لهيب الحب والحرب ،بقلم ارجوان الطائي "عراقية" (مكتملة)

[فيتامين سي]

لهيب الحب والحرب
بقلم ارجوان الطائي

الفصل التاسع

بقينه ندك بالباب ونصيح اسراء لحد ما انفتح الباب وطلعت اسراء عيونها مورمه خالتي حظنتها وكامت تبجي سامحيني بنتي. انتو مالكم ذنب واحنه وگفنه بطريقكم اسراء متحجي شربتها مي گوه وطلبت مني خالتي ابقه وياها بين متصحى من صدمتها اكيد خاله ابقه وياها اسراء اختي وصديقتي وكل شي اجه سالي صعد للغرفه حاجاها شبيج اسراء مردت نيمتها وسديت الباب وحجيت لساري الصار كتله لورجع طلبها قتيبه توافق كال اكيد اي مدام وضعها لهدرجه موزين اكيد اراتدتها فوك كل شي ساري جان قريب مني ولاعبالك ابن خالتي أحسه اخوي حت جان يفهمني اكثر من جاد كتله اني رايحه لبيتنه اجيب ملابسي واجي ابات يمها بس انتبهلها كلي لحظه جوري اريد اكلج شي اي كول اذا تقدمتلج توافقين ضحكت بهدوء كتله ماالكه مثلك بس صدگني احسك مثل جاد. اذا تريد اني اشوفك وحده تناسبك رغد صديقتي شگره ومؤدبه تعجبك ضحك كال افكر بس لازم اشوفها كتله باجر وصلني للمشفى واخليك تشوفها. رحت لبيتنه بابا يباوع اخبار هلا بابا هلا جوري شلون صارت اسراء احسن صعدت لميت ملابسي مالت شغل ونزلت كتلهم اني بايته يم اسراء كالو معلي شي.

ماما جرتني ع صفحه خير ماما كالت عندي موضوع وياج كتله اني هم عندي موضوع كالت شنو موضوعج كتلها اكو شاب يريد يجي يتقدملي كامت تطرح عشرات الاسئله عنه ماما عود اكلج التفاصيل خفت وترددت انتي شنو موضوعج كالت مدام قتيبه كطع مهر فكرت اخطب اسراء لجاد وهو كم يوم جاي يستقر بالعراق واريد افرح بي ومن زمان مفكره باسراء لمحيلها للموضوغ كتلها مووگتها خليها تصير زينه هسه ولكل حادث حديث. وطلعت بتت يم اسراء جانت تكعد تبجي وترجع تحاول تنام لحد الصبح وصلني ساري للمشفى وخابرت رغد الو رغد وينج كالت هسه نزلت من السياره اني وعمر ليش انتي بعدج يمهم كالت اي ك العاده سهر سوتلي مشكله وانطردت من البيت رعد طردني قررت ماارجع بعد وبابا لاحول له ولاقوه وحت ماما.

كلش انقهر عليها. اي طيب رغوده ابقي لاتطبين دقائق واوصل ونطب سوا بس خلي يطل كالت منو كتلها تعرفين منو اها عمر كتلها اي وصلت للباب كتله لساري شوف هاي رغد حلوه باوعلها كال اي بزونه كتله خطيه حرام عليك تفاجات من شفت عمر قريب منها مطابب كال افكر لاتكليلها شي حاليا يلا نزلي عندي شغل لحظه اعدل الحجاب مالتي جنت اتحجج حت يطب عمر خاف يشوفني ويسوسلي عرس كلي يلا جوري عدل والله نزلت لان معاد اكدر اتحجج اكثر سديت الباب بقوه صاحتني رغد يلا شبيج واكفه عمر مخنزر جا يركض هاذا منو نزلتي من سيارته كتله خطيبي صاح بعلو صوته احجي عدل عمر كافي بعد مااتحمل شكك هذا من صبح تحاسبني مليت ترا من غيرتك الزايده صوته على اكثر صارت عيونه حمر خفت منه ورغد تهدي بينه كتله ابن خالتي جنت بايته عدهم ووصلني بيها شي نوب عصب بزايد نوب بايته ماعندج بيت تنامين بي عمر شنو متريك من الصبح. بهلاثناء باوعت ع حرف ال ر كتله مطاب مد أيده بعده مطايب زين يكش الجلد عمر انت مجنون لومكطوع شرايينك شلون گدرت هيج تجرح ايدك كلي عادي هذا وشم حبنه واذا طاب ارجع امشي عليه من جديد كتله محد شافه كال كلهم اي شدكللهم كال عادي. اكلهم وشم حبي بهالاثناء وصلنه مكان العمل. طبينه كال جوري لتغيرين الموضوع اهوو عمر لاتضوجني كال ممنوع تباتين يم بيت خالتج ولايوصلج ابنهم مااتحمل اشوفج وي غيري فهمتي اجه كعد بمكتبي رغد راحت اني بقيت كاعده وهو قريب مني كتله كوم لهناك لاتتقرب كام وكعد لمسافه ابعد دك عليا رقم ومجاوبت كال ردي كتله اسراء ترمشلي بعدين اخابرها كذبت لان مااستر اكله هاي ارقام تدك وترسل رسائل تهديد بلايه شي معصب مني.

مبين مايكضي هالشهر على وفاه جده ويجي يتقدملي ونخلص من هالمشاكل مر اليوم بدون مشاكل وعمر هدا طلعنه ووصلني للبيت طلبت منه يبقي رغد يمي والعصر يجي يأخذها مقبل كال متطلع بدون علم اهلها كتله هي بعهدتكم هسه بقيها مكروه لخاطري تتغده والعصر تعال اخذها كال وين السنسال ليش متلبسي كتله مكدر هسه. اتعرض للاسئله لاتغير الموضوع كالت رغد اي من زمان مكعدنه سوا. وافق كوه كال انزلوا قبل لااغير رايي نزلنه وماما جانت مسويه دولمه وبابا ع الاخبار كاعد بوسته ورحت بدلت ورغد سلمت وكعدت تساعد ماما اني ابدل اتصل عمر يا بس لاغير رأيه علمود رغد كتله خير اشتاقيتلج جوريتي داسوين داابدل. شكد حشري. شنو لبستي بجامه شلون لونها وردي. اها وشعرج عمر كافي اريد انزل اتغده وعايفه رغد جوا هسه محرجه ايةاي اعصابج روحي بباي. نزلت. وساعدتهم وتغدينه وصعدنه لغرفتي رسلت رساله لساري انت وين رد اني هسه طبيت البيت ليش بعدج بداوم اجي اجيبج رسلتله لا بس لتطلع العصر جبت رغد وحنجي نشوف اسراء كال ميخالف مااطلع ومسحت الرسائل. العصر رحنه لبيت خالتي وساري

فتح الباب متحضر سلمنه وطبينه صعدنه لغرفه اسراء وحاولنه نطلعها من الجو دك باب الغرفه خالتي جابتنه عصير وكيك ووصتني باسراء كتلها بعيوني. كتلها اسراء خابري قتيبه. وانطوا لنفسكم فرصه ثانيه كالت ماتسمحلي كرامتي. ارجعله اذا صح خاطب مادك عليه كتلها انطيني اني ادك من رقمي واكله متدري اسراء. حت لاتتحسسين وافقت ودكيت عليه. كال الو منو كتله اني جوري اريد اكلمك بخصوص اسراء. بس اريد اسالك انت صدك خطبت كال اي وبهالومين اتزوج. كتله واسراء. كال هي اختارت تكمل بدوني واني هم اشوف حياتي. كتله الله يوفقك. كال شلونها اشرتلي كتله حيل زينه. وتباركلك وتتمنالك الخير. فتحت عيونها وعاطت اني كبل سديته شبيج اسراء كالت حيزوج مو سكتت عرفت الجواب كامت تبجي واني ورغد نهدأ بيها ميفيد. زادت الطين بله

انطيتها ابره مهدئه ونامت وطلعنه اني ورغد للفرع لان عمر كال اني جاي بطريق. اخذ رغد. وسلم عليا وراح. رجعت للبيت هواي ارقام داكه ورسائل تهديد عشوائيه ياربي شنو هاي المن اكول وشسوي ويلي هالارقام وييلي وضع اسراء المأساوي. اسراء داتذبل مثل الورده يوم عن يوم. صاحني بابا راد جاي صبيتله وجانت ماما موبالبيت بابا ها جوري من زمان محاجين سوا. اي احجي اسمعج جنت اخاف يسوون بيا مثل اهل اسراء عارضوا قسمتها واتاذت فكرت اكول لبابا اي اسمعج احجي .....يتبع

[فيتامين سي]

