29-12-18, 02:21 AM
| #1 | ||||
|  انتصاره على قوة المطر الفصل الأول تقف أمام البحر ذو المياه الزرقاء الشفافة والسماء الصافية والشمس تعكس ضوءها على مياه البحر ومن حولها خضرة جميلة، ترتدى هى فستان أبيض طويل وقدمها حافية تغرز فى الرمال الناعمة وعلى وجهها ابتسامة خفيفة هادئة أزادتها جمالاً، التفت لتجده يأتى من بعيد ويرتدى قميص أبيض وأكمامه مثنية الى أسفل مرفقه وبنطال بنى فاتح ابتسمت أكثر عندما رأته ولكنها لم تتبين ملامحه فالرؤية ضبابية قليلاً وكل ما استطاعت أن تميز ذقنه البنية الخفيفة ... -زهرة بصوت عالى قليلاً ورقيق وهى تفتح ستائر الغرفة : Jood wake up hunny ) جود استيقظى يا عزيزتى ( -جود بانزعاج وهى تضع الوسادة على رأسها : Mom let me sleep ( دعينى أنام ) -زهرة وهى تزيح الوسادة : لا مش هسيبك الساعة بقيت 12 -ثم تابعت بحماس : i have a good news for you ) عندى أخبار جيدة لكى ( -جود وقد جلست بنعاس وعى تسند بمرفقها على ساقها وتسند رأسها على كف يدها : what? ( ايه؟ ) -زهرة : لا مش هاينفع الكلام كده، قومى فوقى واسبقينى على تحت -جود بنصف عين : okay ..................... تعريف الشخصيات : جود ماهر نور الدين ذات الأربعة والعشرون عاماً، الابنة الوحيدة لوالديها ولهذا أصبحت مدللتهم، مظهرها يعبر عن شخصيتها فهى مرحة للغاية مع المقربين لها واسلوبها ( خشن ) وحاد الطباع مع من تجهلهم او من يسيئوا اليها ولكنها لا تغلط بأحد او تسئ لهم الا فى حالة تعرضهم لها وليست من النوع البارد فيمكن لأى أحد أن يثير غضبها فجأة مثل عود الكبريت، تعيش مع والدتها فى New York منذ أن كانت فى الصف الثالث الاعدادى ولم تعود الى مصر مرة أخرة فهى أحبت العيش فى هذا المكان واعتادت عليه وكونت صداقات عديدة بسبب شخصيتها الودودة، لا تريد جود أن تتزوج الا من فارس احلامها التى تراه فى منامها أكثر من مرة رغم انها لا تعرف شكله جيداً وحمدت ربها انها فى بلد لا تستطيع الزواج بمن بها بسبب اختلاف الديانات لكى لا تخبرها والدتها بأمر الزواج، ورغم أنهم فى بلد أجنبية الا أنها تواظب على فروضها، وتعمل مصممة أزياء ولديها ورشتها الخاصة فى أحد الأماكن بالمدينة... لديها شعر طويل بعض الشئ يصل الى فوق خصرها بقليل لونه بنى غامق وعينيها الواسعة نفس لون شعرها، وتتميز بالجسم الرياضى الممشوق فهى تهتم بنفسها للغاية، متوسطة الطول ولا تحب وضع مساحيق تجميل على الاطلاق فهى تفضل ان يكون جمالها طبيعى وأصبحت تكره مساحيق التجميل ...... ماهر نور الدين هو لواء فى أمن المطار بالقاهرة ويقطن بالقاهرة بسبب عمله ويسافر الى ابنته وزوجته فى مرات قليلة، طباعه حادة بسبب طبيعة عمله ولكن يعامل عائلته بحنو ولكن كلمته كالسيف عليهم ..... اما عن والدتها زهرة الهوارى فهى تهتم للغاية بابنتها وتدللها وترعاها وتضع لابنتها حدود مع الآخرين فى التعامل لتحافظ عليهم، كما ايضاً انها تهتم بصحتها وصحة ابنتعا وتطعمها طعام صحى، وتهتم بعالم الموضة وتشترى أشيك الثياب ذوى المركات الشهيرة، وبسبب اصرار ابنتها فهى لا تضع العديد من المساحيق التجميلية وتضع كريمات طبيعية تحسن من مظهرها .................... فى منزل جود بنيويورك ،،، خرجت جود لوالدتها - بعد أن دلفت للمرحاض - وجلست بجوارها على الأريكة.. -جود بنعاس قليلاً : yes mom? ( نعم يا أمى ) -زهرة بنبرة فرحة : good new ( خبر جيد ) -جود بنصف عين : what is it? ( ما هو ) -زهرة بنفس نبرتها : هانعيش فى القاهرة -جود بصدمة : اييييييه! .................... فى القاهرة ،،، فى مجمع سكنى شهير يدعى mountain view ،،،، فى احد المنازل ،،، ينزل من على الدرج وهو متأنق بملابسه المكونة من بنطال جينز رمادى وقميص أسود وفوقه جاكيت جلد أسود، مر على والدته ووالده ليلقى عليهم التحية ... -يمنى : متشيك ورايح على فين؟ -عز بثقة ممزوجة بالمزاح : ده العادى بتاعى يا ماما -مراد بنظرات ذات مغزى : بس مش بعادتك يعنى، وايه اللى فى ايدك دى؟ -عز ببلاهة : احم...دى..دى هدية -مراد بخبث : يا راجل...لمين؟ -عز : خلاص بقى على اساس ان انتوا مش عارفين انى رايح عيد ميلاد هنا -يمنى بخبث : هنا...ورايح بصفتك ايه؟ صديق؟ -عز بتلقائية : اه طبعاً، ده انا زى اخوها -مراد : ما هنا دى صاحبة كارما انت مالك اروح ليه؟-عز : البنت عزمتنى يا بابا، عن اذنكوا بقى عشان ما اتأخرش -يمنى : خلى بالك من نفسك و..ومن هنا -عز بابتسامة : فى عينيا .................... تعريف الشخصيات : مراد نور الدين هو لواء فى الحراسات الخاصة وله صلات كثيرة وسمعته ناقية هو وعائلة نور الدين ومن يسمع اسمهم يذكرهم بصفات حسنة، وتعاملاته مع الأشخاص حذرة وودودة فرغم سمعته الطيبة والناس تخشاه ايضاً فهو حزم فى عمله وخاد للغاية ولكن مع اصدقائه وعائلته تختفى كل هذه الطباع ويأتى مكانها المرح والطيبة والحنية .... يمنى بهجت ربة منزل وأم ( لكارما وعز ) امرأة حنونة ليست كالسيدات اللاتى لا يرعون أبناءهم، تربيهم هى على الصفات الحميدة وحسن الأخلاق، هذه العائلة لديها العديد من الأموال التى لا يمكن عدها ولكن هى تصر على أنهم لا يعيشوا فى منازل كبيرة وحراسة خاصة وخدم فهى بسيطة وتحب البساطة، وهذا لا يمنع أنها تعتنى بنفسها وترفه عن نفسها، وتمتزج شخصيتها بالهدوء والعاطفة ونادراً ما تغضب او تحتد مع أحد .... عز مراد نور الدين شاب ذو التاسع والعشرون من عمره، فتى مشاغب لديه العديد من الصداقات...والصديقات ولكنه يتعامل معهم بحدود على حسب قربهم له، شخصيته مرحة للغاية ويحب الخروج والسهر ولكن يخصص أوقات لأسرته، لا يحب التباهى ويفرد قوته على من أضعف منه فهو على العكس تماماً، ويمتلك بضع صفات والده وأمه، هو لا يغضب مثل والدته ولكن عندما يغضب فقد أوشكت قنبلة نووية على الانفجار، رغم تمتعه بصفات اى شاب ذو غناء فاحش ولكنه أصر أن يعتمد على نفسه، يمتلك منتجع سياحى فى شرم الساحل الشمالى والإسكندرية وهم من أجمل المنتجعات وايضاً فندق 7 نجوم بأحد الأماكن فى القاهرة، ويمارس رياضة ركوب الخيل وأخذ العديد من الجوائز لربحه بالسباقات... لديه من العضلات التتى تلفت انتباه الفتايات ويحسده عليه الشباب وجسمه رياضى متناسق، وبشرته بيضاء، وطويل القامة ويتمتع بالعينين الزرقاوتين، وشعره ذو اللون البنى الغامق ولحيته الخفيفة تعطى له مظهر جذاب، كما أنه ينتقى ملابسه بعناية مما جعل لديه العديد من المعجبات وأصبح فتى أحلامهم