تائه بين دوائر الإنتقام (الجزء الأول) بقلم/اسراء احمد ،مصرية(مكتملة) - الصفحة 3

فيتامين سي · 24-09-18, 07:55 AM

الفصل التاسع عشر

في بيت ابراهيم ..... رن تليفون سيف ...
سيف : الو .. ايوة يا فندم
رئيس سيف : انا ممكن افهم ايه التهريج اللي حصل ده ؟ يعني ايه البنت تتخطف من بيتها من غير ما حد يحس ولا حد من رجالتك يشوفوها ؟ّ؟!!!! ايه بتلعبوا .. مش شايف شغلك ليه يا حضرة المقدم
سيف بضيق : يا فندم احنا شايفين شغلنا كويس اوي الفكرة ان الكاميرات بتاعتنا مش راصدة اي حركة خارج البيت اللي دخل مدخلش من الباب انا معتقد...
قاطعه رئيسه : لا والله معتقد ... حلوة معتقد دي ...وبعدين يعني ايه الكاميرا مش راصدة دي شبح هي مش هتلقطها الكاميرا .. ما هو ياما كاميراتك بايظة ياما مفصولة ...شوف شغلك يا حضرة المقدم وبطل حجج فارغة ... وقفل الخط
سيف وكان في قمة ضيقه وبيمسح علي وشه بعنف وهو بيفكر ازاي ماشفوهاش وهم خاطفينها ... واستاذن ابراهيم انه هيعمل مشوار وراجع ولو في جديد يبلغه ومشي سيف ...
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,
بعد ساعة عدى محمود جنب اوضتها وبيبص عليها بحزن وفجاة حس بحركة جوه الاوضه دخل لقي سارة نايمة علي سريرها بنفس شكلها عنيها وبوقها متغطيين ايديها ورجلها مربوطين
محمود : اسلاااااااااام تعالي بسرعه ..... سارة حبيبتي انتي كويسة ردي عليا ... شال الغطا من علي عنيها وبوقها وبيحاول يفك ايديها ورجلها ... كلهم جم بسرعه علي صوت محمود
اسلام : في ا.... سارة لا مش معقولة سارة انتي هنا انتي بجد هنا .... اخدها في حضنه وضمها جامد ومش لاقي منها اي استجابه غير ان جسمها زي الثلج وبيتنفض
ابراهيم : احنا لازم نوديها المستشفي
سهير: بلاش يا ابراهيم البت لسه خارجة منها وهتتعب اكتر لو راحت تاني
ابراهيم : والعمل ؟؟
خالد : مفيش غير كريم انا هروح اشوفه فوق ولا لا ......
ابراهيم : وانا هكلم سيف ..اتصل ابراهيم بسيف وبلغه اللي حصل وسيف قاله انه شوية وهيجيب دكتور ويجي
,,,,,,,,,,,,,,,,,,,,,,,,,,,,,,,,,,,,,,,,,,,,
خالد طلع عند عمته وفتحت له عمته
... ازيك يا عمتو
شكرية : لا بجد فاكر ان ليك عمة ؟ انت عارف اخر مرة جيت هنا امتي ؟؟
خالد بابتسامة خفيفه : الدنيا مشاغل يا عمتو .. هو كريم هنا ؟
شكرية : اه جوه في اوضته
خالد : ادخل ولا في حد خالع راسه
شكرية : هههههه لا ياسمين خرجت هي وشهد يجيبوا حاجات
(ياسمين بنت شكرية واخت كريم وليها اخين كمان غير كريم هم امجد ومسافر بره علطول ويوسف في ثانية حقوق )
خالد دخل لكريم وبصوت هادي : كريم قوم تعالى بسرعه عايزك تحت
كريم : في ايه يا خالد ايه اللي حصل ؟
خالد : سارة تعبانه اوي
كريم : وموطي صوتك ليه ؟
خالد : مانت عارف امك مش بتحبها ولو عرفت انك نازل معايا ليها هترفض
كريم بضيق : انا مش فاهم هي عملت ايه عشان يكرهوها .. المهم يلا
نزل كريم مع خالد وشاف سارة لقي عندها هبوط حاد وراح اشتري لها ادوية وعلق لها محلول فوق سريرها وسابها وخرج
كريم لابراهيم : خالو.. سارة عندها هبوط حاد ولازم تاكل كويس لما تفوق .... هو ايه اللي حصل ؟
ابراهيم بحزن : سارة اتخطفت امبارح من اوضتها وغالبا اللي اسمه ماجد ده وفجاه بردو لاقيناها في اوضتها
كريم : غريبة اوي ..ربنا يستر ... طيب انا قاعد شوية عشان لو فاقت
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,
مرت ساعة وبدات سارة تفوق وبتحاول تستوعب هي فين وشافت جنبها محمود واسلام وبدات تبكي وتصرخ وتتشنج محمود قعد علي سريرها وقعد وراها وكتفها بايديه جامد جوه حضنه : خلااااص اهدي انتي في امان بس خلااااص
اسلام ومسك وشها بايده : سارة انتي معانا بس خلاص اهدي
سارة ببكاء وصوت متقطع : ال ..ال حي وان ..اعت دي.. عل يا ... اعتدي ع عليا ... انا خل لاص انتهيت
اسلام ومحمود في حالة صدمة .... محمود شدد ضمته ليها : طيب اهدي اهدي نامي يا سارة نامي
جه كريم وابراهيم علي صوت سارة وشافوها منهارة .... كريم طلع حقنة مهدئة واداها لسارة ودقائق واستسلمت للنوم
,,,,,,,,,,,,,,,,,,,,,,,,,,,,,,,,,,,,,,,,,,,,
الباب بيخبط وفتح محمد : اهلا استاذ سيف
سيف : اهلا بيك .. اقدر ادخل ؟؟
محمد : اتفضل
سيف : انا معايا الدكتور جاي يكشف علي سارة
جه ابراهيم : اتفضل يا سيف يابني ... اتفضل يا دكتور
دخل الدكتور وكشف علي سارة وشكر الدكتور( كريم )....
الدكتور : سارة كويسة ومفيهاش اي حاجة هو بس هبوط حاد ومع المحاليل اللي دكتور كريم ادهالها هتبقي كويسه
سيف : مفيش اي اثار لاعتداء او اغتصاب ؟
الدكتور : لا خالص
سيف : متشكر يا دكتور تعبت حضرتك معايا
الدكتور : ده شغلنا يابني ... المهم انا هرفع تقرير ليك ولا لمين ؟
سيف : ايوة ليا انا اللي ماسك القضيه دي ...
الدكتور : طيب تمام عن اذنكم ...ومشي الدكتور ( الدكتور ده شغال مع سيف وهو مكلف بالكشف فقط علي الحالات المتعلقه بقضاياهم )
سيف خرج من الاوضة : احب اطمنكم ان سارة كويسة تماما مفيش اي اثار اعتداء نهائي هي بس نفسيا شوية وانا كلمت دكتور يحيي وعرفته التطورات وبمجرد ما تفوق هيجي
محمود : احنا متشكرين لحضرتك جدا
سيف : ابدا ده واجبي .... انا قاعد تحت في عربيتي لو في اي حاجة نادوا عليا ... عن اذنكم
فاقت سارة بعد ساعات وقعدت تنادي علي باباها ومامتها
اسلام : حبيبتي عايزة ايه ؟
سارة ببكاء وفزع : اسلام خدني في حضنك انا مش عايزة اروح له تاني عشان خاطري مش تخليه ياخدني عشان خاطري ...وزاد بكائها
اخدها اسلام في حضنه وبيمسح علي شعرها ونام جنبها ونامت علي صدره ومسكت في هدومه بشده بتحاول تلاقي الامان ... سفينتها تعبت من كتر العواصف ولاقت في حضنه البر والمرسى ... نامت وكل ما يحاول يقوم تتفزع وتمسك فيه ويرجع تاني علي وضعه
محمود دخل يطمن عليه وبصوت هادي : اسلام انت صاحي ؟
اسلام : صاحي بس مش حاسس لا بظهري ولا بايدي ... كل ما اقوم تمسك فيا كده والمغرب اذن والظهر والعصر ضاعوا عليا
محمود وقعد جنبه : امسك ايديها وحطها علي صدري وارفع راسها براحه وانا هحط ايدي مكان ايدك ونيمها.. هحاول انام مكانك.. وانت روح صلي وريح جسمك شوية ... وبالفعل نجحوا في نقل سارة لحضن محمود بدون ما تصحي وقام اسلام
اسلام وبيمسك ظهره : اااااااه .... يا ضلوعك يا رضا ... اتكسرت اه يانا ياما
شوية وسارة فاقت ولقت نفسها في حضن محمود وكان نايم : عاااااااااااااااااااااااا اااااا .... انت بتعمل ايه هنا ؟ ايه اللي جابك هنا وبدات تبكي
محمود : يا بنت اللذينة ودني .... اااااه انا مش سامع ... انتي مجنونه
سارة قعدت عالسرير وزاد بكائها : انت عايز ايه مني انت كمان ؟
محمود : هعوز ايه منك يا هبلة انتي انا اخوكي
سارة وبتمسح دموعها : يعني انت مش هتأذيني ؟!!
محمود : لا والله ... انا بحبك وخايف عليكي صدقيني
سارة : انا خايفه يا محمود ... خايفه اوووي ....عاااااااااااااااااااااا ااااااااا ايه اللي في ايدي ده اااااااااااااه
شيله بسرعه ااااااااااااااه
محمود بفزع : ايه في ايه ؟؟
سارة ببكاء : البتاعة اللي في ايدي دي اللي فيها المحاليل دي ااااااه بتوجعني شيلها شيلها ارجووووك
اسلام وخالد جم يجروا علي صريخ سارة
اسلام بفزع : في ايه يا محمود ايه اللي حصل ؟؟
محمود بضحك : الثعبان اللي في ايد سارة مخوفها
خالد ورجع عند الباب وبخوف : ثعبان ايه ؟
محمود بضحك : هههههههههههه تعالي يا شجيع السيما ...ده الكانيولا بتاعت المحاليل
اسلام بيخبط علي راسه بايديه : اووووه انا نسيت سارة بتكره اي شئ ليه علاقة بالحقن وفعلا بتتفزع منها ....خلاص اهدي هنادي علي كريم يشيلهالك
خالد بسخرية : البت دي ياما عندها صرع ياما ملبوسة اللهم احفظنا تبقي قاعد في امان الله جنبها تلاقيها بتصرخ بتتعصب او بتعض ...وغمز لسارة
محمود بضحك : انا وداني طارت انت مش متخيل صرعتني ازاي من شوية .... خلاص بقي بطلي عياط اسلام راح ينادي كريم
سارة ببكاء : ما هي مش في ايديك ومش وجعاك انت اااااااااااه يا ايدي اااااااااااااااه
جه كريم هو واسلام
كريم وقعد قدام سارة : في ايه يا ست البنات اللي بيوجعك ؟
سارة ببكاء : البتاعه اللي في ايدي دي شيلهالي
كريم وبيمثل انه بيفكر : حاضر بس بشرط ...تاكلي
سارة :بس انا مش جعانه
كريم : خلاص مش هشيلها
سارة : لالالالالالا خلاص هاكل ... يااا انت يا بتاع الفطار ... روح هاتي لي اكل ..وبتشاور لخالد
خالد بعصبيه : نعم يا ختي ... يا انت .. ده ايه اسمه ده ان شاء الله ...طيب مش رايح ومش هجيبلك اكل ومش هتشيلي الكانيولا
سارة باندفاع وبكاء : لالالالالا انا اسفه خلاص ... ممكن يا سعادة الباشا تجيب لي اكل بليييز ؟
خالد : ايوة كده ناس مابتجيش غير بالعيون الحلوة ... ثواني وجاي
اكلت سارة غصب عشان تشيل الكانيولا وشالها كريم فعلا ..... دخل عليهم سيف اللي استاذنهم يسيبوه مع سارة لوحدهم
سارة بتبص لاسلام : ارجوك خليك معايا
سيف بجديه : لو سمحت يا اسلام اتفضل ....( وخرج اسلام وقفل الباب ) بصي بقي يا سارة دلوقتي احنا مطولين مع بعض شغل العيال الي بتعمليه ده وتتقمصي وتعيطي والزن بتاعك ده انا مابحبهوش فبهدوء كده تحكي لي اللي حصل معاكي بالتفصيل لما اتخطفتي بالكلمة بالحركة باللمسة كل ح.... قاطعته سارة بحدة : انت قليل الادب احكيلك ايه ولمسة ايه ؟
سيف واتنرفز وبعصبيه ضربها علي وشها فنزفت شفايفها وقال بزعيق : ...............

توقعاتكم ايه ؟؟
استنوني الفصل القادم ...

فيتامين سي · 24-09-18, 07:57 AM

الفصل العشرون

سارة بتبص لاسلام : ارجوك خليك معايا
سيف بجديه : لو سمحت يا اسلام اتفضل ....( وخرج اسلام وقفل الباب ) بصي بقي يا سارة دلوقتي احنا مطولين مع بعض شغل العيال الي بتعمليه ده وتتقمصي وتعيطي والزن بتاعك ده انا مابحبهوش فبهدوء كده تحكي لي اللي حصل معاكي بالتفصيل لما اتخطفتي بالكلمة بالحركة باللمسة كل ح.... قاطعته سارة بحدة : انت قليل الادب احكيلك ايه ولمسة ايه ؟
سيف واتنرفز وبعصبيه ضربها علي وشها فنزفت شفايفها وقال بزعيق : وانتي لسانك طويل انتي عارفه فرق السن اللي بيني وبينك عشان تقولي كده ... دي مش هتبقي اخر مرة امد ايدي لو فضلتي عنيدة كده ... يلا احكي
سارة وحاطة ايديها علي بوقها والدم علي ايديها وبتهز راسها بالنفي
سيف : لا شكل القلم ده ماوجعكيش ... قلع الجاكيت بتاعه وظهرت عضلاته ومسدساته المتعلقه علي كتفه ومنظره بدأ يرعبها وبدأ يشمر اكمامه
سارة بضعف وبتشاور انه يقف : خلاص ... خلاص هتكلم ..
سيف وقعد علي كرسي جنبها : كده تعجبيني ... عايزة اعرف كل حرف قاله وكل حاجة عملها
بدات سارة تحكي بضعف وحزن تسكت شوية وتبكي كتير وترجع تحكي وبتبص للارض ويسالها سيف وهي ترد بضيق شديد وبعيون مغمضة ...
سارة : بس واعتدي عليا وبدات تنهار
سيف بجدية : بس الدكتور قال انك مش اتعرضتي لاي اعتداء وانك سليمه
سارة بنفي : لا هو لمسني
سيف بسخرية : هو عشان لمسك يبقي اغتصبك اممممممممممممم .... طيب عامة ده مش اعتداء انتي سليمة وكويسة اجمدي بقي عشان دي البداية ... من كلامك كده انه عايز يتجوزك وحابب يعلن ده وانا عايزك تسايريه خالص وتعملي كل اللي هو عايزه
سارة بفزع وخوف : يعني ايه هو انا هشوفه تاني ؟!!!
سيف وحس انه بيخوفها زيادة : يعني لو شفتيه ... انا هسيبك ترتاحي دلوقتي كفاية عليكي كده دكتور يحيي بره قومي اغسلي وشك عشان تبداي جلستك
سارة بضيق وبتضرب السرير بايديها : جلسة ؟!!! انا مش مجنونة علي فكرة
سيف بنظرة حادة : هتبقي مجنونة لو لسانك فضل طويل كده وعلي ايدي ان شاء الله ... شغل عيال بصحيح ... وسابها وخرج
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,
قامت سارة تغسل وشها واتاخرت اوي في الحمام وقامت سهير تشوفها وبتخبط علي باب الحمام : سارة حبيبتي انتي اتاخرتي كده ليه الدكتور مستني من بدري
سارة : ..........
سهير : سارة انتي كويسة ؟؟ افتحي الباب او ردي عليا لو سامعة
سارة :..............
سهير : سارة انا هدخل ..... دخلت سهير وفجاة ... يا لهوووووووي .... الحقووووووووووووووني
سارة ليه كده يا بنتي ليه كده .... ابراااااهيم الحقني
كله جه يجري علي صوتها وصريخها
محمد بفزع : في ايه يا ماما.... وشهق محمد فجاة من المنظر ( سارة واقعه في الارض غرقانه في دمها وفي ايديها قطعة زجاج محاولة الانتحار )
كريم : تعالوا نشيلها بسرعه ندخلها اوضتها نوقف لها النزيف ده ..... شالها محمد ودخلها اوضتها واسلام ما زال مصدوم وبيقول : ليه كده يا سارة انتي مصرة تحرقي قلبي ليه؟... ليه ؟!!
حاول كريم يوقف النزيف ويعالجها ونجح بالفعل بس اصر انهم يجيبوا دكتور او يروحوا مستشفي عشان يطمنوا وقال ل يحيي : انت مش دكتور تعالي طمنا
يحيي بتردد : انا اخترت الطب النفسي لان مافيهوش دم لالالا ابعدوني انا ...
سيف : سيبني انا هتاكد ان كانت كويسة ولا لا انا متدرب علي الحاجات دي ... وشافها سيف وكان كريم ربط ايديها وحط لها بعض الضمادات لوقف النزيف وربط ايديها لفوق لتقليل ضغط الدم فيها ( بعتذر معلوماتي الطبية علي ادي ههههه )وفعلا كريم عالجها صح.
سيف : تسلم ايدك يا دكتور ما انت زي الفل اهو ليه التردد
كريم : انا لسه طالب بردو لازم اتردد وبعدين انا ماشفتش حالة انتحار فعلا قدامي قبل كده ..
سيف : لا اجمد امال شكلنا هنحتاجك كتير مع الاستاذة دي اللي شكلها كده مش ناوية تجيبها ل بر .
وخرجوا كلهم من الاوضة .......
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
محمود كان عند والده بيطمن عليه وساعه ورجع .....
دخل محمود عليهم : السلام عليكم
الكل : وعليكم السلام
محمود بتعجب: مالكم في ايه ؟؟حصل حاجة ؟؟سارة كويسة ؟
اسلام بضيق : الهانم حاولت تنتحر
محمود بفزع : ايه ؟ ازاي ده حصل ؟!! انا ماغبتش غير ساعة عملت كده امتي ؟!!!
اسلام : مش عارف ... انا مابقتش عارف حاجة خالص ..
محمود : طيب انتحرت ازاي ؟؟
خالد : لاقينا جنبها قطعة زجاج صغيرة ..
محمود :وجابتها منين ؟!!
سيف : اختك دي عليها مخ ... جابت فوطة وحطت جواها الكوباية بتاعت فرش الاسنان وخبطتها جامد بقي علي الارض او علي الحوض مش عارف واتكسرت الكوباية طبعا من غير ما تعمل صوت عشان الفوطة
محمد باستهزاء : كانت هتموت كافرة ... البت دي لازم تشدوا عليها شوية ..
خالد بسخرية : يشدوا شوية ؟!! تصدق صح ... اصلها حياتها وردية زيادة ومن كتر زهقها من الدلع اللي شايفاه في حياتها قررت تنتحر .... شد عليها يا اسلام انت ومحمود شوية ... يا اخي انت قلبك ده ايه ؟!!!
ابراهيم بحدة : مش وقت خناق واي حاجة تخص سارة تخصني انا بس ... ويلا كل واحد يتفضل علي اوضته ... وكل واحد مشي علي اوضته واتبقي سيف ويحيي وابراهيم وسهير وكريم
يحيي : اولا اللي حصل ده كان متوقع يحصل ومن فترة انا مش مستغرب ..اللي حصلها كتير فوق احتمالها .. وكان لازم هتنفجر بأي شكل من الاشكال ..بس المهم مش اللي حصل.. المهم هنتصرف ازاي لما تفوق لازم ماتتعرضش لضغط او عصبية الفترة اللي جايه ... وارجوك يا استاذ ابراهيم ابعد اسلام عنها شوية لان انا متاكد رد فعله هيبقي عنيف
سيف باستهزاء : انا لو مكانه همسكها اديها علقه محترمة تعرف ان الله حق ... ايه الهبل ده تضيع نفسها عشان تعبانة نفسيا
كريم : اهدي يا حضرة الظابط انت شايف سارة عندها كام سنة ... كون انك في لحظة تفقد حياتك ومجبر انك تعيش .. من غير روح .... انك تلاقي حياتك كلها اتلخبطت واتشقلبت وناس غير الناس وبردو مجبر تعيش ... علي اي شخص كبير صعب التحمل فما بالك بطفلة انت متحامل عليها اوي ...
سيف : عارف لاني عيشته ..بس انا طول عمري بتعامل مع مجرمين ويمكن من اخطر المجرمين لما تبقي قضيتي طفلة وزي سارة لا ده كتير علي اعصابي ... غالبا انا هعتذر عن القضية دي قريب
ابراهيم ردا علي يحيي : حاضر يا دكتور ... ربنا يعينا جميعا
استاذن يحيي عشان شغله وقبل ما يمشي طلب من كريم يفضل جنبها وطبعا كريم وافق وبعد ما مشي شوية و دخلها سيف وربط ايديها السليمة في السرير جنب ايديها المصابة: لما نشوف اخرتها معاكي يا ست سارة ....وخرج
,,,,,,,,,,,,,,,,,,,,,,,,,,,,,,,,,,,,,,,,,,,,,,,

