روايه ((( يامحلى الصبر عند الهاوي والغاوي ويا مبشعه عند الذيب العاوي ))) .

[كنوز جواهر]

{ رواية}

يامحلى الصبر عند الهاوي والغاوي
xxxxxxxxxxxxxxxxxx و
x يامبشعه عند الذيب العاوي

《 الفصل ال 54》
.
.
.

والألم يرسم تفاصيلة على وجهه ناظرها بتألم :اسف .
حست على نفسها وسحبت النقاب من على فخذة بخفه وهي تلبسة خدرت الجزء المتبقي وهي تاخذ نفس وتبداء بالتقطيب من جديد بس بهدوءx .

بعد ١٠ دقايق وقفت وهي تقول :الحمام (وانتم بكرامة)بأي جهه .
ريما بعفوية : من هنا .
دخلت رتيل الغرفة وحست من شكلها انها لولد مافكرت كثير الا بجدار كامل مرسوم علية صورتة هو وشخص ماعرفتة أستغفرت وهي تتوجهه للحمام وهي تغسل يدها بمعقم وتنظفها بصمت سحبت نقابها وهي تغسل وجهها بتعب نفسي ناظرت نفسها بالمرايا وهي تاخذ نفس حتى ترجع تلبس النقاب وتطلع بهدوء كما دخلت ولاكن هالمرة على سيارة السايق ما انتظرت رد منx ريما ولا منه .
أقتربت منه ريما وهي تشربة المسكن وتمسح عرق جبينة وهي تسمي عليه :اسم الله عليك ياقلبي اسم الله عليك .
سهيل وهو يمسح وجهه بوجع ولاكن يكابر على نفسة :خذي الفلوس وطلعي .
ريما بقلق :متأكد مو محتاج احد يجلس معك .
هز راسه بنفي :لا روحي .
اخذت فلوس من ملابسة مثل ماقال ونزلت لرتيل .
بالقاعه
^
^
^
نبداء بالكوشة كانت على مسرح مساحتة تصل ل20 مترx يتوسط المسرح قفص مذهب نصف دائري بتمويجات مذهبة يزين فوارغة العديد من انواع الزهور المختلفة بدرجات الأبيض، الوردي، البنفسجي ،الأخضر والأصفر يتدلى من سقف القفص ثريا محاطة بباقة ضخمة من الورد تحتوي على جميع الأضائة المطلوبة بشكل مبهر للعين وكأنها لوحة فنيةx بداخل القفص 4 من الكراسي البيضاء المخملية بأرجل معدن ذهبية تفصل كل كرسي عن الأخر طاولة بيضاء بحاملx ورد مذهب تحاوطة الشموع المنعشة بينما أرضية المسرح كانت عبارة عن عشب اصطناعي أخضرx الون بالمختصر كانت وكأنها جزء خاص من حدائق ديزني لاند الشهيرة (اسأل الله العظيم ان يرزقنا واياكم رؤيه جنات النعيم ) القاعة كانت تتميز بمساحتها الواسعة واضائتها المشعة المنيرة والكل يدور بالقاعة بحرص على كمال كل شي .
بدرية وهي تنادي على تهاني :تهاني ريما دقت .
تهاني :اي ياعمري رتيل بنت ضاحي بتجيبها معها وانا كلمت إلياس يروح ياخذها .
بدرية بعتاب :عندها اخوها ينقلع يروح يجيبها ليش تعبت البنية .
تهاني وهي تحاوط خصرها بود :لك عيب عليك حتى إلياس اخوها ولا انتي ناسيه .
بدرية بصدق :والله انه بمعزة سهيل عندي والله يعلم .
تهاني بحب:اجل تبينها تناديني ماما وما اعتبرها بنتي اللي ماجابتها بطني استحي على وجهك .
ضحكت بدرية بأمتنان على وجودها :من احلى ماصارلي هو وجودك بقربي الله لايحرمنا من بعض .
داهمتهم الجازي وهي تنط تحظنهم اثنينهم بمزح :مشاعر مرهفة بدوني يمه على الغدر .
بدريه وتهاني :ههههههههههههه .
تهاني بدقة :توصل متأخر افضل من أن لا تصل ابدا.
خزتها الجازي بعيونها :لا حبيبتي بعد كذة تمسكون نفسكم لين اجيكم ونتأخر مع بعض .
بدرية بمزح :يممممه على النظرة لا خفت تعالي بس تعالي .لمتها لحضنهم من جديد وهم يسولفون بحب وبدون مشاحنات والأهم من كل هذا بنفس طيبة .
لمحت تهاني لولوة نازله من على الدرج وبضحكة :تعالي قبل لايفوتك العرض .ضحكت على خبالهم وهرولت لهم برحابة صدر وهي تحاوط كتوفهم بأبتسامة وحماس :اييي وايش الهرجة .
ضحكوا على حماسها لتردف الجازي وهي كاتمة ضحكتها :ترى مافي اي شي بس كذه ناخذ طاقة ايجابية .
عقدت حواجبها بأحباط لترجع لأبتسامتها :يللا مو مشكلة حاوطوني معاكم محتاجه درزن طاقه .
بدرية بمشاكسة :ماكفاك حضن ابو ضاري تطمعين بحضننا بعد .
خجلت لولوة لتردف بحياء :حيوانة انتم غير .
الجازي بلطف :لولوة ماتغيرتي للحينك على خجلك .
حطت يدها على خدودها بتشتت :منو قال ماخجلت .
تهاني :هههههههههههههه على ايش تحطين يديك الا وانتي عارفه ان حبتين الكرز أفضحوك .
لولوة بتهرب :اوووة ماتتركون الواحد يعيش الحظه قربوا بلمكم .
حاوطوا بعض بجوو نادر انه يصير بعائلة .

