آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
27-06-19, 03:02 PM
| #93 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  السلام عليكم ..اشكر كل من علق على الروايه ولو بكلمه ...اشكركم بارت 8 دخلت الجناح براحه ...خلعت العبايه بضيق ...ضاق خلقها طول اليوم لابسيتها ! توجهت لغرفةالنوم ..اول ما حطت رجلها باب الغرفه تصنمت ..لما شافته جالس على السرير وكأنه ينتظرها.....رجعت خطوة للخلف ...وامنيتها تكون مثل الملح لمايذوب بالماء ... رفعت راسها لما كلمها بنبرة ماارتاحت لها : الحمد لله على السلامة كل هذا تنظيف! زوجتي سنعه ما شاء الله ! ما تدري ليه التمست بكلامه نبرة سخرية ... تابع كلامه بنفس النبرة ..وملامحها متجمده : عسى ما تعبتي كل هالوقت بتنظيف المطبخ ! إلتفتت للخلف لما سمعت باب الجناح يدق ...تكلمت بهمس :ثواني ! توجهت الباب وتمنت انها ما فتحت الباب من الهجوم إلي واجهها : انت على مين تضحكين ؟ حاسبه نفسك كذا نظفت المطبخ !! عقدت حواجبها كل هذا الهجوم لانها ما نظفت المطبخ بالشكل المطلوب ! وش هذي العائله ..سرعان ما لمعت بعقلها فكره حتى تهرب من جواد ..وبملامح هاديه ...زينت ثغرها بابتسامه لفتت انتباه ام جواد من جمال هالابتسامه ..تحس اعطت الجازي جاذبيه ما شافتها من قبل .. مسكت يد خالتها بنعومه وتقدمت خطوه للخارج بفرحه ناسيه انها ما هي متحجبه : من عيوني يا خالتي الحين ارجع انظفه قدام عيونك الحلوه ...ربي ما يحرمني منهم ! رفعت ام جواد حاجب على كلام الجازي ..وبعدها إلتفتت على جواد إلي سحب الجازي من شعرها وجذبها لنحوه بحده : وين وين ؟! طالعه بدون حجاب ! حطت يدها على راسها بتذكر : نسيت التفتت لخالتها وهي تحاول تفلت من قبضة جواد : ثواني ألبس واجيك ! بهتت ملامحها لما كلم امه : شوفي رنيم ترجع تنظفه ...دام يدها مكسوره ما رح تنظف مثل ما تبغين ! واشر للداخل تفضلي يمه ! الجازي ما تبغى تنفرد فيه تمسكت بام جواد بموده وبلهجه سريعه تكلمت: تفضلي يا خالتي ..فنجان قهوه ما يصير لازم نضيفك .. ما رح تتأخرين ! سحبت يدها ام جواد بقرف وبنبره متوعده : وقسم بالله لما تفكين الجبيره ما رح اسكت على قذارتك ! تفهمين ! ارتخت يد الجازي ..بلعت غصتها من اسلوبها الجاف والمستحقر لها ..والسبب ما تعرفه ...اخذت نفس ..تكلمت بروح مرحه عكس المشاعر إلي داخلها تمزقت من معاملتهم : من عيوني يا احلى خالة بالدنيا ..رح تلقين المطبخ يلمع لمع ..لكن الحين صعبه بسبب يدي ! ناظرتها بتقييم قبل ماتغادر « لابسه بنطال جينز ...وبلوزه خيط لونها احمر ماسكه على جسمها النحيل.....اماشعرها لوحده حكايه ثانيه ... تكلمت بنظره قرف وهي تناظر الجازي : ربي يعينك يا ولدي على ما بلاك ! لفت وجهها وغادرت المكان! غمضت عيونها لثواني ...بداخلها تصرخ لمتى رح تتحمل هالحرمه ؟! ليه ما تفوت فرصه للتجريح فيها ! تعاملها وكأنها جماد بدون احساس ...يا بغضها لذي النظره إلي يناظرونها فيها ....