آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
11-10-18, 10:50 PM
| #11 | ||||
|  البارت الثالث :يمه يمه وصلووووو ركضن اخواتها وهو يبشرن امهن ويشوفن السيارات بدت تملا الشارع الكل جا يهني بسلامه صالح وعتقه من القصاص ما اوصف لكم المشهد من صياح وزغاريد اجتمعن الخالات والعمات والجارات وبناتهم عند ام صالح يهنوها ويباركو لها بعتق رقبه ولدها و بعد ما الكل روح دخل ابو صالح وولده لعند امه واخواته وجداته ام صالح ؛هلا يا بعد حي والله اني اشتقتلك بالحيل يا عين امك صالح وهو يحط راسه ع رجل امه :ااخ ي يمه بيني وبين الموت شعره ااه ي يمه والله اني تبت لله توبه نصوحه يا يمه الموت يخووف امً صالح؛يا رب جزاهم الله خير الحمد الله الي فك لي وليدي ابو صالح؛اي والله الحمد الله لولا ناصر ما اخذ ولدك العتق ما اقول الا الحمد الله يا رب التفتت ع زوجها ؛الا ما قلت لي وش كان شرطهم ؟ ابو صالح ؛شي بيني وبينهم ومن الحين اقولكم لحد يسالني عنه ؟! ام صالح ؛تراني بديت اخاف ! صالح:يبه ما بيك تحمل فوق طاقتك وش يبون فلوس ؟ يبه الزم ما علي راحتك ريم :كنت اسمع لهم وانا متاكده مليون بالميه بعد الرساله ما فيه براس ناصر الا الزواج وكنت مجهزه الاجابه من بدري ع طلبه الزواج مني !!! اني اووافق ايه اني اوافق ذليت نفسي عشان اخوي قلتله تزوجني واسير لك خدامه حتا لو ما تبيني زوجه لو تبيني خدامه لزوجتك انا راضيه ! اهم شي اخوي يعيش ابو صالح :ما عليكم وقفلوها سيره وانا شرطهم رديت عليه وحلاص لحد يسالني انا بقوم اتريح لي من امس ما رقدت وحاسن عضامي يوجعني :الله معك يبا رجعت لغرفتي واانا مصدومه ليش ما طلبني ؟ ليش ؟ ليش ابوي رفض يعلمنا وش شرطهم ؟اففف يا ربي ليه الحين اموت واعرف وش قال لابوي المشكله محد يعرف بالشرط ع قوله صالح الا ابوي وابوه وهو !!!!!! غريبه هالناصر الله يسسسستر وش بيطلع منه والله انه داااهيه اكيد مو طول عمره عايش برااا !ااخ الحمد الله يا رب الي رجعت لنا اخوي واصلحته وهديته يا تب لك الحمد والله مو مصدقه عيوني سحبت مفرشي وغطيت راسي ونمت ! ام فارس ؛خلاص ي عين امك عزّمت تروح؟ ناصر وهو يصب له شاي ؛اي يا بعدي باقي هالترم اناقش رسالتي وان شاء الله ارد لك الدكتور ناصر ام فارس :ان شاء الله الله يفرحني فيك يا عيني انت نزلت كاستها والتفتت لولدها :ناصر وش هالشرط الي خلاك تتنازل عن صالح وانتم شيوخ الشمال كلها جتكم وارفضتوا وش هالشي الي قلته لابو صالح ناصر:يمه والي يرضا عليك والي يخليك لنا مصيره يجي وتعرفيه الحين مو وقته ام فارس ؛بس لا تنسى فارس ولدي وانا امه ومن حقي اعرف ناصر ؛يجي اليوم الي تعرفين فيه وتقولي ناصر ما غلط يوم انه حط هالشرط والله لاحرق قلوبهم بس عالبطيء ي حيي اصبري بس حط كاسه الشاي وقام ي الله اترخص ودي اجهز اوراقي عشان اسافر هاليومين سرت ماجل كثير ام فارس؛الله معك توكل ربي يفتح لك الخير مشى ممن عند امه وكلمات ابو صالح تتردد في اذنه تم واعتبر هالموضوع اليوم خالص ومحد يدري فيه الا انا وانت وابوك ااااخخ والله لاذوقكم اللوعه والمر مسح على وجهه استغفر الله بس ! ركب سيارته ومشى يسوي اموره علشان سفرته في بيت ابو صالح صالح : يله ي بنت عجلي بالغدا زمان عن طبخ امي والله اني ميت من الجوع ريم :طيب طيب هذاني جايه سميه سميه حطي المفرش يالله حطت سميه اختها المفرش وبدن يرصن صحون السلطه والعصاير وصحت الاكل. التمو عليه عيله ابو صالح الي مكونه من ابو صالح وام صالح وصالح وساري الي باول ثانوي وريم الي عمرها من عمر صالح وهمً توأم اعمارهم 25 وسميه وسهام الي سادس والي خامس كملو غداهم وريم تناضر في ابو فارس ريم تقول بنفسها مستحيل للحين م طلب من ابوي انه يتزوجي ااخ ي يبه لو ادخل مخك واشووف وش طلب منك ناصر مستحيل انه هلا السالفه تمشي كذا ! يا ربيه اااخ والله ذبحني الفضول ابو صالح ؛ريم ؟ علامك فاهيه بوجهي ؟ ريم وتوها تنتبه ؛هاه لا ولاشي كنت افكر بصالح الله يطول بعمره اااخ الله لا يعيد هاك اليوم الكل ؛امين :الحمد الله الله يديمها نعمه ام فارس؛تغد ي ناصر مةليت شي شف حالك كيف نحفان من رجعت ابو فارس يناضرهم : متى طيارتك ؟ ناصر وهو يلقط حبات الرز الي طلعت من المفرش : بكره ي غالي ع 6مسا ابو فارس ؛زين خلص هالدكتوراه وارجع بسرعه وانا ابوك والله فقدت ذراعي فارس الله يرحمه الكل قام يناضر بعضهم كانهم يستنوا احد تنزل دمعته عشان يكملو ورا بعض الصياح يوسف ؛انا بروح غرفتنا الحمد الله وقام ما يحب يبكي قدام احد حساس جدا وهو اخوهم الصغيرر عمره 13 سنه وقام وراه فهد فهد سكوتي وهادي ما تسمع له حس عمره 16 رجع ناصر نضره لمنى اختهم الصغيره صفها ثالث يرحمها متعلقه ب فارس حيل دايما ياخذها معاه ويوديها البقاله ويوديها للمزرعه معاه يعني هو الي مدللها منى تناضر امها وهي متربعه وحاطه يدها ع خدها واليد الثانيه فيها الملعقه تلعب في صحن الرز يمه من يوديني للبقاله انا ابغا فارس فارس ليش راح عنا للابد يمه انا اخب فارس رمت الملعقه وناضرت ناصر نتصر تكفى روح افتح قبره وطلعه قوله خلاص نمت كثير خله يصحا ام فارس ما تحملت وقامت تصيح وابوفارس تاثر ودمعته ع طرف عينه اخذها ناصر خلاص ي حلوه ادعي له هو ف الجنه واحنا ان شاء الله بنروح له كلنا وانا بوديك ع البقاله بس انتي لا تزعلي امي وابوي فارس خلص راح للجنه 😭 اشترا لها اغراضها ورجع لببيت وراح لغرفته هو وفارس ويحهز اغراضه عشان السفره مر شهر ع الاحداث ناصر سافر يكمل دكتوراته ومحد عارف وشهو الشرط الي حطه ناصر والامور رجعت مثل ما كانت الي بدوامه والي بمزرعته سما وهي تاكل حب وتتفله على الصحن الي قدامها :شفتي بس الجمعه ملكتها ريم وهي تناضرها وتشرب شاي :سما علامك ي بقره ترا هذي اختك اليً يشوفك يقول غيرانه منها ولا ما تبي لها الخير سما :اسمعي ي بنت (وهي تتفل الحب ) يختي اوكي اختي بس يختي ما تنبلع من هنا وهي تاشر ع زورها افت يختي دلعها ماصخ اااخ بس لونها اختي من امي كان وريتك فيها هي والدلع الماصخ هذا ريم يلعن وجهك ي كلبه ريم ؛ عما علامك سما ؛الحين ناصر معقوله ما طلب ابوك ان شرطه زواج والله مي راكبه في مخي ريم ؛مدري مدري والله مو متريحه ابوي حتا صالح مو قايله شي سما :ي الله ي عمي. مدري وش يضره لو يقول ريم ؛مهو مشرط ع ابوي ما يقول لاحد سما؛الله ي الكبرياء بس اففف سبينا من سيرته هالمتعجرف بيطق ال 30وهو ما تزوج ريم ؛تزوج ولا متزوج وش دخلنا فيه الله يستر عليه اهم شي اعتقوا لنا صاللح سما:ريم اشوف عيني بعينك ليكون تراسليه والله لاعلم اشوف اعطيني جوالك اشوف ريم؛انا وش خلاني اقعد مع خبله مثلك انا عقب المسج حذفت رقمه خفت حد يشوفه قالت بتغير السالفه سما ليش ما توضفنا للحين صار لما متخرجين زمان شالحظ هذا والتفتت عليها انا من يوم ما خاويتك وانا حضي طايح لازم ادورغيرك عشان اتوضف واعرس هههههههه سما :الله ياخذك قولي امين قامت وهي تنفض قشور الحب من حضنها لا تنسي الملكه بكره دوري لك شي سنع والبسيه بالك الله لقينا عرسان 😹😹 ريم :انقلعي ان شاء الله سما؛ يالله مع السلامه يوم ملكه اخت سما نوره في بيتهم طبعا في مجلسهم كانو متجمعين اهل العريس واعل العروس والجيران وصديقات نوره والديجي شغال والرقص وانواع الضيافه مشت ريم وهي تعدل فستانها انيقه بكل ما يحمله المعنى فستانها اسود لميع كامل مكسم على جسمها طويله وجسمها كانه ساعه رمليه سعرها اسود حالك سواده لاخر ضهرها تاركته مفتوح ومسويه رفعه لغرتها الي يشوفها يقول متكبره وما تقدر تحاكيها وهي عكس ذلك تماما سما وين حمامكم بعدل روجي سلمت ع الحريم واحسه راح سما :امشي سيده ولفي يمين تلقينه ريم :اوكي مشت وهي متطمنه ما في احد بالبيت يعني مو معقوله كل هالحريم وبيكون احد ف البيت دخلت الحمام وجلست تعدل الروج طلعت من الحمام شفت سما واقفه بغرفه قبال الحمام وتضحك سما :حلو والله حلو ليش التبديل يعني هيك احلا اصلا دخلت وانا ادفها ابغا اشووف من الي تقول لها انها حلوه تخسين اصلا محد حلو الا انا لفيت بوجهي الا بالي واقف مفهي فيني رفعت فستاني وركض من الغرفه محمد والي يلتفت لسما انلجموا من الموقف محمد : وش ...ااا...استغفر الله... من هذي ؟ سما :مالك دخل وطلعت تدور ريم الي مالها اثر شافتها جالسه باخر المجلس ومتوتره مره سما :قومي قامت قيامتك وش هببتي ؟ ريم :الله لا يوفقكي يا سما ولا يوفق الساعه الي عزمتيني فيها وتقرصها بكتفها سما :عما الله لا يوفقك انتي ليش تدعين ي كلبه مو انتي الي درعمتي علي ريم :قلبي بيوقف من الفشيله الحين يقول هذي ماصخه لا ي ربي انا وش دخلني لاااااءءءء وبصياح خفيف معقول عرفني ؟ لا ي ربي شقاعده اخرف وهي تلتفت صوب سما :وديني ي الكلبه لو تعلميه عني اني لالعن خامس جدك سما؛والله مدري من الملقوفه الي دخلت علي وانا واخوي بالغرفه ريم :الله لا يوفقك ي سما سما ؛حرام ي كلبه بتوقفي نصيبي من هالدعاوي قومي قومي نكمل رقص ولا ودك بشوفهً محمد ثانيه ريم ؛الله ياخذكك انت وياه زين سما :زين قومي بس هههههههههههههههه . . . . . . . انتهى البارت توقعاتكم للبارت الرابع اسعدوني بالردود وحمسوني اكمل حرام عليكم هههههههههه | ||||
|
|
12-10-18, 05:27 PM
| #13 | |||||
| اقتباس:
معقوله تكون ريم محيره له؟ ماًتدري 🌞🌞🌞 | |||||
|
|
|
21-10-18, 03:20 PM
| #19 | ||||