عند العروسات الحلوين
دق جوال ميرال برسالة قالت بغصة للكوافيرة :ممكن .
ابتسمت الأرتست وهي تعطيها وقتها :اكيد حبيبتي .
فتحت الجوال لتعقد حاجبها من الرقم الغريب المرسل لها على الواتس اخذها فضولها لمحادثة هالشخص لتتفاجئ بكلامة .
[هلا السلام عليكم اخبارك ميرال ادري غلط اني ارسل لك بهالوقت وبعد بشغلك عن تجهيزك اذا فتحتيها هالحين🙂 بس في كلام بقلبي عجزت امنع نفسي عن الكلام فيه ترى انتي البنت الوحيدة اللي لفتت انظاري من بين كل البنات ترى انا مو مثل ماتفكرين فيني ابددد مالي بالبنات وبهالدروب العوجه بس انتي اللي عاكستي دربي من أول لقاء لنا مع بعض جذبتي فكري وتملكتي قلبي اعترف تجاوزت حدودي معك في أغلب الاوقات اللي صادفتك فيهم بس صدقيني غصب عني حضورك يسلب قلبي بدون شعور قلت لك هالكلام بهالوقت لأن بودي ندخل حياتنا بدون اي استفهامات وبدون اي تفكير سلبي من اي طرف عشان كذة لو في بالك اي سؤال او اي استفسار انا حاظر بس لاتجيني وانتي كلك عثور ...ختم رسالته بجملة لطيفة...
زوجك بأذن الكريم عبدالكريم 😜 ]لحظة صادمه ماتوقعت ولا واحد بالميه انه يكون يحبها ابدااا ولاجاء ببالها هالموضوع تحسبه يعاندها ويفرض نفسه عليها بس رسالته ماكانت بالحسبان عجزت ترد على رسالته المحمله بكم هائل من المشاعر والأعترافات تعترف في قرارة نفسها صدمها بكلامة أغلقت جوالها تاركة رسالته بدون رد مستسلمه للأرتست وكل جوارحها منشغلة بالتفكير بهالشخص اللي أربك انفاسها بمجرد رساله بس ماكانت عابرة مثل ماتوقعت .
/////////////
(غرفة بطلتنا)
خارج الغرفة كانت لجين متنرفزة من رنين محمد المتكرر عليها ردت بغضب :ياخي ريح نفسك شوي خير على ايش مستعجل بتشوفها كلها كم ساعه وبتكون عندك .
محمد برجاء :لجين ياحيوانة لاتصيري نذله بشوفها شوي وأطلع .
رفع ضغطها :انت ايش تفكر فيه البنت مو فاضيه بعدها ماجهزت على اي اساس ادخلك .
محمد بقهر منها :اقول انقلعي الغلط علي داق عليك ياللا طسي .
لجين بأنزعاج :فكة الله وياك .
بثينة بأستغراب :ايش عندة كل شوي داق .
لجين :خبل الا يدخل عندها الحين مدري بأيش يفكر .
بثينة بذهول :اماااا عاد ليه ان شاءلله .
لجين :انا ادري عن ولد عمك مو بصاحي .
بثينة:ههههههههههه يازينه مو قادر ينتظر .
شاركتها الضحك بالرغم انه جاب اخرها بس بالفعل هو مو قادر ينتظر يبي ياخذها بأقرب وقت .
بثينة :تعالي ننزل .
لجين :تمام .
صارت القاعه تمتلئ بالمدعوين والضيوف وبنات العائلة صاروا ينزلوا وحدة وراء الثانية .
دخلت رسيل القاعه بأبتسامة شاسعة وهي تسلم على أهلها وتنضم لهم دايركت همست لعمتها لولوة :بناتنا وينهم .
لولوة بأنشغال ماشفت الا القمراء اتوقع الباقي بالمشغل .
هزت رأسها بأيجاب وهي تتأمل بالقاعه بأنبهار :مررررررة حلوة القاعه تخبل .
ابتسمت لولوة بتأيد :غيييير وتختلف عن المعتاد كسروا القاعدة بهالتجهيزات .
رسيل بأبتسامه :عائلة عامله متطورة ايش نبي منهم .
لولوة :هههههههههه قلتيها بنفسك ياللا روحي عني مو فاضيه لاحقين على السوالف تونا بالبداية .

جمعت شعرها على جنب بأستمتاع :ههههههه خلاص بفكك مني بطلع لأميرات الليله .
لولوة :تمام .
طلعت بهدوء وفتحت أول غرفة صادفتها وبحماس وهي تفتح الباب :هلوووووو .
صرخت غادة بفاجعه وهي تدف حمد زوجها بعيد عن الباب بأحراج شديد :لااااااااا وقفي .
ارتبكت رسيل وبخوف ولعثمة :أاا أعتذر .شتت انظارها برجفه وهي تنزل لتحت برعب والرجفه بعدها مسيطرة عليها .

