آخر 10 مشاركات
مابين الحب والعقاب (6)للرائعة: مورا أسامة *إعادة تنزيل من المقدمة إلى ف5* (الكاتـب : قلوب أحلام - )           »          499 - أكثر من حلم أقل من حب -لين غراهام - أحلام جديدة جديدة (الكاتـب : Just Faith - )           »          انتقام النمر الأسود (13) للكاتبة: Jacqueline Baird *كاملة+روابط* (الكاتـب : * فوفو * - )           »          قيود الندم -مارغريت بارغيتر -ع.ج-عدد ممتاز(كتابة/كاملة)** (الكاتـب : Just Faith - )           »          حياتي احترقت - فيفيان لي - ع.ج ( كتابة / كاملة )** (الكاتـب : عروس القمر - )           »          32 - ليلة ثم النسيان - باني جوردان عبير الجديدة (كتابة /كاملة **) (الكاتـب : dalia cool - )           »          202- لن تعيده الاشواق - لي ويلكنسون (الكاتـب : Gege86 - )           »          شيء من الندم ..* متميزه و مكتملة * (الكاتـب : هند صابر - )           »          سارق قلبي (51) -رواية غربية- للكاتبتين: وجع الكلمات & ولقد أنقذني روميو *مكتملة* (الكاتـب : قلوب أحلام - )           »          في قلب الشاعر (5) *مميزة و مكتملة* .. سلسلة للعشق فصول !! (الكاتـب : blue me - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات العربية المنقولة المكتملة

Like Tree1Likes
إضافة رد
 
LinkBack أدوات الموضوع انواع عرض الموضوع
قديم 10-10-18, 10:55 AM   #1

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
Rewitysmile25 7 أيام و 8 ليالي / للكاتبة سوزان المندلاوي ، عراقية مكتملة





بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته

نقدم لكم رواية
7 أيام و 8 ليالي
للكاتبة سوزان المندلاوي




قراءة ممتعة للجميع.....



ندى تدى likes this.


التعديل الأخير تم بواسطة لامارا ; 10-10-18 الساعة 11:44 PM
لامارا غير متواجد حالياً   رد مع اقتباس
قديم 10-10-18, 10:56 AM   #2

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
Elk

بسم الله الرحمن الرحيم

السلام عليكم ورحمة الله وبركاته كيف حالكم إن شاء الله دائما بخير ؟

نقدم لكم رواية باللهجة العراقية بعنوان
7 أيام و 8 ليالي
للكاتبة سوزان المندلاوي





التعديل الأخير تم بواسطة لامارا ; 10-10-18 الساعة 11:46 PM
لامارا غير متواجد حالياً   رد مع اقتباس
قديم 10-10-18, 10:59 AM   #3

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

البارت الأول


اني شمس ..
عمري 25سنه ..
متزوجه .من .علي
اني اصغر خواتي واخواني ..
ماما سمتني شمس ..
لان من جيت للدنيا ..
بيضه ..كلش ..وشعري اشكر ..من الله ..وعيوني ملونه ..صفر ..
وبقت لكبري ملامحي اوربيه ..
بيضه وعيوني ملونه ..وشعري اصفر بس اني ضفت عليه ميش ..و ..كاصته كاريه طويل ..
وجسمي حلو ..مرببه..وطويله ..

اعيش بغداد ..واهلي ..باربيل ..بسبب الاوضاع ..اهلي استقرو ..هناك ..
درست ..اعلام ..جامعه المستنصريه ..
بسنين الدراسه ..تعرفت ..ع علاوي ..
جان يدرس ..لغات ..وعرفته ..
وصارت بيناتنة..صداقه ..وراها اعجاب وراها علاقه حب ..
علاوي احلى شي بحياتي ..عمري وروحي ونفس ريتي ..
بعد ..
ماتخرجت ..
رجعت لاهلي ..
بس ..مجنت مرتاحه ..لان علي بعيد عني ..
واكثر من مرة يتقدم الي ..بس اهلي يرفضون ..
بسبب..البعد ..والحاله الماديه ..لعلاوي ..متوسطه ..
بس مخلصت المحاولات بقيت ..الح عليهم ..
واقنع بيهم....بعد معاناه طويله وي امي وابويه ..
لحد ما ..جبرتهم ..وكتلهم اتحمل كل العواقب بس وافقو اجبرو ..يقبلون ..لان جنت احبه ..مستعدة اضحي بعمري ..وانجمع بعلاوي
لحد ما تمت خطوبتنه ..وزواجنه....
اني وعلاوي ..متفقين ..
ورأسا ..عزلنه بيت وحدنه ....
كدرت اتوظف ..
بشركه اهليه ....
وراتبي ع راتبه ..ونعيش حياتنه ..
وعلاوي هم ..موظف ..بدائرة حكوميه ..
حياتي كلش حلوة ويا ..
بس جان ينقصنه شي ..
الطفل ..
كل الراتب يروح للدكاترة ..
والعلاج ..
جانت التحاليل كلها نظيفه ..
وكل شي مابينه ..
بس ارجع واراجع ..
كل شهر ..
تعبت ..وعلاوي هم تعب ويايه ..
مجنت اريد غير شي ..
غير فرحتي بلحمل ..
واشوف الفرحه بعيون علي ..
واكوله راح تصير بابا ..
..انتظر فرحه من رب العالمين .
تعوضني ..
فديوم بلدوام ..
اجتي صديقه الي .جنات ..
كالت ..شمس ..انتي الا متى فلوسج ..كلها ع للدكاترة لا طلعه ولا طبه ..ولاذهب ..حتى اهلج بسنه مرة ترحيلهم ..

كتلها شسوي متكوليلي ..هاي راح اصير سنتين مزوجه ..
وانتظر ..وعد الله ..
كالت يمعودة والله الي بيج حاله نفسيه ..
طلعي غيري من روتينج ..خوما العمر كله تكضيها علاجات ..
الله كريم حبي ..
كملت شغلي ..
وضليت كاعدة ..
فتحت فوني ..
وبديت اكلب ..بلنت ..
اريد الوكت يخلص ..وارجع للبيت ..
تعبانه ..
ارجع يادوب ..اسوي لكمه ..اليه ولعلاوي ..
وانام ..ساعه
واكوم اشتغل ..واغسل هدوم واحضر غدة ..لثاني يوم ..
وهكذا ..
مرات اروح لعيالي ..او لبيت حمويني وحمواتي
بليل ..نتعشى يمهم ونرجع ..
بس بسبب ..
السؤال ع الطفل حتى ميعجبني اطلع ..ولا اطب
ها ..مصار شي ..
ها ..ماكو بطريق ..شي..
مليت ..
صح جان ..علي ميضغط ولا يلح ولا يحسسني بشي ..
بس اني كل شهر ..احس بي ..
ضايج ..
علاوي ..يحبني ..هواية ..وميريد يجرحني ..
وبطبعه..هادئ ..وقليل الكلام ..
اما شكله ..جان ابيض ..مو طويل ..متوسط الطول ..وضعيف ..وعيونه واسعه ..وملامحه حلوة ....

كلام جنات ..
دخل بالي كلت بله اني شمحصله ..
بس كومه فلوس كل شهر ..
بين تحاليل وسونر وعلاج ..

