آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
28-10-18, 05:03 PM
| #21 | ||||
|  البارت الخامس الخالات في المطبخ ام فهد وام سعد رفعن روسهن لجه باب المطبخ حط شنطه اللاب توب الي بيده اشر لخالاته بالسكوت واركا كتفه وراسه ع الباب وكتف يدينه يستمع لكلام امه ام فارس:الله يجيبه بالسلامه والله ان قلبي متقطع ع هالولد الحمد الله الي خلص من هالغربه والله ان قلبي كل يوم يوجعني عليه يوم اذكر انه بعيد عني وادعي ربي يحفضه رفعت راسها لاخواتها شافتهم ساكتين مسكت ام سعد شيلتها وصارت تمسح عيونها الي امتلن دموع ؛ناضري وراتس التفت ام فارس؛ناااااصررر يا بعدد حيي وميتي يا بعد حيي ومن لي يا نضر عيني يا موق عيني وقامت تبكي ناصر ضامها ويحب يدينها وراسها ونزل حب رجولها :اشتقت لك يمه اشتقت لحضنك يمه يمه خلاص انا الحين عندك الحمد الله يمه الحمد الله خلصت وهذاني عندتس عند خشمتس يا فديت هالخشم يا بنت فالح ام فارس :الحمد الله الي قّر عيني بشوفتك يا حبيبي يا ضناي ترك امه وسلم ع خالاته وتحمدن له بالسلامه وراح يسلم ع جدته تنحنح قبل لا يفوت وقال :يا ولللد الجده :ادخل ي وليدي ناصر؛السلام عليكم ومسك راس جدته وحبها وضمها مشتاق لها مشتاق للحضات الحنان الي انحرم منها ب بريطانيا شلح جكيت البدله الي هو لابسها وحطها ع الفراش وانسدح ع رجل جدته تعبان وهي تمسح ع شعره نااصر ؛ اااه ي جده قدما كنت مشتاق للسعوديه تصدقي السنه الاخيره كانت اثقل سنه مرت علي بحياتي الجده ؛اييه وانا امك مو بس عليك الا علينا كلنا الله المستعان بس ناصر ؛ويقولون ما بكيت ورفع راسه وناضر جدته ومسك قلبه عقب فارس ي جده هذا صار شي ثاني فارس ي جده روحي وهم اخذو روحي الجده :كل شي نصيب ي وليدي لو ما ذبحه كان مات بميته الله يعلم فيها مكتوب له الموت بهاليوم ناصر :اااه يجده والله اني فقدته حيل حيل غيابه حيل موجعني فاقده ي جده فاقده حسه وحنانه وخوفه علي الله يرحمه الله يرحمه قام وراح يتروش عشان يروح يسلم ع جماعتهم الي بدو يجون على بيت ابو فارس دخلت مها ومنى وبنات عم ناصر وعماته وخالاته على المجلس عند جداتهم الي تسلم والي تقهوي والي تسولف عبير :تشوفي كيف شاده الهمه هه 😏 سماح:يا عمري ذاله نفسها بالشغل عشان نويصر والله لو انه ايش يعني ما ذليت نفسي لانسان عبير :نقطينا بسكوتكي بس سماح:شفيك قلبتي خير عبير :م قلبت بس صبرك بجيب ناصر لي ع الجاهز مو مثلها سماح:خير يا طير ع اساس مو مودك ما تبين واحد شديد تبين واحد مثل الخاتم عبير :ما عليك بخليه خاتم تشوفين التفتت سماح ع مها وهي تشوفها تقهوي:نا اقول الله يعينك ي مها بتفقدين ناصر هههههههههههههههههه سماح وعبير يكونون بنات عم ناصر دخل عليهم اخو سماح الصغير عبدالله ويقولون له عبود عبود:نادى وما حد رد عليه ناضر الكرسي