تائه بين دوائر الإنتقام (الجزء الأول) بقلم/اسراء احمد ،مصرية(مكتملة)

فيتامين سي · 12-09-18, 09:27 AM


	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته اعضاء روايتي الغالين نقدم لكم رواية (( تائه بين دوائر الإنتقام (الجزء الأول) )) للكاتبة/ اسراء احمد قراءة ممتعة للجميع ...

فيتامين سي · 12-09-18, 10:43 AM

رابط لتحميل الروايه

https://www.rewity.com/forum/t425330.html

**المقدمه**

سارة طفلة لم تبلغ من العمر الرابعة عشر عاما أحلامها قليلة تنعم بحياة هادئة سعيدة الي ان قامت عاصفة في حياتها ابكرت بشيخوختها أطفأت ملامح البراءة والطفولة فيها دخلت بمحض الصدفة بين دوائر الانتقام لتخرج منها حطام ....
فهل ستجد من يلملم حطامها ويعيد تكوينها ويستعيد روحها إلي كونها طفلة ام ستجد ان قلبها مريض ولن يجد طبيبه ......

فيتامين سي · 12-09-18, 10:46 AM

الفصل الأول :

سارة طفلة بريئة قربت من 14 سنة ب ثانية إعدادي مش رائعة الجمال ولكن تمتلك عيون مرسومة إبداع الخالق بتوقع في شباكها اي حد يبص لها وشفتين رفيعين وابتسامة جميلة
تعيش في أسرة كبيرة ولد الكبير إسلام وأربع بنات ( هبة وأسماء ومها ومنة وهي )
الأب والأم بيحبوهم جدا ويعملوا كل طاقاتهم لاسعادهم
سارة مشاكسه جدا مع أخواتها وخاصة أخوها الكبير وبره البيت بيطلقوا عليها الولد بسبب أنها حادة جدا في التعامل مع اي شاب بيحاول حتي يكلمها ....
سارة : ماماااااااااااا انا جيييييييت
الأم ( سعاد) : حمدلله على السلامة . بس هو لازم الدوشة بتاعت كل يوم دي ما تهدي بقي
سارة : اهدي ... بعد الشر عليا مانا حلوة وزي الفل اهو
إسلام : انتي يا زفتة انتي كل يوم جايه من المدرسة عامله الدوشة دي صداع صداع يا ستار
سارة : انا حلوة وزي الفل انا حلوة وكايده الكل وطلعت له لسانها ...
إسلام : هيجي يوم عليا واقصهولك اللي فرحانه بيه ده
سعاد : امال اسماء فين اوعي تكوني سبتي اختك وجيتي ( اسماء أصغر من سارة بسنة و معاها في نفس المدرسة )
سارة : أسيب مين دي لازقة ب أمير ، بتجيب بس شبيسي وحلويات وطالعة النهاردة الخميس وهنخربها
إسلام خرج من اوضته وجري عليها ومسكها من حجابها وشعرها : ايه تخربوها دي يا بت
سارة : ااااااااااااه الحقيني يا مامااااااااااا سيبني بقي
هنعمل ايه يعني ده حتة فيلم الرعب بتاع يوم الخميس اللي بتفرج عليه يوم الخميس بالاكراه مع اختك ااااااه سيبني بقي
إسلام بعد ما ساب شعرها وضربها علي رأسها : حسني ملافظك يا هانم في بنت محترمة تقول هنخربها.....
سارة وهي بتجري علي اوضتها وبطريقة مستفزة : محترمة غصب عنك انا أبويا مربيني احسن تربية ولو شافك وانت بتضربني هيعلقك...
إسلام وهو بيخلع حزامه وبيجري وراها : انا هوريكي مين اللي هيتعلق النهاردة يا كلبة
وبيرفع حزامه في الهوا وقبل ما تنزل عليها جت في أختها اسماء اللي لسه طالعة وداخلة اوضتهم
اسماءبوجع : اااااااااااه كل يوم خناق خناق وتيجي فينا في الاخر
حرام عليك يا اخي ما تهدي علينا يا ديك البرابر
( اسماء بنوتة شبه سارة جدا لدرجة أنهم بيفتكروهم توأم من قرب السن ما بينهم دمها خفيف اقرب واحده لسارة بس لسانها ايه دبش )
إسلام بعصبية وزعيق : انتي اللي جيتي في وشي اعملك ايه كانت للهانم التانية اللي لسانها أطول منها مترين بس ماشي يا سارة ملحوقة ليكي قاعدة علي الاوضه بتاعتي اللي زي الزفت دي
سارة وهي بترفعله حواجبها و مطلعه حتة من راسها من باب الأوضة : هو انا كنت الفلبينية اللي جابهالك الحاج أوضة ايه اللي مخليني كل يوم انضفهالك مشلول ولا بنص رجل وجريت بسرعه وقفلت الباب بالمفتاح ...
اسماء : خليني طيب عايزة أغير تعبانه مش ناقصة خناقكم ورايا مذاكرة اخلصها عشان نلحق الفيلم ونخربها النهارده
إسلام وهو بيضرب اسماء علي قفاها : نخربها بردو ما تحترموا نفسكم ايه بنات آخر زمان دي ...
اسماء : لا يا بابا انا مش سارة تديني قفا اجري منك القفا هرده عشرة ( إسلام بيلف لها وهو عينه بتطلع شرار ) لا بس انا متربية ومش هعمل كده وجريت علي الأوضة وكانت سارة فتحتها وبتتفرج عليهم وبتضحك زقتها اسماء بسرعه وقفلت الباب وراها .
( إسلام ثانوية عامة علمي رياضة حلمه وحلم باباه يدخل هندسة شبه سارة جدا بس وسيم جدا والبنات كلهم في الدرس معاه بيحبوه بس هو محترم جدا وعارف ان اي حب بدون خطوبة وجواز حرام )
هبة ( أصغر من إسلام بسنتين في أولى ثانوي ونفسها تبقي دكتورة وشاطرة جدا في مدرستها وامورة جدا أحلي أخواتها فعلا )
هبة : ماما هو بابا جاي امتي ؟
سعاد : كمان ساعه كده في حاجة ؟
هبة : اصل شايفه الدوشة اللي احنا عايشين فيها ينفع يجي والدنيا دوشة كده ( هبة سمعت صوت منة بتعيط )
(منة آخر العنقود حاجة كده سهوا ههههههه عندها سنة ونص )
هبة : أديها كملت خلصنا من الكبار عشان يطلعوا لنا الصغار
منة وهي بتجري علي هبة : ماااااما
سعاد : اهي دي اللي كبرتك بدري بتعتبرك امها
هبة : دي روحي وقلبي يا ناس وحشاني يا منمونتي وقعدت تبوس فيها
في أوضة البنات ....
سارة : اسماء هو الزفت إسلام ده مش خارج النهاردة ؟
اسماء : خليه يسمعك في مرة هيقطع لك لسانك انتي ايه مش بتحرمي ؟ فاكرة آخر مرة سمعك وانتي بتشتميه؟!!!
سارة وهي بتتحسس خدها : اه أيده كانت تقيله اوي مش عارفه الواد ده مش بيطيقني ليه كده ؟ نكونشي مولودين فوق رووس بعض ، بس في بينا هبة ، بيحترمك انتي وهبة وطيب اوي مع منة ومها الا انا بيجي عندي ويتحول ل جون سينا
اسماء وهي بتضحك: نكونشي هههههههه ، كلنا بنسايره ونسمع كلامه لكن انتي الكلمة مش بعشرة ب مية
سارة : طيب سيبك فيلم ايه جاي النهارده ؟
اسماء وهي بتطلع مذاكرتها : اسمه scream
سارة : ربنا يستر انا بتفرج معاكي بالاكراه هعيط والله
اسماء : هتعترضي
سارة : لا ابدا انا اسفه
(فجأة إسلام زق الباب جامد وعينه بتطلع ناااار وبيبص لسارة وأسماء جامد)
إسلام : مين اللي عملت كده يومها اسود النهاردة ؟؟؟؟
بلعوا ريقهم وبخوف
اسماء : في ايه ؟ حصل ايه ؟

فيتامين سي · 12-09-18, 10:48 AM

الفصل الثاني..

سارة وخافت وبتبعد لآخر السرير
اسماء بخوف وبتحاول تتمالك اعصابها : ايه في ايه ؟ ايه اللي حصل ؟
إسلام : مين دخلت اوضتي آخر واحده انطقوا؟؟
اسماء : اكيد سارة ، هو في حد مسموح به يدخل محرابك قصدي أوضتك غيرها وعشان تنضفهالك؟
إسلام وبيقرب من سارة وهو في قمة عصبيته: مسكها من ياقة البيجامة وبيقولها : انتي كسرتي قلمي السنون ابو 50 جنيه ؟!!
سارة وافتكرت ....
فلاش باك *
اما الحق اخلص الاوضه دي احسن إسلام ينفخني عايزة انام بقي عندي مدرسة وهو بيتفسح وسايبني بروق اوضته ولا كأني خدامة الباشا
وفجأة وهي بتروق مكتبه وقعت علبة اقلامه عالارض وبسرعة لمتها ومش اخدت بالها من القلم السنون اللي واقع جت تمشي داست عليه كسرته كذا حته ...
سارة وقفت فجأة وسامعة صوت الكسر تحت رجلها : يارب ما أكون كسرت حاجة في اوضتة المقدسة دي ويطلع رجلي طقطقت ولا حاجة ولا حتي اتكسرت عااااااااا يارب استر
رفعت سارة رجليها براحة ولاقيت قلم إسلام ده اتكسر كذا حتة اللي كان هدية من جده عشان نوع القلم ده بيستخدموه في كلية هندسة كنوع من التحفيز انه يدخل الكلية دي والقلم ده عزيز عليه جدا ...
سارة وهي بتبص للقلم: عاااااااااا اعمل ايه انا دلوقتي ؟!!! اهئ اهئ اهئ يا صغيرة عالموت يا سارة اهئ اهئ هتروحي في الرجلين عشان قلم عاااااااا هعمل ايه دلوقتي؟؟
فكرت سارة وقررت هترجع القلم مكانه ولا من شاف ولا من دري وجربت وقفلت النور وقفلت الاوضه ...
دخلت اوضتها وأسماء شافتها وشها مخطوف
اسماء : ايه يا بت انتي شوفتي عفريت ؟!!!
سارة بخضة: حرام عليكي فزعتيني انا ناقصة
الحقيني يا اسماء انا كسرت قلم إسلام السنون بتاع جدو عاااااااا......
اسماء بخضة : يا نهارك فحلقي هتوحشيني يا سارة