وكل ما اروح تكولي ..
مابيج شي ..
وتنطيني هل مقويات ..والمنشطات ..
ونفس الشي ..
ليش ماعوفها ع الله ..
واشتري ذهب ..
كاع ..سيارة ..
احسن ..
والباقي بيد الله ..
افكر و
اكلب بلنت ..
واعلق ..لصديقاتي ..روعه.وحلو ومنورة ..
وهيج ..
لفت انتباهي ..
منشور ..
بدايته ..
7ايام ..و8 لليالي ..
الى اذربيجان ..
ضليت صافنه عليه....
كلبت ..بلتعليقات ..
الكل تكول حلوة وتخبل ..
واحلى سفرة واحسن شركه ..
دخلت ..ع البرنامج ..الرحله
حلو ..
ولو ممسافرة قبل بس عجبني ..
دخلت ع الصفحه ..وتركت استفسار ..
عن السعر ..ويا يوم ..وعن ياطريق خطوط ..
عود اني افتهم بيهم وداسأل..بس اسمع ..
من البنات ..وكلت خلي اسأل
دقايق..واجاني الرد ..
السعر ..وخطوط الجويه العراقيه ..
واليوم ..
اشكرت منه ..وضليت افكر ..
صح السعر ..كلش غالي ..
بس ..اصرف اكثر ع الدكاترة ..
كلت فرصه حلوة ..اسافر اني وعلاوي ..
نطلع نغير ..جو ..وترتاح نفسيتنه شويه ..
من ضغط الدوام ..والطفل ..وجانت الدنيا حارة نار بدليه السابع ..ورطوبه ..يعني النفسيه محتاجه سفرة ...
ضليت ..اكلب بلصور ..والتعليقات ..واشوف ..
لحد ماخلص الدوام ..
واني فكري كله بسفرة ..
بس اريد اوصل للبيت ..حتى اكول لعلي ..
نسافر ..



للحكايه بقيه ...


لامارا غير متواجد حالياً   رد مع اقتباس
قديم 10-10-18, 11:01 AM   #4

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


الجزء الثاني

كمل الدوام ..طلعت ..
منتظرني الخط ..اني والبنات
صعدت ويا ..
واتصلت ..بعلاوي ..
هلاو حبي شلونك ..
تمام ..
انت وين ..
بعدني بلدوام..
هاي شنو شعجب ..
اي شموس ..شغل ..والله ..
اوك حب انتظرك اني بلطريق للبيت ..شسوي غدة ..
بكيفج ..
يعني ..
بكيفج كل شي من ايدج طيب..
اوك قلبي ..
ختمته ويااا ..
ازدحام وحارة ..مو بس حر ..خنكه ..ودبك

وصلت للبيت ..
هووف اول ماطبيت بلباب البرة ..ذبيت الحذاء ..بلباب وشلته ودخلت ..
ذبيته ..وذبيت ..الجنطه ..
شغلت المبردات ..و
حضرت الحمام ..وطبيت سبحت ..
بديت اتخيل ..اذربيجان والسفرة ..
ربطتها ..بمصايف كردستان ..

وبداخلي فرحانه ..
حتى انتبهت ع روحي اسبح وابتسم ..

مثل المخبله ..ههه
كلت الا انروح مابيها مجال ..
كملت وطلعت ..
رحت للمطبخ ....
طلعت ..لحم بعجين ..وبورك ..وكبه وهلسوالف نواشف ..
حضرتهن ..ديمعون ..
طبيت ركض للغرفه ..
فتحت شعري ..بعدة مبلل ..
لبست شي خفيف ..
شورت وفانيلا قصار ..لونها وردي ..ورصاصي ..
ومكياج خفيف ..
ورحت للمطبخ ..
حضرت ..الاكل ..
وكلت اسوي مقبلات ..
ادلله بلكي يقبل ونروح ..
وبليل ..اسوي كيك وملاعيب ..الي يحبها
سويت اله كلشي يحبه ..
وانتظر ت يجي ..
اتاخر ..
اجتي الوطني ..فتحت السبلت ..بلهول والغرفه ..ورشيت ..معطر جو ..
بيتي صغير ..ونظيف ميتوصخ ..
عبارة عن
مطبخ وحمام ..وهول ..وغرفه ..وحولي صغير ..
بس نعمه ..مرتاحين بي ..
سمعت صوت السيارة..
اني كملت كلشي ..
بسرعه..
رحت حطيت..عطر ..ورتبت روحي ..ورجعت للمطبخ
وسويت نفسي اشتغل ..بلمطبخ ..
حسيت بي طب للبيت ..
شموسه ..حبي وينج ..

اني داسوي عصير ..بطيخ النه ..
احسه اجه ..حضني ..من ورة ..
شم بيه ..وويبوس بركبتي ..
الله الله شنو هلجمال ..
المفروض يسموج ..جنه ..موشمس ..
انداريت عليه ..ليش ..جنه
لان بريحتج عطر الجنه ..
ايبااه ..شنو انت
اي ..
شموس ميت جوع ..
دقايق حبي ..
كعد ..ع الميز ..
ولج شطالعه كيكه ....قشطه ..
اني اضحك ..
حضرت الاكل ع الميز ..
وطلعت المقبلات من الثلاجه ..
وضفت ثلج للعصير ..
وكعدنه ناكل ..
وبدة يسولف الي عن يومه وشغله ..وشصار
واني بالي يم السفرة شلون افاتحه واكوله ..
كملنه اكل ..
كال راح اطب اغسل ..
اني هم لميت الميز..
وغسلت المواعين بين ماكمل ..حمام ..
طلع كعد بلهول ..
كتله متجي انام ..
حب ..اليوم للعبة..
اكملها ..و انام ..
وباجر عطله ..يعني اليوم نسهر للصبح ..
طبيت للغرفه ..
هووف هنوب للعبه ..هاي شوكت راح اكوله ..
طلعت يمه ..كعدت..
ضليت اللعب بشعرة ..
مندمج ولا يمه ..
نمت بحضنه..
باسني ورجع ..يباوع ..
خليت رجلي عليه ..
طاب بلعبة...

كمت ..وكفت كبال التي في ..
كلي
وخري شمس ...
كتله منو اهم اني لو اللعبه ..
طبعا انتي ..
بس تخلص ..ولج دوخري عليج الله ..
اجيت كعدت بحضنه ..
ضليت ..اللعب بشعرة ..
ويحرك براسه يريد يباوع ..
واشاقه ..ويا ..
كلي تالي وياج ..
كولي شتريدين ..
شاورته ..كتله اريد اسافر ..
وين؟لاهلج ..
لا ..
لعد ..
صاح كووول ..
وكام يكمز ..ويركص ..

جريته ولك اكعد نرجع لموضوعنه ..
اني وياك ..
نروح ..
كلي والله اذا فازت برشا ..الي تريدي يصير ..
بس اكمل ..اللعبه
وخرت ..عنه ..
لزمت خشمه ..كتله وعد ..
وعد ..
كلام رجال..
اي ..
خوش ..
انتظرك ..ياوحش ..
ورحت للغرفه ..
تعبانه ..
من كعدة الصبح ..ودوام ..
ضليت اتكلب ..
نمت ...
حسيته يعيط ..
رفعت راسي ..
عرفت لو خسرانه برشلونه لو فايزة ..
كتله شكو ..
كلي فازو فازو ..
اني هم طار النوم من عيني ..
كمت ركض ..
للهول ..
كعدت يمه ..
كتله وين وعدك ..
كال شنو .الي تردي يصير ..
نسافر ..
ولج وين ..
لاذربيجان ..
شعندج بيها ..
نتونس اني وياك ..
ودوامنه ..
اجازة ..
شلج بيها هاي متكوليلي ..
حبي ..نطلع من الضغط الي بي ..واحسن من هلفلوس ع دكاترة ..نصرفها بونستنه ..
بلكي الله هناك يصير عدنه نونو ..
جرني هسة يصير نونو ..
لا ولك جديات ..
نعيد ايام الحب ..وشهر العسل ..ياعسل ..
ضل ساكت ..
كمت والله انت وعدت ..بعد بكيفك ..
اذا متوفي بوعدك اشهرك شهر ..
اكول ..موكد حجايته ..
جرني ..اني موكدها ..
اخذج لاذربيجان ..تدللين قلبي ..
بقيت ابوس بي ..
ممصدكه ..
فرحانه ..
كمت اكمز ..
من الفرح ..
جرني كافي .تكمز راح يتفلش.يامدبدب مالتي يلمربب...خنزت عليه ..
لا والله ..
اي ..دبه بس اموت عليج ..
يومه فديتك..
اعشقك ..


