19-02-19, 03:00 AM
| #1 | ||||
|  انا صباحك لو ساعات ليلك طولت السلام عليكم عزيزاتي...... . . . دايم كنت الاقي الراحه لما اكتب ...واسرح بافكاري وخيالي للبعيد...لعالم انا اشكله كيف ما ابغى ومثل مايشتهي قلمي...بس هالمره قررت اني اشارككم هالشي واعيش معكم ومع ابطال روايتي هالفتره..لكم ان تتخيلو كيف صحيت من نص نومي فجأه عشان اكتب لكم بكل حماس وسعاده ...فتقبلو جنوني...{سيده انيقه}. . التنزيل بحول الله كل ثلاثاء... . . . الفصل الأول مدخل؛إن كنت حقاً قدري فهل لنا من اقدارنا مهرب.. . . الى تلك البعيده في قعر احلامي..اما حان ياصديقتي ان نمسك بأطراف الطريق.. اما آن لنا ان نلتقي...لامست خيوط فجري لأجدكِ فسقطت اناملي عابثه مترنحه وكأنني بُت الليل سكيراً معربداً.. اغتصبت وعدي منكِ متعمداً إسقاطكِ !فسقطت وحدي لا ارجو النجاة ولم تعد ابداً غايتي..... . . ياه ياباريس... باقي مثل ما انتي ماتغير فيكي شي شوارعك اضوائها ماتنطفي ومع ذالك بعيني مظلمه ياكثر هالناس وياما ابتلشت في الزحمه من اول ماوطت رجولي ارضك وبعد خمس سنين انا بنفسي ماعرف كيف مرت بس الاكيد ان ريحتك وريحة سحابك المطاره رجعتني لورا .لورا كثيير ياباريس..xxx ... عزام هه... وينك الحين وش صار عليك كل سنين دراستي معك والايام الي كانت بيننا وحبي الي غلفته لك في معنى صداقه تافه غبي ........ عزامx امم وعدتني بنلتقي وكمان وعدتني تحكي الكثير......... كثير حلفت لي اني عايشه في وهم ومو وقته افهم كلامك لأن كل شي بوقته حلو ......... عزامx اسم حتى لو حاولت انساه ماقدرت وحتى لما حاولت اعيش بدونه بعد ما قدرت......... عزام هذاني عالوعد رجعت باريس بنفس التاريخ الي وعدتني نلتقي فيه..... ويلك لو ماتجي وويلك لو تنسى الوعد .. كفايه مني قدرت انسى كفايه مني رضيت اني افكر في طلبك واسعى فيه.......سنين نفيي من الرياض متعبه لا اهل لا معارف ولا حتى اصحاب..... ابيك تجي وتشوف سما الحين ابيك تشوف نجاحي بعيونك ماأبي تسمع عنه ابيك تشوف ان الضلم والضيم ما كسرني ولا طيحني قدرت اوقف قدرت اكون نفسي من جديد مثل الوليد تصور اني حتى الحياه حتى النفس تعلمته من جديد.......... اذا مو بفضل حضرتك بفضل مين ياترا..... البحرين وش احكيلك عن البحرين. الي اعرفه في قبايلنا ان البنت عمرها ماتنفي اصلا حتى منفاها حرام لكن سواتك فيني انفتني حتى ابوي الشايبx ما تراجع ثانيه تحسبني بنساها لك لا وربي وربك لتذوق العنى ومن يدي وما اسمي عليك........ البحرين يا عزام ااه وش احكي لك عن كم المستشفيات الي اشتغلت فيها... المخجل والمبكي اني دكتوره واشتغلت فيها عامله نضافه..... عاملة نضافه يا عزام هه.... شقيت ايه لكن رفعت نفسي وصرت الي انا عليه الحين .. الثلج بدا ينزل علي وكأنه يواسيني ويصفق لي على شجاعتي ويقول انسي وأقول له تبشر وعلى عيني بس مو الحين. هذا انتي يا باريس لازم جوك يثلج ويعفس علي شياكتي الا السواق هذا وينه سرحت ونسيت نفسي بشناطي بالشارع.... %%%%%%%‰%%%%%%%%%%%%%%%%%% خمس سنين انتضر هالحضه واخيرا يا سما جت. نص ساعه واكون على ارض باريس..... ببالي اخر لقى لما حلفتك فيني نلتقي وبكيتي وحلفتي يمين معضم انها اخر مره اشوف فيها وجهك بالدنيا..... ما أنسى إبتسامتي النذله لما شديتي على يدي وبقوتك الضعيفه تبين تجرحيني...... ابشرك جرحك وصل ولليوم معلم وكأنه يثبت لي انك مني وفيني ومهما صار بينا اضل جزء منك ولو بالخفاء عني...... نزلت من الطياره وكالعاده ومثل ما عرفتيني رجعت حتى المويه الي شربتها....... ما أنسى ضحكك علي لما قلتي رجال طول وعرض وكل هالهيبه وبطنك ماتتحمل فره في الطياره ياني ما تغيرت ياسما بس السؤال هل انتي تغيرتي؟؟؟؟؟؟؟؟ وما أنسى الأفريقي الي معانا في الصف التشريح لما فقد القدره على التنفس وأسعفته ..... اخذتي شهر يالضالمه تضحكين علي وتعايريني على قولتك......شكلك شاذ وابتلشت سحر فيك ههههههه ليش حتى ابسط تفاصيلك عايشه معي وكأنها أمس وكأني كان معمي على عيني وما شفتها إلا بعد ماتركت سحر إلي كنت أشوف الدنيا فيها...... ياليتني اقدر اجددك فيني او ارجع الزمن ورا.... أو عالاقل ما أسوي الي سويته وضيعك وضيع هلك وضيع عزام الأولي........ طلعت برا المطار وأنا كلي ثقه انك بالرغم من حلوفتك بأني ماأشوف وجهك طول عمري بتجين لكن ماتوقعت إن حضي حلو لدرجة اني اشوفك بشناطك سرحانه ولا هامك الثلج الي غطى شعرك ونازل على خشمك ألي لليوم رافعته بشموخ وغرور أسطوري اشهد لك انو مايليق الا عليك........ نزلت عيوني على جسمك وكأني اتمنى انه ماتغير وكأن لي الحق فيك........ جسمك إلي ياما جنني نحيل وناعم مثل ماهو ببشرتك إلي ماعرفت أوصفها كنت أستغرب لما أحضنك وأحضن سحر كنتي تغوصين فيني بطريقه عجيبه وكأنك أصلا مني هالأحساس مو راضي يروح عني وأشتاق له وأحتاج اني اجدده ...ً ماعندي الجرأء اني أقرب منك وصار لي كم وأنا أتأملك....... _عاجبك المنضر ترا من نص ساعه ملاحضه وجودك.. صوتها الطفولي للحين ينافخ علي وبنبرة عدم الأحترام الي تعودتهاا منها مثل ماهي ما تغيرت آه يا باريس الواضح إن دربك متعب وطويل.... _ما دام علآ قولتك ملاحضه وجودي ورا ما تحركتي _استنيتك تكون جنتل وذوق وتجي بحكم العشره تساعدني وتسلم لكن لما زادت نضراتك قلت اتكلم. عزام مجددا ......نص ساعه احاول اتحرك واتقدم لك واعطيك كف يشفي غليل السنين اللي راحت لا قدرت ارمش والبرد جمدني...لكن انا ببدا معك صح وباسوي مثل مانصحتيني فيه ياشموخ كل شي حبه حبه ومارح يصير الا اللي يرضيني. _قهوتي مثل ماهي ساده اعزمني ترا جمدت واطرافي شوف بارده .. مثل البرأه اللي تعودتها منك لو ما نضوج وجهك اللي صارت ملامحه اكثر انوثه واغراء كان قلت انك الطفله البريئه اللي من خمس سنين ................................ ................................ . . قبل سبع سنوات......... . والله إني ما نويت أكشف ملفات القضية لكن أني شفت شيٍ يفقد العاقل صوابه يا الحياه أنتِ غديتي بالغرابيل أجودية كنّك اللي ما يميز بالخطأ غير ارتكابه ما عطيتي غير جرح ولعنبوها من عطيّة والله إنّك ما عطيتي خير للقلب وصوابه خاينةما أنتِ عزيزة خافقي يا الأجنبية جنبي عني وأجنب من مداهيل الغرابه ،%%%%% العاصمه الرياض بيت ابو سما ياربي الساعه٢ وماني قادره انام احس بشعور غريب معقوله بيطلع فرنسا لأنه عرف انها حلمي او هو طموحه من البدايه! من اول مادقت علي ريم وقالت لي ان اخوها عزام بيدرس طب هناك وأنا مستغربه وفي نفس الوقت متحمسه قراره ما زادني إلا حماس وتصميم اني اقنع أمي ترضا وتخلي السالفه تمشي...... ماعرف كيف غفيت صارت الساعه٧لا صليت ولا لحقت على أمي قبل لا تداوم صحيت من فراش وانا كلي حماس وتفائل اليوم لازم أحسم الموضوع وأخذ موافقتها ومارح أرضى بغير كذا...... نزلت للصاله وشفت أبوي كالعاده مستلمها أخبار وجرايد سما:ياصباح الخير على احلى أب في الرياض أبو سما:صباح النور والسرور انتي باقي ما تبطلين مجامله ألحين صرت احلى أب في الرياض طيب والشيب الي مالي راسي سما:يبه أنت حتى لو أعور مو بس شايب بتبقى في عيوني احلى أب أبو سما:يقالك تبين تكحلينها أعور مره وحده ههههههههه سما:ههههههههه من زود حبي لك ضيعت...... يبه اليوم أبيك لي عون لازم تفرض رايك على أمي أنا بنتك وحلمي لازم أحققه. أبو سما :يا سما أمك وجهة نضرها صحيحه انتي بنتنا الوحيده لو رحتي فرنسا البيت بيفضا علينا كثير سما:يبه أنت من جدك الله يخليك لا تغير رايك هذاني حلفت انت بالذات بكلمك في اليوم٣مرات مع كل وجبه وشرايك..... بعدين فكر فيها وضعنا المادي مو مره لازم عالاقل اقوي شهادتي عشان أساعد امي وأساعدك ابو سما:......... انتي عارفه اني ماني رادك ومن ناحيه المساعده يابنتي حالتنا ميسوره وما عليك سما:...