بااااااك**
سارة بخوف شديد وغباء مصطنع : قلم سنون ايه ؟
إسلام وبدأ يزيد في عصبيته لان سارة من الناس اللي لما بتكذب وشها بيفضحها وهو بيفهمها جدا : قلمي اللي جابه لي جدك ؟
سارة وعرفت انه لا مفر بس بتكابر وبصوت مبجوح : ااا .. ا ن نا .. م مش .. ك ك كسرت حاجة .
إسلام وخلاص جاب اخره وبكل قوته ضربها بالقلم على وشها جامد وقعت من علي السرير وقال بعصبية : غلطانه وكمان كذابة
سارة بتحاول تجري علي باب الأوضة وبتعيط مسكها إسلام من ايديها جامد وأسماء بتحاول تفك بينهم فجأة جت مامتهم وباباهم علي صوتهم ...
باباهم بصوته كله : بااااااااااس في ايه ؟ ايه اللي حصل ؟؟
( الحاج احمد ابو سارة شخص طيب جدا سنه تقريبا 45 سنه بيشتغل في الشهر الxxxxي وبيحب بناته جدااااا خاصة المشاكسة سارة ... بينتقد إسلام دايما لضربه لسارة او لاخواته لأن إسلام سندهم بعده )
سحب الحاج احمد سارة من ايد إسلام : حد يرد عليا في ايه ؟
إسلام بيتكلم بعصبية وانفعال : الهانم كسرت قلمي السنون اللي جدو جابهولي هدية نجاحي وكمان بتكذب وبتقول مش انا ..
احمد بهدوء : أولا صوتك يوطى وانت بتتكلم معايا
ثانيا انا كام مرة نبهتك علي ضربك لاخواتك البنات عيب عليك تتهزا قدامهم
ثالثا وده الأهم قلم ايه اللي يستاهل تضرب اختك عشانه القلم جيب بداله مش حدوته يعني ..
إسلام وبدأ يتعصب من باباه اللي بينصر سارة عليه . : حضرتك عارف أهميته بالنسبه لي مش بسعره لكن بقيمته ولما سألتها قالت مش انا وهي بتكذب
احمد : انت عرفت منين أنها كذبت
إسلام بثقة : مش بتعرف تكذب عليا
احمد وبيكلم سارة : صحيح الكلام ده يا بنتي ؟؟
سارة بتعيط وبتبص في الأرض : والله يا بابا غصب عني وقع ودوست عليه فجأة من غير ما اقصد والله ما قصدي
إسلام بحدة : اه فتقومي تخبيه ولا من شاف ولا من دري وكمان تكذبي ..
احمد بهدوء وحنية: سارة الكذب حرام وانتي عارفه كده كويس كنت جيتي قولتيلي وانا اتصرفت
تفضلي اعتذري لاخوكي عشان كذبك أولا و ثانيا عشان القلم
سارة وهي بتحاول تبطل عياط وبصوت متقطع : انا اسفه ...
إسلام بعنف : بس كده ؟!!!
احمد بهدوء : لا مش بس كده ... طلع من جيبه فلوس واداها لاسلام وقاله اتفضل هات غيره وكلمة زيادة في الموضوع ده انت اللي هتزعل...
إسلام ويخرج من الأوضة بعصبية وبيعدي جنب سارة وبيهمس في ودانها : والله ما هتعدي...
انتفضتسارة وخافت باباها مسح علي شعرها :ما تخافيش...
سارة وتشب وباست باباها في خده وبتقوله: شكرا يا أحلي آب في الدنيا
باسها في رأسها وخرج....
دخل البلكونه ووقف فيها وسرحان
سعاد ومعاها كوبايتين شاي : سرحان في ايه يا حبيبي ؟
احمد : في ابنك اللي مش عايز يجيبها لبر ، مبهدل اخواته وكان اللي خلقه مخلقش غيره .. نفسي يحبهم يخاف عليهم مش يخوفهم منه ويبقي وجوده في البيت وقت خنقتهم
سعاد : والله ابنك بيموت فيهم بس هو عصبي شوية وهي المزغودة سارة اللي دايما بتجر شكله .
احمد : اه يا سعاد لو تلاقي ابنك الأول ويجي يشيل الحمل معايا ويفصل بين إسلام واخواته
سعاد بحزن : ليه بس فتحت السيرة دي ، ليه تقلب عليا المواجع ؟؟!!!
احمد وهو بيطبطب عليها هتلاقيه ان شاء الله وهيجي يعيش وسط اخواته كمان بس قولي ياااارب
سعاد بعياط: بقالي 19 سنة بقول يارب واعيش عمري كله اقول يارب لحد ما اشوفك يا محمود يا بني تاني
(سعاد كانت متجوزة واحد اسمهة حسين من الصعيد قبل احمد واكتشفت ان حسين متجوز عليها واحده قبلها في الصعيد ومخلف منها ولد وطلبت منه الطلاق وطلقها واخد ابنها واختفوا ولحد دلوقتي مش لاقينه ..)

في أوضة البنات ...
سارة وخلاص هديت : بت يا اسماء انا عايزة احكي لبابا عاللي انا حاسه بيه واللي قولت لك عليه قبل كده
اسماء ورفعت رأسها من كتابها : والله دماغك دي مليانه أوهام وهتوديكي في داهية
سارة وبتبص حواليها بخوف : والله ما أوهام طيب احكي لاسلام ؟
اسماء بعصبية : سارة انتي بتكتبي نهايتك بأيديك عايزة تحكي لاسلام والله انتي مجنونة ... بت انتي الفيلم هيبدأ انجري هاتي الشيبسي والفشار واللب عشان نتفرج يلااااا....
سارة : بت وانجري علي فكرة انا الكبيرة احترميني شوية
اسماء : احترمك ايه بس انتي إسلام من شوية كان عاملك زي الكتكوت المبلول يلا يلا امشي
سارة : طيب حاضر ماتزقيش استني وانا جايه ونادي علي بابا وماما واخو
سارة :-طيب حاضر ما تزقيش استني انا جاية ونادي علي بابا وماما واخواتك
اسماء : يلا بينا

فيتامين سي · 12-09-18, 10:49 AM

الفصل الثالث....

ﻓﻲ ﺣﺠﺮﺓ ﺍﻟﻤﻌﻴﺸﺔ ﻓﻲ ﺑﻴﺖ ﺳﺎﺭﺓ ﻛﻠﻬﻢ ﻗﺎﻋﺪﻳﻦ ﻭﺍﻟﻨﻮﺭ
ﻣﻄﻔﻲ ﻭﺍﻟﻜﻞ ﻣﻨﺘﺒﻪ ﻣﻊ ﺍﻟﻔﻴﻠﻢ ﻭﺳﺎﺭﺓ ﺍﻟﺠﺒﺎﻧﺔ ﻛﺎﻟﻌﺎﺩﻩ ﻣﺎﺳﻜﺔ
ﻓﻲ ﻫﺪﻭﻡ ﺍﺳﻤﺎء ﻣﻦ ﺍﻟﺮﻋﺐ

ﺍﺳﻤﺎء : ﻳﺎ ﺷﻴﺨﺔ ﺍﺭﺣﻤﻴﻨﻲ ﺑﻘﻲ ﻣﺶ ﻋﺎﺭﻓﺔ ﺍﺗﻔﺮﺝ ﺳﻴﺒﻲ
ﻫﺪﻭﻣﻲ ﺍﻭﻭﻭﻭﻭﻑ
ﺳﺎﺭﺓ ﺑﺮﻋﺐ : ﺍﻧﺎ ﻛﺎﻥ ﻣﺎﻟﻲ ﻭﻣﺎﻝ ﺍﻟﺮﻋﺐ ﺩﻩ ﺍﻧﺎ ﺍﺧﺮﻱ
ﻛﻮﻣﻴﺪﻱ ﺭﻭﻣﺎﻧﺴﻲ ﻟﻜﻦ ﺭﻋﺐ ﻻ ﺍﻧﺎ ﻓﺘﺎﺓ ﺭﻗﻴﻘﻪ
ﻫﺒﺔ : ﻃﻴﺐ ﺍﺳﻜﺘﻲ ﻳﺎ ﺭﻗﻴﻘﺔ ﺑﻘﻲ ﺩﻭﺷﺘﻴﻨﺎ ﻣﺶ ﻋﺎﺭﻓﻴﻦ ﻧﺮﻛﺰ
ﺳﺎﺭﺓ : ﻣﺎﻣﺎ ﻣﺎ ﺗﻴﺠﻲ ﺗﺪﺧﻠﻴﻨﻲ ﺍﻟﺤﻤﺎﻡ ؟
ﺳﻌﺎﺩ : ﻟﻴﻪ ﻳﺎ ﻧﻮﻏﺔ ﺻﻐﻴﺮﺓ ﻭﻻ ﻟﺴﻪ ﺑﺘﺰﺣﻔﻲ ﻫﻬﻬﻬﻬﻬﻬﻪ
ﺳﺎﺭﺓ : ﺍﻧﺎ ﺧﺎﻳﻔﺔ ﻳﺎ ﻣﺎﻣﺎ ﻳﻄﻠﻊ ﻟﻲ ﺍﻟﺮﺍﺟﻞ ﺍﻟﻠﻲ ﻓﻲ ﺍﻟﻔﻴﻠﻢ ﺩﻩ
ﻭﺍﻧﺎ ﻓﻲ ﺍﻟﺤﻤﺎﻡ
ﺳﻌﺎﺩ : ﻗﻮﻣﻲ ﻳﺎ ﺑﺖ ﺧﺸﻲ ﺍﻟﺤﻤﺎﻡ ﺑﻄﻠﻲ ﻫﺒﻞ
ﺳﺎﺭﺓ ﻭﻫﻲ ﺑﺘﻘﻮﻡ ﺑﺮﻋﺐ ﻭﺑﺘﺘﻠﻔﺖ ﺣﻮﺍﻟﻴﻬﺎ ﻭﻣﺮﺓ ﺍﺣﺪﻩ
ﺻﺮﺧﺖ ﺳﺎﺭﺓ : ﻋﺎﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍ
ﺍﻟﻜﻞ ﺑﻴﺠﺮﻱ ﻋﻠﻴﻬﺎ ﻭﻭﻟﻌﻮﺍ ﺍﻟﻨﻮﺭ
ﺍﺣﻤﺪ : ﻓﻲ ﺍﻳﻪ ؟ ﺳﺎﺭﺓ ﺍﻧﺘﻲ ﻛﻮﻳﺴﺔ ؟
ﻻﻗﻮﺍ ﺳﺎﺭﺓ ﻣﻐﻤﻰ ﻋﻠﻴﻬﺎ ﻭﺍﺳﻼﻡ ﻭﺍﻗﻒ ﺟﻨﺐ ﺍﻟﺤﻤﺎﻡ ﺑﻴﻀﺤﻚ
ﺑﺸﺪﻩ ﻭﻻﺑﺲ ﻭﺵ ﻣﺮﻋﺐ ﻭﻭﻗﻊ ﻣﻦ ﺍﻟﻀﺤﻚ
أﺣﻤﺪ : ﻭﺍﻟﻠﻪ ﻣﺎ ﺷﻔﺖ ﺳﺨﺎﻓﺔ ﺯﻱ ﻛﺪﻩ ﺍﻧﺖ ﺍﻳﻪ ﻏﺒﻲ ؟!!
ﺍﺳﻼﻡ ﻭﻣﺶ ﻗﺎﺩﺭ ﻳﺘﻜﻠﻢ ﻣﻦ ﺍﻟﻀﺤﻚ : ﻫﻬﻬﻬﻬﻬﻬﻬﻬﻪ ﻫﻲ
ﺍﻟﻠﻲ ﻫﻬﻬﻬﻬﻬﻬﻬﻬﻬﻪ ﻫﺒﻠﺔ ﻫﻬﻬﻬﻬﻬﻬﻬﻬﻬﻬﻬﻬﻪ
ﺳﻌﺎﺩ ﻭﺑﺘﺤﺎﻭﻝ ﺗﻔﻮﻕ ﻓﻲ ﺳﺎﺭﺓ : ﺳﺎﺭﺓ ﺣﺒﻴﺒﺘﻲ ﻓﻮﻗﻲ ﻳﺎ ﺑﻨﺘﻲ
ﺭﺩﻱ ﻋﻠﻴﺎ
ﺍﺳﻤﺎء ﺟﺎﺑﺖ ﻛﻮﺑﺎﻳﺔ ﻣﻴﺔ ﻭﺩﻟﻘﺘﻬﺎ ﻋﻠﻲ ﻭﺷﻬﺎ ﺻﺤﻴﺖ ﺳﺎﺭﺓ
ﻛﺎﻧﻬﺎ ﺑﺘﻐﺮﻕ
ﺳﺎﺭﺓ : ﻓﻲ ﺍﻳﻪ ؟ ﺍﻧﺎ ﻓﻴﻦ ؟ ﺍﺍﺍﺍﻩ ﺍﻧﺎ ﺷﻔﺖ ﻋﻔﺮﻳﺖ ﻳﺎ ﺑﺎﺑﺎ ﻃﻠﻊ
ﻟﻲ ﺍﻟﻤﻄﺒﺦ ﺷﻔﺘﻪ ﻳﺎ ﻣﺎﻣﺎ ﺧﺒﻮﻧﻲ ﺧﺒﻮﻧﻲ
ﺍﺳﻼﻡ ﻭﻫﻮ ﺑﻴﻀﺤﻚ ﺑﺸﺪﻩ : ﻗﻮﻣﻲ ﻳﺎﺧﺘﻲ ﻟﻤﺎ ﺍﻧﺘﻲ ﻣﺶ ﺍﺩ
ﺍﻟﺮﻋﺐ ﺑﺘﺘﻔﺮﺟﻲ ﻋﻠﻴﻪ ﻟﻴﻪ ؟؟
ﺍﺳﻤﺎء : ﺭﺑﻨﺎ ﻳﺴﺎﻣﺤﻚ ﺿﻴﻌﺘﻲ ﻋﻠﻴﻨﺎ ﺍﻫﻢ ﻟﻘﻄﺔ ﻓﻲ ﺍﻟﻔﻴﻠﻢ
... ﺳﺎﺭﺓ ﺑﻀﻴﻖ : ﺩﻩ ﺍﻟﻠﻲ ﻫﻤﻚ ﻳﺎﺧﺘﻲ ﺍﻟﻔﻴﻠﻢ ﺭﺑﻨﺎ ﻳﺴﺎﻣﺤﻜﻢ
ﻳﺎ ﺑﺎﺑﺎ ﺍﻧﺎ ﺷﻔﺖ ﻋﻔﺮﻳﺖ ﺻﺪﻗﻨﻲ ﺍﻫﺊ ﺍﻫﺊ ﺍﻫﺊ
ﺍﺣﻤﺪ ﺑﻀﻴﻖ ﻭﻫﻮ ﺑﻴﺒﺺ ﻻﺳﻼﻡ : ﺩﻩ ﺍﺧﻮﻛﻲ ﺍﻻﻩ..... ﻭﻻ
ﺑﻼﺵ .
ﺳﺎﺭﺓ وقفت بعصبية وقالت ﻻﺳﻼﻡ : ﺍﻧﺖ ﺍﻟﻠﻲ ﻋﻤﻠﺖ ﻛﺪﻩ ؟!!!! ﺍﻧﺖ ﻣﺠﻨﻮﻥ ؟؟ كان ممكن أموت فيها ...

