آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
01-09-18, 02:49 PM
| #101 | ||||||||
| مراقبة عامة ومشرفة منتدى الروايات المنقولة  
|  [~ْْ.. البارت الواحد و الثلاثين و الأخيــــر ..~ْ] عند علياء و حمد وصلوا عند بيت أهل هنادي ووقفوا عند الباب علياء تكلم هنادي على الجوال: هذاني وصلت عند الباب .\. هنادي تكفين ارجعي .\. و الله ما بتحرك الا ااذا طلعتي لي .\. يرضيك انا وحمد نجلس تحت هالشمس في الشارع .\. طيب .\. أيوة الحين اقول له .\. باي حمد: بشري علياء: رضت ترجع .. بس تبيك الحين تنزل لها عشان تساعدها حمد: دقايق .. نزل و سكر الباب وراه علياء براحة: الحمدلله .. هنادي و رجعت .. (وبابتسامة): باقي الخطوة الثانية .. ########## عند أم جاسم عبدالله: البنت اللي دخلته السجن أم جاسم: ووش يبي فيها ؟؟ عبدالله يقلد المصريين : القلب و ما يهوى يا حببتي أم جاسم: الحين يترك خوات فواز اللي ينحطوا على الجرح يبرى .. و يرووح لام المصايب عبدالله: شفتي إزاااي أم جاسم: بلاك انت قالب لي مصري اليوم .. رووح نادي سامي خله يجي الحين عبدالله بحماس: ايوة علميه الشغل وخليه يتأدب و لا يوقف خطبتي مرة ثانية ههههههاااااي .. ورااح يناديه أم جاسم: لا حول و لا قوة الا بالله .. وش يبي في هالناس .. لا هم من ثوبنا و احنا من ثووبهم جاء سامي بابتسامته: هلا يمة أم جاسم بضيق: هلا .. صحيح اللي قاله لي عبدالله سامي باستغراب : اش قال ؟؟ أم جاسم: يقوول انك تبي تتزوج البنت اللي بسببها دخلت السجن سامي وهو يحك رقبته: هاللوتي ما يغبي شي .. و يقول لي بعد سرك في قبر .. هين يا عبيد أم جاسم بلوم: وش تبي فيها يا ولدي .. و الله ان خوات فواز ما عليهم قااصر سامي بحرج: خوات فواز على عيني وراسي و انا ما شفت فيهم عيب و لا حتى سمعت عنهم شي .. بس انا ما ابي اتزوج وحده فيهم و قلبي متعلق بغيرها أم جاسم: و الله اني مو مرتاحة لها سامي وهو يحب راسها: صدقيني يا يمة انا شفت البنت كثير .. أخلاقها عالية .. صحيح ان ما عندها رقيب بس ما فيها حركات بنات هاليومين أم جاسم: ماشاء الله عارفها عدل سامي: لو ما اعرفها ما حبيتها أم جاسم: هههههههه يا قلبي عليك سامي بحرج: يمة لو قلت لك اخطبيها لي بترووحي ؟؟ أم جاسم: مو قبل ما اشوووف علة جااسم .. اول شي جاسم و بعدين انت و الله يعينا على عبدالله بعدين سامي: هههههه عاااد هو مستخف على الزواج اللي يسمعه يقووول شايف عروووسته أم جاسم: ههههههه ################ في بيت أبو عادل كان الكل مجتمع بالصالة .. حتى عبير اللي كانت مسوية اضراب و ما تطلع لان امها موجودة .. طلعت و اتسامحت من امها بعد ما عرفت ان عنود سامحتتها .. سناء لأم عادل: يبي لنا نجهز للعرس ما بقي الا شهرين ام عادل و هي تشووفها تعبانه: انتي ارتاحي و ما عليك من شي .. ولادتك قربت علا: تخيلي يا سناء تولدي في العرس ؟؟ انتي ما بقي لك الا شهرين سناء بخوووف: لااااا ان شاااء الله .. ابي احضر العرس واستانس و بعدين بولد عنود: ايوة ارتاااحي الحين وخلك جااالسة عشاان لا تستعجل الولادة عبير: ههههههه اتخيلها والدة بالصالة .. (وهي تتخيل): واااااااي مأسااااااااااة الكل: ههههههههههههههه علا بحماس: عنووود نبي تحجزي لنا صااالة فخممممممة و كبييييييرة عبير: ايوة و تجيبي لنا وحده تطق طبلة عددددل عشااان نررررقص خوووش رقص انتبه عادل لشجن اللي جالسه تسمع كلامهم ومنزلة راسها و الحزن بااين على وجهها .. ما ينسى شلووون كانت متحمسة لحفلة الخطووبة و تجهز لها قبلها باسابيع .. و بيوم الحفلة تطيح بالمستشفى .. و يعقد عليها بعدها بيومين .. و تدخل بيته من دون لا عرس و لا حتى حفلة صغيرة .. هذا غير المعاملة اللي كان يعاملها بها .. حس بها و هي تشوووفهم متحمسين لزواج عنود و يخططوا .. مسك يدها و ضغط عليها .. رفعت راسها وحطت عينها بعينه .. و ابتسمت له بخفه .. ما كانت تدري باللي يدووور براسه و انه يقرا افكارها .. و انه حاااس باللي تحس فيه الحين عادل بهمس : وين سررحتي ؟؟ شجن: فيك هههه عادل: ههه اخق انا على اللي يفكروا فيني .. و بشنو كنتي تفكري ؟؟ شجن بغمزة : ما ينقال هنا انتبهت علا لشجن و هي تغمز لعادل و شهقت: هييييي انتي و ياه .. مو تفكرونا نسووولف يعني مو منتبهين لكم .. اتفاقاتكم خلوووها لبعدين عادل : انتي وش دخلك فينا عبير لعلا: بتحطي نفسك بموائف بااااااايخآآآآآآآآآآآآآآآ آه الكل: ههههههههههههههههههههه ################# في بيت ام جاسم ركبت ام جاسم لغرفة ولدها جاسم اللي صاارت غرفته بجنب غرفة سجى بالضبط .. طقت الباب و مارد عليها .. دخلت لقته يكلم جوال و باين عليه متضايق ومو منتبه لها .. سكرت الباب بشويش .. و راحت لغرفة سجى .. سمعتها تسولف و تضحك .. دخلت من دون لا تطق الباب ..و انصدمت لما شاافتها عند البلكوونة تسولف مع فواز ومو منتبهه لها و بالجهة الثانية فواز جاالس على بلكونته يسولف معها أم جاسم : سجى .. ؟؟؟ بس سمعت سجى صووت امها .. طلعت من البلكووونة بسررعه و سكرتها و غطتها بالستارة و هي مرتبكة أم جاسم: ما عندك جوال تكلمينه فيه عشاان تكلميه بالنافذة سجى وفيها الضحكة بس كاتمتنها عشان امها المعصبة عليها: لااا يمة شووفي (وهي تأشر على جوالها اللي بالشحن) جوالي خلصت بطاريته .. و كلمته من النافذة بما ان غرفتي مقابلة غرفته أم جاسم: و كل مرة تخلص فيها بطاريته بتقعدي تسولفي معه من هنا سجى بكذب: لا يمة اصلا هذي اول مرة .. بس لان السالفة ما تتأجل أم جاسم: ووش هالسالفة اللي ما تتأجل ؟؟ سجى باحراج: آآآ فواز يقول انه يبي يسوي العرس باقرب وقت أم جاسم بفرح: الحمدلله .. ومتى قررتوا ؟؟ سجى: بعد اربعه شهوور أم جاسم حضنت بنتها بفرح: الحمدلله يااارب .. سجى: صحيح يمة نسيت اقول لك .. فواز يقول اش رايك نسوي عرس جمااعي أم جاسم: مع من ..؟؟ سجى: انا وفواز .. و عبدالله ان شاااء الله يبي يخطب ولاء ويعرسووا معانا .. و الامس لمياء انخطبت لخالد ولد عمتها و ما يبوا يطولوا لان خالد يبي العرس والعقد بيوم واحد ام جاسم بفرح: الله يوفقها يا رب و يبارك لها سجى: وصفاء بعد بترجع لفهد و بيسوو عرسهم قريب .. قال فواز انه يسوي العرس جماعي احسن عن كل واحد بوحده ام جاسم: اي والله خووش راي .. لان بيصير تعب بعدين .. كل يوم عرس سجى: وناسة يا يمة الكل بيعرس ههههههههههههههههه ام جاسم: هههههههههههههههههههههههه مو تحسديهم سجى: هههههههه ام جاسم و هي تفتح الباب: يلا الله يوفقكم يا رب و يفرحكم مثل ما فرحتووني .. سجى: امين يا رب طلعت ام جاسم وقبل لا تسكر الباب رجعت على طول : و لا تقعدي تسوولفي مع فواز من النافذة سجى: ههههههههه من عيوني طلعت ام جاسم من الغرفة و رجعت لغرفة جاسم .. طقت الباب .. جاسم من ورى الباب: ادخل دخلت ام جاسم الغرفة بابتسامة .. و لقته لابس ويمشط شعره بيطلع: هاااه يمه .. طااالع ؟؟ جاسم: ايوة .. آمري ؟؟ أم جاسم وهي تقعد على طرف السرير: ما يآمر عليك عدوو .. ابيك بسالفة تعال اقعد جاسم وهو يقعد على كرسي التسريحة: هلا يمة أم جاسم: قالي عبدالله بأنك كنت خاطب و بعدين فكيت الخطبة بين الضيق على وجهه لما تذكر زينة: أيوة أم جاسم بحنان: دليني على بيت هالبنت بخطبها لك مرة ثانية جاسم بحزن: تخطبيها ؟؟!! البنت رااحت خلاص أم جاسم بصدمة: راااحت ؟؟!! جاسم بحزن: خطبها ولد خالتها و هي وافقت أم جاسم: و أنت وش دراك؟؟ جاسم: انا دقيت على ابوها عشان بقوول له اني بردها.. ردت علي زوجته و قالت لي هالكلام أم جاسم بحزن لحاله: خلاص يا ولدي الظاهر ان مالك نصيب فيها .. هز راسه يبين لها انه مو متضايق .. بس من داخله يحترق ندم ليش انه طلقها من البداية .. أم جاسم: وش رايك أخطب لك وحده من خوات فواز ؟؟ جاسم: لا يمة ما ابي اتزوج الحين .. اصبري علي شوي أم جاسم: على راحتك يا ولدي .. بس ما بخطب لسامي و لا لعبدالله الا من بعد ما تخطب انت .. لان ما يصير ازوجهم و اتركك جاسم: لالالا .. تكفي لا توقفيهم على حسابي انا ما ابي أخرب على أحد .. أم جاسم و هي تتأمله: الله يرضى عليك يا ولدي.. حبته على جبينه و طلعت قام جاسم على طول أخذ جواله ودق على زينة من دون تفكير.. ردت بصوتها الناعم: ألو جاسم : السلام عليكم زينة بارتباك: و عليكم السلام جاسم بحزن: زينة .. سؤال و ابي جوابه : انتي موافقة على يوسف و الا لا ؟؟ انصدمت زينة من سؤاله و سكتت .. منو اللي قال له ان يوسف خطبني .. ووشلون عرف؟؟ جاسم برجاء: زينة تكفين ردي علي و ريحيني.. زينة: لا جاسم وهو يتنهد : زينة .. امي تبي تجيكم تخطبك رسمي زينة باستغراب: امك؟؟!! جاسم بفرح: ايوة انا لقيت اهلي الحقيقيين .. صاار عندي ام و ابو و اربعه اخوان يسوو الدنيا و ما فيها زينة و الدموع تسيل من عينها بعدم تصديق: متعب انت من جدك و الا تمزح؟؟ جاسم: ههههه و الله اني لقيتهم .. و بعدين لا عاد تناديني بمتعب .. هالاسم كرررهته .. اسمي الحقيقي هو جاااسم زينة: جاااسم؟؟ جاسم: ايوة ..(وبفرح) اقول لامي تجيكم اليوم ؟؟ زينة بخجل و فرح: حياها الله بأي وقت يتبع ..// | ||||||||
|  |
|
01-09-18, 02:50 PM
| #102 | ||||||||
| مراقبة عامة ومشرفة منتدى الروايات المنقولة
| في بيت فواز كانت صفاء واقفة عند باب غرفة فواز و تبي تطق الباب بس مترددة .. طلعت الاء من غرفتها و شاافت صفاء وااقفة الاء باستغراب: وش فيك؟؟ صفاء بارتباك: هاااه .. ما فيني شي راحت الاء لعند صفاء ومسكت يدينها بحزن: صفاء شفتي كيف فواز يعاملني ناظرتها صفاء بحزن وسكتت الاء: تكفي خليه يسامحني انا ما عاااد اطيق اعيش في هالبيت و فواز محاربني كذه .. قولي له يسامحني .. تكفيين صفاء: وش تبيني اقوول له يا الاء .. اللي سويتيه انتي غلط ما كان احد يتووقعه منك الاء: والله انها اول مرة و اخر مرة .. و انا اعتذرت منكم كلكم .. ليه الكل سامحني الا هو .. فواز بمكانة ابوي الحين و انا ما اقدر على زعله كان فواز ورى الباب و يسمع كلامهم .. صحيح انه متجاهلنها و يبين انه مو مهتم لوجودها .. بس كان مراقب كل تحركاتها .. الغلط الللي ارتكبته كبيـــر .. و اللي بسببه صفاء تبهدلت حياتها صفاء وهي تضمها بحنيه: فواز قلبه كبير و ان شااء الله بيسامحك .. بس هو يسوي كذه عشاان تفهمي ان الغلط اللي سويتيه كبيييير الاء وهي تبكي: وش اسوي عشااان يسامحني ..؟ صفاء و هي تمشي معاها للغرفة : جلسي بغرفتك الحين و انا بروح اكلمه دخلت الاء غرفتها و راحت صفاء لغرفة فواز و طقت الباب فواز من ورى الباب: ادخلي صفاء: السلام عليكم فواز: و عليكم السلام صفاء بارتباك و هي منزلة راسها و تلعب باصابعها: فواز انا موافقة أرجع إلى فهد فواز بابتسامة: زين زين .. مبروووك .. بس ليه ما اخذتي وقتك بالتفكير ؟؟ صفاء بخجل: ما له داعي افكر اكثر فواز : الله يوفقك ويسعدك صفاء: يا رب انتظرها فواز تتكلم بموضوع الاء بس شاافها واقفة و مترددة بانها تتكلم فواز بتشجيع: فيه شي ثاني؟؟ صفاء بارتباك: ايوة .. فواز إلى متى بتظل محارب آلاء ؟؟ فواز ببرود: ليش بنظرك ان اللي سوته قليل عشان اسامحها على طول ؟؟ صفاء: لا مو قليل بس الكل سامحها الا انت .. صدقني انها ندمانة .. و ما تبي الا رضاك فواز: على خير ان شاء الله ################### في بيت حمد كانت هنادي جالسة مع علياء بالصالة علياء: متى بتسوي العملية ؟؟ هنادي بقلق: مدري علياء: انتي لازم تسافري و تسويها هنادي: و الله اني خاايفة من انها ما تنجح و بعدين اتحطم علياء: و ليه تخافي .. حراام تضيعي على نفسك الفرصة هنادي: و انتي ؟؟ علياء: انا اش فيني ؟؟ هنادي: انتي قريب تولدي .. علياء: هنادي لا تقعدي تطلعي لك اسباب ما لها داعي .. انا اذا ولدت بروح بيت اهلي و انتي رووحي مع حمد و سوي العملية .. و ان شااء الله بتنجح .. لان كثير قبلك سووها ورجعوا و لا كأن صااير لهم شي هنادي سكتت تفكر بخوف علياء: انا ما خابرتك تشااؤمية .. تفائلي بالخير و الله يحقق مرادك ################## في بيت أبو عادل العصر نزل عادل للصالة و لقى امه و سناء جالسين يشربوا شاي عادل: السلام عليكم ام عادل و سناء: و عليكم السلام عادل و هو يقعد: وين البنات ؟؟ ام عادل: في غرفتهم يخططوا وش بيسووا للعرس سناء: وين شجن؟؟ عادل: قالت بتنام شووي .. تحس نفسها نعسانة ام عادل بتلميح: وش فيها هالايام كل تنام عادل: من السهر مع البنات .. سناء: من السهر لو من شي غير عادل اللي ما كان فاهم تلميحاتهم له قال : انا انام وهي تنزل وما تركب الا اخر الليل .. حتى اني مدري متى تركب ضحكت ام عادل مع سناء و هم يشوووفوا عادل موفاهم شي عادل باستغراب: ليش تضحكوا؟؟ سناء: احنا نقصد يعني ما في بيبي بالطريق عادل ببلاهه: بيبي ؟؟!! ام عادل بتوضيح: شجن هالايام كل تنام .. يمكن تكون حامل .. عادل بتفاجأ: يعني شجن الحين حامل؟؟!! سناء: يمكن مو اكيد عادل: لالالا ما نبي عيال الحين ام عادل و سناء بصدمة: و ليييييييه ؟؟ عادل وهو يناظر يمين يسار يتأكد بأن ما في احد يسمعهم قال بتردد: لأني .................؟؟ ################ اليوم الثاني الليل وقف جاسم عند باب بيت زينة و معاه امه و سجى و رغد .. جاسم: يمة هذا بيتهم .. و هذا البيت الي بجنبهم بالضبط هو اللي تربيت فيه طوول عمري أم جاسم بحزن: يعني كنت قريب مني و انا ما ادري عنك .. يلا الله عوضني فيك باخوانك .. جاسم: الحمدلله طلعت ام جاسم من السيارة و طلعت معاها سجى و رغد .. طقت الباب وبعدها بدقايق انفتح الباب و دخلوا .. ظل جاسم في السيارة ويناظر البيت اللي تربى فيه .. صحيح انه ما صار له واجد من تركه الا انه اشتاق له .. و اشتاق للحرمة اللي ربته .. جلس يقرأ على روحها و روح زوجها الفاتحة و يترحم عليهم .. وهو يقرا الفاتحة انتبه لابو مناف طالع من البيت و طالع معه ابو مشاري .. استغرب وجودهم مع بعض .. و عن اللي بينهم .. انتبه ابو مشاري لجاسم اللي بالسيارة و رفع له يده بالسلام .. فتح جاسم الباب ونزل متوجه لهم جاسم: السلام عليكم سلم عليهم و حبهم على راسهم ابو مناف: شلوونك يا متعب ..؟؟ جاسم: الحمدلله بخير .. ابو مناف بسخرية: شفت لك بيت تقعد فيه ؟؟!! جاسم: الله ما يضيع أحد .. تفشل ابو مناف و سكت ابو مشاري: و نعم بالله .. قرت عينك يا جااسم بشوووفت اهلك جاسم: الله يسلمك وقف ابو مناف منصدم من اللي سمعه: شفت أهلك ؟؟؟!! جاسم بابتسامة: ايوة ابو مناف: كيف ؟؟ ووين ؟؟ و منو هم ؟؟ ابو مشاري: هههههـ اش فيك يا رجال اكلت الولد بالاسئلة .. تعالوا ادخلوا .. نتكلم داخل احسن ############## في بيت أبو ناصر بالصالة كان أبو ناصر مع ناصر واقفين و أحمد و فارس و سارة جالسين على جنب و يسمعوا للي صاير أبوناصر: شلوووون تطلق بنت عمك ؟؟ ناصر وهو يتحاشى نظرات ابوه: قلت لك هي اللي طلبت الطلاق أبوناصر: انت لازم ترجعها على ذمتك .. ما يصير تتركها هي و أولادها كذه ناصر: اسمحلي يبة ما اقدر أبو ناصر بعصبية: بكيفك هو ما تقدر ؟؟ (وبحده): بترووح إن مو بالطيب بالغصب ناصر ناظر ابوه بنظراته الباردة : سوي اللي تبي تسويه .. (ومشى يبي يطلع من البيت .. وقفه صووت فارس .. و كلمته اللي هزته) فارس : يبة أنا بخذ تهاني انصدمت سارة من طلبه وكانت بتعارض بس سبقها ابو ناصر وهو يقول: و النعم فيك يا ولدي .. استر على الحرمة و على عيالها .. لف ناصر على فارس و ناظره بنظرات تشع منها نار: وش قلت ؟؟ فارس ببرود يقلده فيه: بتزوج بنت عمي ناصر بعصبية: بكيفك هو تعرس عليها ؟؟ فارس: أنت وش خصك فيني .. اتزوج اللي ابي ناصر بصراخ: يمة سمعتي وش يقووول ؟؟ سارة : و انا وش اسوي له .. عقله براسه يعرف خلاصه أبو ناصر بتجاهل لناصر: هاا يا ولدي متى تبيني اخطبها لك فارس: بس تخلص عدتها وقف ناصر متجمد يناظر أخوه و هو مو متخيل بان تهاني بتتحول من زوجته الى زوجة اخوه .. شلوون بتعيش معاه بنفس البيت عل انها زوجة اخوه .. مستحيل يصير هالشي .. مستحيل قال بسررعه : يبة .. برجعها يتبع ..// | ||||||||
|
| |
|
01-09-18, 02:50 PM
| #103 | ||||||||
| مراقبة عامة ومشرفة منتدى الروايات المنقولة
| عند وضحى بالمجلس كانت ام جاسم مع سجى جالسين و يناظرووا زينة اللي تقدم لهم العصير بكل خجل وضحى: الحمدلله الي الله وفقه و لقاااكم .. و الله اننا ندعي له ليل نهار انه يلاقيكم ام جاسم: الحمدلله من يصدق ان ولدي يرجع لي بعد سبع و عشرين سنة وضحى: تركتيه ابو سنة و رد لك رجال ام جاسم: هههه سجى لزينة: ما شاااء الله عرف اخوي يختار .. حلوة ما شاء الله عليك زينة بخجل: تسلمي غناتي سجى: عندك خوات ؟؟ زينة: لا ما عندي الا اخوين سجى: الله يخليهم لك يا رب .. زينة وهي تشوف الدبلة بيد سجى: انتي مخطوبة ؟؟ سجى: ايوة من زمان زينة: ومتى الزواج؟؟ سجى: بعد اربعه شهور زينة: سبحان الله نفس المدة اللي كنا محددينها انا و متعـ.. اووه جاسم سجى: ههههههههههههههههه بتتعودي بعدين هههههههه زينة: ههههههههههههههههه ############### بعد يومين في بيت أبو هشام دخلت شهد البيت و الاكياس بيدها و دخلت معاها سجى سجى عند الباب : فيه أحد شهد: لالا .. خذي راحتك دخلت سجى البيت و ركبت مع شهد لغرفتها بسررعه .. أول ما دخلوا الغرفة سكرت شهد الباب .. رمت سجى عباتها بجنبها وقالت و هي ترمي بنفسها على السرير: أخخخخ تعببببببببت شهد: الله يعطيك العافية .. أخدمك بعرسك سجى: كذااابة ..(تقلدها): أخدمك بعرسك ؟؟ نسيتي انك بتسافري مع حموود شهد بضيق: اوووووف .. ليه دكرتيني سجى: ليه ما تبي تسافري ..؟؟ شهد: انا مو متعوده اسافر من دون أهلي .. و أحمد يبي يسوي العرس بعد العقد على طول سجى: بعد العقد ؟؟!! متى يعني ؟؟ شهد: يعني بعدها باسبوعين او ثلاث سجى: واااااال .. ليه بهالسرعه ؟؟ شهد بضيق : شفتي كيف؟؟ سجى: انا خطبتي وش طولها و انتي وش قصرها شهد: ما في حل وسط سجى: ههههههههه ################### في بيت أبو عادل عند شجن و عادل دخل عادل الغرفة ولقى شجن متسنده عل النافذة و سرحانة .. رااح لها وضمها من ورى عادل: نمتي؟؟ شجن : لاا (وبهدوء): دقت علي أمي قبل شوي عادل باستغراب: دقت عليك ؟؟؟ هزت راسها بتأكيد : ايوة .. تقولي شجن انا امك و اللي قاله لك عمك ما صااار .. و ان عمك كذاب و هم يتبلوا علي و مدري ايش عادل وهو يحط عينه بعينها: هالكلام صحيح ؟؟ هزت شجن كتفها باللامبالاة عادل و هو يهزها من كتوفها: شجن انتي واعيه للي تقولينه ؟؟ إذا أمك بريئة أنتي لازم تسامحيها .. حراام تظلميها شجن بزعل: قلت لك مااابي عادل بتنهيده: طيب على راحتك .. (يغير السالفة).. ما بتروحي مع البنات السوق ؟؟ شجن وهي تتحاشى النظر له: لااا عادل: ليه ؟؟ شجن : احس اني مصدعه ابتسم عادل بعبط: سمعت عنك اشاعات شجن بخوف: اشااعات ؟؟ عادل: اش فيك خفتي .. ترى السالفة و ما فيها ان امي وسناء يقولوا شكلك حامل شجن بصدمة: اناااا .. حامل؟؟ عادل: ايوة شجن وهي تحط يدها على بطنها ببراءة: ما فيني شي عادل: هههههههههههههههه قلت لك اشااعات ################## قبل عقد أحمد و شهد بيوم شهد وهي تمد لها ورقة : هذا رقم بيت عمتي أم سامي الجديد أم هشام بتكشيره: ووش اسوي فيه ؟؟!! شهد: اعزميها على حفلة خطوبتي ام هشام: الحفلة بتصير في البيت .. ما اقدر اعزمها .. و الله لو يشوووفها ابوك يسوي مصيبة ؟؟ شهد بفضول: يمة وش صاااير بين عمتي و ابوي ؟؟ ام هشام: مشكلة قديمة بينهم انتي ما لك فيها شهد: ووش هالمشكلة ؟؟ ام هشام: قلت لك انتتي ما لك فيها .. شهد: خلاص دام انا ما لي فيها اعزميها على حفلتي ام هشام: اوووه يا شهد .. والله ما اقدر شهد بفضوول: قولي لي وش هالمشكلة ؟؟ ام هشام: لو اقول لك بنظرك بتكون صغيرة بس بنظر ابوك كببيييييييييرة .. شهد: شنو هي ؟؟ ام هشام: عمتك حبت لها واحد كان الكل معارض عليه .. تزوجته غصب عن الكل و هربت معاه .. تبرى منها جدك و جدتك و ابوك وعمتك سارة لانهم كانوا متفشلين منها قدام الناس .. صااارت بذيك الفترة علكة بحلوجهم .. ما ظل صغير و لا كبير الا ويتكلم بالسالفة .. حتى مرضت جدتك و توفت من كثر ما كانت تبكي عليها و بعدها بفترة لحقها جدك شهد بحزن: لا حول و لا قوة الا بالله .. و ابوي وش سوى بعدها؟؟ ام هشام: ما كان بيده يسوي شيء .. بس كان معصب حيييل .. و كان يتمنى يشووفها عشاان يذبحها .. بس الحمدلله بردت السالفة و نسووها الناس شهد: الحمدلله ام هشام بابتسامة: بس ربك ما يضرب بعصا .. شهد: ليه؟؟ ام هشام: جاابت لها ولد و بعدها بسنة بس ضاااع منها و لا شاافته .. و زوجها تركها و ما صاار يجيها الا سكران .. كانت عايشة على صدقات الجيران شهد بفرح: يمة ولدها رجع ام هشام بصدمة: شنووووو ؟؟ شهد: ولدها رجع قبل فترة مو طويلة ام هشام: شلوووووون ؟؟ شهد: بقووولك بس مو قبل ما تعزميها ام هشام: مشكلتك تعرفيني اني فضووولية .. جيبي الرقم اعزمها .. بس بقول لأبوك انتي اللي عزمتيها شهد: جبااانة هههههههه ام هشام: ههههههههههههههههه يتبع ..// | ||||||||
|
| |
|
01-09-18, 02:51 PM
| #104 | ||||||||
| مراقبة عامة ومشرفة منتدى الروايات المنقولة
| في بيت فواز عند البنات كانت ولاء مع لقاء يستشورا شعر صفاء و الاء تحط لها مناكير لقاء: من قدك يا صفاء ..؟؟ صااايرة كأنك ملكة ولاء : قولي لا اله الا الله لا تطقيها بعين الاء: وش شعورك و انتي بترجعي لفهد ؟؟ صفاء بخجل: شعور واحد عطشان يبي يشرب موية البنات و هم يصرفوووا: احللللللللللللللللللللللى صفاء: ههههههههههههه لقاء: يا يا ولايتي انا بررروح عنك ولاء: وين وين ؟؟ لقاء: بروح امر على البنات بشوووف وش اخبار لمياء و تجهيزاتها ولاء: تعالي ساعديني الحين و بعدين روحي للمياء لقاء و هي تلوي فمها : يا ربي منك .. بالغرفة الثانية كانت لمياء جالسة على الكرسي و علياء جالسة بجنبها تحط لها مكياج و نقاء تجهز فستان لمياء علياء: بخلي لك المكياج طبيعي عشان اذا شافك خّلوود يشوووف ملامحك الطبيعية لمياء: ههههههه سوي اللي يريحك نقاء: لموووه ليش مآخذه فستان طويل .. القصير احلى لمياء: شنووو .. تبيني من بدايتها البس قصير .. وش تبي يقووول عني الرجال ..؟؟ نقاء: يقوول عنك فلااااوية علياء: بلا فلة بلا بطيخ .. الا بيقول عنها قليلة حيا و ما تستحي نقاء: هذا تفكير متخلف .. و احنا الحين جيل متحضر علياء: لا تخلي الحضااارة تنسيك ادابك و اخلاقك .. نقاء باستبهال: حااضر طال عمرك دخلت عليهم سجى برباااشة و من دون لا تطق الباب: الحلوووويييييييييين وش يسوووو ؟؟ نقاء بفرح و هي تأخذ سجى بالاحضان: يااااااااااااااااااااالبب ببببى هالطلة سجى: هههههههههه جلست سجى على الكرسي ونزلت حجابها بابتسامة: علياء عدلي جلستك ما ينفع تجلسي كذه علياء بابتسامة : ما اعرف احط المكياج الا كذه لمياء: اجل لا تحطي لي اذا ما ينفع .. و الا اعتدلي بجلستك علياء و هي تعدل جلستها: طيب نقاء لسجى : اي دي الحلاوة يا اختي سجى: عيونك الحلوة يا قلبي .. نقاء: هههههه ############### في بيت أبو عادل عبير: نبي نسوي عرررررضه ما صاارت و لا استوت عنود: لالالا ما ابي اسوي هالحركات البايخة علا باستنكار: لااااا وش ما تبي .. اجل تبي تدخلي كذه كأنك جنية .. على الاقل خلي بزرين يمشوا قدامك عنود: و من وين اجيب لك البزرين ..؟؟ علا و هي تناظر سناء السرحانه: حطي سناء تمشي قدامك مع كرشتها الكل: هههههههههههههههه أم عادل: خلاااااص يا بنات .. عورتوا راااسنا .. من نقعد قمتوا تخططوا لهالعرس علا: اكيييد بنقعد نخطط .. هذا اول عرررس يصير عندنا بالبيت .. و اول فرررحة لنا لف عادل اللي كان جالس بجنب شجن و ساكت .. و شاف كيف انها متحسسة من الكلام .. عادل يقاطعهم: خلااااص أمي الصادقة .. سولفوا عن العرس هناك بغرفتكم .. اما هنا احترمووا حالي و انا قااعد كأني اطرررش بالزفة عبير: محد قالك تصير ولد بين بنات .. بس الشرهه مو عليك .. الشرهه على امي اللي جااابتك بموقع غلط ام عادل وهي تحط يدها على خدها: لا حول الله رن الجرس فجأة .. و قاام عادل يفتح الباب بنفسه .. طلع برى و شااف هيثم خال شجن عند الباب .. عادل: هلااااا هيثم بابتسامة: هلاااا و الله .. شلوونك ؟؟ عادل و هو يسلم عليه : الحمدلله .. اخبااارك ؟؟ هيثم: ماااشي الحال .. اخبار شجن ؟؟ عادل: و الله الحمدلله بخير .. (وهو يسحبه معاه)حيااك تفضل هيثم: لا .. انا ما بدخل بيتكم قبل ما نحل اللي بيننا عادل باستغراب : خير ان شااء الله .. وش صااير ؟؟ هيثم: أختي (وبتوضيح): أم شجن ############## الليل في بيت فواز خطوبة لمياء و صفاء كانت لمياء جالسة مع صفاء بنفس الغرفة بعد ما خلصوا مكياج و شعر .. صفاء بارتباك: يا ربي احس اني خااايفة لمياء: انتي تعرفيه من قبل بس انا صفاء: انا لاني اعرفه قبل خااايفة لمياء: تعرفي وش مهون علي حالتي ؟؟ صفاء: شنوو لمياء: ان خالد من يوم يوووومه خجووول و ما يتكلم كثير .. بس انا خااايفه اكون أجرأ منه صفاء بحماس: هههههههههه لا تذكريني فيه .. ذااك اليوم رحت انا مع نقاء و لقاء بيتهم .. و ياااليتني ما رحت لمياء بفضول: ليييه ؟؟ صفاء: ذاك اليوم كاان رمضاان و احنا رايحين نعطيهم اطباق .. فتح لنا الباب و اول ما شاافنا فاتحين وجيهنا سكر عيونه بيدينه بسرررعه و سكر الباب بوجههنا لمياء: هههه الله يغربل بليسك .. لا تسخري عليه .. هذا يغض النظر .. صفاء: يغض النظر ..؟؟ الا قوولي يستحي و يموووت من الحياء بعد لمياء: يلا خلاص عن الهدرة على زوجي صفاء: ياااحلوووووووها بحلجك لمياء: هههه سمعوا طق على الباب .. و قاامت صفاء تفتح بما انها القريبة من الباب .. شاافت فواز ورى الباب و الابتسامة بوجهه .. و الكتاب بيده فواز: سلااام يا عرايس صفاء و لمياء: هههههه وعليكم السلام فواز: انا جاايب معاي الكتاب عشاان توقعوا عليه الحين .. يلا يا صفاء .. انتي أول مسكت صفاء القلم بيد مرتجفه .. ووقفت تناظر توقيع فهد فواز باستغراب: اش فيك ؟؟ صفاء: و لا شي .. (وقعت بسرررعه و عطت القلم للمياء .. اللي كانت خااايفه اكثر من صفاء.. وقعت و عطته فواز) فواز و هو يحط الكتاب على جنب و يحضنهم ثنتينهم بين يديه:مبرووووووك يالغوالي ..(وبقلبه): وهذي ثنتين طلعوا من ذمتي و بطلعتهم خفت مسؤوليتي .. و الله يقدرني يا يبة على تحمل مسؤولية البقية فواز: الحقوووني .. رجالكم يبوا يشوووفوكم صفاء و لمياء بخجل: طيب ############# في بيت أم جااسم كانت ام جاسم لابسة عباتها تبي تطلع .. بس عبدالله وااقف بوجهها ام جااسم: خلني اطلع ما ابي اتأخر على الناس عبدالله : و الله ما تطلعي قبل ما توعديني بانك رح تقولي لهم ام جااسم : ووش تبيني اقووول .. و الله عيب عبدالله: مو ذنبي انا .. انتي تخطأي و تخطبي لي آلاء و انا قايل لك ابي ولاء ام جاسم:ووش فرق بينهم ؟؟ ثنتينهم من بطن وااحد و شكلهم وااحد حتى اني ما اقدر افرق بينهم عبدالله بزعل: بس انا قايل لك اني ابي ولاء ام جاسم بتصريف: خلااص الحين بقوول لهم عبدالله: وعدددد؟؟!! ام جاسم تصررفه: اي وعدد عبدالله وهو يبعد عن الباب و يفتحه لها : يلا رووحي وسلمي عليهم ومو تنسي زييين ام جاااسم وهي طاالعه : زيين طلعت و سكر عبدالله الباب وراه وهو يتحلطم: اي والله اقوول لها اخطبي لي ولاء ترووح تخطب لي الاء .. دخل الصالة و سمع التلفون يرن .. جلس على الكنب اللي بجنبه و رد عبدالله: السلام عليكم ......: و عليكم السلام .. آآ هذا بيت أم جاسم الـ ..؟؟؟ عبدالله: ايوة ......: أم جااسم موجودة ؟؟ عبدالله: لو أنك مسبقة شووي كآن لقيتيها بس الحين هي طالعه .. اقوول لها منو ؟؟ ......: قول لها ام هشاام .. و سكرت عبدالله باستغراب: أم هشاام ؟؟ زوجة خااالي ..؟؟ نزل جاسم و هو مبتسم و يسمع عبدالله يسولف بوحده جاسم بابتسامة: وش فيك تسولف بوحدك؟؟ عبدالله: محد معي اسووولف مع من ؟؟ جاسم: الحمدلله ربي و الشكر .. يلا سلام عبدالله: تعال برووح معااك جاسم: وين ؟؟ عبدالله: مدري بس بطلع معااك جاسم وهو يضحك على شكل عبدالله اللي من لما عرف بان امه خطبت له الاء وهو متحطم: خخخخخ تعال تعال يتبع..// | ||||||||
|
| |
|
01-09-18, 02:52 PM
| #105 | ||||||||
| مراقبة عامة ومشرفة منتدى الروايات المنقولة
| في بيت أبو عادل دخل عادل الصالة و كان وجهه متغير : شجن تعالي المجلس ناظرته شجن باستفهام ام عادل بقلق: وش فيك..؟؟ ومنو هذا اللي جاااي بهالوقت ؟؟ عادل: واحد من أهل شجن .. شجن يلا تعالي قامت شجن مع عادل وهي مستغربة .. لما وصلوا الممر اللي عند المجلس شجن: منو هنا ؟؟ عادل: خالك شجن بابتسامة : خااالي هيثم ؟؟ عادل: ايوة .. راحت تبي تدخل بسرررعة .. مسكها عادل من يدها: تعالي لحظة .. خالك مو بوحده ؟؟ شجن بفشيلة على بالها معاه صديقه: يؤؤؤؤ ليه ما قلت لي عادل بجدية: اللي معاه هي امك .. و جاية تعتذر منك .. شجن بسخرية: هه أمي .. ليه جاية ؟؟!! عشان تكمل الفلم الدرامي قدام عيني ؟؟ عادل بحده: شجن .. شجن بعصبية: عااادل .. ليه جااايبها لهنا ..انا قلت لك مابيها .. و مثل ما عاااشت طول هالسنين من دوني خل تعيش الحين .. ليه طول هالسنين ناسيتني و الحين بس تذكرت ان عندها بنت عادل وهو يمسك يدينها يبيها تسمع له: بس انا تأكدت أن أمك ما سوت اللي قاله ابوي .. وانه الله يسامحه كان يفتري عليها .. أنتي أكثر وحده تعرفي ابوي .. نسيتي لما جاء لك بعد وفاة ابوك المرحوم .. ومسوي نفسه الابو الحنون .. و لما سحب منك الورث رمااك وقال لك انك بنت حرام ؟؟ حتى انه حرمك من الجية هنا شجن و الدموع تسيل من عينها: ليه تذكرني ؟؟ عادل: عشان تذكري أن هذي امك اللي انظلمت من أبوي .. و حتى أبوك .. انا اليوم سألت أمي عن اللي صار بالضبط .. قالت لي بأن أبوك كان طالع من البيت .. تذكر شي كان ناسينه لما رجع .. لقى رجال غريب عند باب البيت كان يبي بيت جيرانكم و غلط و جاء بيتكم .. اول ما شاافه شك بأن أمك تخونه و طلقها و انتي كان عمرك كم شهر شجن: و ليه قالوا لي من البداية انها خاااينة .. ليه قالوا انها خاانت ابوي عادل وهو يمسح دمووعها باطراف اصابعه: اتركني عنك الاسئلة اللي ما رح تفيدك بشيء .. و ابدي معاها صفحة جديدة .. و انسي اللي فات رمت شجن نفسها بحضن عادل و جلست تبكي الضياع اللي كانت عااايشتنه .. والعذاب النفسي اللي تعيشه الحين .. ############### في بيت فواز بالمجلس كانت لمياء جالسة مع خالد .. لمياء بقلبها و هي تشووف خالد جالس بعيد عنها و ساكت: تكلم ياااا رجااال .. أحس أني جااالسة بعزاء .. انا سااكتة و هو سااكت ما صااارت شااافته يتحرك انبسطت حسبته بيتكلم .. لقته معدل شماغه .. و بعدها رجع لجلسته الاولية و سكت رفعت لمياء رااسها و جلست تناظره وبقلبها: كأني أنا الرجال .. كلما جت عيني بعينه يتلخبط و يلّهي نفسه بشي ثاني .. ليه الجرأة اللي عند خواته مو عنده .. هذا الحال عند لمياء أما صفاء فكانت جالسة مع فهد في المجلس الثاني فهد وهو يبوس خدها: اشتقت لك صفاء بخجل: و انا اكثر فهد: يعني ساامحتيني يا قلبي صفاء: مو قبل ما تحب كوعك فهد وهو يحط يده اليمين ورى ظهره: بس انا احتاج هاليد الحين صفاء: خلاص اكسر الثانية فهد بمزح: انتي صدقتي انا اقوول لك كذه بس عشاان ترضي .. شايفتني مجنون اانا اكسر يدي .. تراني فهد مو قيس بن الملوح صفاء وهي رافعه حاجب: اشوووف صرت مغرور علي .. و الا كلام الليل يمحيه النهار فهد: هههههه .. لا تزعلي يا قلبي انا امزح معك .. انتي لو تطلبي ارمي نفسي من عماره برمي نفسي ############### اليوم الثاني العصر كان سامي جااالس جنب امه اللي جالسة تكلم تلفون وهو يحاتي .. خلصت ام جاسم المكالمة و سكرت السماعه سامي: هااه يمة وش قالووو ام جاسم: وش بيقولوا يعني غير حيااكم الله سامي: لا انتي قلتي لهم جايين نخطب .. وش ردوا عليك ؟؟ ام جاسم وهي قايمة: قالوا حياااكم الله سامي بتحلطم: يعني ما عندهم غير هالكلمة ؟؟ نزلت سجى و هي لابسة عباتها وشافت سامي بالصالة: سموووووووي حبيب قلبي .. سامي: اختصري وش تبي ؟؟ سجى:وصلني بيت خالي سامي وهو قايم: يلا انا بالاساس طالع سجى: يمة بتروحي الليلة و الا لا ؟؟ ام جاسم بتردد: والله ما ادري .. فشلة ما البي الدعوة .. بالذات انهم جوا بحفلتك .. بس اخاف اروح و اقابل اخوي سجى: لا يمة .. ما عليك من اخووك .. تعالي و قعدي مع النسوان وهو اكيد انه مع الرجال ام جاسم: على خير ان شااء الله ################ في بيت أبو عاددل سناء بفرح لأم عادل: وش صااير اليوم ؟؟ مرتين يدقوا يبوا يخطبوا ؟؟ أم عادل بفرحة: الحمدلله اللي بلغني اشووفهم ينخطبوا سناء: الحمدلله مرت عنود عليهم وهس لابسة عبايتها: يمة انا بطلع مع ماجد سناء: و انتي متى تبي تنقطعي عنه؟؟ عنود: قبل العرس باسبوووعين .. يلا باااي لا اتاخر عليه ام عادل و سناء: بحفظ الله نزل عادل وهو كاااشخ بالثوب و الشماغ و كانت شجن معاه و باين عليها كاااشخه بعد عادل و شجن: السلام عليكم ام عادل و سناء: و عليكم السلام سناء: ماااشااء الله كاااشخين عادل: حفلة صديقي الليلة و لازم احضر ام عادل: اي صديق؟؟ عادل: أحمد ولد أبو ناصر مر شريط ذكرياتها قدام عينها بثواني من طلاقها من ابو عادل الى زواجها من ابو ناصر الى طلاقها منه و جيتها لهنا ..حزنت على ذيك ايام .. وقالت :الله يبارك لهم شجن: احس اني استحي ارووح لهم .. عادل وهو يسحبها معاه: اقول يلا تعالي .. أمه وصتني اجيبك معاي .. لا تقعدي تعيدي لي منوال استحي و فشلة شجن: ههههههههههه عادل: مع السلامة ام عادل و سناء: الله يسلمكم ########## في حفلة شهد كانت الحفلة بصالة البيت .. وكان الكل حاااضر .. سجى و امها و خوات فواز كلهم جوا .. و سارة و تهاني وجيرانهم .. و اهل ام هشاام و جيرانها .. كانت ام هشاام كااشخة بجلابيتها الحمراء المطرزة بالذهبي .. و الابتسامة مالية وجهها من الفرحة و ام أحمد ما تقل عنها فرحة .. في غرفة شهد كانت شهد لابسة فستان طويل وجبوونته كبيـــرة شوي .. لونه بنفسجي و عليه شيفونات سوداء .. و مسوية تسريحة مرفوووعه و نازل منها اكسسوارات فضية .. و كانت سجى معاها و لابسة فستان مخملي قصير لي الركبة .. لونه تركوازي .. فيه فيونكه فضية من جهة الخصر .. اما شعرها فكانت رافعتنه من الجوانب ببكلات فضية و تاركة بقايا شعرها الطويل منسدل على ظهرها سجى: و انتي ليه خااايفه ؟؟ كتبتي كتابك عليه العصر و خلللصتي شهد: انا خاايفة اذا جاء بيشووفني .. قلبي ينبض بقووة سجى: ههههههه و الله راحمتنك يا قلبي .. انا اتذكر كان شوي و يغمى علي .. و كل ما يكلمني اسكت عنه .. حتى انه فكرني طرشاء و خرساء شهد: ههههههههه خليه يتذكرك .. بيقوول اه على ذيك أيام كانت ساااكتة وش خلااها تتكلم و تعور راسي سجى: اتحدااااك فوازي يقووول عني كذه شهد: هههههههههههههههه الحفلة مرت الحفلة عااادية .. نزلت شهد و جوا الناس يسلموو عليها .. و قاموا البنات يرقصوا .. الين اعلنوا دخول المعرس مع ابو العروس و اخوها .. قاموا الحريم يلبسوا عباياتهم و يتغطوا .. ام جاسم بتوتر: يلا يا سجى خلينا نمشي سجى بفرح: لا يمة خلينا نشوووف شهدووه وش بتسوي ام جاسم: دقيت على سامي و جااء .. هو الحين عند الباب سجى بضيقه: ليه .. خلينا نشوووف على الاقل وش بيسووا .. بس نص ساعه كانت ام جاسم خاايفة يدخل اخوها و يشوووفها بعد كل هالسنين .. طلعت ام جاسم بعد ما سلمت على ام هشام و اختها وباركت لهم .. وطلعت معاها سجى لما وصلوا عند مدخل البيت وقفت سجى: يمة نسيت اغراضي بغرفة شهد لحظة بجيبهم ام جاسم: وقتها الحين .. يلا روووحي بسررعه سجى و هي رايحة: مو ترووحي عني انتظريني راحت شهد ووقفت ام جااسم عند مدخل البيت تنتظر بنتها .. وقفت تشووف الخير اللي عااايش فيه اخووها وفخااامة البيت .. شاافت ثلاثة رجال جاايين بيدخلوا تغطت على طول .. كان احمد مع هشام و ابو هشام بيدخلوا .. اول ما لمح ابو هشام الحرمة اللي واقفة على جنب و هي تتغطى شبه عليها .. ووقف يناظرها وهو يشوووفها تحووس بأغراضها و باين عليها مرتبكة من حركتها هشام باستغراب: يبة ؟؟ ليه وقفت ؟؟ ابو هشام: روحوا انتوا .. وانا جااي دقايق بس احمد و هشام: طيب دخل احمد مع هشام و توجه ابو هشام لأم جاسم ابو هشام: أنتي عالية ؟؟ ام جاسم بخووف من أنه يعرفها : مين عااالية ؟؟ ابو هشام: آسف أختي ظنيتك وحده من معارفي ام جاسم بارتباك: لا اخووي الظاهر انك مشبه علي مشى ابو هشام بيدخل بس طلعت سجى وهي تضحك: يمممممة شهدووه بنت خالي توووحفة انتبهت لخالها اللي واقف قدام امها .. و يناظرهم بصدمة أبو هشام: يعني انتي عاااالية ؟؟ ام جااسم بخووف: سجى يلا تعالي نمشي اخووك عند الباب ابو هشام: لا تعالي لا تمشي ام جاسم : وش تبي ؟؟ ابو هشام : ههههههه منحاااشة طووول هالسنين ورااجعه الحين ؟؟ الحمدلله انك جيتي .. سجى: وش تبي من امي ؟؟ ابو هشام: لا تخافوا ما ابي منكم شي .. بس انا مو نذل عشااان ابووق فلوسك يا عالية ام جاسم: فلوووسي ؟؟ ابو هشام: ايوة .. ابوي وزع الورث علينا بالتساوي .. انا عطيت ساارة نصيبها بس انتي قلت ما بعطيك اياه الا اذا انتي جيتي لي البيت ام جاسم و الدموع بعينها: انا ما ابي الفلوس .. انا ابي اخوان راضيين علي ابو هشام وهو رافع حاجبه: وين هالكلام لما هربتي مع سلطان ؟؟ ام جاسم: صدقني يا اخوي انا ما ابي غير رضااكم علي .. الفلوس ما بيوم همتني ابو هشام: تبينا اخوة هذا البيت و اهله من اليوم و رايح يرحبوا فيك .. و دخل البيت على طول ابتسمت سجى و هي تتذكر كلام شهد لما قالت لها " أبوي عصبي بطبعه مستحيل يبين طيبته لنا.. و لو حس بأنها بينت يتداركها بالصراااخ " يتبع ..// | ||||||||
|
| |
|
01-09-18, 02:52 PM
| #106 | ||||||||
| مراقبة عامة ومشرفة منتدى الروايات المنقولة
| بعد مرور شهرين علياء وهي ماسكة البيبي و تكلم حمد عـ الجوال : أخبار هنااادي ؟؟ حمد: هنادي تسلم عليك .. الحمدلله عمليتها نجحت و إن شااء الله بنرجع بعد أسبوووع علياء: أمااانة سلم لي عليها حمد: يوصل ... وش لوووون كريمووه ؟؟ علياء: ههههههه يسلم عليك و يقووول مشتاااق لأبوووي حيل .. و بعدين ولدي اسمه "عبدالكريم" مو كريمووه حمد: هههههههه من عيووووني ############# في بيت أبو عادل كان البيت حووووسة .. تجهيز لعرس عنود اللي باقي له يوم .. سناء و هي حاااطة يدها على بطنها بتعب و تنادي: علااااااا .. وين الثلج علا وهي ترتجف: الله يغربلك من حرمة ... الناس بتموت من البرد و انتي تااكلي ثلج سناء: جيبي اهووو .. و أخذت كاس الثلج تاكل فيه علا: مو تكثري لا يزكم اخوووي سناء: علوووه و الله مالي خلقك علا و هي قاايمة و تكش على وجه سناء: مااالت .. اللي يسمعك يقول انا اللي لي خلقك سناء: الله يعين قلب سامي عليك و يصبرره على ثقالة دمك دخلت عبير البيت و هي تدندن .. شافت سناء بالصالة بوحدها و تأكل ثلج: حراااام عليك بررررررد سناء: توووها رااايحة وحده .. جيتي لي انتي .. قولي لي .. اخبارك مع عمران ؟؟ عبير وهي ترفع كتوووفها : هوو زين بس ساااامج سناء باستغراب: وش يعني ؟؟ عبير: اقوول له ابي اكمل دراااسة بالخارج .. قال لي بكل سماااجه " بالخااارج و ظهوور دون اتصال " ناظرتها سناء : وش يعني ؟؟ عبير: حالات مسنجر ما تعرفيها انتي سناء: سخيييييف هههههههه عبير بضيق: اعطيك الاعظم .. اقول له العلم نوور .. قال نوور و الا مهند سناء: كان قلتي له لا لميس و يحيى عبير و هي تمسك راسها: آآآآآآآه لا تقولي انتي بتصيري لي مثله في شقة عادل طلعت شجن من الغرفة و القلق باين على وجهها: عاااادل وين فستاااني ؟؟ عادل: فستااانك بححححح شجن وهي تبتسم بخوووف: عاادل عن المزح .. وين وديت الفستان ؟؟ عادل ببرود: رميته شجن بصدمة: شنوووو ؟؟ قام و رفع لها كيس اسود من قمااش و كبييير و حطه قدامها شجن باستغراب: شنوو هذا ؟؟ عادل: فستانك شجن و هي تفتحه : بس فستاني مو بهذا الكيس .. (فتحته و انصدمت لما شاافت فستان لونه ابيض مطرز بذهبي وفيه كرستالات على جهة الصدر وشكله فخم مرررة) شجن باعجاب: وااااااو .. عادل بابتسامة: عجبك شجن: رووووووووعة عادل: البسيه بكرة شجن: بس هذا لعروووس عادل و هو يمسكها من يدينها وويوقفها : واحنا بكرة معاااريس شجن بعدم استيعاب: معاريس؟؟ عادل و هو يطلع لها بطاقة الدعوة: انتي شفتي بطااايق الدعوة ؟؟ شجن: لا عادل: اجل امسكي شوووفي شجن قرت البطااقة بعيون مفتووحه على وسعها : اسمي و اسمك على البطاااقة مع اسم عنود و ماجد .. بس .. يعني .. يعني انا و انت بكرة عادل : هههههههههه اش فيك يا مجنونة .. انا و انتي بنعرس بكرة .. شجن بابتسامة: و ليه ما قلت لي ؟؟ عادل: مفاااجاأة شجن: طيب انا حامل الحين عادل: بس ببداية شهوورك ما يبين عليك كانت مشااعر شجن متلخبطة مو عااارفة تصيح و الا تضحك من الفرحة .. عادل بيسوووي لها عرس و بيعوضها عن كل اللي راااح .. رمت بنفسها بحضنه وهو يضحك عليها وفرحان لفرحها ############## في كندا عند أحمد و شهد شهد بحنق: و النهاية معاك يا أحمد .. ذااكر و خليني اذاكر أحمد : طيب طيب لا تزعلي .. (مسك كتابه و رسم حرف h و جنبه حرف a و حوطهم بقلب ..قلب الكتاب على الرسمة و خلها مواجه لشهد عشاان تشووف ) انتبهت شهد له و هو يلوح بكتابة ونقعت مكانها من الضحك : أحممممممد متى بتعقل .. و الله بشتكي عليك عند أمك أحمد: لالا مالي خلق هدرة (مسك الكتاب و جلس يذاكر بملل): قلبي وش رايك نطلع نتعشى شهد: و اللي اكلناه قبل سااعه وش كان ؟؟ احمد: هذاك تصبيره .. قومي نأكل لنا شي يشبع شهد : لا حبيبي ارحم بطنك كل شوووي تأكل شي .. دووون الجالكسيات اللي تحلي بها احمد بملل: طيب قومي نأخذ راحة شهد و هي تمسك كتابها: وراي امتحان بكرة من الصبح و انا ما خلصت حتى النص .. تكفى خليني اخلص و رووح انت ذااكر .. أحمد: بكيفك انا برووح انام شهد وهي تشوووفه راايح الغرفة: ان شاااء الله ترسب أحمد: ان رسبت بتكوني انتي السبب .. شهد: اقول رووح ناام بس احمد: و انتي ذاااكري ذاكري ... هالدافورة شهد: هههههههههه (و بقلبها): حتى لو ما كنت حبي الاول الا انك بتظل حبي الاخير .. ################# بعد مرور شهرين ثانيين في صااالة من أفخم الصالات .. مفرووش ممرها بفرش أحمر و بنهاية الممر سته كراااسي .. كانت أم سامي شوي و تطير من الفرح .. اليوم عرس أولادها .. جاسم و سامي و عبدالله و سجى و خوات فواز صفاء و لمياء و الاء .. عبير و هي ماسكة ولد سناء : عنووود تعالي أخذي حموود عنود و هي تكلم جوال: طيب حبيبي والله .. تطمن و الله ما برقص .. ههههههههه .. لعيووونك بس عبير تستعجلها: عنوووود خلصينا يالله عنود و هي تسكر الجوالو بعصبية: وش فيك انتي ما تشوووفيني اكلم ماجد عبير: احنا وين و ماجد تبعك وين .. علا وصلت الصالة مع سناء .. ابيك تمسكي حموود .. و انا برووح لهم الحين عنود: طيب جلست عنود بمحمد ولد سناء على اقرب كرسي بالصالة .. جت رغد لهم .. كانت لابسة فستان مثل فساتين باربي فيه فراشة من ورى ظهرها .. مسوين لها تسريحة ناعمة و حاطين لها تاج على شعرها رغد وهي تحرك حلاوتها الحمراء قدام عين محمد: حمووودي دووووو دوووو عنود: رغووده ابي حلاوووة للدادة رغد: لا هذي حلاوتي عنود: ههههههه يا بخيييييييلة جت بنت فااطمة أخت فهد لرغد قالت بصوتها الطفوولي : رغد .. تعالي نرقص رغد بوناسة: يلااا ورااحت معاها على الممر يرقصوا على صوووت الموسيقى مرت أم جاسم اللي كانت تمشي مع وضحى وقالت لرغد: رغد انتبهي لا تطيحي وضحى: هههههههه خليها تستااانس .. اليوم عرس أخوانها دخلت سارة الصالة ومعاها تهاني وام هشام و زوجة هشام .. أول ما شاافت أختها رااحت لها بسررعه و حضنتها سارة : مبرووووووووووك يااارب أم جاسم بفرح: الله يبارك لنا و لك يااارب سلمت أم هشام عليها وعلى وضحى و من بعدها تهاني أم هشام و هي تشوووف حنان زوجة ولدها مستحية و واقفة على جنب: حنون تعالي سلمي جت حنان بحيا و سلمت على أم جاسم ووضحى أم جاااسم حيااكم تفضلوا .. مشوا الحريم مع بعض و جلسوا على الطاولة حنان بخجل: عن أذنكم طلعت جوالها من شنطتها و دقت على أختها سوسن .. حنان: هااه وينك سوسن: يلا احنا قريبين من الصالة .. انا قلت لك تعالي معانا انا وامي الصالون .. قلتي لا برووح مع عمتي .. شفتي كيف العجااايز يروحوا بدري حنان: بل بل بل .. وش له هالهدرة اللي مالها دااعي .. انا سألتك وينكم بس ..!! سوسن: يلا هذا احنا وصلنا .. بااااي حنان: باااي ,, و رجعت لعند الحريم جت أم يووسف مع بنتها هيا و كملوا جلستهم مع بعض بالضحك و السوالف يتبع..// | ||||||||