كل شوية يدخل اسلام او محمود علي سارة يطمنوا صحيت ولا لا .... تاني يوم ابتدت سارة تتحرك وتفوق ... بتحرك ايديها لاقتها مربوطه اتفزعت لتكون اتخطفت تاني ... بصت حواليها شافت اوضتها اللي عايشة فيها من فترة .. وبالرغم من كرهها للاوضة دي الا انها ارتاحت انها مش مع ماجد
سارة بألم : اااااه يا ايدي بتوجعني اووي .. مين اللي ربطني كده انا عايزة اقوم .. محمووووود اسلاااام انتوا فين ؟!!
جه محمود علي صوتها وقال : حمدلله علي سلامتك يا سوسو
سارة : الله يسلمك ... هو كل حاجة ماشية معايا عكس كده مفيش حاجة تتمناها تحصل ابدا
محمود بتعجب : وانتي بتتمني الموت ؟!!! وبدا يفك ايديها المربوطة السليمة ..
سارة بحزن : بعد ما فقدت عيلتي تفتكر في حاجة هتخليني عايزة اعيش ؟!!
محمود : اه ... انك ماتموتيش كافرة مثلا ... ده اكبر سبب انك ماتحاوليش الانتحار ... حرام يا سارة اللي انتي عملتيه ده عارفه كده ؟؟
سارة ببكاء : ايوة عارفه بس انا دعيت ربنا انه يسامحني
محمود وقعد جنبها واخدها في حضنه : مش معني انك دعيتي ربنا انه يسامحك انك كده بقيتي صح ... انتي عملتي حاجة غلط كبيرة وعارفه انها غلط وبردو عملتيها
سارة ببكاء وانهيار : اعمل ايه ؟!! قولي اعمل ايه ؟ انا تعبانة اووي فوق ما تتخيل .. مش معني اني بتكلم معاكم وبحاول اني بنسى .. انا بعيش لحظة موتهم كل ثانية .. كل ما اغمض عيني افتكر وهو بيقتلهم قدام عيني من غير رحمة واحساسي بالذنب اني انا السبب ... وكمان مش مكفية لا عايز يزود عذابي ويتجوزني او يقتل اسلام وكمان احبه شفت الجبروت ....انا تعبانة وعايزة انسى بجد لو مش نسيت يا هتجنن يا هنتحر تاني ... مش قادرة والله ما قادرة ....
محمود بصوت مخنوق : عارفه يا سارة في حديث معناه ان ربنا لما بيحب العبد بيبتليه ... يعني لو ربنا بيحبك بيحطك في محنة عشان يديكي حسنات كتير لما تصبري واحنا في ابتلاء ومحنة وان شاء الله صابرين وهندعيلهم بالرحمة ونحسبهم عند الله من الشهداء لانهم كانوا بيدافعوا عن عرضهم يعني ان شاء الله هم في الجنة دلوقتي وده لازم يبسطك
سارة ببكاء : انا مفيش حاجة هتبسطني بعد فراقهم
محمود ضمها جامد لحضنه وزادت سارة في البكاء
سهير دخلت اوضة سارة : حمدلله علي سلامتك يا حبيبتي ... كده تقلقينا عليكي ليه يا بنتي كده؟!! ليه تعملي في نفسك كده ؟
سارة وقامت م حضن محمود : انا اسفه بس غصب عني والله ...
سهير بتطبطب عليها : معلش يا حبيبتي خلاص اهدي ... انا هقوم احضرلك حاجة تاكليها عشان تبقي كويسة
محمود : تسلم ايدك يا طنط .. انا كمان هقوم اصلي وراجع لك .. باسها من راسها ومشي ونامت سارة تاني ..
,,,,,,,,,,,,,,,,,,,,,,,,,,,,,,,,,,,,,,,,,,,,,,,
شوية ودخل اسلام عليها وقفل الباب واتفزعت سارة من منظره ....اسلام مسك ايديها الاثنين بايده وبالايد الثانية ضربها علي وشها وقال بحدة ولكن بصوت منخفض : انتي عايزة تعملي ايه ؟ عايزة توصلينا لايه ... وضربها تاني .. عاجبك كل شوية حد يقول علينا كلمة .. وضربها وهي بتعيط بصمت والم ... شوية يقول عليكي مش محترمة ومرة تلميح ان عيارك فالت ... وضربها تاني ... عارفه انا المفترض اعمل فيكي ايه دلوقتي ..
سارة حاولت تتكلم : انا .. اا اسف...
قاطعها اسلام بضربة علي وشها : انتي ايه ؟! اسفه ؟!! اسفه دي لمين ؟ ليا ؟! كنتي هتقولي ايه لربنا لما يسالك عن اللي عملتيه ؟؟ هتقولي اسفه ؟! عايزة تموتي كافرة قوليلي وانا هقوم معاكي بالواجب ده ... وفضل يضرب فيها جامد وسارة بتبكي بصمت ... فجاة دخلت عليه سهير جايبة الاكل وشهقت من المنظروسابت صينية الاكل علي الترابيزة اللي جنب سرير سارة : اسلام انت بتعمل ايه ؟!! سيب اختك هي ناقصة .... وبدات تشد اسلام بعيد عن سارة واخدت سارة في حضنها تحميها من اسلام
اسلام بزعيق : بربيها ومحدش ليه دعوة .. اختي وبربيها..
دخل عليهم ابراهيم وبصوت حاد : اسلااام ابعد عنها .. انا هنا واصي عليها .. ووقت ما اشوف انها محتاجة تربية ده دوري مش محتاج مساعدتك ..اتفضل سيبها وروح اوضتك ..يلااا
اسلام وبيبص لسارة بحده : ماشي ,,, وزادت سارة ف العياط
سهيروبتمسح علي راسها : اهدي يا حبيبتي .. معلش هو كان هيموت من قلقه عليكي بس من الواضح اخوكي عنده السلوك ملمسة مش بيعرف يعبر عن قلقه صح
سارة ابتسمت غصب عنها : ملمسة وبتكهربني انا
ابراهيم وقعد جنبهم : ماتقلقيش انا معاكي .. بس عشان خاطري ماتعمليش كده تاني ماتوجعيش قلبنا عليكي ... ماتخلينيش اخلف وعدي لاعز اخواتي
سارة : حاضر
سهير : بصي بقي من هنا ورايح مش هتاكلي لوحدك هتقعدي معانا عالسفرة والكلام ده بدون نقاش
سارة : بس ان...
قاطعها ابراهيم : مفيش بس قومي اغسلي وشك ومستنينك بره نتغدي يلا ...ساعديها يا سهير بعد اذنك
سارة بضيق : حاضر ...
,,,,,,,,,,,,,,,,,,,,,,,,,,,,,,,,,,,,
قاعدين كلهم عالسفرة بعد ما سهير حضرتها .... دخلت سهير تجيب سارة اللي متضايقه مش عايزة تقعد وسطهم بس مضطرة تتعامل كويس مع الناس اللي بيعاملوها احسن معاملة ....
سارة دخلت اوضة السفرة وبتبص للارض : السلام عليكم
الكل : وعليكم السلام ورحمه الله وبركاته
خالد بضحك : يا مرحبا يا مرحبا نورك غطا عالكهرباء ,, كفارة يا سو ... هو افرجوا عنك امتي ؟
سارة بتبص له باستغراب فرد خالد : هو مش انتي كنتي واخده حكم حبس انفرادي في اوضتك ؟!!
بصت له سارة برخامة وابتسامة صفراء وقالت بصوت منخفض : سئيل
خالد بضحك : سمعتك وعامة الله يكرم اصلك
ابراهيم : بس بقي ايه .. اقعدي يا سارة عشان تاكلي ..
اول ما قعدت سارة نفخ محمد بضيق ... واسلام بص لها بغيظ ..
سهير : خدي يا حبيبتي حضرتلك الطبق ده .
سارة بخجل : تسلم ايدك يا طنط
بداوا ياكلوا في صمت وسارة باصة في طبقها وبتمثل انها بتاكل ....
محمد بسخرية : بس قولي لي يا سارة مين الفنان اللي رسم لك اللوحة اللي وشك دي ؟ ده اكيد اسلام صح ؟!!
سارة وادمعت عينيها : انا شبعت ... عن اذنكم
محمد بحدة : انتي يا بت خدي هنا ( وقفت سارة بخضة ) ... لما اكلمك اوعي تسيبيني وتمشي انتي فاهمة ؟ مش هتقومي من الاكل غير لما طبقك يخلص يلا اتنيلي اقعدي
ابراهيم بحدة : محمد بس ماتزعقلهاش
محمد بضيق : من الواضح انها عندها حاجات عايزة تتعدل ... يلا ماتنحيش اقعدي ...
فجاة رمى اسلام معلقته وقال بزعيق : بص بقي ما هو اي كلمة تاني علي سارة مش هيحصل كويس مش عايزنا في بيتك قولها وبلاش التجريح لكن انا ابويا مربينا احسن تربية بنعرف نتعامل كويس اوي مع اللي بيحترمنا وبردو اللي مايحترمناش ... يلا يا سارة ادخلي البسي عشان هنمشي يلااا ..
ابراهيم : اهدي يا اسلام محمد مايقصدش ومحدش يقدر يميشكم من هنا ده بيتكم وليكم فيه زي ما ليهم فيه ومحدش هيمشي من هنا واللي مش عاجبه يمشي هو
سارة وبدات تعيط وقربت من اسلام : ارجوك انا عايزة امشي ارجوك تعالي نروح عند جدو وتيتا عشان خاطري ..
اسلام بحدة : قلت لك ادخلي البسي عشان هنمشي
جريت سارة علي اوضتها زي اللي كان محبوس وجاله افراج
ابراهيم بضيق : اسلام بس انا قلت مش هتمشوا من هنا
اسلام بضيق : انا اسف يا عمي بس صدقني وجودنا هنا مش مرغوب فيه .. للاسف حتي يا محمد ماعملتش حساب لصداقتنا اللي بقالها سنين وعاملتنا كاننا بنشحت منك بس هتوصل انه يعيب علي تربية بابا الله يرحمه ده اللي مش هقبله ابدا
محمد بخجل : انا اسف يا اسلام مش قصدي والله انت فهمت غلط انا بس ..
قاطعه اسلام : مفيش داعي تبرر موقفك انا عارف اننا بقينا عبء علي اي حد بس انا كفيل باختي وقادر اني اراعيها ومش محتاج مساعده ومعايا ربنا
محمود بهدوء : اهدي بس يا اسلام انا معاكم بس صلوا علي النبي كده انتوا اصحاب واخوات
الكل : اللهم صل وسلم علي سيدنا محمد
قرب محمد وسلم علي اسلام وحضنه وقاله بهدوء : انا اسف مش قصدي
اسلام بضيق : ولا يهمك .. حصل خير
خرجت سارة وكانت لابسه بنطلون اسود وبلوزة سوداء وطرحة سوداء : انا جاهزة ..
اسلام بتعجب : انتي جيبتي اللبس ده منين ؟
سارة بدون اهتمام : لاقيته في الدولاب
اسلام : طيب ادخلي مش هنمشي خلاص
سارة بضيق : ليييييه ؟؟ لا انا عايزة اروح عند تيتا وجدو ... ومشيت ناحية الباب ورايحة تخرج لقت سيف في وشها .....
توقعاتكم ايه ؟؟
استنوني الفصل القادم ...

فيتامين سي · 24-09-18, 07:58 AM

الفصل الحادي والعشرون

سارة بدون اهتمام : لاقيته في الدولاب
اسلام : طيب ادخلي مش هنمشي خلاص
سارة بضيق : ليييييه ؟؟ لا انا عايزة اروح عند تيتا وجدو ... ومشيت ناحية الباب ورايحة تخرج لقت سيف في وشها .....
سيف : رايحة فين ؟
سارة خافت وافتكرت اللي حصل اخر مرة شافته : انا ااا..
سيف : هاااااا ايه القطه اكلت لسانك ... ادخلي جوة يلا
اسلام شد سارة من ايديها : لا خلاص يا استاذ سيف مش رايحة في حتة ... ادخلي ياختي انتي لما صدقتي
سارة بعياط : انا مش عايزة اقعد هنا .. انا مخنوقة هنا .. عشان خاطري يا اسلام عشان خاطري يا اسلام ...
اسلام بحدة : وبعدين بقي في شغل العيال ده ما بس بقي ...
خالد وبيشد سارة من ايد اسلام عشان يهدي الموقف : خدي يا سارة تعالي اقولك حاجة واخدها ومشي ...
سيف : لو سمحتم ماتتحركوش خالص من البيت الا لما تعرفوني ...
اسلام : حاضر ... هي البت سارة جابت اللبس ده منين ؟ وانا كمان بقي شكلي وحش اوي باخد لبس خالد ..
سهير : انا يا حبيبي قبل ما تخرجوا من المستشفي نزلت اشتريت هدوم لسارة للبيت والخروج عشان عرفت ساعتها من عمك انكم مش هتقدروا تجيبوا حاجتكم من شقتكم وبردو الهدوم بتاعتك كلها مش بتاعت خالد هو نزل بنفسه جابهالك ...
اسلام : والله انا فعلا مابقتش عارف اقولكم ايه علي اللي بتعملوه معانا..
ابراهيم : عيب عليك يا اسلام انتي ابني وزي خالد ومحمد بالظبط
اسلام : ربنا يخليك لينا يا ع.....قاطعه صوت سارة بتصرخ جريوا عليها كلهم ولاقوها ماسكة المخدة وبتحاول تضرب علي خالد وهو ماسك مخدة تانية بيضربها بيها
سارة بضيق : انت غبي .. انا هوريك
اسلام ومسك المخدة من سارة : ايه اللي حصل ؟
سارة : الباشا اك...... قاطعها خالد بضربة بالمخده علي راسها ..... اااااااااه ... ماشي والله لاوريك وفلتت من اسلام وبتجري ورا خالد تحاول تضربه ومعرفتش وهو بيطلع لها لسانه وبيغيظها ...
اسلام مسكها من هدومها زي المقبوض عليهم : ايه با بت اللي حصل اقفي كلميني هنا ؟
سارة بضيق وبتضرب برجليها في الارض : اكل الشيكولاتاية اللي انت جبتهالي بتاعتي شافها عالكومدينو اخدها واكلها كلها وهو عارف انها بتاعتي ...
اسلام بضحك : بقي كده ... صراحة يا سارة اللي يفرط في شيكولاته ممكن يفرط في اي حاجة ... يلا انطلقي هاتيها من بطنه ... وجريت سارة عليه وهي بتتوعد له .. ابتسم اسلام وفرح ان خالد عرف ينسيها مضايقة محمد ليها ........
,,,,,,,,,,,,,,,,,,,,,,,,,,,,,,,,,,,,,,,,,,,,,,,
مرت الايام ويحيي بيجي يوميا لسارة وهي بتتكلم معاه بصعوبة وحالتها بتزيد صعوبة وبردو كله امل في انه يخرجها من حالتها ... قرب خالد جدا من سارة وطول الوقت بيتشاكسوا وكأن خالد كان نفسه في حد يشاكسه وهو نفسه محتار هو بيحب سارة زي اخته ولا كحبيبة .. ومحمد بطل يتخانق معاها وبيتجنبها .....
في بيت شاكر محمد وشهد قاعدين سوا
شهد : يعني وبعدين هي تفضل قاعدة معاكم علطول انا مش قادرة اتقبل حاجة زي كده انا بغير ...
محمد بابتسامة خبث : بتغيري ياشوشو .. بس تعرفي البنت مؤدبة بصراحة.. هي مزة اه بس لازم تبقي واثقة في نفسك اكتر من كده ....
اتضايقت شهد وضربته في صدره ومشيت وسابته وقررت انها لازم تخلص من سارة.. وراح وراها محمد يصالحها ..: استني بس اقولك .....
,,,,,,,,,,,,,,,,,,,,,,,,,,,,,,,,,,,,,,,,,,,,,,,,
تاني يوم راح اسلام لكليته عشان يشوف جدوله ويدفع مصاريفه اللي ادهاله ابراهيم .. محمود كمان راح مع باباه عشان علاجه ... ابراهيم وسهير راحوا شركتهم اللي هم فيها شركاء ... وخالد خرج مع اصحابه كالعادة وفضلت سارة لوحدها في البيت بعد محاولات اقناع شديدة انهم مش هيتاخروا وان سيف موجود تحت البيت ...وفجاة خبط الباب قامت سارة بخوف تفتحه وقالت من ورا الباب : مييين ؟
شهد : انا شهد يا سارة افتحي ...
سارة فتحت الباب : ازيك يا شهد ؟
شهد بابتسامة مصطنعة :الحمدلله .. طبعا احنا مش محتاجين نتعرف احنا جيران من سنين
سارة بابتسامة : اه طبعا ... اتفضلي ..
شهد دخلت وسارة قفلت الباب قالت شهد :اه طبعا اتفضل ده بيتي ... ممكن نتكلم مع بعض شوية ؟
سارة بتعجب : ايوة طبعا ..
شهد : تعالي في اوضتك عشان نبقي براحتنا ..... دخلوا الاوضة وقعدوا وفي نفس الوقت كان خالد رجع عشان نسي موبايله وجه ياخده
شهد وقامت فجاة ومسكت سارة من شعرها : ما هو اسمعي بقي انتي لو مابعدتيش عن محمد انتي حرة هتشوفي مني تصرف مش هيعجبك ابدا ...
سارة وبتشيل ايد شهد : سيبني انتي مجنونة ولا متخلفه اوعي ...اااااه سيبيني ...
سمع خالد صوت عالي جاي من اوضة سارة راح لاوضة سارة وجاي يدخل لقي شهد فجاة ضربت سارة بالقلم ...استخبي جنب الاوضة عشان يشوف اللي بيحصل وقالت : انا متخلفة ...ماشي ياانا يا انتي يا سارة انا همشيكي من هنا صبرك عليا وخرجت من الاوضة لقت خالد في وشها
خالد : في ايه يا شهد ايه اللي جابك هنا ؟
شهد وارتبكت ومثلت العياط : اسال بنت عمك .. انا هقول لبابا ومش هسكت .. وطلعت تجري علي شقتها ودخل خالد لسارة
خالد : انتي كويسة ؟!!
سارة بتعيط وبتهز راسها بالنفي
خالد : ايه اللي حصل ؟!! وشهد كانت عايزة منك ايه ؟!
سارة بعياط : مش عارفه .. مش عارفه
خالد : طيب اهدي وبطلي عياط ... وخالد متعجب من اللي حصل ومش فاهم في ايه ..
,,,,,,,,,,,,,,,,,,,,,,,,,,,,,,,,,,
طلعت شهد وحكت لباباها اللي حصل( وكان لسه جاي من شغله )وبعياط : بس يابابا كنت عايزة اتصاحب عليها فغلطت معاها بالكلام وقولت لها اني بغير علي محمد منها وخايفة وجودها معاه يخليه يبعد عني ويتشد لها لاقتها مرة واحده قامت وشدتني من شعري وضربتني بالقلم علي وشي وطردتني ومثلت شهد العياط ....
شاكر بغضب : انتي اصلا تنزلي لها ليه ؟؟ انا مش منبه عليكي ماتكليمهاش ؟!! وحصلت كمان تمد ايديها عليكي وتطردك من بيت مش بيتها اصلا ... بس ماتقلقيش يا حبيبتي انا هاخدلك حقك ..ونزل شاكر لبيت ابراهيم وهو بيغلي من الغضب ...
,,,,,,,,,,,,,,,,,,,,,,,,,,,,,,,,,,
شوية والباب خبط تاني بعنف وقام خالد يفتح لقى عمه شاكر وشهد
شاكر بغيظ : هي فين ؟؟
خالد : في ايه يا عمو ؟؟
شاكر بزعيق : بقولك هي فين ؟ فين الزفتة اللي اسمها سارة ؟؟
خرجت سارة علي صوت الزعيق واول ما شافها شاكر جري عليها وشدها من شعرها وقال :انتي بتمدي ايدك علي بنتي انتي اتجننتي ... انا هربيكي وقعد يضرب فيها ...
خالد بيسحب سارة من ايد عمه : خلاص يا عمو ... ارجوك كفاية ايه اللي حصل بس ... واخد سارة من ايد عمه وبيقولها ادخلي اوضتك انتي يا سارة ...
شاكر : تدخل فين؟؟ والله ما هي قاعدة فيها ... واخد سارة وشدها من ذراعها وفتح باب الشقه ورماها بره الشقه .. وقال : بره يا حيوانه برررره .... ووقعت سارة علي الارض .
كل ده وشهد واقفه متابعة الحوار وعلي وشها ابتسامة انتصار.... قامت سارة ونزلت للشارع بهدوم البيت و بشعرها وبتعيط ..
خالد بحدة : ليه كده يا عمو ؟؟ ايه اللي حصل لكل ده ؟؟
شاكر بزعيق : مالكش دعوة انت .. بس لما يجي ابوك تقوله هي دي الاشكال اللي مقعدها في بيته ؟؟
خالد : بس يا عمو شهد هي اللي ...
قاطعته شهد بزعيق : شهد هي اللي ايه ؟؟ انت بتدافع عنها ليه ؟!!
شاكر : انا بقولك مالكش دعوة دي بنت مش متربية وراحت لمكانها الشارع.. ومشي طلع علي شقته
,,,,,,,,,,,,,,,,,,,,,,,,,,,,,,,,,,,,,,,,,,,,,,
في الوقت ده كانت سارة نزلت تجري ومن كتر عياطها مش شايفه حاجة ..خبطت فجاة في حد ومن قوة الخبطة رجعت لورا ووقعت
سيف بفزع : انتي كويسة ؟ بتجري ليه كده؟ ورايحة فين؟ وخارجة ليه من البيت بالمنظر ده ؟!!!
سارة ببكاء شديد : ارجوك خدني من هنا مشيني من هنا
سيف مد ايده ليها: طيب قومي تعالي .. خرجوا بره العمارة وشافهم مصطفي اخو محمود وطبعا هو عارف سارة ومشكلتها وجري علي سارة
مصطفي بيشد سارة من ايديها جامد وبيقول لسيف : انت مين وواخدها علي فين ؟
سيف بهدوء : حضرتك استاذ مصطفي اخو محمود صح ؟
مصطفي بحده : احنا هنتعرف ... واخدها ورايح علي فين انت خاطفها ؟؟
سيف : لا حضرتك انا الظابط المكلف بحمايتها ومش عارف ايه اللي حصل لسارة بس خرجت من البيت بتعيط وانا كنت واخدها عند جدها ... بس انا مش عايزهم يقلقوا ممكن سارة تفضل عندكم لحد ما حد من اخواتها يرجع بس
مصطفي : اكيد طبعا .. .. وفجاة حس بايد سارة بتتشد من ايده جامد ولقي سارة وقعت مغمى عليها شالها بسرعة مصطفي وطلعها علي بيتهم ... بعد دقائق نزل خالد يدور علي سارة مش لاقيها وسيف كمان مش موجود فقرر يتصل علي ابراهيم .
ابراهيم بزعيق : يعني ايه طردها ؟!! هو بيت ابوه عشان يطردها ؟!! طيب هي فين دلوقتي ؟؟
خالد : مش عارف نزلت مالقتهاش ولا سيف كمان
ابراهيم : اقفل وانا جاي حالا ...
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,
اتصل مصطفي بمحمود وعرفه باللي حصل ومحمود قرر يرجع بيته (وساب باباه في المستشفي بعد ما طلبوا الدكاترة حجزه لان حالته اتدهورت اوي) ... وكلم اسلام يقابله هناك من غير ما يحكيله حاجة بس اسلام حس ان في مشكلة وساب كليته ورجع هو كمان
..............................
اسلام ومحمود وصلوا بيت محمود ..............
محمود : السلام عليكم
مصطفي : وعليكم السلام .. تعالي يا اسلام مفيش حد غريب
اسلام : السلام عليكم
الكل : وعليكم السلام
اسلام : هو ايه اللي حصل ؟!
مصطفي حكي اللي حصل انه كان رايح لهم علي المستشفي وشاف سارة وسيف ماسكها من ايديها وواخدها وكمل بقية اللي حصل
محمود : ايوة مانت حكت لي كده .. انا عايز اعرف اللي حصل مع سارة اصلا
مصطفي : لما تفوق بقي تحكي لكم اللي حصل مالحقناش نعرف اللي حصل...
سيف : اسف لتدخلي .. بس المشكلة تقريبا ليها علاقة بخالد لانه رجع البيت وقال انه كان ناسي الموبايل وشوية ونزلت سارة منهارة بلبس البيت وبتجري وعايزة تمشي وخلاص
اسلام بضيق : اه يا

