آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
28-07-19, 05:00 AM
| #31 | ||||||||
| مراقبة عامة ومشرفة منتدى الروايات المنقولة  
|  الـبـارت الـثـامن عشر قـراءة ممتعة عزيزاتي الــخُـبـر - جـامعة الملك فيصل قـسم اللغة الانجليزية بقاعة الانشطه مزدحمه بالطالبات ازعاج ونقاشات وبروفات.. صوت البروجكتر والسماعات المشغله لقروب من الطالبات يجربون البروفا والاستعداد لتدشين مشروعهم التطوعي وكل قروب جماعي منشغل بمشروعه القاعه كبيييييره وبرودة التكيف تتسلل برعشه لـ اجسامنا بدون استئذان .. رفعت قلم الرصاص المرسام وسندته بدقنها وبتفكير : هذي فكرتي رايكم فيها ؟؟ نجود وهي تسحب الدفتر من يد ندى وتقرأ المهام الي وزعتها ندى عليهم بصوت عالي بعد ماانتهت : حلوووو جميييل منجد ندى تفكين ازمات بوقت الانشطه يقفل مخي ندى بنعومه رفعت شعرها الاشقر الرمادي : هي فكره حلووه وكون لنا الاختيار بـ ارباح البازار تكون مصدر تجاره لنا او تطوع لجهة من الجهات الخيريه نتبرع فيها نجود : انا اقترح يكون المبلغ اسهم خيريه بكفالة الايتام رايك دلال؟؟ دلال بعد صمت : اتفق معكم يكون لنا عمل خيري افضل من المبلغ الي بيكون ربحي لنا وبيضع وفايدته اقل ندى: تم اكلم السايق وبننزل اليوم نجهز للمشروع نجود: نتفق المغرب لانه الوقت الوحيد الي نكون فاضين فيه دلال : انا ماعندي مشكلة فاضيه متى ماتبوني البس عبايتي واطلع قطع عليهم الحوار وحده من الطالبات .....وبسخريه /اوووه ندى بقاعة الانشطه ؟؟ ندى بغرور / ليه طايحه من عينك ..../ ههههههههههههههههههههههههه ههههه وبعد ببازار تطوعي !! نجود بعصبيه : اقول اذلفي لاحوسك هنا جاية تطقطقين انتي ووجهك ......./ ههههههههههههههههههههههههه ههههه والله اشكالكم مو اشكال تطوع ندى تقرب منها رفعت يدها قبال وجه البنت وبتهديد : واضح جايه تدورين مشاكل لكن مااخليها بخاطرك سحبتها من طرف تشيرتها ناويه تطلعها من القاعه وتبدا ضرب فيها الطالبه نفضت يد ندى وبعصبيه : يدك ذي لو ارتفعت مره ثانيه كسرتها دلال توقف وتقرب منهم وتبعد ندى عن هالبنت وبنظره قويه : ابعدي عن ندى وتوكلي على الله واطلعي نجود بتهديد : شوفي يـ انتي تحملي الي يجيك داخله بشرك يالملسونه البنت بقهر : شكلكم مضيعين جامعة البنات بالله الاشكال ذي اشكال بنات !! نجود عصبتت اكثر تقدمت وغرست اصابعها بشعر الطالبه وشدته بقوه : جامعة ابووووووك يومك تتطاولين علينا ؟؟ !! يـ الـ##### وشدتت اكثررر على شعرها لحد ماحست انه تقطع بيدها دفعتها بقوه على الارض وبصراخ: ماطحتي الا بيدي والي خلقني ماابرحمك الطالبه شهقت برعب وحطت يدها على شعرها ولعنت نفسها على اللحظه الي حارشت ندى فيها وبقهر نطقت وهي توقف وتهجم على نجود : قطعتي شعري يالـ#### شدددخلك انتي كلامي مع ندى شدددخلللك ندى ودلال يحاولون يبعدون نجود عن الطالبه لكن بنفس الوقت عاجبهم الوضع لان الطالبه الي بدت وتستاهل الي يجيها نجود ماتركت بوجه الطالبه مكان سليم خمشت وجهها وشدددت على شعرها بقوه انفلتت الطالبه وطاحت ع الارض انحنت نجود بتضربها لكنها انسحبت من يد قويه الامن النسائي بصوت عالي : ايش قلة الادب ذي بزران انتم ؟؟؟ قدددامي بسررررعه ! نجود تتنفس بقوه و بقهر: هي الي بدت ندى بعصبيه : معليش بس هي الي غلطت علينا الامن : كلامي واضح قلت قدامي كلكم طلعوا من قاعة الانشطه بعد مااخذت ندى شنطتها ودفترها وصاروا يمشون وراء مشرفه الامن نجود برفعة حاجب : حلو وطلعت تعرف اسمك ندى بحلطمه : يعع الله يقرفها وش تبي مني دلال بخفوت وهي تهمس لصديقاتها : ذي الامن وين بتاخذنا ؟ ندى بنرفزه : لجهنم وقبل دخولهم عند مكتب مشرفه القسم بلعوا ريقهم بخوف من الدكتوره الشديده والي كانت مشهوره بعصبيييها وجلافتها مصدر رعب عند الطالبات ندى لفت لصديقاتها : انا الي بتكلم ناظرت بنجود : رجاء نجود ابلعي لسانك لان لو تكلمتي بتتكلمين بقلة ادب وعصبيه و بتحقد الدكتوره علينا وهالبنت دواها عندي وربي لخليها تندم على اللحظه الي انمد لسانها علينا. زفرت نجود بطفش من تهديد ندى لها لكن صادقه لو بتكلم بـ اجيب العيد وبسب واشتم وأقل ادبي على الفاضي اترك هالمهمه لـ ندى لان ندى طبيعتها بالحوار حلوه وبهدوء تكسب الطرف الآخر بصفها وتخرج من المشكله وهي رابحه القضيه دايم ندى هي الي تحل مشاكلنا كوني انا ودلال مصدر المشاكل و ندى تدخل بمشاكلنا فقط لصالحنا والحل بيدها .. تنهدت نجود ولفت لندى دخلوا المكتب وقفلت ندى الباب لانها اخر الي دخل من الطالبات دارت بعيونها واستقرت بنظرها على الطالبه الي مجرد مالمحت ندى نزلت راسها برعب ابتسمت ندى بشماته ولفت تناظر بالدكتوره الي نطقت : ايوووا ايييه المصيبه الي طحتوا بيها ؟؟ ندى بهدوء تحاول تمتص غضب دكتورتها وبـ ادب نطقت : كيف حالك دكتوره الدكتوره تاخذ نفس وهي تريح ظهرها ع الكرسي الدوار : الحمدلله بـ احسن حال حركت نظارتها الكبيره باطارها الاسود وبـ استنكار: انتي ندى ؟؟؟ ايييه المصيبه يابنتي انتي عامله ايييه؟؟ لا لا مششش انتي ياندى انتي بنوته رقيقه اوي مستحيل بتشدي شعرها وتخمشي وججها ندى ابتسمت من حسن حضها ان الدكتوره مروقه وتعرف ندى لانها كانت طالبه من طالباتها المتفوقات بيوم من الايام وندى مشهوره بسلامه لغتها ونطقها للانجليزية والفضل يعود لـ تربيتها ببريطانيا لانها من ام بريطانيه ومن الصعب نسيان الدكاتره لها : تمام دكتوره بوضح لك الي صار تسمحين ؟؟ : ااه تفضلي حبيبتي بدت ندى تشرح للدكتوره الي صار من البدايه لحد ماوصلت لهنا مررت دقايق من دخولهم ونقاشهم انفتح باب المكتب وخرجت ندى وعلى وجهها ابتسامة نصر نجود ودلال وراها والابتسامه واصله لعيونهم ندى : تستاهل الي جاها دلال مبتسمه : وتكذب بعد شفتي كيف تتبلاني نجود بضحكه : شافتك طول الوقت ساكته رمت الحكي عليك ندى : بردت قلبي الدكتوره وهي ترمي الاوراق عليها توقع على التعهدات دلال : فصل يومين نجود بشماته : ههههههههههههههههههههههههه ههههههههههههههه ماتوقعت انها بتنفصل يومين ندى: والله مو سهله يانجود اعدمتي وجهها دلال مستمره بالضحك : شعرها منفوشش رحمتها ههههههههههههههههههههههههه هههههههههه ندى تبتسم على ضحكه دلال :ايوا نرجع لمشرفه الانشطه ونسجل اسماءنا محتاجين درجات والله دلال : منجد محتاجين نرفع المعدل نجود: بيرتفع باذن الله انا عندي امل ندى تناظر بالتغير الي ظاهر على صاحباتها وهالاسبوع همهم الوحيد الدراسه وحست بنشاطهم وحماسهم للبازار التطوعي ومحاوله كسبهم للدرجات ومنها اجر بعمل صالح ينفعهم بالدنيا والاخره ولـ اول مره دلال ونجود يتحمسون للدراسه ماتنكر ندى ان صاحباتها من كانوا بالمتوسط والثانوي من الاوائل ومن ضمن المتفوقات دراسياً لكن من ثاني كورس بالجامعه خربوا ونزل مستواهم الدراسي كانت ندى الي من بينهم همها الوحيد الدراسه ومازالت مجتهده ومتفوقه وجميع الدكاتره بالجامعه يحبونها ويحترمونها بسبب اجتهادها دراسياً دخلوا وكل طالبه