على إيقاع الصمت،بقلم/على إيقاع الصمت، سعودية ( مكتملة)

[فيتامين سي]

في اليوم الثاني
الساعة 9 الصباح
في بيت ام سامي
كان سامي و عبدالله يتضبطون .. لأن أبو فواز طالب يقابلهم ..ويشوف إذا كانت مبالغة فواز في مدح سامي و عبدالله في مكانها و لا لا..
سامي : عبووووود اش فيك انت خلاص ..؟
عبدالله وفي يده المثبت : هع هالخصلة مو راضيه تثبت .. يا خي شعرك طول وانت ومو راضي تقصه وش اسوي لك يعني ..
سامي : زين خلاص انا ما ابيك تضبطني
عبدالله : بعدين تعال وقول لي عبود حبيب قلبي سوي لي شعري
سامي يتلمس شعره اللي صار مثل الخشبه : شوف وش سويت فيني لو اعوجه انكسر .. صار زي الخشبه ..
عبدالله : قوم قوم على الحلاق بسرررعه .. قصص هالكشة
سامي : هذي من الغيره شايف شعري احلى من شعرك
عبدالله وهو يكش على وجه سامي : مالت .. كنك بنت
سمعوا طق على الباب : طق طق طق
عبدالله : تفضلي
سجى : كيفكووووووووم
عبدالله : عاملين كويسين
سامي : هيه انت .. احمد ربك ما فيه لبنانيين هنا .. قال عاملين كويسيين قال
سجى : ههههههههههههههههه لا تلومه ما يتابع مسلسلات
سامي : ما ينلام كنه هندي لبناني
عبدالله مسوي زعلان : مانا انا زعلت تتمسخرون علي
سجى : ههههههههههههههههههه
سامي : سجى حبيبتي تعالي رتبي لي شعري .. اخوك خلى شعري مثل الخشب
سجى تتلمس شعره : وععععععع وش هذا قوم غسله
سامي لوى فمه على جنب : يعني لازم .. توني مجففنه حرااام
سجى : قوم قوم غسله
سامي : اش فيكم علي كني بزر ما كني (وهو يعدل ياقته) اخوكم الكبير
عبدالله وهو يرش عطر : اقول توكل
سجى : هههههههههههههه .. اللي يشوفكم يقول رايحين عرس
عبدالله : هذي مقابلة .. وش يفهمك انتي.. (وبفم مليان): مقااابلة
سجى : تحسبني رغوود ما افهم
جاء سامي و هو ينشف شعره : يلا يلا
سجى تأشر له على يدها الملفوفة : نسيت اني ما اعرف اسوي شيء بيدي اليسار
عبدالله انسدح من الضحك : ههههههههههه لعبوا عليه
سجى: هههههههههههه (لعبدالله)عليك انت اللي تسويه
سامي : الا عبووود ما يسويني من اشوي سوا شعري خشب الحين ما ادري شنو بيسويني
عبدالله: بسوية حديد
سامي: ها ها ها ها
سمعوا جرس البيت يرن
عبدالله : اوف مو وقته .. قوم سموووي افتح الباب
سامي: انقلع افتح الباب انت .. ما تشوفني مغرق ماااي
سجى : انا بقوم ... وراحت تفتح الباب
سجى : منووووو..؟
فواز بقلبه : يا ربيييييه على ذا صوت .. خوقاقي
سجى: منوو..؟
فواز يتنحنح : احم احم .. سامي وعبدالله موجودين؟؟
سجى: لحظه .. ( سكرت الباب .. ونادت ) سمية .. عبـــــيـــــــــده .. فيه ولد يبيكم
فواز: يا ذا العلم انا الحين خليتيني ولد
عبدالله: منووو..؟
سجى: وانا وش يدريني
عبدالله يمزح : روحي سأليه من أنت ..؟
سجى على نيتها: إن شاء الله (وراحت)
عبدالله: هي هي وين
سجى: بسأله !!!!
عبدالله: ألعن أبو دارك تبي تفضحينا ..
سجى: أنت اللي قلت لي
عبدالله وهو يفتح الباب: الواحد ما يقدر يمزح مع هالبزارين
سجى مشت وهي تتحلطم عليه بصوت عالي: يقول لي سأليه ولما رحت قال فضحته والله حاله مع هالعيال .. ما ينعرف لهم
عبدالله: هلاااااااا فوزية .. شحوالك
فواز: هلا بالعبيده الحمدلله بخيرر .. شحوالك انتي ؟؟
عبدالله : اسلم عليك
فواز: الله يسلمك .. وين سمية ؟؟
عبدالله: أوووه انعدى من الاخت
فواز: خخخخخخخخخـــخ.. سمعتها تنادي هع
عبدالله: وبكل قوات عين (يقلده)سمعتها تنادي .. اقول استح وامشي بلا هدرة مقدرة
فواز استحى ومشى منزل راسه وهو داخل

[فيتامين سي]

[~.. البارت الرابع ..~]
عند عبير
كانت جالسة في غرفتها مو جاينها نوم بعد اللي صار لها في شقة مشاعل.. بس الشيء الوحيد اللي طمنها هو ان عادل رجع .. مبين عليه ما سوى شيء .. تبي تروح تسأله بس خايفة يعصب عليها .. سمعت طق على الباب
عبير : منوو؟؟
.... : هذا انا
عبير ابتسمت وقامت فتحت الباب على طول : اهليــــــــــــن
علا: هلا والله .. كيفك..؟"
عبير : تمام .. انتي اخبارك .. الحمدلله على السلامة سمعت الامس طالعه من المستشفى
علا بحزن: ايواا .. الله يسلمك
عبير وهي تسحبها للسرير : تعالي احكي لي من زمان ما قعدت معك
علا: وش تبي احكي لك
عبير : وش السبب اللي خلاك تدخلين المستشفى وتتنومين يومين وما احد يدري بك
علا : صدقيني ما سويت شيء
عبير : صحيح الكلام اللي قالته لي عنود
علا بنرفزة : أي كلام..؟
عبير: انك كنت مع السواق و..
علا : كملي ليش سكتي
عبير: يعني صحيح الكلام
علا وهي تبكي : ليش تذكريني بهالسالفة ..؟ .. انا كل ما اقول بنسى .. او اتناسى احد يذكرني .. انا قلت له اني احبه ليش سامي ما يهتم لي .. ليش ما يعبرني حتى ..
عبير: انتي من صدقك تحبين السواق..؟
علا: ووش فيه السواق ؟ مو بشر .؟
عبير بواقعية: بشر بس مو لدرجة انك تحبيه
علا تأشر على قلبها : هذا هو اللي تعلق فيه .. من شفته حسيت بشيء غريب .. احساس ما اقدر اوصفه .. احساس حلوو .. ومن اشوفه واقف ترتعش اطرافي .. فيه شيء يجذبني له .. بس تدري طاح من عيني .. ما اتوقعته في يوم انه يفكر يلمسني او يقرب مني .. ما اتوقعته ابداً يفكر يسوي كذه .. الحمدلله ان ابوي جاء في الوقت المناسب .. (ابتسمت بسخرية) اول مرة احس ان ابوي سوى لي خير في حياته ..
عبير: حتى لو تحبيه .. ما كان لازم انك تروحي غرفته
علا: عبير تكفين سكري على الموضوع
عبير: براحتك ..
جلسوا يسولفوا فترة مو طويلة .. سمعوا طق على الباب
عبير : تفضل
دخل عادل الغرفة وسط دهشة علا وخوف عبير منه ..
علا: اوووه وش هالعجب .. عدول يدخل غرفة وحده منا .. بصراااحه بكتبها في التاريخ
عادل بجدية: علا ممكن تتركينا اشوي .؟؟
علا : لا مش ممكن .. بقعد مع اوختي اشوي
عادل: علوووه بلا مصاااخه .. قلت اتركينا اشوي
عبير بخوف (في قلبها): لا تتطلعي تكفي .. قعدي
علا: قولي كلمة اختك تنطرد قدامك ومن غرفتك ولا تدافعي عني
عبير: قعدي لا تطلعي.. (لعادل): اذا عندك شيء قوله انا ما اخبي شيء عن علا
علا بغرور : سمعت ما تخبي عني شيء يعني بقعد .. وقعدت جنب عبير على السرير
عادل بطولة بال: عبير قومي ابيك في الغرفة شوي بس اشوي
علا : وش هالعنصرية انا ابي اجي معاها
عادل: وش هاللزقة دي .. تعالي الغرفة استناك .. وطلع
علا: وش يبي فيك ؟؟
عبير: وانا وش يدريني .. قدامك جاء وقال يبيني
علا: شكل السالفة سريةوخطنطرية
عبير: الله أعلم .. انتي قعدي الحين وانا رايحة اشوي وبرد
راحت غرفته و طقت الباب .. جاها الصوت من داخل : تفضلي
دخلت وهي حاسة بالخوف .. على انها ما سوت شيء غلط بس ما تدري ليه خافت من شافته ..يمكن لأن صورته وهو يضرب مشاعل خوفتها منه ..!!
اشر لها تجلس على الكرسي .. مشت بثقل وقعدت على طرف الكرسي
عادل بتردد : اممم على الامس .. انتي من متى تعرفي مشاعل ..؟
عبير : هي صديقة دراسة من زمان .. بس اللي ابي اعرفه انت من ووين تعرفها .. اخر شيء توقعته منك انك ترافق بنات
عادل بقهر : مالك خص بي
عبير : حلوة ذي مالي خص .. بعدين انت ليه كنت تضربها بهالوحشية ..
عادل باستغراب: يعني انتي ما فهمتي و ش صاير ؟؟
عبير: لا ما فهمت .. بس كأنها غلطت عليك بس مدري في وشو.. صح؟؟!!
عادل تنهد تنهيده طويلة برااحة : الحمدلله
عبير : على شنو ؟؟
عادل : على انك ما عرفتي شيء
عبير: اقول عدول يا تقول لي وش مسوي يا اروح اقول لامي كل شيء
عادل خاف: لا لا كلش ولا امي
عبير: يلا قول
عادل: اوكي بس (وقرب لأذونها وهمس): قومي فتحي الباب
قامت عبير تفتح الباب الا علا طايحة على الارض وهي تصرخ
علا: آآآآآي
عبير: ههههههههههههه وش تسوي ؟؟
عادل قام و مسك اذاين علا بقوه : وش سمعتي ؟؟
علا: قسم قسم قسم ما سمعت شيء
عادل: اجل ليش انتي هنا ؟؟
علا: ما ادري قلت يمكن اسمع شيء
عادل : انقلعي برى ولا اشوف خشتك عند الباب فاهمه ويا ويلك ان كررتي هالحركة البايخة
علا وهي تبوس سبابتها: خلاص توووووووووبة
عادل تركها: يلا عطيني مقفاك
طلعت علا تركض و سكر عادل الباب وراها
عبير : يلا تأكدت ان ما فيه احد يسمع
قال عادل السالفة كلها لعبير .. كيف انه تعرف على مشاعل .. وكيف انه حبها من كل قلبه وانها خانته .. وانها عطتها اياه عشان يوديها لصديقة .. لين اللي شافته
عبير بتفاجأ: ياااااااا ظااااااااااااااااااالم .. شلون طاوعتك نفسك تظلم بنات الناس كذه .. سبحان الله .. الله ردها عليك وجت لك في عرضك و شرفك.. لتكون عظة وعبرة لك ..
عادل خجلان من نفسه قبل لا يخجل من اخته: أنا كنت ..
عبير تقاطعه : أنت ما فيه اي سبب يبرر لك اللي كنت تسويه .. حرااام عليك .. حرااام .. (جت بتطلع بس مسكها من يدها)
عادل: عبير أنا آسف
عبير: آسف؟؟ .. أنا ما صار لي شيء .. واحمد ربي .. بس البنات اللي وديتهم قبلي .. وضيعت شرفهم ..
عادل: انا ما وديت الا ثنتين قبلك
عبير: وتعتبر ثنتين اشوي ..
عادل: غصب عني
عبير : ابي سبب يقنعني
عادل: أنا كنت أبي أتزوج مشاعل وقلت لأبوي عنها بس هو عارض وبشدة ما كنت أدري وش بينهم .. قلت له باصرار ابي اتزوجها قال انا ما بدفع لك من جيبي و لا قرش .. ولما قالت لي مشاعل احنا انجمع فلوس بهالطريقة وشفت الارباح اللي جتنا من ورى هالبنتين .. طمعت .. وقمت خل اطلب اكثر على اللي يبوا بنات .. وفي المرة الاخيرة كنتي انتي الضحية ..
عبير نزلت دموعها بتأسف : أنت من شنو مصنوع .. تتزوج و تبني بيتك على أساس حرام .. يعني المصروف اللي يعطيك أياه أبوي ما يكفيك ؟؟
لما مالقت منه جواب .. سحبت يدها منه وطلعت بسرعه وهي معصبة وضربت الباب وراها