توقعاتكم ايه ؟؟
وايه اخرتها مع العيلة دي ؟؟
استنوني الفصل القادم

فيتامين سي · 24-09-18, 07:59 AM

الفصل الثاني والعشرون......

اسلام بضيق : اه يا ابن ال ***** هي ناقصة اشكال ***** ... ماشي انا هربيك يا خالد وقام اسلام عشان يروح لخالد ...
محمود : استني بس يا اسلام .. ليه التسرع في الحكم .. مش نفهم الاول اللي حصل ..ما يمكن يكون في حاجة بلاش ظلم انت عارف سارة حساسة شوية وخالد يعني شكله محترم يعني وكم......
قاطعه اسلام بزعيق : بيقولك في البيت ولوحدهم وخرجت بتعيط بهدوم البيت وتقولي بلاش ظلم ياشيخ اوعي ....
ومشي اسلام وجري وراه محمود ومسكه سيف وقاله : خليك هنا عشان سارة لو فاقت ماتخافش البيت بردو غريب والناس كمان غرباء عليها وانا رايح مع اسلام ....
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,
نزل اسلام وراح لبيت عمه وخبط علي الباب بعنف فتحت سهير دخل اسلام وزق الباب جامد وشاف خالد قاعد مسكه من قميصه بعنف وضربه لكمة علي وشه وقال : عملت لها ايه يا ****** انا هقتلك
مسكه بسرعه سيف وابراهيم ومحمد وبعدوهم عن بعض .....
ابراهيم بتعجب : اهدي يا اسلام ... خالد ماله بس باللي حصل ؟!!!
اسلام بعصبية : انت عملت لها ايه خلاها تنزل بالمنظر ده من البيت .. انطق؟؟
خالد بتعجب : عملت ايه ولمين ؟؟ انا مش فاهم حاجة ...
محمد: اسلام شكل في سوء تفاهم في الموضوع اقعد بس واحنا لسه بنسمع من خالد اللي حصل اصلا ...
قعد سيف واسلام اللي كان واصل لقمة غضبه وبدا خالد يحكي اللي شافه من ساعة ما شهد ضربت سارة لحد ما شاكر طردها
اسلام بضيق : بقي الموضوع كده ... انا قلت نمشي من هنا حضرتك رفضت يا عمو احنا لينا كرامة وماحبش نقعد في مكان نكون مرفوضين فيه .. عن اذنكم
ابراهيم : استني بس يا اسلام ..اهدي بس .. المشكلة سارة فين دلوقتي ؟
سيف : سارة عند محمود في البيت انا وديتها هناك انا ومصطفي اخو محمود ..
ابراهيم : يلا هنروح لها دلوقتي .. يلا
كله بدا يتحرك علي بيت محمود ...
,,,,,,,,,,,,,,,,,,,,,,,,,,,,,,,,,,,,,,,,,,
في بيت محمود ...
سارة فاقت وحكت لمحمود اللي حصل وزادت في عياطها ووجع قلبها اللي بيثبت لها انها ضاعت بعد اهلها اللي فقدتهم .. فقدت السند والحماية .. عرفت ابوها كان بيحميها من ايه .. مخبي عنهم ايه من الدنيا .. اللي عرفت انها وحشة اوووي ..واخدها محمود في حضنه وسارة بيزيد عياطها ...
وصلوا (ابراهيم ومراته واولاده وسيف واسلام) لبيت محمود واستقبلهم مصطفي وطلبوا انهم يشوفوا سارة وقعدهم وقال : ثواني هناديها هي ومحمود ...
مصطفي خبط علي اوضة محمود ..
محمود : ادخل
مصطفي : محمود عمكم ابراهيم بره وعايزك انت وسارة ..
سارة ببكاء : لالالا انا مش هخرج لهم لالا عشان خاطري يا محمود ...
محمود : متخافيش انا معاكي ومحدش هيقدر يعملك حاجة متقلقيش
خرجت سارة غصب عنها ومحمود ماسك ايدها بيضغط عليها بيطمنها....
والكل بيبص لسارة كانها دخلة جلسة استجواب وقعدوا الاثنين ......
ابراهيم : سارة حبيبتي ممكن تحكي اللي حصل ؟
سارة بتهز راسها بالنفي
اسلام بحدة : هو ايه اللي لا ؟!! احنا مش بنطلب منك علي فكرة انطقي قولي ايه اللي حصل ؟
ابراهيم : اهدي يا اسلام مالكش دعوة بيها .. ساره احكي ومالكيش دعوة بحد ..
سارة بعياط : لا لا .. انا مش عايزة مشاكل
محمد بحدة : هي المشكلة هتحصل دلوقتي لو ماقولتيش ايه اللي حصل .. هنتحايل عليكي انطقي ..
سارة اتخضت من محمد وبدات تحكي اللي حصل وكلهم بيسمعوا بصدمة ..
محمد بحدة : انتي كذابة شهد عمرها ما تعمل كده .. انتي بتوقعي بينا وعايزة تعملي مشاكل .. من اول ما عرفناكي والمشاكل جايه معاكي ...
محمود بزعيق : باااااااااس ... لحد هنا وكفايه .. انا لا بيني وبينك عشرة ولا صلة قرابة زيك انت واسلام عشان احافظ عليها مش هتحترمني ولا هتحترم اختي تاخد بعضك وتمشي من غير مطرود انا اختي مش كذابة لان كلام خالد بيأكد كلامها .....مش عايز تغلط السنيورة بتاعتك دي حاجة تانية .. لكن تجريح وقلة قيمة اقسم بالله هنسي اني اكلت في بيتكم لقمة وهتشوف محمود تاني خالص .. انت فاهم ؟
ابراهيم وبدا يفصل ما بينهم ويبعدهم عن بعض ونظرات الغضب علي وشهم هم الاثنين ومشي محمد وسابهم ..
ابراهيم : يلا يا شباب محمود اسلام وسارة يلا هنروح ..ونحل الموضوع ده في البيت....
محمود بحدة : انا اسف جدا محدش فينا هيروح وده اخر كلام .. اما بالنسبة للوصاية انا هكون واصي عليهم او جدو كمال .. احنا متشكرين اووي لحد كده كفيت ووفيت يا عمو ..
ابراهيم وبدا يتنرفز : ايه اللي انت بتقوله ده ....
قاطعته سهير.: ابراهيم بلاش نتكلم دلوقتي تعالي نمشي ونتكلم وقت تاني لما الكل يهدي .. محمود خلي اخواتك معاك عشان نقدر نطمن عليكم .. وخلي بالك علي سارة ... شدت ابراهيم من ايده يلا بينا .... وهم خارجين مسك اسلام خالد من ايده وقاله بندم : خالد انا اسف ... انا لما عرفت انكم لوحدكم في البيت و.....
قاطعه خالد وهو بيطبطب علي كتفه : عيب عليك احنا اخوات ... خلي بالك علي سارة وانا هبقي اجي اطمن عليكم ..وربنا يهدي النفوس .. سلام يا صاحبي
ومشي ابراهيم وسهير وخالد وهم متضايقين... وسارة بتعيط بشدة
مصطفي : نورا خدي سارة اوضتك تريح شوية ...(نورا اخت محمود من ابوه ) واخدت سارة ودخلوا اوضتها واول ما دخلوا شافوا مرات ابو محمود بتبكي بشدة
نورا وجريت عليها : مااما حبيبتي مالك بتعيطي ليه ؟
ناهد ( امها ) : ابوكي.... كلموني من المستشفي وقالولي انه .. آآآ .. انه توفى وزادت في البكاء ..

نورا بصريخ : لااااااااااااااااااا .. لالالالا اكيد في حاجة غلط .... لالالالالا يمكن مش قصدهم علي بابا ...
جه محمود ومصطفي علي صوت صريخ اختهم واسلام فضل قاعد بره ...
مصطفي بفزع : في ايه يا نورا؟ ايه اللي حصل؟ بتصرخي كده ليه ؟؟
رمت نورا نفسها في حضن مصطفي وببكاء : بابا .. بابا يا مصطفي , مااات
ساد الصمت للحظات عند مصطفي ومحمود اللي قطعه صوت وقوع محمود علي الارض .... وانهار مصطفي هو كمان وبكى بشدة
صرخت سارة : محموووود ...اسلام الحقني .. اسلام
جه اسلام يجري علي صوت سارة : في ايه ؟؟.... شاف محمود واقع في الارض وكل اللي في الاوضة بيعيطوا...قال : ايه اللي حصل ؟؟
سارة ببكاء : باباهم توفى واخوك ماستحملش الصدمة ووقع .. شيله معايا بسرعه
شالت سارة واسلام محمود والباقي كلهم منهارين محدش مركز مع محمود ....
اسلام : خليكي معاه هروح اشوف اي دكتور واجيلك اوعي تسيبيه ..
سارة : حاضر ... فضلت سارة مع محمود وقعدت تتأمل في ملامحه ولقت انه اقرب واحد شكلا لامهم الله يرحمها ... بدات تقرب ايديها من وشه بتردد ولمست ذقنه وقالت في نفسها : انت طلعتلي منين ... انا عمري ما اتعودت علي حد بسهوله كده .. كل ما احاول ابعد عنك وانكر انك تقربلي بأي شئ الاقيك بتحميني وفي ظهري ... يوم عزاء بابا وماما كنت معايا ... يوم ما رجعت من عند ماجد كنت حاضني جامد وبتقولي انك معايا ... وقت ما محمد ما وقف واتهمني بالكذب وقفتله وبردو كنت معايا ... انا دلوقتي اللي بقولك ارجووووك خليك معايا ..
قاطع تفكيرها اسلام وهو بيقول لكريم : اتفضل .. انا اسف اني تعبتك معايا ..
قاطعه كريم : عيب عليك احنا اهل ماتقولش كده ... هو ايه اللي حصل ؟
اسلام بحزن : باباه توفى وهو صراحة مش مستحمل
كريم وانتهي من الكشف علي محمود وعرفهم انه بس جاله هبوط مفاجئ بسبب الصدمة وهو الحمدلله كويس ..
بص كريم لسارة : البرنسيس سارة .. ايه مش هتسلمي ؟!
سارة ببكاء : اهلا يا كريم ..
كريم : كريم مرة واحده .. انتي عارفه ياسمين اختي اكبر منك ومع ذلك بتقولي يا أبيه كريم .. انا من هنا ورايح أبيه كريم
سارة : حاضر
شوية وخبط الباب وكان خالد وطبعا لما عرف اللي حصل اتضايق جدا واتاثر من اللي حصل لمحمود اللي من كتر صدماته تعب ....
سارة : اسلام هو احنا مش المفروض نكلم تيتا وجدو ؟
اسلام : اه مانا نسيت اقولك انهم سافروا عشان مراد ابن خالتك تعب تاني واتحجزفي المستشفي ...
سارة بحزن : تاني ربنا يشفيه ..طيب هيرجعوا امتي ؟!
اسلام : ماقالوش ... بس مش لازم نقولهم ... جدتك ضغطها بقي يعلي من اقل حاجة .. ومحمود صعبان عليها اوي انه مالحقش يشبع من م ..ماما
سارة وكأن اسلام داس علي جرحها وفي اقل من لحظه كانت دموعها نزلت عشان تعبر عن اللي جواها .....واشتياقها لاهلها ...
خالد : هو ماله مراد ده يا اسلام ؟
اسلام : حبيبي عنده ست سنين ومن يوم ما اتولد عنده مشاكل في القلب وكل شوية ياما تعبان ياما محجوز في المستشفي ... ربنا يشفيه ...
خالد : يااااارب ....... سارة ؟
سارة بضيق : نعم ...
خالد : مالك يا بت ماتردي عدل ...
سارة بحدة : قلت لك ماتقولش بت دي .. وبعدين انا موودي حلو اوي فقلت لما ارخم شوية ... انت ايه مش شايف اللي احنا فيه ...؟!!!!
خالد : وانا عملت ايه قمت اتحزمت وبرقص انا بنادي عليكي يا زفتة انتي ... وطلع من جيبه موبايل وبيمده ناحية سارة .... خدي ياختي الموبايل ده بابا باعته ليكي وبيقولك خليه معاكي عشان يطمن عليكي ...
سارة : بس انا مش عايز.....قاطعها خالد انه رمى التليفون عليها خبط جامد في كتفها.....ااااااااه
خالد : ما هي مش ناقصة غباوة وعند ...ماتعرفيش تسمعي ام الكلام وانتي ساكته ابدا ...بس اصبري عليا لما ترجعي ..
سارة وبتطلع له لسانها ولسه ماسكة كتفها بألم : مش راجعة ... اممم
خالد وعمل نفسه هيقلع جزمته عشان يضربها بيها ...سارة بسرعة : خلاص خلاص ..هقعد مؤدبة ..
وحطت ايديها علي بوقها وسكتت ........
ابتسم خالد ابتسامة خفيفة علي طفولتها ....
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,
قعد اسلام وسارة وكريم مع محمود لحد ما فاق ...ومصطفي ونورا ومامتهم راحوا عشان يستلموا جثة باباهم واسلام عرفهم ان اول محمود ما هيبقي كويس هيجيبه ويجي .. وبعدين ساعتين ....
محمود بيفتح عينيه وبيبص حواليه شاف اسلام وسارة فقال : هو ايه اللي حصل ؟!!
اسلام : انت تعبت فجاة واغمى عليك وكريم جه وطمنا عليك ... قوم يا حودة شد حيلك كلنا لها ...البقاء لله ..
محمود وبدا يستوعب ويفتكر اللي حصل وانهار وبيعيط بحرقة ... قعدت سارة جنبه وبتمسح علي شعره وبتعيط وبصوت مخنوق قالت : محمود .. انت اقوى من كده .. انا حاسة بيك وحاسة بألمك بس زي ما قلت لي قبل كده احنا كلنا معاك ومش هنسيبك ..وا ... قاطعها محمود اللي رمى نفسه في حضنها وبدا في نوبة بكاء شديدة .. صدمة سارة من اللي حصل خلاها مش عارفة تتصرف غير انها ضمته جامد وشاركته بكاءه .. وكل يبكي علي ليلاه
,,,,,,,,,,,,,,,,,,,,,,,,,,,,,,,,,,,,,,,,,,,,,,
عدت الايام ومحمود بيحاول يتغلب علي حزنه ووجود اسلام وسارة معاه مهون عليه كتير بعد ما اخواته من ابوه مشيوا هم ووالدتهم ..
فلاش باك **
مصطفي : محمود اعمامك مصرين ان ابوك يدفن في البلد ورايحين ندفنه دلوقتي ... انت هتخليك هنا مع سارة واسلام هم محتاجين وجودك جنبهم فخليك انت وهبقي معاك علي اتصال ..
محمود بحزن : لالالالا انا لازم ابقي معاكم عايز احضر دفنته مش هينفع اقعد هنا لالالا
مصطفي بهدوء : محمود فكر بعقلك اخواتك هنا محتاجينك .. وانت هتعمل ايه زيادة يعني مش ودعته ... احنا هندفنه ونرجع بس اعمامك يسيبونا .. اسمع الكلام بقي انا مش مستحمل .. يلا سلام وخلي بالك علي نفسك وعلي اخواتك ...
محمود باستسلام : حاضر وانتوا كمان وابقوا طمنوني عليكم سلام .. ومشي مصطفي ونورا ومامتهم ...

باك ***

سارة : محمود اعملك حاجة تشربها ؟
محمود : يا سلام يا سو انتي بتيجي في الوقت المناسب .. بتعرفي تعملي قهوة ؟!!
اسلام : بابا مكانش بيشرب القهوة غير من ايديها
محمود : يا سلام هو ده الكلام .. يبقي فنجان قهوة مظبوط
سارة : عيوني .....دخلت سارة المطبخ وفي الوقت ده باب الشقة كان بيخبط وقام محمود يفتح
محمود : اهلا يا محمد اتفضل ...
محمد بندم : البقاء لله يا محمود .. عارف انها متاخرة بس انا مكسوف اجي بعد اللي حصل مني ... وخاصة اني اكتشفت الحقيقة ..
محمود : ونعم بالله ... حقيقة ايه ؟؟
محمد بندم : اللي حصل ما بين سارة وشهد وعرفت ان سارة بريئة بعد ما ضغطنا علي شهد وعرفنا منها كل حاجة .. وحصلت مشكلة كبيرة ما بين بابا وعمو ... انا كنت عايز بس سارة عشان خاطري تسامح شهد عشان ترجع كل حاجة زي ما كانت وانا مش هنسلها الجميل ده ابدا
اسلام : ان شاء الله يا محمد هنتكل....قاطعته سارة وهي بتحط قهوة محمود : وانت مين قالك اني هسامح شهد ؟!! ولا هسامح عمك اللي ضربني ورماني في الشارع لانه عارف اني ماليش بيت ... انت نفسك عملت لي ايه يخليني اعمل حاجة عشان خاطرك انا من ساعة ما دخلت بيتكم وانت مش طايقني بتتعمد تهزأني ... خلي بالك انتوا عيلتكوا دي ولا تعني لي حاجة وانا .... قاطعها ضربة من اسلام علي وشها :اخرررسي .. انتي عمالة ترغي ولا عاملة لينا اعتبار .. احنا هنا هنرد عنك لما نتكلم انتي تخرسي خالص فاااهمة ؟ امشي ادخلي جوه ...
جري محمود علي سارة وبيبعدها عن اسلام : اسلام مش صح اللي انت بتعمله ده ... ادخلي يا سارة جوه دلوقتي ... ودخلت سارة وهي بتعيط وغضبانه من اسلام بشدة .... محمد احنا هنحاول نتكلم مع سارة بس ماوعدكش انها هتوافق وانا مش هغصبها ...
محمد بتفهم : انا فاهم .. وعامة انا كمان كنت جاي اعتذرلها ياريت تبلغوها اعتذاري .. عن اذنكم ..ومشي محمد ...
,,,,,,,,,,,,,,,,,,,,,,,,,,,,,,,,,,,,,,,
دخل محمود لسارة اللي كانت طبعا عمالة تعيط وقعد يهدي فيها
محمود : سارة اهدي يا حبيبتي انتي حافظة اسلام علطول كده عصبيته متحكمة ليه وأسهل حاجه عنده مد الايد .. بس ماتزعلش مني انتي غلطانة انتي فعلا لا عملتي اعتبار ليا ولا لاسلام وخارجة تردي عليه وكمان هزأتيه مش صح يا حبيبتي كده ..
سارة ببكاء : فعلا مش صح .. لكن الصح يقولكم اجي اسامح شهد يرد اسلام ان شاء الله هنكلمها ولا هنقعد ونقنعها ... اه ماهو مش هو اللي اترمى في الشارع ولا اخد علقة محترمة من حد مايعرفوش علي حاجة معملهاش .... اسلام دخل الاوضة وبعصبية : لا انا فاهم وحاسس كل ده ... بس انتي صغرتيني انا ومحمود قدامه ما تحطي لسانك في بوقك وتتلمي واحنا هنرد ولا خلاص انتي فعلا محدش مالي عينك ؟؟
محمود بحدة : ما هو مش اسلوب ده انا قاعد بين اتنين عيال كل واحد مصر علي رأيه .. من الاخر كده سارة انتي مسامحاهم عاللي حصل ؟
سارة بدون تردد : لا
محمود : ولو جم واعتذروا ؟؟
سارة وبتمسح دموعها :دي بقي حاجة تانية ساعتها ابقي افكر ...
محمود : بس خلاص بسيطة وده هيبقي ردنا علي محمد او عمو ابراهيم لو اتكلم معانا في الحوار ..ودلوقتي بقي القهوة بردت وانا بحب اشربها سخنة ..
سارة بعد محمود ما راضاها : عيوني اعملك احلي قهوة ... اسلام بيبص لها بغيظ وهي بتعدي جنبه راح ضربها علي قفاها وقال بضحك: ده عشان القلم اللي فات ماكيفنيش ...
سارة وبتضرب رجليها في الارض وبغيظ : لا حرراااام ده ظلم كفاية بقي ايدك تقيلة اووي ارحمني بقي ولازم تصالحني انا بقولك اهو بدل ما اغضب عليك
اسلام بضحك :عيوني احلي شيكولاتاية لاحلي سارة في الدينا ....
سارة بفرحة وبتسقف وبتتنطط : هييييييييييييه شيكولاته يا احلي اخ في الدينا
اسلام بضحك : مادية حقيرة بعتي مبادئك عشان شيكولاتاية ... ونزل راح يجيب لها الشيكولاتة
محمود بابتسامة : اقسم بالله مش طبيعين .. مجااانين
عملت سارة القهوة وقعدت هي ومحمود وتليفونها رن ... ردت بدون ما تبص حتي مين اللي بيتصل ...
سارة : الو ايوة يا عمو ..
ماجد : وحشتيني يا ملاكي ..
توقعاتكم ايه؟؟
استنوني الفصل القادم....

