روايه ((( يامحلى الصبر عند الهاوي والغاوي ويا مبشعه عند الذيب العاوي ))) .

[ebti]

المشاركة الأصلية كتبت بواسطة كنوز جواهر

السلام عليكم ورحمه الله وبركاتة

بعد ماكنت بنزل لكم قبل أمس جاء على بالي اختم الرواية كلها وبعد كذة انزل لكم ال٤ فصول او ال٥ مع بعض حسب التنسيق أحس كذة افضل منها تصير الفصول مرتبة ومنها تكون الخاتمة وكذة نكون ضربنا عصفورين بحجر واحد واذا احد عندة أعتراض على كلامي تعال وشاركني الرأي بكون سعيدة جداا .
ودمتم بخير وسعادة ♥️♥️

مساء الورد والجوري.... متى قررت موعد ل تنزيلك الفصول لان اليوم تكون الرواية وصلت شهر بدون تنزيل جديد والقوانين تنص على اغلاق الروايات اذا مر شهر دون تنزيل جديد....

بانتظار ردك....

[كنوز جواهر]

ياهلا بك مليون ياقلب الكنوز موجودة وحياتك ياغناتي واذا على الفصل ابشري من عيوني ♥️🥰

[كنوز جواهر]

يا أهلين ان شاءلله بكرة بيتم تنزيل الفصل اعتذر على أختراق القوانين كنت مشغولة هالفترة اعتذر 🙏🤐

[كنوز جواهر]

●°•○°•● روايه °•●°•○°•●

{{{يامحلى الصبر عند الهاوي والغاوي }}}
xxxxxxxxxxxxxxxxxx و
{ { { يامبشعه عند الذيب العاوي } } }

xxxx 《》《 الفصل 46 》《 》

رفع يدة لفستانها من فوق وهو يفتح السحاب على صوت توسلها له أنه يتركها .

نزل الفستان من عليها وهو يشيلها بين يدينة لغرفه الملابس وهي تبكي بأنهيار :انتي عارفة من الأول ان هالبس من المسحيل أخليك تطلعين فيه لغيري ليش العناد .نزلها من حضنه وهو شاد على خصرها حتى يجلسها على الكرسي ويفتح الدولاب ويمرر يده على قسم تصاميم عرض الأزياء الي بعد يومين من اليوم ناظر في تصميم هو الي مسوية سحبة من الدولاب ببرود قرب منها بهدوء وهو يوقفها ويشدها له حتى ارتطم جسمها العاري بصدرة وماصار يفصل مابينهم شئ ناظر بنحرها والأثار الي عليه منة لمس الصدرية وهو يعدلها لها وابعد يدة عنها من سمع شهقاتها المرتفعه أقترب منها أكثر وهمس بأذنها :تراني زوجك مو غريب تمام فخلينا حلوين حتى مانزعل من بعض أكثر انا للأن متساهل معك طبع قبلة على عنقها ليبتعد ويلبسها الفستان تحت أنظارة الحارقه لكل تفاصيلها .

زفرت أنفاسها المتسارعة على عنقة من شدها له وهو يقبل ظهرها العاري بعمق وهو يسكر سحاب فستانها همس بفحيح قرب عنقها وهو يحاوط بطنها بيدينة القاسية :اييي ابيك كذة مطيعة . تسارعت انفاسها اكثر فأكثر بتوتر من نبرة صوتةx .

عض شفايفه بعد ما أبعدها عنة نسبيآ مازالت مغرية لعيونة حتى بعد تبديلها .

شالها بين يدينة وهو يطلع فيها لغرفتها ويجلسها على حافة التسريحه وهو يعدل سلاسل كتوف فستانها الأسود .

(فستان علاق اسود مطرز بأكملة بكريستالات سوداء الون نازل من على كتوفها ٣ سلاسل بأحجام مختلفة راسم تفاصيلx جسمها الريان بطريقة مبهرة مخليها جميلة جدآ )

وقف وهو يسحب الشريطة الحمراء وهو يفك تسريحتها بهدوء ماترك فيها غير البف لينسدل شعرها الغجري بنعومة على ظهرها ليغطي ظهر الفستان المكشوف .
مسك منديل وهو يمسح دموعها ويرفع وجهها له لتتلاقى عيونهم ببعض أبتسم لها بأعجاب شديد .

