عندما تزهرالاشواك،للكاتبة/ ورود الخالدي "عراقية" (مكتملة)

[فيتامين سي]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته اعضاء روايتي الغالين نقدم لكم رواية ((عندما تزهرالاشواك )) للكاتبة/ ورود الخالدي قراءة ممتعة للجميع ...

[فيتامين سي]

رابط لتحميل الرواية

https://www.rewity.com/forum/t425106.html#post13639162




البارت1

مهيمن25سنة..خلصت كليه ومنتظر تعيين لو شغل..لان كدامي مشروع زواج من بنية صار3سنوات اني وياها بعلاقة حب..اسمها سوزان..من اول يوم تعرفت عليها..شغلت بالي..لان جانت مميزة بكولشي صح سافرة واهلي ميتقبلون فكرة اتزوج وحدة سافرة..بس ثكيلة ومؤدبة...ومثل مكلت مميزة بكولشي..اهلها ساكنين باربيل ابوها حيل غني ومتمكن ويملك فندق سياحي ضخم باربيل..بس مهتميت لان اهلها زناكيل لان اهلي هم حالتهم ممتازة وعدهم خير من الله..مثلا والدي عنده كراج..مأجرة وعندة اربع محلات بالسوك هم مأجرهن..وعندة شركة اخشاب يشتغل بيها..يعني مرتاحين ماديا والحمد لله.. وعائلتنا مو كولش جبيرة عندي اخوات اثنين وحدة عمرها18سنه واللخ عمرها13سنه والاصغر اخويه حمودي عمرة6سنوات..جنت محتار شلون..افتح الموضوع ويه ابويه اخاف اكوله اريد اتزوج يروح يكولي هو احنا اشفنا من خيرك..توك خلصت كلية فكلت احسن فكره اخلي امي تتعرف ع البنيه لان سوزان اثناء الدوام تجي لبغداد يم بيت خالتها..وبالعطلة تروح يم..اهلها لاربيل..فاتصلت بيها وكتلها امي تريد تتعرف عليج..حتى نجي نخطب..هي فرحت..وكالت اجي ليش لاواتفقنا نلتقي بمطعم اني وهي وامي..طبعا بالكوة قنعت امي تروح ويايه واخذت امي وكعدنا..بالمطعم منتظرين سوزان بس سوزان غبية غلطت غلطة جبيرة لما جتي وحدها للمطعم..لا وجمالة لابسة بنطرون ضيك..وبدي ربع ردن امي..شافتها..ضلت تعصر باديها ..هي البنية طبيعتها سبورتية وصوتها عالي تضحك وتجامل بس ماعدها شي..بس امي بكلبها النار شفت وجهها ينطي الوان..وحلكها يبس مجرد كعدنا ربع ساعة كالت اريد ارجع للبيت..ترخصنا من سوزان اخذت امي بسيارةابوية بس حركت كتلها:

شبيج.يمه؟ليش كمتي بسرعة اي غير تسولفين ويه البنية غيرتتعرفين عليها؟
ولك شتعرف بيها..هي هاي الي تريدها تصير جنتي..ياكاع انشكي وبلعيني!!!

شبيها يمه..خوش بنيه واحبها وتحبني!

حبتك..الكرادة اي والله..شبيه تخبلت ماعندي عقل..ازوج ابني وحدة مشلتحه لابستلي صلوخ..وجاية وحدها للمطعم..ولك لو عدها اهل بيهم خير مجان خلوها تطلع وحدها..وتلتقي بيك..ولك شحبيت منها معصعصة وعلج لحم مابيها..وفجها هالطولاته خاف صابغتلك شعرها اصفر ومقشمرتك..

يمه شنو مقشمرتني قابل اني زعطوط..اني اعرفها حق المعرفة بنيه بت اصل وفصل مو شفتيها سافرة ترة والله قمة بالشرف والاخلاق..والدنيا تغيرت يمه

لا يمه اني ما احجي ع السافرات هواية بنات سافرات حبابات وبنات اوادم بس اني ما ارتاحيتلها..لسانها شطوله جنها دلالة وتتمضحك..لايمه..هاي السالفة خلي تولي

يمه عود اني جبتج حتى تقنعين ابويه على بختج..صدوك يمه تكسرين كلبي؟؟

يمه لا اكسر كلبك ولا شي..اني ما ادخل.

يمه ما اريد منج شي بس كلمة الطيبة كدام ابويه..

الله كريم..

رجعنا للبيت بالليل فتحت الموضوع ويه ابويه ..وكتله امي شافتها للبنيه ابوية كلي صيحلي امك وروح صحت امي من المطبخ للغرفة بس ابوس باديها بلكي تقنع ابويه..

امي دخلت يم ابويه وره ربع ساعة صاحني:

مهيمن..تريد تتزوج وحدة من اربيل لانعرف اصلها من فصلها..ولك تخبلت؟؟

يابة امي شافتها..احجيلة يمة

امك حجتلي كولشي..شنو مستغني عنك لو ماكو بنات بالولاية..وهاي السايبة الي اهلها مخليها تمشي على حل شعرها وتلتقي بالشباب..ميشرفني تصير ابيتي..انسه الموضوع وبعد لتفتحه
لا اخلي طلقة براسك واعتبرك جلب ومات

العفو يابه اني مو طفل واعرف مصلحتي..زين واذا تريد تخلي طلقة براسي..بكيفك بس الموضوع ميستاهل هذا التعصب..اني ما افرض كلامي لا استغفر الله بس اني احبها صارلي 3سنوات ووعدتها بالزواج..واذا

انت مراضي ..براحتك بس صدكني لو اتزوج سوزان..لو ما اتزوج طول عمري..

سارة:::

اني سارة..ابويه الله يرحمه هو الي سماني سارة..ملحكت افرح بحياتي ولا احس بحنان الاب لان عمري5سنوات وابويه اندعم ومات..خلي احجيلكم شويه على طفولتي المأساوية..جنت العب بالشارع ويه بنات جيرانه لما سمعت العياط..ابيتنا..كالو ابو سارة اندعم ومات..امي اخذتني لبيت جدي الطريق كوله ادوك وتلطم دخلنا لبيت عمي النسوان صياح ولطم ما اعرف احد اشوف امي تملخ بشعرها وتبجي اني هم ابجي واعيط وياها..النسوان يبوسن بيه ويسكتن بيه..اني ما مستوعبه بس اعرف الي يموت بعد ميرجع..يعني بعد ما اشوف ابويه..اني متعودة انام بالنص بين امي وابويه خلال ايام الفاتحة امي..متدري عني شي تاخذني مرت خالي تنيمني بالغرفة وتروح..خلصت الفاتحة امي اخذتني من بيت جدي ابو ابويه لبيت اهلها وهناك..بقت فترة طويلة متطلع ومتشوف احد يكولون عليها حادة ما اعرف شنو..بس هيج فهمت..بعدين امي كامت تكعد يم نسوان خوالي هنه ابد ميحبنها..يحجن كدامها شكل ومن تروح من يمهن يحجن عليها وشكد مشاكل صارت خطيه..امي جان شغل البيت كوله عليها..وهنه كاعدات وبس تحجي يوزن خوالي ويبسطون امي..بقت امي سنه وشهريم خوالي...صار عمري 6سنوات سجلوني بالمدرسة جنت حيل فرحانه بصديقاتي الجدد وبملابس المدرسة والجنطة والكتب والدفاتر..شاطرة ودفتري كوله عشرات...بهالفترة اجوي ناس خطبو امي لابنهم اسمع خوالي صوتهم عالي..ويتناقشون واحد يكول عمي شلون نطيها الولد اصغر منها..بسنتين..والثاني يكوله يمعود خليها تتزوج لو تريدها تضل تخدم هيه ارملة يعني متجيها هيج فرصة واللاخ يكولهم وبتها وين تروح قابل رجلها يقبل تعيش عدهم..فخالي علاء كال سارة تبقى هنا عدنا مدرستها يمنه واني مرتي ماعدها جهال لحدالان وتدير بالها

عليها بالاخير اتفقو.يوافقون على زواج امي لان امي بعدها زغيره عمرها26سنه وحلوة ويخافون عليها من حجي الناس وبنفس الشهر امي تزوجت ..يعني بعد معندي لا اب ولا ام بقيت كاعدة يم بيت جدي ويه خوالي ونسوانهم..ع اساس خالي علاء متكفل بيه ..لان معندة جهال..ومرت الايام امي تجي كل شهرين تشوفني..وتجبيلي وياها لو نفنوف حلو لو لعابة....جنت افرح بجيتها كولش..وكبرت صرت بصف الخامس..شاطرة كل سنه اطلع اولى مرت خالي علاء سوت طفل انابيب ومن ذاك اليوم ابد مشفت راحة..ذبتني بالبيت ونسوان خوالي استغلني..النهار كولة انظف واغسل مواعين واشغل الغسالة وافرك الحمامات..وهدومي مدسملة وحال الضيم حالي..رغم هذا جنت متمسكة بدراستي..ومرسبت ابد..واحب لعاباتي..اوخيطلهن نفانيف زغار..بس نسوان خوالي مخلني اعيش براحة اذا ما اشتغل يشبعني كتل بالصوندة ويكولن اذا تكولين لامج لو لخوالج نشبعج كتل اكثر جنت اتحمل البسط والصوندات واسكت..ونجحت من الخامس للسادس مرت خالي علاء شدت ويايه تريدني اداري ابنها لان هي موظفة واني احب العب وادرس فمخلتني ادوام بالسادس جنت اشوف صديقاتي شايلات جنطهن ورايحات للدوام كلبي ينعصر ودموعي يجرن..لان احب المدرسة..بالاخير كلت لازم اكول لامي..واجتي امي كعدت وياها كتلها

يوم..اريد ارجع للمدرسه؟؟

كالت اي السنه الجايه ارجعج..

رأسا بجيت:

شبيج سراوي يوم ليش تبجين ارجعج السنه الجاية!

يوم اني مليت من التعب عد بيت جدي يوم شوفي الصوندات على جسمي..والله يوم راح اموت من الكتل عدهم

امي شافت جسمي كلبت الدنيا بالصياح والغلط على خوالي وعلى نسوانهم..بالاخير تعاركت وياهم عركة جبيرة وطردوها من البيت..
واخذتني وياها نعيش ابيت زوجها..امي خلال السنوات المضت خلفت2اولاد من زوجها الجديد وزوجها بعد شاب عمره29سنه..عشت

عشت مرتاحة يم امي صح اشتغل وياها بالبيت بس متصيح علية تحبني وتوكلني زين وتشتريلي ملابس حلوة ولعابات..واني اداري اخواني الزغار.حتى زوجها يجي بس بالليل لان هو بالنهاريشتغل بمحل حلويات والعصر يشتغل سايق تكسي.والحياة ماشية حلوة يم امي..مرة جنت اغسل بالطرمة فزلكت ووكعت على صدري توجعت حيل بقة يومين صدري يوجعني..رحت لامي كتلها:

يوم صدري يوجعني..من وكعت بالطرمة لليوم

هي لمستني وضحكت:

هههه لايوم مبيج شي..بس راح تكبرين وتصيرين بنية شابه حليوة

يوم اليكبر يكوم صدرة يوجعه.

اي يوم بعدين تفتهمين كولشي..

بقيت يم امي سنه تقريبا صارعمري12سنه الا3شهور..احس نفسي سمنانه وجسمي ديتغير..يوم عن يوم..ويه التغيرات مال جسمي زوج امي هم تغيرت تصرفاته ويايه..كام يبتسملي..ومرات يجيبلي وياه حلويات..ومرة امي...نايمة واني دا اغسل مواعين بالمطبخ..محسيت..الا زوج امي..اجه من وراية شبكني..مدري شلون اني لعبت نفسي ردت اوخر اشو هذا مد ايده على صدري وبقة يتلمس بيه وسمعته يكول:

اوف كبرانه سراوي صايرة حلوة احلى من امج وخيرج جاي..

عمو..عمو..هاي شبيك وخر ايدك عني انت دتوجعني..

جان حيل يضغط على جسمي وعلى صدري..وحيل دا اتوجع

سراوي ادللج دلال شتريدين اجيبلج..بس انتي صيري حبابة ولتكولين الماما..

عمو..عمو هدني الله يخليك

هدني وبعدين كعدني على رجلة مدري شلون ضل يبوس بيه حيل..بوساته تلعب النفس..اريد اتقيأ..منه..

ورة شويه عافني ودخل لغرفة امي لان سمع صوت امي..

وبقه كول يوم يغمزلي ويضحكلي هذا شبي مخبل كلت خلي اكول لامي فكتلها:

يوم يصير..اذا عمو نزار..باسني!
ضحكت:

اي شكو بيها هو مثل ابوج..واذا باسج..اصلا هو يحبج مثل بنته شفتي شلون يجيبلج حلويات كل يوم..
اني هم كلت يجوز عادي واني افكر بالموضوع زيادة عن اللزوم.

وبيوم اخويه الزغير صخن وتنك..فالدكتور كال لامي لازم تدخل بيه مستشفى..فرجعت للبيت اخذت غراض بالجنطة وعمو نزار وصلها للمستشفى رجع للبيت نظفت ونيمت اخوية اللاخ ودخلت انام اشو عمو دخل للغرفة وراية هم ضل يحضن بيه ويعصر بجسمي..ويبوس بيه جسمي يكزبر منه وبقيت ادفع بيه:
عمو ليش تسوي هيج..عمو وخر عني..

اششش..اسكتي ولج..

عمو هدني..هدني..
بس مهدني..اخير شي راد ينزعني نفنوفي صرخت

عوفني عمو..عوفني..الله يخليك..عوفني فدوة..

ضربني على وجهي..وصيح عليه:

ولج اسكتي خليني..اتونس لا اموتج..

كمت اعيط ..عمو عوفني عوفني..فدوه عوفني..

انتظروا بارت2¿¿¿

[فيتامين سي]

البارت2
ساره:::

بقيت ادفع بيه بس هو معافني بقة يشبك بيه ويبوس بحلكي وركبتي ويحاول ينزعني ملابسي بس ما انطي مجال ادفع بيه واصرخ اخير شي شك نفنوفي وجيت عليه اني عضيته حيل من اذنه صرخ وعافني استغليت فرصة هو لازم اذنه انهزمت همزين بسرعة انفتح الباب..ركضت هو ركض وراية :

تعالي وين رايحة بت الكلب..
بس اني اسرع منه ركضت بكل سرعتي فتحت باب البيت..وانهزمت للشارع نفنوفي مشكوك..ودموعي يجرن اركض..اركض..اركض..بكل قوتي..ما اعرف وين اروح اخير شي شفت باب مفتوح ركضت فتت بسرعة..لكيت بنيه كالت منو انتي ..طلعت مرة من البيت..ركضتلها شبكتها:

خالة..خالة فدوة ضميني عدكم..فدوة خالة!!

بسم الله الرحمن الرحيم..منو انتي..وشبيج.وليش تركضين شبيها هدومج..مشككة..منو مسوي بيج هيج..و

بعدها..تحجي جان..اندك بابهم بقوة عرفته هو شافني من دخلت..كتلها:

خاله هذا هو..هو..الله يخليج لتفتحيلة الباب خاله..