ﺍﺳﻼﻡ : ﻭﻫﻮ ﺑﻴﻬﻤﺲ ﻟﻬﺎ : ﻣﺶ ﻗﻠﺖ ﻟﻚ ﻣﺶ ﻫﺘﻌﺪﻱ
.. ﻭﻏﻤﺰﻟﻬﺎ ﻭﻣﺸﻲ
ﺳﺎﺭﺓ ﻭﺑﺘﺨﺒﻂ ﺑﺮﺟﻠﻬﺎ ﻋﻠﻲ ﺍﻻﺭﺽ : ﻳﺎﺭﺏ ﺍﺭﺣﻤﻨﻲ ﻣﻦ ﺍﻟﻜﺎﺋﻦ
ﺩﻩ .... ﺍﺣﻤﺪﻙ ﻳﺎﺭﺏ ﺍﻧﻲ ﻣﺶ ﺑﻬﺪﻟﺖ ﻫﺪﻭﻣﻲ ﺑﻌﺪ ﺍﻟﺨﻀﺔ
.....ﺩﻱ ﻫﻬﻬﻬﻬﻬﻬﻪ
ﻳوﻢ ﺍﻻﺣﺪ ﺍﺳﻤﺎء ﻭﺳﺎﺭﺓ ﻭﺍﺧﺘﻬﻢ ﻣﻬﺎ ﺍﻟﺼﻐﻴﺮﺓ
ﺭﺍﻳﺤﻴﻦ ﺍﻟﻤﺪﺭﺳﺔ ﻭﻫﻴﻮﺻﻠﻮﺍ ﻣﻬﺎ ﺍﻻﻭﻝ ﻓﻲ ﻃﺮﻳﻘﻬﻢ ( ﺳﺎﺭﺓ
ﻣﺤﺒﻮﺑﺔ ﺟﺪﺍ ﻣﻦ ﺍﺻﺤﺎﺑﻬﺎ ﻭﻣﺪﺭﺳﻴﻨﻬﺎ ﻻﻧﻬﺎ ﺑﺮﻩ ﺍﻟﺒﻴﺖ ﻫﺎﺩﻳﺔ
ﺍﻟﻄﺒﻊ ﻭﺧﺠﻮﻟﺔ ﻋﻜﺲ ﺍﻟﺒﻴﺖ ﺗﻤﺎﻣﺎ ... ﻣﺎ ﻋﺪﺍ ﺑﻨﺖ ﺍﺳﻤﻬﺎ ﻫﻨﺪ
ﺑﺘﻜﺮﻫﻬﺎ ﻻﻥ ﺳﺎﺭﺓ ﺩﺍﻳﻤﺎ ﻣﺘﻔﻮﻗﺔ ﻋﻠﻴﻬﺎ ﻭﻛﺎﻧﺖ ﺍﻟﻴﻮﻡ ﺩﻩ
ﻗﺮﺭﺕ ﺗﻌﻤﻞ ﺧﻄﺔ ﺗﺨﻠﻲ ﺳﺎﺭﺓ ﻣﻜﺮﻭﻫﺔ )
ﺳﺎﺭﺓ ﺩﺍﺧﻞ ﻓﺼﻠﻬﺎ ﻣﻊ ﺻﺪﻳﻘﺔ ﻋﻤﺮﻫﺎ ﻫﻲ ﺍﻟﻠﻲ ﺗﺒﻘﻲ ﺟﺎﺭﺗﻬﺎ
.... ﻓﻲ ﺍﻟﺸﺎﺭﻉ ﺍﺳﻤﻬﺎ ﺳﻤﺎ
ﺳﺎﺭﺓ : ﺳﻤﺎ ﺑﻘﻮﻟﻚ ﻣﻌﺎﻛﻲ ﻗﻠﻢ ﺯﻳﺎﺩﺓ ﻋﺸﺎﻥ ﻣﺶ ﻻﻗﻴﺔ
ﻣﻘﻠﻤﺘﻲ ؟
ﺳﻤﺎ ﻭﻫﻲ ﺑﺘﻄﻠﻊ ﻟﻬﺎ ﻗﻠﻢ : ﺍﺗﻔﻀﻠﻲ ﻳﺎ ﺣﺒﻴﺒﺘﻲ ... ﺑﺲ ﻣﺶ
!!! ﻋﺎﺩﺗﻚ ﻳﻌﻨﻲ ﺗﻨﺴﻲ ﺣﺎﺟﺘﻚ
ﺳﺎﺭﺓ ﺑﺘﻌﺠﺐ : ﻣﺶ ﻋﺎﺭﻓﻪ ﻛﻨﺖ ﺣﺎﻃﻬﺎ ﺍﻣﺒﺎﺭﺡ ﺩﻟﻮﻗﺘﻲ ﻣﺶ
ﻻﻗﻴﺎﻫﺎ ﺍﻟﻤﻬﻢ ﻳﻼ ﻋﺸﺎﻥ ﺍﻟﻤﺴﺘﺮ ﺟﻪ ﺷﻜﺮﺍ ﻳﺎ ﺣﺒﻴﺒﺘﻲ
... ﺳﻤﺎ : ﺍﻟﻌﻔﻮ
ﺧﻠﺼﺖ ﻧﺺ ﺍﻟﺤﺼﺺ ﻭﻓﻲ ﻗﺖ ﺍﻟﺒﺮﻳﻚ ﻛﻞ ﺍﻟﺒﻨﺎﺕ ﺧﺮﺟﻮﺍ
ﻣﻦ ﺍﻟﻔﺼﻞ ﻣﺎ ﻋﺪﺍ ﻫﻨﺪ ﺍﻟﻠﻲ ﻗﺮﺭﺕ ﺗﺤﻂ ﻓﻠﻮﺱ ﻓﻲ ﺷﻨﻄﺔ
ﺟﻨﻴﻪ ﻓﻠﻮﺱ ﻣﺠﻤﻮﻋﻪ ﻫﻨﺪ ﻋﺸﺎﻥ ﺗﺘﻬﻢ ﺳﺎﺭﺓ100ﺳﺎﺭﺓ
) ﺑﺴﺮﻗﺘﻬﺎ
ﺑﻌﺪ ﺍﻟﺒﺮﻳﻚ ﺩﺧﻠﻮﺍ ﺍﻟﺒﻨﺎﺕ ﺍﻟﻔﺼﻞ ﺗﺎﻧﻲ ﻭﺩﺧﻠﺖ ﻣﺪﺭﺳﺔ
( ﺳﻤﻴﺔ ) ﺍﻟﺮﻳﺎﺿﻴﺎﺕ
ﺳﻤﻴﺔ : ﺻﺒﺎﺡ ﺍﻟﺨﻴﺮ ﻳﺎ ﺑﻨﺎﺕ
ﺍﻟﺒﻨﺎﺕ : ﺻﺒﺎﺡ ﺍﻟﺨﻴﺮ ﻳﺎ ﻣﻴﺲ
ﻫﻨﺪ ﻭﺑﺘﺼﺮﺥ ﻣﺮﺓ ﻭﺍﺣﺪﻩ : ﻓﻠﻮﺳﻲ ﻣﺶ ﻻﻗﻴﻪ ﻓﻠﻮﺳﻲ
ﻭﺗﺼﻨﻌﺖ ﺍﻟﺒﻜﺎء ﺍﻫﺊ ﺍﻫﺊ ﺍﻫﺊ ... ﺩﻱ ﻛﺎﻧﺖ ﻫﻨﺎ
!!!ﺳﻤﻴﺔ ﺑﺘﻌﺠﺐ ﻭﺧﻀﺔ : ﻓﻲ ﺍﻳﻪ ﻳﺎ ﻫﻨﺪ ؟
ﻫﻨﺪ ﺑﺒﻜﺎء ﻣﺼﻄﻨﻊ : ﻓﻠﻮﺳﻲ ﻳﺎ ﻣﻴﺲ ﺑﺘﺎﻋﺖ ﺍﻟﻤﺠﻤﻮﻋﻪ ﺿﺎﻋﺖ
ﻭﻣﺶ ﻻﻗﻴﺎﻫﺎ ﻛﺎﻧﺖ ﻫﻨﺎ
ﺳﻤﻴﺔ : ﺩﻭﺭﺗﻲ ﻋﻠﻴﻬﺎ ﻛﻮﻳﺲ ﻳﺎ ﻫﻨﺪ ﺗﻜﻮﻥ ﻭﻗﻌﺖ ﻫﻨﺎ ﻭﻻ ﻫﻨﺎ
؟
ﻫﻨﺪ : ﺍﻩ ﻳﺎ ﻣﻴﺲ ﻗﻠﺒﺖ ﺍﻟﺪﻧﻴﺎ ﻋﻠﻴﻬﺎ ﺩﻩ ﻣﻦ ﻗﺒﻞ ﺍﻟﺒﺮﻳﻚ ﻭﺍﻧﺎ
ﺑﺪﻭﺭ ﻋﻠﻴﻬﺎ
ﺳﻤﻴﺔ : ﺳﺎﺭﺓ ﺍﻧﺰﻟﻲ ﻧﺎﺩﻱ ﻋﻠﻲ ﺗﻴﺘﺸﺮ ﻣﺎﺟﺪﻩ ﺍﻻﺧﺼﺎﺋﻴﺔ
ﺍﻻﺟﺘﻤﺎﻋﻴﺔ ﺑﺴﺮﻋﺔ
ﺳﺎﺭﺓ : ﺣﺎﺿﺮ
ﻧﺰﻟﺖ ﺳﺎﺭﺓ ﺗﻨﺎﺩﻱ ﺍﻻﺧﺼﺎﺋﻴﺔ ﻭﺭﺟﻌﺖ ﻣﻊ ﻣﻴﺲ ﻣﺎﺟﺪﻩ
ﻣﺎﺟﺪﻩ : ﺻﺒﺎﺡ ﺍﻟﺨﻴﺮ ... ﻓﻲ ﺍﻳﻪ ﻳﺎ ﺳﻤﻴﺔ ؟؟
ﺳﻤﻴﺔ ﺣﻜﺖ ﻟﻬﺎ ﻛﻞ ﺍﻟﻠﻲ ﺣﺼﻞ
ﻣﺎﺟﺪﻩ : ﻫﻨﺪ ﺩﻭﺭﺗﻲ ﻋﻠﻲ ﺍﻟﻔﻠﻮﺱ ﻛﻮﻳﺲ ؟
ﻫﻨﺪ ﺑﻜﺬﺏ ﻭﻣﺼﻄﻨﻌﺔ ﺍﻟﺒﺮﺍءﺓ : ﺍﻳﻮﺓ ﻃﺒﻌﺎ
ﻣﺎﺟﺪﻩ : ﻟﻮ ﺳﻤﺤﺘﻮﺍ ﻳﺎ ﺑﻨﺎﺕ ﻫﺎﺗﻮﺍ ﺍﻟﺸﻨﻂ ﺑﺘﺎﻋﺘﻜﻢ ﻫﻨﺎ ﻛﻠﻬﺎ
ﻋﺸﺎﻥ ﻫﺘﺘﻔﺘﺶ
ﺍﻟﺒﻨﺎﺕ ﻛﻠﻬﻢ ﺟﻤﻌﻮﺍ ﺍﻟﺸﻨﻂ ﻭﺑﺪﺍﺕ ﻣﺎﺟﺪﻩ ﺗﻔﺘﺶ ﻓﻴﻬﺎ ﻟﺤﺪ ﻣﺎ
ﻻﻗﺖ ﺍﻟﻔﻠﻮﺱ ﻓﻲ ﺷﻨﻄﺔ ﺳﺎﺭﺓ
ﻣﺎﺟﺪﻩ ﺑﺘﺴﺎﺅﻝ : ﺷﻨﻄﺔ ﻣﻴﻦ ﺩﻱ ﻳﺎ ﺑﻨﺎﺕ ؟
ﺳﺎﺭﺓ ﺑﻔﺰﻉ : ﺍﻧﺎ ﻳﺎ ﻣﻴﺲ
ﻣﺎﺟﺪﻩ ﺑﺪﻫﺸﺔ : ﺍﻧﺘﻲ ﻳﺎ ﺳﺎﺭﺓ ؟!!! ﻣﺶ ﻣﻌﻘﻮﻟﺔ ؟!!!
ﺳﻤﻴﺔ : ﻻ ﻳﺎ ﻣﺎﺟﺪﻩ ﺍﻛﻴﺪ ﻓﻲ ﺣﺎﺟﺔ ﻏﻠﻂ ﺳﺎﺭﺓ ﻋﻤﺮﻫﺎ ﻣﺎ ﺗﻌﻤﻞ
ﻛﺪﻩ
ﺳﺎﺭﺓ ﺷﺎﻓﺖ ﺍﻟﻔﻠﻮﺱ ﻓﻲ ﺍﻳﺪ ﻣﺎﺟﺪﻩ ﻭﺍﺑﺘﺪﺕ ﺗﻌﻴﻂ : ﻭﺍﻟﻠﻪ ﻳﺎ
ﻣﻴﺲ ﺍﻧﺎ ﻣﺶ ﺍﺧﺪﺕ ﺣﺎﺟﺔ ﻭﺍﻟﻠﻪ ﻣﺎﻧﺎ ... ﻭﺑﻜﺖ ﺑﺸﺪﻩ
!!!ﻫﻨﺪ : ﺍﻣﺎﻝ ﺟﺖ ﻫﻨﺎ ﺍﺯﺍﻱ ﻓﻲ ﺷﻨﻄﺘﻚ ؟!! ﻋﻔﺮﻳﺖ ﻣﺜﻼ ؟
ﺳﻤﻴﺔ ﺑﺤﺪﻩ : ﻫﻨﺪ ﺍﺳﻜﺘﻲ ... ﺍﺗﻔﻀﻠﻲ ﻓﻠﻮﺳﻚ ﻭﺧﻠﻲ ﺑﺎﻟﻚ
. ﻣﻨﻬﺎ ... ﺳﺎﺭﺓ ﺗﻌﺎﻟﻲ ﻣﻌﺎﻳﺎ ﻳﻼ
ﺳﺎﺭﺓ ﺑﺒﻜﺎء ﻭﺍﻟﺤﺰﻥ ﻣﻼﻫﺎ ﺑﺴﺒﺐ ﺍﻟﻈﻠﻢ : ﺣﺎﺿﺮ
ﺧﺮﺟﻮﺍ ﻣﻦ ﺍﻟﻔﺼﻞ ﻭﺳﺎﺭﺓ ﻣﻨﻬﺎﺭﺓ ﻣﻦ ﺍﻟﻠﻲ ﺣﺼﻞ
ﺳﺎﺭﺓ : ﻭﺍﻟﻠﻪ ﻳﺎ ﻣﻴﺲ ﻫﻨﺪ ﻭﺍﻟﻠﻪ ﻳﺎ ﻣﻴﺲ ﻣﺎﺟﺪﻩ ﻣﺎ ﺍﺧﺪﺕ
ﺣﺎﺟﺔ ﻭﺍﻟﻠﻪ ﻣﺶ ﺍﻧﺎ
!!!ﺳﻤﻴﺔ ﺑﺘﺤﺎﻭﻝ ﺗﺨﻔﻒ ﻋﻨﻬﺎ : ﻋﺎﺭﻓﻪ ﻳﺎ ﺣﺒﻴﺒﺘﻲ ﺑﺲ ﺍﺯﺍﻱ ؟
ﺳﺎﺭﺓ : ﻣﺶ ﻋﺎﺭﻓﻪ ﻭﺍﻟﻠﻪ ﻣﺎ ﻋﺎﺭﻓﻪ
. ﻣﺎﺟﺪﻩ ﺑﺤﺐ : ﺳﺎﺭﺓ ﺣﺒﻴﺒﺘﻲ ﺍﻫﺪﻱ ﻋﺎﺭﻓﻴﻦ ﺍﻧﻚ ﻣﻈﻠﻮﻣﺔ
ﺍﻟﻤﻬﻢ ﻣﺶ ﻓﻲ ﺩﺍﻋﻲ ﺗﺤﻜﻲ ﻟﺤﺪ ﻋﻠﻲ ﺍﻟﻠﻲ ﺣﺼﻞ
ﺳﺎﺭﺓ : ﺣﺎﺿﺮ .... ﻭﺭﺟﻌﺖ ﻓﺼﻠﻬﺎ ﻭﺳﺎﺑﺖ ﺳﻤﻴﺔ ﻭﻣﺎﺟﺪﻩ ﻓﻲ
ﺣﺎﻟﺔ ﻣﻦ ﺍﻟﺘﻌﺠﺐ ﻭﻣﺶ ﻋﺎﺭﻓﻴﻦ ﻳﻌﻤﻠﻮﺍ ﺍﻳﻪ
ﻓﻲ ﺍﺧﺮ ﺍﻟﻴﻮﻡ ﻃﺒﻌﺎ ﻫﻨﺪ ﻣﺶ ﺳﺎﺑﺖ ﺣﺪ ﺍﻻ ﻟﻤﺎ ﻋﺮﻓﺘﻪ
ﺍﻟﻤﻮﺿﻮﻉ ﻭﻋﻠﻲ ﺍﺧﺮ ﺍﻟﻴﻮﻡ ﻛﻠﻪ ﻛﺎﻥ ﻋﺎﺭﻑ ﺍﻟﺤﻮﺍﺭ ﺳﺎﺭﺓ
ﺷﺎﻳﻔﻪ ﻛﻞ ﺍﻟﺒﻨﺎﺕ ﺍﻟﻤﺪﺭﺳﻴﻦ ﺑﻴﺒﺼﻮﺍ ﻋﻠﻴﻬﺎ ﻭﺍﺳﻤﺎء ﺍﺧﺘﻬﺎ ﺷﺪﺗﻬﺎ
ﻣﻦ ﺍﻳﺪﻳﻬﺎ ﻋﺸﺎﻥ ﺗﻤﺸﻲ ﻫﻲ ﻭﺳﻤﺎ
ﺳﻤﺎ : ﺍﻫﺪﻱ ﻳﺎ ﺳﺎﺭﺓ ﻛﻠﻪ ﻋﺎﺭﻑ ﺍﻧﻚ ﺑﺮﻳﺌﺔ ﻭﻣﺴﺘﺤﻴﻞ ﺗﻌﻤﻠﻲ
ﻛﺪﻩ .
ﺍﺳﻤﺎء ﺑﻌﻨﻒ : ﻋﻴﺎﻃﻚ ﺩﻩ ﺑﻴﺎﻛﺪ ﺍﻟﻜﻼﻡ ﺍﻣﺸﻲ ﻭﻻ ﻳﻬﻤﻚ ﺣﺪ
ﻭﻻ ﻛﺎﻥ ﺣﺎﺟﺔ ﺣﺼﻠﺖ .
ﺳﺎﺭﺓ ﺑﺒﻜﺎء : ﻣﺨﻨﻮﻗﺔ ﺍﻭﻭﻭﻭﻱ انا مظلومة ..
ﻭﺭﻭﺣﻮﺍ ﺍﻟﺒﻴﺖ ﻛﻠﻬﻢ ... ﻓﻲ ﺑﻴﺖ ﺳﺎﺭﺓ
ﺍﻭﻝ ﻣﺎ ﺩﺧﻠﻮﺍ ﻭﻻﻭﻝ ﻣﺮﺓ ﺳﺎﺭﺓ ﻫﺎﺩﻳﺔ ﺧﺎﻟﺺ ﻣﺶ ﺑﺘﺘﻜﻠﻢ
ﺳﻌﺎﺩ ﺍﺳﺘﻐﺮﺑﺖ
ﺳﻌﺎﺩ : ﻣﺎﻟﻚ ﻳﺎ ﺳﻮﺳﻮ ﺍﻧﺘﻲ ﺗﻌﺒﺎﻧﻪ ؟ ﻓﻴﻦ ﺻﻮﺗﻚ ﺍﻟﻠﻲ ﺍﺩ ﻛﺪﻩ
!!!!ﻫﻬﻬﻬﻬﻬﻪ؟
ﺳﺎﺭﺓ ﻭﻓﺠﺎﺓ ﺭﻣﺖ ﻧﻔﺴﻬﺎ ﻓﻲ ﺣﻀﻦ ﻣﺎﻣﺘﻬﺎ ﺑﺘﻌﻴﻂ ﺑﺸﺪﻩ ﺟﺖ
ﻫﺒﺔ ﻭﺍﺳﻼﻡ ﺍﻟﻠﻲ ﻛﺎﻥ ﺑﻴﺴﺘﻌﺪ ﻳﺮﻭﺡ ﺩﺭﺳﻪ ﻋﻠﻲ ﻋﻴﺎﻃﻬﺎ
ﻭﻛﺎﻧﺖ ﺍﺳﻤﺎء ﺑﺪﺍﺕ ﺗﺤﻜﻲ ﺍﻟﻠﻲ ﺣﺼﻞ ﺳﻌﺎﺩ ﻣﻔﺰﻭﻋﺔ ﺍﻥ
ﺑﻨﺘﻬﺎ ﺍﺗﻬﻤﺖ ﺑﺎﻟﺴﺮﻗﺔ ﻭﻣﺶ ﻋﺎﺭﻓﻪ ﺗﺮﺩ ﺗﻘﻮﻝ ﺍﻳﻪ ﻓﺠﺎﺓ ﻭﺑﺪﻭﻥ
ﻣﻘﺪﻣﺎﺕ ﺳﺤﺒﻬﺎ ﺍﺳﻼﻡ ﻣﻦ ﺷﻌﺮﻫﺎ ﻭﻗﻌﺪ ﻳﻀﺮﺑﻬﺎ ﺟﺎﻣﺪ ﻋﻠﻲ
ﻭﺷﻬﺎ
ﺍﺳﻼﻡ ﺑﻌﻨﻒ : ﺍﺧﺘﻲ ﺍﻧﺎ ﺑﻨﺖ ﺍﻟﺤﺎﺝ ﺍﺣﻤﺪ ﻣﺘﻬﻤﺔ ﺑﺎﻟﺴﺮﻗﺔ
ﻭﻃﻠﻌﻮﺍ ﺍﻟﻔﻠﻮﺱ ﻣﻦ ﺷﻨﻄﺘﻚ ﻟﻴﻪ ﻣﺤﺮﻭﻭﻭﻭﻭﻣﺔ؟
ﺳﺎﺭﺓ ﺑﻮﺟﻊ ﻭﺑﻜﺎء : ﻭﺍﻟﻠﻪ ﻣﺎ ﺣﺼﻞ ﻭﺍﻟﻠﻪ
ﺳﻌﺎﺩ ﺑﺮﻋﺐ ﻭﺑﺘﻔﻚ ﺳﺎﺭﺓ ﻣﻦ ﺍﻳﺪ ﺍﺧﻮﻫﺎ : ﺳﻴﺒﻬﺎ ﺑﻘﻮﻟﻚ ﺳﻴﺒﻬﺎ

