قصة تبكي الحجر

[Støp Ję Suîs Top]

آ̲ل̲س̲ل̲آ̲م̲ ع̲ل̲ي̲ك̲م̲ ۆ̲ ر̲ح̲م̲ة آ̲ل̲ل̲?̲ ت̲ع̲آ̲ل̲ﮯ̲ ۆ̲ ب̲ر̲ك̲آ̲ت̲?̲
ك̲ي̲ف̲ آ̲ح̲ۆ̲آ̲ل̲ك̲م̲ ؟ ع̲س̲آ̲ك̲م̲ ب̲آ̲ل̲ف̲ ص̲ح̲ة ۆ̲ ع̲آ̲ف̲ي̲ة
ق̲ص̲ة آ̲ل̲ي̲ۆ̲م̲ ب̲ع̲ن̲ۆ̲آ̲ن̲ م̲ن̲آ̲ل̲ ۆ̲ م̲ل̲آ̲ك̲
ي̲ع̲ن̲ي̲ ع̲ن̲ج̲د̲ ق̲ص̲ة ت̲ب̲ك̲ي̲ آ̲ل̲ح̲ج̲ر̲
آ̲ن̲آ̲ ق̲ر̲ي̲ت̲?̲آ̲ ۆ̲ ظً̲ل̲ي̲ت̲ آ̲ب̲ك̲ي̲ ك̲ل̲م̲آ̲ آ̲ت̲ف̲ك̲ر̲ت̲?̲آ̲
آ̲خ̲ل̲ي̲ك̲م̲ م̲ع̲آ̲?̲آ̲
قصة ملاك و منال