ياربي لك الحمد بس مثل ما أنت شايف نسبتي كويسه كثير يبه أوعدك إني أكون قدها وأوعدك إني أكون الولد الي يشيل هالعيله على رايه.. أبو سما: أنتي يالنتفه بتشيلينها على راسك ههههههههههه والله يا بنتي إنك عندي عن عشرين ولد أنا معك والله يكتب اللي فيه الخير. دق الجرس بيتنا دقتين من كثر ما أعشق صاحبها حفضتها ....... هذا هو عزام كالعاده من وأنا عمري ١٤سنه وهو المسؤول عن أدوية أبوي بالأحرى من اول ما جينا على حيهم هو محمل نفسه المسؤوليه ناضرت رجول أبوي وبسرعه صديت ما أحب أشوف الضعف في عيونه رحت ألبس جلالي عشان أفتح الباب ناداني أبوي.:سما لا تنسي تغطين وجهك ما عدتي صغيره وبأبتسامته إلي تعودتها..جمالك كل ماله يزيد رديت بغمزه:أفا عليك تربيتك لبست جلالي عالسريع وحطيت الغطا على وجهي قلبي مثل ماهو ماتغير كل ماله ودقاته تزيد في كل مره أخذ أدوية أبوي منه أرجف وأحاول قد ما أقدر أخبي رجفة يديني عنه.... أحس إن كل شخص له إنسان واحد بالحياه يأثر فيه لهالدرجه ويضيع علومه شخص واحد له تأثير على كل حواسه واللي عرفته إنك يا عزام هالشخص بالنسبه لي......... فتحت الباب بثقل مصطنع تعودت أتقنه واضح إن الشمس مضايقته من تكشيرة عيونه.... عزام:والله لو مافتحتي الباب كنتي شفتي هنا عزام عالفحم عزام الفخم يمزح ولا يتهيألي.... رفعت عيوني بهدوء وناضرته كل الخوف من ان عيوني تلتقي بعينه أخاف أتوتر وأخربها سما:امم أسفه منك بس قاطعني بملل:ما عليك متعود نزلت عيوني بخجل ملحوظ عزام:أخبار الوالد اليوم كيف صحته تكلمت وباقي عيوني بالأرض :الحمد لله تمام عزام بهدوء: الحمد لله المهم اليوم جبت للوالد كميات كثيره أنتبهي عليها وخليها في مكان بارد رديت بخفوت:ان شاء الله لمحت الكيسه الصغيره إلي معودني عليها مجموعه كاكاوات أغلبها تخص الأطفال أنا أدري أنت وش تشوفني بعينك لا زلت الطفله الصغيره إلي تلعب مع أختك ريم زفرت بضيق ما توقعت يوصل له لدرجة إنه رفع راسه علي وفتح عيونه بصدمه أرعبتني رجعت على ورا بشكل تلقائي..... عزام بحده : أحم أنا مسافر ومطول أتفقت مع حميد يوصل لكم أي شي تبونه يكفي إن عمه نوره تكلمه وترسل له طلباتكم قاطعته بسرعه أحاول أثبت نفسي قدامه شوي :أنا كبيره خلاص أقدر أهتم بالموضوع سكت بخجل علا تهوري الواضح استنى منه رد أشوي أناضرالارض وشوي أناضره رافع حواجبه بتعجب وعصبيه الواضع إنه يحاول يخفيها وأخيرا رد علي بإبتسامه هاديه:متأكده إنك كبرتي ما علينا يا الكبيره هذا رقم حميد وصليه للعمه نوره تشوف الصح وتسويه ..... كتمت غيضي من استخفافه الواضح وسحبت البطاقه وتمتمت: إن شاء الله الغريب إن طول ما هو واقف جواله يدق بنغمه كاضم الساهر أحبيني بلا عقد.. متى غيرها؟؟ لاحظ نضرتي لجواله وقفل المكالمه وأشرلي بالسلام ولف رايح رفعت لثمتي أعدلها وناديت عليه بسرعه:عزام لف علي بسرعه وكأنه أنصدم اني أناديه بإسمه عزام:يا هلا سما:أبوي ما عاد صار ينام بالليل عدل مادري وش فيه. يمكن كثر هالأدويه أثر عليه سكت بحسره على حاله ابوي عزام بنبره حنيه حاول يطمني فيها:ما عليه خلاف أنا اليوم العصر بجي وأخذه معي المستشفى وبنشوف حالته كيف تطمني ترا هذا شي ما يخوف.... هزيت راسي بالإيجاب ناضرني وبأمر:يله أدخلي وسكري الباب.... دخلت مطيعه وإيدي على قلبي أحاول أهدي دقاته... رحت المطبخ ورتبت مجموعه الأدويه وأخذت كيست الكاكاوات وحطيتها بدرج مع أخواتها... حسيت بجوع خفيف ومغص بسيط دايما أنسى وجباتي وأحاول أذكر نفسي إنها مهمه لكن ماش تروح من بالي اخذت لي كورسان جبن مع كوب شاهي.... وجلست أفكر في عزام اللحين هو يجهز لسفرته أكيد سفرته إلي أكيد بكون معه فيها.... رحت أشيك على أبوي لقيته غافي بهدووء أرتحت إنه نام بس يصحى بخبره إن عزام بيجي العصر ياخذه معه.... أخذت لي دش دافي عالسريع وطلعت لبست سكيني فاتح وبلوزه سوداء بأطراف دانتيل خفيف جففت شعري عالسريع عشان أنزل وأسوي الغداء أحاول فيه أرشي أمي وترضى عني هالفتره.... دخلت المطبخ بطاقه وحيويه وسويت محاشي كوسه ومكبوس دجاج كلها أكل أمي المفضل وسويت معها سلطه زبادي وسلطه بطاطا حلوه حطيت الأكل عالنار تنضج وصحيت أبوي يصلي الضهر وساعدته عالوضوء صليت ودعيت ربي من كل قلبي يسخر لي أمي وترضى سمعت صوت فتحة الباب وعرفت إن أمي وصلت أقبلت عليها وبستها على خدها بوووسه طويله:والله إن توه بيتنا نور أم سما:ههههههههههه بوستك هذي أنا عارفتها ما تجي وراها الا علوم ضحكت بشطانه: أحلا شي إنك عارفتني هو وراها علوم لكن مو وقتها الحين دلعتكم وسويت الغدا اليوم ومو أي غدا أمي بحنيه:يلله جهزي السفره على بال ما أبدل ملابسي بقول لكم نبذه بسيطه عن أمي تشتغل مدربه في معهد خاص بالخياطه وعلى كثر ما تتعب إلا إنها ما تشتكي أغلب الأوقات تحاول تكون معي صارمه بس أنا عارفه إنها تبي لي الأفضل وتحاول تقويني في الدنيا.... قربت الطاوله من أبوي ورتبت الأكل عليها جلسنا كلنا ناكل بهدوء وعيوني شوي على أمي وشوي على أبوي أتمنى منه نضره دعم تقويني أخذت نفس عميق وتركت ملعقتي ووقفت أكل ناضرت بعيون أمي وبديت أتكلم: يمه يبه أمس سمعت أحلى خبر بحياتي وجايه أشاركم فيه عشان يكتمل...... ناضرتني أمي بحزم وكأنها عارفه بالموضوع وهزت راسها تبيني أكمل..... أبتسمت بهدوء وقفلت عيوني وكملت كلام:جامعه ديكارت بباريس أرسلت قبولها لي كطالبه منتضمه رفعت أمي عيونها لي بسرعه وجت تتكلم قاطعها أبوي بحزم:سما ماعادت صغيره يانوره هذي ثاني سنه لها من تخرجت وصار الوقتx إلي ندعمها فيه ونساعدها مسك إيدها بحنيه وكمل كلامه أنا واثق فيها وصار الوقت إلي تثقين فيها أنتي بعد سحبت أمي يدها منه بهدوء وطلعت غرفتها ناضرت أبوي وأبتسمت له شكر ولحقتها بخووف .... طقيت الباب ودخلت شفتها جالسه بهدوء على سريرها تفكر قربت وشفت الدموع بعينها قربت أكثر وحضنتها وبكيت أنا ما أتحمل دموعها كيف لو كنت السبب فيها في نفس الوقت قراري ما أبيها ترفضه شوي حسيت أنها هي إلي صارت حاضنتني وتمسح على شعري بحنيه نادر تضهرها لي.... تكلمت بهمس: ألف مبرووك يا روحي ما قبلوك هالأجانب إلا وأنتي تستاهلين رفعت راسي عن حضنها وأبتسمت من بين دموعي :يعني خلاص راضيه رجعت وحضنتني وقالت:متى يبوونك تروحين. مسحت دموعي وناضرتها بحب :معي شهر وعشرا أيام.. مر الشهر علينا بسرعه ما حسيت فيها ضاعفت أمي ساعات العمل عشان تجمع فلوس أكثر وقدرت أخلص شناطي منها . طول هالفتره تحملت كل البيت والطبخ على راسي وحاولت أعوضهم عني قبل ما أروح والحين مابقى إلا يومين على موعد رحلتي لباريس وهو نفس الموعد لرحلة عزام دقيت على ريموه كالعاده أسولف معها وأسحب علوم عزام.... سما :نايمه يالدبشه للحين والله يا إنك دلوعه وما فيك خير ردت علي بخمول:يا حبيبتي ما وراي فرنسا ما وراي الا جامعتنا الغثيثه وش اتحمس عليه جاوبتها بغرور:امم في هذي صدقتي بس هذا جزات إلي ما يفهم كلامي يا ما قلت لك خليني أقدم أوراقك معي يمكن تزبط معك ويقبلونك ريم :يا شيخه أولا نسبتي أبدا ما تأهل ثانيا والله عزام إن يذبحني قبل لا أفكر أسافر سألتها بسرعه: ليش وش عليه هذا هو بيسافر جاوبتني بملل: يا سما أنا من كثر ما أحكي لك عن أهلي المفروض تكوني عارفتهم أكثر مني يا بنتي كل شي للرجال مسموح والبنات لازم تحقيق قبل أي خطوه رديت بصخه: أها راح عن بالي سألتها بحرج:امم ريموه هو عارف أني بدرس في نفس جامعته ريم بإستغراب بسيط:تصدقين إني ما فكرت أقول له الشيخ مبسوط على ان الأنسه سحر بتدرس معه وهذا المهم رديت بتعجب:اي سحر وشدخل ريم بحرص:سموي سحر بنت خالة هند جارتنا إلي درستx معانا بالثانويه وكانت أكبر عننا بسنتين حاولت أضبط أعصابي وأهدي وسألتها بإستفسار:وش تدرس وش السالفه ماني فاهمه ريم تجاوب وكأنها تورطت وكأنها حاسه بشي:اه انا ما قلت لك عزام كلم أبوي عنها وأخطبوها بس أبوها شرط أنها تخلص دراسه هذا الكف إلي كان ناقص عشان أستوعب الصدمه كل مخططاتي وتفكيري إني أجيب راسه راحة مع الهوى كل تفكيري في إني أخلص دراسه وأنا لابسه خاتم خطوبتي منه انتهى معقوله إلي أسمعه صدق ضيقت عيوني وأنا أتذكر ملامح سحر.. بنت مو جميله لا قمه في الجمال فيها أنوثه صاخبه نادره كثير عندنا سمعت صوت ريم عالسماعه تنادي اعتذرت منها بأن أمي تناديني وقفلت وقفت قدام المرايه أدقق في جسمي الطفولي إلي مو راضي يكبر وشعري البني المدرج تذكرت شعرها الأسود الفاحم وجسمها الأنوثي إلي يصرخ إغراء هذي هي سحر لمست خدودي وتحسست الدموع إلي نزلت مسحتها وأنا أسحب هواء أحاول أتنفس بقوه في شي بنص صدري مو راضي يروح ليش .... عزام كنت متأكده أن رجل مثلك بفخامته وهيبته القويهx ما تليق فيه إلا وحده مثل سحر... سحر المرأه المغريه الفاتنه نزلت المطبخ وأخذت كاس مويه عبيته ثلج وطلعت الحوش أمشي بكذا أخفف الألم شوي بس ليش عيوني موراضيه توقف دموع!! سمعت صوت جوالي برساله من ريم :سما كيفك أنتي بخير سكرت الجوال وكملت مشي معقوله تعرف؟؟؟؟؟؟؟ كل حماسي للسفره أنطفى. جاء اليوم إلي كنت أستناه الليل كله النوم كان جافيني شوي احس بحماس للسفره وبس أتذكر عزام يضيق صدري وأزعل نزلت شناطي وتأكدت منها من أمس وأمي وأبوي متوترين ولوما وضحولي باين في عيونهم ... دخلت الصالهx وأنا أبتسم بعبث:أوه الحين بترتاحون من بثارتي... محد رد علي رفعت عيوني وشفت الدموع بعيونهم حضنت أبوي وبكيت بكا التايه الخايف تمنيت عزام ما يسافر او حتى لو سافر يروح أي مكان غير باريس. هو في النهايه رجال ويقدر يدرس وين ماكان رفعت نفسي من أبوي ومسحتx دموعه .. التفت على امي وحضنتها بقوه كانت تهمس لي ب انتبهي لنفسك وصيري عاقله .. كانت طول هالفتره تحرص علي بالحجاب بس انا متاكده اني مارح التزم فيه مو استهتار لا بس لاني ما ابي الفت نضرx ابعدتني عنها واستعجلتني توصلني المطار قبل يبدا دوامها لمينا الاغراض وطلعنا عالمطار دخلت امي معي وبعدها طلبتها تلحقx على دوامها لاني بكمل الباقي ...ودعتها وكملت سحبت شناطي واخذت لي كوب قهوه عشان اصحصح شوي وتقدمت للجوازات ..حسيت باحد يمشي وراي وكانه قاصدني التفت بتوتر !!!!!!!!!! وصلني صوت مغرور وبهيبه .. . .. .. .. :بشيل الشنط عنك هاتي اوراقك اشوف .... .. . . روابط الفصول الفصل الأول ... اعلاه الفصل الثاني ... بالأسفل الفصل الثالث ... بالأسفل التعديل الأخير تم بواسطة ebti ; 11-03-19 الساعة 01:17 PM | ||||
|
|
19-02-19, 03:14 AM
| #2 | ||||
| اشراف القسم 
| اهلاً وسهلاً بك بيننا في منتدى قصص من وحي الأعضاء ان شاء الله تجدين مايرضيك موفقة بإذن الله تعالى ... للضرورة ارجو منكِ التفضل هنا لمعرفة قوانين المنتدى والتقيد بها https://www.rewity.com/forum/t285382.html كما ارجو منك التنبيه عندما تقومين بتنزيل الفصول على هذا الرابط https://www.rewity.com/forum/t313401.html رابط لطرح اي استفسار او ملاحظات لديك https://www.rewity.com/forum/t6466.html هل مشاركتك هي مقدمة ام فصل اول؟ ارجو منك ترقيم مشاركات الفصول حتى يسهل تنسيق الروابط. واي موضوع له علاقة بروايتك يمكنك ارسال رسالة خاصة لاحدى المشرفات ... (rontii ، um soso ، كاردينيا73, rola2065 ، رغيدا ، **منى لطيفي (نصر الدين )** ، ebti ) اشراف وحي الاعضاء | ||||
|
|
|
19-02-19, 11:45 AM
| #5 | |||||||
| مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي  
| صباح الخيرات مبروك اول رواياتك معنا الحذف والتعديل من اختصاص الاشراف فقط اي شيء تحتاجين تعديله ارسلي لاي مشرفه تعمله لك تدللين بالتوفيق | |||||||
|
|
|
26-02-19, 11:51 PM
| #6 | ||||
| يسعد مسائكم جميعأ بكل خير . .. +الفصل الثاني+ . . لى متى ؟ وأنا على بابَ الفجر أدور لـ صبَحي سماا .. وأدور لـ حزني صدر.. حسيت باحد يمشي وراي وكانه قاصدني التفت بتوتر و وصلني صوت مغرور وبهيبه تنرفز. :بشيل الشنط عنكx و هاتي اوراقك اشوف .... ايوه...هذا عزام .....من جد مو وقته ماكنت ناويه التقي فيه ولو صار كنت ناويه اتحاشاه .. رديت بهدوء :يعطيك العافيه مافي داعي. عزام بتصميم: هاتيها خلينا نخلص ماعاد فيه وقت. تكلمت بحزم:ماعليه اقدر ادبر اموري. عزام بملل وهو يناضر ساعته :اللي اعرفه انك اول مره تدخلين مطار فخليني اساعدك رديت بثقه غريبه عليه.:الي تعرفه؟؟ليش انت اصلا وش تعرفx .. سحبت شنطتي ومشيت وانا اعدل لثمتي اللي مو راضيه تثبت.مافاتني استغراب عزام من تصرفي والحرب النفسيه اللي دخلت عمري فيها. كان واقف مستغرب من تصرفها معاه .ما كأنه طول عمره يساعدهم ويهتم لأمورهم.. ولو ما راح يسلم اليوم على ابوها ويودعه ماعرف انها مسافره معه لا و في نفس الرحله بعد. ..وقفت عند الجوازات و كانت حرمه متوسطه العمر وواضح مستعجله اخذت الجواز وانا نزلت لثمتي.. خلصت اوراقي وماباقي الا نطلع الطياره وطول هالوقت عزام وراي وانا متجاهلته تماما.. @ @ ركبت الطياره بمشاعر مختلطه..رهبه من عزام وخوف من الوحده حسيت بغربه من بدري .. جلست بمقعدي اللي كان بجنب الشباك واخذت نفس عمييق احاول اشيل الخوف من راسي بسبب هالتجربه.. قرات المعوذات وشربت كاسه مويه وصرت اذكر نفسي واحمسها على المستقبل اللي يستناني في فرنسا. اكتمل عدد الركاب وجلست بجمبي بنت صغيره وجهها مثل القمر الواضح ان عمرها ٩سنين. ابتسمت لها وردت لي الابتسامه وناضرت لامها اللي اشرت لي بالسلام من المقعد اللي قدامنا بالضبط. شوي ووصلنا صوت الطيار يعلن الاقلاع ويتمنى لنا رحله امنه وسليمه... ما اخفيكم اني لفيت بعيوني ادور على عزام بس ما قدرت اميز مكانه وماني متأكده انه ركب معانا اصلا. استرخيت بمقعدي وتأكدت للمره الثالثه من حزام الامان . ناضرت البنوته بحنيه :قمر صح؟ ابتسمت بخجل:لا انا رنا.بنت خالتي اسمها قمر. ضحكت بخفوت على برائتها:امم وانا سما. كشرت بوجهها :اسمك مو حلو. رديت بصدمه وانا ماسكه ضحكتي:افاا ليش يا انسه رنا . جاوبتني بدلع:اممم لاني ماعرف وش معناه . :طيب انا اقول لك معناه بس بشرط انو تحبينه بعدها. سحبتها ناحيتي شوي واشرت لها عالسما اللي بدينا نغوص فيها :ياستي سما يعني الشي اللي يطلع ويرتفع مثل ماطيارتنا ترتفع للسما الحين.. :يعني انتي السما ابتسمت بتفهم لعمرهاوجاوبتها:ايوه انا السما. والحين حبيتي اسمي؟ رجعت كشرت وبوزت بشفايفها:لا ماحبيته . صدمتني هالبزر وشذا المزاج اللي عندها. :احسن لاتحبينه التفت على شباكي بملل وارعبني منظر الارض تحتنا.وكيف صرنا موازين للسحاب . قفلت عيوني بشكل تلقائي وسكرت الستار... وصلني همس ضاحك : ترا كذا بيفوتك جمال المنظر. من اول مابدت حوارها مع البنت الصغيره وهو مستمع جيد .وكان متضايق على رفضها انو يساعدها ومافي باله الا عيون ابوها وهو يترجاه ينتبه عليها ويطمنه. ..مافكرت اني التفت عشان اعرف صاحب الصوت كل اللي صار اني جمدت.. من بين كل المقاعد بالطياره يكون مقعده وراي بالضبط. وش هالصدف الثقيله علي .. تنهدت بعفويه ورجعت اتأكد من لثمتي وجاوبته :ماعليه تخليني في حالي؟ عزام:انتي فيك شي؟ ما الوومه من اول ما التقيت فيه بالمطار وهو يحاول يساعدني وانا اصد بدون احترام..مع العلم انو ياما كان لنا عون وخصوصا لأبوي.. بس هالشي مو بيدي احس اني ابيه يكون غريب افضل لي واريح لقلبي..وابيه يعرف اني فعليا ماعدت طفله . تكلمت بحزم:من اول اليوم وانت تعرض مساعداتك فقل من الاخر وش تبغى. عزام وهو يقرب راسه لمقعدي وهو صاك على سنونه: ماني اصغر بزرانك يابنت تكلميني كذا..نوصل ولي كلام ثاني معك. :لو سمحتي؟؟ ناديت عالمضيفه اللي مرت من جمبنا وانا احاول اكون طبيعيه متجاهله عصبيته . :تفضلي. :اذا في مقاعد فاضيه ابي اغير مكاني.. :ليش في شي مضايقك.. :بصراحه الشباك سبب لي توتر وهذي اول رحله لي. :اممم كثير يتمنون مكانك تمام دقيقه وارجع لك. اخذت السماعات عشان ما اعطي له مجال يتكلم معي وجيت بركبها.