ﺍﺳﻼﻡ ﺑﻌﺼﺒﻴﺔ : ﺍﺳﻴﺐ ﻣﻴﻦ ﺩﻩ ﻟﻴﻠﺘﻬﺎ ﻣﺶ ﻓﺎﻳﺘﻪ ﺍﻟﻨﻬﺎﺭﺩﻩ
ﺍﻟﺤﺮﺍﻣﻴﺔ ﺩﻱ ﻭﺷﺪﻫﺎ ﻋﻠﻲ ﺍﻭﺿﺘﻪ ﻭﻗﻔﻞ ﻋﻠﻲ ﻧﻔﺴﻪ ﺑﺎﻟﻤﻔﺘﺎﺡ
ﻭﺑﺪﺍ ﻳﻀﺮﺏ ﻓﻴﻬﺎ ﺑﺎﻟﺤﺰﺍﻡ ﻭﻣﺎﻣﺘﻬﺎ ﻭﺍﺧﻮﺍﺗﻬﺎ ﺑﻴﺨﺒﻄﻮﺍ ﻋﻠﻲ
ﺍﻟﺒﺎﺏ ﺑﻌﻨﻒ ﻋﺸﺎﻥ ﻳﻔﺘﺢ ﻭﻣﺶ ﺭﺍﺿﻲ ﻭﺻﻮﺕ ﺻﺮﻳﺦ ﺳﺎﺭﺓ
ﻭﺍﺻﻞ ﻟﻠﺸﺎﺭﻉ ﻭﻓﺠﺎﺓ ﻭﻗﻒ ﺻﻮﺗﻬﺎ ﻭﺑﻄﻠﺖ ﺗﺼﺮﺥ ﺍﺳﻼﻡ
........ ﻭﻗﻒ ﺿﺮﺏ ﻭﺑﺼﻠﻬﺎ ﻻﻗﻬﺎ
ﺍﺳﻼﻡ أذى ﺍﺧﺘﻪ ؟ ﻭﻻ ﻫﻴﻜﻮﻥ ﻋﻤﻞ ﻓﻴﻬﺎ ﺍﻳﻪ
توقعاتكم ايه ؟؟