القصة على لسان صاحبتها
كان عمرنا 5 سنين وقت لخرجنا انا واختي توام منال نلعبوا...اتذكر عندما كنت عند جدي ..كنا نلعبو غميضة منال ذهبت لتختبا و انا احسب ..ملم اكن اعرف الحساب يومها و لكنني كنت انتظر قليلا و اقول منااال هل اختباتي و كانت في كل مرة اسالها يبتعد صوتها شيئا فشيئا ولكنني ياست منها و بدات ابحث عليها ولكنني لم اجدها =( لم تظهر بعد فذهبت لجدي و حكيت له ماحدث فخرج جدي مع الجيران و بداو يبحثون عنها دخلوني للدار ماما تبكي ويني ختك؟ ...صرخت عليا كثيرا و لامتني انتي السبب اذا حدث شيئ لاختك انتي السبب .. بكيت كثيرا منال ارجعي منااااال وقتي يفوت ببطئ قلبي يتقطع اطول ليلة فاتت عليا ...كتر من ليلة العيد التي كنا انا و منال ننتظر الصباح بفارغ الصبر حتى نلبسوا ملابس العيد ...يقولون التوام يحسون ببعضهم و هدا الشي الذي احسست به منذ الوقت الذي بدا يبتعد صوت منال و يتقطع ...طلع الصباح وواحد من الجيران يقول وجدتها .. وجدتها... يما ماحكمتش روحها خرجت تجري .. منال لقوها ميتة و نصها الثاني لقاوها في بير لم يكن مغطي..لم اكت افهم كل شيئ و لكن تلك الليلة بت ابكي لانني على علم ان اختي حدث لها شيئ ...منال ماتت و انا من تم بدا عذابي ..حياتي تبدلت الحب الي كان يملا دارنا اصبح كره..و حقد.. عليا ما هو ذنبي انا (والديا كرهوني و خاصة يما كل يوم تضربني بابا مايحبش يقابلني و لا يقعد معايا )...داوني لدار جدي و خلاوني كنت نسمع يما تقول لجداتي اديها عليا مبقيتش نحمل نشوفها اديها قبل ما نتقلها... وينو حنانك يا يما كنتي تمشطيلنا و تلبسينا و كنتي تحبيني بزاااف..واش ذنبي في موت ختي ... هان عليك قلبك و طيشتيني يا يما =( ... كبرت فدار جدي لا حنان ولا حب من طرف والديا مايجوش يزوروني كنت نتوحشهم بزااف و نحاول جدي يديني ليهم.. كل مرة كان يديني ليهم و كانت يما ماتشوفش فيا و تعاملني كلي مكانش .. دخلت نقرا و كنت نقرا مليح.. نخرج الاولى باش نفرحها.. نديلها شهاداتي تقطعهم..وصلت لعمر 12 سنة وين فهمت بلي يما عمرها مارح تحبني ..و عمرها ما تحن عليا... في عمر 12 سنة بنت تحتاج يماها بزاف في حياتها كانو صحاباتي يحكيو يما شراتلي هك ..دارتلي هك .. طيبتلي هك ..كنت نشوف امهات مع ولادهم برا ابتسام و عطف و حنان كنت نتمنى نكون في مكانهم نشفى جداتي مرضت بزاااف ..و تحتم على يما تجي عندها و تبقى معاها.. كنت نخاف حتى نقعد وين تقعد هي.. على خاطر كرهت رفضها ليا.. معاملة قاسية كنت نحمدربي جدي و جداتي صح ماعوضونيش حنان يما.. مي عوضوني على حوايج بزاف بصح نحس بامان عندهم كنت خايفة يجي نهار و تحتم عليا نرجع لدارنا.. ماتت جداتي و خلا تني شكون بيا .. علاش يا دنيا واش درت في حياتي باش نعيش هكا.. بقيت انا و جدي في دارو قايماتو و مع قرايتي من جيهة خلاف.. كان عندي امل بلي قرايتي هي اللي راح تخلي يما تحبني.. عامين من ورا وفاة جداتي.. لحق جدي ..و حتى جدي و تخلى عليا بقيت بلا سند راح اللي كان مصبرني و مصدر قوتي.. كان بمثابة بابا وقف معايا بزااف و خاصة في قرايتي.. ظلمت الدنيا في وجهي كتر و كتر.. تحتمت عليا نعيش في دارنا كانت وصية تاع جدي ليما اني نعيش معاهم دخلت لدارنا اول مرة ...عندي اعوااام ماشفتش دارنا تبدلت بزااف طلعت لشمبرتي انا و منال.. من صغري ماشفتهاش و كلش كيما راه سرير تاعي و تاعها.. تخربيشاتنا في الحيوط ..لبسة نتاعنا مطبقة.. بصح بيت ماتبدل فيها والو.. مي كانت نظيفة.. حسيت بلي يما كانت تنظفها كل يوم.. طلعت يما تجري وتعيط عليا ..اخرجي اخرجي بيت بنتي واش دخلك ليها ...حسيت موس فقلبي خرجت قفلت الباب بمفتاح و قالتلي بالاك تزيدي تفوتي لتم.. قاتلي الدار واسعة.. كلمة ما خرجت من فمي رحت لواحد لاشومبر بعيدة حطيت قشي.. و فرزتها و عدلتها ..حبيت نرقد ليل كامل ما رقدتش ..و انا نخمم في اليوم اللي ماتت فيه ختي بكيت بزاااف ..تمنيت لوكان ماصراش واش صرا .. تخيلت حياتنا كون دوك راني مع منال ..نحكيو و نضحكو تحكيلي سرها ..و نحكيلها سري.. مع والدينا و فرحة بقيت نحلم حتى رقدت ...فاتو الايام فهاديك الدار كالعوام كره تاع يما و كل يوم تضربني.. كنت ديما محبوسة فغرفة تاعي نصلي و ندعي ربي يفرج عليا ...في عامي تع باك فات عليا صعيب بزااف ..