للحكايه بقيه


لامارا غير متواجد حالياً   رد مع اقتباس
قديم 10-10-18, 11:03 AM   #5

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


الجزء الثالث

بليل ..
كتله امشي نسآل عن الرحله ونفتر ع الشركات ونشوف وتكلفتها ...وياهي المناسبه النه ..
كال
باجر انروح ..
ليش ..
اخواني يلتمون بيت اهلي ..لازم نروح نشوفهم ..
علي متعرف اضوج ..
مرت اخوك حمزة ..ضل تسمعني ..
حجي .وتغثني
.اجه عليه اشاقه ويايه .و.يدغدغني ..
حبي معليج البسي ..اني قابل بيج ..عسا ما نبقى بدون اطفال ..
اي ..اعرف ..بعد كم سنه تون ع الجهال ..

هسة تريدين طفل لو سفر ..
الاثنين ..هههه.
اختاري ..
انت اريدك ..
ام اللسان مخبلتني بلسانج ..اخ الا اعضه ..واكطمه واخليج خرسه ..
عزة ..
اي ..
ليش ..
احسن ..
يلا حبي بدلي دنروح ..
خوش ..
كمت بدلت ..وتعطرت ..لبست احلى شي ..اعرف نسوان حمويني ..شنو وحدة تغور الثانيه ..
كملت وطلعنه بسيارة ..
بلاشارة ..وكفت بصفي سيارة ..
بيها طفل كاعد بحضن امه ..
يباوع عليه ..
ضليت اغمز اله ..
يضم راسه بحضن امه ..
دزيتله بوسه هوائيه ..
هوة هم دزلي ..
اخر شي سوالي باي ..
ومشت السيارة ..
اني دمعت عيوني ..
كتله ربي ..ماريد شي بس ..طفل يلهي حياتي ..واسكت الي يحجون
وصلنه للبيت ..
الكل موجوادات ..
تكول عدنه عرض ازياء ..ومكياج ..
الكل ..متأنق..
بس الجبيرة ..مي احبها ....
طبيت سلمت ..ع عمتي ..
وع الكل وكعدت ..
عندي 3حموين ..
وكلهم مزوجين ..وعدهم اطفال ..
بس الجبير كاعد وي امه ..اما الباقي عازلين ..
بقو الولد شقه وسوالف ..وضحك ..
والنسوان ..هم اني .ساكته ..
متحضرة ..للمغثه ..
بطبعي ..ماحجي ....وانسه بسرعه ..وبنفس الوكت احب اشاقه واضحك..
عمتي كلش حبابه ..جانت كاعدة ..بلمطبخ رحت يمها ..
كعدت ..
كالت ها يمه ..بشري ..
اني سكتت..كتلها الله كريم ..
رفعت ايدها وكامت تدعي الي ..
اجوي نسوان حمويني ..
مرت حمايه حمزة ..هبه ..
من شافت ..عمتي تدعي ..
كالت ها بشري ..حامل ..
لا ..
كلعادة ..لا ..
اندارت ع عمتي ..كالت ..
عمه ..تريدين اشوف عروس ..لعلاوي ..حتى تفرحين بجهاله ..
اني ..درت راسي عليها ..
ضربتني ع رجلي ..
اشاقة شبيج....
شلونج شخبارج ..
كتلها تمام ..
كالت ..هاي شنو شسمنج صايرة يمعودة ..
كلت بكلبي
اهووو ياربي بدت ..اني كلبي خلصان ..
ابتسمت بوجهها ..كتلها ..علاوي يحبني هيج ...
اي ..ليش لا ...يمعودة الرجال .كلشي يحب

رجعت تسولف ع جهالها لعمتي ..هيه عدها 2جهال ..
وتسمع بيه ..شلون ..توحمت بيهم ..وشلون تحبهم ..

هنوب شكو وحدة حامل جديد ..جابت طاريها ..
اخر شي ..كالت ..
اووي شمس ..شنو ..هلقميص الي لابسته ..عبالك عجوزة ..طالعه ..
ردت كالت
تدرين شافتج مرت اخويه ..قدرتج ..35 سنه
بس اني كتلها ..لا صغيرة ..بس هيه شكلها ..هيج .. بس ازوجت
بسرعه ..كبرت .. ..هاي من تخلفين شلون ..
وضحكت ..
اني ضليت صافنه عليها ..
.
عمتي كالت ع كيفج ..هبه ..اصلا شمس احلى جنه ..عندي ..
ومي هم كالت ..اي والله احلانه ..جنها اجنبيه ..
هيه متعرف شسوي ..
وجهها كام يذب
كالت ..اكوم ابني كام يبجي ..
بس كامت ..عمتي ضلت تضحك ..
شاورتني ..عمه لا ضوجين الغيرة الغيرة ..عاميتها ..
مي نفس الحجي ..
اني ساكته لخاطر عمتي ...
بقينة نسولف ..
تعشينه ..وكملنه ..
اني كاعدة بصف ..علي ..
ويسولف وي اهله ..
فاخو الجبير ..حمزة ..
كال ..خويه من تروح لاذربيجان ..عود ..جيبنه ..بيتنجان ..
الكل ..سال راح تسافرون ..
علي كال ..اي ..
هبه ..كالت ..علمود الطفل هناك تسون ..
كلها ..لا ..
سياحه ..اني والدب مالتي ..نغير جو ..
امه مكالت شي ..
.مي كالت اي روحو تونسو قبل لا يجون الجهال ..ويخربون حياتكم ..
اني وعلي نبتسم ..
كتلها حبي احنه حياتنه حلوة .وتحلى اكثر ..بلنونو..
هبه ..كالت ..
اني اشوف تسون طفل ..انابيب احسن من ذبون فلوسكم بسفر ..ماله داعي ..
مرتك ..جبيرة ..يادوب تحبل .هاي اذا حبلت.اني بكدها ..عندي جاهل ..وحامل ..
علي ..شفته ضاج ..
كلها ..عيني هبه ..محد شاكي كدامج واني ..راضي عسة ماضل هيج طول عمري ..
الكل ..سكت ..
وهيه صارت زركه من الخجل ..
وراها انخرست ..
وطلعنه للبيت ..
كلامها يحفر بكلبي ..
انقهرت منها ..
يعني قابل بيدي ..بيد الله ..
بسيارة كتله ليش كلت ع السفر ..
هسة خلي تصير وكول ..
وشكو بيها واذا كلت ..
يمعود مسمعت الحجي ..
واذا ماهتم اني ..
بس اني اهتم ..
شمس ..
لا ضلين هيج كبري عقلج ..مالهم دخل بينه ..
انت تكول هيج بس اني انقهر ..
اهوووتالي وياج ..كلما نروح لاهلي ..تبدين تتناحسين ..
انت مشفت كلامها شلون يغث ..
كتلك لاتكول الا تحجي ..
اهلي واذا اكلهم ..
اهووو خلي تصير واحجي ..هسة العيون نفتحت ..
عبالك راح نروح للقمر ..
لسانك مو الك ..
كافي اسكتي ..
اي اسكتي ..اني اتحمل المغثه واسكتي ..
وصلنه للبيت ..نزلت اعصاب ..صايرة ..
فكر ت ليش ماسوي انابيب ..بقيت متحيرة ..
بس دكتورتي ..مقبلت ..هلشي ..
طبيت للبيت ..
بدلت هدومي ..ومحجيت وياه اعرف اذا احجي نتعارك ..
بقيت ساكته ..
ورحت نمت ..
وهوة بقى سهران ..ع النت ..
ثاني يوم كمت ماكو شي ..نسيت كلشي ..
شفته جايب كيمر .وكاهي ..

تريكنه ..
كلي الليل كله ..اسوي بحث ..ع اذربيجان ...
ونكمل ريوك ونطلع نشوف ..
بس خلي نتاكد من الاجازة ..
طلعنه ..
نسال ..
الاسعار نفسها ..
ونفس الخدمات ..والفنادق تقريبا ..
علي هوة صار اله واهس بعد ماسال ..عنها والكل كال حلوة ..
بقت عدنه ننتظر ..اندوام ونقدم ع اجازة ونشوف يايوم حتى نحجز ..
بعد ما اقتنعنه بشركه..
وثبتنه ..نحجز بيها ...

