روايه ((( يامحلى الصبر عند الهاوي والغاوي ويا مبشعه عند الذيب العاوي ))) .

[مزن السماء]

المشاركة الأصلية كتبت بواسطة وهج الليالي

لا بربك قسم بالله اني احبببببك يالمزن كنوز لاتطيحي فينا لاتصيري نذلة مثل الجد عبدالله 🥺🥺

هااااااااي كيفج ياوهج شوفيني انا هنا 🖐😎😎

[كنوز جواهر]

المشاركة الأصلية كتبت بواسطة مزن السماء

هااااااااي كيفج ياوهج شوفيني انا هنا 🖐😎😎

جااااك الموت ياتارك الصلاة 😹😹😹😹😹😹😹😹😹

[وهج الليالي]

المشاركة الأصلية كتبت بواسطة مزن السماء

هههههههههههه قلت شنو معقول صهيب يتزوج رتيل فوق لمار 🤭وايددد تفكيري راح لبعيد 😝

تصدقي حتى انا😹😹

[وهج الليالي]

المشاركة الأصلية كتبت بواسطة مزن السماء

هااااااااي كيفج ياوهج شوفيني انا هنا 🖐😎😎

هلا بالطش والرش شوفي انا هناك مالي وجود بالمنتدى😊🤣🤣

[وهج الليالي]

وين يالكنوز طال الغياب

[كنوز جواهر]

المشاركة الأصلية كتبت بواسطة وهج الليالي

وين يالكنوز طال الغياب

قريب ان شاءلله ياقلب الكنوز بس ماعلية الفصل الأخير ويحتاج وقت لأنة بيتقفل فية معظم الأبطال ماعلية تنتظريني شوي .

[وهج الليالي]

المشاركة الأصلية كتبت بواسطة كنوز جواهر

قريب ان شاءلله ياقلب الكنوز بس ماعلية الفصل الأخير ويحتاج وقت لأنة بيتقفل فية معظم الأبطال ماعلية تنتظريني شوي .

أكيد بأنتظارك على أحر من الجمر ياعيوني 😭💖

[كنوز جواهر]

المشاركة الأصلية كتبت بواسطة وهج الليالي

أكيد بأنتظارك على أحر من الجمر ياعيوني 😭💖

حبيبتي تسلمي ما انحرم منك 💞💞

[كنوز جواهر]

♡☆♡
xxxxxxxx روايه
xxxxxxxxxxxx ♡☆♡

يامحلى الصبر عند الهاوي والغاوي
xxxxxxxxxxxxxxxxxx و
x يامبشعه عند الذيب العاوي
□
□
《 الفصل ال 50 》

وين المكان اللي يبيع ابتسامات
انا حزين ولازم اني اجامل
عربيد ياليل العتب والتفاهات
ايش انت لقلوب السواهر حامل
...
دليت لظروف القصيده معاناة
وصار القلم يدمع بحضن الأنامل
ماتنفع الموجوع قولة سلاماات
اللي غدى جسمه من الجرح خامل
...
تولد من ارحام الخوافي علاماتت
لو الوهم يلعب على الحق زامل
انا خطأ؟! نفس المسائل إجابات
أنا خطأ يوم اطلب انسان كامل

.
.
.
بسم الله الرحمن الرحيم

بالحديقة زاحت رودينا شعرها من على جبينها وهي تفكر بكلمتة(اكتب تفاصيل المكتوبة بالصورة ) وبنفسها اي صورة واي تفاصيل تنهدت بقهر :عكر مزاجي هالزفت وقلب راسي .

ريما بأحراج :مدري ايش أقولك بس أعتذر لك جدآ على هالحيوان والله متفشلة منك حيييل .

رودينا بعدم اهتمام :أقول انقلعي قال متفشلة انا اللي شاغل بالي كلمتة وش يقصد ب اكتب تفاصيل المكتوبة بالصورة .

ريما :هذا خبل تلاقية قالها كذة عشان ينرفزك .

رودينا بتفكير واستنتاج وهي تتربع على العشب :لا ابد في شيء ماهو على بالي هو يعرفة أو قد صادفة بس ايش مدري مو قادرة اعرف .

ريما بضجر :اوووة فكك منة ابي أتونس بجيتك .

بالمسجد
سلموا من صلاة المغرب وبدأ المصلين بالأنسحاب وقف أوس وهو يسترق النظر بوجيه المصلين باحث على وجه ساري بينهمx .

دقة محمد بكوعة :وين وصلت على من تدور .

التفت له بوجه مكتوم وهو للحين يتذكر قبضات يدة على وجه ريفال وبجفاف :وش تبي .

عقد محمد حواجبة بأستغراب من أسلوبة :شفيك .

مسك أوس يد محمد وهو يحاول يسيطر على أعصابة تلفت ومن شاف مافي أحد ضغط عليها بكل قوته :شوف ما أعرف للتصنع والنفاق عندي كلام أحب احطة بالوسط .

محمد وهو يحافظ على ملامح الجمود رغم الألمx من قبضته :أسلم .

أوس بفحيح وهو يقرب وجه منة وبهمس حاد وعيونة شوي وتطلع من مكانها :ما هي أخت أوس اللي تنمد عليها اليد انا أدفنك مكانك قبل تفكر تسويها وش على بالك وانت تارك بصمة أصابعك عليها .ثنى أصابعة للخلف حتى صدر صوت طقتهم....:أكسرهم لك صدقني لو كنت أعرف انك كذة كان ماعطيتها لك حتى لو كنت تموت قدامي يالكلب بس هين والله لا أطلع سواتك من عيونكx .

محمد بصعوبة بالغة :شوي شوي تراك فاهم غلط .

دفه أوس من قدامة :لاغلط ولا صح اللي عندي قلته لو ماكانت هي محذرة ما أتكلم مع ضاري وانهي موضوعكم كان انت الحين مكانك مو بيننا .

ابتلع محمد ريقة وهو ياخذ نفس طويل وكأن خوف امة صاب :تعال لي هنا بفهمك .

أوس بضيق :ياشيخ روح وش بتفهمني لو ما أنا كشفتها بنفسي كانت بتبقى مخبية عني سواتك فيها انا مستغربx كيف انها رضت على نفسها المهانة .

محمد مسكة غصب وجلسة :والله ماتطلع من مكانك الا وانت فاهم السالفة كلها .قال له كل شيء صار ودار بينهم وكشف له مكان الجروح اللي هي سببتها له .

أوس ومازال الوضع مو عاجبة : وبعد قليل عليك يالورع .

محمد وهو يطبطب على جرح شفايفة :ماعلية تمون سنداوة الذيب .

أوس بعتب :كان كلمتني مو على طول تشك فيها .

محمد :ماكنت أشك فيها كنت خايف عليها في فرق كنت أحسبهم يهددون فيها وحنا بالعسسسل ماندريx .

أوس بضيق :محمد بريطانيا واللي صار فيها صفحة وانطوت مافي اي شيء ممكن يبقى لك ولنا منها غير ديالا تمام فهمت علي ديالا فقط .

محمد بتأكيد :ان شاءلله هااا يابو الشباب راضي علي .

أوس بصراحة بحتة :دامك محترمها وكاف يدك عنها بنكون صافين بس مجرد انك تفكر تعيد اللي صار بيكون فيها كلام ثاني لامحال .

محمد بصدق :والله أنها بعيوني .