ابتعدت عنه وهي توقف قدام المرايا وتناظر نفسها بأعجاب مخفي .

مررت يدها على فصوص الكريستال المعروف بالفخامة أخذت لفه وهي تراقب شكلها وهو يبتسم برضاء على شكلها .
محمد وهو يبعثر بمجوهراتها على حلق وأسوارة وخاتم تناسب طلتها .

محمد بحيرة :امممم اي واحد .

ناظرت بطقمها الألماس الي يحمل بوسطه فروزة حمراء والثاني بفروزة خضراء بلون عيونها :ابي الأخضر .

هز راسه وهو يقرب منها ويرجع شعرها للخلف وهو يلبسها الحلق برقه تناسبها وكذلك بالخاتم ولاكن عند الأسوارة وقفت كل الدقايق والثواني وهو يتأمل معصمها حاول قد مايقدر يكبح أبتسامتة بس ماقدر ومسرع ما أبتسم ذيك الأبتسامة الي تخطف العقل من محلة وضح صف اسنانة العلوي بالكامل بشكل جذاب طبع قبلة بباطن كفها برضاء تام وهو يشعر انها تملكت قلبة ونفسة وكل مافية بعفويتها .

ناظر بشكلها النهائي بأعجاب وهو يصفر ويغمز لها :اي كذة ياحليلها زوجتي الأحمر لاجيتي عندي ألبسية لاكن عند العواذل مالك غير الحشيمة .
ريفال بخوف من ابتسامتة الي مافهمت سببها :تمام ممكن الحين نروح .

امسك معصمها وقال بخفوت :على وين .
ريفال بربكة :العرس محمد شفيك .
اقترب منها وهو يخفض وجهه لها وهو يضرب على شفتة بأصبعه الأوسط والسبابة بأمر .
ريفال بلعثمة :هاا وش .
همس وهو يتأمل عيونها :مافي روحة قبل لا أخذ نصيبي .
نزلت عيونها بخجل وهي تعقد اناملها ببعض بتوتر :ليش كذة مايصير .
كتم ابتسامتة وهو يرفع وجهها لمستواة وهو يهز رأسة بأيجاب :الا يصير ناظريني وسويها .
عضت على شفتها بأحراج وهي تشتت نظرها بالمكان .
محمد بأنزعاج :لا لا لا فكي بسرعة .
ناظرت فيه بدهشة وهي ترخي قبضتها على شفتها .
ابتسم نصف ابتسامة وهو يمسح على شفتها بحنية .
غمضت عيونها من الكم الهائل الي أربك مشاعرها ونبضات قلبها من حركتة اقتربت بسرعة بدون شعور وهي تطبع بوسة أخف من نسيم الهواء علية من سرعتها .

أبتسم وهو يعطيها نظرة اخيرة و الغيرة تستوطن قلبه حاول يغير الموضوع حتى مايحرجها : اي ..اي تمام البسي عباتك انتي بكل حلاتك مغرية بسرعه قبل لا أكنسل ابو الموضوعx .

xxxxxxxxxxx في القاعه .
كانوا أميراتنا الحلوين كلآ يقول الزين عندي وطبعآ نبداء بجميلتي ميرال .
كان شعرها مرفوع بالكامل بتسريحة ناعمه تعود لزمن التسعينات وفستان قصير لنصف الساق كموني صاروخي متشعب فية الون العاجي لونة كان محط للأنظار وبالتحديد بتطريزة اللي من الجانب حتى الصدر على هيئة غصن شجر بفصوص كريستالية واضحة مذهلة وميك اب ناعم مازاد جمالها الا جمال وخاتمه طلتها بكعب فضي ملفوف حتى مقدمة ساقها بشكل مرتب .