لهيب الحب والحرب
بقلم ارجوان الطائي

الفصل العاشر

تقربت من بابا وحظنته هو الوحيد اليفهمني صح وفكرت اكله كل البالي كال جوري بعيونج كلام هزيت براسي اي اسمعج كتله اكو شخص يريد يتقدمليبس اني خايفه ليش شبي الولد بصراحه عاجبني وماريد يصير بيا مثل اسراء اي هو اصغر مني بسنتين بس شكله اكبر مني ورايدني من اشهر طويله. بس صارت ضروف خلتهم ياجلون الزياره وضعه المادي زين ماشي حاله بس ماعنده وضيفه بس اني احب الولد العصامي واني ميهمني شي بس التفاهم والاهتمام كال بنيتي خل يجون ويصير خير ميكون خاطرج الاطيب مكلتي لامج لا لان حسيتك انت اقرب وفاتحتك بالموضوع كال خلص ولايهمج نفتح الباب طبت ماما خير شو مسوين اجتماع من دوني لاماكو اجتماع كالت جوري اخذي اجازه من دوامج باجر نروح لبيت خالج عازمينه على عرس هادي جان بغير محافظه. اتصلت بدكتور مروان كال كم يوم بس اسبوع لا لان عدكم دوره نهائيه بنهايه الاسبوع. رحنه ثاني يوم وي بيت خالتي أحنه بطريق ودك عمر محاوبت رسلي وينج ماكو بالدوام رديتله اني بطريق رايحه لبيت خالي لعرس ابنهم ويومين وارجع. مرد وصلنه وسلمنه والتهينه بسوالف العرس والهوسات تونسنه حيل.

يومين ورجعت وي ساري وبابا علمود دوامي لان خلصت اجازتي بس هاليومين عمر مادك يبوو بس لازعلان الافندي. جنت تعبانه من الطريق. ونمت مكعدت للصبح باوعت ماكو مكالمات منه احس شي ناقص. بدلت وخليت شوي مكياج خفيف لان مااعرف اخلي بس حبيت اجرب خفيف. طبخت وريكت بابا وطلعت داالحك بالباص وصلت المشفى واني خايفه من عمر ومشتاقتله سلمت ع رغد وداسولفلها ع العرس وطب عمر شافني وطلع. كالت رغد زعلان ترا لان مكلتيله رايحه للعرس كتلها من كل عقله كالت مخبل وابتليتي بي كمت داروحله شفت مختبص مراجعين هواي واشرلي ارجع رجعت كملت شغلي. وانتظر اللحظه المناسبه داصالحه واحنه طالعين بالباب وشفتها رحت سلمت عليه مرد كتله شبيك شصاير متحجي وياي كلي شنو هالمكياج الخالته حت تبينين احلى طلع عينج ليش متكوليلي راح اروح شنو اني طرطور يمج هنا اني مكدرت اكتم ضحكتي منوكل عقلك تحاسبني بعد مصرت يمك وهيج كال مصرتي بس ح تصيرين قريبا. باجر نجي اني واهلي كتله ماما موهنا أجلها صاح اووف وركب سيارته وراح هو ورغد مقبلت يوصلني اخذت تكسي ورحت بس جنت مقهوره لان الباص متعدي وعمر مالح عليا بالتوصيله رجعت حطيت الغده ووديت لساري غدا لان وحده ورجعت الضهر. خابرت عمر مرد لليل يلا رد بثگل كتله شوف ترا اني مااعرف ارضي احد ارضى وخلصني ضحك كال هسه وكتها امج ماكو كتله اني خايفه بس حجيت لبابا عنك. بس مااعرف صار اكثر من مره تتاجل شغلتنه. كال ولايهمج اجيب كل رجال العشيرة لاهلج الايوافقون يلا ارتاح كتله يلا هسه اروح احظر العشه بس اني شفت نور دادك عليا ومكتله الحقيقه خاف يشك. ختمته ويا مع السلامه ودكيت على نور ضلينه نحجي وتسولفلي علاخبارها كالت هي زينه وعدها حياه ع الانترنت وحسب مافهمت منها معذبه كم رجل ومكذبه عليهم من خلال علاقات خادعه بس واحد هو الي وكعها وصارت تحبه من صدك وعايشه دور الحب لكت ويا الاهتمام والحرص المفقود من اهلها وهو ساكن ببغداد وشغله عسكري سالتني عن اخر اخباري حجيتلها كل شي. عن علاقتي بعمر نص ساعه واحنه نحجي ختمتها وياها بالسلام باعيت ع تلفوني ٤مكالمات من عمر دكيت عليه ميرد كم رنه يلا دك معصب وي منو جنتي تحجين. دكيت عليج ورا دقيقتين تذكرت شغله ولكيتج تحجين نص ساعه صارلج يوم العلم رحتي تسوين عشه ياربي شلون أفهمه هسه كتله والله صديقتي دكت ومن زمان محاجين كال اني مو طفل تضحكين عليه وسده يبو رجع زعل تركته نزلت اسوي عشه لكيت ساري جايب عشه من برا وكعدنه ناكل بابا وساري بقوا ع تلفزيون واني صعدت فوك فتحت نت عمر متصل وخال صوره ع الفايبر عن الخيانه يبووو أرسله ميرد فتحت يوتيوب دزيتله اغنيه شيرين مش عايزه غيرك انت. شفته قره الرساله محجه انتظرت ماكو ميجاوب.

رجعت لليوتيوب الى أن نمت وساري وصلني الصبح وجنت خايفه عمر يشوفني بلايه شي هو مطنكر وصلت ماكو احد. طبيت شفته بمكتبه وصد عني وطلعت گبل لمكتبي اخذت فايل مريض والتهيت بشغلي. وقررت اتركه هو يرضى لحاله مرت الايام رجعت ماما وخالتي واسراء حظروا السبعه يلا اجوي ثاني يوم ساري فاتح اهلها بموضوع رغد وقرروا يرحون يطلبوها رحت وياهم. بالخطبه وامها فرحت باعتبار ساري حالته الماديه زينه يتاجر بالمواد. ومنهيه شغله زوجته الأولى. مشت الامور تمام وطلعت سهر سلمت علينه من بعيد حت مكلفت نفسها تجي تبوسنه اني واسراء ولاعبالك جنه بالمعمل سوا شايله خشمها معرف على شنو لاخلقه ولااخلاق رعد يسواها جانت منتحسه لان تاخر حملها وتتبرد(تتشفى) برغد وتنحش ساري عليها دائما رغد جانت موافقه حت تخلص من هذا الجو البعد متكدر تتحمله كالو اسبوع الجاي ننطيكم جواب وطلعنه أحنه بالباب شفت عمر طب. سلم واني رديت وطلعت كبلهم صعدت السياره. وطريق كله يدك عليا خليته عةصامت لان كرامتي متسمحلي ارد. وبقيت غالقه تلفوني ثاني يوم الصبح جنت متحمسه واحس بالانتصار طبيت المكتب كالت رغد متاخره كم دقيقه ضحكت طبت العامله وخلت ع الميز باقه ورد اني فرحت توقعته عمر فتحت الظرف داشوف المرسل منو ماكو بهالاثناء طب عمر مخنزر للمكتب ٠٠يتبع

[فيتامين سي]

