لهيب الحب والحرب ،بقلم ارجوان الطائي "عراقية" (مكتملة)

[فيتامين سي]

لهيب الحب والحرب
بقلم ارجوان الطائي

الفصل التاسع عشر

انصدمت من كالتلي عمر اخذو معناها بعد محد يشوفه😭شنو السبب محد يعرف اني من سمعت مبطلت بجي وماما وبابا يهدون بيا ويصبروني وادك عليا يطلع مغلق وابجي اكول هو هسه مقتول ومات ومسامحني كم يوم وادك على أمه هم مغلق تالي اتضح الشبكه يمهم راحت نهائي وبالي انشغل اكثر وصدمه ورعب بيا مايعلم بي الا رب العالمين بصدفه اتصلت بيا رغد وكالتلي دكتور مروان يسلم عليج ولازم نداوم ببغداد هنا حت ترجع رواتبنه وسالتها على عمر كالت جاندعيله الله يفرج عنه إذا عايش اني احساسي جان يكلي ميت واحساسي ابد ميخيب كضيتها بس بجي اتفقد النت ماكو عمر من شهر. حاولت اطلع من الجو وداومنه بس شي بارواحنه ناقص غربه وقهر وحسره وخوف نسمع هناك الأوضاع نحو الأسوأ ارهاب وقتل وقصف طيران دوام متعب وصعب وناس غربه رجعت للبيت فديوم لگيت ساري وخالتي كلش فرحت. طالعين وصارلهم ٣ايام بطريق فرحت بس سألتهم على اسراء وينها خفت انصدم انوب خاف اخذيها المسلحين أو صايرلها شي. كال ساري لتخافين اسراء قبل لانجي خطبها قتيبه وتزوجوا قبل كم يوم اتعجبت بهالسرعه كال هي اختارت قتيبه ع طلعه ويانه زين ومرته لقتيبه طلگها قبل فتره. لان اهلها يساندون الجماعات المسلحه وهو وضعه كال كل واحد هناك وضعه خطر كال ارتب اموري ونطلع يارب يكدرون يطلعون بالخير وبالسلامه كلش مشتاقه لاسراء ومحتاجتها عزنالهم مكان بالبيت وكعدنه سوا واشتركنه بالإيجار لان جان غالي كلش مضى اسبوع واني يوميه اتفقد النت وأتأمل عمر يفتح ولو مكو امل صاحني ساري كلي تدرين عمر ليش اخذوها اي ليش كال تذكرين مره كتلج على ولد متعارك ويا بالكهوه اي ضل حاقد وهسه خبر عليه واشتكى. باعتبار هو وجماعته الهم السلطه يعني ينتمون لجماعات الارهابيه شغله انتقام يعني يويلي عليك عمر اكيد ذبحوا وكمت اصيح وابجي بزايد وضليت الليل كله ابجي وادعي وفاتحه نت ع طول لان جان اكوونت يمهم بس قليل يفتحون وهمه مراقبين فد يوم العصر كاعده ابجي سمعت مسج من الفايبر وصلني معتميت اكيد رغد تكلي شي عن الدوام مالي خلك احد سمعت المسجات كثرت وكمت بكسل فتحتها شفتها من عمر فرفحت روحي هلا جوريتي اني عمر لتخافين اني طلعت وزين لتبجين ادك ميجاوب اريد اسمع صوتك واتطمن كال مكدر لان مراقبين فوكانا واكفين بس حبيت اطمنج اعرفج شصار بيج وكلنه زينين واني باجر جاي لبغداد سلميلي. ع اهلج وراح رسلتله لاتجي هم ببغداد خطر على اسمك لعد وين اروح جوريتي هذا واحد اتهمني. باشكال الوان ليش تعاركنه بوقتها واذا ابقه هنا انقتل اجي وع الله وين نروح هاهي الكاتبه الله بصير. وراح واني ابجي. ونزلت كتلهم عمر عايش وراح يجي وخبرت رغد وكلش جنت فرحانه بس خايفه عليه من الطريق ومن بغداد. ووحده ح يجي. بدون أهله لان ابو مريض ميتحمل الطريق. ثالث يوم كعدت صليت الفجر ودعيت الله يسلمه ويحفظه كملت اتصل عمر اكيد هو قريب لان هناك ماكو شبكه رديت الوو اول مره اسمع صوته من اشهر. هلا جوري اني بسيطره بغداد. وي ربعي مطببونه لان بعد مخلصت الإجراءات. اني خايفه عليك. لتخافين المهم خلصت من ذولاك. واهلك بعد ماامن شغل ببغداد وسكن يجون. لان سيارتي اخذوها ونطوها للولد التعاركت ويا يلا هدوني فدوه هاهي نامي يلا من اوصل اخابرج. اي حاظر.