ياااا..ولج منو هو وشيريد منج؟؟

خالة هذا عمو نزار زوج امي..خاله هو شكك هدومي مدري ليش؟؟

وامج وين احجي خالة؟

امي بالمستشفى داخلة ويه اخويه؟؟..خالة عليج النبي محمد لتفتحيله الباب؟

لتخافين..بنيتي لتخافين ما افتح الباب..الا تجي امج؟؟

وراحت تحجي من وره..الباب

منو..منو هذا الي كسر الباب

اني جيرانكم..بنتي عدكم انطونياها؟؟

امشي..امشي لك..روح مناترةا اخابر الشرطة..ما انطي البنية الا تجي امها..

بعد مسمعنه صوته راح..دخلتني جوة غسلت وجهي..بس اني ماخذني الرجيف واسناني اطكطك..وكامت تقره على راسي آيات قرآنيه..بعدين سألتني..

بنيتي خو ما اذاج..كولي لتخافين..

خاله شنو أذاني ما اعرف والله

بنيتي يعني هدومج الجوه خوما نزعهن منج؟

لا خالة بس شك نفنوفي اني عضيتة وانهزمت..
عفية عفيةبنيتي الحبابة
والمرة خلتني بحضنها للصبح لان صخنت والرجيف ماخذني وكل شويه افزفز واصيح عوفني عمو..عوفني الله يخليك وهي تكولي:

اسم الله...اسم الله يمه محد يمج لتخافين..

وبقيت ع هالحال للصبح كل شويه افز مثل المخبلة...وهي تهدي علية الى ان صار الصبح..واجتي امي..دكت الباب..فتحتلها.رادت تضربني المرة مخلتها..

ياااا...شبيج تخبلتي تردين تضربيها فوك الهبطة؟؟

يا هبطة..عيني ياهبطة..غير لازمها رجلي وهي تخنك باخوها؟؟

دخلي ياكل خرة هالكلب ابن الكلب..عيني رجلج..الساقط..جان يريد يعتدي على بتج..شوفي ركبتها شوفي اثار العضات والمصات شبيج ماعندج عقل..متفتهمين شلون تخلين بتج يم هذا النكس؟؟

ياااا صدوك تحجن..؟؟

ادنت امي شافت ركبتي كامت..ادوك..وتلطم..وتونون :

هاي تاليها..هاي تاليها نزار واني مأمنه بيك

وبقت ربع ساعة ادوك على صدرها وتبجي بلاوعي..بعدين كالت للمرة:

دادة..خو مكاسرها..دادة ستري عليه لتكولين لاحد اذا بيها شي؟؟

شمدريني بس هي تكول عضيته وانهزمت عيني اخذي بنتج للدكتورة وتأكدي ترة هي زعطوطة كولشي متفتهم؟؟واذا تردين اني اروح وياج..

اي دادة روحي وياي ..

المرة لبستني دشداشة من بنتها ووعباية طويلة عليه وياها بوشية..واخذني..وطلعن دخلني ع دكتورة..وكامن يسولفن وياها..بعدين امي نيمتي ع جرباية زغيرة واجتي الدكتور تريد ترفع هدومي مخليتها..كالت:

لزمنها اليه لان تخاف..خلي اشوفها
اني ارجف ودموعي يجرن ما اعرف شنو السالفة..امي لزمت رجلية حيل والمره لزمت اديه..والدكتور نزعتي..بقت دقيقة مدري وين تباوع..بعدين..

كالت لامي:

كولشي ما بيها جنها ورده لتخافين اخذي بنتج..ما بيها شي

المرة هلهلت وامي..تبوس بايدين الدكتورة..:

الله يبشرج بالخير دكتورة.رحملله والديج..رحملله والديج...الله يخليج.دكتورة

طلعنا من يم الدكتورة المرة كالت:

راح اروح اني وجني ماشفت شي..بس دادة اشتكي على رجلج.

امي تبجي..تكولها:

شلون اشتكي عليه بس اشتكي يحبسوه واضل بالشارع اني وجهالي

لعد ابعدي البنيه عنه دزيها لاهلج..لو لاي مكان امان..

والله ما ادري شسوي؟؟

المرة عافتنا وراحت..بس امي ..صعدت تكسي مدري وين تريد تاخذني..مشينابالتكسي مسافة طويلة وصلنا لبيت جبير..امي دكت الباب وفاتت استقبلتها مرة..شايفتها قبل بس ناسيتها:

هلا...هلا ام سارة شعجب شعتب؟؟

ام مهمين..ابو مهمين موجود؟؟

خيرج ام سارة شو مو على بعضج صاير شي؟؟

لا مصاير شي..بس ردت ابو مهيمن؟؟

اي هسه اخابرة فوتي..فوتي انتظري بالاستقبال:

دخلنا للاستقبال مالهم ورة عشر دقايق..اجه رجال..عرفته بسرعة صح صار فترة مشايفته بس عرفته لان يشبه ابويه الله يرحمة..

ها..ام سارة..مو كلتي اني ما اعرفكم ولا تعرفوني..شكو جاية؟؟

ابو مهمين..اني صح مو من دمكم ولحمكم ومن تزوجت ورة المرحوم صارت مشاكل وخسرتكم..بس سارة بتكم..ومن دمكم ولحمكم؟؟

ومنو كال غير هالحجي...الف مرة كنالج انريد بت اخونا انتي مجلبة بيها وتكولين يم اخواني احسن

لا ابو مهيمن اني غلطانه البزر ميتحملة غير اهلة..واني جبتلكم بتكم وخلصت ذمتي..

ليش شحدة..مابدة..اهلج بعد ميتحملوها..

اي ميتحملوها نسوان خوالها يردنها خدامة وانت مترضاها..ورجلي غريب..ميتحمل بزر غيرة؟؟

اني ما مقتنع بكلامج..بس منى عيني بنت اخويه تعيش يمي..

جان يصيحني:

تعالي..تعالي بابا سارة..

رحت يمه بس مترددة وخايفةامي كالت:

روحي يوم هذا عمج يعني ابوج الثاني..رحت يمة..جان يعدل عبايتي ويكعدني بصفة:

امي كالت راح اروح..اني بجيت جلبت بعبايتها:

هي هم بجت باستني وشاورتني :

ابقي..هنا يوم عمج حباب ويدللج مثل مجان ابوج مدللج واني اجيج

كل فترة:

وراحت امي بقيت كاعدة يم عمو ابومهيمن..كال..لخالة ام مهمين

ام مهيمن..اخذي سارة يمج خلي تتغدة..والعصر اخذيها للسوك اشتريلها ملابس..امها الغبرة حتى هدوم بيها خير مملبستها....

خلت يمي الغدة ما اكلت شي ما اشتهي الخوفة بكلبي واحس نفسي بردانه..وبقيت ابيتهم اجتي..بنية جبيرة يصيحولها لمياء..كعدت يمي وسألتني اني بياصف سولفت شوية وياها بعدين اجتي بنية بعمري تقريبا من المدرسة وبقينا نلعب اسمها ضمياء..حلوة وهدومها مرتبات.. صار الليل نمت بالغرفة يم ضمياء..بس بردت كولش هم لزمتني الرجفة كوة نمت ورجعت اتحلم وفزيت من الحلم اصرخ..:

عوفني..عوفني..عمو نزار فدوة عوفني اصرخ بكل صوتي ودموعي يجرن والصخونه لازمتني وارجف..محسيت الا ام مهمين يم راسي..حضنتي :

اسم الله..اسم الله يمه شبيج..كعدتني بحضنها اجه عمي..كال شبيها..البنية:

مدري..شبيها فزت من النوم تصرخ عوفني..عوفني عمو نزار..والرجيف ماخذها..اسم الله عليها..اسم الله..

عمو ابو مهمين شالني واخذني لغرفتهم شربني مي..وكال لام مهيمن:

سدي باب الغرفة وتعالي:

كعدو يمي اثنينهم يهدون بيه عمي سألني:

شبيج بابا احجيلي شبي عمو نزار وياج..ضاربج؟

ها...لا..لا مبي..شي؟؟

احجيلي بابا..لتخافين..اني..ابوج!!

عمو..اخاف اكولك..وتضربني..بس اني والله ممسوية شي!!

لا بابا..لتخافين انتي مثل ضمياء بنتي شلون اضربج احجيلي كولشي؟؟

عمو..نزار جان من يشوف امي نايمة يجي يبوس بيه..يعني هيج بوسات مدري شلون تلعب النفس..كلت لامي كالت هو مثل ابوج..ويحبج..والبارحة بالليل امي بالمستشفى...هو هم اجه بقة يبوس بيه..

وطلعت ركبتي شوفتها لعمو ابو مهمين:

شوف عمو هيج سوة بيه يبوسني حيل اني اصرخ وادفع بيه بس ميقبل يوخر عني حتى نفنوفي شككة بس اني عضيته وانهزمت عند الجوارين..

اشو عمو ابو مهيمن صار وجهه احمر ودموعه نزلت بسرعةكتله:

عمو..والله اني ممسويه شي!!

جان ام مهيمن تكول:

اي كملي سارة امج جابتج لهنا بعدين مو؟؟

لا..لا بالاول اخذتني للدكتورة....باوعتلي كالت..مبيها شي البنية..وبعدين جابتني لهنا..

عمو ابو مهيمن فتح الكنتور مدري شنو طلع منه وطلع يركض..خالة ام مهيمن تركض وراه
مهيمن:::

كعدت..نص الليل على عياط امي..اسمعه تصيح::

ابو مهين..وين رايح بهالليل جيب المسدس ..يبووو...يبووو..وينك مهيمن الحك على ابوك..
نزلت ركض لحكت علية يريد يصعد السيارة:

يابة شصاير وين رايح..وشتسوي بالمسدس:

وخر عن طريقي لك..اليوم اشرب من دمه هالعار..ابن العار

يابة بس فهمني:

لك زلمة شكبرة يتحرش بطفلة الله..اكبر..الله اكبر..اليوم اكتله يعني اكتله عبالة عرضنا تايه..

دفعني وصعد جلبت بالسيارة صعدت وياه..طول الطريق عيونه يجرن دمع..اول مرة اشوف ابويه بهالحالة..وصل لبيت اول مرة اشوفه دك الباب حيل..طلع واحد بالفالينه والشورت اول مشافة كله :

انت نزار

كله اي

طلع المسدس..ردت الزمة ملحت رأسا رما طلقة طاحت بصدرة تكوم بالباب..

راد يرمي بعد..كتله:

يابه عوفه..الطلقة بصدرة اكيد مات خلي نروح قبل لتجي الشرطة..

اخذت ابوية ورحت للبيت للصبح منمنه بس اهدي بابوية امي سولفتلي كل القصة ..ومن الصبح جانت الشرطة اباب بيتنا ابويه طلع عادي سلم نفسه..واني هم اخذوني..بس ابويه كل للضابط :
ابني ما اله علاقة اني الرميته..

واشتغل التحقيق ابويه مكلهم شنو السبب لان ميريدها تصير قضية شرف وفضيحة كلهم اطلبة فلوس..اني طلعت بكفالة ورة اسبوع وعرفت..ذاك النذل بعده عايش ويتعالج بالمستشفى بقيت اتابع القضية..وخليت محامي..لابوية..وجيب العشاير ودني العشاير وبقت المشيات ادوك شهرين..الى ان صار زين وطلع

وابويه باقي بالسجن.سويت المستحيل حتى انهي قضية ابويه وما اخلي ينحكم وسحبت فلوس من المصرف سديت حلك نزار بعشر ملايين الى ان تنازل..وطلع ابويه بعد ما بقة بالسجن 4اشهر ..وانزاح الهم عن صدري..من شفت ابويه رجع للبيت

انتظروا بارت3♥♥♥♥

[فيتامين سي]

البارت3

ساره:::

من اليوم الي انهزمت بي من بيت امي واني كل يوم يجيني هذا الكابوس ينعاد علية جنت افز كل ليلة اربع خمس مرات وخاله ام مهيمن..تكعد خطية تسمي على راسي وتقرا أيات وترجع تنيمني حيل تعبتها اخذتني اكثر من..خمس مرات ع الاطباء..وكل طبيب يكول مبيها شي حالة نفسية وتروح بمرور الوقت..وحتى للسادة هم اخذتني..وخلولي احجبة من الفزة صح شويه خفت حالتي وكمت افز باوقات متباعدة بس ابدا مكدرت انسه وطول فترة سجن عمو ابو مهيمن اني انام يم خالة ام مهيمن بغرفتهم الى ان طلع عمو من السجن..اضطرت خالة ام مهيمن اجيبلي جرباية ام نفر وانام بالممر الي بصف غرفتهم حتى اذا فزيت يحسون ويكعدون..وكم مرة فزيت وكعد عمو ابومهيمن هو يشوفني بهالحالة ويتخبل ويصيح:

هذا الكلب..حطم نفسيتها للطفلة شنو ذنبها الليل كله تفزفز مثل المخبلة..اله اكتلة..
وياخذ المسدس وخالة ام مهيمن تعيط ويجي مهيمن يلزم ابوه ويتوسل بي.. ويكولة:

يابه والله مابيه حيل تنعاد القضية كلبي خلص اركض ورة المشيات وجيب الشيخ ورد الشيخ..يابة شبعت قهر يالله خلصت القضية..وهي طفلة وخايفة حتى الاطباء بمرور الوقت يكولون تصير زينه اترجاك.

وياخذ المسدس منه..عمو ابو مهيمن حيل يحبني ومدللني اكثر من بناتة لمياء وضمياء ويعاملني معاملة كولها حنية يكول بنت اخويه اعز من بناتي..وهذه يتيمة ما عدها احد..

مهيمن::

عبالي من يطلع ابويه من السجن ارتاح..اشو بالعكس زاد عذابي يوميه كاعد نص الليل وهاد بالمسدس وبالف ياعلي يا الله اكدر اهديه واقنعه..اوووف شهالعذاب من يوم دخلت بيه هالطفلة لبيتنا..واحنا حياتنا انكلبت وصارت جحيم..لا وفوك القهر..كوله سوزان كلما نتخابر تلح عليه ليش مجوي اهلك حتى يخطبوني..شنو معجبت امك..ولشوكت ابقه

انتظرك..وبزعتني يومية تزعل واقنعها واحاول اراضية وكولها باجر عكبة اخطبج..وبأخر مكالمة جنت كاعد بغرفتي دنسولف اني وسوزان هي صايرة اعصاب وتكولي انت تجذب عليه ومتريد تخطبني صدوك واني اقنع بيها واحلفلها..بس ما اكدر اشرحلها وضعي لان اني محجيتلها ابدا عن قضية ابويه والسجن..وغيرها..بس كتلها عندي ظروف بس تخلص..اجي اني واهلي نخطبج..وعيشتها على هذا..الامل..ما اكدر اكولها ابويه رافض فكرة زواجنا شسوي احبها وما اريد اخسرها واكول الله كريم بلكي يلين كلب ابويه ويوافق..وبينما دا اسولف اني وياها واحاول اهديها واقنعها..دخل ابويه لغرفتي فاني رأسا نهيت المكالمة..لان خجلت ..حيل وفكرت اخاف ابوية سمعني واني اسولف وياها..اول مدخل كعد بصفي ع القنفة الي بغرفتي وكال:

ها..بابا لحكت تقفل التليفون بسرعة..هههههه بعدك..مصر تتزوج هاي ام اربيل؟؟

اي يابة بعدني..والله خوش بنية وحبابة واحبها وتحبني ما اعرف انت ليش هالكد متشدد ورافضها..

هااا..يعني هسه طلعت اني ..مو خوش اب وحارمك من الي تريدها؟؟

لا يابة العفو..العفو..استغفر الله مكلت مو خوش اب..بس انت كطعت عليه الامل كوله..