تقدمت لها ام ركان الي من دخلت القاعة وعيونها مانزلت من عليها .

توقفت ميرال عن الكلام من حست بطيف أحد قدامها رفعت انظارها كانت ثواني قليلة وأعتلت البسمة شفاها سلمت عليها بحرارة :كيفك ياخالة .
ام ركان وهي تحفظ كل تفصيل فيهاx :الحمدلله انتي كيفك .
ميرال :الحمدلله عال العال .
ام ركان بحب :ياعسى حالآ دايم .
رتيل من بعيد :ميرااال تعالي .
ميرال بأستعجال :وياااااك ان شاءلله أعتذر منك ياخالة لاكن البنات ينادون .

ام ركان :على راحتك يمة الله يحفظك .

ابتسمت لها ميرال بتسليك وهي تروح لرتيل .
رتيل وهي كاتمة ضحكتها :وشبها خالة محمد تخزك بعيونها من دخلت .
ميرال بعفوية :يمكن مشبهه .
رتيل بخبث :لا بالله واضح انها بتخطبك لولدها أو لأحد من جماعتها .
ميرال بأستنكار :لا يابنت غلطانة .
دق جوال ميرال برقم غريب .
رتيل بلقافه :منوو .
ميرال بعقدة حاجب :انا ادري رقم غريب .
رتيل بتهور :ردي ردي .
ميرال :مو فاضية .
رتيل بتأفف :ياخيتي طفش . شتت انظارها بكامل القاعة ووقفت أنظارها على الحرمة الي ماسكة القمراء وطاقينها ميانة مع بعض .
دقت بكوعها كتف ميرال بدفاشة :مين الي مع القمراء .
ميرال وهي تتامل القمراء بأعجاب :هذي امي الجازي .
رتيل :بس مزيونة .
ابعدت ميرال انظارها عن القمراءx وهي تغمز لرتيل بمشاكسة :ما المزيون الا انتي يا أم تنورة قصيرة .
نفخت رتيل على غرتها القصيرة كا دلالة على غرورها :شكرآ .
ضحكت ميرال على خبالها :هههههههه الله يلعن بليسك من بنية تعالي بس خلنا نروح نسولف معهم .
رتيل
(شعر منسدل على حريتة وميك اب ناعم يكسر نعومتة روجها الأحمر الصارخ مناسب بياض بشرتها و تب أحمر صارخ مورد بحمالات رقيقة و تنورة بيضاء جلد قصيرة لين فوق الركبة جاي من على الجنب بسحاب ذهبي كبير واضح وكعب عالي أحمرx مقفل بسحاب ذهبي من الجنب )

دخلت ريفال القاعة وقلبها يضرب طبول خايفة انها ماتكون لحقت على دخلة رسيل .. من شافتها خدامتها اسرعت وهي تهرول لها.
ريفال بتوتر :الزفة .
الخدامة بأطمئنان :مافي خوف ماما هذا مدام رسيل مافي ادخل عرس .
ريفال براحة :اشووه كنت خايفه ما ألحق .
ابتسمت لها الخدامة وهي تاخذ العباية والشنطه والحجاب :انت واجد حلو ماما اليوم سمسم نفر زوج انت مساءلله مافي حلو مثل انت .
ضحكت ريفال وهي تتأكد من شكلها حتى تدخل :شكرآ مرررة .

دخلت بخطوات رزينة واثقة لفتت انتباه الكثيرين سببت بعثرة لكامل الحضور بطلتها الزاهية طاحت خصلة من شعرها رفعت معصمها حتى تعيدها مكانها ماسمعت الا صراخ البنات وتصفيقهم والتصفير بس الأغلبية كانت من قبل بنات أعمام محمد بالتحديد مالحقت تلتفت تشوف لمين هالتشجيع الا بالقمراء ساحبتها بشكل سريع وهي تناظر فيها بأنبهار بحكم انها أقرب وحدة لهاx :اخسسس يالعروس وش هالجمال وربي انك صاروخ .