فيتامين سي · 24-09-18, 08:00 AM

الفصل الثالث والعشرون...

ماجد : وحشتيني يا ملاكي ..
سارة بفزع : م م مين ح حضرتك ؟
ماجد : ههههههههه هو في حد غيري بيقولك يا ملاكي ؟؟ قولي لي مين ده عشان هيكون اخر يوم في عمره ؟؟
سارة : ...............
ماجد بتهديد : عارفه لو فكرتي تقفلي او ما ترديش صدقيني هتزعليني وانا زعلي وحش .......
بس بقولك ايه يا سوسو وحشتيني مش عايزة تيجي لي شوية .......
محمود بتساؤل : مين يا سارة ؟!!
سارة بتهز راسها وبتعيط وسحب محمود منها التليفون : الو .. الو ,,, واتقفل الخط ...
سارة وزادت في العياط اخدها محمود في حضنه كأنه بقي بينتهز الفرصة انها تبقي في حضنه عشان تعوضه عن سنين بعدهم او عشان يطمن بوجودهم ويطمنها بوجوده .... مسكت سارة في قميصه وبتعيط بحرقة وهو بيمسح علي شعرها وهو بيقول : خلااااص اهدي بس عرفيني ايه اللي حصل ؟ ومين اللي كان بيكلمك ؟؟
سارة ببكاء شديد وصوت متقطع : د .. ده .. م ما .. ماجد
محمود بفزع ومسكها من كتفها : وده عايز منك ايه تاني ؟؟
سارة بعياط : بيقولي .. و وح.. وحشتيني ..
محمود واخدها في حضنه تاني : وحش لما يلهفه ... ربنا ياخدك وينتقم منك يا شيخ .. سارة لازم نتصل بسيف ونحكيله اللي حصل .... وفعلا اتصل محمود بسيف وحكاله اللي حصل ..
سيف بحده : يعني ايه يبقي معاها موبايل وماتبلغونيش ؟!!
محمود : وفاة والدي كانت مأثرة علينا كلنا ومحدش كان مركز اعذرنا
سيف بضيق : طيب انا جاي حالا .. سلام
محمود : سلام ... خلاص يا ستي سيف جاي اهو وكل حاجة هتتحل ان شاء الله
سارة وبتمسح دموعها في هدومها : انا كنت ناقصة سيف ده كمان تحسه كده تقيل ورخم
محمود بيمسك كمها وبضحك : ايه شغل العيال ده بتمسحي وشك في هدومك .. وبعدين عيب تقولي عليه كده ده اكبر منك وبعدين لازم يبقي تقيل ظابط وفي المخابرات عايزاه يبقي عامل ازاي ... قومي اغسلي وشك مش عايزين نقلق اسلام لما يجي ....
سارة : شكله ضحك عليا ومش هيجيب لي الشيكولاته وهيهرب .. ومشيت
محمود بصوت عالي وبضحك: هيهرب عشان شيكولاتايه بخمسة جنيه ههههههههههه .
محمود وبيتنهد وبيمسح علي وشه :ااااااااااااااااااااااه ... وبعدين بقي احنا هنخلص من حوار ماجد ده امتي ؟....يااااااااارب
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,
بعد ساعة جه سيف وقابل اسلام في الشارع
سيف : ازيك يا اسلام ؟
اسلام : الحمدلله يا باشا حضرتك عامل ايه ؟؟
سيف بابتسامة جانبية جذابة : باشا .. وحضرتك في جملة واحده ... ده كتير عليا والله .. ايه يا عم الافورة دي وشغل الافلام هي سيف وبس
اسلام بضحك: حاضر يا سيف .. هو انت جاي كان في حاجة ولا ايه ؟؟
سيف واختفت الابتسامة من علي وشه ورجع تاني لجديته :انا اصلا علطول هنا بس روحت المكتب اخلص شغل... وجيت عشان حوار سارة والزفت اللي اتصل بيها ..
اسلام بقلق : مين اللي اتصل بيها ؟
سيف : انت ماتعرفش ؟؟ عامة تعالي نطلع ونفهم الحوار ..
طلعوا سيف واسلام واستقبله محمود وجت سارة وطلب سيف انهم يبقوا لوحدهم رغم اعتراض اسلام الشديد اللي كان عايز يطمن علي اخته
سيف بجدية : ارجوك يا اسلام سيبني اشوف شغلي .. بعد ما امشي ابقي اقعد اسمع منها براحتك لكن دلوقتي انا عايزها لوحدها ...
مشي اسلام ومحمود ودخلوا اوضة محمود ... سارة قامت تقعد بعيد عن سيف وبتبص له بخوف
سيف : هههههههه لا ما تخافيش طول ما انتي لسانك مش طويل وبتسمعي الكلام هنبقي حلوين مع بعض ... هتتغابي وتقلي ادبك هتشوفي واحد ماتعريفهوش ولا تحبي تعرفيه
سارة بتهز راسها بالموافقة ..
سيف :احبك وانت مطيع ... تعالي قربي هنا مش هنتكلم بالمشاورة ... قربت سارة .... يلا احكلي المكالمة كلها بالتفصيل ....ههههههه وبلاش باللمسة عشان من الواضح الكلمة دي بتنرفزك هههههه
سارة بتبص له بغضب وبدأت تحكي له كل المكالمة
سيف بجدية : اممممممم ... بصي بقي انا مش هخبي عليكي غالبا انتي هتشوفي ماجد تاني ومن هنا لحد ما نقبض عليه مش تعارضيه في اي حاجة عشان مش يأذيكي ... بدات سارة تعيط ....تسمعي كلامه وتسايريه وتقولي لي عاللي بيحصل اول باول ...وزادت سارة تماما في العياط من خوفها لدرجة ان سيف مبقاش سامع حتي نفسه...
سيف بعصبية : بس بقي بطلي عياط ايه ... زن زن حاجة تجيب الصداع .... اكبري بقي ... وبعدين انا هدربك عشان تعرفي تتعاملي مع ماجد ده وتدافعي عن نفسك ضد اي حد وكمان تنتقمي لاهلك ....يوووووة بس بقي مش عارف اتكلم كلمتين من صوتك ...بس بقي ... كل ما يزعق تزيد سارة في عياطها....خرج محمود واسلام علي صوت زعيق سيف
اسلام: في ايه اللي حصل ؟؟
سارة جريت علي اسلام ومسكت ايده وبتبوس فيها : ابوس ايدك يا اسلام .. ابوس ايدك .. انا مش عايزة اروح عند ماجد تاني ابوس ايدك ... لو بتحب ربنا .. عشان خاطري مش عايزة ارووووووح هناك .... وقعدت سارة في الارض وزادت في عياطها ...
اسلام وقعد جنبها هو ومحمود وحضنها : بس خلاص اهدي ... مش عايزة تروحي فين ولمين ؟!!
سارة ببكاء : عند ماجد ... عمو ده ( وبتشاور علي سيف ) قالي انه هيخطفني تاني ..
سيف وبدأ صبره ينفذ : عمو ده ؟!! عمو مين ؟!! عمو ايه يا شحطة انتي ؟؟ اه انا اكبر منك مش لدرجة عمو.... وبعدين انا قلت لو جالك او روحتيله ... لو .. لو..
محمود بتعجب : هي ممكن تروح له تاني ؟
سيف : اه ولازم نبقي مستعدين اووي للوقت ده .. وصراحة وجود سارة هنا مش متأمن وارجو منكم تحلوا خلافاتكم مع عمكم لاني مراقب شقته وهنا لا فبيبقي ضغط علينا...
اسلام : بس احنا صعب نرجع هناك ... المشاكل كبرت اوي ...
فجاة خبط الباب قام اسلام هو وسارة ولسه في حضنه وبتمسح دموعها : سارة ادخلي اغسلي وشك.. ومشيت سارة...وفتح محمود لقي ابراهيم وشاكر وشهد
ابراهيم : ممكن ندخل ؟
محمود متعجب من وجودهم : ايوة طبعا اتفضلوا ...
دخلوا الثلاثة وقعدوا واستاذن منهم سيف اللي حس انها هتبقي قاعدة عائلية
سيف : انا هستاذن انا بس انا هفضل تحت في عربيتي عشان لسه مخلصناش كلامنا ... عن اذنكم .. ومشي سيف ....
ابراهيم : دلوقتي شهد جايه تعتذر لسارة عن سوء التفاهم اللي حصل فلو سمحتم نادوا سارة
اسلام ومحمود بيبصوا لبعض والاستغراب علي وشهم ومش بيردوا ....
فلاش باك **

في بيت شاكر .. ابراهيم ومراته واخواته ومراتتهم او ازواجهم متجمعين ومحمد وخالد طبعا ...
ابراهيم بزعيق : انا عارف انك مش متقبل وجودهم في البيت لكن توصل انك تدخل بيتي وتضربها وتطردها وانا مش موجود اهو ده اللي مش هقبله ابدا يا شاكر انت فاهم مش هقبله ...
شكرية (اخت ابراهيم ) : انت اجبرتنا انها تبقي معانا ..
ابراهيم بحدة : ده مبرر للي حصل ؟؟؟
شكرية : ............
ابراهيم : ده اللي انتوا فالحين فيه تهزأوا الناس تبهدلوهم لكن تصلحوا اللي هببتوه لا ...
نادى ابراهيم بصوت عالي علي شهد: ياااا شهد ..
جت شهد بخجل وموطية راسها في الارض : نعم يا عمو ..
ابراهيم : دلوقتي سارة حكت ان انتي اللي ضربتيها وخالد اكد الكلام لانه شافه وروحتي كذبتي علي ابوكي خلتيه يضربها ويطردها عشان تبعديها عن البيت صح ؟؟
شهد وبدات تعيط : انا اآآآ اسفه ...
محمد قام فجأة وبغيظ ومسكها من ذراعها جامد : انتي بجد كده ؟!! انا مش فاهم عملت لك ايه عشان تعملي فيها كده .. انا اه رافض وجودها في البيت بس علي الاقل قاعدة مش بتعمل مشاكل .. انتي فاهمة انك وقعتي الكبار كلهم في بعض ....وفجأة ضربها بالقلم ومن قوته وقعت علي الارض ... دي اخرتك معايا يا شهد ...لما اروح اشوف هصالح الغلبانه اللي هناك ازاي بعد ما اتهمتها بالكذب ... والله ما عارف اقول ايه ... وبيبص لها باحتقار
شاكر بغضب : هي حصلت تضربها قدامي ؟
ابراهيم : ما انت ضربت سارة وطردتها وانت متاكد ان مالهاش مكان تروحه ...اعمل حسابك انت وشهد هتروحوا معايا تعتذرولها .. واخواتك اهم قاعدين وشوف رايهم ..
الكل : ابراهيم عنده حق ...
شاكر بغضب : انتوا اتفقتوا عليا .. انا اروح اعتذر للبت دي لا لا يمكن ..
شكرية : مش معني ان احنا معترضين علي وجودها نعاملها كده ... احنا خايفين من ماجد اللي خطفها يبص لبناتنا مش اكتر لكن البنت احنا عارفينها من سنين هي واهلها وقمة في الادب والاخلاق ..ابراهيم عنده حق لازم تعتذرولها ...
ابراهيم : اعمل حسابك بكرة هنروح لها ... ابراهيم بيبص لسهير : يلا بينا ..ونزلوا ومحمد وخالد معاهم...وبعد ما نزلوا كلهم قعد شاكر ومراته لوحدهم ..
نعمة (مرات شاكر) : انا ممكن اقول رأيي ؟
شاكر : ايوة طبعا وانا من امتي مش باخد رايك ..
نعمة : والله ربنا هيحاسبكم انت وبنتك علي اللي عملتوه في البنت الغلبانة دي ...
شاكر بضيق : وانا يعني اعرف منين ان بنتك كانت غيرانة منها وعشان كده عملت كل الحدوتة دي ؟
نعمة : بنتك عايزة تتأدب كذبت وظلمتها وافترت عليها لازم لها وقفة ... وبعدين يا شاكر الا الايتام ده ربنا محذر تحذير شديد علي ظلمهم او اكل حقهم الا اليتامي يا شاكر الا اليتامى
شاكر بضيق : يعني اعمل ايه دلوقتي ؟
نعمة : اخوك عنده حق ... اقل واجب تاخد بنتك وتروح تعتذر لها وترجعها لعمها حتي لو معترض علي وجودها بس هي حقها ربنا يعوضها بعيلة بدل اللي اتحرمت منها ..
شاكر : انا اعتذر للمفعوصة دي ... بس لا ..اعتذر ولا ربنا يغضب عليا ... خلاص هاخد بنتك بكرة وابراهيم ونروح لها ...
بااااك ***

ابراهيم : محمووود .. اسلام انتوا سامعني ؟؟
محمود : ايوة طبعا يا عمو .. لحظة واحده ,,, وقام محمود ينادي سارة ..
جت سارة ومحمود وقعدوا ....
شاكر وبيبص علي الارض : سارة يا بنتي انا بعتذر لك انا وبنتي عن اللي حصل وعارف اننا ظلمانكي فارجو انك تسامحينا ...
سارة وبتبص لهم بدهشة والندم علي وشهم مش مصدقة انهم نفس الاشخاص اللي ضربوها وطردوها ....
شاكر وبيزق شهد في ذراعها عشان تتكلم ..
شهد وبتبص للارض وبتردد : انا اس .. اسفة يا سارة
سارة : حصل خير ..
ابراهيم بفرح : طيب الحمدلله ... قوموا حضروا نفسكم عشان ترجعوا معايا ...
محمود : اعذرني انا يا عمي انا مش همشي غير لما اخواتي يرجعوا ..
سارة : وانا عايزة اقعد مع محمود هاجي معاه ..
ابراهيم : لا مش هتستني ... سيف قال انك لازم تروحي يلا معايا انتي واسلام ومحمود لما اخواته يجووا يبقي يحصلنا ...
سارة وقعدت جنب ابراهيم وبتهمس له في ودنه : ما احنا مش هنقول حاجة لعمو سيف ... عشان خاطري ..
ابراهيم بضحك وهمس لها : عمو سيف ههههههههههه ...طيب ولو عرف اننا مخبيين عليه ؟
سارة ولسه بتهمس : انت هتحميني منه اصل حضرتك مش عارف ده غلب اسلام وعصبي بغباء وايده تقيلة اوي
ابراهيم بخضة : هو مد ايده عليكي ؟
سارة :اه مرة ....اصل انا ..اااا ..شتمته
ابراهيم : وده ينفع بردو ؟
سارة بضيق : ما هو اللي قليل الادب وبيقول كلام عيب ...
ابراهيم : عيب يا بت تقولي كده ..عامة انا هتكلم معاه انه مش مقبول انه يمد ايده عليكي تماما ...ثانيا انا هسيبك مع محمود بس ماتطوليش هاتيه وتعالوا ماتجييش غير وهو معاكي ..
سارة بفرح : حاضر يا عمو ربنا يخليك ليا وباسته ...
ابراهيم باسها في راسها ووقف : يلا بينا يا شاكر
شاكر : يلا .. السلام عليكم
الكل : وعليكم السلام ...
بعد ما مشيوا اسلام بيبص لسارة وبيقلدها بصوت رفيع وبسخرية : حصل خير .. ده اللي ربنا قدرك عليه ...فالحة بس تعيطي وتتعصبي معانا وساعة الجد قلبتي بطة بلدي
سارة باستهزاء : عايزني يعني اعمل ايه الناس جم لحد عندي واعتذروا هعمل مشكلة انت عارف اني مبحبش المشاكل
اسلام : ما بتحبيش المشاكل ؟!!! انتي كلك علي بعضك مشكلة
سارة : ربنا يسامحك .. الشتيمة مش بتلزق بتل......
قاطعهم محمود : بس بقي ايه ده ؟!! مش هخلص ... يلا يا بت انجري قدامي نشوف هناكل ايه انا جوعت ... يلا
،،،،،،،،،،،،،،،،،،،،،
اخر اليوم دخلوا يناموا سارة خرجت من اوضتها وبتخبط علي اوضة محمود واسلام
اسلام : ادخلي ياسارة
سارة : ممكن ماتقفلوش عليكم الباب عشان انا خايفة ...
محمود : حاضر يا حبيبتي
سارة : حودة معلش طلب كمان عندك كشكول مش محتاجه ؟
محمود : اه ثواني .... وجاب لها كشكول واداها كمان قلم ... اكيد محتاجة قلم
سارة : شكرا يا حبيبي تصبحوا علي خير ... ودخلت اوضتها
دخل إسلام بعد شوية عشان يطمن عليها كانت نائمة زي الملاك بس بملامح مختلفه مش متعود يشوف اخته كده ... لقي جنبها كشكولها وفي ايديها القلم ومكتوب علي الكشكول من بره خواطر .... سحبه براحة وفتحه وبدأ يقرأه
فى حياة كل انسان لحظة لا تعود الحياة بعدها كما كانت قبلها ..!
يعزُّ على المرء أن يفقد الشغف، شغفه للأشياء التي كان يدفع من عمره ثمناً لأجلها ..!
لم آعد آعلم من المخطئ آنا ام الدنيا ..
انا العكس ام الدنيا ..؟!
في يوم ما ستتمنى لو أنك تظل عالقاً في طفولتك ، تبكى لصراخ والديك ، تنام مبكراً ، تضحك كثيراً لانك مازلت صغيراً على حمل هذا العالم ..!
ليتني أستطيع أن أسافر على الفور ، أن أبعث بعثا جديدا ، أن أحيا حياة جديدة ..!
لكنك لا تعرف تماماً كيف أبدو من الداخل
تأثر اسلام بكلماتها وتمني لو يقدر يشيل عنها وجعها وينسيها جرحها او يرجعوا بالزمن ..لكن ليت الزمان يعود يوما .....
توقعاتكم ايه ؟؟
استنوني الفصل القادم

فيتامين سي · 24-09-18, 08:02 AM

الفصل الرابع والعشرون ..

عدت الايام اخو محمود رجع وبلغه (ان اهل والدته اصروا انهم تقعد معاهم لحد ما عدتها تخلص وطبعا نورا فضلت معاها )... ورجعوا سارة واسلام ومحمود رجعوا عند ابراهيم .. محمد اتحسن كتير مع سارة ومعاملته بقت افضل وخالد بقى يومه هو وسارة سوا دايما , خروجه وسهره قل كتير وده خلى ابراهيم يشك في خالد وقربه من سارة .....وبدأ العام الدراسي بدون اي مضايقات من ماجد او اتصالات او اي احداث مريبة ......
ابراهيم : يعني ايه يا سارة مش عايزة تروحي المدرسة ؟؟ يا بنتي انتي عارفه اخر مرة خرجتي فيها من البيت امتي من ساعة مشكلتك مع شهد . هتفضلي عايشة جوه البيت ؟!
سارة : يا عمو انا لوخرجت ممكن اشوف ماجد وانا عايزة ابعد عنه خالص وبعدين انا ممكن اقضي السنة دي في البيت واروح علي الامتحانات
سيف : بس ده مش حل ... بصي انا هوديكي وهجيبك وهفضل معاكي ماتقلقيش..
اسلام : بس انا متفق مع سارة وجودها في البيت امان اكتر ..
محمود : ده علي اساس انه لما خطفها المرة الاولي مكانش من البيت ... لا يا سارة لازم تروحي ..

