تسأليني/ للكاتبة سوزان المندلاوي، عراقية، مكتملة

[لامارا]

تساليني
ج 20
سوزان المندلاوي

مروة صعدت بصدر ..وحرك سيارته وطلع ..
كمت افتح واسد بعيوني ..اريد اشوف صدك هاي لو حلم ..
مشيت بسرعه اريد الحك عليهم ..مكدرت احس رجلي ..
ثكلت .وثكل وياها كل شي ..والنفس بصدري وكف ..
واختنك ..قائد مروة ..شعدهم الاثنين ..
دخت ..كعدت ..ع الرصيف ..
خليت ايدي ع راسي واباع ع الشارع لا عقلي ولا اني دنستوعب الموقف ..موقف يحبس الانفاس..
جتي عليه صديقتي ..الاء كالت ولج هاي شبيج ..
شكعدج هنا ..
قمر ..
قمر ..مو داحاجيج ...
مدافتهم كلامها عبالك تحجي ويايه داخل المي ..
انداريت عليها ..
كتلها كوميني ..
اسم الله شبيج ..
مدت ايديها ..وكمت وياها ..
الخطوات ثكيله كلش ..
شبيج قمر شصار ..وجهج مخطوف ..
مجاوبتها ..
كالت ولج خاف هبوط صار عدج ..
اشرت الها براسي اي ..
وصلنه لباب المعهد جان ..اكو كرسي مال حارس ..
كعدت عليه ..
كوة حابسه دموعي وداخلي بركان يصرخ ..
كمت اخذ شهيق زفير ..
حسيت شويه ارتاحيت ..
كمت ..رحت بساحه كعدت وضلت الاء يمي ..
اريدها تروح اريد يفرغ المعهد اريد اصرخ حجر وع كلبي ..واكف وع نفسي ضلت ..الاء يمي ..
جابت الي مي .بارد ..وعصير ..
جانت الدنيا حارة وااشمس ..تموع الروح ..
كومي قمر بلقاعه بيها بنكات ..
كتلها لا عوفيني اتفس هنا هوى ..
ولج بدت المحاضرة ..
حبي روحي انتي ..هسة استعدل ..
ولج شجاج هاي عين يامسكينه ..مكعد الج الفرح ..
كالت راح اطب اني ..للدرس ابقي هنا ..
اي حبي روحي ..
شربت العصير ..
وكمت للحمام غسلت وجهي ..
وبقيت افكر داخل نفسي شعندة يم ىمروة ..
شعدة وياها ..
معقوله جاي يحجي عليها ..
زين ليش ميحجي بوجودي ..
مرته كالت اريد اشوف شكد ويعوفج معقوله قاءد هيج ..
اووف ربي ..
طلعت من الحمام ..
مشيت ..اكو رحلة جوة شجرة بفي ..
اخذت غراضي والمي رحت ..
ضلت حسبه جيبني وحسبه توديني ..
كلام مرته ..كلام مروة كلام اهلي ..
اخ الله اريد بس يخلص الدوام ..
شجاب قاءد ع مروة عود اني ..كايله اله ضوجني ..
مرت ساعات الدوام كل ساعه بدهر ..
كوة يمشي الوكت ..
جوي يمي البنات شبيج وشبيج شريد اكول وشحجي ..
بالي مو يمهم مجرد اسمع ..وساكته .اباع ع الساعه 12
اوف ياللهي بس اريد يخلص الوكت ..
اذكر مرة كالو مروة تصعد وي قائد اني مصدكت بيهم .
هناك واذكر تكول هنيالج
انطي الي ..
اخ راسي راح ينفجر ..شسوي ياربي المن اوجهه..
زين اكوله لو لا شسوي ماعرف ..
كامو من يمي ..
كوة اكلت شي لان بديت احس بدوخه من الحر ومن الموقف الي صار ..ولا محاضرة طبيت ..
اباع بلوحدة وثلث ..مضل شي واطلع بس شون اواجهه ماعرف ..
رحت غسلت من جديد احس راسي نار ..
داخل نفسي يبرئ قائد حبي اله مدايقنع بلي شفته
ويغالط عقلي
من وكت ..وكفت يم الباب اريد اشوف مروةوقائد ..
ضليت واكفه .واحس الدنيا تفر بيه فر ..عبالك كاعدة بمرجوحه ..
صار وكت الطلعه ..اول وحدة طلعت ادور ع مروة ..بس ماشفتها ولا هيه الي داومت شفت قائد واكف ..
بشارع اخر شي ..
رحت مشيت اله ..رجلي ترجف ..احس نفسي اريد اوكع ..
وصلت ..فتحت الباب وكعدت ..
احس هذا المكان نكس غيري كاعد عليه ..
ويجوز يسمع نفس الكلام ..
جان مشغل تبريد ..
كال هلا كلبي شونج ..
تمام ..
ومشى ..من وكت طلعتي ..
اي ..
الطريق ..كله يججي وياه وماجاوب شريد اجاوبه ..
شكول صعب ..موقف صعب عليه ..
مداكدر اوجهه ماريد يكذب ..ماريد اصدك عقلي ..
اخ ..ربي ..
شبيج حبي ..اليوم ..
مابيه بس مصدعه ..
خير ..
ماكو شي ..
اريد اقوي نفسي ماكدر المن والمن اوجهه ..
كتله قائد ..اريد احجي وياك ..
خير ياربي ..
اريد فونك بس اخابر اهلي ..
جرة انطاه الي ..
وصلنه قريب ع فرعنه ..
كتله اجي وياك للبيت ..
شكو قمر ..
مجاوبته رحت ع الارقام ..ورسائل
شفت الصادرة والواردة من واحد اسمه ابو مينا ..
فتحت الرقم ..شفتة هذا رقم مروة حافضه نهايته ..وشفت رسائل ..بينهم
النار شبت بيه ..وماكو شي يطفيها ..
كال شدسوين ..
ايدي ترجف ..كتله اريد رقم اهلي ..
اخذة مني شبيج حبي اليوم لزم ايدي ترجف ..
طلع رقم امي وانطاه الي ..
وصلنه لبيتهم ..
نزلت اني كبله ..
جاوبت امي ..
هلو ماما ..
هلو قمر .خير ..
ماكو شي ماما قائد يكول راح نروح نشوف غرفه النوم كملت بس بقت كم شغله ..
ليش هسة مو العصر ..
مو يكول يعزل ها شتكولون ..
كالت روحي بس لا تتاخرين ..
خوش ..
سديته فتح الباب وطبب سيارته وطبيت ..
بقيت واكفه يفتح الباب مال بيت ..
اباع عليه بدة ..يرتبك ..وحاير ..
فتح البيت وطب وطبيت وياه ..
ذب السويج وكعد ..شكو قمر ..
كعدت ع التخم ..
اخذت نفس عميق ..كتله ليش قائد ..
شنو ليش يولو ..
شنو علاقتك بمروة ..
بقى يباع عليه ..بصدمه ..
شجاي تحجين انتي ..ياعلاقه ..واخذ حسرة ..
شافوكم اليوم سوة ..
كام اهووو ماكو هيج شي ..اني جنت طالع بشغل
قصد حجيت هيج ..اريد اشوف يكذب لو يكول الصدك ..
قمر..انتي صدكين ..بلعالم ..جذب.ماكو هيج ..
ضحكت ..وخنكتني العبرة ..
كمت ابجي ..واحجي ويا ..واحرك بابدي ..
ولك شفتك بعيوني
شفتكم بعيني صعدت وياك ..ليش تكذب شعدك وياها ..
وكف كبالي ..
قمر ..اسمعي افتهمي ماكو هيج شي ..
ولك شنو الي ماكو شفتك اني ..
صدك تحجين اكفي اسمعي ..
شسمع ..ليش صعدت وياك ..
جنت افهمه عليج ..
بربك ..
اي ..
وكل هذا الوكت تفهمها ..
ومخابراتك وياها ..
والرسائل لا تتاخرين انتظرج ..
وشلون صرتي بالي يمج ..
فسر ..جيب فونك ..شفته منك ..
قمرر.
لا تكول قمر ..ولك انت شنو ..ولك ليش ..
كمت اشهك بلبجي .حتى النفس راح مني ..
اجه يمي حضني ..
خليت راسي ع صدرة اريد اشم عطرها ..
معقوله ..هنت عليه ..معقوله هذا الحضن ..موالي
ولج مفتهمه غلط وداعه جهالي لا تبجين ..
اروح فدوة الج انا ومروة ..
دفعته ..كتله وخر عني ..واذا طخيتني بعد لا احرك ..
روحي ..
اهدئي فدوة ..وافتهمي الي صار ..
رحت غسلت وجهي وشربت مي ..
فدوة اسمعي لا تحكمين ولج اني احبج ومابدلج بالف ..
اي اسمعك ..
بس وخر من يمي لا طخني ..
رفع ايدة كال رجعت ..مالزمج
اكعدي ..
اجه جر كرسي وكعد كبالي ..
ضل يباع ع عيوني ..
كال ماكدر احجي شي قمر بس والقران والفرقان ..
ماعندي شي وياها ..
وحك الحك ..ورب الكعبه ماعندي شي ..وياها ..
بقيت اباع عليه ..
لزم ايدي ..قمر لا تخربين سعادتنا ..
انا احبج ..وبس انتي داخل روحي ..
وحاربت لاجلج ..نفسي ..لا ضنين عندي شي
بس شي جبير وماكدر احجي ..والله ثم والله ثم والله
دفعت ايدة ..
كمت كتله ..كلامك وي اهلي ماعندي كلام وياك ..
غراضك توصل الك ..كلها ومهرك هم ..
مو اني لعبة يمك ةلا كرامتي تتحمل خيانه ..
ولك عفت الكون كله رحت ع مروة ..
كال من انعل ابو مروة لابو اصلها يولو شبيج .
قمر لا سويها صدك ..
وكام طلع الباكيت ويدخن ..
وواكف كبالي ويحجي ..
كمت اني ..
بداخلي نار ..
كتله الصوج مني والله ..اني صدكت بيك ..
ولك طيحت حظي ..وشهرتني وفوك هذا ..
طعنت بشرفي ..وفوك هذا ..بقيت وياك ..
المفروض من الاول اعوفك بس كلت تعقل تكبر ..
بس طولت سالفتك ووصلت لهنا وياك ..
انت خنت مرتك بيه ..
وهسة رجعت خننتني بمروة ..
كمت اصفك شاطر ..والله ..كفو منك ذيب ..
قمر لا تنعثلين وشمرين حجي ..ماتعرفي ودوسين علي ..
كمت اعيط احجي واحجي كلك غلط ..
انت ..
قمر ..
ماعندي شي وي مروة سدي الموضوع ..ولا تكبريها ..
خوش ..قائد ..
وكمت اجر من ايدي الحلقه ..
هاي شدسوين ..
انهي كل شي بديناه..وشحدك توصل الي بعد ..
لا تكفرينه قمر ..
بدة يعصب ..وعيونه ..تجدح نار ..
جريت الحلقه ..
وفتحت ايدة ..
بلعافيه عليك مروة ..
وجريت غراضي ..
لزمني ..من ايدي ..قمر بس،واعقلي ماكو شي والله ..
احلف الج بسموات ماكو شي ..
هد ايدي اريد اولي ..
ماهدج ..ولا اعوفج ولا انتي تعوفيني ..
قائد ..وخر ايدك..
ولج مو قائد الي يخون انا ماخنت سماح انا حبيتج غصب عني ....
اخذت حسرة عوفني ..
وطلكني ..غصبا ماعليك ..
جرني كام يعيط شبيج انتي تخبلتي ماكدر احجي شنو الي صار وي مروة بس مصار شي من بالج ..
ساعدتها بموضوع وخلص ..
عفيه عليك .رجال ..
خنزر عليه شنو قصدج انا مو رجال بعينج ..
لا مو رجال لو رجال ماتطعن شرفي مو تشمرتي بشارع ..
ولا تخوني بعد ماتحديت الكل علمودك ..واكلت كومه كتل ورزايل ..
مو رجال ولا راح تصير رجال ..
الف واحد يتمناني ..ارجل منك ..واشرف منك ..
قمر ..بعلو صوته ..اسكتي
ضربني راشدي ..انجبي واسكتي ..
وحسيت ..حرارة ع خدي ..واذاني صفرت ..
لزمت خدي ..
ضليت اباع عليه ..
وفتحت الباب وطلعت ..
سمعته صااح قمر ..
وصلت للكراج ..وفتحت الباب وطلعت ..
بشارع ماعرف وين اروح ودموعي مو الي ..
وين اروح لبيتنه الكل ياكل كلبي ..
مشيت ع الشارع العام ..
ماعرف وين اروح ..
وصلت يم الكشك ..
وكعدت ع الرصيف،..
ضميت وجهي ..بايدي ..وبقيت ابجي،..
والعالم رايحه جايه تباع عليه ..
اجة ابو الكشك ..
كلي بنتي شبيج ..
رفعت راسي ..مابيه عمو ..
انطاني مي ..وشربت وغسلت ..وجهي ..ارتاحيت شويه ..
وكمت ..اخذتني خطواتي،..لبيتنه ..
ماريد اطب ..ولا اريد اواجههم يشي ..
طبيت كبل ..للمطبخ ..
امي تلكتني ..شبيج شصار قائد ..اجه يدور عليج ..
مجاوبتها ..
ورحت لغرفتي ..
جتي ورايه شصار. ولج راح تخزينه وي الولد ..
امي عوفيني ترة احرك روحي ..والله ..
لطمت ع وجهها شبيج ولج شصار ..
شصار ..كلامكم صح واني زماله ..
طلع بس حجي يمه ..
ولج شنو الحجي احجي ولج الولد اجه مثل المخبل ..
يدور عليج
ماما اذا اجه طردو وانطو فلوسه وذهبه ..
يمه ..اسم الرحمن ..ولج شدتخربطين ..
ي مثل مداكولج ..
مو هيه لعبه زوحوني طلكوني ..
ماما ليش بس اني حظي هيج ليش ..
فهموني راح اموت واطك ..
صل ع النبي ..وكومي غسلي شوفي شصار بحالج .
فهميني شسوة الج ..ضربج ..
كعدت ..ماما ماريدة ..خلصوني منه ..
يمه شنو ماريدة كتلتي روحج عليه ولج نسيتي شسويتي ..
لا مانسيت بس اني طايحه حظ ..
عفيه اريد ارتاح ..
ولج موهذا انتحرتي من وراه ..
ماما اريد ارتاح ..عفيه ..
ولج صخيمه ..لا سوين بروحج شي قمر فدوة ..
مابيه بعد انتي وحدة لعبتي بينه جوله ..
ماعرف ادعي عليج

ادعيلج ..ولج شسويتي ويا احجي ..
بقت فوك راسي . اني كمت اشوف مغوش ..
من الشمس ..والراشدي ...
والقهر ..
كوة عافتني وجرت المفتاح مال غرفه وفتحت الباب ..
خليت راسي ..ع المخدة ..
كمت اغفي وابجي ..ع حظي ..
سمعت صوت قائد بلبيت ..
كمت فزيت ..
بعدني بهدومي ..
امي اجتي كالت كومي اجه يحاجيج ..
كوليله يروح ..
ولج قمر ..
وحق الله كلمه بعد اطلع ورة البيت واحرك نفسي واخلص من هلعيشه وكمت اعلي حسي ..
وطلعت برة بلممر ..
خلي يروح وياخذ غراضه لا احرك نفسي واكول هوة حركني ..
شفتة اجه من باب المطبخ ..
طبيت للغرفه وسديت الباب ..حيل
وكعدت وراها ..
وسديت اذاني بايدي ماريد اسمع شي ..
ماستاهل هذا كوله اني ولا استاهل الي ديصير .
هم شفته وهم كذب ..وهم ضربني وميقبل يحجي ..علمودها ولج ليش مروة ..
جنت حاسه اكو شي يخاف يكوله ..
بس هيج هيج خسرني ..
مارجع بعد اله ..
طلع قائد وامي لمت الموضوع وموصلته لاحد ..من خواني ..
اني سبحت ..وطلعت لغرفتي نمت ..كلما اغمض ..
ابجي ..واذكر الي عشته ويا ..
والي سواه بيه ..
كل شي سويت اله ..بس لهنا وبس..
ماستحق الخيانه ..
فوني بعدة ..بلكنتور ..
بعد مانمت شويه ..رحت عليه ..
طلعته شفت كومه مكالمات ورسائل منه ..
والشحن خلصان هلكد مامتصل عليه ..
خليته ع الشحن ...
وباوعت ع عيوني ..وارمه ..وازرك جوة عيوني ..
طلعت يم امي ..
جانت كاعدة هيه وابويه ..
رحت كعدت يمهم ..
صبت الي امي اكل ..
ابويه كلي شبيج قمر اليوم شكلج تعبان ..
امي كالت ..اله معدتها خطيه ..
دنطيها حبوب خطيه ..
اي نطيتها ..
وجتي يمي ..
اكلي ودغتني ..وغمزت الي ..
كعدت اكلت ..
وحجو ويايه بس ..مالي واهس اجاوبهم ..
اريد ترجع عافيتي حتى اكولهم ..
ماريدة ..وخلصوني منه ..
اجوي الولد واحمد كعد يمي يسولف ويشاقه ..
كتله احمد اريد احجي وياك ..
واخذته بلحديقه ..
احجي شصار .ترة قلقتيني ..
حجيت اله الي شفته وصار ..
كام ..
كال قمر هوة نفسة الي قاتلتي عليه ..
الي تريدي شنو هسة ..
ماريدة بعد ..انت حاجي ..واحجي وي ابويه ..
كال لا تستعحلين يجوز ماضي ..ونهاه..
ماعرف شكوله لان ميعرف الاوليات شنو ..
قمر الولد يحبج ترة نذل من وراج ..هوايه
لا تستعجلين اني عاذرج هسة ..
بس ..ارتاحي كم يوم يلا تقررين ..مو خوش سالفه قائد مين طلعت النه بيها ..
اذا هيه رخيصه ..انت ليش تخون ..
ورجع كال ماتوقع خيانه اكو ان بلموضوع ..
لهذا ميقبل يحجي ..
روحي طبي ..هسة ادز عليه وافتهم لو اروح يمه ..
لا احمد انهي كل شي ..
روحي هسة ..
اتصل بي كدامي ..
الو هلا قائد شونك ..
هلو ابو شهاب ..
حبيبي اريدك بشغله
امر ..احمد ..
تجيني او اجيك ..
اجيك احسن ..
وسدة ..
وراح ..
اني رجعت ..طبيت للبيت ..اخذت حبوب مال وجع راس ..
وبقيت كاعدة ..
فتحت فوني ..كلام هوايه منه ....
قمر ...
هلمرة اني انسحب من حياتج ..صعب اعيش وياج ..
كل شي اسوي الج ترجعي بهموم الي ..وتاذين بيه
شريد اسوي الج ؟
كل هذا وتجرحين بيه ..وتسمعيني كلام يحرك روحي .
يولو كبرتج بايدي ..وماعرفج ..ولا راح اعرفج
يمكن خيبت ضنج بشي ..بس الف قسم قسمت ومصدكتي ..تريدين اسالي مروة الي صار شنو ..
تطلع منها ولا تطلع مني ..
ورايتي بيضه ..ودوم مرفوعه مو قائد يخونج .
حبيتج اكثر ماحبيت روحي ..
ولج لو يكولون ..منهو اعز امك الي جابتك لو قمر ..
اكول هاي امي ..بس هاي عشكي وروحي ..هاي نبضي.
الي تردي يجرة الج ..هسة
انا تعبت منج ..وراح اعوفج مجبور وائيست منج ..
همومي كله اجتي منج ..
جذبت الكل وعاندت بحبج ..ماستاهل منج كل هذا ..
ابد ..بس طلعتي تحبين نفسج وبس ..
ولا حبيتني بكد حبي الج ..
فوكها تكولين اتمنى ماعرفك ..وانت مو رجال ..
لهنا وبس وياج ..مابيه اتحمل بعد تعبت وتعبتي روحي
وخلصتي عمري .حبج مرض وصابني انا مريض يجي ..لويموتني .لو يموتني ...لو ميت ومسامعج ..
انا اسف ..


وللحكاية بقية

[لامارا]

تساليني
ج 21
......سوزان المندلاوي ...........

قريتها ..كلت ..بنقاص فوكها هوة ابو الراهي عليه ..
يهدد واعوفج متعوف مراح اموت ..
وشمرت الفون ع الجربايه ..
رجعت قريت الرساله مرة ثانيه ..
وثالثه ورابعه ..كل شويه اقراها ماعرف وين اريد اوصل وياها ..
طب احمد ورة ساعه عليه ..
كعد ..
كال عوفي قمر ..
شلون يعني ..
بقيت اباع عليه ..
كال عمي عوفي رجال مدمر حرام عليج ..ترة هوة حب مو مذله ..
ترة ماكو هيج ..انتي ..بلحضه تبعين الاول وتالي ..
ومسمعته كلام مينجرع
هاي شبيك احمد ..صرت ضدي
لا مو ضدج هذا حق واني حقاني ..
قمر ترة انتي لسانج ع كولته ..برنو ..
كل كلمه طلقه ..
جيت يمه شنو الصار ..فهمني ..شكال الك
كال والله مفتهمت شي ..بس هوة متاذي قمر حرام اكولها الج واعيدها ..قائد يحبج ..
ياعمي بعد شويه ..يبجي ..ويكول ماكدر اكولها شنو الي صاار صعب ..
كتله خلي تفيدة مروة ..دامه ميحجي
المهم هوة هم كال نترك بعض احسن ..
بس حرام عليج تاذي
ولك شسويت اله داكولك هيج وهيج صار
هوة غلطان وانتي غلطانه واثنينكم متعرفون تصرفون شبيدي عليكم اني ..تعبتوني
اكولج هوة شنو يشرب ..
شيشرب ..
شرب شبيج
لا ..ماعندة هيج
ماعرف..شفت شرب يمه ..
قمر ..عقلي وخابري وافتهمي منه بهدوء ..
والله يقهر ..اني مو رجال لا شفت ولا اشوف مثله ..
خسارة هيج انسان ..متتعوض ابد ..
اني راح ابقي كل شي وماحجي شي ..
لا تقررين شي قمر هسة ..
بس صعبة رجال ينكسر ..وداحسه مكسور
وانتي جافصه بطنه ..كون اني مرة هيج وحدة تحجي وياي..
احمد ..شبيك ويايه ..عود بس انت احجيلك
بكيفج ..
عافني وطلع ..
بقيت وحدي معقوله مو حقي اني ..شفته بعيوني وي مروة شو انكلب ضدي احمد
وشخابره وشكول اله
اذا هوة نكر اكيد متفقين همه سوة ..
وهيه هم راح تنكر ..
بقيت الوب ولا طلعت يمهم بعد ..
عبد يم بيت خالتي ..
البيت فارغ ..انتظرت ..ينامون ..اهلي واطلع
ضليت كاعدة بفراشي ..ساعه اكلب بلفون واقرهه ..
كلامه ..وساعه ..الم شعري وساعه افتحه ..
هف ياللهي ..
مرحله وتعدي ..ماتحمل هيج اني ..
من كتب ماريدج وطلعني اني ام الصوج ..
شبت نار بيه ..ماعرف شسوي
بس اريد اخابرة احجي بعد ..اكوله انت صوج منك وتضربني فوكاها ..
اتصلت بي ..اريد اريح نفسي تعبت ..
مجاوب ..
رجعت اتصلت بي ..
جاوب ..
بس ساكت ..
كلت الو ..
ساكت ..
قائد ..
اخذ حسرة ..وتالي وياج ..يابنت
ها هسة صار وتالي ..حقك مروة خانم عزيزة
قمر يزي بعد ..
انا هينه علمودج وانتي مجابلتني مغثه شنو ..الي تردي وانعل والدو الي مسواة الج ..ولا تشمرين علي حجي .وتنعثلين
انت الصوج منك ..
سكتني
عمي انا كلب وابن كلب ومو رجال وموخوش ادمي والعب ع نسوان ..ريحي نفسج ..خاين شضنين ضني
سكتت..ماقصدت هيج ..اني
بس الغلط منك ..
قمر تريدين تعاتبين ترة ديني كامز ..ماريد اسمع
ماريد اسمعج بعد ..سمعت هوايه ..واكتفيت
باع ترة ممخابرة اتوسل بيك ..وميهمني بعد ..الي تسوي تطلع طب براحتك ..
بس داكولك ابويه عرف و يكول ..
تعال باجر وجيب سيد وطلكني ..
وتاخذ كل شي جبته ونطيته
..وروح ع الحبيبيه اخطبها بي ..ويريح نفسك
سكتت ..
سهله قمر .. ارتاحتي ..تدللين ..خرب بروح اهلج ..وروحج
وسدة ..بوجههي
بقيت اباع عالفون ..
تخبل رسمي،..بدل ميبرر يغلط ..
اوف ياربي شسوي اني هسة خاف عباله صدك ..
يبووو ويجي ..باجر ..
خلي يجي اني مو ماريدة بعد عليمن احسب
زين اني شنو الي اريدة ..
ليش اريد اسمع منه ..ليش اريد اححي وياه ..
ليش ..ياربي ..

اوف شسوي يالهي ...
اخ ياربي ..طلعت برة طكت روحي بلغرفه يوميه هيج وكت اسولف وياه لحد ماعيوني تغفى ..
يوم واحد بدونه يمر صعب ..
مشيت بلبيت البيت اظلم اباع الساعه وحدة ونص ..
امي وابويه نامين ..
رحت للهول ضلمه ..بس اباع ضوة جوة البطانيه ..
طبيت ..
صحت احمد ..
رفع البطانيه ..
خرب بيومج كمزتيني شكو ..
ماكو شي ..
شدسوي .
داخابر ..
هااا..
شبيج ..
ماكو شي ..تريد شي ..
لا ..واشر الي داخابر
عفته ..
رحت للمطبخ ..
فتحت الثلاجه . شفت ماعون معكرونه ...
طلعته وكعدت ع الميز ..
وضليت اكلب ببلاكل ..وحتى ماكلت شي ..افكر ..
تالي ..ويانه ..
اسمع صوت شحطه سيارة ..بابنه ..شنو هاي ..
كمت ..وكفت يم الباب ..
وخرت البردة ضلمه ..مينشاف شي ..
كلبي وجعني ..ماعرف ليش
احمد شفته يمي ..
كال شنو هاي ..
ماعرف ..
فتح الباب .يمعود سدها لا سلابه شي ..ولج بس اباع شكو ..
لا احمد ..فتحها .يباع ..مد راسه ..
كال ولج هذا قائد شجايه ..لهنا ..
اني كمزت من مكاني،..
طلع طلعت وراه ورديت بابنه ..
رحت برة ..
طلعت حافيه ..
واكف بلباب ..والسيارة طابكها ع بابنه ..
كتله شعندك هنا ..
كال ..
ولج طلاك ماطلك..اريد اشوف يازلمه يطلكج ..زين
فتح الباب احمد جانت مزنجله ويندار عليه ..
قائد ع وكفته اباع عليه لابس دشداشه ..
سودة ..
طلع اله احمد جرة ..طببه بلكراج ورد الباب ..
كاله شبيك قائد عيب منا العالم ..اسكت يمعود ..
شفهمتك اني
دفع احمد ..خويي معليك بيني وبينها ..
مو ابوك يريد اطلكها ..
ماطلك ..
احمد كله منو كلك ..
كله ماطلك ..
اندار عليه ..عض ايدة احمد ..
اني جيت قريب يمه ..
كتله شبيك جاي بهليل ..
انجبي انتي ..
اشم ريحه سبرتو ..عرفت هذا شرب ..جنت اشمه باخوبه سجاد مرات ..
احمد جرة .قائد يمشي مترنح ...
روح ارجع لبيتكم قائد ..ولا تجي الا السيد وياك ..

كاله احمد هاي،شمسوي بروحك ..موكتلك عوفها ..
احمد كلي سكتي ..قمر ..
يمعود ..متكولي ششارب وجاي ..خرب بيومج قمر
دفع احمد ..
جر سلاح ..من خصرة ..
اني رجعت ..
يمه ..خبال ..
كال .لو اموته لو اموت روحي ..
ماترهم بعد ..واحد منه لازم يرتاح
اني جمدت بمكاني ..خفت منه ..لا يسويها صدك ..
كمت ارجف ..اريد اوكف عدل ماكدر ..
رجلي كامت تطابك من الرجف
احمد وكف بصفه كله قائد بلا خبال ..جيب السلاح يمعود ..انت شارب مدتحس بشي
يول هاي اختك موتتني ..كوة يحجي ..
اموتها وارتاح حتى مافكر .وراسي يرتاح ويضرب ع راسه ..بلمسدس ..
اكول ماتت وارتاح ..واروح ع كبرها ابجي ..
قائد ..استهدي برحمانك ..شنو هلحجي ..
اني رجعت خطوتين ..
اكفي ..بالله ارميج ..
ول يابه ..ارمي روحي ..وارميج .احسن
.احمد كال ..
خرب قمر ..حاجي ..شبيج ..
اني نعكد لساني ماعرف شسوي ..جانت دنيا ضلمه ونص الليل ..وكلمن ابيته ..كوة الكمر يعكس شكله وضوة الطرمه
قائد كام ينصي صوته ..
اي اموت ..احسن ..
يحجي ويايه ويحجي وي احمد ..
كوة مشيت ...يمه ..اريد احجي شفافي ترجف
قائد ..باوع عليه ..
قائد اصحى شدسوي بروحك فهمني ..
شسوي ..خسرت كل شي ..بقت ع هلروح طزز..
تفتهمين شنو طز
جيبه ..حبي ..بلا خبال ..
قائد ..اني احبك ..
كال انا مو قصدي ..اضربج والله ولج نكسرت وانبترت ايدي ..عساها بشلل..
انتي جفصين بطني ..
خوي احمد انا مو رجال ..عجل انا شنو مطي ..
احمد كله ..لا حشاك بس جيب السلاح ..
كتله ..حبي انت مفهمتني شصار ..
يحجي وي احمد باع هاي ..
شكولج ..مروة حامل من همام وخابرت تستنجد بيه ..اني ضربت ع خدي ..ماعرف شكول احس الكاع ..
فترت ..
كال ترضاها احمد احجيها بالله عليك وهيه حرمه وتبجي .وتكول دخيله بشاربك انا ...وتكول ابن خالتك دك دكته ونهزم ..
عجل المن امنتني ..اذا احجي الج ..
والله الا اطر همام طر ع هلدكه ..بس اشوفو
لا ازوعو حليب امو الي رضعو ..
اندار عليه ..انا احبج ..قمر وكام يبجي ..
تعرفين شنو احبج ..من انعل ابوج لابو الجابج علي ..
راح انتجى ع الحايط وكعد ..
كال كافي،..بعد تعبت ...انا تعبت ..ماريدج ولا اريد شي بعد
وكام ..يريد يضم السلاح ميكدر ..يترنح
اني من سمعت كلامه ماعرف شسوي ..
لزمه احمد ..حضنه ..
واخذ السلاح كله خووي رجعني
لبيتي البد بي ..احسن ماريد اشوفها ماتستاهل ..

وكف .مشى خطوتين كام .يذب من راسه ..ع جهه ..
اني واحمد كوة جريناها ..بلحديقه ..
وكعدناه ..
وجاب الصوندة وغسل اله ..وجهها ..
وضل يحجي عليه ..احمد ..
هاي الي ردتيها شكد تلحين دخيل الله ..
قائد بدة ينام ...
كوة جريناه ..هوة ثكيل .وطلعناه ..
للسيارة ..
صعدة ..
وصعد ..احمد يسوق بسيارة ..
كتلة اجي اخاف يسوي شي بروحه ..
كال رجعي لا اكفر بيج ..
اذبه واجي ..
احمد فدوة ..اخاف عليه ..
هسة خفتي ..روحي قمر
امشي طبي ..
كال
هذا اذا رجع الج اكبر مطي ..
قائد نايم ..بصفه
شغل السيارة ..
وراح ..
سديت الباب وطبيت جوة ..
ضليت كاعدة اوف ربي شسوي،..مروة وي همام ..
عزة بعينج مروة شسويتي بروحج ..
يمه ..ربي دخيلك استر علينه ..
ضليت انتظر ..
اتاخر احمد ..
دكيت عليه فونه ..بلهول ..
رجعت دكيت ع قائد جاوب ..
احمد
ها قمر ..
شصار ..
ماكو شي غسلت اله وبدلت ..
هسة جاي ..
اكولج شون اقفل بابه ..
اقفله وجيبه اني الصبح اروح افتحه ..
ولك لا يصير بي شي .
لا يمهودة شعليه نام هسة..بس هذا ميشرب وشرب ..و
اجانه حامي ووكع ..
عليك الله ..
اي والله شبيج لا تخافين ..
هسة باجر يكعد مصدع وراها يفض كل شي ..
ابقى يمه ..احمد
لا جاي طبيته بفراشه ..ونام
سديته وبقى بالي يمه ..
اجه احمد جاب المفتاح ..انطاه الي
راح سبح وبدل واجه يمي ..
كال ..تعبت شثكله يالله كسر ظهري
اريد انام ..
وانتي باجر احجي وياح تعبان هسة ..
راح نام ..
بقيت وحدي ع نار ...
اريد الصبح يطلع ..
ياربي ليش هيج متسرعه اني ..بس حقي ..
صعبة ...
ماكدرت انام ولا تغمض عيوني ..
افكر بمروة وبقائد ..
زين اذا حامل شلون يبوو يمروة شسويتي بروحح ..
نسيت همي وافكر بس بيها ..
نمت ماحسيت الا ابويه يكعدني ..يكولي بسبعه ونص ..
كمت ركض ..
غسلت ..وبدلت وطلعت ..
حتى ماحجيت شي وياهم ..
مشيت ..وصلت للباب ..
طلعت المفتاح ..وكعدت ..اجرب الا ان فتحت ..
سديتها ..
وطبيت جوة ..
شفت شحاطته ..بلكراج تك واحد شلتها وطبيت ..
هم جربت بلمفاتيح ..
بلاك كام يعوعو عليه ..من السطح ..
رجعت ....شوفته روحي ..كتله هلاو بلاك
شافني سكت ..
ورجع يعوعو كلب الدنيا ..
نثولت خفت لا يهجم عليه ماعرف شون ..فتحت الباب وطبيت ..جوة البيت اظلم ..احتصرت روحي ..
سديت الباب ودخلت ..
فتحت الاضويه ..
ورحت للربعه ..
فتحت الباب ..كفخني هوى ثلج ..مال تبريد ..
وشفته نايم
وخال ايدة ع راسه ..
اجيت يمه ..ضليت اباع عليه ماعرف شسوي ..
جان نايم بس بشورت الداخلي وهوى بارد ..
غطيته ..اندار ..وجر الغطة محس عليه ..
اباع بلكاع ..بطل ..كزاز ويمه ..كلاص ..
مشمور ..وماعون فارغ ..
كمت لميت الوصخ ..
وطلعته الريحه بي تكتل مقرفه ..وشمرتهن بزبل ..
البيت جبير وماندل شي بي ..
غسلت مواعين قديمه .
ورتبت البيت ..مسحت ..الكاع والمغاسل ..فتحت البوب ..
طولت ساعه ...اكثر ..
الوكت كله افكر جان يكدر يحجي الي ..
جان يكدر يبرر ..
وراها طبيت للمطبخ ..تلجوة ..
دذكرت شون سماح حجت ويايه ..هنا ..بعصبية
فتحت الكاونتر ..اريد قوري ..
مال جاي ضليت ادور ..
لكيته ..غسلته وخدرت ..
جاي ..رحت للثلاجه طلعت جبن وبيض ..وسويت ريوك ..
وحضرت الصينيه واخذتها ..يمه ..
رحت كعدت يم راسه ..
قائد قائد ..
مممم.واغطه راسه .
قائد كوم ..صارت دنيا ظهر ..
فتح عيونه . يباع عليه ..
عقش حواجبه ..
قمر ..
اي قمر ..
يلا كوم حبي غسل حتى نتريك ..
انداريمنه يسرة ..
كعد ..
شجابج يول ..
كتله يمك من البارحه ..
لا..لا
اي،شبيك ..
فرك راسه وعيونة ..ساعه شكد ..
بلعشرة كوم ..
كام لزمته ..
كال شبيج ..لازمتني ..اكدر امشي ..
صل يباع ع الغرفه ..وطلع ..
اجي وياك ..لا مالة داعي،.
راح غسل ...لبس شورت ..برمودا وفانيلا سودة واجه اني كاعدة بلكاع ..اجه كعد يمي ..
صبيت جاي .
ساكت ..
كتله اكل واشرب جايك ..
لا راسي يعورني ..ماريد ..
اكل ترتاح ....
وراها انطيك مسكن ..
شرب ..جاي وضل يفرك براسه ..
اني كاعدة كبالة واكل ..
الف كلمه ابالي بس ماكدر احجي ولا اريد اضغط عليه ..
وصلت مرحله داخل نفسي حتى لو خاني راضية اني ..
كوة خليتة ياكل شويه ..
وعاف اللكل ..وجر جكايرة ..وكعد يدخن
وثنه ركبته وكعد ...
ضل يكلب بفونه ..
ساكت ..محجى شي ..
شلت الصينيه ماعرف شسوي وله شكول اله ..
يذكر الي صار البارحه لا ماعرف ..
رجعت انطيته حبوب مسكن شربها ..
وكعدت كباله ..
كال ..يلا اوديج ..لاهلج ..
بقيت ساكته ..
كتله جايه علمودك ماعوفك اليوم ..
حتى غدة اسوي .
لزم راسه ..
قمر ..
نعم ..
سكت..وخذ حسرة ..ورجع انتجى ع الحايط ..
كال ماريد اخسر شي بعد ..
وياج جبتها كلها خسارة ..بخسارة ..
بس انت مافهمتني ..
اسمعي كلامي ..شوفي هذا الشيب الطك براسي مو من الماكو ..قرارات هواية غلط وياج ..
زوجتي اطفالي اهلي ..شغلي ..
شنو بقيتي هنا كولي ..
اهلج يكرهوني..كرهتي العالم بيه ..
اني ...شعليه ..
اطفالي يكرهوني ..امي مراضيه عليه ..
عمامي ..اخ يابه ..
شريد اخسر بعد كولي ..
يعني كلامك شنو ..قائد ..
تعبت ..شايفة ..الغركان وياخذة الروج ويشمرة انتي هيج وياي شمرين بيه ..
كعدت حسبتها حسبه اهل ..
اني ..اختنكت .حسيته ميريدني بعد ..
كال مابعتج..ولا خنتج ولا فضلت عليج وحدة ..
همام ابن خالتي واخوي ..وغلط وانزت الغلط علي ..
شسوي انا ..اضل ساكت ..والحرمه تتوسل بية ..وتكول انا بشاربك وانا ابن عرب ماعوفها قمر ..
واتصل بي يكولي فضها من يمك ..
ماكدرت اكول ولا احجي شي ..
هذا شرف ..
راح تكلين وانا من طعنت بشرفي ..
انا ماطعنت انا ردتج الي ..وحدي ..قمر ماردت اي احد يشاركني بيج ..
وياج ..مشيت بلا عقل ..وماحسبت حساب شي ..
قائد الي تريدة شنو من كلامك ..
تعوفني ..
سكت ..
احجي ..
كمت ..
احس روحي طلعت ..كله الصوج بيه ولا عبالك سويت وضحيت مديشوف بس نفسه ..
كال تعبت ..بس اني اضحي من اول هدة عفتيني ..
اذكرج لو نسيتي ..ميثم ..وهسة هاي السالفه ..
وبعد وبعد ..قمر انتي متحبيني ..ولا حبيتيني ..
وماعرف ليش .باقيه ويايه لحد هسة ..
لا غلطان اني كل شي سويت علمودك ..
بس اني مرة وضعيفه ..
كام وياشر فوك راسي ياضعف ..لا وراج مرة وجهال ولا خسرتي شغلج من وراي ..
ولج انا صفيت ع الكاع ..تفهمين لا ..
كام يعيط شسويتي ..وياشر بايدة انتي ابنج يخابرج يكولج بابا اعتبرك متت من يوم الي فضلت عليه وحدة. وعفتنه ...احجي ..
كتله شنو هسة يلا حسيت بندم ..انت ..وجاي طلعهن براسي ..
شفتي تعيريني ..بحبج ..
مو انت .تكول متندم ..
لا موندم ..يمكن متندم ع ..حبي الج وبس ..
غيرها لا ..
لو بس اعرف ليش حبيتج ..ليش ويضرب ع صدرة ..
هنا اكو حركه وشهكه ..موتتني ..طلعي من راسي لخاطر الله طلعي من صدري اريد اعيش حبج موتني ..
داخلي كبرياء احبه وماكدر اتوسل بي ..
كتله خوش ..الله وياك ..
هذا هوة ..سوي الي تريدة ..
كام ..
شفتي ..شون بايعتني ..ومتحبيني ..
حرت وياك ..ترة ..كاافي ..اذيتني بكلامك ..
طلعتني صفر ..
طلعت من الغرفه ..
رحت ع غراضي لمييتهم ..
وجريت الحذاء ..
وكعدت اريد البسة ..
اجه وكف يمي ..
اني ابجي ..
لبسته ..وكمت .وكفت ..ضليت اباع عليه ..
كتله ..ماعرف شكول الك ..ولا اعرف اوصل الك ..الي بداخلي ..
اني ..احبك والله ..ولك ماكدر بلاياك اني ..اني تعبانه ..
بدونك يوم واحد مر بدونك صار عليه سم ..
اغار عليك قائد شفتك بعيني وانت مافهمتني هم حقي وامسح بدموعي ..
هوة بس واكف ويباع عليه ..
تقربت منه ..
لزمت ايدة ..
خليتها ..ع خدي ..بستها ..
واباع بعيونه ..
بقى واكف ..
عرفت هاي النهايه ويا ..ويريد يخلص مني ..
متحملت صعب ..
عفت ايدة ..
درت وجهي ..اخذت نفس عميق ..احس روحي مختنكه ..
ماعرف افكر بشي ..
وصلت لباب الحديد ....
فتحتها ..
وانداريت عليه ..
ارجع لحياتك وبيتك اخذت منك هوايه ..
وابجي ..
ومشيت ..
حسيت جرني من ايدي ..وحضني ..راسي ع صدرة ..
كال روحي بس ..اخذي ..عطرج وحبج من كلبي .اخذي طعم شفتج من شفافي .وروحي لا تعوفيني ..معلعل بيج ..
وللحكايه بقيه ..

[لامارا]

تساليني
ج 22
سوزان المندلاوي ..

بقيت راسي ع صدرة ..ماعرف شكول ..اني محتاجته اكثر من كل شي ..محتاجه اسمعه ويسمعني ..
رفعت راسي كتله قائد لا اني معلعلة بيك ولا انت ..
كتلي اخذي روحي وروحي ..
انت اخذني ..يمك ..
خلي نزوج ..
شنو ..قمر .تعبت ..احس روحي اعرفج وماعرفج ..
خلي نزوج اليوم ..باجر ..تعبنه اثنينه ..
نزوج قائد ..ونكطع هلمشاكل ونخلص من كل شي ..
قمر ..بعد كم شغله ممكملها ..
رجعت حضنته وكتله ماريد شي والله ..منك ..بس انت اريدك حبيبي وروحي ..اموت عليك والله ..
خلي نزوج تعبت اني قائد ..
تعبت بكد ما انت تعبان ..
وجريت ايدة ..بستها ..بعدك زعلان مني
اني اسفه سمعتك كلام يجرج..بس متت من شفتك
وياها كمت ماشوف بعيني ..
لزمته من وجهه ..واباع بعيونه
صدك تريد تعوفني ..
صدك ..راح ضيع كل شي ..بينانه ..
هنت عليك ..اني ..
قمر ..لا تكولين هجي ..انا ماكدر بلياج ..انا اموت بدونج ..
وكتلج للوحه انا وياج ..انتي شمسي انتي كمري ..شون اعيش بدونج ..
كعدت احسبها شلون ماكدرت ..كلت اموت روحي وارتاح ..
بحبج ضعيف ..مايكدر عقلي يحكم ..
تعبني كلبي وياج تعبني ..
بس ..انتي ..
خليت ايدي ع حلكه ..كتله ..
لا تتعاتب ..قائد ..احبك وتحبني خلص ..
يحجي وايدي ع حلكة كام يضحك ..
ول اخ كلبي ..ازعل ع روحي وماكدر ازعل عليج ..
وج شجاي تحجين شهنتي انا بدونج ..ضايع ..
لزم ايدي خلها ع كلبه .هذا وكف وهسة رجع ينبض وياج ..من اول دك الج وبقى بس الج يدك ..كال اسمعي واحكمي احبج لو لا ..
دحكي شيدك ..وشيكول الج
خليت راسي ..
شيدوك .كال .يكول تساليني ليش احبج تساليني ..عن عذابي عن جنوني عن حنيني ..صرتي اهلي وناسي انتي ويامه عرفوني غريب .يامه عشت سنين عمري كلبي خالي بلا حبيب ..
وبعدج تساليني احبج لو لا
اخ قمر اخ ..عرفتي شيدك
يدك قمر ..احبج ..
اي اعرف ..تحبني ..بقيت راسي ع كلبه ..واسمع دكاته ونفسة ..
حضنته حيل احبك ..لا تعوفني ابد ..انطيني وعد متعوفني بيوم ..
رفع راسي ..وعد قمر ..بس الموت ياخذني منج ..
اسم الله عليك ياعمري ..
نزوج ..يلا عجل انا هذا الي اريدة ..
بس هلج شون ..منو كال يرضون وابوج يريد يطلكج ..
كتله منو كلك هيج ..
انتي ..
كمت اضحك ..جنت احرك بدمك ..
لا لا ..صدك ..
اي والله ..
يولو انا ..محروك جدي وانتي دابلين بيه ..
اضحك اي ..
وانا شربت هذا زوحار معرف شنو ..
صدك قائد انت تشرب ..
لا والله ..بس هلمرة سامع يكلون ..ينسي ..
جبت بلكي انساج ..
بس مانسيت هذا زيد الوجع ..
والله بيج كتله ..
وضل يشاقه ويايه ..ويعض بيه ع كيف ..لحد ماصفينه ..
اثنينه بلكاع ..قائد فوكايه ..
نفسه سريع ..وكصته عركانه ..
ضل يبوس بشفتي وركبتي ..
اني ماحس بلعالم ..احس روحي بغير عالم مابي احد بس اني وياه ..
احس ..برد .برد يمشي بدمي واحضنه حيل حتى ادفى بي ..
حضنه شفته ..دافيه ....اريدها دفيني ..
كوة حجيت..قائد ..كافي ..قائد ..ع بختك ..
جاوب بتنهيدة ..ي كافي ..وباسني من شفتي بوسه سريعه
عجل ..ماكدر الزم روحي بعد ..
وكام من يمي ..
اني كمت عدلت روحي .وشعري مكفش..
عبالك جنت داخله عركه ..
كمت اضحك ..
كتله ..بربك ..هاي عركه لوشنو ..
اجه يمي كال مصارعه بس طعم خاص ..
تعاي..ع كولتج نتصارع ونشوف منو الي يفوز بلاخير .
هههههه خبال من هسة اعلن انسحابي ..
صدك قائد ..
يعيونه ..
شنو سالفه مروة ..
اتركي السالفه ..
لا احجيلي اريد اعرف ..
والله ياكمر ..ماعرف شون وشوكت ..ياعمي ..ماعدها عقل راح انتحر واكتل روحي ..
قائد انت مسجلها ..ابو مينا ..
اي ..سجلتها هيج ..وحك الله ماعدي شي وياها واساليها .
وكعد ع التخم ..
رحت كعدت بحضنه ..كتله احجيلي شنو الي صار ..
والله بس اريد اعرف ..
كال كومي حتى اكدر احجي ..
لا احجي هيج ..
هههه قمر كومي.هجي ماكدر اححي كومي .وراها افهمج ..
كمت ..من يمه ...
كعدت بصفه ..
كال ..
سوينه جاي..وانا اسولف الج ..
كام ..عافني ...
ولك وين تعال سولف ..هسة دقايق اغسل واجيج ..
راح كمت سويت جاي ..اندليت مكانهم...
وكملت وصبيته ..
اجه ...
كال جيبي بلربعه ..رحت يمه ..
جان سابح ومبدل هدومه ..متعطر ..وكاعد ..
كال دحكي ..انا اعرف عدها علاقه بهمام ..وصار الهم هواي قبل لا اخطبج ..
قبل شكد بضبط ..
من اخذناكم ..انا وهمام ..
اي بفترة عرفت ..
اي كمل ..
جنت اشوفه الليل كله يسولف وياها انا شلي شغل بي ..
بس ..قبلها حاولت وياي اكولها الج ..
من تعاوفنه رادت عالجت انا مانطيتها وجهه وحولت لهمام ..
كلت اله همام ماتفيدك يول لا ضل تسمع الها
ماهم لكلامي ..
اي ..اوو.ف مروة حرام وياج..كل شي ..عود اختي وصديقتي
اي ..بفترة ..انا نكطعت عنهم جانت تحجيلي يزعل ومن هلحجي انا مالي واهس شي حاير بيج وبطلايبج ..
كمر ..جيبي نفاضه وجكايري بجيبي ....
كمت قريبات همه..
جبتها وخليتها يمه ..
دكمل موتتني عاد ورانه كومه شغل ..
اي لا تستعجلين
قبل مدة خابرت كالت انا عندي موضوع وهيج وهيج ..
شنو الهيج ..
كالت انا يمكن حامل من همام واتصل بي ومايرد ..
اي ..
همام يكلي حلها من يمك ..
انا شحل وشسوي ..ضليت حاير بزماني ..
ساعه تكلي اشتكي وساعه تكلي انتحر ..
حاجيته يكلي ماخذ انا وحدة طلعت وياي
وانا ممسوي شي الها..
اوكف لا دوخني ..شنو ممسوي ..
قمر سالفه طويله وتعبانه حيل ..
ولك شنو ..
تقربت منه مدافتهم شي ..والله ..
قمر مروة بعدهي بنت بس حامل ..
يمه هاي شنو اول مرة اسمع هيج ..
دخيلك ربي ..
بيوم الي شفتينه انا اخذتها ..تحليل ...
وطلعت حامل واكو جدة وحدة مدليتها عليها ..
اي ..
وديتها ..وكالت الها انتي بعدج بنت ..بس حبلى
يمه ..وين اكو هيج ..
وتالي ..
تالي الله الوالي ماعرف شراح اسوي ..
والله ..هيه .غبيه وهوة طايح حظ انا لو ما انتي جان رحت لعمان واشوف حل ويا ..
لا صايرة ولا دايرة مو من شيمتنه هيج ندك بمرة بدكه ..
من اخطي شي كون اكون كدها ..
مو انهزم بس هذا اطرم انا اله ..بس اكمل حسبتي وياج ..
اووف مسامعه هيج ترة فريت دماغي فر قائد ..
والله هذا الي جرة والي صار ..
وهيه شنو ابالها ..
تريد همام يزوجها ..
اوف ليش هيج رخصت روحها ..
يمكن طمع يمكن حب ..يمكن غيرة منج ..
قائد ..شغيرة ..
شبيج يول ..تريد تصير مثلج .
انا حجيت وياها ع كلامعا وياج عادتها بعد ..
لا لا ابد كامت اذا شوفني ..تروح ..
دخيلك ربي استر على بناتنه ..بقيت صافنه .
يعني كلام مو منطقي ويمكن لعبة منها ..
قائد متاكد حامل .
اي والله .
وانت شعليك ..
قمر ..ماكدرت تتوسل وتبجي ..حتى رادت ذبه بس انارطلعت منها مالي دخل اخش بخطيه ..احد
يلا كوم ..
وين ..
نروح لاهلي ..
وكولهم راح نزوج ..
والغرفه بعد الها اسبوع وتكمل ..
موهمهم قائد ..
كولهم كلشي كامل والبيت صدك كامل ..
زين اهلي ..وحفله ..
كمت اني ..
قائد ماريد لا حفله ولا شي زفه وبس ..
والله لو عليه اروح اجيب هدومي واجي ..
هههههه عجل يابه هلكد مستعجله ..
ولك مو هيج بس كلبي خلص طلايب ..
وجنت خايفه مروة لا سوي طلابه ..
واصلا اكلت رزاله من اخويه من سمع كلام قائد ..
والف يمين حلفت اني كاطعه علاقتي بيها
قمر انطي عطوة لا هيج ..
وكفت تخوصرت شنو ابالك ..
بس كولي حتى اعرف ..
ياعمري ..غير ..اكول لاهلي ويجون يحضرون ..
خوش شوكت لعد ..
قمر شبيج مستعجله ..
خليك عيني ببرودك ..وشوكت متريد براحتك ..
ههههه انا اتمنى انتزوج ..اليوم واصلا هيه بقت ع هلهوسه ..
سهله يابعد عمري ..اليوم احلها ..
مرت الايام ..
اني وياه مصافين بس شرطت عليه يترك سالفه مروة ماله دخل هو بشي ..ولا يجاوبها
واني هم غلست عنها ..
ومهتميت ..
وكملت باقي التجيهزات الي عندي ..
وحددنا موعد زواجنه ..
الخميس الي جاي بعد اسبوع ..
وبديت اطلع يوميه ..اكمل النواقص،.
هنا اهلي عارضوني .بس وكفت بوجهم ..
وكتلهم عوفوني ابفالي محد اله شغل بيه ..
وقائد هم دز ع اهله .
اجه همام ..وامه وخالته ومرته واطفالة ..
فديوم بلمعهد ..طبيت ..للحمام .
شفت مروة دتغسل وجهها ..
وكفت يمها ..
ردت احجي وياها صح هيه اذتني هوايه بس ماعندي هذا الكلب الي يشيل ع البشر ..
بعدين كلت مالي دخل داريد اطلع مالت قمر .
اندارت عليها ..
كامت تبجي وحضنتني ..
تبجي بحركه ..
انقهرت عليها ..مردت روحي ..
وطلعنه برة ..مردت ترجع علاقتنه مثل قبل ..
بس ردت ..اوكف وياها مهما يكون بينه زاد وملح ..
كتلها احجيلي الي صار وياج ..
بقت تبجي وتكولي تورطت ورطه لا صايرة ولا دايرة ع بشر ..وتتوسل بيه احجي وياهم ..
حجت الي نفس كلام قائد ..
ماتغير حرف ..
بس اني مابيدي شي الها ..
ووعدتها بس اشوف همام اكوله ..
جانت تكول انتحر وانتحر ..
وحاول اصبر بيها..
وبعدها ..انكطعت علاقتي بيها ..قائد مقبل احجي وياها
ومن عرف سوالي زعله ..
اخذت اجازة ..
وبقيت بلبيت ..
بلكوة دبرتها ..الاجازة ..
قبل يومين من زواجي ..
اخذت هدومي وتجهيزاتي ..ورحت لبيت قائد ..
الكل جانو موجودين ..من اهله جنت ماريد اتواجه وي زوجته..
بلباب كتله لاقائد ..خايفه ..
مين ..
من كل شي ..احس كلبي ممرتاح ..
لا تكولي هيج ..
ماكو شي يصير ياعمري هنه يومين ..
وانا وانتي ..نطير ..
وين نطير ..
نسافر ..
لسوريا ..
ليش ..
شهر عسل ..حبي ..
لا قائد ابويه ميقبل ..
مو حالة هاي قمر كل شي اهلج مايرضون بي ..
تعال نطب ..
طبيت تلكتني امه تهلهل ..يومه كلبي يريد يوكف حتة من الهدوم مبين شكد يدك ..
وارجف خايفه منهم وخايفه من كل شي ..
سلمت ع الاكل وكعدت ..
كعدت امه يمي شونج يمه ..
الحمدلله
واهلج ..
كلنه بخير وانتو ..الحمدلله..
ضلت عيوني ادور ع ام جراج اريد اشوفها الي عرفته جايه ..
بس ماكو مالكيتها ..
قائد عدة 5خوات بس ماشفت منهم بس 2
الباقيات مشفتهن ..
جهاله شايفتهم صور ..واحد 9سنه والثانيه 7سنوات ..
امه كالت ..
بلمبارك عليج ..
قائد ..فرحان ويبتسم الي وجانو يسون البردات رايح ..
جاي ..
الله يبارك بيج حجيه ..
انتي مثل امي والله ..واحبكم ع حب قائد
يما اذا مثل امج خلي قائد يرد مرته من اهلها ..
انداريت عليها ..
ليش زعلانه ..
بلي زعلانه لعد شحسبالج انتي ..
والله ماعرف ..
يايما الضرة ماتموت وهوة اختارج ..بعد مالنه حجي ..
والله حجيه اكولة ..
اي يما كولي اله ترة عمامه مراضين ع زواجج..
بقيت ساكته نفس الحجي انعاد ..
شسوي اني ..
هزيت براسي اي ..
كالت جهاله خطي يربون بعيد ع ابوهم .
يما مابيه مشاكل بعد ..عمامه مراح يسكتوله ..
فات قائد ..كال خير ..يمه
امه كالت لا يمه خير ..
بس سالت ع مريتك ..وكلت الها ..يم اهلها ..
يمه ..بعصبيه كال الها ..
كالت ماحجينه شي ..
اي قائد ماكالت شي ..
كومي وياي يلا رتبي غراضج ..
كمت من يمها..
ورحت للغرفه..
طلعو الولد ..بقينه اني وياه ..
وكعدت اصفط بلهدوم ..
هوة ..مدد ع الجربايه ..
كتلة ..قائد ..حبي..
كال قمر مالج شغل بيها خوش ..لا ضوجينه ..
وباجر انا مسوي حنه ..
واعزم اهلنا كلهم اهنا ..
اي..بس اسمعني حتى لا يكولون اني السبب ..
مو انتي انا الي ردتها هيج تصير ..
ياعمي اهلنا يزوجون ..والله اكثر من وحدة بس هاي انسانه انانيه ومتفكر بس بروحها وياريت ..زينه وياي ..
لا هي الزينه ولا هي االادميه .خليني ساكت ..
صار سنين مخنوك...وياشر ع ركبته ..
قمر انتي راحتي وماريد احد يسلبني راحتي ..
مالج شغل بيها ..
اجه حضني ..ويشم بركبتي ول يابه اخ ياعطري .
انتي ..ياضوة عيوني ..
انداريت عليه ..
حبي ولزمت وجهه لخاطري رجعها ..ولخاطر جهالك
اهووو قمر ..ماردها ..مرة حاسبه نفسها ..اشترتني وتهدد بيه باهلها ..
قائد عمامك مو غرب ..ليش هيجي وياك
اتركي هلموضوع بعدين نتفاهم بي ..
بعدين بعدين لا تعصب ..
كملت كل شغلي ..
وتغديت وياهم ..وراها جبت البدلات ..للحنه ..
اختاريت ..لون احمر ..والثانيه ..وردي ..
ورجعني للبيت ..
الايام ..بسرعه مشت ..
ثاني يوم حضرت روحي ورحت لصالون ..
احمد وداني ..
اختلف كل شي اختلف احساسي ..
اكو فرحه بداخلي ..متنوصف ..واخيرا راح انجمع بنور عيوني ..
واخيرا راح نزوج ...
وصلت للصالون ..واجه سرايه ..لبست الفستان الاحمر الاول ..ومكيجت الي مكياج يرهم وي الفستانين ..
كملت مكياجي ..
اباع ع نفسي كلش حلوة طالعه ..
عبالك مو اني ..مكياج نازك وهادى ماحب الهوسة ..
وحمرا وردي ..طوخ ...
ضلت امي تهلهل وصلي ع النبي وكالت الي ام الصالون باجر من وكت تعالي ..
طبعا ابويه مقبل ع سفرنه ..لسوريا ..ولا اي مكان ..
وقائد حجز بفندق بابل ..
اجه احمد اخذني اني وامي ..الطريق كله اني فرحانه حتى ركص ركصت بسيارة من الفرح ..
وصلنه للبيت ..
دك قائد عليه ..
ها حبي انتي وين
اني توني وصلت للبيت ..
اجي ..
وين تجي ..
اشوفج ..
ههههه لا ميصير ..
بالله عليج بس اشوفج وارجع ..
ولك بليل تعالو من نخلي حنه ..
قمور حب مو الحنه حجزت قاعه لان ربعنه هواي ..
يعني هناك يحنوني ..
تصدكي بالله عبالك اول مرة بعمري ازوج ..
يمعود عض لسانك فدوة لا تحسدنه وطير فرحتنه ..
هههههههه ليش عود لساني ..
ماعرف امي هيج تكول ..
ول مايصير اعض لسانج واضوك الحلقوم ..
ولك ..
يولو مابيها ولك بعد ..
هسة اجي ..
لا وتجي بليل نتحنه سوة خوش ..انتظرك ..
بهلحجي طبيت اني للبيت ..
وجانو اهلنه موجودين ..وصديقات امي المعلمات ..
وصديقاتي الكل جاي لان تاخرنه يم الصالون ..
وبدت ..الهوسة ..ودي جي ..
ماكعدت لحضه كل ما اكعد اكولهم كوموني اركص ..
احلى ايام بعمري تمر عليه ..
بكل نفس احمد الله ..جمعني بي ..وكون اتم ع خير
ماكو شي ينغصني ..وحتى اذا اكو ماسمعه ..
رادو يحنوني مقبلت الا وياه ..
صارت بسبعه وبثمانيه ماكو ..
اتصل بي ميرد عليه ..
اخر شي طكت روحي ..
دكيت ع احمد كتله احمد روح شوف قائد بيتهم واذا ماكو جيب رقم همام ..
بهلاثناء دك عليه قائد ..كتله احمد دك قائد لا تروح وحولت ع قائد ..وهوسه يمه ..
كتله وينك يمعود ..
وي من انتظار ..
ويا احمد ..
اهاا ..
وينك ادك عليك
كال ماسمعت والجوال بجيبي ..
شوكت تجي ..
كال حنوني ربعي هنا ..
صدك تحجي دانتظرك ..
والله ياقمر ..
ماريد اسمع .عيني مو صوجك صوجي اني ..
انتظرك واخلي العالم تنتظر ..
قمر هم راح سويها زعله ..
لا عليمن هذا هوة..يلا اروح اني باي
وسديته صدك ضجت وطفرت روحي ردت اني ويا نتحنه ..
كتلهم حنوني لان حنوة جماعته ..
اجوي خواته وامه وكرايبه يمنه ..
دخلو يهلهلون ويصفكون ..
بوسوني وكعدو ..يمنه
اخته كالت ابو حراح دزنه نحنيج ..
وبوستني ..
كمت لبست البدله الثانيه الوردي تكون قصيرة ..والظهر مفتوح ..وبيها شغل نازك..
وجيت .
جابو صينيه الحنه ..
وكامت اخته ..حنت ايدي ..
امي كلبت الخلقه ..تريد المديرة تحنيني ..
يكولون الي تحني لازم بختها عالي ..
حتى عود اصير من بختها ..
كملت الحفله وبقو اهل قائد يمنه ..
بيتهم قريب ..
فوك العشرة ..
نسمع هورنات ..بلباب ..
اني تعبت من الدك والركص ومنايمه ..
فتحت ااشباك..
شفت مجموعه شباب بلباب ..
امي ..كالت قائد ..
انهار ..كامت ..لان راح يطب هيه وندى ..
اني ..بقيت كاعدة .
طب قائد ..وكامو يهلهلون ...
عيوني كوة افتحها من التعب والمكياج راح والتسريحه ماعت من الحر ..ومنا ضايجه لان ماجه
اجه كعد يمي ..
فدوة لطوله ولضحكته ..يبتسم الي
اني كالبه الخلقه ..
شاورني ..شطالعه ..يولو كيك .خوما كيك ..
اخ يابه كون ابوكج .
اني الضحكه بكلبي مجاوبته ..
جر راسي باسني ..
اباع اصبعه بي حنه ..
كامت امه بوسته .
وكل شويه يدغني ..لو يشاورني ..
واني مستمرة ..ولا فكيت ..
اقل الساعه .
وكامو كلهم ..
يلا نروح ..
امي كالت بعد وكت ..خليكم يمنه انتو قريبين..
كالو لا ..بعد باجر ورانه الزفه ..
وقائد كال ..ان شاء الله ورة الخمسه ..يمكم ..
طلعو اهله ..بقينه اني وياه وحدنه بلاستقبال ..
كال .ياولو زعلانه ..علي ..ليش الحلو زعلان ..
ماكو شي ..مزعلانه ..عادي ..
ميلوك الج ياعمري ..
يلا رايج باسني من كصتي وطلع .

وطلعو ..
اني صدك تعبانه يعني ماكدر افتح عيوني ..
بس رحت بدلت هدومي ..
وغسلت وجهي ..
وميته جوع اكلت لفه من اكل الحفله ..
وكعدت بلهول ع الهوى البارد ..
وجبت فوني يمي ..كلت اخابره ..
بين ماكملت اللفه ..
بدون ماغسل ..ولا اخابرة لان داك عليه هوايه ..
نمت بمكاني ..من التعب ..
ثاني يوم كعدت بهلاهل ..
كوة افتح عيني لوما عرسي ..ماكعد ..
اباع ساعه 7..
رجعت غطيت راسي ..ماما عوفيتي تعبانه ..
ولج يادوب نلحك بين ..سبحين ونتريك ونطلع ..
بس شويه فدوة ..
كومي جرت الغطه ..
ولج عيني كومي ..
عيوني متنفتح ..من النعس ..
كمت .كوة غسلت وكعدت..
ولج طبي سبحي بين ماسوي الريوك .
يوم ..
دكومي ..
كمت سبحت وصحصحت ..وتريكنه وطلعنه ..
جبت البدلة ومناك رحنه للصالون ..
بقيت انتظر لحد ماجه سرايه ..دكيت ع قائد قبل لا تشتغل ام الصالون ..يدك محد يشيله ..كلت ملتهي ..اكيد بلتحضيرات ..رجعت الفون بلجنطه ..
بدلت ..بدلتي ..وامي طبت ويايه ..لبستني ..
وضلت توصي بيه ..

ع زواجي وع ضرتي واهله ..
وبوستني ..وحضنتني ..وضلت تبجي ..
تكول ماعرف ضلمناج ماعرف هاي سعادتج ..
الله يسعدج ..بحياتج .
كتلها يامي اني هم ..راح ابجي ..
لا حبي لا تبجين اليوم عرسج وربي يهنيج ..
حضنتها حسيت نفسي رجعت طفله صغيرة ..
طلعت ..اني وبدلتي ..
جانت حلوة ..منفوشه ..وكيمونه ..ونازكه كلش والشغل الي بيها نازك مو هوسه متت علما لكيتها ..
كالت ام الصالون يلا حبيبه تعاي اكعدي ..
انطيت غراضي لامي ..وكتلها بس يدك قائد انطيني الفون ..
كتلها سوي الي سوي بس لا صبغيني واريد حمرا لونها بلون وردي وسخ ....
كالت بس غمضي ومعليج انتي ..
غمضت عيني ..
واجت كل الافكار ابالي من اول يوم وكعت بلحفرة وهد عليه الجلب ..مغمضه واضحك ..
تكولي ام الصالون شبيج اذيج ..لو ادغدغج
اكولها لا مابيه شي ..
ورجعت ع مشاكلنه والكتل الي اكلته ..
اووف ربي ..
شذكر وشذكر ..المهم هسة ..اليوم عرسي ..
جتي امي كالت اخوج سجاد يحاجيج ..
وخرت اباع روحي بلمرايه مثل كاسبر ..
فتحت عيني مخروعه ..
اخذت الفون ..
ها سجودي ..
مبروك ..حبي ..
الله يبارك بيك يوم الك ..
فدوة لعمرج...شونح شخبارح ..
تمام ..مشتاقه الك والله ..
اختنكت ماعرف ليش وعيوني انترست دموع كمت من الكرسي ..
كتله سجاد سامحني اذا بيوم اذيتك حبيبي ..
حسيتة هوة هم صوته تغير .
كال اني اريدج تسامحيني ..
كمت ابجي ..
امي جرته مني وضلت تسولف ويا..
ورجعت ع الكرسي ..كالت انتي عروس ماريد بجي ..
ماعرف احساس غريب بداخلي احس قصرت تجاه اخواني هوايه اذيتهم واذوني ..
كل شويه ادمع عيني ونسيت المكياج الي خالته .
كالت ماريد بجي بعد ..
كملت مكياجي ..وبدت بلتسريحه ..
اني يمها تعبت وجعت ونعست ..
علما كملت صارت فوك ال2الظهر ..
اجه اخويه اخذني ..من الصالون ..
طبيت البيت صح فرحانه بس داخلي مقهور ماعرف ليش،..
اول ماطبيت ..رحت ع الجدورة ميته جوع ..
اسمع وحدة تهلهل اندار ام اوس ..بطرمه
شفتها ..كتلها خاله ازوجت ..واخيرا زوجت المكرودة
كامت تضحك واجت بوستني ..
هنوب مخلوني اكل ..المكياج يتخربط كوة اكلت لكمتين ..
وكعدت وفتحو الي القران ..بحضني ..
ضليت اباع ع الناس ..والفرحه بداخلي ..
وبقيت انتظر اشوف روحي ..
وحبيبي وابويه واخويه وزوجي ..ونبض قلبي ..
بقاط العرس ..
طب احمد حجة وي امي ..امي كامت ..من يمنه ..
شويه وراحت انهار ..
اتاخرو ..
كمت رحت يمهم واكفين يحجون ..
الكل ..
اني وبدلتي كوة وصلت يمهم ..شكو شبيكم ..
امي كالت ماكو شي ..
لا اكو شي شنو ..
ندى كالت ..قائد..
كالت قائد احس رجلي ماتت ..
شبي ..
ماعرف ..
بقو يحجون عليها اهلي ..وسكتوها
كالت اوي شعليه اني ..
يم بيتهم مكلوبه الدنيا ..شرطه وعالم ..

وللحكاية بقية ..

[لامارا]

تساليني
ج 23
::::سوزان المندلاوي :::::

احس رجلي مدشيلني ..من الخوف ..من اول يوم عرفته الخوف بداخلي ..جان منه ومن اهلي هسة صار من القدر والدنيا ..
اكعدت ..كوة احجي ..شكو شصار ..
احمد كال والله ماعرف ..
امي راحت يم السنك ..فتحت المي غسلت وجهها ..
كالت عفيه ..زواج ..سوة جلطه بينه ..
وانتي ندى معرفتي ضبين لسانج شويه ..
مكلتي هاي عروس لا تنهبط ..
امي جابت ملح ..
وكالت خلي بلحلكج يمه وطبي حمام لا تنهبطين ..
ندى...اوي شعلية شنو قابل اني هيج سويت بيهم ..
امي ،،لا موانتي بس كتلج لاتحجين ..
موزين عروس ..
صار مجادل بين ندى وامي ..تاليها ندى صعدت ..
انهار كاعدة يمي ..كالت لا تخافين ماكو شي ..
احمد فدو.ة معرفت ليش ..
لا والله واستحي اروح هناك ..
لا فدوة مابيها استحي ..
اخاف صار عليه شي ..
اتاكد فدوة ..
قمر هسة اتصل ع قتيبه وافتهم منه ..
اجوي الخطار ..
كامت العالم تجي ساعه اربعه ..
اني بقيت بلمطبخ ..
اجتي ..مرت عمي كومتني وكعدتتي ..بلهول ..
احس دم ماكو بجسمي ..نشفت ..
مرت عمي ..كعدت بصفي ..كالت .
بنيتي ..مرات من كثرة الدعاء رب العالمين يستجاب النه الي نريدة ..
بس اذا مو صالح النا يدز النا رسائل ع شكل ..
عرقيلات ..وهلسوالف..
واذا بيها صالح ..تشوفيها ..تركض ركض السالفه ..
انداريت عليها ..هزيت براسي يعني شنو ؟
كالت اتمنى تفهمين الرسائل ..
لا رسائل ولا شي راسي راح يطك من التفكير ..
كلبي يوجعني ..
كمت ..مداتحمل ..امي كاعدة بلمطبخ ..
كتلها شصار ..
وكفت يم باب البرة ...
كتلها راح اروح بعد مابيه صبر خاف صار عليه شي ..
جرتنيي اكعدي وانجبي ..هسة نفتهم متكوليلي من جبتي علينه .بس مشاكل وطلايب
..لا تخافين لو صاير شي نعرف ..
صارت بلخمسه ولا قائد بين ولا احمد رجع .اجه ابوبه وعبدلله وعمي ..وليث ..
اني بقيت رايحه جايه ..
والعالم بس تباع وشوف القلق ..مبين عليه
رحت للمطبخ اسمع .عبدلله يحجي ويهوس ..
ع قائد ..طبيت ..
ابويه كال ..
قائد متوقف قمر ..
شنو ..ليش ..
ماعرف متعارك ويامن وضارب واحد ومتوقف .
لا بابا ..جذب ..
عاط عليه شنو جذب ..
امي اجت يمه دخيلك ابو سجاد العالم منا لا يسمعوك.
ولج شحجي ..وهوة بلتوقيف..هاي هم الخطوبه ولكينه عذر اله ..ترة وصلت حدها بهلزواجه .الطايح حظها من هسة ..
عبدلله كال وعليمن تحرك دمك ابويه .نفركشها ..
لا اول اثنين ولا اخرهم الي توصل للزواج وتفركش .
الكل ..كامو يحجون علية..عبالك اني وقفته ..
حتى مابيه بعد اسمع كلامهم ولا احجي ولا ابرر ..شي ..
صارت بسته واني ع كعدتي .
وامي دور حجج بتاخيرهم ..لا دزو احد ولا احد اجه منهم .صارت دنيا غروب ..
كمت ..لغرفتي ..غصيت بجي ع حظي ليش توصل للحلك وتطلع ليش ..
المن انخى والمن ادعي منا لليل اذا ماجه اروح اله اني ماعوفه وحدة .واعرف هوة مغلطان بشي ..
بس حظنه ..ماعرف شبي مناوي يكعد .
عقلي وكف الف حسبه منا مروة اكول ماتت وذبوها براسه منا اكول مرته منا عمامه ..
احمد مديجاوبني ..
وكفت كبال المرايه ..كلت شوكت ارتاح واعيش حياه طبيعه شوكت فاض بيه بعد .
طبت انهار ..
كالت جاينن بلطريق ..
منو ..
ولج قائد ةاهلها واخوج هسة..
دك ..
عليج الله ..
اي والله ..جتي يمي ..مسحت دموعي ..
وكعدتني ورتبت الي المكياج الي نزل ..
وعدلتني ..
اني بس اريد ابجي ..تعبت والله ..
مو زواجه هاي ..
يلا عمري لا تنقهرين تصير هلسوالف ..وتنسي
بس كون ابوج يمشيها ..
اي اي ..
كملت وطلعت ..كل حيل مابيه احس حيلي انهد ..
كملت ..وطلعت ..
حتى ماباوعت ع روحي بلمرايه ..
مدين راسي بلمطبخ يحجون اهلي ماريداسمع شي هسة يجي واسمع منه ااي صار شنو ..
رحت كعدت ..
احلى شي اروح واجي يهلهلون ..واني فاصله
كعدت بيناتهم ..
اباع طبت مروة ..
اجتي طشت جكليت وبوستني وكرصتني .
كالت يوم الي وراج ..
ماكو مجال اسالها ع الي صار بيها شنو ..
بس اشكرت منها .
وكعدت يمي ..
شاورتني مروة صرتي منهم حاجي همام جيت حتى اشوفه .
كتلهاسهله هوة وين ..
كالت بيتهم كلهم ملمتمين..
بين مدنسولف صار رمي قوي ..وهورنات ..
احس كلبي وكع ..
وهلاهل ..ومزيقه ..
عرفت اجوي ..
مثل السعفه ..وهوى عالي هذا حالي ..
شفافي جسمي ايدي كل شي بيه يرجف ..
ماعرف من الهبطات مدري من الفرح وخوف ..
لبسوني ..بركع كامل ستن ثخين وكبوس ..بي ..
ودنجت وبيدي القران ..
ورجلي تهتز من حالها ..
استحي ارفع راسي ..
طبو ..حسيته كعد يمي ..ولزم ايدي ..
ضلو يهوسون ويركصون ..
اني مبركعه ..ومغطيه وجهي ..اختنكت شوكت يشيل البركع عني ..
جانو يحجون وياية بس ممركزة ع شي منهم ..ولا دافتهم كلامهم احس دماغي رست ..
حسيت نفسه قريب ع اذني ..
كال يلا قمر نكوم والبركع ماينشال من وجهج ابد ..
شويه رفعته عن وجهي مداشوف شي ..
ورفعت راسي اشوف بس رجلين تكمز ..
وهوسة المزيقه اني بين هاي كلامها ..
محاسه بشي ..بس ..عبالك اني بنص .غرفه فارغه ..
ومشغلين اغنيه عاليه ودايخه كلش ..
كوموني ..البنات واهلي رفعت البركع شفت انهار بصفي ..
كتلها اختنكت ..من البركع ..اشرت ابديها ..يعني شسوي ..
لزمت قائد ..ومشيت ويا ..
طلعو الزفافه ..اني بس اشوف رجلين ..
ادنيت ع قائد كتله ترة حالي من حال العميه بس ارفع وجهي ..
لا لا ..قمر ..ماكو ..هذول اهلنا وماريد احد يشوفج
طلعت من الباب ..
وكامت العالم تصعد بسياراتها ..نطبق عليه المثل
مثل الاطرش بزفه اني ..
كدرت اشوف ابويه واخوني واكفين ..
قائد سلم عليهم وبوسهم وشكر منهم ..
واسمع هوسات ..
نشكر من كال اخذوها ..نشكر من عمها وابوها ..
وصرت كبال ابويه رفع عني البركع ..وبوسني ..
واخواني هم غبدلله واحمد وعمي ..
هنا حسيت قطعه من روحي انسحبت مني ..
احساس غريب شكد جنت اريد بس اخلص منهم وازوج .
هنا لا حسيت نفسي شكد قصرت وياهم واذيتهم ..
وخاصتا من حضنت احمد ..الوحيد الي جان متعاطف وياه .والي هوايه ساعدني ..
رجعت غطيت وجهي ..والدنيا ..جانت حارة نار ..
احس مو بدله لابسه بركان ..
اجتي امي وصعدتني بسيارة ..
اني صعدت بصدر ..
وامي واخت قائد كعدو ليورة ..
وبدت الزفه ..
الطريق كلة قائد ساكت ..
مو هذا عرسي الي ردته ..ولا ردت هيج ..
ردت ابين للعالم هذا الحب انتصر ع كل شي ..
وصلنه للمصور ..ونزلنه ..
اني ويا ..
طبينه ..جوة ..
وخرت البركع عني ..
عدلت مكياجي ..
طبت بنيه ..كالت جاهزين كلت الها لا بعد ..
صحت انهار ..رتبتني ..
هذا كله وقائد ساكت ماعرف شنو الي صار بس
وحدة من اللقطات انتبهت جوة شفتة اكو ضربه .
وصايرة حمرة ..وخدش ..
كملنه الصور ..
كتله قائد فدوة خليني لابسه بس ..ع جتفي مو اختنكت
ومثل العميه ..
كال لا قمر ..متنزعي ..
اهووو لعد اني عليمن مكيجه ومسويه تسريحه .
وكف يمي عدل روحه ..
كال الي مو للعالم الي برة ..
حباب ..شبيك ..
لا ..يعني لا ..
سكتت ..ونزلو البركع ..عليه ..
بعد ماطكينه صور ..وي الكل ..
ولحد هسة اني مدافتهم شنو الي صار ..
وصلنه للفندق ..وطبت سيارتنه ..
العالم واصدقائه بقو ع الدك و الركص ..
يعني احلى يوم بعمري اني كل شي مفتهمت منه ..
صعدنه وصعدت ويايه امي ..واخته ..
ودعت اختي ..واهلي ..
بعد ماشبعت بجي ..
بقت امي يمي ..شويه ..وبوستها ونزلو ..
قائد سد الباب ..
اني كعدت ع الجربايه وشمرت الكبوس ..
بعيد واباع ع الغرفه ..سويت كامل ..
اجه ..يمي ..
كال شونج ..
ضحكت ..كتله صدك تحجي ..
كال اي بالله ..صدك ..
كمت ..كتله حلوة الغرفه ..
قائد شبيك اليوم وشصار ..وليش تاخرت ..
كام يلعب بشعرة..
كال ..
عجل انتي ناويه ضلين بلبدله ..
كتله ..هااا ..لا هسة ابدل ..بس اريد اعرف شصار ..
ضحك كال بدلي ..ونتعشى ونسولف ..
اي اطلع ..حتى ابدل ..
وين اطلع ..
برة ..شنو وين ..
من صدكج ..انتي..
اي ..لعد شلون ..مابدل كدامك ..
ههههه قمر اغمض عيوني ..
تريدين اساعدج ..بشي ..
اهوو قائد كلبي خلصان من الهبطات اليوم ..
اجه قريب عليه لزمني من خصري ..كلي ..واخيرا .
صرتي الي وانا الج ..
اي ..صدك واخيرا ..بس كولي شصار اليوم وصدك متوقف .
لا يايه منهو كلج هجي ..
والله الكل ..
بدلي الاول وراها نكعد كعدة عرب ونسولف ..
اي ..
اني مرتبكه وخايفه منه ومن الموقف ..ومن كل شي ..
كل مرة انجمع بي واعرف ا جع لبيته هلمرة لا اختلف كل شي ..
كتلة عيني شنو معناها الطريق كله خانكني خنك ..
ضحك ..كال هذا هوة حلت عليج العنه ..
يمه يالعنه ..
لعنه قائد . بس اله وحدة ..
هاي شنو يمعود الزفه كلها ركض بركض كل شي مافهمت .
شتريدين تفتهمين يابعد كلبي ..انا افهمج كل شي هسة ..
افهمج المضمون ..
قائد..
لا يولو مابيها لا قائد ولا خالو ..ولا عمو ..هاي ..
انا محروك جدي صار سنه عليج وانتي راح تكضيها علي ..
بلبدله وخايفه .عجل من شنو خايفه ..
انا ..قائد نفسة ..
لا مخايفه شبيك ..بس اريد اعرف شصار ..
رحت فتحت جنطتي طلعت الي ..ملابس البسها ..
سيت النوم الابيض ..و كتله ابقى هنا انت اني رايحه ..
للحمام ابدل ..
قمر صدك تحجين شجاج يمعودة ماتخيلتج هجي ..
كتله راح اكوم اغسل وجهي وابدل ..
كال ..اي والله غسلي ..نسيت شكلج .
هااااا..يعني شنو حلو لو محلو المكياج ..
ضحك ..كال ول يايه حلو ...
اخذت هدومي ..وطبيت ..للحمام ..
اريد ابدل ..ضليت اباع ع شكلي ..حلو ليش هيج ديكول عليه ..اووف ياربي ..شراح يخلص اليوم ..يااللهي ..
اريد افتح السحاب ماكدر ..
ضليت بلحمام رايحه جايه ..
صاح قمر ..
نعم قائد ..
شبيج ..شنو عصيتي ..بلحمام ..وله نمتي
هاا لا بس ..ماكدر افتح السحاب ..
فتحي الباب ..
فتحتها ..
يضحك ..كال انداري ..
انداريت ..
فتحه ....وباسني من ركبتي .ول يابه اخ
كمت ارجف ..كال .خلص شبيج ..لا ترجفين
لزمت اابدله من فوك اطلع يلا ..
قمر .تعاي احاجيج ..احجي ..اني لازمه الباب اريد اسدها ..
تعاي مو جاي احجي وياج ..
كام يحجي بعصبيه ..حدري هينه ..يمي ..
جيت ..رحت ..وكفت يمه ..
خله ايدة ع وجهي ..كال شبيج يابعد عيوني ..
عيونج ..تريد تبجي ..ولشتج ترجف رجف ياهو وياج .
ماكو شي حبي بس متوترة ..يلا اطلع..
طلعته وسديت الباب ..
وبدلت هدومي ..ولبست السيت
السيت مال نوم ..جان ..طويل ..ستن وبي فتحات ..
وكيبور ..وروب ..
لبسته وطلعت ..شفته كاعد ..ذاب الرباط والسترة ..
وفاتح قميصه وكاعد يكلب بلفون مالته ..فونه جان دب ..
رفع عينه عليه ..ضل يباع ..عليه ..
كام ..اني بقيت واكفه ويباع عليهه من فوك ليجوة..ويكلي منين ابدي..فهميني اني ميت جوع ويحطون كبالي خير الله كله...منين يبدي؟؟
اووووف ....مثل الي بحرب وانتصر...احمدك ربي...اخ يول...انتي الي والي وحدي..بعد ..
تستاهلين الحرب ..
وحك الله ..ماشوفين قهر وياي بعد ..
انتي اميرتي واميرة كلبي ..
لزم ايدي ..باسها ..كلي راح ضلين مخروعه ..يول..
لا ..
عجل شبيج ..
جوعانه ..ضحك ..
كال كلمن يجوع يريد يبجي ..
لا ..قائد مقهورة ع اهلي ..
ضحك بصوت عالي ..
كال ..هسة ماعرفنه جوعانه عطشانه ..مقهورة
لا ..
يلا ياعمري ماوترج اكثر اكعدي ..خلي ناكل ..
كعدت ع التخم ..وكبالي ..ميز صغير ..
وصينيه ..
وخر من يمي ..
ذب قميصه والبنطرون وبقى بملابسه الداخليه ..
اني ..طببت راسي ..بلاكل ..
واجه كعد يمي ..
كال شتنتضرين ..
انتظرك ..
وخر السليفون ..بلم مشواي بانواعها ومقبلات ..وببسي ..
عدلت روحي لان جانت رجلي مبينه ..الفتحات طويله ..
كال ..ي ضمي ضمي ..اجيبلج درع بعد ..
لا شبيك يمعود ..
كتله ..قائد ..
راح اكوم اسبح ..منرتاحه ..
ذب الاكل ..صدك ..شبيج انتي ترة ماتوقعتج هجي ..
شجاج ..
مابيه والله بس اريد اسبح ..
خوش ياكلبي ..بس ..ضوجتيني ..
رجع السليفون ..
وبدينه ..نفتح التسريحه راسي احسه بي شبنت ..
مو ماشات ..يفتح ويايه ويشاقه ..ويضحك ..
وحجة الي شويه ..
كال واحد من ولد عمي اجة وتهجم عليه ..اخو سميحه
وضربني ..وضربته بس لا توقفت ولا شي ..
هاي اهلنا .من الجيش وجاي..يمنه ويا حمايته ..
تقريبا ما اقتنعت ..بكلامه ..
فتحت التسريحه ..
بعد عناء طويل ..
وطبيت سبحت ..
طلعت شفته ..ع كعدته ويدخن ..
شعري،..مبلل وجسمي مبلل.ماخذت خاولي ويايه ..
شربت ..مي ..
وكعدت ..يمه ..اجه تقرب مني ..
كال ..
اكلي هسه ..
اي اكل ..
كال حبي ..لا تخافين لا صدكين اذيج ..بيوم ..
اي ..
وبدينه ..ناكل ..
اكثر من مرة ..يوكلني من حلكه .يخلي الاكل بحلكه ويقربه من شفتي يكولي اكلي ...ومن اخذها يبوسني ..
بديت احس ..براحه ..ويسولف ويشاقه ويايه ..
كملنه الاكل ..
وجرني .من ايدي .اخذني ..ع الجربايه ..
وبدة يحجي ..ويتغزل بيه ..
قمر ..انا اسعد انسان بلعالم ..وشكد رادو ..ياخذون سعادتي ..انا بقيت بفرحتي ماخليت اي احد.ياثر بيه ..
احلى ليله بعمري واجمل يوم انتي يمي ..
يتقرب ..من اني ..ادنى ..
ساعه يحجي ويايه بحب وساعه يعصب ..
احجي شبيج ساكته ..
كتله حارة نار ..الدنيا
كل نزعي الروب ..عجل ..
لا ..بعصبيه ..جاوبته
خله ايدة ع رجلي وكام يحرك بطرف اصابيعه ..ويدندن ..
دفعت ايدة ...هاي شنو ..مو هيج اتفقنه ..نسولف ..الاول
جريت اللحاف تغطيت ..
كال ..هسة شكو ..
بردت ..
انا ادفيج ...
بقيت ..متلفلفه ..
اخر شي ..كال يولو مابيها تاجيل ..ولا سوالف ولا مدابل ولا شقه ..نشفتي ريكي ..بس بقى احجي نشرة الاخبار ..
تقرب مني ..اني وصلت للحافه ..
وكعت من الجربايه للكاع ..
نزل ورايه يضحك ..
اني ستغليتها فرصه وكمت ابجي ..
كتله هسة ارتاحيت اخ ..يالله ..
صار ..فوك جسمي ..
كمت ارجف ..جسمي كله يرجف ..حسيت برد ..
كتله فدوة ..
خله..اصبعه ع شفايفي ..وضل يحرك باصبعه ع شفتي ..
بس اضوك ..العسل ..الخوخ ..التين الحلقوم ...
ماله داعي الخوف والبجي ..ول اذي روحي وماذيج ..
كال كافي احنه ..روحين بجسدين ..
خلي نصير جسد واحد..وروح وحدة
نفسي سريع ارجف احس كلبي راح يطلع ..من مكانه ..
حسيت بنفسه سريع ..وشفايفه الدافيه وزعت بوسات ع ركبتي وشفتي .غمضت عيوني وسلمت روحي وقلبي اله ..هذا حبيبي وهذا سعادتي ..بين كل ..بوسه منه.كل لمسه. ..يهمس باذني احبج ..اموت عليج ...............
كام من يمي .باسني من كصتي ..
كال ..مبروك ام ايهم ..صرتي مرت قائد ..
فديتج ..وفداج هذا الكون كله ..
ياحلى مرة ..يااطيب من العسل ...
انتي بنت كلبي وبنت روحي ..
ورجع باسني ..من شفتي ..وكومني ..

كمت ..اني هم ..غسلت ..وبدلت ملابسي ..
بيومها ..مانمنه ..لسته الصبح ..احنه نسولف ..
ونضحك ..وكل شويه يتغزل بيه ..ويشاقه ويايه ..
ماتوقع اكو بعد سعادة اجمل من الي بيها اني ..
ماتوقع اكو ادفى من حضنه بلكون ..
صارت بسبعه ..
حضرت غراضي.
كتله امشي نطلع ..ماقبل بس بقيت الح عليه ..
نطلع من الفندق ..
لميت غراضنه ..وبدلنه ..
وطلعنه ..دنروح للبيت ..

وللحكاية بقية ..

[لامارا]

تساليني
سوزان المندلاوي
ج 24


طلعنه من الفندق ..لان ضجت ..اريد مكان ارتاح بي
جان المكان مو مريح ..
وقائد ..قيدني لا ضحكين صوتج عالي ..
تعاي هينه ..البردات ..تبين ..
ومن هلسوالف ..
ردت ..نرجع للبيت ..حتى اخذ راحتي ..اكثر ..
طلعنه ..
بلطريق امي اتصلت عليه ..
صباح المبارك ماما شونج ..قمورة .
هلو حبي اني الحمدلله ..وانتو ..
زينين كلنه ..رجلج يمج ..
اي ..ليش؟
لا ماكو شي ..شخباركم ..شلونه وياج ..
ضحكت ..تمام ماما ..كل شي تمام ..
بلمبارك ..ياعمري ..احنه هسة نجيكم ..اجيب الريوك ..
للفندق ..
ماما ..احنه راجعين ..للبيت ..
ليش ..
اخسن ضجت ..
عليج الله ..
اي ةالله ضجت ..وكتله نرجع ..
ديلا بسلامه من توصلون ..دكيلي واحنه نجيكم. .
خوش ..وسديته منه ..الطريق كلة اسولف ويا ..
وصلنه للبيت ..
جان همام وقتيبه ..موجودين وبعد واحد من اهله ..
بدخلتنه للكراج ..
طلعو سلاحهم .ورمو ..
اني دجنت وركضت جوة ..
شفت امه وخالته ..استقبلوني بهلاهل ..
واندار قائد الولد يسلمون عليه ويبسو .
بمبارك وتهلهل خالته وامه ..
بوستهم وكعدت ..اتصلت باهلي يجيبون ..
الريوك ..
طب قائد والجنطه بايدة ..
سلم ع اهله وهم هلاهل ..ويباركون النه ..
جانت امه ..خاله كليجه ع الميز ..
اجت ..قدمت الي ..اني اكلت منها كلش ..
طيبه ..و اكل قائد ..
كالت اكوم اسوي ريوك ..
كتلها لا حجيه اهلي جاين ..دقايق ..
قائد صاحني تعاي ..قمر ..
اني كمت ..وراه ..
رحت طبيت للغرفه ..بعدها الفرشه ..البيضه ..
والقران مفتوح ..والجكليت ..
كال ..طلعيلي ..دشداشه بيضة ..
وبدلي ..حتى نتريك وياهم ..
اي ..
سديت الباب ..وطبيت طلعت اله هدومه وطلعت الي ..
كلابيه ..كريمي .وبيها شغل ذهبي ..خليجه ..
لحد هسة اني ماماخذة عليه ..استحي منه ابدل كدامه
انتظرته ..يطلع حتى ابدل وارتب نفسي ..
بس هو بدل وكعد ..
يلا دنطلع بدلي ..
كتله اطلع الاول ..
ضحك ..كال قمر انا ماتخيلج هجي ابد ..
الي يشوفج بلخطوبه مايكول ..انتي هسة ..
كتله ليش شفت مني ..
شفت منج الجرئه ..
ي بس هسة استحي وانطي صبر ..بعدني ماتعلمه عليك ..
اجه تقرب ..مني كال ماطلع الا تبدلين كدامي ..
كسري هلحاجز ..
لا قائد فدوة اهلي جاين..
ماطلع بالله ..الا تبدلين كدامي ..
اهووووو مو حاله ..
هاي ..
تقرب اكثر ..كال هاي ..اهووووو اضوج منها ياريت ماسمعها بعد ..وبدلي ..
قائد ..
ماسمع بدلي ..
واني مابدل ..
عجل ..خوش ..شعدنه احنه لا تبدلين ..
اوف ..
اي ..اف ..
كمت .فتحت الكنتور ..وبقيت بابه مفتوحه ..
وصار الكنتور الي ..مثل الحاجز ..
ذبيت الفستان الي لبسته ....اجه ..دفع الباب ..
غطيت .نفسي بلهدوم هاي شدسوي ..
ول يابه اني رجلج ..لا تستحين ..
اطلعي ..ولزم ايدي
ماطلع ..
اطلعي قمر لا تعاندين ..
جرني كوة ..
كتله ها. ارتاحيت هسة ..ترة ماكو شي جبر ..
داكولك انطيني فترة واتعلم عليك ..
رجعت ورة ااباب ..بدلت وكملت بس ضجت منه ..
ووكفت ..ع المرايه ..
هوة كاعد ..ع الجربايه ..
امي ..
دكت ..ها ماما ..
نجي لو بعد ..
اي حبي تغالو دنبدل ..
ها لعد شويه ونطلع ..
خوش انتظركم ..سديته ..
كال ماطلعين ..هجي ..
انداريت ..عليه ..شنو ..
ماطلعين بلبسج هذا ..
شنو السالفه قائد ..
قمر ماطلعين .ياكلبي ..ايدج زنودج كلها مبينه ..هذا شفاف ..
الي لا بسته ..
شو بله .امشيي كدامي ..مشي..اي انداري ..روحي وتعاي ..
شنو عرض ازياء ..اسويلك ..مشيت
كال ..حلوووووو..ماطلعين بي ..
اهووو..قائد ..
انا شكلت اهوو بطليها ..
شبيك اليوم متكولي ..
جرني ..
خلني فوك ..جسمه
كال اغار ..يبوس بخدي ..والثاني ..اغار ..بس،الي بس لعيوني ..انا اشوف ..هذا حلالي ..ويعض ..بايدي ..
بس ..الي هذا تعبي وحكي وحدي ..
ماتلبسين هجي ولا طلعين ..
حبيبي ..
انتي حبيبي ..وكلبي ..وماي العين ..
واج اغار ..يكزكز يعضني من ركبتي ..
ولك اغار .لا سوي هيج ..
عجل شسوي ..
غير انا اشبع ..ماينشبع منج ..يولو ..
اسمعي كلامي ..لاتلوعين كلبي ..انتي الي وحدي ..
ماريد احد يباع عليج ..
هوة منو اكو ..
اكو اكو ..ولد خالتي ..
قائد ..
عيونه .
شلبس ..لعد ..
غير شي ماعرف ..
داكوم جرني ..خلي اضوك وكومي ..
ولك شضوك اهلي جاين ..
تعاي ..
وخر ايدك خلي اشوف غير شي ..البسه ..
قائد بعدين ..
ماكو بعدين ..
بس ابوس ..وروحي ..اريد اعض ..الشفه ..
واشوف عسلها ..
قائد ..
ضليت اشاقه ويا اجر بروحي بس ماكدر اله ..ابد ..
اخذني ويا بعالمه ..عالم ..مابي بس احنه ..
وبي .دفو وحب ..وبرد ..
اندكت الباب ..مرتين ..
كمزت اني ..كتله شفت بصوت ناصي
هوة كام يضحك ..
كال منو ..
خالته كالت يعرسان ..اهل العروس بلباب ..
اي جاين ..
كال ..من اشتعلو هلج ....
ولك لا تحجي عليهم ..
ماقبل يطلع الا بدلت هدومي ولبست بدي كريمي جوة الكلابيه وهم مقتنع ..
واكيد الحجاب هم ..
طلعت شفت بس امي ..واحمد .
رحت بوستهم ..وحضنت امي .ثح يوم واحد بس مشتاقه الهم هواية ..
وسلمو ع قائ د ..
امي عافت الاكل وتريد تطلع ..
قائد مقبل الا يبقون ويتريكون ..ويانه
كوة قبلو
فتحت الصينيه ..
اشكال بيها كيمر ..وزبد وعسل ..واجبان وصمون ..
كعدنه كلنه تريكنه ..
اباع عليهم واكول واخيرا انجمعنا.
الكل كاعدين ع الميز وسوالف ..
اخيرا اني مرته وماخاف من احد واهلي قابلين..
احساس حلو ..ياربي ديم الفرحه ع كلوبنه ..
بقو اهلي ورة الريوك شويه وطلعو ..
مرت الايام واني ويا اسعد انسانه ..
غمرني بحبه وحنانه ..
وعرفته ..بي قفلات وعصبي ..بس لا اني
اكدر ع زعله ولا هو ..
صح جنة نتناكر ..بس مااعرف يغمضلي جفن.
اذا مو بحضنه انام ..وينتهي كل خلاف بينه ..
شكد ردت حاولت اعرف نوع الخلاف للي
بينه وبين عمامه ومرتة ماعرفت ..
مجان يقبل احجي بلموضوع ..
بهاي الفترة ..
مرته بعدها يم اهلها ..
وامه ..وهمام وقتيبة بقو ابغداد يمنه ..
بس خالته سافرت يم رجلها ..
وخواته الي عرفته ..وحدة بسوريا و2بعمان .
و2بعدهن ..بلغربية ..ماخذين من ولد عمومتهم ..
بس اتصال بيناتهم بس ماشفتهم ..
صح اجوي عالم هوليه وباركو النه .
والي عزمنه ..بس ماعرف،شنو الي بينه وبين عمامه وخواته ..
بهاي الفترة جان دائما يكولي اريد اسافر شغلي ..
شغلي ..
يعني .ماعرف شنو بيدي اني .
واذا اكوله ابويه يضوج ويكولي انتي ..مرتي بعد. .
ابوج ماله دخل ..
بدت تصير مشاحنات ..بسبب اهلي ..
بعد السبعه ردت اروح لاهلي ..
وداني ..ساعات .ورجعت ..
وجنت اتمنى ابقى اكثر مقبل ..
مجرد ساعه ساعتين وارجع ..
كمت احسة ميحب اهلي .
وحتى اذا احجي بيهم يضوج ..
بس بقى هو. هو بحبه الي ومتغير ابد .
زاد ومانقص بشي ابد ..
امه جانت دائما تكول الي خلي يرجع زوجته ..
حرام عليه ..
فديوم قائد طالع واني والحجيه بلبيت ..
كعدت اسولف وياها ..
جابته ع ام جراح ..
كتلها شبيها ويا ..
كالت يمه احجي حق انا باجر وراي موت ..
البنيه خدومه ..بس ماتسكت ..
جيف بين قائد وعمامه شغل ..وهمه الي علمو الكار
دائما يتعاركون بسببها .
وناتسكت الا تنخبن منه ..
عزة يضربها ..
اي يما ..لا شوفي وياج ..قائد عصبي نار ..
مايتحمل ..حجي،..وعنودي ..
كتلها اعرف ..
وهسة شنو الي ..صار ..
الي جرة وصار هم بسببج ..
ليش حجيه اني شعليه ..
عجل ماتدرين ..
شنو .
قائد باع كاع علمود مهرج ..
اعرف ..هيج شي ..
اي ..وماتدرين ضعف سعارها ..مطلوب لعمامه ..يايمه من وراج حارب دنيا مو بس اهل
لا ..ماعرف شي
شعجب ..
ماعرف ميقبل يحجي بهلموضوع ..
والي صار عمامه بيوم عرسه مارضو كالو علمود مرة ..
بعت كاع بسعر التراب .وتاليها تنطيها الهم واحنه نطلبك ..
وكبت كبه للستار ..
اي ..
ودخلو الحرس هذا الغاد عنه ..
اي حجيه اعرف ..
وخذوهم ..وربج مشاجرة وطلعو ..
وله جان قائد بعده ..بسجن ..
يايما ملايين ..بركبته ..ياريت يراضي عمامه ..ولا تكبر السالفه اكثر خلصت كلوبنه من عرفج ..
اني كلامها فر دماغي فر ..
كتلها والله احجي وياه والله ..
لزمت ايدي كالت اع ف انا ابني عنودي ..
ومايحبها ..لسماح ..
من زمان هلحرب بينهم بس نصبر بي ..
لخاطر جهاله مالهم ذنب ..
اي ..هم احجي وياه اذا كدرت ..
واعرف نفسي حجايتين وراح يسكتني ..
كلما اريد احجي وياه ..يسكتني تركي الموضوع .
ومن اريد احجي بموضوع مروة هم كذالك ميقبل .
يكولي لا تدخلين بينهم ..مالج شغل ..
دبر حاله وياها .
شلون وليش..ميكلي .
حتى اختلاطي بيهم مثل الغرب ..
ممنوع اكعد واسولف واشاقه وياهم ..
مرات احس بي اناني ..بمتلاكه الي ..
ومرات لا احس ..هذا من حبه .الي ..
ومن زمان اعرف هذا طبعه ..هيج ..
مثلا اذا صدفت ..احجي وي همام واشاقه ويا ..
يحجي عليه ..ويرزلني ..
ومن انقهر وازعل يرجع يراضي بيه مثا الطفله بتعامله وياه .
يمكن اسمع كلمه احبج اكثر من النفسة الي اتنفسه .
جان يدللني ..هواية ..بحبه ..
وبنفس الوكت ..
ودائما اسمع منه بعدج طفله اكبري ..
تعلمي عليه ..ع الاشياء الي احبها واضوج منها ..
قمر انا ..مو احبج انا اعشكج ..
وحك الله ..انتي دمعي ..ونفسب وانا من دونج ..
اموت ..لا فديوم تكرهيني بحبج ..
مرات اتعلم ومرات لا ..
مر ع زواجنه اشهر .
فديوم كاعدين .كلنه ..اني داسوي بلعشا ..
انفتح موضوع ..ام جراح ..والدين الي عليه ..
الي عرفت عمامه ..مداعين بيها ..
وصاير حجي،..بيناتهم ..
كتله قائد ميصير هيج سوي حل ..
لحالك ..لا تبقى هيج ..
كام .كال لا حد يحجي بهلموضوع ..
ماسمع كلامه ..
كتله قائد ..موهيج ..اتفاهم ..
عاط عليه ..اسكتي انتي ولا تدخلين بشي ..بيناتنه ..مويمج الموضوع ..ولا يخصج ..
اني ..بقيت واكفة كباله ماعرف شحجي ..
فشلني بكلامه وعياطه ..
رجعت ع السنك ..كمت اشتغل وابجي ..
اول مرة يعلي حسه عليه وكدام الكل ..
بقى يحجي وي همام ويصيح ..
ويغلط ع عمامه ..ماريدها اطلكها هلخير منهارماريدة
خليت الاكل ..ع الميز ..
الحجيه ساكته ..حالها من حالي ..
بركان وانفجر ..علينه ..
خليت الاكل ..
والصمون ..
ورحت اخذت فوني ودارجع لغرفتي ..
دامشي لزم ايدي ..
وين ..رايحه ..
بلغرفه ..
متتعشين ..
لا ماشتهي.
اكعدي واكلي..
ماريد ..خوما كوة هيه ..
اي كوة وتاكلين ..
قائد عوف ايدي اريد اروح ..
امه كالت عف عن البنيه شتريد منها ..
كلها مالكم دخل ..تكعد وتاكل ويايه ..
ماريد وماكل ..لا تلح ولا تعاند ..
عاط اكعدي ..
اهوووووووو.وخر ايدك مو اطلع قهرك بيه
ماريد ازقنب وياك ..بصوت علي ..
شمر ايدي ..
وشال يمه نفاضه ..وشمرها بلكاع ..
اني ركضت طبيت لغرفتي ..
سديت الباب ..
طب ..ورايه وركع الباب

عليمن هلحس العالي ..احجي ..
مجاوبته ..
دحكي علي ..مو جاي احاجيج ..
عليمن ..زكحين ..
شنو ازكح ..احجي ويايه بلهجتي ..ممو مدري شلون تحجي ..والله يالله ..
شنو حضرت جنابج تقلدين علي .وع كلامي ...
بديت احس الصوت مو مال دلال ولا زعل ..
حسيت بخوف منه ..
لا ..مو قصدي ..احجي..بس كلمتك مافهمتها ..
اكو ..جانت مزهريات صغار ع الميز ..
شال وشمر بلكاع اني صرخت ..
عليمن هلاهوووو..والصياح ..
قمر ..لا تنعثلين بلحجي ..
اذكرت بيوم الي ضربني ..ماردت اكرر..الموقف..
سكتت ..وماحجيت شي ..
كلما يتقرب كلما ..يعصب ..اكثر ..
كال ..احجي ..
كتله انت ..صيحت عليه.
واذا انا صوتي يعلى ..صوتج يعلى اكثر ..
لا ...جنت ع الجربايه كاعدة ..
اجه اتقرب ورفع اصبعه ..
قسم بالله ياقمر ..لهينه حدج وياي مرة الاخرة ..
ما شوفين مني طيب مو قائد حرمه تهد عليه بين اهله .لا تستغلين حبي الج ..
كمت ارجف خوف منه
كتله مو اني انت حجيت ..اني مكلت شي الك ..
مو بس انت صح ..وغيرك غلط اسمع غيرك ..
قمرررر..لا ضلين جادلين ..
كمت صعدت فوك ..
الجربايه ..كل قمر منه احسها دنيا غيم وترعد ..من يكولها
كتله بس بعد قائد ..
اي بس ..وعافني ..وطلع ..
بقيت وحدي بلغرفه ..
ندكت الباب طبت امه ..
ها يما ..شبيكم ..
ماعرف ..ياخاله ..شبي ..محد يقبل يجيب طاري ..عمامه لو مرتة ..
شفتي شون تحول عليه ..
اووف لو بيدي هسة ..اروح لاهلي ..مابقى يمه
لا يما وين ترحين ..وسويها جبيرة ..
بقيت بلغرفه حتى اكل ماكلت ..من القهر ..
كلت هسة يرجع ويراضيني ..
رجع قائد ..
اني جنت كاعدة حتى ماباوع عليه ..
شمر هدومه ..واخذ مخدته من الجهه الثانيه ..
ولف راسه ونام ..
وبقى كم يوم ويايه ع هل حال ..
مجرد .اني ويا ..اشتغل .بلبيت ..
بديت ..احس كل شي ..غريب عني ..
طريقه كلامهم ..لبسهم ..حتى الاكل وشرب ..جان يختلف
حتى السوالف وياهم ..تختلف ..
لازم يوميه ..اكوي واعطر ملابسه .حتى الداخليه ..
والمع الاحذيه ..والساعه ..والمحابس،بمكانها ..
بقى ..كالب الخلقه ..ومو اني الي ..
غلطت وياه ..مدري غلطت
جانت الحجيه ..بس سوي للغدة والباقي عليه ..
بس مو اتعب بلبيت لان جديد ..
وماعدنه احد يوصخ ..بي
بهليومين ..واكثر ..
قائد كام يطلع من البيت ..
يجي بليل ..
فاض بيه ..ماتحمل هيج يعاملني
اجه بليل ..وكعد..
قدمت الاكل كدامه ..
صاح يما ...منهو الي طابخ ..
كالت كمرة يمه ..
كال بعصبيه شيلي ..الاكل ..ماريد
وكفت كباله ..
كتله داشوف نفسي مالي لازم هنا ..
اني رايحه لاهلي قائد ..

وللحكاية بقية

[لامارا]

تساليني
ج 25
،،،سوزان المندلاوي ،،،،

كتله داشوف نفسي مالي لازم هنا ..
اني رايحه لاهلي قائد ..

رفع راسه عليه ..مجاوب شي ..ضل يباع ..
اريد اقرهه عيونه اريد اعرف الي يريدة شنو ..
مو كال ماذيج بيوم شجاه وشنو الي صار ..ليش دائما يتحسس من موضوع . مرته وعمامه ..وليش هلعصبيه ..
ولازم اني اسكت ..مو كال احنه جسدين بروح وحدة ..
وينه حجيه وينه كلامه صارله كم يوم ولا عبالك اني موجودة بلبيت ..حتى ميكلف نفسة ولا يباع بوجهي ..
هو. اني ..عطت عليه كفرت خوما كفرت ..
مجاوب شي ..ولا كال ..
كتله ..اوك قائد عرفت جوابك ..
رحت للغرفه احسها تخنك .وبداخلي نار ..
معقوله هيج وصلنه واحنه صار اشهر ع زواجنه ..
وكفت يم الكنتور ..
جريت جنطه ..
كمت اطلع من هدومي ..
شفت الباب انفتحت ..انداريت شفته ..منتجي ع الباب ..
ويباع عليه ..
اني شفته طكيت بجي ..
جنت مشتاقه اله ولحضنه ..وبداخلي مقهور منه متوقعته هيج قاسي ويايه ..
ضل يباع ..عليه .
اجه كعد ..ع الجربايه ..اني عين ع الكنتور وعين عليه ..
وامسح بدموعي ..
ضل .كاعد ويحرك بلحيته ..
كال قمر ..
كتله لا قمر ولا شي ..انت حبك طلع ساعات ويروح ..
بس ع كد حاجتك ..وبس ..
كال هاي انا هجي ..
رحم الله والديج شريد احجي وياج انا هسة ..
شريد اكول ..
طار الكلام ويصفك بايدة ..
شحجي ...يصيح ..
كتله ها بدت رحمه الله ..وبدت عصبيتك ..عليه وخبالك ..
قمر ..كلمتين ..مارددها مرتين ..
اذا تخطين عتبه الباب ..ماتردين بعد ..
ولا تتوقعين اردج ..

كمت اشيل بلهدوم بعصبيه ..ومقهورة من كلامه ..
كتلك مساله وقت ورغبه طلعت مثل ماكالو ..وشنو تهدد بيه ..اي اطلع ومابقى ..ماموت بلياك ..اني
منهو ..كال ..احجي ..ع الوكت
مجاوبته ..
اجه وكف يمي ..
شفتي ..نفسج ..شفتي ..
مجاوبته ..
شفتي ..ع كل شي تبيعين .ع كل شي عوفني ..
نفسج ماتغيرتي ..متستاهلين حبي ..انتي
قمر ..ويضرب ع صدرة ..ولج ماتستاهلين ..
هاي انتي ..وهاي انا ..
انا مانكص من حبج كطرة بكلبي ..وان جنت ضايج منج ..
انا بداخلي نار عليج ...بس اريد احاجيج بس اريد ..
تحاجيني تحسسني بحبج الي ..
مو بس انا ..الي اعبر ..وانا الي اراضي..
وانتي هذا كدرتج ..اروح وعوفني ..وماريدك ..
لا يابه ماتموتين بلاياي ..ولا انا اموت ..
هذا حبج ..شفتي قمر ..
من انقهرت منج ..انا متحدي بيج خلك الله كله ..
وانتي تجين تصرخين علي ..كدام هلي..
تدرين كم شامت ..فرح ..اولهم هلي ..
شفت ماتحترمك شفت ماتحبك ..جاهله
شفت ..وشفت ..هذا بوجهي ..الي نكال وراي ماعرف
وماكو مرة تعلي حسها علي ..ولا تعاند ولا ترد الي كلمه ..
هذا انا قمر وانتي تعرفين منهو قائد ..
وانتي تهدديني ..اروح واعوفك ..
تعرفين انتي ضعفي ..
بس ..بلساني اليوم اكلج ..روحي ..
بقيت واكفه اباع عليه ..
كتله اني ماهددك ..بروحتي لا ..بس ماعرف شسوي الك ..
شسوين ..لا ..لاسوين ..لان تعرفين ..قائد بدونج يموت مو ؟وتنتضرين مني ..اصالحج
ماتعرفين ..ارجع من برة ..تجين تكلين ..كواك الله ..
الله يساعدك ..بس هلكلمتين ماريد شي منج ..
لو عزة نفسج وكرامتج ماتقبل ..قمر ..
انتي شبقيتي ..بكرامتي وياج ..شبقيتي ..خليتيني انذل للكل لاجل عينج
لو افكر بكرامه ..جان حالي غير الحال
شبقيتي بقائد انتي ..شبقيتي ..
ولليوم تساليني ..احبج لو لا ..
واكولج حبي الج تعدة ..افهمي ..
ماردت شي ردت ارتاح يمج ..
وتصير ..غرفتج جنتي ..
قمر ..
مو قائد ..الي ..مرة تهددة ..بوجودها ..
اباع عيونه دمع ..لو عصبيه ..هاي ..ماعرفت افسرها ..
كلامه ..حب ..بعتاب ..بندم ..
كال ..بس انا حضي عاثر ..
وين اروح حتى ارتاح ..
اسكن كبور ..
هم مارتاح ..
الف مرة اكلج لا تحجين وي الولد ان جان اخوي مو ولد خالتي ..
انتي لا ولا همج ..تكعدين وسولفين ..
بيوم الي زكحت بيج ..
شفتج بعيني واكفه بلممر ..ضحكين وي همام ..
ويشوفج بجواله شي ..
شنو الي جان احجي ..
قائد ..انت ليش هيج تفكيرك ..
لا موتفكيري ..تفكريهم هذا ..انا اخاف عليج من كل شي
غير ..عن تفكيرج ..وطيبتج
عوفي هلسالفه ..اتركيها ..
ماتعرفين .انا بيتي ..حضنج ..ماتعرفين .تكولين حبي ..
انت الي شورة انا اسوي ..لو بس عناد ..
وطلعتيني صغير كدام هلي ..
كوليلي ..ليش تبعين بسرعه ..
ليش ..احس كل شي منج ..منيه ..وذليني بي ..
حتى الحب ..احسه هجي ..
ليش قمر ..
كصرت بشي وياج ..
شسويلج كولي ..
ويعيط ..الي تردي شنو ..
اتوسل .بيج ..لو شنو ..
قائد ..شبيك ..اني مسويت ..شي ..
عجل شسوين بعد ..علمود شي بسيط اروح لاهلي ..
روحي ..يلا ..روحي وخلصيني .منج ..
كافي قائد انت مدتفتهم شي .ولا ضل تعير بيه ..عبالك طمغتني طمغه ..بحبك
اني واني ..مثل ما انت سويت اني سويت ..
كال
ليش من حبيتج ردت مقابل منج ..
ليش الحب بمقابل قمر ..
الحب طلب ..واطمغ بي ..
لو احساس هو. ماطمغتج ولا عيرت بيج ..
ولا كلت الج ..كام يصيح..
انا عايف مرتي لخاطرج .اعرفج ماتتحملين ضرة ..
وفنون الضرة ..
انتظر ..ارتب وضعي وارجع جهالي .لحضني ..
شفرقتي عنها انتي هسة كولي شفرقتي ..
اثنينكم تستغلون ..هيه اشتغلته طيبتي ..
وانتي حبي الج ..
قائد شدتححي انت ..
شداحجي ..وضرب ع صدرة ..شداحجي مراح تفهمين ولا تفتهمين بيوم ..هذا نارة شنو .خلص الكلام وياج ..
وانا اكلج روحي ..
وانعل امو وابو .الي يفكر بيج بعد ..

يلا داوديج لهلج ..
وكعد ع التخم ..يدخن ..
اني كمت ماعرف شسوي ..
ولا اكدر اسوي شي لا بيه اروح لاهلي ولا بيه ..ابقى ..
حسيت كرامتي انهانت هوايه ..
ومنا انقهر عليه ..
ماعرف شسوي ..
بقيت ارجع ..بلهدوم وارجع اخذها ..وهوة ع كعدته وساكت ..ماحجه شي .ولا كال ..بعد ..
اووف ياربي شسوي ..
ذبيت الجنطة ..ورحت وكفت يمه ..
رفع راسه كال ..كملتي ..حجاها بكسرة خاطر
لا ..
عجل شكو ..
اباع عليه عيونة دم ..احسه يكول كولي احبك ..
ترددت بداخلي ..اكوله احبك لو لا ..
اكوله ماكدر اعوفك لو لا .
ضليت واكفه ..
كتله ..ماروح اليوم .هسة نامو اهلي ..
باجر من الصبح طالعه .اني ..
مجاوب شي ..
اخذ باكيت الجكاير وطلع ..وسد الباب وراه ..
بطلعته كعدت ..ضليت الوم بروحي اني ليش هيج اسوي ..
ليش ..اني احبه عليمن الكرامه ..
اباع ساعه 11
طلعت برة ..شفت همام ..
الحجيه نايمه جانت ..
كتله وين قائد ..كال طلع ..ماعرف ..
كال قمر وتالي وياكم انتو اصفو عاد مو زوجتو ..
كتله مسويت شي اني ..
لا قمر ..سويتي ..
كتله همام شصار ع مروة .وشسويت ..
ع شنو ..
سوة نفسه اني ناعرف ...
كتله ع علاقتكم ..سوة ..
كال بعدنه ..سوة ..ليش سامعه شي انتي .
لا مسامعه شي ..
بس هيج اسال ..
بقيت اسولف ويا ..شفتها صارت ب12
وقائد ماكو ..
رحت لغرفتي ..
كلت من يجي اني اصالحه ..مابقى هيج ..
هوة هم خطيه ..ومنا اني واهله وعمامه عليه ..
امداني ..ليش هلكد ادلل ..عليه
رحت رتبت نفسي وتعطرت ..وكعدت انتظر ..
صار ت بلوحدة هوة ماكو ..
ضل بالي وضعيه تعبانه ومنع ب12 وين يروح ..
اتصلت بي ..
مغلق ..رجعت اتصل بي نفس الشي ..
بدلت هدومي وطلعت ..
ع همام ..
شفته نايم ..
كعدته ..همام قائد مغلق فدوة وضل بالي ..
كال ساعه بيش ..
كتله عبرت ..الوحدة ..
كال هسة اشوفه ..وين ..
كعدت كباله ..اتصل ..
هلو قتيبه ..قائد يمك ..هااا ..لا لا ماكو مبين ..
هاي شنو ..هسة اشوف ..
سدة احس روحي انعصرت ..
كتله شكو ووينه كال ماكو شي ..
جر سويج السيارة..ةطلع
ركضت وراه ..همام قائد وين ..
ماكو شي بية ..هسة نفتهم ..
طلع .همام ..
وبقيت وحدي بلبيت الحجيه نايمه ..
والولد عدهم محل ..مال موبايلات يمنه ع الشارع ..
كلت راح بي ..
دكيت عليه مرة ثانيه ..
وثالثه ورابعه ..
دك ..دك ..محد جاوب .
وراها هم انغلق ..
والغلقه غلقه ..صارت ب3لا همام ولا قائد بين ..
واني وحدي .جيت اتخبل واحس راسي انفجر من التفكير ..
ب6اجه ..قتيبه وهمام ..اني اباع عليهم من شبباك .
المطبخ اريد اشوف قائد وياهم لو لا ..
طبو بس .همه ..
طلعت الهم قائد وين ..
قتيبه كال ماعرف ..
شنو متعرف وينه قائد همام ..وين راح مو جان يمك
داكلج ماعرف اجه يمي ..كعد شويه وكال انا راجع للبيت ..
هسة ..قمر يضل بالها ..وامي هم ..
وراها اختفى .
شنو يعني اختفى احجي ..
فهمتي كلامي لو لا ..
مخلينه مستشفى مادورنه بيها ..
ماكو اختفى ..
وليش .مستشفى يمه ..عفيه لا تكول شي ..
عاط بوجهي قتيبه ..
وليش خليتي يطلع من يمج الدنيا طافرة من عينه ..
ليش ..عفتي ..يطلع زعلان ..ويشكي يمي يكول تعبتني وتعبت .لا بيه اعوفها ..ولا بيه انساها ....والله اذا قائد جرة علي شي ..مايخلصكم مني ..
اكبر واحد فهمتي ..لو لا ..
طيحتي حظه ..شبقيتي بي ..
همام سكتة كله عوفها شعليها هيه ..
عوفها ..
كله هيه وهيه وهيه كله الذنب عليها ..
جان عايش حياته ومرتاح بين اهله وجهاله ..
طبت خربت كل شي ..سلبته كل شي ..
اكيد انخطف ..وبهل وكت الي ينخطف شيرجعه ..
هنوب ..من ذاك الصوب ..منو يرجعه كوليلي ..
وكعد بلكاع بلطرمه ..
خويي قائد وينك ..
اباع عليه مثل المرة الي تنحب ..
اني رجلي كامت متشيلني اريد اوكف ماكدر ..
ع حس ..قتيبه ..امه كعدت ..
مثل المخبله ابني وين ..يما ابني .
سوو عزة بدون ميت ..
اني كعدت ع حيلي ..بلكاع ..
ماعرف بس اباع بوجوهم ماعرف شنو الي اسوي ..
ولا شنو الي اكوله بعد ..
بس ابجي ..
طلع الصبح وقائد ماكو ..
ساعه سته ..اجوي عالم وسيارات بلباب اهلهم ..
وطلعو ..وجبه يدورون عليه ..
اني ..رحت طبيت بلغرفه ..
بوجهي صارت دشداشته البيضه ..
رحت حضنتها ..وكمت ابجي واحجي ..
وياها ..ماريد شي حبيبي بس ارجع ..
والله ماحجي واضرب ع حلكي ..
ارجع ..واذا حجيت بشي كص لساني ..ولك ماكدر بدونك اعيش ..وينك داموت ..ارجعلي قائد ..
ليش مكتله احبك ..ليش من فتح صدرة مارحت ..
حضنته .ليش واضرب ع وجهي ..
سمعت صوت عالي ..
فتحت الباب ..
اريد اسمع ماكدر ..
بدت الدنيا تغوش بعيوني ..بدت ..اذاني ..صفر ..
لزمت ..الباب ..وكعدت بلكاع ..
احس يحجون ويايه بس مدافتهم كلامهم ..
زين ..
ويطشون مي عليه ..
فتحت عيونه ..كتلهم وينه ..قائد ..
شفت امه ..ومرة وياها كوموني ..كعدوني ..
لزمت ايد الحجيه وينه مبين ..
كالت لا اباع عليها منتهيه ..
بلبجي .ووجهها مخرمش ..
طول غيابه وين راح هسة غير اعرف وين راح ..
كوة وكفت روحي وكعدت ..
خابرت اهلي ..والتمو الكل ..
الكل يباع عليه بنضرة ..الذنب ..اني السبب..
ماعدا الكلام الي اسمعه فكر ..وغراب ..
اني ميهمني شي ..بس لريد ارجع اشوفه من جديد تعبت ..
بدونه ..حتى نوم ماكدر انام ..ولا اكدر اكل ولا اكدر اتنفس ولا اعيش،.
مرت 3ايام ..قائد مختفي هو. وسيارته ..
اجه اتصال ع فون واحد من الولد ..
قائد مخطوف ..يمهم ويردون فديه ..
اني فرحت لان لكيناه ..
واخيرا ..راح يرجع الي ..
جان المبلغ كلش جبير ..
اني جبت المهر من اهلي وانطيته الهم وبعت ذهبي ..ولمينه اله ..الفلوس ..وكملناها
بس اريد اشوفه وبس اريدة يرجع ..
الف قسم قسمت مابيوم اجرحه ..
راح اعيش جوة رجله خدامه ..اله ..
بس ..اشوفه من جديد ..
صار يوم موعد تسليم الفلوس ..
وسلمنه الفلوس ..
كالو ..بعد يومين نهدة ..
الف نذر ..نذرت بس اكحل عيوني بشوفته ..
ماريد شي بعد ..
مرن ..الايام وقائد ماكو ..وكل رقم اتصلو منه ..
مغلق ..جان ..
بعد ..اسبوع ..كاعدين احنه الكل موجود جان ..
اهله ..وعمامه وخواته ..
طب علينه همام ..
احنه كاعدين بلمطبخ ..
كال ..لكيته لقائد ..
اني كمت ع حيلي ..
يالله وينه ..ورحت ادور بلطرمه وينه همام ..
لزمته من هدومه وينه ..وادفع بي ..وينه
كال ..لكيته بطب العدلي ..
صدرة كله ..طلقات ..
لكيته ..
اني ع لزمتي ..اله ووكعت بلكاع ..
راح قائد عمري وحياتي ..
كمت اسمع ..صراخ وعياط ..واسمع عساها كل طلقه بصدرج قمر .عساها ..بيج قمر ..
كمت مداشوف شي ..ولا اعرف منو الي يحجي
وكانما الدنيا فرغت ..بس بقت ..الي ولقهري ..
اني ..
بعدها ..جابو التابوت ..
وجان حبيب كلبي ..بي ..معقوله مات ..لا كوم قائد ..
يجروني وارجع ..هذا مو هو. قائد ميموت
لو احرك روحي اني وعايشة مارتاح ع السويته ..
اني بسببي راح من ايدي ..
بقيت واكفه كباله ..واحجي ويا ليش ..
عفتني ارجع واني ..بعد ..ماحجي ..
والله واسكت ..
كوم حبيبي متلوك الك هلنومه كوم اريد ..
اشوف ضحكتك اسمع صوتك ..
بس لا هوة الي رد عليه ولا هو الي ..
كام ..
مرت الايام ..واني وحدي ..بدونه اعيش ..
صعب عليه ..فراكه ..جان الي موت ..
جنت دائما اكولها اله انت الموت واني ..
هسة بسكراته .ويوميه اعيش الموت بدونه .من بعدة ماعشت ولا راح اعيش بيوم ..
لحد ماكتشفت ..اني حامل ...بطفل منه ..
ماكو فرحه بس اكو روح داخلي ..منه ..
بس ريت الف ..طفل منه رايح ولا هو. ..
اني السبب ..
اني موته ..واني عذبته ..
عكب ماراح مني حسيت ..
شكد الدنيا فارغه بدونه وكل .وكل شي مابي طعم ..يوم يمر عليه ..بدهر ..
لا مر عليه طيفه ..ولا شفته بيوم ..بحلم ..
بعد 9اشهر ..
جبت ..ايهم ..زاد الهم والقهر عليه ..
شنو ذنبه ينولد بدون اب ..لا شافه هو. ولا شبع منه ..
ولا احنه شبعنة بي ..
مرت ايام طويله ...
الدنيا اخذت مني كل شي حلو ..
واخذت مني طعم الراحه ..
عمتي تمرضت بقيت يمها وماعفتهم ..بيوم ..
وبقيت اداري بيها ..شكد رادو يرجعوني اهلي ماقبلت ..
ردت اوفي لو شي قليل ..لقائد ..
عبالك ..اقنع روحي اني ارضي روحه ..الي،عذبتها
وجنت اسمعها دائما تكول ..اجاني بلحلم وشفته ..
بس اني مامر عليه بيوم ..
زعلان مني يمكن بعدة ..
جنت اتمنى اموت ..حتى اراضي ..
جنت اتمنى يرجع حتى ..اكوله احبك .بس اني ..غبيه ..
ضيعت عمري وياك ..بحجي وعراك ..
بقى بس ذكرى ..منه ..واغاني اسمعها ..ومواقف ..
اتندم عليها ..بدل المرة الف ..
مفاد بجي بعد ولا كلام..
راح مني بعد ..
جانو الكل يحب ايهم ..ويدللة ..من الولد ماحس بي ..ابد من ايد لايد ..وبطلو يحجون فكر وفكر ..بدو يحبوني الي ...ومرته من الخطوبه ماشتفها بيوم ابد ..ولا شفت اطفال قائد ..والحجيه جانت تبجي عليهم بس محد جابهم اله ..ولا شافتهم الي عرفته طلعو من العراق كله ..
مرت سنين على وفاه قائد ونفس النار بيه ..مايوم بردت
طك الشيب براس ..والصحه راحت ..من القهر ..
وابني كبر كدام عيني ..يم اهله ..ماعفتهم بيوم ..
بقيت بنفس البيت وبنفس غرفتي ..
هدومه هيه هيه ..غراضه ساعته ..
من يهزني الشوك اروح ..احضنها واشم عطرها ..
فديوم ..اخذت ..هدومه وضليت ابجي ..
لحد ماغمضلي جفن وجنت اردد سامحني ..
نمت ..
شفته طب عليه بدشداشته البيضه مال عرس ..
اجه وكعد ..اباع البيت هوسه ..
وعالم بي ..
رحت ركضت عليه ..
حضنته وكعدت جوة رجله ..
كتله وين عفتني هلوكت كله ..
ليش عفتني ..
والزمه ..واتلمسه ..ليش متسال عليه
انت عايش ..الزمه انت عايش ..واخلي راسي بين رجله
جان بس يباع عليه ..
ماحجه شي ..
كتله مكلت شون عاشت بدوني ..قائد ..
وين جنت ..ولك متت بدونك ..
كاعد ويباع ..عليه ..وابتسم بوجهي
وكمت من نومي ..
فتحت عيوني ..من الحلم عيني متروسه دمع ..
ماعرف ابجي لو افرح ..من شفته ..
ليش عفته وليس كعدت من نومي ..
ورة يومين ..
همام..كعد ..وحجة ويايه ..
كال ..قمر انتي بنت اوادم وحكه قائد ..
من حبج وتمسك بيج ..ورادح ..
اني ..اعرض عليج الزواج ..
واتمنى تقبلين لخاطر ايهم لا يتربه بعيد ..
عنه ..والحجيه مواته ..وماريد ايهم ..
يروح بعيد عنه .
كلامه جان اشبه بسيف بنص كلبي ..
لان اني مو ملك روحي ..
اني ملك قائد ..
لا بعدة ..ولا قبله ملكني احد ..
كتله كلامك صدمني ..
كال فكري ..
واسمعج ..
ولليوم افكر ..وماكدر انطي جواب ..
ولا اعرف بيوم انطي ..جواب..
لان ..اني مو ملك نفسي .ملك قائد ..

النهاية ..

اسفه ..لكن القصه حقيقه ومكدرت اللعب باحداثها ..
الله يرحم ..كل شهداء العراق..
ويحفظ كل ..شبابنه ..ويحفظ الكل ..من كل سوء وشر
قائد ..من الملايين الي طلعو ومارجعو ..واذا قائد لكوة الملايين لحد هسه مختفين ..؟

واقع مر ..وصعب ..

ودمتم في رعايه الله وحفظه ..


طر كاع الكبر وانهض احاجيك
اكعد ارد اعاتب والعتب ميفيد
انة عتابي حزن خايف ابجيك
حبيبي
طر تراب كبرك وانهض شبيك
انة احتاجك سند ياشمعة الأيام
شمعتي الي من كد بواجيك
طر كاع المكابر تراب المكابر حار
اخافن يجوي خدك يابعد عيني
تنور البكلبي لو غلى وفار
يغرك الدنية كلها ومايطفيني

ي قائد
حسافة المثلك يموت وتسطر ذكرياته اشعار
انة انطر جيتك ياحلوووو الأوصاف
واخافن نلتقي واختلف اعذار
مخبل بالعشك كالو تسودن هام
جن ابن الملوح ول ليلى المشوار
اخافن من جنونك ابد مدريت
تالي هالجنون يصير هالصار

حبيبي
انهض عيد واولادك متانيك
تعالن بالجذب جية ولو خطار
انثر سنيني لمقدمك لمن تجي
وترجع بالحديقة تورد الأزهار

ي يا قائد لخاطر الله ليش هيج يصير
انة ردتك ذخر لايامي وسنيني
انة ردتك ذخر لو دارت الأيام تاليها ترخص الدمع عيني
حلال الثاني الك انهض كوم شبيك
اعادي الدنية كلها ولاتخليني

بعت كلشي لمحبتك حتى بعت الروح
ورضيت يصير من غيرك نياشيني
لجل أضمن سلامتك طولك ومحياك
تالي ع الكبر كاعد تخليني

طلقات البصدرك هاي آلية وسام أباه الدنية كلها وحتى حور العين
المثلك مايضمه تراب لالا
المثلك يندفن بجنات عدنين
عدن وحدة تضمك بالسماوات
وعدن بجنات كلبي ومقلة العين..
الشعر ..للمبدعه ام علي ...

واكرر.اسفي ..هذا واقع القصه ..ومنقول من ..صاحبتها ..

[ندى تدى]

جميله جدا وقمة الروعه والمتعه


تسلم ايدك حبيبتي ووفقك الله