آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
01-01-19, 08:15 AM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  وأني عن بحر هواكِ نازحٌ / للكاتبة shomina al-r7ely
التعديل الأخير تم بواسطة لامارا ; 06-01-19 الساعة 07:30 PM | |||||||||||||
|  |
|
01-01-19, 08:20 AM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  بسم الله الرحمن الرحيم السلام عليكم ورحمة الله وبركاته مرحباَ أعود إليكم من جديد بروايتي الثالثة كل يوم سبت "جميع الاحداث والشخصيات لا تمت للواقع بصلة "  // الروايات السابقة للكاتبة الأولى دعني أمتع طرفي منك بالنظرِ ف نور وجهك يجلو ظلمة البصر/للكاتبة shomins al-r7ely مكتملة https://www.rewity.com/forum/t351638.html // الثانية أمطرني حُباً، بقلم/ shomins al-r7ely (مكتملة ) https://www.rewity.com/forum/t401754.html التعديل الأخير تم بواسطة لامارا ; 01-01-19 الساعة 10:39 AM | ||||
|
| |
|
01-01-19, 08:22 AM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  1 مدخل "قَلقُ البداية كان أصدقَ لحظةٍ تتعثر الأرواحُ بالأرواحِ" -سلطان السبهان """"""""" قبل 19 سنة بعد نهاية ثالث يوم من عزا ام عبداللطيف اجتمعوا الأبناء بابوهم ببيته دخل عبداللطيف اكبر أولادها وهو شايل ولده راكان وبجمبه اخوه عبدالباري تقابلوا مع اخواتهم سعاد وهنادي واتجهوا لغرفة امهم بعد ماترك عبداللطيف راكان بالأرض مع باقي البزران كان ابوعبداللطيف جالس بغرفة زوجته المتوفية وعلى سريرها وبيده سبحته ويسبح بهدوء وهو يراقب دخول هنادي اصغر بناته بعد اخوانها وتسكيرتها للباب جلس عبداللطيف بعيد عن ابوه وهو مبعد عيونه عنه حاقد عليه من قلبه وعلى سواياه المراهقة سعاد كان وجهها منفوخ من البكا والصياح :يبه ..درينا سبب وفاة الوالدة قطب حواجبه :في شي خذاها غير الخبيث؟ هنادي :فيه يبه سكت ينتظرهم يكملون عبدالباري :زواجك من ذيك الأجنبية شد على سبحته وهو متفاجئ ..شلون درت عنه !! هنادي وبوادر الصياح بدت عليها :شلون تكسرها وتاخذ عمرها يبة شلون تخونها وهي الي صانتك طول الثلاثين سنة الي عاشتها معك تنرفز من كلامها : اصه ..لا خنتها ولا كسرتها ..انا سويت الي ربي شرعه لي ..افهمي وش تخربطين يا هنادي سعاد :يبة طلقها التفت لها ورفع حواجبه :اطلق من ؟ هنادي : الي متزوجها على امي وقف ابوعبداللطيف :مارح اطلقها لو تموتون وقف عبداللطيف معه :علي الطلاق ان تطلق يبه وقف بجمبه عبدالباري بكل رعونة :وانا مع اخوي ان ماطلقتها فبنت خويك طالق يبه علق ابوعبداللطيف عيونه بعيون ولده الكبير عبداللطيف ..فهم نظرات التحدي الي بعيونه الي كلها كره وحقد بسبب سواته فيه ..عرف الحين شلون عرفوا عياله بزواجه وشلون تشجعوا يوقفون ضده حس بضعف وهو يشوف هنادي وسعاد بناته واقفين بصف اخوانهم ضده ضاق النفس فيه وحس بالم بقلبه خلاه يتهاوى قدامهم وصابت أبو عبداللطيف جلطة ودخلته العناية المركزة سببت فاجعة لبناته الي باقي ماتخطوا وفاة امهم هنادي وسعاد كانوا حوامل هنادي بأخر شهورها الشي الي خلاها تولد وسعاد الي توها بالشهر الثاني تماسكت بالقوة خرج عبداللطيف من المستشفى وهو كاره نفسه وعازم يكمل الي بباله حتى مع جلطة ابوه ركب سيارته متوجه لشقة مرة ابوه """"""""""""""" بعد 19 سنة فتحت عيونها بإنزعاج من صراخ البزران عيال راكان قامت من سريرها وتذكرت انهم اليوم ماشين لأبها ديرتهم فتحت لمبات غرفتها وشافت شنطة السفر حقتها وشنطة الظهر الي فيه لابتوبها واغراضها الشخصية بسرعة دخلت الحمام اخذت لها شاور وطلعت لبست ليقنز اسود وأول تيشيرت لمحته بدولابها لمت شعرها ذيل حصان وطلعت من غرفتها وهي تشوف عيال راكان كاشخين ويركضون هنا وهنا صارخت عليهم :خلااااص انت وهو!! انحاشو منها لتحت وهم يضحكون انتبهت لأمهم تطلع من غرفتها بنرفزة من اسلوبها :ودق!! شفيك تصارخين عليهم خليهم مستانسين مشت نازلة تحت :والله يعرفون يستانسون بدون مايخربون علي نومتي لحقتها العنود زوجة راكان :والله لو ما صحوك كان مشينا وتركناك هنا ودق بأسلوب مستفز :عبداللطيف مايتركني ..فديته محد عارف قدري الا هو طلعت خولة من غرفتها :العطف على الحيوان واجب يا عمتي العزيزة ودق :وانا اشوفه مدلعك زيادة عن اللزوم ومشت للمطبخ تاكل لها شي قبل لا يمشون بدون ماتطق خبر للعنود وخولة انتبهت لراكان جالس يفطر بهدوء وهو لابس بدلته العسكرية :يالله صباح خير مارد عليها وسفهها فتحت الثلاجة وطلعت الحليب منه وراحت للدولاب طلعت الكورن فليكس نسكويك ومن الدولاب الثاني صحن ومن الدرج ملعقة وجلست قدامه راكان بهدوء :اتركي فطور البزران وافطري مثل الاوادم ودق بملل : تكفى لا تصير انت ومنذر واحد طنشها مرة ثانية وهو كاره فكرة تشبيهها بمنذر ناظرته ودق :وراك مصفق زوجتك؟ ناظرها بحدة وترك الخبزة الي كانت بيده : هي قالت لك؟ ودق بفلسفة :كان يمديها تقولي لولا أمها السوسة الي حشت راسها علي..لكن انا انتبهت امس ليدها مورمة..رجاءً اذا بترسلها معنا فماله داعي تجيب لنا الكلام بحركاتك القرعا ضرب على الطاولة بعصبية :ودق!! انتفضت من حركته المفاجأة وبعفوية :وجع ..بسم الله شفيك روعتني راكان بنرفزة منها :احترمي نفسك ولا تدخلين بخصوصيات غيرك يالبزر رفعت حواجبها :البزر عمتك ترا راكان :عمت عينك انقلعي عن وجهي مو رايق لك على الصبح كملت اكلها :والله فطوري اهم من روقانك ..انقلع انت فعلاً مايعرف شلون ضبط اعصابه وقام عنها وطلع الصالة على نزول ابوه وامه من غرفتهم والبزران الي تجمعوا حولهم ام راكان وهي تكلم شغالتها وشغالة العنود :يلا بسرعة شيلوا الأغراض للسيارة وارجعوا خذوا البزران معكم واجلسوا ورا ابوراكان ناظر بولده :ماكلمت سمر ؟ راكان :سمر كلمتني قالت خلاص هي وزوجها ماشين ومارح يجون معكم انتبهت ام راكان لودق الي تفطر بالمطبخ صارخت عليها :ودق قومي بسرعة بنمشي وانتي تاكلين !! فزت من مكانها يوم شافت البنات بعبيهم :خلاص جاية جاية طلعت من المطبخ وركضت لغرفتها :راكان بليز دامك قاعد هنا غسل صحني شوفني حطيته بالمغسلة تنرفز منها خصوصاً مع شهقة العنود من حركتها وضحكة خولة المكتومة كان بيقوم وراها بس ابوه مسكه :خلاص اتركها تمزح هي راكان بعصبية :يبه تراي مو قادر اتحملها ابد..وراك اصريت تاخذها معكم ؟ لو انها انطقت عند خوالها اصرف ابوراكان :ولد..تراها عمتك ..وحنا ملزومين فيها من بعد ابوي الله يرحمه ام راكان بدقة :جدك توفى بحسرته من عقوقهم وجاتهم ودق عقاب منه سبحانه مارد ابوراكان وقام من مكانه طالع ناظرها راكان بعتب :يمة الله يهديك..كم مرة تذكرينه بموت جدي انتي ام راكان :اسكت انت ..يلا يا بنات مشينا قاموا العنود وخولة الي كانوا لبسو عبيهم وشنطهم شالوها الشغالات وطلعوا خرجت ودق من غرفتها وهي لابسة نقابها وشنطتها ورا ظهرها وتسحب شنطتها الثانية راكان كان يناظر العنود وهي مقفية عنه بضيق ودق وهي مشغولة بشنطتها:اذا حاس بتأنيب ضمير تأسف منها مب تناظرلها قام من مكانه بسرعة واتجه لها حاولت تهرب بس بسبب شنطتها توترت ووقفت قرب منها بعصبية : ودق..اخر مرة تتدخلين بحياتي او تتصرفين بقلة ادب..كونك اخت ابوي مايعني انك تفرضين صلاحياتك على الكل تنفست براحة :الله يأخذ ابليسك احسبك بتضربني ..الشرهة مو عليكم على الي يفكر فيكم سحبت شنطتها بقوة وتركته نرفزه كلامها ومشى يأخذ جواله وبوكه ومفاتيحه الي فوق الطاولة ويمشي شغله انتبه عبداللطيف لودق وهي طالعة تسحب شنطتها وطلع لها بسرعة من الجمس واخذها منها ابتسمت بخفة دم :شدعوة عبداللطيف بجلالة قدره يسحب شنطتي ابتسم لها :اركبي أقول ولا تأخرينا..عبدالباري حرك وبيعايرني عالتاخير لا وصلنا هزت راسها ومشت بجمبه تساعده بالسيارة ام راكان بقهر :ابعرف ساحرته هي ولا وش..يحبها اكثر من بناته خولة :والله يمة تحزني وهي مالها احد ام راكان التفت لها :والله لها خوالها ..اسكتي بس لا اهفك العنود :أي والله صادقة ..خوالها شايلينها بعيونهم وعمي وابوي بعد الله يهديهم ام راكان :اللي يشوفهم شلون شايلينها بعيونهم مايقولون هذولي الي كانوا قالبين على ابوهم حتى يطلق أمها سبحان الله محد عاقل فيهم الا خواتهم العنود :الا صح ملاحظة ..الوحيدين الي مهتمين فيها عمي وابوي ولا عماتي مايطيقونها خير شر فتحت ودق الباب ناحية خولة وجلست وسكرت الباب خولة انحشرت :وجع وديق ضايقتيني ودق :اصبري استريح بالجلسة واوخر لك ام راكان :رجاء بدون حركات بزران ..خلنا نوصل بالسلامة ماردت ودق وعدلت جلستها ووخرت لخولة ركب ابوراكان بعد ماضبط شنطة ودق وحرك السيارة :يلا بسم الله """""""""""" بمكان بعيد جداً بوحدة من المزارع الموجودة بأخر الضاير صهلت المهرة بقوة وهي تفز بعد ماولدت وقف بفرحة وهو يراقب من بعيد ويصفق :كفوو سحاب كفوو كفو ناظر بالمهر الصغير وهو مبسوط وطاير من الفرحة قربت منه سحاب وهو مد يده من بعد السياج وجلس يمسح عليها :وش نسميه وش رايك؟ ..انا أقول صقر!! تمام؟ تراي باخذه وبعلمه وبعسفه وبخليه يشارك ببطولات اذا قدرنا نهرب من هنا طيب؟ صهلت بوجهه وضحك :وشو ماعجبك صقر ولا ماعجبك الهروب من هنا ..بنهرب سوا لا تخافين قرب منه شخص من وراه وبتردد :سير ..اكسكيزمي سير... التفت بملل ناحيته :نعم طاحت عيونه على العصا الي بيده وابتسم بسخرية العامل :بس بيق بوس في يقول انتا شوف خيل رُبُئ سائة بيكوز مرة تانية.. قاطعه بعصبية :ربع ساعة ويييين..متفقين كل يوم ساعة انتفض العامل من عصبيته ورفع عصاته بسرعة طنشه وقرب منه : حنا اتفاقنا ساعة مو ربع ساعة فاهم غمض عيونه العامل وصرخ : بنشمنتتت سكت هو الثاني بعدم فهم فتح عيونه بتوتر :بنشمنت ..هو عاقب انتا شافه شلون بالقوة يحاول يجيب حرف العين بكلمة عاقب وفهمه ..البيق بوس يعاقبه على الي صار المرة الماضية زفر بضيق ومشى معه ناحية سجنه من 19 سنة السجن الي انولد فيه ومايعرف غيره وقف عند الباب والتفت حوله للمزرعة بضيق ودخل تسكر الباب وراه ناظر بعيونه للملحق الي هو فيه سرير قديم وسرير صغير لطفل و كومدينه خشب درجها مكسور ومفتوحة فيها دفاتر واقلام والعاب لطفل وفرشة قديمة مهترئة وحمام مترين بمترين ومغسلة مطلة على الصالة وكرتون فيه ملابسه من صغره وملابس امه المرحومة التفت بحسرة للسرير الي كان لها والسرير الصغير الي كان له انسدح بهدوء على السرير وتكور على نفسه وحط يده اليمين الى على الأرض على كتفه اليسار وهو يغمض عيونه ويتخيلها يد امه طبطب على نفسه بهدوء ونام بعمق """"""""""""""" صحت على صراخ خولة المنزعجة منها :وديق قومي وصلنا ..وديييق فتحت ودق عيونها بتعب ورفعت راسها من فوق كتف خولة وهي تتلفت يمين يسار خولة :وجع تحركي بطلع فتحت الباب وطلعت وهي تتمغط :اااههه ظهري وقف قدامها ومد يده وضرب جبينها : مب بنص الشارع ..ادخلي داخل وتمغطي على راحتك رجعت على ورا :وجع خولة طفشت وهي تنتظرها تتحرك من قدام الباب رفستها :وديييق تحركي الله يأخذ أبو ثقل دمك وخرت عنها وهي معصبة :وجع انت وهي خير ان شالله طلعت من السيارة :رائد خذها عني لا اكفر فيها سحب رائد ودق :وخري عنا..بنتكلم بموضوع ناظرت فيهم بنص عين :وش عندكم سحبت خولة شنطتها من السيارة :خطيب وخطيبته انتي وش تبين تثاوبت ودق:مابي شي من زينكم.. رائد افتح الشنطة من عندك باخذ اغراضي توجه للسيارة وفتح الباب عشان يفتح لها الشنطة :بسرعة اجل فتح لها الشنطة وسكر الباب ومشى هو وخولة اخذت ودق اغراضها ومشت للداخل ركبت خولة مع رائد وحرك خولة :هاه جسيت النبض؟ هز رائد راسه :ايه ..والنتيجة انه لو تطلقنا ..راكان بيطلق العنود وسعد بيطلق سمر ..يعني بيسون بارتي طلاق حطت يدها على راسها بصدمة :الله ..الله رائد:اكزاكلي..اساساً اول ماسمعت امي تقول كذا حسيت بدوخة تكتفت خولة :والحل ؟ التفت لها :واحد مننا تطلع تحليلاته انه عقيم وينتظر لين يعرس الثاني وسبرايز مافيه شي خولة انفعلت :لا حبيبي..مابي نصيبي ينقطع لمجرد اني اتخلص منك ! رائد بملل:شلون يعني ؟ خولة :شوف قل انك انت العقيم لانك كذا ولا كذا رجال وبعد ما اعرس انا قل انك حللت وتحاليلك سليمة الحمدالله رائد :اوكيه ..حلو انا اساساً مابي اتزوج ولا حاط هالفكرة براسي وشكلي مطول خولة رجعت ظهرها على الكرسي :ماشالله محد مرتاح من العيال الا عيال عمتي هنادي رائد :ايه والله ..ابوهم ماهو من مواخيذنا ولا عنده حركات ابوي وابوك القرعا زفرت بضيق : علاقتنا طالعين منها بخسارة ..انا بصير مطلقة وانا بعز شبابي ماحب سلبيتها ابد ناظرها :وانا بعد بصير مطلق ناظرته بإستفهام رائد:أي ثينك المطلق بعد سمعته سيئة عندكم يالبنات!! بيقولون انه شور كان عصبي وماينطاق خولة :لا بيقولون صغير وصار عنده خبرة نسى انه بيواسيها وانبسط:صدق ؟ التفتت للطريق:والله انتم يالعيال كل شي تلقون له حل ..ماشالله عليكم ابتسم :اشوفك تحسدين العيال بكل شي.. وستايلك.. ناظرته بحدة :وشو تحسدين ذي؟ اسمها تغبطين وثاني شي ستايلي تراي احط ميكب والبس فساتين لا اشوفك تقول بوي.. لأن حتى تصرفاتي رقيقة اسم الله علي ضحك بخفة :ومنهي الرقيقة الي رفست ودق تو ضحكت :والله ودق تستاهل وماعليك فيها .الميانة بيني وبينها طايحة ناظرها بهدوء وكأن مزاجه تغير:انتبهي منها خولة : رائد..البنت حالها حال نفسها ومالها بحركات أمها ..غير كذا ابائنا كرههم لها طبيعي لكن حنا؟ بالعقل يا رائد رائد:اوكي ..ابائنا لهم حق وحنا بعد لنا حق نحذر..ماتشوفين همجيتها؟ ماتشوفين شلون ماتستحي؟ خولة :فاهمة عليك فاهمة والله ..بس هي اسلوبها كذا وش تسوي؟..لا تنسى انها متربية بين 3 عيال وبحارة همجية وكل الي فيها همج ويع عرفت كيف؟ هز راسه ووقف عند ستار بكس :اوكي..وش تبين ؟ خولة :مو جاي على بالي كوفي الحين ناظرها :تبين أيس تي ولا عصير برتقال خولة بدون اهتمام وهي تفتح جوالها وتنشغل فيه :عصير برتقال ازين طلع من السيارة :تمام """""""""" دخلت الغرفة الي بيتشاركون فيها هي وبنات اخوانها واخواتها متضايقة لأنها تعرف انها بتسمع لها كلام يسم البدن عنها وعن أمها ناظرت بالغرفة كانت طويلة ومثل المجلس نظيفة وفاضية الا من دولاب كبير ماخذ مساحة الجدار المقابل للباب وقدامه في فُرش مطبقة لهم ..على أساس وقت النوم يفرشونها وكل وحدة تنام بمكانها على ماتعودت معهم من 3 سنين تذكرت شلون قالولها مكانك عند الباب وتأذت من الداخل والطالع لين تهاوشت معهم وراحت اخذت لها مكان عند الدولاب وكسرت كلامهم ولاحد كلمها مشت للدولاب وفتحته سدحت شنطتها وطلعت ملابسها ورتبتها بطرف الدولاب مكانها ودخلت الشنطة بالدولاب واخذت شنطتها الي بالظهر وطلعت شاحن جوالها وحطت الشنطة بعد بالدولاب مشت للتوصيلة وانسدحت عندها وشبكت جوالها شويات ودخلت العنود وسمر للغرفة وعيالهم وراهم وهم يسولفون سوا انزعجت ودق بس طنشت """""""""""""" عبداللطيف نايف الجالك متزوج من نورة بنت عمه عنده راكان 30 سنة ضابط ومتزوج من بنت عمه العنود راكان عنده 3 أطفال ماهر و ثامر وسيرين سمر 28 سنة ومتزوجة ولد عمها سعد اسلبت ثلاث مرات وعندها طفلتين توليب وتولين الي معها متلازمة داون واخر العنقود خولة 24 سنة جامعية ومملكة لرائد "" عبدالباري نايف الجالك متزوج نجلاء بنت خوي ابوه عنده العنود 29 سنة زوجة راكان سعد 28 سنة زوج سمر ومعيد بجامعة الإمام رائد 25 سنة موظف بالسفارة الامريكية ومملك على خولة مطلق 23 سنة عزوبي جامعي طالب محاسبة نور 20 سنة جامعية طالبة اقتصاد "" سعاد نايف الجالك فوزية 30 سنة متزوجة من برا العايلة نورية 25 سنة متخرجة من الجامعة وقعدت بالبيت حورية 20 سنة جامعية طالبة اقتصاد "" هنادي نايف الجالك لطيفة 27 سنة ماجستير خدمة اجتماعية طارق 26 سنة مبتعث من شركته حتى يكمل ماجستير مؤيد 20 سنة جامعي طالب اقتصاد "" ودق نايف لجالك من زوجة ثانية ..عمرها 19 سنة """"""""""" رفعت عيونها لسيرين وتوليب وتولين وهم يصارخون ويراكضون هنا وهنا وهي منزعجة منهم وودها تقوم تصفقهم رفعت نفسها وجلست بتستعد تصارخ بس دخلت نور ومعها حورية وهم يسولفون بعصبية ووراهم نورية الي شابكة السماعات وتسولف مع صديقتها زفرت بضيق من الازعاج و الازدحام الي صار بالغرفة جلسوا حورية ونور معها وشبكت نور جوالها بالشاحن :والله مالها ولا نص حق البقرة ذي ..شلون تتجرأ اساساً وهو مو معطيها وجه وجع ..خلاص خلي عندك كرامة انتبهت حورية للأستفهامات الي فوق راس ودق :ودق تراها تسولف عن مسلسل الحب الأول ..منفسة من حركات شسمها ذيك ؟ نور بنرفزة :باده الغبية ودق :يحليلك وينك بأي حلقة ؟ نور :توي بالحلقة الثالثة ودق :اصبري ماعليك بتتقفل سالفة بادة وبتصير المنافسة بس بين باريش وعلي نور تحمست :صدق؟ ..انتي تتابعين اول بأول ولا شلون ودق :لا شفت اول ست حلقات وتركته ..مليت من الاحداث الممطوطة نور :ايه بالضبط لو انهم قعدوا عالفلم كان ازين..احسهم ابتلشوا مع الكاتبة الحين حورية بملل :يالله نور ولقت الي يتابع معها وانا ؟ التفتت لها ودق :ليش وش مودك ؟ نور :درامات كورية ..ابثرت امي فيهم ناظرتها ودق باهتمام :حلو وش تتابعين ؟ انا بعد اتابع كوري نور بتعجب :خير ؟ شلون تجميعن بينهم وتتابعين جنسيتين سوا ودق :والله انا الجنسية اخر اهتمامتي ..اهم شي عندي ان المسلسل حلو وحبكته حلوة ويكونون الممثلين فنانين حورية تحمست :انا اشوف حالياً الزوجة المثالية ..متحمسة معهم مرة ودق :ايه هالموسم اطلق مسلسل الزوجة المثالية حورية :فيه بعد مسلسل 17 ولكن 30 ودق اشرت لها بالنفي:لااا..البطلة كانت دايم تأخذ أدوار ثانوية ويوم شفتها بطولة ترددت..خفت تطلع خايسة حورية :لا وين تهبل الدراما ودق :يبي لي اشوفها لا رجعنا ان شالله حورية :وين ترانا مطولين ودق :لا عبداللطيف قال حدنا اربع أيام رفعت سمر صوتها :ماتدرون وين مخططين نطلع حورية بحلطمة :وين نطلع هنا مافيه شي سياحي ابد العنود :عادي فيه مولات نطلعها نور :ترانا نقصد أماكن نطلعها حنا البنات بدون امهاتنا والعيال..نبي نتنفس بعيد عنهم شوي سمر :وين تبون تطلعون ؟ بلا هياتة انتي وهي العنود عقدت حواجبها :أي والله صدق وش الي تطلعون لحالكم بدون امهاتكم او العيال ؟ وش هالكلام الي اسمعه حورية :وحنا صادقين ..اذا بنطلع عشان والله نقعد بمكان واحد مانتحرك فيه الا والعيون كلها مسلطة ناحيتنا مانبي..قعدتنا بالضاير ازين ودق :والله انا اشوف انكم ترضون بالامر الواقع ..خلاص لا اعرستوا اطلعوا مع ازواجكم وفكونا نورية الي سكرت جوالها ودخلت على طول بنقاشهم :أنتي اسكتي..ماتغطين على احد ومبسوطة ناظرتها ودق باستنكار :وش دخل اغطي ولالا حورية توترت ماتبي تقوم هوشة بسبب ودق :قصدها انه بإمكانك تاخذين أي واحد من العيال وتطلعين معه لأنك عمتهم ودق بسخرية :لا تكفييين الي يشوفك يقول كلهم صافين تحت يقولون وين تبين تروحين عمتي ودق ...اقول ترا الحال من بعضه العنود ماحبت الفكرة :اساساً اخوانا ماهم سواويق لك على فكرة فتحت ودق جوالها لأنها فهمت العنود..تبي تشبها باي طريقة فقررت تطنشها ثواني وماتحملت قامت واخذت بطانيتها وطلعت من عندهم بتدورلها أي مكان تنام فيه همست نور لحورية :والله لو انا منها ما اطب بيت أي احد منا ..عيونها قوية حورية :حرام..مالها غيرنا ..خوالها شباب وماهم دايمين لها فتحت خولة الباب ودخلت :شفيها منفسة العنود ماردت وسمر :ماعليك منها وين كنتي وقفت ورا الباب بتعلق عبايتها :كنت مع رائد..سولفنا شوي العنود ابتسمت :تذكرني قبل ..ايام خطوبتي ضحكت سمر :مصيرك تلعنين أيامك ذي بعدين ابتسمت خولة بضيق وماردت """"""""""" الضاير طلع من المركز متجه للإستراحة الي متعودين يجتمعون فيها هو واخوياه دام اهله مسافرين فبيقعد فيها وقف سيارته قدام الاستراحة وطلع منها وهو يشوف سيارة منذر بالقراج رمقها بإمتغاض ودخل داخل فتح الباب ودخل :السلام عليكم كان مشغول بلاب توبه ورفع عيونه له :وعليكم السلام كمل طريقه ودخل للغرفة الي حاطين فيها ملابس احتياطية لهم :غريبة موجود بهالوقت هنا نزل عيونه للشاشة :عندي قضية مهمة اشتغل عليها ..محتاج شوي هدوء لبس ثوب النوم وطلع جلس قدامه :خبري ماعندكم بزران مارد عليه منذر وهو يتذكر شلون ودق تتحلطم عنده من زوجته الي تقط عليها الكلام ..ابتسم بخفة وهو يشوف تطبعه بطبع زوجته ..الاستقعاد استغرب راكان من ابتسامته بس ماهتم وفتح التيفي ورفع الصوت وهو يحاول يزعجه ويخرب عليه تنهد منذر وسكر لابه وقام وهو يتمطع :بأطلب غدى تبي؟ هز راسه بالإيجاب شويات وانفتح باب الاستراحة مرة ثانية ودخل خويهم عمر بترقب شاف منذر يقفل قلابه وياخذ بوكه بيطلع ..ركز بوجهه وناظر بوجه راكان ..ارتاح لأنه اول ماشاف سيارتهم برا توقع انهم تذابحوا طلع منذر :بروح اجيب غدى هز له راسه ودخل داخل ورمى نفسه على الكنبة الي كان منذر جالس عليها وتثاوب بتعب ناظره راكان ثم التفت للتيفي :خير وش جايبكم كلكم على هالظهرية عمر وصوته كله نوم : منذر شاك بكم شخص بقضية الفساد الي يحقق فيها ويبيني اشوفها معه وياخذ رايي راكان :الكلب يوم سألته ولا فكر يقولي عمر وهو خلاص مو قادر يفتح عيونه تثاوب :على أساس علاقتكم تسمح انه يطلب منك تثاوب معه:دق على حمد وحسان خل يجون الليلة ..الله يلـ**ـك جبت لي النوم فتح عيونه وناظره :حمد مايقدر شفيك؟ موكل بمهمة ..بس حسان بيجي ان شالله راكان :بقعد هنا كم يوم ..اقعد معي تراي مو متحمل شوفة الودر عمر :وش فيك ناشب لنا..انقلع لبيتك راكان :اهلي مسافرين وماحب اقعد بالبيت بلحالي..مابي اشتاق لعيالي طلع جواله من جيب بنطلونه : امش قيم ببجي ابتسم بخفة :يلا راكان :اذا لقيت سكوب ثمانية هاته عمر :طبعاً لا راكان :عطني ياولد عمر :لا راكان :كل ## عمر :كل انت راكان :كلب عمر:المهم ..جاني تكليف فيه ترقية راكان :الي هو ! عمر :شبكة دعارة ..الموضوع مشربك شوي راكان :وش بتسوي ؟ عمر :الخيط الوحيد الي لقيته واحد اسمه عماد ..كان موجه وقرر يترك هالشغلة لكن يبدوا ان الي معه مارح يتركونه..الولد يعرفهم عدل مدل وتركه لهم مارح يطمنهم راكان :يعني بتخلونه عيونكم داخل هالشبكة هز راسه :بالضبط ..ابي امسكهم واحد واحد راكان :الله يعين ..انتبه على عمرك ..غالباً ممولين هالتجمعات يكونون ناس متخلفة ..ممكن فجاة وانت منت داري تنذبح عمر :لا ان قالها الله برميهم كلهم بالسجن باترقى وادعس عليهم الكلاب صرخ راكان :انبطططح بتنذبح يا غبي عدل جلسته وهو يحاول يتفادى الي يضربونه باللعبة لين رمى الجوال بقهر على موته ورمى نفسه على ورا دخل خويهم حسان :السلام عليكم ردوا عليه السلام ناظر حسان بعمر :الله يعوضنا ياشيخ خلاص عمر بزعل :امين راكان :لحظة على ايش؟ حسان باستغراب :على خروج اسمائنا من القضية جلس باعتدال وباستغراب :أي قضية رفع حواجبه :ماتدري؟ هز راسه بالنفي حسان :العميد شطب على اسمك واسمي بقضية شبكة الدعارة ..يقول مارح تكونون عنصر مساعد فز من مكانه :اسألك بالله انت صادق ؟ حسان :أي والله توني طالع من المكتب انفجر راكان ضحك : مستحيييل توه المسكين متعشم بالترقية قام على حيله وبنرفزة :وش هالعميد القلق..بروح اتفاهم معه حسان :لا تتعب نفسك انا كلمته وقالي لو تجيب لي معلومة اكيدة عنهم خلال 24 ساعة بفكر باسمك عمر بسرعة وبدون تفكير :وانا عندي معلومات مب معلومة وحدة طلع جواله من جيبه ودق على العميد كانوا يحسبونه بيكلم واحد من اخوياه يتوسطله للعميد لكن انصدموا يوم سمعوه عمر :حضرة العميد معك الرائد عمر عبدالرحمن العمار """""""""""" اهبا العشا طلعت من الغرفة الي نامت فيها ومشت لم غرفة البنات دخلت وشافتهم كل وحدة على جوالها ومشغولات ماعدى العنود الي مجلسة البزران دائرة حولها وتوكلهم مشت للدولاب وهي ترفع الجوال لاذنها بعد ماتصلت بعبداللطيف رد عليها :هلا ودق امريني ابتسمت :فاضي ؟ ابوراكان :لا والله ياخوك..انا بين الرجال الحين ..وش تبين امريني :مايامر عليك ظالم..صديقتي ناقلة هنا بأهبا وانا من مبطي ماشفتها ..كنت ابيك تاخذني عندها ابوراكان :شوفي عبدالباري موجود..كلميه ودق :تمام خلاص بكلمه سكرت منه وفتحت الدولاب طلعت لها بنطلون جنز وتيشيرت ابيض بهودي بينك ومشت للحمام لبست ورجعت مرة ثانية طلعت شنطتها الظهر وطلعت منها شنطة الميكب رسمت حواجبها وحطت ظل بني وايلاينر وبلشر برونز وروج بينك وطلعت شنطتها الظهر الصغيرة الي للخروج واخذت عبايتها وطلعت اتصلت بعبدالباري وسألت عن مكانه وقالها انه بالمجلس مع العيال نزلت من الدرج ودخلت المجلس :السلام عليكم ردوا بهدوء سلمت على عبدالباري وجلست بجمبه مع ابتسامة عريضة :ابطلع ! رفع حواجبه :وين ؟ ودق :صديقتي عزمتني عندها ..هي نقلت هنا وانا قلت دامنا جينا وماندري يمكن ننشغل بكرا ..قلت اروح لها عبدالباري :وين بيتها ودق:ماهي بعيدة بالحي الي بجمبنا هز راسه والتفت للعيال :يا ولد انت وهو فز مطلق الي كان يطقطق بجواله :سم يبه ..