﺘﻤﺎﻝ ﻧﺎﺱ ﺳﺠﺎﺭﺓ .. ﻭﺩﺍ
ﺷﻲ ﻇﺎﻫﺮ.. ﺑﺲ ﺍﻧﺎ ﻻﺯﻡ ﺍﺗﺎﻛﺪ ..
ﺍﻫﺎ ﺍﻟﻴﻮﻡ ﺩﻩ ﺫﺍﺗﻮ ﻭﺻﻠﺖ ﺍﻟﺒﻴﺖ .. ﻭﺍﻧﺘﻈﺮﺗﻮ ﻭﺍﺗﺎﺧﺮ .. ﻭﺍﻟﺒﺮﻧﺎﻣﺞ ﻛﺎﻥ ﻃﺒﻴﻌﻲ . ﻭﻣﺸﻴﺖ ﺍﻟﻤﺴﺎﺀ ﻻﻗﻴﺖ
ﺣﺴﻮﻧﺔ ﻭﺍﺩﻳﺘﻮ ﺣﻘﻮ . ﻭﻭﺻﻒ ﻟﻲ ﺍﻟﺒﻴﺖ ﻛﻮﻳﺲ ﻭﺍﻧﺎ ﺍﻟﺤﺘﺔ ﺩﻱ ﺑﻌﺮﻓﻬﺎ . ﺑﺲ ﻣﺎﺑﻌﺮﻑ ﻓﻴﻬﺎ ﺯﻭﻝ ..
ﻭﺍﻟﻴﻮﻡ ﺩﻩ ﺑﺎﻟﺬﺍﺕ ﺻﺎﻟﺢ ﺍﺗﺎﺧﺮ .. ﻭﺟﺎ ﺍﺧﺮ ﺍﻟﻠﻴﻞ ﺩﻕ ﺍﻟﺒﺎﺏ ﻭﻣﺎﺳﻠﻢ ﻋﻠﻲ ﺩﺧﻞ ﻃﻮﺍﻟﻲ ﺟﻮﺓ .. ﺍﻧﺎ
ﺣﺎﻭﻟﺖ ﺍﻗﺮﺏ ﻣﻨﻮ ﻋﺸﺎﻥ ﺍﺷﻢ ﻟﻮ ﻓﻴﻬﻮ ﺭﻳﺤﺔ ﺣﺎﺟﺔ ﻭﻻﻻ .. ﻟﻜﻦ ﻣﺎ ﺍﺩﺍﻧﻲ ﻓﺮﺻﺔ .. ﺑﻌﺪ ﺩﺧﻞ ﺍﻭﺿﺘﻮ
ﻭﻧﺎ ﻣﺸﻴﺖ ﻟﻲ ﻧﺎﺩﻳﺔ ﺑﻴﻐﺎﺩﻱ ..
ﻛﻮﺭﻙ ﻟﻲ ﺗﺎﻧﻲ .. ﻗﺎﻝ ﻟﻲ ﻣﺎﺗﺠﻴﺐ ﻟﻲ ﻋﺸﺎ ﺍﻧﺎ ﻣﺘﻌﺸﻲ .. ﻭﺗﻌﺎﻝ ﺷﻴﻞ ﺍﻟﻬﺪﻭﻡ ﺩﻳﻞ ﻭﺩﻳﻬﻦ ﻟﻲ ﻧﺎﺩﻳﺔ
..
ﻃﺒﻌﺎ ﻧﺎﺩﻳﺔ ﺑﺘﻐﺴﻞ ﻟﻴﻬﻮ ﻫﺪﻭﻣﻮ ﻣﻦ ﻳﻮﻣﻮ ﺍﻟﺠﺎﻧﺎ .
ﻣﺮ ﺍﻟﻠﻴﻞ ﻃﺒﻴﻌﻲ ﻭﻫﻮ ﺍﻟﻠﻴﻞ ﻛﻠﻮ ﻳﻜﺮﻛﺐ ﻭﻳﺪﺧﻞ ﻭﻳﻤﺮﻕ ﻭﺷﻜﻠﻮ ﻣﺎﻧﺎﻡ ﻧﻬﺎﺋﻲ ..
ﺍﻫﺎ ﺍﻟﺼﺒﺎﺡ ﻛﺎﻥ ﻓﻲ ﻧﻘﺎﺵ ﺑﻴﻨﻲ ﻭﺑﻴﻦ ﻧﺎﺩﻳﺔ .. ﺯﻱ ﺍﻱ ﻧﻘﺎﺵ ﺑﻴﻦ ﻣﺮﺍﺓ ﻭﺭﺍﺟﻼ .. ﻭﺍﻟﻨﻘﺎﺵ ﺍﺣﺘﺪ ..
ﻭﺍﻧﺎ ﺍﺗﻜﻠﻤﺖ ﻣﻌﺎﻫﺎ ﻛﻼﻡ ﻓﺎﺿﻲ ﻛﺘﻴﺮ .. ﻭﺧﻠﻴﺘﻬﺎ ﺗﺒﻜﻲ .. ﺍﺗﺎﻳﻬﻮ ﺻﺎﻟﺢ ﻛﺎﻥ ﺑﺴﻤﻊ ..
ﻟﻤﻦ ﻃﻠﻌﻨﺎ ﻣﻦ ﺍﻟﺒﻴﺖ ﺻﺎﻟﺢ ﻛﺎﻥ ﺻﺎﺭﻱ ﻭﺷﻮ ﺻﺮﺓ ﺷﺪﻳﺪﺓ ﺧﻼﺹ .. ﺍﻧﺎ ﻗﻠﺘﺎ ﻳﻤﻜﻦ ﺯﻫﺠﺎﻥ ﺑﺮﺍﻫﻮ ..
ﻟﻜﻦ ﻓﺎﺟﺄﻧﻲ ﻗﺎﻝ ﻟﻲ .. ﺍﻧﺖ ﻳﺎﺳﺠﻢ .. ﻣﺎﻟﻚ ﺑﺘﺘﻜﻠﻢ ﻣﻊ ﻧﺎﺩﻳﺔ ﺑﺎﻟﻄﺮﻳﻘﺔ ﺩﻱ؟ .. ﻋﻠﻴﻚ ﺍﻟﻠﻪ ﻧﺎﺩﻳﺔ ﺩﻱ
ﻣﺮﺍﺓ ﺑﺘﻌﺎﻣﻠﻮﻫﺎ ﻛﺪﻱ؟
ﻧﺎﺩﻳﺔ ﺩﻱ ﺍﻧﺎ ﻣﺎﺑﺮﺿﻰ ﻓﻴﻬﺎ .. ﺍﻧﺖ ﺯﻭﻝ ﻛﻠﺐ ﻭﻣﺎﺑﺘﺴﺘﺎﻫﻞ .. ﻭﺍﻟﻠﻪ ﻟﻮ ﻧﺎﺩﻳﺔ ﻛﺎﻧﺖ ﺩﻱ ﻛﺎﻧﺖ ﻣﺮﺗﻲ
.. ﺍﻧﺎ ﺍﺷﻴﻼ ﻓﻮﻕ ﻛﻔﻮﻑ ﺍﻟﺮﺍﺣﺔ .. ﻭﺍﺧﺪﻣﻬﺎ ﺗﺤﺖ ﻛﺮﻋﻴﻬﺎ ﻟﻜﻦ ﺍﻧﺖ ﻣﺎﺑﺘﻔﻬﻢ ..
ﺍﻧﺎ ﻃﺒﻌﺎ" ﻭﻟﻌﺖ ﺍﻟﻨﺎﺭ ﻓﻲ ﻗﻠﺒﻲ ﻣﻦ ﻛﻼﻣﻮ ﺩﻩ .. ﻗﻠﺖ ﻟﻴﻬﻮ ﻃﻴﺐ ﺧﻠﻴﻨﻲ ﺍﻃﻠﻘﻬﺎ ﻟﻴﻚ .. ﻣﺎﺩﺍﻡ ﺑﺘﺮﻳﺪﻫﺎ
ﻗﺪﺭ ﻛﺪﻱ ..
ﻗﺎﻝ ﻟﻲ ﻭﺍﻟﻠﻪ ﻟﻮ ﻣﺎ ﻓﻲ ﺍﻟﺸﺎﺭﻉ .. ﺍﻟﺰﻭﻝ ﺍﻗﺸﻄﻚ ﺑﻮﻧﻴﺔ .. ﺗﺎﻧﻲ ﺍﻟﺤﻮﺍﺩﺙ ﻣﺎﺗﻘﺒﻠﻚ .. ﺍﻧﺖ ﻫﺴﻲ
ﻣﺘﺬﻛﺮ ﺍﻟﻜﻼﻡ ﺍﻟﻘﻠﺘﻮ ﻟﻲ ﻧﺎﺩﻳﺔ .. ﺍﻧﺖ ﻣﺎﺑﺘﻌﺮﻑ ﺍﺣﺎﺳﻴﺴﻬﺎ .. ﻭﻻﺑﺘﻘﺪﺭ ﻣﺸﺎﻋﺮ ﻧﺎﺩﻳﺔ .. ﺍﻧﺖ ﺯﻭﻝ
ﻣﺎﺑﺘﺴﺘﺎﻫﻞ ﻧﺎﺩﻳﺔ ..
ﻭﺑﻘﻰ ﻳﺘﻜﻠﻢ ﻋﻦ ﻧﺎﺩﻳﺔ ﺑﻬﺴﺘﺮﻳﺎ.. ﺍﻟﺘﻘﻮﻝ ﺑﺎﻟﻠﻪ ﻣﺮﺗﻮ ﻫﻮ . ﻣﻲ ﻣﺮﺗﻲ ﺍﻧﺎ ..
ﺍﻧﺎ ﺍﺳﺎﺳﺎ ﻛﻨﺖ ﺑﻮﺳﻮﺱ .. ﻭﻗﻠﺒﻲ ﻣﺎﻛﻠﻨﻲ .. ﻟﻜﻦ ﻫﺴﻲ ﺍﺗﺄﻛﺪﺕ ﺍﻧﻮ ﻓﻲ ﺷﻲ ﻣﺎﻃﺒﻴﻌﻲ ﺑﻴﻦ ﻧﺎﺩﻳﺔ
ﻭﺑﻴﻦ ﺻﺎﻟﺢ .. ﻭﺍﻧﺎ ﻻﺯﻡ ﺍﻋﺮﻓﻮ .
ﻭﺍﻟﻠﻪ ﻏﻀﺒﺖ ﻏﻀﺐ ..
ﺍﻫﺎ ﻫﻮ ﻟﻤﻦ ﺷﺎﻓﻨﻲ ﺍﺗﻌﻘﺪﺕ .. ﻗﺎﻝ ﻟﻲ ﻳﺎ ﻭﻫﻢ .. ﻳﺎ ﻣﺎﺑﺘﻔﻬﻢ ﺍﻧﺎ ﻧﺎﺩﻳﺔ ﺑﺸﻮﻓﻬﺎ ﺯﻱ ﺍﺧﺘﻲ .. ﻭﻣﺎ
ﺑﺮﺿﻰ ﺍﻧﻚ ﺗﺰﻟﻬﺎ ﻭﺗﺘﻜﻠﻢ ﻣﻌﺎﻫﺎ ﺑﺎﻟﻄﺮﻳﻘﺔ ﺩﻱ .. ﺍﻧﺎ ﻣﺎ ﻣﺴﺘﻜﺘﺮﻫﺎ ﻋﻠﻴﻚ .. ﻭﺳﻜﺖ ..
ﺑﺲ ﺑﺮﺿﻮ ﺍﻧﺎ ﻣﺎ ﻣﻘﺘﻨﻊ ﺑﺎﻟﻜﻼﻡ ﺩﻩ .. ﻭﺑﻘﻴﺖ ﺧﻼﺹ ﺗﺎﻧﻲ ﻣﺎﻋﻨﺪﻱ ﺭﻏﺒﺔ ﺍﻧﻮ ﺍﻟﺰﻭﻝ ﺩﻩ ﻳﻘﻌﺪ ﻣﻌﺎﻱ ﻓﻲ
ﺍﻟﺒﻴﺖ .. ﻭﺣﺎﺷﻮﻑ ﻃﺮﻳﻘﺔ ﺍﻟﻠﻴﻠﺔ ﻓﻲ ﺍﻟﻴﻮﻡ ﺩﻩ ﺍﺧﺎﺭﺟﻮ ﺑﻴﻬﺎ ﻣﻦ ﺑﻴﺘﻲ .. ﻭﻟﻮ ﺍﻟﻄﺮﻕ ﺍﺗﻘﻔﻠﺖ ﻓﻲ
ﻭﺷﻲ .. ﺑﻄﺮﺩﻭ ﻋﺪﻳﻞ .. ﻳﻤﺸﻲ ﻳﺸﻮﻑ ﺣﻴﺎﺗﻮ ﺟﺎﻱ ﺟﺎﻱ ﻭﻳﺨﺘﺎﻧﻲ ..
ﺍﻟﻤﻬﻢ ﻛﻞ ﻭﺍﺣﺪ ﻓﻴﻨﺎ ﺭﻛﺐ ﻣﺸﻰ ﻟﻴﻬﻮ ﻋﻠﻰ ﺟﻴﻬﺔ .. ﺍﻧﺎ ﻣﺸﻴﺖ ﻃﺒﻌﺎ ﺍﻟﺸﺮﻛﺔ .. ﻭﻛﺖ ﻭﺻﻠﺖ
ﺍﻟﺸﺮﻛﺔ .. ﺍﺗﺬﻛﺮﺕ ﺍﻧﻮ ﻓﻲ ﺑﺖ ﻣﻦ ﺯﻣﻴﻼﺗﻨﺎ ﻓﻲ ﺍﻟﺸﺮﻛﺔ ﺳﺎﻛﻨﺔ ﺟﺒﺮﺓ ..
ﺑﺲ ﻳﺎﺗﺮﻯ ﻗﺮﻳﺒﺔ ﻣﻦ ﺍﻟﻮﺻﻒ ﺍﻟﻘﺎﻟﻮ ﺣﺴﻮﻧﺔ ﻭﻻﻻ .؟ .. ﺍﻧﺎ ﻻﺯﻡ ﺍﺳﺄﻟﻬﺎ ..
ﻣﺸﻴﺖ ﺳﺄﻟﺘﻬﺎ ﻗﻠﺖ ﻟﻴﻬﺎ ﺍﺳﻤﻌﻲ ﻳﺎ ﻣﻴﻤﻮﻧﺔ . ﺍﻧﺘﻲ ﺳﺎﻛﻨﺔ ﻭﻳﻦ ﻓﻲ ﺟﺒﺮﺓ ؟ ﻭﺻﻔﺖ ﻟﻲ .. ﻗﻠﺖ ﻟﻴﻬﺎ
ﻻﻻ ﺍﻟﻮﺻﻒ ﺑﻌﻴﺪ ﻣﻦ ﺍﻟﻤﻜﺎﻥ ﺍﻟﻘﺎﺻﺪﻭ ﺍﻧﺎ .. ﻗﺎﻟﺖ ﻟﻲ ﺍﻧﺖ ﺑﺘﺴﺄﻝ ﻣﺎﻟﻚ؟ ﻭﺭﻳﻨﻲ ﺍﻣﻜﻦ ﺍﻗﺪﺭ ﺍﺳﺎﻋﺪﻙ
..
ﻗﻠﺖ ﻟﻴﻬﺎ ﻋﻨﺪﻱ ﺍﺧﻮﻱ ﺑﻤﺸﻲ ﻻﺻﺤﺎﺑﻮ ﻓﻲ ﺟﺒﺮﺓ .. ﻭﺍﻧﺎ ﺷﺎﻛﻲ ﻓﻲ ﺳﻠﻮﻛﻴﺎﺕ ﺍﺻﺤﺎﺑﻮ ﺩﻳﻞ ..
ﻗﺎﻟﺖ ﻟﻲ ﻭﺻﻒ ﻟﻲ ﺑﻴﺘﻬﻢ .. ﻭﺻﻔﺖ ﻟﻴﻬﺎ ..
ﻗﺎﻟﺖ ﻟﻲ ﺍﻧﺎ ﻃﻴﺐ ﻛﻮﻳﺲ ﺍﺧﻮﻱ ﻣﺘﺰﻭﺝ ﻓﻲ ﻧﻔﺲ ﺍﻟﻤﻨﻄﻘﺔ ﺩﻱ.. ﺑﺎﻛﺮ ﺑﺠﻴﺐ ﻟﻴﻚ ﺍﻟﻨﺘﻴﺠﺔ ﺗﺎﻧﻲ ﻓﻲ
ﺣﺎﺟﺔ؟ .. ﻗﻠﺖ ﻟﻴﻬﺎ ﻭﺍﻟﻠﻪ ﺗﻜﻮﻧﻲ ﻣﺎﻗﺼﺮﺗﻲ ﻻﻧﻲ ﺍﻧﺎ ﻧﻮﻳﺖ ﺍﻣﺸﻲ ﻟﻴﻬﻢ ﻋﺪﻳﻞ ﻟﻜﻦ ﺧﺎﻳﻒ ﺍﺑﻮﻇﻬﺎ ..
ﺍﻟﻤﻬﻢ ﻣﻴﻤﻮﻧﺔ ﻏﺎﻳﺘﻮ ﺍﺩﺗﻨﻲ ﺍﻣﻞ .. ﺍﻋﺮﻑ ﺍﺧﻮﻱ ﺑﻤﺸﻲ ﻭﻳﻦ .. ﻭﺍﻟﻴﻮﻡ ﺩﻩ ﺍﻧﺘﻬﻰ ﻭﻃﻠﻌﻨﺎ .. ﺍﻧﺎ ﻣﻦ
ﺍﻟﺸﺮﻛﺔ ﻣﺸﻴﺖ ﺑﻴﺘﻨﺎ ﻓﻲ ﺩﺍﺭ ﺍﻟﺴﻼﻡ ﻃﻮﺍﻟﻲ ..
