آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
17-07-19, 10:03 AM
| #21 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  صباح الخير مرة أخرى .. الحمدالله مرت المناسبة على خير وتأخرت بسبب إختبارات الصيفي النهائية ..اليوم كان الختام . شكرًا لصبركم جزيلًا .. البارت 14 مدخل "معاذ الله أني ما يئست ، لكنها والله أيامُ ثقال" """" مانامت من امس منسدحة على سرير عماد وتتأمل السقف ..بعد ماغرقت بين اغراضه وذكرياته وريحته عجزت تنام حتى بعد ماطلعت الشمس مافكرت تسكر الستارة المفتوحة تأملت بالغرفة الي كانت بويتها كحلي واثاثها خشبي ..وحاط بالارضية مشمع اسود صخري ..وطبعًا طبعًا حايسة ومنقلبة فوق تحت اندق باب غرفته وسمعت صوت الشغالة قامت بهدوء وفتحت الباب شافتها تمد جوالها لها ومعاها شنطتها الصغيرة الي تخرج فيها اخذتهم منها ودخلت وسكرت الباب انتبهت لنفسها بالمرايا باقي بعبايتها تأففت وفصختها ورمتها على السرير وفتحت الجوال الي كان مشحون فل..حست انه ابوها شحنه له قبل يرجعه انفتح ببصمتها والي مضاف فيه بصمة ابوها وامها وعماد دخلت تتصفحه ..شافته على حاله ماتغير الخلفية نفسها من يوم ما اخذته والتطبيقات نفسها بأماكنها ماتغيرت ماعدى الواتس الي كان بسبب قروبات الجامعة ..دخلت الواتس ومالقت القروبات موجودة استغربت لين انتبهت لرقم غريب انرسل له من رقمها "انا سحبت ملفي من الجامعة نهائي..مارح اكمل بسبب انشغالي" انجلطت وفتحت المحادثة..كانت وحدة بتسألها ليه طلعت من كل القروبات رمت الجوال بقهر وحست بصداع من الي فهمته توقعت انها عالاقل بتقدر تكمل دراستها شوي ورن برقم غريب شالته وهي مستغربة الاتصال وردت :الو عمر :هلا زين ..انا قربت تجهزي تذكرت انهم تواعدوا يروحون للمركز حتى تعطيهم افادتها و وبعدها تروح الشقة تأخذ اغراضها زين :طيب سكرت منه وطلعت من الغرفة راحت الحمام غسلت وجهها ورجعت لبست عبايتها وطلعت من الغرفة نزلت تحت الصالة سمعت أبوها يناديها بس ماردت وطلعت من البيت طلعت الحوش وجلست على الدرج طلع ابوها وراها :وين رايحة زين بوجه جديد :قريح انصدم من نبرتها :بنت ..انا ابوك ماردت عليه قرب منها :هالاسلوب مايمشي معي..احترميني ولا اقسم بالله ارجع لأسلوبي القديم معك ..وين رايحة ارتجف قلبها من كلامه :بيجي عمر ياخذني للمركز اعطي افادتي سكت شوي :قالك انه بيطلقك ؟ هزت راسها :ايه أبو عماد :ودامه بيطلقك ليش تطلعين معه بدون ماتبلغيني ؟ زين وقفت لأنه دق عليها:لأنه باقي ماطلقني وانا باقي حليلته ابوعماد :خليك هنا..بروح البس ثوبي واخاويكم هزت راسها وأول ماشافته دخل طلعت بسرعة برا كان موقف قدام البيت ركبت وحرك بهدوء :صباح الخير..وين ابوك صباح الخير اربكتها ..ولأنهم اول كلمتين حلوين يقولهم برواق ماحبت أسلوبه خصوصًا وهم على وجه انفصال ..ماردت على تصبيحته :نايم تعبان بعد امس عمر :شلون اهلك ..كيف يعني كانت ردة فعلهم زين :لا الأمور تمام ..ماهي شينة عمر :طيب زين الحمدالله دق جواله برقم ابوها وانتبهت له :لا ترد استغرب :ليش؟ زين :لأنه يبي يجي معنا وانا مو طايقته ولا ابي اشوف وجهه عمر :على فكرة هو الي عطاني رقمك وانا الي بلغته بجيتي ..كان شارط انه يكون معنا زين :عمر ..انا مابيه ..والله ان رحت له صدقيني مارح اقدم افادتي عمر تنرفز :تهدديني ؟؟ تعرفين لو ماقدمتي افادتك انك بتصيرين متسترة ؟ زين :خلهم يقولون متسترة ..وربي انسجن اهون لي من قعدتي بالبيت ..تراي بايعتها لف بالسيارة :بيعيها ..ابوك عطيته كلمة ومارح اثنيها عصصبت ومسك براسها عناد وقف عند أبو عماد الي كان ينتظرهم :ارجعي ورا تأففت وطلعت من السيارة وركبت ورا ركب ابوها بصمت ..مأجل رده على حركتها بعدين اخذهم للمركز واستأذن من ابوها يستريح واخذها لغرفة التحقيق بعد مابلغ فريق التحقيق بوصولها دخلها لغرفة التحقيق واشر للعسكرية تدخل لها ودخل لغرفة المراقبة الي متواجدين فيها كلهم بسبب ان الفريق اول الياس قرر يحضر التحقيقات فمضطرين كلهم يكونون موجودين اشر الفريق اول الياس لمنذر عشان يروح يحقق معها بدون مايناظر عمر الي اكيد الحين جالس ياكل تبن على غلطته بزواجه منها ..خصوصًا مع الإجراءات المتخذة وأولها انه ماوثق أوراقه بالمحكمة بس الفريق اول طلب انها تتوقف لين تنتهي القضية دخل منذر الغرفة وجلس قدامها بهدوء :السلام عليكم زين :وعليكم السلام منذر :في البداية انا المحقق منذر الداهي ..بأسئلك عدة أسئلة أتمنى تتجاوبين معنا هزت راسها :انا ماعرف شي ..ماتذكر شي..صحيت بأخر الاحداث وانا بالمستشفى بغرفة المراقبة التفت الفريق الياس لعمر :انت تدري انها ماتتذكر وجبتها؟ سحب نفس :لا هي تتذكر ..مجرد انه حصل بيني وبينها خلاف وقالت مارح اعترف رفع حواجبه :وانت ماتوقعتها تنفذ ..وهذي هي تنفذت !! ..عمر انا متغاضي عن حماقتك بزواجك منها ..لكن انك تتركها تلعب فيك هذا شي ثاني نزل عيونه عالارض ماعنده شي يبرر فيه الفريق اول :رح صحح غلطك وارجع وانت عندك المعلومات..بنسكر المايك وأول ماتبدى تستجيب اشرلنا وونفتحه لك هز راسه :ابشر ضرب له تحيه وخرج من الغرفة ..دخل لمنذر الي يحاول فيها بس هي عاقدة يدينها ومعاندة :المحقق منذر..راح استلم التحقيق عنك ناظر بوجهه وفهم انه بأمر من الفريق اول وقف واشر للعسكرية تلحقه """""""""" واقف قدام المستشفى ينتظر جية رائد له حتى يزورون ودق مابعد ماطلع انها انعمت ..مابلع الموضوع ابدًا فيه شي غير العمى ..مامرت عليه ابد انتبه لعبداللطيف يناظره بشك من بعيد وشافه يمشي ناحيته ماكان مخطط انه ينكشف الحين بس خلاص ابتسم بخبث واشرله وراح ناحيته :هلا والله تلون وجه عبدالطيف :انت انحشت ؟ طارق :لا ..انا ما انحاش ..انا مجرد اني وضحت الحقائق لطلال الجالك ..اثبت له انه كبر سن منك وحقد قديم بينك وبين ابوي ..الا تعال ..ابوي وينه؟ ..تعرف مكانه ؟ تنرفز من كلامه :انت وش قصتك معي ؟ قلب ملامحه لحقد وقرب منه وعيونه تنطق بالشرارة :امي قبل 26 سنة يوم جاها ابتعاث برا ..وش سويت انت ؟ تذكر ولا ماتذكر ..طيب تذكر يوم تزوجها ولد عمك المدمن الي طين عيشتها ؟ كنت تعرف انه مروج ولالا ؟ اصلًا شلون ماتعرف وانت الي سحبته لهالطريق...قلت له تجارة رابحة وشوفه الحين ولا كنه ابونا حياته كلها سفريات من ورا البلاوي الي يدخلها هنا ..كل هذا عشان وش؟ عشان بس هنادي اصغر خواتك قالت لك بابتعث غصبًا عن خشمك ؟؟ هالكلمتين حرقوك ؟ عبدالطيف انفجع من كلامه وحقده واسترساله بدون مايعطيه مجال يبرر :هذا الشي صار من قديم ..وامك لو انها سنعة كان عقلت زوجها وماتركته يهيت هنا وهنا ضحك باستخفاف وهو من الداخل براكين تتفجر من تبريره :كلكم بالهوا سوا والدليل زوجتك تركتك يوم درت عن كذبتك بعقيل الي ماتدري عنه وين الحين ..