29-07-19, 07:44 PM
| #1 | ||||
|  حكاية حب * مكتملة * حبيت اشارككم بروايتي الإجتماعيه الرومانسيه ( حكاية حب ) واتمنى أن تنال إعجابكم ...ولكم كل الود والحب مني : آزال سلام 🌹🌹🌹🌹🌹🌹🌹 حكايه حب ....❤ الباااارت الاول 💕 ..انا نسمه الظاهر ..عندي 17سنه ..السنه ده بكالوريا ...بدرس بالقسم العلمي ومتفوقه جدا ودايما اوائل ...انا طبعا الصغيره بعد شابين ..الاول هو مجدي اخويا الكبير دارس بكالوريا وبس يعني مكملش جامعه..وعنده 27سنه ومتجوز هنادي بنت من نفس حارتنا حلوه وبيضاء ..وزي القمر....واخوياااا هيمان فيها بيحبها بجنون وكلامها مابينزلش الارض ....نسيت اقولكم هما متجوزين من 5 سنين بس ما جابوش اطفال وهيا هلكه نفسها بجميع انواع التجارب بس ربنا لسا ماأردش .....المهم اخويا الثاني أمجد عنده 25 دارس محاسبه ...وسيم وجميل وبيدور بنت الحلال بس مافيش وحده دخلت مزاجه لحد دلوقتي ...طبعا بابا ده احن واعظم أب في الوجود بيحبني جدا وبينفذلي كل طلباتي ....بابا حكيم الظاهر..صاحب اكبر محل قطع غيار سيارات في شبره ....طبعا الحمد لله ع كل حال ست الحبايب ماتت وانا عندي 12 سنه ...لما اتجوز مجدي فرحت اوي قلت ربنا عوضني بأم واخت بنفس الوقت ...بس العكس تماما هو اللي حصل ...وكل حاجه حاتعرفوها بعدين ..... في يوم كنا بنجهز السفره انا وهنادي ..طبعا هنادي مش طيقاني من امبارح ..اااه نسيت اقلكم امبارح كان عيد ميلادي وبابا ومجدي وامجد فجأوني وجابولي جاتوه وباقه ورد ..وعقد ذهب ....هنادي جننت ع الاخر ومدت بوزها شبرين ومن امبارح مابتكلمنيش خالص ...المهم النهارده بنحضر السفره وكلنا بنهزر وبنضحك الا هي ...انا مسكه صينيه المحشي اللي طبختها مخصوص وبجهز فيها من الصبح علشان بابا حبيبي بيحبها ..فجأه لقتها بتزقني للحيطه وانا خرجه من المطبخ وادلقت الصينيه بالارض هنادي :حبيبتي نسمه جرالك حاجه في ايه ...الحق يامجدي ( هنادي كانت بتمثل الدور بإتقان حتى انا للحظه فكرت اننا دوخت او حاجه ) جري بابا ومجدي وامجد لعندي ولما شفوني ع الارض انا مقدرتش امسك نفسي عيطت وعيطت ...كنت ببص للمحشي ع الارض ووببص لهنادي وببص ع نفسي وارجع اعيط ثاني .....طبعا كلهم فكرين اني ببكي علشان المحشي اللي اندلق ع الأرض.... بابا بحنيه: ياحبيبتي يغور المحشي في ستين داهيه المهم سلامتك .. هنادي بكل مكر الدنيا : والله ياعمي انا بقيت اخاف عليها كل شويه تدلق حاجه ع الارض بابا بخوف : ليه ياحبيبتي فيكي ايه ..ليه ماكلمتنيش لو انتي بتحسي بحاجه..(التفت بابا لمجدي)بكره تاخذ اختك ع المستشفى تعملها كل الفحوصات اللازمه هنادي بسرعه قبل مايرد مجدي : مش حينفع ياعمي انا بكره رايحه بيت بابا ومجدي وعدني يأخذني هو ... رد أمجد اللي بيبص لهنادي بكره : مش مشكله اخذها انا (طبعا بتسألو انتي فين ..ليه مارديتيش عليها ..ليه ماأقولتيش ليهم هي اللي دلقت المحشي ع الارض ...مش عارفه ليه ...بس اللي اعرفه ان هنادي دايما بتستغل سكوتي وحبي لبابا واخواني )♦♦ 🌸🌸🌸🌸اليوم هو يوم جديد بحياتي النهارده السبت ..ورايحه المدرسه زي كل يوم فرحانه جدا (طبعا لاني مش حشوف هنادي لمده 6 ساعات 😉 ) سالي صديقتي ورفيقتي وجارتي في العماره اللي جنبنا ..بحبها اوي ..رغم ان ليها فصول ناقصه معايا بس ماأعرفش غيرها ومش مسموح لي اعرف غيرها🤷♀ سالي بغضب: ساعه يانسمه ..ساعه بتعملي ايه ...مره ثانيه اسيبك وامشي ..الطابور حيبدأ ومش حنخلص من الآنسه إنشراح ... انا بهدوء وابتسامه : اقصدك مدام إنشراح ..دي عندها 4 اولاد نسمه بتعجب : يابرودك ياأختي ...انجزي اللي يشوفك اليوم ما يقولش الي كانت بتبكي في التلفون امبارح من هنادي ههه انا بخبطها ع كتفها : اخس عليكي ياسالي بتفكريني ليه ...عايزه انسى هنادي وسنين هنادي ممكن 6 ساعات بس (ضحكنا انا وسالي وكنا وصلنا لبوابه المدرسه وضحكنا لما شفنا الأبله إنشراح والامر ما يخلاش طبعا من البهذله )... .........كانت اخر حصه حصه الماث وكنا مدوخيين ع الاخر...الجرس رن اخيرا ....يااااه اد ايه الحريه حلوووه ههههه .....خرجنا من المدرسه وفضلنا نمشي انا وسالي لأن طريقنا للبيت لابعيد ولا قريب يعني ماينفعش ناخذ اتوبيس كان كل كلامنا عن المدرسه والمدرسات رغم ان احنا كنا سوااا هناك 😊 فجأه لقيت سالي بتوقفني وبتبص وراها ..وتلقائيا بصيت انا كمان .... انا: في ايه مالك بتبصي وراكي ليه سالي: انا حاسه ان في حد بيمشي ورانا .. انا بخوف : ربنا ياخذك انتي بتخوفيني ليه ..من اللي حيمشي ورانا ... سالي بأصرار : انا متأكده ... في الوقت ده كنا دخلات ع ممر ضيق بنختصر منه الطريق علشان نخرج لحارتنا لقيت سالي بتشدني وبتقلي اجري ...وجرينا جري عمري ماحنساه ...ا انا وانا بلهث : الله يخذك ( كنت مسكه صدري بأيدي ونفسي طالع نازل ...وبدأت ادخل بنوبه الربو اللي بتجيني ...خافت سالي قوي وفضلت تمسح ع ظهري ...لحد ما بدأت اهدأ ..شربت االمويه ...ولفيت حولين نفسي ..هو فين ها ...هو فين كنت بزعق جامد ) سالي بترجي : خلاص بقا انا اسفه ...أكيد كان بيتهيأ لي ... ياجماعه ..انا هنا ..انا سالي خلوني احكيلكم انا ماكنش بيتهيألي انا متأكده ...بس خوفي ع نسمه هو اللي خلاني اقولها كده .... رجعنا البيت انا وسالي وكل وحده دخلت بيتها ...كنت تعبانه اقوي وسرحانه بكلام سالي فتحت الباب ودخلت لقيت هنادي وامها واخوها ..اللي اول مادخلت وقف وجاء علشان يسلم عليا .... نظمي : ياأرض احفظي ماعليكي ...ايه الحلاوه دي...( كان بيبص ع كل حته في جسمي اتمنيت الارض تنشق وتبلعني ...انا الحمد لله محتشمه جدا رغم اني مش محجبه بس في الوقت ده حسيت اني عريانه من نظراته ليا بالشكل ده ) انا بعدت عنه وخليت مسافه بنا : لو سمحت اتكلم بأسلوب احسن من كذه .. نظمي بغيظ : هو كان ماله اسلوبي يبتاعت المدارس يامتعلمه ..والا بتعيريني كمن انا يعني مش متعلم انا بحده : ده ملوش دخل بالمدارس ..ده له دخل بالادب والاصول هنا قامت الدنيا والكل بقا يصرخ مامه هنادي وهنادي ونظمي .....مسكت هنادي ذراعي جامد اوي وقالت : انا حأعرف اربيك واعلمك يا بتاعت المدارس.. سحبت ذراعي منها وجريت ع غرفتي وكنت عارفه ايه اللي حيحصل من مجدي لما يرجع بس المره ديه مش حسمح لهنادي تعبي راس اخويا عليا انا تعبت خلاص ..انا حاكلم بابا .....واللي يحصل يحصل ... .. .. ... ياترى ايه اللي حيحصل ؟ ومين اللي كان بيراقب نسمه وسالي ؟ . Azal sallam✍🏻🌹❤ روابط الفصول الفصل الأول .... اعلاه الفصول 2 - 6 .... بالأسفل الفصول 7 - 17 نفس الصفحة الفصل الأخير التعديل الأخير تم بواسطة ebti ; 26-08-19 الساعة 02:29 AM | ||||
|  |
|
29-07-19, 08:03 PM
| #3 | ||||