ماشي..بعدنا عليها؟؟

صدوك..صدوك يابه يعني فكرت بالموضوع يعني ممكن تروح ويايه نخطبها؟؟

اي بابا ممكن بس..عندي شروط..وما اعتقد تكدر..تنفذهن؟؟

لايابة اني عد عيناك..صدوك جذب انت بس كول وكولشي تريده يصير..اني من ايدك هاي لايدك هاي..

خوش..لعد اسمع اول شرط..تتزوج بنت عمك..سارة هذا الخميس!!

شنو يابة شكلت؟؟
شكلت..كتلك تتزوج سارة!!

اتزوج سارة..يابه انت شنو دتتشاقة..لو دتخليلي شروط تعجيزية..يابة تريدني اتزوج زعطوطه هاي شدتحجي؟؟

الزعطوطة متبقى زعطوطة اصبر عليها سنتين تلاثة وشوفها شلون راح اطوك..مثل شجرة...الرمان..والبنيه شايلة جمال لاصار
ولادار

يابة هاي شدتجحي شنو اطوك مثل شجرة الرمان شنو هالحجي البنية عمرها12سنه يعني طفلة واني عمري 25سنه يعني عمري اكثر من ضعف عمرها..واني ما افكر بيها..كزوجة او تنكلب الدنيا..يابة حاسبها طفلة زعطوطة مثل اختي ضمياء شلون اتزوجها..واذا اخذت كلامك وتزوجتها شكول لسوزان..اني متزوج عليك قبل ما اخطبج؟؟

بابا اعرف سارة بعدها طفلة بس اني ماضامن عمري اريد أأمن عليها هيه يتيمة وما عدها غير الله واني..وماكو اي رجال بالدنيا اكدر أأمن عليها عنده غيرك؟

يابة عمرك طويل انشاء الله..وحتى اذا صارلك شي لاسامح الله..هي تبقى عدنا حالها من حال خواتي؟؟

مهيمن..اني كتلك العندي فكر..بالموضوع زين..والك مني وعد..اذا نفذت شرطي وزفيتك على سارة هذ الخميس..الخميس الي بعده ازفك على حبيبتك ام اربيل..انت بس وافق والباقي عليه بس كول اي..ومن الصبح اسويلك الطابق الفوك..الك ولنسوانك!!

يابة تحجي صدوك انت اول شبابي اخذ اثنين نسوان بالله هاي صايرة دايرة؟؟

اي صايرة ودايرة..مبيها شي..وانت ممسوي شي..غلط تخجل منه..فكر بكلامي..وردلي جواب بسرعة.

ساره::

تعشيناورحت لفراشي انام جان عمو ابو مهيمن يصيحني:

تعالي بابا سرواي..شوفي شنو جبتلج؟؟

جان يطلعلي كلادة ..تخبل كيفت ولبستها:

الله ...الله عمو شكد حلوة الكلادة شكرا..شكرا؟؟

اي حلوة عليج تعالي كعدي يمي خلي نسولف..

كعدت يمه جان يكولي:

شنو رأيج بأبني مهيمن..يعجبج؟؟

عمو..مهيمن؟؟اي كولش حلو عمو مهيمن ولمياء هم حلوة وضمياء وحمودي كولهم حلوين..ويعجبوني

ههههه لج بابا شنو عمو مهيمن ..بنيتي مهيمن يصير ابن عمج..مو عمج يعني تسميه مهيمن..وبس؟؟

مو..مو هو رجال جبير عيب اصيحله باسمه لازم اكوله عمو غير؟؟

لا سراوي سميه مهيمن وبس..منا وجاي..انتي تعرفين اني شكد اعزج؟؟

اي عمو واني ........... واني هم كولش احبك مثل ابويه بالضبط؟؟

عفيه بنيتي..يعني تعرفين اني تهمني مصلحتج..

اي عمو اعرف؟؟

ومادام تهمني مصلحتج اني اريد ازوجج من ابني الحلو مهيمن؟؟

هههههه يااااا..عمو شنو تزوجني؟؟

اي تتزوجين شنو مشايفة اثنين يتزوجون؟؟

اي شايفه عمو..يعني.. العروسة تلبس بدلة حلوة بيضة ويخلولها حمرة كومه..والعريس هم يلبس قاط ويطلع حلو؟؟

ههههه اي عفيه عليج؟؟

صدوك عمو...راح تشتريلي بدلة وتخلولي حمرة واصير عروسة

اشوف عمي عيونه يلمعن..مثل اليريد يدمع..

عمو شبيك تريد ادمع..اني اكيف البس بدلة واخلي حمرة..

لا بنيني مابيه شي..كولي شتريدين اني اجيبلج..شتحبين اشتريلج غير البدلة

عمو..لتشتريلي شي..بس اريد ارجع للمدرسة اني احب المدرسة يصير يرجعوني هسه؟؟

اي ارجعج للمدرسة تدللين وبعد شتردين كولي:

هااا..وبعد اشتريلي لعابة حلوة لان عفت لعاباتي ابيت امي..صح العب ويه ضمياء..بلعاباتها بس..اريد لعابة حلوة الي وحدي..

تدللين بعد عمج اشتريلج كومة لعابات..

لعد اني اقبل..اتزوج..مهيمن..واذا تريد اتزوج حمودي هم اتزوجه؟؟

ههههه لا...لا...مهمين كولش كافي حمودي لالا..

ماشي
حضني عمو..وباس كصتي وكلي روحي نامي بنيتي..

مهيمن:::

بقيت افكر بكلام ابويه..ربي شالورطة..هسه هالطفلة منين طلعتلي..لا وفوكاها..ابويه يريدني اتزوجها..تهي..بهي..تالي شبابي..اتزوج زعطوطة..ضليت افكر يومين بحجي ابويه وبعدين كلت لنفسي ابويه مصر على شرطة خلي اوافق اتزوج سارة هيج مجرد زوج عالورق..واكيد ما راح امد ايدي عليها..لان ..ما افكر بيها غير طفلة واشوفها تلعب ويه ضمياء توكي بالحديقة لو حاضنه اللعابات..ماعندي اي فكرة تجاهها..خلي اتزوجها بس كدام ابوية وارضية..بس اشرط عليهم الزواج يصير بيناتنا..وبس وميطون اي خبر لاهل سوزان انه اني متزوج !.......

هالطفلة..واخليها..وبنفس الوقت اتزوج حبيبتي سوزان ويخلص عذابي وبمرور الوقت..راح يحبوها اهلي ويتقبلوها ومنا لكم سنه سارة هم تكبر..وانفصل عنها بهدوء..وهم تشوف نصيبها وتروح..ورحت لابويه كتله اني موافق بس اتزوج سارة بسكته يعني عرس بسيط..وما اريد اهل سوزان يعرفون..وافق ابويه وكيف..وبنفس الليلة عقد..النا اني وسارة وصارت هالطفلة..مرتي شرعيا..بس ابويه مصر يسوي..زفه..اضطريت ..اقبل اخذوها للصالون ورجعوها لابسه بدلة..خطية..كسرت خاطري مسويلها تسريحة اكبر من عمرها ومخليلها مكياج مصدكين هي عروسه..وهي كاعدة بصفي..تضحك..ويه ضمياء ولا تدري شنو السالفه..وبالاخير زفونا للغرفة هي كعدت..ع..القنقة..وكالت:

هااااعمو..مهيمن..خلصت الزفة هسه اروح اني!!

ورادت تكوم..
اوكفي..اوكفي لج وين ترحين؟؟

اروح انام هناك..على جربايتي..لان حيل نعست!

لا اليوم مترحين راح تنامين هنا بهاي الغرفة ..

يااااا شنو انام بهاي الغرفة مبيها بس جربايتك..واذا نمت بيها اني انت وين تنام؟؟

معليج بيه نامي على جربايتي اني انام هنا ع القنفة؟؟

بكيفك عمو...

اشو هاي فتحت الباب..

لج وين رايحة؟؟

عمو بس اجيب لعابتي الجديدة انيمها بحضني..هسه اجي!!

استغفر الله يربي شالعذاب هسه ابويه شبيه شلون يفكر..هسه هاي الطفلة شتفتهم هي والعرس..شنو..ورجعت شايلة لعابتها..

خلتها بحضنها ونامت بسرعة ع الجرباية بقيت اباوع..عليها..حاضنه اللعابة انكسر خاطري..نامت بالبدلة لا فوكاها تارسين وجهها مكياج..غطيتها..وتمددت ع القنفة..ومدري شلون غمضت عيني ونمت ومحسيت غير عليها خطية فزت..ودموعها يجرن:

عمو..عوفني..عمو نزار فدوة عوفني فدوة..فدوة عوفني!!

ركضتلها:

ساره..شبيج..ساره..حضنتها خطية ترجف..ترجف مثل السعفة..يمي..كلاص مي شربتها ورشيت ع وجهها مي.تنفست........

ارتاحت شوية فتحت عيونها حست وجهها مبلل..متت ضحك اولةحجاية كالتها:

هاي..ليش..ليش..عمو ترش عليه مي..شوف تخربت الحمرة مالتي والبنية ام الصالون ساعتين تحمر..بيه!!!!

باوعت صدوك وجهها تخرب من..المي صار خريطة..خربت ضحك بالزايد..اخذ الكلينكس امسح بعيونها وبشفايفها..وجهها مثل التفاحة وعيونها عسليات كبار يلمعن..وشفايفها..ناعمات..زغا ر..بس..هي زغيرة حيل ما الي نفس..يمها اصلا تكسر الخاطر..

عمو ليش مسحت حمرتي؟؟

هههههه بعد لتخلين حمرة لان متحتاجيها انتي اصلا..تخبلين ..بدون حمرة

انتظروا بارت4♥♥♥♥

[فيتامين سي]

البارت4

مهيمن:::

رجعت نامت صار الصبح امي دكت الباب ودخلت:

هايمه مهيمن بشر..شصار مصار؟؟

شها..يمه صدوك جذب من كل عقلكم اني امد ايدي عليها دشوفيها يمه شلون حاضنه لعابتها ونايمة؟؟

ادري والله يمه ادري بعدها طفلة بس شسوي هذا امر ابوك..ومنكدر نكوله لا؟

شالقصة يمه شنو منكدر نكول لا البنيه..زغيرة وحتى بعدها مبالغة شلون كلبي ينطيني اتقرب عليها هذا شلون حجي؟

لعد شكول لابوك؟؟

كوليلة الحقيقة كوليلة بعدها زغيرة وكولشي متفتهم وهو يدري بهالشي..ع الاقل يرادلها فد اربع سنوات يا الله تصير مرة..فهمي هيج يمه

اي يمه ماشي

وبعد شي لاخ اني اسبوع الجاي ع الاكثر اعرس خو متبقى هيه تنام يمي اخذيها..خلي ترجع تنام يمكم والله تكسر خاطري تفزفز بالليل..

اي يمه اخذها بس خليها هالاسبوع يمك منا لما افهم ابوك تدري بيه راسه يابس ومصدك زافلك مرة..ومنا لعرسك الجاي اخذها من يمك؟؟

ماشي..يمه!

ورة يومين اخذت ابويه وكم واحد من اقاربنا وجماعتي ورحنا لاربيل نخطب..سوزان طلعت هيه مفهمة ابوها على كولشي وبما انه هيه بنته الوحيدة مرفض الها..علاقتها بيه وافق بسرعة ابويه صح راح يخطب بس يحجي من ورة خشمه عبالك جاي بالكوة ويتشرط على ابوها يكوله بعد خمس ايام ونزفهم لان اربيل بعيدة خو منضل رايحين راجعين ابوها مكال شي وافق ..رجعت البغداد ابويه يمي الطريق كوله يتنافخ ويقلد على ابوها يكول ابوها ديمقراطي عنده عادي بته تحب وتعشك لايسأل ولايكول ويكلي هاي سوزان لو بنتي الا اكسر ظهرها..اني اسمع واتحمل شسوي..ما اكدر احجي كلمة كدام ابويه كلي اسحب فلوس من المصرف وحضر امور عرسك..وصلنا للبيت الساعة 11بالليل لكيت امي منيمة سارة على جربايتي هم حاضنه لعابتهاغطيتها بدلت وتمددت اتصلت سوزان طايرة من

الفرح..سولفنا وضحكنا وتغازلنا..وبالاخير بقينا نسولف على ترتيبات العرس..كالت:

دزلي فلوس اشتري..بدلات وملابس واجهز نفسي..

ادزلج خمس ملايبن بس ملابس..وصالون وترتببات واني اشتريلج منا ذهب على ذوقي؟؟

لا..خمس ملايين شنو دزلي عشرة هم يالله يكفن وعود انت اشتري الذهب وجيبة وياك...من تجي..

مو هوايه عشره بس ملابس..وصالون؟؟

شنو هوايه اصلازين وتكفي..

ماشي؟؟

نمت كعدت نص الليل ع صوت سارة خطيه هم فزت امري لله شربتها مي وحضنتها يومية تفز احضنها وتنام مسكينه هالطفلة؟؟

حولت لسوزان 10ملايين واشتريت غرفة بلوط راقيه..وكملت الطابق الفوك وجهوته كوله وبعدين اشتريت ذهب من سوك الكاظمية ب15مليون كلت هسه تفرح بيه سوزان..وقبل الحنه بيوم رحت اني وامي لاربيل ابويه مقبل يجي..فاخذت جماعة من..اصدقائي ورحت عقدت وكملت عقد ثاني يوم بالحنه سوزان طالعة تخبل..صح ضعيفة حيل بس احبها ميهمني ضعفت لو سمنت..المهم طلعت الذهب دا البسها جان امها..تباوع ع الذهب وتعوج بحلكها امي شافتها تعصبت وحجاية منها وحجاية من امي تعاركن بالحنة..اوف هاي شلون طلابة يربي..كوه سكتت امي تكول:

جايبيلها ذهب ب15مليون..وهيه بتها متسوة15فلس..وبعدها مراضية!!

وذيج تكول هسه اني بنتي وين لكت هالفكور؟؟

اوف وحدة ترفع ووحدة تكبس ثولني..وسوزان تندس بيه:

سكت امك فضحتنا..وشنو هذا الذهب الزبالة الجايبيه؟؟

والله لو ما حنه وعروس جان عفتها ورحت..بس اضطريت اهديهن وكلت لام سوزان اجيب بعد ذهب..وبست راس امي وسكتتها..وثاني يوم هم كل شويه ويتعاركن منا لما صعدنا سيارة الزفة..حسيت طلع دود اخضر من عيوني من القهر...مال امي وام سوزان..اوف وصلنا لغرفتنا..كعدت يمها اشوفها مثل المغثوثة كمت الاطفها وانكت واكلها اعيشك احلى عيشة واغازلها ومن هالسوالف..اخير..شي

كامت تضحك كمت اكرص بيها وابوسها وتبوسني وخلصت شغلتنا على خير..جنت اسعد انسان فرحان كولش لان تزوجت البنية الي حبيتها رغم جنت مأيس..بس الحمد لله صارت الي بقينا3ايام بالفندق مال ابوها باربيل..امي كل شويه تكول اريد ارجع لبغداد بيتي تايه وابوك بالشعل وبناتي وحدهن..وحمودي هسه يبجي عليه..المهم خلصن 3ايام رجعنا لبغداد انتبهت..اخواتي زعلانات لان ما حضرن العرس ولا ركصن ولافرحن بعرسي لان ابويةمخلاهن يرحن لاربيل امي كالت:

عزمن صديقاتجن نسوي حفلة وركصن منا لما تشبعن

هنه فرحن عزمن صديقاتهن سوزان لبست بدلة حمرة وكعدوها على كرسي..واني..بصفها هنه..مشغلات ديجي.ويركصن هنة وبنات خالاتي هم زغار بعمر ضمياء..لا واليضحك بالموضوع..سارة هم مبدلة وتركص..وياهن..مكيفة بعرسي..خطيه طفله متعرف الغيرة والرجل والسوالف..واكفه ادبج بالنص..امي تباوع عليها..وتشاورني..:

هههه.شوف مرتك الزغيرة ادبج وتركص فرحانه بعرس رجلها صدك..هم يضحك وهم يبجي؟؟

ورة شويه سوزان هم شاورتني:

يا الله شكد حلوة هاي البنيه التركص!..

