لهيب الحب والحرب ،بقلم ارجوان الطائي "عراقية" (مكتملة)

[فيتامين سي]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته اعضاء روايتي الغالين نقدم لكم رواية ((لهيب الحب والحرب )) بقلم ارجوان الطائي قراءة ممتعة للجميع ...

[فيتامين سي]

رابط لتحميل الرواية

https://www.rewity.com/forum/t424482.html#post13625742




مَـــسُأُء أَلَــوّورّد 🌷

#لهيب_الحب_والحرب


وصف القصهه?...❤
عندما تبحر بنا امواج الحياه وتقف بنا في
محطات جميله وتجعلنا نحلق عاليا باحلامنا
الورديه فإنها سرعان ماتكسر اجنحه أحلامنا
القتيله وتتركها نسقط بمستنقع الخوف والحرمان
#والحسره.❤

ويحدث في حياتنا أن تمتلئ قلوبنا بنزلاء
يسكنونها برقه ويحدث أيضا أن تصبح
هذه القلوب ❤مهجوره ك بئر جف فيه الماء

بقلم ارجوان الطائي❤

[فيتامين سي]

#الفصل_الاول

اني جوري عمري ٢٤سنه عندي اخ واحد مسافر برا البلد اني خريجه معهد تمريض مقضيه اغلب وقتي ببيت خالتي مع اسراء بنت خالتي هم هي ماعدها بس اخ واحد منفصل عن زوجته وعايشه مع امها و ابوها اغلب الأوقات نكون سوا اني وياها لان هي أقرب صديقه الي وبنفس عمري صديقه الطفوله نورا جيرانه عائلتها متكونه من اختها منار واخ صغير وامها وابوها كلش معقد نادر مايخليهم يطلعون من البيت. منار جانت بسادس اعدادي متنفسها الوحيد المدرسه

واني ونور واسراء بنفس الشارع جنه نروح بخط نشتغل بمعمل خياطه منو نقضي وقت منو نتعلم صنعه لان تعيين بالعراق فقط بالأحلام.جانت صاحبه المعمل مره ارمله تديره ومشغله اغلب بنات الحي جنه نحب شغلنه اني واسراء أما نورا متحبه بس متنفسها الوحيد من ضغط ابوها بس حت تطلع من البيت جنه منختلط باغلب البنات لان شغلنه جان متعب 7ساعات مع استراحه الضهر ساعه بس بصدفه شفت بنيه اعرفها.

ضليت اتبع لها حت عرفتها صحتلها وج رغد شجابج هنا تفاجات وجتي ركض حظنتني وتبجي من تخرجنه مشفنه بعضنه. جانت قريبه مني. رغد عدها اخ واحد اسمه رعد ضابط بالشرطه. كانوا يتشابهون. عيونهم زرق وشقرين يخبلون كعدنه نسرد اخبارنه لبعضنه.

وعرفتني على صديقتها. سهر جيرانهم تصير. بس شو اني محبيتها لسهر بس كلت ميصير احكم ع ناس من اول نظره مرتاحيتلها. خلص وقت الاستراحه. وانطتني رقمها وراحت كالت نتواصل بعدين. مرت الايام وجوي رغد وسهر لنفس قاطعنه وصارت بينه احداث. وذكريات. نور كامت تغار عليا من رغد لان طبعها هيج. تدلل علينه وتزعل فكمت يوميه اروحلها واراضيها. بس حالتها هاي بسبب ابوها وتصرفاته لاحظت اسراء متغيره فرحتلهم بليل وبقيت يمهم.

بتت جنه نبقه نسولف للفجر. كتلها شبيج احسج متغيره صاير شي. اني حساسه. وعندي احساس بكلشي. ومرات اقرا العيون. وافهم الأشخاص. قبل لايحجون. اصلا كالت جوري اني واكعه كتلها وين واكعه تعزيتي رحتي للطبيب كالت لا ميفيد طبيب كتلها انشغل بالي احجي شكو كالت واكعه بالحب. اني مكدرت اكتم ضحكتي سدت حلكي اشش لحد يسمعج كتلها انتي اكيد موصاحيه اكو احد يحب بهالايام وفوكاها واكعه جنت مااعرف الحب شنو بس عندي نظره عنه حلو ببدايته بس نهايته عذاب ووجع راس ف كنت مبتعده عنه قدر الإمكان.

كتلها حجيلي لاتتوقفين. كالت ابن جيرانه بالفرع. مثلج مخلص معهد طبي ومتعين. اكبر من ب٥سنوات. كالت وبيناتنه اتصال. ع نت صارلنه شهرين.اسراء وبعدين شنو نهايه الحب كالت هويريد يتقدملي بس اني خايفه من شنو كالت. بيناتنه عتاب وزعل من زمان. ع قطعه ارض وخايفه اهلي ميوافقون عليه كتلها لازم تواجهين المشكله موتهربين منها. قررنه ننام لان تاخر الوقت. ثاني يوم واحنه راجعين للبيت. من المعمل اجه ولد طويل واسمر يمشي بورانه اسراء تضحك ولج منوها كالت لاتخافين هذا قتيبه الكتلج عنه شبيج. كتلها اني رايحه للبيت بسرعه كالت لاامشي ع كيفج داحجي ويا فدوه وكفنه سلم وبدوا يحجون ويبتسمون لبعض واني اكول بداخلي هو هذا الحب.

عبالك بوكه وخفت حيل. وكتلها رايحه اني مشيت بعجاله وقلبي يدك سريع كتلها اسراء انتي شو موخايفه كالت ليش اخاف كعدت بالمرجوحه بحديقه بيتنه. لان ماعاد بيا اوكف ع رجليا كالت شبيج جبانه همزين متحبين جان متي من الخوف. كتلها روحي لبيتكم خاف يجي يطب لهنا كالت لااني موطبيعيه طلعت امي كالت طبوا ليش كاعدين برا كلتلها اسراء خاله اني رايحه. بيتهم باخر الفرع راحت تكمل. مشوارها مع حبيب القلب.

طبيت جوا مع امي. وضليت افكر بمفهوم الحب. احسه وحش يتسلط ع ناس مرت الايام عزمتنه رغد ع عرس اخوها رعد تفاجانه من شفته عروسته سهر ماغيرها. واارتاحيتلها اني ابد. رحنه اني واسراء. خلتلي مكياج خفيف ومسحت نصه لان ماعرف اخلي لنفسي وترتبنه لبسنه نفانيف حلوه ورحنه نور ومنار مخلاهم ابوهم يحظرون. العرس. قضوها بجي بالبيت. تونسنه حيل. بالعرس جنه متكاودين وندبج اني مااعرف بس بجذب ولان مرتبكه دست ع رجل اخت العريس بالكعب مالتي.

