آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
08-08-18, 10:37 PM
| #21 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  البارت 20؛ كانوا بمجلس الكبير، ما صار لهم كثير وهم قاعدين، دخل عليهم خالد بهيبته وببدلته العسكريه :السلام عليكم. سعود قام وسلم عليه، وهو مبتسم :هلا والله بالعقيد تو مانور البيت. خالد بابتسامه وهو يبعد عنه، ويسلم على فيصل :منور باهله. -يوجهه كلامه لفيصل- اخبارك واخبار السفر؟ فيصل بحب كبير يسلم على خالد، ويبوس راسه احترام له وهو مبتسم :بخير وانت اخبارك واخبار الشغل. خالد قعد جنب سلطانه وهو مبتسم :الحمدالله ماشيه. وسام شاف ابوه وراح قعد بحضنه وبننبره طفوليه :انا اذا كبرت اصير زي بابا. خالد يضحك من كلامه :كفو هذا ولد ابوه. سعود هو رافع حاجبه وبنبره غريبه : انت اذا مستغنى عن نفسك احنا مو مستغنين عن ولدنا. خالد وهو ياخذ فنجان القهوه من سلطانه، وبنبره عاديه :دام للوطن فأن و ولدي فدا. سلطانه سمعت كلام خالد حست الخوف وصل عندها اخر حدوده عندها، فزت بخوف:لا بسم الله عليكم. خالد ابتسم من كلامها وقال بحب : شفت اذا انت تبي فراقي اختك ماتبي. سلطانه ابتسمت بتوتر وقعدت جنبه، وعيونها على سعود هو كان يطالع فيها بنظرات غريبه... سالم حس نفسه مو قادر يتحمل اكثر، بذات ناس يكرهم وقف :انا اجل استئذن. سلطانه :ليش بدري؟ خالد يطالع سالم ، وعرف شعور ولده اتجاه هالبيت : خلاص توكل انا برجع امك واختك. فيصل بسخريه :عاد لا تقطع ترى نشتاق لك. سالم حس نفسه بنفجر من اليوم هو متحمل بقووه، صار يطالع فيصل بنظرات كره،، التزم الصمت مايبغى يخرب جوهم تجاهل فيصل سلم على خاله وطلع،، بنفس البيت بمكان ثاني.. كانت قدام المغسله تغسل وجهاا ،وطرحتها بكتفها فكت ربطت شعرها وكان شعرها واصل لاخر ظهرها، تحس بتعب من طلعت من جامعتها على طول لبيت خالها،، كانت منزله راسها مغمضه عيونها بتعب، غسلت وجها بتعب تنهد بتعب مو حاسه بشي رفعت راسها، وشافت انعكاس شخص على المرايه انصدمتت جمدت بمكانها !!! ................................ | ||||
|  |
|
09-08-18, 11:51 PM
| #22 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 21؛ جمدت بمكانها وهي تشوف صورته بالمرايه قدامها،، دقات قلبها زادت وتوترت، التفت له وحطت طرحتها على راسها وما تطالع فيه.. جات بتطلع كان واقف على طرف الباب، شافها بتطلع واقف قدام الباب عشان ما تقدر تطلع،، بدون ما تشوفه وعيونها مركزه على نقطه ثانيه، اخذت نفس :ممكن افهم وش تبي؟ فيصل وقف بمكانه ارتسمت ابتسامه صغيره على شفته :اذا حطيتي عيونك بعيوني ساعتها جاوبتك. انفال توترت بس كانت تحاول تبين له العكس، ركزت عيونها بعيونه وبصوت هادي : وش تبي؟ فيصل وهو ساكت و عيونه بعيونها ومركز فيها، وكل اشوي يقرب لها وهي ترجع لورا بخوف لين ضرب ظهرها بحافة المغسله التفت لورها،، غمضت عيونها بخوف ولفت وجهاا لجهته صنمت، واطرافها تجمدت!!! كان قريب منها لدرجه ما يفرق بينهم شعره، دقات قلبها زادت بقووه، وهو حاوطها بيدينها حاط يدينه للمغسله وراها، عشان ما تقدر تبعد قالت بنبرة خوف :ممكن تبعد واخلص علي وش تبي مني!! فيصل وهو يتأمل وجهاا، وهو قريب كذا صار" يتأمله بدقه عيونها خشمها خدودها شفايفها كل شي فيها" وقال بنبره غريبه عليها بس، كانت نبره مليانه حب بنسبه له:ابي ترجعين لي قلبي. انفال استغربت لثانيه من كلامه بعدها فهمت قصده، فتحة عيونها بصدمه، وتحس لسانها صار ثقيل وتتنفس بسرعه بصوت متقطع :و و ش قل ت!! فيصل قرب منها اكثر وحط جبينه بجبينها ويتنفس انفاسها :قلت احبك. انفال حست خلاص بيغمى عليها مو مصدقه الي تسمعه، وكانت ميته من الحيا من قربه، حست انفاسه الحاره تحرقها غمضت عيونها وهمست :ابعد. فيصل وبيده يمسح على شعرها وهو مغمض، ويتجاهل كلامها نزل يده من شعرها لوجها ،، وكان يمسح على خدها بأصابعه، حس بشي غريب فتح عيونه انصدم شاف دموعها، رفع وجها بيديه وهو بنبرة حزن :ليش تبكين!! انفال ماردت عليه و دموعها صارت تنزل أكثر، وتشهق صنم بمكانه،، وهو يشوفها كيف تبكي ضمها بقووه، وصار يهدي فيها وهو يمسح على ظهرها :خلاص اش لا تخافي. انفال حاولت تبعد عنه بس هو كان محاوطها بقوه، جسمه الرياضي قوي بالنسبه لها ولا شي، قدام قوتها بصوت مخنوق :الله يخليك ابعد عني. فيصل كان متجاهلها بمره وهو ضامها قطع عليهم جوهم صوت حاد وقوي:وش تسوون؟؟؟ ..................................... تعريف شخصيات ال فيصل؛ سعود اخو سلطانه 55 عمره. إنسان متجبر ويحب الفلوس اكثر من روحه، مصلحته فوق كل شي إنسان مابقلبه رحمه أبد، عنده ولد يشوف فيه حياته بس طبعا طمعه فوق حبه له قصير اشوي، جسمه مليان، أبيض. .............................. فيصل ولد سعود 28عمره. إنسان متكبر مأخذ أغلب صفات ابوه تربيته، مغرور واذا حاط برأسه شي يصير غصب عن الي ما يرضى،، ابوه مطلق حرمته من كان فيصل صغير و ابوه هو الي اهتم فيه وكبره،، خلص جامعته صح إنسان ما يهم احد بالحيياه بس ذكي وعارف مصلحته يشتغل بشركة، لعاب درجه اول طويل، وجسمه مرتب يحب يهتم بشكله ،بشرته بيضه ،ملامحه جذابه مأخذ جمال أمه ، ابد مايشبه ابو ،عيونه واسعه سودا، شعره يوصل لرقبته. | ||||
|
| |
|
09-08-18, 11:51 PM
| #23 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت22؛ لما وصله وصوتها الحاد ابعد عنها،،، "وهي الخوف تملك قلبها لي اخر نقطه بدمها، وصارت تبكي اكثر وتشهقق اكثر، ما اعطتهم مجال قربت منها وسحبتها من شعرها، وهي تصرخ فيها :يا قليلة الادب منجد ما اعرف اربي كذا تسوين ولا بوجودنا ما احترمتي احد!! انفال بصوتها البكي وهي تشهق :والله والله مو انا قربت له هو قرب لي والله مالي دخل انا والله. فيصل وهو يمثل الصدمه، ويحط يدينه على راسه:كذابه وتحالف يابنت حلال متى قربت منك كانت جاي اغسل يديني وفجئه اشوفك بحضني وتبكي!!!! انفال فتحة عيونها بصدمه، وهي تطالعه مو مستوعبه الي تسمعه،،، سلطانه بدون نقاش اعطتها كف من قوته طاحت بالأرض، وهي ترفسها:فضحتيني ماشفتي الا ولد اخوي وتتبلى عليه بعد!! فيصل هو للحين يمثل الصدمه بكذب: اسف خالتي على