اني جنت ضامه كم فلس ..
طلعتهن انطيتهن ..لعلاوي ..
حتى يصرف بيهن ..
ماكو فرق بين فلوسي وفلوسه ..
اثنينه واحد ..
صار الدوام ..
وقدمنه ع اجازة ..بدون ماكول السبب .
بس ..الكل عبالهم ..اروح اتعالج ..
خابرني علي كلي وافقو ..ع اجازتي وانتي ..
كتله بعد ..
انتظرت لنهايه الدوام..
يلا اجتي الموافقه ..
طرت من الفرح ..
وخابرت كتله ..
عبالك ..مدري وين راح نروح ممصدكه ..
خلص الدوام وطلعت ..
اريد اوصل للبيت حتى احضر نفسي ....
واحضر الجواز والفلوس..
وصلت للبيت ..حضرت كلشي الي ولعلي ..
وبليل رحنه حجزنه ..بنفس الموعد الي المناسب النه ..
اسبوع الجاي ..
كمت احضر بغراضي ..والجنط ..
واشوف شنو النقص الي عندي ..
كمت يوميه من اطلع من الدوام اجيب شي ..
هدوم ..شوف شنو الي محتاجته ..
ع7مرت الايام بلهفه ..
واجه اليوم الموعود ..
الى اذربيجان ..


للحكاية بقية
..



لامارا غير متواجد حالياً   رد مع اقتباس
قديم 10-10-18, 11:05 AM   #6

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


الجزء الرابع ..

الليل كله مانمت ..ولا عرفت طعم النوم
كل شويه اكوم ..
ارتب ..بلغراص واكول ناقصني شي ..
حتى الهدوم حضرتهم ..من الليل الي راح نلبسها ..
مكدرت انام ..
كمت ..الصبح ب8
لان لازم ب11احنه بلمطار اجراءات ..
كمت سويت ريوك ..
وكعدت علاوي كوة ..كومته من الفراش..
تريكنه ..
وكملنه ..
طبيت ..سبحت ..وطلعت ..
بدلت ..ومكيجت ..
لبست ..فستان وردي وبي نيلي طوخ..طويل ..وبوليرة ..كاوبوي ..
شي ..خفيف ..وصيفي ..
وفتحت شعري وشسورته ..
طلعت ..كتله كملت اباع الساعه ..صارت ..بتسعه ونص ..
كمل علاوي ..
وطفيت ..غراض البيت ..
وقفلنه البوب وطلعنه ..
علاوي متفق وي ..سايق
..يجينه للباب ياخذنه ..
اجه وطلعنه ..الطريق
ازدحام ..
وصلنه المطار ..
علما طبينه ..ساعه ..
منا لهنا تفتيش..وصلنه ..
نزلنه الغراض..
وطبينه ..للصاله ..
اول مرة اشوفها ..كلش حلو مطار بغداد..
وجان بارد ثلج ..الاجواء تساعد ع النوم ..
خلينه جنطنه ....بصفنه وضلينه كاعدين ..
بلانتظار ..
عالم كومه اكو عوائل وشباب ..
حتى ىشياب كومه شفت ..ديسافرون ..لاذربيجان مثلنه ..
صارت بلوحدة شفت العالم بدت اطب ..تاشر ..
كمت اني وعلي..
رحنه اشارنه ..
وختمنه ..
هم ..طبينه بصاله انتظار ..
مليت ..وطكت روحي من الكعدة ..
علاوي شاف مجموعه شباب ..وكعد يسولف وياهم ..
لحد ساعه اربعه ..يلا ..كامو العالم ..
كمنه احنه هم ..
وكفونه سرة طويل ..وصل النه الدور شاف ..التكتات ..
مالتنه ..كصها ..
وطبينه ..هم صاله بس ..
الطيارة يمنه ..نشوفها من الجام ..
طيارة عملاقه ..
اول مرة بحياتي اشوفها ..
شفت الطيار ..والمضيفات بدو يتحضرون..ويرحون للطيارة ..
اني بدة الخوف عندي ..
علاوي ملتهي وي الولد ..
الف فكرة صارت ابالي ..خاف توكع الطيارة..خاف تحترك..
الف فلم سويت ..
علما ..كامو العالم..توجهنه للطيارة وصعدنه ..
دورنه مكانه ..وكعدنه ..بصف الشباك..
3مقاعد ..جانت
علاوي كعد من جهه الجامه..
واني بصفه ..
فاجه ولد رقمه ويانه ..بصفنه يكعد ..
فغيرنه الاماكن ..
اني صرت بصف الشباك ..
ورة شويه ..
مشت الطيارة ..اني كلبي يدك مليون ..ومخليت ايه مقريتها ..ختمت القران كله ..من الخوف
وبدت تقلع ..
الاكل هادي بس اني الرعب كتلني ..والرجف ..
ومجلبه..بحضن علي ..
الطريق كله يخوف بيه ..
راح توكع ..ومرة شفت ..فلم ..هيج توكع ..
خبلني ويضحك عليه ..
اباع العالم ..الي نام ..
والي يسولف ..
واني ارجف ..اخاف منها ..
حتى الاكل الي قدمو مكدرت اكل ..شي ..
اولا مطيب ..
وثانينا خايفه ..
رعب ابد ..محلوة الطيارة ..عبالك واحد كاعد بجدر ضغط ..الاذن تقبط ..والراس ..
2/45دقيقه ..
يلا وصلنه ..مطار باكو عاصمه اذر بيجان ..
نزلنه ..
واتاخرنه بلفيزا ..
تعب ..كلش ..
طلعنه شفنه ..الكايد ..المسؤل علينه ..شايل ..لوحه باسم الشركه لازم نجمع يمه ..
بدت العالم تجي ..
وتوكف ..
المطار يجنن..لوحه فنينه ..
اني ..ضلت عيوني ..ع الناس ..
انصدمت من شفتهم ..بلبسهم ..
اوربا ..
كله شورتات ..كابوي وفانيلا ..
هيج شي مشايفه ولا راح اشوف بعمري..
علي عافني ..كاعدة ..
وراح يم الولد الي تعرف عليهم ..
طلعو من ضمن شركتنه ..
ساعه ..10يلا طلعنه من المطار ..
يعني اني منايمه قبل بيوم ..وتعب السفر ..والاجراءات متت..
اخذونه بمنشئه ..
كلنه ..
اكو ويانه 4..عوائل ...شفت
والباقي شباب ..
المدينه تخبل ..جميله كلش....
كلها اضويه وعمارات ..
تصميمها غريب ..
تمشي السيارة ..
واني اباوع ..من الجامه ..
وصلنه لفندق ..
يخبل ..فخم ....
بدة الكايد....ينطينه الغرف ..
وصل النه السرة ..
اخذنه جنطنه ..وصعدنه بلمصعد ..
وطبينه لغرفتنه ..
الغرفه ..ترتيبها اوربي ..من البردات ..والجربايه ..والارضيه ....والفرشه شي خيالي ..
ذبيت ..غراضي ..
كتله علاوي ..
ميته تعب وجوع ..
كال خلي اسبح وانزل اشوف مين اجيب ..
عشا ..
اني مددت بلفراش..
سبح وكمل ..
كال راح اطلع .
.كتله اني راح اسبح ..
طلع علاوي طبيت ..سبحت ..
طلعت ..لبست ..
دشداشه ....كيمونه وقصيرة ماروني خفيفه ..الاجواء ..مو حارة بس بوخة.ورطوبه .لان اذربيجان ..بيها ..بحر ..
والعاصمه باكو ..مطله ع البحر ....يعني افتح الجامه اشوف بحر قزوين ..كبالي ..
وبقيت لافه شعري..بلخاولي ..انتظر ..
علاوي ..يجي ..
رحت داكلب ..بلجنط ..اطلع منها غراضي
حسيت الباب انفتحت ..
كلت علاوي اجه ..
اشوف 3شباب ..طبو للغرفه ..
اني بقيت صافنه ..متفاجئه ..
همه هم ..مصدومين ..
واحد كال احنه اسفين ..
الكايد غلط ويانه برقم الغرفه ..
اني جريت ..الغطه ..مال فراش ..غطيت جسمي بي
دنجو وطلعو ..يمشون ويعتذرون مني ....