بالمجلس عند الرجال
وليد بتهكم :اقول يالورع ودي ألعن ذكائك انت وخواتك تراني عمكم خير ياطير وشبكم يالمتخلفين .
بجاد بغيرة :اي بس معلش عمي على عيني وراسي بس ايش تبي بخواتي .
وليد بسخرية :كان بخاطري ارد عليك بس المكان اللي متواجدبن فيه مايسمح للكلمه .
بجاد بعدم أهتمام :ياخي روح بس دور لك عروس ازين لك .
وليد بجدية :بعقلك والله لو اقول لغريب ان بنات اخوي عمرهم ماكشفوا علي والله وهذا انا أحلف غير يطلعوا فيني كلام هالقد احشم عمرك ياقليل الحياء وطلعهم بسلم عليهم لاتستهبل انت ولميس عليx وربي مو بناقصكم يالمريضينx .
بجاد بملل وهو يطلع جواله :خلاص يالبثرة بخليك تشوفهم .
وليد بأستهزاء :فيك الخير .
دق على لوليا وهو كل شوي يرفع نظرة بالوليد حتى وصل صوتها :هلا حبيبي سم .
بجاد بأبتسامة يجاهد على اخفائها وهو يضرب على كتف وليد : وينك .
لوليا وهي تسحب فستانها بنعومة حتى لايخرب : قاعدة اتجهز .
بجاد :طيب وليد يبي يسلم عليكم .
لوليا بفرحه :اووووووة اخيرا عطني بكلمه اذا جنبك .
بجاد بغيرة : يكفي انه بيشوفكم .صدح صوت ضحكها بسماعه الجوال لتردف بحب :مكانك ماياخذة مخلوق عطني بس يالخبل .
مد الجوال لوليد بعدم رضاء لينسحب وليد من عندة :هلا باللي مالهم وجود بحياتي .اتضح صوت ضحكاتها مثل النغم على مسامع وليد مما جعله يبتسم بدون شعور .
لوليا :هلا بك زود يالعم العطوف انت اللي وينك عنا من زمان .
وليد بتشكي :اخوكم يحقرني سريع من يجي طاريكم ولا كأني باكلكم .
لوليا بأحراج :ماعليك مايحب يشوف احد ماكل عنه الجوو .
وليد بصراحه :تمام بس ماله حق يمنعني من شوفتكم الزاهيه اليوم بدخل اشوفكم وبأخر السهرة نطلع نتمشى جهزوا حالكم .
لوليا بحماس :عـــــشــت وااااي على الحماس تمام بس هااا مو تغير رأيك وتقول تعبت بالعرس هذا انا قلت عشاني بكلم شعاع على الطلعه .
وليد بمرح :لاماعليك وحش انتي بس ضبطي البنات وماعليك واهم وحدة لميسوو ام لسان جيبيها معك من كشتها جاحدة مثل اخوها بس تتغلى عليناx .
لوليا :ههههههههه من عيوني ابشر بس كذهx .
لوليد :يللا ما اطول عليك تبين شي .
لوليا براحه :لاتسلم .
عند غادة وحمد بالغرفه كان يضحك بعفوية وهو يمرر يده على شعرة والماء يقطر من جسمه .
غادة بحنق :وجع حمد عاجبك كذه يللا ألبس وطلع القاعه جالسه تمتلي حريم وانت ماخذ راحتك .
حمد وهو يستلعن عليها اطبق ذراعة على خصرها بأحكام :احد قالك تكوني جميلة وزاهيه هالقد .
انحرجت وارتفعت درجة حرارتها من زود الحياء :حمِــــــــد .
ضحك بأستمتاع لأخر درجه تأملها بهدوء وتمعن ليثبت انفه على أنفها وصار يمرر يدة على فرغات الفستان بأنجذاب وتهور .
بلعت ريقها بأضطراب وهمس وهي تحاصر يده بكفوفها :وقف يكفي .
تصاعدت أنفاسها من قرب انفاسه اللي صارت تلفح شفايفها الكرزية المثيرة بموجات حارة حتى يطبق شفاها عليها بأنجذاب صار يتعمق بالقبل فا غريزتة الرجوليه تقودة لها بعدم ادراك .
سيطرت على مشاعرها الأنثوية بأعجوبة حتى ترفع كفوفها على صدرة معلنة الأنسحاب شوي شوي حتى نجحت ببقاء مسافه بينهم وهو مستنكر فعلتها أردفت بضعف ورجاء يوضح بكامل تفاصيل ملامحها :حمد امانه مافيني حيل ارجع اتضبط تحمل لين يخلص العرس والله مايصير ظلمx .
ابتعد بالغصب وهو يحط نفسه مكانها فعلآ مافي وقت هو اخرة دش وشوي عطر ويجهز لاكن هي يبي لها حوسة هز رأس بأيجاب وهو يمرر أبهامه على شفايفه بقسوة :تمام بغمض عين وافتحها الاقيك اختفيتي لاتكوني حولي .غمض عيونه بأستسلام لتنسحب بخفه من قدامة وكأنها ماصدقت خبر فتح عيونه باحث عنها عرف انها طلعت ضحك على نفسه وأستعجاله مسح على صدرة بتدليك :ااااااااخ يابنت عبدالله جبتيني من اقصاي هذا وانا الشايب اجل ما العتب الا على الشباب .راح السرير وهو يسحب ثوبة ويتجهز : ماعاد للجلسة لزوم وهي مو فيه .دق على جود حتى تاخذ له طريق .
