|
البارت تاسع مريم(كضيت اسبوع يم ميلا واني كليوميه وراه مايطلع عمر للدوام اروح لغرفته واغسل ملابسه وانظف الغرفه فديوم چنت كاعده دا اكوي ملابس عمر واغني تخيل طفله صغيره……… ابوها يلعب معاها يطالع هل دنيا فيها…… وماله غالي سواها وفجاه عل ارض طاحت…… تمثل تدري بغلاها وياها مسرع وخايف ……خذها تضحك لكاها وفجاه دخل واحد للغرفه) عمر(ضلت مريم يم ميلا حته اليومين خلصوا وبقت يمهم بس اني من يوم مريم رجعت من المستشفى واني من ارجع من الدوام الكه هدومي مغسوله ومكويه سئلت امي منو گاوي ملابسي كلتلي مريم فرحت كلت تحبني بعدين تذكرت انو هيه بنت اصول ومن اول يوم اجتي وهيه هيج تسوي بعدين مرت الايام بيوم چنت راجع من الدوام من وگت لان تعبت صعدت فوگ سمعت صوت بنيه تغني بس ماشاء الله صوتها فدشي يسحر سمعته چاي من غرفتي رحت لكيت مريم داتكوي الملابس وتغني بس صوتها ماشاء الله يخبل طبيت بس ماخليتها تحس وهيه دتغني اني اندمجت وياها وكمت اغني وياها هيه سكتت واندارت ومن شافتني وجهها گام ينطي الوان جان بودي اروح اعض خدودها الي صارن طماطه وضحكت وگتلها عمر:هههههه شبيج وجهج كام ينطي الالوان مريم:مو اتفاجات عمر:اها بس صوتج حلو ماشاء الله مريم:شكرا وانت هم صوتك حلو عمر:وراثه من ابويه مريم:اني غسلتك الهدوم وگويتهن كلهن والحمام جاهز عندك مريم (داطلع وهو لزم ايدي وگالي عمر:شكرا تعبتج مريم:اااا لاعادي تدلل احضرلك الغده عمر:بس بشرط مريم:شنو هو عمر:ناكل سوا مريم:بس اني اتغده ويه البنات عمر:لعد ماريد مريم:خلص لاتزعل هسه اسويلك غده ونتغده اني وياك عمر:اذا هيج اوك يلا نزلي سويلنا غده بين ما اسبح وانزل نتغده مريم:ماشي عمر (فرحت من مريم خافت عله زعلي طبيت سبحت وطلعت لبست احله شي وتعطرت لحد ماختنكت (زين سؤال ليش داسوي هيج معقوله حبيتها عمر:لاماصور اني احب رجاء الوهم:لاعمر انت حبيت مريم لاتنكر عمر:لا ماعتقد الوهم:شبيك خايف واذا حبيت مريم مو هيه مرتك عمر:ماعرف بس لا مو بهل سرعه قبل كم يوم ضربتها وموتتها هسه كمت احبها لا مامعقوله الوهم:ليش ما معقوله تره مريم مو مثل رجاء عمر:دامشي ولي هسه خلي انزل تإخرت عله مريم الوهم:ها مو گتلك تحبها روحلها روميو روح عمر(عفت تفكيري ونزلت) مريم (من انداريت ولكيت عمر بالغرفه خجلت وخفت ليضربني ووجهي گام ينطي الالوان هو ضحك وگلي شبيج وجهج كام ينطي الالوان والي قريتوا 👆ردت انزل اسويله غده هو گلي الا انتي ويايه اني كلتله ويه البنات اتغده هو زعل كتله خلص اني وياك نتغده بس دقيقه اني ليش خفت عله زعله يمكن حبيته لامستحيل المهم سويت الغده هو نزل بس شنو من عطر مخلي يصطر صطر المهم كعدنا نتغده ونسولف ونضحك واحنا دانتغده فاتوا البنات وعمتي ومن شافونا دانتغده اتفأجوا وگالت عمتي ام ميلا:قل اعوذ برب الفلق ماشاء الله ماشاء الله واخيرا شفتكم سوا كاعدين وتضحكون الف الحمد لله ميس:تره هاي خيانه ست مريم شلون انطاج قلبج تتغدين بدون مانكون وياج عمر:شنو يعني داتتغده ويه غريب داتتغده ويه رجلها والمفروض هيج يصير يوميه ميلا:الحمد الله حسيت بهل شي (وضحكت) ام ميلا:يلا كملوا غداكم يلا بنات روحوا بدلوا هسه شويه ويجون الولد وابوكم مريم(راحوا البنات يبدلون واني وعمر كملنا غده وكمت داغسل الاماعين اجه يمي گلي عمر:اساعدج مريم:لا ميحتاج تسلم عمر:الله يسلمج …مريم اني اسف مريم:عله شنو عمر:لان ذاك اليوم ضربتج وهنتج وانتي مالج دخل مريم:لاعادي لاتعتذر اصلا نسيت عمر:زين اليوم تنامين يمي بالغرفه مو مريم:ليش عمر:لاتخافين ما اوصل يمج انتي علجربايه واني بالگاع اني داكلج هيج لان شكلي صار زباله كدام اخوتي ونسوانهم مريم:حاضر بس ميلا شلون عمر:ههههه لهل درجه تخافين منها مريم:مو اخاف منها بس هيه اكثر وحده خايفه عليه هنا عمر:لاتخافين اني هسه اكوللها مريم:ماشي عمر(فرحت لان مريم راح تجي يمي وفكرت بكلام امي وميلا وكلت خلص انسه رجاء واشوف النعمه الي بين ايدي واقدرها ومو اروح عله نعمه غيري واني نعمتي احسن) مريم (من كلي عمر بعد تنامين يمي بالغرفه استغربت وخفت بس لا يسوي شي بيه بعدين طمني بكلامه بس تحججت بميلا كلتله ميلا ماتقبل وهيه صارلها اسبوع اتزن براسي حته ارجع يم عمر بالغرفه وراها صعد عمر نام واني هم ضليت اتكلب ماكدرت انام نزلت سويت حلويات وماعرف شنو وراها كعدوا البنات وعمي وعمتي وطلعوا بالحديقه طلعتلهم الحلويات كعدوا ياكلون وراها اجه وقت طلعت عمر و…………) بس انام ومن اكعد اكمل فدوه تفاعلكم حلو حته انزل اكثر من بارتين |
البارت العاشر مريم (اجه وقت طلعه عمر وصدك نزل عمر بس المفاجاه عمر مابدل سئلته عمتي ام ميلا:ها يمه راح تطلع عمر:لا يمه مالي خلك اطلع علي:منك من الشيطان ماتطلع لك انت ساعه بالبيت متعرف تبقئ هسه تريد تبقئ بالبيت ميس:شو بالله تعال عمر عمر:شكو ميس:تعال داشوف حرارتك ميلا:لكم مابي شي بس عاجبه يكعد شويه يمنا علي: يمه الي دافع عله اخوها ام ميلا:عوفها لاختك يويل عمر:ميلا تره مريم من اليوم ترجع للغرفه ميلا:ليش عود عمر:شنو ليش غير المفروض تنام بغرفه زوجها ام ميلا:اي يمه اخوج دايحجي صح لازم مريم تنام بعد بغرفه عمر ميلا:خلص بكيف مريم مريم:بكيفكم اني عمر:لعد خلص من الليله تنامين يمي بالغرفه مريم:حاضر…اسويلك شي عمر:ماريد شي بس چاي مريم:حاضر هسه اسويلك (وكمت اسويله واني داطلع من الحديقه گلي) عمر:يسلمو مقدما مريم:ولو موخرا (وضحكت واسمع ضحكاته العاليه تاخذ القلب ورحت) عمر (طبعا اهلي كلهم جانوا مستغربين بهل تغير الي طرأ عليه هاي مريم بس انعجبت بيها وهيج كمت اسوي لعد لو تصير مرتي شلون اووف مريم مبين عليج راح تعذبيني وراه ما كامت مريم داسويلي چاي غمزلي حيدر وگال حيدر: ها غمزت سناره عمر:شنو قصدك علي: قصده انو وگعت بلحب لو بعدك عمر:اها حيدر: هسه كوللنا غمزت لو لا عمر:انت ششوف ?? حيدر: بصراحه عمر:اي حيدر:اي وبقوه هم 😂😂 عمر: خرب بابليسك ولاتجوز من سوالفك (واندارت عليه امي ام ميلا:هايمه عوفك من اخوانك انت كلي حبيت مريم لو بعدك عمر:مادري يوم بس انعجبت بيها كلش وتقريبا حبيتها ام ميلا:اللهم صلي عل محمد وال محمد الجميع:عليه افضل صلاه وسلام مريم (وراه ما طبيت للمطبخ اسوي چاي لعمر اجت ميلا ميلا:ها لج خاينه مريم:شكو شبيج ميلا:لج صدك لو كالت ميس خاينه مريم:شكو شبيج حبي ميلا:شلون اليوم تتغدين ويه عمر وقبلتي تنامين يمه بالغرفه مريم:لج هو