للحكايه بقيه ..


لامارا غير متواجد حالياً   رد مع اقتباس
قديم 10-10-18, 11:50 AM   #7

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



الجزء الخامس

انصدمت ..
شطببهم هذول ..
ركضت ع الباب ..اشوفها مقفوله لو لا ..
مسدودة ..
هذول شون طبو ..
خرب بس لا ..علي مقافل الباب وعايفها ..
الباب ع الكارت تفتح ..
يجوز مسدها ..
ياربي شسوي اني ..هسة ..
خرب بحظي ..
شلون موقف ..اوف ياربي بس لا يطلعون ويانه ..بنفس الشركه ..خرب بلحظ ..
ضليت ..ضايجه ..
متت رعب وصدمه وخوف ..وعيب ..
زين اذا اجه علاوي اكوله لو لا ..
عزة شكوله يطيح حظي ..
بس اني شعليه ..
الصوج منه مسد الباب اكيد ..
كل شويه اروح ع الباب اسمع .
واتاكد مسدودة لو لا ..
يعلي اتاخر صار ساعه طالع وماكو ..
هنوب لا اكو ..رقم وادك عليه ..
ضليت الوب اروح واجي ..
عبرت ..الساعه ..
هناك واندكت الباب ..
رحت منو..علي كال اني ..
فتحت الباب..
وين صرت..
حبي ..صار ساعه ادور ع الاكل ..
هاي شنو..البلد فارغه مابيها ..مطاعم ..
لا بيها يمعودة ..بس منندل ..
طلعت الاكل جايب ..لفات شاورمه ..وكولا ..
كتله صارلك ساعتين ع هاي ..
ولج ميفتهمون علينه ..كوة فهمته ..
جان حجيت انكليزي ..ميعرفون ..
لعد شنو يعرفون ..تركي وروسي ..
اها ..
كعدنه ناكل ..
كتله ..علول..
اسديت الباب لو لا ..يعني قفلتها ..
كال اي ..
والكارت وين ..يمي ..
متاكد ..
اي ..
ليش..
ماكو شي ..
بس كمت شفتها مردودة ..
هاا.
ولج ذكرت عفتها مسديتها ..لان كلت هسة اجي ..
عزة بعينك هاي شغلة منك ..
شمدريني ..شصار ..
ماكو شبيك ..
كال هذول الي ..تعرفت عليهم بلمطار ..ويانه بشركه ..
اي ..
وكاعدين ..بلغرفه الي بصفنه ..
اها ..
شكد همه ..
اربع شباب ..
شفتيهم مو ..
لا منتبهت ..
هوة طلعنه اني وواحد جبنه عشا ..
اي ..
كملت اكل ..
غسلت ..ورحت للفراش ...
هاي شنو راح تنامين ..
اي ولك ميته تعب ..
وانت ..
لا ..
علاوي اني منايمه من البارحه ..
اي حبي ..نامي ..
وانت ..
راح اكلب بلنت ..
مين كنكت ..
من جوة ..
تريدين اكنك الج ..
لا ..اريد انام ..
خليت راسي..ع الفراش ..والموقف ميروح من بالي ابد ..
عزة بعيني ..هنوب اني مصلخه ..شكد عيب ..اووف ياللهي ..
كون ماشوف شكلهم ابد ..
اذكر اول واحد ..
طويل وضخم صاحب جسم ..ولونه خمري ..وعندة لحيه ..
الباقين ماذكرهم لان راسا دنجو وطلعو..
بقى بس هذا ابو للحيه ..يتعذر ..
يكول غلطت بلغرفه ..
ردت انام مكدرت ..رغم ماتعبانه مووت ..
علي كام ..
اجه يمي ..
شمس ..شمس ..وخرت الغطا
ها علاوي ..
راح اروح يم الولد ..
كمت ياولد ..
الي بصفنه ..
شكو ..
ماكو شي ..
مديعرفون يكنكون
وانت شمعرفك. .
موراسلني واحد ..
ولك مو تكول ميعرفون ..
اي بس هذا الي ويايه كنك ..
اوك ..
رووح بس اقفل الباب ..
ماكدر بس اخذ الكارت تطفه الكهرباء ..
اوك ..
عوفه بس سدها ..
ضليت اتكلب ..
لحد مانمت ..
نومي خفيف موثكيل ..
كل شويه انكلب ..اشوف علي ماكو ..
بس مابيه حيل ..اكوم ..
بقيت نايمه احس الصبح ..دك الفون لان نبهته ..
حتى نطلع رحلات ..
كمت شفت علي نايم ..
طبيت غسلت ..
كتله ..علاوي كوم ..
نعسان ..
دكوم يمعود..
هسة ..
كتله يلا ..دنتريك ..
الريوك بوفيه مفتوح ..
بدلت وكملت ..
لبست بنطرون وتيشرت ..
وانتظر علاوي يكوم ..
كوة شلعته من الفراش ..
دكوم احنه جاين ..انام لو نتونس ..
كام ضايج ويدردم ..نعسان ..
ليش البارحه شوكت رجعت ..
مطولت ساعه واجيت ..
بدل ..
ونزلنه ..
سالنه ع مكان الاكل ..دلونه ..
جوة بلطابق الارضي ..
نزلنه ..
طبينه قاعه جبيرة وبيها ميوزة ووكراسي ..
وبوفيه مفتوح انواع الاكل ..واشكاله ..
كمت ..داجيب ..اكل اني وعلي ..
ضليت افتر ..اخذت ..
اسمع واحد يكولي ..ممكن من يمج ..
كوب خاشوكه ..
اني راسا ..
جريت خاشوكه ..
وانداريت انطيها ..اله ..
اتفاجئت ..
هذا نفسه الي البارحه ..دخل عليه ..
يبتسم بوجهي ..
راسا ..كملت ورحت كعدت ..
اشوف راح يم علاوي يسلم عليه ..
جان لابس بنطرون اسود وقميص اسود ..
خرب هذا صديق علي هسة يكوله ..
يبوو شريد احجي اني ..شكول ..
اريد اكل ماكدر. .
اجه علي..
هاحبي شو متاكلين ..
هاا دانتظرك ..
هذول الولد الي كتلج عليهم..
هذول بصفنه
اي ..
ويانه بلكروب ..
اي ..
بسرعه ..اكلت وصعدت بس اريد ..اكمل ..
علي كلي وين ..
كتله اروح اكمل ..
ملابسي ..ومكياجي..
صعدت بلمصعد ...
اووف ياللهي يعني..8 ايام بوجهي هذول خرب ..
فوكاها يبتسم..
كمت ..عدلت هدومي وسويت شعري ..ومكياجي ..
صعد علاوي ..