فيتامين سي · 12-09-18, 10:51 AM

الفصل الرابع

اسلام بعصبية : اسيب مين ده ليلتها مش فايته النهارده الحرامية دي وشدها علي اوضته وقفل علي نفسه بالمفتاح وبدا يضرب فيها بالحزام ومامتها واخواتها بيخبطوا علي الباب بعنف عشان يفتح ومش راضي وصوت صريخ سارة واصل للشارع وفجاة وقف صوتها وبطلت تصرخ اسلام وقف ضرب وبصلها لاقها مغمى عليها جسمها بينزف ووشها ازرق
اسلام بفزع : سارة ردي عليا انتي كويسة ؟ سااااااارة ؟
سعاد من بره الاوضة وبتعيط : افتح يا بني حرام عليك دي اكيد مظلومة افتح بقي
اسلام بيجري علي الباب وبيفتحه : الحقيني يا ماما سارة مش بتنطق
شهقت سعاد وجريت علي بنتها لاقت جسمها بينزف من ضرب اخوها ووشها ازرق ومغمى عليها
سعاد : سارة ردي عليا يا بنتي ... سارة حبيبتي .. اسلام بسرعة اجري نادي علي الدكتور محمد اللي في العيادة اللي في الارضي بسرررررعة
اسلام جري ينادي الدكتور وسعاد وهبة واسماء شالوا سارة علي سرير اسلام ونيموها عليه وابتدوا يغيروا لها هدوم المدرسة اللي اتقطعت من الضرب
دخل اسلام ومعاه الدكتور وبينادي : ماما الدكتور ..كانت سعاد لبست حجابها هي وهبة واسماء كانت لسه بهدوم المدرسة
دخل الدكتور محمد وشاف سارة اللي وشها كلها ازرق وكشف عليها وعلامات الضيق علي وشه
محمد بحده : ممكن افهم مين اللي عمل فيها كده ؟ وعشان ايه ؟؟
اسلام وهي موطي راسه في الارض وبصوت حزين : انا ... اا اصل هي هي ...
قاطعه محمد بشده : هي ايه ؟ عملت ايه عشان تعمل فيها كده ؟!!! انت اللي زيك المفترض يتحبس .. عارف اختك عندها صدمة عصبيه شديدة ولو قامت منها اصلا ممكن تقاطعك .. وجه كلامه لسعاد انا اديتها مهدئ وهي نايمة وكتبت لها المسكن ده والمرهم عشان الكدمات ولو سمحت اول ما تفوق ادوني خبر ... الف سلامة عليها
خرج الدكتور وهو حزين علي منظر سارة
سعاد بحزن وعياط : ادعي عليك ب ايه يا شيخ ... روح يا اسلام ربنا يهديك وذنب الغلبانه دي في رقبتك ...
اسلام بحزن : انا مش عارف عملت كده ازاي ؟ بس انتي متخيلة اختي انا حرامية ؟
هبة بانفعال : وانت ما صدقت ما هو ده وارد يحصل لكن اللي مش وارد انك تصدق ده او اي حد فينا ممكن يعمل كده والله انا اتخنقنت منك امال لو كنت بتصرف علينا كنت عملت فينا ايه ولعت فينا
اسلام بعنف : ما خلاص بقي ارحموني انا مش ناقص
سعاد بحده : مش ناقص صحيح يقتل القتيل ويمشي في جنازته .. اتفضل وريني هتعمل ايه لما ابوك يجي ويشوف سارة كده هو اللي مش هيرحمك بجد امشي اطلع بره ومش توريني وشك خالص برررررررره .... ومشي اسلام
عدت ساعتين سارة لسه مش فاقت واحمد وصل البيت
سعاد وعلي وشها الحزن : حمدلله علي السلامه يا حبيبي ثواني الاكل هيكون جاهز
احمد بتساؤل : سعاد مالك فيكي ايه ؟!!
سعاد بجزن وعينيها اتملت بالدموع : لا ولا حاجة
احمد بحنية : سعاد مالك انتي عمرك ما خبيتي عليا في ايه ؟
سعاد وبدات تبكي وحكت لاحمد علي كل حاجه وهو كان خلاص وشه احمر من العصبية وعروقه ظهرت وبيضغط علي ايده بشده
احمد بعنف زعيق : وفين سارة دلوقتي واسلام الزفت ؟
سعاد : سارة نايمة واسلام انا طردته وخرج ممكن يكون في الدرس
جري احمد علي اوضة البنات لاقاهم نايمين وسارة مش فيها
سعاد من وراه : سارة في اوضة اسلام
راح احمد لاوضة اسلام وشاف سارة نايمة ملامحها حزينة من العياط ووشها ازرق شفايفها مجروحة بشده مسك ايديها وباسها فانكشف ذراعها من البيجامة ولاقي كدمة زرقاء كبيرة وابتدي يكشف ذراعها ورجلها وكل ما يكشف حزء يلاقيه ياما ازرق بشده ياما مجروح
احمد بعنف وحزن : انا لو سايبها في سجن ابو زعبل مش هيعمل فيها كده .. الواد ده لو رجع البيت قلته احسن هضربه لحد ما يموت في ايدي
سعاد : اهدي بس وهي هتبقي كويسة
احمد وهو بيتنهد تنهيده طويلة : يااااااارب
راحت هبة بسرعة لما سمعت الحوار كلمت اسلام مردش عليها بعتت له رساله ماترجعش البيت بابا مستحلف لك روح علي تيتا او اي حد
اسلام كان في الدرس وشاف الرساله واتخنق اكتر
الاستاذ : لااااا اسلام انت مش طبيعي النهاردة انت كويس يا ابني ؟!!!
اسلام بضيق : اه اختي بس تعبانه اوي وانا خايف عليها
الاستاذ : سلامتها الف سلامة .. عامة احنا خلصنا قوم روح اطمن عليها لو احتاجت حاجة ابقي كلمني
اسلام : شكرا يا مستر وانا اسف ... عن اذنكم
مشي اسلام وروح علي جدته قابلته بترحاب هي وجده هم بيحبوه جدا لانه بكري الاحفاد وبعد ابن سعاد اللي مش لاقينيه هو عوضهم عنه
جدة اسلام امينة : مالك يا حبيبي شكلك متضايق ؟؟
اسلام بحزن : اه متخانق مع سارة بس جامد
امينة بضحك : ومن امتي يعني الزعل ما انتوا بتتخانقوا اكتر ما بتاكلوا اشمعني المرة دي
اسلام : لا اصل ماما اتخانقت معايا وطردتني وخايف ارجع عشان بابا وعايز اطمن علي سارة
امينة : يااااه للدرجة دي شكلك عملت مصيبة .. خليني اكلم سعاد اطمن عليها
راحت امينة تكلم سعاد تطمن عليهم وتسالها علي اللي حصل
سعاد حكت لها بس انه ضربها ومافقتش لحد دلوقتي من غير ما تحكي السبب
سعاد : ضربها يا ماما ومش راضية تفوق
امينة : ان شاء الله هتقوم بالسلامة بس اهدي انتي بس واسلام هيبات معايا النهاردة خلي اسماء او هبة يجيبوله هدوم
سعاد : حاضر يا امي ... سلام
امينة : سلام ....
امينة بتبص لاسلام بضيق :انت يا مفتري ضربت البت ورقدتها وتقول اتخانقنا بس ليها حق سعاد تطردك واحمد يقتلك
اسلام : طيب هي كويسة ؟؟
سعاد بسخرية : يعني فارق معاك اوي .. لا لسه مش عارفين هي لسه مافقتش
اسلام بتنهيده : يااااارب
مر يوم كامل وسارة مش فاقت وكلم احمد دكتور محمد تاني وجه دكتور محمد وبعد ما كشف عليها
دكتور محمد : استاذ احمد بنتك كل مؤشراتها طبيعية بس من الواضح انها عندها صدمة عصبية انصحكم تعرضوها علي دكتور نفسي
محمد بفزع : يعني ايه مش فاهم ؟
محمد : يعني ممكن يكون المخ نفسه رافض انه يفوق بسبب الصدمة العصبية اللي اتعرضت لها اعرضها علي دكتور نفسي هو هيقدر يعالجها ان شاء الله .. عن اذنكم .... ومشي محمد
وفعلا يومها ابتدي محمد يدور علي دكاترة نفسيين وكله ياكد كلام دكتور محمد في رفض مخ سارة في الاستجابة انها تفوق عشان خايفة من اللي حصل واللي هيحصل وانها محتاجة معجزة عشان تفوق تاني لحد ما راح لدكتور اسمه يحيي ابتدى يعطيله امل
( يحيي شاب 27 سنة دكتور نفسي لسه متخرج بيعشق مهنة الطب النفسي ونفسه يكون حاجة كبيرة وكانت حالة سارة بالنسبة له فرصه )
يحيي : استاذ محمد بنتك مش ميتة ليه القلق ده .. اهدي بس ... دي بس كانها نايمة يعني بكل بساطه سماعنا وحاسة بينا نفسها بس تطمن عشان ترجع تفوق
احمد : معلش يا دكتور مش فاهم
يحيي : ببساطه انتم ممكن تتكلموا معاها والسبب في اللي حصل لها تحاولوا تاكدوا لها انها اختفي بس ممكن تحكي لي تاني اللي حصل بالتفصيل
حكي احمد كل حاجة ل يحيي وهو بيستمع بانتباه شديد وبيسجل حاجات في النوتة الصغيرة اللي في ايديه
يحيي : مبدئيا كده سارة هتتحجز معانا في المستشفي وعايز اقابل اسلام اخوها
محمد باستسلام : حاضر يا دكتور
تفتكروا سارة هتستجيب للعلاج . هتفوق وترجع تاني طبيعيه لا هياثر علي حياتها طول عمرها ..