*لهيب الحب والحرب *
بقلم ارجوان الطائي

الفصل الحادي عشر

طب عمر مخنزر يريد ياكلني كال رغد طلعي برا اريد جوري بموضوع اشرتلها ابقي كال مراح اكلج وطلعت رغد شعندج البارحه ببيت جدي كتله طلبنه رغد لساري كال وليش من ادك عليج متردين وتعديتي من يمي ولاعبالك تعرفيني كتله شوف بزعت من تفكيرك وتصرفاتك صايره ماتطاق اتحمل وميفيد كل مره تطلع بشغله شكل مشاكلنه داتكبر وخطبتنا داتتاجل دائما من الاخر اني هيج اذا موعاجبك خلي كل واحد يروح بطريق كال اي حت يخلالج الجو وي صاحب الورود باعيت ع الباقه كتله ليش مومنك هاي كال من حبيبج الجديد عطت بي كتله اطلع برا كال اي تحجحي بالاعصاب وتيهي الموضوع كتله والله مااعرف منين فكرتها منك ليش تشك بيا اذا موواثق بيا تركني كال انتي دخلتي بحياتي صدفه بس مستحيل اكدر اتركج اضيع حاولت مكدرت اريد اعرف شنو السر البيج مخليني متمسك بيج وأغار عليج من كل البشر دك تلفوني وفصلته كال انطيني تلفون مقبلت كال ليش خايفه جيبي انطيته اله جاوب محد يرد رقم ماعرفه كال منو ها كتله والله عمر ماعرف ارقام تدك وتهدد بس ماجاوب فتح رسائل كال ماكو اي رساله عمر والله اخاف وامسحها مابقيها كال انتي تثقين بيا كتله اي لعد انطيني تلفونج واني أرجعه الج صفنت ليش ترا زودتها كال بدون مناقشه انطينيا كتله ميخالف بس مسحت صوري الشخصيه وانطيتيا كلت ح اشتري تلفون وخط وماريد منيته كتله اطلع اريد اكمل شغلي وطلع قبل نهايه الدوام حسيت بدوخه وطلبت اذن من دكتور مروان وطلعت لللبيت ماكو احد بس ماما بالمطبخ كتله من يصير الغده كعديني كالت شكو دايخه ماما. كعدت ع صوتها تكلي الاكل جاهز بس تعالي ساعديني كمت دخلت المطبخ بابا دايشرب مي بوسته وطلع يبدل جرتني ماما جوري نعم ماما اليوم العصر ترتبي وخلي مكياج جاييج خطابه وگع الماعون من ايدي كالت فدوه بس لاتكسري گدام الجماعه وتمنجدينه منو الجماعه ماما كالت جيرانه القدامى بيت ابو قيس ماشاءالله فيس صار مهندس وحلو وفرق بينكم ٤سنوات. شگلتي ماما مومهم الماديات والجمال تعرفين اني احب الرومانسي وليفهمني ويحبنيكالت كلشي بعدين يجي يلا تاخرنه على ابوج بالغده كملنه غدا وأخذت تلفون بابا ودكيت ع رقمي محد يجاوب عمر ميجاوب. ك العاده اجتي اسراء وكعدنه نسولف وكتلها ع الخطابه رادت تخليلي مكياج مقبلت ع الطبيعه احسن ماريد اغشهم كالت. ولج ليش انتي هيج موواثقه بنفسج اصلا بدون مكياج حلوه. نوب مكياج لازم. تخلين منو متخلي مكياج بهالايام كتلها ماريد اجت امي غمزتلها كالتلها متقبل خليها عادي ميفرق هواي حلوه متحتاج عيون مثل العسل والوجه حنطاوي وشعرها بلون الكستنه اني ساكته ومادايره بال لحجيهم كالت شعرج شلون اسوي ارفعه لو اسويلج برجم كتلها اتركي شعري ح البس حجاب.

اعترضت كتلها اسراء تعرفيني ضايجه ليش تضوجيني انوب كالت اعرفج ضايجه. ونصيحتي وافقي لاتفكرين بعمر شفتي شسوه بيا قتيبه كلهم نفس الشي انت أتركي قبل لاهو يتركج لا انت غلطانه عمر ميكدر بدوني. كالت دانشوف لبست نفنوف. بنطرون وقميص احمر طويل وحجاب مشجر وسمعت الجرس اجم. اسمع ماما طببتهم للخطار نزلت. اني واسراء. شلت العصير. بعد ماصبته اسراء شو الكلاصات كامن يتحركن. وايدي من الرجفه بعد مااسيطر عليها واخذتها اسراء للصينيه عزا شبيج جبانه مجايين يعدموج ترا رجعتلي الصينيه ونفس الشي ارجف اسراء امانه انتي طببيلهم العصير اني اكبيها عليهم والله جيبي مدري شلون راح تزوجين اخذتها للصينيه طبت سلمت والعين عليها عبالهم اني مطولت طبيت وراهم كالت ماما هاي جوري اخذتني ام قيس بحضنها وبوستها كالت صايره عروس وتخبل الله يحميها. اني احس حراراتي ٥٠درجه. محجيت كم كلمه وطلعت اني واسراء. تضحك واني اسحب نفس قوي. بقوا اكثر من ساعتين يلا راحوا. اجت ماما كالت عجبتيهم حيجي قيس باجر ويشوفج وتشوفي. واني اصلا بعالم ثاني كتلها ماما ماريد. صفنت ليش بلا.

غمزتلي اسراء كتلها يجوز منتراهم ماحبه ميحبني كلشي يصير. كالت باجر يجي وتتشاوفون ويصير خير. بابا صار عنده خبر كلي الاختيار الج محد يتدخل. اذا الولد زين أحنه موافقين بس قرارج هو المهم. حظنته. ورحت بدلت. وطلعنه اني واسراء للسوك وأخذت تلفون وخط. وتذكرت هديه عمر لحد الان منطيتها اله مصار مجال. رجعت للبيت تعشينه وصعدت لغرفتي خليت جهاز الجديد ع الشحن. ونمت. جان بيتنه يحترك وادور ماما وبابا ماكو اصيح. محد يرد والنار تاكل بالبيت واني اصيح وابجي وماكو احد. حاولت انزل الدرج مكدرت وصوتي بعد ميطلع٠٠٠يتبع

[فيتامين سي]

لهيب الحب والحرب

بقلم ارجوان الطائي

الفصل الثاني عشر

الدنيا كلها دخان واني مختنكه شفت عمر كايدته مره مشوهه ونزلته بحفره ناديته ساعدني عمر التفت عليا ورد راح واني اصيح فزيت وني كابوس واصب عرك ودموعي بطولي. شفت الساعه ب٣ تعوذت من الشيطان وكمت صليت ركعتين ورديت نمت شفت عمر مد أيده يساعدني والمره نفسها المشوهه تشيل أيده عني فزيت الساعه ب٧كمت غسلت وصليت اخذت هديه عمر وطلعت اتمشه لان محتاجه هوا وصلت المشفى ماكو عمر سالت رغد كالت موجود تلكيا شو وين يفتر كملت شغلي وبالي ممرتاح رجعت المكتبي شفت عمر ينتظرني جايبلي تلفون. وكلي شلت الخط تاكدت من الأرقام ممسجله معرفت صاحبها وكسرت الخط اليوم اجيبلج خط سكتت كتله ماريد تلفون اني اشتري خنزر بيا وكلي ماكو نقاش بهالموضوع اول هديه مني لاتستخدمي بس خلي ذكرى طلعت هديته انطيتياها ابتسم وعرفت من ابتسامته طاح الحطب اخذها وراد يفتحها كلتله رغد اصبر اثگل شوي وأخذها وراح لعمله كلت لرغد شصار بموضوع الخطبه كالت بابا وماما موافقين ننتظر رعد ليوم يجي من بغداد. ونكله وان شاءالله يصير خير وانتي شبيج موعلى بعضج كتلها جاييني خطابه وماما شكلها موافقه كالت ام عمر يوميه تسالني تكول طولنه ع البنيه كتلها مداتصير شغلتنه الاتطلع شغله صفح. كالت انتي موافقه ع خطابه كتله لاطبعا مكدر بدون عمر اذا يزعل اضوج. نوب ماكون ويا شوي وطبت بنيه قصيره وسمره كالت دكتور مروان يريد الممرضه جوري منيه بيكم اشرتلها اني رحت وياها كلي دكتور خليلها كانونه وضربيها ابره واشرلي ع المره باعيت انصدمت المره مشوهه تشبه الي بالحلم خفت منها اتقربت وخليتلها كانونه ونطيتها الابره وبتها تباوعلي بنظره غريبه كملت صاحني عمر ع لباب.

واجه نطه مي للبنيه وسحبني وطلعني شكو عمر كال رغد تكمل عنج لاتطبين بعد للغرفه منو ذول تعرفهم ساكت عمر ليش تضم عني اكو شي اني خايفه التفت ليش خايفه هاي المره شفتها بالحلم ليوم تفرق بينه وتاذيك صفن هي نفسها لا تشبهها كال هاي مرت عمي وبتها زهور. صفنت اني تذكرت. حبيبه الطفوله هاي موعمر كلي لتكفريني كم مره اكلج ماعندي غيرج بالدنيا.

حت اغلى من اهلي انتي. بس ماحب تتقربين من الناس الي ماريدج تتقربيلهم كتله حاظر تدلل خلصت دوامي ورحت للبيت تعبانه تلكتني ماما كالت اشش شكو عمتج يمنه هي وابنها ودايخين من الطريق نايمين كملي وتعالي ساعديني بالمطبخ شوي وسمعناهه كعدت اجت بوستني وسلمت ع علي وصبينه الغده ونسولف كملنه وداشيل بالمواعين كالت عمتي ابو جاد اني جايه ورايده جوري لعلي شتكول اني بقيت بالمطبخ ومخنوگه اسمع بابا كلها هي بكيفها ماما شكلها مموافقه كلتلها هي اجوها خطابه واليوم الولد يجي يشوفها. كالت بس اني عمتها أحق بيها كلها بابا أحنه ماعدنه جبر بكيف البنيه صار العصر واجت اسراء تساعدني واني محتاره وينك عمر الخطابه نجلبوا عليا واني مورايده غيرك لبست نفنوف ازرق وخليت كحل ولبست حجاب ونزلت.