منو قصدج ضمياء؟؟

لا مو ضمياء اختك..هاي بت عمك الكتلي عليها يتيمة وعايشه عدنا شوف شعرها شلون طويل وحلو..ودبدوبه والشامة تخبل ..يم حلكها..هاي اذا كبرت تصير ملكة جمال والله!!

اني مرديت بس ابالي اضحك..اكول بكلبي هههه تكول عليها ملكة جمال والله اذا عرفت هاي الطفلة ضرتها يمكن تاكلها بلية ملح..
وخلصت الحفلة..وصعدنا..لغرفتنا..عرا يس..منكعد الا ساعة2الضهر كضيت احلى شهر بحياتي.. بس ورة الشهر سوزان كامت تتململ كل شويه تكول:

اني ضايجة طلعني..شنو محبوسه بالبيت؟؟

هي متعودة تطلع براحتها..جنت اضطر اسحب فلوس من ابويه..واخذها بين يوم ويوم لويومية نتعشه لو نتغدة برة..امي تشوفها تطلع بدون حجاب وملابسها ضيكة تشوط

وتضل ادردم..وابويه كل شويه يكولي:

لبس مرتك عباية ..مو هاي اختك لمياء محجبة ماعدنا مرة تطلع كاشفة شعرها ولابسة لبس يخزي..

يابة ميخالف بس شويه خلي تتعود علينا والي تريدة يصير..

كلتها لبسي ملابس طويلة كامت..تتبجبج..تكول:

شنو هالتخلف شنو هو الشرف لو الدين بالحجاب..شعليه بحجي امك وابوك قابل اني متزوجتهم لو متزوجتك؟؟

ويومية طلابة ع هالموضوع..والي زاد..الطين بلة..هي متنزل ابد ولا تكعد يم اهلي طول الوقت لازمة الموبايل وتسولف لو وية امها لو ويه صديقاتها لو تسرح بشعرها لو تبرد باظافرها حتى هدومها مكومات بالغرفة بالليل انزلهن ويه هدومي خطية لمياء تغسلهن بالغسالة وتسكت.ومن احجي وياها تكول:

تكول ما اعرف اغسل ملابس يتكسرن اظافري..وادية يتعبن..اني ممتعودة اشتغل ..عدنا خدامة يم اهلي تخلص شغل البيت كوله ليش متجيبلي خدامة!!

اووف مرمرت كلبي صح احبها ومونستني بس..مدلله زيادة عن اللزوم..صار6اشهر من تزوجنا مشفتها كاعدة ويه امي..ولا ويه اخواتي ولانزلت من فوك..وامي..تطحن بروحها طحن وساكته بس شسوي..مثل بلاع الموس اذا حجيت ابتليت واذا سكتت..امتحنت..الطابق الفوك كوله النه بس صاير زبالة مو طابق الاثاث كلة تراب..والزبالة هنا وهنا نساتل وعلب..سفري..وعلب شامبوات واشكال الوان..ضجت من الزبالة..جبت سطل جبير...وعبيت بي كل العلب والزبايل وكلت نص الليل انزله..وصار نص الليل..شلت السطل..نزلت..امي شافتني..اوف شيفكج ياطلابة:

مهيمن..هاي شنو بيدك؟؟

متت بدمي من الخجل...اني مهيمن الي كلاص مي ما اناوش نفسي..امي تشوفني انزل الزبالة..لوميت احسلي!!

سكتت مكدرت ارد!

ولك مهيمن..تنزل الزبالة بيدك..مرتك شبيها هاي تالي شبابك..تشتغل زبال المرتك؟؟

لا يمه شنو زبال..بس السطل ثكيل متكدر تنزله؟؟

ياسطل الثكيل..ولك..احنا....

احنا شوكت شفناها نزلت لو بيدها مكناسه وتنظف..شو 24ساعة فوك لو تتبنطر..وتطلع وياك..حتى اكل البيت علمتك متاكلة يمنا..ملتهي تسحب فلوس وتفتر بيها..

يمه..سكتي..لخاطر الله..ليسمعج ابوية!

ليش هو ابوك..ميدري ابوك هم بكلبه النار وساكت صار6شهور اشفنا منكم..ولك هاي دمرتك دمار..مصدك مجذب..هاي الخايسة الجايفة تشيل اسمك وتصير ام جهالك؟؟

وما اشوف الاسوزان نزلت:

شبيه خايسة وجايفة..ترديني اصير خدامة الج ولبنج حتى تحبيني؟

انجبي ولج اني مو بحالج ولا اريد خدمتج ع الاقل خدمي رجلج مو مخليته زبال نص الليل؟؟

والله اني مجابرته هو نزل الزبل بعدين شكو حاشرة روحج وتدخلين بيناتنا؟؟

امي اعصابها فارت ادنت تريد تضربها..اني دفعت امي:

يمه صدوك جذب تخبلتي؟؟

بهاللحظة امي صبن دموعها وسمعت صوت ابويه مثل الرعد:

مهيمن!!!!!!!!!!

اجه ابويه وكف كبالي..:

ولك تدفع امك وتخلي دموعها يصبن لايا عار!

وضربني راشدي فر اذني انهضمت اول مرة ابوية يضربني..امي كامت تتوسل بابوية..

على بختك ابو مهيمن..ليش ضربته؟؟

صعدت لغرفتي..حابس دموعي كوه..وسوزان اطنطن براسي:

شنو ابوك يضربك..شنو امك تتهجم عليه..ليش احنا وين كاعدين بغابة ع الاقل يحترموك لان انت متزوج اهلك متخلفين وميحترمون احد..احنا لازم نعيش يم اهلي اني ما اتحمل يوميه طلابة..وانت شلون تسمحلك كرامتك تعيش وياهم بعد..

وضلت تعيد وتصقل بالحجي راسي انفخ واني مهضوم اول مرة يضربني ابويه..العبرة مكسرة بصدري..اخير شي كتلها:

لمي هدومنا راح نروح يم اهلج!!

خلت الهدوم بالجنط مخبوط..الوصخ والنظيف بدلت واني هم بدلت نزلنا امي وابويه كاعدين بالصالة امي..شافتنا شايلين الجنط كامت تبجي:

يمه مهيمن وين رايح..كوله صوجي بعد ما احجي ويه مرتك والله!

يمه خلينا نمشي لخاطر الله!!!

جان
ابوية وكف كبالي ويأشر بيدة علية:

شوف ولك..اذا طلعت من باب بيتي..بعد متدخل اله مرة ثانية..لو تنطبك السمه ع الكاع!

امي كالت:

ابو مهيمن شهالحجي وين يروح؟؟

يمه معليج اروح يم اهل مرتي!

هاااا..يعني تفضل اهل مرتك علينه..ماشي..ياعاق..روح لاهل مرتك بس بيتي متخطي رجلك منا لما يشيلون جنازتي..وانت تعرف ابوك كلمته متصيراثنين..احسلك انعل الشيطان واصعد وعلم مرتك تصير مرة معدلة

سوزان رادت تحجي..خزرتها وكلت:

يابة اني طالع وبعد ما ارجع والبيت الي اهله ميردون مرتي اني هم ما اريده

يطبك مرض..ولي..منا..واني متبري منك ليوم الدين..وخلي ابو مرتك..الديمقراطي..يفيدك!!

انتظروا بارت5♥♥♥♥

[فيتامين سي]

البارت5

مهيمن:::

طلعنا من بيت ابويه وعلى اربيل كبل وصلنا بيت عمي ابو سوزان...وسوزان مترددت حجت لابوها وامها كل الصار بالتفصيل ..امها ضلت تفتر وتحجي:

واحنا شنو جابرنه ننطي بتنا لناس ميقدرون قيمتها..بتنا مدلله وهالوحدة ممستغنين عنها حتى نخليها تكرف وتلم زبايل..

جان سوزان تغمزلها..وتعض شفه:

ماما مو هيج الحجي لو ع الزبل الموضوع سهل بس..ميصير عمتي تتهجم عليه وتريد تضربني ومن يدافعلي زوجي ابوه يضربة كدامي شنو قابل هو طفل ماعندة كرامة..

شنو تتهجم عليج هيه هيونطة خو ما هيونطة تعيشين عدنا مدلله بجال ابوج..وانعل ابو ابليس لا ابو الشيطان!!!

عمي يسمع وساكت بعدين راحت يم ابوها تتبجبج..تكوله :

بابا بس مهيمن يحبني منطه بيه كدامهم وعاف اهله على مودي واجه ويايه:

جان ابوها انتفخ..كام لزمني من متني:

بابا مهيمن..اذا ابوك متبري..منك.ع مود بنتي هذا بيتي اعتبرة بيتك..واني ان شاء الله ابوك..لتحسبني ابو مرتك..لا اشو ابوك..واكثر من ابوك..وشتريد يجرالك..مادام..انت طلعت شهم وماكسرت كلب بنتي الوحيدة..

اشكرك عمي..

يالله بدلو وارتاحو..وباجر الصبح ارتب جوازاتكم وطيروا لتركيا..لو لجورجيا بكيفكم ارتاحو وغيروا جو ضربو الدنيا جلاق..وراح دخل الغرفته طلع شدة ورق خلاهن بيدي وكال:

هذا مصرفكم ضلو 3شهور اربعه برة واذا تحتاجون بعد خابروني احول الكم فلوس..

كلت بكلبي زنكيل متهمة الفلوس حقها بته تجقل ومدلله..صح فرحت بالسفر والفلوس بس احس روحي مقبوضة وعيون ابويه يلوحن كدامي..والاكثر امي منظرها ميروح من بالي وهي تتوسل بيه..اووف ربي شسوي ادري بنفسي غلطان..بس مابيدي شي..قابل اطلك مرتي واني احبها ومصارلي سنه من تزوجتها..وسافرنا لتركيا..اخ عالم ثاني شنو الناس شنو الجو.....

شنو المناظر..ورغم كولشي..كلبي هناك يم اهلي والاسوء نسيت موبايلي يمهم لان طلعت معصب وكلبي مكسور متذكرت موبايلي واني محافظ اي رقم بس رقمي..اشتريت موبايل جديد دكيت على رقمي مغلق..شلون بيه..اريد بس اعرف..اخبار امي..بقيت شهرين بتركيا بس كلبي يلوب..روحي مو عندي..بعدين فكرت افتح نت لان حساب لمياء ع الفيس بوك موجود عندي بالاصدقاء..فتحت نت فرحت لكيتها فاتحة اتصلت مجاوبت..ورة ربع ساعة دزت رسالة:

مهيمن..الموبايل جان ع الشحن مشفت..الاتصال..رد عليه لخاطر الله..

شفت رسالتها..سكتت لان سوزان كاعدة يمي ومااريدها تحس دا احجي ويه اهلي

طلعت برة اتصلت..جان تجاوب لمياء

هلو مهيمن شلونك اخويه ...ليش مخابرتنه امي راح تموت من القهر..

موبايلي بقه بسيارة ابويه..ماحافظ الارقام..شبيها امي لمياء..حاجيني..

امي تكسر الخاطر مافاركتها الدمعة عليك..حتى رادت تلحكك..لاربيل بس ابويه سوة مشكلة وياها وصياح وعياط..وكلها اذا تلحكين ابنج اطلكج..

نزلت دموعي اختنكت..اوووف يمه..الحنينة

لمياء..صيحيها وفتحي كاميرا..خلي تشوفني..

هسه ما اكدر هي يم ابويه واذا عرف ابويه دنتواصل وياك يحرك البيت علينا ميريد يسمع بطاريك ابد..

شوكت اكدر اشوف امي:

اني ادزلك رسالة من يطلع ابوية المهم..انت شلونك مهيمن..والله اشتاقينالك..

اووف لعد اني شكول..لمياء..راح اموت على شوفتكم..راح افتح كاميرا خلي اشوفج:

فتحنا كاميرا

هاي انت وين مهيمن بيا منطقة

اني بفندق بتركيا..

يااا شتسوي..بتركيا

مسافرين اني وسوزان..

يعني تبقون بتركيا مترجعون؟؟

لا كم شهر ونرجع..

ها..زين؟؟

وبقينا نسولف اني وياها وبعدين قطعنا الاتصال بالليل دزتلي رسالة

امي يمي وتريد تشوفك

طلعت برة الفندق اتصلت كاميرا..بسرعة ..طلعت امي دموعها مغركة خدودها مختنكة..........

بالبجي..

يمه مهيمن بعد عمري..همزين شفتك..

اني هم بجيت..من شفتها كوة نحجي..لان نبجي ونسولف وحجيتلها اني بتركيا ومن ارجع للعراق اجي لبغداد واشوفها باي مكان بدون علم ابوية وكتلها تجيب وياها حمودي وضمياء..اشتاقيتلهم حيل..

ورة شهرين رجعت للعراق وسويتلي عذر جيت بي البغداد وشفت امي وحمودي وضمياء ارتاح..كلبي...وكمت كل شهرين 3اسويلي حجة اجي بيها البغداد واشوفهم..وع النت هم نتشاوف ونسولف..من غير علم سوزان واهلها ومن غير علم ابويه ..هم..وسنتين على هالحال.. امي تسألني ..

ماحبلت مرتك..؟؟

اكولها لاوالله..

بعدين صار موضوع الحمل يهمني.كلت السوزان خلينا نروح للدكتورة ع مود الحمل:
.كالت:

ع شنو نروح اني اخذ مانع!!

تخبلت ليش تاخذ مانع..جان تكولي:

لا حكين ع الخلفة خلي نطلع ونتونس ونسافر..قنعتني.واربع سنين هيه تاخذ مانع واني ع نفس الحال اتواصل ويه اهلي بالسر..كلبي طك على ابويه اريد اشوفه شلون مجان ..صح يدزولي صور لابويه بس اريد اشوفه من صدوك..جيت لبغداد دزيت جماعة معارف..حتى يحجون ويه ابويه طردهم وكلهم:

ماعندي ولد اسمه مهيمن واذا يجي لبيتي اعتبرة حرامي وطاب للبيت ارميه طلقة واكتله وشيصير خلي يصير

جان هذا رده..ميريدني ومتبري مني..للموت..بس اني كلبي طك عليه صار فوك الاربع سنوات اشوفه بس بالصور..قررت اروح للشركة مالتنا اشوفة ولو من بعيد وفعلا..رحت..اباوع القطعة مغيرهاجانت شركة ابو مهيمين للاخشاب..هسه شايل اسمي من القطعة كاتب شركة ابو احمد للاخشاب..انعصر كلبي صدوك متبري مني وشايلني من حساباته كولها بس يبقى ابويه ومشتاقلة..شفته طلع وكفت اباوع من بعيد..اووف متغيير ابويه..حتى مشيته مو مثل قبل صاير يمشي على كيفه..بودي اركض واحضنه بس ادري بيه عصبي ويجوز يفشلني بالشارع..المهم ارتاحيت من شفته ......