جدة محمد بأبتسامة وهي ترحب وتهلى فيها بصوت جهوري جذب مسامع الموجودين :ياهلا والله ببنيتي وش هالزين وش هالحلا ماقول غير مشاءلله .
رتيل بحماس وأنبهار :بشوف معصمك بسرعة بسرعة واااااااااو خياااااالx .
مدت ريفال لها معصمها لاكن الصدمة ألجمتها من انتبهت للحرف المزخرف بالتشكيل على معصمها بالحناء السوداء بشكل ملفت توها تستوعب سبب ابتسامتة لهاx ناظرت بالقمراء وهي تقول بأحراج من فهمت سبب كل هالأزعاج :والله القصد من الحرف ميرال مو الي في بالكم .
ضحكت ام محمد الي من لمحت زولها أسرعت بأستقبالها وهي تضمها لها :x يابنت زوجك وش له هالحياء كلة بس وش هالزين غطيتي على القاعة باللي فيها .
صارخت بخجل وملامحها توردت بالكامل :لا خاااالتي والله انه لميرال مو له .
ضحكوا البنات عليها بينما ميرال قربت منها وهي تحضنها بوسط حضن ام محمد ارتفع صوت ضحكات الجميع عليهم لتحضنهم ام محمد لها بوناسة .
تقدمت لهم وحدة من الطبقة الراقية :ربي يحفظهم لك يأم محمد كل وحدة فيهم ياحليلها تنافس الثانية بزينها .
تقدمت لولوة والجازي بنفس الوقت بخوف عليهم :اذكري الله .
حصنتهم ام محمد بخوف :اي ربي يحماهم من الحسد والعين .

ابتعدت ريفال من حضن ميرال بخجل وهي تحاول تسحب نفسها من بين يد ام محمد .
فكت ام محمد يدها عن ميرال ويوم لفت شافت ريفال تحاول بهدوء الأنسحاب .
ام محمد بفخر :على وين ياحرم محمد تعالي بعرفك على هلك .
ريفال بتوتر : بناظر نفسي .
ام محمد وهي تمسح على شعرها :تهبلين مشاءلله تعالي مو محتاج .
انسحبت ام محمد بريفال وهي تفر القاعة بريفال حتى تعرفها على ال سلطان .
جود بطقطقة :ياحرام البنت بتذوب بيدهم .
لمار :ههههههههه أحد قال لها تكشخ بهالطريقه .