وعاطت وكعدت تفرك برجلها رحت تعذرت منها اجت رغد تضحك. كالت هاي اختي. كتلها شو مكلتي عندج اخت اكبر. كالت بلى جانت مسافره كتلها احلا منج لاتزعلين ضحكت كالت اي صحيح حلوه حيل. مزوجه هاي وعدها ولد بعمرنه فتحت حلكي لابربج كالت والله رجعت تعذرت منها كالت لامومشكله لاتهتمين. خلصت حفله العرس خابرت اسراء ع ساري اخوها كال بطريق اني سلمنه ع الكل وباركنالهم وطلعنه. بالحديقة داننتظر ساري. بس تفاجات بوجود هواي شباب كتلها اسراء خ نطلع برا نوب كالت يلا مشينا داانزل من الصبه وني طووب زحلكت ووكعت كدام العالم صرت طماطيه حمره وكلهم باوعوا وكالولي الله اسراء مغندبه عليا خزيتينا كومي بعد مااكدر اكوم حسيت ايد انمدتلي باوعت.

ولد مربوع اسمر وعضلات شعره طويل اسود ديساعدني تعذرته وكمت بمساعده اسراء. فشله ياربي كال تحتاجون مساعده. كالتلي اسراء جوري انت زينه هزيت براسي اي كلتله لاشكرا. بهاللحظه اجه ساري وركبنه صديت للحديقه وني الولد بعده يباوعلي ياربي هاشبي. ذبيت الكعب لان سوالي مشاكل هواي ممتعوده البسه ساري واسراء كاموا يقلدون واني ابجي فقرر ساري يصالحنه. اخذنه واشترالنه موطه بعدها رجعنه للبيت وصلنه الفرع لمه شنو ها ساري زاد السرعه دانشوف شنو هاللمه بباب بيتنه ضلمه مانركز زين.

[فيتامين سي]

#لهيب الحب والحرب
/بقلم ارجوان الطائي
#الفصل_الثاني

اسراء. شفنه اللمه بيت خالتي طبك ساري هاي شنو نركض جوري مكدرت تتحرك بقت بسياره تقربنه وني خالتي تهليل. فتحت عيوني زين شنو السالفه شوي وفضت نزلت جوري تسال بصوت خافت وني جاد يضحك ويبوس بامه جاد اكبر مني بكم سنه ابن خالتي كان مسافر لتركيا من انلاصت الأوضاع طبعا هو حب طفولتي وحلمي جنت صغيره احبه واتمنى نكون سوا بس هو كان شاب وطلعاته وفوتاته وبنات واني اضوج كلش.

اذكر بسادس ابتدائي جنت بس جنت احبه وهو لا اصلا ميعرف بمشاعري تجاهه يعني حب من طرف واحد اجه هسه للبلد وخالتي من شافته كامت تصيح وتبجي وملتمين الجيران ع صوتها. طبينه جوا وسلمنه عليه وكعد هو يحجينه شلون الغربه. جان ميه سؤال ببالي ادحك ع أيده مخاطب واني شعليا اني احب قتيبه بس مااعرف احس روحي اكرها لان ماحبتي ولا حس بيا بس اني جنت طفله اووف اسراء اصحي ماضي وراح مجرد حب برئ وخلص كلشي انتهى. اترخصنه ورجعنه للبيت اني وامي وساري بعد متعدت ال١٢طبيت لغرفتي شفت قتيبه داك عليا ١٠مكالمات واني ناسيه تلفوني بالبيت دكيت عليه سمعت الو وينج معصب حيل كتله اسفه حجه كم كلمه بعصبيه وسده بوجهي دزيتله مسج اعتذار. وقفلته ومددت بملابسي وجريتها نومه جوري.

فرحت بشوفه جاد واليل كله سهرانين ويا ونسولف بس انقهرت من كال كم يوم وارجع لان مينطوه اجازه اطول مرت الايام والأشهر واني ملتهيه بشغلي بالمعمل لاحظت رغد وسهر كالبات وجوهم على بعض نور تشتغل بضجر اسراء فرحانه لان قتيبه اليوم يتقدملها اني جنت اشتاق لجاد احس مشبعت منه صار الليل اسراء مفاتحت اهلها بالموضوع لان تخاف فكنت وياها ترتب بروحها اندك الباب وني نسوان جتي امه واخته حنان وعمته قدمتلهم اسراء عصير وطلعت فد نص ساعه طلعوا واحنه مكدرنه نسمع شي خالتي راحت لغرفتها الظاهر كالت لزوجها وهنا نسمع الصراخ اسراء دمعت عيونها طلع ابوها وصار بوجهنه كلها انتي موافقه ع قتيبه مكدرت تحجي عاط بيها كلتله لاء كال عبالي ماريد اسمع ينفتح هالموضوع مره ثانيه.

وضرب الباب وطلع صعدت مع اسراء لغرفتها اتصلت بقتيبه وتبجي كلتله الصار هداها وكلها لاتبجين انت الي لا تيأسين موقفه جان اقوى من موقف اسراء وفعلا اتقدملها مره ثانيه وثالثه وهم مقبلوا اهلها بسبب عداوه ع كاع بوقتها مافهمت بالضبط الموضوع ضليت اهدا بيها لاسراء وبتت يمها وبقت تحجي وي قتيبه لنص اللليل يا هيج الحب يسوي. فعلا ورطه كبيره مرت الايام واسراء تركت عملها بالمعمل ابوها بطلها من خطبها قتيبه تغيرت معاملته وياها وبقت بالبيت. وبينهم اتصال بقيت انا ونور ورغد بالمعمل نور تضل تحجيلنه على منار اختها تحب شخص وتتواعد ويا بالبوكه جانت منار اجرأ من نور صارحتني نور بحبها لابو الخط وجانت ردت فعلي الضحك وهي تسكت بيا كتلها ملكيتي الاابو الخط كالت هذا الموجود.

بس جان هو حلو صح بس فاهي ويستحي وميبادر نور نفس المشاعر. فد يوم رجعت من المعمل تعبانه وصلت البيت العصر ماكو احد ماما بابا اصيح ماكو ساعه ومبين احد بالي كام يجيب ويودي قررت اتصل التلفون يدك بالبيت خابرت اسراء مغلق ساري ميجاوب سمعت صوت الباب يدك يتبع. ٠٠٠٠٠٠

نزلته هديه للي طلبوا قبل شويه
همتكم وياي مااتاخر عليكم

[فيتامين سي]

لهيب الحب والحرب
بقلم ارجوان الطائي

#الفصل_الثالث-

فتحت الباب وني ساري كلي لاتخافين بس ابوح تخربط ونقلنا للمشفى. تعالي اوديج دموعي صب بدون صوت ساري امانه بابا بي شي كال لا مابي هسه نوصل وتشوفي جانت رگبته ورجليه تضل توجعه ويهبط ضغطه وصلنا المشفى بابا زين الحمدلله بوسته وكعدت قريب منه ابتسملي كال مابيا شي طلعت كليته توجعه ومتخربط بقيت بالمشفى وامي وخالتي واسراء رجعوا للبيت وبقينه اني وساري طبعا ساري أحسه مثل اخويه جاد بس الفرق جاد ماشوفه وساري يفرفرنه بسيارته اني واسراء علاقتنه كلش حلوه بس منفصل عن زوجته كتله ساري ليش مترجعون لبعض كال منو كتله انت وزوجتك كال خلاص مانرهم لبعضنا حسيت ملازم الح كتله انت بنهايه ال٣٠عادي تزوج من جديد ليش قافل صفن وباوع بوجهي كلي تاخذيني انتي زعجت بي كال احجي صدك مالكه مثلج بعدين اني احبج ولج عوبه اني انفجرت بالضحك.