هالموقف لو ما دخلت كان ما صار الي صار. سلطانه تبعد عن انفال الي طايحه بالأرض، وبصوت ترجى:انا اسفه ما عرفت اربي اسفه ان شاءالله ماينعاد هالموقف وهذي قليلة الادب -تأشر على انفال -انا بربيها ما عرفت اربيها عدل -صرخت-قومي البسي عبايتك عدل دواك مو هنا بالبيت كافي فضايح -طلعت من عندهم،،، انفال كانت طايحه بالارض، ودموعها تنزل بصمت، وهي ساكته مو مستوعبه الي صار تحس نفسها بحلم،، قرب فيصل منها وجلس على مستواها :غصب طيب انتي لي وهذا اول المشوار -ابتسم بخبث باس راسها وطلع كنت تبي تصرخ عليه تسبه بس ماشفته قدامها ما في احد . "قامت من الارض وهي تمسح دموعها، عدلت عبايتها وطرحتها لبست نقابها،، وطلعت كانت تشوف ابوها موجود ودها تروح لحضنه يحميها من الوحوش الي حولينها، كانت نظرات سلطانه كله تهديد ونظرات فيصل مليانه ثقه وخبث،، تقدمت بهدوء وشافت ابوها سلم على سعود وطلع :انا استناكم بسياره!! سلطانه طلعت وراه هي و وسام انفال كانت اخر وحده بتطلع وقفها فيصل، وهو يمسك كفها :انتبهي لنفسك انفالي -ابتسم بثقه- انفال حست بكره العالم كله يتجمع بقلبها عليه،،، سحبت يدها بقوه منه طلعت، ركبت السياره بهدوء،وبداخلها العكس بتموت خوف عارفه الي بتشوفه بالبيت مو مثل اي وقت مر عليها..... ................................................. | ||||
|
| |
|
09-08-18, 11:52 PM
| #24 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 23؛ رجع سالم للبيت وحاس نفسه مخنوق،، دق على طراد يبغى يطلع معاه، يغير جو :ي هلا .. اي تكفى والله احس نفسي خنوق مالي خلق حتى اسوق ... طيب انتظرك،، "بعده بربع ساعه" وقفت سيارة طراد قدام بيت ال خالد، كان سالم توه يطلع وقتها يدخل سيارة خالد لداخل البيت وأشار لسالم يستنى،،، نزل خالد وتوجهه لسالم، ويسلم على طراد وبابتسامه كبيره على وجهه :ي هلا والله بولد ال فارس. طراد بابتسامه اكبر وبحترم :هلابك زود عمي -هو يبوس راسه - خالد ضحك وبمرح قال :من كثر ما هالراس ينباس حسيت نفسي شايب. طراد بضحك بقووه: اي شايب عمي انت لو تعطيني اشوي من قوتك ماشاءالله كان انا مصارع الحين!! خالد مازال يضحك : مصارع مره وحده -تغيرت نبرته للجديه -طراد اي وقت فضيت ابغاك تجيني المركز. طراد بأستغرب :ليش؟؟ خالد وهو يربت على كتفه :موضوع بسيط الحين اخليكم طولت عليكم -وخلاهم ودخل لبيته- سالم كان ساكت بوقت الحوار الي كان يدور،،، "بين طراد وابوه ما يبغى يتكلم، يبغى الحوار ينتهى بسرعه" عشان يطلع يحس اختنق زياده، بهدوء :مشينا؟ طراد بابتسامه :ياخي ماتسلفني ابوك ماشاءالله عليه ما توقعته كذا توقعت حار بزياده. سالم نظره بنظرات سخريه ،وابتسم : بدون سلف خذه. طراد بضحك :اجل اذا ابوك اختفى مو تزعل عليه بعدين!!! سالم يبغى ينهى الموضوع :يصير خير بس انت وش مسوي يبونك بالمركز؟ طراد تنهد وركب لسياره :علمي علمك اذا رحت للمركز بشوف ابوك وش يبغى!! "وكان يدور بينهم حوار اشوي جدي، واشوي ضحك وهم مالهم مكان محدد يروحون له، كان يدور بشوارع" "بعد ساعه" قطع حديثهم صوتها الانوثي مليان خجل، وحيا وبعصبيه :طراد مو ناوي ترجعني البيت!!! صنم بمكانه وحس قلبه يطلع من مكانه، التفت لورا لمدة خمس ثانوي،،، ولف انصدم طول هالطريق هي معاهم ما حسوا بوجودها ولا قالت شي، وطراد الغبي ناسيها.. قبلها بساعه طراد كان اصلن برجعها من المدرسه يوم دق عليه سالم كان ناوي ياخذ سالم وبعدها يرجعها،، بس الحوار كان بينه وبين سالم كان متحمس معاه، ونساها يوم سمع صوتها صنم لحظه!!!! بعدين انفجر ضحك:اسف اسف والله -كان مو قادر يتكلم من الضحك وهو يرجع لطريق بيتهم- وريف حست وجهاا حمر من الحيا، تذكرت موقفها مع سالم والحين هالموقف حست بغمى عليه ممن الفشله،، غمضت عيونها بقوه وتهز رجلها بتوتر،، بداخلها-اي اضحك انا اوريك ولا مع سالم يصير لي هالموقف بموت من الفشله اوف. - تتنهد بضيق تبي تنزل من سياره تحس المكان خانقها - | ||||
|
| |
|
09-08-18, 11:53 PM
| #25 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 24؛ "هو من سمع صوتها وشافها كيف منزله راسها، مع انه ماكان واضح عليها شي من السواد،، يحس قلبه يدق بقووه، رفع عيونه للمرايه الي قدامه!!! يشوفها كيف مستحيه ومتوتره، حس على نفسه غمض عيونه بشعور غريب، وحس ريقه صار ناشف صح الايام الماضيه كانت تمر بباله!!! وكان يتجاهل يفكر فيها بس ماتوقع كذا يصير معاه بمكان هي موجوده فيه. طراد كان كل ما يحاول يمسك نفسه ما يقدر يرجع يضحك ثاني،، كيف كان ناسيها ولا ساعه كامله، وصل للبيت وهو يتنفس بتعب من الضحك :خلاص انزلي اسفين طولنا عليك المشوار. وريف نزلت على طول من السياره وهمست :غبييي-قفلت باب السياره بقووه - طراد ماتحمل وهو يضحك بقووه :اهخ قلبي كله منك نسيتها الحين وش يراضيها؟ سالم طالعه بطرف عين، وقال بجديه :وانت يا غبي ناسيها وهي لها ساعه معانا ما حسيت فيها بعدين اذا كنت طالع مع اهلك ليش ما قلت لي!؟ طراد وهو يحرك يطلع لبرا بيتهم :اقول انسى حصل خير وانت الواحد اذا قعد معاك يقدر يتذكر الي حوله. سالم ابتسم :اقول لا يكثر ودينا اقرب مقهى. ................. "قبلها بساعه" وصلوا للبيت، قبل ما يدخل خالد عليهم :وسام حبيبي اطلع لغرفتك،، طلع وسام، وما باقي بمكان غيرها هي وانفال،وصرخت وهي تقرب لها :روحي لغرفتك وانا الحين جايتك. انفال طلعت لغرفتها، وهي دموعها ما توقف طلعت عبايتها وقعدت بالكنب،، كان يدور براسها شي واحد ما كان همها الي بجيها من امها كانت مصدومه!!! "من الي سووا فيها فيصل قال احبك،، وبعده يسوي فيني كذا همست :حقيرر والله حقيير حتى بحبه مريض اصلن واضح يبي يلعب لعبه جديده هو وين والحب وين طول هالسنين نتهاوش ونكره بعض فجئه يحبني -بلحظتها انفتح بابها بقوه وتشوفه يتقفل غمضت عيونها بقلة حيله وتحاول تستعد للي يجيها . ......................................... | ||||
|
| |
|
09-08-18, 11:56 PM