والله ياعبداللطيف محد بيطلع حقوق الناس الي لعبت فيها غيري ..حق ودق وعقيل وامي بيرجع دبلات الدبل قهره ووصله لمواصيله :سو الي بتسويه .. بانهيك قبلها ..وقل خالي ما قال ..انا الي يلمس طرفي ادعسه كله وحط هالكلام حلق بإذنك هز راسه وهو راسم ابتسامة تسليك له وقف رائد جمبه :مشينا ياطارق التفت عبداللطيف على رائد وناظره بغضب ..بالرغم من الكدمات الي بوجهه الا انه ولا كأنه صار شي رفع طارق حواجبه :وشلونها خولة بنتك بعد طلاقها ؟ عاد انتظر شوي وبترجع سمر للبيت ...راكان بينفصل بعد مايعرفون انه طلع ولد عمه ألي قتل خويه وزوجته ابوها مارح يسكت وراح يخلعه ..وانت اقعد لين يطلع عقيل ويبلغ عنك قرب منه بعصبية :انت تعرف وين عقيل ؟ قرب منه زيادة وهمس بإذنه :عقيل مع الحكومة انتفض قلبه من الي سمعه ورجع خطوتين على ورا ناظر فيه وفي رائد واتجه بسرعة ناحية غرفة ودق ناظره رائد :وكانك بعتها ؟ طارق :بعت أمها ياشيخ ..بدق على منذر يحقق مع عقيل ويكتب محضر تحقيق ويطلب استدعائه ..خلاص وصلت معي وبخلي سالفة ان ودق تتجسس عليه خلاص تتكنسل تحرك ناحية غرفتها مسرع حتى يلحقه مشى رائد بسرعة وراه :ولد وش بتسوي طارق :بخليها تبين له انها تعرف انه ابوها رائد :لا لا ياولد ..خلها تسوي الي تبي بس لا تكسرها مرة ثانية وهي توها بمصيبة عيونها طارق التفت له :وانت مصدق سالفة عيونها ؟ تنهد من كلام طارق ووقف ..مالحقه ورجع على ورا قرر يرجع ادراجه مايبي يشهد موقف سخيف مرة ثانية لودق صادف بطريقه خوله ..لمح هيئتها وهالشي وقفه بطريقه يشوفها خولة جاتها امس وكانت نايمة وقررت تجيها هي والعنود من الصبح شهقت اول ماشافت وجهه المضروب ونظرته الي وكأنه ينتظرها العنود بعد انصدمت :رااائد ؟ وش صارلك قرب منهم واو من خولة بالتحديد :ارتحتي ؟ بعد ماخليتيه يرميني بين عماله وانضرب بهالشكل ؟ اخذتي الي تبينه بطريقتك السلمية لك ؟ انصدمت من منظره ورجعت الدموع تجمعت بعيونها ..مهما دعست على قلبها يبي شي منه بسيط ينبض له ..شي بسيط كان كافي بأنه يبكيها من شكله بس مستحيل تبين له ضعفها بالرغم من لمعة عيونها الا ان قلبها يبكي :انا بحركتي سويت الي عجزت تسويه ..كم كف حقق الي من سنة نحاول نجيبه ..ولا تنسى اننا وقفنا جرايم ابوك وابوي بتزويجنا بدون أي حق اختيار مننا لا باستخارة ولا رضى زفر وكلامها حطمه ..الا ان لمعة عيونها حسسته بندمها ولو شوي حتى شهقتها بالبداية طبطبت عليه العنود فهمت سواتها وان عمها سوا فيه كذا ..حبت ترد :على الأقل مابينكم أطفال ومابينكم عشرة عمرها ثمان ..بعدكم على بر..خل الغاية الي متو عليها ووصلتولها تبرر وسيلتها مسكت يدها وسحبتها معها أما هو خرج من المستشفى كله ..مو متحمل يفكر بالمصيبة الي دخله فيها طارق ولا انه يستوعب انه طلق خولة خلاص ركب سيارته وحرك لبيتهم وشبك سيارته ببلوتوث سيارته وفتح اليوتيوب وشغل اول تشكيلة جاته ولمعة عيون خولة مطبوعة براسه لما فكر يقارن بينها وبين سحر مايقدر لأنهم فرق السما عن الأرض ..سحر جريئة معه مرة وخولة مالحق يكون بينه وبينها كلام حلو لكن ينتبه لها تستحي اذا طول يناظرها ..سحر خفيفة عنده ودايم تكرر عليه ان اول شي لفتها هو وسامته ورزته بالشماغ والثوب اول ماتوظف حتى اذا تهاوشوا كانت تستخف اذا جا يراضيها عكس خولة الي كان يحسب انها بتحبه بسبب هالشي مثل سحر لكن صدمته ردة فعلها معه بيوم الملكة وكيف بينت له انها عايفته اصلًا وكيف تهاوشت معه كم مرة بسبب سحر ومرات كثير بسبب اقحامه لها بمشاكلها بدون مايكون فيه غيره قد ماكانت تتكلم بعقلانية برضوا عكس سحر الي تعصب منه اذا بس ناظر بوحدة من زميلاته بالسفارة ..يمكن التبرير الوحيد انه خولة ماتحبه بس نظراتها الي بين ثانية وثانية كانت تحسسه بإحساس حلو معاها وكان يحس براحة ماحس بنفسه الا قدام البيت سكر السيارة وطلع منها ودخل البيت انتبه لأبوه طالع من المقلط ويناظره بحقد :طلقت بنت عمك ؟ """""""""""" دخل جناحها بسرعة بدون مايدق الباب او يستأذن ارتاع معاذ وفز من نومته وهو يناظر ودق الي اصلًا صاحية دخل عبداللطيف وعيونه على ودق الي تناظر بالفراغ :ودق ..ادري انك ماتشوفين ومحتاجة تقعدين بالمستشفى اكثر..بس طارق هرب وهو جاي هنا الحين ..امشي معي الحين يلا دخل طارق وراه وبحده :لا تروحين معه !! ودق :ممكن اعرف وش صاير ..اسمع كلام مين بالضبط عبداللطيف بتوتر وبأسلوب الي فقد كل شي وقاعد يحاول يحافظ على اخر شي بقاله :انا يا ودق ..انا اخوك الكبير ..انا الي مابي شي غير سلامتك ..لا تغرك مصالح الي حولك ..مستحيل يكونون مخلصين لك كثري ..انا مابي غير انك تكونين سالمة غانمة ومحد يتعدى عليك بطرف ..كل الي اذوك بطلع اذيتهم لك من عيونهم ..تعالي معي ولا تسمعين لهم حاولت تقوم ومدت يدها له توتر معاذ والتفت لطارق الي عجز يضحي بودق ..حس انه تردد يسلمها له بعد ماسمع نبرته الحين طارق حس نفس إحساس معاذ واشرله انه يبي يكلم ودق على انفراد تحمحم وناظر بعبداللطيف:أبو راكان ممكن اكلمك على جمب شوي ماعطاه وجه تنهد وقرب منه وهمس له :بشي يخص ودق التفت له بضياع ومشى معه برا الجناح استغل الفرصة وقرب منها ومسكها من اكتافها :ودق ماناظرته :نعم طارق :انتي صدق عميا ؟؟ ترا مامشت علي ..قوليلي الصدق ..مانقدر نرسلك معه وانتي بهالحالة وبنفس الوقت دورك مهم عشان نطيحه توترت وفركت يدينها ببعض ..اخر واحد ودها تقوله على الي معها هو طارق ..سحبت نفس:ماني عمية ..مجرد ضعف بسيط بالرؤية تركها وتكتف :وليش هالدراما كلها ؟ ودق :شي مايخصك . ماهتم لأن مصيره يعرف:تجهزي حتى تروحين معه ..راح نتواصل معك بأي شكل من الاشكال اهم شي لاتحسسينه بخوفك ..تعاملي معه طبيعي ولا تكذبين عليه وتشككينه فيك ..انتبهي هزت راسها وحاولت تقوم ساعدها بهدوء وحاول يلملم معها اغراضها ودق :مشكور ممكن تتفضل ؟ ناظرها بنص عين :ماعندنا وقت ودق :ممكن تتفضل ؟ ابتسم وحاول يكبت مشاعره :ممكن افهم لين هالجلافة ؟ ودق :انت اخترت اعاملك كذا ..مهما حصل محد له حق يتحكم بمشاعري رفع حواجبه:انا ماتحكمت مجرد اني شفت الموضوع من زاوية واقعية ودق :مالك حق طارق :طيب ياودق .. قاطعته :هنادي كلمتني امس ..بعد ماجيت استغرب :ايه ودق :طلبت تقابلني وتتكلم معي مل :الزبدة !! ودق :قالت لي انه المفروض اني ما اقابلك ..لأنها مارضعتني مع مؤيد تنهد :امي ماتعرف عن الي نخطط له لأن قاطعته :ليش تجاوزت هذي النقطة وماخبرتني عنها وحتى بعد ماعرفت اني اعرف مكمل عادي وماقررت على الأقل تلف عني تنرفز منها :لأنك بزر مارح اناظرك مثل ماتفكرين ..