راد هيج ميلا:وشوكت حجه وياج خاتون مريم:تعاي اكعدي اسولفلج (وكعدت سولفتلها) ميلا:ايا حقيره واني صوتي انبح واكلج خلي اكول لعمر يجي يكلج تعاي يمي بالغرفه وانتي تكولين لا لج شنو انتي مريم:لج شسوي جنت منتظره هو يجي هيج يكول مو احنا نكله ميلا:بس مبين حبج تره مريم:يجوز اعجاب ميلا ماصور عمر نسه رجاء انتي مو كلتي عمر مستحيل ينسه حبه لاحد ميلا:مادري بس يارب يكون نساها مريم:يارب…يلا امشي خلي نودي چاي (ورحنا ودينا چاي ونطيتا لعمر واخذت نايا بنت حيدر وماري وكعدت العب وياها وراها طبينا جوا وكعدنا نسوي عشه كملنا عشه وكلمن راح لغرفته صعدت دا افوت غرفه ميلا وكفت ميلا عل باب وحطت ايدها حته ما ادخل ميلا: وين مريم:اريد ادخل ميلا:امشي روحي لغرفه رجلج مريم:بس اخذ الفراش ميلا:ليش يمه روحي نامي يمه عل جربايه مريم:شنو لا طبعا وخري ميلا خلي اخذ الفراش ميلا:لا ماكو وتروحين هسه وتنامين بحضن عمر هم افتهمتي مريم:لج شتحجين انتي ميلا:مثل ماسمعتي يلا يا حلوه وريني شطارتج مريم:لج لاتسوين هيج ميلا: باي مريم:ميلا ميلا:يلا لج لاتخلين اخويه يضوج مريم: اني اعلمج مريم (جرتني ميلا وخلتني باب غرفه عمر ودگت الباب وراحت عمر صاح منو اني ترددت وخفت كلتله مريم:اني عمر:منو انتي (ادري مريم بس اريدها تحجي) مريم:اني مريم عمر:اي فوتي(جنت مدد عل جربايه وفاتت مريم وضلت واكفة تريد تحجي متكدر ساعدتها كتلها عمر:تريدين تحجين شي مريم:اي عمر:اي كولي مريم:ميلا ماقبلت تنطيني فراش عمر(طكيتها ضحكه وگتلها):هههههه تعاي نامي يمي عادي جربايه چبيره يعني انتي بجهه واني بجهه ولاتخافين مااوصل يمج مريم:بس…… عمر:بلا بس مريم ما اوصل يمج ولو اريد سالفه الي بالج جان من اول يوم اخذتها تعاي نامي اني راح اطب اسبح مريم:ماشي …احضرلك هدوم عمر:اي علواه مريم:حاضر هسه دقيقتين (حضرتلها هدوم وحطيتها بالحمام وطب سبح واني حطيت راسي عل مخده وحضنت روحي ونمت) عمر (طبيت سبحت وبدلت وطلعت لكيتها حاضنه نفسها ونايمه تمنيت اني اكون بين ايديها المهم نزعت تيشيرت وبقيت بالفانيله وبست راس مريم ونمت) مريم (كعدت ب 6:30 لكيت ايد عمر لازمه ايدي وهو بطرك الفانيله سحبت ايدي وطبيت سبحت وطلعت واني ميته من الخجل بدلت وحضرتله هدومه ونزلت اسويلهم ريوك) عمر (شفت كابوس وفزيت لكيت مريم نايمه يمي لزمت ايديها ونمت صدك حسستني بامان كعدت صبح مالكيتها يمي بس لكيتها محضره هدومي طبيت سبحت وطلعت بدلت ونزلت لكيتهم كاعدين يتريكون كعدت وياهم واول مره مريم تكعد يمي كعدنا ناكل وراها رحت للشغل ) مريم (وراه ماسويت ريوك كعدوا البنات وكعدوا عمي وعمتي والولد وبقه بس عمر وراه شويه نزل عمر مبدل سويت الاكل وكملت صب الچاي داكعد يم ميلا اجتي ميس كعدت كالت مروش اليوم كعدي يم عموره رحت كعدت يم عمر وضلوا ريوك كله يسولفون ويضحكون طبعا عمر عنده غمازتين تخبل تاخذ العقل يمكن هيه هاي سبب حبي لضحكته وراها راح للشغل بس حسيت اكو فراغ بالبيت المهم ضليت اشتغل وانظف وغسلت هدوم عمر وگويتهن وعادي رجعنا للروتين اليومي) فديت تفاعلكم حبايب شكرا تفاعلوا حته انزل فدشويه بارت ووراه سحور بارت |
البارت احد عشر مريم (ضلينا عله هل حال شهرين وانا وعمر صرنا اصدقاء بس اني بداخلي اتمنه يكون بينا حب بعدين اكول لا ماريد الحب اكرهه خلينا هيج احسن بس تعلقت بي واني مادري) عمر (ضلينا اني ومريم شهرين عله هل حال صرنا اصدقاء بس اني اتمنه وادعي ليل ونهار تكون تحبني وتقبل يتم زواجنه بيوم من الايام چنه كاعدين دگ تلفون والدي جاوب والدي افتهمنا انو راح يجينا احد بس منو ماعرف ام ميلا:ها حجي شكو ابو ميلا: هاي اختي ام رجاء راح تجي باجر هيه ورجلها وولدها الجميع: يبووووو مريم (باوعت لعمر لكيته صافن عرفت تذكر رجاء وحن لايام زمان كلت خلص راح عمر مني ايسي مريم بعد عمر يباوع بوجهج) عمر (من كال ابويه بيت عمتي راح يجون تذكرت رجاء والي سوته بيه باوعت لكيت مريم تباوع عليه وكانوا بعيونها دموع وبليل دخلت سبحت وطلعت وكعدت تمشط شعرها كتلها عمر:مريم مريم:نعم عمر:تدرين راح تجي رجاء باجر مو مريم:اي ادري عمر:اريد منج طلب وكون ماترفضي مريم:اي اكيد تفضل عمر:اريد اني وياج نمثل نحب بعض وامورنا عال مريم:ليش عمر:لان رجاء من تشوف ماكو شي بينا راح طلع عليه حجي وتكول علمودي وماعلمودي واني بصراحه ماريد هيج شي مريم:ماشي الي تريده يصير عمر:ها والبسي شي عريض وطويل لان ابن عمتي عينه زايغه ويباوع عل بنات مريم:حاضر الي تريده يصير عمر:يلا تعاي نامي مريم:اي اجيت مريم(نام عمر واني ضليت افكر معقوله دايسوي هيج بس علمود رجاء ماتتشمت الوهم:لا مروش عمر يحبج واستغل سالفه رجاء حته يتقرب منج مريم:لاما اصور هو بعده يحبها وماريدني الوهم: زين ليش گلج البسي هدوم عريضه وطويله غير يغار عليج مريم:ها هيج تكولين الوهم: نعم وبكل تاكيد مريم:اوف عمر اوف(ونامت) عمر (نمت وكعدت فجر لكيت مريم نايمه وفاتحه ايدها راسا دفنت راسي بحضنها وهيه حضنتني وماكو ثواني ونمت بس شنو احله نومه) مريم(كعدت لكيت عمر نايم بحضني ودافن راسه بصدري خجلت وردت اكوم هو فز گلي عمر:وين رايحه مريم:ارجع نام عمر:خليني نايم بحضنج حبابه خليني مرتاح مريم: ااااا صار تعال مريم(نيمته بحضني وضليت صافنه بجماله وكعدت العب شعره لحد مانمت وبعدها فزيت لكيت بنيه ومره چبيره بالغرفه وصيح البنيه: والله حلو كومي لج كومي مره الچبيره: والله عمي تعال ابو خالد ابنك نايم بحضن وحده مريم:فدوه بس صوتكم خلي نايم خطيه البارحه ليل كله ما نامه البنيه: وانتي منو لج حته هيج تحجين هو انتي فصليه گومي لج(وكامت تغلط وفجاه جاوبها عمر) عمر:احترمي نفسج رجاء لا اكوملج بالنع… والكعبه كلشي ولا تحجين ويه مريم لا السانج اكصه رجاء: عمر حبيبي واخيرا كعدت عمر:انجبي اني مو حبيبج اني حبيب مروشتي (وحضن مريم) رجاء:ها هيج صارت عمر:اي ويلا طلعي بره رجاء: ماشي عمير اني اراويك عمر: روحه بلا رده (واندار عله مريم):يلا حبيبي خلي نرجع نام مريم:عمر عمر:ها ياروح عمر مريم:شبيك تحولت عمر:شبيه مريم:شبيك حبي وحياتي وهاي عمر:مادري بس يمكن حضنج بي سحر خلاني انكلب مريم(خجلت من اذكرت جان نايم بحضني):يلا امشي ننزل عمر:لا خلينا هنا اريد ارجع انام بحضنج مريم:عمر كافي انت دا تسوي هيج بس لان تكرهه رجاء كوم يلا عمر:لا ما دا سوي هيج علمود رجاء اني اح…… مريم:يلا كوم كافي تاخرنا عمر:يلا عمر (كملت سبحت بس فكرت بكلام مريم معقولة اني داسوي هيج ويه مريم علمود انسه رجاء واضوجها بس الراحه الي لكيتها من نمت بحضن اكثر من الراحه الموجوده بحضن امي ياربي ليش ترفضني) مريم (من عمر راد يكول احبج مخليته يكمل كلامه اني بس اريده يكمل الكلمه بس لا هو دايسوي هيج علمود رجاء مو علمود يحبني المهم بدلت وحضرت هدومه وكعدت انتظره هو طلع كلتله بدل حته ننزل سوا هو بدل ونزلنا……) ادري البارت شويه قصير بس والله داكتب واني ميته تعب تفاعلوا وباجر انزل اكثر 😘😍 |