كأنها حشره قذره تثير الاشمئزاز ! قطعت افكارها لما زادت سرعه دقات قلبها لما سحبها للداخل وقفل باب الجناح ...غمضت ثواني و هي تردد بداخلها «جاءك الموت يا تارك الصلاه » تكلم وهو متوجه للكنب بنبره دبت الرعب بقلبها : تعالي هنا ! بلعت ريقها وبخطوه بطيئه تقدمت ...وبنبره مرتعبه تكلمت لما حست بقرب اجلها : ممكن طلب ما رح اطلب غيره ! استغرب ملامحها المرتعبه وحب يسايرها : اطلبي اشوف ! ردت والدموع معلقه برموشها : ابغى اكتب وصيتي قبل كل شيء ! عقد حواجبه باستنكار لهذا الطلب ..تتمسخر عليه : وصية ! هزت راسها : ايه وصيه ..بالله تسلمها لابوي بعد دفني ! ضحك على سماجتها ما يدري هي تتصرف ببراءه ..والا خطة خبيثه منها حتى تخلص نفسها من العقاب ...رد وهو يناظرها : والله هذي البشاره ما قلتي متى الدفن ان شاء الله ؟!! طنشت كلامه ما هي بحاجه لتجريح اكثر إلي فيها مكفيها .... توجهت لشنطتها القريبه ...اخذت ورقه وقلم ..جلست على الارض وبدات تكتب وصيتها ....وبداخلها شعور قوي انها هذي اخر لحظات حياتها ... وبخط كخط الاطفال كتبت : بسم الله وبعد الى الاب الفاضل المحترم وليد .....اكتب لك آخر حروفي بهذه الدنيا ...لانسج لك مشاعر صادقه من المحبه والاحترام ...ابي الفاضل كنت دائما نقطه فخر بحياتي ...يا من ربيتني واحسنت تربيتي «اضع خطا احمر تحت هذه الجمله » كم تمنيت ان اعيش عمرا اطول حتى ترى ثمار تربيتك فابنتك الصغيره قد قاربت على بلوغ الثامنة عشر....العمر الذي عاهدت نفسي بأن يكون نقطه لتحولي من سن الطفوله الى سن النضج لكن للاسف تبقى الامنيات بهذه الدنيا سراااب ...هأنا بأخر لحظاتي من الدنيا ولم ابلغ ذلك العمر حتى تراني فتاه ناضجه .... في هذا الوقت تعجز الحروف عن وصف مشاعري تجاهك ... اختصر كل ما في قلبي لاخبرك «ابي أحبك » اتمنى ان تخفف عن امي صدمة غيابي عن هذه الحياه ...امي الحنونه لطالما احببتها بالرغم من شدتها في بعض الاحيان ....انتما ثنائي جميل لجمال ارواحكم ..وبالختام اوصل احر مشاعر المحبه والشوق لامي الغاليه ....لكن قبل الختام ارغب بإخبارك بأن ابنتك فارقت الحياه بفعل الوحش الذي زوجته لها ...اخبرتك من قبل الطلاق هو الحل الامثل حتى لا يصل الامر الى جريمه قتل ... لينتهي الزواج بموت فتاه كزهره صغيره فتحت اوراقها قبل أوانها للتتفاجئ بمن يقطعها ويرميها ارضا ..يدوس عليها بقدمه حتى يفقدها جمالها ...وتندثر وتختفي من هذا العالم .. انا تلك الزهرة يا ابي ...اعرفك يا ابي لمكانتك بالمجتمع ستتنازل عن دمي من اجل جاهات ... وتغض النظر عن دموع امي واخواتي ...لكن لتعلم اني لن اسامح بدمي المهدور ...وليأخذ هذا المتوحش جزاءه ! اتمنى يا ابي ان لا ترمي بكلامي عرض الحائط ...وفي الختام اقول حفظك الله . الوصيه الثانيه يبه لا تناظر هذه الوصيه لانها لاخواتي «خاصه» امممم دانا السموره الاموره ...ما ادري وش شعورك وانت تشوفين خطي الاثر إلي تبقى مني ! خلاص لا تبكين ترى ازعل ...