17-07-18, 11:35 AM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  لحظه صمت / للكاتبة roz_33
التعديل الأخير تم بواسطة لامارا ; 07-08-18 الساعة 12:31 PM | |||||||||||||
|  |
|
17-07-18, 11:35 AM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  بسم الله الرحمن الرحيم السلام عليكم ورحمة الله وبركاته اعزائي أعرفكم بنفسي انا ريم كاتبة مبتدئة وجديدة في عالم الكتابة بعد تردد كبير قررت انشر احدى كتاباتي المتواضة بِسْم الله نبدء البارت الاول  التعديل الأخير تم بواسطة لامارا ; 07-08-18 الساعة 12:38 PM | ||||
|
| |
|
17-07-18, 11:38 AM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الاول في دبي دخلت وصوت كعبها العالي يعلن وصولها وهي تمشي بكل ثقه وقفت عند الاستقبال وسألت عن مكتب المدير الموظف دلها وهو مبهور بجمالها مشت بكل هدوء ودقت الباب سمعت صوت المدير يسمح لها بدخول دخلت وهي تقول : اوف يا جهاد ليش ماجيت تأخذني من المطار ضحك وهو ويفتح يده لها علشان يضمها : سوري حياتي روز بس كنت مشغول شوي وبعدين السواق ما استقبالك انا علمته متى توصل الطيارة علشان ما يتاخر عليك تاففت بصوت عالي وقالت :ايه بس كنت حابه انك تستقبلني بنفسك ولا ما استاهل شوي من وقتك الثمين بعد عنها وهو يضحك وقال لها:الا تستاهلين الوقت كله مو شوي يا عمري تفضلي اجلسي وش حابه تشربين بجديه :جهاد انت عارف انا ليش جيت هنا انا مو جايه اشرب شيء ابيك تعلمني وش عرفت عن ذاك البني آدم جهاد بجديه مشابه لروز :قصدك ابوكِ روز بغضب :مايستاهل أقول له أبوي بعد كل شيء سواه في أمي جهاد بهدوء :بس احنا مانعرف ليه صار كذا أكيد في سبب روز : وانا جايه علشان اعرف ليه قتلها جهاد :طيب الحين وش بتسوية بتروحين له وتقولين له ليش سويت كذا روز : أكيد لا بس عندي خطه جهاد :وش هي بهدوء وهي تحط رجل على رجل :أبغى أتوظف معه في الشركه صرخ جهاد بغضب :جنيتي إنتي تبغين يقتلك زي ما قتل أمك روز بهدوء مستفز : لا طبعا بس لازم ألاقي دليل يثبت انه هو اللي قتل أمي وانت أكيد بتساعدني جهاد :أكيد بس كيف روز :أبغى أوراق مزوره وابغى بيت لوحدي جهاد :الأوراق سهله بس ليش البيت إنتي تسكنين معي مايحتاج بيت روز :الا علشان اقدر أتقرب من العائله كلها جهاد :خلاص اعتبري من بكره كل شيء جاهز تبين شيء ثاني روز :ايه ابي معلومات عن كل فرد بالعائلة كلها كبير او صغير حي او ميت جهاد :تم خلينا نروح البيت علشان ترتاحين روز وقفت بدون ماتقول شيء سوري نسيت أعرفكم على نفسي انا روز عمري 25 سنه متخرجة اداره اعمال انا من اب سعودي وأم روسيه كنت دائما اسمع عن قصه حب ماما وبابا الأسطورية بس مافي شيء كامل لان بابا كان خاين وكذاب وما وفى بالوعد اللي قاله ماما ماتت من اربع سنوات بحادث سيارة مدبر وانا شاكه في بابا بس بعدين تعرفون ليه اما الشخص اللي كان معي بخليه يعرف عن نفسه مرحبا انا جهاد عمري 28 سنه مدير شركه مقاولات وحيد اهلي روز بنت خالتي ومثل اختي احنا ربينا مع بعض انا اكبر منها بثلاث سنوات وبس هذا كل شيء حالياً (باقي الشخصيات مع الوقت بتعرفونها ) *** نكمل في مكان ثاني نتكلم عن عائله مليانه غموض وأسرار نبدأ عند بسام الكامل رئيس لمجلس اداره شركه الكامل مشى معصب لمكتب ولده رواد فتح الباب بقوه وصرخ عليه :انت وبعدين معك لازم جايب لي كل يوم مصيبه جديده رواد بهدوء :يبه الله يهديك مو هنا نتكلم في هذا الموضوع في البيت صرخ عليه بصوت اعلى :لا تسكتني وقولي وش مسوي لبنت عمك يوم انها راحت لبيت اَهلها رواد بهدوء اكثر من قبل :والله انا ما سويت لها شيء هي دلوعة وانا ماني فاضي أراضي احد بسام :اسمعني زين الليله تروح وترجع زوجتك للبيت ولا لا اشوفك مره ثانيه سمعت ولا لا رواد :يبه انت عارف أني ما احبها وهي ما تحبّني ليش نطولها وهي قصيره بسام : انا ما أعيد كلامي مرتين بسرعه روح رجعها أحسن لك رواد :على امرك يبه طلع بسام وجلس رواد على المكتب يفكر في حل مع غنى بنت عمه فيصل وزوجته من سنه ونص (نتكلم