البارت اثنا عشر مريم (نزلنا سلمنا عل كل ورجاء وامها راح يموتوني بنظراتهم عليه وعمر جر ايدي وكعدني بصفه بعدين رجل عمته سئلني رجل عمه عمر:عمو سمعنا بيج دكتوره مريم:اي عمو رجل عمه عمر:مال شنو عمو مريم:قلبيه عمي رجل عمه عمر:ماشاء الله عمه عمر:بس مو صغيره يعني وصرتي دكتوره مريم:مو اني سويت نظام تسريع فلهذا تخرجت من وكت رجاء: واكو وحده دكتوره تعوف كلشي وتجي فصليه مريم:الي يحب احد يضحي علموده واني ضحيت علمود اخويه رجاء:ههههههه گولي ما احد راد يزوجج لان دكتوره وسمعتج زباله عمر:رجاء احترمي نفسج لا عبالج كل ناس مفكرني الحب مثل ما انتي مفكرتي لا وبعدين مريم حجيها صدك الي يحب واحد يضحي علموده والف الحمد لله الله دزلي وحده مثل مريم تحبني وتخاف عليه من الهوا رجاء: اوي عيني الي يشوفكم يگول من انتو وصغار تحبون بعض عمر:والله شفايتلي احبها من الصغر اصلا ما جنت مولود اني بس من يوم شفت مريم يلا انولدت مريم(بهمس): عمر عوفها عمر:لا مريم ماعوفها خلي كلهم يعرفون شنو انتي انتي ترفعين الراس مو مثل بعض العالم فلس ماتسوا عمه عمر: شنو قصدك لك عمر: قصدي واضح عمه ابو ميلا: كافي عمر اسكت وانتو هم اسكتوا عمر:لا يابه ماسكت خلي بس واحد يحجي ويه مريم حجايه اخلي يتمنه الموت والله ام ميلا: خلص عمر كافي يلا بنات كوموا سووا الغده البنات: حاضر يمه مريم (كلش تفاجات من اسلوب عمر وشلون حجه وياهم ودافعلي بعدين تذكرت هو دايسوي هيج علمود يضوج رجاء وراها صبينا الغده تغدينا وعمر ضل مكعدني يمه وكل ساع منطيني شغله حته اكلها وراها شلنا الغده وغسلنا الاماعين وراحو كعدوا اني كتلهم راح انظف المطبخ نظفت المطبخ اجتي هدئ مرت خالد عله اساس داتاخذ مي گالتلي هدئ: ها فصليتنا شلونج مريم (ضجت وعفتها وماجاوبت) هدئ: اني مو احجي وياج مريم:نعم هدئ: باعي لج لاعبالج عمر يحبج ويريدج لاحياتي من احنا وصغار عمر لرجاء ورجاء لعمر انتي كلها كم شهر وترجعين لبيت اهلج مريم:لا حبيبتي يحبني ويموت عليه وكل يوميه ينام بحضني واني ما انام اله انيمه بحضني واخاف عليه من الهوا الطاير اجه عمر عمر:ها حبيبتي خلصتي مريم:اي يعمري هسه بس اكملك چاي مالتك عمر:ماريد عوفي يلا امشي نيميني مريم:هسه يا قلبي اجيت…عن اذنج مريم (صعدت لكيت عمر ممد عل جربايه من شافني گالي عمر:يلا تعاي نيميني مريم:ماتنام احد لازمك عمر:تعاي نيميني بحضنج مريم:شنو 😳😳 عمر:شبيج مو صبح نيمتيني بحضنج مريم:عمر تشاقه مو 😐 عمر:لا احجي جد الجد مريم:اليوم شبيك منگلبه احوالك عمر:شبيه اصلا المفروض من اول يوم هيج اتعامل وياج مريم:عمر لاتسوي هيج لان اني ادري انت داتسوي هيج لان رجاء هنا عمر:مريم رجاء ماتهمني انتي الي تهميني انتي الي اهتم لزعلها مو هيه مريم:عمر كافي الله يخليك لاتعيش بالوهم عمر:مريم … مريم:عمر كتلك كافي حباب عمر:ماشي مريم:يلا نام عمر:وين رايحه مريم:انزل يم البنات عمر:دتعاي هسه عمتي و رجاء كاعدات يمهن تعاي مددي يمي مريم:ماشي عمر (اجتي يمي عل جربايه حاولت انام مكدرت ضليت افكر بكلامها بس اني متاكد انو مو علمود رجاء هنا دا اسوي هيج اني داسوي هيج لان احبها الوهم: زين ليش اليوم يلا طلعت مشاعرك عمر:مادري الوهم:لعد كلام مريم صحيح عمر:لا مو صحيح الوهم:شلون مو صحيح انت تصرفاتك دا تاكد هل حجي عمر:اووف وخر من يمي لا احرگ وفجاه حسيت ايد مريم داتلعب شعري ونمت) مريم (رحت يمه عل جربايه شفته نام كعدت العب بشعره واقراه المعوذات لان ما شاء الله جماله لازم كليوميه واحد يقرا عليه قران وراها نمت يمه) كلولي شنو رايكم بمريم وعمر وتصرفاتهم 🤔 |
البارت الثالث عشر مريم (نمت ساعه وكعدت لكيت عمر بعده نايم وحاط ايدي جوا راسه سبحتها بهدوء وبدلت ونزلت لكيتهم كاعدين بالحديقه ميلا:هله بالحلو مال بيت كله مريم:هله بيج قلبي ميس:هله ميما وينج يمعوده ضلينا منتظريج حته نسوي كيك وحلويات مريم:اسفه حبيبتي بس غفيت يم عمر بس ولايهمج هسه اسويلج (وفجاه اجه عمر وحط ايده عله جتفي وگال عمر:وشبيج انتي ما تسوين لو الا تعبين حبيبتي ميس: اوي عيني يخاف عله مرته عمر (اندار عله مريم):اني مو كلتلج لا تعوفيني مريم(بتردد) :شفتك نايم ومرددت اكعدك راد عمر يحجي بس نطت رجاء رجاء:اي عمر شلونه شغلك عمر(ضاج واستغفر رب العالمين) :الحمد لله كلش زين …يوم اني رايح يم رياجيل ام ميلا: اي يمه روح عمر: ميما مريم:ها عيني تريد شي عمر:يمه فديت العيون حلوه …سويلي چاي مريم:حاضر ياعمري عمر:لك يمه فديت مرتي العاقله مي: عمر عمر:ها ميوش مي:تره اغار عمر:مرتي والله مي:اي حته لو عمر: خلص عمي اسف مي: لقد قبلنا اعتذاركم عمر: هههههه مخبله مريم (وراح عمر يم الرياجيل واني رحت اسوي چاي لعمر وراها سويته لعمر ووديته اله وكعدت يم النسوان وحجت خاله ام ميلا:اي خاله رجاء شلونه خطيبج رجاء:زين خاله الحمد لله ام ميلا:الحمد لله شوكت زواج ان شاء الله رجاء: شهر جاي ام ميلا: ان شاء الله عمه عمر:اي مريم ماكو حمل مريم:ولا والله خاله عمه عمر:ليش خاله ام ميلا:مو عمر مايريد هسه يكول بعدنا صغار وبعدني ماشابع من مريم يريد يشبع منها ميلا:اذا يمه هيج معناته ما راح نشوف جهال عمر عله خير (وغمزت لمريم) رجاء: ليش يمه ميلا:لان عمر مايشبع من مريم هسه تشوفين بليل شلون هو اول واحد هو مريم يروحون للغرفه واخر اثنين يكعدون اصلا مايكدر يفاركها رجاء(بغل) :الله يديم المحبه الجميع: امين وراها دخلنا جوا وسوينا عشه وتعشينا وغسلت الاماعين وسويت چاي ودانشرب چاي وعمه عمر گالت راح نبقئ اسبوع اني ضجت لان كلت هاي رجاء راح تظل مكابله عمر و عمر راح يحنلها وراها عمر استاذن عمر:يلا اني اترخص ام ميلا:وين يمه عمر:يمه اريد انام اني وميما (و غمز لمريم) ام ميلا: اي يمه حقك روح عمر:يلا حبيبتي مريم:يلا حياتي مريم و عمر:تصبحون عله خير الجميع:و انتو من اهله مريم (صعدنا اني وعمر طبيت اسبح وطلعت بدلت ومشطتت شعري و اني دا مشط شعري گلي عمر عمر:مريم مريم:نعم عمر:ليش ضجتي من بيت عمتي كالوا راح نبقه اسبوع مريم(بتردد) :لا منو گال عمر:اني انتبهت عليج من كالوا هيج ضجتي بس لا خايفه ارجع احن لرجاء مريم:لا واني شلي دخل اذا حنيت الها لو لا عمر:شلون شلج دخل غير انتي مرتي مريم:قصدك فصليتك عمر:بعدها تاكل بقلبج مريم:لا عمر:زين تعالي نامي مريم:اجيت مريم (رحت دا انام بعدني دا اعدل نومتي اجه عمر نام بحضني كلتله مريم:عمر شدا سوي انت عمر:اش و لا كلمه اريد انام و ارتاح مريم:بس عمر:كلتلج اريد نام(بعصبيه) مريم:ماشي مريم(خفت اكله لا لا يسوي شغله عناد ويكبرها وراها حسيته نام ردت انيمه عل مخده فز و گلي عمر:شكو مريم:اسم الله ماكو شي نام عمر:مو كتلج خليني نايم مريم:ما دا انيمك عله مخدتك حته ترتاح عمر:معليج اني ارتاح بحضنج اكثر ..