سارة : ارجوكم ماتضغطوش عليا اخد بس اجازة شهر كده لحد ما اقدر .. مش عايزة اشوف نظرات الشفقة في عيون الناس او خوفهم مني .. مش عايزة اشوف حد بيكرهني ومستعدة اقعد في البيت عمري كله عشان ابعد عن كل ده ...
سيف : واضح انك لازم تكثفي جلساتك مع دكتور يحيي ..
سارة بضيق : تاني جلسات ؟!!
سيف وبيضايقها وبيلعب لها حواجبه : اه يا مجنونة ... خلاص نسيبها شوية وبعدين تبقي تنزل ..
ابراهيم : خلاص ماشي .. بقولك يا سوسو حودة كان بيقول انك بتعملي قهوة حلوة صحيح الكلام ده ..
سارة بضحك : اه والله يا عمو انا بعمل قهوة رهيبة
ابراهيم : لا انا عايز اشوف تحريري .. طقم قهوة لينا بقي كلنا ..
خالد وبيحط رجل علي رجل : وانا النسكافيه بتاعي ..
سارة ضربته في رجله : قوم اعمله لنفسك انا عملت بتاع الصبح ...
خالد وقف وبان فرق الطول بينهم الفظيع حيث ان سارة قصيرة اوي بالنسبه له : يا نعم احنا متفقين انا يوم وانتي يوم ... مسكها من هدومها زي المقبوض عليهم... انجري قدامي هتعمليه يعني هتعمليه .. يلا
سارة : برئ يا بيه والله ..
ضحكوا كلهم ومشيوا سارة وخالد علي المطبخ ...
التفت ابراهيم لسيف وقال بجدية : يا سيف انت عرفت ايه اللي حصل ؟؟ وازاي سارة اتخطفت ؟؟
سيف : اه .. حصل انه وقت ما اتخطفت سارة كان الكاميرا رصدت قبل الخطف محمد وخالد كل شوية طالعين خارجين من البيت ... وشوية طلع معاهم بنت عمهم شهد ومشيوا الثلاثة بعربية سوداء وللاسف العربية كانت بدون نمر ومش ليها اي ملامح نقدر نوصلها ...
محمد : انا ؟!! انا فاكر كويس في اليوم ده ماخرجتش من البيت اصلا ولا كمان خالد ..
سيف : ايوة ما ده اللي عرفناه بردو .. وبعد فحص الفيديوهات من الخبراء بتوعنا اكدوا ان ده نوع من التخفي وهي عمل اقنعة تشبه شكل اشخاص معينه بحيث انه يتنكر في شخصية تانية مش مشكوك في امرها يعني اثنين من العصابة دي اتنكروا باشكالكم انت وخالد بحيث وجودكم طبيعي مع سارة وطبعا محدش هيستغرب وجودكم مع سارة اللي غالبا كانوا منكرينها في شكل شهد عشان بردو خروج سارة من البيت هنشك فيه .... ده شغل عصابات ومش معروف اوي ... لان صعب عمل الاقنعة دي اوي ..
اسلام : يا نهاار ابيض .. ده ايه التفكير ده ؟؟ بس ليه وعايز من سارة ايه ؟!
سيف : التفكير ده طبيعي علي الناس دي .. وفي الاغلب الاسلوب ده مش هيستخدموه تاني ..اما عايز من سارة ايه ؟ انا كنت بتمني ان الاقي اجابة السؤال ده عندكم .. ومحدش يقولي حب .. اختك دي اعذرني يعني مفيهاش حاجة تتحب ..
محمود بضحك : حرام عليك والله هي غلبانه ...
سارة بضيق وسمعت الكلام الي اتقال عليها : هي مين دي اللي مفيهاش حاجة تتحب ؟!!
سيف : ما ترد يا محمود دي مجنونة وممكن تضربك .. بص سيف لساره : انا مقولتش حاجة ده محمود...
خالد بضحك : او تعضك
سارة : يااااه علي قلبك الاسود انت لسه فاكر
خالد : يا بنتي ده انتي غلبتي مصاصين الدماء عضتك علمت في ايدي اسبوع
سارة بضحك : انت اللي بدات .. واللي بيلعب مع القطة تخربشه ...
خالد : واللي يلعب مع خالد عارفه بيحصله ايه ؟!!
سارة : معرفش ومش عايزة اعرف ..هروح اشوف القهوة بدل ما تفور ... ومشيت سارة ..
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,
عدى شهر من الدراسة وسارة مازالت مش عايزة تنزل وحاولوا يقنوعها بانها تروح المدرسة وكانت رافضة بشدة .. اتصل ابراهيم بيحيي وقاله انه لازم يقنعها تخرج من البيت اصلا ...
في بيت ابراهيم بليل قاعدين بيتفرجوا علي التلفزيون ..رن تليفون البيت .....
خالد : الو ..
يحيي : الو .. انا دكتور يحيي ..
خاالد : اهلا بحضرتك انا خالد ..
يحيي : ازيك يا خالد .. سارة عندك ؟
خالد : الحمدلله .. اه اكيد هي بتروح فين يعني ؟؟ ثواني هناديها ....
سارة : الو ايوة يا دكتور ؟
يحيي : ازيك يا سارة .. بقولك مش هقدر اجي النهاردة ممكن تيجي انتي ؟
سارة بتردد : انا ... لالالا .. بلاش انا اخرج .. هستني حضرتك وقت تاني .
يحيي : لا معلش في موضوع ضروري محتاج اتكلم معاكي فيه ..مستنيكي النهاردة .. وقفل الخط قبل ما ترد ...
سارة : الو ... الو ... قفلت التليفون ... بس انا مش عايزة اخرج بقي اوووووووووف
مرة واحدة سارة اتضربت علي قفاها ... سارة : ااااااااه .. بتبص بغيظ معتقدة انه خالد لقت اسلام
اسلام : انا قلت كام مرة بلاش كلمة اوووف دي ؟
سارة : كتير ... اسلام دكتور يحيي عايزني اروحله عشان مش هيقدر يجيي وانا مش عايزة انزل ..
اسلام :مش بمزاجك يلا البسي هوصلك ..
سارة : هو ليه مش بتسمعوا كلامي انا زهقت بقي ... ومشيت تضرب برجلها علي الارض بغيظ ..
جهزت سارة ولبست بردو بنطلون اسود وبلوزة سوداء وطرحة سوداء ...
خالد : مش كفاية علي الاسود عدي اكتر من 3 شهور ..
سارة : لا مش كفاية .. يلا بينا يا اسلام ...
محمد وخرج من اوضته وبيلبس ساعته : استنوا هوصلكم بعربيتي بلاش مواصلات ..
اسلام : مش عايزين نتعبك ..
محمد : لا تعب ولا حاجة يلا ..
نزلوا الثلاثة ومحمد راح يجيب العربية واسلام وسارة واقفين قدام البيت مستنينه
,,,,,,,,,,,,,,,,,,,,,,,,,,,,,,,,,,,,,,
في نفس الشارع عربية سوداء بشابيك سوداء مش باين اي حد جواها ..
من داخل العربية ....شخص بيتكلم في التليفون ...
الشخص: ايوة يا فندم .. واخيرا واقفة هي واخوها قدام الباب
ماجد : ماشي ... النهاردة تكون عندي
.الشخص : حاضر يا فندم ...
,,,,,,,,,,,,,,,,,,,,,,,,,,,,,,,,,,,,,,,,,,,,,,
جه محمد واسلام ركب جنب محمد وسارة رايحة تركب الباب مش راضي يفتح
محمد وفتح الشباك اللي عند باب سارة : سارة لفي اركبي الناحية الثانية الباب ده بيعلق ...
لفت سارة وبتفتح الباب وفي اقل من لحظة جت العربية السوداء واتفتح بابها وسحبها حد جوه العربية وجريت العربية بسرعة جنونية وسارة صرخت صرخة شديدة اللي وقفت لما العربية مشيت.... محمد واسلام مش قادرين يستوعبوا اللي حصل ... محمد بسرعة شديدة قفل الباب اللي وراه وشغل العربية وطلع يجري وراهم لقي عربية تانية سوداء بردو شبابيكها سوداء وبتمشي في نفس طريق العربية الاولي ...
شخص في العربية الثانية بيتكلم في التليفون : ايوة يا سيف باشا ... اخدوها في لحظة واحنا ماشيين وراهم اهو ومتابعينهم
سيف( من مكتبه ) : مش عايزهم يبعدوا عن عنيكم لحظة ... ابعتوا لي مكانكم بالظبط دقايق وهكون معاكم ... لو زاغوا منكم ناهيتكم علي ايدي
الشخص : حاضر يا فندم ....
,,,,,,,,,,,,,,,,,,,,,,,,,,,,,,,,,,,,,,,,
في عربية محمد ... اتصل سيف علي اسلام
اسلام : ايوة يا سيف الحقني سارة اتخطفت تاني
سيف : اسلام حالا انت ومحمد خدوا بعضكم وروحوا البيت حالا وبدون مناقشة ... انا عارف ومتابعينهم ... يلا روح حالا
اسلام باستسلام : سيف ارجوك رجعهالي
سيف : ان شاء الله .. وقفل الخط
سيف بيقول لزميله (آسر): يلا بينا نلحق نوصل ...
آسر: انت عارف لو سيادة اللواء عرف الخطة بتاعتك دي والله ليرفدك فيها ... انا مش عارف انت ازاي جالك قلب تعمل كده ...
سيف : كان لازم اعمل كده ....لازم اخد بثاري والنار اللي جوايا دي تهدي ...
زميله : تضيع بنت زي دي عشان ثارك .. انت خلاص اتجننت يا سيف .. اكيد اتجننت
سيف وبيركب عربيته : يلا بس مش وقته الكلام ده ...وطلع بعربيته بسرعة شديدة...عرف مكان سارة من رجالته وبقت مطاردة بين ثلاث عربيات (العربية الاولي اللي سارة فيها .. الثانية رجالة سيف ... الثالثة سيف وآسر )
من داخل العربية الاولي ..
الشخص 1 : وبعدين بقي مش عارف ازوغ منهم اعمل ايه ؟
الشخص 2 : يبقي هنفذ الخطة الثانية ... يلا ...
شوية وفتحوا الباب ورموا سارة من الباب ... ووقفوا سيف ورجالته لما شافوا سارة مرمية عالطريق ... جري عليها سيف وبيشيلها من الارض : سارة انتي كو..... ايه ده مين دي ؟ اه يا ولاد ****؟
البنت اللي اترمت من العربية مكانتش سارة وبدأ سيف يضرب فيها بعنف : انطقي انتي مين ؟؟ وفين سارة ؟
آسر بيسحب البنت من ايده : بس يا سيف هي مش عارفه اصلا تتكلم ... انطقي يا بت انتي مين ؟
لسه البنت هتتكلم فجأة وقعت والدم ملى جسمها وماتت ولاحظوا ان في طلقة جت في قلبها ومش عارفين مصدرها.... وقف سيف وبكل عصبية وبيضرب في عربيته بشده لدرجة ان ايده نزفت ....
آسر بمعاتبه : لتاني مرة ضيعت بسنت من ايدك يا سيف ...
سيف بغضب : بس بس بس .. قسما بالله لتكون نهايتك علي ايدي يا ماجد الكلب ...
توقعاتكم ايه ؟؟

فيتامين سي · 24-09-18, 08:03 AM

الفصل الخامس والعشرون

آسر بمعاتبه : لتاني مرة ضيعت بسنت من ايدك يا سيف ...
سيف بغضب : بس بس بس .. قسما بالله لتكون نهايتك علي ايدي يا ماجد الكلب ...

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,
في العربية عند سارة ....
الشخص 1 : هههههههههه واخيرا ..اكيد هنقبض لنا مبلغ محترم علي العملية دي ..
الشخص 2 : شكل نهايتنا قربت يا زفت انت ... انت عارف ان لما البوص يعرف اننا قلعنا البت دي هدومها ممكن يعمل فينا ايه ؟
الشخص 1: وهو هيعرف منين ؟ وبعدين ايه يعني سبب تمسكه بالبت دي ما ياما شاف بنات اشكال والوان احلي منها اشمعني دي ؟!
الشخص 2 : هههههه القلب وما يريد ... شكل البت دي اللي هتربيه ... المهم فين الهدوم اللي كانت معانا البسهالها بسرعة ..
الشخص 1 : ورا عالكنبة جنبك ...
لبس الشخص ده سارة هدوم تانية ...ومشيوا متجهين ل ماجد ...
,,,,,,,,,,,,,,,,,,,,,,,,,,,,,,,,,,,,,,,,,
عند ماجد : تسلم ايديكم يا رجالة ...بس عدى عليكم حاجتين الاولي البنت اللي رمتوها مكان سارة ..
الشخص 1 : دي بنت من بنات الليل ومالهاش اهل ومحدش هيسال عليها ...ولو حاولوا يوصلوا لينا بيها ولا هيعرفوا يلاقوا بينا اي صلة ..
ماجد بهدوء : دي بقي وهعديها .. وبالنسبة للي مد ايده علي مراتي وقلعها هدومها ده عقابه يكون ايه ؟
الشخص 2 بتوتر : يا باشا كنا مضطرين نلبس البت لبس الانسة سارة عشان نخليهم يتاكدوا انها هي ويقفوا عشان نزوغ منهم ...ونجحنا في ده فعلا ..
ماجد وبكل هدوء : اممممممممممممم ... مش عارف بس غلطتكم لا تغتفر .. (وطلع مسدسه وبطلقتين خلص عليهم هم الاثنين ونادي علي المساعد بتاعه) ... اخلص منهم ... وشال سارة بين ايديه وباسها : وحشتيني اوي يا ملاكي ... واخدها علي اوضته ..
,,,,,,,,,,,,,,,,,,,,,,,,,,,,,,,,,,,,,,,,,,,,,,,,
عند سيف في مكتبه قاعد هو و آسر ...
آسر : اهدي يا سيف .. اكيد ليها حل .. ماهو لو عايز ياخدها علطول كان اخدها من يوم الحادثة ...لكن ده مجنون عايز يتجوزها ويعمل لها فرح ... فانا متاكد انه هيرجعها تاني ...
سيف بضيق وهي بيشرب سيجارته : يرجعها ؟!! انت بتضحك علي نفسك ولا عليا ...
فجأة الباب اتفتح بعنف ودخل مدير سيف : انا ممكن اعرف ايه اللي حصل ده ؟؟ انت ايه النار عاميتك اوي كده لدرجة انك تعمل البنت دي طعم لعصابة زي دي ؟؟
سيف : يا فندم انا كنت ...
المدير : انت كنت ايه ؟؟ انا كنت قاصد اخليك انت تمسك القضية دي عشان تحمي البنت اعوضك عن بسنت واللي حصل لها ووالدتك ... كنت قاصد انك تعوض اللي مقدرتش تعمله مع اهلك وتاخد حقهم تقوم تضيع كل حاجة عشان مش قادر تصبر ... حضرة المقدم انت متحول للتحقيق ومنسحب من القضية دي ... آسر دي بقت قضيتك انت ..
سيف بغضب : انا متاسف انا مش هنسحب من القضية غير لما ارجع سارة البيت واقتل ماجد
المدير بغضب : انت بتخالف الاوامر ؟!!
سيف : حضرتك عارف اني عمري ما خالفت الاوامر .. بس دي قضيتي وانا اللي هخلصها ..
بص له المدير بغضب وسابه ومشي وهو متاكد ان دي قضية سيف اللي هيقدر ينهيها لوحده ...

,,,,,,,,,,,,,,,,,,,,,,,,,,,,,,,,,,,,,,,,,,
عند ابراهيم في البيت ....
اسلام بقلق : لا انا مش قادر هكلم سيف اطمن عدي اكتر من 3 ساعات ومش بيتصل ...واتصل اسلام بسيف ..
سيف :ايوة يا اسلام ..
اسلام بقلق : ارجوك قولي انك لحقتها ؟!!
سيف بضيق : لا ...
اسلام بحزن وعلي وشك الانهيار : لا بقي حراااام .... انا خلااااص تعبت ... وقعد علي الارض وساب موبايله وكلهم اتجمعوا حواليه .. مالحقهاش .. ما لحقش سارة وراحت لماجد تاني .. كانت هتموت من رعبها ومش عايزة تروح له .. كانت بتبوس ايدي ورجلي يا محمود عشان احميها منه .. وانا عملت ايه سبتهاله بكل بساطة .. سبتهاله ... انا مش اد الامانة اللي سبهالي ابويا مش ادها .. مش ادها ..
محمود بحزن شديد : اهدي يا اسلام .. اكيد مصيبتنا دي ليها اخر مش هتكون حياتنا كلها اكيد .. وانا كلي يقين ان ربنا هيرجعهالنا سليمة ..
اسلام بضحكة كلها حزن : سليمة من اي ناحية ؟!! لا جسديا ولا نفسيا سليمة سارة خلاص بقت عبارة عن حطام .. محدش فينا هيقدر يداوي جروحها .. ده اساسا لو رجعت لنا ...
خالد بحزن : لا يا اسلام .. سارة هترجع ووجودنا كلنا جنبها هيداوي كل جروحها وهتبقي احسن ..بس قول يارب ..
محمد : يلا يا اسلام .. قوموا كلكم نصلي لربنا صلاة حاجة ان ربنا يرجعها لنا بالسلامة ..
وقاموا كلهم يصلوا ويدعوا برجوع سارة للبيت
,,,,,,,,,,,,,,,,,,,,,,,,,,,,,,,,,,,,,,,,,
عند ماجد وسارة ....
بدات سارة تفوق وبتفتح عينها ببطئ ومش عارفة هي فين ومش فاهمة ايه اللي حصل ...لاقت نفسها في اوضة اقل ما يقال عنها انها ملكية العفش بتاعها فخم جدا ولونه ابيض ومرسوم عليه باللون الذهبي
قامت ناحية الباب وبتحاول تفتحته وجه صوت حد من وراها ...
ماجد : مقفول ..انا وانتي لوحدنا يا ملاكي ...
سارة والتفتت لماجد بفزع ودي اول مرة تشوفه وبخوف شديد وحاطه ايديها علي قلبها اللي من الخوف علي وشك يخرج منها من دقاته العنيفه ... قرب منها ماجد لدرجة ان وشه قرب يلمس وشها وغمضت عنيها وحاوطها بايده : ايه ماوحشتيكيش ؟!! مش قلت لك تسرعي بالموافقة عشان ماتخسريش حد من اخواتك شكلك مش باقية علي حد فيهم ...
سارة وحاولت تستجمع ذرة من شجاعتها وافتكرت كلام سيف : انا قلت لك اني موافقة ...
ماجد وبعد عنها : تمام يا مراتي العزيزة يلا استعدي عشان فرحنا كمان اسبوع بس ايه رايك نبدا دلوقتي والفرح بعدين وغمز لها وشاور لها بعينه علي السرير
سارة بترجي وعياط : ارجوك انت قلت لي انت عايزني احبك مش هقدر احبك وانت بتخوفني كده وبتخطفني من اهلي ... وبعدين انت وعدتني بفرح واهلي يبقوا معايا ويوافقوا
ماجد : انا ماقلتش حد يوافق لاني مش فارق حد يوافق او لا ... ده اولا .. ثانيا بقي لو ابوكي كان وافق من الاول من اول مرة جت لكم كان زمانه معاكي بس هو اللي اتحداني ... وبعدين انا لما اعوز حاجة تجيلي لحد عندي مش انا اللي اروحلها ... المهم سيبك... بقولك انتي مش هتيجي هنا ونقضيها كلام انا لازم اصبر نفسي بحاجة ... وفجاة سحبها من ايديها بايده وبايده الثانية طفي النور وسحبها للسرير ..
همس لها في ودانها : اول ذكري لينا سوا لازم تتحفر في قلبك قبل دماغك ... ولازم تكوني جايه معايا بمزاجك مش غصب
لحظات وكانت سارة اغمى عليها قبل ما تحس يأي حاجة... وفضل ماجد في حضنها لحد ما نام هو كمان وبردو ماعتداش عليها ....