سجلت اسمها وحجزوا ركن وبـ يبدا التنسيق والترتيبات استعداد لـيوم الحفل التطوعي والي بيكون الاسبوع القادم .. ————————————- تسللت بخفه وفتحت غرفته من غير استأذان مالت بجسمها ودارت بعيونها تناظر المكان الغرفه محاوطها الظلام الا من نـور خفيف يتسسلل من الشباك دخلت بخفه وتسكر الباب بقوه مصدر صوت قوي شق هدوء المكان عضت على شفتها وبفشله وهي تناظر بعيون سامي الي تحرك جسمه حتى يجلس على سريره مبعد الغطاء عنه وبعصبية نطق بعد ماشغل نور الابجوره واتضحت له رنــا : نعممم اختتت رنــا شفيك داخله من غير احم ولا دستور رنـا بخوف : سـامي لا اقصد كنت ابيك بموضوع وبعدين انت مو مقفل الباب سامي يرجع جسمه حتى ينسدح : مو شغلك اذا بقفله او لا اطلعي دام النفس طيبه عليك شهقت من اسلوبه: خيييير وش سويت لك انا؟؟؟ سـامي بتعب : لا ماسويتي شي يالمحترمه!! طارت عيونها : سامي ترا الي سويته لمصلحتك ابعد االغطاء عنه ووقف وهو جاي لها شكله مبهذل خصلات من شعره متناثره على جبينه : لمصلحتي؟؟ بس انتي زدتي عذابي عذاب ! رنــا تتجاهل كلامه : طيب وش صار بالضبط ؟؟ سـامي عصب : اطلعي بسسرعه رنــا: طيب شفيك كذا هذا جزاتي سامي صرررخخ : اطلعيييييي ولا لك دخلل الي سويتيه مايرضي ربي ولا يرضيني الي سويتيه غلططططط ماتفهمين رنــا انصدمت : شف منو قاعد يتكلم عن الغلط مو انت نطيت مجرد ماقلت لك انها بالحفل ولا قول الشيطان لعب براسي ورحت قابلتها وبحده : شفتها وشبعت منها وطاب خاطرك وقمت تصرخ علي وبحده اكبر : انا وين ربي بلاني فيكم بعد عن طريقي شاد على قبضه يده وعروقه بارزه من الغضب سحب اخته من طرف بجامتها وطلعها من الغرفه وقفل الباب بوجهها تجاهل صراخها وضربها للباب زفر بهم وتذكر احداث ليلة البارحه هو من شافها وكل خليه بجسمه تنبض شوق وحب لها رعشه سرت بجسمه وانهكته حد الاعياء .. رجع لسريره وانسددح بـهـم ناظر بالسقف ببعثره ريحة عطرها ، ،نظرة عيونها وااه من عيونها ، ربكتها وصوتها المتقطع نبضات قلبها لحظه ماضمها لصدره واعدم المسافات بينهم، رجفتها وسبها وشتمها له كل لحظه وكل حركه من حركاتها لاعبه فيه اخذ نفس عميق يهدي توتره مجرد ماينعاد الموقف الي صار بينهم يتوتر اكثر ويبدا الحنييين لها يزيد وحب التملك الي يجتاحه مجرد ذكر اسمها يتفجر بداخله يحسها تنتمي له تنتمي لعالمه الخاص تنتمي لـقلبه حقد على رنــا لانها زادت عذابه عذاب لكن بداخله وده يبوس راس اخته ويشكرها لانها حركت شي ساكن جواته شي كاد انه يتلاشي ويموت حبهااا الي سكن بقلبه قدروا يخمدونه قدروا يبعدونه عنها يقولون رفضتك.. يقولون بتتملك.. لكن هو مو مصدق هالشي كلام امه ولا هو بمكذب امه لكن يشك بمصداقيته زفر بهم ابوه مسافر هاليومين ينتظر منه يرجع ويخطبها له رسمي هو وعدها انها بتكون له وانه بيتقدم لها لكن في كلامها شي غريب تقول انها ماتستاهلني .. تقول اذكرني بخير .. ضربت كلامها بعرض الحايط ولا اهتميت فيه .. وين يجيني الخير وانتي بعيده عني فتح ازارير تشيرته بنتظر الوالد يوصل واخطبها من ابوها واخوانها كلام النسوان ماعاد لي حاجه فيه لو يرفضون لـ اجيب شيوخ القبيله كلها واطلبها ثانيه وثالثه ابتسم وهو يتخيل نفسه يطلبها من ابوها يوافقون عليه يتم كل شي تصير حليلته اتسعت ابتسامته اكثر والله لهرب فيها بـ اخر مكان بالدنيا ابيها لي لي انا لحالي ماابي يشاركني بلحظاتي معها احد والله انها دواء القلب وروحه .. تذكر مكالمته مع ابوه الصباح وبدا