وعمتي عاطت لاوالله متروحين لغير علي ماما كلتلها بكيفها هي واجه الولد وامه وعمتي كاعده معاهم ع نار طبيت سلمت وقدمت العصير كعدت شوي وطلعت وراحوا والظاهر عجبته لقيس وعمتي ضلت تخرب بيا واني بكلبي غير شي. صعدت لغرفتي كالت اسراء بشري شبشر الولد عيونه خظر وحلو دوريلي حجه أرفضه بيها كامت تفكر باستهزاء باوعت عمر ماكو متصل كمت ابجي ميسال عني.

كلتلي اسراء انتي خبله وين يتصل وهو ميعرف رقمج مسحت دموعي وكمت اضحك وهي تضحك. كالت جتني فكره شكو ام الأفكار. كالت دكي عليا من خطج الجديد باعتبار ميعرفه وكليله اني معجبه فعلا عجبتني الفكره دكيت مرد ٣مرات يلارد سديته كتبتله شلونك عموري. من الاخر اني معجبه بيك واريد نتعرف رد عندي حبيبتي تسوا راسج غرت من روحي. وضليت ادك وهو يرفض. لحد ما اسراء كالت اني تاخرت اروح لبيته وشوفي رغد ايمت تردلج خبر. وحبيبج يبين صدك يحبج اتمسكي بي وسدت الباب وطلعت. دكيت عليه رد بعصبيه الو انتي متفهمين كتله عمر سكت لج هاي انتي جوريتي منين تخابرين كتله هذا رقمي جديد شتريته مع الخط سكت عرفت عصب شكو متحجي كال وتكولين ليش تصير مشاكل بينه ليش متكوليلي بالبدايه صايره متسمعين الكلام كتله لاتزعل رحت للسوك وعجبني واشتريته ماكو داعي تتزعل كال يلا ح عديها لخاطر عيونج عافيتي كتله شنو عافيتي كال انتي.

مسجلج عافيتي اها اي موعاجبج لالا عاجبني كال لومومتصله جان هسه بهاليل جئتكم للبيت يا ليش بلا كال سمعت مخطوبه كتله اي وبلشت احجيله كلي اشش كلمه خليها ترجيه باذنج لغيري متصيرين. واليوكف بطريقنه الله يرحمه كلامه حسسني بعاطفته وفرحت بالرغم بعده يتبع اسلوب العصبيه والتهديد كال باجر نجيكم كتله لاعمىر موهسه ليش شكو كتله عمتي هم اجت اليوم تخطبني. وعركه صارت حول هالموضوع واني حرفضهم اثنينهم ماريد انت تتقدملي واقبل بيك ويشكون بشي. ويعارضون. اسمع دك الباب كتله باي هسه بعدين نكمل يصيحوني. فتحت الباب عمتي. خير عمه كالت. حجابي غسلته ومنشف انطيني حجاب من عندج طلعتلها حجاب رصاصي من الكنتور وانطيتها الها كالت بس ينشف أرجعه كتلها لاولو اخذي. خلص باستني ونزلت. راسلت رغد مترد ونمت كعدت الصبح ع اصوات. نزلت امي وعمتي متلاغين عرفت بسببي شافوني كتلهم اني مموافقه لاعلى قيس ولاعلى علي وحده صفنت بوجه الخ باعيت عةعمتي ملابسه حجابي مهتميت بدلت وطلعت لشغلي. شفت قتيبه بالمشفى وسلم وكلي باجر عرسي تعالوا انتو متحتاجون عزيمه كتله الله كريم مبارك بهاللحظه شافني عمر. وبلش عرسه هو الثاني. منو ها كتله جيرانه شعندج ويا عمر قصدي محقق كونان اسمه قتيبه وباجر عازمنه ع عرسه ارتاحيت. هسه عفته ومشيت. طبيت ع رغد تبجي خير رغوده شكو ٠٠٠٠يتبع

[فيتامين سي]

لهيب الحب والحرب

بقلم ارجوان الطائي

الفصل الثالث عشر

شكو رغد خير شبيج منين يجي الخير وسهر موجوده ليش شبيها مااعرف شكايله لرعد وجاني مخبل ممنوع تاخذين ساري وعليش مستعجله ع زواج ومن هالحجي طبعا سهر مموافقه لازم كلنه منوافق زين وابوج وامج مالهم دور.

بوجود رعد ومرته انتهى دورهم وتبجي كسرت گلبي اصعب شي الواحد يثق بشخص ويأمن بي تالي يغدره ويصير سبب تعاسته ويضل نادم طول عمره. وتالي رغد فعلا انتي مظلومه. كالت متشوفين مرات ابقه أيام ببيت ام عمر هناك اريحلي ولو عمر هم يدقق بس بسبب غيرته حته على أخته الوحيده هيج موبس وياج وأخوانه الاصغر منه هم يخاف عليهم. بس رعد موخوف أحسه كره من اول متزوجت رعد كلبت دماغه وماما وبابا ميحجون مااعرف ليش كتلها ماكو الاحل واحد. شنو هو يجوز اخوج عنده مشكله يشغله الاطفال. ومخلي سهر متحكمه واهلج ساكتين. صفنت كالت يجوز بس موتوصل بيهم الأمور يضلمون بنتهم.

حسبي الله ونعم الوكيل. شوي واسمع هوسه بالممر طلعنه وني عمر متخربط وواكع وشايلي قستله الضغط اني ورغد ودكتور مروان خلاله مغذي. وطلب من الشباب يطلعون حت نكوم بشغلنه عمر نايم مكعد ليوين يلا كعد صحتلها عمر شبيك. ابتسم جانت ابتسامته تحسسني بالأمان كلي جوريتي. لتخافين مابيا شي. لا بيك ليش وكعدت شوي النوب تسوي تحاليل. كال ميحتاج ممتريك ودخت دخل دكتور مروان. وشافه كاعد.

وبلش يسأله. كله تدخن. صفن عليا هز برأسه اي. شنو تدخن نركيله. اني زعجت بي. ودموعي كامت تصب وطلعت برا. ابجي ورحت لمكتبي بعد شوي اجه عمر موخر المغذي وجايدورلي. وينج ليش بجيتي عمر انت تدخن نركيله ليش مكتلي واذا. نص الشباب يدخنون مالي شغل بيهم اليهمني انت صحتك كل هالدموع علمود صحتي خلص لتبجين بعد مادخن. وهاي رغد يمج اذا شافتني أدخن اتكلج اي بس لازم تسوي تحاليل. اضمن.

حاضر عافيتي انتي. كملت دوام ورجعت للبيت شفت جاد جاي. سلمت عليه. ودورت جنطته مجايبلي شي يابخيل ماتذكرت اختك الوحيده بصوغه. ضحك وحك راسه. اسف كتله يلا ع المره الجايه كال هم اسف. ليش بلا كال ح استقر بالعراق ماارجع صدك هنا حتبقه ع طول. كال لاببغداد لكيت شغل. وروح هناك اسكن ماما موكلش راضيه حاولت تقنعه يبقه هنا والخير واجد مقبل. المهم خلصنه غده وصعدت لغرفتي أحسه بيتي وعائلتي.

وكل مكان بيها يذكرني بكل شي حلو صح جنت متضايگه من جاد لان مااحسه حيل قريب والدليل مااتذكرني بهديه بسيطه وعمر هداني مرتين حت ساري دوم يخابر ويسأل أحسه اقرب من جاد. دكيت ع عمر ميجاوب بعدها بثواني دك اسف جوريتي عندي شغل مكدر اكلمج لايضل بالج اوك بس اني ضل بالي بعد ساعه اتصلت بي ردت بنيه سديته اتصلت مره ثانيه هم ردت واني ثارت اعصابي منو انتي اني زهور. خير شرايده. كتلها عمر وين. كالت مااعرف وسدت تلفون. اني تخبلت قفلت تلفون وحاولت انام. بليل دك جاوبت منو كال شبيج جوري منو يعني كتله مو مخلي سكرتيره معرف حبيبه هي ردت العصر كال شنو كتله خلص تعبت. احسك داتخوني شبيج ياخيانه. جاوبني بنيه ردت عليا العصر منو هاي كال مااعرف اني جنت ببيت عمي. تأكدت هي تحاول تخرب عصبت حيل كلي خلص ح خليله باسورد حت لحد يرد عليج جنه نشتغل بالسطح ومااعرف اذا دكيتي. اوك خلص. بعد كم يوم وصلتني رساله تكول عمر يحب وحده اسمها سماح وهذا رقمها فاعل خير. اني انصدمت جانت اسراء يمي كلتلي دكي وتاكدي دكيت. طلعت بنيه كتلها حظرتج سماح كالت اي.