وهو يسد حلكي اش أحنه بالمشفى شبيج واني اضحك مكدر احجي من الضحك نطاني كلنس كال مشي دموعج من كد متضحكين شنو اليضحكج كتله عليكم. يوميه احد معترف بحبه شنو مرض طاح بيكم كال منو اعترف بحبه كتله صديقتي واسراء و سكتت كال ليش سكتي اسراءنا كلي احجي كتله لاتضوج لا موهي كال اني حافظج احجي خنزر بيا كتله اي كال منو كتله قتيبه بس بداعت ابوك لاتاذيها صفن كال لحد هسه كتله اي هو رايدها وشفت شكد طلبها ساكت كتله احجيلي شنو السبب كال أكلوا علينه نص الكاع بوقتها أكلوا حقنا وسكت مكدرت اسالها اكثر امنته لاتعرف اسراء كلي خلص ماحجي شي محصلت موافقه منج ضحكت كتله مثل اخوي انت وسد الموضوع رجاءا.

ثاني يوم اني رجعت البيت وماما راحت لبابا بالمشفى مددت دانام ندك الباب بقوه كمت بسرعه فتحته وني نور عيونها حمر ووجهه ميتفسر خير شكو. كالت وحدج بالبيت كتلها اي شكو احجي كالت بابا عرف بسالفه منار معرف منين يااا وشصار كالت حابسها بالغرفه وحيموتها واني بالبوكه طلعت جيتج قاصدتج بخدمه لأجل منار كتلها احجي كالت اتصلي ع سعد منو كالت حبيبها كتلها جيبي رقم سجلته بتلفوني ودكيت دك انطيته لنور الو سعد اني نور اخت منار. شكوو انكشفت علاقتكم وبابا حيموتها اي والمطلوب شنو معرف اتصرف.

بابا عرف انتو تطلعون مع بعضكم تعال اتقدملها كلها مايشرفني اتقدم لوحده خفيفه مثلها يعني شنو يعني جنت العب عليه باي سلميلي ع منوره وسده نور ضلت تنوح واني انصدمت هذا هو الحب الموزين خفت حيل. كالت نور مكدر اتاخر. راجعه مع الاسف. طلع واحد دايح ماعنده لاذمه ولاضمير. بعد اسبوع سالوا بيت ابو نور لغير محافظه لان سيره منار صارت على كل لسان وودعتني نور بحسره ووجع بجينه الماشبعنه. صديقه الطفوله راحت مني بسبب واحد ميخاف من الله بقينه اني ورغد بالمعمل فتره واخيرا طلع اسمنه ع وزاره الصحه لازم ندخل دوره تدريبيه كم شهر.

بالمشفى. بابا وماما سافروا لجاد حت يتعالج بابا واني مكدرت اروح معاهم لان مكدر اترك وضيفتي تحت الاختبار وماعندي جواز بقيت يم بيت خالتي ويوميه ابجي ع اهلي بس هم وضيفتي صعب اتركها وصلت لباب المشفى اتصلت برغد كتلها وينج متأخره من اول يوم تعالي دنطب سوا كالت شفتج نزلت من سياره بيها شاب موغربب شكله عليا بس مااذكر وين شايفته كتله ولج منو ها كاالت ابن اختي.

طبينه المشفى والفرحه مواسعتنه تلقينه التدريب ع ايد استاذ مروان هو المشرف علينه دكتور صغير بالعمر جذب انتباه رغد كتلها رغد لاتوكعين انتي هم وتبلينه كالت وين اوكع كتلها بالحب مثل الباقين كعدنه اني ورغد بالاستراحه نسولف اجت العامله باوعت عليا انت جوري كتلها اي امر قدمتلي باقه ورد احمر منين ها كالت شاب بالباب انطاني مواصفاتج ولبسج وهاي الج وراحت شميت الورد يجنن رغد اتفاجأت لج منو راسلج ورد كتلها معرف يجوز بالغلط المهم اني احب الورد لاحظت ضرف مكتوب بي قلب وبنصه حرف ر بلانكليزي زاد قلقي لمن كل يوم تجيني باقه الورد مع حرف ر فكرت اسراء مسويتها لعبه وياي بس حلفت معليها هي ضليت افكر منو هذا صاحب الورد منو هذا عقلي بعد ميجمع ابد.


#⁽ يَٰـُـٰٓتَٰـُـٰٓبَٰـُـٰٓـــــ� �ـــــــ؏ ‏՞ ⁾ ⁞ ⁽💗₎

[فيتامين سي]