| حكاية حب حكايه حب 🌹🌹🌹🌹🌹🌹 الباااارت الثاني 💕 كانت الساعه 2 الظهر وده كان الوقت اللي بيرجع فيه بابا واخواني البيت ...سكون غريب كان مالي المكان ..من ساعه ماجريت لغرفتي وانا حابسه نفسي فيها ماطلعتش خالص ومش عارفه اي حصل بره ...هنادي كانت زعلانه قوي وجت وفتحت الباب عليا وسمعتني كلام بيسم البدن..سكت وماردتش عليها خالص... وبعدها عم الهدوء الرهيب ده ...ياترى هل هي موجوده بره ..والا نامت والا خرجت ...اوووه وانا مالي بيها ماتغور في ستين داهيه ....كانت الساعه بتكتك وكنت بسمع صوتها كأنه جوا قلبي كنت خايفه اوي ....لا لا انا مش خايفه واخاف ليه ...بس انا فعلا خايفه بدليل اني مش قادره اخرج من غرفتي واروح الحمام ...في الوقت الا انا كنت في حوار مع نفسي .. سمعت صوت باب الشقه بينفتح زادت دقات قلبي لا قلبي كان بينط من مكانه ماكانش بيدق قطع الحوار ده ...دقات متتاليه وقويه جدا ع باب غرفتي ...واكيد عرفتو مين ..ده مجدي اخويا واللي اكيد جايي من عند هنادي والله اعلم قالتله ايه مجدي بزعيق جاامد قوي : نسمه افتحي الباب قبل ماأكسره كنت خايفه قوي وحاطه ايدي على اذني علشان ماأسمعش صوت الباب بيتكسر رحت جري وفتحت الباب ...انا بخوف ورعب : في ايه يام ج د ي مجدي وهو بيجز ع اسنانه وبيلوي ذراعي لورا ظهري : والله عامله نفسك بريئه وزود قبضته ع ايدي وانا كنت بصرخ بكل صوتي : في ايه فهمني مجدي بغضب : حاااااضر افهمك ...ماأنتي مش فاهمه ..انتي بأي حق ياهانم تطردي مراتي واهلها من البيت ....بأي حق تتكلمي معاهم بالاسلوب ده ...هو ده احترامك ليا ...انتي الظاهر ادلعتي زياده ونسيتي نفسك ... انا كنت طبعا بحاله ذهول من الكذب اللي بيتقال ولسه فتحت بقي علشان اتكلم معاه لقيته بيزقني ع السرير وبيضرخ : انا كنت بدافع عنك لما كانت هنادي بتشتكي منك...بقول يتيمه وغلبانه ..بس انتي زودتيها اوي ...مره تعيريها انها ما بتخلفش ..ومره تعيريها انها مااتعلمتش ومره ع لبسها ومره ع طبخها ...ومره تهدديها انك حتعملي مشكله لما تخليني اطلقها ..... انا طبعا كنت منهاره ع السرير ودموعي نزلت نار ع خدودي ...هربت دموعي من عيوني واتحولت لشلال سخن يخترق خدودي اللي بقو زي النار الملتهبه وقفت وحاولت اجمع كل شجاعتي واتكلمت بصوت مخنووق : مجدي انت ممكن تصدق الكلام ده عليا مجدي مره وحده لقيته بيشد شعري بكل قوته وبيقولي : بنت انتي حركات السهوكه ده مش عليا ....انتي فاهمه خلصت شعري منه بالعافيه وكنت بزعق بكل صوتي وبشكل هستيري : انا بتسهوك يامجدي انا اختك وتربيتك ليه تصدق عليا الكذب ده ..هنادي طول عمرها بتكرهني ...طول عمرها بتعاملني كأني عدوتها مش اخت جوزها ...اخوها ده ( سكت فجأه ماقدرتش اكمل كنت خايف اقول ع نظمي وحركاته معايا تحصل خناقه واخسر اخويا )مسكت ذرعاته وكملت وانا بهز فيه : هنادي بتقطع دفاتري ...بتحرق اشرباتي ...بتخفي حاجاتي ...تعرف هي اللي دلقت صينيه المحشي من ايدي المره اللي فاتت...وهي اللي بتزود الملح دايما لما بطبخ انا ....ده شيطانه يا مجدي شيطا...وماحسيتش الا بأيده بخدي كان الم جامد اوي حسيت ان اسناني حتوقع من مكانها .... زادت الهستيريا عندي وبدأت ازعق بكل قوتي : يامااااامااا يا باااابااا الحقووووني مجدي بغضب : ولا كلمه اسكتي خالص مش عايز اسمع صوتك واياكي تجيبي سيره مراتي ع لسانك ...واشار بصباعه في وشي وجز ع اسنانه وقلي : حتروحي العصريه تعتذري لهنادي وأهلها وتطلبي منها ترجع البيت ....انتي فاهمه مشي وسبني وراه ببكي بحرقه ووجع ياااه هو معقول اللي حصل دلوقتي ...هو ده اخويا الكبير سندي وظهري بعد ربنا وبابااا ...ايه القسوه ده يامجدي ..دموعي مابطلتش تنزل ...وكنت منهاره ع الاخر وقف مجدي عند الباب وكلمني من غير ما يلتفت ليا :ماتفكريش خالص تقولي لبابا على اللي حصل بنا دلوقتي انتي عارفه بابا صاحب مرض والجلطه الاخيره بعد المشكله اللي كانت بينه وبين التاجر الاسيوطي كانت خطيره جدا والدكتور حذرنا من جلطه ثانيه ممكن تقضي ع حياته ... ماردتش عليه بس دموعي وشهقاتي هي اللي ردت ....ماحاولش يلتفت ليا خالص ..وكان هيخرج من الغرفه لقيته راجع وبيقولي بسخريه : اااه نسيت اقلك ماااما والله يرحمها ..وبابا مع امجد عند واحد من التجار ...اوكيه ..غسلي وشك واياكي تكلمي بابا ..وتعملي زي ماقلتلك حا أستناكي ع الساعه 5 ...خرج مجدي من غرفتي ...وانا مشيت بكل هدوء وقفلت الباب وارتميت ع سريري واطلقت العنان لدموعي لحد ماحسيت انه خلاص مابقاش فيا دموع ...( انا فعلا يامجدي مش حاكلم بابا بس مش لأني خايفه منك ...لأني خايف بابا يحصله حاجه ويسبني لأخ قاسي وجبروت زيك ..وأخ سلبي زي أمجد ...ااااااااه الله يرحمك ياأمي ) ...اخذت حجاتي ودخلت الحمام وفتحت المايه ...ودموعي اللي كنت بقول انها جفت نزلت اكتر من اول غمضت عيوني وسبت دموعي برحتها ...نص ساعه وانا تحت الدوش فوقت ع صوت بابا ...(يااااه يابابا كنت فين ..شفت مجدي عمل فيا ايه ....ربنا مايحرمني منك ولا من صوتك ..ولا من دخلتك عليااا ياأحن أب ) خرجت من الحمام لبست هدومي وحاولت اخفي اثر كف مجدي اللي ع وشي بس هيهات دي كانت محفره جامد ...خرجت لبابا واول ماشفت مجدي كل واحد فينا هرب بعيونه بعييد عن الثاني ...اتفاجأ بابا من وشي وسألني ... بابا بخوف : مالك يابنتي في ايه اللي في وشك ده ومال عيونك كده ...احكي ايه اللي حصل ... رفعت نظري لمجدي اللي بصلي بنظره سيبت ركبي ..ورجعت بنظري لبابا وقلتله : مافيش يابابا اتخنقت مع وحده زميلتي بالمدرسه ..... بابا :وليه تعمل كده ...مين ده ...احنا لازم نشتكي عليها مجدي بسرعه : ماأنا مسكتش يابابا ورحت واتكلمت مع المديره وخلاص وقفو البنت وانتهى الموضوع .. انابيني وبين نفسي : يابجحتك ياأخي .... المهم مجدي كلم بابا ع كل اللي حصل بيني وبين هنادي بطريقته هو وبأسلوبه هو ..والله اعلم ايه اللي كمان قاله ..لقيت بابا بيطلب مني اني اروح واعتذر لهنادي وارجعها البيت ....وطبعا نفذت كلامهم بالحرف الواحد ..... 😔😔😔😔😔الوجع عمره مايتنسي حتى لو بعد سنين ...قفلت ع وجعي وجففت دموعي ونمت نومه اهل الكهف ... ✨✨✨✨✨اسئله كتيره بتدور في عقولنا هو مين اللي بيراقب سالي ونسمه.......وايه ممكن يحصل حيغير حياه نسمه .....وهل حتتغير حياتها للأفضل او للأسوء........ Azal sallam✍🏻🌹❤ | ||||
|
| |
|
29-07-19, 09:14 PM
| #4 | ||||
| حكاية حب حكاايه حب 🌹🌹🌹🌹🌹 الباااارت الثالث💕 ...طلعت شمس يوم جديد ..واشعتها بدأت تتسلل من شباك غرفتي .. انا بعشق المنظر ده وبعشق الصبح ...طبعا اكيد عرفين ليه ...علشان حرتاح من هنادي 6 ساعات ....فجأه...افتكرت هنادي وافتكرت رجعت هنادي للبيت امبارح وافتكرت كسرتي قدامهم ..ااااه ليه بس يامجدي (حطيت صوابعي ع خدي اتحسس الالم اللي فيه وغصب عني هربت الدموع مني مره تانيه ) .....انا خلاص قررت انسى او بمعنى صح اتناسى....حاروح المدرسه وكأن شيئا لم يكن ...انا بكالوريا السنه دي ولازم اخلص دراستي واجيب المعدل اللي بحلم بيه انا وبابا(ااااه يابابا هو في زي بابا.. ماافتكرش ) انتفضت ع صوت التلفون وكانت سالي . سالي بعصبيه : انتي فين يابنت انا برنلك من بدري ومابترديش ..والله لاأكلم عم حكيم انك دايما تأخريني كده ..... فزيت من على السرير باأستعجال : لا لا وعلى ايه دقيقتين ونازله ....لبست هدومي ونزلت جري .... ..في الطريق للمدرسه كنا بنتكلم وبنضحك ونهزر ..وفجأه لقيت سالي بتزعق وحاطه ايديها في بوقها : سالي ايه ده وشك فيه إيه ..مين اللي عمل فيكي كده ... انكسرت واكتسفت ..مش قادره اوصف الشعور اللي جاني وقتهاااا ...وقفنا وسكتنا كثيير ...سالي عايزه رد مني ..وانا محتاره اااقول ايه ... كسر الصمت ده صوتي وانا ببكي بشهقات عاليه .ومغطيه وشي بأيديا ..مسكت سالي ايديا ونزلتهم من ع وشي ....ولسه حتسألني ..بس لقينا نظمي في وشنا ..وبيعيد نفس الجمله ( ياأرض احفظي ماعليكي )....سالي وهي مسكاني ومشيه ووشها في الارض : لو سمحت عدينا . نظمي وهو بيملس ع شواربه وبيبص لينا من فوق لتحت : حيلك حيلك ..ومالك كده شده علينا اوي ....بس يحقلك برضه سالي زقته جامد ع الحيط ومسكتني وشدينا بالمشي . . . . 