…يلا وخري خلي انام و دير بالج تعيديها لا اسوي شي ميعجبج مريم (رجع نام بحضني خفت ارجع احطه عل مخده لان كلت اكيد راح يسويلي شي نيمته بحضني ونمت بس تدرون صراحه حسيت براحه من نام بحضني) شتتوقعون رجاء راح تعوف عمر و مريم بحالهم لو لا كتبولي |
البارت الرابع عشر مريم (كعدت ثاني يوم ولكيت عمر بحضني ضليت العب بشعره ولحيته وگلي عمر:ادري حلو بس مو لدرجه تظلين ساعتين تتأملين بوجهي مريم:ومنو گال اني دا اتأمل بوجهك عمر:اها هيج تكولين مريم:اي عمر:مريم مريم:نعم عمر:اسكتي لا اكوم اسوي شي الي بالي تره بالكوه متحمل مريم:خلص سكتت عمر:ارجعي نامي يلا مريم:انت نام اني راح انزل عمر:وين نازله مريم:للمريخ يعني وين غير جوا عمر:ماكو نزله مريم:ليش عمر:لان حسب ما وصلني انو لازم اخر اثنين ننزل مريم:اها منو كلك عمر:العصفوره مريم:والله متحلفتلها بكتله للعصفوره مالتك بس خلي تصبرلي عمر:هههههه ليش مريم:حسابها ثكل يمي عمر:يلا اني و وياج عليها مريم:بالعكس اني اريدك و وياها عليه عمر:اها مريم:عمر تسمحلي اگلك كلمه واتمنى تسمعها وتعمل بيها عمر:گولي مريم:اهمل دنيا كلها لا تهتم لاحد اضرب الدنيا كلها تجاهل الدنيا كلها الا خواتك وامك حته زوجتج اجاهله بس خواتك وامك لا لان كلش صعب عليهم يشوفوك بعيد عنهم عمر:🙂حاضر …شكرا عل نصيحه مريم:😊واجبي…يلا ننزل عمر:يلا بس اسبح وننزل مريم:ماشي …احضرلك هدوم عمر:اي ياريت مريم:هسه من عيوني مريم (حجيت ويه عمر هل حجي حته يحس بخواته ويرجع يحبهم ويهتم بيهم المهم حضرتله هدومه وبدلت وكعدت انتظره) عمر(من حجت مريم ويايه هيج كبرت بعيني و عرفت الله منطيني نعمه ميصير اطيرها من ايدي وقررت … وراها سبحت وبدلت وطلعت لكيتها تتنتظرني اخذتها من ايدها وگتلها تضلين يمي وماتروحين يم احد گالتلي حاضر ونزلنا طبعا چانوا يتريكون كعدنا وياهم واحنا دناكل گتلهم عمر:يوم يابه اريد اكول شي ام وابو ميلا:گول ابني عمر:اني راح اعقد عله مريم محكمه ام ميلا: كلللوش واخيرا يمه مريم:عمر تحجي صدگ لو تشاقه عمر:ليش اكو شقه بهل موضوع اني اريدج تصيرين زوجتي شرعا و قانونا ميرا:يعني راح تسوي عرس مو 😄 عمر:بكيف مريم مريم: بكيفك انت عمر:لعد اوك وراه ما نعقد بـ اسبوع نسوي عرس ميس:كلللللليش واخيرا صار عدنا عرس والكل ضحك عله هلهوله ميس بس دقيقه اكو عله طاوله احد ما عاجبه هذا القرار صح رجاء ماعجبها خبر وقررت تخرب كلشي زين ما هي راح تزوج ليش تخرب حيات عمر و مريم رجاء دا تسوي هيج علمود اختها تتزوج عمر المهم اتفقت هيه وهدى مرت خالد حته يخربون زواج مريم (من عمر گال يريد يعقد عليه تفاجات و ردت اسئل بس مكدرت وكل ما اريد اسئله يجي احد قبل ما نصب الغده بـ شويه اجه عمر للمطبخ وچنت وحدي گلت فرصه اسئله هو گال عمر:شلونها حبيبتي اشتاقيتلها تره مريم:عمر عمر:ها ياروح وقلب عمر مريم:انت متاكد تريد تعقد عليه محكمه عمر:اي مريم:اكيد عمر:اكيد حبيبتي شبيج مريم:يعني مو علمود رجاء عمر(شفت رجاء وهدى جايات للمطبخ ردت أكدلهم حبي لمريم (گول تريد تستغل الفرص😉)لزمت مريم من ايدها وجريتها وبست شفتها انصدمت راسا خليت راسها بحضني حته ما يشكون (چذب اني اريد مريم بس الي)بس اويلي شنو من شفه تموت صح اني بايس شفه رجاء لحد ماشبعت بس شفه مريم غير طعم يخبل ياخذ العقل ضليت مچلب بشفايفها ونسيت رجاء والامه كلها) مريم ( دا احجي ويه عمر وفجاه جرني من ايدي و باسني بـ شفتي اني انصدمت وهو ضمني بحضنه وضل يبوس بشفتي اني دخت وراها دخلت رجاء وهدى عرفت عمر سواه هيج علمود يضوجهن بس ليش ضل مچلب بشفتي) رجاء:والله حلو تعال خالو شوف ابنك تعاي خاله شوفي ابنج عمر (ضليت امص بشفه مريم وما همني رجاء وصياحها بس مريم سحبت شفتها من شفتي وضلت دافنه راسها بصدري حضنتها وگتلها امشي نصعد لغرفتنا حبيبي ام ميلا:شكو يا ستار شبيكم هدئ: خاله شوفي عمر شلون لازم الفصليه ويبوس بيها بالمطبخ عمر: مرتي مو فصليه بعدين اني حر اشو من جنت اسوي هيج وياج ما جنتي تعترضين ام ميلا: يمه كللللللوش ربي يحميكم بجاه اهل البيت عمر: الله يسلمج يمه …يلا يمه احنا صاعدين لغرفتنا مريم (وراه ما رجاء كامت صيح سحبت شفتي من شفه عمر بس ضليت دافنه راسي بحضنه لان خجلت ارفع راسي فضليت مچلبه بحضنه بعدين گلي يلا حبيبي امشي نصعد صعدنا واني بعدني مچلبه بحضنه دخلنا للغرفه وگلي عمر:راح تضلين هيج خاتله بحضني مريم:اي عمر:لشوكت مريم:لحد ما ابقه وحدي عمر:زين ليش خجلانه مريم:من الي سويته عمر:ليش شسويتي مريم:بستك عمر:ههههههه و شكو بيها اذا بستيني مريم:ماعرف عمر:لا تخجلين حبيبي اني زوجج مريم:عمر حباب لا تسويلي شي(وكامت تبچي) عمر:باعي هو اذا انتي بجيتي اني اسوي بس اذا صرتي حبابه و ما تبچين ما اسويلج شي مريم:اكيد عمر:اكيد يا قلبي …يلا ضحكي مريم:😊😊 عمر:يمه فدوه لهل غمازات وضحكه الي تخبل …تصدكين اول مره اشوف عندج غمازات مريم:بس اني ادري عندك غمازات عمر:والله مريم:والله عمر:لعد هاي صفه مشتركه بيناتنه و ان شاء الله جهالنا ياخذوها منا …اليوم خلينا بالغرفه ما نطلع منها مريم:ليش عمر:ما اريد اعكر مزاجي بـ الي موجودين جوا اريد نبقئ اني وياج مريم:بس راح يكومون يحجون علينا عمر:شحدهم غير اموتهم …هسه تعاي نام ومعلينا بيهم دك دك دك (اندكت باب الغرفه) عمر:اووف منو هل غثيث الي دا يدك الباب ……منو ميلا:اني ميلا عمر مريم:فوتي ملوش ميلا:ايا خونه هاي شمسوي جوا مريم:😟😯 عمر:😏😏 ميلا: 😕😕 عمر:يعني زوجين شمنتظرين