ﻧﺎﺩﻳﺖ ﺍﻣﻲ . ﺑﺮﺍﻫﺎ .. ﻭﻗﻠﺖ ﻟﻴﻬﺎ ﺍﺳﻤﻌﻲ ﻳﺎ ﺣﺠﺔ .. ﺍﻧﺘﻲ ﻣﻦ ﺯﻣﺎﻥ ﺑﻴﺮ ﺍﺳﺮﺍﺭﻱ .. ﻭﺣﻼﻟﺔ ﻣﺸﺎﻛﻠﻲ
.. ﺍﻧﺎ ﻣﺎ ﻣﺮﺗﺎﺡ ﻟﻲ ﻗﻌﺪﺓ ﺻﺎﻟﺢ ﻣﻌﺎﻱ ﻓﻲ ﺍﻟﺒﻴﺖ .. ﺻﺎﻟﺢ ﺍﺗﻐﻴﺮ ﺷﺪﻳﺪ .. ﻭﺑﻘﻰ ﺯﻭﻝ ﺿﺎﻝ ﺳﺎﻱ ..
ﻣﺎﻋﺎﺭﻑ ﺍﻟﻠﻌﻨﺔ ﺍﻟﺤﻠﺖ ﻋﻠﻴﻬﻮ ﺷﻨﻮ ؟ ﺍﻟﺰﻭﻝ ﺩﻩ ﺍﻧﺎ ﺑﻘﻴﺖ ﻣﺎﻣﻄﻤﺌﻦ ﻟﻴﻬﻮ ﻭﺧﺎﻳﻒ ﺍﺗﻜﻠﻢ ﻣﻌﺎﻫﻮ .. ﻳﻄﻔﺶ
ﻟﻴﻬﻮ ﻋﻠﻲ ﺟﻴﻬﺔ .. ﺗﺎﻧﻲ ﻣﺎﻧﺸﻮﻓﻮ ..
ﺍﻧﺎ ﻋﺎﻳﺰﻙ ﺗﺘﻜﻠﻤﻲ ﻣﻊ ﺍﺑﻮﻱ .. ﻳﺮﺟﻌﻮ ﺍﻟﺒﻴﺖ .. ﻭﺑﺮﺍﻛﻢ ﺗﺸﻮﻓﻮ ﺍﻟﺤﺎﺻﻞ ﻋﻠﻴﻬﻮ ..
ﺍﻣﻲ ﻗﺎﻟﺖ ﻛﺮﻋﻠﻲ ﻳﺎﺻﺎﻟﺢ ﻭﻟﺪﻱ ﻣﺎﻟﻮﻳﺎﺷﻤﺸﻲ؟؟ ﺍﻟﺤﺼﻞ ﻟﻴﻬﻮ ﺷﻨﻮ؟ ﺍﻧﺎ ﻭﺍﻟﻠﻪ ﻳﻮﻣﻴﺎ ﺑﺘﻜﻠﻢ ﻣﻊ ﺍﺑﻮﻫﻮ
ﻳﺮﺟﻌﻮ .. ﻭﺍﺑﻮﻫﻮ ﺑﻘﻮﻝ ﻟﻲ ﺧﻠﻴﻬﻮ ﺍﻟﻴﻀﻮﻕ ﺍﻟﺬﻟﺔ ﻭﺍﻟﻤﻬﺎﻧﺔ ﻭﺍﻟﻄﺮﻃﺸﺔ .. ﻟﻜﻦ ﺍﻟﻠﻴﻠﺔ ﻣﺎ ﺑﺴﻜﺖ ﻟﻲ
ﺍﺑﻮﻙ ﺩﻩ .. ﻻﺯﻡ ﺍﻟﻠﻴﻠﺔ ﻳﻤﺸﻲ ﻳﺠﻴﺐ ﺍﻟﻮﻟﺪ ﺩﻩ ..
ﺍﻧﺎ ﺍﺧﺪﺕ ﻛﻼﻡ ﺑﺸﺒﻪ ﺍﻟﻤﻮﺍﻓﻘﺔ ﻣﻦ ﺍﻣﻲ .. ﻭﻣﺸﻴﺖ ﺍﻟﺒﻴﺖ .. ﻟﻘﻴﺖ ﻧﺎﺩﻳﺔ .
ﻋﺎﺩﻳﺔ ﻛﻨﺖ ﺧﺎﻳﻒ ﺍﻧﻬﺎ ﺗﻜﻮﻥ ﺯﻋﻼﻧﺔ ﻟﺴﻪ ﻣﻦ ﻛﻼﻡ ﺍﻟﺼﺒﺎﺡ ..
ﻟﻜﻦ ﻣﻌﺎﻣﻠﺘﻬﺎ ﻣﻌﺎﻱ ﻛﺎﻧﻮ ﻣﺎﻓﻲ ﻧﻘﺎﺵ ﺣﺼﻞ .. ﺍﺻﻼ ﻧﺎﺩﻳﺔ ﺯﻭﻟﺔ ﺑﺮﻳﺌﺔ ﺷﺪﻳﺪ .. ﻭﺑﺘﻨﺴﻰ ﺍﻟﻜﻼﻡ ﺑﻲ
ﺳﺮﻋﺔ .. ﺑﺲ ﻏﻴﺮ ﺗﺘﻮﻧﺲ ﻭﺗﻀﺤﻚ .. ﻭﺗﺘﺬﻛﺮ ﺍﻟﺤﻜﺎﻭﻱ ﺍﻟﻠﺬﻳﺬﺓ ﻣﺎﻋﻨﺪﻫﺎ ﺷﻲ ..
ﻭﺍﻱ ﻧﻘﺎﺵ ﻳﺤﺼﻞ ﺑﻴﻨﺎ .. ﻓﻲ ﺍﻟﻨﻬﺎﻳﺔ ﺍﻧﺎ ﺑﺠﻲ ﺑﻠﻘﻰ ﺍﻟﻐﻠﻂ ﻣﻨﻲ .. ﺑﺲ ﻣﺮﺍﺕ ﻫﻲ ﺑﺘﺘﻼﻳﻖ ﻭﺗﺪﻟﻊ
ﻓﻴﻨﻲ ﺷﺪﻳﺪ .. ﺍﻟﺘﻘﻮﻝ ﺍﻧﺎ ﺍﻣﻬﺎ ..
ﺍﻫﺎ ﻫﺴﻊ ﻗﻤﺖ ﺳﺄﻟﺘﻬﺎ ﺳﺆﺍﻝ ﻋﺮﺿﻲ .. ﻣﺎﻋﺎﺭﻑ ﺍﻟﺨﻼﻧﻲ ﺍﺳﺄﻟﻮ ﺷﻨﻮ ؟ ﻗﻠﺖ ﻟﻴﻬﺎ ﻟﻴﻬﺎ . ﺍﻧﺘﻲ
ﻳﺎﻧﺎﺩﻳﺔ؟ .. ﺍﻟﻠﻴﻠﺔ ﺻﺎﻟﺢ ﺍﺧﻮﻱ ﺍﻟﻨﻬﺎﺭ ﺟﺎ ﻫﻨﺎ؟؟؟ ..
ﻧﺎﺩﻳﺔ ﺍﺭﺗﺒﻜﺖ ﺷﺪﻳﺪ .. ﻭﺑﻘﺖ ﺗﺘﻤﺘﻢ .. ﻭﺗﺒﻠﻊ ﻓﻲ ﺭﻳﻘﻬﺎ ..
ﻭﻓﺠﺄﺓ .. ﺧﺘﺖ ﺍﻳﺪﻫﺎ ﻓﻮﻕ ﺻﺪﺭﻫﺎ .. ﻭ ﻗﺎﻟﺖ ﺑﺴﻢ ﺍﻟﻠﻪ ( ﺷﺤﺔ ﺍﻟﻘﻠﺐ) ﺩﻱ ﻣﻦ ﺷﻨﻮ ﻳﺎﺭﺑﻲ . ؟ ﻳﺎ
ﻟﻄﻴﻒ ..
ﻗﻠﺖ ﻟﻴﻬﺎ ﺷﺤﺔ ﺷﻨﻮﻳﺎﺑﺖ ؟ ﺍﻧﺎ ﺑٍﺴﺄﻝ ﻓﻴﻚ .. ﺗﻘﻮﻟﻲ ﻟﻲ ﺷﺤﺔ؟ ..
ﻗﺎﻟﺖ ﻟﻲ ﻗﻠﺖ ﺷﻨﻮﺍﻧﺖ ؟ ﺻﺎﻟﺢ ﺟﺎﺀ ﺍﻟﻨﻬﺎﺭ ؟ ﻻﻻﻻ ﺟﺎﺀ ﺯﻱ ﺍﻟﻌﺼﺮ ﻛﺪﻱ ﺍﺧﺪ ﻗﻌﺪﺗﻮ ﻭﻋﻤﻠﺖ ﻟﻴﻬﻮ ﺷﺎﻱ
ﻭﻃﻠﻊ ..

ﺍﻟﻰ ﺍﻟﻠﻘﺎﺀ ..

[لامارا]

ﺍﻟﺤﻠﻘﺔ 6

.
ﺍﻧﺎ ﻭﻗﺖ ﻋﺮﻓﺘﺎ ﻣﻨﻬﺎ ﺍﻧﻮ ﺻﺎﻟﺢ ﺟﺎﺀ ﺑﻲ ﻭﺭﺍﻱ .. ﺳﻜﺘﺎ ﺳﺎﻱ ﻭﺑﻘﻴﺖ ﺍﻋﺎﻳﻦ ﻟﻴﻬﺎ ..ﻭﺑﻔﻜﺮ ﻳﻌﻨﻲ ﻣﻌﻨﺎﻫﺎ
ﺻﺎﻟﺢ ﻗﺎﻋﺪ ﻳﺠﻲ ﺑﻲ ﻭﺭﺍﻱ ﻭﺍﻧﺎ ﻣﺎﺟﺎﻳﺐ ﺧﺒﺮ ؟ ﻭﺑﺠﻲ ﻭﺑﻄﻠﻊ ﻛﻤﺎﻥ ﻣﺎ ﺑﻨﺘﻈﺮﻧﻲ .. ﻳﺎﺭﺑﻲ ﺍﻟﻜﻼﻡ ﺩﻩ
ﻣﻦ ﻣﺘﻴﻦ؟؟ .. ﻭﺍﻧﺎ ﺧﺎﻳﻒ ﺍﺳﺄﻝ ﻧﺎﺩﻳﺔ . ﺗﻘﻮﻡ ﺗﺰﻋﻞ .. ﻭﺗﻔﺘﻜﺮﻧﻲ ﺑﺸﻚ ﻓﻴﻬﺎ ﺍﻭ ﺑﺸﻚ ﻓﻲ ﺍﺧﻮﻱ ..
ﻭﺍﻧﺎ ﻓﻌﻼ ﺷﺎﻛﻲ .. ﻭﺍﻟﺸﻴﻄﺎﻥ ﻻﻋﺐ ﻓﻲ ﺭﺍﺳﻲ ﻟﻌﺐ ﺷﺪﻳﺪ ﺧﻼﺹ ..
ﻓﻲ ﺍﺛﻨﺎﺀ ﺗﻔﻜﻴﺮﻱ ﺩﻩ . ﻻﺣﻈﺖ ﻟﻲ ﻧﺎﺩﻳﺔ ﻣﺎﻃﺒﻴﻌﻴﺔ .. ﻭﻣﺎﻋﺎﺭﻓﻬﺎ ﻣﺎﻻ .. ﻭﻣﺘﻮﺗﺮﺓ ﺷﺪﻳﺪ .. ﻭﺗﻔﺮﻙ ﻓﻲ
ﻳﺪﻳﻬﺎ ..
ﺩﺧﻠﺖ ﺍﻟﻤﻄﺒﺦ ﺍﻧﺎ ﻣﻔﺘﻜﺮﻫﺎ ﺩﺍﻳﺮﺓ ﺗﺴﻮﻱ ﻟﻲ ﺍﻛﻞ ﻭﻻ ﺣﺎﺟﺔ .
ﺟﺎﺕ ﻣﺎﺭﻗﺔ .. ﻗﺎﻟﺖ ﻟﻲ ﻳﺎ ﺷﻤﺴﻲ .. ﻭﺩﻳﻨﻲ ﺑﻴﺘﻨﺎ .. ﺍﻧﺎ ﻣﺎﻋﺎﻳﺰﺓ ﺍﺳﺘﻤﺮ ﻣﻌﺎﻙ ..
ﻗﻠﺖ ﻟﻴﻬﺎ ﻳﺎﺑﺖ ﺩﻩ ﻛﻼﻡ ﺷﻨﻮ ﺍﻟﺒﺘﻘﻮﻟﻲ ﻓﻴﻬﻮ ﺩﻩ؟ .. ﺍﻧﺎ ﻣﺎﻟﻲ ﻫﺴﻲ ﺑﺘﺎﺑﻴﻨﻲ ؟ .. ﻗﺎﻟﺖ ﻟﻲ ﺑﺲ ﺍﻧﺎ
ﻋﺎﻳﺰﺍﻙ ﺗﻄﻠﻘﻨﻲ ﻫﺴﻲ ..
ﻗﻠﺖ ﻟﻴﻬﺎ ﻛﺪﻱ ﺍﺻﺒﺮﻱ .. ﺧﻠﻴﻨﻲ ﺍﻓﻬﻢ ﺍﻟﺴﺒﺐ .. ﻗﺎﻟﺖ ﻟﻲ ﻣﺎﻓﻲ ﺍﻱ ﺳﺒﺐ ..
ﺍﻧﺎ ﻣﺎﻋﺎﻳﺰﺍﻙ ﻭﺑﺲ .. ﻭﻟﻮ ﺳﻤﺤﺖ ﻣﺎﺗﺘﻜﻠﻢ ﻣﻌﺎﻱ ﻛﺘﻴﺮ .. ﻻﻧﻲ ﻣﺎﺑﺘﺮﺍﺟﻊ ﻣﻦ ﻗﺮﺍﺭﻱ ﺩﻩ ..
ﻗﻠﺖ ﻟﻴﻬﺎ ﺍﻟﻘﺮﺍﺭ ﺩﻩ ﻗﺮﺭﺗﻴﻬﻮ ﻣﺘﻴﻦ ﻳﻌﻨﻲ ..
ﻗﻠﺘﺎ ﻟﻴﻬﺎ ﺧﻼﺹ ﻣﺎﻓﻲ ﻣﺸﻜﻠﺔ .. ﺑﺲ ﺍﺻﺒﺮﻱ ﺍﻭﺩﻳﻚ ﺍﻫﻠﻚ ﺑﺮﺍﻱ ..
ﻗﺎﻟﺖ ﻟﻲ ﻣﺘﻴﻦ ﺣﺘﻮﺩﻳﻨﻲ؟؟ .. ﻗﻠﺖ ﻟﻴﻬﺎ ﺑﻜﺮﺓ ﺍﻭ ﺑﻌﺪﻭ ..
ﻗﺎﻟﺖ ﻟﻲ ﻻﻻ ﺍﻧﺎ ﻋﺎﻳﺰﺓ ﺍﻣﺸﻲ ﺑﻜﺮﺓ ﺍﻟﺼﺒﺎﺡ ﻃﻮﺍﻟﻲ .. ﺗﻄﻠﻊ ﺑﺪﺭﻱ ﻭﺍﻧﺖ ﻃﺎﻟﻊ ﺗﻐﺸﻴﻨﻲ ﺑﻴﺘﻨﺎ ..
ﻭﺗﻤﺸﻲ ﺷﻐﻠﻚ ..
ﻭﺍﻧﺎ ﻃﺒﻌﺎ " ﺑﻘﻴﺖ ﻣﺎﻓﺎﻫﻢ ﺍﻱ ﺣﺎﺟﺔ .. ﻳﺎﺭﺑﻲ ﺩﻩ ﻣﻦ ﻛﻼﻡ ﺍﻟﺼﺒﺎﺡ ﺍﻻﺗﻜﻠﻤﺘﻮ ﻣﻌﺎﻫﺎ ؟
ﻻﻻﻻ ﻣﺎ ﻣﻦ ﻛﻼﻡ ﺍﻟﺼﺒﺎﺡ . ﻻﻧﻬﺎ ﻫﺴﻲ ﻛﺎﻧﺖ ﺑﺘﺘﻜﻠﻢ ﻋﺎﺩﻱ ..
ﻃﻴﺐ ﻳﺎﺭﺑﻲ ﺑﺘﻜﻮﻥ ﺣﺴﺖ ﺑﺎﻧﻲ ﺷﺎﻛﻲ ﻓﻴﻬﺎ ﻣﻦ ﺧﻼﻝ ﺍﺳﺌﻠﺘﻲ ؟؟ ﻭﺍﻟﻠﻪ ﺩﻩ ﺍﺣﺘﻤﺎﻝ ﻛﺒﻴﺮ ..
ﻭﺍﻻﺣﺘﻤﺎﻝ ﺍﻻﻛﺒﺮ ﻣﻨﻮ .. ﺍﻧﻮ ﻳﻜﻮﻥ ﺻﺎﻟﺢ ﺟﺎ ﻗﺒﻴﻞ .. ﻭﻗﻌﺪ ﻳﺘﻜﻠﻢ ﻣﻌﺎﻫﺎ ﻭﻳﻮﺍﺳﻲ ﻓﻴﻬﺎ .. ﻋﺸﺎﻥ
ﻛﻼﻣﻲ ﺑﺘﺎﻉ ﺍﻟﺼﺒﺎﺡ ﻣﻌﺎﻫﺎ .. ﻭﺑﻄﻴﺐ ﻓﻲ ﺧﺎﻃﺮﻫﺎ .. ﻭﻫﻲ ﺍﺳﺎﺳﺎ ﺷﺎﻳﻔﺎﻫﻮ ﺍﺣﺴﻦ ﻣﻨﻲ ﻭﺑﺘﺤﺘﺮﻣﻮ
ﺷﺪﻳﺪ .. ﻳﻜﻮﻥ ﻳﺎﺭﺑﻲ ﺍﻟﻤﻮﺿﻮﻉ ﺍﺗﺤﻮﻝ ﻟﻲ ﺣﺐ ﻭﺭﻳﺪﺓ .. ﻭﻧﺎﺩﻳﺔ ﺩﺍﻳﺮﺓ ﺗﻄﻠﻖ ﻣﻨﻲ ﻭﺗﻌﺮﺱ ﺍﺧﻮﻱ ..