هيه ربي يحفظك ويرزقك ابن الحلال إلي يسعدك دنيا واخره ! هذي وصيتي اذا خطبتي تعالي لقبري واحكي عند القبر مين الأحول إلي خطبك ! هههه امزح يا قمر ...بالله اذا خطبت جحا تخبريني كان عندي فضول من رح يتزوجها ! وين سميه ؟! اسمعي يا سميه انتبهي لعمتي نجوى تراها عسل ما هي مثل إلي عندي ...يا حظك رح تعيشين مع سالم وجهه يبعث الطمأنينة بالقلب ! ما ادري وش اقولكم انتبهوا على فرح الصغيره وامي لا تغلبونها لانها تحبنا وتبغى مصلحتنا ! احبكم يا زفتات ..رح اموت وجالسه اشتمكم ...بس وش اعمل احبكم كثيييير ...ادري بكم نذلات رح تبكون اول يوم وبعدها تنسوني ! المهم اني احبكم .. قطعت كلامها لما تكلم بنبره حاده لما شافها مندمجه وطال الوقت : انت تكتبين موضوع انشاء ؟! اتركي سخافتك وتعالي ! زفرت بضيق حان وقت موتها ...وقفت بهدوء بعد ما طبقت الورقه بطريقه انيقه ..توجهت لشنطتها تخبي الوصيه فيها ! قاطعها لما اقترب بنبره امره : اعطيني الورقه اشوف ! هزت راسها برفض وبصوت هادي مرتجف من ملامحه : هذي خاصه بعد موتي يشوفونها اهلي بس ! طالعها بنظرات مرعبه وهو يمد يده لها : هاتي الورقه بالطيب افضلك ! تحس بالعجز من تحكمه هذا شيء خاص ما هو من حقه يطلع عليه ..وبنبره مرتجفه وهي متمسكه بالورقه بقوه : هذي وصيه خاصه ما يصير تطلع عليها بدون قاطعها وهو يحاول يسحبها منها بالقوه ..استفزته بسخافتها ..وش هالامرالخاص إلي كتبته ...ما يدري يحسها تخطط لشيء ...عمره ما كان ملقوف كذا ...لكن لانه ما يرتاح لها فضوله يدفعه يعرف وش مخططه عليه ! حاول يسحبها منها ...لكن متمسكه فيها بيدها السليمه ...طريقتها بالرفض اوحت له ان الموجود بالورقه شيء كايد ... حاولت بكل قوتها تمنعه ..لكن للحظه سحبها منها ...لتفقد عقلها وبدون وعي وقوه ما تدري من وين حصلتها ...رفعت نفسها بأقصى قدرتها حتى تسحب منه الورقه ...ابعد يده إلي تحمل الورقه ...لتخط اظافرها بقوه خطوط ظاهره على وجهه ..يتدفق الدم من فعل اظافرها وكأنها شفره او سكينه حاده ! ! صدمه ! الصدمه ألجمتها ! اصبحت جسدا بلا حراك ! حست الزمن توقف لحظتها ... .لما شافت الدم بوجهه ..تأكدت انه حانت وقت وفاتها قبل المحاكمه ... بهتت ملامحها واكتسى الرعب ملامحها لما شافت ملامحه المرعبه... لما تحسس بأصابعه مكان الجرح ! نطقت بنبره معتذره صوتها يرتجف : اسفه انا رجعت للخلف خطوه لما تقدم ناحيتها ...قبل ما تهرب انقض عليها ...غير مبالي بالجسم الصغير إلي بين يديه ...فقد عقله ...بداخله بركان انفجر ...من خطوبته للوقت الحالي ...خلاص ما يقدر يتحملها اكثر من كذا ! مسكها من ياقة البلوزه وعيونه تشع نار ...وكانه وحش بدون احساس .... دموعها ما شفعت لها ....ما هي قادره تنطق حرف واحد ....الرعب تملك جسدها ... حست فكها تكسر لما استقرت يده على خدها ...صحيح ضربها كف قبل هالمره ...بس ما كان بقوة هذا الكف ...ما اكتفى بكف واحد ...حاولت تحمي وجهها من كفوفه ..لكن فرق الطول والحجم بينهم ...ساعده انه يكتف يدها السليمه مع المكسورة ...