أوس وهو يوقف وبجدية :ايي حط ريفال بعيونك والا بخلعهم لك وانت ادرى حنا يالخويلد ماعندنا لعب .

محمد بضحكة :وانا أشهد .

قضوها سوالف وضحك وهم راضين عن بعض بعد نقاشهم وصراحتهم مع بعض .

محمد بود :ياخي تعجبني صراحتك حتى لو هي في بعض الأحيان تكون وقاحة بس تعجبني .

أوس بصدق :عاد هذا طبعي من يوم يومي ما أعرف اتلون .

ربت محمد على كتفة :وهذا اللي يميزك صدقني يابو محمد .

أوس بنص عين :عشتووو مابقى غير انت اسمي علية هذا اللي ناقص .

محمد بمكر :والله عاد أجمل من اسم الرسول مافي خلك لما يطلعون كلهم عاقي...قبل يكمل جملتة سكت من ملامح ضاري المعقودة والمضايقة وكأنه مغصوب على الجلسة .
تنحنح محمد وهو يغني له ببحة طربيه :يا عاقد الحاجبين
على الجبين اللُجين
إن كنت تقصد قتلي
قتلتني مرتينِ
وبتلحين : قتلتني مرتينِ ياااااا يا عاقد الحاجبين .

ضحك أوس من انفكت عقدة حواجب ضاري طالع محمد بأستمتاع :ههههههههههه بالله كيف جت على بالك .

محمد :ههههههههههه عاد هذي للفيروز والوالدة الله يحفظها كل صباح مصحيتنا من عز النوم على صوتها .

أوس :بس غير شكل بالله عييد .

محمد :ههههههههههه لا بالله .

ضاري بأبتسامة وتأيد: نجيب لك العود تطربنا .

محمد : على عيني .

أوس بحماس :خلاص انا بشوف العود واجيكم على المشب .

ضاري :تمام .

محمد وهو يمشى مع ضاري للمشب :متى بتجهز لبيتك خلاص مابقى شي على العرس .

ضاري :انا بس بجدد اثاث غرفتي ولا الباقي تمام وانت .

محمد بأبتسامة : نفس وضعك راح ابتدي هالأسبوع حتى مايداهم علي الوقت عندي الف شيء لازم انفذة قبل الموعد .

ضاري :شيك على كل امورك من الحين لأن كمان شوي هذا وجهي لو تذكرت بتكون مرتبش بالتجهيزات ولا انت متذكر شيء فخلص كل أمورك من الحين ولو على الأثاث تعال ننزل مع بعض .
x
محمد برحابة :حيااك ماعندي مشكلة بالعكس ناخذ رأيx .

ضاري :خلاص تمام لاجيت تنزل او انا نزلت ندق على بعض .

محمد وهو يدخل على الشباب :خلاص ازهلها .

عند اوس فتح المستودع بهدوء وهو يشعل الأضائة ماسمع الا صراخ بنت :هااااااي لا لا وقف .

صد أوس بخرعة :يابنت طيحتي قلبي وش جابك هنا .

شمس :ياويل حالي انت أوس ولد عمتي لولوة يمممة من الفشلة .

التفت أوس بصدمة بدون شعور :وش تسوي هنا .

صرخت شمس بأحراج وهي تسكر عيونها بكفوفها : لاااااااء ارجع مثل ماكنت والله لاقولي لعمتي عليك .

عرف أوس أنها من بنات خوالة ارتسم طيف ابتسامة على شفاتة :مين انتي منهم .

شمس بتردد وخجل :انا..انا شمس الغازي روح بعيد واللي يسلمك بطلع ماعلي حجاب .

أوس :ان شاءلله بس مارديتي علي وش جابك لهنا .
شمس بقهر وتوتر :هذي اختك الله يسامحها قالت جيبي العود من المستودع كأني أعرف المكان بالحيل عشان ترسلني عود ينترس بحلقها .

أوس :هههههههه خلاص قولي لها راحت عليك زوجك اخذة .

شمس بوهقة :اذا مابغيت شي ثاني أبعد أو صد وانا بطلع سريع الله يلعن بليس أختك على هالوهقةx .

ابتعد أوس عن الباب وهو صاد وماسك نفسة عن الضحك بالويل .

وبدورها شمس أخذتها ركض لينفجر أوس بالضحك :وش زينها بنت خالي .
دخل سحب العود من الدولاب وطلع سريع وهو يدندن بروقان :شمس يا شمس الغازي .
وبالطريق تذكر موضوع ساري اللي كان ناسية وماتذكر الا الحين...أوس بفهاوةx :كيف راح عن بالي هالحيوان لو أعرف بس وش عندة مطيح الميانة مع البنت وهي ماتطيقة كان بس هيين ما أكون انا لو ماعرفت وش وراك يالساري .

عند الحريم كانت الجازي تكلم بألياس .

ألياس :هلا ياخالتي كيفك وكيف الوضع عندك .

الجازي بأبتسامة :الحمدلله والوضع عندي هدوء اللي تسأل عليها ماهي موجودة .

ألياس بأستغراب وأستنكار :كيف وجدها هنا .

الجازي :اي عمي عناد هنا بس هي ماجت معه بقت هناك .

ألياس :لاتقوليها وانا فرحت من شفتة .

الجازي :افاتح لك ريفال بالموضوع تجس نبض ولو كذة تكلم لك جدها .

ألياس بتفكير :تمام بس الخبر مايوصل الجد أو العيال لين أقول لأمي وابوي خلنا نمشي حسب الأصول .

على نفس الموضوع كان عبدالكريم وضاحي يتكلمون .

عبدالكريم برجاء :تكفى يبة كذة كذة بيتي جاهز ووظيفة والحمدلله والمهر موجود الحريم مايخذوا اسبوع الا وهم مخلصين انت ادرى بهم يقولون مانلحق مانلحق ومن ينزلون السوقx مايرجعوا الا وهم مخلصين هاااا يبة وش قلت .

ضاحي :يابوك يمكن يرفضون وش دراك انت .

عبدالكريم بألحاح :انت بس سولف عليهم وشوف ردهم وانا بكلم ضاري على موضوع العرس اذا وافق عمي زايد وجدهم .

وقف ضاحي :لاحول ولاقوة الا بالله تعالx هذا هم جالسين لحالهم تعال نشوف رأيهم .

وقف عبدالكريم بحماس .

دخل أوس وبيدة العود وهو يمشط المشب بالكامل بعيونة شاف ألياس يسولف على الجوال .

أوس بهمس :خلص وتعال بنسهر .

هز ألياس رأسه بتمام :شوفي الوضع ياخالتي وردي لي خبر بدخل الحين عند الشبابx .

الجازي :الله معاك يمة .

بدرية زوجة خالد ابو سهيل وريما :تهاني ياعمري عسى ريما ماهي مزعجتك .

تهاني بسعادة وفرحة :لا والله ياحبيلها تونسني الله يسعدلي روحها ملت علي البيت.

بدرية بأحراج :والله كل ما أكلمها أقول يابنت انزلي من جناح خالتك تتمسك فيك والله اني مستحية منك .

تهاني بزعل :لا ياوخيتي والله انها على قلبي زي العسسل لو ماكنت حاطتها بحسبت بنتي ومونستني كان من ثاني يوم مرسلتها لك .

دخلت ريما عليهم بعد ماودعت رودينا وبأبتسامة :هااااا يالحلوات وش تسولفون علية .