عن رواد وغنى شوي )رواد مدير قسم الانتاج والتسويق في شركه الكامل اكبر عيال بسام الكامل عمره 33سنه متزوج من غنى بنت عمه فيصل من سنه ونص بس ما يحبها كان يحب وحده ثانيه مع الأحداث تعرفون من هي غنى الكامل بنت فيصل الكامل الصغيرة الدلوعة يحبها اكثر من الباقين أمها الزوجه الثانيه لفيصل وهي وحيدتها ما عندها غيرها اما فيصل عند عيال من زوجته الاولى غنى بنت دلوعه وناعمه وتحب زوجها رواد بس ما تبي تقول له علشان هي تعرف من البنت اللي يحبها رواد عمرها 22سنه تدرس اخر سنه تصميم ديكور **** نروح عند روز اللي كانت تلف في السياره ووقفت عند البحر عند زي التل لفت انتباهها الأنها تحب الهدوء وتحب البحر في وقت الغروب بالذات شوي حست بأحد ورآها لفت بهدوء علشان تعرف مين هو اما هو كان يمشي رايح للمكان اللي يحب يجلس فيه كل ما كان متضايق او سعيد بس انتبه لسياره بي أم دبليو واقفه قريب من مكانه المفضل رفع راْسه ومشى شوي قدام وشاف بنت واقفه وخصل شعرها الاشقر تطير مع الهواء قال في نفسه :شكل هاذي حوريه بحر ولا ملاك وش ذَا الجمال كله وش قاعد اخريط انا لفت روز بهدوء وقالت :من انت وليش تلحقني قال :إنتي اللي مين وش جابك هنا اول مره اشوف احد هنا ضحكت روز وقالت : سوري شكلي أخذت عليك مكانك انا روز وانت ابتسم وقال : انا نواف ولا عادي لا تشيلي هم خلي هذا المكان سرنا احنا الاثنين ابتسمت روز وقالت :انت دائما تجي هنا نواف: ايه لما أكون متضايق او سعيد قالت روز في نفسها : هو اَي وحده اللحين وقالت بصوت عالي :الوقت تاخر انا الازم امشي فرصه سعيده يا نواف قال نواف في نفسه (تحرك ياغبي بتروح خذ رقمها ) قال بصوت عالي :وانا اسعد بس عادي اسأل اذا كنت بشوفك مره ثانيه او لا روز :ما أظن الان انا جايه لشغل بس وبسافر مره ثانيه وركبت السياره ومشت جلس نواف ويده على قلبه وهو يقول في نفسه : احس أني بشوفك مره ثانيه يا روز *** نروح عند رواد اللي وقف السياره عند بيت عمه فيصل ونزل بهدوء ودق الجرس وردت عليه غنى وهي تقول :مين رواد :انا غنى افتحي غنى :يمه هذا ليش جاء هنا فتحت الباب دخل رواد بكل ثقه بعثره كيان غنى مع ريحه عطره اللي تحبها رمى عليها السلام وجلس وجلست غنى وقالت بتوتر :وش جابك هنا رواد :جاي آخذك جيبي أغراضك ومشي بدون نقاش غنى ودموع بعيونها :ليه انت ما تحبّني خلني عند اهلي و روح تزوج اللي تحبها شاف رواد الدموع بعيونها وقال بحنان يغلب على شخصيته :غنى حبيبي انت عارفه ليش خلاص امشي معي لا تصعبين الأمور غنى ودموعها نزلت :ايه بس ما تعرف قد ايش صعب تعيش مع شخص وانت عارف انه ما يحبك انا ما اقدر أتحمل اكثر انا ماني مجبورة أني أتحمل كل تصرفاتك اللي تذلني فيها رواد : انا عارف انه صعب عليك بس انا كمان صعب علي انا أسف بس انا ماني قادر احبك وانتي عارفه من اول يوم خطبتك فيه أني أحب وحده ثانيه وان أبوي اجبرني آخذك علشان عمي فيصل كاتب نص الأسهم حقته من الشركه لك غنى :ايه بس انا ماني قادره امثل اكثر من كذا رواد : طيب عندي حل يرضي الكل اذا عجبك صار وإذا لا انا مستعد اطلقك الحين وأتحمل كامل المسؤوله غنى بهدوء وهي تمسح دموعها :وش هو رواد :ترجعين معي ونقعد ثلاث شهور اذا خلتيني احبك كملنا مع بعض بس اذا ما قدرتي انا بطلقك وش رأيك غنى صار عندها أمل من كلام رواد :انا موافقه بروح اجيب أغراضي واجي **** نروح عند بسام الكامل كان جلس في مكتبه في البيت ماسك علبه متوسطه الحجم بلون الأبيض العلبه تجمع كل أسراره فتح العلبه وطلع منها البوم صور فتحه وقعد يقلب فيه بهدوء لين وصل عند صوره لبنت في عمر 15سنه بعيونها الزمرديه والشعر الاشقر الى أسفل الظهر تقف مائله ومشيره الى ماسك الكاميرا بيدها بسام ودموعه بدأت النزول : روز حبيتي وينك الحين أكيد كبرتي وصرتي احلى بكثير بس لا تخافين انا بلاقيك ونعيش مع بعض مره ثانيه ما راح اسمح لأحد يفرقنا طيب يابابا انتظري بس شوي ورجع يقلب في الصور وقف عند صوره كان فيها من اسعد الناس ويده بيد من احبها وفعل المستحيل لاجلها :ماريا