يلا ..شموس ...
دقايق بس اطلع الحذاء ..
كلبت الجنط ..
كال راح انتظرج جوة ..
اوك..
طلعت الحذاء ولبسته ..وشلت جنطتي وشلت ..الكارت وطلعت ..
مشيت بلممر ..
وصلت ..للمصعد ..
دادوس ..
اجه نفس الولد صعد ويايه ..
كلبي احسه راح ينفجر ..
وكف وداس الدكمه ..
اني واكفه متت..حر ..وعركت من الخجل ..والفشله ..
بدون ميندار عليه وجهه ع الباب مال مصعد ..
كال اني اسف غلطت برقم الغرفه ..
وشفت الباب مفتوحه ..وطبينه متاسف منج ..
مجاوبت كلشي ..بس اريد ..اطلع متت ..
نزل المصعد ..
رحت يم علاوي ..
والولد راح ..يم .جماعته ..
اجه الكايد ..لمنه وصعدنه بسيارة ..
تمشي السيارة ..ويكولنه ع اسماء الشوارع .والاماكن ..
وكال راح نروح لحديقه الشهداء ..
الطريق كله ..العالم دك وتركص ..الشباب ..
واكو عوائل بس منعزلين ..
حتى سلام ميسلمون والشباب ..بلاخير ..
علي شفته انطلق كل شويه ورايح يمهم ..
كلت شعليه خلي يتونس خطيه ..
وصلنه ..
نزلنه ..
اذربيجان ...حارة بس مو بحرارة العراق ..
والمكان الي رحنه بي عالي ..وكله درج..
نوصل مرحلة كلش عاليه ..والشمس فوك روسنه ..
صعدنه وطكينه صور ..
وشوفنه الشهداء ..
جانت عدهم حرب وي روسيا ..
اذربيجان ..بحدود روسيا وتركيا وايران وارمينيا ..
وطل ع بحر قزوين ..
الاعمار الي بيها مذهل ..شي موطبيعي ابد ..
رغم هيه دوله صغيرة ..وسكانها مو هوايه ..
كملنه وصعدنه اخذنه لمعبد النار ..
الطريق كله ..علي . يم الولد ..
واني وحدي ..
خليت السماعات باذاني ..
وصلنه المعبد ..
قديم ..مبني من الطين ..وكله غرف .
كل غرفه اطبها بيها تمثال ..وكتب ..
شي يخوف..حتى شفت بزونه سودة جوة ..بلمعبد ..
وجان بي مقابر هم ....
كملنه ..طلعنه رحنه للمول ..جبير ..كلش...
بديت اضوج علي عايفني ..ويم الولد ..
طبنه للمول ..
صعدنه فوك نتغدة ..
طلبنه اكل ..
طبعا اكلهم مطيب ..لحمهم زفر ..ولا حبيته بس وجبه الريوك طيبه ..
كتلة علي شو انت عايفني وكاضيها يم الولد ..
راسا كال اهووو بدت رحمه الله تونه جينه خلينه نتونس ..
شبيك اني شحجيت ..
حبي عليج الله لا تخنكيني ..
لا ماخنكك واصلا بعد ماحجي ..براحتك


وللحكاية بقية


لامارا غير متواجد حالياً   رد مع اقتباس
قديم 11-10-18, 08:57 AM   #8

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


الجزء السادس


كضينه اليوم بلمول ..بعد ماكملنه الغدة ..نزلنه نفتر ..
كتله علي وين راح نروح ..
كال خلص للفندق
اباع بلخمسة ..يعني ..الليل كله بلفندق ..نكضي ..
كال
الظاهر هيج..
سالت انت ..الكايد..
اي ..ماكو خلص البرنامج ..
لعد نطلع اني وياك نفتر ..
وين اندل اني ونفرفر..
شوف شلون ندبرها ..
الله كريم
طلبو منه ..نجمع ..
جمعنه ..وصعدنه ..
اول ماصعدنه ..علي راح يم الولد ..واني كعدت ليكدام ..
جانت اكو ام وبنتها ..كعدت وراهم. .
فقدمولي ..كرزات ..تشكرت منها ..
اندارت عليه وكامت تسالني انتي مين ووين ..
جاوبتها ..
المرة حبابه .سالتها ..وين ترحون بليل ..
كالت نفتر ..شوف وين ..نسال ..ونطلع ..
خوش ..احنه هم ..
كالت لعد نطلع سوه ..
بقينه انسولف اني وياها وبنتها ...طيبه و ام طيبه
وصلنه واتفقنه نطلع بليل..انام ونرتاح ونطلع ..
اني بلطريق كل شويه اندار اشوف علي ماخذته السوالف والشقه ..واباع ع ابو للحيه كل مال اندارعينه عليه ..
نزلنه ..
كتله
علاوي تعرفت ..ع هذول العائله ..
اي حبي عادي اريدج تنطلقين ..هيه كم يوم ونرجع ..
وراح نطلع بليل سوة ..
اي روحي ..
صعدنه بلمصعد ..
وصلنه الغرفه ..
طبينه للغرفه ..منظفيها ..ومرتبيها ..
كتلة نروح مو روحي ..
كال مو اني اطلع وي الولد
وين ..نتعشى و نلعب بليارد ..
صفنت ..
عللاوي كلنه سوة ..سفرتنه مو حتى انت تلتهي وي الشباب وعايفني وحدي ..
اهوو بدت ..باعي اول واخر مرة اسافر خوش ..
شبيك انت متكولي ..
شمس دتقيديني ..
بيش قيدتك مثلا ..شو الطريق كلة يم الولد وعيونك مال مطيرجيه شو ماحجيت شي ...
عافني وطب للفراش ..
اني هم بدلت ..
ورحت نمت ..
احس الباب تندك ..
كمت منو ..
اني......... علي وين ..
اباع ساعه ثمانيه ..
راح الوكت واحنه نايمين ..كمت كعدت علاوي كوم ماعرف منو بلباب يريدك ..
كام ..وسد الباب وراه ..
كمت رتبت الهدوم ..
وحضرت ملابس الي ..وطبيت سبحت ..
دقايق وطب عليه ..
شموس ..راح اطلع وي الولد ..
وانتي روحي وي ام البنيه ..
اوكف داحاجيك ..اني ماندل غرفتها ..وين تعوفني ..
كمل بسرعه وطلع ..
مو داحاجيك ...
هسة اسالج عن غرفتها ..
شبيك ..صدك تحجي عايفني وحدي..
شمس هنااا امان ..
اريدج تتونسين ..وهاي فلوس ..تعشي اتونسي يمعودة..
وباسني من خدي وطلع ..
اني بقيت صافنه صدك يحجي ..
سفرة وسفرة حتى يعوفني ..
طكت روحي ..
داقايق ..واجه انطاني العنوان ..مال ام طيبة وراح ..
وعلمني شلون اتصل بيها ..
استحي ..اتصل ترددت ..
اخر شي دكيت ..
يدك ومحد يجاوب ..
عرفت طالعين ..
فتحت الباب مال بالكونه ..يصير مقابيلي الشط بس بعيد ...
وكعدت اباوع ..
وافكر بعلي ..
بعدين كلت خطيه خلي يتونس ..هم محبوس ..
بغداد وشغل ..
هسة اني ..ليش هيج اسوي ..
نزلت جوة حتى اكنك ..واخابر اهلي ..
شفت الكايد ..سلمت عليه ..وكنك الي نت ..
وكنكت وضليت كاعدة جوة ..
اشوف العالم رايجه وجايه ..بس الفندق هادئ ..ومقابيلي اكو بار ..وكاعدين بي شباب ..واكو بنات هم روسيات ..

نضامهم اوربي رغم همه 93%اسلام ..بس ماعرف شلون الاسلام يمهم
بقيت كاعدة اجه يمي ..الكايد يونس ..
كلي ..اختي محتاجه شي ..كتله لا . هيج ضوجه ..ونزلت
سالته اكو اسواق هنا ..مطعم شي ..صارت بعشرة ..
وعلي بعدة ماكو
كال كلشي اكو ..
بهلثناء طبت طيبه وامها .اجوي يمي كعدو ..
هلو ..وينج ..
دكيت عليكم انتو ماكو ..
طلعنه ..
احنه نمنه ..
رجلج وين ..
طلع ..
سالتها تعشيتو ..
ي ..
وانتي
لا خاله بعدني ..
رجلي طلع وطكت روحي ..وحدي ..ونزلت جوة ..
ضلت يمي تسولف ..
اني متت جوع ..
كتلها خاله جوعانه ..اربد اجيب ..عشا
احنه وكاعدين ..
اجه الولد ..ابو للحيه ..
اجه يمنه ..
السلام عليكم ..
وعليكم السلام ..
حجة وي ام طيبه ها ..خوش مكان رحتو اله ..
كالت اي يخبل ..
مروان ..امشي ويانه دنجيب ..عشا ..للبنيه ..
اي تدللون..
اني نحرجت ..
لا بية اكول لا ولا بيه اكول ..اي ..
سالته كتله بدون زحمه علي مو وياك ..
كال اي طلعنه ..سوة ..
بس اني رجعت قبلهم ..علمود ..خالتي ..
اندار يت ع ام طيبه خالتك ..
اي خالته اني ..
اهلا وسهلا ..
اخذنه ..بتكسي ..بمطعم ..
ردت اطلب سفري ..
مقبلو الا نكعد ..
كعدنه كلنه ..
وطلبنه اكل .
اني ومروان ناكل ..
ام طيبه وبنتها طلبو حلويات ..
كملنه ..
وضلينه نسولف شفته حباب ..شويه نسيت الخجل والموقف الي صار ..
كتله ..مروان علي شوكت يرجع ..صارت ب12..
كال هسة يمكن ..جاي..
لعد خلي نرجع ..
رجعنه ..
اباع بصاله ماكو علي ..
سلمت عليهم وصعدت ..
صعد ويايه ..مروان ..
نفس الطابق احنه ..
ساكت محجه شي ..وصلت ..طبيت للغرفه ..ماكو ..
لحد ساعه 2ماكو
ضليت ..الوب ..احس نار بيه ..
شجاه اول مرة يعوفني هيج ..
وحدي ..
ضليت ..احلج ..وي روحي ..
لحد مانمت ..