سديته وشبعت بجي دكيت ع عمر هلو جوريتي كتله منو سماح كال مااعرف منو. اني اسالك ياخاين. وسديته وقفلته بهالاثناء سمعنه صوت زفه باوعت ع اسراء. تبجي بسكوت كالت زفه قتيبه البارحه الحنه واليوم عرسه كتلها ولاعبالج خ يولي عزمني اول بارحه اجه يمنه يداوم.

حتى راد يسويلي مشكله عمر بسببه احس اسراء متندمه لان رجعت بذيج الليله اخذتها بحظني وهي تبجي بسكوت. طبت امي كالت جوري الجماعه ينتظرون شوكت نردلهم خبر كتله اني مموافقه ليش لان محبه گلبي بلادلال متلكين مثله ماما خلص تركيني. فكري مهندس ولج باوعت ع اسراء شبيها عيونج لاخاله مابيها اعرف شبيج اسوره شنو رأيج بجاد. عادي خاله قصدي تقبلين اذا خطبج. ضحكت اسراء ليش مااقبل خاله الي الشرف خوش لعد ونزلت ماما وج اسراء من كل عقلج اي شكو بيها بس اني اعرف ليش موافقه. ليش حت تجاكرين قتيبه جاد متحبي واصلا ميلائمج انتي رومانسيه وهو أقل من عادي واذا.

اني جنت احبه من جنت صغيره اسراء لاتتخبلين ماانصحج وعافتني ونزلت مر كم يوم واني وعمر منتحاجه حاول يصالحني بس طلعت شغله سماح صحيحه رغد اكدتلي هالشي كلش انقهرت وقررت هالمره مااسامحه بيوم من الايام طب عليه جاد للمشفى بغرفتي وجايبلي هديه طخم يخبل عجبني حيل كال حت متكولين ميجيبلي صديقي اجه للمشفى وكلت اسويلج مفاجاه حظنته وشكرته بهاللحظه طب عمر وتخبل جيه ع جاد وبوكسات.

وصارت عركه چبيره واني مااعرف شنو احجي والمن افاكك ٠٠٠يتبع

[فيتامين سي]

لهيب الحب والحرب

بقلم ارجوان الطائي

الفصل الرابع عشر.
صارت عرگه بينهم واجوي الشباب فاككوهم وطببناهم ضمدناهم جاد متأذي اكثر. لانه ضعيف وناعم وعمر عضلات وجسم جاد شوي وطلع وي صديقه وراحوا لبيت ونضراته الي غريبه بيها مليون سؤال اجه عمر كلي اسف مااعرف اخوج لان اعرف اخوج مسافر ومبقه بيا عقل من شفته حاظنج كتله خلص ماكو داعي تبرر انت من طريق واني من طريق ليش بلا مفكرت هسه من اروح للبيت شكول عادي اروح وياج واطلبج گبل واذا مقبلوا اخطفج وننهزم لاعمر انت مخبل ابتدائا من تروح ويايا إلى أن تخطفني وشغله ثانيه خيانتك مسامحك عليها ومابيها اي مبرر گال جوري سامحيني موقصدي والله كتله احجيلي حت أقرر اسامحك كال هاي جانت صديقتي ع الفيس ولزكت حظرتها وتالي معرف منين جابت رقمي وكامت تدك اي وانت مكيف لاوالله مبالي شي. كلام عادي صفنت كال شكو مقتنعت اولا ثانيا ماريدك انساني رجاءا كال شوفي موبكيفج تنهين فتهمتي اي بكيفي شنو اجباري كال اجباري ونص لاتخليني استخدم وياج غير اسلوب. كتله ماريدك كال سامحيني هالمره. واوعدج ماتتكرر وايمت متحبين نجيكم اذا تردين اليوم. عفته وطلعت صاح جوريتي لاتعوفيني اموت صفنت سديت الباب وطلعت وببالي الف حسبه شلون أواجه اهلي وجاد شراح يسوي وصلت البيت وبداخلي رعب.

من عرفت عمر واني برعب وشي موتمام فتحت الباب شفت كلهم كاعدين وكام عليا جاد لزمني قوي من ايدي عطت صاح بي بابا اتركها كال منو ها وشنو ببينكم كتله موضف عادي شاف هاي الحركه وشالته غيرته اها حلو هو وي كل الموضفات هيج لوبس وياج. كتله خلص كافي. بس ويايا وماما تحجي عليا دائما جانت تصف وي جاد ضدي من أحنه وصغار ركضت لبابا وكتله هو نفسه الحجيتلك عنه. كلي خلص سدوا الموضوع وصعدي لغرفتج وفعلا صعدت.

مرعوبه جاد اعترض بس بابا سكته اوف شنو هاالبلوه هاي بدلت كملت دانام لان تعبانه وهلكانه دك عمر شلونج. خوما سوو بيج شي لا مسووا شي كال اذا احد طخج اسگطه والله كتله والله محد طخني خلص انحل الموضوع. احنه اليوم جايين كتله لا اجلها اووف لشوكت. طولت حيل لخاطري عمر بس كم يوم تتصفى الامور بعدها نمت وكعدت العصر اسمع اصوات نزلت اسراء تسولف هي وجاد وعايشه الدور وجاد يباوع تلفزيون سلمت جاد مارد بس اسراء طلعت ماما وخالتي من المطبخ كالت تعرفوا على بعضكم. من هسه حت بسرعه تتم الأمور اسراء تبتسم وجاد كالب خلقته كتمت ضحكتي واني اباوع اثار ضربات عمر صدك مخبل كالت ماما وانتي ليش واكفه متنزلين طولت شغلتج شوكت اكول لبيت ابو قيس يجون.

رد جاد باجر كليلهم بابا مجان موجود صعدت لغرفتي. وشبعت بجي لحگتني اسراء كتلها هذا التحبي باجر تتندمين اسمعي مني كالت صدك هاشبي امي سالته مجاوب وي منو متعارك وجهه خريطه كتلها ع السالفه يااا وحاقد عليج بسسب الكتله اشش لايسمعج جنت واكفه بالشباك وتعدوا قتيبه ومرته كتلها تعالي شوفي حبيبج الخاين كامت رگض باوعت ودمعت عينها شوي نزلت وراحت هي وخاتلي اجه بابا بليل رحتله وكتله ع بيت ابو قيس گلي لاتهتمين محد يجبرج. صعدت لغرفتي تلكتني ماما كالت باجر تحظري كتله الأمر الي ولي امري بابا انتي وجاد اطلعوا منها وصعدت ضليت افكر مكدر اكول لعمر يسوي مشگله مخبل هذا.

رسلي ع فايبر مجنت اردله لان بعدني زعلانه بس بداخلي مسامحته لان مكدر بدونه. هويعقل كل هاي المشاكل لان بعيدين عن بعضنا حاولت انام مكدرت نزلت دااشرب مي شفت جاد كاعد بالظلمه ويحجي بعصبيه كتلج خلص كم يوم وجاي لتلحين. واهلي تاليتهم يعرفون تعمدت اسوي صوت شافني سد التلفون رحت المطبخ لحگني كال جوري ماريد هالكلام يطلع اكلج السالفه كتله متهمني سالفتك المهم متتدخل بقرار زواجي.

اطلع منها وصعدت للغرفه واني افكر منو هاي اليحجي وياها. جاد مرن يومين ووجهي ثگيل على عمر وهو ميعرف شلون يرضيني. رجعتله السنسله بايد رغد وتخبل بالزايد بس تصالحنه. بالاخير وضلت توصلني رسائل تخريب اعرفها ف مااكول حت لعمر أما هو من توصله هيج رسائل يتخبل ويسويلي زعله بيوم من الايام سافر جاد لبغداد واعتذر لاسراء برساله ميگدر يكمل معاها وخلي تشوف حياتها اسراء عاطفيه كلش وضلت تبجي وتنوح كتلها نصحتج ومسمعتيني.

وضل سر جاد محد يعرفه حت اني اجه اليوم الي خبرني عمر ح يجون يطلبوني كلش فرحت وخفت بنفس الوقت. جنت طالبه اجازه من دوامي لان مريضه وساعدت ماما بشغل البيت وكتلها ع الموضوع بس لبابا. العصر. كشخت وخليت مكياج ومسحته وانتظرهم يوصلون. يتبع

[فيتامين سي]

لهيب الحب والحرب

بقلم ارجوان الطائي

الفصل الخامس عشر

حت بهاي اللحظه الرعب اضعاف يويلي منك عمر سمعت أصوات ماما فتحت الباب ورحبت بيهم ومتعرف شنو القصه لان مكلتلها شي عشر دقايق نزلت سلمت وقدمتلهم ضيافه وام عمر وام رغد الي هي امها وهدى اخته الوحيده سلمت عليهم وكعدت عادي. سوالف وضحك امه حبابه كلش حبتني وحبيتها عبالك صديقتي جانت تضل تخابر وتسأل. عليه رغد ماكو سالت عليها كالو مشغوله الظاهر رعد ممخليها تجي وسهر تبقه بالبيت ميكدر يخالف أوامر مرته المهم. كعدوا ساعه واطلعوا وماما ضاربه البوز ومحجت شي عرفتني موافقه من تصرفاتي والظاهر عرفت هو نفسه الولد الي تعارك وي جاد وشلون هسه اكيد كرامه لجاد م حتوافقني طلبي كتلها ماما شرايج بالجماعة كالت فرق من السما للكاع مافهمت ماما اي فرق كالت شهادتج ومستواج. وعمرج موملائمين اله صفنت اي صح بس اكو شي واحد هو الأهم الحب. اهم شي يحبني هاهي خنزرت بيا والج عين تكوليها ليش ماما مسويه جريمه. ولد حبني وراد يتقدملي ومن زمان بس اني شفت شصارت ضروف ومگدروا يجون وهسه صار الوقت مناسب واجوا بعد شكو كالت جاد معجبه هالوضع وبعدين اخوج انضرب بسببه وسببج اي ماما موزين عباله شخص غريب.

