آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
29-03-19, 08:54 AM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  سحر المقابر / للكاتبة زينب ماجد ، عراقية ، مكتملة
التعديل الأخير تم بواسطة لامارا ; 23-04-19 الساعة 09:14 PM | |||||||||||||
|  |
|
21-04-19, 09:24 PM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  رابط لتحميل الرواية هنـــــــــــا بسم الله الرحمن الرحيم السلام عليكم ورحمة الله وبركاته Lưu lại قصه واقعيه حقيقيه تحكي واقع فتاة تتعرض للسحر لتصل لدرجة الموت لكن كيف ستكون النهايه وما هوه الحل.. فــي ...سحر المقابر..🔞  (رواية قد لا تناسب اصحاب القلوب الضعيفه) زينب ماجد🌷 لنفترق قليلاً لخير هذا الحبّ يا حبيبي وخيرنا.. لنفترق قليلاً لأنّني أريد أن تزيد في محبّتي ...أريد أن تكرهني قليلاً.. لنفترق أحباباً فالطّير كل موسم تفارق الهضابا والشّمس يا حبيبي تكون أحلى عندما تحاول الغيابا كن في حياتي الشكّ والعذابا كن مرّةً أسطورة كن مرّةً سرابا.. وكن سؤالاً في فمي لا يعرف الجوابا.. لنفترق كي لا يصير حبّنا اعتياداً وشوقنا رمادا.. 🍃🍁🍂(نزار قباني) بسم الله الرحمن الرحيم.. "فيتعلمون منهما ما يفرقون به بين المرء و زوجه وما هم بضارين به من احد الا بٲذن الله" صدق الله العلي العضيم آيةً من القران تنص على وجود السحر والساحرو من هذه الآيه سوف احكي لكم قصة فتاة خجوله عانت ما عانت لتكسب حبيبها لكن اصحاب النفوس الضعيفه لا اعرف ما يكسبوه بٲعمالهم المشعوذه ليفرقوهم لكن لم يعلموا ان سحر الحب اقوى بكثيييييير من اي سحرً اخر لان الحب بركة من اللهسٲترك القلم للجميلة سنا تعرفكم بها وتشرح لكم لسان حالها سنا.. اشكرج زينب.. مرحبا اعرفكم بنفسي اسمي سنا من منطقة الشعله بغداد.. عمري حاليا 25 سنه خريجة اعدادية سادس علمي ما كملت لضروف حتعرفوها لاحقا مواصفاتي كٲي بنت عاديه بشرتي بيضه عيوني سود وجهي بيضوي ملامحي نازكه جسمي رشيق بس شوي مدبدبه 😁 67كغ وطولي 166سم امتاز بشعر طويل الكل يتعجب بيه وحاسدني عليه طويل لحد ركبة رجليه وسرح كووولش كل اللي تشوفه تكولي هذا حقيقي ويسٲلوني اخاف مسويه تسريح او كرياتين وذني الشغلات بس هوه حلو من الله وامي جانت معتنيه بيه بشكل بالزيوت والخلطات الطبيعيهتسوي حرير اسود يطير ويه الهوه من نعومته وخفته.. واني من كبرت بقيت اهتم بيه مثل ما جانت ماما تعتني بيه عائلتي متكونه من ثنين اخوه واخت وحده وام واب والباقين تتعرفون عليهم لاحقا قصتي بدت لما جنت بصف اول متوسط جان عمري 13 سنه راح ارجع بيكم لهذاك الزمن لحته تعرفون قصتي بالمضبوط (عمر ال13 سنه ) اليوم خلصت امتحانات نصف السنه اووووف يابه شلون خلصت هم عله كلبي بس اريد انام احس راسي حينفجر من المعلومات والقرايه الحافظتها ماما.. ها ماما اجيتي الله يساعدج سنا.. هلا ماما حبيبتي اجيت وميته تعب واخيرا خلصت ماما.. فدوه العمرج يمه ارتاحي ناميسنا.. اي والله ماما كولش تعبانه حنام لتكعدوني ماشي ماما.. نامي ييمه نوم العوافي انشالله وربي ليضيع تعبج واطلعين احسن درجات سنا.. فدوه الكلبج ماماتي بستها ورجعت لسريري ردت انام باوعت صلاة الضهر بعد نص ساعه كلت خل انتضرها اصلي وانام صارت الاصلاة صليت وكبل للفراش ما كعدت الا على صوت اختيربى.. دكعدي يله عيني سونه صارت صلاة المغرب سنا.. اي حبيبتي كعدت باوعتلها الموبايل بٲيدها باوعتها هيج😒 عيني كعدتيني وصلاة وصايره شيخ براسي وانتي لازمه الموبايل😒 ربى.. اي شبيج حصلي بس هذا حمودي ثبرني بالرسايل كلساع يدز رسالة حب واني ارد عليه برسالة حب ثانيه سنا.. جريت نفس الله يديم الحب عيني ..حمودي او احمد يصير خطيب اختي ربى وثابرتني الليل كله تحجي وياه واني مخليه المخده عله راسي في سبيل انام يله شنسوي نتحملهم بين ميتزوجون ونخلص منهم اوووف بس شلون حكدر عله فراكها هيه كولشي الي بهلحياة اختي واعز من روحي باوعتها شلون مبتسمه وهيه تراسله ..ابتسمت كلت عيني ام الحب الله ديتصل تجاوبين لو انطي مشغول ويه الحب😒 (قصدي الصلاة) ربى.. هههه استغفر الله ربي كايمه كايمه حصلي سنا ..كامت شفتها حتدخل الحمام قبلي ركضت اتسابق وياها اني اوكف اتوضى قبلجربى.. معليه اني دخلت اول سنا.. مااااااااا انييييييييي وندافع ابعض ونبوك المي لحته نتوضه منو تخلص اسرع اني خلصت قبلها ركضت للغرفه لزمتني من هدومي في سبيل لا امد المصلايه واصلي قبلها جرت ملف الصلا مالتي وخلته جوه ايدها لحد مكملت انطتنيا اني بسرعه لبسته ووكفت علمصلايه وواكفين سوه يم بعض انصلي منو تخلص صلا اول هيه الخسرانه ونبقى انمد ونجر بالصلاة يمكن اقره سورة الواقعه في سبيل اطول بصلاة اكثر منهاكملنا لزمنا القران هيه تقره واني اقره صعدت امي تصيح ماما.. شلون بلله ويه الصافي والفالي غير يكملون اليوم مو متت كومن سون عشا كومن😠 هدت علينه بالماسحه اطفررررر🏃🏃🏃👀 نزلنا للمطبخ فتحنا الثلاجه طلعنا خيار وناكل وفاكين الثلاجه ونكول امممممم شنسويييييييي صحت يمااااا ماما.. وغما صوتجن نصنه فضحتنهسنا.. يمااا شنو نسوي عشا ماما.. شوفي شنو كدامج سوي كلها نعمت الله سنا.. اي لا مو تره متروسه انواع وشكال لو ما بس البيذنجان والبتيته والطماطه اكو غيرهن العشا التقليدي لكل عائله عراقيهطلعنه المخضر اني كمت اسوي البيذنجان وربى تكشر بتيته ونسولف ونضحك كعدنه كل وحده خلت طاوه ونكلي ونصنف عله هذا ونضحك عله هذا من كد الضحك بطني صارت توجعني خليت ايدي عله بطني واصيح ربى كلبيييييي وهيه تكولي شبيه كلبج اني قصدي تكلب البيذنجان واكولها ولج كلبييييييربى.. لج شبيه كلبج ماما ماما هاي سنا كلبها يوجعها سنا.. ولج ومرض اكلج كلبي البيذنجان احترررررررك😡😡.. ربى.. شنو ههههههههههههههههههه لج عبالي تكولين كلبي يوجعني😂😂😂😂 سنا.. عابت دنطينيييييي ميييييربى.. هاج هاج وانطيتها مي سنا.. شربت مي واخذت نفس اوف يمه ردت اموووت هههههه كبر اكلج كلبي قصدي تكلبين البيذنجان مو عليه😂😂 ربى.. واني شمدريني بيج متكوليلي ههههه سنا.. عابت متفهميني بسرعه 😒 كملنا الاكل بتيته وبيذنجان وكلينا طماطه وسوينه زلاطه وكعدنا وكعدو اخوتي وبابا وماما ياكلون اباوع لاخويه مسلم.. ياكل ويلعب بالموبايل جان بوقته موبايل اسمه سيمز.. شفته يرفض اتصال كل شوي ضحكت.. كتله هااااا مسلم خزرني عود سكتي منا بابا قربت منه وكتله اسكت بشرط اعرف منومسلم.. انجبي سونه بعدج صغيره عله هلسوالف عيب سنا.. يمعود تره مفتحين بالبن دحجي كال بعدين كتله ماشي كملنا اكل اني رحت للمواعين اغسلهن واختي ربى راحت للبيت تنضفه كملنا دخلت سبحت وطلعت لغرفة مسلم ..ما انام اذا ما اعرف منو هايهدكيت الباب وفتحته ومديت راسي وكتله هااااا مو عبالك اعوفك مسلم.. ههههه تعالي وسدي الباب بارده سنا.. حااااااظر .. سديت الباب وكعدت اتقربت منه كتله اي سولفلي منو هاي اللي تتصل هواي ولاطشه متخليك تاكل مسلم.. انجبي هذي دنيا حبيبتيسنا.. هله هله من هسه انجبي علمودها يابه اتزحلكنه بالطرشي مسلم.. لا طبعا انتي اختي وغاليتي بس عيب تحجين هيج عليها اني احبها سنا.. اممم وشنو نيتك وياها بس مخابرات لو شنو مسلم.. لا طبعا اني ما احب العب عله اعراض العالم الللي يلعب ابنات اناس باجر يلعبون ويه عرضه وما اقبلها هذي مو اخلاقي سنا.. يمه فدوه لاخويه المؤدب انشالله تصير من نصيبك يارب كملت منا طلعت شفت ربى كاعده يم امي وتسولف وياها وتنصحها علزواج وشلون تتعامل ويه زوجها وشلون تتصرف ويه عيالهارحت كعدت يمهن اتعلم شوي سكتن كتلها الضاهر مو مرحب بيه خل اكوم امي كالت لا ماما مو هيج بس بعدج صغيره ما اريد اسمعج هيج اشياء واطبعهن بفكرج كتلها ٱפگـي?.. اكول ماما والله ضوجه ماكو طلعه منا منا تعبت من الدراسه اريد شوي اتونس ماما.. باجر ايهاب ابن ام ستار ماخذ كوستر لام الفرع للامام علي نزور ترحين سنا.. ايييييييي علواااااماما.. لعد حضري روحج باجر الفجر نطلع بعد صلاة الصبح سنا.. ماشي رحت حضرت ملابسي وحاجاتي وكملت ونمت كعدتني ماما لصلاة الصبح يمييييييي تكتل برد صليت كوه واكفه من البرد لبست بنطرون اسود وبلوزه طويله لفوك الركبه ولبست وياه بوت اني مو محجبه لان بعدني زغيره عادة نتحجب من ندخل الثالث متوسط فلبست قبعه صوف حلوه ولميت شعري بيها كعدت انتضر السياره ويدزون علينا لشوي اجت جارتنا كالت يله راح نتحرك كالت امي يله كومي رحت صعدنا الكوستر مقبطه بس الكرسيين اللي ليكدام كعدت امي علكرسي الملتصق واني كعدت علكرسي المتحرك صلو على محمد وقرينا الفاتحه لٲم البنين تسهيل امر وتحركت السياره مشينا الجو باااااارد وفجر طلعت mb3 مالتي وخليت السماعات بي وطلعت باسم الكربلائي وكمت اسمع اناشيد خليت راسي عله كتف ماما وغفيت شوي فتحت عيوني صارت عيوني بعيون السايق عيونه سود كحليهخجلت دنكت رجعت باوعت هم بعده يباوع يبوووو شكد عيب هذا شبي يباوع يمكن اول ولد بحياتي اشوف يباوعلي هيج عمري زغير وابد ممخليه ابالي هيج سوالف لو مال حب وغزل مو يمها كلش بس هذا ما اعرف اربكني بعيونه وهوه يباوع كبر شنو ميستحيبقيت الطريق كله مرتبكه ما اعرف نضراته مخلتني ارتاح لا غفيت ولا استمتعت بالطريق كولش ضجت هاي عود رايح زياره استغفرالله ربي وصلنا الكراج جانت الدنيا تكتل برد الساعه 9 الصبح الجو مغيم نزلنا واني انفخ بٲيدي لحته ادفه اباوع نزلت غدير صديقتي ويايه بالصف ضحكت كتلها هاي شنو انتي ويانه بالسياره واني ما ادري كالت اي شفتج بس ما حجيت من انزل كلت احجي وياج بقيت امشي وياها ونحجيمتوجهين للمرقد مال الامام علي الولد صاح غدير منا امشي ..باوعت الولد نفسه اللي يباوعلي كتلها غدير شيعودلج ه̷̷َـَْـُذآ الولد كالت اخويه ايهاب كتلها صدوووك يعني ام ستار تصير امج ضحكت كالت ايي كتلها والله ما اعرف هاي اول مره ادري هيه صح صديقتي وويايه بالصف بس ما عندي اختلاط بيها اول مره اعرف هيه تصير بفرعنه ابد ممنتبها عليهابقينه نمشي واللي اسمه ايهاب ابد مشال عينه واحنه نمشي يبوووو شيخلصها والله من كد ميباوع انحولت علساعه انچبح ووكع من الثول الثولنياه وصلنا للزياره غدير جانت محجبه بس انـّ'ℳέ'ـّيٌ لا فكالو لازم تلبس عبايه ميصير تزور هيج كلت لامي ماما ما اعرف البسها فشترتلي ملف مال صلاة البسه وادخل بيه هوه واكف نزعت القبعه الصوف ونزل شعري يتماوج جواي كلهن كالن اللهم صل على محمد وال محمد.. ام مسلم هاي بنتج شعرها حقيقي كالتلهن امي اي شعرها هيج من الله عله بيبيتها هم هيج شعرها ..كمت اباوع الولد صافن عله شعري وفاتح حلكه طبعا شعري ابد لا قراصه ولا كماشه تصير بيه تتزحلك وتوكع فمتعوده دائما شامرته عله ضهري نازل عله طوله تكول عبايه بسواد الليلاني ابد من النوع الخجوله ما اعرف اتخالط كولش استحي من توكف مره او رجال كدامي اتلعثم و ما اعرف احجي فبقيت مرتبكه وهوه يباوع لبست الملف وتوجهنا نمشي للزياره من كد ما مركز عليه واني مرتبكه من وراه عثرت ووكعت وهوه ورايه صاح الله الله وركضلي… يتبع 🌺🌺🌺🌺 قصه جديده اتمنالكم قرائه ممتعه لا تنسو التصويت ورٲيكم يهمني اسمعه ا؏ــبـ❤ــ?م موووت 😘 زينب ماجد 🌹 التعديل الأخير تم بواسطة فيتامين سي ; 24-04-19 الساعة 02:28 AM | ||||
|
| |
|