بالقاعة تحت وصلوا البنات كلهم وكأنهم حوريات على أرض الواقع مشاءلله لا إله الا الله هالجملة كانت حديث القاعه من دخلوا مع بعض .
رتيل بدلع :هاااا شرايكم .
انبهرت رسيل بطلتها فالأول مرة تكون رتيل كاشخه بهالشكل يوم عرسها ماكانت بهالجمالx :واااااي مرة تهبلي ايش هالحركات اليووم غير مختلفه يابنت حتى بعرسي ماكنت بهالحلى .
رتيل بغرور :تسلمي ياغناتي لزوم تقدروا جمالي بعد الحينxx .
ريما بمزح :احتسبي اجرك عند الله مافي احد يقدر الجمال عندنا .
ضحكوا البنات بروح حلوة .
ردت احد المعازيم اللي لهم مقامهم ووزنهم بالدولة : والله في بس يطلعوكم ومايسكروا عليكم بتلاقون كل التقدير لهالجمال الحلوx .
استحوا البنات والتزموا الصمت ردت ام وافي بلطافة :انتم الخير والبركة ماعليكم كلام بس الخويلد يطمعون بقرب بناتهم لهم مايحبون اميراتهم يطلعوا عن جناحهم .
الحرمة بزعل :اي صادقه ملوا رجالنا وهم يترددوا على مجالسكم ومامن مجيب .
تهاني بتلطيف : ياخالتي الزواج قسمة ونصيب وما احد ياخذ الا اللي مقسوم له .
الحرمة بتنهيدة :ايييه هذا هي بنت ضاري تطير من اليدين يا انها كانت بخاطري لولدي الصغير بس ايش اقول الله يرزقنا شوفت عيالها .
الكل ردد بأمين وهم بين الدهشه والخوف منها .
اردفت جدة محمد بعفوية بعد ما سمعت كلامها :يمدحون ذكر الله يابنت الشيخ جابر صلي وذكرية وادحري الشيطان .
التفتت الحرمة عليها وهي وصلها مقصد جدة محمد وبحقيقه وصدقx :مصليه وذاكرة ربي عليها قبل لاتقولين ولو بيديني تحصينها حصنتها هذي الغاليه نور العينين مو محتاج تخافين من عيني عليها .
الكل أستغرب كلام الحرمة وكأنها على علاقه قوية مع بنت ضاري اللي معروف انها ريفال منهم اللي ماعجبه كلام الحرمة ومنهم اللي لعب الفضول بحسبته ومنهم من خاف منها ومن ضمنهم لولوة :ياخاله ايش عرفك ببنيتي وتنشدين على من فيهم .
لفت انتباها احد بالخلف دققت فيه بشك بعدم انتباه لسؤال لولوة .
تهاني بهمس للولوة :بنت ضاري هذي ريفال .
استغربوا جدا صمتها وتعابير وجهها والتفتوا على اللي معلقه انظارها عليه .
اتسعت ابتسامتها الحرمة من لمحت القمراء تقدم عليهم بكل ترف وشموخ بجمال بدوي بحت من العيون الوساع المدوعجه والرموش السيوف المتحدة نزولآ للجسم الممشوق الملتف بفستان أحمر يتراقص الخيوط الخرز المتدليه من كامل الفستان مع أبسط حركة لها برقه وفخامه حضور لتردف بترحيب من تأكدت : يالله حي هالوجه الصبوح يالله عساني فدوة لكحلت المفضوح .(تقصد بكلامها رسمه كحلتها المعروفين فيها بنات البدو ).
ضحكت القمراء بنعومة وهي تقبل رأسها ويدها :تفداك القمراء وسماها .
بنت جابر برضاء وحب : الله يرضاء عليك يمه هلا والله بالجمال البدوي هلا بحبيبتي وينك فيه .
القمراء وهي تحاوط عنقها لتقبل رأسها مرة ثانيه :موجودة ياعيوني سمي وامري كل الي بخاطرك يتنفذ .
ربتت على كتف بنتها بفخر :ما يأمر عليك عدو ياعين امك بس شوفي لي درب قريب بشوف بنت ضاري وابارك لها بنفسي قبل لا يزحم المكان .
القمراء بدون تردد وبأبتسامة : هي لو تعرف انك هنا كان نزلت لك بنفسها ولا أنتظرت طلعتكx .
وقفت الجدة عايشة بعدم اعجاب : شوي وتنزف مو محتاج تطلعين لها كلها دقابق وتنزلx .
ابتسمت بنت جابر لعايشة :بنت ضاري تستاهل من يتعنى لهاx مو مشكله ماراح اتأخر استأذنكم .
مشت تابعه حفيدتها بشموخ ابدآ مايقل عن شموخ القمراء .
تنرفزت الجدة عايشة من تطنيشها وبغضب :من تكون هذي حتى تحقر كلامي بهالشكل .
جدة محمد بأستغراب وعدم تصديق لهم :ماتعرفونها ؟؟؟.
هز الكل رأسها بلأ .
جدة محمد بتعزيز لها ولأهلها وهي تناظر بالعجيز بطرف عين وبأستهزاء :ومنهو اللي مايعرف قمرx بنت الشيخ جابر الله يرحمهx هذي اسمها يتردد بمجالس الرجال قبل الحريم مابقه رجال ولاحرمة شافوها الا و مدحوها سواء كان من زود زينها او من طيب معدنهاx .
ارتفعت اصوات الحريم بفضول عن من تكون فهم لأول مرة يشوفوها .
الجازي :ياخاله والشيخ جابر من يكون .