امر ابتسم لولده الي دايم يفز له اول مايسمع صوته :خذ ودق ووصلها لبيت صديقتها ولا خلصت بتدق عليك ترجعها تحسف انه فز له يوم درى ان السالفة توصيل :ابشر يبه التفت عبدالباري لودق :يالله وانا اخوك قومي البسي عبايتك وانزلي بتحصلين مطلق ينتظرك قامت وحبت راسه :شكراا طلعت من المجلس ولبست عبايتها قام مطلق وهو يجمع جوالاته وبوكه ومفاتيحه ضحك له رائد :دايم اقولك اركد بس انت مطفوق مارد عليه وطلع من المجلس شاف ودق وهي تلبس عبايتها مر من جمبها :يلا بسرعة لا تأخرينا مشت وراه ولبست نقابها :خلاص خلصت ركبت السيارة بجمبه وشغلها وحرك :وين بيتها ؟ فتحت اللوكيشن بجوالها ومدته له :سم اخذه منها وهو يمشى مع الخريطة الوضع كان على الصامت مع مطلق مع كل عيال وبنات وحريم اخوانها نفس النظرة ونفس الإحساس ..قبل ثلاث سنين ..كانت تزعل وترجع بيت جدتها تبكي من نظراتهم ونغزاتهم لين تبلدت وفهمت انهم أهلها وانه الأهم عندها اخوانها مو عيالهم ولا زوجاتهم ..وهالشي فهمها إياه خالها الكبير منذر وصلت عند بيت البنت ونزلت من السيارة كانت يدينها ترتجف من الحماس لأنها مو رايحة تزور صديقتها الي نقلت لا ..رايحة تزور صديقتها الالكترونية الي تعرفت عليها من تويتر بلغت صديقتها انها برا ودقت الجرس والتفت لمطلق الي حرك ولا انتظرها تدخل ولالا تنهدت ودخلت اول مانفتح الباب صرخت بصوت عالي وهي تضمها :يماااه مو مصدقة بعدت عنها وهي تناظرها :سين انا اناظرك صدق ولا كذب صرخت الثانية :لا صدق يا حمارة .. يمة هرمتتت لهذه اللحظة هرممت -سحبتها-امشي داخل خلينا نسولف دخلت معها :مو قادرة اصدق دخلت سين وراها وهي ماسكة جوالها :هذي هي امل تقول وثقوا وش يصير ودق :وثقتي ولا لا سين :وش اوثق انتي بعد ..قلبي دق حشى وكنه بيطلع """"""""""" عند البنات طلعوا من غرفتهم وراحوا لمجلس الحريم يتقهون معهم هنادي ام طارق :والله ويكلمني طويرق يقول انه خلاص ..مابقا له شي سعاد ام فوزية :الحمدالله..الله يرجعه بالسلامة نغزت خولة العنود الي بجمبها وهمست :عاد عمتي سعاد تتحراه اكثر من امه عشان عيون نوير لا تطيح بكبدها كتمت العنود ضحكتها :انتي ناظري بنورية مستحية ومصدقة نفسها خولة :عاد هي صادقة بيرجع معه الماجستير ووظيفته جاهزة العنود :ان صارت صدق واعرسوا بتجي نورية تتفلسف فوق روسنا كنها هي الي ماخذتها خولة :لو اني مكانها فـ ترا يحق لي ..طارق اول من يفلح بعايلتنا ويتعدى البكالوريس العنود :اسكتي عاد ..اخوي رائد موظف ووظيفته وش زينها خولة :وين الزين بالموضوع كلها مترجم لو يترجم أفلام ومسلسلات ابرك له ماقدرت تكتم ضحكتها وانفجرت ضحك :ياحمارة انتبهت لهم نجلاء ام سعد :خير العنود ..ضحكينا معك العنود :ولا شي يمة نورة ام راكان :هي وخولة يموتون بالحش خولة :يمممة ؟ شدعوة ام سعد :ماشالله عاد نورة صارت اخبر مني بالعنود ام طارق :عسى بس الحش ماهو علينا شهقت حورية بحماس وهي تناظر جوال نور: وااه كيوتت همست سمر للعنود وخولة :تراهم فاضين يدورون ادنى شي يسولفون فيه ام فوز ناظرتها :خير انتي بعد حورية بعفوية سحبت جوال نور الي ارتبكت ونطت بجمب أمها :ودق رايحة لصديقتها الي تعرفت عليها من النت من سنتين ..كيوت تجمعوا بالحقيقة عقدت ام فوز حواجبها والتفتت لبنتها :مافهمت ؟ غمضت نور عيونها لأنها فهمت المصيبة الي طاحت فيها ودق الحين استوعبت حورية نظرات أمها وتوترت ام سعد :شلون يعني تعرفت عليها من النت العنود وهي ناوية تولعها :عادي يمة ..كثير الحين يصادقون من النت ويتقابلون وتلقينهم يعرفون بعض اكثر من الي مصادقينهم بالواقع ام طارق بصدمة :قصدك ان المعتوهة ودق راحت لوحدة ماتعرفها الا بالنت ؟ هزت راسها العنود ببراءة وهي تضرب يد خولة الي تقرصها التفتت ام فوز لأم سعد :دقي على عبدالباري خليه يلحق على البلوة ذي لا تفضحنا ام سعد :روحي له بالمجلس تراه ماطلع مع عبداللطيف وقفت ولحقتها ام طارق وهي معصبة ناظرت ام سعد ببنتها :ارتحتي الحين ؟ شبيتي بين البنت واخوانها ؟ العنود ناظرتها بنرفزة :يمة؟ من متى وحنا نصاحب من النت ونروح بيوتهم ؟ وليتها بالضاير لا هنا باهبا بعد طلعت ام فوز وام طارق من المجلس متجهين لمجلس الرجال دخلت ام فوز :اطلعوا ياعيال ..نبي عبدالباري بكلمة راس استغرب أبوسعد :شفيك انتي وياها طلعوا العيال مع كلامهم جلست ام فوز بعصبية :انت تدري منهي صديقة ودق الي رايحة لها هز راسه :ايه تقول صديقتها من الضاير وناقلة هنا ام طارق بنرفزة :لا يا حبيبي ..متعرفة عليها من النت من سنتين وتوها رايحة تقابلها ..عبدالباري البنت بتجيب لنا الكلام الي لنا سنين محد قاله فينا عقد حواجبه وهو حاس بنرفزة من كذبة ودق عليه لكنه اخفى هالشي قدام خواته :انا قلت لمطلق يسأل عنهم وجابوا لي خبرهم ..واهل البنت جيرانا من زمن ..لكن انا بكلم ودق لا رجعت واتفاهم معها على كذبها ام طارق :هالبنت امانة برقابنا يا عبدالباري واخوك مو فاهم هالشي ومدلعها ومكبر راسها علينا ..انتبه لا تجيب فينا العيد وتقعدني عندكم على كبر عصب من كلامها وتشكيكها بأخلاق ودق :هنادي..كلمتي واضحة..قلت لك بتفاهم معها وبكلمها ..وودق كبيرة وفاهمة ولو كلمناها بتفهم ولو انك اعتبرتيها مثل بنتك لطيفة ماكنتي بتجيني بهالشكل ام طارق تنرفزت :تخسييي اعتبرها مثل لطيفة ..لطيفة متربية وانا مربيتها ومعلمتها الغلط عن الصح تنرفز من كلامها :سعاد فهمي اختك لا اذبحها هنا التفتت ام فوز لأخوها باستنكار :وهي ماقالت الا الصح !..انت واخوك ماخذين دور الاخوان الحنونين وناسين ام الكلبة هذي وش سوت بأمنا الله يرحمها شلون فرت مخ ابوي وتزوجته وهي لا شرف ولا اخلاق..ولا تنسى ترا العرق دساس وبكرا بتجيب لنا العار وقل سعاد وهنادي ماقالوا زفر بضيق من كلامهم وهو يتمنى وجود عبداللطيف بهاللحظة ..هو الوحيد الي يهابونه ولا يتجرأون يفتحون فميمهم عنده :خلاص يا بنات روحو عني رفعت ام طارق حواجبها :شدعوة زعلناك عليها وقفت ام فوز :قومي يا هنادي ..كلامنا مع هالكلبة لا رجعت هنا صرخ فيهم :ودق مارح يكلمها احد غيري وعبداللطيف مارح يوصله العلم والله الي يكلمها بهالسالفة بقطع لسانه ام فوز سوت انها ماسمعته ومشت اما ام طارق فهمست :سم ولحقت اختها وهي ميتة قهر العيال طلعوا من البيت وتكوا قدام الباب رائد كلم خولة بالواتس وفهم منها السالفة :يا عيال ودق جابت العيد ناظره مطلق الي كان يدخن:عند خويتها البنت رائد ناظره :ماهي خويتها ..تعرفها من النت وراحت تشوفها رمى دخانه بالأرض وداس عليه :اخو العيال !! مؤيد باستغراب :وش فيها لو كانت من النت ؟ سعد بعصبية :الله يهديهم هالشيبان ..مصرين يتولون امورها وهي ماهي بكفو ..لو انها انطقت عند خوالها ابرك مشى مطلق لسيارته بعصبية :بروح اجيبها الله لايوفقها لحقه مؤيد خاف لا يطقها ولا يسوي لها شي رائد ناظر بسعد:راكان لو انه هنا ..كان دفنها سعد :وهي تستاهل الدفن ..وش هالتصرفات الغير مسؤولة بهاللحظة وقفت قدامهم سيارة عمهم عبداللطيف ابوراكان نزل منها وهو مستغرب تواجدهم برا غير انه صادف بدخلته للحي سيارة مطلق ومعه مؤيد :خير يا شباب وش صاير قرب منه سعد وحب راسه :ولا شي ياعمي ..العلم وسلامتك هز راسه وابتسم لهم :ايه ..الحريم اليوم شكل ماودهم يطبخون ..قوموا جيبوا لنا ذبيحة تسد الجوع رائد بفضول ماله داعي :تعذرت عن عشاهم ياعم ؟ ناظره بضيق :توفى صاحب البيت وانفجع الولدالمسكين على ابوه و ..وقفنا معه وصبرناه ومشينا سعد :الله يرحمه ويغفرله..انتبه ياعم انت معك السكر..مشينا داخل نقيسه لك رائد:وانا رايح اجيب العشا """"""""" وصل مطلق عند باب البيت واتصل بودق ردت وهي تضحك :هلا مطلق وش فيه رد بحدة :اطلعي بسرعة ..انا برا استغربت :مادقيت عليك ..توي ماسولفت مع البنت صرخ فيها :مانتي مسولفة معها زيادة ..اطلعي برا بسرعة تنرفزت من أسلوبه لكنها قلقت ..خافت يكون صار شي بالبيت عشان كذا ماطولت استغربت سين وقفتها :وين وين؟ باقي ماحطينا العشا ودق بقلق :والله مطلق دق مستعجلني..اكيد صاير شي بالبيت شالت همها :خبريني وش يصير معش لا رجعتي هزت راسها وقامت وجابت لها سين عبايتها وطلعت بعد ماودعتها انتبهت لمؤيد مع مطلق ركبت ورا باستغراب :وش صاير ؟ مطلق بعصبية :اسكتي يا قليلة الحيا رفعت حواجبها وبحدة :خير وش هالاسلوب ضرب بريك والتفت لها بعصبية :بأي أسلوب تبين نكلمك وانتي ماحترمتينا وكذبتي علينا تنرفزت..ماتحب تكون بوضع الأطرش بالزفة :مطلق..وش صاير مارد عليها وحرك السيارة مؤيد بهدوء:ليش ماقلتي ان الي رايحة لها متعرفة عليها من النت مو صديقتك الي ناقلة استغربت :وانتم شلون عرفتوا ضرب على الدركسون بعصبية :وتسأل بعد ..ماهمها ودق باستغراب وهي فعلاً ماهموها لاهم ولا عصبيتهم ومو شاغلها الا شلون دروا فكرت بالموضوع ..محد يدري وتذكرت انها مصورة سناب غمضت عيونها بقرف وفتحت السناب تشوف المشاهدات انتبهت ان نور شافت السنابة وحورية بعد وحتى العنود وسمر وخولة هنا فهمت انهم هم ورا السالفة كلها ..حقدت من قلبها على حركتهم وحلفت تردها فيهم وصلوا البيت وطلعت بسرعة من السيارة وركضت داخل مرت من المجلس وكان فيه سعد وابوراكان وابوسعد نادها ابوراكان :ودق !! وقفت بارتباك ..ماكانت بتكلمهم الا بعد ماتصفي حساباتها معهم مشت لهم ودخلت :هلا ابوراكان باستغراب :وش فيك راجعة بدري رفعت حواجبها وناظرت بأبوسعد الي غمز لها واشرلها تمشي السالفة ابتسمت بمجاملة :تعبت وقلت ارجع البيت ازين لي ابوراكان :توه عبدالباري يقول ان اهل البنت جيران لنا من زمان ..غريبة اعرفهم ماتحركوا من اهبا شبر..شلون كانت بالضاير التفت ابوسعد لأبوراكان باستغراب من سؤاله ودق بسرعة :لا صديقتي بنت خالتهم وهي الي كانت بالضاير ونقلت هنا وهي وبنات جيرانكم صديقاتي اعرفهم عن طريق بنت خالتهم ابتسم لها :اها ..عسى بس استانستي معها هزت راسها بابتسامة :الحمدالله ..تامر بشي؟ :سلامتك مشت عنهم ودخلت داخل بنفس الوقت دخل مطلق ومعه مؤيد مطلق يوم شافها وهي طالعة من مجلس الرجال مبتسمة حس انها طلعت نفسها من الموضوع ..عصب زيادة ونادها :بنت..ودق التفتت له برفعة حاجب :نعم ؟ هنا اشر ابوسعد لسعد يفز يسكت مطلق حتى لا يحس ابوراكان قرب منها :اذا هم قفلوا الموضوع فحنا مارح نقفله وبنراقبك عدل جاهم سعد وناظر ودق بحدة :انقلعي داخل ودق :اللهم طولك ياروح -وتركتهم ودخلت ناظر سعد بمطلق :عمي عبداللطيف لا يحس ..ادخل وانت ساكت """""""""""""""" ناظر راكان بحسان :عمر كنه تأخر ؟ حسان :شكل العميد رماه بالحبس راكان :العميد ذا نكبة ..متى يلقون بديله بس حسان :السالفة هي ودي اعرف عمر شلون بيحصل المعلومة المساعدة الي بتخلي العميد يثبت اسمه ؟؟ كن عمر مسوي مايعرفه راكان :وييين ...عمر معه موجه معهم اسمه عماد فز من مكانه :الله اكبر ..جاب راس عماد بكبره ؟ راكان :ترا عمر مهب سهل وعلاقاته كثير ..الرجال لو ماترقى بيموت علينا .. من الي مارح يجيب راسه بعد رن جوال منذر الي نايم بجمبهم وقام رد :هلا عمر التفتوا كلهم له وقربوا منه اشر له حسان يفتح سبيكر فتح وهو مو مركز :وش صاير ؟ عمر :اطلعوا من الاستراحة بسرعة حسان :خير وش صاير عمر :انا تملكت وجايبها معي ..ماعندي مكان الا الاستراحة راكان :الله ***** ولللد انت بعقلك ؟ عمر :انا عند المحطة حالياً ..بس طلع لي علبة الإسعافات الأولية ضروري وانتظروني برا -وسكر فزمنذر :هذا صادق ولا يمقلبنا راكان :اعرف انه راح للعميد.. قام حسان من مكانه :والله ماني متحرك من قدام الاستراحة لين افهم منه منذر ناظر حوله شلون معفوسة الاستراحة :شباب زوجته بتشوف القرف هذا وقف راكان وهو يسبه ويلعنه ويحاول يلملم ويرتب المكان وقاموا معه منذر وحسان """"""""""" دخلت الغرفة وهي ميتة قهر من حركتهم وحالفة يمين تردها فتحت جوالها وشافت اتصالات سين ورسايلها تجمعت الدموع بعيونها وهي حاسة بفشلة وقهر فتحت جوالها بتدق على خالها تشتكي له بس ترددت ..لين متى وهي الطرف الأضعف الي يتشكى دايم ؟ لين متى وهي تسمح لهم يهينونها ويهينون أمها ؟ "لا لا..مارح اسكت هذي المرة ..مارح تميل الكفة لناحيتهم هالمرة ..هالمرة هم الغلطانين وانا الصح وهذا الي بيفهمونه اليوم " مسحت الدموع بقوة وقررت تطلع تتعشى معهم عادي ..وتتصرف معهم بعدين """""""""" مخرج "-ولكنكَ بدوتَ قوياً -لم يكنْ لديّ خيارٌ أخر" """ | ||||
|
| |
|
05-01-19, 11:18 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| 2 مدخل " ومنذ صادقت روحي بت مقتنعاً أن الحنان بلادي والرضا داري والحبُّ يُعطي إلى ما لا نهايــتهِ لا يَعرفُ الحبَّ من يُعطي بمقدار" """""" على العشا عند الحريم فرشوا السفرة بالأرض وحطوا العشا جلسو على السفرة الحريم ثم البنات والعنود وسمر جلسوا اخر السفرة مع بزرانهم حتى يوكلونهم ام راكان :أقول يالعنود..ماكلمتي راكان شفتي وينه العنود ماتعرف بس خمنت :راح الاستراحة ياعمتي هزت راسها :ايه طيب..دقي عليه شوفيه تعشى ولالا همست لها سمر :كنه بيبي ..دقي دقي لا تفصل عليك زفرت بضيق واخذت جوالها تكلمه دقت عليه وطول على مارد :نعم همست له :شلونك ! :طيب ماعلي خلاف-وسكت تنرفزت لأنه تكاثر يسألها عن حالها :تعشيت ؟ :ايه :بالعافية ركان:........ العنود :طيب..اشوفك على خير سكرت منه واخذت الملعقة تأكل ثامر :ايه تعشى ياعمتي ام راكان :حبيبي وليدي..ياعله عوافي على قلبه..والله ماوديت نمشي ونتركه بس ابوه الله يصلحه ام طارق:والله ياراكان ويا وظيفته حالة ..له فقدة كم لي عنه ام راكان : خبري فيه اليوم الصباح ..اذته وديق قبل مانمشي رفعت ام فوز صوتها بإستفزاز :من الي ياذي راكان والله اوريه شغله ؟ ام سعد :عاد راكان هذا الغالي وأول فرحة لعمي وعمتي الله يرحمهم ..انا بعد مارضى عليه ودق ناظرتهم وهي فاهمة مقصدهم ..ابتسمت بداخلها وتركت الملعقة وناظرت بأم سعد :وعادي عندك ان فرحة عمك وعمتك الأولى يعنف بنتك الكل توجهت انظارهم للعنود الي ارتبكت :هيه انتي وش تخربطين ؟ ودق بكل برود سحبت ملعقتها :والله يدك اكبر دليل على خربطتي ارتجفت يدها بقهر من حركتها ومن كلمتها ..ماعرفت شلون تنفي لأنها باختصار ماتوقعت احد ينتبه او يحس او يظن انه تعنيف :انتي كذابة هنا عصبت ام راكان وناظرت بودق :وديق قومي انقلعي عن عيونا ..زين كذا رمت الملعقة ووقفت وهي تنفض يدها :قلت لراكان ان الموضوع يكون سر لين جات هالمقرودة واذتني -التفتت لنور وحورية الي يناظرونها ببلاهة-وانتم الدور جايكم بالطريق تركتهم ومشت للغرفة الي نامت فيها الوضع تلخبط بسبة ودق ..جرحت العنود جرح وكشفت سرها الي من سنين تخبيه بكل برود ..وماتحملت نظراتهم المصدومة وبكت وبكّت عيالها معها قربت منها سمر وحضنتها وقربت منها بعد أمها ام سعد وهي تستغفر بصوت عالي ماتبي تسب ودق ام طارق بنرفزة من حركتها وهي تشوف حورية تناظر بنور بصدمة : حسبي الله عليها بنت ابليس كانها روعت البنات كملت خولة اكلها :محد قالهم يتدخلون فيها ناظرتها العنود بحقد وماردت عليها بينما خولة انتبهت لنظرات أمها النارية :نعم؟ انتم تقولون لحد يكلمها ولحد يتدخل فيها وهي مثل أمها وماعرف ايش..وذولي حارشوها وجاهم ردها .. ماعرف ليش معصبين ام راكان:اسكتي مالك دخل..احتفظي برايك لنفسك ابرك لك ماهتمت خولة ابد ..دايم تشوفهم غلط بأفكارهم وتعبت من قبل وهي تحاول تكلمهم لين تبلدت """""""" غسل يدينه ورفع عيونه يناظر وجهه بالمرايا نفض يدينه ومشى للصالة كانت امه جالسة على الأرض وتتتفرج عالتيفي وفاتحة على الاخبار جلس بجمبها وحط راسه على فخذها وغمض عيونه خللت يدها بشعره وباستغراب :معاذ فيك شي ! هز راسه :لا..ابي انام تعبان طلع اخوه معتزمن غرفته على كلامه :الي يشوفك يقول مكروف على وجهه وانت عاطل باطل شغلتك تتنقل بين الغرف مافتح عيونه حتى:كل علف لا ارفسك الحين يابزر ام معاذ :اترك اخوك بحاله ..الا متى ترجع ودق دق عليها شف..توحشت لها والله هالبنت رفع راسه وقام :انا بدق عليها ..خلي ذا الدافور ينقلع يذاكر جلس معتز على الكنبة الي ورا امه وسحب الريموت يقلب بالقنوات ومارد عليه طلع جواله من جيبه ودق عليها واشر لمعتز يرخي الصوت ردت ودق :نعم فتح سبيكر :هلا وديق ..شلونك تحمحمت وقامت من الغرفة طالعة للحوش :الحمدالله بخير..انت شلونك وشلون العيال وامي سحبت ام منذر الجوال :وديق وش فيه صوتك ؟ استغربت ودق :هلا يمة ..مافيه شي صوتي ام معاذ :الا فيك شي..تكلمي يا بنتي احد اذاك ؟ ضحكت بخفة :المفروض تقولين اذيتي احد ! معاذ صفر : ربيهم عيال الـ### ام معاذ:استغفرالله لاتسبهم ياولد طلعت للحوش وشدت على الجاكيت :والله فاتكم الجو ..برد بشكل ام معاذ:تدفي زين وادهني رجولك بفكس والبسي شرابات وقبل لا تنامين اشربي يانسون ولا تكشفين رجولك من تحت البطانية سمعت لكل كلامها :ابشري يمة معاذ :متى بترجعون ؟ بتطولين ولالا ؟ ودق :والله ودي نرجع اليوم قبل بكرا ..لكن اتوقعنا بنقعد بالكثير اربع أيام معتز رفع صوته حتى تسمعه :لا تطولين ..ان بدت الدراسة ترا مارح أكون معكم ودق :انت باقي حي يالدودة معتز :اص لا تكلميني ودق :انتي الي كلمتني معتز :انا الزعلان انا الي بس أتكلم انتي كلي تبن ودق :منك لله ..انا بس عندي حسابات بصفيها وبشوف اول من يرجع للضاير من العيال برجع معه ..مابي افوت فعالياتكم جلست على المرجيحة ورجعت لورا مسافة بسيطة ورفعت رجولها وتركتها تتحرك معاذ :ايه اول ماتمسكون خط كلميني امرك ودق :عاد مو اكيد ..بس ان شالله وقف وسكر السبيكر وهمس لها:شلونها ؟ تنهدت :قعدت بالضاير..ماجت معنا استغرب ومشى غرفته :ليش ..فيها شي ودق :لا ..مناقشتها للماجستير قريب بعد أسبوع أتوقع ..فـ ماتبي تشغل بالها معاذ :الله يهديها ..لو طلعت تغير جو بدال ماتقفل على نفسها ودق :والله عاد انت ابخص بها معاذ بقهر :اهخخ بس..شايلة هم على الفاضي يعني امكانياتها رهيبة وماهي من النوع الي ممكن انها ترتبك او قاطعته :خلاص ياخي ..بنقعد نتكلم على هذي النقطة كل مرة نسولف فيها نرفزته :انا لو اقدر اكلمها براحتي برايك بناظر بوجهك ؟ ودق :ذا الي مطفشني معاذ:امس سويت حساب جديد بتويتر وتابعتها منه ..وبلطت بمنشنها شهقت :وعادي ردت عليك ؟ معاذ:لا سويت حساب بنيك نيم غامض ..وما ودق :يويلي لو درت عنك انا مالي دخل معاذ :لاتجحديني يا كلبة ..خلك معي للأخر ودق :ايه !! وتعلم طارق علي ويجي يذبحني انفجر ضحك على اسمه الي مسبب لها رعب من صغرها :والله يخسي يقرب منك وانا موجود ودق :لا يشيخ انت بيكونون ذابحينك خلاص وانا بلحالي ..حتى يمكن منذر ومعتز يسون انهم مايعرفوني يممممة خفت ضحك من قلبه على كلامها:والله لطف ماتسوي فيني كذا ..قلبها حنون ودق :تكفى معاذ ..انتبه تنكشف الله يخليك معاذ:مابنكشف لا تخافين ..خلك معي ورتبي معي كم كذبة كذا ويصير خير ان شالله زفرت :الله يسترمنك لا تفضحني وتنكب كل شي..هم خلقة مايحبوني ولا يطيقوني خير شر التمس بصوتها الزعل :والله ماعرفوك عدل ..صدقيني لو يناظرون لك بقلوبهم بيعضون اصابعهم ندم على كل لحظة سخروها لكرهك..حنا ثلاث رجال ونفز لك من الطيحة شلون عاد بذولي الي ماثمنوك بسبب سالفة قديمة ..لويعرفونك عدل بس! كلامه واساها عن حركة البنات اليوم ، حست بإمتنان لوجود هالخوال بحياتها الي كل يوم يثبتون لها انها ماهي بلحالها وان مهمة حست انها منبوذة عيونهم بس تقولها ان الأرض حية بس لأنها موجودة وتمشي عليها :معاذ :همم ودق وبصدق :حقيقي شكراً لأنك بحياتي ..شكراً لأن مهما زادت علي المشاكل معاهم تكون انت موجود وتنسيني وتواسيني معاذ :افا عليك ..انا موجود دايم دخل معتز :خير داخل غرفتي فتح معاذ سبيكر :كنا نحش فيك معتز :وديق وش مهببة اليوم همست :امي معكم ؟ معاذ :لا بالصالة ودق تنهدت :ابد..تذكرون صديقتي الي بتويتر ؟ معاذ :ايه ؟ معتز :الي رحتي لها ؟ ودق :بالضبط..كلمت عبدالباري وخلى مطلق يوصلني معاذ :مطلق ذاك المهايطي أبو سبحة ؟ معتز :ذاك الي يتمشى بحارتهم بثوب أبو سبعة اسود ؟ :اييه الكريه ..المهم وصلني ودخلت عند البنت وفعاليات وسوالف فجأة يدق مطلق يقول انا برا اطلعي ..تخيلو حتى ماكملت عندها ساعتين على بعضها معاذ:ليش ودق :اصبر جايك الكلام..واركب السيارة كان معه مؤيد قمت اسئله وش السالفة وش فيه قام يهاوش وانه مالك حق تسألين وانتي كذابة ونصابة وشلون تقولين ان البنت تعرفينها والصدق انك تعرفينها من النت وليش ماعلمتينا وشرفنا وما شرفنا وماعرف وش ..وانا تاركة هواشه الي مثل وجهه وشادني انه شلون عرف معاذ :ثواني ؟..انتي ماقلتي لهم.. قاطعته :لا ماقلت لهم اني اعرفها من النت قلت صديقتي ونقلت لأبها ..ماتعرفون تفكيرهم شلون متحجر وبيرفضون ؟ معتز :والحمار مطلق يتفلسف فوق راسك ليش؟ كلها وحدة ورحتي تزورينها وش دخل الشرف بالموضوع ودق :ماعرف قعد يرمي كلام بس ماعطيته وجه..اساساً دخلت بس عبداللطيف كان موجود وناداني لمه توقعتها النهاية بس شفت عبدالباري يغمز لي انه مايدري ..تركتهم وطلعت واشوف مطلق وطبعاً يرمي كم كلمة وجا سعد ينقاله يهدي الوضع ..قط مع اخوه بكم كلمه وطنشتهم ودخلت ..طبعاً شلون دروا؟ الكلبات شافوا سنابي وكبرت السالفة ووصلوها للرجال..هذا الي فهمته معاذ :حلال من فك عليهم سلوقي هالحريم نقالات الكلام زفرت :ايه والله معتز :طيب وش سووا؟ ودق :ابد نظرات ودق بالهرج ..لين انحط العشا وقعدنا بهدوء وانا والله حالفة اردها بس انتظر الفرصة ..المهم اني قلبت عشاهم فوق تحت وولعتها بين العنود وأهلها وراكان الي منسدح بالضاير تحمس معاذ:وش سويتي ؟ ودق :انا اعرف ان رويكين يضربها ..المهم اني قلت لراكان اني اعرف ودقيته بالكلام حتى ينتبه لنفسه وقلت له ان بتستر على الموضوع وجت عقربته واذتني الزبدة يوم شفت نورة وسعاد وهنادي ونجلاء يسولفون عن راكان وانه كفو وله وحشة طرت لهم نورة اني محارشته الصبح وماذيته قامت نجلاء تحامي عنه فقلت لها :لو دريتي انه يعنف بنتك بتكلمين تحامين عنه ؟ معاذ :اووووووووووووف معتز :يخرب بيتك نكبتيه تحمست :والله لو تشوفون شلون كل شي انقلب حتى قامت تصيح ونوير طردتني عاد قمت بس توعدت بالبقرات الباقين ومشيت عنهم والله يهاليومين مابرتاح لين ابرد حرتي بالباقين ..اعلمهم شلون يتعدون علي انبسط معاذ من حركتها وكلامها مرة ..يتذكرها شلون كانت تجيهم وهي تصيح من كلامهم وحركاتهم والحين هي مقلقتهم بوجودها ومخوفتهم معتز :ايه ..لا تسكتين لحقك خلهم يحسبون الف حساب لأي كلمة تخطر على بالهم معاذ :عاد انتبهي من راكان ودق بدون اهتمام :مارح تقوله الا اذا أمها تدخلت او كبروا المشكلة ..اعرفهم بيسكتونها وبيواسونها ..لأن الموضوع لو وصل للرجال مارح يتضرر احد الا العنود وعاد بيني وبينكم نجلا ماتبي بنتها ترجع مطلقة عقب هالبرزان ..بتهدي الموضوع معتز :والله انك كفو ..منتظر بس انتقامك من الباقيات ودق :ابشر ..ماطلبت شي ..والله لاخليهم ينامون ويحلمون فيني معاذ:ولعيها وانحاشي منهم بنقل جماعي او طيارة.. لو تبين احجز لك ودق :لا ماعليك ..عبداللطيف وعبدالباري بصفي ..محد بيتكلم منهم انتبهت لحركة وراها التفتت وشافت مؤيد يناظرها برفعة حواجب ودق :الو معاذ :هلا ودق :بسكر ..اكلمك بعدين معا :تمام سكرت منه والتفتت له بكامل جسمها :خير..من متى انت هنا مؤيد :تو ..مامدى اسمع شي ودق :اوكي زين -مشت ناحية البيت- تصبح على خير حست انها ودها تفصخ الزنوبة وتصفقها براسه الغبي من بروده واضح سمعها وصرفها ..ماتحبه تحسه غبي """""""""""" الضاير وصل الاستراحة وانتبه لسيارتهم برا وكل واحد فيها نزل حسان وفتح باب الحوش ودخل عمر بسيارته طلع من السيارة بسرعة وفتح الباب الخلفي ناظر فيها شلون جثة هامدة زفر بضيق على حالها ودخل جسمه السيارة وشالها وهو يتذكر شلون صارت على ذمته """ تواعد مع عماد بإستراحته بعد ما وعد العميد انه يجيب له تاريخ اقرب تجمع مختلط تكون اول خيط يمسكونه لشبكة الدعارة هذي الي مايعرفون منها الا اسمها بسبب أسماء ثقيلة تغطي عليها وقف السيارة قدام الاستراحة الموجودة خارج الضاير وبالخلا الخالي رن على جواله وطلع للاستراحة وهو متلطم بشماغه فتح له عماد الباب بهدوء واستقبله قلطه بالمجلس وجلس قدامه اخذ دلة القهوة يقهويه :وش عندك ؟ عمر بهدوء :جايك من طرف عبير رفع عيونه ناحيته ..متعود على الي يواعدونه بسبب توجيهاته لكن هذا غريب .. اسم عبير معناته ان الي مرسول لك ماهو مضبوط انتبه عمر لحركاته وهو يتلفت حوله جا عماد يبي يوقف حتى ينحاش لكن عمر تنبئ وبحركة سريعة فز رفس صينية القهوة عليه وسحب بيالته كسرها بالجدار وهجم على عماد وهو يرص شظية قزاز برقبته بسرعة:أي حركة بتنغرس البيالة برقبتك بلع ريقه بصعوبة ورعب من الي صار ..همس :من انت عمر :اسمي عمر ..انا الي باخذك لحكم الرجم عليك يا وضيع توتر :وش تقصد ..انا.. قاطعه :لا تنكر تجاوز هالفقرة حس بالعرق يمشي من جبينه لخده من شدة الخوف :بيذبحوني يا عمر شد عليه وبحدة :راضي توطي راس شايبك وتذبح امك على كبر؟؟ راضي اختك تعنس بسببك ؟ الأهم من هذا كله ترضى على اعراض بنات الناس بسبب حفنة فلوس ؟ بايع ضميرك وانسانيتك عشان فلوس ياحقير ؟ عماد حس بفقدان امل وانها النهاية خلاص لين تكلم عمر مرة ثانية وهو مثبت عيونه بعيون عماد ويدور فيها التجاوب :اذا ناوي تبدا من جديد ..وتتغير انا مستعد اساعدك انشد له وهمس :ماقدر..يساوموني باختي ياعمر ارخى يده وقام عنه وهو باقي مثبت عيونه بأسلوب محاصرة : تكلم ..شلون ؟ سحب نفس عميق وهو يناظر عمر بشك انه يكون منهم ويحاول يستدرجه حس فيه عمر بسبب تعامله مع مجرمين ودراسته للطب النفسي : انا ضابط بالمباحث ..لا تخاف مارح اذبحك لازال الشك بعيونه زفر وطلع بوكه وفتح له على بطاقته الأمنية هنا ارتاح عماد وناظر للباب شوي ثم التفت لعمر :توعدني أكون بحمايتكم؟؟ هز راسه عمر عماد:كنت موجه ..اوجه العيال لأماكن الاستراحات والتجمعات هذي ولي نسبة على كل شخص يدخل..ويوم قررت ابدى من جديد واتركهم ..وبديت اسحب نفسي واتعذر من اجتماعاتهم لين امس الليل بعد ماكلمت الوسيط الي بيني وبينهم .. ارخى راسه وناظر بالأرض وهو يحارب غصته من قوة الغبنة :تهجم واحد على بيتنا وتحرش باختي ..صحى البيت من صراخها..و انا اول شخص وصلت لها واكتشفت ان الي تحرش فيها واحد من الموجهين الي معي -بكى ورفع راسه لعمر -قال لي قرصتك اليوم اختك ..بكرا روحك انقهر عمر على اخته:سوى شي بأختك غمض عيونه :لا ..حنا الي سوينا مو هو ..ابوي ضربها وانا اضطريت امثل واضربها معه ثم انهار ابوي علينا و انشد لسالفته وترقب جوابه :؟؟؟ عماد : قالي خذها لاستراحتك وزوجها لأي كلب تشوفه ..هالبنت انا متبري منها ليوم الدين ناظره عمر وفهم ليش كان يناظر للباب ..لأن اخته موجودة بالاستراحة :يعني هالشي الي مانعك من انك تنسحب منهم ؟ هز راسه بإيجاب عمر :اسمع يا عماد ..انت ممكن تنال حكم مخفف في حال توبتك ومساعدتك لنا بكشف هالشبكة القذرة ..و هز راسه بالنفي عماد :انا موجه ..شغلتي اعرف مكان التجمع واوجه القروبات عليه فقط ..بيني وبينهم وسيط وكل الي اعرفه ان الممولين أسماء ثقيلة جداً وحذرين جداً عمر :لا تقاطعني ..انا بكون معك ..بصير موجه مثلك ..اهم شي قاطعه بربكة :..اسفف بس ابي ضمان على سلامة اختي .. رفع له حواجبه :لك الضمان ..بنضم اسمها تحت لجنة حماية الشهود وبنوفر لها جو امن لحتى انتهاء القضية هز راسه بالرفض :لا..مارح اتطمن ..انا اقولك الممولين أسماء ثقيلة ممكن يوصلون بسهولة لمكانها ويذبحونها..عندهم واسطات وعلاقات قوية سكت بحيرة وهو يناظره بحدة ..يبيه يقول الي يبيه عماد توتر وخاف اندفع بالكلام :مارح اساعدك الا اذا تطمنت على اختي عمر :بكلم رؤسائي وارد.. عماد بنفس الاندفاع :ملك عليها وانا بقولك موعد اقرب تجمع الحين انلخم من كلمته :نعم ؟؟ عماد :ايه ..ملك عليها وبوصلك لكل الي تبيه عمر طار عقله :مهبول انت ؟؟ شلون املك عليها ؟؟ شلون توثق فيني وانت ماتعرف مني الا اسمي وعملي فقط ؟؟ ارتبك يوم حس برفض عمر :عمر انا ابي رجال ضميره صاحي ينتبه لها ويخاف الله فيها ..ماهمتني اخلاقك كثر ماهمني انك رجال قبل لا تفكر تأنبني على بنات الناس انبتني على اهلي الي مافكرت فيهم وخنتهم ودمرتهم بنفسي ..تكفى لين اتطمن عليها وينتهي كل شي ثم بكيفك مافكر بكلامه كثر ماتوتر من رفضه للمساعدة ..بكذا الترقية بتروح عليه وكلمته الواثقة عند العميد بتندعس بسرعة ناظر لعماد :انا موافق ..بس بشروط بسرعة هو الثاني :كلها تم عمر :اولاً..تكون متجاوب معنا بكل شي مجرد مانكتشف أي تلاعب بالحقائق اختك طالق ..ثانياً..طول فترة القضية مارح تشوفها او تقرب صوبها لا من قريب ولا من بعيد ومايحق لك تسأل عنها اول ماشوفك تحاول تعرف مكانها فهي طالق ..ثالثاً راح ادخل شبكتكم هذي كشخص يحضر الاحتفالات ومتفاعل فيها ودفيع كاش ويتطور الامر واصير موجه ..راح تدعمني مثل ماقلت اول مجرد ماكتشف خيانتك اختك بتكون طالق هز راسه : تم ..اهم شي تكون بأمان بعيدة عن عالمي هذا """"""""" دخلها داخل غرفة النوم سدحها على السرير وانتبه لعلبة الإسعافات الأولية اخذها وقرب منها كان وجهها احمر من الصياح وفوق جبينها فيه علامة عقال وكدمة بنفسجية واسفل عيونها ازرق غير ان شفايفها متورمة وفي دم متخثر بطرف شفتها غير شعرها الي كان منتف سحب نفس ومنظرها معور قلبه الف ..مجرد مايتخيل شلون تعرضت للضرب ظلم يحس بغضب فتحت عيونها اول ماحست بالمطهر على طرف شفتها ورجفت بألم مسكها يهديها :لا تخافين ..لا تخافين انتي بأمان """""""""""" اهبا صحت الصباح على صوت عبدالباري وهو يصحيها رفعت راسها وناظرته باستغراب عبدالباري :صباح الخير ؟ قومي غسلي وجهك بكلمك بموضوع هزت راسها وقامت بتروح الحمام حست بهدوء غريب بالبيت راحت الحمام غسلت وجهها ورجعت لم عبدالباري :وش فيه وين الناس التفت لها :مشوا لـ تمونة ..بنقعد فيها يومين ثم نمشي الضاير رفعت حواجبها :ولاحد كلمني ولاحد صحاني ؟ عبدالباري :اظن عارفة موقف الحريم منك صح ولا لا هزت راسها :ايه عبدالباري :طيب ..ليش مستغربة انهم مشوا ولا صحوك ماردت عبدالباري تنهد :عبداللطيف مايدري عنك لكن انا ادري باللي صار..السؤال ليش؟ ودق ماردت عليه بعد عبدالباري :لو اعطيتيني جواب مقنع بسامحك ترا نزلت راسها وماردت وقف بيطلع من عندها ودق :انتم مارح توافقون لو دريتوا انها صديقة الكترونية عبدالباري التفت لها وتكتف :لا كنت بسمح لك لكن تعالي هنا ..تتوقعين ليش ماكنا بنسمح لك ؟ كمل وهو يحد صوته :لأنك ماتعرفين اذا كان ولد ولا بنت الي تكلمينها ..ماندري بأيش لاعب عليك فيه ..ولا تحطين ببالك انه اذا كانو الحريم متهمينك بشي ماهو فيك معناه ان حنا يالرجال امعات وبنسمع لهم نزلت راسها :انا اسفة تنهد :هالمرة بعديها لك ..لكن المرة الجاية تأكدي تحطين عندي ولا عند عبداللطيف الخبر الصحيح ودق :ابشر عبدالباري:اسمعي عقابك رفعت راسها بتوتر..خايفة يمنعها من جدتها وهو فهمها ومستحيل يقرب منهم كعقاب :بترجعين معي الضاير..بس بنمرهم بتمونة كم ساعة وبنحرك زفرت براحة وانتبهت لنفسها وسكتت :لمي اغراضك بنمشي طلع من عندها وفزت لجوالها بحماس اتصلت بمعاذ رد عليها بصوت مليان نوم :همممممم ودق:قمممم اسمع عقابي وباقي ماصحصح :وشو ؟ ودق :بنرجع الضاير اليوم ..صحصح لأنك بتجي تاخذني يا حبيبي معاذ :طيب..لا صار بينك وبيت الضاير ساعة صحيني ودق :تمام ..بجهز اغراضي واكلمك لا قربنا لمت اغراضها كلها ونزلت فيها السيارة حطتها بالشنطة بعد مافتحه لها عبدالباري ركبت جمبه وحرك متجه لتمونة ودق :ليه راجع الضاير؟ عبدالباري :عندي شغل ..شدخلك انتي ناظرته بنص عين :باقي زعلان ؟ عبدالباري :مو عشان عاقبتك معناها خلاص .. قاطعته :انا خوالي يعرفون عني كل شي رفع حواجبه بمعنى طيب!! ودق :خابزيني وعاجنيني عدل ومستحيل اخبي عنهم شي..تتوقع ليش؟ مارد عليها ودق :لانهم يعاملوني مثل بنتهم حتى معتز الي اكبر مني بشوي يعاملني وكأني بنته عشان كذا كل مصايبي يعرفونها قبل لا اسويها بس انتم عكسهم تماماً عبدالباري :شلون يعني ودق :اتضايق لما أكون عندكم ..احسني دخيلة محد يبيني ومحد متحملني ونظرات كره تلاحقني تتوقع اني مع كل ردات الأفعال هذي بكون مرتاحة معكم زفر بضيق من حالها :لا يهمونك ..حطي ببالك ان أي احد بيضايقك ففيه عبدالباري وعبداللطيف معك خواتي ايه مو متقبلين كونك بنت الزوجة الثانية لكن هذا مايعني ان عيالهم مايحترمونك مادخل كلامه بمزاجها وسكتت عبدالباري :أي احد يضايقك كلميني هزت راسها بصمت وماردت عليه """""""" تمونة نزلوا بضيافة خوي ابوهم في بيته والي هو اصر عليهم يقعدون عنده بمجلس الحريم كان العنود جالسة وبحضنها بنتها سيرين نايمة وتهز رجولها من القهر حست فيها سمر الي جالسة جمبها :لا تهتمين للسفيه وديق ..منجدك مخلية كلامها يأثر عليك ؟ ناظرتها بغبنة :قهرتني يا سمر والله قهرتني ..تتوقعين قد ايش كنت مخبية عليكم تعامله الزبالة معاي وكرهه لي ..كم لي متحملة العيشة القرف هذي والله مومصبرني الا اني عايشة وعمي وخالتي موجودين ولا كان مت من زمان تنهدت سمر وهي عارفة معاناتها مع اخوها لأن هي بعد تعاني مع سعد ..الفرق ان سعد متحملها عشان رحمة بعيالهم :وش بتسوين الحين العنود :والله لا اعلمها ان الله حق ..صدقيني مارح اتركها تفلت كذا بنت الحرام ..كله كوم والبقرة خولة كوم ثاني سمر :ماعليك منها خولة ..خبلة ماهي فاهمة العنود:فاهمة ولا ماهي فاهمة مارح اكلمها التفتت سمر لنور وحورية الي يسولفون سوا :ابعرف بس لا جت بعد شوي مع عمي وش بتسوي للثنائي الي هناك ..متوعدتهم من امس العنود :جعلها ماتجي شهقت سمر :ياحمارة ابوك معها العنود :خله ..لو ما اجبرني على راكان ماكان عشت بهالنكد كله توترت سمر من العنود الي واضح انها خلاص بايعتها جاتهم خولة وهي ماسكة بيدها تولين بنت سمر :خذي بنتك ابثرتني تبي جوالي سمر اخذتها :ماما تولين وين كنتي انتبهت خولة للعنود وهي قالبة وجهها عنها مافكرت ومشت جلست بمكانها تنرفزت العنود وقامت تجلس قريب من الحريم حتى تلتهي بسوالفهم """"""""""" الضاير فتحت عيونها بتعب يوم حست بالسرير تحتها وبالبطانية مدفيتها حركت عيونها بالغرفة باستغراب وتوتر انفتح الباب ودخل عمر وهو شايل معه كمادات يوم شافها صحت وانتبهت له وتغطت عنه بالبطانية ابتسم :الحمدالله عالسلامة ..ماتشوفين شر همست :من انت ؟ عمر ابتسم :زوجك حست بدوخة:انا مو متزوجة :امس اخوك زوّجنياك ..قالي على طيحتك من الدرج ..ماتشوفين شر مرة ثانية نزلت البطانية بهدوء سواها وزوجها مثل ماقاله ابوه عمر بهدوء :ماعرف اذا قالك عني او لا بس انا انسان ماحب الطلعات والخرجات والمشاوير ..مجرد ما اوديك بيتنا مارح تطلعين منه لين اقولك انا ..انسي اهلك وانسي حياتك الي راحت بلعت غصتها من كلامه وتلفتت بالغرفة :هذا مو البيت؟ هز راسه :لا هذي استراحة اخوياي انصدمت وناظرته برعب فهمها :لا تخافين مو الي ببالك ابد ..مجرد ان عندي إشكاليات بالسكن ماتطمنت ولا واحد بالمية ..حست برجفة بأطرافها وهي تشوف الدنيا شلون جالسة ترمي فيها هنا وهنا وهي ماهي عارفة بأي ذنب هذا كله رجعت جسمها لورا حتى لصقت براس السرير والدموع بعيونها :تكفى لا تخليني اسوي شي مابيه ..انا ماحب ذي الحركات ولا هالطريق تكفى اسوي الي تبيه بس لا تجبرني لف راسه عنها وهو حاس بحرقة على حالها ..تمنى لو عماد يشوف حالها ويحس شوي باحساسه ..هذا وهو مو اخوها انقهر وحن عليها وقف بهدوء وعطاها مفتاح الغرفة :لا تتخيلين خيالات واجد ..انا بطلع وانتي قفلي الباب اذا مو متطمنة -اشرلها على الثلاجة الصغيرة -فيها موية ومشروبات وفوقها كيس بفات واذا تبين شي دقي الباب انا برا- ومشى للباب اول ما سكر الباب ومشى بيروح الصالة سمع صوت المفتاح وقفلتين ورا بعض زفر بضيق وجلس بجمب راكان الي كان غافي ناظره منذر :وش السالفة يا عمر ..اقلقتنا حسان فتح عيونه وقام بسرعة ودف كتف راكان :يلا قل من هذي ووش سوا العميد فرك راكان عيونه وتنحنح :لايكون شرط عليك تعرس على بنته عشان قاطعه عمر :اقولك مناك بس انت وهو – وقف- قوموا اقولكم برا ..اخاف تسمع وقفوا معه لان الفضول ذبحهم خصوصا وهو ماعطاهم جواب ولا كلمهم ابد وكان قاعد عندها طول الوقت طلعوا من الاستراحة وبسرعة التفتوا له راكان :يلا قل عمر تنهد وناظرهم :هذي اخت عماد فتح راكان عيونه :احلف حسان تنرفز :مهبول انت ؟ منذر بطبعه انتظره يبرر عمر بهدوء :اصبر انت وهو خلني اقولك السالفة كلها بعدها احكموا """""""""" وصل عبدالباري وودق لتمونة نزل من السيارة وانتبه لها قاعدة قرب منها واشرلها خير ؟ انزلي فتحت شباكها :مابي ..خلص شغلك وانا انتظرك فهمها ورما لها المفتاح :اوك ..انا الحين جاي ومشى داخل للرجال اخذت جوالها وجلست تطقطق عليه وتدخل هنا وهنا عدت ربع ساعة ثم انتبهت للحريم طلعوا والرجال بعد شافت عبداللطيف وهو يقرب من السيارة ناحيتها :عسى نمتي زين يابعد عيني هزت راسها :الحمدالله عبداللطيف :وراك بترجعين الضاير ؟ ماعجبك الجو هنا ؟ حست بتموت من أسلوبه معها وشلون همه راحتها وخاطرها اكثر من أي شي :والله حاسة بداية انفلونزا قلت ارجع ازين مع عبدالباري لا اعديهم واخرب وناستهم عبداللطيف :افا ؟ انتي تخربين شي انتي؟؟ ودق وهو تترجاه بعيونها :ولا تنسى فيه أطفال وان مرضوا صدق بتخرب الرحلة هز راسه :خلاص الي تشوفين ..بس هاه اول ماترجعين روحي المستوصف وانا بكلم منذر أقوله ودق:ابشر عبداللطي :الرجال الي حنا بضيافته يصير خوي ابونا ..يبينا نروح ارضه الي باخر تمونة ..فشدينا وبنروح له الحين ودق :ماشالله ..تتهنون ان شالله قرب عبدالباري :رائد الي بيرجع بدالي ناظرته ودق باستفهام ؟ عبداللطيف :الرياجيل هنا ملزين وحالفين على عبدالباري يقعد الليلة وهو عنده شغل بالضاير فبينزل بداله رائد وبتروحين معه قربت العنود وهي شايلة سيرين :هذا جدي ياماما شوفيه عبدالباري :طلعتوا كلكم يابنتي ؟ ترا الرجال يحترينا ...انا بحرك خلاص العنود :ايه ..حتى مركبين البزران بالسيارة قبلنا ابتعد عنهم :زين جاهم رائد :مشينا ياودق اخذ عبداللطيف سيرين :بأمان الله انتبه لطريقك لا تسرع نزلت من السيارة :ثواني باخذ شنطتي من ورا رائد :لا خلاص انا اخذها روحي سيارتي العنود باستغراب :وش السالفة عبداللطيف :كان ابوك بيرجع مع ودق الضاير بس لزم عليه الرجال ..ورائد بينزل عنه ويسوي شغله العنود :اها..الله يرجعهم بالسلامة ..بروح اشوف امي ياعمي وراجعة هز راسه عبداللطيف ومشى لم سيارته وهو شايل حفيدته بسرعة ركضت العنود لم أمها الي جاية بتركب سيارة مطلق :يمة يمة ركبت السيارة ورا أمها :دريتي ؟؟ ابوي مارح ينزل الضاير..رائد بينزل مع ودق بداله التفتت لها ام سعد :ليش العنود :يقولون الرجال لزم عليه يقعد ..يمة لا تتركين ودق بنت الحية تروح مع رائد لحالهم ..ماتدرين استغفرالله وش ممكن تـ التفتت لها أمها بنرفزة :بنت !! احترمي نفسك ولدي ماعنده هالحركات ..ودق عمته والولد مملك العنود بقهر :تعرفين ولدك بس ماتعرفين ودق ..ترا العرق دساس يمة ركبت ام فوزية السيارة :وش صاير انتبهت العنود لمطلق جاي للسيارة بسرعة تكلمت :تخيلي رائد هو الي بيرجع ودق الضاير وحدهم !! رفعت صوتها :نعممم ؟؟ -التفتت لأم سعد-بتتركين ولدك يروح مع بنت الـ### ودييقق!!! ام سعد :يا سعاد ولدي انا اعرفه وودق قاطعتها وهي تطلع من السيارة :لا والله مايروحون لحالهم ركب مطلق السيارة :وش فيها عمتي مسكت ام سعد يد مطلق ماتبيه يسمع أفكارهم الوصخة :اسألك بالله ان تحرك وتبعد عن هالمكان بسرعة التفتت العنود بسرعة لسيارة عمها عبداللطيف وشافت عيالها مع الشغالة فارتاحت وهي تناظر بخبث لعمتها الي ماشية ناحية سيارة رائد حط مطلق اصبعه على خشمه :تم ..كم نجلاء عندي حرك السيارة ومشى وهو يسمع امه تتحسب وتستغفر ام فوزية اتصلت بخولة وقالت لها تجي بسرعة مع شنطتها الي بالسيارة ومشت ناحية سيارة رائد بسرعة طلع لها رائد :امري ياعمة ام فوزية بعصبية :مانت رايح لحالك مع بنت ابليس ..بتجي خولة وتنزلون كلكم للضاير ..اما تروح لحالك معها مستحيل استغرب هو :وش قصدك ياعمة جاتهم خولة وهي تسحب شنطتها وبنرفزة :وش صاير ام فوزية :بتنزلين الضاير معهم وتروحين بيت هنادي تقعدين عند لطيفة لين نرجع انتبهت لسيارة ابوها تحرك :ليش؟ ام فوزية :منجدك يالخبلة بتتركين زوجك يرجع مع المعتوهة وديق للضاير؟؟ روحي معهم ناظرت خولة بودق الي بالسيارة :شفيها عمته طلعت ودق من السيارة وهي تحس الشرر بعيونها سكرت الباب بقوة خرشتهم ومشت وهي ماتشوف الدرب ناحية ام فوزية قربت منها ودفتها من كتوفها بقوة :خلاص يا سعاد اكتفيت انا عصبت زيادة ام فوزية :أيا قليلة الادب تمدين يدك صرخت بوجهها :ايه امدها دامك تطولين لسانك على امي وتلمحين علي بالكلام تلفت رائد حوله بإحراج منهم وهم يتهاوشون قدام بيت خوي جدهم شاف السيارات قد مشت ومابقى الا هم وسيارة مؤيد الي فيها عمته ام طارق ام فوزية بعصبية :وانا ما أتكلم كذب امك غوت ابوي وخذته على امي الي توفت من قهرها ..شلون تجرأت بنت ابليس تأخذ رجل متزوج وعندها عيال قدها الا وهي بنت#### وانتي بنتها ماهي بعيدة عليك وينخاف منك صراحة صرخ رائد هنا يوم شاف عمته قامت تخورها :بسس خلاص ناظر بودق :اركبي السيارة ياودق رفع يده واشر لمؤيد يقرب :روحي معهم ياعمتي ..بيمشون عنك ناظرته ام فوزية : ماشية والله يحفظك من شياطين الانس والجن -ومشت عنهم ماردت ودق ومشت ركبت السيارة ناظر بخولة الي تناظرهم بخوف وهي ماسكة شنطتها :بتجين معنا ولالا ناظرته ببلاهة :ها ؟ رفع صوته :اخلصيي بتجين ولالا عطته شنطتها:جاية جاية ومشت بتركب بجمب ودق ورا بس نظرة رائد خلتها تركب قدام اخذ رائد الشنطة وحطها ورا بشنطة السيارة وركب وحرك متجه للضاير وهو معصب من كلام عمته لأخر حد ..مهما صار هي جرحتها قدامه وشككت بأخلاقها واخلاق أمها ومهما كانت أمها فمافي مخلوق يرضى بهالكلام وهالتصرف اللاخلاقي وده يواسيها بس هو اول مرة ينحط بهالموقف والي معجّزه ان ودق ساكتة وماتكلمت من بعد ماصرخ عليها التفتت خولة لها :ودق !! انتي بخير !! رفعت عيونها لها وهزت راسها بهدوء مدت يدها خولة ومسكت يدها وشدت عليها ثم تركتها وعدلت جلستها رائد :بوقف بمحطة ناخذ مسليات للطريق قدامنا خط خولة :تمام ..خل ناخذ عشى بطريقنا بعد رائد :اوكي ودق كانت الأفكار جنونية براسها ..كانت ناوية ترجع اعتبارها ولاعاد تتركهم يتكلمون فيها وفي أمها لكن انسحابها من بعد صرخة رائد موعاجبتها ودها انها نتفت سعاد وخنقتها بيدينها لكن تعرف انها مارح تشفي غليلها مارح تخليها تحس بكمية القهر الي عاشته اليوم حست بخط دموع على خدودها صدمتها مسحت الدموع بقوة وسحبت نفس كل شي يعاكسها قالت مابتتركهم يهينونها لكن اندعس على كرامتها اليوم بدون أي ردة فعل ممكن تريحها قالت مارح تخليهم يكونون سبب دموعها لكنها الحين تنزل بغزارة كتمت بكيتها وهي ماتبيهم يحسون فيها ابد لفت بعيونها تناظر الشباك تحاول تنسى الى ان غفت بدون ماتحس """"""""""" الضاير حسان ناظره :احسن شي سويته انك قطعت التواصل بينها وبين اخوها ..لا تطلع معه وحنا ماندري عمر :لا تخاف ..انا مو هذا الي شاغل بالي يا عيال تثاوب راكان وهو يقاطعه :الحين وين انام ياحمار طنشه عمر وهو يناظر منذر اعقلهم :وين اسكنها هذي ؟ ابيها بعيدة عن الكل بس تكون بأمان منذر :اعرف بحينا فيه سكن بنات تابع للمستشفى العام .. عمر :اييه عارفه ذا بس لا مابيها تختلط بأحد منذر :فيه اجل بالعمارة الي بجمبنا شقق للإيجار ثلاث غرف وحمام شي صغير على قدها وصاحب العمارة لو عرف انك من طرف بيراعيك عمر :اجل كلمه اني بروح له الصبح بكرا اتفاهم معه حسان :طيب انا استأذنكم ..برجع البيت اعتدل راكان بوقته :انا بعد ماشي ابرجع انام عمر اشرلهم :الله معكم منذر اشرلهم والتفت لعمر :العميد طيب وش قال هنا فز :ماكلمته ..الله يذكرك بالشهادة ..بكلمه الحين ضحك على اهم شي نساه :انا ماشي ..فمان الله تركه وركب سيارته راجع البيت رن جواله بنغمة رسالة كانت من ابوراكان تأفف وفتحها "ودق راجعة مع رائد وتراها تعبانة بداية انفلونزا..انتبه لها" رجع الجوال بجيبه وحرك للبيت دخل الشقة :السلام عليكم سمع صوت امه بالصالة :تعال ياولدي انا هنا اتجه لها وقرب منها حب جبينها وجلس بجمبها :شلونك يمة ابتسمت من جيته :الحمدالله بخير ياعيوني انت شلونك منذر :الحمدالله -تلفت حوله – وينهم عيالك ماشوفهم ام معاذ :معاذ نايم من بدري ومعتز نايم توه منذر :ايه ..الا انتي خبريني ناقصك شي تبين شي هزت راسها :ابي سلامتك ياحبيبي حب راسها مرة ثانية وقام :عن اذنك بقوم انام بكرا وراي قومة من الصبح ..عندي شغلة مع عمر ام معاذ : الا شلونه عمر مبطي ماسمعت اخباره منذر :بخير ماعليه الحمدالله ام معاذ :سلم لي عليه وقله هو وحسان اني الجمعة بسوي برياني والله يحيهم الغدا حب راسها مرة ثانية : لا تتعبين نفسك يا حبيبتي ابتسمت :لا تعب ولا شي ان مادلعناك من الي ندلعه ضحك ورجع جلس :ايه مو تدلعين اخوياي معي وكملوها سوالف ونسى منذر نومته وقومته المهمة """"""""""""""" قبل قبل اربع سنوات كانت امه تعبانة والتعب زايد هالمرة وقف عند باب غرفتهم وهو يدقه بجنون يبي العمال الي يحرسونه هو وامه يجي يشوفون حالتها بس محد رد عليه ولا احد جاه حس بإنهيار رجع لها وهو خايف ..من أسبوع انقطعت الموية عن غرفتهم ومن ثلاث أيام خلصت موية الشرب وامه مريضة وهي محتاجة موية نادته بوهن :عقيل قرب منها ومسك يدها الي مدتها ناحيته ومررها على خده وبخوف وقلق :انا هنا يمة ..محد يرد علي يمة هزت راسها : لاتنادي احد خلاص توتر :ليش يمة ..طبتي ؟ ابتسمت بتعب :انا خلاص بروح ..ماقدر اكمل معاك فهم عليها وهز راسه بالنفي : لا يمة تكفين ..لا تتركيني هنا وحدة تكفين همست :اطلع وخذ حقي منه ..اطلع خلهم يعرفون عقيل الجالك مين وارتخت يدها وطاحت صرخ برعب :لا يمة حاول يرفع يدها ويحركها بس ماكان فيه استجابة قرب منها اكثر وهو يتحرك بسرعة ورجفة حاول يفتح عيونها يهزها بس ماتحركت تركها بخوف وبعد عنها يوم استوعب ان هذا هو الموت الي سولفت له عنه ..جلس على الأرض وهو يبكي بخوف يناظر فيها ويغطي وجهه ويصيح مثل الأطفال يقرب منها ويبكي بحضنها شوي ويقوم يصارخ عند الباب شوي لين انهكه هو بعد التعب وانهار جمبها لكن من سوء حظه انهم لحقوا عليه وتركوه يصارع الحياة بسجنه بس هالمرة بلحاله """"""""""" مخرج "فكيفَ أنسى أنا يوماً ملامحهُ؟ وفي ملامحهِ عُمري الذي رحلا" """ رابط صراحة https://www.sarahah.com/messages/use...6-b377cf4ce4e5 | ||||
|
| |
|