بعد سلامها على أقارب محمد الي ينعدون على الأصابع لأن المناسبة مو لهم وقفت بالأخير عند البنات سلمت عليهم كلهم بهدوء ونعومة و بشكل سريع لقت نفسهاx أندمجت بالسوالف معهم خصوصآ انها تعرف أغلبهم وانضموا لهم باقي البنات من شتى العوائل . كانت دقايق وارتفع صوت الطقاقة بتنبية :الرجاء من الجميع التزام أماكنهم المعرس وأخوان العروس على وشك الدخولx .
شمس بأستغراب وهي تلبس عباتها :ليش بيدخلوا الرجال بالأول .
هزوا البنات كتوفهم بعدم معرفة الا رتيل وميرال الي يعرفون سبب هالتغير الي كان بطلب من رسيل شخصيآ .
كل الحريم لبسوا وطلعت الجدة ماريا وام رسيل وام زياد للمسرح لأستقبالهم أنخفضت الأنوار ليرتفع صوت بلقيس بأغنية وصل عريسناx ليدخلوا الرجال بكل هيبة ووقار وثقل بخطوات هادئة موزونة انتقلت أنظار الجميع بشكل مباشر لهم .
لميس وهي تدق لوليا بهيام :شوفي يمممة على الرزة ابو بشت ابيض .
ناظرت فيها لوليا بأستخفاف : وش عندك تخزين بالرجال يالي ماتستحين .
لميس بكدر :اقول انقلعي مو بوجه سواليف انتي .
ضحكت ميرال بوناسة :يابنت هذا خالي عقيل .
لميس بسخرية وهي تحط يدها على خصرها :لا بعد قولي جدك احسن .
ميرال بعدم قدرة على الكلام من الضحك :الله يخس بليسك يالميسوو ترى من جد اسولف ماكنت اطقطق عليك والله انة خالي .
ريفال بأستغراب :وش به خالي .
ميرال وهي تشاور على عقيل بضحك :مو مصدقة ان عقيل يكون خالي .
لميس بعفوية :وبعد اسمة عقيل .
ريفال بأبتسامة :ياهوووو لوين وصلنا .
ضحكوا البنات .
لميس بعدم تصديق :مدري احسكم تكذبون وش له هالمزيون يكون خالكم لا وبعد صغير بالعمر واضحx .
ريفال :شي طبيعي لأنه أصغر خوالي .
سكتت لميس وهي تتأمل فيهم عن بعد .
ميرال بقهر :اااااخ يالقهر لو ماعبدالكريم موجود .
رتيل ببرطمة :وانتي الصادقه لو ما زياد موجود كنت الحين أتمخطر على المسرح انا وعمامي .
ناظرت فيهم ريفال بتشفي :أجل تستاهلون .
وراحت عنهم لعند شمس وتولين والقمراء .
وقف زياد وهو يرتب بشتة وهو يناظر الساعة ابتسم من شافها ١٢:٥٩ مx تقدم بهدوء لمكان دخول زفة رسيل بثغر مبتسم .
تقدمت رتيل للمسرح بخطوات حذرة :عمي عقيل .
التفت عقيل وهو عاقد حاجبة بأستغراب :هلا رتيل وش جايبك لهنا .
رتيل برجاء :عمي بالله لاتطلع بسرعه ودنا نرقص معك انا والبنات .
عقيل بأبتسامة :بنات زايد .
رتيل بحماس :اي اي .
عقيل :تم ابشروا .
انفتح الباب لتتسلط الأضواء على رسيل ابتسمت رسيل بأرتباك وهي تمشي بخطوات هادئة نحو زياد وقلبها يدق طبول من ابتسامة زياد لها شدت على مسكتها وهي ترمش بخجل عذب مسح زياد على قلبة بتنهيدة من طاحت عينة على رسيل وما زاد قلبة عذاب الا رمشتها الي جابتة من أقصاة تمنى الزمن يوقف عند هالحظة حتى يشبع من تأملها بفستانها الأبيض الملكي حس على نفسة من صارت قدامة مسك يدها وهو يفك المسكة منها بدون شعور مدها خلفه وهو مايدري مين الي بياخذها منة كل تفكيرة بهالحظة هي وبس كان على قيد شعورة قبل يدها بحب وسحبها من خصرها وهو يقبل جبينها بتنهيدة لعبت على أوتار قلب رسيل وترك كل مشاعرها تتبعثر خجلت مرررة من جرئتة ماكانت تتوقع هالتصرف منة بالرغم من فستانها العازل بينهم الا ان زياد ماترك للفستان مجال يبعدها عنه وضمها لحضنة بشغف وهو يمرر خشمة على خدها الناعم بشغف :انورتي مكانك وبيتك ياسيدة هالقلب .