21-04-19, 11:56 PM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| اترك قلمي لايهاب يعرف عن نفسه ايهاب.. شكرا غاليتي.. اعرفكم بنفسي اسمي ايهاب من منطقة الشعله بغداد عمري 22 سنه طالب كلية هندسه نفط اوصافي عاديه مثل كل شاب عراقي حنطي عيون سود شعر اسود ولحيه خفيفه والجسم متناسق والطول 174سم عائلتنا الحمدلله متمكنه وعدنا خير من الله .. عائلتي متكونه من 4 اخوه تلاثه متزوجين ثنين ويانه بالبيت واحد طالع 3 خوات ثنين مزوجات وحده طالبه اسمها غدير والوالد والوالده الله يحفظهم اخويه ستار الجبير عنده كوستر يشتغل بيها لما اكعد او تصيرلي اجازه من الكليه الم الفرع زياره هم اطلع فلوس اسبوعيتي وهم احصل زياره اضوج اعتمد علوالد ينطيني مصروفي لما اروح للجامعه فٲلمها بٲيدي كل اسبوع اشتغل بالكوستر واخويه ابد ميمانع متفقين عله هلشغله فد مره كملت اختي غدير مدرسه كالت ايهاب اخذنا للزياره وامي هم لحت كلتلهم خوش انطو خبر للفرع منو يريد يروح ناخذه علمود نزور راحت امي وبلغت جيرانه ولمتهم قبطت الكوستر كلتلهم باجر بعد صلاة الصبح اطلع ..كعدنا الصبح صلينا واكلنا لكمه وطلعت صعدت بالسياره امي راحت بلغت الجيران اجو صعدو كالو بعد بس ام مسلم وبتها.. بقيت متاني شوكت تجي ام مسلم اجت صعدت وصعدت وياها بنيه شلون نازكه وشكلها محبوب رغم صغيره كولش بس ما اعرف شلون عيني زاغت عليها بقيت اراقبها واني اسوق طلعت جهاز زغير وخلت بيه سماعات وشكلتها بٲذنها ونامت عله كتف امها مغمضه واني اباوعها فتحت صارت عينها بعيني ابتسمت والسياره كلها نايمه فجر وبارده وبعده الضوه مطالع حسيتها خجلت نزلت عينها بقت تفر بعيونها بس متريد تباوعلي واني لطشت شبيه ما اعرف بنات الكليه اشكال والوان وعمري مباوعتلهن حاب اخذلي بنيه عله كد ايدي متطلع من طوعي وبنات هلوكت الله يستر منهن مينحزرن فمفكر اخذلي وحده زغيره علمود تربى يمي وعله اطباعي بقيت اباوعها وهيه تحاول متباوعلي وانتبهت لارتباكها.. وصلت كراج النجف نزلو كلهم رحت اصف السياره اجيت لكيت اختي غدير واكفه وياها كامن يسولفن ويمشن ما ينتبهن علدرب صحت عله غدير منا امشي انتبهتلي ودارت وجها ..وصلنا مقابل الحظره مال الامام كالو الما لابسه عبايه او جواريب تلبس علمود ندخل هيه جانت مو محجبه نزعت القبعه مالتها ونزل شعرها يتماوج شطوله ويطير وراها بالهوا البارد بقت عيوني مسحوره بيها نسيت نفسي واني اباوعها لبست ملف مال صلاة ومشت واني بقيت مركز عليها وهيه تمشي اخر شي عثرت ركضتلها كتلها الله الله اشو كلتلها هيج وهاي كامت تبجي كتلها شبيج تٲذيتي.. اجت امها نكثت اهدوها كالت لا خاله ما بيها شي بس تلكاها خجلت لان وكعت فدوه وهيج الخجل يبجي انوب مو دموع كل دمعه تكول ليلو.. بقيت واكف يمهم كتلها تريدين مي متحجي اجت اختي وكفت وياها انطتها مي وبقن يمشن سوا دخلنا الامام كلمن راح بوحده كتلهم نلتقي برا الامام علمود نروح للكراج سوا.. سنا.. لما وكعت وكالي الله الله وشالني من الفشله كمت ابجي وهوه يباوع بوجهي متت خجل غير يروووح طلعت روحي اجت اخته انطتني مي انوب بقينا نمشي لحد ما وصلنا الدخول مال المرقد اهنا هوه كال كلمن ياخذ راحته بالزياره نجتمع بنفس المكان علمود نروح للكراج رحنا اني وماما دخلنا الحظره ونشتم الهوا والعطر مال المرقد اووووووفيش يا ريحة علي دكول داخل الجنه من تشم عطره وتسر عيونك بشباكه رحت للشباك اخذت مرادي منه وزرت وكملت وطلعنا نقره قران وادعيه بالصحن كاعد اقره بسورة يس شلت عيني والكه الولد كاعد هوه واهله ومخلي ايده عله خده ويباوع اهوووو لا اله الا الله شلون بلله اريد انتبه واقره قران خلاص ولا كلمه افتهمت كملت السوره كتلها ماما راح اروح للحمام شوي شافتني غدير كمت اجت كالت للحمام كتلها اي كالت خل نروح سوه رحنا غسلنا وكملنا طلعنا الحمامات لكيناه بالباب يكول لغدير اخاف عليج ترحين وحدج وتجين وحدج بعدج صغيره ويباوعلي عفت غدير يمه ورحو لامي ممهتمه شنو هسوالف بعدني كل عمري 13 بس هذا ميستحي رحت كعدت يم ماما كملنا صلاة الضهر كالت يله نطلع ناكل لكمه كتلها يله رحنا طلعنا دخلنا مطعم نزلولنا كباب كعدنا ناكل كملت امي وطلعت الا تشرب جاي ومو بالمطعم الا برا يم الرجال اوووف ياماما عيييب هنا تكولي معليج خل اكمل چويتي عله راحتي شبيج مستعجله .. عاااا الرايح والراد احسه يباوع كملت ورحنا نفتر بالشارع مال الامام اشترينا ترب وسبح وسوار لاختي وخواتم بالحجار الكريمه لاخواني ورجعنا للمكان لكيناهم بعدهم مكاملين باوعلي دنكت ..حجت امي خاله لو كايللهم ننتضر يم السياره بالكراج مـℳOــو احسن ايهاب.. خاله مو اني هم نزلت ازور ولو واحد مكمل قبلي والسياره مقفوله راح يكعدون يتانون بالكراج والكراج بارد فد مره لان مفتوح بس هنا دفو بين الافرع والمطاعم بقينه انتاني لحد مكتمل العدد رحنا للكراج صعدنا رحت لاخر كرسي كالت ماما ووين موديتنا تعاي هنا كتلها اريد اكعد يم غدير رحت كعدت يمها وبقيت احجي وياها كالتلي انتي انتبهتي عله شي كتلها شنو كالت اخويه مشال عينه عنج كتلها لان بصراحه واحد ميستحي.. كالت لا والله هاي اول مره اشوفه يباوع بنيه كتلها غدير رجاءا عيب هسوالف ماما لو عرفت بهيج سالفه ماره عليه لا حرام تثرمني.. اسكتي فدوه كالت ماشي بكيفج بقينا نحجي علمدرسه والمدرسات والمواد شوي باوعت غدير غفت اخذت الMB3 مالتي خليت السماعات طلعت قصيدة (هنا ينازلين هنا) قصيده هادئه ومؤثره والجو بارد انتعاااش غفيت لشوي حسيت السياره وكفت .. باوعت جانت سيطره تفتش السياره.. اني كاعده يم الشباك ..نزل اللي اسمه ايهاب يفتحلهم ..اني فاتحه الشباك واباوعهم كمل اتقرب من الجام وسدها بوجهي وضحك.. كلت بكلبي كبر هذا شبيه مخبل.. صعد للسياره يباوعلي بالمرايا مباوعتله ابد وكٲنه مو كدامي وصلنا للبيت نزلنا كلمن راح البيته ..دخلنا ميته تعب كتلها ربى شوفيني الفراش ميته نعاس ..رحت كبل للفراش.. نمت.. كعدت المغرب دا اصلي دخلت الحمام و شفت عليه دم تخبلت عبالي مجروحه كمت ابجي هاي شصاير بيه ..رحت للفراش متغطيه وابجي خاف اكو بيه شي واخاف اكول لهلي يرزلوني اجت ربى كالتلي شبيج كتلها مريضه كالتلي كومي انطيج براسيتول.. كتلها ما اريد.. كالت دكووومي كتلها ما اريد لتلحين .. بقيت بفراشي كمت احس الدم لعب نفسي ردت اروح للحمام كمت ربى كالتلي شنو هذا الدم بجيت.. كتلها والله ما اعرف كعدت لكيت الدم مالي هدومي.. ضحكت ربى.. ههههههههههه لج يا عوبه هاي معناها كبرتي وكل بنيه تكبر هيج يصير بيها سنا.. يعني عادي متكتلني امي لان جارحه نفسي ربى.. عابت لا متكتلج تعالي اعلمج سنا.. علمتني شلون اداري الوضع وشلون انضف نفسي.. وكالتلي ميصير تصلين بوقت العاده اتعلمتها.. وطمنتني هيه وماما نفس الشي ربى ما ضمت سالفه كبل راحت خبرت امي.. اجت امي سئلتني كتلها اي ..اشو جابتلي 3 دواشك وكالتلي شيليهن وامشي.. كتلها شكو ماما داخله حرب.. كالتلي معليج.. شلتهن وامشي واصيح ..روبه روبه.. هههه.. كملت كالت مدي ايدج بالطحين.. كتلها انووووب… ههههه ماما شسالفه ماما.. اي ماما علمود تصير خفيفه عليج ومتٲذيج ووقتها صغيره سنا.. هلله هلله هلله شنو هلخرافات يوووم .. سويت مثل مكالتلي.. وطبعا اوامر ممنوع اكل الثلج ممنوع الحامض ممنوع المرطبات وجابتلي تمر وكالتلي اكلي استغفر الله ادري حامل خلصت الايام وخلصت الازمه ويه امي.. نزلت فد مره دا انضف المطبخ واسمع بابا وماما يحجون بغرفتهم بابا يكول لماما ديري بالج عليها صارت جبيره راقبيها شوفي كتبها داريها لتخليها ادور الراحه والحنان بغير مكان مدام اجتها العاده معناها صارت مراهقه وهسه تحب تبرز نفسها.. علميها عله دينه واخلاقنه واخلاق اهل البيت وعلستر والتحفظ وجيبيلها حجاب بعد تستر نفسها كولها ماما انتي بعد مو صغيره.. صرتي مره ولازم تتحجبين ..ماما كالتله انشالله اعلمها بكلبي كلت شنو هاي شكو كلهلخطط عليه.. ادري اجتني العاده لو تعينت بالاستخبارات الامريكيه ..طبعا نفس الكلام الكاله بابا اجت ماما وصتني بيه.. كالتلي لازم بعد تتحجبين.. كتلها ٱפگـي? بكيفكم ماما.. كالتلي لازم نروح للسوك نشتريلج ملابس محتشمه اكثر وحجابات.. كتلها ماشي.. اتفقنا العصر نروح ..بدلت وكملت كلتلها ماما هسه البس حجاب كالتلي لا هسه البسي قبعه وبعدين من اشتريلج اتحجبي.. كتلها اوك.. كاعد اعدل بنفسي دهنت شعري بالزيت ومشطته دا اريد امد ايدي علقبعه اتبده الزيت عليها.. اووووف هاي شسوووويت ادمرت القبعه شلون حروح لبست طوك كرستال ونزلت.. كالتلي ماما لعد وينها القبعه كتلها وكع عليها زيت ..كالت يله امشي ..مشينا طلعت البيت دنمشي بالفرع طلع ايهاب اخو غدير صديقتي كبالي اوووف هذا شطلعه ..شفته دنكت راسي.. سلم عله امي.. ……………… ايهاب.. بعد ما وصلتهم كلمن لبيته رجعت لبيتنه بقت البنيه ام شعر الطويل طابعه براسي رغم زغيره بس حبيتها صحت غدير كتلها غدير راح اسئلج عله كم شغله بس اريد الكلام يضل سر بيناتنا.. غدير.. كول سرك ابير ايهاب.. منو هايه البنيه ام شعر الطويل اللي مشيتي وياها لما رحنا للزياره غدير.. منو.. ؟.. ها..ها تذكرت سنا شبيها ايهاب.. اسمها سناء غدير.. لا سنا مو سناء اسمها الحقيقي سنين تكول.. بس يسموها سنا ايهاب.. هاااا حـڵــُـn̤̈ï̤c̤̈ë̤ــٌـٌـۆۆ غيدير.. الاسم حلو لوووووو😉 ايهاب.. هههههه واللهي الثنين حلوين غدير.. هلله هلله اخويه عاشك.. تره بعدها زغيره ايهاب.. اي بس معجب بيها خرب بيومها مو شعر عدها يخبل متت بي غدير.. اي كلها متعجبه بشعرها المدرسات يلزموه يكلولها حقيقي.. عبالهم باروكه ايهاب.. الله يستر عليها لو بس تباوعلي غدير.. ايهاب تره عيب بعدها زغيره وينها وين هلسوالف بكدي تقبل هسه اني اروح اباوع للولد ايهاب.. انجبي لج لا عله حلكج مو صوجج صوجي اني احجي وياج ..ولي عفتها وكمت بقيت افكر بيها كمت يوميه امر من باب بيتهم بلكت تمر ويرتاح كلبي ..ماكو ابد مبينت فد مره جنت نايم كعدت سبحت وكملت ردت اطلع لاصدقائي.. فتحت الباب وجان الكاها تمشي كبالي وشعرها يطير اويلي يابه راد عقلي يوكف بيها باوعتها دنكت فدوه شلون تربيه واخلاق ولا باوعتلي وخجلها موتني بيها رحت اتقربت كلت شلونج خاله ام مسلم كالتلي هله خاله هله.. كتلها وين طريقكم اصعدو اوصلكم بطريقي كالتلي لا خاله رايحين للسوك بربع نوصل.. كتلها يعني قريب اصعدي خاله.. كالت منريد نتعبك.. كتلها صدك جذب خاله عله بختج شنو تكاطعت الناس صعدن ورجعت اباوعلها بالمرايا كمت احاجيها بعيوني ابد ما ردت عليه.. اهمداني متعود عله امهات الكليه الوياي برقم تزحلكها بابا هاي بنت بيوت يعني صعبه تريد تجيها من الباب متقبل من الشباك.. وصلتهم للسوك.. نزلت كالتلي شكرا خاله كتلها العفو ولووو مشيت وكمت اباوعلها شلون تمشي رحت فريت شوي ورجعت كعدت كبال بابهم بلكت تمر بعد.. بقيت اتاني لحد ما اجت فاتت من يمي باوعت عليها وسويت نفسي احجي ويه صاحبي كتله محمد.. تباوع للسمه وحق الفوكاك احبك.. يتبع التعديل الأخير تم بواسطة لامارا ; 23-04-19 الساعة 04:33 AM | ||||
|
| |
|
21-04-19, 11:59 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| سنا.. وصلنا للسوك اشتريت ملابس وحجابات وشغلات الي ولربى لان عروس وامي كل ما تروح للسوك تشتري لجهازها كملنا رجعنا بكيا خمسمية دينار وصلتنا لراس الركن نزلنا اتمشينا للبيت واشوف ايهاب كبالي هذا مو وصلنا للسوك شرجعه هنا سويت نفسي ممهتمه اتقرب من عدنا ويباوع عليه ويحجي ويه صديقه كاله محمد تباوع للسمه وحق الفوكاك احبك.. ابتسمت على طريقة مغازلته ودنكت راسي.. جان يكوله ولك محمد ادري غمازات لو فلك اسود راح تخبلني وهذا صديقه يكوله ولك منيلي وجهي جنه طاوه يا غمازات ولك.. ضحكت عليهم شلون يحجون ومدنكه راسي من شافني ضحكت كاله ولك محمد والعباس لو قابليني بجامعة امريكا ما افرح مثل فرحتي بضحكتك انهجم بيتك شكد احبك وانته ما تحس اريد اغير ملامح وجهي وابعد الضحكه ما اكدر كلامه يجبرني ابتسم.. اريد اغنتب ماكو وصديقه يكوله ولك شهلفياله التطيرها اليوم شنو تحبني هاي من شوكت هلحجي وهوه يكوله خب دنجب.. يابه اريد اوصل الباب اختنكت لا اكدر اضحك امي يمي ولا اكدر اصبر وهمه هيج يحجون ..وصلت الباب دخلنا للبيت ووجهي بعده مبتسم.. كالتلي ربى اختي ها شكو شو تتمضحكين.. كتلها لا هيج اجت سالفه ابالي بالمدرسه صارت ويانه تذكرتها وضحكت كالت ربي يجعلها ضحكت خير كتلها امين.. رحت لغرفتي بدلت والابتسامه ممفاركه وجهي اتذكر حجيهم باوعت من الشباك علشارع ما لكيته.. يمكن جان واكف علمودي.. ما اعرف اكو شي بداخلي هيج احساس لطيف اول مره يلامس كلبي.. معقوله هيج حبيته لا لا ويني وين الحب بعدني صغيره.. كملت من الغرفه رتبت غراضي الجبتهن جدد ونزلت تلكتني امي يمه شنسوي عشا.. كتلها اهوووو هذي اكثر فقره اكرها شلون حيره ..بكيفج ماما شتردين نسوي كالت خل نسوي كبة تمن ..