للحكاية بقية


لامارا غير متواجد حالياً   رد مع اقتباس
قديم 11-10-18, 08:59 AM   #9

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


الجزء السابع


بقيت ماكدرت انام ..يمكن نمت ساعتين ..
كل شويه اباوع عليه ..
كعد لو لا ..
اريد افتهم شجاي يسوي بروحه ..
طلع الصبح ..
كمت ..
وكفت يمه ..طاب بسابع نومه ..
اباع ع ايدة ..اكو ختم ..مال شنو هذا
..معرفت شنو ..هذا ..
ممسوح ..منه ..
عبالي حمرة ..بس مو مال حمرة ..
ضليت اللوب ..
اجيت يمه ..
علاوي ..علاوي حبي كوم دنطلع ..
نايم ..رديت ..علي كوم ..
نعسان ..
خلي نتريك ونروح ..
روحي ماروح اني ..
عزة ..
شديسوي هذا ..
علي كوم ..لا املخ روحي ..
دكوم ..ضليت ادفع بي..
شكووووو ..
شنو شكو علاوي شبيك حبي ..
كام ..
مابيه شي نعسان ..
ولسفرة
روحي انتي ..
وانت ..
انام ..
علي مو حاله هاي ..
شصار ..
ابد بس جيت شارب ..البارحه بلاربعه الفجر..
ماكو هيج ..
شنو ماكو اني شميتك ..
اصلا بلوحدة اني بلفندق وادك الباب وانتي نايمه ..رحت يم الولد ..
وضليت ادك كل شويه ..
تاليها مدري ساعه بيش فتحتي ..
لا بربك ..
اي ..
ماكو هيج اني سهرانه وانتظرك ..لاتكذب ..بديت اتعصب ..
لان الليل كله انتظرهه..
اووف ..اووف ..
صار عصبي ..
طفي الضوة اريد انام ..
متنام ..كوم ويايه ..نطلع ..
ماطلع لا تلحين ..
خرب ..شبيك حبي ..كلت ماعصب خلي هادئه حتى افتهم ..
شموس والله نعسان ..
عفته ..
اوف ياللهي شداسوي اني ..ماروح اضل يمه احسن ..
مدري شديسوي هذا ..وهاي البلد فاسدة ..
لا يروح مني الرجال ..
بدلت .ونزلت ....
شفت اصدقائة ..موجودين ..ديتريكون ..ضليت بشك ليش بس هوة نايم ..
ضليت كاعدة ..وحدي شفت ام طيبه سلمت عليها ..
كالت ..ها حبي شبيج ..
خاله ماكو شي ..
بس رجلي ميريد يطلع ويايه ..عيوني دمعت ..
هاي شنو يمعودة ..
جايه تتونسين ..لو تنقهرين عوفي ماما لا تلحين ع الرجال ..خلي وانطي الثقة ..ميطير ترة ..بس بحصرتج اله يمل ويضوج ..
يعني شنو ..اعوفه واجي وياكم ..
اي تعاي عوفي ..
ماعرف ..
دتعاي تونسي خليها حلقه باذنج ..لا تضغطين عليه ..
كملت ..
وصعدت فوك ..شفته نايم ..اجيت يمه لعبت بشعرة ..
حبي علوش ..
نايم ..اني احبك ..لاتخليني بيوم ..اكرهك ..
كلبي محصور وضايجه ..ومخنوكه واهس السفرة طلع من عيني ..
ماروح انتظرة يكعد ونطلع اني ويا ..
دكو الباب عليه كتلهم ماطلع ..فصار حجي بلباب ..
دمشي يمعودة ..
لا خاله اضل هنا اشوفه شبي ..
كعد علي ..
شمس ..شمس..
نعم علي ..
لحضه خاله ..
رحت يمه شكو ..
ماكو بس ديكولون امشي ويانه ..للسفرة ..واني ماروح علمودك..
لا روحي حبي ..
ماروح ابقى يمك ..
دمشي المرة بلباب ..
رحت عليها ..خاله ماروح نطلع اني وياه ..
بكيفكم بعد ..
رجعت يمه ..
ها ..مرحتي لا ..
دروحي ..اني ابدل واطلع ..
وين ..
دنروح للحمام ..
ياحمام ..
مال رياجيل ..
علي ..دشوف نفسك ..اني وين ..بين طلعاتك ..
ضجت من هلسفرة اريد ارجع بحضنك ..اختنكت ..بدونك وحضنته ..
شبيج شموس مو يمج اني ..
لا مويمي وينك ..
صار يومين تغيرت عليه ..بكلشي ..
لا حبي ..بس استغل الوكت ..واطلع ..
اني اسف ..عفتج ..
يلا كومي روحي ..
انداريت عليه ولا يمه ..السالفه ..
ماروح اريد اجي ..وياك ..
وين ..
ماعرف
بابا حمام بس رياجيل ..
ماطلع ..الا وياك ..
اووو شمس شكد تدلعين ..
اني هم سويت نفسي زعلت ..
كتله خليك اهنا اني رايحه ..
واخذت جنطتي ونزلت ..
بعدهم رحت صعدت ..كعدت وحدي ..هسة يجي هسة يجي ماكو ..
لا ميكدر ع زعلي ..هسة ..يجي ويضحك الي ..دبدوبي لا زعلين ..
اني بنته ومرته ..
ماجه مشت السيارة وماكو هوة ولا بين ..
يبو. شجاني ورحت لو باقيه يمه احسن ..
اني ادري شديسوي بروحه..
خليت السماعات ابذني واسمع اغاني ..
وبالي يمه ..
اجتي يمي ام طيبه ..
ها شبيج يمعودة ..
ام طيبه تطلع اربعينيه ..موظفه وبنتها ..طالبه ..كليه ..
كتلها ماكو شي ..بس ..ضايجه ..علمود وحدي ..
لا تهتمين ..ماما ذولي الرياجيل هيج متعرفي شيريد ..
اجه مروان هم ..
كعد كبالي وندار يسولف ..
اريد اسال مروان وين يرحون الولد بس استحي من خالته ..
كتله انت سهرت وياهم البارحه ..
كال ..
ها اي ..
وين ..
نلعب بليارد ..
وشربتو ..
لا اعوذ بالله ويضحك ..
احجي الصدك ..
لا يمعودة ..
وصلنه ..لبنايه ..زها حديد ..مسويتها بنايه ع شكل توقيع رئيس الجمهوريه مالتهم وهوة متحف بلاصل ..
وصلنه نزلو الكل ..اني نزلت وكعدت جوة اكوحديفه ..
طبي ..لا ماريد ..
خاله روحو انتو اني اهنا ..
مروان مطب ..
كتله روح ..
كال لا شلون اروح وانتي وحدج واحنه بدوله غريبه ..
بقيت صافنه عليه ..
بلا هذا الغريب هيج يفكر ورجلي ..عايفني ..
ضل واكف يمي ..
كتله عفيه كولي رجلي..وين يسهر ..
لاتخافين بيناتنه شباب ..
واليوم وين ترحون ..
ماعرف ارجع ونشوف ..
لعد كال ترحون للحمام ..
اي ..همه يرحون واني جيت وياكم ..
شبي الحمام ..
شنو شبي ..
بي تدليك وساونه وهيج ..
اها وبنات لو ولد بي ..
مجاوب ..
مو داسالك ..
ماعرف ..
عفيه اريد ارجع ..
تكدر بس اجرلي تكسي واني اروح ..
ليش ..شبيج ترة ماكو شي ..
لا ممرتاحه ..
احس ع اعصابي كاعدة ..
اوك ..امشي ..
صعدت جبت جنطتي من السيارة ..وراح هوة كلهم ..
راح ارجعها ..
واجر الي تكسي ..
صعدنه ..
كلت بله شراح يكولون عليه صاعدة وي رجال غريب ..
بس ولو هنا مدري شبيها العالم ..
عبالك ..باريس ..واني لحد هسة كلشي ماشفت منها ..
بس لبسهم مقزز .مومعقول ابد ..ودوله اسلاميه عود
صعدنه ..اني ساكته ..
وهوة سالني ام منو انتي ..
كتله شمس مو ام احد ..
عاشت الاسامي ..شمس ..لا تخافين ترة رجلج محد يبوكه ..
فتنه بشارع ..لمحت .علي ..ظهره ..
من بعيد ..
صرت قريبه اباوع هذا علي اي ..
ويا وحدة ..عبرو الشارع من يمي ..
درت راسي ..كتله هذا ..علي ..
وكف التكسي ..اوكف .هنا ..