يسرد له الموضوع انه بيتقدم لـ جيهان رسمي ويطلبها ابوه وعده اذا رجع بيروح معه ويخطبها له لف بجسمه على جهة اليمين.. النوم يتسلل لعيونه قرا اذكار النوم وراحح بعالم خاصه فيه .. عالم مافيه الا محبوبته جــيــهـــان لقيت روحي بعد ماانا لقيتك بعد اللقى ارجوك لا لا تغيبين صعب علي ابقى وانا مانسيتك احساسي كني بين ربعي غريب —— جيهان وجوالها بـ اذنها تكلم فـوز الي تشرح لها كل الي صار معها من بداية طلعتها لـ فيروز جارددن لحد مااوصلت لبيت جدها طالعه من المستشفى جيهان تسمع وهي معقده حواجبها من الي صار بـ فــوز ماتوقعت ولا واحد بالميه يصير لها الشي والي مستغربه منه اكثر وقاحه هالرجل الي تهجم عليها كانت بتضيع لكن ربي ستر .. والي فهمته جيهان من هالموضوع حسب كلام فوز لها ان الي آذاها زوج صاحبتها الجديده!! وبصدمه نطقت : كل هذا صار لك وانا مادريت ؟؟! يعمررري يـ فـوز فـوز وهي بسريرها مسحت دموعها الي نزلت وهي تشكي لجيهان : شفتي كيف؟؟الهم الوحيد زوج روادد !! تعبت افكر في الي سواه احيان اقول اكلم هادي بالموضوع وبعدها اتردد انتي مستوعبه ان محد يدري بالي صار بس انتي !! جيهان تاخذ نفس: لا لا انتبهي لحد يدري طيب وش قلتي لجدتك ؟؟ : قلت لهم اني طحت من الدرج ومشت عليهم جيهان : حمدلله ع سلامتك لاتشيلين هم الحمدلله جات على ذي ولا غيرها والله سالفتك سالفه صحيح خفت منه وتصرفه يخوف لكن انتي حاولي تبعدين عن رواد وهالموضوع قفلي عليه لايطلع فـوز : هالاسبوع بتغيب عن الجامعه اخذت اعذار و رواد ماتدري عن شي مالها ذنب ذنبها الوحيد انها زوجته !! جيهان انتي ماشفتي الحسره الي بقلبها منه تقول انه معذبها وتقول انه هو اهلي منجد انا رحمتها شخص قاسي وقلبه حقود انا طولت لساني معه وضربني وكسرني ماله حق يسوي الي سواه حسبي الله عليه وش مسوي بزوجته والله رحمتها جيهان: الله يكون بعونها هو نفسه المز الي ارسلتي صورته بالقروب ! كشرت فـوز بقرف : انا وين عقلي لما اخذه الـحـقـ### لاتغرك المظاهر هو وسيم ومـز لكن حقودد ومعذب روادد حسبي عليه .. جيهان : مو من عقلك من قلبك الاخضرر فــوز : مشكله قلبي يحب الحلوين معلينا من هذا كله انا تعبت نفسيتي من السرير اشتقت للجيم جيهان ضحكت : يا ذا الجيم الي مو راضيه تتركينه اصحي ترا والله مافيك دهون مااشوف الا هيكل عظمي ناشف شهقت فـوز : حرام عليك باقي انزل 3 كيلو واوصل للوزن المثالي جيهان : بس انا اشوف وزنك كذا تمام الوزن المثالي لعارضات الازياء مو لك فـوز : والله بكيفي انا احب اصير عصله جيهان : ههههههههههههههههههههههههه ههههههههههههههه احلى عصله والله فـوز : يالبى الا قولي لي اخبارك تنهدت جيهان : اخباري؟؟ وش اقول وش اخلي يـ فـوز تعبت نفسيتي فـوز : جيهان انتي مكبره الموضوع وافقي ع مشاري وانسي حبك القديم خلاص انسي لو فيه خيير تقدم لك لاتقولين غير موظف لا ياماما في شي اسمه خطوبه اذا هو مايبيك تضيعين من بين يديه يكلم ابوك ماله عـذر وشوفي ترا جالس يلعب عليك واخته ذي لو فيها خيير بقت معك مو تتخلى عنك وتتحاشاك بعد ماعلقت قلبك فيه جالسه تلعب على حبلين شوفي موضوعك هذا منرفزني وانتي الضحيه ! جيهان ماخبرتك غبيه كذا وتاركته يلعب بمشاعرك الي مثله ينعاف والله ينعااافف معليش بس قهرني وانتي مو راضيه تنسينه والله لو بينكم طلعات وهدايا وكلام ورسايل غراميه بعذرك لكن انتي حبيته من اخته واخته الي صايره بينكم حمامه زاجل منجددد تقهررر اصحي من الي انتي فيه جيهان : بلاك مادريتي وش صار!!! فـوز باقي متنرفزه : قولي وش ؟ جيهان تنهدت : شفته بـ حفلة المهندسين فـوز بعدم فهم :!!!!!! جيهان تكمل وتسرد لفوز الي صار من لحظه مااعطت امها خبر موافقتها على مـشـاري وحظورها لـ الحفل ولحظه ماشافت سامي بفندق الحفل فـوز مطيره عيونها بصدمه من الي تسمعه تحس انها بحلم : جيهاااان وش قاعده تخربطين انتي !! جيهان بعبره : والله شفته اخخخ ياقلبي يافـوز فوز بعصبيه : الي صار لك اذا طلع اذببحك يابنت انتي وش فيه عقلك والله لو يسمعك سطام اخوك يقبرك ويشيع جنازتك جيهان بحسره : خلاصصص فـوز الي فيني مكفيني لاتعاتبيني انتهى كل شي انتهى !! فـوز تحاول تمسك نفسها : وش الي انتهى انا لو قبالك علمت على خدك بكف عشان تصحين ! وشش الي انتهى ؟؟ جيهان وصوتها تهدج من البكاء : بيحددون موعد ملكتي بصير زوجة مـشـاري فـوز قلبي يوجعني احسه بـ اي لحظه بيوقف ..التفكير اهلكني والله مافيني حيييل احس همي جبل على ظهري مافيني حمل للهموم مافيني فـوز حست بضيق من كلام جيهان وحزنها : يعمرري ياجيهانوه الي كاتبه ربي بيصير ارضي بالواقع هذا نصيبك الله يوفقك ويسعدك ويطمن قلبك خلاص بتصيرين حـرم مشاري انسي اخو رنــا جيهان بصوت مخنوق : بهالسهوله ؟؟! يمكن لو ماشفته بنسى لكن بعد الي صار البارحه مسسستحيل انسسسى فوز تتنهد : لاتقولين مسستحييل بتقدددرين جيهان لاتضعفين حاولي تكونين اقوى من كذا اشوفك يوم عن يوم تذبلين قاطعتها جيهان بعبره فـوز بقفل باي فوز بحزن على حال جيهان : استودعتك الله قفلت جيييهان ودموعها مبلله وجهها سحبت مخدتها ودفنت وجهها فيييه اعتلت صوت شهقاتها بكت بحسسسره نامت وهي تندب حظها العاثرر —————— مـــشـــاري صحى من نومه طوويله سحب روب الديشانبور دخل الحمام ياخذ له شور ويريح راسه.. خرج من الحمام وهو يشد على حبل الروب شعره مبلول ومتناثر بعشوائيه على جبينه اخفض من برودة التكيف سحب علبة المويه وشرب منها اخذ حبتين بندول واكلهم الصددداع ملازمه مو تاركه يرتاح لبس لبسه ومشط شعره ورجعه على ورا رش من عطره المفضل وغرق نفسه فيه اخذ مفاتيح سيارته ولبس ساعته السودا سحب نظارته الشمسيه من جفينشي وثبتها على طرف التيشيرت نزل متوجهه للصاله بيتقهوى ويفطر على نزوله سمع اصوات الزغاريددد عقد حواجبه خالاته وامه و خواته ناظر بـ امه بصدمه !! خالته بفرحه صادقه بعد مازغردت : مبرووووووووك يـ عريسسس تعالت التبريكات بعدها من امه وخواته مـشـاري بصدمه : وش صار؟؟؟ ام مشاري : جيهانوه ردت موافقتها ووافقت عليك مشاري فهى بصدمه : هااااه : يمه انتي صادقه ؟؟؟ ام مشاري : والله صادقه عمك كلم ابوك اليوم يقول له بنته وافقت عليك استوعب كلام امه حضنها بفررررحه وابعد عنها سجد سجدة شكرر من اعماق قلبه ابتسم من قلبه بفرحه وهو يحك جبينه بـ احراج : احممم الله يسلمكم خالاته وخواته يباركون له بفرحه من فرحته : الله يوفقك يارب سلم عليهم ورفع جواله الي يرن ابتسم بعد ماقفله : الوالد يطلب حظوري رفع يده بعد ما باس راس امه : فمان الله طلع والدنيا مو سايعته يحس نفسه بحلم ماهو مصددق واخيراً وافقتي يـ جيهان دخل مجلس الرجال ابتسم من قلبه وسلم على راس ابوه الي بارك له واخوانه وعيال اخوانه الي يباركون له وفرحانين من فرحته جلس بعد ما نزل فنجان القهوه : يبه الله يطول بعمرك بـملك بـ اسرع وقت! ضحكوا اخوانه حمد اخوه: ولدد علامك مستعجل اهجد مشاري مو مصدق : والله يااخوك خايف انه حلم واصحى منه ابو مشاري: البنت لك لا تخاف لكن فحص قبل الزواج بيطول ! حمد : يبه في عياده الـ*** تحاليل الزواج يخلصونها بيومين مشاري: كفووو يااخوي بفحص الحين ضحكوا على حماسه : الله يتمم عليك ابو مشاري: بكلم ابو نوااف ياخذ بنته الصباح وبعد ماتجهز التحاليل نكلم الشيخ يعقد قرانهم الولد عنده سفره والوقت يمشي لزوم يملك حمد وقف : الله يوفقهم باخذك معي للعياده جاهز؟ مشاري وقف وهو مبتسم : قدددام حمد : قم البس لك ثوب مشاري يضحك : ياولد بكشششخ ! الكل : ههههههههههههههههههههههههه ههههههههههههههه حمد : يبه الولد استخف مشاري : الله يلوم الي يلومني حمد : قم قم محد بلايمك طلع مششاري يبددل ملابسه وبيتوجه مع حمد اخوه ياخذ فحص قبل الزواج __________ يـوم الخميس جـامعة المـلك فيصل قـسـم الكيمياء جيهان بطفش: ريوف انا كارهه نفسي ريوف تتجاهل حلطمة جيهان : جدد انا فرحاانه انك بتصيرين عروسس جيهان بدون نفس : عروس بعينك ترا بس بنكتب كتاب ولا الزواج بعد التخرج ريوف : مشششاري بيصبر؟؟! جيهان : اوووفف ريوووف كم مره قلت لك لاتجبين طاري اسمه اكرررره الكريييه ريوف : ياحلاتتت الاووووووف منك جيهان: انتي اليوم وش ماكله ريوف بروقان : اكلت حلاوه من حلاوتك جيهان غصب ابتسمت ريوف سندت يدها على الطاوله منجد جيهان اليوم بس عندنا محاظره وحده يعني الساعه 10 كذا نطلع جيهان : وعشان كذا احب الخميسس الونيس فديته قطع عليهم جوال جيهان وهو يرن جيهان عقدت حواجبها : اوووف نواف اخوي يتصل ريوف: لاحظت اليوم ماسكه معك كلمه اووووف جيهان رفعت حاجب وردت على نواف : هلااا نواف بعجله : هلا جيهان متى بتخلصين محاظراتك جيهان مستغربه من استعجاله : الساعه10 ليييه؟؟ : باخذك لفحص الزواج جيهان بلعت ريقها بصدمه يخالطها خوف همست : اوك قفلت الخط ورمت جوالها ع الطاوله وبرعب : ريوووف بياخذني نواف اسوي فحوصات الزواج شفتي كيف بهالسسسرعه !!! ريوووف: ياروحي انتي لاتخافين جيهان : انااا كارههه هالزواججج حسبي الله عليه هالمشاري الكرييه الله ياخذه وارتاح منه قطع عليهم وحده من الطالبات وهي تنادي عليهم هديل بصوت عالي : جيهااان ريوووف المحاظره بدت لاتتأخرون جيهان بملل : اووووف وششش اليوم النحسس ريوووف : ياحياتي الي بتصير عروووس جيهان سحبت شنطتها ولبست نظارتها الشمسيه امشي بس ترا واصله حدي وكارهه عمرري قال فحوصات قال ريوف تقلدها : اوووووف واصله حدي جيهان ضحكت غصب عنها وضربت ريوف بخفه : ماتتركين حركاتك ريوف بدلع : لاااا ———— بعد يـومـيـن نتائج التحاليل متطابقه تحدد موعد ملكه جيهان و مـشـاري ومثل ماخطط لـ هاليوم ابو مشاري يكون عششاء كبير ويعلن فيه الزواج وفيه ياخذ مشاري زوجته بيوم الملكه ويسافرون العائق الوحييد هو دراسه جيهان وجيهان منهاره على الاخر تبي تكمل دراستها مع صديقاتها ورافضه انها تقدم اعتذار عن الكورس الدراسي لكن ابوها وامها قدروا يقنعونها صدددمه الجمت جيهان مجرد ماعرفت ان يووم ملكتها هو يوم زواجها وبتروح مع زوجها دموعها ماجفت وهمها زاد وريوف وفـوز حولها ومعها طول الوقت يحاولون يخففون عليها فـوز وهي تعبانه قررت تروح معها تساعد جيهان على تجهيز اغراضها جيهاان نفسيتها بالحظيظ وماهي قادره توقف لولا الله ثم فـوز وريوف كان انهارت اكثر واكثر مـشـاري ارسل مهرها قبل الملكه حتى يكون معها وقت تجهز وجيهان ماكان تجهيزها الا اللشياء الضروريه وقتها ضيق مايمدي تجهز وطول ايامها بتصير بغربه وببلد غربه!! ____________ بعد حفل المهندسين بـ 5 ايام بالصاله قبال المرآيا الكبيرة يبخر شماغه ويضبط نسفته ثبت الكبك وعيونه تلمع بحُب همس ببحه : جايك ياحب حياتي امه ورنــا قربوا من عنده رنــا بفرح : الله يوفقك ويكتب لك الخيره ام سامي بعبره : الله يسعدك وينور طريقك ابتسم بسعاده وببحة رجوليه : قد قلت لكم امها وكلامها ان ملكتها بعد اسبوع مفبركه رنـــا : لو امي مارفضت كان الحين رحت معك ضحك بخفه : خليها امي معصبه هالشهرين ام سامي : الله يسعدك يارووح امك لكن مابعد رضيت عن ام جيهان والي سوته فيني ضحك وهو يبوس راسها : الله يكتب الخيره ووجود ابوي معي بالخطوبه الرسميه يكفي طلع مبسوط والدنيا مو سايعته بيخطبها رسمي وعلى حسب ماخطط سامي انه ماسمح لـ امه تتصل وتقول لهم بيجون رسمي ولا سمح لـ رنـــا ابتسم وهو يشوف ابووه ينتظره بـ السياره ركبب وبداخله مششاعر مبعثره الشمس غابت من ساعه وقريب وقت صلاة العششاء لكن سامي اصر على الخطوبه وبهالوقت مايبي يتأخر ! ابو سـامي بفرحه: الله يتمم فرحتك ويكتب لك الخير ضحك وبتسآل : ولد وش اسمها؟؟ بخطبها لك وانا ناسي اسمها سـامي بحب: جـيـهـان ابو سامي يدعي لولده وهو يشوف السعاده تلمع من عيونه : يالله يوفقه ويسهل لك ويكتبلكم الخير مرت نصف ساعه وهم ماسكين الطريق وزحمات الاشارات ووصلوا لـ بيت ابو جيهان وقفوا السياره وعقد سامي حواجبه بـ استغراب من زحمه السيارات والشارع والشباب طالعين برا وواقفين وكأن عندهم مناسبه !! لف لـ ابوه : عندهم ضيوف؟؟! ابو سامي : الله اعلم عندهم مناسبه ولا عشاء كبييررر انزل بنسلم عليهم ونطلبها قدام الكل سـامي : انتظر بعد مايروحون ويبقى ابو نواف وعياله ابو سـامي : لا قدامهم كلهم ! سامي : شورك وهداية الله وقفوا السياره على جنب نزلوا وكانوا بـ استقبالهم مجموعه شباب دخلوا المجلس الواسع والي مليان رجال بدوا يرحبون فيهم ويسلمون بعد السلام والترحيب جلسوا بصدر المجلس بجنب ابو نواف واخوه سـامي ثبت عيونه على مـشـاري بعد ماسلم عليه وهو مستغرب من كشخته كان لابس بشت وكاشخ كشخة عريس وبجنبه رجل ملحتي وكأنه شيخ او امام مسجد الضيوف يتوافدون بكثره ويسلمون على مشاري الشيخ بصوت جهوري: ابو مشاري وابو نواف نكتب كتاب المعاريس؟؟ هدا المجلس والكل لزم الصمتت ابو مشاري وابو نواف : على بركة الله الشيخ وصوته واضح : ابو نواف قل زوجتك ابنتي جيهااان على مايرضي الله ورسوله صدددددمه وطعنه استغررررت بصدددرررر سـامي حسس الدنيا دارت فيييه فتححح ازرار ثوووبه وتنفسه ضاق الشيخ : ووافقت على الشروط المذكوره مشششاري بصوووت عالي : قبلللتتتت ياشيخ الشيخ بفرحه : وقع هنااا بارك الله فيك وبارك الله لكما وبارك عليكم وجمع بينكم في خييير بدددت التباريككك تنهمررر على مشاري والكل وقف يبارك له سااامييي تمنى يموت ولا يصييير بهالموقف الي شافه قباله احرقه وانهكه حسس بقلبه حقققد ولكنه يحسسس بعجززز ماهو قادددر يتصرف نزل عينه على يد مـشـاري وهو يوووقع والابتسامه واصله لعيونه لف لـ ابوه الي قام وبارك لـ مشاري معهم ماتحمل الي يشوووفه لييييه ماتملكت الا هاليووووم ليييه مكتوب علينا الشقى حارت دمعته بطرف عينه دمعه عجزز مع قهر وخيبه امل ططللع من المجلس ويحس نفسه يحترررق وددده يصرررخ وددده يقول لاااا انااا اولى فيييه انا ابيهااا لكن تلبسه العجز وانكسسر مسح دمعته الي احرقت قلبه قبل لاتحرق عينه رفع نظره بعد ماالتفت على صووتتت الرشششاش الي بدا يضرربب دليل