🌸🌸🌸 مين الكائن ده ....وليه بيتعرض لهم كده ...كنت رايح اشوف الحكايه ايه بس وقفت لما شفتهم اتصرفوا ونفذو منه ....مشيت كمان وراهم ...دخلوا محل قطع غيار سيارات ( الله طب ليه مارحوش المدرسه ) خرجو من هناك لبيت صحبتها ...مسكينه ..طوول الطريق وهي مابطلتش عياااط ..( انا ياجماعه حاسس ان دموعها بتخترق قلبي بتذبحني ..انا حبيتها وولاإايه...انا شكلي عشقتها..و الألم اللي ف وشها ده مين اللي عمله ...مين اللي مد ايده عليها .مين المجنون اللي عملها ..والراجل البيئه اللي اعترضهم ياترى يقربلها او ايه حكايته بالضبط ) .... لما اطمنت انها دخلت مع صحبتها رحت جري ع محل قطع الغيار اللي دخلت فيه ..وسألت بطريقتي. واستنتجت انها دخلت تستأذن ابوها علشان ترجع مع صحبتها البيت ... ....اخذت معلوماتي من الناس اللي حوليهم وعرفت انه معاها اتنين اخوان وان ده محل ابوها وانها البنت الصغيره للعيله ده ..وعرفت كمان ان االراجل البيئه ده هو اخو مرات اخوها .... اااه انا نسيت اعرفكم بنفسي ...انا عزام ابو سعد..خريج جامعه القاهره ..كليه الهندسه ...( ايه جبني هنا ..انا كنت بزياره عند عمتي تعبانه ...) انا الكبير والصغير في عيلتنا الصغيره يعني بابا وماما ماجابوش غيري ..والله يرحمهم ماتو قبل 3 سنين بحادث عربيه وهما بيزورو عمتي اللي مانعرفش حد من قرايبنا غيرها .. ...اول مره شفتها فيها كانت من 3 شهور ..خرجت من بيت عمتي وكنت زعلان ومقهور لأن صحه عمتي بتتدهور واتقلبت عليا المواجع افتكرت بابا وماما وقد ايه هما وحشني ...عمتي ست طيبه جدا وبتحبني جدا وهي اللي بقيالي من ريحه بابا ..كانت حالتها صعبه جدا سيبتها مع بنتها الوحيده متجوزه وعندها اولاد وجت علشان تاخذ بالها من أمها ..كانت عمتي بتوصيني ع بنتها وهي بتلهث وكان الموت محوط عليها ..وكنا بحاله ترقب لموتها بس ..مش بأيدينا حاجه نعملها ...خرجت امشي وامشي ولقيت نفسي.. بحاره غريبه عليا رفعت راسي وعرفت اني كنت سرحان وانا ماشي وماحستش بنفسي الا وانا هنا ....كانت الساعه ٧ ونص تقريبا الصبح ( ياااااه انا ماشي من الساعه 5الفجر صليت حاضر في المسجد ومشيت من غير هدى لحد مالقيت نفسي هنا ) في جمله افكاري ده وعلى بعد 3 امتار بس مني خرجت بنت من بيت جميل مؤلف من طابقين ..الطابق الارضي مفتوح محلات ع الشارع ..والطابق الثاني شكله للسكن ...كانت البنت اآيه بالجمال طولها حلو وبشرتها بيضاء وشعرها اسود طويل ومعمول ظفاير ...حاولت اققرب اكتر علشان اشوف وشها كانت جميله فعلا وكانت الحمره مزينه خدودها ..كنت هيمان فيها هي هيا وبس ...رغم ان صحبتها معاها وممكن تكون حلوه بس ماكلفتش نفسي الف وشي شويه علشان اشوفها ...فجأه جاني صوت جوايا بيقولي : (في ايه ياعزم انت جاي علشان عمتك والا نسيت ..هو ده وقته ...بس رغم الصوت ده .. فضلت ماشي وراهم لحد ما وصلو المدرسه ) ...اقعدت ع ركن الشارع وخبطت راسي بأيدي بصحي نفسي من الهبل اللي انا فيه : انت مجنون دي طالبه في مدرسه ..يعني بنت صغيره ..وصغيره اوي...فوق ياعزام فوق .....رن موبايلي وكانت بنت عمتي انت فين ياعزام ...ماما بتسأل عليك ...فزيت ع طوول ورجعت لعمتي وصورتها ما فرقتش خيالي ...... ... .... .... فضلت ماشي وراها كل يوم من غير ماتحس عليا من بعيد لبعيد ..كل يوم اصحى الصبح اطمن ع عمتي واجهز كل احتياجاتهم وانزل جري بدري علشان الحق وقت المدرسه ...وكانت عمتي وبنتها مستغربين ...بس اقنعتهم ان ده نفس موعد شغلي في القاهره وانا متعود امشي لشغلي كل يوم ... اسبوع مر وانا ع نفس النظام .... وجاء وقت السفر وكانت عمتي ااتحسنت بس مش قوي انا مضطر ارجع علشان شغلي ...وطبعا لاااازم اعدي اشوف ..👩🏻🦰 رحت جري وشفتها ووصلتها للمدرسه كانت حزينه ومابطلتش كلاام طووول الطريق ...ياااريت اعرف فيها ايه .... رجعت القاهره ...وكانت كل حياتي ملخبطه ..معقول ااكون حبتها من اول نظره ..هي قدرت ازاي تلفت انتباهي كده ... يوسف بيخبط المكتب بأيده : اللي واخذ عقلك ...في ايه يابني ..انا بقالي ساعه بكلمك .. انا فزيت ع الخبطه ورفعت راسي ليوسف :[هههه مافيش حاجه ...هو فين آسر .. يوسف وهو بيحك دقنته : قولتلي مافيش حاجه طيب اوكيه مش حضغط عليك ..بس انا متأكد انه في حاجه .وقف يوسف وقال : المهم آسر مستنينا بمكتبه ...يالله بسرعه انا جعااان موووت ...( يوسف وآسر هما اعز اصحاب عندي درسنا المدرسه سوا انا وآسر والجامعه درسناها احنا التلاته مع بعض ..بس آسر هو صديق طفولتي وبيت اسرراري واخوي اللي ماجبتهوش امي ) ...... عدت الايام والشهور وهي محتله عقلي وتفكيري ...وكل ماأفتكرها قلبي ينط من مكانه...وفي يوم الساعه واحده بالليل اتصلت بنت عمتي تبلغني ان عمتي ماتت ..سافرت ع طووول ...وطبعا آسر ويوسف ماسبونيش خالص...حزنت واوتجعت بموت عمتي......فضلت 5 ايام واخذت واجب العزا بعمتي وقفلنا بيتها ورجعت شغلي وبنتها كمان رجعت لجوزها واولادها .....ورجعت القاهره ( كنتو فكرين اني حاروح علشان اشوفها ...بس ما ينفعش انا كنت منهار ع عمتي ...وكمان اصحابي معايا ☹ ) مرررت الايام وكل فرصه تجي اسافر واروح اشوفها ....اصحابي كانو مستغربين جدا ليه بسافر ..والحاجه الوحيده اللي كانت بتربطني بالمكان ده هي عمتي ..وخلاص ماتت...وكل شويه كنت بتعذر بحاجه ..مره كده ومره كده ....لحد ما وقعوني وماقدرتش اخبي كانو ملاحظين التغييروالهدوء والسرحان اللي انا فيه دايما .... ...سفرت مرررات كتيره وكل مره كنت بشوفها اجمل من المره اللي فاتت .صليت ودعيت واستخرت ربنا انها تكون من نصيبي لو ده خير ليناانا وهي ....كملت السنه الدراسيه .... وكنت رايح وبتشجيع من اصحابي علشان ادخل البيت من بابه و..اطلب ايدها ...بس اتفاجأت انها لسه بمريوله المدرسه ...يعني لسه بتدرس .. اتصلت لآسر بزعل : آسر آسر : مالك ياعزام ..مال صوتك حكيت لآسر ...اللي شجعني وقلي حتفضل طوول عمرك تراقبها من بعيد لبعيد ماينفعش كده ...وبعدين افرض البنت اتخطبت ..او ممكن تكون مخطوبه وانت بتراقبها وده ماينفعش ...لازم تقدم ع الخطوه ديه وتتوكل ع الله وربنا حيختار ليك اللي فيه الخير .... انا بفرحه : حبيبي ياآسر متشكر قوي .....اليوم الصبح قاعد مستنيها تنزل نزلت وهي مكسوره ومقهوره وفي اثر ألم ع وشها كان واضح اوي ...واليوم قررت انها تكون مراتي ..رغم فارق السن هي ديه اللي حتكون ام عيالي ...هي ديه اللي بحبها ..لا انا بعشقها ...انا بشوفها من سنه ...ومش عارف حاجه عنها ...سألت عليها وع اسرتها وعرفت انهم عيله محترمه جدا ... واليوم انا رايح اتقدملها ...وربنا يسهل واعرف ارد ع السؤال اللي متأكد انهم حيسألوني عليه : انت عرفتها منين بس مش مهم ...انا مستعد احارب عليها الناس كلها ..... ✨✨✨✨✨✨✨ ياترى ايه اللي حيحصل ؟ وهل حتمشي الامور زي ما عزام مخطط ليها ؟ وهل نسمه واهلها حيوفقو ؟ وهنادي ايه حايكون موقفها ؟ .. .. Azal Sallam✍🏻🌹❤ | ||||
|
| |
|
29-07-19, 09:15 PM
| #5 | ||||