تهاني بأبتسامة :نسولف عليك .

سبلت عيونها وهي تمثل الخجل :ياويلي استحيت .

بدرية :ايي واضح بالمررة الحياء يقوطر تقطر .

ضحكت ريما ومن جد هالمرة استحت :يمممممة .

بدرية :ههههههههههههه اي كذة ولا من شوي ماااش ماهي لايقة عليك .

ضحكوا على مناقرتهم لبعض .

---------------------------------
بالجهه الثانية

دخلت شمس و وجهها مصفوق .

رتيل وهي تصغر عيونها فيها :وشبها ذي .

رفعت ميرال وريفال أنظارهم لشمس نطت رتيل بفضول وهي تضربها على جبهتها :هاااااي بنت ايش صاير معك .

ضربت ريفال على فخذها بقهر :قلت لك ايش يعرفني بمكان العود بمستودعكم مرسلتني لها ياحيوانه هناك بدون جلال ولاهم ومايحزنون وبالأخير يطلع لي أخوك أوس يمممممة على الفشلة .

البنات بصوت واحد مصدوم :امااااانة .

شمس شوي وتصيح :والله كنت بموت تمنيت الأرض تنشق وتبلعني ولا أطيح بهالموقف .

ضحكت ميرال بصوت مرتفع بعدم تصديق :يا الله كيييف كذة ههههههههه .

شمس ووجها يتلون من الأحراج : الحين تلاقية يقول ايش فيها هذي جالسة تسرح وتمرح بالمكان كأنة بيت ابوها .

ريفال بأبتسامة وهي تمسح على ظهرها بحنان :ماعلية ياعمري حصل خير صدقيني أوس مايفكر كذة .

شمس بعفوية :الا والله هو سألني وش تسوي هنا .

لميس :هههههههههه مالقيتي غير أوس يتكلم بالعكس مسالم هذا لو هو ضاري الجلمود كنت قلت اي معلش هذا ماعندة تفاهم بس أوس لاوالله ياحليلة .

دقتها تولين بحنق :وليش يعني ضاري ياحقيرة .

لميس بطنازة :عشتووو ماترضى علية .

تولين بجرأة :اي أكيد ما أرضى علية يعني تسبي زوجي قدامي وتبيني أصفق لك مثلآ .

ريفال وهي تخمها :يازين حرمة اخوي ياناس كفووو والله .

ميرال بتعزيز لها :على هالدفاع بأعطيك طقم الماس يليق بقدرك .

رتيل بأستهزاء :من ابو ريالين ولا ابو خمسة بس عشان يكون عندي علم.

انفجرت لميس بالضحك رفعت رتيل كفها للميس وهي تضحك لتتضارب كفوفهم ببعض...لميس :هههههههههههه ياربي اروح لمصطلحاتك فدوة عجبتيني .

غمزت لها رتيل :ولووو ياحب حنا بالخدمة .

ارسلت لها بوسة بالهواء .

ميرال بسخرية :لا بالله انتي وهي .

انفجرت ريفال بدون شعور لتلحقها تولين اللي كانت ماسكة ضحكتها بالقوة :ههههههههههههههههx .

ميرال بدون شعور :هههههههههه يابنت تراني اختك لاتضحكي كذة...ناظرت تولين :هين هذا وانا كنت بجيب لك طقم والله ماتستاهلين .

رتيل بتمثيل للزعل: افااااا وراح عليك العرض..كملت بنبرة متلاعبة :تدري ياميمي خلاص سحبت عليها هذي حتى ابو ريالين كثير عليها .

البنات :ههههههههههههههه .

لميس وهي ترفع كفها لفمها :لو انا مكانك اروح ادور على جبهتي وين طاحت .

ناظرتها تولين وهي تمثل انها تدور : وين ياترى راحت..قامت من مكانها وهي تروح للكنبة اللي جالسة عليها لميس نزلت لمستوى وجهها بعقدة حاجب وهي تمثل الصدمة :طالعيني كذة بشوف ايش اللي على وجهك .

رفعت لميس يدها لوجهها وهي تتحس بشرتها بأستغراب :وين .

تولين ببراءة وهي تأشر على جبهتها بأصبعها السبابة :هنا .

مالحقت لميس ترفع يدها الا وتولين ضاربتها بقوة لتهرب مبتعدة عنها وهي تضحك .

رفعت يدها لجبهتها بصدمة بعدم استيعاب لحركتها :يالحيوانة .

انفجروا البنات لتشاركهم الضحك تالا اللي شهدت الموقف .

تالا وهي تتلوى على بطنها من كثر الضحك :ههههههههههههه لا ياربي بموووووت ههههههههههه قومي عليها لاتتركي حقك .

فزت لميس وهي تراكض وراها وتولين تضحك وبنفس الوقت تصارخ من تحسها أقتربت منها :يـآيـــــــّــــــــّــم� �ــــــــة .

والبنات دوروا عليهم من الضحك .

أنسدحت شمس بدون وعي من كثر الضحك وهي تمسح دموعها :ههههههههه اااااااااااخ ياربي والله الضربة قوية ههههههههههه أستغفر الله .

رتيل :ههههههههههههههه وطيحت بينهم والحمدلله .

الباقي :ههههههههههه .

بالمجلس

تنحنح ضاحي وهو يناظر زايد :أقول ابو ضاري .

التفت له زايد بأبتسامة :سم يابو عبدالكريم .

ضاحي :والله كنت ابي أفاتحك بالموضوع بوقت أنسب من هذا بس الولد مصر على الحين .

أعتدل زايد بجلستةx : أسلم وش بغيت ياعبدالكريم .

عبدالكريم :ياعم أنا طالب بنتك ميرال على سنة الله ورسولة .

أندهش زايد بالموضوع :والله ما عارف وش بقولكم صدمتوني ماكنت متوقع .

الجد عناد بسعادة :والنعم فيك ياعبدالكريم .

عبدالكريم :تسلم ياعم ماعليك زود .

زايد بصراحة :انت تعرف أكيد أنة الرأي الأول والأخير لضاري والبنت صح .

ضاحي بتفهم :نعرف بس انت الخير والبركة ومهما كان انت والد البنت ومن الأصول نتقدم لها عن طريقك ولا ايش رأيك ياعم .

الجد عناد بتأيد :عين العقل يابوك .

زايد بسعادة :يعطيك العافيه يابو عبدالكريم طول عمرك رجال عارف للأصول بس مثل ماقلت لك الموضوع عند ضاريx .

عبدالكريم وهو يحاول يتكلم مع بأريحية :ولو ياعم يهمنا رأيك بالموضوع .

زايد بتنهيدة ومصارحة :ياولدي انا ماعندي عليك كلام انت رجال والنعم فيه مثل ما قال ابوي وانا لو الكلمة كلمتي كان عطيتها لك حتى بدون لا أشاورها بس ما أتعدى ولدي ضاري بهالوضع ؛انت اطرح الموضوع علية وحنا بنشاور البنت ونرد لكم خبر .

ضاحي بحزم :على خير ان شاءلله قم ياعبدالكريم صوت لضاري حتى نتكلم معه .

عبدالكريم بحماس :ان شاءلله أبشر .

طلع للمشب وهو ينادي علية .

أوس بأستغراب :عبدالكريم ينادي عليك وش السالفة
.
ضاري وهو يقوم :مدري يمكن ابوي ولا أحد .

أوس :أنتظر خذني معك .نزل أوس العود على البساط وهو يقوم .