لهيب الحب والحرب
بقلم ارجوان الطائي

الفصل الرابع


بقيت اسال روحي منو صاحب باقات الورد نايمه بصفي اسراء كعدتهه جوري شكو كتلها خاف هذا ساري كالت ششنو كتلها صاحب الورد ضحكت كالت لانامي لتتخيلين ساري ماعنده هيج رومانسيه دارت وجهه ونامت دغيتها كعدي مكدر انام من التفكير كالت صدك شغله محيره صار سبوع يوميه باقه لومفتحه مشتل كوم حصلتي كتلها مووكت شقاج اني وين وانتي وين كالت رحميني اريد انام بعدين موعندج دوام الساعه تعدت ال١٢ سويت تلفوني صامت ووقته ونمت حلمت حلم غريب كأنوا صاير وياي بالحقيقه بس نسيت اغلب تفاصيله الصبح باوعت تلفون بعد مدك المنبه بس مكدرت انام اكثر الساعه ب٧لازم اتحظر شفت رقم داك عليا ٢٠مره ماعرفه ورسائل. ردي جاوبي وينج. ها منو ياربي. مشكله الورد بعد مخلصت منها نوب رقم ماعرفه سويته عام وكعدت بدلت شربت قهوتي بعجاله ماركز بشي لبست تنوره سوده وقميص احمر وطلت اروح بباص يذبني بباب المشفى بطريق دكت رغد كالت اخذيلي اجازه ساعيه لان اتاخر جنت بايته ببيت اختي واخذتني النومه كتلها تمام دللي بعد أقل من ساعه طلعت بالحديقه برا داشم هوا لان مرات جو المشفى يخنگني شفت رغد نزلت من سياره لوحتلي بايدها وطبت كتلها استاذ مروان ينتظرج كالت طبي ويايا مااطب اختنگت وطلعت اشم هوا كعدت ع مسطبه وخاله تلفون اكلب بي اجت رساله حلو عليج الاحمر وردتي جوريتي اني جمدت بمكاني أتلفت بهدوء ماكو احد فقط العامله ومىراجعين كبيت ركض طبيت للمشفى وعقلي ميستوعب شافتني رغد كالت شو رجعتي كتلها هذا رقم يدك عليا من بارحه وهسه شوفي شنو رسلي كالت يبوو خلصنه من ورد طلعنه رقم مسحي عادي لاتهتمين واندارت تضرب مريضه ابره بكل برود كتلها اني مكدر اضل افكر. عقلي حينفجر كالت مكبره الموضوع انتي بس فعلا اني اخاف ومكدرت اركز حت بعملي لذلك اخذت اجازه كم يوم والرقم مابطل دك مارديت ابد ولاحت ع رسائل كلها جان مكتوب بيها ردي. جوريتي مرت ايام واني مارد وكمت اقفل تلفوني. بس من افتحه الكه هواي رسائل منه اسراء مثل رغد اخذه الأمر بكل بساطه. بس الورد بعد ماكو معقوله اكو ربط بسالفه ٣ايام مداومت وتلفوني مغلق اغلب الاوقات كنت هادئه بعض الشي قبل لاتجيني رسائل تهديد من نفس الرقم اذا مارد يجيني للبيت وهو يعرف كلشي عني. واكو سالفه قديمه يريد يحلها تهديد وكلام مافهمت معناه كمت من التفكير. لااكل ولااشرب حت خالتي. لاحظت اني متغيره وساري فكرني اريد اهلي بس فعلا اني محتاجتهم وقليل يتصلون. مع ذلك اسراء كالت جذاب هذا يهددج حت جاوبين قابل دنيا سايبه يجي للبيت اني جتي ببالي سالفه منار. بس قصتي تختلف من التهديد خفت وكام عقلي يودي ويجيب قررت ارد عليه تفتهم شيريد مالي خلق المشاكل. دكيت عليه جان مخلي نغمه تدري شكد بجيت بيوم فركاك. جاوب الو وسديته كمت ارجف ومعدتي تكلب دك مكدرت اجاوبه اسراء جانت بصفي لازمتني كالت ردي خلص مابقه بيج دم. رديت كال الو محجيت كال مااكل اوادم اني جوري ردي سمعيني صوتج كتله بعصبيه انت منو وشرايد كال فديت المعصبه كتله احترم نفسك شنو هالتهديد مفكر دنيا سايبه كال اي سايبه اني احبج واريدج كتله حبتك حيه انت منين تعرفني كال كلشي اعرف لان اشتغل مخابرات اني متت خوف سديته. وقفلته وبعد مارد عليه قفلته كم يوم ورجعت باقات الورد يدزها بايد العامله عرفت هو نفس الشخص. رغد جانت لاابالي وتكلي انت مكبره سالفه مدايفهموني هي واسراء. تذكرت نور لوهي قريبه مني جان ساعدتني بي اوف. من الدنيا بعدتها عني جنت اسمع اخبارها من بنت عمتها. ووعدتني تجيبلي رقمهم الارضي حت اتطمن عليهم. ضل يرسل ورد فقررت افتح تلفوني لكيت كومه رسائل منه ارجع ع تلفون سالفه الورد تسويلي مشكله كدام العالم. رجع لسولفه رسائل غراميه يدز واني اتعصب من بسةجنت خايفه منه ماعرفه خاف صدك ينفذ وعده. جنت اريد انام واسراء تفرش دك كتلها اسراء حاجي فدوه مكدر اخاف اخذت مني التلفون وجاوبت كلها اريد جوري رزلته وطبكته كتلها ليش هيج هسه يسوي شي كالت شيسوي خبله انتي شكد جبانه. رجع دك كالتله شوف جوري مخطوبه لاخويا واني بنت خالتها اذا تضل هيج. اكوله لاخويا عليك كلها انطيني جوري صاحتها خالتي نزلت كلي جوريتي ليش مخليه محامي ليش تخافين من حبيبك اني صارت رعشه بجسمي كتله رجاءا لتكول هالكلمه نوب. منو كلك اني احبك اني مخطوبه وح زوج كال لوتزوجين ميه مره اريدج اريدج كتله انت متكول منين تعرفني. كال ليحب يسال. جيت ويا بكل وسيله مفاد اتضح عمره ٢٢سنه. جان يحجيلي كلشي. عنه فرض حظوره كوه ف اضطريت اسايره لان خفت منه بصراحه. وجيتله بزين وبالهداوه وانه هذا شي غلط ميصير اتضحلي انه شاب طايش ومراهق بعض الشي سايسته فتره واحسه صار احسن عقل بس وكعني بمشكله اكبر كال بالبدايه معجب بيج هسه صدك حبيتج اني انصدمت جيت اكحلها عميتها حاولت ويا بكل الطرق مفاد. فقررت اكسر الخط وكسرته وارتاحيت. اسبوع خليت خط جديد فتره هدوء جانت لاتوصلني باقات ورد وانام مرتاحه. فد يوم خابرتني رغد العصر كالتلي. عدنه حفله كرايبنا يم بيت اختي تجين كتلها لاتعبانه بعدين ليش انتي علاطول ببيت اختج كالت صار يومين اني يمهم وشكلي مطوله ليش شكو كامت تبجي كالت سهر فرقت بيني وبين اهلي من تعينت ع صحه ماعرف شصارلها عبالك عدوتها بالبيت مو بنت عيالها مع العلم اهلي مدلليها بس تغار مني وتفرق بيني وبين اخويا لبارحه ضربني بسببها وبعد مااتحمل طلعت جيت لبيت اختي وبابا ميعرف ماريد ازيد مشاكله وامي واكفه وياها لخاطر رعد وسهاد اختي الكبيره متكدر تدخل لان مزوجه كتله احجي فضفضي كالت باجر بالدوام احجيلج كتله ع راحتج الله وياج جتني اسراء تكمز كالت بدلي دانروح ناكل موطه ساري ح ياخذنه جانت تحب تطلع موعلمود الموطه حت تشوف قتيبه بالفرع لان حبهم تعده حدود المكالمات كتلها مالي واهس وكومتني كوه ولج مشتاقتله اريد اشوفه كتلها ما اروح تضرب بيا بداعتي يلا بعدين باجر تحبين صاحب الورد وتعرفين شنو هاي المشاعر ضحكت بكل قوتي من كل عقلج احب هالمراهق كالت يلا بدلي لاتاكلين تمر بدلنه وطلعنه فرفرنه رجعنه
بليل وشفت تلفوني عشر مكالمات. من رقم نهايته 66عزا هاي شنو هو نفسه ابو الورد دافكر وكف عقلي وجمدت بمكاني

[فيتامين سي]

