آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
22-07-18, 12:58 PM
| #11 | ||||||||
| مراقبة عامة ومشرفة منتدى الروايات المنقولة  
|  البارت التاسع راشد وصل للعنوان الي متعود ابوه يعطيه ظرف فلوس ويوديه لهم (كانوا ناس فقيرين على قد حالهم يساعدهم أبوفهد يرسللهم ظرف كل شهر بمبلغ زين يصرفوا منه ) دق الجرس انفتح الباب كانت بنت ببداية العشرينات كانت متحجبة بس مو مغطية وجهها كانت عبالها ابوها لان وقت رجوعه من المسجد اتفاجأت جواهر بالشاب الي واقف قدامها فتحت عيونها على وسعها وشهقت واحمر وجهها حيا ودارت وجهها جواهر: تفضل بغيت شي اخوي راشد كان مفهي فيها حس على نفسه راشد: هااه ايه كنت جايبلكم هالاغراض عيطيهم ابوك قوليله من عند أبو فهد جواهر مدت يدها من ورا الباب : ان شاءالله راشد ركب سياته وكان يكلم نفسه : اول مرة اشوفها هالبنت اكيد بنته الكبيره لكن حلووة آآآه يا قلبي ........................................... فهد كان جالس مقابل البحر وكأنه يشكيله همه حاس بثقل مو عارف شيسوي كيف ابوه يفكر يحرمه من حب حياته وهو يعرف انه يموت عليها ويحبها من هم صغار رن موبايله طلعه من جيبه كانت رغد تتصل خلاه عالصامت اول مرة ما يرد عليها لانه ما يقدر يكذب عليها اذا سألته شفيه رن للمرة الثانية وكانت ريم رد عليها فهد: هلا ريم ريم: وينك فهد امي تحاتيك فهد: مخنوق يا ريم خلوني لحالي مو حاب أتكلم مع احد ريم: ادري ياخوي الي صار من بايدك لكن الظاهر ابوي مصمم ومستحيل يتراجع عن قراره فهد: شو بقول لرغد .. رغد شوب يصير فيها اذا عرفت ريم: فهد سم بالله وارجع البيت فهد: مو قادر يا ريم ما اقدر اشوف ابوي احس كل ما اشوفه اضعف ورغد نفس الشي مو قادر شو بيصيرلها لما تعرف ريم: فهد انا ادري اني بضايقك لكن احس احسن انها تعرف منك ولا من غيرك وانا سمعت ابوي اتصل على عمامي وبلغهم بالملكة فهد تفاجأ وحس ان الدنيا تدور فيه : شوو .. اكيد عمي بيقولهم وبتعرف الله يستر وبعدين ابوي كيف تسرع وخبرهم فهد انهى المكالمة وركب سيارته رجع للبيت ............... ابوسالم: هذا اخوك كبر وخرف ولا شو والله صرت ما اعرفله من تصرفاته الي كل يوم اتفاجأ منها أبو مهرة: انا مستغرب من الي صار اكثر منك كيف يسوي هالشي بالاول جابها من الميتم وبعدبن بيعطيها ورث ابوها على قولته وف الأصل ابوها ماله شي والحين بيزوجها ولده أبو سالم: أبو فهد سحب كلمته ولا شوم و على أساس ان فهد لرغد وين راح هالكلام كله الحين نسى كل شي وباعنا صارت هالبنت كل شي بحياته أبو مهرة: مدري شمسويه فيه هالبنت أبو سالم: الله يعينا عالجاي أبو مهرة: وهو رافض ان أي احد يناقشه في أي شي خاص بهالموضوع أبو سالم : اخليك الحين انا وصلت البيت أبو مهرة: اذا فضيت كلمني ابغا اخذ شورك في كذا موضوع خاص بالشركة أبو سالم: ان شاءالله دخل أبو سالم البيت وكان واضح على وجهه ان معصب ومضايق كان الكل متجمع فالصاله أبو سالم: السلام عليكم الكل: وعليكم السلام أبو سالم: ام سالم ما عليك امر تعالي الغرفه شوي ام سالم: ان شاءالله رفا: شفيه ابوي شفتي وجهه كيف صاير رغد: اكيد صاير شي كايد شو رأيك اروح اشوف شصاير رفا: أخاف ابوي يعصب رغد: اذا عصب هربنا رفا ضحكت عليها: خبله والله طيب قومي خلينا نروح ام سالم: خير شفيك يابوسالم خوفتني أبو سالم: اخوي أبو فهد قرر يزوج فهد لجود والملكة هالاسبوع ام سالم والمفاجأه واضحه على وجهها: كيف أبو سالم: انا متفاجئ اكثر منك البنات كانوا عند الباب وسمعوا كل الكلام رغد نزل عليها الخبر مثل الصاعقه حست ان الدنيا تدور فيها وان كل شي صار اسود رفا بصرخه : ررررغد تفاعل بليززز ...أبي اعرف رأيكم بالرواية.. | ||||||||
|  |
|
22-07-18, 12:59 PM
| #12 | ||||||||
| مراقبة عامة ومشرفة منتدى الروايات المنقولة
| البارت العاشر البنات كانوا عند الباب وسمعوا كل الكلام رغد نزل عليها الخبر مثل الصاعقه حست ان الدنيا تدور فيها وان كل شي صار اسود رفا بصرخه : ررررغد أبو سالم وام سالم ركضوا عند الباب ومهرة خرجت من غرفتها على صرخة رفا شافوا رغد طايحه بالأرض أبو سالم: شصار شفيها رفا تصيح وام سالم مسكت بنتها وصارت تضربها على خدودها وتصيح ومهره واقفه تراقبهم بخوف أبو سالم : جيبوا عباتها بوديها المستشفى شالوا رغد للمستشفى بعد نص ساعه من وصولهم خرج الدكتور أبو سالم: طمني دكتور الدكتور: الظاهر ان البنت متعرضه لصدمه احنا عطيناها مهدئات وبتنام عندنا اليوم واذا تحسنت باكر ان شاءالله تطلع ام سالم: قوليل شصار مع اختك ليش طاحت فجأة رفا: مدري يمه كنا طالعين نتطمن على ابوي لان شفناه تعبان سمعناكم تتكلموا على سالفة ملكة فهد وطاحت أم سالم ببكا: اكيد انقهرت من الي صار قهروا بنتي وكسروا قلبها أبو سالم: خلونا من هالكلام الحين ما يفيد خلونا نروح وبنرجع الصبح ام سالم : لا انا بجلس معها أبو سالم: طيب براحتك يالله يمه رفا خلينا نروح... اذا احتجتوا أي شي كلموني ام سالم: ان شاءالله ............................. جود كانت مضايقه وتبكي بصمت وكانت تراسل غيداء وسناء غيداء: ليشي الخبلة مو راضيه فرصة وجت لعندك وبعدين اكيد الولد حليوه وطيب وبيعيشك ملكة سناء: وبعدين من يشوف هالجمال ويقدر يقاوم ويقول لا جود: بنات انتوا اكثر حد يفهمني ما اصدق انك تقولوا هالكلام وبعدين تعرفوا اني أخاف من شي اسمه رجال انا مرعوبه من فكرة الزواج وانه راح أكون معه بمكان واحد وبغرفة وحده وبفراش واحد مستحيل غيداء: ليش كل هالخوف ترا هذا الزواج لا تصيري معقده جود محد كان فاهم سبب خوفها ورعبها الي كان سببه الحادثه الي صارت معهم واغتصاب اختها قدام عيونها سناء: فكري من الناحيه الايجابيه ويمكن يكون هالزواج خيرة لك ويكون هو امانك فهالدنيا غيداء: طيب انتي ليش رافضتنه معترضه عليه كشخص جود: انا ما عرفته أصلا ولا اختلطت فيه سناء: نصيحه فكري ولا تتسرعي ........................... ريم كانت تكلم رفا على دخلة فهد ريم: وكيفها الحين رفا: عطوها مهدئات والحين امي معها ريم: الله يحفظها يارب ويشفيها رفا: آآمين تسلمي حبيبتي فهد جلس جنب ريم فهد: شصاير ومن مريض ريم كانت مترددة ومو عارفه شو تقو له ريم: ررررغد طاحت عليهم بعد ما سمعت بموضوع ملكتك وشالوها عالمستشفى وعطوها مهدئات فهد تضايق من الي صار وقام بسرعه وطلع وتوجه للمستشفى كانت ام سالم طالعه تمشي رجولها تعبت من الجلسه استغل الفرصه ودخل كانت نايمه وشعرها متناثر حواليها وباين عليها التعب والمغذي بايدها فهد تضايق على حالتها جلس جنبها ومسكها من ايدها وباسها فهد: انا اسف انا السبب بكل شي صار لك نزل راسه لها وحط جبينه ف جبينها فهد: سامحيني يا روح فهد والله مو عارف كيف اتصرف انتي قوتي الي كنت استند عليها فكل موقف يصير معي بس هالشي اضعفنا احنا الاثنين رغد كانت نايمة ولا حاسه فيه ..فهد طلع بعد ما تطمن عليها ورجع للبيت ...................... مهرة كانت بالحمام تأخذ شور طلعت وهي لافه الفوطة عليها تفاجأت لما شافته جالس بطرف السرير رأيكم يا حلوين... | ||||||||
|
| |
|
22-07-18, 01:01 PM
| #13 | ||||||||
| مراقبة عامة ومشرفة منتدى الروايات المنقولة