بوقتها نمت فرحانه لان عمر وصل بر الأمان تقريبا. خابر العصر كال طبينه وانت وين هسه كال يم بيت عمي ها اي عم اهل زهور كال اي اهو بلشنه. وين اروح من الكه شغل اطلع تدللين بعدها بيومين اجه علينه واتغده وكال من يجون اهلي واكون نفسي من جديد نزوج. اي يجون إن شاءالله ومرت الايام. وعمر لكه شغل. بفندق وسكن هناك جنت متطمنه لان بعيد عن بيت عمه. بس بقيت خايفه عليه وكل شوي اخابره لويخابرني اتطمن عليه بس كنت ازعل منه ميرد دائما قليل وينشغل بالي يكلي شغل وضغط اعذريني. أحسه اتغير مومثل قبل. صح الشغل بس حت لو معودني هيج يهملني حت لو مشغول وبيوم من الايام اتصل عليه يوم كامل ميرد موعوايده. اتصل وميرد وفاتح نت وميرد مخليت من الحجي عليا برسائل تالي ردلي كال اني موعمر. اني ضابط وهو يمنه بالسجن. جاري تحقيق ويا اني اتخبلت وشبعت بجي وصياح بابا خابره هم طلع ضابط وكله مجرد إجراءات. من يطلع يخابركم بابا كلي اتطمني معليه شي واني اكله كذب ذول عصابه. وبعد ميطلعوا. وثاني يوم وماكو كان راح هذا. سمعت صوت صياح طلعت من غرفتي شفت ماما وخالتي يلطون ويبجون. شكو شبيكم٠٠٠يتبع

[فيتامين سي]