وغيرته خلته هيج يسوي اني احب هالشي. يعني انتي رفضتي قيس المهندس بسبب هالزعطوط كتلها موزعطوط. معجبج الولد حقج بس متحجين عليه هيج شفتها داتتصرف وياي بغير طريقه مناسبه. كتلها اعتذر اذا رفعت صوتي وصعدت للغرفه انتظر بابا يجي واشكيله جنت اعرف اكو شي حيصير. لذلك جنت خايفه مرت الايام واني كنت بين موافقه بابا لرغبتي ومعارضه ماما واصرارها على الرفض تدهورت حالتي. وعمر بلش يلح شوگت نجي. مره ثانيه اخر شي كتله ماما مموافقه كال هي لعد الي معطله الامور اي عمر للاسف كال نكتلها عمر تخبل امي هاي هي لوماامج جان تصرفت وياها غير اسلوب مرت الايام واني محتاره وضايجه حت اسراء ماروحلها لان لتضل تندب حبها الضائع ومتسمع مشاكلي ولاهي تجي ولاخالتي لان زعلانين علمود تركها جاد قبل لايخطبون رسمي.عمر ضل يلح عليا واني لاحول لي ولاقوه وبلشت تصير مشاكل بياناتنا وحت

مرات ميرد عليا واضطر اتصل بأمه تطمني عنه ومرات تكول موبالبيت يضل يم بيت عمه وميجينه قليل واتصل عليه يحاجيني واسمع صوت نسوان يمه اعرف بنات عمه اضوج كلش لان جان ميحاجيني واحد موجود خاصه اذا ولد يغار دايصير تقريبا شهر وموضوعنه مغلق بلااي سبب مقنع وفد يوم اتصل عمر يضحك شلونج جوري محبيت لهجته لان يكلي جوريتي دائما ومن يزعل جوري. شلونج كتله زينه كال باركيلي عبالي مشتري تلفون كتله مبروك ع شنو كال خطبت اني مصدكت عرفته يجاگرني كال شبيج ساكته. ممصدكه هاج احجي وياها وفعلا سمعت بنيه كالت الو اني٠وسديته ودموعي صب.

معقوله دكيت ع امه خاله اسالج سوال هلا جوري تفضلي عمر هسه بالضبط كالت مااعرف ليش كتلها ياريت تكليلي كالت شكو ماعرف يمكن ببيت عمه ع الاغلب هسه اشوفلج وينه خاله صدك خطب ومنو خطب ضحكت كالت هو كلج اي هوكال كالت لاتصدكي اني اصلا مااخطبله غيرج لويموت هايداهرج. لاتكليله اني اتصلت وسالت اي ماكله بس اهلج طولوها نريد نگضيها حت علاقل يعقل ويهدأ اذا زوجناكم. الله كريم خاله سلميلي ع هدى مع السلامه انتظره يتصل ماكو يوم كامل م اتصل. كعدت الصبح اتفقد التلفون مداكك ثارت اعصابي وشلت الخط. وضميته رحت للدوام.

ماكو ساعه تقريبا مموجود. رحت لمكتبه كاعد واحد بداله رجعت وبالي مشغول ليش مااجه شفت رغد وينج ادورلج من ساعه كالت مريضه حيل تعبانه وهسه يلا خلصت. وياها شكو عمر وين ممداوم كالت لا ترك الشغل ٠شنو ليش مااعرف هنا حسيت فعلا الأمور تخربطت ليش يبتعد عني نزلت دمعه غادره من عيني كالت رغد هو من طولتوا وسمع امج مموافقه تغيرت اطباعه حت ع أهله عصبي وعلى اخته وأخوانه الصغار وابو الي محتاجه حيل لان ميكدر يمشي على رجليه وامه تشكي منه ع طول يعني كل ها بسببي كالت اي يجوز. ثاني يوم اتاملت يرجع الدوام بس ماكو حت اني اخذت اجازه كم يوم احس بشي حلو فارگني ومكدر اشوفه مموجود. رحت لبيت خالتي العصر وعاتبتهم ع زعلهم كال ساري ولايهمج شكلج مريضه كتله لابس ضايجه كال تريدين تروح الضوجه حسويلج حساب كتله ها حساب شنو كال ايميل فيس التهي بي كتله مااعرفله كال اني اعلمج كالت اسراء اي بي اشياء حلوه صفحات طعام وفساتين واشعار. صفنت عليها كال ساري اي متشوفيها متجيكم ملتهيه وفعلا سوالي حساب وكلي شنو تريدين اسمي. كتله ورود ذابله صفن كال غيري ببدايته حزن خلص بكيفك. الورده البيضاء.

لان اسراء الحمراء وضحك وعلمني مجنت حيل افهم. فعلا التهيت كمت اگضي وقت الفراغ بالفيس وتذكرت بعمر. مره طلب يسويلي حساب بس كتله ماريد مااعرفله. وردت اطلع اسمه مااعرف سألت اسراء علمتني. وكتبت اسمه عموري٠وضليت اكلب شفت صورته عرفت هو وطبيت تفتيش كامل. شفت صديقات وتعليقات وصور حب وغرام. انصدمت. عالم ثاني.

غيرتي حمت واعصابي فارت بس ضليت اراقبه واشوفه شنو ينشر وشنو يسوي. جنت اموت اذا اشوف بنيه معلقه وهو رادد عليها بعثت لاسراء ولساري طلب وتذكرت نور هم دزيتلها. وقبلت مباشره وضلينه نحجي. وكالتلي علاقتهم تطورت هي وحبيبها وصاروا ميكدرون يستغنون عن بعضهم.وقريبا ح يجي يخطبها وجانت طائره من الفرحه واخيرا لگت احد يستوعبها ويهتم بيها. لان الشخص بطبيعته انسان ويحب الاهتمام ويدوره وين ماكان اذا صار بي نقص وخاصه من الاهل ٠٠
يتبع

[فيتامين سي]