على فرحة العريس ثبت نظره على مشاري وهو يضرب بالرششاش ويضحك بلحظه حسسسده على حظه الي اخذ جيهان منه لف فوووق وناظرت عيونه الدور الثاني وراء احد الشبابيك غرفه جيييهان ورااا هالشباك حبيبته تلبس ووتتعطر وتكشخ لـ زوجها ورراه العشق وروحه بعينها تخط الكحل وشفاها التوتيه مرسومه بـ احمر يعذب القلب عضض على شفته بعد مانزل مششاري الرششاش ومده لـ واحد من الشباب ودخل ببشته ركب سيارته وحرررك بـ اسسسرع ماعنده ماعاد هي له ررااااحتتتتت من بين يديه حقد على امه وعلى اخته كيف قالوا انها متملكه من زمان وهي قدها تتملك سحب سجارته وولعها وبقلبه حرررايييق مستحيل تتطفي ماحس بنفسه الا وهو طالععع من الدمام ومسك طريق سريييع خط الرياض يبي يبعددد عن هالدديررره يبي يبعددد لحتى الجرح يطيب وهو عارف ان جرحه مايطيب عاهدتني بالصدقِ ثم جفوتّني وسرقتني من واقعي ورميتنِي وضممتنِي لصدرك ثم قتلتِني جعلتنِي لليّل كم أسهرتنِي ؟ يا ساعيًا لدربي كيف تركتني ؟ ورميتَ أعذارًا لعلك تختفي وركضتَ خلف عواذلي وهجرتني وسألتني بالله ثٌم كسرتني ————— انتهى محبتكم جيـــان حطيت لكم رابط تصارحوني فيه اكتبوا الي تبونه والي بخاطركم شي حبيتوه بالروايه انتقاد بناء او كلام لي استقبل كلامكم برحابة صدر احبكم https://tellonym.me/jian1999 | ||||||||
|  |
|
03-08-19, 03:52 AM
| #32 | ||||||||
| مراقبة عامة ومشرفة منتدى الروايات المنقولة
| صباح الخير للجميع كيفكم ان شاء الله بـ أحسن حال المتواجدين بالمنتدى والي يقرأ بصمت والي خلف الكواليس ولهم بصمتهم الواضحه ممننونه انا لكم اشكركم من اعماق قلبي ماادري اذا روايتي احبها البعض او ما نالت على اعجاب البعض لكن يعلم الله انكم على البال وروايتي متعلقه فيها بشكل مو طبيعي وانتظر اليوم الي نكون مع بعضنا البعض ونختمها لكن لــ الظروف احكام .. انا امر بفتره ظروف صعببببه مرض اخوي اسأل الله ان يشفيه ويشفي مرضى المسلمين لكن مرضه ولله الحمد يرجا شفاءه والسفر لعلاجه شهرين خارج البلد افتقدت شغف الكتابه .. وكل ماعقدت العزم اني اكتب واحبك الافكار الي مخططه لها احصل نفسي افكرررر واسرحح بعيد عن اجواء الروايه وعشان مااظلم الروايه واكتب احداث واختصر واختزل في الاحداث بعشوائية وهذا الشي مايرضيني ولا يرضيكم.. انا شخصياً اكرره هالشيء قررت اني اكتب روايتي على مهلي حتى وان طالت مده الكتابه الى سـنه اذا ربي عطانا عمر وعافيه و راح اكتب اكبر قدر ممكن والي اقدر عليه بـ اوقات فراغي بالسفر وبمشاعر اكثر عند كتابتي لـ اخر بارت نهايته تمنيت اني سردت احسن وبمشاعر اكثر لكن احسس بحالي مخنوق ومشاعري تتبلد الله لايوريكم هالشعور... ومجرد اكتمالها بتنزل البارتات بالمنتدى انا ببالي افكار لكن الظروف وقفت بوجهي والسفر جاء فجاءه و دراستي الجامعيه اول شهر بالعام الدراسي برفع اعذار لعل وعسى يقبلون اعتذاري همي الان هو اني الحق على دراستي ومايروح علي الكورس الدراسي ونرجع بالسلامه ونفرح بشفاء اخوي والله الحزن كاسيني على حاله الله يرفع عنه البلاء ياربب وبـ اذن الله اكمل الروايه وتحبونها اكثثثر لكن الي ابيه منكم ماتزعلون مني ولاتبخلون علينا من دعواتكم الطيبه والانتظاررررر انتظروووني والله انكم على البال وباذن الله بعد هالشهرين ارجع لكم بقوه وبشغف اقوى وبمشششاعر اكثثثر انـتـظـروني محبتكم جـيـان | ||||||||
|
| |
|
| أدوات الموضوع | |
| انواع عرض الموضوع | |
|
|
.png)
العرض العادي