وكمت كل ما اجي البغداد..اجي اشوفه بسكوت..الى ان انخطبت..اختي لمياء..اتجرأت اخابرة اول محجيت سد التليفون بوجهي..دزيتله رسالة:

يابة ادري بيك متريدني بس..اريد احضر المشيه مال خطبة لمياء!

جان يخابرني:

اسمع ولك..انت متت من زمان من يوم طلعت من بيتي..وماكو ميت يحضر مشيات..ادري امك توصلك الحجي اني ما نايم على اذاني..بس انت متدخل بيتي اله فوك جنازتي..واذا دخلت اطلع جنازتك من البيت فاهم لولا وتدري بحجايتي وحده..فكافينا شرك..وبعد لتتواصل ويانه..

واتزوجت لمياء..ومحضرت مشيتها بس نتشاوف ع النت وكامت ضمياء هم تراسلني لان هي هم كبرت وصار عدها حساب ع النت.ومرت الايام والاشهر..صار فوك الخمس سنوات مداخل بيت اهلي..فكرت بلكي من تصير عندي خلفة ابويه..يسامحني ويرضة عني من يشوف احفاده..كمت الح على سوزان تكطع االمانع..وفعلا كطعته..بس مصارحمل لاورة سنه ولا ورة سنتين سبع سنوات متزوجين وماكو اطفال وكامت..تروح للدكتور تعالج..وبالسنه الثامنه لزوجنا الله رزقنا وحبلت سوزان جنت طاير من الفرح بحملها وكلت هو هذا الطفل الي راح يرجع العلاقة ويه ابويه..

سارة:::

من طلع مهيمن من بيت عمي بعد مشفته سنين وسنين مرت لا سأل عني ولا يعرف اني وين الله خالقني هو ناسيني واني هم نسيته..كل الي يربطني بيه ورقة سيد وعقد محكمة..وبهالسنين كبرت..وعرفت الدنيا زين عايشه مدلله عد بيت عمي وشايليني بالصلوات يحبوني اكثر من بناتهم..البس احسن لبس وعلمتني خالة ام مهيمن ع الصلاة والصوم وكمت البس..حجاب..وشاطرة بالمدرسه انجح سنه على سنه حتى من صرت بالسادس..اشترولي ملازم اقرة بيهن وعيت ع الدنيا صرت ذكيه افهم كولشي وعندي كومه صديقات..نحجي ونسولف ونتراسل ع الماسنجر وكل وحدة عدها حبيب شكل..بس اني ملتهيه بدراستي اريد اطلع معدل زين........

وحتى اذا صادفني شاب وراد يتعرف عليه اتهرب منه وما انطي مجال صديقاتي متعجبات معقولة كل هالجمال الشايلته وماعندج حبيب؟؟؟ميعرفن اني كل شاب اشوفه اكرهه واشوف بيه صورة عمو نزار..الي اشوفه بكوابيسي..ميعرفن شكد اكره شي اسمه رجال...المهم..خلصت سادس ومعدلي انقبل كليه صيدلة عمي كيف كال اخليها اداوم وتشوف الدنيا وبداية الدوام انخطبت بت عمي ضمياء لان لمياء تزوجت وصار عدها ولد ..دخلت الكليه عالم ثاني واختلاط بنات وولد وهناك تعرفت ع ولد اسمه ابراهيم من اهل الكوت..اول مرة كلبي يرتاح الولد هو حيل مؤدب وحباب...وبقينا مثل الاصدقاء اني وهو بعدين اعترفلي وكلي هو يحبني وقصدة شريف..واذا اقبل بيه نهايه هالسنه يتقدم ويخطبني..وبصراحة اني هم حبيته..وحجيتله كولشي عن حياتي..كتلة اني متزوجة بس ع الورق من ابن عمي..وهو..معايش هنا متزوج وبس تصير فرصة ويجي ننفصل اني وهو..اقتنع بكلامي..وبقينا واحد يحب اللاخ حب شريف هو كولش مؤدب وخجول وعينه ميرفعها بيه ..عجبتني اخلاقة وتعلقت بيه كولش ومحتفظة بصورة ..بموبايلي..ونتراسل ع الماسنجر لو يتصل بيه ونسولف..بس اني معندي احد احجيلة حتى يصير بجانبي عمي ما اكدر اسولفلة استحي منه..ومن..انخطبت ضمياء لزميلها بالكلية اتجرأت احجي لخالة ام مهيمن..لان هي مثل امي..الي صار كومة سنين مشايفتها..لان عمي محرم عليها الجيه وكولهم يخافون منه..اول مرة تعصبت وكالت :

انتي متزوجة شلون تحبين وترتبطين بواحد ثاني؟؟

بجيت وكتلها يازواج هذا خالة هو ابنج يدري بيه هسه ميته عدلة صار 8سنوات ميعرف عني شي..قابل يضل طول العمررابطني يمه هو اصلا ميريدني متزوج ويحب..مرته وعايش حياته وعاف اهلة وولايته ..اني بيش اهمه...اصلا..اذا متت..يكوم يهلهل..ويكول هم وانزاح وهمزين مرته مكشفت زواجنا ياخاله..

اقتنعت ..........

خالة بكلامي..وكالت الله كريم بس هسه لتحجين لاحد خلي سر بيناتنا ومن تخلص هالسنه ويريد الولد يجي يخطبج اني احجي ويه عمج واخلي يطلكج من مهيمن..وتشوفين نصيبج انتي مثل بناتي واريدلج الخير جنت اتمنى تصيرين جنتي..واشوف خلفتج من مهيمن بس الله ماقاسم تستمرون..

اشكرج خاله ام مهيمن والله انتي اغلى من امي لان امي ذبتني عدكم وشافت حياتها ونستني وانتي حضنتيني مثل بنتج وعمرج مقصرتي ويايه دللتيني..اني احبج خاله...كولش احبج..انتي وعمو ابو مهيمن الله عوضني بيكم عن الام والاب


انتظروا بارت6♥♥♥♥

[فيتامين سي]

البارت6

مهيمن::

الدنيا مسايعتني بحمل سوزان حيل فرحان لان كل افكاري محصورة بهذا الطفل الي راح يكون سبب الصلح بيني وبين ابويه ان شاء الله وزادت فرحتي من ظهر بجهاز السونار ولد..اكيد ابويه راح يطير من الفرح..من يشوف حفيده وينسه كل الزعل ويسامحني ويلتم شملنا من جديد رغم الحمل طلع ..عليه انتقام يومية رايحين وراجعين ع الدكتورة وسوزان ماصدكت تدلع زيادة وشلعت كلبي شلع بس كل هذا واكول كولشي يهون بس خلي يجي الولد واخر شهر الدكتورة كالت مراح تجيب طبيعي لازم عمليه بعد3ايام..خابرت ع تليفون ضمياء ردت افرح امي:

هلو ضمياء شلونج..

الحمد لله اذا انت بخير احنا بخير!

ضمياء انطيني امي

امي متكدر تحاجيك صار كم يوم متطلع من غرفة ابويه لان ابويه مااله خلك وياخذ كومة ادوية..ولازم راسه خطية..

تحجين صدوك ابويه بعمرة ما اخذ حباية براسيتول..شنو شصاير..

مثل ما اكلك صار كم يوم حته للشركة ميروح ما اله خلك..واول البارحة دخلت اخذ الشاحنه نص الليل لكيته..لازم صورتك ودموعة يجرن..

لازم صورتي..ودموعة يجرن..تحجين صدوك انتي؟؟

اي والله مهيمن..حتى من شافني دخلت ضم الصورة ومسح عيونه بسرعة مهيمن انت لازم تجي هالفترة اني متأكدة اذا جيت ابويه راح يسامحك!!

الله يسمع من حلكج ضماوي بس هالليلتين والليلةالثالثة اني جاي بس تطلع سوازان من العمليه اجيبها فورا هي وابني وافرح ابويه ومتأكد راح يصالحني ويلتم شملنه من جديد..

ماشي ننتظرك

وسديت التليفون احسب ساعة ساعة شوكت تدخل سوزان للعملية حتى اخذها واروح لبيت ابويه..ومرت الليلتين عبالك الفين ليلة..واجت ساعة العمليه ودخلت سوزان للعملية واني بممر الانتظار دك تليفوني رقم ضمياء..نطيته رفض وطلعت للحديقة اتصلت وقبل متحجي كتلها:

ضماوي...

دخلت سوزان للعملية ساعات واصير يمكم اني وابني؟؟

شو هاي مختنكة وكوه تحجي:

مهيمن..مهيمن يا ابنك..ابويه..ابويه انجلط..وهسه بالمستشفى والاطباء يكولون حالته خطرة كولش تعال..مهيمن تعال هسه لو تلحك لو متلحك عليه...

اسمع صوتها تفرفرح بس..ممصدك حجيها سديت التلفون واخذت تكسي من باب المستشفى كتلة كبل لبغداد واستعجل...الطريق كله كلبي يتعصر واقشمر بروحي اكول ابويه قوي..وهاي ضمياء خايفة وتبالغ بالحجي هسه بس اوصل ويشوفني..يصير زين ويكوم ..وقبل ما اوصل بغداد بنص ساعة اتصلت ضمياء شلت التليفون:

اسمع بس صريخ:

مهيمن..ابويه مات..مات..مهيمن راح ابويه..بعد منشوفه..

وسدت التليفون..

سارة:::

اخذو عمي الصبح للمستشفى..كالو متخربط حيل والبنات كولهن راحن بس حمودي بقة يمي..اشو ساعه 3الظهر..اجاني الخبر عمي توفه حسيت روحي راحت مني..مو عمي الي توفه ابويه حسيته توفه مرة ثانية ممصدكة اشوف لمياء وضمياء..يملخن بشعرهن ويفرفحن واني بس دموعي يجرن بيتنا انترس نسوان وجهال..النسوان يبوسن بيه ويعزني..بس ممصدكة..ابد عقلي ميشيل الموضوع عمي البارحة جان بغرفته واليوم مات....بعد ما اشوفه يعني تيتمت من جديد..
بالليل اخوان خالة ام مهيمن جابوها للبيت لان واكعة بالمستشفى بس حالته من جابوها تبجي الصخر بس تونون..وملخة خدودها..وصوتها بالكوة يطلع..جتي يمي خالة ام يوسف اخت خالة ام مهيمن تكولي:

بنيتي صيري هبت ريح..لمي البيت..النسوان غربة يطبن..اوكفي بالمطبخ ويه بناتي..انتي جنتهم..ولازم تكومين بالنسوان

دخلت المطبخ ما اعرف شسوي البنات يخدرن جاي....ويكسرن ثلج اني اديه ميته ودموعي تجري مثل المطر....ردت اشوف عمي افكر بلكي يجيبوه للبيت..بس مجابو كالو طلعو يدفنو بالليل من المستشفى لان الدنيا حارة...وبقينا للصبح نبجي وخاله مصدومة....

وتفرك بديها..حالها صدوك يبجي الصخر ..الفجر كالو اجوي الولد من الدفن وسمعت مهيمن جاي وراح يدفن هو وخواله وولد خواله لان عمي ابو مهيمن جان معنده اخوان بس ابويه وتوفه من زمان..بس مشفت مهيمن كالو واكف بالفاتحة واني هم ويه النسوان لهذا مشفته ..بالليل..النسوان خفن بقت بس اخوات خالة وبناتهن نايمات بالاستقبال..خالة ..عافتهن ودخلت لغرفتها.. بقيت بالاستقبال يم البنات طلعت اجيب مي واسمع صوت رجال خشن يبجي:

ليش..ليش يابه سويتها صدوك..ليش رحت عن الدنيا ومسامحتني..ليش يابه ..ليش..؟؟

واسمع صوت كانما ديضرب راسه بفد شي....ورجع يبجي:

سويتها صدوك..يابه طلعت جنازتك..ومخليتني ادخل البيتك..ليش حرمتني من شوفتك..

طبعا اسمعه ودموعي يجرن..صح احنا نسوان ونبجي مسألة عادية بس واحد من يسمع صوت رجال خشن ينعى ويبجي اصعب..والله اصعب لحظة بحياتي من سمعت صوت همام يبجي ويون على ابوه واسمع خاله:

يمه ..راسك..يمه لتضرب راسك بالحايط..

يمة عوفيني..يمه اريد اموت..اريد الموت ياخذني مثل ما اخذ ابويه..

الباب مسدودة عليهم ما اشوف شي بس صوت بجي مهيمن..للصبح منام..بس يبجي وقافلين الباب ثاني..يوم هم مشفته كالو واكف ..بالفاتحة وثاني ليلة وثالث ليلة نفس الشي هم ساديين الباب هو يبجي ..وصوته يبجي الما بكلبه رحم..رابع يوم الفجر..طلعت خالة:

يمه وليدي..الحكو عليه وليدي راح يروح من ايدي..يبووو..يبووو..ابو يوسف ابو فؤاد وينكم الحكو على مهيمن وكع..يمه وليدي..

شفت اخوه خالة ابو يوسف وابو فؤاد دخلو للغرفة وياهم كم ولد..شفتهم شايليه ويركضون للسيارة ويصيحون:

مابي شي..رضية فوتي جوة دخلوها جوه..لامه دخلوها..

اجوي ..ولد اخوها..ابو.يوسف دخلوها....

وهي تفرفح:

وليدي مهيمن راح يروح مني مثل ما اراح ابو..وتبجي بحركة...نص..

ساعة.... واجه زوج لمياء..كال لخالة:

مابي شي عمه لتخافين بس عندة صدمة ولان صار 3ايام بس شايط ومماكل شي وكع شدوله مغذي ومهدئات..يومين 3ويطلع

اخذوني..اخذوني لابني خلي اشوفة
وبقت تلح..وتبجي..اضطر زوج..لمياء ياخذها..وبقت خالة ومهيمن 3ايام بالمستشفى..طلعو بيوم السابع مال عمي..مهيمن ابد مشفته ولاصارت عيني بعينه من اجه لليوم

مهيمن:::

طلعت من المستشفى..بقيت بغرفتي لان امي تتوسل بيه تكولي ارتاح وكامت تصعدلي اكل فوك..موبايلي ما ادري عنه..بيوم الثامن جابته الي ضمياء..

هذا موبايلك..مهيمن دك..هوايه بعدين طفه من الشحن..شحنته بس مفتحته اخذته فتحته لكيت مكالمات من سوزان ومن امها وابوها اتصلت عليها قبل متحجي:

سوزان كولشي لتحجين..ابويه توفه وما اجي الى ان يخلص الاربعين؟؟

ونهيت المكالمة وقفلت الجهاز ما الي خلك للدنيا كولها بقيت بغرفتي منزلت..الى ان صار العاشر مال ابويه..ضمياء ولمياء يصعدن يمي وحمودي وامي..ينامون يمي بنفس الغرفة..ورة يوم صعد يمي خالي الجبير:

وليدي مهيمن..لازم تروح لشركة ابوك عنده طلبيات الله يرحمه والعمال اجوني للبيت كافي حابس روحك اطلع للشركة شوف مصالح عائلتك ماعدهم غير بس الله وانته

اي..خالي باجر اطلع

امي كالت المفاتيح..والاوراق مال ابوك..كولهن بالقاصة بغرفتنا..

نزلت بالليل اخذت مفتاح القاصة من امي طلعت مفاتيح الشركة والاوراق..ولكيت بينهن مغلف..اصفر..مكتوب عليه..لابني مهيمن..هذا خط ابويه فكرت شبيه هذا الظرف..فتحته لكيت ورقة مكتوب بيها:

ابني مهيمن..احس روحي مامطول بهالدنيا..انته باقي بمكاني..
بس شفت حروف ابويه جرن دموعي كملت؛

صح ما احاجيك بس كل هذا لمصلحتك..ولتعتقد فد يوم..ما فكرت بيك اني والد ومن تخلف راح تعرف شنو معنى الوالد..وليدي اذا صار بيه شي..اوصيك بامك..دير بالك......

عليها..ردت اخذها للحج..بس اشوف روحي ما الي خلك..وصيتي تاخذها للحج بمكاني..واوصيك بخواتك..انت ابوهن وانت اخوهن..واذا ضمياء يردون عيالها ياخذوها لتعطل عرسها..وحمودي ربي بيدك اريده يصير قوي..ويخشن كلبه..وخلي يكمل دراسته..وواصيك بعد بمرتك سارة بويه عاملها بالمعروف..وصيتي الك..وذمه بركبتك..انه متعوفها ولا اطلكها..ابد..وبالنسبة لفلوسي وورثي..هو بيدك..شوكت ما طالبن اخواتك وزعه عليهن بشرع الله..

ولا تفكر اني ماراضي عليك..لابابا اطمئن ماكو غضب بكلبي عليك..وراضي عنك من كلبي..يشهد الله بس ردت اسويلك درس..

خلصت وصيته ودموعي مغركه وجهي بس كلامه ريحني من كلي راضي عنك الحمد لله..سديت الظرف وضميته..وكلت:

صار..يابة كل التريدة يصير..

صعدت لغرفتي ردت انام جان تجي ضمياء:

مهيمن..اني كليتي قريبة اروحلها مشي بس كليه..سارة حيل بعيدة ..وخطية صارلها 12يوم ممداومة وامتحاناتها جاية ..جان ابويه مكيف وفرحان بيها ويوصلها بنفسه للكليه ..اذا باجر تروح للشركة اخذها وياك وصلها..

ماشي..ماشي

وكعدت الصبح صعدت سيارة ابويه تذكرت سارة شفت حمودي يم الباب كتله صيح سارة خلي اوصلها مضل وكت:

اول مرة اشوفها صار اكثر من8سنوات بس مدنكة شفت بس طولها لابسه تنورة سودة طويلة وقميص وحجاب اسود لبسها حيل مستور بحيث مشفت شي لا وتمشي مدنكة..حتى وجهها مشفته فتحتةالباب الورة وصعدت:

كلتلها وين كليتج:

كالت:

اطلع كبل ومن نوصل للتقاطع ادليك:

لا يا الله شهالصوت صوتها ناعم يخبل..رغم كلبي مغيم وحزين بس صوتها طرب اذني..بس هي مدنكة اريد اشوف وجههاقبل منوصل التقاطع كتلها:

منين افتر يمنه..لو يسره..رفعت راسها:

بس شفتها..دست بريك الطخت السيارة بالرصيف..شنو هاي دخيل رب العالمين هاي من صدوك سارة..لو اني متوهم..معقوله هيج صايرة؟؟

بقيت واكف صافن والسيارت ادوك هورنات من وارية ويصيحون..اطلع..اطلع شبيك واكف...بس جني ما اسمعهم..شهالوجه يربي..دائرة كاملة عبالك..قمر ضاوي بالحجاب الاسود الحواجب..مجرورات مرسومات والعيون ع كد ما كبار وحدتهن جنها ساعة ولونهن عسلي فاتح..يلمعن..والرموش ثخان وطوال..والخدود متفحة والشفايف اووف ربي ململمات..مثل الطماطاية الناعمة..والشامه جوة الشفه مكانها مغري..وتكتل كتل..بقيت صافن لا اخذ ولا انطي..

فزيت من سمعتها كالت:

عمو..مهيمن..ليش واكف..السواق خبصونه بالهورنات..متسمعهم؟؟

انتبهت السواق حاركين الجو بالهورنات ويصيحون يمعود اخرتنا اطلع ليش موكف السير..مال الشارع..

حركت مشيت..مشدوه..افكر شلون بيه مرتبك..اذا ابقة اباوعلها ميه بالميه اسوي حادث..دنكت بس بكلبي..شي يرفرف..حتى حزني مافكرت بي شدهتني بت الاوادم..لا وجماله تكولي عمو..مهيمن؟؟

انتظروا بارت7♥♥♥♥♥♥♥♥

[فيتامين سي]

البارت7

مهيمن::

حركت مشت السيارة اشرتلي الوف يمنه وضلت ادليني بالطريق..صافن على حلكها..شفتها..تذبح ذبح..والشامه تتحرك من تحجي..شهالمصيبة ربي كلبي..عطب..جني..تايه بغير..دنيا هي توصفلي واني اسوق من غير..تفكير تحجي واني بس اكلها اي..واي..ومدري شلون وصلت لكليتها نزلت تلاكت ويه بنات عيوني تراقبها منا لما اختفت داخل الكلية..الطريق كله اغم بنفسي..واكول:

امدايه..الف مرة امدايه شبيه زمال.. بس حتى الزمال اذكى مني وميسويهاعايف..مرتي حلالي..كل هالسنين؟؟ومو مرة تفك المصلوب خردلتني كلبي يرجف..عبالك الكهرباء ضاربتني..خلتني اسوق واسوهي..جني..مكبسل..وصلت للشركة ..صورتها..كبالي..يربي خبلتني اسولف ويه العمال..وهمه يتنداسون اسمعهم يكولون خطية بعده مصدوم من موتت..ابوه.. ساعة بالعشرة الصبح رجعت للبيت..لكيت بس امي كولهم بالدوام..كتله:

يمه جوعان

اي يمه هسه..اصعدلك الريوك:

لا يمه راح اتمدد على جربايه ابويه بغرفتكم؟

بكيفك يمه...دقايق واجيبلك الريوك

كاعد ع جرباية ابويه امي جابت الصينية خلتها كدامي ردت اسألها شوكت لازم اروح اجيب سارة من الكلية فكلتلها:

يمة سارة..شو!!

وقبل ما اكمل حجايتي كالت:

اي يمه همزين جبت طاري سارة..اريد احجيلك بموضوعها..تعرف يمه سارة كبرت وصارت شابه..

ابتسمت:

اي يمه شفتها

يمه وانت اول وتالي راجع لسوزان..خصوصا خلفت منها..هسه..وسارة حالها حال البنات هم مثل اخواتك..تريد تفرح وتعيش حياتها:

يمه شنو قصدج ؟؟
مرتاحيت لحجي امي بس اريد توضحلي اكثر:

يمه سارة اكو ولد وياها بالكلية رايدها على سنه الله ورسوله.وبس يخلصون امتحانات هذا الشهر يجي يخطبها..فانت لازم تستعجل واطلكها..

محسبت بنفسي غير دفرت الصينية والاماعين تناثرن هنا وهنا .....

وصرخت بوجه امي:

يمه شهالخريطي..شنو ولد يخطبها شنو اطلكها..سارة مرتي حلالي.

اي يمه ادري مرتك..بس هيج مرتك ع الورق..وانت متريدها تحب سوزان وراح ترجعلها..قابل تضل هالمكرودة معلكة باسمك حرام نضلمها يايمه

امي تحجي واحس كلبي عبالك مخليه ع الفحم ويحترك شويه شويه..بس لزمت اعصابي..وكلت:

وانتي شمدريج اكو ولد يريدها؟؟

يمه هي كلتلي..اكو ولد يحبها وشوفتني صوره والرسايل..الي بالموبايل يمه سارة مرباية ومتسوي شي غلط..اخواتك..هم انخطبن من الكلية شكو بيها وانت هم حبيت سوزان من الكلية وتزوجتها

لساني احسه انشل كوة طلعت الكلمات:

وهي..وهي..هم..هم تحبه.. احجي يمه؟

اي خطية هي هم تحبه..

فقدت اعصابي..كمت..اشيل بالغراض اليمي.واشمر..كسرت الجامه مال الغرفة..واصيح مثل المخبل:

يمه شنو تحبه..شنو تحبه..وهي متزوجتني..شنو تحبه وهي حلالي؟؟

لزمت ايدي امي وكعدتني

يمه اهده..انت عفتها..ومتريدها..

شنو ما اريدها..منو كال ما اريدها..مرتي..اريدها..اريدها اليوم وباجر وعكبه..وفوك هذا ابويه موصيني ومذمم عليه ما اعوفها ولا اطلكها للموت!

ابوك موصيك؟؟

اخذت المفتاح فتحت القاصةطلعت الظرف:

هاج..اقري..موتعرفين تقرين هذا مو خط ابويه..هذه مو وصيته شوفي شكاتب؟؟

اخذتها كامت تقرة وتبجي..بعدين شبكتني..وبجت..بست كصتها:

يمه العفو انفعلت ورفعت صوتي..وكسرت الغرفة اعذريني والله عقل مضل براسي!!

يمه ما ادري بهاي الوصيه..واذا انت تريد مرتك..بكيفك مادام ابوك موصيك..بس لاتضلمها...لان اذا تعوفها وترجع الاربيل معناها..ضلمتها!

لا يمه ما ارجع..لاربيل اني بعد ما اعوفكم وشمكتوب بوصية ابويه انفذه..كافي مات وهو زعلان مني اريده يرضة عني بكبره وبالنسبة لسوزان بس يخلص اربعين ابويه..اجيبها تعيش هنا ورجلها فوك ركبتها..
كيفت امي

من كتلها ما اعوفكم..شبكتني وكالت:

الله يرضة عليك يمه؟؟

وطلعت..وعرفت من حمودي شوكت اروح ارجع سارة من كليتها..بس كلبي مشعوط..روحي..طافره كل ما اتذكر كلمة امي..تكول تحبه..وبينهم رسايل وصور..ميت من القهر..بودي احرك الدنيا مسيطر على اعصابي بقدرة قادر..رحت جبتها..بس روحي تلوب افكر شلون اعرفه هذا الي تحبه صار الليل اتكلب بفراشي مكدرت انام..نزلت لكيت حمودي يكتب..صحته كتلة

حمودي..اذا كدرت اجيبلي موبايل..سارة من غير متعرف اصلخك ب25حمرة

صدوك..هسه اجيبه

لك..لا..اخاف هسه كاعدة:

لا..هي..تنام من وكت اذا ما عدها امتحان راح اشوفها اذا نايمه اجيبه..

ماكو ربع ساعة صار موبايلها عندي..ههههه ممخليتله رمز..استغربت اكو وحدة تحب متخلي رمز ؟؟المهم فتحت الرسائل ماكو شي..الصور..هم ماكو صور..فتحت بيانات..اشتغل النت..فتحت الفيس..باوعت بالرسائل كولهن رسائل بنات بس ولد واحد اسمه ابراهيم عبد الحسن فتحت الرسائل كلبي انمرد مرد هو كاتبلها حبيبتي..وهي تكوله ابراهيم..وحجي مال حبايب..عقلي طار..ومتواعدين ع الخطبةورة الامتحانات..استوت روحي..بعد ما اتحمل ردت اروح لغرفتها اكعدها من النوم واشبعها كتل بس كلت اذا بسطتها راح تتعلق بهذا الاغبر اكثر.. كمت افكر شسوي..واجتني فكرة دخلت تسجيل الخروج من الفيس والماسنجر..بعدين سويت خطوة هل نسيت كلمة السر..وغيرت الرمز اجت رساله التاكيد على خطها..رجعت فتحت الفيس والماسنجر ع الرمز الجديد..ومسحت رسالة التأكيد حته متحس..
وفتحت حسابها من جهازي..ع رقم موبايلها ورمزة الجديد وكلت لحمودي رجع الموبايل راح رجع الموبايل..

ثاني يوم وصلتها للكليه..عادي..بس صور ابراهيم طلعتهن من حسابه حفظتهن بجهازي..اكو..ولد واكفين:

بلا زحمه ابراهيم عبد الحسن بيامرحلة؟

يا ابراهيم..؟؟
هاي صورته ..عندي صديق ع الماسنجر اطلبه ورقتين ومن حاجيته ضربني بوري وانطاني حضر؟؟

ممعقولة..
يمعود ما كو شي ما معقول اني على باب الله وصاحب جهال واريد فلوسي رحمه لاهلك بلكي تصيحه

راح الولد ورجع وهذا الاسمه ابراهيم يمشي بصفه..

اول مشافني..كتله..هلو ابراهيم يمعود وين لين شو رحت والروحة روحة!

العفو منو انته

جريته على صفحة

اني كرايب سارة جاي اسولف وياك ع مود الخطبه والطلاك؟؟

هاا..

الولد اليمه..كالو..شنو ابراهيم متعرفه؟؟

لا اعرفه اعرفه

كتله منتظرك بسيارتي خو ما نسولف ع البنيه كدام..الطلاب داخل الكليه؟؟

اي..اي..صح..

لحكني..صعد يمي مشيت مسافه عن الكلية نزلت نزلته..من ياخته:

انت ولك ملتهي تحب وتتمعشك ويه مرتي..وتريد تخطب..

جيتت عليه مثل الميت..بوكسات وجلاليق..كسرت خشمة..بكله..طلعت حركة كلبي كلها بي تكوم بالكاع.كتلة:

من تريد تحب عود حبلك وحدة ما متزوجه مو..تريد تاخذ اللكمة من حلك غيرك..

عفته رجعت للبيت حسيت نفسي ارتاحيت..ما عرف شالو للمستشفى ضل مكوم بالشارع؟؟رحت عادي..للكلية رجعت سارة

صارالعصر فتحت حسابها دازتلها كومه رسائل وين انته ابراهيم ليش..مترد..وليش ممداوم اليوم بس هو مراد عليه..ساعة بالعشرة اجاني..اشعار..

بس مفتحته انتظرت هيه تفتح حتى متشك حسابها مفتوح..فتحت هي الرسالة بسرعة..ورة شويه فتحتها..لكيته كاتبلها:

هيج سارة..تسوين بيه دازتلي رجلج للكلية كضة بيه التوبه جنت بالمستشفى خشمي مكسور ووجهي مورم.. هسه طلعوني خلفلله عليج بيش طالبتني..تجذبين عليه تكولين رجلي ميريدني ويريد يطلكني عساها بحضج وابختج..

ابراهيم شهالحجي؟؟

اسألي رجلج مدام..وهذه اخر رسالة بيني وبينج..

وشفته انطاها حضر..لا يمكنك الرد على المحادثة..اي والله غزرت بيه الكتلة بسرعة

ضحكت..وطفيت الشبكة..شويه وسمعت الباب مال غرفتي اندكت عرفتها هي..دخلت طبعا هي ابد منزعت حجابها كدامي دائما لابسه طويل ومحجبه حاسبتني محرم عليها...بودي اشوف ركبتها وشعرها..وجسمها بس هي ملفلفة من فوك لجوة..

اول مدخلت:

عمو..مهيمن..انت رايح للكلية مالتي اليوم؟؟

اي غير وصلتج؟؟

لا رايح غير..مرة..وشايف ابراهيم؟

اي رحت..وشفت ابراهيمج..واخذ اليستحقه!!