لهيب الحب والحرب
بقلم ارجوان الطائي

الفصل السادس عشر

ضلينه نسولف كومه اني ونور اول مره اشوفها فرحانه ومتفائله واخيرا لكت نفسها حبت وانحبت بصدك ولكت شخص يهتم بيها ويعوضها كلشي فقدته من اهلها للاسف وخاصه بعد ضغط ابوها واجبارها على ابن عمها وطلاكها منه وماتبعه من همز ولمز وحجي الموزين من قبل المقربين منهم وهي هسه تنتظر يجي يطلبها. قريبا كتلها يارب يسهل امورج ويفرحج لان صدك تستاهلين الفرحه وختمتها وياها بالسلام ورجعت طبيت لعمر منزل منشور صوره رومانسيه وكاتب عليها حبيتك قفل والموت مفتاحه كنت افرح من اشوف منشورات اله واحسها حيل تعنيني بس هو ميعرف اني عندي فيس فكرت أرسله بس خفت. وسديت النت ونمت كعدت الصبح. جسمي مكسر گوه گمت غسلت وبدلت نزلت ماما وبابا يتريكون سلمت وبوستهم وطلعت وصلت المشفى واحس نفسي مدوخنه رغد انتبهت كالتلي مريضه لا بس دايخه لان مكلت شي. رحنه بالاستراحه اكلت وغسلت والدوخه متقبل تروح كمت من يم رغد وبعدها محسيت الااني متمدده ع سديه وخاليلي مغذي. ويصيحوني واني افتح وارجع انام مابي احجي شي بس اسمعهم فتحت ع صوت بابا وماما وابتسمتلهم لان مكدر احجي بصعوبه مابيا شي بس جسمي محطم ومنعسه دكتور مروان أصر اسوي تحاليل حت يعرفون شنو بيا بالضبط صار الليل وماما وبابا راحوا للبيت وبقت خالتي واسراء. ورغد هم راحت. خالتي نامت. وبقت اسراء. تبجي وتباوعلي واني ابتسملها احاول اطمنهم لان خافوا من شافوني مااحجي بهالاثناء طب قتيبه سلم اني ابتسمتله اسراء مردتله وصدت حاجاني وسألني كم سؤال مكدرت اجاوب بس اهز براسي قاس ضغطي ومعرف شسوا بالمغذي وسلم وطلع. واني نوب انام نوب اكعد ثاني يوم اجا بابا وماما الصبح. وخالتي واسراء راحوا اجت رغد وسولي تحاليل وننتظر النتائج بابا اخذه ساري وطلع بقت ماما ورغد يمي اندك الباب. دخلوا عمر وامه سلموا واني تفاجات وابتسمتلهم وعمر يسال شبيها جوري كلوله بعد مطلعت التحاليل. واني مكدر احجي بس شفت عيونه حمر ودموعه خانته مكدرت اسيطر ع مشاعري الاعرفه هو كبرياء شوي متوقعت تنزل دموعه علمودي وناديته عمر اني زينه لاتخاف وصوتي ناصي كلهم فرحوا لان حجيت وكاموا يسالوني بس مجاوبتهم كالت ام عمر لامي من تصير زينه نجيكم وننهي الموضوع. هو رايدها وهي رايدته بعد شننتظر ميصير هيج يبقون ماما هزت راسها ب اي واني فرحت ردت هسه اطلع بس انتظر التحاليل. ثاني يوم طلعت من المشفى بعد مااتأكدوا كل التحاليل زينه الحمدلله. بس فعلا جنت احس روحي مريضه معقوله مابيا شي. وفعلا يومين ودزوا خبر بيت ابو عمر حيجونه. يفتحون فاتحه. باعتبار الكل موافقين. وترتبت اغلب الأمور. اجت اسراء تساعدني اندك الباب يا شنو اجم بعد ساعه عن الموعد روحي اسراء شوفي. نزلت اسراء ورجعتلي طايره شكو اسوره گالت عمر دازز هذا الج شنو فتحته فستان احمر طويل مخصر وبي شذر ابيض بالوسط كلش حلو اجتني رساله ع تلفون منه جوريتي البسي هذا اليوم احب الأحمر عليج فرحت كلش احب مفاجأته المتهوره ولبسته قياسي هذا شلون عرفه وخلتلي اسراء مكياج خفيف مقبلت هواي. لان يغير ملامحي وسوتلي شعري وطلعت غير شكل اتعجبت بروحي طبت خالتي وماما يهلهلون. دك الجرس واني كلبي كام يدك سريع. من الخوف ماعرف الفرح واجم زلم ونسوان. وهوسه صار بيتنه. وفتحنه الفاتحه واتفقنه على كلشي تقريبا وتركت هاي الأمور الهم ميهمني لافلوس ولاكل شي بس نكون سوا اني وعمر بيومها كنت تعبانه فتحت نت لكيت هواي رسائل من عمر ع الفايبر رسلتله وتعذرته لان تعبانه وعادي معصب كلي ارتاحي جوريتي. شهر بالكثير نكطع مهر.كبل ونزوج. بين ماكمل. كتله براحتك. وقبل لاانام طبيت لصفحته ناشر صوره عن الخطبه وهالشغلات. ومباركيله أصدقاءه بالتعليقات. سديته ونمت. كعدت تقريبا بالعشره. اكو حرگه ببيتنه داانزل لوحتلي اسراء اكعدي ياعروستنه الكسوله شكو شبيكم مخبوصين كالت طالعين سفره للشط لان جمعه والجو يخبل بدلي ونزلي بين منحضر الغراض صعدت دابدل تذكرت عمر لازم اكله لايطنگر دكيت عليه ميجاوب اووف نايم اكيد. رجع دك صوته مبين نايم صباح الخير جوريتي. ليش تكعديني موجنت حلمان بيج صدك شنو حلمت. اني وياج مزوجين وكاعدين سوا سكتته كتله اسفه مضطره اقطع حديثك لان اهلي طالعين سفره وحروح وياهم كلت اكلك. متروحين. شنو ماروح ابقه وحدي قابل اي ابقي اني اجيج بمثابه مرتي صرتي سكتت شكو كتله بلييز خليني اروح تعودت اسايسه مثل الطفل لان يعاند. كال اي حقبل بس منو رايح وياكم كتله بيت خالتي. وابن خالتج هم اي متروحين اهو عمر م حياكلني اي روحي بشرط تلبسين عبايه منوكل عقلك اي واذا موعبايه لتروحين. صفنت. اي حاظر اي امر ثاني لاتخلين مكياج اي فهمت طالعه لعزا اني مولسفره بس تدلل اي عفيه سمعي الكلام. اي اسمع يلاروح كمل نومتك باي وسديته نزلت لان صاحوني صفنت اسراء لج صارلج ساعه تبدلين ولابسه عبايه امشي روحي لبسي بنطرون. هو بس أحنه كتلها عمر هيج يريد ضحكت وعمر ويين حيشوفج من هسه ناطيته مجال زياده لاحت لوميشوفني هذه ثقه بينه واحترام دمشي كافي فلسفه باجر اذا تزوجتوا منشوفج. قفلت الباب وصعدنه بسياره ساري ومشينه ع طريق البساتين وعمر مبطل دك ميريد مسجات لازم اجاوبه. وشكله عصب حيل لان مارديتله اتصال. نزلنه ع الشط وتغدينه واخذنه صور تونسنه حيل. اتقرب مني ساري كلي جوري اريدج بموضوع خاص تركت التلفون كتله اي تفضل اسمعك٠٠٠يتبع

[فيتامين سي]

لهيب الحب والحرب
بقلم ارجوان العاني

الفصل السابع عشر

تقربت من ساري خير احجي كل خير بس انتي احسج تفهميني. حت اكثر من اسراء لذلك فكرت بيج فد يوم وردتج بس انتي مشاعرج بغير اتجاه وهذا حقج مااگدر اجبرج على شي انتي متريدي ومادام اختاريتي حياتج اتمنالج كل خير. بس ردت اكلج شغله عمر قبل فتره شفته بالگهوه ينركل هو وأصدقاءه وتعارك هو وشخص وحيل تاذه هذا الشخص وسووا كعده يلا حلوها وأخذوا حك من اهل عمر والمشكلة سمعت هذا الشخص يتوعده بالرغم من أنهم حلوها بياناتهم اني عبالك احد ضربني براسي كال لتخافين بس ردت اكلج تنبهي بدون ميحس بالنهاية انتي هسه اختي الثانيه واني اكيد اريد مصلحتج وماريد تتأذين وشغله ثانيه اني كل مااخطب ميصير نصيب بس بهاي الفتره تعرفت على بنيه ع الانترنت وحبينا بعض يمكن رده فعل من عرفتج موافقه على عمر بس فعلا اني حبيتها وهي حبتني اخلاقها حلوه ومؤدبه اي كمل شوقتني كال هي شايفتني بحكم صورتي الشخصيه بس اني لا واريدج تساعديني بهالخصوص شلون اساعدك تريد صورتها مثلا كال لا مطلبت منها ولاراح اطلب اني اريد ادخل من الباب مباشره اريد نشاوف اني وياها واريدج تكونين ويايا اها اني ليش مواسراء كال اسراء تكول لامي وخاف تخرب الشغله وانتي احسج اقرب كتله خلص تدلل اني حاظره باي وقت. كملنه ورجعت للبيت باليل صعدت لغرفتي فتحت جهازي هواي رسائل من عمر دكيت عليه هواي ميجاوب مثل كل مره زعلان رسلتله ع الفايبر توصل الرسائل وميرد نرفزني هذا طبعه كلش يضوجني زرت صفحته كالعاده ناشر صوره لايده بحرف راء وشم حبنه ع كولته. وهواي معلقيله كتبتله تعليق سمايل دموع بعد دقائق رسلي منو انتي مجاوبت ردت ابزعه مثل ميبزعني اخر شي رسلتله معجبه بيك وبالوشم كال غير اعرف منو انتي. متعرفني مجرد انعجبت بالوشم ممكن اسالك عنه كال هذا وشم حرف مشترك بينه اني وخطيبتي. كتله تحبها اي اموت ع الكاع التمشي عليها. هنا مكدرت اكتم غضبي كتله لعد مترد عليها رسل سمايل يفگر رجع رسل لج خاف اني جوريتي دك مجاوبته خفت ومعدتي بلشت توجعني مثل ماكنت احس قبل من يتصل واخيرا جاوبته الو عرف صوتي هاي شنو تختبريني جوري. اي شكو بيها يعني ماكو ثقه لاماكو صدكت بسالفه سماح وبعدها سامحتك ونوب هنا مغافلني ومصادق بنات وتحجي بكيفك وياهم واني حت لبس البس ع شورك ومخونك حتى بخيالي وانت ولاهامك كافي شوكت ثوثقين بيا بعدين ليش تسوين فيس ومتكوليلي. ومنو سوالج لان اعرفج ثوله مااسمحلك. صدفه سويته منو سوا الج ساري وانت شعليك. شعليا لاتتهرب حتى متجاوب ع سؤالي علمود البنات هواي مصادق جوري كافي. انتي متسمعين الكلام. وتسوين بكيفج ولاعبالك اني موجود. كتلك صدفه صار عصبي وسديته بدل مااكحلها عميتها تزاعلنه من جديد هو متحجج حتى مااحاسبه اني الف حساب اسويله وهو موهامه صرت احس اني بس الاضحي واتحمل هو لا صح يحبني بس ميكفي الحب وحده وي كل هاي المشاكل. مددت ونمت واني افكر كعدت الصبح واني مرعوبه اتذكرت شفت حلم ناس لابسين زي اسود والنسوان دايضمونه بمكان جوا الأرض حتى لياخذونه اهل الملابس السود وكلش خايفين تعوذت من الشيطان.كملت وطلعت للدوام جانت الناس تسولف عن شي راح يصير بمنطقتنه شي يخوف واحداث خطيره بس محد يعرف شنو بالضبط والعالم متخوفه وعايشه بقلق وانتظار المجهول وفعلا المناطق كامت تخرب أوضاعها منطقه بعد منطقه بدخول جماعات مسلحه مجهوله. جنه اني ورغد دانسولف بالموضوع ودكت نور جاوبتها تبجي شكو خيرج كالت اجه تقدملي واهلي مقبلوا. ليش لاتبجين فهميني ليش مموافقين لان اجه وحده امه متقبل تريدني. متحججه مطلگه لان وكذب هي تريد بنت اختها وهو يريدني واجه بدونها واهلي ميقبلون الاتجي امه واني من وگتها للان دموعي منشفت مكملت فرحتي شسوي والله مااعرف انتظري بلكي يگدر يقنع امه وتجي ويا بهالاثناء طب دكتور مروان كال تعالوا بسرعه وياي اكو حاله مره محتاجيكم. تعذرت من نور وسديته وكمنه لشغلنه بعد ماخلصنه دوام طلعه اني ورغد وصلتها رساله باوعتلي كالت عمر بالباب ينتظرج يمكن يريد يصالحج وشلون عرفتي متزاعلين مبين من وجوهكم هو هذا طبعه يعصب بساعه الساعه وبعدين يهدأ حت وي أهله هيج كتلها مااطلع روحي وحدج كالت طلعي لايطبلج هو تعرفي طباكات اي ابتليت بخبالاته وطلعت. شفته بالباب واكف كاشخ ويباوعلي صفح ومبتسم. ٠٠٠يتبع