جدة محمد بسخرية وهي تقوم عنهم : الله يخلف عليكمx .
صارت القمراء حديث القاعه .

فوق بغرفه ريفال اللي دخلت عندها ميرال بعد ماجهزت وبأنبهار وهي تحاوط وجه ريفال بعيون دامعه : مشاءلله تطيري العقل .
ريفال بتأثر وهي تمسك ذقنها بأنبهار :وانتي تجنني اسم الله عليك اخيرآ صرنا نتشابهx .
ضحكت ميرال بأهدام مبلله :والله حاولنا كثير انا والميكب ارتست حتى وصلنا لهالنتيجه .
سحبتها ريفال للمرايا حتى يوقفوا جنب بعض بسعادة .
ريفال بأبتسامهx :شوفي كابلز بكل شي مانختلف الا بالبستك انتي كشمير وانا خمريx .
ضحكت ميرال وهي تضمها :مررة أحبك .
ريفال بحنان وأحتواء :وانا احبك حيل .

ميرال بصدق : الحمدلله انك اختي وتوأمي .
ريفال بمشاعر مرهفه قبلت جبينها :انتي اللي الحمدلله انك اختي لو انتي مو موجودة مدري كيف كان بيكون حالي .ضمتها بحب وامتنان .
اندق الباب قاطع عليهم الحظهx .
ريفال بربكة وهي تشد على ميرال الخجوله :تفضل .
دخلوا لتصرخ ريفال بصدمة وعدم تصديق :خالتوو .
ضحكت بنت جابر بسعادة :مشاءلله تبارك الله رفعت شيلتها وهي تغطرف :اللهم صلي وسلم على حبيب الله محمدx كلوووووووولش .
ركضت ريفال بفرحه وهي تنرمي بحضنها بدون انذار وهي تبكي .
شدت عليها بمدامع يتدفق لها الدمع :لا لا لا مافي دموع اشششش خلاص لو اعرف انك بتخربي كشختك كذه ماكان جيتك .
شهقت ريفال بعدم تصديق وتعبيرها يخونها :مو مصدقه انك جيتي احس احس كأني أتخيل .
ضحكت القمراء وهي تقول :من متى بنت جابر قالت كلمه وماوفت فيها شوفها هذا هي عندك بشحمها ولحمها .
رفعت رأسها من حضنها بشفايف مقوسة :يعرف انك هنا .
شتت بنت جابر عيونها عنها بتهرب :مبرووك ياميرال تعالي يمة علامك تسمرتي .
القمراء بطنازة :هذي تتأخر على ماتستوعب اعذريها .
بنت جابر :هههههههههههه الله يحفظهم .
ميرال بفهاوة :خالتي قمر صدق .
بنت جابر :اوهوو لا مطولين دام هذي علومك اقربي يابنت ببارك لك .
ركضت بضحكه وهي تضمها :ياهلا ومسهلا والله ان المكان ضوئ بجيتكx .
ريفال وهي تقبل خدها :وانا أشهد عساني ما أعدم زولها اعذريني خالتي بس يعني مدري ماتخيلت انك تلبي دعوتي وانتي اللي ماتطلعبن من بيتك .
بنت جابر :هو انا أقدر ما احظر عرس بنات ضاري والله اني اكون بعداد الأموات بالكم عاد وهو وياكم معرس .
ضحكوا البنات بسعادة .
سحبتهم لناحيتها وهي تضمهم لها وتقبل جبينهم :الف الف مبروك منهم المال ومنكم العيال انشاءلله .
رددوا بخجل :أمين .
وقفتهم كلهم جنب بعض القمراء وميرال وريفال وهي وتحصنهم بقلب ام يخاف على عياله من الهواء الطاير .
دقايق وهي منتهيه :استودعتكم الله الله يحفظكم بسم الله أرقيكم من كلّ شيء يؤذيكم، ومن شر كلّ نفس أو عين حاسد .
ضموها بحب وفرحه بحضورها .
القمراء بعتب :جدتي ترى صرت اشتاق لك واجد تعالي هنا وش تسوين بالجنوب لحالك .
بنت جابر بتسليك :منو قالك لحالي ولدي وخواني عندي .
القمراء بدلع :طيب بس ماعندك عناد هناك .
تغيرت ملامح بنت جابر بطريقه خلت ريفال وميرال يوقفوا القمراء عن الكلام وبتغير للموضوع :شفتي زوجه ضاري ياخاله .
بنت جابر :لا باقي .
سحب القمراء ريفال وهي ترتب مكياجها بضيق من جدتها .
ميرال بأبتسامه : تعالي نروح لها .
بنت جابر :لايمه خليها بعدين مايصير تخربين كشختك عشان اشوفها .
ميرال عانقتها بسعادة :مبسوووطه فيك بشكل .قبلت خدها بعشق :ودي اكلك كذه .
بنت جابر :ههههههههههه خلاص لاتخربين مكياجك اهجدي انا بنتظركم تحت .
ريفال بضيق :ظلم مالحقت اشبع منك .
بنت جابر برزانة :ماعليه لاحقه علي جالسه أسبوع .
ريفال بزعل :ابيك قدامي لاتبعدين هذا انا قلتلك .
ميرال بتهديد :اي والاx نزعل عليك .
بنت جابر بأبتسامة :من عيوني .
الأثنين مع بعض :تسلم العيون وصاحبها .
القمراء بتدقيق :كأنكم تتشابهون واجد اليوم .
ريفال وميرال بفرحه :اييي .
القمراء وهي طالعه :الفساتين ولا أروع بتكسروا الدنيا .
ارسلوا لها بوسه بالهواء ونزلت الجدة قمر وحفيدتها القمراء .
دخلت ديالا بمرح :هلووووو كيف الحال ياصديقتي
ريفال بسعادة :فوق الغيم من السعادة فأجلبوا لي دفتر لأرسم وأبعثر مواهبي عليهxx .
ميرال بخبث :يبدو انها تريد الزواج بسرعه مارأيك ياديالا .
ديالا بضحكه وديه :اكثر مماتتخيلين ايضآ ياميرو فهي تموت والأستلقاء بأحضان ذلك الحارس الوسيم .
ميرال بمكر :ههههههه واااااااو ياإلهي لم أكن أعلم بذلك على الأطلاق يبدو ان ليلتهم اليوم ستكون حماسيهx .
ديالا برومانسية مطلقه وهي تتمايل بشاعرية :هذا وصف سائد فامحمد سوف يجعلها تعبث بمساحات صدرة الواسعه مابين عضلات الصدر والاكتاف...شهقت لثواني لتردف بعدها بحماس : لاااااا وكيف لي ان انسى قبلات الشغف فاهذه اهم مرحله القبل امم القبلx أكثر وسيله للأفصاح عن المشاعرx ارجوك روفي لا تبخلي عليه الليله بالقبل انه صبر كثيرآ لينال حقه الليله بالرغم من عدم احتياجك لهالشيء لأنه سوف يفعل ما بوسعه وأكثر ولاكن من باب الأحتياط .
استحت ريفال بقوة فهي ماكانت تقصد هالشيء هزت رأسها بخجل :لم أقصد الزواج بَتَاتًا ..وبتهرب من كلامهم المحرج : هيا اخرجوا فلقد اصبحتم تفهمون مخارج أحرفي بطريقه سيئه للغاية .
ضحكوا البنات بحب لأحراجها ورجعت ميرال لغرفتها مع ديالا المبسوطة فيهم .