لهيب الحب والحرب
بقلم ارجوان الطائي

الفصل العشرون

شكو شنو هالعياط واني رجليا بعد متحملني كالو الطياره ضاربه بيت اهل قتيبه لان متواجدين مسلحين قريبين من بيتهم. واسراء ميردون گال جاد بالمشفى. وكمت اصيح وياهم. وضلينه نبجي ونصيح منعرف عنهم شي لان لااكو اتصال ولاشي طبيت لغرفتي ودموعي مانشفن وينج اسراء معقوله جو التراب كمت اصلي وادعي لهم بالسلامه لحد ماتعبت اتصل عمر بهالاثناء گال طلعوني بعد ما شافوا ماعليا شي. واني ابجي جوريتي شبيج جنت خايف اموت ومااسمع صوتج ولااشوفج. حمدالله ع سلامتك عمر حيل خفت عليك لاتشغل بالي بعد ارجوك الله يخليج إليه ومايحرمني منج خلص كافي تبجين عمر. شكو بيت عيال اسراء واكع عليهم صاروخ ومندري شحالهم ميتين طيبين يا الله كريم أن شاءالله مابيهم شي. الله يسمع منك يلا اني اروح اسبح وانام تعبان اخذ راحتك وسدينا عمر سلامات بعد اسراء. ضلينه يومين لاليلنه ليل ولانهارنه نهار لااكل ولاشرب بس نفكر هبه تسوي الاكل محد يضوگه لحد ماجانه خبر. قتيبه واخته حنان بس مصوبين واسراء وامه واخو ومرت اخو وجهاله ماتوا هنا وگف عندي الوقت وبعد مااحس بشي. بس اسمع صوت الصياح والتمت العالم واني طول ٣ايام العزا نوب أفقد نوب اكعد ابجي. حت رغد اجت شافتني. حالتي جانت انهيار. وساري بس ساكت حت ميبجي وخالتي بس تصيح اسراء. تعالي جذب مماتت مر اسبوع عبالك كابوس موحياه بيت الصدمه وبين الصبر اسراء اختارت قتيبه وسامحته لكن الموت اختارها شلون اصبر ع فراكج اسراء معقوله بعد ماشوفج جنت اهرب من الواقع للنوم حت انسى شوي عقلي بعد ميستوعب صدمات. عمر يدك بس مااكدر احجي وي احد وعرف بحالتي ومزعل اجا واخذ من خاطرنه. عده شهر رجعت لدوامي بعد ماانتهت اجازتي كلت اطلع من هالجو لگيت رغد بيدها حلقه ابتسمت الها واشرت للحلقه كالت انخطبت لمروان باركتلها تستاهلين وننتظر رعد بلكي الله يفك اسره ونزوج يوم الج انتي وعمر بلكي يجون أهله وتلتمون عاد صارت بلاملح ابتسمت كتلها الله كريم. رحت للبيت شفت ساري سلمت عليه. كتله ساري اريد اسالك عن البنيه العرفتها ع نت وين صارت. التهينه بلصار ومسألتك گال كلتلي اني موحلوه ابد مااناسبك وراحت مااعرف عنها شي بعد هاي الأحداث. لحيت عليها كتلها ميهمني الشكل اخلاقج هي العجبتني. بس جانت متردده وبعدها معرفت عنها شي هذا حظي اني اعرفه زين. ووجه تعبان ومتغير صدك كسر خاطري. كتله تستاهل وحده احسن. وتحبك يارب تلكاها قريبا. ضحك وكام اتصل عمر يسال كتله زينه كال احسج متغيره عليا عمر كل الضيم الصار وتريدني ابقه مثل مااني ليش متنطيني عذر سكت وكلي باي. صدك مووكتك عمر اني ويين وانت ويين حيل تغير عمر ولاعبالك هو نفسه قل اهتمامه وكلشي بي اختلف وعرفت منه ترك الشغل بالفندق ولكه غيره واظطر يكعد ببيت عمه. وهذا الشي خبلني وفسرلي تصرفه الغريب ويايه صارت مشاكل هواي وتركنه اني ويا اكثر من مره. ورجعنه وضعي مجان يسمح لصدمات اكثر فكرت نترك لان مشكلتنه طولت بس كل مره نرجع نتصالح تزوجت رغد. رحت باركتلها بالسبعه لان مرحت بالعرس گلبي بعده ممرود ع اسراء حلوين جانوا هي ومروان وعاشت وي امه وخواته اثنين واخو صغير بس بعد زواجهم بسبوعين امه كلتله يروح يجيب ابو لان بقه وحده مقبل يطلع والأمور ساءت فراح مروان يجيب ابو لبغداد. ويجيب بعض المستمسكات الضروريه حت يطلع لتركيا هو ورغد جانت رغد خايفه عليه حيل لان موسهله الرجعه كنت دائما اصبر بيها ونندعيله يرجع بالسلامه. مر شهرين ومروان مارجع لاهو ولاابو عرفنه أن المسلحين اعتقلوا ومصيره مجهول ورغد طلعت حامل بس حالتها صارت بالويل وبس تلوم بعمتها لان هي دزته لمروان. قتيبه واخته گدروا يطلعون. وجوي علينه بقوا كم يوم وسالفونه عن معاناتهم وشلون وكع الصاروخ اسراء وامه گبل متوفين جان يسولف ويبجي نمرد گلبي عليه الرادوا صار بس صار بضرف موحلو وموزين واسراء راحت منه الله يساعد گلبه جان متندم ع زواجه الاول.