كامل لي يقراو معايا والديهم يشجعوهم و يدعموهم و انا كنت نقرا وحدي و نشجع روحي ..وحدي كنت نقول لروحي قرايتي برك اللي تنفعني.. قريت و بذلت كامل مجهودي رغم الحقرة والكره و كلش ماشي مليح شفتو في حياتي.. نجحت و جبت الباك جبتو بتقدير مليح.. معدل يقدر يحققلي حلمي نولي طبيبة ..زغاريت في كل دار.. غير دارنا.. يما زغرتيلي راح نوليلك طبيبة ..لا لا يما ماقيمتنيش و ماشفتش في قاع كملت تخدم في شغل البيت كلي ماكان والو.. كملت قرايتي في الطب و كنت من المتفوقين ديما ..و كملت تخصص جراحة وليت نخدم و الحمد لله ..حياتي في دار حاجة ماتبدلت كنت انا خيال لي حد ما يشوفو.. حد مايقدر انجازاتي.. حد مايبركلي نجاحاتي..والديا حطموني داخليا.. في واحد اليوم روحت من سبيطار خلصت خدمة.. دخلت لدار يما في كوزينة.. كي عادة تخدم وقت لي كنت طالعة في دروج سمعت ماعن تكسرو.. ويما عيطت هبطت نجري ليها لقيتها طايحة في الارض.. قدمت ليها هزيتها من الارض و ترافعت معاها حتى وصل لغرفتها فحصتها ..هذيك اول مرة نشوف ملامحها اللي بدا يبدلهم الكبر .. هزيت تليفون عيطت لبابا باش نطلعوها لسبيطار.. على خاطر ماعنديش معدات طبية في دارنا.. انا حطيت تلفون من حسيت بيد حكمتلي يدي .. نعرفها لمسة هذي نعرفها عندها قداه يدي ماجاتش في يدها من صغر من وقت كنا انا و منال نخرجو معاها.. ماعرفتش واش نعمل جبدت يدي لا اراديا.. قلتلها دوك يجي بابا يديك لسبيطار .. كيما كان حال طلعنا لسبيطار و بعد فحصات عرفنا بلي عندها كونسار فراسها في مراحل متقدمة .. بدات رحلة العلاج تاع يما وقفت معاها.. و كنت اناالطبيبة المسؤولة على حالتها الصحية.. و حبيت ندير الشي اللي نقدر عليه باه ترتاح ..رغم كلشي داراتو فيا تبقى يما.. و واحد يوم وصل وقت دواها رحت لاشومبر تاعها مالقيتهاش ..حوست عليها حتى شفت لاشومبر ناتعي و تاع ختي مفتوح ..قربت للباب حست بيا.. قاتلي ادخي .. دخلت و انا مترددة.. قاتلي اقعدي قدامي ..قعدت بدات تحكيلي على صغرنا انا و منال.. اول مرة خلقنا.. اول كلمة قلناها ..اول مرة مشينا ..كانت تضحك ساعات ..و تبكي ساعات ..و انا غير نشوف بعينيا ماش مصدقة ..اذا هاذي هي يما اللي كانت تعاملني بقسوة ..وصلت للحكاية اللي على جالها رانا في الحالة هاذي.. سكتت شوي ..و ممباعد قالتلي بلي كل ما تشوفني تشوف منال فيا.. و تتفكر ديما بلي منال ماتت ..بكات بزااااف و بكاتني ..كي تفكرت واش فات عليا ..قولتلها وش ذنبي اذا ماتت منال.. علاش ضيعتيلي حياتي.. شحال تمنيت نلحقها و مانعيشش الحياة هاذي.. في هاذي الليلة فرغت قلبي.. و طلبت مني السماح ..و سامحتها و حضنتني و وعدتني بلي تعوضني على كلش في عمرها لي بقا.. كان علابالها بلي راح تموت.. بعد الليلة هاذيك ذاب الجليد اللي بيناتنا.. و طورت عالقتي بيها.. ولينا كل يوم مع بعضنا نخرجو.. ندورو ..نطبخو كيف كيف ..اخييرا حسييت بحنانتها.. و حبها ليا.. تبدلت حياتنا بزاااف ..مام بابا طلب مني السماح و تصالحنا و علاقتنا ولات كيما اي بنت و باباها.. جا اليوم اللي دير فيه يما عملية على ورم فراسها ..وصاتني قبل العملية اذا ماتت ..نروح لوحد الباطة في بيت تاعناا نلقاها تحت السرير تع منال.. وعدتها بلي مايصرالها والو.. و بلي راح ترتاح ..دخلت يما ادير العملية ..و كنت انا من بين طقم جراحيين اللي راح يقومو بالعملية ساعاتت ..و حنا مع العملية و خلصت .. خلصت العملية و الحمد لله كانت ناجحة .. و بقيت نستنا في يما تفطن بفارغ الصبر .. كنت قدامها قاعدة حكمتلها يدها و نستنا .. حتى بدات تفطن و بدات تعيطلي باسمي .. قلتلها راني هنا معاك ماتخافيش يما .. قاتلي بصوت واطي و تحكي بالكلمة شفت منام مليح بزااف ..شفت منال كانت معانا فدارنا و حنا فرحانين كانت توصي فيا عليك و ....قاطعتها قلتلها يما مالازمش تحكي و تعيي روحك .... فاتو الايام يما تحسنت و رجعناها لدار و كملت فترة علاج تاعها و رتاحت من مرض خبيث بمعجزة الحمد لله و عشنا حياة اللي ماعشتهاش فصغري.. كلش عندي.. دوك كيما كنت نحلم و نتمنى ..واحد النهار كنت قاعدة حتى تفكرت حكاية الصندوق اللي تحت سرير منال رحت بدافع فضول ..نعرف واش قصتو لقيت فيه .....




انا ملاك عمري 30 سنة
وهاذي هيا حكايتي

[حوريه77]

لقيت فيه ايه الصندوق؟؟؟؟؟؟؟؟؟؟؟