*لهيب الحب والحرب *
بقلم ارجوان الطائي

الفصل الخامس

صدك انصدمت هذا منين جاب رقمي شيطان هذا وملعب اجت اسراء كتله شوفي هذا موراضي يفك عني ويتركني بحالي رقمي جديد ومع ذلك حصله حيخبلني كالت جيبي اني ارزله مومال احترام دكيت عليه مخلي نغمه اغنيه حسام أحنه شبينه عمي مانعجبك رد انطيتي لاسراء وبلشت الأعراض خوف ورجفه بجسمي ومعدتي كل ما يتصل هيج يصير بيا مثل الحاله نفسيه صارت بيا رزلته اسراء كلها انطيني جوريتي انتي منو محاجيج وتكاونوا وسدته كالت ح نطي رقم لساري هو يأدبه شكد صلف هالولد ضل يدك مرديت غلقته غمضت عيوني سهجت شوي شفته بالحلم لابس ابيض وركبني بسياره عبالك عرسنه بس بطريق نسوان اعترضوا طيريقنه وفزيت سببلي ازعاج حت بالحلم كمت اتخيله تفكيري جان مشوش بلوه وجت لعندي بمرور الأيام كمت ارد عليا لان اخاف من تهديده وعاتبني كلي ابن خالتج خطيبج الخيالي دك ورزلني ليش جوريتي والله احبك واريدج كتله من كل عقلك كال والله كتله وفرق العمر والمستوى كلي انتي اذا توافقين اعتبري كلشي منتهي مايفرق عندي العمر حسيتج غير البنات العرفتهم وبدا يحجي ويعترف انه كان قصده يزعجني بس الظاهر وكع كلي بالبدايه صح اتصرف بطيش بس الأشهر الي راحت كلش تعبتيني وبصراحه حبيتج وصرتي كلشي بحياتي وسولفت لاهلي عنج ومعارضوا حت كلامج تأثرت بي تدرين جنت حت ماصلي كمت اصلي ونفسيتي ارتاحت. صدكيني بدونج اضيع والله حسيته فعلا كلامه بي شي من الصدق بس اني مجنت مقتنعه ولا مفكره اصلا مثل ماهو مفكر مجنت أوثق بي بس جان كلشي يحجيلي. حت علاقاته السابقه. وبيوم من الأيام دك عليا وكلي امي تريد تحاجيج. كتله عادي جان فاتح سبكر من الصوت سلمت عليا واني مباشره كتلها خلي ابنج المراهق يتركني وانسد التلفون فجاه رسلي مسج كلي ليش جوريتي فشلتيني وي امي ليش متصدكين بيا حسيت بوقتها تصرفت بعجاله مرت الايام وتعرفت على أمه وعائلته وطبيعتهم بس جنت اتخيله فقط لان مشايفته. وحسيت بديت اتعلق بي لان اذا ميتصل يضل بالي يمه وحسيت ح اوكع مثل كل البشر وجنت خايفه من هاي اللحظات لذلك قررت اغلق التلفون وفعلا غلقته يومين. توقعت يرجع يرسل ورد بس مرن يومين وماكو ورد اتصلوا بيا اهلي واتطمنت عليهم الحمدلله بخير. ومرتاحين بس ميكدرون يرجعون حاليا لان بابا لازم يبقه فتره يتعالج ويطول العلاج كانوا بيت خالتي ممقصرين عليا بشي. حسب مافهمت من رغد مشاكل ابينهم استمرت وأغلب الأحيان تهج لبيت اختها تحس البيت يخنكها كلش حقيره طلعت سهر تنحش اخوها عليها وتجاكر كله بسبب غيرتها الغبيه نور حصلت رقمهم الارضي ودكيت عليها ك عادتها تبجي تكول منار تزوجت واحد ببغداد وموزين وياها واني خطبني ابن عمي كتلها مبارك كالت عزا مومبارك ليش نور احجي شكو كالت جبر أبويه جبرنه اكبر مني ب١٥سنه ومااطيقه جوري ماحبه لحد الان محتفظه بحبي لابو الخط ضحكت ضحكه خافته كتلها ارضي بنصيبج بلكي يطلع زين. هواي حجينه بوكتها وختمناها بسلام محبيت احجيلها ع قصتي الي اني اصلا خايفه منها كل هاي الايام عدت عبالك سنه عليا بالي يمه لابو الورد هيج جنت اسمي بس هو كلي اسمه عمر بس نسيت حت اسمه من كد مجنت اخاف منه بس حسيت بغربه جان يسال عني يوميه. حسيت باهتمام قوي منه بس لازم اكسر اشرعه الحب قبل لااغرق بيوم من الايام اني ورغد بالمشفى تسولفلي على مشاكلها. بالبيت وتكول تحس بشي غريب ناحيه استاذ مروان المدرب المشرف علينه كتلها اني هم لاحظت هالشي. فجاه دخلت حاله طارئه زلم اثنين وولد مدمايين متعرضين لحادث وصار انذار وطبوهم للطوارئ بس رغد كامت تصيح شبيج رغد شكو شكله مصدومه ومكدرت تفتح حلكها رغد احجي وتباوع ع جماعه الطببوهم مدمايين رغد منو هذول تعرفيهم رغد ساكته متكدر تحجي ٠٠يتبع

[فيتامين سي]