| البارت 11 مهرة كانت بالحمام تأخذ شور طلعت وهي لافه الفوطة عليها تفاجأت لما شافته جالس بطرف السرير مهره صرخت وركضت له وحضنته بقوة: اشتقتلك اشتقتلك بادلها بحضن اقوى : وانا اكثر يا بعد روح وعمر غسان مهرة نزلت دموعها غسان حضن وجهها بكفوفه: اووهو ليش هالدموع الحين مهرة بابتسامه من بين دموعها: فقدتك واشتقتلك غيابك هاليومين كانهم سنتين غسان كان يطالعها بشوق جلسها بحضنه وصار يلعب بخصلات شعرها المبلول : بعدك يتعبني مهرة منزله راسها بحيا: بروح البس وارجعلك غسان غمزلها: لا خليك كذا مهرة بدلع: غساااان غسان حضنها : خليني اشبع منك بالاول مهرة: وانا مشتاقتلك لكن خلينا بالاول ننزل نتطمن على رغد غسان تفاجأ: رغد ؟؟ شفيها رغد مهرة: طاحت علينا وشالوها عالمستشفى اتصلت برفا قبل لا اخذ شور قالت قريب جايين غسان: طيب حبيبتي بدلي وانا بنزل تحت بالصاله ...................... رجع فهد البيت وحصل الكل نايم جلس فالحديقة كان مبين عليه مهموم كان يفكر بحل عشان يفتك من هالزواجه ما حس على نفسه ونام بالكرسي فالحديقه صحى على نفسه الساعه 5 فهد: آآخ رقبتي انا كيف نمت هنا بقوم اصلي واتسدح فكرفايتي ............. رنا كانت جالسه على اعصابها اليوم نتايجهم اتصلت فيها مهرة مهرة: طمني كيف رنا: ما في شي للحين مهرة: لا تحاتي ان شاءالله النسبة الي تبيها وبتروحي التخصص الي تحبيه رنا: ايوا ادعي ادعي والله اني على اعصابي مهرة: لا تحاتي حبيبتي الا وين ابوي رنا: مدري طلع من الصبح اتصل فيه عمي مهرة: والله هنا مرتبشين من امس مسكينه رغد طاحت علينا رنا: اوووف ليش شو صارلها مهرة: اظن لما سمعت بخطبة فهد رنا شهقت : فهد خطب متى ومن مهرة: بنت عمنا الجديدة جود رنا: يا عمري رغد اكيد انصدمت كل العيله تعرف شكثر تحب وتعشق فهد وهو بعد مهرة: الله يستر من الأيام الجاية ............................. طلعوا نتايج البنات ونسبهم كانت حلوة وتدخلهم التخصصات الي تمنوها فهد كان بغرفته قام وطلع من الغرفة وتوجه لغرفة جود دق الباب بعد ما تأكد ان محد موجود جود كانت جالسة بغرفتها كالعادة لانها ما تحب تنزل تحت سمعت الباب وسارت تفتحه من دون ما تتغطى لانها توقعتها ريم لان محد يجي عندها غيرها كانت لابسه بيجاما قصيرة للركبة باكمام قصيره فتحت الباب اختفت الابتسامة من وجهها لما شافت رجال قدامها فهد فهى لما شاف جود صار يتأمل تفاصيلها انبهر من الملاك الي قدامه للحظة بس رجع لوعيه وتذكر ليش هو جاي دفها ودخل وقفل الباب بالمفتاح بانت ملامح الخوف عليها وصارت ترجع على ورا وهو يقرب منها الى ما ضربت ف الجدار كانت تتنفس بقوة وبخوف تحس قلبها بيوقف من الخوف قرب منها فهد وحط ايد عاليمين والثانية عاليسار حولينها فهد: سمعيني زين تروحي الحين وتقولي لابوي انك مو موافقة على هالزواج و لا والله لا تندمين جود كانت خايفه وقربه زادها توتر غمضت عيونها بقوة وصارت تبكي فهد كان مستغرب ليش كل هالخوف معقولة بس كلامه اثر فيها بس ما همه اهم شي يصير الي يبيه فهد: سمعيني انا ماابيك انا احب بنت عمي رغد وهي الوحيده بحياتي وهي الي بيرتبط اسمي فيها واتشرف فيها مو وحده مثلك مدري كيف تربت جود كانت كل كلمة تقطعها من داخلها وحاسه بالضعف لان مو قادرة تتكلم وتدافع عن نفسها وتصرخ فوجهه دفته بكل قوتها وصارت تبكي بقوة وتشاهق وتأشرله يطلع فهد: طالع بس والله اذا ما كلمتي ابوي والله ما اخليك تتهني يوم بحياتك راح احرمك السعادة بهالدنيا مثل ما بتحرميني من دنيتي وحياتي جود طاحت ف الأرض تبكي وتشاهق بقوة طلع فهد وتركها على حالتها ريم كانت طالعه وشافت فهد طالع من غرفة جود ركضت ناحيته ريم باستغراب: انت شو كنت تسوي بغرفة جود دفها ومشى عنها ركضت ريم لغرفة جود حصلتها ف الأرض طايحة وتشاهق من البكا رفعتها وجلستها على السرير وبعدت خصل شعرها عن وجهها ومسحت دموعها وحضنتها ريم: خلص حبيبتي اهدي انا معك جود حضنتها بقوة وكانت تبكي ريم: خلص حبيبتي خلص شو صار ليش فهد كان عندك شو صار جود بعدت عن حضنها وصار تهز براسها وتأشر على صبعها انها ما تبي ترتبط فيه ريم : جود اهدي والله ما فهمت عليك جود سحبت الورقة والقلم الي جنبها دوم وصارت تكتب جود: انا ما ابي اتزوج فهد هو يكرهني ما يبيني هو قالي انه يحب بنت عمه ويبيها ليش اتزوجه ليش عمي ما يزوجه بنت عمه الي يبيها انا ما ابي اتزوج ليتني ظليت فالميتم ريم كسرت خاطرها بعد ما شافت الي انكتب وحضنتها ريم: هذا نصيب وما نقدر نتحكم بقدرنا ونصيبنا كل الي كاتبه ربنا بيصير انت اهدي حبيبتي وبعدين فهد طيب ومع الأيام راح تعرفيه اكثر يمكن هو فيه شي مضايقنه خلاه يتصرف هالتصرف وانا الي كنت جايه ابشرك بنتيجتي جود تناست الوجع لدقايق وكانت تسمع لريم عن نسبتها وعن حلمها والتخصص الي كانت تبيه طلعت ريم من عندها قفلت على نفسها الغرفة وصارت تبكي بألم وهي تفكر بالايام الجايه الي حاسه انها بتكون اقسى أيام بتشوفها رسلت لغيداء وسناء انها تريد تشوفهم قالولها بيجوها باليل | ||||||||
|
| |
|
22-07-18, 01:02 PM
| #14 | ||||||||
| مراقبة عامة ومشرفة منتدى الروايات المنقولة
| البارت 12 فالمستشفى بدت رغد تستفيق كان غسان ومهرة وامها ورفا معها رغد: يمه ام سالم: حبيبي رغد صحيتي رغد: وين انا حاولت تقوم لكن كانت حاسه بضعف غسان: خليك حبيبتي لا تقومي رغد: غسان متى رجعت وانا شو صارلي رفا: ولا شي بس تتدلعي قلتي تقيسي غلاتك ومعزتك مهرة: فديتها تستاهل رغد تذكرت الي صار بس ما حبت تظهر انها مضايقه رغد سحبت المغذي من ايدها : انا بطلع الحين ام سالم: انت شتسوي انهبلتي غسان: رغد ما يصير هالشي شفيك انتي بعدك تعبانه رغد: قلتلكم بطلع الحين نزلت من السرير بتعب ساعدتها رفا ومهرة انها توقف ام سالم: يمه غسان روح شوف الدكتور كلمه عشان يكتبلها خروج غسان: ان شاءالله طلعت رغد من المستشفى ورجعوا عالبيت طلعت على غرفتها صارت تبكي من القهر رغد: كيف يا فهد تسوي فيني كذا كيف تتزوج وانا يا فهد دخلت عليها رفا رفا: حبيبتي رغودة ليش هالدموع رغد حضنتها : احس اني مخنوقة يا رفا ليش فهد يخليني وهو يدري انه كل شي بحياتي رفا: ما تعرفي ظروفه يمكن مجبور رغد: ليش هو مو رجال ماله كلمه يقول لا رفا: خلص انتي اهدي الحين بروحك تعبانه اندق الباب مسحت دموعها بسرعه وعدلت جلستها سالم: مساء الخير بالحلوين رفا: هلا والله متى رجعت سالم: قبل شوي .. امي خبرتني انك كنتي بالمستشفى (قرب منها وباسها على راسها) سلامتك شفيك شصارلك رفا: ما فيها شي تدلع سالم: دلع شو انتي بعد شوفي وجهها كيف صاير اول مرة اشوفها بهالحالة رغد: تطمن ما فيني شي بس نقض تغذية تعرفني ما اكل زين سالم: اهتمي بأكلك واي شي بخاطرك بس اشري ويجيك طيران رفا: يا ليت اسمي رغد بروح امرض عشان تدلعوني ضحكوا على كلامها سالم: خبلة .................................. باليل سناء وغيداء زارو جود كانت جالسه بالحديقه معهم وريم معاهم ريم: هلا والله شرفتونا بزيارتكم انتوا صاحبات الغاليه عاد جود ابتسمت غيداء: ماشاءالله بيتكم حلو وفخم ريم: تسلمي حبيبتي من ذوقك سناء: جود يا بنت الي لقى احبابه نسى أصحابه نسيتينا مرة وحده ياختي قولي بزورهم بطل عليهم جود للحظه مر ببالها العرس وفهد غيداء وسناء لاحظوا عليها لكن ما حبوا يسألوها قدام ريم لانهم متأكدين انها ما بتقول الحقيقه ريم: انا بروح اخبر الشغاله تجيب العصير والحلو مسوتنه بايدي وحياة عينيا سناء: الله يستر ضحكوا البنات وريم قامت عنهم..