صفر محمد لهم :على وين يابو الشباب .

أوس :راجعين مو مطولين .

بجاد :ياخي أتركهم وقولي وش بتغني .

صقر بحماس :ايي صح وش بتغني .

محمد بنذالة :ماراح أقول .

حذف وليد علية زجاجة المويا :اقول لاتقروشني خلص وسمعنا شي .وبالزجاجة الثانية قطها على ساري :وانت يكفي لعب بالجوال تعال انقلع عندنا .

دق محمد على الأوتار بأتقان وهو يلحن بصوتة :ااااهx احمحم اييي لارجع الضاري بدقدق لك على أوتاريx .

الشباب بحماس :اووووووة .

ابتسم وليد وهو يعتدل وببحة يتميزة بها بالألقاء:
انت لو صاحي
ماعدت سوالفآ تسببx أخلافي
شكلك بتحكي لأسلافي
عن ماصار لك مني يالسنافيx روووووح .

صدح صراخ العيال بالمشب والصفير وصل لأقصى المزرعة من حماس الشبابx .

قتيبة بضحك هستيري :نبي رد بالله والا بتطير جبهتك .

ضحك محمد وهو يتكي على العود ويمرر ابهامة على مبسمة الضاحكx :
وشبك جالس تلكع عند رجالآ ماتعرف الا الشهامة
اذا تبيها تبعبع ماعندي لك غير كلمة ..اسرع وهو يأشر له على شماعة بمكر :
واذا طـالــــــت بخليك تحذف العمامة .(بمعنى انة بيطلعة بالأخير غلطان وبيتركة يتعذر)

مسح وليد علىx شماغة بأبتسامة :ياساتر .

ضحكوا الشباب على خسارة وليد ورد محمد القوي له وقضوها طقطقة على بعض .

دخلوا أوس وضاري حتى ينضمون لهم بالمجلس اللي كان خالي من اي أحد غير خوالهم والجد عنادx وابوهم وعبدالكريمx .

سلم ضاري على غازي ليتقدم أوس بالسلام ولاكن بحرارة .

أوس :شخبارك ياخال .

غازي بجهورية :نحمدلله ونشكر فضلة على تمام الصحة انت كيفك .

أوس بأبتسامة وطيفها يلوح له وكأنها تعيد على مسامعة (شمس الغازي ) بكل فتنة وترف : الحمدلله عال العال .

جلس ضاري وهو عاقد حواجبة ويفر بالمسبحة مابين اصابعة :اييي وش السالفة .

عبدالكريم وهو يتوسل بنظراتةx .

رفع ضاري حاجبة وهو يأشر له بيدة بالخفاء (وش) .

أشر له بنظراتة على ابوة التفت يناظر خالة يتكلم .

تنحنح ضاحي ليردف :ضاري يابوك يشرفنا نسبك ياولدي وحنا طالبين القرب منك ناديت عليك لأني طالب ميرال لولدي عبدالكريم على سنة الله ورسولة واللي تطلبة انت وبنتي ميرال مابنقول غير تم وحاضر .

أوس بتسرع وهو يلتفت لغازي :دام السالفة فيها خطبة حتى انا ابي أخطب بنتك ياخالي بشرع الله وعلى سنة رسولة .

الكل ناظر لأوس بصدمة .

أوس بأحراج : أدري دخلت الخطوط ببعض بس دام مافي أحد غريب قلت أستغل الفرصة .

ضحك الجد عناد :الله يقلع بليسك يأوسx هذا وقت مزح .

أوس بجدية :لا والله يبة اتكلم من جد .

دقة ضاري بصدمة :يالخبل وش جالس تخربط هو لعب عيال .

أوس :هههههههه ادري ماكنت معطيك خبر ولا مسولف لك بس ياخي دام كلنا مجتمعين بالمرة .

ضاري بعصبية :كيف يعني هي تخفيضات وانا مدري انت عقلك صابة شيء .

أوس بهمس :بحكي لك كل شيء لاتكسر فيني قدام ابو العروس الله ياخذك .

هز ضاري رأسة وهو يحاول يجاري جنونة قبل لاينجن هو علية :تمامx تبي مين .

أوس بأبتسامة :شمس .

زايد بهدوء :تبي مين يأوس .

أوس بأصرار : أبي شمس الغازي يبة .

أندهش غازي لأنة ماكان عارف بالموضوع وبنفس الوقت خطبتة لوحيدتة ودلوعة قلبة قلب موازينة وألجمة عن الرد .

ضاري بتشتت :مدري أيش أقول بس اترك خالي غازي يفكر بالموضوع لأنك صدمتني بالحقيقة .

تدارك عبدالكريم صدمتة وهو يتنحنح :ملعون بليسك يالخوي ضيعت علي ابو السالفة ونسيتني خطبتي .

ضاري بضياع :خطبة ايش انت بعد .

عبدالكريم بمزح :لا ياحبيبي خطبة أخوك تسوي حالك مانتبهت لها اوكي بس انا لا والف لا .

ضاري بتسليكx :ان شاءلله بشوف البنت .

سحبة عبدالكريم من ذراعة وهو يثبت أنظارة بأنظار ضاري :ابي العرس معك لو توفقت لاتطنشني هاا لاتسوي حالك أهبل حتى ما أنحرك تسمعني ولا أوس الله يقلعة طير عقلك .

سحب ضاري ذراعة بجمود :ياشيخ أنثبر مكانك لا أطيرك بكف يدي قال تبي العرس معي هذا لو وافقت انا والله ميرال لو تموت ماوافقتx يكون عرسها مع أختها بعد تجهيزاتها وبعدين مو نشوفها أول بتوافق عليك أو لا ..ضرب كفوفة ببعض على كلامة: لاحول ولاقوة الا بالله حتى انا صرت اخربط مثلكم .

عبدالكريم برجاء وتوسل :بتوافق والله انها بتوافق اذا انت أقنعتها بالله لاتطيح وجهي مع محمد .

ضاري بعدم تصديق :لا بالله اليوم فيكم بلاء كل واحد مايبي يطيح وجه عند الثاني عاد من زين وجيهكم الفقر عشان أسوي لكم قدر.

أوس وهو كاتم ضحكتة :خالي غازي وشبك كذة تصنمت لهالدرجة طايح من عيونك .

غازي بتشتت :هااا وش قلت .

الجد عناد بضحكة :لا إله الا الله أنصدم الرجال منك اتضح انكم مشفوحين على الزواح الله يفشلكم .

ضحكوا العيال بدون شعور .

ضاحي بتفكير :يعني بالله من صدقكم كلكم تبون تتزوجون ولا هو تحدي ولا ايش سالفتكم انتم .

رفع ضاري يدة لفوق :انا رجال المفروض معرس من سنوات بس الظروف عشان كذة طلعوني من القائمة استلموا المستهترين اللي قدامكم .
عبدالكريم بصراحة :انا بعد تفكير قدمت على هالخطبة عاد الكلام لأوسx لأني حتى انا أنصدمت .

رفع أوس كتوفة : أعوذ بالله من كلمة انا ،انا خطبت حتى لاتروح البنت ليدين أحد ثاني ونسب خالي ينشرى بمال العالم .

ضاحي :يعني كذة كلكم حاطين الموضوع على محمل الجد .

الشباب :اييي .

زايد بفرحةx :وش فيكم اتركوهم يعرسوا ايش عليكم منهم ضبطوا أموركم ياعيال ونسوي لكم عرس جماعي .