وركب عليه وصار يصرخ الكل سكت والتفت عليه عبوده:عذبالله منكن يحريم ما تسكتن خبلات ام علي الي هي تكون ام عبدالله ؛ولد عيب عبوود؛افف يمه وهو ياشر بايديه بملل ما يسكتن ذولي طول عمركن بس تهرجن ما تتعبن انتن 🤷🏼♀ الكل قام يضحك وهو قام يضحك معاهن قطع الضحكه وهو يتذكر الشي المريول له رجع وقف ع الكرسي وقال ؛تغطن ترى ناصر بيدخل يسلم هو ارسلن نزل من الكرسي وراح يركض يبلغ ناصر بعد بشويه دخل ناصر والكل نضره عليه سلم على عماته وخالاته وجلس بين جنب جدته مها كانت مركزه عليه بنضرها وعبير وسماح يراقبوها سماح:شوفي كيف فاهيه فيه صدق ما تستحي عبير ؛صبري علي يومين بس يومين وبيجيك خبر ناصر سماح التفت ل عبير ؛ عبيروه؟ وش بتسوين ؟ عبير ؛ما عليك من دلوعه البابا شوفي بس وش بتسوي ههه انتها العشا وكل واحد روح لبيته اجلست ام فارس جنب ناصر ابو فارس :يعطيكن العافيه ما قصرتن العشا يبيض الوجه الله يستركن ام فارس :الحمد الله لولا اخياتي ما قدرت اسوي شي ولا حريم اخوانك مفيهن الي جت وقالت اعاونتس يا ام فارس ولا تبين مساعده ة ناصر:الله يهديك يا يمه شاب شعري وانا اقولتس احيب لتس خدامه وانتي رافضه مدري ليه ام فارس ؛اعوذ بالله ادخل هالغرب على بيتي متشووف يمك وش يسون بالناس هضل مالهن امان ناصر :انداري عنك يمه عاد بجيب لك الي بتريحك ام فارس:تجوز وجب لي الي تريحني سكت ناصر والتفت ع ابوه واخذ كاسه الشاي ويشرب منها بهدوء عكس النار الي اشتعلت داخله ام فارس :ها وش قلت يا ولدي عندي لك الي يحبها قلبك مها بنت خالتك والله يا عليها زين وادب واخلاق رد ي ناصر شفيك ؟ هووو ابو فارس قول لك كلمه ابو فارس : انا لا تدخلوني بهالسوالف ان جاز العرس يجيني وانا اخطب له ام فارس بحزن :ودك تسوي فيه سوات فارس خليته ع راحته لين ما طق ال35وهو ما تزوج ليته تزوج كان له عيال الحين يحملون اسمه ناصر وهو يمسك ايد امه:يمه تكفييين لا تضغطين علي يمه الي فيني كافيني فارس للحين جرحه ما برا فيني ترك يدها وقام طلعت من البيت حسيت حالي مخنوق ايه مخنوق ابششع شعور ف الحياه الشوق لانسان ميت خلاص مات ماله رجعه ما اقدر اشوفه ما اقدر ارجع لزمان وما كنت اقسى عليه واعانده راح الي يونسني وينصحني اااه يا رب ترحمه وتغفر له يا رب ام فيصل :دريتي برجعت ناصر يا ام صالح ؟ ام صالح وهي تتقهوى :ايه ماشاء الله يقولون معه ذيك الشهاده سما:اسمها دكتوراه ي خالتي ام فيصل :وانتي خير قاطه معانا سما: يمه يعني ما تبوني اجلس معاكم ام فيصل :ايه فارقي بسولف مع خالتس سما:تشوفي ي خاله تطردني ام صالح :اي حيلها بتس سما تسوي نفسها زعلانه:افا ي ام صالح ما هقيتها منك ام فيصل وهي تمسك الدله اقول تمشين ولا تطير من راسك سما ؛عوذه بمشي خلاص بروح لريم ابرك معسلامه ام صالح:ترا صالح اخذ ريم وطلعوا