06-06-18, 06:26 AM
| #1 | ||||
| كاتبة بمنتدى من وحي الاعضاء 
|  سلع ارواح محرمه *مميزة ومكتملة*  السلام عليـكم ورحمه الله وبركـآته ..  روابط الفصول الفصل الأول .....في المشاركة التالية الفصل الثاني ..... بالأسفل الفصل الثالث ..... بالأسفل الفصل الرابع والخامس الفصول 6، 7، 8، 9، 10 نفس الصفحة الفصل الحادي عشر الفصل الثاني عشر الفصل الثالث عشر الفصل الرابع عشر الفصل الخامس عشر الفصل السادس عشر والسابع عشر نفس الصفحة الفصل الثامن عشر والتاسع عشر نفس الصفحة الفصول 20، 21، 22 نفس الصفحة الفصلان الثالث والعشرون والرابع والعشرون الفصل الخامس والعشرون الفصل السادس والعشرون والسابع والعشرون نفس الصفحة الفصل الثامن والعشرون والتاسع والعشرون نفس الصفحة الفصل الثلاثون الفصل الحادي والثلاثون الفصول 32، 33، 34 نفس الصفحة الفصل 35، 36 الفصل السابع والثلاثون الفصل الثامن والثلاثون الفصل التاسع والثلاثون (الاخير) التعديل الأخير تم بواسطة ebti ; 08-04-20 الساعة 08:55 PM | ||||
|  |
|
06-06-18, 12:55 PM
| #2 | ||||||||
| مراقبة عامة ومشرفة وكاتبة وقاصة وقائدة فريق التصميم في قسم قصص من وحي الأعضاء  
|  اهلاً وسهلاً بك بيننا في منتدى قصص من وحي الأعضاء ان شاء الله تجدين مايرضيك موفقة بإذن الله تعالى ... للضرورة ارجو منكِ التفضل هنا لمعرفة قوانين المنتدى والتقيد بها https://www.rewity.com/forum/t285382.html كما ارجو منك التنبيه عندما تقومين بتنزيل الفصول على هذا الرابط https://www.rewity.com/forum/t313401.html رابط لطرح اي استفسار او ملاحظات لديك https://www.rewity.com/forum/t6466.html واي موضوع له علاقة بروايتك يمكنك ارسال رسالة خاصة لاحدى المشرفات ... (rontii ، um soso ، كاردينيا73, rola2065 ، رغيدا ، ebti ) اشراف وحي الاعضاء | ||||||||
|
| |
|
06-06-18, 12:55 PM
| #3 | ||||
| كاتبة بمنتدى من وحي الاعضاء
| الفصــل الاول ؛ سلع أرواح محرمه ؛ غرفـه عمليآت .. دكآتره " تحت الصفر " إمرأه غائبه عن الوعي مستلقيه على السرير رغمآ عنها .. لآتعآني من آي وعكه صحيـه بل العكس تمآمآ .. ولكن هنآك سبب لوجودهآ ذالك المشرط الحآد شوه الجآنب الأيمن من جسدها وأصبحت كشطيره يحق الجميع باأن يتشارك بها اطلقـو عليهم دكآتره الرحمه لكن انتزعو كليتها من دون اي رحمـه توجه لتلك الحآفظـه ووضع الكلى بين الثلج أحكم عليها جيدآ والآن تتم المبآدلـه .. المرأه ..؟ لم يهتمو كثيرا خياطه سريـعه لاتوجد اي رعايه هل هيا هوآيه ممتعه لهم ..؟ ام هنآك دافع !! ؛ سلع أرواح محرمه ؛ في الاحيآء الفقيره .. سند جسده على الجدارن المتشعبه يضع يدآه في جيبـه يحرك رجله في بركه الماء بدون اهتمآم فاعينآه تبحث عن ضحيـه اخرى .. * * * وآخر خلف شاشـه الحاسوب غرفه مظلمـه يسحب سجاره ورا الاخرى حتى اصبح السقف يكاد ان يختفي من شدة الدخآن صوت الكيبورد طآغي على هدوء الغرفه .. ابتسم برضـآ عندمآ جذب احد المحتآجين للمآل * * * وايضا في أحد الكافيهات صوت الموسيقى الهادي القهوه يتم توزيعها على الطآولات بعنآيه الاضائه الخافته ..ألوان المكآن تبعث الراحه لكن في تلك الطآوله ..كلام بعيد كل البعد عن الإنسانيه ابتسم ووضع الأوراق امام الزوجيـن ضع القلم بهدوء وهنآ ينتظر قرارهم نطاقها واسع تختلف طرق الحصول عليها تختلف وظائفهم ولكن في نهايه الأمر القضيـه وآحده وغير قانونيه .. " المتآجره بالأعضآء في السوق السودآء " ظلام دآمس ... الهواء البارد يداعب خصلات شعرها تضم الجآكيت بااحكآم إلى جسدها وتترقب بعينها الشوارع الهادئه دقات قلبها السريعه تعبر عن خوفها ترفع يدها على عجل وتنظر للوقت وتعود مرا اخرى تراقب الطرقات الهادئه هل وصلت للجنون ..! حتى تقف في مدينه لاتعرفها وحيده وبهذا الوقت عيناها اتسعت عندما سمعت خطوات خلفها تحاول ان لاتلتفت تحاول ان تصطنع القوه حتمآ انه شخص يحاول العبور من نفس الطريق لماذا الهوس " ألم أختآر الإستقلاليه على ان اعيش مهانه " كاذبه عيناها امتلئت بالدموع وتكآد ان تسقط من شدة الخوف كآنت لحظه سريعه عندمآ ارادت ان تسترق النظر للشخص المجهول حتى وضع القماش الابيض على شفتيها وانفها تحاول ان تضرب ذالك الشخص اللذي يفوقها بالحجم ولكن تلك الرائحـه الغريبه تسللت إلى أنفها حتى افقدتها كآمل وعيها . * * * لايحق لي ان أتبعه ..! لكن تصرفاته غريبه ! لاأعلم هل هوآ رحيم كمآ يدعي او هذه تصرفات شيطآن يلبس قنآع البرائه أنفآسه تتزآيد كلما يدخل تلك الطرقات الضيقه وعيناه خلف صديقه توقف خلسه وبذهول وهوا يستمع لحوآر صديقه حوار غريـب ..! وطلقت نآآآر انهت احاديثهم دخل مسرعآ للمكآن : قصصصصصصصي !!! قبل هذآ الحدث بيومآن .. " 1 " الغربه بعين " 1 " الغربه ليست غربه الوطن .. الغربه ان تشتاق لأمور لم تعد موجوده رائحه غداء امي قبلاتي على يدها عند خروجي من المنزل جلسة ابي المطوله بين الكتب التآريخيه الغربه عندمآ تقرر عائلتك الرحيل فاتجعل الأرض الخصباء بعينك صحراء قاحله تجعل من إنتمآئي غربه قاتله الغربه " اشخآص كآنو بنسبه لنآ وطن فاكآن رحيلهم إغتراب لمشاعرنآ " قفل الكتآب الكبير بعصبيـه ..صدآآع مسك رآسـه قام بتأفف من الكرسي وخرج من غرفته جلس على الكنبه في الصآله وعينه تترقب صاحبـه الغريب .. شهورت عدت يعرفه لكن لدحين مايفهمه عقد حوآجبه زياده ومن كتر مابيشرد من المذاكره لأول مرا يستوعب انه بيحكيه هوآ كل شي إلا قصي على انو يتكلم كتير بس عمرو ماتكلم عن حيآته الخاصه ..! ماينكر إنو اول ماشافو اتقزز منـه الوشم في يده اليسار السجاير اللي ماتنزل من يده جلسته الغريبه على الاب توب لوحده .. لكن اول مآجآه يدور على سكن قريب من المستشفى دا الإنسان الوحيد اللي ساعده بدون سبب ..! اضطر يتغاضى عن مساوئه ويشوف الشي الطيب اللي جوتـه قصي رفع عدسه عينه وهوا حاسس بنظرات فراس سحب السماعات من اذنه : ايش بك ! فراس سند جسمه اتثاوب وهوا يتكلم بصوت غريب ومايتفهم : اكتشفت اني ماعــ _ واستنى يخلص ورجع يكمل ويضحك _ معليش المهم اكتشفت اني ماعرفك قصي : ههههههه ضربت فيوزك مع المذاكره فراس دموعه بعينه: والله بجد يعني انتا حتى امي كلمتها وانا ماعرف شي عنك قصي غير جلسته باإهتمام : قد حكيتك كل شي فراس : قلتلي امك وابوك ساكنين عند اخوك فين ايش يشتغل اخوك ..عمري حتى ماشوفتك تتصل عليهم قصي : هههههه انا مو زيك حبيب الماما والبابا واتصل كل يوم _ وقف وسحب الركآزه ورماها بوجه فراس _ روح روح ذاكر بس ورايا دوام فراس : ماتفكر تكون طموح وتكمل دراسه بدال ماتشتغل في كآفي وتصب قهاوي قصي : ياأخي انتو المجتمع الطبي ليش تستحقرو كل الأعمال التآنيه فراس : هههههههههه عمرنا كلو يروح واحنا ندرس خلينا نخرج الغل والكبت اللي جوتنآ قصي : وفي النهايه ممكن اجيب فلوس اكتر منك فراس : هههههههههههههههه ايوا صح انتا كيف قادر تدفع ايجار الشقـ وقبل لايكمل اتأفف قصي بنرفزه واتوجه لغرفته وفراس ضحك فجأه حس انو استقعدلو بدون سبب قآم فراس لغرفته ورجع للمدفنه حقتو بين كتبه اول شهر له فدراستـه للاخصائيه وبدا المكآن حيضغط على نفسـه عشان يرجع القريـه ويرفع راس اهله .. امآ قصـي لبس ملابسه فتح لاب توبـه بيشوف اخر التحديثات سحب الكرسي بااهتمام ابتسامتـه الشيطانيه اترسمت مايقدر مايولع سجارته بدي اللحظآت يبا يكتب تعليق ممكن يغريهم نفث الدخان في الهوى ورجع يكتب بسرعه الكلام المرتب براسـه بطريقه حزينه وحاجبه المشطوب اليمين يترفع بااستمتاع وهوا يتخيل شكل القارئ " 2 " الفقد بعين " 2 " شعور الفقد مؤلم .. لكن هل جربتم شعور أن تُفقد بين الكل .. أن تكون بين الجميع ولكن لاترى نفسك بينهم ! ابتسامه مجآمله كلمات مبعثره تخرج منك .. أنت مجرد دميه في هذا المجتمع أنت تتحرك وفقآ لأوامرهم .. كي يسمحو لك باأن تتنفس . شخصيـه مجهولـه ... ! " 3 " " فضفات انثـى " إلهـي .. ضاقت بي الحيآه .. " صرخآتي " تضرب بتلك الجدرآن لكن تعود سريعا كي تحطمني مجددآ * * * فتحت " صبا " دفترها كآنت تبا تكتب كالعاده ..المكآن الوحيد اللي تفضفض وتقول اللي بنفسها مذكرتها ماحتقاطعها مذكرتها ماحتحكم عليها صح ولا غلط .. ليش ولا كيف .. تحتاجي تبرري .؟ لا انتي دا عالمك اتكاءك على القلم وقت انهيآرك بصمه تعبر عن ألمك وتمتصه تلك الأوراق الرقيقه تقلب الأوراق في بدايه الدفتر بعشوائيه ووبتقرأ كلامها القديم ترفع يدها وتمسح دموعها المحجره0 " جآبها تسكن معايا البنت اصغر مني !! .. زوجته اصغر مني !! " " بابا سار يتأفف من وجودي بالبيت عشان مو قادر ياخد راحته معاها " وترجع تقلب الصفحات " شهر عدى ومو قادره اتحمل وجودها " " ماما ربي أخدها مني بس بابا بنت اخدتو مني لأول مرا يرفع يده عليا عشان يرضي عيونها " فتحت ورقه جديده ماحست فيه تغير بحياتها 9 شهور عدت ولسى من نفس الشي بتعاني ومن سيئ لأسوء يدها تتنافض وتكتب بحرقه قلب " لأخر لحظه وقفت فيها قدآم بابا وانا كآن عندي أمل فيـه لأخر لحظه وانا اقول لا مستحيل تقدر تخليه يمحيني من حيآته ..! بس قبوله اني اروح لخآلتي بدون مايسئل ايش ممكن اسوي هنآك إحساس قتلني وصلت فيها انها تقول سرقت ذهبها وبابا صدقها !! فتش اغراضي وضربني ككككيف يابابا قدرت تقنعك ..! ماهان عليك شكلي وانتا ترمي اغراضي في الارض وكأني حراميه عايشه بينكم اوقف قدآمه اطالع بعينه ابا بس ديك النظره الحنونه مو لاقيتها نفسي اروحلو واشتكيلو .. نفسي اقلو انا مشتاقه لماما انتا مو مشتقلها .؟! بس خلاص بابا بنسبه ليا زي الصوره شايفته بس ماقدر امسكو ماقدر اكلمو ماقدر اسوي اي شي .. بحاول اعيش بكرآمه لو خآلتي ماتباني ححاول اشتغل في اي مكآن ححاول اسوي اي شي ولا أرضى بحيآتي مع مرت بابا او طفله بابا الجديده .. " قفلت دفترها وحطتو في شنطتها. ارتآحت .؟ تحس فيه شي بسيط ... جدآ جدآ بسيط انزآح منها مسحت دموعها ووقفت مايهم شكلها واضح عليه البكى ولا لأ مين يهتم ..؟ مين يبا يعرف ايش تحس ..؟ بالعكس مرت ابوها دي اللحظآت تزيد ضحكاتها على أتفه شي . ( 1 ) مآكآنت ربع ساعه الا ورجع يخرج تآني من غرفته حيروح يشتريلو اكل ويغير جو شويآ سحب محفظته من على الطآوله خرج من شقتهم الصغيره المشتركه نزل الدرج ووقف على الرصيـف يعشق الحي اللي ساكن فيه العمــآير كلها بمستوى واحد ... الارصفـه الرماديـه المزينه بالمصابيح السودآ الكافيهات والمطـآعم داخليـه وجلسات ايضـآ خارجيه منتشره على مدى الرصيفين الحيــآه بدا المكآن طوول الوقــت موسيقى هاديه من دا الكافي , اغاني رومنسيه من داك المطعم , اصوات اطفــآل في حديقـه الحي مكآن مصمم بطريقـه منظمـه تنآسب اجواء المدينــه انتبه لقصي بيتكلم بجوآله ابتسم واتوجهله بخطوآت هاديه ودوبـه بيمد يده الا اتصلبت قبل لايلمس كتف قصي جملة قصي فجعتـه " اقتله .؟ ...اقتل لعيونكم " بيحاول يقول انه يمزح اكيد اكيد انه يمزح كآن بيدارك نفسه ويلمس كتفه الا قصي رجع كمل بصوته المنخفض "خلاص تم ..ححاول اقنع مآلك واخليه تحت عيني .. مو مشكله فراس معايا " رجع خطوه على ورى .. مو امس متعرف على قصي .. نبرة صوته واضح انه بيسوي مصيبه دار جسمه وهوا يبـعد , يمشي بدون عقـل صدم بواحد ورفع يده بااعتذار بس صوتـه ماطلع مع الفجعه على نفس الرصيـف بيمشي وبيبعد ويبعد وفجأه جسمه اتقدم لقدام لما جات يد قصي حولين كتفه ويضحك : اشووفك خرجت وجهه متغير لونـه .. مو قادر يستوعب لسى : بروح اكل قصي ابتسامه على وجهه غريبه : تعال تعال بتكلم معاك فراس بهدوء عكس عادته : خليها مرا تانيـ قصي بعدم اهتمآم سحبه : اقول اممشي لاحق على المذاكره وراحو للكآفي القريب ..جلس فراس وقصي دخل للقسم المخصص للعاملين لابس بلوزته الرسميه البيضا وجينز والمريله البنيـه لبسها وربطها من ورا كالعاده لازم يرفع اكمآم بلوزته لنص ذراعه يد مغطيها الوشم ويد لابس فيها الاسوره الفضيـه .. اما على داك الكرسي لابس تيشيرت رمادي وشورت البيت بيحرك رجوله بتوتر بيمرر يده على ذقنه كل شويا يبا يكون طبيعي بس دقات قلبه خاينته يبا يتحكم بتنفسه بس كل شي فيه بيتمرد عليه رفع عدسه عينه على قصي وبيشوفه يبتسم لدا العآمل وللتآني شخصيته تدخل القلب بسرعه معقوله النآس بتتغاضى عن شكله وهوا فعلا دا الشي الوحيد اللي يعبر عنه !؟؟! جا بااتجاهه قصي ويرفع اصابع الخمسه للعامل :FIVE minutes .. OK ?! : OK سحب الكرسي اللي قبال فراس وجلس : اسمع ايش عندك الساعه 10 ؟ فراس : ولاشي :طيب حعزم مالك اليوم حاول تخلص شغلك عشان نسهر فراس رمش بهدوء بعكس الفوضى اللي جوته : من متى نسهر معاه !! قصي ابتسم : يااخي نتعرف عليه مو مشكله اذا مو جونا صرفنآه فراس لحظه صمت وبعدها قال : لازم انام ورايا دوام قصي : حتى هوا عندو دوام كلها ساعتين فراس ولا علق وقصي قرب للطاوله وارتخى صوته : ايش بك فيك شي ! فراس زادت حركة رجله في صرااع يمكن يمزح اسلوبه مايدل على كدا عينه بعين قصي ومايتخيل إنو دا الإنسان ممكن يقتل إحساسه مايخونه اتذكر كل المواقف ووقفة قصي معاه دي الفتره قال بتردد : كنت تكلم مين بالجوال ؟! قصي رفع حاجبه .. ثانيه ثانيتن تلاته وبعدها قال بهدوء: متى ؟! فراس زاد التوتر وهوا يتكلم اشر بيده على جوال قصي : اول مانزلت من الشقه قصي عينه على يد فراس وشويه على ملامحه المتوتره كلامه بعد صمت يجي : ليش ؟! فراس : قصي لاتستهبل قصي : ايش سويت دحين ! فراس مابين اسنانه قال : سمعتك لاتستهبل قصي : اهرج عدل ولا اسكت فجعتني وانا مو فاهم شي فراس قرب جسمه للطاوله وقال بهمس : سمعتك تقول اقتله .؟ اقتله لعيونكم ومالك تحت عيني وفراس معايا قصي رجع لصمته الغريب ابتسم ..زادت ابتسامته ..ضحكه خفيفه ..وبعدها دخل بدوامه ضحك خلت الكل يطالع حوليه فراس رجع جسمه على الكرسي ..نرفزه بضحكته ..رجوله كل مالها بتزيد حركتها : قصصي بجدي اتكلم قصي : ههههههههه آآآه ياخي انتا بريئ بشكل مو طبيعي _ مسح دموعه من كتر الضحك ورجع اتكلم بنبره تفجع : طيب افرض انا حقير واقتل على قولك حقولك ايوا ؟! فراس ملامح وجهه لوحدها تدل على فجعته وهنا قصي رجع يضحك من قلبه : فرااااس وربي انك اهبل _ دف الكرسي _ ههههههه اسرري يااشيخ انا مدري كيف مصاحبك لدحين واتوجه للعاملين وهوا لساته يضحك يطـآلع بفراس ويرجع يضحك ويوقف عند مكآين القهوه ويرفع سكين ويسوي نفسه بيطعن العآمل وهنآ فراس اتنرفز وخرج وصوت ضحكه قـصي لبرا فراس رجع للبيت بعد ماشترالو اكل جلس وكل تفكيره فالشي اللي سار " والله بجد انا اهبل ايش الدنيا فوضه عشان يتكلم بالجوال بحاجه زي كدا !!؟ " مابين جديه قصي في المكآلمه ومابين ردة فعل قصي " حتى مابررلي لو إنو كداب كآن برر على الاقل !! كآن دافع عن نفسو مو خصرني ومشي " ضحك بهباله لما حس نفسو تآفه .. ( 4 ) 0 المآل بعين ( 4 ) لاأحب التحدث كثيرا بهذه المسأله لكن اتذكر جيدآ في عيدميلادي التآسع والعاشر والحادي عشر للـسادس عشر في كل لحظه اطفئ بها شموع عيدميلادي تكون امنيتي الوحيده " ان لايكون لدينا هذا المآل " كنت اشتآق باأن اتحدث إلى أمي لكن إنتآج المسلسلات ياأخذ كل وقتها " راسي حينفجر " تلك العباره اللتي تسكتنآ جميعا خادمتي وسائقي همآ عائلتي الأساسيه كنت اشتآق إلى ابي فاسفراته المفاجئـه واعمآله لأخر الليل أيضا تسرقه منآ ومازالت خادمتي وسائقي همآ عائلتي الأساسيه كآنت السنوآت تركض بهم والمآل هاجسهم اهتمـو كثيرا بسلامتنا كما يخبرونآ دائما لكن في قاموسهم سلامتنآ يعني مزيد من الحرس مزيد من الخدم اكتر شي يضحكني عندمآ يقررو ان يتركوا كل اعمآلهم ونسافر تلك السفره العائليه السعيده كما يظنو ماأسواها من رحله كأننا قطيع خرفان نتبع أمي من متجر لآخر والإبتسامه الوحيده اللتي نراها عندمآ يخبرها الرجل باأن القطعه الوحيده هذه تتجاوز ال400 الف دولار تبدأ نظراتها تداعب قلب أبي وكأن في المتجر اللذي يسبقه لم يتكرر نفس الموقف لاشيئ يذكر غير اني اريد العوده لم تعد تهمني هذه الجمعآت اشتقت لـ "آني " اشتقت لـ " ريو " عودتي لبيتي استقبآل حافل بدموع آني وهيا تحتضنني فاأنا طفلها المدلل ..عندمآ تخرجت من الطب حضرت حفله تخرجي كآنت تبكي خلف أمي امي نظره الإفتخآر هيا اللتي تعتليها امآ "آني " تعلم جيدآ بتعبي حتى وصلت لهذه المرحله تجآوزت أمي وانا في الرابعه والعشرون ذهبت واحتضنت من كآنت لي أم خلال تلك السنوآت كلها .. كآنت صفعه قويـه للجميـع ... لم اشعر بحركتي ..لم اكن اقصد باأن اتجاهل أمي بين الكل اندفعت بمشاعري .. استيقظت في يوم وآني لم تعد موجوده .. بكآئي ذالك اليوم جعل الجميـع يخبرني باأني " مسحور " الحياه اصبحت مستحيله في ذالك القصر المزيف بالكمآليه آنآ الآن في الثلاثين والمآل لم يهبني شي في حيآتي سوا آني وبنفس الوقت المآل اخذها مني .. يمشي على الرصيـف وعينه على الجوال واصابعه تتحرك بطريقه سريعه على الشآشه .. لابس بنطلون اسود لويس فيتون وبلوزه بنيه باأكمآم من زارا ..ساعه ارمآني نظارته الطبيه من توم فورد , جزمتـه دونك من نآيك يحاول يعيش بعيد عن رفاهيه اهله لكن كل شي فيه يدل على الرفاهيه .. دخل الكآفي القريب من بيته اتوجه وطلب قهوتـه فضل واقف ينتظر ..إلا دار وراه لما نآدآه : مآآلك : هلا قصي في يده الصينيه الفاضيـه : كويس جيت لعندي كنت حتصل عليك : اشتقتلي قصي : ههههه بطل اسلوبك التافه دا لاأكنسل ام العزيمه مآلك : هههههههههههه دا جزآتي بديك حنآن شويه قصي :خلي الحنان للجنس اللطيف مستغنين عن حنانك مآلك : هههههههههههه أنا انسان حظي سيئ مع الجنس اللطيف قلت اجرب حظي معـ وقبل لايكمل قصي دفو : انكتتتم هياا لاأرزعك بالصينيه دي مآلك : ههههههههه ها ايش العزيمه اللي عندك قصي : قلت اكسب فيك اجر واعزمك في شقتي دام إحنا مانتقابل الا هنآ مالك بااستهزاء : الله يديك العافيه ماتقصر والله قصي : يسير بعد دوامي نتقابل مالك : لما ترجع من الدوام دق الباب عليا وحطلعلك قصي : تمآم مالك اخد قهوته وخرج والساعات عـدت وكآن اللقآء ..قصي مارحم فراس من التعليقات وكل شويا يفجعـو جلسـه عفويـه صح بينصدمو من كلام مآلك التلقائي لما يجاوب شايفين بزخ اللي عايشه وهوا شايف انها قطره من اللي كآن عند اهله .. فراس انسدح على الكنبه ويتكلم بصوت مايل للنوم : ياشيخ عقبال ماوصل زيك واسير اخصائي وارتآح مآلك : هانت حتعدي السنين وماتحس فراس : يااخي مقهور ضاعت تلات سنين من عمري وانا طبيب عآم مآلك : قوول الحمدالله خيره انا كنت اتمنى ادخل جراحه ومآقدرت قصي فجأه طب في الموضوع : ايش حساسك وانتا دكتور مسآلك بوليه بلله ماتنكسف ضيعت 7 سنين من عمرك عشان تتخصص دا التخصص مآلك : ههههههههههههههههههههه تخصص مطلوب ايش فهمك ياصباب القهوه قصي : صباب قهوه واعدل ام مزآجك كمان .. على الاقل لما اشوف احد مااستحي اقلو تعال واعزمه على المكآن اللي اشتغل فيه بلله لو جيت يوم تقلي تعال لو احتجتني في يوم وتديني بطاقتك والله ماعاد اثق فيك فراس : ههههههههههههههههه ياحقير دمرت ام مستقبله .. إنتا تستهون بدا التخصص عارف قد إيـش يحت قاطعه قصي : لاتحاول تقنعني مالك : عشانك جآهل قصي سحب جسمه لطرف الكنبه : سؤال سؤال بلله تجاوب بصراحه قد في يوم احد من العيله استشارك بدا الشي مالك : هههههههههههههههههههههههه إنتا انسان جاهل والله جاهل ..اكيد يستشيروني قصي ضرب على جبينه باإحراج :يااخي لو انحوجت يوم اجيك حقاطعك وربي فراس : ههههههههههههههههه وتجريحات كل واحد يرميها للتآني بس مودهم في المزح وآحد على إنه طبايعهم جدآ جدآ مختلفه .. ( 5 ) أنـآ ... امممم أحيآنآ ...او دائمآ لاأعلم ماذا اريـد اشعر باأني على مركب بدون اي مجاديف انتظر الريآح توجهني للطريق الجديد اللذي تختآره هل هذا ضعف ام تردد ام ليست لدي شخصيه حقيقي لاأعلم لكن متأكده باأن الرياح عصفت بقوه هذه المره أتمنى ان لاتحطمني .. وأصبح بقايا في قاع المحيط تعبت وهيا تطلـع وتنزل الدرج بتشيل اغراض يفوق جسمها الانثوي .. دقات قلبها مرهقه ..وصلت في وقت متأخر حتى البواب نآيم .. بس ماستسلمت .. حتخلص عشان تترمي على السرير وتنآم .. مع إنها عارفه صعب انها تنآم اول ليله في اي مكآن جديد لكن مع الإرهاق اللي تعيشه حآليا تبا ترمي جسمها وبس .. باقي اكبر شنطه مسكت ظهرها وملامحها مايله للبكى نقلت عدسه عينها على الشوارع الفاضيه تتمنى ربي يرزقها باأي احد بس يساعدها بدي الشنطه وقفت دقيقه ودقيقتين ولعشره وبعدها سحبت الشنطه ترفعها درجه وتوقف تآخد انفاسها وترجع ترفع لين ماوصلت للدور التآني سامعه صوت شباب وضحكك مرا خافت جسمها اتقشعر ..حاولت تمشي بسرعه بس انفتح الباب وفجأه صوتهم اختفى لما طالعو فيها التلاته رجعت شعرها ورا اذنها باارتباك واضح , سحبت شنطتها وجسمها الصغير خلى قصي بدون تفكير يجي لعندها : هاتي اشيلها بعدت يدها من الشنطه مررت لسانها على شفايفها الجافه من تنفسها المتوآصل ماعارضت حركت راسها وصوتها ماطلع مشيت قبـآله وهوا وراها ا ووصل للشقه وبابها مفتوح وكميه عفش مو طبيعيه .. حط الشنطه : شكرا ابتسملها وعينه تتأمل ملامح وجهها : عفوا نظراته جريئه وترتها سحبت الشنطه ومن غير اي كلمه تآنيه قفلت الباب وهوا ابتسم نزل ولقاهم الإتنين مستنينو : هههههههه خير ؟ :ايش سويت ! قصي ببرائه : ساعدتها بس وهنـآ أكتملت شقق العمـآره ..مايأجر صاحب العمآره إلا لدكآتره لكن قصي وضعه غير لأسباب طبيه .. اول دور مآلك والشقه اللي قباله طلاب امتياز تاني دور قصي وفراس والشقه اللي قبالهم دكتور أطفآل وزوجته وتآلت دور " رحآب" والشقه اللي قبآلها ممرضات .. ( 6 ) الحب بعين " 6 " تجربتي مآزآلت مستمره لكنها تقتلني كل يوم أحببته من قلبي , أرى انعكآسه في جميـع رجآل العآلم إبتسآمته , تعليقاته , نظراته 5 أشهر كفيله باأن اكون متيمه لذالك الشخص لكن ... ليست لدي القوه باأن اخبره بمشاعري اقف أمـآمه واصبح مثل اوراق الخريف المتساقطه هشه , ذابله .تحركها اي نسمه هوآء دقآت قلبي تؤلمني ... هل جربتم هذا الشعور..؟ ان تكوني كباقي النسآء لرجل تعشقي كل شيئ فيه لا لا لست كباقي النسـآء أحيانا اشعر بأاني لاشيئ في عينه ينظر لجميع صديقاتي ولاينظر إللي ابتسامتي الكاذبه تعبر عن بكائي الصامت في داخلي اختنآق يزيـد ويزيـد كلمآ تزيد ابتسامته وعينآه تلمع باإعجآب لتلك الأنثى فائقه الجمآل اخرج مسرعه من المكآن حتى لاتخونني دموعي كم أنـآ مغفله .. لأني مآزلت متمسكه بهذا الحب .. أللعن نفسي مرارا على الألم اللذي سببته لنفسي انا صنعت هذا الحب .. انا جعلته يكبر بداخلي .. والآن استحوذ على كل خليه في جسدي واصبحت متيمه عاشقه غبيه لشخص لايرآني اعتذاري لوسادتي لأني اغرقك دائما بدموعي لكن أنتي الوحيده من تعلمي بحقيقه مشاعري بعدت اللحاف عن جسمـها ..سحبت جوالها واتصلت تبا تتكلم خلاص تبا تقول لصحبتها عن اللي تحسـه وأحد يساعدها ماعندهآ جرأه توآجهه , عارفه زوقه , عارفه ايش حيكون رايـه فيها .. : الـو صوت صحبتها خلآهآ تنهار تآني بدون اي مقدمآت اتكلمت , واعترفت اخيرا لأحد نص سـآعه عدت وصحبتها منصتـه واول ماسكتت قالت : منآل إنتي ايش عرفك طيب برايه لاتحكمي من منآل مسحت دموعها فتحت باب غرفتها وبتتاكد الكل نآيم ورجعت قفلته وجلست على سريرها قالت بتردد : انا بتكلم معآه صحبتها بصدمه : ها ! كيف كددا ! منآل تمرر يدها على المخده باارتباك : بس مايعرف انو انا ليا 3 شهور اكلمو بالجوال ويعتبرني مرا صحبتو ويحكيني ايش يسير معاه صحبتها : هههههه انتي هبله صح !! كدا اتسهلك الموضوع منآل _ سكتت وبعدها قالت _ يسميني ام نظآره _ صوتها ماتغير بس دموعها نزلت _ قلتلو ايش يعني لو تلبس نظاره قلي ماتجذبني اصلا ماعلينا منها وسار يحكيني عن نهى وخلود اساسا ماقال انو معاهم وحده تالته انا حاولت اسحبو بالهرج وبالقوه اعترف بوجودي صحبتها حزنت عليها : طيب ليش مستمره تكلميه ؟ منآل : طول اليوم مارديت عليه بس عارفه نفسي حضعف : لا ماحتضعفي انا معاكي ودا اللي كآنت تبـآه من كتر مو ضعيفه في الحب استنجدت باأحد يقويـها ويسحبـها من دا العآلم .. قفلت من صحبتها .. فتحت على الانستقرام الحسآب اللي فتحتو عشـآنه .. ماحتفتح محادثته ماحترد حتطنشـه كآن قرارها انها حتقفل الحساب خلاص في غرفته جالس على المكتب مولـع سجارته كل ماينشغل في موضوع لكن يجي في مرحله يقول " فينها الهبله مختفيه " مابينهم اتصالات كتير بس كلامهم كلو كتآبـه حابب الصداقه الغريبه دي .. دي اللي يقدر يقولها انا مضـآيق في الوقت اللي يحس فيه بالضيقه ومو لازم يتصنع عشان احد دي اللي يكتبلها انا حقيـر وهيا تضحك وتآخد الموضوع بسطحيه قلها كلام كتيـر حقيقي ومن كتر مايمزح اغلب وقتـه اخدت اعترافاتـه برضو مزح فتح الإنستقرام وجاه عند اسمها " active now " رفع حآجبه بااستغراب دحين حترد دحين حتتكلم بس ماعلقت كتبلها " اموت في الثقيله " طيحلها قلبها اول ماقرات يدها قريبه من الشاشه تضغط وتفتح المحادثه ولا تتمسك بقرارها ماكانت اللحظه طويلـه قلبها اتخذ القرار وبلمسـه بسيطه شافت كلامـه طول اليوم كتبت " معليش اليوم انشغلت " كتب " دوامي كآن ممل من غير تعليقاتك " ابتسمت غصبا عنها وابتسامتهآ حاليا بين دموعها تعبر عن ألف شعور تحسه " لازم تتعود على بعادي هوا انا حعيش طول وقتي معاك " ابتسم طفى سجارته وسند جسمه على الكرسي وكتبلها " ماحخليكي تسيبني اتورطي فيا " ضحكه خفيفه رفعت يدها تمسح دموعها اللي بطرف عينها وكتبت بخجل " افرض انا طفشت " ضحك بنفس هدوء ضحكتها " عادي اضغطي على نفسك " منآل " اناني " " عارف " قلبها يدق بطريقه مجنونه وبس تقرا كلامه مرا ومرتين وتلاته ومو عارفه ايش حتكتب " متى حشوفك " منال " قلتلك صداقتنآ حلوه كدا " " ماحآكلك " منآل " إنتا اكلت كل البنآت اللي تحكيني عنهم " " دا جزآتي إني اقولك كل شي " منآل قلبها وجعها غيرت الموضوع " ايش سويت اليوم " وكالعاده يعرف انها بتشرد بس يسيبها على راحتها " سهرت مع فراس وواحد اسمو مآلك مدري قد حكيتك عنه ولا لا " منآل " إلا حكيتيني .. وايش كمآن " ابتسم قصي ورفع حوآجبه الاتنين بسرعه لما اتذكر " ايوا وجات وحده جديده في العماره مزززززززه إنما إيـــه" اتمحت ابتسامتها تدريجيا تكتب وتحذف مو عارفه ايش تعلق تبا تكون البنت اللي يحكيها كالعاده كل شي ويتغزل بالكل وهيا مجرد صديقه واكتر من صديقـه بصعوبه اللي جا معاها " ماحتسيبها في حآلها دحين " قصي " هههههههههه لا بس بتعرف عليها " وغيرت الموضوع لما سارت تحكيه ايش سوت طـول اليوم تشتاق لتعليقاته تشتاق لكلامـه سهرو مع بعض بس كتآبه لمده ساعتيـن ترسله مقاطع ويرسلها مقاطـع ويضحكـه مع بعض يرسلها مقاطع قتـل وعنف وهيا تنفجـع وهوا يسئلها " تخافي ؟" وهيا تجاوب بسطحيـه " مييين مايخاف ترا والله ازعل لو ارسلتلي تآني " وينتهي يومهم وهيا تحسب نفسـها مرا فاهمتــه ومآزالت غبيـه . " صبــآح جديد " رفع جسمـه من على السرير ويطـآلع في اشعه الشمس سحب جوآله بصدمـه السـآعه 10 مايدري كيف راحت عليه نومـه بس قام مفجوع لحظآت سريعه بتمر يتوضا ويصلي ويغير ملابسـه ونزل جري من الدرج خرج يمشي على الرصيـف بخطوآت سريعه ومسافه عشره دقـآيق وهوآ في عـآلمه الجميل .. العـآلم اللي اغلب النآس يكرهو يكونو فيـه لكن هوآ يعشق وجوده بدي الممرات يعشق ريحـه المعقمآت والضغط اللي يعيشـه هنآ محد حآسبه بمجرد دخولـه استدعـو قسم الجراحه للطوارئ وكآن حادث لبـآص مدرسي انقلب القسم بطريقه مفجعه بكى صريـخ وبيحـآول مايتوتر راح لأول حاله .. قفـل الستآره لما شاف البنت راسها كلو دم وعينها على صحبتها صحبتها في ا لسرير اللي جمبها وفاقده الوعي جا قبـآلها : لاتخافي ماحيسرلها شي مصدومـه مابتبكي ولا تتكلم نظرتها عليه بس عقلها بكل شي سرلها في الحآدث صحباتها من لحظه ضحك للحظـه صريخ والباص ينقلب وفجأه هدوووء نظره عينها تعكس المنظر البشـع اللي عاشته لبس القلوفز خلاها تنسدح وكآنت بكل ضعف تستجيب عقم منطقـه الجرح بجبينها حقنها بالبنج وبدأ يخيط واول ماخلص سمع الاخصائي يناديـه راح لأحد الأسره وطلب منه الدكتور يمسك احد البنآت عشان يردلها كتفـها المخلوع بدون اي بنج ..!!! بدون اي تأثر باانهيار البنت في لحظآت يحسهم معدومين الإنسانيه وكأنهم بيسو شغلهم على ألعاب مو بشـر كآن بيعارض بس صرخه الدكتور خلتو يمسك البنت ودار راسـه اول ماسمع صوت عظمتها رجعت لمكآنها ساعه ونص وسيارات الإسعافات تجي للمستشفى ويستقبلو حاله ورا حآله لأول مرا بحياته يتأثر بدا الشكل صبـآح شنيـع صبـآح بنـآت بدأو يومهم رايحين لمدرستهم وانتهى فيهم بدي المآساه صباح ام ودعت بنتها باابتسامه وتمشي حاليا في الممرات تبا تعرف بس بنتها حتعيش ولا لا صبـآح اب خرج من دوآمه بدموع محجره بعينه وكل اللي يقوله " يارب الطف بحآلهآ " فرآس الاب كوت الابيـض سار مغطى ببقع الدم المنتشره البكـآء والخوف مآزل طاغي على القسـم عينه على ديك البنت اللي مافيها اي شي تطمن على صحباتها وترجع تجلس على الكرسي وتطآلع فيهم من بعيد بيلف الشاش ليد البنت وكل شويه يسترق النظر للبنت السليمـه تمرر يدها على رقبتها باألم وجهها شاحب وبعد دقايق ترفع يدها على فمها وكأنها تبا تستفرغ وترجع تنزلها تبا تقوم بس مو قادره ساب الشاش من غير مايكمل قام بااتجاهها فيه سؤال وحيد براسـه بس حاول مايسأله : ايش سرلك في الحادث ضيقت على عينها وبتحاول تركز في ملامحه المغبشه : انضربت على راسي فراس : سرلك شي تاني ؟ قالت بصعوبـه : صحيت وانا في المستشفى بس مافيا شي وبين الصراخ اللي حوليه قال الاستشاري : فراااس ومها CPR بســرعه مها اتوجهت بسرعه لسائق الباص وفراس بتوتر قال : البنت دي لازم نسويلها اشعه ممكن يكون عندها نزيف داخلي الاستشاري لابس الكمآمه والقلوفز شكلو مبهدل متشتت الحالات كلها تحت اسمـه صرخ بعصبيـه : روووح مع مهآ فراس : والبنت ؟ قرب من فراس بعصبيـه لحظه الشياطين قدام عينه : قلت روح وراها فراس نقل عينه للبنت وهيا تبتسم وتوقف تحضن امها وابوها اول ماوصلو رجع بخطوات على ورا قلبه مقبوووض اتوجه لسائق الباص مها تهرج باارتباك : غرفه العمليات جاهزه نقل عدسه عينه لسائق الباص طلع لفوق السرير رجوله مفرقـه وساند ركبو على السرير وبيسويلو انعآش السرير اتحرك بسـرعه باإتجآه غرفه العمليـآت طول الممر السرير يتحرك بسرعه فضيعه لغرفه العمليـآت وهوا فوقه ودخلو للمصعد وفرراس مستمر يضغط على صدر الرجآل نزل راسـه بمستوى صدره ورفعه برده فعل سريـعه اول ماسمع النبض وصلو لغرفـه العمليـآت الاخصائي بنتظارهم دخلت مهـآ مع الاخصائي وفراس عقله مع البنت اللي تحت اتوجه للمصاعد مرا تانيه ويضغط على الازارير باارتبآك بس ماقدر ينتظر اتوجه جري ونزل الاربعه الادوار أنفاسه تتسارع واول ماوصل القسـم يدور بعينه بين التجمهر في كل مكآن ممرضات دكاتره عوائل يمشي ويسمع احد يناديه بس خاصره يبا يطمن اول ووقف لما شاف جسمها مستلقي على السرير وامها تبكي بكل صوتها وابوها ماسك راسه وكل اللي يقوله : لاحول ولاقوه الا بلله لاحول ولا قوه الا بلله كل الاصوات اللي حوليـه اختفت وكل اللي شايفه وسامعه منظر البنت واهلها زي ماتوقع كآن عندها نزيف داخلي براسها كل شي كآن واضح عليها بااهمآل القسم ماتت لو خصر الاستشاري يمكن كآنت عايشه حاليا ! ويبدأ هنآ الضميـر القآتل " بسببي " نقل عدسه عينو للإستشاري " راكآن " وراكان بااحراج اتحرك وهوا يشرد من نظرات فراس ويكمل شغله وكأنه ماسار شي مشي بااتجاه البوابه وصوت ام البنت وسط راسـه وتتكلم باانهيار : مآكآن فيها شي واللله مافيها شي ... _ تتوجه للدكآتره وتمسكهم وتتراجهم _ الله يخليكم شوفوها خرج من بوابـه المستشفى سحب القلوفز من يدو ورماه في الارض بدون عقـل يبعد عن اصوات سيارات الاسعاف الصرآخ والبكى والمجزره اللي جوآ انسحب من الوآجب اللي المفروض يأديـه للنهايه بس مآقدر ضاااقت انفاسه من المكآن يمشي بااتجاه البيت وبيشرد من ضجيج الكل كل اللي فراسه شكل البنت وهيا تطمن على صحباتها اول مادخل الشقه اخد انفاسه بصوت مسموع ...قصي خرج من غرفته وانفجع من للبس فراس المغطى بالدم : ايش بك !!! فراس بعد عن نظرات قصي دخل غرفته وقفل على نفسـه الباب بالمفتآح يروح ويجي في المكآن مو عارف يبكي ولا يصرررخ عمرها 17 سنـه بعمر اختـه جلس على السرير اتصل على امـه بدون مايفكر وصلـو صوتها اللي يمتلي بالسعاده اول ماتشوف اسم ولدها : الـو .. ماسمعت اي صوت : فراس !!! غطى على عينه بيده اليسار ..وشادد على الجوال بيده التآنيه: هلا زادت ابتسامتها : غريبه تتصل دا الوقت والله انبسطت فراس يختفي صوته للحظآت عشان لاتخونه نبرة صوته وبعدها يتكلم بشده مصطنعه : وحشتوني : وانتا كمآن لسى كنا بسيرتك فراس : فين أخواتي : في المدرسه نزلت دموعه : لازم اقفل بس قلت اطمن عليكم ..اول مارجع حتصل .. قفل من امو وهيا تطالع بصدمه بالجوال !!! مكالمه غريبه !!! اما هوآ بككي بصوت غير مسموع ارتفاع اكتآفه العريضه والشهقات الخفيفه هيا اللي واضحه عرف إنو في مجآله غلط وآحد ,اهمآل بسيط .. حتسلب فيها حياه شخص بسبب تهاونك وحتسلب فرحه اللي حوليـه .. نص سـآعه ساعه اتنين وتلاته ...كآنت بتعدي وهوا جالس على سريره مايعرف يحتك مع احد وقت عصبيته وانهياره غرفه فاضيه انسب مكآن له وقف سحب الاب كوت من على جسمه ورماه في مكآن الغسيل خرج من الغرفه بلبسه الموحد السكراب الأزرق .. قصي وقف برده فعل سريعه واشر على الباب : ليا ساعه ادق عليك فراس وجهه منفخ اتوجه بصمت بااتجاه التلاجه اخدلو قاروره مويا وجلس على الكنبه قصي : ايش بك ؟ فراس : ولاشي قصي رفع جوآله : سمعت بالحادث اللي سار.. له صلاح ؟! فراس يفك القاروره ويقفلها هدوووء طاغي على المكآن قصي يستنى رد وفراس عينه على الطاوله ويده كالعاده يحركها بتوتر وجهه بدأ يزيد احمراره وقال بضعف : مدري انا ليا ذنب ولا ذنبها برقبه دكتور راكان قصي بااهتمام قرب جسمه لطرف الكنبه : ايش سار فراس حكآه بصوت مهزوز متمآسك بالقوه .. قصي : يااخي ايش دخلك ... فجعتني والله شوفت وجهك قلت بس طعنت واحد فراس : البنت بعمر اختي ماتت بسببنا قصي : بسببه هوا مو بسببك إنتا خبرتك حتساوي كم جمب خبرته لو لجأو للقانون حتكون مجرد شاهد ولا حتتحاسب على شي فراس : ايش دخلني في القانون دحين انا ضميري قاتلني محروق على البنت واهلها وقف فراس وماساب مجآل لقصي يتكلم : انا خارج وخرج باانفعال .. قصي اخد الكآب الصوف الاسود الطويل لبسـه وخرج لدوامه يمشي وهوا حاتط اياديه بجيبـه كالعاده توتر , ويطـآلع يمين ويساره عاده سارت عندو .. بس دخل الكآفي طالع في البنت اللي لازم تجي تجلس يوميا لوحدها كتبها الجامعيه تحطها على الطاوله نظارتها تعدلها باارتباك شعرها ملموم بطريقه نظاميـه ملابسها كلها بلايز رسميـه بااشكال مختلفه وجينز ياألله قد ايش يكره البنآت دول يعشق المجانين يعشق اللي يخرجو عن المألوف بكلامهم بلبسهم اما منآل اول مارفعت عينها غآص قلبها فتحت كتابها بتوتر وتقلب بدون تركيز يدها تتنافض في كل مرا يدخل المكآن .. تكلم نفسها باارتباك " اهجدي يامنال خلاص بعد خلاص راح " واول مادخل لبس المريله الرجال اداه القهوه واشرلو على البنت بتملل اخد الصينيه واتوجهلها : صبااح الخير عينها وسعت ومارفعت راسها تطالع بالكتاب المقلوب وترجع تقلب بالاوارق وكأنها بجد تقرا دحين .. قصي ضحك وحط الفنجآن : ايش القوه الخارقه اللي عندك تقراي بالمقلوب رفعت راسها تطالع فيه ورجعت تطالع بالكتاب قلبت الكتآب باارتبآك ولا رفعت راسها ميلت جسمها وكأنها تديها ظهرو ومندمجه بالقرائه عقد حوآجبه ومشي " خير ! " حتى خدودها محمره ليش عندو مشكله مع الفتيات اللي يستحو كدا !! يحسهم كدابين ! نفاق متحرك ! اول مابعد زفرت براحه ريحه عطرو لوحدها توترها كيف صوتـه اللي قشعر جسمها كلو رفعت صباعها وتعدل النظاره بتوتر اخدت جوآلها وكتبتلو " فينك اليوم مالك حس " رفععت عدسه عينها وشافتـه يمسك جوآله وابتسم وهيا ابتسمت معاه تعشق تشوف ملامح وجهه وهيا تكلمو " مستنيكي تكلميني " منال " قلت يمكن مشغول " قصي"لا لسى مافي احد " منآل بتردد كتبت " غريبه " قصي " ايوا " منآل ضاع الكلام منها حست نفسها كالعاده ولاشي قصي " انتي فينك " منال " في البيت " قصي " ماحتروحي الجامعه " منال "إلا شويه " قصي " حقولك شي اهبل سويتو قبل شويا " " ايش هوا ؟ " قصي " دخلت ورقه من تحت الباب لجارتنآ كتبتلها على بطاقه الكافي فطور مجآني لأصحاب العماره " " هههههههههه تتوقعي تكفشني ؟ " منآل بملامح جآمده " احس حركه مالها داعي " قصي " طفشان ابا احد يسليني انتي ممله كم مرا اقولك ابا اشوفك ماترضي " منال كتبت من قلبها " إن شالله ماتديك وجه " قصي صورلها شكلو وارسلها " تتوقعي ترفضني ؟" منال بقهر كتبت " الغرور مو حلو " قصي " ههههههههههه مو غرور انا بسئلك" منال " عارف انتقادي دايما على ايش " قصي " هههههههه الوشم ؟ " منآل " ايوا اقرف منو " قصي " ايش دخلك بيدي " منآل " مهما احاول اتغاضى عنو مااقدر .. مو عارفه كيف عندك ضمير تسوي شي زي كدا جسمك امانه ربي اداك هوآ مالك حق تشوهه بدا الشكل " قصي " ههههههههههه ماشوهته شكلو جميل " منال " لاتستفزني " قصي اختفت ابتسامته " كنت في العشرين وماعندي احد " منآل بااستغراب " واهلك " قصي بلع ريقه مابين انو يكتب ولا مايكتب رفعت عينها وشايفه ملامح وجهه متغيره مافهمته مو عارفه ليش بيطالع في الشاشه ومابيعلق دا كلو ورفع عدسـه عينـه وابتسم من قلبـه اول ماشافها داخله .. ساب الجوآل بدون مايعلق ومنآل طالعت في البنت وبسبب نظراته عرفت انو هيا .. امـآ رحآب بيدها البطـآقه دخلو قبلها ولديـن وهيا وقفت اول ماشافت قصي لما ابتسملها رفعت حاجبها وعرفت انو ورا الموضوع .. اتوجهتله لابسـه جينز بلوزه كت سودآ جايبه شعرها على اليمين حطت البطاقه على الطاوله الفاصله بينهم : على حساب الكافي ولا حسابك قصي يعشق من اول نظره بذات اللي عندها فنون بالرد دي تجيب راسه وبقوه ... قال بكذب واضح : صدقيني على حساب الكآفي رحآب ضحكت : واضح انك صادق قصي اخد البطاقه وشقها : عشان لانتورط بس رحاب ضحكت بخجل وهوا ابتسامته بتزيد مع ضحكتها النآعمـه رحآب بجديه : ايش اللي بيني وبينك عشان تعزمني قصي : انا ماعزمتك انا برحب فيكي كجآره جديده رحآب بتردد حركت يدها على رقبتها تقبل ولا لا ! : بس دي المرا كل للي في الكآفي طالعو في البنت إللي طاحت في الارض وتلم كتبها باارتباك رحآب ااتوجهت بااتجاهها وكآنت بتمد يدها وتلم معاها الا منآل دفت يدها وقالت بصوت مهزوز : بعدي شالت كتبها وخرجت والعين الوحيده اللي ماهتمت لها قصـي كان يطآلع بالأنثى المجنونه إللي اسرتـو من امس ... متسرع ..ملول .. مندفـع .. كل المساوئ فيـه رحآب وقفت بااستقامه مفجوعـه واتوجهت لقصي ومعقده حوآجبها وطلبت اللي تبآه .. منـآل ... حآله ألم مو طبيعي بتعيشه حاليآ كأنه احد خانقها تمرر يدها على رقبتها ودموعها بعينها دخلت نفس العماره اللي فيها الكآفي وطلعت لشقتها اول مافتحت الباب نزلت دموعها صراخ امها صوت ابوها التقيـل من الصبـآح يسكـر من الصبآح مايهتم لاتسير فضحيتهم في كل مكآن دخلت لغرفتها وقفلت على نفسها جلست ورا الباب وبكيت ماتبى تروح الجآمعه ماتبى تخرج لمكآن دقات على بابها خلت شخصيتها اللي محد يعرفها غير امها وابوها تطلـع ضربت برجولها الارض وقالت : سيبوووووني مااابى اشوفكم وبكاااء متوآآآصل .. رحآب جلست على الطآولـه وحطت السماعات واتصلت على الرقم : هلا ياماما .. لا بكرا حبدأ دوآم .. بس كلها فتره بسيطه مرابطتي هنآ .. كل نهايه اسبوع حجيكي .._ شافت قصي جاي _ خلاص ياقلبي لازم اقفل انا برا طيب ؟ ...مع سلامه . قصي حطلها العصير والكرواسون ..ووقف ماتحرك طالعت فيه وكأنها تقولو ايش تبا قصي : ههههههههه يمدحو الفطور كل يوم هنآ رحآب : بلله ؟ قصي رفع حوآجبه الاتنين وكأنو يأكد على كلامه رحآب : هههههه دحين حجرب واحكم قصي رجع خطوات على ورا ولسى يطـآلع فيها وبعدها مشي .. وترهاااا بنظراتها حركة يدها على شعرها نظرة عينه لوحدها فيها جرئـه تبا تكون تقيلـه شويـه ..بس ابتسمت بدون ماتحس على نفسها ..وزمت شفايها عشان تخفي الابتسامه .... " 4 " في الشقـه المأثثه بطريقه كلاسيكيه تختلف تمآمآ عن بقيه الشقق تغير كآمل سواه لكل الغرف مصممة ديكور خاصـه زبطتلو المكآن .. ومآزال يقول انا غير عن اهلي برفاهيتي .. البيانو الاسود اخد حيز كبير في صآله الجلوس ..ااصابعه بتمر على اعواد البيانو .. موسيقى اندلعت في المكآن .... اصابعه بتزيد سرعتها والإحساس بيزيد جسمه يتحرك بحركه تلقائيه مع الانغام نغمآت حزينـه جدآآ يعبر فيها عن احساسه الصآمت يعبر عن اشتياقه عن الكلام المدفون التجاعيد بتزيد حول حوآجبـه وإحساسه بينعكس بطريقه مؤلمـه الموسيقـى مبكيـه , ملامح وجهه المعبره , اختلاف النوتآت وكأنها رتم ماشيه مع دقات قلبه المتسارعه وتهدى الموسيقـى مع هدوء الإعصار اللي جوتـه " لكل شخص طريقته بوصـف الألم الدآخلي .." اتوقفت حركـه اصابعه اختفى صوت الموسيقـى وزفير بصوت مسموع سحب الكرسي بصوت مزعج للخلف مشي بخطوات بارده بااتجاه الكنبـه ورمى جسمه المتهآلك سحب جوآله من على الطآوله .. يفتح كل شي بعشوائيـه وقلبـه طآح من رسآله غريبه قرأها ومن صدمتـه حس بهبوط وكل شي بجسمه اتقشعر رجع يعيد تآني يقرأها بعدم استيعاب ابتسآمة امل واختفت بنفس اللحظه اتصل على الرقم مقفل !! اتصل تآني برضو مقفل كتب بتشتت " موجوده ؟" ورجع يقرا كلامها الاول " مآلك , اعذرني على انقطاعي .. لم يكن الأمر بيدي .. هل استطيع ان أرآك .؟ انا آني " " نعم موجوده " لحظه مو قادر يستوعب ايش بيسير معاه 6 سنـوآت مرت يكتب " كيفك " ويحذفها فين كنتي ويحذفها لحظه مليانه مشاعر بس مو عارف يعبر مو قادر يكتب وكل اللي طلع معاه في زحمه الكلام داك كلو " حتى انا ابا اشوفك " وحددت الموعد واختفت بدون اي جملـه ترضي فيه قلبـه المشتاق واتحول في ديك اللحظـآت لطفـل يحوم في الغرفه رايح جآي !! ايش ايش اللي ممكن سار او بيسير حاليا !!! انفاسه سريعه ومابين انو متوتر مابين انو مشتاااق مابين إنو حلم !!! في الشوارع الهاديه بهذه اللحظات يمشي واياديه في جيبـه وافكار كتير بدأ يفكر فيها بعمـق لأول مرا ياخد مهنته بدي الجديـه بدأ الخوف بتسلل لقلبـه هل حيقدر يكمل ؟ قلبه ضعيف ناحيه الموت صح يعشق العمليات الجراحيه مايرمش عينه ولا يحس بتعاطف او تردد في دي اللحظه ابتسامه تترسم على وجهه والفضول يقتله عشان يمرر المشرط على الجلد لكن نقطه وحده تدمره " انو احد يموت بسببه " هنا حيبدأ يعيد حساباته هل عنده القدره يكمل بدا المجآل وبدا التخصص بتحديد ؟! ساعات بتمر ومافي فكره مفيده ساعدتـه ضميره ياأنبه وهوسـه بالجراحه مخليه متمسك مو عارف ايش يسوي غير انو يرجع لبيتـه ويكمل البحث اللي بيشتغل عليه وكأنه ماسار شي ؟؟! كأنه مافي عيله بتدفن جثه تحت التراب دا صرآع حيعيشـه دايما مابين الاستيعاب وعدم الاستيعاب ممكن تكون ملاك رحمـه وممكن تكون العكس للبعض كآنت ساعات اخرى قدآم شاشه الاب توب يتخللها لحظآت كتيره من السرحآن زفر بتعب اول ماخلص البحث وارسله بالبريد وطفى الجهاز فجأه عينه وسعت بصدمه ! شغل الاب توب تآني ماشتغل ! شبك الشآحن وبرضو ماشتغل !! مسك جواله يبا يفتح البريد ومو راضي يفتح !! قام مفجوع مو وقته يخرب الاب توب : قصصصصي خرج من الغرفه وهوا يناديـه ومافي اي حس له استوعب انو موعد دوآمه اتصل عليه برضو مايرد ولأول مرا يدخل لغرفتـه بدون أذن مضطر ياخد الاب توب بس يبا يتاكد اترسل البحث ولا لا ساند جسمـه على المكتب ومستني الاب توب يفتح وجآه الباسورد اللي حطمو لثواني رجع يتصل على قصي وبرضو مارد يبا يتذككر اخر مرا شافـه يحطـه اول مرا دخل اربعه ارقام غلط .. تآني مرا برضو غلط غمض عينه وبيتذكر حركـة يد قصي ورجع دخل الرقم واشتغل : ااااااااااااييييوااا ابتسامة انتصــآر على نيـآته اخر شي حيفكر فيـه انو دا الشي ممكن يعتبر خصوصيـه بينو وبين قصي .. وبدأت تتلاشى الابتسآمه بالتدريج وحوآجبه تعبر عن الصدمه اللي بيقراها مافتح شي صفحه فيس بوك مفتوحـه .. بيقرا تعليقات النآس اشخاص من مختلف الدول العربيـه ... شخص محتاج للكلى .. ومستعد يدفع وشخص محتاج لكبـد والأغلبيــه ناس تعرض لبيـع اعضاء من جسمــها وكأنها قطــع غير قابله للإستخدام ... فتح محادثه بينه وبين واحد مو عارف الكلام محذوف ولا كآنو بيهرجو في مكآن تاني ورجعو هنآ قصي " قلتلك نتفاهم لما نتقابل " الرجآل " طيب ابا اقابلك اليوم انا مسافر وابا الاجرائات تكون سريعه " قصي " تمآم ماحقدر اجيك الا بعد دوآمي على 11 ونص قريبا " الرجال " مو مشكله" وبرضـوو تم تحديد الموقـع .. فتح سجـل البحث وكل شي بيبحث عنـه قصي " اعضاء للبيع " شاف محادثـه قديمـه وباين انو بيتساوم مع واحد على كلية الشخص .!!!!! قصي " انا مجرد سمسار وحسآعدك بكل الللي تبآه " سمع صوت كآن من الشارع لكن مع الفجعه بدا يطفي كل شي ويرجع المحادثات زي ماهيا وقفل الاب وخرج من الغرفه ماقدر يجلس حس انو عايش مع سفاح , مجنون يمشي في الصآله بصدمـه ماكذب احساسه لما قال مايعرف عنـو شي .!!! لما يحس انو قصي يصررف فلوس وكأنه مو خايف بكرة النهار من فين حيجيب !! جلس على الكنبه وعينه مثبته على الجدار اللي قباله ورجوله تتحرك بطريقه سريعه وكل شي بدأ يرجع في راسـه حركآت قصي كلامـه تصرفاته الغريبه .! " يتآجر بالأعضاء !!! عشان كدا احتكآكه بس بالدكآتره !! " وسـع عينه زياده يمرر يده على شفايفه