يعني الحجي صدوك..ليش..ليش عمو شنو ذنبه شمسويلك..ليش تأذي وتكسر خشمة مو حرام عليك؟؟

لا مو حرام عليه..واذا ادورين حلال وحرام..شلون ادورين حب وغراميات وانتي براس رجلج؟؟

ادنت يمي

رجلي..منو عمو اني معندي رجل..انت عمو مهيمن مو رجلي واول وتالي تنفصخ الاوراق البينا..وكولشي ينتهي..

فورت دمي ادنيت لزمتها من زندها..اووف سمينه زندها مربرب جوة ايدي

اني مو عمو اني رجلج..افتهمتي..لو لا؟؟واذا اسمع اسم رجال ثاني على لسانج اذبحج!!

من شوكت انت رجلي صار سنين متدري عني شي..رحت تزوجت وعشت حياتك..وهسه مرتك سمعت خلفت..يعني ليش رابط اسمي باسمك..شنو شغلة عناد..لو هسه عرفت..عندك مرة من كبرت..وحلويت بعينك..

لج انجبي وسدي حلكج طلعلج لسان هسه مو؟؟

اي..ليش ميطلع لساني عمو مو من حقي اتزوج من مثل اخواتك..

لا مو من حقج لان انتي متزوجة اصلا؟؟

مو مشكلة طلكني..طلكني..هسه

ما اطلكج!

ليش..ليش تظلمني مو حرام عليك..كل هالسنين ظالمني؟؟

ولج حتى اذا افكر اطلكج بعد ما اكدر انتي وصية ابويه

.جانت الورقة بجيبي من شوفتها لامي طلعتها:

اقري..شوفي هاي وصيه ابويه ما اطلكج ولا اعوفج للموت..

واني..ما اريدك..وماريد ابقى مرتك!!

رفعت ايدي ردت اضربها..اوف بسرعة طفرت دموعها على خدها نزلت ايدي لزمت زنودها سمعت صوتها مكسر:

تريد تضربني..تريد تضربني عمو..مهيمن..لان كتلك
الحقيقة؟؟

اووف رحمتك..يا اللهي..ارحمني بحق رسولك..شفت دموعها..حست فيوزات دماغي كولهن احتركن..موتتني..بت الاوادم لازوم زنودها..المربربات ووجهها يضوي بالحجاب الاسود..لا وجماله دموعها خلن عيونها..يلمعن مثل النجوم..وشفتها ترجف..اخ شلون بيه..هيه تبجي عبالها اضربها واني اسولف ويه..روحي اريد الكف شفتها اكلها هي والشامه..شلون قهر..بقيت صافن بوجهها هي هم صفنت..بوجهي..شلون صفنه تكعد الموته..لا..لا..ماعندي كلب يتحمل..هالجمال..ابد؟؟

انتظروا بارت8♥♥♥♥♥♥♥♥♥♥♥♥♥♥♥♥♥

[فيتامين سي]

البارت8

مهيمن:

سمعتها تكولي:

تريد تضربني عمو مهيمن..لان كلت الحقيقة..
وبقيت صافن بوجهها الحلو ولازم زنودها.فكلت:

لا..لا سارة..ما اريد اضربج بس اريد افهمج انو الي دتطلبي من حقج..صح انتي تريدين تزوجين وتعيشين مثل البنات..بس انتي متزوجتني..وراح تعيشين حياتج وياي..صدكيني اخليج اسعد انسانه بهالدنيا..وراح تحبيني ..

زادن دموعها وقاطعتني:

ابدا عمو مهيمن..لا راح تسعدني ولا راح احبك ولا انت تحبني..

ليش..ليش..تكولين هيج والله وروح ابويه من وكعت عيوني عليج لهاللحظة واني كلبي يرفرف وروحي مسلوبه مني..

ههههه روحك ..مسلوبه منك عمو دتضحك عليه لو دتضحك على نفسك..انت عمرك محبيتني..انت اجيت من بعيد لكيتني كبرانه وحلوة..وطالبه جامعيه..فكلت ليش لا..بكل الحالات هيه مرتي..واخذ الاريده منها..احسن متبقة محسوبه عليه مرة بدون فائدة؟؟

خررب..خررررب لج لتكولين هيج..منين تجيبين هالحجي؟؟

هذا الحجي هو الحقيقة عمو...اني كبرت وعيت ع الدنيا وكمت اميز الصح من الغلط..اني مو ذيج الطفلة الي ضحكو على عقلها بلعابة وغصبوك تتزوجها..واذا تحجي ع الحب..فانت عمرك محبيتني ولا راح تحبني..لان الحب مو معناه حب الشكل والجمال وبس..الحب شي اكبر من هذا تريد اضربلك مثل ..شوف نفسك مثلا..انت حبيت سوزان...ومشفت كل سيئاتها حبيتها كولها..بزينها وبشينها..وعفت اهلك وناسك ع..مودها..وكطعت نفسك من اهلك مثل الشجرة..الي تنكطع من جذرها..رحت وياها وشمرت كولشي وراك!!!

سارة..ليش هيج تحجين ليش هالكد حاقدة عليه؟؟

اني مو حاقدة عليك..اني اكرهك..عمو..اكرهك من كل كلبي!!

تكرهيني؟؟

اي اكرهك..مو لان عفتني ورحت كل هالسنين..اصلا انت شخصك ميهمني ولا جانت الي اي مشاعر تجاهك بيوم من الايام.بس اكرهك لان انت......

انت اناني وتحب بس نفسك..ورحت وره هوه روحك..انت تعرف شلون جان وضع عمو وخالة..من رحت..عمو جان يكابر..ويبين هو قوي..كدامنه بس كلبه مكسر بالضبط مثل الجامه من تنكسر..ويلزكوها بلاصق حتى تبقى صامدة ومتوكع..وخالة عيونها صفت من البجي تشمشم بهدومك..ومكابلة صورتك وتضرب صفنات وحسرات..وعمو مخلي صورتك بجيبه.كل ما اغسل ملابسه الكاه ناسيها بجيبه..انت تركت عائلة كامله ومشيت وره هواك..ومجان بيك خير لا لامك ولا لابوك..لتزعل من كلامي لان احجي..بصراحة تزعجك...بس هو هذا الواقع والي مبي خير باهلة مبي خير لغيرهم..

هي تحجي واني كلبي ينمرد مرد حجيها كوله صدوك..بس ما اكدر انطي بروحي واخليها تكرهني بالزايد..فكلت:

سارة..اني رجعت الكم..وراح يتغير كولشي..راح اخليج انتي واهلي جوة رمش عيني..بس..راجعي نفسج ترة اني ما استحق كل هالحقد الي بكلبج الي..خلي..زوجنا يصير حقيقي وشوفيني شلون راح اعوضج عن كولشي؟؟

تريد زواج حقيقي مو..تريد مرة حاضرتلك..انت مثل واحد اجه جوعان فتح الثلاجة لكه اكله جديدة كال ليش ما اجرب اكلها..اني جوعان وراح تشبعني اول وتالي..بس لا عمو هالاكلة مو الك..اني..مو الك..وعمري مراح اصير الك..اني...لابراهيم هو الشخص الوحيد الي حبيته والي نساني عقدة الطفولة الي جنت احس..بيها..صح هو زعلان مني...هسه بس كولشي يتصلح من اطلكني..وتفوت حالي وتخلين اعيش..

هي تحجي على ابراهيم وتكول احبه واني احس سجاجين تكطع بكلبي فقدت اعصابي فلتت ايدي شبعتها راشديات:

لج لتجبين طاري..هذا الاغبر كدامي..لج اذبحج..واحسب الله ماخالقج.منتبهت على نفسي كم راشدي ضربتها..بس شفت حلكها يجري دم..عفتها ونزلت اصيح:

يمه..يمه..

طلعت امي..تركض:

هايمه شصاير..

سارة بعد متروح للكليه..وتنحبس بغرفتها..واذا عرفت رجلها مخطيه عتبة البيت ......

اقسم برب العالمين..موتها يصير على ايدي..

ودخلت لغرفة ابويه..روحي ثاكبه من حجيها لو مضروب عشر طلقات بصدري ولا هالحجي الي سمعته منها...حاقدة عليه وتكرهني رغم حجيها صح بس عزت عليه روحي....حسيت نفسي طفل وديتعاقب..لا وجماله تكولي احب ابراهيم..والله اكتلها واكتله ولا اخلي يلمس شعره.منها..

سارة::

صح ضربني مهميمن بس ارتاحيت لان كلت كل الي بكلبي..بس انقهرت لان حرمني من الكلية وامتحاناتي بعد اسبوع..شفتي ورمت من ضرباته..بس كلبي ارتاح من وجهتله كل هالكلام.المضموم بصدري..من سنين..جان يطلع يروح للشركة الصبح اطلع من غرفتي للمطبخ اساعد خالة وهي تهدي عليه وتكولي تحملي..وتمدح بابنها..وتكول كلبه طيب..بس..عصبي مثل ابو.. ومرت الايام واني اتحاشه اشوفه بس اسمع صوت السيارة ادخل احبس نفسي بغرفتنا اني وضمياء..بس صوته اسمعه بالبيت ما اشوفه..الى ان طلع اربعين عمو..وراح لاربيل يجيب مرتة وابنه..فكرت هي مراح تقبل تجي وياه وراح يضطر يبقى عدهم..بس..تفكيري متحقق..اجه ثاني يوم هو وسوزان و طفل زغير كولش..سلمت على خالة من ورة خشمها..واني اضطريت اطلع اشوفهم لان خالة صاحتنا كالت تعالن شوفن ابن مهيمن فمردت اكسر بخاطرها فطلعت..هو يباوعلي من فوك لجوه..اني لابسه حجابي ودشداشه طويلة..مستورة..شوية ودخلناجوة لان هي صعدت فوك هي وابنها ومهيمن..هم نفس قبل متنزل يمنا ابد..بقت اسبوع ورة الاسبوع نسمع الطفل يصرخ ليل ونهار..ميسكت ولا دقيقة خالة كلبها ينمرد عليةوتكول:

شبيه هالطفل طاك من البجي لاليلة ليل ولانهارة نهار..كالت لضمياء:
روحي نزلي خلي اشوفه

صعدت ضمياء.ونزلت:

يوم سوزان نايمه والولد طاك من البجي..

جيبي يمه خلي نشوفة اخاف ممتون؟؟

جان نتزله ضمياء..خالة كامت تشبربالطفل.تكول:

ممتون لعد شبيه يفرفح؟
نزعته ملابسه.....

ادور بجسمه ماكو شي هي نزعته..الحفاظة وهي شهكت:

سودة بوجهي..يمه الولد مهروك هرك..مسلهف ويجري..دم!!

كامت خالة غسلتلة بصابونه معقمة وخلتلة فازلين ورشت عليه نشه..وخلته محلل..على جربايةضمياء خطية الطفل سكت غمض عيونه ونام ع البرودة مال المكيف..

ورة نص ساعة نزلت سوزان دخلت لغرفتنا..تصيح:

منو سمحلجن تنزلن ابني من فوك:

جان خالة تجي لغرفتنا بسرعة..وكالتلها:

يمه سوزان الولد مسلهف ويجري دم لازم تبدلين حفاضته كل ساعة وتخليلة فازلين لو كريم مال استلهاف؟؟

عمه معليجن بابني يموت يعيش يسكت يبجي انتن متدخلن ومحدتتجرأ تدخل لغرفتي وتنزل ابني من فوك..ادري بيج هسه يجي ابنج وتصيحين خايسه وجايفة ومخليه ابنها وصخ ويجري دم..

بينما..هي دتصيح ودخل مهيمن وبصوت عالي:

سوزان!!!

لج هاي عليمن دتصيحين على امي؟؟

هي بسرعة بدلت الموضوع:

لا..لا مو على امك ع البنات لان نزلن علاوي واني نايمه فضل بالي؟؟

لج انجبي ولتجذبين جنت بالممر وسمعت حجيج..هاي المرة الاخيرة الي اسمع صوتج يعله على امي افتهمتي..

اي افتهمت رادت تشيل الطفل كلها:

علاوي هنا راح يبقى يم امي لو يم البنات وانتي فوتي صعدي فوك خلي نايم مرتاح صارلة يومين يصرخ..طك من البجي..

جان هي تصعد ويصعد وراها..بقةالطفل يمنا بالغرفة خطيه نايم ولاتحرك..بس ضمياء كالت:

راح انام يم امي بغرفتها لان ما اريد احرك علاوي خلي نايم على جربايتي....فدوة سارة ديري بالج عليه واذا كعد صيحي امي تسويلة مميه..خطية..

ماشي روحي نامي..ضماوي اني ادير بالي عليه..

بقيت سهرانه اخاف الطفل يكعد خطية كسر خاطري كاعده اكلب بالموبايل طلعت صور ابراهيم لان جنت حافضتهن عندي بالرام وضامة الرام..بس اشتاقيتله صار كومة مشايفته..اباوع بالصور وابجي..على.حضي المصخم..

مهيمن::

خليت سوزان ........

نايمةونزلت جوة كلبي منطاني ردت اطمئن عليه..فتحت الباب بسرعة جان سارة تفز مني وتضم الموبايل وتخلي..الحجاب على راسها بسرعة..حركتها السريعة خلت كلبي يلعب:

جيبي الموبايل!!

شتسوي بي عمو..يعني موبايلي خاص ميصير انطيكيا تقبل اخذ موبايلك منك

ادنيت يمها لان اعصابي فارت..ولويت ايدها:

لج انطيني الموبايل لا اموتج..

اخذته منها بالكوة اول مفتحته طلعتلي صورة ابراهيم عقلي طار مني؛
جريتها من حجابها وكع بعدين جريت شعرها حيل..هي تصرخ:

اخ..اخ شعري..هدني..هدني

ولج اليوم اموتج..ولج بعده هذا المهتلف ابالج..اموتج..وميحصل شعره منج..كتلج انتي مرتي..واذا تفكرين بغيري اموتج واموته..

اني ما اريدك..ما اريدك انت ماعندك كرامة طلكني..طلكني وخلصني منك..

وبينما دتحجي جان تدخل سوزان وجهها ينطي الوان..كالت:

شنو هذا الي سمعته..شنو هاي شدتحجي مهيمن..تكولك طلكني....شنو انت متزوجها..شوكت تزوجتها فهمني..

عفت سارة والتفتت عليها:

اي سارة زوجتي..ومتزوجها من زمان قبل ما اتزوجج....هي مرتي وحالها من حالج؟؟

مصدكت عيوني من شفتها نزعت..الشحاطه وهي تكول:

ياكلب..ياحقير..يازبالة..اني تاخذني على ضرة..و..وقبل متوصل يمي..

لزمت ايدها بودي اموتها شكد سافلة ومامرباية تشيل الشحاطة بوجهي لزمتها لويت ايدها حسيت عضمها طك بايدي وهي تصرخ..دفعتها..جلاليق ورفس..وبوكسات واني اصيح بعلو صوتي:

ولج اني تشيلين الشحاطة بوجهي..بت الكلب..بت الساقطة..موتتها كتل امي وضمياء اجوي ع الصوت ولازماتني وسارة هم ..تبجي وشابكة علاوي اخاف ضربه تلوحه..وسوزان من..الضرب وكعت ماعت روحها..

