تسأليني/ للكاتبة سوزان المندلاوي، عراقية، مكتملة

[لامارا]

تسأليني
ج 10
.....سوزان المندلاوي.....

قبل النيشان بكم يوم ..طلعنه اشترينه الذهب ..
كل تفاصيل ..الحفله ماذكرها والي قبله...مو ناسيتها لا ..
احس نفسي ماعشتها ...
بيوم الحفله الصبح رحنه للصالون اني وامي ..
وانو بقت بلبيت ترتب بي ..وتحضر
طبينه للصالون ..جانت اكو عروس قبلي ..
وصل السرة الي ..
اخذت ..بدلتي وطبيت جوة البسها بلحمام ..
ذبيت هدومي ..ولبستها ..
طبت ورايه امي ..انداريت عليها ..
كالت ..انداري اسد السحاب ..سدته ..وكامت تشد بلقياطين ..كافي ..بعد انسي ..ولا تفكرين بي ..
خوش ولد اجاج لا.تفكرين بعقل مال زعاطيط ..وهذا ابو مشاكل ..انسي بعد ..
اني اهز براسي اي ..كوة لازمه دموعي بعيوني ..
مو سهلة عليه افاركه ..
كملت ..وطلعنه كالت ماوصيج بعد ..
جاوبتها اي
جان لون بدلتي بصلي فاتح ..
وكيمونه ..ومدنفشه ..بس بلكوميل ..بدون سيم ..
نازكه وحلوة ..
لبستها ..لو لبست جفن ..احس روحي اختنكت ..
كلش..والهوى ..بريتي ..وكف ..
لو بيدي ..احركها اشكها ..ومالبسها ..
مرات اصفن وي نفسي ..
ليش ؟
ماصبر لقائد ..واتحمل ..
وارجع واكول شتحمل ..
كلام امي ..
لو نظرات ابويه ..
لو ..كفخات اخواني ..
عبالك ..جرمت او زنيت ..مو حبيت ..
ولو قائد الي وصلنه لهنا ..بسبه صار بيه ..
هيج ..ليش قائد ..لو اعرف الكلام ويا ..يشفي الجروح احجي بس كلامي ويا ميقدم شي ولا ياخر ..
صعب ..جنت مدللة يم اهلي هسة مذلوله ..
صعب جنت اشاقه واصحك وي اخواني هسة
يحتقروني ..اريد اكولهم كل الي صار كلام ونظرات واقسم الهم ملازم شعرة مني ..بس ماكدر ..
لبست بدلتي وطلعت ..
عمضت ..عيني ..مردت اشوف شي ..
جانت ام الصالون شتحجي اشر براسي ..
اي ..بس ..
ع المكياج والتسريحه ..
ساعات ..وكملتني ..واتصلت امي باخواني اجوي اخذونه ..
جان المكياج هادى وحلو فوك عيني ذهبي .وجوزي ..فاتح ..
وحمرتي ..بصلي ..فاتح ..
وتسريحتي حلوة ..
اباع ع روحي بلمرايه ..صدك حلوة طالعه ..
بس متمنيت ..ميثم ..
تمنيت ..قائد ابداله ..
اجوي اخذونه اخواني ..
طلعت ..من الصالون اباع ..اكول يمكن قائد واكف الي ..
يمكن اشوفه المحه ..منا ..منا ..
كمت اشتاق اسمع الهينه ..ويولو بحب ..مو تهديد ..
كمت احن اله ..شكد اريد اكرهه ..اشوف اكو حب ..بداخلي اكثر..وانقهر ع ميثم ..ماله ذنب..بلي الي ديصير بينه ..
وصلت للبيت ماكو احد ..بس بيبي ..
وخالتي ..ماخذة ع خاطرها من امي..
متحاجيها ..لامي ..
كعدت ..امي ..شويه فكت ويايه ..بيوم النيشان ..
ضليت ..
انتظرهم.يجون اريد تخلص هليله ..عاد ..بخير ..
اخاف من قائد لا يسوي مصيبه بينه ..
دخلت ام اوس تهلهل ...وتبارك ..
حسيت اكثر وحدة فرحت هيه ..
كمت اضحك واجتي بوستني ..
كالت اي واخيرا زوجت وحدة بيكم ..
مين هذا اهله ..مين ..
امي ..جاوبته ..
بس ام سجاد شون تنطين الصغيرة والجبيرة بعدها ..
ليش تكسريها ..
اندارت ع انو كالت الها خاله منخطبتي ..
صفنت انو كالت لا خاله ..
مكرودة ..انهار شبيها العالم ماعدها عيون ..
وبقت ع سوالفها وسجاد ليش ماتزوجي ..
سجاد..؟؟؟؟سجاد جان يحب ..وحدة ويا بلجامعه مسيحيه ..تقدم الها ..اهلها ماقبلو ..بي
رافضي جانو ..وسافرت البنيةورة الاحداث واحسه بعد هلقصه بحياته ..انطوة ع نفسة من سالفه الحب ..
سجاد عصبي وماعندة رحمه تقريبا البيت كله يخاف منه ..
ويسمع الة ..مرات داخلي يعاتبهم..
بس يمكن صعبه ع الاخ يعرف اخته تحب ..
جنت اتمنى اسمع منهم شي يريحني ..
بس ماعدا احمد جان واكف وياية ويتعاطف ..
ضليت كاعدة ..مدة وكامت تجي العالم ..وصديقات امي ..والجيران ..والاهل ..
جوي الجهال صاحو العريس اجه ..
وكامت العالم ..
تهلهل ..وشغلو دي جي ..واني كاعدة ..
اصطنع الضحك ..اخاف ..من اهلي واخاف من قائد ..
الوكت كله ..اني عايشة بندم ..ليش سرعت بخوف ..
ليش ..منتظرت. مراد مني شي بس صبر ..
كل شويه تجي امي عليه تكولي اضحكي
فرديها ..لا ضلين معبسة ..
وابتسم ..هناك واتخيل روحي انتظر قائد ... طبو اهل ..ميثم ..
سلمو عليه ...وبوسوني ..
شويه وطب ميثم ..لابس ..قاط ..اسود وقميص ..
ابيض ..ورباط ومزين ..لحيته ..
ميثم شكلة عادي ..جان ..حنطاوي ..وضعيف ..
وشعرة دئما ..يزينه خفيف ..
جان عندة ..خوات 3..واخوان 2..طبو بس النسوان ..
واجه كعد يمي ..
هلو ..
هلو ...
شلونج ..
الحمدلله ..وانت ..
والبسمه تارسة وجهه ..
طالعة تخبلين ..
سكتت وضليت اباع ..ع العالم وهوة كاعد يمي ..
هلال ودك وركص اني كاعدة ..
اجتي مروة صديقتي ..وامها...
اجت بوستني وباركت الي وشاورتني قائد واكف براس فرعكم ..
ووخرت وبتسمت الي اني بقيت لازمه اديها واباع ع عيونها ..اخواني وابويه بيومها طلعو من البيت ..
وبس جهال طابه طالعه ..
اريد اعرف شراح يسوي ..قائد ..
رجعت شاورتني ..كالت لا تخافين بس ..واكف ..
كتلها اخواني وين ..
كالت ماكو احد بس ..جهال بشارع ..كالت تريدين اخابرة الج ..
ميثم ضل يباع علينه ...
كتلها ..اي ..
كالت خلي تخف الهوسه واتصل بي ..
شويه ..وبدو يلبسونه النيشان .نيشاني جان بسيط حلقه ومحبس وتراجي وكلادة ..بوكتها ..توها الحرب خلصانه والناس يادوب تشتغل ..ورجعت الحياه
بدو.يطكون النه الصور ..
ونكطع الكيك ..وهاي التفاصيل الممله ..الي ماحسيت بطعمها ..ولا شي ..
قلق وخوف ..عايش بقلبي بس ..
كام يوكلني كيك واني هم اوكله ..
طبو جهال ..كالو سيارة العريس اندعمت ..
اني ..اريد ابلع لكمتي ماكدر ..وكفت اللكمه بحلكي ..
هوة اندار عليه ..وكام طلع برة ..
وطلعو ويا عالم ..
جتي يمي ..مروة كعدت ع حافه التخم كالت ..علكت شراح تصفى ماعرف ..
كتلها مروة طلعي فدوة شوفي شصار ..
امي وانهار وجههم صار اصفر ...
اسالهم شكو.كل واحد يحجي شكل
..بعد ماكمت اني هم ووكفت اباع من البردة ..
اخاف لا اشوف قائد من بعيد ..
واكف وياهم بس مشفت شي ..
شويه وطب ميثم ..
كال ..واحد ماعرف مين سيارته بيضه ..ضارب السيارة
عجيب اني موكفه بصف الرصيف ..
يلا قدر ويريد يصير فدوة ..
اني معرفت شحجي وشريد اجاوبه اكتفيت بسكوت ..
خلصت الحفله .بهوسه وخربطه ..والوجوه مجفايه من اهل ميثم ..واحوي اخواني وابويه ..وضلو يحجون ع منو الي دعم سيارته ..من راحو العالم ..وبقينه بس الاهل بدلت وطلعت ..شفت السيارة صح مضروبه ومتاذيه واكيد سيارة الثانيه هم متاذايه ...
خلص اليوم بحجي .هوايه احس راسي يريد يطك من العالم والحجي والتفكير يمكن حمدت الله عدت بس ع هاي وله اعرف مراح يبطل الي مثله ميعرف ..الستسلام ..
بيومها بقيت فون مروة يمي ..كتلها اجيبه الج بلدوام ..
ردت بس احجي ويا ..اريدة يعقل بعد كافي ..
الي سواه بية مو قليل ابد ..
راح ميثم واهله ..اني طبيت سبحت ..
ضجت من المكياج والتسريحه ..
دخلت الفون ويايه بلحمام ..
وقفلت الباب ..
وفتحت المي ع النيجانه ..ورحت كعدت بهدومي ..ع التخته ..واتصلت بي ..
يدك ..جان ولا جاوب مرة ثانيه نفس الشي ..
الثالثه الرابعه ماكو ..ماعرف وينه ..
اني هم ..بطلت..ومليت
وذبيت هدومي ..وخليته فوك الهدوم ..
وسبحت ..
وعيني ع الفون وكل شويه .اباع خوما دك عليه ..
كملت سبحي وطلعت..وضميت الفون ..بين الهدوم والخاولي وسويته صامت ..وبالي يم قائد شصار منه بس لا صار بي شي من دعم السيارة اكيد هوة الي سواها ..
اسمع اهلي يحجون ..ع سالفه ..ميثم ..
وسمعت طاري قائد بلنص عرفت نذبت براسه ..
عادي اتعلمت يجوز شويه وينكلبون عليه ..
كلها تعلمت عليها وتشبعت بيها ..
بيومها ..منمت وبقيت الفون قريب عليه انتظرة يتصل بيه ..
بس خفت ادز اله رساله اكوله اني قمر ..
ترددت ..واصلا غلط مني ..اخابرة اني بعد ميصير ..
افكر بغير ميثم ...
غفيت ..ع مخدتي ..بعد ماتعبت من التفكير ..
اثاني يوم ..جان اكو دوام عندي ..
كمت الصبح ....
ع هوسه وحجي ..من اهلي ..
طلعت من الغرفة اسال شصار ..
كالو سيارة ..ابوج واكعه عليها طلقه بلجام الخلفي ومفلشها ..
مداستوعب الكلام منا كاعدة من النوم ومنا سالفه السيارة مال ميثم وهسة سيارة ابويه لا اكيدالموضوع بي انه ..
والانه قائد ..هذا ليش يسوي كام يخربط مديعرف شون ..
ينتقم وياذي ..بيه ..
كمت ..كتلهم خابرو ع ميثم ماداوم ..
امي كالت شكو شصاير كتلها ماكو شي بس
جسمي مكسر مال حفله ..
منا منا قبلت ابقى وحدي بلبيت حتى اعزل البيت ..
لان مكلوب مال حفلة ..
طلعو الكل من البيت ..بيومها خفت اداوم لا يسوي شي قائد بية..عيشني برعب ميخلص ..
الحب والخوف ..ميرهمون ابد ..
راح الكل ..من البيت وبديت بلشغل ..من غرف الولد
ليجوة ..مخليت شي منظفته ..
والكواغد ..والقواطي مشمرة ..والجكليت مجلب
بلكاع ..متت..علما كملت البيت ..
اخر شي ..طلعت ..ع الطرمه ..
غسلتها ونشفتها ..
وطبيت جوة للبيت ..هلكت ..
اريد اتصل ..بقائد بس اخاف ..
اخاف لا احد يطب عليه مثل ذيج المرة ..
رحت غسلت ..وجهي ..ونشفته ..
ورحت لغرفتي ..
طلعت الفون شفت متصل عليه ..
مرة وحدة ..ب4الصبح ..
بقيت متحيرة ومترددة اتصل بي لو لا ..
بقيت ..كاعدة ..
وبيدي الفون مترددة..وخايفه ..
اباع ع الوكت ..بعد وكت محد يجي هسة ..
زين اذا اتصل بي شكول اله ..
اكوله انت ليش هيج تسوي ..
راح يرجع لنفس سالفته ..
احسن حل اعوفه ..وماححي ويا بعد ..
ولازم انساه او اتناسه ..
خلصت اليوم واني انتظرهم يجون ..
بعد ماكملت كل شي وحتى غدة سويت ..
اجوي اهلي واني متصلت بي ولا خابرته ميفيد شي بعد..
وكل شويه ينفتح موضوع السيارة والجامه ..
ويحجون ع قائد ..
افضل حل بهيج ضروف الانعزال ..
وكمت اتمنى ميثم يزوجني بسرعه ويطلعني من اليي اني ..
صح واعترف اذيت اهلي هوايه ..
بس مو اني الي جنت اكوله ..
مصار عليه حب صار علية غضب ..
مصرت قمر ويا صرت قهر ..
ثاني يوم داومت..وميثم مكدر يجي يوصلني لان سيارته بلتصليح .. اتصل عليه من فون اخواني ..
وحجيت ويا ..فابويه وداني الصبح واتفقت ارحع وي مروة
طبيت للدوام جان هوسه ..عدتا معرض وجاي مشرف حتى دروس ماخذنه ..
رجعت الفون لمروة وكلت الها متصلت بي ..
عفتة ..احسن ..
واخاف يتصل بيج هذا الرقم لا جاوبيه ...
اكثر بنات المعهد افتهمو عندي علاقه بقائد بسببه هو مكابل المعهد وكاعد..
المهم ميوصل حجي لحنين واخوها ..لان جنت خايفه من هل شي ..
مكافي انفضحت ..يم اهلي يريد يفضحتي بلمعهد ..
ويم اهل خطيبي ..
حنين جانت ممداومه بيومها ..واكثر البنات اجوي باركو الي ع الخطوبه وجنت طبيعيه كلش وياهم ..
خلص الدوام ..وطلعت ..برة ..انتظر ارجع وي ..مروة ..
جان ..اخوها يجيها ..
بقينه ننتظر برة ..ماكو ماجه اتصلت عليه ..
كالت ولج هذا محصور
بزدحام شلون ..كلت الها ماعرف ..
اكولج ..خلي ..نرجعع تكسي شعلينه خوما راح ياكلونه ..
ها ماعرف اخابرة واكوله ونشوف ..
اتصلت باخوها ..كلها روحي لبيت قمر ..واني اجيج ..
اني استغليتها فرصه كتله بقيها يمي وبليل ..
تعال عليها ..
مكال شي الولد ..
طلعنه مشينه ع الشارع ..بيومها طلعنه من وكت ..من المعهد ..جان ..عدنه مشرف ومسوين معرض ..
لو ممداومين احسن ..ماكو دوام ..
دنمشي نطلع لشارغ العام ..شفت سيارة بوجهنه تشبهه سيارة قائد ..مروة كالت ولج قمر هذا قائد .فات.من يمنه ..
كلت الها اي هوة هذا هوة ..
عزة اشلون ..هسة ..
كالت لا تخافين ..ميسوي شي احنه بشارع ..وباعي عالم هوايه ..
امشي بسرعه كدتها ..وطلعت ..
كالت شبيج ..وجهج اصفر صار ..
امشي مروة ..عفيه ..
فات مرة ثانيه ..
خفف يمنه ..كال اصعدي ..
اني امشي ..
جان واحد ويا ..
قمر اصعدي لا اسويلج فضيحه هنا ..
مروة تباع عليه ..
اني كتله روح ماصعد ..
خليت مروة بجهه ..الشارع واني بجهه الثانيه ..
خلص ..الشارع ..رجع افتر اني بسرعه ..
عبرت وطلعنه ع الشارع ..
مروة كالت ولج هذا خزانه شبي ..
ماعرف ماعرف ..لا سالين شي ..
وكفنه ع الشارع ..
بلحضتها مشفت تكسي مدري من الخوف مداشوف ..شي
اجه قائد ..
وكف كبالنه اني ارجف ..وريكي يبس من الخوف ..
كال اصعدي لا انزل اصعدج اني ..وجان بيدة سلاح
قائد روح ..حباب ..
مروة فتحت الباب وصعدت ..
اني بقيت ..واكفه ..
يلا ولج اصعدي ولج انشهرنه اهنا فضينه ..
صعدت ..بسيارة ..وطلع ..انداريت ..
كومه بنات واكفات الي اعرفهن والي لا ..
كلت لمروة انشهرنه ..
كال قائد ياهلا بلعروسه شرفتي ..
مبارك عليج ..
عطت ع قائد ..انت شتريد كافي بعد ..
بس ..خلص ماتحمل بعد الي دسوي بيه بس ..
اني بظهر الولد ..ومروة كاعدة بظهر قائد ..
كال عوفي واعوفج ..
اعصابي بدت تنهار من الي ديصير ..
كمت اضرب بي ..
عوفني ..قائد ..ماريدك ..تورطت بيك ..
خلصني منك ..
ماعرف وين طلع بينه ..مروة كاعدة وساكته ..
وهوة ساكت ..
ودينه للبيت ..
ساكت ولا جاوب الي ..
بديت احس الموقف مو طبيعي ..
وطلع من غير مكان الرجعه للبيت ..
كمت ابجي واتوسل بي يرجعنه ..
الي بصفه كله كافي قائد رجعهم ..
متكولي شبيك لحيت انت بيها ..
كله مارجعها ...خليها ويانه ..
اريد اشوفها منو قائد اليوم ..الي سوته لعبه وتلعب بي
مروة كامت تتوسل بي عفيه ولخاطري ..
رجعنه اني شنو ذنبي بنصكم ..
كتله انت مدتاذي احد بهاي سوالفك بس اني ..
ماكلتها وحدي بس اني ..
انت ..تسوي مصايب وتوكع بنص راسي ..
عبرت ..من يم مروة وصرت وراه ..
لزمته من جتفه ..قائد عوفني اعيش ..
وجودك بحياتي صار رعب ..
جر ايدي ..كال فراحانه بلحلقه ..
يولو ماعوفج وحك الله ..
ع موتي ..
انزعي الحلقه ..
شنو ..
انزعي الحلقه ..
ماكدر ..
ليش تحبي ..ومذبيها
مو هيج بس مانزعها ..
جر ايدي حيل انزعيها ..
صديقه يكوله عينك ع الطريق..
وكف ..السيارة ..
نزل ..
اىيد افتح الباب ماكدر ..قافلها ..
انداريت ع مروة هاي الي ردتيها وصعدتي ..
كمت اعيط وين راح ياخذنه ..
نزل صديقه ..
صعد يسوق وهوة كعد بصدر ..
صرت كدامه كله اطلع ..ع الخارجي ..
قائد ارىوح فدوة الك نزلنا ..
جر ايدي ..
اجر وهوة يجرها ..
نزعني الحلقه كوة ..
ابجي واعيط ومروة كامت تبجي ..
منعرف شنسوي ..
فتح الجامه وشمرها ..
كال ماتلبسين بس الي اني جايبها الج ..
ضليت افرك بايدي توجعني ..
كتلة نزل البنيه واخذني مالها ذنب هيه ..
ولا سمع الي ولا اعرف شنو الي يريد يسوي..
لحضات تحبس الانفاس واشبهه بلموت ..
جانت عليه ..
ماسكتت من عياط واضرب بي ..
مافاد ويا ..
كال هذا الاهلج الي رادو ..
انهبج منهم ..هسة..خلي يرتاحون .
صديقه وكف ع اليمنه ..طريق مفتوح ..
جان ..
اندار علية صديقه ..
كله قائد متفقنه هيج ..
كلت اأدبها وانزلها ..وين تريد تاخذها ..
كله اطلع ..همام مالك دخل انت ..لا تخاف
كله لا تورطني بمصيبه وياك ..
ادري ..شجلبت بيها ..
هية لو ما ساقطه متعوفك وتروح لغيرك ..
ضرب صديقه ..بوكس..كله محد يحجي عليها ..
اشرف منك ومن عشيرتك هاي ..
وضلو واحد يتعارك وي الثاني ..
اني ومروة بلحضات جنون نعيش ..وذهول ورعب
بقينه بشارع ..
نزلو اثنينهم وسد الباب قائد ..
مروة تباع عليه واني اباع عليها ..
اشلون ..قمر ..
ماعرف ..
شنو متعرفين ..
مداشوفين حالنه ..
اسكتي كله من وراج ورطتينه ..
معبالي هيج يسوي والله ..عبالي يحجي ةياج ويوصلنه ..
ضلو برة يحجون ..
كالت هذا منو ويا ..
ماعرف ..مروة اسكتي عفيه ..
صعد ..وصعد الولد ويا ..
اندار قائد عليه ..
كال قمر بيج بخت ..وحك الله الي فوكايه ..
لوما صاحبتج تروح بذنبج ماهدج..
بقيت اباع عليه ..
هاي اول هدة وياج يولي لا عبالج خلصت ..
ان ..ماصرتي الي اطب ..بنص بيتكم واخذج ..
انت مخبل مو طبيعي ابد ..
كمت اكرهك اكرهك تفتهم لو ماتفهم ..
ضرب ..الكشن ..اكثر من مرة..بوكسات ..
عجل انا مجنون والي حك يمج اريدة وراح اخذة ..
ياحق قائد ..
حك الحب ..والوعه الي عيشتيني بيها ..
لا انا الصاحي ولا انا الميت ..دمرتيني ..انتي ..
ماكدر يا بنت ..ماكدر بلاياح .يولو نوم الله تحرم عليه ..
حليها من يمج ..
عوفي وانا اعوفج .والله اعوفج بس..لا تنزفين اله وصيرين اله مرة ..
مشى صديقه ..بسيارة ..
.كتله شنو بس انت حبيت ..قائد ..
اي بس انا ..ويفرك.براسه وشعرة ..
قمر تعبان .تعبان وحك الله تعبان منج .
ادمرت ..حياتي ادمرت ..ماصفى بيها شي عدل ..
سببج ..كل شي ضاع وخسرت ..بقيتي بس انتي ..
ماخسرج ..
..ماعرف وين تصفى وياج ..
تعبت ..مين ماجيكم ..صدوني .كتله
كتله..مابيدي شي من الي صار عفيه رجعنه ..
لا تخليني اكرهك ..انت تحاسبني الي اني شعليه ..
كولي اني شعليه ..
انتي السبب لو واكفه بوجهه اهلج ..ميصير هيج ..منوصل لهنا ..جان انتي اليه ..
كمت ارتاح الولد كام يرجع بينه ..
مروة بطلت بجي ..
وصلنه لمكان بي بنايه ..عاليه ع شارع عام ..
ماذكر وين ولا اعرف المكان ..
كال ..شغلي وي هذا ..خطيبج بعد ..
ماعوفج لو شيصير ..
حتى باذيتج ..
داكولك تاذيني ..
سكت ..مجاوب ..
كال انزعي حذائج ..
شنو ..قائد ..
انزعي حذائج ..
صاحبه كله .كافي لهنا ..انت صدك تخبلت ..
فتح البوب كال انزلو..دافتح الباب لزمني انزعي حذائج ..
والله اذا ماتنزعي ..متردين لاهلج ..
اخ ايدي ..عوفها ..
كمت ابجي ..
دنجت ..
نزعت الحذاء ..
بقي بسيارة ..
اباع بعيونه..ليش هيج سوي ويايه ..
يحجي ويبجي ..ولازمني من ايدي ..
صوته اختنك بلبجي ..
كال روحي ..هسة ..
وخر ايدك حتى انزل ..
ضل يباع عليه ..
وخر ايدك قائد خلي اولي ..
عافني ..
كتله ..ارتاحيت هسة مع الاسف عليك ..
سوالفك مو سوالف رياجيل ..
نزلت مروة ونزلت وراها حافيه ..
ركعت الباب حيل ..

انداريت ع مروة ..كالت ..وتصفك باديها ..
الله يعينج ..هذا مو عاقل ابد ..
ماعرف شسوي ..راح قائد.بسيارة بقينه واكفين ..
احس طلعنه من اعصار ..
عيونه وارمه من البجي ..
اسمع ..واحد يعيط.علينه
اندار اشوف عسكرين 3يركضون علينه
لابسين عسكري وبيدهم سلاح ..
فوك الرعب ..رعب ..
بس نرجف مثل السعفه ..
اني ومروة ..
كال ..
انتو منو وشوكفكم هنا ومنو الي نزلكم ..
وهاي ..مكان امني ...وكامرات ممنوع احد يوكف ..
اني بس ابجي ..
ومروة تبجي ..

وللحكاية بقية ..
القصه حقيقه ..واحداثها واقعيه ..
جزء طويل ..☝❤
.اسفه ع التاخير بسبب ضروف خارجه عن ارادتي

[لامارا]

تساليني ...
ج11
سوزان المندلاوي

اندارينه يعيط علينه ..شعدكم هنا ومنو نزلكم ..
هاي مكان امني وبي امريكان ..
ويباوع عليه من فوك ليجوة ..
اني ومروة وحدة تباع ع الثانيه ..
ونرجف مثل السعفة ..
كلت
هااا
مروة كالت ..
انكطع حذائها ونزلنه هنا ..
ضل يباع علينه الولد كال خويه ..ليش اسكافي هنا ..
داكولج مقر امني ..
اني كمت ابجي ع الموقف الي نحطيت بي ..
انهاريت ..بجي ..
الله لا يوفقك قائد ع هاي الدكه ..
كال انتن خواتي شعدكم صعدون وي الي ميخافون الله ..
ومبين عليجن بنات ..عوائل ..
صار نداء اله ماعرف شحجى هوة ..
وياهم ..ماكو تركيز ..بشي ..
اذكر واحد شاور الثاني ..
وطلع فلوس من جيبه وخلها بايدي ..
كال اخذو هذول ورجعو لبيوتكم ..
باوعت ع الفلوس وسديت ايدي ..
اني ماعرف شجاوبه انعكد الساني ودموعي تحجي ..
ضليت بس اباع عليه ..وابجي ..
كال امشو ويانه ..
وعبرنه الشارع ع الجهه الثانيه
عبرت حافيه واباع ع الكاع لا شي يدخل برجلي ..
..وضل واكف يمنه ..يباوع ع رجلي ..
درت وجهي عالشارع ..
اباع ع الطريق وين احنه ماعرف ..
واحد صاح ..ستار ..من الجهه الثانيه ..وعبر ..ركض
شايل بايدة ..نعال ..رجالي ..
كال خويه البسي ..هذا ..وهسة اشوف الكم ..تكسي ..
اني الموقف الي بي ..خلاني افقد ومداشوف شي ..
ولا اعرف احجي ويا ولا اردة بشي ..
لبسته ..
وكف النه تكسي ..وصعدنه مروة ..
ضلت تشكر منه ..
وكال خويه هذول بامانتك ...
مشت السيارة وبقت عيوني عليه تشكرمنه ..
شكد كرهت قائد خلاني بهيج موقف ..
ماعرف شسوي ..وي اهلي ..وشكول الهم ..
انداريت ع مروة كلت الها كولي شراح نسوي ..
شكول لاهلي اباع ع الساعه عبرت ال3
كالت مالج دخل ..السايق ضل يباع علينه ..
مروة كالت ..هذا مخبل مو طبيعي ابد ..
ابد ..يمه شون تحملتي ..شون جرعتي..وحدج ..
اني بس ابجي ..
كتلها الحلقه ماكو ..والحذاء شكول مروة ..
شحجي ..
اووف ماعرف قمر ..شون تفض ..خلي نوصل بسلامه
والله كريم ..
ربج وحدة طلعنه منها ..
وصلنه ..لمنطقتنه ..منطقتنه جان بيها مركز شرطه ..
فجانت مسدودة ..الافرع الا ع الشارع انزل ..
وامشي ..نزلنه اني ومروة ..
واني امشي بلنعال شكبرة عليه ..واطرك بي ..
شفت ..وحدة جاهله تغسل الطرمه ..
وكفت يمها ..كتله حبيبي اريد الصوندة شويه ..
كالت هاج خاله ..
ابتسمت بوجهها
اخذتها من اديها غسلت ..وجهي ..
وشربت مي بعد مافرفح قلبي ..من القهر ..
مروة هم غسلت ..
كالت ..قمر احسن حل نكول طلع النه حرامي وسلبنه غراضنه ..

كلت الها ..زين الي يبوك يبوك حذاء مروة ..
شوفي غير شي ..
كالت
جلب ..احسن شي ..طلع علينه جلب..
ويركض ..واحنه نركض ....
والحلقه وكعت منج ...
اي ..
اندارت عليه كافي بجي حبيبي ..كافي ..
مروة كلبي مفطور ..ليش هيج يسوي شكد نذل ..
رجعت الصوندة للبنيه ..
ومشينه ..
بس احس مكسرة تكسر ...كوة امشي
وصلنه قريب ع بيتهم ..
كالت لو اني منج اطب ع اهله واكلهم خطفني وهيج وهيج سوة بيه ..واكولهم خلصوني منه ..وافضحى شو كدرته بس عليج ..
صفنت بيها شفت صح كلامها ...
كتلها هذول مو اهلها بيت خالته ..
ولج نفس الشي ..روحي كولي الهم ..
واني وياج لا تخافين ..
شكول يمعودة ..
ولج باعي هاي مو سيارته ..
اباع اي سيارته
وصلنه قريب شفته واكف وواكف الولد ويا الي جان بسيارة .
لو بيدي اروح اضربه ارزله ع الدكه مالته ..
.وصلت قريب اجه وكف ..ع الرصيف يمي ..
وصلت قريب يمه ..مشيت بطيئ ..
كتله شكد كرهتك وحقدت عليك ..مروة جرتني ..
امشي ..امشي ..عوفي ..
بقى يباع علينه لحد ..ماوصلت الفرع وطبيت ..
وصلت للبيت ...
طبيت ارجف واحس كلبي يريد يوكف..
ياربي شراح يصير ..
هنوب خفت لا رايح مو دي ..الحذاء لاهلي ..
لو بس اعرف ليش هيج سوة ارتاح ..
شنو غايته وخلاني حافيه وشمرنه بمكان مكطوع
وصلت للبيت الباب مزلوجه من جوة مديت ايدي فتحتها ..
وطبيت ..سفت باب المطبخ مسدودة ..
اباع ماكو سيارة ..
كلت الها ولج ماكو احد بلبيت يمكن ..
صدك ..
امشي بسرعه ..
وصلت للباب ...مسدودة ...ماكو احد ..
طلعت المفتاح وفتحت الباب ..البيت فارغ ماعرف ليش ..
اتاخرو هلكد ..
طبينه ..بسرعه رحت للحمام غسلت ..
وجهي وبدلت ..مروة كعدتها بلمطبخ ..
ماكو بين مابدلت طبت امي ..
سلمت ع مروة ..
كالت شنو توكم جيتو ..
مروة اسمعها تكول لا ..
طبيت اني سلمت عليها ..
كتلها بس اخذتنه السوالف ..
ادري قمر اذا اتاخر اني ماعرفين طلعين الاكل وتحمين ..
هسة يجون اخوانج ..وفتحت الفريز ..
كالت حنميهم. راح اطب اسبح ..
وكامت تحجي بلممر ..
رحت للسوك واشتريت غراض ..
يمكن السعادة الي بيها ماتونصف رب العالمين ..
نصفني وطلعني منها ..
مروة خابرت اخوها ..وتوسلت بي لليل تبقى ..يمي ..
ورة ماجوي اهلي اخذتها وطبينه للغرفة نسولف ..
ع الي صار ساعه نضحك ..وساعه نبجي ..
كالت راح ادك عليه ..
لزمت اديها كتلها ابد عوفي ..
ولج الحلقه شون ..
ماعرف ..
خرب بحظج ..زين امج منتبهت عليها ..
اسمع امي صاحت ..
مديت راسي ها ماما ..
كالت راح اطلع اني وعبدلله بيت خالتج ..
ومناك امر لامي واجيب انهار ..
زين ماما احنه بلغرفه ..
ابويه مثل كل يوم ..لو يباع اخبار لو طوبه ..
وسجاد ..طلع واحمد هم بقينه بلبيت بس اني ومروة وبابا ..
ضلت تلح عليه خابري ..وافتهمي منه
ولج شفتهم صخام وجهه ..
لا ابد ..يمعودة بلكي بعد الي صار يجوز مني ..
مابية بعد رجيف كلبي خلص والله ..
كتلها راح اجيب الغدة هنا ناكل ..
لان مشتهينه ناكل من الفزة ..
الي بينه ..
طلعت ..حضرت الاكل ..
وابويه راد جاي ..سويت اله ..
وطبيت للغرفه شفتها تحجي بلفون ..
اشرت الها منو ..
ابتسمت الي ..
كتلها يلا ..وخليت الصينيه بلكاع ..
سدته وكعدنه ناكل ..
كالت قمر اتمنى واحد يحبني مثل قائد ..
باوعت عليها ..
كتلها انتي مخبله مو حب هذا انتقام ..
كالت زماله انتي .مابيج خير اعوف اهلي واروح ويا ..
كمت اكل ..مخبله انتي مو طبيعه مثله شعوف يمعودة ..
انتي شفتي شون يبجي عليج ..
ذبيت الخاشوكه اي شفته ..
بس مابيدي شي ..
لا بيدج كولي لميثم ماريدك ..
بوجهج اكولها احسدج علية ماكو واحد منا منا الي ..
هههههه ضحكت اخذي الج ..
عليج الله ..صدك تحجين ..
مروة شبيج ..انتي ..
كل هلاذيه وتحسدني ..ولج دمرني ..
ها اشاقه وياج شبيج ..
فهميني شسوي ع الحلقه ..
ماعرف ..
معليج اني احلها الج
شوكت ..باجر عكبه يمج حلقه ..
مين ولج ..وشلون فهميني ..
هسة انتي شعليج اني ادبرها الج ..
كملنه الاكل وكمنه ..غسلنه ..
رجعت مددت..كتلها مروة ..ليش هيج سوة واخذ حذائي ..
كالت..وحدة من اثنين ..لو محروك قلبه ..ويريد يقهرج ..
لو ..يريد يسوي بي دكه ..لاهلج لخطيبج ..
نامت ع الجربايه الثانيه ..
كالت ..علاقتج بميثم شونها ..
كتلها ماكو شي لحد هسة ..لا سوالف ولا شي ..
شو اندعمت سيارته وحار بيها ..
ولج خايفة لا يوصل حجي صعدنه وي قائد ..
لا تخافين راح اكول اخويه اين عمي وشحدها الي تحجي ..
من بنات المعهد ..كل وحدة لاعبه لعب ..مالج شغل اني
يولو ...وضحكت.
كتها شكد جنت احب اسمعها هسه كمت اخاف منها
بليل راحت مروة ..
بيومها رجعت انو يمنه..
وبليل اتصل ميثم من فون اخويه ..وكال اجيبلج فون اني بس اكمل السيارة ..
يعني بعدها .مصلحت
اي والله كومه سوالف طلعت بيها ..فدوة الج ..
شونج شخبارج ..
ماكو شي ..
شون رجعتي اليوم .
بقيت ساكته ..كتله اخو مروة رجعنه ..
ها ..
اي ..
شعجب مو اهلج ..
محد اجاني ..
بس مو حلو صعدين وي اخو صديقتج .
ميثم ..اني و مروة صار 6سنوات صديقات ومثل الاهل واخواني ..
قمر اني احبج واغار عليج متتخيلين شيصير بيه جنت ..
من اشوف احد عينه عليج لو شي ..
كضيت 3سنوات اتخيلج عروس الي ..
وجنت اتمنى وتحققت امنيتي ..
بقيت ساكته ماعرف شكول اله ..
كتله اروح اخويه يريد الفون ..
وسديته منه ...
سديته لان ..ماكو اي احساس اتجاهه..
اكبر غلط سويته ..دخلت ميثم بحياتي ..
لو باقيه ..بدون احد ..احسن ..
ميثم زاد الطين بله ..
قائد مراح يسكت ..
شيفيد سكتت اهلي بميثم ..وقائد بعدة ..
وشحصلت اني دخلت انسان بحياتي ..ومراح اقدم شي
من حب واحساس ...
يعني ماعرف منو الضحيه بينه ..اني،قائد ميثم ..
ماعرف ...
مروة ورة ايام جابت الي حلقه ..الي ..
سالتها عنها كالت جذبيه ..ولبسيها موقتا ..
حلقتي جانت عادية ..
وموجود نفس فصالها هوايه ..
صدفت ..مرة امي سالتني ..وكلت الها ضامتها ..لان سوت عندي حساسيه ..
كالت ميصلح ذبين حلقتج ..
وخربطتها عليها السالفه وسكتتها ..
مرت الايام ..يوم اداوم ويوم لا بس اريد اخلص السنه ..
تعبتني كلش ..
قائد اختفى ..ماكو ..بعد الي صار بعد مشفته ..
بديت ارتاح وكلت خلص كل شي ..وبطل مني ..
ميثم بهاي الفترة بدة ..يتقرب الي اكثر ..
وجاب الي فون .وجنت اتصل بي دائما ..
اهلي ..بدو ..يحبون ميثم ..وخفو عني هوايه ..
مر اسبوعين قائد ماكو..
رجعت حياتي طبيعه..
بس ..كلبي عليه نار جان اخاف ..عليه ..
لان منطقتهم ..من بعد السقوط ماهدئت ابد ..
جنت اخاف عليه لا صار بي شي ..
وارجع واكول ..افضل راح لازم انساه ..
واعيش حياتي بدونه ...
خلص ..ويا ..
جنت يوميه ..ميثم يوديني ويجبني للمعهد ..
وكام اخر وحدة يرجعني ..حتى يسولف ويايه ..
اهلي جانو ميقبلون نطلع سوة ..بس ع كد الخط ..
وروحه والرجعه ..
ميثم ماشفت منه شي غير الحب .واللهفه ..
صح مجنت ..اكدر ..اتاقلم ويا ..واجاوب ويا
بس بقيت انتظر الحب الي بعد الزواج ..
بقيت اتتظر المودة والرحمه ..
الي بعد الزواج تصير ..
واتفقنه ..بعد مايتخرج ..ميثم ..نزوج ....
وبلعطلة يبدي يحضر ..التجهيزات ...
فديوم ..اتفقت اني وميثم نطلع بعد عناء طويل واهلي قبلو ..وشرط اخته ويانه لان انهار تستحي ومتقبل تجي..ويانه ..
اجه عليه العصر ..اخذني ..
جنت لابسه ..تيشرت نص ردن .ماروني .وبنطرون كابوي ..لان بدة الجو يتغير ..
بديت ..احط مكياج شي خفيف حمرة وكحله وماسكارا بس ...
ولبست حذائي وجنطتي وطلعت ..
شفتهم بسيارة ...
رحت صعدت وياهم ..
سلمت وكعدت ..
داخل نفسي مفرحانه بس شي مجبرة عليه ولازم اسوي حتى ..اكدر اتعلم عليه ..بعدني اخجل منه واستحي ..
بقى يسولف ويايه ..ميثم واجاوبه ع كد السؤال ..
راح رجع حنين ابيتهم وتوسل بيه نطب للبيت..
مقبلت ..اني ..بس من الباب سلمت ع اهله ..
استغربت من رجع اخته للبيت ..
يعني جانت واجهه كدام اهلي بس ..الاحراج زاد اكثر ..
رحنه ..وكعدنه بمطعم اني ويا ..اذكر بلحارثيه جان ..
كعدنه اني ويا ..وكام كال راح اطلب اكل ..
دك فوني ..
اباع رقم غريب ..
منو هاي معقوله اهلي ..
جاوبت الو ..
سمعت الو ..
منو ..
شنو نسيتي صوتي ..
قائد ..
اي ..قائد ..قمر ..شونج مرتاحة ويا ومتونسه مو ..لايك الج الماروني ..خوش
كاعد يفرفر بيج مطاعم ..
اني بقيت التلفت ..اريد اشوفه وبن
كال مو بعيد عليج ..ست قمر ..
يمج قريب ...
مين جبت رقمي ...
مالج شغل ..ماكو شي اريدة وماحصله ..لا عبالج نسيت لا بعدج ابالي وشون ماحطمتيني الا احطمج ..
قائد ...
شفت ..ميثم اجه ..سديته ..
اجه كعد يمي شبيج شكو ..
ماكو شي ..
لعد شبيج متوترة ..وشكلج ماعرف شبي ..
ماكو بس ممرتاحه هنا ..
ليش ..
ماعرف ..خايفه يمعود مو اكو انفجارات ..
دصير ..
جانت الانفجارات جديدة علينه وسوت رعب بكل بيت ..
لا تخافين قمورة ..هسة احنه بمطعم ..
بقت عيني ..ع العالم الي يمي اريد اشوفه وينه ..
ويعرف بيه ..
بس مشفته ..كعدنه احنه بطابق الثاني كلت يمكن جوة
هوة..اخذت نفس عميق وغمصت بي بلكي اصحى ..
ويطلع كل الي عشته حلم ..
خليت ايدي ع الميز وكمت ادك باظافيري ..
بحركه توتر ..مد ايدة ..ميثم ولزمها لايدي ..
اني ..بلا وعي جريتها منه ..
كال ليش ؟
شنو ليش،..
ماحس بيج قمر ..احس الي دسوي شي مجبورة عليه ..
حتى طلعتج ويايه ..
لا ماكو هيج ميثم ..
لا قمر اني احس ..عبالك مجبرة عليه ..
فات من يمي ..قائد ..
اني الكلام وكف ..بلساني ..
باوعت عليه ..ودنجت ..راسي ..
اندار ميثم ..كال ع شنو تباعين ..
لا ماكو شي ..
قمر اني بيش داحجي وياج وانتي بالج وين ..
ماكو شي ميثم ..شبيك ..
لا مابيه بس شوفي نفسج انتي شبيج ..
قائد كعد كبالي ..
وبظهره يصير ميثم ..
بقيت ساكته ولا اكدر ارفع راسي ..
اجه الاكل ..مكدرت اكل منه شي ..
ولا ارفع راسي ..
وكل شويه يسالني شبيج ..
اجاوبه ماكو شي ..
قائد جان صوته عالي ..وينسمع ويضحك ويسولف وهوة والولد الي جان ..ويانه ..بسيارة ..
اخر شي بعصبيه ميثم كال كومي ..
ماعرف شبيج لا تاكلين ولا تحجين ..ولا شي ..
كمت بس اريد اطلع ..اخذت غراضي ونزلت ..
مصدكت اوصل للسيارة ..
صعدنه ..
الطريق كله ساكته ..ماحجيت شي ويا ..
وضل يسال ..واحاول ارجع ويا بلححي ..
بس عقلي ..وكف ..
خوفي من قائد ..نغص حياتي ..
حبه الي غريب ..
ودائما جنت اشبهه حبه بلموت ..
والي بي اني سكرات الموت ..
رجعني للبيت ونزل ويايه..
وبقى يسولف وي اهلي ..
اني كاعدة وياهم بس لا بالي ولا فكري يمهم ..
بس الي داسمعه ..يريد يكطع مهر ..
اني بس ابتسم بلوجوه ..بس،
الي فهمته زواج عبدلله قريب وراها ..نكطع مهر
صدفة ..طلعت الفوت ..من الجنطه ..
شفت 12مكالمه .4رسائل ..
غلقته ورجعته ..بلجنطه اريد اعرف مين جاب الرقم ..
طلع ميثم ..ورحت ..بغرفتي
سديت الباب ..
وطلعت الفون ..وبديت اقرة بلرسائل ..
متونسة ويا مو ..
خابري بس احجي وياج ..
قمر اني احبج ..
بسيطه ..حسابي وياكم بعدين ..
بقى الفون بايدي ماعرف ..شنو الي اسوي ..
ولا اعرف شون اجاوبه ..
بدلت اهدومي..
واتصلت بميثم ..ميجاوب ..اريد
اطمن وصل للبيت ..لو لا ..
طلعت يم اهلي ..
سولفت وياهم ..شويه اريد ابعد الموقف من بالي ..
والتهي ..
اتصل ميثم ..
اخذت الفون ورحت لغرفتي ..
الو ..وينك ..
موجود ..
لعد ليش مجاوب ضل بالي ..
مبين ..
هاي شنو شبيك ..
اسلوبه ..جان عصبي ..ماعرف ليش ..
لا مابيه ..
بس قائد منو قمر ..
انضربت ع راسي ..الدنيا وكفت وفترت بيه فرة قويه
منو ..
قائد اتوقع كلامي مفهوم ..منو؟
شدتحجي انت ..
كتلج ..منو ..
ماعرفه ..
قمر ..ولد واكف براس شارعكم ..
اي ..
كال بصريح العبارة ..عوفه..البنيه ..اعرفها قبلك ..
وجانت خطيبتي ..قمر ..
منو قائد ..
ماعرفة ..وكلامك مدافهمه..ميثم ..
خوش ..روحي ..هسة ..
بعدين اتفاهم وياج ...
ميثم اسمعني ..
قمر مو هسة ..روحي ..وسد الفون ..
الدنيا افترت بيه ..
اريد بس اكعد ...
كعدت ..ماعرف شسوي وشفكر ..
معقوله هيج وصلت بي ..لهل المستوى..
هذا ياحب ..ماكو هيج حب ..
هذا تعذيب .ومستمر ..وين يريد يوصل ..
ماعرف بس الي اعرفه ادمرت ..اني ..
اتصلت بي ..ميجاوب ..
ضليت اتصل ..صرت مثل المخبله ..بلغرفه ..
اروح وارجع ..
كام يسويلي رفض ..وراها انغلق الفون ..
اتصلت ع قائد ..
جاوب ..
الو ..
الله لا يوفقك انت تريد تموتني ..
سكت ..
انت وين تريد توصل كرهتني بلحب ..كرهتني بيك ..
ليش قائد ..هيج تسوي ..دمرتتي ..
ولك ..هاي سمعتي ..
قمر احبج ..
انعل ابو هيج حب الي وصلتني اله ..
كام يعيط انعل ابويه اني ..من ساعه السودة الي شفتج بيها وعرفتج بيها ..
ولج حياتي وكفت ..
كمت انصي بصوتي ..
قائد ماكو هيج ..هذا مو حب الي بي انت تحدي ..
ودتدمرني بي ..ولك كافي حرام ..
كال حرام عليج انتي ..تعبت حسي بيه عيشي الي داعيشة ..
كتله الي تريدة شنو ..
اريدج الج ..
قائد انت مريض ..هذا مو حب الي يحب مياذي وميشهر ..
انت فضحتني ولك انت دتعرف شدتصرف ..
كال لو زلمه يعوفج ..ماريد شي بس يعوفج ..
ولج ماتخيل واحد غيري ..يمج ..
شون مخليتيني احبج ..خليني اكرهج وروحي ماريد منج شي وراها ..انتي عادي .عندج .عرفتيني ..ورحتي ع غيري .
بس اني لا وكفت الدنيا ويايه ..
واذا وكفت ..تاذيني ..شحجيت اله ..
كال كل شي حجيت حجيت الي صار ..
ارحمي حالي ..قمر ..
طلعي من عقلي وبالي ..اذا تبقين هيج ..
واحد يموت لو اني لو انتي ..
صعب ماكدر اعوفج ..
بقيت ابجي ..
لاتبجين ..قمر ..لاتبجين ..انا اسف ..
اسف ؟
ع شنو كولي ..
ع كل شي ..
ارتاحيت هسه ..خربت حياتي ..
يسكت ..
سمعت تنهيدة ..
قائد ..وجودك او لا بعد ميهمني ..وصلتني مرحله ..
اكرهك ..والخوف راح بعد ماعندي شي اخاف منه ..
ومتندمه ع كل لحضه عشتها وياك ..ع كل كلمه ..
كال هاي جزاتي ..مردت منج شي بس ردت تصيرين ويايه مو ضدي ..شليتي حال شل .ونسيتيني العافيه والنوم .ونسيتي كل شي بينه ..
كل شي انطيت الج ..حتى روحي ماتغلى عليج ..
انعل ابو حظي ..وياج ..قمر انعل روحي وعشيرتي ..
قائد ..
اقسم بالله ..
اذا اهلي قبلو بيك بيوم اني ماقبل بيك بعد ..
لان اكرهك ..
سديته ..بوجهه ..
وبقيت ابجي ع حظي ..
عايشة وحدي ومحد يحس بيه ولا يحس ..
والمشاكل فوك راسي ..وحدي ..
بقى يدك ..يدك ماجاوب ..
كام يدز رسائل تهديد ..
وحدة ورة الاخ
بسيطه انا الج ..الا احرك الدنيا ..
جاوبي
جاوبي
قمر ..جاوبي
قمر احبج ..
راح اموت تعبان حسي بيه ....

فتحت منها والباقي عفتها ..
ميهمني بعد اتبنجت من الاذيه ..
وماعرف شراح يصير بعد ..اكثر من الي صار
بيومها منمت ورجعت اتصلت ..بميثم مغلق ..
عرفت ..انتهى كل شي بينه ..
بس ماعرف شون راح اواجهه اهلي ..
يمكن من رفضو اهلي قائد احسن ..
لان عرفو مخبل مو طبيعي ..
ثاني يوم جان اكو دوام ..
داومت علمود ميثم بس ..اريد افتهم منه وافهمه ..كلت اكوله كل الي صار وهوة حر بقرارة المهم اريح ضميري
ومن الصبح ادك عليه ..ميجاوب ..
بدلت وكملت ..وطلعت ..
مشيت ..ماشوف شي ..يمكن اذا اشوف قائد ..
اضربة واشرب من دمه ..
عبرت الصبه ..
شفت ..ميثم .واكف ..صعدت ..ويا ..
ميثم ساكت ..كل شي ماحجة ..
واني هم ساكته ..
وصلنه للمعهد ..
نزلو الكل بقيت اني ..
ميثم ..اسمعني ..
قمر ..بعدين مو هسة ..اني اكثر من مرة ..
سامع بس ..جنت ..اغلس ع هل شي ..بس ..
هسة لا اريد اعرف كل شي وراح اعرف بطريقتي ..
اني مو طرطور ولا ..حايط الج قمر ..
بين ماداحجي ويا ..
حسيت ..
الباب انفتحت ..مال ..ميثم ..
وانجر ..
اريد اشوف منو ..كمت بس اعيط ..
فتحت الباب وطلعت ..بسرعه افتريت
شفت ..قائد . لازم ميثم ..
من هدومه ..وحاصرة بلباب ..
وميثم هم لازمه ....
قائد ضرب ميثم ..بوكس ..بوجهه..
واثنينهم نامو بلكاع ..
العالم التمت عليهم ..يفاككون بيهم ..
اني كمت اصيح ..
عوفه عوفه ..واجر بي ..
اريد اوخر قائد ..ماكدر ..
جرو ..ميثم ..وقائد ..
كل واحد صار بعيد عن الثاني ..
بقيت واكفه ..بس ابجي ..
فضيحه ..كدام امه محمد كلها ..
قائد ....اجه قريب من ميثم ..
ودفع صاحبه كله بس احاجي ..وياهم
اجه علينه ...اني واكفه يم ميثم ..وميثم يعدل بهدومه ..وينفض بيها ..ويباع عليه بحقد ..
اجه قريب لزمت ميثم ..
رفع اصبعه ..واتقرب ..
كله النه ..بصوت ناصي ..بس اني وميثم سمعنه ..
الي بصفك ..الي ..انا وحدي ..
. ماخذة.. ..وصارت الي مرة...قبللك ..
تفهم انت شنو ماخذها لو اشرحلك ..بلتفصيل .....

وللحكاية بقية ..

[لامارا]

تسأليني
ج 12
سوزان المندلاوي

صدمه ..انصدمت ..
ماعرف شحجي من الجملتين الاخيرة الي كالها ..
مخلت عقل براسي ..جانت طلقه .بنص روحي ..
.ونضربت بيها ..
مكدرت الزم ميثم ..حسيت دفعني ..
وركض ع قائد ...
.بس خليت ايدي ع وجهي ..
كمت اشوف مغوش ..ويتراوالي ..
ميثم ..فوك قائد..
اخر شي اشوفه ..
كعدت اني بسيارة ..وميثم بصفي ..
فاتح الباب
وبيدة بطل مي ..
مداعرف شيصير ..
اركز زين ميثم هدومه ملخه..درت وجهي عليه ..
كمت ابجي ..
انطاني بطل المي ..
راح ...
اجه كعد يمي وشغل ..السيارة ..
وطلع الطريق كله ساكت ..واني هم ساكته ..
مكدرت احجي شي ..
شكول اله بعد الي سمعته ..من قائد..
توصل بي يتهمني بشرفي ..
شرف هذا قائد ..
كسرت حاجز الصمت ..
ميثم والله والله مطاخني ..
ساكت ..
وحق الله محد لازمني ..احلف الك ..
ومستعدة الي تريدة اسوي ..
كال قمر ..حدي لهنا وياج الي بينه انتهى ..
ولا تخافين متطلع مني احجايه عليج ..
اني هم عندي خوات واخاف عليهم ..
بس لا تقنعيني ..ماكو شي بينكم ..
سكتت ..وبس ابجي ..
اهلي اذا تعوفني يموتوني ..
كال هذا الي ردت اوصل اله رضيتي بيه خوفا من اهلج مو ..
كولي ..
جان يحجي وياه بكل هدوء ..
سكتت ..
تعرفي ..
اي جانت عندي علاقه بي وخطبني هوايه واهلي مقبلو ..
اها ...وصار بيناتكم شي ..
لا ..والله ابد ..
لعد ليش يشهر بيج ..
ماعرف ميثم ..ليش حجة هيج ..
لا تخافين من اهلج اني احلها وياهم وهسة ..
نزلي من يمي كولي ..جتي وحدة يم المعهد وشوفتني صور وي ميثم ..وعدها علاقة بي ..
وماريدة ..واني اكمل الباقي ..
ميثم ممجبور انت هيج تسوي ..
لا مجبور انحسبتي عليه ..
وغيريتي متسمحلي ..انطي بيج ..
جنتي حلم اليه ..
هسة صفيتي رماد ..
ميثم ..وابجي بحركه والله محد لازمني والي تريدة اسوي بس كول ..
ماريد منج شي ..كتلج الي بينه انتهى ..
اما هذا المخبل اخذيها نصيحه مني ..
ديري بالج تزوجي بيوم ..هذا مو عاقل ابد ..
هذا الي اكدر عليه قمر ..
ميثم ..لا تعوفني ..هيج ..
سكت ..
قمر لا كرامتي تسمحلي ولا رجولتي ..اني اسف ..
الحب شي والكرامه شي ..
سكتت ...
كرهه الدنيا الي بداخلي ميعوض شعرة ..
من كرهيي لقائد ..
ماعرف شنو احساسي ميثم الي ربطني بي اشهر ..
عندة غيرة عليه .وقائد الي سنه واكثر اذاني وطعني بشرفي ..ماعرف شنو اسوي ..
ولا اعرف شاخذ قرار ..
ولا اكدر اكوله انطيني فرصه ..صعب ..
وصلنه للبيت ..نزلني ..
وراح ..
طبيت بلكراج البيت فارغ ..لان بعدها دنيا صبح ..
كرهت روحي ..
شكد شفت نفسي حقيرة ..
من كال جنتي حلمي وصفيتي رماد ..
والله شريفه ومحد طاخني ..ابد ..
يمكن لو كايل اوديج دكتورة ماكول لا بس اريد اثبت ..شرفي ..بقيت بلحديقه ..
واحجي وي نفسي ليش قائد ليش ..
بعد ماتعبت من البجي ..
رحت فتحت الباب وطبيت ذبيت روحي ع الكرويته ..
من التعب ..راسي راح يطك ..
رحت ع الصيدليه اريد حبه مسكن ..
دورت لكيت ..
جتي فكرة براسي اموت نفسي واخلص .
من هلعذاب الي بي لا اهل بيهم حظ ..
ولا حبيب نصفني ..
ولا خطيب وكف ويايه ..
الدنيا كلها عليه ..
شعندي عايشة واغلى ماملك اتهمت بي شرفي ..
اكو اعز منه ..
جريت مجموعه اشرطه ماعرف مال شنو اخذتها ..
ورحت كعدت بلمطبخ ..
وجبت بطل جبير مال ..مي وكعدت ع الميو اباع ع الادويه ..
انهاريت الحياه سدت البوب بوجهي كالها ..
قائد ..كالهاواحد بينه يموت خلي اموت اني واخلص ..
ماكو شي اعيش علمودة انشهرت بلمعهد ..
ويم اهلي ةيم خطيبي ..
خلي اخلص صرت عار اني ..
رحت جبت الفون ..
خليته كبالي ..
دكيت ع ميثم ..
جاوبني ..
الو قمر شكو ..
احجي واشهك ..ميثم اني اسفه ..لكل شي طلع مني ..
شبيج قمر ..
ماكو بس اسمع اريد ارتاح ..
والله اقسم الك براس اخوتي اني بنيه ..لو تريد اخذني لدكتورة ..وراها عوفني ..مو شغله تبقى ويايه بس اني مو هيج ..ماكفرت حبيت بس مافهم حبي اله وحوله كرهه ..
قمر ..سدي الموصوع وتركيني ارتاح ..
المهم اني اسفه دخلتك بحياتي بس اهلي دمروني بوكتها .
وجنت انت ملاذ امن الي ...
سامحني ..باي ..
وسديته ..
طلعت رقم قائد...
دكيت جاوب ..
قمر ..
ليش ..قائد هيج وصلت وياك ليش هذا شرف اذا يمك الشرف لعبه يمي مو لعبه ..
سكتت..
اني اشهك ..بجي ..وكوة اطلع الحجايه ..
دمرتني ..اهلي اذوني وشوهت سمعتي عساها بختك ..ترجع كل اذيه ..
اسمعه اختنك ..
رجعت عليه لا تدعين قمر ..
يولو ماكو عقل براس ..ادمرت حياتي ..بسببج ..
عمامي تركض وراي ..مرتي يم اهلها امي غضبت علي ..
ةانتي بعتيني ماشوف الي اسوي ..
اني تخبلت .يا بنت خبلتيني لا تلومينب هسة ..
قمر ..انا اسف ..
اسف وين اصرفها ..ماسامحك ابد ..
اني مو الله واسامح ..
كلبي من يمك نترس حقد ..وكرهه ..
قمر ..احبج وحك الله ونضر عيني ..
هذا هوة كلت اله هيج حتى يعوفج ..
اخ قائد وبشرف تتهم ..
انتي اشرف وحدة عرفتها ..قمر حسي بيه ..
كعدته يمج تحركني حرك ..
ماكدر يابنت العالم ماكدر ..
كام يعيط ..
تورطت بيج ..تخبلت ..لا انا عايش ولا انا ميت ..
ارحمي عزيز قوم نذل بحبج ..
واهلج ..وكفو ضدي وانتي بعتيني ..
شسوي كولي ..
وتريدين تنزفين لغيري ..بدمي انزفي قمر ..
وحك الله والي خلقج بدمي تنزفين ..
صفيت انا والكاع ماكو الي اخسرة ..بعد
وماريد اخسرج ..
كتله ..
خسرتني وانتهى الموضوع كل الحب صار حقد ..
لا تكولين هيج اكفي ..دحكي علي انا قائد ..
ماعندي بلحب لوله ..لو اخذج لو اخذج ..
قائد ..خطيتي بركبتك منا ليوم الدين ..
ومو انت ولا عشرة منك يتهمني بشرفي ..
ولك كلبي محروك ..
من حتركو اهل قائد وعشيرتو ..
لا تحجين هيج وتورمين كلبي ..
لا دابلين بيه ..قمر ..
ان عافج انا باجر ..كاصدكم وماطلع
والا انتي باسمي ..
عروس ..
والي يوكف بوجهي لا اطرو طر
ضحكت ..ماكو بعد..هاي اخر مرة تسمع صوتي بيها ..
شكد حبيتك ..وانت بكدها انطيتني جرعات سم ..
بس اخر جرعه كتلتني خلاص ..
انت الموت الي ..
وماصير لا الك عروس ..
عجل المن ..
مالك شغل بيه ..
اكفي . شدتحجين انتي انا تكاونت.وي هذا لاجل ..عينج وبعدج ..
بايعتني ..
لا مابعتك بس اني ضعيفه حال ..يامه شبعت ضرب وضيم ..من وراك ..
وجازيني بشرفي ..
ماوكفتي وياي قمر من اول هدة بعتبني وانا لهسه متمسك بيج ..او حب الي اول مرة قلبي يدك ..اول مرة لسهر وافكر بشر ..اول مرة بحياتي ..ابتسم وي روحي من يجي طاريج اباالي ..انا مجنونج قمر ...
ان جزاه العشك وياج ..موت انا راضي بي بس اكفي وياي ..لا ضدي
سكتت ..
والي يحجي ع شرفج لا ادوس راسو ..
انت ..حجيت ..
من لوعه كلبي عليج ..لا انا بسما ولا كاع وياج احس روحي بيد غيري ..ماضل براسي فكر ..ولا عقل ..
سكت ...

لا تسكت ..انت وقعت ع موتي ..
قائد ..
اكفي شجاي تحجين ..
خلص الكلام ..
مودع بالله ..
وسديته ...ميثم يدك وقائد يدك ..
كمت اقرة بلادويه شفت شريطين فاليوم ابو الخمسه ..
لزمت الشريط وكمت اطك وحدة وحدة وصفطتهن ع الميز ..20حبايه ..
سميت باسم الله ..
وبلعت اول وحدة وابجي ..
والثانيه والثالثه ..
وصلت لل14حسيت معدتي كامت تكلب ..
وفورة بيها صارت ..خليت ايدي ع 15ايدي ترجف ..
ماعرف شنو الاحساس كلت هذا الموت اخذت 15بلعتها ..
وكملت ..الشريطين ....
دقايق وراها
ماحسيت بشي بعد ..
حسيت ...
فتحت عيوني ..انهار بس تغوش وصوت امي يمي ..
شويه ووضحت الصورة ..
اسمع امي
تكول ..ها ماما شونج ..
مابيه احجي ولا اهز براسي ..
رفعت ايدي بيها كانونه ..
اشرت باصبعي ..
جتي الممرضه ..كالت ..ها كعدت ..وماعرف شسوت بلمغذي .وراحت ..شويه شويه كمت اصحى ..
واحس واذكر الي صار ..
طلعت من المستشفى ..
تعبانه ..اعصابي ونفسيتي صفر ...
الطريق كله يحجون ويايه ماجاوب ابد ..
وصلنه للبيت ..مانزلت ..اباع اشوف قائد ..واكف يم بيتنه ..
جان احمد وسجاد ..ويايه وامي وانهار..
من شافه سجاد ..طبب السيارة جوة ونزلنه .بلكراج .
اجه تقرب قائد ..
صاح سجاد خويه ..رايدك دقيقه ..
احمد ..كال سجاد كافي رحمه لاهلك كافي ..اسمع شيريد وانسى الي راح ..
نزلت امي لازمتني وانهار ..
انداريت عليه ..ضليت اباع مو ذاك قائد ..للي شفته اول يوم طوله وجسمه ..
رايح ضعفان وجهه تعبان وجوة عينه ازرك ..
درت راسي وطبيت ..للبيت
وراح سجاد يمه ..
طبيت لللغرفه نوموني ع الفرلش ..
كعدت امي كالت قمر شصار هم قائد ..
امي رحمه لابوج ماريد احجي شي ..
قمر راح تموتينه انتي ..
احجي شصار ..
مو هسة ..
دخلت انهار كالت عوفيها ..ماما هسة خلي ترتاح ..
جتي انهار يمي وتلعب بشعري ..
كالت ليش قمر ..تريدين تحرمينه منج ..
ليش ياحبيبي..محد جبرج ع ميثم ..
انتي ردتي ..
ليش هيج ضعيفه ..
ماكو شي افكر بي ..هسة لو قائد يكول لاهلي اي شي
ميهمني بعد الي عشته والي شفته ويا ..
دائما يتهمني اني ماسويت شي ..
شنو الي اريد اسوي 3اخوان فوك راسي ..
شريد اصير وبوجهه منو اوكف اني ..
تعبت كل شي تعب بيه ..
اعصابي جسمي فكري ..انتهيت ..
جان الموت اريح شي الي ولا هذا القلق والتوتر الي بي ..
كالت انهار ارتاحي ..
وطلعت ......
شويه واسمع صوت عالي ..اخواني يحجون ..
اول مرة بحياتي ماحس بخوف ولا قلبي يدك سريع..
ولا اهتميت لشي
غمضت عيني ..
طب احمد عليه ..قمر ..الي تريدي يصير ..
ومحد بعد يوكف بوجهج ماعدنه عشرة احنه ..
اباع عليه ..كعد يمي ..
حبيبي ..قائد رجع تقدم الج
ماعرف شنو الي صار ..بس عوفي ميثم ..
وغصبا ما ع الكل ..نرضى بقائد ..
مجاوبته ..
نامي لا تخافين من شي بعد ..
يومين مرن عليه ..اني تعبانه وبس انام ..
الي عرفته انقهرو عليه ..
اخواني .وامي واحمد وكفو ويايه
ورة اليومين ..حجيت الهم الي صار ..
مثل مافهمني ميثم ..لان لحد هسه محد يعرف بكلام قائد ..
وسجاد هذا سبب انتحارج ..عرفتي عندة وحدة ..
لا..
لعد ..
انتو خوفي منكم اذا عفته ..
عيشتوني برعب ..انتو السبب الي وصلت بي ..
ومستعدة اكررها مرة ومرتين وثلاثه ..الى ان اموت واخلص ..
الي تريدي شنو قمر ..
ماريد شي بعد ..
لا تلعبين علينه ..
راح نرجع كل شي ..لميثم وتخلص القصه ..
وننطيج لهذا المخبل.قائد ..بس اسمعي ..
هذا قرارج الج وحدج ..وهل مرة محد بينه يدخل..
وانتي تحملي الي يصير ..
سكتت..
كتله ماريدة ..
شنو ..
اي ماريد قائد ..عوفوني ..ماريد احد ..
ولج شنو انتي لعبه بايدج احنه ..
عليمن موتي روحج لعد ..
مو ع احد ..
قمر ..
احمد كله عوفها هسة ..
لا شنو اعوفها ..ماعوفها لعبت علينه ..
شو بكيفها ..
ولج اخ الله ..ويعض بصبعه ..
سجاد شتريد تسوي سوي ..ماريد ازوج ..
نسد الموضوع...بهوسه وحجي وابويه واخواني ..
كل ةاحد يكول شكل وحجايه ..هوسه بهوسة..
وسدينه موضوع .ميثم ..ورجعت اله كل غراضه ..
وانتهى كل شي بينه ..
اريد ارجع لعافيتي ..الي اخذها رجيف قائد ..
رجعت داومت ..المعهد كله يحجي بسالفتي ..
حتى المعاونه والمديرة عرفو صارت عليه
علامه ..
كلت هانت مضل شي وتخلص الامتحانات ..
اجتي يمي ..صديقه الي ..بعيدة ..
كالت قمر ..اكولج شي
كولي حبي ..
مو هنا ..لعد وين شكو ..
امشي ويايه ..مشيت اريد اعرف شنو الي صار ..
اخذتني ورة المعهد ..
شكو احجي ..خوفتيني ..
..محد فضحج بلمعهد غير مروة ..
مخلت شي ماحجت عليج ..
واكولج شي هذا ابو سيارة الدب اكثر من مرة
يجي للمعهد وتروح ويا مروة ..
كمت اضحك انتي شدتحجين ..
ع صحتي وعافيتي احجي الي شفته والي سمعته ..
بقيت صافنه عليها ..
كالت ..الي عليه كلته الج ..وراحت ..
وصح ..
مروة جنت اتصل بيها ..وتعرف كل شي من الي صار ..
من علاقتي بقائد ومشاكل اهلي الى سالفه ميثم
من داومت مروة ..متغيرة ..عليه ..
ماعرفت ليش..بنفس اليوم متحملت
حاجيتها ..مروة شبيج ..
لا مابيه ..شي ..
عليج الله ..
والله قمر عليج حجي هوايه ويخزي ..
اي ..
وماريد انضر من وراج ..
هااا هسة صرت اني سمعه ..
لا ماكول هيج ..اني اعرفج انتي شنو ..
اشكرج مروة ..
اوكفي ولزمتني من ايدي ..
قمر ..
ليش مدتقبلين ..بقائد ..
وانتي شعليج ..
لا شعليه اني بس اكولج حتى تخلصين من كلام العالم ..
خليهم يحجون ..
قمر شكد واثقه من نفسج انتي ..
اي طبعا لان اعرف كلش زين اني نظيفه ..
اقبلي بي وستري ع نفسج احسن وحرام عليج ..
دمرتي الرجال ..
اخذت نفس ..مروة منو انطة رقمي لقائد ..
منو الي جان يحجي بتفاصيلي وي ميثم لقائد ..
ومنو جان يشهر بيه ..مروة ..
ترة قائد كل شي يعرف جان ..
مين عرف ..
هااا وشمعرفني اني ..
لا تعرفين ..زين ..
انتي ..
منو كلج لا لا ماكو هيح ووجهه كام يذب الوان ..
ليش مروة بيش ضريتج اني ..
سكتت..
ماكو هيج ..غلطانه ..انتي ..
مروة 6سنوات وياج ماوكفت بعينج .. ماريد اسمع ..
مع الاسف ..عليج ..
وبلعافيه عليج قائد ..
اسمعي ..الي وصل الج يريد يخرب ..
عفتها ومشيت ..
وبعد ماحجيت وياها وحاولت تبرر الي بس اخذت موقف منها ماكة غيرها يعرف بكل هلتفاصيل حتى مكان طلعتي وي ميثم ..جانت تعرف بي ..والله اعلم شحاجيه بعد عليه
متوقعت منها ..تطلع ..
دوامي صار ..مجرد اروح وارجع ..اريد اخلص ..
جنت اشوف ..ميثم يجيب اخته ..
اخ ..احساس متعب من اشوفه ..مو حب لا ..بس قهر ..
ويضل يباع عليه ..
كم صدمه شلت ياقلبي ..من اخواني واهلي ..
وقائد ..وميثم ..وبعد اكو اكيد ..
اقل الشهر و
بدت امتحانات اخير السنه ..
وبديت امتحن ..
احاول ارجع لحياتي ولدراستي ..
قائد بهاي الفترة اشوفه من بعيد ..
بس ميوصل يمي ابد ..
ولا يتقرب يمكن حس بندم ..وخلص ..
بعد ..عرف انتهى كل شي بينه
فديوم رجعت من الامتحانات ..مشي مثل كل مرة ..
كمت من اوصل قريب ع بيت قائد اكرهه نفسي ..
واريد بس اعبر ..واخلص ..
قبل لا اوصل طلع ..قائد ..من بيتهم
ضل يباع ..عليه ..
من شفته حسيت بدوخه ماعرف ليش ..
وكلبي يدك ..بسرعه احسة يريد يطلع ...
كمت امشي ..سريع ..
اتلفت الشارع فارغ ..كمت اسرع اكثر ..
اجه عليه ..
جرني .بقوة ..مالحكت اصرخ لو احجي شي .وطببني ..جوة بيتهم بلكراج ..
وخله ايدة ع حلكي بس احاجيج ..
اسمعي لا تخافين قمر ..

وللحكاية بقية

[لامارا]

تسأليني ....
الجزء 13...
سوزان المندلاوي ...

جرني .بقوة ..مالحكت اصرخ لو احجي شي .وطببني ..جوة بيتهم بلكراج ..
وخله ايدة ع حلكي بس احاجيج ..
اسمعي لا تخافين قمر ..
دفعني ع الحايط ..وصار بوجهي ..
وجسمه قريب عليه ..خفت منه رعب دخل بروحي ..
فتحت عيوني عليه ..وكمت ادفع بي واضرب ..
عاط بيه اسمعي ماذيج والله ..
اهدئي واسمعي قمر ..
داخلي يكول الي تهم بشرف ..وماهمه مستعد يسوي كل شي ..
ادفع بايدة عن حلكي اختنكت ..
كال راح اوخر ايدي ماريد عياط ..
هزيت براسي اي ..
وخر ايده ..كمت اخذ نفس ..وايدي ع قلبي احسة
راح يوكف ..
كال ارتاحي ..حبيبي ..لا تخافين اذي روحي وماذيج بيوم
بيدي كل شي قمر ..بس ماسوي شي ..اذيج بي ..
اكدر اخذج الي ..واجبرج واجبر اهلج ..
وتصيرين حلالي ..بس ..ماريد اوصل وياج ..لهيج شي ..
ول يابه ..احبج ..
باوعت عليه ..شتريد قائد ..
اريدج ..يا نضر عيني ماريد شي ..بس انتي
دفعته ..ومشيت خطوتين كتله ماريدك اني انتهت ..علاقتنه ..افتهم
جرني من ايدي..وحضني ...خلاني ع صدرة ..
كال ..
ول يابه اخ ..ردت الروح بيه .. اخ يالله ..اخ ..
صدرة جان حار ..وكلامه سهام بنص روحي...
ذبحتني ..شكد اخاف منه وشكد حسيت بي ..برعب..
بس صدرة جان لام دفو العالم وحنانه بي ..
اكو نبرة صوت تعبر عن كلام..ومشاعر سنين .بحجايته ..والتنهيدة ودكات قلبة ..حسيت حرك روحي بيها ..
ثواني ودفعته ..انت شدسوي ولك عوفني كوة خوما كوة شنو بس الك الدنيا ..محد بعينك انت ..
دفعني ع الحايط .ونضرب ظهري ..
وخنزر عليه ..وكام يحرك بشعرة ..
حسيت الموقف ممو مال اعاند اواضوجه ..
سكتت...خفت لا يسويلي شي ..
كول الي تريدة شنو قائد ..
كل هذا وتساليني الي اريدة شنو ..انتي شنو من بشر ..
لا تكفريني ..دمرتيني شريد اسوي الج بعد ..
احجي شنو الي تريدي ..واقدمه الج ..الي يرضيج شنو
اخذت حسرة ..
كل الي صار بينه شي ومن وصلت لشرفي شي ..
كرهتك بعد ماريدك ..
جان خال ايد ع الحايط والثانيه يحجي ويايه بيها ..
صار اعصاب نار ..
كرهتيني شنو ..قمر ..
مو لعبه يمج ..اجيج ويكولون اهلج متريدك ..
ولج هاي جزاه تعبي وياج ..انطي سببب.احجي..
كمت ارجف ..سكتت..
طعنتني بشرفي وصرت علج بحلوك العالم ..
طبطبت ع جتفه كتله روح لمروة انت ويا نفس العمله ..
متوالمين هوايه
مروة شنو ..قمر ويرفع بحاجبه..
مروة متعرفها الي تجيها وتطلع وياك ..
وخوش ..شوهتو سمعتي لا والله رجال ..كفو منك ..
احجي..شنو الصار لا تخربطين بلحجي
من تخسة الي يجيب طاريج اباطل
وضرب الحايط الي ورايه
احجي احجي ..3مرات ضربه ..
اني كمت ابجي ..ونزلت بلكاع ..كعدت ..
كال اخر كلام وياج قمر ..
شنو سالفه ..مروة ..
ويحجي بصوت عالي ..ليش ..هيج وصلتيني ..
ليش خليتيني بلا عقل ليش ..
ولزم ايدة ..اباع ايدة تكطر دم ..
جان الحايط نثر ...
سمعت واحد صاح ولك قائد شدسوي وطلع من باب خشب ..وركض عليه حضنه
وركض وراه ثاني ..قائد ..
جروة من يمي ..
اني بقيت بلكاع وضامه راسي ..
كال وخرو عني بس احاجيها والله ..
رفعت راسي شفت همام وواحد ..شايفته بلمنطقه بس ماعرفه ..من اهل قائد ..
دفعو عني ..
طلعت عجوز من بيتهم ضعيفه وقصيرة جانت لابسه اسود ..حتى فوطه سودة ..
وكالت يما ..شجاب هلبنت هينه ..
وتباع عليه ..
كلها يما ..دحكي ..مالكم شغل بيها ..
انا ردت بس احاجيها ..لا سوها عليه ..فلم ..
وخرو غادي ..
واجت يمي كومتني ..
كومي يما كومي ..انتي كمرة ..
ي خاله عفيه اريد اروح لاهلي..
عاط قائد لحد يطلعها منا ..
يما بس احاجيها وروح ابوي ..
كالت حدري وياي ..
كتلها خاله وين عفيه ..
تعاي يمي ..
خلي نفتهم منج .يايما مرمرتي حياتنه ..
ماتحل بعناد نحلها بهداوة ..
بين الي اريد اطب وبين الا اخاف من قائد ..
لا يسوي شي اليه ..
طبيت جوة ورة الحجيه ..
طببوني عود بلمطبخ بس مشفت مطبخ ..
شفت استقبال اثاث وميز طعام فخم ..
وكاونتر بس مشفت ..طباخ ..
جرو قائد ..وفتحو المي ..وغسل ايدة ..
بغسلته صاح اخ يابه..
ووخرها ..من المي وكعد ..بلجهه المقابيلي ..
ولفها بكلينكس ..
والولد فوك راسه ..يخافون لا يسوي شي
الحجية جرت كرسي وكعدت كبالي ..
كالت اسمعج احجيلي ..
كتلها خاله ..ابنج ..
اكفي شبي ابني ..
كولي انتي ..دمرتي هلزلمه..كولي انتي ..خبلتي حرام عليج .
يما ماعندي بس هو. ..حرام شتردين منه بعد ..
قائد صاح ..يما ..عوفيها..كالت .. اريد اسمع ..منها
صاحت ..همام ..عبيدة ..اخذو قايد من هينه..
كلها يمه ..
اسمع كلامي وانا اجيب الك ..الخير ..
كام قائد .ورافع ايدة جان ..الي نضرب بيها
كالت صفينه بروحنه احجي ..يابنيتي ..
خاله عرفتي طعني بشرفي ..
منهو ..
قائد ..
يمه ..وضربت ع صدرها ..
ليش ..
اسالي ليش ..خاله ..فضحني كدام خطيبي وكدام المعهد..
دمرني ..
كالت ..اسمعي ..بهاي الحك كله الج ..
بس عندي عتاب وياج ..
كولي خاله ..
كامت من يمي ..فتحت الثلاجه ..طلعت ..
مي وعصير ..وجابت ...كلاص وقدمت الي ..
اشربي ..بلي ريجيج ..يمه .
اني خفت اشرب بعدة كلبي يلعب ..
شنو عتابج ..خاله ..مسويت شي اني
دمرتي وليدي ..ماعدني فد هوة ..شوفي حاله ..
ليش يمه طلبينه ثار ..
لا صفى اله حلال لا حضه بمرتو وجهالهو
عمامه تكاون وياهم ..حتى انا ..غضبت عليه ..
بسببج ..ليش يما ..هيج سويتي ..
داحجي ..سكتتني ..
انا ماريد شي منج بس اكلج شي واحد .
لخاطر هلشيبات ..الي بيضن وانا اربي بي ..
لا تحركين كلبي عليه ..
عايف هله ومرته وحلاله ومجابلج ..
شسويتي اله..كلبي يكول ..عوفي ..
بس اعرفه ..ان عفتي ..يتاذى ..
بالله عليج ان جان سحر فكي ..
خلي يرجع لروحو..ولمرتو واهلو .
وان جان عشك ..جازي عشكه .بخير ..يايمه ..
وكامت تبجي ..عافه ابو الي لحمه حمرة ربيته ..
بهلدمع ..هو. وخواتو وانتظرت اكبر يوم يوم ..
حتى اتباهه بي بين الخلك ..
تاليها يايمه ..صفا حدرج ..ومجابل شارعكم ..
وعايفنه ..بروحنه ..والعالم كلت وجهنا ..
انا اكلج ولدي ..مابصاحي ..
وانتي علته ..داوي يايمه ..داوي ..
وسكتت ..
ماعرفت شحجي ولا اكول شي ..
ماكو هيج حب...
لا بحلم ولا بواقع ..شفت مثله ..
ضليت ساكته وكلت الها ..خالة ..اني ..
اسفه والله بس ..اذاني هوايه ..
طب قائد ..
كعد ..اخ الله هيج انكسار بعيونه ماشفت عمري كله ..
موضعف ..منه ..لا انكسار بقوة..ضعف بحب ..
نضراته الي توجع ..
وكعد يمنه ..
كال يما عوفيها ترد لاهلها ..
ماريد شي منها من اليوم ..
روحي قمر ..مالي شغل بيج ..
انا ..غبي ..شليت روحي بيج ..شبيه من انعل يومي ..
شبيه ..ماكو غيرج روحي ..الدنيا متروسه نسوان ..
ماجدي منج عشك ياولو روحي ..
انا الي اكولها عساها ..بحياتج تطلع لوعه روحي ..
روحي نفسي وراج منا ليوم الدين ..
انذليت هواي نزلت روحي الج هواي ..
سلبتي راحتي ونومي وحياتي ..
كافي بعد من هلساعه مايهمني شي منج ..
ردت اكرهج حتى اعيش..وراح ابدي اكرهج ..منا وغاد ..
لو ماحابج ومعارفج ..اخ ..بس انتي مو كد عشك ..
حبج بس حجي ..
بس اباع عليه ماعرف شنو الي اكوله
كمت ..ماريد اسمع شي بعد تعبت كلش تعبت
.رحت بوست امه وكتلها خاله اني اسفه ..
بس قائد اذة نفسه مو اني اذيتة..
لزمت ايدي ..وطبطبت عليها ..
وطلعت ..من الباب ..
والكراج ..
وصلت لباب البرة .انداريت .شفت ..قائد واكف ..
انداريت عليه ..
باوعت ..فتحت الباب ..
ترددت روحي .حنيت اله ..ليش داسوي هيج اني ..
اني احبه ..ليش اخسرة ..
محد راح يخسر غيري ..
بهل الثواني صراع بيني وبين ..روحي ..
بين الي اروح اكوله احبك ..واريدك
وبين اكمل حياتي بدونه ..كافي منه قهر ..الي شفته ةيا مو قليل جان ..اذاني هوايه ..وداس عليه ..
رديت ..مشيت ..وصلت يمه ..
كتله غراضي .
جوة ..اريدهن ..
سوة حركه بلحكه مال استهزاء ..
وطب جوة جاب ..كتبي ..وانطاها الي ..
وكفت كباله كتله اسالك سؤال واريد جوابه ..
كولي ..
ليش نزعتني الحذاء ..وخليتني حافيه ..وخليتني بنص الشارع ماعرف وين اروح ماعرف حبك عقابه غريب .
باوع عليه ..
كال ..من حركه قلبي ..
صفنت عليه ..
مو شي مقنع هذا ..ليش وحذائي وينه ..
موجود هو. والفاف ..
يالفاف ..
روحي قمر ..ردي لاهلج دخيل ربج ..
روحي ..
وانا مسافر ..ماضل لي هنا مكان .اريد اصفي حساباتي واروح ..مارحع لهنا بعد وماتعرض الج ..وعد مني..
كتله
يعني هاي الوداعيه ...
اخ ياربي غير موقف هذا ..صعب ..
احس محتركه بنار واريد شي يبردني ..
.كال ماضن ..بيناتنه وداعيه قمر ..
اخذ حسرة ..وطلع بلطرمه ..
مد ايدة بجيبه وطلع جكاير ..وجر جكارة ودخن ..
كال ..
تعرفين شي قمر ..
نسدت باب المطبخ ..اندار ..
ورجع اخذ نفس جكارة ..
كال ...انتي كل شي عادي عندج ..ومشت حياتي ع حسابي ..بس انا وكفت هينه بعد ..
عادي تزوجين هذا الاطرم ..وتنامين يمه ..
وسهرين وياه الليل كله ..وحب وبلجوال ..
عادي ..اني مانام الليل كله ..
وتحجين وياي كلمتين ..وتحسسيني ..مسويه فضل وواجب عليه ..
تعرفين ليش ..لان انا صرت سهل بايدج ..
استاهل ياولو ..استاهل ..والله ..
انا رخصت روحي ..
ومستصغرة محبتي الج ..
سويتيني لعبه بايدج ..
نسيتي كل الزين مني وحطيتي بس الشين بعينج ..
انا اسف ..رخصت روحي ..واسف عرفتج وتسرعت بكل شي وياج ..
انا قائد .ماتعرفي منو قائد ..قمر ..مادنج راس لبشر ..وانتي كسرتي راسي ..
اصعب شي عشته ..الي وياج قمر ..
متحسين ولا راح تعرفين احساسي بيج شنو ..
مو حبيبه لا وحك هذا ..ابو خيمه الزركه يشهد ..
انتي بنيتي ..بنت قلبي وروحي ..
ربيتي وي روحي ..
وردت اخذ حك رباي ..سنه من عمري ..
راحن قمر انا والماكو سوة ..
بالله عليج ..هم شفتي زلمه منكم من يهزة الشوك ..
يعوف هلو .
ويطلع ..برة ويبجي ..
هم شفتي زلمه منكم ..يذكر اسم عشيكته ..
اكثر مايذكر صلاته ..
هم شفتي زلمه ..مثلي ذله العشك ..
اختنكت ..كباله يحجي ..
وكل حرف منه ..يطلع من روحه ..احسه ..
غفت الدنيا ..وجيت وياج ..
صعب ..اعيش بلايج ..انتي اكوة مني والله ..
الغلط مني يولو ..تعرفي ليش ..
بس اهز براسي ..
لان ماضكتي ..حركه قلبي ..
رحتي لغيري ..وسميتي حبيبي..
ضحك ..
منو كلك حبيته قائد ..
مروة ياقمر حتى كالت يتقرب الج ويبوس شفتج ..
هاي الشفه اليامه حلمت بيها ..واحسب يوم يوم ..
اضوك عسلها ..ماصفت الي ..
هذا حكي ردته منج ..
مابرر الج ..ليش سويت وحجيت ..
ماشفت شي بعيني بعد ..
من سمعت ..الي صار بينج وبينه ..
لاتكولي ليش ..طعنتني بشرفي ..ماكو غير شي ..
اسوي لزمته وكلت الة عوفها ..
ماقبل ..وثاني يوم شفته وياج ..
كلت بعد بيها ..ولازم اسحبه منج ..
ردتج بكل الطرق ..قمر ..ماكو فكر ..
اي ..قائد ..بعد ..
شبعد ياقمر كل كلمه كل لمسه بينكم ..انا اعرف بيها ..
وتردين اسكت .حركتي روحي حرك ..
ماتحمل ولا اكدر اتخيل ..الي بينكم ..
وعرفت ورة الامتحانات زواجكم ماضل شي ..
وهاي هية رحتي مني ..
ضحكت ..
هاي مروة هيج كالت الك ..
اي ..مروة ..صاحبتج ..
مصار شي بينه ..قائد ..
تدري مروة فضحتني بلمعهد ..
وكل شي بيني وبينك جانت توصله الك غلط ..
والله غلط وماكو شي صاير ..ولا راح يصير بسببك رضيت بميثم ..لا تبرر افعالك ..انت اناني متفكر بس بروحك ..
ماكلت شراح يصير بيه ..مكلت ..عحيب حبك ..
اكررها الف مرة حبك عجيب ..
اي بنضرج عجيب لان ماعشتي الي عشته ..
ولا حسيتي بي
..وسويت كل هذا ..من ورة مروة ..
ومفكرت بيه ابد ..
هوايه وصل ..عني شهرتني بلمعهد وكدام اخت ميثم .
صدك تحجين ..طبه مرض ميثم واخته ..
بس هيه الي شهرت علاقتنه مو ...
اي والله هذا الي صار ..
دباره يمي انا الها ..
كتله اني اروح ..تاخرت ..
مودع بالله ومحروس قائد ..
اسفه اذا اذيتك بدون قصد ..واسفه اذا جرحتك بيوم ..
اني مرة مابيدي شي ..اسوي ..وانت الي
زرعت بروحي خوف منك وكرهه قائد ..
وضيعت الحب بايدك..
يباع عليه ..
وعفته ومشيت ..
وطلعت من بيتهم ..عرفت هاي اخر مرة اشوفه بيها ..
وانتهت احلامي ويا وانتهى كل الي عشته ..
ماتوقع بعد الي صار يرجع ..
او اسمع منه شي بعد العتاب الطويل الي بينه ..
خلص ..
الحقد الي بداخلي بدة ..يخف ..
وصلت لبيتنه ..مسطورة ..
بين الف نار عايشة ..طبيت ..جوة ..
امي موجودة جانت ممداومه وخلص دوامهم ..
سلمت هاي شون جاوبتي
زينه ..ماما ..
خلصت الامتحانات .ومرت الايام ..
وصار ..موعد زواج عبدلله ..والتهينه ويا ..
بين تحضيرات..وبين هوسه العرس ..

حياتي كلها تغيريت بيد قائد ..ماعاد اكو فرح بيها ..
ولا اكو شي يشغلني ..بيها ولا اكو سعادة ..
بعد اخر لقاء .. الي صار ..قائد ..مشفته بعد ..
يمكن ..يوميه جنت اكوم ..ادور عليه بداخلي ..
كمت ..احس بفراغ ..وشوك اله ..
كمت اشوف الحياه بدونه فارغه رغم الي صار ..
بينه ..
ورغم الاذيه ..جان ..قائد شاغل حياتي وفكري ..
هسه موجود داخلي بس هو. ماكو..بلواقع
هل مرة صدك راح قائد بعد ..
بعد اخر كلام كاله وعتاب ..راح ..
ووفى بوعدة ..
يمكن من رحت من يمه عبالي مثل كل مرة راح يرحع ..
بس مارجع بعد ..
مرت الايام ..والاشهر ثكيله عليه ..كلش ..
كمت اتعايش ع فراكه ..
مرات اصفن اكول محد خسر غيري ..
وارجع واكول لا ..
خليته يرجع لبيته واهله وعائلته ..
امه متستاهل الي صار ..بينه..
ولا مرته تستاهل ..
خلي يرجع لعقلة ..هناك ..واصفن بي ..
ويروح فكري بكلامه وصلافته بحبه ..الي ..
وجرئته .احس تجربتي ويا خسرتني كل شي ..
صدك خسرت كل شي ..
خسرته وخسرت روحي وضحكتي ..ونفسي ..
بهاي الفترة انهار انخطبت ..
لنفس الولد ..الي كال الها ..وتغزل بشعرها ..
حبت بس ..حبت بعقل ..
واهلي من اول يوم قبلو بي ..
ازوج عبدلله ..وندى ..صارت اله ..
وانخطبت ..انهار ..
والاثنين ..فرحانين بحياتهم ..
اباع الحب بعيونهم وشوك وداخلي يمكن يحسدهم ..
ليش ماعشت مثلهم ..
حتى حبي بجنون جان ..حتى الي عشته .خرج من نطاق المقبول ..
مرت الايام .. ..ع بعد قائد ..
يمكن محد يصدك ..بهل الفترة مراح من بالي يوم ..
ولا فكري ..كل ما ..اكعد ..وحدي يتراوالي شكله ويمر ع بالي ..جنت اتمنى يكون بخير ..ماردت شي منه بعد ..
بدت السنه الدراسيه ..
وداومت ..وشايله ويايه هموم .سنه كامله اخذت روحي مني ..
بهاي الفترة الناس تعبت ..كلش ..الاوضاع الامنيه ..
تازمت وتعبت ..ارهاب وحرب شوارع ..طائفيه ..
انفجارات ..
الوضع مرعب جان ..
داومت ..بلمعهد ..
وعرفت ميثم ..خاطب ..بس معرفت منو ..
مروة بعدها بس ماعندي اي اتصال بيها .ولا كلام ..
وبقيت ..كل ما افوت بفرعهم احس روحي ..
ادور عليه ..بروحه والجيه ..وجان بابهم مسدود ..
ومابي اي حياه ...
السبب الاول والخير الي بعدني عن قائد ..
اخر كلمتين كالها ..وطعني بشرفي ..
حسيت ماكو امان ويا ..حسيت بلخوف ..
هناك ..واروح بلثواني الي عشتها بحضنه ..
وحسيت ..بلامان ..وكميه جبيرة من الحب ..
صعب اعيش..بين نارين بين اريدة..
وبين اخاف منه وماريد اذي بيته ..
كمت اعلم روحي ..ع بعدة ..ولازم اكمل ولازم اعيش ..
سالفتي انست بلمعهد ..
واكو قصص هوايه جانت اكبر منها ..
ومتنحجي ..وحدة منهم قصه مروة ..
مو نفس ذيج مروة الي ربيت وياها لا ..غيرها ..
بلبس وشعر وذهب ...وفلوس واخر موديل ..فون عدها ..
الف علامه استفهام عليها ..ومحد عرف منو وراها ....
مهتميت الها وركزت ع دراستي ..وبس ..
بهاي الفترة ..
دك بابي ..انسان لا ع البال ولا ع الحسبان..
امير ..اتقدم الي ...
امير ..الي جنت ادرس وياه ..
والي سبب الي مشاكل هم...بلصغر
بعد ما..كمل دراسته ..واشتغل وي والدة ..
وصارت ..الهم الدنيا ..
اجه خطبني ..
دز امه علينه ..ورادني ..
ونطلب مني جواب ..اقبل لو ارفض ..
بعتبار امير العريس المناسب ..الي ...
حيرة ..وتعب ..ونار ..بيه ..
هنيال كل عاشك ..نام الليل بحضن معشوكه ..

وللحكاية بقية ...

[لامارا]

تسأليني
ج 14
سوزان المندلاوي ..


امير ..
لا صعب اقبل ..بامير ..واني بعدني ماطبت ..من حب قائد ..
ماكو قرار بداخلي لاي احد ..
امي ..حجت ويايه ..شبي امير ليش متقبلين بي ..
ابن منطقتنه ..وخوش عالم ..وناس ميسورين ..
ماما ..لا امير ولا غيرة ماريد ازوج ..
هاي شنو بس انتي ..
مو شغله بس اني اريد اكمل معهد ..وادخل كليه ..
ياكليه ..بصخام وجهج ..هوة انتي معهد ولعبتي لعب هنوب كليه ..اصلا والله لو ما حجي العالم ابطلج ..
مكافي الي شفناه منج ..
مجاوبتها ..المهم مازوج لا امير ولا غيرة ..
يمكن جنت اتمنى ..يجي قائد يدك بابي من جديد ..
كمت اتمنى المح طيفه ..الي ..بشارع ..
حفضت ..بابهم ..والشارع حفظني ..
كد ماروح وارجع ..
كمت اتمنى اشم عطرة ..الي جان من بعيد يترس ..
ريتي ترس.. ..ماكو احد بقلبي بعد ..
رفضت امير ..وكتلهم اريد اكمل دراستي ..
والزواج اخر هم الي ..
يمكن الي ساعدني الوضع الامني الي جان ..
كلمن ..حاير بروحه ..
كملت الدراسه ..ع كد الدراسه ماعندي احد ..
عزلت نفسي عن الصديقات ..
ومروة جانت تتعمد ضوجني بحركات واسلوب ..
مروة طويله وشعرها كاريه ..سرح ..اسود ..
حنطيه عيونها كبار سود..
حلوة ..
جانت تتعمد ذب حجي الي يغثني وياذيني ..
ع قائد او ميثم ..
بس اغلس عنها واعوفها ..
والحبايب كثرو يمها ..بسبب الي عدها ..
الله اعلم مين واني اعرف اهلها ع كد حالهم ..
اهلي كلمن انشغل بروحه ..
عبدلله وي ندى ...
واختي وخطيبها .زواجها بلعطله ..
سجاد ..سافر لسوريا يشتغل بعد ماتخرج ..
الوضعيه تعبانه ..طلع لسوريا هوة واصدقائه
بس اني وامي وابويه ..بلبيت واحمد ..
عبدلله ومرته فوك بلغرفه ..
وكلمن حاير بهمه ..وروحه والحياه من صعب الى ..
اصعب ..لا بلبيت انأمن ع روحنه ولا طالعين .انأمن
طبعا بهاي الفترة
اشتريت ..فون ..وصرت عادي استخدمه لا بخوف ولا شي ..
بيوم الي رفضت امير ..ودزو خبر لاهله ..
بان قمر تريد تكمل وماكو قسمه ..بيناتهم ..

بليل جنت ..نايمه ..حسيت دك ..للفون ..
النوم بعيني ...فتحت تك عين ..جريته ..من جوة راسي
داشيله انسد ...
كمت ..شفت رقم غريب ..اباع ساعه 2كلت هاي،واحد..
غلطان ..لو من جماعه اريد اتعرف ..
رجعته جوة راسي ..وغطيت راسي ونمت ..
دك مرة ثانيه ..
جاوبت الو ..
سمعت صوت ..
وراها اشتغلت اغنيه ..
كمت ..كعدت ..اريد اسمع زين واصحصح ..
اريد اسمع ..منو ..هاي حركات. .قائد ..
كلبي وجعني ..هذا قائد اي قائد ..
الو قائد بس صوت الاغنيه عله ع صوتي ..
ولا اكدر اعلي صوتي ..
مكدرت اركز بشي ..
بس سمعت ..ع بختك ..تعذب روح
رضت بصفاك وغيومك ع بختك .تذبل جفون عيوني
الي شالن ..رسومك ..
اتاكدت هوة لان يحب اسماعيل الفروجي ..

قائد ..اسمعني ..قائد ..الو قائد
يمعود ..الو
سمعت صوت مخنوك ..
الحزن ماخذ من صوته العافيه ..
الو ..قمر ...
ي قمر ..
اني اسف ..اتصلت بيج ..بس ذكرتج بهاي الاغنيه ..
وحبيت تسمعيها اني اسف ..اترخص منج
اوكف ..
نعم ..
شلونك ..
من يم الله بخير ..
وانتي شلونج ..
برحمه الله..
سكت واني هم سكتت ..اختكنت الكلمات بصدورنه ..
كال ..اروح اني ..
اوك براحتك ..
ديري بالج ع روحج ..
اي ..انت هم ..
مع السلامه ..
الله وياك ..
سدة ..بقى الفون ع اذني ..عبالي يحجي غيرها ..
راح ..ذبيت الفون يمي ..
اكو اشتياق بداخلي يتعدة ..كل الحدود ..
بس. اخاف اتصل بي ..
صح احن اله واشتاك ..بس هسة يلا كدرت الم روحي ..
بعد ماضاعت ..وضعت اني وياها ..
جريت الفون ..دكيت ..قبل لا يدك سديته ..
وكررتها 3مرات ..
مترددة ..ومتحيرة ماعرف شنو الي اريدة ..
يلا المهم سمعت صوته ..
واطمأنيت هو. بخير ..
خليت راسي ع المخدة ..
اتصل ..بيه ..
كل رنه جانت ادك بروحي ..
جاوبت ..الو ..قمر شكو دكين وتفصلي ..
اني ..
ضحك ..لا هاي امي دك علي ..
ضحكت..كتله مشتاقه الك ..قائد ..
اخذ حسرة ..كال ..مرتاحه ..بدوني قمر ..
سكتت ..
اي ولا ..قائد ..
جيد ..
وانت ..مرتاح ..
اي كلش ..مرتاح انطيج من راحتي ..عايش قمر ..
ليش جنت ويايه ميت ....
قمر ..روحي خلصت من هلسوالف ..بعد صدك خلصت
اي حقك تخلص ..
انت وين ..قائد ..
مسافر ..
وين .اريد اعرف ..
وان عرفتي شراح يفرق ..
هيج ..
بعمان ..
اها انت واهلك مو كلهم ..
اي كلنه بس انا اروح وارد للعراق لان شغلي هناك ..
لعد ماشفتك ..بعد ..
ماجيت ولا وصلت من يوم الي صار ..
اي ..الله يسعدك بحياتك ويهنيك بيها ..
انتي شنو اخبارج ..
ماكو شي جديد بحياتي ..نجحت وداداوم ..
مبروك ع زواج اخوج وخطوبه اختج ونجاحج ..
مين تعرف ..انت ..
مو جنه جيران ماكو شي بعيد ..
اي ..شكرا الك ..عفو ..
كل هذا الحب والشوك واللهفه تحولت الى برود ..
ماعرف ليش متوقعت هذا كلامنه راح يصير ..
متوقعت .هيج ..
سكتنه ..
كتله ..اني اروح باجر ورايه دوام ..
كال ليش مقبلتي بامير ..
شنو ..
امير مو تقدم الج ليش مارضيتي بي ..
وانت شمعرفك بي قائد ..
اعرف كل شي ..تريدين اكولج انتي شلابسه اليوم ..
بلحضه حسيت ..بركان ونفجر ..
كتله قائد ..
عيونه ..
ابتسمت اي هذا هذا الي اريدة ..اريدك قائد تعبانه بدونك اني ..صعب اصبر بدونك .صعب عليه ..
كتله سلامت عيونك ..شيسموها هاي ..
شنو قمر هيج مجرد فضول ..وعرفت ..
مين عرفت ..شلك بهل سالفه
كال
والله مو سالفه
صدفه ..وكالو الي ..والولد اعرفه ..
كتله
اها بس الي وصل الك الخبر غلطان ..
ليش؟
لان اني مارفضته بس ..كتلهم افكر ..
خوش ..وشفكرتي ..
شتكول انت اقبل بي ..
اي ليش لا اقبلي بي ..خوش زلمه ..من اول يوم شفته كال انا اعرف قمر وتعجبني ..وقبل لا يخطبج شفته بسوريا وكال راح اخطبها ..لان تموت علي ..
هههههه اموت عليمن ..
ع هذا ابو راس غير ..عجل تموتين علي انا ..
قمر ..
صدك ..كلتي تفكرين وتردين خبر ..
صدك كال الك هيج ..امير ..
لا يابه ماكال شي بس كال ادرس وياها ..
بس انا عرفت ..بلتنعثل الي كالة ..وماهتميت اله انا اعرفج شنو قمر لوما اعرفج ماحارب حتى روحي ..
ايييي..
شنو اي قمر صدك رضيتي بي ..
واذا رضيت شسوي تسوي مثل ماسويت وي ميثم ..
سكت ..لا ...بس مايفيدج ..وعليمن مطيورة ع زواج ..
والله بكيفي ..
عجل يابه الكيف الج ..
لا قائد تريد الصدك ..
نعم ..
انت عقدتني بكل شي ..
هاي انا ..
اي انت ..عجل انا شنو صار بحياتي بسببج ..
مكافي بعد ..اسالج بالله البعد شحصلتي منه ..يولو انا الج وانتي الي ..عليمن هلعناد ..
كولي شحصلتي من البعد ..
ماحصلت شي بس خلصت منك ..
رحم الله والديج ..مو صوجج..
لا اكف ع كولتك ..
ماحصلت شي ..اريدك قائد ..
يعني شنو ..
يعني احبك ..وتعبت بدونك ..
بالله عليج ..صدك كلامج
اي والله ...اني احبك ..وانت اول انسان بحياتي صعب انساك رغم الي سويته بيه ..بقيت احبك .ولليوم شكلك ابالي وصوتك ..وكلامك ..
قمر ..دخيل ربج بهداوة وياي وحدة وحدة ..
يعني اذا اجي ..اخذج ..
وين تاخذني ..
لمكه هسة انتي شعليح بس كولي ..
اذا اجي ينطوج هلج ..
اي ..ينطون قائد ..واني موافقه بس يبقى شي واحد ..
مرتك شلون ..
اشششش..عوفي كل شي ..انا ممقصر وي اهلي ..
لا تحسبين ع شي ..
قمر ..انا باجر يمكم. .
قائد ..موهيج انطي صبر ..
ول يابه ياصبر ..حتى الصبر مل مني ..مكافي،فوك السنه ضاع من عمرنه جان هسه عدنه ايهم ..ويكمز فوك روسنه
انا باجر يمكم ..
ايهم ..منو ..؟
ابنه ..قمر ..
ههههه انت صدك تحجي ..
قائد ..بس اريد اكولك شي ..
كولي ياعمر قائد ..
انت الي سويته ..
قمر ..عوفي كل شي صار ..
انسي وخلينا انعيش ..اذا انضل صار ..وسويت ..
راح نرجع ليورة ومراح نتقدم بشي ..
سكتت ..
ماعرف ليش نسيت كل شي صار بينه ..
وردته الي ..ردت اعيش ويا هذا الانسان الي اختارة
كلبي ..ومخليت ..عقلي .يفكر بشي ..
بيومها للصبح احجي ويا ..
وثاني يوم قررت اول مرة اواجهه ..
اهلي بحبي اله ..
شفت امي ..كاعدة ..تخدر جاي رحت يمها ..
حضنتها وبوستها ..كلت الها ..ماما ..
اندارت عليه ..
خير ..يمه..
بست اديها ..كتلها ماما قائد راح يرجع يخطبني ..
وهل مرة اني موافقه بي ..
واريدة ..
سكتت كالت رجعنه لهذا المخبل ..
اي رجعنه هلمرة ماريد احد يوكف بوجهي وطريقي ..
يامي اني اختاريته ..وعوفو كل االنتائج الي ..
ان زين او لا ..
قمر هذا الموضوع وتر الي اعصابي ..
واذنه كلنه ..ابوج اخوانج ورجعتي عليه ..
ياعقل تفكرين بي انتي يامي ..
مو كلنه مزوح ..
ميخالف امي ..ميقصر ..
عاطت بي اووف وتالي ويا يعني ..
لا اول ولا تالي هلمرة ..مابيها خوف ..
اريدة اني ..
قمر روحي هسة ..روحي ..
للعصر نفتح الموضوع من جديد ..عبدلله وابويه نفس الكلام ..بس الي فرق وكفت ضدهم ومانطيت مجال ..
للضعف بداخلي ..شيريد يصير يضربون ..
تعلمت ..ماعرف عبدلله عاش وياية دور البطوله هوايه ..
تهجم عليه ..لزمه ابويه ..واني جنت .دايرة ظهري اريد انهزم ..منة ..اندفرت ع ضهري ووكعت بلكاع ..
من وكعت ..راسي راح ع حافه ..طبله ..
كزاز .صحت اخ ..ورفعت راسي ..
احس بس مي حار من وجههي ينزل ..
بدقيقه ..جروني وخلو عليه ..ثلج واني اصرخ ..
مافاد ..لا ثلج ولا شي ..
اخذوني للمستشفى الطريق كله امي وابويه ..
يحجون ع عبدلله وامي خاله ..ثلج ولازمه الجرح
خيطو الي راسي ..بوكتها 3خياطات صارت ..
وكلت وكعت من الدرج ..
بعد هاي ..محد حجى ع قائد شي ..
بقى راسي مخيط ..
وماكلت لقائد ع الي سواه عبدلله ..ويايه ..
جنت اتصل بي ..بيومها بليل اجه ..
وثاني يوم اتفقنه يجي ..
واني خليت كل شي بيد امي ..
بعد ماتراجع ..بحبه ..ولا اضعف ..وبعد عساهم ..
كسروني ..ابقى ويا..ماهمني شي ..
ورة يومين اجه قائد وحدة ..
واستقبلو اهلي ..
كعد بلهول ..
واني ورة الباب اسمع صوته ..
كال انا ..بعدني اريد المحروسه ..بنتكم ..ولليوم شاريها ..
وان طلع مني العيب الكم حق بكل شي اتسوو ..
بس لخاطر الله فكرو قبل كل شي ..
ابويه كال ..يابني سبق وكلت الك ..
ماعندي شي شخصي وياك رغم الي سويته ..
انت بس اسالك سؤال ..حتى تتراضى النفوس ..
لو اختك او بنتك واجاها ةاحد مثلك وسوة ..
الي سواه ترضى ..
اجتي وانهارحجت ويايه ..
انداريت عليها اسكتي بس خلي اسمع ..
ضلت ادردم ..رجعت راسي خفت لا يصير شي ..
كال قائد ع البركه نقرة سورة الفاتحه ..
اني كمت اكمز ..ورفعت ايدي
ابويه كال ..لا مو هيج جاي
بوحدك لا عمام ولا خوال ولا اي احد وياك ..
البنيه الك بس ..
الاصول هيج تكول ..
كله عمي الي تريدة يجرة الك ..
لا اترس الشارع ترس ..سيارات وزلم ..
غمضت عيوني ..كتله ربي ..فدواتك لا تصحيني ..
ويطلع حلم ..رجعت راسي ..
سمعت ..
ديسلم عليهم ..
رحت ركض بلمطبخ ..
ومديت راسي اريد اشوفه صار كومه مشايفته ..
شفت عبدلله رجعت ..وفتحت البردة بس عيوني ..
تبين شفته ..اي ..
الضحكه تارسه وجهها ..
صح ضعفان وتعبان ..
بس رادة الروح بي ..
طلع من الباب ..
اني انداريت وكعدت سمعت ابويه يصيح تعالو شيلو ..
الغراض رحت ركض اني وانهار ..
حتى نسمع ..
ابويه شافني كال اكعدي قمر ..
كعدت ..قمر ..ماوكفت بقسمتج وعسا الله مايخيب
ضنه بلولد ..بس اسمعي ..
كلمتين ..هذا اختيارج الج ..
مو يومين وتكولين ..ليش قبلتو ..
بقيت ساكته ..
ماحجيت شي ..
وكام من يمي ..
يعني قبلو بي واخيرا ..
رحت ..خابرته ..
جاوب ..ول يابة.اخ يالله ..حلالي ..راح تصيرين ..
شفتي ربج ..ماكطع ويانه شفتي ..ياعمري ..
من وكفتي وياي...وقسم بالله ماضرج بشعرة ..
قمر ..انتي بنت قلبي وروحي ياولو ادوس ع نفسي ..
ومادوس عليج ..لا تخافون مني ياعمي ..
خبالي راح من رضى ابوج ..
عجل لو ما عيب اهوس ابابكم ..وارمي ..
انطي صبر احاجيك ..
تغير صوته
خير..شكو ..شصار ..من طلعت ..
مصار شي ..
عليج الله ..
اي والله ..شبيك ..
داكولك بلخير عليك اني ..
بالله عليج شرد احاجيج هسة ..يابنت ..
طريتي ..كلبي حسبالي ..كلبو علي .
لا شبيك ..
قمر دحكي علي ..انا طالع للرمادي ..
اراضي عمامي ..خوش يابة ..
حتى اتفق وياهم واجيبهم ..
كتله
وشلونه الوضع مو تعبان ..
لا تخافي شبيج ..وان تعبان انا ابن ديرتها ..
لا تحسبين ع شي
من اصل ليغاد ..ادك عليج ..خلي جوالج يمج ..
خوش ..توصل بسلامه ..
قمر ..
احبج ..واليوم انا انولدت من جديد ..ربي
ماريد شي منك سويعه ..وحدة وي حلالي ..بس ..
ول يابه ..طاك كلبي عليج ..
ضحكت اني هم احبك..
يلا ياعمري ..اروح انا ..
قائد منو وياك ..بوحدي ليش ..
هيج داسال ..
خوش .
.حبي مع السلامه ..
مع السلامه ..

وللحكاية بقية. .

[لامارا]

تسأليني
ج 15
سوزان المندلاوي ....

سديته ..منه ..ورحت ..كعدت ..ع جربايتي ..
غمضت ..عيوني ..فرحانه ماريد فرحتي تروح ..
ولا اريد اصحى من الحلم الي داعيشة ..
هناك واجت ابالي شغلاته الي سواها ..
صح يمكن كلبي خاف دقايق بس رجعت ..
وكلت ..سوة هذا كله حتى اصير من نصيبه ..
بقيت افكر بي ..وبلي راح يصير وراها ..
كمت اتخيل روحي ..بلفستان الابيض..وهوة بلقاط ..
واتخيل لقائي ويا .ويكعدكبالي ..واسولف اله ع كل الي صار ...واطب واطلع ويا كدام اهلي بدون خوف ..بعد
وابتسم ..وداخلي فرحان ..واحمد الله واشكرة ..
دك فوني ..
اباع قائد ..
جاوبت ..
ها حبي ..دافكر بيك ..
هلو ..ههه انا هم افكر بيج يولو ..شتفكرين ..
اشكال والله ..
زين شين ..
الاثنين ..
لا تفكرين بشي ياعمري ..مراح يصير بس الخير .
قمر اكلج ..شي انتبهت عليه ..
شنو ..شو عبدلله ..ماسلم علي ..
هاا..والله ياقائد ..مقابل ع زواجنه..
خوش..انا اتفاهم وياهم ..خوما اذاج لو سوالج شي ..
لا ..ابد لا تفكر هيج ..
شكد وتوصل ..
بعد والله طريق ازدحام وامريكان ..
وهسة لزمني ازدحام والطريق سدو وننتظر رحمه الله ..
عبوة زارعين ..
يمه اسم الله ليش تخوفني ..
ضحك ..كال تخافين علي ..
ي طبعا اخاف عليك ..
من شوكت هاي ..
من زمان ..
عجل ماشفت منج بس وجع الكلب..
هاي اني ..صدك تحجي ..
والله ..
والي سويته بيه شنو ..
ضحك ..كال ..خبال ..الي سويتو ..وان ماصرتي الي ..
بعد اسوي ومااوكف ع حد ..وياج
تخوفني منك هيج ..
لا تخافين ..مني اذي روحي وماذيج ..
مبين ..
قمر ..يشهد الله علي ..مابنيتي اذيج ..بس مثل الفاقد ..شي ..ويريدة بكل الطرق الشرعيه ولا شرعيه ..
هيج صرت وياج ..ماكو بفكري شي بس
..
سكتت ..لان اذاني الي ومجان حاس المهم ماريد ..
اخرب حياتنه بلماضي ..
منفتح الطريق ..
لا ..
زين ..قائد ..ليش متخابرهم مو احسن شعدك رايح وقصف هناك..
قمور حبي ..عيب ..ابوج راد عمام مو مال اخابرهم ..
وسالفتي سالفه وي اعمامي ..
شكو قائد ..شنو ..
سالفه طويله يانضر عيني ..
اريد اسمعها ..منك ..
بعدين ..ادعي الله تفض ع خير ..
من اكلج خسرتيني كل شي ماتصدكين بيه يابنت العالم ..
؟اني شعليه ..
ول يابه ..اخ ..حقج ..ياقمر ..ماتعرفين شي ..فدوة الج الي راح والي جاي ..
قائد ..راح يضل بالي ..
يانضرها ..لاتحسبين لشي ..قائد كدها وكدود ..
لو اعرف ..ابيع حالي ومالي ..واوفي بوعدي ..
ياوعد ..شدتحجي انت ..
تعرفين شي ..
شنو ..قائد ..مدافتهم شي شنو الي صار ..
حبي ..مالج شغل ..
اهووو ..غير افتهم ..
ضحك ..تعرفين ..من حضنتج شحسيت ..قمر ..
ماكو ..شي يوصف احساسي ..غير ردت ابجي ..
والله ثم والله ثم والله ..لزمتني العبرة واختنكت بيج .
لزمت نار وثلج بين ايدي ..وحسيت كلبي نفض من مكانه من راسج ..صار عليه .
انتي بين ..حضني .يمكن ثواني ..بس حسيت شوك الدنيا كله بصدري ..صار ..ميت ..وعدل بلحضه ..
صدكي بالله بيدي اسوي كل شي ..
بس ماكدر ..مو ضعف مني بس ..حب ..
من تحاجيني ..اضل صافن..عليج ..وماهمي شي ..
ويمكن كلامج ..بلاخير افهمه ..
مرات اصفن ع روحي ..معقوله اكو هيج حب ..
معقوله انا..اوكع هلوكعه ..
وارجع اذكرج ..وارتاح ..واكول وعد الله هذا بحبي الها ..
الي ماضاك العشك لا يحسب نفسه عدل
قمر ..احبج ..حب تعدة ..حدود المعقول ..لا بعد ..
تساليني ليش ..
تساليني ليش احبج تساليني ..
الله مشتاقه لصوتك ..
ههه بس اخر مرة غنيت الي هاي الاغنيه ..
ضكت كتل ..يابو كتل ..
اخ ..لا تكولين هيج ..شوكت اخذج ..واخليج يمي ..
لو بيدي هسة بهل لحضه ..انتي مرتي ..
يولو تعبت ..بعدج عني تعبني ..
اريد ارتاح ..اريدج ياقمر ..
كل شي بيه يريدج ..
وحك الله...الي يتدنه الج بحجايه لا اطرو طر ..واحسب الله ماخلقو ..
اعذريني بسببي تاذيتي هواي..بس هذا الي ردته ..
تكونين الي ..وحدي وبس ..ردت حك تعبي ..وياج
قائد ومرتك ..شلون بيها ..
شبيها ..ام جراح ..لا تهمين الها ..
بس ...
كلامه جان ..صخر وع كلبي ..يمكن اني الي ضلمته ..
ومحسيت بي ..وماوكفت ويا ..

عوفي البس ..ضحك ..من البس مالتج ردينه ليورة ..الف سنه
نسد ..الفون ..
الو ..الو ..
ماكو ..رجعت دكيت عليه ..
ماكو ..
كلت يمكن رصيدة خلص....
خليت فوني ع الشحن وطلعت يم اهلي ..
جانو يحجون بموضوع قائد ..
الي فهمته ..ابويه مخابر ع عمي ..
وكرايبنه ومتفق وياهم ..
بعد يومين يجون ..
الظاهر متفقين وي قائد ..
عبدلله نفس وضعه كالب الخلقه عليه ..
بس مهتميت اله دام ..ابويه قبل ميهمني شي بعد ..
بقيت يمهم وبدينه نحضر بلعشا ..
والتهيت وياهم ..
جنت اروح وارجع اتصل بي ويطلع مغلق،..
بديت اقلق لان كال عبوة ناسفه ..
بديت اخاف ..
ضليت بحيرة ورايحه جايه اتصل بي ..
وادعي الله ماكو شي ..
هسة المن اخابر لو عليمن اتصل اوف ياربي شلون ..
بقيت ..الليل كله اروح وارجع بين عليه القلق ..
الي يسالني ماعرف شجاوب
مر الليل كله وقائد ماكو ..ويقيت اتصل عليه ..
هناك ..ودك ..يضل يدك..
مرة مرتين ..
جاوب ..بس صوت يكطع ..وكل شي مافهمت منه
رديت دكيت نفس الشي ..
دز رساله ..اني وصلت وشحني خلصان ..
والشبكه هنا زفت ..
يمكن دم مابقى بجسمي من الخوف ..
يعني مافكر بشي اني متت وهوة بس دز رساله ..
اخ ياربي ..
المهم هوة بخير ..
نمت بعد ماالتعب ..والتفكير اخذ مني ..حيل
ثاني يوم..اول ما كمت ..شفته داك عليه ..
دكيت عليه نفس الشي ..
ساعه مغلق ساعه يكطع ..
بقينه ع الرسائل ..
ومفتهمت شي منه ..ع الرسائل ..
خلص اليوم بين ..تحضيرات للكعدة ..
وبين ..تفكيري يم قائد .
ومدافتهم شنو يمه ..ولا شصار وي اعمامه ..
دزيت اله رسائل ..قائد ابويه دز ع اهلة ..
وباجر محضرين روحهم ..
مجاوب ولا يطلع الي تم التسليم ..
وضليت ادك عليه ماكو ..
هنا قائد ..اختفى من ساعه ..
2الظهر ..وراها بعد ماحصلته ..
ولا وصل شي اله ..
صار اليوم الموعود والكل محضر روحه بس اني ..
عايشه بقلق ..
اشتغلت بلبيت ..وكملت شغلي ..
وكمت سبحت وحضرت روحي ..
وبقى عيني ع الفون اكول بلكي اتصل ..
او دز رساله بس ماكو شي بين منه ..
صار العصر ..واجوي اهل ابويه ..
وابويه حضر روحه ..
وكعدو يسولفون ويحجون ..طبعا رقم قائد عند اهلي موجود من زمان ..
اجه احمد عليه كال قمر قائد ماكو ..
شنو يعني ..ماكو ..
ماعرف وابوج بدة يعصب هوة وعبدلله ..
لزمت ايدة لاحمد كتله احمد هديهم ..
فدوة الغايب عذرة ويا ..
اني اروح وارجع اتصل بي بس ماكو ابد ..
ماعرف وينه ..
اجه ابويه علينه احنه كاعدين بلمطبخ اني وامي ..وانهار ..
كال وينه ..قائد افندي ..
خزاني كبال العالم ..
اني بس اباع عليه ماعرق شنو الي اكوله ..
بس داخلي ..خايف ..من ردة فعل اهلي ..
كال اتفقنه ساعه اربعه عبرت ال 6..
وهوة ماكو ..ها شكلت الج ..ماخذتي حجايه ..
راح ارجع العالم ..وان فكيتي حلكج بكلمه ..ياقمر ..
لا ادفنج بمكانج ..
ماعرف شنو الي كاله الهم ورة مدة طلعو وبقينه بس احنه .
جوي كعدو يمي ..الولد ..
وبدت ..رحمه الله فوك راسي ..
عبدلله كال عرفتها من الاول اني هذا واحد كلاوجي وسوى هيج ديكسرنه علمود رفضناه ..
هاي الي ردتيها يخزينه كدام اهلنه ..
فوكاها يضرب بصدرة ويكول اني ..خسران الكم والي تريدو يصير ..وابوج خله عليه شرط ..
هي هي ..طفر ..هوة ..
اني بقيت ..بس اباع عليهم ..ماعرف شكول ولا شحجي ..
والموقف الي بي اني مانحسد عليه ابد ..
اهلي اكلو راسي ..
كلت الهم الغايب عذرة ويا ..وهو. اهله مو منا كلنه نعرف ..
والمنطقه الي بيها هوة تخوف ..
عاط عليه عبدلله هم الج لسان وتحجين انتي ..
ولج شنو من بشر انتي ...
ابويه سكته ..اسكت وكافي ..خلي نفتهم ..دكلي عليه ..
شنو ادك عليه ..بابا لا مدك عليه ..
مالك دخل انت ..خلي نفتهم ليش نتسرع احنه ..
عبدلله اهنا ثار .وضل يعيط وحجي ماله معنى ابد ..
ابويه ..ضل يحجي عليه ..
والي فهمته من كلامهم .ابويه شارط ع قائد مهر غالي ..
اني هنا اتخبلت شنو اني سلعه ويردون يبيعوني ..
ماكو ضمان بلفلوس عمر الفلوس مجانت ضمان ع شي ..
شكد اريد احجي لو اسوي مراح يفرق شي وياهم ..
ابويه ساعه يكول ..امور دنيا هاي واذا صدك عمامه مناك ..
يجيبهم لازم ..ننتظر ونفتهم منه ..
وهناك ويكول لا هذا واحد جذاب وسوة كل هذا حتى ..
يكسر خشمنه ..يكول انتو انطتوها ..واني عفتها ..
اروح وارجع اتصل بي ..
ماكو ..
عفتهم وطبيت ..لغرفتي ..ماعرف شنو الي اسوي ..
ولا شراح يصير معقوله كل هذا جان ..
يريد يذلنه مثل مانذل هوى ..
معقوله .هيج قائد يسوي ويايه ويكسرني كدام اهلي ..
هناك وافكر بس واكول لا خاف صار عليه شي ..
وكلبي يوجعني عليه ..
حركت الفون عليه وبقى مغلق ..
اجتي امي يمي ..
طبت وسدت الباب ..
كعدت ..
كالت قمر ..عدج اتصال بي انتي ..
اي ماما ..
وينه لعد ..يامسعدة ..
ماعرف يامي خاف صار عليه شي ..
كامت تصفك باديها وطم بيه امداج ..اي والله ..
هذا الي لسانج شطوله علينه ..
هذا الي تحملتي كتل زمال عليه ..
من امداج وامدة البطن الي شالتج ..
ولج راح كسرج وراح ..
هذا الي مثله ياخذج ويذبج علينه ..
يكول بنتكم مو بنت بيت ..
مبين عليه ملعب ..مو ادمي ..
امداج ولج 4ولد خلفت محد بيهم سوة بية عله غيرج ..
ابوج نخب كلبي نخب ..
ماما مكانهم خطر يجوز صار حضر شي ..
ليش هيج تحجون عليه انطو صبر ..
كالت عساه مات وخلصنه منه ..
مو نفسه اجه ع اخوج كال ..طالع وطاب وياها ..
هذا ماعندة شرف امداج ..
اخ ياربي شسوي ..اني شنو بيدي ..
لو عليه اروح للرمادي مشي واشوفه وين ..
ليش هيج يسوي ويايه معقوله صار عليه شي ..
وين اختفى مواتفق وي اهلي ..
وابويه كله خليها ع اسبوع الجاي ..
وقائد كايل اله لا عمي يومين ويمكم احنه ..
ماما فدوة ابوس ايدح ورجلج هدي ابويه ..
الغايب عذرة ويا فدوة يامي ..
اوكفي ويايه ..
كامت من كبالي شوكف متكوليلي سويتي ..
ركابنه بكد السمسمه ..
فوكاها ابوج دك عليه مغلق ..
ارتاحي قمروتصفك بايدها ..
مينطوح اله ..لو تطلع مزرعه براسج مو نخله ..
وطلعت وسدت الباب ..
بقيت مثل المخبله ياربي شلون ..
وينك .قائد معقوله هيج ..
هناك واذكر شون نطة بشرفي كدام الغريب ..
واكول لا ميسويها .وحدة بوحدة لا بي شي ..
ميروح هلكد ولا يختفي ..
معقوله يجي منا لعمان علمود يدك هيج..
دكه بيه ..
ميخالف خلي ..بس وينه ..
المهم هو. بخير ماريد احكم من هسه عليه ..
ماريد ..اشيل غيبته ..
دزيت ع احمد اجه يمي ..
كتله احمد فدوة
حلها من يمك انت ..احمد قائد ميعوفني والله اكو شي جبير منعه عني ..
بقى ساكت كال موقف اليوم ونجمع المواقف الي. راحت
جنها رد اعتبار اله
ياقمر والله افضل تعوفي وطلعي من بالج ..
كافي قمر متكوليلي..شبيج ..
بقيت ساكته شكوله اكوله احبه اخاف لا يضربني ..
سكتت .كال ماعرف الا يجي بعذر ويسكت حلك ابوج وعبدلله ..ماعرف ياقمر مابيدي شي اني..
كرهت هلموضوع ..كرهت البيت وكرهت عبدلله ..
والله افكر اطلع يم سجاد ..طفرت روحي ..
شبيك احمد ..
مابيه قمر ..ومابيدي شي غير بس احجي وياهم

بقيت ساكته لا انت بيدك شي ولا اني بيدي شي ..
عشت بنار ..عفيه هيج حب ..دمار ..
هيج علاقه عذاب ..
دمرت كل شي. .مين مانطلع لازم ينسد بوجهنا باب ..
مين منروح لازم ..يصير شي ..
شلون ياللهي انت حلها ياربي ..
مابيه بعد صبر ولا اكدر اتحمل بعد ..
ولا اسمع حجي اهلي عليه ..
بليل .سمعنه حضر تجوال ع الرمادي ..
وعالكه قصف ..بين المقاومه وبين الامريكان. .
اني بس سمعت كمت ..احجي شوفو هذا الي اخرة..
هذا الي خلاه ميجي ..
انتو راسا ..حكمتو عليه ..
واكيد بهيج وضع اتصالات تنكطع ..
احنه هنا مفخخه..طك بلكرخ الرصافه شبكه تروح بيها ..
سكتو ومحد حجة ويايه شي ..
ابويه كال الغايب عذرة ويا ننتظر منا كم يوم
ونشوف تاليها ..
عبدلله كال..هاي شبيك يابه..اذا هوة ميطلع من المقاومه والثوار .متشوفه صلف وجسر وميخاف .وراح يطببنه بمشاكل مراح نطلع منها منا لسنه ..
وكول كال..عبدلله ..
ابويه كله شلك بيها هاي ..
مو اهله جيرانه ..
اي وينهم اهله ..كلهم طفرو ..
..كال وهاي الرعنه تريد نركض وراه للرمادي ..
شوف شراح يصير بس تنطيها لهذا ..
خاف عباله بعدنه .بزمنهم والدنيا الهم لا هسة كل شي اختلف .وصارت كلمن اله ..
دخلي يجي واني حسابي ويا مرتب ..
صارت مشادة كلامية بين عبدلله وابويه ..
وانختمت بعبدلله يصعد فوك ..
مرات اصفن اكول ليش هلكد يكرهني ليش ..
ندى وزوجها ليش هيج يسوي ويايه ..
اوف ياللهي ليش هيج بس ويايه ..
ليش ..معقوله صار بي شي ..
ياربي ..ماريد شي منك بس ترجعه سالم ..
واني خليني ..ويا اهلي وين متريد توصل خلي ..
توصل ..تعبت والله تعبت ...
ماعرف وين انطي وجهي واولي ..
مر يوم يومين ..نفس الحال..
لا قائد بين ولا اجه منه اتصال ..
واهلي اكلو قلب قلبي ..موتوني ..بلوم ..
والحجي ..
ورة يومين ..دك عليه قائد ..من شفت اسمه ..
حسيت ..بغضب شي مو طبيعي ..
وايدي ضلت ترجف اريد الزم الفون ماكدر كوةة..جاوبت ..
بس الصوت كل شي ما ينفهم منه ..
شبيت نار اكثر ..
ونكطع ..وضل يتصل ويكطع ..
اجاوب ..وصوت مو واضح ..
قائد اسمعني انت بخير مابيك شي ..
كال قمر سمعيني ..
الو الو قمر ..
ماكدر اجي ..قمر ..
ونسد ..

وللحكاية بقية ..

[لامارا]

تسأليني
ج 16
سوزان المندلاوي

شنو ماكدر اجي ..عزة بعيني ي والله ..صدك انكلب عزة ..عليه .من يوم الي راح ..
معقوله ..سواها صدك ..ودك بي دكه الناقصه ..
وراح يعوفني ..
لا قائد ميسويها ..
اوف ياربي شلون ..
رجعت دكيت عليه نفس الشي ..الاتصال ضعيف ..
كل دقيقه تمر احس بيها داموت ..بيها ..
ومحد ديحس بيه ..دومه هيج ..يسوي شي وميسال شراح يصير عليه ..ولا توابعها ..
بصفي جان ..كلاص مي ..
شلته وشمرته ..انهارت اعصابي
اني شجابرني اتحمل ..
شنو ديلعب عليه .
.طبت انهار شبيج ..قمر بلا اخبال
ياقمر متكوليلي ..المفروض اسمي قهر ..ولح ياقمر ..
هذا ميجي ..كال ماكدر اجي ..
خرب بحظي ولح شو بس عليه هيج ..الدنيا عوجه ..
وين راح ..فهميني ..
ااني لو اعرف وين راح ارتاح ..
فهميني ..
قمر شبيج استهدي برحمانج لا سوين هيجي لا عبدلله يجي عليج لو تسمع مرته وتكوله ..ويحركج
كتلها عوفيني بحالي رحمه لاهلج ..
خلي يموتوني واخلص هذا شعمر راح يخلص عليه ..
طلعت روحي والله ..
انع ابو هيج حب وصلني للجنون ..
عفيه عوفيني ..
جريت الفون ..وكعدت ..كتبت ..رساله ..

لاتجي ..وبعد ماريد تجي ولا تفكر توصل حد بابنه ..
اخذ زبال ولا اخذك خلصت وياك ..
دومك تجفص ...وتوكع براسي ومتحس بيه ..
مشكور ع دكتك ماقصرت ..
اذا مو كد حجايتك ليش تحجيها ..
رفعت راسك ..وطمست راسي بلطين ..

دزيت ارسال ..
ماعرف وصلت لا ..عفت الفون وطلعت ..
رحت للحمام ..سديت الباب عليه ..
وغصيت بجي ..
بحجه اسبج اطلع قهري بلبجي ..
طلعت عيوني وارمات ..
صارت بوحهي امي ..كالت شبيج ..
مابيه ..شي
شوفي عينج ..
شبيها طاب بيها صابون ..
اي مبين ..
ماما شكو ..بس كولي شبيكم ويايه ..
مصدكتو ..صار بيه هيج ..
ولج ضبي لسانج ..وسكتي فوكاها تحجي ..
عفتها ورحت للغرفه ..
صاحت ..كومي ..عزلي الييت ..يلا ..خطيب اختج جاي يمنه ..
جايه ..بس ابدل وانشف شعري ..
امي عقابها اغرب من الخيال من ضوج ذب علينه شغل ..
طبيت ..نشفت شعري ..ولميته وطلعت ..
رحت يم الفون ..
شفت مكالمات ورسائل ..
جريته فتحتهن ..
قمر شبيج .لا تكفرينه .ترة الوضعيه عالكه ..والطك فوك
***جزء من النص مفقود ****
وداك عليه اكثر من مرة
انعل ابو هيج حب ..هذا عذاب بعذاب بقهر ..
كرهت كل شي اسمه حب كرهت روحي ..
ضاع كل شي ..حتى بلحضات الفرح اتنغص ..
مو حياه هاي ..
طلعت من الغرفه ..
رحت ..جريت السطلة مال مسح بدون كلام ..وطلعت حركه كلبي بشغل
وبديت بلبيت مو وكت شغل بس هذا هوة هذا عقابي ..
للعصر ..اجه خطيب اختي .
ضلو كاعد يمنه ..
بقيت وحدي بلبيت ..ندى .يم رجلها فوك ..
هاي ولا عبالك بنت خالتنه وجنه 24ساعه فوك ..
حتى سلام كوة تسلم ..ومن تشوف ..عبدلله هيج ويايه ..تزيد هيه من يمها ..وسمعني حجي
بس اغلس مجبورة تعبت من المشاكل روحي طلعت ياللهي ..
حتى دوام مداداوم مالي واهس شي ..
البيت بس ضيم ع راسي ..
مو حب هذا انتقام ..
كملت شغلي ..ورجعت غسلت ..
ماريد اطب للغرفه حتى لا اشوف ..رسائله واتصاله ..
واكيد راح يبرر بشي ..ع الاقل خابر اهلي كلهم ..
بري ساحتي مو تعوف القهر عليه كله وتروح ..
رحت لغرفتي ..
مددت ...غمضت عيوني ..
كتله ربي امنيه وحقها الي ..اريدة ..ابو بيتي يصير ..
احفظه من كل مكروه ..
اخ يانار تشعل بيه ..من كل جهه نار عليه ..
منا اهلي وهوة..وفراكه ..ودوامي .
طبت انهار كالت كومي ..قمورة ..بسرعه كومي
اني بكلمتها نفض كلبي ..
كلت قائد بلباب ..
كمت شكو ..
كالت امشي طلعي ويانه ..
وين اطلع ..
شبيج ..اني وانتي ..وليث ..خطبيها ..
لا ماجي شعندي جايه ..وتعبانه توني كملت البيت ..
حبابه دكومي ويايه ..وكفت كبال المرايه تعدل بروحها ..
انهار ماجي انتي روحي ..
فدوة ميقبلون ..الا وانتي ويانه
دمشي ليث يريد يحجي وياج ..
انهار ..وضعيه زفت وين نولي ..
لا شبيج اكو مطاعم مفتوحه وبعد وكت ..هسة ..
باجر اداوم ..وخياط راسي بعدة ..ماروح..
ضلت تلح ويايه ..تاليها قبلت ..
وبدلت وطلعت ..وياهم ..
افترينه بسيارة ..وانهار نزلت بمحل اخذت كم شغله ..
للتجهيز واني وياهم ..بس لا حجيت ولا شي .
ساكته وحايرة بروحي والي ديصير بيه ..
ليش مداعيش مثلهم ليش ..
ليش مواني وقائد ..هيج نطلع ونروح ونجي ..
هاي اولها هيج وياه تاليها شلون ياربي ..
كملت ورحنه بمطعم ..كعدنه ..
نزلو اكل .حتى ماطلبت شي
شتريدين ..
بكيفكم ..
ليث كال قمر ..اربد احجي وياج بموضوع بس لا تتحسسين منه ..وافتهمي كلامي ..
اني وانهار حبينه ..بعض ..بس مسوينه الي سويتو انتو ..
حتى من اول مرة جيت خطبت وافقو مع العلم امكانيه قائد احسن مني ..واني بعدني ادرس ..
اي ..
راح اطب بلموضوع ..ليش متعوفي ..ترة صار شي متعب للكل ..مو بس انتي امج ابوج اخوانج فكري بيها ..
وين راح توصلين ..ويا
نفرض ماجه ..؟شسوين ..
ماسوي شي ..
خوش ..نكول عندة عذر وصح الغربيه عالكه وابوج اتفهم ..
هسة جنت احجي ويا ..واتقبل كلامي ..
صدك ..قنع ..
اي ..اني ميهمني ابوج المهم قناعتج ..هذا عمر قمر مز يوم ويومين ..زواج هذا مابي لعب ..
افتهمك ..والله ..
زين انتي شناقصج وتاخذين مزوج ..
ليث مابيها ناقصني شي ..واذا مزوج ..
ضحك ..كال شكد عمرج ..قمر ..
كتله طبيت 18.
مو جاهله ..يعني ..
تتوقعين حياتج ويا سهله راح تصير..قمر ..
مزوج وعندة اطفال ..شكد عندة ..
2بنيه وولد ..
ومرته شنو رأيها بلموضوع ..
ماعرف ..
ضحك ..
انهار كالت ليث لا تعبك روحك وياها ميفيد تعبنه .
كال لا اتعب انتو عائلتي ..
قمر ..الحب يبقى حب ..لحد مايوصل للكرامه ميبقى حب ..
الي فهمته ..شهرج كدام اهلج من رفضو وين الحب بلموضوع الف طريق ولا يمس سمعه ..بنيه ..
صح لو لا ؟
سكتت كلت بكلبي ماخفي كان اعظم ..
مجاوبت ولا راح اعرف اجاوب ..
ضل يحجي ويقنعني ..هوة ميفيدج ..
الكل ضدنه وموقفه هذا ..حرك كلشي ..
حتى الطلعه طلعت زقنبوت عليه ..
لا دمع بلعين يوفي ولا الكلام ..يفيد ..بقيت كل شي وخليت الايام بيناتنه تحكم ..
دك فوني ..جريته شفت ..رقم غريب ..
عفته ..ورجعته ..مجاوبت ..
كتلهم عفيه خلي نرجع ..بدت تظلم الدنيا ..
بهاي الفترة ..اكثر الناس ورة المغرب ببيوتها ولا تطلع ولا طب بعد ..لان الوضعيه تعبانه ..
وصلنه للبيت طبيت ..
انهار طلعت الغراض لامي وكعدت تشوفها شلون ..اشترت وهيج ..
مرات اكو احساس يخنك ..مو غيرة لا ..
بس ليش بس اني عكست ويايه..
ماريد منه غراض ولا اريد اطلع ولا طب ..
اريد اخلي راسي ع صدرة وارتاح ..
اريد احس بلامان .
عفتهم وطبيت ..بغرفتي ..بدلت ..هدومي ..
وطلعت الفون شفت اكثر من اتصل ..
ورساله فتحتها ..اني قائد ليش مجاوبين ..
اريد ادك امي ..طبت ..كالت ..
ابو كمرة ..اليوم قائد اتصل ..
اي ..
شنو اي تعذر من ابوج ..وكله بس اوصل بغداد ..
اجي عالكه يمهم ..
ماما فهميني شنو يعني ..
ماما يعني ..مكدر يجي ..
كعدت يمي ..كالت قمر ..خايفه اني ..
انداريت عليها ليش خايفه ..
ماعرف ..هيج ملحه محلوة ..
كولي يالله يامي ..وابويه شكال ..
كالت كال ..يجي ونشوف عذرة شنو ..
الله كريم بس اريدها تكوم حتى افتهم شنو الي صار ..
بعد حجي هوايه كامت من يمي ..
طبت انهار ..ونفتح غير موضوع ..
فوك الساعه واني احس روحي ..بلفون ..
بس اريد اتصل وافهم منه شصار ..
دكيت .علية ..ماكو ..اكثر من مرة ماكو ..
ضليت حايرة شنو السالفه ..ياربي ..
طب عليه احمد ..كال ابو كمرة سويلي عشا واكع من الجوع ..كمت ..وراه ..
ورحت احضر اكل ..وبالي وفكري يمه اريد افتهم شصار ..
كملت عشاه ..وكعد ياكل ..
كلي سمعت قائد مخابر ..
كتلة يكولون ..
اي شصار .؟
ماعرف ..حمادة ..
منو كلك ..
امي كالت ..
اكولك عبدلله ماكواليوم ..
كال رايح بيت خالتج ..وهناك يبات ..
هاا شعجب ..
والله ماعرف ..
يلا حمد تحتاج شي بعد ..
كال ابقي راح اخابر سجاد ..ونسولف ..
كتله مصدعه واريد انام ..
سلملي عليه البارحه جنت احجي ويا .ولزمني محاظرة شطولها ..
ضحك كال الله يعينج ..
طلعت من المطبخ شفت امي وابويه بلهول ..
وانهار يمهم ..
عبرتهم ..ورحت للغرفه ..
شفت داك الرقم ..
رجعت دكيت ..
دك ..جاوب..الو ..
الو ..
نعم تفضلو ..
هذا مو قائد ..عزة منو ..
كتله منو ..
كال منو حضرتج اختي ..
كتله مو فون قائد هذا ..
كال لا غلطانه ..اختي ..
بقيت ساكته ..كتله منك اتصل عليه ..
كال هااا اختي اني سايق وجان مسافر ويانه ...
واتصل من جوالي ..
كتله وين وصلته ..بغداد ..
لا مو بغداد ..للاردن .شنو ..
طوط طوط ..نكطع ..
رجعت دكيت العابه كامت تحجي ..رصيدي صفر ..
فوك القهر ..نار كبت بيه ..ماعرف شسوي تهسترت ..
لو بيدي ..اطير واوصل يمه ..
رجع لعمان هذا شديسوي ..
هنا كلت اكيد ديسوي هيج ..
حتى مرة ومرتين يتقدم الي ..واهلي يحضرون
روحهم ..ويعوفوني ..
يرد كرامته ع حساب حياتي ..
اني ..بعلاقتي ويا ..
اكثر من سنه .اني ناسيه طعم النوم ..
وناسيه طعم الراحه ..
يمكن الليل منمت منه شي .كل شويه افز واجر الفون
اشوف داك علية لو لا ..
حسيت بلاربعه ..يدك الفون ..
كمت فازة ..جاوبت ..
الو ..
الو ..
قائد ..
اي قائد ..لعد منو ..
..ليش هيج تسوي انت متخاف من الله عساها راجعه عليك ..كل قهر بيه انت تريد تموتني ..
اكفي اسمعي .
ماسمع منك شي ..وحرامات اسمع وانت كاضيها تفرفر ومتفكىر بيه شراح يصير ..
هاي دكتك مال نواقيص هاي دكه ..ناس ماعدها غيرة .
ومتخاف من الله .
جاوبني بعصبيه .
قمر لا ضلين تنعثلين بلحجي ..
انجبي قمر واسكتي ..
ماسكت ومانجب ..
شنو الي اخرك هلكد وتاليها حضرتك بعمان ..
وعايفني ..مو صوجك صوجي اني ..
الي ..اصدك بيك ..لو متكدر ع فراك مرتك ..
عاط بيه ..لا تكفرينه بتوالي الليل ..
خرب باهلج ..
وانعل ابو ..ماكل وحل من وراج ..
وانتي انهديتي بيه ..انطي عطوة كلام
ولج انتي شنو ماعدج احساس بشي ..بس نفسج
صوته عالي اول مرة يحجي وياية بهيج اسلوب ..
بقيت ساكته ..
انتي شايفه نفسج عليه ..
انتي منو قمر ..منو
اني الي كبرت راسج بحبي الج ..
الف مرة اكول لاتوصليني لمرحله ..ابدي اكرهج ..وامل منج ..
شنو بس انتي مرة ..كافي لا تتعدين حدودج ويايه ..

قائد ..
انعل عشيرتو لقائد ..
يمه شبي ويايه اريد احجي ماكدر..
كافي ..شسويتي انتي ..كولي ..شقدمتي الي ..احجي ..
بس اذيتج ع راسي ..وكل هذا تتهميني ..
انا ..يم عمامي الطك فوك راسي ..من الصبح لليل ..
وحاير احضر مهرج ..وحاير بيج ..وخايف عليج ..
يامهر شدتحجي ..
ولا يجاوب مستمر ..يححي واعصاب نار ..
كمل كلامه ..
كل هذا واكول هينه ..انا احبها
مستعد ابيع روحي لاجلها ..
تاليه دزين حجي ماتعرفين ..معناه ..
انا الزبال احسن مني لو انا اريد ادك بيج
دكه شينه ..عجل ..يابه انا مواجهه الموت لاجل منو ..
احجي ..كولي ..
قائد ..
لا تكولين قائد ..الف فرصه كدامي ..اسوي كل شي ..
ماسويت شي ..لان احبج واخاف عليج ..مو ناقص غيرة انا
عمامي تكاونو وياي ..وطلعت منهم ..طلعه كشرة وسودة
وغصب عنهم بعت كاع بنص قيمتها ..نص الطك وانا ادور دلال حتى ابيع ..واجيب مهرج ..
منو الي ميستاهل منو احجي ..
اني ..صدك انخرست ..
واجهت الموت ماكدر ارد لبغداد ...والطريق مكطوع وكله اعتقالات وموت ..كل هذا والف حسبه ابالي عليج
تاليها تكولين ..دكتك ناقصه ..لو مورجال
طلعت من الرمادي لعمان ..
ع طريق الموت تعرفي لو لا.طريق 160 ..
كله ..سلابه وذباحه ..وسيطرات وهميه
لان طريق بغداد مسدود وعبرت للاردن ..وممناك ارد ..
لبغداد ..وخابرت ابوج بس حصلت ..شبكه
قائد اهدة دخيل الله اسمعني ..
مفتهم غلط ..اسمع ..
ماسمعج ..شسويتي انتي غير بعتيني ..
بهاي الفترة ..وطلعتيني موخوش ادمي ..
بدة صوته يهدة ..
كافي قمر كافي .رحمه لهلج .تعبتيني ..ليش هيج جزاتي وياج ..يعني الي يحب هيج ..
الف مرة اكول اكفي وياي لا ضدي ..
ردتج حزام مو سجينه ..
اخ يابه ..هديتي حيلي ..راسي راح يطك ..
من طريق والتعب واتتي فوكاهم ..
قائد ..اسمعني ..
روحي قمر ..
قائد
كال
عساه مات قائد ..وخلص .
روحي ..قمر..
اسمعني ..قائد ..بس افتهم مني ..
مافهم شي اكثر من سنه وانا ..عاذرج ..
بس انا بحلك الموت وانتي تهدين علي ..
روحي
يعني شنو ..
كال انا لخاطر ..الشوارب الي وعدتهم ..اجي .راح اجي .
لان قائد كد حجايته ...وميخاف ..من شي قمر ..
اجيج ..لخاطر زلمكم ..
الله وياج قمر ..
وسدة ..
وللحكاية بقية ..

[لامارا]

تساليني
ج 17
سوزان المندلاوي

سدة ..ضليت اباع ع الفون ..مثل ..الي داخل جلسه كهرباء ..وطلع.كمت اضحك ..كلت هذا شبي نهد بيه ..
هناك ..وكعدت ..صفنت كمت ابجي ..
ساعه اضحك وساعه ابجي ..
اول مرة يسمعني هيج ..كلام ..اني مو قصدي اذي ..
بلحجي .بس اهلي اكلو كلبي ..
يعني قبل مايتصل عبدلله يكول ..الا اكعدة عشائريا ..
اذا ..مااجه بحجه مقنعه ماكو هيج شي ..
لو ابويه لو اخويه لو امي فوك راسي ..
شريد اني اصير وشريد اتحمل ..
دكيت علية ..ميجاوب .مرة مرتين ..
كمت ..بعد حتى الفجر طلع واني كاعدة ..
طلعت ..برة كلها نايمه ..
اباع ساعه 5ونص ..الفجر ..
فتحت شباك ..المطبخ وشتميت هوى ..الفجر ..
شكد طيب ..وشكد ريحته ترد الروح ..
والعصافير تغرد ..
ولون السما يخبل ..
كتله ربي خجلانه منك من ملحتي بلدعاء ..
اريدة ..ياللهي ..ماكو شي ابالي غيرة ..
ولا امنيه ..بس هوة هدي قلبة عليه ..
اخذت تنهيدة ..بس الله الي يعلم ..شتخفي ..
وسديت الشباك وحضرت ..الريوك ..
ورحت حضرت هدومي ..
خياط راسي بعدة استحي اداوم هيج ..
بس غياباتي كثرت هوايه .ومابيه حيل..
يفصلوني ..
بدلت ..وكملت ..كعد ابويه ..حسيت بي يغسل ويكح ..
فتت من يمه ..
كال ها بابا شعجب كاعدة
كتله صباح الخير ..شبعت نوم ..
ضحك صباح النور..
كتله تعال نتريك ..
تريكنه..اني وياه ..وامي هم ..كعدت ..
وكملت ..وانتظرت الوكت يمشي حتى اطلع للدوام ..
طبيت غرفتي ..رحت ع الفون ..
اباع بي ماكو ممتصل بيه ولا اكدر اخذة وياه مرات يسون تفتيش علينه بلمعهد وياخذوهم ..
غلقته وضميته بلكنتور ..جوةالملابس ..
ووكفت كبال المرايه ..عدلت روحي .وطلعت ..
سلمت ع اهلي وطلعت من البيت ..
مشيت وصلت لشارعهم ..
هيج تراوالي واكف وموكف الجلب بصفه ..ويبتسم ..
الي ..ضليت اباع ع بابهم ..
لحد ..ماحسيت نفسي ..وكعت ..
بنص الشارع ..ع ركبي ..
اباع يمنة يسرة ماكو ..احد ..
كمت عدلت ..هدومي ..ماعرف اضحك ماعرف ابجي ..
لحد كال اسم الله ولا احد كال يابنت.ولا يولو ..
كمت انفض بهدومي ..رفعت التنورة ..
ركبي مخرمشه ..
عدلت روحي وكملت مشي ..الطريق كله ..
امشي ..واضحك ..ع عقلي ..
والله راح يخبلني هلرجال ..
وصلت ..وعبرت الصبات ..
وصعدت بسيارة ..وداومت ..ورحت ع المعاونه كلت الها وكعت ..من الدرج وشوفتها راسي مخيط ..ورحلي ..
جان تكولي ..قمر غير يجون اهلج يقدمون اجازة مرضيه ..
ست والله كلمن حاير بدوامه ..
منا منا مسحت الغيابات ..
رحت لصفي ..واخذت المواد الي فاتتتي ..
ومشى اليوم ..بلمعهد ..
الظهر رجعت ..للبيت ..بلطريق من وصلت بيتهم..
مشيته سريع حتى لا تجيني الذكريات وهم انجبح واوكع ..
وصلت وطبيت للبيت امي تلكتني ..
قائد مخابر ابوج ..
ذبيت حذائي ..وذبيت الفكس ..
ي ماما شصار ..
كلبي انخمط كلت ااتعذر ..
كالت ..يومين ويجون همه ..بس عمامه مراح يجون ..
وابوج ضل ينك يكول منعرفهم احنه ..
كعدت ..وافرك برجلي مال وكعه ..توجعني انلوت ..
كتلها ليش ميجون ..
كالت ..طريق مسدود ..وميكدرون يعوفون اهلهم ..
هاااا.
لعد منو يجي ..
والله يامي ماعرف ..
خوش ..
ارتاحيت ..كلش..رحت لغرفتي ..
كبل ع الفون فتحته ..ماكو ولا اتصال يعني زعلان ..
يبووو شراح اسوي ..هسة .
دكيت عليه ..
دك ..
مشيت بلغرفه قفلت الباب ..
جاوب ..نعم ..
اني اعرف النعم مطمن ابد .
كتله هلو ..
هلا ..
شلونك ..
زين ..
يحجي ويايه ..كوة اني داخلي يضحك ..
مخابر ابويه مو اليوم ..
اي ..
وسكت ..
شنو اي احجي ..
شنز قمر ..منا ليومين يمكم احنه ..
منو راح يجي ..
اهلي غير ..
وعمامك ..
فهمت ابوج ع عمامي ..
غير تفهمني ..
كال والله المكدي ..؟والزبال ..؟مكدر ..يجيب عمامه ..
ست قمر ..
سكتت اني كلت هذا شذكرهه بلمكدي ..
ضحكت ..
كال ..اضحكي ..اضحكي ..انا الج ..
زدت ضحك ..
اي اضحك شتريد تسوي مثلا ..
اه صدك ..يعني ..
اي متكدر تسوي شي ..
ول يابه ..انا اشوفج ..شراح اسوي ..
حسيته ..عرف اشاقه وبدة ..يفك ..
نمت ع فراشي اي شسوي ..
اكص لسانج اولا ..
اي لاوالله مو طايحه بيدك اني ..
اخ ..الله مضل شي ..هنه يومين ..
هههه كمل كمل ..طلعت مجرم ..
شكمل قمر ..يولو ..خليني ساكت ..
حبيبي ..اني اسفه والله موقصدي .
رجع تنك عليه ..روحي قمر كلبي مليان منج .ودارتب وضعيتي ..
هاي شنو قائد ..بعدك زعلان ..
روحي يولو ..مشغول والله ..
ضجت اني ..كتله ..شعندك مشغول ..هااا ..
يمنه خطار جوي عليه ..
خطار ..لو اووف ..
شنو الووف قمر ..راح تبدين عفيه لسان مايكعد بمكانه مو .
قائد اكولك شي ..بس لا ضوج مني ..
كولي
احلف ..
احجي ..
احلف اول شي ..
عمي بداعه جراح ..ماضوج ..
اني اغار من مرتك ..
ضحك ..كال ..وهذا الي ابالج ..يولو ..احجيها عدل ..قمر انتي مرة وهيه مرة هيه الاولى ..وام جهالي..
بس انتي ..الثانيه والثالثه والرابعه ..انتي شرع الله كملته وياج ..وبعدج .ماتحلالي مرة ..بعيني ..
يعني شنو ..
سلامتج ..روحي يولو زلم يمنه ..
بعدك زعلان ..مني ..
اي .والله كلبي ..مورم منج ..ول اخ يابه .كون الزمج ..
ولج روحي ..
يلا اروح باي ..
باي ..
مرن اليوم قائد ..يحجي ثكيل ويايه ..وميقنع بكلامي ..
حسيته صدك زعلان شكد حاولت اراضي بقى قافل عليه ..
وصار اليوم الي بي يجون ..
هلمرة مطمئنه لان ..وصل بغداد واجه يمنه كعد ..
بيت خالته ..
وتفقنه ..ع الوكت ..
بلخمسه العصر ..واتفقنه بنفس اليوم نسوان يجون ونكطع مهر ..لان خوما يضل رايح جاي صعبه عليه ..
من كعدت من النوم اركص ..احلى يوم بحياتي ..
الكل يضحك عليه اني امشي واهلهل ..
حتى حرمل طكطكت ..واخاف عليه من العين والحسد .
ويرجع شي ينغصنه ..
ولج قمر يامعزايه مو تخزينه كبال اهله ..
لا ماما شنو السالفه ..
ضحكت كالت شوفي حالج ..هاي خطوبه وهيج ..
من تعرسين شون ..
ضحكت كتلة يمكن اموت روحي ..
صح زعلان عليه بيومها جان ومغندب بسس احلى يوم مر عليه بعد الضيم الي عشته ..
كملت كل الترتيبات .وطبيت سبحت ..
امي خيطت الي بعرس عبدلله .
فستان .فيزون.عدل وطويل لونه نيلي ..وبي شذر ذهبي
نونه صغيرة ..
لبسته اني صاحبه جسم ..وطويله ..ومرببه ..
يبست شعري ..وشسورته ولفيته ليفوك ..
وكعدت امكيج اخذت من مكياج ..انهار لان ماعدي ..
كل شويه اخلي وامسح ماعرف الا ان عيوني ..
صارت مثل الباندا هلكد مالغمطت وخربطت بروحي طبت عليه امي عزة هاي بعدج ولج بلاربعه ونص ..
انداريت عليها ..
كالت يمه هاي شمصخمه بروحج ..
كمت ابجي كتلها من ساعه 3لحد هسه ..
مداعرف ..ضحكت كالت كومي غسلي وجهج .مخبله نسويه روحج قرقوز ..
ليش تبجين ..
كتلها الماسكارة طبت بعيوني ..وتحركني ..
كومي بله انتي مال زواج وتبجين ع الماسكارا..
اوف اوف ..كمت اكمز برجلي ..
كمت غسلت ..
ع المغسله فات احمد ..
انداريت عليه ..
كال يمه جني بيتنه ابو كمرة شمسوي بروحك ..
ولك عوفني ..
ويضحك خرب بيومج العريس اذا شافج هيج ..يلعن يوم الي خطبج بي ولح هلكد ع ضحكه الكل اجه فوك راسي..
ماعرف شون غسلت وجهي هنوب الصابون عمه عيوني ..
عمي ..
هنا الحياه ..فترت ويايه مثل الدولاب جنت فوك ونزلتني جوة ..وردت صعدتني ..من جديد وبثت الروح بيه ..
الكل صفى ..وياية..بس عبدلله ومرته ..بقو ..
نشفت وجهي عيوني حمرة دم ..من الصابون والفرك ..
جتي انهار ..كالت غمضي ومالج شغل ..
كتله انهار لا شخبطين ..
جتي امي كالت جوي جوي ..
اني كمت ركض .
انهار عاطت اوكفي ..ولج ..
اني كمزت ..ورة امي ..
رحت اباع من الشباك ..
اباع ..طبو من الكراج اريد بس اشوفه هذا كلبي مو الي ..لا يدك الف مليون قليل ..
اباع طبو ..4رياجيل معكله ..و3لا وقائد بيناتهم ..
اباع عليه لابس ..بنطرون اسود رسمي وقميص..
لونه .سماكي ..فاتح ..وفات وياهم ..
وطبو النسوان من باب المطبخ اني ركضت ..
بفستاني ..بس شفت وحدة مبوشه بيهم ..
ركضت ع انهار ..
طبيت ولج يلا بسرعه..
ولج ياسرعه ..
شفته يخبل طالع ..
دكعدي جرتني ..خبلتينه بي
غمضي ..
وادردم عليها ..كملي ..ندى كل شويه ..طابه يلا ..
يسالون عليج ..
كملت ..رفعت راسي ..
اباع يخبل مكياجها ..جان رميل فوك عيني ..
وخاله الي ماسكارة ..
وحمرة حمرا ..
شي حلو ومرتب ..
ركض طلعت ..الحذاء اني طويله ولبست حذاء عالي ..كعبه رفيع ..ورتبت روحي وعطر وطلعت ..ندى جرتني كالت ولج شعرج ..
شبي شعري ..
مديت ايدي بعدة بلماشات رافعته..
رجعت فتحته ورديت خليت عطر ..
وطلعت..رحت للمطبخ ..
امي ..جتي كالت يلا طبي ..يسالون عليج ..
خلت بايدي ..عصاير وكيك ..
وطبيت..
سلمت عليهم وبوست ..امه وكعدت بصفها ..
احس كلبي طاير من الفرح ..ماعرف شنو الي اسوي ..
جانن ..خمس نسوان بس اعرف امهم ..
امه كالت..هاي ام ياسر اخته الجبيرة ..
وهاي مرت خاله ..
واشرت ع وحدة ..الي هيه مبوشه ..كالت هاي ام جراح
مرت قائد ..اني من كالت هيج ماعرف شنو صار بيه ..
حتى بعد ماركزت على كلامها ..
بس بنيه كاعدة ..كبالي يطلع عمرها 25سنه ..
مبوشه ..جانت ولابسه حتى جفوف ..ايد ..
وجبه سودة ..ملامحها باردة كلش ..بيضه وعيونها شرحهه..وحواجبها ..هم لونهم ع شكار ومخاله قطرة مكياج بعينها ..
بقت عيني عليها ..وكانما طرت طرت
وفجاءة وكعت ..ليش جابها ..
ليش ..هيج يسوي ..
امه بصفي شاورتني ..
كالت هللله هلله بينه يمه ..جابنه من عمان لهنا ركض ..
انداريت عليه كتلها خاله ..
كالت اجه يموت علمج كلج ..هلله هلله بي وبينه وبمرته ..
المكرودة ..
خاله ..مو اني ..قائد ..
لزمت ايدي وكالت ..
كلها جابها غصب ..وفنه الي يفتح حلكة والي يححي .بيج وياه..
حسيت كلبي وجعني ..
الفرحه بلحضه تبخرت ..
لو بيدي اطلع واكول فركشو كل شي ..
لان حسيت بحركه كلب ..ماعرف ليش وشنو ..
بقينه كاعدين ..
هناك واجه ..احمد كال ..
هلهلو..قرو الفاتحه ..
وجيبو الحلويات ..
هلهلن خواته ..
بس كلبي معصور عصر ..
وكامو باركو الي ..الكل ..
لحد ماجتي مرته ام جراح ..
كالت بلخير عليج قائد ..
اباستني من خذي اليمنى ..
ردت ع اليسرى كالت
بلخير اخذتي من مرته وجهاله ..
وابتسمت بوجهي وراحت ..
وخواته باركو الي ..
حجيهم ويايه كله همس ..
ماعرف شنو الي اسوي ..موقف ..

صعب صعب ..حسيت ..مثل شي وخنكني .
حتى ريكي ماكدر ابلعه ..لكمه ووكفت بلعومي
احمد وكف بلباب كال .قمر ..تعاي
ترخصت منهم وطلعت ..
كال حضري روحج الشيخ راح يعقد عليكم ..
ضليت اباع عليه ..صفنت ..
امي وكفت بصفي ..
كالت تحركي شبيج ..
من الصبح تكمزين شجاج ..
ماكو شي ..بس ..تعبت ..
ضلت تباع عليه ..معرفت شتكول ..الي ..
بسرعه يلا ..
رحت للغرفه ..الدمعه بوسط عيوني ..
كلامها صعب جان ..
اذا اترجاع هسة شنو موقفي ..ياللهي شسوي ..
يعني بس اني وكعت بمزوج ..
وحبيته ..
اخ قائد ..طبت انهار كالت يلا لبسي شي ستري نفسج ..
بقيت كاعدة ..
كومي قمر شجاج .
بقيت ساكته ..
جتي قريب دغتني قمر ..
عوفيني انو عطت بيها ..
اسم الله شبيج ..حبي ..مو هذا الي ردتي ..
شبيج ..
كتلها بطلت ..
عزة بعينج شبطلتي والقران يعدموج هسة ..
كتلها عوفيني ..
شصار فهميني وراحت للكنتور طلعت شال ابيض جبير ..
لفتني بي كومي ..
ماكوم انهار عوفيني ..دخيل الله ..
امه تكول غصب جابنه ..ومرته تكول اخذتي من حضنه ..
يازواج هذا ع حساب غيري يتم ..
ياسعادة هاي ..
الي راح احصلها ..
ضلت انهار تحجي عليه ..بس مداسمع كلامها ..
طب احمد كال يلا تحركي ..
كومي دينتظرون العالم ..
وهذا ابوج قفل ..
ع شنو ..احمد ..
كال ع الشيخ ..ابوج يريد ع المذهب الجعفري ..
وقائد..جايب ع حنفي ..والا شويه تعلك ..
ي ..
عاد قائد كام ..كال
عمي عسى مازوجونه زواج هنود ..بس فضوها ..
كال ابوج كام يضحك وفش ..
والشيخ ..راح يعقدلكم ..
كومي يمعودة اني لو مرة من اول يوم ازوج قائد .
هيج حب مشايف الله يسعدكم
ويضحك ..
ماعرف شكوله ..وشحجي ..
اختنكت ..واختنك ويايه كل شي ..
كمت وياه..ومشيت ..احس بثكل ..
طبيت ...بلهول بس النسوان مو كلهم موجودات..
اريد الزم قائد اكوله ليش جبتها ..حرام عليك ..
بالي وفكري مو يم المهر لا بالي يم اهلة بس ..
الشيخ كاعد ..وقائد وابويه وامه ..
عيني ع قائد بس مدايشوفني ..
واحمد ويايه ..
كعدت بصف الشيخ ..الحجاب الي لبسته مثل جادر الصلاة بس مفتوح ومغطي كل شي حتى وجهي ..
كعدت وكام يقرة ايات ..
وبدة بمراسيم ..العقد ..
اريد اكوم اكول لا بس لا اني الي ذنب ولا قائد اله ذنب ..
ولا مرته ..
3بنار ..محد يحس بثاني ..حسيت شكد انانيه اني ..
وهناك ..اعادل حبه الي بحبي ..
اشوف هوايه خسر علمودي ..
ميستاهل اعوفه بنص الطريق ..
سالني ..الشيخ ..هل تقبلين ..بزواج من قائج ع المهر المسى ..ووووو ..كولي قبلت وانت وكيلي
ثواني سكتت..
رددها ..لحد ماوصل لل12
لازم اكول ..
جمدت وجمد الوكت ويايه قرار بلحضه لازم ..
يناخذ ..
اخذت نفس ..عميق ..نعم وانت وكيلي ..
وهلهلو ..وباركو النه..من جديد ..
وعيوني صارت بعيونة ..
عيونه بيها فرحه ولهفه ماشايفتها بيوم ولا راح اشوفه بعمري كله ..
اني ..داخلي ممزوج حزن بفرح ..بتعب ..
فض اليوم واخذ مني تعب ..
اريد اعرف بعد شكد بيه ..واتحمل ..
بليل خابرني ..
ساعه 12
الو ..
كليبي ..مريتي ..بنت روحي ..حلالي يولو ..
اي ..
احبج بكد رحمه الله شكد ما الله وزع رحمه للبشر ..
اي ..
شبيج قمر ..
مابيه ..
لا بيج يولو ..
دحكي علي احد سمعج حجايه ..
لا ..
شبيج لعد ..من راحو فدوة الج عشاير مو عشيرتي ..
مابيه والله ..
لا ضلين دابلين بيه يالولو ..احجي ..
قائد لا تلح ..
وحك القران والفرقان ان ماحجيتي لا احرك اهلي ..هسة ..
ماكو شبيك لا اهلك ولا شي ..
قمر طلعي ..برة جاي هسة ..
وين ..عزة ..اسمع صوت باب ..
طلعي برة جيتج احاجيج ..
قائد بلا خبال كلها نايمه ..
اطلعي راح اوصل ..قريب ..
كمت الوب اروح وارجع شطلع ..
سديته ..فتحت الباب كلها نايمه ..
امي دتشرب مي وتقفل البوب ..
كتلها ماما وين ابويه واخواني كالت كل واحد نام وشبعو نوم شكو ..كتلها قائد يريد يحاجيني من الباب ..
صخام احسن شبيج انتي بدت رحمه الله وياه ..
بقيت ساكته كتلها دينطيني كارت ..حتى اخابرة ..
قمر ستري علينه ..
دقايق ..
كالت اووف ..
دروحي ..بسرعه ..هوة رجلج بس مو هيج وكت اووف ياربي .
تاليها بلانعاش من وراكم ..
طلعت ..وسديت الباب .ورايه ..
كالت ..انتظرج ..كتلها ..دقايق ..
شفته واكف بلباب ..لابس برمودة ..جوزي وتيشرت ..
ابيض ..
وبيده جكارة ..ويلعب برجله بحجارة ..
شافني فتحت الباب ذب جكارته وداسها برجله ..
فتحت الباب ..طب ..
ولك وين ..
حدري هينه ..يقصد بلحديقه ..
احجي ..
اباع عليه معصب ..
قائد ..
يباوه عليه ..
جرني ..من ايدي وحضني ..
واخذ حسرة ..كال ياعاافيتي ..يا نبض كلبي ..
ول يابه اخ ...اخ قمر ..لو تعرفين شكد شوك بصدري الج ..
منو وياج ..رفع راسي ..
احجي ..منو زعلج ..
بحضنه ذبت ..ماحسيت لا اهل ولا امي ولا حديقه ..لاخوف لا دنيا ..هنا مكاني
اريد ابقى بحضنه ماوخر ابد ..
كتله ..محد ..عجل شبيج وياي ..
ولزم خدي ..هلعيون المن حزنانه ..
مرتي لو امي لو وحدة من خواتي ..احجي ..
ماوخر من هينه ..الا تحجين ..
قائد ..امي تنتظرني ..
قمر احجي ..مامتحرك من مكاني خطوة .
لو تحجين ياولو لو اجرج ..من هينه ..واخذج عدنه
قائد ..
لزم ايدي لا ابوج ولا دنيا ولا سما توكف بوجهي ..بعد

وللحكاية بقية ..

[لامارا]

تسأليني
ج 18
،،،،،،،،،،،،،سوزان المندلاوي،،،،،،،،،،،

قائد اعقل بلا خبال ..شنو تاخذني ..
وشبيدج سوين ..ويضحك ..
هسة اشيلج واطلع لبيتنه
اني بس اباع عليه ..
وتعاي اكولج ..انا زعلان عليج مو انتي ..
هههه من شوكت زعلان ..
رفع تك حاجب ..نسيتي المكدي ..والزبال ..
وشذكرك بيها هاي ..
قائد ..حباب روح وهسة نكمل سوالفنه بلفون ..
لزم ايدي ..باسها شفايفه .دافيه ..حسيت برد ..
عجل انا زعلان منج ..والزعلان يراضو ..
بقيت اباع بعيونه ..
اي اراضيك ..باجر اجيب الك ..هديه ..
روح هسة ..بعدين ..
ترة امي واكفه تباع علينه وييي هنوب حضنتني ..
قمر انتي حلالي ..هسة ..
واذا حلالك ههه...
حبي روح هسه ..عود بعدين نسولف ..
قمر باجر عدج دوام ..
اي طبعا..
عجل يابه تعاي الصبح يمنه ..نتريك سوى ..وراها انا اوديج لدوامج ..
ها ..قائد ..واهلي ..
مابيها شي كليلهم ..ماضن يعترضون ..
حبي روح هسه ..وبعدين نتفاهم ..
اباوع ع بيتنه ..والباب ..
اندار عليه ..حدري هينه ..
اني اضحك ..وين ..
تعاي اقرب بعد ..
شكو قائد لا تسويلي سالفه ..
متكولي شجابك ..
ضحك ..ضحكته ترد ..الروح بيه ..
والله شتاكيت..ياقمر ..بعدج عني .نار ..
انا من رجعت منكم لحد هسة مامصدك صرتي الي .
كل ذاك التعب ..هان ع روحي ..
تصدكي بلله ..من اول شفتج ووكعتي انا حبيتج ..بيومها الليل كله افكر بيج ..وبنهار هم رغم مشاغلي ..كل شوي طيفج ..
يجي ع بالي وابتسم..من لسانج ..وكلامج جنه سيوف ..
اكفي ..ول يابة شنو سالفه الشيخ ..الف مرة عاد ..هلتقبلين ..وانت وكيلي ..
وحك الله ..جيت ادفرة ..شنو يتقشمر علي ..
انا شاب نار وهوة يعيد بكلامه .
ههههههه ولك هوة هيج شدفرة خرب ..
عجل الف مرة يردد..عبالي هاي حسبات عبدلله هاي
ولو انا الي جايبه ..
المهم نعم قبلت وانت وكيلي ..
اخ ..قمر ..
اووف شحجي شرد اكول خليها ..نار وموجرة بروحي .
اني اباع عليه ..كلامه يخبل ..لو بيدي اسمعه العمر
كله مامل بيوم ..
كتله روح هسة ..وكمت ادفع بي من ضهره ..
جرني من ايدي ..وقرب شفايفه ..من خدي
وباسني ..بين شفتي وخدي ..
اني غمضت عيوني ..
اني بقيت ..جامدة بمكاني ..طبع بوسه سريعه ..
ووخر مني ..كال انا رايح ..
طبي جوة ...يول طبي ..جوة شبيج جمدتي ..
هاا مابيه ..
قمر ..اضوك بعد طعم الخد الثاني واحد عسل والثاني شنو ولك انت شنو ..
روح عزة بس لا امي شافتنه ..
وان شافت ..عادي ..انا رجلج ..
طلعته برة الباب ..
قائد فدوة واندار ع بابنه ..اباع بس لا امي واكفه
طلعته وقفلت الباب ..
كال ادحك عليج ..طبي ..جوة حتى ..اروح ..
واول ماطبين ..ردي ع اتصالي ..
كتله يلا باي ومشيت ..
اندار واكف ..
وصلت لباب المطبخ ..اشرت اله بيباي ..
وطبيت ..
بعدني مخاله رجلي ..امي ..جرتني من هدومي ..
ونزعت نعالها عليه ..
ولج انتي شنو من صلافه واكفه بحضنه ..
اني ماعرف اضحك ع حركتها مادري احجي ..من الفشله
اول مرة هيج تسوي ..
كتلها ماما شبيج ..
كالت عيوني نحولن وضلمه متكوليلي شدسون ..
ديحجي ويايه والله ..
ذبت نعالها ..قمر يمه لا تستعجلون حتى عيب احجي ..
بس مو هيج الحب .يابنتي ..نعلا على ..شلون راح تخبلني هلبنيه ..
اوف يالله دخلي اشوف بعد ..لا اصخمج والطمج ..
انتي ششفتي ..
ششوف بنت المعزايه ضلمه ..بس اشوفج دفعين بي ..
ههههه ماما مصار شي ..تصبحين ع خير ..
بقت تحجي ..
بستها من خدها ورحت ..طبيت ..بغرفتي شفته 5مرات متصل ..وداز رسالة ..وين صرتي ..
دكيت عليه ..
ها حبي ..شبيك ..
يول وين رحتي ..ضل بالي عليج ..
ماكو شي بس ماما ..رزلتني ..يمعود..
ع شنو ؟.
كامت تحجي ..عليه ..
يولو انا اشتاكيت من جديد ..سويلي جارة ..
شسوي ..
ماعرف ..تعاي يمنه لو انا اجي اكعد يم بابكم ..
هههههههه شسوي بلا خبال ابو جراح ..
قائد اريد احجي وياك بموضوع مهم ..
زوجتك وين ..قائد ..
موجودة ليش ..
قائد ..ليش جبتها اليوم وياك ..
اخذ حسرة ..شصار اليوم ..
مصار شي ..بس فهمني ..
هية اجت ..وجهالك وين .؟
عفتهم يم اختي ..كبار جهالي قمر ..
اعرف ..حبي ..
بس صعبه عليها جبتها ..بيوم المهر ..
كتلج هية رادت تجي ..
قائد انت جايب الكل غصب ..
قمر ..منو كلج .هلحجي ..
حبي هية مو بلعصبيه ..ولا بلعياط ..
افتهم مني الاول ..
احجي ..اسمعج ..
باع ..قائد ..اول شي اني بس احبك واغار عليك ..منها ..
هسة هية مرتك ..وام جهالك يمكن .محتركه بنار ومتعذبه هسة ..
قمر علاقتي بيها هيه والماكو سوة ..
اي فهمني بس اريد الصدك ..
يابه اني ماكذبت عليج بيوم ..
اي حبي اعرف ..اسمعك ..
شوفي ..اولا انا زوجت صغير بلعمر ..هاي وحدة ..
ثانيا ..عمامي ..
اي عمامك شبيهم ..
سماح بنت عمي الجبير الي لازم كل شي ..
من حلالنه وفلوسنه وشغلنه انا ابوي ترك النه ورث وكيعان ..
بس كلها مرتبطه بعمي الجبير ..
كمل ..قائد..
ازوجنه من اول يوم انا .بشمال وهي بجنوب ماكو تفاهم ..
قمر ..صعب طلبين الحب بلسانج ..وان سمعت شي فراح يروح طعمه ولذته هذا انا وياها ..احس حدي وياها لكمه غسلة هدوم ..حتى ماكو روح بحياتنه باردة ..
يعني متحبك ..
لا مو متحبني ..
علاقتنه خاليه من المشاعر والاحساس قمر ..
مامرتاح يابنت ..
يامه علمت ويامه فهمت مافاد ضلت هي هي ..
انا من حقي احب وانحب ..قبل 3سنوات جيت ازوج ..
وراها ركدت ..من ورة عمامي .
ليش؟
انا اكلج ليش ..مرتي شايفه حالها باهلها وكل حجايه والثانيه ابويه وابوية وخواني ..وكانما تعير بيه وعبالك ..
انا عبد يمهم مع العلم الحلال حلالنه هم ..
قمر شحجي الج هذا مختصر ..صار سنين مزوج ..ومارضيت انسوي اطفال بعد بس 2ماريد ..
لان اي ..تفاهم ماكو بعلاقتنه سوة وهسة تكاونت وي عمامي ..وجيت وميهمني الي يصير بعد ..
انا هم روح وبشر اريد اعيش..
قائد ادري مو بسببي تخسر اهلك وعمامك وشغلك ..
قمر انا خسران من زمان ..حظي بس بعشكج كعد ..
وكعد اعوج هم ..وفرفح روحي ..
انا تعبان قمر يشهد الله علي ..
لا نومي بفراشي مرتاح ..
ولا بلكمه ..ولا بسالفه ..ولا بشغل ..
يعني انتي راحتي وسعادتي قمر ..ماريد منج شي ..
اريدج ..حدري بس اريد اكضي العمر وانا ..
مجابل ..عيونج ..ترد الروح بيه ..شوفتج ..
قائد ..عفيه ماكدر ع كلامك هذا ..ولا اعرف اجاوبك
ول يابه الج بكلب ..شوك تعدة السنين ..
اخ قمر ..
لا تكول شي بعد ..خلينه عايشين بس اريد منك شي ..
لا تقصر وي مرتك بشي ..
ولا اهلك ..ولا احد ..
وعمامك صالحهم حتى اثنينه نرتاح بحياتنه ..
روح هسة ورايه كعدة الصبح ..
انتظرج ..
شتنتظر ..
تجين يمنه ..
لا يمعود ..ماكدر خليها غير مرة ..
تجين قمر ..
ماجي ..
خلي نشوف منو ميجي ..
اهوو بدت ..رحمه الله وياك ..
هه استلمي رحامات ياماي العين ..
يلا حبي تصبح ع خير ..نوم الهنا ..
كولي اصبح ع عيونج ..
وانتي من اهله ..
وختمته ويا ..وبقيت افكر بي وبكلامه ..
كلت خلي اروح واتعرف ع اهلها اكثر ..ولو ماريد بس مجبورة ..حضرت اهدومي ..بليل
اباع الساعه ب 2بليل ..
دزبت رساله لصديقتي ..كتلها لا تجون عليه بلخط باجر..
كلت هوة يوصلني ..
نمت ...
اول مادك المنبهه ..كمت ..ع السريع حضرت روحي ورتبت نفسي ..كعد ابويه ..وامي ..تعاي تريكي ..
لا ماما ماريد دافرج اسناني ..
تعاي بس لكمه ..ويانه ..
كوة كعدوني وبقو يحجون ويايه ..الصدمه ..
عرفت مهري جان اجل ..يعني والدي مستلمه ..
نقد اني بقيت مصدومه بكلامه والصدمه الي اكبر ..
مبلغ كلش جبير .
وديكولي هذا ضمان الج لان مزوج ومخبل ونخاف منه ..
وراح اضمه الج ..حقج هذا بنيتي ..

بابا مو حق ولا اني دتبيعوني..رجع الفلوس ماقبل ..
بقيت احجي لحد ماتعبت وتاليها مافاد شي ..
متت قهر من اشوف تعاملهم وي ليث وتعاملهم ..
وي قائد هذا ظلم .
عفتهم وكمت وافور ..يعني استحي اباع بوجهه ..
رحت لغرفتي جريت جنطتي والفكس ..
وطلعت ..حتى ماعجبني اسلم ..عليهم بعد..
طلعت من البيت ومشيت ..برة ..
قبل لا اوصل ..للبيت .كلت اطلع كبل .
يعني مناقصني .اسمع اهله..لو شكد عيب ..
ادلل عليه
ابويه بايعني اله بفلوس..احساس حقير ..
اوف ياللهي ..
وصلت يمهم ..مشيت ..خطوتين ..سمعت قائد صاح باسمي ..يولو قمر ..
درت وجهي شفته ..
اجاني هاي وين رايحه شتفقت وياج ..
صباح الخير ..اول شي ..
اي وين رايحه ..احجي ..
هاا للاسواق ..
شسوين ..
ماكو شي ..
امشي ....
مشيت .ويا ..
اندار عليه ..قمر ..ماحب العناد ..واكو شغله .حبي ..
شنو قائد ..
ماكو طلعه وحدج .
طبينه ..بلبيت ..جوة ..
شفت امه سلمت عليها ..وشفت مرته هم سلمت ..
وكعدت يمهم ..
اوف ياربي شلون دقايق احراج ..
قائد كال يلا وين الريوك ..سميحه ..
كالت ..دقايق ..
بقيت كاعدة ..ماعرف شحجي شكول ..
امه ضلت شونكم ..واهلج ومن هلحجي ..
وهوة كاعد ..كبالي ع الميز ..
طبت مرته ..بلمطبخ ..هيج اكو شون غرفه اني مداشوفها ..
وبدت تحضر بلريوك..
كمت اني ..
كال وين ..
كتله اساعدها ..
ضحك بوحهي ..اكعدي ..حبي ..انتي ..
هف ياربي فشلت اكثر ..
كتلة لا اساعد ..
مشيت شفت مطبخ ثاني جوة هذا الي كاعدين بي بس واجهه..
رحت وكفت يمها كتلها اساعدج .
كالت كلج حبي اكعدي ..ومندارة ع الطباخ ..
كتلها عادي ..
اخذ هذول ..
بسرعه اندارت عليه ..ولزمتني من ايدي ..
كتلج ماريد منج مساعدة ..وتخزر بعينها ..
ضليت اباع عليها ..
جريت ايدي ..
انداريت شفت قائد واكف وخال ايدة ع الحايط ويباع.
كال ..شيلي الي كامل ..قمر ..
هيه بس تباع عليه ..
كتله لا عادي ..
داكلج شيلي ..المواعين ..قمر ..
اوف ياللهي شجابني ..ماعرف شسوي ..
شلتهن ..وطلعتهن برة ..
ورجعت شفته واكف قريب عليها وياشر بصبعه ..
ويحجي طبيت سكت ..
اخذت حسرة وكملت الباقي وياها ..
ورتبته وكعدنه كلنه ..
واجه ..همام ..ومرة معرفتها بس الي عرفته خاله قائد ..
الوكت كله قائد ضايج ..
ومرته كاعدة تاكل ..واني هم بلكذب اكل ..
الكل ساكت ..
اوف لو مجايه احسن ..هاي شلون راح ادبرها وياهم ..
كام قائد من الاكل اني اباع عليه ..
كال كملي اكلج قمورة ..
وراح يغسل ..مثل الطفل وامه تعوفه بمكان هيج بقيت ..
امه كالت ..اكلي يما ماكلتي شي ..
كتلها داكل خاله
شويه همام كام يشاقه .ويسولف ..وخاله قائد كامت تسالني وسولف ويايه ..
الي عرفته هذا البيت بورث ..امه وخالاته مشتري ..
بغداد يعني استراحه .والكل يكعد بي .
اشويه ارتاحيت ..
اجه قائد ..كال ..يلا قمر ..
اي يلا اباع ساعه 8وثلث ..
بس اريد اطلع عساه مارجع لبيتنه ..
كال راح الوكت لا داومين اليوم ابقي هينه يمنه ..
والعصر اخذج ..ونطلع نشتري الذهب ..
اني بس اباع عليه واباع ع مرته ..
اخ الله ليش هيج يسوي كدامها ..
كتله قائد ..نشوف اهلي شيكلون ..
امه كالت ليش يما اهلج ميدرون انتي هينه ..
قائد ..كال ..بدت يما بدت شنو ناهبه من شارع لو شكو
ان درو او لا هيه حلالي ومرتي ..
كالت انا ماكلت شي ..بس سالت ..
اي اعرف تسالين يمه اعرف ..
المهم ..محد اله شغل بقمر يمي يم الكعبه ماله احد دخل بيها .همام ..كام كله وتالي وياك ..قائد
شنو هلعصبيه
كله ماكو داعي السؤال ..شنو بايكها ..مرتي ..
والعقد ..دزيتع اصدقه بمحكمه ..
مرته مدنجه راسه بلاكل ..ماعرف تبجي ..ماعرف تاكل
كمت كتله قائد ..شبيك ..
هذول اهلي صارو .وامك امي ومابيها شي ..
تسال ..وتخاف عليه ..
قمر ..ماتعرفين شي انتي ..
ميخالف قائد..لا تعصب ..ابويه انت..
انداريت ع امه كتلها خاله يعرفون ..
كالت ..شفت البنيه طلعت احسن منك ..وعدها لسان عدل
كامت مرته .تلم بلاكل ..وساكته محجت شي ابد..
وكعد قائد يدخن..
وبقينه كاعدين ..
كتله كوم راضي امك..
قمر رحمه لاهلج عوفيها ..
لخاطري ..اذا تحبني كوم .عليها ..
وسمع مرتك حجايه حلوة عفيه ليش هيج وياهم لا تبدي تخوفني منك ..
باع هاي لا شوفيها ساكته هسة خابرت اهلها ..وكامت تنكط سم ..وراح تسممني .هلخطيه مرة سجنتني ..خليني ساكت
هاي شنو قائد ...ليش
بعدين ..موهسة اسولف الج
ميخالف عمامك مو غربه ..
كوم لخاطري ..
كام ..
راح ع امه .بوسها ..ومدري شاقها ..كامت تضحك ..
اله ..
وصاح سماح ..
سماح ..
اجتي ..
مغيرة دشداشتها ..وخاله كحل وحمرا ..
ابتسمت اني ..
كلها ..ام جراح اريد من ايدح الطيبه ..غدة ..
كالت ..سهله ..
اندار عليه ..ادري سهله ..
امه كالت يلا يمه حضري .غدة ..عجل ..
مجاوبت شي ..
وطبت ..
اجه عليه ..كلي كومي قمر ..
وين قائد ..كومي وياي ..امه كالت كومي شوفي شيريد منج ..
كمت ..طببني جوة بصف المطبخ اكو غرفه ..هول ..
بي ديوان بلكاع ..وتلفيزيون ..وهاي الترتيبات ..
كال اكعدي هنا ..
هنا هوى طيب ..هناك خنكه ..
كتله قائد ممرتاحه عفيه خلي ارجع لبيتنه ..
ليش ..اذا من اهلي ترة اول هدة بس ..
لا ..بس ارجع عيب شيكولون علينه هسة ..
فدوة لعينك لو نكعد يمهم لو ارجع ..
داكوم كعدني ..
اكعدي ..
حدري هينه وياشر مكان قريب عليه ..
قائد ..
من شتعلو هلو واحد واحد لا ضلين .هيج ..
ياعمي ..تعاي ..
تقربت ..
بعد ..
ولك وين بعد بس بقى اكعد بحضنك ..
ضحك كال ياريت اكعدي ..
خرب قائد ..
امشي نطلع ..
تعاي احاجيج والله كعدت ..خله ايدة ع جتافي ..
وقربني يمه ..
كتله احجي بسرعه ..
شبيج ترة مابايكين بوكه ..
مرتك خطيه ..
راح تعاشريها وتعرفين منو. الخطيه ..
احجي شكو ووخرت ايدة من جتفي ..
رجع خلاها ..
كال اولا ..المهم ..
لبسج ..
شبي؟
مايعجبني ..يتغير ..
اي بلاوشلبس ..
بوشي ...
ضحكت .لا بربك ..
وبعد ..
خط ماكو انا اوديج وارجعج ..
اي ..
وزواحنه بهلشهر ..
شون يعني بهلشهر ..
قمر انا ارتب كل شي ..واخذج ونروح لعمان ..
لا والله ..
ومنو كال ابويه يقبل ..
ليش ميقبل انتي مرتي ..
قائد شبيك ..شنو السالفه .وبعدوكت ع الزواج ..
ليش التاخير انا مرتب كل شي ..
بقت كم حاجه هناك ..
ووين اكعد ..
يمي ..عجل وين بلدرب ..
قائد ابويه كال ..تكعدني وحد ..
اي يجرة الج وحد ..
عوفي هلسوالف هسه ..
اني احبج ..
قائد ..راح تخبلني والله كلامك كله ابويه ميقتنع بي ..
اني احجي وياهم ..
كتله ليش قبلت ع المهر ..قائد رخصتوني والله ..
اندار عليه ..ولزمني من وجهي ..كال ..
انتي اغلى من روحي منو الي يرخصج ..
لو رادو بوزنج ذهب قليل عليج قمر ..
عيوني بعيونه ..
كتله موهيج قائد ..
لا هيج وزايد بعد ..
تقرب مني .خله شفايفه ع شفافي ..
وباسني ..
غمضت عيوني ..حسيت ..روحي طير ..مو اني ع الكاع ..
ولا اني ..بغرفه ..لا بسما روحي ..
احساس ناغه روحي ومشاعري ..
كلي قمر ..قمر ..
ها قائد ..يضحك ..
يولو نمتي .شبيج ..
ولك مابيه ..وكمت .عدلت شعري..عزة بعينك شسويت بيه ..
هوة يضحك علية ..شسويت ..يابعد روحي ..
تعاالي ..احاجيج ..
ولله ماجي لو تموت ..
كام ..مو احاجيج انا ..تقرب عليه ..
ولك اهلك ..
يولو انا .مستعد ادفع نص عمري واضوك الشفه ..وضكتها
حلقوم ..
مو اهلي قمر ..يحجون
كافي قائد ..شبيك يمعود ..هسه شيكولون علينه ..
خلي يكولون ..كل شي ..المهم انتي يمي ..
قائد مايخاف ..لو ع كص الوزة ..
حاربت ونلت الي اريدة
يلا ..كوم نطلع ندور حلقات شي ..
اي العصر مو هسة ..
قائد كوم ..
رحت طلعت برة .
واج تعاي ..عفتة ومشيت ..
.كاعدين يسولفون ..
وضليت يمهم اسولف بديت احس براحه ..
شويه وهوة يمي ..ويسولف ..
ومرته هم طبت ويانه وكل شويه تكول ابويه اخويه ..
اهلي هيج واهلي هيج ..
رغم هيه مواضيع عامه ماتخص الاهل ..
صارت ب12..
صبو غدة ..
واكلنه كضيت اليوم كله يمهم ..
وقائد كل شويه يغمز الي لو ياشر امشي منا ..
واني ..اضحك اله ..
الظهر رجعت للبيت ..
وحجيت لامي ..قائد راح يجي ونطلع نشتري ..نيشان ..
وفهمت امي يريد يحجي ويا ابويه ..
مانمت ..رتبت البيت حتى لا تحجي امي وطلع الي حجة ..
وسبحت وحضرت نفسي اني وامي ..
واجانه قائد ..وطلعنه وشتريت ذهب ..وملابس ..
وكملنه كل شي ..بقت ..النواعم ..
واحذت اله حلقه ..وساعه ومحبس فضه راد ..
قبل لا يرجعنه .كلها لامي اريد احجي وي عمي ..
امي ..كالت اله تعال من ترجعنه ..
بديت ارتاح امي حبته ..
واني حبيته اكثر ..
والايام بعيوني جنه ..وحلم وردي ماريد اكعد منه بيوم ..
كل شويه اندار عليه اشوفه بصفي ..
ابتسم ..وهوة لو يغمز لو يضحك ..لو يدز بوسه هوائيه .
ويكولي احبج همس ..
من امي ملتهيه..
نزلنه ..
امي نزلت قبلي ..
قائد.كال اخذج ونسافر ونعوف العراق قمر ..
نزلت ونزلت الغراض كتله حاجي ابويه ..


وللحكاية بقية

[لامارا]

تسأليني
ج 19
سوزان المندلاوي......

نزلنه ..قفل السيارة وطب ..
طبيت قبله للبيت ..عبدلله جان كاعد ..
كال شيريد جاي لا يسويها سوك مريدي يوميه جاي ..
ويفر بايدة ..
امي كالت اله انجب وكوم طببه الرجال من العصر يفر بينه .وممقصر وي اختك
فر بايدة وكام ..
طبب قائد ..
طببت الغراض للغرفه وقريت ايات الله يهدي ..
ابويه وعبدلله ع قائد..
ماريد اتنغص ..
طلعت سويت الهم جاي وكيك ..
ورحت طببته وشفت امي كاعدة ..
صدقه لله شلون كعدة وهيبه اسد ..والله ..
رفع عينه عليه ..باوع ونزلها ..
ابويه كله متفقنه هيج وين تاخذ البنيه ..
عبدلله مجتف ايدة وكاعد ..
ويباع بغضب ..
كله عمي الوضع تعبان ..هنا واني راح احول شغلي اهناك..
افضل ..
عبدلله قاطعه كله قائد ..زواج خارج العراق ماكو ..
شمعرفنه تروح هناك شسوي بيها ..
اباع ع قائد عيونه صارت جمر ..
كله خويه شسامع عليه ارهابي لو ماعندي شرف ..
ابويه طب بيناتهم ..
كله لا حشاك ونعم منكم بس ..يابني اريد بنتي يمنه ..
كله عمي بنتك بطن عيني اخليها ..
بس محلوة حجايته عبدلله
اندار ع عبد كله اسال سجاد اخوك عني ..
عبد ..مو اني الي بلا ناموس وشرف ..
عبدلله كله .لا دكاتك مبينه جانت ..
كام قائد اني بس اباع عليهم احس روحي راح تطلع ..
اندار ع ابويه كله ..ابو سجاد الي تريدة يجرة الك ..
ترة احنه بني دليم ..معروفين بلمراجلة ..
وان دارت الدنيا ..علينه ..فمدور ع ابن ..العز ..والبرنو ..
وعد كلمتي اني .بنتكم شاريه ..
ومكانها بلعين وياشر ع عينه ..
بغداد عمان متفرق...
ابويه كله اكعد ..يابني ..
عبدللة ...كافي صرنه اهل ونسايب ..
لا تفتح دفاتر قديمه .
قائد عبداله مثل اخوك ..لا تزعل منه ..
اني بس اباع بلوجوة ..
واحس جسمي مابي قطرة دم ..خربت ..يمكن وراح يتعاركون وقائد مخبل ..يخبنهم ..
كله لا عمي اروح بطيت ع اهلي ..
حسيت الموقف صار بي حزازيه ..عبدلله وقائد ..
وابويه بنصهم ..
اكعد ابني ماكملنه كلام ..منا منا ..
كوة بقو ..
رجع قائد ..كعد ع القنفه..
طب احمد راح ع قائد هلا بابو النسب ..نورتنه عمي ..
وبوسه وكعد ..
اوف ياللهي .شوكت تفض ..تعبت مو زواج صار ..
رجع حجة قائد ...
كال اني كل شي كامل ..وراح ازوح بيت خالتي ..
لان فارغ وفهم ابويه شنو البيت ..
بس عمي راح تضرني ..بقيتي هناك شغلنه ع الدولي ..
والرمادي هسة وكف بيها كل شي ..دشوف ااسلابه الي ع طريق والذباحه ..
يعني ولا شاحنه تطلع مناك ...وكومه حوداث دصير ..
بس ..من سوريا ع القامشلي ..دنرتبها ..
عبدلله كله مفهنه سوريا عمان ..
قائد كال متفرق ..هنا وهنا بس عدنه شقق بعمان
شغلي مو بلعراق صار ..
ابويه سكت ..
عبدلله كال هذا قرارابويه وانت من اول يوم كلت شتخيطون البس ..
قائد باوع ع عبدلله ..مجاوبة ..
كال لابويه سهله عمي ..
ابويه كال كمو حضرو عشة ..
قائد كال لا اروح ..
ابويه ..مقبل الا يكعد ويبقى ...
اني كمت بس ارجف وايدي ع قلبي ..لا يصير شي ..
بعد ..
امي جتي ..كالت اوف شراح يفضها ..
والله قائد درة مال الله ..
ياامي احجي وياهم بلكي يخففون ويا خطيه ..
الكل ضدة ..
سكتت كالت كملي شغلج ..
بلحضتها لو بيدي اسوي ..اطيب الاكل ..حتى يضوك من اكلي ..
رحت قريب ع الهول سمعت سوالف وشقه ..طب احمد غير
الكلام كله ..
بين احمد ..وقائد ..
طلع عبدلله ..صار بوجهي ..
فزيت..
شدسوين ..هنا ..
هاا ماكو ..داشيل الصواني ..
ضل يباع عليه ..وعافني وراح...
طبيت ..شلت الصينيه ..وللغراض ..من يمهم ..
اباع عليه وابتسم وداخلي فرحان وخايف ..من اهلي ..
وماعرف شراح يسوي ..
طلعت من يمهم ...ورحت كملت شغلي وي امي ..
وسوينه عشا نواشف وزلاطة ..ومقبلات ..سريعه ..
كتلها ها ماما كمل كل شي ..
جانت امي واكفه ترتب بلمواعين ..كالت اي كمل ..
كتلها اروح اغسل وابدل هدومي ..
روحي بسرعة ..
رحت غسلت وفتحت الكنتور شلبس ..
ضليت صافنه ..
هف ولا اني وانهار نتلابس هيه جنها قزمه واني شطولني يمها هرقل ..
اخر شي طلعت تراك عندي ..صيفي
لونه شذري وبي فضي ..
ورحت رتبت روحي ع المرايا ..لطخت وجهي ..
ولو ماعرف امكيج ..بس سويته ..
ورفعت شعري ..ولبست شحاطه وتعطرت وطلعت ..
رحت يم امي وكفت اشوف تعلق ع لبسي ومكياجي لو لا ..
اندارت علية .
كالت الله الله شنو هلجمال ..
ضحكت رحت يمها ماما تدرين اني بقمه السعادة ..
ضلت تباع عليه ماما الله يسعدج بس الزواج غير هاي المشاعر الي عدج ..
كتلها مو مهم المهم احبه ويحبني ..
عزة بعينج هنوب احبه ويحبني دمشي ..هسه يجي عبدلله يطلع الحب من خشمج مو عينج ..والله جيل مصخم وملطم ..يلا ..تحركي ..
رحت ..يمهم ..طبيت ..اباع ع قائد سكت وعينه عليه ..
رد كال عمي ..والله ماعرف شكولك ..بس مو مثل قبل ..
كام يكطع بلكلام ..
اول مرة يشوفني بملابس بيت ..
خليت السفرة ..
وكام احمد ويايه ..
ورتبنه الاكل ..
وجبت الببسي والمي ..
والتمينه كلنه امي صاحت ع عبدلله مجاوبها ولا نزل ..
نزلت ندى ..
اني جنت بلمطبخ ..كالت ..عبدلله يتعشى فوك ..
وين حصتنه ..
كتلها تعالو ويانه اكلو ..
كالت ميقبل بعصبيه ..
بكيفج ..هسة اعزل الكم ..
تعاي ..سلمي ع قائد واخذي الاكل ..
كامت تباع عليه بعيونه وتحرك بشفته .واكفه يم الثلاجه .
كالت لا عيني ..عبودي يغار عليه من قائد يكول عينه وصخه..
ضحكت ..استغفر الله ..عفتها وطبيت يمهم عزلت الهم بماعون وانطيته الها ..
كتلها ..ماتوقع عيونه تفرغ واني بعينه مجان سوى كل هذا علمودي ..وبتسمت بوجهها ..
رجعت يمهم ..اتعشينه وسولفنه الي عرفته ابوية راح يزوجني ..بغداد مقبل ..
كام قائد ..امي كالت كومي وراه ..دلي الحمام ..
كمت ويا ..كتله تعال..
مشى ويايه ..
طببته بلحمام ..الحمام ...
هاي المغسله وهاي الصابون وهاي المنشفه ..
ضحك ..
كتله لا تزعل من عبدلله ..
غسل ..خليت المنشفه بايدي ..
كال انطيني ..انشف ..
بقيتها بايدي ..وتقربت منه مسحت ..شفته وخدة ..بهدوء ..
وجريت اديه ..مسحتها ....
قائد اطول مني رغم اني طويله وكفت ع روس اصابيعي ..
وقربت شفتي ع ركبته ..من زمان بنفسي اشم عطرة .
شمت عطرة ..وبسته من ركبته ..
قائد احبك اموت عليك ..
عجل انا ..اتنفسج ..قمر لا تلعبين ع اعصابي ..
خلي اطلع يم هلج ..لا تحركين هلي وهلج ..بهلحركات
هههههههه احبك ..لاضوج منهم ..
..لعيونج بعد شتحمل قمر ..لاجل عين تكرم الف عين ..
اهلج راح يفكسون عيني ..
اسم الله ..
سهله ..حبي ..هانت مضل شي ..واجيبج يمي ..
طلعت ..وطلع ورايه ..
شفت امي لامه السفرة ..
فاتت من يمي خزرتني ..اني رجعته بلهول ..
ابويه واحمد كاعدين ..
ابويه ..كله ..
تعال راح يفوتك ..
قائد ضل يباع عليه ..كله ..بدت اللعبه ..
دوري الالماني ..تعال باوع اللعب ع صوله ..
كله عمي ةالله اتاخر وراي كعدة من الصبح ..
ابويه كله دكعد ..هاي ميونخ تلعب ..
اباع على احمد يضحك ..وقائد مديفتهم شي ..
كعد يم احمد ..
اسمعه يكوله لاحمد ..هوة اني منتخبنه ماعرفه من يلعب ..
عفتهم ورحت يم امي ..
وسويت جاي ..وفواكه ..
وكلما اطب عليه اشوفه يباع ..خطيه ..بس مجبور ..يباع
رحت كعدت يمهم ..
فوني دك مسج فتحته ..
كال رحمه لاهلج فكيني من احمد راضي ..
اني اضحك ..
ماعرف شسوي ..
كتبت رساله
كتله هاي ...ضريبه الي الي زوحني ...
واضحك ..ابويه مندمج ..وي اللعبه ..وكل شويه يكوله ..
دشوف ..وينفعل ..ويا بلحجي ويحجي ع المدرب لو ع اللعب ..
وهناك وابويه يكمز والله فاول ..من انعل اهلهم فاول ..
لعب مال زمايل ..وهذا حكم متحيز ..دشوف ويحجي وي قائد
قائد كام كله عمي ..اترخص منك ..يردون السيارة ..
بعد وكت ..انتو خطوتين ..
احمد كال لابويه ..بابا متكولي ..شبيك ..خبلت الولد ..عوفه ..
قائد كله لا والله حلوة اللعبه هسة من ارجع اكملها ..بلبيت
وسلم ع ابويه وكله كمل لعبتك ..
وطلعنه اني واحمد وقائد بلباب ..
وصل لباب..كال ..وحك الله جيت انجلط ..ابوج كل شويه كامز واكمز ويا عبالي راح يطردني ..لو بي شي وهذا كلبي كل شويه طافر
اني ضحكت ..
صير رياضي مثلنه ..
يول بس رياضتكم ام الفزة ..
احمد كله ..صير الي تصيرة بس لا تصير ريالي ..
كله لا عمي حدي اشجع ..نادي النفط ..
احمد صاحه ولد من جوارينه كبالنه ..
راح وكف كبالنه ..
وبقيت بلطرمه يم قائد ..
كال قمور حبي لا طلعين بلطرمه بهاي ملابسج وعدج خوان وربعهم يجون ..
كتله بدت ..
كال ..ابوشج ابوشج ..وهل الجمال بس لعيوني يصير ..
لا والله ..
اي والله ..
يلا كلبي اروح ..
وباجر انا اوديج لدوامج ...
ودعته وراح ...
مرت الايام ع كلبي وروحي مثل العسل ..
كل شي حلو بيها ..
يوميه يوديني ويجيبني ..للمعهد للبيت ..
المعهد كله عرف ..
هنا مروة ..من عرفت ..
فديوم ..بساحه اني والبنات ..
اجت وكفت يمنه هيه وبنات وياها 2..
كالت ..هي هي ..حظوظ صبا ..تقصد بنيه ويانه ..
اكو بنات ..لعبن لعب وتاليها اخذو الي يردو ..
حظوظ خيه خوما مثل حظوظنه .تعبانه وغيرنه.من حضن لحضن ..
كضوها ..
اني صرت اعصاب ..بنيه ويايه كالت قمر عوفيها تريد تضوجج ..لا تكبريها ..المهم انتي وخطيبج ..
كتلها مو مال اسكت الها جان استحت عشرة عمر وياها لا يوم ولا يومين ..7سنين يامه اكلنه شربنه ..ولج مقاهرتي بس هاي ..
يمعودة عوفيها اذا جاوبتيها ترتاح ..
تريد تعله اسكت وخله لبسيها ..
بس مسكتت..مروة يوميه حجايه يوميه مغثه ..
كلما اسكت تزيد ..فاض بيه ..
كلت لقائد عليها .ع كلامها ..
قائد مجاوب شي اكتفى يكولي تغار منج ودبارها يمي .
اتفقنه زواجنه يكون بدايه الشهر الجديد وحسب التساهيل ..
كلشي جان جاهز بيت ..خالته ..
وبيتهم فرغ الكل سافرو ..بقى بس قائد ..
وبدينه بلتجهيز ...
من رحت وشفت الغرف ..الي بلبيت بقيت ..
صافنه عليها متحتاح شي مع العلم هو. جان مصر ..
غرفه نوم جديدة وبردات ..وهاي ..الامور ..
وامي جانت ويانه ..وكالت اله ماله داعي تشتري ..
كل شي كامل..وجاهز .
قائد مراد من هاي الغ ف الجاهزة كال توصى افضل ..
واحسن ..
بكل شي ..جان يكوله مجان عندي اعتراض ويا ابد ..
شيكول اكول اي ..
شوية شويه ..غير ملابسي ..ولبست حجاب ..
من حبي ..
اله مستعدة كل شي اسوي ..وميهمني شي ..
صعب الكه انسان مثله احتواني بكل شي من حب وحنان صار الي اب واخ وحبيب ..
فديوم ..ورة مرجعت من الدوام ..جنت ادرس احاول اوفق بين دراستي وخطوبتي ..لان حرامات مضل شي ..
ع واكمل المعهد ..
دك فوني ..اباع رقم غريب ..
ترددت ارفعه تاليها شفته دولي ..
كلت يجوز سجاد اخويه ..
جاوبت الو ..
الو ..
صوت بنيه ..
نعم ..تفضلي ..
قمر ..
اي قمر منو ويايه ..
اني ام جراج سماح ..
هلو حبيبتي شلونج ..
بدون مقدمات وهاي مالتج الفرة وعود انتي طيبه ..
اني بقيت ساكته ..
شونه وياج الشفيه ..
نعم ..
ههههه فوكاها تحجي بادب ام السحورة ..
حبي انتي غلطانه مو هيج اني اسوي ولا راح اسوي ..
اي ..ام البنطرون كملي اسمعج كلامج درر..
اسلوبها جان مستفز لابعد الحدود ..
كلت لها الي تريدي شنو ..
كالت هيج اغرف اخباركم ..
كتلها قائد موجود وعرفي منه ..
لا لا حبيت اسمع منج اريد اشوف هلشدة الي هو. بيها شكد اطول شهر شهرين ..وراه يشمرج ..
استغفر الله عيني اشكرج ..ع كلامج ..اني اترخص منج ..
اكفي ..نسيت اكلج ..
ترة بلعافيه عليج فضلاتي ..
شنو يافضاله ..شدتحجين انتي ..
قائد ..فضلاتي ..
عيب هذا الكلام هذا رجلج ..ليش تقللين قيمته ...
ضحكت ..لو ما اهلي قائد ربع ميسوة ..
وسدته بوجهي ..
بقيت جامدة ..حسيت الدنيا دارت بيه ..
وابواب ..الحرب انفتحت الي شسوي اني ..
وياها ..وشنو هاسلوب المستفز والي مابي اخلاق ..
اني لو اعرف قائد مزوج ماعرفه بيوم اصلا ..
ولا اتقرب اله ولا احبه ..
ولوما اصرارة جان اني زوجت من زمان ..
وبعد الي غشته ويا مو بسهوله اتخلى عنه ..
صار جزء من روحي ...
عرفت ..راح اوجهه ..حرب طويله ..بزواجي ويا ..
واخذت جانب الصمت ومقررت احجي شي ..
لقائد ولا اكول شي ..
بيومها ..جان ..يجي يمنه ..ونطلع نشوف البردات ..
واختار الها ..
كملت دراستي ..وانهار جانت يم ..بيبي ..
وعساس امي ..تجي ويانه ..
رحت يمها كاعدة بلمطبخ هيه وندى ..
يلا ماما قائد راح يجي ..
اندارت عليه ..معصبه .ولافته راسها ..
كالت راسي مورم موتني وجع ..
ليش خيرج ..
ماعرف ..روحي انتي ..
ندى كالت وحدها ..
امي كالت الها اي وحدها شنو جاهله وعاقد عليها محكمه وسيد وقائد خوش قائد ..
ندى كالت خالة عبدلله ميقبل هسة ..
ماله دخل دام اني وابوها راضين ..
سكتت واني فرحت ..
وخابرته تعال ..
لبست بنطرون..كابوي وفوكاه قميص ..وردي .
وحجاب ومكياج خفيف ..
وطلعت كدام ابويه وامي ..
طلعت شفته واكف بلباب ..
رحت صعدت ..
كتله هلو حبي ..
اخذ نفس كال الله شنو هلعطر يموت ..
ابتسمت يلا حبي ..
كال وامج ..
لا
شنو لا ..
وحدنه ..
كذب يابه ..
والله ..
حرك السيارة ..وكال ..عجل يابه اليوم يومي..
الطريق كله يغني ..صوته يخبل وبي بحه ..
احسة تلامس روحي ..
ولازم ايدي .ويبوس بيها ..
حرام عليه اكطع ..هاي اللحضات واكولة شي يخص ..
مرته ..
بقيت ماحجيت ..واضحك واسولف وياه ..
وصلنه واختارينه قماش..اختاريت قماش بي مجموعه الوان هادئه ..وردي سمائي ليموني فاتح واختاريت . موديل ..
وكملنه ..وطلعنه ..
كال نروح نتعشى ..كتلة بعد وكت ع العشا ..
لعد ناخذ سفري ..
بكيفك ..
وكف واخذ عشا ..
ورجعنه لمنطقتنه ..
راح فات من جهه بيتهم ..
كتله لا قائد نرجع للبيت ..كال نتعشى يمي وارجعج ..
لا حبي غير مرة ..
منتاخر ابد ..شويه نكعد نسولف ..شبيج ..
ول ييابه ماكل بشر انا ..
كتله لا احد يشوفني داخله ابيتكم ..
وصلنه قريب ..
نزل فتح الكراج..
وطبينه ..جوة ونزلت ونزلت الاكل ..
طب فتح الباب ..
ودخلنه ..
البيت جان ..بارد ..والجو البرة حار دنيا صيف ..
طبيت ..وكعدت ع الميز ..
كتله توة اذن المغرب شنو جوعان صدك..
كال لا جوعان بيج انا ..
وتقرب مني ..
قائد بلا هلحركات ..
ليش حبي وحضني وخله ايدة بين خصري ..
قائد ..
كال
ماكدر امنع نفسي منج ..انا اتنفسج ..
ويشم بشعري ..وبركبتي ..وقرب شفته عليه وباسني
بين ايدة احس برد ..واحس روحي ترجف ..
واحس ..الدم الي بعروكي يمشي ..دافي ..
ياخذ دفو شفته وحضنه ..
دقايق واصحى ..
احس جنت بغير عالم ويا ..
خليت راسي ع جتفه ..
كتله اني مو بس احبك اني اتنفس هواك ..
قائد ..
اتمنى اعيش وياك عمري كله ..
كال قمر ..ضعف حبج الج بلقلب ..ولا ضنين اضرج بيوم يكفي عليه ..اشم عطرج ..اضوك شفتج ساعه كرز ساعه ساعه تفاح ..وله حلقوم ..
ضحكت يلا ..اكل دنروح ..
يولو مو جوعان ..بس طاكه روحي هنا ..وحدي ..
وردتج يمي ..
ضل يلعب بشعري ورفع راسي ضل يباع بعيوني ..
كال شنو هاي ع كصتج ..خياط ..
كتله ضربه قديمه .
يولي ..خياطها جديد ..شنو ..
شبيك يمعود كمت من يمه طلعن الاكل ع الميز.وارتب بي داكولك قديمه ..
اجه حضني ..وخله راسه ع جتفي ..وضل يبوس بركبتي
مو قديمه هاي ..وجديدة منهو وياج عبد ..لو منو ..
انداريت عليه ..
عوفها راحت يلا خلي ناكل ونروح ..
اكلنه ورجعني للبيت ..
طبيت محد حجة ويايه وعبدلله جان فوك ..
رحت حضرت هدومي ..للدوام ..
واتصلت بي ..وراها نمت ..
اجاني الصبح مثل كل يوم ..
وصلني للمعهد بعد ماطبع بوسه دافيه ع ايدي ..
وراح ..
دخلت ..بلمعهد ..شفت صديقتي جو.ة يم الباب ..
كالت الله جابج ..
شكو ولج ..
لج نسيت الاستنساخ مال ملازم مو المدرسه وصتني ..
استنسخ الكم
اي ..
امشي ويايه ..للمكتبه
هسه ..
اي بعد وكت شبيج واذا تاخرنه عادي ..دنستنسخ.
كتلها امشي ..
المكتبه صير قريبه ع المعهد ..
رحنه ..
طبينه.وبدة ابو المكتبه يستنسخ النه ..
اني طلعت برة اباع ع الغراض ..
شفت سيارة قائد فاتت..وهوة ديسوق ..
رحت مشيت كم خطوة.اباع اي هوة..هذا تيشرته الاسود هسة جان لابسه ..
وكف ..بفرع الجانبي مال معهد مبينه ..نهايه السيارة ..بس
رحت مشيت اريد اشوف شبي رجع..بيناتنه شارع ..
وسيارات الخطوط ..مال معهد
اشوف من جهه المعهد مروة..لازمه فونها.وتخابر وتمشي ..سريع ..
وفترت بظهر المعهدع الفرع الجانبي قريب ع .سيارة قائد ..وفتحت باب السيارة
وصعدت وي قائد ..
ومشى بسيارة ..

وللحكاية بقية