[فيتامين سي]

لهيب الحب والحرب
بقلم ارجوان الطائي

الفصل الثامن عشر

شفته مبتسم ويباوع بنظره تخليني انسى كل شي طلعت هاشتريد غير تسلمين اول لاسلام ولاكلام شتريد حت وانتي عصبيه حلوه بكل هدوء يحجي كال خلص مازعلج والله بعد انتي هم مرات تزوديها ووصلني وراح لبيتهم مع رغد لان صارت مقيمه عدهم بسبب مشاكل سهر وغيرتها منها مرت الايام بهدوء بيني وبين عمر لكن بغضون اسبوعين بدأت المناطق القريبه من عدنه تسقط بيد الجماعات المسلحه المتنكره باسم الدين والاسلام والدين منهم براء ووصلوا الى منطقتنه وبدأت اغلب العوائل بالهروب من المجهول. وناس قلقه من هذا الوضع الغريب وبعد موفاهمين هذا الشي زين يوم عن يوم بلشت الاقنعه تنكشف والأمور تعقدت وصارت العالم تطلع لبغداد وللشمال وكلمن التهى بضيمه والعالم بلشت تخاف اغلب الخدمات انگطعت. والوضع الأمني صار أسوأ يوم بعد يوم وبلش الحصار والذل والقتل والتخويف والرعب والعالم كامت تطلع. لبغداد ولاربيل بأجور خياليه في سبيل توصل بر الأمان. وسمعنه المنتسبين انهزموا اول الناس في سبيل النجاه بحياتهم واخو رغد منتسب اعتقلوا الجماعات المسلحه حسب مافهمت من رغد وسهر اخذوها اخوتها وزوجوها لواحد من ربعهم باعتبارهم ينتمون إلى هاي الجماعات. خابرتني رغد كالت أحنه وصلنه لبغداد. بصعوبه وثاني يوم بيتهم تعرض للتفجير باعتبارهم هاربين وابنهم منتسب اني جان بالي يم عمر لان الخطر بكل مكان والاعتقال لا على التعيين واهلي قرروا نروح لبغداد لان جاد خابر ولح نروح شاف الاخبار بالتلفزيون متطمن بخير وقررنه نهرب واني كنت مارايده الروحه لان بالي يضل مشغول على عمر وديرتي تخربت موهاين عليا فراگها بس الناس كامت تنهزم يوم بعد يوم قررت ماكول لعمر راح اروح خاف يسويلي مشكله وحتى لبيت خالتي مكنالهم لان الأشهر تمشي والوضع يسوء اكثر طلعنه الفجر وبگلوبنه خوف ورعب خاف يلزمونه الجماعات المسلحه ويقتلونا لان هذا جان مصير الهارب من سلطتهم. واجهنه اول سيطره جانت بعدها دنيا ضلمه سالوا وين رايحين كللهم السايق للرطبه وسمحلنه نطلع ومشينه بطريق مكسر وتعبان لحد ماطلعت الشمس واحنه بعدنه خايفين اني وماما وبابا والسايق وزوجته وطفلتهم مشينه مسافه ٤ساعات يلا واجهتنه سيطره جيش وحسينه بالأمان وارتاحينه شوي لكن گدامنه الطريق جان طويل الى ال١١بليل يلا وصلنه بغداد ومطببونه الابعد انتظار ساعات من التحقيق وسين وجيم بس كنه هلكانين وتعبانين لااكل ولامي من الخوف مالنه نفس وطريق متعب طبينه بغداد وخابرنه جاد ودلينا ع المكان واجه اخذنه وبوسنه والحمدلله ع سلامتكم. وودانه لبيت حلو ومرتب وطلعت استقبلتنه مره سافره واني اباوع ع ماما وماما تباوع ع بابا وعلى جاد لك وين جايبنه وهاي منو اسف ضميت عليكم هاي زوجتي اتزوجتها من جيت للعراق قبل أشهر واحنه منحجي من الصدمه والتعب ماما وكعت بالأرض وصار عدها اغماء قستلها الضغط هابط ونطيناها عصير ورشينه مي ع وجهها وكعدت وجاد يبوس بيها وببابا ويتعذر وزوجته همات اعتنت بينه وجهزتنه سفره وكامت بالواجب الوقت متاخر صار مووقت عتاب الكل نام اني فتحت تلفوني هواي مكالمات من عمر شفت تلفوني مخلص شحن رسلتله مكو كهرباء وشحن خلص اكلمك بعدين. مردت اكله اني وين يخبصني خليته ع شحن ونمت ثاني يوم سمعت ماما تعاتب جاد تكله ميخالف مره حبابه شكله وبت ناس بس ليش حرمتني افرح بيك وانت وحيدي وتبجي بمرور الأيام هدأت ماما والأمور انحلت بينهم وزوجه جاد هبه جانت زينه ويانه اتضح هي بت مسؤول وحبت جاد وتزوجوا عادي حت بدون حظورنه هذا الي فهمنا فتحت نت وراسلت عمر وكتله اني ببغداد وأسفه مكدرت اكلك لان ع غفله صارت ونهزمنه هزيمه وتركنه كلشي ورانه خابرني معصب ويلوم بيا ليش جوريتي عفتيني ياعمر وين ابقه جان اتزوجنه. شلون ومحكمه ماكو دوله كلها ماكو بذاك اليوم كلي ممسامحج كتله مجبورين هيج الوضع صار سده وزعل ادك ميجاوب يومين وهو ميرد لحد ما اتصلت بأمه اتطمن عليه سلمت وسالت ع أوضاعهم كالت موزينه المنطقه لاامن ولاخدمات ولاكلشي أسوأ من قبل خاله ليش متطلعون كالت الاجره غاليه وحاليا منكدر نطلع ونعوف عمر ليش وينه عمر كالت البارحه اخذوا المسلحين وي أصدقاءه من الشارع ومنعرف عنه شي لحد الان وتبجي٠٠٠٠٠يتبع