ضاري بدهشة : ولللل عرس جماعي مرة وحدة ليش يايبة هو مهرجان الموسم .

الجد عناد بتأيد :اي والله بيصير عرس لاصار ولا أستوى .
ضاري بأعتراض :هو ماراح يستوي مثلة لأنه جنان والحشيمة لك طبعآ يبة .

زايد بتطنيش لضاري : ابوزياد شاور البنت واخوهاx ولاتطول علينا بالرد لا أوصيك .

هز غازي رأسة بتمام .

ضاحي بجدية :وانت ياضاري دام السالفة كذة عجل علينا بالرد واللي كاتبة الله هو اللي بيصيرx .

قام ضاري بأمل معدوم :لاحول ولاقوة الا بالله ان شاءلله ياخالي ابشر .

طلعوا الشباب للمشب والرجال للحديقة عند باقي الرجال .

عند ديالا بالفندق بالتحديد بمكة المكرمة كانت جالسة بالشرفة والقهوة قدامها وتطالع الناس الداخلة والخارجة من الحرم بتدقيق فجأة وبدون سابق انذار صدح صوت الأذان بكامل المدينة بشكل يبهر المسامع وقفت بذهول ويدها على نحرها ونبضات قلبها مثل الدفوف :ماهذا الصوت ياإلهي لما اشعر بإضطراب هكذا كم هو جميل أسرعت وهي تدق على ريفال وهي مبهورة .
عند ريفال جاء عبدالله ولد جراح يركض لجهتها : خالتوو خالتوو .
ضمتة ريفال وهي تاخذ جوالها وتبوس خدودة :انا أحبببببك .
ابتسم بحياء وهو يبوسها :وانا بعد أحبك .
ردت على ديالا وهي تطلع للحديقة :هااااي إلى اين وصلتي .
ديالا بتأثر :انتظري أسمعي هذا النشيد ياللهول ما أجملة أشعر أن قلبي سوف يخرج من مكانة ماهذة الروعة ياروفي .
أبتسمت ريفال وهي تردد خلف المؤذنx بخشوع حتى أنتهى :أنة صوت الأذان ياديالا ليس بنشيد أو أغنية أنة نداء المسلمين فهو يكمن بة شعائر الدين الأسلامي .

ديالا بأنشراح وصعوبة بالوصف :لاكنة عظيمx ياروفي صوتة كالدواء أسمعة هنا بين كل حين ظننت أنة نشيد مقدس ام شيء من هذا القببل .
ريفال بفخر :لا فأن الأذان يكرر على عدد الصلوات المفروضة التي تتكون من خمس صلوات حتى لاينسى المسلم موعد الصلاة .
ديالا بأنبهار :وااااااااااو اذا لذلك يأتي الجميعx بفس الوقت ما أروع هذا الأسلام حقآ انة جميل .
ريفال :بالطبع متى سوف تعودين .
ديالا بحماس :سوف ابقى ليوم اضافي وأعود .
ريفال : جيد أكون عدت من المزرعة اذا نتقايل هناك .
ديالا :إلى اللقاء جميلتي .
ريفال :إلى اللقاء .

دخلت عند البنات وسوالف وأكل و مرت الساعات وصار الوقت ١:٤٤ص قررت تتمشى بالحوش بدال هالملل اللي تحس فيه..ريفال بقهر :اوووف ماجبت جلالي اخاف أحد من العيال يطلع جت تدخل شد مسامعها صوت العود أبتسمت بأنشراح وهي تجلس على السلم تسمع العزف لتزداد ابتسامتها من تصدر صوت محمد العزف بكل أتقان وعذوبة بأغنية إبعاد كنتم ولا للفنان القدير محمد عبدوx أرسلت للبنات بحماس على القروب يطلعوا مالحقت تسكر الجوال الا والبنات عندها جلسوا بأستمتاع .
محمد بطرب :إبعاد كنتم وإلا وإلا قريبين

المراد إنكم دايم دايم سالمين

ماأقول غير الله ..دق بالعود بشكل أحترافي :الله يكون بعون كل العاشقين...لعب بالأوتار :أشتاق ..أشتاق .. واسأل عنكم الأشواق

الفراق اممم لفراق...الفراقx ماغيَّر علي الفراق
أشتاق ..أشتاق .. واسأل عنكم الأشواق

الفراق اممم لفراق...الفراقx ماغيَّر علي الفراق
عساكم مانسيتوني عساكم

آآآآآه وعسى مامر هوى بعدي وخذاكم

آآآآآه ناطر هواكم ناطر .. قادر ولاني قادر

وماقول غير آلَلَهِ....آلَلَهِ...

الله يكون بعون كل العاشقين
الله يكون بعون كل العــــــــآشـــــــقيـــ ــــّــن .رفع يدة من على الأوتار وهو يناظر بحماس العيال اللي صاروا يغنوا بمود عالي :ليله.. ليله .. ليله ..آآآآآآآهِ

ضحك وهو يكمل دق على العود ويغني وياهم :لَيـــــــّــلَه ليـــــــّــلَه ليـــــــّــلَهx ياليله
مُنيتي أسهر معاكم ليله

الشباب :ليله .

محمد :وأشتري بعمري رِضاكم ليله

الشباب بضحك :ليله .

محمد بنبىة أيقاع وحضور عاليةx :يراودني أمل في ليله القاكم
الشباب :آآآآآهِ .

محمد :ههههههههه وأطرِّز بالفرح أحزان فرقاكم

الشباب : آآآآآهِ.

محمد :
ناطر هواكم ناطر .. قادر ولاني قادرx
آآآآآهِ ناطر هواكم ناطر .. قادر ولاني قادرxx هاااا ياشباب .
الكلx : و ماقول غير الله ..الله يكون بعون كل العاشقين
الله يكون بعون كل العاشقينx .
رتيل بعشق :الله عليك وعلى وجهك .
صدح صوت ضحكاتهم وانهت معها ليلتهم بكل ود

صباح اليوم الثاني يوم جديد وأحدث أجد .

