آخر 10 مشاركات
ندوب من الماضي ~زائرة~ || ج2 من وعاد من جديد || للكاتبة: shekinia *كاملة (الكاتـب : shekinia - )           »          خائف من الحب (161) للكاتبة : Jennie Lucas .. كاملة مع الروابط (الكاتـب : nagwa_ahmed5 - )           »          أترقّب هديلك (1) *مميزة ومكتملة* .. سلسلة قوارير العطّار (الكاتـب : كاردينيا الغوازي - )           »          طبيب قلبي .. *مميزة ومكتملة* (الكاتـب : lolla sweety - )           »          عرض مغرى (148) للكاتبة Michelle Conder .. كاملة مع الروابط (الكاتـب : nagwa_ahmed5 - )           »          دموع بلا خطايا (91) للكاتبة: لين جراهام ....كاملة.. (الكاتـب : *ايمي* - )           »          حقد امرأة عاشقة *مميزه ومكتملة* (الكاتـب : قيثارة عشتار - )           »          651 - الجميلة والسجين - Iris Carole - د.م (الكاتـب : الحبــ الكبير - )           »          69– يدان ترتجفان - كاي ثورب – روايات عبير القديمة(حصريا) ( مكتوبة/كاملة )** (الكاتـب : أمل بيضون - )           »          آسف مولاتي (2) *مميزة ومكتملة * .. سلسلة إلياذة العاشقين (الكاتـب : كاردينيا الغوازي - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات العربية المنقولة المكتملة

إضافة رد
 
LinkBack أدوات الموضوع انواع عرض الموضوع
قديم 06-10-18, 12:19 PM   #11

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



بسم الله الرحمن الرحيم
لا تدع القراءه تلهيك عن الصلاه
الفصل التاسع
💘💘💘💘💘💘💘💘💘💘
فى منزل حسن
الهام:يعنى ايه الكلام ده يا حسن...هتكون راحت فين يعنى
حسن:معرفشى البواب بيقول بقالها اكتر من شهرين مرجعتشى الشقه
الهام:تبقى اكيد عند امها ...مهو لا يمكن تكون امها قعدت شهرين كاملين متعرفشى عن بنتها حاجه
حسن:يا سلام ما انا ابوها ومسألتش عليها من يوم العزا
الهام:اه بس انت كان عندك عذرك انت بتشتغل مش فاضى ..فأكيد هتكون عند امها
حسن:انا قلقان لتكون مش عندها والبنت يكون حصلها حاجه
الهام:طيب لما هى بقالها شهرين مش بترجع البيت اكيد بتروح المستشفى كلم صاحبك واسأله
حسن:كلمته قالى انها راحت بعد العزا بأسبوع اخدت اجازه من المستشفى ولما مرجعتشى الشغل بعد الاجازه ما خلصت مرضاش يعمل اى إجراء علشان خاطرى انا
الهام:على العموم بنتك كبيره مش صغيره يعنى ميتخافشى عليها ...دلوقتى بقى قولى هنروح نصيف فين
حسن: نصيف ايه بقولك بنتى مش لقيها ...تقوليلي هنروح نصيف فين
الهام:بتأفف:يوووه يا حسن هتلاقيها عند امها فكنا من الموضوع ده بقى متزهقنيش
حسن؛خلاص يا الهام متزعليش وشوفى يا حبيبتي انتى عايزه تروحى تصيفى فين
الهام:وهى تقبله:ايوه كدا ...ايه رأيك نروح العين السخنه
حسن:حاضر يا حبيبتي ذى ما تحبى
💁💁💁💁💁💁💁💁💁💁💁💁💁💁
فى مكتب أسر
دخلت اميره المكتب بعد أن اذن لها أسر بالدخول
أسر:اتفضلى اقعدى يا اميره
اميره:وهى تجلس:دادا جمالات قالتلى أن حضرتك عايزنى
أسر:ايوه فعلا انا كنت عايزك علشان اعتذرلك عن اللى حصل النهارده من سحر
اميره:مالوش لزوم الاعتذار حضرتك ملكشى ذنب
أسر:بردوا انا اسف على اللى حصل ولو ظهرك بيوجعك اجبلك دكتور دادا جمالات قالت إن الوقعه كانت جامده
اميره:بأحراج:لا مبقاش يوجعنى ...المهم بسمه كويسه
أسر:وهو يمسح على وجهه بكفه:انا مش عارف هما عايزين ايه فلوس وبديهم كل شهر مطلبتش منهم حاجه غير بسمه وكانوا موافقين انها تعيش معايا ايه اللى حصل بقى
اميره:يبقى حضرتك لازم تقعد معاهم تشوف هما عايزين ايه
اخذ أسرينظر لاميره التى تنظر الى الارض ولا تنظر إليه حتى وهى تتكلم وحاول أن يتذكر ما هى لون عينيها ولكنه لم يستطيع التذكر
أسر:هو انتى ليه على طول بصه فى الارض
اميره:علشان ربنا امرنا بغض البصر ..قال الله تعالى ..بسم الله الرحمن الرحيم
.(قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ).
صدق الله العظيم
أسر:بنظره اعجاب :صدق الله العظيم ...ربنا يقوى ايمانك
بسمه:اللهم امين ...حضرتك محتاج منى حاجه تانيه
أسر:لا شكرا ليكى يا اميره ..تقدرى تتفضلى
بسمه:وهى تقف:بعد اذنك
وتركت الغرفه وخرجت بينما يتبعها أسر بعينيه ويفكر هل من الممكن أن يعجب بفتاه لم يرا منها اى شئ
💁💁💁💁💁💁💁💁💁💁💁💁💁
فى اليوم التالى
قام الطبيب بفك الجبس الموجود على ساق جميله ونصحها بالسير وتناول الدواء وكانت تجلس فى شرفه غرفتها تفكر عندما دخل عليها عمر
عمر:الف مبروك الدكتور قالى أنه فك الجبس ليكى
جميله:الله يبارك فيك
عمر:وهو يجلس على المقعد الموجود أمامها:انا اسف لو كنت قولت اى حاجه زعلتك اخر مره قعدت فيها معاكى
جميله:حصل خير
عمر:انا قلقان من اللى ممكن يحصلك لو سيبتك تروحى وصدقينى ائمن مكان ليكى هو هنا
جميله:وهى تنظر له بحده:مين اللى قال كدا انت بنفسك قولتلى انك سايبنى بمزاجك يعنى ممكن فى اى وقت تأخد اللى انت عايزه وترمينى صح ولا غلط
عمر:انا بجد اسف انا مكنشى قصدى حاجه من اللى انتى فهمتيها انا كنت لسه راجع من عند مروان وسألنى عليكى
نظرت اليه جميله بتساؤل
جميله:سألك عليا ليه ...هو عايز منى ايه
عمر:بصوت خفيض :كان بيسألنى عامل ايه معاكى وقالى أنه عايزنى اسيبك ليه بعد الصفقه ما تخلص
جميله:بدموع:وانت هتعمل ايه هتسيبنى ليه ذى ما هو عايز
عمر:بأنفعال:لا طبعا انا وعدتك بالامان ..متقلقيش كله هيبقى تمام ومحدش هيلمس منك شعره
جميله:ببكاء:يا سلام يعنى انت عايز تفهمنى انك هتخسر شريكك علشانى ...اكيد هتودينى ليه ذى ما هو جابنى ليك
عمر:متقلقيش عمرى ما هعمل كدا انتى فى أمان ولأخر نفس فيا انتى فى أمان ...انا بس عايزك تثقى فيا
جميله:وهى تجفف وجهها:مفيش قدامى غير انى اثق فيك ...بس بدعى ربنا مندمشى على الثقه دى
عمر:بثقه: مش هتندمى ...صدقينى مش هتندمى
💁💁💁💁💁💁💁💁💁💁💁💁
فى النادى
كانت شذا تجلس على طاوله تتناول الافطار عندما تقدم منها محمد
محمد؛اسف لو كنت اتأخرت عليكى ممكن اقعد
شذا؛ايوه طبعا اتفضل...تحب تفطر
محمد:لا شكرا مش بفطر...انتى عامله ايه
شذا:الحمد لله انت عامل ايه وعمو عامل ايه
محمد؛كويس الحمد لله...طبعا انتى عارفه انا جاى النهارده ليه
شذا:ايوه طبعا عارفه ...وانت بردوا عارف ردى كويس وانا بصراحه مش شايفه اى داعى للقعده دى لانى قولتلك رأيي فى الموضوع
محمد:اه ما انا عارف كدا كويس اللى انا مش عارفه انتى ليه بترفضى ...انتى انسانه جميله ولسه فى اول عمرك متقنعنيش انك هتفضلى كدا طول العمر
شذا:انا مش محتاجه اقنع حد بحاجه دى مسأله شخصيه ...وانت بنى ادم محترم وبابايا وباباك صحاب يعنى ملوش لازمه نضيع صداقتهم علشان الموضوع ده انت عارف ان الجواز قسمه ونصيب واحنا نصيبنا مش مع بعض
نظر محمد اليها قليلا ثم ابتسم بسخرية وقال
محمد:عارفه انا لما قولت لماما انى عايز اتقدملك قالتلى ايه ..قالتلى تتجوز واحده خرج بيت ليه وانت فى ايدك تتجوز بنت بنوت بس انا قولتلها أن الموضوع ده ميفرقشى معايا ...بس انا عرفت انتى بترفضى ليه ...انتى عايزه تعيشى حياتك براحتك ولما ربنا يهديكى وتتجوزى هيبقى اسمك كنتى متجوزه قبل كدا ..يعنى ميفرقشى وقتها نمتى مع كام واحد لانك كنتى متجوزه
شذا:وهى تقف:انت بنى ادم مريض وانا مش هقعد معاك ثانيه واحده ...انا بس عايزاك تعرف حاجه واحده...انا اشرف من مليون واحد ذيك
وتركته واتجهت إلى مكان سيارتها وهى تحاول منع نفسها من البكاء حتى وصلت الى السياره واستقلتها وخرجت من النادى فأنفجرت فى البكاء لدرجه اجبرتها أن توقف السياره على جانب الطريق وتكمل بكائها ….. نهايه الفصل
💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘




فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 06-10-18, 12:20 PM   #12

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


بسم الله الرحمن الرحيم
لا تدع القراءه تلهيك عن الصلاه
الفصل العاشر
💘💘💘💘💘💘💘💘💘💘💘💘
كان نبيل يراقب شذا من بعيد وعندما توجهت إلى سيارتها غاضبه استقل سيارته وتبعها ورأها وهى تبكى وكان يريد أن يعرف ما الذى قاله لها هذا الرجل لتبكى بهذا الشكل ولكن قبل أن يفكر فى اى طريقه لذلك دق هاتفه واجاب عليه
نبيل:الو ايوه يا نهى عامله ايه
نهى:انا كويسه يا بيبى انت فين
نبيل:ابدا انا كنت فى النادى ولسه مروح فى الطريق انتى اللى فين
نهى:انا لسه داخله النادى اهو ارجع بقى علشان عايزاك فى موضوع
نبيل:معلشى يا نهى خليها فى يوم تانى
نهى:بأصرار:مينفعشى يا بيبى لازم تيجى دلوقتى Please
نبيل:وهو يرا شذا تنطلق بسيارتها مره اخرى:خلاص يا نهى انا راجعلك اهو
وادار سيارته وعاد الى النادى مره اخرى ...وبعد فتره كان يجلس مع نهى التى تلتصق به كعادتها يتناولون المشروبات
نهى:ممكن بقى تقولى انت مهتم باللى اسمها شذا دى ليه كدا
نبيل : انتى عبيطه ولا ايه مش مهتم ولا حاجه انا بس عايز امسك عليها غلطه علشان اردلها اللى عملته معايا
نهى:وهى كانت عملت ايه يعنى ...مش اول مره نتطرد من المدرج
نبيل:انا عارف انها مش اول مره ولا هتكون اخر مره بس متكونشى واحده ذى دى هى اللى طردتنى علشان كدا لازم اكسر عينها
نهى؛طيب قولى هتعمل معاها ايه ...يمكن اقدر اساعدك
نبيل:لا متأخديش فى بالك انتى انا هعمل ايه ...قوليلى صحيح انتى رجعتينى تانى علشان تتكلمى عن البت دى
نهى:لا طبعا انا كنت عايزه اعزمك على حفله بابى عاملها بمناسبه عيد جوازه هو ومامى هتكون الاسبوع اللى جاى
نبيل:خلاص ماشى تمام هأجى …
نهى:وانا هستناك يا بيبى
💁💁💁💁💁💁💁💁💁💁💁💁💁
فى منزل سحر
ذهب أسر الى منزل سحر ووالدتها ليتحدث معهم حتى يعرف ما الذى يريدونه منه
أسر:وهو يصافح سحر:ازيك يا سحر امال طنط تحيه فين
تحيه:وهى تدخل عليهم:ازيك يا اسر عامل ايه يا بنى
أسر:الحمد لله حضرتك انا كنت جاى علشان اتكلم معاكوا فى موضوع بسمه
تحيه:وهى تجلس:طيب اقعد الاول هنتكلم وانت واقف
أسر:وهو يجلس:بصى يا طنط انا مش لما حصل اللى حصل اتفقت معاكوا أن بسمه هتفضل معايا وان المصروف الشهرى اللى ادم اخويا الله يرحمه كان بيديه لحضرتك هيفضل ذى ما هو ...ايه اللى جد بقى
سحر:يا سلام كل ده علشان روحت اشوف بنت اختى مكنشى العشم
أسر:انتوا تنورونى فى اى وقت بس انتى يا سحر اتعاملتى مع المربيه بتاعت بسمه بطريقه مش كويسه مترضيش حد
تحيه:هى عندها حق بردوا ما انت سايب البنت مع واحده غريبه منعرفشى عنها اى حاجه
أسر:اميره شغاله عندى من زمان ودى بنى ادمه محترمه جدا على فكره
سحر:وانا اعرف بقى منين الكلام ده ...كل اللى انا شايفاه انك سايب بنت اختى مع واحده غريبه
أسر:بتنهيده:وانا ايه اللى مطلوب منى دلوقتى
تحيه:لازم نشوف تعامل البنت دى مع بسمه من قريب ...يعنى هنيجى انا وسحر نقعد معاكوا فى الفيلا اسبوع او اسبوعين علشان نتطمن على بسمه ايه رايك
أسر:البيت بيتكم واللى انتوا عايزينه اعملوه بس اهم حاجه عندى مش عايز مشاكل مع اميره لانها بجد انسانه محترمه جدا
تحيه:بنظره ذات معنى لسحر:متقلقشى احنا اهم حاجه عندنا بسمه بنت المرحومه الله يرحمها
💁💁💁💁💁💁💁💁💁💁💁💁💁
فى شقه كوثر
كانت كوثر تشاهد التلفاز عندما دق باب المنزل ووجدت امانى على الباب
كوثر:بدهشه:أمانى….اتفضلى ادخلى اهلا وسهلا
امانى:وهى تدخل:انا اسفه لو كنت جيت فى وقت مش مناسب ومن غير ميعاد
كوثر:متقوليش كدا البيت بيتك اتفضلى اقعدى
امانى:وهى تجلس: الحقيقه انا جايه النهارده اتكلم معاكى شويه عن خالتى سهير وطريقه كلامها معاكى
كوثر:والله انا مش عارفه هى مش بتحبنى ليه بالرغم من انى وربنا وحده اللى عالم بحبها ذى أمى الله يرحمها وبحاول على اد ما اقدر اعملها اللى هى عايزاه
امانى:انا عارفه وشوفت ده بعينى بس مشكله خالتى انها مش مقتنعه أن حسام خلاص كبر اختار عروسته بنفسه من غير ما هى تختارله
كوثر: بحزن:يعنى افهم من كلامك انها مش عايزانى
أمانى :لا طبعا انا مقصدشى كدا انا اللى اقصده أن انتى تصبرى عليها وواحده واحده هتتعود أن خلاص انتى بقيتى مرات ابنها
كوثر:انا والله بعمل اللى هى عايزاه ومش بحاول ازعلها فى اى حاجه
امانى:بصى يا كوثر انتى بتحبى حسام
كوثر:بخجل:بصراحه اه …
امانى:بأبتسامه:يبقى خلاص دى اهم حاجه ومتقلقيش من اى حاجه تانيه اهم حاجه انكم تكونوا بتحبوا بعض ربنا يتمملكوا على خير
كوثر:يارب يا امانى ادعيلى
💁💁💁💁💁💁💁💁💁💁💁💁💁💁
فى منزل شذا
كانت شذا مازالت تبكى فى غرفتها بسبب ما قاله محمد لها فأخذت تتسأل هل بالفعل يراها الناس هكذا ...هل يتصورون انها تحيا كما تريد تحت غطاء انها كانت متزوجه من قبل عند هذه الفكره اذدادت نبره بكاءها فى الارتفاع لدرجه سمعها والديها واضطروا فى النهايه بعد فشلهم فى تهدئتها أن يحضروا الطبيب الذى اعطاها حقنه مهدئه أدخلتها فى نوم عميق
💁💁💁💁💁💁💁💁💁💁💁💁💁💁
فى اليوم التالى
فى فيلا أسر
حضرت سحر وتحيه بالفعل ورتبت لهم جمالات غرفتين فى الفيلا حتى يقيموا فيها وبدأ عملهم بعد خروج أسر الى الشركه
كانت اميره فى غرفه بسمه تقوم بالتغيير لها عندما فتح باب الغرفه بدون استئذان فأنزلت اميره نقابها بسرعه على وجهها ظننا منها أن الداخل هو أسر ولكنها وجدتها سحر التى تنظر لها بسخريه
سحر:خلصتى اللى بتعمليه ولا لسه
اميره:انا بغير لبسمه دلوقتى محتاجه حاجه
سحر:ابدا كنت عايزه اخد بسمه خلصى يلا علشان اخدها
اميره:حاضر ...وانهت عملها وابتعدت قليلا لتتمكن سحر من حمل بسمه التى ما أن رأتها حتى انفجرت فى البكاء
سحر:وهى تنظر لاميره:هى بتعيط ليه انتى عملتلها ايه
اميره:انا معملتش ليها حاجه هى بس مش متعوده أن حد غريب يشيلها
سحر:انا مش غريبه انا خالتها يعنى امها فهمتى
اميره:انا فهمت بس دى طفله متفهمشى الكلام ده لانها مش متعوده عليكى
سحر: دلوقتى مش متعوده بكره تتعود لانها هتعيش معايا على طول هنا
لم تفهم اميره ما تقصده سحر من كلامها ولم تهتم به أو تحاول التفكير فيه .... نهايه الفصل
💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘


فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 06-10-18, 12:21 PM   #13

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


بسم الله الرحمن الرحيم
لا تدع القراءة تلهيك عن الصلاة
الفصل الحادي عشر
💘💘💘💘💘💘💘💘💘
فى الشركه
كان أسر يجلس معه أحمد فى مكتبه يتحدثون
أحمد:يا نهار ابيض يعنى دلوقتى سحر ومامتها عندك فى البيت
أسر:ايوه امال انا بقولك ايه من الصبح
احمد:انت عارف انت كده عملت ايه انت حطيت النار جنب البنزين وقابل بقى خناقات وشتيمه كل يوم
أسر:انت كدا قلقتنى وخصوصا أن سحر المره اللى فاتت عاملت اميره بطريقه وحشه جدا
احمد:والله اميره دى صعبانه عليا زمانهم بيتسلوا بيها دلوقتى
أسر:متقلقنيش بقى وكمان جمالات معاها مهياش لوحدها
احمد:بخبث:وانت تقلق ليه عليها دى مجرد المربيه بتاعت بسمه يعنى لو مشيت فى الف واحده غيرها
أسر:وهو ينظر امامه شاردا:معتقدشى ...تصدق يا احمد اميره عايشه معايا بقالها اكتر من شهرين ولغايه دلوقتى معرفشى لون عينيها ايه لانها على طول بصه فى الارض
احمد:يا سلام شكل واحد صاحبنا كدا وقع ومحدش سما عليه
أسر:وهو ينظر اليه:قصدك ايه لا طبعا ...هو انا ممكن احب واحده مشفتهاش حتى... افرض كانت وحشه
احمد:وهو يربت على كتفه:صدقنى مش هيفرق معاك ...عارف ليه ...لانك حبيت الروح بتاعتها علشان كدا مهما كان شكلها مش هيفرق معاك
أسر:مغيرا للموضوع: انت شكلك فايق وجاى تقسم عليا روح يا خويا على شغلك
احمد:بأبتسامه:حاضر ...هنروح من بعض فين يعنى
💁💁💁💁💁💁💁💁💁💁💁
فى اليوم التالى
كانت شذا فى غرفتها ترتدى ملابسها عندما دخلت والدتها الغرفه
الام:رايحه فين يا حبيبتي بدرى كدا
شذا:رايحه الجامعه يا ماما عندى محاضره النهارده
الام:بس انتى لسه تعبانه يا حبيبتي
شذا:لا مش تعبانه ولا حاجه انا هتعب فعلا لو فضلت قاعده فى البيت
الام:وهى تضع يدها على ظهر شذا:مش هتقوليلى حصل ايه فى النادى اول امبارح يخليكى تتعبى كدا
شذا:بأرهاق:محصلشى حاجه يا ماما ….انا الحمد لله كويسه دلوقتى وهو ده المهم
الام:ربنا يهديك الحال يا بنتى ويبعد عنك ولاد الحرام
شذا:يارب يا ماما ...وانهت ترتيب شعرها...انا همشى بقى علشان متأخرشى
الام:ماشى يا حبيبتي خلى بالك من نفسك
شذا: حاضر يا حبيبتي مع السلامه
وخرجت من منزلها واتجهت إلى الجامعه
💁💁💁💁💁💁💁💁💁💁💁💁
فى منزل حسام
كانت كوثر تجلس فى غرفه الجلوس مع حسام تنتظر مجئ سهير
حسام:عامله ايه النهارده يا حبيبتي البيت منور
كوثر:بخجل:منور بيك ...انا جيت النهارده علشان اقول لماما كل سنه وهى طيبه
حسام:ياااه دا النهارده فعلا عيد الام والله انا كنت ناسى
كوثر:متقلقشى انا كتبت فى الكارت أن الهديه منى انا وانتى
حسام:وهو يربت على وجنتها:ربنا يخليكي ليا يا حبيبتي
كوثر:بخجل:احم ..احم..امال ماما فين
حسام:بأبتسامه:زمانها جايه ...وقبل أن يكمل كلامه رأى والدته التى تدخل الغرفه وبجوارها فتاه حامل ...ماما جات اهه ومعاها مريم
كوثر:وهى تقف:ازيك يا طنط عامله ايه
سهير:الحمد لله انتى عامله ايه
كوثر:انا كويسه الحمد لله ...ازيك يا مريم عامله ايه فى الحمل
مريم:بأبتسامه:تعبانه اوى والله يا كوثر عقبالك ذيي كدا
كوثر:بخجل:أن شاء الله
حسام:امال عبد الله فين يا مريم
مريم:انت عارف اخوك لسه نايم الورديه بتاعته الاسبوع ده بالليل
حسام:ربنا يقويه
كوثر:وهى تعطى حقيبه الهدايا الى سهير:كل سنه وحضرتك طيبه
سهير:وهى تأخذ الحقيبه وتفتحها:وانتى طيبه ...وأخرجت ما بداخل الحقيبه. كانت حقيبة يد شخصيه وحذاء مناسب وسلسه من الذهب بأسمها ….ايه ده يا حبيبتي
كوثر:هديه عيد الام يا طنط
سهير:وهى تضع الهدايا فى الحقيبه وتلقيها على المقعد بأهمال:والله طيب
حسام:محاولا تلطيف الجو:ايه مش هنشرب حاجه ولا ايه
سهير:بأستهزاء:والله انا لسه نازله من فوق وتعبانه ومرات اخوك الحمل تعبها مين بقى اللى هيعمل
كوثر:بطيبه وهى تقف:الف سلامه على حضرتك انا ممكن ادخل اعمل
سهير:وهى تقف وتنظر لها بأشمئزاز:لا ياختى انا مش بحب حد غريب يدخل مطبخى علشان بقرف ...ونظرت لمريم..ابقى خدى الشنطه دى ...واشارت الى حقيبه الهدايا ...واديها لمرات البواب هتليق عليها اكتر
حسام:مذهولا:ايه اللى انتى بتقوليه ده يا ماما ميصحش كدا
كوثر:وهى تحمل حقيبتها:انا لازم امشى بعد اذنكم
حسام:وهو يمسك يدها:استنى يا كوثر متمشيش احنا هنتغدى مع بعض النهارده
سهير:انا نازله رايحه عند اختى مش فاضيه اقعد اكل مع حد
تحركت كوثر مسرعه الى خارج الغرفه والشقه بأكملها وخلفها حسام الذى يركض خلفها حتى وصل اليها وادارها إليه
حسام:بأنفعال وهو يديرها إليه:انتى مش سمعانى وانا بنادى...وعندما رأى عينيها الباكيه….كوثر علشان خاطرى متعيطيش ….انا اسف ...انا مش عارف ماما قالت كدا ليه
كوثر:ببكاء:دى مش اول مره مامتك تكلمنى كدا وانا كنت صابره إنما لغايه كدا وكفايه انا مش هقدر استحمل اكتر من كدا
حسام:اهدى بس يا حبيبتي انا عارف أن ماما كلامها معاكى كان جارح ...علشان خاطرى متزعليش
كوثر:خلاص يا حسام كل حاجه بانت مامتك لا يمكن تحبنى وهتفضل تعاملنى كدا على طول
حسام:وهو يحتضنها:طيب لو قولتلك علشان خاطرى هتفضلى زعلانه بردوا
كوثر:وهى تجفف دموعها:خاطرك غالى عندى اوى بس علشان خاطرى انا سيبنى امشى وهكلمك لما اروح علشان خاطرى
حسام:طيب أجى اوصلك
كوثر:لا...لا البيت قريب وانا محتاجه اكون لوحدى شويه
حسام:بأستسلام: خلاص براحتك مع السلامه لا اله الا الله
كوثر: محمد رسول الله...بعد اذنك
وتركته وخرجت من المنزل متجهه الى شقتها وعندما وصلت الى شقتها اغلقت باب الشقه وجلست على الارض وانفجرت فى البكاء ولكن ما لا تعرفه أن حسام تبعها من بعيد حتى يتأكد من وصولها سالمه الى شقتها وسمع بكاءها وقرر أن يواجه والدته بما فعلته ويعلم منها لماذا فعلت ذلك
💁💁💁💁💁💁💁💁💁💁💁
فى فيلا أسر
كان أسر يدخل الفيلا عندما سمع صراخ أتى من الحديقه يتداخل معه بكاء بسمه العالى فأتجه مسرعا الى اتجاه الصراخ فوجد جمالات تتحدث مع سحر التي تصرخ ولا تهتم لبسمه الباكيه بين ذراعيها
أسر:فيه ايه صوتكم عالى كدا ليه
جمالات:وهى تتجه نحوه الحقنى يا بيه الست سحر حبست اميره فى الاوضه فوق ومش راضيه تدينى المفتاح
أسر:وهو يتجه إلى سحر:يعنى ايه حبستيها ...هاتى المفتاح وهاتى بسمه
سحر:انت بتزعقلى علشان خاطر حتت خدامه
أسر:بعصبيه:ليكى عندها ايه علشان تحبسيها ...واخذ منها بسمه التى كان وجهها احمر اللون من كثرت البكاء
سحر:مهى طول ماهى بتتحرك حوليا بسمه عمرها ما هتتعود عليا وهتفضل تعيط علشان تروحلها
أسر:بأنفعال:هاتى المفتاح يا سحر انا بتكلم معاكى بأدب واياكى تعملى كدا تانى ….وغير كدا فين مامتك تيجى تشوف انتى بتعملى ايه
سحر:ماما راحت عند خالى وكمان انا معملتش حاجه غلط ...ولو على المفتاح اهو ..وأعطته المفتاح فأتجه سريعا الى داخل الفيلا وبسمه بين يديه وعندما وصل الى الغرفه وضع المفتاح فى الباب وفتحه وهو ينادى على اميره حتى تعلم أنه سيدخل الغرفه ولكن قبل أن يدخل الغرفه كانت اميره قد فتحت باب الغرفه ووقفت امامه
أكبرها:وهى تأخذ بسمه منه:انا هنا ….انا هنا يا حبيبتي متخافيش ….انا هنا ...واخذت تربت على بسمه التى توقفت عن البكاء ما أن حملتها اميره
أسر:انا اسف بجد على اللى حصل ...انا مش عارف هى عملت كدا ليه
اميره:وهى تنظر الى الارض:حصل خير
أسر:وهو يقدم اليها المفتاح:المفتاح ده خليه معاكى علشان سحر متعملشى كدا تانى
اميره:حاضر شكرا ليك
أسر:وهو يربت على رأس بسمه التى نامت بين احضان اميره:لا شكر على واجب ...لو حصل اى حاجه تانيه من سحر تعاليلى على طول اتفقنا
اميره:حاضر بعد اذنك
أسر:اتفضلى
فدخلت اميره الى الغرفه واتجه اسر الى غرفته يتنهد فقد علم أن فتره التى ستقضيها سحر ووالدتها فى منزله ستكون فتره صعبه للغايه.... نهايه الفصل
💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘


فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 06-10-18, 01:39 PM   #14

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


بسم الله الرحمن الرحيم
لا تدع القراءه تلهيك عن الصلاه
الفصل الثاني عشر
💘💘💘💘💘💘💘💘💘💘💘
كانت جميله كعادتها تتجول فى الحديقه فقد كانت تشعر بالملل الشديد من الجلوس طوال اليوم بدون فعل اى شئ واخذت تفكر فى حياتها وكيف انقلبت رأسا على عقب منذ أن استقلت ذلك التاكسى واخذت تفكر فيما يفعله والديها الان هل يشعرون بالحزن لأختفائها ام يشعرون بالارتياح لابتعادها عن حياتهم اخرجها من شرودها اقتراب رعد منها مبتسما
رعد:ازيك يا جميله عامله ايه النهارده
جميله:الحمد لله انت عامل ايه
رعد:وهو يسير بجوارها:انا كويس الحمد لله ...ايه كنتى سرحانه فى ايه
جميله:ابدا انا بس كنت بفكر فى اهلى...انت متعرفشى حاجه عنهم
رعد:بتوتر:وهعرف ايه ...لا طبعا معرفشى
جميله:رعد انت عارف انا بحب اتكلم معاك ليه لانك انسان محترم وبحس انى بتكلم مع اخويا فلو سمحت لو تعرف حاجه عن اهلى قولى
رعد: الحقيقه انك من ساعه ما جيتى هنا وعمر بيه خلانى اراقب اهلك ولاحظت أن محدش فيهم اخد باله من غيابك لان مفيش اى بلاغ اتقدم بأختفائك
جميله:وهى تنظر أمامها:انا كنت متوقعه كدا بردوا
رعد: بتسال:ليه يعنى ايه اللى خلاكى تتوقعى كدا
جميله؛ده العادى بتاعهم لانهم عمرهم ما فكروا فيا طول عمرهم كل واحد بيفكر فى نفسه بس ايه الجديد انا
قاطع كلامها اقتراب عمر الذى يبدوا على وجهه الغضب منهم
عمر:موجها كلامه لرعد:انت بتعمل ايه هنا
رعد:ابدا يا عمر بيه مش بعمل حاجه
عمر:روح عند البوابه احرسها بدل اللى انت بتعمله ده
رعد:وهو يرحل: حاضر يا عمر بيه بعد اذنكم
جميله:براحه يا عمر هو معملشى حاجه للعصبيه دى
عمر:تسمحى تقوليلى انتى بتعملى ايه معاه هنا ولوحدكم
جميله:اولا احنا مش لوحدنا عنتر واقف هناك اهو...واشارت الى عنتر القريب منهم ...ثانيا انت مش من حقك تتكلم معايا كدا انا معملتش حاجه غلط
عمر:بأنفعال:يا سلام يعنى وقفتك معاه مش غلط ..كنتوا بتتكلموا فى ايه أن شاء الله...عايزاه يهربك ولا ايه
جميله:وهى تسير مبتعده عنه:انا مش محتاجه انى اوضحلك حاجه ومدام تفكيرك كدا انت حر
رأها عمر وهى تبتعد عنه غاضبه ولم يستطيع تفسير ما حدث بداخله ولماذا شعر بالحنق من وجود رعد مع جميله
💁💁💁💁💁💁💁💁💁💁💁💁
فى المساء
فى قاعه الزفاف
كان حفل زفاف تامر فى منتصفه عندما لاحظ نبيل دخول شذا من باب القاعه واتجاهها الى العروسان وتهنئتهم فظل واقفا فى مكانه حتى انتهت من التحدث معهم واتجهت الى طاوله قريبه من الباب فأتجه هو الى تامر
نبيل:بقولك ايه يا تامر انت تعرف البنت اللى جت سلمت عليكم دلوقتى
تامر:اه تقصد شذا دى صاحبت منى مراتى
نبيل:يا راجل طيب كويس اوى
تامر:هو فى حاجه ولا ايه
نبيل:لا ابدا متاخدشى فى بالك خليك فى عروستك
واتجه الى الطاوله التى تجلس عليها أخته
نبيل:سومه تعالى يا قمر اعرفك على شذا
اسماء:وهى تقف:شذا مين
نبيل:وهو يجذبها معه:شذا اللى انتى شفتى صورتها عندى بس بقولك ايه متقوليش ادامها حاجه عن الموضوع ده
اسماء: متخافشى هو انا يعنى عبيطه
ووصلوا الى الطاوله التى تجلس عليها شذا
نبيل:ازيك يا دكتوره عامله ايه
شذا:اهلا يا نبيل انت بتعمل ايه هنا
نبيل:ابدا اصل تامر العريس يبقى صاحبى هو حضرتك قريبته
شذا:لا انا صاحبه منى العروسه
نبيل:وهو يقدم اليها اسماء:دى اسماء اختى ...اسماء دى الدكتوره شذا معيده عندنا فى الكليه
شذا:اهلا وسهلا اتفضلوا اقعدوا
بعد أن جلسوا معا تقدمت منهم سيده
السيده؛:وهى تصافح شذا:عامله ايه يا شذا وماما عامله ايه
شذا:الحمد لله يا طنط كريمه شكرا لحضرتك
كريمه:ايه يا قمر مش هنفرح بيكى تانى ولا ايه
شذا:محاوله لتغيير الموضوع:عمو عامل ايه وبنت حضرتك خلصت كليه ولا لسه
كريمه:بنتى خلصت الكليه و اتجوزت وحامل كمان عايزين نفرح بيكى انتى كمان ...حسام الله يرحمه كان انسان كويس بس بردوا الحى ابقى من الميت
لاحظ نبيل على وجه شذا الشحوب الشديد فأشار لأسماء بعينيه فوقفت اسماء وقالت
اسماء:شذا تعالى منى شكلها بتشاورلك
شذا:وهى تقف:طيب يلا نروحلها بعد اذنك يا طنط
وتحركت مبتعده مع اسماء وهى تشكر اسماء على إخراجها من هذا الموقف بينما تبعها نبيل بعينيه حتى وقفت مع اسماء بجانب منى
💁💁💁💁💁💁💁💁💁💁💁💁💁
فى منزل حسام
كان حسام يتحدث مع والدته عن معاملتها مع كوثر
سهير:يا سلام هى الهانم مسخناك عليا وانت جاى تحاسيبنى
حسام:بالعكس يا ماما والله العظيم كوثر ما بتحكيلى عن اى حاجه بس انا لاحظت طريقه كلام حضرتك معاها
سهير:كلام ايه يا حبيبي هو انا قولتلها حاجه ولا علشان البرنسيسه بتاعتك هتيجى على امك
حسام:انا عمرى ما اجى عليكى يا ماما وحضرتك عارفه كدا كويس انا عمرى ما اعمل كدا بس بردوا كوثر بقت مراتى ومينفعشى اجى عليها هى كمان
سهير:والله الجوازه دى انا مش مرتاحلها وياريت نفضها سيره من الاول
حسام:يعنى ايه الكلام ده يا ماما انتى عايزانى اطلق مراتى ...دا لا يمكن طبعا حضرتك عارفه انا بحب كوثر اد ايه
سهير:انا مش عارفه هى عجبك فيها ايه ما البنات ماليه البلد ...روح نقى نسب يشرف مش واحده مقطوعه من شجره ملهاش كبير نقفله لو عملت حاجه غلط
حسام:وحضرتك تظنى فيها الظن الوحش ليه ...قدمى الخير يا ماما كوثر طيبه ومحترمه اوى ...وانسى انى أطلق مراتى علشان انا بحبها يا ماما
وترك والدته وخرج من الشقه بأكمله وهو يفكر فيما قالته والدته
💁💁💁💁💁💁💁💁💁💁💁💁💁💁💁💁
فى المساء
كانت اميره تجلس فى غرفه بسمه حتى تطمئن انها ذهبت فى النوم فلم تكن تريد ان تصطدم بسحر او والدتها حتى عوده أسر من الخارج عندما قطع التيار الكهربائى فجأه فبكت بسمه بسبب الظلام فحملتها اميره واتجهت بها إلى الشرفه وجدت أن التيار الكهربائي مفصول عن الفيلا بأكملها فأتجهت الى خارج الغرفه تتحسس طريقها ولكنها اصطدمت بجسد كان يتحرك مسرعا فأطلقت صرخه دوى صداها فى الفيلا بأكملها وقبل أن تصرخ مره اخرى وضع مهاجمتها يده على فمها وسمعت صوت أسر الذى ينادى على جمالات فعضت الكف الموجود على فمها فصرخ المهاجم من الالم ودفعها عنه لتصطدم فى الحائط وتغيب عن الوعى….نهايه الفصل
💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 06-10-18, 01:40 PM   #15

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


بسم الله الرحمن الرحيم
لا تدع القراءه تلهيك عن الصلاه
الفصل الثالث عشر
💘💘💘💘💘💘💘💘💘💘
فى منزل حسن
كان حسن يجلس مع زوجته يشاهدون التلفاز عندما رن هاتف المنزل فأجابه حسن
حسن:الو ايوه انا حسن مين معايا …..ايوه يا عامر عامل ايه….يعنى ايه الكلام ده هى جميله مش عندكوا…..لا طبعا مش عندى انا كنت فاكرها عندك…….لا مش بتروح المستشفى بقالها اكتر من تلات شهور بس انا كنت فاكرها قاعده عندكوا علشان كدا متصلتش بيكوا….لا طبعا مش بهزر ….خلاص ماشى نتقابل بكره علشان كدا لازم نبلغ البوليس ….ربنا يستر ….مع السلامه
الهام:وهى تراه يغلق الهاتف:ايه اللى حصل هى جميله مش عندهم ولا ايه
حسن:بقلق:لا مطلعتشى عندهم انا مش عارف البنت دى هتكون راحت فين
الهام؛طيب هتعمل ايه دلوقتى
حين:لازم ابلغ البوليس طبعا امال هعمل ايه يعنى
الهام:خلاص ماشى ربنا يستر
💁💁💁💁💁💁💁💁💁💁💁💁💁
كان أسر يوقف سيارته وعقد حاجبيه عندما قطع التيار الكهربائى فى الفيلا فأتجه الى داخل الفيلا ليرا سبب قطع التيار عندما سمع صرخه أتيه من داخل الفيلا فأسرع بالدخول ليرا سبب هذا الصراخ واخذ ينادى على جمالات التى قامت بتشغيل المحول الاحتياطى للفيلا فى الوقت الذى وصل فيه أسر الى الطابق العلوى فرأى اميره الواقعه على الارض وبسمه الباكيه بجوارها فأتجه إليهم مسرعا
أسر:جمالات تعالى بسرعه...اميره….اميره انتى كويسه
وعندما لم يجد ردا من اميره نزل على ركبتيه بجوارها ورفع رأسها على ذراعه واخذ يربت على وجهها من فوق النقاب محاولا افاقتها وفى لحظات كانت اميره تحاول فتح عينيها لتجد أسر الذى ينحنى فوقها ينظر اليها بذهول فاغرا فمه فوضعت يدها مسرعه على وجهه للتأكد من نقابها واعتدلت سريعا وابتعد عنها أسر
أسر:وهو يفيق من ذهوله:انتى كويسه
اميره:وهى تحمل بسمه الباكيه:الحمد لله كان فى حد غريب فى الفيلا علشان كدا صرخت
أسر:انتى متأكده
اميره:ايوه لانه لما خبط فيه حط أيده على بقى ولما عضيت أيده زقنى خبطنى فى الحيطه
أسر:ازاى الكلام ده والبواب كان فين لما حد غريب دخل الفيلا
اميره:مش عارفه بس الحمد لله ربنا ستر
أسر:وهو يتمالك نفسه:الحمد لله اتفضلى انتى ادخلى ارتاحى ومتقلقيش انا هعرف مين اتجرأ و دخل بيتى
اميره:ماشى بعد اذنك
أسر:اتفضلى
اتجه اسر الى غرفته وامام عينيه صوره واحده وهى عينا اميره الخضراء اللون فقد شعر وهو ينظر اليهم كأنه دخل الى غابه خضراء مليئه بالحياه وحاول أن يتخيل اذا كانت عينيها بهذا الجمال كيف اذن ستكون ملامحها الباقيه ولكنه استدرك ما يفكر فيه واتجه مسرعا الى المرحاض ووضع رأسه تحت الماء البارد ليبعد عنه تلك الأفكار ثم خرج مسرعا من غرفته يجب أن يعلم من الذى دخل الفيلا بهذا الشكل
💁💁💁💁💁💁💁💁💁💁💁💁
فى فيلا نبيل
كان نبيل يتحدث مع اسماء عن ما حدث فى حفل زفاف تامر
اسماء:بس انا مكنتش اعرف ان شذا دى مزه كدا بصراحه الصوره كانت ظلماها
نبيل:اه صحيح قوليلى كنتوا بتتكلموا فى ايه طول ما انتوا واقفين
اسماء:ابدا كنا بنتعرف على بعض واتفقنا نتقابل بكره فى الجامعه بعد ما اخلص محاضراتى
نبيل:انا مش عايزك تتصاحبى عليها جامد يا اسماء دى مهما كانت واحده منعرفهاش
اسماء:انا عارفه اننا منعرفهاش بس هى فعلا باين عليها محترمه جدا
نبيل:مهما كانت بردوا احنا منعرفهاش
اسماء:وهى تنظر إليه :انت مش عايزنى اتصاحب عليها علشان احنا منعرفهاش فعلا ولا علشان انت عايز تعمل معاها حاجه ومش عايزنى عائق بينكوا
نبيل:بتوتر:قصدك ايه ...انا هكون عايز اعمل ليها ايه يعنى
اسماء:مش عارفه بس المهم قبل ما تعمل معاها اى حاجه عايزاك تفكر أن اللى انت هتعمله فيها هيتعمل فيا ولو يرضيك اعمله
نبيل:الكلام ده كله ملهوش اى لازمه لانى مش عايز اعملها حاجه خالص
اسماء:يارب يكون كلامك صح فعلا يا نبيل
💁💁💁💁💁💁💁💁💁💁💁💁💁
كانت جميله فى غرفتها تكاد تخرج نيران من عينيها من الغضب بسبب ما قاله لها عمر فمن يظن نفسه ليحدثها بهذا الشكل وفى لحظات قررت انها لن تجلس فى هذا السجن لحظه واحده وقررت أن تهرب مستغله أن الحراس يعطونها الحريه الكامله فى التحرك بسبب عدم محاولتها للهرب من قبل لذلك قررت أن تهرب بعد أن ينام كل من فى المنزل وبالفعل فى منتصف الليل عندما كان كل من فى المنزل نائمون اتجهت جميله بخطوات هادئة الى خارج الفيلا ثم استغلت انشغال الحارس الموجود على باب الفيلا وخرجت من البوابه وركضت الى داخل الاراضى الزراعية المحيطة بالفيلا مستعينه بكشافها الصغير الذى وجدته فى درجة من ادراج المطبخ وبعد فتره من الركض السريع للغايه فى اى اتجاه يقابلها ادركت أمران مهمان وهما ..
1..انها نجحت فى الهرب وابتعدت عن الفيلا بمسافه كبيره
2..انها لا تعرف اين هى فكل ما يحيط بها هى مجموعه كبيره من الأشجار وانها لم تحضر معها اى ماء او طعام
💁💁💁💁💁💁💁💁💁💁💁💁💁
فى فيلا أسر
بعد محادثات كثيره بينه وبين الحراس الموجودين فى الفيلا ادرك ان الفيلا قد تم اقتحامها من البوابه الخلفيه وتم سرقه بعض اللوحات التى كانت موجوده فى المكتب ولولا مقابله اميره للسارق بسبب انقطاع التيار الكهربائى كان سيسرق كل ما يقابله فى طريقه مستغلا أن الجميع نائمون وقرر مضاعفه عدد الحراس الموجودين فى أنحاء الفيلا وحينما كان يدخل من باب الفيلا قابلته سحر التي ترتدى برموده علاقى
سحر:فيه ايه ...ايه اللى حصل يا اسر
أسر:وهو يتجاوزها:كان فى حرامى فى الفيلا
سحر:وهى تسير بجواره:حرامى ودخل ازاى ده …. البواب مشفهوش
أسر:البواب والحراس الموجودين فى الفيلا محدش فيهم شاف حاجه ولولا اميره كان زمانه سرق حاجات كتير اكتر من اللى سرقها
سحر:مش يمكن دى لعبه هى اللى عملاها
أسر:وهو يتوقف عن السير وينظر إليها:قصدك ايه بالكلام ده
سحر:اقصد أن محدش شاف الحرامى غيرها مش يمكن ميكونشى فى حرامى اصلا وتكون هى اللى اخذت الحاجات اللى اتسرقت وعملت حكايه الحرامى دى ا…
أسر:مقاطعا لها:قولتلك قبل كدا حاسبي عن كلامك عن اميره يا سحر صح ولا لا وكمان انا لا يمكن اشك فى اميره لانها مش كدا ولا يمكن تفكر حتى انها تعمل كدا
وتركها وصعد الى غرفته بينما ابتسمت سحر بشر عندما خطرت فكره شيطانيه على بالها ... نهايه الفصل
💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘


فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 06-10-18, 01:40 PM   #16

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


بسم الله الرحمن الرحيم
لا تدع القراءه تلهيك عن الصلاه
الفصل الرابع عشر
💘💘💘💘💘💘💘💘💘💘💘
فى صباح اليوم التالى
كان عمر يتجه كعادته الى الحديقه ليمارس رياضه الركض التى يقوم بها كل يوم عندما مر على غرفه جميله فقرر ان يعتذر لها عن ما حدث منه فى اليوم الفائت فدق باب الغرفه ولكنه لم يجد ردا ففتح الباب ودخل ليذهل أن الغرفه فارغه فأتجه مسرعا الى الحديقه فوجدها ايضا فارغه فأخذ ينادى على الحراس حتى تجمعوا عنده
عمر:جميله مش فى اوضتها هى راحت فين
رعد:محدش خرج خالص يا عمر بيه
عمر:امال هتكون راحت فين ...اكيد خرجت ومحدش فيكوا شافها
عنتر:خلاص ارتاح انت يا عمر بيه وهى لو هربت هنلاقيها مش هتكون بعدت عن هنا
عمر:احنا كلنا لازم ندور عليها لانها لو تاهت فى وسط الجناين مش هتعرف تطلع منها ابدا خدوا تليفوناتكوا معاكوا واللى يلاقيها يبلغنى فاهمين
عنتر ورعد :بصوت واحد:حاضر يا عمر بيه
وفى لحظات كان الجميع يبحثون عن جميله فى كل مكان وكان عمر يشعر أن قلبه على وشك التوقف من الرعب أن يكون قد حدث لها أمرا سيئا
💁💁💁💁💁💁💁💁💁💁💁💁💁
فى الجامعه
كانت شذا قد أنهت محاضرتها وفى طريقها للخروج عندما لاحظت أن الفتاه التى طردتها سابقا تنادى عليها فألتفتت اليها
شذا:افندم عايزه حاجه
الفتاه:انا اسمى نهى انت طردتينى من المحاضره مع نبيل قبل كدا فكرانى
شذا:ايوه طبعا فكراكى فى حاجه
نهى:ايوه كنت عايزه اقولك ابعدى عن نبيل ...لان نبيل ده بتاعى انا
شذا:انتى بتخرفى بتقولى ايه ...تحترمى نفسك يا انسه واحترمى المكان اللى انتى واقفه فيه
نهى:بتحدى:اللى عندى قولته ابعدى عن نبيل احسنلك فاهمه
وتركتها وذهبت بينما وقفت شذا مذهوله مما حدث حتى افاقتها اسماء التى تربت على كتفها من ذهولها
اسماء:ايه يا قمر واقفه كدا ليه
شذا:بأبتسامه:ابدا يا حبيبتي جاهزه نروح نتغدى
اسماء:جاهزه طبعا وجعانه جدا
شذا:هههه طيب يلا بينا بدل ما تكلينى وانا واقفه
اسماء:ههههه لا متخافيش مش جعانه اوى كدا بس ممكن اتسلى بكام صباع من عندك لغايه لما اشبع
واتجه الاثنان الى سياره شذا وهم يضحكون بسعاده
💁💁💁💁💁💁💁💁💁💁💁💁💁
كانت كوثر تتجنب الحديث مع حسام فى اى موضوع له صله بما حدث مع والدته بينما كان حسام يحاول مع والدته أن يجعلها تتقبل أن كوثر اصبحت زوجته وهو يحبها ولن يتركها ابدا ولكن محاولاته كانت تنتهى دائما بالفشل
فى الصيدليه
كانت كوثر تمارس عملها المعتاد عندما دخلت سهير الصيدليه
كوثر:اهلا يا طنط اتفضلى اقعدى
سهير:وهى تجلس:ازيك يا كوثر عامله ايه
كوثر:انا الحمد لله حضرتك عامله ايه
سهير:انا كويسه يا حبيبتي...وكنت عايزاكى فى موضوع كدا وانا عارفه أن عقلك كبير وهتفهمينى
كوثر:موضوع ايه يا طنط قلقتينى
سهير:لا متقلقيش ولا حاجه بصى يا كوثر طبعا انتى عارفه حسام ابنى الحمد لله دكتور اد الدنيا ومكانته بين زملائه كبيره اد ايه علشان كدا كل حاجه حوليه لازم تكون فى نفس المستوى ده ..صح ولا انا غلطانه
كوثر:بقلق:صح يا طنط طبعا
سهير:كويس انك موافقانى على كلامى ...انا علشان كدا جيت ليكى النهارده ..لو فعلا بتحبى حسام سيبيه يشوف حياته بعيد عنك ...سيبيه يبنى مستقبله صح
كوثر:بحزن:حضرتك عارفه أن انا وحسام كتبين الكتاب يعنى انا مراته ليه مقولتيش كلامك ده يوم ما اتقدملى
سهير:مكنتش اعرف ان كل حاجه هتحصل بسرعه كدا ...انا عارفه انك انسانه كويسه بس انتى مش المستوى اللى مفروض حسام يتجوز منه ولو بتحبيه فعلا أطلبى منه الطلاق لان الحب عامى قلب حسام عن اى حاجه تانيه ..فهمانى
كوثر:وهى تتمالك نفسها حتى لا تبكى :حاضر يا طنط انا هشوف هقدر اعمل ايه واعمله
سهير:وهى تقف:ايوه كدا انتى كدا حبيبتي وكمان انتى مترضيش انك تتجوزى واحد مامته مش عايزاكى ولا ايه
كوثر؛طبعا يا طنط عندك حق
سهير​:ربنا يكملك بعقلك يا حبيبتي انا همشى انا بقى مع السلامه
كوثر :مع السلامه
خرجت سهير من الصيدليه فجلست كوثر على مقعدها ودموعها تسيل على وجنتيها فكلما شعرت بالسعاده قليلا يحدث أمرا ما ليهدم سعادتها
💁💁💁💁💁💁💁💁💁💁💁💁💁💁💁💁💁
قام أسر بتقديم بلاغ الى الشرطه وأعطاهم مواصفات الاغراض التى تم سرقتها وجلست اميره مع الشرطى واخبرته بما حدث فأشتاط أسر غضبا عندما علم بما فعله السارق ولكنه لم يستطع تمالك غضبه من الطلب الذى طلبه الشرطى من اميره
الشرطى:ماشى يا انسه بس لو سمحتى محتاج اشوف وشك علشان أتأكد من البيانات اللى فى البطاقه
قبل أن تجيب اميره اجاب أسر على الشرطى
أسر:لا طبعا وانت تشوف وشهادة ليه هات اى واحده ست تعمل كدا
الشرطى:دى تعليمات يا فندم ومتنساش أن انا بنفذ الاوامر وبس
أسر:بس بردوا هى ايه علاقتها هى مجرد شاهد بس
الشرطى:حضرتك دى التعليمات اللى عندى
اميره:خلاص محصلشى حاجه انا ممكن اجى مع حضرتك القسم وتخلى واحده ست تشوف وشى
الشرطى:وهو يقف:خلاص يا فندم الانسه حلت المسألة وهتيجى معايا القسم
أسر:بعصبيه:مش لوحدها انا هأجى معاكوا
الشرطى:ماشى يا فندم يلا بينا
وبالفعل ذهبت اميره الى القسم وتم التأكد من شخصيتها واعادها أسر الى الفيلا وهو لا يجد تفسيرا لما شعر به من غضب بسبب طلب الشرطى وفى هذا الوقت تذكر حديث احمد وتسأل هل هو بالفعل قد وقع فى غرام اميره حتى دون أن يراها
💁💁💁💁💁💁💁💁💁💁💁💁💁💁
عند جميله
كانت جميله ما تزال تسير وسط الاشجار وكانت تشعر بالعطش الشديد واخذت تلعن غباءها بسبب عدم تذكرها احضار زجاجه من المياه معها وكلما شعرت انها قد وصلت الى الطريق تجد انها عادت الى نفس المكان فأدركت اخيرا انها تسير فى دوائر ودعت الله لاول مره أن يكون عمر قد علم بهروبها ويبحث عنها فى هذا الوقت كانت قد تعبت من السير فجلست تحت ظلال شجره كبيره تحاول التفكير فى عائلتها وفى جدتها التى كانت لها كل شئ وهبطت دمعه على وجنتها تلاها شلال من الدموع التى كلما حاولت أن توقفها ذادت اكثر حتى تحول بكائها الى شهقات تقطع نياط القلب.... نهايه الفصل
💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘


فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 06-10-18, 01:41 PM   #17

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


بسم الله الرحمن الرحيم
لا تدع القراءه تلهيك عن الصلاه
الفصل الخامس عشر
💘💘💘💘💘💘💘💘💘💘💘
كان عمر ورجاله مازالوا يبحثون عن جميله التى لم يجدوا لها اى اثر وتحول قلقه الى رعب عندما انتصف اليوم وهو لم يجدها بعد وعندما شعر باليأس من ايجادها رأها نائمه تحت شجره كبيره فأتجه مسرعا اليها وفى ثوانى معدوده كان جالس بجوارها يحاول افاقتها
عمر:وهو يربت على وجنتها:جميله…..جميله سمعانى
جميله:وهى تفتح عينيها ببطء:عمر ….عمر
عمر:وهو يضمها الى صدره:ايوه يا جميله...قولى عايزه ايه يا حبيبتي
جميله:وهى تبتلع ريقها:عطشانه اوى
عمر:وهو يعطيها من المياه التى احضرها معه:بذمتك فى واحده تهرب من غير ميه او اكل هو انا عملت اى حركه معجبتكيش او لمحتلك حتى لأى حاجه وحشه علشان تهربى
جميله:وهى تبتعد عنه:انا خلاص تعبت من معاملتك ليا انا عارفه ومتأكده انك مش عايزنى لحاجه وحشه بس ليه مش راضى تسيبنى امشى انا عايزه ارجع لحياتى ذى الاول
عمر:انا عارف والله وصدقينى هانت خلاص كلها كام يوم وترجعى لبيتك ولحياتك من تانى 💁💁💁💁💁💁💁💁💁💁💁💁💁💁
جميله:بذهول:انت بتتكلم بجد يعنى هتسينى امشى
عمر:وهو يجلس بجوارها وينظر إليها:ايوه طبعا انا لما قعدتك عندى كنت بحميكى بس صدقينى ذى ما قولتلك كلها كام يوم واوصلك لغايه بيتك بأمان وساعدتها هكون مطمن عليكى ...اهم حاجه عندى انى اطمن عليكى فهمانى
جميله:نفسى افهمك بس فى حاجات كتير فى حياتك انا مش فهماها حاسه انك عاما ذى لغز كبير اوى
عمر:بأبتسامه:انا عارف انك اوقات كتير بتحسى انك مش فاهمه حاجه بس صدقينى قريب اوى هتفهمى كل حاجه ...ووقف ومد يده اليها….دلوقتى بقى يلا بينا نروح أنا متأكد انك اكيد جعانه
جميله:وهى تقف:انا فعلا جعانه اوى
عمر:وهو ينظر اليها بأبتسامه:طيب يلا بينا
نظرت جميله إلي عمر وهو يسير واخذت تفكر فى مشاعرها تجاهه فبالرغم من كل ما قررته من قبل ولكنها وجدت أن قلبها يميل إليه رغما عنها
💁💁💁💁💁💁💁💁💁💁💁💁💁💁
فى منزل عامر
عامر:متقلقيش يا نجوى هنلاقيها هتكون راحت فين يعنى
نجوى:انا قلقانه عليها اوى دا البواب بيقول انها بقالها اكتر من تلات شهور مرجعتشى الشقه انا خايفه تكون عملت فى نفسها حاجه
عامر:بنتك عاقله لا يمكن تعمل حاجه تغضب ربنا أنا متأكد انها عند حد من صحابها
نجوى:كانت قالتلنا او حتى اتصلت بينا بس العيب مش عليها العيب علينا احنا لاننا المفروض نسأل عنها اكتر من كدا
عامر:انتى من وقت ما اتجوزنا وانتى مكنتيش بتكلميه او تروحى ليها على اد كدا
نجوى:ما انا كنت مطمنه انها مع جدتها ولما جدتها ماتت قولت اكيد حسن هياخدها معاه
عامر:انتي وابوها كل واحد فيكوا رمى مسئولية البنت على التانى وراجعين دلوقتى تسألوا هى راحت فين
نجوى:يعنى انت عايز تفهمني انك لو كنت جبتها هنا مكنتش هتضايق
عامر:عمرى ما كنت اتضايق انا بحب جميله بنتك ذي رانيا بنتى بالضبط بس انتى اللى مكنتيش عايزه تدخلها فى حياتنا من الاول
نجوى:انا بس كنت عايزه ابوها يحس بيها ويأخذها عنده
عامر:على العموم الكلام ده كله ملوش لزوم دلوقتى وربنا يرجعها بالسلامة وتكون بخير
نجوى:يارب يا عامر
💁💁💁💁💁💁💁💁💁💁💁💁💁
بعد اسبوع
فى الكافيه
كانت شذا واسماء يجلسون على منضده قريبه من النافذه وكانوا يتناولون الطعام عندما لاحظت شذا أن أسماء تبدوا قلقه
شذا:مالك يا اسماء شكلك متغير كدا ليه
اسماء:ابدا فى واحد قاعد فى الترابيه اللى وراكى بيعمل حركات مش لطيفه
شذا:بعدم فهم:مش لطيفه ازاى يعنى
اسماء:حركات قذره كأننا مش فى مكان عام
نظرت شذا خلفها وجدت رجل يغمز لأسماء ويحرك شفتيه بطريقه مقززه فوقفت واتجهت إلى مدير المطعم الذى يعرف والدها معرفه شخصيه وأخبرته وفى ثوانى معدوده قام الأمن بأخراج هذا الرجل بعد التهديد
اسماء:دا انتى جباره
شذا:اللى مش محترم احنا نربيه الموضوع مش ناقص قرف
اسماء:على رأيك بس انا كان اخرى انى ادفع الحساب وامشى من هنا
شذا:غلط طبعا انتى معملتش حاجه غلط علشان تمشى هو اللى غلطان
اسماء:فعلا عندك حق
واكملوا تناول طعامهم ثم اتجهوا الى الخارج ولكنهم وجدوا نفس الرجل يقف عند سياره شذا
الرجل:بقى انا واحده ذيك تخلى بتوع المطعم يطرونى كدا
شذا:بتحدى؛ولو ممشتشى دلوقتى هكلملك البوليس ييجى يقبض عليك
الرجل؛وهو يقترب من شذا:ليه هو انا عملت ليكم ايه
شذا:احنا مش هنستنى لما تعمل
اسماء:يلا بينا يا شذا نمشى من هنا
الرجل:وهو ينظر لشذا :حلو اسم شذا لايق عليكى اوى ...ونظر الى اسماء….وانتى بقى يا مزه اسمك ايه
شذا:ملكشى دعوه بيها وامشى من هنا
فأخرج الرجل من جيبه كارت ومده لشذا
الرجل:ماشى يا مزه ده الكارت بتاعى ابقى كلمينى وانا اظبطك...ونظر لها نظره فهمتها شذا جيدا وقبل أن يدرك الرجل ما سيحدث له كان ملقى على ظهره على الارض وأنفه ينزف
شذا:وهى تعتدل علشان تعرف تتكلم عدل مع بنات الناس...يلا بينا يا اسماء نبعد عن الزباله دى
واستقروا السياره وابتعدوا عن المكان وبعد مسافه أوقفت شذا الصامته السياره على جانب الطريق ووضعت رأسها على مقود السياره
اسماء:انتى كويسه يا شذا
لم تجيبها شذا ولكنها اكتفت بتحريك رأسها بالايجاب فقد كانت متأكده انها لن تستطيع الاجابه عليها الان
💁💁💁💁💁💁💁💁💁💁💁💁💁
فى الصيدليه
دخل حسام على كوثر التى تجلس فى مكانها المعتاد وقد قرر أن يتحدث معها فمنذ اسبوع ومعاملتها معه ليست كما كانت
حسام: السلام عليكم و رحمه الله و بركاته عامله ايه يا حبيبتي
كوثر:بخفوت: وعليكم السلام و رحمه الله و بركاته...الحمد لله انت عامل ايه
حسام:وهو يجلس على المقعد؛انا تعبان اوى
كوثر: بلهفة:تعبان ليه الف سلامه عليك
حسام:مدام خايفه عليا كدا بتتعبينى ليه
كوثر:انا تعبتك بالعكس انا عايزه اريحك
حسام:تريحينى ازاى بقى وانتى حتى الابتسامه مستخسراها فيا
وقفت كوثر من مقعدها واتجهت إلى المقعد الموجود امامه وجلست عليه
كوثر:انا عايزه اطلب منك طلب
حسام:انتى تؤمرى مش تطلبى بس
كوثر:بحزن:احنا لازم نتطلق
حسام:وهو يقف:انتى بتقولى ايه احنا فاضل على فرحنا شهر واحد ايه اللى حصلك انتى كنتى فرحانه بجوازنا اكتر منى فيه ايه
كوثر:انت محتاج ترتبط بواحده ترفعك لفوق وتناسب مركزك الاجتماعي
حسام:ايه الهبل اللى انتى بتقوليه ده انتى مش عارفه انا بحبك اد ايه ولا ايه ...ونظر اليها...الكلام ده مش كلامك هى ماما كلمتك فى حاجه
كوثر:سيب مامتك بره الموضوع ده انا اللى بطلب منك الطلاق لانى …
وقطع حديثها تقبيل حسان لها بحنان انساها ما كانت تريد ان اقوله وضمها اليه بشده غير عابئ بالمكان الموجودين به فكل ما كان يريده فى هذه اللحظه هو أن يجعل كوثر تشعر بحبه لها وبعد لحظات ابتعد عنها ونظر إلى وجهها وجد أنها مازالت مغمضه عينيها فأقترب من اذنها وقال
حسام:تقدرى تقوليلى تانى انك عايزه تطلقتى...لا صح...عارفه ليه لانى انا بحبك وانتى كمان بتحبينى بس صدقينى انا هصلح كل حاجه وقبلها قبله سريعه على وجنتها وخرج من الصيدليه وتركها غارقه فى بحور خجلها مما حدث
💁💁💁💁💁💁💁💁💁💁💁💁💁💁💁💁
فى غرفه بسمه
كانت اميره ككل يوم تلاعب بسمه التى اعتادت على الجلوس بمفردها واصبحت تتبع اميره بعينيها اينما ذهبت عندما دخلت الغرفه سحر التى ترتدى فستان قصير الى قبل الركبه وتنظر إلى اميره بخبث
سحر:عامله ايه النهارده يا اميره وبسمه عامله ايه
اميره:الحمد لله انتى عامله ايه
سحر:انا كويسه اوى ...انا جايه دلوقتى علشان اتعلم منك انتى بتعملى ايه مع بسمه علشان لما انتى تمشى اعملها انا اللى هى متعوده عليه
اميره:بذهول:امشى ….امشى اروح فين
سحر:تروحى بيتك ….اه هو أسر مقالكيش حاجه ولا ايه...خلاص انا هقولك اصل انا واسر خلاص هنتجوز
اميره:ببهوت وهى تجلس على المقعد:ايه
سحر:بابتسامه:بقولك هنتجوز أصل أسر اتقدملى وانا وافقت وطبعا بعد الجواز انتى مش هينفع تقعدى معانا لان انا بردوا عايزه يبقى الرأى الاول والاخير ليا علشان كدا لازم اتعلم كل حاجه تخص بسمه
اميره:بحزن:ايوه طبعا الف مبروك
سحر:الله يبارك فيكى يا قمر يلا بقى ورينى بتعملى معاها ايه
اميره:ابدا انا اكلتها خلاص هغيرلها بقى
سحر:تمام وانا هتفرج عليكى علشان اتعلم وبعد كدا أخدها وانزل الجنينه
بدأت اميره فى تبديل ملابس بسمه وعندما انتهت اعطتها لسحر واتجهت إلى المرحاض وأغلقت باب دوره المياه عليها ونظرت فى المرأة وبكت ...بكت حياتها الماضيه والحاضره بكت حب فتاه سيبعدونها عنها وبكت حب أسر الذى لم يشعر بها ولم يلمح لها باى شئ وعلى الرغم من ذلك وقعت فى حبه رأسا على عقب وعندما انتهت من البكاء توضأت وخرجت من المرحاض وجدت الغرفه فارغه فصلت ركعتين لله وانفجرت فى البكاء مره اخرى وهى ساجده….نهايه الفصل
💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘


فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 06-10-18, 01:42 PM   #18

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


بسم الله الرحمن الرحيم
لا تدع القراءه تلهيك عن الصلاه
الفصل السادس عشر
💘💘💘💘💘💘💘💘💘
فى شقه مفروشه
كان نبيل يجلس وبجواره نهى التى لا تكف عن التحدث عن حفله أبيها وما حدث بها بينما كان نبيل شاردا في اسماء وعلاقتها بشذا ومدى الترابط الذى اصبح بينهم فى هذه الفتره القصيره ولكنه وجد بكل الأحوال أن اسماء منذ أن تعرفت على شذا وهى دائما مبتسمه وشرد قليلا فيما كان يريد أن يفعل فقد كان يريد تجميع اكبر قدر من المعلومات عن حياة شذا الشخصيه ليحرفها قليلا وينشرها فى الجامعه حتى ينتقم منها وعلى الرغم من أنه قد وصل إلى قدر كبير من المعلومات عنها إلا أنه لم يستطع أن يفعل ما كان يريد فدائما يشعر أن هناك شئ ناقص فى المعلومات التى لديه فقد كان يجلس فى مكتبه بالساعات ليراجع المعلومات التى عرفها عنها ولكنه كان دائما يتأكد أن هناك شئ ناقص وافاقه من شروده نهى التى انتبهت له
نهى:ايه يا بيبى انا بكلمك من بدرى وانت مش معايا
نبيل:معلشى يا حبيبتي عندى بس شويه مشاكل فى الشغل
نهى:وهى تحتضنه:يعنى بتفكر فى الشغل وانا جنبك
نبيل:وهو يحتضنها:معلشى يا قلبى انا خلاص بقيت معاكى اهو
نهى:وهى تقبله:انا فرحانه اوى انك معايا هنا النهارده
نبيل:وانا كمان يا حبيبتي فرحان انى معاكى
نهى:بنظره ذات معنى:طيب يلا بينا ندخل جوه ولا انا مش وحشاك
نبيل:لا طبعا وحشانى اوى بس انتى عارفه انا جيت هنا علشان متزعليش إنما اللى فى دماغك ده مش هيحصل انا عندى اخت بنت واخاف عليها
نبيل:تخاف عليها من ايه ...وكمان الموضوع ده عادى اوى وغير كدا مش احنا هنتجوز مستوى ليه بقى
نبيل:مذهولا:انتى مدركه بتطلبى منى ايه ...احنا لما ندخل جوه مش هنلعب كوتشينه
نهى:بجراءه:ما انا عارفه ...يلا بقى انا عارفه اننا هننبسط مع بعض اوى
نبيل:وهو يقترب منها :عندك حق فعلا
احتضنها نبيل وقبلها وبادلته التقبيل وحملها ولكن قبل أن يصل بها إلى باب الغرفه لا يعلم لماذا شعر بالاشمئزاز من نفسه وما هو قادم على فعله وتذكر اسماء وهى تقول له أن ما سيفعله باى فتاه سيحدث معها ايضا وهنا انزل نهى و ابتعد عنها سريعا وهو يقول
نبيل:انا مش هقدر اعمل كدا
نهى:وهى تقترب منه؛انت تقصد ايه انت مش بتحبنى
نبيل:الحب حاجه واللى كان هيحصل بينا جوه ده حاجه تانيه وانتى فهمانى كويس اوى مع السلامه وتركها وخرج من الشقه ركضا وهو يشعر بالاختناق
💁💁💁💁💁💁💁💁💁💁
فى فيلا أسر
كان أسر فى مكتبه عندما دخلت عليه سحر التى تتمايل فى مشيتها
أسر:ايوه يا سحر كنتى عايزه حاجه
سحر :ايوه فى موضوع كدا كنت عايزه اتكلم معاك فيه
أسر: موضوع ايه اتفضلى اقعدى
سحر:اميره النهارده اتكلمت معايا وقالتلى انها عايزه تسيب الشغل هنا بس مكسوفه تقولك
أسر:بدهشه:تسيب الشغل ليه
سحر:اصل فى عريس متقدملها وهى موافقه بس هو اشترط عليها انها تسيب الشغل علشان بيغير عليها وهى علشان بتحبه عايزه تسيب الشغل بس محرجه تقولك
أسر:بحزن:هى قالتلك انها بتحبه
سحر:ايوه طبعا بس متقولهاش انى قولتلك علشان متقولشى انى اتكلمت عليها من وراها
أسر:لا متقلقيش وعلى العموم مدام هى عايزه تسيب الشغل براحتهاوانا هنزل اعلان علشان اجيب مربيه تانيه لبسمه
سحر:بخبث:متقلقشى انا ممكن اقعد مع بسمه لغايه المربيه الجديده ما تيجى
أسر:ماشى يا سحر شكرا ليكى ومعلشى هنتعبك معانا
سحر:متقولشى كدا احنا اهل ..بعد اذنك
وخرجت من الغرفه تعلو وجهها ابتسامه ساخره بينما جلس أسر على المقعد وهو يشعر أن قلبه قد انقسم الى شطرين
💁💁💁💁💁💁💁💁💁💁💁
فى فيلا عمر
كان عمر جالس فى مكتبه عندما أخبره رعد بوجود مروان بالخارج فأمره بأدخاله
عمر:وهو يصافحه:اهلا يا مروان بيه عامل ايه يا راجل
مروان:عمر باشا انا الحمد لله ...انت عامل ايه
عمر:انا كويس هى البضاعه جهزت ولا ايه
مروان:ما انا جاى النهارده علشان خاطر كدا البضاعه هتتسلم بكره الساعه ٩
عمر:كويس اوى وانا فلوسى جاهزه ...بس مكنتش تتعب نفسك وتيجى علشان تبلغنى بالميعاد كنت خليت اى راجل من رجالتك جالى
مروان:لا ما انا جيت علشان الموضوع اللى بينا
عمر:بتسأول؛موضوع ايه ده
مروان:البت اللى انا جبتهالك من فتره انا عايزها
عمر:ببهوت:عايزها دلوقتى
مروان:ايوه حلاوتها فى حموتها يا عمر بيه ولا ايه
عمر:وهو يتمالك نفسه سريعا:اه طبعا يا معلم بس كنت قولى من امبارح علشان اخليها تجهز
مروان:ملوش لزوم انا بحبهم كدا بيبقى ليهم طعم تانى وكمان ايه يا وحش انت مشبعتش منها ولا ايه
عمر:محاولا الابتسام:اه طبعا بس سيبهالى النهارده ..وضحك ضحكه ذات معنى...حفله وداع يعنى
مروان:ماشى يا عمر بيه متغلاش عليك كمان يوم
عمر:هوه ده العشم بردوا
وضحك مروان ضحكه ذات معنى فشعر عمر بالتوتر والاختناق فقد اقتربت النهايه
💁💁💁💁💁💁💁💁💁💁💁
فى منزل حسام كان حسام يدخل الى منزله عندما قابل والدته فى الصاله
حسام: السلام عليكم و رحمه الله و بركاته
سهير:وعليكم السلام كويس انك لسه فاكر أن ليك ام
حسام:ايه لازمته الكلام ده يا ماما دلوقتى
سهير:تسمح تقولى كنت فين لغايه دلوقتي
حسام:ابدا كنت بدور على قاعه علشان الفرح
سهير:فرح ….فرح مين هى كوثر متكلمتش معاك ولا ايه
حسام:وهو ينظر اليها:قصدك مطلبتشى الطلاق ولا ايه..انا عرفت كل حاجه يا ماما
سهير:اه هى الهانم بقى قالتلك انى روحتلها وقولتها انها تطلب الطلاق منك لو بتحبك...فعلا طلعت خبيثه ذى ما انا كنت فاكره
حسام:هى اه طلبت الطلاق بس مقالتليش اى حاجه من اللى حصلت بينكم انا لسه عارف من حضرتك دلوقتى بس اللى مخلينى مستغرب ليه تعملى كدا يا ماما ...انتى اكتر واحده عارفه انا بحب كوثر اد ايه….تحاولى تفرقة بينا ليه
سهير:لانها متنفعكشى انا بدور على مصلحتك مغلطتش فى حاجه وخلى بالك لو اتجوزت البت دى لا انت ابنى ولا اعرفك فاهم
حسام:بذهول:ليه كدا يا ماما ليه تحطينى فى المقارنه الصعبه دى
سهير:والله هو ده اللى عندى وانت حر
حسام:فعلا يا ماما انتى عندك حق انا حر بعد اذنك
ترك سهير جالسه فى الصاله ودخل الى غرفته وهو لا يعرف ماذا سيفعل فقد وضعته والدته بين المطرقه والسندان
💁💁💁💁💁💁💁💁💁
فى فيلا نبيل
كان نبيل يجلس بجوار اسماء التى قصت عليه كل ما حدث
نبيل: بدهشة:ضربت الراجل
اسماء:ايوه ذى ما قولتلك كدا الراجل كان واقف بيتكلم وفى ثوانى كان ممدد على الارض
نبيل:والله جدعه ...تصدقى يا اسماء شذا دى غريبه جدا
اسماء:فعلا انا فى أوقات كتير بحس انها غامضه اوى بس طيبه اوى ومحترمه
نبيل:عندك حق ...عارفه يا اسماء انا كنت هأذيها جامد اوى بس بعد اللى هى عملته معاكى ده انا لا يمكن اعملها حاجه وحشه
اسماء:ياريت يا نبيل انا بحبها اوى وانت كمان لو اديت نفسك فرصه هتحبها ذيي تمام
شرد نبيل قليلا فى كلام اسماء فهل من الممكن أن يقع فى غرام شذا رغم كل غموضها ولكن ما الذى سيمنعه من ذلك فهى حقا جميله ومحترمه ومميزه عن البقيه فأبتسم لتفكيره فهو لن يقع فى غرامها فلقد وقع وانتهى الامر
اسماء:بتفكر فى ايه يا نبيل
نبيل:وهو ينظر اليها:ابدا يا حبيبتي انا معاكى اهو
اسماء:ايه رايك نعزم شذا على عيد ميلادى
نبيل:اه صحيح انتى عيد ميلادك الاسبوع اللى جاى كل سنه وانتى طيبه يا حبيبتي
اسماء:وانت طيب ..ايه رأيك بقى نعزمها
نبيل:فكره حلوه اعزميها يا حبيبتي
وابتسم بينه وبين نفسه فسوف يتأكد اذا كانت شذا تبادله المشاعر ام ماذا ….نهايه الفصل
💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘


فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 06-10-18, 01:42 PM   #19

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


بسم الله الرحمن الرحيم
لا تدع القراءه تلهيك عن الصلاه
الفصل السابع عشر
💘💘💘💘💘💘💘💘💘💘
فى اليوم التالى
فى فيلا عمر
كانت جميله جالسه فى الحديقه عندما تقدم منها عمر الواضح على وجهه الارهاق
عمر:صباح الخير عامله ايه النهارده
جميله:صباح النور ...انا الحمد لله كويسه ...مالك شكلك مرهق
عمر:ابدا...انا عايز اكلمك فى موضوع وعايزك تسمعينى للأخر
جميله:بقلق:فيه ايه قلقتنى
عمر:امبارح مروان كان عندى وكان عايز…….وقص عليها كل شئ….فأنا عايزك تيجى معايا
جميله:انت وعدتنى انك تحمينى ...هتحمينى ازاى وانت هتودينى عند مروان ده …
عمر:لازم تيجى معايا علشان كل حاجه تكمل للأخر بس صدقينى على جثتى يلمس منك شعره واحده ...و لولا انى مضطر مكنتش دخلتك فى الموضوع ده خالص بس اوعدك انى هرجعك بيتك النهارده بالليل بالكتير اوى
جميله:بجد يعنى انا خلاص هرجع
عمر:ايوه طبعا انا مش وعدتك انى هرجعك
جميله:شكرا ليك بجد وخلاص انا هروح معاك ومتأكده انك هتحمينى وواثقه فيك
عمر:شكرا ليكى وان شاء الله هفهمك كل حاجه قبل ما ارجعك بيتك اتفقنا
جميله:بأيتسامه:اتفقنا
نظر لها عمر وهى تبتسم وشعر بغصه فى حلقه بسبب توريطها فى هذا الأمر ولكن ليس بيده خيار آخر
💁💁💁💁💁💁💁💁💁💁💁💁
كانت اميره عائده من المستشفى بعد أن أجرت الفحص الدورى الخاص ببسمه عندما لاحظت أن السائق يقود بسرعه عاليه
اميره:ايه يا عم فتحى سوق براحه
فتحى:معلشى يا اميره يا بنتى بس فى عربيه بتزنق علينا مش عارف ليه
اميره:تلاقيه واحد مستعجل ولا حاجه خلى بالك انت بس من الطريق
فتحى:حاضر يا بنتى
وفى طريقهم توقفت سياره ذات دفع رباعى أمامهم وارغمتهم على التوقف واقتحموا عليهم السياره رجالين بأقنعه ومعهم رشاشات
اميره:وهى تضم بسمه الى صدرها:ايه ده انتوا عايزين ايه
الرجل المقنع:هانى البنت دى واحنا نسيبك تمشى
اميره:وهى تتمسك ببسمه:على جثتى تأخدها انت فاهم
الرجل المقنع:وهو يضع السلاح امام راسها:انتى اللى اخترتى
ولكن قبل أن يطلق النار تحدث شريكه الذى كان يهدد فتحى بالسلاح النارى
شريكه:يا عم هاتها مع البت علشان تأخد بالها منها بدل ما نتمرمط احنا معاها
الرجل المقنع:عندك حق ...ونظر لاميره وجذبها من حجابها….يلا انزلى من العربيه يا بت بدل ما اقتلك
هبطت اميره معهم خوفا من أن يقوموا يأخذ بسمه منها وكانت تتمسك بنقابها حتى لا يقوم احدهم بخلعه عنها
الرجل المقنع لفتحى:انت بقى قول للبيه بتاعك لو عايز يشوفهم تانى ميتصلشى بالبوليس ويستنى منى مكالمه النهارده فاهم
فتحى:برعب:فاهم ...فاهم
💁💁💁💁💁💁💁💁💁💁💁
فى منزل شذا
كانت شذا تتناول الطعام مع والديها عندما تحدث والدها
الاب:ابو محمد كلمتى النهارده فى موضوعكم تانى
شذا:يووه مش هنخلص من الموضوع ده بقى يا بابا
الام:يا بنتى الراجل شاريكى بلاش تبيعيه انتى
شذا:صدقينى يا ماما محمد ذات نفسه لو سألتوه هتلاقوه ميعرفشى باللى ابوه قاله
الاب:يعنى ايه الكلام ده يعنى ابوه هيعمل حاجه من وراه
شذا:انا متأكدة من كدا وحتى لو يعرف….. محمد ده اخر راجل ممكن انا ابصله
الام:ليه يا بنتى دا راجل فيه كل المواصفات اللى الواحده تتمناها ترفضيه ليه
شذا:بأنفعال:لأنه يوم ما قابلنى فى النادى واتأكد من رفضى قالى انى عايزه افضل كدا علشان اعيش بمزاجى ويوم ما ربنا يهدينى ادينى كنت متجوزه قبل كدا ومحدش هيعرف حاجه ...وبدموع...عايزانى بعد الكلام ده افكر حتى انى اوافق عليه يا ماما
الاب:بعصبيه:ابن ال….. قال الكلام ده ليكى وانتى مقولتليش ...بقى انا فاكره راجل بجد يطلع زباله كدا انا هوريه ابن ال…..
شذا:اهدى يا بابا دا ميستحقش حتى انك تفكر فيه….ووقفت ...انا شبعت هدخل اوضتى بقى بعد اذنكم
بعد رحيلها
الام:يا حبيبتي يا بنتى بختك مايل طول عمرك
الاب:فعلا من يوم الحادثه وهى الدنيا مدياها ظهرها ربنا يصلحلها الحال
الام:يارب يا حاج يارب
💁💁💁💁💁💁💁💁💁💁
فى مكتب أسر
كان أسر يتناقش فى بعض النقاط مع احمد عندما رن هاتفه برقم فتحى
أسر: السلام عليكم..ايه يا فتحى فيه ايه….حصل امتى الكلام ده …...ماشى يا فتحى ماشى ….هعمل ايه يعنى هستنى اتصالهم...ربنا يستر ….مع السلامه
احمد:بقلق:فيه ايه يا اسر
أسر:اميره وبسمه فى ناس خطفوهم وبيهددوا أن لو كلمنا البوليس مش هنشوفهم تانى
احمد:يعنى ايه الكلام ده حصل امتى
أسر:من شويه انا قلقان عليهم اوى
احمد:طيب هتعمل ايه دلوقتى
أسر:بقلق:مفيش ادامى غير انى استنى اتصالهم ...ربنا يستر
احمد:متقلقشى أن شاء الله هيرجعوا بالسلامه
أسر:يارب يا احمد يارب
💁💁💁💁💁💁💁💁💁💁
فى منزل حسام
لم ينم حسام طوال الليل وهو يفكر فى حديث والدته فهو لا يستطيع التخلى عن اى منهما ...وعندما تعب من كثرت التفكير قرر أن يخرج من المنزل قليلا ولكنه فى طريق خروجه قابل والدته
سهير:هااه قررت ايه يا استاذ انا ولا هى
حسام:يا ماما علشان خاطرى متحطنيش فى الاختيار الصعب ده
سهير:صعب يا خساره تربيتى فيك انت لو طمر فيك التربيه كنت اخترتنى من غير تفكير
حسام:يا ماما انا بحبك لانك امى ومقدرشى استغنى عنك ابدا بس بردوا كوثر …..
سهير:مقاطعه:لا بس ولا حاجه انا هلم هدومى واروح عند اخواتى هما اولى بيا منك مدام كوثر اهم عندك منى
حسام:يا ماما علشان خاطرى متعمليش كدا صدقينى انا تعبان مش مستحمل ضغط الأعصاب ده
سهير:والله انا كلامى واضح اختار يا انا يا هى يا حسام واسمع قرارك النهارده بالليل فاهم ولا لا
تركها حسام وخرج من المنزل وهو لا يدري ماذا سيفعل بينما جلست سهير على المقعد بأبتسامه فقد تأكدت أن حسام فى النهايه سيختارها هى..... نهايه الفصل
💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘


فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 06-10-18, 01:43 PM   #20

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


بسم الله الرحمن الرحيم
لا تدع القراءه تلهيك عن الصلاه
الفصل الثامن عشر
💘💘💘💘💘💘💘💘💘💘
كانت اميره تجلس فى غرفه تشبه الى حد بعيد المنازل القديمه المبنيه بالطين فقد ادخلها الخاطفون هذه الغرفه وتركوها بها منذ اكثر من ساعتين وها هى بسمه قد بدأت فى التململ بسبب شعورها بالجوع فوقفت اميره وهى تحملها واتجهت إلى باب الغرفه واخذت تدق الباب وتنادى على من بالخارج
اميره:انتوا ياللى بره ...ياناس ياللى بره
فتح الباب ودخل احد الرجلين ومازال القناع على وجهه
الرجل المقنع:انتى عايزه ايه..يتنادى ليه
اميره:البنت جعانه لازم تأكل دلوقتى
الرجل المقنع:اجيبها شويه رز وطبيخ يعنى
اميره:لا طبعا دى صغيره اوى متكالشى الكلام ده هاتلها بسكويت او لبن
الرجل المقنع:ماشى..ونظر الى الخارج...رجب...يارجب هات شويه لبن من عندك البت الصغيره جعانه
رجب:خد يا شعبان اللبن اهو تعالى بقى علشان نتصل بعم البت
شعبان:ماشى ...ونظر الى اميره...خدى اللبن اهو عايزه حاجه تانيه
أميرة:لا مش عايزه
تركها الرجلين وخرجوا ليقوموا بالاتصال بأسر بينما جلست هى ووضعت اللبن الذى أحضره شعبان فى ببرونه بسمه وبدأت فى اطعامها وهى قلقه من القادم
💁💁💁💁💁💁💁💁💁💁💁
فى شقه كوثر
دق باب الشقه ففتحت كوثر بعد أن ارتدت حجابها فوجدت أن حسام يقف مرهقا على باب الشقه
كوثر:حسام مالك يا حبيبي...تعالى ادخل
حسام؛وهو يدخل الشقه:انا تعبان اوى يا كوثر
كوثر:وهى تجلس بجواره:الف سلامه عليك يا حبيبي فيه ايه طمنى
حسام:اصل انا اتكلمت مع ماما…….وقص عليها كل شئ
كوثر:وهى تقف:وانت اخترت ايه
حسام:انا مقدرشى اختار بينكوا انا بحبكم انتوا الاتنين ومقدرشى استغنى عن واحده فيكوا
كوثر:بس انت لازم تختار ….وانا هسهلها عليك
حسام:وهو ينظر اليها:قصدك ايه
كوثر:وهى تحاول التماسك:اختار مامتك يا حسام ….اختار مامتك وطلقنى
حسام:وهو يقف:ايه اللى انتى بتقوليه ده انتى اتجننتى انا قولتلك قبل كدا انى لا يمكن اطلقك
كوثر:مبقاش قدامك غير الحل ده...الا بر الوالدين يا حسام انا يتيمه واعرف كويس يعنى ايه اب وام علشان كدا مامتك اولى بيك مهما عملت
حسام:وهو يحتضنها:بس انا بحبك يا كوثر ….حرام اللى بيحصل لينا ده
كوثر:وهى تنظر فى عينيه:وانا كمان بحبك بس خلاص حكايتنا انتهت
حسام:لا لا يمكن انا هدور على حل تانى انا….
كوثر:مقاطعه:انتى حبيبي وارجل راجل انا شفته فى حياتى علشان كدا مش عايزاك تخسر رضا مامتك...وامتلئت عينيها بالدموع…. اما بالنسبه ليا متخافشى عليا انا متعوده أن اى حاجه بحبها بتروح منى …..ارجوك متصعبشى الموضوع علينا اكتر من كدا ...وطلقنى
نظر حسام الى عينيها ورأى بهما التصميم على ما تقوله فتنهد واقترب منها
حسام:بدموع وهو يحتضنها:انتى طالق يا حب عمرى
ابتعدت عنه كوثر وأعطته ظهرها وتحدثت
كوثر:مع السلامه يا حسام ...ابقى روح طمن مامتك علشان متفضلشى قلقانه
حسام:وهو يضع كفه على كتفها:كوثر انا
كوثر:وهى تتقدم للامام فتسقط كفه من على ذراعها:مع السلامه يا حسام ...مع السلامه
خرج حسام من الشقه بخطى بطيئة حزينه واغلق الباب خلفه بينما جلست كوثر أرضا وضمت ركبتيها الى صدرها وانفجرت فى البكاء
💁💁💁💁💁💁💁💁💁💁💁
اتجهت جميله مع عمر الى فيلا مروان وهى تشعر بالرعب مما هو قادم بينما كان عمر يجلس بجوارها شاردا وبالفعل وصلوا إلى الفيلا
عمر:مهما حصل عايزك تفضلى واقفه جنبى فاهمه
جميله :حاضر فاهمه
مروان:وهو يتقدم منهم:عمر باشا اهلا وسهلا مواعيدك ممتازه ونظر الى جميله...ازيك يا قمر عامله ايه
جميله:الحمد لله
عمر:انا جبتها معانا ذى ما اتفقنا ورينى بقى البضاعه علشان استلمها وامشى
مروان:مستعجل على ايه يا عمر باشا ..دى السهره صباحى النهارده
عمر:بنظره ذات معنى:السهره ليك انت هقعد انا اعمل ايه
مروان:بضحكه خبيثه:على رأيك يلا بينا نروح المخزن
نظر عمر الى جميله وقال
عمر:تعالى معانا يا جميله
اتجه ثلاثتهم الى المخزن وبدأ مروان فى المدح فى بضاعته وأخرج عبوه مليئه بالهيروين واعطاها لعمر وقبل أن يدرك ما يحدث امتلئ المخزن برجال الشرطه وبدأ تبادل النيران وتمكن رجال الشرطه من القبض على جميع رجال مروان بينما كان عمر يحاول إخراج جميله من المخزن حتى لا تصاب بأى اذى عندما راى مروان امامه
مروان:بقى بتخونى يا عمر انا هقتلك وهتقل اللى انتى بتحميها
ورفع سلاحه النارى واطلق النيران على عمر الذى وقف امام جميله ليصاب بثلاث طلقات نارية ووقع ارضا فى اللحظه التى وقع فيه مروان على الارض بسبب اطلاق احد افراد الشرطه النيران عليه ليقع جثه هامده بينما وضعت جميله رأس عمر على قدميها
جميله:ببكاء:عمر ….عمر انت كويس...عمر علشان خاطرى فتح عنيك….عمر...عمر
فى هذه اللحظه اتجه اليها الشرطى الذى أطلق النيران على مروان وأبعدها عن عمر
الشرطى:يلا بينا يا انسه دا خلاص مات ...يلا بينا لازم تخرجى من هنا
جميله:وهى تتجه مره اخرى الى عمر:عمر ...قوم يا حبيبي...عمر
ولكن الشرطى حملها على كتفه وخرج بها من المكان بأكمله وفى لحظات كانت جالسه فى غرفه الشرطى الذى احضرها الى هنا
الشرطى:انتى اسمك ايه وايه اللى وداكى هناك
جميله:انا جميله حسن ……………..وقصت عليه كل شئ
الشرطى:ماشى يا دكتوره تقدرى تروحى بيتك
جميله:وعمر
الشرطى:انا اسف يا انسه دا مات ..البقاء لله
خرجت جميله من قسم الشرطه وهى لا تصدق ما حدث وقادتها قدميها الى منزلها ودخلت مباشره الى المرحاض لتدخل بملابسها تحت رذاذ المياه لعلها تفيق من هذا الكابوس
💁💁💁💁💁💁💁💁💁
فى فيلا أسر
احمد:العصابه كلمتك
أسر:ايوه لسه مكلمنى عايزين خمسه مليون جنيه علشان يرجعوا بسمه واميرها تانى
احمد:خمسه مليون...طيب اتأكدت انهم معاهم فعلا
أسر:اللى كلمنى قالى أنه هيخلى اميره تكلمنى بالليل
احمد:وهتعمل ايه
أسر:مفيش إدامى غير انى ادفعلهم اللى هما عايزينه انا لا يمكن اسمح أن حاجه تحصل لاميره او بسمه
احمد:ربنا يستر….أن شاء الله كله هيبقى تمام
أسر:يارب يا احمد انا قلقان عليهم اوى
💁💁💁💁💁💁💁💁💁
فى غرفه سحر
كانت سحر تتحرك فى الغرفه ذهابا وايابا بينما والدتها تجلس على الفراش
تحيه:انتى هتفضلى رايحه جايه كدا حولتينى
سحر:بنت ال ….انا كنت خلاص قربت اشيلها من إدامى خالص
تحيه:انا مش عارفه انتى بتفكرى فى ايه ولا ايه بنت اختك مخطوفه وربنا وحده هو اللى عالم هترجع ولا لا
سحر:لا هترجع متقلقيش أسر لا يمكن يسبهم يعملوا فيها حاجه انا بتكلم عن اميره
تحيه:مفيش حاجه هتتغير حتى لو هى رجعت هتفضل فاكره انك واسر هتتجوزوا وهيفضل أسر فاكر انها عايزه تمشى علشان تتجوز يعنى فى الحالتين انتى اللى كسبانه
سحر:ادعى معايا يا ماما انها تموت ولا تروح فى ستين داهيه بعيد عنى
تحيه: متقلقيش يا حبيبتي انتى بس تقلى جرعه الحنان اليومين دول لأسر
سحر:بأبتسامه خبيثه:لا متقلقيش عليا انا عارفه انا هعمل ايه بالظبط.... نهايه الفصل
💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘💘


فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 04:41 PM



Powered by vBulletin®
Copyright ©2000 - 2024, vBulletin Solutions, Inc.