عند القمراء وبنت الشيخ جابر .

بنت جابر بأنتباه :ماعرفت من فيهم الجازي .
القمراء وهي تدور بعيونها :تعالي ياجدة بخليك تشوفينها .
راحت القمراء فيها لمكان ماكانت جالسه جدتها وهي تشاور لها على الجازي .
بنت جابر بحب :انت الجازي .
وقفت الجازي وهي تناظر بأهلها وبالحرمة اللي كانوا يسولفوا عليها :اي نعم وصلتي خير ياخالتي سمي .
شدت بنت جابر على كتفها بأمتنان :سم الله عدوك يمه . لفت وهي تطلع من شنطتها شنطه هدايا فخمه واضح وضوح الشمس انها ذهب :اعذريني يام وافي السموحه منك ماعرفتك بالرغم من حكي ضاري الكثير عنك ولاكن ذاكرتي ما اسعفتني هذا شيء بسيط ماهو من قدرك اتمنى انك تقبليه .
الجازي بأحراج :لا والله ياخالتي ماهو بشيء بسيط كثر الله خيرك اعتبريها وصلتني .
بنت جابر بأصرار :ابددد والله مايصير هذا أقل شيء اقدر اهديه لأم كانت لولدي بفترة من عمرة والله ماتنرد يشهد الله انه من غلاك عند ولدي صرت اغليك .
الجازي بخجل :ولوو ياخاله هذا ولدي ماسويت شيء .
بنت جابر وهي تمد لها الهديه بأبتسامة :عسى السعادة تحوفك بكل مكان وجعل دروبك كلها فرح .
الجازي وهي تاخذ منها الهدية وتقبل رأسها :امين وياك ياخاله يعطيك العافيه اتعبتي نفسك والله ماكان لها لزوم .
ربتت على كتفها بأعجاب :الله يعافيك كل واحد ياخذ حقه .
تأملتهم لولوة بغيرة من كون الجازي صارت لعيالها الأم وقفت تفرض نفسها بينهم وهي تمد يدها لناحيه الحرمة بثقه :هلا ياخاله معك ام ضاري .
تأملت يدها الممدودة بأستهزاء لتصافحها ببرود :يا أهلآ .
سحب يدها بسرعه وهي تجلس على طاولتها بصحبه القمراء وجدة محمد وبنات ال سلطان اللي يعرفونها عز المعرفه .

غرفة تولين اللي جالسين خواتها كلهم عندها .
تولين بتوتر :في أحد كثير تحت .
لوليا :والله القاعه ممتلئ وفي وحدة كبيرة بالعمر بس يمه تهبل مشاءلله واضح انها تعرف ريفال وميرال .
لميس :اي شفتيها كيف مشاءلله بس عاد تركت جدتي تشتط عليها اسلوبها غريب ماعرفت من تكون .
لمار بأستماع :اتوقع اللي نرفز جدتي هي ثقه الحرمة ومدح جدة محمد بها .
توليا باستغراب :اوهوو كل هذا صاير .
لميس بتهويل :يووووووة وازيدك من الشعر بيت القمراء تناديها يمه الواضح تصير لها .
تولين بتفكيرx :يمكن من أهل العم عناد .
لوليا ببساطه :اكيد ولا هالثقه من وين .
لمار :بس جميلة أعجبتني .
لوليا بتأيد وهي ترتب أظافرها :اي جمالها ملفت .
لميس بضحك :هههههههه احس الحريم انقهروا من شافوها واضح وراها شيء ولا ماينعفسوا كذه لله .
تولين بنرفزة والفضول اخذها لهالحرمة :اوووف انقلعوا عني اشغلتوني ودي اشوفها قمه النذاله انتم الصراحه .
لمار بضحك :طيب هااا ايش مستعدة للزفه .
تولين بتذكر وهي تطبطب على عقدها المرسوم على نحرها بربكة :يعني مو حيل .
لوليا بتذكر :اوووف على فهاوتي نسيت اخبركم عمي وليد طالب شوفتنا كلنا بدون استثناء .
لمار بطنازة :عشتوو اخيرآ الأستاذ بجاد وافق .
لوليا بطقطقه :وحياتك بدق خشوم مو لله .
لميس بكرهه :ما احبه ولا ابلعه .
لوليا :هههههههه عاد هو حرس على حضورك جداا يقول جاحدة مثل اخوها تتغلى عليناx .
لميس بضيق :يصير خير .
لمار :عاد عندي فضول اعرفه وتقرب منه احسه لطيف .
لوليا بأبتسامة :لا وازيدكم من الشعر بيت عازمنا بعد العرس يقول لاحد يقول تعبان .
لميس بتضيع للسالفه :يللا بنات فشله تاركين الغرس وجالسين عندها خلنا ننزل .
البنات :يللا .