منهم يعني😒😏 ميلا: لا يعني جان گلتولي بس شنو رجاء و هدئ و عمتي متخبلات جانوا متوقعين امي ترزلك بس من شافوها هلهلت ستغربوا وگالوا لابويه ابويه سوا روحه عود ضاج بس هو فرحان من داخله وگلي روحي شفيهم وبحجت صيحيهم للغدا بس خلي لا ينزلون وگليله ابويه يريدك بس لاينزل عمر:لا بربج ميلا: والكعبه 😅 عمر:لج شنو هاي انتو ميلا: يلا راح انزل اني و فد شويه اجيبلكم غده اوك عمر:لا لاتجيبين راح نام اصلا ميلا: ماشي …يلا باي مريم و عمر:باي عمر: يلا حبيبي تعاي بحضني نامي مريم: عمر 😠 عمر: ها يروحه يلا تعاي لتعبيني مريم:ما ماريد عمر: مو هيه بكيفج تعاي لا اراويج شي ما يعجبج مريم: ملشي اجيت وحضنوا بعض وناموا) نزلت ميلا ميلا: بابا دكيت عليهم الباب عمر يگول و عوفونا شويه اريد اصير اب ام ميلا: ههههههه تعاي يمه كعدي عوفيهم براحتهم ابو ميلا: گلتيله ابويه يريدك ميلا: اي كلتله يگول عوفيني بلگي اخلي يصير جد مره الخ ام ميلا: عوفه ابو عمر هسه هو من يكعد يجيك ابو ميلا:ماشي عمه عمر: خويه راح تعوفه هيج ابو ميلا:لعد شتريدين اسويله عمه عمر: تكوم تكسر راسه علي: بس عمه هو دا يسوي هيج ويه مرته يعني حلاله يسوي الي يعجبه ابو ميلا: كلام علي صح رجاء: شنو خالو لا تخلي يسوي هيج عيب ابو ميلا: ان شاء الله خلي يكعد و ارزله اتغدوا هسه وراها تغدوا وشربوا چاي وكلمن راح لغرفته) تفاعل حلو للبارت طويل هذا ممكن 😊😊 |
البارت الخامس عشر Chương trước Chương sau مريم (نمت بحضن عمر وراها اذن المغرب فزيت ولگيت عمر نايم وحاضني بحيث ما يخليني اگوم ولا اتحرك ضليت صافنه بوجهه وراها كعدته وكلتله مريم:عمر عمر:💤😴 مريم:عمير عمر يا عمر عمر: هااااا مريم:گوم كافي نوم اذن المغرب عمر:عوفيني نايم حبابه مريم:كوم يا قلبي مو زين هلكد تنام عمر:شكلتي 😳 مريم:ها عمر:عيديها بداعتي 😍 مريم(بارتباك) :شنو هي عمر:الي گتيلها قبل شويه حبابه مريم:هيج طلعت مني مو قصدي اگولها عمر:ميخالف رجعي گوليها مريم:كوم عمر:لا الي وراها مريم:يا قلبي عمر:لج يمه فديتج بحالي ومالي😘(وبست سفتها بوسه خفيفه) مريم:كوم يلا دنصلي المغرب وننزل عمي يريدك عمر:يا ننزل اليوم نبقئ بالغرفه ما نطلع مريم:و عمي شلون عمر:هو ميريدني انزل مريم:ميخالف كوم و صلي المغرب عمر:ماشي بس تصلين ويايه مريم:ماشي ما عندي مانع عمر:يلا روحي توضي مريم:ماشي عمر (من مريم گالتلي يا قلبي مادري شصار بيه بس حسيت ملكت الكون وراها توضينا و صلينا ونزلنا جوا واحد لازم ايد الاخ ونضحك اول ما نزلنا تلكتنا عمتي عمه عمر:هله بالعرسان بعد وگت جان ما نزلتوا اصلا عمر:والله عمه جان المفروض هيج بس ابويه رادنا ونزلنا عمه عمر:انت صدگ اخلاقك تلفانه ابو ميلا:خلص عوفي يا خيتي …و انت عمر عمر:ها بويه ابو ميلا:انت شمسوي ضهر عمر:شمسوي ابو ميلا:شلون تبوس مرتك بالمطبخ عمر:يا يابه انت گلتها مرتي مو وحده من الشارع(وباوع الرجاء) ابو ميلا:ميخالف بابا عيب اكو بنات بالبيت من تبقه بالبيت وحدك عود سوي الي تريده عمر: ان شاء الله (وغمز لمريم) ابو ميلا: ابن عمك راح يخطب وحده من دياله و يريد نروح ويا عمر:بيها الخير بس يريدنا كلنا ابو ميلا:اي عمر:زين يصير اني و مريم ما نروح ابو ميلا: ليش عمر: ما اريدهم يشوفون مريم و بعدين اريد نبقى وحدنا ام ميلا:بكيفك يمه بس ليش ما تريد يشوفون مريم عمر:يمه راح يحطون عينهم عليها واني ما اريد هل شي ام ميلا: ماشي يمه ابو ميلا: ماشي لعد احنا باجر صبح نتوكل عمر (من ابويه گلي كلهم راح يروحون عله خطوبه ابن عمي فرحت گلت راح يبقه البيت بس الي لحبيبتي وراها سووا الغشه تعشينا وبقت مريم تغسل الاماعين صعدت مددت وغمضت عيوني وراه شويه حسيت احد باسني بشفتي وحضني عبالي مريم گتلها عمر: شعجب ميما اول مره هيج تسوين (وفتحت عيني وتفاجات 😳😳ولكيت بحضني …………) ادري قصير البارت بس نت ضعيف كلولي توقعاتكم منو بحضن عمر |
البارت السادس عشر هيلاو💚 ادري مقصرة وياكم بس و الله بنتي ماخذه كل وقتي ان شاء الله يعجبكم هذا البارت و اترجاكم صوتوا و كتبوا رايكم بــ التعليقات 😍😘 ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــ عمر (صعدت فوگ مددت وغمضت عيني حسيت احد باسني بشفتي وحضني عبالي مريم گلت عمر:شعجب حبيبتي اول مره هيج تسوي (و فتحت عيني والصدمه جانت زينه(اخت رجاء) نايمه عله صدري واني ما لابس تيشيرت راسا دفعتها وگتلها عمر:كومي لج شسوين هنا زينه:شبيك حبيبي مو انت گلتلي تعاي للغرفه اريد اشبع منج عمر:انجبي لج (وضربتها راشدي) زينه:اني تضربني يا عمر بسيطه عمر(ضربت زينه راشدي و دا تطلع شفت مريم واكفه يم الباب والدمع مغرگ خدودها راسا بس كتلها حبيبي عافتني و راحت ركضت لبست تيشيرت وركضت وراها و هيه راحت يم ميلا وحضنتها وكامت تبچي وميلا تگول ميلا:شكو شبيج منو وياج عمر:مريم حبيبي بس سمعيني ميلا:شكو عمر شبيكم عمر(تجاهلت ميلا و حاولت بس احجي ويه مريم وكعدت يمها عل جربايه وخليت ايدي عل شعرها و گتلها) عمر:مروشتي يا عمري اروحلج فدوه بس سمعيني مريم(بـ بچي) :ميلا حبابه گليله خلي يروح ماريد لا اشوفه ولا اسمعه عمر: حبيبي بس خليني افهمج وراها بعد لا تريديني مريم:ميلا الله يخليج خلي يعوفني ما طايقته ميلا:روح عمر خلي اهديها وابويه دا يصيحك روح وطلع عمر) ميلا:بس فهميني شكو شبيكم قبل شويه چنتوا تشاقون وتضحكون مريم:😭😭😭 ميلا:مريم احجي فهميني مريم:لج ميلا اخوج يخوني تعرفين شنو يخوني ميلا:شنو يخونج…ويه منو مريم:ويه زينه 😭 ميلا:شلون احجيلي مريم(اجاني عمر للمطبخ گالي راح اصعد و انتي تعاي وراي گلتله ماشي كملت المطبخ وصعدت وراه اتعجبت لكيت بابا الغرفه مفتوح المهم فتت لگيت زينه تبوس بــ شفه عمر و نامت عله صدره و هو يلعب بشعرها من شافني گام ينكر 😭😭 ميلا: خلص اسكتي هسه ابويه يطيح حظه وميلا حضنت مريم ونيمتها يمها بالغرفه) نرجع لعمر عمر (صاحني ابويه نزلت اول ما شافني ضربني راشدي و هاي اول مره ابويه يضربني بيها و صار عصبي وگام يصيح عليه ابو ميلا:لك هاي شسويت بنت عمتك ها انت مخبل شلون هيج تسوي بنت عمتك و تخون مرتك فوگاها عمر:يابه …… ابو ميلا: انجب ما اريد اسمع صوتك عمر: يابه لازم تسمعني زينه: لا خالو لا تسمعه اكيد راح يچذب علي: و انتي ليش خايفه يحجي خلي يحجي و احنا نحكم اذا چذب لو لا …يابه خلي عمر يحجي ابو ميلا: احجي يا ابو المصايب عمر:يابه اني جنت بالغرفه منتظر مريم تجي و بعدين مددت وغمضت عيني حسيت احد باسني ونام بحضني عبالي مريم و من فتحت عيني لكيت زينه بحضني زينه: چذاب خالو لا تصدكه عمر:و اذا ما مصدگني يابه اكو بغرفتي كامرات تكدر طلعها وتشوفها ابو ميلا: امشي گدامي طلعها عمر:تفضل (و رحت طلعتله تسجيلات وشافهن و نزلت عرضتهن عل تلفزيون الكل انصدم و ابو رجاء عصب و گام عله زينه و ضربها راشدي وموتها بالگوه اخوتي طلعوها من جوا ايده و گال ابو زينه:هسه بدون اي كلمه تلمون هدومكم حته نرجع للبيت عمر:لا عمي خليك اني اخذ مرتي و نروح ام ميلا: وين طالع انت و مرتك بليل يمه عمر:اروح لبيتي يمه هناك اخذ راحتي ابو ميلا: ابو رجاء خليك و انت عمر هم ابقه بالبيت انت و مرتك ماكو طلعه احنا باجر من الغبشه ان شاء الله متوكلين عله خطوبه ابن اخويه و راح يبقه لبيت كله الك و لمرتك و ميصير طلع مرتك بهل ليل عمر: حاضر يابه…عن اذنكم اريد اصعد اشوف مريم عمر (عفتهم و صعدت لغرفه ميلا حته احجي ويه مريم دك دك دك دك(دا يندك الباب تره 😁) ميلا:منو عمر:اني عمر ميلا:تعال فوت عمر:وين مريم ميلا:نيمتها …تعال احجيلي شلون زينه هيج سوت عمر:منو گلج 😕😓 ميلا:مريم حجتلي جزء و ميس اجتي كملتلي الباقي عمر:اها ميلا:عمر انت اكيد ما صحت زينه مو عمر:شتحجين انتي طبعا لا …انطيني مريم خلي انيمها بــ غرفتنا ميلا:ليش خليها نايمه هنا مرتاحه عمر:لا خلي اخذها باجر انتو تروحون من الصبح و صير هوسه وتكعد خلي اخذها يمي حته ما تكعد ميلا: عمر اذا تريد ابقه يمكم عمر:لا ميلا اني اريد نبقئ اني وياها وحدنا بلكي اكدر اتقرب منها ميلا:عمر لا تسويلها شي الا تعقد عليها عمر:طبعا اصلا من باجر راح امشي بأجراءات الزواج …هسه خلي اخذها وبعدين نحجي ميلا:ماشي تعال اخذها بس دير بالك لا تكعد عمر: لا تخافين عمر (و شلتها واخذتها للغرفه دا احطها عل فراش چان تفز عمر:اسم الله ارجعي نامي يا عمري مريم:وين اني عمر:مالج دخل وين انتي ارجعي نامي مريم:😢😢 ع مر:ليش هل دموع يا بعد بيتي مريم:عمر 😢 عمر:ها يا عمره و روحه وحياته مريم:ليش خنتني 😢 عمر:اني بعمري كله ما راح اخونج مريم:بس خنتني 😢 عمر:والله ما خنتج وداعت امي وستر عافيتي ما خنتج اكو احد يخون روحه مريم:😭😭😭 عمر:كافي بچي فدوه عيونج ورمت… يلا تعاي بحضني حته انيمج مريم:😢ماريد عمر:ليش 😿 مريم:ماريد احجي وياك عمر:لا تحجين ويايه يس تعاي انيمج (و جريتها بحضني وكعدت اهديها و العب بــ شعرها لحد ما نامت ضليت اباوع بوجهه لحد ما اذن الفجر نيمتها عل مخده وكمت توضيت وصليت سمعت هوسه جوا گلت همزين راح يروحون وراها اندگت الباب عمر:منو ميلا:اني ميلا عمر عمر:فوتي ميلا:جايه اكلك راح نروح دير بالك عله مريم و لا تزعلها عمر:لا توصين حريص ميلا:يلا حبيبي تريد شي عمر:سلامتج بس سلمي عله بيت عمي و ابن عمي واعتذريلي منهم و دير بالج عله نفسج ميلا:ماشي حبيبي باي عمر:باي درب سلامه عمر(ودعت ميلا و رجعت نيمت مريم بحضني ونمت 💤😴) ا نتظروه الاحداث بالبارت جديد فدشي |
البارت السابع عشر هلو هلو هلو عذروني اتاخرت بس والله بنتي مريضه وكاعده ومكابلتها ان شاء الله اعوضكم بالبارتات جديده وكلها طوال 😍😘 ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــ عمر (جنت نايم و دك المنبه فزيت لكيتها ساعه 10:00 انداريت لكيت مريم بعدها نايمه استغربت مو من عوايدها تنام لهل وكت گلت اكيد تعبانه من بچي البارحه بس انتبهت جبينها دا يعرگ حطيت ايدي عله راسها و لگيت راسها صاير نار راسا عطت عمر:مريم مريم حبيبتي شبيج يا عمري مريم(و ترچف):عمر بردانه راح اموت من البرد عمر:تغطي يا عمري تغطي (و غطيتها و رحت ادور عل تلفون و اني مثل المخبل ادور و هو گبالي رحت اخذته و خابرت ميلا عل سريع عمر:الو ميلا ميلا:ها عمر شبيك التلفون احترگ من وراه مكالماتك عمر:و لج ميلا لحكيني ميلا:شكو شصاير عمر:مريم 😢 ميلا:شبيها و لك احجي لا تخبلني عمر:حرارتها مرتفعة كلش و ما عرف شسوي ميلا:طيح الله حضك وگعت قلبي عمر:هسه گليلي شسوي ميلا:لك انت غبي انت مو درست طب لو امي درست عمر:ها ميلا:ثول حته ثول وگعته القلبي عمر:هسه گليلي شسوي ما ظل بالي عقل ميلا:باوع سويلها كمادات و انطيها……و فد ساعه اذا ما شفت تحسن طب اغسللها عمر:شنو ميلا:اي شبيك عمر:شلون اغسللها ميلا ميلا:عادي عمر شبيك قابل تنام وياها و اكيد البنيه ما بيها حيل حته تحرك اصبعها عمر:ماشي …يلا روحي حبيبتي اسف خوفتج ميلا:لا حبيبي عادي و طمني عود عمر:ماشي ميلا:باي عمر:باي عمر (وراه ما سديت تلفون رحت سويت كمادات الـ مريم و انطيتها الدواء و حاولت انيمها بس ضلت ترچف اخر شي اخذتها و دخلتها حمام و مليت البانيو مي بارد ثلج ❄دخلتها بي و ضلت ترچف و مچلبه بيه ضليت حاضنها و رحت حضرتلها منشفه و ملابسها و رجعتلها لكيت المي صاير حار من وراه صخونتها طلعتها و نشفتها بالمنشفه و شلتها حطيتها عل فراش جبت المحرار همزين شويه نزلت الحراره بدلتلها و اني ميت شلون جسم عليها اويلي ردت اخذها بس گلت لا خلي اعقد عليها و اسويلها عرس واخذها خلي تصير حياتها مثل بقيه البنات وراها نزلت اسويلها اكل مريم(كعدت الصبح ميته من التعب و البرد انداريت لكيت عمر نايم بصفي مبين عليه ما نايم الليل كله عفته نايم و ضليت جوا الفراش ميته برد وراها دك المنبه هو فز و اجه عليه شاف حرارتي كلتله بردانه غطاني و نزل يجيبلي دوا وراها صعد جايبلي كمادات و دوا انطاني الدوا و كعد يسويلي كمادات بس ماكو تحسن بالعكس زادت حرارتي هو شالني و طببني للحمام وترس البانيو مي بارد دخلني بي اني كمت ارچف و مچلبه و اگله فدوه طلعني و هو يگلي هسه بس شويه خلي تنزل حرارتج وراها طلعني و نشفني و طلعني و حطني عل جربايه وراها چابلي ملابسي گلي عمر:يلا حبيبي خلي ابدلج مريم:😟😵 عمر:لا تخافين ما اباوع خلي ابدلج حته انزل اجيبلج اكل مريم:ماشي مريم (بدلي و اني ميته من الخجل و خايفه لان شفته منتهي گلت خلص راح يدخل عليه وراها كمل و نيمني ونزل سوالي اكل و صعد خلاني بحضنه و كعد يأگلني مريم:كافي شبعت و الله عمر:بس هاي مريم:ما اريد و الله عمر:ميخالف بس هاي …يلا مروشتي لا تعبيني مريم:بس هاي عمر:اي بس هاي مريم:ماشي (وراها نزل صينيه و صعد نيمني بحضنه و ضل يلعب بشعري لحد ما نمت ) (وراه ما بدلتلها نزلت اسويلها اكل بس شنو اني منتهي لدرجه ممكن راسا اصعد ادخل عليها و ما يهمني احد و لا حته انو هي مريضه