حبيبتي اشتقت لك ليتك قبلتي ترجعين معي ذاك اليوم ما كان صار اللي صار وتفارقنا بس انا أكيد ما راح اسمح اللي صار لي معك يصير مع روز انا أوعدك بدأ يجمع العلبه على صوت دق الباب ليقول بهدوء سامح لطارق بدخول :تفضل ليسمع صوت ابنه رعد اقرب ابنائه له وأكثرهم شبه به :يبه العشاء جاهز ننتظرك تجي بسام وهو يحمل العلبه ويضعها في الخزنة : طيب انا جاي الحين رعد :يبه مافي اَي اخبار عن روز بسام :لا وهذا زايد قلقي صار لي سنتين أدورها وما لقيت اَي معلومات عنها رعد وقد وضع يده على كتف ابيه :لا تقلق يبه أن شاء الله نسمع عنها خبر قريب وإذا ما صار شيء ذَا الشهر انا بنفسي الشهر الجاي اروح أدورها بسام :يصير خير طلعوا الصاله العشاء كان الكل موجود ما عدا رواد وغنى جلس بسام :وين رواد وزوجته ياسمين : طالبين عشاهم فوق بسام :يعني رجع زوجته ياسمين :ايه الله يوفقهم الكل :أمين لف بسام لورد بنته وشافها سرحانه وتلعب بملعقه :وش فيها حبيبه قلب ابوها ورد بابتسامه ذابله :ولا شيء يا حبي الاول بس شويه تعب بسام بقلق :تبين نروح المستشفى ورد:لا ما يحتاج ياسمين :بسام بكره اهلك مسوين عشاء لازم تجي معنا بسام : يصير خير رعد :الا يمه ليش العشاء ياسمين :علشان عمتك مروى رجعت من لندن رعد :ما شاء الله متى جت ياسمين :أمس (نعرفكم على عائله بسام الكامل 1/ بسام "رجل اعمال ناجح من عائله معروفه الابن الثاني لصقر الكامل متزوج مرتين مره عن حب ومره زواج تقليدي 2/ياسمين "زوجه بسام الاولى من عائله معروفه رسامه شاطره ولها معارض تحب بسام بس ما كانت تدري ان بسام تزوج عليها 3/ماريا "زوجه بسام الثانيه تزوجها عن حب كان رايح رحله عمل لروسيا وهي كانت المترجمة حقته ماتت من اربع سنوات بس بسام ماعرف الأ من سنتين 4/رواد "تم التعريف 5/ رعد "ثاني عيال بسام وأكثر العيال شبه فيه وابوه مره يثق فيه ويعلمه كل أسراره حتى عن زواجه من ماريا وعن روز يشتغل محامي يحب يظهر الحق يحب روز من كلام ابوه عنها يبغى يلقاها بأسرع وقت عمره 32سنه 6/فارس " اكثر ولد مجنن ابوه من كثر مصائبه ارسله ابوه لفرنسا يدرس علشان يرتاح منه شوي يدرس هندسة بس هو وين ودراسه وين عمره 24 7/ورد " البنت الوحيدة لبسام من زوجته الاولى دلوعه عند الكل بس ابوها بزيادة تسمي ابوها حبي الاول تدرس طب عمرها 20سنه 8/روز " تم التعريف الى هنا يكون قد انتهى البارت الاول أتمنى ما تحرموني أراكم والى لقاء قريبا حسابي في الانستا انزل الروايه هناك كمان (roz_337) التعديل الأخير تم بواسطة لامارا ; 30-09-18 الساعة 08:17 PM | ||||
|
| |
|
06-08-18, 09:16 AM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثاني **** نروح لبيت فيصل الكامل دخل البيت وهو يدندن ومبسوط سمع صوت يكمل معه الاغنيه التفت وشاف اخته نهال ابتسم لها نواف :ليش ما نمتي لين الحين نهال : انتظر الفلم يخلص بعدين شكلك مروق وتغني وش صار من زمان ما شفتك كذا نواف :تعالى اجلسي أقولك وش صار معي اليوم نهال :قول مره متحمسة نواف :تذكرين المكان اللي دائم اجلس فيه نهال:اللي عند البحر نواف :ايه رحت اليوم وشفت هناك ملاك تجنن واسمها روز نهال :طيب كيف عرفت اسمها نواف :هي قالت لي نهال :يعني كلمتها طيب أخذت رقمها شيء نواف :لا هي قالت انها هنا لشغل ما راح تطول هنا بتسافر نهال :ليه شكلها مو من هنا نواف :لا شكلها اجنبيه بس تتكلم عربي أحسن مني ومنك نهال :طيب كيف بتشوفها مره ثانيه اذا انت ما أخذت رقمها او عنوان شغلها نواف :ما ادري بس عندي احساس أني بشوفها مره ثانيه قريب سمعوا صوت احد نازل الدرج وجاي الصاله اللي هم جالسين فيها :وش تسوي انت وهي كشفتكم نهال :تالين وبعدين معك ما تعرفين تتكلمين بشويش لازم كل البيت يقوم تالين :عادي أساسا محد يحس بأحد في هذا البيت فتح باب البيت وشاف عياله متجمعين في الصاله ابتسم لهم من زمان ما جلس معاهم فيصل :مساء الخير الكل :مساء النور فيصل جلس جنب تالين ويده على كتفها :إنتوا ليه باقي صاحين نواف:انا توني جئت من برا كنت مع رعد