تجاهل صرختها لما كتف يدها المكسوره وكانه مغيب عن العالم يبغى فقط يطلع حرة الايام فيها ...هي سبب كل انكسار احلامه وفوق هذا ما احترمت نفسها .... شدها من يدها المكسوره بقوة ...صحي من غيبوبته لما سمع صوت صرختها... تركها وناظرها لما تكورت على نفسها من الالم تكتم شهقاتها ! حس بجنونه ...كيف ضربها كذا ! ما يدري ليه هالمخلوقه تستفزه كذا ! كل تصرفاتها تثير استفزازه وانقرافه منها ! زفر بضيق ونفسه يرتفع ويهبط ..وبتهديد : اعتبري هذي قرصه اذن ...المره الجايه رح تكونين بالمقبره ..يا ويلك لوقلت كلمه ورديتي لي الجواب ...خلاص تصرفاتك ما تنطاق ! توجه لاغراضها ...اخذ الجوال وقفله : اذا شفت يدك حامله جوال اكسرها الف كسر علشان تتدلعين مثل البنات «....» ... وشلتك الخايسه بالجامعه اذا شفتك كلمتي وحده منهم يا ويلك ! وكل اخبارك توصلني ! علشان تعرفين عيون البرص زين ! والحين البسي عبايتك للمستشفى ! وقع نظره على الورقه إلي كانت السبب بإثاره هالمعركه ...تناولها وفتحها ..قرأ الورقه ....للحين مصممه تشتمه ..حتى امه ما خلصت من شرها ....لفت انتباهه «يا حظك بسالم » يعني الاخت معجبه فيه ! من دياثة ابوها تاركها في بيت ما لها محرم فيه ....يصير خير ... توجه للحمام يغسل وجهه ...احتدت ملامحه بغضب وهو يشوف الاثر الواضح في وجهه ...كيف يتصرف الحين ! عنده برنامج على التي في ...والمشكله اهله وش يقول لهم ! شد قبضه يده لو يطلع بيده كان رجع كمل عليها ! نفسه يصرخ بأعلى صوته «اكرهههههههااااااا» حمل نفسه وطلع من الجناح وهو يفكر كيف يطلع نفسه من هالورطه ! بدون ما يناظر الجسد المتكور على نفسه يهتز من قوة الالم ! ** ** ** انفجرت بكيتها بعد ما طلع من الجناح ...تحس نفسها رح تفقد الوعي من الالم ....ما كذبت يوم سمته الوحش ! ما عنده انسانيه ولا ضمير ! كسرها ويبغى يأخذها للمستشفى ..يجرح ويداوي ! رفعت راسها بتعب ...اسندت نفسها على الكنبه ...تحس النار مولعه بخدودها ...غير طعم الدم إلي تذوقته ! تنهدت وبداخلها تصرخ «قاسي ، لئيم ، نفسيه ، مغرور ، عديم الانسانيه » مسحت على يدها بلطف متاكده انكسرت يدها مره ثانيه ! ما صدقت يقرب موعد فك الجبيره ...حتى ترجع من الصفر ..... وقفت بتعب لما سمعت اذان المغرب ....منكسره مجروحه تحس بغصه بحلقها ....لانها مظلومه ما تستحق هالضرب ! وش ذنبها ؟! عضت على شفتها بعجز ... توجهت للمرايه تناظر وجهها ..انصعقت من خدودها باللون الاحمر ...مسحت طرف فمها من الدم ! همست بتعب «حسبي الله ونعم الوكيل » توجهت تجهز نفسها للصلاه وبداخلها ناويه بكل ركعه تدعي عليها .... اذا أبوها رفع يده عن حل مشاكلها ...ربنا معها ورح يأخذ حقها من جواد ! """ """ """ طلع من البيت بدون ما أحد يشوفه ...وقف خارج البيت وهو يفكر بالجرح إلي على وجهه ! استند على الجدار ....قاطع تفكيره قطه باللون الاصفر ملتصقه عند ساقه ...رفع رجله يبعدها عنه ....سرعان ما غير تفكيره ...