وش شايفة نفسك انتي ودق :مافكرت بشي بس انا فرحت يوم دريت ..المفروض ماشووف رقعة وجهك وانت عارف ..ويوم امك علمتني استانست ..ممكن تقلب وجهك لأنك مو محرم لي ولا ابي اشوفك اصلًا؟ انقهر من كلامها قرب منها بعصبية :انا اذا ابي اسوي شي اسويه غصب عن الكل ..وسواء محرم لك ولالا يالبزر حنا هدفنا قاطعته للمرة ثانية :لا تخلي هدفنا شماعة تبرر افعالك منها ..طارق ممكن تطلع برا ؟ رفس طرف السرير برجله وخلاها تنتفض من الصوت وطلع بدون مايرد حست انها ردت شوي من اعتبارها ..حست بقوة لما سمعت دعم هنادي ولطيفة لها "" جاها اتصال من رقم لطيفة وردت وهي تناظر معا :هلا لطف فز من مكانه وناظرها \لطيفة :هلا والله حبي ..شلونك الحين ..صحيح الي سمعته ودق :أي والله للأسف ..بس انا بخير وطيبة لطيفة :الحمدالله هذا اهم شي..قل لن يصيبنا الا ماكتب الله لنا هذا ابتلاء يا حبي لك ربي يبي يختبر صبرك بالناس الي حولك وبنفسك وبإذن الله الفرج قريب ودق :ونعم بالله ..انا راضية الحمدالله بكل الي كتبه..ربي مايكتب الا خير لطيف :اسمعي امي تبيك ..من اول تأشر لي ودق :هاتيها طيب ام طارق :الو ودق ؟ سكتت تحاول تركز بنبرتها ام طارق سكتت ..مو متخيلة انها غلطت بحقها بسبب ذنب مو ذنبها :انا يابنتي ..ضريتك وانتي مالك ذنب ..ماعاملتك معاملة زينة وربي رزقني بزوج رد كل سواياي ..ابيك تسامحيني وانا بوقف معك بصفحة جديدة ..امحي فيها كل الي صار ..بنوقف معك انا ولطيفة وانا بفهم هاللي ظالموك معي وانخدعوا بكذبة عبداللطيف ..الي لعب علينا وخلانا نطين عيشتك ونحقد عليك وانتي سكتت يوم تغر صوتها وتحشرج ومع فرحة ودق بكلامها ..كانت تنتظر أي احد يبين دعمه لها بعد الاحداث الي صارت والحقائق الي طلعت ..كانت تبي مثل ماعرفت حقيقة ابوها تعرف انه في احد ثاني بيوقف معها ويجبر بخاطرها ..احد يتغير معها للاحسن ..اهم شي مايكون من الاحسن للأسوء مثل ماتشوف منذر :انا مسامحتك يا عمتي..مسامحتك هنادي :ياقلبي والله ماتساهلين عمة مثلي ..صدقيني قلبي مقطعني من قالي طارق على الحقيقة وبغيت اجيك لين اسمع لطيفة تسوق لي الخبر ..قلت اتصل واتطمن واجيك بكرا ان شالله ودق :انا بخير الحمدالله والي صارلي ما أثر فيني كثر الي عرفته عن ابوي ..همي ارتاح شوي الحين هنادي بتردد :طيب ودق بقولك على شغلة دامنا باقي ببداية الصفحة الجديدة وعشان أكون واضحة معك ابتسمت على تعبيرها :وشو هنادي :انا مارضعتك مع مؤيد ..كذبت على عبداللطيف اختفت ابتسامتها :طارق يعرف هنادي:ايه توترت حست ببرودة في جسمها ..شلون تجرئ يقابلها بالرغم من معرفته لهالحقيقة :طيب انا بقفل وراي فحوصات اسويها بسرعة سكرت منها وقلبها ينبض بقوة ماهي مستوعبة حقارة طارق وتعديه عليها بعيونه قبل لسانه "" ومن اليوم قررت تفتح صفحة جديدة بتعاملها مع أي شخص بعد اللي قاعد يصيرلها خرجت من الجناح وقابلت معاذ الي جا وحب راسها وسلم عليها :استودعتك الله ..اي شي يصير بس كلميني هزت راسها ومشت معه لعبدالطيف الي واقف بنهاية الممر ينتظرها ومعه خولة والعنود """""""" ناظرها بقهر من تصرفها :زين كذا ؟ سويتي الي براسك وعاندتيني تكتفت ولفت راسها :انا قلت لك ضرب الطاولة بقوة وروعها :تشوفينا نلعب ؟!!! اخوك انقتل وانتي بخطر واي كلمة بتقولينها ممكن تساعدينا فيها صرخت بوجهه :اخوي انقتل !!..من الي اخذ منه المعلومات الي تساعده ومافكر يحميه !! تنتظرني اعطيك الي تبي عشان بكرا يذبحوني !! رص على اسنانه :زين.. قبل ماكنا نعرف كبر هالقضية وتشعباتها ..الموضوع صار خطير ..ممكن أي احد يوصلك زين :انت مجرد ما رجعتني لأبوي سهلت لأي احد انه يوصل لي..ايش ضمان حمايتي منه عمر :وش تبين ضمان ؟ ارجعك بيتي كشرت وبان من عقدة حواجبها :مابقى الا ارجع لسجنك ..ابي ولايتي تصير تحت ولاية القاضي مب ابوي ..انا مو قاطعها :ولاية ايش انتي الثانية ..زين ابوك رجال كبير بالسن ماهو متحمل عقوق على اخر عمره ..توه اخوك متوفى واليوم ثالث يوم عزا وانتي مصرة تكسرين ظهره زين :انت ماتعرف وش الي بيني وبين ابوي أتمنى ماتدخل ..الي ظاهر لك شي والي قاعد يصير شي ثاني رفع حواجبه :أتوقع انه مافي تفاوضات ..برجع لرئيسي ووبلغه عن التزامك للسكوت ..وبترك باقي الاجرائات معه ..بترتاحين من اهلك لأن محد يفكر يزور وحدة بالاصلاحية ..وترا تهمتك بتكون تستر على مجرمة انقهرت وضربت الأرض برجلها ..تجمعت الدموع بعيونها وانتبهت له :بتكلم خلاص خافت تطلع من سجن وتروح لسجن اسوء بلعت ريقها بقلق وناظرت بعيونه تدور شي يطمنها :عمر اوعدني مايصير لي شي زفر وغمض عيونه ..فتح عيونه بعيد عنها مايبي يشوفها ويضعف :مو صايرلك شي..بتكونين تحت حمايتنا وببيت اهلك ومحد بيتعرض لك زين :بس هم تعرضوا لي قبلها عمر :هالمرة غير زين :طيب ..بقدم إفادتي رفع يده واشر للفريق اول وفتحوا المايكات حتى يسمعون افادتها """"""""" مر على الي صارلها أسبوع وكل يوم تحس انها تنخنق زيادة وكل يوم نفسها يضيق كل يوم تخط بالموس على رسغها وتجرح نفسها بشكل سطحي جداً مسكينة باقي ماواجهت نظرات الناس الي المرة الجاية بتخليها تضغط اكثر عالموس ليش لما الخطيئة مستها بدون إرادتها تتحول مذنبة بعيون الناس ..الناس يعرفون انها ضحية لكن يعاملونها معاملة المذنبة بدال نظرات الحقد نظرات شفقة وبدال نقل الكلام نقل كلام ثاني وبدال النفور المشمئز نفور بنبرة"الله لا يبلانا" وبدال القمع حبس لأن السبب الي كان يطلعها للناس اختفى مع شرفها اليوم تشجعت لسبب ما ..وهو انها ملت من خنقة غرفتها وودها تجرب خنقة البيت .. فتحت باب غرفتها مع صرير صدر منه بعد تقفيلة مدتها أسبوع خرجت لبرا وهي تحس ببرد وخوف غريب ..تتلفت على الأبواب بحرص ..تخاف انه فجأة يدل احد ويسحبها مثل اول نزلت الصالة تدور أهلها ..لين سمعت صوت أمها تتكلم مع احد قربت تبي تتعرف على الشخص ..لين تعرفت عليها ..خالتها هنادي التفتوا لها وفزت أمها لها :حوريتي حبيبتي !! قربت من أمها بسرعة وجلست جمبها قامت لها هنادي وسلمت عليها ورجعت جلست :شلونك حورية ؟ هزت راسها وخبت راسها بحضن أمها الي زفرت وجلست تمسح عليها هنادي كملت كلامها :وهذي هي انعمت سعاد مابلعت السالفة ابد :الله يعين ويصلح الحال..انا هالحين مابي الا سلامة بناتي وبس..لاحد يطلب مني اتدخل بسالفة احد هنادي :ماجيتك عشان تدخلين ..كنت بعطيك خبر يوم شفتك غاطة عن العالم والدنيا سعاد ببرود :ماقصرتي نزلت نورية وهي شايلة صينية الحلا :وهذا احلى حلا لخالتي الحلوة هنو ابتسمت لها :تسلم الايادي ..جعل ايدينك ماتمسهم النار نورية :ورا ماجبتي لطيفة معك ..قاطعة هالبنت هنادي :والله تركتها بالبيت نايمة نورية وهي مصرة تسوي فجأة انها خوية لطيفة:ايه صار النوم اهم منا ابتسمت لها بتسليك ..