الساعة ٧صباحاًx كان الكل صاحي بدري شباب وبنات ورجال وحريم والكل منتشر بأرجاء المكان ٠(بالحديقة الخلفية مكان تمارين ريفال اللي أقتصرت على الجزء هذا بسبب نشاط الكل الغريب بالنسبة لها ماعرفت تكمل تمرين الركض فقررت تتابع بتمرين الضغط ونط الحبل بشكل أخصx غي حين كانت تسوي تمرين الضغط حست بيد أحد تضغط على ظهرها حتى تطيح ضحكت بخفوت وهي توقف على أطراف اصابعها وذراعها الأثنين بأنفاس سريعة :أوس ياحيوان أرفع يدك لا أشوتك الحين .
ضغط عليها بكل قوتة لتنقلب على ظهرها بضحكة عالية وتلاشت هالضحكة من شافتة جدها :يوووة جدي وقفت وهي ترتب ملابسها بخجل قربت منة وهي تقبل جبهته :ما كنت أدري انة انت أعتذر .
ضمها وهو يقبل خدها وجبينها :حبيبة جدها كيفك يبة .
ريفال بخجل وهي ترفع من بنطلونها حتى تغطي ولو جزء من بطنها المكشوف :تمام الحمدلله السموحة يبة بس بلبس جاكيتي..راحت للطاولة وأخذت الجاكت .
محمد وهو يكلم بالجوال بصرامة :لي تعامل معك بس أرجع أنتبه لايتكرر الغلط . طاح الجاكت بربكة وذهولx التفتت عليهم بأحراج شديد واستحت تنزل تاخذ الجاكت من على الأرض بوجودهم .
محمد وهو مو منتبه لها بسبب قربها من غصن الشجرةx :عمي انت هنا .
ناظر الجد عبدالله بريفال وبعدها بمحمدx وهو مبتسم على حيائها :اي يبة .شاور له على ريفال وشكلها المهلك سكر محمد الجوال بوجه المتصل بعيون متسعةx من زود جمالها وهو مبهور بشكلها الفاتن سرح فيها و بأصغر تفاصيلها بأغرام ابتداءً من الحرف المزين معصمها لخلخالها لبطنها وكتوفها المكشوفين ولبسها الراسم أدق تفاصيل جسدها الممشوق بكل أحتراف وفن صار يتأملها بدون لايرمش له جفن .
ضحك الجد من شافها مرتبكة وتحاول تلقط الجاكت بقدمها بس العشب مضيق عليها وهي من من زود الأرتباك صارت تحاول تغطي بطنها بكفوفها بشكل زاد من برائتها ،همس لمحمد وهو يدفة لها :روح ألقط جاكيتها البنت مستحية تاخذة قدامنا.
حك محمد عنقة وهو يتدارك نفسة لوجود الجد تقدم عليها وهو مبتسم وعيونة ما انزاحت عنها ولو لحظة .
هي كانت تتمنى الأرض تنشق وتبلعها ولاتطيح بهالموقف قدام جدها بلبسها الضيق والمكشوف .
نزل للأرض وهو يرفع الجاكت بين يدينة أسرعت وهي تاخذه منة بس هو كان أسرع منها وحاوط كفوفها بين يدينة بمراوغة :دام يالذيبة بردانة ليش طالعة كذة بالبرد والرجال بكل مكان .

سحبت كفوفها بالجاكت من حصار يدة بتوتر وخجل عارم وهي تلبسة وبصوت يادوب ينسمع :ماتوقعت أحد يجي وهم عارفين أن هالجزء من المزرعة خاص فينيx .
محمد :راح أسوي نفسي ولا كأني فهمت مقصدك بصريح العبارة .
ريفال بأحراج :ماقصدي اطردك الكلام مو لك انت غير.
محمد بخفوت وصراحة وهو ذايب عليها وعلى خجلهاx :ما أعرف شكثر أحبك بس أعرف إني ماقد حبيت بالدنيا شخص كثرك .
أبتسمت بخجل وهي تصد وجهها عن جدها ليبتسم محمد وهو يدفنها بحضنة وبصوت جهوري :ياربي شقد خجولة بنتك يابو زايد .
الجد وهو راحمها جدآ :اتركها ياولد روحي بدلي لبسك وتعالي عشان نفطر مع بعض ياحبيبتيx .
فكها محمد غصباً عنة وهو بخاطرة ماتبعد عن حضنة ولو ثانية .
جلس الجد ومحمد بقعدتها وهم يسولفون .

(بجناح البنات)

رتيل بزعلx :اليوم راح نمشي خلاص .
لميس وهي تخمها :راح أشتاق لك يادبة .
رتيل :وانا أكثر والله عاد كنت متونسة فيكم وناسية أن رسيل طلعت وماصار أحد عندي بالبيت غيري انا وعبدالكريم ماغير حنا مقابلين وجيهه بعض عاد و أن جلسx وماطلبة الشغل .
ميرال بكرهه :عاد أخوك الحمدلله والشكر ماينطاقx ولا ينبلع ثقيل طينة بشكل يممممممة يقهر .
تولين بحماس :ايش السالفة يابعدي أحسك تتكلمين كأنة قاتل لك أحد أعترفي وش مسوي فيك .
ميرال بربكة :ماصار شيء بس ما أطيق شوفتة .
وقفت رتيل وهي تحط يدينها على خصرها وترقص بحواجبها :والله قافطتك ميرالووو على مين هالكلام شوفيني ياللا طالعيني طالعيني .ضحكت بقوة وهي تصفق بيدينها من لاحظت توريد ملامح ميرال بالكامل : صار شيء صح هههههههههههههههxx .

أعتدلوا البنات بجلستهم وهم يناظرون ميرال بترقب والأبتسامة على كامل ملامحهم .
شمس وهي تحضن المخدة :اماااااااانة عاد عبدالكريم جريئ مايعرف الحياء ولا يدل له درب وش مسوي .
وقفت ميرال بأحراج : قلت ماصار شيء ايش فيكم اليوم علي .
دخلت ريفال وهي تناظرهم بأستغرابx مسحت وجهها بالفوطة وهي تجلس على الكرسي بتعب :غريبة اليوم كلكم صاحين بدري ايش الطاري .