ﺍﻳﻮﺓ ﺍﻳﻮﺓ ﺗﻤﺎﻡ .. ﺩﻩ ﺍﻻﺣﺘﻤﺎﻝ ﺍﻻﻛﺒﺮﺭ .. ﺑﻜﻮﻧﻮ ﻣﺘﻔﻘﻴﻦ ﻋﻠﻰ ﺍﻟﻤﻮﺿﻮﻉ ﺩﻩ ﻣﻦ ﺯﻣﺎﻥ .. ﻣﺎﺩﺍﻡ ﺍﻧﻮ ﺑﺠﻲ
ﺑﺎﻟﻨﻬﺎﺭ ﺑﺪﻭﻥ ﻋﻠﻤﻲ .. ﻭﻫﻲ ﺫﺍﺗﻬﺎ ﻣﺎﻛﻠﻤﺘﻨﻲ ﻭﻻ ﻛﺎﻧﺖ ﺡ ﺗﻜﻠﻤﻨﻲ ﺍﻻ ﻟﻤﻦ ﺳﺄﻟﺘﻬﺎ ..
ﻭﺭﺍﺳﻲ ﺑﻘﻰ ﻳﻮﺩﻱ ﻭﻳﺠﻴﺐ . ﻭﻛﻠﻬﺎ ﺍﻓﻜﺎﺭ ﻣﺎﻋﻨﺪﻱ ﻋﻠﻴﻬﺎ ﺍﺩﻧﻰ ﺩﻟﻴﻞ .. ﻟﻜﻦ ﺟﻮﺍﻱ ﺑﺮﺿﻮ ﻓﻜﺮ ﺑﻘﻮﻝ
ﻟﻲ ﺍﻧﻮ ﻧﺎﺩﻳﺔ ﻣﺎﺟﺎﺩﺓ ﻓﻲ ﺍﻟﻤﻮﺿﻮﻉ ﺩﻩ .. ﻭﺍﻣﻜﻦ ﻟﻲ ﺑﻜﺮﺓ .. ﺗﻐﻴﺮ ﺭﺍﻳﻬﺎ ﻣﻦ ﺍﻟﻘﺼﺔ ﺩﻱ ..
ﻳﻌﻨﻲ ﻛﻴﻒ ﺍﻃﻠﻘﻬﺎ .. ؟ﻭﺍﻧﺎ ﻣﺎ ﻋﻨﺪﻱ ﻋﻠﻴﻬﺎ ﺍﺛﺒﺎﺕ ﻓﻲ ﻣﻮﺿﻮﻉ .. ﻫﺴﻲ ﻳﺎﺩﻭﺏ ﺑﺪﻳﺖ ﺍﺗﺨﻴﻞ ﻛﻴﻒ
ﺗﻜﻮﻥ ﺣﻴﺎﺗﻲ ﻟﻮ ﻧﺎﺩﻳﺔ ﺑﻘﺖ ﻣﺎﻓﻴﻬﺎ .. ﺣﻴﺎﺗﻲ ﺑﺘﻜﻮﻥ ﻋﺒﺎﺭﺓ ﻋﻦ ﺧﺮﺍﺏ ﻭﻫﻢ ﻣﺎﻋﻨﺪﻭ ﺍﻱ ﻃﻌﻢ ..
ﻏﺎﻳﺘﻮ ﺍﻥ ﺷﺎﺀ ﺍﻟﻠﻪ ﺭﺑﻨﺎ ﻳﺴﺘﺮ .. ﻭﺍﻟﺒﺖ ﺩﻱ ﺗﻜﻮﻥ ﺑﺘﻬﻈﺮ ﺳﺎﻱ ..
ﺑﻘﺖ ﺳﺎﻛﺘﺔ ﻭﻣﺎﺑﺘﺘﻜﻠﻢ ﻣﻌﺎﻱ ﻭﺷﻜﻠﻬﺎ ﻣﺎﻃﺒﻴﻌﻴﺔ ﻧﻬﺎﺋﻲ .. ﻭﻻ ﻣﺘﺄﺛﺮﺓ ﺑﺎﻧﻬﺎ ﺣﺘﺘﻄﻠﻖ .. ﻭﺩﻱ ﺍﻟﺤﺎﺟﺔ
ﺍﻟﺒﺘﺨﻮﻑ .. ﺍﻟﻤﺮﺍﺓ ﻟﻤﻦ ﺗﻄﻠﺐ ﺍﻟﻄﻼﻕ ﻓﻲ ﻇﺮﻭﻑ ﻋﺎﺩﻳﺔ ﺑﺘﻜﻮﻥ ﺟﺎﺩﺓ ﺷﺪﻳﺪ . ﻟﻜﻦ ﻭﻛﺖ ﺗﻄﻠﺐ ﺍﻟﻄﻼﻕ
ﻓﻲ ﺛﻮﺭﺓ ﻏﻀﺐ .. ﺑﺘﻜﻮﻥ ﻣﻨﻔﻌﻠﺔ ﻭﻣﺎ ﻣﻘﺪﺭﺓ ﺍﻟﻌﻮﺍﻗﺐ . ﻭﻣﺎ ﺑﺘﻔﻜﺮ ﺑﻜﺎﻣﻞ ﻭﻋﻴﻬﺎ
ﻋﺸﺎﻥ ﻛﺪﺍ ﺑﻘﻮﻟﻮ ﺍﻟﻌﺼﻤﺔ ﺑﺘﻜﻮﻥ ﻓﻲ ﻳﺪ ﺍﻟﺮﺟﻞ ...ﺩﻩ ﻋﻠﻰ ﺣﺴﺐ ﻓﻬﻤﻲ ..
ﺍﻧﺎ ﺑﻘﻴﺖ ﺑﺤﺎﻭﻝ ﺍﺗﻜﻠﻢ ﻣﻌﺎﻫﺎ ﻭﻫﻲ ﺑﺘﺪﻳﻨﻲ ﺍﻟﺮﺩ ﺑﺎﻟﻘﻄﺎﺭﺓ ..
ﺑﺎﻟﺠﺪ ﺍﻟﺰﻭﻟﺔ ﺩﻱ ﺍﺗﻐﻴﺮﺕ ﻛﻠﻮ ﻛﻠﻮ ..
ﺍﻧﺎ ﺍﻟﻴﻮﻡ ﺩﻩ ﻣﺎ ﻃﻠﻌﺖ ﻣﻦ ﺍﻟﺒﻴﺖ .. ﻃﻠﻌﺖ ﺻﻠﻴﺖ ﺍﻟﻤﻐﺮﺏ ﻭﺟﻴﺖ ﺭﺍﺟﻊ ﺍﻟﺒﻴﺖ , ﻭﻣﻨﺘﻈﺮ ﺻﺎﻟﺢ ﻗﺎﺍﺍﻋﺪ
.. ﻭﺑﺤﺎﻭﻝ ﺍﺗﻜﻠﻢ ﻣﻌﺎﻫﺎ ﺍﻓﻬﻢ ﻣﻨﻬﺎ ﺷﻲ . ﻭﻫﻲ ﺑﺲ ﺑﺘﻘﻮﻝ ﻟﻲ ﻣﺎ ﻓﻲ ﺷﻲ ﻳﺎﺷﻤﺲ ﺍﻟﺪﻳﻦ .
ﻃﺒﻌﺎ ﻭﻛﺖ ﺗﻜﻮﻥ ﺣﻠﻮﺓ ﻣﻌﺎﻱ ﺑﺘﻘﻮﻝ ﻟﻴﻚ ﻳﺎﺷﻤﺴﻲ .. ﻭﻛﺖ ﺗﻜﻮﻥ ﻣﺎﻃﺒﻴﻌﻴﺔ ﺍﻭ ﻓﻲ ﻣﺸﻜﻠﺔ ﺑﻴﻨﺎﺗﻨﺎ ,,
ﺑﺘﻘﻮﻝ ﻟﻲ ﻳﺎ ﺷﻤﺲ ﺍﻟﺪﻳﻦ ..
ﺯﻱ ﺍﻟﺴﺎﻋﺔ ﺍﻟﺴﺎﻋﺔ . 8 ﺻﺎﻟﺢ ﺟﺎﺀ ﻭﺩﻕ ﺍﻟﺒﺎﺏ .. ﻭﻧﺎﺩﺍﻧﻲ ﻓﻲ ﺍﻻﻭﺿﺔ
ﻗﺎﻝ ﻟﻲ ﺍﺳﻤﻊ .. ﺍﻣﻲ ﺍﺗﺼﻠﺖ ﻋﻠﻲ .. ﻭﻗﺎﻟﺖ ﻟﻲ ﺍﺑﻮﻙ ﻭﺍﻓﻖ ﺗﺠﻲ ﺍﻟﺒﻴﺖ .
ﺍﻧﺖ ﻳﺎﺷﻤﺲ ﺍﻟﺪﻳﻦ . ﺍﺗﻜﻠﻤﺖ ﻣﻊ ﺍﻣﻲ ؟
ﻗﻠﺖ ﻟﻴﻬﻮ ﺍﺑﺪﺍ" ﺍﺗﻜﻠﻢ ﻣﻌﺎﻫﺎ ﺍﻗﻮﻝ ﻟﻴﻬﺎ ﺷﻨﻮ ﻳﻌﻨﻲ .. ؟؟
ﻗﺎﻝ ﻟﻲ ﺍﻟﻤﻬﻢ ﺍﻧﺎ ﺗﺎﻧﻲ ﻣﺎﺑﻘﺪﺭ ﺍﻗﻌﺪ ﻓﻲ ﺑﻴﺘﻨﺎ .. ﺍﻳﻮﺓ ﺡ ﺍﺭﺟﻊ ﻟﻴﻬﻢ ﻟﻜﻦ
ﺑﺠﻴﻬﻢ ﺑﺎﻟﻠﻴﻞ ﺑﺲ .. ﻭﻃﻮﻝ ﺍﻟﻴﻮﻡ ﺑﻜﻮﻥ ﻓﻲ ﺟﺒﺮﺓ ..
ﻗﻠﺘﺎ ﻟﻴﻬﻮ ﻳﺎ ﺻﺎﻟﺢ .. ﻣﺎﺩﺍﻡ ﺍﺑﻮﻱ ﺧﻼﺹ ﺍﺗﻨﺎﺯﻝ .. ﺍﻧﺖ ﺍﻏﺘﻨﻢ ﺍﻟﻔﺮﺻﺔ ﻭﺧﻠﻴﻬﻮ ﻳﺮﺿﻰ ﻣﻨﻚ ..
ﻭﺍﺑﻴﺖ ﺍﻗﻮﻝ ﻟﻴﻬﻮ ﺍﻧﻮ ﻧﺎﺩﻳﺔ ﻗﺎﻟﺖ ﻃﺎﻟﺒﺔ ﺍﻟﻄﻼﻕ .. ﺩﻱ ﻣﺸﻜﻠﺘﻲ ﺑﺮﺍﻱ ﺍﺣﺴﻦ ﻣﺎ ﺍﺳﺘﻌﺠﻞ ..
ﻗﺎﻝ ﻟﻲ ﻧﻤﺸﻲ ﻋﻠﻰ ﺍﻟﻔﺮﻥ ؟ ﻗﻠﺖ ﻟﻴﻬﻮ ﺩﻗﻴﻘﺔ ﺍﺟﻴﺐ ﺣﺎﺟﺔ ﺗﺎﻛﻠﻬﺎ ﻭﻧﻄﻠﻊ ..
ﻗﺎﻝ ﻟﻲ ﺍﻧﺎ ﻣﺎﻛﻞ ﻭﺷﺎﺭﺏ ﺍﻟﺤﻤﺪ ﻟﻠﻪ .. ﻃﻠﻌﻨﺎ ﻣﺸﻴﻨﺎ ﻋﻠﻰ ﺍﻟﻔﺮﻥ .. ﺍﺧﺪﻧﺎ ﻗﻌﺪﺓ ﺑﺘﺎﻋﺔ ﺳﺎﻋﻪ .. ﻃﺒﻌﺎ
ﻓﻲ ﺍﻟﻜﻮﺷﺘﻴﻨﺔ ﻻﻋﺒﻴﻦ ﺑﺎﻟﻘﻴﻢ .. ﻧﺎﺱ ﺑﻜﻮﻧﻮ ﺑﻠﻌﺒﻮ ﻭﻧﺎﺱ ﻣﻨﺘﻈﺮﻳﻦ ﺍﻟﺪﻭﺭ ..
ﺍﻧﺎ ﻛﻨﺖ ﻣﻨﺘﻈﺮ ﺍﻟﺪﻭﺭ .. ﺍﻭﻝ ﺍﻟﻌﺸﺮﺓ ﻣﺎﻗﺎﻣﺖ .. ﻭﺍﻧﺎ ﺧﻼﺹ ﻧﺰﻟﺖ ﻓﻲ ﺍﻟﻘﻴﻢ ﺍﻟﺠﺪﻳﺪ .. ﻭﺑﻮﺯﻋﻮ ﻓﻲ
ﺍﻟﻮﺭﻕ .. ﺻﺎﻟﺢ ﻗﺎﻝ ﻟﻲ ﺍﻧﺎ ﻣﺎﺷﻲ ﻗﺪﺍﻣﻚ ﺍﻟﺒﻴﺖ .. ﺗﻌﺒﺎﻥ ﺷﻮﻳﺔ ..
ﻗﻠﺖ ﻟﻴﻬﻮ ﻛﻮﻳﺲ ﺍﻣﺸﻲ ﺑﺤﺼﻠﻚ ..
ﻭﺍﻧﺎ ﺑﻘﻴﺖ ﻣﻘﻠﻖ ﻭﺩﺍﺧﻞ ﻓﻲ ﺣﻴﺺ ﺑﻴﺺ .. ﻭﻣﺎﻋﺎﺭﻑ ﺍﺗﺼﺮﻑ ﻛﻴﻒ .. ﺑﺲ ﺑﻘﻴﺖ .. ﺑﻠﻌﺐ ﻟﻌﺐ
ﻣﺨﺎﺭﺟﺔ .. ﻋﺸﺎﻥ ﺍﻗﻮﻡ ﺳﺮﻳﻊ ﺍﻟﺤﻘﻮ .. ﺑﻘﻴﺖ ﻣﺎ ﻣﻄﻤﺌﻦ ﻧﻬﺎﺋﻲ ﻭﺍﻟﻠﻪ ..
ﺍﻫﺎ ﺟﺪﻋﺖ ﺍﻟﺨﻤﺴﻴﻦ ﻭﺟﺮﻭﻧﻲ . ﻭﻣﺎﺳﻚ 14 ﻛﺮﺕ ﻭﻓﻴﻬﻦ ﺟﻮﻛﺮ . ﻭﻗﺒﻀﻮﻧﻲ ﺑﺎﻟﻮﺭﻕ ﻛﺎﻣﻞ ﻳﻌﻨﻲ ﻓﻲ
ﺗﻮﺯﻳﻌﺘﻴﻦ ﺍﻧﺎ ﻗﻤﺖ ..
ﻣﺎ ﺃﻛﺘﺮ ﻣﻦ ﺭﺑﻊ ﺳﺎﻋﺔ .. ﺣﺘﻰ ﺍﻟﻨﺎﺱ ﺍﻟﻤﻌﺎﻱ ﻻﺣﻈﻮ ﻟﻲ ﻭﺭﻗﻲ ﻓﻴﻬﻮ ﺍﻟﻨﺰﻭﻝ ﻭﻣﺎﻧﺰﻟﺖ .. ﺍﻟﻤﻬﻢ ﺑﺲ
ﺍﺗﺨﺎﺭﺟﺖ ﻭﻃﻠﻌﺖ ﺳﺮﻳﻊ .. ﻭﻓﻲ ﺍﻟﺸﺎﺭﻉ ﻣﺎﻓﺎﺿﻞ ﻟﻲ ﺍﻻ ﺍﺟﺮﻱ ﺍﺣﺼﻞ ﺻﺎﻟﺢ .
ﻭﺍﻟﻠﻪ ﺩﻱ ﺣﻜﺎﻳﺔ ﻏﺮﻳﺒﺔ ﺧﻼﺹ ..
ﻭﻛﺖ ﻭﺻﻠﺖ ﻭﺩﻗﻴﺖ ﺍﻟﺒﺎﺏ .. ﺻﺎﻟﺢ ﺫﺍﺗﻮ ﻣﺎ ﻣﺘﻮﻗﻌﻨﻲ ﺍﺟﻲ ﺳﺮﻳﻊ ﻛﺪﻱ . ﻻﻧﻲ ﻗﺎﻋﺪ ﺍﺷﺨﺖ ﺍﻟﻨﺎﺱ
ﻭﺍﻗﻮﻣﻬﻢ ﻛﻠﻬﻢ ﻓﻲ ﺍﻟﺤﺮﻳﻖ ﺩﻩ ..
ﻭﻛﺖ ﺟﺎﺀ ﻓﺘﺢ ﻟﻲ ﺍﻟﺒﺎﺏ .. ﻣﺎﻋﺮﻓﺖ ﻫﻮ ﺟﺎﻧﻲ ﻣﻦ ﻋﻠﻰ ﻭﻳﻦ .. ﻣﺮﺍﺕ ﻗﻠﺒﻲ ﻳﻘﻮﻝ ﻟﻲ ﺣﺲ ﺧﻄﻮﺍﺗﻮ
ﺟﺎﻱ ﻣﻦ ﻋﻠﻲ ﻏﺮﻓﺘﻮ .. ﻭﻣﺮﺍﺕ ﺑﺘﺨﻴﻞ ﺍﻧﻮ ﺟﺎﻱ ﻣﻦ ﻋﻠﻲ ﻏﺮﻓﺔ ﻧﺎﺩﻳﺔ .. ﻏﺎﻳﺘﻮ ﺑﻘﻴﺖ ﻋﺎﻳﺶ ﻓﻲ ﻭﻫﻢ
ﻭﻧﻔﺴﻴﺎﺕ ..