ماعرفت وش تبي بالضبط ناظرت نورية بأختها :حور قومي معي بطلع لكوفي مع البنات هزت راسها بلا وهي بحضن انها :تقولك ماتبي نورية :بكيفك انتي الخسرانة ..اقعدي حابسة نفسك هنا هنادي :شوي شوي عليها ..قوليلها كفو خرجتي من غرفتك ..باقي تطلعين من البيت وتتشجعين ..باقي تشدين حيلك وتكملين الجامعة ..اعوذ بالله يالتحطيم نورية :تعرفيني ياخالتي والله مليت من منظرها كذا ابيها تتحسن بسرعة وتفكني هنادي :عطيها وقتها لا تستعجلينها ..اصبري شوي """"""""""""" في مركز التأهيل الشامل تعلم أشياء كثيرة خلال أسبوع ..وماتعبهم معاه شغفه للإنتقام خلاه يتعلم بشكل اسرع ويحاول يتعلم اكثر واكثر ويربط المعلومات ويسخرها لإنتقامه قدامه دفتر ومرسمه وجملة "يأكل احمد التفاحة " ومطلوب منه يظلل النقاط بالسطرين الثانية ثم ينسخهم الى نهاية الصفحة قعد يكتب من قلبه ومطنش تنمل سبابته وابهامه من كثرة الكتابة تعلم من مدرسه ان التدوين مهم ويرسخ الأفكار ويساعد على التركيز وتنظيم الوقت ..وحط بباله انه ضروري يتعلم يكتب حتى يقدر يركز اكثر مع العالم الجديد :كيف حالك اليوم التفت لمنذر الي زاره اليوم وابتسم له وقام :الحمدالله .. جلس قدامه :ودق عرفت بحقيقة عبداللطيف ..وانه يصير ابوها ركز معه :وش قالت منذر :دخلت بخطة انها تمسك عليه دليل بدون ماتقوله انها تعرف ..بعدها بنبلغ عليه ماحب الفكرة بس ماتشجع يصرح بعدم تأييده منذر :انا وطارق بدينا نجمع ادلة ابتسم :كيف طارق منذر :بخير ..يبي يشوفك وقف :بروحله وقف معه :امش معي طيب اخذه ووداه لاستراحة طارق ..مابينهم كلام لان عقيل ماكان مرتاح لمنذر ..ماشافه يساعده مثل ماساعده طارق على الهرب بطريقة حسية بالرغم من ان منذر اخذه لمركز التأهيل الشامل الا انه ماكان متابع معه ورماه عندهم أسبوع ..حس عقيل انه مهمل وصلوا الاستراحة خرج عقيل من السيارة ومنذر راح يوقف السيارة رجع بعد دقايق وانتبه لعقيل واقف مكانه قرب منه وانتبه له واقف قدام عبداللطيف .. يعرف من طارق ان عبداللطيف اخذ ودق ..شجابه ؟ """""""""""" قبل مايرجعون مرت مع ابوها وعمر شقتهم واخذت اغراضها ورجعوا سوا ويوم وقف عند باب البيت خرج أبو عماد واخذ شنطتها من شنطة السيارة فتحت الباب بتخرج تنحنح عمر وعيونه مركزة قدامه :تدرين ان مابيننا عقد مصدق بالمحكمة ..ودريت انه الطلاق يقع لفظيًا وبدون عدة لأني مالمستك ..زين أتمنى تعيشين حياتك بطريقة لائقة فيك والله يوفقك ويسسرلك ..انتي طالق ..طالق..طالق سحبت نفس وخرجت بدون ماترد عليه سكرت الباب تحارب دمعتها مرة ثانية ..احساس الخوف وانعدام الأمان جالس يتمكن منها ..هالمرة مارح تشوفه مرة ثانية ..انقطعت علاقتها فيه بترجع مرة ثانية لحياتها القديمة بعد نهاية قصة اخوها عماد وصاحبه الغريب عمر دخلت البيت وهي متجاهلة المعزيات الي جايين يعزونهم بعماد وطلعت متجهة لغرفته دخلت ورمت نفسها على السرير بقوة .. انفتح الباب ودخل ابوها وراها وبدون مقدمات قام يهاوش :اذا تبين معاملتنا لك تتغير استمري بوقاحتك الي مادري من وين جايبتها ..تبيني ارجع اعاملك مثل البزران انا حاضر ..كل الي في البيت غصبًا عنك تحترمينهم ..انا وامك وحتى سيلينو ..درينا اننا غلطنا بأسلوبنا معك ..لكن انك ترفعين صوتك وتطولين لسانك وتوصل فيك تمشين مع عمر وتتركيني وانا قايل لك انتظري هذا رفعت راسها وقاطعته :اليوم طلقني عمر ...قبل شوي :وانتي عندك خبر اصلًا قبلها ..مسوية مصدومة ؟ زين ناظرته : وقبل اتطلق دريت انك سحبت ملفي في الجامعة سكت ..ماعرف يرد ..من البداية ماكان يبيها تكمل جامعة بس يوم انقبلت تاريخ ررضى كونه تخصص وظايفه تندرج تحت التعليم ..ويوم سحب ملفها ماكان متوقعها ترجع مظلومة ..احتار شلون يفاتحها بالموضوع يوم ماشافت رده سحبت البطانية على جسمها وانسدت تحتها وهي تحاول تتجاهله .. خرج من عندها ونزل تحت يوقف مع اخوانه ويستقبل المعزين ومجرد مانغمس بأجواء العزا تذكر ولده مرة ثانية ..سنده وعزوته ويده الثانية ..مصيبة بنته خلته مايعرف يتوازن بينهم ..رجعتها ضيعته وروحته هدته قرب منه شخص :عظم الله اجرك يابو عماد ..والله يعوضك ببنتك ناظره باستغراب من طاري بنت ناظر بوجهه وشد على يده الي مصافحته :من انت قرب منه وهمس بأذنه بسالفة طويلة.. خلته يطلع جواله من جيبه:هات رقمك اسجله !! مخرج "مَا نَفْعُ هذا الحُبّ إنّ تَفتّتَتْ أكْبَادُنا؟" .. ألقاكم الثلاثاء المقبل.. | ||||
|  |
|
29-07-19, 09:06 AM
| #22 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| 15 مدخل "أيكونُ حظّي منك أنك هاجِري ويكون حظُ العالمين لقاكَ" """"""" وقف بجمب عقيل وعيونه مثبتة على عبداللطيف خرج من السيارة الي كان عبداللطيف واقف قدامها :ماشالله يامنذر ..وطلعت تخطف وتخبي سحب عقيل من ذراعه ووقفه وراه:ارجع ياراكان ولا تتكلم بشي انت ماتعرف صدقه من كذبه راكان :ابوي مارح يكذب علي ..علمني عن حركاتك مع طارق ..لا تتوقعني بتركها تعدي انتبه له بيرفع يده لخصره سبقه وطلع مسدسه ووجهه بناحية راكان قبل يخرج الثاني سلاحه سحب سلاحه ووجهه على منذر..رفع راكان حواجبه :لماح منذر :خذ ابوك وارجع ..عقيل مارح يتحرك من هنا عبداللطيف :ودق بيدي يا منذر ..فكر من الي تبيه وحكم عقلك قهره ..يساومه فيها رجع راسه لورا وهمس لعقيل :اول ما أقول يلا ادخل الاستراحة ..اوكي ؟ هز راسه بتوتر من الأسلحة الي ماسكينها سحب منذر زر الأمان وتحرك على جمب ناحية باب الاستراحة وعقيل وراه :ماهو من صالحك..ابوك وصلنا لمرحلة مافيها أي تفاوض راكان :ابوي مجرد انه يبي يحافظ على اخته من خوالها ..انتم مانتم كفو لها ..وفترة تركها لكم خلاص انتهى ابتسم بخبث وهو مركز عيونه بعيون عبداللطيف :اخته ؟؟ خبرك قديم يا راكان قرب عبداللطيف من ولده بتوتر : راكان ياولدي نزل سلاحك وخلينا نمشي كمل منذر بحدة وهو يبي يشغل راكان عن عقيل :ودق ماهي اخت ابوك ..ودق بنته ..ودق اختك من زوجته اسمهان البريئة من قذف اخوانه ..عقيل الي وراي هو عمك الي انحبس طول عمره بالمزرعة -رجع راسه لورا-يلاا بسرعة دخل عقيل من باب الاستراحة وسكره وراه بس راكان ماتحرك ..ولاقدر يتحرك او يسوي أي شي لعقيل الي هرب نزل سلاحه بصدمة والتفت لأبوه..مفجوع وكانه اكل كف :وش يقول منذر نزل منذر هو الثاني سلاحه :خله يشرح لك شلون سوا كل هذا ..شلون خدعني وزيف موت عقيل وخلاني اساعده واسكر على الموضوع ومشى ناحية الاستراحة وفتح الباب ودخل شاف طارق وهو جاي بيطلع مد يده :معه راكان ..وعلمته بسالفة ودق وعقيل ابتسم :زين ..تفضل الحين وانا بطلع ابهر السالفة شوي دخل منذر بوجه جامد وخرج طارق لبرا شاف راكان واقف مصدوم وابوه منهار يحاول يبرر له قرب منهم :السلام عليكم ..