للسوق سما:ي الله شهالحظ لا صديقه ولا يبوني اقعد معهم ام فيصل :لعنبو دارك عمرك 26انقلعي اشتغلي ف هالبيت مقابلتني تقول بزره سما:ياحول الله بقوم قبل لا تاكليني قامت وسكرت الباب وهي اسوي حركات تضحك ضحكت عليها ام صالح :الله يهديهن ما يعقلن الا يتزوجن ام فيصل :والله اني خايفه ان زوجتها يردونها علي يقولون ما نبي بنتكم الملقوفه هذي ام صالح ما قلتي لي ليه رفض محمد ابو صالح؟ ام صالح:والله يا ام فيصل اني تعبت مل ما يتقدم لها واحد يرفضه خلاص البنت كبرت مدري علامه ووش هالمواصفات الي يبيه لريم ام فيصل :والله محمد ولد ضرتي انه ينحط ع الجرح يبرى وما يتعوض ام صالح:الشكوى لله يا ام فيصل الشكوى لله في بيت ابو علي اخو ابو فارس عبير: يمه قولي الحين وانا بقوم ام علي ؛اوكي ضايقتني خلص بقول :ابو علي وهو يتصفح جواله رفع راسه :هممم ام علي:عندي لك راي بس ابيك تسمعني للاخر وما تقاطعني ابوعلي:هاتي وش عندك ام علي اسمعني زين انت عارف ان ناصر ما شاء الله الحين دكتور وبيدرس بجامعه وولد اخوك احسن من الغريب ! ابوعلي :ايوه ام علي :وش ايوه هذا المناسب يكون زوج بنتك ويكون ذراعك اليمين مو هذا الي كنت تتمناه لبنتك واحد محترم وزين وله منصب بعدين فرصه لا تعوض ناصر ابوعلي:ناصر ؟ مدري بس مو حلوه بحقي اروح انا اقوله ام علي :ما عليك حلها عندي عندي صالح :ها خلصتي ريم وهي تجلس قباله:اي الحمد الله اااه ي رجولي والله تعب صالح :هذا انتن تموتن ف السوق تستاهلن التعب ريم :عاد وش نسوي الي يبي شي يتعب له بعد مدت سكوت :صالح وش كان شرط عيال النايف ترك تلفونه والتفت لها :مدري والي محيرني ابوي الي مو قايل لنا ريم :ابوي سالفته سالفه لمتا بيضل كاتم هالسر يعني صالح:مب لطويل صدقيني ريم :نشووف وش يطلع من ورى هالنوايف بعد شهر من الاحداث في مجلس ابو ناصر جالس ابو فارس وامه وحوله اخوانه ابوعلي وابو ذياب وعيالهم الي جالس عندهم واليي برا ام متعب :ايييه ي عيالي يا زين لمتكم مع بعض والله ان عيني تفرح بكم دوم لا شفتكم حواالين بعض الله يفركم عم بعض ويبعد عنكم مل شخص يبي يضركم ابو ذياب :امين يا رب التفت ع ابو علي :شعندك انت من قعدا وانت ممنت بخير ابو علي :لا بخير الحمد الله بس عندي موضوع وابستشيركم فيه ابو فارس وابو ذياب ؛سم قول ابو علي ؛انا بنتي عبير جا لها خطابالولد زين ومحترم لكن ما هو من ديرتنا وابوه صديقي لزم عاد انا مقدرت اقول شي الا اني قلت له انها مسميه لولد عمها ناصر وبيخطبون قريب ناصصصر قام وفز ؛بس ان متزوج ي عم الكل التفت على ناصر :ايششش ؟ كتتتتتتتت 💔 | ||||
|
|
28-10-18, 07:37 PM
| #22 | ||||
| تكمله البارت الخامس أموادع ديرتي وبلاد ربعي والموادع شين وتخاويني أدموع العين والاحزان في خطي مع ذاك الطريق الي يسمونه طريق الرين توادعني جبال الصايره وتقول لا تبطي .! . السلام عليكم ! صالح:ناصر ؟؟؟!!!!!! هلا ناصر؛م بتقول تفضل؟ صالح:الا حياك تفضل دخلو ع المجلس الي برا وجلس ناصر الوالد وين ؟ صالح:شوي بيصلي وبيجي ناصر ؛امممم قام صالح وصب قهوه ورجع جلس وهو يهز رجله في شي من هالزياره مو معقول ناصر يجي عبث وعلى اهل القتله الي ذبحوا اخوه دخل ابو صالح وشاف ناصر قلبه قبضه خلاص جا بينفذ شرطهه ابو صالح :حيالله ناصر قام ناصر وسلم علييه ببرود :ابقاك الله ي عمي ابو صالح :كيف الحال والحمد الله ع سلامتك ومبروك الشهاده ناصر:الله يسلمك . عمي ؟ ابو صالح والكلمات يالله تطلع منه؛سم وانا عمك ناصر :اباخذ زوجتي فز صالح ؛زوجه وش وش يتكلم عنه يبا ناضر ابوه :يبا رد ابو صالح:احلس يبه وانا بقول لك اجلس جلس صالح وهو متلهف يسمع وش يقول ابوه ابو صالح :يبه كان شرط ناصر يعفو عنك مقابل زواجه من ريم صالح:ريم ؟؟! ليه يبه ليه توافق كان خليتني اموت يبه ناصر قام ؛ترا ما راح اكلها تراها بالاخير انسانه اسمحلي ي عمي باخذ زوجتي صالح؛متا يبا زوجتها متا ابو صالح؛بيوم العفو كتبنا وملكنا وكل حاجه صالح؛وانا اقول كا ما طلبها واحد ترده طيب يبه هي تدري ؟ ابو صالح؛ لا والحين بقوم اقولها نزل راسه وحطه بين يديه وش هالمفاجئه الي نزلت عليه وريم وش بيسير لريم مع ناصر قام ابو صالح انا بقوم اشوفها وارجع لكم جاس ناصر لحاله وابو صالح طلع وطلع وراه صالح اي ضاقت به الوسيعه ابو صالح ؛ام صالح يا ام صالح نادي لي ريم ريم؛ها يبا انا بالمطبخ جايتك ام صالح؛خير عسا ما شر ابو صالح ساكت وعيونه فيها دموع ؛تعالي ي بنيتي جلست جنبها وضمها من كتفها :اسمعيني زين انتي ريم العاقله الي ربيتها وكبرتها اوانا عارف انها بتسند ضهري وعزوتي انتي والزينه انتي يبوك انحطيت بموقف انتي كنتي الحد الفاصل لموت صالح ريم :يبه خوفتن وش فيه : يبه انا ماني تاركك الا عارف اني تارك وحده عقلها يوزن بلد ووحكمتها ورزانتها ما في مثلهم بهالدنيا يبه انتي كنتي شرط عيال النايف لرقبه اخوك ريم:يبه وضح ما فهمت :انتي زوجه ناصر شهقت ام صالح كانها بتطلع روحها ناضرت فيهم ريم مو مصدقه مصدومه لكن ما في تعابير على وجهها :متا تزوجت ناصر يبه انت وش تقول ابو صالح :يبه زوجتك ياه يوم العفو من سنه وقفت ريم وهي مو مستوعبه صارت الافكار تتلخبط ع راسها ايش ناصر وايش محمد وايش عفو وايش زواج ما لقيت نفسها الا مرميه ع الارض دايخه من قوه الخبر الي نزل عليها مثل الصاعقه يا رب حلم يا رب حلم صحت لقيت امها وخواتها الثنيتن ضمت لحافها وهي ترجف :يمه وهي تبكي يمه قولي الصحيح هو كذب ولا صدق اني متزوجه ناصر علميني يمه ام صالح:وهي تمسح دموعها بشيلتها صحيح ي بنيتي وش نسوي قضاء وقدر وانا امك وهذا نصيبك ريم :لا يمه تكذبون تكذبون انتم انا مو متزوجه مابي اطلع رفعت يدها وحضنت امها يمه قولي لهم ما بيه ما بيه ام صالح:هذا شرط ناصر عشان يعفي عن صالح سكتت وهي تسمع شخقات بنتها وصياحها بكل قهر :الله يسامحك ي صالح الله يسامحك ي صالح صالح موقفه لا يقل عنهم كانت اللحضه هذي اكثر لحضه ندم وزعل من لحضه حكم الاعدام كان يفكر لو انحكم اعدام ما كان حط اخته بهالموقف رجع ابو صالح للمجلس :ناصر يبه ناصر بكل هدوء :سم ي عمي الو صالح:البنت هالحين مو مستوعبه صدمناها بالخبر اصبر علينا لين يوم او يومين و ارحع ناصر بمخه مصدومه هه مهو هي الي ارسلت واقترحت شلون تنصدم :عمي اا ابي ارجع بالليل واخذ زوجتي لاني مسافر هاليومين بلغها يله سلام رجع ناصر لاهله الي كلهم مصدومين من زواج ياسر الي بدون عرس وبدون اي شي وما حد كان يدري الا ابوه الخبر كان صادم لعبير ومها اكثر ثنتين بالعيله ابو ذياب :ليه اعرس ع البنت بدون ما ندري انتو كذا بتغطيتكم للموضوع بتبينون للناس ان البنت فيها عيب ابو علي ؛وكلامه صدق ناصر: كلام ناس لا يودي ولايجيب بعدين البنت خذيناها حق رقبه اخوي ابو فارس ؛كانت رغبه ناصر ان ماحد يدري ابو علي :ليه ليه ماتبون حد يدري ليه كذا بتخلون الناس تشك فينا ناصر؛خلاص ي جماعه لا تسوونها قصه ابو ذياب ؛لا حول ولا قوه طيب بتسوي عرس ناصر؛لا باخذها وامشي ابو ذياب ؛ وين بتمشي ناصر :عندي عقد تدريس بجامعه بريطانيه لمده سنه باخذها معي وارجع لاديره ادرس هنا ابو علي :والله يا ناصر انك لخمتنا بهالقصه واقف بسيارته برا يستناهم يطلعون له ريم وهي تبكي وتشاهق ومعلقه بامها وسما ضامتها وتبكي معاها ما تبيها تروح دخل عليهم ابو صالح :يالله ي بنت تاخرتي رجلتس واقف عند الباب سما ؛تكفا ي عم قوله خلاص ما تبغاه ريم :اي يبه خلاص قوله انت ابو صالح :هي لعبه انتي مرته ي بنت من سنه ي الله عاد والله يوفقك معاه وييسرامورك ويهنيك ريم:مابي يبه ما بي امها مو قادره تقول شي قلبها يوجعها من كثر البكي سحبها ابوها ودخل صالح واخذ شنطها ووداهم للسياره شفتها جايه مع ابوها خطاها ثقيله تجرها جر مشاها صالح لجه الباب الي جنبي وفتح الباب وجلسها وهي تبكي وماسكه يذراع اخوها ما تبي تتركه ابو صالح؛دير بالك عليها ي ناصر دير بالك عليها استودعتتها الله ناصر بكل برود ؛ان شاء الله وحرك من عندهم ركبت معاه سيارته كلها ريحه دخان وعطر يخنق ما تحملت صياح والريحه الي تقرف ريحه الدخان حسيت بدوخه وتحاملت ع نفسي وكتفت يديني وحضنتهك كنت اصيح اصيح ابي اهلي اصيح بي ابوي وخواتي وسما وصالح اااه ي صالح اااه الله يسامحك لولاك ما كنت هني اااه انا وش بليت نفسي طول الطريق وهم ساكتين ما حد تكلم توقعت انه بيوديني لبييت اهله بس ما راح تجاهم اشووفه طلع من الديره قلت اكيد بيوديني لبيت خاص لنا بس خاب ضني لما شفته اخذ طريق البر البررررر اويي بيذبحني بدال اخوه بالارض نفسها عند المزارع والله بيذبحني جات مني لفته عليه حاط السلاح على الكرسي الي ورانا بهالاحضه قلبي وقف خلاص بموووت قريت ايات واستغفرت لان خلاص المنيه بتجيني بيكذب عليهم بكذبه ويقول ماتت من الله يا رب اااخ ي صالح واصيح بكل ما اعطاني الله من حيله قرابه ساعه وحنا ماشيين بالبر شفت ضو خيمه من بعيد لما قربنا للخيمه اشر لي انزل ونزلت وانا رجولي اجرها جر ناصر؛ ابو بندر ابو بندر :ي هلا حي الله ناصر ناصر ؛هلا بك ابو بندر ؛تفضل ناصر اشر لها تروح مكان الحريم ناصر؛ هاذي هي جبتها مثل ما اتفقنا اياني ايك مخلوق يدري انها عندك ومثل ما وصيتك لا تقصر فيها ابو بندر :ابشر ما طلبت شي ناصر ي الله انا طالع الحين كل فتره لي جيه عليكم وبيننا اتصال ابو بندر :ان شاء الله مثل ما وصيتني ناصر:والله انك عز الخال لولاك كان ابتلشت فيها ابو بندر :ي وجال ازهلها ما عليك فارس كان روحي وانا الي باخذ حق روحي الي اللقاء بالبارت السادس ♥اتحفوني بردودكم | ||||
|
|
|
31-10-18, 04:01 AM
| #23 | |||||||
| نجم روايتي 
| القصة كل مرة تتعقد اكثر من اللي قبلها, مسكينة يا ريم وش راح يسوون فيها و ناصر وش اللي باله و ناوي عليه الله يستر بس, في انتظار البارت الجاي بدوية 😊😊😊😊😊 | |||||||
|
|
|
04-11-18, 09:42 PM
| #24 | |||||
|  اقتباس:
والله هالناصر مب هين 😹💔 | |||||
|
|
|
12-11-18, 09:10 PM
| #28 | ||||
| الفصل السادس ج1 بيت ابو صالح امها ضامه اخواتها الثنتين وتبكي وهم يبكون معها ام صالح في عقلها ؛ااه ي بنيتي وش الي صار وخلانا كذا يا رب لا اعتراض على قدرك يا رب الله ياخذ الساعه الي عرفنا فيها الاراضي وغير هالاراضي. جابت لنا الهم والكدر حسبي الله ونعم الوكيل رفعت راسها للسما يا رب انك تحفظ بنيتي من كل مكروه يا رب وانك تسعدها في حياتها وتوفقها وتسخر لها زوجها يا رب يا حبيبي سميه؛يمه شلون يعني خلاص بتروح مع ناصر وما نشووفها سهام :يمه ما نبيها تتزوج خلاص والله لاشتغل عنها شغل البيت بس قولي لها ترجع يمه وهي تبكي ضمتهم لصدرها وهي ما تعرف تواسيهم ما تعرف مستقبل بنتها اصلا الي تعرفه انها سلمتها لعايله المقتول !!!! فتحت الباب وشافته منسدح ع السرير وحاط يديه تحت راسه ونضره للسطح ؛شفيك؟ محمد :هلا تعالي سما؛ محمد قولي شفيك ي حبيبي يخوي زعلان عليها محمد :اكذب لو قلت لا رفع نفسه واتكا ع جنب تصدقي ي سما اول مره احب انسان كذا مع ان ماصار بيننا كلام كثير وموقف او موقفين بس عشقتها هالبنت استوطنت تفكيري في الدوام في الاستراحات في كل خطوه اخطيها ما احس الا وانا افكر فيها هذا الحب صح سما ؛ ضحكت باستهزاء:وانا شيدريني عن الحب والله ميستاهلها ناصر الله لا .....حسبي الله بس هو ما لقى الا هالشرط يعني محمد ؛ وهذا الي قاهرني يبي يقهر عمي ابو صالح ب ريم سما؛محمد خوفتني معقول تصل فيه درجه يعذبها ويقهرها محمد :والله ما تدرين نتصر يسويً كل شي مثل الدوده اي تت التبن ما صار له اي رده فعل عقب ما اعتق صالح غريبه صح سما؛والله وش مخبي هالناصر الله يستر بس محمد ؛امين والله يحميها من شروره سما وهي تكتف اديها ؛امين يا رب ::لالا هذا ما يرضي الله وينه هو وينه ابو فارس :يمه هونتس يمه شوي شوي لا تعصبي مب زين لصحتتس ي حيي ام متعب : ولد خل ولدك يجي ابتفاهم. معه سوّد وجوهنا عند الناس وشوله يروح ياخذ البنت من بيت ابوها بلا عرس وبلا شي ابو فارس :يمه هذا شرط ناصر يتزوج البنت بدون عرس ام متعب:يا فضيحتنا بين العرب ام فارس :والله يا خالتي ناصر راكب راسه حتى انه خذا ملابسه وبيسافر مشوين ام متعب :وشووو والتفتت ع ولدها :ابو فارس احشم ولدك هالمجنون وخله يحي ويسوي عرس لا يفضحنا ابو فارس :يمه انتي عارفه ناصر راسه عنيد اعند من طويق والله بيسوي لنا دم خليه ياخذها ويبعد ويفكنا من شره ام متعب :لا عزالله انكو انهبلتوا وهبلتوا الولد معاكم ام فارس :وشنسوي عاد اسمه الحين خذاها وسافر مافي اليد حيله ام متعب وهي تضرب بالعصا ع الارض :لا حول ولا قوه الا بالله لا حول ولا قوه الابالله في البـــر عند بطلتنا الريم ♥ :يبنت قومي هيه انتي ريم :هممم ام بندر:قومي حيبي حطب وشبي النار بنسوي شاي وفطور ونحلب الغنم قومي ريم رفعت راسي وحطيت شيلتي الي موجوده حد فراشي اوووف وش هذا لسا ظلام الوقت اكيد الفحر اقوم واتوضا واصلي بس طلعت من الخيمه خميت شويه حطب علشان اولع النار بس ابي ضو عشان اجيب من الحطب الثقيل الحمد الله الي اعرف اشب النار ولا رحت فيها ولعتها بعد دقيقتين سوت احط من الحطب شوي شوي علشان ما تطفي وحطيت المركب وحطيت عليه بريق الما عشان تسخن المويه لان المويه ثلج لانه وقت شتا بعد ما سخنت المويه كنت مجهزه بريق الشاي حطيته ع النار واخذت المويه ورحت توضيت وصليت الفجر دخلت للخيمه ما شفت ام بندر غريبه وين راحت سويت الشاي وسويت معاه القهوه لطريقتي طبعا ورحت على محل الطبخ في الخيمه كان عباره عن طاولتين. طاوله عليها غاز وطاولهً عليها المواعين عصبت ليش ما خلتني اسوي الشاي واسخن المويه عليها يقال لها انها ما تبي تصرف الغاز بتخليه لما ينقطعون من الحطب المهم جلست ادور وش اسوي من فطور عجزت جلست انتضر ام بندر تشرف علشان اتفاهم معها بعد ساعه شفتهم جايين من بعيد هي وزوجها جايبين البل ام بندر :سويتي فطور ريم :لا مو عارفه وش اسوي ام بندر :حسبي الله عليتس من بنت الحين ابو بندر لازم يكون فطوره ع 6جاهز ريم :وانا وش يدريني بعدين وين ناصر انا الي ناصر اتفاهم معه ام بندر :انسي ناصر من يوم وطالع. اهلك انا وابو بندر خلاص اليوم بعلمك ع كل شي ومن بكره تبدين كل شي بدون ما اعلمك منتتي