عند الرجال كانت فخامه الحضور طاغيه بشكل مبهر فكيف وهم من اكبر العوائل و أعرق نسب كانت العراضه السعوديه تكتسح الوسط والكل كان يتشارك الفرحه العيال كلهم منقسمين على صفين والفرحة تحاوط ملامحهم بوضوح .
سهيل بمزح وهو يناظر فريق السلك :يالربع مو ناوين تنوروا الساحه .
وقفوا فريق الغازي بتشخيصه وهم يرفعوا سلاحهم على كتفهم طالعين لساحه القاعه .
ركان بتنبيه وهو يغمز لسهيل : يالخوي خل أحد يحط خبر عند الحريم حتى لا يخافون .
هز شعاع رأسه وهو يدق على عمته ام زوجته غاده دقايق ووصله صوتها :هلا يأم بجاد كيف الحال ....الله يديم عليك ..ايي بالله اتركي خبر عند الحريم بيصير طلق نار لا أحد ينرعب ورانا ...اي يعطيك العافيه بنتظر اتصالك ...تمام .
شعاع وهو يوقف معهم :دقايق بس يالربع يجينا الأكيد .
كانوا واقفين كلهم بثوابهم البيضاء وسلاحهم يتوسط ضلوعهم بغرور وفخر (عبدالكريم ومحمد وزياد وركان وشعاع وعلي وصقر وساري وذياب وسهيل وشاركهم غازي وضاري بفخر فيهم هذا هم رجال الدوله مسلطين الأضواء دوم عليهم فكيف بعرس قائدهم كانوا عز العزوة والسند )

عند الحريم طلعت غادة على المسرحه وهي تهمس للدقاقه :اعلني أنه ارجال السلك العسكري بيدقوا التحيه بالسلاح لا أحد يخاف ويتوتر .
الدقاقه ببحه جذابة :أعتذر على المقاطعة بس أرجال السلك العسكري مثل ماتعرفون مسوين فقرة لقائدهم بيطلقوا فيها بالسلاح لا أحد يخاف كل شيء تمام ارجوا المحافظه على الهدوء وشكرآ . التفتت لفرقتها حتى تبداء بالأغنيه.
رفعت جوالها غادة وهي تعيد الأتصال عليه .

عند شعاع .
عند شعاع .

أرتفع رنين جوال شعاع ليقول بأبتسامه ورحابه صدر :حياااكم يارجالx .
انتشر صوت الطلق بالسماءx حتى انه غطى على أصوات الأغاني والطرب بشكل مثير وهم كل منه يقول الزود عندي بدلوا الخزنه بلمح البصر وفلاشات الجوالات متوجهه علبهم بأنبهار من سرعتهم في الأداء ليكملوا فقرتهم بحماس طاغي انتهوا من الطلق ليمسكوا ضاري بخبث وههم يرفعوا فيه ويطيروه بالهواء بشكل جماعي ضحك ضاري على خبالهم وهو يستند على محمد حتى أعتدل بوقفته بفرحه فيهم ترى عندنا معرس صاروا يشاكلوا بمحمد حتى خربوا خشكته وهم يرفعوه بالهواء غازي بمزح وتعب :لا لا يبي لكم الميدان وزنكم زايد مايصير كذه .
ضحكوا الحضور عليه .
ضاري :عاد مشاءلله ماتعتقنا انت وميدانك واضح انك مخطي هذا حنا يبي لنا نزيد شوي شوف فريقي كيف صار .
غازي بمكابرة :والله عرض الباب لازم تنقصوا .
ضحكوا الشباب على مناقرتهم ...بعدها بوقت كمل البعض منهم بالرقص على انغام العود والبعض بالتصوير والبعض بالتعديل على كشخته والبعض بالسوالف واللي ضاري كان واحد منهم .