ويحلل ويستنتج ودقات قلبه سريعه ...! " كلامه واضح !! " " سمسار !!! " طالع في سآعته .. فز من مكآنه ... خرج من الشقه واتوجه للكآفي وماقدر يدخل بس وقف بعيد مستني قصــي يروح لموعده ...! × سلع ارواح محرمه × " 3 " لحظـه ودآع مافيها اي احسـآس من نآحيته قبله على يده ورآسـه ودموعها بتتحجر فعينها لكن الانسآن اللي قدآمها كأنـه صخر " انتبهي على نفسك " " لو تبي شي اتصلي " كلمآت بتسمعها منـو وكأنه انسان بيسوي الوآجب معاها لأخر لحظه مو اب دا مو أبوها مصممـه إنو مو أبوها .. المقارنه تقتـــل .. كيف السنين محتـو كليآ ...! حركت راسـها ركبت سيـآرة زوج صحبتها .. صحبتها الوحيده اللي قلبها عليها وممكن تسوي اي شي لها بعد السلام عم الصمت في السياره صبآ جالسه ورا وجمبها اغراضها " ورنين وزوجها مافي اي حوار بينهم .. صوت مكيف السياره مزعج لكن الفوضى اللي يعيشها كل شخص بدي السياره طاغي على ازعاج التكيف .. طالعت صبآ في شنطتها شافت حافة الدفتر خارج دخلتو وقفلت السحاب مزبوط لازم تكتب كلمـآت بسيطه قبل خروجها " رنين اختـي صديقتي واحيانا كآنت لي أم , عارفه اني تقيله عليهم وعارفه المسافه خمسه ساعات وطويلـه بس ماعندي غيرهم مكسوفه منهم بس بنفس الوقت احس دولا قلبهم عليا اكتر من اهلي .. الله يشفي ابو ادهم وييسر حآلهم " امـآ ادهـم عينه على الطريق وبدأ يعيش صراع مع ضميره الفقر بعض الأحيآن يحول الرجآل لوحوش عشان يقدرو يعيشو .. يبلع ريقه كل شويا عشان الغصه اللي حاسس فيها تروح بس ماحتروح من قوه المصيبه اللي بيسويها .. ضميره حيأنبه طول عمره وبدأ الشيطآن اللي يدي مبررآت لأفعآلك يجيه بدي اللحظه " ماحيسرلها شي حيدوها مقابل " ويبدأ ضميره يعاتبـه " حيرغموها ماحيكون بيدها انا ايش سويت في بنت النآس " "لا ولدي وابويا محتاجيني ايش يعني ابيع وحده مو فارق عندها الحيآه وبعدها يدوها كنز " " افرض ماتت ؟! " " اعوذ بلله " "افرض بلغت عنهم ! وقتلوها ! " " لا ماتوقع البنت محتاجه فلوس عشان تعيش حتنغري " " بس انا اخد النصيب الأكتر ! " " هيا ماحتحتآج كل ديك الفلوس " " ربي عالم بحاجتي " واول ماجات في باله فكره انو اللي بيسويه حرام شغل الراديـو عشان مايفكر من دي النآحيه دايما النآس يدو مبررات لأفعالهم حتى لو كآنت بعيده عن الإنسانيـه واللحظه اللي يجي في باله النقطه الحساسه والفاصله " حلال ولا حرام " يختـآر انو يكون اعمى ومجنون ومايفهم بدي المرحله يختآر طريق انا محتآج ..انا مسكين ..انا مكسور وينهي الموضوع . رنين كل شويـآ تطالع في أدهم من امس مو على بعضـه بس يمكن لأنو ابوه بدأ جلسات الكيمآوي ويمكن لأنه عندهم مهله اسبوع لو مادفعو الإيجار حينطردو ويخرجو للشارع اسباب كتير ممكن تشفع لملامح وجهه .. وتخليها تلتزم الصمت وماتزيدها عليه . يكفي بعز اللي فيه مارفض طلبها وبيوصلو " صبـآ " وكآنت اطول خمسـه ساعات على الكل .. وقف في المكآن المخصص للإتفـآق .. لكن بنسبه لصبـآ دا المكآن اللي حتركب فيه الباص وتدخل المدينه .. الشوارع فاضيـه تخوف نزلت صبا وسحبت شنطتها ورنين لحقتها حضنتها وسارت توصيها على نفسـها .. واكتر من مره تقولها " طمنيني عليكي الله يخليكي " قلبها مقبووض ومو مرتآحه دارت راسها وطالعت في ادهم اللي بالسياره : طيب خلينا نستنى لين مايجي الباص ماينفع نسيبها لوحدها ادهم اتكلم بدون نفس عشان تنحرج حتى صبآ : السياره حتطفي ابا ادور محطه بنزين عشان امسك الخط ونرجع صبا بهمس شدت على يد رنين : ماعليكي روحي خلاص ماقصرتو والله وراكم لسى مشوار طويل وكآنت لحظـه ودآع دموعهم نزلت الاتنين ومشيـت السيـآره وفضلت صبـآ واقفـه في الشارع شنطته السودا عند رجولها شعرها يحركـه الهوى ضمت الجاكيت التقيل على جسمها لما زآد الهوى بدأ التوتر ودقات قلبها تزيـد صوت الكلاب البعيده الظلام المفجع في السياره رفع جوآله وادآه رنـه وقفل .. رنـه كفيله تفهمه باإنو " الباقي عليك " ونزل من سيارته الموقفه في نهايه الشارع ويمشي بااتجاه البنت واضح من وقفتها التوتر متعود على خوف ضحـآياه بس الجمود وبروده دا اللي طاغي على عيونه كأنه قطعه ثلج بااارده يده في ثانيـه اترفعت وغطت وجهها باالقمـآش الابيض كالعاده زي اي ضحيـه تكآآفح في البدايه تحاااول تدافع عن نفسها تبا تخرج من بين قبضتـه بس الفرق واضح في البنيـة وسرعـآن ماحس بثقلها على جسمـه ورفعها واتوجه لسيارتـه حطها ورجع اخد شنطتها وهوآ هنـآ اخد فلوسـه وانتهت مهمتـه لما سلمها لهم ويرجع اخر الليل يتعشـآ مع اطفـآله وكأنه ماسار شي ويسئلوه ليش تخاف علينـآ بدا الجنون .. لأنـه أنا مجنون .. دا الجوآب المفروض اللي يسمعوه لكن الكمآليه بردوده .. وكآنت صبـآ سلـعه " لأرواح محرمه " " لحظـه صامتـه محملـه باألف احساس " نظرات متشتته دخل لغرفته سحب الجآكيت ولبسه واتوجه لناحيه الباب استوعب انو ناسي كل شي رجع تآني اخد مفاتيحه وجوالـه ونزل ركب سيارته سند جسمه على المقاعد الجلد العوديـه وعينه على الطريق ومايبى يفكر ولابشي خلاص.. وقف عند اشاره حمرا وكآنت سيارته محط انظآر الجميـع اخد جوآله وخطرت في باله تشاركه دي اللحظه مابحث عن اسمها كتير السجل كلو اسمها ضغط على اسمها وقبل لايدق قفـل ودا السبب اللي يخلي اسمها في السجل يوميـآ لأنو يشتآق وماعنده جرأه يكلمها حط الجوال جمبـه حيقابـل آني يمشي في الاتجاهات وكاره الطريـق والزحمـه وقف سيـآرتـه رفع يده وطالع بالوقت 12 .. اتوجه للحديقـه ..دار راسـه يمين ويسـآر مافي اي احد واقف في نص المكآن وكل شويـآ يطآلع بالوقت شاف ثلاث رجآل ماشين بااتجاهه بس ماهتم اتوقـع حيمشو من جمبـو صوت همـس وكلامهم بين بعضهم وهوا مازال واقف وعينه تتنقل كل شويا لمنطقـه وفلحظـه هجمو عليـه إتنين والتآلت بيتفرج وابتسامه قهر مرسومه على وجهه ماستوعب مآلك مآكآنت لحظه يقدر يدافع فيها عن نفسـه من قوه الضرب بيحاول ياخد نفسـه بس تجيه الضربـه التآنيه تخليه مايقدر ياتنفس ويترمي جسمه على العشب الاخضر ويرفعوه بكل وحشيـه ويرجعـو يضربوه واحد فيهم يخلل يده بشعر مآلك ويضرب براسـه بالماصوره الحديد التآني يرجع يستلمو ويرميه في الارض ويضربـه برجله بعشوائيه ولما اتهد حيلـه رفعوه الاتنين وجـآبوه قدآم الشخص الواقف بكل ثقـه بجسده النحيل بس ملامحـه كلها كـره مآلك يطـآلع فيه مع الظلام مع الضرب والدم اللي نازل على عينه مو قادر يشوفـه بس كل اللي سمـعه : انا ولد آني عقد حوآجبه مآلك وبيحاول يركز في ملامح وجهه لو مو ماسكينه كآن طآح من طولـه وبدأ يتكلم ومو مهتم لأنفاس مآلك السريعه أتكلم بصوت مهزوز وهوا ينطق كلمه كلمه بلغته العربيه الفصحى : أمي ... كآنت .. سلعه .. لروح ...محرمه في إستديو التصويـر .. اطلالـه مكتبـها على مباني المدينـه الشاهقه قهوتها ..موسيقى رايقـه ... اضائه خافته وجالسه على الاب توب اخر الليل الفوتوشوب لعبتها المفضله للمودلز اللي تصورهم تكبر الصوره وتبدأ تلعب بااحترافيـه ساعات متواصله على المكتب من دون اي ملل .. دا عالمها دا حيآتها .. سندت جسمها على الكرسي المريح وكلمه اااه تعبر عن الضغط اللي عاشته اليوم أخدت جوالها وحشها السنآب ومتابعينها بس كلمه مآلك على جوالها خلتها ماتستوعب للحظآت شي .. رجعت خصلا شعرها ورا اذنها الجوال جمبها ماتدري كيف ماسمعت اتصآله طالعت بالوقت قبل 40 دقيقه .. بدون تردد وتفكير اتصلت .. صوت اظافيرها تحركها بتوتر على المكتب ترفع صباع وتنزل التاني ووالتالت بس وقفت حركه يدها قالت بااستغراب : مالك ؟! ... مين معايا !! يتبعه من مكآن لمكآن يطـآلع في الطرقـآت الغريبه راح لخارج المدينـه ..! مو عارف ايش نهايه دا الولد بس مخلي التآكسي يلحقه وبس بيحاول بقدر الامكآن مايلفت نظره اول ماوقف دبآب قصي وحط الخوذه على الدباب مشي بااتجاه بوابـه حديديه اتعدآها ودخل لقسم المستودعـآت وهنآ فراس كآن يلحقه ولو احد سئله ايش اللي تبا تشوفه مو عارف ليش بتلحقه برضو مو عاارف بس خلاص بدون عقـل اندفع اتوجه للمستودع ووقف خارج المكآن لكن صوت قصي واصـله داخل المستودع البضائـع منتشره باانتظام في المكآن وقف قصي قبـآل الرجل اللي يكبره بضعف عمره قصي : فين الأوراق ؟ الرجآل : انا كيف حضمن حقوقي قصي : كلمتي ماحتنزل الارض الرجال ضحك : لا لا مو دا اتفاقنا انا اللي طالبه الأمآن مقابل كل شي قصي : وقلتلك مستعد اديك دا الشي الرجآل عقد حوآجبه : مو فاهم ليش لدحين بتلعب بالنار قصي رفع حاجبه : ماحب يكون ليا كبير بااستخفاف : تراك سمسار اللي ب قصي قاطعه : خلصني واديني اللي اباه بدأ يمآطل : : صدقني ماحتستفيد شي انتا المتضرر وبعدين كلها سلع محرمه قصي : هههههه ياخي انتا ايش لك _ قال بكل استهتار وبين ضحكته _ وبعدين اذا دي سلع محرمه فاأنا روح محرمه الرجآل لحظه صمت وهوا بيطالع في الانسان اللي ماعنده ضمير زي البقيه فايبا يضمن نفسـه : لو ابا اساومك على اللي عندي واطلب اكتر من الأمان؟ قصي _ بتهديد واضح _ : لاتختبر صبري : عارف اللي عندي ممكن يدفنهم كلهم اللي طلبتو منك شي قليل وانـ وقبـل لايكمـل طلقـه نار من خلف زجآج احد النافذات اخترقت راااس الرجل واترمى جسمـه مع القزاز اللي اتناثر في الارض وبدأ في ثواني يسيل دمــه حركـه جسم قصي تدل على فجعتـه ودار راسـه بصدمه اكتر لما فراس ناداه : قصصي !!! لحظه مو مستوعب اللي سـآر معآه بس كل اللي جا في بآله إنو في احد بيراقبـهم خرج جري من المكآن واتعدى فراس بدون اي اهتمام عينو تدور الشخص بعككس فرآس اللي اتوجه للجثـه نزل بجسمـه للارض والدم غطى الارض كل شخص ردة فعلو تدل عليـه فراس اندفاعه بااتجاه الرجآل الميت وقصي كالعاده اندفاعه بطريق يعاكس الكل .. فراس انفاسـه سريعه الرجآل مآت ف لحظتها رفع جسمـو ورجع بخطواته لورا خبط بالصندوق الخشبي الكبيـر وطآحت محفظته اللي كآنت ع طرف نزل اخدها بلحظه تشتت وخرج نهايه الفصل الاول التعديل الأخير تم بواسطة كاردينيا الغوازي ; 13-08-19 الساعة 01:01 PM | ||||
|
| |
|
17-06-18, 02:23 AM
| #7 | |||||
| كاتبة بمنتدى من وحي الاعضاء
| اقتباس:
اسم روايتي السابقة " طفوله ملوثه الواقع " | |||||
|
| |
|
17-06-18, 02:26 AM
| #8 | |||||
| كاتبة بمنتدى من وحي الاعضاء
| [ اقتباس:
الله يبارك فيكي ان شاءلله تعجبك للنهايه | |||||
|
| |
|
18-06-18, 10:03 AM
| #9 | ||||
| كاتبة بمنتدى من وحي الاعضاء
| كــل عام وانتـو بخيـر وينعاد عليكم بصحـه وسلامـه الفصل الثاني .. عقد نكآح بغرض المصلحه .. نتج عنـه زوآج اسطوري قصر ملكي , خدم , فيزآ كآرد , رفاهيه ,طائره خاصه ,حريه ... كلها كآنت تدرج تحت حياتها الجديده وكآن عقد النكآح اجمل ورقه حتى لو لم تشعر بذالك الزوج كم هوا سهل على المرأه ان تمثل الحب والإهتمام والتصنع وكم هوا سهل على الرجـل ان يقع في غرام زوجته ومئآت الفتيآت الآخريآت .. حيآه مزيفـه اقنعه لاتكسر قلوب محجره تمرر يدها على قطع الالمآس الملتفه حول عنقها الطويل وتخبر الجميـع باأن زوجها العزيز ألبسها هوا قبل خروجهآ مآكره جدآ وتجيد هذا الدور بعنآيه ..! ولايقل عنها مكرآ فاإهتمآمه منصف لها ..! همآ مجرد أبوآن سيئآن رزقو بثلاث اطفـآل . قبـل سنـوآت عدة .. ممرآت القصـر الطويله البسآط الأحمر الاضائات الصفرا الجدآر الأبيـض مزين بالزيك الذهبـي لاتقل هياانـآقه عن فخآمه قصـرها بتحديد في غرفه احد اولادها اللتي تنآسب مع عمره اللذي لايتعدى الخمسة عشـر وجهها شاحب خوف .. عصبيـه .. اتجننت جسمها كلو اتقشعر بس من الكلمه دفتو بقهر , صرخت عليـه بس جملته الانفعـآليه " حكلمو والله حكلمو " جننتها زياده ضربتـو وكآنت تضرب بدون عقـل خايفه من بكرا خايفه من كل شي رافع يده وهوا يحمي نفسـه من ضرباتها وانفتح الباب ودخلت " آني " مفجوعـه من اصواتهم .. وقفت بينهم وتحآول تحميـه ماهمها تنضرب بس دا زي ولدها اللي ماكبر في حضنها دا اول مادوها هوآ كآن بالكوفلـه وربتو وكبـرتو .. شويا وتبوس يد أم مالك عشان توقف ضـرب رجعت امه بخطوات لورى وصوت بكى مالك طاغي على الغرفه حركت شعرها ورا اذنها ,تتنفس بطريقه مسموعه , وجهها محمر مابين تبا تستوعب هيجآنها ومابين حتلوي ذراعه لين ماتسكته رفعت يدها بتهديد " لآني ": لو شفتو برا الغرفه دي والله ماحرحمـه _ سحبت جوالـه _ ليا حساب معاه اتوجهت للباب وشافت ولدها وبنتها واقفين مفجوعين صرختها بـ : كل واحد على غرفتـه خلتهم في ثانيـه يمشو بخطوآت سريـعه ... حضنته آني وهوا يزيـد بكآه ..شد على لبسها وقال بقهر : انا اكرهها ماقدرت ماتبكي ماقدرت ماتسهر معـآه خوفـه من امـه خلاه يتعلق فيها زيآده .. الوضـع الحآلي .. هل الإنتـظآر شي مؤلم .. أم المؤلم باأن إنتظاري كآن لشخص قد فارق الحيـآه ! تلألأ النجوم , اضائـه القمر , هوآء خفيـف , حديقـه يوجد بها اربعتهم .. هدوء عم المكآن للحظـآت شخص يقف بصعوبـه بمساعدة الرجليـن ينظر لذالك الغريب : أمي ... كآنت .. سلعه .. لروح ...محرمه قرب منـه اكتر : أمي ماتت .. _ مرر لسانه على شفايفه _ أمي كآنت سلعه لدى عائلتك .. حرك راسـه مآلك بنفي " أروآن " دموعه محجره بعينه حركت مالك لراسـه خلتو بلحظه زي المجنون مسكه من بلوزته وقربـه منو : لم أراها لأنها كآنت تخدمك دائمآ لم تستطـع القدوم الى دولتنآ لأنك لاتستطيع الاستغنآء عنها .. وعندمآ انتهيتو من خدمتها قطعتوها إلى اشلاء..قطعتوها وكأنها فريسه لدديكم الكلام تقيـل , مو قادر يستوعبـه , مو قادر يدافع عن نفسـه او يسحب جسمه من يد اروآن كل اللي نطقـه : آندي سافرت ومانعرف شي عنها انتهى من جملتـه ولكمـه طيحتو للأرض تآني اروان نزل لمستواه , دموعه نزلت وقال كلامـه الأخيـر لمآلك : هل السفر لديكم معنآه ان تضعوها على سرير المستشفى رغمآ عنها ! هل السفر لديكم ان تأخدو كل مآتملك وترمو جثتها في احد الخزآنآت مشوهه ولم يستطع احد التعرف لها ..!!! عقد حوآجبه مآلك للمرا التآنيه حرك راسـه بالنفي ويعيد كلامه بعدم استيعاب : آندي سافرت خرج جوآز امـه من جيبه ويقلب الصفحآت باارتباك : لايوجد ختم دخول لبلدنآ !!! هل ترى اي ختم!! !_ نقل عدسه عينه لمآلك ونطق بين اسنآنه _ عمك هوآ من اتمم العمليه عـ وقبل لايكمل دف يدو مآلك ..عدل جسمـه ..ودقات قلبه ورا بعض .. بنسبه له حآاليا دا مجنون: إنتا ايش تبا!!! تبا فلوس !! لحظـه صمــت !! فلوس ! كلمه فجرت كل شي في اروان امـه سابته بسبب الفلوس امـه ماتت بسبب الفلوس او بالأصح بسبب الفلوس ودا الشخص اللي قبآله اترسمت ابتسامـه على وجهه لثواني وسرعـآن ماختفت وانهال عليـه بالضرب وماوقف ضرب الا بصوت صاحبـه المفجوع: arwan enough بعد عنـه وصدره يرتفع وينزل .. رفع يده ومسح دموعه بكبريـآء سـآبه جثه على العشب الاخضر ليش راح لأضعف حلقه في الموضوع دام يبا ينتقم .. ليش يحس انو فرغ غضبـه في المكآن الغلط ليش مايستخدمـه بصفـه ويقلب العيله كلها على بعضـها قالولو لو تبا تنتقـم لاتخلي غضبك يتحكم فيـك .. بس دا كبر بحضن امـه وهوا ماكبر بحضنها دا سهرت امـه وضحكت ومزحت معاه وهوآ كآن محروم منها .. لحظـه تفكير ..