حسيت بضربه قويه على مقعدي من ورا ..وصلت لي عصبيته واقدر اقول لكم انها خوفتني. نزلت السماعات وهجدت مكاني . شوي ورجعت المضيفه . :تفضلي معي. ابتسمت لها بلطف و وقفت بهدوء عشان ما اوضح الخوف اللي سببته ضربته عالكرسي... مشيت معها ووصلت لمقعد بالنص وبجمبي بنت الاكيد انها اجنبيه من عيونها وملامحها..ماحاولت اتداخل معها نهائي لاني باختصار منهكه وراسي دايخ. ___________________________________________ حسيت بالاصوات كل مالها تعلى..فتحت عيوني بتعب احس رقبتي مشدوده من نومتي الخايسه..اللي فهمته اننا صرنا فوق اراضي فرنسا ..ولازالت العبايه علي وصار وقت اني اشيلها فكيت حزامي ووقفت رايحه للحمام..فكيت العبايه وترددت في الشيله بس فكرت يا اشيلها من الحين يا اخليها كليا واذا على عزام سهله اول ماننزل بهرب منه وخلصنا. كنت لابسه جينز اسود خفيف وبلوزه لنص الفخذ عوديه بأكمام طويله ناعمه . (على الساده المسافرين الاستعداد للهبوط والتاكد من حزام الامان ) على طول رجعت لمقعدي وربطت حزام الامان . التوتر اللي كنت حاسته لما ركبت مختلف تماما عن التوتر الحين .. حسيت ان كل شي صدق ولازم اتحمل المسؤليه وانتبه لنفسي .. ما اخفيكم جد حسيت اني رجعت طفله ماتعرف شي.. وتبي من يحميها او يتحمل مسؤليتها وترتاح. التفت على البنت اللي جمبي.. كلمتها بصوت مبحوح من التوتر. :ابي ارجع الرياض اهئ أهئ. :What? :يارربي ابي ارجع الرياض. :I can,t understand you! طنشتها ولفيت وجهي عنها على ان لغتي الانجليزيه مره كويسه الا اني ما حبيت اخذ واعطي معها.. شوي ووصلنا.. مطار باريس شارل ديغول الدولي.. نزلت بشكل سريع كل همي اخلص اوراقي عشان اطلع من المطار واضيع عن عزام. اول ماوطت رجولي ارضها حسيت بلسعه برد قوويه. ناضرت لبسي بزعل كيف راح من بالي اختلاف الجو عندنا وعندهم بالله وين راح مخي حضنت نفسي ابي ادفى مافي فايده كملت طريقي بعجله عشان اخلص. فعلا خلصت اوراقي بسهوله واخذت شناطي وسارعت خطواتي لبرا المطار وشعور الغربه ملازمني .. حسيت باحد مسكني بقوه من بلوزتي من ورا وسحبني. بالحييل بردانه وبالحيل خايفه وعايشه دور المتغربه من بدري.. وماكان ناقصني الا عزام. كان الواضح انه يركض لاني لاحظت تسارع انفاسه وعصبيته الموجهه لي. نزلت عيوني للارض وانا اتذكر شكلي بدون عبايه ولا حتى شيله..ياليتني عالاقل لبست جاكيت. :ولا اسمع منك حرف امشي قدامي وبدوون مانلفت نضر.. بلعت ريقي وسمعت كلامه ولازالت ايده ماسكه بلوزتي من ورا.. دخلني كوفي المطار وجلسني عند اول طاوله صادفتنا. نزلت ايدي وحضنتها وعيوني عالارض وكان عزام واقف على راسي يناضرني بتفحص و بتركيز.. في هالوقتx لاحظت قد ايش انا صغيره عنده ..وكيف كان مسيطر عالوضع تماما . واخيرا جلس مقابل لي. اخذنا تقريبا دقيقه كامله ماتكلم وانا مارفعت عيوني. :ممكن افهم وش سبب تصرفاتك؟ اخذت نفس ورفعت عيوني. :اي تصرفات؟ :هروبك الغريب مني وكأنك شايفه وحش. :انا هربت؟ متى بالله. :لاتقولين متى...اول شي بالمطار وبعدها بالطياره واخرتها لما نزلنا تراكضين ماهمك احد.. رديت ببرود مصطنع:اهاا جد ما لاحظت. :ما لاحظتي ؟اقنعتيني صراحه.. :اخ عزام اذا ناسي اذكرك انت مالك علاقه فيني لامن قريب ولا من بعيد ..فإذا تشوف انو هروب مشكلتك صراحه.. من رفعه حاجبه عرفت اني استفزيته وكثيير. :كلامك صحيح ..لكن اللي كنت ابغا اوضحه لك من لما كنا بالرياض ان ابوك وصاني عليك ومادام وصاني فانا مسؤل عنك وعن كل تصرفاتك هنا... :طيب انا مثل مانت شايف اقدر ادبر اموري .فلا تحاول تتدخل فيني مره ثانيه . سحبت الكرسي على ورا وجيت بمشي سحب ايدي اجبارا وجلسني غصب. :انا للحين ماخلصت كلامي.. طاحت حصوني انا ماني قويه عشان اواجهه ومن ناحيه ثانيه انا فعلا محتاجه احد يكون مسؤل عني اعتمد عليه ويكون لي عون بالغربه. تكلمت بضعف والدموع تجمعت بعيوني. :طيب اترك ايدي عورتني. ترك ايدي عدلت بلوزتي في محاوله مني اشتت الوضع. :اسمعي كلامي وركزي فيه لاني ماني مكرره. هزيت راسي بالايجاب وانا متضايقه من شكلي كذا قدامه..اخر توقعاتي اني اكون في هالموقف مع عزام :اولا طول ما انتي هنا وطول ما ابوك موصيني خطوه وحده ماتمشينها الا بعلمي ومو بس كذا..وموافقتي بعد. ضرب بسبابته عالطاوله بخفه. :الاحترام مو طلب الاحترام اجباري. فارق العمر بيننا مو شوي حطي في بالك .. مادري ليش حسيت انه كارهني هالفكره ضايقتني. كنت ابني احلام ومواقف غير كذا كليا.. سألته بأستخفاف. :طيب يا اخ عزام لو ماسمعت كلامك وش يصير. ريح ضهره عالكرسي وجاوبني . :للامانه انتي ماتهميني بس وعدت ابوك وهذا يكفي .ولوحصل وماسمعتي كلامي..صدقيني ارجعك السعوديه في يوم وليله. تنهدت بضعف وانا افكر ارجع واترك كل شي ولا اكمل ومردها تتسهل؟ ناضرت الطاوله اللي جمبنا.كانو اثنين ياكلون باستعجال وكأن وراهم شغله. حسيت بالجوع واللي زودها علي البرد الي احسه. :ترا هنا بس النقاب ممنوع. صدمني كلامه وناضرته بذهول وكأني للحظه نسيت نفسي وكيف انا جالسه معه بدون حتى حجاب .والي جرحني استفزازه المقصود لي بشكل مباشر......تكلمت بتهور. :اعتقد انو الحجاب حريه شخصيه خارجه عن مسؤليتك.فلاتفكر تتعدى حدودك. ابتسم بتفهم:خليك معي عاقله وانا بكون مراعي ومتفهم. وقف ومشى ناحيه الكاشير الواضح انو كان يطلب اكل شوي ورجع ومعاه 2قهوه وكروسان وكعك محلى. من جد كنت محتاجتها بدون نقاش بديت اكل. شربت من القهوه واالي صدمني انها ماكانت الا حليب زفرت بضيق واضح وبعدت الاكل عني... فكره انو يشوفني بزر بالحيل تضايقني . :كملي اكل. :شبعت. :ما اكلتي اصلا. :بالطياره اكلت. :دافع فلوسهم . :طيب يعني تاكلهم انت. ضحك وهز راسه براحتك. كان يشرب القهوه بتلذذ واضح انو مستمتع فيها. :انتي ماعندك مسؤليه باريس تثلج الحين وانتي لابسه كذا. ناضرت لبسي بشكل تلقائي ورجعت اناضره بعفويه. :ماحس بالبرد بالعكس حرانه حتى. نضرته لي كانت تكذيب وملل وكأني واضحه له لهالدرجه. وقفت واستأذنت منه بهدوء ابغى اخلص من هالتوتر اللي انا فيه. :على وين؟ رديت بصبر:على السكن الجامعي . :السكن الجامعي مارح يفتح الا بعد يومين. انصدمت بشكل وعرفت اني فعلا احتاجه... اول مشكله تواجهني بس لازم يحلها مو هو مسؤل؟كلمته وانا حيل زعلانه . :والحل الحين ووين اروح. ابتسم على جنب وناضرني بانتصار وكأنه يثبت لي اني بحاجته حتى لو كابرت.اشر لي بايده ارجع اجلس. بالفعل جلست انتضر يخلص اكل وخلص ورجع فتح جواله الواضح انو يرد على رسايل فيه وللحين ما حاول انو يناضرني او يشوف حل لمشكلتي.تأملت عيونه برموشه الكثيفه اللي لفتني انو كان فيه اثر جرح اخر عيونه اليسار تأملت خشمه وصولا لشفايفه البنفسجيه الواضحx يدخن كثير. كان مسوي عارض خفيف كثير ناسبه وزاده جاذبيه. واخيرا رفع عيونه لي وشال جواله ووقف واشر لي امشي معه.. فعلا طلعنا من المطار والجو برا اسوأ من داخل بس لازلت مصره انو ما ابين له اني جمدت..وقف تكسي وتكلم معاه بلغه فرنسيه اتقنها باحتراف. وانا ماعرفت حرف من كلامهم كل اللي كان يهمني في فرنسا انو جامعتي اللغه الاساسيه فيها الانجليزيه بكذا بقدر ادبر عمري. شكل التاكسي رضا نركب معاه ركبت وعزام ركب شناطنا بعدها رجع وركب جمبي.. _______________________ صحيت على ضربه راسي بالشباك من المطبه. الواضح اني من التعب ماحسيت بنفسي عدلت جلستي ولاحظت جاكيت كحلي متغطيه فيه ..