12-01-19, 11:33 PM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| 3 مدخل "لا تألفُ الروحُ إلا من يلاطفُها ويهجر القلبُ من يقسو ويجفاهُ فلا وصال لمن بالوصل قد بخلوا ومن تناسى!..فإنّا قد نسيناه" """""""""""" كان واضح لرائد وخولة انها كانت تبكي لين هدت وشافت خولة انها نامت رائد :انا لازم أقول لعمي على سوات عمتي سعاد ..انا انصدمت وماتحملت شلون الضعيفة ذي خولة :لا تسوي شي..الكلام اذا وصل لأبوي صدقني ان عمتي بتنذبح من غير قبلة ..الموضوع مابيوصل لأبوك متفهم وبيراعي كل الأطراف! لا لأبوي الي مايشوف احد غير ودق سكت يفكر خولة :بعدين اذا ودق ما اخذت حقها بنفسها مارح ترتاح انا اقولك ودق فتحت عيونها بهدوء :ممكن يتقفل الموضوع وماحد يتدخل؟ السالفة بيني وبين اختي خولة :شلونك الحين ؟ زفرت :مكتفية خلاص ..رائد شغل شي افتحوا موضوع ثاني ممكن؟ سحب جواله وشبكه بسلك aux :شوووور..وش تبين تسمعين خولة : لاااا ..لا تشغل شي وحنا ماسكين خط ..اخاف اسغفرالله ترك السلك :خوافة جبانة ..افتحي موضوع اشوف يلا خولة ناظرت فيه ثم التفتت لودق :انا ورائد مقررين ننفصل رائد التفت لها بقوة :وت؟؟ ونطت ودق عندها :امانة؟؟ رجعت ناظرت برائد وخولة :ليش المسكين انصدم؟ خولة تنرفزت :وجع رويئد ضحك رائد :سوري ماعرف انك بتقولين لها ودق باستغراب :خير!.. ليش الاريحية هذي خولة :لأننا اتفقنا اننا نكون جست فريند ..يعني لين مانحط حد ودق نست سالفتها من صدمتها فيهم:صراحة من وضعكم الي نشوفه ماتوقعت انكم تبون الانفصال رائد :لأن الفرق اننا متفاهمين خولة :وصراحة مانبي نعيش نفس عيشة إخواننا ..عيشة نكد ودق :طيب؟؟ ليش مانفصلتوا للحين رائد :نتجنب بارتي الطلاق الي بيصير ان تطلقنا حنا ..راكان بيطلق العنود لعيون خولة وسعد بيطلق سمر رد اعتبار للعنود ..يعني بتصير كارثة ودق :طيب !!! مو أساس علاقة راكان بزوجته وسعد بسمر غلط ؟؟ انتم بتساعدونهم ترا ؟ بيتشجعون يعيشون حياتهم بدال الاقفاص الي حاطين انفسهم فيها رائد :صدق انك مهبولة وبايعتها ؟ ترا عبداللطيف وعبدالباري الي تعرفينهم مو نفس الي نعرفهم ..ورب البيت بنتشرد بالشوارع ان سويناها ودق بنرفزة :اوكي بكيفكم ..عيشوا بقهر عشان عبداللطيف وعبدالباري الي كل واحد منهم عاش حياته وخلص يتحكمون فيكم يالبزران ..الحمدالله والشكر خولة :أقول احمدي ربك بس مانتي وحدة من بناتهم مارح يجبرونك ..مالت علينا ..الله يعطينا ربع حبهم لك ودق :قل اعوذ برب الفلق ..اقول انا صغيرة توي 19 بريعان شبابي سكت رائد ومارد وخولة بعد ماتدري ودق ليش تحسست :ادري بتقولون مالهم وجه يزوجون وحدة أمها ### صح ! رائد عصب :ولا جت ببالنا ..لو تلاحظين ان حنا الوحيدين الي واقفين بصفك ..اوكي انا ماعرفك عدل لكن خولة الخوافة الشكاكة تقول انك كويسة ودق :يعني افرح ولا شلون ؟ رائد :ايه افرحي ..يعني اطلق عيال الجالك مو شايفك خطر ماعليك بالباقين ودق بسخرية :طمنتني ياشيخ خولة :ايه لوسمحتي يعني دام الشي ماقلناه لا تتقَوّلينه علينا ودق :وش تشوفوني طيب خولة :وش تبينا نشوفك ؟ العمة البزر الغثيثة رائد :ايه طويلة اللسان واليد ودق :اجل بطلبكم طلب التفت لها رائد :قولي وشو ولو قدرنا عليه .. قاطعته وهي تمد يدها قدام بينهم :نسوي تحالف ..عشان اذا جيت انتقم استثنيكم رائد :شعندها انتقام امرأة ضحكت خولة وحطت يدها :بشرط تقولين لي وش بتسوين ..يمكن اعطيك أفكار رائد :هيه انتي وهي خير يالبزران ناظرته :انت معنا الحين ولالا ضرب يدينهم الاثنين بيده :اتركوا الهبال على جمب انتي وهي وفكروا بالموضوع بجدية -التفت لودق ورجع يناظر قدامه-وش بتسوين صدق؟ ودق بتصريف:ماعلينا ..طيب وش خطتكم للإنفصال ؟ تنهد:بنطلع نتايج تحاليلي اني عقيم ..لي خوي يشتغل بوحدة من المستشفيات بيضبطني ودق :طيب ؟ رائد :وقتها بطلق خولة لاني ماقدر ابني معها عائلة ..وانتظرها تعرس يعني ثم اشوف حياتي انا ودق :شلون صار هذا كله ؟ يعني كذا سبحان الله اتفقتوا ؟ ضحكت خولة :يوووه لا طبعاً ..بعد حرب قررنا نتفق ""قبل سنة"" وقعت ويدها ترجف من الشعور العظيم ..اخيراً تحقق حلمها غطرفوا الحريم واخذوا الكتاب وصلوه لعبداللطيف الي رجعه للمملك كان رائد متضايق لكن يتغصب المجاملة واخذه عبداللطيف للمجلس الجانبي حتى يشوف خولة دخلت خولة وهي مستحية وجلست بعيد شوي انتظر رائد خمس دقايق حتى يجي ابوها لكن واضح انه ماجا ناظرها شلون منزلة راسها حزن عليها :خولة ! رفعت راسها بهدوء ناحيته اما هو وقف وجلس باقرب كرسي لها :انا عارف انك مغصوبة علي مثل مانا مغصوب عليك ..وعارف ان هالشي بيتعبك مستقبلاً ..لكن انا قلت اصارحك من البداية ..انا بعلاقة من ست شهور ومابي افرط باللي احبها بسبب عادات وتقاليد متخلفة حست انها مع كل كلمة يقولها تبهت اكثر وتذبل اكثر ناظرت فيه شلون يتكلم بقهر وحست هي بعد بقهر حست بكرامتها انداست وخافت يلاحظ كتمت كل براكين المشاعر الي حست فيها وحاولت تتظاهر بالعكس بسرعة حطت رجل على رجل :وش السوات طيب رائد :ابيك تدخلين وترفضيني ..وانا بطلع اقولهم مابيها رفعت حواجبها :هذي طريقتك ؟ هز راسه باستغراب :عندك حل غيره ؟ خولة :والله حلك مثل وجهك مع احترامي ..ترا محد بينضر غيري خبل انت ؟؟ رائد :اوكي ..انا اسالك عندك حل غيره ؟ خولة :مشي الأمور مثل ماهي الحين ثم بعدين نفسخ الخطوبة بمشكلة ثاني مو شرط نسوي فضيحة بنفس اليوم :كذا تشوفين ؟ خولة :ايه -وقفت-يلا انا داخلة وقف وراها :انتظري مد يده يصافحها :شكراً لانك كنتي متفهمة داست على قلبها ومدت يدها :ولو حست بقشعريرة اول مالمست دفا يده سحبتها بسرعة وطلعت وهي تسمع غطاريف الحريم ركضت لغرفتها وسكرت الباب وراها رمت نفسها على السرير وصاحت من قلب انقهرت على تعشيم أهلها فيه ..شلون انه هو بيكون فارس احلامها ..وانه مالها غيره وهو ماله غيرها ..شلون حست انه خلاص بيكون لها وانه هو بعد يعرف هالشي لكن ماطلع يعرف شي ابد ودامه مايعرف بإحساسها فبتخليه غصب يعرف """"الوقت الحالي"""" اهبا قربت العنود من ام فوزية :وش صار يا عمة ناظرتها بضيق :لا تخافين أرسلت معهم خولة ..والله ماودي انها تروح بس اني خايفة على اخوك جلست جمبها :ماعليك..خولة كبيرة وفاهمة ماهي بزر ام فوزية تنهدت :والله يا هالودق ماعرف شلون ومتى بتفكنا من شرها ..تصدقين أحيانا يوم اشوف شلون عبداللطيف وعبدالباري مهتمين فيها أقول ساحرتهم !! مو معقولين هالاثنين العنود :يمكن حاسين بالذنب لانهم اعترضوا على جدي بزواجه من أمها ؟ ام فوزية بقهر :مو اقولك أمها راس الفتنة ..هي السبب بموت امي الله يرحمها ومن تالي ضغطنا عليه حتى يفكنا من شرها لكن شرها وصله العنود :والله يا عمة ماينفع معها الا الحيلة ..يمكن ماتبيّن لعمي وابوي حقيقتها لكن من واجبنا نبيّنها حنا لهم ..نعرفها بنت ابليس مو غلط لو كذبنا عليهم في سبيل اننا ندفع شرها صح ولالا هزت راسها :الا والله صادقة يابنتي ..انا بكلم هنادي حتى نشوف وقت ونكلمهم العنود :لا انتبهي ..لا تقولين لأحد ..يمكن بدون مانحس نكشف انفسنا وقتها حتى لو خارتها محد بيصدقنا ام فوزية :ماعليك بنتصرف """"""""""""" قام معاذ بعد مادقت عليه ودق وقالت له انهم قربوا من الضاير بدل ملابسه وطلع الصالة سلم على امه :انا طالع اجيب ودق تبين شي؟ ام معاذ :سلامتك حبيبي ..الله يردكم بالسلامة طلع من البيت واتصل فيها :الوو ودق ودق :هلا ..وينك طلعت ولا باقي ؟ معاذ:ربع ساعة وانا قدام بيتكم ..كم باقي لكم انتم ؟ ودق :صبر..رائد كم باقي ونوصل رائد :مو باقي شي خلاص دخلنا الضاير ودق :حنا بالضاير خلاص معاذ :اوكي سكر منها وطلع ركب سيارته وحرك لبيت ابوراكان وقف قدام الباب وسكر السيارة وطلع جواله يطقطق فيه انتبه لراكان يوقف قدام الباب ويطلع من السيارة ماهتم ومافكر يطلع يسلم عليه لكن راكان تنرفز من وقفته قدام الباب قرب منه وضرب الكبوت بقوة فز معاذ من الضربة وفتح الشباك :خير ان شالله راكان :خير موقف قدام الباب بهالشكل ؟ معاذ :موقف أتصور معه ..انتظر ودق طبعاً راكان :ودق ماهي موجودة ..وش جايبك ؟ معاذ :بتجي بعد شوي راكان :لا جات تعال خذها اما توقف لي بهالشكل ..مو عاجبني معاذ بإستفزاز:عساه ماعجبك ..ماني متحرك لين تجي ودق وورني وش بتسوي راكان رفع حواجبه :واضح مشتهي تتسفر معاذ بتحدي:يلا سفرني رفع جواله ودق على رقم :معك الرائد راكان ..ارسل لي سيارة.. فيه مقيم هنا عليه مخالفة تنرفز معاذ منه وطلع من السيارة سكر الباب بقوة :انت وش تبي الحين ؟ راكان ببرود :ابي تبعد عن البيت لين تجي ودق ثم تعال خذها معاذ :وانا ماني مبعد لين تجي عمتك ..وصل؟ راكان :الحين يوم تقشك السيارة وتتسفر بتعرف اذا وصل ولالا معاذ :اوكي ننتظر وش علينا """عند ودق""" رائد :يعني انزلك عند بيت عمي خولة :انا بكلم راكان اني بالبيت وبيرجع اكيد رائد :لا مافيه دقي عليه اذا كان بالبيت نزلتك ماكان بالبيت بنزلك عند لطيفة رفعت جوالها :اوكي ودق : ورا ماتجين معي عند جدتي ؟ خولة :لا وين ..شكراً ابرجع بيتنا انام مافيني حيل رسميات ودق :اوكي بكيفك رد راكان :نعم خولة :راكان انت بالبيت راكان :ايه نعم خولة :اوكي انا وصلت الضاير ..اشوى انك بالبيت استغرب :انتم رجعتم ؟ وش صاير؟ خولة :لا ودق ورائد بيرجعون فقلت ارجع معاهم الجو هناك مو عاجبني راكان :تعشيتي ؟ خولة :لا باقي راكان :تمام راح اطلب عشا من برا سمعت صوت دورية :انت برا ؟ راكان :ايه ..جايب دورية للكلب معاذ خال ودق خولة انفجعت :وش صاير راكان :ماعليك ..يلا سلام سكرت منه والتفتت لرائد :راكان داق على الدورية !! ودق :وش صاير التفتت لها :عشان خالك معاذ طارت عيونها :نعم ؟ زاد رائد سرعته :ماعليك الحين نوصل ونعرف وش صار توترت ودق قلبها بسرعة رفعت جوالها واتصلت بمنذر الي رد بسرعة :وصلتي الضاير؟ ودق برجفة :راكان طالب الدورية لمعاذ عند بيت عبداللطيف ..تكفى شوفهم فز منذر من مكانه :صاير شي؟ ..معاذ مسوي شي ودق :لا كلمته اني بالطريق وراح لبيت عبداللطيف ينتظرني هناك ..ماعرف اذا سوى شي او لا انا باقي بالطريق منذر :ماعليك انا موجود ..الحين اشوف مشكلته سكرت منه بتوتر ويدينها ترتجف :والله ماعاد اجيكم وعد بس لا يسوي لهم راكان شي ..تكفون حزن رائد عليها فوق زعله على الي صار باهبا كملها راكان بخالها وصلوا للبيت بسرعة قياسية رائد ناظر ودق :خلك بالسيارة انا بشوف وش فيه ..لا تطلعين هزت راسها بتوتر وهي عيونها عليه وهو مكلبش:طيببب بس روحح طلع من السيارة وراح لم راكان الي يتناقش مع العسكري ناظر بمعاذ الي مكلبشينه ومجلسينه على ركبه بالأرض :وش صاير ناظره راكان :قليل المرجلة واقف قدام البيت بدون مايحترم حرمة أهلها رائد :ماعليه ماقلت لك انا اتصلت فيه وقلت له ينتظرني عند الباب ..الغلط علي رفع راكان حواجبه من ترقيعته :وهو غبي مايعرف الأصول؟؟ لو تقوله رح جهنم يروح ؟ رائد :خلاص اعذره الرجال له اهل بهالبيت ومعتبره بيت اهله ولا عمي عبداللطيف له كلام ثاني راكان :يخسي يعتبره بيت اهله رفع راسه معاذ وناظر فيه بحدة :والله انت مايكسر راسك الا منذر راكان تنرفز :كل ### انت ومنذر رائد :خلاص فكه مانت ناقص لجة ..اتركه تكفى -قرب منه وهمس-ودق بالسيارة ان مافكيته بتطلع وتفضحنا..مانت ناقص ابوك بعد يتدخل بالسالفة زفر وناظر للعسكري :خلاص اتركه ينقلع معاذ انقهر من قلبه على المذلة الي شافها ..فك العسكري كلبشاته وضرب تحية لراكان وركب الدوريات ومشى تفل معاذ عند رجله ووقف وبحقد :صدقني ياراكان مارح تعدي بالساهل وقل معاذ ماقالها -ومشى لسيارته طلعت ودق من السيارة بعد ماراحت الدورية ورائد فتح لها الشنطة بالريموت طلعت شنطتها واغراضها وسحبتهم ناحية سيارة معاذ اول ماعدت من عند راكان انتبه لعيونها الي مليانة دموع ونظرتها الحادة له قربت منه :صدقني بخليك تجي تعتذر ..مابسوي اني مستضعفة عند ابوك لكن بجبرك تجيني تعتذر يا كلب نرفزته سبتها ورفع يده بيمدها عليها لكن معاذ فتح لمبات السيارة بوجه راكان وضرب بوري وعلق عليه التفت له ونزل يده :أيا الكلببب وطنشته ودق ومشت للسيارة حطت اغراضها بالشنطة وركبت بجمب معاذ حرك السيارة وشطف من جمبهم عناد التفت لها شافها شلون ترجف وواضح انها كانت تبكي :بنت وش فيك ودق :دق على منذر .. قلت له كل شي قبل شوي رفع جواله :برسله واتس ماعليك سحبت نفس :اوكي معاذ :ليه الصياح الحين ؟ ودق وهي ماهي قادرة تكتم :لأني تعبت من هذي الحياة ..تعبت من الاهل ذولي ..تعبت من نظراتهم لي وسبهم وقذفهم لأمي .. تعبت من كره راكان لكم ..مستعدة اتقبل كل شي الا ان احد يخوفني فيكم مد يده ومسك يدها :ترانا مو بزران ..كبار نقدر نرد عليه ونخارج نفسنا ..انتي بس لاتاخذين دور الوالدة مو لايق سحبت يدها ورجعت تبكي تنهد وترك يدها ومسك الدركسون بيدينه الاثنين وركز على الطريق :مارح اقولك لا تبكين ..ابكي ..بس اوعديني تكون اخر مرة تسمحين لهم يأثرون فيك هزت راسها وهي تبكي من قلبها وكلشي واجعها من جواتها دق منذر على معاذ بهاللحظة ورد عليه :هلا منذر بربكة :وش صاير ؟؟ وش سويت ؟ معا :لا ماعليك ..هذا الدلخ راكان شافني موقف قدام البيت انتظر ودق جاي قولي ليش تنتظر ومايحق لك وانقلع ومن هالكلام طنشته المهم وينادي الدوريات يبيني اتسفر الكلب ..المهم يجي ولد عمه رائد ويرقع السالفة لين فكني الحمار منذر :انا اتفاهم معه الحمار ..وانا مستغرب ليه هاجد عني هالفترة سمع شهقة ودق بين صياحها:شفيها ؟ معاذ:ارتاعت يوم شافتني مكلبش منذر :لافيها شي ..ودق مايبكيها أي شي ..ارجعوا انا انتظركم الحين معاذ :طيب ..سلام سكر منه :والله ياراكان بياكل تبن ودق وبحتها واضحة من صياحها:لا يسوي له شي انا بتفاهم معه معاذ:أقول انطقي انتي وتهديدك النايم التفتت له :انت سمعتني ؟ معاذ:لا بس واضح انه مثل وجهك ..امانة وش قلتي له ودق:مارح اقولك ..بتطقطق علي معاذ :لا والله صدق بقيمه سكتت تفكر اخر شي قالت له:قلت له بخليك تجيني تعتذر غصب عنك ومارح استضعف عند ابوك ..بخليك انت بنفسك تجيني تعتذر انهبل :اسألك بالله قلتي له كذا هزت راسها :ايه معاذ:الله ينكبك ..وش بتسوين عشان تخلينه يعتذر ؟ رفعت جوالها :شف وش بسوي دقت عليه وشبكت جوالها بسلك الـ aux رد وصوته بالسيارة كلها :نعم ودق بثقة :تدري وش صار بأهبا وماقالت لك العنود عنه ؟ راكان ونفسه بخشمه :لا ودق :اها ..مالها وجه واضح غسلت يديها منك راكان :وش صار ؟ ودق :ابد حارشتني وقلت لأمها على مدة يدك عليها تنرفز لأخر حد وصرخ من قلبه :وددددددددددددددددددددققق� �قققققققققق ابتسمت باستهبال :عيونهاا راكان :والله لاذبحك ياحمارة ودق :هدي هدي ..ترا الحريم سكروا على السالفة مايبون ابوك يدري بس تخيل لو قلت له ؟ تخيل لو بس لمحت له راكان عرف انها مسكته من يده الي توجعه :ورب البيت يا وديق ان فتحتي فمك بكلمة ودق :اجل تعرف وش تسوي -وسكرت بوجهه وانفجرت هي ومعاذ ضحك :الله ياخذك يالمجنونة ..بيموت بقهره الحين ودق :احسن يستاهل حلال عليه معا :اهم شي بردتي حرتك ؟ ودق :الحمدالله ..باقي اشوفه يعتذر """"""بيت عبداللطيف""""" رمى الجوال على الأرض بقهر رائد:هد اعصابك ..وش قالت خولة فهمت وبلعت ريقها من الخوف راكان التفت لها :صحيح الي صار بين ودق والعنود ؟ هزت خولة راسها بخوف رائد :وش صار ؟ تكلموا ؟؟ ناظر فيه راكان وصد :سالفة بيني وبين العنود سمعتها ودق وقالتها لأمك رفع حواجبه :ودق ناقلة كلام بينك وبين زوجتك لأمي ؟؟ لا تخلوني ادق عليها تفهمني ! توترت خولة بينما راكان قرر يقوله لانه لو عرف من ودق بتقوم القيامة :السالفة اني ضربت العنود ..وودق انتبهت وقالت لأمك امس والحين تهددني انها تقول لأبوي سكت رائد وهو يناظره بقهر وناظر بخولة :وش الي خلى ودق تقول لأمي ؟ خولة :عشان العنود هي الي حارشت عماتي وخلتهم يروحون لعمي ويقولون له على سالفة ودق وصديقتها رائد :يعني ودق اخذت حقها الحين من العنود -وناظر براكان-وتبي تأخذ حقها منك بنفس السالفة ..اوكي اختي غلطت بحقها بس انت وش سوت لك حتى تمد يدك عليها ؟؟...قلنا عيشتكم نكد قلنا مغصوبين على هالعيشة بس ليش تمد يدك ؟ ترضى امد يدي على خولة بس لأني مابيها !! مارد عليه راكان وتضايق زود وقف رائد : اقولها الحين بوجهك انا مستعد أوقف مع ودق بكل شي تسويه لك .. لانها حتى وهي متضررة من العنود الا انها جالسة تساعدها بدون ماتحس بس اسمح لي رفع راكان عيونه له بيشوف على ايش يسمح له قرب رائد منه وسدد له لكمة قوية على وجهه طيحت راكان على جمبه وهو مو متوقعها ابد شهقت خولة بخوف بينما رائد كمل :هذا اقل رياكشن ممكن اطفي فيه قهري من تعاملك مع اختي..نكست تايم مارح اقصر فيك وطلع برا طلعت خولة ورا رائد :رائد سحب نفس والتفت لها :نعم خولة :لا تسوق وانت معصب رائد :واقعد مع اخوك بنفس المكان ؟ خولة :لا خذلك كريم ولا اوبر تكفى اقفى عنها ومشى :ماعليك مني انتي..اطلعي غرفتك لايحط حرته فيك هزت راسها وقربت سلمت عليه سلم عليها ومشى وطلع من البيت وهو حاس بحرقة بقلبه """""""""" الصباح خرج عمر من الاستراحة متوجه للضاير..يبي يقابل منذر حتى يشوف الشقة واذا ياخذها او لا تلاقى معه عند بيته طلع له منذر وهو لابس بدلته :صباح الخير منذر :هلا صباح النور عمر :اشوفك لابس البدلة؟..وراك محكمة طوى البريهة الي كانت بيده وحطها فوق كتفه :ايه ..وراي شهادة بقضية البنك ..يلا مشينا الرجال ينتظرنا عمر :وينه البيت ؟ اشر له على العمارة الي بجمب عمارتهم :ذي عمر :اوف..بجمبكم مرة منذر :هذا الموجود حس بضيقة :مابيها قريب منكم منذر :شدعوة ؟ عمر :باقي ماتأكدت منها منذر :اخلي ودق تتاكد منها ؟ عمر بسرعة :لااا وين شدعوة ..لا طبعاً ولا تدري عنها ..اقولك ماتاكدت منها منذر :اوكي براحتك عمر :الا انت شفيك ..ريحتك دخان ؟ من مزعلك منذر:ماني جاي الاستراحة هالفترة ..مابي وجهي يقابل وجه السفلة راكان عمر:افا وش صاير ؟ امس كنتم مثل العسل منذر :أي عسل ..الرجال ماسكت عن فراغ ..راح كلبش معاذ يوم وقف عند بيتهم يبي يأخذ ودق ..فجع قلب البنت وارتاح ..ورب البيت ياقهرني بحركته ..جاتنا امس ووجهها اصفر ودخلت تنام ..نفسيتها من اخوانها وعيالهم مثل الزفت وجاه السفلة كملها عليها عمر :ودي اعرف وش الي حارق قلب راكان عليك ..وش الي مخليه مايرتاح الا ويقهرك ؟ منذر :اظنك تذكر أيام الكلية شلون كنت اعلى منه بكل شي ..وحتى شلون اخذت الترقية قبله بعد ماتوظفنا ..هالراكان مارح يرتاح الا اذا شاف نفسه على مني بشي عمر :طيب تنازل لو مرة منذر :مابيه يحس انه خذاها بسهولة ابيه يشيلني من راسه ويفكر شلون ينجح بنفسه ..فالنهاية حنا مانعلب ..حنا شايلين مسؤولة بلد يا عمر عمر :أي والله صدقت وقف منذر قدام الباب ودق الباب وطلع لهم صاحب العمارة :اقلطوا الله يحيكم منذر :لا ياخوك مستعجلين ..نبي نشوف الشقة ونمشي هز راسه صاحب العمارة :طيب ..امشوا معه -صوت لداخل البيت-طلع القهوة ياولد فوق سكر الباب وخذاهم معه للشقة دخلهم :هالشقة ما اخذ عليها كثير يعني 13 الف لكن دامك خوي منذر ومن طرفه فهي لك بعشرة عمر :ماقصرت والله الرجال :مثل ماتشوف اكبر شي الصالة المطبخ امريكي وفيه ثلاث غرف مجلس ومعيشة ونوم وحمامين ..حمام بغرفة النوم وحمام هنا بجمب المجلس ..ومثل ماتشوف مؤثثة لأن قبلكم كان فيها عريس وتوفت زوجته فترك اثاثها للمستأجرين الي بعده عمر :الله يرحمها ويكتب اجرها ..كيف خزان الموية مشترك ؟ الرجال :لا مستقل ..خزان خاص فيك فوقك ..مثل ماتشوف انت العمارة دورين ارضي وأول والسطح فيها الخزانات عمر :حلو نظامك ..لكن غريبة مخليها بـ13 الف الرجال :ثلاث غرف اخذ عليها 17 ولا 18 ليش؟ انا ابي الجيرة الطيبة ولا الفلوس عندي الخير الحمدالله عمر :الحمدالله ..الله يعطيك العافية ويكتب اجرك ..خلاص انا ابي اخذ الشقة ..وابي اكتب العقد الان ..من الاخر ابي استلم المفاتيح واجيب زوجتي الليلة الرجال :على بركة الله ..تفضل معي قبل لا يطلع الولد بالقهوة قرب منذر من عمر وربت على كتفه :منزلٍ مبارك ..انا ماشي اجل دامكم اتفقتوا عمر :تسلم وماتقصر والله """"""""""" صحى من صوت فتحة الباب فز يوم شاف ثلاث عمال داخلين انتبه له العامل :مافي كوف ..هزا بيق بوس يقول جيب هق انتا تلفزيون اشان انتا شوف مباراا شوف سيرس شوف موفي شوف كل شي دخلوا التفلزيون وجلسوا يركبونه قدامه وهو فعلياً جاهل لهالشي الي قدامه جلس بجمبه العامل ومعه الريموت بعد ماركبوه :بيق بوس في قول لي ماما انتا يعلم عربي يقرا يكتب يعلم انقلش يعني انتا معلوم كل شي ماشالله ..اشان كدا انا في يعلم انتا كيف يستخدم هزا رموت اشان انتا شوف ايي شي انتا يبا ناظره عقيل :وش هذا طيب العامل :شوف يا خبيبي ..هزا اسمو تلفزيون انتا يقدر شوف كل شي فيه يقدر يشوف الهرم يقدر يشوف الكئبة يقدر يشوف ناس يلئب كورة وهزا رموت انتا يختار اي شيبا يشوف عقيل :خلاص دريت ..بس شلون كيف اقدر اشوف كل هالاشياء داخل هالشي العامل ناظره بنظرة :انا كيف يئرف ؟؟ هزا نفرات هوا في سوي كزا بئدين في نفرات انده فلوس في يسوي واجد بئدين في نفرات يشتري اشان شوف ..عقيل لا صير دلخ عقيل :اسكت انت الدلخ ..ورني شلون شغله اشوف العامل :مجنون هذا ولد ..تئال شوف شلون انا شغل اشان بئدين مافي ينادي انا اشان شغله عقيل :حسبي الله عليك ..شغله وانت ساكت ..اشوفك انا جلس العامل "زكريا" يعلمه شلون يشغل التلفزيون وشلون يقلب القنوات وأسماء القنوات المعروفة وارقامها ..وسجله إياهم في ورقة وتركه وطلع وقعد عقيل يقلب بهالقنوات لين استقر على سبيستون الي ارتاح لها وجلس يتابعها بفضول """""""""" اهبا عبداللطيف :بكرا نمشي للضاير عبدالباري :وراه عبداللطيف :كلمتني ام طارق تقولي طارق بيرجع الأسبوع الجاي وتبي تجهز له استقبال عبدالباري :خل ترجع هي مع ولدها مؤيد ماتشوفنا مستانسين هنا ؟ عبداللطيف :ودق رجعت متعبها الجو ..ابي ارجع اشوفها واتطمن عليها عبدالباري فاهم إحساس عبداللطيف عدل :خلاص مثل ماتشوف نمشي الصباح حتى نوصل بدري عبداللطيف :شورك بهداية الله عبدالباري : لا تقلق نفسك الحين ..اتصل بمنذر شف اخبارها عبداللطيف :زين ذكرتني فتح جواله بسرعة واتصل فيه ومنذر ماطول رد بسرعة عبداللطيف :السلام عليكم منذر :وعليكم السلام عبداللطيف:شلونها ودق ..ماشفتها ؟ منذر :الا ماخذها معاذ امس عبداللطيف :وشلونها طيب منذر :ماهي بخير طاح قلبه :وش فيها يا منذر منذر :ودق ماهي بخير من تصرفات عيالك ..مادري وش حصل لها عندكم بأهبا لكن يوم رجعت راكان جا وكملها ..اختك يا عبداللطيف ببيت خوالها محفوظة ومحروسة كانك يا اخوها تبي تشوفها وتواصلها فعنواننا معروف ..اما تاخذها عندك ملطشة للرايح والجاي فهذا شي مستحيل اقبله ابد عبداللطيف وهو فاهم نبرته بكلمة "اختك"و"اخوها" :ولا انا مستحيل اقبله ومحذر الكل من الكلمة لا تزعلها ابتسم منذر :الظاهر كلمتك ماهي مسموعة ..اتمنى تتفهم ..اعذرني الحين وسكر منه نزل الجوال بقهر وقام وهو مايشوف الدرب لسيارته """""""" الضاير التفت لودق :راضية الحين ؟ هزت راسها :الحمدالله منذر :الحين سولفي لي وش صار وش قالولك ؟ ودق :مابي أتذكر الي صار ..تكفى لا تذكرني منذر :ابي اعرف عشان اخذ حقك ودق :باخذ حقي لو استقللت بنفسي بعيد عن كل الناس رفع حواجبه :حتى منا ؟ هزت راسها :احميكم انا لما استقل بنفسي ..شفت شلون راكان جالس ياذيكم بسبيي هز راسه :مو انتي السبب ..هالشي بيني وبن راكان من أيام الكلية صدقيني مالك دخل..يعني سواء ابتعدتي ولالا راكان بيظل على نفس حركاته ودق :بتقنعني انه لو معاذ ماجا ياخذني راكان كان بيجي لهنا يحارشه ؟ تنهد :يا ودق هذا سبب عرضي ..انتهز الفرصة الي جاته فقط يعني لو شافه عند إشارة بيحارشه بعد ودق :ماقتنعت..عالعموم هو بيجي يعتذر هاليومين ..صحوني لو كنت نايمة رفع حواجبه :من ؟ ودق بثقة :راكان ماصدقها :اها اوكي ..الله يحيه دخل معتز :صحت كيس النوم التفتت له بفرح :عزعززز اشتقت لك جت بتقوم بس مد يدها ودف وجهها :لا تكلميني شمقت :مالت عليك معتز :والله لين تحطين بصمتي بجوالك مارح اسمع منك شي منذر :شدخل بصمتك بجوالها معتز :لانه اتفقنا اني احط بصمتها بجوالي ووفيت وحطيتها ويوم جيت احط بصمتي انحاشت التفت لها منذر :انتي الغلطانة هنا ودق :هو حذف بصمتي بعدين !! يعني الاتفاق صار باطل معتز :الباطل وجهك منذر :فعلاً الاتفاق صار باطل معتز :بس هي عرفت الباسورد يعني ماتحتاج بصمة سكت منذر يبي يشوف اخرتها ودق انفعلت :يمديك تغيره معتز:مابي عاجبني ودق :بالعقل يعني بدخل اسوي فيه شي مثلاً معتز:حتى انا ..مارح اسوي شي ودق :طيب!! رفع صوته :طيب!! دخلت ام معاذ :قومولي معاذ يا عيال ..خل يقوم يصلي العشا والمغرب منذر :هذا للحين يقيل العصر معتز :ويسحبها للعشا ويقوم معصب بسبب الاحلام الخايسة الي يشوفها وقفت ودق :انا بقوم اصحيه سحبها معتز من قميصها :امشي هنا هاتي جوالك لا تصرفين وقف منذر :خلاص انا بروح اقومه بهاللحظة اندق الباب قام معتز:من !! من ورا الباب :انا راكان استغرب والتفت لودق و امه الي بالصالة :راكان جا !! """""""" جالسة على السرير بارتباك ..ودها تطلع تساله عن كل شي ببالها ..بس خايفة منه جلست تفكر بحياتها باليومين الي راحوا شلون تعذبت عذاب بحياتها مافكرت فيه شلون من بعد مادخل غرفتها ذاك الرجال وصرخت وصوتها مانقطع ودموعها ماتوقفت لين صحت اليوم قدام واحد ثاني يقول انا زوجك شلون الشخص الي المفروض اختاره بعناية وحرص يجيني فجأة ويفرض علي أوامره بدون ماعرفه او اعرف اسمه وقفت ومشت للباب ودقته بهدوء حست ان دقتها ماهي قوية رجعت دقت بقوة سمعت صوته من بعيد :مافي احد اطلعي فتحت الباب بهدوء وطلعت للحمام وقفت قدام المرايا تبي تشوف شكلها الكدمات الي بوجهها وشعرها المنتفش سمعت صوته مرة ثانية :موجود بالحمام شامبو وادخلي وبجيب لك ملابس ..لين يرسل اخوك شنطتك ماردت عليه وهو دخل يجيب لها من ملابسه طلع لها تيشيرت ثقيل شوي وشورت شافه ممكن يجي بطولها وسحب منشفة نظيفة جابها من بيته قبل كم يوم بالحمام كانت تناظر بوجهها شلون تدمرت ملامحها بنظرها بالوان الضرب الي اخذته وشعرها الي تنتف سمعت صوته قريب الباب :شوفي المنشة والملابس هنا ..انا طالع اجيب عشا ..بسكر الباب وارميه من فوق وان رجعت افتحيلي وشوي وتسمع الباب يتسكر حست براحة شوي كونه محترمها لحد الان وما اذاها تروشت ولبست من الملابس الي حطها عند الباب نشفت شعرها ورجعت الغرفة تنشف شعرها بصعوبة بسبب الم وحدة من الكدمات بذراعها طلعت من الغرفة بتتفرج على الاستراحة كانت عبارة عن مجلس كبير بجلسات ارضية فيه التيفي والبلايستشين وسماعات كبيرة ثم مطبخ تحضيري والغرفة الي هي فيها وحمام صغيرون مشت للمجلس وشافت صورة كبيرة بالجدار لخمس رجال من بينهم زوجها الغريب ..كانوا بغرفة فيها دواليب كثير وهم واقفين بجمب بعض لابسين تيشيرتات سودة وبناطيل جيشية واسعة ويبتسمون للكاميرا طلعت للحوش الي كانوا زارعينه وحاطين فيه جلسة أرضية وشبة خارجية لفتها قفص بالركن فيه كلب اول مالمحها جلس ينبح كونها غريبة بنفس الوقت اندق الباب قربت من الباب وهي تدور المفاتيح بالأرض :مين عمر :انا لقتها طايحة بالطرف اخذتها وفتحت الباب بشويش دخل وسكر الباب ناظرها بهدوء كانت مرتبكة ..مد لها الكيس وخلا البباسي بيده :خذي حطيه ..اقرب شي كان ماك ومافيني اروح الضاير اجيب من هناك رفعت راسها :حنا برا الضاير ؟ هز راسه :قلتلك باستراحة اخوياي ..طبيعي نكون برا الضاير مشى داخل ومشت وراه :لوسمحت التفت لها :نعم توترت تسأله عن اسمه بس تشجعت:وش اسمك ابتسم :اسمي عمر وانتي ؟ همست :زين دنق وقر منها :وش؟؟ توترت :اسمي زين دخل داخل :اها ..اوكي يازين ..بعد العشا بكلمك على كم موضوع ..ثم بنمشي لشقتنا الي بالضاير ..تمام ؟ هزت راسها التفت لها :تمام ؟ زين :تمام جلس واشرلها تجلس قدامه تنهدت وهي حاسة بتوتر والتوتر مو راضي يروح حطت الكيس قدامها وجلست فتح الكيس وطلع لها الي طلبه لها وطلع طلبه وجلس ياكل واشرلها تاكل وهي موعاجبها الوضع :ممكن اروح اكل بالغرفة ؟ استغرب :خير؟ ليش؟ سحبت نفس :ماني متعودة كذا بدون مقدمات اقعد مع رجال غريب واتصرف انه عادي وهو مو عادي عندي ابد عمر :بس انا زوجك ؟ زين :اوكي انت فجأة صرت زوجي !! لو سمحت اتركني اتقبل الوضع هز راسه بالرفض :مافيه تبين تاكلين كلي هنا قدامي ماتبين تفضلي الغرفة تنرفزت منه :انقلع انت واكلك وقامت ومشت للغرفة رمش بصدمة من نرفزتها والتفت لها وهي ماشية للغرفة لين رقعت الباب بقوة طنش غصب عنه وده يتعاطف معها بس لازم يثق فيها الأول كمل اكله بهدوء وتركها بجوعها بالغرفة """""""""" مخرج "ضعيف لأجلها , وقوي لمن يمسها بسوء" """"" رابط صراحة https://www.sarahah.com/messages/use...6-b377cf4ce4e5 | ||||