لحظـه عينه تتأمل الإنسآن المرمي بسببـه .. انتبه لجوآل مالك ينور بجيبـه .. اشرلأصحابه يروحو ضغط على يده اللي تألمه من قوه الضرب قرب من مآلك وحركـوآ بس مآكآنت فيه اي ردة فعل سحب الجوآل ورد .. في منطقـه ابعـد .. يمشي بخطوات سريـعه بين الاشجـآر المنتشره خلف المستودعآت .. يوقف في النص ويطآلع يمينه ويسـآره ويرجع يختار طريقه انفاسـه حتنقطع ماهمه فراس ماهمه اللي مآت كل همـه اللي أطلق الرصآص .. حياته حتنقلب جحيم لو احد شاف وجهه ..! فز بفجعه لما دق جوآاله خرجو بسـرعه ورد: إيوا : إنتا فينك دقآت قلبها سريعه : مع صاحبي : تعرف فين مآلك عقد حوآجبه : لا : كل اللي طلبته منك اليوم تخلي عينك عليه قصي بتشتت باله مو معاه رفع يده لشعره ووصل لنهآيه رقبته قال باارتباك : مـ مدري اضطريت اخرج ونسيت بشك : انتا فين ؟ قصي حرك راسه وبيطالع حوليـه: قلتلك مع اصحابي سكت لثواني وبعدها قال : صاحبك ولا اصحابك ! قصي : ايش يفرق عندك ! : المهم موضوعنآ دحين مآلك لسى جهاز التتبع في سيارته قصي : إيوا : روح وقولي مين معاه قصي : دحين ! شد على كلامـه : جوالي جمبي استنى ردك قصي قفل ..يبا يرمممي جواله ..يبا يصـرخ ..مو قادر يتخيل ايش ممكن يسرله لو احد شافـه ماحيقدر يطآلع بعين فراس حآليا..ماقدر يرجع للمستودع اصلا ايش جاب فراس هنآ !! فراسه ميـة سؤال وكلها قاعده تسحبـه لتحت وممكن تدمره .. ركب دبـآبـه وفتح من جوآله تتبـع سيارة مآلك ومشي وكأنو مافي مسرح جريمـه ورآه .. مالمسو مافي اي اثبـآت على انو كآن هنآ حتى البوابه لما فكهآ بيده كآن لابس فيها القلوفز الجلد الاسود في الحديقـه .. عشره دقايق مرت وحرك يده , عقد حوآجبه باألم وبدأ يفتح عينه بشويش , للحظه حس مو قادر يحرك بجسمه اي عضلـه مو قادر يرفع نفسه او يجلس شد على عيونـه وبكل قوتـه سند يده على الارض وجلس بصعوبـه قاتله مرر يدو على جيوبه يدور الجوال ومالقاه انتبه لاضائته اللي زادت بسبب التحديثات اخدو ..وتحتو جواز اندي سحب الجوآز من غير مايفتحو وخرجت منو آآآه اول ماحاول يوقف ودور شي يسند نفسـو عليه مسك في اضائـه المصبـآح مو قادر يشوف طريقـه مو قادر يمشي يتصل على مين ..! رضوض منتشره بجسمه كلو ألم عضلات بطنـو مخليتـه يتنفس بصعوبـه رفع يده وانتبه للجواز ووسطو الصور دخل جواله بجيبـه فتح الجواز كآن تحت اضائه المصبـآح كل شي يشوفو بوضوح ... صور مكرره للحرمه المرميـه بالخزان نفس الخبر بس من كدا مكآن جرايد , مطبوعه بالكمبيوتر , مجلات قلب بالصور ووصـل لصوره حاتط دائره على يدها اللي فيها " الوحمـه الحمرا " انتفضت يدو .. رجع يعيـد كل الصوره بصدمه يطـآلع بصوره صوره واتجاهل كل الألم اللي يعيشـه تتحرك الصور بيده بشكل ملحووظ من كتر مايرجف .. صوره لأمآكن العمليـآت المنتشره بجسمـها مخيطه من كل مكآن .. صوره لوجهها المطموس ملامحـه من كتر التشويـه اللي اتعرضتلو وصوره للوحمـه المميزه بيدها ومستحيل احد ينسآهآ وطآحت الصور في الارض لما خفت مسكـة يدو وبثواني بدأ الهوى يحركها على العشب وهوا على نفس ملامح الصدمـه دموعه اللي تكتر وتغرق عينه دا الشي الوحيد اللي بيزيـد وخانته ونزلت اول ماتذكر صوتـها ونزل بجسمـه للارض لما جآت في باله ابتسآمتها لما اتذكر يدها الحنونه كل ماتتمد لوجهه وتمسحلو دموعه واتناسى ألم اضلعه وعضلاتـه وشهقـه تتبعها التآنيه ارتفاع صدره ونزولـه بطريقه سريعه دموعه المتساقطـه صوت بككاه الخاافت كل شي يعبـر عن وجع قلبه بدي اللحظـه .. الصدمه بيستوعبها بتدريـج مآتت ..! مقتولـه ...! اهله لهم يد بالموضوع ..! ويرجع تآني للموضوع الأساسي "آني " مآتت ..! هنآ ينتهي كل شي حآليا .. لحظـه انهيـآر طويله نسي كل اللي حولـه .. شد على يده بالارض ووقف رفع راسـه كآنت واقفه بصدمـه وتطآلع فيـه ماقدرت تقرب منـه بسبب شكلو بسبب بكآآه فضلت واقفه في مكآنها وبـس جسمها يتنآفض ومو عارفه ايش اللي سار معاه حست بنفسها وقربت بخطوآت هاديه اتجاهه عدسه عينها انتقلت لملامح وجهه : ايش سرلك ! صمته زاد وعينه مثبته عليها وهنا زاد خوفها مدت يدها ومررتها على ذراعه : مآلك اتصل على بابا ؟ حرك راسـه بالنفي لانت ملامحها واتحول صوتها لوحده بتبكي خلاص : امانه مين سوا فيك كدا : ايش جآبك اشرت بتشتت : واحد رد عليا من جوالك وقلي اجيك عقد حوآجبه , ماهتم يدخل بتفاصيل كآن بيمشي الا مسكتو : فين رايح : راجع البيت : وإنتا كدآ ؟! طيب تعال اوديك المستشفى قال بتعب : مروى امشي من هنآ وجـآ صوت وآحد من بعيـد : مآآآلك !!! ومشي بخطوات سريعه لما انتبه لشكلـه : ووووي يواااد ايش سرلك دار راسـه بتأفف خلاااص يبا يترمي في اي مكآن مو عارف من فين دول بيطلعو قصي مصدوووم : ايش ساار فهمني مآلك بقله صبـر : خلاااص إنتا التآني ترا مو فايق لأحد قصي سكت شويا بصدمه طالع في البنت رفعت اكتافها بقله حيله : خلاص خلاص مو مشكله امشي اوصلك مآلك مشي قبالهم بصمـت وقصي همس لمروى: ايش سار ! : مدري ومشيت ورا مـآلك اللي كآن يمشي بخطوات ثقيـله اما قصي كآن حيمشي الا دعس على الجواز نزل بجسمه اخدو وماستوعب ايش الهرجه انتبه للصور المشعتره لمها بسرعه , دخلها جيبـو بالقوه ومشي بااتجاههم ..!!! كآن وضـع صممت غريب مارضي يروح لأي مستشفى وماأصر عليـه قصي مروى ركبت لسيارتها وقالت لسواقها يرجعها البيت وهيا نفس حال قصـي مو فاهمه شي لكن تختلف عنـه بالمشاعر يوم مر عليهم بدا الشكل مستحيل ينتهي .. مستحيل تغفالهم عين .. فراس مآزال ينتظر قصـي وجميع الافكار حتوصله للجنون .. مآلك مستلقي على السرير باانكسار واضح صبـآ في احد الأماكن الرخيصـه مروى حآله ارق توتر قلق تفكيـر .. قصي واقف امآم فله خاصه دق الانترفون ودقايق انتفتحلو البوابه ومن غير مايتكلم مع احد اتوجه لأحد الغرف فتح الباب ونـآم .. الوحيد اللي نآم ببآل هادي .. وأشـرقت الشمـس .. دار جسمـه وحس ببروده اللحاف استوعب انه بغرفتـه فتح عينه وابتسم لاشعوريا .. يعشق لما ينام هنآ جلس واتمطع بكل كسـل .. بكل ارهآق .. خرج من غرفتـه عارف حياته ماشيه بالملي الساعه 9 الصبآح دا موعد فطوره .. وضحك بصوته الشبه نايم لما لقاه جالس في مقدمه الطاوله وبيفطر .. بجامته الكحليه الحرير شعره الاسود المغطى بعضه بالشيب الابيض وذقنه نفس الشي .. فطوره مرتب بعنآيه قدامه الشاهي لازم ياخد حيز في المكآن : صباح الخير حط كبايه الشاهي : صباح النور .. اتوجه قصي للطـآله سلم على راسه وبعدها سحب كرسي وجلس عن يميـنه : اتوقع ادوك خبر اني جيت امس : ايوا قصي سحب الاوراق الي بجيبه وحطها على الطاوله : كآنت امس مع مآلك وبدون اي اهتمام قصي صبلـو شاهي وبدأ يفطر اخد الجواز والأوراق وملامح الصدمه بدات تزيد بوجهه : سار شي بينكم ؟ قصي ياكل ويتكم: لا شكلو في احد اتهجم عليه بس ماحبيت اضغط عليه كتير قلت بعدين افهم منو : طيب كويس .. لاتطول هنآ مابى مشاكل قصي : ماعليك شويا راجع بس اشتقت للبيت _ صمت ثواني وبعدها قال _ جات حتى اختو كأنهم أغراب كل واحد في حاله : أكيد عندها خبر بللي سار معاه قصي : ماتوقع لأنو مشي وهيا مو فاهمه شي : اها ... اهم شي خليه تحت عينك دي اليوميـن ماباه يتحرك الا وإنتا وراه قصي حرك راسـه بدون اي رد مو عارف كيف حيرجـع البيت ايش اللي حيسير بينه وبين فراس استمر بالاكل بس واضح باله مرا بعيـد يستخدم العنف معاه ..ّ! رفع حاجبـه وشرب الشاهي دا انسب حل عشان يخرج كسبان وثواني ورحآب دخلت بين افكآره وابتسم اما " همآم " اللي في مقدمه الطآوله سند جسمه على الكرسي بيشوف نهايه دا الآدمي اللي تعابير وجهه فاضحتـه : خير .! طالع قصي بسرعه فيه : ها بيعدد بااسلوب مو عاجبه : كشريه .وبعدها ابتسامه ايش بك قصي رفع كتفه : مافيا شي قرب للطاوله وقال بتحذير : ايش حكايتك مع فراس قصي للحظات حس قلببه حيوقف : ايش فيه ! واحد ساكن معايا ! : له لزمه تدخل وتخرج كتير معاه .! له لزمه تتعرف على بنات المنطقه كلهم ..اسسمع كلامي مزبوط إنتا اللي حتندم نهايه اللعبه .. لاتنسى انتا ولد مين .. لاتنسى أصلك ساب الأكل اللي بيده قال بحقد : هوا انا كل ماحجي حتقولي دا الكلام همام : إنتا عارف اني خايف عليك وشايفك اخد راحتك وخلوك تنسى نفسك لحظه صمت من قصي عينه تنطق بكلام كتير تهديد سب كل شي مرسوم في عدسه عينه المركزه على الشخص اللي قباله مرسوم في حاجبـه المشطوب ومرفوع بطريقه تهديد واضحه بس ماتكلم صوت الكرسي طغى على المكآن لما اندف بعنف على ورا أنسحب من المكآن بدون اي رده فعـل .. اما الشخص التآني اتنهد بقلـة حيله .. حيطنشـه وماحيبرر كتيـر .. سامعه اصوات ازعـآج ... اضائـه قويه متسلطه على عينها بتحلم .؟! راسها تقيـل الاصوات حوليها بتزيـد بدأت تفتح عينهابشويش ورفعت يدها بثقل على عينها تحميها من اشعـه الشمس ..! ريحه غريبه وقويـه منتشره بالمكان ..! رفعت جسمها وتتأمل حوليها غرفـه فيها اثاث خشبي اثار الزمن واضح عليه ..! الجدار الابيض عليه عبارات مرسومه في كل ناحيـه رسومـآت احترافيه بعكس الخرابه اللي قاعده فهيا دقات قلبها تتسارع ومو قادره تستوعب هيا فين !! اصوات مو عارفه من فين مصدرها ..! طيب ايش اخر شي سار معاها ّ!! ايش اخر موقف عاشته ايش اخر شي شافته قبل لاتكون هنآ !!! حاولت تقوي نفسها وقفـت تمشي بااتجاه الباب المغلق ...؟ ولا الطـآقه الخشبيه القديمه المتسلل منها الشمس بطريقه مزعجه !!! موقف تقيـل لدرجه انها واقفه في مكآنها ومو قادره تتخد قرار بسيط زي كدآ تحرك راسها بااتجاه الباب وخايفه من اللي وراه وترجع تطـآلع في الطـآقه وتحس بخوف احد يشوفها !! نزلت يدها على جيبها تدور جوالها ..! بس ماكان في الغرفه اي شي يخصها اتوجهت بااتجاه الطـآقه فتحتهاووسعت عينها ورجعت خطوى لورى صدرها يطلع وينزل بطريـقه سريعه رجعت قربت تـآني وتشوف النـآس تمشي في الممر الضيـق بشتى احجامهم وألوانهم واختلافهم شي واحد يجمعهم فقرهم .. حـآره قديمـه ..! مكآن اول مرا تشوفـه وشهقت بصوتها لما سمعت صوت كاسات اتكسرت بنفس البيت ولحقها صوت صرخه وحده : إنتتتتي عميــه كآنت حتطيــح من طولها من الخوف اللي عايشته بدي اللحظه..! مو شايفه احد بس خااايفه .. هيا فيين ايش جابها هنا ايش سرلها اخر شي مو قادره تتذكر اي شي بس كل الي عارفته انو مكآن غريب عليها صوت تنفسها ورا بعضـه دموعها تتجمـع واقفه فمكآنها متصلبـه وبدأ صوت الحرمه يقرب من غرفتـها وبدأت تشوف الظل من تحت الباب قلبها حيوووقف شدت على اياديها دموعها نزلت ومقبض الباب نزل على تحت الباب انفتح بطريقـه مزعجه لكن مو باإزعـآج الافكـآر اللي بتترمي في راسها بدي اللحظه وكل شي اتوقف براسـها اول ماشافت الحرمـه .. بقميصها الابيض المخطط باألوان بعيده عن ا لتنآسق ربطـه سماويـه مغطيه فيها مقدمه شعرها : صح النـوم كأنها تمثآل ولاحركه صدرت منها غير دموعها اللي تنزل بصمت على خدها اتنهدت بتعود اشرتلها : تعالي تعالي ورايا خرجت من غير ماتستناها تلحقها .. وكأنه واثقه انها حتجي وفعلا مرت دقايق على " صِبَآ "وبعدها مشيت بخطوات ثقيله وقفت في الصـآله الحرمه قاعده على الارض ومتربعه وتفطر بنت في عمرها جالسـه على الكنبه وفي يدها كراسه كبيـره وبترسم كلهم ادوها نظره سريعه وانشغلو تآني وهيا مازالت مصدومه ..!!!! رفعت يدها مسحت دموعها اسئله كتير في راسها بس كل اللي قالته : إنتو مين ؟! عينها انتقلت عليهم الاتنين بس محد طالع فيها كأنها ماتكلمت عادت بشك : سامعتني ؟! الاتنين طالعو فيها كأنهم موقتين نفس الملامح بس الكبر طاغي على وحده فيهم نفس السواد تحت العين الفوضويه بشكلهم سابت الخبز اللي بيدها وقالت بتملل : اجلسي اول ماخلص فطوري ارد على اسئلتك _ نزلت عينها وكملت فطورها ورجعت طالعت فيها _ ولا تعالي افطري لو تبي حركت راسها بالنفي واقفه ف مكآنها ولااحد عبرها طول العشره الدقايق صوت وحده بتآكل باازعاج والتآنيه ترسم بكل صمـت واول ماخلصت اكل وقفت مررت يدها على قميصها تمسح يدها اشرت لصبا تلحقها وبرضو مشيت بنفس صمت اول وصلت للغرفه التانيه والاخيره بدا البيت اشرتلها على السرير جلست واول ماقفلت الباب صبا بدات تعيش بتوتر نفسي قاااااتل اتوجهت للدولاب فكتو خرجت شنطـه سودآ .. ورجعت جلست على الكرسي اللي قبال السرير بينهم بزبط تلات خطوآت : حقولك اللي نبآه منك او اللي هما يبوه منك ..انا مجرد وحده ياحنهي الموضوع ياحنخليه يستمر وكل واحد بعدها يروح بطريقه .. صبا حركت راسها بمعنى ايش هوآ وريقها نااشف.. :عندك حليـن ياتوآفقي يا _ سكتت شويا بعدها دخلت يدها بالشنطه وبدأت تخرج سكاكين بااحجآم مختلفه وترصهم على الطاوله الدائريه اللي على يمينها _ يازي ماقلتلك كل شي ينتهي هنآ صبا وسعت عينها بصدمه وعينها على اصوات السكاكين وهيا تحطها بعفاشه على الطاوله الحديده فيه بعضها عليها اثار دم فيه بعضها شكلها مرعــب وكأنها حق نحررر شدت يدها على السرير تبا تتكلم مو قادره اتلكلكت الكلام ضاع : آنـ ..ايش ايش تبي ماتكلمت رصتهم وبعدها سارت ترتبهم بعنآيه وراسها مايل لليمين وكأنها ترتب الماسات ثمينه والغرض الضحيـه اللي قدآمها توصـلها للمرحله اللي تباها وجهها مايل على اليمين بااتجاه الطاوله حركت عدسه عينها بس بااتجاه صبـآ بطريقه تفجع وبعدها دارت راسـها بحركـه هاديـه ...جدآ هاديـه : شي بسيط حتسويـه حتتبرعي بكليتك _ عادت جملتها وكأنها اتلخبطت _ لا لا اقصد حتبيعي كليتك وحيديكي المبلغ اللي تبيه وتروحي بطريقـك _ رفعت كتفها وكأنها تسهل الموضوع _ ويادار مادخلك شر مو عارفه ايش تقول دموعها بس في عينها وبس قلبها حيوقف من كتر مايدق وشهقت بخوف اول مامدت يدها الحرمه بااتجاهها وتبا تسلم : معليش ماقلتلك انا عفاف بككككيت ماتحملت الموقف ماتحملت برود الادميـه اللي قدامها قالت بصوت متقطع : أمــآنه ايش تبي مني اطلبي اللي تبيه بس خليني اخرج من هنآ عفاف نزلت يدها تطـآلع في صبا وهيا تبكي قالت بااستغراب : قلتلك طلبي عشان تخرجي اختفى صوت بكآها مافهمـت ..! من جدهآ تطلب منها جزء من جسمها ..!! عفاف : ليش مصدومه ..! تبي تطولي الموضوع ولا نقصره وننهيه هنـآ ومدت يدهاعفاف بااتجاه السكاكين ورفعت صبا اياديها الاتنين اللي ترجف : قو ..قوليلي ايش تبي وحسويه والله والله حسويه عفاف ابتسمت واترخى جسمها : حلللو ... بس ترا لو فكرتي تبلغي حيجيبوكي من تحت لارض وتندفني بسابع ارض صبـآ بصوت يرجف : اسمعي لو تبو فلوس حكـ عفاف ضحكت واختفى صوت صبا بخوف : هههههههه انا طلبت فلوس ؟! إحنا اللي حنديكي فلوس حتاخدي مقابل تعبك واللي اعرفه _ رفعت حاجبها _ انك محتآجه حيدوكي مبلغ تقدري تستاجري فيه بيت وتعيشي حياه طيبه بما إنو ماعندك أحد لاتستوهني بالموضوع لكل شي أرباحه ومجرد كليه وحده منتي بحاجتها بس غيرك يحتاجها اعتبري انك بتتبرعي لوجه الله وحيعيش احد بسببك صبا اشرت على نفسها بخوف : انا اخاف من العمليات اطلبي اي شي والله حسويلك هوآ عفاف : على اساس اي احد يدخل غرفه العمليات يكون مبسوط ؟..عادي شعور انك تخافي حيختفي بمجرد مايدوكي جرعه المخدر ماحتحسي بشي ..المهم انا مو جايه اقنعك _ مسكت جوالها _ تبيني اقولهم انك موافقه ونروح نسوي دحين التحاليل ولا اقولهم لا ..؟ موقـــف مجنون ..