ايوه هو اللي كان لابسه.. ناضرته و عيونه على برا وكان لابس قميص رمادي. وسرحان بطريقه غريبه عاقد حواجبه وكأنه مهموم. جاكيته حسسني انه حاضني لاني فعلا دفيت .. رجعت عملت نفسي نايمه من الاحراج مادام ماحس فيني . شوي وقف التاكسي عند مقهى بسيط بطابع ريفي.. وبجمب المقهى بيت صغير واضح انو تابع له.. رتبت شعري ومديت له جاكيته بأحراج اخذه مني بدون كلام.. :انزلي وادخلي المقهى وانا بنزل الشناط وبجيك . نزلت بس مادخلت استنيته ينزل شناطنا عشان ندخل سوا.. ناضرني بنفاذ صبر واشر لي ادخل هزيت راسي بالرفض. لف عني وراح للتاكسي لاحظت انو نزل اغراضي بس واغراضه مانزل شي منها دخل ودخلت وراه. استقبلتنا وحده متوسطه العمر .. ابتسمت بحب لما شافت عزام وسلمت عليه بحضن وضح لي انو بينهم معرفه . ناضرني عزام ونزل يدها من ضهره بهدوء وانا كنت مركزه على كل حركه لاني مافهمت كلامهم. صارو يتكلمون بلغه فرنسيه مافهمت منها شي بس لاحظت عزام يأشر علي وعرفت انهم يحكو عني. واخيرا حكى معي :هذي السيده رين. ناضرتني وتكلمت بانجليزيه مكسره(الكلام باللغه الفصحى).. :مرحبا عزيزتي .كيف حالك. :مرحبا بك سيده رين. انا بخير تماما.كيف حالك انتي. :ممتاازه ...لقد فهمت من ازاام انكي ستمكثين عندي ليلتين. :حقا؟؟بصراحه لم يخبرني هذا الاحمق بذالك . احمق الحين انا من جد قلتها........اللي اكد لي اني قلتها نضرته المصدومه.....الكلمه طلعت مني بدون تفكير. ناضرته بخوف وعضيت على شفايفي معتذره.. :اوه ازاام ماخطب فتاتك. تبدو عدائيه. واخيرا تكلم:الا تضنين سيده رين انها تفتقر الى الاحترام. :فتاه تملك عينيها لا تحتاج ان تتصف بالاحترام.كما ان وجهها الملائكي يغفر لها.ما رأيك؟ :برأيي ان لاتنخدعي بمضهرها..فاجمل الورود مغلفه بأسوأ الاشواك. :ولكنها تبدو كالاطفال.ليس لها علاقه بالورود اطلاقا. انا من البدايه مابلعتها وتجي تقول اطفال هنا كرهتها فعلا..كرهت وجودي هنا ونرفزني حوارهم. تكلمت بالعربي متجاهلتها. :لا تدقق على كل شي....ترا الكلمه طلعت بالغلط ماله داعي هالتلميحات. مارد علي ولا حاول يلتفت اصلا حسيت انه بهالطريقه يبغى يحط بيننا حدود من البدايه.مع انو المفروض انا اللي احطها. :تفضلو معي من هنا فقد حظرت الشاي وبعض الكعك الحامض. جلسنا على طاوله وبدت تصب كاسات الشاي ماحاولت اني اشاركهم السوالف ولا فكرتx حتى. شوي وراحت تجيب مويه وعزام وقف وعدل لبسه الواضح انو ماشي. :بتتركني هنا معها؟ اخذ جواله من فوق الطاوله وتجاهلني متعمد :ليش ماتجاوبني مو انت جبتني هنا وضح لي عالاقل. ناضرني وهو يحاول يمسك اعصابه. :انتي قليله ادب وانا ماني مستعد اخذ واعطي معك. :قلت لك الكلمه طلعت بالغلط. :وانا قلت لك الاحترام اجباري. :طيب مو قصدي.. :اها....يعني صعب تقولين اسفه. زفررت بضعف:لوين تبغى توصل بالظبط. :ما ابغى اوصل لمحل.. كمل بتفهم : افهمي انو دراستي ومسؤليتك على راسي مو هينه ابيك تتعاونين معي عشان تهون. وصل لي شعوره الضاهر انو ابوي ورطه فيني!!! حسيت بقل الحيله... ومساله انه يخليني في حالي مستحيله صار لازم ابطل دلع واشيل مسؤليتي عشان اكمل على خير. همست :اسفه. تنهد باستسلام:مو مهم . انتي بتجلسين هنا يومين واول مايفتح السكن انا بنفسي بجي وباخذك بس المهم انك ماتتحركين من هنا. هزيت راسي وكل همي الحين انو يرووح وجوده فعلا خانقني .. كاتم على نفسي كميه المشاعر اللي شايلتها له وانا بالنسبه له مجرد عثره في طريقه . في موقف غير كذا كنت طلبته يجلس معي بس في وضعنا وضروفه مستحيل. :هذي بطاقتي اذا احتجتي اي شي او صار معك شي دقي علي وانا بالخدمه حتى لو بنص الليل. اخذت البطاقه بصمت وهو طلع بعد ما سلم على السيده رين اللي طلعت تجهز غرفتي. ناضرت البطاقه بيدي وانا بالحيل متضايقه قطعتها قطع صغيره ورميتها عالطاوله مادامني هم على راسه البطاقه وش فايدتها. رفعت راسي وشفته واقف قدامي ماسك شنطة ايدي الصغير. حطيت ايدي على عيوني ابغا اختفي. فتحت فمي ابغى اوضح له او اقول اي شي بس انه لف وصك الباب بقوه وراه.. راح والضاهر انه مارح يرجع..عرفت اني في موقف جدا بايخ.. كل ما مرت دقيقه اتأكد اني فعلا محتاجه احد يرعاني . اكثر شي ممكن اسوي لو مريت في اي مشكله بالغربه اني ببكي وبس. قررت اكلمه واعتذر له من جد بس من غبائي رقمه في البطاقه اللي شوهتها.. ___________________________________________ مرت اربع ايام بشكل جدا متعب ما اصدق يجي الليل عشان انام وارتاح .. اللي صار ان السيده رين بعد ماراح عزام جت تتفق معي يا اني ادفع قيمه اقامتي او بالمقابل اشتغل بالمقهى . وانا باالطبع ماكان تصرفت بالفلوس اللي معي اخاف يصير شي واحتاجها . فصرت اصحى من بدري انضف الطاولات، واغسل الاواني ،واوقات اخدم الزباين. مارحمتني ابد كانت تعطيني وجبتين في اليوم.واللي صبرني عليها ان عندي غرفه احس فيها بالامان ولو كان بسيط. حسيت بقيمه الاسلام والعرب وكيف في بلادنا نكرم الضيف ونقدمه حتى على انفسنا. صار اليوم الرابع ومافي اي خبر عن عزام. واللي ماتركني اروح للسكن اني ابغى اصلح اخطائي معه فبستناه حتى يجي. ولازال عندي امل انو بيجي لان بينهم معرفه... شفتها جالسه عند الكاونتر تحسب الفلوس.قربت منها بحركه تلقائيه دخلت الفلوس وقفلت عليها تحسبني بسرقها.. ما اهتمييت كثير. :سيده رين اليس هناك خبر عن عزام. :ازاام؟انه يتصل بي كل يووم. :حسنا هل سأل عني..الن يأتي هنا.. :لم يسأل ..كما انني لا اعتقد انه سيأتي .لماذا تسألين؟ :لاعليكي اسأل فقط..امم اريد رقم السيد عزام.. في اللحظه دخلو المقهى مجموعه ثلاث بنات واثنين شباب. اشرت لي السيده رين عشان اقوم اخلص تنضيف وراحت تخدمهم.. خلصت تنضيف وصارت الساعه ١ بالليل طلعت غرفتي واخذت دش داافي ولبست بجاما سودا اطرافها مزهره برمادي كانت بلوزتها توصل للفخذ انيقه وناعمه. تركت شعري براحته عشان انشفه بديت اعتاد على جو باريس انطق باب غرفتي . :تفضلي.. :تأخر الوقت وانتي لم تغلقي المقهى بعد ولم تنجزي شغلك.. :سيده رين لقد اغلقته منذ ساعه كما انني تأكده من نضافه الطاولات والصحون ايضا. :انا اقصد انك لم ترمي القمامه ولا زالت الارضيه تحتاج الى تنضيف. هذي اللي تبيني اذبحها..ماعدت قادره اتحملها دقيقه اكثر من كذا حاولت امسك اعصابي للدقيقه الاخيره. زفرت بصبر:حسنا سيده رين سوف انزل الان ..كما انني سأغادر غدا في الصباح الباكر الى السكن الجامعي لن اعود بحاجه الى غرفتك بعد الان. ناضرتني بصدمه وكانها بتفقد شغاله تعودت عليها.. :ومالداعي للعجله ..انتضري حتى ياتي عزام. :ليس هناك حاجه لذالك ابتسمت لها في محاوله مني انهي الحوار.. :عمت مساء سيده رين. وبالفعل نزلت ونضفت الارضيه . وخرجت برا المقهى بعد ما لميت الزباله عشان ارميها. كان الجو باارد بهوا خفيف وشوي حبات ثلج تنزل تحسست شعري اللي باقي بروده المويه فيه . وابتسمت بعبث على نفسي مادري ليش انسى اتدفا. ناضرت السما بتفائل لبكره على امل انو احسن من اليوم اخذت نفس عميق وابتسمت برضا. بالرغم اني من اول ماجيت هنا ما ارتحت الا اني راضيه على صمودي . :شكل الجو عاجبك الجو. . . . . . . . . .___________________________________________ | ||||
|
|
|
11-03-19, 03:17 AM
| #9 | ||||