|
| |
|
20-01-19, 08:53 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بدايةً اعتذر على التاخير لظروف واعتذر لان البارتات السابقة كانت قصيرة بنظركم وان شالله من الاسبوع القادم تكون أطول بالشكل المطلوب شاكرة للجميع وممتنة 4 مدخل "-منْ أنت ؟ -أنا الذي لا خيرَ فيهِ وَ أنتم ملائكةُ السماءْ " """"""""" دخّل معتز راكان المجلس وطلب منه يكلم ودق على انفراد ومعتز ماكان يعرف بالاحداث الأخيرة فماعترض دخلت عنده ودق ببرود ووقفت قدامه واتكتفت راكان ناظرها باحتقار :قد تهديدك الي امس ؟ هزت راسها :واكبر منه بعد راكان : يعني حتى لو سفرت معاذ وخلت منذر يبقى طول عمره بالسجن؟ رفعت حواجبها باستفهام :وش قصدك راكان :اظنك تذكرين القضية الي بغا معاذ يروح فيها صح ! وقتها منذر قالكم انه الموضوع تسكر وماقالكم انه سجن شخص ماله ذنب لعيون معاذ فتحت عيونها بصدمة :كذاب راكان :ليش اكذب؟؟ لو ماكفيتينا شرك انا مستعد افتح القضية وابين تلفيق منذر منذر من ورا ودق :افتح القضية ومطلق بياخذها مؤبد انشدت اعصابه من دخلة منذر..كان وده يلعب على ودق بس دخلة منذر خربت عليه منذر:معاذ خرج منها لأنه بريئ والي مرمي الحين بالحبس هو المذنب وانا متأكد من هالشي وتحقيقاتي بالادلة موجودة بالنيابة ..لكن مطلق والي كان هو الراس المدبر شلون خرج منها ماعرف وقف راكان وهو معصب ..جا ناوي يسكت ودق لكنه هو الي تسكت منذر :ودق اطلعي شوي طلعت بدون أي كلمة انتبهت لمعتز يتسمع اشرلها توقف جمبه ووقفوا عند الباب يتسمعون منذر :ممكن اعرف متى راح نحط حد لكل هالخلافات الي بيننا؟ وأتمنى ماتتدخل باهلي كثير لأنهم مالهم دخل راكان : انت امسك ودق عندك وكل شي بيتحسن منذر :ايه ماعليك ..كلمت عبداللطيف وقلت له ان ودق لو يبيها فهي عندنا ..ومستحيل اتركها تحتك بعياله وعيال اخوانه الوقحين رن جواله برقم ابوه رفع عيونه لمنذر :نتفاهم بعدين تركه وطلع من المجلس انتبه لودق واقفة مبتسمة :موكانك نسيت شي انت جاي عشانه مد يده ودفها :انقلعي انتي الثانية شهقت من الدفة بس معتز الي وراها مسكها بسرعة طلع من الشقة ورد على ابوه :سم يبه جاه صوت غريب:صاحب الجوال صارله حادث على طريق الضاير اهبا انفجع :هو بخير؟ :لا تخاف ..عند الدكاترة الحين وان شالله يكون بخير :وينكم فيه ؟ :مستشفى الوليد قبل الضاير بسبعين كيلو ركض ناحية سيارته :انا جايكم الحين سكر منه واتصل على طول بعمه عبدالباري رد عليه :هلا راكان راكان :عمي ..ابوي صارله حادث بطريقه للضاير ..انا متجه له الان أبو سعد طاح قلبه هو الثاني:وش صارله ؟؟ توه كان معنا توقعته بيروح مشوار ..انا ببلغ العيال ونبي نرجع كلنا للضاير وانت طمني عنه راكان : ابشر..بحفظ الرحمن سكر منه ركب سيارته وشخط فيها وهو متوتر """""""" وقف قدام غرفتها :زين ..قومي بنمشي للبيت ..زين فتحت الباب وهي لابسة عبايتها ومتلثمة ناظرها وهو يشوف الكدمة واضحة بلثمتها :غطي وجهك مثل الاوادم ..ناقص يشوفونك الناس ويقولون معنف زوجته ماردت عليه وشالت اللثمة ورمت طرف الشيلة على وجهها طلعوا من الاستراحة وركبوا سيارته وحرك متجه للضاير عمر :جوعانة ؟ هزت راسها بلا عمر :لا تعاندين لانك مابتضرين الا نفسك والله يزن بعناد :انا قلت لك اعطيني وقت اتعود عليك رفع صوته هنا بنرفزة :انا بعد ماتعودت عليك ..رماك اخوك علي فجأة واستحيت ارده لأنه خوي غالي علي..هل طلبت منك اني اتعود عليك؟؟ لا ..حنا ماتزوجنا بالطريقة الطبيعية حتى نعطي بعض مساحة نتعود ..استوعبي رجاءً سكتت وماردت عليه ..زمت على شفاتها وهي تحاول تكتم البكية حس عمر :دامك معاندة ..برجعك بيت اهلك حتى يشوفون لك حل التفت له بخوف :لا ..لا ترجعني تكفى مارد عليها حست بكسرة خاطر التفتت للشباك تسترجع ذاك اليوم المشؤوم من اوله لأخره ناظرت بالطريق الحين هي ترجع لجحيمها من جديد بيتهم الي كان جنة بعيونها اكتشفت بأخر يوم لها فيه انه حفرة من حفر جهنم بعد ما ابوها واخوها جحدوا 19 سنة عاشتها معهم وصدقوا فيها كلام شخص ماشافوه الا من كم دقيقة كيف ابوها تبرى منها وكيف اخوها سحبها وهو يلعنها وكيف أمها بادلت نظرات الاستنجاد بالكره والصد كيف هالناس ماعرفتهم بذاك اليوم وهم أهلها ودمها ولحمها كيف كانوا اقسى عليها من أي مخلوق ثاني دمعت عيونها وهي تتخيل حياتها الجديدة معهم كيف ماعاد بيصبح عليها ابوها كل صبح وكيف مارح تسمع صوت أمها وراها وهي تدعي لها على طلعتها من البيت للجامعة مالحقت تكتم الشهقة الي طلعت من الرعب انتبهت لعمر يتنهد وتذكرت حياتها معه وهو شخص غريب عنها شخص غامض ماتعرف الا اسمه وانه خوي اخوها الخسيس بلعت ريقها وسحبت منديل تمسح دموعها سرقها الوقت لين شافته يوقف قدام بيتهم توترت والتفتت له والتفت لها لمح عيونها من ورا شيلتها الخفيفة وعصب :غطي وجهك مثل الاوادم ..سويه طبقتين هزت راسها وفتحت الباب مد يده وسحب يدها ناحيته ارتاعت وانسحبت له بسرعة لانها حست بالم بيدها بسبب اثار الضرب :اااه عمر ترك يدها ومد جسمه وسحب الباب وسكره :امزح معك ..ماني مرجعك لهالبيت ..بس بناخذ اغراضك وبنمشي التزمت الصمت ..كلمته بانها انرمت عليه ذبحتها رفع جواله ورن على عماد الي بظرف دقيقتين فتح الباب وعلى أوامر عمر له انه يطلع الشنطة برا ويدخل داخل بدون مايلمح السيارة حتى طلع الشنط برا ووقف وهو يناظر السيارة بجمود وناحية عمر بالتحديد طلع له عمر من السيارة بعد مافتح الشنطة ومشى ناحيته سلم عليه ببرود وهمس له :الحين توكل هز راسه ودخل حمّل الشنط بشنطة السيارة وركب وحرك متجه للشقة الجديدة عمر :أتمنى تفكرين بالموضوع هاليومين ..هذي حياة جديدة انحطيتي فيها لا انتي لك ذنب ولا انا لي ذنب ..مضطرين نتعايش لين...-سكت ماعرف هو نفسه لوين بتستمر علاقتهم ..يمكن لين يأخذ الترقية وابوها يفهم غلطه!!- لين الله يكتب همست بتجاهل لسكتته الطويلة :يكون احسن ..ماقدر أعيش مع اهل مافكروا يسمعوني ..ولو فكرنا ننفصل ..اطلب منك تقطني باي مكان مايهمني ..الاهم ما انحط عندهم هز بالإيجاب وركز بطريقه """""""" اول ما وصل الخبر لعبدالباري جمع العيال وخبرهم ..اكد عليهم مايخبرون الحريم لين يوصلون ..وعلى وجه السرعة استعجلهم ومشوا بعد ساعتين راكان كان واقف ينتظرهم برا ..حرفياً كان واقف ينتظرهم وهو ساهي ويتذكر الي صار اول ماراح له دخل وشافه غافي وجبينه مربوط بشاش ويده مجبرة قرب منه وحب راسه ويده وجلس بجمبه فتح عيونه بهدوء وناظره ثواني ثم سكت راكان :انت بخير يبه !! بشرني عنك وش صارلك ؟ همس :اطلع برا استغرب :شدعوة يبه ..اناديلك الدكتور ؟ هز راسه بالم :اقولك اطلع برا ..عيونك لا تنحط بعيوني تفهم ولالا وقف وهو متفاجئ :يبه وش انا مزعلك فيه تكلم ؟ أبو راكان :مابي اشوف احد ..ولا احد ..اطلع برا ياراكان لا تصدع راسي زيادة ..مابي اشوف ولا احد الا اخوي ..تفهم ؟؟ لا يدخل علي الا اخووووي زفر بضيق:ابشر وطلع وهو مستغرب حالته جيته بهالوقت للضاير ..اكيد فيه شي مشغله التفت لسيارة عمه الي وقفت قدامه وسيارات أولاده وراه طلعوا كلهم من السيارات ابوسعد كان مرعوب ووجهه مصفوق على اخوه بالرغم من تطمينة راكان قرب من راكان بسرعة :رح لأمك واختك عقولهم طايرة عليه هز راسه ومشى ناحية السيارة فتحت امه الباب وطلعت : وش فيه ابوك يا راكان قل وش فيه قرب منها وحب راسها :مافيه الا العافية ..كلمت دكتوره قال إصابات طفيفة بس يبون يتأكدون ويتطمنون عليه ترك سعد العيال وقرب منه :متأكد مايبي يشوف احد ؟ التفت له :اكذب عليك الله يهديك؟ هو بنفسه قالي مابي اشوف احد الا اخوي ..حتى انا طردني سمر كانت جالسة ورا :طيب بيطلعونه اليوم ؟ راكان :ان شالله التفت لمطلق الي كان واقف مع مؤيد ويدخن وبيده سبحته الي ماتفارقه تركهم وراح لمه :مطلق تعال معي شوي مشى مطلق وراه ورمى السيجارة ودعسها :امرني يابو ماهر وقف معه على جمب :ابكلمك بموضوع لكنه ممكن يضايقك شوي طلع مسواكه من جيبه :افا!! والله تمون يابو ماهر ..قل ماعليك ناظر بمسواكه وهو يشوف حركاته الخبلة ثم غمض عيونه يبي يجمع الكلام .. حادث ابوه مشتته :ماعرف شلون افاتحك لكن تذكر القضية الي قبل سنتين !! نظراته لراكان الي كانت مندفعة صارت نظرات لا مبالية :قفلها يابو ماهر الا ذالسالفة لا تفتحها ولا تفكر راكان :مطلق ..القضية احتمال تنفتح من جديد ..مابي تصير لي مشاكل من ورا انك ولد عمي مطلق :انت طلعتني منه بريئ وهو الصدق راكان :متأكد يا مطلق ؟ مطلق رفع حواجبه :انت الي متأكد ؟؟ انت الي سعيت بالسالفة وطلعتني لا تنسى توتر راكان من كلامه بينما مطلق قعد يتامله راكان :خل ابوي يقوم بالسلامة ثم ابي افهم منك السالفة عدل ..ان كنت طالع منها الحمدالله وان كنت كلب فبنفسي بسلمك هز راسه بدون اهتمام :امش امش ..واضح خال البقرة لاعب بمخك ..لكن هالبنت حسابها معي عسير استغرب :وش صار ؟ مطلق :ماوصلت لك السالفة الي صارت بينهم ؟ تذكر كلام رائد البارحة :الا تذكرت مطلق :تامر بشي .. اشوف ابوي طلع بروح اشوفه هز راسه بالنفي وتركه يمشي لابوه ناظر لقفاه بحيرة ..حس بالخطر الحين بسبب كلام منذر..حس بالتهور الي سواه يوم شافه طلع معاذ من السالفة وحلف يطلع مطلق """"""""""""" دخل لأخوه وهو يتفحصه بقلق شافه صاحي ويتأمل الشباك التفت له :هلا بعضيدي قرب منه وحب راسه :الحمدالله عالسلامة ..ماتشوف شر ياخوك ..وش صارلك يا عبداللطيف ..وش مزعلك ناظره باخوه :انا تعبت ..مابي شوفة احد ..مابي غيرك انت ..انت الي تعرف وش بلاي ..وش مصيبتي ..والله ياحوبة ابوي ماترحم تنهد :ودق ؟؟ هز راسه :ابوي قبل لا ينجلط من سواتنا ذاك اليوم كان مبلغ عليها وحارق قلبي معيشني بخوف عليها وانا ماعرف عنها شي..وحلفت بعدها اني ما ارحمه ..عبدالباري ابوي حارمني من ضناي ..حارمني افرح ..كيف ما أخاف كيف ما اعصب كيف ما.. قاطعه ابوسعد :كلامن بالماضي نقص بالعقل يا عبداللطف ..حنا عيال اليوم ..اترك كل شي على جمب وافتح صفحة جديدة حس بالدمع الحارقة الي ذرفتها عيونه : ضميري ذابحني يا خوي ..مو مرقدني والله ..واحس الدنيا كلها تعاقبني بودق ..قلبي يتقطع من طاري اسمها بس كيف لا دريت ان ولا احد يبيها وكلهم يأذونها مو مكفيهم أمها ماهي معها همس :انت تدري أمها من ! ماينلامون على بغضهم ولا ينعذرون على تصرفاتهم أبو راكان :وانا ماني ساكت ..بطلع احط حد لكل شي ..وبحاول اصلح خطاي من جديد أبو سعد :صلح خطاك وانا معك بكل شي تسويه ..نذر اني ما اتركك ابوراكان غمض عيونه بشبه راحة:لا خلا ولا عدم ..لا خلا ولا عدم يا عزوتي """""""""""" قبل سنة طقت العنود باب غرفتها ودخلت :خوولة ..حبيب القلب تحت رفعت راسها باستغراب :صدق ؟ ماقالي ؟ العنود :شكله يبي يشوفك على طبيعتك ..خلاص انزلي كذا ..لبسك حلو ناظرت لبسها بنطلون جنز وبلوفر :لا وين بقوم البس شي عدل بسرعة قامت للدولاب وطلعت لها فستان بسيط و نااعم لونه غبار الورد لنص الساق بياقة رسمية واكمام طويلة لبسته ولبست معه شراب وشوز اديداس وشعرها كان مقصوص كاريه يوصل لأكتافها لبست طوق لأن مافيه وقت تسرمكه تعطرت ونزلت وهي تركض وقفت عند المجلس وسحبت نفس عمييق وهي تحاول تنسى يوم الملكة طقت الباب ودخلت كان مشغول بالجوال بس ريحة عطرها خلته يرفع راسه وقف سلم عليها ببرود بدون أي تعبير او ترحيب لجيتها :شلونك جلست قدامه :الحمدالله شلونك انت رائد تردد بالبداية وحست فيه ..ارتاحت تخيلت انه ممكن يعتذر ويقولها انا اسف ولا تشيلين بخاطرك لكن كل خيالاتها تبخرت :اكيد مستغربة ليش جاي بدون ما اخبرك لأن حتى انا ماني مرتب للجية ولاني رايق اتناقش بأي شي مع انه باقي ماقال مصيبته لكنها حست بلسعة كف من كلامه شدت على نفسها وهي تبغا تتماسك من قلبها الا هو ماتبي تنكسر قدامه رائد :مثل ماقلت لك بالملكة ..انا بعلاقة الحين ..ومابيننا اسرار وهي تدري ان هالزواجة مو بإرادتنا ..لكن قلبها مو مرتاح رفع الجوال الي كان بمكالمة من بداية مادخلت ولمحت انه له ساعتين يكلم :شوفيها عالخط ابي ااكد لها ان كل شي تمام ومو مثل ماتتصور خولة :وش أقول يعني ؟ رائد:قولي لها تتطمن تحمحمت وهي تحس غصتها بحلقها مثل الشوكة الي تنغرس وتعور قلبها وكيانها ومشاعرها :تطمني يا... ؟؟عفواً وش اسمها ابتسم رائد :سحر لعنتها من قلبها :تطمني يا سحر .. طموحاتي اكبر من اني ارتبط برائد او افكر فيه ..قريب بتشبعين فيه سمعت صوتها وهي تقول :سواءً فكرتي فيه او لا .. رائد حتى لو كان له منك طفل فقلبه مو ملكه تنرفزت من دلعها :أقول الخلا واقلبي وجهك ..هذا الناقص اخلف منه بعد ..يلا بس مناك عصبت سحر :بنت### بسرعة سكر رائد الخط بوجهها والتفت لخولة بتفاجئ :ماله داعي الغلط خولة بعصبية :دامها عارفة الوضع ليش تهدد ؟ مريضة مو واثقة منك ولا ايش رائد :اوكي انتي اكيد عندك ستريس من الجامعة هالفترة .. مارح اناقشك ..لكن لي كلام معك بخصوص مكانة سحر وكيف تحترميها اذا تكلمت بغض النظر عن اسلوبها استحقرت نفسها انها حبته بيوم من الأيام او لا تزال :رائد تكفى مو رايقة لك ..وهالاشكال تخسي احترمها ..اذا هي نفسها ماهي محترمة كيف تبي مني انا احترام رفع حواجبه :أحاول اسكت لك ..تراك قاعدة تزودينها وقفت وطنشته ومشت طالعة بسرعة البرق قام وراها وسحبها من يدها :خولة ..احترمي نفسك ..سحر مو أي احد التفتت له وسحبت يدها :ولا انا أي احد تركته وطلعت وهي تتحلطم :كلب ..حمار مسوي محامي الدفاع ..الله يقرفه ويقرفها معه بعيشتهم ولا يبارك فيهم دخلت الغرفة ووقفت قدام المرايا تشوف شكلها بيأس :وش الي مو مخليه ينتبه لي ..وش الي مو مخليه يقول منهي سحر عندها ..مصيبة تصيبه اعمى غبي رن جوالها برنة رسايل وانتبهت لاسمه my evry thing هالاسم مسميته هي فيه من قبل لا ينكتب كتابها زارفته من جوال ابوها من دون ماتشوف الرسالة غيرته لـ رائد حاف ثم فكرت تشوفها كانت :انتبهي كيف تتعاملين معي صرخت من قلبها :كررررررررريييييييييييههه� � """"""""""" الوقت الحالي مر أسبوع على اخر الاحداث طلع ابوراكان من المستشفى وماكان يكلم احد ولا يرد على احد وأهله كلهم مستغربين منه وخايفين عليه لايكون الحادث مأثر عليه الا عبدالباري اخوه الي فاهمه عمر اخذ زين للشقة وقرر مايكلمها لين هي بنفسها تطلب منه أي شي وتكسر الحواجز ..وصاروا يتقابلون بس وقت الاكل ..اسبوع كامل عاشوه بصمت رهيب ودق مكملة مع خوالها يطلعون يتمشون ويرجعون ويومهم كله يقضونه سوا طلعات وخرجات ومبسوطين بدون لا ودق تدري عن عبداللطيف شي عقيل الي صار يصحى ويناظر التيفي وان مل طلب يشوف خيوله وان رجع قعد عليه لين ينام """"""""""""" دخل أبو راكان الصالة الي كانو مجتمعين فيها راكان يتقهوى مع امه والعنود تشوف التيفي وخولة على جوالها انتبهوا له يوم وقف على راسهم وتكلم لأول مرة :اليوم بيرجع طارق اجل ؟ ام راكان فرحت على مبادرته :ايه يابعد عيني ..بنروح كلنا للمزرعة امه مسوية له استقبال ابوراكان :وكلمتوا ودق ؟ ام راكان :والله صاحبة العزيمة هنادي وماعرف وماتوقع اصلاً التفت لخولة :دقي على عمتك واسئليها فزت بسرعة ودقت عليها وفتحت سبيكر عشان يسمعها ردت العمة :هلا يبنتي خولة :شلونك عمتي ام طارق :والله متدودهة هنا وهنا اجهزى الأغراض..شوي وبنمشي للمزرعة خولة :الله يقويكم ..ابوي يسألك ياعمة ..ودق كلمتيها ولالا ام طارق :والله لطيفة هي الي تعزم ..واكيد عزمتها لكن ان شالله تكون فطينة وماتجي قرب من خولة وسحب الجوال وبكل حدة:وان ماجت يا هنادي فأنا مانيب جاي انرعبت يوم سمعت صوته عبداللطيف اذا عصب فهذي النهاية بالنسبة لها وبالنسبة لسعاد :تامر امر .. والله لو تبيني اجيبها بنفسي أبو راكان :كلميها وانا الي بمر اخذها ..والله لو ترفض فماتلومين الا نفسك ياهنادي ام طارق :ابشر تركهم وطلع لغرفته بدون مايعبر احد خولة :راح ياعمتي ام طارق :ي حمارة ورا ماقلتي انه عالخط ..روعني والله ضحك راكان :ماحنا بأقل منك ..والله له أسبوع وتوه ينطق ام طارق :الله يعدي هالليلة على خير ..بديت أخاف تخرب الحفلة العنود :دامه اصر على جيتها فانتبهي رمق راكان العنود بحدة وسكتت ام طارق :يلا اجل ..استعجلوا انتم بعد ..ابي نخلص قبل يوصل """"""""" وبظرف ساعة هنادي كلمت بنتها لطيفة ترجع تكلم ودق وتصر على جيتها ودق قامت من النوم على صراخ معاذ :قووومي يا بقرة لطفف تتصل ببسسرررعععةةة فتحت عيونها وسحبت الجوال تناظره معاذ :ردي ياحمارة بسسسررررعععةةة تذكرت انها عزمتها على حفلة رجوع طارق واعتذرت لها باحترام كون لطيفة الوحيدة الي حابتها ومحترمتها وراقية معها ردت :هلا حبي لطف لطيفة :السلام عليكم ..شلونك وش مسوية :الحمدالله طيبة ..انتي وشلونك لطف نط جلس جمبها واشرلها تفتح سبيكر لكنها طنشته بسرعة نط للكومدينة واخذ السماعات وشبك وحدة بأذنه ووحدة باذنها وشبكها بالجوال لطيفة :متصلة ابيك تجين الحفلة ..والله مقدرة اعتذارك بس متحسفة ماتكونين موجودة ..بخاطري كل اهل طارق يكونون موجودين ودق :اسألك بالله طارق يدري بجيتي لكم ..يدري؟ لطيفة :لا ..بس تتوقعين وش ردة فعله يوم يدري انه له خالة صغيرة مثلك ؟؟ والله بيفرح خصوصاً وهو صغير كان يحن على امي تجيب له اخت صغيرة امنيته يختي..ومنها انتي بعد تتعرفين عليه ودق :ماش حركة تحقيق الامنيات مابلعتها لكن صدقيني انتي ماتعرفين حجم المشاكل الي تصير اذا جيت ..يعني انتي وخولة الوحيدين الي وجودي مايضايقكم ..ترا السالفة كرامة يا لطيفة لطيفة :ماحبيت لطيفة منك ..قولي لطف احبها اكثر ابتسمت :اوكي لطف لطيفة :واذا قلت لك اني بكون ظلك وبقعد معك ولا بسمح لأحد يضايقك ابد ..والله ياودق وجودك مايعني لي انا بس ؟ يعني لخالي عبداللطيف بعد ..تدرين انه حالف مايحضر دامك مو حاضرة ؟؟ اساسًا من بعد الحادث اول شي قاله ودق لازم تجي استغربت :أي حادث لطيفة :ماتدرين ؟؟ صارله حادث من أسبوع وهو راجع للضاير دق قلبها بخوف :ليش مادري ليش ماقلتولي لطيفة توترت معها :والله ماعرف انك ماتدرين ..ولا كنت قلت لك ..لا تخافين ماصارله شي مجرد كسر خفيف وفقشة براسه ..والحمدالله سليم الحين ..وترا هو الي بياخذك للمرزعة ..لا تكسرين بخاطره تكفين ودق بزعل :يحسبني زعلانة عليه يا لطف لطيفة :بسيطة بيني له العكس واحضري تنهدت :امري لله بجي لطيفة :صدق !!..اشوى ماكسرتي بخاطري ودق:ماهو لعيونك لطيفة :انقلعي ماتستحين ودق :صدق وحشتيني ..متى تناقشين رسالتك وتفكينا لطيفة :مو باقي شي..الاسبوع الجاي ان شالله ودق :الله يوفقك يارب ويسعدك لطيفة :امين يا قلبي يلا اشوفك ودق :على خير ان شالله سكرت منها وهي تشوف معاذ ذايب ضربت كتفه :عمى وخر خلاص معاذ بحب :مو قادر أتصور لوين بتوصل بذوقها واسلوبها ..ياخي لو تنطق اسمي يمكن انجلط احس مايجي قامت عنه ومشت للحمام :رح فضفض لمعتز مو فاضية لك انا معاذ :أي تضبطي عدل بالله ..لا تسدين نفس البنت ودق صارت قبل لا يبدى مواله:انققققلللللللللللعع� �عععععع """""""""""" بعد ثلاث ساعات يوم حركت كل السيارات للمزرعة اخذ عبداللطيف سيارة راكان وراح فيها حتى يأخذ ودق ..رن عليها رنة وحدة اول ماوصل وسكر دقايق ونزلت من العمارة وركبت بسرعة وحرك بصمت وهي سكتت مالها وجه تسأله عن حاله التفت لها بهدوء ثم كمل يناظر الطريق :ورا ماتسوقين عني ؟..يدي توجعني التفتت له بصدمة :عادي اسوق ؟ هز راسه :ايه شدعوة ؟..مو منذر معلمك السواقة للضرورة القصوى !!-رفع يده- هذي هي الضرورة القصوى الحين ودق :طيب وقف وبسوق عنك ..بس ترا مامعي رخصة وقف علىى جمب :اهم شي تعرفين .. لمحتك قبل كم يوم عند الإشارة تفرفرين ويا خوالك .. يعني واضح حريفة تفشلت وبترجي :الله يخليك لا يدري منذر والله يذبحنا عبداللطيف :انتي بوجهي ماعليك تبادلوا الأماكن وحركت السيارة :صح لطوفي ابتسم على نبرة التودد الي يعرفها :هاه ودق :سامحني ..اهملتك ومادريت عن حادثك ..والله لو كنت ادري كنت بس لفيت الطارة وجيتك ..ولا انت تدري بغلاتك عندي صح ؟ ضحك على مصطلح الطارة :ادري فيك وافية وماتقصرين ..لكن لا تخافين اليوم بحط النقط على الحروف وكل شي بيرجع مكانه الصحيح مافهمته ولا فكرت تفهم :اهم شي انه مو زعلان علي وهذا الأهم """""""""" رجع بدري اليوم للشقة دخل وانتبه لها منسدحة بالصالة على الكنبة وبحضنها صحن فشار ونايمة قرب منها :زيين ..زييين بنت فتحت عيونها بإنزعاج وأول مانتبهت له قامت وتركت الصحن على جمب ومشت بتمشي لغرفتها لكن وقفها وجلس وجلّسها بجمبه حاصرها بيده من ورا واخذ صحن الفشار وخلاه بينهم وهو مازال محاوطها بيده حتى ماتنحاش :وشو الفلم الي كنتي تشوفينه ؟؟ احد يشوف فلم العصرية همست :كان عرضه امس والحين إعادة اكل من الفشار :ايه وش قصته ؟ زين :مادري شوفه وبتعرف عمر :لا ابي اعرف منك عشان أقيم القصة ..مو يطلع خايس واضيع وقتي عليه زين :افتح النت وابحث عنه وبتلقى قصته عمر :لا انتي قوليلي قصته تأففت :ياليل..طيب ممكن توخر يدك عني؟ ماحب سحب يده بهدوء :يلا تكلمي ؟ قامت بسرعة ومشت للغرفة وسكرت الباب بالمفتاح تنهد على حالها واخذ الفشار بحضنه وجلس يناظر الفلم بهدوء وتركها مقهورة بالغرفة على الفلم الي راح عليها """"""""" دق الباب يبي يروح يشوف صقر وامه مل من القعدة فتح له العامل الباب :نأم ؟ عقيل :وخر ابروح اشوف خيولي العامل :سوري عقيل اليوم انتا مايقدر عشان جيران هدا مزرأة يبا يجي وسوي هفلة وهدا بيق بوس يقول مافي يطلأ ابتسم :صدقق ؟؟ اها ..طيب اسمع خورشيد ..انا مرة اشكرك عشان انتا واقف معاي ويساعد انا كثير ابتسم خورشيد بغباوة :مافي قول شكرا هدا انا انتا فريند فرد يدينه عقيل :هق ؟؟ خمه خورشيد وبخفة يد من عقيل سحب مفتاح غرفته من جيبه ورجع دخل :يلا انا يبغا نوم ..مع السلامة خورشيد بغباء وبفرحة :مع السلامة فريند """"""""" وصل عبداللطيف وودق للمزرعة عبداللطيف كان يسولف لها على المزرعتين الي لهم بهالمنطقة بأخر الضاير :المزرعة الأولى هي الي نروحها ونجيها وماعليها خلاف ..اما الثانية فهي اسطبل اكثر من كونها مزرعة وفيها خيول كثيرة تحمست :صدق ؟؟ والخيول لكم ؟ عبداللطيف :لأبوي الله يرحمه ..والحين انا مأجرها لرجل اعمال يعني حتى مايمديك تروحينها ودق :عادي ماتقدر تروح تطمن على خيول ابوي يعني ؟ عبداللطيف :الا بس محدد لي أوقات معينة معه ..ماهي الحين وقفت قدام بوابة المزرعة وفتحوها مجموعة عمال :بيق بوس يجي ..بسرعة بسرعة ويصارخون بحماس وهم يدفون البوابة بقوة ودق :واضح يحبونك ؟ عبدالطيف ابتسم :اسير عليهم كل فترة دخلت بالسيارة ومشت ناحية البيت الي بانينه فيها وقفت عند السيارات الي موقفة :بدق على لطف تجي مد يده :لا لا تدقين عليها ..ابتمشى معك شوي رجعت بالسيارة ريوس :كعابي ولا شلون ابتسم :دامك حركتيها بالسيارة ازين ..خليني اعرفك على المرزعة عدل ..اوريك المحاصيل الي نسترزق منها داست بنزين :يلا يلا ورني ..من زمان ودي اشوفها ابتسم من قلبه على حماسها :بتشوفين كل شي اصبري بس لا تسوين فينا حادث ثاني ضحكت :ماودي اصدمك بس تراي سويقة عبداللطيف ضحك:من الهياتة واضح ودق :بس نفعت بالضرورة القصوى ولالا ؟ عبداللطيف :نفعت نفعت ..المهم شوفي مزرعتنا هذي بدايتها البوابة والبيت ووراه ساعة كبيرة ثم تمتد لحقول كبيرة مرة وعندنا حقلين ..حقل نعناع وحقل نخيلها تشوفينها هناك ..بينما قدام البيت فيه ساحات السيارات ثم حدود المزرعة الثانية الي فيها الاسطبل ودق :ورا ماتودينا لها ؟ مرة بخاطري اشوف الخيل عبداللطيف :تشوفينها بعدين والله مالي خلق ريحتهم ..بس اصبري فترة وأقول للمستأجر اني بروحها واخلي العمال ينظفون الملاحق ونقعد فيها يومين شرايك ؟ ودق :والله ؟..خلاص تمم تمم عبداللطيف ابتسم وجلس يعلمها على الممزرعة وكيف بدوا يفكرون يزرعون فيها وكيف بدوا كلشي حتى كيف استلمها ابوهم بعد صراع مع الورثة دق جواله برقم ام طارق رد بهدوء ام طارق :وينك يابو راكان .. مؤيد عند البوابة عبداللطيف :انا بالمزرعة من فترة ..اخذت ودق امشيها فيها ..خلاص راجعين الحين سكر منها :طارق وصل ..مشينا نرجع ودق :يمة والله طارق يخوفني عبداللطيف :شدعوة ؟؟ انتي شفتيه اصلاً ودق :لا بس اذكر يوم كنا صغار وكنت تجي تاخذني اشوف ابوي كان يضربني ويصارخ علي ..وماشالله خوالي مو مقصرين صاروا يخوفوني فيه وتعقدت منه عبداللطيف :ماعليك الرجال كبر ورجع رافع روسنا ..هجد يوم كبر ودق :الحمدالله زين عبداللطيف :الحين ارجعي للبوابة ..هناك هم ودق :شلون بيحتفلون عبداللطيف :ماعرف والله ..