| #26 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 25؛ "بعد ما طلعت كل حرتها والقهر فيها،، ضربتها بكل بقوه وبكل الطرق الي تعرفها، تفلت عليها وطلعت من غرفتها. كانت منسدحه بالارض بتعب من قوة الألم، تبي تقوم مو قادره تحس الدنيا تدور فيها،، بعد محاولت قامت بالقوه للحمام -يكرم القارئ- وظهرها منحنى دخلت وهي تسند بالجدار لين وصلت للمغسله.. رفعت راسها للمرايه، وتشوف وجها كيف ينزل دم من خشمها وشفتها، ورضوض حول عينها اليمين وخدها محمر مسكت راسها بالم من شدها لشعرها،،، ابتسمت بحزن على شكلها، صرت تبكي وهي مبتسمه تبكي وتشهق بقووه،، بعد ما اخذت شور بصعوبه من الالم الجسدي والنفسي الي تحسه. راحت لسريرها غمضت عيونها بتعب اليوم سوت مجهود كبير مامر دقايق طويله الا وهي غفت. .................................................. ................. "اليل 11:00" كان طالع من شركته يحس بتعب،، طلع يتمشى على البحر يحس بضيق بصدره اول مره يحس بهالشعور!!! كان ملازمه من بعد موضوع طراد يحس بخوف كبير على اخوه امه اخواته خايف عليهم.. هو مصدر الامان لهم، تنهد بضيق كان يتأمل البحر بهدوء، بعد نص ساعه قام، وهو ما كان حاس بنفسه كل هالمده قاعد كان باله مشغول غمض عيونه وقام لبيتهم!!! .................................................. ................. "يوم جديد الظهر" قام بكسل من سريره، وهو يتمغطى اخذ له شور سريع "وطلع هو لابس ثوب ابيض من زمان مالبس،، كان يطالع نفسه بأعجاب كيف الثوب كان مبينه" جذاب بسبب بشرته سمرا، وهو يتعطر مشط شعره الكثيف توصل لنهاية رقبته،، اخذ نظاراته الشمسيه وبراسه خطه يبي ينفذه، نزل شاف ابوه يفطر،، تنهد وقاعد جنبه هو ساكت، ياكل بهدوء سعود رفع راسه له :مو قلت ترجع بعد ما انفذ الي مخطط عليه وش رجعك بدري من سفرتك؟ فيصل ابتسم وبهدوء :ولا شي اشتقت للبيت وجيت. سعود ابتسم بمكر :وتبي تقنعني بهالسبب انت مو ولد ابوك اذا ما كان براسك مصيبه!! فيصل ضحك وقام :المشكله عارفني يلا اشوفك على خير انا يمكن اطلع لبيت خالتي. سعود بهدوء :مع السلامه. فيصل طلع وبراسه الف شي يبي يسويه، ركب سيارته المرسيدس وطلع من البيت.. | ||||
|
| |
|
09-08-18, 11:57 PM
| #27 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 26؛ بمكان ثاني الصباح بنفس التوقيت: كانت قاعده تتكلم بكل عصبيه، وبخجل وجهاا محمر من الحيا. الطرف الثاني كانت ميت ضحك، مع كل كلمه تقولها :بس بس بموت من الضحك يما قلبي اجل كنتي معاهم بسياره ساعه كامله وناسينك!! وريف بعصبيه :لو ما تكلمت كان طول اليوم الغبي طراد يويلي تفشلت قدام صاحبه. ميار وهي مازالت تضحك :الله لا يحطني مكانك بموت بمكاني من الفشله. وريف بخجل ممزوج بعصبيه :المصيبه فشلتين مو وحده مو كافي شافني بكبري بعد يصير هالموقف؟ ميار سكتت للحظه وعدلت قعدتها :وشش قلتيي!! وريف وجها حمر من الخجل :شافني. ميار فتحة عيونها بعدم تصديق :مافهمت والله طلع عندها مواقف ولا تتكلم . وريف بعصبيه :عاد من زين الموقف الي صارت كل الموضوع كان جاي يشوف طراد يوم سوا حادث وانا الغبيه رحت للمجلس ودرعمت عليه والولد صنم من شافني!! ميار بضحك اكثر من اول، وهي مو قادره تتكلم بعد خمس دقايق من الضحك ماسكت بطنها :اليوم جد ضحكت لسنه قدام -وتغمز لها-كيف شكله؟ وريف ابتسمت :هذا الي يهمك!! ميار شافت ابتسامة وريف وابتسامة اكثر :لا واضح ورا هالابتسامه حكايه طويله. وريف تحس بنتفجر من الحيا :اقول قومي الحين بتدا الحصه تأخرنا؟ ميار تبتسم :نقوم لعيونك بس وراك وراك لين اعرف سالفه على بالها تصرفني ترى انا خويتك اعرفك عدل. وريف تمسك يدها : انتي اذا قعدت على اسئلتك لبكره ما نخلص امشي الحين بعدين اقولك كل شي ياملقوفه. "بيت ال فارس" كان بغرفته كان توه -طالع من الحمام يكرم القارئ- ولاف المنشفه على خصره، وهو قدام المرايه يمشط شعره، و كان متوجهه يلبس فجئه نفتح الباب عليه!!! رفع راسه طراد بصدمه يطالع، وهو يدخل لغرفته :ماشاءالله وش هالعضلات سلفني ياخي؟ يوسف بعصبيه بسيطه، وهو يعرف طبع اخوه ودايم يدخل عليه فجئه :متى تتعلم تدق الباب افرض البس مستحيل تكبر!! طراد وهو يقرب منه، وحط يده على عضلت بطنه :ذي عضله متاكد ولا حاط حديد وتكذب علينا؟ يوسف تنهد بصبر وبعد عن طراد، وراح لغرفة التبديل يلبس وهو يصرخ :انت ما تجي الصبح الا وراك شي وش تبي؟ طراد وهو يقعد على سريره، و بابتسامه :مشكله فاهمني عمي ابو سالم امس شفته وقال لي يبيني اروح له المركز. يوسف طلع بعد ما كان لابس ثوبه وشماغه، وهو يتجه للمرايه :غريبه ما عرفت وش يبي وليش للمركز؟ طراد بنبره عاديه :مدري فقلت تجي معاي تدري ما احب جو الشرطه واخاف يكون فيه شي!! يوسف وهو يعدل شماغه ويتعطر :خلاص ان شاءالله اذا خلصت بدري كلمتك ورحنا له والحين فارق برا غرفتي بطلع. طراد وبابتسامه :وانا اقول ليش طالع شين اثاري الاخ ماخذ كل الحلا طيب ي طماع كان خليت اشوي لي اخوك المسكين. يوسف ابتسم من كلامه :اقول اطلع وانت ساكت. ........................................ | ||||
|
| |
|
09-08-18, 11:58 PM
| #28 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 27؛ "كانت بنومه عميقه وبتعب نايمه،، قامت من صوت المنبه المزعج تحس نفسها بحلم لين الصوت استمر لربع ساعه،، وهي مغمضه اخذت جوالها بتعب وفتحة شافت رساله من صديقتها فاطمه -اليوم اعتذرت الدكتوره وما عندنا محاضرات - تنهد بتعب وحست بشويت راحه على اقل ما تداوم وجهه كذا، وتحس جسمها متكسر ماتقدر تقوم رجعت غمضت عيونها ونامت ثاني. .................................................. .. الظهر بعد ما رجع الكل من دوامه والتعب" كان مسيطر عليهم كانوا مجتمعين بطاولة الطعام والهدوء مالي المكان،، كان يأكل بهدوء رفع راسه شاف سالم ياكل، واضح عليه سرحان وسلطانه تاكل وجنبها وسام، حس بنقص احد بصوته الرجولي :وينها انفال؟ سلطانه ترد بدون نفس :نايمه. خالد بنبرة استغراب :ليش ما داومت اليوم؟ سلطانه تحاول تنهى الموضوع :لا ماعندها اليوم محاضرات وتحس بشويت تعب ونايمه ترتاح ترى اشوي بجي فيصل. سالم بتأفف قام :الحمدالله. سلطانه تطالعه :وين لسى ما كملت اكلك؟ سالم :لا يمه الحمدالله شبعت بالعافيه عليكم بروح ارتاح اشوي. سلطانه بابتسامه :سلامتك من تعب!! سالم بدون ما يطالع ابوه او يقوله شي طالع لغرفته، وكان بيدخل وقفه الفضول واتجاه لغرفتها فتح الباب بهدوء،، وكان الجو بارد مره قشعر من برودته، وكان الظلام مالي المكان فتح الابجواره الي جنبها، وكانت معطيته ظهرها بهدوء :انفال قومي ماشبعتي نوم. انفال بهدوء وهي مو حاسه على نفسها تلتفت للصوت القريب منها :همم. سالم فتح عيونه بصدمه!!! ويده ارتخت من شاف وجهاا وبنبره حزن، وهو يحاول يتغلب على الخنقه وهو يشوف حالتها.. قام فتح الستاير وقفل المكيف اتجهه لها، وهو يمسح على شعرها :فيه شي يعورك اوديك المستشفى. انفال بعد مده استوعبت الصوت، وقامت وهي مفجوعه :ها وش مستشفى لا الله يخليك اطلع كانه ماشفتني!! سالم وهو مازال يمسح على شعرها :مين سووا فيك كذا هو كان عارف الاجابه بس كانه يتجاهله. انفال ماتحملت وهي تبكي بقووه، وتحط راسها على صدره وتشهق ما تحمل شكلها ضمها لصدره، وهو يمسح على شعرها بحنيه :خلاص ي عيوني لا تبكي ليش ضربتك وش السبب!! انفال وهي تبكي بصوت غير مسموع: بسببه. ما كان سامع شي رفع راسها وهو يشوف وجها :وش قلتي؟؟ انفال بصوت متقطع : بسببه -ترجع تضم اخوها وتبكي - سالم هنا انفجر و وجهه حمر من العصبيه:والله ما راح اسكت له والله. انفال كان ببالها يقصد فيصل،وتمسكت فيه بقوه ماتبغى تصير سالفه كبيره بسببها!!! وكنت مصدومه كيف عرف سالم :لا الله يخليك لا تروح مكان ولا تكلم احد الله يخليك. سالم قام وهو ما يشوف الطريق قدامه والشراره تطلع من عيونه من العصبيه وقابض على يده بقووه. | ||||
|
| |
|
09-08-18, 11:59 PM
| #29 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 28؛ كان مبتسم وهو يششوف المخطط قدامه بطاولة مكتبه،،،، وقدامه شخصين ضحك بصوته الرجولي الخشن:على بالهم بيرتاحون منا بسهوله. -يوجهه كلامه لشخص الي قاعد على يساره- :شوف اخر هالاسبوع تنفذ الصفقه ضاع من وقتنا بمافيه الكفايه. ....:ابشر طال عمرك عندك خطه جديده ولا نمشي على القديمه؟ ....:لا خلينا نمشي على القديمه والحين تقدر تروح -قام من عنده وتوجهه لشغله. ....:التفت لشخص الي قاعد على يمينه، وابتسم -وانت بايش سرحان - ....:-التفت له وهو يبتسم بمكر -ولا شي بس متحمس متى تبدأ مهمتي ....:-ضحك بصوت عالي - قريب قرريب اهم شي انت مستعد؟ ....:اطمن مستعد وجاهز لو تبي من بكره!! .....:لا واضح جاهز وبقوه كله كم شهر و تبدأ مهمتك صدقني لو صار غلط بسيط ماراح أرحمك. "ببيت ال فارس" كنت راجعه من المدرسه والتعب مسيطر عليها، دخلت شافت طراد بصاله قاعد لحاله،، وهو يلعب بلاستيشن ومتحمس مره، التفت شاف الباب ينفتح و وريف تدخل منه، تذكر موقف امس واكيد زعلانه قام واتوجهه لها :اخبار الحلوه؟ وريف بدون ما تطالعه او ترد عليه تطنشه : خلي صاحبك ينفعك. طراد ماتحمل وهو يتذكر الموقف ضحك بقوه، وهو ضامه وباس راسها :اسف والله ما انتبهت!! وريف تحاول تبعد عنه :ليش مزهريه عندك وخري عني ولا تكلمني. طراد بابتسامه يبعد عنها، ويضرب راسها خفيف :ترى مو لايق عليك الزعل خلاص الي تامرين فيه ابشري اعتبريه عندك. وريف رفعت حاجبها وبمكر :متأكد؟ طراد شاف كيف وجها تغير، وحط يده على راسه :لا دام اعطتني ذي النظره الله يستر. وريف تبتسم وتضحك :تستاهل عشان اعلمك كيف تنساني ثاني!! طراد حاوطها من كتفها هو مبتسم، ومشى معاها للبلاستيشن:اول شي خلينا ننلعب واكسر راسك بعدها الي تطلبينه أوامر. ................................... | ||||