| الفصل الثالث اسعد الله صباحكم بكل حب وموده.... . . . . الفصل الثالث. . . . +البارت الثالث+ البرد لهفة شوق والليـل ساكـن وانا تشفقـت اللقـاء وأحتريتـك الله عطاني اياك وأصبحت واكـن على الله انـي لا بغيتـك لقيتـك مؤمن بما يكتـب لـي الله ولكـن بليت نفسي فيك عشـق وبليتـك تغيب وعيونـي عليـك يتباكـن لو انك تسقيني الوصل ما ارتويتك خليت حسرات الزمـان يتراكـن بين الرجاء والياس ليتك وليتـك داويت جرح" من قسى الوقت ماكن والا فتعطيني ربـع مـا عطيتـك وخليت ناقلات الهـروج يتحاكـن ومن كثر ما اجحد أحسبني نسيتك ما شفت قلبي والعيـون يتشاكـن أغير منهم من كثـر مـا هويتـك سريت لك مشتاااق والليـل داكـن يستر ظلامه وقفتـي عنـد بيتـك تقول حبك بين الأضـلاع راكـن وأقول هذا اللي ذبحنـي وجيتـك سمعتني محمد يغنـي (الأماكـن) وأسمعك (واحشني موت) وفديتك خرجت برا المقهى بعد ما لميت الزباله عشان ارميها. كان الجو باارد بهوا خفيف وشوي حبات ثلج تنزل تحسست شعري اللي باقي بروده المويه فيه . وابتسمت بعبث على نفسي مادري ليش انسى اتدفا. كان الشارع هاادي واضواءه خافته . ناضرت السما بتفائل لبكره على امل انو احسن من اليوم اخذت نفس عميق وابتسمت برضا. بالرغم اني من اول ماجيت هنا ما ارتحت الا اني راضيه على صمودي . :شكل الجو عاجبك. ناضرت قدامي كان في شخص واقف بس ما بانت لي ملامحه من الضلمه بس الصوت كان كافي اني اعرف انه رجعً. ابتسمت برااحه وهمست :عزاام. تقدم مني وصار وجهه واضح.. :لا خياله. بشكل تلقائي اتسعت ابتسامتي اكثر.. :ليش طالعه هالوقت. رفعت كتوفي واشرت عالزباله.. ناضرني باستغراب.:وليش حضرتك تشيلينها. تجاهلت سؤاله:ماتوقعت ترجع. :وهذاني رجعت. تكلمت ببحه ورفعت اصبعينx :قلت لي بس يومين. جاوب بتقليد لي :وزادت بس يومين. ناضرت لبعيد:انا اعفيك من توصيه ابوي. :على اساس انا انتضر اعفاء. كنت امسك نفسي ما ابكي على اني كنت رايقه بس هذا هو عزام لازم يلخبط مشاعري :انا جايه هنا ادرس ماني جايه اشتغل. ضحك بخفه:وهذا اللي بيصير مين قال انك بتشتغلين. ناضرت المقهى بيأس:السيده رين والمقهى. رد علي بصدمه..:دقيقه انا ماني فاهم..انتي اشتغلتي عندها . هزيت راسي بالايجاب. مسح ايده على جبهته ورفع شعره وبعدها اشر لي. :بالحرف الواحد قولي لي وش اشتغلتي بالضبط. اخذت نفس و رفعت ايدي عشان اعدد له على اصابعي. :اغسل الاواني،وانضف الطاولات..وحتى الارضيه اغسلها.ومثل مأنتx شايف ارمي الزباله بوزت بتعب.:و اوقات اصير قارسون. خلصت كلامي و رفعت عيوني له كان عاقد حواجبه بتركيز وفجأه صار يضحك وكل ما اقول له وش اللي يضحكك يزيد في الضحك. ابتسمت بعفويه وانا مفتونه فيه بهاللحضه. واخيرا سكت وصار يكح لفيت داخله :شوي اجيب مويه.. مسكني من قبعة البجاما وسحبني. :تعالي هنا مافي داعي ....يابزر انا دافع لها قيمه نومك واكلك وكل شي . ناضرته مصدومه:انت وش تقول . عزام :,اللي سمعتيه ماكان في داعي لشغلك ابد. تكلمت بحقد:الحقيرره.والله اوريها..تخيل حتى الاكل بس وجبتين..لا وفوق كذا تنافخ علي اذا شافت تقصير كانت عيونه علي بسرحان حسيت انو مو معي.سألته :انت معي؟ تنهدد ورفع عيونه للسما خرج ايدينه من جيوب الجاكيت وقرب مني كثيرx لف ايدينه على رقبتي حبست انفاسي وسكرت عيوني متفاجئه مسك قباعة البجامه ورفعها على راسي.. همس بأذني:انتي ماتتوبين لا وشعرك باقي مويه. ابتسمت بغباء اخفي احراجي وابعدت عنه وانا ماسكه القباعه اعدلها.. :اا مم معك حق الجو باارد. :جهزي اغراضك بجي بكره اخذك للسكن. هزيت راسي ولفيت داخله لان صوت دقات قلبي بيوصله لو جلست اكثر من كذا.. رفع صوته عشان اسمع:ماعليك باخذ حقك منها. بدون ما التفت هزيت راسي وسكرت الباب . طلعت غرفتي وانا صاخه حاطه ايدي على قلبي..احاول اني اهديه. الوضع عنده عادي لكن عندي انا مختلف تماما . كيف بقدر انساه او ابطل حب..اذا في الرياض كنت اعششقه وانا مره في الشهر اشوفه كيف الحين وهو مسؤل عني كيف بنساه لا وبعد خاطب. انسدحت على فراشي وتغطيت بالبطانيه ادور للدفا. وماعاد حسيت بنفسي.. ___________________________________________ صحيت على صوت طق الباب.تثاوبت بخموول. :تفضلي سيده رين . افتحت الباب ودخلت وهي شايله صينيه الفطوور.و حاطه لي ورده بنفسجيه. :صباح الخير ايتها الملاك النائم. ناضرتها بستغراب وتذكرت كلام عزام امس شكله كلمها. عدلت نفسي :ابعديه عني لا اريد.. :يجب ان تاكلي جيدا فالبرد قارص اليوم. :سيده رين لقد عرفت كل شي وصدقيني لن اسامحك. :ارجووك ايتها الانسه اصفحي عني في الحقيقه ازام بالأسفل وقد حاسبني على كل هذا. ناضرتها وكانت منزله راسها باسف:اخرجي من هنا .. :هل سامحتني. :لن افكر حتى . :انسه سما السيد ازام حاسبني فعلا كما انه يود منك النزول سيأخذك في الحال. :قولي له اتيه. دخلت الحمام فرشت اسناني وغسلت وجهي لميت باقي اغراضي. ولبستx جينز فااتح ببلوزه بلون ابيض قطن رقبه رفيعه. لبست جزمه سبورت بيضا و بالطو سكري . نزلت شناطي كان عزام بوجهي سلم علي وبابتسامه. :اووه واضح نايمه كويس. رديت بحزم :الحمد لله. اخذ الشنط عني وطلعها للسياره ورجع :يلله مشينا. :دقيقه.. :وشو :خذ فلوسك منها. :مو مهم خلاص عاقبتها. :ماني من العقوبه..انت مسؤل مو معناتها تدفع عني . ناضرني وهو ماسك اعصابه.. :ياسما انا اعرفها من زمان وهذا شي عادي بينا.فلا تكبرينها وامشي معي. :هذي اخر مره اسمح بشي مثل كذا. ناضرني بنفاذ صبر.. :انتي ماتنعطين وجه قدااامي اشوف. ماتحركت رفع صوته بعصبيه. :قداامي. مشيت وانا ضايقه مهما حاولت اثبت شخصيتي معه يغلبني ومايعطيني فرصه. ماكانت تاكسي مثل المره الاولى الواضح انها سيارته. احترت اركب بجمبه او ورا ..توكلت على الله وفتحت الباب اللي قدام. حسيت بايده من ورا تسكر الباب بقوه وبدون مايناضرني. :اركبي ورا. لف وفتح الباب اللي ورا وراح ركب بمكان السايق. عضيت شفايفي بقهر وش هالاحراج ركبت وهو شغل السياره ومشينا كان الوقت بصعوبه يمر الجو بالسياره كان هدووء . اخيرا تكلم بصوت ثقيل.. :للمره الثالثه اذكرك ..مجبوره تحترميني..راجعي تصرفاتك وحطي ببالك مارح اتساهل معك نهائي. جيت ارد سكتني. :ولا كلمه شوي ونوصل . سكت بغيض استسلم انا هالانسان ماعرف اتصرف معه. شوي ودخلنا حديقه الجامعه كانت مره كبيره فيها ثلاث مباني متباعدهx بجدار حجري عالي . وقف عند مبنى مجتمعين حواليه بنات كثير فهمت انه السكن.نزلت ونزل عزام شناطي شكرته وسحبت شناطي بهدوء :تعالي هنا.. التفت بهدوء.:ايواه مد لي بطاقه ثانيه غير اللي قطعتها. :لاتختبرين صبري ياسما. هزيت راسي و اخذت البطاقه وحطيتها بالشنطه على طول . دخلت السكن وكان فيه عدد من البنات اغلبهم نحيفات ببشره بيضا وطول مو طبيعي للحظه حسيت اني دخلت مقر لعارضات الازياء. اخذت رقم غرفتي وطلعت اللي فهمته من مسؤله السكن انو معي رفيقتين سكن بالغرفه.و ش هالحظ. طقيت طقتين بعدها فتحت الغرفه بالمفتاح اللي معي .. كان في بنت فارشه سجاد احمر وجالسه عليه كأنها تسوي يوغا وباسطه ايدها على بعض وحاطه نقطه حمرا بجبهتها فهمت انها هنديه جالسه تتعبد . زفرت بتعب من الشنط فتحت عيونها وقفت ولمت السجادx . شفت سرير فاضي حطيت عليه شناطي. جت لعندي :نامستي نامستي. ناضرتها بجهل..: :Whet.. صارت تتكلم هندي ..سالتها. :هل تتكلمين الانجليزيه. :بالطبع مرحبا.بك :مرحبا انا ادعى سما. :انا قوفيندا ..يبدو انكي ستشاركيني وشموك المكان. ابتسمت لها :هكذا يبدو. شوي ودخلت بنت قصيره بشعر بوي لابسه برمودا وبلوزا فضفاضه. تكلمت تحسبني ما افهم عليها:ياليل كل شوي جايبين لي وحده ما كان الغرفه صغيره اصلا. ناضرتها بفرحه لهجتها سعوديه ماتحملت رحت عندها. :انتي من السعوديه صح. فتحت عيونها بصدمه ومسكت ايدي: انتي سعوديه هزيت راسي بالايجاب . احضنتني وصارت تضحك بصراحه ضحكتني حتى انا. :انا سعوديه وقصيميه بعد ... فركت خدودي بيدها.:ياافرحتي فيك ..ياافرحتي.... احس فيك من ريحه السعوديه . وصارت تفرك راسها تبغا تتذكر.. :ايوااه ريحه تمر فتحت عيوني بصدمه. :وشوو تمر. ضحكت بصووت عالي :امززح معك بس من زود مافرحت. ابتسمت لها :انا سما من الرياض. ياحي الله اهل الرياض انا شموخ. ناضرنا الهنديه تتحلطم مو فاهمه علينا. :ايتها الفتاتان تكلمو بالانجليزيه حتى افهمكم. جاوبتها شموخ بخبث:يجب عليكي ان تتعلمي العربيه فكلنا عربيات الان. :لاعليكي من الواضح انها تحب المزاح كثيرا. شموخ بلهجه سعوديه:ماعليك منها تعالي بسوي لنا قهوه وونتعرف على بعض اكثر. وبعدها ناضرت الهنديه :اوه ليس لي غنى عنك .اطمئني. ضحكت وانا اشوف كيف تحاول ترضيها وتكسبني. كان من الواضح ان شخصيتها جميله وهذا اللي احتاجه. :سماا قهوتك كيف سكرها. :والله اذا فيه عربيه يكون افضل. ابتسمت وهزت راسها بايجاب:وفيه تمر بعد. ارتحت ...