ومسك القطه متوجه للبيت ! ناظر الفاينه بعد ما وضعها على الجرح ما زالت فيه نقاط خفيفه من الدم ! صرخ لما شاف اخوه بدر متوجه له ..ورمى القطوه على الارض ..وبدا يمسح على وجهه باتقان وكانها القطه هي الفاعله ! اقترب بدر منه : عسى ما اذتك ! ناظر الجرح وفتح عيونه : ملعونه هالقطوه ...شوهتك ...وش تبغى فيها حاملها ! انقهر يعني الجرح واضح كثير : حزنت عليها وهي تمسح برجولي الظاهر إنها قاطعه بدر : يا حنون شوف وش عملت بوجهك ؟! لو تدري امي انك مدخل هالقطوه القذرة يا فضيحتك قاطعهم ام جواد مجهزه نفسها للخروج ...اقتربت منهم باستغراب : وش صاير ! بدر بضحكه : ابدا يالغاليه بس ولدك الحنون دخل القطوة هنا ..شوفي وش عملت بوجهه ! اقتربت وعيونها تتفحص وجه ولدها : كيف مسكت هالقطوه القذره ! وبقرف اشرت على القطوه : طلعها يا بدر برا بسرعه ! وناظرت جواد : الحين تطلع للمستشفى يمكن فيها جرثومه ...امشي اشوف ! مط شفته ما ناقصه الا المستشفى : انا طالع اصلي المغرب وبعدها اروح للمستشفى قاطعته ام جواد -بخوف : انا معك قاطعها بضجر : يمه تراني ماني بزر ! انت توكلي لزيارتك وانا اضبط اموري ! ناظر بدر وهو يطلع القطوة من المكان ..رح يشتري للقطوه اكل لانها خلصته من مشكله ما لها قرار ! ما له خلق يرجع ويشوفها ...ما له الا ابوه يأخذها للمستشفى !! *** *** *** تحس دموعها جفت من كثر البكاء ....سلمت من الصلاه ...تشعر براحه بكل ركعه دعت عليه ... حست بدخوله للجناح...خطواته بإذنها ...دخل الغرفه ناظرها وهي جالسه والظاهر انها كانت تصلي ... وبنبره هاديه : ابوي ينتظرك تحت ..جهزي لنفسك للمستشفى ...يا ويلك لو تعترضين او تعملين مناحة بالمستشفى ! وحطي في بالك اي مكان تبغين تروحين له لازم تستأذنين حتى لو كنت تبغين الحمام تستأذنين ! والحين شرفي اشوف! دقات قلبها زادت تخاف تنطق حرف ويرجع يكمل عليها ...بدل ما يعتذر لها جالس يعطي اوامر ....وقفت بهدوء ...لبست العبايه والشاله بإهمال ...تحت انظاره ..واقف يتأمل ملامحها المنتفخه من البكاء ..يحس بحقارته كيف مد يده على الجسد الهزيل...يقدر يؤدبها بطريقه ثانيه ! ما يعرف كيف فقد اعصابه وضربها ....بالرغم انه ما كان ناوي يضربها ...لما يتحسس الجرح إلي بخده تولع النار بداخله ! تكلم لما شافها جاهزه....وتناظر للجهة الثانيه !: لا تنسي بطاقه العلاج! اخذت شنطتها وتوجهت خلفه ..بداخلها كره لهذا المخلوق ...ما رح تسامحه على ضربه لها ! اقتربت من خالها ينتظر عند سيارته ....ما لها نفس تكلم احد ...حتى السلام ما هي قادره تلقيه .... تكلم ابو جواد بلوم لها : متى تنتبهين لما تمشين ...الظاهر يدك ما رح تنفك عنها الجبيره! طالعت خالها الظاهر ما عنده خبر عن المعركه إلي دارت بينهم..مطت شفتها وتوجهت للخلف لما تكلم خالها مع جواد : اقول امشي الحين يعطونك ابره يمكن القطوة فيها جرثومة ! ما ترك له مجال للاعتراض وسحبه معه للسياره ... حرك ابو جواد السياره : ما اخبرك تحب القطاوه ...