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,
فتحت سارة عنيها تاني ووقفت ولقت نفسها في الشارع علي طريق كله عربيات مفيش اي مباني او محلات وكأنه طريق سريع حاولت تجمع قوتها عشان تمشي وكانت الشمس قربت تغيب وكانت خايفة انها تكون لوحدها في مكان زي ده ... قررت تقف قدام اي عربية تشاور لها وبالفعل شافت عربية جاية من بعيد طلعت علي الطريق وقعدت تشاور وصاحب العربية وقف قدامها بمسافة قريبة جدا وهي غمضت عنيها وحطت ايديها علي راسها وللحظة كانت متاكدة انه هيخبطها ....
نزل صاحب العربية من عربيته وبفزع : انتي كويسة يا انسة ؟!! انتي ايه اللي موقفك هنا ؟!!
سارة بتتنهد انها سليمة : انا اسفة بس انا عايزة اروح ممكن ارجوك توصلني بيتي او توديني لاقرب حتة اعرفها ...
صاحب العربية : طبعا .. انتي عايزة تروحي فين ؟
سارة : عايزة اروح *****
صاحب العربية : يااااااه ده بعيد اوي عن هنا ... بس مش مشكلة ده قريب من بيتي ... اتفضلي ...
سارة : انا متشكرة اوي ... انا اسفة جدا انا عملت لك ازعاج ..
صاحب العربية : لا ولا يهمك .. انا حسام وانتي ؟
سارة بتردد : سارة ..
حسام : بس انتي ايه اللي جابك هنا ده طريق سفر ولوحدك وفي الوقت ده ..
سارة وبصت في الارض وبدات دموعها تنزل ..
حسام وبدأ يفهم : انا اسف خلاص سحبت سؤالي ... عايزة الموبايل تكلمي حد من اهلك ؟
سارة بعياط : للاسف مش حافظة رقم حد فيهم ..
حسام : مش مشكلة احنا كل الحكاية ساعة بالكتير وهنكون عندهم
بعد مرور ساعة قربت سارة من بيتها وبتوصف الطريق بالظبط وحسام علي وشه علامات الاستغراب ..
سارة بتعجب : في حاجة يا استاذ حسام ؟
حسام : حضرتك بتوصفي طريق بيتي .. احنا جيران ؟!! انا اصلا من ساعة ما ركبتي معايا وانا حاسس اني شوفتك قبل كده
سارة وبترفع كتفها بعدم معرفة : انا مش عارفة ماشوفتش حضرتك قبل كده ...
وصلوا عند بيت ابراهيم بصت سارة لحسام : بيتي هنا انا متشكرة جدا واسفة لتعبك مرة تانية ...
حسام : لالالالا .. استني انتي ساكنة هنا ؟!!
سارة بقلق : ايوة في حاجة ؟!!
حسام : ده بيتي بردو ... انتي تقربي لحد هنا ؟!
سارة : ايوة استاذ ابراهيم يبقي عمي ..
حسام : لالالا .. استني انا كده هتجنن .. عمك ازاي ابراهيم ده خالي يعني انتي بنت خالي ؟؟ وانا معرفش ..
سارة : انا مش فاهمة حاجة
حسام : ولا انا ... تعالي نطلع عند عمك ابراهيم ونفهم ...
طلعوا الاثنين البيت وسارة قلقانه من حسام ده وبتبص له بخوف وخبطوا علي الباب وفتح اسلام ..
اسلام بفزع : سااااارة .. واخدها في حضنه وضمها بشدة وخرجها تاني وبيفحصها كلها : انتي كويسة .. طمنيني انتي كويسة ؟؟
سارة بعياط : كويسة الحمدلله ...
اسلام : انتي جيتي ازاي ؟؟ وماجد سابك ؟؟..احمدك يااارب ...واخد سارة في حضنه وضاممها بشدة ..
اسلام وبدا يلاحظ وجود حسام : لا مش معقولة حسام ... ازيك يابرنس انت رجعت امتي من اسبانيا ؟
حسام وبيسلم علي اسلام : امبارح وعديت علي امي في البلد وسبقتها وجيت علي هنا ...
سارة : اسلام انت تعرفه ؟
اسلام : اه ده حسام قريب محمد وخالد يبقي ابن عمتهم طنط سميرة ... ااه وابن عمتنا احنا كمان ...
حسام : ايوة .. احنا كمان ... يعني ايه بقي ؟؟
اسلام : طيب وقفتنا عالسلم طولت ندخل بقي عشان يطمنوا عليكي ... ونفهم بعدين ...
دخلوا الثلاثة وكلهم سلموا علي سارة واطمنوا عليها وكمان سلموا علي حسام اللي بان علي خالد ومحمد مضايقتهم الشديدة لما شافوه ......
مرت ساعة قامت فيها سارة تاخد دش وغيرت هدومها واستاذنت سهير تاخد الهدوم اللي كانت لابساها وترميها تحرقها اي حاجة المهم انها تبعد عن وشها لما افتكرت هي لبستها ازاي والاهانة اللي اتعرضت لها من الرجالة اللي خطفوها ومقاومتها الشديدة اللي انتهت بضربها بشدة علي راسها وده خلاها يغمى عليها ...
خبط الباب عند ابراهيم وكان سيف وطبعا كان عرف من رجالته ان سارة رجعت البيت....
محمد : اتفضل يا سيف ..
سيف : سارة فين ؟!!
محمد : طيب وعليكم السلام ..
سيف بجدية : مش وقتته ... سارة فين ؟!!
محمد بتعجب : جوة في اوضتها .. ثواني هنادي عليها ..
مسكه سيف من ايده : لا استني انا داخل لها ...
محمد : طيب استني بس .. مشي سيف ودخل لسارة من غير ما يلتفت حتي لمحمد
دخل سيف لسارة الاوضة وفتح الباب بعنف ...
سارة بفزع : في ايه ؟! انتي داخل عليا كده ازاي ؟!!
سهير : في ايه يا بني ؟
سيف وبص لسهير: لو سمحتي ممكن تسيبني انا وسارة لوحدنا ..
سهير بقلق : ماشي ... وسابتهم وخرجت وراحت لابراهيم في اوضته تبلغه اللي حصل لانها قلقت من ملامح سيف ..
سيف بقلق : سارة انتي كويسة ؟طمنيني .. لمسك .. ضربك ؟!!
سارة بتعجب شديد وبضيق وبعياط : نفس اللي حصل المرة اللي فاتت واغمي عليا... قرب منها سيف وقعد قدامها علي ركبه ومسك ذقنها ورفع وشها ومسح دموعها بايده وبص لها نظرة طوووويلة : متخافيش يا بسنت انا معاكي ..
سارة بتعجب : بسنت مين ؟!!
سيف وللحظة ادرك غلطه : انا اسف .. قصدي يا سارة
سارة : لااااا .. مانا لازم اعرف مين بسنت دي ؟! مش اول مرة اسمع الاسم ده منك...
سيف بضيق وقام قعد علي كرسيه تاني : بسنت دي انتي يا سارة ... لاول مرة بصت لك وانتي في المستشفي شفتها فيكي ..بسنت دي تبقي اختي ماتت هي وامي علي ايد نفس الشخص اللي خطفك... ماتوا من سنة عشان بينتقم من بابا وبعدها بابا علطول جاتله ازمة قلبية وتوفي ... خسرت عيلتي كلها في لحظة ...
فلاش باااك ***
سيف : امي انا راجع بعد ساعة وواقع من الجوع ابوس ايدك حضرلي الغدا عشان تدريبات النهاردة خلتني جبت جاز ..
والدة سيف : عيوني يا روح ماما ..بس متنساش يا حبيبي الادوية بتاعتي وعدي بس علي بسنت وانت راجع خدها من الدرس .. وارجوك يا سيف عشان خاطر امك لتصالحها ... ضربتها جامد الصبح وهي ماقلتش غير انها عايزة تخرج مع اصحابها ...
سيف بضيق : امي احنا اتكلمنا في الموضوع ده بتاع الخروج مليون مرة .. بس هي زودتها اووي واتكلمت بقلة ادب ... وصلت بيها الجرأة انها تشتمني وتقول عليا خنيق وانها هتموت بسبب حبستي ليها وانها كرهتني ...
والدة سيف : خلاص معلش عيلة وانت الكبير عشان خاطري بقي صالحها ...وبعدين انت مزودها معاها في حوار غيرتك عليها انت لو جوزها مش هتعمل كده ...
سيف : بسنت دي بنتي وهفضل اغير عليها من الهوا الطاير .. بس حاضر يا امي عيوني ... مع السلامة ... وقفل التليفون ..
راح سيف يجيب اخته اللي اول ما قابلها تحت البيت اللي كانت بتاخد فيه الدرس شافته وعملت زعلانه ورايحة تمشي .. نادى عليها بصوت عالي : بسنت ...
وقفت للحظة اتسمرت مكانها ومن خوفها جسمها اتنفض بشدة ..
سيف بحدة : شايفاني وماشية انتي بتستهبلي ... عامة يلا اركبي عشان نروح ...
بدون ولا كلمة مشيت معاه بسنت وركبوا العربية وروحوا البيت ...
سيف : هجيب الادوية بتاعت ماما من الصيدليه واصورلك الورق بتاع درس امبارح وطالع .. اطلعي علي البيت علطول ..ما تقفيش تكلمي حد ومالكيش دعوة بحد...
بسنت بضيق : حاضر يا ابية .. خرجت من العربية ومشيت ناحية البيت ..
سيف : بسنت .. وقفت وبصت له ... قرب منها وباس راسها وحط ايده علي كتفها.: ما تزعليش مني يا احلي اخت في الدينا .. بس اللي عنده اخت حلوة كده مش بس يخاف عليها يحطها جوه صندوق ويقفل عليها ..
بسنت بحزن : ما انت عامل كده وزيادة ..
سيف : عشان بحبك وخايف عليكي ... يلا اطلعي بدل ما حد يفهمنا غلط .. جت تمشي شدها من ايديها تاني : خلاص مش زعلانه؟
ضحكت بسنت بطفولة وحركت راسها ب (لا ) وجريت ضحك سيف عليها وركب عربيته ومشي ...
بعد ساعة رجع سيف بيته شاف شخص نازل من عمارتهم ومعاه حراسة شديدة وركب عربيته ومشي منظره قلق سيف لانه عارف انه اعداء ابوه كتير جدا ...جري بسرعة علي بيته وشاف الاتي .. امه واقعة علي الارض غرقانة في دمها حاول يسعفها لكن للاسف ملحقهاش ... من الصدمة مقدرش يتحرك غير لما افتكر اخته وسمع صوت عياطها وانينها جري عليها لاقاها مرمية علي الارض هدومها كلها متقطعة وبتنزف بشده وعليها اثار ضرب شديدة .. اخدها سيف في حضنه جامد وضمها وبصوت مبحوح : بسنت خليكي معايا ... خليكي معايا يا بنتي
بسنت بصوت ضعيف وبيضعف اكتر : اس اسمه ..ما اا جد .. بينتقم من بابا ..
سيف : شششششش .. متتكلميش عشان خاطري ..قاومي انتي قوية انا ربيتك علي كده يابنتي ..
بسنت : مش قادرة ومش عايزة .. سامحني ... ودي كانت اخر كلمة قالتها قبل ما تفقد روحها بعد ما فقدت عذريتها بابشع الطرق ...
بااااااك ***
ابراهيم جه وقف علي باب سارة وبيسمع بيقولوا ايه عشان يحمي سارة من سيف لو اتهور عليها ومعرفش يسمع حاجة بس سامعهم بيتكلموا ...
سيف بدموع وبصوت مخنوق : اخدتها في حضني وشلتها وخرجت جنب امي علي الارض ونمت في وسطهم هي وبسنت .. لحد ما بابا دخل علينا شافنا احنا الثلاثة كده افتكرنا كلنا متنا جات له ازمة قلبية وتوفى علطول وبردو مالحقتوش... عارفة يعني ايه اشوفهم بيموتوا قدام عيوني ؟!! انا بسالك ليه ما انتي عارفة وعيشتي اللي انا عيشته ... قعدت سنة كاملة اتعافي من اللي انا فيه .. عارفة يا سارة انتي اقوي مني انا شخصيا انتي بتتعافي اسرع مني .. انا وقعت وقمت بعد فترة طويلة ... اول ما مسكت قضيتك وشفت الصورة اللي الملف بتاع قضيتك وشفت صورة المجرم ماجد قلت دي فرصتي الحقك انتي وانتقم منه ...عارفة يا سارة ,, انتي بسنت بتاعتي ربنا عوضني بيكي مكان اختي الوحيدة اللي ربيتها وبغبائي كنت هضيعك من ايدي وديتك لماجد بايدي .. ( بصت له سارة بتعجب وبتبكي بصمت ) ايوة انا اللي اتفقت مع دكتور يحيي انه يصر انك تروحيله من غير ما اعرفه السبب وانا عارف انهم مراقبين البيت من فترة وحسيت انهم عايزينك .. وكنت متاكد اول م هيشفوكي هيحاولوا يخطفوكي ... واللي حسيته حصل ..بس انا كنت هلحقك بس ضحكوا عليا بالبنت اللي رموها مكانك .. انا اسف يا سارة اسف انا اللي وديتك عندهم .. كنت فاكر اني كده هوصله واقبض عليه ..
سارة بعياط شديد وبصوت مخنوق : بانك تضحي بيا ؟!!! انت مستحيل تكون طبيعي مستحيل ...
وقفت سارة ووقف قدامها سيف ...
ضربته سارة بشدة في صدره : انت عارف انا بيحصل فيا ايه ؟ وضربته بشدة تاني في صدره ...انت بتسمع مني اللي بيحصلي لكن مش بتعيشه ..مش بتعيش الخوف اللي ببقي فيه ..مش بتعيشه .. وقعدت سارة تضربه في صدره جامد لحد ما قعدت علي الارض وبتعيط بانهيار ...
سيف بصوت مخنوق : انا اسف .. ارجوكي يا سارة مش تسيبني زي بسنت ارجوكي .. حاربي معايا لاخر نفس ..ارجوكي
قامت سارة ومن وسط عياطها اللي حاولت توقفه : ارجوك سيبني لوحدي .. مش عايزة حتي اشوفك سيبني لوحدي ..

توقعاتكم ايه ؟؟

استنوني الفصل القادم

فيتامين سي · 24-09-18, 08:04 AM

الفصل السادس والعشرون ...

سيف بصوت مخنوق : انا اسف .. ارجوكي يا سارة مش تسيبني زي بسنت ارجوكي .. حاربي معايا لاخر نفس ..ارجوكي
قامت سارة ومن وسط عياطها اللي حاولت توقفه : ارجوك سيبني لوحدي .. مش عايزة حتي اشوفك سيبني لوحدي ..
قام سيف ومسح وشه وبيفتح باب الاوضة لقي ابراهيم في وشه ... بص سيف في الارض ومشي
ابراهيم دخل لسارة : هو ضايقك يا سارة ..
سارة بعياط شديد وحركت راسها ب (لا) ..
قعد ابراهيم جنبها علي السرير : ضربك تاني ؟
رمت سارة نفسها في حضن ابراهيم وبعياط : انا تعبانة اوووي يا بابا .. تعبانة اوي.. ارجوك خليهم يرحموني .. تعباااانة ...
قعد ابراهيم يهدي فيها فترة طويلة لحد هي نفسها ما تعبت من العياط وحست بالتعب ...
حاول اسلام ومحمود يدخلولها وابراهيم يشاور لهم انهم يمشوا لحد ما تهدى ...
طيب اسيبك ترتاحي ... قالها ابراهيم وهوقايم وبيطفي النور وقطعه صرخة سارة ... فتح النور تاني بفزع
سارة وكانت حاطة راسها علي رجلها وضامة نفسها بايديها : بلاش تطفي النور بلاش لالالالالا ارجوك .....
ابراهيم بخوف : خلاص يا حبيبتي خلاص مش هطفيه وهخلي الباب مفتوح .. اناديلك اسلام او محمود ؟
سارة : ياريت ارجوك يا عمو ..
ابراهيم : طيب بس اهدي ... وسابها قام ينادي لمحمود واسلام ....
دخلوا الاربعة عليها (اسلام ومحمود وخالد ومحمد )...
محمد : بت يا سارة انتي قابلتي حسام ده فين ؟؟ وكلمك قالك ايه ؟؟ وضايقك ولا لا؟
سارة بتعجب : ايه .. ايه كل ده .. ولا حاجة الراجل كان محترم جدا ولما فقت لاقيت نفسي علي طريق سريع ووقفت عربية لاقيته في وشي ورجعني البيت بس وبالصدفة عرفت اننا قرايب ...
خالد بحدة : عارفة لو شفتك واقفة معاه ولا بتكلميه هعمل فيكي ايه ... هتكرهيني بجد يا سارة ..
سارة بقلق : ليه كل ده ؟!! الراجل شكله محترم .. وبعدين هو وصلني وكنا سوا اكتر من ساعة وفي قمة الاحترام ..
محمد بحدة : تعرفي تسمعي الكلام وبس ..
سارة بدون اهتمام : حاضر ..
محمود : سارة حبيبتي ... الزفت ماجد ده كان عايز منك ايه ؟؟
سارة بضيق : زي كل مرة .. يتجوزني ..
اسلام بضيق : ياما نفسي الكلب ده يبقي قدامي ويقف لي راجل لراجل وهقتله ..
سارة وبدات تفتكر تاني : خلاص بقي ارجوكم مش عايزة اتكلم ولا اسمع حاجة عن الموضوع ده ...
قعدوا هم الاربعة وسارة بيحاولوا يخففوا عن سارة وبخفة دم خالد ومشاكسته معاها قدروا يضحكوها ويخرجوها من اللي هي فيه .. لحد ما نامت وسطهم ...
,,,,,,,,,,,,,,,,,,,,,,,,,,,,,,,,,,,,,,,,,,,,,,
تاني يوم كان يوم جمعة صحيوا كلهم وكعادة كل بيت مصري يتجمع علي الفطار نزل خالد اشتري فطار واتجمعوا كلهم علي السفرة .. ورن جرس الباب ..
ابراهيم : افتح يا خالد شوف مين ..
خالد : اشمعني انا ..قول لمحمد هو اقرب ..
محمد : وانا مالي .. بابا قال خالد يبقي قوم بقي ..
ضحكت سارة علي خناقهم اللي فكرها بيها هي واسلام
ابراهيم بحدة وبيبص لخالد : قوم يا ولد افتح الباب .. ايه اسمه ده ..
قام خالد يفتح وضرب سارة علي راسها بخفة وهو ماشي : اضحكي اضحكي ياختي ...
كملت سارة ضحكها علي مضايقة خالد .. وفتح خالد الباب كان سيف ..
سيف : السلام عليكم
الكل : وعليكم السلام ..
ابراهيم : اتفضل يا ابني .. حماتك بتحبك .. افطر معانا ..
سيف بضحك : حماتي .. هي فين دي ؟ّ!
ابراهيم : ربنا يرزقك بالخير .. اقعد اتفضل ..
قعد سيف جنب محمود وكان قدام سارة اللي بصت له باستحقار : انا شبعت ... عن اذنكم ...
سيف : سارة عايزك ..
سارة : لما تخلص اكلك ياا .... حضرة الظابط المحترم ..
سيف بضيق : انتي بتتكلمي كده ليه ؟؟ ما تتكلمي عدل ..
سارة بصت له بضيق وابتسمت ابتسامة سخرية ومشيت .... شدها من ايدها جامد : اقفي هنا وكلميني وانا بكلمك ..
سراة وشدت ايديها بعنف : حضرتك مش من حقك تزعقلي... انت هنا لحمايتي وبس.. فاهم يعني ايه حمايتي ... يعني تبعد عني الخطر مش ترميني فيه ...
سيف : ما شاء الله القطة طلع لها صوت ..
سارة بحدة : وليها ظوافر وبتخربش .. وانت اول اللي هيتأذوا ..
سيف بسخرية : ما تتشطري علي اللي قاتل اهلك ولا بيخطفك وبيعتدي عليكي ..
وللحظة من صدمة الكلمة علي سارة ضربته بكل قوتها علي وشه بالقلم وطبعا سيف مسك ايديها في اخر لحظة وضغط علي ايديها بشدة لدرجة بتتالم بشدة وحست انها هتتكسر ..
سارة علي وشك العياط وبصوت مخنوق: ااااااه سيب ايدي هتكسرها ااااااه ..
ابراهيم وقام فصل بينهم ومسك ايد سارة من سيف وبايده الثانية زق سيف في صدره وبعده عن سارة ...
ابراهيم بحدة : في ايه يا سيف .. احترمناك وعاملتك زي اولادي ودي اخرتها .. انا مش اتكلمت معاك قبل كده انه مش مقبول انك تمد ايدك عليها ... وبعدين ايه حكاية ترميها للخطر .. هو ايه اللي حصل بالظبط ؟؟
سارة : اساله يا عمو... حضرة الظابط اللي جاي يحميني ...
سيف بيبص لها بغيظ مكتوم : مش هرد عليكي وبكرة تعرفي انا بعمل ايه علشانك ... دلوقتي خلصتي اكل عشان عايزك ..؟
سارة بضيق : ايوة خلصت ..بس هنقعد هنا في الصالة ومش لوحدنا انا ثقتي فيك اتعدمت ..
سيف وبيمسح علي وشه من غضبه عشان ما يفقدش اعصابه : اتفضلي مكان ما تحبي ..
محمود بحدة : سارة انتي بتتكلمي كده ليه ؟؟ في ايه حصل ؟؟
سارة بخوف : ولا حاجة ..
محمود بحدة : يعني ايه ولا حاجة شايفاني عيل صغير قدامك هتضحكي عليه ؟؟
سيف : يا محمود انا ضايقتها جدا امبارح .. وفقدت اعصابي واتكلمت معاها باسلوب مش كويس فهي متضايقة من ساعتها وهي مكانتش ناقصة .. يلا يا استاذة خلتيهم يشكوا فيا ..
سارة ومازالت بتبص نفس النظرة نظرة السخرية والضيق ومشيت قعدت في الصالون جنب السفرة اللي هم قاعدين يفطروا عليها ... وطبعا كلهم من الموقف اتضايقوا ومكملوش اكل وقاموا...
في الصالة ....
سيف : سيادتك ماحكتليش اللي حصل امبارح ... اتفضلي ..
سارة بسخرية : ايه ده بجد ؟!! لا اخس عليا .. تصدق انا اصلا كنت حاسة ان في نهاية حوار امبارح انك هتقولي ماجد ده اصلا تبعك وانكم اتفقتوا سوا عليا .. والله مش بعيد ..
سيف( خلاص وبدا يفقد تحكمه في اعصابه ومسك سارة من بيجامتها وشدها ناحيته ) وبحدة وبصوت منخفض : اقسم بالله العظيم ان ما احترمتي نفسك واتكلمتي عدل لاسيبك لماجد الكلب يعمل فيكي اللي نفسه فيه .. ووالله ,, والله يا سارة انتي لسه ماشوفتيش ماجد وصلني لايه وعمل مني اي شخصية ... هوريكي شخص تاني مش بني ادم اصلا ومفيش في قلبه رحمة .. هتتمني تبقي مع ماجد ولا انك تشوفيني لحظة ... فبهدوء كده اتكلمي واحكي اللي حصل واي كلمة او نظرة فيها تلميح معجبنيش ماتلوميش الا نفسك ... يلا ..
بلعت سارة ريقها وبتحاول تظهر ان كلامه مأثرش فيها بس كل حتة في جسمها اتنفضت من الخوف وبدات تحكي كل اللي حصل ..
سيف : يعني دلوقتي انتوا فرحكم الخميس اللي جاي ... تمام اوووي ... اسمعي بقي .. ومسك موبايله (وطلع صورة لماجد اللي كانت مرسومة له في التحقيقات ) هو ده ماجد ؟
سارة وبتتأمل الصورة كويس : لا مش هو .. مش ده اللي انا شفته ...
سيف : زي ما كنت متوقع .. مش عايز يظهر بشخصيته حتي الان لحد ..
سارة : يعني ايه ؟
سيف : يعني كل واحد فينا شايفة بشكل ومش عارفين شكله الحقيقي حتي الان ... وده نوع من التخفي ممكن يكون مكياج اقنعة المهم انه لحد الان غالبا ولا شخصية من اللي احنا عرفينها .. بصي بقي ... انتي دلوقتي هتتجوزي ماجد واللي هوعايزه هيحصل ...
حاولت سارة انها تعترض وشاور لها سيف انها تسكت ... انا عارف انك بتثقي فيا .. ماجد مش هيلمسك ولا يجي ناحيتك .. وانا صراحة معجب انك رديتي عليه بالموافقة علي الجواز .. دلوقتي بقي دور اخواتك وعمك اللي لازم يوافقوا علي الجوازة دي ...
سارة : مش هيوافقوا طبعا ..
سيف : مالكيش دعوة انا هتصرف المهم محدش يعرف حاجة عن الموضوع ده خالص... يلا قومي دلوقتي اعملي قهوة ..
سارة بسخرية : مش خايف احطلك فيها سم ؟!!!
سيف : سارة يا روحي انتي اجبن من انك تقتلي صرصار .. هتقتليني انا .. امشي امشي شوفي حالك
سارة بصت له بغيظ وسابته ومشيت ..
سيف في نفسه : والله ما سبتي منها حاجة يا بنتي ...
ابراهيم شاف سارة داخلة المطبخ فخرج لسيف ..
سيف : كنت لسه هنادي لحضرتك عايزك ..
ابراهيم : قبل اي كلام ... الكلام اللي قالت سارة مالوش غير معني واحد ...انك اذيتها اوي من شخص هي متوقعة منه الامان والحماية ... انا مش عارف ايه اللي حصل .. بس هقولك كلمة واحدة لو سارة دي اختك اكيد عمرك ما كنت هترضى لها الاذية واظن كفاية اوي اللي شافته في حياتها ..
سيف : انا عارف اني ضايقتها بس اللي حضرتك ماتعرفوش اني سارة مش زي اختي انا بعتبرها اختي فعلا ...ان شاء الله معاها لحد ما تزول الغمة دي .. لو سمحت تنادي لي عليهم كلهم عايزكم في موضوع ضروري ..
وفعلا جم كلهم واجتمعوا .. جابت سارة القهوة لسيف واستاذنتهم تصلي الضحي قبل الظهر ...
سيف : بصوا بقي انا عندي حل لحوار ماجد ده ...اللي هو لو في حد اتجوز سارة قبل ما هو هيتجوزها اكيد هيغضب ويثور وهيغلط ممكن يجي هنا تاني ..وده اللي انا ....
قاطعه اسلام : لحظة .. لحظة ,, لحظة .. هو انا عايزها تخلص من واحد اجوزها للتاني ؟!! انا مش موافق طبعا ..
محمود بضيق : اهدي بقي يابني خلينا نسمع للاخر بس انت علطول مش بتوزن المواضيع كده .. كمل يا سيف ..
سيف : اسمعني بس يا اسلام .. دلوقتي سارة هتتجوز كده وكده بس عشان نستفز ماجد وهيكون واحد من رجالتنا طبعا مش معروف وهنعمل لها الفرح هنا في الشارع اول ما هيعرف هيغضب اكيد لان احنا اخدنا حاجته منه وهيجي عشان يطربق الفرح عاللي فيه واكيد ده بقي دوري انا ورجالتي ... انتوا ما عليكوا غير انكم توافقوني ..
خالد : سؤال بس معلش .. هو ممكن لما ماجد بغضب ويثور ويجي ياخد حاجته علي كلامك مش ممكن سارة تضيع فيها ؟؟ يعني رصاصة كده ولا رصاصة كده ..
قاطعه سيف : لالالالا ماتقلقش سارة هتبقي متأمنة تماما هتخرج من اي مشاكل قبل ما تحصل ..
محمود : انا مش مطمن ابدا ..
سيف : ما هو بصوا هو اصلا عايز يتجوزها .. وصدقوني لو خطفها تاني مش هيرجعها ..
ابراهيم : طيب والكلام ده هنعمله امتي ؟؟ وهنقنع سارة بيه ازاي ؟
سيف بكذب : ما هي سارة زعلانة مني عشان كده لما فاتحتها في الحوار ده امبارح بس خلاص اقنعتها.. التنفيذ هيكون ان شاء الله يوم الخميس ولازم تتهيئوا نفسيا عشان مش عايز اي غلطة وارجوكم محدش يعرف بالحوار ده حتي سارة ..
الكل : ماشي ..
ابراهيم : يلا نقوم نتوضي عشان نلحق الصلاة وندعي ربنا يسترها معانا ...
وراحوا كلهم يجهزوا لصلاة الجمعة ...
,,,,,,,,,,,,,,,,,,,,,,,,,,,,,,,,,,,,,,,,,,
قعدت سارة في اوضتها جنب شباكها وبتفتح كتاب ليها جواه صورة ليها ولاهلها كانت اخدتها من سيف ..
فلاش باااك **
سيف : سارة حمدلله علي السلامه .. انا عارف ان دي بداية حياتك الجديدة بعد فقدان اهلك اللي لازم تتقبليها وتعشيها والوضع صعب حبيت يكون معاكي ذكري حلوة من اهلك تقويكي علي الطريق اللي جاي اللي مجبرة تمشي فيه ... طلع سيف ظرف واداه لسارة ..
سارة : ايه ده ؟
سيف : بس افتحي وشوفي ...
فتحته سارة لاقت صورة لاهلها وهي معاهم وفجاة سيول من الدموع اللي رفضت حبستها اكتر من كده .. قعدت تبوس في الصورة وتقولهم وحشتوني اووووي ... سابها سيف وانسحب بعد ما اخدت اخر ذكري ليها منهم ...
بااااك **
سمعت سارة صوت اغنية في الشارع لمست قلبها بشدة وهي بتتأمل صورة اسرتها ...وكأن الدنيا كلها بتعاكسها