لوليا وهي تمسح على بطنها :أخر يوم ونبي نستغلة .
ريفال بعدم مبالاة :مو محتاج كذة كذة بنطلع بيت ابوي عناد لأنة عازم الكل يعني بنكمل سير الرحلة بس بمكان مختلفx .
تالا بحماس :جددد يعني ماراح نرجع البيت .
ريفال :يب .
رتيل والفضول ذبحها ناظرت ريفال بهواش :هاااي انتي دقيقة بشوف ايش القصة بين اخوي واختك .
عقدت ريفال حواجبها وهي تميل بالكرسي للأمام :ايش دخل اختي بأخوك .ناظرت ميرال المرتبكة رفعت حاجبها بحدة خفيفة :غردي ياميرال أيش حصل .
ميرال وهي شوي وتبكي :والله مافي شيء .
رتيل بعناد :الا انتي توك تقولين ليش سكتي الحين .
وقفت ريفال بدون نقاشx :الحقيني على الغرفة .
رمقت رتيل بحنق وراحت خلف ريفال .
قرصت شمس يد رتيل وعيونة تناظر لوليا .
رتيل بأستغراب :انا وش قلت كل هذا عشان كنت ابي أعرف وش صار بينهمx .
ماقدرت لوليا تسكت لأنها تنرفزت منها حيل على هالموقف الخايس اللي حطت ميرال فية ،،أردفت بحدة :خلاص يكفي المفروض أنك أحترمتي صمتها مو شايفة كيف ريفال عصبت عليها .
سكتت رتيل بذهول :بس ماقلت شيء .
لوليا وهي توقف بغضب مبالغ فية بسبب خربطة الهرمونات مع الحمل:جلستي تضغطي عليها وتحاولي تتدخلي بشيء مايخصك قالت لك مافي شيء كان بلعتي لسانك وسكتي ماهي بسالفة .
رتيل بعصبية :تراها بنت عمتي وأمون عليها لا تطلعي جنانك علي .
لوليا: لو كنتي تفهمين لها هالقد كان عرفتي أنك ضايقتي عليها بأسألتك التافهه وقبل لاتصير بنت عمتك هذي أختي وبنت عمي اللي تربت معنا وانا أعرف بها منك...لفت على البنات : وانتم خلاصx ماعندكم عقل كلكم هبيتوا معها .طلعت متجهه لغرفتها وهي تحس نفسها متعبة بشكل متعب نفسيتها .
عند ريفال .
ريفال بهدوء وهي تناظرها وتعرف زين ان ميرال حاليآ خايفة ومرتبكة منها قالت بمزح وهي تفتح لها ذراعها : عادي أضمك ولاراح تتطنزي على ريحتي .ضحكت ميرال وهي تحضنها وتضربها على ظهرها :حيوانة خفت من نظراتك لي .
ريفال :ههههههههههه لازم أسوي فيها الأخت الكبيرة .
ميرال براحة :حقيرة .
ابعدتها عن حضنها وهي تبعثر شعرها: وش قصة عبدالكريم معك .
جلسوا بالغرفة وصارت ميرال تسرد لها جمبع المواقف اللي صادفت بينهم وعلى وقاحتة معها .
ريفال كانت مصقوعة من الكلام :كيف كذا وليش ماقلتي .
ميرال بأنزعاج :خفت تصير مشكلة كبيرة .
ريفال :ياغبية كان ممكن يأذيك بسبب صمتك علية على الأقل تعالي قوليلي صار كذة كذة معي كنت وقفته عند حدة الكلب بس صمتك هذا ماله مبرر .
ميرال :بس والله كنت أجلس اتهاوش معة .
ريفال : هواشك وش هو هذا الحقير ماينفع معه نعومتك ابد يبي أحد يكسر لة عظامة .
ميرال :هههههههههههههه هدي حالك لاتتكسر عظامك انتي لاتنسي أنة من رجال الحدود يعني قوتك جنبة ولاشيء .
ريفال بتذكر : وانا أقول وش وصل جوالي لمحمد بالله عليك كيفx وثقتي فية وهو مسوي فيك كل هذا .
هزت ميرال كتوفها بقلة حيلة :لاتسأليني بربك أنا نفسي مادري كيف عطيتة الجوال بوقتها .
ريفال بغضب :يعني السالفة كذة والله ما أخليها له الحيوان وش يحسبك بنت ضايعة مالها أهل حتى يلعب عليها .
ميرال بخوف :ريفال انا والله مابيني وبينة شيء .
ريفال :أدري ياخبلة أحد قالك هبلة حتى أشكك فيك .
ميرال :أحسب تفكيرك أخذك .
ريفال وهي تطمنها :لا ياعمري انا أعرفك وانتي اختي وتربية ضاري مستحيل أشك فيكx ولو لثانية اما عاد هالخسيس خلية علي والله بوريك فية .
ميرال بتشفي :حيلك فية وانا أختك .
ريفال بقرف من نفسها :بالله ميمي انا بدخل اتحمم وانتي طلعيلي ملابس من الشنطة وتركيهم على السرير .
ميرال :أطلع لك نفس لبسي .
التفتت عليها وهي تلقي عليها نظرة تقيم :اوووك لبسك كيوت .
ميرال بأبتسامة :تمام لاتتأخري بنتظرك .
ريفال وهي ترسل لها بوسة بالهواء :من عيوني .
ميرال بحب وهي تقول بصوت مرتفع حتى يوصلها :ما أعدمهم .

تحت كان الكل مجتمع على طاولة الأفطار بأستثناء الرجال والشباب كانوا بالجهه الخلفية من حوش المزرعة يفطرون .

عند الرجال .
مسح ضاري فمة بالمنديل وهو يقوم من على الطاولة:الحمدلله سفرة دايمة .
الجد صالح :بدري يايبة أجلس كمل فطورك ما أكلت شي .
ضاري وهو يحط راحة يده على صدرة الأيسر بشكر :لا الحمدلله كذة تمام الله يسعدك .
قام الجد عناد هو الأخر :الحمدلله على النعمةx أكرمكم الله ياجماعة كانت نعم الضيافة ثقلت عليكم وأقلقت من راحتكمx وراحة الحريم .
ردوا الجميع بأوقات متفاوتة بين :لا والله رفقتك تنشرى بالذهب وبين ؛ بالعكس والله ياعم تونسنا بجيتك وبين ؛ محشوم هذا بيتك بأي وقت .
غازي :يعطيكم العافية والزيارة الجاية بتكون عندنا ان شاءلله .
ضاحي بتأيد :اي والله نتشرف فيكم كلكم .
ضاري بمزح :لا خلاص راحت عليكم ياخوالي ابوي عناد سبقكم بالعزيمة والعشاء بكرة عندة ان شاءلله .
وليد بمحبة :عاد من الأن أقولك جهز بيتك انا جايكم ونايم عندكم من غير شر .
صقر بمزح :عاد انا جنبك على السرير مالك مفر مني كالمعتاد .
ضاري :ههههههههههههه لاجيت نشوف على السرير ولاتحتة .
صقر بأعتراض :لاظلم انا ضيف عندكx المفروض تترك الغرفة بكبرها لي .
ضاري بدفاشة :أقول حب يدك وجه وظهر أنك بعيد ..رفع يدة مقابل له : ولا شايف هاليد كانت بتكون على مقفاك عدل .
صقر بتمثيل للخوف :لا وايش علية سرير جدي عناد الله يحفظة كبير .
الجد عناد بمزح :ولددد هو انت تجي كل مرة تحسب حجم فراشي وتروح .
صقر وهو يحك ذقنة :شيء قريب من كذة .
الجد عناد :ياقليل الحياء والله ما أدخلك مرة ثانية عندي .
الكل :ههههههههههههههه .
صقر بنذالة :طيب ياجدي لاعاد تدق وتقول وينك يالصقر وتجلس تهاوش هاااا دام السالفة فيها طردة منك ومن ولدك شكلي بعد كذة بنام عند سمي الشيخ صقر .
وليد بتعزيز:والله زين من ينام عندة بزر بس يتصرف تصرفات رجال كبير الله يحفظة لأبوة .
الجد صالح :امين يارب .
صقر :هااا ياجدي مو ناوي تزوجني القمراء .
أنقلب وجه إلياس 100لون كان يظن كلام صقر عن القمراء كلة مزح بس الواضح أنه جاد بكلامة والموضوع تخطى المزح .
الجد عناد :القمراء للصقر .
صقر بمزح :هذا انا عندك والله انك جبت الزبدة .
الجد :هههههههه لا وافق الشيخ عليك حلالك جيب المملك معك وانا أزوجها لك .
صقر وهو داق الصدر :اذا على الشيخ صقر هين أبشر بعزك بس ماترجع بكلامك بعدين .
ضاري بأعتراض :يبة مالقيت غير هالمخفه الخبل تزوجة للقمراء أقول أقلب وجهك مافي لك بنات عندنا .
صقر بأنخذال :لا يالخوي ماكانت هذي الهقوة فيك .
ضاري :والله الخوي شك بنفسة الكل مشاءلله قام يخطب مدري وش سالفتكم كأنكم تغارون من بعضx مثل البزارين .
صقر :مالك كلام انت أجلس بعيد مو عشانك خلاص عرسك على قرب توقف مثل الشوكة بحلوقنا خلنا نفرح الله يهداك .
ضاري :والله على نقكم هذا شكلي لابعرس ولا شيء .
هب محمد بتحذير :هاااااااا ياصقر وبعدين معااك هو انا أخلص منهم تجي انت .
الجد عناد :الله يهداكم خليتوا الذيب ينطق يللا هاااا 1..2..3 ياناس راح اتحول لذيب من كثر ما اترجاكمx يللا ابدأ الأسطوانة .
الكل :ههههههههههههههههههه .
ضاري :هههههههههههههه شكلك مررررة صار مو زين عند ابوي العود .
الجد عبدالله :ههههههههههه الله يقطع شرك ياعناد خذ تعال يامحمد انت زوج الغالية بخليك تعرس قبلهم كلهم .
نقز محمد عند الجد عبدالله بعدم اهتمام لطقطقتهم علية :بالله عليك .
حمد :ههههههه لاحول الله هذا اللي يزوجة بيكسب أجر كبير فية .
محمد بأرهاق :اي والله قل لهم ياحمد علمهم .
صهيب بفزعة :اي والله أنت أقدم على أخذ الاجر يبة وانا بظهرك .
محمد بأمتنان :الله يسلمك هذي الرجال ولا بلاش .
غازي بنبرة تحذير :بداء الغلط .
محمد بخوف منة :لا انت على راسي مالك دخل بالكلام اللي ينقال سوي حالك مو موجود .
غازي :هيين .
ربت الجد عبدالله على ظهر محمد :ماعلية وانا عمك كلها أسبوع وتكون ببيتك وتصير انت اللي تتأمر عليهم حتى يشوفونها .
محمد وهو يتخيل هاليوم :اااااخ متى بس يجي هاليوم ووقتها والله مابخليكم تشوفونها..بقهر وهو يشاور على ضاري :وبالتحديد انت يالخايس .
الجد عبدالله :هههههههههه كذة انت سريع التأقلم بتتسلم روحك لخالقك .
الكل جلس يضحك عليهم ولأول مرة يندمج الجد عبدالله معهم رجع ضاري والجد عناد للطاولة وكملوها سوالف وضحك .