طلعي اللحم المثروم خلي علنار وكولي لاختج تسوي العجينه مال التمن كتلها ماشي راحت ربى تسوي العجينه واني سويت الحشو.. كملنا ودينا يم ماما هيه تلف مو مثلنا احنه منظبطها مثلها بس تنطينه كم وحده نجرب وياها علمود نتعلم خاصه ربى كعدتها يمها وتكلها تعلمي شلون الف.. باجر ابيت عيالج خاف يعيروج يكولون عليج عوبه امها ما علمتها وهيه تكلها مدام انتي امنا يخسي اللي يعيب علينا وعله نضافتنا.. بدت تتلوك 😒اعرفها علمود تكثرها هدايه بجهازها مال العرس مكفاها صار خمس جنط ادري راح تسبح بيهن.. طلعت الطاوه خليتها علنار مليتها زيت ونصيت النار للكبه علما تكملها ماما اباوع علنار واتذكر حجي ايهاب ضحكت.. كمت ادندن ويه روحي.. اول مره تحب يا البي واول يوووم اتهنى يما على نار الحب اللولي والئيتها من الجنه دا ادندن.. واتذكرت يبوووو 😨 صلاة المغرب ممصليتها خرب بيك ايهاب وخرب بعبد الحليم… من وراكم نسيت فرضي ركضت كالت امي هااا كتلها نسيت ممصليه.. هوه اذن واحنه بالطريق ومن رجعت واضحك عليهم وملتهيه بهلمشاعر التافها نسيت ربي اوووووف يا ربي يا حبيبي سامحني والله مو بقصدي انساك بس تعرف بليس شاطر ولهاني.. كمت صليت فرض المغرب والعشا.. بس قران مقاريه اليوم وامي تصيح علمود العشا.. اني متعلمه 50 ايه يوميه اقراها من القران تعليمات ابويه لازم ننطي حق للقران من ساعات يومنه واقل شي نقره منه 50 ايه لحته ما نعتبر من هاجري الكتاب الكريم باوعت من فوك واني بملف الصلاة صحت رببببببى ..كالت ووجع.. كتلها بكلبج حبيبي ممكن تكلين الكبه بمكاني بس اتلو شوي من القران وانزل كالت ماشي اخذي راحتج.. كتلها شكرا.. دخلت للغرفه.. كمت اتلو بالايات وايهاب صار كبال عيني اهووو اريد انتبه للكلمات واتمعنها ماكو دخت بيه بقيت اتعوذ من ابليس ماكو بعده ابالي كمت ال50 الايه طبكت القران وبسته وخليته عله كلبي.. اخذت نفس.. وكلت ياربي ياحبيبي لو هلولد وياه سعادتي او كاتبلنه شي بيناتنا وفقنا اله بالحلال ولا تورطنا بالحرام وابعد بليس من طريقنا ونور قلوبنا اللهم امييين.. كملت لفيت المصلايه خليتها بالخانه ورجعت القران المكانه.. ونزلت لكيت ربى تقريبا مكمله العشا .. كتلها شسوي كالت بس ثرمي زلاطه درگ لتسويها ثرم ..كتلها ماشي ..سويت زلاطه وخلينا الصينيه ورحنا اتعشينا كملنا رحنا كل وحده لشغلها تنضف ونغسل ..كملنا صعدت فوك.. اتمددت عله سريري.. اتذكرت كلامه ابتسمت اخذت المخده لحظني ودرت وجهي لربى.. كتلها ربى هم جربتي شعور الحب من قبل باوعتلي هيج.. 😠 وانتي شعلمج بهلكلام.. كتلها اسم الله دنسٲل سؤال شنو كفرنا.. عشتو اختي الجبيره واسئلها.. دروحي درت وجهي منها.. جان تكولي.. سنا.. منو هذا اللي ديرسم الضحكه عله خدودج.. ابتسمت واني نايمه ودايره وجهي منها.. كتلها محد كالتلي انتي اختي واني حافظتج من النضره كولي.. درت وجهي.. وكتلها ماكو احد والنبي.. بس اكو شخص ديلاحكني صار فتره.. كالت منو.. كتلها ما اكدر اكولج منو.. بس اكدر اسمع نصيحتج الي بهلخصوص.. عدلت كعدتها وخلت المخده بحضنها.. وكالت باعي حبيبي اسمعيني اني هم كعدت مثل كعدتها وحطيت المخده بحضني.. وكتلها اي كلي اذاناً صاغيه ربى.. سنا حبيبي.. الحب شي حلو ومفرح ومشاعر حلوه.. واحساس جميل.. بس الناس مو حلوه ومو كلهم عدهم هلمشاعر الصادقه مرات واحد يعشمج بكلامه ويغرج.. بس تلكين ابليس كاعد جوه السانه.. وانتي تعرفين ابليس من يلعب بعقل واحد.. يقنع اكبر واحد والدليل قنع ادم وخلاه يعصي ربه وهوه نبي مو مثلنا.. من وره كلامه المعسول واللي تحسيه كله صدق.. بس هوه جذاب بس يريد يخدعج فلا تصيرين صيده سهله لهيج شكولات من هلنماذج.. كلما عززتي نفسج.. وبينتي للمقابل انتي صعبه وتخافين عله سمعتج وسمعة اهلج المقابل حيحبج وحيحترمج اكثر تعرفين ليش لان الشخص لو راد يتزوج.. اكيد مراح يتزوج اللي تطلع وياه وتنطي شنو يريد.. احنه عايشين بالعراق وكل رجال عدنه تفكيره شرقي يعني يفكر يكول مثل مطلعت وياي.. تطلع ويه غيري.. مثل محاجتني هيج.. تحجي ويه غيري ويسترخصها واكيد مراح يتقبلها كزوجه اله وجنه لاهله تشيل اسمهم وهيه بايعه اهلها علموده مراح يقدر لو انطيتي عيونج وحبيتي بكد العالم مراح يصير بعينه لان يشوفج رخيصه ومو مناسب يخليج تشيلين سمعته يخاف تخونيه مثل مخنتي ثقة اهلج وياه سنا.. بس انـّ'ℳέ'ـّيٌ ما عندي شي وياه ابد بس هوه يغازلني ويباوع.. ربى.. معليج بيهم.. لو انتي اخته يقبل احد يباوع عليج لو يغازلج.. اكيد مراح يقبلها فلا تٲمنين بيه سنا.. ٱפگـي? ماشي شكرا.. دنحجي وخابر عليها خطيبها.. كالت يله تصبحين عله خير خابر حمودي.. كتلها الله يسعدكم.. وانتي من اهلو درت وجهي.. وبقيت افكر.. بلي كالته ربى فعلا كلامها صحيح.. لازم ما اصير رخيصه واضحك بوجها.. واكسر سمعة ماما وبابا اللي تعبو عليه.. باوعت للسما.. كلت ياربي يا حبيبي.. نور كلبي بنور ايمانك وابعد عني السوء وين ما كان غطيت راسي ونمت.. مرت الايام.. واني اجذب لو كلت ايهاب نسيته لو راح من بالي كٲي بنيه صغيره يدخل كلبها هيج شي ما تكدر تمنع عقلها ومتفكر بيه خلصت العطله واجت المدرسه داومت اول يوم استقبلتني غدير اخت ايهاب ..باوستها ورحنا للصف كعدنا.. مشتاقين لصديقاتنه اول يوم كعدنا بس نسولف ماكو دراسه.. حسيت غدير هوايه تسولف بٲخوها معقوله تعرف شي.. سويت نفسي ما اعرف مرت الايام والتهيت بالدراسه وابد شلت هلفكره من راسي حته لو اخته تسولفلي عنه اجبر نفسي حته ما اتٲثر بي كملنا النصف الثاني من السنه وانطونا النتائج طلعت اعفاء عام.. يعني حته ميحتاج امتحن شفهي او اشارك.. رجعت كعدت بالبيت بس اخر يوم بالامتحان رحت وياهم داومت علمود اشوف صديقاتي واودعهم.. دخلو القاعات الامتحان واني بقيت كاعده بالساحه الدنيا حاره نهاية الشهر الخامس تسمط سمط.. اوووف شجابني لو باقيه نايمه بفراشي مو اشرفلي.. كملو طلعو كتلهم هااا شنو الاخبار سهله صعبه الاسئله كالو صعبه تكتل ..اخذت ورقة الاسئله وكعدنا نحل اني وغدير كتلها سهله كلها بس انتو مقارين.. غدير كالتلي لو لابسه وجهي وممتحنه ابدلي مو احسن.. كتلها يجوز ههههه.. طلعنا نسولف ونضحك صفطت سياره ونزل الجام مال شباك.. شفت ايهاب منها شلون حلو ولابس نضارات وقميص ابيض وبنطرون اسود وشكله مرتب ولحيته تخبل صارت عينه بعيني دنكت.. كتلها يله غدوره اترخص اروح للبيت كالت وين هوه بيتكم بالفرع مالتنا امشي نوصلج ويانا كتلها لا والله ما اكدر هسه اخذ فورتات منا وارجع ميحتاج.. كالت ازعل عليج والله.. كتلها ٱפگـي? صعدت ليوره وهيه كعدت يما ليكدام.. حسيته فرح ابتسم نزع نضاراته وبقى يباوع من المرايا واني مدنكه عيوني.. طلع اغنية باسم العلي.. مشتاكلك مووووت.. مشتاك لعيونك حبيبي مشتاااااكلك موت بقت مدنكه والاغنيه احسه يقصدني بيها.. خلصت نصاه. الراديو .. وحجه ويه غدير.. كالها شلونج بالامتحان.. كالتله زينه كالها من كلمتج مبينه مصخمه وملطمه.. كالها وصاحبتج هم مثلج.. دنكت خجلت.. كالتله لا سنا اصلا اعفاء عام بس اجت اليوم تودعنا لان اخر يوم بالمدرسه باوعلي وابتسم ورفع حاجبه وكال اممم جيد.. ابتسمت ودنكت ايهاب.. اجيت اخذ غدير للبيت لان بالامتحانات ما خلينالها خط.. ابو الخط قفاص.. هوه ايام الامتحانات 12 يوم يريد اجره مال شهر ابويه راد ينطي بس اني مقبلت شنو يقفص علينه كتله يابه اني اخذها وارجعها شيرادلها واني ما عندي شي عدنا اجازه نقره بيها ..ما اطول اوديها واجيبها يوميه بسياره وصلت لباب المدرسه.. جنت اتاني كل يوم بلكت اشوفها لسنا بس ابد ممصادفها صار شكدددد اشوفها هيج خطف لما ينفتح الباب مالتهم بس ما اباوع استحي ابصبص عله بيوت العالم.. اليوم عيوني صارت بعيونها احس كلبي طار بشوفتها وهيه متحجبه بحجاب اميره شلون نازك عله وجها يخبل اصرت غدير عليها الا تصعد ويانه فرحت.. صعدت كمت اباوعلها وابتسم وهيه متباوع ابد.. شغلتلها اغنيه عبرتلها عن اشتياقي الها وردت احسسها اني ما نسيتها كل هلفتره هيه ابد مشالت عينها بعيني.. سٲلتهم علامتحان كالتلي هيه اعفاء.. باوعتلها ورفعت حاجبي كتلها جيد.. باوعتلي وبسرعه دنكت راسها وبسمتها تحاول تخفيها بٲرتباك يبووو كطعت روحي عليها.. وعلي لو هيه لو ما اريد.. لو اعرف اهد الكون اخذها اخذها.. لو اتانيها العمر كله سنا.. بقى يباوعلي واني ميته خجل وبكلبي هيج اكو فرح منزله عيني واباوع عله ايده شلون متجيها علجانب.. ايده مشعره بس بيضه حلوه وساعته الفضيه لايكه عليه.. وهيئتها حلوه.. بقيت مدنكه.. وما اعرف كمية الاحساس والمشاعر بوقتها هيج مخبوصه بين الحب والخجل وشغلات مفرحه وصلنه للبيت كتلهم شكرا بصوت ناصي..يتبع 🌺🌺🌺🌺🌺 يلا سولفولي رٲيكم وتوقعاتكم ولا تنسو التصويت.. ا؏ــبـ❤ــ?م موووت 😘 زينب ماجد 🌷 التعديل الأخير تم بواسطة لامارا ; 23-04-19 الساعة 04:34 AM | ||||
|
| |
|
22-04-19, 12:03 AM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| وصلني للباب كتلهم شكرا هوه باوعلي كال ادللي وابتسم.. ما اعرف ابتسمت بوجها ابتسامه عفويه هيج اجت بدون قصد بس شكد استحيت منها امي كالتها شايف الف خير شنريد منه بس يم ستار بتنه صغيره اذا يريد يتزوج بكيفه.. شنريد منه قابل ايهاب.. يافرحتي من ضحكت بوجهي.. احس ملكت الدنيا.. دخلت للبيت شمرت السويج مال السياره وكمت اردح ويشيب الراس يا عشك الزغيرون👏👏👏 هله هله.💃💃💃👏👏..كاعد اركص ويه روحي باوعتلي امي.. الام.. هاي شبيك يمه اتخبلت ايهاب.. يمه ابنج عاشك هله هله هله 👏👏💃💃 الام.. يا الله منيه يمه كول اخطبلكياها.. ايهاب.. هااا😐يمه بعدها صغيره ما اضن اهلها يوافقون الام.. دكول منو هيه اكو وحده ترفض ابني المهندس كول يمه كول ايهاب.. ااااا سنا بنت ابو مسلم.. بس وداعتج يمه حب شريف ميت اليها وهيه ممباوعتلي واني ميت بخجلها الام..هاي تحجي صدك طفله هاي مو زغيره.. يمه انه اريد ازوجك وانته عاشكلي طفله ..اني مخيله عله بت خالتك تخبل بيضه وحمره تبرك اخطبها الك ايهاب.. خب والله لو تصير نانسي عجرم ما اريد الا سنا ام شعر الطويل.. لو اعرف اتانيها طول عمري ما اريد غيرها الام.. ياستار ياربي شنو يمه ساحرتلك هاي.. اعرفها امها مو خوش مره ادور سوالف سحر وهيج ابتعد عنهم يمه ايهاب.. هلله هلله هلله بساع سويتيها ام السحوره مو جيرانه ونعرفهم بساع شمرتي عليهم تهمه.. وعليمن تسوي سحر.. هيه بتها بعدها بكد الكف حته ممفكره تزوجها.. البنيه اعفاء عام خو ما مثل بنتج دواويح حمر تترس الشهاده الام.. هاي من هسه عيرت اختك ومدحت بهاي لعد لو تصير عدك شتسوي.. استرجل يمه لا تصير اخو مريتك ايهاب.. خب يمه شبيج يا ستار هوه بعدني بس معجب بيها وكل هلحجي حجيتي لو اتزوج شتسوين تهججيها الام.. والله يمه انسه هسالفه.. اني اريد افرح بيكم قبل لا اموت شنو تروح تنتضر بت العالم شوكت تكبر ايهاب.. يمه والله وعلي ما اتزوج غيرها ما اريد سدي السالفه الام.. زين اروح اخطبها واحجزها الك اذا ما قبلو اخطبلك بنت خالك ايهاب.. تخطبيها وتحجزيها.. اممم فكرت بيها خوش فكره بلكت هيج ويوافقون وابقى اتواصل وياها وتربى عله ايدي من هيه وصغيره اني اعلمها عله كل سوالف الدنيا كتلها ماشي موافق.. سنا..رجعت من المدرسه اووف يا فرحتي بي احس روحي طايره.. دخلت الساعه 10 ونص للبيت.. دخلت غرفتي بقيت اباوع بالمرايا واضحك واعدل بشعري واسوي هيج😗 واسوي حركات ويه روحي بالمرايا وادندن (هاي عيونك لا يابه لا لا يابه.. ما معقوله لا يابه لا لا بابه) وادك واركص ويه روحي.. دخلت اختي كالت ها ولج اشو تغنين وتضحكين ويه روحج.. كتلها.. ربى.. ما اعرف لج هيج فرحانه اكو بداخلي مشاعر وفرح مينوصف ربى.. شكو ولج احجيلي.. سنا.. تعرفين ايهاب ابن ام ستار ربى.. اييييي وشبيه😒 سنا.. لج معجب بيه واني هم معجبه بيه ربى.. سناااا.. قاطعتني سنا.. بس والله مو اللي ابالج ابد ما بيناتنا شي غير نضرات حب عفويه وحته اني ما اباوعله ابد بس من يمر من يمي يبقى كلبي يدك بسرعه ربى.. لج سنا من كل عقلج ايهاااااب ولج جبير ..هذا بلعب عله عقلج سنا.. هاي شبيج ربى هوه شنو البيناتنا ويلعب عليه اكولها والله بس نضرات ومنه مو مني.. بس اني عندي مشاعر اتجاهه ما اعرف احس روحي ربى.. سنا ديري بالج منه سنا.. هووووف انشالله افتهمت.. درت وجهي للمرايه اخذت المشط ومشطت .. كملت رحت الشباك بيتهم علصفحه مال بيتناو بعيد بيناتنا 7 بيوت تقريبا يعني ما اكدر اشوف بابهم بقيت لازمه الشباك بلكت يمر.. ماكو.. سمعت الاذان رحت صليت.. وقريت.. دا اقره صاحت ماما تعالن اتغدن.. نزلت.. الله سمممممممج😍 عشقي مسويته ماما شوي ومزينته بالصلصه الثوميه والليمون والبصل ..طالع يخبل.. اكلنا كملنا غسلنا ايدنا.. ورحنا نضفنا.. كملنا رحنا اخذنه غفوه شوي الضهر ..كعدت الساعه 4 دخلت سبحت وبدلت عصريات سوينا جاي وكعك وكعدنا اني وامي وربى نسولف لشوي اندكت الباب.. طلعت ماما فتحت الباب.. طلعت ام ستار ووياها مره.. كالت ماما سوو جاي وكعك للضيوف اني شفتها ام ستار طار كلبي هاي ام الحب ههههه.. ربى حمت الجاي واني خليت الكعك بالماعون.. رحنا قدمنا المي والعصير والكعك وطلعنا كعدنا بالهول والخطار بالديوانيه.. بقينا نتصنت.. يسولفن ام ستار هواي تسولف بٲيهاب عرفت قسمه مهندس نفط.. وااااو يعني تحفه.. بقت تحجي بيه وتنفخ هاي شكو حاسه بشي.. لشوي تكولها ام مسلم اريد بنتج سنا لأبني ايهاب فتحت عيوني هيج😮..هاي عود صدوك.. ربى ضلت تضحك.. كالت ولج هذا طلع صدوك يحبج.. ضحكت.. كتلها باعي كلبي حس بحبه وحبيته 😌..بس اكيد جنت اعوف رٲي ماما بدون متكول اي شي اعتذرت حتلو عندي مشاعر اله مومعقوله اتزوج هسه بعدني هسه يله نجحت للثاني متوسط اريد اكمل دراسه.. امي كالتهم نتشوف وعلعين وعلراس بس البنيه بعدها صغيره ومنريد نزوجها وومخلين ابالها هيج فكره بقت تكلها ابني ما ينرد وابني الف وحده تتمنا بس لان احنه جيران ونمون عله بعض اجينه ناخذ منكم.. الا البنات يتمنن شعره من راس ايهاب حسيت امه ضاجت وطلعت.. سويت نفسي ما ادري بكولشي.. كتلها ماما عشنو جايين كالت لا هيج تسٲل عله ناس بالمنطقه.. كتلها امممم ……… . ايهاب.. ها يمه بشري شصار الام.. ما قبلو يكولون البنيه صغيره.. معليك بيهم يمه انته شاب تخبل وعين الله عليك والف وحده تتمناك ايهاب.. يمه واني ما اتمنه غير سنا الام.. ايهاب لا تلعب وياي اتفقت وياي اذا ما وافقو اخطبلك بت خالتك ايهاب.. يمه لا اتفاق ولا شي كتلج اني ما اشوف غيرها واذا صغيره ومافقو عادي كم سنه تكبر واخذها الام.. ايهاب لا تتعاند وياي جوز من ذوله.. فوك ما ردونا وما احترمونه تريد تاخذ منهم ايهاب.. يمه ما احترموج شنو ما ضيفوج ما دخلوج.. غير بتهم صغيره ورفضو.. هسه انتي تقبلين تزوجين غدير غير صغيره.. عفتها وطلعت ……………… سنا.. مر 4 اشهر ورجعت داومت ثاني متوسط.. وايهاب اشوفه مرااااااااات قليله.. بس ابد ما اباوع بوجها استحي وهوه هم ابد محجه مجرد بس يباوعلي .. مشاعر مكتومه ..فد يوم اجه احمد خطيب ربى.. كال الاسبوع الجاي زواجنا ما اعرف فرحت لاختي بس الغصه بكلبي شلون حتروح مني شلون حفاركها.. فرحتلها والدمعه بعيني تلمع بقت نجهز العرسها.. نظفنا البيت وغيرنا بالديكور شوي.. ررحت هيه للصالون تعدل ورحت وياها بس ماما ابد مقبلت كولشي اسوي لا اخذ خيط لحاجبي ولا لوجهي تكول ممنوع لحد متتزوجين.. اوووف يا ماما.. شوكت تتطورين.. مجرد سويت تنضيف بشره وسويت جسمي وياها رجليه واديه اجت يوم الحنه بالبيت جانت اختي ملاك تخبل اني لبست فستان ماروني قصير وعقد كرستال نازك.. وسويت تسريحه لشعري عله طوله صار يخبل..اجت غدير وام ايهاب سلمت عليهم ووكفت غدير تركص ويايه.. وام ايهاب ابد منزلت عينها عني وتباوعلي بتعجرف عرفت لان رفضتهم ماما.. كالتلي غدير.. لج سونه شطالعه والله تخبلين.. كتلها من ذوقج حًِــℓσνєـًِبٌُيُ.. كالت اشو منبينه فرحانه ليش كتلها تعرفين شكد احب اختي وما فرحانه بزواجها لان حيخله البيت عليه.. وراح افتقدها.. كالت حبيبتي الله يخليها الج.. ضحكت بوجها.. كملت الحنه وصار يوم العرس جنه مخبوصين فد مره.. رحت ويه ربى للصالون ..ابا. علها وابجي بسكوت.. اخاف احسسها بس مبين من عيوني ورمن تسٲلني واكولها من النعاس لان منايمه.. كلمت هيه اني لبست بنطرون ازرك وقميص احمر واكسسوارات وحجاب ورجعنا للبيت بس اريد عيوني يوكفن من الدموع ماكو.. كل ما اباوعلها واعرف اليوم تروح من دموعي يجرن.. بقيت كاعده بالمطبخ.. ابجي.. لحد مكالو اجت الزفه.. مسحت دموعي وطلعت اجه احمد كعد يمها وبقو يصفكون ويركصون ابتسمت واصفك والحزن ماكل كلبي عليها.. انوب اجه ابو احمد كومهم ربى شبكت امي وبقت تبجي امي كالتلها لتبحين ليخرب مكياجج.. انوب باوعتلي ومدت ايدها عليه.. وكعت وكمت اشهك بحظنها واكولها ربى لتروحين ابقي يمي ضلت تبجي واحمد يكولي والله اجيبها الج بس اليوم خليها الي.. بعدت منها. وكتلهم الله يهنيكم.. مسخت دموعي بسرعه رحت غسلت وجهي وطلعت وهم اباوعلها ودموعي يجرن ..طلعت السياره مال الزفه من البيت جن اخذو روحي.. كاعد ابجي وطلعت من باب الشارع انضربت بشخص رفعت عيني ايهاب.. نسيت نفسي ونسيت حته ربى بقيت صافنه بعيونه😳😳😳..هوه هم صافن بوجهي اخذ المنديل مالته وانطانياه.. كال امسحي دموعج ..انتبهت عله نفسي.. اخذت المنديل من ايده وكتله شكرا ودنكت ومشيت.. صعدت سيارات الزفه. الناس.. تصفك وتركص وموسيقى عالي.. بس اني سارحه بعالم غير عالمهم.. بقيت افكر بٲيهاب شلون حلو ومرتب ولحيته ابد متروح من بالي.. ونضرته اللي تاخذ عقلي.. لشوي شفت اختي بسيارة العرس تباوعلي ..ابتسمت الها دخلنا بيت العريس.. ونزلو ركص وموسيقى ودبچ.. اني واكفه واباوع عليهم.. كملنا اتعشينا.. اجو رادو يزفون العروسين زفوهم لغرفتهم.. لشوي كالو اصعدو سلمو عليها قبل لا ترحون.. صعدت بقيت بس ابجي عليها واكولها شلون حنام وانتي مموجوده ويايه بالغرفه شلون راح ادخل البيت وانتي ماكو.. بقيت ابجي وهيه تبجي.. لحد ما سحبوني منها وطلعنا السياره خلصتها بجي وصلنا الفرع مالتنا فتنا من باب بيت ام ستار شفت سيارة ايهاب صافه بالباب.. اتذكرته شلون صفن بعيوني وانطاني المنديل دخلت للبيت وربى ماكو.. اوو يا دموع العين صبي.. رحت للغرفه واباوع لمكانها ..كمت دا ابدل وكع المنديل من جيبي مال البنطرون دنكت اخذته وشميته اوووف عطره يخبل ابتسمت.. بدلت ملابسي.. وطلعت كعدت بالبلكونه اللي اطل علشارع وطفيت الضوه حته محد يشوفني كاعده اباوع علفرع واشم هوه.. واشتم بالمنديل مالته.. جان يطلع هوه بسيارته مر. كمت عله حيلي من الفرحه.. هوه انتبه بسرعه وكف السياره وابتسم.. دنكت وكعدت.. اباوعله من الدنكه مال السياج وخجلانه شلون هيج سويت يبوووه عزززه …… . ايهاب.. وكفت بالزفه مال بت بيت ابو مسلم.. موسيقى والناس ملتمه.. طلعو السياره مال الزفه واحنه واكفين بالباب دا امشي وانصدمت بشخص باوعتها سنا.. يبو كلبي راد يوكف شفت عيونها حمر من البجي.. اخذت منديلي وانطيته الها هيه شكرتني وراحت ركض.. بقيت اباوع عليها شلون تصعد بالسياره تخبل يربي.. شوكت تكبر وتصير الي راحت الزفه.. رحت للبيت.. بقيت اقره.. هاي اخر سنه اليه لازم اشد حيلي واخذ شهادتي بلكت اتعين ويستقر حالي.. لساعه 9 بليل صاحتني امي كالتلي تعال اتعشه نزلت تعشيت وكملت وطلعت بسيارتي عادتي كلنا امر من بيت سنا اباوعله ..هلمره مريت جان هيه تكمز وتطلع كدامي علبلكون وكفت سيارتي بسرعه.. ووكفت اباوعها ومبتسم هيه خجلت بسرعه دنكت وكرفصت جوه السياج بس مبينه من الفتحات مال السياج شلون مدنكه راسها ضحكت عله خجلها.. صحت بصوت عالي ..يابه وعلي حلالي لو اموووووت هم اطلع من كبري واخذج... يتبع 🌺🌺🌺 شاركوني ارائكم ولا تنسو التصويت التعديل الأخير تم بواسطة لامارا ; 23-04-19 الساعة 04:36 AM | ||||
|
| |
|
22-04-19, 12:06 AM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| سنا.. سمعته كال ..يابه وعلي حلالي لو اموت اطلع من كبري واخذج… ضحكت..هههه واني مدنكه واباوعله من فتحات السياج اريد اكوم اروح هوه بعده واكف يباوع ويبتسم.. الى ان طلع اخويه مسلم.. هوه حرك سيارته ومشا انـّ'ℳέ'ـّيٌ هم كمزت دخلت للغرفه مديت ايدي المنديل بيها.. ابتسمت.. خليت المنديل عله وجهي واتنفسه اووووف يا عطره يخبل باوعت للسرير مال اختي ضجت لان هيه مو يمي.. اتوجهت السرير خليت المنديل بٲيدي اشم بيه ونمت.. كعدت ثاني يوم على صوت امي الساعه 7 الصبح.. كالتلي حظري نفسج خنروح لربى نوديلها ريوك.. لبست وعدلت انوب بابا جاب كيمر عرب وكاهي.. كالت امي ..ها يله خلصتي.. كتلها اي.. وطلعنا.. رحنا لبيت ربى دخلت للبيت مالتهم باوعت ربي كاعده هيه واحمد ركضت عليها بقيت ابجي.. وهيه هم كامت تبجي.. الى ان اهل احمد كالو خاله ميجوز هيج تبجين عليها هذا البجي يفكرها اتمنيلها السعاده ابتعدت بوستها.. ورجعت كعدت يم امي.. لشوي كام واحد يفوت ويطلع يباوع عليه واني مدنكه.. كلت الربى منو هذا كالتلي هذا محمد حماي اخو احمد.. كتلها هاااا.. مزعج.. لشوي كمت ردت اروح للحمام دا اغسل علمغسله وجان يشمر عليه الرقم بالمغسله باوعتله بطرف عيني وكلت كبر شلون ناس متستحي هاي عو اني جايه ابيتهم ماكو اي احترام.. اخذت الرقم باوعته.. اتذكرت ايهاب صارله سنه يحبني ويمشي ورايه ما فد يوم استحقرني وشمرلي رقمه بهلطريقه.. شككت الرقم وشمرته بالزبل رجعنا من بيت عيال ربى.. كمت اداوم هاي اخر ايام واخلص الثاني متوسط انشالله.. دخلت المدرسه شفت غدير.. سلمت عليها وكعدنا نسولف.. انوب كالتلي.. غدير.. سنا اخويه ايهاب يحبج ويريد يحجي وياج.. فدوه اقبلي.. سنا.. مستحيل.. اني ما عندي هيج سوالف ما احبها غدير.. لخاطري فدوه والله ميت عليج.. سنا.. والله ما اكدر.. غدير.. زين لخاطر اختج ربى اعرفج تحبيها ومترديلي طلب لو حلفتج بيها سنا..اووووف منج غدير لج والله استحي غدير.. لج ماكو شي هيج بس سلام اخابرج اليوم علارضي واني احجي وياج وبعدين انطيجياه تحجين وياه سنا.. ٱפگـي? اجرب بس مو اكيد اقبل لان اخاف غدير.. ماشي سنا.. دمشي امشي ندخل الصف راح نرسب من وراج ومن وره اخوج وسوالفكم التعبانه.. دخلنا الصف كملنا دروسنا رجعت للبيت.. رحت بدلت ملابسي توضيت وصليت انوب صبيت الغده جانت ماما مكملته واكلنا.. بعدها كمت نضفت البيت ورجعت نمت شوي.. وكعدت اقره.. دا اقره وصاحتني ماما.. كالتلي تعاي هاي صديقتج غدير تخابرج.. كمزت اريد ارد ما اكدر يبووووو والله استحي.. فصل الخط.. كلت ايييي همزين.. انوب دك مره لخ.. جج استغفر الله شلون هسـnowــ?? كالتلي ماما ليش متردين.. كتلها اي اي حرد.. رفعت الخط وكلت ألْـًُِ✆ـًُِ☎ـًُِ✆ـُُِوِ ْوِْوِْوِْ كالتلي عوبه صار ساعه اتصل شبيج متجاوبين.. كتلها جنت اقره.. كالت.. همممم.. هاج هاج هذا ايهاب وياج كالتلي هيج لو كلبي صار يدك بالدقيقه 1000..حجه هوه كال الو.. بسع سديته بوجها.. ما حجيت رجعت خابرتني كالتلي شبيج سديتيه كتلها عفيه بلاها والله استحي وما احب اخون ثقة اهلي.. كوليله ما اريد.. ايهاب.. من سدة الخط بوجهي زادت بعيني اكثر.. سمعتها لما تكول لغدير ما اكدر اخون ثقة اهلي ..فرحت فعلا تستاهل احبها.. هاي اللي ممكن اتزوجها واٲمن بيها عله سمعتي وسمعت اهلي.. بويه خجلها شلون اموووت بيه اعشقها اعشقها.. يربي كبرها بساااااع اريدها سنا.. بعد حجيت ويه غدير وكتلها ما اريد عفتها وسديت الخط مشيت جان اسمع اخويه مسلم يكول لامي اريد اتزوج.. ضحكت.. دخلت جفت وصحت سون درب لاخت الولد خليها تلعب جوله هله هله هله مسلم.. هههههه مخبله ما منج فايده سنا.. واخونه خوش اخو يستاهل الهوسه هله هله هله… هههههههه مسلم.. هههههه ماما.. ههههه لج هاي بس حجه وكال اريد اتزوج ذبيتي لحم لو لو عرس صدك شتسوين سنا.. غير اكلب الدنيا.. والله لعوف المومنه وبعرسه اصير مسودنه هله هله هله.. خخخخخ.. جرني مسلم وباسني من راسي كتله صدوك تريد تتزوج كال أيٌـ.yesـ?ٌَ كتله.. منو دنيا.. ضحك كال أيٌـ.yesـ?ٌَ.. كتله علخير علخير منك المال ومنها العيال.. كللللللللللوش.. اعذرني ما اعرف اهلهل عود اسوي بروفات عله عرسك واواعدك اتعلم هههههه اتفق ويه ماما وبابا.. واجت يوم الخطبه وخطبناله.. دنيا جانت حلوه ونازكه بس مسلم احله منها.. بس مبينه خوش بنيه.. بهاي الفتره انـّ'ℳέ'ـّيٌ كملت الثاني متوسط اخذت اعفاء عام لذلك هم مداومت بالامتحانات التهينا بتجهيزات عرس مسلم فرغناله غرفة جبيره وصبغناها.. واشتريناله غرفة اخشاب اتخبل.. ونصبناها.. وفرشناها.. ومليناها تحفيات وزينه ما مر شهر علخطوبه مالته.. وحددنا العرس لان مكملين كولشي بس نجيب العروس.. رحت وياهم لما اشترو الذهب والنيشان دنمشي ونختار.. اني ومسلم بطبعنا نحب بعض ونمون عله بعض فيمشي ويكولي هاي حلوه وياخذ رٲيي.. هاي مرته اشو تخبلت حته زعلت وياه.. كالها شبيج.. تكله اني مو بعينك تختار وتكول لاختك هاي حلوه ليش متاخذ رٲيي اني ليش هيه.. هوه اخذها بضحك.. وعبرها انـّ'ℳέ'ـّيٌ مهتميت عادي بعدها ممتعوده علينه.. ولان تحبه تريده بس الها.. بقينه نمشي.. اختاريت فستان للحنه وملابس بنطرون وقميص للعرس اشو هاي رادت نفسهن.. خرررب هاي سالفتها تعبانه.. مسلم مكاللها لــnoـا اشترالها مثلي.. لفد شوي.. عجبني عقد كرستال.. اخذته ب40 الف من امي جان دنيا تكولي.. حبيبتي سونه انـّ'ℳέ'ـّيٌ العروس هنا وهذا العقد يلوك للعريس مو للصغار صح وتضحك بوجهي.. جرت العقد وخلته بعلاكتها باوعت لامي.. غمزتلي أيٌـ.yesـ?ٌَ بمعنى اسكتي.. عديتها ومشيت.. لشوي استفقدنا مسلم.. ندور منا نباوع منا ماكو مسلم باوعت وراي ومسلم يمشي سريع.. اجه اتقرب يمي.. وانطاني نفس العقد اللي اخذته خطيبته.. كال هذا ابداله اشتريتلج وباس راسي ضحكت كتله ماكو داعي حبيبي اني ومرتك واحد هيه غير اختي.. كال اعرف بس انتي اختي وهم اريدج اطلعين حلوه بالعرس… بسته بخده ومشيت.. اباوع لخطيبته اشتعلت نار.. عود مشه يمها راد يلزم ايدها سحبتها منه بقوه.. صفيت ويه ماما كتلها ماما هاي مصيبه من بدايتها هيج.. شلون راح تصفه ويانا.. كالت انـّ'ℳέ'ـّيٌ هم انتبهت عليها عوفيها يمه شنسوي اخوج يحبها وانشالله تاخذ عله طبعنا وصلناها لبيتهم ورجعنا البيتنه.. لميت الغراض عزلت غرفة مسلم رتبت غراضه وهدومه.. مر 5 ايام وصار العرس جانت اختي ربى حامل عليها شهرين.. فماخليتها تشتغل ابد.. خليتا مثل الملكه.. بس تٲمر وابوس ابطنها.. انـّ'ℳέ'ـّيٌ وامي وخالاتي ونسوان عمامي شلنا العرس وصارت زفه شكبرها.. مرت مسلم نا رادت الليله الاوله ابيتنا رادت بفندق علمود ياخذون راحتهم ابويه هم مكال راح حجزلهم.. بالفندق.. وزفيناهم للفندق ورجعنا.. هلكانين من التعب.. اجه احمد ياخذ ربى كتله لا فدوه بقيها يمي اليوم ضحك كال واني شلون ابقى اهفي.. كتله عوفها يوم شنو اشو اخذتها فلاحه ملاچه😒 هيه غير اختي وال حق عليها.. كال لا حقج تركها يمي.. وبقينا الليل كله نسولف ونضحك ونتذكر غيرت مرت مسلم ونخرب ضحك.. انوب سولفتلها عله ايهاب.. وشلون حاول يحجي ويايه.. كالتلي ولج سنا هذا صدوك يحبج.. كتلها اعرف بس اخاف ما احب اجازف واسوي وياه علاقه ما اكدر كالتلي أيٌـ.yesـ?ٌَ عفيه لتصيرين رخيصه خليج كويه.. كتلها انشالله.. بعد ما كملنا سوالف نمنا ثاني يوم اجه نسلم ومرته.. سلمنا عليها تسلم عليه من طرف خشمه.. لا والثول هاي شبيها.. عفتها.. بقيت ابارك المسلم وابوسه ونركصله ونهوسله مرت الايام وصرت صف ثالث متوسط.. ورجعت اخت ايهاب تلح عليه علمود احجي ويه ايهاب.. وفد يوم اصرت كولش الا احجي وياها وحلفتني بالامام علي ما كدرت اردها.. رجعت للبيت بدلت وصليت وتغديت ونضفت ونمت هم لشوي خابرت غدير رديت عليها اخذت الخط بالديوانيه وكعدت كالت هاج هذا ايهاب وياج.. كال الو.. سكتت.. كال احبج والله ونيتي وياج زوجه واطفال وبيت مو لعب.. بس متانيج تكبرين ضحكت بهدوء.. كال اروح فدوه لهلضحكه.. لج كلج اتجننييييين اموت عليج والله.. كتله عفيه اخجل من هيج كلام لتحجيه كدامي كال واني اموت بخجلج… وعد ما احجي شي يضايقج ولا احجي كلمه تٲذيج. بس هيج سمعيني صوتج يوميه خليني اعيش بيه والله حبج بالنسبه الي مثل الهوا ما اكدر اعيش بلياه ضحكت.. كتله اعتذر راح اسد الخط ما اكدر اطول اهلي يشكونال ماشي ماشي.. براحتج.. احبج.. ضحكت وسديت الخط.. وخليت سماعة التلفون عله كلبي.. يبوووو يكلبي شكد تحبه.. لك اعشقه اووووف بس اخجل يا الله شكد موتني هلخجل دا اطلع ودخلت مرت اخويه كالت ويامن جنتي تحجين.. كتلها.. ويه صديقتي.. كالت لــnoـا متٲكده جنتي تحجي ويه ولد اني سمعتج كتلها تٲدبي وعيب هذا الحجي.. ويله وخري مني.. كالتلي بسيطه.. راحت للرقم اخذته من التلفون.. وسجلته يمها.. وراحت ودته لمسلم وتكله والله جنت اسمعها تخابر ولد عله هذا الرقم.. مسلم اجه حجه وياي كتله.. مسلم تصدكها كال لــnoـا.. كتله انطتك الرقم خابر وشوفه منو دك الرقم طلعتله غدير صديقتي.. كالها انتي منو كالته هذا مو تلفون بيت امسلم كابها اي منو انتو جنتو مخابرين عله هلرقم كالتله انـّ'ℳέ'ـّيٌ غدير صديقة سونه جنه نحجي علمدرسه وعلمواد ما اعرف شنو امتحانه وخابرتها دا استفسر منها كال هاااا اعتذر جدا صار عندي غلط.. كالتله لــnoـا عادي.. باوعتله ورفعت حاجبي.. كال والله اسف.. كتله هيه مو شغلة اسف بس انته سمحت لمرتك تحجي عليه هيج وصدكتها واجيت تتحقق مني المفروض تعرف اخلاق اختك شنو ومتصدك ياهو الجان جان مرته صرخت من يمها.. انـّ'ℳέ'ـّيٌ الياهو الجان.. مجرت ما صاحت ضربها راشدي وطردها من غرفتي.. ورجع عليه باسني من راسي وكال والله اعتذر اعرف انتي شنو بس ابليس لعب بعقلي كتله عادي يخوي تصير.. ابتسمت حظني وراح.. اجت امي كالت شكو سولفتلها.. كالت هاي صدوك متستحي.. كتلها اخذت جزاتها من مسلم.. عفتهم ورجعت اقره وافكر بٲيهاب اوووف يا الله شغلت بالي.. شل. ن راح اقره واني عندي هلسنه بكلوريه قريت كملت.. نمت كعدت الصبح.. جانت بارده فد مره درجة الحراره تحت الصفر.. طلعت امشي بالشارع متت من البرد عود لابسه جاكيت وبلوز وميته برد.. اباوع للكاع المي جامد بيها.. يبوو اشششششش.. دا امشي والكالك واحد واكف علشاره بس الضباب قوي ما اشوف اتقربت دا اعبر الشارع.. ومدنكه ما باوعت.. جان يصيح.. سونه انـّ'ℳέ'ـّيٌ ايهاب.. درت وجهي عليه.. وكتله عفيه شدسوي هنا البارحه رادت تصير من وراك مصيبه اله شويه.. كال والله احبج مو بيدي من سمعت صوتج البارحه ولحد هسه منايم.. ابتسمت وكتله امشي لا يشوفك احد.. كال ما راح اضايقج.. فقط امشي وراج اخاف احد يتعرضلج والدنيا ضلمه من الضباب كتله ٱפگـي? بقى يمشي واني امشي بس بيناتنا مسافه من نمشي يعني منبين احنه سوه.. مر واحد من يمي واني جنت امشي علرصيف ضربني بعكسه.. بخاصرتي.. عود يتحرش من ضربته اجيت اوكع عل مي اللي بالشارع لزمني ايهاب وباوع للولد وركضله.. يتبع 🌺🌺🌺🌺 شاركوني ارائكم ولا تنسو التصويت | ||||
|
| |
|
22-04-19, 06:33 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| لما ضربني الولد ردت اوكع بالمي.. لزمني ايهاب.. وركض للولد تولاه دك بوكسيات.. جانت دنيا الصبح كولش.. فكمت اصيح ايهاب عوفه ايهاااااب الله يخليك لا تفضحني لزمته من جتفه وجريته وكف.. وضرب الولد دفره وكال روح ابن...... ذاك فشر عليه.. راد يركض وراه لزمت ايده.. وشبكتها بٲيدي دار وجها عليه.. وهوه يتنفس عالي كتله ارجوووك لتسببلي مشاكل.. ايهاب.. تتوقعين انـّ'ℳέ'ـّيٌ اسببلج مشاكل لو ما اخاف عليج سنا.. لا ما اتوقع.. واعرف تحبني ومتريدلي المشاكل.. بس ايهاب فدوه بهيج طريقه حتفضحني ايهاب.. انـّ'ℳέ'ـّيٌ قصدي احميج.. اسف والله.. سنا والله احــــــــ﴿﴾ــــبج سنا.. اعرف.. ابتسمت ودنكت.. ايهاب.. لج وعيونج ابيع الدنيا كلها لهلغمازات الحلوه سنا.. ههههه ايهاب.. سنا انطيني فرصه نتعرف عله بعض والعباس احبج ورايدج الي زوجه بس خلينا نتعرف عله بعض اكثر سنا.. اخاف.. والله اهلي لو يعرفون يكلبون الدنيا فوك راسي واني ما اريد انزل راسهم واسوي علاقات من وراهم ايهاب.. لج والله انـّ'ℳέ'ـّيٌ اخاف عليج اكثر منهم ومستحيل احاول اشوه صورتج لو اضرج فقط اتعرف عليج.. سنا.. ٱפگـي? تكدر تخابر بس خلي غدير تحجي اول لان اخاف ..وخليها يمك ماشي علمود اذا صار فد شي هيه موجوده وتنطيها السماعه ٱפگـي? ايهاب.. بللي تٲمرين بيه حاظر سنا.. ابتسمتله ودرت وجهي ورحت للمدرسه.. وهوه ورايه كتله غدير اشو ماكو اليوم.. ايهاب.. راحت بالخط سنا.. همممم خطي الخبل بطل ودا ادور عله خط متت صار اسبوع ومحد يقبل كل الخطوط مقبطه.. ايهاب.. اخذج انـّ'ℳέ'ـّيٌ سنا.. لــnoـا طبعا.. ايهاب.. معليج عندي سياره.. واني اصلا اتخرجت ما عندي شي ولا عندي تعيين اشتغل عندج خط انتي وغدير وكم بنيه اذا رادو سنا.. وغدير مو عدها خط ايهاب.. معليج انـّ'ℳέ'ـّيٌ ابطلها من خطها واخذها وياي.. شرايج.. منها اشوفج واتعرف عليج ومنها اخذج بيدي وارجعج بيدي واطمئن عليج كبال عيني سنا.. ابتسمت كتله بكيفك.. وصلني للمدرسه.. وودعني ولوحلي بٲيده وهوه يبتسم وراح.. دخلت للمدرسه.. درست وكملت وطلعت.. لكيته واكف بسيارته بالباب كتله عاد مو اليوم.. انـّ'ℳέ'ـّيٌ اكول لبابا باجر واجي وياك.. ايهاب.. اصعدي.. عود كوليله بابا ايهاب ابن بيت ابو ستار راح يوصلنه خط بعد انـّ'ℳέ'ـّيٌ واخته.. سنا.. ٱפگـي? تاني غدير.. ايهاب.. لتخليني اسب غدير دصعدي.. سنا.. اووو ايهاب والله ما اكدر استحي اصعد وحدي .. ايهاب.. تخافين مني دصعدي شبيج الناس كلها تباوع سنا.. صعدت وياه.. مشينا.. لشوي وكف السياره ودار وجهه عليه.. خفت ..كتله ليش وكفتها ايهاب.. ابتسمتلها جريت ايدها وبستها.. كتلها لتخافين مني كتلج والله سمعتج تهمني اكثر ما تهمج.. باجر من اجي اخطبج اكيد ما اقبل بكلمه عليج ..فطمني سنا.. ابتسمت.. بس بكلبي خوف خاصه هاي اول مره احجي بيها ويه شاب بهلبعد بينا.. ايهاب.. احــــــــ﴿﴾ــــبج سنا.. هههه😶😶 ايهاب.. هيج ربي وتصيرين الي حلالي ويصير من حقي المس كل جزء بيج.. خدودج عيونج شفايفج شعرج.. اووووف يشعرج اتغطى وانام بيه سنا.. ههههههه عاجبك ايهاب.. عاجبني شنو الا موتني كل ليله اسرح بيه وبجماله اتيه سنا.. عفيه ايهاب رجعني اخاف اتٲخر ايهاب.. تٲمرين.. حركت السياره.. ومشيت وصلتها لبيتهم كتلها عود خابريني او انطيني مسكول كالتلي ٱפگـي? لوحتلها بٲيدي بيباي ورحت.. اوووف يا فرحت كلبي يابويه.. هيج السعاده مشايلتني ..هيج الحب حلو.. اخخخخخخ اخخ احساس يطيرك بالهوا سنا..رجعت للبيت ويييييييه طايره ركضت لغرفتي.. وادندن ويه روحي يا سلام يا سلام ادي اييييه حلو الغراااااااام والف بالغرفه واركص.. دخلت دنيا مرت مسلم كالت خير يلعاشكه ركصينه وياج.. كتلها هيج فرحانه لان جاوبت بالامتحان.. كالت أيٌـ.yesـ?ٌَ هنزين لعد كومي سويلنا غدا متنا جوع.. كتلها تعبانه هسه جايه من الدوام.. كالتلي شسويلج واني هم تعبانه نضفت البيت كله وامج مو هنا يم بيت خالج حسي كله عليه وانتي كاعده كومي.. كتلها خلص خلص حنزل بس فكيني من صوتج.. خنزرت بوجهي رادت تحجي.. كالها من رخصتج اريد ابدل.. وسديت الباب بوجها بدلت ونزلت طلعت بانيه مجمده وطبختها وسويت تمن.. وصعدت دا اقره وسمعت صوت اخويه مسلم نزلت اسلم عليه واكعد وياه شوي نزلت جان اسمعها تكوله.. انـّ'ℳέ'ـّيٌ نضفت واني طبخت وهاي سنا الله يهديها ولا الها شغل توسلت بيها وما قبلت تساعدني والله عدها دراسه والله تعبت انوب لا حامل ويوكع الطفل وهوه يكولها سوده عليه تحملي الخاطري.. هزيت ايدي والله يا الله خليها الله اليجازي.. دخلت كتله ها سلومي حبيبي شلونك كال هلا بنور عيوني شلونج.. اشو هاي اتخبلت.. بقت تخنز بوجهنا اجيت وكعدت يمه.. وكال شكو ماكو شلونج بالدراسه سنا.. الحمدلله تمام بس راحت عيوني من كد التركيز والقرايه منا لمن اتخرج يمكن البسلي عوينات چعب استكان.. ههههه مسلم.. هههههه.. انشالله حبيبي يوفقج الله انتي بس درسي زين والله انشالله ميضيعلج تعب سنا.. امين.. انشالله.. دنحجي واجت دنيا وخلتله صينية الاكل بالكاع كباله.. كال يا الله وبده ياكل كال تعابي اكلي كتله لحضه اجيب خاشوكه.. اشو هاي كبت.. وراحت لطشت يمه.. رجل برجل مهتميتلها تدلع وتبوس بيها كبالي وهوه يخزرها.. ويوخرها لشوي دياكل بالتمن لكه شعريه بيه وجرها من حلكه.. صرخ شنووووووو هاااااي بلله هذا اكل تعبانه وتعبانه وتالي اكلج وصخ بقت تباوعلي..ودكله اكيد هاي سنيوه تمر بشعرها من يم الاكل تكول عجبه بس هيه عدها شعر كتلها وين حرام لا نازله ولا واصله يم الاكل مو انتي الطبختيه واني بس كاعده فوك.. واضحك عليها من جوه الجوه هوه كام يصرخ عليها ورزلها وصعد.. كتلها باعي.. لو ممجذبه جان ما حصلتيلج هلرزاله احسنلج هيج هههههه.. عفتها وصعدت جبت التلفون وسديت الباب قفلته وكعدت.. دكيت رقم ايهاب.. انطانياه لما صعدت وياه.. خابرته دك 📞📞📞☎📞📞📞 سنا.. ألْـًُِ✆ـًُِ☎ـًُِ✆ـُُِوِ ْوِْوِْوِْ ايهاب.. الووووو يابعد الوات كلها. اوووف يا هل الـ الو شمسوي بيها سنا... هههه شدعوه ايهاب.. لج طاير بيج والكعبه احس كاع الله ممكفيتني من الفرحه.. سنا.. هههه يا عساها دوووم انشالله ايهاب. اسمعي اسمعي.. اوصفنك وصف ما يخطر عله البال.. بس كون بشرط كلشي احجي تتقبل سنا.. اهااااا ايهاب.. شعرك من تحله ايتيييييه الخيال.. والوادم غفت چن ليلهم چلچل.. سنا.. اويلي يابه ههههه ايهاب.. وخدودك اشاره وكف بيها السير.. ورموشك سنابل عوزهن منجل.. وحزوره الشفايف وانحجت للناس... وما واحد كدر لهسه يلكه الحل سنا.. ممم ههههههههههه ايهاب.. بياضك مو طبيعي ما حواه مخلوق.. تعكس بيه الصوره الطلعلج اجمل.... احط عيني علصدرك وانظر المڪفاك... حته الدم اشوف اشلون يتحول.. و ..حته الدم اشوفه شلون يتحول سنا.. هلله هلله هههههههههههه تصفيق 👏👏👏... كل هلشعر اليه ايهاب.. لج بابا انـّ'ℳέ'ـّيٌ مـℳoــو بس اشعر بحبج.. لج مجنونج وموتي عله ايدج سنا.. اسم الله عليك ح.... ردت اكوله حبيبي وسكتت خجلت ايهاب.. كمليها.. اي دطلعيها مو جننتيني سنا.. هههه اتركها تطلع وحدها ايهاب... اوووف يابه اتركها واتانيها شوكت تطلع كثل مطلعت صاحبتها وموتتني سنا.. شكد تحبني.. مرات اتعجب بيك اكو معقوله ممل صار 3 سنين وراي واني ابد مباوعتلك وحته مجان ابالي هيج شغلات ابد ممفكره احب بس انته زرعت هلشي بداخلي اجباري.. ما اعرف لكيت نفسي مجبوره بيك وحبك ساري بدمي واني ما ادري ايهاب.. دالئلوب بتحس ببعضها يختي.. هههههه سنا.. ههههه.. يله اروح اقره ما اكدر احجي تكثر عندي امتحان ايهاب.. موفقه يارب.. سنا.. شكرا.. سديته منه لزمت كتابي غير اقره ماكو ايهاب ماخذ كل تفكيري.. حاولت اقره وجبرت نفسي علقرايه لليل سمعت بابا اجه.. نزلتله.. سلمت عليه وبست راسه.. سئلني عله دراستي.. كتله الحمدلله زينه.. انوب كتله بابا ايهاب ابن ام ستار راح ياخذني خط ويه اخته.. تعرف ابو الخط مالتي بطل وصار اسبوع ادورلي عله خطوط كلها مقبطه والدنيا ثلج الصبح كوه امشي كال ماشي بابا روحي وياه واني اتفق وياه عله فلوس الخط.. كتله ٱפگـي? بابا.. رحت من موبايل ماما دزيت رساله لايهاب.. 💬💬..ايهاب انـّ'ℳέ'ـّيٌ سنا بابا وافق تاخذنه خط مر باجر الصبح الساعه 7 ونص وضروري غدير ويانه تره ميقبل بابا اذا غدير ماكو.. وامسح الرقم لان هذا رقم ماما.. 💬💬 دست ارسال دا ارجع الموبايل دكت رساله.. كاتب بيها ٱפگـي? حبي.. ابتسمت ومسحت الرساله ورحت نمت كعدت الصبح نشاط وحيويه دخلت سبحت بعز البرد ☺ طبعا يعم نار الحب تحمي اكبر واحد😍.. لبست واتٲنقت وتعطرت وسر بيناتنا خليت كحل شوي من ماما ولو لكفتني مخليه تسوين لحم مثروم😐 دك هورن ايهاب.. يمه طار كلبي اخذت جنطتي ونزلت.. جانت غدير كاعده يمه بالصدر.. صعدت وره.. وكلت صباح الخير.. جاوبوني صباح النور وهوه يباوعلي من المرايه بده ياكلني بعيونه من الحب والفرحه البداخلنه.. شغل اغنية فيروز.. انا لحبيبي وحبيبي الي.. صوت منعش ومن الصبح افيييييش شهلحب هذا بويه وصلنا للمدرسه.. جان كال ديرو بالكم عله نفسكم.. كلنال انشالله.. مع السلامه.. دخلنا المدرسه وغدير كالت ها ها عيني شهلحب هذا انا لحبيي وحبيبج الج عيني شهرومانسيات هاي من الصبح.. ضحكت هههه كتلها دنجبي انجبب وامشي لتفشليني عيب استحي بقينه نضحك ونمشي مرت الايام وبدت امتحانات البكلوريه مال الثالث.. وايهاب ياخذنا ويجيبنا وبس عيونه تحجي ورات نتخابر مـℳoــو دوم يكول ما اريد اشغلج بالج خاف يٲثر عله دراستج.. كملت امتحانات.. وكعدت بالبيت مكابله دنيا مرت مسلم سودت عيشتي يجي رجلها لو ابويه ابد متكعد همه يطلعون وهيه راحت الغرفتها لو نموت متجي وتكولنه شلونكم.. ومن يجون حته لو ماكو شغل تضل تجي منا وتروح منا عود تشتغل وتشكي والله تعبت وابد ما ارتاح واني اريد احجي وامي تسكتني.. تكولي عوفيها هاي عقليتها لتنزلين لمستواها وترديها عوفيها شنو اخوج وبوج ميعرفون بينه كمت ما احجي اشتغل واصعد حته ما اديرلها بال لو حجت او ضوجتني بشغله.. بيوم دا اغسل مواعين.. صاحت ماما.. ماماتي سناوي هاي غدير علخط تعالي ردي ركضت.. علخط خفت لا ليهاب وترد عليه ماما.. اخذت التلفون رديت جان يطلالي ايهاب مبرووووك حبيبي ناجحه بمعدل 92 صرخت بصوت عالي ياااااااي نجحتتتتتتتتتتتتتتت.. اجت ماما.. كالت ها كتلها ماما باركيلي نجحت.. كالت شمدريج كتلها غدير مطلعتها علنت بقت اركص واغتي هاي مرت اخويه اخذت السماعه من ايدي وردت عليها وكالت بلله اريد احجي ويه صديقتج خل اشوفها شلونها.. انخطف لوني من كالت هيج....يتبع 🌺🌺🌺🌺 شاركوني ارائكم ولا تنسو التصويت | ||||
|
| |
|
22-04-19, 06:34 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #سحر_المقابر البارت_7 ردت دنيا علاتصال مال ايهاب انخطف لوني من اخذت السماعه من ايدي بمجرد مكالت الو جاوبتها غدير.. عرفت ايهاب لكفها وانطه السماعه الغدير يوووووومه فدوه للحب مالي ميحب يخليني بموقف محرج.. من كلت البابا نجحت خطيه باركلي وسوالي حفله واشترالي جهاز موبايل سلايس هدية نجاحي مرت الايام ودخلت قسم علمي ودرست اعداديه.. مسلم صار عنده طفل وربى صار عدها ثنين اطفال.. وايهاب اتعين بشركة نفط وصار وضعه المادي ممتاز... غركني بهدايا وكل يوم جنت اتحجج لاهلي بهديته لحد ما وصلت للسادس علمي جنت هلكانه من تعب الدراسه وايهاب طول هلسنين ابد متركني او تغير عليه بشي عشنا انـّ'ℳέ'ـّيٌ وياه اجمل لحضات الحب والعشق مع بعض.. كملت السادس علمي بمعدل 93 فرحت واهلي فرحولي وباركولي هذا المعدل ممكن يدخلني صيدله.. رحت لايهاب اركض ابشره كتله نجحت باركلي وفرحلي وكال يعني ادز خطابه ..كتله شنو خطابه.. بعدني ممكمله الكليه ايهاب.. يبنت الناس صبرت هواي.. 6 سنين ما كافي ..لج اتحملت انواع الحجي والضغط من امي وسكتت لخاطرج سنا لهنا وكافي خلصت وياج وتحملت هواي.. اجه اليوم اللي انتي ترديلي هلدين وتضحين لحبي مثل مضحيتلج بنص شبابي سنا.. حبيبي ماكو اشكال ننخطب واكمل جامعتي عادي ايهاب.. انـّ'ℳέ'ـّيٌ ما اقبل مرتي تدخل جامعه.. سنا اختاري يا اني يا الجامعه سنا.. ايهاب معدلي عالي حرامات اضيع تعب كل هلسنين واكعد وكٲني ما درست ايهاب.. كتلج اختاري سنا.. ايهاب لتخليني بين نارين تعرف ما اكدر بدونك وهذا مستقبلي سندي ليش تحرمني منه ايهاب.. يعني اني ما تعتبريني سندج.. مو واثقه بيه مـℳoــو دراستج بس هيه السند ٱפگـي? روحي بنت الناس الله يوفقج.. سديت الخط وهاي اول مره بحياتي اسد الخط بوجها متت صدك دنكت راسي وبجيت سنا.. سد الخط بوجهي.. هذا شبيه تخبل ليش هيج يحجي ويايه.. بقت دموعي تنزل .. رحت لسريري اتغطيت وكمت بس ابجي ياربي شختار الاختيار صعب.. ليش هيج يسوي بيه.. تعبت كل هلسنين بالدراسه تالي اكعد واسكت.. اعتزلت العالم ابد بقيت بالبيت شهر ما اطلع حته اهلي ما اتخالط وياهم من يكلولي اكلهم تعبانه اريد انام او ما الي خلك امي حاولت تحجي ويايه وتعرف شبيه ابد ما كتلها.. انوب امي خابرت عله ربى تجي تحاجيني وتعرف شبيه دخلت عليه ربى جنت نايمه.. كالتلي شبيج.. كتلها ربى تعبت من التفكير ما اعرف شلون اختار ..(ربى اختي تعرف بكل علاقتي ويه ايهاب ودائما تنصحني شلون اتعامل وياه) كتلها ربى خيرني يا هوه يا مستقبلي واني حايره اعوفه واختار مستقبلي واني اعرف بدونه اموت.. اترك دراستي واختاره تصير بعيني تعب هلسنين وتعب المعدل الجبته وتالي اترك كولشي كوليلي شلون ربى.. اختاري ايهاب.. سنا.. ومستقبلي ربى.. سنا تحجين صدوك لج هذا يعشكج وانتي هلكدوتج وربيتي عليه.. تجين هسه تصيرين انانيه وتختارين نفسج هوه وينه المستقبل والتعيين بالعراق وتفضليه عله ايهاب.. لج حبيبتي هذا يعشقج وميت بيج ومهندس ومتمكن اي شتردين بعد اكثر يعني لو تركتيه واخترتي دراستج.. واتزوج غيرج وعافج مو تموتين.. لو انتي اتزوجتي غيره واستفقدتي حبه واهتمامه بيج حتفيدج الدراسه مدام انتي اتحبيه مراح تنسيه ابد واي شخص يتقدملج حتقارنيه بٲيهاب وحتشوفين حبه فاشل مقارنتا ويه حب ايهاب المعدل باقي لو فد يوم احتاجيتي ممكن يساعدج بالمستقبل لكن لو راح ايهاب محد حيعوض مكانه سنا.. باوعتلها.. كتلها فعلا ايهاب عندي الدنيا كلها.. كالتلي دخابريه لعد وريحو نفسكم واخلصو من هلهم كتلها ماشي.. رفعت الموبايل ودكيت عله ايهاب.. بٲول دكه كال الو.. ضحكت كتله متانيني ايهاب.. ولي لا اتانيج ولا ابد هيج يهون عليج شهررررررررر متخابريني ولا تسمعين صوتي هيج رخيص عندج سنا.. ومخابرت انته ايهاب.. حاولت هواي.. بس كرامتي وكفت بعيني سنا.. ايهاب احبك ايهاب.. أي لا تره مبين كلششش تحبيني واضح سنا.. اووو عاد كافي طنكوره ..ويله متانيه اهلك يخطبوني ايهاب.. لا ادز ولا ابد خليج كل همج دراستج واني ما اهمج سنا.. لك خبل يا دراستي انته عندي تسوه الدنيا كلها ايهاب.. يعني حتركين الجامعه ومتكملين وتختاريني سنا.. مو بس الجامعه ارتكها.. حته روحي اتركها لو ردت.. لك ايهاب اعشقك.. امووت عليك ايهاب.. ههههههههههه واني اموووت بيج سنا.. يمه فديته لوليدي المدلل يبختي بيك والله ايهاب.. احــــــــ﴿﴾ــــبج سنا.. مو بكدي ايهاب.. لج دا اكولج احبجججججججججججججججج (صرخت بصوت عالي) والله وملائكته شهود وهاي اني راح اجيب اهلج واخذ حلال سنا.. ههههه يا حلالي ويا حلالي ..سديته من ايهاب.. باوعت لربى كتلها احبج ضحكت وشبكتني كالت الله يخليكم البعض مرت الايام واجو زلم مو نسوان عله بابا وكعدو ترسو الديوان شيوخ وساده وكالوله منشرب جايك ولا النه حجايه وياك اله تكوللنه مقضيه حاجتكم ابويه كال ابشرو مقضيه انشالله.. كالوله نريد بنتك سنا لابنا ايهاب ابويه كاللهم انـّ'ℳέ'ـّيٌ بالنسبه اليه علعين وعلراس موافق بس لازم ناخذ رٲيها ورٲي عمامها واخوتها وانشالله نردلكم خبر.. طلعو.. اجه بابا واني واكفه كال جايين عله سنا خطابه. امي كالتله لا بنتي تريد تكمل معدلها يخبل وتدخل جامعه شلها بالزواج.. ربى كالتله لا ابابا موافقه وين اكو احسن من ايهاب اشو شاب حسن واخلاق ومال وما بيه عيب ليش ترفضه.. امي خزرتها ..غمزتلها ربى عود بعدين نحجي.. ابوي كال تناقشو لما نلكه قرار نرده الهم راح بابا وربى حجت ويه ماما كالتلها همه يحبون بعض صار 6 سنين انتي شتحجين يا جامعه يا دراسه خل تاخذ اللي تحبه والله يوفقها تسوه ابو الجامعه كالت امي اذا اتحبه ما اريد اوكف بطريقهم بس ليش كل هلمده احنه منعرف.. كالتها لان حبهم صادق ورايديه بالحلال وانتضرو كل هلسنين ومحاولو يسوون مشاكل في سبيل لا يفترقون راحت امي وردت الخبر البابا واخوتي كاعدين ..دنيا نطت من مكانها وكالت تترك مستقبلها ودراستها بعد ما تعبت وتتزوج اكيد بينهم شي وتريده ابويه ضل يحجي كال صدك خاف بيناتهم شي صاحني وكال بينكم شي سكتت.. عاد مسلم ردها وكال.. وحته لو بينهم شي مدام الولد نيته صافيه وجاب اهله وعمامه واجه من الباب عله سنة الله ورسوله ويريدها وتريده ليش نوكف بطريقهم هاي انـّ'ℳέ'ـّيٌ مو عشكت مرتي واخذتها مابيها شي.. بابا كولها مبروك وعلخير ووافق الله يسعدهم اذا هم يردون هلشي .. ابويه من سمع كلام مسلم هدء وكال هاهيه علخير انشالله عاد ربى العوبه هلهلت كدامهم يبووو شكد خجلت دنكت.. ابويه خابر ابو ايهاب وانطاه الموافقه.. ما مرت دقايق.. وخابر ايهاب.. رفعت خط سنا.. الوووو (بدلع) ايهاب.. لج اني بحلم لو شنو معقوله حتصيرين الي سنا.. ههههه زوجي وحبيبي وعمري وكولشي ايهاب.. لحضه لحضه خل شوي استوعب الفكره.. بعد 6 سنين حننجمع البنيه الصغيرونه حتصير مرتي سنا.. اممم هههههههههه ايهاب.. كلللللللللللللللللللللللل ووووووووش سنا.. هههههههههههههههههههه.. احبك ايهاب.. اموت عليج ...... .. مر اسبوع وصار يوم الخطبه رحت للصالون حفيت اول مره بحياتي طلعت وجه ثاني اني ما عرفت نفسي لبست بدله ماروني وشعري سوتلياها ام الصالون تسريحه حياكه وعافته على طوله يخبل صار وسوو جسمي بودره وخلتلي تاج كرستال باوعت نفسي هاي معقوله انـّ'ℳέ'ـّيٌ لا لا مستحيل طالعه اخبل .. اني ونعجبت بنفسي ايهاب شحيصير بيه هههه.. رجعت للبيت كعدو يركصون ويهوسون البنات لشوي كالو اجو اجو طفينا الاغاني.. وصارت سكته دخلو اهل ايهاب.. ودخلو الزلم بالاستقبال.. انطوهم عصير وكيك.. لشوي كوموني لغرفة مسلم رادو يصير العقد بيها.. ماما خلتلي فص شكر بحلكي.. وصمت هيل بٲديه.. كالت الشكر يسوي حياتكم حلوه وكلامكم عسل والهيل يخليه يحبج وميشوف غيرج سويت مثل مكالت.. كعدت وشمرو البرقع عليه لشوي طب ايهاب وابو واخوه وابويه وامي واخت ايهاب وحده ما اعرفها متزوجه كعد ايهاب يمي.. ردد السيد العقد ورددنا وراه.. وكال مبروك زوج و زوجه هلهلت اخته والبره الغرفه هم كلها صارت تهلهل طلع السيد ومشونه للصاله .. شالو البرقع مني دار وجها ايهاب.. فتح عيونه وبقى يبلع ريك اتقرب من اذاني كال اشتعلووو ولج شطالع مو راح اموووت... دنكت وضحكت بخجل.. وهيج احس كلبي طاير من الفرحه انوب اشتغلت الاغاني والركص والهوسات والجكليت وهوه كل شوي يهمس بٲذني شغلات عيب😁 لشوي انطوه الذهب لبسنياه جان كوووولش فخم وحلو... هوه اشتراه من زمان وضاملياه بٲول راتب اله لما اتعين بس كال ما البسجياه لما تصيرين مرتي.. لفد شوي كالو خلو العرسان يكعدون وحدهم شوي.. دخلنا غرفة مسلم وسدو الباب وكفنا اثنينا كبال بعض لازمين ادين بعض.. كال واخيرا هلحلوه ام شعر الطويل صارت الي كتله متتوقع شكد فرحانه واني كامشه اديك واباوع بعيونك بدون اي خوف من انو احد يشوفنا او يستنقدنا بوضع مو حلو ايهاب.. مديت ايدي لخدوها لزمتها وكتلها احبج هيه خلت اديه عله خصري ..بست راسها.. ابتسمت.. بست خشمها.. وبستها بشفايفها بوسه خفيفه وابتعدت مدنكه راسها.. قربت راسي يم اذنها وهمست احبج مرتي.. ضحكت بخجل موتني بيها.. بستها بخدها وجريت ايدها ورحنا كعدنا علسرير بقينه نسولف.. انوب كالتلي صدوك امك وين.. كتلها مريضه وما اجت.. (بالاصل امي ما قبلت تجي لان رافضه هلزواج وحته رفضت تروح تخطبلياها لذلك دزيت لمة زلم ما دزيت نسوان) كالت خطيه ربي يشافيها متستاهل خوش مريه.. كتلها مو اللي الخوش ادمي يشوف الناس كلها ملاك مثله ضحكت اويلي يابه شلون اعشق ضحكتها.. جريتها وخليتها بحضني وابوس براسها.. متروس ماشات كتلها هاي شنو اسلاك شائكه ضحكت كالت لــnoـا ماشات علمود تثبت التسريحه.. ضحكت ورجعت ابوس براسها والعب بشعرها المتبدي عله جسمها من طوله بقينا ندردش.. لشوي كمت بستها من بكصتها وطلعت انطيت البياض لابويه انطاه لابوها.. وطلعنا رجعت امي متحجي وياي وحته مباركتلي حاولت اصالحها مقبلت.. مشت الايام واني بالاسبوع مرتين اروح يم سنا.. ومخابرات عله طول فتحت خط فاتوره وابد لا ليل ولا نهار حته من انام انام عله انفاس بعض.. بس امي حارت شتسوي مشاكل بينا واني اسد عليها تخابرها ترزلها وارجع اصالح سنا.. موتتني.. اخر شي قررت ما اطول الخطوبه واعرس واخلص ..البنيه راح تشرد من وره امي.. رحت لبيتهم بلغت اهلها بالعرس ..واخذت سنا ورحنا بس اني وياها اشترينا النيشان ماكو شي بنفسها مشتريته.. خاصه ملابس النوم جبت وصفطت واني اختار وهيه تضخك هههه.. العوبه تخجل تاخذ ملابس داخليه كدامي واني اجيب واشمر عليها احسها صارت طماطه من الخجل ..كملنا وصلتها للبيت ورجعت لبيتنا وصار يوم الحنه ولبست وعدلت وعساس اروح لبيت العروس اللي هيه سنا ووكفت امي كبالي متتزوج اتكلي ..كتلها شنو ما اتزوج كالتلي يا سنا يا امك واذا اختاريتها انسه عندك ام.. حاولت وياها يمه عدلي.. يمه بدلي.. والله احبها ابد قفلت بقت تصرخ وتملخ بشعرها وتصيح باكتك ام السحوره مني ولمت الدنيا كلها عليه.. يتبع 🌺🌺🌺🌺 شاركوني ارائكم ولا تنسو التصويت | ||||
|
| |
|
23-04-19, 04:22 AM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بعد ما بدلت للحنه وخلصت اجت امي تصيح وتعيط، متتزوجها بقيت اتوسل بيها الناس التمو عليها يهدون بيها ابد تكول يا اني يا هاي ام السحور اخر شي طلعت روحي كمت اصيح.. والله لو تكلبين الدنيا اخذها يعني اخذها.. اني صار اسنين اتانيها وهسه اتركها.. تحلمين.. صارت الساعه 7 بليل وامي بعدها تصيح وما تقبل اطلع.. وسنا كلبت الدنيا عليه بالمخابرات وما ارد اخر شي اخويه ستار اخذ امي وراح لبيته وكال انته اخذ الجماعه وكٲنو مصاير شي خل نلمها بسرعه عوف امي اني اهديها.. اخذت خواتي والبقيه وكم واحد وياي من الولد ومشيت البيت سنا.. ......... .. سنا رحت للصالون لبست بدله ورديه ورفعت شعري تسريحه ضخمه تخبل ومكياج هادئ رجعنا للبيت لكيت اقربائنا وصديقاتي والدنيا ملتمه كعدنه نضحك ونسولف اول بدايه بعدين اجت الملا كامت ادك صار الدبچ والركص بفلس واني فرحانه من كل كلبي.. بس ايهاب اتٲخر عله اساس بالخمسه العصر يجون صارت السته ونص وهوه ماكو اتصل وميرد ضل بالي.. لشوي كالو اجو اهل العريس دخلو النسوان يهلهلن ويركص ولعبن جوله اجه ايهاب باس راسي وضحكلي وكعد بس وره ضحكته اكو شي مو طبيعي حته معلق عله مكياجي او بدلتي او حته غازلني كبل كعد الجو هوسه واغاني همست بٲذنه حبيبي بيك شي.. كال لا بس شوي تعب العرس تعرفين فره وهوسه.. انشالله بس اليوم باجر ارتاح😉 وغمزلي ضحكت عابت عبالي بيك شي هههه باوعت بينهم امه ماكو عرفت شنو سبب انزعاجه.. بس ما بينت.. حنو ادينا ولفوها انوب كمنا ركصنا لشوي وراحو.. احنه البنات كملنا الحنه بيناتنه ..انوب ماما كالتلي ماماتي بدلي وارتاحي مو زين عليج اتعبين اليوم باجر وراج عرس كتلها ٱפگـي? ماما.. صعدت دا ابدل وسمعت الحنه مالتنا ابيت ايهاب بدت.. الديجي صوته حيل عالي وجايبين المنشد( علي الدلفي) مخبوصه الامه صعدنه البنات كولنا نباوع للسطح الركص بفلس شلون حلو ركص الشباب انوب واحدهم بشده يخبل ههههه بس لا طبعا حبيبي ايهاب احله واحد ✮..هٍْـَِ😜ـٌَِْعٍَ..✮ بقينا انباوع لحد ما زمخ بينا بابا (عيب 😠طبن جوه تباوعن علزلم من فوك شيكولون علينا😡) صار طشارنه بفلس.. هههه رحنا للغرفه كعدنا وكعدن يوصني عله ليلة العرس هيج سوي ولا تخافين ومن هسوالف عبالهم ما اعرف😒 بس سويت نفسي كولشي ما افتهم😶 ما يدرون ايهاب بوقت الخطوبه شارحها بالتفصيل الممل ههههع😜 عيب عيب اسكتو😐 شهلحجي كملنا كلمن راح لفراشه نام بس شيجيب النوم لعيوني وباجر موعدي ويه اغله انسان بحياتي.. دزلي رساله 💬 باجر هيج وكت بحظني اووف شيجيب باجر💬 دزيتله💬غمض عيونك وهوه يجي باجر😜💬 دزلي.. 💬 اضحكي اضحكي باجر اسمط ابو ابوج💬 دزيتله💬هوه هسه غير يجي باجر ههع😜💬 دزلي💬بووويه مستعجله😨😍😍💬 دزيتله 💬ههههه تصبح عله خير حبيبي💬 دزلي💬انتي الخير كله وانشالله اصبح بيج هههه اموت عليك💬 باوعت الرساله ضحكت بوست الرساله وخليتها عله كلبي ونمت كعدنا ثاني يوم امي كالت لاختي ربا وبنت عمي ياخذون غراضي لبيت ام ستار يصفطوهن بغرفتي.. راحو اقل الربع ساعه ورجعو امي كالت ها شبسرعه رجعتن كالن ام ايهاب بقت تصيح وطردتنا تكول احنه نصفطهن مو جايات تخلن سحورتجن ابيتي طبعا ابويه ضاج وكام يصيح ويكول ننهي العرس واني ابجي وامي تكوله احنه نعرفها هيه امه متريد هلزواج شنسوي بس غير همه يحبون بعض ما نكدر نكسر بيهم علمودها بقه ابويه يحجي ويايه علمود اتراجع عن العرس كتله بابا ما اكدر ايهاب كل الدنيا بالنسبه اليه بقو اخوتي يقنعون بيه كالو عوفهم تالي امهم تتعود عليها مدام يحبون بعض ما انكدر نمنعهم بيقت مهمومه ودموعي بعيني.. اجت امي كالتلي ماما ولا يهمج افرحي واضحكي هذا احله يوم بحياتج لتخلين اليكرهوج يحققون غايتهم اللي يريدوه يدمرون فرحتكم لتنطيهم الفرصه اضحكي ولا تخلين ابالج.. وصدك من كالت هيج ماما مسحت دموعي وكامن البنات يهوسن كدامي ويركصن غيرن الجو عليه رحت للصالون جهزوني وحسب اوامر ايهاب ما ارفع شعري مثل الحنه يريد شعري مفلول فسوتلي بيه رفعه بسيطه بشعري ونزلته وشمرت البرقع عليه صار روعه رجعنا للبيت واشوف الدمعه بوجه امي واخوتي بقيت كاتمه دمعتي بس بنفس الوقت فرحانه ومتانيه شوكت يجون واشوف ليهاب لشوي كالو اجت اجت الزفه كلها وكفت استعداد.. دخل ايهاب بقاط نيلي وقميص ابيض وربطه حمره يجنن طالع.. كعدو هوسو (اهوبي رايد رايته وعايف بنات ولايته) ومن هلوهسات انوب اجه ابو ايهاب كومنا سلمت عله بابا اول مره اشوف دموع ابويه ..بجيت وسلمت عله ماما خطيه بس تبجي.. كالت لايهاب امانه عندك لا تٲذيها كالها اطمني والله بكلبي اضمها طلعت ودموعي بعيني.. صعدت بالسياره واني مقهوره.. ايهاب كرصني من خدي كال لتضوج يحلو هسه نوصل الغرفه وتنسين عندج اهل وغمزلي ضحكت.. وصلنا البيتهم صارت الهوسه والاغاني متت لحد ما زفونه للغرفه.. دخلت غرفتي واوو تخبل اتقرب ايهاب من وره ومد ايده عله خصري.. كال واخيرا مرتي حبيبتي ابن اديه ..درت وجهي اله كال احبج.. كتله اموت عليك.. ووو💏 من بقه يبوس وثارت عنده نزلني للسرير راد يتقربلي برد رجع يشتم ويبوس لحد مثارت عنده هم وصل لعندي راد ياخذني وبرد ..ضاج ..جرب ثالثه الرابع نفس الشي تصير عنده اثاره واعتيادي بس من يريد يوصلني يبرد وميصير عنده ..وخر من عندي فاير من الغضب طلع جكاير وكام يشرب وحده وره الخ ويحرك بٲعصابه كتله حبيبي لتهتم عادي هذا تعب وطلع عليك هسه.. كدامنه العمر كله حبكت الا اليوم براحتك.. كال هوه لو ما عندي اثاره وتصعد عندي جان كلت تعب لج افهميني اربع مرات تصير عندي بس من اريد اجي اخذج ابرد تعرفين شلون صعبه عليه اتحملها.. هسه اليسمع ما ماخذ مرتي شيكول عليه مو رجال كتله حشاك حبيبي والله هذا تعب لتهتم بقيت ابوس بزنده وبكتفه واكوله لتهتم ولتضوج حبيبي وخليت راسي عله كتفه.. ماكو بس صوت الدخان يطلعه من حلكه.. احسه فار ..ضجت علموده ..اخر شي كالي كومي خل انام.. اخذ ايدي ورحنا للسرير نمنا.. كعد الصبح هم يبوس ويشتم ونفس الشي من راد يتقربلي برد.. احس راح يطك من الغضب وما اعرف شلون اهدي لو شلون اتصرف بهيج موقف.. اخر شي كام بدل وراد يطلع كتله ايهاب لتكول ما اخذتها.. كال ليش تخافين يكولون عليه مو رجال مووو.. كتله مو هيج بس هذا شي يخصنا وشوكت ميعجبنا نخلص حاجتنا مو ضروري الناس تعرف بشي.. طلع اني لبست روب النوم مالتي وكمت دخلت عليه اخته كالت ها بشري.. كتلها الحمدلله خلصت بس حيل اتٲذيت.. خفت تسٲل لو تطلب النيشان بس ما طلبته الحمدلله كالت هاهيه حبيبي مبروك وهلهلت.. اجو امي وابويه الصبح جايبين كيمر عرب وكاهي ... كالت ها يمه شنو الاخبار كتلها الحمدلله بوستني وبقينا شوي وراحو.. رجعت للغرفه حضرت نفسي وملابس نوم.. دخل ايهاب هم حاول مره مرتين هم نفس الشي تصير عنده اثاره من يريد يتقربلي يبرد بقى يصيح ويضرب برجله شكو كدامه وهم كعد يشرب جكاير.. خفت ما اتقربت بقيت بس ساكته.. انوب لف راسه ونام للعصر كعد وطلع.. اني دخلت سحبت ..انوب خابرت ماما.. كالت ها كتلها ماما هيج وهيج السالفه.. كالت والله عرفت من امه مقبلت خواتج يصفطن اهدومج كلت حتشمرلكم شي حته ميوصلج كتلها شنو ماما شلون يعني.. كالت ماما حبيبي اغسلي غسل الزياره انتي وايهاب وروحو اليوم للامام الكاظم زوري وكملي واقري سورة البقره هناك واحجزو غرفه بالفندق ونامو وشوفي هم يبقه عله حالته.. كتلها شنو عود ليش.. كالت ماما سوي هيج وشوفي وبعدين عود نحجي كتلها اوك ماما.. خابرت عله ايهاب كتله انته وين كال اني يم حسن صاحبي.. كتله تعال اريدك.. كال جاي حبيبي.. اجه كتله هيج ماما كالت انسوي.. ضاج وضل يحجي شلون كلت لامي ..كتله مابيها شي حبيبي بس خل نجرب علمود انته ترتاح كال ضجتي مني.. كتله لا والله شبيك ايهاب قابل اني ماخذتك علمود هلشي.. انته كل حياتي بس والله علمودك انقهر لما اشوفك هيج ممرتاح وتحرك بروحك ..الا اني والله ميهمني بالصلوات قنعته كال ٱפگـي? كومي بدلي كتله ادخل اغسل غسل الزياره.. كال ادخلي انتي اول انتي وراج لبخ وبياض يله تخلصين كتله شسالفه رايحين نزور اكيد ما اخلي مكياج ههههه.. دخلت غسلت وطلعت احظر بروحي كملت حضرتله ملابسه دخل بدل ونزلنا كال لاهله انطاهم خبر ومشينا ..وصلنا الزياره دخلنا للحضره.. لزمت الشباك ودعيت امانة موسى ابن جعفر دخيلك كملت طلعت كعدت صليت وقريت الزياره انوب بديت بتلاوة سورة البقره.. بنص السوره اجه ايهاب كعد يمي بس باسني من راسي وكال مقبوله الزياره اومئتله براسي واني اقره بمعنى شكرا.. هوه هم لزم قران وكعد يقره كملت قرائه طبكت الكتاب بسته ورجعته لمكانه رجعت لايهاب كال ها خلصتي كتله اي.. طلعنا رحنا حجزنا غرفه بفندق دخلت للحمام اتحضرت بملابس النوم واتعطرت وطلعت هوه بقى صافن عليه وبعده هجم ههه وفعلا الحمدلله تمت عله خير حسيته فرح من كل كلبه كال ما نرجع خلينا هنا يومين كتله براحتك.. خابرهم كاللهم احنه حنبقى هنا لمدة يومين.. بقينا بهليومين عشنه احلى ايام حياتنا بالحب والرومانسيه ابد منشبع من بعض واحدنا عطشان للاخ كملت اليومين كال خل نروح لابو نؤاس نتونس وبعدها نرجع للبيت .. كتله ماشي ..رحنا هناك وكعدنا علشط واحنه بحظن بعض اباوعله وللجو حلو الحمام والطيور تخبل والدنيا مغرب وهوه يبوس بكصتي ويتغزل.. كملنا طلعنا بالسياره شغل اغنية قيس هشام.. بعيوني اضمك بكلبي واكول بعيد بعيوني اضمك خاصه من يكول بالهوا طاير شعرك سواد الليل بالهوا طاير وخلاني حاير وهوه يغنيلي بصوته ويضحك واني اضحك واصفك وياه رجعنا للبيت هوه كال راح اروح لصاحبي شوي وارجع عود الكاج متحظره 😉كتله بعيني ههههه ولا يشبع حبيبي فديته خابرت ماما كالت ها شنو الاخبار كتلها الحمدلله خلصت عله خير.. كالت عرفت مخليتلكم شي.. ماماتي حبيبي ارجعي طلعي ملابسج كلها من الكنتور نفضيها واقري علها المعوذات وانتي تصفطين ..وامسحي غرفج بخل هسه ويوميه علمود كل عمل كل شي مخليه بغرفتج يبطل كتلها ماشي بس ماما دزيلي خل استحي اطلب منهم كالت بسيطه هسه ادزلج ابيد مسلم...يتبع 🌺🌺🌺🌺 متابعه ممتعه اتمناها الكم حبايبي #زينب_ماجد | ||||