[فيتامين سي]

الساعة 11 الصباح
عند بوابة الشركة .. كانوا سامي و عبدالله و فواز واقفين ..
عبدالله وهو يصفر : وآآآآآو اش كبرها ..؟
فواز: هي انت لا تهدمها بعيونك ..
سامي: لا تخاف لابس نظارة سوداء(شمسية) ما توصل
فواز بعبط : اها
عبدالله وهو رايح عند الباب: يلا ندخل
سامي: انت دخلت وخلصت
فواز: الرجال مستعجل
سامي : مو شايف خير الله يهديه
فواز: خخخخخخخخخخخخخ
بعد ما دخلوا مشوا في ممرات طويلة و ركبوا الاصنصير .. وبعد خمس دقايق وصلوا للمكتب المطلوب .. أشر فواز لواحد كان توه مار
فواز: محمد
محمد : نعم
فواز: الوالد موجود
محمد: اي .. هو ينتظركم من زمان .. وقالي لما يجو قول لهم يدخلوا على طول
فواز : اوكي .. يلا شباب
مشى فواز قدام
سامي بصوت خافت لعبدالله : خف الرباشة قدام الرجال . .
عبدالله: حاضر .. ابشر بالخير
سامي هز راسة : ما منك فايدة
فواز بعد ما اخد الاذن من ابوه طلع للشباب وقالهم يدخلوا.. دخلوا و عبدالله عينه فوق ويمين وشمال يناظر الاثاث و التحف الموجودة
عبدالله : واااو ما شاء الله
ابو فواز بهيبته من ورى المكتب ابتسم : تفضلوا
جلس سامي جنب عبدالله و كان فواز مقابله .. طلب اربعه قهوه و لف عليهم
ابو فواز: من فيكم سامي
سامي: انا طال عمرك
ابو فواز : يا هلا بك .. شلونك ..
سامي: الحمدلله بخير ..
ابو فواز : وانت اكيد عبدالله ..
عبدالله: اكيد ..
ابو فواز : يا هلا .. انا من بعد مدح فواز فيكم ومبالغته في المدح .. تشوقت اشوفكم ..
سامي: هذا من طيب اصلك يا أبو فواز
جاء الفراش وجاب معه القهوة و قدمها
ابو فواز : تسلم يا ابو محمود
ابو محمود : الله يسلمك يا ابو فواز .. عن اذنك
ابو فواز: اذنك معك
طلع ابو محمود وتكلم ابو فواز ..
ابو فواز : انا طبيعة الشغل عندي يا عيال صادرات وواردات .. يعني اقعد ورى المكتب و وقع على المعاملات اللي تجيك من بعد ما تتاكد من صحتها ودقتها ..
فواز: انا بتكفل بتعليمهم ..
ابو فواز : فيك الخير
فواز: احم احم
ابو فواز : سامي انتي دارس لأي مرحلة
سامي: شهادتي متوسطة
ابو فواز: وانت يا عبدالله ؟؟
عبدالله : انا بعد
ابو فواز : رح ازيد مرتبكم اذا كملتوا دراسة .. لان ما يصير اساوي احد شهادته ثانوي او جامعي بواحد متوسط .. صح والا انا غلطان
سامي : معك الحق يا عم
ابو فواز: اشتغلتوا من قبل ..؟
سامي بألم: انا اشتغلت سواق في بيت .. بس بعدين صار سوء تفاهم وفصلني
عبدالله: انا ما اشتغلت ابدا
ابو فواز : بحطكم تحت التدريب .. لين اشوف شلون رح تشتغلون ..
سامي وعبدالله ناظروا بعضهم بفرح ..
سامي: تسلم يا عم ما تقصر
قام عبدالله من مكانه وراح لابو فواز وحب راسه : تسلم يا عم .. الله يكتبها في ميزان اعمالك .. انت ما تدري اي قد محتاجين لهالوظيفة
سامي: من بعد أذنك يا عم
ابو فواز : تفضل
سامي و كل النظرات موجهه له : اممم ابيك تخلي طبيعة الشغل بيني وبين عبدالله مناوبة يعني اذا انا داومت الصباح هو يداوم العصر والعكس
ابو فواز: ليش..؟
سامي: لأن أمي وأخواتي رح يكونوا بوحدهم في البيت .. وانا ما اقدر اطلع واخليهم بوحدهم في البيت
ابو فواز: والله انك رجال
سامي : تسلم
ابو فواز : خلاص ما فيه مانع .. بس تعال بكرة .. وجيب معك شهادتك و بطاقة العايلة و الجواز .. واعتبر نفسك توظفت انت وعبدالله
سامي وهورايح لأبوفواز و يحب راسه : تسلم يا عمي ما تقصر
ابو فواز: الله يسلمك ..
سامي تآمر على شيء يا عم
ابو فواز: سلامتك
سامي: عن أذنك تأخرت على الأهل ..
أبو فواز: أذنك معك
سامي: مع السلامة
ابو فواز : الله يسلمك
عبدالله: مع السلامة
ابو فواز : الله يسلمك
فواز : انا رايح اوصلهم
ابو فواز: بعدين ارجع ابيك في موضوع
فواز : اوكي مع السلامة
_________________________
_________________________
الساعة 1 الظهر
عبير وهي تغير القناة : انا زهقت من هالمسلسل في كل قناة جايبينه
علا: يا ربي منك انتي بس تغيري وتحطي القناة اللي تبيها
عبير: كم مرة شفتي هالحلقة ؟؟
علا: مرة وحده
عبير وهي تفتح عيونها : كذااااابة .. هذي المرة الرابعة
علا : اي عااادي انا ابي اشوف
عبير : لأ
علا: حبيبة قلبي انتي رجعي عالمسلسل
عبير وهي تغير : لا
علا اخدت الخدادية وضربت عبير .. وهربت لان عارفة انها رح تلحقها
عبير: يا غبية وش هالحركات البايخه
علا: ههههههههههههه انا بروح اليوم السوق بشتري لي تلفزيون خاص بي
عبير: يكون احسن لو تحطيه في غرفتك عشان نفتك منك
علا: أفا تفتكي مني انا توأمك اللي طالعه معك من بطن واحد .. الفرق بيننا دقيقتين
قامت عنود اللي كانت متابعة لكل شيء .. وملانة من تصرفاتهم .. مرت من عند علا
علا: هي انتي يالمجنونة .. اش فيك قمتي
عنود اللي دايم تتظاهر اللامبالاة : تبي شيء ؟؟
علا: لا سلامتك ..
جت عنود بتركب بس وقفها صوت فتحت الباب .. لفت تشوف من .. وتفاجأت باللي شافته مثل علا وعبير اللي فتحوا عيونهم على كبرها .. كان ابو عادل داخل مع بنت وحامل معه شنطة كبيرة.. كانت البنت لابسة عباية كتف ولفة نص شعرها طالع منها .. باين عليها خجلانه بقوووة
ابو عادل: تفضلي حبيبتي تفضلي لا تستحي
عبير : منو هذي ..؟
أبو عادل : تعالي سلمي على بنت عمك
عبير وهي تسلم على بنت عمها : هلا والله بالقمر .. شلونك ..؟
البنت بخجل : أهلين .. الحمدلله
علا وهي تدز عبير : هلا ببنت العم المجهو ل.. هلا والله .. كيفك ؟
البنت : هلا .. تمام
ابو عادل: وانتي يا عنود ما تبي تسلمي على بنت عمك
راحت عنود سلمت عليها ببرود .. وراحت
ابو عادل: بتوقفوا عند الباب ؟؟
علا : هههه لا لا يلا تفضلي يا ... الا تعالي وش اسمك ؟؟
البنت : اسمي شجن
علا: الله وناااسة حلووو اسمك
شجن :تسلمي
ابو عادل: عبير وين امك ..؟
عبير : امي من الامس طلعت وما شفتها من بعدها
ابو عادل: اهااا (بقلبه): زعلانه هااه .. عاااادي .. ما بتهميني .. خل تخلص فلوسك .. وبشوفك جاااية تلهثي وراي مثل الكلاب على الفلس .. عارفك ما تعيشي بلا فلوس .. يا بنت الفقر ..
علا : يبه ؟؟
ابو عادل انتبه : نعم ؟؟
علا : وين بتنام شجن ؟؟
ابو عادل: مع وحده منكم .. هي بتأشر على الغرفة اللي تبيها و تقعد فيها .. حتى لو بغت اطلعكم وادخلها ما في مانع
شجن :لا اشدعوه يا عمي ..
ابو عادل : بكيفك .. يلا انا طالع اقول للخدم يركبوا اشناطك .. و اعتبري البيت بيتك .. و لا احد يفكر يضايقها في شيء
علا (بقلبها): من وين هالطيبة يا يبه .. والله شكيت انك ابوي
عبير(بقلبها): مستحيل هالطيبة تطلع بلاش .. انت وراك شيء .. انا من عرفتك ماعمري سمعتك تقول كلمة حلوه لاحد
طلع ابو عادل .. وظلوا علا وعبير مع شجن يسولفون ..
شجن اللي اعتادت على علا وعبير اشوي : الا وين عنود..؟
علا : هذي ما اتوقع انك تشوفيها الا وقت الوجبات او بالغلط طالعه من الغرفة تجيب شيء وترجع
شجن باستغراب: ليش ؟؟
علا: وحده متخلفة .. عندها حاله نفسية .. غيري السالفة .. خلنا نتوس
عبير: قوموا غرفتي .. بخليكم تفرفشوا عدل
علا : وناااسة
شجن :يلا
قاموا كلهم وركبوا وهم على الدرج لقوا عادل طالع من غرفته .. ناظرهم وهو مستغرب البنت اللي معاهم ..لان غريبة على خواته يدخلوا صديقاتهم غرفهم ..
عبير من شافته كشرت في وجهه: يلا ملووكة هذي غرفتي و دخلوا .. دخلت عبير و شجن وراها و كانت علا آخر وحده
عادل: علااااا
علا: نعم
عادل: منو هذي؟؟
علا: بنت عمي اللي قال لنا عنها ابوي
عادل: هذي بنت عمي
علا: ايواا
عادل: اجل ليش ما تغطت لما شافتني
علا بضحكة سخرية: انت احمد ربك انها لابسة عباية .. يلا يلا ولي انا بروح للبنات .. ودخلت الغرفة
____________
____________
بعد اسبوع
في بيت ام سامي
كانوا قاعدين بعد الغداء يسولفوا عن الشغل في الشركة .. ويشربوا الشاي .. قطع عليهم هالجلسة الحلوة .. طق الباب بقوة ..قام سامي يفتح الباب .. انصدم من منظر ابوه الغريب اول مرة يشوفه كذه شاف ابوه حالته حالة .. ثيابه مبهدلة ..و وجه احمر .. كأنه مضروب بقوة .. دخل وهو يترنح يمين وشمال ..
ابو سامي : ساااااعدني .. وطاح ..
سامي : يبـــــــــه .. ومسكه راح له عبدالله يساعده و حملوه لي الكنبة ..
عبدالله : يمة جيبي موية بسررررعه
ام سامي راحت تجيب الماي وجت بسرررررعه وهي خايفة.. رش عليه الماي على خفيف .. لين وعى ..
ابو سامي وهو توه يفتح عيونه .. شاف عايلته حوله .. نظرااات خوف وحزن تتوجه له .. ما عرف شلون يتكلم معاههم .. ناظر سجى اللي من شافته يناظرها قامت تصيح ..
عبدالله: منو سوا فيك كذه ؟
ابو سامي وهو يعدل جلسته ويتكلم بصوت يرجف :ساعدوني يا أولاد
سامي: من سوا فيك كذه ؟؟
أبو سامي: هذيلا اللي متسلف منهم طاف الوقت المحدد للدفع بس انا ما عندي فلوس محد راضي يعطيني ..محد راضي يسلفني .. لا بالطيب ولا بالغصب قدرت اخد فلوس انا كنت بخذ من عند امك بس امك رفضت
سامي: احنا عارفين انك بتشتري الخمر
ابو سامي: والله حاولت اتركه بس ما قدرت
ام سامي: ووش حدك على شربه ..
ابو سامي: انتي عارفة اللي حدني على شربه .. انتي الوحيدة اللي تعرف السبب (وبترجي لسامي): سامي تكفى اذا عندك فلوس عطيني .. والله بيذبحوني
سامي بيتكلم بس امه قاطعته : لا لا تعطيه .. هذا بس يمثل عليكم .. كم مرة تتمسكن قدامي عشان اعطيك .. اش قلت قلت بتووووب .. انت عارفتك عشرة عمر .. مو يوم والا يومين عايشة معك .. كم وكم نومت اولادي جوعانيين ما عندي شيء ااكلهم اياه .. والسبب .. انت بايق الفلوس
ابو سامي: بس انا بتوب هالمرة
ام سامي بقهر: مثل كل مرة
ابو سامي ما عرف وش يرد عليها هوه صحيح من قبل يقول بيتوب ويكون ناوي يتوب صحيح .. بس اصدقاء السوء ما يخلووه .. الا يزيدونه على اهله : صدقوني انا بتوب
عبدالله : وش يضمنا ؟؟
ابو سامي: احلف لك
عبدالله (ابتسم بسخرية): قالوا للجذاب أحلف قال جانا الفرج
سامي: عيب عليك ما يصير تقول هالكلام حتى لو ان ابوك يشرب.. حس انه زل بلسانه و سكت
ابو سامي حس انه ثقيل عليهم وقام بيطلع
سامي: وين ؟؟
ابو سامي وهو ياشر له عليهم واحد واحد : ليش اقعد دام انا عارف انكم ما تبوني ..
ام سامي سحبت بناتها وطلعت من الصالة