تفضلوا داخل تفاهموا ..ماله داعي الفضايح التفت راكان لطارق بجمود والتفت لأبوه :راح تشرح لي كل الي صاير ولا ادخل اسمع منهم ! طارق :لا تفضلوا ..ضروري نحط النقاط على الحروف-ابتسم بخبث واعتبره راكان غموض منه عكس عبداللطيف الي فاهمه- حتى بعد كذا ماينلام احد منا على تصرفاته التفت راكان لابوه :خلنا ندخل .. مسك يد ولده وبضعف :راكان لا تسمع له سحب يده ومسك يد ابوه وسحبه : تكفى يبه ..ابي افهم السالفة واسمعها من الطرفين """""""""""""""" ودق وخولة والعنود ..نزلوا ببيت ابوراكان لين تتنظف شقته وتروح لها ودق طلعوا غرفة خولة لأن ودق سكرت غرفتها والمفاتيح ببيت جدتها جلستها خولة على سريرها دخلت العنود وهي ماسكة ماهر توه صاحي من النوم حتى ببجامته :وش نتعشى ..ميتة جوع خولة :وشتبون نطلب ؟ مافيني حيل اطبخ ابد ودق :لا تحسبوني معكم العنود :يلا عاد ..توك طالعة من غيبوبة ضروري تتغذين ..ناقصين تتعبين ابتسمت خولة وبعفوية : يعني طاح الحطب بينكم ؟ التفتت ودق لمصدر الصوت وهي فاهمة قصد خولة :أي حطب؟ العنود بدون اهتمام جلست على كرسي مكتب خولة وشالت ماهر بحضنها :مافي أي حطب بيننا ..كنت اشوفها مصدر قلق وانشال بعد عماها انلخمت خولة من كلمتها العنود كملت :هذي الصراحة ولاتزعل يوم سمعت بحادثها توقعتها بتموت وجيتها معك ابطلب السماح ..لكنها قامت مثل الحصان ..واتوقع انها بتنشغل بعماها عننا خولة :دقايق ..والسماح الي بتطلبينه ؟ العنود :غريزتي خلتني افز واخاف على نفسي ..بس شويات واستوعبت اني كذا ولا كذا كنت ادافع عن عائلتنا من وحدة دخيلة .. ودق ابتسمت بطريقة شكت فيها العنود :مجرد انك فكرتي انك تطلبين السماح معناته انك بقرارة نفسك عارفة انك ظالمتني ..ومن هذا المنطلق انتي عندك فكرة انك لوجيتيني تطلبيني السماح بزهد مني بسامحك لاني غبية وانتي ذكية ويوم القيامة مابتتحاسبين ..ماعرف كيف تفطنتي لهالقصة المستهلكة وصدقتيها ..مو لأني مظلومة معناته أكون الطرف اضعف ..انا مظلومة والظروف وقفت ضدي وبرجع أوقف مرة ثانية واخذ حقي سواء بالطيب ولا بالغصب..مارح انتظر الدنيا تدور وانا الي بدورها بنفسي قدام ودق كانت جامدة لكن من داخلها مصدومة ..شعر جسمها وقف لأن طول ماكانت تعرف ودق ماقد خاضت معها بحوار غير انها تسبها وتتنمر عليها وتتلفظ على أمها ..ماقد سمعتها ترد عليها لأن دموعها كانت تسبقها ..كانت تسمع بحركاتها وتشوف تصرفاتها بسناب قبل تبلكها لكن كل هذا كان سطح ..ماغاصت بعمقها المظلم ..والي انحفر توه ووصل لعمق حتى ودق نفسها ماتعرف مداه الأخير خولة توترت وخافت يتهاوشون قدامها ..كفة ودق ضعيفة وخبث العنود معروف :يابنات ..هدو ودق عدلت جلستها :وثانيا الغريزة شي بالحيوان ام البشر فيمشون ورا حدسهم خولة انصدمت من كلمتها وناظرت بالعنود وهي كاتمة ضحكتها الي مختلطة بصدمة:يمة!! وقفت العنود ورفعت ولدها بعصبية :وقحة وخرجت من الغرفة خولة : الحين من يمسك راكان اذا وسوستله ودق وعيونها بالفراغ :خليه يجي ..ياخذ من الطيب نصيب خولة جلست مكان العنود :شكلك انفجرتي خلاص ودق :خلاص ..وصلت حدي ..مليت اصبر ..مكروه الاجر الي بيجي من وراهم شهقت :استغفرالله يابنت .. ودق بضيقة وضحت من نبرتها الي اهتزت :خولة انا مليت وتعبت..عايشة على كف القدر الرايح والجاي يهينني ويكذب علي ..الي يسوى والي مايسوى يتجبر علي ليش ؟ لأن انولدت بنت زوجة ثانية ؟ لأن جدي ماكان راضي بأمي ؟ الحياة ترفسني ولا تخليني اتلاحق انفاسي لمجرد اني ساكتة لكم ..صدقيني مناي اني بس أقوم من سريري وما ارجع له وانا ابكي ..اقوم وارجع انام بسلام ..ابي اجرب أعيش يوم طبيعي انامه وانا بدون هم وغم ..بدون مافكر اني راقدة وفي ناس يكنون علي احقاد بسببي وبسبب امي قربت منها بسرعة وحضنتها ..حست بيأسها وماعرف كيف تواسيها شدت عليها ودق وهي تكمل بأنهيار :وبعد هذا كله ..اعرف ان ابوي عايش وموجود استغربت ووخرت عنها :جدي؟ ودق بدون ماترد عليها :ابوي يطلع اخوي الي كذب علي واتفق مع خالي على كذبتهم ارتجف قلبها ورفعت صوتها تقاطعها :ودق فهميني بكت من قلبها :ابوووك عبداللطيف هو ابوووي انا بعد ..اخوك راكان الي كل يوم يكرمني بنظرات الاستحقار حقته يصير اخووي انتتتي اختتتي سمممر اختتتي ..امك تصير زوجة ابوي الأولى ..مريت بكذبة مريييرة ياخولة اضطريت استقبل فيها الكره من اشكال العنود اضطريت ابلع تنمرهم وحقدهم علي ..تركت سعاد تتبلى علي وعلى شرفي وعلى شرف امي وخليتها تدوس بكرامتي ..وانا مالي ذنب ..كل الذنب بظهر ابووونا ..ابونا الي هرب من كل شي ولصقه على ظهري انا وخلاني اتحمل كل الجور بذنب لا انا ولا امي مسوينه ..خولة -شهقت من قلبها- خولة انا كنت ممكن اكتفي بكرهك انتي واخوانك وامك وبس ..متخييلة بدون شعور بكت معها ..حست الذنب الي اقترفه ابوها ذنبها هي بعد ولها نصيب تتحمله ..لما بيوم تغاضت عن العنود الي كانت حاشرتها بزاوية تفرغ احقادها وطنشت او بيوم تهاوشت معها وجا راكان انصفها عنها بالظلم او لما تشوف كيف عماتها يستثنونها من كل شي من طلعاتهم وجمعاتهم الي تسمع فيه توصية "لاتجيبون بنت الملعـ***" لما سكتت عن كل هذا وتغاضت عنه بدون ماتشاركهم الكره ..شافت ان سكوتها لوحده جريمة وذنب فظيع فكيف يوم تطلع بالنهاية عايشة بكذبة والوضع الي كانت فيه ماهو وضعها ولا مكانها عورها قلبها لمتها لها وهي تصيح معها وتهمس لها :تكفين حلليني ..تكفين سامحيني ياودق..انا ماني قادرة اصدق الي صار ..كيف ابوي يسوي هذا كله شهقت وهي تحاول توقف بكا :انا بعد مو مصدقة..الى الان مو مصدقة ولا ابي اصدق ..خولة عبداللطيف مايسويها """"""""""" انتبه لدخول راكان وابوه ووراهم طارق الي رفع له حواجبه واشرله على جواله فتح جواله ولقى رسالة من طارق "سوو أي شي لو تتواصل مع خولة..ضروري ترجع ودق ..واضح كل شي بينكشف اليوم" تحمحم وقام عنهم ..تجاوز راكان وابوه وخرج من عندهم ورفع جواله واتصل بودق بسرعة وهو يطنش راكان الي ناداه :ياورع ركب سيارته وانتظرها ترد وماردت عطته مشغول حرك السيارة ورجع يتصل مرة واثنين وثلاثة لين ردت بصوت مبحوح :الو رائد :ودق..انا بجي اخذك انتي وين ؟ :وش صاير رائد :أبو راكان باستراحة ابوطارق..ومعه راكان ومنذر وعقيل ..كل شي بينكشف وقعدتك ببيته خطر ودق :يعني تغيرت الخطة ؟ رائد :الظاهر..عشرة دقايق وبوصل البسي عبايتك .. تغير صوتها وارتجف مرة ثانية :رائد..انا خايفة .. خايفة حتى منك ..خايفة اكتشف شي جديد وخايفة اعرف اني واقفة بصف شخص غلط ..رائد ماصرت متاكدة من خطواتي الي جالسة اخذها ..انت فاهمني ؟ سكت .. هو بعد مصدوم من الي قاعد يحصل وماهو متخيل نفسه مكانها او مكان عقيل من هول الي جالسين يمرون فيه :ودق ..مهما كان قرارك ..انا ابي أكون بصفك مهما كان ..انتقام او هروب او ايًا يكن ..طارق يبيك توقفين معه ضد ابوراكان وهدفه ينتقم لو ماتبين بكون معك انا حاضر تذكرت معاذ الي واقف بصفها هو بعد ..بس ماتدري ماقدرت تثق برائد ..يمكن لانه شايل دمهم بس حتى منذر كذب عليها وهو مو من دمهم ..خولة تبكي وتعتذرلها وهي من دمهم تنهدت :رائد انا بسكر..بقوم اتجهز سكر منها وحاول يركز بالطريق وهو عاجز يفهم الوضع الي صاير..بعد ماكانوا عايلة متماسكة وعايشين بسبات ونبات بس الانقلاب الي حصل خلا تفكيره ينشل .. كيف كانت أوامر عبداللطيف تتنفذ بدون نقاش ..ليش طيب؟ مايدرون ليش راكان يوم ماطاعوا انهم يزوجونه لطيفة رضخ وتزوج العنود الي مايطيقها خير شر وصبروا على بعض ثمان سنوات ..وسعد نفس الشي..شاف ان رضى ابوه اهم من كل شي وتزوج سمر بس عاش عيشة كريمة بغض النظر عن كسرة كرامته الي كسرها ابوه تغاضى عن كل شي..ويوم جا دوره هو وخولة انقلبت الموازين .. اساسًا الموازين بدت تتخلخل من جية ودق الي اربكت عبداللطيف وشافوه ينشغل عنهم ومايركز معهم وقف قدام البيت وطلع من السيارة ..اكيد ودق ماتقدر تمشي مثل الاوادم بسبب العمى اتصل عليها وفتحت له العاملة الباب ..دخل على باله انها مع العاملة لحالها..لكنه وقف بربكة وهو يشوف خولة الي ساندتها كان ممكن يغض النظر لكن نفخة عيونها اجبرته يعلق عيونه عليها ويركز معها ..وينسى ودق الي معها ووجهها مقلوب مثلها نزلت راسها وطاحت غرتها على وجهها وخبت عيونها عنه قربت له ودق كثير ثم تركتها ورجعت داخل همس :خولة التفتت له بصمت .. ناظر بودق ومسك يدها :شوي وراجع لك خليك مكانك راح لخولة ووقف قدامها ..كانت واقفة على الدرج الي قدام باب البيت وهو واقف قدامها وماطلع الدرج ..ناظر بوجهها الي صار بمحاذاته وهو حاس انه يبرر طلاقه لها : مثل ماكسرت كل القوانين الي كان ابوك حاطها وطلقتك ..بإمكاني ارجعك عشان اكسر عيونه لأني كنت ابي كل شي بإرادتي نرفزها ..تكتفت قدامه :وانا ماني تحت رحمتك انت وياه انتظر كل واحد منكم يرميني على الثاني ..اذا انت تحس الي صار سلبك ارادتك كإنسان وش أقول انا وهو يوافق عني وانت تطلقني لان انت ماوافقت ؟ عفوًا انا ماني لعبة لكم ..وبطلاقك انا مستحيل ارجعلك ..لا تنسى اننا حققنا هدفنا وبإمكانك ترجع لسحر الحين.. ليش للأن متمسك بهالعلاقة الرخوة الي بدون اساسات حتى انقهههر ..ماهمه كلامها عن ارادته وارادتها ولا عن رجعته لسحر على قد ماستخفت بالفترة الي راحت واعتبرتها بدون اساسات ..:الي بيننا كان بدون اساسات ؟ لما كنا نفضفض لبعض ومانناظر لبعض الا بكل احترام !! هذا مايعتبر أساس؟ لما اعتذرت لك من قلبي لأني دخلت سحر وطلبت ابدى معك بداية صح مافيها إهانة لاحد مننا ووعدنا بعض ماندخل احد بعلاقتنا ها كله بدون اساسات ؟ -ضرب صدره بعصبية-لما تقبلتك وحسيت اني حبيتك وانتي كنتي ترديني ومن قلبك تبين فرقاي واحترمت كل هذا ولا حاولت احرجك بمشاعري وتحملت شوقي وإظهار حبي وتقولين بدون اساسات خافت من انفجاره وكلامه الي اربكها وماعرفت ترد نزلت عيونها بالأرض وانتفضت لما ضرب صدره ورفعت عيونها بصدمة لما بدى يشرح مشاعره ناحيته ..لمحت بعيونه الحسرة هز راسه :حسافة مشاعري الي اهدرتها على شخص غلط .. لف ومشى لودق ووقف جمبها ومسك ذراعها ولفه على ذراعه وبهدوء عكس عصبيته قبل ثواني :امشي معي حبة حبة تحركت وهي تحاول ماتتدخل ..شي بسيط بداخلها يقولها تدخلي..بس الرغبة منعدمة ..ماعاد لها حيل تكافح لشي مايخصها ويمكن كفاحها مايفيد ومايأثر ركبها السيارة وركب جمبها وحرك بينما خولة قعدت واقفة مكانها مصدومة مشت ودخلت البيت ..دخلت غرفتها وسكرت الباب واستندت عليه وهي باقي على صدمتها طاح نظرها على جوالها الي بالتسريحة وراحت اخذته وبدون تفكير اتصلت بلطيفة اول ماردت :لطيييففاااااهه ضحكت من صرختها :ياساتر وش صار خولة :امس رائد طلقني انصدمت :نعم ؟ خولة :الحمار اليوم يقولي انا حبيتك وانتي رديتيني ماستوعبت :هيه شوي شوي ..فهميني وش صار من بعد ماطلعنا من عند ودق سحبت نفس وهي تناظر يديها الي ترتجف :مااادري لطف احسني مو فاهمة شي ومتوترة وقلبي معورني ..ودي اكلمه يرجع يعيد كلامه ..مستوعبة انه يحبني ؟؟ كان يبي يبني معي كل شي من جديد بس انا رديته وانا مادري ..كنت افسر كلامه من راسي وارد عليه لطيفة :اسمعي ..تعالي عندي ..انا منادية صالون سبا تسويلي مساج وبدكير ومنكير ..تعالي تعالي بسرعة خولة :تكفييييين..وربي احداث اليوم جنونية ..مو قادرة اركز انتظريني انا جايتك """""""""""""" قهواهم وجلس قدامهم ببرود عكس النيران الي واضحة من عيون عبداللطيف وهو يرمق عقيل بحدة طارق :طيب !! نبدا من البداية ..جدنا المسكين نايف ..ماكان راضي انه عبداللطيف يعلن زواجه من اسمهان .. التفت راكان لابوه وهو يحاول يكبح تساؤلاته وفضل انه يسمع للنهاية طارق :حملت بودق من جهة وجدي من جهة ثانية كان يتقصى المعلومات عن اسمهان ومكانها لين درى ان دخولها البلاد ماهو نظامي ..بلغ عليها وكانت وصلت الشهر السابع ..هربت منهم وواجهت صعوبات لين وصلت المستشفى وولدت ودق وتوفت ..وابوراكان درى من ابوه عن التبليغ وعصب وثارت ثوايره على ابوه وسواته همس عبداللطيف بمقاطعة :ودق انولدت بالبيت ..بيت أمها -ناظر بمنذر-هذي المعلومة ماتعرف عنها ..لاني كنت عارف اني مارح اقدر اخليها تولد وهي مو معها أوراق رسمية ..اسمهان ولدت ودق وعدى على ولادتها أسبوعين وتوفت امي ..لاني..خبرتها عن زواج ابوي السري الي حقدت عليه لانه سوى الي يبيه ومنعني انا اسويه ..ولانها كانت مريضة ماتحملت خيانة ابوي بعد عشرتها معه ..ارتفع ضغطها وتوفت بسبب انفجار بأحد الشرايين .. قاطعه منذر:وين توفت اسمهان؟ اشرله طارق يسكت لانه يبيه يكمل ويسترسل ناظره عبداللطيف :ماتوفت وقتها ..لانه بعد وفاة امي وشلل ابوي رحت لشقة مرة ابوي الي كنت اترصد لها..كانت مرته سميرة اجنبية وماتعرف شي هنا ..ويوم جيتها وانا بنيتي مصلحتها فرحت ..واخذتها رجعتها بلدها بعد ماطلقها ابوي صرخ عقيل بحرقة :كذااب ..انت كذذاب مسكه طارق الي كان بجمبه يحاول يهديه :تكفى عقيل خلينا نسمعه للنهاية ناظره بعيون مليانة دموع والي تجمعت مجرد ماجا طاري امه :بس امي ماتت بالمرزعة ..امي ماتت لانه ماعطانا اكل وهي كانت مريضة ..انا شفتها انا كنت معها بلع ريقه عبداللطيف وحاول يقوم بس راكان مسك يده وثبته ووجهه مايتفسر:كمل يبه عبداللطيف :انا صرّفتها ..وماعرف اذا.. رجعت بطريقة او شي.. طارق :شلون طيب قدرت تبدل بين ودق وعقيل ؟ عبداللطيف سكت هنا شوي..