علمي علمك حركت ورجعت ريوس ولفت مرة ثانية راجعة للبوابة ومروا بحدود المزرعة الثانية ناظرتها بفضول شديد من قلبها ودها تروح تشوف الخيول انتبهت للسيارات متحركة ومسوية شكل قوس وكل باب من أبواب السيارات مقفلينه على خمس بالونات هيلوم لونها كحلي والسيارتين الي بالوسط كانت البالونات حروف اسم طارق بالانقلش وكل الرجال برا واقفين داخل القوس وفيه منهم داخلها يضربون بواري بنغمة والحريم يطلون ويصورون من سطح البيت الا امه ولطيفة واقفين مع ابوه قربت منهم مرة ووقفت السيارة على طرف القوس وجلست من داخل السيارة تتفرج عليهم بينما عبداللطيف طلع وراح يوقف بجمبهم دخلت سيارة مؤيد من البوابة ومشت لين قربت منهم ووقفت بالعرض طلع لهم طارق من السيارة وهو لابس بدلة رسمية وروب التخرج مع الكاب وبيده وثقيته مشى لأبوه وحب راسه ويده ونزل لرجوله يحبها وقام له يخمه بقوة والعيال مشتغلين بالبواري غير مطلق الي بطرف القوس الثاني ومشغل لهم شيلة وفاتح باب حتى يوصلهم الصوت قربت منه امه وسلم عليها بحرارة وقربوا خواله سلم عليهم ولطيفة بجمب أمها تصور لين انتبه لها وقرب منها سلم عليها وحب راسها وأول مادخلت امه ولطيفة والرجال مشوا للمجلس تجمعوا عليه العيال يسلمون عليه تورطت ودق بالسيارة حست انهم نسوها وماتبي تطلع وينتبهون لها اما عبداللطيف قعد بعد ماسلم عليه طارق راح سحب يده :امش ابعرفك على وحدة صفر مطلق :اخص ياعمي ..جبت له عروس نغزه رائد :يادلخ بيعرفه على ودق ضحك طارق والتفت لعمه :منهي ودق ؟ سعد :افا..هذا نسانا بالمرة اشوف سكت ثواني ثم تذكر والتفت لخاله :ودق بنتك الصغيرة ؟؟ سكت عبداللطيف وناظره بدون ملامح بينما رائد :يووه هذا شكله بيشوف راكان عمه وسعد جده ..يابوي خالتك خااالتكك الصغيرة سكت طارق وناظر بخاله وابتسم :وينهي تحمحم عبداللطيف وابتسم والتفت للسيارة واشر لودق تطلع فتحت الباب من عند السايق وطلعت مطلق :هذي كانت تسوق ؟ ابتسم عبداللطيف وهو يشوفها تطلع من السيارة :هي الي وصلتني من الضاير سكتوا العيال وهو يناظرون بعض باستغراب ماعدى طارق الي معلق عيونه عليها ودق بالسيارة فكت النقاب وعدلت شكلها بسرعة وعدلت شيلتها وطلعت مشت لمهم وقربت من عبداللطيف وطارق شافت نظرات طارق عادية بس بسبب عقدتها منه كانت متوترة سحبت نفس ومدت يدها :سلام مد يده وناظر بخاله ثم صافحها :وشلونك ودق :الحمدالله بخير ..الحمدالله على السلامة ..رفعت راس امك وابوك طارق :الله يسلمك يارب -وصد عنها بهدوء التفتت لعبداللطيف بأحراج من السلام الغبي :انا داخلة داخل هز راسه بالإيجاب واقفت عنهم ودخلت للحريم تدور بعيونها على لطيفة طارق تم يناظر خاله باستغراب وخاله يبادله النظرات ..بوقت دراسته للماجستير توفى جده ورجعت ودق لهم بعد انقطاع سنوات ..حاس بتشويش بذكرياته من طفولته ..مثل هل ودق بنت خاله ولا خالته ؟ """"""""""""""" عند الحريم ودق محد كلمها ولا اهتم لوجودها ماعدة لطيفة الي شايلته على كفوف الراحة وفوز بنت سعاد تبتسم لها من بعيد لبعيد وبسبب تعامل واهتمام لطيفة ماشالت ودق هم وصارت مبسوطة بقعدتها معهم لين ملت يوم دخلوا الحريم بعد العشا مع البنات وجلسوا يسولفون واندمجت لطيفة معهم طلعت ودق وهي تتسحب بدون مايحسون فيها ..ملت من القعدة بينهم وقررت تطلع تشوف الاسطبل تعدت السيارات ومشت ناحية الحدود وكملت تمشي متجهة للمزرعة دخلت للمزرعة الثانية وتعدت من البوابة حقتها انتبهت للملاحق الي كلمها عنها عبداللطيف واحد منها بابها مفتوح مشت ناحية الاسطبل الي ريحته معلمتها عن مكانه بس حست بحركة غريبة وراها وتوترت يوم حست انه شخص التفتت وصرخت برعب اول ماشافته كان منظره مرعب بالنسبة لها اشهب وله لحية كثيفة وشعره كشة وشكله قذر صرخ هو الثاني معها كونها اول شخص غريب يشوفه رجعت على ورا وهي تصارخ باعلى صوت عندها طلع خورشيد من غرفته الي عند البوابة ومات خوف اول ماشاف عقيل وفيه بنت غريبة معه ركض بسرعة ناحية عقيل لانه انفضح ورئيسهم مبلغهم محد يعرف عن وجود عقيل ابد سحبه وودق خافت زيادة والتفتت تبي ترجع بس كان بوجهها طارق لاحقها من البداية طاح قلبها زيادة يوم شافته معصب """"""""""""" مخرج "يتقاتلُ الضدّان بين أضالعِي عزمُ اليقينِ وحيرةُ المُرتابِ" -يحيى السماوي | ||||
|
| |
|
28-01-19, 01:23 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| صباح الخير.. حاولت اطوله قد ما اقدر وبحاول بالبارت الجاي اطوله زيادة لعيونكم تسعدني توقعاتكم واقتراحاتكم برابط صراحة تحت 5 مدخل "لا تَعبث مع شخصٍ يُقدّر نفسهُ جيدًا" """""""" طلع من الحمامات بعد العشا ووقف يأخذ نفس عميق ..غمض عيونه وهو حاس براحة رجع أخيراً لأرض الوطن حس بحركة خفيفة فتح عيونه وتلفت يمين ويسار لين انتبه لودق لابسة عبايتها ولافة الشيلة على وجهها وتتسحب وتمشي بشويش بشويش حس بالفضول ومشى ناحيتها لكن انتبه انها طلعت من حدود المزرعة استغرب وشك ..لحقها بشويش ..حتى ماتحس فيه شافها دخلت من البوابة ..التفتت لغرافة الحارس شافه غافي..قرب منه ودق بابه بقوة فز خورشيد وطلع له :ايش في طارق :خير؟؟ ليش نايم ؟ ماتشوف الداخلين والطالعين ؟ خورشيد استغرب منه :سير هزا بوابة خلفي ..مافي اهد يطلئ من هنا طارق :حتى لو..والي دخلت تو؟.. ماتنام وتترك شغلـ.. قاطعه صوت الصراخ الي خلاه يلتفت بسرعة ناحية المكان الي راحته ودق وخورشيد تركه وركض هو الثاني لانه سمع صوت صراخ شخص صدمه انتبه لودق تلف وتركض ناحيته بتطلع راح ووقف قدامها وهي تلهث والخوف ماكل قلبها التفتت ورا شافت خورشيد وهو يسحب عقيل للملحق وعقيل يعافره يبيه يتركه ..لين دخله وسكر عليه الباب همس بعصبية :امشي قدامي التفتت له وهي تأخذ أنفاسه :يمة يروع مد يده وسحب طرف قميصها ومشاها قدامه :امشي قدامي اشوف..وش جايبك ابعرف توترت منه ..محد انتبه لها الا هو بالذات :كنت ابروح اشوف الاسطبل طارق رفع حواجبه :على اخر الليل وتتسحبين ؟ فهمت أسلوب التحقيق :عشان عبداللطيف قالي لا تروحين لين يكلم المستأجر بس انا طاقني الحماس ابي اشوف الخيول عقد حواجبه :أي مستأجر ؟ هذي مستحيل تتأجر فيها اسطبل جدي وخيوله تعتبر ثروة تتأجر لمين حست بقلق والتفتت للمزرعة :طيب من الي كان فيها..ليش سحبه ذاك وحبسه بالغرفة فكر طارق بالموضوع ..فعلاً يشكك ناظرها :انتي روحي وانا بشوف الموضوع ودق :لا طبعا بجي اشوف تنرفز :انتي خبلة ؟ وش تجين تشوفين طنشته ومشت راجعة للمزرعة :بروح اشوف يعني بروح اشوف لا تناقشني انهبل من طفاقتها مشى وراها وسحبها :بنتتت بردة فعل سريعة لسحبته لها دفت يده :وررععع وقف يناظرها بصدمة:مجنونة ؟ ماردت عليه وجلست على الأرض :مارح اتحرك """""""""""""" الضاير فتحت الباب الغرفة بتردد وطلت براسها تبي تشوف وضعه ..عادي ولا رايق ولا معصب كان عادي ماسك جواله وفاتح السناب ويسوي سكبات طلعت من الغرفة وقربت منه انتبه لها على طول بس ضروري يطق الثقل وعدم الاهتمام جلست على الكنبة الي بجمبه :لو سمحت ممكن اكلمك ؟ رفع يده :ثواني وكمل يشوف السنابات ويضحك على هذا ويرسلها لخويه ..لين حس انه زودها ورفع عيونه لها كانت جالسة بملل وتناظر بالصالة بتفحص عدل جلسته :ايه ؟؟ وش بغيتي ؟ التفتت له وعدلت جلستها هي بعد :ممكن اكمل جامعة ؟ عقد حواجبه : أتوقع قلت لك بالبداية انك تنسين اهلك وحياتك الي فاتت وظيفتك الحين هالبيت ولا تحلمين تطلعين منه تأففت :لو سمحت عمر ..انا مليت من القعدة لا شغل ولا مشغلة عمر :كلامي مايتغير ..ودامك بتسدين نفسي انقلعي غرفتك على طول فقدت الامل وتنرفزت من كلامه قامت بقهر :ان شالله دايم مسدودة يا كريه مشت للغرفة بعصبية فجأة حست فيه وهو يمسك يدها ويلفها ناحيته ثم يدفها على الجدار ارتاعت من حركته وهو قرب منها بعصبية :اخر مرة تطولين لسانك علي فاهمة ولالا ناظرته بصدمة من حركته ثواني بدون تعابير ثانية ثم جلست على الأرض بخوف وغطت وجهها وجلست تصيح :لا تضربني لااا انا اسفة اخر مرة والله سااامحنيي لاااا تبخرت كل عصبيته بثواني ..نزل لمستواها ومسك يدها ومافارقته نفضتها اول ما لمسها همس برقة :ماني مسوي لك شي..قومي معي قامت بهدوء وهي مرخية راسها وأول ماتركها رفعت راسها ودفته بقوة :غبي -وانحاشت الغرفة سكرت الباب بالمفتاح قفلتين رمش بصدمة من الي صار ..ناظر للمكان الي كانت واقفة فيه وتصيح وتتبكبك ثم ناظر للغرفة المسكرة حس ان عصبيته تدبلت الف بعد حركتها وحتى لا يدخل يغتالها سحب مفاتيحه وبوكه وجواله وطلع من شقة بعد مارقع الباب وراه رمت نفسها على السرير وهي تضحك ماهي مصدقة انها لحقت تهرب منه :اوكي يا سيد عمر..تبيني اتعود عليك غصب ..يلا انت تعود علي """"""""""""" وقف وناظرهم الاثنين بدون ملامح :مافهمت وش تلمحون له طارق :رائد..دقيت عليك لأنك افهم واحد اخرتك تفهي ؟ ودق وهي باقي جالسة عالأرض :ياتنك معناه ان يمكن العمال خاطفين واحد رفع حواجبه :وحابسينه هنا وانتم سبحان الله اكتشفتوه ..خير من أي فيلم طالعين طارق :بتجي معنا ولا لا ؟ من الاخر !! ناظرهم بحيرة وانتبه لطارق يأشر له بعيونه على جواله رفع جواله وشافه كاتب له "ودق مصرة تروح تشوف ..تعال معنا وانتبه لها" ناظر فيه وتنهد ثم التفت لودق :ودق ياماما قومي ارجعي للحريم واتركي .. قاطعته :أقول اهجد ..ياتجي معنا يا تنقلع رائد:ولو صارلك شي؟؟ عمي بيذبحنا انا وطارق على غير قبلة بسببك ودق :انتم متشائمين والله موصاير شي رائد :اوكي امشي قدامي لا تطيرين لا يمين ولا يسار هزت راسها وقامت بسرعة طارق :ولا تصارخين اذا شفتي شي مو ناقصين رُوعة هزت راسها ثاني :طيب رائد :واذا.. قاطعته برفعة صوت :خلااااص مانيب بزرر ناظرها طارق بحدة :بننت رخت صوتها :خلاص اوكي سكت دخلوا من البوابة وبسرعة راحوا لغرفة خورشيد الي كان صاحي ويهوجس مع نفسه ويوم دخلوا عليه الثلاثة انخرش مسك طارق بقوة وسحب قصاصة اظافر قريبة منه وطلع مبردها ورصها برقبته ورائد مثبته قربت منهم ودق وهي تبي تشارك مثلهم وعطته كف ضحك رائد من حركتها :بنت اهجدي طارق :وش اسمك ؟ خورشيد من الخوف خر كل شي:محمد خورشيد خان طارق :طيب يا محمد قاطعه برجفة :خورشيد سير طارق :اوكي يا خورشيد ..من الرجال الي سحبته ودخلته الملحق خورشيد هنا شوي ويصيح يوم سأله :انا مايعرف فيكني بلييز فيكني انا والله انا مايعرف تنرفزت ودق :وشلون ماتعرف وانت ساحبه قدامنا خورشيد :مو انا في يجيب ويحطو هدا بيق بوس هدت تناظره بصدمة ..تذكرت العمال ينادون عبداللطيف بيق بوس :قصدك عبداللطيف؟ طارق هزه بقوة :تكلممم..قصدك رئيس العمال الي هنا ؟ التفت رائد لودق :أي عبداللطيف انتي الثانية قربت منه :تكللم التفت خورشيد لطارق الي مصر انه رئيس العمال ويشد على رقبته :ااايييواا هداا نفر..اسمو رشيد ودق :هات مفتاح الملحق ..نروح نسأله شد طارق زيادة على رقبته :هات المفتاح حرك يده وتركه رائد وطلع لهم المفتاح من جيبه طارق :رائد اقعد معه انت وودق وانا بروح اشوفه واجي ودق ماتكلمت وسكتت رائد وهو ماسكه ومثبته: بسرعة تكفى ..لايحسون بغيبتنا تحرك طارق اخذ المفتاح وراح ودق :اوكي رائد انتبه له انت بعد انا بلحق طارق ناظرها :كنت حاس ان سكوتك وراه شي ..لا تتركيني وياه اقعدي ماردت عليه وطلعت بسرعة ورا طارق الي توجه للملحق وقفت وراه :شوف ذاك الملحق الثاني التفت عليها :ليه جاية طنشته ودق ومشت ناحية الملحق ماسمعت حس طارق لكن اول مالتفتت وراها مالحقت تشوف شي بسبب الضربة القوية الي حستها برقبتها """"""""""" دخل الاستراحة وصفق الباب وراه ودخل داخل انتبه له منذر :وش عندك معصب رمى مفتاحه وجلس :صب لي قهوة بس عدل جلسته وسحب الصينية قدامه واخذ الدلة والفنجان وصب له :سم اخذ الفنجان منه :سم الله عدوك منذر :ايه وش فيك ؟ عمر :يشيخ البلوة الي عندي .. مستفزة ودق تلخها بكف ..ورب البيت حركات بزر منذر كان يناظره وهو كاتم الضحكة ..اول مرة يشوفه يتحلطم بشي غير قضاياه الي ماسكها :كم عمرها ؟ جلس يفكر :بزر ..قالت تبي تكمل جامعة يعني شكلها 19 او 20 مو اكثر منذر :طيب؟؟ خذها على قد عقلها عمر :عجزت ياخي ..لنا أسبوع بنفس الشقة مانتقابل ولا نتكلم ويوم جت تكلمني اليوم عصبتني لدرجة بغيت امد يدي فتح عيونه :انتبه تمد يدك ..البنت مالها غيرك والي جاها يكفيها وزود عمر :اوكي خلاص تهجد اجل وتحترمني ..كبر ابوها انا منذر:وين كبر ابوها ..كلها تسع سنوات عمر :يظل فرق كبير منذر :اجل اسمع ..بخلي ودق تكلمها وتجلس معها ..يمكن اذا حست ان فيه احد معها من نفس عمرها ترتاح عمر :لا وين ..اقولك البنت باقي مو مستأمن لها تبيني اامن على ودق منها ؟ منذر :بكيفك بس اذا يوم طردتك لا تقولي كلم ودق وقتها خلاص سبق السيف العذل عمر تردد :لا اجل اسمع ..انا بفكر فيها واكلمك منذر :طيب ..خصوصاً وودق الحين بتستقر ببيتنا وقايمة طالعة تدور وظيفة رفع حواجبه :حضرة اخوانها مايصرفون عليها ؟ منذر :يصرفون بس ملت من البيت ..ولقيت لها وظيفة بنادي نسائي بالحي عمر :حلو منذر :يصير خلها تكلم مرتك ..يتصادقون ويشتغلون سوا عمر :منذر لازم تفهمني اني ابي احمي البنت من الي ماسكين اخوها ..اروح اورط ودق معها ليش؟؟ منذر :وانا تارك ودق كذا ؟؟ تراي حاط لها الي يراقبونها اذا توظفت هناك خلاص.. والمكان الي ودق موجودة فيه انا مأمنه ولا مستحيل اتركها تروح ترجع كذا عمر ابتسم :انا ان سويت سواتك فما انلام لكن انت ؟ شدعوة مراقبها كنها مستهدفة منذر :لي اعدائي الي استهدفوا اخواني مايستهدفونها هي يعني رفع حواجبه :اعدائك مارح يستهدفون عمتهم منذر :والله يستهدفونها كانك ماتعرفهم عدل عمر :على كُلٍ راح افكر بالموضوع عدل ثم بكلمك اهم شي انسة ودق تكون راضية مب تجي تجننها زود وتمشي منذر :ماعليك من هالناحية عمر :وش سويت مع راكان تنهد :يبي ينبش بقضية عقيل ومطلق رفع حواجبه :ينبش بقضية هو خسران فيها ؟؟ من متى هالتهور منذر:خلصت كل فرصه الي ممكن يستخدمها ضدي ..هالمرة عقله طار صدق عمر :انا الي جالطني انه بعيداً عن خلافاتك معه ..راكان انسان عصامي ماعنده تراخي بوظيفته ..شلون قدر يبرئ مطلق وهو نسبة ادانته 99% منذر:دامي بالسالفة فنسبة التراخي عنده تصك ال500% """""""""" قبل سنة وقفت قدام المرايا تناظر شكلها مسوية سيراميك بشعرها وحاطة ميكب خفيف مبرز ملامحها ولابسة فستان زمردي غامق بأكمام طويلة ويوصل لنص الساق وحزام ذهبي رفيع على الخصر يفصل الفستان من فوق عن التكسيرات السفلية وكعب نود طويل التفتت للتسريحة واخذت دبلتها ولبستها بضيقة ..صارت تحسها تكتمها من بعد اخر موقفين ..نفسها انسدت عنه بعد ماكانت مصرة تعلمه بحبها له بس بعد ماكلمتها سحر كرهتها وكرهته معها اخذت عطرها كوكو شانيل وبخت منه بختين وهي تفكر بجيته الي بعد قطعة شهر ..متأكدة ان اهله حسوا فأرسلوه يرقع خصوصاً واخته العنود زوجة اخوها واكيد حست بتغيرها الفترة الي راحت طلعت من الغرفة وقابلت راكان عند الباب :هلا والله ابتسم راكان :لمن هالكشخة ؟ من زايرك ؟ ابتسمت :رائد تحت ..تعال معي تكفى رفع حواجبه :شدعوة عازمتنا ؟ خولة :تعال معي والله خايفة راكان :كاشخة كل هالكشخة وخايفة ؟ شبتسوين لا استانستي استحت :بتجي معي ولالا الحين ؟ راكان :لا يبه وراي شغل مو فاضي ..بنزل اسلم عليه وامشي تحسفت :لااا راكان !! بليز ..وش أقول للناس اخوي مايدخل معي راكان مل منها :شدخل الناس تقولين لهم..وبعدين واضح عطيتك وجه وش الي اجي معك..بقالة هي انقلعي بس شمقت ونزلت من الدرج بقهر رجعت بتوقف تناظره ببراءة وترجي بس ماتوازنت وطاحت بقوة على الأرض مع انه موباقيلها الا درجتين بس مالحقت تمسك نفسها انخرش راكان من طيحتها نزل بسرعة ونط عندها :خولة !!!! كانت راصة على رجولها ومغمضة عيونها من قوة الألم قرب منها يبي يشوف وجهها :خولة ردي علي ناظرته والدموع خلاص بعيونها :رجوووولييييييييي ناظر رجولها :يمديك تحركينها ولا هزت راسها :تو بغيت احركها حسيت بمووت زفر ورفع صوته :اممم ماااهرر ..امم ماههر بسررعة طلعت العنود من غرفتها باستغراب وطلت عليهم من فوق الدرج :وش فيه انتبهت لخولة طايحة وراكان يصارخ عليها :جيبي عباتها بسسرعةة بسرعة طارت لغرفتها وجابت عبايتها ونزلتها لهم وساعدت خولة تلبسها لكن خولة ماكانت قادرة توقف اصلاً بسبب الألم وبسبب خوفها من ادنى تحريكة لرجلها حاول يفصخ لها الكعب وشالها بسرعة راكان وطلع فيها بينما العنود طارت لأخوها بالمجلس وخبرته وطلع هو الثاني معهم ركب راكان خولة ورا وركب سيارته وشاف رائد طالع وراهم وركب بجمبه وحركوا متجهين للمستشفى خولة كانت منسدحة ومغمضة عيونها من الألم يوم جربت ترفع رجلها فتحت عيونها على صوت رائد :السلام عليكم التفت لها بهدوء :سلامات ..ماتشوفين شر ماردت عليه مالها خلقه اكتفت تعطيه نظرة وتغمض عيونها بمعنى خلاص طيب شافته يسولف مع راكان وطلع جواله من جيبه يكتب على طول جا ببالها انه يكتب لسحر زفرت بضيق من افكارها وصلوا المستشفى ودخلوها الطوارئ كشفوا على رجولها ورائد فعلياً كان مزهرية لأن خولة طول الوقت ناشبة بيد راكان وخايفة وبس تبيه جمبها راكان ماكان منتبه لوضع رائد لأنه متعود على دلع خولة من صغرها اما رائد فصار بجواله يطقطق فيه ويسولف مع سحر باللي صاير سوت اشعة برجولها واخذوها بالكرسي المتحرك لمكتب الدكتور الدكتور :شعر بالكاحل.. خفيف ان شالله اهم شي تمشين على الادوية الي بوصفها لك وترتاحين ماتتعبين نفسك ولا تجهدينها وبحط لك حالياً رباط ضاغط تستمرين عليه أسبوعين مع الراحة وانتبهي تلبسين كعب ..هالفترة البسي شوزات طبية وبكتب لك إجازة هالاسبوع كانت كل مالدكتور يتكلم أي حركة يسويها رائد تركز معه قاهرها هو وجواله ودها تكسره فوق راسه ..منتبهة له وهو يسجل كل شي يصير لست الحسن والدلال الدكتور :والف سلامة عليك وقف راكان وسحب كرسيها معه :الله يعطيك العافية يا دكتور ..فرصة سعيدة اخذ رائد وصفة العلاج ومشى معه :راكان انت ودها السيارة وانا بمر الصيدلية اخذ العلاجات راكان :لا تأخذ من هالصيدليات الي برا ..انا اعرف صيدلية كويسة هنا بحينا رائد استغرب:مافهمت ؟ راكان :مانتبهت اني طلبت نسخة ثانية من الاشعة ؟ بوريها الصيدلي الي اعرفه وبيوصف علاجات ..ان كانت نفسها الي وصفها الدكتور كويس والحمدالله وان كانت غير فناخذ الي بيوصفها الصيدلي ..قل ليش؟ رائد مثل البزران :ليش؟ راكان بفلسفة :لان شركات الادوية أحيانا تتعاقد مع الدكاترة على منتجاتها وعلى نسبة معينة من المكسب فأحيانا تكون الادوية تسبب مضاعفات واحيانا ماتفيد المريض واحيانا مايحتاجها المريض اصلاً رفع رائد حواجبه :عجيب ؟ وشلون عرفت راكان :كانت عندنا قضية فساد لمسؤول ..وهالمسؤول وكيل حصري لشركة ادوية غير معروفة وتصريحهم من هيئة الدواء والغذاء كان مزور..اكتشفنا انه متعاقد مع كم دكتور باسم مؤسسته عشان يصرفون العلاجات لمرضاهم مقابل نسبة ..طبعاً اعتقلناه وكل طبيب تعاقد معه تعاقب بعد ماتواصلنا مع المرضى الي انوصفت لهم العلاجات رائد :طيب الشركات ليش ماتتعاقد مع الصيادلة كونهم هم الي يبيعون العلاجات راكان :لأن الوصفة تجي دائماً من الدكتور عكس الصيدلي الي يمكن مانروح نستشيره الا اذا كانت معنا انفلونزا او برد ..بينما الصيدلي دكتور بنفسه واحيانا وصفته للعلاج تجي ادق رائد :طيب بكذا بيجيني خوف استشير دكتور وراح افضل اروح لصيدلي راكان :يا ابني حنا جهاز المباحث ليش موجودين ؟؟ حتى نكشف هالاشخاص وحقك موضايع بوجود القانون ..خصوصاً والعقوبات بشأن منتحلي الشخصية قوية ورادع قوي لهم ..توكل على رب العالمين انت بأمان ابتسم بخفة :والله معلومة جديدة..افادتني راكان :شكرًا سمعتني ..من صارت القضية وهي قاعدة بقلبي انتظر الفرصة الي اقولها فيه خولة :اشكرني طحت وساعدتك تقولها راكان :مشكورة ..ذكريني بس اشكر الدرج بطريقي طلعوا لين السيارة وساعدها رائد تركب ورا وركب راكان ورائد وحركوا راجعين للبيت واكيد بعد مايمرون صيدلية طلعها راكان لغرفتها بعد مارجعوا ورائد وعدها يجيها بكرا مرة ثانية انسدحت على السرير بتعب وانتبهت لجوالها يرن اخذته وشافته رقم غريب ردت :الو جاها صوت ماعرفته بالبداية :الووو استغربت :مين معي ؟ :معاك سحر رفعت حواجبها :وت ؟ سحر :الحمدالله عالسلامة ..بس ترا هالحركات معروفة خولة استغربت :أي حركات ؟ سحر :بتقنعيني انك مالقيتي تطيحين الا يوم جاك رائد ؟ رفعت ضغطها :سوري سحر انا ما اكلم ناس سطحية مثلك سكرت بوجهها وبلكت رقمها وعلى طول دقت على رائد الي رد باستغراب :هلا خولة :لوسمحت رائد امسك بقرتك عني ..من عطاك اذن تعطيها رقمي ؟؟ اقسم بايات الله اني بالقوة بالعافية متحملة الم رجلي لا تخليني أقول لراكان عن هالسحر اخليه يطلعها من رقمها يعلمها شلون تتصل وتنافخ رائد سكت ثواني :اول شي ماعطيتها رقمك واضح هي خذته ثاني شي انا بتفاهم معها ماله داعي تدخلين احد من برا .ثالث شي بكرا ابجي وابي نتفاهم عدل عن وضعنا لأنه موعاجبني ..خصوصاً تهميشك لي اليوم بالمستشفى لكني سكت لأنك تعبانة ومتوجعة خولة :انا صراحة للحين ماني مستوعبة بأي علاقة تافهة دخلت ..توقعت نكون متفاهمين حتى لو مانبي بعض ..غلطت كثيير يوم دخّلت السحلية بيننا مارد عليها وسكر بوجهها وهي رمت الجوال بعيد عنها وقلبت ظهرها للجهة الثانية ونامت ..بميكبها السايح وبفستانها من التعب """""""""" الوقت الحالي فتحت عيونها وهي تحس بوجع براسها تلفتت حولها لقت طارق بيمينها ورائد بشمالها واثنينهم طايحين ومغمى عليهم فزت من مكانها :يممة ..طارق طااارق رااائد ..ولد انت وهو قربت من رائد وهزته بقوة فتح عيونه وناظرها باستغراب وطارق قام هو الثاني يناظرهم :وش صار ودق بقلق :ماعرفف..فجأة صحيت لقيتنا هنا فز رائد بروعة :اعوذ بالله من الشيطان الرحيم !!.وش صار I can,t remember anything طارق شبك خط معه :yes it,s a problem-مشى ناحية بوابة المزرعة الي كانو فيها -I think we can do this رائد وقف وترنح شوي لكن مشى وراه :what?? طارق وقف عند باب غرفة خورشيد ودق الباب بقوة لحقتهم بسرعة ودق :أقول لو نكلم عبداللطيف يشوف الوضع الي صاير هنا ..مو طبيعي الي صار انفتح الباب وطلع خورشيد ومعه ثلاث عمال معهم عصي خورشيد :سوري سير..هزا مكان ممنوع دخول أيُ اهد ..خلاس روهِ ناظره طارق من فوق لتحت : where is your big boss?? I want to talk to hem ? خورشيد انبسط انه بيقدر يتفاهم معه بلغة يعرفونها اثنينهم:not here now..maybe after two days طارق:I want his phone number رائد :and whats his name? خورشيد :sorry ..i don,t know ودق :كذاب تعرف بس ماتبي تقول يا نصاب خورشيد :انا مايبغا يتكلم معك ودق : لا تكفى رائد :ودق بليز ؟ سكتت والتفتت تناظر للملحق خورشيد :خلاس انا مايبغا يتكلم مع ايُ اهد ..روه الله معاك مارد عليه طارق والتفت لرائد :وش السوات الحين ؟ ودق :نكلم عبداللطيف ناظرها طارق بقوة :انتي مجنونة ؟؟ تبين تذبحين الرجال ؟ رائد :تعالو..كم صارلنا هنا ؟ ناظرت ودق بساعتها :يمكن ساعتين كذا رائد رفع جواله :لأن عمي مجمع الكل يبي يتكلم بموضوع مهم ودق استغربت :صح كانه قال انه يبي يحط النقط على الحروف ؟ رائد :الله يستر ..امشي بسرعة مشى معهم طارق :وش صاير؟؟ رائد :فيه مشاكل حاليًا بالعائلة..اتوقع ان عمي خلاص يبي يقفلها للأبد طارق :وش هالمشاكل ..بين مين ومين ؟ رائد :مارح تصدق بس بين كل العايلة وبين ودق رفع حواجبه :ليش؟؟ ودق :قههر ..اكيد بنتهاوش ونرجع وانا باقي ماعرفت سالفة الولد الي هناك رائد رد على طارق:من جات ودق قبل ثلاث سنين وفيه مشاكل ..بسبب أمها وجدتي كونها زوجة ثانية ومعرفة جدتي بالسالفة صدمتها وادت لوفاتها طارق :هو معهم حق يبغضونها بس مايصيرون اوفر..اتمنى انهم ماصاروا اوفر رائد :للأسف صاروا التفت طارق لودق :وانتي دامك تدرين ان فيه مشاكل ورا ماخذيتي ورثك ومشيتي؟ ناظرتهم باستغراب :انا لي ورث ؟ رفع طارق حواجبه وناظر برائد :ماتدري؟ رائد :wait .. حتى انا مادري طارق :هالمزرعتين ياحلوين لودق قطبت حواجبها :شدعوة ؟ هي حلال ابوي كله طارق :يوم جيت للعزا سمعت خالي عبداللطيف يقول ان جدي كتب عقد بيع وشرا للمزرعتين وخلاها بإسمك ..يعني الورث الوحيد الي كان لأمي وخوالي هي العمارة الي بحي الصافين وقفت فجأة وناظرت بطارق باستغراب :متأكد؟؟ ليش مادري انا طارق :ماعرف صراحة ..اسأليهم ليش مخبين عليك هالمعلومة رائد :اول مرة اسمع ..حتى أبوي ماقد طرى لنا طارق :مو ساكتين عن هالسالفة ومخبينها الا لأن وراها سالفة كبيرة ..ولا ليش للحين ماطلبوا من ودق ترجع لهم المرزعتين هذا وهم بالأساس ياكلون ويشربون من خير محاصيلها وهي حق مشروع لودق؟ قلبها قرصها للحظة ..خافت تنصدم بأخوانها:ممكن تتقفل السالفة ..مابي اسمع زود طارق ماهتم لنبرتها : توقعت اني لا جيت مابكون شايفك هنا وقفت والتفتت له :وش تقصد ؟ طارق :اقصد اني توقعت عدم تواجدك بس لانك مزعجة وغبية ..امك ذبحت جدتي وانتي بكل قوة عين جاية قدام عيالها وتتمخطرين ..تتصنعين الضعف وانت سوسة على امك ..تحسبين انك ماخذة قلوب خوالي وهم بالأساس كارهينك ومو مسكتهم الا هالمزرعتين الي بيدك كان يتكلم وعيونه الباردة بعيونها المصدومة رائد ثالث مرة ينحط بموقف ضد ودق وهالمرة من اكثر شخص هو يحترمه ويحسه قدوته ..انلجم من كلامه وماقدر يرد طارق :لا تفهمين غلط ..