وش غيرك ! جواد بدون نفس : غلطه ولازم نصحح هالغلطه ! ما اكترثت لكلامه ما عاد يهمها ..كل إلي تبغاه بس يعطونها مسكن لوجع يدها ...اما وجع قلبها رح تتركه للايام تداويه ..... ** ** ** •• ضاق خلقها من رؤيه نفس الدكتور ..ما لها خلق لسوالفه ...مطت شفتها بضيق وهو يتفلسف : تدري انه يا ابو جواد الكسر إلي بيدها اقوى من المره الماضيه ...تحتاج وقت اطول حتى يجبر ....ما ادري كيف بنات اليوم ما عندهم رزانه ...يتراكضون وكأنهم بزران .. ناظر جواد بابتسامة : وش حظك دوبه ينجبر كسر يدها والحين رجع وانكسر ! جواد بنبره هادئة : بعين الله ... ناظرها الدكتور : انتبهي ترى ما هومن صالحك تنكسر مره ثانيه ! ناظرته والدموع بدت تتجمع بعيونها😢 ...وبصوت مبحوح : ابغى مسكن ضحك الدكتور 😂 : الظاهر موجه البكاء رح تبدأ ...شوفي وجهك كيف احمر من كثر البكاء وصوتك مبحوح من البكاء ! هزت راسها بالنفي ...بعد ما مسحت دمعه تسللت على خدودها ... ناظرها وهي منزله راسها متاكد جالسه تبكي ...قرر يغادر قبل ما تفتح موجه البكاء ووقتها ما يضمن نفسه ! وقف بهدوء ...تكلم وهو يصافح الدكتور : مشكور خالي ما قصرت ...اسمح لنا ! هز راسه الدكتور بابتسامه : عسى عقمت جرحك امك اتصلت تسألني خايفه عليك من القطوه ! ابو جواد وقف ينهي السالفه ...بعد ما فهم الموضوع ...خاصه بعد ما شاف خدودها المنتفخه ! استأذن وخرج ...ونظراته الحاده على ولده .... ناظر الجازي مثل الورقه يحركونها يمين يسار بدون اي حرف : اجلسي هنا بالانتظار نصرف الدواء ونرجع، بكل خضوع جلست بدون اي كلمه ! لما حس انه ابتعد عنها ..ناظر جواد بحده : مجنون انت ! كيف تضربها كذا ؟! ناظر ابوه إلي كاشفهم : يعني عاجبك مكان اظافرها بوجهي ! وقسم بالله كنت ناوي اذبحها وارتاح منها خلاااص قرفت حياتي معها ! زفر ابو جواد بضيق ..صحيح ما يحب الجازي ...بس ما عجبه تصرف ولده : يا جواد في الف طريقه للعقاب قاطعه جواد بضيق : يا يبه فقدت اعصابي من عنادها ...تعرفني ما احب اكرر كلامي ! لا تلومني يبه لو امي تعمل بوجهك كذا ما رح تسكت لها هز راسه ابو جواد بتفهم : احس بشعورك يا ولدي ...لكن المفروض ما تضربها على يدها المكسوره حتى وجهها لا تضربها عليهترى الوجه مكرم ! ما شفت وجهها كيف منتفخ ! لو شافها ابوها او شكت له تبغى تصغرنا قدام وليد !!! اتمنى انك تضبط اعصابك يا جواد جواد مط شفته بسخريه : ما انكر اني غلطان لكن صدقني يبه بعض ناس ما تيجي الا اذا دست عليها ! والجازي من هذا النوع تبغى العين الحمراء ! ردد ابو جواد بهمس : الله يهديك يا ولدي ! صرف العلاج وتوجه مع ابوه والصمت يحاوطهم ...رفع نظره عليها جالسه بصالة الانتظار ...حاضنه بيدها السليمه يدها المكسوره ...منزله راسها تناظر الارض ...للحظه كسرت خاطره ...يحسها بقمة ضعفها ....لكنه وصل لنقطه يضع لها حد وما رح يضيع هالفرصه ...