عند الحريم

الجازي بتساؤل وهي تتلفت على البنات :انتم وين ريفال وميرال .
تركت لولوة الملعقة وهي اللي كانت تظن انهم نزلوا .
تولين بأرتباك :بغرفتهم عمتي .
الجازي : ماناديتي عليهم وانتم نازلين .
تولين بكذب :نايمين .
الجازي بعدم تصديق :حتي ريفال .
تولين :اي .
وقفت الجازي عن الطاولة :ريفال نايمة لهالوقت أكيد تعبانة ولاصايبها شيء .
الجدة عائشة بأستغراب :أجلسي يايمة ريفال من صباح ربي وهي بالحديقه تراكض وتتنطط ومن شوي طلعت تتحمم .
الجازي وهي عاقدة حواجبها :أجل كيف نايمين ياتولين .
انقذ الموقف نزول ريفال وميرال وهي يضحكون .
ابتسمت الجازي لاشعوريآ وهي تحسهم قطعة من قلبها تقدموا لها وهم يردون لها الأبتسامة بشكل أكبر .
الجازي :ياصباح السعادة على بناتي الحلوين بزيادة .
قربت ميرال لها وهي تقبل يدها ورأسها بأحترام :صبحك الله بالرضا والسرور .
الجازي بحب :عساك تحبين الكعبة .
قبلت ريفال رأسعا ويدها بالمثل وهي تتمايل بشقاوة :ياصباح الياسمين على عيونك الناعسين ايش هالزين يابنت قوتة .
ضحكت قوتة بسرور :المدح لي ولا لها .
غمزت لها بمرح وهي تضم كتوف الجازي :انتي النحلة اللي جابت هالعسل.
ضحكوا أثنينهم على ذكائها .
ضمتهم الجازي لحضنها :الله يجازيكم ووالديكم الجنة .
ريفال وميرال وهم يبوسون خدودها بنفس الوقت :ويااك ان شاءلله .كل هذا كان تحت أنظار لولوة اللي كانت تضغط على نفسها وتحاول أنها ماتغار من تعاملهم مع الجازي .
جلسوا على الطاولة وهم يكتفون بكلمة :صبحكم الله جميعآ .
الكل :صبحكم الله بالنور .
كملوا أفطورهم وهم يتجاذبون أطراف الحديث بكل مرح وروح راضيه .

شمس :عمتي راح نمشي اليوم ماراح تجين معانا جداتي يسألون عليك .
لولوة بشوق :ودي والله بشوف عمك زايد اذا وافق بروح معاكم .
رتيل بحماس :أي امانة عليك حاولي معة..التفتت على ريفال وميرال :وانتم تعالوا معانا .
ميرال ببرود : سوري بروح لبيت ابوي عنادx .
ريفال :انا صديقتي واصلة من بريطانية وباخذها معي لأبوي مرة ثانية أجيكم .
انطفاء حماسها رجعت تاكل بهدوء :تمام .
لولوة بلطف :انا بروح معك مايكفي .
ابتسمت لعمتها بحب :تكفين وزود .
وقفت لوليا من حست بغثيان ركضت للحمامx راحت خلفها امها وهي تمسك لها المنشفة وتمسح على ظهرها بتنهيدة : عاد الله يعينك على فترة الوحام .
لوليا بتعب وهي تستند على المغسلة بعبرة :يمة طول الوقت أحس بلوعة وغثيان .

سارة بحنية :ماعلية يايمة فترة وتمر لارجعنا خذيتك للطبية حتى تكتب لك علاج يخفف من الغثيان .
وصلهم صوت الجدة عائشة الخايف :ايش فيها ياسارة .
سارة بصوت مرتفع :معها غثيان يايمة مافيها شيء .
لوليا :يمه بطلع الغرفة أحس بدوخة .
سندتها سارة حتى طلعت جناحها قابلت شعاع عند باب الغرفة تقدم لهم بخوف :ايش فيها .
سارة :بخير لاتخاف بس معها دوخة وغثيان انتبه لها .
هز رأسة بتمام وهو يسدحها على السرير :اسم الله عليك .
دفنت رأسها بحضنة بتعب :تعبانة مرة ياشعاع .
مسح على شعرها بأرتباك :تبين أوديك المستشفى .
لوليا وهي تشد علية :لا أبيك انت والنوم بس .
أنسدح هو ينومها فوقة ويمسح على شعرها نزولآ بظهرها أبتسمت من تخلل لجيوبها الأنفيه عطرة مررت أنفها على عنقة وهي تستنشق عطرة براحة رفعت يدها لوجهه وهي تلامس بشرتة بنعومة أبتسم وهو يلف وجه ناحيتها :كذة بتهور يابنت .
طبطبت على خدة بنعاس شديد :اششش بنام .
كان بيعكر عليها نومها بس ملامحها المتعبة تركتة يغير رأي وراح الوقت وهو يتأمل بملامحها الأنثوية المرهقة.

بالصاله دق جوال الجازي بشكل متكرر .
وقفت الجازي وهي ترد بضحكة :هلا .
إلياس بخفوت والحزن يسكن أعماقة :خالتي لاتفاتحين ريفال بشيء انسي الموضوع بكبرة .
عقدت الجازي حواجبها بدهشة :تبكي يا إلياس؟؟!!! ...
.
.
.
.
انتهى####
لا تحرموني من تعليقاتكم 😊 وتصبحون على الف خير والسلام عليكم ورحمه الله وبركاته كانت معكم اختكم
《كنوز جواهر 》
وإلى القاء ياحلوووين 😚💋☺️نتقابل في يوم جديد بأحداث جديدة ان شاءللهx أستودعتكم الله .

[وهج الليالي]

المشاركة الأصلية كتبت بواسطة كنوز جواهر

حبيبتي تسلمي ما انحرم منك 💞💞

💖💖💖💖💖💖💖💖💖💖💖💖💖💖💖💖💖💖💖💖💖💖💖