فيتامين سي · 12-09-18, 10:52 AM

الفصل الخامس

يحيي : مبدئيا كده سارة هتتحجز معانا في المستشفي وعايز اقابل اسلام اخوها
محمد باستسلام : حاضر يا دكتور
مشي دكتور يحيي من بيت احمد وكلم عربية اسعاف عشان تنقل سارة المستشفي عشان يبداوا معاها العلاج النفسي
سعاد بحزن : يا عيني يا بنتي وعلي اللي بيحصلك هنعمل ايه يا احمد لو مافقتش ؟
احمد بصوت مخنوق : هتفوق يا سعاد بس اهدي وقولي يارب ... المهم دلوقتي تكلمي الشملول ابنك عشان هيروح معانا بقاله 3 ايام مش عايز يجي مكسوف مثلا ؟!!
سعاد : ايوة طبعا لازم يتكسف من اللي عمله في اخته ... هروح اكلمه
سعاد بتمسك التليفون وبتكلم مامتها وكلمت بعدها اسلام وطلبت منه يرجع عشان عايزينه ضروري
اسلام بتردد : طيب سارة عاملة ايه دلوقتي ؟؟
سعاد بحده : اخر مرة اسمعك بتقول اسمها غير لما ترجع لنا بالسلامة من هنا لحد ما تفوق لسانك مش يخاطب لساني فاهم ؟
اسلام بفزع : ليه يا ماما سارة حصل لها ايه ؟
سعاد : هتعرف لما تيجي المهم مش تتاخر تعالي علطول
اسلام : حاضر جاي حالا ... سلام
سعاد وقفلت السكة وبتقول لاحمد : اهو جاي اهو يارب عديها علي خير
احمد بحزن : يااااارب
جه اسلام من عند جدته واول ما دخل راح يدور علي سارة لاقاها نايمة في اوضته علي سريره قرب منها وبيمسح علي شعرها وبيلمس خدها خانته دموعه وبكي وباس راسها وبصوت مبحوح قال : انا ااا اسف يا سارة ....
احمد : لا والله المفترض اننا نصدق الدمعتين دول ؟!!!!
اسلام بيدافع عن نفسه : والله يا بابا ما كان قص...
قاطعه احمد بحده : بس بس بس .... مش عايز اسمع منك كلام دلوقتي مش وقته .. اللي خلاني طلبتك الدكتور النفسي ها .. اختك هتتعالج عند دكتور نفسي يارب بس تكون مرتاح
اسلام بفزع : ااا ايه ؟ م مين ا االلي هيت تعالج عند دكتور نفسي ؟!!!
احمد : اختك يا باشا .. وبدا احمد يحكي لاسلام اللي حصل وطلب الدكتور لاسلام لانه جزء اساسي في علاج سارة

فلاش باك **
يحيي : استاذ احمد سارة دخلت في صدمة عصبية من خوفها من اخوها ده غير احساسها بالظلم اللي معرفتش تثبت بيه برائتها ده خلاها عايزة تهرب من عالم الواقع برفضها انها تصحي واول طريق علاجها هيكون اخوها اسلام او بمعني اصح هو اصلا علاجها مبدئيا كده سارة هتتحجز معانا في المستشفي وعايز اقابل اسلام اخوها
محمد باستسلام : حاضر يا دكتور

باااااك **
جت الاسعاف واخدوا سارة عشان ينقلوها لمستشفي كبير متخصصة لعلاج الامراض النفسيه وراح معاها احمد واسلام عشان تبدا اول مرحلة في علاجها
وصلوا المستشفي وحجزوا لها اوضة واتعلق لها محاليل ولبست زي المستشفي باسها باباها في راسها وخرج من الاوضة هو ويحيي واسلام
خارج الاوضة
يحيي : دلوقتي استاذ احمد هتسيبني مع اسلام محتاجه جدا عشان هو في اعتقادي دواء سارة
احمد بتنهيده طويلة كلها حزن : حاضر يا دكتور .. طلع لاسلام فلوس وادهاله وقاله انا ماشي وقت ما تخلص روح انت ...
اسلام وبيبص في الارض بخجل : حاضر يا بابا
مشي احمد ويحيي اخد اسلام لاوضته في المستشفي
ومن هنا هتبدا سارة رحلة العلاج اللي بقي اكيد ان مرضها نفسي مش اكتر
يحيي بهدوء وهو قاعد علي مكتبه : اسلام تشرب ايه ؟
اسلام : لا شكرا مش عايز .
يحيي بمرح : لا يا عم ايه مش عايز دي لا احنا مطولين هنا اوي احتمال يبقي فيها بيات ها اجيبلك عصير فريش كده
اسلام : ماشي ... طلب يحيي العصير وابتدي يدردش هو واسلام
يحيي : ها بقي يا ابو الكباتن ممكن تحكي لي عن ساره حابب اعرف كل حاجة ...
اسلام وبيمسح علي وشه بضيق وحاسس بتانيب الضمير الشديد: سارة اممممم ابدا منين ولا منين ابدا من اول ما اتولدت كان عندي ساعتها تقريبا 5 سنين ماكنتش طايقها بسبب اني كان نفسي في ولد بعد ما ماما ولدت هبة اختي الاصغر مني علطول وبدات افقد الامل ان يبقي ليا اخ ولد فمن صغري وانا اخانق فيها وهي لما كبرت شويه وبدات تتكلم كانت مش بتسيب فرصة الا لما تخانقني فيها وكانها بتلعب ولما اضربها ولا ازقها بعيد عني وتعيط اجري عليها اطبطب عليها وامسح دموعها واخدها في حضني ... اسلام وبيتنهد بالم : سارة مش بس اختي ساره بنتي سارة كل حاجه حلوة في حياتي بتخانق معاها بس عشان احس ان انا موضع اهتمامها بضربها عشان تزعل واصالحها ونفضل نتكلم علطول انا بحب كل اخواتي بس سارة ليها محبة خاصة في قلبي
جه الساعي وحط قدامهم العصير وخرج شرب اسلام شوية منه وبياخد نفسه
يحيي : يا سلااااام .. ده انت لو مش اخوها هقول عليك العاشق الولهان ايه يا عم الكلام ده ؟
اسلام بابتسامة حزينة : عاشق اختي ايه المشكلة ؟!! واهو بغبائي موتها بايدي ...
يحيي : يا شيخ الملافظ سعد .. سارة زي الفل بس هي محتاجاك جنبها شوية وبتدلع عليك
اسلام : انا هعمل اي حاجه بس تخف ... بس انا متاكد انها مش طيقاني
يحيي : تعالي اثبت لك كلامي.... اخد يحيي اسلام وراحوا اوضة سارة وقعدوا جنب سريرها
اسلام بيتامل ملامح سارة وشها لسه في كدمات من ضربه ليها مشى بصوباعه علي جروحها ونزلت دموعه غصب عنه وفجاة حس بتغيير في ملامح وش سارة بص ليحيي بتعجب وتساؤل
يحيي بضحكه خفيفة : لسه مالحقتش اشرح اهو ده اللي كنت عايز اقوله سارة سامعنا حاسه بينا عايزة بس تطمن انك مش هتاذيها تاني وربنا جعلك داء ودواء سارة هتقدر علي كده يا اسلام ؟
اسلام باندفاع : انا هعمل اي حاجة بس ترجع لي بالسلامة ..
يحيي : علي بركة الله .... تعالي معايا اقولك هنعمل ايه
اسلام باس سارة في راسها وقام مع يحيي وخرجوا من الاوضة
تفتكروا سارة فعلا هتستجيب للعلاج ؟
توقعاتكم ... استنوني الفصل القادم