بنعيش والوقت بيسرقنا
وبنمشي ونسرح في طريقنا
والايام اللي بتجمعنا
ممكن في ثواني تفرقنا

ساعات الدنيا بتلهينا ...عن أغلى و اقرب ناس لينا
وفي يوم عمرنا ما بنتمناه .. نلاقيهم مابقوش حوالينا

ما بنحسش بقيمة الحاجة .. الا لما تروح
وكان في صوت بيصرخ فينا .. واحنا مابنسمعش
ونندم على اللي ضاعوا وراحوا .. وقلبنا مجروح

ياريت الوقت يرجع بينا بس ما بيرجعش

زمان كانوا هنا بينا وحوالينا واللقى مسموح
ودلوقتي ومهما بكينا اللقى مينفعش

قرب من كل اللي حاببهم
شيل عنهم خوفهم وتعبهم
يمكن يسيبوك هما الأول
أو يمكن انت اللي تسيبهم
على قد ما تقدر فرحهم
بصلهم واحفظ ملامحهم
هيجيلك يوم فيه تتمنى
لو حتى في نومك تلمحهم .......

انهارت سارة بشدة وعيطت وده بقى اداتها الوحيدة اللي بتخرج فيها طاقتها ....
,,,,,,,,,,,,,,,,,,,,,,,,,,,,,,,,
بعد الصلاة كعادة شوارعنا المصرية الجميلة تجمع الشباب والكبار والجيران امام المساجد وامام البيوت عشان نطمن علي بعض ونسال عن احوال بعض ...
واقفين الشباب كلهم في الشارع وابراهيم واخوه وجيرانهم الرجالة ...وكل شباب الشارع بيرحبوا بحسام اللي غاب عنهم لمدة سنتين عشان هو عاشق للكورة وكان بيدرب مع فريق في اسبانيا ...
في بيت ابراهيم .....
سهير : سارة بقولك ما تيجي نقف في البلكونه شوية ...
سارة : عارفة يا طنط انا بقالي اد ايه ماشفتش الشمس .. معرفتش ان الشتا دخل غير لما حسيت اني بردانة ..
سهير : يا حبيبتي طيب البسي اسدالك وتعالي نطلع نشرب كوباية شاي في الشمس الحلوة دي ...
سارة : طيب انا هعمل الشاي واحصل حضرتك ... دخلت سهير البلكونه.. وسارة راحت تعمل الشاي ولبست اسدالها وجت ..
سارة وبتحط كوباية الشاي علي سور البلكونة : اتفضلي يا طنط ..
سهير : تسلم ايدك يا حبيبتي ...
سارة : يااه الشارع النهارده زحمة اوي ..
سهير : طبيعي مش يوم الجمعة وكمان بعد الصلاة ..
وقفت سارة تبص علي اخواتها وجت عنيها في عين حسام اللي ابتسم ابتسامة خفيفة بمعني (صباح الخير ) ... ردت سارة الابتسامة ... لمحها خالد في الوقت ده واللي اتعصب جدا من المنظر واستاذن اصحابه وطلع يجري علي البيت ... فجاة لقت سارة اللي بيشدها من ذراعها ويسحبها جوه البيت
سارة بفزع : خالد في ايه يا اخي فزعتني .؟!!
سهير : في ايه خالد ايه اللي حصل ؟!! بتشدها كده ليه ؟؟
خالد بزعيق :............
توقعاتكم ايه ؟؟

استنوني الفصل القادم ..

فيتامين سي · 24-09-18, 08:05 AM

الفصل السابع والعشرون ...

سهير : في ايه خالد ايه اللي حصل ؟!! بتشدها كده ليه ؟؟
خالد بزعيق :انا نبهتك علي انك مالكيش دعوة بالشخص ده قبل كده ولا لا ؟!
سارة : شخص مين ؟!!
خالد وضغط علي ذراعها اكتر : انتي هتستعبطي ؟!! حسااام ...
سارة بصوت مخنوق : هو انا كلمته ولا جيت ناحيته ؟!
خالد بحدة : اومال ايه؟ ايه سر الابتسامة الحلوة اللي ضحكتهاله دي ؟!
سارة بعياط : طيب سيب ايدي وجعتني ... حرام عليك ....الراجل محترم جدا وابتسم انه بيسلم كان لازم اردله السلام .. وبعدين ده قريبي وليه دين في رقبتي وانا عمري ما هنساه له ده ابدا
خالد لف ايد سارة ورا ظهرها لدرجة خلتها صرخت : اقسم بالله العظيم لو ما سمعتي كلامي ومابعدتيش عن الشخص ده حسابك معايا هيكون عسير اوي ..
سهير بحدة : خالد انت يا ولد سيب البت ايه اللي عامله ده؟؟ .. وحاولت تسحب سارة من ايد خالد ماعرفتش ..
خالد بزعيق : مش سامع صوتك... فاهمة ولا لا ؟
سارة بعياط : فاهمة .. فاهمة .. بس ارجوك سيبني ..
سابها خالد وقال بحدة : لو لمحتك بره البيت تاني ماتلوميش الا نفسك ... وسابهم ونزل تاني ..
سارة بعياط : انا مش فاهمة حاجة انا عملت ايه لكل ده ؟ هو انا ناقصة ...يارب ارحمني بقي من اللي انا فيه .. اسلام وماجد وسيف واخرها خالد ... انا لحقت اعمل ايه في دنيتي اصلا عشان اتعاقب كده ...
سهير : معلش يا حبيبتي والله لما عمك يطلع لاقوله هخليه يربهولك ..
سارة : لالالالا يا طنط عشان خاطري انا مش عايزة مشاكل .. انا فيا اللي مكفيني ماصدقت محمد اتعدل معايا ...
سهير : ربنا يصلح حالك يا بنتي ...معلش يا حبيبتي حقك عليا انا ... قومي اغسلي وشك وتعالي نحضر الغدا ..
سارة وبتمسح دموعها : حاضر ... وقاموا الاثنين يحضروا الغدا ...
,,,,,,,,,,,,,,,,,,,,,,,,,,,,,,,,,,,,,,,,,,,,,,,,
طلعوا كلهم بعد ساعة بما فيهم سيف ....
ابراهيم : تعالي يا حسام يا بني انت هتتكسف .. ادخل ..
حسام ودخل وقعد: متشكر يا خالو .. بس مالهوش لازمة الغدا ..
ابراهيم : لا ازاي ... انت قاعد لوحدك لحد سميرة ما تيجي .. انا عارف انها مش بتحب تقعد في القاهرة بس هتيجي عشان سمسم حبيبها هنا وهنشوفها اخيرا ..
حسام : ماما بتكره الزحمة ... وهي فعلا هتيجي عشان انا رجعت ...وصراحة عايز اشتغل بقي والكورة هخليها هواية بس ..
ابراهيم : ونعم العقل ياما قولنا لك كده بس ماسمعتش الكلام ..
حسام : ده انا ناوي استقر كمان .. وان شاء الله بدور علي بنت الحلال واتجوز ..
سهير خرجت من المطبخ : ازيك يا حسام يا بني .. هههههههه مين ده اللي هيتجوز؟؟ انت ؟!! لا مش معقولة ...
حسام : ههههههه كل شئ بآوانه ...
خرجت سارة من المطبخ : طنط تعالي شوفي الرز كده المية بتاعته كفاية ولا لا؟ ايه ده استاذ حسام معرفش ان حضرتك هنا ... اهلا بحضرتك ..
حسام بابتسامة جذابة : هههههههه استاذ مرة واحده ليه يعني وحضرتك كمان ..لالالا سيبك من الكلام ده .. انا تقولي لي حسام .. سمسم بلاش استاذ دي ...
ابتسمت سارة : ماشي يا حسام
سيف بسخرية : احمد ربنا علي استاذ مش احسن من عمو ...
حسام : عمو ...يا نهار ابيض ... لا خليكي في استاذ احسن ..
ضحكت سارة ولاحظت نظرات محمد وخالد اللي علي وشك يقتلوها وهي واقفة ...
محمد بجدية : ما تروحي تشوفي الرز اللي زمانه اتحرق بدل الهزار والضحك ..
سارة (بلعت ريقها وخافت من نظراته اللي كلها شر ) : حاضر .. وجريت سارة علي اوضتها ...حصلها محمد وخبط علي الباب ودخل وقفل وراه
محمد بصوت حاد ونظرات غضب : انا قلت ايه ؟ مش قلت مش عايز اشوفك بتكلميه ؟؟
سارة بخوف وبتبعد عنه : طيب لحظة عشان خاطري قبل ما تضرب انت كمان .. انا خرجت لاقيته قاعد ماسلمش ..
محمد بحدة: ان شاء الله عنك ما سلمتي ... عارفة اشوفك واقفة معاه تاني هكسر رقبتك .
سارة بخوف : حاضر .. بس سؤال فضولي هيموتني .. هو ليه بتحذروني منه كده انا شايفاه متحرم ولذيذ والله ..
محمد وفقد اعصابه وبيرفع ايده هيضرب سارة بس سارة جريت وطلعت عالسرير : قطع لساني .. انا مش قصدي لذيذ ده زي الزفت خلاص عشان خاطري خلاص ... وبتجري ومحمد وراها ...
محمد مسكها ما ايديها وضغط عليها بشدة : مين ده اللي لذيذ يا روح امك ؟؟
سارة بألم : لالالالا ..اااه ,, اااااه .. لحظة خد الايد الثانية عشان خالد كان لسه هيكسر لي دي .. انا عايزة اعرف بس هو وحش في ايه ؟!!
محمد سابها وبيتنهد : اخلاقه مش كويسة وخلاص بتاع بنات ومش مظبوط ومش لازم تعرفي اكتر من كده ,,انا وشهد اتخانقنا مرة عشان كانت قاعدة لوحدها معاه , المهم .. انا حذرتك وبعد كده انتي الجانية علي نفسك ...
سارة : يعني ايه اخلاقه مش كويسة بقولك وصلني ولوحدنا ولمدة ساعة لو كان مش مؤدب زي ما انت بتقول كان بان عليه واحنا لوحدنا ...
محمد : لا انتي مصرة تتهزأي النهاردة ... لو قولتي حاضر لسانك ده هيتشل ؟؟ ما تقولي حاضر وخلاص ..
سارة : مش بحب اعمل حاجة مش مقتنعة بيها ...
محمد : ومش لازم تقتنعي ... بس لو عايزة تقتنعي تعالي انا هقنعك ... وجريت سارة من قدامه وفتحت باب الاوضة وخبطت في حسام اللي كان رايح الحمام ورجعت لورا اتخبطت في الحيطة في راسها ووقعت ...
سارة : ااااااااااه يا دماغي ...
حسام : انا اسف بجد يا سارة ماشوفتكيش وانتي كنتي بتجري بسرعة ....ومد لها ايده عشان يقومها كان خرج محمد من الاوضة وشافهم راح شايلها من ذراعها ..
محمد : قومي خشي جوه يابت ..
حسام : انتي كويسة وريني راسك لتكون اتعورتي ..
سارة وبتبص لمحمد بخوف : لا شكرا انا كويسة الحمدلله ...حصل خير .. محمد بعد اذنك عايزاك ثانية .. عن اذنك يا حسام ..
محمد : تعالي ..
حسام : عادي .. اتفضلي ....
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,

في اوضة سارة ...
سارة : بقولك يا محمد ممكن اكلمك في موضوع بس من غير ما تتعصب عليا .. انا عارفة ان الموضوع ميخصنيش .. بس لازم اتكلم فيه ..
محمد بقلق : في ايه سارة ؟؟
سارة بتردد : شهد ....
محمد بضيق : مالها ؟
سارة : مش هتصالحها بقي ؟
محمد بدون تردد : لا....
سارة : محمد شهد بتحبك وبتموت فيك وحرام عليك تسيبيها هي عملت كده من غيرتها عليك .. وانا لو بحب حد هدافع عنه لاخر نفس فيا وخاصة اني حاسة انه ممكن يسيبني ... هي اكيد ماتقصدش اللي حصل هي فكرت ان انا ابعد عنك وخلاص ...
محمد : يعني انتي مسمحاها ؟
سارة : وانت مالك بيا ؟؟ المهم انت تسامحها ..
محمد : مش هسامحها غير لما تسامحيها ...
سارة بضيق : خلاص يا سيدي مسمحاها ... عشان خاطري ارجعوا لبعض بقى .. حرام عليك البت ..
محمد بسعادة داخلية : خلاص هصالحها النهاردة ... اما انتي بقي ماشوفكيش بره تاني فاهمة ..
سارة : بردو ... حاضر
خرج محمد من الاوضة ودخلت سارة المطبخ تساعد سهير ...........
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