أربكها قربة وعطرة اللي داهم جيوبها الأنفية بكل قوة صحت من سكرتها على أصوات الناس والمكان اللي متواجدة فيه حاليآ رسيل بلعثمة :ز...زياد .ابوي يناظر .
ضحك عليها من حرارتها الي ارتفعت غمز لها بجرئ :لا لا ياعمري ريلاكس هدي نفسكx لاتحترين من هالحين انتظري باقي وقت عليها واذا على ابوك صاير لي عمر وانا اناظر من وراها جاء علية الدور .
ضربتة على صدرها بقبضة يدها وصارت ملامحها موردة بالكامل ضحكوا كل القريبين منهم والبنات صاروا يصارخوا بحماس .
ضحك زياد وهو يمسكها من يدها متوجهه بها للكوشة .
تقدم ضاحي وهو يقبل جبينها قبلة طويلة وهو يهمس لها بغصة :مبروك ياعين ابوك .
تأثرت من نبرة صوت ابوها ردت بنبرة فيها الصيحة وهي تتوسط صدرةx :يبارك بعمرك ويديمك لي ذخر و عزوة ياتاج راسي عساني ما أعدم زولك يابوي .
نزلت من عينة دمعه كان يجاهد على عدم نزولها اسرع حتى يمسحها ولاكن سبقته رسيل وهي تمسحها بباطن كفها بعيون دامعة : الله لايحرمني منك .
حب على رأسها وهو يتمتم لها بالدعاء .
عبدالكريم بتلطيف للجوو :اوووة عروستنا بكت الوالد لاحول حتى بعرسك مو تاركتنا بحال سبيلنا .
ضحكت وهي تشد على كفوف ابوها بين يدينها :على قلبكم جالسة .
ابتسم عبدالكريم وهو يضمها :والله انك أطلق من يجلس مبروك ياخوك منة المال ومنك العيال .
ابتسمت بلطف وهي تمسح على ظهرة :ياعمري يبارك فيك عقبالك ان شاءلله .
عبدالكريم وهو يشتت نظرة بالحضور بأبتسامة واسعة :قريب ان شاءلله .
دعس زياد على قدمة بقهر وغيرة .
تأوة عبدالكريم بألم :وجععع زيادة شوي شوي حشى مو برجل دباب أعوذ بالله .
زياد :عيونك بالأرض لاتخلني امردغك قدام الناس يالتبن وانسى اني معرسx .
عقد عبدالكريم حواجبة من الألم :عوذة منك ومن الي يفكر يتزوج من طرفك يقال اني طلعتها من وسط الناس بنظرتي خير ياطير يالخوي مو لهالدرجة لو اني قناص ماميزتها بوسط هالحشد .
زياد :أقول انقلع بس من وجعي يالنسونجي .
ناظر فية بنص عين :الحين بعد ماضمنت رسيل صرت نسونجي اااااخ يازمن ترى فيني أرجع بكلامي حنا بأولها .
زياد بمكر وهو يحاوط خصر رسيل بعدم أهتمام :كان زمان يالحلوو الحين صارت ملكي ولي .
ضحك عبدالكريمx وهو يهز رأسة بموافقة .
وهو ينسحب من القاعة بصحبة ابوة مابقى من الرجال سوى عقيل وزياد .
طلعت ريفال وميرال وشمس للمسرح على اغنية ذهب ذهب ابتسمت شمس بتوسع وهي تتقدم له وهي ترقص بتناغم على انغام الأغنية ويتمايل فستانها السماوي القصير مع كل حركة تسويها (كانت لابسة فستان تب ماخذ درجات السماوي بالترتيب من الغامق للفاتحx فية لمعة ويجي طويل من جنب وقصير من الجنب الأخر يوصل لفوق الركبة بشوي وفاردة شعرها البني الي يوصل طولة لكتوفها وعقد الماس ناعم يزين نحرها وكعب فضي كلاسك وميك اب ناعم جدااا ) ارتفعت اصوات البنات بالحماس وهم يصورونها والبعض بالزغاريد والتصفيق تقدم لها عقيل وهو يتمايل معها بثقل حتى مسك اناملها وصاروا يرقصوا مع بعض بشكل اذهل الجميع انضموا لهم زياد ورسيل وميرال وريفال بعد وقت من التشجيع الحار لهم.