|
| |
|
01-09-18, 02:53 PM
| #107 | ||||||||
| مراقبة عامة ومشرفة منتدى الروايات المنقولة
| باستراحة العرايس عند سجى وزينة كانت سجى طااالعه اميرررة بين الكل .. ومتميزة بنعومة ملامحها و مكياجها الناعم .. اما زينة فما كانت تقل عنها جمال . زينة: يا ويلي .. أخووك متوووعد فيني لأني قطعته من شهررر سجى: هههههههه مسكين جسوووم عذبتيه .. أكيد أنكم مشتاقين لبعض زينة: ههههه أكيييييد .. سجى: انا حتى لو فكرت اقاطعه ما اقدر .. بيتنا لزق ببيته و غرفتي مقابلة غرفته زينة: اي اسمع جااسم يقوول انكم بتسوو جسر بين البلكونتين .. صحيح هالكلام سجى: ههههههههه صحيح .. هههههههههههه بس هذي من أفكار فواز زينة: يووووووه هههههههههههه عند صفاء و لمياء كانت صفاء خاالصة .. بس لمياء اللي فستانها مو راااضي يقفل ولاء بقلق:يووو مورااضي يقفل مررة لمياء و هي شوووي و تبكي : حاااولي فيه صفاء: شووفي يمكن دااخل في السحاب خيط او شي ولاء وهي تحاول: لا ما فيه شي نقاء: كل منك العرايس تسوي رجيم و انتي من تفضي تقعدي تأكلي لمياء بعصبية: ووقته هالكلام .. تعالي شوووفي لي حل نقاء: انا ما اعرف ولاء بوناسة: هيييييييياااااا تسكر لمياء و هي تحضنها بفرح : يسلمووووووووووو يا قلبيييييييييييييييي .. يا جعلني اززززفك على ذاااك العريس ولاء: هههههههههههههههه عند آلاء و علا كانت علا تصووور .. و آلاء مااسكة الجوال و تكلم عبدالله عبدالله: كيف شكلك ؟؟ آلاء بدلع: مثل الاميرة .. لالالا مثل الملكة عبدالله بحمااس: ابي اجي اشووووفك .. اقدر؟؟ آلاء: ايوة فيه مخرج هنا .. بس زوجة سامي هنا عبدالله: ياااذااا السامي اللي وين ما اروح لاحقني سمعه ساامي اللي جاالس بجنبه : استح على وجهك مقابل الناس و الجوال بأذنك عبدالله: زين زين آلاء: يلا حبيبي بقووم اصوور عبدالله: يعني ضرووري ؟؟ آلاء: أكـــــــــيـــــــــــــ د عبدالله: روحي يا جعل قلبي فدااك آلاء:هههههههههه عبدالله: لبببببببببببى هالضحكة ياااناااس آلاء: بااااي عبدالله : بااايات كانوا الرجال بصالة قريبة من صااالة الحريم و ماكانت تقل عنها فخامة كان عبدالله جالس على الكرسي المخصص له و بجنبه سااامي و جاسم و بجنبه الثاني خالد و فواز و فهد عبدالله لخالد: هلا بالنسيب خالد بهدوء: هلا و الله عبدالله يقلده: هلابك لف على سامي: اقووول سمووي .. متى نخلص ؟؟ سامي بهمس: اسكت لا تفشلنا تونا ببداية العرس عبدالله بملل: اففففف دخل المجلس إبراهيم .. سلم على أبو جاسم و أبو خالد و أبو فهد و ابو مشاري و عادل اللي واقفين عند باب الصالة و يستقبلوا الرجال جاء إبراهيم بابتسامته و سلم على جاسم اللي جالس يسولف مع مشاري اخو زينة وبارك له و توجه لسامي اللي اول ما شاافه فررح حيييل إبراهيم و هو يسلم على سامي بحرارة: مبروووووووووووك سامي: الله يبارك فيك يا رب .. و عقبالك إبراهيم : هههههههااااااااااي .. بخطب في اليوم اللي تطلع فيه الشمس من جهة الغرب سامي و هو يدفه بمزح: أجل إبعد عني .. انا ما اكلم عزااابية إبراهيم : و انا ما اكلم عوااايل .. (وهو يسلم على عبدالله): مبرووووك عبدالله : الله يبارك فيك إبراهيم و هو ينقل نظرة بين سامي و عبدالله : انتووو توأم سامي و عبدالله: ههههههههههههههههه سامي: لا .. هو اصغر مني (شااف عبدالله يناظر إبراهيم باستغراب): عبوود هذا ابراهيم اللي معاي بالرياض عبدالله: ياااا هلاااااا والله إبراهيم: هلا و الله (ولسامي): معاي شخص لووو تشوووفه بتتفاجأ سامي: منوو ؟؟ إبراهيم : دقايق بس (وطلع برى .. و رد رجع و معااه سعوود و اخوووه) ضحك سامي بدااخله مو سخرية عليهم .. بس فرحان لأنهم لبو دعوووته بالاستقبال دخل ابو هشام و هشام و ابو ناصر الصالة مع فارس و ناصر و اولاده ثنينهم و سلمووا على الرجال و دخلوا .. دخل ماجد الصالة و اول ما شاافه عادل ناداه: مااجد وينك يا رجال ؟؟ ماجد بارتباك: هاااه .. كنت هناك .. اي صحيح ... البوفية جااهز .. نادي الرجال له عادل: وين عمران ؟؟ ماجد : يوووه نسيته عادل: وين ماجد: قالي اقفل عليه باب المخزن يبي يبدل ثوووبه اللي انكب عليه العصير .. قفلته .. دقت علي عنوود و رحت كلمتها و بعدين رحت اشيك على البوفية عادل: و عمران ؟؟ ماجد: هههههههه بالمخزن عادل: رووح لحق عليه لا يموووت ماجد: طيب طيب ########### النهاية *ْ تـــــــمــــــت بحمد الله تعالىْْ* | ||||||||
|
| |
|
01-09-18, 02:54 PM
| #108 | ||||||||
| مراقبة عامة ومشرفة منتدى الروايات المنقولة
| السلام عليكم أتمنى تحوز روايتي على إعجااابكم و إستحساانكم و صدقووني انا ما وصلت للنهاية الا لانكم كنتوا متابعين لي وأشكر جميع من تاابعني و من شجعني على إكمال الرواية اللي كنت بيوم من الايام رح اتوقف عن تتمتها لأني ما لقيت تشجيع من البداية و أخص بالشكر المتابعات اللي كانوا يراسلوني على الخاص و أعتذر على كل تأخيــر تأخرررته .. و كل لحظة تركتكم تنتظروووني فيها .. بس صدقوووني اني كنت احاول اني اخلللص الرواية بكل فرررصة تسنح لي أتمنى من كل شخص قرأ روايتي يعطيني رااايه فيها .. و أكون شاااكرة له من الأعماق تحياتي لكم على إيقاع الصمت | ||||||||
|
| |
|
27-11-20, 04:10 PM
| #109 | ||||||||||
| مشرفة منتدى الروايات والقصص المنقولةومنتدى الـروايــات الـعـربـيـةوعضو مميزفي القسم الطبي وفراشة الروايات المنقولةومشاركة بمسابقة الرد الأول ومحررة بالجريدة الأدبية 
|  | ||||||||||
|
| |
|
| أدوات الموضوع | |
| انواع عرض الموضوع | |
|
|
.png)
العرض العادي