| حكاية حب حكايه حب 🌹🌹🌹🌹🌹 البااااارت الرابع 💕 الساعه 5 العصر الباب بيرن ...كنا قعدين بالصاله وكان أمجد بيقنع بابا انه عايز يسافر بره ويكمل ماجستير ودكتوراه ....بس قطع حديثنا صوت الباب ...جريت هنادي اللي قبل ماتقوم غمزت لمجدي ..واناببص ليها ومستغربه هي فرحانه كده ليه ... المهم اول مافتحت هنادي الباب شفت بوكيه ورد كبير وواحد بيحشر نفسه علشان يدخل هو والبوكيه بنفس الوقت ظهر اخيرا اللي بالباب وده طبعا كان نظمي ...( ااه نظمي ..استغربتو ليه ..كنتو مستنيين حد تاني ) فز مجدي بسرعه علشان يستقبل اخو مراته ..والضحكه من الخد للخد ... مجدي : اهلا اهلا نظمي ازيك نظمي بيرد وهو بيبص لي : زي الفل جريت ع غرفتي وقفلت الباب ....والف سؤال بيدور في راسي ... .. .. في الصالون ... قدمت هنادي الشربات والحلويات ...والابتسامه ما فرقتش وشها اما بابا وأمجد فكانو مستغربين ..ايه اللي بيحصل ..وليه الشربات والورد ده قطع الصمت ده نظمي وبدأ يتكلم : ازيك ياعمي احم احم بابا : الحمد لله ياأبني نظمي :انا حادخل بالموضوع ع طووول .. (انا مش عارفه حسيت بخوف ليه ..كنت فتحت باب غرفتي سنه وبسمع وبشوف اللي بيحصل ) نظمي لف لبابا وكمل : انا طالب القرب منك وقف أمجد بعصبيه وغضب : في مين ..قصدك مين .. ردت هنادي بسرعه وهي بتقدم الشربات : حيكون بمين يعني ..نسمه طبعا ( رجلي تلجت ...وحسيت اني نفسي ارجع قفلت الباب ورجعت وانا برجف.وبفرك صوابعي ببعضها ) امجد : انت اتجننت وقف نظمي وبرنفزه : الله الله وليه الغلط بقا ...انا داخل البيت من بابه ..والتفت لبابا وقال : والا إيه ياعمي .. بابا وقف وطبطب ع كتف نظمي وقال : لا ياأبني انت ماغلطش ...بس البنت لسه صغيره ...وسلامة نظرك انت اكبر منها بكثير مجدي وقف وحاول يطري الجو : إيه يابابا هو ده سبب يعني يرتفض علشانه نظمي هنادي بصوت عالي : اتتو بدورو اعذار ليه قال صغيره ..قال ..وبعدين الراجل مايعيبو الا جيبه وطبطبت ع كتف اخوها وكملت ونظمي الحمد لله جيبه مليان ... وبعدين هيا كلها 13 سنه لاراحت ولا جت نظمي بهدوء مصطنع : ماتخافش من النقطه دي ياعمي ..هي مصيرها تكبر وانا اصغر لها 13سنه ده وماله يعني أمجد : انت مش كنت متجوز ...روح دورلك وحده متجوزه وألا مطلقه ..يالله بقى خلصنا ... مجدي بعصبيه : في ايه ياأمجد ماتتكلم بزوق شويه أمجد بعصبيه اكتر : انت ايه اتجننت عايز تجوز اختك واحد كان متجوز ومطلق مجدي وفيها ايه دااا..قطع بابا كلامهم بحزم وقال : خلاص بقى كفايه والتفت لنظمي اسمع يابني انت وبنتي مافيش تكافؤ بنكم لا بالعلام ولا بالسن ولا بالناحيه الماديه ....يعني بأختصار طلبك مرفوض نظمي بعصبيه مفتعله : ااها انت بتعيرني يعني ...بس انا عايز اسمعها منها مش يمكن يكون رأيها غير امجد كان حيعترض بس بابا قال : اامم وماله ده حقك نادي ع اختك يامجدي ....(الله يسامحك يابابا مطلبتش الا من مجدي ..دخل مجدي وكلمني وحاول بكل الوسائل بالين والتهديد وضغط عليا بمرض بابا ..والمشاكل اللي ممكن تحصل بينه وبين مراته ...وووو ) ....دخلت عليهم الصالون ...وهو اول ما شفني بص ليا نفس البصه القذره بتاعت كل مره نزلت راسي الأرض .مش طايقه اشوفه ولا اشوف نظراته اللي بتحرقني..بابا عاد عليا طلب نظمي وطلب رأيي وانا ...سكت شويه ورديت ب لااااااااا ...خرج نظمي والشرار بعيونه واخته مولعه نااار ...كنت واقفه وسط الصاله واول مالتفت مجدي لعندي هربت ع غرفتي وقفلت الباب .... ♦♦♦♦اليوم الثاني رحت المدرسه انا وسالي كالعاده وكنت بحكي ليها اللي حصل ...وكانت فطسانه ضحك ....وفجأه لقينا نظمي بوشنا كنا دخلنا الممر اللي حنخرج ليه للمدرسه. حاولنا نعدي بس هو كان قافل الطريق علينا وبيتحرك كل ماتحركنا.. نظمي بحرقه : بقا انتي ياحلوه ترفضيني انا ... انا : انا قلت كل اللي عندي امبارح ..لو سمحت عدينا ...حاولنا نمشي ..بس ماسمحش لينا وكان بيبص لينا بطريقه وسخه .. سالي بغضب : انت بتبص علينا كده ليه ما تحترم نفسك نظمي بأستعباط وهو بيمثل انه خاف : بس ياقطه ..بتخوفيني اوي ..ومد ايده على شعر سالي بيملس عليه بس سالي زقته للحيط ومسكت كتفه وعطفت ركبتها واديته خبطه في (.....) وهربنا وكان بيصرخ جاامد وماسك (...) وبيسب وبيلعن.... جرينا..وجرررينا لحد ما وصلنا المدرسه وكنا كل شويه بنلف نتأكد انه مش ورانا .... ❤❤ا الساعه 5 العصر كنت بجهز نفسي خذت شاور ولبست الطقم الجديد اللي انا اشتريته ...وقفت عند المرايا وبصيت لنفسي ...مشطت شعري وربطت الكرفت ...كنت بصفر وبغني وفرحان قوي ...امبارح الليل صليت كمان استخاره ويمكن تكون ده المره العشرين ..(والله ماأنا فاكر ).. اليوم ماشفتش حبيبتي الصبح ومارحتش وراها المدرسه ....اليوم انا رايح لأبوها للمحل وحاطلب ايدها يااارب ادعولي تبقى من نصيبي .... بصيت مره تانيه ع المرايا وقلت : الله يرحمكم ياباب وماما ...وربنا يرحمك ياعمتي ..ماكنتوش ح تسيبوني في يوم زي ده خرجت بسرعه ..مش عايز الزكريات تأسرني وتاخذ تفكيري بيوم زي ده ...... وصلت المحل وركنت عربيتي ونزلت دخلت المحل وكنت متوتر لفيت ادور ...بس مالقيتش حد وفي اخر المحل شفت ابوها ....رحت لعنده وكان جايب ظهره شكله كان بيشيك ع البضاعه.. وقفت وراه واتكلمت : السلام عليكم التفت عم حكيم ورد برزانه : وعليكم السلام والرحمه انا : حضرتك الاستاذ حكيم الظاهر رد الأب بأستغراب : ايوه انا ..خير يأبني طلبك ايه ..المحل تحت امرك .. ابتسمت لطيبه الراجل ده اللي بينه عليه اول ماتشوفه ..سكت شويه واتكلمت بعدين : اممم انا بصراحه طلبي مش هنا ضحك عم حكيم وقال : طب لما طلبك مش هنا جي هنا تعمل ايه ابتسمت وقلت : ممكن نقعد علشان نتكلم عم حكيم : اهلا اهلا يابني اتفضل فتحت زرار البدله واقعدت : انا طالب القرب منك .. عم حكيم بأستغراب ودهشه : في مين بقا ... انا بهدوء : ببنت حضرتك عم حكيم بتساؤل : وبنتي تعرفها منين انا : اسمع ياعمي واسمحلي اقولك الحكايه من طقطق للسلام عليكم وبكل صراحه... اتكلمنا انا وعم حكيم بكل حاجه وكلمته ع نفسي وعن عيلتي وازاي انا عرفت بنته ..اللي مش عارف اسمها لحد دلوقتي خلصت كلامي وقلت وانا بريح ظهري ع الكرسي : هي ديه كل الحكايه واتمنى ان بنتك تكون من نصيبي عم حكيم وقف ولف ومسك الكرسي بتاعي من ورا ..انا اول ما وقف كنت عايز اوقف ..بس هو منعني وكلمني بصوت اقرب للهمس : طيب ولو رفضت . ..انا رديت وانا مش قادر الف ليه : انا مستعد لأي شروط حتقولوها ...ومستعد احارب العالم كله علشانها ..انا حبتها ياعمي ومستعد امضي اي تعهد ع نفسي بشروطكم اللي انتو تحددوها.. عم حكيم : طيب انت مش شايف انها صغيره عليك اوي ...عندك كم سنه ياأبني انا بتردد: انا عندي 28 سنه..هي ده الحاجه الوحيده ..اللي خلتني اتأخر وماأطلبش ايدها اول ما شفتها ..بس انا برضه شاب ولسه صغير مش عجوز يعني .. ضحك عم حكيم ..ضحكه صغيره و مشي وكأنه بيفكر ...راح وجاب ورقه وقلم ...وطلب مني اكتب كل شي عني ..اسمي ..اسم عيلتي ..جامعتي ومكان شغلي ....وسلمته الورقه وومشيت ...واناعند الباب نادى عليا : عزام ياأبني.. التفت ورديت : نعم ياعمي عم حكيم : انت ليه واثق في نفسك كده انا : انا مش واثق في نفسي ..انا واثق بربنا ...انا استخرت ربنا كثير اوي ...وربنا لايمكن يدلني الا ع الطريق الصح ............. .... .. عدت يومين وتلات سألت فيها الحجر والشجر واهل كايرو كلهم ...بصراحه الولد سمعته زي الفل ..وكان من الاوائل في الجامعه..وشغله زي الحلاوه ومعاه شقه حلوه في وسط البلد ...انا بصراحه ارتحت ليه من ساعه ماشفته أدب وأخلاق وشياكه ..وكمان وسامه ...وكمان الطريقه اللي عرف بيها نسمه ..والحاجات اللي حكالي عنها بكل صراحه خلتني اوثق فيه واقرر اني اسلمله بنتي صليت استخاره ...واقتنعت بيه جدا ....انا راجل عجوز ..