كان ممكن يكب العشا كله ويهددهم ويطلع بس وجود راكان مكبله ..جابه يكون عون له بس كل شي انعكس سحب نفس وناظر براكان وبوجهه الجامد وحس انه الوقت راح حتى يرقع التفت لمنذر :اسمهان ماتوفت ..هرّبتها لبرا فز من الصدمة ..وقف على حيله :اسمهان عايشة ؟ هز راسه :ايه الى الان .. طارق انصدم معه وعجز يعبر كمل عبداللطيف :كنت ابي احميها منكم كلكم ..لأن كل الي دروا عنها .. قاطعه منذر بصراخ :حناا أهلها ياكللب هجم عليه بس راكان وطارق مسكوه بسرعة وهو يعافرهم يبي يهجم عليه :وش ذنبنا حنا تقولنا انها ماتت ..امها واخوانها انت عارف خبيتها عن مينن عااارف ولالا يا مريييييييض صرخ طارق ودفه بقوة :مننننذذذرر خلاااص دفع بعصبية وانهيار :وش الي خلاااص سامعه وش يقول .. اختنا حية ..اخت معاذ من امه وابوه حية ترزق ..بس عشنا على أساس العكس ..حرمنا منها لانه يحبهاا ..طااارق ام ودق حية وعايشة ...ياناااس افهمونني وقف عبداللطيف وبوجه مرعب اول مرة يشوفونه ..وجه احمر من العصبية وكانهم اخيراً ضربوا وتره الحساس:اييه اسمهان ملكي ولا احد له الحق انه يشوفها او يكلمها او يعرف عنها ..اخوها ولا أمها مالكم حق تعرفون عنها -صرخ بغضب شديد-اسمهان ماهي ملك لأحد غيري ..غصبًا عن الكل طارق حس انه الموضوع بدا يفلت مع انهيار منذر وعصبية عبداللطيف..قرب من عبداللطيف ومسكه من اكتافه :بسرعة الحين تقول لي ..شلون بدلت بين ودق وعقيل تنفسه صار سريع وهو يثبت عيونه بعيون طارق:خليتها تولد بالبيت ثم اخذتها هي وودق للمستشفى وسجلت ودق باسم ابوي وزوجته الأجنبية خليت اسمها اسمهان ..قدرت اضبط الموظف الي كان راح يسجلها بعشرة الاف ..بعدها اخذت سميرة وولدها عقيل ووديتهم للمزرعة راكان قعد يسمعه بدون مايتحرك بأي ردة فعل لابوه او يبين فيها اذا كان بصفه او لا سحب طارق جواله الي كان مفتوح على الفويس ميموس وسكره :يعني الحين يا ابوراكان ..اي تصرف نسويه سواء قانوني أولا لاتلومنا ،في النهاية انت كنت تحارب عشان اسمهان وحنا هنا بنحارب عشان عقيل وودق عقيل كان يبكي بمكانه عاجز عن الحركة ..يحس نفسه مشلول وهو يشوف قاتل امه قدامه وخايف هو بعد منه ..يخاف حتى اذا طاحت عيونه عليه ..بعد ماسمعه شلون يتكلم بدون اهتمام وحتى كان يحاول يكذب عبداللطيف نرفزه كلام طارق ومانتبه للتسجيل:سوو الي بتسونه ..اهم شي عندي ان محد منكم يمس اسمهان بشي منذر حقد عليه ناظره بكره :صدقيني بنجيبها وبرجعها لبنتها...صدقيني ياعبداللطيف بندمك على تخلفك وكل حركة فكرت تسويها مارد عليه وقام خارج ناظرهم راكان بدون تفسير وخرج ورا ابوه """""""""""""" بعد يومين رائد اخذ ودق وخباها بفندق ومحد يعرف عنه الا معاذ وطارق ومنذر وهو وراكان كبت كل شي بقلبه وقرر يوخر شوي عن الي صار ويركز مع قضيتهم الي ماسكينها منذر تقدم للفريق اول الياس وطلب منه انه يعفيه من هالقضية ويشطب على اسمه لانه مشتت ذهنيًا بسبب ودق ..وسالفة ان اخته اسمهان عايشة ..لكنه رفض وقاله انه يحتاجه وبقوة ..ووعده لو حلوها بسرعة راح يوقف معه بقضيته الي شاغلة باله واضطر منذر يرضخ ودق كانت بالفندق تراجع حساباتها من اول وجديد ..لدرجة انها بدأت بشكل جدي تفكر بكل شخص بحياتها وكيف تعامله اذا شافته ..حتى انها ضمنت المقربين مثل معاذ وخولة ولطيفة عبداللطيف ..اختفى. """"""""""""" بغرفة مراقبة غرفة التحقيقات همس عمر لحسان :صرنا نداوم بغرفة المراقبة اكثر من مكاتبنا .. حسان :اصص هذا الياس يسوي الي يبي ..لو نداوم بغرفة الحراسة ناظره باستحقار ورجع يناظر لراكان الي قاعد يحقق مع سحر من بعد ماحققوا مع زين استنتجوا ان سحر ممكن تكون مخبية شي غير انها مع محمد وتموله بفلوسها ..وان فلوس ابوها الي ورثتها من ابوها تكثرها بطرق مشبوهة توكلوا ضباط ثانين يتقصون عنها عصب راكان بنص التحقيق لأن سحر مصرة على اقوالها وانها تمول صديقها محمد استند ظهره على الكرسي وحط رجل على رجل :والنهاية معك ؟ سحر :لا نهاية ولا بداية كل الي عندي قلته راكان :محمد كان يعرف بوجودك بشقة عمر ..اعتديتي على زوجته لانها لمحتك تفتشين بغرفته ..السؤال اخو زين وش جابه عند عبدالله وش عرفه فيه؟؟ محمد بالفترة الأخيرة نعرف انه متخالف مع ابوه ومن البيانات الي طلعناها من مراقبة شريحتك ..مكالمة لرقم مجهول شفنا شريحته بشقة عبدالله سحر :هذي الأشياء ماعرف عنها شي..محمد عرفني على عمر ..وانا حبيته ورحت اشوف زوجته .. وتهاوشت معها من غيرتي فقط راكان رفع حواجبه :مصرة تقاومين للأخير ابتسمت :نشوف من نفسه أطول من بيننا رفس الطاولة برجله ورجعت عليها بقوة خصوصاً ويدينها مكلبشة بحديدة خارجة من الطاولة صرخت بألم يوم العسكرية الي معهم ثبتت كرسيها قبل تطيح والطاولة بقت ضاغطة على بطنها واخر ضلعين بقفصها الصدري سحب الطاولة ناحيته مرة ثانية :لا تحاولين تستفزيني صرخت عليه :هذا تعنيف ضد المرأة ياحمار رفع صوته وبحدة ارعبتها :جاوبي على سؤالي ..وش نوعية التواصل الي بينك وبين عبدالله الفليجي رفعت صوتها وهي تقاوم الألم :مااعرف قلت ماعرف عدل جلسته وبهدوء : لا تجاوبين وشوفي شلون بتصرف معك ناظرته :وتهدد بعد ؟؟ تحسب انك برفعة صوتك ومدة يدك بتجيب معي شي؟ وش حسبالك حنا ؟؟ الله يعينك اهلك عليك يامتخلف ناظرها بدون مايغير تقطيبة حواجبه :لين متى مصرة تسكتين ؟؟ غيرت جلستها ببرود وابتسمت باستفزاز :انت ماتعرف تفرد حواجبك ؟ .. كذا جلف اربع وعشرين ساعة ؟ تعال متزوج ولا عزوبي ؟؟اظن الأخيرة لان وجهك ماينشاف كل صبح بسم الله علينا الله لايبلانا هز راسه وتكتف :اوعدك تصبحين بوجهي كل يوم لين تنفك عقدة لسانك وتفرطين كل السوالف الي نبيها سحر ضحكت يوم انتبهت لخاتمه واشرت عليه :تعال تعال..افك شوي عن الادمية الي مبتلية فيك ..بما اني كذا ولا كذا فاضية ناظر بالعسكرية :ذي لين اطلبها لتحقيق لا يدخل عليها اكل ولا شرب ..نشوف نفَسها لين وين يوصل .. ضربت له تحية :ابشر طال عمرك ناظرتها ثم لفت عليه :هذي هي زوجتك ؟ حلو وافق شن طبقه-التفتت لها-وش ابشر طال عمرك؟؟ لا بوسي رجله احسن ماعطاها وجه وقام عنهم بعد ما اخذ الأوراق والصور الي عرضها عليها وطلع من الغرفة وهو يسمع العسكرية تعاملها بجلافة وهي تصارخ عليها دخل لغرفة المراقبة وشاف عمر وحسان يتناقشون والفريق اول ماهو موجود :زين ماشاف العاهة هذي ..شعرة وكنت ابي احط رجلي بفمها المتخلفة عمر :لوسمحت بدون مصطلحات تعنيف..اتضايق مارد عليه اكتفى يناظره بنظرة الـ"وش تبي!" حسان :هذي ضروري نستعجل الضابط احمد الي ماسك تحقيقات خلفيتها قطب حواجبه :من متى بدوا يحققون ؟ حسان :من يومين راكان :وراهم تأخروا ؟ حنا لانشغالنا ما توكلنا فيها ويجون هالفاضين يتأخرون ..