ميل الجد عناد على ضاري بهمس : شيك على عمرك خلاص مابقى وقت على الزفه .
ضاري بثقل :بدخل مع محمد و أوس وزياد وساري نزف ريفال ونوسع صدرها بعد كذه نطلع محمد ينتظرها بما انها ماتبي نجلس ومنها ادخل ميرال بعد لعبدالكريم .
ربت الجد عناد على فخذ ضاري والفىحه مو سايعته :الله يتمم فرحتنا فيكم .
رفع الجد عناد جواله اللي يهتز بسبب تصميته له وهو يبتسم بعمق وبهمس خافت :هلا يابوك ياهلا ياعين جدك وقلبه حي الله صوت عروستنا .ابتسم ضاري بتوسع من وصله صوتها الخجول :هلا جدي كيفك .
الجد عناد :انا بأجمل ما أكون هااا يابوك مستعدة .
ريفال بربكة :اا اي بس ابي البشارة .
الجد عناد برحابة صدر :اللي ودك فيه افرحي هالصدر وشايبةx ببشارتك يابنت ضاري .
ريفال بأبتسامة وهي سعيدة وحيل :بنت جابر جت .
أنصعق من الخبر حتى حس برجفه قلبه وشحوب ملامحه تتوسع لجسمه .
ريفال اللي حاسة فيه :قرة عينك بشوفه غاليك يابوي هذا هي جت لين عندك لاتضيع الفرصه وخلها تقضب أرضها اتعبتنا هالعجيز وهي تدلع عليناx .
الجد عناد بجمود :،مع مين .
ريفال بتلاعب :مع شوقها المفضوح لاتكثر الهرج وامسك حرمتك ماصارت ايش هالزواج بالله كلآ منكم بجهه ترى يقولون راعي الهواء مفضوح لا تطولها وهي قصيرة .
الجد عناد بكركبة مشاعر :طيب يبه يصير خير .
ريفال :تعال زفني يالشيبه خل كبريائك بزوايه مجلسك ولاتعكر فرحتي انت وعجوزك .
الجد عناد :ان شاءلله .
ريفال :هيا استودعتك الله .
الجد عناد :مع السلامه .
ضاري اللي كان مركز معه ومنتبه للنفضه والرجفه اللي تسري بجسم وليف روحه :ايش اللي قالته ريفال حتى تصيبك الرجفه لهالدرجة خبر جية حب الطفولة بعثر كيانك وزلزل توازنك لايكون كنت متوقع انها ماراح تحضر عرسي انا وخواني .
الجد عناد بضياع :ليش ليش جت ياضاري ليش .
ضاري بأحتيال :عشاني ويمكن بتطلب طلاقها منك يالعناد يللا انا بروح اتجهز .انسحب من جنبه بهدوء .
كلمتة طعنت بقلب هالجد بدون شعور وهو يتخيل حب حياته بعد هالحرمان هذا كله تطلب الطلاق لا وبعد هالعمر يحس بالضيق يسيطر على قلبه . ماوعى من سرحانه الا على يد علي صاحب ضاري بقلق :بك شيء تونس شيء .
هز الجد عناد رأسه بالرفض :هيا نقوم عشان دخلت المعرس .
وقف الجد عبدالله والجد عناد وأوس وساري وزياد وابو وافي وضاحي وغازي بأستعداد للزفه بشكل مهيب للعين .

بجناح خاص بالقاعه كانوا العرسان واقفين بثوابهم البيضاء المغلفه ببشوتهم السوداء بكشخه ورائحه عبقهم منتشره بكامل الجناح .
دق ابو وافي عليهم الباب بأبتسامه :أدخل .
ضاري بحفاوةx وهو يثبت الغترة لأوس :حياك عمي .
قام محمد بثقل ولبس غترته وعدل على شكل بشته بتشتت .
علي بتلطيف للجو :ها ياعريس جهزت..
أبعد يدين محمد وهو يعدل غترته
بنفسه وهو يقول بفرحه:ألف ألف
مبروك يامحمد ما بغينا ياخوك..
إبتسم محمد وضمه علي ...
أخذ البشت وهو يلبسه اياه بفرحه : هاااا ياضابط استانس وفلها اليوم عاد علاوي مدلعك ومجهزك لعروستك بنفسه...
محمد بمرح و إبتسامة مافارقت ثغرة ولو دقيقه : انت الخير والبركة ياعلاوي عقبالك كذة يوم أدلعك
أنا ..
ضحك علي وهو ياخذ العطر وكأنه بيعطر محمد ليسحب عليه ويعطر نفسه بلعانة :معلش عاد الا العطر ترى صدقت نفسك واجد .

انتهى ###
انتظروني بالتكمله بأقرب فرصه كانت معكم اختكم (كنوز جواهر ) تصبحون على الف خير .

[وهج الليالي]

يسعد هالطله عاد اجازات والكل مختفي الا حلوتنا وينها مشتاقه لسوالفك ايش الأخبار كيف الجوو عندك وين ماتعايدنا منك هالعام ❤😂

[كنوز جواهر]

ياهلاااا بك زود ياروحي ايش اخبارك حيييييييييل مشتاقه ان شاءلله كلها يومين وينزل الفصل اعتذر بشدددددة بس كنت مشغوله بالسفر و بالتجهيز للعرس وبحاول بكل جهدي اختم الروايه بهالفترة قبل العرس لأن مابقى وقت كلها ١٣ يوم بالضبط واكون عروس مع ابطالي برأيكم ازود لي كرسي جنبهم ولاكيف 😂😂 سوري حبايبي ولكم كل الحق واعيد أعتذاري لمدراء المنتدى 🙏❤

[كنوز جواهر]

المشاركة الأصلية كتبت بواسطة وهج الليالي

يسعد هالطله عاد اجازات والكل مختفي الا حلوتنا وينها مشتاقه لسوالفك ايش الأخبار كيف الجوو عندك وين ماتعايدنا منك هالعام ❤😂

اييييييي والله من صدق ماعايدتكم ولاعايدت المنتدى يللا متأخرة بس عاد ايش اسوي كل عام وانتم بخير بمناسبه العام الهجري الله يجعلها سنة خير وفرح علينا وعلى الجميع 🥰❤