وصاحب مرض وواولادي وعارفهم مش عايز اسيب نسمه بين ايديهم لما اموت .. اخذت التلفون ..واتصلت : السلام عليكم عزام : اهلا اهلا ياعمي انا : ازيك ياأبني عامل ايه عزام : الحمد لله ياعمي مدام سمعت صوتك .. انا : انت فين هنا او بالقاهره عزام : لا حضرتك انا هنا ..مستني ردك بفارغ الصبر.. انا : عايزك تشرفنا اليوم الساعه 8 ع العشاء عزام انحرج اوي : مش مشكله ياعمي حبقى اجي بعد العشاء انا بحزم : حاأستناك ع العشاء عزام بضحكه خفيفه : خلاص ياعمي اللي تأمر بيه . . . . مررت الساعات ببطئ ..ياااه امتى حخبط ع باب بيتها ..امتى حشوفها( هو انا ممكن اشوفها اليوم ) بصيت ع الساعه لقتها 7 قمت بسرعه جهزت نفسي ...وخرجت عديت ع محل الورد واخذت بوكيه جميل ..لأجمل انسانه واليوم حادخل بيتها لاول مره ...يااارب. . . . بابا طلب مننا نجهز اكل محترم ع العشاء لأنه عازم حد مهم ...جهزنا كل حاجه زي مابابا عايز ..وطلب مني المحشي اللي بيحبه من ايدي ( الله يرحمك ياماما هي اللي علمتني اعمله ) .كلنا كنا مستغربين هو مين الضيف ده ..بس بابا ماجابش اي معلومات عنه ... كانت الساعه 7 ونص وكل شي جاهز ع الطاوله ... كنت رايحه غرفتي ..بس بابا وقفني .. بابا : رايحه فين انا: رايحه غرفتي ..علشان تتعشو براحتكم بابا: لا يابنتي خليكي معانا مفيش مشكله ..وهنادي كمان ..الراجل اكابر ..ومحترم فرحت هنادي وراحت تجهز نفسها ...وانا دخلت غرفتي ولبست بنطلوني الكحلي ع بلوزتي المشمشي ولفيت شعري حصاان وماحطتش اي مكياج ..ولبست جزمتي البيج وخرجت دقت الساعه 8 ودق الباب كمان .... فتح مجدي الباب : اهلا وسهلا انا بحاول اشوف من ع الباب بس ماقدرتش لأن البوكيه كان مغطي الباب تقريبا ( انا شفت المنظر ده قبل كده ) ... ....دخل الراجل الشقه وناول مجدي البوكيه ...انا فتحت بوقي من غير ماأحس ..وقلت بنفسي : ماشاء الله ..كان وسيم خالص ...بشره برونزيه وحواجب حاده وعيون شبه القهوه التركيه ...اما شنبه ولحيته ..يااااخرررابي حكايه لوحدهم ...لقيت نفسي زي الهبلا ببتسم وبحرك راسي لحد ما سمعت بابا بيعلي صوته ويقوله : اهلااهلا ياأبني ياعزام ....ثبت راسي وقفلت بوقي ... طبعا بابا عرفه ع الجميع لحد ماوصل لعندي ودي نسمه آخر العنقوود كان راسي ع الارض مارفعتوش خالص عزام : اهلا آنسه نسمه ... انا هزيت براسي بس من غير ماأبص ليه هنا جاء صوت من ورايا وكانت صحبته هنادي : مش ملاحظ انك نسيت تعرف البيه عليا ياعمي والا انا مش من العيله .( طبعا ماجابتش الفرصه لبابا يرد وشدت يد الراجل وسلمت عليه ويبدو انها نسيت نفسها ) ... التمينا ع السفره كلنا وانا من كثر الإحراج كنت مش قادره اااكل وبابا بيمدح بطبخي وبيمدح بالمحشي بتاعي ( ياحبيبي يابابا)..اول لقمه محشي كانت من نصيب الضيف ..اللي اول ما حطها في بوقه ..كان عايز يرجع ... بس حاول يمسك نفسه ...وعلى طول بكل تلقائيه سكبت المايه ومدتها ليه ...شرب المايه وحط الكوبايه ....كانت هنادي بتضحك بمكر فحسيت انه في حركه وسخه من حركاتها ... بابا بخوف : في ايه ياأبني خير كفا الله الشر ... الضيف بإحراج : لا ولا حاجه انا ممكن اكون حطيت لقمه كبيره ووحنبت بزوري ...الفضول خلاني اخذ لقمه من المحشي في بوقي وحصل معايا نفس الشي ...جريت ع المطبخ ..وعرفت اي الحركه اللي عملتها هنادي المره ديه كانت مزوده الملح والفلفل اوي ...(ااااه ياربي ..ايه الاحراج ده ) بصيت من المطبخ وشفت صينيه المحشي اللي ركنتها هنادي ع جنب رغم اصرار الضيف انه ياكل منها ... دموعي نزلت جري وبكيت اوي ..بعدها مسحت دموعي ورحت للسفره وانا ماسكه في ايدي صينيه المحشي بس من غير ملح وفلفل زياده ) ( بتسألو جبتها من فين ..كنت حطتها احتياط حسيت انها ممكن تعمل معايا زي كل مره وماكنتش عايزه احرج بابا ) انا حطيت الصينيه وقلت: اتفضلو صينيه المحشي من غير اضافات لفيت ع الضيف لقيته مبتسم ابتسامه غرريبه ماعرفتش افسرها ...المهم ما قلكمش ..هجم ع المحشي وخلصه كله ولاااعبر اي حاجه تانيه ع السفره هههه اما مجدي كان مكسوف اوي لأن الكل عرف بما فيهم الضيف ان الحركه ده بتاعه مراته ...( يالله اهم شي انه انكسف ..اوعو تفكيركم يروح لبعيد وتفتكرو انه حيزعل او حيعاقبها مثلا ...لالا هو اكتفى بالكسوف وبس ) اقعد الضيف في الصالون مع بابا واخواني ودردشو مع بعض ...وجهزت الشاي ...وهنااادي كانت حتموت وتدخل الشاي ..او تدلقه عليا مثلا ...( بس ياحبيبتي بابا طلبه مني انا ...ومش حسمح لك تعملي اللي انتي عيزاه ) ناديت ع بابا علشان الشاي ...وبابا طلب اني انا اللي ادخله ( عايزه اقلكم اده ايه الضيف ده محترم مارفعش راسه ابدا لا على السفره ولا لما دخلت احط الشاي ..وجا ع بالي في الوقت ده نظمي ونظراته الوسخه ) ...خرج الضيف من عندنا ..وبابا قلنا انه ابن صاحب قديم ليه ...والتقى بأبنه بالصدفه اليوم لما جا المحل يشتري قطع غيار لسيارته .وعزمه ع العشاء ...وبس . . . طبعا انا لازم احكيلكم ايه اللي حصلي اول ما دخلت بيتهم ..كان قلبي بيرفرف ..عايز ينط وياخذها بحضنه ( بس انا هديته ..لما تكون من نصيبي مش حاخرجها من قلبي خالص .. هي بس تكون حلالي )...ولما ابوها كان بيشكر بصينيه المحشي ماكنتش قادر استنى واكل المحشي ..بس لما اكلته كان الملح والفلفل زياده اوي ....وقلت مش مشكله لسه صغيره بكره تتعلم ازاي تطبخ..بس لما شفت النظرات بنهم وحركه الصينيه الجديده فهمت ع طوول .... فهمت ان مراة اخوها هي اللي عملت كده...ولما رجعت بصينيه جديده عجبني تصرفها ده ..وابتسمت غصبا عني ..بس لمحت الدموع بعنيها ..وحسيت اد ايه مراة اخوها متسلطه ونكديه ..( بس قريب حخلصها منها ).. لما دخلت الشاي كان نفسي ارفع نظري واشوفها واستغل الفرصه اللي جابهالي عم حكيم بس ماأقدرتش ..( بس لما تكون حلالي ..مش حنزل عيوني عنك خالص..يااارب ) اليوم رحت وزرتهم ..وبعد يومين عم حكيم حيبلغهم ..بطلبي ..واتفقنا انه حيقدمني اني ابن صاحب قديم ليه واني اعجبت بيها لما شفتها ع العشاء وطلبت ايدها ... . . . . . . ....بعد يومين لقيت بابا بيخبط ع الباب وبيقولي ان الضيف طلب ايدي . بعد ما شفني يوم العشاء ... ( مش عارفه حسيت بأيه ساعتها ...شعور خوف وورهبه وشعور تاني مش عارفه اي هو ..طبعا اكيد مش حب والا ايه ) بابا: ها يانسمه قلتي ايه نزلت راسي للارض وسكت : مش عارفه يابابا بابا ابتسم : طالما مش عارفه يعني موافقه قلبي رجف جامد وايديا تلجت : بابا انا خايفه بابا بحنيه وهو ماسك بأيديا : من ايه ياحبيبتي ... انا: من كل حاجه ..كل حاجه ( كنت خايفه من المسقبل من غير بابا ...ومن مجدي وأمجد بعد لاقدر الله حصل لبابا حاجه ...وخايفه من الراجل ده اللي عايز يتجوزني ..وانا ماأعرفش حاجه عنه ..خايفه من هنادي ومن نظمي ..ياااه ع كميه الخوف اللي جوايا ) بابا قرب مني وخذني بحضنه ومسح ع شعري وقلي : انتي عارفه غلاوتك عندي اد ايه ..انتي نسمة روحي ..بخاف عليكي من الهواء الطاير وعاارف كل حاجه خايفه منها ...وانا عشان كده عايز اقولك اني موافق ع الراجل ده ..وخبرتي كراجل عجوز في الحياه دي..انه حا يسعدك ويحافظ عليكي ....انا مش حغصب عليكي استخيري الله ...وبعدها لكل حادث حديث ...قام بابا واتوجه لباب الغرفه حيخرج ...بس انا وقفته وقلتله : بابا هو ليه طلبني للجواز ..يعني هو بس شفني يوم العشاء ...يعني قصدي..بابا قطعني وقال : لو حصل نصيب اسأليه ...