المتكامل ..... كارما الابنة الصغرة للعائلة لديها ثلاثة وعشرون عاماً، تخرجت من جامعة فنون جميلة وأكملت حلمها فهى تعشق الرسم وتتفنن فى رسوم اللوحات، هى فتاة رقيقة للغاية تبكى اذا غضب أحدهم عليها ولكنها ايضاً مرحة وشعلة نشاط بالمنزل ودائما تثير حنق أخيها وتمازحه وتعد له المقالب، لم تأخذ اى صفات من أبيها وأخذت معظم صفات والدتها وهى ليسة من النوعيات التى تغضب بسرعة.. شعرها بنى فاتح وطويل، عينيها عسلية مثل أبيها ولكن بها لمعة برتقالية بها، متوسطة الطول وبشرتها بيضاء، وبهدوء ملامحها وبساطتها كل من يراها يظن أنها ملاك ..................... فى نيويورك ،،، أخذت زهرة وقت طويل فى محاولة اقناع ابنتها بالعيش فى القاهرة بسبب أمر والدها و... -جود بغضب : بس انا كل حياتى هنا..شغلى وأصحابى...انا ماعرفش اى حاجة فى مصر كمان عايزانى أعيش هناك..طب قولى زيارة لكن أعيش هناك! لالا -زهرة : يا جود باباكى بقاله فترة طويلة اوى عايش لوحده من ساعة ما نقل شغله وماحدش مهتم بيه ولا بيعمله أكل -جود : خلاص سافرى انتِ وانا هاقعد هنا وهبقى أجيلكوا زيارة -زهرة : لا طبعاً ماينفعش تقعدى لوحدك! انتِ عارفة باباكى عرف انك مش عايزة تسمعى الكلام هايحصل ايه؟ -جود بحزن : يا ماما بس شغلى هنا..أسيبه ازاى؟ -زهرة بحنية : باباكى هيظبطلك workshop هناك على أعلى مستوى وأحسن من هنا كمان وأكبر -جود : يعنى مظبطين كل حاجة وانا آخر من يعلم، كفاية انى هاقعد فى بلد غريبة ماعرفش فيها حاجة -زهرة : ما احنا اول ما جينا york ماكنتيش تعرفى فيها حاجة ولا لينا حد -جود بيأس : بس هنكون لوحدنا ... على الأقل هنا لينا صحاب كتير و... -زهرة مقاطعة : لا خالص..احنا هانقعد فى compound حلو اوى وقريب من أخو باباكى..أستاذ مراد وعيلته -جود : هه...يااااه يا مامل تصدقى انى نسيتهم خالص -زهرة : وانتِ بالذات مش هتبقى لوحدك عنده بنوتة زى العسل اسمها كارما أصغر منك بسنة ولا سنتين مش فاكرة اوى -ثم تابعت وهى تغمز لها : وعنده ولد handsome ( وسيم ) و... -جود وهى تشير لوالدتها بنفاذ صبر : خلاص انا رايحة أحضر شنطتى وذهبت جود من امامها الى غرفتها بحنق وغيظ، لحقتها زهرة ب... -زهرة بصوت مرتفع قليلاً : الطيارة بكرا الساعة 9 الصبح sweetheart -جود من داخل غرفتها : يعنى كمان هاصحى بدرى و...ومين الولد اللى بتقول عليه ماما ده كمان ربنا يستر...من نبرتها مش مريحانى ..................... بأحد الكفيهات المشهورى فى القاهرة ،،، يتجمع عدد كبير من الشباب مختلف الجنسين أعمارهم متقاربة، وتنتشر الأغانى الصاخبة فى ارجاء المكان.. دخل عز الكافيه وعلى وجهه ابتسامة جذابة مما جعل معظم الفتايات يلتفتون له، ظل يجوب بعينيه على كارما الى أن وجدها وذهب اليها... -كارما : باعرف انك جيت اما بلاقى حاجة غريبة فى المكان -عز بثقة : طبعاً انا مش اى حد، المهم فين هنا؟ -كارما : انت طلعت عينى وزنّك ماخلصش عشان اخليها تعزمك... -عز مقاطعاً : على اساس انك بتعملى حاجة ببلاش -كارما : انا هاقولك هى فين عشان اخلص منك بس -عز بنفاذ صبر : ها -كارما : مش كفاية انى هابيع صاحبتى! -عز : تبيعيها! -هنا بابتسامة : هاى، نورت يا عز، اول ما عرفت انك جيت قولت لازم أجيلك بنفسى انحنى عز وأمسك بكف يدها وقبله و.. -كارما بخفوت وسخرية : حنين اوى -عز وهو يعطيها الهدية : ودى تيجى برضو، اتفضلى كل سنة وانتِ طيبة -هنا : ميرسى وانت طيب -عز وهو يغمز لكارما : طيب يا كارما هانسيبك ونرزح نشرب حاجة -كارما : يارب تشرق، وايه البت دى...زى ما يكون ما صدقت .................... فى منزل رياض بالمجمع السكنى ،،، ينتظر كل من رياض ويمنى وصل ماهر وما هى الا بضع دقائق وسمعوا صوت جرس الباب فذهب مراد ليفتح و.. -مراد بابتسامة : فى الميعاد بظبط -ماهر وهو يدلف : انت عارفنى مش بتأخر فى مواعيدى -مراد وهو يشير له : تعالى نقعد فى الصالة يكون العشا جهز جلس الجميع فى غرفة المعيشة وقدمت لهم يمنى المشروبات وذهبت لتكمل الطعام .. -مراد : اه بالمناسبة...عندى ليك أخبار حلوة -ماهر : خير؟ -مراد : خير اوى..صاحب الفيلا اللى جنبنا مستنينا كمان شوية عشان تمضى معاه العقد وتستلم المفتاح -مراد : ده خبر كويس اوى، وأحسن حاجة اننا هنبقى جنبكوا، اصلهم مايعرفوش حاجة لا فى الcompound ولا براه، وبذات جود...دى اما عرفت كانت هتقلب الدنيا -مراد بحماس : مش مشكلة، عز وكارما موجودين ويبقوا يعرفوهم على الأماكن ويخرجوهم -ماهر : زهرة مابتحبش تروح اماكن كتير لكن المشكلة فى حود هى اللى مابتقعدش ابداً فى البيت ديماً خروج -مراد : زى عز يظبط، بس عمتاً ماتقلقش كله هيبقى تمام واحنا جنبكوا -ماهر : ان شاء الله -يمنى : اتفضلوا العشا جاهز ...................... فى نيويورك،،، دلفت زهرة الى غرفة ابنتها لتخبرها ب... -زهرة : hunny خدى معاكى جاكيت واحنا رايحين المطار عشان الجو فى كايرو برد -جود : اوك -زهرة : انتِ نازلة؟ -جود بجمود : اه كمان شوية هعدى على الورشة اجيب شوية حاجات وأقفلها واسلم على اصحابى واعدى عليكى نشترى اى حاجة ناقصانا -زهرة : اوك يا حبيبتى، خلاص بقى ماتضايقيش، وكايرو حلوة اوى وهتعجبك -جود : ان شاء الله خرجت زهرة من غرفة ابنتها وهى حزينة لأجلها.. -زهرة فى نفسها : اما تروحى وتشوفى مصر بقيت حلوة ازاى هاتغيرى رأيك عنها ... وهتتبسطى اوى | ||||
|
|
30-12-18, 02:53 AM
| #2 | ||||
| انتصاره على قوة المطر الفصل الثانى فى صباح اليوم التالى فى منزل رياض بالمجمع السكنى،،، دلفت يمنى الى غرفة عز لايقاظه لكن دون جدوى.. -يمنى وهى تفتح الستائر : اصحى بسرعة يا عز -عز : .......... -يمنى : يا عز! -عز : .......... -يمنى وهى تزيح الغطاء من عليه : قوم يا ولد عمك وباباك راحوا يجيبول زهرة وجود من المطار وزمانهم جايين -عز وهو مغمض العينين : ماعرفش حد بالاسم ده -يمنى : يا حبيبى قوم بقى عشان تستقبلهم معانا -عز وهو يضع الغطاء عليه : خليهم يجوا بكرا -يمنى وهى تخرج من الغرفة : انا غلُبت معاك خرجت يمنى من الغرفة وهى تفكر فى طريقة لايقاظ ابنها وخطرت ببالها فكرة ثم توجهت لغرفة كارما.. -يمنى فى نفسها : كارما هى اللى هتصحيه -يمنى وهى تفتح الباب : كوكى...اصحى يا حبيبتى -كارما : ...... -يمنى وهى تهزها : قومى يلا -كارما وهى مغمضة العينين : كش فاضية -يمنى : قومى يا كارما صحى أخوكى عشان يستقبل معانا مرات عمك وبنتها، زمانهم جايين -كارما وهى تجلس على السرير : مين دول ؟ -يمنى : نعم...انتِ كمان! -كارما وهى تفرك عينيها : افتكرت افتكرت..ايه المطلوب برضو؟ -يمنى : صحى أخوكى والبسى لبس حلو عشان نستقبلهم -كارما : انا ممكن أعمل كده لكن اصحى اخويا...ابداً -يمنى : خلاص...قومى البسى -كارما وهى تنام مرة أخرى : طيب 5 دقايق -يمنى وهى تجذبها من ذراعها : لا قومى دلوقتى -كارما : خلاص خلاص هقوم ..................... فى سيارة ماهر ،،، يقود ماهر السيارة ويجلس بجانبه مراد وتجلس زهرة وجود فى الخلف، وتنظر جود من نافذة السيارة وتتأمل جمال القاهرة... -مراد : نيويورك عاملة ايه؟ -زهرة : حلوة اوى...لازم تروحوا مرة هناك -ماهر : ساكتة ليه يا جوجو؟ -جود وقد التفتت اليه : عادى يا بابا أوقف ماهر السيارة فالتفتت جود لتنظر من النافذة، وتحدث الى رجل الأمن ثم تحرك بالسيارة مرة اخرى -جود : احنا وصلنا ولا ايه؟ -ماهر : اه -زهرة بانبهار : واو المكان شكله حلو اوى -مراد وهو يشير : دى يمنى وكارما بنتى أوقف ماهر السيارة امام منزله الجديد، ترجل الجميع من السيارة، وتقف كل من يمنى وكارما امام منزله لترحب بهم.. -يمنى وهى ترحب بها : اهلاً يا زهرة نورتى...وحشتينى اوى -زهرة : وانتِ كمان يا يمنى، ماشاء الله كارما كبرت -كارما بابتسامة : اذيك يا طنك -زهرة : الحمد لله يا حبيبتى -كارما وهى تحتضنها : وحشتينى اوى يا جود -جود : وانتِ كمان وحشتينى...كله تمام؟ -كارما : اها -ماهر : طب اتفضلوا جوا مش هنقف برا -مراد : لا احنا هنروح على الفيلا بتاعتنا ونسيبكوا ترتاحوا، بس انتوا معزومين عندنا على العشا بالليل -ماهر : اتفقنا ................... دلف ماهر وعائلته الى المنزل وظلوا يتأملوه.. -ماهر : اوضتك فوق يا حبيبتى على اليمين..انا ظبطتهالك وسايبلك الحرية تعملى اى حاجة فيها، هاتعجبك اوى -جود : اوك يا بابا -زهرة بسعادة : البيت حلو اوى يا ماهر -ماهر : ولسه...انا مش عايز جود تحس ان فى حاجة ناقصة، كل اللى انتوا عايزينه هاتلاقوه موجود -زهرة : ربنا يخليك لينا -ماهر : تعالى بقى أفرجك على بقية البيت ...................... فى منزل مراد ،،، -مراد : ازاى عز مايجيش يستقبلهم... -يمنى : كان نايم -كارما : وبعدين يا بابا احنا رجعنا من العيد ميلاد متأخر شوية ده غير انه ممكن يكون سهر شويتين -مراد : خلاص خلاص، جهزوا كل حاجة لعشا بالليل وانا هاصحى عز -عز وهو ينزل من على الدرج : عز صاحى -مراد : اهلاً -يمنى : تعالى يا كارما عشان تساعدينى -كارما : حاضر يا ماما -مراد : كسفتنى قدام اخويا ومراته وبنتها -عز وهو يفرك فى شعره : كنت عايز انام الله! -مراد : المهم...عايزك تهتم بجود وتخليك معاها وتوصلها اى مكان هى عايزاه عشان ماتعرفش حاجة هنا، ومداد زهرة برضو تشوفها لو عايزة اى حاجى -عز : تحب احضرلهم الفطار بالمرة؟ -مراد : انت بتتريق! -عز : مش فاضى انا ابقى guide لحد -مراد : عشان خاطرى -عز : بتحرجنى يا حج كده -مراد وهو يلكزه فى كتفه : انا هتحايل عليك يا ولد -عز : خلاص حاضر يا بابا -مراد : واعمل حسابك انا عزمتهم عندنا على العشا بالليل ولازم تكون موجود -عز بغيظ : حاضر يا بابا، وجود هانم دى عاملة ازاى؟ -مراد : عاملة ازاى يعنى ايه؟ -عز : معقول يا حج مش فاهمنى...