غيداء وسناء نطوا عند ريم وكل وحده مسكتها من ايد غيداء: شو صار شو الجديد سناء: شفتي فهد اكيد حلو نفس اخته جود كانت ملامح الحزن مبينه عليها طلعت دفترها وصارت تكتبلهم جود: فهد دخل عندي الغرفه وهددني ارفض لانه يحب بنت عمه واذا مارفضت بيحرمني السعادة بهالدنيا مثل ما حرمته من حبه سناء: يا ويلي غيداء: هذا مجنون اكيد رفضيه كلمي عمك قوليله ما ابيه سناء: رجعي معنا وخليهم جود تأشر انها ما تقدر تتكلم وترفض وصارت تكتب:عمي مصر على هالزواج مدري ليش غيداء: الله يعينك ويبعد عنك كل شر ويعطيك على قد نيتك انضمتلهم ريم ريم: ها شو فاتني عيدوا يالله بسرعه البنات ما حبوا انهم يناقشوا هالمواضيع قدام ريم سناء بضحك : والله مرتاحين هالايام منالوه مدري شفيها كله فغرفتها ومتغيره لا تصرخ ولا تعاتب وما تقول أي شي ريم: من منالوه؟ غيداء: مديرة الميتم سناء: شكلها مشتاقة جود البنات ضحكوا وجود اشتاقت لايام الميتم والبنات ومناقرهم كل يوم مع منال ........................................ الساعة 7 قامت من النوم مرعوبة طلعت من غرفتها لبست عبايتها وشيلتها وطلعت وقالت للسواق يروح لبيت عمها وصلت لقصر عمها دخلت الحديقة من دون محد يلاحظها دخلت لحديقتهم السريه جلست تتأمل تفاصيل الحديقة وكأنها بتفقد كل شي رسلت رسالة لفهد: انا بحديقتنا فهد لما شاف الرسالة ما صدق عيونه ونزل ركض وتوجه للحديقة دخل وشافها حضنها بكل قوة وصار رغد دفته وصارت تبكي استغرب من تصرفها رغد: معقولة يا فهد تسوي فيني هالشي كيف هان عليك حبنا ولا هي كانت وعود وكلام بالهوا فهد: لا يا رغد انتي تعرفي اني احبك واموت على التراب الي تمشي عليه رغد بصراخ: لا تقول احبك لو تحبني ما كنت خطبت فهد رجع حضنها عشان يهديها: حبيبتي والله غصبا عني ابوي جبرني ما عرفت كيف اتصرف قلتله عنك قال بيجيها نصيبها يعني هو مقرر وخالص رغد زاد بكاها : مخنوقة يا فهد ما اتخيل حياتي بدونك والله اموت طاحت على ركبها ف الأرض فهد كان يتقطع من داخله وهو يشوف حالها نزل لمستواها ومكسها من كتوفها تفاعل وكومنتات بليززز ... | ||||||||
|
| |
|
22-07-18, 01:04 PM
| #15 | ||||||||
| مراقبة عامة ومشرفة منتدى الروايات المنقولة
| البارت 13 رغد زاد بكاها : مخنوقة يا فهد ما اتخيل حياتي بدونك والله اموت طاحت على ركبها ف الأرض فهد كان يتقطع من داخله وهو يشوف حالها نزل لمستواها ومكسها من كتوفها فهد: رغد والله اني تعبان ومو عارف شو اسوي انتي دايما كنتي القوة الي بحياتي لا تضعفي الحين رغد: كيف ما اضعف كيف ما تعب كيف ما انقهر وانت بتروح لوحده ثانيه كل شي كنا نحلم فيه مع بعض انسرق مني صار لوحده ثانيه مسكته من قميصه : يوم عرسنا شهر العسل الأطفال كل شي كل شي خططنا له ف حياتنا راح فالهوا مو قادرة اتخيلك مع وحدة غيري تقاسمك كل شي بحياتك غرفتك سريرك كل شي غمضت عيونها بقهر وألم : حتى روحك وجسمك كل شي بيكون ملكها كيف بتقرب منها مو قادرة اتخيل احس اني بجن فهد كان يتقطع من داخله على كلامها وعلى حالتها مو قادر يرد عليها لانه بروحه مو عارف كيف يتصرف فهد:انا مستحيل اقرب من أي وحده غيرك انتي ملكي وحبيبتي الوحيده ، انا عندي الحل خلينا نروح نتزوج ونخليهم قدام الامر الواقع رغد شافت عليه : لا يا فهد مو انا الي انزل راس اهلي واتزوج من وراهم وبعدين انا حالي حال أي بنت تحلم انها تنخطب من ابوها واخوانها وتتزوج وتنزف لعريسها ف احلى عرس بوجود عزوتها وأهلها معها ليش انا يصير معي هالشي قامت ومسحت دموعها ولبست شيلتها رغد: انا بروح ويمكن تكون هذي اخر مرة اشوفك فيها باسته على خده وضمته بكل قوتها وصارت تستنشق ريحة عطره حابه تتشبع منه لانها حاسه انها بتفقده وما راح تشوفه مرة ثانيه لانها راح يكون ملك وحده ثانيه غيره بعدت عنه وغطت وجهها : استودعتك الله فهد: رغد حبيبتي رغد: كلمة حبيبتي مو من حقي الحين فهد بوجع من كلامها: طيب خليني اوصلك رغد: لا خليك ولا تفكر تتبعني طلعت عنه وكان يتقطع من داخله طلع لغرفته وقفلها ارتمى فسريره وتغطى بالبطانية وغمض عيونه بكل قوتها كأنه حاب ينسى كل شي مو قادر يتحمل كل الي يصير يحس انه كل شي فوق طاقته مرت الأيام ويوم الجمعة يوم الملكة كان الكل حاضر فهد كان تعبان وحاس نفسه مخنوق رغد ما رضت تروح الملكة وأهلها خلوها على راحتها ما حبوا انه يضغطوا عليها كانوا متكشخين وجود كانت خايفه وترجف شو وتبكي تحس انها بتدخل فحياة مرعبة ومخيفة مع شخص ما يرحم يكرهها بكل تفاصيلها لانها حرمته من حبه وسعادته لكن مالها حيل ولا قوة فهالشي نزلت جود وكانت الكل انظارهم عليها كانت جميله رغم الميكب الخفيف لكن ملامحها الجميله ما تنخفي ابدا جلست بينهم ام سالم كانت مقهورة على بنتها الي المفروض اليوم ملكتها بدل جود ام فهد حست عليها ام فهد مسكتها من ايدها وبصوت واطي: كل شي قسمة ونصيب يا ام سالم ان شاءالله هالموضوع ما يسبب أي زعل وحساسيات بينا ام سالم طبطبت على ايدها وابتسمت ابتسامة باهته رفا كانت تحاتي اختها الي جالسه بالبيت ودموعها ما وقفت لكن جت عشان خاطر عمها وريم البنات كلهم كانوا كاشخين وكل وحده تقول الزود عندي سناء وغيداء حضروا الملكة بعد ما استأذنوا من منال ناداها عمها عشان المليك بيسألها وعشان توقع كان خايفه ام فهد: لا تخافي حبيبتي قومي انا معك ريم: يمه خلوني اجي معكم ام فهد: عيب يا بنت جلسي بعد ما خلصوا رجعوا ودخل فهد عشان يلبسها الدبله كان راسه بالأرض مو قادر يرفع راسه يخاف عيونه تطيح على عيون ما يبي يشوفها ويتقابل معها ما كان يعرف انها ما حضرت ملكته قرب منها من دون ما يرفع راسه ولبسها الدبله كان يحس بايدها الي ترجف مسكها وضغط عليها بكل قوته من القهر طلعت انين الم وغمضت عيونها بألم وسحبتها ايدها بقوة خذت الخاتم من ريم ولبسته بسرعه ريم: يالله فهود الحين لبسها العقد فهد شاف على ريم بنظره خوفتها وسكتت ام فهد خذت العقد من ايد ريم ومدته لفهد وغمزتله عشان يتناول منها ويلبسها اخذ العقد ورفع راسه عشان يلبسه للمرة الثانية تجذبه بجمالها ورقتها وانوثتها الطاغية قرب منها وريحة عطرها جذبته غمض عيونه كاره أي إحساس ممكن انه ينولد لهالبنت فتح عيونه وبدا يلبسها وهي متوترة وخايفه من لمساته كانت شوي وبتصرخ خلص وبعد على طول وبعدها استأذن ودخل عند الرجال أبو فهد كان فرحان قام وحضن فهد: مبروك يا ولدي الشباب قاموا يباركوا لفهد أبو فهد: عقبالكم شباب راشد: دعواتك يا أبو فهد الشباب ضحكوا سالم: انا حاليا ما افكر بالزواج خلوني اكمل دراستي قدامي مشوار دكتوراه راشد: خل الدكتورا تنفعك سالم: من بينفعني عيل انت الشباب كانوا يمزحوا ويضحكوا وفهد كان فعالم ثاني وغسان كان يفكر بأخته لانه من رجع من السفر وهي منقلبه وحالتها حاله بعد الحفل رجعوا للبيت كانت ف الصالة تنتظرهم وعيونها منتفخه من البكا أبو سالم دخل وشاف بنته تقطع قلبه عليها فتح ايدينه لها وركضت لحضنه : عندي لك خبر بيفرحك رغد ابتسمت ورفع راسها بتعب: اممم قول فرحني أبو سالم: اممم انت وين خاطرك تروحي من زمان رغد نزلت رأسها وتذكرت كلامها مع فهد وتخططيطهم لشهر العسل والدول الي بيروحوها رغد: سويسرا والمالديف رفا دخلت: وانا بعد خاطري اروح أبو سالم: ان شاءالله كلنا بنروح بما ان غسان اجازه وسالم موجود بنروح جميع ام سالم: فكرة حلوة نغير جو شوي رغد باست راس ابوها: مشكور يبه . أستأذن انا بطلع انام رفا: خذيني معك غسان سحب مهرة من ايدها وطلعوا لغرفتهم رغد سحبت رفا لغرفتها وقفلت الباب وجلستها عالسرير رغد: قولي لشو صار رفا مو عارفه شو تقول ما حابه تضايقها: ما صار شي بس ملكوا وخلصوا رغد : وفهد رفا: والله كان مبين عليه مضايق حتى ما رفع راسه يالله صار الي صار انتي لا تفكري بالماضي خلص الي راح راح رغد: بنام تعبانه رفا عرفت انها تتهرب ف انسحبت وراجت على غرفتها فغرفة غسان ومهرة كانت تفسخ الالاكسسوارات قرب منها وضمها وصار يشم ريحه عطرها ويستنشقها ابتسمت غسان: شفيك مضايقه لاحظت على وجهك من لما طلعنا من بيت عمي مهرة لفت عليه وصارت مواجهتنه ما حطت عينها بعينه لانها خايفه تبكي غسان رفع راسها: طالعيني وقوليلي شفيك مهرة نزلوا دموعها غصبا عنها سحبها وجلسها عالكرسي مهرة: اليوم الكل كانوا يسألوني اذا فيه شي بالطريق واذا كنت حامل لاحظت ان امك تضايقت انا مالومها هي حابه تشوف اولادك غسان مسح دموعها: هذا الي مضايقك انا كم مرة أقول ان هالشي بايد رب العالمين واذا الله مو كاتب انه يكون عندنا أطفال خلص نعيش حياتنا عادي مهرة: الكلام سهل لكن الواقع شي ثاني من حقك يكون عندك أولاد يشيلوا اسمك وامك وابوك من حقهم يشوفوا اولادك غسان تضايق: شو تبيني اسوي شو الحل برأيك رأيكم.. | ||||||||