سويتلها شوربه وصعدت اكلها بس موتتني بالگوه تاكل وراها نزلت الصينيه و صعدت نيمتها بحضني نامت ضليت اباوع عليه عمر:اووف مريم وين جنتي ليش ما ظهرتي بحياتي من زمان ليش ما خليتيني احبچ قبل ما احب رجاء اووف يا بعد بيتي اموت بدونج و حق الكعبه وراها عفتها نايمه و خابرت ميلا طرن طرن طرن📞📞(تلفون دا يدك يمعودين😪😁) عمر:الو ميلا: الو عمر:هلو ميلو ميلا:هلو عموره عمر:شلونج ميلا:الحمد لله انت شلونك ميما شلون صارت عمر:الحمد لله احسن……اكلج ميلو ميلا:ها حبيبي عمر:مريم شنو الادويه الي لازم تاخذها هيه مو مريضه قلب ميلا:اي …همزين ذكرتني والله نسيت …اسمع شراح اگلك و احفظه عمر:ماشي قصي علي يا اختاه ميلا:هههههههه اسمع عمر(حجتلي ميلا و شنو الادويه مال مريم وراها رحت جبت الادويه اخاف يصير شي وياها بليل وفعلا بس رجعت لكيتها ترچف و ميته برد عل سريع نطيتها دواء بس مفاد سويتلها ابره لان ماكو حل بديل رحتلها و بيدي الادوات مال ابره💉 مريم:هاي المن الابره 😵😳 عمر:لامي …المن يعني غير الج مريم:لا حباب ما اريد عمر:ليش مريم:ماريد و خلص عمر:اي غير اعرف ليش مريم:مو ضروري عمر:بس لا انتي…(وضحكت) مريم:لا ماكو هيج شي ما اخاف من الابر عمر:لعد مريم:اخاف ما تعرف تضرب ابر عمر:هههههههه اكو دكتور ما يعرف يضرب ابر مريم:انت دكتور(بصدمه 😳) عمر:ههههه اي ليش مريم:لا بس ما توقعت عمر:لا توقعي مريم:بس العالم تتمنه تكون اطباء و انت دكتور و ما تعمل بشهادتك عمر:الله يسامح الي كان سبب بعدي عن الطب مريم:ليش منو السبب عمر(بتنهيده تعصر الگلب):رجاء مريم:ليش سوت هيج عمر:ما چانت تكدر تتنتظرني لحد ما اكون نفسي وافتح عياده بذراعي گالتلي روح ويه حيدر اشتغل طب يتعب واني ما جنت قابل بالبدايه بس قبلت لان احبها و اني جنت اموت و اريد بس اخلص الكليه علمود اشتغل بالطب مريم:اوووف معقوله هيج سوت …البنات يتمنون يزوجون دكتور و هيه هيج تسوي عمر:يلا الحمد لله هذا نصيبي مريم:الحمد لله عمر:باعي وين دخلتيني ونسيتيني الابره مريم:ههههههه عوفها مو ضروري صرت احسن الحمد لله عمر:لا و الله بأماره لحد هسه ترچفيني و متلفلفه باللحاف مريم:ها ماريد ابره حباب عمر:ههههههه ليش مريم:اخاف منها عمر:ههههههههه اكو دكتوره تخاف من ابره مريم:اي اني عمر:هههه لعد شكد دكتوره جبانه انتي مريم:شكرا 😒 عمر:يلا انداري و لا تخافين ايدي خفيفه مريم:لا حباب ماريد عمر:يلا ميما ما اذيج انداري و لا تتتحركين مريم:حباب ما اريد فدوه عمر:يلا حبيبي لا تعبيني مريم:😢😢 عمر:يلا حبيبي مريم:اوووف بس لا تاذيني عمر:ههههه لا ما اذيج بس لا تتحركين مريم:حاضر عمر:يمه فديت الي يسمع كلام عمر(اندارت و ضربتها ابره بس شنو بطلعان الروح عبالك طفله دا اقنعها اضربها ابره مو دكتوره ضربتها و هيه ضلت تبچي حضنتها و كمت اضحك من كل قلبي عمر:هههههههه بس فهميني شلرن چنتي طبين غرفه العمليات و انتي تخافين من الابر مريم:شجاب هاي عله هاي عمر:ههههههه لان ما بعمري سمعت دكتوره تخاف من الابر مريم:لا هسه اسمع مني عمر:يمه فديت الي يخاف من الابره مريم:☺☺☺ عمر:اكول مريم سؤال مريم:جواب عمر:يعني صح انتي دكتوره و عندج اسمج بس ليش ما فاتحه عياده شعجب مريم:لان جنت منتظره اخويه يتخرج و نفتح سويه عياده عمر:اها ليش اخوج شيدرس مريم:طب عام و يريد يتخصص مثل تخصصي عمر:شعجب مريم:لان يحبني و ما يكدر يفارقني و اني الي مدللته فل هذا هو يريد يتخصص مثلي عمر:اخوح يا هو منهم مريم:اخر واحد عمر:الي دعم احمد ☹ مريم:اي 😔بس صدگني عمر هو ابد مو قصده هو حباب و الله بس……اوووف يالله هسه شصاير بي عمر:مريم كافي سدي الموضوع مريم:حاضر عمر:يلا نامي خلي انام مريم:ماشي عمر(نامت مريم بحضني بس انغثيت من ذكرت اخوها الي گتل احمد گلت اروح اسئل عليه و اعرف اخباره و اشوف هذا المدلل مال حبيبتي نمت |
البارت الثامن عشر اليوم شنو من دلال راح ادللكم بس صبرولي وهذا احله بارت لعيون حلوين ـ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــ عمر(ثاني يوم كعدت لكيت مريم ماكو نزلت لكيتها تسوي ريوك مريم:صباح الخير 😊 عمر:صباح النور …ليش كايمه من الفراش انتي مو مريضه مريم:لا صرت زينه الحمد لله …يلا تعال تريك عمر:اجيت …مريم مريم:ها عيني عمر:اخوج يا كليه يداوم مريم:ليش تسأل عمر:هيج مريم:جامعه بغداد كليه الطب عمر:ها اوك يا مرحله مريم:عمر شنو هل اسئله هاي عمر:شكو شبيج هيج فضول و اذا ما تريدين عادي لا تحجين مريم:مرحله خامسه عمر:اها اوك ماشي (كملت اكل) يلا رايح اسبح اني و انتي حضريلي هدوم مريم:حاضر عمر(صعدت سبحت وطلعت بدلت و رحت للشركه خابرت صديقي مهند هو استاذ بكليه الطب طرن طرن طرن طرن 📞📞 عمر:الو مهند:الو منو عمر:افا و لك يا هندي شلون تنسئ صحابك مهند: لك هله عمير شلونك عمر:هلو هندي الحمد لله انت شلونك شخبارك مهند:والله الحمد لله اسئل عله اخبارك عمر:تسئل عليك العافيه مهند:صدك عمر البقيه بحياتك يا صاحبي اولت البارحه يلا دريت اخوك توفئ عمر:حياتك الباقيه …عادي صاحبي الحمد لله عله كل حال مهند: اكلك صدك عمر:كول مهند: صدك اخذت فصليه عمر:اي و الله مهند:و لك هاي عود انت دكتور و المتعلم عمر:لك اسكت غير هم الفصليه الي اجتي طلعت دكتوره مهند: تشاقه عمر:والله مهند:بالله شسمها يجوز اعرفها عمر:دكتوره مريم… دكتوره قلبيه مهند:و لك بس لا هاي ام عيون الزرق والشعر الاسود طويل عمر:اي مهند: ههههههه و لك بالعافيه عليك عمر:شكو و لك مهند:لك هاي ما جانت تقبل تزوج و تكره جنس ادم و كل شباب جانوا رايدينها زواج لان ما شاء الله جمال و اخلاق عمر:انت منين تعرفها مهند:لك اجت فتره بدال استاذ ويانه ادرس بداله و راحت بس شنو سوت انقلاب بالكليه 😂😂هنيالك والله هنيالك عمر:هههههههه ولك كافي حسد مهند:زين صدك تعال و رجاء شسويت بيها عمر:و لك اسكت غير ثاني يوم تقدمتلها جان ترفضني و راحت انخطبت من واحد غيري مهند:همزين خلصت منها كم كلتلك يا عمر عوفها هاي ما تحبك ما كافي خلتك تعوف الطب عمر:اي و الله عمت عيني مادري شلون حبيتها و ضيعت عمري وياها مهند:يلا الحمد لله خلصت منها عمر:الحمد لله…اكلك هندي عندي طلب يمك مهند: اي تفضل خويه عمر:مريم عدها اخو بكليه الطب اريد كلشي عنه وياريت اكدر اشوفه مهند:اي اعرفه اسمه موسئ بس ما شاء الله و لك جميل الخلق والخلقه عمر:ههههه ليش حلو مهند:لك يا حلو يخبل ما شاء الله مخبل البنات