حب عاثر للكاتبة / نورا ناصر" عراقية" (مكتملة)

[فيتامين سي]

بارت 10
*_______________*_______________*
أ. . ..

--------
أنمار -----
بعد الاحداث وبعد ما انتقلت مسره لغير جامعة
صارت علاقتنه اقوى وحاجز الخجل الي جان بينا سرعان ماتلاشى ..
صرت اشتاقلهااا جثير واسوق ساعات بالسياره حتى اوصل لها واقابلها ومااشبع شوف منها
كل يوم بل كل لحظه يزيد حبي وغيرتي عليها لدرجة صرت اغار عليها من الهوا الي يداعب رمش عينها
يوم عن يوم تكبر حيرتي والخوف والتفكير ماخذ حيز كبير من وقتي،شون اذا اهلها بقوا معاندين وماانطونياها شون اذا راحت لغيري
شون راح اقنع اهلها ينطونياها هسه ..
الشوگ الها صار يذبحني
من اروح واشوفها مثل الغركان واتنفس النفس الاخير مثل الضمأن وارتشف الرشفه الاولى
مثل ام واللتقت بجنينها لاول مره بعد مشقه وعذاب.

اللتقيت بيها وكحلت عيوني بشوفتها بيومها جنت كلش فرحان وبنفس الوقت ضايج لان راح ارجع بدونها تمنيت لو اخذها ويايه واخبيها بقلبي وبعد ماارجعهاا ..

رجعت لبغداد .. وبنفس اليوم تلقيت اتصال من اختي ريما .. هلو نمر شونك شخبارك
انمار .. زين تمام الحمدلله انتوا شلونكم مرتاحين ان شاءالله
- الحمدلله والله ناقصنه انت
- الله كريم يجي يوم ونتجمع من جديد
- اجلت المناقشه مالتك مو
- اي اجلتها لبعد مو هسه فكري كله يم الخطبه مجاي اكدر افكر بشي .. اريد هالفتره ادز ناس لاهل مسره واخطبها مره ثانيه ..
- هاا گتلي الخطبه .. اريد اكولك شي نمر ؟
- خير !!!
- رونق كلتلي شي عن مسره ..
- شنو جاي تتواصلين وياها ؟
- اي نتراسل من اجت لبيتنا صرنا صديقات .. وتبادلنا الارقام
- اي شكلتلج بالله ؟؟
- گلتلي رائد صديقك خطبها عن علاقه وحب بس صارت بيناتهم مشاكل وانفصلوا
- هي گلتلج هيج ؟؟
- اي والله تريد اشوفلك سكرينات ؟؟
- ميحتاج واريد تقطعين علاقتج بيها هي كذابه وياما سوت المستحيل حتى تخرب بيني وبين مسره واذا سمعت مراسلتها من صدك ازعل وانت تدرين اذا ازعل شسوي. . ؟!!!!
- ماشي بس انت تأكد من السالفه لان ماكو دخان بدون نار لازم اكو شي بينهم واني خايفه عليك نمر مو عمود شي ولاقصدي افرق بينك وبينها بس مثل ماسمعت من واجبي اكولك ..
- اي اعرف يولي حبيبتي اختي قابل ماعرفج اني ..
نهيت الاتصال وياها واني غير مبالي وممهتم ..
واثق من مسره متسويها .. بس حبيت اسالها مجرد اسئلـــه .. خابرتها ..،
- شونج بنيتي حبيبتي ..
- تمام بس لشوكت راح ابقى بنيتك اني ؟؟
- لحد اخر يوم بعمري ..
- اسم الله عليك عسى هذا اليوم ميجي ومااشوفـه قصدي شوكت اصير زوجتك ...
- هو بيدي لو بيد اهلج
- الله كريم نمري ..
- المهم كوليلي دشوفين رائد ؟
- اي هو غير مسؤؤل الخط اشوفه من انزل للحله بس - وبالايام العاديه يجيج للكليه تشوفي تتواصلين ويا
- اممم لاء بس ليش هالاسئله. ؟؟
- هيج جاي اسأل .. مجرد اسئـله .. المهم شونه الدوام بالجامعه هنا احسن لو بتكريت
- لا طبعا هنا احسن بس مشتاقتلك والله
- ان شاءالله من تنزلين نتشاوف ببغداد
- ياالله ان شاءالله.
- اكو مسمسايتي .. خو ما ضامه عليه شي
- لا شنو اضم عليك قابل ..؟؟!!!
- المهم تره اني مااحب الكذب كلشي كوليلي لاتضمين عليه اريد اسمع منج مااسمع من غيرج ماشي ..
- اي ماشي
- وخلي يكون بعلمج العناد اكرها والكذب هم عفيه حبيبه احذري غضبي وتجنبي عصبيتي اذا عصبت ماارحم
- هم اي وماشي
- لاتجاوبيني بهالبرود
- انمار شبيك مامخبيه عنك شي
- يعني ماكو شي اتخبي عليه انام رغد ؟
- نام رغد وخلي ابطنك بطيخه صيفي على كولة المصرريين ..
- خلينا بالعراق هسه على وعدنا نتشاوف من تنزلين
- اي اكيد اني مشتاقتلك اكثر من شوق امك الك ..
- هنيالي والله ..
ختمتها وياها بس حسيت اكو شي افتهمته من خلال نبرتها واني بعيد عنها مئات الكيلو مترات
كانت تتكلم بتلعثم ..
بقيت افكر معقوله كلام رونق صحيح ؟!!..
فكرت وفكرت الى ان تذكرت صديق مشترك بيني وبيني رائد .. قررت اسئله اكيد هو يعرف
ومن سألته گلي اي صحيح عجبته وتقدم الها ولهسه يتخابرون ويتراسلون ..
بركان وانفجر بيه .. حقدت كللش
نار الغيره شبت بيه .. حسيت نفسي بأسوء حالات العصبيه .. كعدت افكر بيني،وبين نفسي
اتركها تولي هي خيانه شون تتكلم ويا من ورايه وليش خبت عني وماگلتلي انه متقدم الهاا ..
لكن قلبي رفض قراري واحسه يوجعني واذاني لمجرد التفكير بالانفصال عنها
وشأسوي للنار الي بدأت تلتهمني من شدة الغيره ..
قررت اعاقبها حتى اطفي نار الحقد الي بداخلي
لكن مااتركها
اموت انا بدونها اي اموت
لانها اخترقت كل خليه بيه وسكنتها ومو گادر على ان انتزعها من كياني .
مافكرت بشي غير انو اعاقبها على طريقتي ..
اخذتها لبيتي في بغداد .. اول مادخلتها ضربتهاا
بعدهه تندمت وابتعدت عنها اعرف اذا ابقى يمها أذيها
طلبت مني اوصلها رفضت ..
كالت راح تروح لوحدها اعرف ماتدبرها
المشكله .. صايره لسان وعنيده واني اذا اعصب
انسى الواگف گدامي منو .. طلعت جبت الاكل
ورجعت شفتها كاعده ع القنفه مبدله ملابسها
وخدها احمر من الضرب .. قهرتني .. كتلها تعالي اكلي ماقبلت ..
كتلها تعالي لاابتلي بيج

مسره .. ... اذا بخير سويهه والله انعل
بعدني ممكملتهه كام من مكانه واجاني
انعل منوووو ؟؟؟
ابتعدت خطوات للخلف تناوشني* ولزمني مني
زندي .. وكعدني ع القنفه قرب وجهه من وجهي عيونه بعيوني من الخوف احس دموعي تجوي* خدي
... هاي المره راح افوتهه الج المره الثانيه اذا عدتي هاي الكلمه واذا كذبتي اقسم بذات الله اجويج ع حلكج ومايرفلي جفن ..
اني كلش خفت وقلبي نبضاته سريعه
عافني وراح اني بقيت ابجي شراح يخلص الليله هاي وشورطت روحي سحبت رجليه وضميتهم لصدري وخليت راسي على ركبي .. بعد دقايق سمعت صوت خطواته . طلع من ممر بصف الاستقبال .. ازداد خوفي ..
گال كومي غسلي
... ماريد عوفني
... مواكلج لاتعاندين صايره كلش عنيده ماتنطاقين .. .. مدام ماانطاق شكو مهتم وخررر عنيييي ..
زفر نفسه حييل وسحبني . كوه كومني سحبني وداني للمغسله واني اريد اتملص منه مااكدر ..
غسلي وجهي بيده ومسح شعري .. رغم لمساته الدافيه اني خايفه مووت .. سحبت ايدي منه ورحت
رجعت كعدت بالهول اجه ورايه .. صار يباوعلي بنظرات بيها ندم بيها غضب .. صديت نظراته ودرت عنه .. هو واكف بمكانه يم باب الهول ..
- اكلي يلا
- لاتعاملني كاني متهمه عندك .
رفع شعره ليفوك وتقرب يمي .. كرفص مقابيلي
شلت رجليه من على الارض .. ضميتهم لصدري خوفا منه ..
... اني موكايلج عصبي ليش تخربطين بالحجي ؟؟-- ...واني شكتلك
... انعل منو ماكملتيهه ومنو المابي خير بس حرامات لومشوفج الخير جان سكتي..
باوعتله صفح ودرت وجهي
تقرب يمي اكثر حسيت انفاسه صارت قريبه حيل كتله وخر من يمي..
.. شو خفتي الي يسمعج قبل شوي السانج رشاشه ... انمار اني مو قصدي ماعرف شلون حجيتهه
.. هاهي حته بعد ماتحجيهه
درت وجهي عنه جرني لحظنه حيييل وگعني من القنفه .. دفعته بس ماكدرت اقوى مني حاضني ويهمس بأذني
والله احبج والمفروض اعاقبج بعد بس كلبي ماينطيني
.. هاي ماينطيك وهيج سويت بيه لو ينطيك شسوي ... كلشي ولاتعلين صوتج ولاتكذبين ترى ما اعرف شسوي بيج يجوز اجرم بيج واني ما اريد اوصل لهذا الشي
.. وشلون راح نزوج واكمل وياك وانت هيج تعاملني ... شوفيني شحلاتني هسه هادىء بس انتي السانج طويل يرادله كص .
باسني من راسي ومسح خدي وباسه
ماانطيت اي رد فعل مااعرف شنو اسوي بين خطئي وخطئه هوايه ..
انجبرت اتعشه لان ميته جووع
كعدت ع القنفه
هو يشوف اخبار واني كاعده وساكته بعيد عنه.
اباوعله كلش بارد لان احسه بعده زعلان
كتله نعست اريد انام وين انام باوعلي وكال
..نامي هنا ومن اكمل اكعدج تنامين بالغرفه
.. ليش مو هسه
.. هي مولده وماساحبين بس امبيرين وبس هاي المبرده تشتغل ..
.. سكتتت وظليت اقاوم النعاس . . الى ان
غفيت ع التخم لان تعبانه كلش ماحسيت بنفسي ..
نمت مااحسيت غير على ايدينه تلامسني وترفعني بالهوا فتحت عيوني شفت نفسي بين ايديه شايلني
خفت لااوكع تمسكت بي واباوع منا ومنا مخروعه
شبيج شبيج يولي ليش خايفه ..
.. نزلني انمار شبيك
.. بهمس ... اششش
اني هنا كلبي يريد يطلع من صدري
خوف على خجل .. وداني للغرفه
خلاني ع الجربايه واني فاتحه عيوني على اوسعهاا تلمس خدي وباسني منه
كال ياذيج
درت وجهي رجع حضني
كتله .. هوب هوب روح نام بالهول
... اي على كيفج راح اروح
.. انمار لاتتقرب ولاتخليني افقد ثقتي بيك اني مأمنه بيك
ابتعد وخزرني
.. شدتخربطين انتي يولي اشفتيني وتحجين هيج
... اي الشيطان شاطر
.. بابتسامه هه هذا شيطانج الشاطر يله نامي ..
رجعت راسي على المخده نعسانه كلش حسيت بلمساته تداعب بشعري
و غفيت
فزيت نص الليل فتحت عيوني نايمه على صدره ولازمه ايده حيل عبالك راح يطير مني
وهو حاضني بس مرتجي ع الجربايه مامدد حركت نفسي شوي فز مخروع
.. عاط شبيج اكو شي ..
.. هي شوكت نمنا هيج مو عيب
.. متاكده
.. اي
تقرب عليه كتله لا انمار والله اصيح صوت الم الناس عليك
ولاكانما يسمعني ولاعبالك احجي .. باسني حيل من شفايفي ماكدرت حتى اقاوم رخت ايدي بسرعه لحدما انكطع نفسي ورجعني بحضنه .. كال
.. تدرين شكد احبج
.. شكد
.. ما اكلج
... لعد ليش سألت
..ههههه
... انمار والله غلط نومتنه
.. ياحبيبتي اني مامسويلج شي هاي بوستج ومسحتهه
ضحكت
گال .. انصحج تكومين من يمي لان ما اضمنلج الباقي
... لا صدك كافي الساعه ب3 خلي ننام
كام نام بالهول
كعدت الصبح رحت للهول باوعتله نايم رحت كعدت يم راسه اباوعله يخبل لحيته خفيفه كلش ستوه طالعه
لعبت بلحيته فز يباوعلي منعس
كال.. مواكلج شيطانج شاطر
.. كوم حتى توديني ونسيت اني زعلانه بعدني ما رضيتني
.. هو انتي الزعلانه لواني عبالج نسيتهه الج بعد ضامها..
.. اكثر من السويته شتسوي .. كلتله واني وكفت على حييلي ..
گام من فراشه .. يفرك بعيونه ويتمطا خلص
تقرب مني وسحبني من خصري گال اخطبج مره ثانيه هه واعاقبج زين بذيج الساعه حلالي وبكيفي شما اسوي اسوي ..
ضحكت گتله لعد مااريدك
... حجي يفيدج هذا
.. تره تأخرنه .. عفته ورحت بدلت ملابسي ..
طلعت شفته مبدل .. انطلقنا للحله وصلني
لمنطقتنه .قبل لاانزل گال راح ادز شيوخ لاهلج هالشهر ..
واذا رفضوا ..
ابقى اطلبج الى ان يوافقون ..
. ورحت للبيت ..
سلمت على امي وبابا وصعدت فوگ ارتاح ..
شفت يسرى .. اجتني تركض حضنتني ..
وخرتها من حضني جانت انفاسها سريعه
وتشهك ..
باوعتلها عيونها حمره .. لزمتها من حنكها گتلها شكوو
ليش تبجين ..
- ولج مسره اياد راح يخطب
- جذب هي لعبه من ملاعيب ايهاب موو ؟
- ولج لا يگول تخرجت من المعهد واشتغلت واريد اتزوج امي وحدها اريد وحده وياها يصير مايصير مره جبيره وحدها بالبيت ..
عفتها وكعدت على السرير تحسرت تعب وقهر وحيره
- مايتزوج ايهاب ويفكنا
- ايهاب بعده مامخلص كليه وتدرين ايهاب شنو يريد
دبريني مسره فدوه احبه والله
- هو لو يحبج ميخطب غيرج
- حاجيلي ايهاب عفيه لهي بس هالفتره فدوه
- شلهي ولج انمار يريد يدز ناس هالشهر يخطبوني
- لا لا عفيه كليله لايدز وكعدي حاجي ايهاب انطي جرعة امل علما يخطبني اياد فدوه رحتلج اختي لخاطري لخاطري ... والدموع تملي عيونهااا
يتبع

[فيتامين سي]

بارت 11
نورا ناصر ..

مسره .. تعبانه ومقهوره وحايره .. افكار ماظلت براسي .. گتلها يصير خير .. والله تعبانه خلي اروح اسبح .. واكل لگمه .. واجي ..،

يسرى .. يعني تخابرينه تحاجي ؟؟
مسره .. اي اي بس فكيني ..
عفتها ورحت اخذت ملابس وخاولي ورحت للحمام ..
فتحت المي عليه ينزل دافي غمضت وافكر .. وحتى فكري محتار بشنو افكر .. تعبت
افكر بأنمار وعنفه وياي .. لو بيسرى وهالخبر الي سمعته قبل شويه .. بعد ما غمضت عيوني للحظات
واني شارده بتفكيري .. تذكرت انمار وعيونه حمرا وتشع غضب كانه مقابيلي هسا .. خفت كلش وفتحت عيوني ودخل الشامبو بعيوني وحرگها .. كعدت جوه الدوش حاوطت جسمي بايديه و ابجي .. تذكرت ضرباته اجاني شعور . هسه نضربت ووجعني خدي. احساس غريب اعتراني فجأه .. خوف منه ومن المستقبل .. وحييره .. ضجيج يملأ عقلي مدااكدر اطلع منه ..
بدلت ملابسي .. باوعت للمرايه .. الاثر لسه موجود من غسلت راح الفونديشن الكنت مخليته وخافي اثر الضرب .. لازم هسه ارجع اخلي .ليشوفوا اهلي
. مو ايد هي التسوي هيج اثر .. شنو من ايد ايدك انمار ..
طلعت من الحمام ورحت للغرفه فتحت الباب بهدوء
ودخلت
حمدلله يسرى ماكو .. نشفت شعري بالخاولي شون ماجان .. وبسرعه دخلت بالفراش وتغطيت .. اريد اغفي .. حسيت الباب انفتحت .. الباب .. بعدها خطوات وواحد ووكف يم راسي ..
- مسره نمتي ..،؟
- اووو يسرى تعبانه اريد انام .. وخرت البطانيه وباوعتلهه .. من اكعد الظهر يصير خير ..
- ها خوش بس ليش خدج ازرك وعيونج حمر ؟؟
- ماكو شي انركعت ودخل بعيوني شامبو
- ها يلا نامي .. لعد موگلتي تردين تاكلين وحضرتلج الاكل جوه بالمطبخ ..
- شراح يفكني اليوم ..جيت اغفي طارت النعوسه هسه گايمه اكل ..
نزلت جوه .. ويسرى ويايه .. دخلت للمطبخ
أمي جاي تطبخ .. تقربت منها اشتم ريحة الاكل طيبه كلش . ..
أمي .. لمي شعرج بنيتي الجو برد لتتمرضين ..
مسره .. اي ماما نشفته ..
رحت على ميز الطعام .. بتيته مسلوگه ومگلايه اقراص وطماطه تگلاه لاچعه .. وخبز حار مسخنته بالميكرويف ..
- اممم اختي اليوم مدللتني
- اي شعندي غيرج .. وغمزتلي ..
كعدت اكل .. شويه اكلت خاف اخرب غدايه ..
وامي دتطبخ مركة سبناغ وكلش احبها .
اكلت ورجعت صعدت فوك ويسرى تحوم ورايه ادري بيها شنو تريد .. كتلها تعالي نحجي
كعدت على جربايتها ..واني على جربايتي ..
مصفوفات بشكل متوازي وصرنا مقابيل بعض ..
باعي اريد تخابرين اياد هسه
- ميحاجيني زعلان
- يطبه طوب يولي لعد ..
- شون يولي مااكدر تعودت عليه .. مثل الطفل الي يتعلق بامه هيج تعلقت بي مفتاح سعادتي بيدج مسره حاجيلي ايهاب ..
- من هيج وكعتي مكمله السنه الفاتت بسببه مو ماخذ كل وقتج ..
دنگت وماحجت .. كررت عليها طلبي خابري اياد هسه دااسمع شيكول دااشوفه يستاهلج ؟؟
مدت ايديهه بحركة يأس ..
واخذت تليفونهاا . تباوعلي وتدور الرقم .
واحس شفافها ترجف ..،
رفعت التليفون خلته على اذنها
اشرتلها فتحي سبيكر . فتحته
.. جاوبها وظلوا يحجون ..
أياد .. هاا يسوو شعجب حنيتي وخابرتي مو ع اساس زعلانه لو تردين تراضيني ..
يسرى .. مو هيج بس اريد اكولك ليش علقتني بيك
أياد .. وانت ليش ماجي تحسين بيه هم تعلقت بيج وراح تصير اختج سبب لحتى تفرقنا ..
يسرى .. هي من حقها ترفض ايهاب ماتريده ..
اياد .. وشبي ايهاب وترفضه راح يصير طبيب وعقله يوزن بلد ومناقصه شي بس انت كولي هي تريد ابن الفلوجه مو ؟
يسرى .. لا مو هيج بس
اياد .. هيج ولاتنكرين مخلينها على حل شعرها وبكيفها تصرف شوفي اني مااخسر اخوي لان مايتعوض اذا خسرته وهم احبج ورايدج والقرار الكم انتم يلا باي ..،
يسرى.. مصوبة نظراتها الحزينه باتجاه مسره
حركت شفافها وكالت هاا سمعتي شگال .،
مسره .. ميفيدج يولي جنه زعطوط يمشي وره اخوو
يسرى .. بس حاجي ايهاب فدوه ..
مسره .. بصياح .. ولج شحاجي اكرها
باوعتلها فزت ودمعت وراحت تركض طلعت بره ..
بقيت بمكاني ضايجه كلش .. ماعندي غير سمر احجيلها .. خابرتها وكعدنه نحجي حذرتني مااحجي ويا ايهاب اي شي .. بس اني جنت متردده بخصوص هذا الموضوع .. سديته منها
تمددت بالفراش وافكر اني شون سمحت لانمار يضربني هالشكل مجان قصدي اتواصل ويا رائد بس من باب الاخوه وهو هوايه ساعدني بببداية الدوام //
وحتى مقصدت اغلط عليه ومو من طبعي هذا بس نرفزني اسلوبه وهو هوايه غلط من اخذني لبيته ملازم يسوي وياج هيج..
اتكلب منا افكر بيسرى واياد
نمت .. واني مشتته وضايعه بتفكيري وحيرتي
كعدوني للغدا كتلهم مااريد بعدين .. ورجعت نمت ..
كعدت المغرب من النوم .. انمدت ايدي راسا للفون واني بفراشي .. فتحت الفيس . شفت جايتني رساله
هاا ام الولد لج اطيح حظج اذا وصلتي لانمار فااهمه ..
اني نخلست بسرعه منو هذا وشيحجي ..
اريد ارد طلعلي مستخدم فيسبوك
توقعت بيت عمي هيج ديسوون غلست .
بقيت افكر شنو ام الولد ليش هيج كاتبين ..
كمت من الفراش ونزلت جوه توضيت وصليت
وتعشينه .. طول الوقت اباوع يسرى وجهه ثگييل عليه حييل ..
ضجت عليهه كللش .. غسلت المواعين وكعدت يم اهلي بس يسرى ماكعدت يمنه ..
كلتلهم عندي امتحان ورايحه اقرأ.. بس اني حسيت بيهاا ..
كتلهم تصبحون على خير رايحه انام ..
بابا .. وين بعدنا ماشبعنه منج ..
ماما .. خليهه تنام سوده عليه تعبانه .
مسره .. ان شاءالله باجر اسهر وياكم ونشوف النه فلم نتفرج عليه هسه تصبحون على خير تعبانه احس تعب الطريق لهسه بيه ..
ماما .. روحي ماما ارتاحي ..

صعدت فوك .. دخلت للغرفه .. شفتهه تخابر
من شافتني .. گلتله بعدين نحجي وسدته
كتلهه هاي عود جاي تقرين ؟
- وانت شعليج قابل محتاره بيه .
- تقربت منها كتلها هسه اطلعي من السادس هالسنه وبعدين حيري بهالسوالف
- معليج بيه
- ممم ماما تدري ؟ بعلاقتج انت واياد
- لا ماتعرف
- مو عاساس زعلان اشو رجعتي خابرتي ..
- مو شغلج
-
باوعت للساعه ب12 .. كتلهه اي هذا موعد العشاق ..
- لازم مجربه الموعد انت
- ليش حلال عليج حرام عليه ..
- حاجي لايهاب فدوه ..
- شتردين احاجي بالله
- لهي عفيه بس على ما يتقدم اياد
- لج والله بعدج زغيره شلج بي من هسه
- اريده احبه
- هسه اكيد نايم باجر اخابره
- صدك والله ..
- اي وعد مني ...
كامت باستني .. ورجعت صدك تقرا ..
اخذت تليفوني شفت مسجات من رائد كبل خفت وسويتله تامين ..
مسجات من انمار .. هم ماجاوبته ولا حاجيته
نمت تعبانه .. يوم ثاني كعدت بين ما تريكت ساعدت ماما بكم شغله .. وگعدنا نحضر للغدا
ويسرى كل شوي تغمزلي ..
كمت وياها وصعدنا فوك ..
كتلهه شكو جايه وراي اطلعي اني احجي ويا ..
طنكرت وطلعت ..
اخذت التليفون دكيت رقم ايهاب .. طلعلي .. يحجي بحماس ..
- هلا بنت عمي هلا والله شدعوه شدعوه ..
- الدعوه مو عندي عند القاضي ..
- وصايره تحششين بعد ..
- اي ايهاب ليش ماتخلي اياد ويسرى يتزوجون وتتركك مني ..
- ماكو كايلج قبل وهسه انت الي وماتصيرين لغيري مفهووم ؟؟
- ايهاب خليهم ينخطبون هسه ووره مانتخرج احنا يصير خير
- هاا متاكده ؟
- اي
- اوكي ميخالف وعد يعني
- ان شاءالله ..
بقينه نحجي كلام عادي بس فكري مو ويا مااعرف الي سويته صح او غلط .. سديته منه ورحت جوه
شفت يسرى جاي تنضف الجام .. وضياء يمهه وجاي يلغون غمزتلها .. وابتسمت ..
رحت يم ماما بالمطبخ شفت عدهه كم شغله ساعدتها .. خلصت
اخذتني يسرى وصعدنا فوك ..
- هاا شكلج شكتيله احجي احجي
- وافق
- على شنو ؟؟
- ممااادري بس وافق تنخطبون
- وانت ويا ؟؟
- راح الهي على ما تصيرين لاياد لعد شسوي ..
تمددت اخذت تليفوني .. هم جايني طلب مراسله فتحته ويسرى واكفه يمي تسأل بيه واني مغلسه عنها
مسجات نصها غلط وفشار عليه . اخر شي مكتوب تره اني حبيبة انمار من المتوسطه .. بس كوليلي جربتي البوسه مالته تره حلوه بس عنيفه .
ههههههاي ..
اني هنا اشتعلت شعل .. وهم طلعلي مستخدم فيسبوك .. ماكدرت ارد عليها ..
باوعت ليسرى تكولي ماتردين مو احاجييج ..
كتلها طلعي بره
- ليش اطرديني
- قصدي روحي كملي شغلج ..
ظلت تباوعلي وهي ماشيه باتجاه الباب ..
ومستغربه من عصبيتي ..
طلعت رقم انمار وخابرت .. دك وجاوب .
حجيتله على المسجات الي دتوصلني ..
- مااعرفها
- يعني شنو ماتعرفها جاي اكولك تكولي حبيبتك السابقه
- وانت ليش تصيحين هيج بوجهي صايره كلش تره كتلج ماعندي حبيبيه لاكبلج ولا وراج انت اول وحده حبيتها لا بالمتوسطه لاحبيت ولا بالاعداديه ولا حتى بالكليه ..
اشو سكتي متجاوبين ..
- بعد شجاوب مدام واثق من نفسك اني مااعندي حجي ..
- اي شونج ليش مجاوبتي البارحه اشتاقيتلج
- خايفه منك
- صدك تحجين ؟
- اي داكول بعدنه ممتزوجين وهيج ضربني شون اذا تزوجنا ..
- عجل انت غلطانه لو غيري تركج مو صحيح بس اني فضلت اعاقبج على ان اتركج ولاتنسين اني محذرج من قبل لتكذبين ولتخبين عليه شي وانت سويتي العكس واخذتي جزائج وعقابج ..
- اي مو اني متهمه عندك وجاي تعاقبني ..
- صح وهي انت كلتيهه متهمه .. عوفج من هذا الموضوع راح ادز جماعه ع الشيخ مالكم
- قاطعته لالا انمار اجلهه هسه ..
- ليش ؟؟
- خليهه لبعد التخرج
- اني ماضامن ابن عمج لبعد التخرج
- ها
- يعني اهلج رفضوني عجل وانت هم رفضتيني والله وياج ..
- لاانمار انتظر
ماكو سداه وراح بقيت الووب وميته قهر شون قهرته ..
ماكو غير اخابر سمر واحجيلهه
سمر صديقتي الصدوقه . بغداديه صاحبة اطيب قلب نملة متخليني اكتل اذا شفت يمها كاتمة اسراري ابد مطلع حجايه .. اختي الي مجابتها امي .. ساندتني هوايه بكل شغله تصير هي واكفه ويايه .. خابرتها گتلها نمر زعلان ..
لا لج شبيج انت غبيه ليش تزعلين سوبر مان عليج بعد منو ينقذج .. هسه روحي راضي.

گتلها ماروح ولج ادري بي هسه معصب خلي يهدأ واروح.

ختمته وياها .. ونزلت جوه ..
خلص اليوم يوم ثاني خابرت انمار .. ميجاوبني اكيد بعده زعلان ..
احس ناقصني شي صدك تعودت عليه ..
بقيت الوب واتحلطم شون كدرت ازعله ..
دك تليفوني .. شفته ايهاب هسه وكتك دروح ..
ماجاوبته خليته يتصل كم مره ..
رحت سويت كم شغله. ورجعت مره ثانيه اتصلت
جاوبني بصوت عرفته زعلان ..
- عود ليش ماترد زعلان مو
- اي ردت ماارد بس ماانطاني قلبي ..
- اي قلبك رهيف حبيبي
- لاقلبي يحبج
- اووي سوده مصخمه
- شنو هي
- القسمه ومحاي تصير ..
- احلى قسمه يولي احبج
- واني هم والله بس مأيسه كللش ..
- لاتأيسين خليني ادز هالشيوخ على شيخكم ويحاجي ابوج ..
- هاا
- شبيج تتلعثمين ؟؟
- ماكو شي سوي الي تشوفه انمار مااريد احجي وازعلك ..
- عجل هالايام يرحوله ويحاجو

سديته منه واني فكري ضايع عقلي مشتت ..
اباوع ليسرى رجع الماي الوجهه .. وتضحك وتحشش
وابالي انمار ومتأكده حتى لو دز الشيوخ لشيخنا مراح يقبلون .. ماادري شنو اسوي .. متوتره وقلقه حييل ..
حتى ماتهنيت بنزلتي هذه ..
يوم ثاني .. گاعدين بعد العشاء .. ودناكل فواكه
اجه اتصال لابويه .. كام ضياء انطاه التليفون جان على البوفيه .. باوعله كال هذا الشيخ مالنه شنو يريد .
اني غصيت بالتفاحه .. وخليت ايدي على حلگي.
اخذ التليفون بابا وراح بالاستقبال.

رجع ابويه للهول بعد دقايق .. سألته امي شكو شيريد ان شاءالله خير ..
بابا .. هذا الشيخ يگول الجماعه اهل النقيب انمار دزولنه جماعة كبار ويردون يتقدمون لبنتك ..
ماما .. اي وشنو گتله ..؟؟
بابا . .. والله گتله مااكدر انطيها خاف تصير مشاكل وابن عمها رايدها خلي تتخرج والله كريم ..

مسره ..
امي ظلت تباوعلي .. كالت شنو مايفكون هذول مو كلنالهم تصير مشاكل ..
صارت النظرات عليه عفتهم وصعدت فوك ..
جتي يسرى ورايه ..
دخيلج مااريد اسمع ولا حرف ..
يسرى .. بس انت وعدتيني
مسره .. وعدتج وحاجيته لايهاب بعد مابيدي شي الله يخليج عوفيني ارتاح هالكم يوم هنا وبعدها اروح لاتضوجيني ..
نزلت دموعها وعافتني وطلعت ..
وراها بيوم .. دك تليفوني .. ايهاب
ظل يدك يدك ماجاوبته .. بعثلي مسج
ردي اريد احجي وياج تره ادري رايحين للشيخ على مود يخطبونج ..
كلبي ظل يدك وتوترت ..
وجاوبته ..
ايهاب .. اكلج هذا هم رجع خطبج
مسره .. اي وشسويله
ايهاب بصياح .. اسمعيني عاد كتلج ماتصيرين لغيري وهذا اذا وصل مره ثانيه اله نكتله نكتله لو يطير بس خل يوصل بابكم وهسه رايح للشيخ واله اهدر دمه بس بسيطه ..
*****

ايعقل ان يكون حبنا عاثرا وقلبي اسيرا في شوقه اليك
ايعقل وسع هذا الكون ان يبخل لنا بقطعة صغيرة لنعش بها حبنا بعيدا عن اعين وافواه الملىء جميعا
بقطعة صغيرة لا غير تكون بأعيننا جنة الدنيا
حيث انت وانا وسقف فوق رؤوسنا يحمينا وكسرة خبز تشبعنا وابتسامة من وجهك الجميل تنسيني الدنيا وما فيها..
قلبي لك وقلبك لي
ايعقل ان ابقى اسيرة لهفتي وشوقي الذي يزداد مع كل حركة ميل في الساعه
كشوق والدة لرائحة ابن ٍ لها خطفتهه منها الحرب
دعني اقل لك شيئاً يا مُحتليَ الجميل...
مهما مر الزمن وتعددت السنين يبقى قلبي مسكنك الصغير الذي غزوته بحبك...

يتبع ..

[فيتامين سي]

حب_عاثر
بارت 12
نورا ناصر
______❤______

- يااايهاااب شبيك تصيح سديتها لاذني قابل هسه هو جاي واخذني اشوو ابويه هم رجعهم ..

- جذابه عبالج ماادري كللهم وره التخرج يصير خير يعني مااخصمها وياهم .. ولج والله لخلي دمه بطوله والله هو بس خليوصل مره ثانيه اني اعلمه .. اله اهدر دمه .. (بصيااح)

- هو بكيفك وتهدر دمه شنو تايه عندك هو اشو متعرف تحجي هَي عود انت دكتور وهيج شخليت للمتخلفين ..

- اي وتدافعيله مسره خاتون مبين كاتله روحج عليه وتتلتقون مو ؟ اني اعلمج اله اخلي ابوج يبطلج من الكليه بس بسيطه وهسه جايكم جايب عمامي وخوالي هم وخلي نعقد ونفضهااا ..

- خاب روح على هالتخلف الشايله عقلك مااريدك لو صير ذهب ..

- هاا البارحه جان كلامج غير شي خوووش هيج صارت يعني اله افضحج كدامهم اله اكوللهم تريدني.

- بلله لاتخبص بالحجي ماكتلك اريدك هي منين جبتهاا سالمين ..
سداه بوجهي ..
كلت هووف حمدلله ..
اخذت التليفون ونزلت جوه بس ارجف وخايفه كللش ..
لاصدك يسويهه ويبطلوني ..
وبنفس الوقت انقهرت على انمار شون ردوا مره ثانيه.
وصلت لباب المطبخ .. وتليفوني دك بيدي ..
باوعته ايهـــاب ..
تحسرت كلت اللهم طولج ياروحي رجعت خطواتي .. جاوبته واني اصعد الدرج.
- هاا شتريد ..
- اني اسف عصبت عليج هسه بس مسره والله اسف موقصدي احبج ورايدج اني ..
- بعصبيتك هي راح تخليني اكرهك كل مره اكثر ..
هو هيج الي يريد مره .. ؟؟
- اي لا طبعا .. اسف وهسه خلي نكمل رسائل عندي حجي وياج ..
- شنو ؟
- هسه احاجيج ..
....
ظل يحجي ويايه مسجات عاديه عن الكليه وعن دوامه ومن هالحجي .. بعدين كتله اريد اساعد ماما بكم شغله .. واريد نطلع للسوگ اخذ ملابس .. كال اخذي راحتج.
....
عفت التليفون واريد اطلع من الغرفه ... سمعته دك
گلت اووو ولا يفك هاللزكه هذا ..
مشيت بسرعه باتجاه الميز الي عليه الفون اخذته شفته انمار يتصل .. جاوبته ..
- شنو صار ساعه اتصل وتليفونج مشغول
- مجان مشغول
- الكذذب اكرها كتلج اتصلت وطلعلي مشغوول
- جنت اتصل بسمر بيهاا شي
- عجل ليش مكتيلي من البدايه هسه يله حجيتي
- اووو انمار شنو تشك بيه
- لاتصيحيين وانا جاي افهم من تلعثمج انج جاي تحاجيين احد ..
- لا مجاي احاجي احد اطمئن ..
- هو اصلا اهلج هم رفضوني وانت ماادري شبيج عجل على شنو مأذي روحي اودعناج ..
- اووو هم زعل الله لايوفقك ايهاب ..
تمددت ع الجربايه .. واباوع للسگف ..
وضايجه كللش ماادري شون راح تصفى ..
دخلت امي .. يلا مسره حتى اروح للسوگ ..
- صار ماما ..
راحت امي .. اجت يسرى لافه شعرها بالخاولي توه طالعه من الحمام .. باوعتلها وصديت ..
اجت يمي .. كعدت وخرت الخاولي من شعرها
- شنو هالنظره الحزينه الي بعيونج مسمس ...
- ماكو شي .. وانتجيت على عكسي .. واباوعلها بعيونها - يااختي ايهاب مااطيقه اكرهااااا ..
- اي هو صح مكروه بس هسه شلون ..؟؟
- ماادري .. كايمه ابدل انتوا خلصتوا واني لسه ..
اخذت ملابس ورحت للحمام .. سبحت وطلعت ..
شفت يسرى مبدله لابسه بنطرون كاوبوي وقميص حد الركبه ووياه ستره قصيره ومخلصه وواكفه ع المرايا تعدل مكياجهاا ..
باوعتلهه ودخلت .. وخرت الخاولي من شعري وظليت انشفه .. اضغط على شعري بالخاولي حتى يمتص المي منه .. خلصت وعلگته.. شغلت السشوار ونشفته
رحت للكنتور .. طلعت تنوره جوزي وبلوز بيجي وستره جوزي ..
وشال بيجي بي نقشه جوزي ..
وبوت جوزي .. كب بيجي ..
- مسره اني هواي فكرت البارحه وضميري جاي يأنبني - على شنو ؟؟
- مااريد اياد خلص يولي ماابني سعادتي على حساب سعادتج ..
- باعي اني ايهاب مااتزوجه لو امووت انت حاولي تخلين اياد يخطب هالفتره اذا تحبي
- ميقبل يكول ادري بابوج ميطيج هالسنه سادس
- لعد السالفه مليوصه خلي بس الله يحلهه وامشي اروح نتسوك احسن ملييينه ..
بدلت وطلعنه للسوك .. اخذت ملابس للكليه بلوزيين وستره جلد ولخ قديفه وبوت ورهمت شالات وجنط على مكياجات وعطور ويسرى هم اخذت ورجعنا ..
يحز بنفسي يبقى نمري زعلان عليه كللش مقهوره عليه .. بس وصلت لمرحله ايست بعد مااراح نصير لبعض هيج فكرت .. كلت خلي اتركه واجرب نفسي اكدر بدوونه ؟؟
قبل لاارجع لجامعتي ووللاقسام .. حضرتلي ماما كبه ودولمه وكليجه وكيك وغيرها .
اجه عليه ابو الخط .. ودعت اهلي ورحنا بعد وقت وصلت للقسم الداخلي جنت كلش تعبانه ..
نمت كعدت المغرب .. تعبانه كلش .. ولزمت راسي من الالم
وجع الشقيقه ذبحني هسه وكته .. بقيت الوب من الوجع .. الى ان اغميَ عليه وكعدت شفت نفسي بحضن سمر وهي تفركلي راسي ..
سمر - ولج خوفتيني عليج شبيج ونوب تهذين باسمه
- بجيت ....كتلهه زعلان عليه ..
- ليش تخلينه زعلان ولج يحبج
- يشك هواي صاير. .واني مآيسه كلش مااعتقد يجي يوم ونصير لبعض ..
- مو بعيده حبيبتي خليها يم الله هو يحلها.

- ونعم بالله .. كمت من حضنها امشي بتثاقل واحس الدنيا دور بيه دربي مااندله لزمتني سمر اخذتني للحمام غسلت وجهي .. بيدها ورجعتني للغرفه ..
- يلا ارتاحي هسه اجيبلج شي تاكلينه ..،
- مااريد اكل بس اريد جاي ..
- وهسه يجيج الجاي ..
راحت وبقيت اني كل شويه تجي بنيه تكعد يمي تسالني عن حالي .. واني قافله كلش احس عيوني مااكدر افتحهن من الالم ..
اجت سمر وجايبه الجاي حار شربته واخذت مسكن ..
بعد وقت يلله رجعت لنشاطي .. تعشيت وكعدنا نقرا.
عدنه امتحان بدرس اسمه الكم وكلش صعب
همست لسمر .. اكلج هي رواء ضمت الملازم شفتي الخباثه ..
- عوفيهه عيني مو تحاجينهه هسه نمخمخ ونقرا
- لج هو اني الي خلك احاجيهه حتى تگب عليه واني مصدعه خليها .. بس هذا ابو نسوان خاف ماينجحنه.
- هو من اسمه ابو نسوان خنعتمد على نفسنا .
- خوش اسم يرهمله. .
بعدهه نمت وگعدنا الصبح ..
كل يوم على وحده الريوك .. جان اليوم على عبير ..
تريكنا وخلصنا .. غسلنه وجينا للغرفه نبدل ..
مسره .. عبير لج انطينا مجال صار ساعه على المرايه دنريد نشوف رواحتنا
سمر .. لج صرتي مهرج كاافي
عبير .. اممم مكياج عشقق شسوي مااكتفي منه يلا شوفن رواحتجن ..
مسره .. اي واخيرا ..
خليت كحل ومورد خدود وحمره ورحنه للكليه ..
اول مادخلنه من شفت جموع الطلاب تذكرته وجيت اوكع .. كلش اشتاقيتله واتذكرت من جنه نتبادل النظرات .. دخلت للقاعه وفكري يمه ..
اجه وقت الامتحان واني قافله كوه جاوبت ..
خلصنا وطلعنا ..
اتفقوا طلاب قاعتنا نسوي عزيمه ..
وكل وحده عليها شغله ..
بنات الاقسام اني وعبير ووسن وسمر ورواء.
نسوي دولمه خلص الدوام ورجعنه للقسم.
وصينا المشرفه تتسوك النااا ..
غراض الدولمه وكعدنه بليل نسويهه
رواء موحيل بيهه ووسن ماتعرف
اني وسمر سويناهه
واني تعلمت من سمر صرت اسويهه نفسهه بالضبط وسن ثرمت اللحم ورواء سوت البذنجان
والباقي علينه
وصلنه للف رواء وعبير ووسن كالن مانلف انتن لفن
بقينه اني وسمر لنص الليل لفينه 3 كدوره لمن تعبنه ثاني يوم داومنه جان عدنه امتحان وبعد ماكملنه كالو ب1 نبدي العزيمه
اني وسمر رجعنه نطبخها بالقسم كملناهه جان تخابر رواء على سمر
سألتها حمره صارت لوزينه
سمر .. شوي بيهه حمار هسه تهدر ويروح
ورا شوي اجتي ورانه بس لكت كلشي مكملين
وسن سوت المقلوبه كلت الاشياءات مالتهه
واحنه طبخناهه وطبكناهه لان وسن متعرف
صارت العزيمه واجو الولد اخذو الدولمه والمقلوبه وصبينه ودياكلون الولد والبنات تعجبو بالدولمه اكوطالب اسمه علي كال منو سواهه الدولمه جان
رواء .. كلنه اشتركنه بيهه
علي ... شنو كلكم مديتو اديكم ولفيتوهه يعني
مسره .. لا بس اني وسمر لفيناهه
علي .. طيبه والله عاشت ايديكم
مسره ..
اباوع لرواء شاطت غضب
ظلت تحجي بعصبيه هن خربنهه بالطبخ واني تلاحكتهه وعدلتهه
احنه سكتنه ..
كملنه وجينه نرجع
دنمشي كلنا
باوعتلي رواء
كالت عيني مسره عاشت ايدج ع الدولمه
مسره بهدوء .. بالعافيه
.رواء بصياح . اكلج متستحين سويتي نفسج طباخه مواحنه سويناهه
سمر .. اشش رواء صوتج عيب منا الطلاب.
مسره .. . مراح ارد عليج بنص الكليه لان انتي عديمة ذوق
سحبتني سمر ومشينه واني اباوعلها ورحنه
رجعت للقسم كلش مقهوره احس نفسي اريد انفجر وهي طلعت من غرفتنه راحت بغير غرفه والبنات يهدن بيه.
تذكرت نمر وزدت بجي ..
مرت الايام عليه تعيسه حييل
اني ونمر منتواصل .. ومر شهر كامل
ايهاب جان يراسلني بس قليل ارد عليه وكله كلام عادي ..
وصلت لمرحله حسيت بنفسي ضايعه بالحيره
لااكدر اراسله لنمر واني اعرف مستحيل نرتبط
ولااني كادره اعيش بدون مااسمع صوته واعرف اخباره ..
بقاعة المطالعه نكعد نقرأ اني وسمر ونسولف
تجي ورانه رواء ورونق .. ويسمعني حجي ويحجن على انمار
يكولن مصاحب نص بنات الكليه
اني افور بسرعه و اطلع لان ماتحملهن
سمر تهديني وتكلي والله تغار منج لان اني وياج صديقات وانمار يحبج
بس اني كلش اتاثر. وين مااروح اشوف صديقاتي يكلولي اشو رواء وين ماتكعد تكول مكبله ويا ويضحك عليها .. اني شطت كلش اخذت سمر ورحنا غير مكان ..
- سمر اليوم اله اطيح حظها ..
- لج لا شجاي تحجين تولي اتركيها
-شون تحجي علي هيج
- انت اعصابج تلفانه هالايام وتدرين ليش
- لج راح اموت شهر ومكادره احاجي
- حاجي وسمعي اخباره حتى ترتاحين ..

بقيت افكر بكلام سمر .. خلص الدوام ورجعت للقسم
بدلت وتغدينا .. خلصت الشغل الي عليه ..
واخذت التليفون طلعت رقم انمار وظليت اباوعله ..
احس ايدي تسرسحت وحدها ودكت رقمه وصل بيه الحال مااكدر بدونه ..

انمار .. شعجب حنيتي
مسره .. احس من الي مايحن ..
انمار .. تره لبسج هواي كصيف احنه شگلنا
مسره .. وين شفتني يعني اجيت اشو مااشفتك
انمار .. اي مو تكولين مااحن
مسره .. انمار اني مأيسه كلش شون بينا ..
انمار .. لا يأس مع الحياة مو كتلج راح اظل اطلبج حد ما يوافقون ..
مسره .. بس ابن عمي ..
انمار .. خلي يولي هذا زعطوط لاتشيليله هم ..
مسره ..
ورجعنه سوه .. وراها بكم يوم .. خابرت امي
كالت يسرى مريضه كلش مسخنه ومتقبل حتى تاكل تفاجئت شكو .. كتلها من تطيب خلي تحاجيني.

وراها بكم يوم اتصلت بيه يسرى ..
وبصوت حزين ومبحوح كالت شونج مسره ؟
- اني اسالج عنج ليش كطعتي عني شبيج ؟؟
- تعبانه صارت شغله ضوجتني
- شكوو غير تحجيلي ؟؟
- شيماء بنت عمتي رحاب ..
- شبيهااا
- كلتلي شي عن اياد ع اساس يريدها
يعني يلعب عليه راح اموت
- خاف تجذب عليج
- لج كتله مانكر يكولي اذا صارت اختج لاخوي اخذج واذا ماصارت اخطب شيماء فرفرني
- ايا كلب وشكتيله
- لج خصمتها ويا خلص كتله لو صير ذهب مااريدك بعد وهذاك يوم وهذا يوم وبعد ماحاجيته
- شكد صارلها هي السالفه
- اسبوعين
- الله شون بلانا بيهم مايجيبون النه غير الهم والغم
شونج بالدراسه
- مو زينه هالشهر راسبه باربع مواد
- طاح حظج هذا كله عمود اياد افندي مايسوه فلسسسس
- شسوي
- اهتمي بدروسج احسن بعد وراج هوايه
- شوكت تنزلين مشتاقتلج
- اني هم هالايام انزل ..
- ننتظرج
وسديته منها واني معصبه كلش
حتى ايهاب اتصل بعدها مارديت عليه.
جنت اكرها هسه كرهي اله اضعاف مضاعفه ..
ونزلت لأهلي .. كعدنا اني ويسرى نحجي ونسولف حسيتها شويه مرتاحه بس حزينه
كالت حمدلله عرفته على حقيقته وراح ابدي اشد حيلي بالدراسه ..
نزلنه جوه ..
وماان شغلت النت
شفت هم دازيلي رسائل تهديد وهم مسج
تره ماخليج تاحذين انمار يام الولد وهم مستخدم فيسبوك شطت غضب وجيت اخابر انمار واكوله بس
دخل ضياء كال حضروا الاستقبال بسرعه .. اجو جماعه لابويه
رحنه ع السريع حضرنا
وحضرنه الضيفه وباوعت عليهم من الشباك ..
عرفته جد انمار .. بس غلست ماحجيت لاحد ..
ووكفت گبال الباب اسمع للكلام
كلمه اسمع وعشره لا ..

سمعنت جده يكول
شتردون احنه حاضرين بيت نخليلهه ع دوامهه ابنه طالبهه بالحلال وهاي ثالث مره نجي ونرجع مدنكين روسنه
بابا ... راسك عالي ان شالله بس الشغله ابن عمهه يريدهه
الجد .. الزمن تغير بعد ماكو نهوه كامت الناس تشتكي بالمحاكم على ابن العم احنه لان سنه ننرفض اذا ماكو غيرهاا
بابا .. لا ياشيخ احنه ماعدنه هيج بس مثل ماكتلك
الجد .. مدام البنت قابله خلي نتوكل
حسيت بابا انحرج حيل
كالهم توكلو وجيبو مشيتكم انطيتكم مره
للحكايه بقيه ..

[فيتامين سي]

بارت 13
نورا ناصر ..

مسره ..
مااعرف اضحك لو ابجي
اكمز لو اطير
ماصدكت ابويه كالههم
انطيتكم مره .. !!!!

امي ويسرى جانن بصفي .
. باوعتلي امي وشافت الفرحه بعيني
.. گالت اتمنى ماتندمين وراحت

يسرى ابتسمت الي وبوستني
- تستاهلين الله يسعدج ..
حضنتها .. ويسعدج ان شاءالله ويعوضج مكان اياد برجل وعند كلمته ويسعدج
- بعد ماافكر لا بزواج ولا بحب كرهتهم كلهم بعد الي سواه بيه .. اريد ادرس خايفه لاارسب هالسنه
- لاتنجحين ان شاءالله ..
وطررت صعدت فوك يسرى ويايه تضحك على فرحتي
ولج فرحانه ممصدكه اني بحلم لو بعلم اريد احد يگرصني ..
- تردين اضربج بوكس
- هههههههه لج اريد اطير من الفرحه
- يمعوده توكعين تتكسرين شون نزفج ع السديه ..
- لج والله ممصدكه احس راح يغمى علي
- فرحتلج .. من كل قلبي والله
- يوم اشوفج باعلى معدل حياتي. طلعت واني بقيت وحدي واحس نفسي محلقه فوك الغيم ..
نسيت عنفه وضربه ونسيت ايهاب وتهديده وكل شي.

بابا خابر اخوانه واخواته وخوالي .. ووصل الخبر لأيهاب ..واكيد فرحتي تبقى ناقصه ناقصه هدوء وكبت العيطه ..
ظل يتصل يتصل ومااجاوبه ..
أيس ظل يبعث مسجات وتهديد يكول اني ينلعب عليه ؟!!
خفت منه كلش .. دزيتله مسج اني معليه بابا انطاني الهم حاجي بابا ..
جاوبني .. .. مو انطيتيني كلمه انت ليش تخلفين الوعد ..

مجاوبته بس كلبي يرجف ليش ممكتوبلي افرح والله متت .. اني ماحاجيته بشي ولاوعدته يعني اذا كتله اتخرج ويصير خير معناهه كايلتله اريدك شكد بطران هذا . .. ماحسبت حساب لهذا الشي ابد واللتهيت بفرحتي ..

بعد ساعات اجوي عمامي وايهاب وصارت عيطه وصيحه

وموقف ابوي قوي كلش كال الهم اني انطيتهم حجاية راس .. وخلص بعد .. والجمعه المشيه هي اني بلغتكم اذا تردون تحضرون ..

طلعوا وهم زعلانين

صعدت الفوك .. ضايجه كللش ..من الحجي ومااعرف اذا راح تكتمل فرحتي وانجمع اني ونمر ويلمنه بيت واحد بعيدا عن اللغوه والكلام الزايد ..
ايهاب مابطل اتصالات وتهديد
بعثلي مسج .. اتونسي مسره خاتون بس لفتره وجيزه بعدهاا .. راح اشوفج ..
وقتها مااعرف شنو اسوي .. مااعرف افرح او لا ..
نمت والتفكير شل حالي .. كعدت واحس مخبوصيين خبص .. وموقف خوالي ميختلف عن موقف العمام ..

واجه يوم المشيه .. الصبح جتي خالتي يمنه وبيت عمي .. وظلينه نحظر لجيتهم .. لبست فستان لونه فستقي طويل وبي فيونكه من ورا وورد على الصدر ورداناته تور .. شعري نص برم واكسسوار بسيط ..
مكياج خفيف
صارت ساعه 3:00 بدوا يجون لبيتنه
سمعنه صوت السيارات
كالو اجو .. واحنه كلنه ركض وكفنه على شبابيك المطبخ خالاتي وبناتهن وبنات عمي وعماتي نباوعلهم يطبون للاستقبال كلهم شيوخ ..

وكدرت اميزه من بينهم .. دخل كله هيبه ورزانه لابس قميص سمائي وبنطرون نيلي .وظل يسلم على بابا وعمامي . بشوفته الفرح غمرني ونسيت كل شي .. وحتى الي حولي ..
بنت خالتي .. هذا النمر شون صدتي ولج
مسره .. ولج ماصدته هو صادني ..
ظلينه نضحك وهن تعجبن على انمار
دخلت امي .. گالت تعالن وياهم نسوان .. وجوي يمنه
طلعنه من المطبخ ورحنه للهول .. شفت بيبية انمار وامه سلمت عليهم وكعدت ..
بيبيته گالت .. احنه اول مره نجي بالمشيه ماعدنه هيج عاده نسوان يجن بس لان مشية نمر العشيره.
ابتسمت ودنكت واحس قلبي يرقص من الفرح ..

بعد وقت گالوا قروا الفاتحه .. كامت بيبيته تهلهل وطش جكليت وصل صوت هلاهلها للزلم ..
.. واجت يمي هي وامه بوسني
صاحوا علينه وعقدنه ورجعت ..
والفرحه ماتنوصف بكلمات .. واحس نفسي حلمانه وبأي لحظه اصحى .. وتمنيت مااصحى اذا فعلا حلم لو ابقي العمر كله نايمه واحلم .. اني لنمر قلبي ..
خلصت المشيه وحددوا موعد للمهر.
همستلي امه .. اريدج تطلعين تخبلين بالمهر عدنه شمات .. ابتسمت الها .. كملت كلامها كالت ولو انت حلوه ..
طلعوا .. واني مثل الناسيه شي ومجاي اتذكره ..
ردت تخلص بسرعه ويجي يوم المهر حتى اصير حلاله وادعي ماايصير شي حتى تكتمل الفرحه ..
بيوم المهر حضرت نفسي وبدله اخر فيكه
رحت للصالون عدلت حواجبي وخلتلي مكياج كلش خفيف وشعري تسريحه بسيطه وعاليه ولبست بدله بنفسجي غامق نفش طويله وبيهه ذيل من ورا كلش حلوه ورجعت للبيت ..
كعدوني وداير مدايري بنات عمي وخالاتي وننتظر جيتهم ..
وكالو اجووو اني حسيت جمدت بمكاني
احس اطرافي بارده .. ومااكدر احركها ..
بدو يدخلون هوايه جايين .. عبالك عشيره
خالته اول مادخلت ظلت تغني باغنية سوسن
نيشان الخطوبه اليوم جابولي
محبس من ذهب وكلاده قدمولي
حبيبي الي احبه خطبني ووفه بوعده
يا حبايب هلهولي
وهن يردن وراهه
واني اباوعلهن وابتسم بخجل
كلش خجلانه وادنك راسي ... واباوع للباب وانتظر دخلته ..
ودخل لابس،ستره بيجي وجواهه قميص نيلي وبنطرون نيلي (انمار يعشق النيلي )
وتلكنه بالباب ...
بيبيته تلگته بالهوسات
لعبت لعب وهوساتهه تخبل
وين دورهه ولكاهه فصوص روبه ياكفاهه
نموري رايد رادته وعايف بنات ولايته .

.. هو الشافهه وهو انعجب بيهه وهو الكال لامه روحي خطبيهه ..
جبنه النادره هي وشهادتهه هوالرادهه وامه التمنتهه

واجه يمي ظليت اباوعله .. ويباوعلي وممصدگين
احس وحدنا بهالعالم والكل يمي مموجودين ..
باسني على راسي ويهمسلي بغزل .. طول الوقت مشال عينه من عليه .. ناوشته امه الذهب وبده يلبسني الحلقه وباس ايدي .. وبعدهه لگلاده واحس انفاسه تلفح رقبتي وبلمسة ايده الدافيه
حرك طرف اصبعه ع ركبتي ..
.قطعنه الكيكه ولزم ايدي وشد عليهه وبقى لازمهه ورا ماكملنه. وعلى همسات الغزل التطلع من شفايفه مااريدها تخلص وي رجفة ايدي من الارتباك .. گال
- يولي شطالعه اليوم مااوصل للبيت سلامات
باوعتله وبأبتسامه كتله اسم الله عليك. .
دخلنه للغرفه نطك صور ودخلت ويانا ريما ويسرى.
وهو طلعهم .. بقينه وحدنا .. بس طلعوا
سحبني حيل لحضنه واني هم حضنته راسي صار على صدره .. حسيت بدكات قلبه شكد قويه وعطره بانفاسي قوي مدا اشبع منه .. تمنيت العمر كله هيجي
بعدني عن حضني وصار يباوعلي وبس صوت الانفاس والضجيج الي بره الغرفه الي بالكاد نسمعه لان غايبين عن العالم والاحساس بالحب واحد.
گتله انمار اكرصني خاف حلمانه
ضحك كال لا مااريد اكرصج اريد ..
لزم وجهي بيده وباسني من شفايفي بقوه
تذكرت البنت الي كالت قبلته عنيفه ..
ودفعته على الخفيف ..
گعدنه نسولف .. وصار وقت يروحون
بعد ماراحوا .. كعدت بين اهلي .. والفرحه تغمرني ..
تذكرت سمر واني مكايلتلها .. كمزت اني والبدله ..
ادور على تليفوني .. وخابرتهااا .. گتلها اليوم جانت حفلة الخطوبه .. ماصدگت كالت هذا مقلب ..
- لا والله خطوبتنه اني وانمار
- عليج الله ومگتيلي ؟؟ واني بكل صلاة ادعيلكم الله يجمعكم ..
- لج والله نت معندي وتليفوني خالص رصيد ومااعرف شنو الي منعني اكولج من صدك اللتهيت ..
ظلت تبجي كالت على اقل فكري تعزميني والله جان جيت ..
حبيبتي والله راح عن بالي ... والله اعذريني
- راح اعذرج لان فرحانتلج. . هواايه ..

سديته منها وكملنه الاحتفال .. امي مجانت فرحانه هوايه .. رحت يمه بوستها بسرعه نزلت دمعتهااا
گتلها ماما شبيج ضايجه ..
كالت لج راح ياخذج بعيد ..
اكله على طول يجيبني الكم .. خليت راسي على صدري وحضنتها وبست راسهاا ..

مرت الايام وعشت احلاها ويا انمار ..
واتفقنه بس اتخرج نتزوج ..

بعد الخطوبه عزمنا .. بدلت لبست بنطرون وشي فوكا بي تور وسويت شعري نص مرفوع ونص نازل على اكتافي .. مكياج نازك وكعدت انتظره طريق طوييل .. وايدي على قلبي وكل شويه اتصل واگوله وينك ..
الى ان عرفت وصل رحت اركض و اني فتحتله الباب سلم عليه وسلم على امي
ودخلنه للاستقبال .. وحدنه ..
سحبني لحظنه ضعت بي لان هو ضخم واني ناعمه بوسني من راسي وخله راسي ع صدره وبقه يتغزل بيه
- اووف ياريحتج وملگاج احس روحي ضايعه ولگيتهااا ..
- اني اكثر فرحانه بشوفتك والله ..
- اووف مشتاقلج
- باوعت لعيونه ولسه راسي على. صدره
شبسرعه اشتاقيت ..
- يولي اني بكل لحظه اشتاقلج
اخذته من ايده وكعدنه على القنفه .. كال
- خلي نقرب عرسنه هاي امور دنيا وماضامن باجر شيصير.
- لا الا اتخرج بابا ميقبل احنه مو اتفقنا هيج ..
- بابا لو انت ؟
- انمار احسن نتخرج هسه مترهم والله ..
- اوكي ..
بعد عني عدل كعدته .. وخله ايده على وجهه ويتحسر .
تقربت منه .. ومسحت على ظهره وكتفه .. كتله
- ضجت مو ؟
- اي ليش مااضوج اني اريدج هسه حتى نخلص خاف تصير مشاكل بعدين
- هو اني الك متصير مشاكل .. بعد خلصت كلها سنه بعد واخلص ونتزوج ..
- ماشي

بقى طول اليوم احسه ممرتاح .. مااعرف شنو الجان مسيطر عليه ومقبلت اقدم موعد الزواج /.

صار العصر وراد يروح حضني حييل كال حشتاقلج وراح ..
رجعت للدوام كملت المرحله الثالثه .. اول يوم دوام بنات الغرفه سووولي حفله هلاهل وجوكليت وفتحنه وغنينه ورگصنه ..
بعدها كعدنا نسولف وسمعت رواء كايله كذابه لامخطوبه ولاشي ورونق كايله هم كذب اصلا اخته كلتلي هو خاطب بنت عمه .. سمعت هيج رحت
تأنقت ولبست الحلقه واتمشى بالقسم اني وسمر .. وتلاگيت ويا رواء ورونق .. وارفع ايدي ووخر شعري افتح كفي على عرضه حتى ابين الحلقه مو تفيك لا لحتى اعلن انتصاري عليهن . واحجي بانمار واكول هيج جابلي وهيج سوالي
.. بانت على ملامحهم علامات الهزيمه وحسيت بنشوة الانتصار شكد عانيت بسببهم شكد تالمت وبجيت وسمعت حجي .. بس بالاخير اني ربحت حب حياتي ..،
يوم ثاني الصبح كعدنا نروح للكليه .. بدلت احلى ملابس ومكياج حلو ونازك وحرصت على ان ماانسى الحلقه .. وداومت .. خلصت كم محاضره وطلعنه اني وسمر نتمشى .شفت رونق ورواء دخلوا . بقاعة المطالعه .. باوعتلها واشرت براسي امشي وراهن .. هي فهمتني بدون ماانطق ببنت شفه .. اصلا هي تعرفني بدون اي شي حتى من المسج تعرفني ضايجه او فرحانه .. دخلنه وراهن ..
كعدنا قريب منهم ..
وبدينه اووي سمروش اليوم غسلت
بالحلقه خو مايصير بيها شي ..
- لج لاعيني هي حلقة نمور ميصير بيها شي لتخافين
- اي طبعا حلقة الحب والعشق والغرام .. لج عيني مستعجل يريد هسى نتزوج ..
- ياعيني مستعجل حقه القمر بعيد عنه اكيد ميصبر ..
رواء ورونق .. عيونهن نار وحواجبهن مرفوعه بانزعاج اخذن اشيائاتهن وراحن .. اني وسمر طكينه .. ضححك ..
.. ولج صايره متنغلبين
.. هههههه احسن جم دوب اظل مأكول حقي .. شكد حجن عليه وسكتت ..
.. امشي يلا .. اليوم تنضيف الطباخات عليج
.. لا ولج عليج
.. لا لا
.. عليج اني مختوبه وظليت اتلفت وين رويه وروينق ...
... انسحلن انسحلن بعد بس يشوفوج يشردن ..

... عساهن هههههه
رجعنه للقسم .. بدلنه وتغدينه .. وكعدنا احنه الاربعه نسولف ونضحك سولفنه لعبير ووسن شون غثينا رواء ورونق .. بينما دنحجي .. اندكت الباب بكل قوتها
ودخلت المشرفه .. تصيح يلا كومن نضفن. .
احنه كل وحده مكان كمزنه .. رحت انضف الطباخات لان عليه .. جتي سمر .. كالت راح اخذ تليفونج اتصل على.اهلي .. كتلها اخذي .. خلصت شغل ورجعت للغرفه .. اخذت تليفوني .. شفت انمار متصل عليه كذا مره .. رجعت اتصلت بي ..
- الو حبيبي شلونك ..
- صار ساعه انصل وجهازج مشغول اكدر اعرف ويا منو مشغوووول (بصياح) ...
- على كيفك حبيبي جنت بشغله وسمر دتخابر اهلها ليش دصيح ..
- ليش مااتصلتي اول مارجعتي من الكليه (بعصبيه)
- حبيبي شبيك معصب اليوم متكولي
- ماااحب اتصل والگااه مشغول او متجاوبين خووش ؟؟؟
- اي خووش اسفه اخر مره بس انت هم اعذرني والله موقصدي مااجاوبك تعتقد متقصده ؟؟
- ماادري المهم تجاوبين باي وقت اني اتصل ..
- احتمال نايمه
- تكعدين من النوم
- واذا مشغوله
- تعوفين شغلج وتجيني .. لج مااصبر تره اخطفج واتزوجج حتى لو بدون ميوافق ابوج.
- ههههه صدك تسويهااا ؟؟
- اي اذا مارديتي على اتصالاتي اسوي هيج اعاقبج بطريقتي ..
- والله اخاف من عقوباتك
- لاترتكبين خطأ ومااعاقبج
- ليش تعاملني على اني متهمه عندك
- هذا شي بدل لا نتعاوف مو احسن ؟؟
- الله لايگولها
- عجل اعقلي .. وصيري على مرامي
- اعلم الغيب اني .. وادري دتتصل
- خلي قلبج هو دليلج مو يحبني قلبج ؟؟
- اي
- هذا هو عجل ..اتبعي قلببج ..... لاتلهيين عني
مرت الايام والتهديدات ع الفيس مستمره
لاعبالج اخذتي انمار متدرين شمنتظرج
وارجع اخابره ونتعارك ويكول مااعرفهم انطيني حسابهم اكوله اذا الصفحه مغلقه شون اعرف حسابهم.

مره كعدنه بالقسم مكيجنه سحر سويناهه عروس واماني سويناهه عريس وسوينه الها لحيه بالكحله
غنينه و ركصنه وطكينه صور .. تونسنه لليل يلا رحت لتليفوني .. فتحته شفت انمار متصل 8مرات
واني ما ادري ودازلي رساله خابرته
فتح خط حضرتج وين واني اتصل ليش ملتهيه عني كلش متغيره مجاي اتحملج بس كوليلي وينج مشغوله عني شنو عندج وويامن تحجين ..
كام يصيح علي ويرزل
اني شطت لان لعبت نفسي كل مره هيج حسره ماارد عليه يرزلني .. انفجرت بوجهااا وبعصبيه كتله .
شبيك خبصتني مدكول نايمه عدهه شغل احتمال اني فصليه الخلفوك وتصيح عليه تره مااريد تحكمني وتمشيني بكيفك خووش ...
وعساااني ماكلت هيج ...
يتبع ...
بنات 😅😢😂
حبيباتي اتمنى اتمنى اتمنى تعذروني وتتحملوني وتعذروني بين يوم ويوم انزل بارت فديتكم القصه مو كلش طويله تحملوا ضروفي احبكم والله احبـــــــكم ..

[فيتامين سي]

بارت 14
نورا ناصر ..

أنمار ... شون زعطوط يمج وتعلين صوتج عليه تره اكص لسانج والله احجي عدل احسنلج واذا اتصل تجاوبين فاااهمه ..

مسره .. اريد احجي سداه بوجهي .. گعدت معصبه وضايجه حسره مااجاوب يسويله زعل ..

جتي يمي سمر تعرفلي.. گالت شبيج حجيت الهاا ..
ابد ماذبت الصوج بي ..
سمر .. لج ياعيني ميصير هيج هو عصبي نار سايسي مو تعصبين عليه هيج مراح تتفاهمون ابد ..

- يعني شلون مايعذر مايكول نايمه عدهه شغل دتقرا مايعذر ابد بسرعه يعصب . ..

- كوني حريصة عليه وخلي التليفون دومه يمج حتى من يتصل تجاوبين وهسه يلا روحي صالحي ..

- ماااحب يرزلني ويهددني ويتوعد ماحب يتحكم بيه اضوج اريد يعذرني بكل وقت ..

- ياعيني خطيبج عصبي لازم تعرفين شون تتعاملين وياا .. موجاي اكلج روحي اتصلي ...

- لج هسه فاير ومعصب يرزلني مره ثانيه تعبت خلي اروح انام ..
بقينه كم يوم زعلانيين .. ومنتحاجى ..
نزلت للبيت .. وصلت كالعاده تعبانه .. ماحسيت بنفسي نمت .. وحرصت اعلي نغمة تليفوني. بلكي يخابر ونتصالح ..
كعدت اكلب بتليفوني ابد لامتصل ولا شي ..
ضجت كلش وانتابتني حالة كآبه .. حتى اهلي يسألوني شبيج .. اكللهم ماكو شي ..

كعدت المغرب من التعب .. صليت ورحت سويت عشا ويا ماما ويسرى ..
وبينما دناكل سمعنه صوت تليفون بابا ..
كامت يسرى انطته اله ..
يسرى .. بابا هذا عمو هادي يتصل ..
بابا.. انطينيا خاف عدهم شي مهم خلي اجاوبه ..
راح يحاجي .. وبعد دقايق رجع ..
ماما .. هاا خير خو ماكو شي ..
بابا .. ديكولي حفلة خطوبة اياد على شيماء بعد يومين دينطيني خبر ..
حسيت بيسرى وكفت عن الاكل .. ودقايق وكامت كالت الحمدلله بغصه ..
صاحت عليها ماما هاا وين مااكلتي
ردت من الممر كالت ببحة شبعت ..
ردت اكوم وراها بس خاف يشكون بشي اهلي .. وبقيت كاعده ..
ماما .. ها الله يهنيهم ان شاءالله بس اشو محد حجه
بابا .. ميخالف مهما يكون هو ابن اخويه والبنت بنت اختي ولازم نفرحلهم .. ولاتنسين هو يتيم.
ماما .. اي مهما يكون انت عمه الكبير يعني عمه هادي يعزمك وانت اكبرهم المفروض كل شي بيدك ..
بابا .. خلي نرجع نتعشى احسن .. اي مسره بابا شونج ويا انمار ؟ ..
مسره ..اني انزعجت لان عايفته زعلان وكانه بابا دينبهني شكد قلبه كبير ويحس .. كتله ها بابا زينين ..
بابا .. اي دائما يخابرني يسأل ويسلم .. ابن اصول والله ..
مسره .. انقهرت ومشتاقتله توترت وحتى مااشتهيت اكل .. بقيت هيج كاعده على واهسهم وبالي يم يسرى شون تأثرت .. توقعت ناسيته ..
كملنه عشاا اخذت المواعين .. ورحت خليتهن بالمطبخ وركض صعدت فوك .. دخلت للغرفه دورت يسرى ماكو .. طلعت ورحت ادورها بغرفة اخواني مشفتها .. نزلت جوه سمعت طكطكه بالمطبخ شفت ماما دتغسل بالمواعين .. اخذتهم من ايدهه ..
اني اغسلهم ماما ... بس يسرى وين
ماما.. يمكن بالحمام .. اسمع صوت المي ..
مسره .. اوكي .. غسلت المواعين وفكري يمهاا ..
خلصتهن وصعدت .. شفتها بالغرفه والخاولي على راسها شافتني دارت وجهي ونزلت الخاولي على راسها تنشف شعرهاا ..
رحت امشي باتجاهه بهدوء وكعدت يمها سحبت المنشف برقه جتي عيونها بعيوني شفتهن حمر دم وكعت خصلات شعرها على عيونها .. وخرتهن
گتلها شكو
- ماكو ودارت وجها
- مو ع اساس نسيتي ؟؟
- ولج مسره الله يخليج شنسه سنه سنتين اني اكابر واتظاهر بالقوه بس بداخلي العكس.
- يسرى ...
- اعرف شتردين تكولين اعرف لعب عليه وكذب واعرف ميستاهلني وكلشي اني مقهوره مو عليه مقهوره على نفسي على غبائي وشون ماعرفت اله.

- كامت .. هي وين رايحه ..
- رايحه ع سطح اشم هوا اختنكت ..
- لج تتمرضين وتوج غاسله
- ميهم ..
- طلعت وراها بدقيقه دخل علاء .. هي شبيهه اختج جاي اشاقه وياهه تكلي وخر وثول ..
- عوفها نفسيتها تعبانه
- وشبيهه عشتو
- حقها لاطبه لاطلعه من المدرسه للبيت والبيت للمدرسه ..
- هسه مو عزمونا بحفلة اياد خليهه تروح تتونس
- شوف حظي
-شبي حظج بعد
- انت على شنو جاي ؟
- اريد الشاحنه
- اخذها وروح دوختني ..
اخذهه وطلع ..
اشتاقيت لانمار لاابد مااكدر اعوفه هيج .. اخذت تليفوني اتصلت بي .. ماجاوبني
رغم متصل بالنت .. اووف .. اتصلت 3 مرات ماكو مجاوبني . .
بقيت الليل كله افكر بي ..
نمت وكعدت الصبح .. سمعت يسرى تون بفراشهاا ..
رحت يمها مسخنه كللش .. يمكن اخذت برد من البارحه. ..
كومتها جبرتها تاكل وانطيتها علاج .. ورجعت نامت ..
اخذت التليفون .. واتصلت بنمر وقلبي يرجف كررت الاتصال وماكو اجابه ..
دزيتله مسج .. وين قلبك الي يحبني مايرد على اتصالاتي .. ؟
اخذت تليفوني ونزلت جوه ..
امي بالمطبخ وبابا طالع ..
اخواني كاعدين بالهول. .. رحت كعدت يمهم ..
طبت يسرى منشوله وتعطس .. باوعلها علاء ..
- ها جكمه حل اتمرضتي ..
ظلت تبجي شبيك وياي سويتلك شي تعالي ماما شوفي ..
ضياء .. هي شبيج صايره حساسه يوميه يدوس ببطنج ماتحجين تره هو انت صدك جكمه ..

- انوب انت لاخ ..
زادت بجي وراحت صعدت فوك ..
ظلوا اخواني مصدومين شبيها اليوم حساسه ..
ميدرون بيهاا خطيه ..
تحسرت واخذت تليفوني .. وهم اتصلت بانمار ..
دك وجاوب .. كمت على حيلي .. وطلعت من الهول ..
گتله الو ..
الو ..
حجيت ويا واني دااصعد الدرج ودخلت بغرفة علاء وقفلت الباب ..
.. ليش مدتجاوبني من البارحه لليوم شكد قلبك قاسي عليه اووف ...
.. ماحسبتي شكم مره اتصلتي عليه
... لا
.. 8مرات ومسج بشنو يذكرج هذا العدد ؟
.. مممادري ..
.. اخر مره اتصلت بيج 8 مرات ومجاوبتي شفتي شلون حسيتي بيه هي القساوه مردوده عليج.
... اووف وتحسب الكل شي حساب.
.. اي طبعااا
.. مشتاقتلك ..
.. لسانج طولان .. يرادله بتر ..
.. بتر بتر مره وحده مودكلك مشتاقتلك ..
.. لو صدك متخليني كل هالمده زعلان وماتراضيني جان على الاقل .. صالحتيني قبل لا تنزلين لاهلج.
.. خفت اخابرك ومتجاوبني واتفشل ..
.. عجل هسه خابرتي ومكلتي خاف اتفشل ..
.. وصل الشوق بيه لدرجة لاتطاق ..
... يولي بعد باجر يمج اني.
... ليش مو باجر ؟
.. هالكد مشتاقتلي
.. والله متتصور شكد ..
.. بس خبيثه وقاسيه مو كتلج نتزوج
.. مترهم والله
.. عجل ترهم يوميه زعل ومشكله.
.. اذا تحبني تلتمسلي سبعين عذر واكثر.
.. واعصابي نيران وجحيم شون بيهه ؟
.. طفيهه ..
.. ماتطفى اذا مااسمع صوتك بكل لحظه.
.. كل لحظه لعد ماانام مااكل مااسبح مااقرا ما ما ما.
.. اي خلص ملكتج صرتي كلج ملكي واني جاي اتصل عليج باوقات مناسبه .. اعرف شوكت اتصل ليش ماتكونين حريصه على هالشي ليش احسج لاهيه عني.
... مو لاهيه والله بس تصادف اوقات فعلا مشغوله ومو بحال تليفوني
... قصدج مو بحالي ؟
... لا والله ..
... عجل كولي ناسيتني .. لاهيه عني مشغوله
... اووف حبيبي انسى فدوه هسه شوكت تجيني
.. ماانسى واجيج بعد باجر
.. اوكي باجر حفلة ابني عمي
.. منو منهم اياد اخو ايهاب
.. هذا الي جان مخلي عينه عليج ؟
.. هه اي هو
.. عجل ممنوع ترحين.
.. هههه ماشي ماروح ..
- بقينه نحجي غزل احس ذبت على صوته ومنا مشتاقتله صار كومه تمددت على السرير واسمع لغزله تحركت يدة الباب .. كمت من مكاني .. واندكت عرفته .. علاء ..
- هاا شكوو
- هذا علاء يريد يطب لغرفته ...
- وانت شسوين بغرفته ،؟؟
- اختي بغرفتنه
- روحي،ومن اتصل عليج تجاوبين ..
- ههههه اطمأن ..
سديته منه ورحت فتحته لعلاء .. هاا محتله غرفتي ؟
- ههههه اي
- لازم النفسيه هناك
- ولك هو يوم واحد تعبانه صارت نفسيه
- اي
طلعت .. ورحت للغرفه .. شفت يسرى متمدده
رحت كعدت يمها مااعرف شنو ااكول الها فعلا اللسان عاجز .. بقيت اللعب بشعرهاا .. وهي تباوعلي وعيونها حمره ..
دخلت علينه امي .. هاا ترحن حفلة اياد .. اني راح اروح امهم خابرتني واذا ترحن حتى ننزل للسوك خاف محتاجات شي .
مسره ... لا ماما مااروح انمار ميقبل
ماما .. وشدخله انمار بعد اكيد محاجيته عن ايهاب.
مسره .. دنكت وكلت اي
تحسرت واللتفتت ليسرى وانت متروحين يسرى
- مدشوفيني افلونزا شسوي رايحه.
- خاتون مو مية مره دكولج لتسبحين وتطلعين بره تتمرضين. مااتاخذين بحجاية الزينه ..
يعني هسه ماترحن للسوگ خفةً وراحه ..
وطلعت ..
ظليت اضحك ويسرى تضحك والدمعه بعينها ..
يوم ثاني .. العصر امي وابوي واخواني
يحضرون نفسهم .. اباوعلهم واباوع لامي وابويه بالذات . واحاجيهم بقلبي .. والله لو تدرون بحرقة قلب بنتكم مجان رحتوا .. اوووف تطلع ببنتك ان شاءالله اياد كل عذاب واذيه وبجي يسرى ..

لليل جوي من الحفله وجايبين وياهم عشا من بره
كعدنا تعشينه .. وخلصنه
صعدنه فوك .. كعدت اقري يسرى
دك تليفونهاا .. اشعار بمسج ع فايبر ..
راحت فتحته .. مسج من نرجس بنت عمي ..
صورة اياد وشيماء
محاوط كتفها بايده وهي مبتسمه ..
كالتلها شوفيهم شون حلوين .. ليش مااجيتي كالت امج انفلونزا كلت ادزلج صورهم تشوفيهم ..
هي اكيد قصدهه غير شي ويسرى كالت تره هو كايللهه يريد يقهرني و كضتها بجي ..
واني ماعرف شون اواسيها فعلا مااعرف شون اعبر خايفه احجي كلمه وتجرحها .. سكتت وبس امسح بيدي على شعرها وعلى كتفهااا ..
مااعرف شون الساعات مرت ..
يوم ثاني حضرت نفسي ..لجية انمار ..
لبست بنطرون وبدي رداناته تور نيلي ادري بي يحب هاللون .. مكياج خفيف .. وصل بس اختله بيه كرصني بزندي سوه اثر كال حتى بعد لا تتهاونين بيه ومتجاوبين ..
- اله تعاقبني يعني
- اي اله وهسه تعالي لحضني ..
- ما .. ما ماريدك اذيتني ايدي ظلت توجعني
تعاليي وسجبني حييل لحظنه .. تغدا يمنه وراح
ومرت الايام بين زعلاته وغزله هواايه ..
يوم نزعل يوم نتصالح ويوم نلتقي ..
ايهاب مبتعد عني مرات احسه ديحضر شي ومرات احسه ملتهي بشي ...
خلصنه امتحانات واجت عطلة نصف السنه ..

ببداية العطله عزمونه على عرس ابن خالة انمار ببغداد
قررنا نروح اني وماما وبابا
لبست بنطرون ستره سمائي طويله لركبه لفيت الشال ومكياج خفيف
وطلعنه من بيتنا ساعه 8
وصلنه لبغداد الساعه 9 ونص
مانندل بيتهم خابرت انمار
كال اني موبالبيت بس راح ادزلكم ابن خالتي.
انتو بس فوتو بشارع 14 رمضان بالمنصور
وهو يجيكم
اجانه واخذنه لبيتهم
ناس هواي يمهم استقبلنه ابوهم وامهم
بابا راح وي الزلم اني وامي دخلنه من باب المطبخ بنات هواي واكفات بالمطبخ اخواته هواي ماتعرفت عليهم كلهم بالخطوبه ماذكر شي من الهوسه
دخلنه بالصاله كلساع تجي وحده تسلم هاي عمته وهاي خالته ووو
كعدنه يم الحجيه بيبية انمار.
وكلساع تبوسني اجتي ريما
كالت تعالي يمنه بالمطبخ البيت بيتج
رحت وياهن جانن كلهن يشتغلن اني كعدت اسوي خضراوت وي البنات واشوف النظرات تريد تاكلني طب واحد كال السلام عليكم
ريما كالتله هاي خطيبة انمار
كال اهلا وسهلا كالت هذا ماهر الجبير
سلمت علي بس سبحان الله طول جمال هدوء فضيع بعد ازيد من انمار
طلع
همست لريما ..
لعد مرته وين
- مرته لابسه خمار ميخليهه تطلع
اني تفاجات
- تعالي اعرفج عليهه
اخذتني وصعدنه فوك دخلنه لغرفتهه لكيتهه تبدل لابنهه
باوعتلها بنيه زغيره حيل ناعمه عمرهه 20 اسمها زهراء.
بس ايه من الجمال وجهه يضحك عرفتني عليهه وبوستني
كالت ما اكدرت اطلع لان هوسه ولازم البس خمار - - ....ليش منو اكو هم مو اهله
.. ولد عمه لو ازواج اخواته وميقبل
.. اهاا

اني من ازوجني عمري 14 ولبسني خمار
يتيمة الاب والام وهو جان طالب بالسادس اعدادي واني بلاول متوسط وجان حتى يشتريلي من المحل مدرستنه مختلطه وجانو الطلاب يكتلوني ويدافعلي بس اني طفله كلشي ماعرف من صرت بالثاني اجه خطبني وكال ما ازوجهه هسه من تكبر وتصير 16 بس توفو اهلي وماعندي احد وعمامي زوجوني اله ببداية زواجي ماكدرت احبه اكبر مني بهواي
بعدها تأقلمت ويا ماحسسني بفقدان اهلي عبالك ابويه اشوفه بي
وسافر للسعوديه يدرس واخذني.
... بقيت صافنه ياربي شنو هاي طفله بمعنى الكلمه رغم 20 سنه بس كلش ناعمه وزغيرونه وعدهه طفل تفاجات بقيت يمهه سولفنه ورجعت للمطبخ.

بقيت واكفه وياهن بالمطبخ اجه انمار سلم ووصل يمي كالي شلونك ياحلو
استحيت كدامهن
كتله زينه
وين امج اسلم عليهه
هناك جوه يم الحجيه.
راح سلم على امي ومن طلع
اشرلي وكال شوي وصعدي فوك اريدج
هزيت راسي وعيني بعينه ..
وره شويه اجتني ريما كالت امشي فوك
صعدت وياها
فتحت الغرفه وطببيت اني وهي طلعت
باوعتلهه غرفه تركيه اسود وابيض مشمور ع الجربايه قميص ابيض
الفرشه ستن لونهه اسود كلش حلوه هادئه
ثواني وانفتح الباب التفتت علي دخل وسد الباب فتحلي ايديه
كلي تعالي رحت حضنته وهو ضمني لصدره حيل وباسني من خدي
يولي مشتاقلج
اني هم
جرني من ايدي كعدني ع الجربايه
كالي باوعي بعيوني
باوعتله بعيونه
ماعرفت شيقصد وليش
كالي حاولي تغيرين هذا اللبس هسه تصير هوسه وانتي بالبنطرون
مجايبه شي وياي
اكو ملابس بالكنتور
خزرته .. ومنيلك ملابس
كال مالات مرتي وضحك ..دائما من الكه شي يعجبني اشتري وامي هم تشتريلج
فتحته لكيت اشكال معلكه لكيت قفطان مغربي لونه ذهبي حيل حلو سحبته من الكنتور وظليت اقيس بي كدام المرايه باوعتله شفته صافن عليه
كتله واني اضحك
كوم اطلع اريد ابدل
هي غرفتي ما اطلع
لاتصير لئيم كوم نمر
ولج اني لئيم لوانتي الي حتى مابستيني
يله هاك. تقربت منه بسته من خده
بسرعه سحبني وكعني ع الجربايه
كتله لا انمار لا ازعل عليك
اي ميخالف عود ازعلي وارضيج
خله شفايفه فوك شفايفي ويتفنن بيهه كوه اخذ النفس دفعته اختنكت
وخر عني اخذت القفطان وانهزمت وسمعت ضحكته. رحت صارت مقابيلي ناديه اخته
كتلهه اريد ابدل
اخذتني لغرفه كدام غرفته وطلعت
بدلت ودكيت ع ريما اجتني حته انزل وياهه لان استحي انزل وحدي.
نزلت جوه بالمطبخ يمهم
اخواته الكبار هنادي وريام اباوعلهم واحس مايطيقني حتى ماسلمن عليه
عفتهم ورحت يم بيبيته كعدت يمهه
كلساع تحضني كالتلي هالملعون نمر شمسوي بيج اشو ضعفانه
ضحكت كتلهه لارجيم
وينج وين الرجيم
بهالاثناء اجه انمار وغمزلي خجلت ودنكت
شافتنه بيبته
كالتله طالع ع جدك ماتفوتك مافايته
ضحك وطلع ..
اجتي ريمه
كالت كومي يمنه
باوعت لامي تخزرني وابد جانت ممرتاحه
كمت وياهه
اني دخلت واستلمني ظلن يعيبن عليه
وحده تكولي مراهملج القفطان جسمج محلو
الثانيه تكول الشال مو راهم وياا.
ردت ابجي كلش انقهرت وانحرجت.
حاجيت نفسي اني اعلمهن
حجيت كتلها انمار اشتراليا وامني البسه
يكلي لان يبين لون عيونج
حسيت بيهن فشلن
بس داخلي مقهوره حيل بقيت كاعده.

وكلهه تباوعلي والحقد والكراهيه بعيونهن
زين اني ليش يكرهني مواجن خطبني غير قابلات

صاحتني بيبته كلت اي فكه خلي اخلص منهن
كالت عندي حجايه وياج رحت وراها
لغرفتهه كعدت بصفها
كالت ترى احنه حالنه هذا 24 ساعه خطار مانريدج تتعاجزين وتذمرين وتخليهن يكولن ماعرف يختار شوفي هاي البنوات الواكفات كلهن يردن انمار وكلهن بيوم الي كال اخطب اجو عمامه وكالوله اختار شتريد وبدون مهر وتوسلو بيه بس هو فضلج ع العشيره كلهه لاتخذلي انمار عصبي حتى وي اهله حاولي تكسبي
كتلهه بيبي انمار كلش عصبي ومايتفاهم
- اي يبنتي بس تره انمار احن واحد عدنه طيب قلب ماكو واحد ماساعده حتى كومه ايتام متكفلهم بمصرفهم ودراستهم بس هو مايحب العناد والكذب صيري سبعه واكسبي شبيج يحضي فره شعر بغمزه اوكعه ع وجهه
كمت اضحك
كالت هسه كومي وياهن واشتغلي لاتعتبرين نفسج خطار ترى البيت هذا بيته هم وباسمه
كتلهه امي ماتقبل كالت مالج علاقه اني كلتلهه
كمت طلعت من الغرفه
رحت للمطبخ ..
واشكال سمعت الحجي
ويقلدن على طولي اني قصيره بس موقزمه يعني ناعمه وهن كلهن طوال اني ابد ما اجاوب اسكت الى ان طلعت روحي كلت الا اجاوبهن
انوب كعدت وسكتت وبقلبي نار داحس يكرهوني
دخل انمار شافني واكفه تقرب علي حيل
كلي شنو هالجمال هذا لاطلعين ابد
باوعتله ومبتسمه
و اسمع عمته تكوله انمار موهنا تتغزل بس بنتر حجتهه
كالهه ليش لازم اقدملج طلب وتوافقين يله لوماتكدرن اذا ماتحشرن نفسجن بكلشي وبعدين شعدجن متكومات كلجن بالمطبخ الي ماعدهه شغل تروح تكعد وتسكت والي ماعجبهه كلامي هذاك الباب واشر على الباب
الكل سكتن واكوطلعن من المطبخ وهو كلي لايجي احد لاطلعين وراح. طلع وهنه استمرن يبسمرني مبقت حجايه
كلش انقهرت ..
بقيت اسوي كم شغله منا ومنا وبينما دااشتغل
اسمع اخته ريام تباوع بوجهي وتعيط حيل
انتي عميه ماتشوفين ابني يمج ديلعب بالمي لايتكهرب
باوعت ابنهه ديلعب بالمي ويمه الثلاجه ماعليه خطر بس هي متعمده تصيح عليه
اباوع
للبنات كلهن ضحكن حييل تأذيت وانجرحت
كتلهه جان شفتي انتي
كالت شوف السانج ما ادري وين لكاج انمار بيامزبله. هنا طلعت روحي هستوني ردت ارد عليهه وشفته
انمار ورايه ..
وللحكايه بقيه ..

[فيتامين سي]

بارت 15
نورا ناصر.

مسره ..
قهرتني كللش واحس انهانيت .. اريد ارد عليهاا
حسيت انمار قريب مني .. وتطاير شرارات الغضب من عيونه .. گللهه بعصبيه ..
ريام اذا ماحترمتي نفسج ادووس على راسج هسه
ريام ... اي يا انمار بعدك ماتزوجت وصرت اخو مرتك وكمت تفضل هاي الي ...
بعدهه ماكملت تقرب منها وضربها راشدي
اني من يمي سمعت الطكه
اجت عمته تركض وهنادي اخته لزمته
ريام لزمت خدها و طلعت من المطبخ
عمته ... لا انمار ليش هيج نزلت من قدرهه كدام الكل مو عيب
انمار .. والله اكسر راسهه وراس اي وحده ماتعرف تحجي واذا سمعت صوتهه بهذني اليومين الله كتبهه عليهه .. وطلع وهو معصب ومااعرف شنو يحس ..
اني ضجت حسيت بالذنب وبنفس الوقت خفت منه ومن عصبيته شون يضرب هيج.
طلعت من المطبخ ..اريد اروح يم امي اجت امه سحبتني من ايدي بالممر .. تباوعلي ومن عيونها معصبه.
كلش خوفتني .. كالت انتي شكو تكليله هااا
خاله اني ماكتله والله هو شاف وسمع كل شي ..
ام ماهر .. هااا وصلي حجي انت كايلتله ..
مسره .. لا خاله ونبي مو اني ..
ام ماهر .. اي اي لتحلفين هي اصلا ريام لسانهه متبري منها ..
مسره .. من رخصتج خاله اني اروح يم امي ..
ام ماهر .. اي حبيبتي روحي ..

عفتها ودخلت باللهول .. طبيت كعدت بصف امي.
جان اكو خطار كاعدين .. قربتني منها وظلت تهمسلي
ولج شكو شصاير انمار صوته طالع .. وحده اجتي لامه جانت كاعده هنا .. تكوللها ماما انمار ضرب ريام بسبب مسره شسويتي صحيح هذا الكلام ..

- اني مالي علاقه جانن يحجن عليه استلمني حجي وبسامير وهو جان ورايه وسمعهن ..

- مو كتلج مو خزرتج معناهه اكعدي يمي ولترحين
شكو رحتي يمهن وشكو ترادديهن ..

- لعد ترديني اسكتلهن وهن مثل المطر ينزلن عليه بساميرهن ..

- مو هذا الي ذبحتي روحج عليه اتحملي ..

درت وجهي وسكتت .. دك تليفوني جاني مسج
فتحته من انمار كايل الي تعاليلي فوك ..
اريد اكوم لزمتني امي من ايدي .. صكت على اسنانها وكالت
وين رايحه ؟؟ !! اشو اگعدي وسكتي .. لاتخليني هسه اروح لابوج واكوله نرجع بعدنا مااكعدنا وسسويتي مشكله ..
- هسه شسويت
- اشش ولا كلمه اكعدي ..
- كعدت ..
دزيت مسج لانمار امي متقبل اكوم من يمهاا .
مجاوني ..
بعد دقايق جتي ناديه تحجي وهي مايعه مو متصنعه لكن من شدة جمالهاا الي يباوع الها يكول عنها مايعه .. عيونها كبار كحيله وعسليه محدده بكحل رباني ورموش طوال حواجب سعفه مخطوطه
جسم وطول وشعر
الله مكملها سبحان الله احلى وحده من بين خواتها .السبعه
. كالت بيبي تريدج تعالي وياي.
باوعت لأمي انطتني نظرة موافقه لكن بتحذر
من بين تأفأات امي بضجر كمت
مشيت وراهاا
وصلنه للدرج اندارت عليه
كالت موبيبي تريدج
انما انمار وصاني اكول هيج كدام امج اصعدي اله فوك يريدج.
اومأت الها براسي بدون مااحجي وصعدت الفوك ..
وصلت لغرفته .. دكيت الباب انفتحت باب الغرفه
لان كانت شبه مغلقه ..
انفتحت ودخلت .. شفته متمدد على السرير بالعرض
دخلت بخطوات متردده .. هو عدل من نومته وسند جسمه بعكسه على النص ..وصلت يمه وكعدت بصف رجلينه ونطيته ظهر .. نزعت الشال خليته على اكتافي.
گتله واني على هذه الوضعيه ..
- انت ليش هالكد عصبي
- مااحب الغلط
- خطيه تضربها مو زغيره هي متزوجه وعدها طفل
- احسن لان انت متعرفيهم بكدي لذلك لازم هيج اتصرف وياهم داخليلهم حد حتى لايتمادون وياج اكثر وانت مرتي لازم يعرفون قيمتج عندي وعلى اساسها يحترموج احترامج من احترامهم الي ..
- باوعتله جتي عيونه بعيوني .. شفت بيهم حيره.
كتله تدري شي ؟
- لا ماادري شنوو ؟
- خوفتني منك اليوم ..
كعد بصفي حضني من كتفي .. وقربني اله صار راسي على صدره .. كال ماكو داعي للخوف
- لا شون ماكو داعي صوت الراشدي سد اذني
- لتسوين شي خطأ و مااعصب عليج
- مو كل شي بالعصبيه ينحل.
- اكو نماذج مجر عدل اله بالعين الحمره
وخرت من صدره .. قرب اصابعه .. وخر خصلات من شعري خلاهم وره اذني حسيت دغدغ مشاعري
وهو يباوعلي كال ادري بنيتي ماتخطأ لان صرتي تعرفيني شنو اني .. مو ؟
اريد احجي دك تليفوني .. باوعتله امي تتصل ..
انتفضت من مكاني .
كتله امي تريدني جوه .. قربني اله بعنف اخذ حصته من شفايفي كوه خلصت منه ونزلت ..
واني داانزل من الدرج شفت ريام كبالي .. خزرتني خزره خلتني اوكف مثل الصنم على الدرج .. وفاتت وبيدها ابنهاا ..
رحت للهول اللتقت عيوني بعيون امي ..وهي تفح غضب دنكت وكعدت يمهاا باوعت شفت بيبي كاعده دنكت وضحكت من الخجل مدري من الخوف
حسيت بكرصه بفخذي باوعت اثاريها من امي
گالت كذابه مو هياتها البيبي .. وين جنتي ..
سكتت وابتعدت منها سنتمرات قليله .. خوفاً من كرصه ثانيه ..
بعد الصلاة صبوا الغدا وتغدينه ..
وره الغدا كل شويه تجي وحده تتوسل بام انمار
يردن يروحن للصالون..
لان الحنه بالقاعه ا
الساعه ب4ونص كالو نطلع ..
گللهه لاتدوخيني صالون ماصالون كلشي عدجن بالبيت وسون
كالتله بنت خالته لازم نروح احنه خواته
كالهه بنتر روحي من بيت ابوج مو من بيتي منين اطلعجن وامة محمد كلها مكلوبه بالباب.

بقن يحجن وضايجات .. جتي زهراء اشرتلي بمعنى تعالي يمي .. كمت وامي تتحسر كلش ضايجه.
اني رحت بغرفة زهراء ..
حاولت افتح وياهه الموضوع .. كتلها شلونهن وياج حمواتج .. اكيد يحبنج .. بس اني ماادري شبيهن ويايه اليوم كلش تأذيت منهم ..
زهراء .. اووف شيحبن مني شحجيلج لاحجيلج وصلت للموت من وراهن اجيت بيد ماهر بدون رحمه راد يخلص عليه والسبب هنه .. انهزمت منهم بنص الليل خفت منه يخلص عليه واني يتيمه وماعندي احد ..
مسره .. اني انصدمت شمسويات بيهاا معقوله زين اني اكول من غير طائفه ويكرهني احتمال هيج افكر زين هي ليش .. ؟
كتلهه ليش شسوولج ؟؟
تريد تحجي .اجتي ناديه
كالت ماما تكول عوفي شعرج كوله مفتوح لاتلمي و لبسي شي طويل وطلعت وسدت الباب
باوعت لزهراء گتلها لعد اني جايبه قصير
كالت يمعوده ماعليج بيهن سوي الي يعجبج لان لوتخلين النجوم بيدهن ..مايقتنعن
بهاللحظه .. وصل اشعار مسج بتليفوني اخذته من على الميز فتحته شفته من انمار كاتب حبيبي خليتلج علاكه بغرفتي روحي اخذيهه.

باوعت لزهراء وضحكت كتلها انمار دازلي مسج يكول اكو علاكه بغرفته روحي جيبيهه خاف مسويلي كمين
- ضحكت ..ماشي رايحه ..
راحت وبقيت بغرفتها .. طليت على ابنها نايم بسريره
اجت جابتهه
كالت اخذتي غيبته ماموجود
ضحكت واخذت العلاگه منهاا ..
جايبلي نفنوف زيتوني كلش حلو وطويل.
سويت شعري وشلته للنص وبيرمن

بعد ماخلصنا اريد اسأل زهراء شنوو سوون الهاا ..
جتي اخته لينا اصغر اخواته .. كالت يلا تعالن راح نروح .. نزلت جوه وطلعنه بره .. صعدن كلهن بالسيارات اني صاحني انمار
رجعت كلت لامي كالت روحي
رحت صعدت وياا وطول الطريق لازم ايدي ويتغزل
رحنه للحفله نزعت الشال .. وبينت تسريحتي
جتي امه تباوعلي صفح .. كالت مكلتلج لينا شعرج تفتحي.
اني ارتبكت كلش كلتلها .. كالت وسويته بس ماطلعت حلوه ...
محجت وراحت ..
وكملنه ورجعنه للبيت ...
بسرعه بدلن وكامن للعشا وهوسة الصب والمواعين اني عادي وياهن كامن يصبن ويشيلون بالاكل
تقرب يمي انمار كالي فوتي جوا لحد يشوفج
فتت جوا يم امي تعشينه وبعدهه كالو اطلعوا غسلو مواعين.
شكلت وكعدت اغسل وياهم بس بعدهم وجوهم ثگيله عليه .. عدا ريما واخته الصغيره لينا
كلش حبابات ويايه.
گالوا اجت عائلة بيت عمه هسه وصلوا لان جانو بغير محافظه .
خليت سفطة مواعين ع الكاونتر .. وطليت من الممر شفت انمار يمه بنيه .. لابسه عبايه اسلاميه وتسولف وتضحك ويا وضربته على كتفه .. ظليت اباوعلهم بخزر كللش غرت منهه مااريدها توكف يمه ابد ..
ونوب تلزمه متتت بقيت واكفه وارفع حاجبي والبنات يمرن من بصفي يتعمدن يضربني ويفوتن بس اني مااهتميت الهن بكد مامهتمه لوكفته يمهاا ..
انتبه عليه شافني .. اجه يمي اخذني من ايدي وعرفني عليهاا گال هذه بنت عمي وفاء ..
سلمت عليهاا ..
كال يلا اخليجن تتعرفن راح اروح عندي شغل ..
بس راح كالت اني شايفتج اول مره ببيت جدو بالفلوجه من انقطع الطريق جنه هناك ..
- اهاا ولاتذكرج. والله ..
- اي ماحجينه اني وانت بس صديقتج رونق من رحنه للمطبخ صرنا صديقات ..
- اهاا اني جنت بوقتها تعبانه كللش.
- اي صحيح احنه مابقينه هواي قبل العشا رحنه واغلب الوقت جنت يم البنات ..
اني وانمار كلش علاقتنا قويه .. وميانه

- اني انزعجت كللش .. كتلها رايحه يم امي اكعد.
عفته اصلا حتى نظراتها الي معجبتني .

كعدت يم امي .. ودزيت اله مسج كتله اريد اشوفك هسه ..
شويه ودزالي ريما .. رحت وياها صعدت فوك ..
دخلت وسديت الباب .. لزمني من خصري.
وباسني على خدي ورقبتي بس اني بارده ويا
ابد مابادلته شي .. انتبه عليه كال شبيج
- وخرت ايديه من خصري كتله اي جان بعد بوستها
- هه منو
- الي اسمها وفاء
- اولا هي بنت عمي ثانيا تره خطيه مريضه
- وانت شنو طبيبها عشتو ؟؟
- بس لاتغارين
- ليش هو اكو حب بدون غيره ؟!
- هاا حتى تحسين بيه ماشي ..
وهسه كومه شغل عندي ولخاطرج صعدت فوك ..
-ببرود گتله خوش
مسح على خدي .. كرصته من ايده .. حييل وسويت اثر
وهو لابس قميص ومشكل رداناته كللش وجعته .. عاط
- يولي شراح يكولون على هذا الاثر اذا شافوا ويدرون بيج هنا هسه اصير مضحكه الهم ..
- هي مكان ماحركت قلبي بوكفتك وياها
- يولي خطيه والله اعطف عليها اني واحنه من الصغر كللش اصدقاء بس نظرتي الها كأخت مو غير شي.

- رفعت حاجبي كتله اي خوش راح انزل ونزلت ...
كلش ضجت بالليل وامي اكلت راسي
ومطنكره ..
وقت النوم جتي زهراء
. اخذتنا اني وامي لغرفتها كالت تعالن يمي
رحنا وياها وفرشت النا مددنا كلش تعبنا
شكد ردت اسمع منها شنو الي سووه الهاا بس مارجعت سألتهاا بعد .. خطيه خاف تنحرج وامي موجوده.
ماحجيت ومددت بالغرفه وردت انام ماكدرت
بقيت اتقلب وافكر بلي صار اليوم كله ..
اخدت تليفوني .. دزيت مسج لانمار ..
- حبيبي شدسوي.
بقيت انتظر ماجاوبني ضجت كللش والكل نايمين.
عفت التليفون .. . سمعت صوت طكه .. كمت
بيتهم كلش جبير وشباك الغرفه يطل على الممر البره
كمت باوعت من الشباك بهدوء بس ظلام مو كلش ضوه.
شفت اثنين واكفين بنيه وولد
مبين لازم ايدهه وحاضنهه مكدرت اتعرف عليهم بسسبب الظلام.طولت نظري ..
حسيته انتبه على الشباك بسرعه سديته ورجعت بفراشي
وافكر بيهم منو هذول ..
وره شويه سمعت الباب انفتح ..
تفاجئت كلت يمكن الي جانو بره قبل شويه دخلوا بس منو هم والكل نايمين .. فتحت الباب وطلعت ..
وانصدمت شفت انمار ووفاء بنت عمه تمشي وراه هنا اني متت بركان وانفجر بيه
يعني هم جانو برا وليش وشلون اسئله بنفس اللحظه مكدرت افسرهاا
باوعتله صفح وطبيت
بقيت اللوب بفراشي لا وفوكاهه مايرد ع رسالتي
غطيت وجههي وغرست اصابعي بكل قوتي بيها
سمعت صوت الباب انفتحت وخرت البطانيه.
شفت ريما
حجت بهمس كالت تعالي.
عرفتهه انمار باعثها
رحت وياهه وصلت لنهاية الدرج يم باب غرفته
حسيت عليه سحبني
وكبل للغرفه بس صرت بيده ونسدت الباب .. دفعته وكتله ..
- ديربالك تتقرب عليه اصيح صوت الم الناس عليك - شبيج تخبلتي شسويتلج
- فوكاهه تسأل مو جنت مخلصهه تشبك وتلمبق وي وفاء .. وهسه جاي عليه. مووو ؟؟
- شنوووو ؟؟؟
يتبع ..
اسفه مانزلت البارحه بس تليفوني سخن وفرمته ورغم جنت مو بيبتي وهوسه بس كتبت الله شاهد
لكن التليفون غدر بيه وماخلاني اكملهاا كلها ..
😍😘اكيد تعذروني لان احبكم
باجر بارت تعويض
توقعاتكم ..

[فيتامين سي]

بارت 16
نورا ناصر.

مسره .بعصبيه . شنووو بعد شنووو شعندك بره يم وفاء ماتگووولي شعندك؟ ؟
قرب مني واني رجعت ليوره بس احسه عصب واني تذكرت الراشدي وخفت.
لملم اصابعه يهديني گال
مسره شنو هالالفاظ احجي عدل شوي شوي انت عن شنو جاي تحجين؟ ؟
شفته تفاجئ كلش
كتله شفتك انت ووحده متحاضنين
شفت ردت فعله كلش قويه
كال اني!!!! شتخبصين انت اني جنت بالمضيف وهستوني طبيت للبيت
- ووفاء شسوي وراك
- مادري لكيتهه كاعده بالمطبخ كالت ماجايني نوم شفت الحيره بعيونه واكوشي اباله
اني سكتت وصدكته لان مبين صادق وقلبي صدگه.
انمار .. اشو ماالتمستيلي عذر لو بس ترديني اني اعذرج؟
- كل شي جان مثير للشك
- اهاا كلتيلي .. عجل تعالي ..
اخذني للجربايه كعدني وباسني من شفايفي حسيتهه قويه واذاني دفعته كتله شبيك غمض عيوني بيده وخلاني ع الجربايه وصار بصفي وبوسني هوااي من ركبتي وحضني حيييل كالي لاتروحين نامي على صدري
- انمار هسه امي تكعد وماتلكاني تسويهه كربلاء
- اني اكعدج شوي بس نامي
خلاني ع صدره ويلعب بشعري غفيت بسرعه مادري بنفسي كعدت قبل الفجر بشويه.
لكيته كاعد ومبينات عيونه بيهن حجي لزمت ايده كتله نمري شبيك
- افكر بالي شفتي منو من بناتنه هيج واحنه ماعدنه غريب بس خواتي وبنات عمامي وخوالي والمصيبه الولد منو ؟؟
- يله لاتفكر يجوز من المتزوجات
- والا هسه يلتقون بهالزلك يعني؟
- لا تخلي ابالك هالشي ويلا نام اني رايحه لاتكعد امي ومتشوفني.
هز راسه واني نزلت .. رحت لغرفة زهراء شفتها امي بعدها نايمه .. تمددت بصفها وكملت نومتي.

صار الصبح وكعدنه
صاحولنا لحتى نتريك
كعدت صاحلي انمار كالي تعالي بصفي تريكي
رحت يمه واني بصفه احسه ضايج بعده على سالفة البارحه تريكنه وطلعو التهوا بالغده وهوسه وناس هواي وشيوخ
وانمار حسيته تعب كلش انقهرت عليه ..
تغدينه وغسلن مواعين واني ماكمت هالمره بقيت يم امي صار العصر امي كالتلي متروحين للزفه ماناقشتهه سكتت.

سمعت امه تكول للبنات شوفنه شلون عصبي اكعدن وسكتن واخواته كالبات الدنيا يردن يروحن ماخلاهن مادري شنو الي بباله
جابو العروسه ..
وخلصت الزفه
بالليل بابا كال نرجع للحله
بس جد انمار ماقبل كال ماترحون باجر روحو صار الليل وتعشينه
اجه انمار كال لحد يكعدني اريد انام وراح

كعدنه الصبح وتريكنه .. وهو ماكو نايم .. صارت ساعه ..12 الضهر .. الخطار نصهم ماكو
نص راحو بالليل ونص الصبح بقى شي قليل.
رحت للمطبخ ماكو احد مخلصين طبخ وكل شي ووقت صلاةه دااريد اشرب مي
حسيت بانمار حضني من ورا كالي مريتي اشتاقيتلج
- انمار لحد يجي عيب
- وشمسوي انتي مرتي
- لا ميصير
لزم ايدي وباسها يريد يحضني
سمعت احم احم
باوعنه على باب المطبخ صار گبالي جده لانمار
كلش فشلت واستحيت ..
جد انمار .. ياملعون ماتصبر للزواج
انمار .. ههههه جان صبرت انت شكم مره لزموك بالبستان انته والحجيه
الجد ... ايباااه والله ايام وينهه الحجيه صيحوهه فرغولي غرفه
صاحهه انمار وهي اجت
ونصب عليهه
وهي تضرب بيديهه على صدر الجد
وتكله ما تخلينه نبات بالفندق راحت بنفسي
هو يكلهه اذا نبات شنسوي
واني ميته ضحك
البيبي انمار ولك شسويت لجدك مطلع عينه هذا الشايب يخوف.
كلنا ظلينه نضحك ..
بعدها ظلت تحجيلي قصتها
كالت اني بنت الفلاح مالتهم وجد انمار جان متزوج 2نسوان قبلي وماخلفن .. وابو شيخ وماقبل يتزوجني اله بالكوه ..
بقينه نضحك ونسولف ودخلت وفاء للمطبخ. .
احنه كاعدين اني وانمار .. على ميز الطعام
باوعت النا بحزن و عيونها ذبلانه من المرض .. واجت كعدت يمنه ..
وكل نظراتها حزينه ومزعوجه .. كام انمار ..
وبقينه اني وياها .. وجوي البنات حتى نصب غده
كالت مسره اريد رقمج .. اني ماارتاحيت الهاا
كتلها ماشي بعدين انطيجيا وغلست ..
كعدنا هواي نحجي اني،وياها ..
خلص العرس ورجعنه للحله .. وجانت عطللة نصف السنه .. قووت علاقتي بزهراء زوجة ماهر نتخابر هواي هي
اصغر مني بس كلش حبابه وفقيره وعدهه اخوات 2 مزوجات بكركوك
خابرتها ظلت تحجي و تشكيلي من ماهر
زهراء .. اني محرومه من الطلعه الا ويا وخمار وكلشي ما اشوف ولا اسمع
گتلها خوفتيني لتكولين انمار مثله
.. لا صح هم ملتزمين بس مومثل ماهر لان دارس علوم اسلاميه صعب حيل
... غير يحبج ويخاف عليج
... بس موهيج محبوسه بين 4 حيطان والخمار موتني
.. اهاا اخواته شلونهن وياهج
.. والله شگولج الصغار زينات بس زينات بس الكبار موشي يسمعني حجي ويكولن زعطوطه وماعرف يختار بس اني مالي علاقه بيهن اسمع واسكت وسولفت لماهر كلي اتحملي شهرين ونرجع بس اني ماريد ارجع مليت من الوحده.شوفي مسره بنت عمه احسهه تباوع لماهر وتتوددله بس هو مامنطيهه مجال
واني اغار كللش .. مره رتبولي تهمه وخلن ماهر يعيط عليه ويضربني .. تهمني اعاند امه واغلط عليها وهو كل شي ولا امه طلعت من البيت رحت لبيت جيرانه
وبعدها تكفلني انمار ورجعني ..
مسره ..سديته منها بس انقهرت عليها
ماهر طبعه وشخصيته فدشي بعد اكثر من انمار رزن حته ضحكه كوه يضحك هدوئه قاتل.
بعد فتره اجااني مسج على المسنجر
فتحته مكتوب مسره اني وفاء ممكن تجاوبين؟
وافقت على الطلب وحاجيتها ..
كلتلي اريد اعترفلج بشي؟
قلبي نغزني كلت الها والي هو؟
كالت اني احب انمار من واني صغيره
بس اني مريضه واكيد انمار ميكلبني
من جتي رونق لبيت عمي وصرنا صديقات حجتلي عنج وشون انمار يريدج كلش تعذبت وجيت اموت وصلت للموت بس الله مااخذ روحي مكتوبلي اتعذب بالمرض وبالحب ..الي من طرف واحد ..
رونق جانت تحجيلي عنج .. تكول شايفه نفسها ومتتحاجى وبعد هواي شغلات تكول تسوي علاقات هوايه .. انطتني الفيس وظليت اراسلج واهددج
لكن من شفتج بعرس ابن خالة انمار وشفتكم انت ويا شون تحبون بعض فرحت لفرح انمار بيج ودعيت الله يتمم فرحكم مدام هو سعيد وفرحان هذا هو عندي بالدنيا .. واني من هنا راح اكف اذاي عنج وحتى اذا تردين تكولين لانمار ميخالف اني اعتذر منه .. وبالنسبه لرونق ابتعدي عنها احسن لان متحبج ويمكن تأذيج ..
سألتها عن مرضها كالت عدها فتحه ولاديه بالقلب وفقر دم منجلي ..
سديته منها وضحكت .. ليش رونق تأذيني
هيج الغيره تكتل ..
مرت ايام ظليت ما اسال على انمار الا هو يدك عليه بيني وبين نفسي اكول خلي يتعلم على طبعي وشنو اني اعوده وادلله هويدللني
فتوترت علاقتنا ..
رجعت داومت ..
قلت مكالماتنه كلش ولاكانما مخطوبين وكلامنه عادي مااعرف شنو الي صار وخلانا هيج نصير يمكن بسبب برودي او طولة خطوبتنا ..
مره كلت خلي اني اخابره
دكيت انتظار وتقريبا نص ساعه انتظار وساعه يدك ومايجاوب وساعه مشغول تحلفت بي اول مافتح صحت علي وين انتظار ومتكول اكو وحده تخابرني لو حبيباتك هواي
بعدني مامكمله كلامي اجاني صوته حاد
انجبي واسكتي لا اجي اكسر راسج اشو انتي صايره صلفه والسانج اطول منج وتعلين صوتج وبعدين ياعزيزتي ماتوقعتج اليوم تخابرين لازم اضربلج شكم طلقه
- على كيفك شجاك اكلتني حاصل فاصل
- اسمعي يابنت الحلال لاتجربين اعصابي خليج مثل ما انتي وهذا السانج اذا ماكصرتي اني اكصرله الج جربي علي صوتج مره ثانيه وشوفي الي يجرالج و يله عندي شغل هسه من افرغ احاجيج.

سديته وبقيت افور شلون مارديت واخرسيت اني اعلمك انمار.
عفته واللتهيت .. بعدها خابرت على زهراء ماكو مغلق ثاني يوم ماخابرني ابد
وزهراء ماكو بقه بالي شصاير وشكو
خابرت ريما كتلهه زهراء اشوماكو وانمار هم ماكو كالت ليش متدرين ؟؟
- شكو لا طبعا ماادري
- صارت مشكله بالبيت ماهر لكه رسائل بموبايل زهراء وموبايل سري بملابسهه وضربهه وهي خلتنه انام وانهزمت حتى ابنهه عايفته وهي كلشي متندل ببغداد وصار يومين ماخلينه مكان يعتب علينه وخابرنه لاخواتهه وماكو ماهر لا ليله ليل ولانهاره نهار وابنهه لحظه مايسكت.
كلش انقهرت على زهراء وين راحت معقوله لان ضربهه انهزمت ليش هيج يضربون كلهم على هالمنوال فرضا مو الهااا التليفون ليش يتسرع.
بعد مرور وقت خابرت انمار جاوبني
- هلا مسره حتى حبيبتي ماكو
كتله اسال على زهراء هسه ريما سولفتلي
- بعدنه مالكيناهه
- اووف وماهر شيكول
- ساكت يعني شيگوول بس خلي نلكاهه ولد الحرام هواي وهي زغيره وماتندل.
كعدت محتاره وافكر انقهرت عليها حييل ياترى وين راحت وهي يتيمه وخواتها بعاد عنهاا
اني اعرفها حبابه ومستحيل تخون منين جتلها هي المصيبه ..
جتي يمي سمر كالت شكو شبيج
حجيت الهاا
كالت ان شالله ترجع بالسلامه بس شلون تنهزم من بيتهه ماخافت.
- والله ماادري ياسمر
- خلي ندعي الها ان شاءالله ترجع.

- هي كلتلي ماهر يحبني وحنين وياي
بس اخاف منه اذا خزرني اتخربط
- اكيد من الخوف انهرمت ياالله كون ترجع واالا وين تروح
- اي وابنها هم خطيه يبجي ومحد كادر يسكته
- اي اكيد يريد امه حبيبي ...

مرت 5 ايام واني يوميه اخابر انمار واساله ويكلي ماكو !!!!
كال انتي متعرفين شي عنهه ماحجتلج شي؟؟
- لا بس كالت شاكه بنت عمه وتخاف من ماهر وجانت تحجي حجي عادي
- اووف يولي ماهر شلون الاسد وهايج للصبح ماينام يكول من ازوجتهه لحد الان مايوم خليتهه تنام برا الغرفه وحتى لو نزعل انومهه بحضني شلون تجرأت وطلعت من البيت وين راح الكاهه واني ماصارلي شهر من رجعت.
- ان شاءالله ترجع والله اني هم مقهوره عليهاا
- اذا خابرتج كوليلي ماشي ..
- مشتاقلج تره
-اني هم والله ..
سديته
وره يوم دك موبايلي رقم غريب رفضته
بعدها تلقيت رساله اني زهراء
جاوبتهه كتلهه وينج ولج شسويتي انكلبت الدنيا عليج
كامت تبجي كالت مسره اخاف ارجع ماهر يذبحني.
- انتي وين ؟؟
- يم عمي مهجر من الانبار كاعد ببغداد وحلفت عمي مايخابر ماهر واصلا ماهر مايعرف بي كاعد هنا.
- مالج علاقه بماهر ولاتخافين انمار يجيج
- عفيه مسره خايفه ومشتاقه لعمر ابني ميته علي ماادري شون سويته يابه والله التليفون مو الي اني من خزرته اختف نوب اسوي هيجي
- مااعرفج اني وتكوليلي عليج لتخافين ان شاءالله يكشف الي سوو بيج هيج.
سديته منهه خابرت انمار وحجيتله
كال وحده وحده انطتج العنوان ؟
- اي
- اوكي اني اروحلهه ما اخذ ماهر وياي
- اي عفيه لان هي كللش خايفه منه.
- يلا هسه باي
-باي
رجعت خابرتهه كتلهه لاتخافين مدام انمار وياج
هي بس تبجي
كتلهه شصار سولفيلي ؟
كالت من ارجع احجيلج
سديته منهاا
بقيت على نار وكلساع اخابر انمار يكلي بعد
ورا ساعات خابرني انمار
كتله وينك نمر ضل بالي
- هذا هو رجعتها للبيت
- شسوه ماهر؟؟
- اول مانزلتهه من السياره هو مايدري واكف بالحديقه بس شافهه تقرب عليهه وخزرهه وكالهه وين جنتي هي ختلت وراي وبس تبجي
كتله ع كيفك لاتخوفهه جانت يم عمهه
بس ماهر كوه متحمل كتلهه طبي جوا وغسلي وتعالي نحجي وياج هي ترجف من الخوف شكد مخوفهه خطيه تقرب عليهه وهي ترجع ليورا وجرهه لحظنه وكالهه لاتخافين واخذهه وطبو جوا
مسره .. شعجب ؟؟
كال شاف الخوف مراح يجيب نتيجه نريد نعرف الحقيقه.
مرت كم يوم وخابرتني زهراء
كالتلي ولج انمار عرف منو الي سوه هيج بس خابري وكليله مويكلب الدنيا ترى هو بالشغل والبيت داخل انذار
- لج فهميني منو ؟؟
- ماعرف التفاصيل بس خابرهم وكال اجمعو اخواتي كلهن بالبيت وهسه يجي.
- ياعزا خواته شكوو
- لج روحي خابري وهدئي عمر يبجي رايحتله.

سديته منها رجعت خابرته
كتله نمري شلونك
- هلا حبيبة قلبي
- وين انت
- طالع بشغله
- خابرتني زهراء وكالتلي انت عرفت منو سوه هيج
- ايي هسه من ارجع احسابهن
- هدي اعصابك على كيفك
ضحك كال تعرفين شلون تهدئين اعصابي
- لا شلون
- من اجيج اعلمج شلون
ضحكت اني كتله صاير دنغوزي
ضحكته صارت عاليه كال هاي شنو دنغوزي
- سمر دائما دكولهه معناتهه فدواحد
- هههههه يله حبيبه خلي اروح اكمل شغلي ومن ارجع اخابرج.
للحكايه بقيه.

اطلبوني بعد بارت بس تفاعلو ا

[فيتامين سي]

بارت 17
نورا ناصر ..

بعدهه كعدت انتظر اخابرهم اريد اعرف شنو الي صار
محد ميجاوب ..

كعدت اقرا للامتحان .. خلص اليوم ويوم ثاني داومت
تفاجئت برائد گدامي .. اجه سلم عليه ..
شلونج مسره؟
هلو رائد شلونك شخبارك؟
الحمدلله .. جيت اعزمج على حفل تخرجي مو ماتجين ؟
لااان شاءالله اجي ..
يلا ممحتاجه شي
لا سلامتك ..

راح من يمي جتي سمر كالت شكو هذا شيريد منج
- ديعزمني على حفلة التخرج مالته ..
- ولج متخافين انمار يلگفج لج قابل شمسويه اني.
- لا ممسويه متجوزين من سوالفج.
- امشي امشي للمحاضره احسن.

خلص اليوم ورجعت للقسم.صليت و تغديت وخابرت زهراء حجتلي علي صار ..
كالت من رجع انمار لكاهن كلهن متجمعات بلاستقبال حسب طلبه
بس قبلها طلعوا عمو من البيت لان مريض وخاف يسمع ويتأذى
جمع البنات وامه وصاحني
ماهر .. هاي رؤى كدامجن كللي بشنو مأذيتجن صار سنين بعيد عنكم اول ماجيت سويتلي سالفه
ريام كاعده رجل على رجل وتطك بعلجهاا
صاح بيهه ماهر .. اكعدي عدل لا والله اكوم اكسر راسج
ام ماهر .. فهمونه السالفه شنو
انمار ... ياعزيزتي بناتج الحبابات مشتريات تليفون وخط ومتفقات وي وحده صلفه مثلهن ويتراسلن ومخلياته بكنتورهه
ام ماهر بصدمه .. هذني اخواتك انمار شلون تحجي هيج عليهن
انمار .. اي اعرفهن صلفات وعرمات ومايخافن
ام مااهر بصيااح .. شلون تحجون على اخواتكم هيج هذني عرضكم تفضلون نسوانكم عليهن
ماهر .. شوفي ماما مديت ايدي على زهراء وهي ثاني مره اسويهه واذيهه بسببهن وصرت بموقف وانهزمت ما اخلي حقهه يروح لو مو اختي لان الي تسوي هيج هاي المفروض اجرم بيهه
صار صياح وعرك يتعاركن وصوتهن عالي بيناتهن وحده تشمرها براس الثانيه
انمار .. بصياح .. قسما بذات الله الي ماتسكت ادوس على راسهه ولجن مخلي وحوش بالبيت شعدجن وياهه هاليتيمه لو الكره والغيره عاميتجن وحدتجن السانهه رشاشه موعبالجن مزوجات واحترمجن والله اطيح حضهه الي تفتح حلكهه بكلمه
لينااااا تعاااالي تعالي احجي شسمعتي وشفتي.

لينا شخصيتهه قويه تشبه ماهر
لينا .. ريام ونرجس دائما اشوفهن يسولفن واني بقيت اراقبهن ومره طلبن مني اتقرب لزهراء
وكتلهن اكل لماهر عليجن يله عافني ومره شفتهن لازمات تليفوناتهن ويراسلن وحده بثانيه ويضحكن ونرجس تكلهه خوش راح توكع بيهه زهراء اريد طلاكهه بشهر وريام تكلهه عد عيناج واني كل هاي المده اراقب بيهن واشوف ريام كلساع تبدل خط وقبل يوم العركه شفت ريام دخلت لغرفه ماهر وطلعت بسرعه
بهالاثناء وبعد هالكلام دكول كامت ريام تريد تضرب لينا وماهر لزمها ولوه ايدهه كالهه هاي انتي اختي شكول على الغريب ابوي انطاج خبز بس ما انطاج تربيه وضربهه راشدي وكالهه هسه تطلعين وما اريد اشوف وجهج واذا ماطلعتي اني اطلع
الام وهي تهدأـهم ... لمي غراضج وخابري رجلج
يجي عليج لايذبحونج هسه والله ..
ماهر .. اسمعيني زين ام المشاكل اذا رجلج راح للدوام ابقي بيت عيالج اذا شفتج هنا بعد.
زهراء .. باوعت لماهر بنظرة اسف
وزخلت للغرفه وراي
اني واكفه ع الميز حضني من ورا دفعته كتله تهمتني وشكيت بيه واني تربات ايدك مايوم واحد شاف اضفر مني ومثل العميه امشي وراك.
ماهر .. شتردين مني اشوف هيج شي واجي ابوس راسج ترى اني رجال وموبيدي اغار عليج من الهوى لوما احبج واخاف عليج ماسويت هيج
ببجي كتله شلون انطاك كلبك تضربني بهالقساوه واذيتني وجريت كلبيتي وطلعتله زندي ازرك ورفعتله وطلعت رجليه شلون اثر بيهن
لوعندي اب جان ماسويت بيه هيج
حضني حيل واني اضرب بصدره ويمسح ع راسي
ماهر .. انتي موبس زوجتي وام طفلي انتي بنتي وحبيبتي وعمري انتي الي فضلتج ع الكل بس بلحظة عصبيه وموبيدي فقدت اعصابي وباسني من خدودي ومن ركبتي وسحبني للجربايه ونومني بحضنه وباسني من راسي واعتذرلي.
مسره .. اووف يازهراء وهسه شونهن وياج ..
زهراء .. بعد الحيه راحت والله كريم نعيش ونشوف شيسوون بعد ..
مسره .. زهراء خوفتيني منهم ..
زهراء .. لا حبي لاتخافين بس اخذي حذر .. منهم وديري بالج على انمار لاتخسري صح عصبي بس قلبه طيب ..
مسره. ... اووف ياعصبيته وهسه شونج ويا ماهر.
زهراء .. هو صالحني بس اني شي وانكسر بيه وباقيه لخاطر عمر ومعندي احد. مكتوب عليه اتعذب بس هو وعدني مايمد ايده عليه بعد ..
مسره.. ان شاءالله ..
سديته منهاا .. ورجعت كملت اليوم عادي ..
بس تفكير كتلني .. ريما ولينا خوش بنات كلش حبابات ونتواصل سوه .. ناديه شويه منعزله ومالها علاقه بأحد .. بس البقيه كلش خايفه منهم ..
بعدها حان موعد نزلتي نزلت وانمار ينتظرني ببغداد
اول ماصعدت ويا جان مزعوج ومبين كلش ضايج وباله مشغول بالسياره سألته
- نمر صاير شي ..
- ليش تسألين؟ ؟
- احسك مو على بعضك ..
اخذ ايدي شماهه وباسني ..
- فديت الحبيبه التحس بيه معبالي تحسين
- ليش قابل ماعندي احس
- لا بس مجاي اكدر افسر مشاعرج احسج غامضه.
- اي بس متعرف بداخلي شكد احبك
- هم انعم الله ..
- مراح تكولي شبيك
- خليها سكته
- اوكي سكتت ..
- تحبين هسه ننزل للسوگ لو العصر
- لا حبيبي والله تعبانه خليها العصر ..
- عجل خليها العصر ..
وصلنه لبيتهم جانوا اهله موجودين
هم كاضينها بين بغداد والسليمانيه ..
دخلت وسلمت على الكل امه وابو واخواته الموجودين بالبيت .. المتزوجات مجانن موجودات ..
اشرلي امشي فوك .. رحت ويا للغرفه بس بعده كلش هادئ وقليل يحجي وبس يتحسر ..
كال جبتلج ملابس وشغلات تلكيهه بالكنتور ..
- لعد عليمن نروح للسوگ اذا جايبلي
- متريدين شي على ذوقج
- لااني مقتنعه بذوقك ليش هوو اكو احلي منه ..
- لا هم ننزل للسوك وبعدين اوديج لاهلج
- ماشي ..
- رايح اسبح بينما تبدلين انت ماشي ..
- ابتسمت كتله اوكي ..
بدلت وطلعت .. رحت يم زهراء ..وابنها كعدنا نسولف صاحلي انمار رحت يمه بالغرفه ..
- هاا حبيبي
- جر حسره كال تعالي يمي كلش تعبان وبحضنج انسى تعبي .. رحت يمه تمددنا نمت على صدره.
كال شغل الجيش متعب اريد اشتغل بشهادتي كمهندس ..
- باوعت بعيونه وامرر ايدي على وجهه اتحسس لحيته مبززه كتله هذا الي متعبك ..
- كلشي متعبني يوميه تطلعلي سالفه شكل
- شنو طلع بعد
- بعدين تعرفين هسه خليني انام .. غفي وهو حاضني حسيته ثگل تسحبت منه بهدوء نومته خفيفه باوعتله فتح عيونه منعس .. دار ظهره ورجع نام ..
رحت يم البنات ناديه وريما ولينا وزهراء وام انمار.
صبوا الغدا .. وعينا اكلنه كلنا سوه ..
العصر بدلت من الملابس الي مشتريها الي.
فستان محجبات طويل.. رصاصي مشجر خفيف
نازك ع الخصر حزام رفيع ..
طلعنا للسوگ واكلنه بالمطعم ووداني للبيت نزل سلم على اهلي مقبل يبقى على. العشا ودعته وراح.
وصلت تعبانه المغرب رأساً نمت ..
حتى مالحكت اكعد ويا اهلي .. كعدت نص الليل ..
يسرى لهسه كاعده .بيدها الكتاب
. كعدت اتمطى ..
كتلها هاا كاعده بعدج؟
- اي اقرا من بعد ماشفت درجاتي بنصف السنه ممتوقعه راح انجح .. صح مو هالكد وجنت بحاله يرثى لهاا .. وكضيتها بجي بس سبحان الله وكف بجانبي .. ونجحت ..
- الف الحمدلله انت قويه كدرتي تلملمين شتاتج وتنجحين وبعد اكثر ان شاءالله
- ابالي ادخل معهد صحه لان تعيينهم مركزي ..
- ان شاءالله بس يراد تتعبين هواي حتى تطلعين معدل وانت اكيد كدها بضروف صعبه نجحتي
وهسه تحسنتي وراح تتوفقين ان شاءالله.
- اي تدرين سمعت شيماء طفلها مهدد بالاسقاط كعدت اصلي وادعيلها الله يثبته الهااا
- فدوه شكد كلبج طيب ..
- رغم الي سواه بيه بس ماردت ابنه يوكع ماادري لان
ابنه لو لان طفل خطيه ..
- لااانت قلبج طيب وين اكو مثل قلبج ..
- اذا جوعانه اروح احضرلج الاكل ..
- لااني احضر انت ابقي تعبانه وجايه من طريق طويل

نزلت تحضر الاكل واني غسلت وكعدت اعدل بملابسي الي جبتهم ويايه والي،اشتراهم الي انمار.
اكلب بيهم وتذكرت نسيت قميصي وتنورتي بقوا بغرفة انمار .. الي رجعت بيهم من القسم ..
يلا هسه اكيد انمار يضمهم ...
كملت ونزلت يم يسرى .. اكلت ووخلصت غسلت المواعين .. خابرت انمار ماكو نايم .. لان مجاوبني ..
مر الوقت بين اقرا وافتح نت .. واخر شي نمت.
كعدت الصبح تريكت ويا اهلي وخلصت
وراها بيومين تخابرنا اني وانمار گتله شونك
بنفس نبرة الحزن العهوده من ايام كال اني،زين انت شونج
- مراح تفضفضلي مااحب اشوفك ضايج اتكآب ..
- ماكو شي تعبان وبعدج عني متعبني.
- مبقي شي حبيبي واتخرج ..
- على فكرة ناديه بعد اسبوع زواجها ..
- انصدمت اسبووع؟ ؟ شبسرعه اشو محد حجه؟ ؟
- هي صارت بسرعه بعد ..
سديته منه واني افكر معقوله ناديه سبب ضوجته.
مر الوقت عادي بعد اكثر من يوم واني بعدني ابيت اهلي .. طلعت العصر
للحديقه .. خليت تليفوني على الطرف مال الشباك
خاف يخابر نمر ومااسمعه ويزعل ..
مديت الصونده وفتحت المي ووجهت على الزرع وظليت ارش بالزرع. اتبللت الارض وريحة التراب المبلل ملئت رئتي شكد احبها استمتع باستنشاقهاا

دك تليفوني عفت الصونده بالارض وجهت تصب على الزرع
اخذت تليفوني شفت الرقم غريب تذكرت انمار منبهني ما ارد على اي رقم مااعرفه ..
رفضته وخليته بمكانه .. دنكت اريد اخذ الصونده سمعت صوت اشعار مسج ..
فتحته مكتوب .. اني ناديه جاوبي .
اريد اتصل .. دكت هي ..
جاوبتهه بسرعه
كلت الووو
بجت
كالت اروحلج فدوه مسره ادخلي احجي ويا انمار لا يزوجني ولايبطلني من كليتي الله عليج.
وتشهگ بالبجي ..
كتلهه وحده وحده بس افتهم شكو
.. مسره اني احب ابن جيرانه من جنه بالفلوجه
اخو صديقتي و من طلعنه من الفلوجه بعد ماشفته وبعرس ابن خالتي تواعدنا واجه وشفته 5 دقايق ومادري منو الشايفنه وكال لانمار ...
مسره ..اني هنا حسيت الدنيا افترت بيه صرت سبب تعاستهه ياربي شسوي هسه. احتاريت
كملت كلامها كالت .. وانمار فتح تليفوني وشاف كل الرسائل وبطلني من الكليه وغير الضرب الي اكلته منه وهسه تقدملي واحد وانمار قبل وعرسي الاسبوع الجاي عفيه مااريده والله مااريده بالغصب فدوه مسره معندي غيرج اني ..
- اهدأي ميخالف حبيبتي اني احجي وياا ..
سديته منها .. وظليت اعض اصبعي كلش تندمت على ذيج الليله شلون كتله ياريت ماطليت من الشباك ولاشفتهم .. يعني لو ما هو داخل وداخله وراه وفاء اني مجان شكيت بشي .. شلون حظ هذا .. سديت على المي واخذت تليفوني .. ودخلت جوه بالبيت ..
شون اقنعه معقوله يقنع وياخذ بكلامي ..
طبيت بالاستقبال .. وسديت الباب .. طلعت رقم انمار واتصلت بي وبنيتي احاجي بموضوع ناديه .. ومااعرف ولا جاي اكدر اتكهن بردة فعله ..
يتبع ..
وهذا بارت التعويض واني عند كلمتي وعدتكم وفيت
اكو بعض التعليقات يكولن تعززين لا والله مو اتعزز هذا الكلام خاص بمتابعين القصه من بيج قصص ليل وعشگ .. اني قبل ايام نزلت الكم 3بارتات باليوم وخليتكم تتساوون ويا ماوصلت اله القصه على الوتباد وطلبت منكم تعذروني اذا بيوم ضروفي ماتسمح انزل وفعلا جنت بحالة كآبه رحت لأهلي ورجعت صرت احسن وهسه راح نرجع ان شاءالله انزل يوميه بارت .. بس للاسف هواي تعليقات تهبط للاسف ناس يعاملوني على اني اشتغل عدهم.
تحياتي الكم ..

[فيتامين سي]

بارت 18
نورا ناصر.

خابرته جاوبني ..
كتله انمار ناديه موافقه على الزواج لو لا..؟؟
- ليش تسأللين ..
- خابرتني تتوسل ماتريد تتزوج ..
- انت لاتدخلين ..
- مايصير تجبرها تتزوج ياحبيبي ..
- لا الزواج احسن الهاا
- يعني انت تاخذ االي تحبها حلال هي حرام؟ !!
حسيته عصب ونفسه صار عالي بصياح كال
- انت منو سمحلج تقارنيني بي لج هذا ملعب يلعب عليها واحنه مندري لا خله احترام للجيران ولا اجه خطبها بالرغم من هذا هو خريج ويشتغل لج جاي اختبره دزالي صورها والله لو قريب عليه ادمره بس بغير محافظه
وهي ناديه لو واحد غيري يذبحها جايبته لبيتنه وبعدين اكو فرق بيني وبينه اني ماطلبت منج علاقه راساا خطبتج تكدرين تنكرين؟ ؟
- اوووف شدعواك هيج عصبي بس ياحبيبي كلشي بالخناق الا الزواج بالاتفاق على كولة المصريين
عوفها تكمل كليتها هي مرايده تتزوج.
- اني اعرف لمنو مزوجها واذا تريد تكمل كليتها خلي تكمل من بيت رجلها تزوج وتسكت
- بس حبيبي هيج حيكون الزواج فاشل خليهه تنسى ع الاقل.
- اذا ماتزوجت ماراح تنسى ومتأكد 100% راح ترجع تتواصل ويا وهذا احسن حل.
وانت لاتتدخلين مايخصج وعلاقتهم مو موضوع رسائل وبس و ناديه اكثر وحده مدللهه وماخلته بعينهه تزوج وتسكت. وهسه اذا عندج شي بي خير تحجينه احجي معندج الله وياج.
حسيته عصبي سديته ورجعت دخلت جوه.
وافكر واعاتب نفسي والومها .. التسرع مرات يكلفنه هوايه .. واني تسرعت وحكمت على انمار لو ماشكي بذيج الليله بي هو ووفاء جان ماحجيت شعليه.
افكر واعصر باصابعي .. شعوري صعب حييل اوصفه اخلي نفسي بمكانها شكد ردت انمار وتمنيته ..
وهواي تعذبت علما حصلته .. بعدها فكرت يمكن بيها الخير الها لان على حجي انمار يكول ملعب وموخوش ولد .. يمكن راح تشوف السعاده ويا الي راح تتزوجه
ومقسومه اله ..
.. .. مر الوقت عادي
سوالف ويا اهلي .. اشوف يسرى مهتمه بدراستها وحتى التليفون ماتدري بي وين
مرات الشخص من ينكسر بداخله شي
يحب يعوض عنه بغير شي وهيج احس يسرى
تريد تعوض فشلها بالحب بنجاح بالدراسه وهذا احسن شي سوته ويمكن مكتوبلها مستقبل افضل
صار المغرب .. صليت ورحت يم امي ويسرى ..
سوينه العشاا وتعشينه كلنه ..
صعدت فوك .. بيدي تليفوني وين مااروح ويايه مااريد ازعل انمار خاف يتصل.
وهو بيدي ظل يرن .. رفعته اشوف منو شفته
ايهاب .. ضحكت ههههه بعده يحلم .. عفته
على الميز .. وكعدت احضر بملابسي لان بعد يومين ارجع للقسم .. سمعت صوت اشعار مسج ..
رجعت اخذته .. شفت مسج على الفايبر من ايهاب.
وكومه سكرينات فتحتهن بيهن مسجاتنه اني وياا
المسج بي صح لاهي عنج بس ما ناسيج مكافي كم
شهر خطوبه ماتونستي .. خليني اتدخل ..
اني تخبلت وظليت ارجف. المسجات مابيهن شي بس ضحك وسوالف عاديه .. بس ماتعبر على انمار يتخبل من هيج شي .. طلعت رقمه وظليت اتصل بي مايجاوب .. دزيتله مسج "موجاي ادك عليج ليش ماتجاوب "
بعدها جاوبني ..
- ايهاب شتريد بالضبط
- اريدج
- مو كافي كسرتوا كلب اختي
- عوفي انمار مايحصل خير تره لاالج ولااله
- كافي ارحمني مااريدك هي كوه ..
- هي السكرينات كفيله بان تخليكم تنفصلون مو؟
- ايهاب اسمعني ..
- عوفي واسمعج باااي ..
خرب حظي هاي وين جانت مضمومه الي ..
بقيت طول الوقت افكر وكلما يتصل انمار اخلي ايدي على قلبي .. اتصل كم مره مجان مبين عليه يعرف بالموضوع .. شويه اطمنت ..
بعدها تزوجت ناديه .. خابرت زهراء وسألتها عنها لان هي ماكو. كالت زوجها كلش حلو وضابط استخبارات ويا انمار وبيتها وحدها واهله ناس مثقفين وحتى وهدها تكمل دراستهاا
بس هي كاضيتها بجي وماتريده
وانمار عجل بزواجهااا.
والولد مكمل وماعنده شي ناقص ..
تمنيت الها الخير وكتلها الله يسعدهاا ..

خلصت اجازتي ورجعت داومت .. بعدها بكم يوم.
موعد حفلة تخرج رائد.. توسلت لسمر تروح وياي ماقبلت ..
- لج ليش امشي وياي خو مااروح وحدي
- ماحب الهوسه وبالذات مااحب رائد.
- اووف اروح وحدي يعني
- لاتروحين من الاساس ممرتاحه لهذي الروحه.
- لج والله عيب مو عزمني واني كللش ضايجه لازم اروح ..
- حبابه اعفيني من هالروحه.

هفف. بدلت لبست قميص ابيض شيفون وبي حزام من وره .. وتنوره سوده .. وشال اخضر ..
رحت ويا بنات من قسمهم ..
تعرفت على امه احرجني كدامهاا. اله ناخذ صوره
استحيت كللش .. واخذت وياهاا ..
رجعت للقسم .. بالهوسه انمار متصل بيه كم مره ..رجعت اتصلت بي قبل لاابدل سألني وين جنتي
بتلعثم كتله جان عندي امتحان. مطولة مكالمته هوايه وسديته .. بدلت وكعدت احجي لسمر عن الحفله.
ومرت الايام عاديه ..
بس من اتصل بانمار ماادري شيصير بيه اتلعثم واخاف وحتى هو يحس بيه .. ويسألني شبيج.

بعدها صارت اتصالاتنه قليله وبيهه برود
ايهاب حضرته من كل البرامج ومااتواصلت ويا بعد وجنت مطمئنه لان انمار ماجابلي سيرة للمسجات يمكن ايهاب ممحاجي.
مرت الايام وحان موعد نزلتي.
ونزلت بالطريق اتصل بيه انمار
كال انتظرج بغداد كتله ماشي
حسيت برهبه بداخلي وخوف مااعرفت سببه.
نزلت لكيته منتظرني صعدت ويا بس ابد ماحجه هادئ حييل خفت بالزايد ..
بادرت وسألته ..
شبيك حبيبي .. باوعلي بنظره مكدرت افسرها لا هي غضب لا هي حب .. لزم ايدي وشد عليهه حييل لحد الاحساس بالوجع .. كال مشتاقلج وخر ايده رجع سندهه على باب السياره بعكسه وكفه على حلكه.
ورجع يدير الستيرن .. باوعت للطريق هذا مو طريقنا. كتله وين رايحين؟ ؟
- لبيتنا ..
- اهللك بالسليمانيه احنه شنسوي رايحيين ..؟

- مشتاقلج اريد اسولف وياج.
كلبي نغزني اكو شي ياخوفي من الي ابالي .. من لا جاره كتله مو هسه راح نتاخر ..
- لا مانتاخر اني ارجعج بسرعه ..
فركت كصتي بيدي وتوترت .. وصلنا للبيت ..
ونزلت عادي رحت للمطبخ شربت مي
ورجعت كعدت بالصاله .. باوعت لعيونه تحولت
نار من الغضب. خفت كلش احس اطرافي ظلت ترجف وماجاي تعيني .. كاعده مقابيله ..
كال تعالي يمي
كتله ها اجيت رحت كعدت بصفه ..
بيده جكاره اخذ منها نفس
كال راح اسألج وانت جاوبي بصراحه وبدون كذب - - بتلعثم كتله شكو انمار صاير شي ... ؟
كال
- انطيني تليفونج
اخذه وكام وكف وظل يدوره
مابي شي.

- شبيك شصاير متحجي
- منو هذا الي مسويتله تامين
- محد !!
اجه مقابيلي وضربني راشدي فرني فر
لزمت وجهي وصرخت بوجهه
تخبلت شبيك
بصياح كال لا تجربين اعصابي احجييي
- محدد انمار شبيك داكوللك محد
- متاكده
- اي
اني نسيت مسويه تامين لرائد
حتى مايدزلي ع الفايبر
جرني من شعري حيييل
ويصيح ...
.. ثقيت بيج حيل كلشي ولا الكذب والخيانه والله ادفنج ومايرفلي جفن.
شفته شكد عصبي صار سكتت
كلي وين جنتي بفلان يوم هيج وقت
سكتت
طلع تليفونه وشوفني مسجات ايهاب
.. انمار ... لج. نوب تكوليله مو اتصل بيك جاوبني تتوسلين بي يجاوبج موووو؟ ؟
- انمار اسمعني فدوه عووف شعريي ..
احس مايسمعني تخبل كللش ..
ماعرفت الضرب منين يجيني وراشديات وجرني من شعري حسيت جسمي تملخ واتوسله يعوفني واخذني ليفوك سحبني سحب على الدرج واني متت خوف منه ..
كتله انمار بس خل افهمك .. والله مسجات قديمه
ميسمعنييي كللش
عصبيته عمته موتني تموت
وخر عني رحت كرفصت نفسي وحدي بالزاويه خاف يسويلي شي واحنه وحدنه
رفعت راسي باوعتله ديكلب بتليفونه واجه قريب عليه جرني من شعري وشوفني
محادثات اني وايهاب كايلتله مو اتصل عليك ليش ماتجاوب
اني هنا صدك متت شفت الموت بعيونه
شفته شلون جر الجكاره واني بصفه خلاني بحضنه رجليه صارت ع رجلي وجنت لابسه تنوره وقميص رفعلي التنوره واني اتوسل وابجي
لزم اديه وخلا الجكاره على فخذي
شاغت روحي صحت باعلى صوتي وضميت راسي بركبته وكتله لاااااااا انمار.
بعد ثواني وخرهه وذبهه بس بقه لازمني وجسمي
كله يوجعني احس مملخه .. رخه لزمته كدرت اتملص منه وابتعد عنه ..
بقيت اوون و ابجي بصوت مسموع
تقرب مني خفت حيييل .. كال بنتر
كومي غسلي
ماكمت بقيت بمكاني الجويه مموتتني من الالم
شالني كوه واني ادفع بي واصيح عوفني واضرب على صدره
فوتني للحمام خلاني جوه الدوش .. كعدت من وكفتي .. واحاول احمي نفسي بأيديه ..
كال خاف ماتعرفين تغسلين خلي اسبحج فد مره
وفتح الدوش عليه اني وملابسي تبللت
كتله اطلع برا بصياح
قرب وجهه عليه كاال اهددي
كتله اطلع مااريد اشوفك اطلع وعوفني
عافني دقايق ورجع علكلي ملابس بالحمام وطلع
بعد دقايق كمت قفلت باب الحمام ..
وبديت اسبح خلصت
وبدلت ارتاحيت شويه بس الجويه موتتني طلعت لكيته كاعد منتظرني
باوعلي
كال هسه تحجيلي كلشي وليش كذبتي وضميتي عليه ليش رحتي لحفلة تخرج رائد وشنو موضوع المسجات ويا ايهاب؟ ؟
باوعتله ظليت ارجف للحظه حسيته مجرم
كعدت كباله وايدي ترجف كوه احجي
كتله خفت منك واصلا جنت حاسبتهه عادي لان مابيهه اني رحت ويا البنات ..
شي جرني من اذني حيل تراجعت ليوره زادت رجفتي
كال ولج شنو من بشر انتي اشو اذا شفتيني وي بنت خالي اسولف تكلبين الدنيا وانتي
وي رائد طكين صور
والقسم الداخلي كلهه تكول عدهم علاقه وفوك كل هذا ماسحه رسائله اني خفت وسكتت لان شفت نفسي غلطانه وحتى ماعندي شي ادافع بي عن نفسي
عافني وكام
مددت والدموع بعيوني تمالكت نفسي كوه وخابرت
امي كتلهه ما انزل باجر. سديته منها.
وعلى احساسي بالالم
مادري بنفسي نمت
حسيته يمي كعدني
كتله شتريد بنتر
- كومي اكلي
- ماريد
- مسره لاتعبيني كومي
درت وجهي عنه حسيت باصابعه على جسمي
رفع البدي مال التراك خله ايده عليه
كتله وتاليتهه وياك يا اخي ماتحس وخر مني تلعب نفسي منك
- لاضلين تشمرين بحجيج
سكتت وتحسرت ..
حسيت بايديه على كيف يمشيهن ع ضهري
دفعته و كمت اكلت شوي بس خايفه منه
ظليت اتعذب وافكر واعاتب روحي
السويته اني غلط والسوا هو هم غلط على الاقل جان زعل بس ليش جواني
اني ادري بي شكد عصبي
ليش جذبت وضميت علي
مااعرف شلون راح يثق بيه بعد رحت مددت بالفراش
حسيته اجه سويت نفسي نايمه.

نومني على ايده
بدت دموعي تجمع بعيوني
بعدها نزلن وحدهن
قرب اصابعه لوجهي يمسح بدموعي
كلي لاتبجين ما جان قصدي اذيج بس مراح اسامحج ومنا وهيج خليتي شك بداخلي وثقتي تزعزعت بيج يولي اصدقائي يكلولي عدهه علاقه برائد وحضرت حفل تخرجه
ويتراسلون هم وشوف ويجيني ابن عمج الجان يريدج يشوفني مسجاتج
والاكبر منهه تجذبين واسألج تنكرين مافكرتي بعلاقتنه واحنه مخطوبين
بقيت ساكته بس دموعي تنزل بس مومثل حرگة كلبي
نومني على بطني ورفع البدي لزمت ايده
كتله عوفني مايوجعني مثل گلبي
جر ايدي وخزرني دارني رفعهه ليفوك ظل يتفحص اثار الضرب على ظهري وشلون صاير احمر من شفته بالمرايا بالحمام .. كام ورجع يمي
حسيت ببروده على ظهري خلالي مرهم ودهنه بهدوء احس بلمساته تغلغلت لاعماقي
هدأت كلش واني اصلا نعسانه
شبه غفيت حسيت علي باسني من ركبتي من ورا وغطاني وطلع
نمت ماكعدت غير ب8 ماكو يمي رحت للصاله لكيته نايم
ماحاجيته غسلت
ورجعت شفته كاعد
كلي خلي نتريك حتى اوصلج
تريكنه والصمت سيد الموقف
طلعنه طول الطريق هم ساكتين
وصلت للبيت جسمي مكسر ماسولفت لاحد بقيت ضامته بكلبي
بقى هوايه مايخابرني ولايسال عليه
كثرت مشاكلنه واسمع سمع
عنده مشاكل وي اهله
الا ان اجه يوم خابرتني امه فتحت خط رأساا صرخت بوجهي.
- الله ينتقم منج هجمتي بيتنه ما اخليج تتهنين ويا حقيره ام الكليات اصلا انتي مومن مستوانه واتورطنه بيج
اني ماحاجيتهه سديته وبقيت متفاجاه شكو وشصاير. ؟
يتبع ..
رجاءا بدون تجاوز وغلط احتراما لمشاعرها انتم بعدكم مشفتوا شي من الي شافته تره هم تعذبت وبعدكم ماتعرفون النهايه رجاءا بلا غلط
وادعولهم بهالفتره الله ييسر امورهم راح يكون افضل من تعليق جارح وارجع واكول واكول الانسان مو معصوم من الخطأ.

[فيتامين سي]

بارت 19
نورا ناصر.

أنمار ..
تفرغت من شغلي وبقيت وراهه اريد اتاكد بنفسي ما اريد اضلمهه اني حبيت مسره البريئه وجانت ترجف من تحارش بيهه الولد
بقيت ايام وليالي التفكير موتني اخاف اخطي خطوه واتندم عليهه ما اريد اتركهه احبهه واحس عقلهه طفولي وكلت تتعلم شوي شوي ماشفتهه تعلمت بالعكس زادت تمرد جنت من اكولهه هذا الشي لاتسوي دكولي هذا طبعي رادت تفرض شخصيتهه بكل الطرق
اني شكد عصبي بس اكدر اتحكم باعصابي الا الغلط والي منبه علي وانعاد هذيج الساعه شيصير خلي يصير ما اضرب انسان بدون سبب لوشي تافه ومايسوه الا اوصل لمرحله اتاكد من كولشي وبنفسي مسره من قبل الخطوبه باشهر والبرود ولا ابالي الي عدهه يخلي اكبر واحد يفكر بغير شي ورغم هذا كل الرسائل الي تجيني والله ما اهتم اكول غيره وحقد الا اشوف بنفسي رائد يجيهه ويسلم عليهه واني حذرتهه منه ومن اسألهه دكولي ما اشوفه شلون اسكت واني اشوف بعيني وتكذبني لو مسجاتهه وي ايهاب صح ايهاب حاقد ويريدهه بس ليش تراسله ليش ماكالتلي اذا تخاف مني جان دكول لامهه ابسط شي كل هاي التساولات مالكيت جواب الهه كمت اتعنه برجلي لدوامهه واترك اشغالي في سبيل ما اضلمهه واذا واحد جابهه بالموزين ادافعلهه واكلب الدنيا علي
ومال تخاف مني قابل لازم سيف ع راسي هي جربت نفسهه تحجيلي مره واني مديت ايدي عليهه اني وياهه موعليهه
نيتي صافيه وياهه وولادورت وراهه ولا لعبت عليهه وطلبت منهه شي ماكانت هيج حبيت مسره وبلخطوبه لكيت مسره ثانيه اذكر من اجت لاهلي للفلوجه ورحتلهه للغرفه بس ردت احاجيهه صار الوجه اصفر وكامت ترجف حسيت بنقاوتهه ماحاجيه وي ولد بس بعد الخطوبه لكيت مسره ثانيه لكيت انسانه ماتخاف تكذب تضم ماتحسب احساب لا اباليه وشكد اعلم ولايفيد عبالك كلامي يتبخر عدهه
من كامت تجيني رسائل واريد اعرف هاي منو وتنسد الصفحه بقييت بين الي يصدك وبين الي مايصدك مسره ماتسويهه بنت عائله ومؤدبه وبين ماكو دخان بدون نار قررت اتاكد بنفسي فرغت نفسي مدة اسبوع وكلت حتى لا اضلمهه وادخل بخطيتهه رحت اجرت شقه قريبه ع كليتهه حته ماكعدت بالقسم الداخلي خاف تسمع اني هنا
ياريتني مارحت بهذا الاسبوع متت الف موته بي مسره البريئه هيج لبسهه ابد ماعجبني جانت بالدوام اشوفهه من بعيد وماخليهه اشوفني لبسهه ضيق اني منبه شكد ع هذا اللبس بذات هاي التنوره الي اتخبل منهه اكلهه تبرز معالم جسمج وتلبسهه ومصره صح متخلي مكياج لان ماناقصهه جمال اشوفهه شلون تجي تمشي والطلاب تباوعلهه ولك انمار ابن شيخ عجاج مرتك وعرضك فرجه لليسوه والي مايسوه كوه اتحكم باعصابي اطلع تليفوني اتصل عليهه ماتجاوب واشوفهه من بعيد لاهيه وي البنات تسولف واكول ميخالف خلي تتونس ما الح عليهه ابد ما انطي بيهه كلبي لحدمايخلص الدوام واني اتعذب بشوفتهه هيج
جان صديقي وياي يكولي شعجب تجي اكله ضايج واتونس
يكولي ليش متلتقي بخطيبتك
احاول ادبر الف عذر واكوله متزاعلين لوعدهه امتحانات وماريد اثر عليهه
وهي مافديوم كلفت نفسهه وكالت تعال اشوفك خلص اول يوم واني احس نفسي بدوامه اكول يله ماشفت شي عليهه ميخالف اللبس اكدر اغيره لاتضلمهه انمار ثاني يوم رحت وشفتهه واكفه وي بنات و2 ولد وسوالف وضحك الولد اعرفهم من الانبار وادك وترفضني من راحو جاوبت كتلهه وين جنتي دكولي بالمحاضره اني هنا لو احرك الكليه ع راسهه مايشفه كلبي سويت نفسي طبيعي وعده اليوم ثالث يوم شفت رائد اجه يمهه وحجه وياهه سمر ملامحهه مزعوجه منه وهي ولاعبالك مخطوبه تضحك وتسولف ولامهتمه بعد ماراح رائد اتصلت عليهه كتلهه شدسوين كالت كاعده اني وسمر
بس كل هذا والرسائل مابطلت مني افتح الماسنجر الكا كل التفاصيل منو هاي وليش اسوي هيج بعد ماكدرت ابقه واشوف هذا التمثيل كدامي حسيت نفسي مضحكوك عليه والله يامسره الا اخليج اطلبين الرحمه
صوت واحد اسكت زلم وانتي فصعونه تلعبين هالعب من وراي
رجعت لدوامي واني عباره عن كتله مال نار ما اكدر اهدء طبيعتي ما احجي لاحد لاصديق ولاقريب بقيت اكل بنفسي معقوله اختاريت الانسانه الغلط وهنت اختي علمودهه
مر شكم يوم خابرتهه ماجاوبت اعرف اليوم حفلة رائد واجتني الرساله حاضره الحفله كتلهه وين انتي كالت عندي امتحان سكتت وعده اليوم ورا 3 ايام رحت اريد افاجاهه بشوفتي مريت بلاول ع المصور مال الكليه من جنت اداوم اعرفه ردت منه فلاش للبحث مالتي سلم عليه وبقيت كاعد يمه جانن اكو بنات يكلبن بالصور ويختارن صور تخرجهن كملن وخلنهن ع الميز واجت عيني وياريت ماشفت صوره مسره ورائد وامه ماعرف شسوي ما انطيت اي ردت فعل حته الولد انطاني الفلاش واني مويمه ابد اخذته وطلعت اريد اسوق ما اكدر ليوين واصله المواصيل قررت لا اعاقب ولا اتعب نفسي افسخ خطوبه وكل واحد بطريق غيرت اتجاه سيارتي ورجعت لبغداد طول الطريق اعصابي نار اريد شي ابرد كلبي بي واني داسوق مكنك ع الخط والمسجات وحده ورا وحده من هاي الصفحه فتحت المحادثات شفت صفحه جديده اسمهه noor noor فتحت المحادثه تيهت الطريق وكدامي سياره كوه تلافيت الموقف ونزلت ع الترابي همزين ماسويت حادث
مكتوب هاي حبيبة القلب الي جبت العراق مشيه علمودهه وهههههههه واشوف السكرين شوت رسائل مسره ورقمهه وتتوسل بي وينك ايهاب ليش متجاوب
فدوه جاووب
لاتسوي بيه هيج
بهاي اللحظه ماعرف انعدمت عندي كل الاحاسيس ماعرفت شسوي تعوذت من الشيطان وسقت وبوجهي للبيت لغرفتي ذبيت نفسي واني بحلم لوشنو خلال اسبوع ينكشف هيج شي واني كل هاي المده نايم ع اذاني شقصرت وياهه شسويت الي يجيب اسمهه بالموزين يم اهلي الله كتبه علي
بيومهه شكد خابرت ماكدرت ارد عليهه كوه ب11 جاوبتهه وضاغط ع ايدي بقوه كالت باجر انزل كتلهه ماشي اتلكاج اريد اشوفج جنت مقرر اعلمهه الي سويته واطلكهه وشيصير خلي يصير
نزلت من الخط وصعدت يمي سلمت عليه وباوعتلهه بنظره معقوله مسرتي هيج تسوين شفت الخوف بعيونهه جانت بيهه هاي الصفه هي ماتنتبه ع نفسهه اني منتبه عيونهه تفضحهه ومن تكذب دكوم تلعب باصابيعه وتضغط عليهن شافتني غيرت مسار سيارتي خافت اكثر طمنتهه كتلهه مشتاقلج اول ما نزلت وكعدنه واجهتهه شفت الخوف بعيونهه شفايفهه صارن بيض اصابعهه تضغط عليهن بقوه ماكدر اتحمل الي يصير ضربتهه راشدي خفيفه اجت بيدي بقت تتوسل بس شيفيد محد كالي عليج شفت بعيني وصديقي يكلي خطيبتك ليش تحجي وي رائد خلي يولي ياربي شسوي بيهه هسه اني ما فاقد اعصابي بالعكس بكامل عقلي بس مقرر اخليلهه اثر طول عمرهه ماتنسا واطلكهه بنفس اللحظه ضربتهه وجويتهه من ضمت راسهه بركبتي ولزمت قميصي حيل مادري شصار بيه صح اذيتهه بس ماتندمت رجال طول عرض مره تضحك عليه ولج ينحلف براسنه وانتي تخربطين بالكليه والي يكتلني منبهج ومحذرج مادري نسيت قراري مال الطلاك شفت الخوف بعينهه والرجفه بجسمهه خليتهه تهدء وبعدين نحجي من كعدتهه كبالي وكتلهه سولفيلي شفايفهه بيض وجهه اصفر تضغط ع اصابعهه خفت عليهه لايصير بيهه شي لزمت ايدهه فزت كتلهه احجي لاتخافين شماتحجين صح غلط مراح امد ايدي عليج ولا اعصب عليج احجي كانما لنفسج اعتبريني ماموجود بدت تحجي وتبجي كالت اني ماخنتك بس جنت اريد افرض نفسي انت تتعلم ع طبعي واني اكول موهذني صديقاتي يحجن وي طلابنه اني ليش هيج هي مجرد زماله ورائد ماعندي شي ويا بس مادري ليش سويت هيج وايهاب قديم والله وهددني

كتلهه ماشي مسره لهنا وكل واحد بطريق اني ماتعجبني هيج وحده احملهه اسمي تكذب تضم تحجي وي اي واحد ومراح اكدر اكمل وياج لان الشك دخل بيناتنه بعدني مامكمل كلامي اجت حضنتني وتبجي الله عليك انمار لاتعوفني والله ما اسوي شي بعد واذا غلطت اذبحني كتلهه وشنو الفايده ابقه اكتل وماكونتيجه حسيت كرامتهه ماسمحتلهه تتوسل عافتني كالت ماشي يجوز ما استاهل حبك بكيفك وراحت من يمي اني ماعرف شسوي شلون اعوفهه واحسهه قطعه مني بس كلت خلي اخوفهه.

بالبيت جان الوضع ميختلف .. رجعت المشاكل
مشاكل ريام وي زوجها بصفحه ومشاكل ناديه.
بيوم اجت ناديه من بيت زوجها
كالت مااريد طارق (زوج ناديه ) ..
- ليش ماتريدي ضربج؟
- لا
- غلط عليج
- لا
-مقصر وياج؟ ؟
سكتت .. عليت صوتي مااتحجين انخرستي ..
ام انمار .. كله من منك انت زوجتها بالغصب هسه شحصلنه احنه .. من هالزواج.
انمار ..بصياح .. يعني تريديها تتسكع ويا ذاك الساقط لملعب هو هذ الي تريدي .. من يوم اتمرض ابوي واني شايل هم بناتج كل وحده سالفتها شكل.
ام انمار .. ماتحاجي خطيبتك ام الكليات الي تدرس قسم داخلي مدري وين ماوين كادر على خواتك. وتصيح بوووجهي ياحيف عليك والله ياحيف ..
انمار. ... هي فوكاها مو رايد مصلحتهن بس انت تردين تخربيهن ..
عفتها تصيح وطلعت من البيت .. خابرت طارق زوج ناديه .. حتى افهم منه .. گلي كلشي ماسويت الها ولامسيتها بحرف واني اريدها ومتمسك بيها بس هي ماادري شبيهاا ..
طلبت منه يصبر عليها شويه ..
ابتعدت عن مسره لان ضايج منها حييل ..
وابتعدت عن البيت .. خابرني ماهر كال رجل ريام جابها للبيت .. ويكول مااريدها لسانها اطول منها وعرايك ومشاككل .. عنيده .. ومتسمع كلام .. ....

مسره ..

اني بقيت متفاجئه ليش تغلط عليه ..
خابرت زهراء .. كتلهه شصاير خاله رنا خابرتني ورزلتني اكلتني بكشوري
زهراء ... انمار تعارك وي امه علمود ناديه لان متريد رجلهه وكامت تحجي عليج وتغلط وهو رفع صوته عليهه وزعلت.
مسره .. يا صدك تحجين؟
زهراء .. والادهى من هذا ريام راح تطلك هم وخطيه كلها براس انمار هو شايل هم العائله كلهاا ..
مسره .. بقلبي كلت وهمي اني همات ويمكن اثقل هم.
ختمته وياها ..
مرت ايام ... جنت متوقعه بيها انمار راح يعوفني على اخطائي،.. صرت اعض اصبع الندم.
رجعت للقسم .. وبقينه ايام بعاد عن بعض ..
حجيت لسمر .. كلتلي راح ضيعي من ايدج.
دشوفي شون شخصيه ويحبج تره سوالفج مو مال وحده ناضجه رجعي اهتمي بي.
حسيت شكد غلطت بحقه وماعافني للعلم انمار شخصيه ومتمكن يكدر يتخلى بسهوله
لكن ماتركني فضل يعاقبني
اني صح زعلت علي لان ضربني بس هو جان زعله اكثر وصار يشك هواي بس اني اعترفت بخطأي خابرته جنت منهاره ابجي
كتله والله ماعرف شبيه جنت شايفه نفسي ومغروره هسه تندمت سامحني واعتذر انطيني فرصه والايام تثبتلك اذا ضميت شي عليك بعد لو شفت زله مني ماالومك ع الي تسوي
- اني قابل اكرهج واريد انتقم منج بس يابنت الحلال لو واحد غيري جان من الصبح عافج لج شكبراتني ويحسبولي احساب ومزعطه مثل رائد وغيره
ويجون يكولون خطيبتك عدهه علاقه برائد واسألج وتنكرين وايهاب بجهه ما انكر اذيتج بس حتى يصيرلج درس اذا انعادت بعد مراح تشوفيني للموت لان من اختاريتج وفضلتج على الكل وشكد حجو اهلي وماسمعت ورخصت عشيرتي 3 مرات خطبوج وغير الحجي الي سمعو غير احبج مو باجر عكبه يعيروني بيج اني مراح اكولج انسى الصار وثقتي بيج ميه بالميه بس ان شاء الله تكدرين ترجعين مسره الي حبيتهه البريئه الي ماتخلي عينهه بعيني من الخجل.
- بجيت هواي وانطيته وعد احفظه واصونه للموت

بعدها انمار ماتغير تعامله وياي بس صار صعب يعني طلعه ماكو اذا خابر ولكا انتظار لازم اقدم الف عذر واحلف يله يصدك اني تغيرت 180 درجه كمت موبس احبه اعشقه مو مسره القديمه كل شوي اخابره واسأل علي ما انام اذا ما اسمع صوته كلش تعلقت بي بعد الصار خفت اخسره.
اتصلت بي
..نمر
.. هاحبيبتي
.. احسك مومثل قبل تحبني احس اكو برود بعلاقتنه
..لا حبيبه اني مثل ما اني ما تغيرت بس انتي تغيرتي وحبج زاد تحسين هيج
..هم يجي يوم تعوفني
...هسه لويمي الا اخلي الدم يجري من حلكج
..عزا شحجيت
ضحك كال لا بالبوسه مواكتلج
.. نمر اني احبك موت
.. يانفسي اني تعديت مرحله الحب اني اعشقج بقينه نسولف ونتغزل
خلصنه وسديته
رحت للغرفه لكيت سمر كاعده تصبغ بأضافيرهه وعبير تقيس بالملابس ومهوسه الغرفه شتلبس باجر ووسن تاكل شاميه اني جنت مسطوره ودايخه مادري شبيه كلت لسمر راح انام
بس خليت راسي على المخده غفيت
واني نايمه حلمت حلم فززني مرعوبه
كعدت شفت البنات يم راسي يقرن ايات
كالن شبيج كتلهن كابوس وقريت ايات ورجعت مددت اجتي سمر خلت راسي ع رجلهه
كالت شحلمتي
- سمر خايفه اني احلامي تتحقق نادرا ما احلم
- احجي شحلمتي
- حلمت ملتقين انمار اجاني يمشي من بعيد واجتي فد غيمه سوده نازله بالكاع عبالك غطت على انمار واني اصيح اريد اشوفه ماكو واسمع صوت ضحك نسوان شلون افلام الرعب واختفت الغيمه وانمار ماكو كمت اصيح وابجي اريد انمار اجتي مريه جبيره بالعمر كالتلي كومي موالج هذا راح اخذته هذيج وباوعت ع الي اشرت عليهه شفت وحده جبيره وقبيحه كولش وتضحك وفزيت
- اعوذ بالله استغفري وادعي ربج الله يبعد عنكم السوء
-امين
بقيت بفراشي اقره ايات ماكدرت انام صارت الساعه ب2 دكيت على انمار جاوبني جان نايم مبين صوته منعس ..
- هامسرتي خومابيج شي تتصلين بهالوقت
- بجيت كتله انمار خايفه
- خير من شنو؟؟
سولفتله الحلم
كال تعوذي من الشيطان حبيبي هاي تفكرين وعقلج الباطن هيج خلاج تحلمين
- اوعدني ماتعوفني انمار فدوه
- يولي مايبعدني عنج بس الموت لاتفكرين انتي ملكي واني عنيد الي اريده اخذه لومن حلك السبع وانتي لواعرف تصير كاتل ومكتول ما اعوفج مريتي حبيبتي مسحي دموعج و نامي فدوه لكلبج وراي دوام
- ماشي راح انام
نمت

بعدها بفتره ادك علي ماكو
ظليت قلقه كللش
استمريت اتصل
لليل يلا جاوبني كال جدي مات كلش انقهرت عليه
خطيه كم مره اجه وخطبني .. ومن نروح يستقبلنه ويودعني من نريد نرجع ..هم يودعنه .. دمه خفيف يضحك ويسولف .. لكن وصل حد يومه.
ثاني يوم نزلت لاهلي ورحت الهم وي اهلي ..
بيتهم هوسه وناس هواي
سألت على بيبته كالو متخربطه رحت يمها بجيت
شفت امه سلمت عليها وجهه ثكيل عليه
شفته اجه وجه حزين
رحت سلمت عليه
وكتله البقيه بحياتك
حياتج الباقيه.
قرب مني همس باذني
لاتختلطين باخواتي واي شي تسمعينه اسكتي.
ماشي،..
وفعلا سكتت الخاطره ونطيت ذان طرشه لكلشي سمعته ..
صعدت لغرفته اجه ورايه .. تذكرت ملابسي
تفاجأت لكيت قطعتين من ملابسي الي نسيتهم
ماكو واكو قميص مشكوك وماخوذ منه وصله
بقيت ادور بالغرفه.
..
كتله انمار ملابسي الي نسيتهم اخر مره ماكو
- تفاجأ كال مادري كمل كلامه .. محد يفوت لغرفتي بس ينظفنهه
- طلعت قميص الي شفته مشكوك من وصله
شوفته كتله شنو هذا ..
كال فدوه الج ذبيهن اجيبلج غيرهن
- موقصه غيرهن بس هاي شيسموهه
بقى صافن مصدوم
كتله اقفل الكنتور انوب
كال ماشي ..
رجعنه من الفاتحه ..
مرت الايام و الهم ترس كلبي والاحلام والكوابيس مافاركتني وبديت شوي شوي اضعف اتعب ويوميه مريضه
عيوني جواهن اسود انكلبت خلقتي فدمره نزلت لبيتنه
سولفت لامي
كالت نروح نزور بلكي ترتاحين
خابرت انمار اجانه ورحنه زرنه للنجف
هناك شكد دعيت الله يجمعنه ومايفرقنه عيني مانزلت عن انمار لحظه وحده
احس بعد ما اشوفه رجعنه للبيت وهو راح
بقيت 4 ايام يم اهلي وطلعت حتى ارجع للقسم
جانت عندي امتحانات اخر السنه تلكاني انمار ببغداد شايل علاكه بيده كالي هاي ملابس الج وهاي هدية عيد ميلادج فتحها و لبسني سوار ذهب ع شكل نبض وباسني من ايدي كالي مابقه شي حبيبتي وتجين يمي بس كملي امتحاناتج.
جنت مافكر بشي احس بغير عالم وضايعه مانطيت اي ايعاز ..
وصلني للقسم سلمت علي وراح
يوم عن يوم اتعب اكثر انشل جسمي
الاكل مايستقر بمعدتي بسرعه ارجعه
مريضه منتهيه
انمار يحس عليه من اخابره ..
يكلي اجيج اخذج للطبيب اكله لامابيه شي
الى ان وصلت للموت بهذه الايام حاجيت اهلي اجو اخذوني
وصيتهم لحد يكول لانمار
اخذوني شكد اطباء قسم كالو مابيهه شي و الي يكول التهاب بالامعاء والي يكول حساسيه
كمت اكره انمار شكد يخابر ما اجاوبه انجن اذا جابو اسمه
فديوم كاعده بالاستقبال واندك الباب
بعد لحظات دخل هو
اول ماشفته مدري شصار بيه كلبي فز يريد يركض يحضنه ورجليه تمنعني
سلمت عليه سلام بارد حيل دخلنه جوا اجت يسرى ضيفته وراحت ..
كلي ليش ادك متجاوبين وشصاير بيج
- مابيه شي
مدنكه ماكدر اباوع بوجهه اختنك من قربه
قربني لصدره حضني دفعته حيل كتله ديربالك تلمسني
كلي ع كيفج اهدئي حبيبتي شجاج
بنتر كتله اني موحبيبتك
شفت ملامحه تغيرت
كلي خلي افتهم قبل ايام تخبلين شحلاتج شصاير وياج
- ماصاير شي اني مالي خلك اريد اروح انام
- اشو ماتعرفين تحجين جاي وطريق وتتلكيني هيج
- شتريد اخذك بلاحضان مالي خلك
- ماشي ع راحتج من يصير الج خلك خابريني اني موجود وراح.
وللحكايه بقيه ..

تلك اللحظة التي غيرت مسار حياتنا نحن الاثنين
لحظة انبرم بها عقدٌ..
عقد ملكية بين قلبينا طرفاها نحن والمضمون حبنا..
نصه غير قابل للتعديل او الحذف انتِ لي وانا لك...
تلك اللحظة اصبحتِ خط احمر لا يمكن المساس بك بنضرة،ابتسامة،كلمه وحتى ايمائة رأس فما بالك بالذي يحبك دون علمي ..
اقتله انهيه وقد تأتيكِ شرارة من نار غضبي..
قولي مجنون مختل قولي ما شئتِ هذا انا رجل شرقي تتطاير شرارة الغيرة بين عينيه..
وممتلاكاتي لي وحدي فقط خط احمر من حاول عبوره احترق بلهيب نيرانه...