فيتامين سي · 14-09-18, 02:49 PM

الفصل السادس

اسلام باندفاع : انا هعمل اي حاجة بس ترجع لي بالسلامة ..
يحيي : علي بركة الله .... تعالي معايا اقولك هنعمل ايه
اسلام باس سارة في راسها وقام مع يحيي وخرجوا من الاوضة
يحيي : بص بقي يا سيدي انا عايزك تركز معايا سارة دلوقتي محتاجة منك انك تطمنها تاكدلها خوفك عليها حبك ليها انك ممكن تعمل اي حاجة عشان تبقي معاك وتسامحك .. ها يا بطل هتقدر ؟
اسلام : هحاول ..
يحيي : لا هحاول دي مش هتنفع استعين بالله عشان تفرج
اسلام : الله المستعان
يحيي : دلوقتي انت هتدخل لها وهتبدا تتكلم معاها وبراحة خالص وانا معاك لو في حاجة .. يلا بينا
اسلام : يلا .... دخلوا اوضة سارة واخد اسلام نفس طويل وقال بسم الله وقعد جنب اخته عشان يبدا يتكلم معاها
اسلام : سارة ....سارة حبيبتي سمعاني . انا اسلام يا حبيبتي .. سو حبيبة قلبي عامله ايه يا جميل وحشاني ؟ انا صراحة مش عارف اقولك ايه ولا كلمة اسف ممكن تمسح اللي عملته معاكي لحظه غضب خلتني فقدت اعصابي وبقيت كده ... سارة كشرت فجاة وملامح الحزن بانت علي وشها
لاحظ اسلام يحيي بيشاور قرب منه ويحيي قال : بلاش تفكرها حاول تنسيها انك مزعلها
اسلام قعد بسرعة ومسك ايد سارة : اه صحيح بقولك مش انا روحت اديت لجدو الفلوس بتاعت القلم اللي اتكسر وقلت له اشتري لي واحد تاني هههههههههه مش قادر اقولك جدك رد عليا ازاي ما انتي عارفه انه لواء في امن الدولة اخدت كف مخبرين انما ايه معتبر كان هيعجبك اووي
لاحظ اسلام ويحيي ابتسامة سارة ومحاولة ليها بانها تحرك ايديها فشاور يحيي لاسلام انه ممتاز كده كمل
اسلام بابتسامه : اوعي تنفذي وعدك لجدو وانك تدخلي كلية الشرطه لحسن انتي لو بقيتي ظابط انا هيبتي هتروح في داهية و بعدين انتي لازم تدخلي هندسه زيي ده طبعا علي اعتبار ما سيكون
كشرت سارة تاني فضحك اسلام وهو بيقول : متخيل اللي عايزة تقوليه هتتخانقي معايا وتقوليلي انا حرة وادخل الكلية اللي انا عايزاها ومش هتمشيني علي مزاجك احب اقولك لا يا ماما مش انا هااا ... مش انا اللي اجبرك انك تعملي حاجة غصب ... سارة انا تعبان من غيرك ارجوكي سامحيني انا في ثانوية وبضيع يا ودييييع خفي بقي عشان اطمن عليكي .. انتي عارفه اني بحبك وانتي احلي اخت في الدنيا دي كلها وانا متاكد انها هترجعي عشان خاطري ونرجع تاني توم وجيري بتاع البيت ... علامات الارتياح ظهرت علي وش سارة كانها بتقوله انها هتخف عشانه

بعد مرور 3ايام وبدا مدرسين سارة بيسالوا عن غيابها وحكت اختها اسماء ليهم اللي حصل ل سارة وكان الحزن من نصيب الكل
عدت الايام واسلام تقريبا بيروح يوميا يقعد مع اخته يتكلم بالساعات وطلب يحي من اسلام ان الاسرة كلها تزورها عشان تحس بوجودهم وكان يحيي بيطبق علي سارة كل اللي اتعلمه وبيبذل كل جهده عشان تخف
بدات سارة تتحسن بعد مرور شهر ونصف وبالفعل صحيت بس للاسف كانت مش بتتكلم خالص حاولوا معاها كتير بس للاسف بدون فايدة لحد ما باباها قرر انه يعمل معاها موقف ويستفزها فجه قدامها مسك اسلام جامد وقلع حزامه وقال ل سارة : هضربه زي ما ضربك ومش هخلي فيه حته سليمة لازم احاسبه بما انك فوقتي واخدلك حقك ... كل اللي قاعدين اتخضوا من الموقف
ولسه هيضرب اسلام سارة صرخت واتنفضت من سريرها : لاااااااااااااااا ,, لا ااا يا بابا بلاش خلاص هو اعتذر وانا مسمحاه عشان خاطري
لاحظت كلهم واقفين مصدومين وفرحانين وللحظه ادركت انها اتكلمت قعدت تتنطط وتسقف : انا بتكلم هيييييييييييييييه انا بتكلم هييييييييييييه صوتي وحشني انا لازم اغني هيييييييييييه اه هغني ولسه هتفتح بوقها عشان تغني حط اسلام ايده علي بوقها وقالها : لاااا غنا لا عشان خاطري سارة ارجعي ارقدي تاني
سارة بتضربه في كتفه : اخس عليك يا سمسم اهون عليك
اسلام بيضحك وبياخدها في حضنه : اهو عشان خاطر سمسم دي تهوني عليا هههههههههههه
فرحة احمد وسعاد واخوات سارة بيها لا توصف ... رحعت بيتها تاني والناس ابتدت تيحي تهنيهم علي رجوع بنتهم بالسلامة بعد تشديد يحيي عليهم بضرورة متابعه سارة معاه عشان مش تنتكس تاني ومحاولة تقوية شخصيتها ان مش اي حاجه تافهه تاثر فيها كده ... طبعا يحيي اترقى وااسمه ابتدي يسمع في مجال الطب النفسي
سارة خرجت من محنتها بالسلامة بس هل هي دي محنتها الحقيقه ولا ده مجرد بداية ؟؟؟
استنوني الفصل القادم

فيتامين سي · 14-09-18, 02:50 PM

الفصل السابع

بعد مرور ايام بدات سارة ترجع مدرستها وتتابع حياتها عشان تعوض الشهرين اللي غابتهم خاصة ان امتحانات الترم الاول بعد اقل من شهر تقريبا رجعت الحياة لطبيعتها تاني في بيت سارة مع تحفظ اسلام الشديد في معاملته ب سارة
سارة واسماء مروحين بعد يوم دراسي طويل وسما معاهم
سما : اهدي يا حجة روشتيني بتتلفتي حواليكي كده ليه ؟
سارة برعب وبتتلفت حواليها : انا متاكده ان في حد بيراقبني يا جماعة
اسماء : يا دي النيلة انتي يا بنتي رجعتي للهبل ده تاني ؟
سارة بضيق : علي فكرة ده مش هبل .. بس يارب يستر ويطلع هبل فعلا
اسماء بزهق : امشي يا سارة امشي
رجعوا البيت ولاقوا باباهم ومامتهم وسعاد وهبة قاعدين وكانوا متضايقين جدا وبيتكلموا وسكتوا اول ما سارة واسماء جم
اسماء : سامووعليكوا
كلهم بضيق : وعليكم السلام
سارة بتساؤل : هو في ايه ؟ مالكم ؟
بصت لاقت زجاج في الارض.. في ايه يا جماعة ؟
سعاد بحزن : ده واحد كان هنا واتخانق هو وابوكي
اسماء بحدة : ايه يعني بلطجي ؟ جاي يكسر البيت !!!
احمد بضيق : خلاص انسوا حصل خير ... هبة تعالي شيلي الزجاج ده براحة وخلي بالك تجرحي نفسك
هبة : حاضر يا بابا
كله بيقوم علي اوضته راحت سارة مسكت في تيشرت اسلام ودخلت اوضته وقفلت الباب وسالت بفضول : سمسم حبيبي هو اللي هيقولي في ايه وايه اللي حصل ؟
اسلام : تاني سمسم يا بت بلاش سمسم دي .. ثانيا مش هحكي حاجة امشي بقي عايز انام ونام علي سريره واتغطي
سارة بضيق وجريت علي السريربتاعه وعمالة تنط عالسرير : مش هخرج غير لما تقولي في ايه ؟؟
اسلام وشدها من ايديها وقعدها : سارة منة مش بتعمل الهبل ده .. وبعدين يا ستي ده كان عريس متخلف رفضناه اتخانق مع بابا وبهدل الدنيا كده
سارة بتعجب : عريس ؟ ل هبة ؟ طيب ويعمل كده ليه ؟!!!!
اسلام وهو بيتنهد : لا مش ل هبة .. ليكي يا مقصوفة الرقبه يا اللي ماطلعتيش من البيضة وبيجيلك عرسان ... اما ليه دي احنا حتي الان مش فاهمين ...
ساره : عريس ليا انا اكيد طبعا عشان زي القمر ومؤدبة
اسلام : زي القمر ايه يا بت ابقي اكشفي نظر او غيري مرايتك وبعدين يلا بقي انجري عايز انام
سارة : طيب ما تزوقش يا عم ماشية ... ورايحة سارة تخرج من الاوضة وقفت فجاه وبتردد : سمسم ممكن اقولك حاجة ؟؟
اسلام بضيق : هو يوم مش فايت انا عارف وقام قعد علي السرير وهو بيقول : نعم يا ستي .. ارغي
سارة بخوف وقعدت جنبه علي السرير ومسكت ايديه الاثنين بايديها :
بس اوعدني من غير تهور ...
اسلام بتساؤل : لا كده انا بدات اقلق خير في ايه ؟؟؟
سارة : بصراحة انا من فترة قبل مشكلة تعبي دي كنت دايما حاسة حد بيراقبني او ناس بتمشي ورايا وفي مرة من المرات لما كنا رايحين كلنا عند تيتا وبابا نسي موبايله وطلعت اجيبه

فلاش بااااك *
احمد : اوووووووه ..انا نسيت موبايلي انا مستني اتصال مهم
سارة : انا هطلع اجيبه يا بابا هات المفتاح ... اخدت سارة المفتاح وطلعت تجيب الموبايل فجاة رن تليفون البيت
سارة بترد : الوو
.....: ازيك يا سارة
سارة : مين معايا
......: انا حياتك الجاية
سارة بحده : حضرتك بتهزر ؟ انت عايز مين ياما هقفل السكة ؟
..... : عايزك يا قلبي وقريب هتبقي معايا علطول
سارة من الخوف قفلت السماعه وجريت تنزل علي تحت واول ما نزلت
احمد : شكرا يا حبيبتي ... سارة مالك لونك مخطوف كده ليه ؟؟
سارة وبتخفي قلقها : لا ابدا عشان كنت بجري يلا بينا ومشيوا كلهم ...