|
| |
|
10-08-18, 12:00 AM
| #30 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 29؛ سالم قام،،، وهو ما يشوف الطريق قدامه والشراره تطلع من عيونه من العصبيه، وقبض على يده بقووه، قبل ما يخرج شاف يد صغيره تسحبه، حس قلبه ينغزه وهو يسمع ترجيها :الله يخليك اذا لي خاطر عندك لا تروح. تنهد بضيق ولف لها، وهو يقفل باب غرفتها وضرب الجدار بقبضته اكثر من مره، يحاول يطلع القهر الي بقلبه بذا الطريقه تقدمت منه،،، وهي تضم يدها بين كفوف يدها، وتجلسه جنبها بالكنب ومازال دموعها ينزل، بعد فترة صمت لف لها وهو يشوف حالتها :تبين نطلع تغيرين جو اشوي؟ انفال حركة راسها بالنفي :ابغى ارتاح بالبيت. سالم بنظرة حنيه يطالعها :تدرين انه اشوفك انسانه عظيمه!! انفال رفعت راسها وهي تمسح دموعها :ليش؟ سالم بتنهيده طويله :لانه لو انا بمكانك مستحيل اتحمل ليوم واحد كيف متحمله هالشي من واحنا صغار للحين!! انفال ابتسمت :لانه تعودت وقلبي تبلد خلاص. سالم بنظرة حزن وتحدي :بس باخذ بحقك والله بيوم من الايام. انفال ابتسمت وضربت على جبهته : هو انا ادري انك عصبي بس الحين صاير عصبي بزياده ليش؟ سالم قام وهو يبوس راسها، هو يفتح الباب يبي يطلع : يمكن لانه ما قدر اتحمل الي اشوفه واسكت عنه يلا انا ..... قطع عليهم صوته :وش الي ما تقدر تتحمله وانت ساكت عنه سالم طالعه بنظرات غريبه، وسكت وهو يتجاهله!! خالد بعصبيه وهو يمسكه من كتفه :اذا كلمتك تصير رجال وتوقف تتكلم معاي مو تتهرب. سالم قبض يده بقووه، جا بيتكلم طلعت انفال، وهي تمسك يد ابوها،،، خالد التفت عليها وترتخت يده، من كتف سالم وهو يطالعها بصدمه :مين سوا فيك كذا وش صار لك؟ سالم ضحك بسخريه، وهو يتجاهل ابوه ويروح لغرفته... خالد يمسكها من كتوفها ويضمها لصدره، ما تحملت انفال -حضن حبيبها الاول حضن الامان بالنسبه لها العالم الجميل بحياتها هالانسان تحبه اكثر من روحها -ضمته بقوه وهي تشهق بخنقه - خالد رفع راسها وبحنيه :وش فيك انفال مين سووا فيك كذا وش صار لك والله لا اذبحه؟ انفال بابتسامه حزينه :محد بابا بس امس ما انتبهت وطحت من الدرج ما حبيت اخوف احد علي!! خالد بعصبيه ممزوجه بحنيه :الله يهديك وهذا شي الواحد يسكت عنه امشي نروح المستشفى. انفال بخوف وتوتر :لالا الله يخليك ابي اقعد معاك وانا اصلن مافيني شي بصحتي مشتاقه لك. خالد ابتسم بحب وهو يحاوط كتفها، ويمشي معاها للصاله وهي مبتسمه وضامه ابوها،، اول ما يدخلوا للصاله يتلاش ابتسامتها، تتحاول تعابير وجها لصدمه وكره لشخص الي تشوفه قاعد، ويزيد ضمها لي ابوها. ........................ | ||||
|
| |
|
| أدوات الموضوع | |
| انواع عرض الموضوع | |
|
|
1Likes
العرض العادي