ﺍﻭﻝ ﻣﻦ ﺩﺧﻠﺖ ﺍﻟﺒﻴﺖ .. ﻣﺸﻴﺖ ﻃﻮﺍﻟﻲ ﻋﻠﻰ ﻏﺮﻓﺔ ﻧﺎﺩﻳﺔ .. ﻭﺍﻧﺎ ﺑﺘﻜﻠﻢ ﻣﻊ ﺻﺎﻟﺢ .. ﻗﻠﺖ ﻟﻴﻬﻮ ﻭﺍﻟﻠﻪ
ﺧﺒﻄﻮﻧﻲ ﻟﻴﻚ ﺧﺒﻄﺔ .. ﺟﺮﻭﻧﻲ ﺧﻤﺴﻴﻦ ﻭﻗﺒﻀﻮﻧﻲ ﺏ ﺍﻟﻮﺭﻕ ﻭﺟﻮﻛﺮ . ﻣﺎﺧﻠﻮﻧﻲ ﺍﺭﺗﺤﺖ ﻓﻲ ﺍﻟﻘﻌﺪﺓ ..
ﺍﻧﺎ ﺑﺘﻜﻠﻢ ﻭﻣﺎﺷﻲ ﻋﻠﻰ ﻏﺮﻓﺔ ﻧﺎﺩﻳﺔ .. ﻟﻘﻴﺘﻬﺎ ﻗﺎﻋﺪﺓ .. ﻭﻋﻴﻮﻧﻬﺎ ﺣﻤﺮ ﻣﻦ ﺍﺛﺮ ﺍﻟﺒﻜﺎ .. ﺍﻧﺎ ﻣﺘﺄﻛﺪ ﻛﺎﻧﺖ
ﺑﺘﺒﻜﻲ ﻗﺒﻞ ﻣﺎ ﺍﺩﺧﻞ ﺑﻲ ﺩﻗﻴﻘﺘﻴﻦ . ﻭﻣﺎﺳﺤﺔ ﺍﻟﺪﻣﻮﻉ ﺍﻟﺤﻜﺎﻳﺔ ﺩﻱ ﻇﺎﻫﺮﺓ ﻗﺪﺍﻣﻲ ﻣﺎ ﺩﺍﻳﺮﺓ ﻟﻴﻬﺎ ﻛﻼﻡ ..
ﻗﻠﺖ ﻟﻴﻬﺎ ﺍﻧﺘﻲ ﻛﻨﺖ ﺑﺘﺒﻜﻲ ﻳﺎ ﻧﺎﺩﻳﺔ ؟
ﻗﺎﻟﺖ ﻟﻲ ﺍﺑﻜﻲ ؟ ﺍﺑﻜﻲ ﻣﻦ ﺷﻨﻮ ؟ ﻓﻲ ﺣﺎﺟﺔ ﺑﺘﺒﻜﻲ ؟؟ ﺍﻧﺖ ﻳﺎ ﺷﻤﺲ ﺍﻟﺪﻳﻦ ﻣﺎﻟﻚ؟ . ﺑﻘﻴﺖ ﺗﺠﻴﺐ ﻟﻴﻚ
ﺍﻭﻟﻬﺎﻡ ﻣﻦ ﺭﺍﺳﻚ ..
ﺍﻧﺎ ﺗﻌﺒﺎﻧﺔ ﻣﺎﻗﺎﺩﺭﺓ ﺍﻗﻮﻡ .. ﺗﻠﻘﻰ ﺍﻟﻌﺸﺎ ﻓﻮﻕ ﺍﻟﻄﺮﺑﻴﺰﺓ ﺑﺘﺎﻋﺔ ﺍﻟﻤﻄﺒﺦ ﺷﻴﻠﻮ ﺍﺗﻌﺸﻮ ﻭﻧﻮﻡ ﺳﺮﻳﻊ ..
ﻋﺸﺎﻥ ﻧﺤﻦ ﻗﺎﻳﻤﻴﻦ ﺑﺪﺭﻱ ..
ﺩﺍﻳﺮ ﺍﻃﻠﻊ ﻛﺪﺍ ﻣﻦ ﺍﻟﻐﺮﻓﺔ ﻛﺪﺍ .. ﻋﺎﻳﻨﺘﺎ ﺑﻴﻦ ﺍﻟﺴﺮﻳﺮ ﻭﺍﻟﻴﻮﻧﻴﺖ . ﻟﻘﻴﺘﻬﺎ ﻣﺮﺑﻄﺔ ﺷﻨﻄﺘﻬﺎ .. ﻭﺧﺎﺗﺔ
ﻓﻮﻗﻬﺎ ﺗﻮﺑﻬﺎ ﺍﻟﻜﺤﻠﻲ . ﻳﻌﻨﻲ ﻓﻌﻼ ﺟﺎﻫﺰﺓ ﺯﻱ ﺍﻟﺰﻭﻝ ﺍﻟﻤﺴﺎﻓﺮ ﺍﻟﺪﻏﺶ ..
ﻭﺍﻟﻠﻪ ﺍﻟﻤﺮﺍﺓ ﺩﻱ ﻣﻌﻨﺎﻫﺎ ﺟﺎﺩﺓ ﻓﻲ ﻣﻮﺿﻮﻋﻬﺎ ..
ﻗﻠﺘﺎ ﻟﻴﻬﺎ ﻃﻴﺐ .. ﻛﻮﻳﺲ ﻣﺎﺗﻨﻮﻣﻲ ﺍﻧﺎ ﺑﻌﺪ ﺍﻟﻌﺸﺎ ﻋﻨﺪﻱ ﻣﻌﺎﻙ ﻛﻠﻤﺘﻴﻦ ..
ﻗﺎﻟﺖ ﻟﻲ ﻳﺎﺷﻤﺲ ﺍﻟﺪﻳﻦ .. ﺗﺎﻧﻲ ﺍﻧﺎ ﻣﺎﻋﻨﺪﻱ ﻣﻌﺎﻙ ﻛﻼﻡ ﺍﻧﺎ .. ﺑﺲ ﺑﺎﻛﺮ ﺗﻮﺩﻳﻨﻲ ﺍﻫﻠﻲ . ﻭﻋﻠﻰ ﻣﻬﻠﺘﻚ
ﺗﺮﺳﻞ ﻟﻲ ﻭﺭﻗﺘﻲ .. ﻣﺘﻲ ﻣﺎ ﺗﻘﺪﺭ ﻭﻟﻮ ﻣﺎﻋﺎﻳﺰ ﺗﺮﺳﻼ .. ﻋﻠﻰ ﻛﻴﻔﻚ ﺑﺲ ﺗﺎﻧﻲ ﺍﻧﺖ ﺍﻧﺎ ﻣﺎﻋﻨﺪﻱ ﻣﻌﺎﻙ
ﻋﻴﺸﺔ ﺍﻧﺘﻬﻴﻨﺎ ..
ﻣﺸﻴﺖ ﺷﻠﺘﺎ ﺍﻟﻌﺸﺎ ﻭﺍﺗﻌﺸﻴﻨﺎ ﺍﻧﺎ ﻭﺻﺎﻟﺢ .. ﻭﺻﺎﻟﺢ ﺩﻩ ﺳﺎﺭﺡ ﺳﺮﺣﺔ ﺷﺪﻳﺪﺓ ﺧﻼﺹ . ﻳﺸﻴﻞ ﺍﻟﻠﻘﻤﺔ
ﻳﻮﺩﻳﻬﺎ ﻋﻠﻰ ﺧﺸﻤﻮ .. ﻭﻳﻘﻴﻒ ﺯﻱ ﺍﻟﻘﻨﺎﺓ ﺍﻻﺷﺎﺭﺗﻬﺎ ﺿﻌﻴﻔﺔ .. ﻻﻣﻦ ﺍﻗﻮﻝ ﻟﻴﻬﻮ ﺻﺎﻟﺢ .. ﺍﻛﻞ ﻳﺎﺧﻲ
ﺳﻴﺐ ﺍﻟﺘﻘﻬﻲ .. ﺑﻌﺪ ﺷﻮﻳﺔ ﻋﺎﻳﻨﺖ ﻟﻲ ﻋﻴﻮﻧﻮ ﺍﺗﻤﻠﻦ ﺯﻱ ﺍﻟﺪﺍﻳﺮ ﻳﺒﻜﻲ .. ﻳﺎﺭﺑﻲ ﺍﻟﺰﻭﻝ ﺩﻩ ﻣﺎﻟﻮ؟ ﻳﺎﺭﺑﻲ
ﻋﺎﺭﻑ ﺍﻧﻮ ﻧﺎﺩﻳﺔ ﻃﺎﻟﺒﺔ ﺍﻟﻄﻼﻕ ؟ ﻭﺍﻟﻠﻪ ﺍﻧﺎ ﺫﺍﺗﻲ ﻣﺎﻗﺎﺩﺭ ﺍﻓﻜﺮ .. ﻭﻣﺨﻲ ﺧﻼﺹ ﻛﺒﺲ .. ﺷﻠﺘﺎ ﺍﻟﻌﺪﺓ
ﻭﻣﺸﻴﺖ ﻟﻘﻴﺖ ﻧﺎﺩﻳﺔ ﻣﺎ ﺃﻛﻠﺖ ﺍﻱ ﺣﺎﺟﺔ .. ﻗﺎﻋﺪﺓ ﺑﺲ ﻣﺘﻤﺤﻨﺔ ..
ﺍﻧﺎ ﺑﻌﺪ ﺟﻴﺖ .. ﻗﻌﺪﺗﺎ ﺟﻤﺒﻬﺎ ﻓﻲ ﺳﺮﻳﻬﺎ .. ﻗﺎﻣﺖ ﻗﺎﻣﺖ ﻗﻌﺪﺕ ﻓﻲ ﺍﻟﻜﺮﺳﻲ ..
ﻗﻠﺖ ﻟﻴﻬﺎ ﺗﻌﺎﻟﻲ ﺍﻗﻌﺪﻱ .. ﺍﻧﺎ ﻣﺎﺷﻲ ﺍﻟﺴﺮﻳﺮ ﺍﻟﺘﺎﻧﻲ .. ﺍﻟﺰﻭﻟﺔ ﺩﻱ ﺷﻜﻠﻬﺎ ﻗﻨﻌﺎﻧﺔ ﻭﺍﻟﻠﻪ ﺍﻟﻠﻪ ﻳﺴﺘﺮ ..
ﺑﻘﻴﺖ ﺑﺴﺄﻝ ﻓﻴﻬﺎ .. ﻗﻠﺖ ﻟﻴﻬﺎ ﻳﺎ ﻧﺎﺩﻳﺔ .. ﻣﻤﻜﻦ ﺍﺳﺄﻟﻚ ﺳﺆﺍﻝ .. ﻗﺎﻟﺖ ﻟﻲ ﺍﺳﺄﻝ ﺍﻧﺎ ﺳﺎﻣﻌﺔ ..
ﻗﻠﺖ ﻟﻴﻬﺎ ﺍﻧﺘﻲ ﺷﺎﻛﺔ ﻓﻴﻨﻲ .. ﺍﻧﻲ ﻋﻨﺪﻱ ﺍﻧﺴﺎﻧﺔ ﻏﻴﺮﻙ ﻓﻲ ﺣﻴﺎﺗﻲ ؟؟؟
ﻗﺎﻟﺖ ﻟﻲ ﺍﺑﺪﺍ ﻭﻻ ﺣﺼﻞ ﻇﻨﻴﺖ ﻓﻴﻚ ﻇﻦ ﺯﻱ ﺩﻩ .. ﻭﻣﺘﺄﻛﺪﺓ ..
ﻗﻠﺖ ﻟﻴﻬﺎ ﻃﻴﺐ .. ﺯﻋﻼﻧﺔ ﻣﻦ ﺍﻧﻲ ﻣﺎﻣﻬﺘﻤﻲ ﺑﻴﻚ؟ . ﻭﺑﻄﻠﻊ ﻛﺘﻴﺮ ؟؟
ﻗﺎﻟﺖ ﻟﻲ ﺍﺑﺪﺍ ﺍﻧﺖ ﻣﻦ ﺯﻣﺎﻥ ﺑﺘﻄﻠﻊ .. ﻭﻣﺎﻋﻨﺪﻙ ﺍﻫﺘﻤﺎﻡ .. ﺍﻧﺎ ﺣﺼﻞ ﻃﻠﺒﺖ ﻣﻨﻚ ﺍﻟﻄﻼﻕ ؟؟
ﻗﻠﺖ ﻟﻴﻬﺎ ﻃﻴﺐ .. ﻣﺘﻀﺎﻳﻘﺔ ﻣﻦ ﻗﻌﺪﺓ ﺻﺎﻟﺢ ﻣﻌﺎﻧﺎ ﻓﻲ ﺍﻟﺒﻴﺖ ؟
ﻗﺎﻟﺖ ﻟﻲ ﺍﺑﺪﺍ .. ﺩﻩ ﺻﺎﻟﺢ ﺍﺧﻮﻙ .. ﻭﺍﻧﺎ ﻣﺎ ﻣﻤﻜﻦ ﺍﺗﻀﺎﻳﻖ ﻣﻦ ﺍﺧﻮ ﺯﻭﺟﻲ ..
ﻗﻠﺖ ﻟﻴﻬﺎ ﺣﺼﻞ ﺻﺎﻟﺢ ﺩﻩ ﺳﻤﻌﻚ ﻛﻠﻤﺔ ﻣﺎﻳﺎﻫﺎ ؟؟
ﻗﺎﻟﺖ ﻟﻲ ﺍﺑﺪﺍ ﻣﺎﺣﺼﻞ ..
ﻗﻠﺖ ﻟﻴﻬﺎ ﻋﻨﺪﻙ ﺯﻭﻝ ﻣﻌﻴﻦ ﻓﻲ ﺭﺍﺳﻚ .. ﻋﺎﻳﺰﺓ ﺗﻄﻠﻘﻴﻨﻲ ﻋﺸﺎﻧﻮ؟
ﻗﺎﻟﺖ ﻟﻲ ﺍﺑﺪﺍ ﻣﺎﻋﻨﺪﻱ .. ﺍﻫﺎ ﺗﺎﻧﻲ ﻋﻨﺪﻙ ﺍﺳﺌﻠﺔ ﻭﻻ ﻛﻤﻠﺖ؟
ﻗﻠﺖ ﻟﻴﻬﺎ ﺑﺲ ﻭﺍﻟﻠﻪ ﻣﺎﻋﺎﺭﻑ ﺍﻟﺨﻼﻙ ﻓﺠﺄﺓ ﺗﻔﻜﺮﻱ ﻓﻲ ﺍﻧﻚ ﺗﺨﻠﻴﻨﻲ ﺷﻨﻮ؟
ﻗﺎﻟﺖ ﻟﻲ ﺑﺲ ﻣﺎﻋﺎﻳﺰﺍﻙ .. ﻣﻮﺵ ﺍﻧﺎ ﺍﺗﺰﻭﺟﺘﻚ ﻭﻗﺒﻠﺖ ﺑﻴﻚ ﺑﻲ ﺍﺭﺍﺩﺗﻲ ؟
ﻫﺴﻲ ﺍﻧﺎ ﻣﺎﻋﺎﻳﺰﺍﻙ ﺑﻲ ﺍﺭﺍﺩﺗﻲ .. ﻋﻠﻴﻚ ﺍﻟﻠﻪ ﻧﻮﻡ ﻋﺸﺎﻥ ﺗﻘﻮﻡ ﻟﻲ ﺑﺪﺭﻱ .. ﺗﻮﺩﻳﻨﻲ ﺑﻴﺘﻨﺎ ﺍﻧﺎ ﻟﻮ ﻗﻌﺪﺕ
ﻣﻌﺎﻙ ﺍﻛﺘﺮ ﻣﻦ ﻛﺪﺍ .. ﻣﺎﻋﺎﺭﻓﺔ ﺍﻟﺒﺤﺼﻞ ﻟﻲ ﺷﻨﻮ
ﺍﻧﺎ ﻃﺒﻌﺎ ﺯﻫﺠﺖ ﺷﺪﻳﺪ ﻣﻦ ﺍﻟﻘﺼﺔ ﺩﻱ .. ﻗﻠﺖ ﻟﻴﻬﺎ ﻳﺎﺯﻭﻟﺔ ﻋﻠﻰ ﻛﻴﻔﻚ .. ﺍﻧﺎ ﺩﺍﻳﺮ ﺍﺟﺒﺮﻙ ﺗﻌﻴﺸﻲ
ﻣﻌﺎﻱ؟؟ .. ﻋﻠﻰ ﻛﻴﻔﻚ .. ﺑﺎﻛﺮ ﺑﻮﺩﻳﻚ ﻣﺎﻋﻨﺪﻙ ﻣﺸﻜﻠﺔ ..
ﺑﺲ ﻃﺒﻌﺎ ﻗﻠﺒﻲ ﻣﻮﺟﻌﻨﻲ ﻭﺟﻊ ﺷﺪﻳﺪ ﺧﻼﺹ .. ﻭﺍﻛﺘﺮ ﺣﺎﺟﺔ ﻣﺎﻟﻴﺔ ﺭﺍﺳﻲ ﻣﺎﻋﺎﺭﻑ ﻫﻲ ﻣﺎﻻ ..
ﺑﺎﻛﺮ ﺍﻟﺼﺒﺎﺡ ﻟﺒﺴﻨﺎ .. ﺍﻧﺎ ﻭﺻﺎﻟﺢ .. ﻭﻟﻤﻦ ﺧﻼﺹ ﺟﻬﺰﻧﺎ ﻫﻲ ﻛﺎﻧﺖ ﺧﻼﺹ ﻻﺑﺴﺔ ﺗﻮﺑﻬﺎ ﺍﻟﻜﺤﻠﻲ ﻭﺭﺍﺑﻄﺔ
ﺭﺍﺳﻬﺎ ﺑﻲ ﻃﺮﺣﺔ ﺑﻨﻔﺴﺠﻴﺔ .. ﻭﻻﺑﺴﻪ ﺷﺒﺸﺐ .. ﻭﺍﻟﺸﺒﺸﺐ ﺑﻨﻔﺴﺠﻲ ﺑﺮﺿﻮ ..