لهيب الحب والحرب*
بقلم ارجوان الطائي

الفصل السادس

رغد جانت مصدومه من المشهد هداتها وشربت مي كالت هذا زوج اختي وابنه وكرايبهم يا خطيه. مكدرت تعرف وضعهم الااجه دكتور مروان وكال الرجال حالته موشي ح نحوله لغير مشفى وحولوا لغير محافظه هو والرجال الويا بس الولد الشاب وضعه احسن منهم ح يبقى بس رضوض وكسور مكلوبه بيهم الشاحنه بعد أقل من ربع ساعه طبت مره تصارخ باوعتلها عبالك شايفتها بعدين تذكرتها هاي اخت رغد الحلوه المزوجه الدست ع رجلها بالكعب بالحفله راحتلها رغد حظنتها وطمنتها. طبيت دشوف ابنها لان رجلها وكرايبهم حولوهم لخارج المحافظه وهواي ناس جانوا يتباجون ومصدوعين عده يومين الشاب تحسن شوي وطلب منه دكتور مروان نشرف على حالته ونضمدله الجروح وننطي علاجه طبينه باوعتله عبالك شايفته اووف كل شوي شايفه هالوحده وشايفه هالواحد مهتميت ركزت بشغلي. جانت ايده مكسوره ومجبريها والثانيه مابيها شي ورأسه مشدود وقدمه هم مشدود بدلتله المغذي بس انتبهت ماشال عينه عني هذا شبي. اوف أمه طلعت برا تطمنهم ورغد هم طلعت نست الفايل مالته وراحت تجيبه حسيت نظراته موراحه خفت وقررت اطلع انداريت محسيت الا لزمني من كف ايدي صارخت سد حلكي وعيوني مفتوحه فول كلي جوريتي احبج هالصوت موغىريب عليا تذكرت. حسيت بوقتها دوخه ودنيا ضلمه بعد ماشوف شي وكعت بالكاع ولزمني باخر لحظه بهالاثناء طبت امه مستغربه عمر شبيك لازم البنيه كلها خربت. تعالي ساعديني اني مااحس بشي بس اسمع اصوات مرات مااسمعها اجت رغد مصدومه. رشت عليا عطر صحيت مكدر احجي ابتسملي بهدوء كلها يوم هذا جوريتي. صدك وحظنتني وبوستني واني بعالم اخر عبالك بحلم. رغد استغربت مثل الاطرش بالزفه بعد ماهدأت حجالها عمر كلي اسف ضميت عليج ارقامج جنت اجيبها من رغد. اتحجج احوللها العاب وابوك الرقم اني ورغد فاتحين حلوكنه رغد حلفتلي مالها علاقه وهسه يلا عرفت. كلي شوفي شصار بيا من غلقتي جهازج تمنيت الموت لان مااعرف وينج وشوفي ردت اموت. ردت امه اسمالله عنك. اندارت عليا امه وكامت تمدح بيا وشلون عمر يحبج ورايدج بالحلال والله واحنه ممعارضين ابد بالعكس مدام انت مثل رغد خلص. كتله منو يعرف بعد كال والله كل العشيره يدرون. واذا مره ثانيه تبتعدين عني انتحر كتله لاتبلش تهدد انت تعبتني حيل. وكتلك دور غيري. و سكتني كلي شوفي ترجيه وخليها باذنج لوعمرج ميه سنه اخذج انت الي واني الج ماعندي غير هالكلام واذا احد عارض طريقنه اقتله خفت منه محجيت ابتسم. كلي جوريتي انت لوحدي فهمتي. جان يفرض شخصيته ووجوده بحياتي بالقوه مرات اضوج مرات لا احسه نابع من اهتمام زايد. مرت الايام وجانوا ينتظرون ابو عمر يتعالج ويرجع حت يجي يخطبني لان اني شبه اقتنعت بي وبديت احبه شوي شوي. واسراء ورغد شجعوني. اسراء جانت ضايجه لان قتيبه رجع اتقدملها واهلها موافقوا وعرض عليها يأخذها وينهزمون. منطته جواب. رادت تفكر. وقضوها سوالف باليل وجانت مدوختني بقصتها. وتريد نصيحتي كتلها مااعرف لان اني هم خايفه كالت من شنو من اهلي خاف ميوافقون ع عمر لان اصغر مني وشهادتي أعلى من شهادته مجرد يشتغل بسيارات. ماعنده وضيفه. بسبب الفوارق كالت شفتي جوري حسيتي بمعنى الحب جنتي تضحكين علينه عبالك تكهربت من كالت هيج فعلا اني ببدايه وكعتي بس مااكدر بعد انسحب بس انتظر. وجنت عادي حابه انتظر احسن ماانصدم بالنتائج بلشت اخاف اكثر. اتصلت بنور بعد ماتزوجت ابن عمها بالغصب. اتطمن عليها واذا تبجي ك عادتها شكو نور كالت. منار تطلكت ورجعت واني الظاهر وراها يا عزا ليش شصاير كالت جوري ماحبيته ماطقته ولاسمحتله يتقربلي مااكدر والله وهذا الشي خبله وكام يضربني طلبت منه الطلاك مقبل الا يمضي كم شهر مااتحمله عايشه بجحيم اني. حت اهلي ميخليني اروحلهم ضرب ومسبه طول هالشهر ها قهرتني حيل بديت. اهدأ بيها مالها متنفس حقها طلعت من جحيم لجحيم اكبر وكله بسبب خوف ابوهم الزائد وضغطه الي نتيجته جانت انفجار. دمر حياه بناته. بيوم من الايام دك عليا رقم ماعرفت منو مارديت ضل يدك خابرت عمر كلي ارسلي الرقم خفت يسوي شي. لان جان عصبي ويغار حيل. موطبيعي ف كتله مسحته بالغلط من يدك أرسله شكله مصدك بيا وضل معصب وخاصه بعده مطلع من المشفى. كال انتظر الصبح يطلع داتجين وشوفج مشتاقلج. احمد الله سويت حادث حت تبقين بقربي كتله ليش هيج منوكل عقلك كال بشنو احلفلج كوه خلصت منه ونمت حت يجي الصبح واروح اشوفه جانوا ميبقونه البنات خفاره ليليه بس بنهار طلع الصبح. رحت بلهفه للمشفى طبيت عليه نايم. طبت رغد كالتلي تعالي نعذبه يا ليش كالت موعذبج بوقتها تعالي نكص شعره يتخبل هسه كتلها ممنوع شعره حلو طويل. صحى على اصواتنه صباح الخير جوريتي عندي جوريه ومكدر اشمها كلتله رغد تادب. دااضربك الابره كلها موانتي اريد جوريتي تضربني كلتله جوريتك تخلي سم بالابره كلها والله عادي اقبل. بس عيونها علاجي. ويباوع عليه ضربته ابره بالكانونه كلش قويه جانت بس هو ممهتم استخطيته ماعرف ليش كملت كتلها بالعافيه كال الله يعافيج ويخليج الي حياتي. خنزرت بي كال اسف مجنت اسمحله يتمادى. ومجان يكدر ع زعلي بها أثناء طب ابن عمه وثنين ويا واشرلنه عمر طلعوا وطلعنه. مر تقريبا شهر. نور خابرتني مكيفه اتطلكت. عبالك متزوجه جديد مومطلكه بدت حياتها. بنفس الضيم. بس ابوها خف عليهم مومثل قبل. لان نفسياتهم هي ومنار كانت متدهوره رسلتلي ايميلها حت نسولف كتلها ماعندي نت بس خط. كالت سوي وكوليلي حسب مافهمت منها داخله بحياه جديده هي حياه الانترنت. ومكونه علاقات. غايتها الانتقام من كل رجل. حسيتها متغيره حيل. عمر طلع من المشفى. بس راح عند ابو يداري لان بعده مخلص علاجه واهلي رجعوا وبابا زين فرحت كلش برجعتهم بقيت الليل كله مانمت بس ابوس بيهم واسالهم اسراء قررت تهرب مع قتيبه واتفقوا على يوم الخميس بليل ينتظرها براس الفرع كنت بغرفتهه ابجي. وهي تحظر بملابسها مكدر لااكلها قرارج صح اوغلط هي هم جانت ضايجه ومتعرف نتيجه قرارها. شنو ضلمت الدنيا كالتلي لاتطلعين هسه المااطلع اني حظنتني شبگتها حيل. وبجينه كالت اهلي منطوني حرية الاختيار والولد ماقصر هم اضطروني هيج اسوي بسكوت نزلت بعدها وصلت راس الفرع لوحتلي بايدها واني رجعت لبيتنه ودمعتي موكفت ابدا تعودت اودع الصديقات ومنظر اسراء وهي تلوح بايدها مراح من بالي..... يتبع