وجئت نهال :انا كنت اشوف فلم وخلص وبروح انام بعد شوي تالين بعياره : انا الحب حارمني النوم ضحك فيصل : لا بالله ياليلى تالين :يرضيك يا بابا ما اقدر انام من وجع الحب فيصل :لا مايرضيني مين هذا اللي تحبينه نزوجك له ونرتاح تالين : جد بدق على قيس يجي ويجيب المملك لا يتأخر وتغير رأيك ضحك الكل على خبال تالين اللي مستحيل تتغير ****** نعرف عائله فيصل الكامل 1/فيصل الكامل اكبر عيال صقر الكامل رجل اعمال ناجح ترك كل الشغل لنواف ولده متزوج مرتين يحب بنته غنى اكثر بشوي من الباقين 2/هيا زوجة فيصل الاولى انسانه همها آش يقولون الناس عن لبسها وشكلها وحياتها كلها مصالح ما تجلس في بيت 3/فدوى زوجة فيصل الثانيه انسانه طيبه وتحب فيصل مريضه بربو تحب كل شيء منظم أنيقه وهذا الشيء اللي ورثته غنى منها كانت تكتب شعر بس يوم جابت غنى وقفت 4/نواف " اكبر عيال فيصل الكامل ذكي وشخصيه واثقه من نفسها بس في الشغل لكن في حياته الشخصية عكس ذلك مرح وحيوي عمره 33 سنه مو متزوج بس كان يحب وحده من صغره بس ما يتذكر حتى اسمها بس عنده أمل انه يعرفها في يوم من الأيام 5/مؤيد "شخصيه انطوائها ما يحب احد يتدخل بخصوصياته يحب اخته غنى ويثق فيها وما يخبي عنها شيء وهي كمان ما تخبي عنه شيء حتى عن علاقتها هي و رواد يدري عنها بس ما حب يتدخل لانه يعرف ان غنى تحب رواد من كانت صغيره عمره 30 سنه كان ساكن في تركيا لشغل ورجع من شهر وعلاقته مع اخوانه شبه مقطوعه الا غنى 6/ نهال"بنت طموحه وذكيه الكل يحبها تهتم بكل تحب رعد بس ما احد يدري متخرجة من الجامعه بتقدير ممتاز موظفه في مستشفى خاص تخصص جراحه عمرها 26سنه 7/تالين"بنت مرحه وحيويه ونشيطه ما تعرف تتكلم بهدوء دائماً مسويه ازعاج بس اذا كرهت احد مستحيل تسامحه تشتغل في دار أيتام تحب الأطفال مره عمرها 24 سنه 8/غنى "تم التعريف عنها ((كذا تم التعريف بعائله فيصل الكامل )) ***** عند روز جالسه في الحديقة وتقراء ملف عائله الكامل بس لفت انتباهها اسم نواف وصورته وتذكرت انها شافته عند البحر اليوم روز في نفسها :وش ذي الصدفه اللي قابلته اليوم يطلع ولد عمي بس لازم استغل الفرصه الي جت لعندي قاطع تفكيرها صوت خالتها جوان :روز تعالي نتكلم شوي بعدين الشغل ما بيطير ابتسمت روز لخالتها اللي هي مثل أمها في كل شيء ما عدا العيون عيون روز وامها كانت بلون الزمرد اما عيون خالتها و جهاد كانت رصاصية حاده روز :جايه حبيبتي بس كان لازم انهي ذَا الشغل دخلوا الصاله داخليه للفله وجلسوا مع جهادوابوه صابر :هلا والله ببنتي روز روز :هلا بك زود جهاد :الله لنا كل هترحيب بروز وانا مالي شيء حتى يعطيك العافيه مافي جوان : انت لين متى بتقعد غيور كذا جهاد : أمي أنتِ عارفه أني أغار من اهتمامكم في اَي شخص غيري خصوصا روز وهو يخزها بعيونه حركت روز حواجبها باستفزاز له وهي تقرب من خالتها اكثر علامه على التملك قام جهاد وجلس بينهم بقوه لدرجه ان روز طاحت من الكنب جلست مصدومه لدقائق تستوعب اللي صار اما جهاد ضحك بكل صوته من ملامح الصدمة على وجهها قامت روز تبي تضرب جهاد اللي هرب يوم شافها قامت ****** نعرفكم بعائله صابر الفارس 1/صابر الفارس "رجل اعمال كويتي بس مقيم في موسكو كان يدرس في نفس الجامعه مع جوان وماريا تزوج جوان عن حب استمر اربع سنوات له شركه مقاولات يديرها ابنه الوحيد جهاد 2/جوان "مصممة أزياء معروفه باسم مستعار وهو الملاك الصامت شخصيه ناجحه في حياتها ماتحب تعتمد على احد حتى زوجها وولدها تحب الحريه علاقتها بأختها مره قويه هي اكبر من ماريا بسنه تأثرت بموت اختها مره بس ما مو شاكه في بسام مثل روز وجهاد الانها تعرف حب بسام الكبير الاختها 3/جهاد"تم العريف **** نروح عند غنى كانت جالسه تفكر في الاتفاق اللي بينها وبين رواد وهل راح تقدر تخليه يحبها او لا وتخسر كل شيء حتى حبها له قاطع تفكيرها رواد وهو طالع بياخذ مفتاحه ناظر فيها شوي ومشى حاولت تناديه بس في شيء منعها وهو كبريائها تنهدت بصمت على حالها معه بس جلست تفكر لازم تقول لأحد ولا راح