بس توقعتك ذكية وماتوقفين بمكان مو مكانك ودق ماسوت شي ولا ردت عليه ومشت ناحية المرزعة كمل طارق طريقه بهدوء بجمب رائد الي ماتكلم ولا علق وصلوا المزرعة ودخلوا بيت الشعر الي مجتمعين فيه كلهم عبداللطيف أبو راكان بصدر المجلس وبجمبه اخوه عبدالباري وخواتهم سعاد وهنادي ..وباقي البنات بيمينهم والعيال بيسارهم دخلت ودق وجلست ناحية البنات بينما طارق ورائد جلسوا عند العيال عبداللطيف ناظر بودق :شلونك ودق ..ان شالله استانستي هزت راسها بشرود :الحمدالله ابوراكان :الحمدالله التفت لأخوه :انا من صار الحادث ماتكلمت مع احد من العايلة لأني شايل بقلبي وشاره على الكل ..اتوقع بأول يوم جات فيه ودق قلت انها اختنا الصغيرة وعمتكم الصغيرة ..واجب عليكم كلكم احترامها لانها من دمنا ولحمنا ..لكن انتم كل الي نفذتوه كان العكس ام طارق بكره واضح من نبرتها :الحب والكره من الله ..مو بإيدنا هالشي ام فوزية :أي والله ..هالقليب ماتقدر تجبره على شي مايحس فيه وعلى انسان ماتبلعه عبداللطيف :حتى لو الانسان هذا وصية الوالد؟ سكتوا ومحد رد ودق كانت تناظر شلون عبداللطيف يتكلم وكلام طارق يرن بعقلها ..كيف يأنبهم على كرههم لها وهو بنفسه كارهها ..التفتت لطارق وشافته على جواله يطقطق فيه بملل طلعت جوالها من جيبها وارسلت لمنذر اللوكيشن وكتبت فيه :تعال خذني يا خالي كمل أبو راكان :ودق سواء حبيتوها او كرهتوها فهي اختكم طرق وعمتكم طرق ومحد له حق يعترض مثل ما انا ابوكم طرق وخالكم وعمكم طرق احترامكم لودق مثل احترامكم لي ..وهالشي ما اطلبه انا من طيب خاطر منكم لا..غصب على الكل ناظرت بطارق الي كاتم ضحكته ..نرفزها حسته يستهزئ بكلام خاله ! بنفس الوقت وزعت نظراتها على الكل وشافت الضيقة شلون بوجيههم بعد ماكانوا مبسوطين قبل ساعات ويحتفلون وهم مستانسين برجعة طارق وبجمعتهم ..كرهت هالشي بنفسها :عبداللطيف التفت لها :سمي ابوي ودق :سم الله عدوك ..بعد شوي بيجيني خالي ياخذني .. كنت بس ابقول اني مابي اغصب احد على الاحترام دام سواده الداخلي طاغي عليه لدرجة انه يحتاج لشخص يقوّمه غير نفسه..كلنا واعين ونعرف شلون نتصرف كبشر بدون تذكير من احد لكن دام هالشي معدوم هنا انا انسحب عدل عبدالباري جلسته بصدمة من كلامها :افا يا ذالعلم ..وش هالكلام الكبير الي تقولينه عبداللطيف كان عاذرها وقلبه معوره على كلامها الي المفروض وحدة بعمرها ماتقوله هنادي وسعاد يسمعون وهم ودهم يذبحونها بس مسكتينهم إخوانهم ودق :وأتمنى أي أوراق تنازل تحتاجون اني اوقعها انا جاهزة ..ابداً ماكان يحتاج منكم الموضوع ثلاث سنوات والواضح انه زود استغرب عبداللطيف من كلمتها :أوراق تنازل ايش؟ عبدالباري التفت لطارق الي يناظر ودق بتركيز مع كلامها وفهم انه هو الي خبرها ودق :أوراق تنازل عن هالمزرعتين ! عبداللطيف :انا ماعرف شلون عرفتي..لكن هالمزرعتين حقك وابوي ماخلاها لك الا وهو يبي يعوضك عن السنوات الي عشتيها بدونه عبدالباري :وحنا مانطالبك فيها ابد ..وكل الي نطلع منه من ورا هالمحاصيل موجود بالبنك ..كان شرط ابوي الوحيد انك تتزوجين وتستلمينه وقتها عبداللطيف :غلطنا اننا ما تكلمنا معك بهالخصوص لكن دامك سمعتيه من غيرنا فاتمنى ان نيته ماهي تخريب ناظرت بطارق الي يترقب ردها وناظرت باخوانها وهي عاجزة تعرف صدقهم من كذبهم :بس يظل بالنهاية اني مو بحاجتها ..انتم وراكم مسؤوليات عكسي انا .. عبداللطيف :قفلي الموضوع لأنه مو مهم وانا واخواني مارح نمد يدنا على ولا نص ريال من حلالك ..وصلك الكلام ؟ ماردت ونزلت عيونها للجوال وهي تشوف رد منذر :بلمح البصر ياعيني ابتسمت بخفة ورفعت راسها لهم :وصل ..واتمنى يوصلكم كلامي انا بعد ..ثلاث سنوات عشتها بإهانات لعيونكم انتم الاثنين أتوقع تكفي وتوفي ..افضّل من الحين ارجع للبيت الي انولدت فيه ومع ناسي وانتم مع ناسكم عبداللطيف بالرغم من انه مايطيق بعدها لكنه وافقها :الي تشوفينه ..لكن لاتقطعينا ابد ..تعرفين هزت راسها :الظفر مايطلع من اللحم وانتم اخواني وماستغني عنكم ابتسم لها والتفت لعبدالباري براحة طارق :صح خالي ..منهو الي مستأجر المرزعة الثانية ؟؟ رحت ابشوف خيول جدي لكن منعنا الحارس التفت له عبداللطيف :انت ومن ؟ طارق :انا ورائد وودق ناظر ودق بعتب وتفشلت هي :ماقلتي لهم انه فيها مستأجر ؟ ام طارق استغربت:أي مستأجر ؟؟ من متى تأجرت المزرعة ؟ ابوي بحياته ما كان يأجرها زفر :جا خوي لابوي من دولة ثانية.. يبي يشارك بخيله بالسباق الي هنا وعطاني عقد باسم ابوي يقول فيه انه يحق له يجي بأي وقت ويستأجر المزرعة مدة سنة حست بالندم لأنها شكت وسوت دراما براسها :ترا يوم رحنا هناك شفنا واحد وضعه مشكوك فيه طارق :كأنه مخطوف..مسكوه العمال وسحبوه معهم وشكينا بوضعه لكن مامدانا نعرف وش سالفته عبداللطيف تنرفز بس مابيّن :هذا ولده ..قالي عنه انه مخبول وعقله ماهو معه ..مطلعينه قبل فترة وذبح اخته و لا صار ابوه يبيه ولا امه تطيق شوفته شهقت ودق بخوف ورائد ضحك على ردة فعلها طارق ابتسم بخفة :كنا نبي نروح بخبر كان راكان عقد حواجبه :ومجنون ينحبس بمزرعة ؟؟ ورا مايقعدونه بمصحة ؟ خصوصًا وهم من دولة ثانية سكت عبداللطيف وتوتر وبتبرير :يبي ولده قدام عينه ..كذا قال لي ..عاد مادري عن الصدق راكان :مايصلح يبه ..طيب كتبت عقد ايجار؟؟ حتى لا صار شي العقد يثبت عبدالباري :معه عقد مختوم بختم ابوي وكتبنا عقد ايجار ..ماحنا ببزران ياراكان عبداللطيف بسرعة وبحزم:وقفل الموضوع لانه تم بيننا راكان :محشومين ..لكن الحذر واجب ..وابشر همست ودق بصوت مسموع للطيفة الي جمبها :هذا اذا طلبت عسكري من الزبالة كتمت ضحكتها على أسلوب ودق الي واضح حاقدة على راكان سمع راكان كلامها وسكت مو من صالحه يرد قدام ابوه وعمه طارق من سمعها ضحك بصوته ..الشي الي استفز راكان زيادة التفت له طارق وغمز له :ننتظر الرد مطلق الي جالس بين راكان وطارق ووجه كلامه لطارق :اشوفك راجع بقوة ..داخل تدور هواش طارق: ايه والله ومحتاج تعزز لي مطلق رد غمزته لراكان:موجودين للحلوين راكان :حمار احسبك واقف معي مطلق :افا يابو ماهر ..حنا عملا مزدوجين ولا تزعل طارق :ماعرفنالك ترا رائد التفت لهم : اسمع مطلق وشرايك تجيب المخبول الي بالمزرعة الثانية ولك الي تبي مطلق :انقلع ابي اتخرج وافتك ثم اجيب لك راس الي تبي..فاضي انذبح قبل ماتخرج ناظره طارق بصدمة :باقي ماتخرجت ؟ كتم رائد ضحكته من وجه مطلق الي برد وماعرف يرد راكان :الله لايبلانا .. تفضل اخوي طارق..افشل واحد بالجالك طارق : لاصدق وش الي مأخرك للحين مطلق :والله شوفة عينك كل الي ادرسه الحين خمس مواد ثلاث شايلهم من السمسترات الي راحت واثنين عامة طارق:ماعليك ..بتتخرج ان شالله كلهم هينات ان شالله مطلق يطقطق :شكرًا على هالتحفيزبسببه بجيب a+ ان شالله هز رائد راسه بضحكة:ايه ان شالله التفتت ودق للطيفة :صدق؟ يمدي ادخل الجامعة ؟ لطيفة:أي يمدي..بيكون معك بطاقة دعوة ..ولا تدرين تعالي مع خولة وبخلي بطاقتك معها ..هي تعرف الجامعة وعندها اوف يوم المناقشة خولة :أي اخذها ونروح سوا لطيفة :حلو اجل دق عليه منذر وردت بسرعة منذر :انا برا ..اطلعي لي وقفت بحماس :يلا بنات اشوفكم على خير راحت لم عبداللطيف وسلمت عليه وهمست بأذنه :ماني قاطعتك وانت بحسبة ابوي ..لكن انت شايف الظروف سمع كلمتها وعوره قلبه لمها له :وافية وماتقصرين حبت راسه ولفت لعبدالباري الي ابتسم لها :ماعليك من الحساس هذا ..مرينا وتغدي عندنا كل جمعة ..بيبانا مفتوحة لك ودق :ابشر ..غالي والطلب رخيص طلعت من عندهم ولحقها طارق :وودق!! التفتت له باستغراب :نعم طارق بابتسامة :اشوفك من دريتي عن المزرعتين نويتي القطعة رفع ضغطها :هيه انت ..مو عشان مارديت عليك يعني تأخذ راحتك قرب منها :زعلك كلامي اول ؟ ودق مشت وتركته:ولا همني..لكن انت لازم ينحط لك حدود مشى وراها :حطي لنا حدود وعلمينا ..وريني بنت اسمهان وش بتسوي ودق :بنت اسمهان تدعس عليك ولا تشوفك ياكلب مشى بسرعة وسحب يدها ولفها له لقوة :تخسي رجف قلبها من الخوف يوم شافت وجهه شلون مقلوب ..ماهي اول مرة يتنمر عليها وهو من صغرهم يمد يده عليها ويهددها اذا شافها سحبت يدها بقوة :اتركنني هز راسه :ماني تاركك ..وش بتسوين :طارق اتركها رفع راسه وانتبه لمنذر الي طلع من سيارته ترك يدها بقوة قرب منه منذر :راجع وبعيونك شر اشوف طارق :لا شر ولا شي ..امزح مع خالتي فيها شي التفتت ودق لمنذر وارتاحت بوجوده :بجيب اغراضي وجاية مابتأخر ان شالله دخلت البيت واخذت اغراضها وطلعت مرة ثانية شافته باقي واقف يتكلم مع منذر ركبت السيارة بصمت وجلست تناظرهم سلم عليه بقوة ورجع ركب السيارة :هاه ..اسمع منه فيه مستجدات ودق :ايه قطعت علاقتي فيهم الحمدالله منذر:زين ..من دهر ودي تبادرين فيها ..هالجوالك مايطلع منهم الا وجع القلب تنهدت :أي والله صدقت منذر :اشوفك واقفة مع طارق عادي ..مو مثل اول كنت ترتجفين لا شفتيه ودق :خير ان شالله !!..ترا كبرنا منذر ابتسم :والله لو كل الناس يكبرون انتي بعيني صغيرة ودق :شعندها جدتي ضحك :لا ولله صدق ودق :ايه طيب ..بس ترا الحين عمري 19 يكون بعلمك منذر :طيب يابنت الطعش..بكرا عازمكم على الغدا ..والي بيكون نايم بينسحب عليه ودق :ما وراك دوام ؟ منذر:لا عمر بيغطي علي ودق :الا صح شلونه منذر ابتسم :بخير الله يسلمك ..تونا من شوي بطاريك ودق :ان شالله مو حش منذر :لا والله ..يبي فزعتك رفعت حواجبها :الله اكبر ..ضابط مباحث شكبره يبي فزعتي انا الضعيفة منذر :لا والله السوسة..قال ضعيفة قال ضحكت :وش يبي منذر:باقي بكرا بيكلمني بالموضوع وبقولك ان شالله ودق :شكله عزيمة بكرا مو لله منذر :افا ..والله تصادفت طلبته على العزيمة ..شدعوة ودق :خلاص صدقتك لا تصيح منذر :شكراً صراحة """""""""""""" فتح جواله على تويتر ودخل حسابه الببلك الثاني ..انتبه لرسالة بالخاص من لطيفة ابتسم وفتح الرسالة كانت رسالة دعوة لمناقشة الماجستير انبسط من قلبه انه يقدر يعبر عن مشاعره لها حتى لو كانت شخصيته مجهولة بالنسبة لها كتب لها "حبيبة قلبي الف الف مبروك والله يوفقك وعقبال تقدير ممتاز يارب والدكتوراه واعلى المراتب ..فخور فيك جداً ماتدرين شقد اسعدتني الدعوة" قرت كلامه وردت عليه "بعد قلبي ضي..الله يبارك فيك يارب وعقبالك عيوني ..اتمنى تلبين الدعوة " قلبه عوره :لللييييتتت اققدددررر والله اجيك كعابي -كتب لها-والله ليت ..بيكون يوم عظيم الي احضر فيه واشوفك واشوف انجازك ..تعرفين ظروفي الي قد حكيت لك عنها والله يعين ..اتمنى تعذريني" ردت عليه "معذورة ياقلبي..لكن تتعوض ومصير الظروف تنتهي ياحبي" تنهد وهو يشوف كلامها الي يعتبر عفوي بس يخترق قلبه واوردته بمجرد مايعرف انها هي الي تقوله له طلع من محادثتها وكتب لودق بالواتس بعد مارسلها الدعوة الي كبتشر عليها :شوفي ردت عليه بسرعة "انا برووح "وارسلت ضحكة طويلة تحرّه كتب لها "كلبة صدق ماتستحين ..يلا لعيونها بوصلك انا" ردت عليه "انقلع لاتوصلني مابي" كتب لها :انتي الخسرانة ..عاد انا اسعد انسان بهاللحظة وانتي تفرطين بعرضي المؤقت ؟" ردت "موعشانه مؤقت..يلا شقلب" نرفزته "نتفاهم لا وصلتي يالبقرة" ردت"منذر معاي ..ورني شلون" رد"مصيره ينام" ردت"مصيره يوكل امي عليك" "مصيرها تنام" :فيه معتز" "مصيره ينام" "عادي" "خفتي؟؟" "لا لأن مصيرك انت تنام" "هههههههههههههههههههههههه� �ههههه نشوف" """"""""""" له ساعتين قدام التفلزيون بس قلبه مو معه مقهور لأنه ماقدر ينحاش ومقهور من الي طلعت له وخرعته وخربت خطته كان يبي يروح للمزرعة الثانية الي يشوف أطرافها من عند الاسطبل ويستنجد بالجيران ..محد كان بيتركه بس خسارة ..راحت عليه انفتح الباب ودخل خورشيد ماناظره لانه بيجي يسوي دراما عليه خورشيد :ليش يقول احنا فريند وانتا يسوي سيم سيم انمي ماناظره وعيونه على غامبول خورشيد :بيق بوس يقول سوي عقوبة عليه مافي تلفزيون فور ون ويك وقتها التفت له :وانت هابي ماشالله صح ؟؟ انت تقدر تطلع وتروح وتجي وانا ماعندي الا هذا وصقر وامه ..انا ماقلت لك عشان البيق بوس لا يعاقبك انت اذا ساعدتني ناظره خورشيد بصمت عقيل رمى له الريموت :يلا سكرها وانقلع خورشيد :سوري ..مارح يسكر انتا بس رخي صوت لا يسمع هذا نفرات بعدين يعاقب انا معك وطلع بسرعة ابتسم عقيل على حركته ..اخيراً شخص ثاني يوقف بصفه بعد امه """"""" مخرج """"""""" "وإذا الأسى يومًا علاك والهمُّ أمسى زائِركْ صبرًا فإنّ من ابتلاك يومًا سيجبرُ خاطِركْ """" رابط صراحة https://www.sarahah.com/messages/use...6-b377cf4ce4e5 | ||||
|
| |
|
06-02-19, 07:25 AM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| مواعيد البارتات مثل ماقلنا ..كل سبت لكن يختلف وقت التنزيل الأكيد انكم الاحد اذا فتحتوا الموقع بتلقون البارت ان شالله 6 مدخل "وقال العقلُ دعهُ ولا تزٌرهُ وقالَ القلبُ فلتذهب إليهِ حديثُ العقلِ مَوضوعٌ ولكن حديثُ القلبِ مُتفقٌ عليهِ" """""""" قبل سنة نزلت من الدرج بمساعدة راكان الي صادف طلوعه جية رائد عندها همس لها وهو ساندها عليه :يعني امس تترجيني ادخل معك واليوم مُجبر ابتسمت :مو لو رضيت ودخلت وانت ساكت كان ازين جلست على اقرب كنبة مسوية تعبانة وهي اصلاً ماتبي تسلم عليه قرب راكان وسلم عليه والتفت لها :خلاص عاد ..بطلع الحين خلي أي احد يرجعك غرفتك كشرت بوجهه :بكلم امي خلاص ابتسم وطلع من المجلس متجه لشغله ناظرها رائد :أتوقع لهنا و stop خلاص يكفي خولة :على ؟ رائد :كلمت ابوي على وضع علاقتنا ..قلت له اني مابيك من مقدمته توقعت انه وافق :غريبة وافق رائد :للأسف طبعاً ماوافق وغريبة لو وافق اساساً ..لكن جا دورك ترفضيني انتي عند ابوك خولة بكذب حتى مايظن انها متمسكة فيه:وتظن اني ماحاولت ؟؟ رائد :اجل نكلمهم حنا الاثنين سوا توترت :بننرفض ..لأن سمر وسعد سووها من قبل ..اظنك تذكر وش صار بعدها تنهد وهو يتذكر :سعد انطرد من البيت وسمر سحب عمي ملفها من الجامعة ..اتذكر زين حست بقهر يوم تذكرت معاناتهم وتأملت بالمعاناة الي جالسة تعانيها لوحدها ..لو خاطرت بأي تصرف ممكن تدفع ثمنه غالي :انا مو مستعدة اتحمل خسارات بحياتي كملت بداخلها "وانت أول خساراتي" رفع راسه :يعني مضطرين نعيش فترة وحنا مرتبطين ببعض ناظرته :يب مضطرين رائد :اجل لازم يكون فيه احترام بيني وبينك وبينك وبين سحر كانت موافقة لين سمعت اسمها :عفوًا وش دخل الانسة ؟ رائد رفع حواجبه :ممكن اعرف ليش مالها دخل؟ خولة بقهر عدلت جلستها وداست على رجلها الشي الي آلمها لكن كابرت واندفعت بالكلام :مستحيل ادخل بعلاقة أكون فيها طرف ثالث ..مستحيل أكون طرف ثالث واكون مضطرة اسمع واتحمل اهانات واحاسيس غبية ..مستحيل اتركك مزهرية وماتحط حد لهالوضع سحبت نفس وهي تشوفه متفاجئ من صوتها الي رفعته لكنها كملت :رائد..المشكلة هذي انا وانت فيها ..اما ست الحسن والدلال مالها دخل ابد..لا تدخلها ولا تجيب طاريها ابدًا لوسمحت مافهم السبب ولا دخل مزاجه هز راسه :انا الى الان مو فاهم وضعك ولا قادر اشوف كلامك معقول ..فالنهاية مصيري معاها توقف بسببك خولة :مو بسببي بسبب ابوي وابوك ..لا تحط الذنب علي ..وبعدين تعال تخيل الدور عندي انا.. وعندي حبيب وجيت انا دخلته بعلاقتنا وكل موقف يصير اروح اشتكيله ويدق عليك كل شوي يسفل فيك وانت خلقة مو ناقص ..هالشي تتقبله انت ولالا سكت ..لأنه فعلاً اول ماتخيل الموقف تنرفز ..لكن مو ضروري يقتنع بكلامها لأن الدور عنده مو عندها ..اساساً مايبي يوريها انها صح لكن ضميره ضغط عليه :ممكن اقرر اذا تقابلنا سوا حست الضغط ضرب عندها :رح الله ياخذك يا شيخ ..قال نتقابل قال مارد ووقف :مارح نقدر نوصل لحل دامك مو قادرة تفتحين مجال للنقاش وقفت خولة معه وفتحت جوالها قدامه ودقت على امه وفتحت سبيكر استغراب لكن اول مانتبه للأسم فتح عيونه بصدمة خولة :السلام عليكم عمتي :خولة ؟؟ هلا حبيبتي خولة بسرعة:عمتي يرضيك ؟؟ رائد بعلاقة مع وحدة بالشغل قرب منها بسرعة لين سمع صدمة امه :منجدك ؟؟ خولة انتي صادقة خولة وعيونها بعيون رائد المصدوم :ايه ياعمتي ..اسمها سحر :اسمعي يا بنتي ..لا تشيلين بخاطرك ولا تسوين شي انا بتفاهم معه هالكلب الي سود وجهي ..طيب يمة ؟؟ لا تزعلين خولة :ياقلبي ياعمتي..ماقلت الا لك لأنك الوحيدة الي ممكن تساعديني بدون مشاكل ..اشوفك على خير سكرت منها وهي تناظره بتحدي رائد شد على نفسه قد مايقدر :اخسي اذا مديت يدي على بنت بحياتي ..لكن انتي خسيسة سحب نفسه وطلع من عندها مايبي يقعد و يذبحها نادت الشغالة وجات طلعتها غرفتها حست انها ارتاحت بعد الي سوته ..قهرها باسلوبه الغبي وخله يتعلم شلون يعاندها مشت بشويش لشباكها تبي تشوف مشى ولالا ولفتها صوت الهواش فتحت الشباك وطاح قلبها وهي تشوفه وحوله خمس او سبع اشخاص متلثمين ويضربونه شهقت من قلبها ومشت لم عبايتها متناسية الم رجلها قربت من الشباك وهي تلبس عبايتها وتناظره بخوف ورجفة انتبهت لواحد طلع من جيبه سكين صرخت من قلبها :رااااااااااااااااااااااا� �اائددددد انتتتتببببببببببببههه مامداه يلف وراه الا اثنين يمسكونه وواحد طعنه بقوة وانحاشو حس روحه طلعت مع طلوع السكين طاح على الأرض وهو يحس بدوخة والم فظيع الدنيا تدور حوله وهو يشوف السما فوقه وشباك بيت عمه ووحدة تصارخ فيه نزلت خولة وهي تركض ماتدري شلون ..تركض ومع كل خطوة تركضها كانت تدعس على وجعها ولا تفكر فيه طلعت من البيت وطاحت بجمبه سحبته فوق رجولها برجفة وصياح :ررااائد ..رااائد حرك عيونه عليها وماهو قادر يتجاوب معها حطت يد على جرحه واليد الثانية تحاول تلف وجهه وتخلي تركيزه عليها :تكفى ناظرني ..تكفى ركز معي ..تكفى رائد لا تروح تكفىى فتح فمه بيتكلم بس خلاص غاب عن الوعي صرخت من قلبها بوسط الشارع وطلعت الرجال من بيوتهم على صوتها راكان وابوها ماهم موجودين ولاحد قريب منهم جا الإسعاف واخذوه واخذوها معه كانت بجمبه وغرقانة بدمه تشوف الدكتور وهو يحاول يسعفه لين يوصلون المستشفى وبالطريق كلمت راكان بعد ما اخذت جوال المسعف وهي ترتجف وصلوا المستشفى ودخلوه الطوارئ وهي قعدت فالانتظار جات الشرطة الي استدعتها المستشفى وحققوا معها ..شرحت لهم كل شي وهي مرعوبة وخايفة ..من الي تجرأ يطعنه قدام بيت عمه قدام بيت ولد عمه الضابط رجعت جلست قدام غرفة العمليات وهي تشوف رجفة يدها الي مصبوغة دم حاسة قلبها بينفجر من قوة الدق والخوف كل ماتتذكر شكله وهو طايح بين يدينها بكل ضعف تحس بالموت سمعت صوت راكان جاي من بعيد فزت ناحيته وركضت له وهي تبكي من جديد رمت نفسها عليه وهو لمها له بحضنه وقلبه طايح من الخبر الي صدمه اخذها وجلس على اقرب كرسي انتظار منهم وشد عليها شوي لين تهدى بعدها عنه وهو يشوف كيف مرعوبة والقهر ماكل قلبه :صارلك شي ؟؟اذوك ؟ هزت راسها بالنفي وهي تصيح :لااا ..انا شفتهم وهو يطعنونه من الشباك ..ورحت لهه ..كااان بيموووتتت يا راكانن تنهد ورجعها بحضنه خرج الدكتور من غرفة العمليات وفزت هي مرة ثانية ناحيته قام معها راكان الدكتور :الحمدالله أعضائه سليمة والطعنة جات بمنطقة مو خطرة ..بس يفوق ونتطمن عليه وراح يمديه يطلع ارتاحت وراكان تطمن شوي وخرجوا سريره من غرفة العمليات راحت له خولة وهي تبي تتطمن اكثر شافته نايم ووجه شاحب بهاللحظة جو العساكر لراكان يأخذ منهم التفاصيل بينما خولة راحت مع رائد لغرفته دخلوه الغرفة وضبطوا وضعه وخرجوا دخلت خولة الحمام غسلت يدينها ووجهها وطلعت له مرة ثانية جلست بجمبه وهي تتأمله وتنتظره يقوم مرت ربع ساعة لين فتح عيونه بهدوء فزت :رائد ؟؟ رائد تسمعني ؟؟ انت معي؟؟ رفع عيونه وناظرها :خولة ؟؟ حست نفسها راح تصيح مرة ثانية مسكت نفسها بقوة :شلونك الحين ؟ انادي لك الدكتور هز راسه بالنفي :ابي موية بس بسرعة اخذت موية وقربت منه بتشربه مد يده واخذ الموية :مانشليت ترا اعرف اشرب رجعت جلست مكانها :مالت عليك شرب ورجع عطاها القارورة :لما شفتيني انطعنت ليش طلعتي وراي؟ ممكن اعرف ؟؟ خولة رفعت حواجبها من كلامه :قلت اطلع أتصور معك رائد بجدية: أتكلم صدق ..كيف لو كانوا الكلاب باقي موجودين واذوك ولا قربوا منك ؟؟ خولة ببساطة :بس ما اذوني ولا قربوا مني غمض عيونه :ثاني مرة لا تتصرفين من راسك مهما كان الوضع ..اتصلي بالشرطة بالاسعاف براكان باللي هو بس لا تعرضين نفسك للخطر فرحت ..حست انه خايف عليها لين قال :عمي حطك عندي امانة ..مابي يصير لك شي ويزعل عمي تحطمت بس ماهتمت ..اهم شي انه بخير ..وقفت :برجع البيت ارتاح شوي ..من طحت وانا واقفة على رجولي الله يستر رائد :هاتي جوالي بدق على سحر ودها تصفقه حرفيًا :مادري وين جوالك ضغط على زر استدعاء الدكتور :خلاص بكلمهم يشوفون وينه ..هاتي جوالك اتصل عليها منه خولة :مبلكتها انا رائد ببرود :شيلي البلوك خولة :مع نفسك رائد :خولة ؟ خولة :رائد ؟؟ انت بعقلك ولا باقي تعبان مارد عليها وسكت :خلاص روحي بيتكم فكيني بهاللحظة دخل راكان :السلام عليكم ناظره رائد :وعليكم السلام راكان :الحمدالله على السلامة ..ماتشوف شر رائد :الشر مايجيك راكان :وش صاير ؟ من الي تسبب لك ؟ تعرفه ؟ رائد تنهد :قبل مانطعن قالي سلم على مطلق ومعاذ ناظر راكان بخولة :امشي اوصلك البيت ..وبيدخل عندك المحقق يأخذ منك التفاصيل ..بوصل خولة وبرجع لك هز راسه وطلعت خولة مع راكان راكان :انتي مجنونة تطلعين له يوم شفتيه انطعن ؟ خولة :اصص متحسفة انا اصلاً ليتي تركته يموت التفت لها باستغراب :وش حقه الصياح والنياح الي تو ؟ خولة بقهر :حمار يقولي ليش طلعتي لي؟ راكان :وهو صادق خولة :مالت عليكم كلكم وعلى الي يخاف عليكم راكان :لا تخافين بناخذ حقه وحق خوفك عليه ..تطمني """""""""""""" بالمزرعة دخل للبوابة اول مانتبه لخورشيد طلع من غرفته دخلها واخذ مفتاح الملحق وطلع مرة ثانية وتخبى لين جا العامل الثاني واخذ النوبة عن خورشيد مشى ناحية الملحق بهدوء وفتح الباب دخل بهدوء وسكر الباب وراه فتح النور وهو يمشي بهدوء يدور عقيل عقيل الي حس بدخوله توقعه خورشيد لين شافه قدامه يناظره بتفحص وقف بربكة :من انت ؟ :انا الي بطلعك منها ..بطلعك للعالم الي ماقد شفته قطب حواجبه :تعرفني ؟ هز راسي :ماعرف الا اسمك ياعقيل ماهتم :كيف بتطلعني ؟ مد يده :هات يدك ..بننحاش ركض عقيل :ماقدر انحاش..صقر وامه هنا اتركهم ناظره باستغراب :منهم صقر وامه ؟ عقيل :خيولي قرب منه يبي يفهمه :بننحاش عن المزرعة بشكل مؤقت ..لكن لين يكتشفون من انت ..وقتها بترجع لصقر وامه بكيفك وبدون ماتضطر تتخبى هنا ناظره بحيرة :ليش تسوي كذا ؟ ابتسم بخفة :انا مارضى اسكت عن الظلم ..توقعت سالفة وجودك كذب لين طلعت صدق عقيل:مافهمت ؟؟ :مو لازم تفهم الحين ..امش معي حس بتردد تلفت يناظره اغراضه واغراض امه الي مكونة من ملابس مهترئة اضطرت تعيش فيها مدة تسع سنوات معه وملابسه هو الي كان البيق بوس يغيرها له باستمرار بسبب كبر جسمه مع الوقت التفت للكرتون الكبير الي مليان دفاتر واوراق والي كانت امه تحارب أُميته وتعلمه من قلبها كل شي تعرفه التفت للألعاب الخشبية الي اخترعتها له ناظر بالشخص الي يبي ينحشه :ممكن اخذ الكرتون هذا معي؟ هز راسه بالنفي وهو يناظر ساعته :لا مو ضروري ..انا بجيبه لك بعدين عقيل:اجل لا شكرًا ..مارح انحاش ..هالكرتون ان ماطلع معي مستحيل قاطعه بنفاذ صبر ومشى ناحية الكرتون وشاله معه :خلاص باخذه يلا امش ركض بسرعة ناحية وحدة من قمصان امه وحطها بالكرتون :انا اعرف مكان ممكن نهرب منه ..او نتخبى لين المناوبة الثانية ويمدي ننحاش رفع حواجبه :شلون دريت ان المناوبة الأولى كانت قبل شوي؟ عقيل بذكاء :شلون دخلت اجل ؟ بس للاسف العمال بعد ماحاولت انحاش امس بيركزون بمناوباتهم حس طارق بقوة نباهته بالنسبة لشخص محبوس بهالمكان من وقت ماوعى على الدنيا ..واضح عقله نظيف :طيب طيب ..يلا قبل يحسون """"""""""""" بعد الظهر رجع من دوامه ووقف قدام البيت واتصل بودق :يلا انزلوا نزل معاذ هو ومعتز ونزلت وودق وراهم وهي يديها بيد جدتها ركبوها قدام وركبوا الثلاثي ورا منذر :وشلونك يمة -اخذ يدها وحبها ام معاذ :بخير ياجعل عيني ماتبكيك ناظر من المرايا بمعتز :شلون استعدادك لللسمستر الجاي؟ معاذ :ماشالله اكل كتابين باقي واحد معتز مارد عليه :زين الحمدالله ..متحمس منذر :عاد لا اوصيك ابي كل سمستر معدلك يكون 4 نفس الي فات ودق :لاحظت شي التفت لها معاذ باهتمام :وشو ودق :انه سبحان الله معتز دفارته اعلى من دفارة الانسان الطبيعي ..الـ قاطعتها ام معاذ :قولللي ماشاللله لا تنظلين الولللد ضحكت ودق :ماشالله ماشالله ..تعال اتفل عليك بعد ضحك بقرف :انقلعي معاذ:كملي كملي وش لاحظتي ودق :المهم انه ..انه ماخذ حتى نصيبك من التفكير الإنساني والحياة الإنسانية معاذ بتفكير:الا صح ملاحظ معتز بنص عين :قل اعوذ برب الفلللقق منذر :أقول انتي وهو ..مالها دخل الدفرة ..السالفة بالرغبة والمثابرة والإصرار ودق :لا فهمت وش السبب معاذ وهو مسوي مهتم :وش السبب ودق :دم ابوهم لا اله الا الله معاذ :أي والله مافيه جمال لكن الدماغ ابن كلب ودق :صح ولا قلي من الي بتناظر بمعتز ..