|
| |
|
22-07-18, 01:06 PM
| #16 | ||||||||
| مراقبة عامة ومشرفة منتدى الروايات المنقولة
| البارت 14 مهرة مو قادرة تقولها تحس انها بتموت ولا انه يصير هالشي ما تقدر تشارك حبيبها وحدة ثانيه لكن هذا حقه ما تقدر تمنعه اذا حاب هالشي مهرة: تقدر تتزوج وتجيب عيال غسان عصب ووقف: انا كم مرة اقولك هالموضوع لا تجيبي سيرته ولو كنت مو مرتاح كان خبرتك جلس جنبها وحضنها غسان: انا احبك ولا يمكن أشارك أي وحده ثانيه قلبي مهرة ارتاحت وبنفس الوقت حست انها انانية سندت راسها على صدره : أحبك ....................... منال كانت جالسه بروحها وتفكر ( الله يستر بس وسعود ما يعرف انها انخطبت شو بيسوي فيها وفيني) رجعوا غيداء وسناء حست فيهم وطلعت سناء بصوت واطي: الله يستر بس غيداء : هلا هلا منوله منال: ما كأنكم تأخرتوا سناء: حبينا نجلس مع جود شوي منال: كيف كانت جود غيداء: قمر ماشاءالله عليها غطت علينا كلنا الله يحفظها كل يوم تكبر وتزيد حلا منال : يالله على غرفتكم وناموا مابي اسمع حسكم غيداء وسناء: ان شاءالله ............................................. سعود كان بغرفته يفكر كيف يقدر يوصل لجود وكيف يتأكد انها داخل قصر عمها من بعد ما رجاله خبروه انها موجوده بالقصر سعود: انا لازم اوصلها بأقرب فرصه رن موبايله الشخص: هلا طال عمرك سعود: قول الشخص: طال عمرك البنت الي اسمها جود اليوم كانت ملكتها على ولد عمها سعود قام من الكرسسي وهو معصب كسر المزهرية الي كانت قدامه: شوووو انت متأكد من هالخبر الشخص: متأكد سكر الخط فوجهه واتصل بمنال منال او ل ما شافت رقم سعود خافت منال: الله يستر شو بقوله هذا الحين ردت عليه وكانت خايفه وترجف سعود: براافو انسة منال براافو صايره تخبي شو الظاهر مو خايفه منال: خير سعود: ليش ما خبرتيني انه جود كانت ملكتها اليوم منال باستغراب كيف عرف وردت بصوت متردد ويرجف: اانا ما كنت اعرف وبعدين شوب يعرفني هي من يوم طلعت من عندنا ما صرت اعرف اخبارها الا نادر سعود: يصير خير يا منال قفل فوجهها وهو معصب (سعود رجل غني كون ثروته من تجارة المخدرات عايش فقصره الضحم بروحه اهله توفوا عنه وهو صغير القصر يمكله هو ما فيه أي احد غيره هو الخدم الي ما يشوفهم لانهم ينظفوا فالوقت الي هو يكون مو موجود وكلهم أجانب وهذي اوامره والحراس الشخصيين وحراس القصر ) راشد كان بغرفته جالس ويفكر جواهر هالبنت الي ما غابت عن باله على رغم كل البنات الي عرفهم لكن هالبنت من نظره ولدت بداخله شعور غريب راشد فباله معقوله حبيتها انا لازم اروح بيتهم احس اني مشتاق اشوفها بكره ان شاءالله بشتري أغراض وبوديها لهم واشوفها ................................................. باليوم الثاني كانوا متجمعين على الفطور أبو فهد : وين حور ووين راشد ريم: حور ناديتها الحين بتنزل وراشد طلع من الفجر ام فهد: مو من عوايده يعني حتى محاضراته مخلينهم متأخر فهد كان ساكت وسرحان بصحنه نزلت حور وجلست على كرسيها جنب ريم أبو فهد: حور قومي جلسي جنب زوجك حور رفعت راسها تفاجأت من كلام عمها وهي ما تبي تحتك بفهد خايفه منه قامت وجلست بكل هدوء جنب فهد فهد كان منزل راسه شم ريحة اللوشن الي متعودة تحطه غمض عيونه لانه ما يبي أي شي يخليه ينجذب لها أبو فهد: فهد حور حطوا فبالكم نهاية الشهر يكون العرس فهد وحور تفاجأوا من كلامه ورفعوا راسهم مع بعض فهد: بس يبه أبو فهد: ما فيه بس كلمتي انا قلتها وخلاص..ام فهد ما عليك امر انتي وريم خذوا حور للسوق وخذولها كل شي تحتاجه من الالف للياء م ابي أي شي ينقصها حور كانت حاس بألم فقلبها حياتها كل واحد يتحكم فيها من جانب حتى شريك حياتها اختاروه لها ما صار لها أي قرار ولا كلمة كلة أوامر وعليها تنفذها فهد قام: الحمدلله شبعت عن اذنكم طلع من البيت وتوجه للشركة ام فهد: نهايه الأسبوع بيرجع اخوي من اميركا خلاص بيستقروا هنا أبو فهد: ما شاءالله خلص واخيراا قرر يرجع أم فهد : تعب من الغربه خلاص والحين الحمدلله أولاده كبار سيف دكتور وريان درس إدارة زين تستفيدوا من خبرته وتوظفوه بالشركة ريم: انا وحور بنقوم نجهز .................... راشد كان واقف قدام بيت أبو جواهر مر ولد صغير ومسكه وسأله راشد: يا ولد تعال الولد: نعم راشد: من ساكن هنا الولد: لعم صالح وبنته راشد: اها شكرا خذ هالحلاوة الولد: شكرا راشد: يعني هي وابوها بس حلو نزل وتوجه للباب ودق الباب خرجت جواهر وكانت متلثمه مو باين غير عيونها او ما انفتح الباب رفع راشد راسه سرح في عيونها الكبيره البنية الي تجذب جواهر على طول عرفته ابتسمت ودارت وجهها جواهر: تفضل بغيت شي راشد انتبه على نفسه : ايه بس جبتلكم كم غرض ابوي وصاني عليهم جواهر: مشكور ما تقصر خليهم عندك وباخذهم راشد خلاهم وراح لسيارته وهو قلبه عندها وجواهر بعد ما طلع دارت وجهها تشوفه وهو يروح حست بمشاعر غريبه ناحيته بعدين هزت راسها : غبية انا معقولة يحب وحده نفسي وهو ولد العز اكيد ما بياخذ غير بنت عز نفسه شالت الأغراض ودخلت صالح: من يا بنيتي عند الباب جواهر: هذا الولد الي متعود يجيب الأغراض كل شهر صالح: الله يجازيهم خير ويعطيهم على قد نيتهم يا رب جواهر: يا رب ................. فهد كان جالس بالكرسي ويلف يمين ويسار صارله يومين يتصل على رغد ولا ترد عليه واليوم عاد تلفونها مغلق قرر يتصل على سالم ويشوف خاف يكون صاير شي اتصل فيه ما رد رسله رساله رد عيه انهم مسافرين فهد: ليش يا رغد تعذبيني اكثر من عذابي الي انا فيه ليش رمى تلفونه بكل قوته في الأرض وتناثر كل قطعه فصوب تفااعل بليززز.. | ||||||||
|
| |
|
22-07-18, 01:07 PM
| #17 | ||||||||
| مراقبة عامة ومشرفة منتدى الروايات المنقولة