امي ترش عليهامي..صحت سحلتها صعدتها بالسيارة ومفكرت..غير بس اوصلها لابوها واشمرها عنده...الطريق كله تونون وتبجي لان ايدها مكسورة.رغم الطريق طويل جنت طايربالسيارة.......

بس..اريد اوصل وصلت وجه..الصبح..دكيت الباب..فتحت الخدامة مالتهم شلتها وطبيت امها نزلت شافتها كامت تعيط نزل ابوها ع الصوت:

كتلة هاي بتك..مطلكة..لان المرة الي تشيل شحاطة على رجلها ما مرباية ومتستاهل تضل على ذمته يوم واحد

ومشيت..ابوهه يصيح:

اني اعلمك ابن الفكور..اله..اخيسك بالسجن

التفتت؟؟

لا..لا..خوفتني..ليش متبول..بالشارع واني اتزحلك!!

وعفتهم امها تعيط صعدت سيارتي ورجعت..فولت بانزين من..اربيل ورجعت لبغداد..وصلت امي تلكتني:

ها يمه..شصار...دخلتها مستشفى وين اخذت بت العالم

يمه طلكتها وشمرتها ابيت ابوها..

ياااا..يمه والطفل شلون بيه..

يمه ابني يبقى عندي واليوصل لابني..اكص ايده ورجله

بقيت يومين جان تجيني الشرطة للبيت ثالث يوم من الصبح وياخذوني..ابوهه مشتكي عليه..لان ضارب بته وكاسر ايدها ومقدم تقرير للشرطة..وقفوني..اسبوع..بعدين صعدت..اوراقي للقاضي رغم خوالي واكفين..وياي ومخلين محامي بس انحكمت6..اشهور..كلت هين يخلصن. ال6شهور واني اعلمه ابوها

انتظروا بارت9♥♥♥♥♥♥♥♥

[فيتامين سي]

البارت9

بقيت شهرين بالسجن امي تزوني هي وحمودي..وخوالي مرات يجون..اسألها على علاوي تكولي سمنان وكبران وميوكع من ايد سارة..وتموت عليه..كل شويه تلبسه شكل وعايفة الدنيا ومتفرغة بس لهالطفل فرحت حسيت اكو امل..مادام حبت ابني..اكيد كلبها راح يلين وتفكر بيه بالمستقبل..طلبت من امي اجيبلي صورة لعلاوي..وصورة لسارة وفعلا جابتلي صورهم للسجن..بقن عندي كل يوم اطلعهن اتأملهن وارجع اضمهن ..بجيبي..والمحامي زارني للسجن وفهمني انه موضوع طلاك سوزان وحضانه الطفل اجلته المحكمة الى ان اخلص محكوميتي واطلع..بس اني هم راجعت نفسي كلت حرام احرمها من ابنها مهما يكون..واذا طلعت ارجعها..ع مود ابنها...ومرت الايام والاشهر..وبعد شهر وتخلص مدة السجن تفاجأت ابو سوزان جاي يزورني..فكرت يمكن جاي يعتذر..اذا جاي يعتذر ممكن ارجعها من اطلع ع مود علاوي بس انصدمت من سمعته يكول:

اتمنه السجن رباك زين مهيمن..ابن الفكر..تطلع من السجن ورقة طلاك المحكمة توصلنا..لان بتي جايها نصيب وتريد تتزوج وتطلع خارج العراق..

هااا..بسرعة لكيت لبتك رجل..والله صدوك انت ديمقراطي مثل مكال ابويه الله يرحمه..وبتك..ام الرجولة..من تريد تعرس من جديد وتسافرمفكرت بابنها؟

متريد منك شي..والطفل الي من ريحتك هم متبريه منه ومتريده..عمي انت طالبنه بطلابة طلك بتنا..ودز ورقتها وفوت حالنا

ماشي..تدللون ورقة الطلاك توصلكم وفوكاها قندرة

ورة شهر..طلعوني بس مكلت لامي طالع بهاليوم لان اريد..اسويها مفاجئة وافرحها بس اول مطلعت خابرت المحامي كتله يبلش باوراق الطلاك..وصلت للبيت..ساعة 3ونص..الضهرامي شافتني ماصدكت تحضن بيه وتبوس وضمياء وحمودي تلكوني.بالاحضان اني عيوني تدور بالبيت ادور على ابني وعلى سارة..كلت:

يمه علاوي..وين؟......

علاوي اووف يمه هذا ابنك مو تكول طفل عبالك شيطان الليل كوله يلعب..وسارة متكول لا للصبح كاعدة وياه تلعب بيه وحارمها نوم الليل وبالنهار تلكاها حاضنته ونايمة!!

ضحكت..رحت لغرفة البنات فتحت الباب على كيفي..لكيتها صدوك حاضنته شعرها عالمخدة والركبه تلمع..ومخليه خشمها بشعر علاوي ورايحين بسابع نومه..اوووف هنيالك..علاوي هنيالك بابا شيصير..لو فد مرة سارة تحضن ابوك هالحضنه الحلوة♥♥♥

امي صبتلي..غدة تغديت وبقينا نسولف اني وهي وضمياء..وتكول عيال..ضمياء..ياخذوها ورة دورة السنه مال المرحوم..وسوالف تجر سوالف صار العصر..ورة شوية جتي ضمياء شايلة علاوي:

وهذا البطل علاوي كعد من النوم

وانطتنيا يخبل ودبدوب صح عمرة 8اشهر بس يبين اكبر.وهوهم مااستغرب كبل شبك علية ويضحك ويجرجر بشواربي ولحيتي..واني ابوس بي واعضعض بخدوده ضمياء تضحك:

شوف الملعون شلون شبك على..ابو..ويضخك صدوك لو كالت امي شيطان..
سألتها:

سارة كعدت؟؟

اي كعدت هسه اصيحها..تسلم عليك!

لا لتصيحيها خليها اذا تريد تسلم هي من كيفها تجي خليها ع راحتها!!

اخذت علاوي ودخلت بغرفة ابويه امي دخلت يمي..خلت راسي على رجلها واصابعها بشعري..خطية ممصدكة طلعت من السجن...وعلاوي يلعب داير مداير الجرباية

سارة::

جنت اصفط بملابس..علاوي.. دخلت ضمياء:

شنو القصة سارة ليش هيج كلبج صخر على اخويه يعني صار اكثر من 3ساعات من اجه للبيت مفكرتي اطلعين تسلمين عليه..هسه ع الاقل كولي ابن عمي..مو رجلي؟؟

هااا اي ..اي هسه اصفط ملابس علاوي واطلع اسلم عليه

ضمياء اخذت موبايلها وطلعت واني فتحت باب الغرفة ملكيت احد بالصالة باوعت..باب غرفة خالةمفتوح اكيد كاعدين هناك بس استحي افوت.رحت خدرت جاي..وكلت اسوي نفسي جايبة الجاي واسلم عليه..اخذت الصينيةوقبل ما ادخل اسمع خالة تكوله:

لايمه حشاك مكرم لتكول على نفسك هيج

باوعت هو مخلي راسه ع رجلها..وسمعته يكول:

لاوالله يمه زمال واكبر..زمال ضيعت احلى سنين عمري على ناس متسوة يمه تصدكين دازه ابوها للسجن تريد ورقة طلاك محكمة لا وفوكاها يكولي انخطبت وتريد تعرس..وتطلع خارج العراق تعيش حياتها..ومتبرية من ابنك متريد من ريحتك..طفل..

يايمة..دخلي تولي دفعة مردي..ع شنو ضايج ع هاي المعصعصة ام فجوج؟؟

لايمه مضايج عليها اصلا بعد جيه ابوها للسجن كرهتها كره الصنم وداعة عيونج..بس ضايج ع روحي اكول شبيه مخبل عفت ناسي واهلي وخليت ابويه مات بحسرته ع مود وحدة ممربايه وماعدها ذرة وفه الي..يمة متعرفين شلون الندم ياكل بروحي ..مرات افكر اخلي طلقة بكلبي واخلص من هالندم

اسم الله عليك بعد امك شهالتفكير..شو عندك هذا وليدك جنه وردة..ومرتك سراوي ..تكل للكمر غيب وانه بمكانك..عيش حياتك ييمه وانسه الندم والماضي!!

يمه سارة حاقدة عليه وتكرهني..وتكول..انت متحبني ولا راح تحبني تفكر..بيه لان لكيتني كبرانه وحلوة يمه متعرفين الحجي الي وجهته الي يمه كل كلمة..سجينه تكطع بكلبي..ما اكدر انسه ولا كلمة من حجيها..

يمه حقها..عفتها 8سنين وتريد تجي تلكة لسانها طيب وتحبك اشافت منك اكيد تكلك ماحبيتني ولا راح تحبني؟؟

يمه بس اني احبها وداعة عيونج..احبها صح ماعاشرتها هواي..بس اكتشفت الحب مو بالعشرة..الحب نبض يمه ..واني من شفتها لليوم كلبي يرفرف مثل الطير..عليها..ادري محد راح يصدكني بس هاي الحقيقة حبيت سوزان..سنين وسنين بس ماكو بكلبي هاللهفة ..سارة 4شهور صورتها بجيبي كل شويه..اطلعها واحلم اشوف عيونها ما اريد منها شيء..شوفتها تكفيني..خليها تكرهني المهم اني احبها..

سمعته يكول لخالة هالحجي عني ويكول احبها..حسيت وجهي صار..نار استحيت..مكدرت افوت اسلم عليه..

رجعت..خليت..الصينية بالمطبخ..ودخلت للغرفة افكرمعقولة صدوك يحجي بعد كل هالحجي الي كلته اله وهو يكول احبهاورغم بوجهه صرخت اكرهك وما اريدك!!!بس هالوضع لشوكت يبقى..يعني لاهو زوجي صدوك ولا مطلكني..حجيه ويه خاله حسسني اني حيل قاسية عليه..بس شاسوي اني جنت صريحة وياه..وهو رغم صراحتي وكل حجي التجريح بعده يكول عني احبها..بعدين اذا اصريت ع الطلاك راح..انحرم من علاوي واني روحي معلكة بهالطفل..ليش ما اجرب انطي مهيمن فرصة ثانيه شكو بيها..ليش سادة كل البوب بوجهه..واذا على ابراهيم هو وينه اشو اختفه وتخلى عني..من اول مشكلة والحب الجان يحجي عنه...موكف بعينه تركني..وتبخر مثل غيمة الصيف..بقيت بغرفتي..مستحيه..اطلع هسه لو مسامعته يكول احبها جان اهون عليه وطلعت سلمت بس من كال احبها..وتكفيني شوفتها كمت استحي بالزايد..طلعت وكت العشة جان هو طالع..من البيت..اي الحمد لله مموجود..تعشيت..وضمياء..ع السطح تدوك سوالف ويه خطيبها..يسولفون ع تجهيزات العرس..اني بالغرفة علاوي نام من وكت اعرفة يوميه ينام من وكت ويكعد ساعة بالوحدة بالليل بس يريد يلعب..

خليته..ع جربايتي محسيت..الا..الباب انفتحت:

مهيمن::

رجعت للبيت الساعة ب10..لكيتهم متعشين..امي نايمه وحمودي بيده الريمونت..ونايم ع التخم بالصالة.. كلت..اروح ابوس علاوي واكل لضمياء تصبلي لكمة قبل ما اصعد انام..بس فتحت الباب شفتها فزت خلت شال على راسها محد بالغرفة..علاوي نايم وضمياء ماكو بس هيه بالغرفة..دنكت ادنيت..كعدت ع طرف جرباية ضمياء..:

اشو مسلمتي عليه..شنو..مجان بودج اطلع من السجن:

لا..لا عمو..هلة بيك..اني جيت اسلم عليك..العصر بس..جنت انت بغرفة خالة فاستحيت ادخل؟؟

منين استحيتي مني..لو من خاله؟

.سكتت بس احسها مرتبكة بقت تعدل بشالها:

سارة انتي تصلين وتقرين

قرآن..مو؟؟

اي الحمد لله
وكفت كبالها بيني وبينها ربع متر!!

زين اكو آية قرآنية مذكور بيها..لازم المرة تلبس حجاب من رجلها

هاااا...لا..لا ..ماكو..

دنكت..كتلها:

اشو..رفعي راسج..باعيلي♥♥

رفعت راسها..

دخيل الله شلون خلقة..تخبل

ابتسمت..تشجعت..مديت ايدي نزعتها الشال..لزمت ايدها..حسيت ايدها ترجف..بيدي وكلبها يدوك بسرعة..ايدها وكعدت ع الجربايه كعدتها كبالي:

هههههه شبيها ايدج ترجف؟؟

هاااا..عمو..مو متعودة احد يلزم ايدي ؟؟

ليش..حبيبج ابراهيم ملازم ايدج..قبل..مماخذلة بوسه من شفايفج الحلوة؟

تقصدت اسألها هالسؤال لان شاغل بالي..ودائما افكر..بيه..بس هي جانت رده فعلها سريعه فكالت بلهفة:

لا..لا عمو..استغفر..الله وداعة علاوي بعمرة ابراهيم متجرأ..يرفع عينه بعيني..هو اصلا حيل مؤدب؟؟

هااا..بعدج تمدحين بيه..لازم بعده بالكلب:

تنهدت وكالت:

لا عمو..محد بكلبي وابراهيم نسيته..من يوم الي..نساني واتخله عني باول مشكلة تصادفنا!!

اكيد؟؟

اي اكيد عمو وداعة علاوي نسيته؟؟

هههه اشو تحلفين بعلاوي هالكد تحبيه؟؟

التفتت عليه:

اذا اكولك احبه اكثر من روحي مراح تصدك؟؟

الله..الله...زين..وابو علاوي ماكو اله وشالة..محبة بكلبج منا..منا؟؟

ابتسمت..

لا...لا ماكو ولا وشالة الك؟؟

اخ شلون ابتسامه هاي تشهي العليل؟؟

لخاطر الله عمو..لتخجلني فدوة اسكت!!

مديت ايدي ع شفتها..عصرتها..خدودها..صارن حمر..وخرت ايدي

عمو..هاي..شنو منك..صدوك جذب؟؟..

قبل متكوم..جريتها بحضني ولفيت ايدي عليها:

من عمت عينه عمو.. ع القهر..وج مشتاقلج بكد الهوه.

بس..عمو؟؟

بعد عمج لتبسبسين..شويه ابقي بحضني لخاطر..رب العالمين..رحميني خمس دقايق اريد احضنج ما اريد شي..لتخافين..

هدأت بعد ما اسمع بس نفسها..يصعد وينزل بسرعة وكلبها يدك يم كلبي

بست شعرها..كم بوسة..هي مستحيه..وكمت احجي ع كيفي باذنها:

شوفي تكرهيني..متكرهيني هسه مو مهم..بس قسم عليه وعلى شبابي..اله اخليج...تحبيني..لا ومو بس تحبيني..تتحلمين بيه مثل ما..مااني هسه كلبي..يتفتت تفتت..واحلم بيج..كل ليلة..وهذا الحقد الي بكلبج..اله اخليه يتبدل حب..و عشك..وشوق الي..وكل ساعة بعد بيني وبينج اعوضها..من عمرنا..الجاي..سعادة..وراحة بال..خلصت كلامي..دنكت بست ركبتها..هي خطية مشدوهة ومستحيه عبالك الحجي ضاع من لسانها بس صافنه بوجهي..وعيونها يلمعن مثل عيون الطفل.

انتظروا بارت10♥♥♥♥