| البارت الرابع يا فوضاي الغريبة.. رتّبي ذاتي أبي أنسى أنا محتاج للنسيان  بعد مرور ثلاث شهور بالحوش عند عايله ابو فيصل الي متزوج حرمتين كل حرمه لها بيت بس هالبيتين في نفس الحوش ابو فيصل :والله يقولك هالسنه ربيع ان شاء الله فيصل :اي والله مطرها خير هالسنه ام فيصل :ما ودك نطلع نربع هالسنه يبو فيصل ابو فيصل :والله ان شاء الله نتريح شوي من هالعلف فيصل :والله يبا هالبر انه سعه صدر ابو فيصل ؛وانتي يم محمد ما ودتس تروحين معانا ام محمد :وشو اعوذ بالله انا ما احب البر ما احب اطلع من البيت اصلا ام فيصل ؛الراي والشور عند ابو فيصل ان قال روحن رحنا وان قال اقعدن قعدنا ام محمد :والله يحبيبتي انتي تموتين بالغنم والروايح روحي معاه ام فيصل :ايه اروح وليه ما روح ابرك من مقابلتس ابو فيصل ؛اقطعن يا حريم وش ذا ؟ما فير تاكلن بروس بعضكن لا قومن تكافخن عنتالله عليكن كان ما تحوسن مراره الواحد التفت على محمد وسما وهم يتساسرون بصوت واطي :وانتم شعندكم بهالمساسره خير اللهم ؟ رفع نضره محمد لابوه وحط يده ع راسه يحكها وقال :هاه لا ولا شي قاطعته سما :لا يبا يبني ...... قرصها محمد في يدها :اسكتي ي كلبه لا تفضحينا سما:اي وجع وش قلت انا ابو فيصل :الله يخلف بس قام ونفض ثوبه ولبس نعوله :مشينا ي فيصل قام وراه فيصل ذراع ابوه اليمنى الي معاه بكل المشاوير والي يسوق عنه لان معاه ضعف بصر محمد :انتي مخك نوعه حماري ولا بغلي بتفضحينا ي حيوانه سما :انطم بس بعدين ايش حمار وبغل ترا انت تحت رهن اشارتي بتكون بتلبي كل الي ابي ولا ما اسوي لك الي تبيه محمد :سما وربي تشتغلي شغل النذاله هذا اكلم هالتي احسن منك وقف محمد وقال :انا صحيح ليش اكلمك فعلا غبي يلا باي مسكت طرف ثوبه :خلاص تكفا اسفه تعال والله لاكلمها الحين شف هذان رايحه لها وفزت سما وقالت لمحمد يقول لامها انها راحت لريم عند ريم هلا بالقاطعه سما وهي تتربع:صبي شاي بس قاطعه مين ما امداني قبل امس عند خشتك بعدين ليش ما تجين بيتنا انتي ولا بس انا ريم :بدينا ععاد ناولتها الكاسه وهي تقول لها :انا تعرفين ليش ما اجيكم يخي بيتكم كله عيال المشكله انه بيتين في نفس الحوش وعمتك يا كثر عياله بالله صالح ودتس يخليني اروح اففف بس سما :افف ي المعقد ا حطت الكاسه ع الارض ورجعت طالعت ف ريم :ريم ريم :امم سما :شصاير بينك وبين محمد وهي ترشف من الكاسه ريم :خير يا طير شصاير ؟ سما:والله حركات من ورانا بوسه لي على خده 😹 ريم :وش هيلب مي شتهذرين انتي سما :اقول بلا كذب بس تراه قال لي ريم وهي تراعيها بنص عين :وش قالك؟ سما :ليش ما اقولي انتي ريم :عادي موقف بايخ وراح سما :بايخ اجل وتمسك شبشبها وتضربها :يالواطيه ليش ما تقولي لي ادري من الغريب يعني ريم :الله يخلف ع اهلك الحين اخوتس صار غريب سما :خلك من الهذر وقولي شصار بالزبط انتي عارفه العيال ما يعطوك بالتفصيل مثل ما نحن نسولف ريم :افففف ملقوفه وفضوليه من يوم يومك هذا يا ستي يوم كنا بزواج اختك كنت واقفه برا انتضر صالح يجي ياخذنا من القاعه وهو كان برا واقف مع عمتك واختك نوره وورعها الصغير امي جرتني لعندهم وانا مستحيه وسلمت عليهم وزليت بالغلط من دجتي سلمت عليه وهو الحيوان سلم علي مصافحه انا كلهم قامو ا يضحكون عارفين انا مرتبكين. وع طول جريت اميه واعتذرت منهم وبس ي الفله انتي سما :بس هذا ؟ ريم :اي وشتبين لعاد سما :امممم وانا اقول شبلاه هالمتيم ريم :سما شعندك اخلصي علي سما :ما عندي الا كل خير شفيك علي اقوم يعني ريم :لا اطفحي من هالشاي دخلت ام صالح وجلسوا وسولفوا قامت سما وحبت راس ام صالح وقالت :ي الله ي خالتي اترخص وان شاء الله بنجيكم قريب نخطب ريوم 💔 قالت هالكلمه وشردت وجه ريم صار ميه لون ولون امها صارت تضحك عليها ام صالح :علامتس هههههه وجهتس غدا كنه طماطه ريم :هذي يمه ما تعرف تحشم لسانها سما هذي وش تبين يعني ام صالح :ما عليك منها واسمعي كلمتني ام محمد مرت ابو فيصل تنشدني عنتس تقول بتخطبتس لولدها محمد عاد قلت بنكلم ابوها اول وانتو اهل وعشره عمر ريم الي وجهها قلب الوان:يمه منجدك ام فارس ترتب المخاد: ايه وبكلم ابوتس اليله ونشوف عاد الراي ريم :الله يحيب الي فيه خير يالله بقوم انادي خواتي يشطفون الحوش قبل لا يجي ابوي وقامت تنادي ع اخواتها ينضفون وهي راحت ترتب غرفتهن بس خلصت جلست ع فراشها وصارت تفكر ب محمد هالانسان الي عرفته من اربع اشهر شب لطيف جدا والكل يمدح فيه هو صح ما صار بينهم الا موقفين بس انسان يدخل القلب عطول مضحك ووسيم وكريم والكل يحب صحبته ان شاء الله بحبه بعد الزواج هههههه ي ربي شقاعده اهذر انا خلني انام احسن لي بريطانيا قام يلم ملابسه حان وقت العوده للدياررر اااخ كم اشتقت لك ي السعوديه ولريحتك ولاراضيك برك وبحرك اااه والله ما في مثل بلادك وبيتك لو انك عايش في نعيم بدون ناسك واهلك ماتحس بطعم ولذه الحياه ناضر ساعته كويس باقي ثلاث ساعات للطياره سوا له كوفي وجلس يناضر هالشقه الي سكن فيها استاجرها من عايله هم ساكنين بالدور الارضي وهو. فوقهم الحمد الله الي اخذت الشهاده وخلصت الدراسه ناضر بزوايا الشقه بيودعها صفن ب الي مستنيه بالسعوديه اااه ي السعوديه مشتقالك ومشتاق لناسك قام واخذ مفتاحه واغراضه ونزل وسلم ع راعي البيت وودعه وراح يتقضا شويه هدايا لاهله ويلحق ع الطيارهه بيت ابو صالح جات ام صالح معاها القهوه والشاهي صالح وهو ياخذ الصينيه :عنك عنك ي ميمتي اخذ الصينيه وصب لابوه :تفضل يبه ابو صالح:عشت ومد الفنجال لامه :هاتس ي ميمتي ام صالح :عشت يالغالي جعلني افرح بك صالح ؛هههه ان شاء الله يمه بس الله يكتب لنا ام صالح :ان شاء الله قريب ي قلبي افرح فيكم واحد ورى الثاني ان شاء الله تتيسر بعد اخيتك واطلب لك لف عليها ابو صالح مقروص :وش السالفه وش اخيتك ام صالح:هووو ابو صالح الله يرضا عليك شفيك البنت جاها نصيبها خلها توكل لا تقول بترفض محمد ابو صالح :لا حول ولا قوه الا بالله صالح:يبه علامك محمد انا اعرفه ولد جارنا والكل يمدح فيه وما عمرنا سمعنا عنه الشينه ابو صالح : مالهم نصيب عندنا صالح :يبه وش هالكلام ام صالح:لايبو صالح انت وش عندك هذا ثالث واحد يتقدم لريم وترفضه ابو صالح؛ما عندي شي ي حرمه قولي لهم مالهم نصيب وخلص صالح:يبه انت سامع شي عنه او شايف شي علمنا طيب ابو صالح :خلاص سكرو ع السالفه ام صالح :يبن الحلال حرام عليك بتضلم البنت هلّون روحت عليها ثلاث رجال والنعم فيهم نفض ثوبه وقام ابو صالح :لا حد عاد يفاتحني بهالموضوع ووجه كلامه لام صالح:وانتي قولي مافي نصيب وخلاص. انا ماشي للغنم ام صالح :لا حول ولاقوه الا بالله بنشوف اخرتها معك صالح:يمه اسمعي ام صالح :ها وانا امك شفيك صالح :يمه انا خايف من شرط ناصر ليمون له علاقه بريم انه ما يزوحها والله ان صالح:والله م ادري يمك بنشوف ابوك وش بيسوي الاصحيح ما دريت اليوم ناصر راجع للديره صالح:اي سمعت وابوه مسوي عشا وعازم اهل الديره كلهم ام صالح:ايه الله يحفضه لهم ...... ام فارس ؛ها يبو فارس بتمشي ابو فارس ؛اي وباخذ فهد معي منى؛يبى خذني معاكم ابو فارس؛والله مهم اغلى منك بتروحين ي عين ابوتس ام فارس :مالهم داعي يمشون معاك كلهم ابو فارس؛خليهم ي مره يستانسون ويشوفون اخوهم قامت وودعتهم ع باب البيت ام فارس ؛استودعتهم الله الذي لا تضيع ودائعه ودخلت تشوف خواتها الي بيجون يساعدونها لعشاء ناصر وصلن خواتها وبناتهم الي قعدن يفرشن الحوش للرجال والي يسون قهوه والي يطبخن كانن مثل خليه النحل بالبيت ام فارس ؛كويس الي فرشنا برا الجوناشاء الله غيم ام سعد وهي تحمس باللحم ؛اي والله بالك الله يغيثنا والله زمان عن المطر ام فهد؛الله كريم وتربع البلاد ام فارس وام سعد :امين يا رب مها : خاله ؟ وين بنتك منى ؟ ام فارس وهي تعدل شيلتها :راحت مع ابوها الا بتشوف ناصر تعلقت فيه بعد فارس الله يرحمه الكل ؛الله يرحمه ام سعد :مها يمه قومي شوفي. مجلس الحريم وضبطنه انتي وخواتس االحين بتجي امي راح يجيبها فهد ام فهد؛ااه يميمتي كلمتها البارح تشكي من رجولها ام فارس :الله يشفيها والله انها وناسه قلت لكايد اخوي خلها عندي بس مهي براضيه تبي عند كايد ام سعد:الله يعينهاحرمه كايد لا من بيت ولا من مايد ولا من وغدان يصبون ف الراس مويه ام فهد ؛وانتي صادقه ي والله وغدان كايد محد يتحملهم عذبالله شياطين ام فارس؛هههههه الله يحفضهم هم حركيين شويه ام فهد:شويه الا شويات على والله يكبرون ويعقلون امهم طلع الشيب براسه طلعت مها وشافت المجلس مضبط واستقبلت جدتها وجلستها الجده ؛بيجي حبيب القلب هاه مها ؛ههههههه اسكتي ي جده لاحد يسمعك ترا محد يدري الا انت الجده ؛ان شاء الله بكلمه قريب ونخطبكم لبعض مها؛اااخ ي جده ان شاء الله بس ولد بنتك راسه يابس ي ريت تقدرين عليه دخلت عليهم ام فارس ؛ي الله حيها نواره البيت الجده:الله يبقيها ام فارس شلونتس ي بنيتي ام فارس وهي تجلس جنب امها؛الحمد الله ي ميمتي الجده؛ما جا ناصر ام فارس وهي تناضر مها ؛الا قريبين من هنا صار لهم ساعتين الجده ؛الله يجيبهم بالسلامه ام فارس ومها ؛امين ككككككككتتتتتتتتتتتت تكمله البارت بكره ان شاء الاه | ||||
|
|
|
25-10-18, 12:36 AM
| #20 | |||||||
| نجم روايتي 
| بارت جميل دس قصير شوي, معليش 😁😁😁 يا ترى وش حيصير لما يرجع ناصر من برى و مسكينة مها شكل مالها نصيب في ناصر و محمد ماله نصيب في ريم انا متأكدة برجعة ناصر اكيد يتزوج ريم و يوريها الويل علشان موتة اخوه المسكين بانتظار البارت الجاي 😊😊😊😊😊 | |||||||
|
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