هو عنده كلام كتييير عايز ييقوله ليكي...مش من حقي انا اتكلم ...ابتسم بابا وخرج ....وانا بقيت بحرتي وتساؤلاتي ...... . . طبعا هنادي قامت القيامه لما عرفت ان الضيف اتقدملي ..كانت زي المجنونه ..ليه وليه رفضنا اخوها ..وقبلنا ده ...مجدي كمان كان رافض وواقف مع هنادي كالعاده وخايف تقلب الوش التاني عليه ..... ....أما أمجد فكان زي العاده مش همه حاجه عايز يسافر وبس .... كنت ع التلفون بحكي لسالي الاحداث اللي حصلت وانا محتاره وعايزاها تشاركني الرأي ...بس سالي ماكانتش سالي كانت وحده تانيه خالص.انا : في ايه مالك ...رحتي فين مابترديش ليه ... سالي بهدوء وتردد : مافيش ..انا مضطره اقفل ماما بتنادي عليا..ربنا يوفقك ومبروك مقدما .. انا : ساال..ي .بس خلاص كانت قفلت الخط .... . . .جاء الضيف بيتنا مره تانيه ..والمره ده كانت علشان النظره الشرعيه ..اللي بابا صمم عليها قبل ما يسافر الضيف القاهره 🌸🌸🌸🌸 ...كنت بلبس بغرفتي ..سمعت صوت جرس الباب..وسمعت بابا وأمجد بيرحبو بالضيف ... وحسيت برجفه بركبي وهواا كتييير بيخش جو صدري واخذت اتنفس بسرعه ..واهدي نفسي قدر المستطاع ..( الله يرحمك ياست الحبايب .محتجاكي جنبي النهارده ) كملت لبسي اللي كان فستان قطني ناعم مووف متشجر بورد بنفسجي وحطيت فيونكه بنفسجي ع شعري وسيبته حر طليق ع اكتافي ...ولبست جزمه فلات اصفر .... وكالعاده ما حطتش اي ميك اب ...قعدت ع السرير بفرك بأيديا ..متوتره وخايفه وزعلانه ع المشكله اللي حصلت بين بابا ومجدي اللي زعلان ليه رفضنا اخو مراته.. خرج هو ومراته وووبابا تعب وارتفع الضغط عنده .... .....أمجد فتح الباب وقالي : يالله ياحلوه العريس عايز يشوفك ... وقفت وايديا بترتعش ومتلجه جدا وقلت : حاضر ... .. مشيت بعد أمجد ودخلنا الصالون ...اول مادخلت لقيت الضيف واقف ..وكان بيقفل زرار البدله..رفعت راسي بسرعه ونزلته مره تاني : ماشاء الله ..شخصيه اوي وبدلته الرمادي وقميصه الابيض خلوه احلى واحلى.فقت ع صوته بيكلم بابا : تسمحلي ياعمي اسلم ع الانسه نسمه .. ركبي خبطت ببعضها وقلبي بقى يطلع مطبات عاليه وواطيه وزدادت بروده ايديا ..( التفت لبابا كان نفسي يقوله لا ..مش وقته ...بس لقيت بابا مبسوط ومبتسم وبيرد عليه ) بابا : طبعا ياأبني ده حقك قرب الضيف ...وانا منزله راسي ..كنت بسمع خطواته بس ..ودي الوقتي ..انا شيفه جزمته البني قريبه مني وشفت ايده ممدوده ليا .. اتسمرت وما عرفتش اعمل ايه ...بابا : مدي ايدك يانسمه ..سلمي ع خطيبك (( خطيبي يااالهووي يابابا )) مديت ايدي وسلمت ...لقيت الضيف بينزل راسه لتحت راسي وبيبص لي وقال بهدوء:انتي تعبانه ...فيكي حاجه .... انا هزيت راسي ولسه بببص بالأرض بمعنى : لاا الضيف : انا عايز اسمع صوتك ممكن ...ووشك عايز اشوفه ممكن كمان .... (ولا عبرته ولا كأنه بيكلمني).... في الوقت ده طلب بابا من امجد انهم يسيبونا وحدنا ..نتكلم برحتنا ...وقف بابا حيخرج وعدى من جمبي مسكت في قميصه ورفعت راسي ببص ليه بأستعطاف علشان مايسبنيش معاه لوحدنا ...لقيت الضيف بيدخل وبيكلم بابا : عم حكيم ..ارجوك خليك معانا مش مشكله خالص ...والتفت لعندي وكمل ولو تحبي نلغي حكايه النظره دي انا معنديش مانع ...رجع لف لبابا وقال بحنان: اصلها متلجه اوي وايديها بترجف .. ضحك بابا ضحكه قصيره وحط ايده ع كتف الضيف : ده حقكم انت وهي ومش حنلغي حاجه...لف بابا ليا وقال : نسمه روحي خليكي قويه يابنتي وماتدريش فيا كتتيير ...انا مش دايم ليكي ..وأشر ناحيه الضيف وقال:هو ده اللي حتداري فيه من دلوقتي ..ماتخافيش ياحبيبتي انا قاعد في الصالون بتفرج تلفزيون مش حتحرك من هناك ...قولي كل اللي بنفسك ...واوثقي بعزام لأنه خايف عليكي زي بالضبط ... خرج بابا ..... عزام بلطف : هااا حترفعي راسك رفعت راسي شويه شويه ..لقيته بيبص لي ..رجعت نزلت راسي مره تانيه عزاام بسررعه : لا لا خلاص خلاص مش حبصلك تاني ..ولف براسه الناحيه التانيه ...رفعت راسي وابتسمت ... عزام بأبتسامه : ما شاء الله ابتسامتك جميله انا بين نفسي : ايه ده مش قال مش حيبص تاني ... عزام وهو بيشاور ع الكنبه : ممكن تقعدي ..روحت للكنبه واقعدت استناني لما قعدت واقعد قريب مني فزيت بسرعه ووقفت ..اشرلي بأيديه الاتنين : خلاص خلاص اهو ..راح للكنبه اللي قبالي وقعد فيها .. عزام : ازيك انا هزيت براسي بمعنى تمام ... عزام بود : بس انا عايز اسمع صوتك رديت بهدوء: الحمد لله سكتنا شويه ....عزام : مش عايزه تسألي حاجه ....تطمني ع اي حاجه ... انا بخجل : لا عزام بحب : طيب انا عايز اسألك سؤال واحد بس ممكن انا : ممكن ...اتفضل عزام :انتي ليه وفقتي عليا (انا انصدمت ...واستغربت من السؤال ) ورديت بهدوء : مش عارفه ... عزام بأبتسامه : جميل جدا ....انا مش عايز اقعد اتكلم واقولك انا حاعمل وحا سوي ...وحاجيبلك لبن العصفور...والكلام ده ..انا حااقولك حاجه وحده بس ...احنا ان شاء الله حانكون اسعد زوجين ...لأني حراعي الله فيكي وححطك جو عيوني .. .. بدأت افرك ايديا ببعضهم ومنزله راسي ... عزام بشك : نسمه هو باباكي ضغط عليكي علشان توافقي عليا انا : لا ... عزام براحه : طب الحمد لله عزام مره تانيه : خايفه من فارق السن اللي بينا .... انا :مش عارفه ابتسم عزام : ماتخافيش خااالص ...وبعدين انا لسه صغير وشباب انتي اللي صغيره حبتين ههههههه ضحك هو ..ولقيت نفسي بضحك معاه ... عزام : الله ينور عليكي ..الضحكه الحلوه ده كانت فين من الأول ..بعد ماأتكلمنا ..استأذن انه يخرج ...وهو خارج انا ناديت عليه : لو سمحت التفت ليا وقال : ااأأمري انت ليه طلبت ايدي وانت مشفتنيش غير يوم العشاء ابتسم عزام وقرب شويه وهمس : النقطه دي بالذات انا مصمم تعرفيها بعدين ..غمز لي وابتسم وانا اتوردت خدودي من الكسوف ..وخرجت قبله بسرعه لبابا اتفق بابا وعزام ع شهر خطوبه وبعدها كتب الكتاب ..... وبدأت اجهز نفسي للخطوبه....اللي اتفقنا تكون عالضيق.. .. ...💕💕💕💕💕💕 ياهل ترى سعاده عزام ونسمه حتدوم وحتتم الجوازه دي؟ ايه الاحداث اللي حتحصل ولصالح مين هتكون ؟... .. .. ..Azal Sallam✍🏻🌹❤ | ||||
|
| |
|
30-07-19, 01:21 AM
| #6 | ||||
| اشراف القسم 
| اهلاً وسهلاً بك بيننا في منتدى قصص من وحي الأعضاء ان شاء الله تجدين مايرضيك موفقة بإذن الله تعالى ... للضرورة ارجو منكِ التفضل هنا لمعرفة قوانين المنتدى والتقيد بها https://www.rewity.com/forum/t285382.html كما ارجو منك التنبيه عندما تقومين بتنزيل الفصول على هذا الرابط https://www.rewity.com/forum/t313401.html رابط لطرح اي استفسار او ملاحظات لديك https://www.rewity.com/forum/t6466.html ارجو منك الالتزام بحجم الفصل المطلوب ضمن القوانين واي موضوع له علاقة بروايتك يمكنك ارسال رسالة خاصة لاحدى المشرفات ... (rontii ، um soso ، كاردينيا73, rola2065 ، رغيدا ، **منى لطيفي (نصر الدين )** ، ebti ) اشراف وحي الاعضاء | ||||
|
| |
|
30-07-19, 05:41 AM
| #7 | ||||
| حكاية حب السلام عليكم .. اود إعلامكم بأني نزلت البااارت الأول والثاني والثالث والرابع من روايتي ( حكاية حب )للحصول ع تصميم لغلاف الروايه ومع ذلك لم يظهر سوا البارت الأول فقط ..ولم يصلني الرابط .. مع تقديري .. Azal Sallam | ||||
|
| |
|
30-07-19, 09:47 PM
| #8 | |||||
| مشرفة منتدى قصص من وحي الأعضاء 
| اقتباس:
وجدت انك قمت بتنزيل الفصول في موضوع طلب نشر رواية راح انقل الفصل الثاني والثالث والرابع هنا لان ترتيب الزمني والمشاركات المكررة راح احذفها من ذاك الموضوع ..... | |||||
|
| |
|
04-08-19, 04:26 AM
| #9 | ||||
| حكاية حب حكايه حب 🌹🌹🌹🌹🌹 البااااارت الخامس💕 رجعت القاهره ..وانا انسان جديد .فرحان مبسوط ..سعاده الدنيا كلها موجود بقلبي ..الحمد ليك يااارب .. كانت الساعه 8 الصبح...صحيت ولبست هدومي واتوجهت لشغلي... في الشركه ... انا بسعاده : عم أحمد ازيك عم احمد : الحمد لله ياأبني ..ازيك انت وايه الغيبه ده انا ابتسمت بأرتياح : كنت في شبره ... عم احمد : الحمد لله ع سلامتك ياباشا ربت ع كتف عم أحمد وابتسمت ومشيت ولفيت بعد خطوتين بنبهه : عم أحمد القهوه ماتنساش عم احمد : ولا يهمك ياباشا دلوقتي تكون ع مكتبك ...دخلت المكتب ولقيت يوسف وآسر في وشي اخذنا بعض بالأحضان وبركولي ع الخطوبه اللي حتتم ... يوسف بإستعجال :هااا انجز احكي كل حاجه ..ماتخبيش حاجه انا ضحكت جامد : حيلك عليا ياأخي ...احنا دلوقتي نشوف شغلنا ونطلع ع الموقع ...وفي العصريه نشرب شاي ببيتي ونتكلم ...هااا حلوو كده ضحكنا التلاته ورد يوسف وآسر : حلو الكلام ي معلم .. طلعنا ع الموقع ....وخلصنا شغلنا وكل واحد راح لبيته ع اتفاق نلتقي بالعصريه ( ااه نسيت اعرفكم اكتر ع آسر ويوسف . آسر ده حبيبي واخويا وانا وهو بنفس العمر وكنا جيران زمان ...درسنا في نفس المدرسه ...وبنفس الجامعه ..علاقتنا جدا قويه وبثق فيه جدا في الشغل وبره الشغل ...متجوز بإيمان بنت عمته من ست شهور .ومرتاح معاها ....اما يوسف ده حكايه ..هو طيب وصديق كويس بس ليه كمان فصوله الناقصه معايا واللي حتعرفوها بعدين .. ) ... جت العصريه وقعدنا نتكلم ع كل حاجه ...كنت حكيت لهم المره اللي فاتت اني كنت بمشي وراها كل ما سافرت شبره ..وبحكي اد ايه حبتها ..المهم كلمتهم عن كل حاجه انا حستها معاها ( مش عارف ده صح او لا بس ماعنديش حد غيرهم احكيله اللي جوايا ) يوسف وايده بيمسح فيها دقنته : هي حلووه للدرجه ده اللي خليتك تتجنن عليها ... آسر قطع كلامه : يوسف ايه الاسلوب ده ..عييب ابتسمت انا بمكر ورديت ع يوسف : اهو رد عليك حبيبي آسر .... رحت المطبخ ...وجبت المكسرات وولعت التلفزيون ...وكنت بحاول ابص ليوسف اللي كان مقموص مننا ..حاولت اطري الجو ....انا : جاهزين تحضرو معايا الخطوبه ..انا ماليش حد غيركم...انتو عزوتي وكل ناسي ابتسموا يوسف وآسر وجاوبو ..مره واحده : أكيد جايين مش حنسيبك خالص ... بعد فتره من الوقت .... وقف يوسف حيمشي وقال : كنت حنسى خالتك ام يوسف عزماك ع محشي بكره ( ااااه محشي ..الله ع المحشي وحكايته معايا ) رد آسر : ايه ده إيمان منبهه عليا اكلمك انها عزماك بكره ع بشميل ... ضحكت من قلبي ورديت: خلاص نحلها ..بكره المحشي واللي بعده الباشمل ضحكنا التلاته ..واتفقنا ع العشاء بتاع بكره واللي بعده ...خرجو اصحابي ودخلت غرفتي اريح شويه ..فضلت باصص للسقف وبفتكر ايدي اللي لمست ايديها ..ولقيت نفسي بقلب ايدي في الهواء وارجع اشم رحيتها فيها وابتسم ابتسامه عريضه اوي ....واخيرا ضحكت ع نفسي ( انا شكلي اتجننت ) ...مرت الايام بطيئه جدا ... (اي ده هو بالعند وخلاص م اتنجزي هههه) المهم خرجنا انا وآسر وإيمان ..واشترينا الدبله والشبكه ..وصممت ان انا اللي اجيب فستان الخطوبه ...وفعلا اشتريت فستان خيااال ..واخذت اللون الوردي رغم ان اللون الرمادي منه كان عاجب إيمان ...لأني حسيت الوردي لايق ع سنها ...طبعا اخذت طرحه وردي رمادي ( طبعا الفستان كان ساده لذلك خذت طرحه عليها ورد ..ماتخافوش انا بفهم بالحجات ديه ) ...اتصلت لعمي حكيم وقلتله ع الفستان ..علشان ما يلبكوش نفسهم ويدورو هناك... عم حكيم : وانت حتعرف المقاس منين انا بصراحه اكتسفت اوي ولقتني بقله : تخمين ( رغم اني متأكد ) ضحك عم حكيم ..اللي فهمني : ربنا يوفقكم ... . . . . باقي بس 3 ايام انا بدرس وبجهز البيت ..وفي التلات الايام ده حجهز الاكل والشرب واللذي منه ...طبعا هنادي قلبه وشها عليا وبتتعامل معايا وحش جدا ..ومساعدتنيش بأي حاجه .ومجدي كل مانتكلم انا وهو يقلبها خناقه .وعيزني انهي الموضوع ده بأي طريقه ..وأمجد جهز كل اجراءات سفره ومستني بس الخطوبه تتم بناءا ع رغبه بابا وبعدها حيسافر ...وساااالي واااه من سالي ..مش عارفه مالها متغيره اوي ومش راضيه تتكلم خالص ...ووبقت بتغيب بشكل مستمر من المدرسه ..واخر مره كنا في طريقنا للمدرسه لقينا نظمي وكان بيبص لينا بطريقته الوسخه المعتاده كان بيحاول يملس ع شعر سالي اللي كانت بتتهرب منه ..( بس دي مش سالي ..سالي قويه ومش حتسمح له يعمل كده ) استغربت وزعقت ليه : ايه ده احترم نفسك ..والله لأكلم مجدي ..ضحك بطريقه مستفزه وقال : يامه خوفتيني ... شديت سالي من ايدها ومشينا بسرعه وكان بيزعق ويقول ...امال حبيب القلب جاي امتى ...والله لخليكم تندمو ع اليوم اللي فكرتو تتجوزو فيه .... ...طنشت كلامه ..ومشيت شويه ..والتفت لسالي اللي دارت وشها عني ... انا : في إيه ...إيه اللي بيحصل ..في حاجه انا مش فهماها زعقت سالي فيا : مافيش حاجه ..بطلي تسأليني خالص ..ممكن ومن يومها بطلت ترد عليا بالتلفون ..وما شفتهاش خالص . . . . ياترى ايه اللي حصل مع سالي :.؟؟؟؟؟ وهل حتتم الخطوبه دي ع خير ؟؟؟ .. .. ..Azal Sallam✍🏻🌹❤ | ||||
|
| |
|
04-08-19, 04:29 AM
| #10 | ||||
| حكاية حب حكاايه حب 🌹🌹🌹🌹 الباااارت السادس 💕 رن جرس البيت ...ورحت افتح لقيت نسمه في وشي ... انا بأستغراب : نسمه ..ايه جابك .. نسمه بتدخل وبتقفل الباب وراها : جيت اشوف صحبتي مالها ... انا : حاكون مالي يعني .. مشينا لغرفتي وفي الطريق قفلت غرفه ماما اللي كانت نايمه ...دخلنا الغرفه وقفلت الغرفه ورايا .... قعدت نسمه ع السرير والتفتت ليا : ها احكيلي .... انا بتردد: عايزه تعرفي ايه ..بقولك مافيش حاجه ..انتي عايزه تلفقيلي اي حاجه والسلام ...و وقفت نسمه وحطت ايدها ع كتفي وقالت بحنان : سالي انتي متغيره اوي ...في حاجه انا مش فهماها ...انا بجهز لخطوبتي ..وانتي حتى ماكلفتيش نفسك تسألي عليا... او تيجي تشركيني فرحتي متغيره اوي ..هاديه وسرحانه طوول الوقت في إيه مالك اتكلمي احنا اخوات مش اصحاب بس ..... انا كنت بسمع نسمه وجوايا ناار ...نفسي ارتمي لحضنها وابكي واشكي ليها كل اللي جوايا ..بس ماأقدرش ..حأقولها ايه ..اقولها ان نظمي اغتصبني .اغتصب براءتي ..اغتصب شرفي ..ااااه يانسمه انا خلاص بقيت جسد مشوه من غير رروح ) فقت من سرحاني ع ايد نسمه يتهز كتفي : نسمه نسمه ...شفتي بقا انا ابتسمت إبتسامه صغيره ومسكت ايدين نسمه بين ايديا : ارجوكي يانسمه تطمني خالص ..انا كويسه ...بس حاله ماما بتدهور ..وانا ماليش غيرها ...وانتي عارفه ..اختي ريم عايشه بره من سنين ومانعرفش ارضيها ...وبابا الله يرحمه مات من سنه ...وسابني انا وماما وحدنا في الدنيا ديه ...انا بفكر دايما لو حصل لماما حاجه انا حاعمل ايه ....وانتي كمان شويه وحتسبيني وتتجوزي وتسافري القاهره ..انا معنديش اخت وصاحبه الا انتي .... اخذتني نسمه لحضنها وقالت : ياحبيبتي ياسالي ...انا لايمكن اسيبك ..احنا حنكون دايما ع تواصل ودايما حتلقيني قدامك هنا علشان اشوفك انتي وبابا .... . . . خرجت من بيت سالي وانا زعلانه جدا ازاي حقدر اسيب كل حاجه هنا ..واروح القاهره ..ازاي حسيب بابا حبيبي ..