ده انا ابنك...حلوة يعنى؟ -مراد بحدة خفيفة : دى بنت عمك يا ولد! -عز : يعنى حلوة ولا وحشة؟ -مراد بنفاذ صبر وهو يغادر : يارب ...................... فى منزل ماهر ،،، فى غرفة جود ،،،، ظلت جود تستكشف غرفتها فرغم انها جميلة للغاية واعجبتها الا انها تشعر بالضيق لمغادرتها نيويورك... -جود فى نفسها : خلاص يا جود ما انتِ ماكنتيش هاتعيشى فى نيويورك على طول اكيد كنت هارجع مصر ... بس ماكنتش متخيلة ان يورك هاتوحشنى اوى كده، وبعدين مش يمكن رجعت عشان الاقيه هنا، انا هاحط حاجتى فى الدولاب واصلى وخلاص بقى ........ فى المساء ،،، تجلس جود فى غرفتها على الفراش تقرأ كتابها وقاطع قراتها دخول والدتها... -زهرة : جوجو حبيبتى، البسى يلا عشان مانتأخرش -جود : اوك -زهرة بحنية وهى تضع يدها على كتفها : انتِ لسه مضايقة -جود : مش اوى الحقيقة -زهرة : بكرا اما تنزلى وتشوفى القاهرة عاملة ازاى هتتبسطى -جود : ياريت -زهرة وهى تخرج من الغرفة : البسى يلا وحصلينا على تحت -جود : اوك نهضت جود ووضعت كتابها على المكتب، وفتحت دولابها وانتقت منه جاكيت زيتى قماش وبلوزة بيضاء بكم خفيفة وبنطال جينز ازرق غامق وحذاء رياضى ابيض وعقصت شعرها ذيل حصان، ثم نزلت الى الاسفل وجدت والدها فقط... -ماهر : ايه الحلاوة دى..شكلك حلو فى لبس الشتا -جود : انا بكره الشتا اصلاً، امال ماما فين؟ -ماهر بسخرية : هتكون فين؟ بتلبس ماهو يوم الستات بسنة .. الحمد لله انك مش زيها -زهرة وهة تنزل من على الدرج : سمعاك يا ماهر -ماهر : هو انا قولت حاجة غلط -زهرة : طب يلا عشان مانتأخرش عليهم ويعد كده نتكلم -جود بهمس لوالدها : مش هاتعديهالك -ماهر بهمس : ادعيلة -زهرة : بتتوشوشوا فى ايه؟ -ماهر : ولا حاجة يا حبيبتى خرجوا من منزلهم وذهبوا لمنزل مراد..... | ||||
|
|
|
08-01-19, 02:24 AM
| #3 | |||||||
| مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي  
| اهلاً وسهلاً بك بيننا في منتدى قصص من وحي الأعضاء ان شاء الله تجدين مايرضيك موفقة بإذن الله تعالى ... للضرورة ارجو منكِ التفضل هنا لمعرفة قوانين المنتدى والتقيد بها https://www.rewity.com/forum/t285382.html كما ارجو منك التنبيه عندما تقومين بتنزيل الفصول على هذا الرابط https://www.rewity.com/forum/t313401.html رابط لطرح اي استفسار او ملاحظات لديك https://www.rewity.com/forum/t6466.html واي موضوع له علاقة بروايتك يمكنك ارسال رسالة خاصة لاحدى المشرفات ... (rontii ، um soso ، كاردينيا73, rola2065 ، رغيدا ، ebti ) اشراف وحي الاعضاء الروايه كانت في قسم المكتمله وتم نقلها للقسم العام مكان العرض المناسب بالتوفيق التعديل الأخير تم بواسطة um soso ; 29-01-19 الساعة 03:25 PM | |||||||
|
|
|
30-01-19, 09:48 AM
| #4 | ||||
| اشراف القسم 
| تغلق الرواية لحين عودة الكاتبة لانزال الفصول حسب قوانين قسم وحي الاعضاء للغلق عند رغبة الكاتبة باعادة فتح الرواية يرجى مراسلة احدى مشرفات قسم وحي الاعضاء (rontii ، um soso ، كاردينيا73, rola2065, ebti ، رغيدا) تحياتنا اشراف وحي الاعضاء | ||||
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