[فيتامين سي]

عند فواز
كان طالع من الشركة بعد ما كلمه ابوه في الموضوع .. كان ضايق خلقه .. ما يبي ينفذ طلب ابوه بس اذا ما نفذه ابوه رح يغضب عليه .. ركب السيارة وما يدري كيف ودته سيارته على طول بيت اخته علياء .. ضرب الجرس .. جاه صوت اخته ..
علياء:منو؟
فواز: هذا انا فواز..
علياء وهي تفتح الباب: يا هلا والله وغلا .. تفضل تفضل
فواز وهو يسلم عليها: اهلين .. اخبارك ..؟
علياء: الحمدلله بخير ..
فواز وهو يدخل المجلس: وشلونك مع حمد؟؟
علياء بخجل: بخير الحمدلله
فواز:رجع يضربك مثل قبل والا ؟؟
علياء بدفاع: لالالا والله ما ضربني
فواز : اكييييييييييد ؟؟!!!!
علياء: اي
سمعوا صوت مفاتيح .. دخل حمد ومعاه اكياس : علووووووش .. حبيـــبي
علياء بخجل وهي طالعه من المجلس: انا هنا في المجلس
حمد: كيفك حبي ؟؟
علياء :تمام .. اخوي هنا
حمد وهو يدخل المجلس: هلا والله ابو الفوز كيف حالك..
فواز : اهلين وسهلين..هلا بالنسيب
حمد: ابو الفوز عندنا وانا ما ادري .. اليوم ما بتطلع من هنا .. بتتغدى معانا
فواز: لا ما اقدر اقعد .. مواعد واحد من اصدقاي بجيه بس مريت من هنا وقلت اسلم عليكم
حمد: مرة ثانية اذا جيت بتتغدى معانا
فواز وهو قايم: ولا يهمك .. قريب بجي وبقعد معاكم
حمد قام معاه يوصله عند الباب: ان شاء الله
علياء وهي جايبة الشاي : وين وين ؟؟
فواز: مواعد واحد من الربع بجيه الحين
علياء : افااا الربع اولى مني
فواز: معليش علوووش اليوم بس
علياء بزعل: خلاص بكيفك روح لربعك
فواز وهو يبوس جبينها : بكرة بجي بقعد معاك لي الليل .. رضيتي ؟؟
علياء : خلاص رضيت
فواز : اكيد
علياء: اكيدين
فواز: يلا مع السلامة
حمد وعلياء: الله يسلمك
طلع فواز وراحت علياء تودي الشاي المطبخ
حمد بمزح: يعني فواز راااح خلاص ما فيه شاي
علياء : تبي شاي؟
حمد: لا خله لبعد الغداء
دخلت المطبخ ورااح وراها : وش كان يبي منك؟؟
علياء وهي تتحاشى نظراته: كان جاي يسلم
حمد: ما سألك عن شيء؟
علياء وهي تلف عليه: شيء مثل شنو
حمد: يعني يسألك عني .. وعنك؟؟
علياء: اي سأل
حمد قطب جبينه: ووش سال..؟
علياء بخوف : بس.. سأل اذاااا ... اذاا كنت تضربني والا لا ؟
حمد بعصبية : انا قلت لهم اني مستحيل اكرر غلطي عليك ..و حلفت لهم عالمصحف اني ما المسك .. وتسامحت لهم وكنت على وشك احب رجايلهم عشان يسامحوني ويرجعوك لي ..
علياء: اكيد انا غالية عندهم وما بيرجعوني لك الا لما يضمنوا انك مستحيل تجرحني بحرف واحد
حمد بصراخ: قولي لأخوك مثل ما هوه يحبك حتى انا احبك .. ولا يفكر يكرر اسئلته البايخه مرة ثانية ..(بصراخ) فاهمة ؟؟
علياء وفيها الصيحة : فاهمة .. وطلعت الغرفة تبكي
حمد: ياربيه انا متى بخلص من هالعصبية الزايدة الحين اكيد زعلت مني (وهو قايم) خل اقوم اراضيها قبل لا تروح تنادي لنا اخوها
راااح لها الغرفة فتح الباب ولقاها رامية حالها على طرف السرير تبكي .. جلس جنبها ومسح على ظهرها ..
حمد: حبيبتي انا اسف
علياء: ....................
حمد: كفاية دموع عورتي قلبي
علياء : ليش كل تصرخ علي .. شنو انا مو بشر .. ما احس .. عشان تصرخ علي ..انا مالي دخل .. هو سالني اذا كنت لي الحين تضربني والا لا ؟؟ وانا قلت لا .. انا مالي دخل تصرخ علي ..
حمد : قلت لك حبيبتي انا اسف .. وهو يحب سبابته .. توووووووبة
علياء: .......................
حمد: يالله علوووووووش
علياء ابتسمت له من بين دموعها
حمد: يا حلاتك وانتي تبتسمين .. قمرررر..
علياء بخجلها: اقول ما تبي غداء
حمد: هههههههههههههه أبو التصريف
____________
____________
في غرفة عبير
كانوا جالسين ويسولفون مع بنت عمهم اللي حبوها .. وفاتحين الباب
عبير: اقول ملوووكة في اي غرفة تبي تنامين .. اكيد في غرفتي ..صح؟
علا: لا غناتي بتنام في غرفتي
عبير: خير ان شاء الله .. انا ابيها تقعد معاي
علا: لا يعني لا
شجن :هي انتوا .. اشوف قعدتوا تقرروا عني ..وانا ما اخدتوا رايي وين بنام
عبير وعلا في نفس الوقت : اكيد معي
شجن :اذا فيها هواش ما بنام عند احد منكم
عبير: لالالا ما بنتهاوش .. بس بقول لك عن سلبيات علا .. (علا فاتحة عيونها على كبرها).. علا اذا نامت .. ترفس .. تشاخر.. تتكلم وبعدين هي كل تسهر على الافلام والمسلسلات البايخه
علا : انا اسوي كل هذا ..؟
عبير: اي
علا: ووجع ان شاء الله .. منو اللي اذا نام يقوم من الغرفة ويمشي لي غرفة (آنا) في الليل .. حتى (آنا) المسكينة تخاف منها وصارت الحين تقفل الباب قبل لا تنام
شجن :هههههههههههههههههههههههه� �ههههههه
عبير: لا يالفضيحه ما عليك منها ما صارت الا مرة وحده
علا: والحين وين بتنامي
سمعوا صوت جاي من عند الباب
........: بتنام معاااي
شجن وعبير وعلا ؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!