وازاي حسيب صاحبتي الوحيده ...حسيب الناس كلها وحاروح مع راجل ماأعرفش عنه حاجه ..( حسيت برجفه اول ما جاء ع تفكيري ...نفضت كل الافكار ديه من دماغي ....ودخلت عمارتنا ) . . . هناك في مكان في زقزيق الحواري الشعبيه ...في شبره ..نظمي وصاحبه قاعدين في القهوه .... نظمي : هات لنا يابني اتنين قهوه ... سكره : مالك يابني ..في ايه ..الشرار بيتنطط من عنيك ... نظمي : ناار وقايده جوايا ...مش قادر انسى اللي حصل ..مش قادر انسى نظره الاحتقار في عنيهم ..انا يرفضوني ..قال ايه ماانسابش بنتهم .... سكره : انسى ياصاحبي اللي خلقها ..خلق غيرها كتيير . نظمي وهو بيضيق عينيه : بس مش زيها سكره : الا ع فكره ..اخبار صاحبتها ايه ... نظمي فز وخبط خبطه بسيطه ع الطاوله : اااه صاحبتها ..فكرتني ..بنت حلووه بجد وعليها جسم يهبل ...هههههه سكره : يابن الايه ضحكو الاتنين بصوت عالي .....وبعدها قام نظمي : يالله عن ازنك ..ورايا حاجات كتيير اعملها سكره : امال ابو نسب اخباره ايه نظمي : هههه استوى ع الاخر وكل يوم عايز برشام .... سكره : احسن كده ...خليه خاتم في صباعك نظمي : وده اللي حصل .هههه ...انا رايح بقى ....فوتك بعافيه .. . . . . خبط بابا عليا الباب ودخل وووقفت استقبله ..وخذني بالحضن .. بابا : ازيك ياحبيبتي انا : لما شفتك بقيت بخير .... سكت بايا شويه ...وانا رفعت راسي من حضنه وبصيت في عنيه : بابا انت عايز تقول حاجه ..صح ابتسم بابا وقال : طوول عمرك بتفهميني ...انا كنت عايز اقولك مهما حصل ..اوعي تزعلي مني ولازم تعرفي اني اي حاجه حأعملها حتكون علشان مصلحتك ..انت نسمة روحي ...والصغيره بتاعي ...ومش حاعمل حاجه الا بدافع الحبو الخوف عليكي .... انا أتأملت بعيون بابا عايزه افهم هو يقصد ايه ..بس هو التفت الناحيه التانيه ..مش عايزني اشوف الدموع اللي اتجمعت في عنيه ... انا : بابا ...اا قاطع كلامي باابا وقال :اوعديني يابنتي انا : انا بحبك يابابا ..وعارفه اد ايه انت بتحبني وخايف عليا ...اوعدك يابابا .. .. .. كان باقي يومين وكنت بجهز نفسي ع قد ماأقدر ....وبابا قرر الخميس تكون الخطوبه ...علشان يكون بعدها الجمعه اجازه ...وطبعا ماأشترتش الفستان لأن الضيف اوووه قصدي العريس كلم بابا ان هو اللي حايجيبه .... . . . اليوم انا مسافر لشبره انا وآسر وإيمان ويوسف وجهزنا كل حاجه ..اليوم التلاتاء ...وبعد بكره حتكون دبلتها بصباعي ...يااااه احساس جميل ...انا كنت حاجي بكره ...بس عم حكيم طلب مني اجي اليوم لأنه عايز يكلمني بشي ضروري ربنا يستر ..... . . . . الساعه ٣ العصر لقيت الباب بيدق .... انا :مين نظمي بصوت خافت : انا ياقطه انا بخوف: مش حافتح ..عايز ايه .. نظمي بتحذير : افتحي الباب والا حاكسره ... انا : انا حاصرخ وحالم عليك الناس ... نظمي بيضحك : طب جربي تعمليها ... عيطت وعيطت واترجيته بس هو كان مصمم ...انا بخوف : طيب حتعمل ايه ..عايز ايه نظمي بحقاره : ولا تقلقي خالص حنحب في بعض شويه ...وخلاص .. انا عيطت بقوه واتوسلت ليه ...بس كان مصمم .....كانت ماما نايمه بعد ساعات من الألم ...واستسلمت للنوم بعد ماأخذت المهدئات ...فتحت الباب بهدوء وايديا بترجف من الخوف ودخل الشيطان وقفل الباب وراه وفتح ايديه يخذني بالحضن ..واخذ اللي هو عايزه بالقوه وبالضرب وبالتهديد .لتالت مره ..وكنت حاطه قماشه ع بقي علشان ماتسمعش ماما ....ماما مشلوله وماتتحركش خالص من السرير ....ااااه قمت وجمعت كل قوتي ووقفت قدامه وانا بستر نفسي كان بيضحك بقذاره ...ورجع مره تانيه ياخذ بوسه مني ..وكنت عايزه اضربه بالالم بس هو مسك يدي ورماني ع الارض ..وقال اوعي تفكري تمدي ايدك عليا مره تانيه ..اوكيه ياحلوه .. خرج بهدوء وقفل الباب ...وانا اتقوقعت ع نفسي ...بكيت و بكيت لحد ما حسيت ان الدموع خلصت مني ...( انا ماعرفتش امتى حصل ده ......اللي اعرفه انه وراني فيديو ليا انا وهو بوضع مش تمام ...بس انا كنت مغمى عليا ومش واعيه لحاجه ...امتى خدرني وامتى دخل بيتي ...مش عارفه ...فضل يهددني بالفيديو ..لحد ما وقعني ...ووفقت انه يلمسني وياخذ حاجته مني بالوقت اللي هو عايزه ...وهددني لو اتكلمت حاينشر الفيديو ده بالنت ...وهددني كمان اني ماأكلمش نسمه لأنها حتكون ضحيته التانيه ....سكت وخوفت ..انا ماليش حد لا أب ولا اخوان ....الناس حتنهشي نهش ..انا مستقبلي خلاص ضاااع ...ضاااع ) . . . . .وصلنا شبره ...وكأن الروح رجعت ليا ...( ياااه ياحلاوتك ياشبره ....وحلاوه اللي فيكي ) حط آسر ايده ع كتفي وقال : اي الضحكه ده اللي من الخد للخد ...نيال اللي بتحبه .... انا ضحكت وقلت : تستاهل الحب ده كله واكتر كمان ...دي نسمة الروح ...انا مشتاق اشوف وشها البريئ ...وعيونها اللي فيها الف حكايه وحكايه.... آسر بإبتسامه: ياااه كل ده حب ...طيب انت دلوقتي بتحب من طرف واحد ... انا : قصدك انها مابتحبنيش ....مش مشكله ..اكيد حتحبني لما نتجوز آسر بضحكه : ياااجامد ....واختفت ابتسامته فجأه وقلي : مش خايف من فرق العمر ..ياعزام انا : انت حتعرف نسمه ياآسر بنت عاقله ومتزنه ...وقربت من آسر وابتسمت : عيب ياراجل دنا ماشي وراها سنه ونص ضحكنا وحضنا بعض جامد ...( حبيبي آسر ده اخويا اللي ما جبتهوش امي ) تاني يوم رحت المحل لعمي حكيم وخرجنا كافيه ..نقعد ونتكلم بناءا ع رغبته ...... ... ... ... كنت بجهز شعري وبستشور ولقيت مجدي داخل بهجوم تتاري فزيت من قدام التسريحه ووقفت .. انا بخوف : في ايه يامجدي مجدي بعنف شد شعري وقال : الجوازه ديه مش حتتم ..انتي مش حتتجوزي الراجل ده ...فهمتي خلصت نفسي بالقوه منه وزعقت : وعايزني اتجوز مين ان شاء الله مجدي : انتي بقيتي قليله أدب ..بس انا حأعرف اربيكي ... رفع مجدي ايده وضربني الم ع وشي ....فتحت بقي ووسعت عيوني بذهول وزعقت : ليه ليه يامجدي ...انا عملت ايه ...انت بتستغل سكوتي علشان صحه بابا ... مجدي : انتي حتتمردي علينا ..فارده جنحاتك بعريس الغفله ده انا بتمرد : ايوه فرده جنحاتي بيه ..ومش حتجوز غيره ..فاهم رفع ايده بالهواء مره تانيه حيضربني بالالم بس في أيد مسكته ...واللي كانت هنادي وبكل مكر قالت :خلاص ياحبيبي ..تعالى معايا ..والنبي ماتزعل نفسك ....كل شي قسمه ونصيب ... بصيت ليها بغل ..وبين نفسي ( الله ينتقم منك ياشيخه ..حسبي االله ونعم الوكيل فيكي وفي اخوي اللي ماشي وراكي ) ....اققعدت ع كرسي التسريحه وبصيت ع وشي وكان صوابع مجدي محفره فيه ....اااه حأعمل ايه والحفله بكره .... واستسلمت للعياط ...عيطت وعيطت لحد ماغلبني النوم ونمت ..... .. .. ... بكره حتكون الحفله وانا كنت مقرره اني ماروحش للكوافير حاستشور شعري واسيبه مفرود ..وميك اب خفيف وخلاص ....وع اساس ان الفستان حيوصل مع بابا الليله ...ومتشوقه اعرف لونه ايه ....( بكره نعرف ) .. .. .. دخلت غرفتي بالفندق ..بعد مارجعت من مقابله عم حكيم وطبعا جبتله الفستان وان شاء الله يعجبها ...خرجت بدلتي من الدولاب وشيكت عليها ...كانت بدله برونزيه ..وقميص بحري ( طبعا نسيت اقلكم اني ما بحبش الكرفت اوي ) ابتسمت ابتسامه عريضه ...لما اخذني تفكيري لبكره ....ااااه من بكره ...ربنا يجمع بنا ع خير ....قولو يااارب هل الخطوبه حتعدي ع خير ؟ وايه الحاجه اللي حتتفاجأ بيها نسمه .؟وايه حيكون رد فعلها ؟ .. .. .. Azal Sallam✍🏻🌹❤ | ||||
|
| |
 |
| أدوات الموضوع | |
| انواع عرض الموضوع | |
|
|
العرض العادي