ّ! مابين الاستيعاب وعدم الاستيعاب تقول ايوا وماتدري ايش حيسير بعدين ..! ولاتقول لا واحتمال تموت بدي اللحظـه ..! حتدي نفسها شويـه وقت اشرت براسـها بالإيجاب ومو عارفه حركت راسها دي لفين حتوديـها .. بس اهم شي حاليا تقدر تخرج من دا المكآن .. لابــس للبس المستشفى ومآجآه النوم من أمس .. يطالع كل شويا بساعته ومستني بس قصي يدخل بس لدحين ماجاه ..! يبلغ عنو ..؟ لأول مرا مايعرف يتصـرف لو شافو أساسا ايش حيقولو .؟؟؟ رفع جوآله " اتصل وابلغ واخرج نفسي من المشكله " دق الرقم وحيشتكي وقفل على طول نزل يده في شي مخليه متردد كتتتتير للللللليش لساته يحس انو متعاطف معاه ويبا يتوآجه ويكلمو يبا يضربو يصرخ عليـه بس يبا يسمع مبرره وقـف بتشتتت وباين التعب بملامح وجهه .. " دخلت وهوا قاتل واحد مو بعيد يقتلني انا كمآن ايش ابا اسمع منـو !! " رفع الجوال واتصل على الرقـم .. وللمره العاشره مايعرف ايش يقــول ويرجع يقــفل ... سحب محفظتـه وخرج من البيت حيروح للدوآم يمشي على الرصيـف بتشتت كل اللي استنتجه طول الطريق وهوا يمشي انو حيواجه قصي ..وبعدها حيبلغ عنـه .. بس مو قادر يبلغ عنـه بدون مايتكلم معاه بدون مايسمعلـو .. عارف انو اهبل .. وانو بيفكر بعاطفـه بشكل مو طبيعي .. بس مو قااادر يتصرف بجنون مو قادر يخرج من راسـه الانسـآن اللي كآن له صاحب وأخ طول دي الشهور وفي اقل من كم سآعه اتحول لإنسـآن تآني .. دخل المستشفى وكآن عآلم تآني .. وماأساه امـس رجعت في بآله دخل باإنكسآر عكس دايما دخل راخي راسـه وماله نفس يطـآلع باأحد " الضميـر شي جميـل لمن يملكـه .. حتى لو جعلك اضعف شخـص " اول شخص جات عينه بعينه كآن الدكتور راكآن .. لكن كأنو ماسار شي امس وبدأ يومـه بالراوند الطبيعي بس عقلـه مو معاه يدخل على كل المرضى ويبدا الروتين المعتاد مع طلاب الامتياز والاخصائي رآكآن وهوا في عآلم تآني راكآن كل شويا يطآلع فيه ومو قادر يتكلم معاه لو غيره كآن طرده لكن مايبا يحتك معاه على دبـآبه وبيمشي بسـرعه مجنونه عينه بس الواضحه من خلال الخوذه .. " لاتنسى انتا ولد مين .. لاتنسى أصلك " " لاتنسى انتا ولد مين .. لاتنسى أصلك " " لاتنسى انتا ولد مين .. لاتنسى أصلك " الجمله حااارقتـه خانقـته .. وصل لوجهتـه بس مو قادر يتعامل مع اي احد يقرب من الكآفي ويرجع يبـعد حيخسر عملـه لو دخـل ماحيتحمل أوامر احد واقف في مكآنه ويفتح قبضه يده ويقفلـها يتنفس بصوت مسموع وجهه مايل للإحمرار خرج كل الهوى اللي جوتـه ودخل للكآفي دخل مباشرتآ للغرفه اللي يلبس فيها المريله وخرج بنفس الهدوء لأول مرا مايتكلم مع احد ملامحه كلها شر امـآ في الدور اللي فوق الكآفي تمرر الفرشـه على شعرها " ماحكلمو .. ماحدخل حتى الكآفي .. في كل مرا بيجرحني ولساتي غبيه مديتو مجآل يكمل " انتهدت بقهـر لمت شعرها بطريقتها المعتآده قفلت ازارير بلوزتها الرسميـه وعينها على المرايـه تتأمل شكلها من غير نظاره لا لا مابتتأمل هيا مو شايفه شكلها بدون نظاره غباااااش وبس خلصت من اخر زر واخدت النظاره ولبستها .. وكل شي وضح بعينها .. مافي شي غريب بشكلها متعوده على ستايلها دا تستحي حتى تتجرأ تفك شعرها او تغير ستايل لبسها نظارتها تستحي تنزلها عن وجهها ترسم حوآجبها وترجع تمسح بسـرعه تحط روج وتمسحـه تخاف احد يقولها تبي تلفتي احد تخاف احد يستهزأ فيها او بشكلها مو واثقه بنفسها هيا عارفه دا الشي وتخفي كل شي ورا نظارتها وكتبها اللي بتشيلها كل مكآن .. فتحت باب غرفتها البيت هدوء اتوجهت للصاآله وشافت ابوها : صباح الخير ابتسملها وهيا ابتسمت لما حستو بعقلـو .. طيب برغم اللي يسويـه بنفسو : صباح النور على فين رفعت الكتب : على الجامعه : طيب اتعالي خرج محفظته وهيا قربت منو : انزلي جيبي لأمك قهوه وقوليلها من الحب ضحكت غصبا عنها : انتا عارف انها ماحترضى مد الفلوس : روحي دحين جيبي وبعدها انا اتفاهم معاها بس خلي شياطينها تهجد : سبحان الله تسوي المصيبه يابابا وبعدين تقول ش وقبل لاتكمل رفع الركازه بيضربها : اااااقول وشردت بسرعه بااتجاه باب الشقـه .. عيله غريبـه 4 ايام مضاربه و3 ايام سلام نزلت الدرج وكل مالها تختفي ابتسامتـها يعني حتى باليوم اللي قررت ماتروح رايحه غصبا عنها دخلت الكآفي طلبت القهوه وفضلت واقفه ومبسوطه انو قصي مو فيـه .. كالعاده حركاتها كتير وهيا تستنى من التوتر ترجع خصلات شعرها ورا اذنها تمسك الخرص ترفع النظاره بصباعها مو عشان قصي لا هيا تتوتر من التعامل مع النآس .. اداها العآمل قهوتها والتـآني خرج من الغرفه وشافت انعكـآس قصي بالغرفه جالس على الكرسي ومخلل اياديه بشعره ويحرك رجوله بطريقه سريـعه عينها اتعلقت باانعكاسه لين ماترد الباب بطريقه تلقائيـه لوحده .. اتحركت من مكآنها بصدمه واضحه بوجهها قلبها قبضـها .. خرجت من الكآفي وراحت لشقتهم .. بدون عقـل ادت لأبوها القهوه وخرجت بااتجاه الجامعه جلست على الكراسي وهيا تستنى الباص .. مو قادره تطنش خرجت جوالها وكلمتو إنستا استنت دقيقه دقيقتين وكأنهم نص ساعه اتصلت على طول تمرر يدها على شفايفها بتوتر ورجولها ترجف مرتين كلمتو صووت .. امـآ في الغرفـه مو عارف ليش الموضوع نرفزو واحد جاه يستهبل ويطلب ويكنسل في الطلب حس انو حيخنق الرجآل حس انو حيقتله قدام الكل هادي ودايما يضحك بس لما يوصل لمود الشر اتفه شي يعصبـه نكشه بسيطه ممكن تخليه يرتكب جريمـه خرج جواله من جيبـه ولحظه يطـآلع بالاسم " الثقيله " هيا بنفسها متصله ..!!! حيطنش .؟ ثواني عدت ومازال يطآلع بالاسم وبعدها اتنحنح سند جسمه على الكرسي ورد : هلاا قلبها تحس كل اللي حولينها سامعينه من كتر مايدق وجهها فضحها من اول ماقال هلا انصبغ باللون الأحمر ..: أهلين سكت وهيا سكتت وبعدها قال بااستغراب : غريبه متصله قامت من مكآنها مو قادره تتكلم وهيا جالسه : اقفل ؟ ضحك لاشعوريا : ماصدقتي على طبق من ذهب جاتك ابتسمت وتمشي بااتجاه الحديقه الفاضيه : إنتا كمان اسلوبك سيئ بعدت الجوال وتحرك يدها بالهوى وتاخد نفس ماتعرف كيف تجيها القوه تتكلم زي كدا شايفه نفسها جريئئئئئئئئئئئئه لأبعد مستوى قصي : معليش محسوبك مو متعود يتكلم بزوق ضحكت بهدوء : ترا والله لو متصله بوقت غلط اقفل عادي قصي وقف : دقيقه اخرج من الكآفي واكلمك ببلاهه ردت : اووه معليش نسيت انو موعد دوآمك قصي : لا عادي اساسا خارج ماليا خلق : اها طيب قفل منها وهيا سارت تنطنط في المكآن لوحدها وتضحك تبا تصرخ تباااا تحضن الشجره ايش تسوي مو عارفه تبا تقول لأحد انها اتصلت عليه ونسيت انو هوا مضاااايق بس اهم شي حاليا انها اتصلت وحيخرج من الدوام عشان يكلمها .. وسعت عينها بصدمه لما انتبهت للباص رااح .. طالعت بالساعه كآنت حتروح المكتبه وتقرا ,, ودق جوآلها وردت على طول وفكها يوجعها من كتر الابتساامه .. وجاها صوته الحاد : ايوا : هههه انتا مغصوب تكلمني قصي ابتسم وكمل مشي بدون اتجاه : ربي يرسلك ليا وقت ماحتاجك دايما انكتتتمت , كآنت تتحرك بس وقفت قصي : ايش خلاكي تتصلي راحت كل جرئتها وبدأت تلكلك : عـادي ..يعني ..ايش فيها قصي عقد حوآجبه : ايش بك ! عدلت نظارتها وحاولت تكون منآل الطبيعيه : لا ولاشي يعني _ ماعرفت ايش تقول فاتكلمت بهجوميه _ ترا والله لو تباني اقفل حقفل عادي قصي : هههههههههه انتتتتي ايش بكك تبي تتضاربي دحين ليا شهر احاول اتصل عليكي ومو مخليتيني وفجأه اتصلتي ...ابا اعرف السبب ..خلاص ماتبي تهرجي لاتهرجي منآل :ايوا مابى اهرج قصي مصدوم متصله وتبا تتمشكل !: هههههههههه يابت انتي مجنونه منآل ضحكت ومو عارفه كيف تنهي دا الحوار ماعندها سبب تقوله لإتصالها بما إنها كآنت ضد المكآلمات : يعني خلاص اتصلت اتقبل الموضوع قصي : اووه وانا بمزاجك ..؟ منآل جلست على الكرسي ابتسامه شر اترسمت على وجهها شعور حلو محد يشوفك و يعرف شكلك, طبايعك ,عيلتك تاخدي راحتك بالكلام تخرجي عن المألوف قالت بفرض عليه : إن كآن عجبك قصي وقف مشي رفع حوآجبه الاتنين بصدمه ..! كآن معتبرها صددديقه ويعزها مرا حاليا بدأت تستفزه دوبه استوعب انو ماشي معاها على مزآجها قال بشك: إن كآن عجبك ؟ وترها : ايوا انا ماحب اضغط على نفسي بشي لما احس ابا اكتب حكتب ولما ابا اتصل حتصل قصي : اها !!! وانا الطرطور اللي يستنى اي شي منك ؟ ضحكت من قلبها باين انو عصب : ههههههههههههههههههه وقبل لاتكمل قصي قال : وربي اللي شافعلك ضحتك حاليا منآل بدات تخف ضحكتها من الإحراج سحبت كلامها عشان لاتزعلو كالعاده : ترا امزح اتصلت لأني _ ضيقت على عينها وتبا شي سريع بعدها قالت _ أأأ .. إنـ .. _ بااندفاع _ اوووف مافي سبب اتصلت لأني ابا اتصل قصي : هههههههههههههههههه تبي كذبببه قاعده تدوري عليها من اول مو قادره تطلع معاكي منال قالت بااحراج : المره التانيه حفكر بكدبه قبل لاأتصل قصي سكت شويا وبعدها قال : المره التانيه ماحسئلك ليش اتصلتي لحظه هدوء وهيا تحرك رجلها على العشب الاخضر وحاسه بحراره بوجهها قصي دخل ماركت اخدلو مشروب غازي وخرج منآل : غريبه خرجت من دوآمك بدري قصي : ماليا خلق اداوم منآل : ايش قلب الحآل دايما تروح رايق قصي : اكون سكران منآل بصدمه وصوتها وطته وكأنه خايفه احد يسمعها : من جدك ؟! قصي دوبه كآن بيشرب اللي بيده إلا ضحك بصوته : ههههههه _ اتكلم زيها بنفس النبره _ لا ياهبله منال حست بنفسها عدلت نبرة صوتها : فجعتني وي قصي : هههههههههههههه ..وي !!! ايش شغل العجايز اللي انتي عايشته منآل : من متى دي الكلمه سارت حق عجايز قصي : ماكنت اسمعها إلا من ستي الله يرحمها منآل : سبحان الله مختم فتيات المجتمع كلو وماسمعتها الا من ستك قصي : ههههه ليش تقوليها بقهر كدا منال : بتكلم عادي قصي : ها فيه احتمال اشوفك منال : لا قصي : ترا بجد بديت امل من دا الوضع منال : خلاص طيب لاتكلمني قصي : ههههههههههههه_ سكت للحظـآت _ تدري مين شايف قدآمي منآل طالعت حوليها ماتدري ليش انفجعت وعدلت جلستها : مين قصي : رحاب منآل عقدت حوآجبها وماستوعبت : ها ؟! قصي : ديك اللي حكيتك عنها وعزمتها قالت بصوت قريب للهمس : اها قصي لحظه صمت وعينه تتامل رحآب قدام باب العماره وهيا تطآلع يمينها ويسارها : بعدين اكلمك طيب بصوت اقرب للإنكسـآر: طيب قامت من مكآنها فاقت لوآقعهآ .. هيا الصوره السيئه اللي مايحب يطآلع فيها .. بس ممكن تكون الصوت اللي يحب يسمعو والعقليـه اللي مايمل من الكلام معاها .. وقـف في طرف الرصيـف مستني السيارات تمر بس عينه على الشارع المقـآبل على ملامح وجهها ابتسم لما ابتسمت وعينها على الاطفال اللي مشيو من قدامها وهما يتضاربو كشرت بابتسامه لما واحد منهم ضرب التاني بمزح ملامحهــآ أسرت قلبـه من اول ماشافها .. انثى تجذب القلب بعنــف مو سايبتله مجآل يفكر مع إنو يفكر دايما يتعمق بالتفكير في كل شي بس دي كدا دخلت من غير إحم ولا دستور .. قطـع الرصيـف وقبل لايوصـلها جات عينها بعينـه واضح انها اتوترت وهنآ وثق بنفسه زيآده وقف قبـآلها : كيفك .. رجعت خطوى لورى تبعد شويه عنه : تمام ..إنتا ماشالله في كل مكآن موجود : أديني فرصه وحطلعلك باأحلامك كمآن رفعت حاجبها بصدمه وهوا استوعب : ههههههههه بمزززح .. انا انسان بدايتي مع اي احد تكون سيئه فحاولي ماتفهميني غلط رحآب : هههههههه ححاول ..امم طيب تعرف فين القى اقرب مكآن _ رفعت الاوراق اللي بيدها _ اقدر اطبع فيه دا الورق عقد حوآجبه دار راسه لليمين ودوبو بيأشر ويشرحلها الطريق بس بعد حرف الالف المتككر اتراجع طالع فيـها : ينفع أجي معاكي عشان لاتوهي ؟! عينه بعينها يستنى جوآبها واضح بيتقرب وهيا فاهمـه بس ماقدرت تقول لا مرتبـكه نظراته تربـك حركت راسها باإيجاب لما صوتها خانها ومشيـو مع بعض .. وأمس بنسبه له شي تآني وصبـآحه شي تآني وقبل ربع ساعه مع منآل قصه تآنيه ودحين عالم تآني يقدر يرتب الفوضى اللي براسه وكأنه مابيسير شي فحياته .. صدمــه ... هدوء قاتتتل ..جسد برغم الكدمآت متكي على الكنبه السودآء ساعات وساعات تنقضي يعقـد حوآجبه وعينه متمركزه على الطاوله .. يتذكر اللي سار امـس ويرجع يبلع ريقـه وكل اللي بيستوعبه انو حلـم يرفع يده يطآلع في الإحمرار يضغط عليه ضيق على عينه اليمين من الألم .. 5 ساعات مرت وهوا على الكنبـه بدون ماتنزل دمعـه تعابير وجهه اللي تتغير بهدوء , صوت تنفسـه , وصوت عقآرب الساعه دا الشي الوحيد في المكآن أنتبه لجواله ينور باأسم " مروى " بس مارد ايش بيفكر .. ايش بيحـس .. ايش يبا يسوي ولاشي .. مو عارف شي غير انو قلبه يوجعه كل ماياخد نفسـو وبس .. في ماكان تاني تمر بنفس حاله الصدمـه بس ردة فعلها غير رايحه وجايه بالغرفه صوت بكاها مستمر فتشت كل الدواليب تبا وسيله اتصال تبا شي تدافع فيه عن نفسها اتوجهت للطآقه فتحتها ترمي نفسها ..؟! سحبت الكرسي الخشبي طلعت فوقه قربت من الطـآقه ثبتت يدها اليسار في الجدار ويدها اليمين من النآحيه التآنيه صدرها يترفع وينخفض بطريقه سريعه غمضت عينها وثواني ونزلت من الكرسي وبكييت باإنهيار حتموت ... في كل الحالتين حاسه انها حتموت مو واثقه فيـهم ..! جلست وضمت رجولها لصدرها .. الشي الوحيد اللي تقدر تسويه انها تشرد وقت التحاليل .. او تحاول تسرق جوآل اوشي تقدر تتصل فيه على ابوهـآ حاليا راضيه بحياتها مع مرت ابـوها راضيه بذل والإهانه ولا بالرعب اللي بتعيشه بدي اللحظات سمعت صوت عفاف بيقرب قامت بسرعه قفلت الطاقه سحبت الكرسي بعيد مسحت دموعهاوتستنى صوت المفتآح ينفتح وبعدها انفتح الباب : يلا جات السياره جمله خلتها تحس انها تبا تطيح ومو شايلتها رجولها كل شي فيها يتنآآفض ترمش وبس بحزم : دلع زااايد انا ماأحبو حتمشي ولا كيف مشيت بعكس تسارع دقات قلبها اول ماوصلت لحد عفاف عفاف مسكتها من نص ذراعها وسحبتها قدامها فتحت باب الشقه وصدمتها لما شافت واحد حجمـه ضعفهم بمرااااحل ولابس سكراب مستشفى .. عارفين انو احتمال تبا تشرد عارفين انو ممكن يخسرو صيده زي كدا لو اهملوهآ أتلاشت كل الافكار اللي براسها وهيا تسمع بس أوامرهم وتحس انها رايحه برجولها لحبل المشنقه .. يحرسوها وكأنها قطعه نادره تنزل الدرج ومو متذكره كيف طلعتو نزلت للحواري وواتوجهه للسياره وصبا محاطه فيهم ركبت السياره ودموعها بتزيد عفاف عن يمينها واختها فريده عن يسارها .. ورجالين في المقدمـه .. دارت راسها بااتجاه عفاف تبا تترجاها بس لو اترجتها حيتغير شي ..؟! رجعت طالعت في مقدمه السياره وعينها ع طريـق حتصرخ اول ماتوصل لمكان عام حتشرد حتسوي اي مجنننون الترجي ماحينفع معاهم رفعت يدها ومسحت دموعها بدأت تقوي نفسـها .. تقدر تدافع عن نفسها ضعيفه صح بس الضعف بدي المواقف ماحيفيدها نص ساعه في زحمـه الطرق وفي سرحانها وفجأه وقفت السياره بطرق مختلفه تمآما عن الحواري اللي كآنو فيـه السيارات مرصوصه بطرق منظمـه الشوارع فاضيه ومباني المستشفى مصمه بطريـقه تميل للفخآمـه إحساس راحـه ماتوقعت حتروح لمكآن كبير بدا الشكل مكآن لو فكرت تسوي شي الكل حيطالعو فيـها .. دار الرجال جسمـه وحط المسدس بالمنتصف ومتوجه عليها كلمآت بصوته الحآد نزلت على مسمعها زي الرصاص : اسئله زايده , كلام برا الموضوع , خطوه بعيده عني , نظرات ترجي .. كلها حتنهي حيآتك _ دخل يدو بجيبو وخرج فلوس كثرتها فجعتها _ دي اول دفعه تستلميها بعد التحاليل ..