| البارت 15 فهد كان جالس بالكرسي ويلف يمين ويسار صارله يومين يتصل على رغد ولا ترد عليه واليوم عاد تلفونها مغلق قرر يتصل على سالم ويشوف خاف يكون صاير شي اتصل فيه ما رد رسله رساله رد عيه انهم مسافرين فهد: ليش يا رغد تعذبيني اكثر من عذابي الي انا فيه ليش رمى تلفونه بكل قوته في الأرض وتناثر كل قطعه فصوب عائلة أبو سيف اخو ام فهد رجعوا من اميركا وعزموهم عندهم بالبيت ام فهد: نور البيت بوجودكم ام سيف : منور بأهله حبيبتي نزلت ريم من فوق وكانت لابسه فستان طويل رصاصي على جسمها وحاطه ميكب خفيف وشعرها مسوتنه ويفي ريم: السلام عليكم ام سيف: وعليكم السلام ريم: شخبارك خالتي ام سيف حضنتها : ما شاءالله انتي ريم كبرتي واحلويتي يا بنت ريم بحيا: تسلمي خالتي ام سيف: كان عمرك 5 سنين لما شفتك اخر مرة ام فهد: الأيام تركض كبرونا هالعيال ام سيف: هيه والله ام فهد: الا وين جود ريم: الحين بتنزل ام سيف: ما شاءالله صار عندك بنت ثانيه ام فهد ضحكت: لا هذي بنت عم العيال يتيمه رباها أبو فهد والحين خطيبة فهد صارت وبعد كم يوم عرسهم ام سيف: ماشاءالله الله يتمملهم على خير يارب ام فهد وريم: آمين نزلت جود وانبهرت ام سيف من جمالها ونعومتها ام سيف: ماشاءالله ماشاءالله الله يحفظك حبيبتي والله وعرف من يختار فهد جود نزلت راسها بخجل ام فهد تقربت من ام سيف وبصوت واطي: البنت ما تتكلم بكما ام سيف ناظرت عليها بحزن وشدت على ايد ام فهد بمجلس الرجال أبو سيف: والله اشتقت للديره أبو فهد: زين فكرتوا ترجعوا فالنهايه الواحد ماله غير ديرته وأهله ابوسيف: والله الغربه صعبه وعاد قلت احسن احول كل شغلي لديرتي والحين خلص البزنس كله حولته لهنا وريان ما يقصر يساعدني أبو فهد: ما يقصروا ان شاءالله .. كيف اشغالكم يا عيال سيف: والله الحين بشوف حظي فواحد من هالمستشفيات وترا ريان مضمون عند ابوي أبو فهد: افااا مستشفى عمك موجود وانت تدور من بكرة تداوم عندنا فالمستشفى سيف: لكن يا عمي أبو فهد: ما فيه لكن سيف: مشكور يا عمي ما تقصر ريان كان جالس مع راشد فالحديقه ريان: الا وين فهد ما شفته راشد: فهد طالع تعرف يجهز لعرسه ريان: ما شاءالله بيعرس راشد: ايه قريب ان شاءالله عقبالك ريان: خل سيف قبل وبعدين انا راشد يضحك: انا حمدت ربي ان فهد تزوج عشان ما انتظر وايد ريان يضحك: شو يعني معزم شكلك موجوده راشد: آآآه موجوده موجوده بس ان شاءالله يصير الي فبالي ريان: اوووهو طلع الولد رايح فيها حب وحركات ........................ ف المالديف كانت رغد جالسه على الشاطئ تطالع البحر وسرحانه رن موبايلها شافت المتصل فهد ما ردت عليه جت رفا عندها رفا: ليش جالسه بروحك رغد: ولا شي بس حبيت اجلس بروحي شوي رفا: تلفونك يرن رغد: ادري رفا: من فهد؟؟ رغد: ايه رفا: طيب ليش ما تردي عليه رغد: شو أقول اذا رديت كلامي شو بيغير بالموضوع خلص الي صار صار فهد تركني وتخلى عني ولا دافع عن حبنا رفا: حرام يا رغد انتي ظالمتنه غصبا عنه عمي اجبره على هالزواج رغد انفعلت وببكا : ليش تدافعين عنه ليش وبعدين كرهتهم كلهم كلهم كرهت فهد وكرهت جود هذيك البنت الي الكل مخدوع فيها وببراءتها طلعت حيه بس والله الكل بيدفع الثمن رفا خافت من كلام اختها: شو ناوية تسوي انتي اهدي واعقلي وحاولي تنسي أي شي الحين ما يفيد خلص الي صار صار والحين استانسي بهالجو الحلو رغد قامت عنها: محد حاس بالنار الي داخلي وتركتها وبعدت عنها رفا: الله يستر بس ............................... فهد كان يتحاشى البيت وما يرجع الا نص الليل ما حاب انه يتصادم مع أي احد بالبيت كان منعزل طول الوقت ولا يتكلم مع احد مرت الأيام وصار يوم العرس الكل كان كاشخ والبنات كانوا بفساتينهم كل وحده احلى من الثانية رغد قررت تحضر وتودع حبيبها الي من الليلة بيكون ملك وحده ثانيه غيرها جود الي كانت خايفه طالعه مثل القمر بفستانها الملكي ومكياجها الي كان بارز ملامحها الناعمة صار وقت دخولها للقاعه اشتغلت الاغنيه وبدت تمشي بخوات ثقيله كان الفستان ثقيل عليها من غير خوفها ورجفتها وتحس عيون الكل عليها رصت على المسكه عشان لا تتوتر وارتاحت لما وصلت للكوشه وجلست الكل كان يطالع بجود بإعجاب على جمالها ونعومتها ورقتها ورغد كان كلام الناس مثل السكاكين فقلبها كان المفروض هي تكون مكانها بهاليوم نزلوا دموعها غصبا عنها مسحتهم قبل لا أي أحد يلاحظ البنات صاروا يرقصوا مستانسين ام سالم ورفا كانوا يطالعوا رغد بحزن وحاسين فيها لكن ما كان بيدهم حيله ام فهد سحبت ريم: أقول ريومه سيري خارج بتحصلي راشد خبريه يشوف فهد عشان بيدخل بعد شوي ريم: وين هو قريب عشان ما فيني اتغطى ام فهد: ما يحتاج انا اتصلت فيه قبل شوي قال خارج عند باب القاعه المكان مغطى ريم: ان شاءالله طلعت ريم وشافته واقف معطيها ظهره ريم ضربته على كتفه: رشود تقولك امي خبر فهوود بيدخل بعد شوي ما سمعت رد منه ريم استغربت من سكوته من من عوايده لفت لعنده ريم: رشود شفيك ( طار الكلام منها لما شافت الي قدامها ) سيف كان مستحي موعارف شو يرد عليها لما لفت عليه طالعها بفهاوة وصار يتأملها ريم كان فستانها على جسمها ومبين تفاصيل جسمها ريم: يا وويلي من انت ركضت داخل وصارت تتنفس بقوه وحطت ايدها على صدرها اما سيف تعلقت صورتها فباله : معقوله هذي بنت عمتي ما شاءالله عليها جميله جات ام سيف وشافت ريم واقفه عند الباب ام سيف: ريم ريم فتحت عيونها ريم: هلا خالتي ام سيف: شفيك ريم: لا ما فيني شي بس انتظر راشد ام سيف: اها طيب اذا تبي بخبر سيف يناديه هو موجود خارج ريم فخاطرها (يعني طلع سيف الي خارج ااه يا قلبي حليوه ) ريم وعت على نفسها: لا ما يحتاج انتي خبريه يخبره عشان ينادي فهد بيدخل ام سيف: ان شاءالله حبيبتي خرجت ام سيف لسيف: سيف يمه بغيتك تتصل على ابوك اتصل عليه من المغرب ما يرد عليي سيف: لا تخافي يمه كلمته قبل شوي قال جاي كان عنده اجتماع متأخر ام سيف: ريحتني الله يريحك..ايه تذكرت شفت ريم قبل شوي كانت تبير راشد يقول لفهد يجي عشان بيدخل سيف بخاطره (يعني هي ريم طلعت): ان شاءالله بخبره دخل فهد للقاعه وفز قلب رغد لما شافته ما قدرت تتحمل بدت دموعها مرة ثانية تنزل ونزلت راسها قبل ما ينتبهوا لها وصل للكوشه وفتح الغطا عن جود تفاجئ من كمية الجمال والنعومه والبراءة الي يشوفها قدامه وقف يتأملها للحظه وبعدها انتبه على نفسه وجلس اما هي فكانت خايفه وترجف وطول الوقت منزله راسها رغد قامت وطلعت خارج كانت تبكي بألم مو قادرة تتحمل اتصلت على سالم يجي ياخذها سالم: طيب حبيبتي الحين جاي طلعي طلعت وركبت السيارة مع سالم وكانت ماسكه نفسها لا تصيح سالم: شفيك رغد: ما فيني شيء بس تعبانة ما قدرت اجلس لنهاية العرس سالم: طيب خلص العرس وتوجهوا المعاريس للفندق توجهوا للجناح الي انحجز لهم جود كانت جالسه على طرف السرير وخايفه من ردة فعل فهد وشو بيسوي فيها لانه هددها من قبل انها ترفض دخل فهد الغرفة شافها جالسه ومنزله راسها بالأرض تقرب منها كان ما حاب يطالع عليها لانه خايف يضعف كانت جميله بمعنى الكلمة كل شي فيها يفتن أي شخص يطالعها عيونها جسمها وجهها شفايفها يحاول انه يسيطر على نفسه ولا ينسى ان هي السبب الي فرقه عن حبه وبنت عمه فهد وكان مضايق ومعصب مسكها من ايدها بكل قوته غمضت عيونها بألم : سمعيني يا بنت الناس انا ما احبك ولا ابيك ولا تفكري فيوم اني اقرب منك او احبك وانتي تعرفي اني احب بنت عمي وقلبي وكل شي فيني ملك لها هي وبس وزواجنا راح يكون على ورق مالي علاقه فيك ولا لك علاقه فيني انتي هدمتي كل شي حلو فحياتي حرمتيني سعادتي الي كنت بعيشها مع رغد حرمتيني من كل لحظه حلوة كان ممكن اعيشها بهاليوم مع بنت عمي المفروض هي تكون مكانك اليوم جود كانت ايدها تألمها من قبضته دموعها نزلت من الألم مدت ايدها الثانيه عشان بتوخر ايده لكن من دون فايده كان اقوى عنها فهد: تعورك هااه هذا ولا شي قدام الألم الي بقلبي فلت ايده ووخر عنها كانت تبكي بصمت طلع عنها وتمدد فالكرسي وغمض عيونه بينسى كل شي جود كانت تبكي (اليوم بدا عذابك يا جود يا ربي تصبرني على قسوة قلبه والله يعلم انه مالي ذنب بأي شي ولا بهالزواجه وانا أصلا ما ابيه ابدا ولا ابي أي احد غيره يا رب تقويني على الأيام الجايه الي بواجهها) رأيكم بالبارت | ||||||||
|
| |
|
22-07-18, 01:10 PM
| #18 | ||||||||
| مراقبة عامة ومشرفة منتدى الروايات المنقولة