[فيتامين سي]

[~.. البارت الخامس ..~]

في نفس الوقت عند فواز
طلع من عند اخته وهو ضايق ..كان يتذكر كلام ابوه في المكتب
ابو فواز: انت لازم تتزوج ..
فواز:ليه ؟؟
ابو فواز: ما بقى من العمر كثر اللي مضى
فواز بتشكك: خير يا يبه فيك شيء .. ؟؟
ابو فواز: يا ولدي انا ابي افرح فيك .. واشوف اولادك قبل لا اموت
فواز: لك طولة العمر يا يبه
ابو فواز: ابي اخطب لك بعد اسبوع
فواز منصدم : وش تقول ؟؟ اسبوع !!!!!!!!
ابو فواز: اي يا تختار لك بنت .. يا أنا بختار
فواز: اش قاعد تقول يا يبه .. انا ما ابي اتزوج الا لما يتزوجوا خواتي كلهم
ابو فواز: واذا ما جاء نصيبهم ..
فواز بأمل: بيجي يا يبه بيجي
ابو فواز وبدا يعصب: انا هالكلام ما يمشي معاااي .. انت لازم تتزوج وهالاسبوع
فواز: يبه انت فيك شيء ؟؟
ابو فواز نكس راسه .. عرف فواز ان ابوه فيه شيء
فواز بحزن : مريض؟؟
ابو فواز بعد دقايق: اي
فواز بتفاجأ: شنو فيك؟
ابو فواز: الخبيث
فواز بشهقه وهو فاتح عيونه : ومن متى ... وكيف ؟؟
ابو فواز : توني اعرف بس انا حالتي متاخرة .. قال الدكتور ان ممكن يقضي علي المرض بعد كم شهر وان زاد سنة
فواز: سالتهم اذا تقدر تتعالج في الخارج
ابو فواز: العلاج هنا نفسه هناك ما رح يتغير .. لان حالتي ما ليها علاج
فواز: شلون ما فيه علاج ؟؟ يعني خلاص
أبو فواز : يا ولدي أنا عشت من العمر اللي يكفيني .. الحين جاء دورك
فواز: خلاص يبه عطيني مهله اسبوع افكر من اختار بعدين اقولك
ابو فواز: سامحني يا ولدي انا ماودي اضغط عليك .. بس صدقني اني متشوق اشوف لو حفيد واحد من احفادي
فواز: معذووور يا يبه معذووور .. باس راس ابوه وقال : ربي يطول لنا بعمرك ان شاء الله .. لا تيأس وخل إيمانك بالله قوي
ابو فواز : ونعم بالله
فواز: تآمر على شيء يبه
ابو فواز: خواتك لايدورا بشيء
فواز: ان شاء الله .. انت الحين قوم روح البيت ارتاح لك شوي
ابو فواز: انا اشوي وطالع
فواز: اوصلك بطريقي ..
ابو فواز : لا مشكور بسوي كم شغله وبعدين بخلي السايق يوصلني
فواز: زين اجل انا طالع .. سلام
ابو فواز: وعليكم السلام
------
فواز:ما اتخيل حالي متزوج .. وين اللي يقول ما بيتزوج الا لما يوصل الخمسين.. طلع بتتزوج وعمرك ما وصل الثلاثين حتى .. بنات عمتي مستحيل اختار منهم دلوعات بزيادة.. و بنات خالتي صغار علي واااجد .. بنات خالي .. اوووه صح ما عندي خال .. هع هع قمت اخربط .. يا ربي من اختار .. (تذكر صوت اخت سامي وهي تناديهم): اخت سامي اتوقع عمرها 19 سنة .. بس كأنها صغيرة علي .. أخخخخخخ يا ربي راسي عورني من التفكير ..الموجود واللي مو موجود قمت افكر فيه .. بشوف وش يشور علي ابوي وبتوكل .. هي بالاساس خاربة خاربة..
_______________
_______________
.........: بتنام معي
الكل انصدم من اللي تكلم.. اخر شخص توقعوه ..
شجن :عنووووووود!!!!!!!!!
عبير وعلا !!!!!!!!!!!!!!!
علا باستنكار : تنام معاك...؟؟؟؟؟؟!!!!!!
عبير فيها الضحكة وهي تناظر علا: ليش مجنونة تنام معاك
علا : وانتي الصادقة ههههههههههههه
شجن عصبت من اسلوب عبير الوقح: عبير .. علا .. عيب ..(بحزم) عنود انا بنام معاك
عنود مر طيف ابتسامه على وجهها : حياك معاي
قامت شجن وهي مستغربة اسلوب علا وعبير مع اختهم الاكبر منهم .. هذا بدل ما يحترمونها .. يناظرونها باستهزاء ويتمسخرووون عليها..
شجن وهي تمشي مع عنود اللي حستها حزينة بسبب اخوتها حبت تغير جوها : وين بتحطيني..؟؟
عنود بابتسامه خفيفة: في عيوني
شجن :تسلمي يا حياتي
عنود: الله يسلمك
عند علا وعبير
علا: طالع هذي من صجها بتنام معاها
عبير: ما تدري عنها
علا وعبير : ههههههههههههههههههههههههه
__________________
__________________
في بيت ام سامي
جلس ابو سامي معاهم يومين .. لين يطيب ويرتاح
ابو سامي : شنوووووووو
عبدالله:مسكينة مو قادرة تتحمل العيشة معك
سامي: عبدالله
عبدالله: وانا الصاج .. والله حتى انا و خواتي مو قادرين يتحملون العيشة معك ..
ابو سامي: وانت يا سامي؟؟
سامي: انت على العين والراس يا ابوي .. بس .. اذا تركت هالحراام
ابو سامي وهو يناظر عبدالله: واذا تركته تسامحوني
عبدالله لف بوجهه... تدارك سامي: اكيد ياابوي
ابو سامي: وانت يا عبدالله ؟؟
عبدالله: ويعني لو سامحتك وش بتسوي لي .. انا الحمدلله شغل واشتغل .. وعندي ام تغنيني عنك
ابو سامي: لهدرجة بايعني ؟؟
عبدالله: انت اللي بعتنا برخيص
ابو سامي: انا جاي وانا شاريكم
عبدالله: طابت النفس
سامي: وش هالكلام يا عبدالله .. بعتنا .. طابت النفس .. عيب عليك .. حتى لو ابوك ما اهتم فيك .. بالنهاية رح يظل ابوك .. وما لك غنى عنه..
عبدالله: انت نسيت يا سامي وش سوى فينا
سامي: وهو وش سوى ..؟
عبدالله: وش سوى ؟؟ تسالني وش سوى .. كل يوم امي ما تنام الا على دموع ولا تصحى الا على دموووع .. كل ما يدخل البيت لازم يمد يده على واحد منا..
سمعوا صوت باب الطريق يتسكر ..
سامي: زين لك الحين .. طلع زعلان من كلام ك.. انت جرحته ..(وطلع يلحق ابوه يشوف وين رااح)
عبدالله بقهر: صعبه اسامحك يا ابوي صعبه

[فيتامين سي]