ومصدوم من موتت اسراء وامه فعلا الصار ميتحمله بشر جنه عايشين بامان فجأه حلت علينه لعنه مخلت احد من شرها. الي مات والي اعتقل والي نزح والي بقه تحت الضيم والقهر. وين جانت مضمومه النه هاي. بقوا قتيبه وحنان ويانه لان حالتهم جانت صعبه مومال ينعافون وحدهم قتيبه يروح ويايه للدوام تبقه حنان بالبيت تبجي لحد مالكينه حل مناسب نزوج حنان لساري عارض بالبدايه لان اصغر منه بهواي بس ماكو غير هالحل جانت حنان حبابه وفعلا تزوجوا بدون عرس لان الحزن بعده مفاركنه بس حفله ع گدنه وقتيبه طلع اجر شقه مع أصدقاءه. ومشت الامور طبيعي. بس عمر مجان طبيعي. ويايه أحسه حيل متغير حت عالفيس حظرني بحجه اضل اراقبه واسويله مشاكل ولغيت الفيس. وانعزلت عن الكل. تقريبا. مدااتصور كل هاي الصدمات الي مرينه بيها رغد ضلت تنتظر مروان. ماكو اي خبر عنه. اتصلت بيا نور مره وأخذت من خاطري. وتعذرت منها لان من زمان محاجيتها سالتها عن اخبارها گالت ضلت امه معانده واهلي معاندين بالاخير امه زوجته بنت اختها وهددته اذا ياخذني تتبره منه وتركنه جان يتصل بيا حت بعد زواجه بس ماكو داعي اني خصمتها وكسرت خطي وانتهى كلشي. حظي واعرفه. مجان لازم اجرب وتبجي. اصعب شعور تشوف شخص يعنيلك متأذي ومتگدر تسويله شي. بيوم من الايام وصلتني رساله من عمر. اليوم العصر امرلج نطلع لمكان كلت لبابا مقبل.كال بعدكم بس فاتحين فاتحه ماكو شي رسمي ميخالف. غير الظروف عاكستنه. گوه قنعته وقبل اتحظرت ودك مقبل يطب نزلتله شكله معصب وعيونه تجدح سلام شلونك مرد مشه ومشيت ورا ربع ساعه أسأله ميرد شبيك عمر طب بحديقه عامه وطبيت ورا أسأله شبيك عمر رد ٠٠٠يتبع

[فيتامين سي]