نظرة من عيونك الرمادية بتذبحها معاذ :أي والله ..الحمدالله على عطايا الرحمن معتز :ودي تسكتون لين نوصل منذر:الظاهر ودق تبينا ننزلها وتكمل كعابي ودق :نمزح يا شباب شفيه معاذ :الصراحة توجع ودق :صح ..المزحة لامست الواقع شكله معاذ :شفتي تكلمت عن جمالي انقهروا ..حتى عقولهم بها بلا ام معاذ:والله عيالي كلهم حلوين من امك الله يرحمها لين معتز وليدي ناظر معاذ بودق :نفس المثل الي افكر فيه ؟؟ هزت راسه ورفعت يدها بمعنى كفك رفع كفه وصفقها بيدها ام معاذ :قليلين ادب انت وهي ودق ببراءة :وشو يمة ؟ ام معاذ : اسكتي لا انادي لك طارق الحين انفجر معاذ ومنذر ومعتز ضحك على كلمة ام معاذ ودق انقهرت :يمة شدعوة ..ماصرت أخاف منه ام معاذ :اصا ..اذكرك يوم تجين وانتي شفايفك بيضا من الخوف بس اذا سمعتي حسه ودق :طيب؟؟ ترا عادي الحين مرة منذر:الا صادقة ..امس يوم جيت اخذها شفتها تسولف معه وعلى وضعه يمزح معها بدفاشة استغرب معاذ والتفت لها :وش صار ؟؟..ليش ماقلتي لي ودق برد وجهها ..ماودها تقول ..بس بسرعة صرفت :عادي بعد ماقلت لهم انا ماعاد بجيكم ..لحقني يقول انه من حقي وانا توي اعرف بالورث وماعرف ايش المهم كلمة مني كلمة مني وعوج يدي رفع حواجبه وماعجبته الحركة :خير ان شالله ؟ ماهتمت لردة فعله :عادي يمزح ..اخر مرة اشوفه ان شالله مارد وناظر بالطريق وقف منذر قدام المطعم :وهذا المطعم وصلناه نزلوا من السيارة ودخلوا استقبلهم الويتر لأن منذر حجز من اول ووصلهم لطاولتهم ..كانت غرفة منفصلة دخلت ام منذر وفتحت نقابها ووراها ودق الي فكت لثمتها وجلسوا على الكراسي جلست ودق بيمينها معاذ وبيسارها منذر واخذوا المنيو يشوفون وش يطلبون ودنقوا الثلاثة على المنيو اما منذر خذا المنيو الثاني وجلس يفرج ام معاذ عليه ودق :شوف ناخذ اللازانيا والفوتوشيني ..مع سلطة سيزر اوفف معاذ :لازانيتهم مالحة ..ماتنمدح ..لكن شرايح الدجاج الي مع الفوتوشيني كانت شي خيال معتز :ايه صح ..بدال اللازانيا خذي ديناميت شرمب ودق :لااا ماحب الشرمب معاذ :غبية فاتك نص عمرك ودق :خل يفوتني ولا اكل هالحشرة معاذ :استغفرالله ..يابنت نعمة معتز :شوفوا شرايكم بذا برياني ودق :للااا ..ماودي بهارات وفلافل معاذ استغرب :البرياني فيه فلافل؟ معتز استغرب هو بعد ورفع راسه لأمه :يمة البرياني معه فلافل؟؟ استغربت هي بعد :لا طبعًا ودق :يا اغبيا اقصد جمع فلفل معاذ :لاحول ولاقوة الا بالله..خلاص ياتبن اعلفي أي شي وفكينا ماغير تتشرطين ودق :خلاااص ابي بس فوتوشيني ..كنت اقصد نطلب سوا مو نتشاور على طلب كل واحد معتز سحب المنيو :هاتيه يالدايخة عطته ومسكت جوالها على مايطلبون يخلصون انتبهت لإضافة بالسناب كان اليوزر طارق محمد ..زفرت بضيق منه ضافته هو بعد وهي عاجزة تحدد شعورها تجاهه هل تخاف منه هل عادي هل هو طيب هل هو خبيث ..ماقدرت تفهمه راحت فتحت لستة الناس الي مبلكتهم وشالت البلوك عن البنات العنود وسمر ونور وحورية ..لان خلاص ماصار يربطها فيهم شي الحين صورت الطاولة الي قدامها ودخلت شوي من معاذ فالصورة عشان يصير فيه مناسبة لتعليقها وكتبت "اللهم خوالي لأخر العمر" وارسلتها شوي وجا الويتر اخذ الطلبات ومشى وجلسوا يسولفون منذر غمز لمعتز :ودق شقلتي تبين قبل كم يوم ناظرته وهي ناسية :وشو ؟؟ ابتسم وفتح المنيو الثالث الي ماحد فتحه وطلع منه ملف وحطه قدامها وابتسم :افتحيه استغربت ..اخذت الملف وفتحته شافت شعار نادي نسائي..دق قلبها وطلعت الورق الي فيه كان اشعار بتوظيفها بالنادي ..مشرفة رفعت عيونها بصدمة لمنذر ورجعت تقرا مرة ثانية مو مصدقة :اوميقاد ماصدق صفر معاذ :باااقي ماشفتي شيي رفعت راسها :وشووو ..اجلطني ضحك على كلمتها وطلع من بوكه بطاقة :اخيرًا بعد نقاشات طويلة بيني وبين عبداللطيف-رمى بطاقة ناحيتها-رخصة قيادة شهقت بصدمة :اماااانة؟ ضحك على ردة فعلها ..لها ستة شهور متخرجة من مدرسة القيادة بس عبداللطيف كان رافض ويبدوا انه بعد اخر مرة سمح خلاص حسته هي عربون اسف على أفعال عياله معها معاذ طلع من جيبه مفتاح الاسبير حق سيارته :وبهذي المناسبة ..هذا مفتاحي ..استخدمي السيارة وقت فراغي منها ودق استغربت:يمة ..معاااذو من متى ابتسم :من نبل أخلاقي حست بمشاعر السعادة توصل لأعلى ليفل وقفت وراحت لمنذر وسلمت عليه وحضنته وراحت لمعاذ الي استحى :أقول شقلبي مناك بس ودق ضحكت:وخر أقول بسلم على جدتي ضحك معتز على فشلته وخر عنها ودفها برجله بس طنشته وراحت لجدتها الي سلمت عليها :ياحبيبتي ونور عيوني ..الله يحفظك ويطول بعمرك ويبعد عنك عيال وبنات الحرام ..الله يقر عيوني بشوفتك وشوفة عيالك يا حبة عيني تعشق جدتها اذا قالة ياحبة عيني حضنتها من قلبها ومن قلبها تدعي ان الله يحفظهم لها لأنهم هم سبب مقاومتها للحين اندق باب الغرفة منذر بابتسامة:وصل الاكل ..خلاص ارجعي """""""""" كان لها أسبوعين ببيت أهلها واليوم بترجع بيتها نزلت من السيارة مع عيالها ودخلوا البيت ركض ولدها ماهر ووراه اخوه ثامر للمجلس وهو يصارخ وينادي ابوه ووراهم اختهم سيرين طلعت العنود لغرفتها تشيل عبايتها وترتب نفسها عشان تنزل تسلم على عمها ومرته ناظرت لنفسها بالمرايا ..لابسة فستان شيفون ابيض مشجر بأخضر ومزموم من تحت الصدر واكمامه لنص الذراع بخت من عطر ديور أصفهان ولبست سليبر البيت ورجعت مرة ثانية قدام المرايا تشوف شعرها شلون وعدلته شالت الفرقة وخلته كله على جمب وطلعت من الغرفة مرت من عند غرفة خولة ودقت الباب وسمعتها تقولها ادخلي دخلت :السلام عليكم كانت خولة على سريرها ماسكة جوالها :هلا هلا قامت لها وسلمت عليها :شلونك ..وراك طولتي العنود :والله كنت تعبانة وانلفونزا ..قلت لا اعديكم ..احسن لي اقعد ببيت اهلي لين اطيب خولة :زين ..شلونك الحين طيب العنود :لازينة خولة :طيب مشينا ننزل ..ابوي وراكان يتقهوون تحت مشت معها العنود ونزلوا للمجلس دخلت العنود :السلام عليكم التفت لها عبدالطيف :هلا ..هلا ..تو مانور البيت يا ام ماهر ابتسمت على ترحيبه وقربت منه سلمت عليه وحبت راسه التفتت لراكان الي كان ماهر وسيرين بحضنه وثامر ركض لخولة الي تحبه وتدلعه قربت منه تبي تسلم عليه ترك عياله على جمب وقام سلم عليها صافحها وحب خدودها بهدوء وجلس لعياله الي رجعوا لحضنه جلست قريب منه وقامت خولة تقهويهم خولة وهي تناول ابوها الفنجان :شفت سناب ودق يبه ؟ عبداللطيف:لا ..مامسكت جوالي من الصبح ..وش صار خولة :خالها طلع لها رخصة السواقة راكان من دون مايحس :#### شهقت العنود لأنه سب قدام عيالها عبدالطيف انقهر من عصبيته ..لكن مابيده شي يردعه ..ترن بباله كلمة منذر "كلمتك ماصارت مسموعة" سحب نفس وثبت عيونه بعيون راكان :انا وافقت يصدرها لها التفت لأبوه بضيق:يايبه مايكفيك أمها ..بعد تفتح لها باب ثاني تفضحنا فيه العنود حست بغيرة من ودق كونها اول من بيسوق .. التفتت لخولة الي متحسفة انها تكلمت قدام راكان :تبين تسوقين يا خولة خولة رمشت لها :رئودي موافق شدت الضيقة باراكان ..ابد ماكان ناقص طاريه ..خصوصًا وعلاقتهم متوترة بعد ماعرف عن مدة يده على العنود ..وقف :انا طالع اريح بغرفتي وقفت معه العنود ولحقته بعد ماطلع التفت عبدالطيف لخولة وهو فاهم عليه :متى كلمتيه خولة :ولا فتحنا السيرة ..بس راكان لازم يفتح مخه المسكر ذا شوي ..لين متى بنقعد نقوله العالم تغيرت مارد عليها وركز بفنجاله وهو يتذكر جيات منذر له بوقت شغل راكان وإقناعاته المستمرة بإنه يترك وصايتها فعليًا له لكنه كان يرفض كونه خالها الغير شقيق وخالها معاذ الشقيق ماهو بكفو وصاية دخل راكان غرفته ودخلت وراه العنود التفت لها بضيق :وش الي وصلنا لهالحال ؟ رفعت حواجبها :انت ..يدينك الي مديتها ولا احترمتني ولا احترمت ابوي ولا احترمت الدم الي بيننا تضايق من كلامها ..:رجاءً العنود !! العنود بقهر:تظن انك بعد ماطفيت عصبيتك علي ..كان الموضوع بيوقف انت بترتاح وانا بانسى ؟ انا مانسيت وعمري مارح انسى ولا ارضى ماحب نبرتها قرب منها :العنود !! العنود بنفخة :نعم !! راكان :كلي تبن وعساك مارضيتي ..اخر مناي والله تنرفزت منه :طلقني ابتسم بسخرية :وانا اقدر؟؟ رفع ضغطها بإبتسامته :جعلك تحس بقهري في خولة ..جعلك تذوق ضيمها اختفت ابتسامته ومارد عليها ..لف عنها وطلع من الغرفة :الله يسد نفسك يشيخة توقعته بيصفقها بس صدمتها ردة فعله مشت لسريرها وجلست وهي تفكر بكلامها له ليش ما قالت سمر ..الي تعاني بسبب بنتها ..ليش قاعدة تحسد خولة الي مثل ماهي شايفتها مبسوطة ..كارهة هالفكرة """"""""""""""" مانام من التوتر ..خاف يدخل احد الاسطبل ويشوفونهم بينما عقيل نام براحة بعد ماشبع من خيله الي اسمه صقر ناظر بالساعة ..كان قريب العصر وقت المناوبة الثانية حسب ماخبره عقيل ..لأن الي يروح ينام يقوم قبل مناوبته ويسوي الاكل ..فأكيد خورشيد قاعد يسوي الاكل هو والي معه الحين والمناوبين تعبانين ناظر فيه شلون نايم ..قرب منه وصحاه بشويش :عقيل ..عقيل ؟؟ فتح عيونه باستغراب وناظر فيهلين استوعب وتذكر قام من سدحته وهو يفرك عيونه :توقعتك حلم ابتسم وشال الكرتون:يلا ..ورنا شلون نخرج الحين مشى قدامه وهو يتلفت كل شوي :من البوابة الشرقية ..راح نضطر نمشي بعدها مسافة طويلة حتى نوصل الشارع العام طارق :الي اعرفه انك محبوس من وقت ولادتك ..وش الي عرفك بالشارع العام عقيل :امي سولفت لي عنه في حال قدرت انحاش وخورشيد يسولف لي عن يومه ويجيب طاريه مع الكلام ..ومع طلعاتي للأسطبل انتبهت له طارق :مارح اتعب معك دام استعيابك سريع لهدالرجة عقيل :ليش تتعب معي طارق :عشان ارجع لك حقك وحق امك ..ولا ماتبي عقيل بشك:انت تعرف سالفتي ؟ طارق :قبل سنوات ..سمعت سالفة المفروض ما اسمعها ..ماصدقتها لين شفتك عقيل :وش السالفة طارق ابتسم :لا مو قايل لك لين اتطمن عليك وعلى تفكيرك عقيل مارد ..اهم شي بينحاش وشوي شوي بيفهم كل شي """""""""""" قبل ست شهور مرت حول الشهرين ومابينها وبين رائد كلام من بعد مانطعن وخافت عليه وصدها بذيك الطريقة ..كرهته جدًا بالمجلس أبو راكان لخولة :وينه رائد ماشوفه يسأل ولا شي ناظرته خولة وماردت رفع حواجبه :خولة اكلمك خولة بنفخة :اثنين مجبورين على بعض وش تبي منهم ؟ سكت ومارد عليها وقفت :يعني فوق اننا ساكتين على هالضيم بعد تبينا نمثل قدامكم السعادة رفع صوته :خـــــــــولــــــــــــ� �ــة جمدت مكانها من صرخته ونبرته وبدون ماتلتفت :سم كان راكان قدامها يناظر ابوه بجمود غمضت عيونها بربكة والتفتت له :سم يبه أبو راكان :وش الي اسمعه توترت :ولا شي يبه ..لا تشغل بالك رفع حواجبه : ماتبين رائد ؟ دارت عيونها باللي في الغرفة ورجعت تناظره :لا موكذا ام راكان بضيق :اتركها يا عبداللطيف مارد عليها وعيونه ثابتة بعيون خولة خولة :تهاوشنا ومابي اكلمه ..مافيه شي كايد أبو راكان :دقي عليه اجل وسمعيني استغربت:الحين ؟ هز راسه بإصرار :ايه ..يلا سمعيني رفعت جوالها وبربكة فتحت الواتس وكتبت "ابوي جمبي" ودقت عليه وفتحت سبيكر رد بدون مايشوف وش أرسلت :هلا خولة بسرعة :ابوي يبي يسألك فتح عيونه فيها واشرلها تسكت ناظرته بترجي وطنشها رجعت تكلمه :ابوي يحسب بيننا شي على اخر شي ارسلته واتس حس بكلامها المخربط وفتح الواتس وشاف رسالتها فهم انه عمه شاك فيهم ابتسم بخبث :ايه ترا للحين زعلان كلمتك قوية علي ..ماتسوى علي نبي نطلع ونستانس خولة فهمته يبي يرد اتصالها بأمه:بس انا قلت ابوي مارح يوافق شسوي ماتفهم انت رائد :وانا قد قلتلك ان راكان والعنود طلعوا قبل وحتى سعد وسمر ..يعني انتي تتغلين مالت عليك خولة :ما اتغلى وكلامي واضح رائد :الله يسامحك ..بس أتمنى المرة الجاية ماتخورينها وانتي تتكلمين معي غمضت عيونها ..ابوها بيذبحها الحين"والله اوريك":انت استفزيتني ولا احد يقول لبنت عمه مو زوجته يابنت الكـ###!! بعد انا ما ارضاها على ابوي شهق من كلمتها :انا قلته ؟؟ قلته للقطوة الي مر قدامي وانا اسوق خولة :ياشيخخخ رائد بإنفعال :والله العظيم ..ماني كذاب خولة شافت ابوها مشت عليه وجلس يسمعهم عادي:خلاص طيب اشرت لأبوها وسكرت السبيكر وطلعت من المجلس :والله انك حمار وماتستحي ضحك من قلبه :انتي الحمارة ..خسارة كان ودي احضر السالفة لايف خولة بقهر :ماااايضحححككك أستاذ رائد رائد :مو شرط يضحكك خولة : والله شك فينا ..خلاص شف حل تراي مليت تغير صوته :وش رايك نكمل ؟ استغربت :نكمل ايش؟ رائد :زواجنا ..الي قاعدين نسويه خطر ومو بصالحنا رفعت حواجبها :قل الصدق وش صار بينك وبين سحر ؟ رائد بضيق : We broke up خولة :لا والله ؟؟ نكمل عشان الي تحبها تركتك ؟؟ بكرا تصالحك وتجي تقول خلينا نتطلق ؟ رائد :انا مارح ارجع لها ..لو تموت خولة :شدعوة ..شسوت لك ؟ رائد :من انطعنت وهي مطنشة إصابتي ومركزة عليك ..شسويتي ووين رحتي وغير كذا امي حلفت برضاوتها ما اكلمها استغربت وطنشت جزئية امه:وش الي مركزة علي ..مافهمت سكت ثواني :عندها سنابك وانستقرامك وتويترك خولة عصبت:من وين طلعتهم ؟ رائد :اخذتهم من حساباتي وحسابات العنود انصدمت :هي تعرف العنود ؟ رائد بسرعة :لا انا متابع العنود بتويتر والانستا وهي دخلت لمتابعينها وطلعت حساباتك سحبت نفس :رائد ..الحال الي وصلت له اوفر رائد :انفصلت عنها يوم اكتشفت انها مو كفو ..خولة انا ابي قاطعته وقلبها معورها من نطقه لإسمها دخلت غرفتها :رجاءً رائد ..انا انسانة ماني مفتاح سبير متى ماضاع الأساسي ولا ماعاد ينفع تطلعني من درجك ..غير ان حت انفصالك مو بكامل إرادتك رائد :خولة خولة :رائد !!..تذكر يوم الملكة ..رميت انا كل شي ورا ظهري -وبكذب-إجبار ابوي وعمي وعاداتهم وقلت ابدى معك بتفاهم ..لكن انت قلتها بوجهي بأسلوب مو حلو بحقي كبنت عم لك ..وبعدها انتهكت خصوصياتنا ودخلتها بعلاقتنا كطرف ثالث وكنت بصفها وهي غلطانة وتركتها تغلط بحقي وسكت ..تبي بعد هذا كله ..اجي اطبطب عليك بخسارتك ؟؟ اذا انت بسبب نزوة ماهتميت شلون بزواج ؟؟ معليش رائد انا على رايي وسكرت بوجهه بخوف من كلامها ..الي ينافي كل شي بقلبها ..مشت ورا عقلها وكرامتها داست على أبو علاقتهم الغريبة جاتها رسالة منه "سوري ..امر بأثار الانفصال ..اعذريني اذا كلامي الي ما اقصده اذاك ..لنا تفاهم بكرا" ماركزت الا على كلمته "كلامي الي ما اقصده" رمت الجوال بقهر..يوم قالها نكمل سوا قلبها المجروح فرح ..بس الحين بتدوس عليه اكثر وراح تمشي ورا عقلها مهما صار اليوم الي بعده رن عليها رنة ..انه تحت بالمجلس نزلت بلبسها ولافكرت تكشخ له كانت لابسة ترنق وتيشيرت اصفر ولامة شعرها أي كلام وبيدها كوب قهوة دخلت المجلس :السلام عليكم التفت لها :وعليكم السلام ورحمة الله حطت الكوب على الطاولة وقعدت واقفة ماسكة جوالها رائد : لذي الدرجة جيتك بوقت غلط؟ خولة التفتت له:لا عادي ليش؟ رائد :لا بس شايفك جاية وانتي حايسة ..اول كنتي تجين وانتي على الأقل مرتبة خولة :عشان اول كنت اطلع لزوجي ..الحين انا طالعة لولد عمي الي علاقتي فيه مؤقتة رائد برفعة حاجب :يعني اول كان لك امل اننا نكمل خولة:لا تفسرها ..بس اني مليت من التصنع الي على غير سنع ومابستفيد منه رائد :اها..طيب اجلسي ابي اكلمك جلست وحطت رجل على رجل :وشو رائد :ابي نحط حد ..ابي نحترم بعض قاطعته :انت الي بديت بقلة الاحترام رائد :مو مشكلة نفتح صفحة جديدة ..اعطيني فرصة سكتت كمل :اوكي ؟؟ نبدا من جديد وجست فريند ..لين نلقى حل ..اهم شي مانتهاوش ومانتلاسن نكون نساعد بعض ماحبت الفكرة ..تخاف تميل له وهالشي ماتبيه:اتركني افكر .. انزعج من كلمتها :تفكرين بإيش؟؟ ابعرف صدق تفكرين بإيش؟؟ خولة بحدة :افكر بكرامتي مافهم عليها :الله يشفيك ..انا باخذك على قد عقلك ومارح اتناقش معك ..مجرد اني بزورك زيارات خفيفة لين نلقى حل من هالغثى وقف وبدون مايطالعها طلع من عندها انقهر من قلب فتحت جوالها على رسالة بالواتس من لطيفة بنت عمتها بدون تفكير دقت عليها :لطططفف انقذذيييييييييينييييييي استغربت لطيفة :وعليكم السلام ورحمة الله ..الحمدالله بخير شخبارك ضحكت :والله سوري ..والله اني بورطة مايعلمها الا الله لطيفة :خير اللهم اجعله خير قامت من مكانها طالعة غرفتها :انا ورائد تنهدت لطيفة :تحبينه ومايحبك ؟ استغربت :يعني حلالة مشاكل العايلة ايه بس بعد منجمة!! ضحكت :والله واضح ..انتي تستحين عند طاريه وهو مادري بس خمنت خولة :حتى لو استحي المفروض مايوضح لطيفة :تستحين من الطفش يعني ؟ خولة :لا صدق -زفرت-خلاص انتي الفايزة ايه صح لطيفة :طيب ..وش صار بالضبط ؟ تبينه يحبك خولة :لا يع عفته خلاص ..اصبري بحكيك من البداية للنهاية ربع ساعة وقالت لها كل شي بالتفصيل لطيفة :لا صدق مشكلتك عوجا ..تعالي جاوبيني بصدق ..تحبينه ولالا ؟ خولة :قلبي ايه عقلي لا لطيفة :لو مشيتي ورا عقلبك فقلبك بيوجعك وبتحسين بفراغ مهما صار..لو مشيتي ورا قلبك احتمال تتجحفلين من رائد وعقلبك بيأنبك وبتحسين بالموت زايد ان قلبك بيكون مكسور خولة :شكرًا الله يبشرك بالجنة لطيفة :عشان كذا ابي الصدق ..بعيد عن الي بينكم كله تبينه ولالا خولة :ابيه بس هو مايبيني وهذي مشكلة لطيفة :سهلة ..خليه يحبك ..ترا سهل تحببينه فيك خصوصاً وهو توه منفصل ..لا اراديًا يبي الي يداويه وينسيه خولة :بس ماقدر ..ماقابله كثير ..والسوسة زميلته بالدوام لطيفة :وانتي بتتركين لها الخيط والمخيط ؟؟ اسمعي كلامي وصدقيني بترتاحين خولة ترددت :وش كلامك ؟ لطيفة :اول شي اقبلي اتفاقه """"""""""" الوقت الحالي وقفت عند الباب :يعني ماتبونها تعرف انه مباحث منذر :بالضبط ودق :سهلة ..ان شالله بس تكون كويسة مب زبالة منذر:بتشوفك بنت مثلها فأكيد بترتاح لك خصوصاً وهي متغربة عن أهلها هزت راسها وطلعت من البيت نزلت من العمارة وانتبهت لعمر واقف عند سيارته لفتها ستايله الغريب انتبه لها ونداها فتحت عيونها :اغطي ترا قرب منها :اوكي اسفين بس بنبهك ..اذا حسيتي وضعها غريب اتصلي بمنذر وهو بيتصرف ..واصبري عليها تراها كملت :متغربة عن أهلها ..ماعليك تو منذر مسمعها لي ابتسم :زين ..انا رايح انتبهي لنفسك ناظرت كيس الشبسات الي بيدها محسسها انها رايحة تحارب طلعت شقته ودقت الجرس سمعت صوتها الخفيف :مين ؟ ودق :انا جارتك ..ابي اتعرف عليك فتحت الباب باستغراب :اهلًا دخلت بابتسامة وشالفت لثمتها :يوه برا حر ..ذبت خلاص ماردت ولا أبدت أي تعابير وهي مستغربة منها :تبين شي؟ ودق ناظرتها :اتعرف عليك ! زين :سوري بس زوجي مو موجود وماقدر ادخل احد بدون اذنه ودق :ماعليك تو اخوي كلمه عند الباب ابتسمت لها واشرت لها على الصالة :حياك دخلت الصالة وفصخت عبايتها وناولتها لزين مع الكيس جلست وهي تهوي نفسها من الحر :والله ماكنه شتا ابتسمت زين وماردت ناظرتها ودق وبدون مقدمات ..لأن الوضع مو محتاج رسميات :ايه وش اسمك كم عمرك ..هاتي علومك زين :اسمي زين عمري 19 سنة ..ابد متزوجة وقاعدة ببيتي لا اطلع ولا اجي ودق :شدعوة زوجك حابسك ؟ زين ماحبت تبين:لا الحمدالله..بس مليت من الخروج ودق :ماعندك دوام ؟ زين :لا ..كنت بالجامعة ومليت منها وطلعت ودق :اها ..انا عن نفسي ماسجلت صراحة ..قلت بقعد ببيتنا منسدحة ابرك لي ..كويس نتشارك بشي زين :ليه ماسجلتي بالجامعة ؟..احس كنا مانصدق نتخرج من الثانوي عشان جو الجامعة والحرية الي فيه ودق :مابي ادرس بعد ..احس ابي اشتغل خلاص زين :طيب لقيتي لك وظيفة ودق :اكيد ..هنا بالنادي الي على الشارع العام ..فيه وظايف لأنه توه جديد ..تبين اعطيهم اسمك ترددت خافت يرفض عمر :اكلم زوجي اول عند عمر لبس بنطلون جنز مشقق وتيشيرت احمر وجاكيت جلد فوقه وطلع من الشقة صادف زين بطريقه ..عطته نظرات من فوق لتحت ومشت غرفتها وده يصفقها بس مو وقته طلع وارسل لمنذر "انا تحت" ونزل ينتظر عند سيارته ..انتبه لودق طالعة ووراها منذر راح كلمها ومشى ناحية منذر الي يناظر لبسه من فوق لتحت :خلاص اكلتني بعيونك الله يخسك منذر :يعني لأني اعرفك أقول مو لايق ولا هو فعلًا مو لايق عمر ناظر بإنعكاسه على قزاز المحل الي قدامه :لأني حالق كني طالع من دورة عسكرية الوضع مشكك منذر :مابقول انتبه تشككهم لأنه مايحتاج عمر :كاره نفسي بس الترقية تنتظرني منذر :تحملت زين مابتتحمل.. قاطعه :والله اتحمل زين ولا اتحمل بنات وعيال ## يحومون حولي ..بس كل شي لأجل هالارض يهون ربت على كتفه :الله يوفقك يارب ييسرلك ويسدد خطاك قرب منه وخمه بقوة وتركه :امين يارب ..يلا انا ماشي مشى لسيارته بعد ماتأكد انه مغير اللوحات وركبها وحرك ناحية مكان عماد وصل هناك ووقف قدام بيت عماد طلع له وركب معه :السلام عمر :وعليكم السلام عماد سكت ..متوتر عمر :سمعلي اتفاقنا عماد وهو حافظها صم :اسمك عمر عمرك 30 ولد نعمة ..عاطل عن العمل..اعرفك من خمس سنين بوحدة من الاستراحات ..وجاي معي تقضي وقت عمر :حلووو ..عطيني نبذة عن المكان عماد :شقة ببرج الضاير..صاحبها اسمه محمد الخالد ..عنده بارتي اليوم على شرف خويه احمد الي رجع برا ..والي بيتجمعون ..اخوياه المقربين وخوياتهم فقط عمر :يعني الموجودين هم غالبية الأسماء الثقيلة صح ؟ عماد :صح ..حتى قروبات التوجيه ماعندهم خبر غير ان محمد مسوي برايفت بارتي عمر :يعني نقول ان حفلة اليوم اثبات وجود وتطقس للوضع عماد :بالضبط عمر :على بركة الله ..خلك مثل ما انت لا تتصنع واعتبرني مو موجود لين ادرعم عليك عشان تعرفني على محمد عماد :ازهلها حس ان معنوياته منخفضة :زين بخير تنطح جمل ابتسم بخفة ومارد ..من رده عرف انها طلعت عيونه """"""""""""" فتح له باب الاستراحة ودخله :هذي استراحة ابوي وماصار يتجمع فيها مع اخوياه ..يعني تعتبر مكان امن هالفترة عقيل :مؤقتة ؟ طارق :تقدر تقول ..مارح نطول عشان نكشف الحقيقة عقيل :من انت ؟ طارق :انا طارق ..وبنبقى سوا هنا عقيل :يعني اعتبر نفسي محبوس هنا ؟ طارق :لا ابد ..تبي تطلع للمحطة بكيفك بخلي معك فلوس ..لكن الحين بحلق وجهك ذا الي كله شعر وبرتب شعرك وبتنام وتقوم بكرة نروح السوق نجيب لك ملابس وبنضطر نخبيك فترة حتى العمال يبلغون رئيسهم انك انفقدت عقيل تحمس :ويبدا الاكشن طارق ناظره بتردد :تعرف منهو الرئيس؟ عقيل هز راسه :على انه حابسني من سنين الا اني ماعرف عنه الا انهم ينادونه بيق بوس طارق :اوكي البيق بوس يقرب لي ..لذلك اضمن لك انه مارح يلقاك وبكون عارف تحركاته اول بأول عقيل شك فيه :يقرب لك ؟ هز راسه : ايه ..وهو غلط غلطة كبيرة ماتغتفر مارح اسمح له يتمادى فيها عقيل :كنت تعرف عني من قبل ؟ طارق :كسالفة وماعرف اذا انها صدق او لا عقيل :وش الي يخليني اثق انك بصفي ؟ تنهد :ماعندي شي يثبت ..غير اني خاطرت بحياتي عشان اطلعك..صاحب المزرعة لو درى مو بعيدة يحبسني معك عقيل :منهو صاحب المزرعة طارق باستسلام :خالي ..اسمه عبداللطيف الجالك ناظر بعقيل الي سمع اسم عبداللطيف وجلس يفكر فيه بينما طارق رجع بالزمن لوقت جيته عزا جده كان بيدخل غرفة جده لأن فيها خاله ويبي يواسيه دخل الغرفة ومالقاه موجود التفت بالغرفة وهو يتعبث بأغراضها ويشوف أغراض جده فتح وحدة من الادراج وشاف أوراق قديمة مصفرة بفضول طلعها وجلس يشوف وش فيها ..كانت شهادة ميلاد باسم عقيل نايف الجالك ..استغرب وانشد للموضوع ..منهو عقيل بهاللحظة سمع صوت خاله بسرعة تخبى بالغرفة والأوراق باقي بيده دخل عبداللطيف ومعه شايب من دولة ثانية :حياك تفضل خويه :وش السالفة عبداللطيف :الولد كمل 16 سنة محبوس بالاستراحة ..واخاف ينكشف خويه :اول ماتحس انهم بدوا يشكون بالموضوع طلع لهم ورقة الايجار وبجي انا اخذه لي على انه ولدي ومريض عبداللطيف :زين شوي سكتوا فترة طويلة رفع راسه يبي يشوف ليش سكتوا انتبه لهم يناظرونه برد وجهه من الروعة عبداللطيف ابتسم وناظر بخويه :وبعدها اذبحه بالبر ووكله للكلاب طلع من مكانه وبفشلة :خفت تهاوشني اذا شفتني هنا عبدالطيف اشر على طارق وعرف فيه خويه :وهذا ولد اختي طارق طارق ابتسم وماحب يدقق حط شهادة الميلاد على الطاولة :اعذرني ناظرعبداللطيف بالشهادة وبحزن :هذا توأم ودق ..توفى بعد ولادته همس طارق :الله يرحمه ناظره عبدالطيف :لا جينا نذبح الولد تخاوينا سكت وضحكوا اثنينهم ومشت عليه ككذبة لأنهم اكتشفوه رجع للواقع على سؤال عقيل ناظره بتفحص :ومنهي البنت الي يوم طلعت شفتها ويوم حاولت تجيني ضربتها على راسها من ورا ؟ ارتبك وماعرف شلون يرد عليه """"""""" مخرج "تناءت دارهُ عني ولكنْ خيالُ وجودهِ في القلبِ ساكن إذا امتلأ الفؤادُ به فماذا يضُر إذا خلت منهُ الأماكنْ" التعديل الأخير تم بواسطة لامارا ; 09-02-19 الساعة 10:19 PM | ||||
|
| |
|
06-02-19, 11:35 AM
| #10 | ||||
| روايه رائعه ومشوقه حبيت😁🔪🔫 السسبنس 😎والغموض ودق وخفة دمها مع خوالها نبذ اولاد اخوانها لها وخوله ورائد😁ناطره اكشناتهم عبد اللطيف وسر عقيل هل هو فعلا تؤام ودق والا اخوه بالتوفيق من المتابعييين ان شاء الله🤗 | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