ﺍﻧﺎ ﺷﻠﺘﺎ ﺍﻟﺸﻨﻄﺔ .. ﻭﻛﻠﻤﺖ ﺻﺎﻟﺢ ﻗﻠﺖ ﻟﻴﻬﻮ ﻧﺎﺩﻳﺔ ﻣﺎﺷﺔ ﺗﺎﺧﺪ ﻟﻴﻬﺎ ﻛﻢ ﻳﻮﻡ ﻣﻊ ﺍﻫﻠﻬﺎ .. ﺍﻧﺎ ﻭﺍﻧﺖ ﺡ
ﻧﻘﻌﺪ ﻋﺰﺍﺑﺔ ﻛﻢ ﻳﻮﻡ ﻛﺪﺍ .. ﻗﺎﻝ ﻟﻲ ﻣﺎ ﻓﻲ ﻣﺸﻜﻠﺔ .. ﺍﻧﺎ ﺫﺍﺗﻲ ﺗﺎﻧﻲ ﻣﺎ ﺑﺤﻴﻜﻢ .. ﺍﻻ ﺯﻳﺎﺭﺍﺕ .. ﺧﻼﺹ
ﻣﺪﺗﻲ ﻣﻌﺎﻛﻢ ﺍﻧﺘﻬﺖ .. ﻭﻛﺖ ﺍﺩﻭﺭ ﺍﺳﻠﻢ ﻋﻠﻰ ﻧﺎﺩﻳﺔ ﺑﻤﺸﻴﻼ ﻋﻨﺪ ﺍﻫﻠﻬﺎ .. ﻧﺎﺩﻳﺔ ﺳﻜﺘﺖ ﺳﺎﻱ .. ﻣﺎﻗﺎﻟﺖ
ﻟﻴﻬﻮ ﺣﺒﺎﺑﻚ ﻭﻻ ﻗﺎﻟﺖ ﻟﻴﻬﻮ ﺗﺸﺮﻑ ﻓﻲ ﺍﻱ ﻟﺤﻈﺔ . ﻭﺩﻩ ﺍﻟﺮﺩ ﺍﻟﻄﺒﻴﻌﻲ ..
ﺍﻧﺎ ﻭﺻﻠﺘﻬﺎ ﺑﻴﺖ ﺍﻫﻠﻬﺎ ﻭﻣﺎ ﺩﺧﻠﺖ ﻣﻌﺎﻫﺎ ﻗﻠﺖ ﻟﻴﻬﺎ ﺑﺠﻲ ﻏﺎﺷﻴﻚ ﺍﺧﺮ ﺍﻟﻴﻮﻡ ﻭﻣﺸﻴﺖ ..
ﻭﻛﺖ ﻭﺻﻠﺖ ﺍﻟﺸﺮﻛﺔ ﻻﻗﺘﻨﻲ ﻣﻴﻤﻮﻧﺔ . ﺍﻟﺒﺖ ﺍﻟﺮﺳﻠﺘﻬﺎ ﺗﺸﻮﻑ ﻟﻲ ﺧﺒﺮ ﻣﻦ ﻧﺎﺱ ﺟﺒﺮﺓ ..
ﻗﻠﺖ ﻟﻴﻬﺎ ﺍﻫﺎ ﻻﻗﻴﺘﻲ ﺍﺧﻮﻙ ﻭﺳﺄﻟﺘﻴﻬﻮ ؟؟ ﻭﻻﻻ ؟؟ .. ﻗﺎﻟﺖ ﻟﻲ ﺍﻳﻮﻩ ﺟﺎﻧﺎ ﺍﻣﺒﺎﺭﺡ ﻭﺳﺄﻟﺘﻮ؟
ﻗﻠﺘﺎ ﻟﻴﻬﺎ ﺍﻫﺎ ﺍﺧﻮﻙ ﻗﺎﻝ ﻟﻴﻚ ﺷﻨﻮ ؟؟ ........................

ﺍﻟﻰ ﺍﻟﻠﻘﺎﺀ ..

[لامارا]

ﺍﻟﺤﻠﻘﺔ 7
.....

.
ﻣﻴﻤﻮﻧﺔ ﻗﺎﻟﺖ ﻟﻲ ﻭﺍﻟﻠﻪ ﻳﺎﺷﻤﺲ ﺍﻟﺪﻳﻦ ﺍﺧﻮﻱ ﻗﺎﻝ .. ﺍﻟﺒﻴﺖ ﺍﻟﻮﺻﻔﺘﻮﻫﻮ ﺩﻩ ﺑﻴﺖ ﺳﻴﺪﻭ ﻭﺍﺣﺪ ﻣﻦ ﺍﻟﻨﺎﺱ
ﺍﻟﺒﺎﻗﻴﻦ ﺍﺫﻱ ﻟﻠﺤﻲ .. ﺑﺠﻴﺐ ﺍﻟﻨﺎﺱ ﺑﻠﻌﺒﻮ ﺍﻟﻘﻤﺎﺭ ﻓﻲ ﺍﻟﺒﻴﺖ .. ﻭﺍﺧﺮ ﺍﻟﻠﻴﻞ ﺍﻟﻨﺎﺱ ﺑﺸﻤﻮ ﺭﻳﺤﺔ ﺍﻟﺒﻨﻘﻮ
ﺍﺧﻮﻱ .. ﻗﺎﻝ ﻟﻴﻚ ﻟﻮ ﺍﺧﻮﻙ ﺑﺠﻲ ﻟﻠﻨﺎﺱ ﺩﻳﻞ .. ﺍﺣﺴﻦ ﺗﺤﺼﻠﻮ ﺗﻤﻨﻌﻮ ﻣﻨﻬﻢ ..
ﻻﻧﻬﻢ ﻛﻞ ﺷﻬﺮﻳﻦ ﺗﻼﺗﺔ ﻋﺎﻣﻠﻴﻦ ﻓﻀﻴﺤﺔ ﻓﻲ ﺍﻟﺤﻠﺔ .
ﻭﺍﻟﻠﻪ ﻣﻴﻤﻮﻧﺔ ﺑﺘﺤﻜﻲ ﻟﻲ .. ﺍﻧﺎ ﺣﺴﻴﺖ ﺑﺎﻟﻮﺍﻃﺔ ﺩﻱ ﺩﺍﻳﺮ ﺗﻨﻔﺞ ﻭﺗﺒﻠﻌﻨﻲ .. ﻭﻣﺎﻋﺎﺭﻑ ﺍﺗﻀﺎﻳﻖ ﻣﻦ ﺷﻨﻮ؟
ﻭﻟﻼ ﺷﻨﻮ؟ ﻣﺮﺗﻲ ﺍﻟﻔﺎﺗﺖ ﻭﺩﺍﻳﺮﺓ ﺍﻟﻄﻼﻕ ﻭﻣﺎﺩﺍﻳﺮﺓ ﺗﺘﻔﺎﻫﻢ . ﻭﻻ ﺍﺧﻮﻱ ﺍﻟﻄﻠﻊ ﻇﻨﻲ ﻓﻴﻬﻮ ﺯﻱ ﻣﺎﻫﻮ ..
ﺍﻳﻮﺓ ﻃﺒﻌﺎ " ﺍﻧﺎ ﺣﺴﻴﺖ ﻣﻦ ﻓﺘﺮﺓ .. ﺍﻧﻮ ﺻﺎﻟﺢ ﺍﺧﻮﻱ ﺍﺗﻐﻴﺮ ﺗﻐﻴﻴﺮ ﺗﻮﺗﻠﻲ . ﻭﺍﺗﻤﺴﺦ ﻟﻲ ﺷﺨﺺ ﺗﺎﻧﻲ
ﺗﻤﺎﻣﺎ .. ﺻﺎﻟﺢ ﺍﻟﻜﺎﻥ ﻣﺎﺑﻔﻮﺕ ﻭﻛﺖ ﺑﻘﻰ ﻳﺴﺐ ﺍﻟﺪﻳﻦ . ﻭﻛﺮﻋﻴﻬﻮ ﻣﺨﺮﺧﺮﺍﺕ ﺍﻟﺘﻘﻮﻝ ﺑﺎﻳﻞ ﻓﻮﻗﻦ ﺣﻤﺎﺭ
.. ﻭﺑﻘﻰ ﺯﻭﻝ ﺍﺻﻼ ﻣﺎﺗﻤﺎﻡ .. ﻣﺴﺘﺤﻴﻞ ﻳﻜﻮﻥ ﺍﻟﺘﻐﻴﻴﺮ ﺩﻩ ﺳﺎﻱ ﻛﺪﻱ . ﺍﻧﺎ ﻋﺮﻓﺖ ﺑﻜﻮﻥ ﺩﻩ ﺍﻟﺒﻨﻘﻮ
ﺍﻟﻤﻠﻌﻮﻥ .. ﺍﻟﻠﻪ ﻳﻠﻌﻦ ﺍﻟﺒﻨﻘﻮ ﻭﻳﻠﻌﻦ ﺍﻟﻨﺎﺱ ﺍﻟﺒﺒﻴﻌﻴﻮ ..
ﻭﺍﻟﺰﻱ ﺩﻳﻞ ﻛﻤﺎﻥ ﺑﻜﻮﻧﻮ ﺑﺴﺘﻌﻤﻠﻮ ﺣﺒﻮﺏ ﺍﻟﻬﻠﻮﺳﺔ ﻋﺸﺎﻥ ﺍﻟﺮﻳﺤﺔ ﻣﺎﺗﻀﺮﺏ ﻓﻲ ﺍﻟﺤﻠﺔ ..
ﺍﻟﻤﻬﻢ ﻳﺎﺯﻭﻝ ﺍﻧﺎ ﻋﺪﻳﺖ ﺍﻟﻴﻮﻡ ﺩﺍﻙ ﻛﻠﻮ ﻣﻀﺎﻳﻖ ﻭﻗﺮﻓﺎﻥ ..ﻭﺑﻌﺪ ﺍﻟﺪﻭﺍﻡ ﻣﺒﺎﺷﺮﺓ ﻣﺸﻴﺖ ﻋﻠﻰ ﻧﺎﺱ ﺑﻴﺘﻨﺎ
..ﻭﻛﻠﻤﺖ ﺍﻟﻮﺍﻟﺪﺓ ﻗﻠﺖ ﻟﻴﻬﺎ . ﻧﺎﺩﻳﺔ ﻣﺸﺖ ﺑﻴﺘﻬﻢ . ﻭﻣﺎ ﻛﻠﻤﺘﻬﺎ ﺍﻧﻬﺎ ﻃﻠﺒﺖ ﺍﻟﻄﻼﻕ . ﻗﻠﺖ ﺍﺻﺒﺮ ﺷﻮﻳﺔ
ﺍﻣﻜﻦ ﺍﻻﻣﻮﺭ ﺗﻬﺪﺃ . ﺩﺍﻳﻤﺎ ﻗﺎﻟﻮ ﺍﻟﺰﻭﻝ ﻗﺪﺭ ﻣﺎﻳﺘﻤﻬﻞ ﺍﺧﻴﺮ ..
ﺳﺄﻟﺘﻬﺎ ﻗﻠﺖ ﻟﻴﻬﺎ ﻳﺎ ﺍﻣﻲ ﺻﺎﻟﺢ ﺟﺎﺀ ﻫﻨﺎ .. ﻗﺎﻟﺖ ﻟﻲ ﻣﺎﺟﺎﺀ ﻟﻜﻦ ﻗﺎﻝ ﺑﺠﻲ ﺑﺎﻟﻠﻴﻞ ..
ﻗﻠﺖ ﻟﻴﻬﺎ ﻳﺎ ﺍﻣﻲ ﺍﻟﺰﻭﻝ ﺩﻩ ﺑﻤﺸﻲ ﺟﺒﺮﺓ .. ﻟﻲ ﻧﺎﺱ ﺑﺘﺎﻋﻴﻦ ﻣﺨﺪﺭﺍﺕ ﻭﻗﻤﺎﺭ . ﺍﻧﺘﻲ ﻣﻦ ﻣﺘﻴﻦ
ﻣﺎﺷﻔﺘﻴﻬﻮ؟
ﻗﺎﻟﺖ ﻟﻲ ﻣﻦ ﻳﻮﻣﻮ ﺍﻟﻤﺮﻕ ﻣﻌﺎﻙ ﺗﺎﻧﻲ ﺍﻻﺑﻀﺮﺏ ﻟﻲ ﺗﻠﻔﻮﻥ ﺑﺲ .. ﻭﻣﺎﺣﺼﻞ ﺿﺮﺏ ﻟﻲ ﺍﺑﻮﻫﻮ ﻛﻠﻮ ﻛﻠﻮ
.. ﻭﺍﺑﻮﻙ ﺯﻋﻼﻥ ﻓﻲ ﺍﻟﺤﻜﺎﻳﺔ ﺩﻱ
ﻭﺍﻟﻠﻪ ﺍﻧﺎ ﺑﺤﻨﺲ ﻓﻴﻬﻮ ﺗﻼﺗﺔ ﺳﺎﻋﺎﺕ . ﺣﺘﻦ ﻗﺎﻝ ﻟﻲ ﺧﻠﻴﻬﻮ ﺍﻟﻴﺠﻲ . ﺑﺲ ﺍﻧﺎ ﺍﻟﺒﻴﺖ ﺑﻀﻴﻖ ﻋﻠﻰ ﻣﻌﺎﻫﻮ ..
ﻭﻣﺎ ﺩﺍﻳﺮ ﺍﺷﻮﻓﻮ ﻗﺪﺍﻡ ﻭﺷﻲ .
ﻳﻌﻨﻲ ﻏﺎﻟﺒﻮ ﻳﺮﻓﻊ ﺗﻠﻔﻮﻥ ﻳﺴﺄﻝ ﻣﻦ ﺻﺤﺔ ﺍﺑﻮﻫﻮ .. ﻭﻳﺮﺍﺿﻴﻬﻮ ﻭﻳﻌﺘﺬﺭ
ﻣﻦ ﺯﻋﻞ ﺍﺑﻮﻫﻮ .. ﻏﺎﻳﺘﻮ ﻳﺎﺷﻤﺸﻲ ﺍﺧﻮﻙ ﺩﻩ ﺟﻨﺲ ﺷﻮﺍﻣﺘﻮ ﻣﺎﻻﻗﺘﻨﻲ . ﺭﺍﺳﻮ ﺍﻗﻮﻯ ﻣﻦ ﺍﻟﺼﺒﺔ ﺣﻘﺔ
ﺍﻟﻌﺘﺒﺔ ﺩﻱ .
ﻗﻠﺖ ﻟﻴﻬﺎ ﻃﻴﺐ ﻭﻳﻦ ﺍﻟﻄﻴﺐ ﺍﺧﻮﻱ ؟
ﻗﺎﻟﺖ ﻟﻲ ﺍﻟﻄﻴﺐ ﻣﺮﻕ ﺑﺠﻲ ﻫﺴﻲ .. ﻣﺎﻟﻚ ؟ ﻗﻠﺖ ﻟﻴﻬﺎ ﺍﺻﺒﺮﻱ ﺑﺲ ﻋﻨﺪﻱ ﻣﻌﺎﻫﻮ ﻣﻮﺿﻮﻉ ..
ﻭﺍﻧﺘﻈﺮﺕ ﻟﻤﻦ ﺟﺎ ﺍﻟﻄﻴﺐ .. ﻭﺍﺑﻮﻱ ﻣﺎﺟﺎ ﻟﺴﻊ ﺍﻟﻤﻬﻢ ﺍﺗﻐﺪﻳﻨﺎ ﺍﻧﺎ ﻭﺍﻟﻄﻴﺐ ﺳﻮﺍ ﻣﻦ ﻳﺪ ﺍﻣﻲ .. ﻭﺍﻻﻛﻞ
ﻣﻦ ﻳﺪ ﺍﻟﻮﺍﻟﺪﺓ ﻟﻴﻬﻮ ﻃﻌﻢ ﻣﺨﺘﻠﻒ . ﺑﻘﻴﺖ ﺑﺘﻜﻠﻢ ﻣﻊ ﺍﻟﻄﻴﺐ ﺍﺧﻮﻱ .. ﻗﻠﺖ ﻟﻴﻬﻮ ﺍﻧﺎ ﺩﺍﻳﺮ ﺍﻛﻠﻔﻚ ﺑﻲ
ﻣﻬﻤﺔ ﻣﺎﻓﻲ ﺯﻭﻝ ﺑﻘﺪﺭ ﻋﻠﻴﻬﺎ ﻏﻴﺮﻙ ..
ﺍﺧﻮﻙ ﺻﺎﻟﺢ ﺣﺎﺻﻞ ﻋﻠﻴﻬﻮ ﻛﻴﺖ ﻛﻴﺖ .. ﻭﺍﻧﺎ ﻣﺎﻗﺎﺩﺭ ﺍﻣﺸﻲ ﺟﺒﺮﺓ ﻋﺸﺎﻥ ﺍﺗﻘﺼﻰ ﺍﻟﺤﻘﺎﻳﻖ .. ﻻﺯﻡ
ﺗﻤﺸﻲ ﺗﺸﻮﻑ ﻟﻲ ﺍﻟﺤﺎﺻﻞ ﺷﻨﻮ ﺑﻲ ﺷﻄﺎﺭﺗﻚ ﻭﻓﻬﻤﻚ .. ﺍﻟﺰﻭﻝ ﺩﻩ ﺑﻀﻴﻊ ﻣﻨﻨﺎ ﻭﻧﺤﻦ ﻧﺘﻔﺮﺝ ..
ﺍﻟﻄﻴﺐ ﻗﺎﻝ ﻟﻲ ﻣﺴﺘﺤﻴﻞ ﺻﺎﻟﺢ ﺍﺧﻮﻱ ﻳﻜﻮﻥ ﻛﺪﺍ .. ﻗﻠﺖ ﻟﻴﻬﻮ ﺍﻧﺖ ﺷﻔﺘﻮ ﻣﺘﻴﻦ ؟ ﻟﻤﻦ ﻳﺠﻴﻚ ﺑﻌﺪﻳﻦ
ﺷﻮﻓﻮ .. ﻭﺍﺗﻜﻠﻢ ﻣﻌﺎﻫﻮ ﻟﻮ ﺍﻗﺘﻨﻌﺖ ﺑﻲ ﻛﻼﻣﻲ . ﺍﺿﺮﺏ ﺗﻠﻔﻮﻥ ﻭﺍﺩﻳﻨﻲ ﺭﺍﻳﻚ .. ﻭﻟﻮ ﻟﻘﻴﺘﻮ ﻃﺒﻴﻌﻲ
ﺍﻧﺴﻰ ﺍﻟﻤﻮﺿﻮﻉ ..