باااك **
سارة : وفي مرة كنت بكلم زميلتي من تليفون ماما جت رسالة من رقم غريب فتحتها ممكن تكون حاجة مهمه لاقيت الرسالة مكتوب فيها ( وبينا ميعاد لو احنا بعاد اكيد راجع ولوبيني وبينه بلاد .. هجيبك يا سارة لو بينا بلاد ) ومن رعبي مسحت الرسالة لحسن ماما تفتكر اني كنت بكلم حد وبعتلي الرسالة دي
اسلام وملامح القلق ظهرت علي وشه وبيحاول يفتكر اللي حصل مع العريس ويربط الاحداث ببعض
فلاش بااااك**
احمد : اهلا بحضرتك استاذ ... اسم حضرتك ايه ؟
.... : اسمي ماجد
احمد : اهلا بحضرتك استاذ ماجد ... ممكن اعرف سبب زيارتك انا اول مرة اشوف حضرتك
ماجد : انا عايز اطلب ايد بنت حضرتك سارة
اسلام بحدة: يااا نعم .. سارة مين ؟ّ!! انت اتجننت ؟!!! انت عارف سارة دي عندها كام سنة ؟
احمد بهدوء : اهدي يا اسلام ... استاذ ماجد سارة دي صغيرة في ثانية اعدادي ومش هينفع خالص الارتباط دلوقتي انا اسف
ماجد بحده خفيفة : ما هو بصوا بقى سارة دي بتاعتي هاخدها بالذوق بالعافية برضاكم او بدونه عشان بس ابقي واضح
هبة وسعاد في الصالة وسامعين الحوار ومصدومين .... فجاة اسلام ومسك ماجد من رقبته بيحاول يخنقه : انت مجنون ولا مش طبيعي ؟!! مين دي اللي بتاعتك يا ***** يا ***** ده انا ادفنك هنا .. امشي بررررره .. بررررره
احمد بيشد اسلام بعنف : سيبه يا اسلام ده شكله مش طبيعي .. اتفضل يا استاذ معنديش بنات للجواز
ماجد وبيعدل هدومه وبايتسامة خبث : بكرة اصلا تتحايلوا عليا اتجوزها .. ومشي
ورمي اسلام عليه الفازة جت في الباب واتكسرت مليون حته .. جت سعاد وهبة مرعوبين
هبة برعب : بابا هو ممكن يعمل ايه؟؟ ده شكله يرعب
احمد بقلق : ربنا يستر
بااااااك ****
سارة : هااااااي انت روحت فين يا عم ؟
اسلام وبيحاول يخفي قلقه : لا ابدا ولا حاجة بس انتي لسه فاكرة تحكي دلوقتي مستنية ايه ؟
سارة : كنت خايفه ولما حكيت لاسماء قالت لي انها اوهام واني متهيالي
اسلام : والرسالة والمكالمة بردو اوهام وبعدين تعالي هنا انتي لحقتي تفوقي من تعبك عشان يحصل كده ؟
سارة وابتدت تبعد عن اسلام : لا ما هو من قبل ما اتعب
اسلام بعصبية وبدا يقوم من عالسرير : نعم يا اختي ؟!!!! ولسه فاكرة تقولي دلوقتي ؟ من الواضح وحشك علق زمان وجري وراها
سارة جريت بسرعه وقفلت باب الاوضه ومسكته من بره : اهدي يا سمسم انت نسيت وعدك ليا انك مش هتضربني تاني
اسلام وقعد في ارض اوضته : يارب استر ...يارب سلم
يا ترى هيحصل ايه ؟
استنوني الفصل القادم

فيتامين سي · 14-09-18, 02:52 PM

الفصل الثامن

مرت الايام طبيعية والامتحانات علي الابواب واسلام حكي لابوه علي كل حاجة حصلت مع سارة وبقي ممنوع منعا باتا تتحرك اي بنت لوحدها من البيت وطبعا ده ضغط اسلام واحمد جامد وخاصة مع الثانوية العامة بتاعت اسلام
مرت الايام سارة هي واسماء عليهم امتحان عربي بكرة وباباهم قاعد بيذاكر معاهم هم الاثنين ورن موبايل احمد
احمد : اسماء هات لي الموبايل ... اسماء وجابته ولقي رقم مجهول استغرب وقالها ردي وافتحي الاسبيكر عشان اخلص كتابة السؤال ده لاختك .... ردت اسماء وفتحت الاسبيكر
....... : ازيك يا حاج احمد
احمد : الحمدلله ... اسف مين معايا
..... : انا اللي مش هتسمع غير صوته الفترة اللي جايه ... انت فاكر لما تعمل حراسة انت وابنك علي
بناتك مش هعرف اوصل لسارة
احمد اتفزع واخد التليفون من اسماء وقفل الاسبيكر ودخل البلكونه : انت مين وعايز ايه ؟ّ!!!
اسماء وسارة علامات التعجب والرعب بدا يظهر عليهم ومش فاهمين حاجة ... بعد دقايق دخل احمد
اسماء بخوف : بابا هو في ايه ؟!! ومين ده وعايز مننا ايه ؟؟
احمد بتردد : ده ده مش ح حد .. رقم غلط .. يلا خلصوا مذاكرتكم .. ومشي وسابهم ودخل اوضته ودخلت وراه سعاد : هو في ايه يا احمد؟
احمد حكى لها اللي حصل وخلاص بقي زي الجبل اللي علي وشك الانهيار : انا تعبان ومش عارف اعمل ايه ؟
سعاد ببكاء : لازم نبلغ البوليس ده وضع مش يتسكت عليه ابدا
احمد بضيق وحزن : بكرة هكلم ابراهيم واخد رايه ونشوف هنعمل ايه ....
( ابراهيم اخو احمد من الام بس امهم كانت متجوزة ابو ابراهيم وهي صغيره جدا 14 سنة وخلفت منه ابراهيم وشكرية وسميرة وشاكروهنتعرف عليهم اكتر قريب طلقها ابو ابراهيم واخد ولاده منها وهي اتجوزت بعده ابو احمد وخلفت احمد و3 اولاد غيره عبدالله وعبدالرحمن والكبير عبدالهادي ....والصدفة العجيبة ان ابو ابراهيم وابو احمد كانوا في نفس الشارع ومحدش يعرف عن انهم اخوات غير ابراهيم واحمد لرفض ابو ابراهيم بالاعتراف انهم اخوات وطبعا امهم كانت مبسوطة انها بتشوف عيالها ... وحاليا بيتقابل احمد وابراهيم في السرمن غير ما حد يعرف صلة القرابة اللي بينهم )
تاني يوم الصبح اخد اسلام واحمد هبة وسارة واسماء للامتحان وكلهم في حالة من القلق ووصلوهم واحمد استني سارة واسماء واسلام بيستني هبة ....خلصوا الثلاث بنات الامتحان وخرجوا وروحوا البيت وسابهم احمد وراح لاخوه عشان يشوف هيعمل ايه
احمد وابراهيم في عربية ابراهيم ..
ابراهيم : انت ازاي يا احمد ساكت كل ده لازم نبلغ البوليس
احمد بحزن شديد : هروح اقولهم ايه ان في عريس اتقدم لبنتي ورفضته فهددني ؟؟
ابراهيم : ايوة طبعا . وتقوله علي المكالمات والرسالة احنا هنطلع علي القسم دلوقتي يلا بينا
احمد بقلق : لا استني انا خايف ليأذي البنات لا لالا بلاش
ابراهيم : وسكوتك يعني مش هيخليه يأذيهم ؟!!!
احمد : مش عارف بقي انا تعبت انا بموت من قلقي عليهم انا خايف عليهم جدااا
ابراهيم : طيب هقولك حاجه مش جدهم شغال في امن الدولة ما نساله ؟!!
احمد : اه بس هو يعني اعمال ادارية ممكن مايعرفش في الحاجات دي وبعدين انا خايف اقلقه
ابراهيم بضيق : تقلقه ؟!!! حياة عيالك في خطر وانت خايف تقلقه ... طلع موبايلك واتصل عليه خلينا نروح له الشغل ونحكيله وان شاء الله يطمنا
احمد باستسلام : حاضر ... وكلم حماه واتفق انه هيقابله في الشغل بعد ساعه
في الشغل عند حما احمد
كمال (حما احمد) : يا اهلا يا اهلا ... شوف متجوز بنتي بقالك اد ايه عمرك ما عملتها وده معناه ان في حاجة كبيرة وعايز تحكيها بعيد عن البيت .. بص كمال ل ابراهيم بتساؤل
احمد بايتسامة مصطنعة : اهلا بحضرتك .. ابراهيم اخويا ودي حكاية تانية هحكيها لحضرتك بعدين ... بس المهم دلوقتي انا بناتي في خطر وخاصة سارة ومش عارف اعمل ايه ...
كمال بفزع : ايه ؟ بتقول ايه ؟!! ايه اللي حصل ؟
احمد وبدا يحكي لكمال كل حاجة وكمال علامات الدهشة والخوف ظهرت علي وشه
كمال بانفعال : انت كنت مستني ايه عشان تحكي لي هاا ؟ مستني يخطفها ومش تشوفها تاني ؟!! مش فاهم بتفكر ازاي ؟؟ واحد بيهددك علني انه هياخد منك بنتك وانت مش بتاخد اي اجراء والله ما فاهم دماغك دي بتفكر ازاي ؟!!!
احمد بحده شديده : بتفكر اني مرعوب علي اولادي اللي مش ليا غيرهم .. بتفكر اني في لحظه ممكن الاقي حد منهم مش موجود خفت ابلغ يعرف ويعمل فيهم حاجه خايف يا ناس خاااايف
ابراهيم بهدوء : اهدي بس يا احمد اهدي يا استاذ كمال ... احنا جايين ندور علي حل مش نعقدها اكتر .. استاذ كمال حضرتك شايف ايه ؟
كمال بضيق : انا شايف اننا لازم نشوف المكالمة اللي جات لك دي ايه مصدرها والرسالة اللي جت قبل كده علي تليفون سعاد وتديني كل المعلومات عن الزفت العريس ده
احمد باستسلام : الرسالة اللي علي موبايل سعاد سارة مسحتها من خوفها ... ومكالمته ليا كانت من رقم مجهول واما مواصفات العريس مش عارف عنه حاجه غير اسمه وهو ماجد ده اذا كان اسمه الحقيقي فعلا ..
ابراهيم : استاذ كمال هو احنا ممكن نحط حراسة علي بيت احمد ؟
احمد باندفاع : لا طبعا العيال كده هيترعبوا
كمال : ابراهيم بيتكلم صح احنا هنحط حراسة عليهم بس تكون مش باينة ليهم بحيث انهم مش يحسوا بيهم ومن الناحية دي مش تقلق انا هكلم واحد صاحبي عنده شركة امن وحراسة يبعت ناس من عنده يحرسوكم
احمد وابراهيم : كده تمام
كمال : اما انت يا احمد محتاج منك وصف دقيق اوي لشكل اللي اسمه ماجد ده وثانية بس هنادي علي الرسام بتاعنا عشان يرسم ملامحه ويارب نقدر نوصل له او يكون له معلومات عندنا
احمد : حاضر
وفعلا حضر الرسام واحمد قعد يوصف في ملامح ماجد والرسام بالفعل رسم صورة تقريبا ملامح ماجد بالظبط واخد كمال من الرسام الصورة وبص فيها كويس وقال : يارب بس نقدر نوصل لحاجة ... تقدروا انتوا تمشوا دلوقتي وخلينا علي تليفون
احمد : حاضر .. يلا يا ابراهيم
ابراهيم واحمد : سلام عليكم
كمال : وعليكم بالسلام ....رجع كمال بظهره علي الكرسي واتنهد ومسح بايده علي وشه وقال : يارب استر هو كان لازم احفادي يارب استر وسلم ...

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري