آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
09-10-18, 09:59 PM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  الشيخ وبنت الكهوچي / للكاتبه Noor flower ، عراقية مكتملة
التعديل الأخير تم بواسطة لامارا ; 13-10-18 الساعة 09:07 PM | |||||||||||||
|  |
|
09-10-18, 10:02 PM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  بسم الله الرحمن الرحيم السلام عليكم ورحمة الله وبركاته نقدم لكم رواية باللهجة العراقية الشيخ وبنت-الكهوچي للكاتبه Noor flower  التعديل الأخير تم بواسطة لامارا ; 09-10-18 الساعة 10:40 PM | ||||
|
| |
|
09-10-18, 10:03 PM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الاول قصتي راح ابديها من وقت جدي واهله اني زبيده اني سمره وعيوني كحل وشعري لليل أبدي القصه قبل زمان العبوديه والإقطاع كان أهل أبوي. شيوخ يعني أمراء بذاك الزمن جدي ابو ابوي مزهر كان شاب حلووو وكان خيال وفارس كان وحيد امه وابوه ع اربع بنات كانت امه عريبه وهي شيخه قويه الها هيبه وقار وسلطه ع كل الي حوالها كان عندها ناس تخدمها يعني ب١٠ قليل كان عدهم املاك وبساتين. وحلال كانت ام ابوي ناگه كانت سمره من خدم الشيخيه عربيه كانت تملك صوت عذب وشجن كانت يوميه الشيخه بالليل تطلب منها تغني الها ع سمع الصوت عشق مزهر ناكه وبدا يوم ع يوم الحب يزيد كان الحب من طرف مزهر اما ناكه كانت خادمه. حياتها عباره عن ارضاء الشيخه كان مزهر يدور فرص حتى يشوف بيها. ناكه ويتحجج باي طريقه قرر يفتح الموضوع وياها بالليل وناكه نايمه اجه عليها وصم حلكها وأخذها. للبستان هي ماحجت ألن هي عبده عدهم. هااا مزهر شتريد ناكه اني مااريد بيج سؤء جااا يامحفوظ شتريد اريد كلبج ياانگه يامحفوظ اني مالي گلب اني عبده عد امك لا تكولين محفوظ ولاتكولين عبده اني عبد بحبك مزهر اني مو كد اهلك معليج بيه اني احميج بدا قصه حب ناكه ومزهر حب وغرام وعشق الى ان اجه مزهر. كال لامه اريد ازوج كالت يوم المنى بس أشر وأجيب الك بيت اي شيخ كالها اريد ناگه ياناگه يامزهر ناكه الي عندج ولَك تزوج خدامه احبها يمه اني هايم بيها مااشوف بالدنيا غيرها يمه شوف اذا جبت هذه الطارئ اهنا ماتلوم ال نفسك وامشي اثلف من يمي طلع مزهر مكسور الخاطر وحاير شيسوي عريبه راحت للشيخ صيهود شفت ابنك الوحيد يريد يصخم وجهنا خير ياستار يريد يزوج من خدامه عدنه شتكول علينه الوادم أنا أغلام ابوي ابنج تسودن ياعربيه اي ياصيهود خلي انجيبله مره وانزوجه وهاي ناكه اوديها للناصريه بيت اخو ك شيخ. مزاحم اي غير هاي مايصير طلع زعلان مزهر من امه قرر ياخذ ناكه وينهزم بيها رجعت عريبه للمضيفها صاحت ع ناكه وكالت للخادمات اضربنه ضرب أريدها اتوب ضرب وعذاب وأذيه لكن حب مزهر وناكه زاد يوم بعد يوم بالليل اجه يحجي وياها شافها مزوركه من كل مكان ولج ناكه اشبيج كبل بجت مابيه شي احجي شبيج كالت مزهر. اترجاك عوفني اني ماارهم الك كال لا ألمي هدومج وتعالي وين لارض الله الواسعه بعد مااظل بالديره لا مزهر شلون ماكو اشلون يالله احزبي لمت اهدومه واخذ الفرس ومشه مزهر. واخذ وياه ناكه كان مزهر يعرف وين يروح راح للبيت خاله شيوخ من شيوخ العراق بذاك الوقت وقبل الدخيل الله هيبه وحوبه وصل الهم وكالهم اني دخيل وأريد شيخ يكطع ال مهر ع هاي المراه طبعا الشيخ ينفذ كل شي ال أولى لان هو ابن اخته وثاني شي كال اني دخيل عقدو المزهر وناكه. عرسو وانطاه الشيخ دار ازغيره يم بيته لكن دز طارش الى اهله يطمنوهم ع ابنهم خصوصا وحيد امه وابوه. وهو الشيخ القادم للعشيرة يتبع.... | ||||
|
| |
|
09-10-18, 10:06 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثاني وصل الخبر الى عريبه الشيخه سمعت ازوج ناگه بعد صار الي صار هي اتحب ابنها الوحيد كالت الى صيهود والد مزهر ياشيخ خلي انجيبه وبعدين انشوف صرفه بهذه السالفه وره اسبوع راح الشيخ صيهود الى عرب الشيخ جبار خال مزهر استقبال وعشى طلب صعود من ابنه ان يرجع للديار خلص السالفه بعد خلصت عرس ع ناگه وصار الي صار فرح مزهر من سمع ابوه هيج يحجي كال يالله ناكه نرجع بعد انتي مرتي ومحد يكدر يسويلج شي رجعو لكن الكل نابذ ناكه حبلت ناكه وصار يوم الأسود حاولت وياه عريبه اتوكع الطفل بكل الطرق لكن رب العالمين كاتب يعيش هذه الجنين اهانه وذله ومرات ادز عالم تظربه لكن ناكه كانت تصبر للخاطر مزهر كانت اتحبه ولده ناكه ولد جميل جدا ماخذ سمار امه ومعاني ابوه فرح مزهر وسماه ريسان زاد حب مزهر لحبيبته ناكه وبيوم مشوم صبحت ناكه ميته كارصته حيه كانت موجوده بفراشها ماتت ناكه وتركت طفل عمره شهر ومزهر الحزين حزن مزهر ع فراق حبيبته اخذت اعربيه الطفل وانطته الى خدامته وكالتلها هذه الكم بس هو داخل القصر يعني قريب عليهم بس الطفل يعامل معامله الخدم كبر مزهر صار عمره ٣٠ سنه اخذ الشيخه وزوجه أمراءه بيت شيوخ لكن مزهر ماترك ريسان كان معاه في كل شي كبر ريسان بس مو ويه الشيوخ ويه الخدم صار عد مزهر ٤ اولاد و٣ بنات الناس كبرت ولزمن اتغير والحياه تطورت ودخلت الثوره وخلصت ع العبوديه والاقطاع اولاد مزهر ناس دخلت مدارس وناس ظباط وناس سافرت بعد الثوره الوحيد الي بقى ويه مزهر ابنه ريسان الناس تعرف ابنه بس اتعامله ع انه كهوجي الشيخ لكن الوحيد الي يعامله معامله زينه هو ابوه الشيخ مزهر ابد مايفاركه قرر يزوجه زوجه بنت ناس. وخلاه قريب عليه بقى الشيخ وحيد هو وزجته الي ماتت بعد كبر أولاده عاشو في بغداد ازوج ريسان من رازقيه الي هي امي وبعد عشر سنوات صرت اني خليط من سمار ناكه وملامح مزهر كان جدي مزهر يحبني جدا للدرجه يكلولي انت اشبيه بيبيتج ورثت من بيبيتي صوتها الشجن كان دائما يخليني اغني وكان ينطيني فلوس دخلت مدرسه وكان جدي يخلي سايق يأخذني ويرجعني كان جدي يحب ابويه من يزورونه عمامي كأنو يعامولنه ع احنا خدم وعبيد عدهم لهذا اني من يجون خطار اروح للبيتنه ومااطلع ابد لكن ابو يتحمل لان يحبهم ويحب ابوه مرت الايام والسنين اني كبرت وشبيت وصلت خامس علمي.... اريد تفاعل وينه يله اكمل القصة... يتبع... | ||||
|
| |
|
09-10-18, 10:09 PM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثالث جدي كأم يعالج اجمعو ولده بس واحد طالع البرطانيه اخذ عمي الوسطاني الشيخه لان محد فارغ لها كان ابوي احق بالشيخه لكن يعتبروه خادم عد ابوهم بعد اني زاد حقدي عليهم وفِي يوم اجه اجل جدي ومات اني كنت عمري ١٧ سنه اجمعو الكل كانت فاتحه كبيره. عشر جوادر يعني ماتنوصف اجوي بنات عمي وعماتي اني كانت مسكينه تركض منا وتركض منا اما ابويه انكسر ع موت ابوه هو الوحيد الي يعامله معامله زينه كنت اشوف أشكال الشباب من ولد عمي اني كنت مميزه لان سماري طوخ بس كنت طويله وداىمه الف الربطه مثل العمامه واتلثم كنت اساعد بس ابد مااحجي خلصت الفاتحه اجمعو عمامي بس ابويه خارج هذه الاجتماع ع انو ابن الخدامه والكهوجي بدا يحجون ع الورث وع الفلوس والى البساتين والمزارع اجه المحامي فتح الوصايه كان جدي مسجل نص حلاله بس ابويه اهنا بدا الصدمة وكاتب ريسان ابني الجبير هو ال الشيخه وال نص حلالي اظلم باعمره طبعا كامت الدنيا وكعدت ابوي مايعرف ابد بهذه السالفه ولا نعرف شنو السالفه كاعدين ابيتنه ابويه حزين ماانحس ال عمي يتهدده علينه بسلاحه وعمي الثاني لازمه ولد عمي يهدون بيه طبو علينه ويغلق ويصيح انت زورت الأوراق ابويه ساكت مايحجي بس امدنك ويبجي اني فاض بيه كبل ركضت ع تفكه ابويه وكتلهم اذا ماتطلعون هسه ارميكم وجان ارمي طلقه بالهواء كبل عمي وجه عليه التفكه كتله ارمي يالله وخليت التفكه بصدري التمت الناس جررررو من بيتنه طلع وراح حضنت ابويه وظلينه نبجي استفردو بابويه كان بيتنه بالجهه الثانيه من البستان. نسمع صياح وهوسه رفعو فضيع ع ابويه ابويه كال مااريد الحلال ولا اي شي اني كتله يابه هذه حلالك محاكم وقضاياء بقى عمي الشيخ بالبيت مال جدو وياه عالته منو ومنو مااعرف كمت اطلع اروح للمدرسه اسبوعين مااروح للمدرسه حرمات بقت سنه كلت اخلص اشلون ماكان طلعت وصلتني امي المسافه بعيده للمدرسه كان سايق جدي يوصلني هسه اخذو كل شي للحد ماتقرر المحكمة فديوم الصبح امي وياي رايحه للمدرسه واحد واكف باب البستان طويل ملاحم جميله البس بنطرون وتيشريت بصلي اني شايفته. ابن عمي بس منو وابن من مااعرف سويت نفسي مااشوف كال تعالي اوصلج للمدرسه اني ولا كأني سمعت طلعت كبل وامي وياي كال مو وياج كتله لاعيني شكرا امشي كال لا اصعدي انتي وامج اني اوصلكم امي كالت اي يمه اصعدي الطريق طويل هذه ابن عمج كتله ياعم يمه من كل عقلج اجيت اخزره باوعت عليه اجت عيني بعينه بهاي للحظه مااعرف شنو صار بيه مااعرف شدخل بيه يتبع...... التعديل الأخير تم بواسطة لامارا ; 09-10-18 الساعة 10:43 PM | ||||
|
| |
|
09-10-18, 10:45 PM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الرابع صعدت. كال دليني الطريق دليته اهنا واهنا وصلني ورجع ويه امي اني بعد كمت افكر هذه سوالي سحر سحرني بقيت اليوم كله اصفن حتى المدرسه انتبهت عليه صارت ب١٢ ونص اشوف اجت السياره نفسها كال اصعدي صعدت كتله اشكرك وهاي اخر مره اصعد ماحجه ابد وصلنه ونزلت وهو طبك السياره ودخل اني انقهرت اشو هذه لبسني وراح قررت بعد مااصد بالسياره رجعت لبيت ابويه لكيته كاعد ينتظرني كال تعالي زبيده بابا نعم يابه كال بعد اني مالي اهنا كعده لازم أنشيل يابه وين انشيل وانت تعرف الك نص الحلال مااريده بويه اني ابويه بصغري عافي اتربيني الخدم وماسوالي اعتبار عود من مات كتب باسمي املاك. مااريد لايابه لا هيج تفكر. خلص يابه ناخذ ورثنه ونشيل للغير مكان اي مكان انت كبرت وبعد مو كد شغل لو عمل واني بعد اريد اكمل مدرسه بلكي ادخل كليه زينه كال. اليوم من رحتي عمج اجه كال تعال اشتغل بالمضيف كهوجي كتله اني جنت اسوي لأبوي الكهوه ظل يظحك وكال ال اكسرك قشمرت ابونه ظلينه نحجي وبويه مقهور ع الصار وشلون يحولون يهينوه شفت ابويه حقه اذا طلعنه بس لازم ناخذ حقنه من الورث زبده بويه اني مااريد طلايب وهاي ناس شرانيه واخاف عليج اني ضحكت. يابه شنو هي فوضه ماكو قانون اي قانون العشائر يوكف القانون لا يابه لاتخاف عليه اني بنتك تربايته شيخ مزهر حظني ابويه وظل يبجي قررت اوكف وياه كال لامي روحي يم اهلج شوفينه دار نسكن بيها امي راحت ظليت اني وابويه لازم اروح للمدرسه بعد كم شهر وتخلص واهنا الخامس صعب كعدت الصبح اروح للمدرسه شفت ابن عمي بس لهسه مااعرف اسمه عمي يصيحوه ابو مثنى. بس مااعرف هذه مثنى مثلث مربع وكف عبالك كان ينتظرني كال اصعدي كتله لا اني امشي شكرا متعلمه اروح للمدرستيز بنبره قويه كال اصعدي لبسته ومشيت ولا كانما اسمعه كال هاااا لازم اليوم مطنكره احس الدم طلع من آذاني كتله اي وعفت مشيت خطوات سريعه بس اني كمت احجي عليه بصوت ناصي ادردم وانعل بيه وبأهله هو يسمع بس الهمس كال بصوت عالي طبج مرض رديت مرض بكلبك. ان شالله عفته ومشيت بس حسيت بهضيمه. وحزن وطريق اشويه طويل للمدرسه ضليت يومي كله ضايجه وهذه اليوم صار شطوله ردت بس يخلص الدوام طبعا اكيد تعرفون الولد اشلون يوكفون بطريق المتوسطه من يحلون البنات كأنو دائما اكو ولد وكل ولد امخلي عينه ع وحده اني كنت اسمع غزل هواي. اني اهلي معروفين كان شعر وع السمر بيبني وبين نفسي افرح من اصچم المهم هذه حال كل حله مدرسه اروح مشي وارجع مشي اني عقلي كاره بيت عمي وهمه بشتى الطرق يردون يجردون ابوي حتى من اسمه ونسبه لكن گلبي مايلي لهذه مدري شسمه مثنى مدري مربع من بعيد اباوع عليه وهو أحسه هم نظراته تحجي بستان جدي جبير كنت داىما اروح بمكان بيه نهر يسگي الزرع وأغني فديوم مااحس بنات عمي يمي وسمعني اغني الله صوتج يجنن. هند ورباب شكرا هند عليج الله غنيلي ما ل ورده يااغنيه مو اني مااحفظ كل الأغاني اريد اغنيه لولاه الملامه ياهواء غنيتها الله الله شنو هالصوت الساحر اتعرفنه ع بعض شفتهم بنات حبابات كلش مو من طينه العشائر ظلينه نلعب بالمي ولازمت جراده وذبيته عليه بصراحه اولال مره اضحك وافرح من ناس من أهل ابوي ليش ماكو تفاعل علئ القصه اذا مايوصل لبارت هذا 600تعليق احذف القصه.... يتبع.... | ||||
|
| |
|
09-10-18, 10:48 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الخامس صرنه صديقاتي وحده مخلصه سادس وحده بعدهي بالرابع إعدادي تقريبا اصغر مني صرنه صديقات بهذا الوقت ابويه وامي لكو بيت بغير مكان. ولازم. نتحول. حتى تخلص الطلايب. منا لمن المحكمه تقرر احس روحي اتلوب ونفسي ماتشتهي الاكل واصفن وكل ماافكر بموضوع الكه تفكيري ويه ابن عمي طلعت هذاك اليوم من المدرسه مااشوف ال واحد ذابلي رساله ويصجم اني ضحكت واندرايت ع الولد. همزين مادنك ع الرساله واشوف ال ابن عمي بسيارته وطبك عليه وجرني من ايدي وكال شكد اخفيفه انتي لعد طبعا لهجه بغداد جريت ايدي وكتله عوفوني شنو انت باي حق هيج اتعاملني كال اصعدي لهسه اسحلك اهنا واسويها والله ومااطلع مثنى اذا مااكسر خشمج اليابس دفعني وصعدت بس كمت ابجي وبكلبي فرحت عرفت اسمه مثنى ادموعي تجري وهو عاقج وجه لاحجه ولا كال وصلنه للبيت كبل جرني ودفعني ع بيتنه اني هم رجعت دفعته راح اشهرينه يابان الكهوچي كال صلفه وكويه بس وال اكسر خشمج واسمعي لو اني اوصلج لو ابطلج من المدرسه اني كبل سويتله طيط اني سويت طيط لو مااحس ال دفره يمكن وصلتني لبيتنه وجرني من شعري ماشوف ال ابوي لازم اسلاحه وراد يرمي مثنى كال ابوي ال زبده خط لهنا وكافي بيت مزهر اتحملت وسكتت بس بتي لا الي يمد ايده ع بتي اكصها وحلالي اخذه كامل مكمل. اني فتحت عيوني ابويه قوي وهيبه مثنى سكت وظل واكف واني اخذني ابوي ورجعت للبيت كلي تراب وشعري منفوش حسيت روحي عندي جناح وطايره ابوي ظل يحجي ويدرم عليهم ....بعد هاي السالفه ابويه خلالي سايق يأخذني ويجيبني للمدرسه بس كنت أراقب مثنى. وهو هم نظراته تراقبني صار حب نظراته بس كل مانلتقي نتعارك قررت المحكه صحت الوصيهزوالحلال نصه الأبوي اهنا كلمت الدنيا وكعت اخر شي اجه شيخ عشيره من غير ناس فُض السالفه كان البستان جدي كلش جبير يعني مساحه عشر بساتين من هسه اتقسم بالنص المضيف والبيت الجبير الهم وصفحت بيتنه والدواجن النه ع مايصير حصر وبيع وشراء لان عمامي الباقين يردون فلوس عمي ابو مثنى رجال مدير عام لمؤسسه يعني عنده شغل ومرته بت بغداد كالتل خلص الورث اريد ارجع حار عمي قرر ينطي الشيخه للمثنى. ويظل اهنا للحد مايصفون كلشي ويرجعون بغداد احنا علاقتنه بيهم شبه مقطوعه بس مرات اشوفهم لان باب البوابه واحد البنات سلمو عليه وكالو نرجع. ان شالله سافرو ال المثنى ظل هو وعكاله بس من اباوع من بعيد غير يجنن احنا بحالنا هو عنده ناس تشتغل بالبيت وتطبخ مرات احسه مراقبني بكل تحركاتي خلصت مدرسه منتظره النتيجه رحت اني وامي والسائق طلعت ناجحه فرحه ماتنوصف ابويه فرح كانت عطله اني وقتي كله بالبيت ع التلفزيون من انحصر اطلع ع المشروع الي بين الزرع اغني صافنه واسمع حركه زرع يتحرك ورايه أدير وجي ماكو احد خفت كمت اريد ارجع ال مثنى جارني من ايدي وكبل احصرني ع نخله كال لاتغنين بعد مااريد احد يسمع صوتج وقرب وجه من وجي وعيونه بعيوني اني اهنا مو اني عبالك طفله عمرها خمس سنوات هدوء وذوبان أتقرب عليه كبل باسني بشفتي أرحت اني بعالم الحب وبعدين دفعته وطفرت جرني من ايدي كال زبيده اسمعي من يوم الي رمتي طلقه هاي بگلبي وخافي حبي احبج اني ومااكدر بعد أخفيه وهو لازم ايدي ويحجي ويعصر بيه اني ماينوصف احساسي فرحه ع خوف ع رهبه دايريه وجهي وهويحجي اخاف اباوع عليه وأضعف كال زبيده اني بعد همت بيج ومااكدر اريدج يابت عمي كال بت عمي رديت لا عيني اني بت الكهوچي لا احنا اثنينه نفس الاسم انشيل هاااا يااعمري شتكولين نداريت عليه وأخذني السحر الغيرعالم جرني حيّل عته خلتني اوكع بين اديه قرب عليه ال صوت امي زبده .... زبده هااااا يمه جايه عفته كاعد ورحت لامي امي مراقبه الوضعيه شايفته من داخل البستان ورايه وخافت عليه.... يتبع.... | ||||
|
| |
|
09-10-18, 10:53 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت السادس طلعناها صفراء وارجف مو من الخوف لا من الحب كالت زبده يمه آخذي نصيحتي ذوله عالم بيرهم ماله قرار كتله شنو يمه يمه انت وحيدتنه وألف واحد يتمناج ال هذول ناس حياله ومثل الحيه كل اشويه بثوب يمه انتي شنو تحجين ماافهم لا تفهمين شحجي رجعنه للبيت بهذيج لليله مانمت افكر بالبوسه بعد طعمها ع شفافي وعطره بهدومي كل شويه وأعيد الصار بذاكرتي بعد اتعلكت بمثني يوميه نلتقي بالبستان مرات اطلع بالغبشه حظن بوس حب كال زبيده اريدازوجج وراح افاتح ابويه بالموضع طبعا فرحه ماتنوصف حبيبي يزوجني كتله ياريت مثنى اروح للبغداد واحجي ويه ابويه وامي وان شالله يصير خير مثنى اني اريد اكمل سادس لا مدرسه لا بابا انتي راح تزوجن شيخ. لازم طبخ ونفخ وانتي عيني ماخذني للطبخ والنفخ لا ماخذج للحظن والبوس كنت دائما نتناكر ع ابسط شي بس نرجع حبايب امي كشفت علاقتنه وكانت رافضه فكره الزواج أبدا اني يوم فاتحت ابويه بالموضع ظل يصيح عليه. وكال ال هاي الناس ولج عدتي سالفت أمي ذوله مالهم امان ماحجيت بس ظليت ادعي بلكي الله يلين گلب ابويه ع مثنى مثنى اسبوعين راح للبغداد. ورجع. وره مااجه العصر بلختله التقينه احباب والتقو ---- كال زبيده أبويه الخميس يجي يخطبج هو وعمي جمعه يالفرحه الدنيا ماوسعتني واخير ننجمع تحت سقف واحد اني وحبيبي صار الخميس اجه عمي واجه خاله خطبوني المفاجاه ابويه رفض وكال ماازوجها عمي زعل وطلع اني كمت ابجي رجعت ع ابويه كتله يابه ليش اني أحب وهذه ابن عمي كال والله يابويه ماارتاح بهاي الناس واخاف عليج والله مثنى زعل وراحو للبغداد بنفس الساعه اني ظليت لا اكل ولا اشرب كطعت الأكل ومااحجي ويه اهلي امي تتوسل اني بس ابجي اسبوع مرات اكل بسكوت بس تعبت كلش شهر مااحجي ويه اهلي ومثنى ابد ماوصل للبيت انشغل بالي وخفت غير رأيه غافلت اهلي ورحت للبيت جدي دخلت كتله عمي خلف ماتعرف رقم تليفون بيت عمي سلطان كال اي خابرت طلع ابن عمي مهند كتله اريد مثنى. كان طالع كال من يجي اخليه يخابر انتظرت كل اشويه اروح لخلف هااا خلف خابر اخير اتصل حجيت وياه ليش هيج مثنى كال كل من وره ابوج مثنى اني احبك اني هم زبيده بس عمي واكف انه وع فكره اني من حقي انهي عليج ومااخلي احد يزوجج واخليج بأيره اهووووو بطل هذه الحجي مثنى شوف حل تعال بس انت واحجي ويه ابويه الخاطري كال انطيني ع الأسبوع الجاي اجي مصار اسبوع صار سنه اجه مثنى احس كلبي من شفته طار هو هم اجه كبل علينه دخل سلم ع ابويه وكابه عمي اريد زبيده ليش معارض اني احبه وهي هم كال ابويه ياابن سلطان انت مو أمان كاله شتريد اسوي حتى اصيرلها امان كاله مااريد شي اني دخلت عليهم كتله يابه اني احبه وإذا ماازوجه انتحر ابويه راد يظربني وهوسه المهم كال اقبل بس ياابن سلطان اذا صار شي بيه لو دست ع طرف اكلك بسنوني اخذ نفس مثنى وكال صااار عمي كاله خلي ابوك يجي ويخطب صحيح صارت مشاكل وناس أتعرف وناس اجررر المهم صارت الخطبه وعرست بيوم الحنه ابويه شال تراجي قديمه يمكن يسموهن صباح الخير. كال جدج انطاني حصتي من ذهب اعريبه وكال هاي لزبيده من تعرس. وهذه الذهب ال يوم راح يفيدها وهذه ترتجي جدتج عريبه البسهن اني صندوق الذهب مااخذته بقه يم ابويه بس اخذت التراجي هم مالبساهم لان اني ذهبي نازك ولا البدله مال تراجي صباه الخير اخذني للفندق وبعدين رحنه للبغداد دخل عليه مثنى انطاني حبوب كال زبده هاي حبوب منع الحمل اني هسه مااريد أطفال هسه يعني سنتين لمن نتونس بشبابنه وبعدين الأطفال اني هم ماعرضت كلامك كتله ع امرك كان مثنى بالغرفه الشخص الحنون الگلب الواسع. طفل بين اديه اشكرك الله ع هاي النعمه بلايام الاولى كنت استحي كلش بس مثنى بالگوه ينزلني جوه امه امريه حبابه صحيح هي عمه بس مااشوف منه شي مو حلوه اخلص شغل الي عليه واصعد للغرفتي مرات اتكول روحي حضري روحج للزوجج البنات كانت وحده بالكليه سنه أولى والثانيه خامس كلش حبابات والولد مهند ومصطفى كلش حبابين بس عني كان عادي وياي بس من جوه للجوء يخزر بيه الايام حلووه مرتاحه وسعيده ايام عسل بعسل أزور اهلي امي وابويه من يشوفني مرتاحه هم يرتاحون ع وضعي الى ان يوم هستوه الموبيلات نازله بعد بس الغني عنده مثنى اشترى موبيل وابوه همه عنده اشوف مثنى يكتب رساله. طبعا بعده مااعرف شي بس منظر. مثنى ضام شي المهم اني مااهتميت بلامر شي عادي ذاك اليوم اني بطني توجعني مانمت ومثنى بعده اني من يجي ماادري لان اني غرفتي فوك ودائما اخلص شغلي اصعد ابقى انتظرنه بغرفتي نزلت اسويلي نومي بصره هدوء تقريبا ب١١ اسمع مثنى وابوه يحجون ابوه يكله ماوقعتها على الأوراق هو يكله لا قابل هي طايره اني صاعقه صربتني براسي مااعرف شنو صار بيه عركت وكمت ارجف راسي راد ينفجر قبل صعدت انتظره وره ربع ساعه دخل شافني موطبيعه اني كبل كتله لا عار ياناقص. فلم مسوي عليه ليش اني شمسويتلك كال اشبيج حبيبتي حبيبتك لا ياجذاب وصلت بيك السالفه حبيبتي. شنو انت. من بشر غير تفهمني اشبيج سمعتك انت وأبوك تحجي واتريد اتوقعني ع شنو طبعا اني بعياط واملخ بروحي اجي لازمني من اجتوفي كال بااصيرين امخبله هاي حجه اني طلعتها حتى اقنع ابويه بزواجنه.... يتبع... | ||||
|
| |
|
09-10-18, 10:56 PM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت السابع كتله جذاب. بعدك أجذب واغلط عليه كال تردين اصدكين صدقي ماتردين الجير وجهنم ودفعني ع الجربايه وطلع غير اني ابطل وإهداء لا اني من طلع اخذت التيبلم وضربته براسه من وره بهاي للحظه كلهم واكفين اباب غرفهم ع صوت صياحنه بعد هو انحرج من ضربته رجع عليه كبل بوكس ع خشمي وجرني من شعري هلسه. وبوكسات ع وجي اني بعد ماكدرت أقاوم هو من ضربي تعب ويغلط جرني من شعري سحل طلعني وكلهم حالو وياي يهدو ماقبل ويصيح اخذني بره الحديقه عدهم مخزن بيه أدوات. زراعيه ذبي وقفل الباب ظليت اني ابجي واللطم واملخ بروحي وأكسر بالباب ماكو هدوء تعبت من العياط كعدت بس كلبي محروك حرك معقوله الي حبيته هيج يطلع يظحك عليه مثنى مافد يوم حسيني هو مايحبني يحبني ومددلني دلال ليش هيج يااارب ماسمعت كلام امي وابويه الصبح انفتح الباب هو كال هديتي اشبيج اتخبلتي وخليتني هيج ائذيج والله انتي الي بديتي اشلون اضربيني كدام اهلي وخليتني افقد يالله حبيبتي كومي تعالي اني أسف اجه يحظني وجان ادفعه واركض ع الشارع كبل اني وشعفتي ودشداشتي واركض هو بعد ماكدر يركض شغل السياره واجه ورايه كال اصعدي لا هسه اسحكج بعصبيه كتله هسه الم عليك الناس ساق سريع وكف السياره وجرني من شعري كال والله خزيتيني وصوتنه ماطالع ابد شتريد بت الكلب وظل يغلط ويفشر كتله اروح لاهلي كال بس هاي هسه اخذج واوديج لابوج من انعل ابوج لأبو لخلفج من كال هيج هديت وكتله هسه اروح كال اذا هذه الي تردينه اوديج هسه رجعنه للبيتهم كال روحي جيبي هدومج اني بعد طنكرت كتله لا ماانزل عافاني بالسياره ودخل. للبيت اشويه اجت امه كالت يمه اتعوذي من ابليس ورجعي يمه رجلج يحبج وهاي مشاكل مكدور عليه عيطت كتله انتم ضحكتو عليه نصابين المراه فشلت ورجعت للبيت هو سمع كال سدي حلكج لا اشكه اهنا هسه توديج وإذا ماندمج مااصير مثنى صعد ورحنه لاهلي الطريق طويل وصلنه استراحه كال اجيبلج اكل اني بس ابجي وادموعي تجري هو راح للحمام وجاب بطل مي الي اني ابد لا اكل ولا شرب تقريبا الظهر وصلنا للبيت اهلي نزلنه اني وياه امي اتلكانه. كبل عاطت يمه بتي شكو خير كال مااعرف اتخبلت اندري اشبيها اني كبل بجيت ماسكتت وخليت السالفه اني وياااه لا كتلها يمه خطه مسوي خطه عليه ابوي جان بره اجه للبيت شاف مثنى واكف بره وائفف كال ابوي خير اشبيكم كال مثنى عمي والله مخبله وفاهمه الموضوع غلط شكو يابه احجيلي وجان تطلع أمها. تغلط وتعد واصف ع مثنى واهله وعمامي. هو ماتحمل كال اني رايح للبيت وأمر العصر بقيت الطم واملخ بروحي كتله يابه خلصني هذوله مسوي عليه سالفه وفلم يابه مااريده ابوي صفن ورد عليه موكتلج من الاول مااخذت الحجي ابوي طلع واني ظليت بحظن امي ابجي حسيت راسي راد ينفجر من الضرب ومانايمه والطريق مال السفر كلهن طبكن عليه حسيت روحي بعد مااكدر نمت من العصر الى ثاني يوم الصبح اجه عليه مثنى كال هااا هديتي اني ماحجيت ابوي كال روح ماعندي مره الك بعد واني تدري شكتلك قبل باتخاذها كال اريد احجي وياها بالباب وكف كال زبده ارتاحي شهر وراجع الكاج ارتاحيتي وعقلاتي هاي الف خليها يمج وإذا تردين أترجعين خابري من بيتنه فكر زين اني احبج والله. وراح مثنى من راح اخذ روحي وياااه جنت راكبه راسي وراكبني الف جني إمعانه وقافله كلش ظلت حسره بالگلب يوم اسبوع اسبوعين شهر ابويه كال راح اطلكج منه اني بين الآي وبين الا حايره اني احبه ومااكدر اعيش بدونه وهاي السالفه عقلي مايريد يصدقها انو يحبني يعني طمعان ياخذ حلال ابوي إجاني مثنى وياه أخواته شفتهم من اجوي. اني ضعفت وتعبت نفسيتي كل شويه افكر ليش يخدعني ليش اجوي بالليل ع ابوي سلمو وكعدو البنات اجوني وحجر وياي ولج والله عبالك يتم حتى مايكعد يمنه بالغرفه مالته فكري زبده كتلهم ابد حد بيبني وبينه إجاني للغرفتي كال البنات اطلعو اريد احجي وياها طلعو أتقرب عليه كال شلعتي كلبي زبده اني احبج والله ومااكدر بالياج ليش هيج اسوي بيه شلون اثبت اني احبج كتله طلگني كال مخبله انتي ولج اموت وماافرط بيج كتله كله هذه ع الفلوس صاح انعل ابو الفلوس اني زوجج حبيبج اشبيج قافله كتله اكرهك والله اطلكني ودفعته كال زين انتي الي ردتيها طلاق مااطلق واخليج اهنا وشوفي يابت ريسان شلون احطمج ابوي طرده كله اطلع يالله بره راح مثنى هو واخواته اااااوف ياگلبي الي انشلع وراح ويااااي ظليت عد اهلي ٣ اشهر لا خير ولا وصيه بعد هو حلف ومثنى راْسه يابس واني هواي هنته ذبلت احبه والله بس الي صار هز حبي بس من اذكر من عايشين اني وياه حب بحب ابو قدم طلاق واني طبعا مااعرف كال زبده يابه خليت محامي حتى نتخلص من هذول اني هو كال هيج وبعد انهد بالبجي كمت اعيط عرفو اني احبه. بس ود ابوي هذوله متفقين علينه يابه.... يتبع.... | ||||
|
| |
|
09-10-18, 10:58 PM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثامن بعد اني هالمراه اخذت حجي ابويه. وقررت اطلك من مثنى وأنسى كل شي كلت لازم أدوس ع گلبي مرت اشهر قضيه طلاق وقفها مثنى كلهم مرتي وأريدها وفديوم اجانه شرطي طالبني للبيت الطاعه يكول للقاضي زوجتي واريدها كنت اتمنى صحيح وهيج متمسك بيه لكن اعرف غايه المادة وقعت الورقه ورجعت لأبويه ظل ابويه يسب ويحجي اني قررت اخذ شهاده. السادس وأكمل ع الأقل انسه اشويه اخذت رأي امي وابويه كيفو بموضوع الدراسه لكن شلون اخلص من مثنى وره اسبوع اجه شرطي يكول رجلج فاتح