تموت من القهر بس مين تكلم :ورد لا لا يمكن تقول لعمي او عمتي واذا عرف رواد بتصير مصيبه طيب مين مؤيد ايه أكيد هو بيسمعني أخذت الجوال ودقت عليه رد عليها بعد الرنه الثالثه :هلا غنى كيفك غنى : هلا فيك انا بخير انت كيفك مؤيد :ماشي الحال غنى :مؤيد جنبك احد مؤيد : لا ليه في شيء غنى :ايه اسمعني للنهايه بعدين قول اللي تبي مؤيد: طيب غنى : أمس تهاوشت مع رواد ورجعت بيت أمي زعلانه وعمي عرف وعصب على رواد وقاله يجي يراضيني جاء رواد و اتفقنا اتفاق بس امانه لا تعصب علي مؤيد بهدوء : وش هو الاتفاق غنى تنهدت : انه نقعد مع بعض ثلاث شهور اذا قدرت اخلي رواد يحبني فيها بنكمل مع بعض بس اذا ماقدرت راح يطلقني مؤيد بعد صمت دام لدقائق :طيب إنتي وثقه انك بتخلينه يحبك في ثلاث شهور بس لك سنه ونص معه ما حبك بيحبك في ثلاث شهور غنى : ادري ان الموضوع صعب بس ابي احاول علشان في يوم ما أندم أني ما حاولت أنقذ حبي له مؤيد : طيب اذا طلقك وش بتسوين غنى : أكيد بتضايق بس اللي يحب يضحي صح ولا لا انا اذا كنت أحب رواد لازم أتمنى له السعاده مع الشخص اللي يبي يكون معه مؤيد :غنى إنتي جوهره ما عرف رواد قيمتها ابتسمت غنى بحب له كيف ما تحبه وهو من كان دائما يدافع عنها ويحميها من كل ضر :مؤيد شكرًا لأنك احلى اخ في العالم ضحك مؤيد : بس لازم أتغدى معك بكرا غنى:اوك أقول لرواد وارد عليك تصبح على خير مؤيد :وانتي من أهله بس اللي ما كانت غنى حاسبه حسابه ان رواد ما طلع وسمع كل الكلام اللي انقال اجل تحبيني من زمان يا غنى ليش ما قلتي لي طيب دخل غرفة النوم وشاف غنى تسوي نفسها نايمه تجاهلها وكمل طريقه لغرفه الملابس يبدل ملابسه لبس بجامه كحليه وانسدح جنبها نام بدون مايقول لها شيء كذا وصلنا لنهايه البارت الثاني | ||||
|
| |
|
22-08-18, 05:22 PM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثالث ******* اليوم الثاني جالس في مكتبه دق الباب نواف :تفضل دخل السكرتير :أستاذ نواف معي وحده تقول انها جايه لطلب وضيفه نواف : طيب داخلها السكرتير أشر لها تدخل دخلت بكل هدوء وريحه عطرها سبقتها :مرحبا انا انآ نواف رفع راْسه وتفأجى لما شافها وقف بسرعه ماد يده علشان يصافحها : وش هصدفه إنتي البنت اللي أمس بس كأنه اسمك كان روز روز او انآ : انا أسفه بس انا كذبت عليك باسمي أمس صعبه اعلم شخص اول مره أقابله عن اسمي الحقيقي صح ولا انا غلطانه نواف هز راْسه بتفهم: لا إنتي صح ولا يهمك حصل خير روز او انآ :انا جايه اقدم على الوضيفه عندكم نواف : ممكن اشوف أوراقك روز :أكيد تفضل اخذها نواف وبدأ يقرأها اما روز كانت تتفرج في المكتب اللي طغت عليه اللونين الاسود والابيض نواف رفع راْسه شافها سرحانه ابتسم :عجبك المكتب انتبهت روز له وابتسمت بحرج : بصراحه ايه ذوقك مره حلو نواف : إنتي روسيه روز :لا نصف روسيه نواف : اها طيب إنتي الحين المساعده حقت رواد ولد عمي كاتجربه لك لمده أسبوع وبعدين أنقلك عندي او عند عمي بسام الأسماء شدة انتباه روز بقوه يعني بأشتغل مع اخوي الكبير بعدين أبوي او نواف هذا اللي كنت ابيه : طيب مشكور متى اقدر ابدأ الشغل نواف :اليوم اذا كنتِ حابه روز :ياريت نواف أخذ روز في جوله حول الشركه وعرفها على بعض الأقسام الأساسيه وهم ماشين قابلوا رواد ورعد واقفين مع بعض نواف : السلام كيفكم يا شباب رواد :كنت معنا أمس ما صار شيء جديد في كم ساعه نواف :طيب رواد زين أني شفتك أعرفك انآ مساعدتك الجديده رواد ناظر في روز من فوق لتحت :هلا فيك تشرفت روز : الشرف لي أستاذ رواد رعد :انا رعد اخو رواد محامي الشركه فرصه سعيده واهلا فيك معنا روز : انا اسعد رواد : تعالي معي يا انآ علشان تشوفين مكتبك روز وهي تشوف ظهر رواد الحين هذول اخواني احس انهم طيبين لا يا روز لا يخداعونك هذا وجهم مع الناس الغريبه مع الوقت تطلع حقيقتهم مشت وراء رواد بهدوء ****** عند بسام كان جلس في مطعم مع المحقق اللي عينه يدور روز المحقق : أستاذ بسام الانسه روز هنا في دبي بسام :متأكد من هذا الكلام ستحضره