اييه ارتحت شكل الحظ بدا يبتسم لي.. جلسنا نسولف عن بعض اكثر من ثلاث ساعات. عرفت فيها ان شموخ قصيميه و ابوها رجل اعمال كبير وعنده شركات لتوزيع التمور كبيره ومعروفه(عرفت ليه كل شوي تقول تمر هههههه) عمرها ٢١سنه مخطوبه لولد عمها والواضح انها ماتبغاه بس انو ميت فيها. وجايه تدرس عشان تهرب منه وتأخر زواجها اكثر واكثر. كانت جمييله بشكل مريح للعين ملامحها هاديه وعيونها مسحوبه.. اما قوفيندا فكانت جميله بشكل قوي سمرا بعيون عسليه واسعه. طويله وجسمها نحيف موزون.وشعرها طويل اسود عنابي.كانت عايشه في ميتم بالهند وعاشت حياه قاسيه بس على قولتها اللي فات اصبح من الماضي وبتبني نفسها من جديد. حكيت لهم عني كل شي وليش جيت وكيف ان عزام مسؤل عني وانو ابوي وصاه فيني بس ابدا ماتجرات اني احكي لهم اني احبه..ماعرف ليش سكت بالرغم انهم كانو صريحات معي و واضحات لاقصى درجه. ما استغربت تقاربنا من بعض بسرعه بس طبيعتنا كبشر في الغربه اننا نحاول تنكيف بسرعه ونكون لنا بيئه مريحه عشان نرتاحx فيها ونقدر نتحمل الايام والوقت... . مضى اليوم بسرررعه رتبت شناطي و كلمت اهلي وتطمنت عليهم . قال لي ابوي عن عزام وكيف انه وصاه فيني وامرني اني اسمع كلامه لانه يعتبر عيون ابوي هنا. ذكرته بكلامي ووعودي وانه لايشيل هم لاني ببيض وجهه في كل الاحوال..امي كانت كالعاده تحرص على الحجاب حسيت بغصه لاني ماتقبلت نصايحها ولا عملت فيها .. حطيت راسي استعد للنوم وناضرت بجمبي لشنطة ايدي الصغيره سحبتها واخذت بطاقه عزام و على طول سجلت رقمه في جوالي.. تنهدت بقله حيله وتذكرت عصبيته من تصرفاتي معه ما اقدر اتوقعها ولا اسيطر عليها. احترت ارسل له او ادق عليه..بس هونت مالي وجه وماعندي كلام اقوله ويمكن ازيد الطين بله. وفوق كذا ماعرف هو وينه ما قال لي عنه اي شي او وين يروح.. ياترى هو مع سحر الحين. نفضت هالافكار من راسي ونمت ماحسيت بنفسي ________________________________________ .. :اووووووووووووووووم........او� �وووووووووووم. ياربي وش هالصووت. تقلبت بفراشي منزعجه من الصوت الغريب.. :اوووووووم...........اووووووووم . شلت المخده من على راسي ورفعت نفسي اشوف وش فيه وانا بالغصب افتح عيوني. كانت قوفيندا فارشه سجادتها الحمرا ومتوسطتها وباسطه ايدها على بعض وقدامها بخور بريحه الزهر. :اوووووووووووووم. اهئ ياربي هذي وش تسوي مع الصباح.. طلعت شموخ من الحمام تنشف شعرها وناضرتني بضحكه :ماعليك بتتعودين. :ياشيخه ورا ماتنام وترتاح.. :وين تنام اصبري كم يوم وتصحين على مسجلتها ورقصاتها .وبعدين ترا صارت االساعه ٣ :اوووما ثلاث وش منيمني كل هالووقت.. :استعجلي والبسي ماعاد فيه وقت للفطور خلينا نروح نتغدا. ناضرتها بتساؤل.:عادي نطلع من السكن؟؟ :ايوه عادي ونسوي اي شي نبيه بعد.. :امم شموخ ماقدر اطلع. :وليش :ماعرف يمكن عزام مايرضا. ناضرتني باستغراب.:وهو وش عليه على حسب ماقلتي لي انه مايقرب لك بس ابوك وصاه. :ايوه وصاه بس قال لي لا اروح مكان الا بعلمه. ضحكت شموخ بقووه. :متاكده انو ابوك وصاه اخاف مزوجكم ومانتي عارفه. :شموخ تراي اتكلم جد. :طيب ياشيخه كلميه وعطيه خبر ويين المشكله. فكرت اكلمه لان نفسي اطلع وانبسط مع البنات وكمان جوعانه. :معك حق اوك بكلمه. شوي جتنا قوفيندا بعد ماخلصت اليوغا وجلست معنا قالت لها شموخ اننا بنطلع بس لازمني اكلم عزام. ناضرتني بحزم. :ولماذا تسمحين له بالتحكم بك انتي فتاه حرره افعلي ماترينه مناسب وامضي. :هذا ما اوده حقا ولكنني لا اريد استفزازه اكثر. قوفيندا:وماذا سيحصل اذا. :ابسط ماقد يفعله سيرسلني الى السعوديه . قوفيندا :هذا كثير لن يستطيع ذالك. ناضرتها بيأس:صدقيني لديه منتهى الصلاحيه. قوفيندا بتفكير:ما رأيك ان نخرج اليوم ونتسلى ففي النهايه لن يعلم بذالك. شموخ بخبث:تبدو ليx فكره ممتازه. وضربو كفوفهم ببعض وصارو يناضروني . كان واضح اني اقتنعت فعلا هو ما يعرف عن هوا داري اربع ايام جلستها في المقهى ماكان يعرف عني شي . :حسناً فلنفعل ذالك. ترددت في اني اخذ دش دافي بس ماكان في وقت وكمان مايمدي انشف شعري عن البرد. غسلت وجهي وفرشت اسناني لبست جينز زيتي غامق وبلوزه زيتيه افتح بدرجتين. لبست بوت اسودx وبلوفر اسود داافي.و اخذت شال ابيض صوفي ولفيته على رقبتي . احترت في شعري المه او لاx واخيرا تركته براحته عشان ادفا اكثر ناضرت البنات اللي صارو جاهزين :لا استطيع. شموخ:ماذا؟؟ قوفيندا:ماذاx الان. :امم ساتصل به لاخبره فقط . شموخ:يابنت الحلال ماعليك منه. قوفيندا:مالفائده من ذالك. :لا اعلم ولكن ليطمأن قلبي . بدون ما اعطيهم مجال يتكلمون اخذت جوالي ودقيت رقمه برجفه..طوووووووط......طوووووو ط. طول يرن ومافي اي اجابه استسلمت ورفعت كتوفي ببرأه. :حسناً فلنذهب يبدو انه مشغول. بدينا ننزل وخرجنا من السكن لجهه المواقف لان قوفيندا عندها سياره بتاخذنا ولانها الوحيده بيننا اللي تعرف تسوق قوفينداا:انك ترهقين نفسك هكذا. :المهم انني ارحت ضميري. شموخ:غدائكم اليوم على حسابي. جيت اعترض سكتتني. :تراك ضيفه بعد ثلاث ايام تكلمي. وضحكت بلعانه..ويا اني بطلع هالغدا من خشمك انتي خلي الايام الثلاثه تنقضي. غمزت لها بثقه:ماني هينه بس باقي ماعرفتيني. قوفينداا:اذا سمعتكم مره اخرى تتكلمون العربيه في وجودي حينها ابحثو عن سياره تقلكم غير سيارتي. شموخ:ساتعلم قياده السياره وحينها لن اعود بحاجتك. رفعت ايدي:انا سألتزم لكن اقنعي هذي الفتاه واشرت على شموخ وانا اضحك وصلنا للمواقف وانا متحمسه وقفنا عند سياره طويله مفتوحه من فوق لونها ابيض واقمشتها من داخل سكريه كان واضح انها غاليه. ابتسمت بفرحه وتقدمت ابغا اركب. قوفينداا:يافتاه الى اين تذهبين. :اووه قوفيندا سيارتك جميله للغايه. ضحكت بقووه وتحاول تتكلم ماقدرت وشموخ كانت مثلها بالضبط اشرو لي على السياره اللي جمبها كانت صغيره فيها اثار حوادث مسبقه وكان شباكها اللي ورا مكسور انصدمت بالمره صحيح اني ماتوقعت سياره اخر موديل بس توقعتها احسن من كذا. :لاتقولا لي انها تلك. قوفينداا:في الحقيقه انها هي. :هذه مستهلكه تماما. شموخ:هيا لم يعد هناك وقت.انا بالمقعد الامامي. ركبنا السياره كالتالي قوفيندا تسوق وشموخ بجمبها وانا ورا ..كنت مركزه عيوني بالشارع ابغى احفظ كل شي كانت باريس مدينه بالرغم من زحمة سكانها الا انها هاديه مرينا نهر السين وبعدها دخلنا شارعvivienne كان فيه مطعم ايطالي مشهورx Daroco على كلام شموخ انو كان يشغل الفرع الرئيسي للماركه الايطاليه الشهيره جان بول غوتييه .. دخلنا المطعم وانا الجوع عامل عمايله فيني..اكثر شي لفت انتباهي انو السقف عباره عن مرايا تعكس كل المطعم باسطح رخاميه باللون الفيروزي . اخترنا طاوله بالنص قوفيندا:ماذا تأكلون. شموخ:اليوم ترحيب فيك ياسما اطلبي اللي تبين ولاتزودينها ههههه :امم افظل انو تطلبون لي اليوم على ذوقكم . شموخ بتفهم :ولايهمك اليوم بدلعك . رديت عليها:تكفين ما ابي اشياء غريبه. شموخ بنذاله:الاشياء الغريبه لما اعزمك على سوشي يا انك بتدعين لي ضحكت:عاد السوشي بالذات انا اللي بعزمك عليه. شموخ:نتغدا الحين وبعدها نتفاهم نادت النادله وصارت هي وقوفيندا يتفننون في الطلباتx بصراحه ريحة الاكل واصلتني من الطاولات الثاني زادت الجوع عندي.. تنوعت الطلبات بيتزا بالصلصه الحمرا، فوتشيني الفريدو،فريش فرايز...روزيتو..وباستا بريمفيرا.. :بنات لايطوول الاكل من جد جيعانه. شموخ:الخدمه هنا ممتازه كلها دقايق وتملين بطنك تحملي. :اففف متحمسه للدوام احس عندي طاقه زايده قوفيندا:لاتتحمسي كثيرا فالدراسه صعبه هنا . شموخ:اقول انبسطي الحين اول مايبدا الدوام ماعاد فيه دلع مثل الحين. تكلمت بضحك من احباطهم :ياربي منكم خلوني الحين بحماسي . دق جوالي من الشنطه استغربت محد يعرف رقمي للحين.