|
| |
|
23-04-19, 04:23 AM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| سديت الخط من ماما وبديت بتعزيل الغرفه طلعت كل الملابس واقره واصفط.. لحد ما دكت الباب غدير كالت اخوج بالباب يريدج كتلها ماشي جايه.. طبعا غدير من انخطبت لايهاب ولليوم ابد مو مهتمتلي ولا تسٲل وحيل متغيره بلبيت كٲنو مو جنه صديقات مرات اشك جنه سوه بنفس الصف.. نزلت لاخويه مسلم واكف بالصاله مقابل يكعد كايللهم عندي شغل.. اجيته ركض حضنته وسلمت عليه.. كال هاي علاكة حلويات وبيبسي الوالده دزتلجياهن تعرفج تحبيهن وخاف تستحين اطلبيهن كتله حبيبي بوسلي ماما.. طبعا ماما مخليه بطل الخل بالعلاكه ويه بطالة البيبسي والحلويات فمامبين اخاف يسئلون عروس شتسوي بالخل.. اخذت العلاكه وصعدت فوك.. خابرت عله ايهاب كتله الله عليك تٲخر ضل يضحك كال ليش كتله دا انضف بالغرفه وحالتي حاله ومسابحه اذا اجيت ولكيتني هيج تشرد مني كال لج شهلحجي اموووت عليج حته لو ريحتج زباله ..ضحكت ههههه عاد مو الهدرجه اي ريحة عرك مو زباله.. اتٲخر شوي فدوه ماشي كال ماشي خبولتي.. اخذت سطل مي خليت ملح عليه بدون محد يشوف ومعطر وصعدت للغرفه خليت خل ومسحت الغرفه بعدها طبيت للحمام سبحت ومكيجت خفيف وورحت الفراش كبل بس خليت راسي نمت.. لشوي حسيت ايهاب اجه اتمدد علفراش يلعب بشعري ويبوس بيه اتحركت ..كال كعدي حبيبي جبتلج بيتزا اكيد جوعانه.. مطيت جسمي وكتله اي والله حيل جوعانه.. ايهاب.. ههههههه فدوه لحبيبتي ام كرش كعدت جريت طبله زغيره.. وخليتها كدامنه.. حطيت البيبسي والبيتزا وكعدنا ناكل.. كملت نزلت الغراض وفرشت اسناني وصعدت عدلت مكياجي وكعدت يمه.. وهوه يكلب بالتلفزيون طلع ماجد المهندس بين اديه واحس انك بعيد ذوب بٲحضاني مثل قطعة جليد ..علم العشاك كييف الحب يكووون بلا حواجز احلى طعم الحب اكيييد نغني البعض وادينه شابكيها بٲدين بعض واني مخليه راسي عله كتفه ومتمدده يمه ..وهوه كل شوي يبوس بكصتي.. ايهاب.. اخذت نفس واني اباوعلها.. كتلها تدرين شكد جنت اتمناج.. 6 سنين يوم يجر يوم.. ما مر يوم وغبتي عن بالي كل ليله انام طيفج حاضن عيوني ..وهسه بحضني انتي… اووووف لو شكد ما اشكر الله ما اوافيه عله نعمته اللي جابج وخلاج الي ومرتي وحققلي امنيتي سنا.. هههه حبيبي الحمدلله رب العالمين.. وربي يخلي ايامنه انشالله كلها حب وافراح .. كال امين واتقرب باس خشمي ضحكت صاح بووووويه شلون اموووت بضحكتج دتعااااااي ههههه…. 💏💏💏💏 كعدت الصبح اخذت ملابسي وطلعت ردت ادخل الحمام جان امه تكول ..اهمم غاريته بالبوسه والنومه الله ياخذج انشالله مثل ما اخذتي ابني بس هوه الصوج مو منج صوج العار الربيته الفضل بنت الشوارع عله امه.. باوعت شٲريد ارد.. بعدني عروس مصار 5 ايام عفتها ودخلت للحمام.. سبحت وطلعت مكيجت وعدلت نفسي وايهاب نايم عفته ونزلت يمهم احس روحي غريبه محد يحجي وياي لو يكولي تعاي كعدي هنا ابد وكٲني مو موجوده حته محد كال تريكي او سٲلني اذا اريد ريوك واني عروس .. لنص ساعه كعدت ابد ولا باوعولي اصلا من كعدت كلها كامت من الصاله.. اني هم عفتهم وصعدت لغرفتي ..اتقربت لايهاب نايم . مديت ايدي عكشت بشعره وابتسمت فدوه شلون نايم يخبل.. شغلت التلفزيون وكعدت اكلب بالتلفزيون طلعت دعاء الصباح خليته وعليته شوي.. فتح ايهاب عينه شال راسه وهوه فاتح نص عين ويباوعلي ايهاب.. صباح الخير حبيبي سنا.. صباح الانوار حياتي ايهاب.. بيش الساعه سنا.. تسعه وربع ايهاب.. هاي من شوكت كاعده شكو تعاي نامي يمعوده سنا.. لا حبيبي خاف يجونه خطار شلون اطلعلهم نايمه.. كوم تره جعت ايهاب.. ابوعلها وفاتح عين وحده واحك بشعري ..فديت ام كرش بس تاكل سنا.. انووووب اني بس اكل.. ايهاب.. اموووت عله كرشج وبستها ابطنها سنا.. هههههه حبيبي.. كام هوه.. كال محد صعد ريوك كتله لــnoـا.. ايهاب.. خوش نزلي سويلنا ريوك اني داخل اسبح سنا.. ايهاب استحي امد ايدي علثلاجه واطلع.. ايهاب.. انزلي اني اصيح لغدير تساعدج سنا.. ماشي.. نزلنا حضرتله الحمام وصاح عله غدير تساعدني اجت تكولي شنو متعرفين تسوين ريوك الا نسويلج.. كتلها لا غدير شبيج بس استحي.. كالت هااا هاج طلعلتلي الغراض من الثلاجه وخلتلياهن علكاونتر طلعت بس الجبن سويته مسويت بيض وخليت عسل وزيتون وجاي وصعدت ..دخل هوه كال ليش ممسويه بيض.. كتله حبيبي البيض ميصير ناكله قبل عشرة ايام من زواجنه.. ذاكرها الرسول مو زين علينا.. واهلنا يكولون الياكلون بيض بايام عرسهم يبقون ايامهم كلها عرك ونكره وصياح.. ضحك كال خوش تٲامنين بهلخرافات.. كتله خرافه مو خرافه مخسرانين شي ههههع كعدنا تركنا كملت نزلت الصينيه.. غسلتها وصعدت كعدنا نسولف لشوي رحنا للفراش نمنا كعدنا العصر نزلنا اجو هواي ناس باركولنا.. لليل يله فضو تمددت يمه.. كال حبيبي باجر راح اداوم.. كتله مو بعد وكت مو 10 ايام اجازه.. كال ما اكدر عدنا عقد ولازم اداوم كتله ماشي خلصنا من وكت ونمنا.. للصبح دك المنبه مالته كعد ردت اكوم كال ميحتاج حبيبي ارجعي نامي.. اني هم ما كلت باطل النعاس ماكل عيوني.. رجعت نمت واسمعه يبدل.. كمل دنك باس راسي فتحت نص عين كتله ها حبيبي خل اكوم اسويلك ريوك كال كملي نومج حبيبي ميحتاج عود اني اكل بره بوسني بخدي كتله محروس حبيبي الله يحفظك.. طلع.. ورجعت خليت ايدي عله وجهي ونمت.. شفته مر من يمي وحذائه يطكطك بالغرفه كتله ها حبيبي رجعت واني غافيه سمعته فتح الكنتور بس ما رد.. كتله ها حبي نسيت شي.. شلت راسي.. باوعت ماكو احد بالغرفه فتحت عيوني عله حيلهن.. استغفر الله ربي هذا وينه.. اباوع الباب مقفول.. اني ما سمعت الباب انفتح.. منو لعد هذا المر من يمي ياربي شنو اتخيل.. لا مستحيل صوت مشي واحد فتح الكنتور منو ه̷̷َـَْـُذآ لعد خاف هذا ايهاب وطلع بسرعه اخذت الموبايل وخابرت ايهاب.. كتله ها حبيبي شنو رجعت.. كال شنو رجعت ..كتله وين انته مو رجعت للبيت هسه.. ضحك كال لج انتي بس لا نايمه وتتحلمين وخابرتيني حبيبي اني وصلت الشركه صفنت لعد منو هذا المر متٲكده شفت شي اسود مر من يمي عبالي هوه بنطرونه اسود.. اوووف يمكن دا اتخيل.. قريت المعوذات ورجعت نمت.. غافيه لشوي حسيت احد واكف يمي فوك راسي.. فتحت عيني والكه واحد اسو طويل يخوف واكف فزيت بسرعه اباوع ماكو.. اختفه خليت ايدي عله كلبي ..اسم الله ..سلام قولا من ربً رحيم دخيلك اللهي شنو هاي دا اتخيل لو شنو متٲكده شفت واحد يخوف منو هذا.. اسملله ربي شكله يخوف.. كمت بسرعه فتحت التلفزيون طلعت قران وكعدت كلبي ماكله الخوف من الشفته معقوله حقيقه لو اتحلم.. هزيت راسي.. استغفر الله هاي اني اتخيل اكوم اسبح لا يجون ناس واني كاعده.. كمت سبحت ونزلت.. اجت خواته ونسوان اخوته لان باجر السبعه يتحضرون.. اخذتني اخته الجبيره.. خطيه حبابه من دونهم تحجي ويايه وتضحك وتسولف الا الباقين تكول عدوتهم.. حته غدير عشتو عود صديقتي.. كالتلي اخته لازم نروح للسوك نشتري فساتين السبعه.. كتلها ماشي بس خل اخابر ايهاب انطيه خبر.. خابرته.. كال روحي حبيبي.. اني ساعتين واجي.. كتله ماشي رحت للسوك ويه اخته وغدير ويانه اشتريت 5 فساتين.. واشترينا شنو نحتاج وغدير هم اخذت فستان.. واشترت كولشي وتكولي هاي ايهاب انطاني الفلوس كتلها بالعافيه حبيبتي تصرفيهن بالهنا.. اعرفها كامت تغورني مدري شبيها انكلبت عليه.. اوووف ربي هناك مرت مسلم وهنا غدير شلون يربي متخلص رجعنا.. بعده ايهاب مجاي.. كعدت وياهم نسولف ونحضر الباجر.. كاعده عله جانب لتخم وضهري للباب ما احس الا واحد يوخر شعري ويبوسني من ركبتي من وره درت وجهي.. ايهاب.. كتله شبيك ايهاب… عييييب.. امه بقت تصيح اهمداك يلعار يا ماتستحي ما تكول كاعدين احترام ..مابيك خير اخو مريتك هوه ولا يمه.. يكولها مرتي حلال ابكيفي شوكت ميعجبني اخذ.. اني ابتعدت عنه لا تصير مشكله كامت امه تتلاغه وياه كالها اهووووو انتي ما تخليني اتهنه اشو تعالي حبيبي خل اخذ راحتي بيج.. وجر ايدي وصعدني فوك.. كتله ايهاب لتتصرف هشكل جوه كال معليج اني اريدها تتعود علوضع وعله حبنا.. كتله ايهاب هشكل تكوم تكرهني مو تتعود عليه.. كاعد احجي خله ايده عله حلكي ووو💏 كملنا.. كعد عدل نفسه وتمدد علسرير سولفتله عله هذا الاسود الشفته اليوم الصبح.. ضل يضحك كال حبيبي تتخيلن شبيج حبيبي تلكين فلم رعب باقي ابالج.. كتله ايهاب مـℳoــو قصة فلم رعب بس اني كعدت عله صوت خطوات حسيت شي خطف مني وبعدين انفتح الكنتور.. فتحت عيني مالكيت شي.. كال حبيبي تتخيلن لان البيت غريب عليج بعدج جديده.. سكتت اعرف مراح يصدكني لو شما حجيت مر اليوم عله خير.. صار يوم السبعه.. مكيجت بالبيت وشسورت شعري.. ولبست ونزلت الدنيا مكلوبه كلها جايه لشوي اهلي اجوي باركولي وسلمو عليه.. وجايبلي الهدايه.. امي جايبتلي عقد ذهب.. ومسلم.. داز ابيد مرته ورقه.. وربى جايبتلي ثلاجه وسط خطيه وباقي الهدايا من الاقارب بطاطين وديباجات وصور ولواحات.. كملنا الحفله وجانت كولش حلوه وايهاب ابد ميمل كل شوي تعاي اريدج 😑 مو عرس طيحان حظ تعبت😢 شنو ميمل😣.. خلصت 7 ايام.. ثاني يوم نزلت الصبح كالت امه هاي يا عروس بعد بيج نومه لو خلص شوكت تكومين تنضفين شنو نشتغل عد حضرتج خدم كتلها ماما ما عندي اشكال هسه اكوم انضف.. كالت نضفي البيت كله وسووي غدا خل نشوف اكلج شلونه نضفت البيت كله وتوجهت للغده طلعت جريش ولفيت كبه.. سويت مركة كبة جريش وتمن وشعريه.. وامه واكفه عله راسي ابد مراحت مني ضايقتني.. اريد الف براحتي تعيب وتتمضحك ويه غدير.. تكولي الكبه مالتج تسويها ثخينه مو خفيفه ابد مرديت عليها.. كملت الاكل جان تاخذ الجدوره وتروح للصاله.. عفتها يا الله شسوي وياها اخذت الصينيه والمواعين وكعدت جان تكولي باعي لج علاكل ممنوع تكعدين وتكابلين اتخبل اشوف وجهج النكس كبالي.. اختنكت من كالت هيج.. كمت من الاكل رحت الغرفتي ابجي.. بهلاثناء خابر ايهاب كال حبيبي راح اتٲخر بالجيه شوي ماشي كتله براحتك حبيبي كال شبيه صوتج.. كتله مابيه شي لان شتغلت شوي تعبانه.. كال سوده عليه حبيبي لا اتعبين نفسج انعل ابو الشغل كتله لا بالعكس انشغل بيه ضوجه بقيت بغرفتي.. لشوي نزلت لكيت شامرين المواعين علسنك ..غسلتهن.. ردت امد ايدي علثلاجه اطلعلي شي متت من الجوع اباوع الثلاجه بيها قفل.. يااااا بلله اكو ثلاجه تنقفل.. والله عجيبه… عفت وصعدت سبحت و مكيجت.. وكعدت اتاني ايهاب.. صار المغرب اني متوضيه كمت صليت دا اصلي ورافعه ايدي بالقنوت دخل ايهاب.. كال يمه شهلكمر اليصلي اوووف شكد مشتاقلك.. ويبوس بوجهي واني اصلي واني اوخر بيه ههههه خبل كملت كال اتقبل الله.. كتله اي لا هوايه اتقبلها بالبوس مالتك بلله مو حرام.. كال شمسوي كفرت بس بست حبيبي😝... يتبع 🌺🌺🌺🌺 متابعه ممتعه اتمناها الكم حبايبي #زينب_ماجد | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
العرض العادي