اقترب منها بجفاءتكلم : قومي ! وقفت بدون تناظر احد وتوجهت خلفهم للسياره ما نطقت حرف واحد ولا أحد كلمها ! براسها شيء واحد كيف توصل لابوها بعد ما سحب جوالها ! والدنيا ليل وتبعد عن ابوها مسافه ما هي بقليله ! ما لها الا حل واحد باكر لازم تنفذه ! تحس خالها ما هو طايقها حتى ما تحمد لها بالسلامه ! يمكن خبره جواد بالموضوع ... عيونه تحكي انها ما هي بعينه ابدا ! ** *** *** *** ناظر زوجته وهو يستلقي على السرير بضجر : علامك ما تسمعين ! اقولك البنت زلقت عند باب الحمام ويدها انكسرت من جديد ...اخوك يقول تحتاج راحه ! ردت بقهر : من متى اخوي يفهم بالطب ! ناظرها بضجر: وبعدين يعني ! إلي عندي قلته الجازي ما تشتغل شيء بالبيت ...متى ما فكت الجبيره يصير خير ! دقت على صدرها من الغيض : انا ما ادري هالمسخ من وين طلعت لنا ؟! متى ازوج ولدي البنت إلي ابغاها ؟! رد وهو يغطي نفسه : انا لو بيدي كان من الصبح زوجته بس ابوي يقول نصبر شوي ! ردت بقهر : يا صبر ايوب ! "" """ "" تحس نفسها رح تنجن من الوجع ...كلما خلص مفعول الدواء ترجع تشرب ...ناظرت الدواء قرب ينفذ .... تشرب دواء بجنون لعله يخف الوجع وتنام لو ربع ساعه ! يا الله عايشين بنعمه .....نعمه الصحه ...تنام وتصحى معافى الجسد ....عكس الذي غزته الامراض حرم من نوم الليل الهادي .... متى يطلع النهار حتى تقدر تتصرف ! اول مره تنتظر طلوع الشمس بهذا الشغف ! تحس الوقت يمر بشكل بطيء ... ما صدقت قرب موعد خروجها للجامعة ! طلعت من الجناح لتصادف خالها نازل عن الدرج ..نادت بهدوء تبغى تطلع بدون ما تشوف احد : خالي توصل قاطعها : تعالي بسرعه تراني صائم ... .هزت راسها وتوجهت خلفه بهدوء ... طول الطريق ما احد كلم الثاني، الصمت خيم على المكان || توقف باب بوابه الجامعه : انزلي... اي ساعه! حملت اغراضها وبصوتها الهادي ردت : 2:30 وبداخلها تردد اذا لقيتني ! توجهت للداخل وبراسها موال لازم تنفذه ! يتبع يوم السبت بإذن الله ...دمتم بخير | ||||
|  |
|
29-06-19, 05:10 AM
| #95 | ||||||||||||
| نجم روايتي ومشاركة بمسابقة الرد الأول وابنة بارة بأمها 
|  كل شيء في الدنيا له علاج ! غير غباء الجازي ! قلت لكم فيها قل عقل واليوم في البارت اثبتت انها تعاني شئ في عقلها تتصرف كـ انها ظفله ! مو تبي تبلغ 18 سنه عايشه بدراما وهزل واشياء كثيره ! ولا فيه وحده عاقلها تطلب من زوجها اكتب وصيه الحمدالله الموقف مو مجتاج نكته وتخفيف دم شايفته معصب وتبي تكتب ومصدقها انها تبي تموت وتسبه وتمدح سالم وش هالغباء اقسم بالله لو فيها منها حقيقه مو خيال كاتبها اتمني انهم يعرضونها ع طيبي نفسي ! ولان قبل انها تقيم الصح والخطأأ أنهم ا يكشفون ع مستوى العقل عندها ! خاصه انها تعيش مع عائله محبوبه واسره نوع ما مثاليه وخطي ع نوع ما خطين احمر! يعني الغباء او البلاهه تجي الاشخاص المعنفه اسرياَ المششتته مو وحده عايشه في عز ابوها ويحبها! عشان كذا ارحع واقول محتاجه كشف حدت الرجل ع اقصاه جرحت خده مع اني ضد العنف وبشده للجنسين الحل مو بالضرب لكن !! فيه حريم تطلع الرجل من طوره حتى لو هو حليم وجداَ من اسلوبهن ما