عند عنود
عنود: اش تشربين ؟؟
شجن :اممممممم شنو موجود
عنود وهي تفتح البراد: في برتقال .. تفاح .. مانجو .. كوكتيل .. كرز
شجن :بصصصصص كرز وبس
عنود: فيه كوكتيل كرز
شجن :احسن واحسن
عنود :هه (جابت العصير وجلست عالكرسي)
شجن: انتي في اي صف ؟؟
عنود: انا في الجامعه سنة ثالثة
شجن: ما شاء الله مبين عليك اصغر
عنود: وانتي في اي صف ؟
شجن: انا توني مخلصة الثانوي
عنود: شطورة والا كسلانة ؟؟
شجن : انا شطورة بس لما مرض ابوي صرت ما اهتم بالدراسة
عنود بحزن: الله يرحمه.. كان ودي لو عرفته قبل لا يتوفى
شجن: اي والله انا انصدمت لما عرفت ان عندي عم وعنده اولاد وبنات
عنود: حتى انا والله .. انتي وحيدة صح
شجن: ايواا .. بس باين على عمي طيب واطيب منه ماكو.. وما بيقصر علي .. وهو قالي انه بيعوضني عن ابوي .. و متندم انه ما عاش مع أبوي كفاية
عنود (بقلبها):خير لو تدري عن ابوي اللي تمدحيه .. كان طقيتي على راسك .. اذا ابوي اطيب منه ما كو.. اجل القاسيين وش يطلعوا
شجن: في ايش تفكري
عنود: ولا شيء .. اي تخصص تفكري تدخلي
شجن: افكر ادرس علم نفس
عنود: وااااو .. بتصيري مثلي
شجن : انتي علم نفس
عنود: ايوااا
شجن: ما توقعتك كذه خطنطرية ..
عنود: ههه
________
________
عند عادل
كان جالس في غرفته .. فاتح المسن .. يبي يشوف اذا مشاعل دخلت او لا .. مو قادر يتحمل .. صحيح انها غلطت عليه .. واعترفت انها تبي تنتقم منه .. بس ما يدري كيف منشد لها لهدرجه .. يبي يشوف بس اذا كانت بخير او لا .. يبي يتطمن عليها
عادل: اف طولت .. كل يوم استنى استنى ... تعبت (اخذ جواله) بدق عليها .. بس وش بتقول .. شكرا على انك عطيتيني اختي و تعالي انتقمي مني .. اعقل يا عادل ..اعقل .. هي ما تحبك .. بس انا احبها .. اعشقها .. مو قادر انساها .. بتصل واللي فيها فيها .. ما فيني اصبر اكثر (اتصل على جوالها.. رن ورن ورن .. ) وين ترد عليك انت كنت ناوي تذبحها تبيها ترد .. قطع عليه تفكيره صوتها بس هالمرة ما فيه دلاعه زايدة..
كانت مشاعل جالسة مع بدر ..وكانت معاهم أم محمد جدتهم .. قامت من عندهم وراحت بعيد شوي ترد عليه
مشاعل من دون نفس :ألو؟؟
عادل بلهفه: مشاعل
مشاعل: وش تبي داق ؟؟
عادل تلعثم :انا .. دقيت .. اآآآااءء.. (بتصريف) كيف الحال؟
مشاعل بتكشيره : من الله بخير
عادل: مشاعل انا آسف يــ..
قاطعته مشاعل بعصبية :انت واحد غبـــــي .. وسكرت بوجهه
عادل: ليش مو راضيه تفهم ... أنا احبها والله احبهاااا .. ورمى جواله عالجدار و طلع .. صادف عنود ومعاها شجن .. مروا قدامه ورااحوا للصالة ..
عادل: اش بلاها دي حتى الحجاب ما تحطه .. (وهو يناظرهم): والله شكلها بتطلع علة مثل العلة عنود ..(راااح صوبهم)
عادل: اقول
ناظروه ثنتينهم .. عنود : خير ؟؟
عادل: اش بلا بعض الناس حتى الغطا ما يحطوه على راسها
شجن عرفت انه يقصدها بس طنشت
عنود:دام انك تبيها تحط الغطا .. ليش ما تنحنحت لما دخلت
عادل: شايف ان ما فيه اهتمام ..
عنود: يعني انت تبي تقنعني انك ما قد شفت بنات بلا حجاب من قبل
عادل: لا طبعا
عنود: تبي اذكرك اذا كنت شفت او لا ؟؟
عادل(بقلبه): اوبس هالخبلة تعرف اني ارافق بنات
عادل: وش قصدك ؟؟
عنود: مثل ما انت عارف قصدي
شجن: انا فهمت .. اذا ما فهمت انت مشكلة
عنود طالعت في شجن وابتسمت .. انقهر عاادل وطلع من عندهم
شجن: ههههههههههه هذا عادل؟؟
عنود: ايواا
شجن: قالي عمي عنه بس ما اتوقعت اشوفه ابد
عنود: ليه؟
شجن: لان قالي انه ما يجي الا اخر الليل او الفجر واحيانا ينام برا ما يجي
عنود:اها .. هو بالاساس ما يجي الا مثل ما قالك ابوي .. بس مدري اش صار عليه هالاسبوع صار ما يطلع الا نادرا
شجن: ليش ؟؟
عنود: ما ادري .. خل نروح نتمشى في الحديقة
شجن : يلا
________________
________________
الساعة 1 الليل

رجع فواز البيت وهو ضايق .. كان يفر في الشوارع .. مو عارف وش بيسوي.. مسؤولية كبيرة قريب تنحط على كتفه .. دخل البيت لقى الانوار مطفيه .. ركب الدرج بس انتبه انه في صوت جاااي من المطبخ .. مشى بخفة للمطبخ وقف يسمع الكلام اللي عند الثلاجة
.......: أخذتي كيس الجبن ؟
.......: أي .. و أنتي اخذتي الخبز والملاعق ؟
.......: أي أخذتهم ..
.......: أجل يلا نمشي لا احد يطيح علينا
.......: زيين .. دقيقة بخد مخلل
.......: مخلل في الليل .. غبية انتي .. يلا عجلي
.......: قلت لك زييييين
.......خذت المخلل وجت بتطلع .. تباعد فواز على جنب وطلعوا مع بعض للدرج سررريع عشان لا احد يشوفهم)
فواز وهو يضحك بداخله على خواته : والله حاله .. انا اقول هالتوأم كيف يقدروا يقعدوا طول اليوم من دون اكل .. واذا سالتهم قالوا (بدلع) ريجيم..(وبمسخرة) الا رجم
وركب فوق مر على غرفتهم وسمع صوت الضحك ..
فواز: اللي يسمعهم يقول فايزين بكاس العالم .. (كش على باب الغرفة ودخل غرفته .. رمى حاله على السرير .. و هو يفكر في البنت اللي قرر يختارها) اتوقع اني رسيت على بر .. بكرة بكلم ابوي يخطبها لي .. بكرة بريح ابوي (تنهد وغمض عيونه تذكر الرجال اللي شافه في الشارع يركض وهو يضرب على راسه مثل المجانين وصل لنص الشارع جت السيارة وقضت عليه.. كان وقتها رايح يزور صديقه اللي ساكن في هذي العمارة .. استغرب اللي صار قدامه .. اتجمعت الناس وجت الشرطة والاسعاف .. وفواز لي الحين واقف يشاهد المنظر .. سألوا عن بيت الرجال المصدوم او اي احد من اقاربه .. دوروا في مخباته جوال او اي شيء يدلهم على اسمه .. قال لهم صديقي اللي نزل لما شاف التجمع انه ساكن معه في نفس العمارة .. ودلهم على شقته .. دخلت الشرطة الشقة وفتشوا لقوا زوجة الرجال خاينته مع صديقة .. جن الرجال و ذبحهم اثنينهم ..وهرب بس جاء اجله على هالسيارة)
فواز : معقولة يصير لي هالموقف .. معقولة تصير ان زوجتي تخوني مع صديقي .. اعوذ بالله من ابليس .. اعوذ بالله .. ( أخذ المخدة و حطها فوق راااسه يبي يبعد هالافكار من عقله بس ما قدر .. قام اخذ له شور .. ورد انسدح عشان ينام )

[فيتامين سي]