| البارت 16 جود كانت تبكي (اليوم بدا عذابك يا جود يا ربي تصبرني على قسوة قلبه والله يعلم انه مالي ذنب بأي شي ولا بهالزواجه وانا أصلا ما ابيه ابدا ولا ابي أي احد غيره يا رب تقويني على الأيام الجايه الي بواجهها) نامت من غير ما تحس من غير ما تغير ملابسها فهد اتصل على رغد ..رغد كانت متمدده في السرير تتقلب مو قادرة تنام تفكر بفهد شو يسوي مع جود فهاللحظة رن موبايلها تفاجأت لما شافت اسم فهد وردت على طول فهد: حبيبتي رغد امانه لا تقفلي الخط سمعيني رغد ما ردت بس كانت تسمعه فهد: ما تبي تكلميني للحين زعلانه مني رغد ودموعها بدت تنزل: فهد انت ما تحس فيني بس تحب تعذبني ليش تتصل شو تبا فيني لازم كل شوي تذكرني انك صرت لوحده غيري خلص عيش حياتك معها وانساني لا تزيد فعذابي يكفي فهد: والله احبك انتي الوحيده الي مالكه هالقلب وجود انا تزوجتها عشان ابوي وبس ووعد مني يا رغد هالبنت ما راح اقرب منها ولا اربط نفسي فيها ابد الى ما اطلقها واتزوجك رغد: انت مجنون وبعدين كيف تطلقها وعمي بيرضى بهالشي فهد: حتى لو ما طلقتها هي ولا شي بالنسبه لي واهم شي اني سويت الي ابوي يبيه والحين مالهم حق يرفضون اني ارتبط فيك رغد: واكون زوجة ثانية فهد: مو مهم ثانية ولا أولى وبعدين انتي الأولى والاخيره فحياتي لازم يفهمون هالشي ننتظر كم شهر لما يستقر الوضع رغد: ما ابغي اعلق نفسي فحلم مستحيل يتحقق ارجوك يا فهد خلص قفلت الخط وفبالها(معقولة فهد بيظل يحبني ويحافظ على وعده وما يضعف قدام جمال جود كيف ما يضعف وهو رجال وجود جميلة مستحيل يقدر يقاومها آآه يا فهد ) نامت من التعب والبكا وفي الجانب الثاني ما كان منتبه على الي كانت واقفه وتسمع كل كلمة قالها لرغد وكل كلمة قالها عنها حست بجرح كبير وشي انكسر بداخلها مو كافي جرحه لها بعد يكلم حبيبته بليلة عرسهم ويواسيها ويقولها الي قاله .................... اليوم الثاني صحى فهد من النوم وظهره مكسر من نومة الكرسي توجه للغرفه دخل وشافها نايمة بفستانها قرب منها بيصحيها كانت نايمة وقف يتأمل البراءة والجمال الي بوجهها وفداخله  شو الي دخلك فحياتي يا جود )مسكها من ايدها عشان يصحيها صحت وهي مفزوعه شافته قريب منها حطت ايدها على قلبها وكانت تطالع فيه بخوف ظل يتأمل عيونها الخضراء صار يقرب منها وهي منسدحه على السرير ما قدرت تتحرك لانه قريب منها هي كانت خايفه منه ومو قادرة تتحمل قربه كل رجال بالنسبه لها حقير ويذكرها بليلة اغتصاب اختها دفتها بادها بكل قوتها ووقفت على رجولها فهد مستغرب من الخوف الي يتملكها كل ما يقرب منها فهد: غيري ملابسك ورانا طياره بعد كم ساعه حور كانت تطالعه بخوف فهد نزل عيونه ومشى عنها ما حب يطول عندها يخاف انه يتهور طلعتلها فستان من الشنطه ودخلت تاخذلها شور طلعت وتوجهت للتسريحه مشطت شعرها وحطتلها ميكب خفيف يخفي تورم عيونها الي كان مبين من بكاها خلصت وطلعت انجذب لريحة العطر الي شمها عرف انها موجوده حوالينه رفع راسه كل ما يتواجه معها ينجذب لشكلها الطفولي الي يفتن عيونها الملونه شعرها الأشقر بياضها الناصع هالشي يخليه يتجنب انه يركز فملامحها او انه يطالعها فهد: البسي عباتك وياليت تغطين وجهك كله مو تتلثمين بس مشت عنه جود وهي متنرفزه منه وفخاطرها: من اليوم بدا يتحكم فيني دامه ما يبيني ليش يتدخل فحياتي وبعدين قال ماله خص فيني لبست عباتها وطلعت وتوجهوا للقصر وصلوا القصر وقبل ما يدخلوا سحبها من ايدها : سمعيني كل الي صار امس تنسيه واي شي بينا لا يطلع لاحد وقدام الكل تبيني انك مبسوطه ومرتاحه وان علاقتنا مثل أي زوجين وخاصة قدام ابوي فاهمة جود هزت راسها بمعنى نعم دخلوا وكانت ام فهد تستقبلهم جود نزلت الغطا عن وجهها وحضنت ام فهد ام فهد: هلا والله بعروستنا الحلوه ما شاءالله عليك الله يحفظك حبيبتي فهد باس راس امه: صباح الخير يمه ام فهد: صباح النور حبيبي هاه فطرتوا فهد: لا قلنا بنفطر معكم احسن قبل لا نروح ام فهد: طيب ..ابوك فالمكتب ينتظرك دخل فهد المكتب على ابوه فهد: صباح الخير يبه(باس راس ابوه) أبو فهد: صباح الخير تفضل فهد: خير يبه بغيتني أبو فهد: يا فهد يا ولدي ما ابيك تتضايق وتزعل مني لاني زوجتك جود لكن انا ما اقدر اامن عليها غير معك وبتتذكر كلامي بعدين هي مالها غيرنا وما ابيك تقسى عليها او تعاملها معامله مو زينه ولا تحسسها بالنقص وعلى فكرة البنت بصغرها كانت تتكلم مدري شو صارلها ما اعرف الاحداث الي مرت عليها فحياتها لكن ان شاءالله بعرضها على احسن الدكاترة فهد كان يسمع لابوه ابوفهد: توعدني يا فهد انك تحافظ عليها ولا تأذيها وانك تحميها ولا تفكر فيوم تخليها فهد غمض عيونه بألم وهو يتذكر كلامه مع رغد انه بيطلقها او يتزوج رغد عليها لكن كلام ابوه كسره أبو فهد: صعب تحقق هالشي لابوك فهد: اوعدك يبه أبو فهد: وعد الحر دين يبه فهد: ان شاءالله ما بسوي الا الي يرضيك بعد ما فطروا طلعوا للمطار وصلوا لألمانيا باليل وتوجهوا للبيت الريفي الي عندهم هناك كان فيه خدم من جنسيات عربيه لبنانية ومصريه كانت جود تعبانه لانها اول مره تسافر نامت من التعب في السيارة وصلوا وحاول فهد يصحيها بس كانت غرقانه فالنوم نزل وتوجه للباب وفتحه وشالها بين ايديه وفتح باب البيت ..الخدم كانوا عارفين بقدومهم وكانوا مجهزين كل شي وطبعا قالهم يرتبولهم غرفتين منفصله طلعها لغرفتها وسدحها عالسرير بعد عنها شيلتها وتناثر شعرها حوالينها فهد باعجاب سبحان الي خلقك) وبعد الخصل الي تناثرت على وجهها وغطاها وطلع من الغرفه توجه لغرفته واتصل على رغدرغد: نعم فهد فهد: افااا صرت فهد بعد ما كنت حبيبي رغد: هالكلمة ما صرت من حقي الحين انت صرت ملك لوحده غيري فهد: رغد انتي ليش مصره تعذبيني بكلامك وتصرفاتك رغد: لان هذا الواقع الي انتي عامي عيونك انك تشوفه انت صرت لوحده ثانيه انا مجرد بنت عمك لا غير يعني ما تربطنا أي علاقه ثانيه وبعدين من الي يعذب من يا فهد انت مصر تعلقني فيك وانت عارف ان عمي مستحيل يسمحلك تتزوجني فهد: طيب دام شايفه ان هالشي ليش تردي على مكالماتي مول انك تحبيني ومو قادرة تنسيني رغد نزلوا دموعها غصبا عنها: انت السبب يا فهد انت الي مصر تعيشني بعذاب حبك انا أحاول ابعد عنك وحاولت اني ما ارد عليك لمن انت وراي وراي ما عطيتني فرصه اني انساك فهد: لاني مو متقبله حياتي مع انسانه ثانيه غيرك انتي كل حياتي وبعدين جود عمرها ما راح تكون زوجه غير بالورق بالنسبه لي رغد: انت بتظلم البنت معك يا فهد فهد: من الي انظلم يا رغد محد انظلم بهالدنيا كثري وكثرك رغد: الله يخليك فهد خلص لا تخليني اتأمل فشي مستحيل يصير فهد: بس انا احبك انتي انتي وبس فهد كان يتكلم ومو حاس بالي واقفه فالدرج وتسمع كل كلمة يقولها جود فداخلها ودموعها خذت مجراها ف خدودوها(الى متى بصبر على هالعذاب يا رب مو كافي انه الي قاله بعد يكلمها ليل نهار ويشكيلها ويحكيلها عن ألمه وحبه لها من غير ما يراعي مشاعري انسان عديم المشاعر اكرهك يا فهد اكرهك ) دخلت غرفتها وحضنت مخدتها وحاولت تنام عشان تنسى كل شي صار فهد بعد ما قفل الخط من عند رغد دخل المطبخ سمرا: حمدلله على سلامتكم استاز فهد فهد: الله يسلمك يا سمرا .. العشا جاهز سمرا: شوي وكل شي يكون جاهز عالسفره فهد: طيب بروح اشوف جود وبنزل طلع فهد و فتح باب الغرفة عباله بعدها نايمة كانت جالسة وضامة راسها بين رجولها وتبكي بصمت دخل وشافها على حالها فهد: جود فزت جود على صوته ورفعت راسها صدت بوجهها عنه كارهتنه ولا حابه تطالع فيه تتذكر كل الكلام والمكالمات الي بينه وبين رغد مسحت دموعها بسرعه فهد تقرب منها غمضت عيونه بقوة وشدت بايدها على رجوله مو حابه انه يتقرب منها مسكها من ذقنها ولف راسها ناحيته فهد: فتحي عيونك جود فتحت عيونها وكانت منتفخه وحمرا من البكا فهد: شفيك ليش كنتي تبكي جود بعدت ايده عنها وهزت راسها بمعني ولا شي فهد: طيب براحتك لا تقولي ..قومي خلينا ننزل ناكل | ||||||||