مثل ما اخته جانت مخبله الولد عمر:هههههه زين باوع وين انت مهند:بالكليه ليش عمر:شوكت تطلع مهند:بعد هواي عمر:ماشي راح اجيك حته تحجيلي كلشي مهند:يلا انتظرك عمر:مع سلامه مهند: الله وياك منتظرك عمر(عل سريع اخذت سياره و رحت لمهند اول ما شفته گلتله عمر:و لك تعال حجيلي كلشي تعرفه مهند:ههههه اصبر ولك …شتشرب عمر:اي شي المهم احجيلي مهند:ههههه دومك بصلتك محروگه (وطلب اثنين چاي) اعرفك تحب الچاي عمر:ورده وين اكو منك مهند:اعجبك عمر:اي احجيلي مهند:اي شتريد احجيلك عمر:احجيلي عله اخو مريم مهند:قصدك موسئ عمر:اي مهند:باوع شهاده لالله الولد دره مال الله و اخلاق و محترم صح قبل چان عنده سوالف ويه البنات بس جان مجرد حجي عمر:وانت شمدريك مهند:لان اخويه صديقه و يگلي بس يحجي ويه البنات بس صارله فتره متغير و كلش مؤدب و تحسن مستواه الدراسي هواي بس صار كله يكعد وحده و ماله دخل باحد و يروح و يرجع ويه اخو عمر:منو منهم مهند:يوسف الي اكبر منه هم طالب طب بصريات ما شاء الله عمر هل اخوه كلهم اطباء وممتازين بس الچبير خريج اعلام عمر:و لك منين تعرف هل سوالف كلها مهند: و لك مو اكلك صديق اخويه محمد فلهذا كلشي اعرف عمر:زين ميخالف دز عليه اريد اشوفه مهند: هسه ادز عليه و لا يهمك عمر:لك فديتك وين اكو منك مهند: ههههه شكد مصلحجي (دكيت عله محمد) 📞📞📞📞📞 محمد:الو مهند:الو وينك ولك لازم اضل ساعتين ادك حته احجي وياك محمد:هسه احجي شتريد مهند:وجع…وين انت محمد:بالكليه وين يعني مهند:موسئ يمك محمد:اي كاعد يسج مهند:هههههه متصير مثله محمد:ههههه شفايتلي مهند:لعد جيبه و تعال للمكتب محمد:ليش شصاير مهند:ماكو شي بس جيبه و تعال اريد احجي ويا محمد:ماشي هسه اجيبه و اجي مهند:يلا بسرعه مو تتاخر محمد:افتهمت مهند:يلا الله وياك…راح يجي هسه ولا يهمك عمر:100 هله مهند:عمر شراح تسوي للولد عمر: ما اسويله شي بس اريد اشوف الي گتل اخويه مهند: عمر تره الولد شايل حمل جبال لا تزيدها عليه عمر: لا تخاف ما احجي ويا اصلا انت احجي ويا بس لا تبينله انو تعرف بلي صار و اصلا هو ميعرفني ما شايفني ما تشوف اكلك اريد اشوفه مهند:ماشي هسه راح يجي هسه كافي من عمر ومريم خلي نشوف موسئ شصار بي موسئ(وراه ما راحت مريم اسودت الدنيا بعيني ضليت شهر كامل حابس نفسي بالغرفه و ما اطلع و ما اكل و ما اخلي احد يدخل عليه لحد ما فد يوم دخل عليه عيسئ ويوسف ومصطفى ومحمد (اقرب صديق اليه و هو الوحيد الي بقه ويايه وراه الي صار) عيسئ: يعني شلون راح تظل حابس روحك موسئ: عوفوني الي بيه مكفيني يوسف: لك يا خيي كوم و الله امي دا تموت الف مره باليوم ما كافي مريم راحت انوب انت تجي تزودها عليها موسئ(من سمعت اسم مريم كامت دموعي تنزل و صرت عصبي و اگلهم اطلعوا بره محمد: موسئ شبيك اهدئ موسئ: اطلعوا بره اني مجرم اني الي كتلت احمد و اني الي خليت اختي تعوف شغلها و حياتها و مستقبلها و تروح فصليه و تنذل و اني اعيش مرتاح تريدون تبقون يم واحد مجرم عيسئ: موسئ حبيبي انت مو قبل ما مريم تطلع و وعدتها ماسوي شي بروحك و ترجع تدرس و تتخرج و تزوج و تعيش حياتك موسئ: ماكدر عيسئ ماكدر اسامح نفسي اني الي وديت مريم للموت بيدي اني الي غدرت بمريم و هيه ما شوفتني بس خير مصطفى: باوع خالو مريم ما بيها شي والله و عايشه احسن عيشه واني ذاك اليوم جنت يم بيت رجلها و شفتها و الله ما بيها شي وعايشه احسن عيشه و رجلها خوش ولد و سلم عليكم كلكم و سئلتني عليك و گالت خلي يدرس زين اريد ياخذ مكاني بالمستشفى موسئ: 😢😢اكيد مصطفى مصطفى: وداعت امي وستر عافيتي محمد: يلا كوم لك و الله شتاقيت لايامك و سوالفك و الكليه ابد محلوه بدونك عيسئ: يلا كوم اغسل وبدل حته نروح نزينلك باع لحيتك شطولها وراها نطلع مصطفى: اي والله اني هم يرادلي زيان محمد: يلا كوم لك نظل نتوسل بيك يوسف :اكلكم هاي ما ناوي يكوم تعالو احنا نكومه نغسله بلكي يطلع جديد موسئ:هههه مصطفى ومحمدويوسف وعيسئ:اللهم صلي عله محمد وال محمد موسئ: عليه افضل الصلاة والسلام …شكو شبيكم محمد: لا ماكو بس صارلنا كومه ما شايفن ضحكتك يلا كوم لك بلا دلع موسئ: كمت كمت عيسئ: يلا طب اغسل بين ما نحضرلك هدوم موسئ:ماشي موسئ (طبيت غسلت وطلعت لكيت الولد مطلعيلي الهدوم ومنتظريني جوا بدلت وجان هذا البس 👇👇 https://em.wattpad.com/8db6a0e292c4a...3136312e6a7067 بدلت وطلعنا كلش تونسنا طلعوا اغنيه قافل اتذكرت مريم وشلون جانت تغنيها لااراديا نزلت دموعي طبعا اني كاعد ليكدام و عيسئ يسوق موسئ:عيسئ اوكف شويه عيسئ:شبيك موسئ موسئ:اوكف عيسئ اختنكت عيسئ:ماشي وكفت موسئ (اختنكت نزلت اخذت هوا اريد اعيط باعلئ صوتي واگول اسف مريم اسف خيتي سامحيني بس صحت يارب نزل ورايه محمد محمد: شبيك موسئ موسئ: مختنك محمد مختنك محمد: مشتاق لمريم مو موسئ: كلش محمد كلش مشتاقلها بس اني الي سويت هيج بيها اذا اريد اشوفها بيا عين اشوفها گلي محمد: موسئ انت مو قبل ما مريم تطلع وعدتها تمشي حياتك عادي موسئ: 😢اي محمد: خلص لعد من باجر راح ترجع اداوم و ترجع لحياتك و اذا عله مريم يجي يوم و ترجع موسئ: ان شاء الله محمد: يلا كوم نكمل الطلعه و نروح نشتري هدوم للدوام موسئ (رحنا كملنا طلعه وشتريت هدوم للدوام و رجعت ادوام واني مو نفسه موسئ هذا الي هسه كاعد مو نفسه الي جان بس يشاقه ويطلع ويطب ويه بنات هل مره هذا واحد يخاف ربه و همه بس يتخرج و بمعدل عالي ويرفع راس اخته قبل اي احد حته قبل نفسه و كمت اروح و ارجع يوسف و كمت ما اسوق سياره و مره جنت اني و عيسئ طالعين و كوكو بنت عيسئ بحضني مريضه دا نوديها للدكتور شفت عيسئ وكف السياره موسئ:هاي ليش وكفت عيسئ: هسه اجيك خلي بالك عله كوكو موسئ:ماشي (نزل عيسئ و سلم عله ولد مبين صديق عيسئ بس اول مره اشوفه وراها سلم علي عيسئ و اجه صعد موسئ: منو هذا عيسئ: نسيبنا موسئ: منو نسيبنا عيسئ: رجل مريم موسئ: تشاقه عيسئ: والله شبيك موسئ: خرب زين سئلته عله مريم عيسئ: اي يگول كلش زينه موسئ:اووف مادري ليش قلبي نقبض منه عيسئ: لا تخاف اهله واكفين ويه مريم وهو من يوم مريم راحتلهم وهو ما واصل يمها موسئ: مادري بس قلبي مقبوض عيسئ: ريح قلبك ماكو شي اختك بخير موسئ: يارب تكون بخير (ودينا كوكو للدكتور ورجعنا واني بالي كله يم مريم و………… |
| الساعة الآن 12:26 AM |
Powered by vBulletin®
Copyright ©2000 - 2024, vBulletin Solutions, Inc.