الساعة 8 الصباح
جلس على صوت المنبه .. و فز بسررررعة .. بدل ملابسه و تكشخ .. كان لابس ثوب ابيض مبروم مع شمااغ و كبكات فضية .. طلع من الغرفة بعد ما تسبح بالعطر .. نزل لقى ابوه مع اخواته على طاولة الطعام يفطروا
فواز وهو يبوس راس ابوه: صبحك الله بالخير يا يبه
ابو فواز: صبحك الله بالنور
فواز لف على خواته : صباح الخير
البنات : صباح النور
كان ابو فواز قاعد في رأس الطاولة وعلى يمينه لمياء وجنبها آلاء وولاء و لقاء وعلى شماله صفاءونقاء .. وفواز بمقابل ابوه
جلس فواز ياكل .. انتبه ان لقاء ونقاء ما ياكلوا
فواز: ليش ما اكلتوا ..
لقاء: مسويين ريجيم
فواز وهو يتذكر سالفة البارح: اهاااااااا ريجيم .. اقول صبي لي شاي ( عطته الشاي وهي مستغربة نبرته )
فواز: اشم ريحة مخلل
الكل ناظره وهو مستغرب ما عدا نقاء ولقاء اللي فاهمين قصده
ابو فواز : انت فيك شيء
فواز: لا بس اشم ريحة مخلل
صفاء: من وين تجي ريحة المخلل الحين
فواز: من جوانبي
نقاء بلعثمه: الله يرجك يا ولد ههههههه قاعد لنا من الصبح وتنكت
لقاء وهي ترفس رجله تحت الطاولة وترفع صحن الزيتون الاخضر: يتهيأ لك هذي ريحةالزيتون هههههههه
فواز بعبط: يعنوووووو
نقاء ولقاء: ايييييييي
ابو فواز وهو قايم : يلا فواز
فواز وهو قايم : يلا .. ونزل لمستوى نقاء ولقاء : زيتون اخضر؟؟
نقاء ولقاء : ايي
فواز وهو يبتسم : يعنيييييييييي
نقاء وهي تهمس لـ لقاء بعد ما طلع فواز : اوووف .. كدنا ان نفتضح
لقاء وهي قايمة: الحمدلله
////////////////////////
تعريف لعائلة فواز
أبو فواز ..عبد الكريم.. (50),, أم فواز ..مريم.. متوفية وتكون بنت عم ابو فواز .. كانت ام فواز تجيب عيالها ورا بعض .. وهذا كان سبب في وفاتها .. نصحوها الاطباء انها تاخذ موانع بس ابو فواز عارض هالشيء ..بسبب حبه للاطفال
فواز (25سنة)
علياء ( 24سنة)
لمياء (23سنة)
صفاء (22سنة)
آلاء (20سنة)
ولآء (18سنة)
نقاء + لقاء (توأم 16سنة)
_____________________
_____________________
في نفس الوقت عند علياء
جلست من النوم وهي خايفة من الحلم اللي شافته عن ابوها .. تحس قلبها مقبوض .. ناظرت جنبها لقت ان حمد قعد .. لبست الروب وقامت تشوفه .. سمعت صوت الماي في الحمام .. قامت غسلت وراحت تسوي الفطور بسرعة قبل لا يعصب عليها .. دخلت المطبخ و طلعت اغراض الفطور .. والخبز .. دخل عليها وهي تقلي البيض ..
حمد: صباح الخير
علياء: صباح النور
جلس على الكرسي ينتظرها تخلص .. خلصت وجلست جنبه عالطاولة .. وبدأ يآكل
علياء: حمـد
حمد وهو ياكل : هممممم
علياء: أبي أروح بيت أهلي اليوم
حمد: أوكي .. متى تبي تروحي؟؟
علياء: الحين اذا تقدر
حمد: اوكي .. ((وكمل اكله وانتبه انها ما لمست شيء من الاكل ..)): ليش ما تاكلي
علياء : مالي نفس
حمد وهو يرفع الخبزه اللي توه لفها بالجبن : كلي
علياء باعدت وجهها : ما ابي
حمد بدأ يعصب : خير ان شاء الله على كيفك هو ما تبي
علياء وهي قايمة : اي على كيفي .. ما ابي اكل
حمد بعصبية : جلسي اكلي والا والله ما اوديك بيت اهلك
علياء قعدت غصب عنها لانها عارفة انه اذا حلف ينفذ .. جت بتسوي لها خبز بالجبن .. بس سبقها وعطاها سندويش جاهز
حمد: تفضلي .. ولا تظني في يوم اني ما احبك لما اصرخ عليك .. ((باس جبينها ومشى )).. انا بروح اخلص كم شغله على ما تفطري و تتجهزي
علياء وهي تعوي فمها على جنب :اوكي .. يا ربي من هالرجال .. مو عارفه له ابد .. هذا الشهر الرابع معاه .. ولا فاهمه عليه شيء .. مرة يعصب .. ومرة يروق .. وش هالحالة .. (بتنهيده) بس الحمدلله ما يضربني مثل قبل .. والله من دونك ياخوي ما اسوى شيء
حمد وهو داخل: وانا ؟؟
علياء سدت فمها بيدها ونزلت راسها
حمد: عنصرررية .. وانا وين رحت ؟؟
علياء : انت؟؟
حمد: اي انا ؟؟
علياء: انت شاطر في العصبية وبس
حمد: افاااااا .. قرب منها و حوطها بيده : انا ابيك تاكلي وتصيري سمينة .. مو عصلا كدا .. اللي يشوفك يقول ما في بيتنا شيء
علياء: انت تدري اني ما احب اكل شيء اذا قعدت من النوم
حمد: انا بخليك تحبي الاكل حتى وانتي نايمة
علياء بخجل من قربه: ههههههههههههه
حمد: فديت هالضحكة .. بوسها على خدها.. قامت تركض الغرفة
حمد بصوت عالي : امووووت عالخجولين انا .. وراح وراها
_____________________
_____________________
في بيت ابو عادل
طلعت من غرفتها ولقت شجن مع عنود .. وباين عليهم سهرانين .. لان متسدحين في الصالة الفوقية .. و هم يتثاوبون .. راااحت صوبهم ..
عبير: صباااح الخير
شجن وعنود بصوت راايح فيها: صبااح النور
عبير: سهراننين؟؟
شجن: ايواا
عبير وهي رايحة : قوموا نامو لا يشوفكم ابوي .. ترى ما يحب احد يسهر .. شوفوا الساعة كم
عنود : ليش الساعة كم
عبير: ثمان و نصف
قامت شجن : يلا انا بسبقك
عنود: اوكي
بقت عبير مع عنود .. رااحت عبير جنبها : شفتي أمي
عنود: لا
عبير: تتوقعي ترجع
عنود: ما بتقدر تستحمل تعيش بلا فلوس .. مردها ترجع
عبير: انا اتوقعتها تطلب الطلاق
عنود: هذي من سابع المستحيلات .. امي تموت ولا ترجع لعيشة الفقر اللي كانت عايشتها قبل لا تتزوج ابوي
عبير: ليه .. ابو امي فقير ..
عنود: فقير .. حتى بيت ما عنده .. عايش على الله وعلى الصدقات اللي تنقط عليه
عبير: توني ادري
عنود: انتي كل شيء ما تدري عنه
عبير: اشدعوه مو عايشة في الدنيا
عنود : الا بسألك .. عن مشاعل ؟؟
عبير فزت من مكانها : اي مشاعل ؟؟
عنود: مشاعل ما غيرها صديقة عادل..
عبير: وانتي وش عرفك بها ؟؟
عنود : مو هي صديقتك انتي وعادل..؟
عبير: لا ما عادت صديقتي
عنود : اكيد من بعد ما خانتكم ما عادت صديقتك
عبير طارت عيونها : من وين درييتي
عنود وهي قايمة : تتمسي على خير
عبير بتناديها بس وقفت لان عنود دخلت : والله انها مو مجنونة .. وتعرف كل شيء يصير بالبيت .. بس من وين ؟؟ هذا الللي لازم اعرفه

انتهى البارت


تحياتي

على إيقاع الصمت

[فيتامين سي]

[~.. البارت السادس ..~]

في الشركة
دخل عبدالله المكتب وسلم على زميله في الشغل وجلس .. كان ابو فواز عاطي سامي وعبدالله شغل في قسم المحاسبة .. جلس وشاف كيف ان الشغل اليوم زحمه ..
عبدالله: ياااااه وش هالشغل اليوم
ناظره زميله مبارك ورد كمل شغله
عبدالله : تبي شاي
مبارك : لا
راح عبدالله لابو محمود و قال له انه يبي شاي .. بعد فترة جاء بيعطيه الشاي مر من على مكتب مبارك .. لان مكتب مبارك عند الباب و مقابله مكتب عبدالله .. اتعرقل ابو محمود و طاح كوب الشاي على مكتب مبارك..
صرخ مبارك : ووجع عمي انت
ابو محمود : اسف اسف .. والله ما انتبهت
قام عبدالله بسرعه ومسك ابو محمود : حصل خير حصل خير
مبارك: اي خير ويا وجهك .. (وهو يرفع المعامله اللي انعدمت بالشاي): شوف اشلون انعدت المعاملة
عبدالله: عاادي المعاملة تقدر تفتح بديل لها
مبارك بصراخ: وتكون المسؤولية علي انا
عبدالله: لا علي انا بس انت اسكت
مبارك بعصبية: لا تقول اسكت .. اصغر عيالك انا
عبدالله اللي بدأ يعصب: مرر السالفة على خير احسن لك
مبارك بسخرية: ووش تقدر تسويه ان شاء الله
عبدالله مسك ياقة مبارك وهو يهدد: انت ادرى باللي اقدر اسويه
مبارك يعرف ان عبدالله و سامي داخلين بالواسطة عشان كذه هو غيران .. فك قبضة عبدالله منه بقوة : فيك الخير
بعد ما خلص ابو محمود تنظيف المكتب : تبوا شيء ؟
مبارك بوقاحه: تبي تكب علينا الشاي مرة ثانية
عبدالله يتجاهل مبارك : سلامتك يا عم
ابو محمود ابتسم لعبدالله : الله يسلمك .. وطلع
مبارك (بقلبه) : على ايش شايف حالك .. ما صار لك الا اسبوع من توظفت .. وياليت بشهادة ترفع الراس.. يا ويلك مني انا وراك والزمن طويل ..
_____________
_____________
في جهة ثانية من الشركة
طق الباب و اذن له بالدخول ..
فواز: السلام عليكم ..
أبو فواز باهتمام: وعليكم السلام .. هلا والله .. ( وهو يأشر له على الكرسي قدام المكتب) .. تفضل تفضل .. توني بدق عليك
فواز: انا فكرت في الموضوع ..
أبو فواز: الحمدلله .. انا كنت خايف لا تخيب املي فيك
فواز: مستحيل تطلب مني طلب و ارفضه
أبو فواز: الله يرضا عليك
فواز: تسلم يا ابوي
أبو فواز: الحين اتصل على عمتك تدور لك على مرة
فواز: لا تعب عمرك يا يبه انا اخترت بنت
أبو فواز: سوسن لو حنان ؟؟
فواز: لا يبه انا قايلك بنات عمتي ما يناسبوني
أبو فواز: ومنو اخترت
فواز : أخت سامي الــ..
_________
_________
دخلت الصالة وما لقت احد ونادت باعلى صوتها
علياء: بناااااااااااااااااااات .. بناااااااااااااااااااات
نزلت آلاء وهي تصرخ : علياااااااااااااااااء
ونطت بحضنها : وحشتيييييييييييييييييييين ي يالدبة وينك (وهي تبعد عن اختها اشوي ) وااااو متغيره
علياء: لا قاطعه ولا شيء كاني اتصل عليكم كل يومين او ثلاثة
آلاء: الا كل اسبوع مرة .. كل من حمد شاغل وقتك
علياء: لاااا هو اصلا يطلع من الصبح وما يرجع الا الليل تعبان وينام وكل يوم نفس الموال ..
آلاء: تعالي لنا .. خله كل يوم يوصلك قبل لا يطلع
علياء وهي تجلس على الكنب من بعد ما دخلت : انتي عارفة ان شقتي في الشرق وانتوا في الغرب.. المشوار بعيد و دوامه بعيد يعني لازم يلحق
آلاء: خلاص بقول للسواق يجيبك كل يوم
فزت علياء من مكانه : اوعك تقولي لأحد يجيبني وإلا يوديني
آلاء وهي مفزوعة من قومتها : ليه وش صاير ؟؟
علياء: تبي حمد يقتلني .. يموووت ولا يموت يشوف احد يمر على باب شقتي تبي يوصلني
آلاء: يا عيني على الغيرة
علياء تغير الموضوع: وين البنات ؟؟
آلاء : ألحين اناديهم لك
علياء: بجي معك
آلاء: يالله نسوي لهم مفاجاة
علياء : اوكي
مسكت آلاء يد علياء وقامت تسرع بها وهي تضحك وعلياء تضحك معاها .. صار صدى صوت ضحكاتهم مغطي على المكان .. طلعت نقاء ووراها لقاء وهم يركضوا لعلياء اللي من شافوها شهقوا باسمها ..
لقاء: علااااااااااالي .. وحشتيني مووووووووووت .. ونطت بحضنها
نقاء: وانا اكثر منها .. بعدي انتي خلي لنا اشوي
لقاء ومتعلقة بعلياء: انتي في كل مكان ورااااي
نقاء: انتي اللي كل تسبقيني
علياء: تعالي حبيبتي .. وضمت نقاء لصدرها بقوه
طلعوا صفاء و لمياء من غرفتهم و جوا يركضوا..
لمياء : القميل ده من متى قه >>>(اونه مصري)
علياء: لموووووي حبيبتي .. وضمتها بحرارة .. وجاء من بعدها صفاء وسلمت عليها بحرارة ما تقل عن لمياء
بعد السلام واخد الاخبار .. جلسوا بالصالة يسولفون
لمياء وهي تساسر علياء: ما فيه شيء بالطريق
علياء: وشو يعني
لمياء وتنعم صوتها: واوا
علياء طارت عيونها : لالالالا
لمياء: بل .. اش فيك انفجعتي
علياء: ولا شيء
نقاء ولقاء يتساسرون وهم يناظرون علياء وكل شوي يضحكون
صفاء: انتوا ما تقولوا لي من زمان تساسرون وش تقولون
لقاء: سلامتك .. بس اشياء خاصة ما تنقال قدام الجميع
ولاء: هذيلا طول يومهم يقولوا اشياء خاصة
آلاء: أقص أيدي من هنا ( وتأشر على كتفها) أن ما كانوا طول اليوم يحشوا فينا
علياء: وانتو الصادقين .. انا بعد حاسه انهم يحشون فيني
نقاء: اف منكم شوفوا اشلون كشفتونا .. قصدي خليتوا المرة تشك فينا
لمياء : انتوا مكشوفين من البداية
علياء : وش كنتم تقولوا عني
لقاء: تبي اقول بصوت عالي
علياء: عااادي
لقاء: شكلك حامل
علياء فتحت عيونها على وسعها
نقاء: بصراااحه مبين عليك
صفاء بعصبية صرخت عليهم : نقااااء .. لقااااااء.. على فوق بسررررعه
نقاء ولقاء خافوا وركبوا الدرج بسرررعه
علياء ووجهها احمر قامت من مكانها وطلعت من الصالة
لمياء : وين بتروحي
علياء : بروووح الحمام .. وطلعت للحمام
علياء (بقلبها) فتحتوا علي باب ما تسكر ابد .. انا خايفة من هالشيء .. ليش لي الحين ما حملت .. هذا الشهر الرابع من تزوجت .. صديقاتي قالوا لي انهم حملوا نهاية الشهر الاول .. او بداية الشهر الثاني .. انا الحين بدخل الشهر الخامس و ما حملت .. يا ربي ارزقني بالذرية الصالحة .. واذا ما حملت .. يمكن يطلقني .. لا لالا .. الا هذي .. مستحيل يطلقني .. وام حمد .. هي بالزور تطلع في وجهي بعد لو تدري اني عاقر .. كان تطلقني منه على طول .. لالالالا انا مو عاقر .. انا اجيب اولاد .. و بأذن الله .. بحمل ....غسلت وجهها و طلعت تكمل جلستها مع اخواتها

[فيتامين سي]

الظهر بعد ما انتهت الدوامات .. طلع فواز و مر على مكتب عبدالله .. ولقاه بيطلع وشكله زهقااان ..
فواز: هاااه راايح
عبدالله: ايواا .. حياااك
فواز: لا مشكور ما تقصر .. (بارتباك)بس .. امممم .. انا .. آآ
عبدالله : بتقضي لي اليوم انا و بس واممم و آآآ .. وش عندك اختصر .. ترى اليوم صار عندي زحمة و عوار راس ما لي خلق هدره
فواز: ايش ذا .. خلني اتكلم
تكتف عبدالله: تكلم .. غررد
فواز: بكرة الليل خالتي و خواتي بيجوكم البيت
عبدالله باستغراب: ليش؟؟
فواز: صدق انك قليل حيا .. اقولك بيجوكم تقول ليش .. هذا بدال ما تقول حياكم .. البيت بيتكم
عبدالله : حيياااااكم الله.. البيت بيتكم .. ما قصدي شيء .. بس استغربت
فواز: بصراااحه جايين خطااب
عبدالله: حياكم الله
فواز: ما بتسال لمن
عبدالله: يعني انت الوحيد رجال في بيتكم .. اما في بيتنا ما عندنا الا بنت وحده للزواج ما يبيلها ذكاء
فواز: هههههههههههههه
عبدالله: لا تستحي يالنسيب .. تعال نمشي ترى راسي بينفجر
فواز: علامك
عبدالله: هذا بروك اللي ما يستحي
فواز بتكشيره: بروك ما غيره
عبدالله: ايوا
فواز: ووش سواا؟
عبدالله: لسانه وقح ويبي له تربية من جديد
فواز: ليش هوو عنده لسان
عبدالله:هذا دواه عندي .. ان ما طلعت له قرون ما اكون عبدالله..امشي اقولك السالفة بالطريق
فواز: يلااا
______________
______________
في بيت ابو عادل
في غرفة عنود
كانوا متسطحين على السرير .. و كل وحده عاطيه الثانية ظهرها .. وغارقة في افكارها اللي ما ليها نهاية
,,(("شجن")),,
مر اسبوعين على وفاتك يايبة .. وكنها يومين .. مروا باسرع ما يكون .. في البداية ما كنت متخيلة حياتي من دونك وانا مالي غيرك من بعد الله وبعد ما توفت أمي .. الحين مجرد ما رحت طلع لي عم .. عم مو عارفة اذا بتدوم طيبته لي .. او لا.. و اولاد عمي كل واحد غريب اطوار اعظم من الثاني .. يعني علا وعبير اول ما قعدت معاهم كانوا طيبات وحبوبات .. وبس شافوا عنود المسكينة قلبوا الى وقحات .. وعادل من اول ما شفته ما ارتحت له ابد ..وعنود .. عنود احس وراها سالفة بس شنو ما ادري .. احس ما يربطهم شيء ابداً ..لا لا لا فيه شيء .. فيه رابط مشترك وكبير بينهم .. النظرة الحزينة اللي لمحتها في عين كل واحد فيهم ..(تذكرت امهم) و ام عادل كان ودي اشوفها .. بس الحمدلله اني ما شفتها .. هي ما تركت البيت الا لان اني فيه .. انزين ليه .. اذا كان بينها وبين امي عداوة .. انا وش دخلني .. انا بنتها وبس .. وبعد ما عشت معاها حتى طفولتي ..سنتين وماتت ..وابوي هو كل دنيتي..هو من بقا ل ..هو اللي رباني و كبرني..بس آآآآه..والله فقدك خسارة و كبيرة بعد( بدت تبكي و هي تحاول تكتم شهقاتها عشان لا تزعج عنود)
,,(("عنود")),,
الحمدلله ان شجن جتني والا كان انتحرت .. من زماان .. عيشتي ممله بس هي ملتها علي .. الحين في من يفهمني فيه من يحس فيني ..من قبل لا امي ولا ابوي مفكرين فيني .. لو ما اتبع اخبارهم اول باول كان ما عرفت عنهم شيء .. الله يخلي هالبلكونة اللي تطل على بوابة البيت و واقدر اشوف منها كل صغيرة وكبيرة .. اصلا ما تجي بلاويهم الا قبل لا يدخلوا البيت .. والخدم اللي من يشوفوا شيء او يسمعوا شيء على طول يجوا يقولوا لي .. خواتي .. ما كأنهم خواتي .. نظرتهم لي مثل نظرتهم للحيوان .. يحسبوني ما احس مثلهم ما انجرح من كلامهم ..ونظراتهم المستهزئة بي ..
قامت من على سريرها وتفاجات ان شجن نفس الشيء قامت بنفس الوقت اللي قامت فيه عنود ..
شجن و عنود: وين رايحة ؟؟
شجن وعنود: ههههههههههههههههههههههههه هههههههه
عنود: لا اليوم فيه شيء .. لا تقليديني لو سمحتي
شجن : انتي اللي كل ما بسوي شيء سويتيه
عنود: خخخخخخخخخخخخخخخخ
شجن: انا سمعت ان اللي يسوي مثل ما سويت انا معاك .. يعني ان قلبه على قلب اللشخص اللي سوى نفس الحركات
عنود: يعني قلبي على قلبك
شجن: يب يب .. يلا قولي لي .. ليه قمتي ؟؟
عنود بحزن : ما ادري جاني شعور بالحرمان وقمت بفتح دفتري بكتب .. عشان انفس المكبوت بصدري
شجن بانبهار: وآآآآآآآآآآآآآآو ..
عنود: اش فيك
شجن: قسم نفس الفكرة اللي في بالي
شجن و عنود: هههههههههههههههههههههههه
قاموا كل وحده تطلع دفترها من مخباه و جلسوا على الكنبات
شجن: فرجيني دفترك شكله يهبل .. كان الدفتر مغطى بقماش عنابي مكسر و ومزين بالذهبي وكتوب عليه كلام بالانقلش
عنود: تفضلي وعطيني دفترك .. وكان دفتر شجن ودري وفيه دبدوب كبييييير في الوسط وفيه دباديب صغار في الجوانب باشكال مختلفة
فتحت شجن الصفحات بعشوائية و جذبها هذا الأسم (( أحرف مبعثرة )) في دفتر عنود و بدأت تقرا ..
عندما اختبئ في إحدى زوايا غرفتي .. !!
وامسك بقلمي واوراقي .. !!
هنا تتناثر احرفي واجهل كيف اصوغها ..وأرتبها ..!!
لأجعل منها عبارات تعبر عن حزني المختبئ .. خلف ملامح الطفولة ..ولكن..
حتى تلك.. الحروف.. تسيطر علي ..وتهرب مني ..وتتبعثر.. وتتشتت..!!
تحدثني..ولا أحد يسمع حديثها ..!!
تحدثني بكلام جارح ..!!
آه ..كم هي قاسية تلك الحروف ..
ولكن ما اشد حنانها ..لا تفارقني أينما كنت ..!!
أعشقها..نعم أعشقها..فهي تدخلني فــــــي..!!
[[:.متـــــــاهـــــــات.:]]
لا نهاية لها .. !!
أما الآن حان وقت توقفي عن.. مدحها ودمها!!
لقد سمعت!!
!..جرس الألم..!يطلق صيحاتهـ.. معلنا عذاآبي

[فيتامين سي]

شجن: بصراااااحة قمة في الروعة .. بس الكلمات بجد حزينة .. ورى هالكلمات انسانه تتعذب .. انسانه تبكي من الاعماق .. صح ؟؟
عنود بابتسامة حزن: تسلمي غناتي .. انا ما كتبت هالكلمات عشان تنعجبي بهم او لا .. انا اكتبهم عشان انفس عن المكبوت بصدري وكل اللي في صدري طلع في هالكلمات اللي انتي الحين منعجبه بها ..
شجن : توني بس كنت افكر فيك وفي اخوانك .. اشوف فيكم رابط
عنود بسخرية: ههه بس بالاسم عالورق ..
شجن : لا شفت نظرة الحزن اللي في عينكم اربعتكم
عنود: يمكن .. لان امنا وابونا وااحد
شجن: انتوا حاطين الخطا على امكم و ابوكم وبس .. ليش ما قلتوا احنا .. ترى امكم وابوكم صحيح انهم مهملينكم وعلى خطأ بس مو المسؤولية عليهم وبس .. تراها عليكم بعد
عنود: ووش تبيني اسوي وخواتي شوفت عينك؟؟
شجن: انتي بادري و ابني بينك وبينهم علاقة طيبة .. ترى ما بينفعك غيرهم .. صدقيني
عنود: وش هالثقة ؟؟
شجن: مو انا المفروض اقول هالكلام .. انتي اللي لازم تقوليه ..
عنود: خلاص اوكيه
شجن تغير السالفة : عجبك دفتري
عنود: مرررررة نعومي ..
شجن: يب يب .. هذا ذوق ابوي .. تصدقي داك اليوم كنت حزينة .. ابوي طلع وتاخر علي .. عصبت .. خفت .. بكيت .. ما كنت عارفة وش اسوي ابوي طالع من المغرب وكانت الساعة عشر بالليل .. الخادمة نامت و ظليت انا بروحي .. دقيت عليه طلع جواله مغلق .. حطيت راسي على الكنب.. وانا اناظر الباب انتظره .. بعد فترة دخل ابوي .. وفي يده اكياس .. قالي هااه بابا لي الحين تنتظريني .. مديت بوزي له اوني زعلانه منه .. جاء جنبي وانا ذابحني الفضول ابي اعرف وش في الاكياس .. وكنت ابي اعاقبه لانه تاخر علي وخلاني بوحدي خايفة .. طلع لي دا الدفتر وقال : هذا هو الشيء اللي اخرني عليك .. اسف حبيبتي و طبع بوسة على جبيني .. انا انبهرت بالدفتر .. بالمرة جمييييييل والاجمل منه انه من ابوي ..
عنود: وناسة يصير عندك ابو يهتم فيك و يجيب هداايا لك ..
شجن : ايوا .. سألته ليه جاب لي هالدفتر .. قال عشان اذا اتذكرتيني او اتذكرتي امك الله يرحمها تكتبي فيه ذكرياتك .. تصدقي عااد انا ما كان عندي موهبة الكتابة بس لما قالي ابوي .. قمت احاول صحيح اني في البداية قمت اخربط هالكلمة على هالكلمة .. لين صرت اعرف اصفصف الكلام ..
صارت شجن تنافخ بالكلام
عنود: عطشتي
شجن بابتسامة : يب يب
عنود: وين ما تعطشي وانتي تتكلمي ورا بعض وبسرررعه
شجن : يلا عاااد تراك احرجتيني
عنود: ههههههههههه ( طلعت لها علبة موية وعطتها )
شربت شجن الموية : الحمدلله
عنود: اتعبا البنزين ؟؟
شجن : يصص ..
عنود: انا فكرت بكلامك معاي من اشوي ..
شجن: اي كلام
عنود: من حقك تنسي انتي من زمان تتكلمين
شجن: يااااربي ..
عنود: بأبني علاقة بيني وبين خواتي .. وبتكون علاقة اخوية .. علاقة حب واخلاص وتضحية
شجن: وهذا اللي انا ابيه ..
عنود: اجل تعالي اعلمك وش افكر فيه .. بنسوي مفاجاة كبيرة بكرة .. انسوي حفلة ونعزمهم عليها
شجن بحماس: وناااااااااااسة
_______________
_______________
في اليوم الثاني
في بيت ام سامي
على الغذاء
عبدالله: يمة
ام سامي: هلا يمة
عبدالله : اليوم قالي فواز انه جاااي هو واخواته بكرة في الليل
ام سامي : حياهم الله
سامي: ما قالك ليش بالضبط
عبدالله: الرجال يبي يخلي خواته يتعرفوا على اهلي ..
ام سامي: حياهم الله
عبدالله: وين سجى
سامي: انت عارف انها ما تحب تاكل عيش
عبدالله: والله هالبنات مسخرة .. كل ريجيم .. انا بصراااحه من دون العيش ما اعيش
دخلت سجى على كلامه
سجى: ما احد غيركم يالشباب مسخرررررة و تضحكوا بعد
عبدالله: بل بل .. يعني لو الواحد سبك ..سمعتيه
سجى وهي تقعد جنب امها: ومنو يقدر يسب سجى بنت أم سجى
أم سامي وهي تحوطها بيدها: عشان اسب اللي يسبك
عبدالله: انا اشك اني ولدك .. ذيك الايام ساميوه .. وتحببي وتحضني فيه قدامي .. و هالمرة سجووه.. وش هالعنصرية .. والتفرقة واللي ماني قايل
سجى : بل بل عليك .. ليش انت غيور كذه
سامي: يمكن لان احنا احلى منك
نطت رغد في الوسط : انا احلى وحده
الكل : ههههههههههههههههههه
عبدالله: دخلت عرض
رغد مو فاهمه شيء وبس تضحك
اخذها عبدالله عنده وهو يلاعبها ويعضض فيها و ضحكاتها مالية المكان ..والكل مستانس على ضحكاتها البريئة ..
أم سامي (بقلبها) الله يدوم عليكم السعاده ان شاء الله
__________
__________
في نفس الوقت
عند عنود وشجن
كانت عنود متحمسة انها تكون علاقة قوية بينها وبين خواتها .. وشجن متحمسة اكثر لان حتى هي محرومة من الاخوات مثل عنود .. كانت عنود تعلق في الزينة وتكتب عبارات اخوية على الجدران بالورق الملون والمزين .. وكانت تكتب اسمها مع عبير وعلا وعادل و شجن بشكل قلب ملتم على بعضه ..
شجن : انا بسوي بطاقة وردية لعلا .. وعبير .. شنو لونها المفضل؟؟؟
عنود: الاحمر
شجن: اوكي .. ما نسوي لعادل بطاقة ؟؟
عنود: تالي ما بناخد راحتنا
شجن: اشدعوه انا بخذ راحتي .. وانتي اخوك ما بتاخذي راحتك
عنود: بكيفك
شجن: شنو لونه المفضل ؟؟
عنود: البيج والبني المدموجين
شجن: انا بتولى هالبطايق وبطلعهم بطايق عرس
عنود: ههههههههههههههه
شجن: يا سلآم صارت غرفتك غرفة الاحلام ..
عنود: هههههه عجبتك
شجن : يس .. انا تقريبا خلصت .. باقي بس بطاقة عادل
عنود: مدري ليش احس ان عادل بيرفض
شجن: لا ما بيرفض خليه علي
عنود: وش هالثقة؟؟
شجن: انا شجن ما يصعب علي شيء
عنود وشجن : ههههههههههههههه
بعد نصف ساعه خلصوا من التجهيز .. وراحت عنود تتحمم .. اما شجن راحت تعطيهم البطايق .. طقت باب علا بس ما فتحت .. دخلت البطاقة من تحت الباب وراحت .. اما عند عبير لعند غرفتها لقت الباب مفتوح و ما في احد في الغرفة .. دخلت وحطتها على السرير .. وراحت لغرفة عادل ونفس الشي طقت الباب وما فتح
شجن: وش هالعايلة ما احد يفتح بابه واللي يفتح بابه يكون طالع .. الحمدلله ربي والشكر .. خل اشوف هالعلة .. طقت الباب مرتين .. وجاها صوته معصب : منووووووووووو
شجن بسخرية تقلد صوت الخدامة : أنا آآآنا يبي سياب مال تقسيل (أنا آنا ابي ثياب التغسيل)
عادل : انقلعييييي هذا وقته
شجن: مس آآآدل انا يبي قسل .. وتحط يدها عل فمها وهي تضحك .. بس تفاجات لما سمعت صوت المفاتيح
عادل وهو طالع معصب: نعـ ـ ـ ( شاف شجن قدامه كانت لابسة بنطلون اسود جينز و بلوزه كم طويل بيضا وفيها رسومات وكتابات بالاسود وحاطه طوق ابيض على شعرها القصير)
شجن انصدمت من شكله .. كان لابس شورت وصدره عاري ..
شجن و تغطي وجهها بالبطاقة : وآآآآخزيـــــاهـ .. قطت البطاقة في وجهه ورااحت تركض غرفة عنود اللي تصير مواجهه لغرفة عادل وسكرت الباب بسرعه
عادل: طالع و انا اقول وش منعم صوت آنووووه .. تطلع شجنوه تقلد ..(ناظر في اللي قطته عليه .. كانت بطاقة بنيه غامقة و عليها بعض الدواير البيجية .. ومكتوب عليها بالانجلينزي ((adel)) ..
عادل: شنو هذا .. فتحه ولقى مكتوب عليه باللون الذهبي .. ((السلام عليكم .. أخي عادل.. نحن أخوان قد أبعدتنا مسافات الحرمان ..فهل تقبل وصلاً ..بيني وبينك .. لو سمحت تعال الليلة غرفتي الساعة 8 ..أختك عنود)) : صدقتي يا .. يا أختي ..
وابتسم على آخر كلمة نطقها .. و دخل غرفته

وبسسسسسسسسسسسس


يلا توقعاااتكم



باااايوووه