المحقق المحقق : ايه وهو يفتح الشنطة اللي معه ويطلع منها أوراق شوف هذا صوره من جواز السفر حقها شوف الاسم وتاريخ الميلاد هذا مو دليل كافي لك بسام بفرحه بانت في عيونه :ايه صح هذا تاريخ ميلاد روز هذا اسمها روز بسام صقر الكامل بس هي وين الحين المحقق :ببدأ من يوم أدور في الفنادق بسام : اذا لقيت اَي شيء عنها تعلمني حتى لو كان الوقت متأخر المحقق :حاضر والحين عن إذنك بسام : إذنك معك بسام اخيراً قربت أني ألقاك يا حبيبت قلب ابوك بس وش جابها هنا يمكن جت تدورني بس ماريا كان عندها عنوان بيتي معقوله ما أعطت روز العنوان على عموم مو مهم اهم شيء ان بنتي بترجع لي ****** عند ياسمين زوجه بسام كانت جالسه تحضر للمعرض اللي بتسويه بعد يومين وتجهز الدعوات له هاذي لعمي صقر وعمتي هدى وذي لفيصل وعياله وذي لرواد وزوجته وذي لصدقات ورد وذي لأخواتي وعيالهم وذي لمصممه اللي بتصمم فستان المعرض ولأهلها قاطعها صوت ورد :ماما عادي أتكلم معك شوي ياسمين : لا ياماما انا مشغولة بعدين ايه صح خذي هاذي الدعوات لصدقاتك واهلهم ورد بضيق :ان شاء الله ***** في الليل كانت روز جالسه مع خالتها وجهاد جوان : جت لي دعوات لمعرض لرسامه ياسمين الخالد روز وجهاد التفتوا لبعض بسرعه من الاسم كملت جوان من دون ما تنتبه لهم : دعوه لكل شخص فينا جهاد :ماما من فين تعرفين هاذي الرسامة جوان :طلبت مني وحده من صدقاتي أصمم لها فستان وهي عجبها التصميم فطلبت مني أصمم لها ليوم افتتاح المعرض روز :اها بصراحه انا شفت لها رسومات من قبل هي كثير شاطره ولدها مديري في الشغل بصراحه كثير محترم جوان :جد إنتي تشتغلين عند واحد من عيالها روز : ايه اليوم شفت صوره لها على مكتبه عن اذنكم بطلع ارتاح جهاد : وانا كمان بطلع معك جوان : اذنكم معكم طلعوا و روز مسكت جهاد قبل يدخل غرفته ودخلته غرفتها جهاد : بنت شوي شوي وش فيك روز : شفت الفرصه جت لين عندنا جهاد : اَي فرصه روز :المعرض لازم احضره جهاد :طيب احضري وانا بحضر معك روز : ايه بس في مشكله صغيره جهاد :وش هي روز : انا داخله الشغل باسم مزور واكيد المدراء بيروحون المعرض وإذا حضرت خالتي وسمعت احد يناديني انآ بننفضح جهاد : ايه صح كيف راح عن بالي هذا الموضوع لازم أمي ما تحضر بس كيف روز : عندي فكره اعرف الشخص اللي بيساعدنا جهاد:مين روز : بابا صابر جهاد : أبوي بتقولين له كل شيء روز : لا طبعا ياغبي بس بنقول له انه يطلع هو وهي يتعشون مع بعض انه من زمان ما طلعوا لوحدهم جهاد :خلاص هذا الموضوع علي روز : تمام **** عند نواف كان جالس على سريره ويفكر في اللي صار اليوم : اسمها انآ طيب ليش قالت ان اسمها روز معقوله كانت خايفه اعرف اسمها يمكن ماتحب اسمها بس احس أني شفتها في مكان من قبل بس وين خلاص مو مهم اهم شيء انها صارت تشتغل معنا سمع دق على باب : ادخل نهال :مرحبا شو عّم تعمل يا حبيب قلبي ضحك نواف :ياعيني لبناني مره وحده نهال : أمزح معك صدق ماتستاهل نواف : تعالي اجلسي جلست على كرسي المكتب وهي تلعب بأغراض نواف نواف : ماتدرين وش صار معي ما راح تصدقي نهال :وش صار لا يكون بس شفت الملاك اللي أمس نواف : وش عرفك نهال باستغراب :نواف بلا استهبال نواف : والله أني شفتها وكلمتها نهال بحماس : اما وين وكيف ومتى نواف : متى اليوم وين في المكتب وكيف كانت تبغى وضيفه نهال : أكيد سويت زي المسلسلات التركيه وخليتها مساعدتك بعدين بتصير بينكم مواقف رومانسيه وتحبون بعض ضحك نواف : بس هي مو مساعدتي هي مساعدة رواد نهال : لا ليش قهر ليتها كانت مساعدتك نواف : عادي اهم شيء أني أشوفها لكل يوم وبس ###### وصلنا لنهايه البارت الثالث أتمنى انه يحوز على رضاكم | ||||
|
| |
|