|
| |
|
22-07-18, 01:11 PM
| #19 | ||||||||
| مراقبة عامة ومشرفة منتدى الروايات المنقولة
| البارت 17 فهد: شفيك ليش كنتي تبكي جود بعدت ايده عنها وهزت راسها بمعني ولا شي فهد: طيب براحتك لا تقولي ..قومي خلينا ننزل ناكل جود هزت راسها بمعنى ما ابي فهد عصب: كله عندك لا لا براحتك كليتي ولا ما كليتي الغلط مني جاي اقولك تنزلي تأكلي طلع من غرفته رمت المخده على الباب بكل عصبيه وانسدحت فالسرير وغطت وجهها بكفوفها وصارت تبكي اما فهد نزل وشاف الاكل على السفره جلس واكل شوي وقام كان ماله نفس ياكل بس كان جوعان لبس جاكيته وطلع يتمشى كان حاس نفسه مخنوق عند رغد كانت جالسه وتفكر وسرحانه(فهد يحبني ومستحيل يتخلى عني ودام انه هو الي مو قادر يبعد عني هو ما زال يحبني مثل ما انا احبه ولازم أكون معه عشان نثبت للكل ان محد يقدر يفرقنا ويبعدنا عن بعض ) دخلت عليها رفا ما حست عليها رفا: شفيه الحلو سرحان رغد ابتسمتلها: ولا شي رفا: ان شاءالله دوم هالابتسامه رغد: ان شاءالله رفاا: اممم ممكن اعرف سبب هالراحه والابتسامة رغد: ولا شي مو انتوا تولوا رجعي رغد الأولية هذاني رجعت رفا حضنتها : وأخيرا نسيتي فهد ورجعتيلنا رغد: ومن قال اني نسيته رفا بعدت عنها: نعم رغد: ولا شي قومي ننزل تحت حاسه بجوع ................................. مهرة كانت تتقلب ومو قادرة تنام حاسه بأرق مو طبيعي قامت واكلت حبه من الحبوب المنومة الي تشرب منها كل ما جاها الارق والي تحس انها ادمنتها غسان حس عليها وقام ومسك الحبوب الي بايدها غسان: شوه الحبوب مهرة: ولا شي حبوب منومة خذيتها من الصيدليه غسان: ليش مهرة نزلت دموعها: لاني تعبت تعبت نفس الحال كل يوم مو قادرة انام نفس الناس كله ارق وكوابيس غسان: بسم الله عليك حبيبتي شفيك شصاير مهرة: الموضوع الي الكل يسألني عنه مأرقني احس بنظراتهم وبكلامهم الي فداخلهم حتى لو ما قالوه انا اعرف انه فخاطرهم غسان: حبيبتي انتي ما وعدتيني انك تنسي وبعدين هذا بايد ربنا مالنا دخل فهالشي مهرة: بس انت طبيعي ما فيك شي تقدر تجيب عيال غسان: قلتلك عيالي منك وبس مهرة: بس انا ما اقدر اجيبلك هالعيال افهم غسان حضنها وصار يقرأ عليها الى ما حس بثقل وشاف عليها حصلها نايمه ف حضنه سدحها ونام جنبها وحضنها وفخاطره(لازم اسوي شي يغيرلها نفسيتها قبل مكا تتدمر اكثر من كذا ) ................................ يوم جديد كان الكل متجمع عالفطور أبو سالم: هاه يا سالم خلصت كل اوراقك سالم: خلص كل شي جاهز وان شاء الله الأسبوع الجاي سفري ام سالم: ليش ما تدرس هنا والله ما اقدر انت واخوك تروحوا عني سالم حضنها : بكون معكم وبكلمكم كل يوم ودعواتك الطيبه الي احتاجها اكثر من هالدموع يالغاليه ام سالم: ان شاءالله حبيبي الله يوفقك وترجعلنا بأعلى الشهادات رفا: والله بنفقدك سلوم خذني معك رغد: وين ياخذك وانتي وراك جامعه رفا: مدري بس البيت مو حلو من دونه سالم: ان شاءالله بالاجازات اجيكم او تجوني .................................. سعود كان جالس فمكتبه جاه اتصل سعود: اهاا قلتلي بألمانيا يقضوا شهر العسل .. طيب (وقفل) رايحين شهر العسل طيب يا جود انا اراويك مردك لي يا حلوة (وضحك بخبث) ................. راشد كان كل يوم يروح يوقف عند بيت جواهر الى ما جاته فكرة عشان يقدر من خلالها يتواصل مع جواهر ويتطمن عليها بشكل مباشر دق الباب فتحت جواهر كالعادة جواهر ابتسمت لا اراديا صارت تحس باحساس غريب اتجاه راشد من كثر ما صار يهتم فيهم ويزورهم بشكل مستمر حست انه غير وانسان طيب ومحترم جواهر من ورا الباب : السلام عليكم راشد: وعليكم السلام شخبارك واخبار عمي صالح جواهر: الحمدلله اطياب مشكور عالسؤال راشد : ان شاءالله دووم مد ايده بالكيس الي فايده جواهر: شو هذا؟ راشد: هذا تلفون عشان اذا احتجوا شي او صار معكم شي تقدروا تتواصلوا مع أي احد جواهر انحرجت: لا ما يحتاج مشكور يكفي الأغراض الي جايبها راشد: لا تفهميني غلط (بكذب) ابوي قالي اجيبه لكم عشان اذا حب يتواصل معكم او صار شي تتواصلوا معنا جواهر اقتنعت شوي: طيب خذت الكيس عنه:شكرا راشد: واجبنا يالله ف وداعة الله سلمي عالوالد جواهر بهمس: الله يحفظك ........................... بألمانيا كانت جود فاتحه الدريشه وتتأمل بالطبيعه الخلابة الي تأسر جود بنفسها(سبحان الله طبيعه تخلي الواحد يرتاح غصبا عنه ويروق ) غمضت عيونها وصارت تشم الهواء وتستنشقه فجأة سمعت صوت مسج من تلفونه فتحت الواتس غيداء: وينك يالقاطعه سناء: اكيد جالسه مع الحب ونستنا عيل تقابل وجيهنا ولا وجه الحب جود ضحكت على خبالهم وبنفس الوقت تضايقت لان الناس ما يعرفوا حقيقة هالانسان الي معها جود: انسى عمري ولا انساكم غيداء: صحيح صدقتك..الا كيف المانيا جود: حلوووة واااايد يا ليتكم معي سناء: لا حبي خلك مع فهودك احنا لاحقه علينا جود:بنات اخليكم شكله فهودي جا (ورسلت ضحكه ووجه مبتسم) دخل فهد وكانت جالسه بالكرسي وتلفونها بيدها فهد: قومي جهزي بنطلع رفعت راسها وهزته بمعنى طيب وبداخلها( بشوف يا فهد لوين بوصل معك فهالزواج) طلع وتوجه لغرفته وبدل ملابسه وجود نفس الشي غيرت ملابسها ولبست فوقهم جاكيت طويل للركبة وتحجبت طلعت ونزلت للصاله كان ينتظرها كان ما يحب يطالع فيها لما يكلمها ما يتجرأ يحط عينه بعينها يخاف يضعف قدام جمالها وعيونها ونعومتها سمرا: مدام جود بتحبي جهزلك أي شي للعشا انتي ما اكلتي شي من امس جود ابتسمتلها وهزت راسها بمعنى طيب طلعوا وكان الجو بارد مسكت الجاكيت وضمته عليها لانها مو متعوده عالجو البارد سمرا دخلت المطبخ وكانوا متجمعين كل الشغالات سمرا: ما شاءالله مرته للاستاز فهد كتير كتير حلوة سعاد: والله من كتر ما بتتكلمي عنها نفسي اشوفها ما بتطلعش من غرفتها خالص سمرا: اوصفها الك طيب اممم عيونها خضرا وشعرها اشقر وبيضاء بياض زي التلج وناعمه نعومه بس يا حرام ما بتتكلم سعاد: يا حرام ..طيب ما عرفتي ليه الاستاز فهد طلب غرفتين مش غرفه وحده سمرا: ما بعرف ولا بدي اعرف خلي الفضول عنك ومتل ما النا ما بنجيب سيره لاي حدا خلينا نشوف شغلنا سعاد: على اولتك واحنا مالنا كانوا يتمشوا في طرقاتها وكانت جود فرحانه وتحس براحه ما كانت حابه تخرب هاليوم بتفكيرها بأي موضوع يضايق فهد كانت يطالعها وحس براحه غريبه بوجوده معها نسى كل شي بهاليوم حب روح الطفوله الي فيها كانت تمشي مثل الأطفال حابه تشوف وتستكشف كل شي كان فيه بائع متجول يبيع أشياء تذكارية راحت لعنده كانت فيه اسواره عجبتها كثير فهد شاف اها حابتنها اشتراها لها ابتسمت له تعبيرا عن شكرها له فهد ذاب بابتسامتها وصد بوجهه عنها كملوا طريقه بين أسواق وشوارع شوي ونزل المطر صارت تركض وتدور والمطر ينزل عليها فهد كان يضحك على براءتها سحبها: جود مطر وبرد أخاف تمرضي خلينا نرجع جود اشرتله بمعنى لا حابه تجلس فهد: طيب بنمشي الى ما نوصل للبيت مو بعيد جود هزت راسها بمعنى نعم كانت تركض مستانسه عالمطر وهو معها كان مرتاح اول مره بقربه من جود وصلوا البيت اول ما دخلوا فسخت حجابها وتناثر شعرها الأشقر وفصخت جاكيتها كانت لابسه بنطلون جينز ازرق وبلوزه بيضاء عليها ثقوب من دون اكمام ومفتوحه من الصدر صارت تدور تحت المطر كانها حابه انه المطر يغسل همومها وكل شي بداخلها فهد كان واقف ويطالعها كان كل حركة تسويها تجذبه لها كل شي فيها فتنه يفتنه ويشده لها جمالها جسمها كل شي بلوزتها صارت شفافه بسبب الماي تقرب منها وشدها له صنمت من حركته وقربه لها همس ف اذنها : أخاف عليك لا تمرضين خلينا ندخل مشت معه من دون ولا كلمه دخلوا للبيت فهد كان يطالعه وهو بعده ماسكها من كتوفها وبداخله ما اقدر اتحمل كل هالجمال والانوثه مو حاب اضعف ) غمض عيونه ونزل ايدينه من على كتوفها استغربت من حركته طالعت نفسها شهقت لما شافت ان بلوزتها محدده جسمها وكل شي مبين وركضت فوق ضحك عليها عرف انها استحت فهد غابت الابتسامة عن وجهه: لا تنسى يا فهد انها السبب ببعدك عن رغد لا تنجذبلها لا تخلي جمالها يحطمك ويبعدك عن هدفك الرئيسي لا تنسى انه لولا ظهورها ما كان صار الي صار طلع غرفته وغير ملابسه جود بدلت ملابسها ونشفت شعرها تذكرت لحظة المطر وابتسمت نزلت تحت حصلت سمرا وسعاد يجهزوا العشا اريد رأيكم بالبارتات الي نزلتها وتوقعاتكم | ||||||||