فك زياد البشت وهو يرقص قدام ميرال بهدوء وريفال ورسيل يتمايلوا بتناسق على نفس المستوى تركوا الأنظار تلتفت لهم صاروا عقيل وزياد يرقصوا حولهم بوناسة وحماس .
رتيل وهي تعض اصابعها :هين ياميرال والله لا أجلدك يممممة يالقهر زياد الحيوان مايطلع ليش جلس اوووف .
تولين بضحكة :ياقلبي بتنجلطين .
جود :ههههههههههه بس لايطق لها عرق الحين .
القمراء وهي تحط يدها على عيون رتيل بمزح :يابنت بتطيريهم بعيونك بلا حقد .
رتيل بقهر :ياااخي قهروني هذا وانا الي كان ودي امتر المسرح برقصي والحين ياويلي على حالي جالسة جنبكم ويدي على خدي مو قادرة اتحرك خطوة .
لمار بضحك :ماعلية بتتعوض بعرسك ههههههههههههه .
لوليا :هههههههههه ياحرام تدري لو مكانك والله لا أفلها ولا اسأل بزياد او غيرة كذة كذة ماهو منتبه لك وان صار وانتبه ماهو زال عن خشتك اطلعي بس .
رتيل وهي تقضم اظافرها :يعني أطلع عادي .
لميس بحماس :اي رتيل تكفين ياخي هي مرة بالعمر اطلعي بسx الله لو انة من عيال عمي كنت طلعت معك .
رتيل وهي تناظرx القمراء بأبتسامة عبط :قمري .
القمراء وهي فاهمة عليها :اذا بتطلعين بسرعة قبل ينزل خالي عقيل انا مو بطالعة .
رتيل ببرائة ؛تكفيــــــن .
لميس برجاء :بليييز يالقمراءحرام شوفي كيف تناظرهم .
القمراء بعد تردد كبير :تمام بس ماراح ارقص معك كل الي بسوية بطلع اصفق لك .
رتيل بحماس وهي تحضن القمراء بحب :تمام تمام راضية وربي .
ابتسمت القمراء على حماسها :تمام هياا نطلع .
طلعوا البنات وقبل لا يوقفوا بمكان سحب عقيل رتيل وهو يدخلها وسطهم ويرقص معها وريفال وميرال والقمراء محاوطينها عن عيون زياد .
ضحك زياد على خبالهم :تمام وصلتني طردة رتيل لي .
ضحكت رسيل بأستمتاع :اي تفضل دامك فهمت .
زياد بخبث : لاياقلبي لاطلعت باخذ معمي مو طالع لحالي .
رسيل بقلق :بدري .
زياد وهو يناظر ساعتة :الأن الساعة وحدة ونص خلاص بنمشي .
زياد بصوت مرتفع :ياجدة جهزوا رسيل انا بنتظرها عند الباب الخلفي .
هزت الجدة ماريا رأسها بالموافقة .
وقف عقيل رقص وهو يروح لزياد ويلبسة البشت بأنفاسة سريعة ياللا يالمعرس .
زياد :اي .
طلعوا مع بعض وميرال انسحبت لممر القاعة من دق جوالها الي تبدل مع جوال ريفال وهي مو منتبهه .
ميرال بملل :الوو .
ابعدت الجوال عن اذنها وهي تشوف ان الرقم دولي استغربت من عدم ردة .
ميرال :بتقول مين ولا أسكر .
ارتفع صوتة العاشق بهدوء :انه انا

انتهى###

لا تحرموني من تعليقاتكم 😊 وتصبحون على الف خير والسلام عليكم ورحمه الله وبركاته كانت معكم اختكم
《كنوز جواهر 》
وإلى القاء ياحلوووين 😚💋☺️نتقابل في يوم جديد بأحداث جديدة ان شاءللهx أستودعتكم الله .

[وهج الليالي]

ابدعتي تسلم هالأنامل فصل ثاني عاد سريع 👏👏😁

[كنوز جواهر]

سلم غاليك تمام ياقلبي من عيوني بحاول انزل لك بأسرع وقت 🙏♥️

[وهج الليالي]

ياحبيلك بكون بأنتظارك😊😊

[كنوز جواهر]

على الليل بيكون الفصل موجود ان شاءلله انتظروني ♥️🥰

[3alloa]

ننتظركك لا تطولين علينا❤☹


دام المداد بالتوفيقق❤

[3alloa]

ننتظركك لا تطولين علينا❤☹


دام المداد بالتوفيقق❤