30-09-18, 08:19 PM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الرابع اليوم اللي بعده كانت جالسه على مكتبها وتفكر في خطتها لبكرا قاطع تفكيرها بنت بأول الثلاثين تمشي بثقه وهدوء استنتجت انها شخص مهم من وقوف الكل لها واحترامهم لها البنت : هاي إنتي أكيد جديده هنا اول مره اشوفك روز : ايه انا انآ تفضلي اقدر أخدمك بشيء البنت ضحكت بدلع وهي تلعب بخصل من شعرها : ابي أقابل رواد روز :تفضلي اجلسي علشان ابلغه بس مين أقول له البنت : قولي له مروى عمتك مروى روز : طيب انتظري شوي روز في نفسها وهي رايحه لرواد يعني هاذي عمتي اللي كانت بلندن بس بصراحه حلوه دقت باب المكتب بس ماسمعت رد فتحته بشويش وشافت رواد نايم على المكتب بتعب قربت منه اوف يا ربي أقومه او لا بس البنت البرا تنتظره الله يعين لازم أقومه : أستاذ رواد أستاذ رواد قربت منه زيادة وحطت يدها على كتفه وتهز فيه بهدوء رواد رواد قوم قام رواد وعدل جلسته وهو يطق رقبته ابتسم لها :شكلي نمت هنا مره ثانيه بغيتي شيء يا انآ روز بهدوء: ايه في وحده حابه تقابلك رواد : مين هي روز : تقول انها عمتك مروى رواد : عمتي دخليها بسرعه وثاني مره خلينا تدخل على طول روز : حاضر في شيء كمان أستاذ رواد رواد : لا تفضلي طلعت روز لمكتبها : تفضلي الاستاذ رواد ينتظرك مروى بهدوء قامت ناظرت روز وقالت بذوق : مشكوره حبيبتي تعبتك معي روز ببتسامه : ولو هذا واجبي تفضلي طلعت مروى وجلست روز تفكر فيها هي شكلها كثير طيبه وحبابه وإخواني كمان بس لازم ألاقي طريقه توصلني لأختي ودلوعه البابا ورد بس كيف ***** عند رواد دخلت مروى رواد : هلا والله تو ما نور المكتب تفضلي حياك مروى : هلا بك منور باهله زاد فضلك رواد : آش حابه تشربي مروى : انا مو جايه اشرب شيء جايه اخطفك انت واخوك و ولد عمك نتغدى برا رواد : احلى من يخطفني أكلم انآ تكلم رعد ونواف بس دقيقه رفع السماعة ودق على روز عند روز دق تلفون المكتب وردت : هلا أستاذ رواد رواد :كملي رعد ونواف وقولي لهم ان عمتي مروى عازمتنا على الغداء برا ورتبي المواعيد على أني ما راح أجي الا بعد ساعه من وقت الغداء روز وهي تكتب الملاحظه : حاضر شيء ثاني أستاذ رواد : لا يعطيك العافيه روز : الله يعافيك دقت على رعد رد : هلا انآ روز : أستاذ رعد كيفك رعد : تمام وانتي تعودتي على الشغل ولا باقي روز : انا كويسه ايه الحمد الله الشغل مع الاستاذ رواد مره سهل بس كنت حابه أبلغك ان الاستاذ رواد يقول ان عمتك مروى عازمتكم على الغداء رعد : مروى هنا في الشركه روز : ايه في مكتب الاستاذ رواد رعد : طيب انا جاي الحين روز : اوك قفلت من رعد ودقت على نواف رد نواف : آلو روز: مرحبا أستاذ نواف كيفك نواف : انآ نواف روز باستغراب : كيف نواف : اسمي نواف من دون أستاذ يا انآ روز ضحكت : تقصد كذا اوك نواف نواف : ايه كذا تعجبني آش تبغي روز : يالله نسيت أقول لك ان الاستاذ رواد يقول ان عمتك مروى عازمتكم على الغداء انت وهو والأستاذ رعد نواف : اوك هم وين الحين روز : في مكتب الاستاذ رواد نواف :طيب مشكوره يا انآ روز : العفو ***** طلع نواف من مكتبه وقابل رعد عند المصعد الان مكتب رواد فوق مكاتبهم بطابق رعد : انت كمان مروى عازمتك معنا نواف : ايه وصل المصعد وطلعوا مكتب رواد ودخلوا شافوا مروى و رواد واقفين رواد : امشوا معي بسيارتي مروى : اوك طلعوا قابلوا روز عند المصعد وقفوا جنبها مروى : هاي يا البنت الحلوه روز : أنتِ الحلوه مروى : قبل شوي نسيت أخذ رقمك بصراحه إنتي مره اعجبتني حابه نكون صاحبات روز : هذا من ذوقك انا اللي أتشرف في أني أكون صاحبتك مروى : اجل احنا صاحبات من اليوم أخذت روز رقم مروى ومروى أخذت رقم روز جاء المصعد ركبوا كلهم ونزلوا ((سوري نسيت اعرف بمروى الكامل هي الأخت الوحيدة لفيصل وبسام اصغر وحده ودلوعه اخوانها طيبه وحنونه كانت في لندن تأخذ الدكتوراه مطلقه لها قصه مؤلمه نعرفها مع الوقت عمرها 30 سنه )) ومر اليوم عادي *********** يوم المعرض روز وجهاد أقنعوا صابر يأخذ جوان يتعشوا برا وهم يروحون المعرض وصلوا المعرض بس قبل ما ينزلون مسكت روز يد جهاد : جهاد لا تنسى اللي اتفقنا عليه جهاد :ولا يهمك انا مركز زين نزلوا وهم داخلين روز شافت اخر شخص كانت حابه تشوفه بس هي عارفه انها راح تشوفه بسام الكامل ابوها التفت بسام اللي كان واقف جنب زوجته ياسمين على البنت والولد