والباقي بعد العمليه ..فاهمه .؟ إللي قاعد يسير حآليا مو حلم .. هيا ضحيه زي عشرات الاشخاص إللي عاشو دا الإحساس واضطرو يسكتو عشان يعيشوا .. في حياتها ماعرفت انو في أحد ممكن يطآلب بدا الشي تحت تهديد السلاح في حياتها ماسمعت او قرأت او بحثت عن موضوع زي كدآ زي الدميـــه على مسرح كبيـر تحركهـآ الخيوط المتصله باأصابع شخص اكبر منها أكبر منها بكتير تمشي غصبا عنها بس بدون ضغط من احد خلفها هاشم وجمبها عفاف اللي يطالع فيهم من بعيـد مايحس فيه شي غريب كتير شكل صبـآ يمكن مريض او وصلها خبر عن مرض يخصها شكلها مو مريب في دا المكآن .. انفتحت البوابه القزاز واصوات الناس اندفعت لها زي الهوى البارد اللي لمس جسمها بنفس اللحظه .. يمشو بااتجاه الرسبشن وقفت معاهم وتشوفهم يدو للموظف هويتها !! ويسجلو بياناتها ريقها نااااشف تبا تصررخ بس خاايفه من ردة الفعل خايفه من كل شي مو قادره تستوعب اي شي ممكن يسرلها بالخطوه التانيه كل اللي بتسويـه الطااااعه وبس لكن بدأت عيونها تفضحها من كتر مابيفجوعها وهما يدو بياناتها وكأنهم عارفينها .! بدون مايلجأولها ..! واول مانزلت دموعها فجأه سحبتها عفاف وبعدتها عنهم قالت بهمس بس بحده : ليش بتبكي دحين صبا ضيقت على عينها بضعف ودموعها نزلت : والله مو قادره اسوي اللي تبوه قلبي حيوقف ..أمانه مابى افضحكم بس خلوني امشي _ قربت من عفاف وتترجاها _ خليني امشي وماحنسالك دا المعروف و وقبل لاتكمل عفاف وسعت عينها وشدت على كلامها : اننننكتمي نخلص تحاليل وبعدها نتفااهم بس فضحتها صبا بشهقاتها اللي ماقدرت تمسكها بدي اللحظــه بدأت تلفت الانظار وهنـآ عفاف خافـت بس تعرف تتصرف حضنتها عشان تخلي الكل يفسـر شي عقلاني وبدأت تهمسلها : لاتحفري قبرك بيدك _ زادت همس وجسم صبا يتقشعر من تنفس عفاف في رقبتها وكلامها المفجع _ إنتي دحين تحت يدهم كملي اللعبه واخرجي بفايده ولا انهيها وريحينا من بدري بعدت عفاف عنها وهيا حاطه اياديها على ذراع صبا وكأنها تهديها وكملت : ماحتخسري شي لو كملتي _ قالت بثقه _ خديها كلمه مني شتت صبا بجملتها الاخيره كآنت غريبه جمله فيها صدق او خوف مو عارفه تفسر خلاصصصص ضعععف في جسمها كلو وبـس وجآهم هشام مع اوراقهـآ وبدأت رحلتها في المستشفى ... من مكآن لمكآن تخطيط قلب اشعه صدر التراساوند للبطن والحوض والكلى ومآزالت زي الدميـه تمشي بدون أي ملامح على وجهها جلست في الممر ومستنيه الممرضـه تسحبلها عينات الدم .. ممر فااااضي مافي غيرها وغير هشام وعفاف .. اتوجهت عفـآف لهشام وواضح بدأ النقاش يسير حـآد بس مو واصلها شي غير تعابير وجههم وحركه ايادي عفاف ماكانت تفكر في شي .. لثواني كل شي في راسها متوقف عن التفكير .. فجأت اتوسعت عينها طالعت حولينـها وبدأت دقات قلبها تزيد شدت على أياديها الاتنين وضغطت على الكرسي حتحاول تقوم وتدخل الممر التآني هما منشغليـن ماحتستلم بسهولـه .. وفي لمح البـصر قااامت وجريــت وسمعت كلمــه : هيييييي لوحدها الكلمــه خلتها تجري بجننننون وخايفه بس تطططيح خايفه ماتحس الا بشي على كتفها ويوقفها عن الحركه كآنت تجري وحااابسه دموعها مو وقت البكى والضعف وقت انها تعتمد على نفسسها وماتفكر الا بشي واحد لو اتمسكت هيا انتهت ... جررريت وجريت ودموعها نزلت لما سمعت صوت عفاف انصدمت باأحد وبسرعه كملت طريقها حآآآسه بهشام يجري بس ماتبى تطالع وراها خايفه انها تضعف لو شافته وتططططيح الكل بيطـــآلع حراااميه .؟! سرقت شي اكيـد مافي تفسير منطقي غير كدا ولفت للمر وبدون تفكير دخلت للغرفـه المجاوره وسندت ظهرها على الباب وصوت تنفسـها ورا بعــض ودموعها تنزل بدون ماتبكي كل شي سود بعينها لدرجه انها شايفه انسان واقف قدامها بس مو قادره تركز في ملامحه مررت لسانها على شفايفها ضيقت على عينها وبدأت توضـح ملامحـه كل اللي حاسه فيه انو الباب ساند طولـها وفجأه اترسم بزبط شكل اللي قدآمها ولد شباب كآن بيغير بلوزتـه وحاشر يده بكم والكم التآني مع الفجعه رافعه ومو قادر يدخل يدو رفعت حوآجبها بصدمـه وهوا لف جسمـه وسار يتضارب مع البلوزه ونزلها بعنف طالع فيها وهيا مديته ظهرها وتفتح الباب بشويش وتطـآلع قلها بصدمه : ممكن اعرف ايش تسوي هنآ ! دارت ظهرها برده فعل سريـعه بينهم بزبط خمسه خطوآت ملامح وجهها فاضحتها عدسه عينها تتنقل على البطـآيق المعلقه على رقبتـه لحظـه أمـآن قالت بضعف : إنتا دكتور سؤال غبي .! رفع حوآجبه الاتنين وكأنه يقولها ايش رايك !؟!!!!! رجعت خصلات شعرها بيدها اللي تتنافض وكملت : آآ ..ابا اخرج من المستشفى .. فيه ناس يلحقو ورايا رفع حوآجبه اكتر ببلاهه وكأنه ماستوعب ..! نفسيتو تعبانه دي اليومين قصي مكفيـه دي كمان من فين طالعتلو : نعم ! صبا اتكلمت بخوف : حاول بس تخرجني وماحنسالك دا المعروف والله العظيم فراس : مين بيلحق وراكي ! صبا طالعت على الباب ورجعت طالعت فيه : أمانه خرجني وبس فراس رجع سكت بدأ يشك انها من قسم النفسيه خارجه وبتتهيأ ..! على اللي شافو امس بس برضو برائتـه مو قادره تترجم المحيط الجديد الللي اترمى فيه ..! قبل يومين رجآل انقلبت عليه المستشفى عشان يتخيل أولاده يبو يقتلوه .. وهوا أساسا ماعنده اولاد قال بهدوء : طيب تعالي معايا صبا بخوف : لا إنتا اخرج اول شوف فيه احد ولا لا فراس جا لحدها وهيا بعدت عن الباب وضمت يدها تحت صدرها راخيه راسها بس رافعه عدسه عينها بااتجاهه واضح انها مو طبيعيه شكلها يدل انو كلامـه صح .. فتح الباب وهيا وراه طالع ومافي غير ممرضتيـن رجع دخل : مافي احد صبا : طيب قولي من فين بوابه الخروج فراس : تعالي معايا وانا اوديكي صبا بتلكلك : طـ طيب لو لو مسكوني فراس سكت حك جبينه : دقيقه انا حسوي اتصآل وارجعلك خرج من الغرفـه اتصل على صاحبه بقسم الأمراض النفسيه سئلو لو في احد شارد بس مافي اي بلاغ قفل وسار واقف في الممر بصدمـه مو قادر يدخلها ! التفسير التاني حآمل وبتشرد من أهلها مايسيب مجآل لكلامها يدخل راسـه على طول حلل وطلعها كدابه للمره التآنيه بس دي المرا حيسوي اللي طلبتـه وخلاص رجع دخل تآني وهيا تاكل اظافيرها ونزلت يدها اول ماشافتـه: حوصلك للبوابه اشرت براسها بالنفي : لا اخاف يمسكوني برا : معليش بس مابيدي شي تآني صبا لحظه صمت وبعدها قالت : ممكن تديني جوالك اتصل على بابا دي المرحله حس حتى احتماله طلع غلط ماعلق خرج جواله فتح الباسورد واداها هوا وبنفس الوقت دق جهاز الاستدعاء في جيبه قفله بتوتر صبا بعدم تركيز دقت على الرقم حطت الجوال على اذنها وعين فراس عليها تنح في ملامح وجهها شعرها الكيرلي الأسود الملوم بعشوائيـه لورى وبعض الخصلات نازله من الجنبين على وجهها حوآجبها كثيفه ودا مدي لملامحها حده برغم صغرها ونعومتها .. رفعت عدسه عينها عليه وهوا شتت نظره ومرر يدو على البطايق المعلقه باارتباك ويقلب فيهم ومو عارف فين مختفيه بطاقتـه الأساسيه " عفوآ , الرقم اللذي طلبته لايمكن الاتصال به الآن " نزلت الجوال عن اذنها رجعت تدق الرقم تآني مو حافظه غيره وحطت بتوترالجوال على اذنها " عفوآ . الرقـ وقبل لاتسمع الباقي نزلت يدها حطت جواله على الطاوله القريبه والبكى الشي الوحيد اللي بيدها, بكيت بتعب فراس مو عارف ايش يسوي ..! بتردد : تبيني اتصل على الشرطه .؟ حركت راسها بالنفي : ابا اخرج من دا المكآن وبس فراس : طيب حوصلك لحد البوابه لأنو عندي حالات ومن اول المفروض انزل صبا : طيب بس ابا اخرج من بوابه بعيده عن البوابه الرئيسيه فراس حرك راسـه : طيب تعالي اخد جواله وفتح الباب وهيا خرجت بتوتر وراه طالع بشاشه الجوال ومحادثات الواتس اللي بتجي ورا بعض د. مها " فراس فينننك انا لوحدي بالقسم " " فراااس " فراااس " " ترا مو قادره اسوي شي ورطني وروحت " نزل الجوال بتوتر يكره الإهمال زفر بضيـق , ووقف بطريقه كل اللي في باله البنت اللي ماتت امس بسبب إهمالهم صبا وقفت معاه طالعت حولينها : ايش بك ملامحـه اتحولت للإعتذار : انا اسف لازم امشي ..معليش كنت ابا اساعدك بس والله في حالات حرجه ولازم اروح _ رجع خطوات لورا وهوا يأشرلها وماسبلها مجال تتكلم _ روحي على طول لنهايه الممر حتلقي مصاعد انزلي للدور الأول ولفي يمين _ بدأ يبعد ودار جسمه وسار يمشي ومايبى يطـآلع نظظظظره عينها بس كآنت تناديه بدون ماتتكلم خانها الكلام وماقدرت تقولو شي واضح من شفايفها اللي اتباعدت عن بعض بس مانطقت بشي لحظه ماتحركت فيها تشوفو يمممشي ويبعععد ثوواني واتحركت بصدمـه واضحه على وجهها كآن بيبعد بس طالع فيها وشافها تمممشي اكيد ندمآآآن بس لو سار شي في القسم المسئول عنـه حيندم طول عمره هوا مو مسئول عن دي البنت بس مسئول عن الحالات اللي يكون مشرف عليها وقفت المصـعد .. دخلت اختارت الدور .. خرجت بين الإزدحـآم ..لفت يميـن وشافت البوابه مو نفس البوابه اللي دخلتها .. اتوجهت لها ..بخطوات سريـعه ومجرد ماخرجت وحست بحراره الهوى ماعرفت فين تروح كل اللي عارفته انها تبا تبعد من المستشفى . نزلت الدرجات الخمسـه .. مشيت بين مواقف السيارات وعينها تترقب كل مكآن تبا تخرج على الشارع العآم تبا توقف سياره ... اي صوت عالي فجأه يجي يفجعها اي سياره تمشي تطالع فيها الرعب كااااسيها بشكل واضح وخرجت من بوابه المستشفى .. وقفت على الرصيـف وتبا سياره توقفلها دقيقه ودقيقتين وهيا ترفع يدها وتحركها بالهوى وحست بشي حاد لصق ظهرها ماقدرت تتحرك بسبب الصوت الهادي: تتوقعي جيت معاهم ليـش ؟ . . . . . . . سانده جسمها على القزاز الشفاف للمكتبـه وهوا قبالها مغطيها بطوولـه ضامه الاوراق لصدرها : ترا خلصنا تقدر تروح قالتها بااسلوب واضح انها ماتباه يروح : متاكده : هههههههههه ايش رايك غير الموضوع : لدحين ماعرف انتي ايش وظيفتك بزبط رحاب : أنا اخصائيه مختبرات قصي : في نفس المستشفى اللي هنآ ؟ رحاب : لا في عياده هيا شويا بعيده بس برضو حجرب اول الشغل اذا عجبني كملت اذا ماعجبني شهر وحرجع قصي : يعني عندي شهر عشان اتعرف عليكي رحاب برده فعل سريعه : فاول خير وقول اكتر _ وسعت عينها بصدمه لما استوعبت انها وافقت _ خلاص ابا امشي قصي ولا اتحرك من مكآنه : ههههههههههههه هيا شهر في اليوم اطلب ساعه بس وبعدها انتي اللي حتجيني رفعت حاجبها : لا بلله قصي : خوفتي ؟ رحاب بنرفزه : من ايش حخاف وليش اساسا حديك ساعه من يوومي قصي : ههههههههههه عشان ماعندك احد هنا رحاب : ومين قال قصي : يعني وحده جايه اخر الليل لوحدها ماعندها احد يساعدها بالعفش اكيد ماتعرف احد ولا أنا غلطان شمقت بقهر :لقافه قصي قدم خطوه : ههههههههههه كلامي صح يعني اما هيا شدت على جسمها : ممكن تبعد رجع خطوه لورى : معليش حركات جسمـه توتتر فجأه تحسو داخل فيها .. رحاب : ابا ارجع البيت قصي :ماتفقنا رحاب : نتفق على ايش قلتلك مابى اديك من وقتي قصي :طيب طيب مو مشكله لاتديني من وقتك بس كل صباح تنزلي تفطري في الكآفي رحاب : إنتا خفيف كدا مع الكل قصي : هههههههههههههه ايوا والله زي منتي شايفه انسان طول يومي فاضي فاأحب اشغل نفسي بالأشياء اللي تعجبني رحاب ابتسمت بتفاجئ من صراحته : مدري انصدم لأنك خفيف ولا قاطعها : ولا إنك عاجبتني ؟ رحاب اختفت ابتسامتها تدريجيآ ايقنت واجزمــت انو واحد متمرس مع البنات باارتباك : انا واثقه من نفسي .. بس الهبله اللي تثق فيك قصي : ههههههههههههه رحاب : بجد مابستهبل تراك مرا مو مريح وتوتر قصي ضيق على عينه : انتي بديتي تغلطي وتحكمي بدون ماتفكري رحاب : لا بحكم على تصرفاتك من اول ماشوفتني وانتا مرمي عندي قصي : ايش الإسلوب دا ..! دامك واثقه من نفسك المفروض تعرفي لليش انا وراكي _ رفع حاجبه _ ولا كلمه واثقه في نفسك حافظتها بس حفظ رحاب مو عارفه ايش نهايه النقاش بس بيوترها بكلامـه :اقصد الثقل حلو حتى لو عجبتك وحده البنت ماتحب اللي يترمي عليها : الثقل دا طبع المنافقين انا انسان اقدر جمال المرأه ايش يعني لو شوفت وحده عاجبتني اوقف قدامها واقولها انتي دخلتي مزآجي ..الحياه حلاوتها لما ترمي نفسك في الشي اللي تبيه بدون ماتفكري .. التفكير يخلينا مملين , تافهين , يخلينا زي البقيه مالنا شخصيه لحظه صمت منها وبعدها باندفاع ردت : وانتا حترمي نفسك على كل وحده تشوفها جميله قصي : انتي بتعلميني كيف أتصرف ولا يهمك كيف أتصرف فهمت مقصدو على طول لانو نظراته واضحه : اااسري اقول قصي دخل في دوامـه ضحك وهوا يشوفها تبـعد : هههههه مالحقـها حس كفــآيه كدا اليوم .. وفعـلا كآن كفآيـه انو ترجع للبيت وهيا متوتـره منـه ومن كلامـه اللي يتكرر طول الوقت في راسـها .. رجع كمل طريـقه ومانسي طبعـآ منآل اتصل عليها وادتو مشغول .. اتوجـه للشقـه .. كآن هادي .. رايق .. لين مادخل غرفتـه لين مالاحظ اشيائـه اللي على المكتب متغير تنظيمها لحظـه ماتحرك من مكآنه وعينه تتنقل على كل شي اتغير دقــــــيق جدآآآ اشيائه الخاااصه غرفته لو انفتح البااب بس يعرف انو في احد فتحـه بس دا مادخل الغرفه وبس دا اتجرأ انو يمسك اغراضه الخاااصه كمآن ..! هنـآ ... في موقف زي كدآ .. يتحول للإنسـآن اللي مايحب احد يشوفـه فيـه . ... في الدور السفلي اتصالات متكرره ...سحب جوالـه بنرفزه ورد عليـها : اييوا مروى باانفعال : إنتا فينك من اول : ايش تبي مروى هرجت بخوف : فيه واحد قابلني يقولي انو يعرفك وإنو ولد آندي غير جلسته بصدمـه: قرب منك !! مروى : لا لا من بعيد كلمني مالك وقف : فينك فينك دحين مروى : دوبي دخلت الاستديو مآلك : خلاص انا جيك مروى قفلت باب الغرفـه حق مكتبها ... ولا وحده من مساعداتها في التصوير اتكلموا معاها من يوم ماشافو وجهها .. جلست على الكرسي الاسود .. تحس جسمها لسى يتنافض من الكلام اللي قالو ايش يبا دا منهم ..! قدمت جسمها للمكتب وصبتلها مويا في الكاسه القزاز وشربت ورجعت سندت جسمها على الكرسي لحظـه تبا بس تريح بالها مرعوبه من اللي سار بس مو مفجوعه من خبر موت اندي ماكانت كتير معاها اما بنسبه لخادمتها الخاصه كل سنه تتعلق بوحده وامها تغيرها .. اتعودت ماتتعلق بشي مآلك لحظـه ثقل وهوا يتحرك وكل شي يوجعه بجسمـه غير ملابسـه شعره مشعتر بطريقه واضحه ونازل على جبينه بس ماقدر يعدله ويمسك راسـه من قوه الألم نظاره شمسيـه يخفي فيها التعب اللي ف وجهه وخرج من البيت .. طول الطريق وهوا مو عارف ولد آندي من فين طالعلهم دام وصل لمروى ابدآ مو ناوي على خير .! مسافه الطريـق .. ووصـل قدام البوابه الحديد السودآ وقف سيارته في المواقف واتصل وعليها نزل لما قالتلو تعال ثواني وبنفسها فتحتلو الباب .. حووش متوسط الحجن مغطى بالعشب الاخضر الصنـآعي طاولات مصنوعه من الخيزرآن مشيت قدآمه ودخلو لفله خآصه متوسط الحجم .. غرفـه كبيره معده للدورآت اللي تقدمها .. غرفه خاصه بااستقبـآل زوارها غرفـه مختصـه كامل للتصويـر وفوق مكتبها الخـآص وغرفتين للمساعدينها بقسم التصوير .. إسمها مو سهل في عالم التصوير الفوتوغرافي .. دخلتو لقسـم الضيآفه .. الباركيـه الرمادي مع الكنب الاسود الجدران ببساطه لونها ابيـض موزعه شتلات الزرع بطريقـه تعكس لطافه المكآن وديكوراته البسيطه المختلفه ألوانها بين الأسود والفضي .. قفلت الباب عليهم وقبل لايتكلم سبقتـه بسؤالها : قولي اول شي ايش سار معاك امس سحب نظارته الشمسيـه حطها قباله على الطاوله : نفس اللي سار معاكي .. فين قابلك مروى بشك ولا كأنه سئلها : قال إنو آندي انقتلت مالك عقد حوآجبه : فيننن قابلك مروى : نزلت اشتري اغراض ولقيتو بوجهي مالك : كيف شكلو مروى : إنتا سايب اوم الموضوع وبتسئل ف مالك قاطعها بحددده: كيف شكككلو مروى سكتت للحظآت وبعدها ردت بهدوء عكس اللي جوتها : أسمر طوله متوسط _ ماعرفت توصف _ مدري مدري ماركزت كتير في ملامحه مالك بااصرار : كيف كآن يتكلم مروى : يعني كيف حيتكلم يامالك زيناا ايش الاسئله دي مالك : مابيهرج عربي ؟! مروى : إلا !!! بقولك زينا مالك بنرفزه : لاتتتستفزني فصحى ولا عاااامي مروى : عامي ليش بيهرج فصحى مالك : إللي كلمك بالجوال يوم ماجيتيني كيف كآن بيتكلم .؟ سكتت شويا وقالت بااستغراب : فصحى مالك زفر بضيـق اشر عليها : دا ولد آندي .. اللي جاكي مو ولدها مروى صوتها خافت من الصدمه : أجل مين مالك رفع اكتافه : مدري مدري بتجيني رسايل غريبه بس واضح انو شخصين اسلوبهم غير مروى على نفس الصدمه : ايش بيرسلولك مآلك : يبوني اتقابل معاهم مروى برده فعل سريعها : نعععم مالك بهدوء : ماحروح ..حبلغ عنهم حتى لو كآنت فعلا آندي ماتت بدي الطريقه حاطين علينا اللوم بسبب انها كآنت عندنا وممكن ربطو الموضوع لأنو عدنان استشاري فدا الموضوع مروى ماعلقت لحظه تلعب باااظافيرها بتوتر بتردد واضح : ولو كلامهم صح ؟ مالك : إنتي تستهبلي !!! مروى بخوف : يعني اخر واحد كآن مع آندي عدنان هوا اللي المفروض يوصلها المطار مآلك : هما قالولك دي المعلومه ! مروى : لا انا كنت مع ماما .. السواق سوا حادث وماقدر يرجع البيت فاتصلت ماما على عدنان يجي ياخدها عشان رحلتها لاتروح عليها دا اللي اتذكرو مآلك لحظـه صمت يطـآلع بااختو اللي شتت نظرها ولعبت بااظافيرها زياده قالت بضعف : انا ماليا صلاح بشي ماما ماكانت تباها وخرجتها في يوم ولليله ان قاطعها : مو دا موضوعنا سكتت بااستنكار واضح اعتلى على ملامح وجهه : انتي مستوعبه في ايش تبي تقنعيني دا عدنان سمعتوا واخلاقه شاهده عليه بكل مكآن لو انو سوا كدا ايش غايته يعني ..فلوس ..؟! عيادته اكبر اثبات إنو مو محتاج فلوس وفاتحها للناس اللي حالهم ضعيف مروى : أكيد ماحيجو يتبلو من فراغ مالك بحزم : مرووى ايش بك لعبو بعقلك فكم كلمه مروى بملامح بكى :انا مفجووعه من كل الكلام اللي سمعتو مو قادره انكرو ولا قادره اصدقو مالك : خليكي برا الموضوع من اليوم وطالع ماتنزلي مكان الا وسواقك معاكي لو جاكي اي اتصال منهم كلميني مروى حركت راسها بدون اي تعليق مالك قام من مكآنه وجا جمبها : لاتخافي كآن بيكمل بس بكلمه وحده خلاها تبكي على طول وكأنه ماصدقت حط يدو ورا ظهرها : ليش تبكي دحين مروى : من امس وانا مفجوعه بسبب المنظر اللي شوفتك فيه ومارضيت تكلمني طول اليوم وتطمني وجا دا كمان كمل عليا وكأني ناقصه مآلك : آندي مآتت ... ماكنت أبا اتكلم مع أحد مسحت دموعها وهوا سحب يدو وضيق على عينه : على العموم ماحيقدرو يقربو منك تآني الكلام اللي انقال مايدخل بعقل احد يامروى هما بيتكلمو عن سفاحين قتلوها ورموها ف خزآن مويا ! دول الإتنين قاعدين يتخبطو هنا وهناك ومو عارفين لإيش حيوصلو مالقو اي رد مني طول اليوم راحو لكي وقف : طمنيني عليكي لاتنســي .. وكآن دا أطول حوآر بينه وبينها من 5 شهور ... خرج من عندهـآ وعلى قد ماكان بيهديها بس لساته من جوتـه مكسور ماينكر انو اتعود على بعاد آندي لكن لو فعلا هيا اللي مآتت بدي الطريقه شي حيحرقوآ ماتستاااهل ..! خرج وبالو مو معاه لبس نظارتو الشمسيه برغم الغروب .. وفتح البوابـه وخرج دوبـوا بيقرب من السياره الا خرجت وحده في وجهه وصدمـت فيه وكل شي في يدها طآآح في الارض .. صوت شي انكسر وراها شهقتها اوراق منتشره بالارض مفتاحه وجواله ومحفظته كل شي كآن بيده طاح معاها من قوه الضربـه الخبطـه كآنت لاتذككر لكن بسبب الكدمـآت حسها بقلللبه .. اما البنت واقفه لسى وموسعه عينها وحاطه يدها على قلبها وتطالع بالاشياء وبدون لاتطالع فيه قالت : انكسر صح ..! سمعت صوت شي انكككسر !!! بتسأل بصوت وحده لو كآن الجواب ايوا حتنهااار واضح من نبرة الصوت واقفين الاتنين واغراضهم مرميه في الارض رخى جسمـه ولم اغراضه ووقف وهيا رجعت تسئل : انكسر !!!! اخد الكيس من الارض ومدلها هوا عشان تشوف بنفسها وبس فتحت الكيس من قوه الصرخخخه رجع لورى بفجعه : أأأأأأأوووووووو مااااااي قااااااد ...لاااا يااااربي لاااا لااااا مآلك : معلـ وماقدر يكمل من صرختها وعيونها اللي تتوسع لين مايحسها حتخرج : اااايش تبا تقول تبا تعتذر هااا ! مالك : ترا إنتي اللي خبطتي فيا ! شهقت واشرت على نفسها : انااااااا ! يكره الوقاااحه ..! يكره صوت البنت العالي !! بهدوء اتكلم: ممكن اعرف الشي اللي انكسر واديكي قيمته دخلت يدها في الكيس وخرجت ماعرف بزبط ايش خرجت من كتر ماكانت ملصقتو بوجههه وتقولو : شووووف شوووف وهوا يرجع لورى مفجوع ..! دف يدها بعصبيه طالع في يدها وشاف جزء من قزازه عطر والريحه مرا قوويه متنرفزه ..! العطر اخر حبه ماحيتوفر الا بعد كم شهههر ..! بحده ردت : إنتا عارف قد إيش وبنص كلامها مشي وهوا يتمتم بصوت مسموع : فحريقه انتي وعطرك صح هادي .. صح انسان هيئـته واضح انه رايـق لكن احد يدعسلو على طرف احد يصرخ بوجهه ردات فعلـه تكون استحقاريه اكتر من انها عنفوانيه ركب السياره , شغلها وحرك ببسـآطه تآمه ولا طـآلع تاني فيها ... هوا في مصيبه ودي تبا تبكي على عطر هيا في حـآلة ذهول ماقدرت تعلق عليه من الصدمه بس عدسه عينها تلحقو لين ماختفى ايش الوقاااحه دي ..! طبعا النقطه المهمه بنسبه لها هيا أبدا مو وقحه هوا الوقـح .. فتحت الكيس تآني وقربتو لوجهها : آآآه يااقلبي على الريحه ..آآآه ياحظي المزفت نزلت للأرض تلم الاأغراض ومازالت تتكلم مع نفسها : حقيير , والله حقير شالت الأوراق شنطتها ورفعت حاجبها لما لقت جوآل غريب ..!!! ابتساااامه حقيررره اترسمت على وجهها وقفت وعينها على الجوال ضغطت الزر ونورت الشاشه ..وصورتـه على الخلفيه :ههههه حخليك زي الكلب تجي تعتذر انتبهت لسياره صحبتها وصلت اتوجهتلها وركبت وبدأت تحكيها بعصبيه ونرفزه سبتـو دعيت عليه تتكلم وهيا تدخل يدها بالكيس وتدهن كل شويا من العطر في رقبتها وملامح وجهها شويا وتبكي صحبتها عينها على الطريق تسوق وتضحك خلاص عارفه صحبتها وتعشق إنهياراتها : ههههههههههههه رهف فجعتي الرجال كويس سابك ومشي رهف اشرت على نفسها وشهقت : انا انا دحين اللي فجعتو بقولك قلي فحريقه انتي وعطرك ومشي _ ضربت على فخذها بقهر _ والله كمان فحط بالسياره وهوا ماشي كأنو يبا يقهرني : هههههههههههههههههههههه ايش دخل التفحيط دحين رهف : مدري احس انو نرفزني اكتر لما سمعتها _ تتكلم بجديه وبألم _ حسيتو حسيتو انو سبني مرا تانيه وماقدرت ارد : هههههه والله إنتي تخرجيني من مود الدراسه على طوول فين تبينا نروح رهف مآزالت تدخل يدها بالكيس بس دي المره مسحت في ملابس صحبتها : اللي تبيه ياقلبي اتعطري اتعطري خليني اليوم اشم الريحه في كل مكآن قبل لاأنحرم منها في المستشفــى ... 3 ساعات عدت وماجات في باله صبـا نهائيآ ..مابيلعب كآن بيتعامل فعلا مع حالات حرجه نسي كل شي وقاعد مركز بشغلو وبـس يشتغل بضميـر من حآله لحـآله مشكله قسمهم ..هدووء ممكن يعدي ساعه ساعتين لأربع وتجي لحظه تكدددس فضيع الضغط اللي يمرو فيه ينسو فيها نفسهم بتعدي الساعات ومايحسو فيها الا بهدوء القسـم تآني .. ومايحس بجسمه إلا لما يرمي نفسه على الكرسي ودوبـه يبدأ األم ظهره وعضلات فخذه من المشي طول اليوم : فراااس رفع يده بااستسلام : سلمت الشف, خلص دوامي سيبوني في حالي قرب منه وهوا يضحك : ههههههههههههههه ايش باأهلك إنتا فراس : والله جسمي يوجعني وقدني قرفان من الحالآت اللي جاتني اليوم : طيب قوم القروب كلو خارج يتعشى فراس :من امس مو نايم ابا ارجع البيت انام : بلاش اعذاار وقوم معانا وبعد إلحاااح طويــل .. خرج لسبب واحد برضو بيشرد من الموآجهه مع قصي بسبب تقصيـره .. رجعت تآني لأياديهم .. بس دي المرا شافت وجههم التآني ودوها لأحد العيادات وكملو باقي الاجرائات والممرضه وحده منهم وفيـهم .. ورجعت لبيت عفـآف ,أترمت بالغرفه تآني ,انقفل الباب بالمفتآح .. حآولو كتير مايأذو جسمها لأنو جسمها ثروه بنسبه لهم حاليآ .. قصي حآله غريبـه في غرفتـه جالس على مكتبـه وفي يده السكينه الصغيره اللي تنطوي وياخدها بكل خرجاته يرفعها ويغرسها بكل قوه على المكتب عشـره دقايق مرت صوت السكين وهوا يخبط طاغي على الغرفه اما عينه مثبته على الجدار اللي قبآله يوريـه الشي اللي يباه فراس ..؟! بيفتش وراه ..ولحق وراه .. خلاص جنا على نفسـو .. دق جوآله .. ورفع من اول رنـه كآن مستني دا اللإتصال على نار : ايوا : المستودع نظيف .. وبيتو كلو مقلوب واضح إنو اخدو الملفات قصي رفع حاجبه : يعني في بيت عدنان : أتوقع .. ملفات زي كدا حيحطها تحت عينو .. قصي : خلاص سيب الباقي عليا : اهجد ولاتفكر تسوي شي يكفي المصيبه الللي سارت وبحاول استر عليك قصي : ماحيكسر خشم عدنان وانزلو للأرض إلا لو دخلت بيتو وجبت اللي اباه : لاتستهببل لو شافوك حيقتتتلوك قصي قام من مكآنه : ميتين ميتين بكل الأحوال : أهجد بقولك إحنا مالنا فيهم إنتا سمسااار وبس قصي : بمزآجهم انا ماشي متى مايبوني اتعدى دا الموضوع اتعدآه : طيب خلينا نتقابل ونفكر قصي : نفكر في ايش الموضوع له سنـه ماتغير شي ويبوني دحين اراقب مالك : كل شي مرتبط في بعضه قصي : التعليمات دي انا طفشت منها جرب تعيش حياتي جرب تكون بين نآآآس انتا مو قادر تكون معاهم على حقيقتك وبعدها دافع عنهم تبا تروح تقولهم رووح انا خارج خارج وقفـل قبل لايسمع اي رد وخرج من الشقـه واتوجه للمكـآن بايعها دي المرآ ..بدأ ينخنق .. مستعد يضيع عمرو كلو بدا الشي لكن على الاقل يوصل لحاجه ترضيـه حاجه تخليه يتقبل الكذبـه اللي عايشها .. اما هوا له سنه واقف في مكآنه مو حاسس انو بيتقدم ولا بيرجع .. ركب دبابـه واتوجه للمكـآن اللي حافظـه زي اسمـو .. بدون مايهتم يتمسك ولا ايش يترتب على الموضوع ... امـآ مالك قبلها بساعات في نص الطريق بدأ يتفقد جوآله رجـع لإستديو مروى .. واقف معاها في الحوش : دورت في الشارع مالك : ايوا مروى رفعت جوآلها : طيب خليني اتصل مآلك : ياشيخه متأكده مو جوا مروى : والله شوفتك وانتا اخده بيدك حتى كنت بعلق على الكفر الغبي اللي حاطو مالك طالع فيها بنص عين وهيا ابتسمت وحطت الجوال على اذنها رنه رنتين وجاها صوت وحده مروى : الو مالك على طول قلها : هاااتي ادتو الجوال : إييوا مين معايا :بسم الله بنت ولا ولد إللي بيهرج مالك بقله صبر : لو سمحتي الجوال جوالي رهف : طيب ؟! مالك بنرفزه : ايش اللي طيب اباااه رهف : إمممم مالك سكت للحظآت وبعدها قال : ممكن تقوليلي فينك عشان اخد جوالي رهف : انا مشغوله دحين مالك : مو مشكله انا حجيكي رهف : لا أنا مافيا حيل انزل الدرج خليها يوم تآني مآلك : لو سمحتي أنا محتاج الجوال ضروري حاليا حخلي اختي تجي معايا وتاخدو منك فين ماتكوني رهف بصدمه : سبحححان الله على الأدب مالقيت دا الإسلوب لما انكسر عطري مالك : ها ؟!! رهف قلدتو : لو سمحت انا حاليا مشغوله .. بكرا لما افضى حقولك فين انا واديك الجوال مالك : انتي تستهبلي على رااسي ولا اايش رهف : لازم اقفل بشحن الجوال حيطفي مالك مرر لسانه على شفايفه ..يحاول يتمآلك نفسـه : لاتستفزيني عطرك قوليلي ايش اسم اهلو وانا اجبلك هوا خلصيني احتاج جوالي دحين رهف : محد قال إني محتاجه فلوس عشان اشتري تاني لو انتا وقفت دقيقتين كآن شرحتلك ليش مقهوره وبما إنك اهنتني واهنت عطري جوالك بكرا حتاخدو ..مع سلامه قفلــت بوجهه وهوا بحآآله صدمه ايش دي اللي تطآلبه إنو تشرحلو ليش مقهوره ..!!! مروى سامعه المحادثه ومصدومه زيو : مين دي ؟ مآلك : وحده قابلتها برا صدمت فيها وشكلو جوالي طاح مع اغراضها مروى بصدمه وذهووول : ايش الاسلوب دا وقله الادب مآلك : دحين دي كيف أتصرف معاها مروى : اديني اديني انا اكلمها رجعت اتصل عليها وتديها مشغول .. ولا رضيت ترد بكرا يعني بكرا خرج مالك من الاستديو وعفاريته راكبـه راسـه .. يبا يتفاهم مع اللي بيحاولو يوصلولو وطآح على وحده اخده الحياه بسخافه وسطحيـه رهــف في عالمها البسيط متربعه على كنبه السياره طالبين وجبآت مشغلين اغاني راكنين السياره بعيد عن الازعـآج وكآنو يتكلمو في موضوعهم الشيق .. لين ماتصل مآلك وقلب جلستهم ضحك في منتصـف الليل .. مآلك في بيتـه شارد الذهن فراس باأحد المطآعم بين الضوضاء وضحكاة اصدقآئه لايختلف كثيرآ عن مآلك صبآ بين الغفوآت والأحلام المزعجه ..بين البكآء والصمت القاتل رحآب مازالت كلمآت قصي تتردد على مسامعها منآل كالعاده تبني حوآجز سريعة التحطيم .. فرآس انتهت سهرتـه خرج بهدوء وعينه محمره من كتر النوم .. تعب , قله نوم , كثرة تفكيـر اتثاوب باارهـآق واضح يمشي على الارصـفه اضائـه عواميد الإناره مضيـئه المكآن اغلب المطآعم والكآفيهات قفلـت بيته مو بعيـد دق جوآله خرجه من جيبـه رقم غريب كآن حيطنش لكن كالعاده خوفـه على امه وابوه يخليه يرد على اي رقـم في اي وقت : هلا : دكتور فراس اليآسي.؟ وقف مشي : ايوا مين معايا : معاك شادي ال ** عقد حوآجبه : هلا فيك ! : ممكن نتقابل فراس : إنتا مين ! قصدي ايش تبا !! شادي : تقدر تقول محاميك فراس رمش بعينه بهدوء : نعم ! شادي : مرفوع عليك قضيه قتـل لو حآب اساعدك بالموضوع او اقصد ماعندك حل غير انك تجيني عشان تنقذ مسيرتك في الطب ولا حتضيع عمرك في السجون لحظظظظظظظظه صممممت طويلــه ..! بيبتزو ..؟! ولا بيحاول يسـآعده .؟! مو عارف ايش مصدره بزبـط بس الخوف بدأ يتسلل لقلبـه ورد بهجوميـه : ايش بتخرف إنتا شادي : بلاش نطول بالجوال تعال نتفاهم فراس مآزل هجومي عكس اللي جوته : شوف انا مو فايق للهرج الفآضي ولـ شادي قاطعه : اجل سلملي على محمد خالداليآسي لما يتصل عليك الصباح... حيقولك ايش سرلهم بعد مالعبت مع اسيادك هددو بشكل واااااضح في أبووه ...! حس قلبـه غاااااص فيـه حس بشي حااااد نزل على راسه قسمـه نصيييين يفتح فمـه ويرجع يقفلـو ماعرف يرررد ماعرف إنو حيـآته حتتغير كليـآ بمجرد تعرفـه بقصـي ... زي صبـآ اللي كآن دور زوج صحبتها سبب في دخولها العآلم الجديد ... امـآ قصـي يقـف أمآم منـزل ذآلك الشخص لايشعر باأي تردد خطوه تتبعها خطوه دقآت قلبه في تسارع يرفع جسده عن الارض وهوا يتسلق السور الخلفي .. يدفع نفسه وينزل على العشب الاخضـر خطوه تتبعها خطوه دقات قلبـه زادت في التسـآرع يقف في لحظآت عدسه عينه تتحرك على نوآفذ المنزل في الطآبق الثاني .. نافذه شبه مفتوحـه .. أمسك بالحديده العريضـه المثبـه باااحكآم على جدرآن المنزل الخارجي وديكور الجدران تسآعده كثيرآ بالوصـول .. حتى امسـك بالنآفذه فتحها بهدوء.. ترقب المكآن للحظآت ... ثم ألقى بنفسـه داخل الغرفه المظلمـه .. نهايه الفصـل الثآني .. | ||||
|
| |
 |
| أدوات الموضوع | |
| انواع عرض الموضوع | |
|
|
387Likes
.png)
العرض العادي