جاهله علشان اقعد اصحح وراتس كل شغله ريم مبققه عيونها :وش شغل وما شغل واهل وين ناصر وينه ام بندر :ناصر خلاتس عندنا وسافر قال بجيب لكم خدامه تخدمكم ريم من الصدمه ما قدرت اتحرك عيوني صارت تنزل دموع بدون صوت حسبي الله عليك يا ناصر خليتني بين الغنم والبر وام بندر الخايسه اااه يا ربي وش هالورطه الي انا بيها هو انا احب البر وكذا بس مش لهدرجه يعني اني اعيش طول عمري هنا يالله افرجها علي افففف في بريطانيا ادخلي يله مرام؛نونو حبيبي ما بنقعد بالشقه نبي نطلع ناكل شي والله جوعانه ناصر مسك يديها واليد الثانيه حطها ع خشمها :تبشر مرومتي الحين احلى مطعم واحلى غدا حضنته مرام :اوووه فديته نصوري يا ناس ناصر :ههههههه يله خلينا نبدل ونتروش ونطلع وبشوف حمد ابلغه اني وصلت تروش وطلع مسك جواله ودق على صاحبه حمد الووووو حمد:احلى الوو في حياتي ناصر :ههههههههه الله يلعنك ويلعن سوالفك انت ما تتوب حمد :والله مدري من الي لازم يتوب ناصر :كيفك حمد:تمام الحمد الله ها وصلت ناصر:اي وبنطلع الحين انا وزوجتي حمد :لي جلسه خاصه معك شهالتطورات ناصر :لازمتني والله حمد:اجل بخليك الحين وبس تفضا بس عطني رنه واكون عنزك يا حياتي يا روحي انا ناصر:صدق من قال الي استحوا ماتوا معسلامه مرام :يله حبيبي جاهزه التفت عليها وهو يلبس قميصه واعطاها نضره شلتها خير خير وش ذا اللبس ؟ كانت لابسه بنطلون وبلوزه وحجاب ناصر :مو لاننا جينا بريطانيا يعني نسينا الدين بالسعوديه بتلتزمين بحجابك ي عمري مرام:اوووف حبيبي ليش هالتعقيد ناصر :بلا تعقيد بلا زفت روحي البسي بس لا ينقلب جوي دخلت تلبس عباتها ونقابها وطلعوا مع بعض لموعد غداااء في البــرّ اااخ يا ربي والله عضامي تكسرت وانا اطارد بالغنم رميت نفسي ع فراشي الي توني مخلصه من فرشه وانا اتذكو وش سوت فيني ام بندر خلتني احلب الغنم كلها واحط لهم علف ونعزل عيالهم عنهم ونعشي البل ونجمع الحطب وواعزل الخيمه واكنسها واسوي غدا وعشا واسبّع الجلي اااه يا ربي والله تعبت جتا النوم عندها بدري اصلا الواحد الي يصير معه كل ذا غصبن عنه ينام بدري صليت صلاتي واستغفرت ونمت لان وراي صحوه بدري عشان الزفته ام بندر ام بندر :قومي قومي قامت قيامتس هذا وانا اقول تسنعت وبلقاها قدامي صاحيه قومي بسك نوم ريم :يصباح الله خير ام بندر :قومي غسلي وصلي وزهبي الفطور لخالك التعديل الأخير تم بواسطة ebti ; 13-11-18 الساعة 01:07 AM | ||||
|
|
|
13-11-18, 01:09 AM
| #30 | ||||
| مشرفة منتدى قصص من وحي الأعضاء 
| ليلتك سعيدة... ارجو منك ترقيم المشاركة انا رقمت لك المشاركة التي قمت بتنزيلها اليوم الفصل السادس ج1 لاني انتبهت ان يوجد غداً تكلمة ل فصل اليوم اي الجزء الثاني غداً... | ||||
|
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