اللي دخلوا لفت انتباه عيون البنت اللي بلون الزمرد بسام في نفسه تشبه عيون ماريا مين هاذي البنت لف لزوجته : ياسمين تعرفين البنت هاذي مين لفت ياسمين لجهة البنت : لا اول مره أشوفها يمكن من صدقات ورد بسام وعيونه ما فارقت وجه روز : روحي اسألي ورد ياسمين : بعدين الحين برحب بضيوفي مشت وخلت بسام واقف يناظر في روز جاء رعد و وقف جنب ابوه : يبه شفيك لف لرعد : تعرف البنت اللي هناك مين لف رعد لطاولة اللي وقفوا عندها روز وجهاد :ايه هاذي انآ مساعدة رواد الجديده بس وش جابها هنا بسام : انت متأكد ان اسمها انآ رعد :ايه ليه يبه في شيء بسام : تشبه روز اختك مره كان عندي أمل انها تكون روز رعد ناظر في روز مره ثانيه : جد يبه روز تشبه انآ بسام : ايه مره خصوصاً لون العيون المميز رعد : يبه عندك صور لروز بسام : ايه بس كانت صغيره فيها رعد : ابي أشوفهم بسام : اذا رجعنا البيت تعال المكتب وشوفها على طاولة روز وجهاد جهاد : شفتي كيف يناظر لك بسام روز : ايه يمكن شك فيني جهاد : هذا هو المطلوب روز : ايه بس جهاد أقولك سر بس ما تعصب علي جهاد : وش روز : انا مشتاقه له مره اتذكر كيف كان حنون معي ويحبني ويخاف علي يمكن تقول هاذي أكيد ان جنت بس هذا أبوي وانا احبه بس ما اقدر أسامحه اذا كان هو وراء حادث ماما جهاد مسك يد روز و بهدوء : شيء طبيعي انك تكوني مشتاقه له هذا حقك روز شده على يد جهاد اكثر :مشكور كان في شخص راقبهم من بعيد نواف هذا مين اللي مع انآ يمكن اخوها بس ما في شبه بينهم مشى لين عند طاولتهم : مرحبا كيفك انآ ما كنت أظن أني بشوفك هنا روز : هلا نواف بصراحه ولا انا بس صديقه مقربه لعائلتي هي المصممة حقت فستان الفنانه ياسمين الخالد هي ما قدرت تحضر بسبب ظرف وانا هنا بدالها وانت نواف : ياسمين الخالد تكون زوجه عمي وأم رواد و رعد روز بتفاجئ مزيف : اما ما كنت ادري نواف : ما عرفتيني على صاحبك روز : سوري هذا جهاد خطيبي جهاد هذا نواف واحد من المدراء بشركه اللي اشتغل فيها جهاد : مرحبا انا جهاد الفارس نواف : مدير شركه الفارس للمقاولات جهاد : ايه نعم نواف : انا نواف فيصل الكامل جاء وقت الخطاب اللي تلقيه صاحبه المعرض ولازم على الكل يروحون الصاله الثانيه روز وهي تهمس لجهاد : كل شيء جاهز هاذي فرصتنا جهاد : طيب بدأ الكل يتوجه لصاله الثانيه وقفت روز بعد ما ابتعد جهاد عنها ما كان فيه كثير ناس باقي في الصاله الاولى التفت روز وشافت بسام ماشي لصاله الثانيه حاولت تكسر كعبها وتطيح ونجحت رمت نفسها عليه تمثل الدوخه مسكها بسام بسرعه وتفاجئ من الموقف جلسها على كرسي قريب وهو يسألها باهتمام بسام : إنتي بخير روز وقد أعتصرت بعض الدموع الكاذبه : ايه انا أسفه كثير بسبب اللي حصل أكيد أزعجتك بسام : لا تقلقي بالك اللي حصل حادث يمكن يصير لأي احد روز وقد بدأت تهدا : انا مو عارفه كيف أشكرك على مساعدتك لي بسام : العفو ما سويت الا الواجب إنتي هنا لوحدك ولا معك احد روز : لا كان معي خطيبي بس راح يكلم برا وانا كنت راح أسبقه الصاله الثانيه ما هي الا ثواني حتى دخل جهاد مسرع : انآ إنتي بخير كنت خايف عليك لما ما لقيتك في صاله الثانيه روز : نكسر الكعب وساعدني هذا الاستاذ جهاد التفت لبسام : جد شكرًا على اللي سويته لخطيبتي بسام : ما سويت شيء ولف بهدوء وهو يبتعد عنهما بس أوقفه حديثهما بروسيه روز : انا بخير لا تقلق علي يا جهاد جهاد : هل تستطيعين المشي يا انآ روز : نعم أستطيع وقفت وجهاد يسندها بكتفه بسام بروسيه مطلقه : هل إنتي روسيه يا انسه روز تمثل التفاجئ من تحدثه بروسيه : اجل لكن انا نصف روسيه ابي كان عربي بسام بتفاجئ حقيقي : حقا روز : اجل والآن عن إذنك بسام بعد ابتعاد روز وجهاد التفت لحارس الشخصي الخاص به : الحق هاذي البنت وأجمع عنها معلومات الحارس : تم طال عمرك وابتعد خلف روز وجهاد ****** توقعاتكم للبارت الجاي رأيكم في تصرفات روز بسام عرف روز ولا لا نواف و روز وش بتكون نهايتهم | ||||
|
| |
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