خلت له فرصه يشفع لها وماراح تتوب! من تصرفاتها الغير مدروسه لانها ما اصلحت نفسها ولا تصرفاتها ماراح يتقبلون منها أي شيء الناس ع الفكره الاولي وانظبعت لهم سواء من جواد او اهله! فكرت هروبها اتمني تنجح ! لانها محتاجه البعد ! لكن مع تصرفات الجازي وابوها ممكن بالاخير يرجعها لانه يخاف كلام الناس وبيزيد شر جواد وأهله! ملوحظه في رواياتك السابقه اكثر ما تتكلمين عنه البطله احساسها مشاعرها كل شيء البطل قليل جداَ ماتذكرينه!! كـ إحساس ومشاعر تكون قليله اتمني انك مثل ماتخلينا نعيش احسيس البطله كذلك نعيش لحظات واحسيس البطل ! تسلم الكاتبه ولاحرمنا من يد الناقله يرب .gif "Eh S(7)") | ||||||||||||
|
| |
|
29-06-19, 07:14 AM
| #96 | ||||
| نجم روايتي 
| لا جديد بحياة الجازى🙄 الوضع كما هو تقوم بالرثاء على حالها ولا تحاول إصلاح نفسها تصرفاتها متسرعه و متهورة لا أدرى لماذا والدها جعلها تتزوج إذا هى بهذه العقليه يعنى كان من الافضل أنه يرفض على أن توضع بهكذا إذلال جواد هو ليس فتاه ليجبر على زواج لا يريده أخطأ الجد لان الزواج مشاركه وقبول والطرفين هنا لا توافق بينهما و يؤذوا بعض هذا هو الزواج الفاشل حتى لا أحد منهم يحاول من أجل نجاحه أحس أن التعاطف مع الجازى يقل من فصل لفصل لنرى معك القادم بالتوفيق عزيزتى 💐 | ||||
|
| |
|
02-07-19, 07:32 PM
| #100 | ||||
|   السلام عليكم ورحمة الله وبركاته احم احم الجازي ترى تصرفاتك صايرة طفولية بحتة 😅😅 يعني في هيك موقف المفروض تموتي خوف تستهبلي المشكلة ما حسيتك بتستهبلي كنتي جد عايشة الدور كمان ومنفعلة ما شا الله 😅😕 جد مش عارفة شو احكي بس بضل احكي حتى لو هي تصرفاتها بتجيب المغص بس لو أنها من الأساس جاية على بيت مرحب فيها كان وجدت الجميع متقبل طبيعتها وكان تلقت بعض الانتقادات بس ما توصل الأذى والعنف اللي بتتعرضله والله ما بتستاهل 😯😯 هلا بالنسبة لموضوع الهرب هو ابدا مش حل 😟 لأنه لو ما كنتي غلطانة مع طريقة هروبك من المشكلة رح يثبتوا عليكي العيوب اللي حطوها فيكي ما بتوقع تهرب 😥 يمكن تروح عند عمتها أو تحاول ترجع لاهلها بس أظن جواد رح يلقاها قبل 😟 جواد مغرور بشكل حتى لو الجازي مش زي ما بدك ومش هي البينت اللي كنت تحلم فيها بس حاول تغيرها اسمعلها تبريراتها عن حالها حاول تنظر للامور من وجهة نظرها الزواج ببلش باحترام وتفاهم ثم ربنا بزرع الحب والمودة انت من أول أيام الزواج قللت احترامها وبعدين لازم تنظر لصفاتها الإيجابية قبل السلبية ما عمرك حكيت معها باحترام ما عمرك حسستها بالاهمية أخذتها معززة مكرمة من دار اهلها لا تذلها ما بطلعلك ابدا هي ما لها ذنب باحلامك الجازي طبيعي ما بتحاول تتغير من اللي بتشوفه يوميا منك مو طبيعي حسبي الله 😠 لو أنك حاولت فيها بطريقة تبريراتها ذمتك على الأقل بس زواج انحط اله نهاية من اول أيامه شو منتظرين منه ؟؟؟ | ||||
|
| |
|
| أدوات الموضوع | |
| انواع عرض الموضوع | |
|
|
15Likes
العرض العادي