رفعته وانا اشوف اسم عزام عالشاشه طبعا مافي غيره ناضرت البنات في الوقت اللي جت فيه النادله توزع الاكل بترتيب مدروس. قوفيندا : تجاهلي الاتصال فلتأكلي اولا. شموخ: من الصبح تقولين جيعانه كلي الحين وبعدين ردي. كنت متردده واحس بخوف بس ليش هالاحساس في النهايه ماله اي علاقه فيني. :ماعليه برد عليه وارجع.. فتحت الخط بتردد وانا ابعد من الطاوله بهدوء اخفي خوفي. عزام: Hlooo :هلا عزام باستغراب: مين ؟؟ سما؟ :ايوه ماعرفتني. عزام:اجل هذا رقمك. :ايوه. عزام بخبث:مادام دقيتي علي فمعناته مارميتي البطاقه . تكلمت وانا احاول اكون هاديه. :لا خلاص عقلت. عزام براحه:مادام عقلتي بتشوفين مني كل شي يسرك. رديت وانا احس بتوتر كيف اقول له اني طالعه. عزام:اخبارك عسا لقيتي بنات عربيات. :امم ايوه وحده سعوديه. عزام:تبين الصدق كنت شايل همك . ماتتصورون قد ايش حلوه الراحه منه.. نبرة صوته اثرت فيني وحبيتها اهتمامه بالرغم من قساوته لذيذ احيانأ. عزام:انتي وينك وش هالاصوات. :امم في المطعم. عزام باستغراب: اي مطعم ومع من انتي من وين تدلين. مدري ليش توترت ماصدقت اكسب رضاه مابغى هااشي يتغير. رديت بتوتر:مع البنات من السكن . عزام بحزم:وش المطعم. :ايطالي. عزام وهو يحاول يمسك اعصابه :اسم المطعم يابنت. رديت بتبرير:انا دقيت عليك عشان اقول لك بطلع وان... قاطعني بهدوء مخيف:ماطلبت تبرير وش اسم المطعم. رديت باستسلام:Daroco في شار قاطعني :بس عرفته انا قريب. قطعت كلامه بنرفزه ما ابيه يجي.. :لو سمحت مافي داعي تجي انا اقدر ادبر نفسيً مارد علي اصلا ماسمع الا نص كلامي مدري متى قفل الخط. ناضرت البنات وانا ارسم ابتسامه عريضه على وجهي اخفي تعابيره. رجعت للطاوله بهدوء عقلي وقف مدري وش اسوي. شموخ:وش يبي. :ابد بيجي الحين. شموخ :عزمتيه؟ :لا وين . قوفيندا: دعكي منه الان لنأكل. هزيت راسي وابتسمت لها وانا احس بمغص في بطني من التوتر ما ابيه يجي مسكت كاسه المويه وشربتها كلها . و شهيتي صارت صفر حاولت اشغل نفسي بالاكل لكن ماش ماضبطت عيني عالباب تترقب وصوله. لمحته وهو يفتح باب المطعم ويتلفت عالطاولات رفعت ايدي على عيوني في حركه غبيه اخبي وجهي وكأني ما اشوفهx قرب من طاولتنا ولازلت متجاهلته وكأني مو منتبهه وقف على راسي وهمس لي عزام:ترا واضح انو شايفتني. رديت وانا ارفع ايدي من عيوني بغباء.. :انت جيت اهلين. عزام:وشرايك. تجاهلت استسخافه فيني وانا ااشر على شموخ وقوفيندا اعرفه عليهم.. :اعرفك على شموخ من السعوديه وقوفيندا من الهند رفيقاتي بالسكن. صافحهم بأدب واسلوب متحفظ تماما . شموخ بعفويه :ياهلا بولد الديره حياك تغدا معنا . عزام باستعجال :اكرمك الله . وكمل وهو يسحب شنطتي اللي عالطاوله:مستعجلين ناضرني :امشي معي . انا مستغربه منه كيف يبيني احترمه وارضى انه يكون مسؤل عني وهو مايعتبر لي اي اعتبار مستصغرني وكلمتي عنده مالها داعي. قوفيندا:ماذا هناك سيد عزام دعها تكمل غدائها اولا. عزام بصرامه:مره اخرى اما اليوم لاتستطيع. تكلمت وانا مقهوره:بس انا ابغى قاطع كلامي وهو يمسك عضدي ويوقفني وكأن الموضوع منتهي ومافي مجال لاقناعه. عزام:قلت لك مره ثانيه انحرجت من البنات كثير وانا اشوف نضرات الاستغراب على وجييههم وقفت وانا احاول امسك اعصابي اللي اوشكت تفلت. :مره ثانيه يابنات وان شاء الله بتكون العزيمه على حسابي. شموخ :توك تقولين ميته جوع اجلو موضوعكم نص ساعه عالاقل. سحبت شنطتي منه ورديت:اشوفكم بالسكن . مشيت معه وانا اغلي من جوا .. فتح لي الباب الامامي للسياره فعلا انسان متناقض ركبت بدون كلام يائسه منه وعارفه ان الحكي معاه فاضي... تكلم باستفهام. عزام:شايفه طريقتك صح؟ رديت بنرفزه.. :اي طريقه هو فيه طريقه اصلا. عزام اخذ نفس عمييق :خروجك وثقتك في هالبنات من اول يوم تعتبرينها صح. ناضرته بجرأه:اجل جاوبني ثقتي فيك هي الصح؟ التفت علي بسرعه وكأنه مصدوم:انتي من جدك تبين تساوييني فيهم. بنفاذ صبر:ايه وش تفرق عنهم اصلا. عزام بعصبيه:نسيتي اني جاركم من سنين ناسيه ان ابوك موصيني عليك وغيرها كثير !انتي كل مره تثبتين لي انك فعلا بزر.. ماني متحمله منه كلمه وحده زياده حسيت اني ضعيفه قدامه نزلت راسي على شنطتي وصرت اشهق من البكي دموعي من وانا في المطعم احاول امسكها بس ماقدرت دموع ضعف دموع غربه ودموع عجز في تقبل معاملته لي بهالطريقه مادري كم دقيقه جلست ابكي فيها بس اللي ريحني انه ماحاول يزودها معي او يواسيني سكت وكمل الطريق بهدوء رفعت راسي عن شنطتي وانا افتحها واطلع منها منديل امسح في المسكره افف كان لازم اخذ مسكره ضد الماء ماحسبت حساب لهالدموع. لسعتني برودة غريبه واستغربت متى فتح الشباك كويس انه فتحها لأن هواء السياره صعب يجمعنا.. اخذت نفس احاول الملم نفسي انا وش مهببه.. تكلمت ابغى اشيل الاحراج عني:x اعصابي تلفانه هاليومين اعذرني. كان عاقد حواجبه بطريقه ضايقتني اكثر غلطان ويعصب كيف تجي. عزام بتنهيده :الغربه ثقيله عليك. رديت برسميه:بالعكس ماشيه اموري. عزام بابتسامه:ايه واضح. ناضرت لبرا وانا ابغى الطريق يخلص لوين بوصل في حوار عقيم معاه. وقف السياره وقال لي انزل وقف عند مطعم بطراز عربي نوعا ما. نزلت بهدوء اتحاشى الجدال معه بأي وسيله . حجز طاوله لشخصين جلست واحساس الجوع يرجع لي اللي فهمته ان المطعم مغربي من كلامه مع النادله . كانت جدا عاديه لكن عيونها فيها جاذبيه جميله تجبرك تسرح فيها. طلب الاكل وما اخذنا عشر دقايق الا ونفس النادله ترتبه عالطاوله بخبره. ناضرت الاكل وشعور الجوع ماسك معي لكن النفس طابت . عزام:تغدي. مسكت الملعقه ودخلتها في الطبق بعدها نزلتها وانا احاول اتكلم بعقلانيه: انت مارح تاكل؟ عزام:لا . سما:ليش؟ عزام :الحمد لله سبقتك. سما:مع مين؟ عزام:وش عليك؟ سما بإصرار:جاوبني. ابتسامه خفيفه ارتسمت على شفايفه وهو يجاوب. عزام:مع الشباب. تكلمت وانا وصلت للنقطه اللي ابيها سما:ماكان فيه داعي للف والدوران كان تركتني اتغدا مع البنات بدون كل هالدراما والاحراج اللي حطيتني فيه. عزام وواضح انه معي واصل لأقصااه:انتي تستهبلين؟ رديت بجرأه:وش قصدك. قرب راسه ناحيتي ورد بصوت خفيف وهو صاك على اسنانه:اقسم بالله ان تخلين اليوم يعدي على خير اعقلي يابنت. ركزت عيوني في عيونه احاول امثل الثقه جيت بتكلم قاطعني. عزام:اصص ولا كلمه انا لو اقعد اشرح لك من هنا لبكره عقلك الصغير مارح يستوعب. فزييت بخوف من نغمه جواله اللي دقت وفضحت توتري قدامه شال عيونه عني و وقف وهو يفتح الخط ويأشر لي على الاكل . جلس وهو يكلم بطاوله بعيده شوي وتعابير وجهه لانت بسرعه والابتسامه العريضه ماليه وجهه عطاني احساس ان المتصله سحر . سميت بالله وانا اجبر نفسي اكل وعيوني كل ماهريت فيها ترجع له طريقة حكيه معها جميله عيونه صارت تلمع وصوته صار ارق عكس معي واضح اني فعلا متعبه له. مرت عشر دقايق ما ناضرني فيها نهائي مشغول معها . هذا دليل الحب! انك تنسى نفسك وتنسى اللي حولك وتركز على الشخص اللي تحبه . ومع الاسف هذا وضعي الحين مركزه عليه لدرجة اني ما انتبهت للنادل اللي واقف على راسي يكلمني. النادل:هل اقدم لك اقتراحاتنا للتحليه هذا اليوم. ناضرته بفشله:لا لا اريد سأرحل بعد قليل. النادل: عربيه؟ سما:سعوديه ايضا. مد ايده بطريقه تلقائيه يبي يصافحني:وانا من الجزائر ناضرت ايده ونزلت ايدي لحضني واعتذرت على عدم مصافحته بابتسامه . واضح اني احرجته . النادل :حسنا اعذريني. تركني ورجع لشغله خلصت اكل ووقفت ابغى اروح لدوره المياه ناضرت عزام لازال على نفس وضعيته يكلم تتبعت اشارات دورة المياه ودخلت اغسل .. . . . ادعموني بحب وانتضروني بنزل البارت الاثنين الجاي..دمتم. | ||||
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