|
| |
|
24-07-18, 11:30 AM
| #20 | ||||||||
| مراقبة عامة ومشرفة منتدى الروايات المنقولة
| البارت 18 جود بدلت ملابسها ونشفت شعرها تذكرت لحظة المطر وابتسمت نزلت تحت حصلت سمرا وسعاد يجهزوا العشا سعاد: مساء الخير مدام سمرا: مساء الخير جود ابتسمت لهم سعاد: اتفضلي العشا جاهز سعاد بهمس لسمرا: بسم الله ماشاءالله ديه اجمل بكتير من وصفك والله وعرف يختار زي الامر سمرا قرصتها : خلينا نمشي جود كانت تسمعهم ابتسمت على كلامهم شوي ونزل فهد وجلس عالسفرة وبداو بالاكل كانت جود مستمتعه بالاكل تحس انه اكل عربي اصيل خلصت وقامت عن السفرة وتوجهت للمطبخ كانوا سمرا وسعاد جالسين فالطاولة يشربوا شاي اخضر وقفوا لما شافوا جود جايه صوبهم سعاد: ان شاء الله الاكل عجبك مدام جود ابتسمت وهزت راسها بمعنى نعم سمرا: بدك شي تاني جود جلست عالطاولة واشرتلهم يجلسوا وكانت تأشرلهم انها حابه تجلس وتسولف معاهم جلسوا وهم مستانسين كانت مستانسه تسولف معهم فهد كان بالصاله جالس يراسل رغد ويشوف فلم فهد: ما اشتقتيلي رغد: اكيد اشتقتلك فهد: شو رايك لما ارجع نلتقي فحديقتنا رغد: اممم طيب شوي وخرجت جود من المطبخ رفع راسه وكان وجهها احمر وخشمها احمر فهد: جود جود لفت وجهها عليه فهد: فيك شي مريضه جود كانت حاسه بتعب وانه حيلها مهدود بس ما حبت انها تقول لفهد قالت يمكن محتاجه راحه هزت راسها بمعنى لا وطلعت غرفتها فهد كان مو مطمن لكن طنش وجلس يكمل الفلم بعد م خلص الفلم طلع لغرفته غير ملابسه ولبس بيجاما فهد: بروح اتطمن عليها أخاف يكون فيها شي وابتلش من يفكني من ابوي اذا صارلها شي طلع وتوجه لغرفة جود دخل من غير م يدق الباب توجه لسريرها كانت نايمه وصوت انينها طالع وترتجف حط ايده على جبينها كانت حرارتها مرتفعه فهد: قلتلها بتمرضي لكن عاندت نزل للمطبخ يجيب كمادات ودواء خافض للحرارة ومسكن للالم طلع لغرفتها جلس جنبها عالسرير وصار يضرب على خدودها بالخفيف عشان تصحى فتحت عيونها بصعوبه فهد: قومي اشربي هالحبوب كانت حاسه بضعف ومو حاسه بشي قومها فهد وعطاها الحبوب وشربها ماي ورجعت انسدحت صار يحط عليها الكمادات ويتأمل بوجهها فهد: حتى وانتي تعبانه جميلة وتفتني الي يشوفك مر الوقت وفهد نام بدون ما يحس عالكرسي صحت الصبح وهي تفرك عيونها وتحس جسمها مكسر شافت فهد نايم جنبها بالكرسي تفاجأت وقامت بسرعه وسحبت البطانيه عليها تغطي نفسها مستحيه بداخلها: هذا شفيه نايم هنا فهد صحى ويحس ظهره يعوره فتح عيونه وشاف عليها تطالعه وهي وشاده بالبطانية على جسمها بخوف فهد: كنتي تعبانه مسخنه امس ف سويتلك كمادات ونمت بدون ما احس بس كله من لعبك تحت المطر مره ثانيه انتبهي انا مو فاضي ادير بالي على أطفال طلع من عندها وجود كانت تحس بجرح من كلامه امس عاشت يوم حلو واليوم بكلامه محى كل ذكرى حلوة وكل يوم بكلامه يمحي كل لحظه حلوة تعيشها قامت وطلعتلها لبسه من الكبت وخذتلها شور عالسريع ونزلت كان الفطور جاهز جلست تفطر خلصت وطلعت فالحديقه تشم هوا مروا أسبوعين بلمح البصر بدون احداث مهمة تذكر رجعوا جود وفهد من السفر وتوجهوا للقصر أبو فهد تعمد انه ما ياخذلهم بيت بروحهم عشان بيشوف معاملة فهد مع جود ويتطمن عليها مع فهد ريم نزلت ركض : هلا والله بالمعاريس حضنت جود بكل قوتها : اشتقتلك جود ابتسمت وبادلتها الحضن فهد: شو انا ما اشتقتولي ريم حضنته: افااا كيف ما نشتاقلك ام فهد: حمدلله عالسلامه جود سلمت على ام فهد وباستها فراسها وفهد سلم على امه وباس راسها فهد: شخبارك يالغاليه ام فهد: الحمدلله بخير دامكم بخير .. جهزنالكم الجناح طلعوا ارتاحوا لوقت العشا ................... راشد كان بغرفته منسدح خطر فباله جواهر دق عالرقم الي عطاها إياه...جواهر كانت بالمطبخ تجهز العشا رن الموبايل وكان رقم غريب استغربت لان محد يعرف الرقم غير أبو فهد جواهر ردت وهي متردده: الووو راشد: السلام عليكم جواهر: وعليكم السلام ..عفوا من معي راشد: انا راشد ولد أبو فهد جواهر قلبها صار يدق بسرعه بخوف وحست بتوتر جواهر: بغيت شي راشد: حبيت اتطمن عليكم اذا محتاجين شي جواهر: مشكور ما نبغي شي مع السلامه راشد: لحظه جواهر لا تسكري الله يخليك جواهر سكتت بتسمع شو اخرة هالمكالمه راشد: اذا ممكن تسمحيلي اتصل بين فترة وفتره اتطن عليكم جواهر: ابوك مو مقصر ما يحتاج وبعدين مالك حق انك تتصل وتكلمني هالشي غلط راشد: انا مو قصدي أي شي لا تفهمي كلامي غلط جواهر: مع السلامه ..وسكرت الخط فوجهه جواهر كانت فرحانه انها سمعت صوته تحس بمشاعر غريبه اتجاه هالانسان اول مرة تحسها غابت الابتسامه عن وجهها : اصحي يا بنت انتي وين وهو وين معقوله ولد العز يفكر فيني هو بس يتسلى ووبعدها اهله بيزوجوه وحده من مقامهم انا لازم ما اخلي هالمشاعر تغلبني ولا اسمحله يتسلى فيني .................. رفا كانت جالسه مع رغد بغرفتها رفا: رغوده ممكن تلفونك بسجل رقم رغد: خذيه هذاك عندك رفا: طيب فتحيه ما اعرف الرقم السري رغد: هاتي ما تشوفيني اصبغ اظافري رفا تضحك: طيب كملي ولما تخلصي فتحيه لي رغد: هاتي خلص بعد ما ضيعتي المود رفا: خفي علينا يا ام مود فتحته وكانت بتكتب الرقم تفاجأت من الرساله الي وصلت لرغد فتحت عيونها على وسعها رفا: فههد رغد ارتبكت وسحبت التلفون من ايد رفا رفا: شوه الكلام الي شفته يا رغد رغد: شو شفتي رفا: انتي بعدك متواصله مع فهد رغد سكتت رفا: رغد انتي صاحيه مستوعبه الشي الي جالسه تسوينه رغد: انا احبه وهو يحبني وحتى لو تزوج فالنهايه بيطلقها وبيرجعلي هو ما يحبها وتزوجها عشان عمي وبس رفا منصدمه من كلام اختها وتفكيرها رفا: رغد اصحي اصحي من هالاحلام فهد تزوج خلص وصار من نصيب وحده ثانيه وحتى لو تحبوا بعض احترموا مشاعر الانسانه الي هو متزوجها وبعدين انتي مو محرم له عشان تكلميه وكلام حب وغرام انتي لازم تنسي فهد ولا تحاولي تخربي بيته ولا تحاولي تبعديه عن زوجته رغد: هو من نصيبي انا وفالنهايه كل هالزواج بينتهي وبيرجعلي وهو أصلا مو معتبرها زوجه زواج على ورق وبس ولا بيقرب منها رفا كانت مو مستوعبه الكلام الي تسمعه من اختها: رغد معقوله هذا تفكيرك انتي فرحانه انه فهد يعامل زوجته بهالطريقه انتي مستانسه انك خربتي بيت هالبنت شو مستفيده اذا فهد سواه الشي وبعدين هو من حقه يطلع اسرار علالاقته مع زوجته سوا معك او مع غيرك تفاعلوا على البارتات الي نزلتها بغيب كم يوم وبعدها بكمل لكم ان شاءالله ابغا اشوف توقعاتكم مع ابطالي | ||||||||
|
| |
|
| أدوات الموضوع | |
| انواع عرض الموضوع | |
|
|
2Likes
.png)
العرض العادي