بيت ويريدج ترجعين ابويه أتعارك ويه الشرطي ومشاكل وطلايب مرات الوم نفسي ع اختياري الغلط ومرات اكول الحب مو بكيف الواحد ابويه دخل ناس بينه حتى يتنازل ع بيت الطاعه ويطلك صارت كعده. عدهم بيت الشيخ لي بصفه. شفت اجه هو وامه وابوه من بعيد ع بيتهم گلبي يدك مشتاقتله اي والله اني أجذب ع نفسي العصر اجوي ناس ابيتهم ودزو ع ابويه راح اسمع صار صياح اني كلبي هبط من الخوف يااارب حل هاي المشكله مثنى مايقبل يطلك ويكول اهنا اتعيش ابيتي غصبن عليها وأخذها بابيت الطاعه المهم ادخلو شيوخ بسالفتنه والشيوخ حجو كالو لأبويه مرته ويحبها وبعدين انتم أهل لاتدخلون الغربه ابينكم ابويه استحه المهم كالو اتعيش اهنا بهذه البيت وهو يمها رجع ابويه ضايج ومكسور اجه كال ارجعي واهنا اكعدي يمنه خلي انشوف تاليه بيت سلطان وابنه اني كمت ابجي لان هذه فوك خطته هو الي فار بجيت وامي كالت لاتخافين. انتي يمنه اهنا شحده وهو هسه يمل ويطلكج اجت امه عليه ورجعت بس ابد ماابوع بوجه هو شافني ضحك وعيونه انملت فرح عمي ماعجبه الوضع بس امه كالت تعالي يمه عين وصابتكم حبيبتي مثنى يحبج ويعزج وهو مو غريب ابن عمج ليش هيج اسوين بيكم طبعا بيت جدي الغرف كله جوه اختاريت غرفه جدي ودخلت وقفلت الباب عليه اسمع امه تكله ميخالف ماما انطيها وقت بعدهي زعلانه نمت واني ابجي اني كل الفلوس مااتهمني بس ليش يخدعني ويجرح گلبي الصبح دك الباب كال كومي امي وابويه رايحين كمت سلمت ع امه وعمي راحو وخلونه اني رجعت نمت وقفلت الباب هو دك كال افتحي الباب ماحجيت كال افتحي لا اكسره كسر الباب ودخل شتريد مني اريدج غير انتي زوجتي زبده حبيبتي والله احبج ليش هيج كل هذه الي سويته واني ماعفتج احبج والله كتله لا انت مو عليه انت ع الفلوس والله عليج وكتلج الفلوس ماتهمني اني هذه الحجي مايهمني أتقرب عليه وجرني راد يبوسني اني طفرت بغير مكان جرني حظني لكن اني ابد كانما حجر هو ضاج ظل يصيح وطلع من الغرفه نمت كعدت ١٢ رحت لاهلي انغديت وظليت ساعتين ورجعت لكيته مكلي بتيته وماكل كال ليش مااطبيخين كتله مااعرف اتعلمي لعد لي يشوفج يحوفج اتعلمي اطبخي وبعد اطبيخين واتغده يالله ترحين لاهلج اني باوعتله من فوك ليجوه كال لازم ماعاجبج كلامي برطمت ودخلت للغرفه خطيه ظل يحرك بدمه صار العصر كال تعالي سويلي جاي ماهتميت دخل ع الغرفه وجرني من شعري كال انت اهنا الي خدمه سويلي جاي وأريد عشى دفعني بالمطبخ بعد خفت يضربني سويت جاي واني ابجي ادموعي ماانكطعت حضرتله كل شي هو يباوع من خلت صينه العشى لازم ايدي كال زبده. والقران احبج والله شغلت الفلوس اقنع ابويه مااريد اي شي منج بس صدكيني ورجعي حبيبتي اني مااكدر كافي اهواي دست ع نفسي للخاطرج اني جريت ايددي كتله واني هم دست ع روحي وجاي اباوع ع وجك مااريد مااطيقك كبل سكت كال هذه اخر حجي اي كال روحي لاهلج بعد مااريد اشوفج والي ترديه يصير اني كبل للبيت اهلي امي هااا يمه خير طردني امي ماعجبه وضعي بقت ساكته دخلت غرفتي هالمره ابجي عليه احبه وبعيونه صدك لكن الشرخ الي سواه ابينه جبير ظليت ابجي للحد مانمت كعدت الصبح بعدهي سيارته ماريح بعدني ضايجه كالت يمه اطلعي اشويه شوفي حالج ارجعي مثل قبل زبده ام للسان كلت خلي اطلع ع المشروع اشويه أريح حالي كعدت ع المشرع ابجي وادعي ربي لو ينسيني مثنى لو شوفلي حل تقريبا ساعتين رجعت امشي مااشوف ال مثنى بوجي بلا تفاهم كبل جرني و------ خلص كال هاي حد بيني وبينج انتي ردتي نفترك وراح اطلكج طبعا صار تقريبا ست اشهر ماهيج وياااه حسيت روحي اتحبه هو خلص وعافني وراح واني كفشتي وأهدومي دخلت ع بيتنا مدري فرحانه مدري ابجي ع حالي هالمره عيونه بيه صدك يعني راح يطلكني ماعندي غير ادموعي.... يتبع...... | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
العرض العادي