ﺍﺗﻮﻧﺴﺖ ﻣﻊ ﺍﺧﻮﺍﺗﻲ . ﻭﺍﺗﺨﺎﺭﺟﺖ ﻣﺸﻴﺖ ﻋﻠﻰ ﺑﻴﺘﻲ ﺍﻟﻔﺎﺿﻲ . ﻭﺍﻟﻠﻪ ﻟﻤﻦ ﻭﺻﻠﺖ ﺍﻟﺒﻴﺖ ﻭﻓﺘﺤﺖ ﺍﻟﺒﺎﺏ
ﺑﺎﻟﻤﻔﺘﺎﺡ ﻟﻘﻴﺖ ﺍﻟﺒﻴﺖ ﺩﻩ ﻛﺌﻴﺐ . ﻭﺷﻜﻠﻮ ﺣﺰﻳﻦ .. ﺯﻱ ﺍﻟﺨﺮﺍﺑﺔ .. ﺳﺒﺤﺎﻥ ﺍﻟﻠﻪ ﻧﺎﺩﻳﺔ ﻛﺎﻧﺖ ﻋﺎﻣﻠﺔ ﻓﻲ
ﺍﻟﺒﻴﺖ ﺩﻩ ﺭﻭﺡ ﻏﺮﻳﺒﺔ .. ﺍﻧﺎ ﻓﻲ ﺍﻟﻠﺤﻈﺔ ﺍﺷﺘﻘﺖ ﻟﻴﻬﺎ ﺷﺪﻳﺪ ﻭﺍﻟﻠﻪ ..
ﺩﺧﻠﺖ ﺍﻟﺤﻤﺎﻡ ﻭﻏﻴﺮﺕ ﻫﺪﻭﻣﻲ .. ﻭﺟﻴﺖ ﺍﺧﺪﺕ ﻟﻲ ﺭﻗﺪﺓ .. ﻭﺷﻠﺖ ﺍﻟﺘﻠﻔﻮﻥ ﻃﻠﻌﺖ ﺭﻗﻤﻬﺎ ﻭﺩﺍﻳﺮ ﺍﺿﺮﺏ
ﻟﻴﻬﺎ .. ﺍﺗﺮﺩﺩﺕ ﺷﻮﻳﺔ ﻭﺿﺮﺑﺖ ﻟﻴﻬﺎ ﺗﺎﻧﻲ .. ﺍﻟﺠﺮﺱ ﺩﻩ ﺩﻕ ﻻﻣﻦ ﻭﻗﻒ ﺑﺮﺍﻫﻮ ﻣﺎﺭﺩﺕ .. ﻗﻠﺖ ﻳﻤﻜﻦ
ﺗﻜﻮﻥ ﺑﻌﻴﺪﺓ ﻣﻦ ﺍﻟﺘﻠﻔﻮﻥ .. ﺍﻟﻨﺠﺮﺏ ﺗﺎﻧﻲ .. ﻭﺟﺮﺑﺖ ﺗﺎﻧﻲ ﻭﺗﺎﻟﺖ ﻭﺭﺍﺑﻊ .. ﻣﺎﻓﻲ ﺭﺩ .. ﻗﻠﺖ ﺍﺟﺮﺏ
ﺍﻟﻤﺮﺓ ﺍﻻﺧﻴﺮﺓ ﻟﻘﻴﺘﻮ ﻣﻘﻔﻮﻝ .. ﻳﺎﺳﺎﺗﺮ .. ﻭﺍﻟﻠﻪ ﺍﻟﻤﺮﺍﺓ ﺩﻱ ﻣﻌﻨﺎﻫﺎ ﺍﻟﺸﺎﻳﻼﻫﻮ ﻣﻌﺎﻱ ﺗﻘﻴﻞ .. ﻳﺎﺭﺑﻲ
ﺑﻜﻮﻥ ﻓﻲ ﺷﻨﻮ ﻣﺜﻼ؟؟ ﻗﻠﺖ ﻳﺎﺯﻭﻝ ﺍﻗﻮﻡ ﺍﺻﻠﻲ ﺍﻟﻤﻐﺮﺏ ﻭﺍﻣﺮﻕ ﻛﺪﻱ ﻋﻠﻰ ﺟﻤﺎﻋﺘﻲ ﺍﻟﻔﻲ ﺍﻟﻔﺮﻥ ..
ﺍﺻﻼ ﻣﺎﻓﻲ ﻣﻮﺿﻮﻉ ..
ﺍﻟﻤﺴﺠﺪ ﺟﻤﺐ ﺍﻟﺒﻴﺖ ﺷﺪﻳﺪ .. ﻣﺸﻴﺖ ﺍﺻﻠﻲ . ﺍﻧﺎﻓﻲ ﺍﻟﺼﻼﺓ ﺗﻠﻔﻮﻧﻲ ﺿﺮﺏ .. ﻋﻔﺴﺘﻮ ﺑﻲ ﻳﺪﻱ ﻛﺪﺍ ..
ﺻﻤﺖ .. ﻟﻤﻦ ﻃﻠﻌﺖ ﻣﻦ ﺍﻟﺼﻼﺓ ﻋﺎﻳﻨﺖ ﻟﻘﻴﺘﻬﺎ ﺩﻱ ﻧﺎﺩﻳﺔ ﺿﺮﺑﺖ ﻟﻲ ..
ﺳﺮﻳﻊ ﻋﻤﻠﺖ ﺍﺳﺘﻌﺎﺩﺓ ﺍﻟﺮﻗﻢ ﻭﺩﻗﻴﺘﻠﻬﺎ .. ﻭﺍﻟﺘﻠﻔﻮﻥ ﻓﻲ ﺍﺿﺎﻧﻲ ﻭﺍﻧﺎ ﻣﺎﺭﻕ ﻣﻦ ﺍﻟﺠﺎﻣﻊ .. ﺑﻠﺒﺲ ﻓﻲ
ﺷﺒﺎﺷﺒﻲ .. ﻭﺍﻟﺠﺮﺱ ﻓﻲ ﺍﺻﺎﻧﻲ ﻭﻟﺴﻊ ﻣﺎﻓﺘﺤﺖ ﺍﻟﺨﻂ .. ﻻﻣﻦ ﻗﻄﻊ .. ﺗﺎﻧﻲ ﺿﺮﺑﺖ ﻟﻴﻬﺎ .. ﺭﺩﺕ
ﻣﺸﻴﺖ ﺍﻟﺒﻴﺖ ﻃﻮﺍﻟﻲ ﻋﺸﺎﻥ ﺍﺗﻜﻠﻢ ﻣﻌﺎﻫﺎ ﺑﻲ ﻣﺰﺍﺝ .. ﻭﺍﺣﺎﻭﻝ ﺍﻗﻮﻝ ﻟﻴﻬﺎ ﻛﻠﻤﺎﺕ ﺣﻠﻮﺍﺕ .. ﻋﺸﺎﻥ
ﺗﺨﻠﻲ ﻗﻮﺓ ﺍﻟﺮﺍﺱ ﺩﻱ ..
ﺩﺧﻠﺘﺎ ﺍﻟﺒﻴﺖ ﻭﺭﻗﺪﺕ ﻓﻲ ﺍﻟﺴﺮﻳﺮ .. ﻭﺍﻧﺎ ﺑﺘﻜﻠﻢ ﻣﻌﺎﻫﺎ .. ﻛﻴﻔﻚ ﻳﺎﻧﺎﺩﻳﺔ ..
ﻣﺎﺷﻔﺘﻲ ﺍﻟﺒﻴﺖ ﺑﻌﺪﻙ ﻛﻴﻒ ﻛﺌﻴﺐ ﻭﺷﻜﻠﻮ ﺣﺰﻳﻦ ..
ﻭﺍﻧﺎ ﻗﺎﻋﺪ ﺑﺮﺍﻱ ﻭﻣﺎﻟﻘﻴﺖ ﺯﻭﻝ ﻋﻤﻞ ﻟﻲ ﺍﻻﻛﻞ .. ﺳﻜﺘﺖ ﻣﺴﺎﻓﺔ .
ﻭﻗﺎﻟﺖ ﺍﻭﻻ ﺍﻧﺎ ﺍﺳﻔﺔ ﺍﻧﺘﺒﻬﺖ ﺍﺧﻴﺮﺍ ﺍﻧﻚ ﺑﺘﻜﻮﻥ ﻓﻲ ﺍﻟﺼﻼﺓ .. ﻭﻻ ﻣﺎﻛﻨﺖ ﺿﺮﺑﺖ ﻟﻴﻚ ﻓﻲ ﺍﻟﻮﻛﺖ ﺩﻩ ..
ﺑﻌﺪﻳﻦ ﺍﻧﺎ ﻭﺍﻟﻠﻪ ﺍﻧﺖ ﺑﺘﻀﺮﺏ ﻟﻲ ﻭﺍﻟﺘﻠﻔﻮﻥ ﻛﺎﻥ ﺻﺎﻣﺖ ﻣﺠﺪﻭﻉ ﻓﻲ ﺍﻟﺪﻭﻻﺏ ﻣﻊ ﻫﺪﻭﻣﻲ ..
ﻭﺍﻧﺎ ﺭﺟﻌﺖ ﻟﻴﻚ ﻋﺸﺎﻥ ﺍﻗﻮﻝ ﻟﻴﻚ ﻛﻼﻡ ﻣﺤﺪﺩ .. ﻭﻳﺎﺭﻳﺖ ﺗﻔﻬﻤﻨﻲ ﻳﺎ ﺷﻤﺲ ﺍﻟﺪﻳﻦ .. ﺍﻧﺎ ﻣﺎﻋﺎﻳﺰﺍﻙ ﺗﻀﺮﺏ
ﻟﻲ ﺗﺎﻧﻲ .. ﻻﻧﻲ ﺭﺑﻤﺎ ﺍﺳﺎﺳﺎ ﻣﺎ ﺍﻓﺘﺢ ﻟﻴﻚ ﺍﻟﺨﻂ ... . ﻭﺍﻧﺎ ﻣﺎﻋﺎﻳﺰﺓ ﺍﺳﻤﻌﻚ ﻛﻼﻡ ﺍﻧﺖ ﻣﺎﺑﺘﺴﺘﺎﻫﻠﻮ .
ﻓﺎﻧﺎ ﺑﺸﻮﻑ ﺍﺣﺴﻦ ﺍﻟﻨﺎﺱ ﺗﻔﺘﺮﻕ ﺑﺎﻟﻤﻌﺮﻭﻑ .. ﻣﺎﻓﻲ ﺩﺍﻋﻲ ﻟﻠﺰﻋﻞ ﻭﺍﻻﺣﺮﺍﺝ ..
ﺍﻧﺎ ﻃﺎﻟﺒﺔ ﻣﻨﻚ ﻃﻠﺐ ﻭﺍﺣﺪ ﺑﺲ .. ﺣﺎﻭﻝ ﺭﺳﻞ ﻟﻲ ﻭﺭﻗﺘﻲ ﺑﻲ ﺳﺮﻋﺔ ..
ﻗﻠﺖ ﻟﻴﻬﺎ ﻳﺎ ﻧﺎﺩﻳﺔ ﺍﺳﺘﻬﺪﻱ ﺑﺎﻟﻠﻪ ﻋﻠﻴﻚ .. ﻭﺳﻴﺒﻲ ﺍﻟﻜﻤﻴﺮﺍ ﺍﻟﺨﻔﻴﺔ ﺍﻟﺒﺘﻌﻤﻠﻲ ﻓﻴﻬﺎ ﺩﻱ ؟
ﻗﺎﻟﺖ ﻟﻲ ﻛﻤﻴﺮﺍ ﺧﻔﻴﺔ ﺑﺘﺎﻋﺔ ﺑﺘﺎﻋﺔ ﺷﻨﻮ؟ ﻳﺎ ﺷﻤﺲ ﺍﻟﺪﻳﻦ؟ ﺣﺼﻞ ﺍﻧﺎ ﻏﺸﻴﺖ ﻋﻠﻴﻚ ؟ ﺣﺼﻞ ﻳﻮﻡ ﻫﺪﺩﺗﻚ
ﺑﺎﻧﻲ ﺡ ﺍﻓﺎﺭﻗﻚ؟
ﺍﻧﺖ ﻣﺎﻋﺎﺭﻑ ﺍﻧﻮ ﺍﻟﻄﻼﻕ ﻣﺎﻓﻴﻬﻮ ﻫﻈﺎﺭ ﻭﻟﻌﺐ؟ ﺍﻧﺎ ﻋﺎﺭﻓﺔ ﻛﺪﺍ .
ﺑﺲ ﻟﻮ ﺳﻤﺤﺖ ﺗﺎﻧﻲ ﻣﺎﺗﻀﺮﺏ ﻟﻲ ﻻﻧﻲ ﻣﺎﻋﺎﺭﻓﺔ ﺍﻗﺪﺭ ﺍﺿﺒﻂ ﺍﻋﺼﺎﺑﻲ ﻭﻻﻻ ..
ﻭﺩﻋﺘﻚ ﺍﻟﻠﻪ ﻣﻊ ﺍﻟﺴﻼﻣﺔ .. ﺑﻌﺪﻳﻦ ﺍﺳﻤﻊ .. ﺗﺎﻧﻲ ﻟﻮ ﺩﻗﻴﺖ ﻟﻲ ﻣﺎﺑﺮﺩ ﻟﻴﻚ .. ﺧﻠﻴﻚ ﻋﺎﺭﻑ ﻋﺸﺎﻥ
ﻣﺎﺗﺘﻌﺐ ..
ﻭﻗﻔﻠﺖ ﺍﻟﺨﻂ ﻣﻦ ﺩﻭﻥ ﻣﺎﺗﻮﺩﻋﻨﻲ ﺣﺘﻰ .. ﻭﺻﻮﺗﺎ ﻣﺘﻐﻴﺮ ﻭﺍﺳﻠﻮﺑﻬﺎ ﻓﻲ ﺍﻟﻜﻼﻡ .. ﺩﻱ ﻋﻴﻦ ﺷﻨﻮ ﺩﻱ
ﻳﺎﻧﺎﺱ ..
ﺩﺧﻠﺖ ﺍﻟﺘﻠﻔﻮﻥ ﻭﻟﺒﺴﺖ ﺷﺒﺎﺷﺒﻲ ﻭﻗﻤﺖ ﻣﺮﻗﺖ ﻋﻠﻰ ﺟﻤﺎﻋﺘﻲ ﻓﻲ ﺍﻟﻔﺮﻥ
ﻭﺩﺍﺧﻞ ﻓﻲ ﻫﻢ ﻭﻏﻢ ﻻﻳﻌﻠﻢ ﺑﻴﻬﻮ ﺍﻻ ﺍﻟﻠﻪ .. ﻭﺍﻛﺘﺮ ﺷﻲ ﻣﺤﻴﺮﻧﻲ ﺑﺲ ﺍﻟﻤﺮﺍﺓ ﺩﻱ ﻣﺎﻻ؟
ﻭﻣﺸﻴﺖ ﻗﻌﺪﺕ ﻗﻌﺪﺗﻲ ﺩﻳﻚ ﻟﻐﺎﻳﺔ ﺍﺧﺮ ﺍﻟﻠﻴﻞ .. ﻭﻏﺸﻴﺖ ﺍﻟﻤﺤﻄﺔ ﺍﺗﻌﺸﻴﺖ ﻭﺟﻴﺖ ﺑﻴﺘﻲ ﻭﻗﻤﺘﺎ ﺑﺎﻛﺮ
ﺍﻟﺼﺒﺎﺡ ﻋﻠﻰ ﺍﻟﺸﻐﻞ ..
ﺗﺎﻧﻲ ﻳﻮﻡ ﻳﺎﺯﻭﻝ ﺍﺗﺼﻞ ﻋﻠﻰ ﺍﻟﻄﻴﺐ ﺍﺧﻮﻱ .. ﻭﻗﺎﻝ ﻟﻲ ﻳﺎﺷﻤﺲ ﺍﻟﺪﻳﻦ ﺻﺎﻟﺢ ﺟﺎﺀ ﺍﻟﺒﻴﺖ ..
ﻗﻠﺖ ﻟﻴﻬﻮ ﺍﻫﺎ ﻟﻘﻴﺘﻮ ﻛﻴﻒ ؟ ﺯﻱ ﻣﺎﻗﻠﺖ ﻟﻴﻚ ﻭﻻ ﻛﻼﻣﻲ ﻣﺎﺻﺢ؟ ..
ﻗﺎﻝ ﻟﻲ ﻳﺎ ﺷﻤﺲ ﺍﻟﺪﻳﻦ ﺻﺎﻟﺢ ﺩﻩ ﻣﺎ ﻃﺒﻴﻌﻲ ﻧﻬﺎﺋﻲ .. ﻭﺩﻱ ﺣﺎﻟﺔ ﺑﺘﺎﻋﺔ
ﺯﻭﻝ ﺍﻟﺒﻨﻘﻮ ﻭﺍﻧﺎ ﺑﻌﺮﻓﺎ .. ﺍﺧﻮ ﺻﺎﺣﺒﻲ ﺑﺸﺮﺏ ﻳﻮﻣﻴﺎ .. ﻧﻔﺲ ﺷﻜﻞ ﺻﺎﻟﺢ ﺩﻩ ﻭﻃﺮﻳﻘﺔ ﺗﺼﺮﻓﺎﺗﻮ ..
ﺻﺎﻟﺢ ﻣﺎ ﻣﺤﺘﺎﺝ ﻧﻤﺸﻲ ﻧﻔﺘﺶ ﺑﻲ ﻭﺭﺍﻫﻮ ﻳﺎ ﺷﻤﺲ ﺍﻟﺪﻳﻦ .. ﺻﺎﻟﺢ ﺩﻩ ﺑﻠﻔﻬﺎ ﺑﻠﻔﻬﺎ .. ﻭﺍﻟﻠﻪ ﺍﺩﻕ ﻋﻠﻴﻬﻮ
ﺍﻟﻘﺴﻢ ..
ﻃﺒﻌﺎ " ﺍﻧﺎ ﻣﻘﺘﻨﻊ ﺑﻲ ﻛﻼﻡ ﺍﻟﻄﻴﺐ ﻟﻲ ﺩﺭﺟﺔ ﻓﻮﻕ ﺍﻟﺤﺪ ﺍﻟﺤﺪ ﺍﻟﻤﻌﻘﻮﻝ ..ﻟﻜﻦ ﺩﺍﻳﺮ ﺗﻜﻮﻥ ﻋﻨﺪﻱ ﺑﻴﻨﺔ
ﻭﺩﻟﻴﻞ ﻋﺸﺎﻥ ﻣﺎ ﺍﺗﻜﻠﻢ ﺳﺎﻱ ..