[فيتامين سي]

لهيب الحب والحرب *
بقلم ارجوان العاني

الفصل السابع
صعدت لغرفتي واني افكر بحال اسراء منمت زين ضليت اتكلب لحد ماطلع الصبح اسمع هوسه بالفرع عرفت سالفه اسراء. نزلت شفت بابا ماسك سماعه الهاتف سدها وكال لاحول ولاقوه الا بالله ابو ساري توفى اني رجليه بعد ماتحملني عرفت توفى بسسب اسراء رحنه بسرعه لبيت خالتي خالتي تصيح وتلط وساري كذلك والعالم ملتمه واسمع صوت بورايه وني اسراء تبجي بسكوت استغربت رحتلها اركض اسراء شكو فهميني تبجي وتلط كتلها شكو. مورحتي لبارحه بليل شوكت رجعتي كالت بصوت مخنوگ مرحت لج لاتخبليني شفتج بعيني كالت جوري رحت بس باخر لحظه تراجعت ورجعت. اي كملي واحد شافج كالت لا. الحمدلله جان هسه بقيت احس بالذنب يعني ابوج ممات بصدمه وضلت تبجي خانتها شجاعتها ورجعت مرن ٣ايام ع العزاء واسراء جانت منهاره وخالتي كذلك. بمرور الأيام بقيت يم اسراء. اخفف عنها وحاولت اطلعها من الجو جنت اني صديقتها الوحيده وحنان اخت قتيبه ناعمه وصغيره بالعمر ١٨سنه بس جان بينهم انسجام. قتيبه بعد ميرد على اسراء زعل لان خذلته ومنهزمت ويا مجان مراعي وضعها. حاولت تعتذر منه مقبل يسمعها فكانت تتواصل مع حنان اخته حتى تطمن عليه فد يوم كنت بعملي وصاحتني العامله كالت ولد يريدج برا يكول ضروري استغربت طلعت للممر شاب عادي بس مجنت متوقعه شيريد جان لابس نظاره شمسيه كتله اتفضل. اي خدمه اتقرب مني وكال امي عاجزه واريدج تجين للبيت تنطيها علاجها. دوره ابر وشكد متريدين بيتنه قريب من المشفى اني رفضت لان مااكدر اامن بأحد. توسل حيل وكال اذا تريدين العامله تجي وياج بنهايه الدوام العامله تشتغل لهناك كتله افكر كال اخذي رقمي حت اعرف جوابج سواء رفضتي أو قبلتي خابريني كتله ميخالف طلعت تلفوني وسجلت رقمه واترخصت ورجعت لشغلي. بهالثناء خابرني عمر كلي اني جيت وجبت ابويا واريد اشوفج فورا. مارديتله طلبه جنت مشتاقتله هوايه بنهايه الدوام اجه ديشوفني وكال جبتلج شي تعالي اخذي لميت اغراضي. وطلعت شفته بسيارته صعدت سلمت مد أيده زعجت بي ضحك. كال شلون لقاء بارد ولاعبالك هوايه صار ممشاوفين كتله ممنوع كتلك من البدايه طبيعتي. مااسمح باي شي غلط تذكرت شي الولد الكلي بنهايه الدوام نسيت مخابرته وكتله مااجي شوف غيري بس هسه اذا ادم عليا يزعل عمر عقله صغير كلي شكو صافنه كتله ماكو وين هديتي طلعلي تلفون حديث لمس حلو احمر كلي هذا احدث شي بالسوك خليتلج بي خط ورصيد وفايبر كتله بس مااعرفله كال اني اعلمج وضلل يعلمني موحيل تعلمت كتله وصرصر كال براحتج بس هذا بيت انترنت مفعل اليوم بالليل اكلمج عليه سالته ع ابو كال زين. سوه علاج فيزيائي واحسن من الاول يحرك رجليه بس ميمشي عليه ربي يشفي. تسلميلي جوريتي اوصلج لتتاخرين وصلني للبيت وبليل دك عليا ع الفايبر وعلمني لان مجنت اعرفله شي كوه تعلمت تعذرته بالدوام ونمت ب١٢شفت حلم موزين. وخفت لان احلامي اغلبها تتحقق.غسلت وبدلت نزلت شفت ساري بالشارع. وأصر يوصلني ركبت ويا وصلت المشفى وبعدي طبت رغد خابر عمر معصب شكو كال منو هذا النزلتي من سيارته عمر شبيك كال جاوبي كتله ابن خالتي ميستدعي هالعصبيه كال بلى يستدعي حت لوابن خالتتج اكسر رجليج اذا صعدتي مره ثانيه ويا أحد كتله خلص اعصابك عندي شغل باي وسديته اخاف من عصبيته حيل يغار لدرجه الشك احيانا بعد ماكملت دوام رجعت للبيت بطريق دك اهو شلزك ليوم هاي اكيد عباله ساري دايوصلني كتله نعم كال فتحي نت شكو عمر كال بصوت عالي فتحي نت كتله شوي واوصل البيت اني بشارع رفع صوته أعلى فتحي زفت اوك هسه فتحت راسلي صور ع الفايبر. صوره ويايا شخص ممبين بس ضهره متقرب عليا حيل وصوره ثانيه من دااسجل رقمه يا عزا هاي شنو كلي شفتي صورج ياخاينه. كلمه خدشت اذني بقوتها سده للتلفون واني ابجي مكدر استوعب منو هيج مصورنه هو هذا الشاب الاجه علمود امه العاجزه الطريق كله ابجي البيت صار شبعده كوه وصلت شافني ساري ابجي لح الا يعرف شبيا عباله أحد مسمعني كلمه بالطريق كتله لا تكاونه اني وصديقتي تركني طبيت للبيت ماما صابه غده كتلها ماريد. شبعانه اريد انام منتبهت لعيوني صعدت فوق ادك عليه ميرد ويفصله لليل وهو ميرد ابد مينطيني فرصه ادافع عن نفسي جتني اسراء كتلها انطيني تلفونج دااخابره من رقمج وفعلا دكيت ورد كتله عمر بس اشرحلك. ليش تظلمني سده بوجهي. واني كلش تاذيت وتمرضت ومرحت للشغل. ثاني يوم واخذت اجازه كم يوم. رغد جت زارتني سالتها على عمر كالت مخبل هالايام. كتله مزاعلين. وحجيتلها القصه. كالت ميخالف اني اكله وافهمه. ثاني يوم دك عليا. فرحت كلش بس كرامتي متسمحلي ارد دك مره ثانيه جاوبت خير كال احبج سديته بوجهه حسيت بالانتصار رجع دك معصب ليش تسدي اني اعتذر منج فهمتج غلط حقج عليا بس غلطج طلعتي وحجيتي ويا شخص ما تعرفي كتله عملي هيج يتطلب شسوي كال سماح هالمره. كتله فكر ويايا منو اله مصلحه يخرب بينه بعدين منو رسلك الصور كال ماعرف رقم وكال فاعل خير وادك عليه مغلق تبعتله مومسجل كتله لاتتهمني عاتبني بس مو تطنشني كال تحظري باجر جايين نطلبج الي خجلت ومعرفت شنو اكول. كال اريد نكون سوا. بس اني محظرلج مفاجاه قبلها شنو كال اصبري لحظه ادزها ع الفايبر. كتله اوك انتظر ٠٠يتبع