لهيب الحب والحرب
بقلم ارجوان الطائي

الفصل الحادي والعشرون

بس أريده يحجي ساكت ووجهه ميتفسر شكو عمر. جوري اني متندم حبيتج ضحكت كلت هاي وحده من مفاجأته المرعبه اي وبعدين وكعدت زين وهو واكف شفت ملامحه تغيرت وخفت منه شكو شصاير الصاير يامحترمه اني انخدعت بيج. عمر شبيك ليش هيج تحجي. اي متريدين احجي وافضح خبثج انتي وحده بهيئه شيطان هاي اني عمر ليش ماريد اشوفج بعد مقهور ع شي واحد حبيتج من كل گلبي تالي طلعتي وحده من بنات ٠شكو عمر مدااستوعبك اي طبعا تحاولين تتمسكنين حت تغطين على اخلاقج اني هيج. ابدا عمر اني موهيج البگلبي على لساني. كافي شقه عاد زودتها عاط بيا موشقه للاسف طلعتي هيج حرامات عرفتج. بس كلي شكو. اكلج سمعي اني شفت شيخ مشهور صدفه واخذلي خيره وكلي انت تحب وحده وخادعتك هي اصلا موبنيه. ()٠اشش ماريد اسمعك طبعا متسمعين لان انكشف جذبج اني مكدرت احجي شي. من الصدمه وعافني وطلع واني فكرت روحي بكابوس بعد مصحيت منه اني عمر هيج يتهمني ويطعني اجت مريه نطتني مي وشربت وغسلت بس دموعي منشفت طلعت تلفوني دكيت ع ساري واجه هو وحنان بعد عشر دقائق للحديقه جانوا طالعين للسوك. صعدت للسياره بس ماحس بشي بعدني مصدومه يسألونني شبيج شجابج هنا مجاوبتهم ولاعلى سؤال بس ابجي وصلنه البيت طبيت لغرفتي يدكون بالباب. فتحي شبيج. طلعتي وي عمر كلشي مابيج كلهم ساري مشفت عمر بس هي. لحد مااجه بابا فتحتله الباب وضليت ابجي ع صدره ويسألني شبيج احجي شنو اكله.() من عرفت عمر واني برعب بس لهادرجه متوقعت كتله تركنه اني وعمر كال كل مره هيج. هاي الخطبه من تطول تصير مشاكل لابابا هالمره خلص. اي براحتج هداني وطلع. احاول اتصل بعمر ميرد ويرسلي ابشع كلام ممكن اسمعه. حاولت ادافع عن نفسي. منطاني فرصه ضليت يومين لااكل ولاشرب بس ابجي. عبالهم لان افتركنه ميدرون جرحي اكبر مني. فديوم سمعت بابا كال أحنه رايحين لاربيل علمود جوري تغيير جو لان مرت بظروف صعبه. خاصه بعد مطلع ساري ومرته وامه وهم جاد وهبه لازم ياخذون راحتهم حاد مقبل كال البيت بيتكم بس هبه شكلها كيفت تريد تزيحنه ولو مشفنه منها شي بس مشاكلها مع جاد داخل الغرفه ومع ذلك حقها تريد تاخذ راحتها. بعد اسبوع سافرنه لاربيل. بعد مااخذت اجازه طويله من دوامي لان نفسيتي ادمرت واني من نوع حساسه حيل. والصدمات تعبتني. خابرتني رغد. تسال گتلها رحت لاربيل. وكلتلي ع عمر حجيتلها انصدمت. كالت هذا موصاحي. شكله من اجه لبغداد انحرف. وبيت عمه الهم دور هسه اخابره وارزله.الله وياج. جانت اكو نغصه بقلبي لازم عمر يعرف اني موهيج ()ولازم اثبت براءتي بس شلون وهو حت ميرد المهم ضليت اصلي وادعي اثبت براءتي. وتقويت ودزيتله مسج. هذا شي غلط اتهام باطل ماكو شيخ هيج يكول ويهجم بيوت حت اذا صحيح هذا دجال وانت صابك اثم مثله والله شاهد اني مومثل ماانت مفكر والله يسامحك. مارد. طلعت باربيل واختلطت بناس هم نازحين مثلنه وكونت صداقات. وشوي صحتي ونفسيتي تحسنت ومر شهر عمر دزلي رساله اني ضلمتج سامحيني وحقج عليا. فرحت بس كرامتي متسمحلي اردله أو اكله شي ٠٠يتبع

[فيتامين سي]