الحين عمر تستدعيهم عدل جلسته المسترخية ونادى العسكري الي دخل وضرب له تحية :كلم الضابط احمد الجويندم ..ابيه حالًا بمكتب الضابط راكان خرجوا من الغرفة وتوجهوا لمكتب راكان دخل عمر وانصدم من الحوسة واكواب القهوة الى فوق المكتب ومعه أكياس مطاعم فاضية ومفرش على الكنب وواضح نام عليها غير قراطيس الاكل الي بالارض :وش ذا مشى بسرعة وشال الاكياس :سوو نفسكم ماتشوفون حسان :انت ساكن هنا ولا وش راكان ابتسم بخفة:هذا من تفانيّ في العمل ..ماطيق ارجع البيت والقضية باقي ماتقفلت عمر بسخرية :ياحبيبي والله.. حسان :انا ملاحظ قبل ننقل المقر الجديد يوم كنا بغرفة وحدة مشتركة كان يجي ينام ..ليه يا ابني ..تتعنف بالبيت انت ضحك بمجاملة :أقول ..ساعدوني حتى يمدي اهاوش احمد وانا بهيبتي مشوا معه وعمر قام ياخذ الاكواب ويصرفها تحت المكتب وداخل الادراج وحسان قام يلملم الاكياس ويعجنها حتى تصغر ثم يدخلها بكيس اكبر سمعوا دق الباب بسرعة حسان حشرها بدولاب الملفات وعمر جلس على المكتب مسوي مشغول وراكان جلس على الكنب يركز بالاوراق الي جابها معه لين استوعب وضعه وقام :وجع شفينا انخرشنا-رفع صوته-تفضل دخل احمد وضرب لهم تحية وبيده ملف ناظره راكان :وش صار على ملف التحقيق مشى ناحيته ومد الملف :تفضل طال عمرك .. نعتذر على التاخير راكان اخذه وبجدية:الي لفتني ان تاخيركم ماله مبرر ..ولا لانك توكم مستجدين ماخذين جو اننا بنراعيكم ؟ احمد :ابدًا سيادة الرائد ..نعتذر عمر :طيب هات تقريركم من ورا بحثكم احمد :سحر حمد الشلواح ..عمرها 36 بكالوريس لغات وترجمة موظفة بالسفارة الامريكية..ابوها متوفى دماغيًا وعندها توكيل بكافة املاكه كونها وحيدته..باعت كل شي ممكن يجيب لها فلوس واكتفت انها تشتري لها شقة وسيارة وتسكن فيها ..ولها ذاع طويل قبل ماتتعرف على محمد الخالد وابوه ..قبلها كانت بحفلات شخص اسمه راشد تموله وبعد ماتوفى تقابلت اكثر من مرة مع سكرتير عبدالله الفليجي الخاص ..ثم تعرفت على محمد عن طريق البنت الي يحبها ليلى والي ينادونها بينهم لولا ...ولانها مضبطة احد المسؤولين بالسفارة قدرت توظف ليلى ومحمد معها بالسفارة ..والي عرفناه عن هالمسؤول انه يصير اخ سكرتير عبدالله الفليجي وهو الي وفر لهم الوظيفة -ناظر براكان- وتعرفت على شخص اسمه رائد عبدالباري الجالك وهو احد موظفين السفارة عدل جلسته وهو يسمعه بصدمة :نعم ؟ هز راسه وكمل :وكونت معه علاقة غرامية فترة وبعد ماتملك على بنت عمه انفصل عنها ..بالنظرة العامة للموضوع ..علاقتها معه كانت كفر للحفلات الي قاطعه :برسلك رقم رائد عبدالباري وابيك تستدعيه للتحقيق -التفت لعمر-حقق معه انت -ناظر بأحمد-كمل احمد :بالنسبة لتواصلها مع سكرتير عبدالله الفليجي فكان قائم الى قبل وفاته بفترة ..ومن البيانات الي استخرجناها من بقايا جوالها المكسور..وجدنا مراسلات بينها وبين السكرتير حسان :وش اسم السكرتير؟ احمد :ساري السامر .. قطب حواجبه :اذكر انه عنده شركة وموظف مدير تنفيذي اسمه رشاد الحويسن .. راكان :هذي الملفات عند منذر ..ماخبرنا انها فيها شي ملفت غير الي تناقشنا فيها حسان :الواضح ان ساري هذا هو الي يدير اعماله الغير قانونية ومكلف بالسكرتارية ككفر لوظيفته الحقيقية عمر :يعني نفهم ان سحر كان تواصلها مع عبدالله الفليجي مش محمد راكان :هذا الواضح ..حتى سالفة تفتيش شقة عمر بأمر منه ومحمد عنده خبر كون سحر حلقة وصل بينهم ..شكلها كانت تضبط الاثنين عمر :محمد خبرني لان ابوه اكد له ان عمر الحقيقي بالانفرادي ..لكن بسبب الخلاف توقعه يكذب عليه وارسل سحر تتأكد من الشقة ولاني اثبت له بعد اني اعرف عنه معلومات كثير من سحر عنه قرر يخبرني بمهمة ابوه المسندة لها راكان :كذا السالفة يعني عمر :سحر عميلة مزدوجة بين الاثنين حسان :على كذا محتاجين الحين اعتراف منها ..ونبحث عن ساري التفت راكان لاحمد :ساري ضروري تجيبونه فاهمني ؟ هز راسه بفهم اشرله براسه على الباب :تفضل ضرب له تحية وخرج مسرع """""""""""""" زين كانت بغرفتها ..مسوية اضراب عن الكل .. أمها من عزا عماد وهي منهارة ونفسيتها تعبانة وابوها مشغول بضيفة الغريب الي من قابله بالعزا ..طلب يقابله بعد العزا بموضوع خطير شرب فنجانه وابتسم له :انا يا أبو زين ..جايك من طرف الشيخ جابر بلع ريقه من اسمه :الله يحيك :الشيخ جابر يوم سلمته عماد حتى يوظفه تدري انت شلون خان ثقته وانحرف عن مساره ..حتى احد الضباط الكبار يوم درى عن اسم عماد تواصل مع الشيخ جابر وهو مصدوم منه ..لان الشيخ جابر مثل ماتعرف حط اماله بعماد ..وعماد خانها ..حتى انه ماسدد ديونه قطب حواجبه باستغراب : أي ديون ؟ :تدين حوالي 500 الف حتى يبدى مشروع جديد وفشل هالمشروع ..واتضح انه استغل هالمبلغ بغسيل أموال طاح قلبه :وينه الشيخ جابر ..ابي اشوفه واكلمه ..عماد كلمني الضابط انه قاطعه :الضابط متآمر معه ياعمي ..انت ماتعرف شلون امورهم ماشية للحين الا بهالسبة ..شمعنى انه بالاخبار محد تكلم عن العمل الي سواه عماد وتستروا على الموضوع وفوق كذا الضابط طلق بنتك بعد ماتخلص من عماد ..لان حاجتهم انتهت ..انا جيت انبهك بطلب من الشيخ جابرودي تصحصح وتفتح عيونك عدل على الي قاعد يصير بأهل بيتك ..الشيخ جابر مايبي منك المبلغ لانه راح وهو مسامحك ..هو ارسلني ببادرة طيبة اني أوقف معك واوجهك وانبهك ..واي شي تبيه بلغني ومايصير بخاطرك الا كل طيب حس برجفة برجوله منعته يقوم تحرك ومشى على ركبه ناحية الرجال يبي يسلم عليه وقام له بسرعة قبل يجيه :لا ووين .. حب راسه وهو يمنع نفسه يصيح :ياولدي انا صرت ماعرف وش اسوي ..انا ضعت من بعد ضيعة ولدي ولا اقدر اجمع نفسي من جديد ربت عليه ولمه له :لا تخاف ..حنا معك من الحين وبنوقف معك ونساعدك ..مارح نتركك ناظره :وصل سلامي الحار للشيخ جابر قوله اني اتحرى شوفته واشكره على وقفته معنا مارح انساها هز راسه ووقف له :ابشر ..بيوصل ..ورقمي عندك أي شي تبيه بلغني وقف معه بضعف :ماعرفتني باسمك ابتسم :محسوبك ..مطلق عبدالباري """"""""" مخرج "أما السفينة ، أما الغلام ، أما الجدار رب أعنا على مالم نستطع عليه صبرا" القاكم السبت المقبل ان شالله الواحد الاحد | ||||
|
| |
|
16-09-21, 03:04 PM
| #25 | ||||
 
| اللهم صل على سيدنا محمد وعلى آل سيدنا محمد كما صليت على سيدنا إبراهيم وعلى آل سيدنا إبراهيم وبارك على سيدنا محمد وعلى آل سيدنا محمد كما باركت على سيدنا إبراهيم وعلى آل سيدنا إبراهيم إنك حميد مجيد لا تنسوا الباقيات الصالحات سبحان الله الحمد لله لا إله إلا الله الله أكبر لا حول ولا قوة إلا بالله العلي | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