[فيتامين سي]

*لهيب الحب والحرب *
بقلم ارجوان الطائي

الفصل الثامن

فتحت الفايبر وايدي على قلبي لان اخاف من مفاجأته المرعبه لان سبق حبي اله رعب وخوف منه بس الاهتمام يولد حب كبير وماينوصف وهو كعاز الحب يعتبر فتحت الصوره الرسلها وني سلسله ذهب وبيها حرف ر بالانكليزي عجبتج جوريتي كتله اي بس ليش ر كال هذا حرف مشترك باسماءنا اوو تذكرت جنت تبعثه مع الورود كال اي طيب شلون عرفتني احب الورد كال اغلب البنات يحبون هالحركات كتله بس جنت مرعوبه اني كال لانج جبانه كال باجر الصبح اجي للمشفى واجيبلج السنسله كتله لالاتجي كال شعليج اجي لشغلي اها لازم تعينت دكتور ومااعرف كال اي تمهزي ليش لا لان اني بس مخلص سادس تعيريني كتله لا لاتفهمني غلط لوهيج جان مقبلت بيك واني ماعندي هالامور والمستويات اهم شي. طبيعه الانسان وأخلاقه كال واخلاقي كتله زفت بس زفت عن زفت يختلف كال حقج بس من اريد شي لازم احصله شلون ماجان وانتي من شفتج بعرس رعد خليتج ببالي واسمع من رغد عنج وحبيت اعرفج اكثر ومن عرفتج حبيتج بدون مقدمات بعد متفارگين خيالي لان اني موكل بنيه تعجبني ابقي هيج ثوله فديت ثولتي سكتت وعرف زعلت كال لاتزعلين قصدي موملعبات مثل بنات هالوگت كتله عمر كال شكد حلو اسمي بحلكج عيدي واسبقي بكلمه حبيبي احسن رجفه بكياني سكتت مجنت اكوله كلام حلو ولااسمحله هو هم يتغزل بيا من يحجي هيج ازعل يسالني عن سبب رفضي اكله أجلها لمن نكون سوا وبيت واحد جان يصفن ويبتسم ويكلي انتي نعمه ربي انطاها الي حت امي حبتج بس اني مااتحمل أحد يحبج غيري كتله هسه كلي شعندك بالمشفى كال اكو شخص كلفته حت يخليني سكرتير دكتور اطبب المراجعين ضحكت كتله من كل عقلك كال اي بذات نفسك تشتغل هيج كال اتعلمت منج البساطه وكنت التزم بصلاتي. انتي غيرتيني للاحسن جوريتي انتي صرتي كل حياتي وسبب الثاني حت اشوفك كل يوم ومنو استفاد حت بسرعه اكون نفسي ونزوج حت اهلج ميعارضون وهم احاول الگه شغله ثابته بالمستقبل صدك عمر كل هاعلمودي اي والله علمودج وازيد شعندي غيرج وفعلا ثاني يوم اجه وداوم كوه أفلت منه لزكه حيل ويحاسبني على لبسي وكلامي وكل شي بس جنت مااضوج من تصرفاته اعتبرها غيره عليا وانطاني السلسله كوه اخذتها مجان يحب افشله قبل نهايه الدوام شفته طالع من المشفى بسرعه. ردت اتصل بي وصلني مسج منه يكول جوريتي اسف طلعت لان خابروني جدي متوفي واسف مره ثانيه ح تتأجل زيارتنه الكم اوووف ضجت. حيل. ليش هيج يصير. دزيتله رساله تعزيه ورجعت للبيت شوي واجت اسراء كالتلي امشي للسوك محتاجه غراض كتله اسراء مابيا مكسره حت غده متغديت تعبانه شفتها زعلت وراحت نزلت ناديتها لحظه اسراء ابدل واجي شافتنه ماما كالت وين متتغدون كتلها محتاجه كم شغله من السوك وطلعنه بالفرع نمشي شفنه قتيبه وامه ومرت اخو واخو حاتم بالسياره كاشخ حيل. ويباوع ع اسراء ويبتسم اسراء دكت كبل ع حنان اخت قتيبه كلتلها اهلج وين رايحين وليش انتي مووياهم وشعنده قتيبه كاشخ كلتلها رايحين للسوك واني عندي دراسه محبيت اطلع ها اي كتلها اسراء خلص انسي كالت مااكدر احس اكو امل مشينه شي ١٠دقايق وصلنه السوك اسراء اشترت اشياء واني هم. فكرت اشتري شي لعمر لان ماهاديته شي. وهو مرتين هداني من غير الورد اخذتله ايه قرانيه يخليها بالسياره مالتهم وميداليه دبدوب مال تلفون وعطر. ومصحف صغير. ذهبي. وخليتها بعلاكه هدايا. كملنه وردنه نطلع من هوسه السوك وني اسراء. فاكه حلگها ومصدومه تباوع كدامها شكو شبيج شفتي جني اشرتلي ع محل الذهب. شفت قتيبه واامه ومرت اخوا وبنيه وياهم متقربه من قتيبه ودايقيسون حلقات. جريتها لاسراء وطلعنه وهي تبجي دكت ع حنان. ردت حنان اسراء كبل سالتها قتيبه خطب لا شنو لا لعد المن دايشتري ذهب احجي حنان وتصيح وسدت التلفون وعيونها تجري مودمع دم شكو اسراء كالت مثل متوقعت حنان مرادت تگلي قتيبه خاطب اخت مره اخو وحيزوج وتبجي كسرت كلبي كوه وصلنه البيت كتلها تعالي يمنه خاف اشوفج خالتي باجيه كالت ميهمني طبت للبيت ودموعها منشفت خالتي تلكتها بلباب ذبت الغراض وصعدت الغرفتها يمه اسراء بنيتي شكو كتلها لخالتي صفنت كالت لحد الان تريده. كتله مبين من رده فعلها كالت لو يتقدم الها اني ماعندي مانع وساري مااعرف بس ابوها الله يرحمه عارض على سبب ميسوا صعدتلها اسراء فتحي الباب مقفول ادك ومتجاوب صعدت خالتي. وامي جت تدورلنه فوك وكلنه ندك بالباب متفتح اسراء. وماكو صوت بجي بس لاسوت شي بروحها٠٠يتبع