ﻗﻠﺖ ﻟﻴﻬﻮ ﻳﺎ ﺍﻟﻄﻴﺐ ﺍﺧﻮﻱ ﺍﻧﺖ ﻣﺎﺑﺘﻌﺮﻑ ﺍﻛﺘﺮ ﻣﻨﻲ .. ﺍﻧﺎ ﻣﺎ ﻣﻘﺘﻨﻊ ﺑﺎﻟﻜﻼﻡ ﺩﻩ .. ﻭﻋﺸﺎﻥ ﻧﺤﻦ ﻣﺎﻧﻈﻠﻢ
ﺍﻟﺰﻭﻝ ﺩﻩ ﺳﺎﻱ ﻻﺯﻡ ﻧﺘﺄﻛﺪ .. ﻋﺸﺎﻥ ﻭﻛﺖ ﻧﻜﻮﻥ ﻣﺘﺄﻛﺪﻳﻦ ﺑﻨﻘﺪﺭ ﻧﺘﺼﺮﻑ ..ﻣﺎﻧﻘﻌﺪ ﻧﺘﻬﻢ ﻓﻲ ﺍﻟﺰﻭﻝ
ﺳﺎﻱ ﺑﺪﻭﻥ ﺩﻟﻴﻞ .
ﻗﺎﻝ ﻟﻲ ﻭﺍﻟﻠﻪ ﻳﺎﺷﻤﺶ ﺍﻟﺪﻳﻦ ﺩﻱ ﻣﺎ ﺩﺍﻳﺮﺍﺍﻻ ﺩﻟﻴﻞ ..ﻟﻜﻦ ﺍﻧﺎ ﺍﻟﻠﻴﻠﺔ ﺑﻤﺸﻲ ﻭﺍﺟﻴﺐ ﻟﻚ ﺍﻟﺪﻟﻴﻞ ﻭﺍﻟﺒﺮﻫﺎﻥ
..
ﻗﻠﺖ ﻟﻴﻬﻮ ﺣﺘﺠﻴﺐ ﺍﻟﺪﻟﻴﻞ ﺩﻩ ﻛﻴﻒ .. ﻗﺎﻝ ﺍﺻﺒﺮ ..
ﺍﻫﺎ ﻳﺎﺯﻭﻝ ﺍﻟﻄﻴﺐ ﺍﻟﻤﺴﻠﻂ .. ﺍﺗﺎﺭﻳﻬﻮ ﻋﻨﺪﻭ ﺻﺎﺣﺒﻮ ﺳﺎﻛﻦ ﻓﻲ ﺟﺒﺮﺓ ﻗﺎﻝ ﻟﻴﻬﻮ ﺩﺍﻳﺮﻙ ﺗﻤﺸﻲ ﻟﻠﻨﺎﺱ
ﺩﻳﻞ ﻓﻲ ﻣﺤﻠﻬﻢ .. ﻭﺗﻘﻮﻝ ﻟﻴﻬﻢ ﺍﻧﻚ ﺩﺍﻳﺮ ﺗﺸﺘﺮﻱ .. ﻭﻭﺗﻘﻌﺪ ﻣﻌﺎﻫﻢ ﻭﺗﺸﺮﻱ ﻣﻨﻬﻢ .. ﺷﺎﻟﻮ ﺗﻠﻔﻮﻥ ﻧﻮﻛﻴﺎ
ﻧﻮﻉ ﺟﺪﻳﺪ ﻛﺪﺍ .. ﻣﻦ ﺻﺎﺣﺒﻬﻢ ﺳﺎﻛﻦ ﺍﺭﻛﻮﻳﺖ . ﻭﻗﺎﻝ ﻟﻴﻬﻮ ﺗﺼﻮﺭ ﻧﺎﺱ ﺍﻟﻘﻌﺪﺓ ..ﺍﻟﺘﻠﻔﻮﻥ ﻧﻮﻛﻴﺎ ..
ﺑﺼﻮﺭ ﺍﻟﺰﻭﻝ ﻓﻴﺪﻳﻮ ﻋﺪﻳﻞ .. ﺟﺎﻳﺒﻨﻮ ﻣﻦ ﺍﻭﺭﻭﺑﺎ ﻭﻻ ﻭﻳﻦ ﻣﺎﻋﺎﺭﻑ . ﺍﻟﻮﻛﺖ ﺩﺍﻙ ﻃﺒﻌﺎ ﺍﻟﺘﻠﻔﻮﻥ ﺍﻟﻔﻴﻬﻮ
ﻛﻤﻴﺮﺍ ﺩﻩ ﺑﻜﻮﻥ ﻣﻤﻴﺰ ﺧﻠﻲ ﻳﺼﻮﺭ ﻓﻴﺪﻳﻮ ..
ﻧﺤﻦ ﻛﻨﺎ ﻧﺎﺱ 3310 ﺳﺎﺍﺍﻱ ..
ﺍﻫﺎ ﺍﻟﻤﻬﻢ ﺻﺎﺣﺒﻮ ﺍﻟﻤﺴﻠﻂ ﻣﺸﻰ ﻟﻠﺠﻤﺎﻋﺔ ﻓﻲ ﺍﻟﺒﻴﺖ ﻭﺻﻮﺭﻫﻢ ﻭﺳﺠﻞ ﺍﻟﻤﻘﻄﻊ ﺻﻮﺭﺓ ﻭﺻﻮﺕ .. ﻗﻌﺪﺓ
ﺍﻟﻘﻤﺎﺭ ﻭﺍﻟﺪﺧﺎﺧﻴﻦ ﺍﻟﺘﺼﻮﻳﺮ ﻣﺎ ﻭﺍﺿﺢ ﻻﻧﻮ ﺍﻟﻮﺍﻃﺔ ﺑﺎﻟﻠﻴﻞ .. ﻟﻜﻦ ﺻﺎﻟﺢ ﺍﺧﻮﻱ ﻇﺎﻫﺮ ﻓﻲ ﺍﻟﻔﻴﺪﻳﻮ ..
..ﺍﻧﺎ ﺍﻭﻝ ﻣﺮﺓ ﺍﺷﻮﻑ ﻟﻲ ﺗﻠﻔﻮﻥ ﺑﺼﻮﺭ ﻓﻴﺪﻳﻮ .. ﺳﺒﺤﺎﻥ ﺍﻟﻠﻪ ﻏﺎﻳﺘﻮ ﻛﻨﺖ ﻣﺨﻠﻮﻉ .
ﺍﻟﻤﻬﻢ ﻳﺎ ﺯﻭﻝ ﻧﺤﻦ ﺑﻘﻰ ﻋﻨﺪﻧﺎ ﺍﻟﺪﻟﻴﻞ ﺍﻟﻘﺎﻃﻊ ﻟﻠﺸﻚ.. ﺍﻧﻮ ﺻﺎﻟﺢ ﺍﺧﻮﻱ ﺻﻄﻠﺠﻲ ﻛﺒﻴﺮ .. ﻳﺎﺧﻲ ﺍﻟﺰﻭﻝ
ﺩﻩ ﻓﻲ ﺍﻟﻔﻴﺪﻳﻮ ﺑﺒﺨﺒﺦ ﺍﻟﺴﺠﺎﺭﺓ ﺩﻱ ﺑﺨﺒﻴﺦ ﻣﻌﻠﻤﻴﻦ . ﻣﻌﻨﺎﻫﺎ ﺍﻟﺤﻴﻮﺍﻥ ﻃﻮﻝ ﻓﺘﺮﺗﻮ ﺍﻟﺒﻤﺸﻴﻬﺎ ﻟﻲ ﺟﺒﺮﺓ
ﺩﻱ ﻫﻮ ﻗﺎﻋﺪ ﻳﺘﺴﻄﻞ .. ﻋﺸﺎﻥ ﻛﺪﻱ ﺍﺗﻐﻴﺮ ﻣﻦ ﺭﺍﺳﻮ ﻟﻲ ﻛﺮﻋﻴﻬﻮ ..
ﺍﻫﺎ ﺑﻘﻴﻨﺎ ﻧﺘﺸﺎﻭﺭ ﺍﻧﺎ ﻭﺍﻟﻄﻴﺐ ﺍﺧﻮﻱ ﻓﻲ ﺍﻟﻤﻮﺿﻮﻉ ﺩﻩ .. ﻗﺎﻝ ﻟﻲ ﻃﻮﺍﻟﻲ ﻧﻜﻠﻢ ﺍﺑﻮﻱ ﺑﺎﻟﻤﻮﺿﻮﻉ ﺩﻩ
ﻋﺸﺎﻥ ﻳﺤﺴﻢ ﺍﻟﺤﻜﺎﻳﺔ ﺩﻱ .. ﻗﻠﺖ ﻟﻴﻬﻮ ﺍﻧﺖ ﻏﺒﻲ ؟ ﻭﺍﻟﻠﻪ ﺍﺑﻮﻙ ﻳﻄﻴﻦ ﺍﻟﻤﻮﺿﻮﻉ ﺯﻳﺎﺩﺓ ﺍﻧﺖ ﻋﺎﺭﻑ ﺍﻧﻮ
ﺍﻟﺴﺒﺐ ﺍﻻﺳﺎﺳﻲ ﻟﻲ ﺣﺎﻟﺔ ﺻﺎﻟﺢ ﺍﺧﻮﻱ ﺩﻱ .. ﻋﺸﺎﻥ ﺍﺑﻮﻱ ﻃﺮﺩﻭ ﻣﻦ ﺍﻟﺒﻴﺖ ﻭﺷﺘﻤﻮ ﻭﻧﺒﺬﻭ .. ﻭﺍﻧﺖ
ﻋﺎﺭﻓﻮ ﺯﻭﻝ ﺣﺴﺎﺱ ﻭﺍﺣﻤﻖ .. ﻃﻮﺍﻟﻲ ﻣﺸﻰ ﻓﻲ ﻃﺮﻳﻖ ﺍﻟﻐﻠﻂ ..
ﻭﻫﺴﻲ ﻟﻮ ﻛﻠﻤﻨﺎﻫﻮ ﻣﺎﺣﻴﻘﺪﺭ ﻳﻌﻤﻞ ﻟﻴﻬﻮ ﺣﺎﺟﺔ ﻏﻴﺮ ﻣﺎ ﻳﻄﺮﺩﻭ ﺗﺎﻧﻲ ..
ﻭﺻﺎﻟﺢ ﻣﺎﻓﺮﻗﺖ ﻣﻌﺎﻫﻮ .. ﺑﻄﻠﻊ ﻣﻦ ﺍﻟﺒﻴﺖ ﻭﺑﻤﺸﻲ ﻟﻲ ﺍﺻﺤﺎﺑﻮ ﺩﻳﻞ ﻭﺍﻟﻤﺮﺓ ﺩﻱ ﻳﺴﻜﻦ ﻣﻌﺎﻫﻢ ﻫﻢ .
ﻭﻻﺑﺠﻲ ﺣﺎﻳﻢ ﻋﻠﻰ ﺟﻴﻬﺘﻲ ..
ﺍﻟﻄﻴﺐ ﻗﺎﻝ ﻟﻲ ﻃﻴﺐ ﻧﻌﻤﻞ ﺷﻨﻮ؟ ﻗﻠﺖ ﻟﻴﻬﻮ ﻧﺘﻠﻜﻢ ﻣﻌﺎﻫﻮ ﺑﺮﺍﻫﻮ ﺑﺮﺍﺣﺔ ﻛﺪﺍ ﻭﻧﻮﺭﻳﻬﻮ ﺍﻧﻨﺎ ﻛﺸﻔﻨﺎﻙ
ﻭﻧﻮﺭﻳﻬﻮ ﺍﻧﻮ ﻓﻲ ﻓﻴﺪﻳﻮ ﻣﺼﻮﺭ ﺍﻧﺖ ﻓﻴﻬﻮ ﺑﺘﺸﺮﺏ ﻓﻲ ﺍﻟﻤﺨﺪﺭﺍﺕ .. ﻭﻟﻮ ﻣﺎ ﺍﻗﺘﻨﻊ ﻧﺨﻮﻓﻮ ﺍﻧﻮ ﺍﻟﻔﻴﺪﻳﻮ
ﻣﻤﻜﻦ ﻳﺼﻞ ﺍﺑﻮﻱ .. ﺍﻭ ﻳﺼﻞ ﺍﻟﺤﻜﻮﻣﺔ ﺍﻭ ﺍﻱ ﺣﺎﺟﺔ .. ﻣﺎﻋﺎﺭﻑ ﻭﺍﻟﻠﻪ ﻳﺎ ﺍﻟﻄﻴﺐ ﺍﻧﺎ ﻣﺨﻲ ﻛﺎﺑﺲ ﻛﻠﻮ
ﻛﻠﻮ ..
ﻗﺎﻝ ﻟﻲ ﻃﻴﺐ ﻧﺤﻦ ﻻﺯﻡ ﻧﺘﺼﺮﻑ ﺑﻲ ﺳﺮﻋﺔ ﻣﺨﻚ ﺍﻟﻜﺎﺑﺲ ﺩﻩ ﻣﺎﻳﻨﻔﻊ ﻓﻲ ﺍﻟﺤﺎﻟﺔ ﺩﻱ ..
ﺍﻧﺖ ﻫﺴﻲ ﺍﻣﺸﻲ ﺍﺭﺗﺎﺡ ﻓﻲ ﺍﻟﺒﻴﺖ ﻭﺍﻧﺎ ﺑﻜﺮﺓ ﺑﻘﻌﺪ ﻣﻊ ﺍﺻﺤﺎﺑﻲ ﺍﻻﺗﻨﻴﻦ ﺩﻳﻞ ﻭﺍﺷﻮﻑ ﺍﻧﺎ ﻋﺎﻳﺰ ﺍﻋﻤﻞ
ﺷﻨﻮ؟
ﻭﻣﺮﺕ ﺍﻻﻳﺎﻡ ﻭﻧﺤﻦ ﻣﺎﻗﺎﺩﺭﻳﻦ ﻧﻌﻤﻞ ﺍﻱ ﺣﺎﺟﺔ ﻣﻊ ﺻﺎﻟﺢ ﻭﻻﻗﺎﺩﺭﻳﻦ ﻧﺘﻜﻠﻢ ﻣﻌﺎﻫﻮ .. ﻭﺍﻧﺎ ﻣﻦ ﻳﻮﻡ ﻓﺎﺗﺖ
ﻧﺎﺩﻳﺔ ﺗﺎﻧﻲ ﻻﺟﺎﻧﻲ ﻭﻻ ﺍﺗﺼﻠﺖ ﻋﻠﻴﻬﻮ ﻭﻻ ﻻﻗﻴﺘﻮ ..
ﺍﻫﺎ ﺑﻌﺪ ﺍﺳﺒﻮﻉ ﻣﻦ ﺍﻟﻔﻴﺪﻳﻮ ﺩﻩ .. ﺍﻻﻧﺎ ﺷﻔﺘﻮ ﻭﺍﻟﻔﻴﺪﻭ ﻃﺒﻌﺎ" ﻣﺤﻔﻮﻅ ﻓﻲ ﺗﻠﻔﻮﻥ ﺍﻟﻮﻟﺪ ﺍﻟﻤﻦ ﺍﺭﻛﻮﻳﺖ
..
ﺍﻫﺎ ﺑﻌﺪ ﺍﺳﺒﻮﻉ ﺟﺎﻧﻲ ﺍﻟﻄﻴﺐ ﺍﺧﻮﻱ ﻓﻲ ﺍﻟﺒﻴﺖ ﻗﺎﻝ ﻟﻲ . ﻳﺎﺷﻤﺲ ﺍﻟﺪﻳﻦ ﺻﺎﻟﺢ ﺍﺧﻮﻱ ﺩﻩ ﻭﺿﻌﻮ ﺑﻘﻰ
ﻻﻳﺤﺘﻤﻞ .. ﻳﺎﺧﻲ ﺍﻟﺰﻭﻝ ﺩﻩ ﺑﺘﺼﺮﻑ ﺗﺼﺮﻓﺎﺕ ﺍﺻﻼ ﻣﺎﻣﻌﻘﻮﻟﺔ ﻭﻻ ﻣﻨﻄﻘﻴﺔ .. ﺍﻟﺰﻭﻟﺔ ﺣﺎﻟﺘﻮ ﺍﺗﺎﺧﺮﺕ
ﺟﺪﺍ ﺟﺪﺍ .. ﻗﻠﺖ ﻟﻴﻬﻮ ﻣﺎﻟﻮ ﻓﻲ ﺷﻨﻮ ﺍﺣﻜﻲ ﻟﻲ ..
ﻗﺎﻝ ﻟﻲ ﺍﻟﺰﻭﻝ ﺩﻩ ﺍﻭﻝ ﺣﺎﺟﻪ ﺑﺘﻜﻠﻢ ﻗﺪﺍﻡ ﺍﺑﻮﻱ ﻛﻼﻡ ﻓﺎﺭﻍ .. ﻭﺑﺤﻮﻡ ﻓﻲ ﺍﻟﺒﻴﺖ ﺑﻲ ﻣﻼﺑﺲ ﺩﺍﺧﻠﻴﺔ ﻗﺪﺍﻡ
ﺍﺧﻮﺍﺗﻮ ﻭﺍﻣﻮ .. ﻭﻣﺎﻋﻨﺪﻭ ﺍﻱ ﺍﺣﺘﺮﺍﻡ ﻭﻻﺣﺮﻣﺔ .. ﺍﻟﺰﻭﻝ ﺩﻩ ﺭﻭﺣﻮ ﺍﻧﻄﻤﺴﺖ .. ﺍﻟﺰﻭﻝ ﺩﻩ ﻛﺎﻥ ﻋﺎﻳﺶ
ﻓﻲ ﺑﻴﺘﻚ ﻛﻴﻒ؟ ﻭﻗﺎﻋﺪ ﻳﺘﺼﺮﻑ ﻗﺪﺍﻡ ﻣﺮﺗﻚ ﻛﺪﺍ ﺑﺮﺿﻮ ؟
ﻗﻠﺖ ﻟﻴﻬﻮ ﺍﺑﺪﺍ ﻭﺍﻟﻠﻪ ﻏﺎﻳﺘﻮ ﻓﻲ ﺑﻴﺘﻲ ﻣﺎﺣﺼﻞ ﺷﻔﺖ ﻋﻠﻴﻬﻮ ﺗﺼﺮﻑ ﻣﺎﻳﺎﻫﻮ ..