وقت الغداء دخل خالد لسارة : انتي يا هانم انتي هتتغدي هنا ومن هنا لحد ما حسام ما يمشي مش عايز المحك بره فاهمة ...
سارة بضيق : حاضر
خالد بحنية وقعد علي كرسي قدامها : المفترض الواحد لما يلاقي حد خايف عليه مايزعلش .. يفرح ان في حد بيحبه ومهتم بيه وبيحافظ عليه ..
سارة : ........
خالد : خلاص بقي ما تزعليش والله ما قصدي ازعلك انتي عارفة معزتك في قلبي انتي اختي يا بت ..
سارة : انا عارفة يا ليدو يا حبيبي ..
خالد وبيعض علي شفايفه بغيظ : ليدو .. طيب قومي من قدامي بدل اعملك عاهة ..
سارة : لا ارجوك .. انا لسه صغيرة ..
ضحك خالد : اوعي تخرجي .. وسابها ومشي
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,
عدي اليوم بسلام وسارة فضلت في اوضتها وطبعا ده كان ملحوظ بالنسبه لحسام وللكل جدا
ولما سال حسام عنها ... خالد رد له انها تعبانة وشكلها واخدة برد ...
,,,,,,,,,,,,,,,,,,,,,,,,,,,,,,,,,,,,,,,,,,,,
في اخر اليوم ... في اوضة سارة ...خبط الباب
سارة : ادخل ..
سيف : ممكن اجي ؟!
سارة : طبعا اتفضل ..وكانت قاعدة علي السرير واتعدلت اول ما دخل
سيف وسحب كرسي وقعد قدامها : سارة كلمتين جد بقي شوية ....من هنا بدانا الجد ارجوكي اجمدي معايا لانك من بكرة هتبدأي تدريبات معايا اخليكي تحاولي تدافعي بيها عن نفسك .. ماشي ؟؟
سارة : تدريبات ؟!! وادافع عن نفسي ؟؟ مين انا ؟!!
سيف : لا يا حبيبتي امي اللي هتدرب .. بت مش وقت غباوة خااااالص ... نامي كويس عشان بكرة هجيب معايا كام حاجة كده في الخفيف والمستخبي ادربك عليهم واعلمك حركات قتالية كده علي قدك .
سارة : لالالالالا ... انا بخاف ارفع الشبشب علي نملة ... لا ياعم يفتح الله ..
سيف ضرب علي رجله بخفة وقام : خلاص ماشي براحتك ... اتمني لك حياة سعيدة يا عروسة ..
سارة ووقفت بغضب وبتضرب برجلها في الارض : خلاص هعمل اللي انت عايزه بس براحة عليا ..
سيف بضحكة سخرية : براحة عليكي ؟؟ ما الصبح كان عندك ظوافر وبتخربش ..
سارة بضحك : يا عم انت بتصدق .. ده احنا بناكل عيش بس ..
سيف بضحك وبيبص لسارة وساكت ..
سارة : بتفكر في ايه ؟ نظرتك مش مريحاني ..
سيف : مش قادر اشوفك غير بسنت ...سارة ممكن تعتبريني زي اسلام ومحمود .. اخوكي الكبير يعني..
سارة بابتسامة : حاضر.. بس كده عيوني .يمكن لما تعتبرني زي اختك تخف عليا شوية .. يا ابيه سيف .. وغمزتله ...
سيف بضحك : ربنا يخليكي ليا يا بسنت ..
سارة : لا يا عم ماتفولش عليا انا لسه صغيرة .... لمعت عين سيف بدموع ...
سارة : انا اسفة والله ما قصدي ..
سيف : ولا يهمك يا قلبي .. انا اللي اسف .. ربنا يخليكي ليا ونخلص من ماجد ده انا وانتي ... وهكون لك اخ وسند وهعوضك عن اي حاجة وحشة عشتيها ..
سارة : ربنا يخليك ليا ...
,,,,,,,,,,,,,,,,,,,,,,,,,,,,,,,,,,,,,,,,,,,,,,
تاني يوم الساعه خمسة الصبح... صحيت سارة علي كوباية مية متلجة اترمت علي وشها
شهقت سارة بفزع : يييحححححححححححححح ... ايه ده من الحمار اللي .... فتحت عنيها لقت سيف في وشها ...
سيف وبيرفع حاجبه : مين ده اللي حمار ؟؟
سارة بخوف : اللي طفى المنبه وخلاني ماصحتش .. يحححح المية متلجة والجو برد .. ليه كده يا أبيه كان ممكن تقول يا سارة هتلاقيني قمت نطيت علطول ..
سيف : امممممممم اللي طفى المنبه .. ماشي ...هعديها .... لو كنت ناديت بس ماكنتيش هتصحي فايقة كده .. قومي يلا عشان عندنا يووووم طويل ...
سارة بتأفف : حاضر .. حاضر جايه ... كان مالي ومال الهم ده بس ..
خرجت سارة من الحمام وبعد ما صلت الفجروقالت اذكارها وجهزت لقت سيف قاعد في الصالة ..
سارة : انا جاهزة ..
سيف: يلا بينا ..
دخلوا اوضة في الصالة كانت فاضية من اول ما جت البيت ...ودلوقتي لقتها مليانه ادوات عجيبة واجهزة تدريب ...
سارة بتعجب : ياااااااااه .. انت لحقت عملت كده الحاجات دي امتي ..
سيف وهو بيلبس جوانتي في ايده عشان التمارين : امبارح وانتي نايمة يا هانم كنت بجهز ....حدف لها سيف جوانتي ... خدي البسي ده في ايدك ...
سارة : ياااه .. ده تقيل اوي ..
سيف بسخرية : البسي يا حنينة واخلصي ... انشفي يا بت هو انا جايبك افسحك انا هدربك تضربي وتدافعي عن نفسك ازاي ... سارة انتي مدركة انتي داخلة علي ايه ؟؟ والله شكلك هبلة ولا فاهمة حاجة ..
سارة : لا فاهمة علي فكرة .. داخله علي حرب ممكن ماطلعش منها سليمة او ماطلعش منها اصلا ..
بس انت فاكر شوية التمارين دي هتخليي ادافع عن نفسي ؟؟
سيف : يخربيت احباطك يا شيخة ... اتمرني الاول وبعدين ابقي احكمي معانا اسبوع وعلي حسب استجابتك هتبقي اقوي كتير .. الاول بقي الجوانتي دي مش بيتلبس كده يا هبلة ... ولبسها الجوانتي كويس في ايدها .. بصي يا سارة شايفة كيس الرمل ده .. ده ماجد قدامك فرصة تطلعي كل اللي عمله فيكي وريني هتعملي فيه ايه ؟؟
سارة وضربت كيس الرمل بقوة اتحرك حركة مش جامدة رجع خبطها ووقعت : ااااااه .. ايه البداية دي ؟!!
سيف بضحك : هههههههههههههههههههههه .. يا نهار ابيض ... واضح انك متغاظة منه اوي من اول ضربة طيرك ... قومي يا جردل .. ادلقتي زي الجردل .. هههههههههههه
سارة بغيظ : انا مش جردل هو الكيس اللي اخدني علي خوانة .. وقامت وقفت ..
سيف : يا نونة ... سارة حبيبتي ... بصي هنا ده ماجد اللي قتل ابوكي وامك واخواتك ( وشاور علي الكيس الرملي ).. وعيشك من بعدهم في سواد ..
سارة بدات ملامح الغضب علي وشها وبصت لسيف بغضب وضربت الكيس بكل قوتها بدأ يتحرك ..وتفادت رجوعه وضربته تاني بقوة اشد
سيف : وخطفك وحاول يعتدي عليكي ..( زادت ضربات سارة وبقت اقوي وبدات دموعها تنزل) ... وعايز يتجوزك او يأذي حد من اخواتك .. (وصلت سارة لقمة غضبها وقعدت تضرب في الكيس ضربات كتيرة سريعة لحد ما لمح سيف علي وشها بوادر انهيار) ...
مسك سيف ايديها : اهدي يا سارة خلاص كفاية .. ( سحبت سارة ايديها وبدات تضرب في سيف نفسه وبدا يحط ايده قدامه يحمي نفسه من ضرباتها )...

توقعاتكم ايه ؟؟
استنوني الفصل القادم

فيتامين سي · 24-09-18, 08:06 AM

الفصل الثامن والعشرون,,,,

سيف : وخطفك وحاول يعتدي عليكي ..( زادت ضربات سارة وبقت اقوي وبدات دموعها تنزل) ... وعايز يتجوزك او يأذي حد من اخواتك .. (وصلت سارة لقمة غضبها وقعدت تضرب في الكيس ضربات كتيرة سريعة لحد ما لمح سيف علي وشها بوادر انهيار) ...
مسك سيف ايديها : اهدي يا سارة خلاص كفاية .. ( سحبت سارة ايديها وبدات تضرب في سيف نفسه وبدا يحط ايده قدامه يحمي نفسه من ضرباتها )...

سيف : ضربتك ضعيفة اوووي ..( ضربته سارة بعنف اكبر) .. لسه ضعيفة .. ضعيفة اوي كمان ..
(كملت سارة ضربه بكل قوتها وفي مرة جت في وشه وخلت انفه نزفت وبردو ما وقفتش )....
سيف وبيحاول يهدي سارة ويوقف ضربها ليه : بس يا سارة ماتهلكيش نفسك .. لسه عايز طاقتك ..
( ولكن سارة من الواضح انها مش مسيطرة علي نفسها واعصابها والغضب عماها ومكملة ضرب ) بس .. كفاية كده .. ومسك سيف ايده جامد لدرجة انها حتي ماعرفتش تحرك ايديها ..
سارة بعياط : سيبني اموته واخلص منه سيبني ..
سيف : انتي بتضربيني انا .. انا سيف ..
هديت سارة وفاقت لنفسها وقالت بعياط : انا اسفة يا ابيه سيف بس انا فعلا ماقدرتش اتحكم في نفسي ..
سيف بضحك : عليا انا الكلام ده يا بنتي انتي قاصدة تضربيني ال يعني بتتمرني .. اقلعي الجوانتي ده واطلعي علي جهاز المشي هتمشي ننشط حركة جسمك شوية ...
استمرت تمارينهم لساعات لحد ما كل اللي في البيت صحي وسيف افرج عن سارة ..
سارة : ابية سيف ابوس ايدك ارحمني انا ضلوعي اتكسرت بقالنا 5 ساعات بنتمرن انا مش حاسة باعضائي ..
سيف : هههههه خلاص كفاية كده .. يلا قومي عشان نفطر ..
سارة : انا مش عايزة فطار انا عايزة جبس واسمنت يصلحوني ..
سيف : طيب اقولك علي فكرة هتخفف الامك دي كلها ..
سارة : ياريييييييييييت ..
سيف : قومي معايا .. بس اسمعي لا اعتراض ..
سارة :انا موافقة بس اهم حاجة الم جسمي يخف ..
اخدها سيف علي الحمام وفتح حنيفة الدش الباردة ومسكها ووجهها علي سارة ..
سارة : يحححححححححححححححح.. اه يا مفتري .. المية متلجة .... عااااااااااااا .. لالالا خلاص مش عايزة عضلاتي تفك .. بس بقي ..
سيف وماسك ايديها بشدة عشان ما تهربش منه : لالا معلش استحملي اليمة المتلجة دي اللي هتريحك ..
سارة ولسه بتصرخ : مش عايزة ارتاح .. يا مفتري خلاص احنا في عز الشتا ... عااااااااا
جه ابراهيم علي صوت سارة اللي عماله تصرخ من البرد ..
ابراهيم : في ايه يا سارة؟؟ في ايه يا سيف ؟؟يا نهار ابيض ... انت مبهدل البت كده ليه ؟
سيف : ضلوعها واجعها والمية الباردة هي اللي هتفك عضلاتها ..
سارة : الحقني يا عمو .. هيموتني المية تلللللللج ..
ابراهيم : لالالا يا سيف كده تتعب حرام عليك يا اخي ... وجاب فوطة ولف سارة بيها وخرجها بره الحمام وسط ضحك سيف عليها وعلي منظرها ..
سارة وهي خارجة : أأأأأأأأأأأأأأ,, منه له .. كل ظالم وله نهاية .. منه له ..
,,,,,,,,,,,,,,,,,,,,,,,,,,,,,,,,,,,,,,,,,,,,,
عدي يومين وسارة كل شوية تتدرب مع سيف بس للاسف ضعفها مش مساعده خالص ..
سيف : سارة النهاردة عندنا تمرين مهم جداا .. خشي البسي عشان هنخرج ..
سارة بقلق : تمرين ايه ده ؟
سيف : هعلمك تمسكي سلاح وتضربي بيه .. واكيد مش هنتدرب عليه هنا .. هاخدك في ساحة تبع الشغل للتدريب ...
سارة بقلق : سلاح ده اللي هو ايه ؟ مسدس يعني ؟!!
سيف : لا يا حبيبتي ده حاجة صغيرة كده اسمها دبوس عشان لو ماجد قرب منك تشكيه بيه فيخاف ويجري ... انتي هبلة يا بت ايوة مسدس طبعا ...
سارة بخوف : لالالالا .. انت اكيد بتهرج .. انت عايزني انا امسك سلاح واضرب النار والجو ده .. لامش انا يا بابا ...
سيف بسخرية : ماهو اكيد مش انتي يا بنتي انتي مش عارفه تمسكي نفسك هتمسكي سلاح ... يلا يا سارة الله يرضى عليكي خليني اعمل معاكي اي حاجة بدل ما انتي مضيعة الاسبوع مني هدر كده وانا اللي سايب اسر زميلي شايل تحضير الخطة كلها لوحده ...
سارة بضيق : حاضر ثواني وهبقي جاهزة ...
جهزت سارة واخدها سيف واستاذن ابراهيم علي انهم هيروحوا مشوارهم ده ووافق ...
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
في عربية سيف رن موبايل سارة ....
سارة بخوف : ابية سيف ده غالبا ماجد رقم مجهول ..
سيف : بسرعة حطي السماعة دي عشان اسمع بيقولك ايه .. واخدت منه سماعة موبايل حطت ناحية منها علي ودنها والناحية الثانية اخدها سيف وحطها علي ودنه ...
سارة بخوف : أأأ .. الو ..
ماجد : انتي رايحة فين يا هانم ؟؟؟ استاذنتي مين عشان تخرجي ؟؟
سارة وبتبص لسيف : اصل هو اللي اصر اننا نخرج في مشوار ولسه مش عارفة ايه المشوار ده ...
شاور لها سيف ب ( ممتاز وكملي ) .....
ماجد : كلها يومين وتبقي معايا علطول,, واعلمك الادب علي خروجك بدون اذن ده ...
سارة : انا اسفة مش هعمل كده تاني ,,
ماجد : نبقي نتكلم بعدين ... يوم الخميس ابقي ظبطي نفسك كويس عشان هعيشك يوم مش هتنسيه ..
سارة : ح .. حاضر .. واتقفل الخط ..وبدات سارة تعيط ..
سيف بعصبية وبيضرب علي الدركسيون بعنف : ماشس يا ماجد الكلب اما وريتك .. وانتي يا عبيطة ماتعيطيش .. صدقيني هخلصك منه ان شاء الله هريحك منه...
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
في ساحة كبيرة لتعليم استخدام الاسلحة ..
دخل سيف وسارة وعلي البوابة حراس اللي اول ماشافوا سيف قاموا وحيوه ... ودخل سارة كابينة ..
سيف : سارة استنيني هنا هجيب الحاجة وجاي ... وفجاة سمعت سارة صوت طلقات ..
سارة واتشعلقت في ذراع سيف : عاااااااااااااااااااااااا ااااا ,,, لالالالالالا ...اوعى تسيبني هنا .. انا بكره صوت ضرب النار ... عشان خاطري خدني معاك ...
سيف وبيمسح علي وشه من ضيقه : تعالي ياختي ..
جاب سيف المسدس اللي هيتدربوا بيه وبدا يعلم سارة .. لبسها السماعات لمنع اذية ودانها من قوة الصوت ولبست نظارة ... وقف وراها وعلمها ازاي تمسك المسدس وازاي تحاول تنشن علي مكان الدايرة الحمراء صح ...
سيف وبيخلع السماعه من علي راسه : تصدقي يا بت انتي عندك بوادر اجرام ... اول مرة حد يتعلم مسك السلاح بالسرعة دي ..
سارة بثقة : طبعا امال انتي فاكرني ايه ؟ انا عارفة كل حاجة ومدكنة ..
سيف بضحك : طيب يلا يا مدكنة .. تعالي نتغدى ونروح عشان منتاخرش ..
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,
راجع اسلام من كليته وداخل من باب العمارة قابلته بنت في وشه اول ما شافته اتفزعت ...
اسلام : انا اسف مش قصدي ...
ياسمين : لا ابدا ولا يهمك .. انا اللي بتخض من خيالي ...
اسلام : ازيك يا ياسمين عامله ايه,, عامله ايه في مذاكرتك ؟
ياسمين بابتسامة خجل : الحمدلله ... انا كنت رايحة الدرس دلوقتي ادعيلي ..
اسلام : الثانوية العامة صعبة اساليني انا ... ربنا يعينك .. انتي ادبي ولا علمي صحيح ..
ياسمين : ادبي ..
اسلام : يا خسارة كنت هقولك اساعدك بس انا كنت علمي ..
ياسمين بخجل : متشكرة اوي يا اسلام ... عن اذنك لاني اتاخرت عالدرس ,ابقي سلمي لي علي سارة ..
اسلام بابتسامة : العفو .. حاضر يوصل .. مع السلامة ..
مشيت ياسمين وفضل اسلام يبص عليها لحد ما اختفت ع عينه وعض عل شفايفه مع ابتسامة وهز راسه ومشي ...
( ياسمين اخت كريم الصغيرة ثانوية عامة بنت مؤدبة جدا.. خجولة جدا ..جميلة بحيائها وخجلها وتشبه كريم جدا )
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,
في بيت ابراهيم وقت العشاء وقاعدين يتعشوا ....
ابراهيم : بقولك يا سارة ... جالك عريس النهاردة طلبك مني ..
اسلام واللقمة وقفت في زوره وقعد يكح جامد وبعد ما اخذ نفسه : مين ؟ عريس لسارة ؟ لالالالالا هو احنا خلصنا من الاولاني ..
ابراهيم : العريس عارف حوار ماجد ومستعد يصبر لحد ما تخلص من ماجد ومن الواضح ان لحظات الاعجاب من اول ما شافك ..
خالد وبيبص لسارة بغيظ : ما شاء الله وده شافها كمان .. وبص لباباه .. وده مين بقي اللي عارف حوار ماجد وموافق وكمان هيصبر لما تخلص منه ؟
ابراهيم بهدوء : حسام ..
الصدمة علي خالد ومحمد وسارة لا توصف ..
محمد رمى معلقته بعصبية : نعم حسام مين ده اللي عايز يخطبها واعجاب ايه ؟؟ ده علي جثتي يرتبطوا ...
ابراهيم : بس انا موافق .. واديته موافقتي .. لو طبعا سارة قالت ايوة ...
كلهم بصوا لسارة .. قامت سارة ووقفت جنب عمها واستخبت وراه : نخلص من ماجد وانا موافقة ...
قام محمد بعصبية يجري ورا سارة ولحقها محمود ووقف بينهم ...
محمد بزعيق : انتي ايه ؟؟ سمعيني كده تاني ؟؟ هدفنك صاحية لو وافقتي ...
محمود بهدوء : اهدي بس يا محمد الموضوع ده بدري اوي عليه .. بس انا عايز اعرف اعتراضكم عليه اصلا والحاحكم انه ميتعاملش مع سارة خالص ...
محمد بضيق : لسبب في نفسي مش هقدر اقوله ..
محمود وعلي وشه نظرات شك : لا وانا من راي عمو ابراهيم ... انا كمان موافق ولو ان الموضوع ده بدري عليه اوي بالنسبة لسارة ...
فجاة وقف ابراهيم وكل جدية : خالد .. محمد .. خلصوا اكل وحصلوني علي اوضتي عايزكم .. واللي هيقرب من سارة هتصرف معاه تصرف مش هيعجبه ابدا ...
قام ابراهيم ومعاه سهير ودخلوا اوضتهم دقايق وكان خالد ومحمد حصلوهم ..
اسلام بتعجب : هو حد فاهم حاجة يا ولاد ؟!!
سارة : محمد كان قالي قبل كده انه بتاع بنات ومش كويس ..
اسلام : انا طول معرفتي بيه هو شخص كويس ومحترم ولا عمره حتي عاكس بنت ..
محمود : انا مش فاهم انتوا مستعجلين ليه ؟؟ انتي عارفه عندك كام سنة ؟
سارة : انا مش مستعجلة ؟؟ بس انت هتفتكر حد هيبصلي بعد اللي حصلي مع ماجد .. اهو اضمن عريس وخلاص ..
اسلام بحدة : عريس ايه يا مزغودة انتي ... اتلم يا بت وبطلي قلة ادب .. قال عريس قال ... وكملوا اكلهم ...
,,,,,,,,,,,,,,,,,,,,,,,,,,,,,,,,,,,,,,,,,,,,,,,
في اوضة ابراهيم ....
ابراهيم بجدية : اظن موضوع حسام ده كان من سنين ورفضكم ليه مش مبرر .. وانا شايف ان حاله اتصلح والواد راجع عايز يشتغل ويستقر ... وانا بخاف علي سارة ومش هسمحله يأذيها ..
محمد : بابا حضرتك ناسي انك بتتكلم عن حسام اللي اتمسك اشتباه في قضية اداب ؟؟ نسلمه اختنا بايدينا ؟؟
ابراهيم : خرج منها وعرفنا انها كانت متلفقة .. والواد محترم وشكله اتظلم .. بس ده يرجع لسارة ... ومن هنا لحد ما تخلص من ماجد ولو وافقت علي ارتباطها علي حسام مش عايز حد يجي ناحيتها انا بقولكم اهو ..
خالد بضيق : بس انا مش موافق ولا يمكن ده يحصل ..
ابراهيم : وانا ماطلبتش رايك ومالكش دعوة لا بحسام ولا بسارة ولو سارة وافقت اول ما نخلص من حوار ماجد هنعملهم حفلة خطوبة ... حاول محمد الاعتراض ولكن وقفه ابراهيم ,,, ولا كلمة زيادة وكل واحد علي اوضته ....

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
وجاء اليوم الموعود يوم الخلاص .... جواز سارة وماجد ...

توقعاتكم ايه ؟؟
استنوني الفصل القادم ...

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري