آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
19-09-18, 10:51 AM
| #21 | ||||||||
| مراقبة عامة ومشرفة منتدى الروايات المنقولة  
|  بارت 20 نورا ناصر راح حتى بدون ما اطلع ورا شبعت بجي كمت املخ بشعري وامي ويسرى يهدأن بيه ولازماتني من ايديني .. ملصت ايديه منهم حسيت اريده يرجع .. وشي ثاني مايريده ماعرف شبيه صعب احساسين بوقت واحد .. صرخت عليهم گتلهم روحوا صيحوا اريده يسرى .. ميخالف حبيبتي اهداي راح اخابره وهسه يجي عيطت لا لاتخابري مااريد اشوف وجهه. نمت بحضن امي وظلت تقره ايات على راسي وتبجي. اهلي احتاروا بيه .. ابويه وجهه حزين وكل شوي يجي يمي .. تحسنت شويه وصار لازم اروح امتحن. امتحانات نهاية السنه .. بهذه الايام سمر ماعافتني ساندتني هواي حتى الاكل تجيبليا لجربايه ملابسي تغسلهم تمشطلي كله هي خلصت الامتحانات ورجعت لأهلي .. بدت العطله واني صحتي بالنزلان اهلي ماخلو طبيب يعتب عليهم ولا امام اما انمار اووف انمار شكد يخابر ما اجاوبه ابتعدت عنه اسابيع. . القرآن مافارق ايديه اقرا و دموعي تنزل جمر على خدي كل شي مااسوي خلصتهه نوم شوقي لانمار يوم عن يوم يزيد حيل اريده بس ما اكدر اخابره ابجي علي من الصبح لحد الفجر واكوم اصلي صرت اتوجع عذاب الضمير تملكني حسيت بانانيتي تندمت على كل الي سويته بي سويت بي اهمالي وكذبي وعنادي .. بعد سالفة ايهاب ومن ضربني حسيت بغلطي تغيرت جذريا كان كل همي اسعاده وبذلت كل جهدي حاولت ماقصر ويا ابد مجنت محسبه حساب لهي النكسه الي انتكست بيها وبعدتني عنه اشواط وصارت الفجوه عميقه .. والحاجز سميك .. الفجر صليت وكعدت اناجي ربي اللهي ..لاتفرقنه بحق محمد ماعندي غيرك بس انت تطلعني من هي المحنه .. لفيت سجادة الصلاة .. لزمت التليفون .. وايدي ترجف ودموعي يوكعن ..وكلبي دكاته .سريعه . هدوء والكل نايم بقى التليفون بايدي اريد اتصل واحس شي مربط اصابعي شعوري قاتل كوه ضغطت على نفسي وخابرت دك مره مرتين الثالثه جاوب صوت هادئ حيل اني ماكدرت احجي وكاتمه انفاسي كوه كال الوووووو سكتت كال حبيبتي مااتحملت انفجرت بالبجي احس الغصه الي بكلبي تعادل جبال اريد اسكت نفسي ما اكدر كال لا حبيبتي لاتبجين ماكوشي يسوه هذا اني يمج لاخر يوم بعمري لملمت ماعندي من قوه و كتله اشتاقيتلك جر حسره اااوف موبكدي مراح اكولج ليش وشلون خلي راسج ع المخده ونامي والصبح اجيج لاتخافين حبيبه كلبي بنيتي اني يمج على صوته وحنيته وكلامه غفيت والتليفون مفتوح اول مره انام مرتاحه من اسابيع كعدت ب8 نشيطه سبحت لبست نفنوف قصير شيفون وبي ورد ولافه شعري بالمنشفه لان ما امشطه وهو رطب. شفت الفرحه بعيون اهلي متعجبين عليه اندكت الباب وطلع ضياء .. رجع كال انمار بالاستقبال رحت اركض ونسيت الخاولي على راسي لكيته كاعد بلاستقبال وحده بس شافني كام رحت مثل الطفله وشافت ابوهه حضنته حيل وهوضمني لصدره بقوه بعدني شوي وباسني من راسي ومن خدودي كالي حبيبه مشتاقلج اني ماحجيت حرف رجعت دفنت راسي بصدره جرني كعدنه ع التخم ولازم اديناتي باوعت بعيونه كتله لاتعوفني كال منو الي يعوفج عبالج هاي الفتره عفتج يوميه اتصل على يسرى وتسمعني صوتج من تحجين وياهه وادزلي صورتج شلون اعوف روحي. سكتت وبس اباوعله اريد اشبع منه مااكدر. كال .. - شتحسين هسه - زينه جاي اقره قران هواي - شجاج موجنج الورد - ماعرف .انمار مااعرف . انتبه ظل يباوع على راسي كال .. - شنو هاي جنتي بالحمام ضحكت كتله عزا نسيت ردت امشط واجيت انت كالي تعالي اني امشطلج رحت جبت المشط وهو كاعد ع التخم واني كعدت بلكاع بين رجلي وبده يمشطلي بهدوء واحس اصابعه تتغلغل باعماق شعري وضفرليا ضفيره وجرني من ايدي خلاني ع رجله كتله وين تعرف تضفر ضحك وبوسني من اصابع ايدي اني خليت ايدي على ركبته وبسته باوعلي ضحك قرب وجهه مني دغدغني بلحيته جان الثوب دلعه حسيت لمساته على خصري واني صرت بعالم ثاني اطرافي ثلجت خله ايده جو راسي وسحبني على صدره وصار يلعب بشعري. دكات كلبه باذني منتظمه وهادئه عطره بانفاسي ولمسات ايديه دافي .. تملك كل حواسي وصارت نبضاتي ترقص فرح لقربه .. غمضت ودعيت ربي ماتنتهي هاللحظه .. واحنا على هذا الحال اندكت باب الاستقبال .. بسرعه فزيت من حضنه رحت فتحتها .. فاتت امي حجت ويا كالتله خاله مدامهه صارت زينه استعجل بالزواج العيون عليكم مو احسن تتزوجون هسه. انمار .. اي خاله اني ماعندي شي اطلعوا جهزو انتو 15/7 نتزوج واي شي تحتاجو خبروني. كلتله ماشي .. بقى على الغدا .. والعصر. راد يروح طلعت وراه بالباب باسني من راسي كلي .. ديريبالج على نفسج كتله اشومسالتني ليش سويت هيج وشنو السبب؟ رجع لزم وجهي بادي كال حتى لو سألت شنو الي راح استفاده اهم شي صرتي زينه وبعدين بس اوصل اخابرج ونسولف سلمت عليه وراح .. 1 بعدها تحسنت حالتي .. بفضل القران الي مانزلته من ايديه .بس بقت تراودني احلام مزعجه .. اانمار ماتركني لحظه وكف وياي ومن اكله يكولون سحر يكلي اششش لاتحجين هيج وابعدي الافكار الموزينه عنج ترى بس تنقص عمرج خليج دوم ايجابيه وتفائلي واريد ضحكتج الي سحرتني دوم مرسومه على وجهج. جنت ارتاح الكلامه هواي .. مرت ايام مرتاحه حيل كمنه نطلع يوميه نجهز بعد شهر زواجنه فرحانه راح اصير لانمار واخيرا خابرني كلي حضري نفسج راح اجيج حضرت نفسي واجه استأذن من اهلي واخذني للبديري ابو البدلات طلب منه بدله شوفنا وحده تجنن اناقه ونزاكه اختاريناهه سوى كال هاي بعد 15 يوم وتوصل من تركيا كاله انمار .. احنه بعد شهر ماكو اشكال ننتظرها دفع عربون يريد يشتريها .. همستله كتله تبقه بلكنتور ما احتاجهه لاتشتريها. - لا كل شهر اسويج عروس وتلبسيهه ماتغلى عليج. ارتاحيت حييييل ايدي مافاركت ايده نهائيا رجعنه للبيت امي كالتله اتغده وروح بقى بعد تواسيل رحت بدلت لبست تراك واجيت يمه كعدت بصفه لزمت ايده بقيت العب باصابعه كتله انمار اوعدني ماتعوفني جرني لصدره كالي مره ثانيه اذا حجيتيهه اعاقبج وتعرفين شلون اعاقبج ضحكت كالي انتي روحي اكو واحد يعوف روحه بنيتي حبيبة قلبي اموت عليج مابقه شي وتصيرين يمي حسيت انفاسه قريبه عليه غمضت عيوني حسيت شفايفه على شفايفي بوسات رقيقه حيل ذبت بحضنه لزمته من قميصه بادلته حسيته جان ينتظر اشاره مني بوسني حيل لحدما انكطع نفسي وخرني وضميت راسي بركبته ما اريد اعوفه واتحرك اريد ابقه بحضنه حسيت بعد ما اشوفه ماعرف فجأه نزلت دموعي حس عليه مسحهن كالي لا حبيبه والله ازعل عليج هي الدموع شنو ترى هسه اخذج بتراكج لاعرس ولاهوسه رجعت حضنته بقينه دقائق سمعت صوت امي تغدينه وكملنه ترخص كال وراي طريق ودعته بالباب حسيت اخر شوفه اله حضنته حيل كالي ديربالج على نفسج كتله وانت هم بقيت اباوعله من صعد بالسياره حسيت كلبي اخذه ويا وراح. 2 مشه اليوم عادي ثاني يوم طلعت اشتريت ملابس نوم وسيت نوم اوف وايت وغسولات ومكياجات جنت مجهزه بس عندي نقص تعبت من الفره رجعنه تعشينه خابرت نمر كتله ع الشغلات الي اشتريتهن - حلو عجل كثري من ملابس النوم الاسود احبهن - هههه ماقبلت ماما اخذ اسود - اني مشتريلج هنا على عدد ايام الاسبوع يوميه واحد - عزا قابل احنه يوميه - لا مرتين باليوم شهكت كتله صاير دنغوزي لاتحجي هيج ضحك كالي دتعالي يمي واخليج انتي تركضين وراي بقينه نسولف ونضحك لحدماغفيت نمت وحسيت شي صعد ع صدري اصرخ اصيح محد يسمعني صوتي مايطلع شفت شكله كاعد ع صدري شلون افلام الرعب شكد عيطت محد سمعني كمت اقره وذالنون اذ ذهب مغاضبآ فضن ان لن نقدر عليه بقيت اردد بيهه كدرت اتحرك وفزيت امي ويسرى واخوتي فوك راسي يهزون بيه كالت امي اسم الله الرحمن شجاج بجيت.. سولفتلهه بقت تقرالي ايات لحدما غفيت فزيت على صوت اذان الفجر الله اكبر تسحبت من الفراش رحت توضيت ورجعت لغرفتي فرشة سجادة الصلاة توجهت للقبله وصليت خلصت ..دعيت الله يحمينه ويبعد عنه الشر ويحفظ انمار رجعت مددت بفراشي وشفت نفسي امشي ع حافة بحر وايدي بايد انمار كالي تعالي نصعد بهذاك القارب كتله اخاف كال اني يمج صعدنه اني ويا بالقارب وجنت متمسكه بايده حيل واضحك من كل كلبي واشوف الهوا يلعب بشعره والمي موحيل عالي فجاه اجت دوامه سوده لفتنه لف ايدي بقت بايد انمار اعيط بأعلى صوتي انمار لاتعوفني واسمع صوته يكولي لاتخافين ما اعوفج لحدماتلاشى الصوت واديناتنه تفاركت كعدت مرعوبه استغفرت ربي وكمت ابجي نزلت جوا لكيت امي ويسرى كالو صباح الخير عروسه گلبي مقمووت .. كوه رديت كعدت تريكت ورا ربع ساعه تقيئت رجعت الاكل حتى المي الي اشربه ارجعه ودوني للفراشي واني هلكانه. خابر انمار بس سمعت صوته كمت اعيط كتله اكرهك مااحبك اكرهك ماسمعت شكال امي ويسرى يهدن بيه لحدما وكعت بالكاع انمار مخابر على امي ومسولفتله ومتخبل بقيت على هذالحال اسبوع اهلي كالو لانمار لاتجي لان تنهار بس تشوفك اخذوني زوروني واخذوني لكومه ساده كل واحد يكول هاي مسويلهه عملين من طرفين واحد محبه واحد كره ومكلوب المحبه عليهه صحتي بنزلان خلال اسبوعين نزلت 8 كيلوات عرسي قرب بعد اسبوعين انمار لحد يجيب اسمه كدامي كطعت الاكل بس على المي والمغذي انمار منعو اهلي يجي لان ادمر بس اسمع اسمه جان يخابر بيسرى ويطمن عليه كل هذا واهله محد شال تليفون عليه ماعدا بيبته وزهراء وريما مرات تسأل اخر شي بيوم وصلت الموت المي كام يرجع المغذي ماياخذه جسمي اخذوني للطبيب كال مابيهه شي حاله نفسيه اجت خالتي كالت خلي ناخذهه للنجف اكوسيد اخذوني واني عباره عن جثه وصلت هناك طببوني لغرفه اني وامي شافني السيد رجال جبير تفحص عيوني وانطو اسمي هز راسه كال لااله الا الله اعوذ بالله من شر بني ادم كال لامي مسويلهه عمل ع ميت وبالمقبره عمل خراب زواج وانكلب على صحتهه واكو طرف ثاني مسوي محبه كال بنتي داشوفج قارئة قران الي مخليج عايشه هسه قرائتج للقران اني من صار هيج بيه عفت القراءه كال لامي افسخو خطوبتهه ترى موبصالحهه والولد ايضا مسويله عمل بس داشوفه محوط بنور داير مدايره متحصن ما اثر علي سأل امي شنو يشتغل كالتله مهندس كال هذا منطي من ايده هواي هذا مسوي عمل خير شافعله هاي الشفاعه حجيت اني كوه كتله اي كافل عائله 4 ايتام من عمرهم سنه وهسه هم عمرهم 10 كال الله يحفظه انطانه ايات قرانيه وطلعنه 3 ماتحسنت ابد زادت حالتي سوء بليله من ليالي العذاب العشتها كعدت نص الليل كصيت شعري سويته ولادي كعدت امي الصبح شافتني تخبلت ولطمت على خدودهه جنت شايله بيدي مكص كتلهم اذا ما طلكوني منه اكتل روحي هسه هدوني وكالو اهدي نخابره ويطلك خابره بابا واجه يمي ابو مسره .. يكول انمار شتحجي انت لو على حز ركبتي ماطلك بعد اسبوعين زواجي وتريدني اطلك سولفتله كلشي وكتله جيب اهلك وتعال شوفهه بعينك. اجه ثاني يوم من المخابره هو وبيبته وابو وعمته اول ماشافني كام شفت ايده شلون ضغط عليهه وبينت اوردته كعدت بصف امي ابو انمار .. شبيج بنيتي هيج صاير بيج مسره. .عموو. اريد اطلك اذا ماطلكتوني ماعندي شي اخسره هسه احرك نفسي ماكدر اباوع لانمار احس كلبي يريد يطلع من صدري وعيوني تشوفه شيطان ابو انمار ..لاتستعجلين نعوفج فتره تصيرين زينه اني بسرعه كمت كتلهم ماتفتهمون اكلكم اكرها ماريد اشوف وجهه التفت علي كتله اكرهك انمار شفت نظرته عمري مراح انساهه ماعرفت شنو الم خذلان اسف كلشي بيهه كام من مكانه كال لابو يله كوم خلي نروح بابا بقه يتعذر منهم من طلعوا بالطارمه صحت باعلى صوتي سمعه انمار اكرهك احس ارتاح من احجيهه شفته وكف وبعدين كمل طريقه وراهه انتبهت اني وين وشلون شفت دموع امي شفت خالتي تبجي شفت ايهاب ونظرة الشماته هذا ايهاب شجابه شلون قللت من شأن انمار كدامهم ماحسيت على نفسي غير واني بالمشفى 4 صحيت باوعت لايدي مخليلي مغذي سمعت صوت الطبيب يكول عدهه انهيار عصبي اسمع صوت امي تبجي وكالت لبابا انطلكهه واذا ماقبلو نرفع دعوه عليهم دمرو بنتي مثل الورده جانت شوف شصار بيهه هاي خطبه وهيج ما استبعد بالزواج يكتلوهه كطعت الكلام ما احجي الا شي قليل بس من يسألوني داخلي ينتفض يريد انمار رجليه واديه ولساني مربطات مايحجن غير بس بالكره بقيت على هاي الحاله وانمار واهلي متواصلين مايقبل يطلك يوم منهم اجانه خالي شيخ كال ترى هم خوش ناس والله من سألنه عليهم كلمن يكول ونعم منهم اجاويد صاحبين غيره وكرم هاي سوالف نسوان وغيره ومن يكول منهم يجوز من بيت عمهه. امي جانت مصره على موقفهه كالت اطلكهه لواعرف تنكلب الدنيا ما انطيهه لهاي العائله من الاول ماجنت قابله بس من ورا ابوهه اني بس اسمع ما اكدر ادافع عن حبيبي جيات ايهاب كثرت بحجة مريضه هم واهله واشوف الشماته بعيونهم الا ان بيوم العصر كاعدين اجه خالي كال هاهي قبل انمار يطلك باجر يجي ويطلكهه بس والله استحيت منهم ماعرفت شلون احجي ابو متمسك اكثر من الولد وكال مستعدين ناخذهه لاي طبيب وننتظرها لمن تصير زينه بس مثل ماكلتولي كتلهم مستحين منكم البنيه رافضه تكول ماريد الولد من حجيت هيج كام من مكانه انمار وكال هاهي الي تريدو يصير باجر اجي الصبح واطلك. خلص كلامه خالي باوعت شفت امي فرحت اني سجينه وفاتت بكلبي اريد اكلهم اريد انمار لا اكو شي بداخلي يكول ماريده بيومهه بقيت للصبح ابجي تذكرت شلون ينومني على ايده شلون يلعب بشعري لحدما اغفه صار الفجر صليت ورجعت لفراشي لازمه الصمت صارت ب8 اجت امي كعدتني عبالهه نايمه شافت عيوني شلون وارمه من البجي حضنتنس كالت الله يكتبلج الاحسن وحلوه والف واحد يتمناج عبالهه اقتنع بكلامهه. كل هذا واني وحيده نمري ماكو واحجيله سمر من خلصنه امتحانات سافرت هي واهلهه وماعندي اتصال بيهه خطيه شكد داكه علي بس غالقه تليفوني ومن عرفت تخبلت اني ابجي وهي تبجي وياي صديقاتي الي يمي بس بالتليفون ومن غلقته انقطعت وسائل الاتصال صرت وحيده حابسه نفسي ماريد اشوف احد حتى الي يجي يشوفني خطار ما اطلع صار الموعد واجو اهله انمار وابو وبيبته رحنه اطلكنه ورحنه للمحكمه طول الطريق اباوع لسيارته كدامنه تمشي هاي اخر شوفه الي تعب 3 سنوات راح هباء وياريت اكو سبب المفروض اني هسه افتر بالصالونات عرسي الاسبوع الجاي هاهي انمار انتهت قصة هوانه ماكدرت اباوع بعينه ابد ولاحتى شفت ملامحمه بس سمعت صوته من حجه وكالي ديربالج ع نفسج ردت انزع الحلقه انطيهيا ماقبل ياخذهه وعافني وراح اي راح نمري راح سندي راح الي احتمي بي جنت اذا اضوج اركض اله ينسيني كولشي بدقايق حسيت روحي انتزعت من جسمي رجعت للبيت دخلت بفتره بس الله يعلم حالتي احجي وي نفسي مسره صيري قويه وارجع اذكر شلون راح اواجه رونق ورواء وشماته بعيونهن اخابر سمر بس ابجي وتبجي وياي دكولي الله مسجل الكم فراك راح تموتين نفسج تليفوني كسرته جابليا هو خليته كل قطعه وحدهه فرغت ناري بي بقيت اتواصل وي سمر بس من موبايل يسرى ضعفت حيل انهاريت الي يشوفني يبجي علي كل هذا وايهاب ماعافني بس ماضايقني يجي هو واهله يشوفوني اني ما اطلعلهم اكول بداخلي انمار مايقبل اهلي تعبو بابا بين علي الحزن ماخلو مكان يعتب عليهم اني اقره قران بس تزود حالتي احس انمار صار مثل الحلم اني شلون جنت عايشه وشلون صرت اني المدلله وي انمار الي تحسدني كلهه لاعمام لاخوال كلهه تكول شنو من ولد صدك عين بني ادم تكتل قرب الدوام واني رافضه اداوم واعرف انمار راح يداوم هاي السنه عنده مناقشه. ... ____________ وهل تتمنى الروح الانفصال عن الجسد؟!! محال اليس كذلك!! وهكذا نحن انفصلنا لكن مازالت ارواحنا تتعانق فهي روح وليس لأحد امر عليها.. فلا يفصل روحينا سوى خالقهما... يبقى طيفي يلاحقك يتنفس عبيرك،يلمس خديك الناعمان ويديك الصغيرتان ويسرح في الواحة الخضراء التي تسكن عينيك....آآه كم اتمنى ان اسكنهما فلا اخرج وادفن هناك... فأنت قبل ان تكوني حبيبتي صرتِ بُنيتي اخاف عليك من عيون الناس وكلامهم فلا تظني يا صغيرتي اني سوف اتركك واذهب فأنا لعنة عشق اصبت بها وانتهى الامرِ... للحكايه بقيه .. السلام عليكم .. احبتي الى هنا ينتهي الجزء الاول من قصة حب عاثر .. القصه حقيقيه 100% الكثير من التعليقات كالوا ملينا. وشوكت تخلص نريد نعرف النهايه .. حبيت اتوقف لحد هذا الحدث. ونكمل بعد العيد لان هالفتتره راح انشغل .. صيام والاستعداد للعيد بالاضافه الى ذلك عدنه مناسبه وتجهيزات الها. فمراح الحك وماراح اوفق ولمعلوماتكم القصه احداثها مستمره االليوم هذا. الى اللقاء في الجزء الثاني لاتنسون مسره وانمار من خالص دعائكم. مثل مادعيتو لجهاد وجان رمضان ورجعتله زوجته هي ايام مباركه ودعاء الغريب للغريب مستجاب. اشكر تفهمكم علقوا على البارت لا على موضوع تاجيل القصه. | ||||||||
|  |
|
19-09-18, 10:53 AM
| #22 | ||||||||
| مراقبة عامة ومشرفة منتدى الروايات المنقولة
| الجزء الثاني بارت 21 نورا ناصر. ومن الحب ما قتل... مقولة مقرونة بقصص الحب الصادق وعمقه في القلب والنفس كلمات لا يحس بها الا من عاش الحب بكل جوارحه... والقتل هنا ليس بالضرورة فقدان الروح... فهو يحمل جانب اخر يبقى اثره اكبر واعمق للطرفين هو الفقد وخسارة جزء من روحك ونفسك تذهب مع من تحب.. اجمل فقد وخسارة في التاريخ تكون عن قناعة ورضى وكل هذا في سبيل الحب.. قصتنا هذه كقصص كثيرة تحدث في مجتمعنا... مجتمعنا الذي يعاني انفتاحهه وتطوره سبات الى ابد الآبدين... التطور في نضره بناء وعمران فقط لا يعلم ان التطور يبدء من داخل الانسان ليخرج عليه فيحسن نفسه ومجتمعهه... غلطة ابنائه الوحيده انهم احبوا احبوا ان تقترن ارواحهم بشخص وجدوا به انعكاسا لصورتهم... الحب جريمة في نظرهم والاقبح والادهى عندما تختلف الطوائف فأي مصيبةٍ هذه... هنا الحبيبان حكما على نفسهما بالقتل وكما قلت سابقا ليس معنى القتل انما قتل معنوي ونفسي لا تكتمل فرحتهما مهما مهدا لها السبل تبقى هناك غصةٌ في القلب لا تحكى ولا تروى انما تُحس فقط غصةٌ مشتركة بين الاثنان لكن لا احد يبوح بها خوفاً من مواجهتها... الى متى!! الى متى نبقى عاجزين مذعنين الى هذا الظلم بحق انفسنا!!! ربما الى الابد مادامت العقول نفسها هي ..... رسالتي الى الاهل قبل اولادهم والى الشباب قبل ان يصبحوا اباء عوا وفكروا قليلا ماهي الحياة الا ايام معدودات وخلقنا الله لنسعى بها لا نعلم ان متنا غد او بعد غد فعيشوها لتسعدوا اولادكم لتجدوا من يروي قبركم بالماء روحكم بالدعاء.... * مسره بعد انفصالنا .. زادت حالتي سوء صار زفيري الالم وشهيقي الوجع .. اجتاحتني عاصفة من الاحساسيس والمشاعر .حيرة وخوف وعذاب وندم ... كلها توجعني .. بعد تواسيل ماما وبابا يلا اخلي لكمه او لكمتين بحلكي. وصادفت امتحانات الوزاري مال يسرى. واللتهت ويايه .. خلصت امتحانات واني على نفس الحطه جابت معدل 85 شوي كدرت تدخل الفرحه بعائلتنه اني اسهر الليل كله وبالنهار احبس نفسي بالغرفه حتى ما اكعد وي اهلي مااكدر اقره قران ولاحتى اسمعه امي ترقي بالبيت بس كلشي مافاد اهلي فقره مايعرفون وين يرحون تخربطت حيل خافوا عليه و اخذوني للطبيب بعد الفحص والتحليلات اتضح عندي فقر دم كتب الطبيب الي علاج وورجعنه للبيت ظلوا يجبروني اكل وااني مااشتهي. و بكل رمشه اتذكر انماااار. اخ يا انمار ما اكدر كلشي احجي بس الدعوه بالساني ادعيله بان الله يجبر كلبه ومايشوفه مكروه من اخر يوم بالمحكمه بعد ماشفته بس احسه قربي اشوفه من اغمض عيني واتخيل شكله عيونه العسليه الحاده وطبعه الهادئ شعره العالي بعد ما بطل من جيش لحيته خفيفه جنت اكوله يخليهه احبها عليه اتذكر الاثر الي يم عينه كل تفاصيله وملامحه ماكدرت انساهن ولو للحظه واحدة .. انمار موبس حب 3 سنوات ماعرف احتمال المشاكل وتمسكه بيه رغم انانيتي كدرت هيج تخليني موبس احبه اعشقه. شفت الكل نامو .. طلعت صور خطوبتي صفنت عليهن لحظات ونكعتهن بدموعي وارجع لافكاري وتخيلاتي ورا شوي تجيني حاله هستيريه اكره انمار ماريده اكوم اكص بالصور كصصتهم كلهم خلصت منهن رحت لشعري لعبت بي لعب وهم كصيته وخربته لان انمار يحبه انمار ما اذاني بس ليش دا اذي لحد ما اتعب من التفكير صار الفجر رحت توضيت ورجعت للغرفه صليت رجعت لفراشي. يادوب نمت 3 ساعات لو4 كعدت شفت نفسي وحدي بالغرفه ... بقيت بفراشي .. دخلت يسرى. انصدمت ..سكتت ماحجيت عرفت مصدومه من شعري. لان هم رجعت كصيته.... كالت ..حبيبتي هذه سمر تريد تحاجيج .. اخذت التليفون .. من ايدها .. سمر طول هالفتره ماتركتني ابد. .. تحاول اطلعني من جو الكأبه الي اني بيهه كتلهه سمر شلون راح اداوم واشوف الشماته الي محاوطيني شحجي شكول.. .. حبيبتي مالج علاقه نكول تأجل زواجهم او نطلع عذر غيره ومن تتخرجين انتي بعيده عود خلي يسمعن. ... ماادري،يمته يفرجها الله عليه .. .. تفرج بس يرادلها صبر. .. .. لج سمر مشتاقتله والله .. .. اووف اووف .. ... شتتوقعين هم مشتاقلي مثل مامشتاقتله .. .. اكيد الحب الي بقلبه وروحه الج مايموت شكد مرت عليكم مشاكل ماضعف هالحب بس الي صار مو بيدج بعد. .. لج اني هنته صرخت باعلى صوتي وكتله اكرهك كدام الكل .. جنت اريد بس ارتاح ومااهتميت لمشاعره .. ..مو كتلج الي صار مو بيدج اهم شي هسه تكومين على حيلج وتصيرين زينه .. ... ختمتها وياها ورجعت القوقعتي... سريري وايديه الي تحاوط جسمي المتعب صنعت منها قضبان وسجنت نفسي بيهاا .. دخلت امي .. هم تفاجئت بشكلي .. جرت حسره وتقربت مني .. ظلت تمسح على راسي .. ودموعها تجمعت بعيونها .. كالت .. مسره ماما ايهاب وامه جوه يردون يشوفوج تطلعين الهم .. .. شيريد بعد هذا؟ .. يريد يشوف صحتج .. يسرى .. اي عيني يكول اني طبيب ومفتخر بروحه يكول خاف تحتاجون شي .. مسره .. هو منيله طبيب بعد ماتخرج وسوه روحه طبيب ويريد يجيك وضعي .. خلي يرووح يطير. ماما .. يعني ماتطلعيله .. مسره .. لاء عوفوني وحدي ...، بشهر الثامن واهلي حالهم اكثر مني وتساؤلات كثيرة شلون اداوم بهذه حالتي واني هذه اخر سنه الي بالجامعه .. امي كل سبت تروح لكربلاء وتدعي الله يخلصني من الي اني بي بجاه اوليائه المعصومين الصالحين. وترجع للحله .. احس بيتنا صار يفتقر للفرحه والسعاده دوم مخيم عليه الحزن .. كعدت الصبح شفت يسرى جاي تبدل تريد تروح تسجل .. طلع قبولها معهد طبي مثل مارادت .. اجت يمي تلعب بشعري .. كالت محتاجه شي .. اباوعلها وعيوني مفتوحه على اوسعها واهز الها براسي. بمعنى لا .. راحت وبقيت متمدده بفراشي .. احس ماكو لا امل للشفاء .بعد . وصلت لمرحلة حسيت بعد لهنا وكفت حياتي .. بين المرض والالم .. واني على هذا الحال .. دخلت امي ووياها جيرانه ام احمد تعرف بحالتي ودائما تتردد علينا وتطمئن عليه باوعتلي بشفقة واللتفتت لامي كالت .. على بختج داده ام مسره لشوكت راح تبقين ساكته عنهه روحي شوفي شيخ سيد. امي .. عيني ام احمد لاعبالج مرتاحه لهالحال والله جاي اللوب عليها ووديناهه لشيخ ورحنه وكلشي ماسوو على حطة ايدج .. ... ادليكم على واحد بكربلاء يعرف بهاي السوالف ؟ .. اي والله ياريت تسوين فضل .. ... اي عيني شوكت ماتحبين اوديج .. .. لعد باسرع وقت نروح والله طاك كلبي عليها مااتحمل اشوفها هيجي بعد .. وبجت .. لج عيني جانت مثل الورده شوفي شصار ... اي والله ذبلانه الله ينتقم من الي كان السبب ... امين ان شاءالله الله لاينطيهم ولايهنيهم الله يشوفهم حرقة قلبي عليهاا .. ..ياعيني اسم الله على قلبج .. هسه مكتيلي شوكت نروح؟ ؟ .. باجر اذا الله راد وسهل بس خلي اكول لابوها. .. ان شاءالله اني هسه .اروح. كالتلي عندج العافيه حبيبه وتريد تطلع وامي وراها تكوللها ابقي على الغدا .وهي تكوللها لا . وطلعن من الغرفه. وبقيت وحدي .. وافكر بكلامهن .. هم اكو امل اشفى .. يوم ثاني الصبح طلعنا وويانه ام احمد. ، طول الطريق اباوع من الجامه انماري اشتاقيتلك شسوه بغيابي شلون تحمل اللوم وحده شحجو اهله ؟ لحدماوصلنه واني فكري بانمار وصلنه لمكان الشيخ يمه ناس وصل السره النه دخلنه اني وامي باوعتله رجال كبير و حجيه جبيره ويا كال انطوني اسمهه وفتح القران امي .. مسره بنت زينب .. .. مسره مسوين الها سحر محبه وهيج مأذيها الي مسوي واحد قريب عليكم يجيكم هواي اكو شامه بخشمه صاحت امي ايهاب باوعلها .. كال خلي اكمل وكمل كلامه هم مسويلهه عمل ثاني ومدفون بقبر والي مسويته وحده اعوذ بالله ضعيفة ايمان صاحبة مشاكل طويله ضعيفه بس ماعدهه مصلحه وياهه وبعيده عنكم سولفتله امي حالتي ومرضي. الحجيه بقهر وشفقه كالت الله ينتقم من الي اذاهه الشيخ .. انطوني اسم الولد مسره ..جمعت قوتي ونطقت انمار ابن رنا كل حرف من اسمه اكوله يجتاحني الالم والندم سوا على علي بدر مني سواء قبل لااتمرض او بعدها .. بقى شوي صافن وحجه وابتسم كال شنو شغله كالتله امي مهندس شوفنه الايه الي طلعتله (( من عمل صالحا من ذكر اوانثى وهو مؤمن فلنحيينه حياة طيبة ولنجزيهم اجرهم بأحسن ماكانوا يعملون )) كال داشوف نور داير مدايره محجوب من كل عمل شيطاني بتسائل كال ملتزم هو؟ ؟ امي .. اي والله ياشيخ قبلك هم اكو شيخ كالنه هيج كافل ايتام هو. الشيخ .. اي مسويله مو سحر واحد اسحار من نفس المره غايتهه خراب وكره بس ما متقرب اله لان القران صديقه واعماله صالحه الله باعد عنه رجس الشيطان مسره .. صفنت منو الي تكرهه انمار وهو ما مأذي شخص يعني مو من اهله ؟ بعدين انطانه ايات نفس القبله كال اني ما اشتغل بهيج شغلات فك سحر يرادله تسخير جن واني مااشتغل هيج بس يابنتي ادورين وتفترين على شيوخ و اطباء وكدامج اكبر طبيب العباس اخو خيته روحيله وماترجعين اله الله مشافيج بجاه منزلته عند ربه .... طلعنه من يم الشيخ .. امي كالت لبابا خلي نروح نزور صعدنه بالسياره وصلنه للحسين ع اول مادخلت رجفت اديه وصوت امي بأذني. بس تدعي اريدهه منك يا ابا عبدالله اني لساني انعكد ما اكدر احجي اريد اكول لامي ما اكدر بس امشي ما كدرت احجي واهلي تعودو ع سكوتي وصلنه لباب الامام اباوع على الزوار الي يصلي والي يدعي احس نفسي مثل الي بالقفص اريد اطلع منه ما اكدر اريد اخلي رجلي بالباب وادخل ماتعيني رجليه امي تجر بيه جر كوه وصلتني للشباك ولان حالتي مبينه مريضه بالشافعات حصلنه مجال ولزمت الشباك اول ماخليت ايدي ولزمته حسيت مثل الي جانت ادي ورجلي مقيده وانفتحت كمت ابجي بكل ماعندي من قوه ماانطق فقط ابجي صوتي مسموع واسمع امي تدعي واكو نسوان يكولن الله يشافيهه اني بهي حالتي مادعيت لنفسي دعيت لانمار بكلبي ربي بحق امامنا الحسين اجبر قلبه واحفظه من كل مكروه بقيت شوي احس النار الي بداخلي بدت تبرد طلعت كوه امشي بس مرتاحه حيل ماعرف شنو الي بداخلي ما اكدر اوصفه صلينه اني وامي وماما مابطلت الدعاء كملنه ورحنه للعباس ازدحام حيل اكثر من الامام الحسين دفعه تجيبنه ودفعه تودينه وصلت لامام العباس بهاي الاثناء اجانه صوت ياكفيل زينب وحده تدعي بصوت عالي ومبين قلبهه محروك وتكله ماقصرت ظهرت الحقيقه اني كعدت ماكدرت اكوم بقيت متمسكه بالشباك بقوه ما اعرف شكول بس احس براكين تتضارب بداخلي دموعي شلال بس كتله يا امامي خلصني من الي اني بي واخذ حقي من كل واحد ضلمني احس بروده سرت بجسمي ماعرفت شنو صار وعيت على نفسي وامي تذب عليه مي ام احمد تقرا عليه ايات قرانيه .. ونسوان فوك راسي وحده دكول انطاهه العباس مرادهه وحده دكول خطيه زغيرونه مبينه مسحورلهه اني اسمع بس ما كدر احجي اشوف امي منهاره وتبجي ببطأ يلا كدرت استوعب الي صار كعدتني امي وجابتلي مي وغسلتلي كالت شتحسين كتلهه ما ادري خليني هنا ارتاح .. ارتاحي ياامي ارتاحي اني شنو اريد غير راحتج. ام احمد .. هسه ترجعين ان شاءالله كل شي مابيج. بقيت كاعده مقابيل الضريح وعيوني تجري دموع امي.. خلي نكوم تاخرنه تلكين ابوج باله علينه. اومأت الها براسي .. سحبتني من ايدي و طلعنه من الامام بعد ماسلمنه علي وصلنه برا نريد نرجع للسياره حسيت نفسي راح اتقي كتلهم بحيل مهدود اريد اروح للمغاسل اخذني امي وام احمد للصحيات تقيأت لمن متت احس معدتي تنشلع وامي حبيبتي حالتهه تقهر كلش متعذبه ويايه غسلت وطلعت احس مثل السم الي بداخلي وخلصت منه صعدنه بالسياره خليت راسي ع الجامه و انمار وملامحه احسها بعيني واتاملها نزلت دمعتي اشتاقيتله حيل كلت لامي ماما جوعانه فرحت كال بابا هسه ادخلج احسن مطعم. وصلنه للحله دخلنه مطعم اسمه مطعم ادم بابا مخله شي مانزله طلب اشكال الاكل واني اكلت اكل عبالك جنت صايمه دهر اكلت بشراهه واحس بداخلي راحه موطبيعه اهلي الفرحه ما وسعتهم دفع بابا الحساب وطلعنه وصلنه للبيت تعبانه من الطريق ومن الاعصار الي بداخلي سبحت وبدلت ونمت اول مره من صار حالتي هيج لحد يوم الي رحت بي لكربلاء انام هلكد نمت لحد الفجر ماوعيت اله على صوت ماما ايدهه على جبيني كالتلي شلونج هسه بنتي كتلهه زينه احسن من قبل الف الحمدلله يلا كومي صلي حبيبتي اذن اذان الفجر. تسحبت من فراشي واحس بقوه .. توضيت وصليت وقريت قران بكل حب احس مفاركته صار هواي اقره وابجي معقوله صرت زينه اقرا بدون ماتجي الافكار السوده والوسواس. كملت قران ومددت بفراشي جريت تليفون يسرى اتصلت بسمر. سمر .. خير مسره خو ماصاير ؟ .. ههه ماكو شي شبيج .. لج هسه الساعه ب5 الفجر هبطتيني بس شفت رقم اختج جفلت عبالي صاير شي. .. ههه لا بس احس براحه مو طبيعيه وماكدرت انتظر اله ابشرج. ... يبعد عمري شنو صار شون تحسنتي .. .. سولفت الهااا فرحت كالت ان شاء الله ربي ينطيج ع كد نيتج. سديته ورجعت نمت .. فزيت لكيت امي يم راسي وتقرا قران .. حركت راسي وخليته بحظنهاا .. ظلت تمسح على شعري بايدهاا .. باوعتلها ودمعت عيوني .. كالت جوعانه حبيبتي .. ؟؟ اي ماما .. شنو مشتهيه اسويلج ع الريوك؟ اخذت ايدها خليتها على شفتي وبستها .. كلتلها ماما والله تعبتي ويايه .. ربيتيني من زغيره وتعبتي وهسه هم من كبرت ومفروض مااتعبج واعتمد على نفسي هم انتكست واذيتج .. .. يابنتي اني ناذره روحي الكم شعندي غيركم. بهاللحظه دخلت يسرى جابت تليفوني فاتحته كالت هذا رقم يتصل بيج ماجاوبته اخذته منها دك مره ثانيه انطيته لماما جاوبته ماما .. مرحبا منو وياي .. هلا حبيبتي هلا زهراء الورده شلونج احنا بخير اي هذه مسره تحاجيج كلبي نغزني من سمعت بأسمهه اخذت التليفون وحاجيتهاا زهراء .. ليش هيج مسره ولج شكد بجيت عليج كلت لماهر اخر اسبوع هذا اذا ماحصلتهه تاخذني لبيتهم عبالي صار بيج .. اووف زهراء جنت مريضه وهسه صرت زينه انتي شلونج عموري شلونه .. اني زينه بالي يمج .. اي شخبارج بعد. .. اني طلعت ابيت وحدي لان تعبت منهم وهسه اني حامل 5 اشهر .. يااصدك الف مبروك .. .. شنو هي مسره اشو مسألتيني على انمار سكتت بس كلبي احسه يريد يطلع من صدري خرجت من صمتي كتلهه ليش الي عين اسأل اني السويته بي موقليل ... لا تحملين نفسج ذنب انتي مريضه الله ينتقم من الي كان السبب .. اتقويت وسألتهه شلونه ؟ جرت حسره كالت اوووف يامسره مااعرف شكلج ولا اريد اضوجج وانتي هستوج صرتي زينه. .. احجيلي زهراء عفيه لاضمين شبي انمار هاا شبيييي. ؟؟ يتبع .. | ||||||||
|
| |
|
19-09-18, 10:55 AM
| #23 | ||||||||
| مراقبة عامة ومشرفة منتدى الروايات المنقولة
| بارت 22 نورا ناصر مسره .. كمت على حيلي من الفراش .. وامي ويسرى لزمني والترقب واضح على ملامحهم .. صحت عليها بقهر احجي زهراء شبي. زهراء .. مسره بس اهدي راح احجيلج اسمعي من يوم الي رجع منكم بعد المحكمه صارت عركه بالبيت وحجي عليج وحجن هواي وكامن يغلطن هو ماقبل واصر يبررلج وويدافع عصب حيل انهار وتخرب بسرعه ووكع اخذو للمشفى. مسره .. اووف زهراء اووف ماما بعد يدافعلي بعد كل الي بدر مني .. احس قلبي ديتفتت والدم بشراييني واوردتي يغلي .. ماينفع اعض اصبع الندم ولو ينفع اعض عشرة اصابع جان عضيتهم .. كملت كلامها .. بعد التشخيص بالمستشفى اثبت انه الضغط صاعد و سكره مرتفع الله ستر وما انجلط وماقبل يبقى كال اني اوكع هالوكعه والناس تجي تواسيني مااريد اله اطلع ..لان من سمعو تخربط كلهه راحتلهه بقى ليله وحده وطلع .. مسره .. وهسه شونه كليلي زهراء. زهراء .. طلع من البيت مانعرف وين بس خابر ع ماهر كاله جيبلي ملابسي وفلوس من غرفتي ومستمسكات وكالي اقفلي الغرفه لاكبر بشر لاتفتحيهه وبقينه شهر مانعرف شي عنه غرفته مقفوله لاتليفون لا اصدقاءه راحولهم كلهم يكولون مانعرف يمكن مسافر. مسره .. لا تخبليني زهراء يعني هسه ماتعرفون عنه شي. زهراء ...قبل فتره خابر ماهر طلع مسافر لتركيا وهسه كاعد ابيت وحده لان السنه عنده مناقشه وشكد حاولو يرضو وماقبل خطيه ابو من يوم طلعته من البيت تخربط وضربته جلطه. مسره .. وشلون صارت صحته .. زهراء .. عمو مو زين وانمار الضغط مجلب بي وصار مزمن .. تحجيلي واني دموعي تجري غيرت الموضوع زهراء كامت تسولفلي ع عموري وسوالفه تريد تضحكني واني قلبي جمره. ومحياي مزاعل الضحك .. سديته منهه كعدت على الجربايه. امي ويسرى طلعوا اني لزمت صدري احس النفس ضاق بيه انمار ياحبيبي لفتلك مرضه من وراي بعدك بعز شبابك وضغط صار بيك لعد شكد انجرحت مني وشكد عانيت صح موبيدي الصار بس مراح اسامح نفسي على كل لحظه هملتك بيهه اعاتب بنفسي ودموعي تجري ارييده هوسندي هو الي ما كدرت وحده اطخني خلاني امشي مرفوعة راس كدام الكل كولهه تكول هنيالج مسره من جابت طاري الغرفه اتذكرت شلون دزلي صور واختاريتهه لونهه ذهبي فخمه حيل وغاليه حتى كتله هواي غاليه كالي ماتغلى عليج واني بنص ذكرياتي انفتحت الباب صارت مقابيلي يسرى كالت هاي سمر تكول دا ادك عليهه ماكو اللتفتت سحبت موبايلي باوعته مطفي فتحته و خابرت سمر وسولفتلهه على انمار وعذابه واني ابجي كالت ياحبيبتي ربي يصبرج ويصبره ويجمعكم من جديد بقت تهدي بيه وتحاول تضحكني كالت حضرتي غراضج الاسبوع الجاي دوام كتلهه اي مابقالي شي ..امي سوتلج كبه جريش لان تحبيهه واني لفيتلج دولمه مخصوصه الج حبيبتي سمر اكثر من اختي وكفتلي هوايه كتلهه بوسيلي خاله وسلميلي عليهاا .. وشكريلي منها حييل خلص الاسبوع وبدأ الدوام جان يوم سبت اخذني بابا اني وماما وصلت للقسم ميته تعب بنات غرفتي عبير ووسن وسمر اول ماشافوني تعجبو متغيره حيل ضعفانه السواد جوا عيني كعدنه نسولف ونضحك وصار هواي ممتشاوفين فجأه صاحت عبير سوسو وين حلقتج؟ اني بقيت ماعرف شجاوب سكتت واباوع لايدي وداخلي ينزف الم سمر .. ولج من اكلكم هاي ثوله ماترهملهه جاره ناسيتهه ببيتهم وجايه يله نشتريلج برازيلي منا والبسيهه همزين سمر نقذتني ارتاحيت شويه وعبير .. تزوجو عاد نريد نركص طولتوهه اني الغصه خنكتني ماعرفت شحجي بس الله يخلي سمر المنقذه بسرعه غيرت الموضوع وطلعت جنطه الملابس تشوفنه بملابسهه اللتفتت عليه وكالت احزري شنو اشتريتلج كتلهه شنو طلعتلي تنوره بف لونهه اسود وبيهه خرز ابيض جوا الركبه كالت عجبتني وتخيلتهه عليج حلوه واشتريتهه الج كمت بوستهه وحظنتها ..كتلها ونعم الصديقه انتي. بعدها نظفنه غرفتنه والتهينه بالسوالف وكلساع وحده تجي تسلم احس شي ناقصني انمار الي لم اجي للكليه جان طول الطريق يخابرني ويكولي من توصلين طمنيني اجر الحسره واكتمهه بصدري واسكت ثاني يوم كعدت تريكنه بدينه نبدل عبير .. مسره شو مغيره الستايل مالتج مسره ... هيج احسن حبي كمت البس طويل مستور ابد ما البس قميص ع الخصرمع العلم ناعمه اني كمت يوميه اداوم ونفس الروتين بس انمار ماشفته ولاحتى سمعت شي عنه رونق ورؤاء متجنباتني ماعرف شنو السبب واصلا احنه مزاعلين واكيد عرفن بسالفتي. مرت عليه الايام بطيئه ماعرف شون تخلص بدون صوت انمار بدون عيونه رومانسيته وكل شي بي مشتاقتله ايهاب رجع يراسلني واحضره ويدز من غير رقم واحضر تعبني التهيت بدراستي بس مومسره القديمه صاحبة الضحكه والروح المرحه لا الحزن مخيم عليه اوقات فراغي اقره قران لان الوحيد الي ينجيني من الي اني بي بدت امتحانات الشهر الاول تقريبا بداية شهر 12 احنه موكورسات نظامنه يوم منهن جان عدنه امتحان كيمياء سريريه بقينه للصبح كاعدين نقرا تعبنه حيل ثاني يوم بدلنه ورحنه للدوام البنات مكياج وعلى اخر حبه لان ماعدهن هم بس اني مالي واهس بوقتهه لبست بنطرون كابوي وفوكا شي ميدي يعني فد شبر طالع من البنطرون وعريض ومستور كولش جان لونه اسود وجهي فارغ مابي ذرة مكياج رحنه للامتحان جانت الاسئله صعبه بعدماكملنه كالت عبير خلي نروح للنادي اني من داومت لسه ماداخله للنادي كتلهه مااروح لان اكيد راح اشوف بنات القسم اتجنب الكل كالت لعد خلي نكعد هنا جانت اكو مصطبه كعدنه عليهه البنات شقه وضحك واني ماعرف شبيه ياربي تعبت الى متى ابقه هيج داخلي مكسور لامتحطم بهاي الاثناء اني صافنه ع مدالية جنطتي لان بالي بغير شي حسيت الضربه بخاصرتي كتلهه اوي شبيج سمر تعورت كالت شوفي رفعت راسي يااللهي ارحمني انمااار كدامي صابتني الرجفه مثل اول يوم شفته اريد امنع دموعي ما اكدر انفضحت عبير ووسن صارن مقابيلي كالن شبيج مسره اهدئي غمزتلهن سمر بمعنى عوفنهه اريد اشوفه اريد اشبع منه جان واكف وي 2 ولد هو مامنتبه عليه مدري شافني وسوه نفسه مويمي متغير حيييل ضعفان شعره عالي ولحيه عاليه جان الجو شتاء وبي بروده لابس بنطرون نيلي وجاكيت اسود وبي نيلي مخلي ادي بجيبه نفس وكفته وهيبته وكل اثنين يمرن من يمه يباوعله سمر كومتني كالت خلي نروح منا ماكدرت اكمل الدوام طلعت للقسم برودة انمار وحتى ماباوعلي اثرت بيه حيل انهاريت وسن وعبير عرفن بالسالفه بقن وياي اني ابجي وهنه يبجن وياي ثاني يوم ماداومت ماكدرت وهن خطيه محد داومت كالن مانعوفج عبير .. اني حسيت بيج وكلت لوسن مسره متغيره مو القديمه شكد تواصلنه وياج بالعطله ماحجيتيلنه. سكتت والدموع تحجي المي وعذابي .. انتكست مره ثانيه تمرضت اكلي قليل اروح لدوام بس على اعصابي ماشفته بعد من هذاك اليوم ماعرف بس راد يعذبني ولك انمار اني بنيتك ماوجعك كلبك عليه مااتحملت ..خابرت اهلي كتلهم اريد انزل احس نفسي ما اكدر اكمل بعد اجه عليه بابا وصلت للبيت سلمت على امي حضنتني كالت ارتاحي بدلت ونمت كعدت العصر يسرى نايمه رحت يم امي ..كالت شفتي وهيج صرتي سكتت كالت يا امي مامقسوملكم تنجمعون انسي .. لعد ليش خلانه ننخطب وتعلقت بي .. كلشي بي حكمه ربج مارادكم تكملون .. ماما حتى ماباوعلي ولاعبرني ... ليش الي صار قليل؟؟ رجال طول بعرض هنتي كرامته كدامنه وكدام اهله وكلتيله اكرهك اصلا صاحب اخلاق مارد عليج ولا حجه حرف ... ماما لاتذكريني اسكتي كمت لمكاني المعتاد غرفتي وفراشي الي شهد على ايامي السوده الي عشتهه لزمت تليفوني دخلت على صفحته نفس ماهي من شهر السادس معقوله كرهتك بالحياه اني زين ليش هيج لحيه مسوي وشعره عالي بس مامبين علي حزين عادي نفس ماشفته اول مره بس ضعفان وحليان اكثر بقيت يم اهلي اسبوع ورجعت للدوام نفس الروتين وانمار فص ملح وذاب ماشفته بعد جان القسم مالتنه مقابيل الجامعه يوم منهن رجعت وحدي لان البنات مامداومات جنت بس اني لان مأجله امتحان نزلت عبرت الشارع وجان يجي مخبل دائما ننهزم منه من نشوفه الساعه ب2 والجو مغيم وناس قليله امشي سريع وهوركض وراي دخلت للفرع ا اني رجعت مسره الجبانه بعد الصار فقدت قوتي وكولشي احس نفسي ضعيفه مثل اول يوم داومت ماكدرت اعيط ومحد اكو بس طلاب مدارس ابتدائيه شكم واحد يخافون مثلي وكام المخبل يحجي الفاظ بذيئه . واني ميته خوف انحصرت بصف سياره وقاطع الطريق عليه وبس اتحرك يريد يلزمني واني اتوسل يعوفني واقره ايات فجاه شفته انضرب و تكوم بلكاع خليت ايدي ع عيوني وكعت بالكاع وكتبي تطشرت كلش خفت واني مومثل قبل الخوف متملكني سمعت صوته كالي كومي لاتخافين رفعت راسي انمار ماحجيت شي بس بقت عيني بعينه مركزه بؤبؤ عينه وعيوني متروسه دموع نظرته جانت قاسيه حيل كل حنيه مابيهه اول مره اشوفهه ماكدرت احجي كمت الملم بغراضي وملابسي كلهه تراب كال بنتر شكو تمشين وحدج بهيج وقت كتله ماداومن البنات كال اني راح اوكف هنا علما توصلين القسم بس حسيت الغضب بداخله وضاغط ع اسنانه ويحجي وابد ما باوع بوجهي كتله شكرا ومشيت حتى ماسمعت شنو كال وصلت للقسم وكلت ما التفت اله بس خاني كلبي التفت شفته ماكو. يتبع .. هذا بارت مفاجئ،حسب طلبكم .. نلتقي رابع يوم العيد. | ||||||||
|
| |
|
19-09-18, 10:57 AM
| #24 | ||||||||
| مراقبة عامة ومشرفة منتدى الروايات المنقولة
| بارت 23 نورا ناصر. حب عاثر .. في جوفي شهقة ألم لو صرخت بها لسمع صداها الناس اجمعين .. في داخلي نيران مستعرة اذا خرجت منها شرارة لألهبت واحرقت كل مافي طريقها .. ________ اللتفتت ماشفته طگ گلبي عليه احس قلبي يبكي بدل عن عيوني .. لااا بل كل مشاعري تبكي يأرقني يتعبني يجهدني فكرة انه اني احبه وهو هم يحبني لكن مجاي تصفى ولا جاي نكدر نكون لبعض او نرتبط بزواج .. وصلت للقسم واني حيلي مهدود قواي تنزف ..،صوته الي صار 7 اشهر ماسامعته اليوم سمعته ولسه مدااشبع منه .. دخلت للغرفه لكيت البنات كاعدات ومحضرات مواعين الغدا .. سمر .. يلا مسره دننتظرج حتى نتغدا سوه .. مسره .. ما اشتهي اكلوا انتوا. سمر .. صاير شي؟ مسره .. لا ماكو بس تعبانه .. باوعتلها ملامحها توحي بانها مااقتنعت باجابتي لانها تعرفني .. من اتعب .. غسلت وبدلت وصليت ورحت تمددت بفراشي وتغطيت. اطلقت العنان لدموعي ونزلن بسرعه استمريت ابجي .. واحس انعزلت عن العالم الخارجي ..بس اني والدمع وعقلي متعب في التفكير بانمار لازمه اللحاف بكل قوتي .. وغرست اصابعي باطرافه. حسيت ايد ترفع اللحاف .. وصوت .. سمر فستقايتي اشو ضايجه رفعت اللحاف باوعتني شافت دموعي .. تحسرت بقهر و مددت بصفي كالت شبيج ليش هيج دموعج ...شفت انمار .. سولفتلهه كتلها دوما ينقذني. .... وشلون شافج وشجابه على شارع القسم معناتهه مراقبج معقوله ... لا مستحيل يراقبني ويهتملي لان ياسمر ماشفتي نظراته خاليه من اي مشاعر كانما كدامه شخص عادي ولا اني الي خلصت ويا 3 سنوات ...اعذري. ..صدمته اكبر من صدمتج انتي اهلج وقفوا بجانبج بينما هو اهله تخلو عنه وعيرو بيج. سكتت وادركت انه كلامهاا صحيح .. وتطمنت بداخلي معناه لازم اعذره .. كتلها نعست راح انام كالت نامي وشوي اكعدج علمود تقرين وميصير متاكلين ترى اخابر امج واسولفلهه. ابتسمت .. حسيت رجعت صغيره وسمر تهددني بأمي. مرات العلاج يجينا بهيئة بشر .. واني الله رزقني سموره هي دوائي .. اخليها على جرحي يبرا .. نمت وكعدت على صوت الضحك مال البنات باوعت ع ساعه ب4 العصر بقيت مدده بفراشي واباوعلهن سمر.. ولج ست الحسن والجمال كومي اسبحي ترى صايره بالدفرات على الحمام وراح يخلص المي الحار مسره. .. اووي مابيه حيل دنحجي دخلت عبير ترجف ولافه الخاولي كالت ولجن الحكلي المي ثلج تورطت وسبحت تحجي وترجف من البرد. وسن .. عزاا شون ورطه بهالبرد ومي بارد. عبير .. سووولي مكان ... وطبت بالبطانيه .. غرفتنه جبيره وبارده اني مدفيه باللحاف بس احس نفسي مسخنه وحراره تطلع من عيوني كمت غسلت ورجعت ع جربايتي طلعت ملزمتي بديت اقره اجت سمر يمي شوي نقره وشوي نسولف بعدين راحت للحانوت اجتي جايبتلي عصير ميزو وكرواسونه بوستهه واكلت شوي اخاف من كلشي خاف ترجع حالتي صادف العشا عليه صليت وخابرت امي سولفت وياهه كالت شبيج امي حجيت الها الصار .. - ماماتي مسره اذا تبقين هيج مراح تحصلين شي الولد راح لحال سبيله اقتنعي - ماما موبيدي هو موعلاقه ويروح هذا خطيبي الي تخليت عنه. !! - هاهي ربج راد هيج ماتكدرين تغيرين شي بهذه حالتج .. - سكتت بقت تحجي عليه وسولفتلي ع ضياء وعلاء شلون يتناكرون وضحكتني سديته منهه رحت اريد اقره حسيت بنحول عندي مددت شوي صارت ساعه 9 لازم اكوم اسوي عشا كوه سحبت نفسي رحت للثلاجه دا اشوف شريد اسوي دخت ماتمالكت نفسي احس قواي خارت ..رجليه غير قادرة على حملي .. صفى بيه الحال بأن اكعد على الكاع مقابيل الثلاجه وبابها مفتوح. اجني البنات يركضن تلمسن جبيني حرارتي مرتفعه اخذني للغرفه .. وكالن احنه نسوي العشا. رجعت لفراشي وزادت الحراره سمر اسويلي كمادات وعبير ووسن ومريم كلهن يم راسي كالن شجاج والله كله من العيون انحسدتي. اخذت علاج بس مافاد نمت وكعدت .. والبنات ماتركني. البنات يكولن كمتي تهذين ونضحك عليج تكولين اريد انمار جيبوليا انكولج شسوين بي تكولين اريد ابوسه واشمه ظليت اضحك .. الصبح كعدت ..حسيت نفسي احسن بدلنه ورحنه لدوام يوم عادي روتين مملل اني ما احجي وي اي طالب امشي وي البنات بس اكمل محاضراتي واطلع للقسم لبسي مستور مكياج مالي خلك اخلي بس مرات اخلي كحل حتى اكو طلاب سألو وسن شو مسره متغيره من انخطبت وليش متزوجت لسه والبنات يقدمن بهالاعذار بدالي .. الحمدلله ونعم الصديقات ما انطن بيه ولاطلعن سري. 1 بيوم كاعده اقرا دك تليفوني اخذته شفته زهراء جاوبتهه كالت هاولج بذاته جاوبتها .. والله فشلانه منج امتحانات وحتى مداكدر اسال عنج ...معذوره اني هم ماخابرتج كلت امتحانات عدهه ...اي شلونج شكو ماكو .. زينه الحمل موتني هسه بشهري وبيه بنوته .. ماشاءالله تكومين بالسلامه مافتحت موضوع ابد ولا اني كدرت اسألهه بقينه نسولف وسديته رحت للغرفه لفراشي نمت وغطيت راسي اريد اختلي بافكاري بقيت افكر معقوله نرجع بعد مستحيل مبين انمار كارهني طبعا السويته موقليل يخلص اليوم بين قرايه وسوالف وي البنات وتفكير صارت حياتي فارغه مجرد روتين سبحانك ربي وين جنت وين صرت جانت الضحكه ماتفاركني وامشي بكل فخر خطيبي انمار تالي الغرور شسوه بيه قربت امتحانات الفصل الاول امتحنت وقررنه ننزل انمار ماشفته من هذاك اليوم الي بالشارع ماعرف وين يختفي مع العلم يوميه اشوف اصدقائه الي ويا يمشون وهو ماكو ؟!!! جان اخر امتحان تبهذلت بالرابع خطوط ماكو مرات انزل وي بغداد لو ديالى يمرون على بغداد يعني شفت الويل مرات وي سمر حضرنه غراضنه اني وسمر وعبير ووسن قررنه ننزل بأي خط يروح لبغداد بوقتهه شكد دورنه كل الخطوط مقبطه وماكو مجال والي ماينزلون بهذا اليوم لازم ننتظر شكم يوم واحنه تعبنه اجه طالب ويانه من كركوك كال لعبير شوفو ايهم الي بالهندسه هو عنده سياره ودائما من ينزل ينزل ويا الطلاب بلكي اكو مجال وهو من بغداد بلاول خفنه لان مانعرفه بس كالت خلي نروح ونشوف راحت هي ووسن اني وسمر مارحنه ورا شويه اجتي كالت عبير خرب بيومه شلون صاك هويحجي واني اريد آكله اكل مسره .. شوف هي ولج بابا دزيناج تشوفين مكان مو تزحفين؟ ؟ .. اي كال اذا ماكومكان اخليكم بحضني اقصدبعيوني. مسره، سمر .. ههههه وتاليها؟ ... محد ينزل ويا بس طلاب هندسة بغداد. ... راحن ركض للقسم واني وسمر دانسوي كتاب تأيييد لدائرة بابا. 2 تاخرنه بالكليه ازدحام ع التأييد عبير خبصتنه ولج الخط بالباب واكف وانتن اتخمن كتلهه صعدي غراضنه وتعالو نوكفلكم من الكليه احنه سجلنه مغادره من القسم الصبح. وسديته .. بعدها استمرت تتصل عليه هي ووسن واحنه برئاسة القسم وارفضهه عرفنه الخط بالباب بسرعه طلعنه ركض اني لابسه بنطرون وفوكا كوت طويل جوا الركبه بهواي وترانشوز وصلت للباب عثرت بالقيطان مال الحذاء واجيت اوكع على وجهي ولزمتني سمر وصلنه للخط صعدنه السياره ستاركس اني وسن وعبير وسمر كعدنه وره السايق و2 بنات من الهندسه والباقي ولد والصدر بي بس واحد شفت السايق هو ايهم يباوعلي بالمرايه بس اني حاولت اغير مكاني حتى مااصير مقابيله. حركت السياره بس اشو مامشه بالطريق الي متعودين عليه من نروح طخيت عبير وباوعتلها بتساؤل عبير .. سألته كالتله شو مو نفس الطريق ؟؟ 2 كالهه بس من رخصتكم اريد امر ع بيت انمار طالب ويانه يروح اني هنا ماعرف شصار بيه البنات التفتن عليه اني يم الجامه صايره بس اسمع باسمه جسمي يرجف كلبي دكاته الف سمر حست عليه لزمت ايدي كالت شجاج اهدئي وصلنه للعماره بيهه شقق معناتهه مأجر وحده اكول ما اشوفه بلاقسام واني بافكاري شفته نزل اااااااخ كلبي شيصبرك اليوم نزل بهيبته هدوئه الطاغي مبين الحزن بعينه لابس بنطرون بيجي وجاكيت زيتوني والساعه نفسهه الي جبتهه هديه اله!!! كمت اضغط على ايد سمر حيل ماكدرت اتمالك اعصابي عبير تأشرلي بعيونها عود اهدئي ووسن كاعده وراي حسيتهه لزمت كتفي اجه صعد بصدر كال السلام عليكم ردو السلام تحركت السياره كلهه تسولف الا هو هدوئه قاتل ماعرف شافني كلبه حس اني موجوده لوسوه نفسه مايعرفني ايهم عينه بالمرايه اعتقد يعرف بينه ورا شوي جان يفتح ايهم اغنيه كاظم بعد الحب وبعد العشره نلتقي مثل الاغراب واحد مايعرف الثاني ولا كانه كنا احباب احباب ماتت لهفتنه المجنونه مااقساه وما اقساني اتسائل وحدي واتألم ياترى من فينا الجاني الزمن تغير لو احنه بينه عيوب وبينه اخطاء احنه مجرد هيكل فارغ واخذتنه الموجه العمياء. اني كوه تمالكت نفسي ماريد تخوني دمعتي وما اريد يشوفني ايهم ويحسون بيه الاغنيه ربع ساعه تقريبا ووصفت حالتنه كلماتهه تنزل مثل الصاعقه باذاني اشوف انمار مخلي عكسه ع الجامه وايده جوا حنكه بقت الاسئله تدور براسي ياترى شجاي تفكر شنو ابالك اموت واعرف وصلنه للمطعم بالطريق الولد كالو ننزل ناكل متنه جوع فوكاهه جنه بلامتحان نزلو اني ماقبلت انزل رجليه احسهن خيوط بس ماقبلو كالو تبقين وحدج ويقفلون السياره نزلت اجت عيني بعينه بسرعه دار وجهه عبالك غريبه مواني مسره حبيبته كالوله يله انمار كالهم ما ادخل ما اشتهي انتظركم برا طبينه جوا اني كلشي ماردت حتى ماطلبت بس بعد الحاح البنات اكلت شوي كملنه وطلعنه شفته واكف بعيد عن السياره ولازم جكاره بيده باوعت لايده واحجي بقلبي ..شكد جرحتك شكد اذيتك بحيث الجكاره ماوكعت من ايدك ايدك فارغه من الحلقه رجعنه صعدنه وهو الطريق كله ما حجه حرف واحد هدوئه يخوف احس داخله اعصار بدو يجمعون بالكروه جانت 15 طلعت الكروه وي البنات ودفعناهن ورا شوي ايهم رجع 15 كال مسره اخذي هستوني ردت احجي اكله لا ليش كرصتني سمر سكتت كالت عيب من الولد والبنات الي كاعدات من ننزل حاجي اخذتهه وسكتت وصلنه البغداد بساحة عدن وكفت السياره نزل انمار سلم عليهم ماعرف ليش نزل هنا وشعجب ماعنده سياره وحتى جنطه مابيده فارغ وصلنه احنه للكراج من نزلت رحت لايهم كتله ليش رجعت الكروه كال اختي وصلت كروتج من انمار .. لاميصير اني ماكدرت اجاوبك لان استحيت من الولد ...ماكو فرق بيناتكم هو دفعهه اني اترخص .. وراح بقيت انتظر بابا اجاني. 3 وصلت للبيت ميته تعب سلمت على اهلي سبحت وبدلت وصعدت لغرفتي جتي امي كالت تعالي اكلي حبيبتي. ... اكلنه بالطريق ماما مااريد. ... لعد ارتاحي حبيبتي .. .. ماشي راح انام ماما .. طلعت واني رحت خليت راسي ع المخده ظليت احسب صار شكد ع افراكنه 8 اشهر احاجي نفسي حاولي يامسره لازم تنسين انمار لان هو مبين ناسيج بس ردت اعرف الهدوء الي عنده شنو عبالك موانمار الي اعرفه زين شعجب لحدالان ما ازوج بقت افكاري تودي وتجيب لحدماغفيت. خلصت عطلة نصف السنه بالبيت بس مره رحنه لكربلاء هاي الفتره تودد بيت عمي ابوايهاب كثران وخاصة ايهاب اتخرج واتعيين وشايف نفسه يسرى مرحله اولى واخويه علاء سادس علمي واهلي موفريله كل سبل الراحه بلكي يطلع معدل وضياء صار بالرابع علمي خلصت العطله ورجعت للدوام جان الدوام شوي بي روح تحضيرات التخرج والمواد صارت سهله ايامي عاديه ما اختلط بس وي البنات حتى صرت اسمع يكولون عني مغروره و شايفه نفسهه ياحضي عليمن شايفه نفسي شو انمار وخسرته. خلصت محاضرات تجمعنا اني والبنات اجتي عبير كالت خلي نفتر شويه حبابات رحنه تمشينه مرينه من يم الهندسه شفت اعلان عن مناقشة طالب الماجستير انمار يوم الاحد فرحتله وبنفس الوقت ضجت تذكرت جان يكلي بالمناقشه انتي حامل اتمنيت اوكف بجانبه بهذا اليوم دعيتله من كل قلبي ومشينه واحنه دنمشي .. كالت. . عبير ...خلي نحظر مناقشته مسره .. لا شلون ترحن بدون دعوه؟؟ عبير .. متشوفين كاتبين مفتوحه. قررن وسن وعبير يرحن اجه يوم الاحد واني بيوم مناقشته ماداومت. راحت عبير ووسن وبقينه اني وسمر ننتظر الاخبار صارت ساعه ب2 يله اجني بعدهن بملابسهن كالت عبير تعالن اسمعن راح اغرد اللتمينه عليها .. واكثر وحده ملهوفه هي اني .. كعدت وظلت تسولف كالت مارحنه بنفس الوقت تاخرنه نص ساعه ورحنه لكيناهه هستوهه باديه لابس روب المناقشه وطالع هيبه يخبل وكومه بنات حاضرات المناقشه مسره ... منو من اهلهه حاضر ..؟ عبير ... اخو بس لان سالته الدكتوره كالهه اهلي بالسليمانيه اخر شي علنوا الدرجه امتياز وباركوله بس ابد مافرحان حتى كوه يبتسم مسره .. هم شافجن ؟؟ عبير ... وين يشوفنه صايره ثريد البنات تدرين مسره اخر شي الدكتوره سالته كالتله سؤال شخصي ممكن؟ كالهه تفضلي ..كالتله الاهداء المن منو الي كدرت توكع نمر بشباكهه هوبس ضحك وسكت ماجاوب مسره .. شنو الاهداء ؟؟ عبير .. احنه من رحنه ماسمعنا لأن متأخرين وصلنه. مسره .. امم اهاا .. صح مقهوره جنت بس فرحت اولا حصل امتياز رغم الظروف وثانيا لان حسيت الاهداء الي معناها بعده يذكرني وعندي نصيب بكلبه انمار ابد ماشفته من نزلنه مرت الايام بين تحضيرات التخرج وامتحانات لحد اليوم الي طلعنه من الكليه جان شهر الثالث بداياته وبارد الجو دنمشي وكومه بنات القسم سمعت صوت سياره تمشي سرعه واني ع رصيف امشي سمعت سمر كالتلي مسره ديربالج. كعدت واني بالمستشفى حسيت بألم موتني بكل جسمي باوعت داير مدايري سمر وعبير ووسن يبجن. طلعن البنات بقيت وحدي واني اون من الالم. باوعت شفته اجه ... عبالي اني بحلم .. صرت اتحسس نفسي خاف اني بحلم .او الضربه اثرت بيه . كلما اله يتقدم بخطواته .. اجه كعد يمي. .. انمار .. الحمدلله على سلامتج .. يتبع .. | ||||||||
|
| |
|
19-09-18, 10:59 AM
| #25 | ||||||||
| مراقبة عامة ومشرفة منتدى الروايات المنقولة
| بارت 24 نورا ناصر أموت اشتياقًا أموت احتراقًا وشنقًا أموت وذبحًا أموت ولكني لا أقول مضى حبنا وانقضى، حبنا لا يموت.-محمود درويش- مسره .. واني بصدمه كتله الله يسلمك وبقلبي اكول شجابه وشون اجه .. اباوعله وكاني اشوفه للمره الاولى . . وكانه ملاكي الحارسي الي نزل من السما حتى يحميني وينور حياتي .. انمار .. شلون صرتي هسه ؟ مسره .. جسمي يوجعني الم قوي انمار ..الحمدلله عدت ع خير خابري امج خطيه بالهه عليج والطريق انسد مايكدرون يجون. هزيت راسي .. اخذت التليفون ودكيت على امي .. وهو واكف مرتجي يم الباب ويباوعلي. .. واني اباوعله وانصي واحس خجلانه .. جاوبتني امي هي و تبجي كالت سوده عليه مسره بنيتي منين اجتج ماشفتي راحه كتلهه ماما لاتبجين اني زينه ضربه خفيفه بس جسمي يوجعنيا اذا انفتح الطريق تعالو وكلساع احاجيج اني لتخافين كوه خليتهه تهدأ طول ما اني احجي هو واكف بمكانه مااتحرك يم الباب وبعده يباوعلي سديته من ماما باوعتله كتله شوكت اطلع ...الدكتور كال اذا تردون باجر طلعوهه بس لان اقسام كال احسن تبقين هنا واني حولتج ع الخاص حتى ترتاحين .. منو يبات وياي؟ ..اكو ممرضات واني هنا. وطلع احساسي بين الفرح والخجل والم الضربه وراسي مشدود ويوجعني .. بقيت وحدي بعد دقايق اجني المشرفات ورئيس القسم والدكاتره الي يجوني. يتحمدولي السلامه. ووياهم سمر وعبير ووسن. من طلعوا .. كتلهم ولكم انمار شجابه هنا ااا بس اريد اعرف .. سمر .. اني خابرته من تليفونج .. مسره .. يااا احلفي؟ ؟ زين من خابرتي بسرعه رد؟ سمر .. لا مو بسرعه كم مره يلله مسره ... وليش رجعتي خابرتي مره ثانيه ..؟ سمر ... احسسسن .. صار الليل راحن البنات بقيت وحدي حتى انمار ماكو كمت ابجي الم قوي عندي باوعت الباب انفتحت جايبلي عشا باوع لعيوني .. ببرود كال ليش تبجين موجوعه شي ؟ كتله اي ...صيري سباعيه ازمه وتعدي وتصيرين زينه بقيت اباوع بعيونه هو بسرعه ودار وجهه كال راح اصيح لممرضه توكلج لان ايدج مجروحه ماتكدرين. طلع وعافني اجت الممرضه واكلت .. اخذت العلاج نعست غفيت .. كعدت ثاني يوم .صبحت بوجهه رأسا . جايبلي ريوك. اني كلش خجلانه وحاسه بالندم. شعوري مينوصف من اشوفه وكانه مذنبه .. يباوعلي ببرود ويصد عينه .. احس كل ش متغير كال انفتح الطريق راح يجون اهلج اني راح ارجع لبغداد اذا احتاجيتي شي خابريني كتله مقصرت .. سلم عليه وطلع وصل للباب صحته انمااااار التفت عليه كال هاا كتله بقهر ولهفه .. سامحني كلشي صار غصب عني ماحجه اي كلمه بس باوعلي وطلع. نزلن دموعي ماردته يطلع تمنيته يبقى يمي تمنيت اني بهذه اللحظه مرته على سنة الله ورسوله .. وفعلا جان اني هسه مرته .. لو لا الي صار .. للضهر اجو اهلي وسجلولي خروج ورجعت لبيتنه صرت زينه وتعالجت هناك قررت ارجع لدوامي فاتتني هواي محاضرات بيومهه رجعت والكل تحمدلي ع السلامه وايهاب كلساع يخابر من رقم مللني مشت الايام وصارت حفلة تخرجي والتهيت انمار اختفى ماشفته بعد ما داوم ابد يعني لواحسب شكم مره شفته خلال الدوام يمكن 4 مرات ماعرف اي شي عنه الشوق ذبحني عليه .. اذا ماعرف اخباره اتخبل. قررت اخابر زهراء وافتهم شكوماكو. اخذت تليفوني خابرت. جاوبتني. مسره .. شخبارج وشونه النونو .. ؟ زهراء ..لج بعد وكت جبت بنوته .. صدك فدوه لله حمدلله على سلامتج شلونج انت وهي شلونها وشنو سميتيهاا؟ .. مااسميناهه احنه انمار سماهه مسره وحلوه تخبل. دمعت عيوني .. كتلهه ربي يحفظها عفيه زهراء احجيلي شكو ماكو شلونه انمار؟ كالت شحجيلج موكتلج طلع منهم بيت وحده واحنه طلعنه ورا لان تعبت منهن وريام اطلكت وناديه عدهه ولد وريما تزوجت وماهر توسل لانمار يجي يمنه ومايكعد وحده وبعد تواسيل قررنه احنه كلنا نرجع بعد ما امه واخواته رجعوا للسليمانيه وهسه بس احنه سوه ومايروح لاهله ابد بس ماهر بين فتره وفتره يجيب ابو وبيبيته يشوفهم انمار واخواته مايحجي بس وي ريما اصلا مخلصهه هدوء حته ويانه مايسولف. وغرفتكم بعدهه مقفوله والمفتاح عنده بعد شتردين احجيلج؟ ؟ ... هذا هو كفيتي ووفيتي بس شعجب ما اتزوج ضحكت .. كالت يامصخمه مرت علي ايام سوده للصبح الكا كاعد بالحديقه يدخن انتي هلكدوتج ولعبتي بي لعب ضحكت .. وماحجيت شي .. ...صدك مسره ليش ماتخابري؟؟ ..ما اكدر خاف يفشلني ؟ .. لا دحاولي تتقربيله حرامات حبكم ينتهي هيج بدون ذنب اي واحد منكم .. ... ماادري زهراء والله متعذبه وهو بعيد عني حياتي موحشة وباردة .. ... والله مسويلكم سحر دشوفي احد منا منا يفكلكم السحر ... لج والله مبقى مكان مارحنه ماكو احد ديفكه .. سديته منها .. وكعدت افكر بكلامهاا .. جتي سمر كالت هاا وين صافنه .. ؟ سولفت لسمر .. صفنت شويه .. بعدها كالت اكلج اني سامعه اكو يمنه بيت ابو خمره يفكون السحر. مسره .. اي؟ ؟ سمر .. راح اخابر ماما واكول الهاا مسره. . فدوه سمر استعجلي .. سمر .. هسه حالا راح اخابرها. اخذت تليفونها وحاجتهاا .. افتهمت من كلامها انها راح تروح الهم .. عاد بعدها بكم يوم وخابرت ام سمر وحاجتها .. كالت يكول هاي البنيه مسويله عمل كراهيه وفراك و ماخوذ شي من ملابسهه ومسويلهه عمل اتذكرت ملابسي الي راحت. كملت كلامها كالت الي مسويتلكم وحده طويله ضعيفه قريبه علي بقيت حايره ... تقريبا نفس كلام ابوكربلا مسره .. اي كملي ؟؟ ...وكال اكو طرف ثاني مسويلهه محبه وانكلب عليهه وتمرضت بس هي حاليا مابيهه كل سحر بس اكو سحر ع الولد بقيت افكر اني وسمر منو وشلون قررت اسولف لزهراء خابرتها كتلها منو هي الطويله؟ ؟ ..كالت عزا هم كلهم طوال بس اني من جنت يمهم اكثر من مره تجي مرت عمه طويله وضعيفه والحجيه ماتحبهه اسميهه السحاره تجي وي خالتي رنا وتروح وحتى اشوف خالتي تنطيهه فلوس ومرا ماكو احد بالبيت وجنت نايمه واشتم بس ريحة البخور نزلت لكيت خالتي تبخر وهي موجوده معقوله هي ؟؟بس هي حتى ماعدهه بنات ليش اسوي هيج ؟؟... ...يعني مرادلها تفكير اكيد رنا موصيتها .. ... كل شي جائز .. سديته منهه .. والحيره اخذتني بقيت اتحسب عليهن ليش هيج يسوون مااذيتهم بشي اني. ... بقى هالموضوع شاغل بالي فتره .. ام سمر بقت تساعدني وتروح وتجي ع الشيخ. ورا فتره جتي سمر كالت اتصلت ماما كالت يكول الشيخ تكدر اطب لبيتهم وادليهه كتله مومشكله ...كايل لماما العمل بغرفتكم دوري زين. .. ماشي راح اكول لزهراء .. اتصلت وكلت لزهراء ...اي بس شلون اروح بيا حجه. ... دبريلج حجه عفيه لان انمار مايصدك بسوالف السحور خاف مايخليج .. .. راح اكول لانمار اريد اروح انظفهه وادوره ...اي عفيه هيجي ... ... ماشي عود نتخابر .. ... انتظرج .. سديته منهاا .. ثاني يوم خابرتني كالت لكيت فدشي مخيط بالدوشك جوا بي بسامير وشعر ... انصدمت واقشعر بدني ... كتلها عوفي لا تشيلي ... ليشش عود؟ ... لا الا افضحهن فضيحه. ... لج يامعزايه هسه يكولن اني خليته الج ... لعد شلون ؟ ... اني احجي ويا اليوم وانتي خابري. .. تمام .. خابرت ع انمار مارد بلاول بعدين جاوبني يحجي ببرود كال جنت نايم كتله انمار اني تعبت حتى مريضه الله ماتخافو شنو من بشر اني بشنو اذيتكم غير خطبتوني برضاتكم. كال شبيج على كيفج ؟؟ انهاريت وظليت ابجيي .. جان دائما من يشوفني انفعل يدري بيه عندي داء الشقيقه يكلي اهدئي حبيبتي اليوم عادهه نفس الكلمه اني طكيت بجي كالي راح اسده اذا تبقين تبجين فهميني شكو منو مأذيج ؟؟ ...انت واهلك بعد منو يعني؟ ... اني؟ ؟ عجل وحده وحده وفهميني ؟؟ سولفتله كلشي امه شلون هددتني وشلون ضاعن ملابسي وهويذكرهن وشلون احلم واختنك وكتله اني اريدك بس شي يمنعني عنك .انمار... اني احسن منج اني هم احلم احلام موحلوه واصلا ما اكدر افوت لغرفتي بس اني احبج محد يمنعني عنج ... حجيتله على الشيخ وكل الي كاله الي ضحك كالي بنيتي شنو هالسوالف التعبانه تدرين بيه ما امن بهالكلاوات سولفتلي زهراء البارحه وضحكت ع عقلهه. ... انمار لخاطري اني جاي اتعذب اني الي حاربت اهلي علمودك اذا تحبني ساعدني .. شسوي مثلا ؟؟ .. دور غرفتك زين يجوز بغرفتك شي مودكول ما اكدر افوتلهه اختنك ...لاتبجين هاهي اني من ارجع ادورهه واذا صدك لكيت!!! وحده وحده ادفعهن الثمن ع ايامي الي ضاعن واني احرك بنفسي. ... ماشي .. سديته منه .. بعدها بايام ماتواصلت ويا ولا ويا زهراء نزلت للبيت .. وصلت تعبانه رأساا نمت. كعدت ع صوت الموبايل سحبته من على الميز زهراء تتصل .. كتلها الووو هاا زهراء كالت وينج انت مختفيه ..رنا تخربطت وبالمشفى ولج كارثه سوه انمار بيهم. يتبع. شويه صار قصير بالليل انزللكم. | ||||||||
|
| |
|
19-09-18, 11:00 AM
| #26 | ||||||||
| مراقبة عامة ومشرفة منتدى الروايات المنقولة
| بارت 25 نورا ناصر. الحب جحيم يطاق والحياة بدون حب نعيم لايطاق .. مسره .. استوني كاعده من النوم وزهراء بلا مقدمات صدمتني بعبارتهااا .. ظليت ارجف .الغرفه ظلمه . نزلت رجليه من السرير .. رحت لنقطة الكهرباء شعلت الضوء واستمع الهاا وهي تحجي .. زهراء ... انمار مدور الغرفه ولكا العلاكه ونزلهه شعر وبسامير وفد كلمات مامعروفه وكلها كراهيه واسمكم وموت بيهن. مسره .. الحمدلله ظهرت الحقيقه صدقا مااعرف شون اجازيج .. زين .. كملي زهراء ... تعارك وي امه .. مسره .. هي امه مو بالسليمانيه؟ زهراء،.. لا لج جتي من اسبوع .. تشوف بناتها الي متزوجات ببغداد .. مسره .. يعني رنا (رنا هي ام انمار) اجت بعد ما اكتشف السحر انمار لو بعده؟ ؟ زهراء .. لا بعد مااكتشف كل شي اجت وهو جان طالع ومن اجه شافها بالبيت رأسا تعارك وياها .. مسره ... عزااا وشصار؟ ؟ زهراء ... انمار كالهه حرامات اسميج امي ومااريدج تنكرين ولاتكولين مو اني لان اكثر من مره شفتج ترحين انتي وبهيجه مرت عمي للشيخ ومن اسالج تكولين يمه محسودين ترقيه بشنو اذيتج اني مو ابنج ماخفتي الله لوهي الي دمرتيهه ماكلتي خاف تموت البنيه وضميرج يأنبج ولو انتي منيلج ضمير همج الفلوس وبس عبالج بهاي سوالفج اعوف مسره لو ع كص ركبتي ما اعوفهه تكليلي ساحرتك وانتي تمشين بدرب الشيطان التفت ع ابو كاله قرت عينك ترباية بناتك خوش تربيه والاضرب امهن الي دور سحر. مسره .. وهي شكالت؟ زهراء .. هي تتوسله وتكله مواني وفاهم غلط كالهه ما اريد اشوفج ابد ولا اريد اشوف اي وحده منجن وارتاحي ماخليج تشوفيني بعد ورا ماطلع انمار تخربطت وهسه بالمشفى الاطباء يكولون بيهه جلطه وانمار شكد خابروا يجي وما اجه كالهم ماعندي اهل اني مسره .. اووي سوده عليه .. زهراء ...مسره خابرب ترى حالته حاله هسه وعنده ضغط لايصير بي شي انصدم صدمة عمره بامه وخواته. مسره .. ان شاءالله .. سديته من زهراء بسرعه خابرت سمر سولفتلهه كالت خابري ولج هاي فرصه بلكي ترجعون .. يعني انت تكولين اخابره هيج رايج يعني؟ ؟ .. شبيج مترردده خابري .. اتصلت بي طول يله جاوب صوته تعبان مرهق وحزين كتله شلونك ... الحمدلله وانتي ؟؟ ..زينه ..شلون صرتي خوما اثار الحادث بعده ؟ ... لازينه بس اكو اثار بقت بجسمي ( ما انتبهت ع نفسي من حجيت ) .. مممممم ... وين انت ؟ .. بالمعمل سكتت اني وهو هم سكت كتله سمعت بيك ضغط كال اي زين مستقر بس من انقهر واصير عصبي وصار عادي هذا حال اغلب العراقيين ..ماكو موضوع احجي بي توترت كتله يله اخذ راحتك بس ردت اعرف شلونك كال شكرا ع السؤال .. مع السلامه ..الله معاج رجعت خابرت سمر سولفتلهه كتلهه سمر بارد حيييل كالت يولي لعد يكولج تعالي بلاحضان ع عملتج السوده انطي مجال شوي شوي هسه انتو مثل الي هستوهم متعرفين. .. هاا .. اي شبيج .. ماكو شي كلامج صحيح .. سديته منهاا .. كملت اجازتي رجعت للدوام امتحانات اخر سنه انمار كمل ميداوم بعد خلصتهه شلون ماجان واجه اخر يوم ولازم اودع سمر اخ كلبي يوميه اوداع تعبت بقينه للصبح نحضر غراضنه ساعه نبجي وساعه نضحك ع سوالف عبير صار يوم ثاني. طلعنه من القسم خلينه اغراضنا بالسياره ومادنشبع من بعض .... اخر لحظه من ااريد اصعد بالخط حضنت سمر وهي تبجي واني ابجي وين اشوفهه بعد نعم الصديقه الي 4 سنوات ماشفت غير الخير منهه تبجي ع بجي وتضحك ع ضحكي ما زاعلنه فديوم وكفت بجانبي واني باتعس حالاتي كوه كدرت ابتعد عنهه ودعتها وصعدت بلخط وابجي. وصلت لاهلي هلكانه من التعب بقيت يومين اكل واصلي وانام بالفتره الاخيره تعبت حيل زهراء اني وياهه ع اتصال حاسبتني اختهه شكد فقيره ويتيمه مااعدها احد تكول قبل لااتعرف عليج جنت اضوج واريد اسولف اشياء تخصني لوماهر يضوجني المن اسولف ماهر يكولي احجي الي حتى لو تحجين عليه طلعي الي بكلبج احسبيني ما اسمع ومرات انهد بي واحجي علي في سبيل ارتاح لحد ما تعرفت عليج حسيت نفسي مرتاحه من اضوج يصير شي اجيج اشكيلج هواي ارتاح من تهونيين عليه .. .. كتلها كلي اذان صاغيه الج .. يوم عن يوم علاقتنه صارت متينه اخوات وصديقات بمعنى الكلمه .. بعد تخرجي تقريبا بشهر لكيت فرصة عمل بمختبر اهلي العصر اشتغل انمار ماكو اي تواصل بيناتنه حاولت اتقربله اني بس نفس بروده .. مره جنت فاتحه فيس دخلت ع حسابه دزيتله ملصق هذا ابوخدود ورا شوي رد عليه هلو مسره كتله شلونك .. تمام وانتي ... الحمدلله اني دا اشتغل بمختبر .. بيهه الخير يوم التعيين ان شاءالله .. سكتنه شوي غمضت وكلت لازم احجي مدداكدر ابقى ساكته .. كتله انمار كال هاااااا ...اعرف انت شايل بكلبك عليه بس اني والله مالي ذنب .. لا ماشايل لوشايل شوي جان مااحجي وياج هسه ... انت موشفت بعينك ..صح الحق وياج بس لاتقنعنيني هيج يسوي بيج جان ع الاقل انطيتينه فرصه من تصيرين زينه جان خليتي امج او اختج تفهمني. ... والله مجان بيدي شي .. لابيدج مسره انتي موخذلتيني لا طعنتيني جنت ازامط بيج اكلهم هسه تجي وتشوفوهه غصبا ع اهلي خطبتج محد جان قابل بس جدي الله يرحمه وهو الي وكف وياي كل هذا وجازتيني هيج كدام اليسوه والمايسوه تكليلي اكرهك ياريتني اني كارهج كل هاي السنين مرن 4 سنوات صرتي حجر عاثر بطريقي لا اكدر اتعداج واكمل ولا اكدر ارجع انمار الاول صعبه يامسره صعبه. ... هلكد اني ماذيتك ؟؟ ..مسره رجاءا لاتفتحين دفاتر قديمه عريس بعد اسبوع زفتي واتفشل كدام الناس والله البنيه تمرضت ماتريد الولد وغير عمايلج السوده قبل كلهن عديتهن الا هاي غصه ببلعومي ما اكدر اعديهه ..يعني بطلت تحبني .. وليش تسالين بطلت واذا ضليت ترى مراح يفرق شي دروبنه ماتلتقي ابد .. بس اني احبك واحتاجك بكل لحظه سكت كتله وين رحت؟؟ ..عندي شغل راح اروح بعدين نحجي. عفت الموبايل وكعدت بقيت افكر شلون نرجع. صاحتني امي نزلت لكيت عمتي سلمت عليهه شفت امي غضبانه. كعدت ماادري شصاير .. امي .. ماتريده كوه خما كوه مسره .. شكوو امي .. عمتج جايه تتوسط لايهاب .. اللتفتت لعمتي كتلها عمه لويبقى اخر رجال ما اخذه واني انتظر انمار منا لمن اموت ما ازوج غيره. عمتي .. ياا ومنو كلج ايهاب يخليج تزوجين. امي ..كليله خلي يوصل لبابنه الا اخلي اخوتي يسوو وصل شنو داده تايهين احنه ميكفي الي سواه بينا تره احنه نعرف سوالفه احنه .. عمتي .. شسوا بالله .. امي .. طلع يسوي سحوره ابن اخوج المصون .. عمتي .. ياا ليش تتهموا بالباطل هو مثقف وطبيب شجابه على هذي السوالف .. مسره .. عمه ايهاب لو يظل اخر واحد بالدنياا مااريده. طلعت عمتي هي وزعلانه .. بقيت احاول اتقرب لانمار اراسله وهوبارد فد مره راسلته الساعه ب11 ماكو وانتظرت ماجاوبني كل شويه اجيك تليفوني ماكو .. نمت ... حسيت تليفوني هزاز فتحته شفته انمار جاوبته كال شلونج زينه .. اني كوه احجي منعسه وانت ؟؟ تمام .. راسلتك هواي وماكو ... .. جنت طالع .. بيش الساعه هسه كال ب1 اني تجرأت وحجيت كتله نمري احبك سكت ماجاوب كتله اشتاقيتلك كال اني هم اشتاقيتلج النعاس غلبني كوه افتح كالي نعستي مو؟ روحي نامي والصبح اخابرج. سديته ونمت جريتهه نومه كعدت الصبح باوعت لساعه ب9 حسيت مرتاحه .. اخذت التليفون اتصلت بي جاوب كتله صباح الخير .. صباح النور ..شوكت كعدت ... موتدرين عندي شغل كعدت ب6 .. تريكت ؟؟ .. لا منو يسويلي ريوك مرتي؟؟ ضحكت كتله وزهراء ؟؟ ...هاي كافي عليهه ماهر موفوكاهه انمار .. ماترجع اهلك؟؟ .. لاتضوجيني من الصبح هيج مرتاح بدون قال وقيل ..زهراء حبابه ..حيل حبابه ومؤدبه ترباية ماهر .. شلونهه الزغيرونه ؟ .. منو مسره العرمه؟؟ ضحكت اني كتله ليش سميتهه هيج ... موبس اني هي زهراء رادت اسميهه وماهر يصيحلهه مريم .. هههه حلوه؟؟ ...اي اسمهه مسره شلون موحلوه سكتت اني ..بس عرمه وعايقه اول ما افوت تشمرني باي شي تلعب بي. ضحكت... كتله بس اكيد تحبك .. اي تحبني مرات انومهه بحضني ماتسأل ع امهه .. من ترجع صورهه الي اريد اشوفهه .. ادللي .. يله روح خاف عطلتك .. اوك ديربالج ع نفسج وسديته حسيته شويه متغير بيهه امل علاقتنه بس نرجع مثل قبل اخلي يجي مره ثانيه مرت ايام عاديه بين المختبر وبين البيت وانمار متواصله ويا .. بهالفتره يتقدمولي هوواي وارفض واهلي يتسائلون؟ ؟ ليش ترفضين وووووو كومه حجي اسمع بس لغير انمار ما اصير بس الموت ياخذني منه علاقتنه اني ويا تحسنت حيل يوم منهن كال هاي الايام ادز ناس ع اهلج اني ما احب علاقه ومخابرات وانتي موعلى ذمتي ... يتبع .. هم قصير 😂خرب يلا باجر ان شاءالله بارتين | ||||||||
|
| |
|
19-09-18, 11:01 AM
| #27 | ||||||||
| مراقبة عامة ومشرفة منتدى الروايات المنقولة
| بارت 26 نورا ناصر. حارب كبريائك لاجلها " فهي وضعت كل ثقتها بك "لاتتركها تشعر بانها وحيدة"" فهي تفكر بك فأما ان تكون في حياتها اولا تكون" فالانتظار قاتل" وهي قلبها ابيض لكن كبريائك سيحوله الى سواد " كلش فرحت بمحاولاته والاكثر انه اني الامراه الوحيده الي يقاتل على مودها ... ورغم كل شي واحنا باقين سوى ظليت هواي ادعي نرتبط. مر اسبوع اندكت الباب .. اجانه عمي كعد بالاستقبال سلمنه عليه .. كال اجو زلم لشيخنه كايليله انمار اجه ويكولون الولد متمسك بيهه ويريدهه والي صار هي تمرضت ماشفتو شي منه موزين موو؟ بابا ... لا ونعم منه بس مسره ما انطيهه بعد للمحافظات وبعيده وصلت الموت بنتي امي ..بعصبيه ... الا تطلع جثتي من البيت يله تزوجه سوو بلاوي وي بنتي همزين مراحت من ايدي كوللهم لايفكرون بالموضوع بعد. اني اسمع وكلبي محترك اذا باول مره بالشافعات قبلوا بعد الصار مستحيل يقبلون .. طلع عمي صاحتني امي للغرفه رحت الها بس دخلت طبكت الباب كالتلي ولج شوفي يمصخمه اعرف بيج عندج علاقه بي والله اكول لابوج تقطعين علاقتج بي لاوالله اتعامل وياج بغير طريقه كتلهه اني احبه وتدرين سبب انفصالنه مو هو ليش تحملو ذنب غيره .. لا تردين هيج لا اكص السانج. شفتهه شكد عصبيه سكتت وطلعت .. .. اتواصلت وي انمار بلخفيه كتله ماقبلوا .. شي طبيعي مايقبلون وحتى لو ادز مره ثانيه مايقبلون بس ربج كريم وبقت يمه. .. انمار لاتعوفني فدوه. .. لا ما اعوفج بس ادعي الله يجمعنه ... لساني مديوكع منه الدعاء والله .. مرت الايام بالعيد انمار متراضي وي اهله بس بعد اكو حواجز بيناتهم اني وانمار حبنه يكبر وايهاب ساكت ماعرف شيخطط هم دز انمار ناس ع اهلي وعمامي ونفس الرفض اجا ماخله طريقه ما سواهه. وصل حجي من ايهاب كال مسره الي واذا ماتقبل تبقى طول عمرهه يم امهه ما انطيهه. خابرني انمار گلي هذا ابن عمج جاي لشيخ عشيرتنه وكاله اني اريد بنت عمي وابنكم يوميه يدزكم ترى اذا دز مره ثانيه وشفت شي منكم تصير موخوش. اني هنا تخبلت مااعرف شنو اسوي ختمتها ويا انمار ونار تسعر بيه اخذت التليفون خابرت ايهاب كتله انت واحد مريض ماتحس مواكلك اكرهك ماحبك لوتبقى اخر رجال ع وجه الارض ما اقبل بيك. ايهاب .. تحبي لهذاك السني ولج ؟؟ .. انت وعشره من امثالك ترحون فدوه اله .. انجبي لا اجي اكسر راسج والله اشو انتي طالعه من الطريق ماعندج رداد يردج ومنو يردج ابوج الي يمشي بحجي امج لو اخوج المهندس الي مخلصهه فيكات والله اسحلج من بينهم واخذج واكسر راسج اليابس وعود شيلي عينج واتباهي اله اخليج اطلبين الرحمه. ... قسما بالله اذا مابعدت عن طريقي بنفسي اروح واشتكي عليك وهذا انمار الي تحجي علي اذا انت رجال وبيك خير وزود روح اوصل يمه ولك اني من ازوج واحب احب رجال بمعنى الكلمه موانت الملطلط الجبان الهمجي. راد يحجي مانطيته مجال كتله هاا وخلي هاي الكلمتين ابالك حتى لو ماصرت لانمار يحرم عليه رجال بعد. وسديته احس كلبي نار من ورا ظليت ادعي عليه الله ينتقم منك شر انتقام ياايهاب الكلب. هدأت شويه .. شربت مي وجريت نفس اريد اخابر انمار مااريده يشوفني متوتره .. اتصلت بي لانمار وسولفتله تعلمت ما اضم شي عنه كالي حبيبتي هذا عديم الشرف لايسويلج شي والله اخليهه كاتل ومكتول اتجنبي فدوه لكلبج. طمنته وسديته مر شكم يوم انمار هواي يحذرني وكالي لاترحين للمختبر واني كتله لا يخلون غيري ما اكدر لازم التزم وصاني اكون حذره. بعدهه بكم يوم اهلي قرروا يرحون للنجف كلهم واني بسبب المختبر مااكدر اتغيب خاف يبطلوني بقيت بالبيت .. صارت ساعه 1:00الظهر .. طلعوا. . باوعت صارت الساعه بـ2:00 اني دوامي ب3 ونص كلت بعد وكت على الدوام خلي اكوم انظف. كملت داخل البيت .. طلعت للطرمه انظفهاا .. وبينما اني داانظف .. شفت الباب انفتح تفأجات منو الي يكدر يفتح الباب باوعت شفته ايهاب واني واكفه بالطرمه اغسل بيهه ردت ادخل للبيت لان لابسه تراك وبدون حجاب بس مالحكت .. بسرعه مشى واجه يم باب المطبخ عيطت عليه .. اطلع برا ماكو احد هناااا كال اعرف اني ماجاي عليهم جاي عليج. اني خفت حيل كتله تذكرت اخر مره من غلطت عليه اكيد جاي ينتقم. صيحت .عليه . اطلع ايهاب اني عرضك اطلع برا .خزرني وكال . اي عرضي اريده وماريده يروح لغيري. دكات كلبي تسارعت خفت كلش واني وحدي وياا بسرعه عفته اريد ادخل للغرفه استر نفسي واني اركض سمعت صوت الباب مال المطبخ ينسد رجليه ماتعيني ركضت للغرفه وسديت الباب اريد اقفلهاا دورت مفتاح بالباب مابيهه حسيت وصل ظل هو يدفع بالباب واني ادفع بيهه اريد اسدهه ماكدرت هو اقوى مني دفعهه حيل ودخل تقرب عليه واني ارجع ليوره وعيونه عليه مااكدر اخمن شنو الي يريد يسوي كتله والله اصيح وافضحك ايهاب .. بابتسامه حقيره .وهو يتقرب كال .هه صيحي منو لازمج ؟ اني ماكدرت اتمالك نفسي بجيت كتله وخر عني الله عليك استحي ع نفسك اني عرضك ماتستحي من عمك جان استحيتي انتي من انخطبتي للفلوجي انتي اخر من يحجي ع المستحه ويتقرب عليه ويحجي واني ارجع ليوره كال سنه مخطوبه منه ماشبعتي واني احترك بناري جرني حيل اله واني ادفع بي واصيح عوفني وهو مثل الوحش ضربني راشدي وكعني ع الجربايه وصار فوكاي حسيت الهوه خلص قربت نهايتي اصيح باعلى صوتي محد يسمعني ولك ايهاب عوفني ولك لاتسوي هيج اني عرضك شفته يزداد كتله ميخالف اقبل بيك بس عوفني وهو كأنما حيوان يبوس بركبتي وشفتي اجرحت وادفع بي ومااكدر احركه كمت اضرب بي ع ظهره واناشد انمار بقلبي وبيني وبين جوارحي عسى يحس بيه ..لك انمار الحكلي دومك تنقذني وينك هسه راحت حبيبتك ظل يملخ البدي مال االتراك اعيط من كل كلبي محد يسمع احس اوتاري راح تتقطع هو ضخم ماخلاني اتحرك كام يتقرب ع صدري همست يم اذنه كتله اقبل بيك والله بس عوفني لاتخليني اكرهك بعد رفع نفسه من فوكاي كال متاكده عيطت واني ابجي كتله اي .. اريد اضم جسمي بديه الله واحجي بقلبي الله لايستر عليك ياخسيس جريت الفرشه مال الجربايه ولفيت نفسي بيهه كتله كوم اطلع برا كال البسي وتعالي احجي وياج كمت من على الجربايه ..باوعت لنفسي بالمرايه هالكلب شمسوي شفتي مجروحه ركبتي خريطه بدايه صدري كلهه اثار ابجي واكول وينك انمار تعال انقذني لبست اي شي من الغرفه لانها غرفت امي اني غرفتي فوك بدلت وطلعتله بالاستقبال ارجف والخوف متملكني كتله شتريد ضربني راشدي وكعت بالكاع جرني من شعري حيل وكع الشال كال اذا الج نيه تحجين الصار لعمي اذبحج والله لا ما اذبحح اني طبيب بعلاج واحد اقتلج واتهمج بشرفج ومحد يعرف السبب عينه بعيني وهو جارني من شعري تفلت بوجهه تخبل شمرني بالكاع ونزع الحزام مالته باوعتله كلت عزا بعينج مسره شراح يسوي كمت ارجع ليوره زحف .. شال الحزام وضربني ع فخذي صحت حيييل اجتني الثانيه كمت اكمز من الالم واتوسل بي يعوفني ظل يدفر بيه كال صلفه ك.... ام الولد اذا ماربيتج من جديد مااطلع اني. ويضرب بكل مكان واني اعيط تعال بابا شوفني شوف ابن اخوك تقرب عليه وصار وجهه بوجهي. كال وين موبايلج سكتت موبايلي جان ع الشحن ظل يباوع منا ومنا شافه سحبه رجع يمي كال هذا الج. هم سكتت .. .. بس انت بالبيت اكيد هذا موبايلج خابري انمار كدامي وكليله اكرهك ما احبك وبعد لاتتصل اني نخطبت لابن عمي يامسره اذا ماسويتيهه هسه اخذ اعز شي عندج ونغسل عارج. اتنفس سريع وابجي وادعي الله كون يوصلون اهلي بهاللحظه. دك ع انمار جاوب خلاه على اذني اشرلي احجي سمعت صوت هاحبيبتي صحت انمار كال شبي صوتج اباوع لايهاب خازرني ويأشرلي احجي بصوت واحد وبصراخ حجيت انمار اني احبك وهذا ابن عمي الكلب اعت.. ... ماخلاني اكمل الحجي سد التليفون وضربني بوكس طلع الدم من حلكي كال الظاهر انتي مشتهيه وتردين تجربين. جسمي نحلان من الكتل لزم اديه ليوره وكام يشك بالملابس واعيط ماينفع اتوسل كمت بس اغلط علي بقيت بس بالجامه والملابس الجوا كال بعده هذا لسانج الحلو اذا ما اخليج تبوسين ادين ربط اديه بلحزام واني ادفع بي وصوتي حسيته راح يختفي من الصياح منو يسمعني حتى جيران بصفنه ماكو طلع برا عبالي راح يعوفني هيج فرحت .. بس يافرحه ماتمت .. اجه جايبله عوده رفيعه خضره من شجرتنه شصار بيه للعدو ما اتمناهه هاي اللحظه كمت ابجي بحركه منظري مقرف بس بلجامه والملابس الجوا حاولت اخلص نفسي باي طريقه. كتله ايهاب انت تحبني وهيج تسوي بيه كعد ع التخم كبالي واني بالكاع كال اي احبج بس اكره عمايلج شبعتي بوسات وحضن منه لولا الله عليج اذا ماشبعتي اني انطيج حقج. كتله انت شكد منحط اني بنت الجيران لوعرضك شرفك. ؟ ...هو لان عرضي اسوي الي يعجبني وبعدين اقرر لوارحمج لو نغسل عارج. تقرب عليه فتح اديه ولواهن ليوره وصار وجهي بوجهه نظرتي كلهه حقد ماحسيت غير الضربه ع صدري حيل شاغت روحي صحت بصوت اعتقدت وصل لراس الشارع ورجع ضربني الثاني صوتي ضعف. كالي بعد سمعيني صوتج حسيت انتهيت منطقه حساسه واجت ضربه قويه راح ينغمه علي شمرني ع التخم لفيت اديه ع صدري شفتي تجري دم راح جاب كلنس واجه مسح شفتي وكالي بيباي ياحلوه شكرا استمعت بالجسم الجميل وطلع .. باوعت للساعه ب3 وربع ماكدر اتحرك الالم موتني واني وحدي كاعده وادعي عليه. سحبت تليفوني خابرت انمار بسرعه جاوب كال ليش مغلق ؟ .. الحكلي انمار راح اموت والله ..شكو خوما سوالج شي ... موتني ضرب .. الخسيس ..خابري اهلج مااكدر اجيج هسه خاف تكبر السالفه يله حبابه. سديته منه خابرت امي ابجي تخبلت كالت راح نوصل. عمري محد ماد ايده عليه بس انمار وموهيج اذاني بقيت بمكاني سمعت الباب انفتح اجو يركضون شافتني امي ضربت صدرهه كومتني هي و يسرى ملابسي كلهه دم من الضرب جسمي مشكك طببتني للغرفه وعلاء يهد يريد يعرف منو السوه هيج. سولفت كولشي لامي وصاحت اخوتي وبابا علاء.. اليوم الا اكتله حتى لو اطب السجن وركض ركضت ورا امي ويسرى يتوسلون بي رجعتلي امي اخذتني للحمام غسلتلي وبدلتلي شافت صدري ملخت نفسهه وتدعي عليه ..وتبجي ويايه .. شويه وسمعت هوسه وعياط امي طلعت بسرعه .. اني اريد اكوم لزمتني يسرى بعدتها وكمت من مكاني وطلعت .اسمعهم . علاء ..يهد علاء .. اليوم الا اخلي صواب براسه ايهاب يكول لبابا عمي اني اجيت اريد اخذهه للدوام كلت خطيه شيطلعهه وعمي ماكو ولكيت انمار يمهه. اني من مكاني تخبلت تخبلت وكعت بالكاع اريد اكوم ما اكدر. بابا .بعصبيه وصياح. .انجب ساقط بنتي تربيتي ولك انت جاي تتهم وبابا راد يهد يضربه هو وعلاء ولازمينه عمامي. ايهاب .. عمي هي عرضي بنت عمي الي يمسهه يمسني تدري شكد احبهه وخطبتهه منك شلون اذيهه بس من لكيت الغريب ببيتك ولابسه تراك تريدني اكلهه عفيه احمد الله ماقتلتهه. ظلوا عمامي يلومون ببابا وسوده عليه بقى مايعرف شيسوي. هجم علاء على ايهاب ولزمه من قميصه ويصرخ بوجهه اختي اشرف من الشرف ساقط عديم الغيره راح اسالهه كدامك اذا كالت لا قسما بالله ادفعك الثمن صاحوني رحت يمهم كوه امشي عمامي تفاجؤا مامتوقعين هيج حالتي سولفتلهم واني ابجي وارجف وكوه اجر النفس. كتلهم شلون طب وشحجه حتى هذيج الماسحه بعدهه بمكانهه جنت برا انظف. قاطعني كال .. ايهاب ..شوفوا تليفونهه شكم مكالمه وي انمار بابا ركض ضربه راشدي بصياح كاللهم اطلعوا برا اني وياكم والمحاكم. طلعوا كلهم .. دقايق وتخربط بابا ووكع واحتارينه بي. .. يتبع .. | ||||||||
|
| |
|
19-09-18, 11:03 AM
| #28 | ||||||||
| مراقبة عامة ومشرفة منتدى الروايات المنقولة
| بارت 27 نورا ناصر بعد الهوسه الصارت وبعد ماطلعوا عمامي والحقير ايهاب .. بابا لزم گلبه .. وكعد بالارض .. احنه صار مراكضنه ماله والي .. الي يجيب مي والي يهفي عليه والي يروح يجيب جهاز الضغط .. اني وامي مكابلينه ونبجي ..جتي يسرى بيدهه جهاز الضغط .. جيكته .. طلع ضغطه مرتفع .. بقينه كاعدين يم راسه نبجي باوعلي .. كال بابا مسره احجيلي الصدك حتى اكدر اتصرف بجيت. . كتله تشك بيه بابا .. .. مواشك بيج بس يابنتي حتى اعرف شلون ادافعلج .. طلعتله زندي كتله انمار قابل هيج يكتلني اذا دازه علي. سكت .. واحس القهر على ملامحها كلش خفت عليه لايصير بي شي .. بسببي. . كال هاهي روحي ارتاحي واني اعلمه. صعدت لفوك .. بقوة منهكه .. تمددت على السرير وكل شبر بجسمي يوجعني ... ماادري بنفسي وغفيت .. لثواني .. سمعت صوت الباب كعدت مفزوعه. رفعت راسي وايدي على قلبي. شفت يسرى .. اجتي تركض .. يسرى .. شبيج حبيبتي شبيج اهدأي هذه اني .. .. ولج اخترعت .. عبالي ايهاب الحقير .. رجعت خليت راسي ع المخده ..كعدت يمي وتمسح على شعري .. كتلها ودموعي تنهمر على خدي .. مدت ايدها لخدي تمسحهن .. كتلها لج شفت الموت بعيني اليوم جيت اموت على ايده .. يسرى .. كلب وحقير .. الله لايرضه عليه .. .. مددت يمي ونامت .. جايين تعبانين من النجف واني خابرتهم انصدموا .. لليل يلا گعدنا .. وكل جسمي يوجعني وخاصة الضربه على صدري. نزلت جوه وصلت لنهاية الدرج .. سمعت بابا يعيط بالتليفون .. الي بي زود خلي يوصل للباب اعرف شسوي بيكم .. بدال مااتعاقبوا تردوني اقتل بنتي. خفت كللش مين جتني هي السالفه صفح بعد. اسمعه يكول لامي يحرضوني على مسره عبالهم اصدكهم .. توجهت للمطبخ .. شربت مي وصعدت .. اخذت تليفوني .. كتبت رساله لانمار كتله راح اغلق تليفوني فتره بينما يهدأ الوضع دزيتهه وغلقته .. مرت يومين الوضع هادئ .. السالفه ظلت مطمطمه بينه وبين عمامي .. حتى خوالي ماعرفوا .. كاعده بالغرفه اعاني من اثار نفسيه وجسديه وكلش خايفه دخل بابا .. كلي بنتي مسره خابرني ابو المختبر الي تداومين بي گلي تداوم لو نخلي غيرهه. مسره .. اي بابا شنو گتله .. ؟ بابا .. كتله تداوم حضري نفسج. مسره .. بس بابا خاف! ! قاطعني .. بابا .. روحي داومي وابن امه الي يتعرضلج. مسره .. ان شاءالله بابا الله يخليك الي. طلع بابا من الغرفه واني بقيت احضر للدوام .. يوم ثاني العصر .. بدلت وطلعت .. وصلت للمختبر .. فتحت تليفوني .. مجان اكو ناس هوايه .. خابرت انمار .. جاوبني .بسرعه .. انت وينج هيج تخليني افكر بيج ليش غلقتي تليفونج .. .. انمار على كيفك هسه مصار شي .. ردت تهدأ السالفه وافتحه . ..عجل اريد اشوفج ... انمار ما اكدر اطلع .. مااعرف دبريهه من يمج تره كوه والله اجي اخذج من باب بيتكم. .. صدك تحجي؟ ؟ .. اي صدك احجي كتلج اريد اشوفج تره جاي اغلي على ساعه انفجر ومااعرف شنو اسوي. ... اي بس وين نلتقي؟ ..بس اريد افتهم منج حتى لو بالسياره .. مااكدر بهالوضع صار 4 ايام ع السالفه شلون لازم تعذرني .. عصب وسده بوجهي .. كملت شغلي اجه علاء اخذني وصلت للبيت لكيت عمي يمنه كعدت كال اني جاي انطي حل علمود تتصافه الكلوب بابا .. اي وشنو الحل بالله؟ .عمي.. خلي ايهاب يتزوج مسره وينتهي كل شي. مسره كل عقلكم والله احرك نفسي وما اصيرله مره. علاء ... بعصبيه وصياح والله اخلي طلقه براسه اذا وصل الباب سدينه السالفه لان فضيحتنه جبيره شنكول للناس ابن عمهه اعتدى عليهه واذا مالزم حده نوصلهه لخوالي ونسويهه كاتل ومكتول كله من ورا ابويه الي سكت عن حقهه يكول مانريد فضيحه ابن عمنه عار حرام يعيش. مسره .. طول ما هو يحجي اباوعله بفخر فدوه لكلبه اخويه سندي ضلعي اباوعله شلون كبران واللحيه والرشاقه وكاعد يدافع عن اخته بابا .. سدو السالفه لان ماورانه بس الفضيحه هو مايعترف وتاهمهه. امي .. عيني ناخذهه للمشفى ونسوي دعوه باثار الضرب بابا .. يامره يكلهم لكيت واحد يمهه هو متكتك الامور حتى لو ينسجن يطلع بكفاله وتكوم امه وين ماتكعد تكول لكا واحد يمهه. علاء .. هو هذا حل برايك يابه وحق يروح ..؟ بابا .. اي كاافي نسد السالفه وهذا هوو علاء مااريد ينفتح الموضوع .. طلع عمي واني صعدت فوك ابدل .. انسدت السالفه خلال الاسبوع انمار معصب ومكالمتنه بس رزاله خابرني كال باجر لازم اشوفج مسره مااتحمل بعد كتله ما اكدر .. حتى لو ربع ساعه ماتحسين بيه دا احترك ع البطي كوه. .. وامي شلون اقنعهاا ... ماادري المهم اشوفج راح اجي،من طريق بعيد دبريلج عذر. سديته وياه ورحت لامي ساعه اقنع بيها كتلها اريد اطلع اشوف صديقتي .. قنعت ماما اروح رجعت خابرت صديقتي واتفقت وياهاا. رحت لصديقتي واجاني هو صعدت ويا ظليت اباوعله صار كومه مشايفته سلمت علي كال راح اطلع خارج منطقتكم خاف واحد يشوفج حرك السياره كال احجيلي كولشي ...موحجيتلك بعد مااعندي شي احجي .. باصرار .. كال بعد اريد اسمع حجيتله مره ثانيه وهو يسوق كال مسره تقربلج ؟؟ .. لا والله ماتقرب ... وبعد شسوه ؟؟ .. ضربني ع صدري بالعوده .. بس ضربج ؟؟ عرفت قصده شيلمح كتله انمار ماصار شي من الي بالك ولو ع ذمتك هسه اشوفك الضربه ولسه ماذيتني .. ليش اهلج سكتو ؟؟ .. بابا يكول هوتاهمج يعني شمانسوي يكول لكيت واحد يمهه .. مومقنع هذا الحجي شلون يسكتون عن حقج. وكف السياره .. ركن .. طلع تليفونه وظل يدور بي رفع ايده البيهه التليفون شوفني صوره بلاول مافهمت بعدين ضربت صدري حيل وهو يوجعني جر ايدي انمار كتله شنو هاي؟؟ كال اني اسالج اجتني ع الفيس وكاتب عليهه هذا شرف مسره كامت دموعي تجري معقوله اكو واحد هيج خسيس وهو ابن عمي هيج يسوي بيه. ؟ كتله انمار والله ماصار هيج شي سولفتلك كولشي ابجي وارجف كال اهدئي قابل لازم سيف ع راسج اثق بيج بس اريد اعرف شنو هاي ؟؟ كتله موحلكي يجري دم مسحهه بالكلنس ماعرف نيته هيج يسوي ..لشوكت تبقين ثوله ولج اعلم بيج وارجع ليوره وانتي عقلج هذا حجاره وضربني باصبعه ع كصتي. سكتت.. كال شوفيني اثار الضرب .. ولك انمار اني مومرتك ولاع ذمتك حتى اشوفك اعرف ماطلبت تنزعين ملابسج كدامي ايدج بيهه اثر شوفيني ؟؟ .. خلينه نروح انمار عفيه تاخرت .. بخزر كال شوفيني كتلج ... ششوفك ماتكووولي؟ ؟ .. اي مكان طلعتله شوي من رجلي ماخلاني ارفع ليفوك. .. هذا هو راح نرجع نرجع تاخرنه. حرك السياره .. كتله انمار جنت محتاجتك يمي بوقتها. .. اعرف ماتدرين بيه كوه لزمت نفسي بس حسيت بي راح يذبها براسي ولو جاي جان ثبتت علينه التهمه. عذرته ودرت وجههي على الجامه والخوف متملكني طلعتي ويا مجازفة كلش جبيره بس هو اصر. رجعني لبيت صديقتي واني اصلا متفقه وياهه. ومناك رجعت للبيت .. انمار ماخابرني بعد .. ثاني يوم دنتغده ودك تليفون بابا راح جاوبه ورجع امي سالته خير شصاير .. بابا ... ايهاب متعرضيله بالطريق ومامخلين عضم صاحي بي وضاربين صدره حيل حتى عنده كسر مسره .. اني بسرعه اجه ابالي انمار. امي ..عسا بابو زايد يستاهل حوبة بنتي هي تطلع بي لو وين ماايوصل. عفت الاكل وكمت اركض لتليفوني دكيت ع انمار ماكو. بقيت في حيرة من امري .. اريد اعرف .. لحد العصر استمريت اتصل يلا جاوبني صعدت فوك حاجيته كتله انت سويت هيج بايهاب ؟؟ .. شنو مسره شتقصدين شسويت ؟؟ .. احجي انمار انت ضربت ايهاب؟ ؟ .. يستاهل موو؟ ؟ .. يعني انت؟ ؟؟ ..شي قليل هذا ...خاف يعرفك ويحجي .. هه خلي يحجي الا اترس حلكه رصاص. .. سولفلي انمار شون سويت كل هذا؟ ؟ ... مسره بعدين شغل متراكم فوك راسي. سديته منه ونزلت جوا ورا شوي اجت عمتي. رحت سلمت عليهاا كعدت تسولف كالت شصاير بحالة هوبي سوده عليه امي ...زين ماعرفهم منو هم؟ ؟ .. يكول لا ماعرفهم مسره ..اي عمه شمسويله بالله؟ ؟ ... ياا ولج عمه مكسرين ايده ورجله ومن كدما ضاربي ع صدره صاير عنده رض بالقفص الصدري وغير الوجه صاير خريطة الوطن العربي اباوع لامي امي مبينه الشماته بعينهه لزمتني ضحكه عزا بعينك انمار شسويت بي صدك كال كلشي ولا واحد يمد ايده ع شي ملكي اخلي يطلب الرحمه. طلعت عمتي واحنه مارحنالهم ولابابا راح اصلا بقينه زعلانين شكد اجو اعتذرو وهو حاول يعتذر من بابا وما انطا مجال. مرت ايام اني وانمار حلوين والحب غامرنه هم رجع دز ناس واهلي نفس الرفض بس انمار سالفة ايهاب ومحاولة اعتدائه عليه اذته حيل واني هم تاذيت من وره ضربته ع صدري وراجعت الطبيب فتره كال عدهه اححتقان بالقنوات واخذت علاج وصرت زينه انمار ماسولفلي ابد شلون كتله وين شافه كلما اكوله يكولي لاتجيبين اسمه كدامي انمار ماخله بشر مادزه ع اهلي بابا متردد بس الرفض من امي وعمامي اكثر شي. امي ابد مافكرت بيه تكولي لمصلحتج ارفض ماتعيشين وياهم واني بعدني ع نفس الاصرار غير انمار ما اريد اهلي قدمولي ع تعين والحمدلله بواسطه تعينت بالمشفى بالمختبر اني وانمار صح عدنه علاقه بس انمار حيل بارد شكد حاولت ارجعه مثل قبل يكولي لاتضغطين عليه خليني براحتي اخر مره دز ناس ع اهلي وشيوخ وتواسيل كالت امي الا بيت وحدهه ماتكعد وي اهله كال ميخالف اني عندي بيت وراح اقسمه بيني وبين ماهر هوجبير 400 متر بدأ انمار يشتغل بي وصمم ديكور هو لان معماري ويشوفني يوم بيومه واتفقنه ع كولشي تنسيق الالوان غرفتنه شلون وغرفة للاطفال بهذني الاشهر عشت ملكه نسيت الي مريت بي انمار تقريبا رجع طبيعي بين الغزل والحنيه الي عنده علاقته وي اهله طبيعيه امه مريضه انشلت ع كرسي هو علاقته بيهه محدوده بس السلام موهذيج امه الي جانت كل حياته مرت عمه الي شكو بيهه سوت السحر وواجهه ونكرت تزوج عليهه رجلهه وراحت لاهلهه زعلانه وصار حادث بالطريق وبترو رجلهه الله بالمرصاد للظالم بعد مرور شهرين ع نفس الروتين كعدت الصبح احس كلبي نار بالي وتفكيري يم انمار اتصلت بي ماكو جهازه مغلق بقيت شكد اتصل ماكو. خابرت ع زهراء ماكو ياربي بس لابي شي هو قبل يوم كالي صار اسبوع ضغطي معلك كتله خاف ضايج كال لاوالله ليش اضوج هوالي عنده مثل مسرتي يضوج كتله موتكول شلعت كلبك كال ماكوشي يجي بسهوله هو الج كلبي اشلعي موتي بكيفج. ضحكت واني افكر وبيدي التليفون جاوبت زهراء كتلهه انمار وين؟؟ .. مادري بي وين حسيت بيها مرتبكه مبينه من كلامهه ... زهراء احجي وين لاتخبليني .. ع كيفج مسره بس اهدئي واني اكلج. ... شنوو غيرر تحجيين. .. انمار طلع لدوام وخابرونه من المشفى اكو سياره معترضه طريقه ومصوب اني هنا بدون تفكير ضربت ع صدري وكمت ابجي كتلهه زهراء كوليلي مابي شي اموت ورا والله روحي كوليله لايعوفني اني ماعندي غيره المن يعوفني انفعلت هوواي واعيط والنفس ضاق بيه كوه اجره. كالت ولج ع كيفج موزين عليج راحو الولد ويكولون بالعمليات هسه بس يطلع اخابرج اكعدي ادعيله بدال ماتبجين. سديته منهه كعدت بالكاع ملخت نفسي وابجي واهذي ومااعرف شكوول. على صياحي اجت امي ووياها يسرى يركضن بعصبيه صيحت بوجه امي كتلهه كله من وراج ماقبلتي اذا مات احرك روحي ورا صار 5 سنين اعاني ما بكلوبكم رحمه شنو السويته وراح انحرم منه. عاطت امي بيه كالت شكو غير نفتهم ... انممار مصوب وبالعمليات هسه ولج يمه رااح امووت امووت اذا صار عليه شي. ...موكنالج عوفي الولد تعمين علي تدرين بابن عمج عديم الغيره يخلي يرتاح؟؟ اني منفعله حيل صيحت كتلهه والله اذا طلع ايهاب والله بنفسي اروح اشتكي علي وانتو ابقو ساكتين ضيعتو حقي خليتو متونس واني حطمني انتو مشتركين وي ايهاب بنفس الجريمه من كدما منفعله ماعرف شحجي سكتتني يسرى صااحت امي بعصبيه .. متستحين كاعده ابيت ابوج و تبجين ع ولد غريب. مسره بصيااح .. لاتكولين غريب انمار الي انبعدت عنه بالقوه موغريب ع الاقل كدر ياخذ حقي من ايهاب الكلب وكسرله رجله وهذاك بلاتين يمشي بيهه كوه. امي بصدمه .. وتردين ايهاب يفوتهه اله الله يشافي عافتني وطلعت بقيت ابجي انماري وينك كتلي ما اعوفج ابد والله اموت وراك بليل تحجي وياي والصبح بين الحياه والموت. شوي واتصلت زهراء بسرعه فتحت خط كتلهااا هااا بشريني كالت الحمدلله ع سلامته طلعو من العمليات الضربه بكتفه وهو انمار مصوب واحد منهم وهسه عممو ع السيطرات والمشفيات بلكي يعرفوهم. كتلهه خلي ماهر يفتح تليفون انمار اريد احاجي كالت ماشي راح اخابره. .. يتبع  شوفوا اني شون حبابه ماجلطتكم بنهاية البارت 👏☺ودانزللكم بارتين باليوم 😘❣ | ||||||||
|
| |
|
19-09-18, 11:04 AM
| #29 | ||||||||
| مراقبة عامة ومشرفة منتدى الروايات المنقولة
| بارت 28 نورا ناصر كعدت انتظر على نار .. اروح وارجع .. تذكرت امي ضجت من نفسي لان صيحت بوجها. هيج ماراح اتوفق .. نزلت جوه ادور عليها .. شفتها بالمطبخ هي ويسرى .. واكفه ع الطباخ .. لزمتها من اكتافها من ورا وبستها على خدها .. كتلها.. ... اني كلش اسفه ماما عليت صوتي عليج. بستها على خدها وهي ساكته .. وخرت عنها بس احس خجلانه وهي ضايجه مني .. بقيت ساكته .. يسرى كسرت لحظة الصمت بسؤالهاا عن حالة انمار .. گتلها خابرتني .. زهراء كالت طلع من العمليات .. يسرى .. الحمدلله الله يشفي مايستاهل والله .. ...عفتهم ورجعت صعدت فوك .. ظليت انتظر .. بعدها سحبت تليفوني اتصلت بانمار دك شوي وجاوب كالي حبيبتي كتله ياروح حبيبتك بيه ولابيك ...اسم الله عليج بعدوينج ماتمالكت نفسي كمت ابجي كالي لا لا تبجين دموعج موسهله عندي كتله شلونك هسه .. زين كولشي مابيه باجر اطلع .. منو سوه بيك هيج ؟ ..مادري الله قدر ولطف لايضل بالج مابيه شي ... فدوه انمار كلساع طمني اخاف عليك .. لاتخافين واني هم اطمنج اوك ادللي سديته منه ركضت صليت بسرعه وسجدت سجدة الشكر ثاني يوم طلع انمار يكول اختنك من المشفى بس ماعرفوا منو الي ضربه اعتبروهه بحكم شغله خاف عداوه بس اني اعرف ايهاب الكلب صح مسافر بوقتهه بس اكيد دز عصابه هالمنحط مرت ايام صار زين ورجع لشغله ودائما اوصي بي يديرباله والبيت كمل بقه بس الاثاث وهم دز الناس تقريبا 8 مرات هو داز ناس ع اهلي ويرفضوا خابرني كال حتى استحي اروح اكلهم من كدما تفشلوا بس عمه صار الشيخ لان ابو انمار مريض وهو مسانده من دزو هالمره جان الرفض قاطع ابويه كايل الهم بعد لاتجون بتنه نزوجهه يمنه مانطيهه وهم رجعو متفشلين بيومهه خابرني انمار صار نار كال والله لو مامخافة الله الا اخذج غصب عنهم . خلي ننهزم .. ولج ياربي شيصبرني عليج هسه لويمي الا اكسر ضلوعج شنو ننهزم جبان اني وانهزم بمره ... لا مو جبان بس احسن حل هذا ..والله احسن شي اكسرلج ايد رجل حتى عقلج بلكي يكوم يميز بين الصح والغلط ... ياااااا ؟؟ .. وجعا شوكت تكبرين وتكومين تفكرين مثل الناس؟؟ .. شبيك اليوم انفجرت عليه ... روحي يله لان تنرفزيني وتشعلين ابو ابوي ... ضحكت .. هاي فوكاهه والله انتي اكبر لوتيه بدلع كتله ..نمري ...ولج احجي عدل ترى من كاعي مشتعل كمت اضحك حيل كال والله بس اشوفج اعاقبج عليهه ...اي و شنو نوع العقوبه .. من اشوفج تعرفين .. لاعفيه اخاف ..ضحك كال والله راح اسده لان ما اتحمل بعد وصلت حدهه كتله يلله راح اسكت كالي اي هيج اريدج عاقله وفاهمه وتميز بين الصح والغلط لاتصيرين فاهيه وماخوذ حقج ...مممممممممم ...وجع موداحجي وياج ...اي مو دا اسمع اني منعمه صوتي وبدلع احجي سكت هو كتله شو سكتت .. داتعوذ من الشيطان ..ليش ؟؟ بصوت عالي كال ولج مسره امشي روحي فكري بيه رجال طول بعرض ما اتحمل دلعج. ... انمار اريد اشوفك ... لا ما اجي ... ليش بالله؟ ؟ ..والله حاليا ما اجي لان اخاف اوكع بذنب ضحكت ضحكه طويله كالي خلي اروح لان اذا ابقه هسه اصعد السياره واجيج. سديته منه واني احس نفسي طايره من الفرح يخلص يومي بين دوام وشغل البيت وانمار صادف عيد ميلادي كتله هالمره ازعل عليك اذا ماعايدتني كال اني ما احفظ تواريخ عيدميلاد وهالسوالف ...ما ما مالي علاقه .. مسره اريد اشوفج التقي بيج ... انمار ميصير احنه مامخطوبين .. ماتعلميني انت اعرف بس والله ماعندي صبر حتى الشوفه صارت حسره عليه. ..اني هم اريد اشوفك وفعلا اني جنت بحاجة اللقاء وكلش مشتاقه اله كال بيت جدي عدهم بيت قديم بالحله بس ماعرف بيا منطقه وقبل اسبوع شال المؤجر منه بس اسأل الحجيه وين. كتله لاانمار شلون اروح وياك للبيت .. كل هاي المده وماعندج ثقه بيه ..موقصه ثقه. .. اشش البيت امن من الشارع اومطعم خاف احد يشوفنه لاتخافين اذي نفسي وما اذيج. بقيت متردده بس شوقي غلبني واتفقنه اطلع من الدوام صح الي سويته غلط وثقة اهلي خنتهه بس والله احبه وراح يصير سنه ماشايفته بوقتهه طلعت من الدوام لابسه بنطرون وفوكا شيفون جوا الركبه مكياج خفيف حيل خابرني كالي اني باب المشفى طلعت صعدت ويا وكلبي يدوك سريع حته ماسلمت علي. كال شبيج منو راكض وراج كتله خاف احد يشوفنه حرك السياره وابتعدنه عن المشفى اخذت نفس باوعتله كتله شلونك كال بعد وقت مبين ضاج كتله ..ارتبكت والله .. مسره شوكت تبطلين هالتصرفات عبالك البارحه شايفتني ..اخاف احد يشوفني والله سكت كتله تندل البيت كال اي مريت علي قبل لا اجيج موبيت هو مشتمل زغير وجبت المفتاح من الحجيه لان ناويه تهده وتشتري القطعه الي بصفه تسوي جامع بثواب جدي .. هو باسمهه؟؟ ..لا باسم جدي وزعهم صدام للموضفين كال وصلنه نزل فتحلي الباب ودخلنه جوا هو زغير ماثث اثاث بسيط لان مال ايجار دخلنه للصاله تخم زغير ونظيف كعدت هوجان يخابر برا سمعت باب المطبخ انقفل اني لزمت كلبي اجه كتله ..انمار ليش قفلته كال اريد استفرد بيج ...انمار ترى اعيط ..وماتعيطين انتو اهل الحله كلمن يكول شعليه ..انت جبتني هنا علمود تاخذ غايتك مو؟ .. اي اريد اخذ غايتي صايره تفتهمين يحجي وفتح دكم القميص مال اديناته ويرفع بيهن اني رجعت ليوره كتله انمار والله اني مومثل الي بالك خنت ثقو اهلي لان اثق بيك .. ومنو كالج تثقين بيه وفوكاهه يحجي ببرود وهدؤء.وترني. .. بخوف كتله شتريد مني؟ ..اذا ثنين وحدهم مثلا شيريد منهه يعلمهه دروس خصوصيه اني بسرعه بجيت واديه رجفت لان حسيت راح اخسر كلشي .. الى متى تبقين غبيه مسره شفته تقرب عليه اني صعدت ع التخم وكرفصت نفسي خفت منه تقرب حيل واني ابجي وضامه وجهي كعد مقابيلي وجر اديناتي كتله انمار الله عليك لاتسويلي شي والله اني مؤدبه وحبابه مومثل البنات الي بالك ضحك بصوت عالي كلي اني شكتلج موكتلج اذي نفسي وما اذيج شلون تسمحين لنفسج حتى تفكرين بهيج شي بس انتي افكارج دنيئه. ..يعني جنت تضحك عليه كال اي اضحك عليج وكرصني من خدي اني بسرعه تركت ايده وكمت من يمه اريد اطلع وصلت لباب المطبخ الي ع الصاله تبعني جرني من ايدي حيل صرت بحضنه اني قصيره وهو طويل وضخم ضعت بحضنه باوعت بعيونه كتله عوفني اريد ارجع وكمت ادفع بي وارجع ليوره صار ضهري ع الحايط وهوكلش قريب مني عيني بعينه عسليه وهادئه شفت بيهه كل الحب والحنيه اني كلبي يركض ما اريد اضعف ويصير شي حسيت بانفاسه قريبه صارت نزلت راسي جان يرفع راسي خله ادي منا ومنا اني لان بجيت دموعي ع خدي مسحهن باصبعه كل هذا وهوساكت واني بس ادردم عوفني وميصير وعيب وووو ماحسيت غير شففايفه ع شفايفي بلاول قاومته بس ماانطاني مجال بقه لازمني وبوسته رقيقه حسيت ايدي ارتخت خليتهه ورا ركبته وخر مني ورفعني خلاني اوكف ع رجلي ع اطراف اصابعه لان كصيره وفرق طول شاسع كلبي ما اسيطر علي رجع باسني بس هالمره حسيتهه بقوه ايدي ع ركبته انتهيت هولازمني واني واكفه ع اصابعه حسيت نفسي انكطع ابتعد شوي شوي وجهه ملاصق لوجهي احس بحراره انفاسه واسمع دكات كلبه شكد سريعه رجع خله راسي ع صدره وحضني اني بقيت محاوطته بايدي جرني كعدني ع التخم وجر ايدي باسهه كتله كافي لانوكع في المعصيه ضحك كال وهاي شنو بله؟ كتله غير من وراك .. اني لوانتي تسوين اغراء .. عزا وين الاغراء واني حتى لبسي مستور .. كمتي تدلعين وعيونج تلالي من الدموع والخدود حمره وتريدني اصبر ... انمار شوكت نزوج ما اتحمل بعد غلطت وحجيتهه كال مممم ماتتحملين؟؟ حقج حقج خليت ايدي ع حلكي تفاجات كتله موقصدي كال ولا اني بعد اتحمل ابقه وياج بس بلاحلام كتله هم تحلم بيه كال اييي طبعا .. شتحلم (والله من حجيتهه ماقصدي شي) ... احلام خطيره ماتسولف اني شهكت ضحك كال خلي اسولفلج .. لا لاتسولف .. لا اسولفلج واني بسرعه خليت ايدي ع حلكه شفته سكت وجرني علي لان هوجان كاعد بزاوية التخم ومنزل رجل بالكاع واني كاعده كدامه مربعه ع التخم من جرني صرت بحضنه كال ليش تتحرشين نزلت راسي كتله عوفني كال هاي مدت ايدج عليهه غرامه همستله ع كيف كتله حباب عوفني جرني لحضنه وباسني من راسي وبعدين رجعت لوضعي كال هسه متردين اسولفلج كتله لا ما اريد ودرت وجهي خجلانه كتله يله خلي نروح تاخرنه ..ماشبعت منج والله .. ولا اني بس شنسوي خاف ارجع متاخره وتصير مشكله .. عجل تعالي انطيج هديتج ...مو بعده عيد ميلادي مو اليوم ..مدام اجيتي وين اشوفج بعد ... بدلع كتله شنو هديتي ... لاتسوين هيج ولج. ضحكت .. كال غمضي كتله لا اخاف منك ما اغمض ضحك تقرب عليه. كتله يله راح اغمض اني جنت لافه الشال لفه خفيفه بدون اي شي مجرد ملفوف غمضت كالي ممنوع تفتحين اذا فتحتي اخذ غرامه 10 بوسات وانتي بعد بكيفج كتله يله استعجل حسيت انفاسه قريبه صارت نزعني الشال كتله انمار شدسوي. كال صارن 15 كتله شنو هاي كلبي راح يوكف يله حسيت باصابعه ع ركبتي يحركهن ع كيف اني هنا تخردلت تملكني شعور غريب حسيته يلبسني كلاده وباسني من ركبتي من ورا كالي فتحي واني بعدني بحضنه صايره فتحت وشفتهه بسرعه انداريت علي صار وجهي مقابيل وجهه بس كلبي يدك سريع نزل راسه بمستواي وباسني بوسه خفيفه وابتعد كالي كومي شوفيهه ابتعدت عنه طلعت مرايه من جنطتي جانت كلش حلوه كلاده ذهب نازكه حيل على شكل غصن وبي اوراق مرصعه بالذهب الابيض. التفت علي كتله تسلملي حبيبي الله لايحرمني منك كال ولامنج حبيبتي ...ليش كلفت نفسك جيتك اكبر هديه الي. كام من مكانه كرصني من خدي كال شكم مسره عندي كتله 2 ضحك كال اثنينهن شالعات كلبي كتله شبيهه هم ماتسمع الكلمه ..عرمه وكحه حيل كلما تشوف امي تروح تضربهه وتغلط عليهه بحجي مانعرفه شتحجي ضحكت كتله خطيه وامي حتى تكلهه اثاريج طالعه ع مسرة انمار كتله فدوه زهراء تكول مخبله ماهر .. اي ماتعرف تحجي بس ادردم ومن تشوفني نايم اكعد الكاهه نايمه بحضني تجي تنام وحدهه. ... هههه تره اغار اني تقربلي كال ليش ما تسكتين وتسلمين ع نفسج ترى والله كوه لازم نفسي خلي نطلع ضحكت وطلعنه طول الطريق اباوعله شلون هيبه هادئ لازمه ايده انتبه عليه اباوعله جر ايدي بوسهه كال موكافي تسرقين نظرات ماعرف اسوق بعد وصلني للمشفى وسلمت علي وراح دعيتله بقلبي ربي يحفظه ونصير لبعض بعدين اجاني الخط ورا نص ساعه ورجعت للبيت الفرحه الي بداخلي متنوصف اليوم احس كحلت عيوني بشوفته. مرت ايام واني ويا نخبل الحب غامرنه الا اجه اليوم المشؤؤم مامكتوبلي الفرح تقدملي اخو مرت عمي يشتغل بالنفط وحالتهم الماديه حيل زينه بيت وحده حتى شكله مقبول اني رفضت لو صارت يوم القيامه ابد ماتوقعت ردة فعل اهلي هيج امي انفجرت بيه كدام بابا كالت ولج مسره اكوم اكسر راسج ترفضين علمود انمار حلم ابليس بالجنه لوتبقين عانس يم اخوتج لو ع موتي ما انطيج وخاف عبالج اموت وتسرحين وتمرحين اوصيهم كلهم مشكول الذمه الي يزوجج تقبلين وغصبا عليج بابا صاح عليهه كالهه يامره شنو معناتهه هالحجي قسمتهه ماجايه بعد ...انت ماتدري عبالي خوش ادميه واكول تعقل تخابر بي 24 ساعه. اني هنا تخربطت احوالي شفت بابا كام من مكانه وبعصبيه كالي ولج صدك مسره ماعرفت شحجي كتله لابابا وين اكوهيج والتفت عليهه كتلهه ماما ليش هيج تحجين بنتج لوبنت الجيران اني امي .. انجبي وخلي السانج بحلكج اجتنه خيرة الزلم وحضرتج ترفضين واسكتلج اللتفت لبابا صاحت شوف يارجال اذا ماخليتلهه حد اعوف البيت واهج منك ومن بنتك كل الي تشوفني تكلي ليش مسره ماتقبل شكول حضرتهه منتظره حبيب الكلب بابا ...شبيج انهديتي قابل نجبرهه تزوج .. اي نجبرهه غبيه من يوم يومهه ماتعرف مصلحتهه ... ماعندي 10 بنات واجبرهن هن 2 ... لعد جان خلت بعينهه دلالك موتتمعشق مسره ... ماما شجاج عبالج عدوتج بابا ... مسره انطيني تليفونج. هنا اعصابي رجفت ماعرف شجاوب كتله مابي شحن خزرني كال جيبي اني اشحنه يربي شسوي صح امسح الرسائل والمكالمات بس مكالمة اليوم موجوده جبته انطيته اله كال شكد الرمز كتله هلكد كال اذا طلع عندج شي ما اسامحج وتزوجين غصبا عنج راح بابا التفت ع امي كتلهه هاي انتي امي وتفضحيني كدام بابا ماما ...امشي ولج صار 5 سنين اعلم وعوفي الولد امشي من كدامي صعدت ابجي للغرفه كلت ليسرى بسرعه انطيني تليفونج ولاتكولين حجيتلهه كولشي خابرت انمار سولفتله السالفه كتله لاتتصل ولادز مسج ترى عند بابا سوده عليه حيل قلق كتله بعدين افهمك كال بس طمنيني عليج كتله اوك وسديته بقيت الوب اروح منا وارجع منا شعور ماينوصف مثل الي منتظر لوافراج لواعدام ورا شوي سمعت صوت امي صاحتني نزلت شفت عيون بابا تجدح نار شمر تليفوني كال مراح اعاقبج واضربج لان موصغيره انتي بهالعمر وربيتكم ع درب الصحيح كتلكم كلشي ولا تخونون الثقه مع الاسف عليج بنتي دافعتلج وخاصمت اخوي علمودج وهيج تجازيني كمت ابجي كتله بس افهمني ماعندي شي بس ... ماخلاني اكمل كال لاتكذبين مره ثانيه التفت ع امي كالهه كلي للنسوان خلي يجن اني تخبلت كتله كلشي اسوي بس ما اتزوج هوطلع وامي لزمتني كتلهه كله من وراج انتي السبب انتي ام لو عدو جان تضربني راشدي يسرى لزمتهه كالت والله اكسر راسج ولج بشنو قصرنه عنج الي خلق انمار ماخلق غيره ادعي عليه شتردين سوي تحلمين بي وعوفي الولد احسن ماينصدم بخطوبتج فجاه كمت ابجي عافتني وراحت صعدتني يسرى فوك كالت ع كيفج كتلهه ما اكدر يسرى مااكدر افارك انمار شلون اصير لغيره بيومهه فقدت من البجي انهاريت انمار شحجيلك مكتوبلك بس الخذلان مني والغدر .... للحكايه بقيه .. .... اليوم تاخرت باجر اعوضكم وانتم اكيد تعذروني 😘❣ | ||||||||
|
| |
|
19-09-18, 11:06 AM
| #30 | ||||||||
| مراقبة عامة ومشرفة منتدى الروايات المنقولة
| بارت 29 نورا ناصر .. بقيت بحيرة بالم وعذاب .. بالي وقلبي يم انمار .. موقف اهلي ضوجني كلش والي صار كدام بابا كلش خجلني متوقعت راح انكشف كدامه .. كلامه اثر بيه وكلش صعب موقفي .. بقيت فوك ماانزل ولااكل ولاشرب. ثاني يوم اجو النسوان ورادني انزل ومانزلت صعدتلي ماما كالت موتي روحج بعد الاسبوع الجاي مشيتج كومي خابري هاج تليفونج وسولفيله لا يتفاجا كتلهه ماتخافين الله فرقتينه .. احجي عدل مصخمه شفرقتج اشوف شبابج يروح كدامي بشي مايصير حتى لو نقبل احنه وعمامج وخوالج بعد الصار انتهى كل شي ولج انت هنا وهو هناك وكاتل ومكتول هو وابن عمج .. مسحت دموعي .. كتلهه عبالج اخليكم ترتاحون والله بيوم عرسي واكتل نفسي وهذيج الساعه اكعدي الطمي عليه شمرت عليه التليفون وعافتني وطلعت. اخذته واكلب بي واحجي وابجي شلون اخابرك شحجيلك يابعد كلبي شراح دكول دكيت واني ابجي يسرعه رد الو انمار .. .. ليش هيج حبيبتي ماكلتي يبقى باله ولج ردت اجيج للدوام .. انمار اهلي راح يزوجوني ... شنووو وين عايشين احنه ؟ اي والله ... ...حجيتله... كال لاتشاقين مسره ... تعالي باجر ونتفاهم ماكدر احجي هسه سديته منه وشبعت بجي خابرت سمر حجيتلهه كالت سوده عليه ماشفتي راحه توجهي لله وادعي يفك هاي المصيبه. كطعت الاكل بابا ماشفته بعد وما انزل جوا يسرى يمي تهدي بيه بس اني متحطمه حسيت بشعور انمار من انفصلنه .. احس خناجر بكلبي ثاني يوم رحت للدوام علمود التقي بي صارت ساعه 10 دك تليفوني جاوبته كال اني بالباب رحتله .. صعدت ويا سلمت علي رد السلام وساق وابتعدنه التفت عليه كال شصاير بيج اني بدون مكياج منهاره دموعي تنزل ع ايدي كتله اخذنه للبيت رحنه اني ويا طبيت جوا اول ماطبينه بالصاله حضنته ردت اشبع منه هاي اخر مره الي ويا حضني حييل كالي اهدي حبيبتي اني وياج محد يكدر يسويلج شي كعدني ومسح دموعي سولفتله كلشي كال ميخالف اهدئي نلكه حل كمت اعيط انفعلت حيل كتله ياحل برايك اكلك الاسبوع الجاي المشيه وانت تحجي ببرود طبعا ممهتم لمسره كال ولج لاتتخبلين عليه لعد شسوي اروح اهد ع ابوج غير نلكه حل .. خلي ننهزم. .. اشششش لاتعيدين هاي الحجايه ابوج شاف مكالمه وهيج تاذيتي الهزيمه عار عليج وعليه وع اطفالنه. ... ماتحبني انت انمار ماتحبنييي .. مسره لاتخبصين بالحجي مستعد انطيج عمري ولا اشوف دمعتج بس هاي كدامج اني ماخليت بشر مادزيته لاهلج وبالاخير يلعبون عليه وينطوج لغيري ولج زلم متفاشل وياهم بسبب اهلج. ... يعني استسلمت مو؟ هي هيه؟ ؟ .. ولج شبيج انتي غير تهدين ونفكر تقرب لزمني من ايدي كال تنحل لاتخافين ثقي بيه. صفنت تذكرت كلام امي من كلتلي لاتخلي يتفاجا كتله اهلي انطو كلمه والاسبوع الجاي المشيه يعني مستحيل اشوفك بعد دنك ومسح شعره مبين يفكر باوعتله لابس قميص وبنطرون نيلي وشعره عالي ومحدد داير مدايره ردت اشبع منه شوف كال ها هدأتي كمت وكفت كتله انمار لهنا وتنتهي علاقتنه ومثل ماكلت دروبنه ماتلتقي ولاراح تلتقي بيوم شفت التعجب بعيونه بس محافظ على هدوئه كلي لاتحجين حجي تتندمين علي ولاتستلمين بسرعه ثقي بيه ما اخلي واحد يدوس طرف اضفرج .. انت ماجاي تفتهم كتلك انخطبت الاسبوع الجاي اصير ع ذمه غيرك. ردت اجرحه بالحجي حته يكدر ينساني تقرب عليه رجعت ليورا عصر فكي حيل كال تلمين السانج لا اسوي بيج اعاقه وهدني كتله هاهي كل واحد منا يحفظ المتبقي من كرامته انمار بعد لاتتصل بيه وشوف حياتك اتمنالك حياه سعيده وان شالله تكدر تنسى الظاهر تأذى من هذا الكلام حسيت فكي راح ينشلع حته انرفعت من الكاع كال لج مسره خليلج ذكرى حلوه بداخلي لج سويت الي محد سوا قاطعت اهلي وعمامي بسببج هنتي كرامتي ورجعتلج صخمتي بالكليه وسامحتج اني الي محد كدر يدوسلي طرف وانتي انطيج كافة الصلاحيه ماهزتني مره بيوم ولا باوعت لغيرج احس نفسي مليان بيج وانتي بكل وقاحة عين وصلافه جاي تحجين هيج يحجي وهو عاصر فكي لزمت ايده لان تاذيت دموعي نزلت ع ايده تركني ودفعني بقوه وكعت بالكاع باوعتله التفت ويمسح بوجهه وشعره كمت اتقربت علي كتله انمار والله موبيدي اني تعبت شنو الي اسوي صاح بيه كال اسكتي لاتسمعيني صوتج كتله والله مجبوره فجاه ضربني ع حلكي بطرف ايده كالي لاتحلفين طول عمرج تكذبين وتحلفين ومن تشبعين دلال تتعززين حرامات التعب التعبته بيج. لهدرجه غبي وصدكتج صدكت كلامج المعسول وانتي تنتظرين اقرب فرصه حتى تتزوجين. دنكت ماكدرت احجي حلكي طك دم التفت علي كال كومي رجعي حضري لخطوبتج ماتلحكين كمت تقربت علي كتله سامحني مجبوره دار وجهه عني حضنته من ورا بعدني عنه بقوه كال لامسره انتي راح تصيرين ع ذمه غيري احفظي وصوني بطلي الغدر وطلع طلعت ورا صعدت بسيارة منهاره طول الطريق ابجي لحظه ماسكتت وهو عبالك جبل يمي صح الغضب باين علي بس مالتفت عليه ابد وصلت للمشفى نزلني كتله انمار سامحني كال سدي الباب وروحي حرك السياره واني متت حتى ابوالتفتيش بقى يباوع اريد اصيح بعلو صوتي انماااااااااااااار. خلص الدوام رجعت للبيت راسا صعدت مااريد اشوف اي بشر. بقيت بفراشي يوم ثاني دوام ماداومت ابجي واتخيل حال انمار خابرت زهراء ع يسرى حاجيتهه كتلهه زهراء اني حقيره اني خاينه حاولت تهديني كالت فهميني شكو كتلهه احجيلي عن انمار وحاله ..ماحجه بس عرفت اكوشي من حالته يطلع من 6 يرجع ب1 سولفتلهه سمعتهه لطمت وجهه كالت سوده عليه انمار ربي يعينك ع هاي البلوه ويعينج بقت تهدي بيه سديته منهه واني الوب واتكلب بفراشي. اجتني امي كالت راح تموتين روحج ..موتردين تشوفيني بالابيض راح اشوفج الابيض من تاخذيني للكبر بيدج .. يمه اسم الله عليج يومي قبل يومكم ماتعرفين الي نسوي لمصلحتج لوتبقين شهور وسنين ما تصيرين اله. درتلهه ظهري. عافتني وطلعت ورا شكم يوم اني بالغرفه وعلى نفس حالة الظيم والعذاب طبت امي كالت اجن النسوان يتفقن ع الغايب والحاضر نزلي سلمي باوعتلها وصفنت لازم اواجههم لازم اقاتل علمود حبي نزلت بدون ما اعدل نفسي وعيوني وارمه من البجي شافني بقن وحده تشاور بالثانيه وامي خازرتني كالت مريضه عيونهه بيهه حساسيه. ماردت افشلهه سكتت امه ..ياحلوه تعالي بصفي اشوفج باوعتلها .. حجيت. انتي تدرين اني ماقابله. ؟ شفت التعجب بعيونهاا وامي عيونهه راح تطلع من الخزر كمت وكفت كتلهه اني ماقابله ترى وانجبرت عليكم لان مامفكره بزواج ولان شافوكم خوش ناس جبروني عفتهم وطلعت اجت بسرى تركض وراي كالت يامعزايه شسويتي كتلهه كتلوني خلصوني ماريد اعيش طبيت للغرفه ارجف ..دقايق ودخلت امي باوعتلي بقهر كالت حرام سهر الليالي عليج فشلتيني كدام الناس كتلهه هاا ضجتي بس ما انبج ضميرج بضلمي ماحاجتني ماعرف ليش نزلت وبقيت اني. دخلت يسرى كعدت يمي تمسح دموعي وتبعد شعري من على وجهي. يسرى امه كايله اذا ماقابله نترخص احنه. باوعتلها .. وسكتت ورجعت لفراشي. بس عيني على يسرى مهتمه بدراستها ومبتعده عن الحب وراسها بارد واني الي 5 سنين بهالعذاب .. انقهرت لان فشلت اهلي والخطبه ...تفركشت فرحت بداخلي لان تفركشت الخطبه بس انمار شلون يامن بيه بعد هالدكه الصارت. الهم محاوطني احس خسرت كل شي احس ماجاي تمشي حياتي صح امي ماتحاجيني الا قليل وبابا كذلك اروح وارجع للدوام شكد حاولت احصل زهراء مغلق. وبيوم من الايام الحنين هزني هز قررت اتصل بانمار شكد اتصلت مغلق ظل بالي علي كلت شعدهم اثنينهم مغلق .. بس من فتحت فيس وشفته نشط فرحت دزيتله رساله هلاو انمار شلونك ورا ربع ساعه حضرني هنا متت بقهري والمي كلت خلي الملم كرامتي وكلت لنفسي اكعدي واسكتي مرت ع هاي السالفه 3 اشهر اني قبل عندي بس فيس اشوفه كلشي مينشر قررت اسوي حساب انستا سويت وتابعته بقى يومين يله وافق دخلت لبروفايله منشوراته مابيهه شي واصلا بس منشورين وقديمات بقيت يوميه اتصفح الفيس والانستا و زهراء ماكو مغلق تليفونهه ومن حضرني ماكدرت ادز بعد اني وسمر نتخابر يوميه وسافرت سمر لتركيا مره خلص اشتراكنه بقينه يومين جددنه بسرعه دخلت ع الانستا هنا جانت صدمة عمري منشور منذ 7 ساعات صورة انمار وجماعته هواي وكاتبين واخيرا قرر النمر يتزوج جماعه كاتبين الف مبروك الخطوبة انمار ع الخير يا البطل ابو قلب الطيب وبالرفاه والبنين هنا حسيت انعدمت الرؤيا عندي وكع التليفون من ايدي كمت ابجي واشهك شافتني يسرى جانت تصبغ باضافيرهه تسالني مااجاوبها اخذت تليفوني شافت المنشور حضنتتي كمت الطم ع وجهي كتلهه راح ولج يسرى صار لغيري عفيه روحي كليله اني ما ازوجت حبابه عباله ازوجت انمار ميعوفني والله يحبني صعدت امي على صوتي. حجتلهه يسرى حضنتني امي كالت مكتوبلج القهر وخرت من حضنها كتلهه من وراكم حرموتوني منه شصار لوموافقين يمه روحو كلوله مسره تموت وراك. شفت الحيوه بعيونهم والقهر .. بس محد بيده شي عليه. . بقيت يومين شما احجي ما اكدر اوصف الي بي اني اخوتي يسالون شبيهه وامي دكلهم شقيقه راجعه عليهه لحد يدخل يمهه. بقيت اللوب اريد زهراء اريد احجي وياهه منو الي اخذته يا هي الي كدرت تحضي بي منو الي اخذت فرحتي وتعبي. التليفون مااعفته كل شوي اتصل بزهراء اشو للعصر دك التليفون باوعتله رقم زهراء جاوبتهه بسرعه بجيت سمعتهه بجت وياي ... للحكايه بقيه .. بارت قصير بس لان وعدتكم بيني وبينكم اخذتني النومه 😂للعصر انزل واحد ان شاءالله مبقه شي للنهايه | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