ﻟﻜﻦ ﺍﻟﺰﻭﻝ ﺩﻩ ﻣﺎﺩﺍﻡ ﺑﻘﻰ ﻛﺪﻱ ﺍﻧﺎ ﻫﺴﻲ ﺑﺸﻴﻞ ﻫﺪﻭﻣﻲ ﻭﺑﻤﺸﻲ ﻣﻌﺎﻙ ﺍﻟﺒﻴﺖ .. ﻭﺍﻟﻔﺘﺮﺓ ﺩﻱ ﺑﻘﻌﺪ
ﻣﻌﺎﻛﻢ ﻫﻨﺎﻙ .. ﻭﺍﺷﻮﻑ ﺍﻟﺰﻭﻝ ﺩﻩ .. ﻭﺍﻟﻠﻪ ﺍﻟﻌﻈﻴﻢ ﻧﻤﺴﻜﻮ ﻧﺪﻗﻮ ﺩﻗﺔ ﺍﻟﻜﻠﺐ ﺍﻻﻛﻞ ﺍﻟﺪﺭﻳﺶ ..
ﻗﺎﻝ ﻟﻲ ﺍﻧﺎ ﺫﺍﺗﻲ ﻗﻠﺖ ﻛﺪﺍ .. ﺍﻟﺰﻭﻝ ﺩﻩ ﻳﺎ ﺷﻤﺲ ﺍﻟﺪﻳﻦ ﻣﺎﻋﻨﺪﻭ ﺣﻞ ﻏﻴﺮ ﻧﻤﺴﻜﻮ ﻧﺪﻗﻮ ﻭﻧﻜﺘﻔﻮ ﻭﻧﻘﻔﻠﻮ
ﻓﻲ ﻏﺮﻓﺔ ﻭﻻﺣﻤﺎﻡ ﻭﻻﻣﺼﻴﺒﺔ ..
ﺍﻧﺎ ﺑﺼﺮﺍﺣﺔ ﺍﺭﺗﺤﺖ ﻟﻲ ﻛﻼﻡ ﺍﻟﻄﻴﺐ .. ﻭﻓﻜﺮﺗﻮ ﺑﺘﺎﻋﺔ ﺍﻟﺪﻗﺔ ﺩﻱ .. ﻟﻲ ﺳﺒﺐ .. ﻻﻧﻲ ﻣﻦ ﺍﻟﻜﻼﻡ ﺩﻩ
ﻃﻮﺍﻟﻲ ﺧﺘﻴﺖ ﻓﻲ ﺭﺍﺳﻲ .. ﺍﻧﻮ ﺗﺼﺮﻓﺎﺕ
ﺻﺎﻟﺢ ﺍﺧﻮﻱ ﻫﻲ ﺍﻟﺴﺒﺐ ﺍﻟﻄﻔﺸﺖ ﻣﺮﺗﻲ ﻣﻦ ﺍﻟﺒﻴﺖ ..
ﻭﻗﺮﺭﻧﺎ ﺍﻧﺎ ﻭﺍﻟﻄﻴﺐ ﻧﻜﻠﻢ ﺍﺑﻮﻱ .. ﻻﻧﻮ ﺍﺑﻮﻱ ﻣﻦ ﺯﻣﺎﻥ ﺩﺍﻳﺮ ﻟﻲ ﺻﺎﻟﺢ ﺍﻟﺪﻗﺔ ﺩﻱ .. ﻭﺭﻛﺒﻨﺎ ﻭﻣﺸﻴﻨﺎ
ﺍﻭﻝ ﺣﺎﺟﺔ ﺣﻠﻮ ﻛﻮﻛﻮ ﺷﺘﺮﻳﻨﺎ ﻋﻜﺎﺯﻳﻦ ﻭﺣﺒﺎﻝ ﻟﻠﺮﺑﻴﻂ ﻭﻣﺸﻴﻨﺎ ﻋﻠﻰ ﺍﻟﺒﻴﺖ ..

ﺍﻟﻰ ﺍﻟﻠﻘﺎﺀ ..

[لامارا]

الحلقة 8
........

اها يازول وكت وصلنا البيت ..دسينا العصي والحبال في المخزن .. ومنتظرنو لمن يجي .. وابينا نكلم الوالدة بالشي الناوين عليهو .. لانها بالتأكيد ح تمنعنا .. وبقينا منتظرين ابوي يجي .. عشان ناخد منو الموافقة .. وكنت متأكد انو اوبوي ح يوافق .. كمان ممكن يساعد في الموضوع ..
وصالح لسع ماجا .. والواطة ماشة قريب الساعة خمسة عصر ..
نحن كنا قاعدين في الديوان .. الطيب تلفونو يدق ومابرد عليهو . قلت ليهو ليه مابترد .. قال ديل اصحابي .. دايرين يجو هنا .. وانا ماعايزهم يحضرو الكيتة (الدقة) .. قلت ليهو احسن . خلاص اقفل تلفونك .
بعد شوية جات سارة وقفت قدامنا كدي وغزت كوعا .. وقالت لي يا شمس الدين انتو في شنو في البيت ده ؟
قلت ليها في شنو؟
قالت لي انتو عندكم تحركات ما عادية .. ومن جيتو داخلين بتتوسوسو . وبتعملو في حركات .. ودخلتو حاجة في المخزن .. وانا بعاين للطيب قفل المخزن وهو بتلفت ..
بعدين ياشمس الدين . صالح اخوي ده ما طبيعي . في شنو بالضبط . اوعا يكون صالح اخوي عيان وانتو مادايرين تكلموني ..
قلت ليها ياسارة مافي حاجة من الموضوع ده .. ممكن اطلب منك طلب . سوقي اختك وامشن اتونسن مع ناس عمتك .. وبعدين نحن بنجي نسوقكن .. قالت لي لالا ما ماشة ماعندي رغبة اطلع من البيت انا . ولا عندي حاجة اطلع بيها .. هدومي بتاعة الطلعة في الغسيل ..
بعد سارة فاتت .. قلت لي الطيب عارف معناها سارة الليلة حتحضر العمكة .. مخيرات .. خليهن يحضرن ما ح نشتغل بيهن الشغلة .
قال لي لالا نحن الزول ده لامن يجي .. بنقفل عليهو باب الصالون من جوة .. لحدي ماننتهي منو .. مافي واحدة منهن لاهن ولا امهن تقدر تدخل علينا تحجزو مننا ..
ولازم نكلم ابوي بالفيديو .. وتقول ليهو الفيديو موجود لو داير يشوفو نجيبو ليهو ..
اها يازول انتظرنا ابوي لامن جاء بعد المغرب .. واكل وبشرب الشاي . ناديناهو في الصالون جوه .. عشان امي ماتسمع . وبديت ليهو الكلام انا ..
قلت ليهو يا ابوي انا عايزك تسمعني كويس .. حصل يوم انا كذبت عليك .. قال ليك ابدا مالك في شنو؟
قلت ليهو انا عايز اقول ليك كلام وعايزك تضبط اعصابك .. وماتفقد المنطق . عشان نشوف نحن حنتصرف كيف . وانا بوريك الحاصل ..
اخوي صالح بشرب بنقو .. ابوي اتخلع لامن كباية الشاي وقعت من يدو ..
ولا اشتغل بيها .. قال لي قلت شنو ياشمس الدين ؟؟؟
قلت ليهو والله زي مابقول ليك .. وده كلام مثبت وعندنا عليهو دليل .. الزول ده بمشي لاصحابو في جبرة .. وحااصل حاااصل حاااصل .. حكيت ليهو من طق طق للسلام عليكم
وقلت ليهو لو انت داير الفيديو .. هسي بنركب نمشي نجيب التلفون .طبعا الزمن داك مافي واتساب برسلو بيهو الوسايط .
كان مكن نضرب ليهو نقول ليهو رسل لينا المقطع .
المهم .. ابوي ده اصيب بذهول ماطبيعي ..
انا قلت ليهو انت ما ملاحظ تصرفات صالح اتغيرت كيف يا ابوي؟؟ .
قال لي اي والله انا ملاحظ كدا .. خصوصا في اسلوبو معاي .. لكن انا قلت احتمال يكون زعلان من الطرده ..
الطيب قال ليهو بعدين يا ابوي .. الزول بقى يتصرف تصرفات قذره .. وبحوم قدام امو واخواتو بي ملابسو الداخلية .. وملابس شفافة شديد .. يعني والله انا اول امبارح اتعقدت عديل .. قربت اضربو بي طوبة . الزول ده اتمسخ مسخ نهائي .. نحن لازم نربيهو يا ابوي ونوريهو الطفا النور منو ..
ابوي قال ليهو .. طيب حتعملو شنو يا الطيب ..
انا قلت ليهو يا ابوي .. نحن جاهزين الزول ده نديهو دقة .. امها بت ابوها .. ونكتفو ونرميهو في المخزن او في الحمام .. ونقفلو لغاية ما خرمة البنقو تفك من راسو ..
ابوي سكت مسافة..\\
اتاريهو في الوكت ده سارة اختي كانت مراقبانا .. ولمن جينا نادينا ابوي دخلنا بيهو في الصالون .. هي كانت متابعة الحاصل قامت سارة الهبلة جات وقفت جمب الشباك بتاع الصالون .. وسمعت جزء من كلامنا .. وقامت جارية .. وماسمعت راي ابوي القالو لينا . مشت ضربت لي صالح .
المهم راي ابوي قال لينا اسمع ياشمسي .. الدقة دي ما منطق .. ح تحصل كواريك وجوطة .. والزول ده ما حيسكت ويستسلم .. حيقاوم ويكورك ويضارب .. والحلة كلها تسمع .. ونبقى لبنانة في خشم اليسوى والمايسوى .. بعدين هو يا اما عوق واحد فيكم .. او اتعوق هو .. والحكاية دي ممكن تتسبب ليكم في القتل .. وبعدين نبقى في ندامة ..
انا بشوف الكلام ده كدي مابجي .. لازم نفكر في حل تاني .. انا قلت ليهو اها يا ابوي فكر لينا في الحل الانت شايفو ..
قال نخليهو يجي ونتكلم معاهو كلام بالتي هي احسن .. سمع الكلام سمعو .. ماسمعو انا براحة باكر بتصرف .. وعندي اصحابي ضباط في الشرطة .. اخليهم يجو يرموهو في اي سجن .. تحت الاعمال الشاقة ..
واوصيهم يختوهو في الحبس الانفرادي .. عشان يعرف الله واحد ..
قلت ليهو خلاص يا حاج .. غيرنا راينا عشان رايك .. كلامك انا شايفو منطقي .. والطيب ذاتو بعد كلام ابوي شايفو برد .
بس في مصيبة حصلت نحن ماجايبين ليها خبر . والمصيبة دي كشفت لينا حاجات كتيرة شديد ..
اها يازول نحن قاعدين ومنتظرين صالح يجي ماجا للساعة 11 بالليل .
تلفوني دقة . عاينت ليهو لقيتو ده رقم نادية .. يا للهول .. ههه
المراة دي ماقالت لي تاني ماتضرب لي .. ضاربه لي مالا؟ .. غايتو النسوان ديل .. الواحده تجيها تجري منك .. تجري منها تسكك ..
اها انا ما ح أرد عليك .. وبقيت بعاين للرقم يكنتك وينور والجرس يدق .. لامن قطع ..
تاااني ضربت .. مرتين .. اها يازول انا قلت معناها الموضوع فيهو جديد معناها .. خليني ارد عليها ..
رديت عليها .. لقيت صوتها منزعج شديد ..
انت وين ياشمس الدين .. ومالك مابترد؟ قلت ليها في شنو يانادية؟؟ ومالك منزعجة كدي؟؟ ..
قالت لي اعمل حسابك من صالح اخوك يا شمس الدين .. لانو الليلة ناوي عليك نية الشر..
قلت ليها القالك منو؟ والكلام ده جبتيهو من وين ؟
قالت لي اتصل علي قبل شوية . وقال لي راجلك متفق مع ابوي والطيب انهم يمسكوني ويدقوني .. ويكتفوني ويحبوسني في البيت .. انا سويت ليهم شنو ؟ والله انا الليلة اطعنهم كلهم الكلاب . كمان يتفقو علي وانا مافي .. والله انا ادقهم بي ابوهم ..
انا سألته قلت ليهو القال ليك كدي منو يا صالح ؟
قال لي سمعتهم سارة اختي .. واتصلت على تحذرني عشان ما اجي البيت ..
اها انا قلت ليها كويس يانادية كدي هسي خليك من صالح .. انتي كيف؟
قالت لي في احسن حال الحمد لله .. قلت ليها ما خلاص غيرتي رايك ترجعي بيتك؟
قالت لي .. نحن الكلام ده انتهينا منو بدري يا شمس الدين .. تاني ماتفتح لي الموضوع ده .. انا اتصلت عليك مخصوص عشان احذرك من اخوك .. وماتعملو مشكلة تجيب ليكم ندامة .. بس ده كل هدفي .. ودي ممكن اعملها مع اي زول مابعرفو .. فهمت ياشمس الدين .. ..
قلت ليها جدا يانادية شكرا ليك على التنبيه .. مع السلامة .. وقفلت الخط ..
شفتو الامور دي مشت كيف؟ .. انت تخطط وربنا يخطط تخطيط تاني .
الحصل انو قبيل سارة لبدت لينا بيورا الشباك .. وسمعت الكلام الاول وماسمعت راي ابوي ..
وخافت على صالح يموت على يدنا .. جرت طوالي شالت تلفون امها .. وضربت لي صالح وكلمتو .. قالت ليهو ماتجي البيت .. ناس ابوي وشمس الدين والطيب متفقين يدقوك ويكتفوك .. والعوقة طوالي ضرب لي نادية ..
طيب معناها في تواصل بينو وبين نادية .. ياربي شنو البيحصل بي وراي وانا ماجايب ليهو خبر ..
خليهو يجي ونحن يهودا قاعدين .. مشيت طوالي على سارة وانا زعلان .. قلتا ليها قومي فوق يا حيوانة .. ده شنو العملتيهو ده ؟ قالت لي مالي ؟ عملت شنو؟
قلت ليها .. اتصلتي علي صالح قلتي ليهو شنو؟ قالت لي لكن دايرني اسكت ليكم؟؟ .. في النهاية ده اخوي الكبير .. انتو متفقين تدقوهو وتكتفوهو .. وتعملو لينا فضيحة في البلد .. واجبي احذر اخوي مايجي البيت ده تاني نهائي .. يعني انتو بعد طردتوهو .. وانا ساكتة .. ضربني انا .. ماضرب زول تاني .. وانا قبلانة الضرب . ما اتكلمت ولافتحت خشمي .. هسي صالح اخوي شكلو عيان .. بدل تشوفو ليهو علاج .. دايرين تدقوهو وتكتفوهو .. والله بالجد خذلتوني .. حتى ابوي كمان معاكم .. انا والله منهارة نفسيا .. وقعدت تبكي الهبلة .. والله الزول يديك بونيه هسي .. يرج ليك مخك ده تاني ..
هسي انتي قايلة حليتي المشكلة؟؟ انتي عقدتيها زيادة .. نحن ياعبيطة ابوي منعنا من الموضوع .. وقررنا التلاتة انو نتكلم معاهو ساي .. هسي بعد اتصالك ده هو الناوي ينتقم مننا .. ومن ابوك .. لكن انا ماخايف منو .. خليهو يجي يفتح خشمو .. لو فرمتو ليك بالفرار ده .. اكون ما اسمي شمس الدين ..
قالت لي خلاص مافي مشكلة في الموضوع ده .. انا متأكدة انو ما ح يتكلم معاكم .. ولا يبدا مشكلة الموضوع ده خلو علي انا ..
وانت عرفت من وين اني اتصلت عليهو؟ حتى امي ماكلمتها ..
قلت ليها ماعندك شغلة بالموضوع ده .. انا عرفت من وين.؟ يلا اتخمدي خمدك بلا .. واحدة حيوانة ماعندك اي تفكير .. وطلعت منها ..
هي اظنها حاولت تتصل عليهو تاني عشان توريهو المستجدات .. لكن لقت تلفونو مقفول ..
انا مشيت ناديت الطيب من غرفتو .. وناديت ابوي من الحوش التاني .. وانا اساسا بايت براي في الصالون .. وحكيت ليهم الحصل كلو .. وابوي خت علامة الاستفهام في اتصال صالح على نادية .. وقعد يكرر في كلمة واحدة .. الخلاهو يتصل على نادية شنو؟ وشنو العلاقة البينو وبين نادية .. عشان يشكيلا الموضوع ده .. ؟
الطيب قال ليهو لانو الموضوع بخص راجلا شمسي يا ابوي..
قال ليهو طيب موش من المفترض يتصل على امو مثلا؟ ليه اتصل على نادية؟ ..
انا قلت ليهم المهم الزول ده جاي هسي .. وشكلو غضبان وثائر .. وانتو عارفين وكت يكون غضبان بتصرف زي المجنون .. واساسا هو بقى مجنون الا ربع .. نحن لازم نستعد ليهو ماتمشو تنومو ..
انا براي بقدر عليهو .. لكن والله هسي من كلام نادية جاتني خوفة عديل .. الله يقطع صالح ويقطع سنينو ..
ابوي قال ماتسبقو الحوادث .. خلوهو اليجي ونشوف .. الطيب قال انا غايتو سكيني يهدي .. والله يرفع ايدو اركبو سكين .. ابوي قال ليهو ياولد تف من خشمك .. اعوذ بالله منكم ياخي .. دي شنو العين الوقعت في اولادي دي ؟؟
انا قلت ليهو يا ابوي .. والله الزول ده مصمم على المشكلة .. مانقعد ساي نستناهو بي ايدينا ..
اها يازول نحن بنتكلم كدي في كلامنا ده .. نسمع ليك الباب روووووو..
صالح جا .. ولا دق الباب .. رفس الباب بي كراعو .. فتحو ضلفتين .. وجانا داخل ..

الى اللقاء ..