*لهيب الحب والحرب *
بقلم ارجوان الطائي

الفصل الثاني والعشرون والاخير


حسيت بنصر وكرامتي رجعتلي وبراءتي الله ضهرها بس شلون مااعرف المهم هيج صار وعمر بعد ماله وجود بحياتي لان هيج سوا صدك ميفيدني وقررت أطلعه من حياتي صعب كلش اعرف وخاصه بهاي الفتره. بعد كم يوم كان يدك عليا ويحاجيني ولاعبالك صاير شي ناسي إهانته وكلامه الي مثل السم صعب الجرح والألم يجي من أكثر شخص حبيته. كسرت الخط وبدلته ومبقيت اي وسيله تربطني بي واحس شي انكسر بينه ماعاد يتصلح حت الفيس غيرته لان فك الحظر ودك عليا مع ذلك ضل يسال رغد عليا ويدزلي سلام ويريدني ارجع بس كرامتي متسمحلي صارت الكرامه اقوى من الحب ورفضت بس جنت ادخل لصفحته والگه منشورات حزن وقهر.() من هالسوالف مرات احن وانقهر بس مااكدر. ارجع كلشي مثل ماكان لان تحملت هواي منه وبتالي هيج يجرحني فد يوم دك عليا الظاهر لاح على رغد وناطيته رقمي حاجاني فايبر. واعتذر وكلي ننسى كلشي. ونرجع كتله افكر حسيت اكل ملحه وحنيني صار اكبر وصالحته بس مومثل قبل. لان رجعت المشاكل بينه على أسباب تافهه ورجعت تركته بعد ماردله وفد يوم دزلي مسح جوريتي اهلي جايين بطريق وصار كم يوم من طلعوا وماكو خبر عنهم. وضايج حسيته موقف انساني وكتله لاتهتم مابيهم الاكل خير وطمنته وفعلا ثاني يوم طبوا زينين وخابرتني امه وسلمت عليها وكومه سولفنه وعرفت بمشاكلنه زادت على مدى أشهر وكالت خلال أسبوع نجي ()نگطع مهر وجان عمر فرحان واني هم بس مومثل مجنت قبل افرح. بسبب ضروفي. بدلت وخابرتني امه واجوي اخذوني اني وماما وبابا. للمحكمه وهي وعمر وعمه الطريق گله ساكت عمر وصلنه ونزلنه وهو بقه بسياره نادته امه انزل شبيك عيونه تجدح معرف شبي گال اني راجع للبيت شنو مخبل شبيك عمر اليوم جنت تنتظره من أكثر من سنه اني بس ساكته گام يصيح ماريد ازوج تريد تموتوني ويضرب بالستيرن ولاوف ورجع بكل سرعته يافشله الفشله. اني شنو مسويه وهالمصايب كلها عليا حظنتني امه وكالت من جيت شفت حالته متغيره. لاتبجين اروح للبيت واشوفه شبي اكيد تخبل ورجعنه للبيت وقررت هالمره صدك بعد ماريده بعد تقريبا شهر خابرتني امه حجتلي وضعه ()كالت موطبيعي ابني واكو شيخ كلي هذا مسويله سحر صد عن الزواج وبس نجيبله هالموضوع يتخبل واذا نشغل قران يطلع من البيت ويكاون بينه تعبني حيل داشوفه يتغير كدامي. وفعلا طبيت لصفحته ناشر صوره اله يخرع ولاعبالك هو انقهرت عليه لان امه تكول مرات زين بس فجاه يتخبل علينه بالبيت راسلي مره يعتذر. بس بعد فتره يتحول شخص ثاني. تاكدت موبيده بس اني هم مااكدر بعد اتحمل هالوضع اتقدملي اكثر من شخص. مقبلت الااطيب تماما من وجعي. بعد شهور رغد جابت ولد سمته مروان وماكو اي خبر عن ابو ونور تزوجت واحد. ارمل ومشاكلها هي ويا متخلص جاد طلگ هبه لان كثرت مشاكلهم. وساري صارت عنده بنيه سماها اسراء. واني اتقدملي ولد من جوارينه معلم وخوش ولد. بس ()بنفس الفتره رجع تقدملي عمر وحرت بينهم عمر اخاف منه كسرلي گلبي بيوم. بالرغم من حبيته والمعلم خفت مااكدر أسعده وهو ماله ذنب فرفضتهم اثنينهم وسديت موضوع الزواج ع الاقل الى منرجع لديرتنه مجنت متوقعه الحب الكبير ينتهي ويذبل بيوم. بس علمتني الصدمات اكون اقوى واقاوم وانهض مع كل كسره. ورب العالمين هو الي يقوينه ويبعد عنا الاشياء الي نتصورها كل حياتنا لكن هي بالحقيقه أبعدها الله لحكمه. وتعلمت أنه الإنسان اليرضى بقضاء الله يرتاح. ويكون اقوى ميهمه شي. والأهم بحياه الفرد همه الام والاب اكبر نعمه بالحياه وهم الوحيدين الي يبقون معك للنهايه٠٠٠٠٠٠٠٠النهايه_
لا تثق باحد ثقه مطلقه٠واختر نزلاء قلبك بدقه فلااحد سيدفع ضريبه سكناهم في قلبك غيرك٠
انتظروني بقصه جديده. ارجوان الطائي.




الــــنــهايـــــة♥

[لامارا]

[ندى تدى]

تسلم ايدك حبيبتي ووفقك الله



رواية جميله جدا