للحكاية بقية ..


لامارا غير متواجد حالياً   رد مع اقتباس
قديم 11-10-18, 09:01 AM   #10

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


الجزء الثامن


وكف التكسي ..هذا علي ..
ولك علي ..علي ..طلعت راسي من الجامه ..
شبيج شمس ..
شنو شبيه شفت علي ..وي وحدة ..
لا غلطانه ماكو هيج ..
شنو ماكو وكفها ..
عقلي وكف ..كمت افتح بيدة الباب بس مقفولة من السايق ..
وكف السيارة ..
السايق ضل يسال شبيها ..ماعرف شيحجي عقلي مو براسي وكفنه نزلت ..ركض بعد ماجتازينه مسافه طويله ..
كمت اركض محاسه ع روحي ادور عليه ماكو ..
اجه مروان يمعودة شبيج وين رايحه ..
تعبت كمت ..الهث ..
اني شفته بعيوني لعلي ..وي وحدة ..
ماكو هيج ..تتخيلين ..
خر ب لا تخبلني ..
اوكفي هنا ..طب جوة ..بمحل وطلع ..جاب مي بس اتاخر شويه ..
غسلي وجهج ..شربي مي ..سمي بسم الله ..شجاج ..
ماكو ..
اووف ربي وين اروح ..سفرة الكشرة طلعت ع راسي ..
امشي ارجعج للفندق ..
مارجع اريد اشوفه وين ..
وين تلكي هنا ..
ماعرف

شمس علي بلفندق ..
لا شفته بعيوني عبر ..شنو ..ماعرف رجلي ..
امشي..
مشيت وياه ..وابجي ..
استغفر الله هسه انتي كلبتيها عزة ..منو يكول هوة ..
الظاهر الفندق قريب ..لان مشي اخذني ..
وصلنه..صعدت ..
للغرفه ..
بلمصعد مروان يكولي ..
اعصابج يمعودة مو داكولج موهوة دطبي للغرفه وشوفي ..
رحت ركض ..
طلعت ..الكارت فتحت الباب ..
شفت علي نايم ..
عزة ..
شنو تخبلت اني ..
والله شفته بعيوني ..
كعدت يمه كمت ابجي ..
علي كوم ..
ها شموس شرجعج ..
رجعت ..
اريد ارجع
وين ..
لبغداد ..
راح اتخبل ..
شكو شصار
مصار شي ..
رجعني لبغداد .كاتحمل بعد ..
شبيج ..حبي ..
وحضني يمه ..
بقيت ابجي ..
كتلة عقلي راح يطير مني ..
شميت ريحته كلها. .عطر ..
كمت كتله طلعت انت منا ..
لا ابد ..
كمت .دورت ..هدومه ..
جرني شبيج ..
ماعرف ..
وخرت الغطه عنه ..
كتله سابج انت ..ومتعطر ..
اي ..
وراج تريكت وسبحت ..
علاوي رجعني ..
حبي ماكدر الا تخلص ..المدة ..
ماريد ابقى هنا ..
انعل ابو هيج بلد فاسد ..كرهته ..
شبيج ..
ضل يلعب بشعري ..
حبي كومي غسلي وجهج ..تعبانه انتي ..مدري شجاج ..كتلتي روححج ع السفرة وهسة رجعني ورجعني ..
دنلعب احنه ..
كمت طبيت للحمام ..
شفت ذاب هدومه مال البارحه ....
ذابهن ..
جريتهن داغسلهن ..
حتى لاتتكوم عليه اغسل بس الداخليه والباقي ..ادزها غسل وكوي ..بلفندق ..
فتحت المي ..
اشوف ..شي بهدومه ..
مو طبيعي كل مرة مزوجه تعرفه ..
اخذته وطلعت عليه هااي شنو ..
علي ..
شنو ..
هذا احجي ..تعرف شداقصد ..
شمرته بوجهه ..
ولك صار يومين هنا شبسرعه ..
خنت مداعرفك منو انت ..
ولك اصحى ..
لا ضيع روحك وضيعني وياك ..
اقسم بالله انت الي شفتك وي وحدة ..ولك مداتخيل . شجاك ..
ماكو شي ..هاي ..شي عادي ..مواله صار شي ..
عادي ..
خوش ..لعد اقابلك بلمثل ..
شتقصدين ..
مثلك اصير واعيش بحريه .وكانما الله بس بلعراق موجود ..
انت مدتحس بنفسك ..
كاظيها شرب وعربدة ..
الله لا يوفقك..كرهتني بسفر ..
شمس حبي ..
ماكو شي ..
اجه يمي ..
لزمني وخر عني ..
ولج شبيج اني علولج ..
شكين بيه ..
ماكو شي ..
صدكي ..بروح ابويه احبج ..
كعدت بلكاع ..حسيت بدوخه ..
اني هم احبك ..واموت عليك ..
لاتذبحني بايدك ..
لاتخلي ..الكرهه يدخل بينه ..
صار 3ايام هاملني ولا كانما موجودة بحياتك ..علي مداعرفك ..
حبيبي وحضني ..احس نفسي ضايعه ..بين اصدكه وبين لا ..
ماريد اخسرهه.هذا اعز من روحي ..
ولك اني بنيتك ..نسيت ..
ضل يبوس بيه وبايدي ..
ماكو شي طلعي هلافكار من راسج ..
كومي حبي ..
اني قصرت وياج ..عفتج ..
بس كلت نتوس ..هيه كم يوم ..
احس ..كلبي مامرتاح ..
حاول يقنعني بس ماقنعت ..
بكلامه ..
ماريد اخسرك افهم ..
تحديت الكل ..وزوجتك ..
ولك اول هدة تخون ..
اني اغار عليك من نفسك ..من امك ..من هدومك ..مو تخوني ...
اهوووو داكولج ماكو شي لا تلحين ..
راح اطلع اجيب زقنبوت ..
عافني وطلع ..
اكثر شي كرهته سفرتي ..ماشفت منها شي ورجلي ديضيع مني ..
اجه ورة مدة ..كال ..حبي ..حضري الجنط راح ..
نروح .
وين لبغداد ..
لا ..لجبلا (قبلا)
غير محافظه نتغدة ونروح ..
علي اريد ارجع ..
اوف شمس شجاج ..
مكدرت اكل شي ..بس هوة اكل
سكتت..حضرت هدومي وغراضي ..
وطلعنه ..توجهنه لجبلا ..
تبعد عن باكو ..4ساعات الطريق كله ..كاعد يمي ..
بس كارهته ..
قلبي يكول ..اكو شي ..
كلامه يكول ..لا ..


للحكاية بقية ..


لامارا غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 06:41 PM



Powered by vBulletin®
Copyright ©2000 - 2024, vBulletin Solutions, Inc.